The Fourteenth Vision of Daniel (ϯϩⲟⲣⲁⲥⲓⲥ ⲙ̀ⲙⲁϩ ⲓ̅ⲇ̅)

Source and licence

share: attributionbohairic

Source: Coptic SCRIPTORIUM corpus "bohairic.ot", document(s) 27_Daniel_19 [bible_refile @refile:Apocrypha & Gnostic|Fourteenth Vision of Daniel|1]

Attribution: 27_Daniel_19 from Coptic SCRIPTORIUM (https://copticscriptorium.org), corpus bohairic.ot, document 27_Daniel_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

88 lines · a line number is a link to itself

ref	L0 witness	L1 Cairene	L2 Kemetic
1:1	ⲛ̀ϩ̀ⲣⲏⲓ ⲇⲉ ϧⲉⲛϯⲙⲁϩⲅ̅ ⲛ̀ⲣⲟⲙⲡⲓ ⲛ̀ⲧⲉⲕⲩⲣⲟⲥ ⲡⲓⲡⲉⲣⲥⲓⲥ ⲫⲏⲉⲧⲁϥϭⲓ ⲛ̀ϯⲙⲉⲧⲟⲩⲣⲟ ⲛ̀ⲧⲉⲃⲁⲃⲩⲗⲱⲛ ⲁⲩϭⲱⲣⲡ ⲛ̀ⲟⲩⲥⲁϫⲓ ⲉ̀ⲃⲟⲗ ⲛ̀ⲇⲁⲛⲓⲏⲗ ⲫⲏⲉⲧⲉ ⲡⲉϥⲣⲁⲛ ⲡⲉ ⲃⲁⲗⲇⲁⲥⲁⲣ ⲟⲩⲙⲏⲓ ⲡⲉ ⲡⲓⲥⲁϫⲓ .	ⲛ̀ϩ̀ⲣⲏⲓ ⲇⲉ ϧⲉⲛ ϯⲙⲁϩ3 ⲛ̀ⲣⲟⲙⲡⲓ ⲛ̀ⲧⲉ ⲕⲩⲣⲟⲥ ⲡⲓⲡⲉⲣⲥⲓⲥ ⲫⲏⲉⲧⲁϥϭⲓ ⲛ̀ϯⲙⲉⲧⲟⲩⲣⲟ ⲛ̀ⲧⲉ ⲃⲁⲃⲩⲗⲱⲛ ⲁⲩϭⲱⲣⲡ ⲛ̀ⲟⲩⲥⲁϫⲓ ⲉ̀ⲃⲟⲗ ⲛ̀ⲇⲁⲛⲓⲏⲗ ⲫⲏⲉ̀ⲧⲉ ⲡⲉϥⲣⲁⲛ ⲡⲉ ⲃⲁⲗⲇⲁⲥⲁⲣ ⲟⲩⲙⲏⲓ ⲡⲉ ⲡⲓⲥⲁϫⲓ.	ǹh̀ryi ḋe xen timah3 ǹrompi ǹte kiros pipersis fyetafċi ǹtimetouro ǹte babilōn avċōrp ǹousaji èvol ǹdaniyl fyète pefran pe baldasar oumyi pe pisaji.
1:2	ⲁⲛⲟⲕ ⲇⲁⲛⲓⲏⲗ ⲛⲁⲓⲉⲣⲛⲏⲥⲧⲉⲩⲓⲛ ⲛ̀ⲕ̅ⲁ̅ ⲛ̀ⲉ̀ϩⲟⲟⲩ ϣⲁⲣⲟⲩϩⲓ ⲙ̀ⲙⲏⲛⲓ ⲙ̀ⲡⲓⲟⲩⲱⲙ ⲛ̀ⲟⲩⲁϥ ⲟⲩⲇⲉ ⲙ̀ⲡⲓⲥⲱ ⲛ̀ⲟⲩ ⲏⲣⲡ ⲙ̀ⲡⲓⲑⲱϩⲥ ⲙ̀ⲙⲟⲓ ⲛ̀ⲟⲩⲛⲉϩ .	Ⲁⲛⲟⲕ ⲇⲁⲛⲓⲏⲗ ⲛⲁⲓⲉⲣⲛⲏⲥⲧⲉⲩⲓⲛ ⲛ̀̀21 ⲛ̀ⲉ̀ϩⲟⲟⲩ ϣⲁ ⲣⲟⲩϩⲓ ⲛ̀ⲙⲏⲛⲓ ⲙ̀ⲡⲓⲟⲩⲱⲙ ⲛ̀ⲟⲩⲁϥ ⲟⲩⲇⲉ ⲙ̀ⲡⲓⲥⲱ ⲛ̀ⲟⲩ ⲏⲣⲡ ⲙ̀ⲡⲓⲑⲱϩⲥ ⲙ̀ⲙⲟⲓ ⲛ̀ⲟⲩⲛⲉϩ.	Anok daniyl naiernystevin ǹ21 ǹèhoou ṡa rouhi ǹmyni m̀piouōm ǹouaf ouḋe m̀pisō ǹou yrp m̀piθōhs m̀moi ǹouneh.
1:3	ⲁⲥϣⲱⲡⲓ ⲙ̀ⲙⲟⲓ ⲉⲓⲟ̀ϩⲓ ⲉ̀ⲣⲁⲧⲉ̀ϫⲉⲛⲫ̀ⲓⲁⲣⲟ ⲡⲓⲧⲓⲅⲣⲟⲥ ⲁ ⲟⲩϩⲱⲃ ϭⲱⲣⲡ ⲛⲏⲓ ⲉ̀ⲃⲟⲗ .	Ⲁⲥϣⲱⲡⲓ ⲙ̀ⲙⲟⲓ ⲉⲓⲟ̀ϩⲓ ⲉ̀ⲣⲁⲧⲉ̀ϫⲉⲛ ⲫ̀ⲓⲁⲣⲟ ⲡⲓⲧⲓⲅⲣⲟⲥ ⲁ ⲟⲩϩⲱⲃ ϭⲱⲣⲡ ⲛⲏⲓ ⲉ̀ⲃⲟⲗ.	Asṡōpi m̀moi eiòhi èratèjen f̀iaro pitiġros a ouhōb ċōrp nyi èvol.
1:4	ⲛⲁⲓⲛⲁⲩ ϩⲏⲡⲡⲉ ⲓⲥ ⲡⲓϥ̀ⲧⲟⲩ ⲑⲏⲟⲩ ⲛ̀ⲧⲉⲧ̀ⲫⲉ ⲛⲁⲩϩⲓⲟⲩⲓ̀ ⲉ̀ϧ̀ⲣⲏⲓ ⲉ̀ⲫ̀ⲓⲟⲙ ⲛ̀ⲛⲓϣϯ .	Ⲛⲁⲓⲛⲁⲩ ϩⲏⲡⲡⲉ ⲓⲥ ⲡⲓϥ̀ⲧⲟⲩ ⲑⲏⲟⲩ ⲛ̀ⲧⲉ ⲧ̀ⲫⲉ ⲛⲁⲩϩⲓⲟⲩⲓ̀ ⲉ̀ϧ̀ⲣⲏⲓ ⲉ̀ⲫ̀ⲓⲟⲙ ⲛ̀ⲛⲓϣϯ.	Nainav hyppe is pif̀tou θyou ǹte t̀fe navhiouì èx̀ryi èf̀iom ǹniṡti.
1:5	ⲁⲓⲛⲁⲩ ⲉ̀ⲇ̅ ⲛ̀ⲑⲏⲣⲓⲟⲛ ⲁⲩⲓ̀ ⲉ̀ϩ̀ⲣⲏⲓ ϧⲉⲛⲫ̀ⲓⲁⲣⲟ ⲉⲩⲟⲓ ⲛ̀ϩⲟϯ ⲉⲙⲁϣⲱ .	Ⲁⲓⲛⲁⲩ ⲉ̀4 ⲛ̀ⲑⲏⲣⲓⲟⲛ ⲁⲩⲓ̀ ⲉ̀ϩ̀ⲣⲏⲓ ϧⲉⲛ ⲫ̀ⲓⲁⲣⲟ ⲉⲩⲟⲓ ⲛ̀ϩⲟϯ ⲉ̀ⲙⲁϣⲱ.	Ainav è4 ǹθyrion avì èh̀ryi xen f̀iaro evoi ǹhoti èmaṡō.
1:6	ⲡⲓϩⲟⲩⲓⲧ ⲛ̀ⲑⲏⲣⲓⲟⲛ ⲉϥⲟ̀ⲛⲓ ⲛ̀ⲟⲩⲗⲁⲃⲟⲓ ⲉⲣⲉⲟⲩⲟⲛ ϩⲁⲛⲧⲁⲡ ⲉ̀ⲣⲟϥ ⲙ̀ⲫ̀ⲣⲏϯ ⲛ̀ⲟⲩⲁ̀ⲏ̀ⲧⲟⲥ ⲛⲁⲓⲛⲁⲩ ⲡⲉ ϣⲁⲛ̀ⲧⲟⲩϧⲱⲗ ⲛ̀ⲛⲉϥⲧⲉⲛϩ ⲟⲩⲟϩ ⲁⲩϯ ⲛⲁϥ ⲛ̀ⲟⲩϩⲏⲧ ⲛ̀ⲣⲱⲙⲓ ⲁϥⲟ̀ϩⲓ ⲉ̀ⲣⲁⲧϥ ⲉ̀ϫⲉⲛⲛⲉϥϭⲁⲗⲁⲩϫ .	Ⲡⲓϩⲟⲩⲓⲧ ⲛ̀ⲑⲏⲣⲓⲟⲛ ⲉϥⲟ̀ⲛⲓ ⲛ̀ⲟⲩⲗⲁⲃⲟⲓ ⲉ̀ⲣⲉ ⲟⲩⲟⲛ ϩⲁⲛⲧⲁⲡ ⲉ̀ⲣⲟϥ ⲛ̀ⲫ̀ⲣⲏϯ ⲛ̀ⲟⲩⲁ̀ⲏ̀ⲧⲟⲥ ⲛⲁⲓⲛⲁⲩ ⲡⲉ ϣⲁⲛ̀ⲧⲟⲩϧⲱⲗ ⲛ̀ⲛⲉϥⲧⲉⲛϩ ⲟⲩⲟϩ ⲁⲩϯ ⲛⲁϥ ⲛ̀ⲟⲩϩⲏⲧ ⲛ̀ⲣⲱⲙⲓ ⲁϥⲟ̀ϩⲓ ⲉ̀ⲣⲁⲧϥ ⲉ̀ϫⲉⲛ ⲛⲉϥϭⲁⲗⲁⲩϫ.	Pihouit ǹθyrion efòni ǹoulavoi ère ouon hantap èrof ǹf̀ryti ǹouàỳtos nainav pe ṡaǹtouxōl ǹneftenh ouoh avti naf ǹouhyt ǹrōmi afòhi èratf èjen nefċalavg.
1:7	ⲡⲓⲙⲁϩⲃ̅ ⲛ̀ⲑⲏⲣⲓⲟⲛ ⲉϥⲟ̀ⲛⲓ ⲛ̀ⲟⲩⲥⲁⲣⲝ ⲛ̀ⲣⲱⲙⲓ ⲛⲁϥⲟⲓ ⲛ̀ϩⲟϯ ⲉⲙⲁϣⲱ ⲟⲩⲟϩ ⲛⲁϥⲟ̀ϩⲓ ⲉ̀ⲣⲁⲧϥ ⲉ̀ϫⲉⲛⲡⲉϥⲥ̀ⲫⲓⲣ ⲛⲁⲓⲛⲁⲩ ⲉ̀ⲣⲟϥ ⲡⲉ ϣⲁⲛ̀ⲧⲟⲩⲕⲱϣ ⲛ̀ⲅ̅ ⲙ̀ⲙⲉⲣⲟⲥ ⲛ̀ⲧⲉⲣⲱϥ ⲟⲩⲟϩ ⲡⲓⲙⲁϩⲇ̅ ⲙ̀ⲙⲉⲣⲟⲥ ⲛ̀ⲧⲉⲣⲱϥ ⲛⲁϥⲧⲁϫⲣⲏⲟⲩⲧ ⲡⲉ ⲛⲁⲓⲛⲁⲩ ⲡⲉ ϣⲁⲛ̀ⲧⲟⲩⲫⲱⲣⲕ ⲛ̀ⲛⲉϥⲛⲁϫϩⲓ ⲉ̀ⲃⲟⲗϧⲉⲛ ⲣⲱϥ .	Ⲡⲓⲙⲁϩ2 ⲛ̀ⲑⲏⲣⲓⲟⲛ ⲉϥⲟ̀ⲛⲓ ⲛ̀ⲟⲩⲥⲁⲣⲝ ⲛ̀ⲣⲱⲙⲓ ⲛⲁϥⲟⲓ ⲛ̀ϩⲟϯ ⲉ̀ⲙⲁϣⲱ ⲟⲩⲟϩ ⲛⲁϥⲟ̀ϩⲓ ⲉ̀ⲣⲁⲧϥ ⲉ̀ϫⲉⲛ ⲡⲉϥⲥ̀ⲫⲓⲣ ⲛⲁⲓⲛⲁⲩ ⲉ̀ⲣⲟϥ ⲡⲉ ϣⲁⲛ̀ⲧⲟⲩⲕⲱϣ ⲛ̀̀3 ⲛ̀ⲙⲉⲣⲟⲥ ⲛ̀ⲧⲉ ⲣⲱϥ ⲟⲩⲟϩ ⲡⲓⲙⲁϩ4 ⲛ̀ⲙⲉⲣⲟⲥ ⲛ̀ⲧⲉ ⲣⲱϥ ⲛⲁϥⲧⲁϫⲣⲏⲟⲩⲧ ⲡⲉ ⲛⲁⲓⲛⲁⲩ ⲡⲉ ϣⲁⲛ̀ⲧⲟⲩⲫⲱⲣⲕ ⲛ̀ⲧⲉ ⲛⲉϥⲛⲁϫϩⲓ ⲉ̀ⲃⲟⲗ ϧⲉⲛ ⲣⲱϥ.	Pimah2 ǹθyrion efòni ǹousarks ǹrōmi nafoi ǹhoti èmaṡō ouoh nafòhi èratf èjen pefs̀fir nainav èrof pe ṡaǹtoukōṡ ǹ3 ǹmeros ǹte rōf ouoh pimah4 ǹmeros ǹte rōf naftagryout pe nainav pe ṡaǹtoufōrk ǹte nefnaghi èvol xen rōf.
1:8	ⲡⲓⲙⲁϩⲅ̅ ⲛ̀ⲑⲏⲣⲓⲟⲛ ⲉϥⲟⲓ ⲙ̀ⲫ̀ⲣⲏϯ ⲛ̀ⲟⲩⲡⲁⲣⲇⲁⲗⲓⲥ ⲉⲣⲉϩⲁⲛⲧⲉⲛϩ ⲉ̀ⲣⲟϥ ⲉⲣⲉⲇ̅ ⲛ̀ⲁ̀ⲫⲉ ⲉ̀ⲣⲟϥ ⲉϥⲟⲩⲱⲙ ⲛ̀ⲭⲱⲗⲉⲙ ⲉϥϫⲱⲣ ⲉ̀ⲃⲟⲗ ⲙ̀ⲡ̀ⲕⲉⲥⲉⲡⲓ .	Ⲡⲓⲙⲁϩ3 ⲛ̀ⲑⲏⲣⲓⲟⲛ ⲉϥⲟⲓ ⲛ̀ⲫ̀ⲣⲏϯ ⲛ̀ⲟⲩⲡⲁⲣⲇⲁⲗⲓⲥ ⲉ̀ⲣⲉ ϩⲁⲛⲧⲉⲛϩ ⲉ̀ⲣⲟϥ ⲉ̀ⲣⲉ4 ⲛ̀ⲁ̀ⲫⲉ ⲉ̀ⲣⲟϥ ⲉϥⲟⲩⲱⲙ ⲛ̀ⲭⲱⲗⲉⲙ ⲉϥϫⲱⲣ ⲉ̀ⲃⲟⲗ ⲛ̀ⲡ̀ⲕⲉⲥⲉⲡⲓ.	Pimah3 ǹθyrion efoi ǹf̀ryti ǹouparḋalis ère hantenh èrof ère4 ǹàfe èrof efouōm ǹkōlem efgōr èvol ǹp̀kesepi.
1:9	ⲡⲓⲙⲁϩⲇ̅ ⲛ̀ⲑⲏⲣⲓⲟⲛ ⲛⲁⲓⲛⲁⲩ ⲉ̀ⲣⲟϥ ⲉϥⲟⲓ ⲙ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲉϥⲟⲓ ⲛ̀ϩⲟϯ ⲉ̀ⲃⲟⲗⲟⲩⲧⲉ ⲛⲓⲑⲏⲣⲓⲟⲛ ⲧⲏⲣⲟⲩ ⲉⲧⲁⲩϣⲱⲡⲓ ϧⲁϫⲱϥ .	Ⲡⲓⲙⲁϩ4 ⲛ̀ⲑⲏⲣⲓⲟⲛ ⲛⲁⲓⲛⲁⲩ ⲉ̀ⲣⲟϥ ⲉϥⲟⲓ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲉϥⲟⲓ ⲛ̀ϩⲟϯ ⲉ̀ⲃⲟⲗ ⲟⲩⲧⲉ ⲛⲓⲑⲏⲣⲓⲟⲛ ⲧⲏⲣⲟⲩ ⲉ̀ⲧⲁⲩϣⲱⲡⲓ ϧⲁϫⲱϥ.	Pimah4 ǹθyrion nainav èrof efoi ǹf̀ryti ǹoumouì efoi ǹhoti èvol oute niθyrion tyrou ètavṡōpi xagōf.
1:10	ⲁⲩϯ ⲛⲁϥ ⲛ̀ⲟⲩⲉ̀ⲝⲟⲩⲥⲓⲁ̀ ⲛⲉⲙⲟⲩⲛⲓϣϯ ⲛ̀ϫⲟⲙ ⲛⲉϥϫⲓϫ ϩⲁⲛⲃⲉⲛⲓⲡⲓ ⲛⲉ ⲛⲉϥⲓⲉⲃ ϩⲁⲛϩⲟⲙⲧ ⲛⲉ ⲉϥⲟⲩⲱⲙ ⲉϥⲟⲩⲟϫⲃⲉϫ ⲉϥϧⲟⲙϧⲉⲙ ⲙ̀ⲡ̀ⲕⲉⲥⲉⲡⲓ ϧⲁⲣⲁⲧⲟⲩ ⲛ̀ⲛⲉϥϭⲁⲗⲁⲩϫ	Ⲁⲩϯ ⲛⲁϥ ⲛ̀ⲟⲩⲉ̀ⲝⲟⲩⲥⲓⲁ̀ ⲛⲉⲙ ⲟⲩⲛⲓϣϯ ⲛ̀ϫⲟⲙ ⲛⲉϥϫⲓϫ ϩⲁⲛⲃⲉⲛⲓⲡⲓ ⲛⲉ ⲛⲉϥⲓⲉⲃ ϩⲁⲛϩⲟⲙⲧ ⲛⲉ ⲉϥⲟⲩⲱⲙ ⲉϥⲟⲩⲟϫⲃⲉϫ ⲉϥϧⲟⲙϧⲉⲙ ⲛ̀ⲡ̀ⲕⲉⲥⲉⲡⲓ ϧⲁⲣⲁⲧⲟⲩ ⲛ̀ⲛⲉϥϭⲁⲗⲁⲩϫ	Avti naf ǹouèksousià nem ouniṡti ǹgom nefjig hanvenipi ne nefieb hanhomt ne efouōm efouogveg efxomxem ǹp̀kesepi xaratou ǹnefċalavg
1:11	ⲁⲓⲛⲁⲩ ⲉ̀ⲓ̅ ⲛ̀ⲧⲁⲡ ⲉⲧⲁⲩⲓ̀ ⲉ̀ⲡ̀ϣⲱⲓ ϧⲉⲛⲧⲉϥⲁ̀ⲫⲉ ⲟⲩⲟϩ ⲁⲓⲛⲁⲩ ⲉ̀ⲕⲉⲕⲟⲩϫⲓ ⲛ̀ⲧⲁⲡ ⲁϥⲓ̀ ⲉ̀ⲡ̀ϣⲱⲓ ϧⲁⲧⲉⲛⲡⲓⲓ̅ ⲛ̀ⲧⲁⲡ ⲁⲩϯ ⲛⲁϥ ⲛ̀ⲟⲩⲛⲓϣϯ ⲛ̀ⲉ̀ⲝⲟⲩⲥⲓⲁ̀ ⲛⲉⲙⲟⲩϫⲟⲙ ⲉⲥϫⲟⲣ .	ⲁⲓⲛⲁⲩ ⲉ̀ⲓ̀ ⲛ̀ⲧⲁⲡ ⲉⲧⲁⲩⲓ̀ ⲉ̀ⲡ̀ϣⲱⲓ ϧⲉⲛ ⲧⲉϥⲁ̀ⲫⲉ ⲟⲩⲟϩ ⲁⲓⲛⲁⲩ ⲉ̀ⲕⲉⲕⲟⲩϫⲓ ⲛ̀ⲧⲁⲡ ⲁϥⲓ̀ ⲉ̀ⲡ̀ϣⲱⲓ ϧⲁⲧⲉⲛ ⲡⲓ10 ⲛ̀ⲧⲁⲡ ⲁⲩϯ ⲛⲁϥ ⲛ̀ⲟⲩⲛⲓϣϯ ⲛ̀ⲉ̀ⲝⲟⲩⲥⲓⲁ̀ ⲛⲉⲙ ⲟⲩϫⲟⲙ ⲉⲥϫⲟⲣ.	ainav èì ǹtap etavì èp̀ṡōi xen tefàfe ouoh ainav èkekouji ǹtap afì èp̀ṡōi xaten pi10 ǹtap avti naf ǹouniṡti ǹèksousià nem ougom esgor.
1:12	ⲁⲓⲛⲁⲩ ⲕⲉⲇ̅ ⲉⲧⲁⲩⲓ̀ ⲉ̀ⲡ̀ϣⲱⲓ ⲥⲁϫⲁϭⲏ ⲙ̀ⲙⲟϥ ⲟⲩⲟϩ ⲁⲓⲛⲁⲩ ⲉ̀ⲕⲉⲇ̅ ⲉⲧⲁⲩⲓ̀ ⲉ̀ⲡ̀ϣⲱⲓ ⲙⲉⲛⲉⲛⲥⲱⲟⲩ ⲧⲏⲣⲟⲩ ⲉⲣⲉⲡⲓⲟⲩⲁⲓ ⲡⲓⲟⲩⲁⲓ ϣⲉⲃⲓⲏⲟⲩⲧ ⲟⲩⲟϩ ⲛⲁⲓ ⲇⲉ ⲧⲏⲣⲟⲩ ⲥⲉⲓ̀ⲣⲓ ⲙ̀ⲓ̅ⲑ̅ .	Ⲁⲓⲛⲁⲩ ⲕⲉ4 ⲉⲧⲁⲩⲓ̀ ⲉ̀ⲡ̀ϣⲱⲓ ⲥⲁϫⲁϭⲏ ⲙ̀ⲙⲟϥ ⲟⲩⲟϩ ⲁⲓⲛⲁⲩ ⲉ̀ⲕⲉ4 ⲉⲧⲁⲩⲓ̀ ⲉ̀ⲡ̀ϣⲱⲓ ⲙⲉⲛⲉⲛⲥⲱⲟⲩ ⲧⲏⲣⲟⲩ ⲉ̀ⲣⲉ ⲡⲓⲟⲩⲁⲓ ⲡⲓⲟⲩⲁⲓ ϣⲉⲃⲓⲏⲟⲩⲧ ⲟⲩⲟϩ ⲛⲁⲓ ⲇⲉ ⲧⲏⲣⲟⲩ ⲥⲉⲓ̀ⲣⲓ ⲙ̀19.	Ainav ke4 etavì èp̀ṡōi sagaċy m̀mof ouoh ainav èke4 etavì èp̀ṡōi menensōou tyrou ère piouai piouai ṡeviyout ouoh nai ḋe tyrou seìri m̀19.
1:13	ⲁⲓⲥⲱⲧⲉⲙ ⲉ̀ⲟⲩⲥ̀ⲙⲏ ⲉϥϫⲱ ⲙ̀ⲙⲟⲥ ⲛⲏⲓ ϫⲉⲇⲁⲛⲓⲏⲗ ⲫ̀ⲣⲱⲙⲓ ⲛ̀ⲛⲓⲉ̀ⲡⲓⲑⲩⲙⲓⲁ̀ ⲁⲣⲓⲉ̀ⲙⲓ ⲉ̀ⲛⲏⲉⲧⲁⲕⲛⲁⲩ ⲉ̀ⲣⲱⲟⲩ ⲁ̀ⲛⲟⲕ ⲇⲉ ⲡⲉϫⲏⲓ ⲛⲁϥ ϫⲉⲡⲱⲥ ⲟⲩⲟⲛϣ̀ϫⲟⲙ ⲙ̀ⲙⲟⲓ ϣⲁⲉ̀ⲛⲉϩ ⲉ̀ⲉ̀ⲙⲓ ⲁⲣⲉϣ̀ⲧⲉⲙ ⲟⲩⲁⲓ ϭⲓⲙⲱⲓⲧ ⲛⲏⲓ .	Ⲁⲓⲥⲱⲧⲉⲙ ⲉ̀ⲟⲩⲥ̀ⲙⲏ ⲉϥϫⲱ ⲙ̀ⲙⲟⲥ ⲛⲏⲓ ϫⲉ ⲇⲁⲛⲓⲏⲗ ⲫ̀ⲣⲱⲙⲓ ⲛ̀ⲛⲓⲉ̀ⲡⲓⲑⲩⲙⲓⲁ̀ ⲁ̀ⲣⲓⲉ̀ⲙⲓ ⲉ̀ⲛⲏⲉⲧⲁⲕⲛⲁⲩ ⲉ̀ⲣⲱⲟⲩ ⲁ̀ⲛⲟⲕ ⲇⲉ ⲡⲉϫⲏⲓ ⲛⲁϥ ϫⲉ ⲡⲱⲥ ⲟⲩⲟⲛ ϣ̀ϫⲟⲙ ⲙ̀ⲙⲟⲓ ϣⲁ ⲉ̀ⲛⲉϩ ⲉ̀ⲉ̀ⲙⲓ ⲁⲣⲉϣ̀ⲧⲉⲙ ⲟⲩⲁⲓ ϭⲓⲙⲱⲓⲧ ⲛⲏⲓ.	Aisōtem èous̀my efgō m̀mos nyi je daniyl f̀rōmi ǹnièpiθimià àrièmi ènyetaknav èrōou ànok ḋe pejyi naf je pōs ouon ṡ̀gom m̀moi ṡa èneh èèmi areṡ̀tem ouai ċimōit nyi.
1:14	ⲁⲓϫⲟⲩϣⲧ ⲁⲓⲛⲁⲩ ⲉ̀ⲟⲩⲁⲅⲅⲉⲗⲟⲥ ⲛ̀ⲧⲉⲫϯ ⲉϥⲟ̀ϩⲓ ⲉ̀ⲣⲁⲧϥ ⲥⲁⲟⲩⲓ̀ⲛⲁⲙ ⲙ̀ⲙⲟⲓ ⲉⲣⲉⲛⲉϥⲧⲉⲛϩ ⲟⲓ ⲛ̀ⲟⲩⲱⲓⲛⲓ ⲉⲙⲁϣⲱ ⲁⲓⲉⲣϩⲟϯ ⲁⲓϩⲉⲓ ⲉ̀ϧ̀ⲣⲏⲓ ϩⲓϫⲉⲛⲡⲓⲕⲁϩⲓ .	Ⲁⲓϫⲟⲩϣⲧ ⲁⲓⲛⲁⲩ ⲉ̀ⲟⲩⲁⲅⲅⲉⲗⲟⲥ ⲛ̀ⲧⲉ ⲫ̀ⲛⲟⲩϯ ⲉϥⲟ̀ϩⲓ ⲉ̀ⲣⲁⲧϥ ⲥⲁⲟⲩⲓ̀ⲛⲁⲙ ⲙ̀ⲙⲟⲓ ⲉ̀ⲣⲉⲛⲉϥⲧⲉⲛϩ ⲟⲓ ⲛ̀ⲟⲩⲱⲓⲛⲓ ⲉ̀ⲙⲁϣⲱ ⲁⲓⲉⲣϩⲟϯ ⲁⲓϩⲉⲓ ⲉ̀ϧ̀ⲣⲏⲓ ϩⲓϫⲉⲛ ⲡⲓⲕⲁϩⲓ.	Aigouṡt ainav èouangelos ǹte f̀nouti efòhi èratf saouìnam m̀moi èreneftenh oi ǹouōini èmaṡō aierhoti aihei èx̀ryi hijen pikahi.
1:15	ⲁϥⲁ̀ⲙⲟⲛⲓ ⲙ̀ⲙⲟⲓ ⲛ̀ϫⲉⲡⲓⲁⲅⲅⲉⲗⲟⲥ ⲁϥⲧⲁϩⲟⲓ ⲉ̀ⲣⲁⲧⲡⲉϫⲁϥ ⲛⲏⲓ ϫⲉⲟ̀ϩⲓ ⲉ̀ⲣⲁⲧⲕ ⲉ̀ϫⲉⲛⲛⲉⲕϭⲁⲗⲁⲩϫ ⲛ̀ⲧⲁⲧⲁⲙⲟⲕ ⲉ̀ⲛⲏⲉⲑⲛⲁϣⲱⲡⲓ ϧⲉⲛⲧ̀ϧⲁⲏ̀ ⲛ̀ⲧⲉⲛⲓⲥⲏⲟⲩ .	Ⲁϥⲁ̀ⲙⲟⲛⲓ ⲙ̀ⲙⲟⲓ ⲛ̀ϫⲉ ⲡⲓⲁⲅⲅⲉⲗⲟⲥ ⲁϥⲧⲁϩⲟⲓ ⲉ̀ⲣⲁⲧⲡⲉϫⲁϥ ⲛⲏⲓ ϫⲉ ⲟ̀ϩⲓ ⲉ̀ⲣⲁⲧⲕ ⲉ̀ϫⲉⲛ ⲛⲉⲕϭⲁⲗⲁⲩϫ ⲛ̀ⲧⲁⲧⲁⲙⲟⲕ ⲉ̀ⲛⲏⲉⲑⲛⲁϣⲱⲡⲓ ϧⲉⲛ ⲧ̀ϧⲁⲏ̀ ⲛ̀ⲧⲉ ⲛⲓⲥⲏⲟⲩ.	Afàmoni m̀moi ǹje piangelos aftahoi èratpegaf nyi je òhi èratk èjen nekċalavg ǹtatamok ènyeθnaṡōpi xen t̀xaỳ ǹte nisyou.
1:16	ⲡⲓⲇ̅ ⲛ̀ⲑⲏⲣⲓⲟⲛ ⲉⲧⲁⲕⲛⲁⲩ ⲉ̀ⲣⲱⲟⲩ ⲇ̅ ⲙ̀ⲙⲉⲧⲟⲩⲣⲟ ⲛⲉ ⲟⲩⲟϩ ⲡⲓⲑⲏⲣⲓⲟⲛ ⲉⲧⲁⲕⲛⲁⲩ ⲉ̀ⲣⲟϥ ⲉϥⲟⲓ ⲙ̀ⲫ̀ⲣⲏϯ ⲛ̀ⲟⲩⲗⲁⲃⲟⲓ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉⲛⲓⲡⲉⲣⲥⲓⲥ ϥ̀ⲛⲁⲁ̀ⲙⲟⲛⲓ ⲙ̀ⲡⲓⲕⲁϩⲓ ⲛ̀ⲫ̅ⲛ̅ⲉ̅ ⲛ̀ⲣⲟⲙⲡⲓ ⲙⲉⲛⲉⲛⲥⲁⲛⲁⲓ ϥ̀ⲛⲁⲧⲁⲕⲟ ⲛⲉⲙⲧⲉϥⲙⲉⲧⲟⲩⲣⲟ ϥ̀ⲛⲁϫⲉⲙϫⲟⲙ ⲁⲛ ϣⲁⲉ̀ⲛⲉϩ .	Ⲡⲓ4 ⲛ̀ⲑⲏⲣⲓⲟⲛ ⲉⲧⲁⲭⲛⲁⲩ ⲉ̀ⲣⲱⲟⲩ 4 ⲛ̀ⲙⲉⲧⲟⲩⲣⲟ ⲛⲉ ⲟⲩⲟϩ ⲡⲓⲑⲏⲣⲓⲟⲛ ⲉⲧⲁⲭⲛⲁⲩ ⲉ̀ⲣⲟϥ ⲉϥⲟⲓ ⲛ̀ⲫ̀ⲣⲏϯ ⲛ̀ⲟⲩⲗⲁⲃⲟⲓ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉ ⲛⲓⲡⲉⲣⲥⲓⲥ ϥ̀ⲛⲁⲁ̀ⲙⲟⲛⲓ ⲛ̀ⲡⲓⲕⲁϩⲓ ⲛ̀̀555 ⲛ̀ⲣⲟⲙⲡⲓ ⲙⲉⲛⲉⲛⲥⲁ ⲛⲁⲓ ϥ̀ⲛⲁⲧⲁⲕⲟ ⲛⲉⲙ ⲧⲉϥⲙⲉⲧⲟⲩⲣⲟ ϥ̀ⲛⲁϫⲉⲙϫⲟⲙ ⲁⲛ ϣⲁ ⲉ̀ⲛⲉϩ.	Pi4 ǹθyrion etaknav èrōou 4 ǹmetouro ne ouoh piθyrion etaknav èrof efoi ǹf̀ryti ǹoulavoi fai pe p̀ouro ǹte nipersis f̀naàmoni ǹpikahi ǹ555 ǹrompi menensa nai f̀natako nem tefmetouro f̀najemgom an ṡa èneh.
1:17	ⲡⲓⲙⲁϩⲃ̅ ⲛ̀ⲑⲏⲣⲓⲟⲛ ⲉⲧⲁⲕⲛⲁⲩ ⲉ̀ⲣⲟϥ ⲉϥⲟ̀ⲛⲓ ⲛ̀ⲟⲩⲥⲁⲣⲝ ⲛ̀ⲣⲱⲙⲓ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉⲛⲓⲣⲱⲙⲉⲟⲥ ϥ̀ⲛⲁⲁ̀ⲙⲟⲛⲓ ⲙ̀ⲡⲓⲕⲁϩⲓ ⲙ̀ⲫ̀ⲣⲏϯ ⲛ̀ⲟⲩⲃⲉⲛⲓⲡⲓ ϥ̀ⲛⲁⲫⲱⲣϣ ⲉ̀ⲃⲟⲗ ϩⲓϫⲱϥ ϥ̀ⲛⲁϣⲱⲡⲓ ϧⲉⲛⲟⲩϫⲟⲙ ϣⲁⲡⲓⲕⲁϩⲓ ⲛ̀ⲛⲓⲉⲑⲁⲩϣ ⲟⲩⲟϩ ϥ̀ⲛⲁⲉⲣⲟⲩⲣⲟ ϩⲓϫⲉⲛⲡ̀ⲕⲁϩⲓ ⲙ̀ⲑ̅ ϣⲉ ⲓ̅ⲁ̅ ⲛ̀ⲣⲟⲙⲡⲓ .	Ⲡⲓⲙⲁϩ2 ⲛ̀ⲑⲏⲣⲓⲟⲛ ⲉⲧⲁⲭⲛⲁⲩ ⲉ̀ⲣⲟϥ ⲉϥⲟ̀ⲛⲓ ⲛ̀ⲟⲩⲥⲁⲣⲝ ⲛ̀ⲣⲱⲙⲓ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉ ⲛⲓⲣⲱⲙⲉⲟⲥ ϥ̀ⲛⲁⲁ̀ⲙⲟⲛⲓ ⲛ̀ⲡⲓⲕⲁϩⲓ ⲛ̀ⲫ̀ⲣⲏϯ ⲛ̀ⲟⲩⲃⲉⲛⲓⲡⲓ ϥ̀ⲛⲁⲫⲱⲣϣ ⲉ̀ⲃⲟⲗ ϩⲓϫⲱϥ ϥ̀ⲛⲁϣⲱⲡⲓ ϧⲉⲛ ⲟⲩϫⲟⲙ ϣⲁ ⲡⲓⲕⲁϩⲓ ⲛ̀ⲛⲓⲉⲑⲁⲩϣ ⲟⲩⲟϩ ϥ̀ⲛⲁⲉⲣⲟⲩⲣⲟ ϩⲓϫⲉⲛ ⲡ̀ⲕⲁϩⲓ ⲙ̀̀9 ϣⲉ 11 ⲛ̀ⲣⲟⲙⲡⲓ.	Pimah2 ǹθyrion etaknav èrof efòni ǹousarks ǹrōmi fai pe p̀ouro ǹte nirōmeos f̀naàmoni ǹpikahi ǹf̀ryti ǹouvenipi f̀nafōrṡ èvol higōf f̀naṡōpi xen ougom ṡa pikahi ǹnieθavṡ ouoh f̀naerouro hijen p̀kahi m̀9 ṡe 11 ǹrompi.
1:18	ⲁⲗⲗⲁ ϯⲡⲟⲗⲓⲥ ⲛ̀ⲧⲉϯⲙⲉⲧⲟⲩⲣⲟ ϥ̀ⲛⲁϫⲉⲙϫⲟⲙ ⲉ̀ⲣⲟⲥ ⲁⲛ ϣⲁⲛ̀ⲧⲟⲩϫⲱⲕ ⲉ̀ⲃⲟⲗ ⲛ̀ϫⲉϩⲁⲛⲉ̀ϩⲟⲟⲩ ⲉⲩⲟϣ .	Ⲁⲗⲗⲁ ϯⲡⲟⲗⲓⲥ ⲛ̀ⲧⲉ ϯⲙⲉⲧⲟⲩⲣⲟ ϥ̀ⲛⲁϫⲉⲙϫⲟⲙ ⲉ̀ⲣⲟⲥ ⲁⲛ ϣⲁⲧⲟⲩϫⲱⲕ ⲉ̀ⲃⲟⲗ ⲛ̀ϫⲉ ϩⲁⲛⲉ̀ϩⲟⲟⲩ ⲉⲩⲟϣ.	Alla tipolis ǹte timetouro f̀najemgom èros an ṡatougōk èvol ǹje hanèhoou evoṡ.
1:19	ⲡⲓⲙⲁϩⲅ̅ ⲛ̀ⲑⲏⲣⲓⲟⲛ ⲉⲧⲁⲕⲛⲁⲩ ⲉ̀ⲣⲟϥ ⲉϥⲟⲓ ⲙ̀ⲫ̀ⲣⲏϯ ⲛ̀ⲟⲩⲡⲁⲣⲇⲁⲗⲓⲥ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲛⲓϩⲉⲗⲏⲛⲟⲥ ϥ̀ⲛⲁⲉⲣⲟⲩⲣⲟ ϩⲓϫⲉⲛⲡ̀ⲕⲁϩⲓ ⲛ̀ⲟⲩϣⲟ ⲛ̀ⲣⲟⲙⲡⲓ ⲛⲉⲙⲗ̅ ⲛ̀ⲉ̀ϩⲟⲟⲩ ⲟⲩⲟϩ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲁⲛ ϣⲁⲉ̀ⲃⲟⲗ .	Ⲡⲓⲙⲁϩ3 ⲛ̀ⲑⲏⲣⲓⲟⲛ ⲉⲧⲁⲭⲛⲁⲩ ⲉ̀ⲣⲟϥ ⲉϥⲟⲓ ⲛ̀ⲫ̀ⲣⲏϯ ⲛ̀ⲟⲩⲡⲁⲣⲇⲁⲗⲓⲥ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲛⲓϩⲉⲗⲏⲛⲟⲥ ϥ̀ⲛⲁⲉⲣⲟⲩⲣⲟ ϩⲓϫⲉⲛ ⲡ̀ⲕⲁϩⲓ ⲛ̀ⲟⲩϣⲟ ⲛ̀ⲣⲟⲙⲡⲓ ⲛⲉⲙ ⲙⲁⲃ ⲛ̀ⲉ̀ ϩⲟⲟⲩ ⲟⲩⲟϩ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲁⲛ ϣⲁ ⲉ̀ⲃⲟⲗ.	Pimah3 ǹθyrion etaknav èrof efoi ǹf̀ryti ǹouparḋalis fai pe p̀ouro ǹnihelynos f̀naerouro hijen p̀kahi ǹouṡo ǹrompi nem mab ǹè hoou ouoh tefmetouro namoun èvol an ṡa èvol.
1:20	ⲡⲓⲙⲁϩⲇ̅ ⲛ̀ⲑⲏⲣⲓⲟⲛ ⲉⲧⲁⲕⲛⲁⲩ ⲉ̀ⲣⲟϥ ⲉϥⲟⲓ ⲙ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉⲛⲉⲛϣⲏⲣⲓ ⲉⲛⲓⲥⲙⲁⲏⲗ .	Ⲡⲓⲙⲁϩ4 ⲛ̀ⲑⲏⲣⲓⲟⲛ ⲉⲧⲁⲭⲛⲁⲩ ⲉ̀ⲣⲟϥ ⲉϥⲟⲓ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲫⲁⲓ ⲡⲉ ⲡ̀ⲟⲩⲣⲟ ⲛ̀ⲧⲉ ⲛⲉⲛϣⲏⲣⲓ ⲉⲛⲓⲥⲙⲁⲏⲗ.	Pimah4 ǹθyrion etaknav èrof efoi ǹf̀ryti ǹoumouì fai pe p̀ouro ǹte nenṡyri enismayl.
1:21	ⲧⲉϥⲙⲉⲧⲟⲩⲣⲟ ⲛⲁϣⲱⲡⲓ ϩⲓϫⲉⲛⲡ̀ⲕⲁϩⲓ ⲉⲥϫⲟⲣ ⲉⲙⲁϣⲱ ⲉ̀ϩⲁⲛⲙⲏϣ ⲛ̀ⲉ̀ϩⲟⲟⲩ .	Ⲧⲉϥⲙⲉⲧⲟⲩⲣⲟ ⲛⲁϣⲱⲡⲓ ϩⲓϫⲉⲛ ⲡ̀ⲕⲁϩⲓ ⲉⲥϫⲟⲣ ⲉ̀ⲙⲁϣⲱ ⲉ̀ϩⲁⲛⲙⲏϣ ⲛ̀ⲉ̀ϩⲟⲟⲩ.	Tefmetouro naṡōpi hijen p̀kahi esgor èmaṡō èhanmyṡ ǹèhoou.
1:22	ϯⲙⲉⲧⲟⲩⲣⲟ ⲉⲧⲉⲙ̀ⲙⲁⲩ ⲁⲥⲛⲁϣⲱⲡⲓ ⲉ̀ⲃⲟⲗϧⲉⲛ ⲡ̀ⲅⲉⲛⲟⲥ ⲛ̀ⲁⲃⲣⲁⲁⲙ ⲉ̀ⲃⲟⲗϧⲉⲛ ⲑ̀ⲃⲱⲕⲓ ⲛ̀ⲥⲁⲣⲣⲁ ⲧ̀ⲥ̀ϩⲓⲙⲓ ⲛ̀ⲁⲃⲣⲁⲁⲙ .	Ϯⲙⲉⲧⲟⲩⲣⲟ ⲉ̀ⲧⲉ ⲙ̀ⲙⲁⲩ ⲁⲥⲛⲁϣⲱⲡⲓ ⲉ̀ⲃⲟⲗ ϧⲉⲛ ⲡ̀ⲅⲉⲛⲟⲥ ⲛ̀ⲁⲃⲣⲁⲁⲙ ⲉ̀ⲃⲟⲗ ϧⲉⲛ ⲑ̀ⲃⲱⲕⲓ ⲛ̀ⲥⲁⲣⲣⲁ ⲧ̀ⲥ̀ϩⲓⲙⲓ ⲛ̀ⲁⲃⲣⲁⲁⲙ.	Timetouro ète m̀mav asnaṡōpi èvol xen p̀genos ǹabraam èvol xen θ̀vōki ǹsarra t̀s̀·himi ǹabraam.
1:23	ⲥ̀ⲛⲁⲧⲁⲕⲟ ⲛ̀ⲛⲓⲡⲟⲗⲓⲥ ⲧⲏⲣⲟⲩ ⲛ̀ⲧⲉⲛⲓⲡⲉⲣⲥⲓⲥ ⲛⲉⲙⲛⲓⲣⲱⲙⲉⲟⲥ ⲛⲉⲙⲛⲓϩⲉⲗⲏⲛⲟⲥ ⲟⲩⲟϩ ⲓ̅ⲑ̅ ⲛ̀ⲟⲩⲣⲟ ⲛⲁϣⲱⲡⲓ ϩⲓϫⲉⲛⲡ̀ⲕⲁϩⲓ ⲉ̀ⲃⲟⲗϧⲉⲛ ⲡⲓⲅⲉⲛⲟⲥ ⲉⲧⲉⲙ̀ⲙⲁⲩ ⲉ̀ⲃⲟⲗϧⲉⲛ ⲛⲉⲛϣⲏⲣⲓ ⲛ̀ⲛⲓⲥ̀ⲙⲁⲏⲗ ϣⲁⲡ̀ϫⲱⲕ ⲛ̀ⲧⲟⲩϧⲁⲏ̀ ⲉⲑⲛⲁϣⲱⲡⲓ .	Ⲥ̀ⲛⲁⲧⲁⲕⲟ ⲛ̀ⲛⲓⲡⲟⲗⲓⲥ ⲧⲏⲣⲟⲩ ⲛ̀ⲧⲉ ⲛⲓⲡⲉⲣⲥⲓⲥ ⲛⲉⲙ ⲛⲓⲣⲱⲙⲉⲟⲥ ⲛⲉⲙ ⲛⲓϩⲉⲗⲏⲛⲟⲥ ⲟⲩⲟϩ 19 ⲛ̀ⲟⲩⲣⲟ ⲛⲁϣⲱⲡⲓ ϩⲓϫⲉⲛ ⲡ̀ⲕⲁϩⲓ ⲉ̀ⲃⲟⲗ ϧⲉⲛ ⲡⲓⲅⲉⲛⲟⲥ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ⲛⲉⲛϣⲏⲣⲓ ⲛ̀ⲛⲓⲥ̀ⲙⲁⲏⲗ ϣⲁ ⲡ̀ϫⲱⲕ ⲛ̀ⲧⲟⲩϧⲁⲏ̀ ⲉⲑⲛⲁϣⲱⲡⲓ.	S̀natako ǹnipolis tyrou ǹte nipersis nem nirōmeos nem nihelynos ouoh 19 ǹouro naṡōpi hijen p̀kahi èvol xen pigenos ète m̀mav èvol xen nenṡyri ǹnis̀mayl ṡa p̀gōk ǹtouxaỳ eθnaṡōpi.
1:24	ⲡⲓⲙⲁϩⲓ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁϣⲱⲡⲓ ⲙ̀ⲫ̀ⲣⲏϯ ⲛ̀ⲟⲩⲡ̀ⲣⲟⲫⲏⲧⲏⲥ ⲧ̀ⲏⲡⲓ ⲛ̀ⲧⲉⲡⲉϥⲣⲁⲛ ⲧ̅ϥ̅ⲑ̅ ϥ̀ⲛⲁⲓ̀ⲣⲓ ⲛ̀ⲟⲩⲇⲓⲕⲉⲟⲥⲩⲛⲏ ϥ̀ⲛⲁϯ ⲛ̀ⲟⲩⲱⲓⲕ ⲛ̀ⲛⲏⲉⲧϩⲟⲕⲉⲣ ⲟⲩϩⲉⲃⲥⲱ ⲛ̀ⲛⲏⲉⲑⲃⲏϣ ⲟⲩⲟϩ ϥ̀ⲛⲁⲓ̀ⲣⲓ ⲛ̀ⲟⲩⲥⲱϯ ⲛ̀ⲛⲏⲉⲧⲟⲓ ⲙ̀ⲃⲱⲕ ⲧⲉϥⲙⲉⲧⲛⲁⲏⲧ ⲛⲁⲫⲱⲣϣ ⲉ̀ⲃⲟⲗ ϩⲓϫⲉⲛⲡ̀ⲕⲁϩⲓ ⲧⲏⲣϥ ⲛⲉⲙⲟⲩⲇⲓⲕⲉⲟⲥⲩⲛⲏ ϣⲁⲉ̀ϩ̀ⲣⲏⲓ ⲉ̀ⲡ̀ϭⲓⲥⲓ ⲛ̀ⲧ̀ⲫⲉ .	Ⲡⲓⲙⲁϩ10 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁϣⲱⲡⲓ ⲛ̀ⲫ̀ⲣⲏϯ ⲛ̀ⲟⲩⲡ̀ⲣⲟⲫⲏⲧⲏⲥ ⲧ̀ⲏ̀ⲡⲓ ⲛ̀ⲧⲉ ⲡⲉϥⲣⲁⲛ 399 ϥ̀ⲛⲁⲓ̀ⲣⲓ ⲛ̀ⲟⲩⲇⲓⲕⲉⲟ̀ⲥⲩⲛⲏ ϥ̀ⲛⲁϯ ⲛ̀ⲟⲩⲱⲓⲕ ⲛ̀ⲛⲏⲉⲧϩⲟⲕⲉⲣ ⲟⲩϩⲉⲃⲥⲱ ⲛ̀ⲛⲏⲉⲑⲃⲏϣ ⲟⲩⲟϩ ϥ̀ⲛⲁⲓ̀ⲣⲓ ⲛ̀ⲟⲩⲥⲱϯ ⲛ̀ⲛⲏⲉⲧⲟⲓ ⲛ̀ⲃⲱⲕ ⲧⲉϥⲙⲉⲧⲛⲁⲏⲧ ⲛⲁⲫⲱⲣϣ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ ⲧⲏⲣϥ ⲛⲉⲙ ⲟⲩⲇⲓⲕⲉⲟⲥⲩⲛⲏ ϣⲁⲉ̀ϩ̀ⲣⲏⲓ ⲉ̀ⲡ̀ϭⲓⲥⲓ ⲛ̀ⲧ̀ⲫⲉ.	Pimah10 ǹouro eθnaṡōpi èvol ǹxytou f̀naṡōpi ǹf̀ryti ǹoup̀rofytys t̀ỳpi ǹte pefran 399 f̀naìri ǹouḋikeòsiny f̀nati ǹouōik ǹnyet·hoker ouhevsō ǹnyeθvyṡ ouoh f̀naìri ǹousōti ǹnyetoi ǹvōk tefmetnayt nafōrṡ èvol hijen p̀kahi tyrf nem ouḋikeosiny ṡaèh̀ryi èp̀ċisi ǹt̀fe.
1:25	ⲡⲓⲙⲁϩⲓ̅ⲁ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁⲓ̀ⲣⲓ ⲛ̀ⲟⲩϭⲓⲛ̀ϫⲟⲛⲥ ϩⲓϫⲉⲛⲡ̀ⲕⲁϩⲓ ⲧⲏⲣϥ ϥ̀ⲛⲁⲧⲁⲕⲟ ⲛ̀ϩⲁⲛⲙⲟⲩⲛⲕⲛ̀ϫⲓϫ ⲛ̀ⲁⲣⲭⲉⲟⲥ .	Ⲡⲓⲙⲁϩ11 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁⲓ̀ⲣⲓ ⲛ̀ⲟⲩϭⲓⲛ̀ϫⲟⲛⲥ ϩⲓϫⲉⲛ ⲡ̀ⲕⲁϩⲓ ⲧⲏⲣϥ ϥ̀ⲛⲁⲧⲁⲕⲟ ⲛ̀ϩⲁⲛⲙⲟⲩⲛⲕⲛ̀ϫⲓϫ ⲛ̀ⲁⲣⲭⲉⲟⲥ.	Pimah11 ǹouro eθnaṡōpi èvol ǹxytou f̀naìri ǹouċiǹgons hijen p̀kahi tyrf f̀natako ǹhanmounkǹjig ǹarṡeos.
1:26	ϥ̀ⲛⲁϩⲟϫϩⲉϫ ⲛ̀ⲛⲏⲉⲧϣⲟⲡ ϩⲓϫⲉⲛⲡ̀ⲕⲁϩⲓ ⲛ̀ⲧⲉⲕϣ̀ⲧⲉⲙϫⲉⲙ ⲫⲏⲉⲧϣⲟⲡ ⲟⲩⲇⲉ ⲡⲉⲧϯ ⲉ̀ⲃⲟⲗ ⲉⲩϥⲓⲁ̀ϩⲟⲙ ⲧⲏⲣⲟⲩ ⲛ̀ⲙ̅ⲃ̅ ⲛ̀ⲁ̀ⲃⲟⲧ ⲉϣⲱⲡ ⲁⲣⲉϣⲁⲛ ⲫϯ ⲛ̀ⲧⲉⲧ̀ⲫⲉ ⲱ̀ⲟⲩⲛ̀ϩⲏⲧ ⲉ̀ϩ̀ⲣⲏⲓ ⲉ̀ϫⲱϥ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲛ̀ⲙ̅ ⲛ̀ⲁ̀ⲃⲟⲧ .	Ϥ̀ⲛⲁϩⲟϫϩⲉϫ ⲛ̀ⲛⲏⲉⲧϣⲟⲡ ϩⲓϫⲉⲛ ⲡ̀ⲕⲁϩⲓ ⲛ̀ⲧⲉ ⲕϣ̀ⲧⲉⲙϫⲉⲙ ⲫⲏⲉⲧϣⲟⲡ ⲟⲩⲇⲉ ⲡⲉⲧϯ ⲉ̀ⲃⲟⲗ ⲉⲩϥⲓⲁ̀ϩⲟⲙ ⲧⲏⲣⲟⲩ ⲛ̀42 ⲛ̀ⲁ̀ⲃⲟⲧ ⲉϣⲱⲡ ⲁⲣⲉϣⲁⲛ ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ ⲱ̀ⲟⲩⲛ̀ϩⲏⲧ ⲉ̀ϩ̀ⲣⲏⲓ ⲉ̀ϫⲱϥ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲛ̀ϩ̀ⲙⲉ ⲛ̀ⲁ̀ⲃⲟⲧ.	F̀nahogheg ǹnyetṡop hijen p̀kahi ǹte kṡ̀temjem fyetṡop ouḋe petti èvol evfiàhom tyrou ǹ42 ǹàvot eṡōp areṡan f̀nouti ǹte t̀fe ṑouǹhyt èh̀ryi ègōf tefmetouro namoun èvol ǹh̀me ǹàvot.
1:27	ⲡⲓⲙⲁϩⲓ̅ⲃ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲧⲉϥⲙⲉⲧⲟⲩⲣⲟ ⲛⲁϣⲱⲡⲓ ⲉⲥϫⲟⲣ ⲕⲁⲧⲁⲛⲓϩⲁⲡ ⲛ̀ⲧⲉⲣⲱϥ .	Ⲡⲓⲙⲁϩ12 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲧⲉϥⲙⲉⲧⲟⲩⲣⲟ ⲛⲁϣⲱⲡⲓ ⲉⲥϫⲟⲣ ⲕⲁⲧⲁ ⲛⲓϩⲁⲡ ⲛ̀ⲧⲉ ⲣⲱϥ.	Pimah12 ǹouro eθnaṡōpi èvol ǹxytou tefmetouro naṡōpi esgor kata nihap ǹte rōf.
1:28	ϥ̀ⲛⲁⲓ̀ⲣⲓ ϩⲓϫⲉⲛⲡ̀ⲕⲁϩⲓ ⲛ̀ϩⲁⲛϩⲱⲃ ⲉⲩⲫⲟⲛϩ ϧⲉⲛⲧⲉϥⲙⲉⲧⲟⲩⲣⲟ ϣⲁⲛ̀ⲧⲟⲩⲉⲣϣ̀ⲫⲏⲣⲓ ⲛ̀ⲛⲏⲉⲧⲉϥⲛⲁⲁⲓⲧⲟⲩ .	Ϥ̀ⲛⲁⲓ̀ⲣⲓ ϩⲓϫⲉⲛ ⲡ̀ⲕⲁϩⲓ ⲛ̀ϩⲁⲛϩⲱⲃ ⲉⲩⲫⲟⲛϩ ϧⲉⲛ ⲧⲉϥⲙⲉⲧⲟⲩⲣⲟ ϣⲁⲛ̀ⲧⲟⲩⲉⲣϣ̀ⲫⲏⲣⲓ ⲛ̀ⲛⲏⲉⲧⲉϥⲛⲁⲁⲓⲧⲟⲩ.	F̀naìri hijen p̀kahi ǹhanhōb evfonh xen tefmetouro ṡaǹtouerṡ̀fyri ǹnyetefnaaitou.
1:29	ⲟⲩⲟⲛ ⲟⲩⲙⲏϣ ⲙ̀ⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛⲧⲉϥⲙⲉⲧⲟⲩⲣⲟ ϧⲉⲛⲧ̀ϧⲁⲏ̀ ⲛ̀ⲧⲉⲛⲓⲥⲏⲟⲩ ⲟⲩⲟⲛ ⲟⲩⲟⲩⲣⲟ ⲛⲁϣ̀ⲑⲟⲣⲧⲉⲣ ⲛ̀ⲑ̀ⲙⲉⲧⲟⲩⲣⲟ ⲧⲏⲣⲥ ⲛ̀ⲛⲉⲛϣⲏⲣⲓ ⲛ̀ⲛⲓⲥⲙⲁⲏⲗ ⲛ̀ⲣ̅ⲙ̅ⲍ̅ ⲛ̀ⲣⲟⲙⲡⲓ .	Ⲟⲩⲟⲛ ⲟⲩⲙⲏϣ ⲛ̀ⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ⲧⲉϥⲙⲉⲧⲟⲩⲣⲟ ϧⲉⲛ ⲧ̀ϧⲁⲏ̀ ⲛ̀ⲧⲉ ⲛⲓⲥⲏⲟⲩ ⲟⲩⲟⲛ ⲟⲩⲟⲩⲣⲟ ⲛⲁϣ̀ⲑⲟⲣⲧⲉⲣ ⲛ̀ⲑ̀ⲙⲉⲧⲟⲩⲣⲟ ⲧⲏⲣⲥ ⲛ̀ⲛⲉⲛϣⲏⲣⲓ ⲛ̀ⲛⲓⲥⲙⲁⲏⲗ ⲛ̀147 ⲛ̀ⲣⲟⲙⲡⲓ.	Ouon oumyṡ ǹpolemos naṡōpi xen tefmetouro xen t̀xaỳ ǹte nisyou ouon ououro naṡ̀θorter ǹθ̀metouro tyrs ǹnenṡyri ǹnismayl ǹ147 ǹrompi.
1:30	ⲟⲩⲟϩ ϧⲉⲛϯⲙⲁϩⲣ̅ⲓ̅ ⲛ̀ⲣⲟⲙⲡⲓ ⲛ̀ⲧⲉⲧⲉϥⲙⲉⲧⲟⲩⲣⲟ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛⲧⲉϥⲙⲏϯ ⲛⲉⲙⲛⲓⲉⲑⲁⲩϣ .	Ⲟⲩⲟϩ ϧⲉⲛ ϯⲙⲁϩ110 ⲛ̀ⲣⲟⲙⲡⲓ ⲛ̀ⲧⲉ ⲧⲉϥⲙⲉⲧⲟⲩⲣⲟ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ⲧⲉϥⲙⲏϯ ⲛⲉⲙ ⲛⲓⲉⲑⲁⲩϣ.	Ouoh xen timah110 ǹrompi ǹte tefmetouro ouon oupolemos naṡōpi xen tefmyti nem nieθavṡ.
1:31	ⲛⲉⲛϣⲏⲣⲓ ⲉⲛⲓⲥⲙⲁⲏⲗ ⲛⲁⲉⲣϭ̅ⲥ̅ ⲉ̀ⲣⲱⲟⲩ ϣⲁⲛ̀ⲧⲟⲩϩⲱⲗ ⲉ̀ϯⲡⲟⲗⲓⲥ ⲛ̀ⲧⲉϯⲙⲉⲧⲟⲩⲣⲟ ⲉⲧⲉⲥⲟⲩⲃ ⲁⲛ ⲧⲉ .	Ⲛⲉⲛϣⲏⲣⲓ ⲉⲛⲓⲥⲙⲁⲏⲗ ⲛⲁⲉⲣϭⲟⲓⲥ ⲉ̀ⲣⲱⲟⲩ ϣⲁ ⲛ̀ⲧⲟⲩϩⲱⲗ ⲉ̀ϯⲡⲟⲗⲓⲥ ⲛ̀ⲧⲉ ϯⲙⲉⲧⲟⲩⲣⲟ ⲉⲧⲉⲥⲟⲩⲃ ⲁⲛ ⲧⲉ.	Nenṡyri enismayl naerċois èrōou ṡa ǹtouhōl ètipolis ǹte timetouro etesoub an te.
1:32	ⲥⲉⲛⲁⲟⲩⲱⲣⲡ ⲛⲱⲟⲩ ⲉⲩⲕⲱϯ ⲛ̀ⲥⲁⲟⲩϩⲓⲣⲏⲛⲏ ⲥⲉⲛⲁϯ ⲛⲱⲟⲩ ⲛ̀ⲟⲩϩⲁⲧ ⲛⲉⲙⲟⲩⲛⲟⲩⲃ ⲉϥⲟϣ ⲥⲉⲛⲁϣⲱⲡⲓ ⲉⲩϯ ϩⲱϯ ⲛⲱⲟⲩ ϧⲉⲛⲛⲓⲉⲑⲁⲩϣ .	Ⲥⲉⲛⲁⲟⲩⲱⲣⲡ ⲛⲱⲟⲩ ⲉⲩⲕⲱϯ ⲛ̀ⲥⲁ ⲟⲩϩⲓⲣⲏⲛⲏ ⲥⲉⲛⲁϯ ⲛⲱⲟⲩ ⲛ̀ⲟⲩϩⲁⲧ ⲛⲉⲙ ⲟⲩⲛⲟⲩⲃ ⲉϥⲟϣ ⲥⲉⲛⲁϣⲱⲡⲓ ⲉⲩϯ ϩⲱϯ ⲛⲱⲟⲩ ϧⲉⲛ ⲛⲓⲉⲑⲁⲩϣ.	Senaouōrp nōou evkōti ǹsa ouhiryny senati nōou ǹouhat nem ounoub efoṡ senaṡōpi evti hōti nōou xen nieθavṡ.
1:33	ⲡⲓⲙⲁϩⲓ̅ⲅ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲙ̀ⲙⲟⲛ ⲛⲁⲓϣⲟⲡⲛ̀ϧⲏⲧϥ ⲁⲛ ⲉ̀ⲡ̀ⲧⲏⲣϥ ⲟⲩⲇⲉ ϩⲟϯ ⲙ̀ⲡⲉϥⲙ̀ⲑⲟ ⲉ̀ⲃⲟⲗ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲉ̀ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ ⲇⲉⲟⲥ .	Ⲡⲓⲙⲁϩ13 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲙ̀ⲙⲟⲛ ⲛⲁⲓϣⲟⲡⲛ̀ϧⲏⲧϥ ⲁⲛ ⲉ̀ⲡ̀ⲧⲏⲣϥ ⲟⲩⲇⲉ ϩⲟϯ ⲛ̀ⲡⲉϥⲙ̀ⲑⲟ ⲉ̀ⲃⲟⲗ ⲧⲉϥⲙⲉⲧⲟⲩⲣⲟ ⲛⲁⲙⲟⲩⲛ ⲉ̀ⲃⲟⲗ ⲉ̀ϩⲁⲛⲕⲟⲩϫⲓ ⲛ̀ⲉ̀ϩⲟⲟⲩ ⲇⲉⲟⲥ.	Pimah13 ǹouro eθnaṡōpi èvol ǹxytou m̀mon naiṡopǹxytf an èp̀tyrf ouḋe hoti ǹpefm̀θo èvol tefmetouro namoun èvol èhankouji ǹèhoou deos.
1:34	ⲡⲓⲙⲁϩⲓ̅ⲇ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁϭⲓ ⲛ̀ⲟⲩⲛⲟⲩⲃ ⲛⲉⲙⲟⲩϩⲁⲧ ⲉϥⲟϣ ϥ̀ⲛⲁϯϩⲁⲡ ⲉ̀ⲡ̀ⲕⲁϩⲓ ϧⲉⲛⲟⲩⲇⲓⲕⲉⲟⲥⲩⲛⲏ .	Ⲡⲓⲙⲁϩ14 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϥ̀ⲛⲁϭⲓ ⲛ̀ⲟⲩⲛⲟⲩⲃ ⲛⲉⲙ ⲟⲩϩⲁⲧ ⲉϥⲟϣ ϥ̀ⲛⲁϯϩⲁⲡ ⲉ̀ⲡ̀ⲕⲁϩⲓ ϧⲉⲛ ⲟⲩⲇⲓⲕⲉⲟⲥⲩⲛⲏ.	Pimah14 ǹouro eθnaṡōpi èvol ǹxytou f̀naċi ǹounoub nem ouhat efoṡ f̀natihap èp̀kahi xen ouḋikeosiny.
1:35	ϥ̀ⲛⲁⲑⲱⲟⲩϯ ⲛ̀ⲟⲩⲡⲟⲗⲉⲙⲟⲥ ϧⲉⲛⲭⲏⲙⲓ ⲛ̀ⲧⲉⲭⲏⲙⲓ ⲙ̀ⲧⲟⲛ ⲙ̀ⲙⲟϥ ϧⲉⲛⲛⲟⲩϧⲓⲥⲓ ⲛⲉⲙⲛⲟⲩϥⲓⲁ̀ϩⲟⲙ .	Ϥ̀ⲛⲁⲑⲱⲟⲩϯ ⲛ̀ⲟⲩⲡⲟⲗⲉⲙⲟⲥ ϧⲉⲛ ⲭⲏⲙⲓ ⲛ̀ⲧⲉ ⲭⲏⲙⲓ ⲙ̀ⲧⲟⲛ ⲙ̀ⲙⲟϥ ϧⲉⲛ ⲛⲟⲩϧⲓⲥⲓ ⲛⲉⲙ ⲛ̀ⲟⲩϥⲓⲁ̀ϩⲟⲙ.	F̀naθōouti ǹoupolemos xen kymi ǹte kymi m̀ton m̀mof xen nouxisi nem ǹoufiàhom.
1:36	ⲛⲓⲉⲑⲁⲩϣ ⲛⲁϭⲛⲉϫⲱⲟⲩ ⲛⲁϥ ⲁⲛ ⲉ̀ⲡ̀ⲧⲏⲣϥ ⲟⲩⲇⲉ ⲥⲉⲛⲁϯ ϩⲱϯ ⲛⲁϥ ⲁⲛ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛⲡⲓⲕⲁϩⲓ ⲛ̀ⲧⲉⲛⲓⲣⲱⲙⲉⲟⲥ ϧⲉⲛⲛⲓⲉ̀ϩⲟⲟⲩ ⲉⲧⲉⲙ̀ⲙⲁⲩ .	Ⲛⲓⲉⲑⲁⲩϣ ⲛⲁϭⲛⲉϫⲱⲟⲩ ⲛⲁϥ ⲁⲛ ⲉ̀ⲡ̀ⲧⲏⲣϥ ⲟⲩⲇⲉ ⲥⲉⲛⲁϯ ϩⲱϯ ⲛⲁϥ ⲁⲛ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ⲡⲓⲕⲁϩⲓ ⲛ̀ⲧⲉ ⲛⲓⲣⲱⲙⲉⲟⲥ ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	Nieθavṡ naċnegōou naf an èp̀tyrf ouḋe senati hōti naf an ouon oupolemos naṡōpi xen pikahi ǹte nirōmeos xen nièhoou ète m̀mav.
1:37	ⲛⲓⲉⲑⲁⲩϣ ⲥⲉⲛⲁⲉⲣⲡⲟⲗⲉⲙⲓⲛ ⲛⲉⲙⲛⲓⲥⲁ ⲛ̀ⲧⲉⲫ̀ⲣⲏⲥ ⲥⲉⲛⲁϣⲱⲗ ⲛ̀ⲛⲓϯⲙⲓ ⲛⲉⲙⲛⲓⲃⲁⲕⲓ ⲧⲏⲣⲟⲩ ⲛ̀ⲧⲉⲭⲏⲙⲓ ϣⲁⲛ̀ⲧⲟⲩⲫⲟϩ ⲉ̀ϯⲃⲁⲕⲓ ⲉⲧⲁ ⲕⲗⲉⲟ̀ⲡⲁⲧⲣⲁ ⲕⲟⲧⲥ ϧⲉⲛⲫ̀ⲙⲁⲣⲏⲥ ⲉⲧⲉϣⲙⲟⲩⲛ ⲧⲉ .	Ⲛⲓⲉⲑⲁⲩϣ ⲥⲉⲛⲁⲉⲣⲡⲟⲗⲉⲙⲓⲛ ⲛⲉⲙ ⲛⲓⲥⲁ ⲛ̀ⲧⲉ ⲫ̀ⲣⲏⲥ ⲥⲉⲛⲁϣⲱⲗ ⲛ̀ⲛⲓϯⲙⲓ ⲛⲉⲙ ⲛⲓⲃⲁⲕⲓ ⲧⲏⲣⲟⲩ ⲛ̀ⲧⲉ ⲭⲏⲙⲓ ϣⲁ ⲛ̀ⲧⲟⲩⲫⲟϩ ⲉ̀ϯⲃⲁⲕⲓ ⲉ̀ⲧⲁ ⲕⲗⲉⲟ̀ⲡⲁⲧⲣⲁ ⲕⲟⲧⲥ ϧⲉⲛ ⲫ̀ⲙⲁⲣⲏⲥ ⲉ̀ⲧⲉ ϣⲙⲟⲩⲛ ⲧⲉ.	Nieθavṡ senaerpolemin nem nisa ǹte f̀rys senaṡōl ǹnitimi nem nivaki tyrou ǹte kymi ṡa ǹtoufoh ètivaki èta kleòpatra kots xen f̀marys ète ṡmoun te.
1:38	ⲙⲉⲛⲉⲛⲥⲁⲛⲁⲓ ⲡ̀ⲟⲩⲣⲟ ⲛ̀ⲧⲉϯⲥⲩⲣⲓⲁ̀ ⲛⲁⲥⲱⲧⲉⲙ ϥ̀ⲛⲁⲉⲣϩⲟϯ ⲉ̀ⲡ̀ϧⲁⲉ̀ ϫⲉⲁ ⲡⲓⲡⲟⲗⲉⲙⲟⲥ ϧⲱⲛⲧ ⲉ̀ⲣⲟϥ .	Ⲙⲉⲛⲉⲛⲥⲁ ⲛⲁⲓ ⲡ̀ⲟⲩⲣⲟ ⲛ̀ⲧⲉ ϯⲥⲩⲣⲓⲁ̀ ⲛⲁⲥⲱⲧⲉⲙ ϥ̀ⲛⲁⲉⲣϩⲟϯ ⲉ̀ⲡ̀ϧⲁⲉ̀ ϫⲉ ⲁ ⲡⲓⲡⲟⲗⲉⲙⲟⲥ ϧⲱⲛⲧ ⲉ̀ⲣⲟϥ.	Menensa nai p̀ouro ǹte tisirià nasōtem f̀naerhoti èp̀xaè je a pipolemos xōnt èrof.
1:39	ⲟⲩⲟϩ ⲉ̀ⲡ̀ϧⲁⲉ̀ ⲉϥⲛⲁⲥⲉⲙⲛⲓ ⲧⲉϥⲙⲉⲧⲟⲩⲣⲟ ⲛⲁⲟ̀ϩⲓ ⲉ̀ⲣⲁⲧⲥ ⲛ̀ⲕⲁⲗⲱⲥ .	Ⲟⲩⲟϩ ⲉ̀ⲡ̀ϧⲁⲉ̀ ⲉϥⲛⲁⲥⲉⲙⲛⲓ ⲧⲉϥⲙⲉⲧⲟⲩⲣⲟ ⲛⲁⲟ̀ϩⲓ ⲉ̀ⲣⲁⲧⲥ ⲛ̀ⲕⲁⲗⲱⲥ.	Ouoh èp̀xaè efnasemni tefmetouro naòhi èrats ǹkalōs.
1:40	ⲙⲉⲛⲉⲛⲥⲁⲛⲁⲓ ϥ̀ⲛⲁⲧⲱⲛϥ ⲛ̀ϫⲉⲟⲩⲁ̀ⲗⲟⲩ ⲉ̀ⲃⲟⲗϧⲉⲛ ⲛⲉⲛϣⲏⲣⲓ ⲉⲛⲓⲥⲙⲁⲏⲗ ⲉⲧⲉⲫⲁⲓ ⲡⲉ ⲡⲓⲙⲁϩⲓ̅ⲉ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ .	Ⲙⲉⲛⲉⲛⲥⲁ ⲛⲁⲓ ϥ̀ⲛⲁⲧⲱⲛϥ ⲛ̀ϫⲉ ⲟⲩⲁ̀ⲗⲟⲩ ⲉ̀ⲃⲟⲗ ϧⲉⲛ ⲛⲉⲛϣⲏⲣⲓ ⲉⲛⲓⲥⲙⲁⲏⲗ ⲉ̀ⲧⲉ ⲫⲁⲓ ⲡⲉ ⲡⲓⲙⲁϩ15 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ.	Menensa nai f̀natōnf ǹje ouàlou èvol xen nenṡyri enismayl ète fai pe pimah15 ǹouro eθnaṡōpi èvol ǹxytou.
1:41	ϥ̀ⲛⲁϣⲱⲡⲓ ⲉϥⲛⲁϣⲧ ϧⲉⲛⲧⲉϥⲯⲩⲭⲏ ⲙ̀ⲫ̀ⲣⲏϯ ⲙ̀ⲡⲓⲃⲉⲛⲓⲡⲓ ϥ̀ⲛⲁⲭⲱ ⲛ̀ⲧⲉϥⲥⲏϥⲓ ϣⲁⲛⲓⲣⲱⲙⲉⲟⲥ ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲉ̀ϫⲉⲛⲛⲓⲉⲑⲁⲩϣ ϥ̀ⲛⲁϣⲱⲡⲓ ⲛ̀ϩⲟⲃ̅ ⲛⲉⲙⲗⲁⲥⲃ̅ .	Ϥ̀ⲛⲁϣⲱⲡⲓ ⲉϥⲛⲁϣⲧ ϧⲉⲛ ⲧⲉϥⲯⲩⲭⲏ ⲛ̀ⲫ̀ⲣⲏϯ ⲛ̀ⲡⲓⲃⲉⲛⲓⲡⲓ ϥ̀ⲛⲁⲭⲱ ⲛ̀ⲧⲉϥⲥⲏϥⲓ ϣⲁ ⲛⲓⲣⲱⲙⲉⲟⲥ ⲧⲉϥϫⲓϫ ⲛ̀ⲟⲩⲓ̀ⲛⲁⲙ ⲉ̀ϫⲉⲛ ⲛⲓⲉⲑⲁⲩϣ ϥ̀ⲛⲁϣⲱⲡⲓ ⲛ̀ϩⲟⲃ̅ ⲛⲉⲙ ⲗⲁⲥⲃ̅.	F̀naṡōpi efnaṡt xen tefpsiṡy ǹf̀ryti ǹpivenipi f̀nakō ǹtefsyfi ṡa nirōmeos tefjig ǹouìnam èjen nieθavṡ f̀naṡōpi ǹhob nem lasv.
1:42	ⲉ̀ϩ̀ⲣⲏⲓ ϧⲉⲛⲛⲓⲉ̀ϩⲟⲟⲩ ⲛ̀ⲧⲉⲧⲉϥⲙⲉⲧⲟⲩⲣⲟ ⲟⲩⲟⲛ ⲟⲩⲛⲓϣϯ ⲛ̀ϣ̀ⲑⲟⲣⲧⲉⲣ ⲛⲁϣⲱⲡⲓ ϩⲓϫⲉⲛⲡ̀ⲕⲁϩⲓ ⲧⲏⲣϥ ⲟⲩⲟϩ ϥ̀ⲛⲁϣⲱⲡⲓ ϫⲉⲡⲉϥⲥⲁϫⲓ ⲉϥⲛⲁϣⲧ ⲙ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ .	Ⲉ̀ϩ̀ⲣⲏⲓ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ ⲧⲉϥⲙⲉⲧⲟⲩⲣⲟ ⲟⲩⲟⲛ ⲟⲩⲛⲓϣϯ ⲛ̀ϣ̀ⲑⲟⲣⲧⲉⲣ ⲛⲁϣⲱⲡⲓ ϩⲓϫⲉⲛ ⲡ̀ⲕⲁϩⲓ ⲧⲏⲣϥ ⲟⲩⲟϩ ϥ̀ⲛⲁϣⲱⲡⲓ ϫⲉ ⲡⲉϥⲥⲁϫⲓ ⲉϥⲛⲁϣⲧ ⲛ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ.	Èh̀ryi xen nièhoou ǹte tefmetouro ouon ouniṡti ǹṡ̀θorter naṡōpi hijen p̀kahi tyrf ouoh f̀naṡōpi je pefsaji efnaṡt ǹf̀ryti ǹouk̀rōm.
1:43	ⲛⲓⲉⲑⲁⲩϣ ⲛⲁⲓ̀ⲛⲓ ⲛⲁϥ ⲛ̀ϩⲁⲛⲇⲱⲣⲟⲛ ⲟⲩⲛⲟⲩⲃ ⲛⲉⲙⲟⲩϩⲁⲧ ⲛⲉⲙⲟⲩⲙⲁⲣⲅⲁⲣⲓⲧⲏⲥ ⲟⲩⲟϩ ϥ̀ⲛⲁⲭⲱ ⲉ̀ⲃⲟⲗ ⲙ̀ⲡⲉϥϧⲓⲥⲓ ⲉ̀ϫⲉⲛⲟⲩⲟⲛ ⲛⲓⲃⲉⲛ .	Ⲛⲓⲉⲑⲁⲩϣ ⲛⲁⲓ̀ⲛⲓ ⲛⲁϥ ⲛ̀ϩⲁⲛⲇⲱⲣⲟⲛ ⲟⲩⲛⲟⲩⲃ ⲛⲉⲙ ⲟⲩϩⲁⲧ ⲛⲉⲙ ⲟⲩⲙⲁⲣⲅⲁⲣⲓⲧⲏⲥ ⲟⲩⲟϩ ϥ̀ⲛⲁⲭⲱ ⲉ̀ⲃⲟⲗ ⲛ̀ⲡⲉϥϧⲓⲥⲓ ⲉ̀ϫⲉ ⲛ̀ⲟⲩⲟⲛ ⲛⲓⲃⲉⲛ.	Nieθavṡ naìni naf ǹhanḋōron ounoub nem ouhat nem oumarġaritys ouoh f̀nakō èvol ǹpefxisi èje ǹouon niven.
1:44	ϥ̀ⲛⲁⲉⲣⲉ̀ⲭⲙⲁⲗⲱⲧⲉⲩⲓⲛ ⲛ̀ⲟⲩⲙⲏϣ ⲛ̀ⲕⲁϩⲓ ⲛ̀ⲧⲉϥϩⲉϫϩⲱϫⲟⲩ ⲟⲩⲟϩ ⲛ̀ⲛⲟⲩⲥⲓ ⲛ̀ⲱⲓⲕ ⲛⲉⲙⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉⲧⲉϥⲙⲉⲧⲟⲩⲣⲟ ⲟⲩⲇⲉ ⲛ̀ⲛⲉ ϩⲓⲣⲏⲛⲏ ϣⲱⲡⲓ ⲛ̀ⲛⲓⲉ̀ϩⲟⲟⲩ ⲛ̀ⲧⲉⲧⲉϥⲙⲉⲧⲟⲩⲣⲟ ⲟⲩⲟϩ ⲟⲩⲙⲏϣ ⲛ̀ϣⲱⲗ ⲛⲁϣⲱⲡⲓ ϧⲉⲛⲛⲉϥⲉ̀ϩⲟⲟⲩ .	Ϥ̀ⲛⲁⲉⲣⲉ̀ⲭⲙⲁⲗⲱⲧⲉⲩⲓⲛ ⲛ̀ⲟⲩⲙⲏϣ ⲛ̀ⲕⲁϩⲓ ⲛ̀ⲧⲉϥϩⲉϫϩⲱϫⲟⲩ ⲟⲩⲟϩ ⲛ̀ⲛⲟⲩⲥⲓ ⲛ̀ⲱⲓⲕ ⲛⲉⲙ ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲧⲉϥⲙⲉⲧⲟⲩⲣⲟ ⲟⲩⲇⲉ ⲛ̀ⲛⲉ ϩⲓⲣⲏⲛⲏ ϣⲱⲡⲓ ⲛ̀ⲛⲓⲉ̀ϩⲟⲟⲩ ⲛ̀ⲧⲉ ⲧⲉϥⲙⲉⲧⲟⲩⲣⲟ ⲟⲩⲟϩ ⲟⲩⲙⲏϣ ⲛ̀ϣⲱⲗ ⲛⲁϣⲱⲡⲓ ϧⲉⲛ ⲛⲉϥⲉ̀ϩⲟⲟⲩ.	F̀naerèkmalōtevin ǹoumyṡ ǹkahi ǹtefheghōgou ouoh ǹnousi ǹōik nem nièhoou tyrou ǹte tefmetouro ouḋe ǹne hiryny ṡōpi ǹnièhoou ǹte tefmetouro ouoh oumyṡ ǹṡōl naṡōpi xen nefèhoou.
1:45	ⲡⲓⲙⲁϩⲓ̅ⲋ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲙ̀ⲙⲟⲛ ⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛⲧⲉϥⲙⲉⲧⲟⲩⲣⲟ ⲟⲩⲇⲉ ⲛ̀ⲑⲟϥ ϩⲱϥ ϥ̀ⲛⲁⲉⲣⲡⲟⲗⲉⲙⲓⲛ ⲛⲉⲙϩ̀ⲗⲓ ⲁⲛ .	Ⲡⲓⲙⲁϩ16 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲙ̀ⲙⲟⲛ ⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ⲧⲉϥⲙⲉⲧⲟⲩⲣⲟ ⲟⲩⲇⲉ ⲛ̀ⲑⲟϥ ϩⲱϥ ϥ̀ⲛⲁⲉⲣⲡⲟⲗⲉⲙⲓⲛ ⲛⲉⲙ ϩ̀ⲗⲓ ⲁⲛ.	Pimah16 ǹouro eθnaṡōpi èvol ǹxytou m̀mon polemos naṡōpi xen tefmetouro ouḋe ǹθof hōf f̀naerpolemin nem h̀li an.
1:46	ⲥⲉⲛⲁϯ ⲛⲁϥ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲛ̀ϩⲓⲣⲏⲛⲓⲕⲟⲛ ⲟⲩⲟϩ ⲧⲉϥⲙⲉⲧⲟⲩⲣⲟ ⲛⲁⲟ̀ϩⲓ ⲉ̀ⲣⲁⲧⲥ ϧⲉⲛⲟⲩⲥⲱⲟⲩⲧⲉⲛ .	Ⲥⲉⲛⲁϯ ⲛⲁϥ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲛ̀ϩⲓⲣⲏⲛⲓⲕⲟⲛ ⲟⲩⲟϩ ⲧⲉϥⲙⲉⲧⲟⲩⲣⲟ ⲛⲁⲟ̀ϩⲓ ⲉ̀ⲣⲁⲧⲥ ϧⲉⲛ ⲟⲩⲥⲱⲟⲩⲧⲉⲛ.	Senati naf ǹouniṡti ǹsyou ǹhirynikon ouoh tefmetouro naòhi èrats xen ousōouten.
1:47	ⲡⲓⲙⲁϩⲓ̅ⲍ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ⲟⲩⲧⲱϥ ⲛⲉⲙⲡⲉϥⲅⲉⲛⲟⲥ ⲫⲁⲓ ⲉⲧⲉⲡⲉϥⲣⲁⲛ ⲛⲁⲓ̀ⲣⲓ ⲛ̀ⲭ̅ⲝ̅ⲋ̅ ⲛ̀ⲏ̀ⲡⲓ .	Ⲡⲓⲙⲁϩ17 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ⲟⲩⲧⲱϥ ⲛⲉⲙ ⲡⲉϥⲅⲉⲛⲟⲥ ⲫⲁⲓ ⲉ̀ⲧⲉ ⲡⲉϥⲣⲁⲛ ⲛⲁⲓ̀ⲣⲓ ⲛ̀̀666 ⲛ̀ⲏ̀ⲡⲓ.	Pimah17 ǹouro eθnaṡōpi èvol ǹxytou ouon oupolemos naṡōpi outōf nem pefgenos fai ète pefran naìri ǹ666 ǹỳpi.
1:48	ϥ̀ⲛⲁⲧⲱⲛϥ ⲛ̀ϫⲉⲟⲩⲁⲓ ⲉ̀ⲃⲟⲗϧⲉⲛ ⲡⲉϥⲅⲉⲛⲟⲥ ⲛ̀ⲧⲉϥⲉⲣⲡⲟⲗⲉⲙⲓⲛ ⲛⲉⲙⲁϥ ϥ̀ⲛⲁϭⲟϫⲓ ⲛ̀ⲥⲱϥ ϣⲁⲉ̀ϧ̀ⲣⲏⲓ ⲉ̀ⲭⲏⲙⲓ ⲛⲉⲙⲛⲓⲭⲣⲏⲙⲁ ⲛ̀ⲧⲉⲧⲉϥⲙⲉⲧⲟⲩⲣⲟ .	Ϥ̀ⲛⲁⲧⲱⲛϥ ⲛ̀ϫⲉ ⲟⲩⲁⲓ ⲉ̀ⲃⲟⲗ ϧⲉⲛ ⲡⲉϥⲅⲉⲛⲟⲥ ⲛ̀ⲧⲉϥⲉⲣⲡⲟⲗⲉⲙⲓⲛ ⲛⲉⲙⲁϥ ϥ̀ⲛⲁϭⲟϫⲓ ⲛ̀ⲥⲱϥ ϣⲁ ⲉ̀ϧ̀ⲣⲏⲓ ⲉ̀ⲭⲏⲙⲓ ⲛⲉⲙ ⲛⲓⲭⲣⲏⲙⲁ ⲛ̀ⲧⲉ ⲧⲉϥⲙⲉⲧⲟⲩⲣⲟ.	F̀natōnf ǹje ouai èvol xen pefgenos ǹteferpolemin nemaf f̀naċoji ǹsōf ṡa èx̀ryi èkymi nem nixryma ǹte tefmetouro.
1:49	ⲟⲩⲟϩ ϥ̀ⲛⲁⲭⲱ ⲙ̀ⲡⲉϥⲅⲉⲛⲟⲥ ⲛ̀ⲥⲱϥ ⲛⲉⲙⲡⲉϥⲙⲏϣ ⲟⲩⲟϩ ϥ̀ⲛⲁⲥⲓϯ ⲛ̀ⲛⲓⲭⲣⲏⲙⲁ ⲉ̀ⲃⲟⲗ ϧⲉⲛⲛⲓϧⲓⲣ ⲛⲉⲙⲛⲓⲙⲁⲛ̀ⲙⲟϣⲓ .	Ⲟⲩⲟϩ ϥ̀ⲛⲁⲭⲱ ⲛ̀ⲡⲉϥⲅⲉⲛⲟⲥ ⲛ̀ⲥⲱϥ ⲛⲉⲙ ⲡⲉϥⲙⲏϣ ⲟⲩⲟϩ ϥ̀ⲛⲁⲥⲓϯ ⲛ̀ⲛⲓⲭⲣⲏⲙⲁ ⲉ̀ⲃⲟⲗ ϧⲉⲛ ⲛⲓϧⲓⲣ ⲛⲉⲙ ⲛⲓⲙⲁⲛ̀ⲙⲟϣⲓ.	Ouoh f̀nakō ǹpefgenos ǹsōf nem pefmyṡ ouoh f̀nasiti ǹnixryma èvol xen nixir nem nimaǹmoṡi.
1:50	ⲉϥⲛⲏⲟⲩ ϣⲉ ⲉ̀ϧ̀ⲣⲏⲓ ⲉ̀ⲭⲏⲙⲓ ⲛⲉⲙⲛⲓⲭⲣⲏⲙⲁ ⲟⲩⲟϩ ϥ̀ⲛⲁⲓ̀ ⲉ̀ⲫ̀ⲙⲁⲣⲏⲥ ϧⲉⲛⲭⲏⲙⲓ ⲉϥⲟⲩⲱϣ ⲉ̀ϩⲱⲗ ⲉ̀ⲥⲟⲩⲃⲁⲛ ⲧ̀ⲡⲟⲗⲓⲥ ⲛ̀ⲛⲓⲉⲑⲁⲩϣ ⲛⲉⲙⲡ̀ⲥⲉⲡⲓ ⲛ̀ⲛⲓⲭⲣⲏⲙⲁ .	Ⲉϥⲛⲏⲟⲩ ϣⲉ ⲉ̀ϧ̀ⲣⲏⲓ ⲉ̀ⲭⲏⲙⲓ ⲛⲉⲙ ⲛⲓⲭⲣⲏⲙⲁ ⲟⲩⲟϩ ϥ̀ⲛⲁⲓ̀ ⲉ̀ⲫ̀ⲙⲁⲣⲏⲥ ϧⲉⲛ ⲭⲏⲙⲓ ⲉϥⲟⲩⲱϣ ⲉ̀ϩⲱⲗ ⲉ̀ⲥⲟⲩⲃⲁⲛ ⲧ̀ⲡⲟⲗⲓⲥ ⲛ̀ⲛⲓⲉⲑⲁⲩϣ ⲛⲉⲙ ⲡ̀ⲥⲉⲡⲓ ⲛ̀ⲛⲓⲭⲣⲏⲙⲁ.	Efnyou ṡe èx̀ryi èkymi nem nixryma ouoh f̀naì èf̀marys xen kymi efouōṡ èhōl èsouvan t̀polis ǹnieθavṡ nem p̀·sepi ǹnixryma.
1:51	ⲟⲩⲟϩ ϥ̀ⲛⲁϧⲟⲑⲃⲉϥ ⲛ̀ϫⲉⲟⲩⲁⲓ ⲉ̀ⲃⲟⲗϧⲉⲛ ⲡⲉϥⲅⲉⲛⲟⲥ ϧⲉⲛⲛⲓⲥⲁ ⲛ̀ⲧⲉⲫ̀ⲙⲁⲣⲏⲥ ⲛ̀ⲭⲏⲙⲓ ϥ̀ⲛⲁⲱⲗⲓ ⲙ̀ⲡ̀ⲥⲏⲡⲓ ⲛ̀ⲧⲉⲛⲓⲭⲣⲏⲙⲁ .	Ⲟⲩⲟϩ ϥ̀ⲛⲁϧⲟⲑⲃⲉϥ ⲛ̀ϫⲉ ⲟⲩⲁⲓ ⲉ̀ⲃⲟⲗ ϧⲉⲛ ⲡⲉϥⲅⲉⲛⲟⲥ ϧⲉⲛ ⲛⲓⲥⲁ ⲛ̀ⲧⲉ ⲫ̀ⲙⲁⲣⲏⲥ ⲛ̀ⲭⲏⲙⲓ ϥ̀ⲛⲁⲱ̀ⲗⲓ ⲛ̀ⲡ̀ⲥⲏⲡⲓ ⲛ̀ⲧⲉ ⲛⲓⲭⲣⲏⲙⲁ.	Ouoh f̀naxoθvef ǹje ouai èvol xen pefgenos xen nisa ǹte f̀marys ǹkymi f̀naṑli ǹp̀·sypi ǹte nixryma.
1:52	ⲡⲓⲙⲁϩⲓ̅ⲏ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϧⲉⲛⲧ̀ⲁⲣⲭⲏ ⲛ̀ⲧⲉⲧⲉϥⲙⲉⲧⲟⲩⲣⲟ ⲟⲩⲟϩ ϥ̀ⲛⲁⲓ̀ⲣⲓ ⲛ̀ϩⲁⲛⲛⲓϣϯ ⲙ̀ⲡⲉⲧϩⲱⲟⲩ ⲛ̀ⲟⲩϣⲟ ⲛⲉⲙⲥ̅ ⲛⲉⲙⲝ̅ ⲛ̀ⲉ̀ϩⲟⲟⲩ .	Ⲡⲓⲙⲁϩ18 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ϧⲉⲛ ⲧ̀ⲁⲣⲭⲏ ⲛ̀ⲧⲉ ⲧⲉϥⲙⲉⲧⲟⲩⲣⲟ ⲟⲩⲟϩ ϥ̀ⲛⲁⲓ̀ⲣⲓ ⲛ̀ϩⲁⲛⲛⲓϣϯ ⲛ̀ⲡⲉⲧϩⲱⲟⲩ ⲛ̀ⲟⲩϣⲟ ⲛⲉⲙ 200 ⲛⲉⲙ 60 ⲛ̀ⲉ̀ϩⲟⲟⲩ.	Pimah18 ǹouro eθnaṡōpi èvol ǹxytou xen t̀arṡy ǹte tefmetouro ouoh f̀naìri ǹhanniṡti ǹpet·hōou ǹouṡo nem 200 nem 60 ǹèhoou.
1:53	ⲟⲩⲟϩ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϩⲓϫⲱϥ ϧⲉⲛⲛⲓⲥⲁ ⲉⲧⲥⲁⲡⲉⲙⲉⲛⲧ ϥ̀ⲛⲁϭⲓ ⲙ̀ⲡⲓϭⲣⲟ ϣⲁⲡⲓⲉ̀ϩⲟⲟⲩ ⲛ̀ⲧⲉⲡⲉϥⲙⲟⲩ .	Ⲟⲩⲟϩ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϩⲓϫⲱϥ ϧⲉⲛ ⲛⲓⲥⲁ ⲉ̀ⲧⲥⲁⲡⲉⲙⲉⲛⲧ ϥ̀ⲛⲁϭⲓ ⲛ̀ⲡⲓϭⲣⲟ ϣⲁ ⲡⲓⲉ̀ϩⲟⲟⲩ ⲛ̀ⲧⲉ ⲡⲉϥⲙⲟⲩ.	Ouoh oupolemos naṡōpi higōf xen nisa ètsapement f̀naċi ǹpiċro ṡa pièhoou ǹte pefmou.
1:54	ⲙⲉⲛⲉⲛⲥⲱⲥ ϥ̀ⲛⲁⲧⲱⲛϥ ⲛ̀ϫⲉⲟⲩⲁ̀ⲗⲟⲩ ⲉ̀ⲃⲟⲗⲛ̀ϧⲏⲧⲟⲩ ⲉⲧⲉⲡⲉϥϣⲏⲣⲓ ⲡⲉ ⲉⲧⲉⲫⲁⲓ ⲡⲉ ⲡⲓⲙⲁϩⲓ̅ⲑ̅ ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗⲛ̀ϧⲏⲧⲟⲩ ⲉⲩⲛⲁϫ̀ⲫⲟϥ ⲅⲁⲣ ⲉ̀ⲃⲟⲗϧⲉⲛ ⲅⲉⲛⲟⲥⲃ̅ ⲡⲉϥⲓⲱⲧ ⲇⲉ ⲟⲩⲉ̀ⲃⲟⲗ ⲡⲉ ϧⲉⲛⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲧⲉϥⲙⲁⲩ ⲟⲩⲣⲱⲙⲉⲟⲥ ⲧⲉ .	Ⲙⲉⲛⲉⲛⲥⲱⲥ ϥ̀ⲛⲁⲧⲱⲛϥ ⲛ̀ϫⲉ ⲟⲩⲁ̀ⲗⲟⲩ ⲉ̀ⲃⲟⲗ ⲛ̀ϧⲏⲧⲟⲩ ⲉ̀ⲧⲉ ⲡⲉϥϣⲏⲣⲓ ⲡⲉ ⲉ̀ⲧⲉ ⲫⲁⲓ ⲡⲉ ⲡⲓⲙⲁϩ19 ⲛ̀ⲟⲩⲣⲟ ⲉⲑⲛⲁϣⲱⲡⲓ ⲉ̀ⲃⲟⲗ ⲛ̀ϧⲏⲧⲟⲩ ⲉⲩⲛⲁϫ̀ⲫⲟϥ ⲅⲁⲣ ⲉ̀ⲃⲟⲗ ϧⲉⲛ ⲅⲉⲛⲟⲥ2 ⲡⲉϥⲓⲱⲧ ⲇⲉ ⲟⲩ ⲉ̀ⲃⲟⲗ ⲡⲉ ϧⲉⲛ ⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲧⲉϥⲙⲁⲩ ⲟⲩⲣⲱⲙⲉⲟⲥ ⲧⲉ.	Menensōs f̀natōnf ǹje ouàlou èvol ǹxytou ète pefṡyri pe ète fai pe pimah19 ǹouro eθnaṡōpi èvol ǹxytou evnag̀fof ġar èvol xen genos2 pefiōt ḋe ou èvol pe xen nenṡyri ǹismayl tefmav ourōmeos te.
1:55	ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛⲭⲏⲙⲓ ⲛⲉⲙϯⲥⲩⲣⲓⲁ̀ ⲛ̀ⲕ̅ⲁ̅ ⲛ̀ⲁ̀ⲃⲟⲧ .	Ⲟⲩⲟⲛ ⲟⲩⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ⲭⲏⲙⲓ ⲛⲉⲙ ϯⲥⲩⲣⲓⲁ̀ ⲛ̀̀21 ⲛ̀ⲁ̀ⲃⲟⲧ.	Ouon oupolemos naṡōpi xen kymi nem tisirià ǹ21 ǹàvot.
1:56	ⲧⲟⲩⲥⲏϥⲓ ⲅⲁⲣ ⲛⲁϩⲓ ⲛ̀ϧⲏⲧⲟⲩ ⲙ̀ⲙⲓⲛⲙ̀ⲙⲱⲟⲩ ϧⲉⲛⲡⲓⲡⲟⲗⲉⲙⲟⲥ ⲡⲓⲟⲩⲣⲟ ⲉⲧⲉⲙ̀ⲙⲁⲩ ⲫⲁⲓ ⲉⲧⲉⲡⲉϥⲣⲁⲛ ⲓ̀ⲣⲓ ⲛ̀ⲭ̅ⲝ̅ⲋ̅ ⲉⲛⲏ̀ⲡⲓ ⲟⲩⲟϩ ⲉϥⲙⲟⲩϯ ⲉⲧⲉⲅ̅ ⲛ̀ⲣⲁⲛ ⲉⲧⲉⲛⲁⲓ ⲛⲉ ⲙ̅ⲁ̅ⲙ̅ⲉ̅ⲧ̅ⲓ̅ⲟⲥ̅ ⲛⲉⲙⲭ̅ⲁ̅ⲗ̅ⲗ̅ⲉ̅ ⲛⲉⲙⲥ̅ⲁ̅ⲣ̅ⲁ̅ⲡ̅ⲓ̅ⲛ̅ⲟ̅ⲥ̅ .	Ⲧⲟⲩⲥⲏϥⲓ ⲅⲁⲣ ⲛ̀ⲁϩⲓ ⲛ̀ϧⲏⲧⲟⲩ ⲙ̀ⲙⲓⲛⲙ̀ⲙⲱⲟⲩ ϧⲉⲛ ⲡⲓⲡⲟⲗⲉⲙⲟⲥ ⲡ̀ⲟⲩⲣⲟ ⲉ̀ⲧⲉ ⲙ̀ⲙⲁⲩ ⲫⲁⲓ ⲉ̀ⲧⲉ ⲡⲉϥⲣⲁⲛ ⲓ̀ⲣⲓ ⲛ̀̀666 ⲉⲛⲏ̀ⲡⲓ ⲟⲩⲟϩ ⲉϥⲙⲟⲩϯ ⲉ̀ⲧⲉ 3 ⲛ̀ⲣⲁⲛ ⲉ̀ⲧⲉ ⲛⲁⲓ ⲛⲉ ⲙ̅ⲁ̅ⲙ̅ⲉ̅ⲧ̅ⲓ̅ⲟⲥ̅ ⲛⲉⲙ ⲭ̅ⲁ̅ⲗ̅ⲗ̅ⲉ̅ ⲛⲉⲙ ⲥ̅ⲁ̅ⲣ̅ⲁ̅ⲡ̅ⲓ̅ⲛ̅ⲟ̅ⲥ̅.	Tousyfi ġar ǹahi ǹxytou m̀minm̀mōou xen pipolemos p̀ouro ète m̀mav fai ète pefran ìri ǹ666 enỳpi ouoh efmouti ète 3 ǹran ète nai ne mametios nem kalle nem sarapinos.
1:57	ϥ̀ⲛⲁⲉⲣⲟⲩⲣⲟ ⲅⲁⲣ ⲉϥⲟⲓ ⲛ̀ⲁ̀ⲗⲟⲩ ⲛ̀ⲧⲉϥⲓ̀ⲣⲓ ⲛ̀ϩⲁⲛⲛⲓϣϯ ⲙ̀ⲡⲉⲧϩⲱⲟⲩ ϥ̀ⲛⲁⲟⲩⲁϩⲥⲁϩⲛⲓ ⲛ̀ⲛⲓⲓⲟⲩⲇⲁⲓ ⲧⲏⲣⲟⲩ ⲉⲧϧⲉⲛⲙⲁⲓ ⲛⲓⲃⲉⲛ ⲛ̀ⲥⲉⲧⲁⲥⲑⲱⲟⲩ ⲉ̀ⲓⲗ̅ⲏ̅ⲙ̅ ⲡ̀ⲕⲁϩⲓ ⲧⲏⲣϥ ⲛⲁϣ̀ⲑⲟⲣⲧⲉⲣ ϧⲉⲛⲛⲓⲉ̀ϩⲟⲟⲩ ⲛ̀ⲧⲉⲧⲉϥⲙⲉⲧⲟⲩⲣⲟ ϣⲁⲛ̀ⲧⲟⲩϯ ⲛ̀ⲟⲩⲣⲱⲙⲓ ⲉ̀ⲃⲟⲗ ϧⲁⲟⲩⲛⲟⲙⲓⲥⲙⲁ ⲛ̀ⲟⲩⲱⲧ .	Ϥ̀ⲛⲁⲉⲣⲟⲩⲣⲟ ⲅⲁⲣ ⲉϥⲟⲓ ⲛ̀ⲁ̀ⲗⲟⲩ ⲛ̀ⲧⲉϥⲓ̀ⲣⲓ ⲛ̀ϩⲁⲛⲛⲓϣϯ ⲛ̀ⲡⲉⲧϩⲱⲟⲩ ϥ̀ⲛⲁⲟⲩⲁϩⲥⲁϩⲛⲓ ⲛ̀ⲛⲓⲓⲟⲩⲇⲁⲓ ⲧⲏⲣⲟⲩ ⲉⲧϧⲉⲛ ⲙⲁⲓ ⲛⲓⲃⲉⲛ ⲛ̀ⲥⲉⲧⲁⲥⲑⲱⲟⲩ ⲉ̀ⲓⲉⲣⲟⲩⲥⲁⲗⲏⲙ ⲡ̀ⲕⲁϩⲓ ⲧⲏⲣϥ ⲛⲁϣ̀ⲑⲟⲣⲧⲉⲣ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ ⲧⲉϥⲙⲉⲧⲟⲩⲣⲟ ϣⲁⲧⲟⲩϯ ⲛ̀ⲟⲩⲣⲱⲙⲓ ⲉ̀ⲃⲟⲗ ϧⲁ ⲟⲩⲛⲟⲙⲓⲥⲙⲁ ⲛ̀ⲟⲩⲱⲧ.	F̀naerouro ġar efoi ǹàlou ǹtefìri ǹhanniṡti ǹpet·hōou f̀naouahsahni ǹniioudai tyrou etxen mai niven ǹsetasθōou èierousalym p̀kahi tyrf naṡ̀θorter xen nièhoou ǹte tefmetouro ṡatouti ǹourōmi èvol xa ounomisma ǹouōt.
1:58	ⲟⲩⲟϩ ⲛ̀ⲁⲧϣⲓⲡⲓ ⲉⲧⲉⲙ̀ⲙⲟϥ ⲟⲩⲟϩ ϥ̀ⲛⲁⲉⲣⲡⲱⲃϣ ⲛ̀ϯϩⲟϯ ⲛ̀ⲧⲉⲫϯ .	Ⲟⲩⲟϩ ⲛ̀ⲁⲧϣⲓⲡⲓ ⲉⲧⲉⲙ̀ⲙⲟϥ ⲟⲩⲟϩ ϥ̀ⲛⲁⲉⲣⲡⲱⲃϣ ⲛ̀ϯϩⲟϯ ⲛ̀ⲧⲉ ⲫ̀ⲛⲟⲩϯ.	Ouoh ǹatṡipi etem̀mof ouoh f̀naerpōvṡ ǹtihoti ǹte f̀nouti.
1:59	ϥ̀ⲛⲁⲉⲣⲫ̀ⲙⲉⲩⲓ̀ ⲁⲛ ⲙ̀ⲫ̀ⲛⲟⲙⲟⲥ ⲛ̀ⲓⲥⲙⲁⲏⲗ ⲡⲉϥⲓⲱⲧ ⲟⲩⲇⲉ ⲧⲉϥⲙⲁⲩ ϫⲉⲟⲩⲣⲱⲙⲉⲟⲥ ⲧⲉ ϥ̀ⲛⲁϣⲱⲡⲓ ⲉϥⲟⲓ ⲛ̀ⲉⲩⲑⲁⲧⲏⲥ ⲟⲩⲟϩ ⲛ̀ⲣⲉϥⲑⲓϧⲓ ⲛ̀ⲛⲁⲩ ⲛⲓⲃⲉⲛ .	Ϥ̀ⲛⲁⲉⲣⲫ̀ⲙⲉⲩⲓ̀ ⲁⲛ ⲛ̀ⲫ̀ⲛⲟⲙⲟⲥ ⲛ̀ⲓⲥⲙⲁⲏⲗ ⲡⲉϥⲓⲱⲧ ⲟⲩⲇⲉ ⲧⲉϥⲙⲁⲩ ϫⲉ ⲟⲩⲣⲱⲙⲉⲟⲥ ⲧⲉ ϥ̀ⲛⲁϣⲱⲡⲓ ⲉϥⲟⲓ ⲛ̀ⲉⲩⲑⲁⲧⲏⲥ ⲟⲩⲟϩ ⲛ̀ⲣⲉϥⲑⲓϧⲓ ⲛ̀ⲛⲁⲩ ⲛⲓⲃⲉⲛ.	F̀naerf̀mevì an ǹf̀nomos ǹismayl pefiōt ouḋe tefmav je ourōmeos te f̀naṡōpi efoi ǹevθatys ouoh ǹrefθixi ǹnav niven.
1:60	ϥ̀ⲛⲁϧⲱⲧⲉⲃ ⲛ̀ⲟⲩⲙⲏϣ ⲉⲩⲟⲩⲱⲙ ⲛⲉⲙⲁϥ ϩⲓϫⲉⲛϯⲧ̀ⲣⲁⲡⲉⲍⲁ ϧⲉⲛϩⲁⲛⲧ̀ⲥⲟ ⲛ̀ⲧⲉϩⲁⲛⲫⲁϧⲣⲓ ⲙ̀ⲙⲁⲅⲓⲁ̀ ⲟⲩⲟⲛ ϩⲁⲛⲛⲓϣϯ ⲛ̀ϣⲱϣ ⲛⲁϣⲱⲡⲓ ϧⲉⲛⲛⲓⲉ̀ϩⲟⲟⲩ ⲉⲧⲉⲙ̀ⲙⲁⲩ .	Ϥ̀ⲛⲁϧⲱⲧⲉⲃ ⲛ̀ⲟⲩⲙⲏϣ ⲉⲩⲟⲩⲱⲙ ⲛⲉⲙⲁϥ ϩⲓϫⲉⲛ ϯⲧ̀ⲣⲁⲡⲉⲍⲁ ϧⲉⲛ ϩⲁⲛⲧ̀ⲥⲟ ⲛ̀ⲧⲉ ϩⲁⲛⲫⲁϧⲣⲓ ⲛ̀ⲙⲁⲅⲓⲁ̀ ⲟⲩⲟⲛ ϩⲁⲛⲛⲓϣϯ ⲛ̀ϣⲱϣ ⲛⲁϣⲱⲡⲓ ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	F̀naxōteb ǹoumyṡ evouōm nemaf hijen tit̀rapeza xen hant̀so ǹte hanfaxri ǹmagià ouon hanniṡti ǹṡōṡ naṡōpi xen nièhoou ète m̀mav.
1:61	ϯⲥⲩⲣⲓⲁ̀ ⲛⲉⲙⲡ̀ⲕⲁϩⲓ ⲛ̀ⲛⲓⲓⲟⲩⲇⲁⲓ ϥ̀ⲛⲁⲁⲓⲧⲟⲩ ⲛ̀ⲣⲉⲙϩⲉ ⲟⲩⲟϩ ϯⲁⲛⲁⲧⲟⲗⲏ ⲛⲉⲙⲭⲏⲙⲓ ϥ̀ⲛⲁϯϧⲓⲥⲓ ⲛⲱⲟⲩ ϥ̀ⲛⲁⲑⲱϣ ⲛ̀ϩⲁⲛⲉ̀ⲡⲓⲥⲧⲟⲗⲁⲣⲓⲟⲥ ϧⲉⲛⲭⲏⲙⲓ .	Ϯⲥⲩⲣⲓⲁ̀ ⲛⲉⲙ ⲡ̀ⲕⲁϩⲓ ⲛ̀ⲛⲓⲓⲟⲩⲇⲁⲓ ϥ̀ⲛⲁⲁⲓⲧⲟⲩ ⲛ̀ⲣⲉⲙϩⲉ ⲟⲩⲟϩ ϯⲁⲛⲁⲧⲟⲗⲏ ⲛⲉⲙ ⲭⲏⲙⲓ ϥ̀ⲛⲁϯϧⲓⲥⲓ ⲛⲱⲟⲩ ϥ̀ⲛⲁⲑⲱϣ ⲛ̀ϩⲁⲛⲉ̀ⲡⲓⲥⲧⲟⲗⲁⲣⲓⲟⲥ ϧⲉⲛ ⲭⲏⲙⲓ.	Tisirià nem p̀kahi ǹniioudai f̀naaitou ǹremhe ouoh tianatoly nem kymi f̀natixisi nōou f̀naθōṡ ǹhanèpistolarios xen kymi.
1:62	ϯⲁⲛⲁⲧⲟⲗⲏ ⲃ̅ ⲛⲉⲙⲅ̅ ⲉ̀ϫⲉⲛⲛⲟⲩⲉ̀ⲣⲏⲟⲩ ϧⲉⲛⲟⲩⲣⲟⲙⲡⲓ ⲛ̀ⲟⲩⲱⲧ ⲛ̀ϩ̀ⲣⲏⲓ ϧⲉⲛⲑ̀ⲙⲉⲧⲟⲩⲣⲟ ⲙ̀ⲫⲁⲓ ⲉⲧⲉⲡⲓⲙⲁϩⲓ̅ⲑ̅ ⲡⲉ ϥ̀ⲛⲁϣⲱⲡⲓ ⲛ̀ⲥⲁⲟⲩϩⲁⲡ ⲁⲛ ⲟⲩⲇⲉ ⲟⲩⲙⲉⲑⲙⲏⲓ ⲁⲗⲗⲁ ϥ̀ⲛⲁϣⲱⲡⲓ ⲛ̀ⲥⲁⲟⲩⲛⲟⲩⲃ ⲛ̀ⲛⲁⲩ ⲛⲓⲃⲉⲛ .	Ϯⲁⲛⲁⲧⲟⲗⲏ 2 ⲛⲉⲙ 3 ⲉ̀ϫⲉⲛ ⲛⲟⲩⲉ̀ⲣⲏⲟⲩ ϧⲉⲛ ⲟⲩⲣⲟⲙⲡⲓ ⲛ̀ⲟⲩⲱⲧ ⲛ̀ϩ̀ⲣⲏⲓ ϧⲉⲛ ⲑ̀ⲙⲉⲧⲟⲩⲣⲟ ⲛ̀ⲫⲁⲓ ⲉ̀ⲧⲉ ⲡⲓⲙⲁϩ19 ⲡⲉ ϥ̀ⲛⲁϣⲱⲡⲓ ⲛ̀ⲥⲁ ⲟⲩϩⲁⲡ ⲁⲛ ⲟⲩⲇⲉ ⲟⲩⲙⲉⲑⲙⲏⲓ ⲁⲗⲗⲁ ϥ̀ⲛⲁϣⲱⲡⲓ ⲛ̀ⲥⲁ ⲟⲩⲛⲟⲩⲃ ⲛ̀ⲛⲁⲩ ⲛⲓⲃⲉⲛ.	Tianatoly 2 nem 3 èjen nouèryou xen ourompi ǹouōt ǹh̀ryi xen θ̀metouro ǹfai ète pimah19 pe f̀naṡōpi ǹsa ouhap an ouḋe oumeθmyi alla f̀naṡōpi ǹsa ounoub ǹnav niven.
1:63	ⲟⲩⲟϩ ϥ̀ⲛⲁⲑⲱϣ ⲛ̀ⲟⲩⲉ̀ⲡⲓⲇ̀ⲣⲟⲡⲟⲥ ϧⲉⲛⲛⲓⲥⲁ ⲛ̀ⲧⲉϯⲁⲫⲣⲓⲕⲓⲁ̀ ⲛⲉⲙⲟⲩⲛⲓϣϯ ⲙ̀ⲙⲏϣ ⲟⲩⲟϩ ϥ̀ⲛⲁϣⲱⲡⲓ ⲛ̀ϫⲉⲟⲩⲡⲟⲗⲉⲙⲟⲥ ϧⲉⲛⲧⲉϥⲙⲏϯ ⲛⲉⲙⲱⲟⲩ .	Ⲟⲩⲟϩ ϥ̀ⲛⲁⲑⲱϣ ⲛ̀ⲟⲩⲉ̀ⲡⲓⲇ̀ⲣⲟⲡⲟⲥ ϧⲉⲛ ⲛⲓⲥⲁ ⲛ̀ⲧⲉ ϯⲁⲫⲣⲓⲕⲓⲁ̀ ⲛⲉⲙ ⲟⲩⲛⲓϣϯ ⲛ̀ⲙⲏϣ ⲟⲩⲟϩ ϥ̀ⲛⲁϣⲱⲡⲓ ⲛ̀ϫⲉ ⲟⲩⲡⲟⲗⲉⲙⲟⲥ ϧⲉⲛ ⲧⲉϥⲙⲏϯ ⲛⲉⲙⲱⲟⲩ.	Ouoh f̀naθōṡ ǹouèpiḋ̀ropos xen nisa ǹte tiafrikià nem ouniṡti ǹmyṡ ouoh f̀naṡōpi ǹje oupolemos xen tefmyti nemōou.
1:64	ⲥⲉⲛⲁϥⲱϯ ⲉ̀ⲃⲟⲗ ⲙ̀ⲡⲓⲙⲏϣ ⲉⲑⲛⲉⲙⲁϥ ϥ̀ⲛⲁϩⲉⲙⲥⲓ ϧⲉⲛⲛⲓⲥⲁ ⲛ̀ⲧⲉϯⲁⲫⲣⲓⲕⲏ ⲛⲉⲙⲛⲏⲉⲑⲛⲁⲥⲉⲡⲓ ϧⲉⲛⲡⲓⲙⲏϣ ⲉⲑⲛⲉⲙⲁϥ ⲛ̀ⲟⲩⲙⲏϣ ⲛ̀ⲣⲟⲙⲡⲓ ⲟⲩⲟϩ ϥ̀ⲛⲁϭⲣⲟ ⲉ̀ⲣⲟⲥ ⲁⲛ .	Ⲥⲉⲛⲁϥⲱϯ ⲉ̀ⲃⲟⲗ ⲛ̀ⲡⲓⲙⲏϣ ⲉⲑⲛⲉⲙⲁϥ ϥ̀ⲛⲁϩⲉⲙⲥⲓ ϧⲉⲛ ⲛⲓⲥⲁ ⲛ̀ⲧⲉ ϯⲁⲫⲣⲓⲕⲏ ⲛⲉⲙ ⲛⲏⲉⲑⲛⲁⲥⲉⲡⲓ ϧⲉⲛ ⲡⲓⲙⲏϣ ⲉⲑⲛⲉⲙⲁϥ ⲛ̀ⲟⲩⲙⲏϣ ⲛ̀ⲣⲟⲙⲡⲓ ⲟⲩⲟϩ ϥ̀ⲛⲁϭⲣⲟ ⲉ̀ⲣⲟⲥ ⲁⲛ.	Senafōti èvol ǹpimyṡ eθnemaf f̀nahemsi xen nisa ǹte tiafriky nem nyeθnasepi xen pimyṡ eθnemaf ǹoumyṡ ǹrompi ouoh f̀naċro èros an.
1:65	ⲙⲉⲛⲉⲛⲥⲱⲥ ϥ̀ⲛⲁⲧⲱⲛϥ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉⲟⲩⲉⲑⲛⲟⲥ ⲛ̀ϣⲉⲙⲙⲟ ⲉⲩⲙⲟⲩϯ ⲉ̀ⲣⲟϥ ϫⲉⲡⲓⲧⲟⲩⲣⲅⲟⲥ ϥ̀ⲛⲁⲉⲣⲡⲟⲗⲉⲙⲓⲛ ⲛⲉⲙⲁϥ .	Ⲙⲉⲛⲉⲛⲥⲱⲥ ϥ̀ⲛⲁⲧⲱⲛϥ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉ ⲟⲩⲉⲑⲛⲟⲥ ⲛ̀ϣⲉⲙⲙⲟ ⲉⲩⲙⲟⲩϯ ⲉ̀ⲣⲟϥ ϫⲉ ⲡⲓⲧⲟⲩⲣⲅⲟⲥ ϥ̀ⲛⲁⲉⲣⲡⲟⲗⲉⲙⲓⲛ ⲛⲉⲙⲁϥ.	Menensōs f̀natōnf èh̀ryi ègōf ǹje oueθnos ǹṡemmo evmouti èrof je pitourġos f̀naerpolemin nemaf.
1:66	ⲟⲩⲟϩ ⲥⲁⲣⲁⲡⲓⲇⲟⲥ ⲛⲁⲉⲣϭ̅ⲥ̅ ⲉ̀ϩⲁⲛⲙⲏϣ ⲛ̀ⲣⲱⲉⲟⲥ ⲛⲉⲙϯⲡⲉⲛⲧⲁⲡⲟⲗⲓⲥ ⲛⲉⲙⲛⲓⲙⲏⲧⲟⲥ ⲟⲩⲟϩ ϥ̀ⲛⲁⲱ̀ⲗⲓ ⲧⲏⲣⲟⲩ ⲛ̀ⲧⲉϥⲉⲣϭ̅ⲥ̅ ⲉ̀ⲛⲟⲩⲡⲟⲗⲓⲥ ⲛ̀ⲧⲉϥϩⲱⲗ ⲉ̀ϯⲃⲁⲕⲓ ⲉⲧⲁϥⲕⲟⲧⲥ ⲛⲉⲙⲛⲓⲭⲱⲣⲁ ⲉⲧⲁϥⲑⲟⲩⲱⲧⲟⲩ ⲉ̀ϧⲟⲩⲛ ⲛ̀ϫⲉⲡⲉϥⲓⲱⲧ .	Ⲟⲩⲟϩ ⲥⲁⲣⲁⲡⲓⲇⲟⲥ ⲛⲁⲉⲣϭⲟⲓⲥ ⲉ̀ϩⲁⲛⲙⲏϣ ⲛ̀ⲣⲱⲉⲟⲥ ⲛⲉⲙ ϯⲡⲉⲛⲧⲁⲡⲟⲗⲓⲥ ⲛⲉⲙ ⲛⲓⲙⲏⲧⲟⲥ ⲟⲩⲟϩ ϥ̀ⲛⲁⲱ̀ⲗⲓ ⲧⲏⲣⲟⲩ ⲛ̀ⲧⲉϥⲉⲣϭⲟⲓⲥ ⲉ̀ⲛⲟⲩⲡⲟⲗⲓⲥ ⲛ̀ⲧⲉϥϩⲱⲗ ⲉ̀ϯⲃⲁⲕⲓ ⲉⲧⲁϥⲕⲟⲧⲥ ⲛⲉⲙ ⲛⲓⲭⲱⲣⲁ ⲉⲧⲁϥⲑⲟⲩⲱⲧⲟⲩ ⲉ̀ϧⲟⲩⲛ ⲛ̀ϫⲉ ⲡⲉϥⲓⲱⲧ.	Ouoh sarapiḋos naerċois èhanmyṡ ǹrōeos nem tipentapolis nem nimytos ouoh f̀naṑli tyrou ǹteferċois ènoupolis ǹtefhōl ètivaki etafkots nem nixōra etafθouōtou èxoun ǹje pefiōt.
1:67	ⲡⲓⲧⲟⲩⲣⲅⲟⲥ ⲛⲁⲑⲱⲟⲩϯ ⲉ̀ⲣⲟϥ ⲉ̀ⲛⲟⲩⲡⲟⲗⲉⲙⲟⲥ ⲉϥⲟⲩⲱϣ ⲉ̀ⲱ̀ⲗⲓ ⲛ̀ϯⲙⲉⲧⲟⲩⲣⲟ ⲛ̀ⲧⲟⲧϥ ⲛ̀ⲥⲁⲣⲁⲡⲓⲇⲟⲥ .	Ⲡⲓⲧⲟⲩⲣⲅⲟⲥ ⲛⲁⲑⲱⲟⲩϯ ⲉ̀ⲣⲟϥ ⲉ̀ⲛⲟⲩⲡⲟⲗⲉⲙⲟⲥ ⲉϥⲟⲩⲱϣ ⲉ̀ⲱ̀ⲗⲓ ⲛ̀ϯⲙⲉⲧⲟⲩⲣⲟ ⲛ̀ⲧⲟⲧϥ ⲛ̀ⲥⲁⲣⲁⲡⲓⲇⲟⲥ.	Pitourġos naθōouti èrof ènoupolemos efouōṡ èṑli ǹtimetouro ǹtotf ǹsarapiḋos.
1:68	ⲉⲧⲓ ⲉϥϩⲉⲙⲥⲓ ϧⲉⲛⲡⲉϥⲏⲓ ⲛ̀ϫⲉⲡⲓⲥⲁⲣⲁⲡⲓⲇⲟⲥ ⲉⲣⲉⲛⲓϣⲱⲗ ⲭⲏ ⲙ̀ⲡⲉϥⲙ̀ⲑⲟ ⲉϥⲉⲣⲑⲉⲱ̀ⲣⲓⲛ ⲛ̀ϯⲛⲓϣϯ ⲙ̀ⲙⲉⲧⲣⲁⲙⲁⲟ̀ ⲡⲓⲛⲟⲩⲃ ⲛⲉⲙⲡⲓϩⲁⲧ ⲛⲉⲙⲱ̀ⲛⲓ ⲛⲓⲃⲉⲛ ⲉⲧⲧⲁⲓⲏⲟⲩⲧ ⲛⲉⲙⲥ̀ⲕⲟⲥ ⲛⲓⲃⲉⲛ ⲛ̀ϣⲟⲩⲉⲣⲉ̀ⲡⲓⲑⲩⲙⲓⲛ ⲉ̀ⲣⲟϥ .	Ⲉ̀ⲧⲓ ⲉϥϩⲉⲙⲥⲓ ϧⲉⲛ ⲡⲉϥⲏⲓ ⲛ̀ϫⲉ ⲡⲓⲥⲁⲣⲁⲡⲓⲇⲟⲥ ⲉ̀ⲣⲉ ⲛⲓϣⲱⲗ ⲭⲏ ⲛ̀ⲡⲉϥⲙ̀ⲑⲟ ⲉϥⲉⲣⲑⲉⲱ̀ⲣⲓⲛ ⲛ̀ϯⲛⲓϣϯ ⲛ̀ⲙⲉⲧⲣⲁⲙⲁⲟ̀ ⲡⲓⲛⲟⲩⲃ ⲛⲉⲙ ⲡⲓϩⲁⲧ ⲛⲉⲙ ⲱ̀ⲛⲓ ⲛⲓⲃⲉⲛ ⲉⲧⲧⲁⲓⲏⲟⲩⲧ ⲛⲉⲙ ⲥ̀ⲕⲟⲥ ⲛⲓⲃⲉⲛ ⲛ̀ϣⲟⲩⲉⲣⲉ̀ⲡⲓⲑⲩⲙⲓⲛ ⲉ̀ⲣⲟϥ.	Èti efhemsi xen pefyi ǹje pisarapiḋos ère niṡōl ky ǹpefm̀θo eferθeṑrin ǹtiniṡti ǹmetramaò pinoub nem pihat nem ṑni niven ettaiyout nem s̀kos niven ǹṡouerèpiθimin èrof.
1:69	ⲥⲉⲛⲁⲉⲛ ⲡⲓϣⲓⲛⲓ ⲛⲁϥ ϫⲉⲁ ⲡⲓⲧⲟⲩⲣⲅⲟⲥ ⲉⲣϭ̅ⲥ̅ ⲉ̀ϯⲥⲩⲣⲓⲁ̀ ⲧⲏⲣⲥ ⲛⲉⲙⲛⲉⲥⲑⲟϣ ϥ̀ⲛⲁⲓ̀ ⲉ̀ⲃⲟⲗϧⲉⲛ ⲟⲩⲛⲓϣϯ ⲛ̀ϣ̀ⲑⲟⲣⲧⲉⲣ ⲛⲉⲙⲡⲉϥⲙⲏϣ ⲧⲏⲣϥ ⲟⲩⲟϩ ⲛⲓϣⲱⲗ ⲧⲏⲣⲟⲩ ϥ̀ⲛⲁⲭⲁⲩ ⲛ̀ⲥⲱϥ ϥ̀ⲛⲁⲱ̀ⲗⲓ ⲛ̀ϩ̀ⲗⲓ ⲛ̀ϧⲏⲧⲟⲩ ⲛⲉⲙⲁϥ ⲁⲛ .	Ⲥⲉⲛⲁⲉⲛ ⲡⲓϣⲓⲛⲓ ⲛⲁϥ ϫⲉ ⲁ ⲡⲓⲧⲟⲩⲣⲅⲟⲥ ⲉⲣϭⲟⲓⲥ ⲉ̀ϯⲥⲩⲣⲓⲁ̀ ⲧⲏⲣⲥ ⲛⲉⲙ ⲛⲉⲥⲑⲟϣ ϥ̀ⲛⲁⲓ̀ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ϣ̀ⲑⲟⲣⲧⲉⲣ ⲛⲉⲙ ⲡⲉϥⲙⲏϣ ⲧⲏⲣϥ ⲟⲩⲟϩ ⲛⲓϣⲱⲗ ⲧⲏⲣⲟⲩ ϥ̀ⲛⲁⲭⲁⲩ ⲛ̀ⲥⲱϥ ϥ̀ⲛⲁⲱ̀ⲗⲓ ⲛ̀ϩ̀ⲗⲓ ⲛ̀ϧⲏⲧⲟⲩ ⲛⲉⲙⲁϥ ⲁⲛ.	Senaen piṡini naf je a pitourġos erċois ètisirià tyrs nem nesθoṡ f̀naì èvol xen ouniṡti ǹṡ̀θorter nem pefmyṡ tyrf ouoh niṡōl tyrou f̀nakav ǹsōf f̀naṑli ǹh̀li ǹxytou nemaf an.
1:70	ⲁⲗⲗⲁ ⲁϥⲛⲁϣⲱⲡⲓ ϧⲉⲛⲟⲩϩⲏⲧ ⲛ̀ⲑⲏⲣⲓⲟⲛ ⲉϥⲙⲉⲩⲓ̀ ⲉ̀ⲃⲟⲗ ⲉϥⲉ̀ⲙⲓ ⲁⲛ ϫⲉϥ̀ⲛⲁⲉⲣ ⲟⲩ .	Ⲁⲗⲗⲁ ⲁϥⲛⲁϣⲱⲡⲓ ϧⲉⲛ ⲟⲩϩⲏⲧ ⲛ̀ⲑⲏⲣⲓⲟⲛ ⲉϥⲙⲉⲩⲓ̀ ⲉ̀ⲃⲟⲗ ⲉϥⲉ̀ⲙⲓ ⲁⲛ ϫⲉ ϥ̀ⲛⲁⲉⲣ ⲟⲩ.	Alla afnaṡōpi xen ouhyt ǹθyrion efmevì èvol efèmi an je f̀naer ou.
1:71	ⲁϥϣⲁⲛⲫⲱⲧ ⲇⲉ ϫⲉϥ̀ⲛⲏⲟⲩ ⲉ̀ϧ̀ⲣⲏⲓ ⲉ̀ⲭⲏⲙⲓ ⲡⲓⲧⲟⲩⲣⲅⲟⲥ ⲛⲁⲉⲣϣⲟⲣⲡ ⲉ̀ⲣⲟϥ ⲛⲉⲙⲡⲉϥⲙⲏϣ .	Ⲁϥϣⲁⲛⲫⲱⲧ ⲇⲉ ϫⲉ ϥ̀ⲛⲏⲟⲩ ⲉ̀ϧ̀ⲣⲏⲓ ⲉ̀ⲭⲏⲙⲓ ⲡⲓⲧⲟⲩⲣⲅⲟⲥ ⲛⲁⲉⲣϣⲟⲣⲡ ⲉ̀ⲣⲟϥ ⲛⲉⲙ ⲡⲉϥⲙⲏϣ.	Afṡanfōt ḋe je f̀nyou èx̀ryi èkymi pitourġos naerṡorp èrof nem pefmyṡ.
1:72	ⲟⲩⲟϩ ⲥⲉⲛⲁⲉⲣⲉ̀ⲡⲁⲛⲧⲁⲛ ⲉ̀ⲛⲟⲩⲉ̀ⲣⲏⲟⲩ ⲛⲉⲙⲡⲟⲩⲙⲏϣ ⲥⲉⲛⲁϯ ⲛⲉⲙⲛⲟⲩⲉ̀ⲣⲏⲟⲩ ϣⲁⲧⲉ ⲡⲓⲥ̀ⲛⲟϥ ϧⲁϯ ⲉ̀ⲃⲟⲗ ⲉⲙⲁϣⲱ ⲟⲩⲟϩ ⲡⲓⲧⲟⲩⲣⲅⲟⲥ ⲟⲩⲉ̀ⲃⲟⲗ ⲡⲉ ϧⲉⲛⲡ̀ⲅⲉⲛⲟⲥ ⲛ̀ⲛⲓⲣⲱⲙⲉⲟⲥ .	Ⲟⲩⲟϩ ⲥⲉⲛⲁⲉⲣⲉ̀ⲡⲁⲛⲧⲁⲛ ⲉ̀ⲛⲟⲩⲉ̀ⲣⲏⲟⲩ ⲛⲉⲙ ⲡⲟⲩⲙⲏϣ ⲥⲉⲛⲁϯ ⲛⲉⲙ ⲛⲟⲩⲉ̀ⲣⲏⲟⲩ ϣⲁⲧⲉ ⲡⲓⲥ̀ⲛⲟϥ ϧⲁϯ ⲉ̀ⲃⲟⲗ ⲉ̀ⲙⲁϣⲱ ⲟⲩⲟϩ ⲡⲓⲧⲟⲩⲣⲅⲟⲥ ⲟⲩ ⲉ̀ⲃⲟⲗ ⲡⲉ ϧⲉⲛ ⲡ̀ⲅⲉⲛⲟⲥ ⲛ̀ⲛⲓⲣⲱⲙⲉⲟⲥ.	Ouoh senaerèpantan ènouèryou nem poumyṡ senati nem nouèryou ṡate pis̀nof xati èvol èmaṡō ouoh pitourġos ou èvol pe xen p̀genos ǹnirōmeos.
1:73	ⲡⲓⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛϣⲙⲟⲩⲛ ϯⲃⲁⲕⲓ ϣⲁⲧⲉ ⲡⲓⲙⲱⲟⲩ ⲛ̀ⲧⲉⲫ̀ⲓⲁⲣⲟ ⲉⲣⲥ̀ⲛⲟϥ ϩⲓⲧⲉⲛⲡ̀ⲁ̀ϣⲁⲓ ⲛ̀ⲛⲓϧⲱⲧⲉⲃ ⲛ̀ⲛⲟⲩϣ̀ⲧⲉⲙⲥⲉ ⲙⲱⲟⲩ ⲉ̀ⲃⲟⲗ ⲛ̀ϧⲏⲧϥ .	Ⲡⲓⲡⲟⲗⲉⲙⲟⲥ ⲛⲁϣⲱⲡⲓ ϧⲉⲛ ϣⲙⲟⲩⲛ ϯⲃⲁⲕⲓ ϣⲁⲧⲉ ⲡⲓⲙⲱⲟⲩ ⲛ̀ⲧⲉ ⲫ̀ⲓⲁⲣⲟ ⲉⲣⲥ̀ⲛⲟϥ ϩⲓⲧⲉⲛ ⲡ̀ⲁ̀ϣⲁⲓ ⲛ̀ⲛⲓϧⲱⲧⲉⲃ ⲛ̀ⲛⲟⲩϣ̀ⲧⲉⲙⲥⲉ ⲙⲱⲟⲩ ⲉ̀ⲃⲟⲗ ⲛ̀ϧⲏⲧϥ.	Pipolemos naṡōpi xen ṡmoun tivaki ṡate pimōou ǹte f̀iaro ers̀nof hiten p̀àṡai ǹnixōteb ǹnouṡ̀temse mōou èvol ǹxytf.
1:74	ⲟⲩⲟⲛ ⲟⲩⲙⲏϣ ⲛ̀ⲣⲱⲙⲓ ⲛⲁⲙⲟⲩ ⲛ̀ⲧ̀ⲥⲏϥⲓ ⲛ̀ⲁⲧϭⲓⲏ̀ⲡⲓ ⲙ̀ⲙⲱⲟⲩ ⲫⲏⲉⲑⲛⲁⲥⲉⲡⲓ ⲛ̀ⲧⲱⲟⲩ ⲥⲉⲛⲁϩⲱⲗ ⲉ̀ⲧⲟⲩⲭⲱⲣⲁ ⲡⲓⲙⲁ ⲉⲧⲁⲩⲓ̀ ⲉ̀ⲃⲟⲗ ⲛ̀ϧⲏⲧϥ .	Ⲟⲩⲟⲛ ⲟⲩⲙⲏϣ ⲛ̀ⲣⲱⲙⲓ ⲛⲁⲙⲟⲩ ⲛ̀ⲧ̀ⲥⲏϥⲓ ⲛ̀ⲁⲧϭⲓⲏ̀ⲡⲓ ⲙ̀ⲙⲱⲟⲩ ⲫⲏⲉⲑⲛⲁⲥⲉⲡⲓ ⲛ̀ⲧⲱⲟⲩ ⲥⲉⲛⲁϩⲱⲗ ⲉ̀ⲧⲟⲩⲭⲱⲣⲁ ⲡⲓⲙⲁ ⲉⲧⲁⲩⲓ̀ ⲉ̀ⲃⲟⲗ ⲛ̀ϧⲏⲧϥ.	Ouon oumyṡ ǹrōmi namou ǹt̀syfi ǹatċiỳpi m̀mōou fyeθnasepi ǹtōou senahōl ètouxōra pima etavì èvol ǹxytf.
1:75	ⲡⲓⲧⲟⲩⲣⲅⲟⲥ ⲛⲁϧⲱⲧⲉⲃ ⲙ̀ⲡⲓⲥⲁⲣⲁⲡⲓⲇⲟⲥ ⲛ̀ⲧⲉϥⲱ̀ⲗⲓ ⲛ̀ⲧⲉϥⲙⲉⲧⲟⲩⲣⲟ ⲛ̀ⲧⲟⲧϥ ⲙ̀ⲙⲟⲛ ⲥⲉⲙⲛⲓ ⲛ̀ⲧⲉⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲁⲛ ϫⲉⲁⲗⲗⲁ ⲫⲁⲓ ⲡⲉ ⲡ̀ϫⲱⲕ ⲙ̀ⲡⲟⲩⲁ̀ⲣⲓⲑⲙⲟⲥ .	Ⲡⲓⲧⲟⲩⲣⲅⲟⲥ ⲛⲁϧⲱⲧⲉⲃ ⲛ̀ⲡⲓⲥⲁⲣⲁⲡⲓⲇⲟⲥ ⲛ̀ⲧⲉϥⲱ̀ⲗⲓ ⲛ̀ⲧⲉϥⲙⲉⲧⲟⲩⲣⲟ ⲛ̀ⲧⲟⲧϥ ⲙ̀ⲙⲟⲛ ⲥⲉⲙⲛⲓ ⲛ̀ⲧⲉ ⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲁⲛ ϫⲉ ⲁⲗⲗⲁ ⲫⲁⲓ ⲡⲉ ⲡ̀ϫⲱⲕ ⲛ̀ⲡⲟⲩⲁ̀ⲣⲓⲑⲙⲟⲥ.	Pitourġos naxōteb ǹpisarapiḋos ǹtefṑli ǹtefmetouro ǹtotf m̀mon semni ǹte nenṡyri ǹismayl an je alla fai pe p̀gōk ǹpouàriθmos.
1:76	ⲙⲉⲛⲉⲛⲥⲁⲛⲁⲓ ϥ̀ⲛⲁⲧⲱⲛϥ ⲉ̀ϫⲱⲟⲩ ⲛ̀ϫⲉⲡ̀ⲟⲩⲣⲟ ⲛ̀ⲧⲉⲛⲓⲣⲱⲙⲉⲟⲥ ϥ̀ⲛⲁϯ ⲛ̀ⲟⲩϥⲱϯ ⲉ̀ⲃⲟⲗ ⲛⲱⲟⲩ ϧⲉⲛⲣⲱⲥ ⲛ̀ⲧ̀ⲥⲏϥⲓ ϧⲉⲛⲛⲉⲛϣⲏⲣⲓ ⲛ̀ⲓⲥⲙⲁⲏⲗ ϧⲉⲛⲡ̀ϣⲁϥⲉ ⲛ̀ⲧⲉⲑ̀ⲣⲓⲃⲱⲛ ⲡ̀ⲕⲁϩⲓ ⲛ̀ⲛⲟⲩⲓⲟϯ .	Ⲙⲉⲛⲉⲛⲥⲁ ⲛⲁⲓ ϥ̀ⲛⲁⲧⲱⲛϥ ⲉ̀ϫⲱⲟⲩ ⲛ̀ϫⲉ ⲡ̀ⲟⲩⲣⲟ ⲛ̀ⲧⲉ ⲛⲓⲣⲱⲙⲉⲟⲥ ϥ̀ⲛⲁϯ ⲛ̀ⲟⲩϥⲱϯ ⲉ̀ⲃⲟⲗ ⲛⲱⲟⲩ ϧⲉⲛ ⲣⲱⲥ ⲛ̀ⲧ̀ⲥⲏϥⲓ ϧⲉⲛ ⲛⲉⲛϣⲏⲣⲓ ⲛ̀ⲓⲥⲙⲁⲏⲗ ϧⲉⲛ ⲡ̀ϣⲁϥⲉ ⲛ̀ⲧⲉ ⲑ̀ⲣⲓⲃⲱⲛ ⲡ̀ⲕⲁϩⲓ ⲛ̀ⲛⲟⲩⲓⲟϯ.	Menensa nai f̀natōnf ègōou ǹje p̀ouro ǹte nirōmeos f̀nati ǹoufōti èvol nōou xen rōs ǹt̀syfi xen nenṡyri ǹismayl xen p̀ṡafe ǹte θ̀ribōn p̀kahi ǹnouioti.
1:77	ⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲛⲁⲉⲣⲃⲱⲕ ⲛ̀ⲛⲓⲣⲱⲙⲉⲟⲥ ⲙ̀ⲡⲟⲩⲥⲏⲟⲩ ⲧⲏⲣϥ ⲛⲓⲣⲱⲙⲉⲟⲥ ⲛⲁⲉⲣϭ̅ⲥ̅ ⲉ̀ⲭⲏⲙⲓ ⲛ̀ⲙ̅ ⲛ̀ⲣⲟⲙⲡⲓ .	Ⲛⲉⲛϣⲏⲣⲓ ⲛ̀ⲓⲥⲙⲁⲏⲗ ⲛⲁⲉⲣⲃⲱⲕ ⲛ̀ⲛⲓⲣⲱⲙⲉⲟⲥ ⲛ̀ⲡⲟⲩⲥⲏⲟⲩ ⲧⲏⲣϥ ⲛⲓⲣⲱⲙⲉⲟⲥ ⲛⲁⲉⲣϭⲟⲓⲥ ⲉ̀ⲭⲏⲙⲓ ⲛ̀ϩ̀ⲙⲉ ⲛ̀ⲣⲟⲙⲡⲓ.	Nenṡyri ǹismayl naervōk ǹnirōmeos ǹpousyou tyrf nirōmeos naerċois èkymi ǹh̀me ǹrompi.
1:78	ⲙⲉⲛⲉⲛⲥⲁⲛⲁⲓ ⲉⲩⲉ̀ⲓ̀ ⲉ̀ⲃⲟⲗ ⲛ̀ϫⲉⲛⲓⲉⲑⲛⲟⲥ ⲃ̅ ⲉⲧⲉⲛⲁⲓ ⲛⲉ ⲛⲟⲩⲣⲁⲛ ⲅⲱⲅ ⲛⲉⲙⲁⲅⲱⲅ ⲉⲩⲉ̀ⲕⲓⲙ ⲉ̀ⲡ̀ⲕⲁϩⲓ ⲉ̀ϩⲁⲛⲙⲏϣ ⲛ̀ⲉ̀ϩⲟⲟⲩ .	Ⲙⲉⲛⲉⲛⲥⲁ ⲛⲁⲓ ⲉⲩⲓ̀ ⲉ̀ⲃⲟⲗ ⲛ̀ϫⲉ ⲛⲓⲉⲑⲛⲟⲥ 2 ⲉ̀ⲧⲉ ⲛⲁⲓ ⲛⲉ ⲛⲟⲩⲣⲁⲛ ⲅⲱⲅ ⲛⲉⲙ ⲁⲅⲱⲅ ⲉⲩⲉ̀ⲕⲓⲙ ⲉ̀ⲡ̀ⲕⲁϩⲓ ⲉ̀ϩⲁⲛⲙⲏϣ ⲛ̀ⲉ̀ϩⲟⲟⲩ.	Menensa nai evì èvol ǹje nieθnos 2 ète nai ne nouran ġōġ nem aġōġ evèkim èp̀kahi èhanmyṡ ǹèhoou.
1:79	ⲛⲁⲓ ⲉⲣⲉⲧⲟⲩⲏ̀ⲡⲓ ⲟϣ ⲙ̀ⲫ̀ⲣⲏϯ ⲙ̀ⲡⲓϣⲱ ⲟⲩⲟϩ ⲉϥⲉ̀ⲟⲩⲟⲛϩϥ ⲛ̀ϫⲉⲡⲓⲁⲛⲧⲓⲭ̅ⲣ̅ⲥ̅ ⲉϥⲉ̀ⲉⲣϩⲁⲗ ⲛ̀ⲟⲩⲙⲏϣ ϩⲱⲥ ⲇⲉ ⲁϥϣⲁⲛϣ̀ϫⲉⲙϫⲟⲙ ⲛ̀ⲧⲉϥⲥⲱⲣⲉⲙ ⲛ̀ⲛⲓⲕⲉⲥⲱⲧⲡ .	Ⲛⲁⲓ ⲉ̀ⲣⲉ ⲧⲟⲩⲏ̀ⲡⲓ ⲟϣ ⲛ̀ⲫ̀ⲣⲏϯ ⲛ̀ⲡⲓϣⲱ ⲟⲩⲟϩ ⲉϥⲉ̀ⲟⲩⲟⲛϩϥ ⲛ̀ϫⲉ ⲡⲓⲁⲛⲧⲓⲭⲣⲓⲥⲧⲟⲥ ⲉϥⲉ̀ⲉⲣϩⲁⲗ ⲛ̀ⲟⲩⲙⲏϣ ϩⲱⲥ ⲇⲉ ⲁϥϣⲁⲛϣ̀ϫⲉⲙϫⲟⲙ ⲛ̀ⲧⲉϥⲥⲱⲣⲉⲙ ⲛ̀ⲛⲓⲕⲉⲥⲱⲧⲡ.	Nai ère touỳpi oṡ ǹf̀ryti ǹpiṡō ouoh efèouonhf ǹje piantixristos efèerhal ǹoumyṡ hōs ḋe afṡanṡ̀jemgom ǹtefsōrem ǹnikesōtp.
1:80	ⲟⲩⲟϩ ϥ̀ⲛⲁϧⲱⲧⲉⲃ ⲙ̀ⲡⲓⲡ̀ⲣⲟⲫⲏⲧⲏⲥⲃ̅ ⲉⲛⲱⲭ ⲛⲉⲙⲏⲗⲓⲁ̀ⲥ ⲛ̀ⲥⲉⲉⲣⲅ̅ ⲛ̀ⲉ̀ϩⲟⲟⲩ ⲟⲩϫⲟⲥ ⲉⲩⲙⲱⲟⲩⲧ ϧⲉⲛⲡ̀ϣ̀ⲑⲉϩ ⲛ̀ϯⲛⲓϣϯ ⲙ̀ⲡⲟⲗⲓⲥ ⲓⲗ̅ⲏ̅ⲙ̅ .	Ⲟⲩⲟϩ ϥ̀ⲛⲁϧⲱⲧⲉⲃ ⲙ̀ⲡⲓⲡ̀ⲣⲟⲫⲏⲧⲏⲥⲃ̅ ⲉⲛⲱⲭ ⲛⲉⲙ ⲏⲗⲓⲁ̀ⲥ ⲛ̀ⲥⲉⲉⲣⲅ̅ ⲛ̀ⲉ̀ϩⲟⲟⲩ ⲟⲩϫⲟⲥ ⲉⲩⲙⲱⲟⲩⲧ ϧⲉⲛ ⲡ̀ϣ̀ⲑⲉϩ ⲛ̀ϯⲛⲓϣϯ ⲛ̀ⲡⲟⲗⲓⲥ ⲓⲉⲣⲟⲩⲥⲁⲗⲏⲙ.	Ouoh f̀naxōteb m̀pip̀rofytysv enōx nem yliàs ǹseerġ ǹèhoou ougos evmōout xen p̀ṡ̀θeh ǹtiniṡti ǹpolis ierousalym.
1:81	ⲙⲉⲛⲉⲛⲥⲱⲥ ⲛ̀ⲧⲉⲡⲓⲁ̀ⲡⲁⲥ ⲛ̀ⲧⲉⲛⲓⲉ̀ϩⲟⲟⲩ ⲧⲟⲩⲛⲟⲥⲟⲩ ⲉ̀ⲃⲟⲗ ϧⲉⲛⲛⲏⲉⲑⲙⲱⲟⲩⲧ .	Ⲙⲉⲛⲉⲛⲥⲱⲥ ⲛ̀ⲧⲉ ⲡⲓⲁ̀ⲡⲁⲥ ⲛ̀ⲧⲉ ⲛⲓⲉ̀ϩⲟⲟⲩ ⲧⲟⲩⲛⲟⲥⲟⲩ ⲉ̀ⲃⲟⲗ ϧⲉⲛ ⲛⲏⲉⲑⲙⲱⲟⲩⲧ.	Menensōs ǹte piàpas ǹte nièhoou tounosou èvol xen nyeθmōout.
1:82	ⲉⲧⲉⲫⲁⲓ ⲡⲉ ⲫⲏⲉⲧⲁⲓⲛⲁⲩ ⲉ̀ⲣⲟϥ ⲉϥⲛⲏⲟⲩ ⲛⲉⲙⲛⲓϭⲏⲡⲓ ⲛ̀ⲧⲉⲧ̀ⲫⲉ ⲙ̀ⲫ̀ⲣⲏϯ ⲛ̀ⲟⲩϣⲏⲣⲓ ⲛ̀ⲣⲱⲙⲓ ⲡⲉϥⲉⲣϣⲓϣⲓ ⲟⲩⲉⲣϣⲓϣⲓ ⲛ̀ⲉ̀ⲛⲉϩ ⲟⲩⲟϩ ⲧⲉϥⲙⲉⲧⲟⲩⲣⲟ ⲙ̀ⲡⲁⲥⲙⲟⲩⲛⲕ .	Ⲉ̀ⲧⲉ ⲫⲁⲓ ⲡⲉ ⲫⲏⲉⲧⲁⲓⲛⲁⲩ ⲉ̀ⲣⲟϥ ⲉϥⲛⲏⲟⲩ ⲛⲉⲙ ⲛⲓϭⲏⲡⲓ ⲛ̀ⲧⲉ ⲧ̀ⲫⲉ ⲛ̀ⲫ̀ⲣⲏϯ ⲛ̀ⲟⲩϣⲏⲣⲓ ⲛ̀ⲣⲱⲙⲓ ⲡⲉϥⲉⲣϣⲓϣⲓ ⲟⲩⲉⲣϣⲓϣⲓ ⲛ̀ⲉ̀ⲛⲉϩ ⲟⲩⲟϩ ⲧⲉϥⲙⲉⲧⲟⲩⲣⲟ ⲙ̀ⲡⲁⲥⲙⲟⲩⲛⲕ.	Ète fai pe fyetainav èrof efnyou nem niċypi ǹte t̀fe ǹf̀ryti ǹouṡyri ǹrōmi peferṡiṡi ouerṡiṡi ǹèneh ouoh tefmetouro m̀pasmounk.
1:83	ⲟⲩⲟϩ ⲛ̀ⲑⲟϥ ⲉⲑⲛⲁϧⲱⲧⲉⲃ ⲙ̀ⲟⲩⲁⲛⲧⲓⲭ̅ⲣ̅ⲥ̅ ⲛⲉⲙⲡⲉϥⲙⲏϣ ⲧⲏⲣϥ ⲉⲑⲛⲉⲙⲁϥ .	Ⲟⲩⲟϩ ⲛ̀ⲑⲟϥ ⲉⲑⲛⲁϧⲱⲧⲉⲃ ⲙ̀ⲟⲩⲁⲛⲧⲓⲭ̅ⲣ̅ⲥ̅ ⲛⲉⲙ ⲡⲉϥⲙⲏϣ ⲧⲏⲣϥ ⲉⲑⲛⲉⲙⲁϥ.	Ouoh ǹθof eθnaxōteb m̀ouantixrs nem pefmyṡ tyrf eθnemaf.
1:84	ⲁⲗⲏⲑⲱⲥ ⲟⲩⲟⲓ ⲙ̀ϯⲩⲭⲏ ⲛⲓⲃⲉⲛ ⲉⲧϣⲟⲡ ϩⲓϫⲉⲛⲡ̀ⲕⲁϩⲓ ⲙ̀ⲡⲓⲥⲏⲟⲩ ⲉⲧⲉⲙ̀ⲙⲁⲩ ϫⲉⲟⲩⲏⲓ ϥ̀ⲛⲁϣⲱⲡⲓ ⲛ̀ϫⲉⲟⲩϭⲓⲛ̀ϫⲟⲛⲥ ⲛⲉⲙⲟⲩⲛⲓϣϯ ⲛ̀ϧⲟⲙϧⲉⲙ ⲛⲉⲙⲟⲩⲣⲓⲙⲓ ⲟⲩⲟϩ ⲉⲣⲉⲡ̀ⲟⲩϫⲁⲓ ⲛ̀ⲛⲓⲣⲱⲙⲓ ϧⲉⲛⲛⲉⲛϫⲓϫ ⲙ̀ⲫϯ ⲛ̀ⲧⲉⲧ̀ⲫⲉ ⲟⲩⲟϩ ⲫⲁⲓ ⲡⲉ ⲡ̀ϫⲱⲕ ⲙ̀ⲡⲓⲥⲁϫⲓ .	Ⲁ̀ⲗⲏⲑⲱⲥ ⲟⲩⲟⲓ ⲙ̀ϯⲩⲭⲏ ⲛⲓⲃⲉⲛ ⲉⲧϣⲟⲡ ϩⲓϫⲉⲛ ⲡ̀ⲕⲁϩⲓ ⲛ̀ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ϫⲉ ⲟⲩⲏⲓ ϥ̀ⲛⲁϣⲱⲡⲓ ⲛ̀ϫⲉ ⲟⲩϭⲓⲛ̀ϫⲟⲛⲥ ⲛⲉⲙ ⲟⲩⲛⲓϣϯ ⲛ̀ϧⲟⲙϧⲉⲙ ⲛⲉⲙ ⲟⲩⲣⲓⲙⲓ ⲟⲩⲟϩ ⲉ̀ⲣⲉ ⲡ̀ⲟⲩϫⲁⲓ ⲛ̀ⲛⲓⲣⲱⲙⲓ ϧⲉⲛ ⲛⲉⲛϫⲓϫ ⲛ̀ⲫ̀ⲛⲟⲩϯ ⲛ̀ⲧⲉ ⲧ̀ⲫⲉ ⲟⲩⲟϩ ⲫⲁⲓ ⲡⲉ ⲡ̀ϫⲱⲕ ⲛ̀ⲡⲓⲥⲁϫⲓ.	Àlyθōs ouoi m̀tiiṡy niven etṡop hijen p̀kahi ǹpisyou ète m̀mav je ouyi f̀naṡōpi ǹje ouċiǹgons nem ouniṡti ǹxomxem nem ourimi ouoh ère p̀ougai ǹnirōmi xen nenjig ǹf̀nouti ǹte t̀fe ouoh fai pe p̀gōk ǹpisaji.
1:85	ⲡⲉϫⲉ ⲡⲓⲁⲅⲅⲉⲗⲟⲥ ⲛⲏⲓ ϫⲉⲇⲁⲛⲓⲏⲗ ⲇⲁⲛⲓⲏⲗ ⲙⲁϣⲑⲁⲙ ⲛ̀ⲛⲁⲓⲥⲁϫⲓ ⲁⲣⲓⲥⲫⲣⲁⲅⲓⲍⲓⲛ ⲙ̀ⲙⲱⲟⲩ ϣⲁⲡⲓⲥⲏⲟⲩ ⲉⲧⲟⲩⲛⲁϫⲱⲕ ⲉ̀ⲃⲟⲗ ϫⲉⲫⲁⲓ ⲡⲉ ⲡ̀ϫⲱⲕ ⲛ̀ϩⲱⲃ ⲛⲓⲃⲉⲛ .	Ⲡⲉϫⲉ ⲡⲓⲁⲅⲅⲉⲗⲟⲥ ⲛⲏⲓ ϫⲉ ⲇⲁⲛⲓⲏⲗ ⲇⲁⲛⲓⲏⲗ ⲙⲁϣ̀ⲑⲁⲙ ⲛ̀ⲛⲁⲓⲥⲁϫⲓ ⲁⲣⲓⲥⲫⲣⲁⲅⲓⲍⲓⲛ ⲙ̀ⲙⲱⲟⲩ ϣⲁ ⲡⲓⲥⲏⲟⲩ ⲉⲧⲟⲩⲛⲁϫⲱⲕ ⲉ̀ⲃⲟⲗ ϫⲉ ⲫⲁⲓ ⲡⲉ ⲡ̀ϫⲱⲕ ⲛ̀ϩⲱⲃ ⲛⲓⲃⲉⲛ.	Peje piangelos nyi je daniyl daniyl maṡ̀θam ǹnaisaji arisfragizin m̀mōou ṡa pisyou etounagōk èvol je fai pe p̀gōk ǹhōb niven.
1:86	ⲁⲛⲟⲕ ⲇⲁⲛⲓⲏⲗ ⲁⲓⲧⲱⲛⲧ ⲁⲓⲧⲱⲃ ⲛ̀ⲛⲓⲥⲁϫⲓ ⲟⲩⲟϩ ⲁⲓⲉⲣⲥⲫⲣⲁⲅⲓⲍⲓⲛ ⲙ̀ⲙⲱⲟⲩ .	Ⲁⲛⲟⲕ ⲇⲁⲛⲓⲏⲗ ⲁⲓⲧⲱⲛⲧ ⲁⲓⲧⲱⲃ ⲛ̀ⲛⲓⲥⲁϫⲓ ⲟⲩⲟϩ ⲁⲓⲉⲣⲥⲫⲣⲁⲅⲓⲍⲓⲛ ⲙ̀ⲙⲱⲟⲩ.	Anok daniyl aitōnt aitōb ǹnisaji ouoh aiersfragizin m̀mōou.
1:87	ⲁⲓϯⲱ̀ⲟⲩ ⲙ̀ⲫϯ ⲫ̀ⲓⲱⲧ ⲛ̀ⲧⲉⲟⲩⲟⲛ ⲛⲓⲃⲉⲛ ⲟⲩⲟϩ ⲫ̀ⲛⲏⲃ ⲛ̀ⲧⲉⲡⲓⲉ̀ⲡ̀ⲧⲏⲣϥ ⲟⲩⲟϩ ⲉⲧⲥⲱⲟⲩⲛ ⲛ̀ⲛⲓⲥⲏⲟⲩ ⲛⲉⲙⲛⲓⲭ̀ⲣⲟⲛⲟⲥ .	Ⲁⲓϯⲱ̀ⲟⲩ ⲛ̀ⲫ̀ⲛⲟⲩϯ ⲫ̀ⲓⲱⲧ ⲛ̀ⲧⲉ ⲟⲩⲟⲛ ⲛⲓⲃⲉⲛ ⲟⲩⲟϩ ⲫ̀ⲛⲏⲃ ⲛ̀ⲧⲉ ⲡⲓⲉ̀ⲡ̀ⲧⲏⲣϥ ⲟⲩⲟϩ ⲉⲧⲥⲱⲟⲩⲛ ⲛ̀ⲛⲓⲥⲏⲟⲩ ⲛⲉⲙ ⲛⲓⲭ̀ⲣⲟⲛⲟⲥ.	Aitiṑou ǹf̀nouti f̀iōt ǹte ouon niven ouoh f̀nyb ǹte pièp̀tyrf ouoh etsōoun ǹnisyou nem nix̀ronos.
1:88	ⲫⲁⲓ ⲉⲧⲉⲫⲱϥ ⲡⲉ ⲡⲓⲱ̀ⲟⲩ ⲛⲉⲙⲡⲓⲁ̀ⲙⲁϩⲓ ϣⲁⲉ̀ⲛⲉϩ ⲁ̀ⲙⲏⲛ .	Ⲫⲁⲓ ⲉ̀ⲧⲉ ⲫⲱϥ ⲡⲉ ⲡⲓⲱ̀ⲟⲩ ⲛ̀ⲉⲛⲡⲓⲁ̀ⲙⲁϩⲓ ϣⲁ ⲉ̀ⲛⲉϩ ⲁ̀ⲙⲏⲛ.	Fai ète fōf pe piṑou ǹenpiàmahi ṡa èneh àmyn.

Provenance

title: The Fourteenth Vision of Daniel (ϯϩⲟⲣⲁⲥⲓⲥ ⲙ̀ⲙⲁϩ ⲓ̅ⲇ̅)
dialect: bohairic
source: Coptic SCRIPTORIUM corpus "bohairic.ot", document(s) 27_Daniel_19 [bible_refile @refile:Apocrypha & Gnostic|Fourteenth Vision of Daniel|1]
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 27_Daniel_19 from Coptic SCRIPTORIUM (https://copticscriptorium.org), corpus bohairic.ot, document 27_Daniel_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Apocrypha & Gnostic/Fourteenth Vision of Daniel/27_Daniel_19.bohairic.scriptorium.L0.txt
title: The Fourteenth Vision of Daniel (ϯϩⲟⲣⲁⲥⲓⲥ ⲙ̀ⲙⲁϩ ⲓ̅ⲇ̅) — Cairene
dialect: bohairic
source: generated from 27_Daniel_19.bohairic.scriptorium.L0.txt (Coptic SCRIPTORIUM corpus "bohairic.ot", document(s) 27_Daniel_19 [bible_refile @refile:Apocrypha & Gnostic|Fourteenth V)
licence: CC BY-SA 4.0
share: attribution
attribution: 27_Daniel_19 from Coptic SCRIPTORIUM (https://copticscriptorium.org), corpus bohairic.ot, document 27_Daniel_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Apocrypha & Gnostic/Fourteenth Vision of Daniel/27_Daniel_19.bohairic.scriptorium.L1.txt
title: The Fourteenth Vision of Daniel (ϯϩⲟⲣⲁⲥⲓⲥ ⲙ̀ⲙⲁϩ ⲓ̅ⲇ̅) — Kemetic
dialect: bohairic
source: generated from 27_Daniel_19.bohairic.scriptorium.L1.txt
licence: CC BY-SA 4.0
share: attribution
attribution: 27_Daniel_19 from Coptic SCRIPTORIUM (https://copticscriptorium.org), corpus bohairic.ot, document 27_Daniel_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Apocrypha & Gnostic/Fourteenth Vision of Daniel/27_Daniel_19.bohairic.scriptorium.L2.txt

Cite as:

The Fourteenth Vision of Daniel (ϯϩⲟⲣⲁⲥⲓⲥ ⲙ̀ⲙⲁϩ ⲓ̅ⲇ̅). Coptic SCRIPTORIUM corpus "bohairic.ot", document(s) 27_Daniel_19 [bible_refile @refile:Apocrypha & Gnostic|Fourteenth Vision of Daniel|1]. Layers as published by the Kemetic project (Yousef Hanna), 2026: Coptic · Cairene · Kemetic, /doc/apocrypha-and-gnostic/fourteenth-vision-of-daniel/27-daniel-19.bohairic.scriptorium/. 27_Daniel_19 from Coptic SCRIPTORIUM (https://copticscriptorium.org), corpus bohairic.ot, document 27_Daniel_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.