05_Acts_02 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 05_Acts_02

Attribution: 05_Acts_02 from Coptic SCRIPTORIUM (https://copticscriptorium.org), corpus bohairic.nt, document 05_Acts_02, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

47 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
2:1	ⲟⲩⲟϩ ⲉⲧⲁϥϫⲱⲕ ⲉⲃⲟⲗ ⲛϫⲉⲡⲓⲉϩⲟⲟⲩ ⲛⲧⲉϯⲡⲉⲛⲧⲏⲕⲟⲥⲧⲏ ⲛⲁⲩⲑⲟⲩⲏⲧ ⲧⲏⲣⲟⲩ ⲡⲉ ϩⲓⲟⲩⲙⲁ .	ⲟⲩⲟϩ ⲉ̀ⲧⲁϥϫⲱⲕ ⲉ̀ⲃⲟⲗ ⲛ̀ϫⲉ ⲡⲓⲉ̀ϩⲟⲟⲩ ⲛ̀ⲧⲉ ϯⲡⲉⲛⲧⲏⲕⲟⲥⲧⲏ ⲛⲁⲩⲑⲟⲩⲏⲧ ⲧⲏⲣⲟⲩ ⲡⲉ ϩⲓ ⲟⲩⲙⲁ.	ouoh ètafgōk èvol ǹje pièhoou ǹte tipentykosty navθouyt tyrou pe hi ouma.	Now when the day of Pentecost had come, they were all with one accord in one place.
2:2	ⲛⲟⲩϩⲟϯ ϧⲉⲛⲟⲩϩⲟϯ ⲁⲥϣⲱⲡⲓ ⲛϫⲉⲟⲩⲥⲙⲏ ⲉⲃⲟⲗ ϧⲉⲛⲧⲫⲉ ⲙⲫⲣⲏϯ ⲛⲟⲩⲑⲏⲟⲩ ⲉⲩⲓⲛⲓ ⲙⲙⲟϥ ⲛϫⲟⲛⲥ ⲟⲩⲟϩ ⲁϥⲙⲟϩ ⲙⲡⲓⲏⲓ ⲧⲏⲣϥ ⲉⲛⲁⲩϩⲉⲙⲥⲓ ⲛϧⲏⲧϥ .	Ⲛ̀ⲟⲩϩⲟϯ ϧⲉⲛ ⲟⲩϩⲟϯ ⲁⲥϣⲱⲡⲓ ⲛ̀ϫⲉ ⲟⲩⲥ̀ⲙⲏ ⲉ̀ⲃⲟⲗ ϧⲉⲛ ⲧ̀ⲫⲉ ⲛ̀ⲫ̀ⲣⲏϯ ⲛ̀ⲟⲩⲑⲏⲟⲩ ⲉⲩⲓ̀ⲛⲓ ⲙ̀ⲙⲟϥ ⲛ̀ϫⲟⲛⲥ ⲟⲩⲟϩ ⲁϥⲙⲟϩ ⲛ̀ⲡⲓⲏⲓ ⲧⲏⲣϥ ⲉⲛⲁⲩϩⲉⲙⲥⲓ ⲛ̀ϧⲏⲧϥ.	Ǹouhoti xen ouhoti asṡōpi ǹje ous̀my èvol xen t̀fe ǹf̀ryti ǹouθyou evìni m̀mof ǹgons ouoh afmoh ǹpiyi tyrf enavhemsi ǹxytf.	Suddenly there came from the sky a sound like the rushing of a mighty wind, and it filled all the house where they were sitting.
2:3	ⲟⲩⲟϩ ⲁⲩⲟⲩⲟⲛϩⲟⲩ ⲉⲣⲱⲟⲩ ⲙⲫⲣⲏϯ ⲛϩⲁⲛⲗⲁⲥ ⲛⲭⲣⲱⲙ ⲉⲩⲫⲏϣ ⲟⲩⲟϩ ⲁⲩϩⲉⲙⲥⲓ ⲉϫⲉⲛⲫⲟⲩⲁⲓ ⲫⲟⲩⲁⲓ ⲙⲙⲱⲟⲩ .	Ⲟⲩⲟϩ ⲁⲩⲟⲩⲟⲛϩⲟⲩ ⲉ̀ⲣⲱⲟⲩ ⲛ̀ⲫ̀ⲣⲏϯ ⲛ̀ϩⲁⲛⲗⲁⲥ ⲛ̀ⲭ̀ⲣⲱⲙ ⲉⲩⲫⲏϣ ⲟⲩⲟϩ ⲁⲩϩⲉⲙⲥⲓ ⲉ̀ϫⲉⲛ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲟⲩ.	Ouoh avouonhou èrōou ǹf̀ryti ǹhanlas ǹk̀rōm evfyṡ ouoh avhemsi èjen f̀ouai f̀ouai m̀mōou.	Tongues like fire appeared and were distributed to them, and one sat on each of them.
2:4	ⲟⲩⲟϩ ⲁⲩⲙⲟϩ ⲧⲏⲣⲟⲩ ⲉⲃⲟⲗ ϧⲉⲛⲟⲩⲡⲛⲉⲩⲙⲁⲉϥⲟⲩⲁⲃ ⲟⲩⲟϩ ⲁⲩⲟⲩⲁϩⲧⲟⲧⲟⲩ ⲉⲥⲁϫⲓ ⲛϩⲁⲛⲕⲉⲗⲁⲥ ⲕⲁⲧⲁⲫⲣⲏϯ ⲉⲧⲁϥϯ ⲛⲱⲟⲩ ⲛϫⲉⲡⲓⲡⲛⲉⲩⲙⲁⲉⲑⲣⲟⲩⲉⲣⲟⲩⲱ .	Ⲟⲩⲟϩ ⲁⲩⲙⲟϩ ⲧⲏⲣⲟⲩ ⲉ̀ⲃⲟⲗ ϧⲉⲛ ⲟⲩⲡ̀ⲛⲉⲩⲙⲁⲉϥⲟⲩⲁⲃ ⲟⲩⲟϩ ⲁⲩⲟⲩⲁϩⲧⲟⲧⲟⲩ ⲉ̀ⲥⲁϫⲓ ⲛ̀ϩⲁⲛⲕⲉⲗⲁⲥ ⲕⲁⲧⲁ ⲫ̀ⲣⲏϯ ⲉⲧⲁϥϯ ⲛⲱⲟⲩ ⲛ̀ϫⲉ ⲡⲓⲡⲛⲉⲩⲙⲁⲉⲑⲣⲟⲩⲉⲣⲟⲩⲱ.	Ouoh avmoh tyrou èvol xen oup̀nevmaefouab ouoh avouahtotou èsaji ǹhankelas kata f̀ryti etafti nōou ǹje pipnevmaeθrouerouō.	They were all filled with the Holy Spirit, and began to speak with other languages, as the Spirit gave them the ability to speak.
2:5	ⲛⲉ ⲟⲩⲟⲛ ϩⲁⲛⲟⲩⲟⲛ ⲇⲉ ⲉⲩϣⲟⲡ ϧⲉⲛⲓⲉⲣⲟⲥⲁⲗⲏⲙ ϩⲁⲛⲣⲱⲙⲓ ⲛⲓⲟⲩⲇⲁⲓ ⲉⲩⲉⲣϩⲟϯ ⲉⲃⲟⲗ ϧⲉⲛϣⲗⲱⲗ ⲛⲓⲃⲉⲛ ⲉⲧⲥⲁⲡⲉⲥⲏⲧ ⲛⲧⲫⲉ .	Ⲛⲉ ⲟⲩⲟⲛ ϩⲁⲛⲟⲩⲟⲛ ⲇⲉ ⲉⲩϣⲟⲡ ϧⲉⲛ ⲓⲉⲣⲟⲥⲁⲗⲏⲙ ϩⲁⲛⲣⲱⲙⲓ ⲛ̀ⲓⲟⲩⲇⲁⲓ ⲉⲩⲉⲣϩⲟϯ ⲉ̀ⲃⲟⲗ ϧⲉⲛ ϣⲗⲱⲗ ⲛⲓⲃⲉⲛ ⲉⲧⲥⲁⲡⲉⲥⲏⲧ ⲛ̀ⲧ̀ⲫⲉ.	Ne ouon hanouon ḋe evṡop xen ierosalym hanrōmi ǹioudai everhoti èvol xen ṡlōl niven etsapesyt ǹt̀fe.	Now there were dwelling in Jerusalem Jews, devout men, from every nation under the sky.
2:6	ⲉⲧⲁⲥϣⲱⲡⲓ ⲇⲉ ⲛϫⲉⲧⲁⲓⲥⲙⲏ ⲁⲩⲑⲱⲟⲩϯ ⲛϫⲉⲛⲓⲙⲏϣ ⲟⲩⲟϩ ⲁⲩϣⲑⲟⲣⲧⲉⲣ ϫⲉⲛⲁⲣⲉⲫⲟⲩⲁⲓ ⲫⲟⲩⲁⲓ ⲥⲱⲧⲉⲙ ⲉⲣⲱⲟⲩ ⲉⲩⲥⲁϫⲓ ϧⲉⲛⲧⲟⲩⲁⲥⲡⲓ .	Ⲉⲧⲁⲥϣⲱⲡⲓ ⲇⲉ ⲛ̀ϫⲉ ⲧⲁⲓⲥ̀ⲙⲏ ⲁⲩⲑⲱⲟⲩϯ ⲛ̀ϫⲉ ⲛⲓⲙⲏϣ ⲟⲩⲟϩ ⲁⲩϣ̀ⲑⲟⲣⲧⲉⲣ ϫⲉ ⲛⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲥⲱⲧⲉⲙ ⲉ̀ⲣⲱⲟⲩ ⲉⲩⲥⲁϫⲓ ϧⲉⲛ ⲧⲟⲩⲁⲥⲡⲓ.	Etasṡōpi ḋe ǹje tais̀my avθōouti ǹje nimyṡ ouoh avṡ̀θorter je nare f̀ouai f̀ouai sōtem èrōou evsaji xen touaspi.	When this sound was heard, the multitude came together, and were bewildered, because everyone heard them speaking in his own language.
2:7	ⲛⲁⲩⲧⲱⲙⲧ ⲇⲉ ⲧⲏⲣⲟⲩ ⲡⲉ ⲉⲩⲉⲣϣⲫⲏⲣⲓ ⲉⲩϫⲱ ⲙⲙⲟⲥ ϫⲉⲟⲩⲭⲓ ⲛⲁⲓ ⲧⲏⲣⲟⲩ ⲉⲧⲥⲁϫⲓ ϩⲁⲛⲅⲁⲗⲓⲗⲉⲟⲥ ⲁⲛ ⲛⲉ .	Ⲛⲁⲩⲧⲱⲙⲧ ⲇⲉ ⲧⲏⲣⲟⲩ ⲡⲉ ⲉⲩⲉⲣϣ̀ⲫⲏⲣⲓ ⲉⲩϫⲱ ⲙ̀ⲙⲟⲥ ϫⲉ ⲟⲩⲭⲓ ⲛⲁⲓ ⲧⲏⲣⲟⲩ ⲉⲧⲥⲁϫⲓ ϩⲁⲛⲅⲁⲗⲓⲗⲉⲟⲥ ⲁⲛ ⲛⲉ.	Navtōmt ḋe tyrou pe everṡ̀fyri evgō m̀mos je ouṡi nai tyrou etsaji hanġalileos an ne.	They were all amazed and marveled, saying to one another, 'Behold, aren't all these who speak Galileans?
2:8	ⲡⲱⲥ ⲁⲛⲟⲛ ⲧⲉⲛⲥⲱⲧⲉⲙ ⲫⲟⲩⲁⲓ ⲫⲟⲩⲁⲓ ⲙⲙⲟⲛ ϧⲉⲛⲧⲉⲛⲁⲥⲡⲓ ⲉⲧⲁⲩϫⲫⲟⲛ ⲛϧⲏⲧⲥ .	Ⲡⲱⲥ ⲁ̀ⲛⲟⲛ ⲧⲉⲛⲥⲱⲧⲉⲙ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲟⲛ ϧⲉⲛ ⲧⲉⲛⲁⲥⲡⲓ ⲉⲧⲁⲩϫⲫⲟⲛ ⲛ̀ϧⲏⲧⲥ.	Pōs ànon tensōtem f̀ouai f̀ouai m̀mon xen tenaspi etavgfon ǹxyts.	How do we hear, everyone in our own native language?
2:9	ⲛⲓⲡⲁⲣⲑⲟⲥ ⲛⲉⲙⲛⲓⲙⲏⲇⲟⲥ ⲛⲉⲙⲛⲓⲉⲗⲁⲙⲓⲧⲏ ⲥⲛⲉⲙ ⲛⲏ ⲉⲧϣⲟⲡ ϧⲉⲛϯⲙⲉⲥⲟⲡⲟⲧⲁⲙⲓⲁ ϯⲓⲟⲩⲇⲉⲁ ⲛⲉⲙϯⲕⲁⲡⲡⲟⲇⲟⲕⲓⲁ ⲡⲟⲛⲧⲟⲥ ⲛⲉⲙϯⲁⲥⲓⲁ .	Ⲛⲓⲡⲁⲣⲑⲟⲥ ⲛⲉⲙ ⲛⲓⲙⲏⲇⲟⲥ ⲛⲉⲙ ⲛⲓⲉⲗⲁⲙⲓⲧⲏ ⲥ ⲛⲉⲙ ⲛⲏ ⲉⲧϣⲟⲡ ϧⲉⲛ ϯⲙⲉⲥⲟⲡⲟⲧⲁⲙⲓⲁ ϯⲓⲟⲩⲇⲉⲁ̀ ⲛⲉⲙ ϯⲕⲁⲡⲡⲟⲇⲟⲕⲓⲁ ⲡⲟⲛⲧⲟⲥ ⲛⲉⲙ ϯⲁⲥⲓⲁ.	Niparθos nem nimydos nem nielamity s nem ny etṡop xen timesopotamia tiioudeà nem tikappoḋokia pontos nem tiasia.	Parthians, Medes, Elamites, and people from Mesopotamia, Judea, Cappadocia, Pontus, Asia,
2:10	ϯⲫⲣⲓⲕⲓⲁ ⲛⲉⲙϯⲡⲁⲙⲫⲓⲗⲓⲁ ⲭⲏⲙⲓ ⲛⲉⲙⲛⲓⲥⲁ ⲛⲧⲉϯⲗⲩⲃⲏ ⲑⲏ ⲉⲧϩⲓ ⲛⲓⲥⲁ ⲛⲧⲉϯⲕⲩⲣⲓⲛⲛⲏ ⲛⲉⲙⲛⲓⲣⲱⲙⲉⲟⲥ ⲉⲧϣⲟⲡ ⲛϧⲏⲧⲉⲛ .	Ϯⲫ̀ⲣⲓⲕⲓⲁ ⲛⲉⲙ ϯⲡⲁⲙⲫⲓⲗⲓⲁ ⲭⲏⲙⲓ ⲛⲉⲙ ⲛⲓⲥⲁ ⲛ̀ⲧⲉ ϯⲗⲩⲃⲏ ⲑⲏ ⲉⲧϩⲓ ⲛⲓⲥⲁ ⲛ̀ⲧⲉ ϯⲕⲩⲣⲓⲛⲛⲏ ⲛⲉⲙ ⲛⲓⲣⲱⲙⲉⲟⲥ ⲉⲧϣⲟⲡ ⲛ̀ϧⲏⲧⲉⲛ.	Tif̀rikia nem tipamfilia kymi nem nisa ǹte tilivy θy et·hi nisa ǹte tikirinny nem nirōmeos etṡop ǹxyten.	Phrygia, Pamphylia, Egypt, the parts of Libya around Cyrene, visitors from Rome, both Jews and proselytes,
2:11	ⲛⲓⲓⲟⲩⲇⲁⲓ ⲛⲉⲙⲛⲓϣⲉⲙⲙⲱⲟⲩ ⲛⲓⲕⲣⲓⲧⲏⲥ ⲛⲉⲙⲛⲓⲁⲣⲁⲃⲟⲥ ⲧⲉⲛⲥⲱⲧⲉⲙ ⲉⲣⲱⲟⲩ ⲉⲩⲥⲁϫⲓ ϧⲉⲛϩⲁⲛⲗⲁⲥ ⲛⲛⲓⲙⲉⲧⲛⲓϣϯ ⲛⲧⲉⲫⲛⲟⲩϯ .	Ⲛⲓⲓⲟⲩⲇⲁⲓ ⲛⲉⲙ ⲛⲓϣⲉⲙⲙⲱⲟⲩ ⲛⲓⲕ̀ⲣⲓⲧⲏⲥ ⲛⲉⲙ ⲛⲓⲁⲣⲁⲃⲟⲥ ⲧⲉⲛⲥⲱⲧⲉⲙ ⲉ̀ⲣⲱⲟⲩ ⲉⲩⲥⲁϫⲓ ϧⲉⲛ ϩⲁⲛⲗⲁⲥ ⲛ̀ⲧⲉ ⲛⲓⲙⲉⲧⲛⲓϣϯ ⲛ̀ⲧⲉ ⲫ̀ⲛⲟⲩϯ.	Niioudai nem niṡemmōou nik̀ritys nem niarabos tensōtem èrōou evsaji xen hanlas ǹte nimetniṡti ǹte f̀nouti.	Cretans and Arabians: we hear them speaking in our languages the mighty works of God!'
2:12	ⲛⲁⲩⲧⲱⲙⲧ ⲇⲉ ⲧⲏⲣⲟⲩ ⲡⲉ ⲉⲩⲓⲟⲣⲉⲙ ⲟⲩⲁⲓ ⲉϧⲟⲩⲛ ⲉϩⲣⲉⲛⲟⲩⲁⲓ ⲉⲩϫⲱ ⲙⲙⲟⲥ ϫⲉⲟⲩ ⲡⲉ ⲫⲁⲓ ⲉⲧⲁϥϣⲱⲡⲓ .	Ⲛⲁⲩⲧⲱⲙⲧ ⲇⲉ ⲧⲏⲣⲟⲩ ⲡⲉ ⲉⲩⲓⲟⲣⲉⲙ ⲟⲩⲁⲓ ⲉ̀ϧⲟⲩⲛ ⲉ̀ϩ̀ⲣⲉⲛⲟⲩⲁⲓ ⲉⲩϫⲱ ⲙ̀ⲙⲟⲥ ϫⲉ ⲟⲩ ⲡⲉ ⲫⲁⲓ ⲉⲧⲁϥϣⲱⲡⲓ.	Navtōmt ḋe tyrou pe eviorem ouai èxoun èh̀renouai evgō m̀mos je ou pe fai etafṡōpi.	They were all amazed, and were perplexed, saying one to another, 'What does this mean?'
2:13	ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩⲉⲣϣⲉⲣϣⲓ ⲉⲩϫⲱ ⲙⲙⲟⲥ ϫⲉⲁⲛⲁⲓ ⲙⲁϩ ϧⲏⲧⲟⲩ ⲛⲉⲙⲃⲣⲓⲥ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙⲙⲟⲥ ϫⲉⲁⲣⲉ ⲛⲁⲓ ⲑⲁϧⲓ .	Ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩⲉⲣϣⲉⲣϣⲓ ⲉⲩϫⲱ ⲙ̀ⲙⲟⲥ ϫⲉ ⲁⲛⲁ̀ⲓ̀ ⲙⲁϩ ϧⲏⲧⲟⲩ ⲛ̀ⲉⲙⲃⲣⲓⲥ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙ̀ⲙⲟⲥ ϫⲉ ⲁⲣⲉ ⲛⲁⲓ ⲑⲁϧⲓ.	Hankekōouni ḋe naverṡerṡi evgō m̀mos je anàì mah xytou ǹemvris hankekōouni ḋe navgō m̀mos je are nai θaxi.	Others, mocking, said, 'They are filled with new wine.'
2:14	ⲁϥⲟϩⲓ ⲇⲉ ⲉⲣⲁⲧϥ ⲛϫⲉⲡⲉⲧⲣⲟⲥ ⲛⲉⲙⲡⲓⲕⲉⲓⲁ ⲁϥϭⲓⲥⲓ ⲛⲧⲉϥⲥⲙⲏ ⲉϩⲣⲏⲓ ⲁϥⲉⲣⲟⲩⲱ ⲛⲱⲟⲩ ⲛⲓⲣⲱⲙⲓ ⲛⲓⲓⲟⲩⲇⲁⲓ ⲛⲉⲙⲛⲏ ⲉⲧϣⲟⲡ ϧⲉⲛⲓⲉⲣⲟⲥⲁⲗⲏⲙ ⲧⲏⲣⲟⲩ ⲫⲁⲓ ⲙⲁⲣⲉϥⲟⲩⲱⲛϩ ⲉⲣⲱⲧⲉⲛ ⲟⲩⲟϩ ϭⲓⲥⲙⲏ ⲉⲛⲁⲥⲁϫⲓ .	Ⲁϥⲟ̀ϩⲓ ⲇⲉ ⲉ̀ⲣⲁⲧϥ ⲛ̀ϫⲉ ⲡⲉⲧⲣⲟⲥ ⲛⲉⲙ ⲡⲓⲕⲉⲓⲁ ⲁϥϭⲓⲥⲓ ⲛ̀ⲧⲉϥⲥ̀ⲙⲏ ⲉ̀ϩ̀ⲣⲏⲓ ⲁϥⲉⲣⲟⲩⲱ ⲛⲱⲟⲩ ⲛⲓⲣⲱⲙⲓ ⲛⲓⲓⲟⲩⲇⲁⲓ ⲛⲉⲙ ⲛⲏ ⲉⲧϣⲟⲡ ϧⲉⲛ ⲓⲉⲣⲟⲥⲁⲗⲏⲙ ⲧⲏⲣⲟⲩ ⲫⲁⲓ ⲙⲁⲣⲉϥⲟⲩⲱⲛϩ ⲉⲣⲱⲧⲉⲛ ⲟⲩⲟϩ ϭⲓⲥ̀ⲙⲏ ⲉ̀ⲛⲁⲥⲁϫⲓ.	Afòhi ḋe èratf ǹje petros nem pikeia afċisi ǹtefs̀my èh̀ryi aferouō nōou nirōmi niioudai nem ny etṡop xen ierosalym tyrou fai marefouōnh erōten ouoh ċis̀my ènasaji.	But Peter, standing up with the eleven, lifted up his voice, and spoke out to them, 'You men of Judea, and all you who dwell at Jerusalem, let this be known to you, and listen to my words.
2:15	ⲟⲩ ⲅⲁⲣ ⲙⲫⲣⲏϯ ⲛⲑⲱⲧⲉⲛ ⲁⲛ ⲉⲧⲉⲧⲉⲛⲙⲉⲩⲓ ⲉⲣⲟϥ ϫⲉⲁⲣⲉ ⲛⲁⲓ ⲑⲁϧⲓ ⲁϫⲡⲅϯ ⲅⲁⲣ ⲙⲡⲓⲉϩⲟⲟⲩ ⲧⲉ .	Ⲟⲩ ⲅⲁⲣ ⲛ̀ⲫ̀ⲣⲏϯ ⲛ̀ⲑⲱⲧⲉⲛ ⲁⲛ ⲉⲧⲉⲧⲉⲛⲙⲉⲩⲓ ⲉ̀ⲣⲟϥ ϫⲉ ⲁⲣⲉ ⲛⲁⲓ ⲑⲁϧⲓ ⲁϫⲡⲅϯ ⲅⲁⲣ ⲛ̀ⲡⲓⲉϩⲟⲟⲩ ⲧⲉ.	Ou ġar ǹf̀ryti ǹθōten an etetenmevi èrof je are nai θaxi agpġti ġar ǹpiehoou te.	For these aren't drunken, as you suppose, seeing it is only the third hour of the day.
2:16	ⲁⲗⲗⲁ ⲫⲁⲓ ⲡⲉ ⲫⲏ ⲉⲧⲁϥϫⲟϥ ⲉⲃⲟⲗ ϩⲓⲧⲟⲧϥ ⲙⲡⲓⲡⲣⲟⲫⲏⲧⲏⲥ ⲓⲱⲏⲗ .	Ⲁⲗⲗⲁ ⲫⲁⲓ ⲡⲉ ⲫⲏ ⲉⲧⲁϥϫⲟϥ ⲉ̀ⲃⲟⲗ ϩⲓⲧⲟⲧϥ ⲛ̀ⲡⲓⲡ̀ⲣⲟⲫⲏⲧⲏⲥ ⲓⲱⲏⲗ.	Alla fai pe fy etafgof èvol hitotf ǹpip̀rofytys iōyl.	But this is what has been spoken through the prophet Joel:
2:17	ϫⲉⲉⲥⲉϣⲱⲡⲓ ϧⲉⲛⲛⲓⲉϩⲟⲟⲩ ⲛϧⲁⲉ ⲡⲉϫⲉ ⲫⲛⲟⲩϯ ⲉⲓⲉⲫⲱⲛ ⲉⲃⲟⲗ ϧⲉⲛⲡⲁⲡⲛⲉⲩⲙⲁⲉϫⲉⲛ ⲥⲁⲣⲝ ⲛⲓⲃⲉⲛ ⲟⲩⲟϩ ⲉⲩⲉⲉⲣⲡⲣⲟⲫⲏⲧⲉⲩⲓⲛ ⲛϫⲉⲛⲉⲧⲉⲛϣⲏⲣⲓ ⲛⲉⲙⲛⲉⲧⲉⲛϣⲉⲣⲓ ⲟⲩⲟϩ ⲛⲉⲧⲉⲛϧⲉⲗϣⲓⲣⲓ ⲉⲩⲉⲛⲁⲩ ⲉϩⲁⲛϩⲟⲣⲁⲥⲓⲥ ⲟⲩⲟϩ ⲛⲉⲧⲉⲛϧⲉⲗⲗⲟⲓ ⲉⲩⲉⲫⲱⲣ ⲛϩⲁⲛⲣⲁⲥⲟⲩⲓ .	Ϫⲉ ⲉⲥⲉϣⲱⲡⲓ ϧⲉⲛ ⲛⲓⲉ̀ϩⲟⲟⲩ ⲛ̀ϧⲁⲉ̀ ⲡⲉϫⲉ ⲫ̀ⲛⲟⲩϯ ⲉⲓⲉ̀ⲫⲱⲛ ⲉ̀ⲃⲟⲗ ϧⲉⲛ ⲡⲁⲡⲛⲉⲩⲙⲁⲉϫⲉⲛ ⲥⲁⲣⲝ ⲛⲓⲃⲉⲛ ⲟⲩⲟϩ ⲉⲩⲉⲉⲣⲡⲣⲟⲫⲏⲧⲉⲩⲓⲛ ⲛ̀ϫⲉ ⲛⲉⲧⲉⲛϣⲏⲣⲓ ⲛⲉⲙ ⲛⲉⲧⲉⲛϣⲉⲣⲓ ⲟⲩⲟϩ ⲛⲉⲧⲉⲛϧⲉⲗϣⲓⲣⲓ ⲉⲩⲉ̀ⲛⲁⲩ ⲉ̀ϩⲁⲛϩⲟⲣⲁⲥⲓⲥ ⲟⲩⲟϩ ⲛ̀ⲉⲧⲉⲛϧⲉⲗⲗⲟⲓ ⲉⲩⲉ̀ⲫⲱⲣ ⲛ̀ϩⲁⲛⲣⲁⲥⲟⲩⲓ.	Je eseṡōpi xen nièhoou ǹxaè peje f̀nouti eièfōn èvol xen papnevmaejen sarks niven ouoh eveerprofytevin ǹje netenṡyri nem netenṡeri ouoh netenxelṡiri evènav èhanhorasis ouoh ǹetenxelloi evèfōr ǹhanrasoui.	'It will be in the last days, says God, that I will pour out my Spirit on all flesh. Your sons and your daughters will prophesy. Your young men will see visions. Your old men will dream dreams.
2:18	ⲕⲉⲅⲉ ⲉⲓⲉⲫⲱⲛ ⲉⲃⲟⲗ ϧⲉⲛⲡⲁⲡⲛⲉⲩⲙⲁⲉϩⲣⲏⲓ ⲉϫⲉⲛⲛⲁⲃⲱⲕ ⲛⲉⲙⲛⲁⲃⲱⲕⲓ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲉⲩⲉⲉⲣⲡⲣⲟⲫⲏⲧⲉⲩⲓⲛ .	Ⲕⲉⲅⲉ ⲉⲓⲉ̀ⲫⲱⲛ ⲉ̀ⲃⲟⲗ ϧⲉⲛ ⲡⲁⲡⲛⲉⲩⲙⲁⲉϩⲣⲏⲓ ⲉ̀ϫⲉⲛ ⲛⲁⲃⲱⲕ ⲛⲉⲙ ⲛⲁⲃⲱⲕⲓ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲉⲩⲉⲉⲣⲡⲣⲟⲫⲏⲧⲉⲩⲓⲛ.	Kege eièfōn èvol xen papnevmaehryi èjen navōk nem navōki xen pièhoou ète m̀mav ouoh eveerprofytevin.	Yes, and on my servants and on my handmaidens in those days, I will pour out my Spirit, and they will prophesy.
2:19	ⲉⲓⲉϯ ⲛϩⲁⲛϣⲫⲏⲣⲓ ϧⲉⲛⲧⲫⲉ ⲉⲡϣⲱⲓ ⲛⲉⲙϩⲁⲛⲙⲏⲓⲛⲓ ϩⲓϫⲉⲛⲡⲕⲁϩⲓ ⲉⲡⲉⲥⲏⲧ ⲟⲩⲥⲛⲟϥ ⲛⲉⲙⲟⲩⲭⲣⲱⲙ ⲛⲉⲙⲟⲩⲭⲣⲉⲙⲧⲥ ⲛⲕⲁⲡⲛⲟⲥ .	Ⲉⲓⲉ̀ϯ ⲛ̀ϩⲁⲛϣ̀ⲫⲏⲣⲓ ϧⲉⲛ ⲧ̀ⲫⲉ ⲉ̀ⲡ̀ϣⲱⲓ ⲛⲉⲙ ϩⲁⲛⲙⲏⲓⲛⲓ ϩⲓϫⲉⲛ ⲡ̀ⲕⲁϩⲓ ⲉ̀ⲡⲉⲥⲏⲧ ⲟⲩⲥ̀ⲛⲟϥ ⲛⲉⲙ ⲟⲩⲭ̀ⲣⲱⲙ ⲛⲉⲙ ⲟⲩⲭ̀ⲣⲉⲙⲧⲥ ⲛ̀ⲕⲁⲡⲛⲟⲥ.	Eièti ǹhanṡ̀fyri xen t̀fe èp̀ṡōi nem hanmyini hijen p̀kahi èpesyt ous̀nof nem ouk̀rōm nem oux̀remts ǹkapnos.	I will show wonders in the sky above, and signs on the earth beneath; blood, and fire, and billows of smoke.
2:20	ⲫⲣⲏ ⲉϥⲉⲟⲩⲱⲧⲉⲃ ⲉϥⲉⲉⲣⲭⲁⲕⲓ ⲟⲩⲟϩ ⲡⲓⲓⲟϩ ⲉϥⲉⲉⲣⲥⲛⲟϥ ⲙⲡⲁⲧⲉϥⲓ ⲛϫⲉⲡⲓⲛⲓϣϯ ⲛⲉϩⲟⲟⲩ ⲛⲧⲉⲡϭⲟⲓⲥ ⲉⲑⲟⲩⲟⲛϩ ⲉⲃⲟⲗ .	Ⲫ̀ⲣⲏ ⲉϥⲉ̀ⲟⲩⲱⲧⲉⲃ ⲉϥⲉ̀ⲉⲣⲭⲁⲕⲓ ⲟⲩⲟϩ ⲡⲓⲓⲟϩ ⲉϥⲉ̀ⲉⲣⲥⲛⲟϥ ⲙ̀ⲡⲁⲧⲉϥⲓ ⲛ̀ϫⲉ ⲡⲓⲛⲓϣϯ ⲛ̀ⲉ̀ϩⲟⲟⲩ ⲛ̀ⲧⲉ ⲡ̀ϭⲟⲓⲥ ⲉⲑⲟⲩⲟⲛϩ ⲉ̀ⲃⲟⲗ.	F̀ry efèouōteb efèerkaki ouoh piioh efèersnof m̀patefi ǹje piniṡti ǹèhoou ǹte p̀ċois eθouonh èvol.	The sun will be turned into darkness, and the moon into blood, before the great and glorious day of the Lord comes.
2:21	ⲟⲩⲟϩ ⲉⲥⲉϣⲱⲡⲓ ⲛⲟⲩⲟⲛ ⲛⲓⲃⲉⲛ ⲉⲑⲛⲁⲧⲱⲃϩ ⲙⲫⲣⲁⲛ ⲙⲡϭⲟⲓⲥ ⲉϥⲉⲛⲟϩⲉⲙ .	Ⲟⲩⲟϩ ⲉⲥⲉϣⲱⲡⲓ ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁⲧⲱⲃϩ ⲛ̀ⲫ̀ⲣⲁⲛ ⲛ̀ⲡ̀ϭⲟⲓⲥ ⲉϥⲉ̀ⲛⲟϩⲉⲙ.	Ouoh eseṡōpi ǹouon niven eθnatōvh ǹf̀ran ǹp̀ċois efènohem.	It will be, that whoever will call on the name of the Lord will be saved.'
2:22	ⲛⲓⲣⲱⲙⲓ ⲛⲓⲓⲥⲣⲁⲏⲗⲓⲧⲏⲥ ⲥⲱⲧⲉⲙ ⲉⲛⲁⲥⲁϫⲓ ⲛⲁⲓ ⲓⲏⲥⲟⲩⲥ ⲡⲓⲛⲁⲍⲱⲣⲉⲟⲥ ⲟⲩⲣⲱⲙⲓ ⲉⲁ ⲫⲛⲟⲩϯ ⲟⲩⲟⲛϩϥ ⲉⲃⲟⲗ ϣⲁⲣⲱⲧⲉⲛ ⲡⲉ ϧⲉⲛϩⲁⲛϫⲟⲙ ⲛⲉⲙϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲛⲏ ⲉⲧⲁ ⲫⲛⲟⲩϯ ⲁⲓⲧⲟⲩ ⲉⲃⲟⲗ ϩⲓⲧⲟⲧϥ ϧⲉⲛⲧⲉⲧⲉⲛⲙⲏϯ ⲕⲁⲧⲁⲫⲣⲏϯ ⲉⲧⲉⲧⲉⲛⲥⲱⲟⲩⲛ ⲛⲑⲱⲧⲉⲛ .	Ⲛⲓⲣⲱⲙⲓ ⲛⲓⲓⲥⲣⲁⲏⲗⲓⲧⲏⲥ ⲥⲱⲧⲉⲙ ⲉ̀ⲛⲁⲥⲁϫⲓ ⲛⲁⲓ ⲓⲏⲥⲟⲩⲥ ⲡⲓⲛⲁⲍⲱⲣⲉⲟⲥ ⲟⲩⲣⲱⲙⲓ ⲉⲁ ⲫ̀ⲛⲟⲩϯ ⲟⲩⲟⲛϩϥ ⲉ̀ⲃⲟⲗ ϣⲁⲣⲱⲧⲉⲛ ⲡⲉ ϧⲉⲛ ϩⲁⲛϫⲟⲙ ⲛⲉⲙ ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ⲛⲏ ⲉ̀ⲧⲁ ⲫ̀ⲛⲟⲩϯ ⲁⲓⲧⲟⲩ ⲉ̀ⲃⲟⲗ ϩⲓⲧⲟⲧϥ ϧⲉⲛ ⲧⲉⲧⲉⲛⲙⲏϯ ⲕⲁⲧⲁ ⲫ̀ⲣⲏϯ ⲉⲧⲉⲧⲉⲛⲥⲱⲟⲩⲛ ⲛ̀ⲑⲱⲧⲉⲛ.	Nirōmi niisraylitys sōtem ènasaji nai iysous pinazōreos ourōmi ea f̀nouti ouonhf èvol ṡarōten pe xen hangom nem hanmyini nem hanṡ̀fyri ny èta f̀nouti aitou èvol hitotf xen tetenmyti kata f̀ryti etetensōoun ǹθōten.	'Men of Israel, hear these words! Jesus of Nazareth, a man approved by God to you by mighty works and wonders and signs which God did by him in the midst of you, even as you yourselves know,
2:23	ⲫⲁⲓ ϧⲉⲛⲡⲓⲥⲟϭⲛⲓ ⲉⲧⲑⲏϣ ⲛⲉⲙⲡⲓϣⲟⲣⲡ ⲛⲉⲙⲓ ⲛⲧⲉⲫⲛⲟⲩϯ ⲉⲁⲧⲉⲧⲉⲛⲧⲏⲓϥ ⲉϧⲣⲏⲓ ⲉⲛⲉⲛϫⲓϫ ⲛⲛⲓⲁⲛⲟⲙⲟⲥ ⲉⲁⲣⲉⲧⲉⲛⲁϣϥ ⲟⲩⲟϩ ⲁⲣⲉⲧⲉⲛϧⲟⲑⲃⲉϥ .	Ⲫⲁⲓ ϧⲉⲛ ⲡⲓⲥⲟϭⲛⲓ ⲉⲧⲑⲏϣ ⲛⲉⲙ ⲡⲓϣⲟⲣⲡ ⲛ̀ⲉⲙⲓ ⲛ̀ⲧⲉ ⲫ̀ⲛⲟⲩϯ ⲉⲁⲣⲉⲧⲉⲛⲧⲏⲓϥ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲛ̀ⲛⲓⲁⲛⲟⲙⲟⲥ ⲉⲁⲣⲉⲧⲉⲛⲁϣϥ ⲟⲩⲟϩ ⲁⲣⲉⲧⲉⲛϧⲟⲑⲃⲉϥ.	Fai xen pisoċni etθyṡ nem piṡorp ǹemi ǹte f̀nouti earetentyif èx̀ryi ènenjig ǹnianomos earetenaṡf ouoh aretenxoθvef.	him, being delivered up by the determined counsel and foreknowledge of God, you have taken by the hand of lawless men, crucified and killed;
2:24	ⲫⲁⲓ ⲉⲧⲁ ⲫⲛⲟⲩϯ ⲧⲟⲩⲛⲟⲥϥ ⲉⲁϥⲃⲱⲗ ⲉⲃⲟⲗ ⲛⲛⲓⲛⲁⲕϩⲓ ⲛⲧⲉⲁⲙⲉⲛϯ ϫⲉⲛⲉⲙⲙⲟⲛ ϣϫⲟⲙ ⲛⲥⲉⲁⲙⲁϩⲓ ⲙⲙⲟϥ ⲉⲃⲟⲗ ϩⲓⲧⲟⲧϥ .	Ⲫⲁⲓ ⲉ̀ⲧⲁ ⲫ̀ⲛⲟⲩϯ ⲧⲟⲩⲛⲟⲥϥ ⲉⲁϥⲃⲱⲗ ⲉ̀ⲃⲟⲗ ⲛ̀ⲛⲓⲛⲁⲕϩⲓ ⲛ̀ⲧⲉ ⲁ̀ⲙⲉⲛϯ ϫⲉ ⲛⲉⲙⲙⲟⲛ ϣ̀ϫⲟⲙ ⲛ̀ⲧⲟⲩⲁⲙⲁϩⲓ ⲙ̀ⲙⲟϥ ⲉ̀ⲃⲟⲗ ϩⲓⲧⲟⲧϥ.	Fai èta f̀nouti tounosf eafvōl èvol ǹninak·hi ǹte àmenti je nemmon ṡ̀gom ǹtouamahi m̀mof èvol hitotf.	whom God raised up, having freed him from the agony of death, because it was not possible that he should be held by it.
2:25	ⲇⲁⲩⲓⲇ ⲅⲁⲣ ϥϫⲱ ⲙⲙⲟⲥ ⲉⲣⲟϥ ϫⲉⲁⲓⲉⲣϣⲟⲣⲡ ⲛⲛⲁⲩ ⲙⲡϭⲟⲓⲥ ⲙⲡⲁⲙⲑⲟ ⲉⲃⲟⲗ ⲛⲥⲏⲟⲩ ⲛⲓⲃⲉⲛ ⲉϥⲭⲏ ⲥⲁⲟⲩⲓⲛⲁⲙ ⲙⲙⲟⲓ ϫⲉⲛⲛⲁⲕⲓⲙ .	Ⲇⲁⲩⲓⲇ ⲅⲁⲣ ϥ̀ϫⲱ ⲙ̀ⲙⲟⲥ ⲉ̀ⲣⲟϥ ϫⲉ ⲁⲓⲉⲣϣⲟⲣⲡ ⲛ̀ⲛⲁⲩ ⲛ̀ⲡ̀ϭⲟⲓⲥ ⲛ̀ⲡⲁⲙ̀ⲑⲟ ⲉ̀ⲃⲟⲗ ⲛ̀ⲥⲏⲟⲩ ⲛⲓⲃⲉⲛ ⲉϥⲭⲏ ⲥⲁⲟⲩⲓ̀ⲛⲁⲙ ⲙ̀ⲙⲟⲓ ϫⲉ ⲛⲛⲁⲕⲓⲙ.	David ġar f̀gō m̀mos èrof je aierṡorp ǹnav ǹp̀ċois ǹpam̀θo èvol ǹsyou niven efky saouìnam m̀moi je nnakim.	For David says concerning him, 'I saw the Lord always before my face, For he is on my right hand, that I should not be moved.
2:26	ⲉⲑⲃⲉⲫⲁⲓ ⲁⲡⲁϩⲏⲧ ⲟⲩⲛⲟϥ ⲟⲩⲟϩ ⲁ ⲡⲁⲗⲁⲥ ⲑⲉⲗⲏⲗ ⲉⲧⲓ ⲇⲉ ⲛⲉⲙⲧⲁⲕⲉⲥⲁⲣⲝ ⲉⲥⲉϣⲱⲡⲓ ϧⲉⲛⲟⲩϩⲉⲗⲡⲓⲥ .	Ⲉⲑⲃⲉ ⲫⲁⲓ ⲁ ⲡⲁϩⲏⲧ ⲟⲩⲛⲟϥ ⲟⲩⲟϩ ⲁ ⲡⲁⲗⲁⲥ ⲑⲉⲗⲏⲗ ⲉ̀ⲧⲓ ⲇⲉ ⲛⲉⲙ ⲧⲁⲕⲉⲥⲁⲣⲝ ⲉⲥⲉϣⲱⲡⲓ ϧⲉⲛ ⲟⲩϩⲉⲗⲡⲓⲥ.	Eθve fai a pahyt ounof ouoh a palas θelyl èti ḋe nem takesarks eseṡōpi xen ouhelpis.	Therefore my heart was glad, and my tongue rejoiced. Moreover my flesh also will dwell in hope;
2:27	ϫⲉⲛⲛⲉⲕⲥⲱϫⲡ ⲛⲧⲁⲯⲩⲭⲏ ϧⲉⲛⲁⲙⲉⲛϯ ⲟⲩⲇⲉ ⲛⲛⲉⲕϯ ⲙⲡⲉⲑⲟⲩⲁⲃ ⲛⲧⲁⲕ ⲉⲛⲁⲩ ⲉⲡⲧⲁⲕⲟ .	Ϫⲉ ⲛ̀ⲛⲉⲕⲥⲱϫⲡ ⲛ̀ⲧⲁⲯⲩⲭⲏ ϧⲉⲛ ⲁ̀ⲙⲉⲛϯ ⲟⲩⲇⲉ ⲛ̀ⲛⲉⲕϯ ⲛ̀ⲡⲉⲑⲟⲩⲁⲃ ⲛ̀ⲧⲁⲕ ⲉⲛⲁⲩ ⲉ̀ⲡ̀ⲧⲁⲕⲟ.	Je ǹnek·sōgp ǹtapsiṡy xen àmenti ouḋe ǹnekti ǹpeθouab ǹtak enav èp̀tako.	because you will not leave my soul in Hades, neither will you allow your Holy One to see decay.
2:28	ⲛⲓⲙⲱⲓⲧ ⲛⲧⲉⲡⲱⲛϧ ⲁⲕⲟⲩⲟⲛϩⲟⲩ ⲛⲏⲓ ⲉⲃⲟⲗ ⲉⲕⲉⲙⲁϩⲧ ⲛⲟⲩⲛⲟϥ ⲛⲉⲙⲡⲉⲕϩⲟ .	Ⲛⲓⲙⲱⲓⲧ ⲛ̀ⲧⲉ ⲡ̀ⲱⲛϧ ⲁⲭⲟⲩⲟⲛϩⲟⲩ ⲛⲏⲓ ⲉ̀ⲃⲟⲗ ⲉⲕⲉ̀ⲙⲁϩⲧ ⲛ̀ⲟⲩⲛⲟϥ ⲛⲉⲙ ⲡⲉⲕϩⲟ.	Nimōit ǹte p̀ōnx akouonhou nyi èvol ekèmaht ǹounof nem pek·ho.	You made known to me the ways of life. You will make me full of gladness with your presence.'
2:29	ⲛⲓⲣⲱⲙⲓ ⲛⲉⲛⲥⲛⲏⲟⲩ ⲥϣⲉ ⲉⲥⲁϫⲓ ⲛⲉⲙⲱⲧⲉⲛ ϧⲉⲛⲟⲩⲟⲛϩ ⲉⲃⲟⲗ ⲉⲑⲃⲉⲡⲉⲛⲡⲁⲧⲣⲓⲁⲣⲭⲏ ⲥⲇⲁⲩⲓⲇ ϫⲉⲁϥⲙⲟⲩ ⲟⲩⲟϩ ⲁⲩⲕⲟⲥϥ ⲟⲩⲟϩ ⲡⲉϥⲙϩⲁⲩ ⲛϧⲏⲧⲉⲛ ϣⲁⲉϧⲟⲩⲛ ⲉⲫⲟⲟⲩ .	Ⲛⲓⲣⲱⲙⲓ ⲛⲉⲛⲥ̀ⲛⲏⲟⲩ ⲥ̀ϣⲉ ⲉ̀ⲥⲁϫⲓ ⲛⲉⲙⲱⲧⲉⲛ ϧⲉⲛ ⲟⲩⲟⲛϩ ⲉ̀ⲃⲟⲗ ⲉⲑⲃⲉ ⲡⲉⲛⲡⲁⲧⲣⲓⲁⲣⲭⲏ ⲥⲇⲁⲩⲓⲇ ϫⲉ ⲁϥⲙⲟⲩ ⲟⲩⲟϩ ⲁⲩⲕⲟⲥϥ ⲟⲩⲟϩ ⲡⲉϥⲙ̀ϩⲁⲩ ⲛ̀ϧⲏⲧⲉⲛ ϣⲁ ⲉ̀ϧⲟⲩⲛ ⲉ̀ⲫⲟⲟⲩ.	Nirōmi nens̀nyou s̀ṡe èsaji nemōten xen ouonh èvol eθve penpatriarṡy sḋaviḋ je afmou ouoh avkosf ouoh pefm̀hav ǹxyten ṡa èxoun èfoou.	'Brothers, I may tell you freely of the patriarch David, that he both died and was buried, and his tomb is with us to this day.
2:30	ⲉⲟⲩⲡⲣⲟⲫⲏⲧⲏⲥ ⲟⲩⲛ ⲡⲉ ⲟⲩⲟϩ ⲉϥⲥⲱⲟⲩⲛ ϫⲉϧⲉⲛⲟⲩⲁⲛⲁϣ ⲁⲫⲛⲟⲩϯ ⲱⲣⲕ ⲛⲁϥ ⲉⲃⲟⲗ ϧⲉⲛⲡⲟⲩⲧⲁϩ ⲛⲧⲉⲧⲉϥϯⲡⲓ ⲉⲑⲣⲉϥϩⲉⲙⲥⲓ ϩⲓϫⲉⲛⲡⲉϥⲑⲣⲟⲛⲟⲥ .	Ⲉ̀ⲟⲩⲡ̀ⲣⲟⲫⲏⲧⲏⲥ ⲟⲩⲛ ⲡⲉ ⲟⲩⲟϩ ⲉϥⲥⲱⲟⲩⲛ ϫⲉ ϧⲉⲛ ⲟⲩⲁⲛⲁϣ ⲁ ⲫ̀ⲛⲟⲩϯ ⲱⲣⲕ ⲛⲁϥ ⲉ̀ⲃⲟⲗ ϧⲉⲛ ⲡ̀ⲟⲩⲧⲁϩ ⲛ̀ⲧⲉ ⲧⲉϥϯⲡⲓ ⲉ̀ⲑⲣⲉϥϩⲉⲙⲥⲓ ϩⲓϫⲉⲛ ⲡⲉϥⲑ̀ⲣⲟⲛⲟⲥ.	Èoup̀rofytys oun pe ouoh efsōoun je xen ouanaṡ a f̀nouti ōrk naf èvol xen p̀outah ǹte teftipi èθrefhemsi hijen pefθ̀ronos.	Therefore, being a prophet, and knowing that God had sworn with an oath to him that of the fruit of his body, according to the flesh, he would raise up the Christ to sit on his throne,
2:31	ⲉⲧⲁϥⲛⲁⲩ ⲟⲩⲛ ⲓⲥϫⲉⲛ ϣⲟⲣⲡ ⲁϥⲥⲁϫⲓ ⲉⲑⲃⲉⲧⲁⲛⲁⲥⲧⲁⲥⲓⲥ ⲙⲡⲭⲣⲓⲥⲧⲟⲥ ϫⲉⲙⲡⲉϥⲥⲟϫⲡϥ ϧⲉⲛⲁⲙⲉⲛϯ ⲟⲩⲇⲉ ⲙⲡⲉⲧⲉϥⲥⲁⲣⲝ ⲛⲁⲩ ⲉⲡⲧⲁⲕⲟ .	Ⲉⲧⲁϥⲛⲁⲩ ⲟⲩⲛ ⲓⲥϫⲉⲛ ϣⲟⲣⲡ ⲁϥⲥⲁϫⲓ ⲉⲑⲃⲉ ⲧ̀ⲁⲛⲁⲥⲧⲁⲥⲓⲥ ⲛ̀ⲡⲓⲭ̀ⲣⲓⲥⲧⲟⲥ ϫⲉⲙⲡⲉϥⲥⲟϫⲡϥ ϧⲉⲛ ⲁ̀ⲙⲉⲛϯ ⲟⲩⲇⲉ ⲙ̀ⲡⲉⲧⲉϥⲥⲁⲣⲝ ⲛⲁⲩ ⲉ̀ⲡ̀ⲧⲁⲕⲟ.	Etafnav oun isjen ṡorp afsaji eθve t̀anastasis ǹpix̀ristos jempefsogpf xen àmenti ouḋe m̀petefsarks nav èp̀tako.	he foreseeing this spoke about the resurrection of the Christ, that neither was his soul left in Hades, nor did his flesh see decay.
2:32	ⲫⲁⲓ ⲡⲉ ⲓⲏⲥⲟⲩⲥ ⲉⲧⲁ ⲫⲛⲟⲩϯ ⲧⲟⲩⲛⲟⲥϥ ⲫⲁⲓ ⲉⲧⲉⲁⲛⲟⲛ ⲧⲏⲣⲉⲛ ⲧⲉⲛⲟⲓ ⲙⲙⲉⲑⲣⲉ ⲛⲁϥ .	Ⲫⲁⲓ ⲡⲉ ⲓⲏⲥⲟⲩⲥ ⲉ̀ⲧⲁ ⲫ̀ⲛⲟⲩϯ ⲧⲟⲩⲛⲟⲥϥ ⲫⲁⲓ ⲉ̀ⲧⲉ ⲁ̀ⲛⲟⲛ ⲧⲏⲣⲉⲛ ⲧⲉⲛⲟⲓ ⲛ̀ⲙⲉⲑⲣⲉ ⲛⲁϥ.	Fai pe iysous èta f̀nouti tounosf fai ète ànon tyren tenoi ǹmeθre naf.	This Jesus God raised up, to which we all are witnesses.
2:33	ⲉⲁϥϭⲓⲥⲓ ⲥⲁⲟⲩⲓⲛⲁⲙ ⲙⲫⲛⲟⲩϯ ⲁϥϭⲓ ⲙⲡⲓⲱϣ ⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ ⲉⲃⲟⲗ ϩⲓⲧⲟⲧϥ ⲙⲫⲓⲱⲧ ⲁϥⲫⲱⲛ ⲙⲙⲟϥ ⲫⲁⲓ ⲛⲑⲱⲧⲉⲛ ⲉⲧⲉⲧⲉⲛⲛⲁⲩ ⲉⲣⲟϥ ⲟⲩⲟϩ ⲧⲉⲧⲉⲛⲥⲱⲧⲉⲙ ⲉⲣⲟϥ .	Ⲉⲁϥϭⲓⲥⲓ ⲥⲁⲟⲩⲓ̀ⲛⲁⲙ ⲛ̀ⲫ̀ⲛⲟⲩϯ ⲁϥϭⲓ ⲙ̀ⲡⲓⲱϣ ⲛ̀ⲧⲉ ⲡⲓⲡ̀ⲛⲉⲩⲙⲁⲉⲑⲟⲩⲁⲃ ⲉ̀ⲃⲟⲗ ϩⲓⲧⲟⲧϥ ⲛ̀ⲫⲓⲱⲧ ⲁϥⲫⲱⲛ ⲙ̀ⲙⲟϥ ⲫⲁⲓ ⲛ̀ⲑⲱⲧⲉⲛ ⲉⲧⲉⲧⲉⲛⲛⲁⲩ ⲉ̀ⲣⲟϥ ⲟⲩⲟϩ ⲧⲉⲧⲉⲛⲥⲱⲧⲉⲙ ⲉ̀ⲣⲟϥ.	Eafċisi saouìnam ǹf̀nouti afċi m̀piōṡ ǹte pip̀nevmaeθouab èvol hitotf ǹfiōt affōn m̀mof fai ǹθōten etetennav èrof ouoh tetensōtem èrof.	Being therefore exalted by the right hand of God, and having received from the Father the promise of the Holy Spirit, he has poured out this, which you now see and hear.
2:34	ⲇⲁⲩⲓⲇ ⲅⲁⲣ ⲙⲡⲉϥϣⲉ ⲉϩⲣⲏⲓ ⲉⲧⲫⲉ ⲛⲑⲟϥ ϥϫⲱ ⲙⲙⲟⲥ ϫⲉⲡⲉϫⲉ ⲡϭⲟⲓⲥ ⲙⲡⲁϭⲟⲓⲥ ϫⲉϩⲉⲙⲥⲓ ⲥⲁⲟⲩⲓⲛⲁⲙ ⲙⲙⲟⲓ .	Ⲇⲁⲩⲓⲇ ⲅⲁⲣ ⲛ̀ⲡⲉϥϣⲉ ⲉ̀ϩ̀ⲣⲏⲓ ⲉ̀ⲧ̀ⲫⲉ ⲛ̀ⲑⲟϥ ϥ̀ϫⲱ ⲙ̀ⲙⲟⲥ ϫⲉ ⲡⲉϫⲉ ⲡ̀ϭⲟⲓⲥ ⲛ̀ⲡⲁϭⲟⲓⲥ ϫⲉ ϩⲉⲙⲥⲓ ⲥⲁⲟⲩⲓ̀ⲛⲁⲙ ⲙ̀ⲙⲟⲓ.	David ġar ǹpefṡe èh̀ryi èt̀fe ǹθof f̀gō m̀mos je peje p̀ċois ǹpaċois je hemsi saouìnam m̀moi.	For David didn't ascend into the heavens, but he says himself, 'The Lord said to my Lord, 'Sit by my right hand,
2:35	ϣⲁϯⲭⲁ ⲛⲉⲕϫⲁϫⲓ ⲥⲁⲡⲉⲥⲏⲧ ⲛⲛⲉⲕϭⲁⲗⲁⲩϫ .	Ϣⲁⲓⲭⲁ ⲛⲉⲕϫⲁϫⲓ ⲥⲁⲡⲉⲥⲏⲧ ⲛ̀ⲛⲉⲕϭⲁⲗⲁⲩϫ.	Ṡaika nekgaji sapesyt ǹnekċalavg.	until I make your enemies a footstool for your feet.''
2:36	ⲁⲥⲫⲁⲗⲱⲥ ⲟⲩⲛ ⲙⲁⲣⲉϥⲉⲙⲓ ⲛϫⲉⲡⲏⲓ ⲧⲏⲣϥ ⲙⲡⲓⲥⲗ ϫⲉⲁϥⲁⲓϥ ⲛϭⲟⲓⲥ ⲟⲩⲟϩ ⲁϥⲁⲓϥ ⲛⲭⲣⲥ ⲛϫⲉⲫⲛⲟⲩϯ ⲫⲁⲓ ⲡⲉ ⲓⲏⲥⲟⲩⲥ ⲫⲁⲓ ⲛⲑⲱⲧⲉⲛ ⲉⲧⲁⲣⲉⲧⲉⲛⲁϣϥ .	Ⲁⲥⲫⲁⲗⲱⲥ ⲟⲩⲛ ⲙⲁⲣⲉϥⲉⲙⲓ ⲛ̀ϫⲉ ⲡ̀ⲏⲓ ⲧⲏⲣϥ ⲛ̀ⲡⲓⲥⲗ ϫⲉ ⲁϥⲁⲓϥ ⲛ̀ϭⲟⲓⲥ ⲟⲩⲟϩ ⲁϥⲁⲓϥ ⲛ̀ⲭ̀ⲣⲓⲥⲧⲟⲥ ⲛ̀ϫⲉ ⲫ̀ⲛⲟⲩϯ ⲫⲁⲓ ⲡⲉ ⲓⲏⲥⲟⲩⲥ ⲫⲁⲓ ⲛ̀ⲑⲱⲧⲉⲛ ⲉⲧⲁⲣⲉⲧⲉⲛⲁϣϥ.	Asfalōs oun marefemi ǹje p̀yi tyrf ǹpisl je afaif ǹċois ouoh afaif ǹx̀ristos ǹje f̀nouti fai pe iysous fai ǹθōten etaretenaṡf.	'Let all the house of Israel therefore know certainly that God has made him both Lord and Christ, this Jesus whom you crucified.'
2:37	ⲉⲧⲁⲩⲥⲱⲧⲉⲙ ⲇⲉ ⲁⲡⲟⲩϩⲏⲧ ⲙⲕⲁϩ ⲡⲉϫⲱⲟⲩ ⲙⲡⲉⲧⲣⲟⲥ ⲛⲉⲙⲡⲥⲱϫⲡ ⲛⲛⲓⲁⲡⲟⲥⲧⲟⲗⲟⲥ ϫⲉⲟⲩ ⲡⲉ ⲉⲧⲉⲛⲛⲁⲁⲓϥ ⲛⲓⲣⲱⲙⲓ ⲛⲉⲛⲥⲛⲏⲟⲩ .	Ⲉⲧⲁⲩⲥⲱⲧⲉⲙ ⲇⲉ ⲁ ⲡⲟⲩϩⲏⲧ ⲙ̀ⲕⲁϩ ⲡⲉϫⲱⲟⲩ ⲛ̀ⲡⲉⲧⲣⲟⲥ ⲛⲉⲙ ⲡ̀ⲥⲱϫⲡ ⲛ̀ⲛⲓⲁ̀ⲡⲟⲥⲧⲟⲗⲟⲥ ϫⲉ ⲟⲩ ⲡⲉ ⲉⲧⲉⲛⲛⲁⲁⲓϥ ⲛⲓⲣⲱⲙⲓ ⲛⲉⲛⲥ̀ⲛⲏⲟⲩ.	Etavsōtem ḋe a pouhyt m̀kah pegōou ǹpetros nem p̀·sōgp ǹniàpostolos je ou pe etennaaif nirōmi nens̀nyou.	Now when they heard this, they were cut to the heart, and said to Peter and the rest of the apostles, 'Brothers, what shall we do?'
2:38	ⲡⲉⲧⲣⲟⲥ ⲇⲉ ⲡⲉϫⲁϥ ⲛⲱⲟⲩ ϫⲉⲁⲣⲓⲙⲉⲧⲁⲛⲟⲓⲛ ⲟⲩⲟϩ ⲙⲁⲣⲉ ⲫⲟⲩⲁⲓ ⲫⲟⲩⲁⲓ ⲙⲙⲱⲧⲉⲛ ⲟⲙⲥϥ ⲉⲫⲣⲁⲛ ⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲡⲭⲱ ⲉⲃⲟⲗ ⲛⲧⲉⲛⲉⲧⲉⲛⲛⲟⲃⲓ ⲟⲩⲟϩ ⲧⲉⲧⲉⲛⲛⲁϭⲓ ⲛϯⲇⲱⲣⲉⲁ ⲛⲧⲉⲡⲓⲡⲛⲉⲩⲙⲁⲉⲑⲟⲩⲁⲃ .	Ⲡⲉⲧⲣⲟⲥ ⲇⲉ ⲡⲉϫⲁϥ ⲛⲱⲟⲩ ϫⲉ ⲁⲣⲓⲙⲉⲧⲁⲛⲟⲓⲛ ⲟⲩⲟϩ ⲙⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ⲟⲙⲥϥ ⲉ̀ⲫ̀ⲣⲁⲛ ⲛ̀ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲉ̀ⲡ̀ⲭⲱ ⲉ̀ⲃⲟⲗ ⲛ̀ⲧⲉ ⲛⲉⲧⲉⲛⲛⲟⲃⲓ ⲟⲩⲟϩ ⲧⲉⲧⲉⲛⲛⲁϭⲓ ⲛ̀ϯⲇⲱⲣⲉⲁ̀ ⲛ̀ⲧⲉ ⲡⲓⲡ̀ⲛⲉⲩⲙⲁⲉⲑⲟⲩⲁⲃ.	Petros ḋe pegaf nōou je arimetanoin ouoh mare f̀ouai f̀ouai m̀mōten omsf èf̀ran ǹiysous pix̀ristos èp̀kō èvol ǹte netennovi ouoh tetennaċi ǹtiḋōreà ǹte pip̀nevmaeθouab.	Peter said to them, 'Repent, and be baptized, every one of you, in the name of Jesus Christ for the forgiveness of sins, and you will receive the gift of the Holy Spirit.
2:39	ⲫⲱⲧⲉⲛ ⲅⲁⲣ ⲡⲉ ⲡⲓⲱϣ ⲛⲉⲙⲛⲉⲧⲉⲛⲓⲟϯ ⲛⲉⲙⲟⲩⲟⲛ ⲛⲓⲃⲉⲛ ⲉⲑⲟⲩⲏⲟⲩ ⲛⲏ ⲉⲧⲉⲡϭⲟⲓⲥ ⲡⲉⲛⲛⲟⲩϯ ⲛⲁⲑⲁϩⲙⲟⲩ .	Ⲫⲱⲧⲉⲛ ⲅⲁⲣ ⲡⲉ ⲡⲓⲱϣ ⲛⲉⲙ ⲛⲉⲧⲉⲛⲓⲟϯ ⲛⲉⲙ ⲟⲩⲟⲛ ⲛⲓⲃⲉⲛ ⲉⲑⲟⲩⲏⲟⲩ ⲛⲏ ⲉ̀ⲧⲉ ⲡ̀ϭⲟⲓⲥ ⲡⲉⲛⲛⲟⲩϯ ⲛⲁⲑⲁϩⲙⲟⲩ.	Fōten ġar pe piōṡ nem netenioti nem ouon niven eθouyou ny ète p̀ċois pennouti naθahmou.	For to you is the promise, and to your children, and to all who are far off, even as many as the Lord our God will call to himself.'
2:40	ⲛϧⲣⲏⲓ ⲇⲉ ϧⲉⲛⲕⲉⲙⲏϣ ⲛⲥⲁϫⲓ ⲛⲁϥⲉⲣⲙⲉⲑⲣⲉ ⲛⲱⲟⲩ ⲟⲩⲟϩ ⲛⲁϥϧⲱⲛϫ ⲉⲣⲱⲟⲩ ⲉϥϫⲱ ⲙⲙⲟⲥ ϫⲉⲛⲁϩⲉⲙ ⲑⲏⲛⲟⲩ ⲉⲃⲟⲗ ϩⲁⲧⲁⲓⲅⲉⲛⲉⲁ ⲉⲧⲕⲟⲗϫ .	Ⲛ̀ϧ̀ⲣⲏⲓ ⲇⲉ ϧⲉⲛ ⲕⲉⲙⲏϣ ⲛ̀ⲥⲁϫⲓ ⲛⲁϥⲉⲣⲙⲉⲑⲣⲉ ⲛⲱⲟⲩ ⲟⲩⲟϩ ⲛⲁϥϧⲱⲛϫ ⲉ̀ⲣⲱⲟⲩ ⲉϥϫⲱ ⲙ̀ⲙⲟⲥ ϫⲉ ⲛⲁϩⲉⲙ ⲑⲏⲛⲟⲩ ⲉ̀ⲃⲟⲗ ϩⲁ ⲧⲁⲓⲅⲉⲛⲉⲁ̀ ⲉⲧⲕⲟⲗϫ.	Ǹx̀ryi ḋe xen kemyṡ ǹsaji nafermeθre nōou ouoh nafxōng èrōou efgō m̀mos je nahem θynou èvol ha taigeneà etkolg.	With many other words he testified, and exhorted them, saying, 'Save yourselves from this crooked generation!'
2:41	ⲛⲏ ⲙⲉⲛ ⲟⲩⲛ ⲉⲧⲁⲩϣⲉⲡ ⲡⲓⲥⲁϫⲓ ⲉⲣⲱⲟⲩ ⲁⲩⲟⲙⲥⲟⲩ ⲟⲩⲟϩ ⲁⲩⲟⲩⲟϩ ⲉⲣⲱⲟⲩ ⲙⲡⲓⲉϩⲟⲟⲩ ⲉⲧⲉⲙⲙⲁⲩ ⲛϫⲉⲅⲛϣⲟ ⲙⲯⲩⲭⲏ .	Ⲛⲏ ⲙⲉⲛ ⲟⲩⲛ ⲉ̀ⲧⲁⲩϣⲉⲡ ⲡⲓⲥⲁϫⲓ ⲉ̀ⲣⲱⲟⲩ ⲁⲩⲟⲙⲥⲟⲩ ⲟⲩⲟϩ ⲁⲩⲟⲩⲟϩ ⲉ̀ⲣⲱⲟⲩ ⲛ̀ⲡⲓⲉϩⲟⲟⲩ ⲉ̀ⲧⲉ ⲙ̀ⲙⲁⲩ ⲛ̀ϫⲉ ⲅⲛϣⲟ ⲙ̀ⲯⲩⲭⲏ.	Ny men oun ètavṡep pisaji èrōou avomsou ouoh avouoh èrōou ǹpiehoou ète m̀mav ǹje ġnṡo m̀psiṡy.	Then those who gladly received his word were baptized. There were added that day about three thousand souls.
2:42	ⲛⲁⲩⲙⲏⲛ ⲇⲉ ⲉϯⲥⲃⲱ ⲛⲧⲉⲛⲓⲁⲡⲟⲥⲧⲟⲗⲟⲥ ⲛⲉⲙϯⲙⲉⲧϣⲫⲏⲣ ⲛⲧⲉⲡⲓⲫⲱϣ ⲛⲧⲉⲡⲓⲱⲓⲕ ⲛⲉⲙϯⲡⲣⲟⲥⲉⲩⲭⲏ .	Ⲛⲁⲩⲙⲏⲛ ⲇⲉ ⲉ̀ϯⲥⲃⲱ ⲛ̀ⲧⲉ ⲛⲓⲁ̀ⲡⲟⲥⲧⲟⲗⲟⲥ ⲛⲉⲙ ϯⲙⲉⲧϣⲫⲏⲣ ⲛ̀ⲧⲉ ⲡⲓⲫⲱϣ ⲛ̀ⲧⲉ ⲡⲓⲱⲓⲕ ⲛⲉⲙ ϯⲡ̀ⲣⲟⲥⲉⲩⲭⲏ.	Navmyn ḋe ètisvō ǹte niàpostolos nem timetṡfyr ǹte pifōṡ ǹte piōik nem tip̀rosevṡy.	They continued steadfastly in the apostles' teaching and fellowship, in the breaking of bread, and prayer.
2:43	ⲟⲩϩⲟϯ ⲇⲉ ⲛⲁⲥϣⲟⲡ ⲙⲯⲩⲭⲏ ⲛⲓⲃⲉⲛ ϩⲁⲛⲙⲏϣ ⲇⲉ ⲙⲙⲏⲛⲓ ⲛⲉⲙϩⲁⲛϣⲫⲏⲣⲓ ⲛⲁⲩϣⲟⲡ ⲡⲉ ⲉⲃⲟⲗ ϩⲓⲧⲟⲧⲟⲩ ⲛⲛⲓⲁⲡⲟⲥⲧⲟⲗⲟⲥ ϧⲉⲛⲓⲉⲣⲟⲥⲁⲗⲏⲙ ⲟⲩⲛⲓϣϯ ⲇⲉ ⲛϩⲟϯ ⲛⲁⲥϣⲟⲡ ϩⲓϫⲱⲟⲩ ⲧⲏⲣⲟⲩ ⲡⲉ .	Ⲟⲩϩⲟϯ ⲇⲉ ⲛⲁⲥϣⲟⲡ ⲙ̀ⲯⲩⲭⲏ ⲛⲓⲃⲉⲛ ϩⲁⲛⲙⲏϣ ⲇⲉ ⲛ̀ⲙⲏⲛⲓ ⲛⲉⲙ ϩⲁⲛϣ̀ⲫⲏⲣⲓ ⲛⲁⲩϣⲟⲡ ⲡⲉ ⲉ̀ⲃⲟⲗ ϩⲓⲧⲟⲧⲟⲩ ⲛ̀ⲛⲓⲁ̀ⲡⲟⲥⲧⲟⲗⲟⲥ ϧⲉⲛ ⲓⲉⲣⲟⲥⲁⲗⲏⲙ ⲟⲩⲛⲓϣϯ ⲇⲉ ⲛ̀ϩⲟϯ ⲛⲁⲥϣⲟⲡ ϩⲓϫⲱⲟⲩ ⲧⲏⲣⲟⲩ ⲡⲉ.	Ouhoti ḋe nasṡop m̀psiṡy niven hanmyṡ ḋe ǹmyni nem hanṡ̀fyri navṡop pe èvol hitotou ǹniàpostolos xen ierosalym ouniṡti ḋe ǹhoti nasṡop higōou tyrou pe.	Fear came on every soul, and many wonders and signs were done through the apostles.
2:44	ⲛⲏ ⲇⲉ ⲧⲏⲣⲟⲩ ⲉⲧⲁⲩⲛⲁϩϯ ⲛⲁⲩϩⲓⲟⲩⲙⲁ ⲡⲉ ⲟⲩⲟϩ ϩⲱⲃ ⲛⲓⲃⲉⲛ ⲛⲁⲩϣⲟⲡ ⲛⲱⲟⲩ ⲡⲉ ϧⲉⲛⲟⲩⲙⲉⲧϣⲫⲏⲣ .	Ⲛⲏ ⲇⲉ ⲧⲏⲣⲟⲩ ⲉⲧⲁⲩⲛⲁϩϯ ⲛⲁⲩϩⲓⲟⲩⲙⲁ ⲡⲉ ⲟⲩⲟϩ ϩⲱⲃ ⲛⲓⲃⲉⲛ ⲛⲁⲩϣⲟⲡ ⲛⲱⲟⲩ ⲡⲉ ϧⲉⲛ ⲟⲩⲙⲉⲧϣⲫⲏⲣ.	Ny ḋe tyrou etavnahti navhiouma pe ouoh hōb niven navṡop nōou pe xen oumetṡfyr.	All who believed were together, and had all things in common.
2:45	ⲟⲩⲟϩ ⲛⲟⲩⲓⲟϩⲓ ⲛⲉⲙⲛⲟⲩϩⲩⲡⲁⲣⲭⲟⲛⲧⲁ ⲛⲁⲩϯ ⲙⲙⲱⲟⲩ ⲉⲃⲟⲗ ⲟⲩⲟϩ ⲛⲁⲩⲫⲱϣ ⲙⲙⲱⲟⲩ ⲉϩⲣⲁⲩ ⲧⲏⲣⲟⲩ ⲕⲁⲧⲁⲡⲉⲧⲉ ⲡⲓⲟⲩⲁⲓ ⲡⲓⲟⲩⲁⲓ ⲉⲣⲭⲣⲓⲁ ⲙⲙⲟϥ .	Ⲟⲩⲟϩ ⲛ̀ⲟⲩⲓⲟϩⲓ ⲛⲉⲙ ⲛⲟⲩϩⲩⲡⲁⲣⲭⲟⲛⲧⲁ ⲛⲁⲩϯ ⲙ̀ⲙⲱⲟⲩ ⲉ̀ⲃⲟⲗ ⲟⲩⲟϩ ⲛⲁⲩⲫⲱϣ ⲙ̀ⲙⲱⲟⲩ ⲉϩⲣⲁⲩ ⲧⲏⲣⲟⲩ ⲕⲁⲧⲁ ⲡⲉⲧⲉ ⲡⲓⲟⲩⲁⲓ ⲡⲓⲟⲩⲁⲓ ⲉⲣⲭⲣⲓⲁ ⲙ̀ⲙⲟϥ.	Ouoh ǹouiohi nem nouhiparxonta navti m̀mōou èvol ouoh navfōṡ m̀mōou ehrav tyrou kata pete piouai piouai erxria m̀mof.	They sold their possessions and goods, and distributed them to all, according as anyone had need.
2:46	ⲛⲁⲩⲙⲏⲛ ⲇⲉ ⲙⲙⲏⲛⲓ ⲡⲉ ⲉⲡⲓⲉⲣⲫⲉⲓ ⲉⲩⲫⲱϣ ⲛⲟⲩⲱⲓⲕ ⲕⲁⲧⲁⲏⲓ ⲟⲩⲟϩ ⲛⲁⲩϭⲓ ⲛⲟⲩϧⲣⲉ ϧⲉⲛⲟⲩⲑⲉⲗⲏⲗ ⲛⲉⲙⲟⲩϩⲏⲧ ⲉϥⲟⲩⲁⲃ .	Ⲛⲁⲩⲙⲏⲛ ⲇⲉ ⲛ̀ⲙⲏⲛⲓ ⲡⲉ ⲉⲡⲓⲉⲣⲫⲉⲓ ⲉⲩⲫⲱϣ ⲛ̀ⲟⲩⲱⲓⲕ ⲕⲁⲧⲁ ⲏⲓ ⲟⲩⲟϩ ⲛⲁⲩϭⲓ ⲛ̀ⲟⲩϧⲣⲉ ϧⲉⲛ ⲟⲩⲑⲉⲗⲏⲗ ⲛⲉⲙ ⲟⲩϩⲏⲧ ⲉϥⲟⲩⲁⲃ.	Navmyn ḋe ǹmyni pe epierfei evfōṡ ǹouōik kata yi ouoh navċi ǹouxre xen ouθelyl nem ouhyt efouab.	Day by day, continuing steadfastly with one accord in the temple, and breaking bread at home, they took their food with gladness and singleness of heart,
2:47	ⲉⲩⲥⲙⲟⲩ ⲉⲫⲛⲟⲩϯ ⲉⲟⲩⲟⲛ ⲛⲧⲱⲟⲩ ⲙⲙⲁⲩ ⲛⲟⲩϩⲙⲟⲧ ϧⲁⲧⲉⲛⲡⲓⲗⲁⲟⲥ ⲧⲏⲣϥ ⲡϭⲟⲓⲥ ⲇⲉ ϣⲁϥⲟⲩⲟϩ ⲉⲛⲏ ⲉⲧⲉϣⲁⲩⲛⲟϩⲉⲙ ⲙⲙⲏⲛⲓ ϩⲓⲫⲁⲓ ⲉⲫⲁⲓ .	Ⲉⲩⲥ̀ⲙⲟⲩ ⲉ̀ⲫ̀ⲛⲟⲩϯ ⲉ̀ⲟⲩⲟⲛ ⲛ̀ⲧⲱⲟⲩ ⲙ̀ⲙⲁⲩ ⲛ̀ⲟⲩϩ̀ⲙⲟⲧ ϧⲁⲧⲉⲛ ⲡⲓⲗⲁⲟⲥ ⲧⲏⲣϥ ⲡ̀ϭⲟⲓⲥ ⲇⲉ ϣⲁ ϥⲟⲩⲟϩ ⲉ̀ⲛⲏ ⲉ̀ⲧⲉ ϣⲁⲩⲛⲟϩⲉⲙ ⲛ̀ⲙⲏⲛⲓ ϩⲓ ⲫⲁⲓ ⲉ̀ⲫⲁⲓ.	Evs̀mou èf̀nouti èouon ǹtōou m̀mav ǹouh̀mot xaten pilaos tyrf p̀ċois ḋe ṡa fouoh èny ète ṡavnohem ǹmyni hi fai èfai.	praising God, and having favor with all the people. The Lord added to the assembly day by day those who were being saved.

Provenance

title: 05_Acts_02
dialect: bohairic
source: Coptic SCRIPTORIUM corpus "bohairic.nt", document 05_Acts_02
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Acts_02 from Coptic SCRIPTORIUM (https://copticscriptorium.org), corpus bohairic.nt, document 05_Acts_02, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Acts/02.bohairic.scriptorium.L0.txt
title: 05_Acts_02 — Cairene
dialect: bohairic
source: generated from 02.bohairic.scriptorium.L0.txt (Coptic SCRIPTORIUM corpus "bohairic.nt", document 05_Acts_02)
licence: CC BY-SA 4.0
share: attribution
attribution: 05_Acts_02 from Coptic SCRIPTORIUM (https://copticscriptorium.org), corpus bohairic.nt, document 05_Acts_02, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Acts/02.bohairic.scriptorium.L1.txt
title: 05_Acts_02 — Kemetic
dialect: bohairic
source: generated from 02.bohairic.scriptorium.L1.txt
licence: CC BY-SA 4.0
share: attribution
attribution: 05_Acts_02 from Coptic SCRIPTORIUM (https://copticscriptorium.org), corpus bohairic.nt, document 05_Acts_02, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Acts/02.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 47 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 05_Acts_02 (47 lines)

Cite as:

05_Acts_02. Coptic SCRIPTORIUM corpus "bohairic.nt", document 05_Acts_02. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/acts/02.bohairic.scriptorium/. 05_Acts_02 from Coptic SCRIPTORIUM (https://copticscriptorium.org), corpus bohairic.nt, document 05_Acts_02, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.