05_Acts_08 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 05_Acts_08

Attribution: 05_Acts_08 from Coptic SCRIPTORIUM (https://copticscriptorium.org), corpus bohairic.nt, document 05_Acts_08, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

40 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
8:1	ⲥⲁⲩⲗⲟⲥ ⲇⲉ ⲛⲁϥϯⲙⲁϯ ⲡⲉ ⲉϩⲣⲏⲓ ⲉϫⲉⲛⲡⲉϥϧⲱⲧⲉⲃ ⲁϥϣⲱⲡⲓ ⲇⲉ ⲙⲡⲓⲥⲏⲟⲩ ⲉⲧⲉⲙⲙⲁⲩ ⲛϫⲉⲟⲩⲛⲓϣϯ ⲛⲇⲓⲱⲅⲙⲟⲥ ⲉϫⲉⲛϯⲉⲕⲕⲗⲏⲥⲓⲁ ⲉⲧϧⲉⲛⲓⲉⲣⲟⲥⲁⲗⲏⲙ ⲁⲩⲥⲱⲣ ⲇⲉ ⲉⲃⲟⲗ ⲧⲏⲣⲟⲩ ⲉⲛⲓⲭⲱⲣⲁ ⲛⲧⲉϯⲓⲟⲩⲇⲉⲁ ⲛⲉⲙⲧⲥⲁⲙⲁⲣⲓⲁ ϣⲁⲧⲉⲛ ⲛⲓⲁⲡⲟⲥⲧⲟⲗⲟⲥ ⲙⲙⲁⲩⲁⲧⲟⲩ .	ⲥⲁⲩⲗⲟⲥ ⲇⲉ ⲛⲁϥϯⲙⲁϯ ⲡⲉ ⲉ̀ϩ̀ⲣⲏⲓ ⲉ̀ϫⲉⲛ ⲡⲉϥϧⲱⲧⲉⲃ ⲁϥϣⲱⲡⲓ ⲇⲉ ⲛ̀ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲛ̀ϫⲉ ⲟⲩⲛⲓϣϯ ⲛ̀ⲇⲓⲱⲅⲙⲟⲥ ⲉ̀ϫⲉⲛ ϯⲉⲕⲕⲗⲏⲥⲓⲁ ⲉⲧϧⲉⲛ ⲓⲉⲣⲟⲥⲁⲗⲏⲙ ⲁⲩⲥⲱⲣ ⲇⲉ ⲉ̀ⲃⲟⲗ ⲧⲏⲣⲟⲩ ⲉ̀ⲛⲓⲭⲱⲣⲁ ⲛ̀ⲧⲉ ϯⲓⲟⲩⲇⲉⲁ̀ ⲛⲉⲙ ⲧ̀ⲥⲁⲙⲁⲣⲓⲁ ϣⲁⲧⲉⲛ ⲛⲓⲁ̀ⲡⲟⲥⲧⲟⲗⲟⲥ ⲙⲙⲁⲩⲁⲧⲟⲩ.	savlos ḋe naftimati pe èh̀ryi èjen pefxōteb afṡōpi ḋe ǹpisyou ète m̀mav ǹje ouniṡti ǹḋiōġmos èjen tiekklysia etxen ierosalym avsōr ḋe èvol tyrou ènixōra ǹte tiioudeà nem t̀samaria ṡaten niàpostolos mmavatou.	Saul was consenting to his death. A great persecution arose against the assembly which was in Jerusalem in that day. They were all scattered abroad throughout the regions of Judea and Samaria, except for the apostles.
8:2	ⲁⲩⲱⲗⲓ ⲇⲉ ⲛⲥⲧⲉⲫⲁⲛⲟⲥ ⲉⲃⲟⲗ ⲛϫⲉϩⲁⲛⲣⲱⲙⲓ ⲛⲣⲉϥⲉⲣϩⲟϯ ⲟⲩⲟϩ ⲁⲩⲓⲣⲓ ⲛⲟⲩⲛⲓϣϯ ⲛⲛⲉϩⲡⲓ ⲉϩⲣⲏⲓ ⲉϫⲱϥ .	Ⲁⲩⲱ̀ⲗⲓ ⲇⲉ ⲛ̀ⲥ̀ⲧⲉⲫⲁⲛⲟⲥ ⲉ̀ⲃⲟⲗ ⲛ̀ϫⲉ ϩⲁⲛⲣⲱⲙⲓ ⲛ̀ⲣⲉϥⲉⲣϩⲟϯ ⲟⲩⲟϩ ⲁⲩⲓ̀ⲣⲓ ⲛ̀ⲟⲩⲛⲓϣϯ ⲛⲛⲉϩⲡⲓ ⲉ̀ϩ̀ⲣⲏⲓ ⲉ̀ϫⲱϥ.	Avṑli ḋe ǹs̀tefanos èvol ǹje hanrōmi ǹreferhoti ouoh avìri ǹouniṡti nnehpi èh̀ryi ègōf.	Devout men buried Stephen, and lamented greatly over him.
8:3	ⲥⲁⲩⲗⲟⲥ ⲇⲉ ⲛⲁϥϯ ⲟⲩⲃⲉ ϯⲉⲕⲕⲗⲏⲥⲓⲁ ⲉϥⲛⲁ ⲉϧⲟⲩⲛ ⲉⲛⲓⲏⲓ ⲉϥⲱϣϯ ⲛϩⲁⲛⲣⲱⲙⲓ ⲉⲃⲟⲗ ⲛⲉⲙϩⲁⲛϩⲓⲟⲙⲓ ⲉϥϩⲓⲟⲩⲓ ⲙⲙⲱⲟⲩ ⲉⲡϣⲧⲉⲕⲟ .	Ⲥⲁⲩⲗⲟⲥ ⲇⲉ ⲛⲁϥϯ ⲟⲩⲃⲉ ϯⲉⲕⲕⲗⲏⲥⲓⲁ ⲉϥⲛⲁ ⲉ̀ϧⲟⲩⲛ ⲉ̀ⲛⲓⲏⲓ ⲉϥⲱϣϯ ⲛ̀ϩⲁⲛⲣⲱⲙⲓ ⲉ̀ⲃⲟⲗ ⲛⲉⲙ ϩⲁⲛϩⲓⲟⲙⲓ ⲉϥϩⲓⲟⲩⲓ̀ ⲙ̀ⲙⲱⲟⲩ ⲉ̀ⲡ̀ϣ̀ⲧⲉⲕⲟ.	Savlos ḋe nafti ouve tiekklysia efna èxoun èniyi efōṡti ǹhanrōmi èvol nem hanhiomi efhiouì m̀mōou èp̀ṡ̀teko.	But Saul ravaged the assembly, entering into every house, and dragged both men and women off to prison.
8:4	ⲛⲏ ⲙⲉⲛ ⲟⲩⲛ ⲉⲧⲁⲩⲥⲱⲣ ⲉⲃⲟⲗ ⲛⲁⲩⲥⲓⲛⲓ ⲡⲉ ⲉⲩϩⲓϣⲉⲛⲛⲟⲩϥⲓ ⲙⲡⲓⲥⲁϫⲓ .	Ⲛⲏ ⲙⲉⲛ ⲟⲩⲛ ⲉ̀ⲧⲁⲩⲥⲱⲣ ⲉ̀ⲃⲟⲗ ⲛⲁⲩⲥⲓⲛⲓ ⲡⲉ ⲉⲩϩⲓϣⲉⲛⲛⲟⲩϥⲓ ⲛ̀ⲡⲓⲥⲁϫⲓ.	Ny men oun ètavsōr èvol navsini pe evhiṡennoufi ǹpisaji.	Therefore those who were scattered abroad went around preaching the word.
8:5	ⲫⲓⲗⲓⲡⲡⲟⲥ ⲇⲉ ⲉⲧⲁϥⲓ ⲉϩⲣⲏⲓ ⲉⲟⲩⲡⲟⲗⲓⲥ ⲛⲧⲉⲧⲥⲁⲙⲁⲣⲓⲁ ⲁϥϩⲓⲱⲓϣ ⲙⲡⲓⲥⲁϫⲓ ⲛⲧⲉⲫⲛⲟⲩϯ .	Ⲫⲓⲗⲓⲡⲡⲟⲥ ⲇⲉ ⲉ̀ⲧⲁϥⲓ̀ ⲉ̀ϩ̀ⲣⲏⲓ ⲉ̀ⲟⲩⲡⲟⲗⲓⲥ ⲛ̀ⲧⲉ ⲧ̀ⲥⲁⲙⲁⲣⲓⲁ ⲁϥϩⲓⲱⲓϣ ⲛ̀ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ.	Filippos ḋe ètafì èh̀ryi èoupolis ǹte t̀samaria afhiōiṡ ǹpisaji ǹte f̀nouti.	Philip went down to the city of Samaria, and proclaimed to them the Christ.
8:6	ⲛⲁⲩϯ ⲛϩⲑⲏⲟⲩ ⲛϫⲉⲛⲓⲙⲏϣ ⲉⲩⲥⲟⲡ ⲉⲛⲏ ⲉⲛⲁⲣⲉⲫⲓⲗⲓⲡⲡⲟⲥ ϫⲱ ⲙⲙⲱⲟⲩ ϧⲉⲛⲡϫⲓⲛⲑⲣⲟⲩⲥⲱⲧⲉⲙ ⲟⲩⲟϩ ⲛⲥⲉⲛⲁⲩ ⲉⲛⲓⲙⲏⲓⲛⲓ ⲉⲛⲁϥⲓⲣⲓ ⲙⲙⲱⲟⲩ .	Ⲛⲁⲩϯ ⲛ̀ϩ̀ⲑⲏⲟⲩ ⲛ̀ϫⲉ ⲛⲓⲙⲏϣ ⲉⲩⲥⲟⲡ ⲉ̀ⲛⲏ ⲉⲛⲁⲣⲉ ⲫⲓⲗⲓⲡⲡⲟⲥ ϫⲱ ⲙ̀ⲙⲱⲟⲩ ϧⲉⲛ ⲡ̀ϫⲓⲛⲑⲣⲟⲩⲥⲱⲧⲉⲙ ⲟⲩⲟϩ ⲛ̀ⲧⲟⲩⲛⲁⲩ ⲉ̀ⲛⲓⲙⲏⲓⲛⲓ ⲉⲛⲁϥⲓ̀ⲣⲓ ⲙ̀ⲙⲱⲟⲩ.	Navti ǹh̀θyou ǹje nimyṡ evsop èny enare filippos gō m̀mōou xen p̀jinθrousōtem ouoh ǹtounav ènimyini enafìri m̀mōou.	The multitudes listened with one accord to the things that were spoken by Philip, when they heard and saw the signs which he did.
8:7	ⲟⲩⲙⲏϣ ⲇⲉ ⲉⲃⲟⲗ ϧⲉⲛⲛⲏ ⲉⲧⲉⲛⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ⲛⲉⲙⲱⲟⲩ ⲛⲁⲩⲛⲏⲟⲩ ⲉⲃⲟⲗ ϩⲓⲱⲧⲟⲩ ⲉⲩⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ϩⲁⲛⲕⲉⲙⲏϣ ⲇⲉ ⲉⲩϣⲏⲗ ⲉⲃⲟⲗ ⲛⲉⲙϩⲁⲛⲟⲩⲟⲛ ⲉⲩⲟⲓ ⲛϭⲁⲗⲉ ⲛⲁϥⲧⲁⲗϭⲟ ⲙⲙⲱⲟⲩ .	Ⲟⲩⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏ ⲉⲧⲉⲛⲓⲡ̀ⲛⲉⲩⲙⲁⲛⲁⲕⲁⲑⲁⲣⲧⲟⲛ ⲛⲉⲙⲱⲟⲩ ⲛⲁⲩⲛⲏⲟⲩ ⲉ̀ⲃⲟⲗ ϩⲓⲱⲧⲟⲩ ⲉⲩⲱϣ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ϩⲁⲛⲕⲉⲙⲏϣ ⲇⲉ ⲉⲩϣⲏⲗ ⲉ̀ⲃⲟⲗ ⲛⲉⲙ ϩⲁⲛⲟⲩⲟⲛ ⲉⲩⲟⲓ ⲛ̀ϭⲁⲗⲉ ⲛⲁϥⲧⲁⲗϭⲟ ⲙ̀ⲙⲱⲟⲩ.	Oumyṡ ḋe èvol xen ny etenip̀nevmanakaθarton nemōou navnyou èvol hiōtou evōṡ èvol xen ouniṡti ǹs̀my hankemyṡ ḋe evṡyl èvol nem hanouon evoi ǹċale naftalċo m̀mōou.	For unclean spirits came out of many of those who had them. They came out, crying with a loud voice. Many who had been paralyzed and lame were healed.
8:8	ⲁϥϣⲱⲡⲓ ⲇⲉ ⲛϫⲉⲟⲩⲛⲓϣϯ ⲛⲣⲁϣⲓ ϧⲉⲛϯⲡⲟⲗⲓⲥ ⲉⲧⲉⲙⲙⲁⲩ .	Ⲁϥϣⲱⲡⲓ ⲇⲉ ⲛ̀ϫⲉ ⲟⲩⲛⲓϣϯ ⲛ̀ⲣⲁϣⲓ ϧⲉⲛ ϯⲡⲟⲗⲓⲥ ⲉ̀ⲧⲉ ⲙ̀ⲙⲁⲩ.	Afṡōpi ḋe ǹje ouniṡti ǹraṡi xen tipolis ète m̀mav.	There was great joy in that city.
8:9	ⲟⲩⲣⲱⲙⲓ ⲇⲉ ⲉⲡⲉϥⲣⲁⲛ ⲡⲉ ⲥⲓⲙⲱⲛ ⲛⲁϥϣⲟⲡ ⲛϣⲟⲣⲡ ⲡⲉ ϧⲉⲛϯⲡⲟⲗⲓⲥ ⲉⲧⲉⲙⲙⲁⲩ ⲉϥⲟⲓ ⲛⲁⲭⲱ ⲉϥⲟⲩⲱⲧⲉⲃ ⲉⲃⲟⲗ ⲙⲡⲓϣⲗⲱⲗ ⲧⲏⲣϥ ⲛⲧⲉⲧⲥⲁⲙⲁⲣⲓⲁ ⲉϥϫⲱ ⲙⲙⲟⲥ ϫⲉⲁⲛⲟⲕ ⲟⲩⲛⲓϣϯ .	Ⲟⲩⲣⲱⲙⲓ ⲇⲉ ⲉ̀ⲡⲉϥⲣⲁⲛ ⲡⲉ ⲥⲓⲙⲱⲛ ⲛⲁϥϣⲟⲡ ⲛ̀ϣⲟⲣⲡ ⲡⲉ ϧⲉⲛ ϯⲡⲟⲗⲓⲥ ⲉ̀ⲧⲉ ⲙ̀ⲙⲁⲩ ⲉϥⲟⲓ ⲛ̀ⲁⲭⲱ ⲉϥⲟⲩⲱⲧⲉⲃ ⲉ̀ⲃⲟⲗ ⲛ̀ⲡⲓϣⲗⲱⲗ ⲧⲏⲣϥ ⲛ̀ⲧⲉ ⲧ̀ⲥⲁⲙⲁⲣⲓⲁ ⲉϥϫⲱ ⲙ̀ⲙⲟⲥ ϫⲉ ⲁⲛⲟⲕ ⲟⲩⲛⲓϣϯ.	Ourōmi ḋe èpefran pe simōn nafṡop ǹṡorp pe xen tipolis ète m̀mav efoi ǹakō efouōteb èvol ǹpiṡlōl tyrf ǹte t̀samaria efgō m̀mos je anok ouniṡti.	But there was a certain man, Simon by name, who used to practice sorcery in the city, and amazed the people of Samaria, making himself out to be some great one,
8:10	ⲫⲁⲓ ⲇⲉ ⲛⲁⲩϯ ⲛϩⲑⲏⲟⲩ ⲛⲁϥ ⲧⲏⲣⲟⲩ ⲡⲉ ⲛϫⲉⲛⲓⲕⲟⲩϫⲓ ⲛⲉⲙⲛⲓⲛⲓϣϯ ⲉⲩϫⲱ ⲙⲙⲟⲥ ϫⲉⲑⲁⲓ ⲧⲉ ϯϫⲟⲙ ⲛⲧⲉⲫⲛⲟⲩϯ ⲑⲏ ⲉⲧⲟⲩⲙⲟⲩϯ ⲉⲣⲟⲥ ϫⲉϯⲛⲓϣϯ .	Ⲫⲁⲓ ⲇⲉ ⲛⲁⲩϯ ⲛ̀ϩ̀ⲑⲏⲟⲩ ⲛⲁϥ ⲧⲏⲣⲟⲩ ⲡⲉ ⲛ̀ϫⲉ ⲛⲓⲕⲟⲩϫⲓ ⲛⲉⲙ ⲛⲓⲛⲓϣϯ ⲉⲩϫⲱ ⲙ̀ⲙⲟⲥ ϫⲉ ⲑⲁⲓ ⲧⲉ ϯϫⲟⲙ ⲛ̀ⲧⲉ ⲫ̀ⲛⲟⲩϯ ⲑⲏ ⲉⲧⲟⲩⲙⲟⲩϯ ⲉ̀ⲣⲟⲥ ϫⲉ ϯⲛⲓϣϯ.	Fai ḋe navti ǹh̀θyou naf tyrou pe ǹje nikouji nem niniṡti evgō m̀mos je θai te tigom ǹte f̀nouti θy etoumouti èros je tiniṡti.	to whom they all listened, from the least to the greatest, saying, 'This man is that great power of God.'
8:11	ⲛⲁⲩϯ ⲛϩⲑⲏⲟⲩ ⲛⲁϥ ⲧⲏⲣⲟⲩ ⲡⲉ ϫⲉⲛⲉⲁϥⲉⲣ ⲟⲩⲛⲓϣϯ ⲛⲭⲣⲟⲛⲟⲥ ⲡⲉ ⲉϥⲉⲣϩⲁⲗ ⲙⲙⲱⲟⲩ ϧⲉⲛⲛⲉϥⲙⲉⲧϩⲓⲕ .	Ⲛⲁⲩϯ ⲛ̀ϩ̀ⲑⲏⲟⲩ ⲛⲁϥ ⲧⲏⲣⲟⲩ ⲡⲉ ϫⲉ ⲛⲉ ⲁϥⲉⲣ ⲟⲩⲛⲓϣϯ ⲛ̀ⲭ̀ⲣⲟⲛⲟⲥ ⲡⲉ ⲉϥⲉⲣϩⲁⲗ ⲙ̀ⲙⲱⲟⲩ ϧⲉⲛ ⲛⲉϥⲙⲉⲧϩⲓⲕ.	Navti ǹh̀θyou naf tyrou pe je ne afer ouniṡti ǹx̀ronos pe eferhal m̀mōou xen nefmet·hik.	They listened to him, because for a long time he had amazed them with his sorceries.
8:12	ϩⲟⲧⲉ ⲉⲧⲁⲩⲛⲁϩϯ ⲉⲫⲓⲗⲓⲡⲡⲟⲥ ⲉϥϩⲓϣⲉⲛⲛⲟⲩϥⲓ ⲛⲱⲟⲩ ⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲛⲉⲙⲫⲣⲁⲛ ⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲛⲁⲩⲛⲏⲟⲩ ⲡⲉ ⲛϫⲉϩⲁⲛⲣⲱⲙⲓ ⲛⲉⲙϩⲁⲛϩⲓⲟⲙⲓ ⲉⲩϭⲓⲱⲙⲥ .	Ϩⲟⲧⲉ ⲉ̀ⲧⲁⲩⲛⲁϩϯ ⲉ̀ⲫⲓⲗⲓⲡⲡⲟⲥ ⲉϥϩⲓϣⲉⲛⲛⲟⲩϥⲓ ⲛⲱⲟⲩ ⲛ̀ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ⲛⲉⲙ ⲫ̀ⲣⲁⲛ ⲛ̀ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲛⲁⲩⲛⲏⲟⲩ ⲡⲉ ⲛ̀ϫⲉ ϩⲁⲛⲣⲱⲙⲓ ⲛⲉⲙ ϩⲁⲛϩⲓⲟⲙⲓ ⲉⲩϭⲓⲱⲙⲥ.	Hote ètavnahti èfilippos efhiṡennoufi nōou ǹtimetouro ǹte f̀nouti nem f̀ran ǹiysous pix̀ristos navnyou pe ǹje hanrōmi nem hanhiomi evċiōms.	But when they believed Philip preaching good news concerning the Kingdom of God and the name of Jesus Christ, they were baptized, both men and women.
8:13	ⲥⲓⲙⲱⲛ ⲇⲉ ϩⲱϥ ⲉⲧⲁϥⲛⲁϩϯ ⲟⲩⲟϩ ⲉⲧⲁϥϭⲓⲱⲙⲥ ⲛⲁϥⲙⲏⲛ ⲉⲫⲓⲗⲓⲡⲡⲟⲥ ⲉϥⲛⲁⲩ ⲉⲛⲓⲙⲏⲓⲛⲓ ⲛⲉⲙⲛⲓⲛⲓϣϯ ⲛϫⲟⲙ ⲉⲩϣⲟⲡ ⲉⲃⲟⲗ ϩⲓⲧⲟⲧϥ ⲛⲁϥⲟⲓ ⲛϣⲫⲏⲣⲓ ⲡⲉ .	Ⲥⲓⲙⲱⲛ ⲇⲉ ϩⲱϥ ⲉⲧⲁϥⲛⲁϩϯ ⲟⲩⲟϩ ⲉ̀ⲧⲁϥϭⲓⲱⲙⲥ ⲛⲁϥⲙⲏⲛ ⲉ̀ⲫⲓⲗⲓⲡⲡⲟⲥ ⲉϥⲛⲁⲩ ⲉ̀ⲛⲓⲙⲏⲓⲛⲓ ⲛⲉⲙ ⲛⲓⲛⲓϣϯ ⲛ̀ϫⲟⲙ ⲉⲩϣⲟⲡ ⲉ̀ⲃⲟⲗ ϩⲓⲧⲟⲧϥ ⲛⲁϥⲟⲓ ⲛ̀ϣ̀ⲫⲏⲣⲓ ⲡⲉ.	Simōn ḋe hōf etafnahti ouoh ètafċiōms nafmyn èfilippos efnav ènimyini nem niniṡti ǹgom evṡop èvol hitotf nafoi ǹṡ̀fyri pe.	Simon himself also believed. Being baptized, he continued with Philip. Seeing signs and great miracles occurring, he was amazed.
8:14	ⲉⲧⲁⲩⲥⲱⲧⲉⲙ ⲇⲉ ⲛϫⲉⲛⲓⲁⲡⲟⲥⲧⲟⲗⲟⲥ ⲉⲧϧⲉⲛⲓⲉⲣⲟⲥⲁⲗⲏⲙ ϫⲉⲁϯⲕⲉⲥⲁⲙⲁⲣⲓⲁ ϣⲉⲡ ⲡⲓⲥⲁϫⲓ ⲛⲧⲉⲫⲛⲟⲩϯ ⲉⲣⲟⲥ ⲁⲩⲟⲩⲱⲣⲡ ⲙⲡⲉⲧⲣⲟⲥ ⲛⲉⲙⲓⲱⲁⲛⲛⲏⲥ ϣⲁⲣⲱⲟⲩ .	Ⲉⲧⲁⲩⲥⲱⲧⲉⲙ ⲇⲉ ⲛ̀ϫⲉ ⲛⲓⲁ̀ⲡⲟⲥⲧⲟⲗⲟⲥ ⲉⲧϧⲉⲛ ⲓⲉⲣⲟⲥⲁⲗⲏⲙ ϫⲉ ⲁϯⲕⲉⲥⲁⲙⲁⲣⲓⲁ ϣⲉⲡ ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ ⲉ̀ⲣⲟⲥ ⲁⲩⲟⲩⲱⲣⲡ ⲛ̀ⲡⲉⲧⲣⲟⲥ ⲛⲉⲙ ⲓⲱⲁⲛⲛⲏⲥ ϣⲁⲣⲱⲟⲩ.	Etavsōtem ḋe ǹje niàpostolos etxen ierosalym je atikesamaria ṡep pisaji ǹte f̀nouti èros avouōrp ǹpetros nem iōannys ṡarōou.	Now when the apostles who were at Jerusalem heard that Samaria had received the word of God, they sent Peter and John to them,
8:15	ⲛⲁⲓ ⲉⲧⲁⲩⲓ ⲉϩⲣⲏⲓ ⲉⲙⲁⲩ ⲛⲁⲩⲧⲱⲃϩ ⲉϫⲱⲟⲩ ϩⲓⲛⲁ ⲛⲥⲉϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .	Ⲛⲁⲓ ⲉⲧⲁⲩⲓ̀ ⲉ̀ϩ̀ⲣⲏⲓ ⲉⲙⲁⲩ ⲛⲁⲩⲧⲱⲃϩ ⲉ̀ϫⲱⲟⲩ ϩⲓⲛⲁ ⲛ̀ⲧⲟⲩϭⲓ ⲛ̀ⲡⲓⲡ̀ⲛⲉⲩⲙⲁⲉⲑⲟⲩⲁⲃ.	Nai etavì èh̀ryi emav navtōvh ègōou hina ǹtouċi ǹpip̀nevmaeθouab.	who, when they had come down, prayed for them, that they might receive the Holy Spirit;
8:16	ⲛⲉⲙⲡⲁⲧⲉϥⲓ ⲅⲁⲣ ⲉϫⲉⲛⲟⲩⲟⲛ ⲙⲙⲱⲟⲩ ⲙⲁⲗⲗⲟⲛ ⲇⲉ ⲛⲁⲩϭⲓⲱⲙⲥ ⲡⲉ ⲉⲫⲣⲁⲛ ⲙⲡϭⲟⲓⲥ ⲓⲏⲥⲟⲩⲥ .	Ⲛⲉⲙ ⲡⲁⲧⲉϥⲓ ⲅⲁⲣ ⲉ̀ϫⲉ ⲛ̀ⲟⲩⲟⲛ ⲙ̀ⲙⲱⲟⲩ ⲙⲁⲗⲗⲟⲛ ⲇⲉ ⲛⲁⲩϭⲓⲱⲙⲥ ⲡⲉ ⲉ̀ⲫ̀ⲣⲁⲛ ⲛ̀ⲡ̀ϭⲟⲓⲥ ⲓⲏⲥⲟⲩⲥ.	Nem patefi ġar èje ǹouon m̀mōou mallon ḋe navċiōms pe èf̀ran ǹp̀ċois iysous.	for as yet he had fallen on none of them. They had only been baptized in the name of Christ Jesus.
8:17	ⲧⲟⲧⲉ ⲁⲩⲭⲁϫⲓϫ ⲉϫⲱⲟⲩ ⲟⲩⲟϩ ⲛⲁⲩϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .	Ⲧⲟⲧⲉ ⲁⲩⲭⲁϫⲓϫ ⲉ̀ϫⲱⲟⲩ ⲟⲩⲟϩ ⲛⲁⲩϭⲓ ⲛ̀ⲡⲓⲡ̀ⲛⲉⲩⲙⲁⲉⲑⲟⲩⲁⲃ.	Tote avkajig ègōou ouoh navċi ǹpip̀nevmaeθouab.	Then they laid their hands on them, and they received the Holy Spirit.
8:18	ⲉⲧⲁϥⲛⲁⲩ ⲇⲉ ⲛϫⲉⲥⲓⲙⲱⲛ ϫⲉⲉⲃⲟⲗ ϩⲓⲧⲉⲛⲡⲓⲭⲁϫⲓϫ ⲛⲧⲉⲛⲓⲁⲡⲟⲥⲧⲟⲗⲟⲥ ⲥⲉϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲁϥⲓⲛⲓ ⲛⲱⲟⲩ ⲛϩⲁⲛⲭⲣⲏⲙⲁ	Ⲉⲧⲁϥⲛⲁⲩ ⲇⲉ ⲛ̀ϫⲉ ⲥⲓⲙⲱⲛ ϫⲉ ⲉ̀ⲃⲟⲗ ϩⲓⲧⲉⲛ ⲡⲓⲭⲁϫⲓϫ ⲛ̀ⲧⲉ ⲛⲓⲁ̀ⲡⲟⲥⲧⲟⲗⲟⲥ ⲥⲉϭⲓ ⲛ̀ⲡⲓⲡ̀ⲛⲉⲩⲙⲁⲉⲑⲟⲩⲁⲃ ⲁϥⲓ̀ⲛⲓ ⲛⲱⲟⲩ ⲛ̀ϩⲁⲛⲭⲣⲏⲙⲁ	Etafnav ḋe ǹje simōn je èvol hiten pikajig ǹte niàpostolos seċi ǹpip̀nevmaeθouab afìni nōou ǹhanxryma	Now when Simon saw that the Holy Spirit was given through the laying on of the apostles' hands, he offered them money,
8:19	ⲉϥϫⲱ ⲙⲙⲟⲥ ϫⲉⲙⲁ ⲡⲁⲓⲉⲣϣⲓϣⲓ ⲛⲏⲓ ϩⲱ ϩⲓⲛⲁ ⲫⲏ ⲉϯⲛⲁⲭⲁϫⲓϫ ⲉϫⲱϥ ⲛⲧⲉϥϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ .	ⲉϥϫⲱ ⲙ̀ⲙⲟⲥ ϫⲉ ⲙⲁ ⲡⲁⲓⲉⲣϣⲓϣⲓ ⲛⲏⲓ ϩⲱ ϩⲓⲛⲁ ⲫⲏ ⲉⲓⲛⲁⲭⲁϫⲓϫ ⲉ̀ϫⲱϥ ⲛ̀ⲧⲉϥϭⲓ ⲛ̀ⲡⲓⲡ̀ⲛⲉⲩⲙⲁⲉⲑⲟⲩⲁⲃ.	efgō m̀mos je ma paierṡiṡi nyi hō hina fy einakajig ègōf ǹtefċi ǹpip̀nevmaeθouab.	saying, 'Give me also this power, that whoever I lay my hands on may receive the Holy Spirit.'
8:20	ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁϥ ϫⲉⲡⲉⲕϩⲁⲧ ⲛⲉⲙⲁⲕ ⲉϥⲉϣⲱⲡⲓ ⲉⲡⲧⲁⲕⲟ ϫⲉϯⲇⲱⲣⲉⲁ ⲛⲧⲉⲫⲛⲟⲩϯ ⲁⲕⲙⲉⲩⲓ ⲉϫⲫⲟⲥ ⲛⲁⲕ ⲉⲃⲟⲗ ϩⲓⲧⲉⲛϩⲁⲛⲭⲣⲏⲙⲁ .	Ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁϥ ϫⲉ ⲡⲉⲕϩⲁⲧ ⲛⲉⲙⲁⲕ ⲉϥⲉ̀ϣⲱⲡⲓ ⲉ̀ⲡ̀ⲧⲁⲕⲟ ϫⲉ ϯⲇⲱⲣⲉⲁ̀ ⲛ̀ⲧⲉ ⲫ̀ⲛⲟⲩϯ ⲁⲭⲙⲉⲩⲓ ⲉ̀ϫⲫⲟⲥ ⲛⲁⲕ ⲉ̀ⲃⲟⲗ ϩⲓⲧⲉⲛ ϩⲁⲛⲭⲣⲏⲙⲁ.	Petros ḋe pegaf naf je pek·hat nemak efèṡōpi èp̀tako je tiḋōreà ǹte f̀nouti akmevi ègfos nak èvol hiten hanxryma.	But Peter said to him, 'May your silver perish with you, because you thought you could obtain the gift of God with money!
8:21	ⲛⲛⲉ ⲧⲟⲓ ϣⲱⲡⲓ ⲛⲁⲕ ⲟⲩⲇⲉ ⲕⲗⲏⲣⲟⲥ ϧⲉⲛⲡⲁⲓⲥⲁϫⲓ ⲡⲉⲕϩⲏⲧ ⲅⲁⲣ ⲥⲟⲩⲧⲱⲛ ⲁⲛ ⲙⲡⲉⲙⲑⲟ ⲙⲫⲛⲟⲩϯ .	Ⲛ̀ⲛⲉ ⲧⲟⲓ ϣⲱⲡⲓ ⲛⲁⲕ ⲟⲩⲇⲉ ⲕⲗⲏⲣⲟⲥ ϧⲉⲛ ⲡⲁⲓⲥⲁϫⲓ ⲡⲉⲕϩⲏⲧ ⲅⲁⲣ ⲥⲟⲩⲧⲱⲛ ⲁⲛ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ.	Ǹne toi ṡōpi nak ouḋe klyros xen paisaji pek·hyt ġar soutōn an ǹpem̀θo ǹf̀nouti.	You have neither part nor lot in this matter, for your heart isn't right before God.
8:22	ⲁⲣⲓⲙⲉⲧⲁⲛⲟⲓⲛ ⲟⲩⲛ ⲉⲃⲟⲗ ϧⲉⲛⲧⲉⲕⲕⲁⲕⲓⲁ ⲑⲁⲓ ⲟⲩⲟϩ ⲧⲱⲃϩ ⲙⲡϭⲟⲓⲥ ⲁⲣⲏⲟⲩ ⲥⲉⲛⲁⲭⲁ ⲡⲁⲓⲙⲉⲩⲓ ⲛⲧⲉⲡⲉⲕϩⲏⲧ ⲛⲁⲕ ⲉⲃⲟⲗ .	Ⲁⲣⲓⲙⲉⲧⲁⲛⲟⲓⲛ ⲟⲩⲛ ⲉ̀ⲃⲟⲗ ϧⲉⲛ ⲧⲉⲕⲕⲁⲕⲓⲁ ⲑⲁⲓ ⲟⲩⲟϩ ⲧⲱⲃϩ ⲛ̀ⲡ̀ϭⲟⲓⲥ ⲁⲣⲏⲟⲩ ⲥⲉⲛⲁⲭⲁ ⲡⲁⲓⲙⲉⲩⲓ ⲛ̀ⲧⲉ ⲡⲉⲕϩⲏⲧ ⲛⲁⲕ ⲉ̀ⲃⲟⲗ.	Arimetanoin oun èvol xen tekkakia θai ouoh tōvh ǹp̀ċois aryou senaka paimevi ǹte pek·hyt nak èvol.	Repent therefore of this, your wickedness, and ask God if perhaps the thought of your heart may be forgiven you.
8:23	ϯⲛⲁⲩ ⲉⲣⲟⲕ ϧⲉⲛⲟⲩⲭⲟⲗⲏ ⲛⲧⲉⲟⲩⲛϣⲁϣⲓ ⲛⲉⲙⲟⲩⲥⲛⲁⲩϩ ⲛⲧⲉⲧⲁⲇⲓⲕⲓⲁ .	Ϯⲛⲁⲩ ⲉ̀ⲣⲟⲕ ϧⲉⲛ ⲟⲩⲭⲟⲗⲏ ⲛ̀ⲧⲉ ⲟⲩⲛϣⲁϣⲓ ⲛⲉⲙ ⲟⲩⲥ̀ⲛⲁⲩϩ ⲛ̀ⲧⲉ ⲧ̀ⲁ̀ⲇⲓⲕⲓⲁ.	Tinav èrok xen ouxoly ǹte ounṡaṡi nem ous̀navh ǹte t̀àḋikia.	For I see that you are in the gall of bitterness and in the bondage of iniquity.'
8:24	ⲁϥⲉⲣⲟⲩⲱ ⲛϫⲉⲥⲓⲙⲱⲛ ⲡⲉϫⲁϥ ϫⲉⲧⲱⲃϩ ⲉϩⲣⲏⲓ ⲉϫⲱⲓ ⲛⲑⲱⲧⲉⲛ ϩⲁⲡϭⲟⲓⲥ ϩⲓⲛⲁ ϫⲉⲛⲛⲉ ϩⲗⲓ ⲛⲛⲏ ⲉⲧⲁⲣⲉⲧⲉⲛϫⲟⲧⲟⲩ ⲓⲉϩⲣⲏⲓ ⲉϫⲱⲓ .	Ⲁϥⲉⲣⲟⲩⲱ ⲛ̀ϫⲉ ⲥⲓⲙⲱⲛ ⲡⲉϫⲁϥ ϫⲉ ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱⲓ ⲛ̀ⲑⲱⲧⲉⲛ ϩⲁ ⲡ̀ϭⲟⲓⲥ ϩⲓⲛⲁ ϫⲉ ⲛ̀ⲛⲉ ϩ̀ⲗⲓ ⲛ̀ⲛⲏ ⲉⲧⲁⲣⲉⲧⲉⲛϫⲟⲧⲟⲩ ⲓⲉϩⲣⲏⲓ ⲉ̀ϫⲱⲓ.	Aferouō ǹje simōn pegaf je tōvh èh̀ryi ègōi ǹθōten ha p̀ċois hina je ǹne h̀li ǹny etaretengotou iehryi ègōi.	Simon answered, 'Pray for me to the Lord, that none of the things which you have spoken happen to me.'
8:25	ⲛⲑⲱⲟⲩ ⲙⲉⲛ ⲟⲩⲛ ⲉⲧⲁⲩⲉⲣⲙⲉⲑⲣⲉ ⲟⲩⲟϩ ⲉⲧⲁⲩⲥⲁϫⲓ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲁⲩⲕⲟⲧⲟⲩ ⲉⲓⲉⲣⲟⲥⲁⲗⲏⲙ ⲟⲩⲙⲏϣ ⲛϯⲙⲓ ⲛⲧⲉⲛⲓⲥⲁⲙⲁⲣⲓⲧⲏ ⲥⲛⲁⲩϩⲓϣⲉⲛⲛⲟⲩϥⲓ ⲛⲱⲟⲩ ⲡⲉ .	Ⲛ̀ⲑⲱⲟⲩ ⲙⲉⲛ ⲟⲩⲛ ⲉⲧⲁⲩⲉⲣⲙⲉⲑⲣⲉ ⲟⲩⲟϩ ⲉ̀ⲧⲁⲩⲥⲁϫⲓ ⲛ̀ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ ⲁⲩⲕⲟⲧⲟⲩ ⲉ̀ⲓⲉⲣⲟⲥⲁⲗⲏⲙ ⲟⲩⲙⲏϣ ⲛ̀ϯⲙⲓ ⲛ̀ⲧⲉ ⲛⲓⲥⲁⲙⲁⲣⲓⲧⲏ ⲥⲛⲁⲩϩⲓϣⲉⲛⲛⲟⲩϥⲓ ⲛⲱⲟⲩ ⲡⲉ.	Ǹθōou men oun etavermeθre ouoh ètavsaji ǹpisaji ǹte f̀nouti avkotou èierosalym oumyṡ ǹtimi ǹte nisamarity snavhiṡennoufi nōou pe.	They therefore, when they had testified and spoken the word of the Lord, returned to Jerusalem, and preached the Good News to many villages of the Samaritans.
8:26	ⲟⲩⲁⲅⲅⲉⲗⲟⲥ ⲇⲉ ⲛⲧⲉⲡϭⲟⲓⲥ ⲁϥⲥⲁϫⲓ ⲛⲉⲙⲫⲓⲗⲓⲡⲡⲟⲥ ⲉϥϫⲱ ⲙⲙⲟⲥ ϫⲉⲧⲱⲛⲕ ⲙⲁϣⲉ ⲛⲁⲕ ⲙⲫⲛⲁⲩ ⲙⲙⲉⲣⲓ ⲉϫⲉⲛⲡⲓⲙⲱⲓⲧ ⲉⲧⲉⲕⲛⲏⲟⲩ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲉⲅⲁⲍⲁ ⲫⲁⲓ ⲟⲩϣⲁϥⲉ ⲡⲉ .	Ⲟⲩⲁⲅⲅⲉⲗⲟⲥ ⲇⲉ ⲛ̀ⲧⲉ ⲡ̀ϭⲟⲓⲥ ⲁϥⲥⲁϫⲓ ⲛⲉⲙ ⲫⲓⲗⲓⲡⲡⲟⲥ ⲉϥϫⲱ ⲙ̀ⲙⲟⲥ ϫⲉ ⲧⲱⲛⲕ ⲙⲁϣⲉ ⲛⲁⲕ ⲛ̀ⲫ̀ⲛⲁⲩ ⲛ̀ⲙⲉⲣⲓ ⲉ̀ϫⲉⲛ ⲡⲓⲙⲱⲓⲧ ⲉ̀ⲧⲉ ⲭ̀ⲛⲏⲟⲩ ⲉ̀ⲃⲟⲗ ϧⲉⲛ ⲓⲉⲣⲟⲥⲁⲗⲏⲙ ⲉ̀ⲅⲁⲍⲁ ⲫⲁⲓ ⲟⲩϣⲁϥⲉ ⲡⲉ.	Ouangelos ḋe ǹte p̀ċois afsaji nem filippos efgō m̀mos je tōnk maṡe nak ǹf̀nav ǹmeri èjen pimōit ète k̀nyou èvol xen ierosalym èġaza fai ouṡafe pe.	But an angel of the Lord spoke to Philip, saying, 'Arise, and go toward the south to the way that goes down from Jerusalem to Gaza. This is a desert.'
8:27	ⲟⲩⲟϩ ⲁϥⲧⲱⲛϥ ⲁϥϣⲉ ⲛⲁϥ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲛⲉⲑⲱϣ ⲛⲥⲓⲟⲩⲣ ⲛⲣⲉⲙⲛϫⲟⲙ ⲛⲕⲁⲛⲇⲁⲕⲏⲥ ⲛⲧⲉϯⲟⲩⲣⲱ ⲛⲧⲉⲛⲓⲉⲑⲁⲩϣ ⲫⲁⲓ ⲛⲁϥⲭⲏ ϩⲓϫⲉⲛⲧⲉⲥⲅⲁⲍⲁ ⲧⲏⲣⲥ ⲛⲉⲁϥⲓ ⲡⲉ ⲉⲟⲩⲱϣⲧ ϧⲉⲛⲓⲉⲣⲟⲥⲁⲗⲏⲙ .	Ⲟⲩⲟϩ ⲁϥⲧⲱⲛϥ ⲁϥϣⲉ ⲛⲁϥ ⲟⲩⲟϩ ϩⲏⲡⲡⲉ ⲓⲥ ⲟⲩⲣⲱⲙⲓ ⲛ̀ⲉⲑⲱϣ ⲛ̀ⲥⲓⲟⲩⲣ ⲛ̀ⲣⲉⲙⲛϫⲟⲙ ⲛ̀ⲕⲁⲛⲇⲁⲕⲏⲥ ⲛ̀ⲧⲉ ϯⲟⲩⲣⲱ ⲛ̀ⲧⲉ ⲛⲓⲉⲑⲁⲩϣ ⲫⲁⲓ ⲛⲁϥⲭⲏ ϩⲓϫⲉⲛ ⲧⲉⲥⲅⲁⲍⲁ ⲧⲏⲣⲥ ⲛⲉ ⲁϥⲓ̀ ⲡⲉ ⲉ̀ⲟⲩⲱϣⲧ ϧⲉⲛ ⲓⲉⲣⲟⲥⲁⲗⲏⲙ.	Ouoh aftōnf afṡe naf ouoh hyppe is ourōmi ǹeθōṡ ǹsiour ǹremngom ǹkandakys ǹte tiourō ǹte nieθavṡ fai nafky hijen tesġaza tyrs ne afì pe èouōṡt xen ierosalym.	He arose and went; and behold, there was a man of Ethiopia, a eunuch of great authority under Candace, queen of the Ethiopians, who was over all her treasure, who had come to Jerusalem to worship.
8:28	ⲛⲉⲁϥⲕⲟⲧϥ ⲇⲉ ⲡⲉ ⲉϥϩⲉⲙⲥⲓ ϩⲓⲡⲉϥϩⲁⲣⲙⲁ ⲟⲩⲟϩ ⲛⲁϥⲱϣ ⲡⲉ ϩⲓⲡⲓⲡⲣⲟⲫⲏⲧⲏⲥ ⲏⲥⲁⲏⲁⲥ .	Ⲛⲉⲁϥⲕⲟⲧϥ ⲇⲉ ⲡⲉ ⲉϥϩⲉⲙⲥⲓ ϩⲓ ⲡⲉϥϩⲁⲣⲙⲁ ⲟⲩⲟϩ ⲛⲁϥⲱϣ ⲡⲉ ϩⲓ ⲡⲓⲡ̀ⲣⲟⲫⲏⲧⲏⲥ ⲏ̀ⲥⲁⲏ̀ⲁⲥ.	Neafkotf ḋe pe efhemsi hi pefharma ouoh nafōṡ pe hi pip̀rofytys ỳsaỳas.	He was returning and sitting in his chariot, and was reading the prophet Isaiah.
8:29	ⲡⲉϫⲉ ⲡⲓⲡⲛⲉⲩⲙⲁⲇⲉ ⲙⲫⲓⲗⲓⲡⲡⲟⲥ ϫⲉⲙⲁϣⲉ ⲛⲁⲕ ⲧⲟⲙⲕ ⲉⲡⲁⲓϩⲁⲣⲙⲁ .	Ⲡⲉϫⲉ ⲡⲓⲡⲛⲉⲩⲙⲁⲇⲉ ⲛ̀ⲫⲓⲗⲓⲡⲡⲟⲥ ϫⲉ ⲙⲁϣⲉ ⲛⲁⲕ ⲧⲟⲙⲕ ⲉ̀ⲡⲁⲓϩⲁⲣⲙⲁ.	Peje pipnevmaḋe ǹfilippos je maṡe nak tomk èpaiharma.	The Spirit said to Philip, 'Go near, and join yourself to this chariot.'
8:30	ⲁϥϭⲟϫⲓ ⲇⲉ ⲛϫⲉⲫⲓⲗⲓⲡⲡⲟⲥ ⲁϥⲥⲱⲧⲉⲙ ⲉⲣⲟϥ ⲉϥⲱϣ ϩⲓⲡⲓⲡⲣⲟⲫⲏⲧⲏⲥ ⲏⲥⲁⲏⲁⲥ ⲡⲉϫⲁϥ ⲛⲁϥ ϫⲉϩⲁⲣⲁ ⲕⲥⲱⲟⲩⲛ ⲛⲛⲏ ⲉⲧⲉⲕⲱϣ ⲙⲙⲱⲟⲩ .	Ⲁϥϭⲟϫⲓ ⲇⲉ ⲛ̀ϫⲉ ⲫⲓⲗⲓⲡⲡⲟⲥ ⲁϥⲥⲱⲧⲉⲙ ⲉ̀ⲣⲟϥ ⲉϥⲱϣ ϩⲓ ⲡⲓⲡ̀ⲣⲟⲫⲏⲧⲏⲥ ⲏ̀ⲥⲁⲏ̀ⲁⲥ ⲡⲉϫⲁϥ ⲛⲁϥ ϫⲉ ϩⲁⲣⲁ ⲕ̀ⲥⲱⲟⲩⲛ ⲛ̀ⲛⲏ ⲉⲧⲉⲕⲱϣ ⲙ̀ⲙⲱⲟⲩ.	Afċoji ḋe ǹje filippos afsōtem èrof efōṡ hi pip̀rofytys ỳsaỳas pegaf naf je hara k̀·sōoun ǹny etekōṡ m̀mōou.	Philip ran to him, and heard him reading Isaiah the prophet, and said, 'Do you understand what you are reading?'
8:31	ⲛⲑⲟϥ ⲇⲉ ⲡⲉϫⲁϥ ϫⲉⲡⲱⲥ ⲟⲩⲟⲛ ϣϫⲟⲙ ⲙⲙⲟⲓ ⲉⲉⲙⲓ ⲁⲣⲉϣⲧⲉⲙ ⲟⲩⲁⲓ ϭⲓⲙⲱⲓⲧ ⲛⲏⲓ ⲁϥⲧⲱⲃϩ ⲇⲉ ⲙⲫⲓⲗⲓⲡⲡⲟⲥ ϩⲓⲛⲁ ⲛⲧⲉϥⲁⲗⲏ ⲓⲛⲧⲉϥϩⲉⲙⲥⲓ ⲛⲉⲙⲁϥ .	Ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲡⲱⲥ ⲟⲩⲟⲛ ϣ̀ϫⲟⲙ ⲙ̀ⲙⲟⲓ ⲉⲉⲙⲓ ⲁⲣⲉϣⲧⲉⲙ ⲟⲩⲁⲓ ϭⲓⲙⲱⲓⲧ ⲛⲏⲓ ⲁϥⲧⲱⲃϩ ⲇⲉ ⲛ̀ⲫⲓⲗⲓⲡⲡⲟⲥ ϩⲓⲛⲁ ⲛ̀ⲧⲉϥⲁⲗⲏ ⲓⲛⲧⲉϥϩⲉⲙⲥⲓ ⲛⲉⲙⲁϥ.	Ǹθof ḋe pegaf je pōs ouon ṡ̀gom m̀moi eemi areṡtem ouai ċimōit nyi aftōvh ḋe ǹfilippos hina ǹtefaly intefhemsi nemaf.	He said, 'How can I, unless someone explains it to me?' He begged Philip to come up and sit with him.
8:32	ⲫⲙⲁ ⲇⲉ ⲉⲧⲥϧⲏⲟⲩⲧ ⲉⲧⲉⲛⲁϥⲱϣ ⲙⲙⲟϥ ⲫⲁⲓ ⲡⲉ ⲙⲫⲣⲏϯ ⲛⲟⲩⲉⲥⲱⲟⲩ ⲉⲩⲛⲁⲉⲛϥ ⲉⲡϧⲟⲗϧⲉⲗ ⲟⲩⲟϩ ⲙⲫⲣⲏϯ ⲛⲟⲩϩⲓⲏⲃ ⲛⲁⲧϧⲣⲱⲟⲩ ⲙⲡⲉⲙⲑⲟ ⲙⲫⲏ ⲉⲧϧⲱⲕ ⲙⲙⲟϥ ⲡⲁⲓⲣⲏϯ ⲛϥⲟⲩⲱⲛ ⲛⲣⲱϥ ⲁⲛ ⲡⲉ	Ⲫ̀ⲙⲁ ⲇⲉ ⲉⲧⲥ̀ϧⲏⲟⲩⲧ ⲉⲧⲉⲛⲁϥⲱϣ ⲙ̀ⲙⲟϥ ⲫⲁⲓ ⲡⲉ ⲛ̀ⲫ̀ⲣⲏϯ ⲛ̀ⲟⲩⲉ̀ⲥⲱⲟⲩ ⲉⲩⲛⲁⲉⲛϥ ⲉ̀ⲡ̀ϧⲟⲗϧⲉⲗ ⲟⲩⲟϩ ⲛ̀ⲫ̀ⲣⲏϯ ⲛ̀ⲟⲩϩⲓⲏⲃ ⲛ̀ⲁⲧϧⲣⲱⲟⲩ ⲛ̀ⲡⲉⲙ̀ⲑⲟ ⲛ̀ⲫⲏ ⲉⲧϧⲱⲕ ⲙ̀ⲙⲟϥ ⲡⲁⲓⲣⲏϯ ⲛ̀ϥⲟⲩⲱⲛ ⲛ̀ⲣⲱϥ ⲁⲛ ⲡⲉ	F̀ma ḋe ets̀xyout etenafōṡ m̀mof fai pe ǹf̀ryti ǹouèsōou evnaenf èp̀xolxel ouoh ǹf̀ryti ǹouhiyb ǹatxrōou ǹpem̀θo ǹfy etxōk m̀mof pairyti ǹfouōn ǹrōf an pe	Now the passage of the Scripture which he was reading was this, 'He was led as a sheep to the slaughter. As a lamb before his shearer is silent, so he doesn't open his mouth.
8:33	ⲁⲩⲱⲗⲓ ⲙⲡⲉϥϩⲁⲡ ⲛϧⲣⲏⲓ ϧⲉⲛⲡⲉϥⲑⲉⲃⲓⲟ ⲧⲉϥⲅⲉⲛⲉⲁ ⲇⲉ ⲛⲓⲙ ⲡⲉⲑⲛⲁϣⲥⲁϫⲓ ⲉⲣⲟⲥ ϫⲉⲥⲉⲛⲁⲱⲗⲓ ⲙⲡⲉϥⲱⲛϧ ⲉⲃⲟⲗ ϩⲓϫⲉⲛⲡⲕⲁϩⲓ .	ⲁⲩⲱ̀ⲗⲓ ⲛ̀ⲡⲉϥϩⲁⲡ ⲛ̀ϧ̀ⲣⲏⲓ ϧⲉⲛ ⲡⲉϥⲑⲉⲃⲓⲟ ⲧⲉϥⲅⲉⲛⲉⲁ̀ ⲇⲉ ⲛⲓⲙ ⲡⲉⲑⲛⲁϣ̀ⲥⲁϫⲓ ⲉ̀ⲣⲟⲥ ϫⲉ ⲥⲉⲛⲁⲱ̀ⲗⲓ ⲛ̀ⲡⲉϥⲱⲛϧ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ.	avṑli ǹpefhap ǹx̀ryi xen pefθevio tefgeneà ḋe nim peθnaṡ̀saji èros je senaṑli ǹpefōnx èvol hijen p̀kahi.	In his humiliation, his judgment was taken away. Who will declare His generation? For his life is taken from the earth.'
8:34	ⲁϥⲉⲣⲟⲩⲱ ⲇⲉ ⲛϫⲉⲡⲓⲥⲓⲟⲩⲣ ⲡⲉϫⲁϥ ⲙⲫⲓⲗⲓⲡⲡⲟⲥ ϫⲉϯϯϩⲟ ⲉⲣⲟⲕ ⲙⲁⲧⲁⲙⲟⲓ ϫⲉⲉⲣⲉⲡⲁⲓⲡⲣⲟⲫⲏⲧⲏⲥ ϫⲱ ⲙⲫⲁⲓ ⲉⲑⲃⲉⲛⲓⲙ ⲉⲑⲃⲏⲧϥ ϣⲁⲛ ⲉⲑⲃⲉⲕⲉⲟⲩⲁⲓ .	Ⲁϥⲉⲣⲟⲩⲱ ⲇⲉ ⲛ̀ϫⲉ ⲡⲓⲥⲓⲟⲩⲣ ⲡⲉϫⲁϥ ⲛ̀ⲫⲓⲗⲓⲡⲡⲟⲥ ϫⲉ ϯϯϩⲟ ⲉ̀ⲣⲟⲕ ⲙⲁⲧⲁⲙⲟⲓ ϫⲉ ⲉ̀ⲣⲉⲡⲁⲓⲡ̀ⲣⲟⲫⲏⲧⲏⲥ ϫⲱ ⲛ̀ⲫⲁⲓ ⲉⲑⲃⲉ ⲛⲓⲙ ⲉⲑⲃⲏⲧϥ ϣⲁⲛ ⲉⲑⲃⲉ ⲕⲉⲟⲩⲁⲓ.	Aferouō ḋe ǹje pisiour pegaf ǹfilippos je titiho èrok matamoi je èrepaip̀rofytys gō ǹfai eθve nim eθvytf ṡan eθve keouai.	The eunuch answered Philip, 'Who is the prophet talking about? About himself, or about someone else?'
8:35	ⲁϥⲟⲩⲱⲛ ⲇⲉ ⲛⲣⲱϥ ⲛϫⲉⲫⲓⲗⲓⲡⲡⲟⲥ ⲁϥⲉⲣϩⲏⲧⲥ ⲛϩⲓϣⲉⲛⲛⲟⲩϥⲓ ⲛⲁϥ ⲛⲓⲏⲥⲟⲩⲥ ⲉⲃⲟⲗ ϧⲉⲛⲧⲁⲓⲅⲣⲁⲫⲏ .	Ⲁϥⲟⲩⲱⲛ ⲇⲉ ⲛ̀ⲣⲱϥ ⲛ̀ϫⲉ ⲫⲓⲗⲓⲡⲡⲟⲥ ⲁϥⲉⲣϩⲏⲧⲥ ⲛ̀ϩⲓϣⲉⲛⲛⲟⲩϥⲓ ⲛⲁϥ ⲛ̀ⲓⲏⲥⲟⲩⲥ ⲉ̀ⲃⲟⲗ ϧⲉⲛ ⲧⲁⲓⲅ̀ⲣⲁⲫⲏ.	Afouōn ḋe ǹrōf ǹje filippos aferhyts ǹhiṡennoufi naf ǹiysous èvol xen taiġ̀rafy.	Philip opened his mouth, and beginning from this Scripture, preached to him Jesus.
8:36	ϩⲱⲥ ⲇⲉ ⲉⲩⲙⲟϣⲓ ϩⲓⲡⲓⲙⲱⲓⲧ ⲁⲩⲓ ϩⲓϫⲉⲛⲟⲩⲙⲱⲟⲩ ⲡⲉϫⲉ ⲡⲓⲥⲓⲟⲩⲣ ϫⲉϩⲏⲡⲡⲉ ⲓⲥ ⲟⲩⲙⲱⲟⲩ ⲟⲩ ⲡⲉ ⲉⲧⲧⲁϩⲛⲟ ⲙⲙⲟⲓ ⲉϭⲓⲱⲙⲥ .	Ϩⲱⲥ ⲇⲉ ⲉⲩⲙⲟϣⲓ ϩⲓ ⲡⲓⲙⲱⲓⲧ ⲁⲩⲓ̀ ϩⲓϫⲉⲛ ⲟⲩⲙⲱⲟⲩ ⲡⲉϫⲉ ⲡⲓⲥⲓⲟⲩⲣ ϫⲉ ϩⲏⲡⲡⲉ ⲓⲥ ⲟⲩⲙⲱⲟⲩ ⲟⲩ ⲡⲉ ⲉⲧⲧⲁϩⲛⲟ ⲙ̀ⲙⲟⲓ ⲉ̀ϭⲓⲱⲙⲥ.	Hōs ḋe evmoṡi hi pimōit avì hijen oumōou peje pisiour je hyppe is oumōou ou pe ettahno m̀moi èċiōms.	As they went on the way, they came to some water, and the eunuch said, 'Behold, here is water. What is keeping me from being baptized?'
8:37	[...]	[...]	[...]
8:38	ⲟⲩⲟϩ ⲁϥⲟⲩⲁϩⲥⲁϩⲛⲓ ⲉⲧⲁϩⲛⲟ ⲙⲡⲓϩⲁⲣⲙⲁ ⲟⲩⲟϩ ⲁⲩⲓ ⲉϧⲣⲏⲓ ⲉⲡⲓⲙⲱⲟⲩ ⲙⲡⲃ ⲛϫⲉⲫⲓⲗⲓⲡⲡⲟⲥ ⲛⲉⲙⲡⲓⲥⲓⲟⲩⲣ ⲟⲩⲟϩ ⲁϥϯⲱⲙⲥ ⲛⲁϥ .	ⲟⲩⲟϩ ⲁϥⲟⲩⲁϩⲥⲁϩⲛⲓ ⲉ̀ⲧⲁϩⲛⲟ ⲛ̀ⲡⲓϩⲁⲣⲙⲁ ⲟⲩⲟϩ ⲁⲩⲓ̀ ⲉ̀ϧ̀ⲣⲏⲓ ⲉ̀ⲡⲓⲙⲱⲟⲩ ⲛ̀ⲡ̀ⲃ ⲛ̀ϫⲉ ⲫⲓⲗⲓⲡⲡⲟⲥ ⲛⲉⲙ ⲡⲓⲥⲓⲟⲩⲣ ⲟⲩⲟϩ ⲁϥϯⲱⲙⲥ ⲛⲁϥ.	ouoh afouahsahni ètahno ǹpiharma ouoh avì èx̀ryi èpimōou ǹp̀v ǹje filippos nem pisiour ouoh aftiōms naf.	He commanded the chariot to stand still, and they both went down into the water, both Philip and the eunuch, and he baptized him.
8:39	ⲉⲧⲁⲩⲓ ⲇⲉ ⲉⲡϣⲱⲓ ⲉⲃⲟⲗ ϧⲉⲛⲡⲓⲙⲱⲟⲩ ⲟⲩⲡⲛⲉⲩⲙⲁⲛⲧⲉⲡϭⲟⲓⲥ ⲁϥϩⲱⲗⲉⲙ ⲙⲫⲓⲗⲓⲡⲡⲟⲥ ⲟⲩⲟϩ ⲙⲡⲉϥϫⲉⲛⲁⲩ ⲉⲣⲟϥ ⲛϫⲉⲡⲓⲥⲓⲟⲩⲣ ⲛⲁϥⲙⲟϣⲓ ⲅⲁⲣ ϩⲓⲡⲉϥⲙⲱⲓⲧ ⲉϥⲣⲁϣⲓ .	Ⲉⲧⲁⲩⲓ̀ ⲇⲉ ⲉ̀ⲡ̀ϣⲱⲓ ⲉ̀ⲃⲟⲗ ϧⲉⲛ ⲡⲓⲙⲱⲟⲩ ⲟⲩⲡⲛⲉⲩⲙⲁⲛⲧⲉⲡϭⲟⲓⲥ ⲁϥϩⲱⲗⲉⲙ ⲛ̀ⲫⲓⲗⲓⲡⲡⲟⲥ ⲟⲩⲟϩ ⲙ̀ⲡⲉϥϫⲉ ⲛⲁⲩ ⲉ̀ⲣⲟϥ ⲛ̀ϫⲉ ⲡⲓⲥⲓⲟⲩⲣ ⲛⲁϥⲙⲟϣⲓ ⲅⲁⲣ ϩⲓ ⲡⲉϥⲙⲱⲓⲧ ⲉϥⲣⲁϣⲓ.	Etavì ḋe èp̀ṡōi èvol xen pimōou oupnevmantepċois afhōlem ǹfilippos ouoh m̀pefje nav èrof ǹje pisiour nafmoṡi ġar hi pefmōit efraṡi.	When they came up out of the water, the Spirit of the Lord caught Philip away, and the eunuch didn't see him any more, for he went on his way rejoicing.
8:40	ⲫⲓⲗⲓⲡⲡⲟⲥ ⲇⲉ ⲁⲩϫⲉⲙϥ ϧⲉⲛⲁⲍⲱⲧⲟⲥ ⲛⲁϥⲕⲱϯ ⲡⲉ ⲉϥϩⲓϣⲉⲛⲛⲟⲩϥⲓ ϧⲉⲛⲛⲓⲡⲟⲗⲓⲥ ⲧⲏⲣⲟⲩ ϣⲁⲧⲉϥⲓ ⲉϩⲣⲏⲓ ⲉⲕⲉⲥⲁⲣⲓⲁ .	Ⲫⲓⲗⲓⲡⲡⲟⲥ ⲇⲉ ⲁⲩϫⲉⲙϥ ϧⲉⲛ ⲁⲍⲱⲧⲟⲥ ⲛⲁϥⲕⲱϯ ⲡⲉ ⲉϥϩⲓϣⲉⲛⲛⲟⲩϥⲓ ϧⲉⲛ ⲛⲓⲡⲟⲗⲓⲥ ⲧⲏⲣⲟⲩ ϣⲁⲧⲉϥⲓ ⲉ̀ϩ̀ⲣⲏⲓ ⲉ̀ⲕⲁⲓⲥⲁⲣⲓⲁ.	Filippos ḋe avjemf xen azōtos nafkōti pe efhiṡennoufi xen nipolis tyrou ṡatefi èh̀ryi èkaisaria.	But Philip was found at Azotus. Passing through, he preached the Good News to all the cities, until he came to Caesarea.

Provenance

title: 05_Acts_08
dialect: bohairic
source: Coptic SCRIPTORIUM corpus "bohairic.nt", document 05_Acts_08
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Acts_08 from Coptic SCRIPTORIUM (https://copticscriptorium.org), corpus bohairic.nt, document 05_Acts_08, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Acts/08.bohairic.scriptorium.L0.txt
title: 05_Acts_08 — Cairene
dialect: bohairic
source: generated from 08.bohairic.scriptorium.L0.txt (Coptic SCRIPTORIUM corpus "bohairic.nt", document 05_Acts_08)
licence: CC BY-SA 4.0
share: attribution
attribution: 05_Acts_08 from Coptic SCRIPTORIUM (https://copticscriptorium.org), corpus bohairic.nt, document 05_Acts_08, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Acts/08.bohairic.scriptorium.L1.txt
title: 05_Acts_08 — Kemetic
dialect: bohairic
source: generated from 08.bohairic.scriptorium.L1.txt
licence: CC BY-SA 4.0
share: attribution
attribution: 05_Acts_08 from Coptic SCRIPTORIUM (https://copticscriptorium.org), corpus bohairic.nt, document 05_Acts_08, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Acts/08.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 39 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 05_Acts_08 (39 lines)

Cite as:

05_Acts_08. Coptic SCRIPTORIUM corpus "bohairic.nt", document 05_Acts_08. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/acts/08.bohairic.scriptorium/. 05_Acts_08 from Coptic SCRIPTORIUM (https://copticscriptorium.org), corpus bohairic.nt, document 05_Acts_08, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.