05_Acts_17 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 05_Acts_17

Attribution: 05_Acts_17 from Coptic SCRIPTORIUM (https://copticscriptorium.org), corpus bohairic.nt, document 05_Acts_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

34 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
17:1	ⲉⲧⲁⲩⲥⲓⲛⲓ ⲉⲃⲟⲗ ϧⲉⲛϯⲁⲙⲫⲓⲡⲟⲗⲓⲥ ⲛⲉⲙϯⲁⲡⲟⲗⲗⲱⲛⲓⲁ ⲁⲩⲓ ⲉⲑⲉⲥⲥⲁⲗⲟⲛⲓⲕⲏ ⲡⲓⲙⲁ ⲉⲧⲉⲟⲩⲟⲛ ⲟⲩⲥⲩⲛⲁⲅⲱⲅⲏ ⲛϧⲏⲧϥ ⲛⲧⲉⲛⲓⲓⲟⲩⲇⲁⲓ .	ⲉ̀ⲧⲁⲩⲥⲓⲛⲓ ⲉ̀ⲃⲟⲗ ϧⲉⲛ ϯⲁⲙⲫⲓⲡⲟⲗⲓⲥ ⲛⲉⲙ ϯⲁⲡⲟⲗⲗⲱⲛⲓⲁ ⲁⲩⲓ̀ ⲉⲑⲉⲥⲥⲁⲗⲟⲛⲓⲕⲏ ⲡⲓⲙⲁ ⲉ̀ⲧⲉ ⲟⲩⲟⲛ ⲟⲩⲥⲩⲛⲁⲅⲱⲅⲏ ⲛ̀ϧⲏⲧϥ ⲛ̀ⲧⲉ ⲛⲓⲓⲟⲩⲇⲁⲓ.	ètavsini èvol xen tiamfipolis nem tiapollōnia avì eθessaloniky pima ète ouon ousinaġōgy ǹxytf ǹte niioudai.	Now when they had passed through Amphipolis and Apollonia, they came to Thessalonica, where there was a Jewish synagogue.
17:2	ⲕⲁⲧⲁϯⲥⲩⲛⲏⲑⲓⲁ ⲇⲉ ⲛⲧⲉⲡⲁⲩⲗⲟⲥ ⲁϥϣⲉ ⲉϧⲟⲩⲛ ϣⲁⲣⲱⲟⲩ ⲟⲩⲟϩ ⲛⲁϥⲥⲁϫⲓ ⲛⲉⲙⲱⲟⲩ ⲉⲃⲟⲗ ϧⲉⲛⲛⲓⲅⲣⲁⲫⲏ ϣⲁⲅ ⲛⲥⲁⲃⲃⲁⲧⲟⲛ	Ⲕⲁⲧⲁ ϯⲥⲩⲛⲏⲑⲓⲁ ⲇⲉ ⲛ̀ⲧⲉ ⲡⲁⲩⲗⲟⲥ ⲁϥϣⲉ ⲉ̀ϧⲟⲩⲛ ϣⲁⲣⲱⲟⲩ ⲟⲩⲟϩ ⲛⲁϥⲥⲁϫⲓ ⲛⲉⲙⲱⲟⲩ ⲉ̀ⲃⲟⲗ ϧⲉⲛ ⲛⲓⲅ̀ⲣⲁⲫⲏ ϣⲁ ⲅ ⲛ̀ⲥⲁⲃⲃⲁⲧⲟⲛ	Kata tisinyθia ḋe ǹte pavlos afṡe èxoun ṡarōou ouoh nafsaji nemōou èvol xen niġ̀rafy ṡa ġ ǹsabbaton	Paul, as was his custom, went in to them, and for three Sabbath days reasoned with them from the Scriptures,
17:3	ⲉϥⲟⲩⲟⲛϩ ⲉⲃⲟⲗ ⲟⲩⲟϩ ⲉϥⲭⲱ ϧⲁⲧⲟⲧⲟⲩ ϫⲉϩⲱϯ ⲛⲧⲉⲡⲭⲣⲓⲥⲧⲟⲥ ϭⲓⲙⲕⲁϩ ⲟⲩⲟϩ ⲛⲧⲉϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ ⲟⲩⲟϩ ϫⲉⲫⲁⲓ ⲡⲉ ⲓⲏⲥⲟⲩⲥ ⲡⲭⲣⲓⲥⲧⲟⲥ ⲫⲁⲓ ⲁⲛⲟⲕ ⲉϯϩⲓⲱⲓϣ ⲙⲙⲟϥ ⲛⲱⲧⲉⲛ .	ⲉϥⲟⲩⲟⲛϩ ⲉ̀ⲃⲟⲗ ⲟⲩⲟϩ ⲉϥⲭⲱ ϧⲁⲧⲟⲧⲟⲩ ϫⲉ ϩⲱϯ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ϭⲓⲙⲕⲁϩ ⲟⲩⲟϩ ⲛ̀ⲧⲉϥⲧⲱⲛϥ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ ⲟⲩⲟϩ ϫⲉ ⲫⲁⲓ ⲡⲉ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲫⲁⲓ ⲁⲛⲟⲕ ⲉⲓϩⲓⲱⲓϣ ⲙ̀ⲙⲟϥ ⲛⲱⲧⲉⲛ.	efouonh èvol ouoh efkō xatotou je hōti ǹte pix̀ristos ċimkah ouoh ǹteftōnf èvol xen ny eθmōout ouoh je fai pe iysous pix̀ristos fai anok eihiōiṡ m̀mof nōten.	explaining and demonstrating that the Christ had to suffer and rise again from the dead, and saying, 'This Jesus, whom I proclaim to you, is the Christ.'
17:4	ⲟⲩⲟϩ ϩⲁⲛⲟⲩⲟⲛ ⲇⲉ ⲉⲃⲟⲗ ⲛϧⲏⲧⲟⲩ ⲁⲩⲛⲁϩϯ ⲟⲩⲟϩ ⲁⲩⲱⲡ ⲉⲡⲁⲩⲗⲟⲥ ⲛⲉⲙⲥⲓⲗⲁⲥ ⲛϫⲉⲟⲩⲙⲏϣ ⲉϥⲟϣ ⲛⲧⲉⲛⲏ ⲉⲧⲉⲣⲥⲉⲃⲉⲥⲑⲉ ⲛⲧⲉⲛⲓⲟⲩⲉⲓⲛⲓⲛ ϩⲁⲛϩⲓⲟⲙⲓ ⲇⲉ ⲛⲧⲉⲛⲓϩⲟⲩⲁϯ ⲛϩⲁⲛⲕⲟⲩϫⲓ ⲁⲛ .	Ⲟⲩⲟϩ ϩⲁⲛⲟⲩⲟⲛ ⲇⲉ ⲉ̀ⲃⲟⲗ ⲛ̀ϧⲏⲧⲟⲩ ⲁⲩⲛⲁϩϯ ⲟⲩⲟϩ ⲁⲩⲱⲡ ⲉ̀ⲡⲁⲩⲗⲟⲥ ⲛⲉⲙ ⲥⲓⲗⲁⲥ ⲛ̀ϫⲉ ⲟⲩⲙⲏϣ ⲉϥⲟϣ ⲛ̀ⲧⲉ ⲛⲏ ⲉⲧⲉⲣⲥⲉⲃⲉⲥⲑⲉ ⲛ̀ⲧⲉ ⲛⲓⲟⲩⲉⲓⲛⲓⲛ ϩⲁⲛϩⲓⲟⲙⲓ ⲇⲉ ⲛ̀ⲧⲉ ⲛⲓϩⲟⲩⲁϯ ⲛ̀ϩⲁⲛⲕⲟⲩϫⲓ ⲁⲛ.	Ouoh hanouon ḋe èvol ǹxytou avnahti ouoh avōp èpavlos nem silas ǹje oumyṡ efoṡ ǹte ny etersebesθe ǹte nioueinin hanhiomi ḋe ǹte nihouati ǹhankouji an.	Some of them were persuaded, and joined Paul and Silas, of the devout Greeks a great multitude, and not a few of the chief women.
17:5	ⲁⲩⲭⲟϩ ⲇⲉ ⲛϫⲉⲛⲓⲓⲟⲩⲇⲁⲓ ⲟⲩⲟϩ ⲁⲩϭⲓ ⲛϩⲁⲛⲣⲱⲙⲓ ⲉⲩϩⲱⲟⲩ ⲛⲧⲉⲛⲓⲁⲅⲟⲣⲣⲉⲟⲥ ⲟⲩⲟϩ ⲉⲧⲁⲩⲑⲟⲩⲉⲧ ⲟⲩⲙⲏϣ ⲁⲩϣⲑⲟⲣⲧⲉⲣ ⲛϯⲡⲟⲗⲓⲥ ⲟⲩⲟϩ ⲁⲩⲓ ⲉϩⲣⲉⲛⲡⲏⲓ ⲛⲓⲁⲥⲥⲱⲛ ⲉⲩⲕⲱϯ ⲛⲥⲱⲟⲩ ⲛⲥⲉⲉⲛⲟⲩ ⲉⲃⲟⲗ ϩⲁⲡⲓⲙⲏϣ .	Ⲁⲩⲭⲟϩ ⲇⲉ ⲛ̀ϫⲉ ⲛⲓⲓⲟⲩⲇⲁⲓ ⲟⲩⲟϩ ⲁⲩϭⲓ ⲛ̀ϩⲁⲛⲣⲱⲙⲓ ⲉⲩϩⲱⲟⲩ ⲛ̀ⲧⲉ ⲛⲓⲁⲅⲟⲣⲣⲉⲟⲥ ⲟⲩⲟϩ ⲉ̀ⲧⲁⲩⲑⲟⲩⲉⲧ ⲟⲩⲙⲏϣ ⲁⲩϣ̀ⲑⲟⲣⲧⲉⲣ ⲛ̀ϯⲡⲟⲗⲓⲥ ⲟⲩⲟϩ ⲁⲩⲓ̀ ⲉ̀ϩ̀ⲣⲉⲛⲡⲏⲓ ⲛⲓⲁⲥⲥⲱⲛ ⲉⲩⲕⲱϯ ⲛ̀ⲥⲱⲟⲩ ⲛ̀ⲧⲟⲩⲉⲛⲟⲩ ⲉ̀ⲃⲟⲗ ϩⲁ ⲡⲓⲙⲏϣ.	Avkoh ḋe ǹje niioudai ouoh avċi ǹhanrōmi evhōou ǹte niaġorreos ouoh ètavθouet oumyṡ avṡ̀θorter ǹtipolis ouoh avì èh̀renpyi niassōn evkōti ǹsōou ǹtouenou èvol ha pimyṡ.	But the unpersuaded Jews took along some wicked men from the marketplace, and gathering a crowd, set the city in an uproar. Assaulting the house of Jason, they sought to bring them out to the people.
17:6	ⲉⲧⲉⲙⲡⲟⲩϫⲉⲙⲟⲩ ⲇⲉ ⲁⲩⲱϣϯ ⲛⲓⲁⲥⲥⲱⲛ ⲉⲃⲟⲗ ⲛⲉⲙϩⲁⲛⲕⲉⲥⲛⲏⲟⲩ ϣⲁⲛⲓⲁⲣⲭⲱⲛ ⲛⲧⲉϯⲡⲟⲗⲓⲥ ⲉⲩⲱϣ ⲉⲃⲟⲗ ϫⲉⲛⲁⲓ ⲛⲉⲛⲏ ⲉⲧⲁⲩϣⲑⲟⲣⲧⲉⲣ ⲛϯⲟⲓⲕⲟⲩⲙⲉⲛⲏ ⲟⲩⲟϩ ⲥⲉϣⲟⲡ ⲧⲁⲓ	Ⲉ̀ⲧⲉ ⲙ̀ⲡⲟⲩϫⲉⲙⲟⲩ ⲇⲉ ⲁⲩⲱϣϯ ⲛⲓⲁⲥⲥⲱⲛ ⲉ̀ⲃⲟⲗ ⲛⲉⲙ ϩⲁⲛⲕⲉⲥ̀ⲛⲏⲟⲩ ϣⲁ ⲛⲓⲁⲣⲭⲱⲛ ⲛ̀ⲧⲉ ϯⲡⲟⲗⲓⲥ ⲉⲩⲱϣ ⲉ̀ⲃⲟⲗ ϫⲉ ⲛⲁⲓ ⲛⲉ ⲛⲏ ⲉⲧⲁⲩϣⲑⲟⲣⲧⲉⲣ ⲛ̀ϯⲟⲓⲕⲟⲩⲙⲉⲛⲏ ⲟⲩⲟϩ ⲥⲉϣⲟⲡ ⲧⲁⲓ	Ète m̀poujemou ḋe avōṡti niassōn èvol nem hankes̀nyou ṡa niarxōn ǹte tipolis evōṡ èvol je nai ne ny etavṡθorter ǹtioikoumeny ouoh seṡop tai	When they didn't find them, they dragged Jason and certain brothers before the rulers of the city, crying, 'These who have turned the world upside down have come here also,
17:7	ⲉⲁ ⲓⲁⲥⲥⲱⲛ ϣⲟⲡⲟⲩ ⲉⲣⲟϥ ⲟⲩⲟϩ ⲛⲁⲓ ⲧⲏⲣⲟⲩ ⲥⲉϯ ⲉϧⲟⲩⲛ ⲉϩⲣⲉⲛⲛⲓϩⲱⲛ ⲛⲧⲉⲡⲟⲩⲣⲟ ⲉⲩϫⲱ ⲙⲙⲟⲥ ϫⲉϥϣⲟⲡ ⲛϫⲉⲕⲉⲟⲩⲣⲟ ⲓⲏⲥⲟⲩⲥ .	ⲉⲁ ⲓⲁⲥⲥⲱⲛ ϣⲟⲡⲟⲩ ⲉ̀ⲣⲟϥ ⲟⲩⲟϩ ⲛⲁⲓ ⲧⲏⲣⲟⲩ ⲥⲉϯ ⲉ̀ϧⲟⲩⲛ ⲉ̀ϩⲣⲉⲛⲛⲓϩⲱⲛ ⲛ̀ⲧⲉ ⲡ̀ⲟⲩⲣⲟ ⲉⲩϫⲱ ⲙ̀ⲙⲟⲥ ϫⲉ ϥ̀ϣⲟⲡ ⲛ̀ϫⲉ ⲕⲉⲟⲩⲣⲟ ⲓⲏⲥⲟⲩⲥ.	ea iassōn ṡopou èrof ouoh nai tyrou seti èxoun èhrennihōn ǹte p̀ouro evgō m̀mos je f̀ṡop ǹje keouro iysous.	whom Jason has received. These all act contrary to the decrees of Caesar, saying that there is another king, Jesus!'
17:8	ⲁⲩϣⲑⲟⲣⲧⲉⲣ ⲇⲉ ⲙⲡⲓⲙⲏϣ ⲛⲉⲙⲛⲓⲁⲣⲭ ⲱⲛ ⲛⲧⲉϯⲡⲟⲗⲓⲥ ⲉⲩⲥⲱⲧⲉⲙ ⲉⲛⲁⲓ .	Ⲁⲩϣ̀ⲑⲟⲣⲧⲉⲣ ⲇⲉ ⲛ̀ⲡⲓⲙⲏϣ ⲛⲉⲙ ⲛⲓⲁⲣⲭ ⲱⲛ ⲛ̀ⲧⲉ ϯⲡⲟⲗⲓⲥ ⲉⲩⲥⲱⲧⲉⲙ ⲉ̀ⲛⲁⲓ.	Avṡ̀θorter ḋe ǹpimyṡ nem niark ōn ǹte tipolis evsōtem ènai.	The multitude and the rulers of the city were troubled when they heard these things.
17:9	ⲟⲩⲟϩ ⲉⲧⲁⲩϭⲓ ⲙⲡⲉⲧⲥⲉⲙⲡϣⲁ ⲛⲧⲉⲛⲓⲁⲥⲥⲱⲛ ⲛⲉⲙⲛⲓⲕⲉⲥⲱϫⲡ ⲁⲩⲭⲁⲩ ⲉⲃⲟⲗ .	Ⲟⲩⲟϩ ⲉ̀ⲧⲁⲩϭⲓ ⲙⲡⲉⲧⲥⲉⲙⲡ̀ϣⲁ ⲛ̀ⲧⲉ ⲛⲓⲁⲥⲥⲱⲛ ⲛⲉⲙ ⲛⲓⲕⲉⲥⲱϫⲡ ⲁⲩⲭⲁⲩ ⲉ̀ⲃⲟⲗ.	Ouoh ètavċi mpetsemp̀ṡa ǹte niassōn nem nikesōgp avkav èvol.	When they had taken security from Jason and the rest, they let them go.
17:10	ⲛⲓⲥⲛⲏⲟⲩ ⲇⲉ ⲥⲁⲧⲟⲧⲟⲩ ⲁⲩⲧⲫⲉ ⲡⲁⲩⲗⲟⲥ ⲉⲃⲟⲗ ⲛⲉⲙⲥⲓⲗⲁⲥ ⲛϫⲱⲣϩ ⲉϩⲣⲏⲓ ⲉⲃⲉⲣⲟⲓⲁ ⲛⲑⲱⲟⲩ ⲇⲉ ⲉⲧⲁⲩⲓ ⲉⲙⲁⲩ ⲁⲩϣⲉ ⲉϧⲟⲩⲛ ⲉϯⲥⲩⲛⲁⲅⲱⲅⲏ ⲛⲧⲉⲛⲓⲓⲟⲩⲇⲁⲓ .	Ⲛⲓⲥ̀ⲛⲏⲟⲩ ⲇⲉ ⲥⲁⲧⲟⲧⲟⲩ ⲁⲩⲧ̀ⲫⲉ ⲡⲁⲩⲗⲟⲥ ⲉ̀ⲃⲟⲗ ⲛⲉⲙ ⲥⲓⲗⲁⲥ ⲛ̀ϫⲱⲣϩ ⲉ̀ϩ̀ⲣⲏⲓ ⲉⲃⲉⲣⲟⲓⲁ ⲛ̀ⲑⲱⲟⲩ ⲇⲉ ⲉⲧⲁⲩⲓ̀ ⲉⲙⲁⲩ ⲁⲩϣⲉ ⲉ̀ϧⲟⲩⲛ ⲉ̀ϯⲥⲩⲛⲁⲅⲱⲅⲏ ⲛ̀ⲧⲉ ⲛⲓⲓⲟⲩⲇⲁⲓ.	Nis̀nyou ḋe satotou avt̀fe pavlos èvol nem silas ǹgōrh èh̀ryi eberoia ǹθōou ḋe etavì emav avṡe èxoun ètisinaġōgy ǹte niioudai.	The brothers immediately sent Paul and Silas away by night to Beroea. When they arrived, they went into the Jewish synagogue.
17:11	ⲛⲁⲓ ⲇⲉ ⲛⲉϩⲁⲛⲉⲩⲅⲉⲛⲏⲥ ⲛⲉⲉϩⲟⲧⲉ ⲛⲏ ⲉⲧϧⲉⲛⲑⲉⲥⲥⲁⲗⲟⲛⲓⲕⲏ ⲛⲁⲓ ⲉⲧⲁⲩϣⲉⲡ ⲡⲓⲥⲁϫⲓ ⲉⲣⲱⲟⲩ ϧⲉⲛⲣⲱⲟⲩⲧϥ ⲛϩⲏⲧ ⲛⲓⲃⲉⲛ ⲉⲩϧⲟⲧϧⲉⲧ ⲙⲙⲏⲛⲓ ϧⲉⲛⲛⲓⲅⲣⲁⲫⲏ ϫⲉⲁⲛ ⲛⲁⲓ ϣⲟⲡ ⲙⲡⲁⲓⲣⲏϯ .	Ⲛⲁⲓ ⲇⲉ ⲛⲉϩⲁⲛⲉⲩⲅⲉⲛⲏⲥ ⲛⲉⲉ̀ϩⲟⲧⲉ ⲛⲏ ⲉⲧϧⲉⲛ ⲑⲉⲥⲥⲁⲗⲟⲛⲓⲕⲏ ⲛⲁⲓ ⲉⲧⲁⲩϣⲉⲡ ⲡⲓⲥⲁϫⲓ ⲉ̀ⲣⲱⲟⲩ ϧⲉⲛ ⲣⲱⲟⲩⲧϥ ⲛ̀ϩⲏⲧ ⲛⲓⲃⲉⲛ ⲉⲩϧⲟⲧϧⲉⲧ ⲙ̀ⲙⲏⲛⲓ ϧⲉⲛ ⲛⲓⲅ̀ⲣⲁⲫⲏ ϫⲉ ⲁⲛ ⲛⲁⲓ ϣⲟⲡ ⲛ̀ⲡⲁⲓⲣⲏϯ.	Nai ḋe nehanevgenys neèhote ny etxen θessaloniky nai etavṡep pisaji èrōou xen rōoutf ǹhyt niven evxotxet m̀myni xen niġ̀rafy je an nai ṡop ǹpairyti.	Now these were more noble than those in Thessalonica, in that they received the word with all readiness of the mind, examining the Scriptures daily to see whether these things were so.
17:12	ⲟⲩⲙⲏϣ ⲙⲉⲛ ⲟⲩⲛ ⲉⲃⲟⲗ ⲛϧⲏⲧⲟⲩ ⲁⲩⲛⲁϩϯ ⲛⲉⲙϩⲁⲛⲕⲉⲟⲩⲟⲛ ⲉⲃⲟⲗ ϧⲉⲛⲛⲓⲟⲩⲉⲓⲛⲓⲛ ⲛϩⲓⲟⲙⲓ ⲛⲉⲩⲥⲭⲏⲙⲱⲛ ⲛⲉⲙϩⲁⲛⲕⲉⲣⲱⲙⲓ ⲛϩⲁⲛⲕⲟⲩϫⲓ ⲁⲛ .	Ⲟⲩⲙⲏϣ ⲙⲉⲛ ⲟⲩⲛ ⲉ̀ⲃⲟⲗ ⲛ̀ϧⲏⲧⲟⲩ ⲁⲩⲛⲁϩϯ ⲛⲉⲙ ϩⲁⲛⲕⲉⲟⲩⲟⲛ ⲉ̀ⲃⲟⲗ ϧⲉⲛ ⲛⲓⲟⲩⲉⲓⲛⲓⲛ ⲛ̀ϩⲓⲟⲙⲓ ⲛ̀ⲉⲩⲥⲭⲏⲙⲱⲛ ⲛⲉⲙ ϩⲁⲛⲕⲉⲣⲱⲙⲓ ⲛ̀ϩⲁⲛⲕⲟⲩϫⲓ ⲁⲛ.	Oumyṡ men oun èvol ǹxytou avnahti nem hankeouon èvol xen nioueinin ǹhiomi ǹevsṡymōn nem hankerōmi ǹhankouji an.	Many of them therefore believed; also of the prominent Greek women, and not a few men.
17:13	ⲉⲧⲁⲩⲉⲙⲓ ⲇⲉ ⲛϫⲉⲛⲓⲓⲟⲩⲇⲁⲓ ⲛⲧⲉⲑⲉⲥⲥⲁⲗⲟⲛⲓⲕⲏ ϫⲉⲁⲡⲁⲩⲗⲟⲥ ϩⲓⲱⲓϣ ϧⲉⲛⲧⲕⲉⲃⲉⲣⲟⲓⲁ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲁⲩⲓ ⲉⲡⲓⲕⲉⲙⲁ ⲉⲧⲉⲙⲙⲁⲩ ⲉⲩⲕⲓⲙ ⲛⲛⲓⲙⲏϣ ⲉⲩϣⲑⲟⲣⲧⲉⲣ ⲙⲙⲱⲟⲩ .	Ⲉⲧⲁⲩⲉⲙⲓ ⲇⲉ ⲛ̀ϫⲉ ⲛⲓⲓⲟⲩⲇⲁⲓ ⲛ̀ⲧⲉ ⲑⲉⲥⲥⲁⲗⲟⲛⲓⲕⲏ ϫⲉ ⲁ ⲡⲁⲩⲗⲟⲥ ϩⲓⲱⲓϣ ϧⲉⲛ ⲧ̀ⲕⲉⲃⲉⲣⲟⲓⲁ ⲛ̀ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ ⲁⲩⲓ̀ ⲉ̀ⲡⲓⲕⲉⲙⲁ ⲉ̀ⲧⲉ ⲙ̀ⲙⲁⲩ ⲉⲩⲕⲓⲙ ⲛ̀ⲛⲓⲙⲏϣ ⲉⲩϣⲑⲟⲣⲧⲉⲣ ⲙ̀ⲙⲱⲟⲩ.	Etavemi ḋe ǹje niioudai ǹte θessaloniky je a pavlos hiōiṡ xen t̀keveroia ǹpisaji ǹte f̀nouti avì èpikema ète m̀mav evkim ǹnimyṡ evṡθorter m̀mōou.	But when the Jews of Thessalonica had knowledge that the word of God was proclaimed by Paul at Beroea also, they came there likewise, agitating the multitudes.
17:14	ⲧⲟⲧⲉ ⲥⲁⲧⲟⲧⲟⲩ ⲁⲩⲧⲫⲉ ⲡⲁⲩⲗⲟⲥ ⲉⲃⲟⲗ ⲛϫⲉⲛⲓⲥⲛⲏⲟⲩ ⲉⲑⲣⲉϥϣⲉ ⲉϫⲉⲛⲫⲓⲟⲙ ⲁⲩⲥⲱϫⲡ ⲇⲉ ⲙⲙⲁⲩ ⲛϫⲉⲥⲓⲗⲁⲥ ⲛⲉⲙⲧⲓⲙⲟⲑⲉⲟⲥ .	Ⲧⲟⲧⲉ ⲥⲁⲧⲟⲧⲟⲩ ⲁⲩⲧ̀ⲫⲉ ⲡⲁⲩⲗⲟⲥ ⲉ̀ⲃⲟⲗ ⲛ̀ϫⲉ ⲛⲓⲥ̀ⲛⲏⲟⲩ ⲉ̀ⲑⲣⲉϥϣⲉ ⲉ̀ϫⲉⲛ ⲫ̀ⲓⲟⲙ ⲁⲩⲥⲱϫⲡ ⲇⲉ ⲙ̀ⲙⲁⲩ ⲛ̀ϫⲉ ⲥⲓⲗⲁⲥ ⲛⲉⲙ ⲧⲓⲙⲟⲑⲉⲟⲥ.	Tote satotou avt̀fe pavlos èvol ǹje nis̀nyou èθrefṡe èjen f̀iom avsōgp ḋe m̀mav ǹje silas nem timoθeos.	Then the brothers immediately sent out Paul to go as far as to the sea, and Silas and Timothy still stayed there.
17:15	ⲛⲏ ⲇⲉ ⲉⲛⲁⲩⲧⲫⲟ ⲙⲡⲁⲩⲗⲟⲥ ⲉⲃⲟⲗ ⲁⲩⲉⲛϥ ⲉϩⲣⲏⲓ ⲉⲁⲑⲏⲛⲛⲁⲥ ⲟⲩⲟϩ ⲉⲧⲁⲩϭⲓ ⲉⲛⲧⲟⲗⲏ ⲉϭⲓⲡϣⲓⲛⲓ ⲛⲛⲓⲥⲛⲏⲟⲩ ⲥⲓⲗⲁⲥ ⲛⲉⲙⲧⲓⲙⲟⲑⲉⲟⲥ ϩⲓⲛⲁ ⲛⲥⲉⲓ ϩⲁⲣⲟϥ ⲛⲭⲱⲗⲉⲙ ⲁⲩⲓ ⲉⲃⲟⲗ ⲁⲩϣⲉ ⲛⲱⲟⲩ	Ⲛⲏ ⲇⲉ ⲉⲛⲁⲩⲧⲫⲟ ⲛ̀ⲡⲁⲩⲗⲟⲥ ⲉ̀ⲃⲟⲗ ⲁⲩⲉⲛϥ ⲉ̀ϩ̀ⲣⲏⲓ ⲉⲁⲑⲏⲛⲛⲁⲥ ⲟⲩⲟϩ ⲉ̀ⲧⲁⲩϭⲓ ⲉ̀ⲛ̀ⲧⲟⲗⲏ ⲉ̀ϭⲓⲡ̀ϣⲓⲛⲓ ⲛ̀ⲛⲓⲥ̀ⲛⲏⲟⲩ ⲥⲓⲗⲁⲥ ⲛⲉⲙ ⲧⲓⲙⲟⲑⲉⲟⲥ ϩⲓⲛⲁ ⲛ̀ⲥⲓ ϩⲁⲣⲟϥ ⲛ̀ⲭⲱⲗⲉⲙ ⲁⲩⲓ̀ ⲉ̀ⲃⲟⲗ ⲁⲩϣⲉ ⲛⲱⲟⲩ	Ny ḋe enavtfo ǹpavlos èvol avenf èh̀ryi eaθynnas ouoh ètavċi èǹtoly èċip̀ṡini ǹnis̀nyou silas nem timoθeos hina ǹsi harof ǹkōlem avì èvol avṡe nōou	But those who escorted Paul brought him as far as Athens. Receiving a commandment to Silas and Timothy that they should come to him very quickly, they departed.
17:16	ⲡⲁⲩⲗⲟⲥ ⲇⲉ ⲛⲁϥϧⲉⲛ ⲁⲑⲏⲛⲛⲁⲥ ⲉϥⲥⲟⲙⲥ ⲉⲃⲟⲗ ϧⲁϫⲱⲟⲩ ⲁϥϫⲱⲛⲧ ⲇⲉ ⲛϫⲉⲡⲉϥⲡⲛⲉⲩⲙⲁⲛϧⲣⲏⲓ ⲛϧⲏⲧϥ ⲉϥⲛⲁⲩ ⲉϯⲡⲟⲗⲓⲥ ⲉⲥⲟϣ ⲙⲙⲉⲧϣⲁⲙϣⲉ ⲓⲇⲱⲗⲟⲛ .	ⲡⲁⲩⲗⲟⲥ ⲇⲉ ⲛⲁϥϧⲉⲛ ⲁⲑⲏⲛⲛⲁⲥ ⲉϥⲥⲟⲙⲥ ⲉ̀ⲃⲟⲗ ϧⲁϫⲱⲟⲩ ⲁϥϫⲱⲛⲧ ⲇⲉ ⲛ̀ϫⲉ ⲡⲉϥⲡ̀ⲛⲉⲩⲙⲁⲛϧⲣⲏⲓ ⲛ̀ϧⲏⲧϥ ⲉϥⲛⲁⲩ ⲉ̀ϯⲡⲟⲗⲓⲥ ⲉⲥⲟϣ ⲛ̀ⲙⲉⲧϣⲁⲙϣⲉ ⲓ̀ⲇⲱⲗⲟⲛ.	pavlos ḋe nafxen aθynnas efsoms èvol xagōou afgōnt ḋe ǹje pefp̀nevmanxryi ǹxytf efnav ètipolis esoṡ ǹmetṡamṡe ìḋōlon.	Now while Paul waited for them at Athens, his spirit was provoked within him as he saw the city full of idols.
17:17	ⲛⲁϥⲥⲁϫⲓ ⲙⲉⲛ ⲟⲩⲛ ϧⲉⲛϯⲥⲩⲛⲁⲅⲱⲅⲏ ⲛⲧⲉⲛⲓⲓⲟⲩⲇⲁⲓ ⲛⲉⲙⲛⲏ ⲉⲧⲉⲣⲥⲉⲃⲉⲥⲑⲉ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲉϣⲁⲩⲑⲱⲟⲩϯ ⲙⲙⲏⲛⲓ ϩⲓϯⲁⲅⲟⲣⲁ .	Ⲛⲁϥⲥⲁϫⲓ ⲙⲉⲛ ⲟⲩⲛ ϧⲉⲛ ϯⲥⲩⲛⲁⲅⲱⲅⲏ ⲛ̀ⲧⲉ ⲛⲓⲓⲟⲩⲇⲁⲓ ⲛⲉⲙ ⲛⲏ ⲉⲧⲉⲣⲥⲉⲃⲉⲥⲑⲉ ⲛⲉⲙ ⲟⲩⲟⲛ ⲛⲓⲃⲉⲛ ⲉ̀ⲧⲉ ϣⲁⲩⲑⲱⲟⲩϯ ⲛ̀ⲙⲏⲛⲓ ϩⲓ ϯⲁⲅⲟⲣⲁ.	Nafsaji men oun xen tisinaġōgy ǹte niioudai nem ny etersebesθe nem ouon niven ète ṡavθōouti ǹmyni hi tiaġora.	So he reasoned in the synagogue with the Jews and the devout persons, and in the marketplace every day with those who met him.
17:18	ϩⲁⲛⲟⲩⲟⲛ ⲇⲉ ⲉⲃⲟⲗ ϧⲉⲛⲛⲓⲉⲡⲓⲕⲟⲩⲣⲓⲟⲥ ⲛⲉⲙⲛⲓⲥⲧⲟⲓⲭⲟⲥ ⲙⲫⲓⲗⲟⲥⲟⲫⲟⲥ ⲛⲁⲩϯ ⲟⲩⲃⲏϥ ⲟⲩⲟϩ ϩⲁⲛⲕⲉⲭⲱⲟⲩⲛⲓ ⲛⲁⲩϫⲱ ⲙⲙⲟⲥ ϫⲉⲟⲩ ⲡⲉⲧⲉϥⲟⲩⲱϣ ⲉϫⲟϥ ⲛϫⲉⲡⲁⲓⲥⲡⲉⲣⲙⲟⲗⲟⲅⲟⲥ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙⲙⲟⲥ ϫⲉⲟⲩⲣⲉϥϩⲓⲱⲓϣ ⲡⲉ ⲛⲧⲉϩⲁⲛⲇⲉⲙⲱⲛ ⲛϣⲉⲙⲙⲟ ϫⲉⲛⲁϥϩⲓⲱⲓϣ ⲛⲱⲟⲩ ⲡⲉ ⲛⲓⲏⲥⲟⲩⲥ ⲛⲉⲙⲧⲉϥⲁⲛⲁⲥⲧⲁⲥⲓⲥ .	Ϩⲁⲛⲟⲩⲟⲛ ⲇⲉ ⲉ̀ⲃⲟⲗ ϧⲉⲛ ⲛⲓⲉⲡⲓⲕⲟⲩⲣⲓⲟⲥ ⲛⲉⲙ ⲛⲓⲥⲧⲟⲓⲭⲟⲥ ⲛ̀ⲫⲓⲗⲟⲥⲟⲫⲟⲥ ⲛⲁⲩϯ ⲟⲩⲃⲏϥ ⲟⲩⲟϩ ϩⲁⲛⲕⲉⲭⲱⲟⲩⲛⲓ ⲛⲁⲩϫⲱ ⲙ̀ⲙⲟⲥ ϫⲉ ⲟⲩ ⲡⲉⲧⲉϥⲟⲩⲱϣ ⲉ̀ϫⲟϥ ⲛ̀ϫⲉ ⲡⲁⲓⲥⲡⲉⲣⲙⲟⲗⲟⲅⲟⲥ ϩⲁⲛⲕⲉⲭⲱⲟⲩⲛⲓ ⲇⲉ ⲛⲁⲩϫⲱ ⲙ̀ⲙⲟⲥ ϫⲉ ⲟⲩⲣⲉϥϩⲓⲱⲓϣ ⲡⲉ ⲛ̀ⲧⲉ ϩⲁⲛⲇⲉⲙⲱⲛ ⲛ̀ϣⲉⲙⲙⲟ ϫⲉ ⲛⲁϥϩⲓⲱⲓϣ ⲛⲱⲟⲩ ⲡⲉ ⲛ̀ⲓⲏⲥⲟⲩⲥ ⲛⲉⲙ ⲧⲉϥⲁ̀ⲛⲁⲥⲧⲁⲥⲓⲥ.	Hanouon ḋe èvol xen niepikourios nem nistoixos ǹfilosofos navti ouvyf ouoh hankekōouni navgō m̀mos je ou petefouōṡ ègof ǹje paispermoloġos hankekōouni ḋe navgō m̀mos je ourefhiōiṡ pe ǹte hanḋemōn ǹṡemmo je nafhiōiṡ nōou pe ǹiysous nem tefànastasis.	Some of the Epicurean and Stoic philosophers also were conversing with him. Some said, 'What does this babbler want to say?' Others said, 'He seems to be advocating foreign deities,' because he preached Jesus and the resurrection.
17:19	ⲁⲩⲁⲙⲟⲛⲓ ⲇⲉ ⲙⲙⲟϥ ⲁⲩⲉⲛϥ ⲉϧⲟⲩⲛ ⲉⲡⲓⲁⲣⲓⲟⲡⲁⲅⲟⲥ ⲉⲩϫⲱ ⲙⲙⲟⲥ ϫⲉⲟⲩⲟⲛ ϣϫⲟⲙ ⲙⲙⲟⲛ ⲉⲉⲙⲓ ϫⲉⲧⲁⲓⲥⲃⲱ ⲙⲃⲉⲣⲓ ⲟⲩ ⲧⲉ ⲉⲧⲉⲕⲥⲁϫⲓ ⲙⲙⲟⲥ .	Ⲁⲩⲁ̀ⲙⲟⲛⲓ ⲇⲉ ⲙ̀ⲙⲟϥ ⲁⲩⲉⲛϥ ⲉ̀ϧⲟⲩⲛ ⲉ̀ⲡⲓⲁⲣⲓⲟⲡⲁⲅⲟⲥ ⲉⲩϫⲱ ⲙ̀ⲙⲟⲥ ϫⲉ ⲟⲩⲟⲛ ϣ̀ϫⲟⲙ ⲙ̀ⲙⲟⲛ ⲉⲉⲙⲓ ϫⲉ ⲧⲁⲓⲥ̀ⲃⲱ ⲛ̀ⲃⲉⲣⲓ ⲟⲩ ⲧⲉ ⲉⲧⲉⲕⲥⲁϫⲓ ⲙ̀ⲙⲟⲥ.	Avàmoni ḋe m̀mof avenf èxoun èpiariopaġos evgō m̀mos je ouon ṡ̀gom m̀mon eemi je tais̀vō ǹveri ou te etek·saji m̀mos.	They took hold of him, and brought him to the Areopagus, saying, 'May we know what this new teaching is, which is spoken by you?
17:20	ⲕⲓⲛⲓ ⲛϩⲁⲛⲥⲁϫⲓ ⲛϣⲉⲙⲙⲟ ⲉϧⲟⲩⲛ ⲉⲛⲉⲛⲙⲁϣϫ ⲧⲉⲛⲟⲩⲱϣ ⲉⲉⲙⲓ ϫⲉⲟⲩ ⲛⲉⲛⲁⲓ .	Ⲕⲓ̀ⲛⲓ ⲛ̀ϩⲁⲛⲥⲁϫⲓ ⲛ̀ϣⲉⲙⲙⲟ ⲉ̀ϧⲟⲩⲛ ⲉ̀ⲛⲉⲛⲙⲁϣϫ ⲧⲉⲛⲟⲩⲱϣ ⲉⲉⲙⲓ ϫⲉ ⲟⲩ ⲛⲉ ⲛⲁⲓ.	Kìni ǹhansaji ǹṡemmo èxoun ènenmaṡg tenouōṡ eemi je ou ne nai.	For you bring certain strange things to our ears. We want to know therefore what these things mean.'
17:21	ⲛⲓⲁⲑⲏⲛⲛⲉⲟⲥ ⲇⲉ ⲧⲏⲣⲟⲩ ⲛⲉⲙⲛⲓϣⲉⲙⲙⲱⲟⲩ ⲉⲑⲛⲏⲟⲩ ⲉⲙⲁⲩ ⲛⲁⲩⲥⲣⲱϥⲧ ⲉϩⲗⲓ ⲁⲛ ⲡⲉ ⲉⲃⲏⲗ ⲉⲥⲁϫⲓ ⲛⲉⲙⲉⲥⲱⲧⲉⲙ ⲉϩⲱⲃ ⲙⲃⲉⲣⲓ .	Ⲛⲓⲁⲑⲏⲛⲛⲉⲟⲥ ⲇⲉ ⲧⲏⲣⲟⲩ ⲛⲉⲙ ⲛⲓϣⲉⲙⲙⲱⲟⲩ ⲉⲑⲛⲏⲟⲩ ⲉⲙⲁⲩ ⲛⲁⲩⲥⲣⲱϥⲧ ⲉ̀ϩ̀ⲗⲓ ⲁⲛ ⲡⲉ ⲉ̀ⲃⲏⲗ ⲉ̀ⲥⲁϫⲓ ⲛⲉⲙ ⲉ̀ⲥⲱⲧⲉⲙ ⲉ̀ϩⲱⲃ ⲛ̀ⲃⲉⲣⲓ.	Niaθynneos ḋe tyrou nem niṡemmōou eθnyou emav navsrōft èh̀li an pe èvyl èsaji nem èsōtem èhōb ǹveri.	Now all the Athenians and the strangers living there spent their time in nothing else, but either to tell or to hear some new thing.
17:22	ⲁϥⲟϩⲓ ⲇⲉ ⲉⲣⲁⲧϥ ⲛϫⲉⲡⲁⲩⲗⲟⲥ ϧⲉⲛⲑⲙⲏϯ ⲙⲡⲓⲁⲣⲓⲟⲡⲁⲅⲟⲥ ⲡⲉϫⲁϥ ⲛⲓⲣⲱⲙⲓ ⲛⲓⲁⲑⲏⲛⲛⲉⲟⲥ ⲕⲁⲧⲁϩⲱⲃ ⲛⲓⲃⲉⲛ ϯⲛⲁⲩ ⲉⲣⲱⲧⲉⲛ ϫⲉⲧⲉⲧⲉⲛⲟⲓ ⲛⲣⲉϥϣⲁⲙϣⲉ ⲓϧ ⲛϩⲟⲩⲟ .	Ⲁϥⲟ̀ϩⲓ ⲇⲉ ⲉ̀ⲣⲁⲧϥ ⲛ̀ϫⲉ ⲡⲁⲩⲗⲟⲥ ϧⲉⲛ ⲑ̀ⲙⲏϯ ⲛ̀ⲡⲓⲁⲣⲓⲟⲡⲁⲅⲟⲥ ⲡⲉϫⲁϥ ⲛⲓⲣⲱⲙⲓ ⲛⲓⲁⲑⲏⲛⲛⲉⲟⲥ ⲕⲁⲧⲁ ϩⲱⲃ ⲛⲓⲃⲉⲛ ϯⲛⲁⲩ ⲉⲣⲱⲧⲉⲛ ϫⲉ ⲧⲉⲧⲉⲛⲟⲓ ⲛ̀ⲣⲉϥϣⲁⲙϣⲉ ⲓϧ ⲛ̀ϩⲟⲩⲟ.	Afòhi ḋe èratf ǹje pavlos xen θ̀myti ǹpiariopaġos pegaf nirōmi niaθynneos kata hōb niven tinav erōten je tetenoi ǹrefṡamṡe ix ǹhouo.	Paul stood in the middle of the Areopagus, and said, 'You men of Athens, I perceive that you are very religious in all things.
17:23	ⲉⲓⲥⲓⲛⲓ ⲅⲁⲣ ⲟⲩⲟϩ ⲉⲧⲁⲓⲛⲁⲩ ⲉⲛⲏ ⲉⲧⲉⲧⲉⲛⲉⲣⲥⲉⲃⲉⲥⲑⲉ ⲙⲙⲱⲟⲩ ⲁⲓϫⲓⲙⲓ ⲛⲟⲩϣⲏ ⲟⲩⲓ ⲉⲥⲥϧⲏⲟⲩⲧ ⲉϩⲣⲏⲓ ϩⲓⲱⲧⲥ ϫⲉⲫⲛⲟⲩϯ ⲉⲧⲉⲛⲥⲱⲟⲩⲛ ⲙⲙⲟϥ ⲁⲛ ⲫⲏ ⲟⲩⲛ ⲉⲧⲉⲧⲉⲛⲉⲣⲥⲉⲃⲉⲥⲑⲉ ⲙⲙⲟϥ ⲧⲉⲧⲉⲛⲥⲱⲟⲩⲛ ⲙⲙⲟϥ ⲁⲛ ⲫⲁⲓ ⲁⲛⲟⲕ ⲉϯϩⲓⲱⲓϣ ⲙⲙⲟϥ ⲛⲱⲧⲉⲛ .	Ⲉⲓⲥⲓⲛⲓ ⲅⲁⲣ ⲟⲩⲟϩ ⲉ̀ⲧⲁⲓⲛⲁⲩ ⲉ̀ⲛⲏ ⲉⲧⲉⲧⲉⲛⲉⲣⲥⲉⲃⲉⲥⲑⲉ ⲙ̀ⲙⲱⲟⲩ ⲁⲓϫⲓⲙⲓ ⲛ̀ⲟⲩϣⲏ ⲟⲩⲓ ⲉⲥⲥ̀ϧⲏⲟⲩⲧ ⲉ̀ϩ̀ⲣⲏⲓ ϩⲓⲱⲧⲥ ϫⲉ ⲫ̀ⲛⲟⲩϯ ⲉⲧⲉⲛⲥⲱⲟⲩⲛ ⲙ̀ⲙⲟϥ ⲁⲛ ⲫⲏ ⲟⲩⲛ ⲉⲧⲉⲧⲉⲛⲉⲣⲥⲉⲃⲉⲥⲑⲉ ⲙ̀ⲙⲟϥ ⲧⲉⲧⲉⲛⲥⲱⲟⲩⲛ ⲙ̀ⲙⲟϥ ⲁⲛ ⲫⲁⲓ ⲁⲛⲟⲕ ⲉⲓϩⲓⲱⲓϣ ⲙ̀ⲙⲟϥ ⲛⲱⲧⲉⲛ.	Eisini ġar ouoh ètainav èny etetenersebesθe m̀mōou aijimi ǹouṡy oui ess̀xyout èh̀ryi hiōts je f̀nouti etensōoun m̀mof an fy oun etetenersebesθe m̀mof tetensōoun m̀mof an fai anok eihiōiṡ m̀mof nōten.	For as I passed along, and observed the objects of your worship, I found also an altar with this inscription: 'TO AN UNKNOWN GOD.' What therefore you worship in ignorance, this I announce to you.
17:24	ⲫⲛⲟⲩϯ ⲉⲧⲁϥⲑⲁⲙⲓⲉ ⲡⲓⲕⲟⲥⲙⲟⲥ ⲛⲉⲙϩⲱⲃ ⲛⲓⲃⲉⲛ ⲉⲧϣⲟⲡ ⲛϧⲏⲧϥ ⲫⲁⲓ ⲡⲉ ⲡϭⲟⲓⲥ ⲛⲧⲫⲉ ⲛⲉⲙⲡⲕⲁϩⲓ ⲛⲁϥϣⲟⲡ ⲁⲛ ϧⲉⲛϩⲁⲛⲉⲣⲫⲏⲟⲩⲓ ⲙⲙⲟⲩⲛⲕ ⲛϫⲓϫ .	Ⲫ̀ⲛⲟⲩϯ ⲉⲧⲁϥⲑⲁⲙⲓⲉ ⲡⲓⲕⲟⲥⲙⲟⲥ ⲛⲉⲙ ϩⲱⲃ ⲛⲓⲃⲉⲛ ⲉⲧϣⲟⲡ ⲛ̀ϧⲏⲧϥ ⲫⲁⲓ ⲡⲉ ⲡ̀ϭⲟⲓⲥ ⲛ̀ⲧ̀ⲫⲉ ⲛⲉⲙ ⲡ̀ⲕⲁϩⲓ ⲛⲁϥϣⲟⲡ ⲁⲛ ϧⲉⲛ ϩⲁⲛⲉⲣⲫⲏⲟⲩⲓ̀ ⲛ̀ⲙⲟⲩⲛⲕ ⲛ̀ϫⲓϫ.	F̀nouti etafθamie pikosmos nem hōb niven etṡop ǹxytf fai pe p̀ċois ǹt̀fe nem p̀kahi nafṡop an xen hanerfyouì ǹmounk ǹjig.	The God who made the world and all things in it, he, being Lord of heaven and earth, doesn't dwell in temples made with hands,
17:25	ⲟⲩⲇⲉ ⲛⲉϣⲁⲩϣⲉⲙϣⲓ ⲙⲙⲟϥ ⲁⲛ ⲛϫⲉϩⲁⲛϫⲓϫ ⲛⲣⲱⲙⲓ ⲛϥⲉⲣⲭⲣⲓⲁ ⲁⲛ ⲛϩⲗⲓ ⲛⲑⲟϥ ⲡⲉⲧϯ ⲙⲡⲱⲛϧ ⲛⲉⲙⲫⲛⲓϥⲓ ⲛⲟⲩⲟⲛ ⲛⲓⲃⲉⲛ .	Ⲟⲩⲇⲉ ⲛⲉϣⲁⲩϣⲉⲙϣⲓ ⲙ̀ⲙⲟϥ ⲁⲛ ⲛ̀ϫⲉ ϩⲁⲛϫⲓϫ ⲛ̀ⲣⲱⲙⲓ ⲛ̀ϥⲉⲣⲭⲣⲓⲁ ⲁⲛ ⲛ̀ϩ̀ⲗⲓ ⲛ̀ⲑⲟϥ ⲡⲉⲧϯ ⲛ̀ⲡ̀ⲱⲛϧ ⲛⲉⲙ ⲫ̀ⲛⲓϥⲓ ⲛ̀ⲟⲩⲟⲛ ⲛⲓⲃⲉⲛ.	Ouḋe neṡavṡemṡi m̀mof an ǹje hanjig ǹrōmi ǹferkria an ǹh̀li ǹθof petti ǹp̀ōnx nem f̀nifi ǹouon niven.	neither is he served by men's hands, as though he needed anything, seeing he himself gives to all life and breath, and all things.
17:26	ⲉⲁϥⲑⲁⲙⲓⲉ ϣⲗⲟⲗ ⲛⲓⲃⲉⲛ ⲛⲧⲉⲛⲓⲣⲱⲙⲓ ⲉⲃⲟⲗ ϧⲉⲛⲟⲩⲁⲓ ⲉⲑⲣⲟⲩϣⲱⲡⲓ ϩⲓϫⲉⲛⲡϩⲟ ⲙⲡⲕⲁϩⲓ ⲧⲏⲣϥ ⲉⲁϥⲑⲱϣ ⲛϩⲁⲛⲥⲏ ⲟⲩ ⲉⲩⲑⲏϣ ⲓⲥϫⲉⲛ ϣⲟⲣⲡ ⲛⲉⲙⲡⲓⲑⲱϣ ⲛⲧⲉⲡⲟⲩϫⲓⲛϣⲱⲡⲓ .	Ⲉⲁϥⲑⲁⲙⲓⲉ ϣ̀ⲗⲟⲗ ⲛⲓⲃⲉⲛ ⲛ̀ⲧⲉ ⲛⲓⲣⲱⲙⲓ ⲉ̀ⲃⲟⲗ ϧⲉⲛ ⲟⲩⲁⲓ ⲉ̀ⲑⲣⲟⲩϣⲱⲡⲓ ϩⲓϫⲉⲛ ⲡ̀ϩⲟ ⲛ̀ⲡ̀ⲕⲁϩⲓ ⲧⲏⲣϥ ⲉⲁϥⲑⲱϣ ⲛ̀ϩⲁⲛⲥⲏ ⲟⲩ ⲉⲩⲑⲏϣ ⲓⲥϫⲉⲛ ϣⲟⲣⲡ ⲛ̀ⲉⲛⲡⲓⲑⲱϣ ⲛ̀ⲧⲉ ⲡⲟⲩϫⲓⲛϣⲱⲡⲓ.	Eafθamie ṡ̀lol niven ǹte nirōmi èvol xen ouai èθrouṡōpi hijen p̀ho ǹp̀kahi tyrf eafθōṡ ǹhansy ou evθyṡ isjen ṡorp ǹenpiθōṡ ǹte poujinṡōpi.	He made from one blood every nation of men to dwell on all the surface of the earth, having determined appointed seasons, and the boundaries of their dwellings,
17:27	ⲉⲑⲣⲟⲩⲕⲱϯ ⲛⲥⲁⲫⲛⲟⲩϯ ϫⲉϩⲁⲣⲁ ⲅⲉ ⲥⲉⲛⲁϫⲟⲙϫⲉⲙ ⲛⲥⲱϥ ⲛⲥⲉϫⲉⲙϥ ⲕⲉⲧⲟⲓ ϥⲟⲩⲏⲟⲩ ⲁⲛ ⲙⲡⲓⲟⲩⲁⲓ ⲡⲓⲟⲩⲁⲓ ⲙⲙⲟⲛ .	Ⲉ̀ⲑⲣⲟⲩⲕⲱϯ ⲛ̀ⲥⲁ ⲫ̀ⲛⲟⲩϯ ϫⲉ ϩⲁⲣⲁ ⲅⲉ ⲥⲉⲛⲁϫⲟⲙϫⲉⲙ ⲛ̀ⲥⲱϥ ⲛ̀ⲧⲟⲩϫⲉⲙϥ ⲕⲉⲧⲟⲓ ϥ̀ⲟⲩⲏⲟⲩ ⲁⲛ ⲛ̀ⲡⲓⲟⲩⲁⲓ ⲡⲓⲟⲩⲁⲓ ⲙ̀ⲙⲟⲛ.	Èθroukōti ǹsa f̀nouti je hara ge senagomjem ǹsōf ǹtoujemf ketoi f̀ouyou an ǹpiouai piouai m̀mon.	that they should seek the Lord, if perhaps they might reach out for him and find him, though he is not far from each one of us.
17:28	ⲁⲛⲱⲛϧ ⲅⲁⲣ ⲛϧⲏⲧϥ ⲟⲩⲟϩ ⲁⲛⲕⲓⲙ ⲟⲩⲟϩ ⲁⲛϣⲟⲡ ⲙⲫⲣⲏϯ ⲉⲧⲁⲩϫⲟⲥ ⲛϫⲉϩⲁⲛⲕⲉⲭⲱⲟⲩⲛⲓ ⲉⲃⲟⲗ ϧⲉⲛⲛⲓⲡⲟⲓⲧⲏⲥ ⲉⲧϧⲉⲛⲑⲏⲛⲟⲩ ϫⲉⲁⲛⲟⲛ ⲡⲉϥⲅⲉⲛⲟⲥ ⲅⲁⲣ .	Ⲁⲛⲱⲛϧ ⲅⲁⲣ ⲛ̀ϧⲏⲧϥ ⲟⲩⲟϩ ⲁⲛⲕⲓⲙ ⲟⲩⲟϩ ⲁⲛϣⲟⲡ ⲛ̀ⲫ̀ⲣⲏϯ ⲉ̀ⲧⲁⲩϫⲟⲥ ⲛ̀ϫⲉ ϩⲁⲛⲕⲉⲭⲱⲟⲩⲛⲓ ⲉ̀ⲃⲟⲗ ϧⲉⲛ ⲛⲓⲡⲟⲓⲧⲏⲥ ⲉⲧϧⲉⲛ ⲑⲏⲛⲟⲩ ϫⲉ ⲁ̀ⲛⲟⲛ ⲡⲉϥⲅⲉⲛⲟⲥ ⲅⲁⲣ.	Anōnx ġar ǹxytf ouoh ankim ouoh anṡop ǹf̀ryti ètavgos ǹje hankekōouni èvol xen nipoitys etxen θynou je ànon pefgenos ġar.	'For in him we live, and move, and have our being.' As some of your own poets have said, 'For we are also his offspring.'
17:29	ⲉⲁⲛⲟⲛ ⲟⲩⲅⲉⲛⲟⲥ ⲟⲩⲛ ⲛⲧⲉⲫⲛⲟⲩϯ ⲥϣⲉ ⲛⲁⲛ ⲁⲛ ⲉⲑⲣⲉⲛⲙⲉⲩⲓ ⲉⲛⲟⲩⲃ ⲓⲉ ϩⲁⲧ ⲓⲉ ⲱⲛⲓ ⲙⲫⲱⲧϩ ⲛⲧⲉⲭⲛⲏ ⲓⲉ ⲙⲟⲕⲙⲉⲕ ⲛⲣⲱⲙⲓ ϫⲉⲁϥⲟⲛⲓ ⲙⲙⲱⲟⲩ ⲛϫⲉⲫⲛⲟⲩϯ .	Ⲉⲁ̀ⲛⲟⲛ ⲟⲩⲅⲉⲛⲟⲥ ⲟⲩⲛ ⲛ̀ⲧⲉ ⲫ̀ⲛⲟⲩϯ ⲥ̀ϣⲉ ⲛⲁⲛ ⲁⲛ ⲉ̀ⲑⲣⲉⲛⲙⲉⲩⲓ ⲉ̀ⲛⲟⲩⲃ ⲓⲉ ϩⲁⲧ ⲓⲉ ⲱⲛⲓ ⲛ̀ⲫⲱⲧϩ ⲛ̀ⲧⲉⲭⲛⲏ ⲓⲉ ⲙⲟⲕⲙⲉⲕ ⲛ̀ⲣⲱⲙⲓ ϫⲉ ⲁϥⲟⲛⲓ ⲙ̀ⲙⲱⲟⲩ ⲛ̀ϫⲉ ⲫ̀ⲛⲟⲩϯ.	Eànon ougenos oun ǹte f̀nouti s̀ṡe nan an èθrenmevi ènoub ie hat ie ōni ǹfōt·h ǹtexny ie mokmek ǹrōmi je afoni m̀mōou ǹje f̀nouti.	Being then the offspring of God, we ought not to think that the Divine Nature is like gold, or silver, or stone, engraved by art and design of man.
17:30	ⲛⲓⲥⲏⲟⲩ ⲙⲉⲛ ⲛⲧⲉϯⲙⲉⲧⲁⲧⲉⲙⲓ ⲁϥⲭⲁⲩ ⲉⲃⲟⲗ ⲛϫⲉⲫⲛⲟⲩϯ ϯⲛⲟⲩ ⲇⲉ ϥϩⲓⲱⲓϣ ⲛⲛⲓⲣⲱⲙⲓ ⲉⲑⲣⲉ ⲟⲩⲟⲛ ⲛⲓⲃⲉⲛ ⲉⲣⲙⲉⲧⲁⲛⲟⲓⲛ ϧⲉⲛⲙⲁⲓ ⲛⲓⲃⲉⲛ .	Ⲛⲓⲥⲏⲟⲩ ⲙⲉⲛ ⲛ̀ⲧⲉ ϯⲙⲉⲧⲁⲧⲉ̀ⲙⲓ ⲁϥⲭⲁⲩ ⲉ̀ⲃⲟⲗ ⲛ̀ϫⲉ ⲫ̀ⲛⲟⲩϯ ϯⲛⲟⲩ ⲇⲉ ϥ̀ϩⲓⲱⲓϣ ⲛ̀ⲛⲓⲣⲱⲙⲓ ⲉⲑⲣⲉ ⲟⲩⲟⲛ ⲛⲓⲃⲉⲛ ⲉⲣⲙⲉⲧⲁⲛⲟⲓⲛ ϧⲉⲛ ⲙⲁⲓ ⲛⲓⲃⲉⲛ.	Nisyou men ǹte timetatèmi afkav èvol ǹje f̀nouti tinou ḋe f̀hiōiṡ ǹnirōmi eθre ouon niven ermetanoin xen mai niven.	The times of ignorance therefore God overlooked. But now he commands that all people everywhere should repent,
17:31	ⲕⲁⲧⲁⲫⲣⲏϯ ϫⲉⲁϥⲥⲉⲙⲛⲉ ⲟⲩⲉϩⲟⲟⲩ ⲉϥⲛⲁϯϩⲁⲡ ⲉϯⲟⲓⲕⲟⲩⲙⲉⲛⲏ ⲛϧⲏⲧϥ ϧⲉⲛⲟⲩⲙⲉⲑⲙⲏⲓ ⲉⲃⲟⲗ ϩⲓⲧⲉⲛⲡⲓⲣⲱⲙⲓ ⲉⲧⲁϥⲑⲁϣϥ ⲉⲁϥϯ ⲙⲫⲛⲁϩϯ ⲛⲟⲩⲟⲛ ⲛⲓⲃⲉⲛ ⲉⲁϥⲧⲟⲩⲛⲟⲥϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ .	Ⲕⲁⲧⲁ ⲫ̀ⲣⲏϯ ϫⲉ ⲁϥⲥⲉⲙⲛⲉ ⲟⲩⲉ̀ϩⲟⲟⲩ ⲉϥⲛⲁϯϩⲁⲡ ⲉ̀ϯⲟⲓⲕⲟⲩⲙⲉⲛⲏ ⲛ̀ϧⲏⲧϥ ϧⲉⲛ ⲟⲩⲙⲉⲑⲙⲏⲓ ⲉ̀ⲃⲟⲗ ϩⲓⲧⲉⲛ ⲡⲓⲣⲱⲙⲓ ⲉⲧⲁϥⲑⲁϣϥ ⲉⲁϥϯ ⲛ̀ⲫ̀ⲛⲁϩϯ ⲛ̀ⲟⲩⲟⲛ ⲛⲓⲃⲉⲛ ⲉⲁϥⲧⲟⲩⲛⲟⲥϥ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ.	Kata f̀ryti je afsemne ouèhoou efnatihap ètioikoumeny ǹxytf xen oumeθmyi èvol hiten pirōmi etafθaṡf eafti ǹf̀nahti ǹouon niven eaftounosf èvol xen ny eθmōout.	because he has appointed a day in which he will judge the world in righteousness by the man whom he has ordained; of which he has given assurance to all men, in that he has raised him from the dead.'
17:32	ⲉⲧⲁⲩⲥⲱⲧⲉⲙ ⲇⲉ ϫⲉⲁⲛⲁⲥⲧⲁⲥⲓⲥ ⲛⲧⲉⲛⲓⲣⲉϥⲙⲱⲟⲩⲧ ϩⲁⲛⲟⲩⲟⲛ ⲙⲉⲛ ⲁⲩⲥⲱⲃⲓ ϩⲁⲛⲕⲉⲭⲱⲟⲩⲛⲓ ⲇⲉ ⲁⲩϫⲟⲥ ϫⲉⲉⲛⲉⲥⲱⲧⲉⲙ ⲉⲣⲟⲕ ⲉⲑⲃⲉⲫⲁⲓ .	Ⲉⲧⲁⲩⲥⲱⲧⲉⲙ ⲇⲉ ϫⲉ ⲁⲛⲁⲥⲧⲁⲥⲓⲥ ⲛ̀ⲧⲉ ⲛⲓⲣⲉϥⲙⲱⲟⲩⲧ ϩⲁⲛⲟⲩⲟⲛ ⲙⲉⲛ ⲁⲩⲥⲱⲃⲓ ϩⲁⲛⲕⲉⲭⲱⲟⲩⲛⲓ ⲇⲉ ⲁⲩϫⲟⲥ ϫⲉ ⲉⲛⲉⲥⲱⲧⲉⲙ ⲉ̀ⲣⲟⲕ ⲉⲑⲃⲉ ⲫⲁⲓ.	Etavsōtem ḋe je anastasis ǹte nirefmōout hanouon men avsōvi hankekōouni ḋe avgos je enesōtem èrok eθve fai.	Now when they heard of the resurrection of the dead, some mocked; but others said, 'We want to hear you again concerning this.'
17:33	ⲟⲩⲟϩ ⲡⲁⲓⲣⲏϯ ⲟⲛ ⲁⲡⲁⲩⲗⲟⲥ ⲓ ⲉⲃⲟⲗ ϧⲉⲛⲧⲟⲩⲙⲏϯ .	Ⲟⲩⲟϩ ⲡⲁⲓⲣⲏϯ ⲟⲛ ⲁ ⲡⲁⲩⲗⲟⲥ ⲓ̀ ⲉ̀ⲃⲟⲗ ϧⲉⲛ ⲧⲟⲩⲙⲏϯ.	Ouoh pairyti on a pavlos ì èvol xen toumyti.	Thus Paul went out from among them.
17:34	ⲁⲩⲧⲟⲙⲟⲩ ⲇⲉ ⲉⲣⲟϥ ⲛϫⲉϩⲁⲛⲣⲱⲙⲓ ⲉⲁⲩⲛⲁϩϯ ⲛⲁⲓ ⲉⲧⲉⲛⲁⲣⲉ ⲇⲓⲟⲛⲏⲥⲓⲟⲥ ⲛϧⲏⲧⲟⲩ ⲡⲓⲁⲣⲓⲟⲡⲁⲅⲓⲧⲏⲥ ⲛⲉⲙⲟⲩⲥϩⲓⲙⲓ ⲉⲡⲉⲥⲣⲁⲛ ⲡⲉ ⲇⲁⲙⲁⲣⲓⲥ ⲛⲉⲙϩⲁⲛⲕⲉⲭⲱⲟⲩⲛⲓ ⲛⲉⲙⲱⲟⲩ .	Ⲁⲩⲧⲟⲙⲟⲩ ⲇⲉ ⲉ̀ⲣⲟϥ ⲛ̀ϫⲉ ϩⲁⲛⲣⲱⲙⲓ ⲉⲁⲩⲛⲁϩϯ ⲛⲁⲓ ⲉ̀ⲧⲉ ⲛⲁⲣⲉ ⲇⲓⲟⲛⲏⲥⲓⲟⲥ ⲛ̀ϧⲏⲧⲟⲩ ⲡⲓⲁⲣⲓⲟⲡⲁⲅⲓⲧⲏⲥ ⲛⲉⲙ ⲟⲩⲥ̀ϩⲓⲙⲓ ⲉ̀ⲡⲉⲥⲣⲁⲛ ⲡⲉ ⲇⲁⲙⲁⲣⲓⲥ ⲛⲉⲙ ϩⲁⲛⲕⲉⲭⲱⲟⲩⲛⲓ ⲛⲉⲙⲱⲟⲩ.	Avtomou ḋe èrof ǹje hanrōmi eavnahti nai ète nare dionysios ǹxytou piariopagitys nem ous̀·himi èpesran pe damaris nem hankekōouni nemōou.	But certain men joined with him, and believed, among whom also was Dionysius the Areopagite, and a woman named Damaris, and others with them.

Provenance

title: 05_Acts_17
dialect: bohairic
source: Coptic SCRIPTORIUM corpus "bohairic.nt", document 05_Acts_17
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Acts_17 from Coptic SCRIPTORIUM (https://copticscriptorium.org), corpus bohairic.nt, document 05_Acts_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Acts/17.bohairic.scriptorium.L0.txt
title: 05_Acts_17 — Cairene
dialect: bohairic
source: generated from 17.bohairic.scriptorium.L0.txt (Coptic SCRIPTORIUM corpus "bohairic.nt", document 05_Acts_17)
licence: CC BY-SA 4.0
share: attribution
attribution: 05_Acts_17 from Coptic SCRIPTORIUM (https://copticscriptorium.org), corpus bohairic.nt, document 05_Acts_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Acts/17.bohairic.scriptorium.L1.txt
title: 05_Acts_17 — Kemetic
dialect: bohairic
source: generated from 17.bohairic.scriptorium.L1.txt
licence: CC BY-SA 4.0
share: attribution
attribution: 05_Acts_17 from Coptic SCRIPTORIUM (https://copticscriptorium.org), corpus bohairic.nt, document 05_Acts_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Acts/17.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 34 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 05_Acts_17 (34 lines)

Cite as:

05_Acts_17. Coptic SCRIPTORIUM corpus "bohairic.nt", document 05_Acts_17. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/acts/17.bohairic.scriptorium/. 05_Acts_17 from Coptic SCRIPTORIUM (https://copticscriptorium.org), corpus bohairic.nt, document 05_Acts_17, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.