05_Acts_19 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 05_Acts_19

Attribution: 05_Acts_19 from Coptic SCRIPTORIUM (https://copticscriptorium.org), corpus bohairic.nt, document 05_Acts_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

40 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
19:1	ⲁⲥϣⲱⲡⲓ ⲇⲉ ⲉⲣⲉⲁⲡⲉⲗⲗⲏⲥ ϧⲉⲛⲕⲟⲣⲓⲛⲑⲟⲥ ⲡⲁⲩⲗⲟⲥ ⲇⲉ ⲉⲧⲁϥⲥⲉⲡ ⲛⲓⲙⲁ ⲉⲧⲥⲁⲡϣⲱⲓ ⲉⲑⲣⲉϥⲓ ⲉⲉⲫⲉⲥⲟⲥ ⲟⲩⲟϩ ⲉⲧⲁϥϫⲓⲙⲓ ⲛϩⲁⲛⲙⲁⲑⲏⲧⲏⲥ .	ⲁⲥϣⲱⲡⲓ ⲇⲉ ⲉ̀ⲣⲉ ⲁⲡⲉⲗⲗⲏⲥ ϧⲉⲛ ⲕⲟⲣⲓⲛⲑⲟⲥ ⲡⲁⲩⲗⲟⲥ ⲇⲉ ⲉ̀ⲧⲁϥⲥⲉⲡ ⲛⲓⲙⲁ ⲉⲧⲥⲁⲡϣⲱⲓ ⲉ̀ⲑⲣⲉϥⲓ ⲉⲉ̀ⲫⲉⲥⲟⲥ ⲟⲩⲟϩ ⲉ̀ⲧⲁϥϫⲓⲙⲓ ⲛ̀ϩⲁⲛⲙⲁⲑⲏⲧⲏⲥ.	asṡōpi ḋe ère apellys xen korinθos pavlos ḋe ètafsep nima etsapṡōi èθrefi eèfesos ouoh ètafjimi ǹhanmaθytys.	It happened that, while Apollos was at Corinth, Paul, having passed through the upper country, came to Ephesus, and found certain disciples.
19:2	ⲡⲉϫⲁϥ ⲛⲱⲟⲩ ϫⲉⲁⲛ ⲁⲣⲉⲧⲉⲛϭⲓ ⲙⲡⲓⲡⲛⲉⲩⲙⲁⲉⲑⲟⲩⲁⲃ ⲉⲧⲁⲣⲉⲧⲉⲛⲛⲁϩϯ ⲛⲑⲱⲟⲩ ⲇⲉ ⲡⲉϫⲱⲟⲩ ϫⲉⲁⲗⲗⲁ ⲟⲩⲇⲉ ⲙⲡⲉⲛⲥⲱⲧⲉⲙ ⲣⲱ ϫⲉⲟⲩⲟⲛ ⲟⲩⲡⲛⲉⲩⲙⲁⲉϥⲟⲩⲁⲃ ϣⲟⲡ .	Ⲡⲉϫⲁϥ ⲛⲱⲟⲩ ϫⲉ ⲁⲛ ⲁⲣⲉⲧⲉⲛϭⲓ ⲛ̀ⲡⲓⲡ̀ⲛⲉⲩⲙⲁⲉⲑⲟⲩⲁⲃ ⲉ̀ⲧⲁⲣⲉⲧⲉⲛⲛⲁϩϯ ⲛ̀ⲑⲱⲟⲩ ⲇⲉ ⲡⲉϫⲱⲟⲩ ϫⲉ ⲁⲗⲗⲁ ⲟⲩⲇⲉ ⲙ̀ⲡⲉⲛⲥⲱⲧⲉⲙ ⲣⲱ ϫⲉ ⲟⲩⲟⲛ ⲟⲩⲡⲛⲉⲩⲙⲁⲉϥⲟⲩⲁⲃ ϣⲟⲡ.	Pegaf nōou je an aretenċi ǹpip̀nevmaeθouab ètaretennahti ǹθōou ḋe pegōou je alla ouḋe m̀pensōtem rō je ouon oupnevmaefouab ṡop.	He said to them, 'Did you receive the Holy Spirit when you believed?' They said to him, 'No, we haven't even heard that there is a Holy Spirit.'
19:3	ⲛⲑⲟϥ ⲇⲉ ⲡⲉϫⲁϥ ϫⲉⲉⲧⲁⲩⲉⲙⲥ ⲑⲏⲛⲟⲩ ⲉⲟⲩ ⲛⲑⲱⲟⲩ ⲇⲉ ⲡⲉϫⲱⲟⲩ ϫⲉⲡⲓⲱⲙⲥ ⲛⲧⲉⲓⲱⲁⲛⲛⲏⲥ .	Ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲉ̀ⲧⲁⲩⲉⲙⲥ ⲑⲏⲛⲟⲩ ⲉ̀ⲟⲩ ⲛ̀ⲑⲱⲟⲩ ⲇⲉ ⲡⲉϫⲱⲟⲩ ϫⲉ ⲡⲓⲱⲙⲥ ⲛ̀ⲧⲉ ⲓⲱⲁⲛⲛⲏⲥ.	Ǹθof ḋe pegaf je ètavems θynou èou ǹθōou ḋe pegōou je piōms ǹte iōannys.	He said, 'Into what then were you baptized?' They said, 'Into John's baptism.'
19:4	ⲡⲁⲩⲗⲟⲥ ⲇⲉ ⲡⲉϫⲁϥ ϫⲉⲓⲱⲁⲛⲛⲏⲥ ⲙⲉⲛ ⲁϥϯⲱⲙⲥ ϧⲉⲛⲟⲩⲙⲱⲟⲩ ⲙⲙⲉⲧⲁⲛⲟⲓⲁ ⲙⲡⲓⲗⲁⲟⲥ ⲉϥϫⲱ ⲙⲙⲟⲥ ϩⲓⲛⲁ ⲛⲥⲉⲛⲁϩϯ ⲉⲡⲉⲑⲛⲏⲟⲩ ⲙⲉⲛⲉⲛⲥⲱϥ ⲉⲧⲉⲓⲏⲥⲟⲩⲥ ⲡⲉ .	Ⲡⲁⲩⲗⲟⲥ ⲇⲉ ⲡⲉϫⲁϥ ϫⲉ ⲓⲱⲁⲛⲛⲏⲥ ⲙⲉⲛ ⲁϥϯⲱⲙⲥ ϧⲉⲛ ⲟⲩⲙⲱⲟⲩ ⲛ̀ⲙⲉⲧⲁⲛⲟⲓⲁ ⲛ̀ⲡⲓⲗⲁⲟⲥ ⲉϥϫⲱ ⲙ̀ⲙⲟⲥ ϩⲓⲛⲁ ⲛ̀ⲧⲟⲩⲛⲁϩϯ ⲉ̀ⲡⲉⲑⲛⲏⲟⲩ ⲙⲉⲛⲉⲛⲥⲱϥ ⲉ̀ⲧⲉ ⲓⲏⲥⲟⲩⲥ ⲡⲉ.	Pavlos ḋe pegaf je iōannys men aftiōms xen oumōou ǹmetanoia ǹpilaos efgō m̀mos hina ǹtounahti èpeθnyou menensōf ète iysous pe.	Paul said, 'John indeed baptized with the baptism of repentance, saying to the people that they should believe in the one who would come after him, that is, in Jesus.'
19:5	ⲉⲧⲁⲩⲥⲱⲧⲉⲙ ⲇⲉ ⲁⲩϭⲓⲱⲙⲥ ⲉⲫⲣⲁⲛ ⲙⲡϭⲟⲓⲥ ⲓⲏⲥⲟⲩⲥ .	Ⲉⲧⲁⲩⲥⲱⲧⲉⲙ ⲇⲉ ⲁⲩϭⲓⲱⲙⲥ ⲉ̀ⲫ̀ⲣⲁⲛ ⲛ̀ⲡ̀ϭⲟⲓⲥ ⲓⲏⲥⲟⲩⲥ.	Etavsōtem ḋe avċiōms èf̀ran ǹp̀ċois iysous.	When they heard this, they were baptized in the name of the Lord Jesus.
19:6	ⲟⲩⲟϩ ⲉⲧⲁ ⲡⲁⲩⲗⲟⲥ ⲭⲁ ϫⲓϫ ⲉϫⲱⲟⲩ ⲁϥⲓ ⲉϩⲣⲏⲓ ⲉϫⲱⲟⲩ ⲛϫⲉⲡⲓⲡⲛⲉⲩⲙⲁⲉⲑⲟⲩⲁⲃ ⲛⲁⲩⲥⲁϫⲓ ⲇⲉ ϧⲉⲛⲫⲗⲁⲥ ⲟⲩⲟϩ ⲛⲁⲩⲉⲣⲡⲣⲟⲫⲏ ⲧⲉⲩⲓⲛ .	Ⲟⲩⲟϩ ⲉ̀ⲧⲁ ⲡⲁⲩⲗⲟⲥ ⲭⲁ ϫⲓϫ ⲉ̀ϫⲱⲟⲩ ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϫⲉ ⲡⲓⲡⲛⲉⲩⲙⲁⲉⲑⲟⲩⲁⲃ ⲛⲁⲩⲥⲁϫⲓ ⲇⲉ ϧⲉⲛ ⲫ̀ⲗⲁⲥ ⲟⲩⲟϩ ⲛⲁⲩⲉⲣⲡⲣⲟⲫⲏ ⲧⲉⲩⲓⲛ.	Ouoh èta pavlos ka jig ègōou afì èh̀ryi ègōou ǹje pipnevmaeθouab navsaji ḋe xen f̀las ouoh naverprofy tevin.	When Paul had laid his hands on them, the Holy Spirit came on them, and they spoke with other languages and prophesied.
19:7	ⲛⲑⲱⲟⲩ ⲇⲉ ⲧⲏⲣⲟⲩ ⲛⲁⲩⲉⲣ ⲓⲃ ⲛⲣⲱⲙⲓ .	Ⲛ̀ⲑⲱⲟⲩ ⲇⲉ ⲧⲏⲣⲟⲩ ⲛⲁⲩⲉⲣ ⲓⲃ ⲛ̀ⲣⲱⲙⲓ.	Ǹθōou ḋe tyrou naver ib ǹrōmi.	They were about twelve men in all.
19:8	ⲉⲧⲁϥϣⲉ ⲇⲉ ⲉϧⲟⲩⲛ ⲉϯⲥⲩⲛⲁⲅⲱⲅⲏ ⲛⲁϥⲟⲩⲟⲛϩ ⲙⲙⲟϥ ⲉⲃⲟⲗ ⲛⲅ ⲛⲁⲃⲟⲧ ⲉϥⲥⲁϫⲓ ⲟⲩⲟϩ ⲉϥⲑⲱⲧ ⲙⲡⲟⲩϩⲏⲧ ⲉⲑⲃⲉϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .	Ⲉⲧⲁϥϣⲉ ⲇⲉ ⲉ̀ϧⲟⲩⲛ ⲉ̀ϯⲥⲩⲛⲁⲅⲱⲅⲏ ⲛⲁϥⲟⲩⲟⲛϩ ⲙ̀ⲙⲟϥ ⲉ̀ⲃⲟⲗ ⲛ̀ⲅ ⲛ̀ⲁ̀ⲃⲟⲧ ⲉϥⲥⲁϫⲓ ⲟⲩⲟϩ ⲉϥⲑⲱⲧ ⲛ̀ⲡⲟⲩϩⲏⲧ ⲉⲑⲃⲉ ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ.	Etafṡe ḋe èxoun ètisinaġōgy nafouonh m̀mof èvol ǹġ ǹàvot efsaji ouoh efθōt ǹpouhyt eθve timetouro ǹte f̀nouti.	He entered into the synagogue, and spoke boldly for a period of three months, reasoning and persuading about the things concerning the Kingdom of God.
19:9	ⲉⲧⲁ ϩⲁⲛⲟⲩⲟⲛ ⲇⲉ ⲉⲣⲛⲁϣⲧϩⲏⲧ ⲉⲩⲟⲓ ⲛⲁⲧⲥⲱⲧⲉⲙ ⲉⲩⲥⲁϫⲓ ⲉϥϩⲱⲟⲩ ⲛⲥⲁⲡⲓⲙⲱⲓⲧ ⲙⲡⲉⲙⲑⲟ ⲙⲡⲓⲙⲏϣ ⲁϥⲫⲱⲧ ⲉⲃⲟⲗ ⲙⲙⲱⲟⲩ ⲉⲁϥⲫⲱⲣϫ ⲛⲛⲓⲙⲁⲑⲏⲧⲏⲥ ⲉⲃⲟⲗ ⲉϥⲥⲁϫⲓ ⲙⲙⲏ ⲛⲓ ϧⲉⲛϯⲥⲭⲟⲗⲏ ⲛⲧⲉⲧⲩⲣⲁⲛⲛⲟⲥ .	Ⲉ̀ⲧⲁ ϩⲁⲛⲟⲩⲟⲛ ⲇⲉ ⲉⲣⲛⲁϣⲧϩⲏⲧ ⲉⲩⲟⲓ ⲛ̀ⲁⲧⲥⲱⲧⲉⲙ ⲉⲩⲥⲁϫⲓ ⲉϥϩⲱⲟⲩ ⲛ̀ⲥⲁ ⲡⲓⲙⲱⲓⲧ ⲛ̀ⲡⲉⲙ̀ⲑⲟ ⲛ̀ⲡⲓⲙⲏϣ ⲁϥⲫⲱⲧ ⲉ̀ⲃⲟⲗ ⲙ̀ⲙⲱⲟⲩ ⲉⲁϥⲫⲱⲣϫ ⲛ̀ⲛⲓⲙⲁⲑⲏⲧⲏⲥ ⲉ̀ⲃⲟⲗ ⲉϥⲥⲁϫⲓ ⲛ̀ⲙⲏ ⲛⲓ ϧⲉⲛ ϯⲥⲭⲟⲗⲏ ⲛ̀ⲧⲉ ⲧⲩⲣⲁⲛⲛⲟⲥ.	Èta hanouon ḋe ernaṡt·hyt evoi ǹatsōtem evsaji efhōou ǹsa pimōit ǹpem̀θo ǹpimyṡ affōt èvol m̀mōou eaffōrg ǹnimaθytys èvol efsaji ǹmy ni xen tisxoly ǹte tirannos.	But when some were hardened and disobedient, speaking evil of the Way before the multitude, he departed from them, and separated the disciples, reasoning daily in the school of Tyrannus.
19:10	ⲫⲁⲓ ⲇⲉ ⲛⲁϥⲣⲁ ⲙⲙⲟϥ ⲛⲣⲟⲙⲡⲓ ⲃϯ ϩⲱⲥⲧⲉ ⲟⲩⲟⲛ ⲛⲓⲃⲉⲛ ⲉⲧϣⲟⲡ ϧⲉⲛϯⲁⲥⲓⲁ ⲛⲧⲟⲩⲥⲱⲧⲉⲙ ⲉⲡⲓⲥⲁϫⲓ ⲛⲧⲉⲡϭⲟⲓⲥ ⲛⲓⲓⲟⲩⲇⲁⲓ ⲛⲉⲙⲛⲓⲟⲩⲉⲓⲛⲓⲛ	Ⲫⲁⲓ ⲇⲉ ⲛⲁϥⲣⲁ ⲙ̀ⲙⲟϥ ⲛ̀ⲣⲟⲙⲡⲓ ⲃϯ ϩⲱⲥⲧⲉ ⲟⲩⲟⲛ ⲛⲓⲃⲉⲛ ⲉⲧϣⲟⲡ ϧⲉⲛ ϯⲁⲥⲓⲁ ⲛ̀ⲧⲟⲩⲥⲱⲧⲉⲙ ⲉ̀ⲡⲓⲥⲁϫⲓ ⲛ̀ⲧⲉ ⲡ̀ϭⲟⲓⲥ ⲛⲓⲓⲟⲩⲇⲁⲓ ⲛⲉⲙ ⲛⲓⲟⲩⲉⲓⲛⲓⲛ	Fai ḋe nafra m̀mof ǹrompi vti hōste ouon niven etṡop xen tiasia ǹtousōtem èpisaji ǹte p̀ċois niioudai nem nioueinin	This continued for two years, so that all those who lived in Asia heard the word of the Lord Jesus, both Jews and Greeks.
19:11	ⲛⲁϥⲓⲣⲓ ⲇⲉ ⲛϩⲁⲛϫⲟⲙ ⲛϫⲉⲫⲛⲟⲩϯ ⲛϩⲁⲛⲕⲟⲩϫⲓ ⲁⲛ ⲉⲃⲟⲗ ϩⲓⲧⲉⲛⲛⲉⲛϫⲓϫ ⲙⲡⲁⲩⲗⲟⲥ .	ⲛⲁϥⲓ̀ⲣⲓ ⲇⲉ ⲛ̀ϩⲁⲛϫⲟⲙ ⲛ̀ϫⲉ ⲫ̀ⲛⲟⲩϯ ⲛ̀ϩⲁⲛⲕⲟⲩϫⲓ ⲁⲛ ⲉ̀ⲃⲟⲗ ϩⲓⲧⲉⲛ ⲛⲉⲛϫⲓϫ ⲛ̀ⲡⲁⲩⲗⲟⲥ.	nafìri ḋe ǹhangom ǹje f̀nouti ǹhankouji an èvol hiten nenjig ǹpavlos.	God worked special miracles by the hands of Paul,
19:12	ϩⲱⲥⲇⲉ ⲛⲥⲉϭⲓ ⲛϩⲁⲛⲥⲟⲩⲇⲁⲣⲓⲟⲛ ⲛⲉⲙϩⲁⲛⲥⲓⲙⲓⲕⲩⲛⲑⲓⲛⲟⲛ ⲉⲃⲟⲗ ϩⲓⲡⲉϥⲥⲱⲙⲁ ⲛⲥⲉⲭⲁⲩ ϩⲓϫⲉⲛⲛⲏ ⲉⲧϣⲱⲛⲓ ⲟⲩⲟϩ ⲛⲉϣⲁⲩϣⲉ ⲛⲱⲟⲩ ⲉⲃⲟⲗ ϩⲓⲱⲧⲟⲩ ⲛϫⲉⲛⲓϣⲱⲛⲓ ⲟⲩⲟϩ ⲛⲓⲡⲛⲉⲩⲙⲁⲉⲧϩⲱⲟⲩ ⲛⲁⲩⲛⲏⲟⲩ ⲉⲃⲟⲗ ⲡⲉ .	Ϩⲱⲥ ⲇⲉ ⲛ̀ⲧⲟⲩϭⲓ ⲛ̀ϩⲁⲛⲥⲟⲩⲇⲁⲣⲓⲟⲛ ⲛⲉⲙ ϩⲁⲛⲥⲓⲙⲓⲕⲩⲛⲑⲓⲛⲟⲛ ⲉ̀ⲃⲟⲗ ϩⲓ ⲡⲉϥⲥⲱⲙⲁ ⲛ̀ⲧⲟⲩⲭⲁⲩ ϩⲓϫⲉⲛ ⲛⲏ ⲉⲧϣⲱⲛⲓ ⲟⲩⲟϩ ⲛⲉϣⲁⲩϣⲉ ⲛⲱⲟⲩ ⲉ̀ⲃⲟⲗ ϩⲓⲱⲧⲟⲩ ⲛ̀ϫⲉ ⲛⲓϣⲱⲛⲓ ⲟⲩⲟϩ ⲛⲓⲡⲛⲉⲩⲙⲁⲉⲧϩⲱⲟⲩ ⲛⲁⲩⲛⲏⲟⲩ ⲉ̀ⲃⲟⲗ ⲡⲉ.	Hōs ḋe ǹtouċi ǹhansouḋarion nem hansimikinθinon èvol hi pefsōma ǹtoukav hijen ny etṡōni ouoh neṡavṡe nōou èvol hiōtou ǹje niṡōni ouoh nipnevmaet·hōou navnyou èvol pe.	so that even handkerchiefs or aprons were carried away from his body to the sick, and the evil spirits went out.
19:13	ⲁⲩϩⲓⲧⲟⲧⲟⲩ ⲇⲉ ⲛϫⲉϩⲁⲛⲟⲩⲟⲛ ⲉⲃⲟⲗ ϧⲉⲛⲛⲓⲓⲟⲩⲇⲁⲓ ⲉⲩⲕⲱϯ ⲛⲉⲝⲟⲣⲅⲓⲥⲧⲏⲥ ⲉϫⲉ ⲫⲣⲁⲛ ⲙⲡϭⲟⲓⲥ ⲓⲏⲥⲟⲩⲥ ⲉϫⲉⲛⲛⲏ ⲉⲧⲉⲛⲓⲡⲛⲉⲩⲙⲁⲉⲧϩⲱⲟⲩ ϩⲓⲱⲧⲟⲩ ⲉⲩϫⲱ ⲙⲙⲟⲥ ϫⲉϯⲧⲁⲣⲕⲟ ⲙⲙⲱⲧⲉⲛ ⲛⲓⲏⲥⲟⲩⲥ ⲫⲏ ⲉⲧⲉⲡⲁⲩⲗⲟⲥ ϩⲓⲱⲓϣ ⲙⲙⲟϥ .	Ⲁⲩϩⲓⲧⲟⲧⲟⲩ ⲇⲉ ⲛ̀ϫⲉ ϩⲁⲛⲟⲩⲟⲛ ⲉ̀ⲃⲟⲗ ϧⲉⲛ ⲛⲓⲓⲟⲩⲇⲁⲓ ⲉⲩⲕⲱϯ ⲛ̀ⲉⲝⲟⲣⲅⲓⲥⲧⲏⲥ ⲉ̀ϫⲉ ⲫ̀ⲣⲁⲛ ⲛ̀ⲡ̀ϭⲟⲓⲥ ⲓⲏⲥⲟⲩⲥ ⲉ̀ϫⲉⲛ ⲛⲏ ⲉⲧⲉⲛⲓⲡ̀ⲛⲉⲩⲙⲁⲉⲧϩⲱⲟⲩ ϩⲓⲱⲧⲟⲩ ⲉⲩϫⲱ ⲙ̀ⲙⲟⲥ ϫⲉ ϯⲧⲁⲣⲕⲟ ⲙ̀ⲙⲱⲧⲉⲛ ⲛ̀ⲓⲏⲥⲟⲩⲥ ⲫⲏ ⲉ̀ⲧⲉ ⲡⲁⲩⲗⲟⲥ ϩⲓⲱⲓϣ ⲙ̀ⲙⲟϥ.	Avhitotou ḋe ǹje hanouon èvol xen niioudai evkōti ǹeksorgistys èje f̀ran ǹp̀ċois iysous èjen ny etenip̀nevmaet·hōou hiōtou evgō m̀mos je titarko m̀mōten ǹiysous fy ète pavlos hiōiṡ m̀mof.	But some of the itinerant Jews, exorcists, took on themselves to invoke over those who had the evil spirits the name of the Lord Jesus, saying, 'We adjure you by Jesus whom Paul preaches.'
19:14	ⲛⲉ ⲟⲩⲟⲛ ⲍⲇⲉ ⲛϣⲏⲣⲓ ⲛⲧⲉⲟⲩⲁⲓ ϫⲉⲥⲕⲉⲩⲁ ⲉⲟⲩⲓⲟⲩⲇⲁⲓ ⲛⲁⲣⲭⲓⲉⲣⲉⲩⲥ ⲉⲩⲓⲣⲓ ⲙⲫⲁⲓ .	Ⲛⲉ ⲟⲩⲟⲛ ⲍ ⲇⲉ ⲛ̀ϣⲏⲣⲓ ⲛ̀ⲧⲉ ⲟⲩⲁⲓ ϫⲉ ⲥⲕⲉⲩⲁ ⲉ̀ⲟⲩⲓⲟⲩⲇⲁⲓ ⲛ̀ⲁⲣⲭⲓⲉ̀ⲣⲉⲩⲥ ⲉⲩⲓ̀ⲣⲓ ⲛ̀ⲫⲁⲓ.	Ne ouon z ḋe ǹṡyri ǹte ouai je skeva èouioudai ǹarṡièrevs evìri ǹfai.	There were seven sons of one Sceva, a Jewish chief priest, who did this.
19:15	ⲁϥⲉⲣⲟⲩⲱ ⲛϫⲉⲡⲓⲡⲛⲉⲩⲙⲁⲉⲧϩⲱⲟⲩ ⲡⲉϫⲁϥ ⲛⲱⲟⲩ ϫⲉⲓⲏⲥⲟⲩⲥ ϯⲥⲱⲟⲩⲛ ⲙⲙⲟϥ ⲟⲩⲟϩ ⲡⲕⲉⲡⲁⲩⲗⲟⲥ ϯⲉⲙⲓ ⲉⲣⲟϥ ⲛⲑⲱⲧⲉⲛ ⲇⲉ ⲛⲑⲱⲧⲉⲛ ⲛⲓⲙ .	Ⲁϥⲉⲣⲟⲩⲱ ⲛ̀ϫⲉ ⲡⲓⲡ̀ⲛⲉⲩⲙⲁⲉⲧϩⲱⲟⲩ ⲡⲉϫⲁϥ ⲛⲱⲟⲩ ϫⲉ ⲓⲏⲥⲟⲩⲥ ϯⲥⲱⲟⲩⲛ ⲙ̀ⲙⲟϥ ⲟⲩⲟϩ ⲡ̀ⲕⲉⲡⲁⲩⲗⲟⲥ ϯⲉⲙⲓ ⲉ̀ⲣⲟϥ ⲛ̀ⲑⲱⲧⲉⲛ ⲇⲉ ⲛ̀ⲑⲱⲧⲉⲛ ⲛⲓⲙ.	Aferouō ǹje pip̀nevmaet·hōou pegaf nōou je iysous tisōoun m̀mof ouoh p̀kepavlos tiemi èrof ǹθōten ḋe ǹθōten nim.	The evil spirit answered, 'Jesus I know, and Paul I know, but who are you?'
19:16	ⲟⲩⲟϩ ⲁϥϩⲓⲧϥ ⲉϧⲣⲏⲓ ⲉϫⲱⲟⲩ ⲛϫⲉⲡⲓⲣⲱⲙⲓ ⲉⲧⲉⲡⲓⲡⲛⲉⲩⲙⲁⲉⲧϩⲱⲟⲩ ⲛⲉⲙⲁϥ ⲁϥⲉⲣϭⲟⲓⲥ ⲉⲣⲱⲟⲩ ⲉⲩⲥⲟⲡ ⲁϥϫⲉⲙϫⲟⲙ ⲉϩⲣⲏⲓ ⲉϫⲱⲟⲩ ϩⲱⲥⲧⲉ ⲛⲥⲉⲫⲱⲧ ⲉⲃⲟⲗ ϧⲉⲛⲡⲓⲏⲓ ⲉⲧⲉⲙⲙⲁⲩ ⲉⲩⲃⲏϣ ⲉⲣⲉϫⲱⲟⲩ ⲫⲏϧ .	Ⲟⲩⲟϩ ⲁϥϩⲓⲧϥ ⲉ̀ϧ̀ⲣⲏⲓ ⲉ̀ϫⲱⲟⲩ ⲛ̀ϫⲉ ⲡⲓⲣⲱⲙⲓ ⲉ̀ⲧⲉ ⲡⲓⲡ̀ⲛⲉⲩⲙⲁⲉⲧϩⲱⲟⲩ ⲛⲉⲙⲁϥ ⲁϥⲉⲣϭⲟⲓⲥ ⲉ̀ⲣⲱⲟⲩ ⲉⲩⲥⲟⲡ ⲁϥϫⲉⲙϫⲟⲙ ⲉ̀ϩ̀ⲣⲏⲓ ⲉ̀ϫⲱⲟⲩ ϩⲱⲥⲧⲉ ⲛ̀ⲧⲟⲩⲫⲱⲧ ⲉ̀ⲃⲟⲗ ϧⲉⲛ ⲡⲓⲏⲓ ⲉ̀ⲧⲉ ⲙ̀ⲙⲁⲩ ⲉⲩⲃⲏϣ ⲉ̀ⲣⲉ ϫⲱⲟⲩ ⲫⲏϧ.	Ouoh afhitf èx̀ryi ègōou ǹje pirōmi ète pip̀nevmaet·hōou nemaf aferċois èrōou evsop afjemgom èh̀ryi ègōou hōste ǹtoufōt èvol xen piyi ète m̀mav evvyṡ ère gōou fyx.	The man in whom the evil spirit was leaped on them, and overpowered them, and prevailed against them, so that they fled out of that house naked and wounded.
19:17	ⲫⲁⲓ ⲇⲉ ⲁϥϣⲱⲡⲓ ⲉϥⲟⲩⲟⲛϩ ⲉⲃⲟⲗ ⲛⲛⲓⲓⲟⲩⲇⲁⲓ ⲧⲏⲣⲟⲩ ⲛⲉⲙⲛⲓⲟⲩⲉⲓⲛⲓⲛ ⲉⲧϣⲟⲡ ϧⲉⲛⲉⲫⲉⲥⲟⲥ ⲟⲩⲟϩ ⲟⲩϩⲟϯ ⲁⲥⲓ ⲉϩⲣⲏⲓ ⲉϫⲱⲟⲩ ⲧⲏⲣⲟⲩ ⲟⲩⲟϩ ⲛⲁϥⲛⲏⲟⲩ ⲛϭⲓⲥⲓ ⲛϫⲉⲫⲣⲁⲛ ⲙⲡϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .	Ⲫⲁⲓ ⲇⲉ ⲁϥϣⲱⲡⲓ ⲉϥⲟⲩⲟⲛϩ ⲉ̀ⲃⲟⲗ ⲛ̀ⲛⲓⲓⲟⲩⲇⲁⲓ ⲧⲏⲣⲟⲩ ⲛⲉⲙ ⲛⲓⲟⲩⲉⲓⲛⲓⲛ ⲉⲧϣⲟⲡ ϧⲉⲛ ⲉ̀ⲫⲉⲥⲟⲥ ⲟⲩⲟϩ ⲟⲩϩⲟϯ ⲁⲥⲓ̀ ⲉ̀ϩ̀ⲣⲏⲓ ⲉ̀ϫⲱⲟⲩ ⲧⲏⲣⲟⲩ ⲟⲩⲟϩ ⲛⲁϥⲛⲏⲟⲩ ⲛ̀ϭⲓⲥⲓ ⲛ̀ϫⲉ ⲫ̀ⲣⲁⲛ ⲛ̀ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	Fai ḋe afṡōpi efouonh èvol ǹniioudai tyrou nem nioueinin etṡop xen èfesos ouoh ouhoti asì èh̀ryi ègōou tyrou ouoh nafnyou ǹċisi ǹje f̀ran ǹp̀ċois iysous pix̀ristos.	This became known to all, both Jews and Greeks, who lived at Ephesus. Fear fell on them all, and the name of the Lord Jesus was magnified.
19:18	ⲟⲩⲙⲏϣ ⲇⲉ ⲉⲃⲟⲗ ϧⲉⲛⲛⲏ ⲉⲧⲁⲩⲛⲁϩϯ ⲛⲁⲩⲛⲏⲟⲩ ⲡⲉ ⲉⲩⲟⲩⲱⲛϩ ⲉⲃⲟⲗ ⲟⲩⲟϩ ⲉⲩϫⲱ ⲛⲛⲟⲩϩⲃⲏⲟⲩⲓ .	Ⲟⲩⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏ ⲉⲧⲁⲩⲛⲁϩϯ ⲛⲁⲩⲛⲏⲟⲩ ⲡⲉ ⲉⲩⲟⲩⲱⲛϩ ⲉ̀ⲃⲟⲗ ⲟⲩⲟϩ ⲉⲩϫⲱ ⲛ̀ⲛⲟⲩϩ̀ⲃⲏⲟⲩⲓ̀.	Oumyṡ ḋe èvol xen ny etavnahti navnyou pe evouōnh èvol ouoh evgō ǹnouh̀vyouì.	Many also of those who had believed came, confessing, and declaring their deeds.
19:19	ϩⲁⲛⲙⲏϣ ⲇⲉ ϧⲉⲛⲛⲏ ⲉⲛⲁⲩⲓⲣⲓ ⲛⲛⲓⲙⲉⲧⲡⲉⲣⲓⲉⲣⲅⲟⲥ ⲉⲁⲩⲓⲛⲓ ⲛⲛⲟⲩϫⲱⲙ ⲁⲩⲣⲟⲕϩⲟⲩ ⲙⲡⲉⲙⲑⲟ ⲛⲟⲩⲟⲛ ⲛⲓⲃⲉⲛ ⲟⲩⲟϩ ⲁⲩϥⲓⲱⲡ ⲛⲛⲟⲩⲧⲓⲙⲏ ⲉⲁⲩϫⲉⲙⲟⲩ ⲉⲟⲩⲟⲛ ⲉⲛⲑⲃⲁ ⲛϩⲁⲧ ⲙⲙⲁⲩ .	Ϩⲁⲛⲙⲏϣ ⲇⲉ ϧⲉⲛ ⲛⲏ ⲉⲛⲁⲩⲓ̀ⲣⲓ ⲛ̀ⲛⲓⲙⲉⲧⲡⲉⲣⲓⲉⲣⲅⲟⲥ ⲉⲁⲩⲓ̀ⲛⲓ ⲛ̀ⲛⲟⲩϫⲱⲙ ⲁⲩⲣⲟⲕϩⲟⲩ ⲛ̀ⲡⲉⲙ̀ⲑⲟ ⲛ̀ⲟⲩⲟⲛ ⲛⲓⲃⲉⲛ ⲟⲩⲟϩ ⲁⲩϥⲓⲱⲡ ⲛ̀ⲛⲟⲩⲧⲓⲙⲏ ⲉⲁⲩϫⲉⲙⲟⲩ ⲉ̀ⲟⲩⲟⲛ ⲉ̀ⲛⲑⲃⲁ ⲛ̀ϩⲁⲧ ⲙ̀ⲙⲁⲩ.	Hanmyṡ ḋe xen ny enavìri ǹnimetperierġos eavìni ǹnougōm avrok·hou ǹpem̀θo ǹouon niven ouoh avfiōp ǹnoutimy eavjemou èouon ènθva ǹhat m̀mav.	Many of those who practiced magical arts brought their books together and burned them in the sight of all. They counted the price of them, and found it to be fifty thousand pieces of silver.
19:20	ⲡⲁⲓⲣⲏϯ ⲇⲉ ϧⲉⲛⲟⲩⲁⲙⲁϩⲓ ⲁϥⲁⲓⲁⲓ ⲛϫⲉⲡⲥⲁϫⲓ ⲙⲡϭⲟⲓⲥ ⲟⲩⲟϩ ⲁϥϫⲉⲙϫⲟⲙ .	Ⲡⲁⲓⲣⲏϯ ⲇⲉ ϧⲉⲛ ⲟⲩⲁ̀ⲙⲁϩⲓ ⲁϥⲁⲓⲁⲓ ⲛ̀ϫⲉ ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲟⲩⲟϩ ⲁϥϫⲉⲙϫⲟⲙ.	Pairyti ḋe xen ouàmahi afaiai ǹje p̀·saji ǹp̀ċois ouoh afjemgom.	So the word of the Lord was growing and becoming mighty.
19:21	ⲉⲧⲁⲩϫⲱⲕ ⲇⲉ ⲉⲃⲟⲗ ⲛϫⲉⲛⲁⲓ ⲁ ⲡⲁⲩⲗⲟⲥ ⲭⲁⲥ ϧⲉⲛⲡⲉϥⲡⲛⲉⲩⲙⲁϫⲉ ⲁϥϣⲁⲛⲙⲟⲩϣⲧ ⲛⲑⲙⲁⲕⲉⲇⲟⲛⲓⲁ ⲛⲉⲙϯⲁⲭⲁⲓⲁ ⲛⲧⲉϥϣⲉ ⲉⲓⲉⲣⲟⲥⲁⲗⲏⲙ ⲉⲁϥϫⲟⲥ ϫⲉⲙⲉⲛⲉⲛⲥⲁⲑⲣⲓϣⲉ ⲙⲙⲁⲩ ϩⲱϯ ⲛⲧⲁⲛⲁⲩ ⲉⲧⲕⲉⲣⲱⲙⲏ .	Ⲉ̀ⲧⲁⲩϫⲱⲕ ⲇⲉ ⲉ̀ⲃⲟⲗ ⲛ̀ϫⲉ ⲛⲁⲓ ⲁ ⲡⲁⲩⲗⲟⲥ ⲭⲁⲥ ϧⲉⲛ ⲡⲉϥⲡ̀ⲛⲉⲩⲙⲁϫⲉ ⲁϥϣⲁⲛⲙⲟⲩϣⲧ ⲛ̀ⲑⲙⲁⲕⲉⲇⲟⲛⲓⲁ ⲛⲉⲙ ϯⲁⲭⲁⲓⲁ ⲛ̀ⲧⲉϥϣⲉ ⲉ̀ⲓⲉⲣⲟⲥⲁⲗⲏⲙ ⲉⲁϥϫⲟⲥ ϫⲉ ⲙⲉⲛⲉⲛⲥⲁⲑⲣⲓϣⲉ ⲙ̀ⲙⲁⲩ ϩⲱϯ ⲛ̀ⲧⲁⲛⲁⲩ ⲉⲧⲕⲉⲣⲱⲙⲏ.	Ètavgōk ḋe èvol ǹje nai a pavlos kas xen pefp̀nevmaje afṡanmouṡt ǹθmakeḋonia nem tiaxaia ǹtefṡe èierosalym eafgos je menensaθriṡe m̀mav hōti ǹtanav etkerōmy.	Now after these things had ended, Paul determined in the spirit, when he had passed through Macedonia and Achaia, to go to Jerusalem, saying, 'After I have been there, I must also see Rome.'
19:22	ⲁϥⲟⲩⲱⲣⲡ ⲇⲉ ⲛⲃ ⲉⲑⲙⲁⲕⲉⲇⲟⲛⲓⲁ ϧⲉⲛⲛⲏ ⲉⲧϣⲉⲙϣⲓ ⲙⲙⲟϥ ⲧⲓⲙⲟⲑⲉⲟⲥ ⲛⲉⲙⲉⲣⲁⲥⲧⲟⲥ ⲛⲑⲟϥ ⲇⲉ ⲁϥⲉⲣ ⲟⲩⲭⲣⲟⲛⲟⲥ ϧⲉⲛϯⲁⲥⲓⲁ .	Ⲁϥⲟⲩⲱⲣⲡ ⲇⲉ ⲛ̀ⲃ ⲉ̀ⲑⲙⲁⲕⲉⲇⲟⲛⲓⲁ ϧⲉⲛ ⲛⲏ ⲉⲧϣⲉⲙϣⲓ ⲙ̀ⲙⲟϥ ⲧⲓⲙⲟⲑⲉⲟⲥ ⲛⲉⲙ ⲉⲣⲁⲥⲧⲟⲥ ⲛ̀ⲑⲟϥ ⲇⲉ ⲁϥⲉⲣ ⲟⲩⲭ̀ⲣⲟⲛⲟⲥ ϧⲉⲛ ϯⲁⲥⲓⲁ.	Afouōrp ḋe ǹv èθmakedonia xen ny etṡemṡi m̀mof timoθeos nem erastos ǹθof ḋe afer oux̀ronos xen tiasia.	Having sent into Macedonia two of those who served him, Timothy and Erastus, he himself stayed in Asia for a while.
19:23	ⲁϥϣⲱⲡⲓ ⲇⲉ ⲙⲡⲓⲥⲏⲟⲩ ⲉⲧⲉⲙⲙⲁⲩ ⲛϫⲉⲟⲩϣⲑⲟⲣⲧⲉⲣ ⲛⲟⲩⲕⲟⲩϫⲓ ⲁⲛ ⲉⲑⲃⲉⲡⲓⲙⲱⲓⲧ .	Ⲁϥϣⲱⲡⲓ ⲇⲉ ⲛ̀ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲛ̀ϫⲉ ⲟⲩϣ̀ⲑⲟⲣⲧⲉⲣ ⲛ̀ⲧⲉ ⲟⲩⲕⲟⲩϫⲓ ⲁⲛ ⲉⲑⲃⲉ ⲡⲓⲙⲱⲓⲧ.	Afṡōpi ḋe ǹpisyou ète m̀mav ǹje ouṡ̀θorter ǹte oukouji an eθve pimōit.	About that time there arose no small stir concerning the Way.
19:24	ⲟⲩⲁⲓ ⲅⲁⲣ ⲉⲡⲉϥⲣⲁⲛ ⲡⲉ ⲇⲓⲙⲏⲧⲣⲓⲟⲥ ⲟⲩⲙⲁⲛⲕ ϩⲁⲧ ⲉϥⲙⲟⲛⲕ ⲛϩⲁⲛⲉⲣⲫⲏⲟⲩⲓ ⲛϩⲁⲧ ⲛⲧⲉϯⲁⲣⲧⲉⲙⲓⲥ ⲛⲁϥϯ ⲛϩⲁⲛⲙⲏϣ ⲛϩⲱⲃ ⲛⲛⲓⲧⲉⲭⲛⲓⲧⲏⲥ ⲛϩⲁⲛⲕⲟⲩϫⲓ ⲁⲛ .	Ⲟⲩⲁⲓ ⲅⲁⲣ ⲉ̀ⲡⲉϥⲣⲁⲛ ⲡⲉ ⲇⲓⲙⲏⲧⲣⲓⲟⲥ ⲟⲩⲙⲁⲛⲕ ϩⲁⲧ ⲉϥⲙⲟⲛⲕ ⲛ̀ϩⲁⲛⲉⲣⲫⲏⲟⲩⲓ̀ ⲛ̀ϩⲁⲧ ⲛ̀ⲧⲉ ϯⲁⲣⲧⲉⲙⲓⲥ ⲛⲁϥϯ ⲛ̀ϩⲁⲛⲙⲏϣ ⲛ̀ϩⲱⲃ ⲛ̀ⲛⲓⲧⲉⲭⲛⲓⲧⲏⲥ ⲛ̀ϩⲁⲛⲕⲟⲩϫⲓ ⲁⲛ.	Ouai ġar èpefran pe dimytrios oumank hat efmonk ǹhanerfyouì ǹhat ǹte tiartemis nafti ǹhanmyṡ ǹhōb ǹnitexnitys ǹhankouji an.	For a certain man named Demetrius, a silversmith, who made silver shrines of Artemis, brought no little business to the craftsmen,
19:25	ⲛⲁⲓ ⲉⲧⲁϥⲑⲟⲩⲱⲧⲟⲩ ⲛⲉⲙⲛⲓⲕⲉⲉⲣⲅⲁⲧⲏ ⲥⲉⲧⲉⲙⲡⲕⲱϯ ⲛⲛⲁⲓ ⲡⲉϫⲁϥ ⲛⲓⲣⲱⲙⲓ ⲧⲉⲧⲉⲛⲥⲱⲟⲩⲛ ϫⲉⲉⲃⲟⲗ ϧⲉⲛⲧⲁⲓϫⲓⲛⲉⲣϩⲱⲃ ⲁⲣⲉ ϯⲙⲉⲧⲣⲉϥϫⲫⲉ ϩⲏⲟⲩ ϣⲟⲡ ⲛⲁⲛ .	Ⲛⲁⲓ ⲉⲧⲁϥⲑⲟⲩⲱⲧⲟⲩ ⲛⲉⲙ ⲛⲓⲕⲉⲉⲣⲅⲁⲧⲏ ⲥⲉⲧⲉⲙⲡ̀ⲕⲱϯ ⲛ̀ⲛⲁⲓ ⲡⲉϫⲁϥ ⲛⲓⲣⲱⲙⲓ ⲧⲉⲧⲉⲛⲥⲱⲟⲩⲛ ϫⲉ ⲉ̀ⲃⲟⲗ ϧⲉⲛ ⲧⲁⲓϫⲓⲛⲉⲣϩⲱⲃ ⲁⲣⲉ ϯⲙⲉⲧⲣⲉϥϫⲫⲉ ϩⲏⲟⲩ ϣⲟⲡ ⲛⲁⲛ.	Nai etafθouōtou nem nikeerġaty setemp̀kōti ǹnai pegaf nirōmi tetensōoun je èvol xen taijinerhōb are timetrefgfe hyou ṡop nan.	whom he gathered together, with the workmen of like occupation, and said, 'Sirs, you know that by this business we have our wealth.
19:26	ⲟⲩⲟϩ ⲧⲉⲧⲉⲛⲛⲁⲩ ⲟⲩⲟϩ ⲧⲉⲧⲉⲛⲥⲱⲧⲉⲙ ϫⲉⲟⲩ ⲙⲟⲛⲟⲛ ⲇⲉ ⲉⲫⲉⲥⲟⲥ ⲙⲙⲁⲩⲁⲧⲥ ⲁⲗⲗⲁ ⲥⲭⲉⲇⲟⲛ ϧⲉⲛϯⲁⲥⲓⲁ ⲧⲏⲣⲥ ⲁⲫⲁⲓ ϫⲉⲡⲁⲩⲗⲟⲥ ⲟⲩⲱⲧⲉⲃ ⲛⲟⲩⲛⲓϣϯ ⲙⲙⲏϣ ⲉⲃⲟⲗ ⲉϥϫⲱ ⲙⲙⲟⲥ ϫⲉϩⲁⲛⲛⲟⲩϯ ⲁⲛ ⲛⲉⲛⲁⲓ ⲉⲧⲟⲩⲑⲁⲙⲓⲟ ⲙⲙⲱⲟⲩ ⲉⲃⲟⲗ ϩⲓⲧⲉⲛϩⲁⲛⲙⲟⲩⲛⲕ ⲛϫⲓϫ .	Ⲟⲩⲟϩ ⲧⲉⲧⲉⲛⲛⲁⲩ ⲟⲩⲟϩ ⲧⲉⲧⲉⲛⲥⲱⲧⲉⲙ ϫⲉ ⲟⲩ ⲙⲟⲛⲟⲛ ⲇⲉ ⲉ̀ⲫⲉⲥⲟⲥ ⲙ̀ⲙⲁⲩⲁⲧⲥ ⲁⲗⲗⲁ ⲥⲭⲉⲇⲟⲛ ϧⲉⲛ ϯⲁⲥⲓⲁ ⲧⲏⲣⲥ ⲁⲫⲁⲓ ϫⲉ ⲡⲁⲩⲗⲟⲥ ⲟⲩⲱⲧⲉⲃ ⲛ̀ⲟⲩⲛⲓϣϯ ⲛ̀ⲙⲏϣ ⲉ̀ⲃⲟⲗ ⲉϥϫⲱ ⲙ̀ⲙⲟⲥ ϫⲉ ϩⲁⲛⲛⲟⲩϯ ⲁⲛ ⲛⲉ ⲛⲁⲓ ⲉⲧⲟⲩⲑⲁⲙⲓⲟ ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲉⲛ ϩⲁⲛⲙⲟⲩⲛⲕ ⲛ̀ϫⲓϫ.	Ouoh tetennav ouoh tetensōtem je ou monon ḋe èfesos m̀mavats alla sṡeḋon xen tiasia tyrs afai je pavlos ouōteb ǹouniṡti ǹmyṡ èvol efgō m̀mos je hannouti an ne nai etouθamio m̀mōou èvol hiten hanmounk ǹjig.	You see and hear, that not at Ephesus alone, but almost throughout all Asia, this Paul has persuaded and turned away many people, saying that they are no gods, that are made with hands.
19:27	ⲟⲩ ⲙⲟⲛⲟⲛ ⲡⲁⲓⲙⲉⲣⲟⲥ ⲉⲑⲛⲁϣⲱⲡⲓ ⲛⲁⲛ ⲉⲟⲩⲕⲩⲛⲇⲓⲛⲟⲥ ⲉⲑⲣⲉⲛⲓ ⲉⲩⲥⲟϩⲓ ⲁⲗⲗⲁ ⲡⲓⲕⲉⲉⲣⲫⲉⲓ ⲛⲧⲉϯⲛⲓϣϯ ⲛⲛⲟⲩϯ ϯⲁⲣⲧⲉⲙⲓⲥ ⲛⲥⲉⲛⲁⲟⲡϥ ⲁⲛ ϫⲉⲉϩⲗⲓ ⲟⲩⲟϩ ⲥⲉⲛⲁϣⲟⲣϣⲉⲣ ⲛⲧⲉⲥⲙⲉⲧⲛⲓϣϯ ⲑⲁⲓ ⲉⲧⲉϯⲁⲥⲓⲁ ⲧⲏⲣⲥ ⲛⲉⲙϯⲟⲓⲕⲟⲩⲙⲉⲛⲏ ⲧⲏⲣⲥ ⲉⲣⲥⲉⲃⲉⲥⲑⲉ ⲙⲙⲟⲥ .	Ⲟⲩ ⲙⲟⲛⲟⲛ ⲡⲁⲓⲙⲉⲣⲟⲥ ⲉⲑⲛⲁϣⲱⲡⲓ ⲛⲁⲛ ⲉ̀ⲟⲩⲕⲩⲛⲇⲓⲛⲟⲥ ⲉ̀ⲑⲣⲉⲛⲓ ⲉⲩⲥⲟϩⲓ ⲁⲗⲗⲁ ⲡⲓⲕⲉⲉⲣⲫⲉⲓ ⲛ̀ⲧⲉ ϯⲛⲓϣϯ ⲛ̀ⲛⲟⲩϯ ϯⲁⲣⲧⲉⲙⲓⲥ ⲛ̀ⲥⲉⲛⲁⲟⲡϥ ⲁⲛ ϫⲉ ⲉ̀ϩ̀ⲗⲓ ⲟⲩⲟϩ ⲥⲉⲛⲁϣⲟⲣϣⲉⲣ ⲛ̀ⲧⲉ ⲥⲙⲉⲧⲛⲓϣϯ ⲑⲁⲓ ⲉ̀ⲧⲉ ϯⲁⲥⲓⲁ ⲧⲏⲣⲥ ⲛⲉⲙ ϯⲟⲓⲕⲟⲩⲙⲉⲛⲏ ⲧⲏⲣⲥ ⲉⲣⲥⲉⲃⲉⲥⲑⲉ ⲙ̀ⲙⲟⲥ.	Ou monon paimeros eθnaṡōpi nan èoukinḋinos èθreni evsohi alla pikeerfei ǹte tiniṡti ǹnouti tiartemis ǹsenaopf an je èh̀li ouoh senaṡorṡer ǹte smetniṡti θai ète tiasia tyrs nem tioikoumeny tyrs ersebesθe m̀mos.	Not only is there danger that this our trade come into disrepute, but also that the temple of the great goddess Artemis will be counted as nothing, and her majesty destroyed, whom all Asia and the world worships.'
19:28	ⲉⲧⲁⲩⲥⲱⲧⲉⲙ ⲇⲉ ⲉⲛⲁⲓ ⲟⲩⲟϩ ⲉⲧⲁⲩⲙⲟϩ ⲛϫⲱⲛⲧ ⲛⲁⲩⲱϣ ⲉⲃⲟⲗ ⲉⲩϫⲱ ⲙⲙⲟⲥ ϫⲉⲟⲩⲛⲓϣϯ ⲧⲉ ϯⲁⲣⲧⲉⲙⲓⲥ ⲛⲧⲉⲛⲁ ⲉⲫⲉⲥⲟⲥ .	Ⲉⲧⲁⲩⲥⲱⲧⲉⲙ ⲇⲉ ⲉ̀ⲛⲁⲓ ⲟⲩⲟϩ ⲉ̀ⲧⲁⲩⲙⲟϩ ⲛ̀ϫⲱⲛⲧ ⲛⲁⲩⲱϣ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ ϫⲉ ⲟⲩⲛⲓϣϯ ⲧⲉ ϯⲁⲣⲧⲉⲙⲓⲥ ⲛ̀ⲧⲉ ⲛⲁ ⲉ̀ⲫⲉⲥⲟⲥ.	Etavsōtem ḋe ènai ouoh ètavmoh ǹgōnt navōṡ èvol evgō m̀mos je ouniṡti te tiartemis ǹte na èfesos.	When they heard this they were filled with anger, and cried out, saying, 'Great is Artemis of the Ephesians!'
19:29	ⲟⲩⲟϩ ⲁⲥⲙⲟϩ ⲛϫⲉϯⲡⲟⲗⲓⲥ ⲛϣⲑⲟⲣⲧⲉⲣ ⲁⲩϭⲟϫⲓ ⲇⲉ ⲧⲏⲣⲟⲩ ϧⲉⲛⲟⲩⲟⲩⲟⲓ ⲉⲩⲥⲟⲡ ⲉⲡⲓⲑⲉⲁⲧⲣⲟⲛ ⲁⲩϩⲱⲗⲉⲙ ⲛⲅⲁⲓⲟⲥ ⲛⲉⲙⲁⲣⲓⲥⲧⲁⲣⲭⲟⲥ ⲉϩⲁⲛⲣⲉⲙⲑⲙⲁⲕⲉⲇⲟⲛⲓⲁ ⲛⲉⲁⲩⲓ ⲉⲡϣⲉⲙⲙⲟ ⲛⲉⲙⲡⲁⲩⲗⲟⲥ .	Ⲟⲩⲟϩ ⲁⲥⲙⲟϩ ⲛ̀ϫⲉ ϯⲡⲟⲗⲓⲥ ⲛ̀ϣ̀ⲑⲟⲣⲧⲉⲣ ⲁⲩϭⲟϫⲓ ⲇⲉ ⲧⲏⲣⲟⲩ ϧⲉⲛ ⲟⲩⲟⲩⲟⲓ ⲉⲩⲥⲟⲡ ⲉ̀ⲡⲓⲑⲉⲁⲧⲣⲟⲛ ⲁⲩϩⲱⲗⲉⲙ ⲛ̀ⲅⲁⲓⲟⲥ ⲛⲉⲙ ⲁⲣⲓⲥⲧⲁⲣⲭⲟⲥ ⲉ̀ϩⲁⲛⲣⲉⲙⲑⲙⲁⲕⲉⲇⲟⲛⲓⲁ ⲛⲉ ⲁⲩⲓ̀ ⲉ̀ⲡ̀ϣⲉⲙⲙⲟ ⲛⲉⲙ ⲡⲁⲩⲗⲟⲥ.	Ouoh asmoh ǹje tipolis ǹṡ̀θorter avċoji ḋe tyrou xen ououoi evsop èpiθeatron avhōlem ǹġaios nem aristarkos èhanremθmakeḋonia ne avì èp̀ṡemmo nem pavlos.	The whole city was filled with confusion, and they rushed with one accord into the theater, having seized Gaius and Aristarchus, men of Macedonia, Paul's companions in travel.
19:30	ⲉϥⲟⲩⲱϣ ⲇⲉ ⲛϫⲉⲡⲁⲩⲗⲟⲥ ⲉⲓ ⲉϧⲟⲩⲛ ⲉⲡⲓⲙⲏϣ ⲛⲁⲩⲭⲱ ⲙⲙⲟϥ ⲁⲛ ⲡⲉ ⲛϫⲉⲛⲓⲙⲁⲑⲏⲧⲏⲥ .	Ⲉϥⲟⲩⲱϣ ⲇⲉ ⲛ̀ϫⲉ ⲡⲁⲩⲗⲟⲥ ⲓ̀ ⲉ̀ϧⲟⲩⲛ ⲉ̀ⲡⲓⲙⲏϣ ⲛⲁⲩⲭⲱ ⲙ̀ⲙⲟϥ ⲁⲛ ⲡⲉ ⲛ̀ϫⲉ ⲛⲓⲙⲁⲑⲏⲧⲏⲥ.	Efouōṡ ḋe ǹje pavlos ì èxoun èpimyṡ navkō m̀mof an pe ǹje nimaθytys.	When Paul wanted to enter in to the people, the disciples didn't allow him.
19:31	ϩⲁⲛⲕⲉⲭⲱⲟⲩⲛⲓ ⲇⲉ ⲉⲃⲟⲗ ϧⲉⲛⲛⲓⲁⲣⲭ ⲱⲛ ⲛⲧⲉϯⲁⲥⲓⲁ ⲉⲩⲟⲓ ⲛϣⲫⲏⲣ ⲉⲣⲟϥ ⲁⲩⲟⲩⲱⲣⲡ ϩⲁⲣⲟϥ ⲉⲩϯϩⲟ ⲉϣⲧⲉⲙⲑⲣⲉϥⲧⲏⲓϥ ⲙⲙⲁⲩⲁⲧϥ ⲉⲡⲓⲑⲉⲁⲧⲣⲟⲛ .	Ϩⲁⲛⲕⲉⲭⲱⲟⲩⲛⲓ ⲇⲉ ⲉ̀ⲃⲟⲗ ϧⲉⲛ ⲛⲓⲁⲣⲭ ⲱⲛ ⲛ̀ⲧⲉ ϯⲁⲥⲓⲁ ⲉⲩⲟⲓ ⲛ̀ϣ̀ⲫⲏⲣ ⲉ̀ⲣⲟϥ ⲁⲩⲟⲩⲱⲣⲡ ϩⲁⲣⲟϥ ⲉⲩϯϩⲟ ⲉ̀ϣⲧⲉⲙⲑⲣⲉϥⲧⲏⲓϥ ⲙ̀ⲙⲁⲩⲁⲧϥ ⲉ̀ⲡⲓⲑⲉⲁⲧⲣⲟⲛ.	Hankekōouni ḋe èvol xen niark ōn ǹte tiasia evoi ǹṡ̀fyr èrof avouōrp harof evtiho èṡtemθreftyif m̀mavatf èpiθeatron.	Certain also of the Asiarchs, being his friends, sent to him and begged him not to venture into the theater.
19:32	ϩⲁⲛⲕⲉⲭⲱⲟⲩⲛⲓ ⲙⲉⲛ ⲟⲩⲛ ⲛⲁⲩⲱϣ ⲉⲃⲟⲗ ⲉⲩϫⲱ ⲛⲕⲉϩⲱⲃ ⲛⲉⲁ ϯⲉⲕⲕⲗⲏⲥⲓⲁ ⲅⲁⲣ ϣⲑⲟⲣⲧⲉⲣ ⲡⲉ ⲟⲩⲟϩ ⲛⲁⲣⲉⲡⲟⲩϩⲟⲩⲟ ⲥⲱⲟⲩⲛ ⲁⲛ ϫⲉⲉⲧⲁⲩⲑⲱⲟⲩϯ ⲉⲑⲃⲉⲟⲩ .	Ϩⲁⲛⲕⲉⲭⲱⲟⲩⲛⲓ ⲙⲉⲛ ⲟⲩⲛ ⲛⲁⲩⲱϣ ⲉ̀ⲃⲟⲗ ⲉⲩϫⲱ ⲛ̀ⲕⲉϩⲱⲃ ⲛ̀ⲉⲁ ϯⲉⲕⲕⲗⲏⲥⲓⲁ ⲅⲁⲣ ϣⲑⲟⲣⲧⲉⲣ ⲡⲉ ⲟⲩⲟϩ ⲛⲁⲣⲉ ⲡⲟⲩϩⲟⲩⲟ̀ ⲥⲱⲟⲩⲛ ⲁⲛ ϫⲉ ⲉ̀ⲧⲁⲩⲑⲱⲟⲩϯ ⲉⲑⲃⲉ ⲟⲩ.	Hankekōouni men oun navōṡ èvol evgō ǹkehōb ǹea tiekklysia ġar ṡθorter pe ouoh nare pouhouò sōoun an je ètavθōouti eθve ou.	Some therefore cried one thing, and some another, for the assembly was in confusion. Most of them didn't know why they had come together.
19:33	ⲉⲃⲟⲗ ⲇⲉ ϧⲉⲛⲡⲓⲙⲏϣ ⲁⲩⲓⲛⲓ ⲛⲁⲗⲉⲝⲁⲛⲇⲣⲟⲥ ⲉⲃⲟⲗ ⲛϫⲉⲛⲓⲓⲟⲩⲇⲁⲓ ⲁⲗⲉⲝⲁⲛⲇⲣⲟⲥ ⲁϥϭⲱⲣⲉⲙ ⲉⲣⲱⲟⲩ ⲛⲧⲉϥϫⲓϫ ⲉϥⲟⲩⲱϣ ⲉⲉⲣⲁⲡⲟⲗⲟⲅⲓⲥⲑⲉ ⲙⲡⲓⲙⲏϣ .	Ⲉ̀ⲃⲟⲗ ⲇⲉ ϧⲉⲛ ⲡⲓⲙⲏϣ ⲁⲩⲓ̀ⲛⲓ ⲛ̀ⲁⲗⲉⲝⲁⲛⲇⲣⲟⲥ ⲉ̀ⲃⲟⲗ ⲛ̀ϫⲉ ⲛⲓⲓⲟⲩⲇⲁⲓ ⲁⲗⲉⲝⲁⲛⲇⲣⲟⲥ ⲁϥϭⲱⲣⲉⲙ ⲉ̀ⲣⲱⲟⲩ ⲛ̀ⲧⲉϥϫⲓϫ ⲉϥⲟⲩⲱϣ ⲉⲉⲣⲁⲡⲟⲗⲟⲅⲓⲥⲑⲉ ⲛ̀ⲡⲓⲙⲏϣ.	Èvol ḋe xen pimyṡ avìni ǹaleksandros èvol ǹje niioudai aleksandros afċōrem èrōou ǹtefjig efouōṡ eerapologisθe ǹpimyṡ.	They brought Alexander out of the multitude, the Jews putting him forward. Alexander beckoned with his hand, and would have made a defense to the people.
19:34	ⲉⲧⲁⲩⲉⲙⲓ ⲇⲉ ϫⲉⲟⲩⲓⲟⲩⲇⲁⲓ ⲡⲉ ⲁϥϣⲱⲡⲓ ⲛϫⲉⲟⲩϧⲣⲱⲟⲩ ⲛⲟⲩⲱⲧ ⲛⲧⲉⲟⲩⲟⲛ ⲛⲓⲃⲉⲛ ⲛⲁⲩ ⲟⲩⲛⲟⲩ ⲥⲛⲟⲩϯ ⲉⲩⲱϣ ⲉⲃⲟⲗ ϫⲉⲟⲩⲛⲓϣϯ ⲧⲉ ϯⲁⲣⲧⲉⲙⲓⲥ ⲛⲧⲉⲛⲁ ⲉⲫⲉⲥⲟⲥ .	Ⲉⲧⲁⲩⲉⲙⲓ ⲇⲉ ϫⲉ ⲟⲩⲓⲟⲩⲇⲁⲓ ⲡⲉ ⲁϥϣⲱⲡⲓ ⲛ̀ϫⲉ ⲟⲩϧ̀ⲣⲱⲟⲩ ⲛ̀ⲟⲩⲱⲧ ⲛ̀ⲧⲉ ⲟⲩⲟⲛ ⲛⲓⲃⲉⲛ ⲛⲁⲩ ⲟⲩⲛⲟⲩ ⲥ̀ⲛⲟⲩϯ ⲉⲩⲱϣ ⲉ̀ⲃⲟⲗ ϫⲉ ⲟⲩⲛⲓϣϯ ⲧⲉ ϯⲁⲣⲧⲉⲙⲓⲥ ⲛ̀ⲧⲉ ⲛⲁ ⲉ̀ⲫⲉⲥⲟⲥ.	Etavemi ḋe je ouioudai pe afṡōpi ǹje oux̀rōou ǹouōt ǹte ouon niven nav ounou s̀nouti evōṡ èvol je ouniṡti te tiartemis ǹte na èfesos.	But when they perceived that he was a Jew, all with one voice for a time of about two hours cried out, 'Great is Artemis of the Ephesians!'
19:35	ⲉⲧⲁϥⲑⲣⲉ ⲡⲓⲙⲏϣ ⲇⲉ ϩⲉⲣⲓ ⲛϫⲉⲡⲓⲅⲣⲁⲙⲙⲁⲧⲉⲩⲥ ⲡⲉϫⲁϥ ⲛⲓⲣⲱⲙⲓ ⲛⲓⲣⲉⲙⲉⲫⲉⲥⲟⲥ ⲛⲓⲙ ⲅⲁⲣ ϧⲉⲛⲛⲓⲣⲱⲙⲓ ⲉⲧⲉⲛϥⲥⲱⲟⲩⲛ ⲁⲛ ⲛⲧⲡⲟⲗⲓⲥ ⲛⲛⲓⲣⲉⲙⲉⲫⲉⲥⲟⲥ ϫⲉⲥⲟⲓ ⲛⲛⲉⲱⲕⲉⲣⲟⲥ ⲛⲧⲉϯⲛⲓϣϯ ⲛⲁⲣⲧⲉⲙⲓⲥ ⲛⲉⲙⲡⲓⲇⲓⲟⲡⲉⲧⲏⲥ .	Ⲉⲧⲁϥⲑⲣⲉ ⲡⲓⲙⲏϣ ⲇⲉ ϩⲉⲣⲓ ⲛ̀ϫⲉ ⲡⲓⲅⲣⲁⲙⲙⲁⲧⲉⲩⲥ ⲡⲉϫⲁϥ ⲛⲓⲣⲱⲙⲓ ⲛⲓⲣⲉⲙⲉⲫⲉⲥⲟⲥ ⲛⲓⲙ ⲅⲁⲣ ϧⲉⲛ ⲛⲓⲣⲱⲙⲓ ⲉⲧⲉⲛ̀ϥⲥⲱⲟⲩⲛ ⲁⲛ ⲛ̀ⲧ̀ⲡⲟⲗⲓⲥ ⲛ̀ⲛⲓⲣⲉⲙⲉⲫⲉⲥⲟⲥ ϫⲉ ⲥⲟⲓ ⲛⲛⲉⲱⲕⲉⲣⲟⲥ ⲛ̀ⲧⲉ ϯⲛⲓϣϯ ⲛ̀ⲁⲣⲧⲉⲙⲓⲥ ⲛⲉⲙ ⲡⲓⲇⲓⲟⲡⲉⲧⲏⲥ.	Etafθre pimyṡ ḋe heri ǹje piġrammatevs pegaf nirōmi niremefesos nim ġar xen nirōmi eteǹfsōoun an ǹt̀polis ǹniremefesos je soi nneōkeros ǹte tiniṡti ǹartemis nem piḋiopetys.	When the town clerk had quieted the multitude, he said, 'You men of Ephesus, what man is there who doesn't know that the city of the Ephesians is temple keeper of the great goddess Artemis, and of the image which fell down from Zeus?
19:36	ⲙⲙⲟⲛ ϩⲗⲓ ⲟⲩⲛ ϯⲉϧⲟⲩⲛ ⲉϩⲣⲉⲛⲛⲁⲓ ⲥⲉⲙⲡϣⲁ ⲟⲩⲛ ⲛⲧⲉⲧⲉⲛϣⲱⲡⲓ ⲉⲣⲉⲧⲉⲛⲥⲙⲟⲛⲧ ⲟⲩⲟϩ ⲛⲧⲉⲧⲉⲛϣⲧⲉⲙⲉⲣ ϩⲗⲓ ⲛϩⲱⲃ ϧⲉⲛⲟⲩⲁⲥⲓⲁⲓ .	Ⲙ̀ⲙⲟⲛ ϩ̀ⲗⲓ ⲟⲩⲛ ϯⲉ̀ϧⲟⲩⲛ ⲉ̀ϩ̀ⲣⲉⲛⲛⲁⲓ ⲥⲉⲙⲡ̀ϣⲁ ⲟⲩⲛ ⲛ̀ⲧⲉⲧⲉⲛϣⲱⲡⲓ ⲉ̀ⲣⲉⲧⲉⲛⲥⲙⲟⲛⲧ ⲟⲩⲟϩ ⲛ̀ⲧⲉⲧⲉⲛϣⲧⲉⲙⲉⲣ ϩ̀ⲗⲓ ⲛ̀ϩⲱⲃ ϧⲉⲛ ⲟⲩⲁⲥⲓⲁⲓ.	M̀mon h̀li oun tièxoun èh̀rennai semp̀ṡa oun ǹtetenṡōpi èretensmont ouoh ǹtetenṡtemer h̀li ǹhōb xen ouasiai.	Seeing then that these things can't be denied, you ought to be quiet, and to do nothing rash.
19:37	ⲁⲧⲉⲧⲉⲛⲓⲛⲓ ⲅⲁⲣ ⲛⲛⲁⲓⲣⲱⲙⲓ ⲉⲙⲛⲁⲓ ⲟⲩⲇⲉ ϩⲁⲛⲕⲁⲗⲡ ⲉⲣⲫⲉⲓ ⲁⲛ ⲛⲉⲟⲩⲇⲉ ⲥⲉϫⲉⲟⲩⲁ ⲁⲛ ⲉⲛⲉⲧⲉⲛⲛⲟⲩϯ .	Ⲁⲣⲉⲧⲉⲛⲓ̀ⲛⲓ ⲅⲁⲣ ⲛ̀ⲛⲁⲓⲣⲱⲙⲓ ⲉ̀ⲙ̀ⲛⲁⲓ ⲟⲩⲇⲉ ϩⲁⲛⲕⲁⲗⲡ ⲉⲣⲫⲉⲓ ⲁⲛ ⲛⲉ ⲟⲩⲇⲉ ⲥⲉϫⲉⲟⲩⲁ ⲁⲛ ⲉ̀ⲛⲉⲧⲉⲛⲛⲟⲩϯ.	Aretenìni ġar ǹnairōmi èm̀nai ouḋe hankalp erfei an ne ouḋe sejeoua an ènetennouti.	For you have brought these men here, who are neither robbers of temples nor blasphemers of your goddess.
19:38	ⲓⲥϫⲉ ⲟⲩⲛ ⲇⲓⲙⲏⲧⲣⲓⲟⲥ ⲛⲉⲙⲛⲓⲕⲉⲧⲉⲭ ⲛⲓⲧⲏⲥ ⲉⲑⲛⲉⲙⲁϥ ⲟⲩⲟⲛ ⲛⲧⲱⲟⲩ ⲛⲟⲩⲥⲁϫⲓ ϧⲁⲟⲩⲁⲓ ⲥⲉⲛⲁⲓⲛⲓ ⲛⲛⲓⲁⲅⲟⲣⲉⲟⲥ ⲟⲩⲟϩ ⲟⲩⲟⲛ ⲁⲛⲑⲩⲡⲁⲧⲟⲥ ϣⲟⲡ ⲙⲁⲣⲟⲩⲥⲉⲙⲓ ⲉⲛⲟⲩⲉⲣⲏⲟⲩ .	Ⲓⲥϫⲉ ⲟⲩⲛ ⲇⲓⲙⲏⲧⲣⲓⲟⲥ ⲛⲉⲙ ⲛⲓⲕⲉⲧⲉⲭ ⲛⲓⲧⲏⲥ ⲉⲑⲛⲉⲙⲁϥ ⲟⲩⲟⲛ ⲛ̀ⲧⲱⲟⲩ ⲛⲟⲩⲥⲁϫⲓ ϧⲁ ⲟⲩⲁⲓ ⲥⲉⲛⲁⲓ̀ⲛⲓ ⲛ̀ⲛⲓⲁⲅⲟⲣⲉⲟⲥ ⲟⲩⲟϩ ⲟⲩⲟⲛ ⲁⲛⲑⲩⲡⲁⲧⲟⲥ ϣⲟⲡ ⲙⲁⲣⲟⲩⲥⲉⲙⲓ ⲉ̀ⲛⲟⲩⲉⲣⲏⲟⲩ.	Isje oun dimytrios nem niketek nitys eθnemaf ouon ǹtōou nousaji xa ouai senaìni ǹniaġoreos ouoh ouon anθipatos ṡop marousemi ènoueryou.	If therefore Demetrius and the craftsmen who are with him have a matter against anyone, the courts are open, and there are proconsuls. Let them press charges against one another.
19:39	ⲓⲥϫⲉ ⲇⲉ ⲁⲣⲉⲧⲉⲛⲕⲱϯ ⲛⲥⲁⲕⲉϩⲱⲃ ϧⲉⲛϯⲉⲕⲕⲗⲏⲥⲓⲁ ⲛⲛⲟⲙⲓⲙⲟⲛ ⲉⲩⲉⲃⲟⲗϥ ⲉⲃⲟⲗ .	Ⲓⲥϫⲉ ⲇⲉ ⲁⲣⲉⲧⲉⲛⲕⲱϯ ⲛ̀ⲥⲁ ⲕⲉϩⲱⲃ ϧⲉⲛ ϯⲉⲕⲕⲗⲏⲥⲓⲁ ⲛ̀ⲛⲟⲙⲓⲙⲟⲛ ⲉⲩⲉ̀ⲃⲟⲗϥ ⲉ̀ⲃⲟⲗ.	Isje ḋe aretenkōti ǹsa kehōb xen tiekklysia ǹnomimon evèvolf èvol.	But if you seek anything about other matters, it will be settled in the regular assembly.
19:40	ⲕⲉ ⲅⲁⲣ ⲧⲉⲛⲉⲣⲕⲩⲛⲇⲓⲛⲉⲩⲓⲛ ⲉⲑⲣⲟⲩⲉⲣⲕⲁⲧⲏ ⲅⲟⲣⲓⲛ ⲉⲣⲟⲛ ⲉⲑⲃⲉⲡⲓϣⲑⲟⲣⲧⲉⲣ ⲛⲧⲉⲫⲟⲟⲩ ⲙⲙⲟⲛ ϩⲗⲓ ⲛⲗⲱⲓϫⲓ ϣⲟⲡ ⲑⲁⲓ ⲉⲧⲉⲟⲩⲟⲛ ϣϫⲟⲙ ⲙⲙⲟⲛ ⲉϯⲗⲟⲅⲟⲥ ⲉⲑⲃⲏⲧⲥ ϧⲁⲡⲓϣⲑⲟⲣⲧⲉⲣ . ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲁϥⲭⲱ ⲛϯⲉⲕⲕⲗⲏⲥⲓⲁ ⲉⲃⲟⲗ .	Ⲕⲉ ⲅⲁⲣ ⲧⲉⲛⲉⲣⲕⲩⲛⲇⲓⲛⲉⲩⲓⲛ ⲉ̀ⲑⲣⲟⲩⲉⲣⲕⲁⲧⲏ ⲅⲟⲣⲓⲛ ⲉ̀ⲣⲟⲛ ⲉⲑⲃⲉ ⲡⲓϣⲑⲟⲣⲧⲉⲣ ⲛ̀ⲧⲉ ⲫⲟⲟⲩ ⲙ̀ⲙⲟⲛ ϩ̀ⲗⲓ ⲛ̀ⲗⲱⲓϫⲓ ϣⲟⲡ ⲑⲁⲓ ⲉ̀ⲧⲉ ⲟⲩⲟⲛ ϣ̀ϫⲟⲙ ⲙ̀ⲙⲟⲛ ⲉ̀ϯⲗⲟⲅⲟⲥ ⲉⲑⲃⲏⲧⲥ ϧⲁ ⲡⲓϣ̀ⲑⲟⲣⲧⲉⲣ. Ⲟⲩⲟϩ ⲛⲁⲓ ⲉ̀ⲧⲁϥϫⲟⲧⲟⲩ ⲁϥⲭⲱ ⲛ̀ϯⲉⲕⲕⲗⲏⲥⲓⲁ ⲉ̀ⲃⲟⲗ.	Ke ġar tenerkinḋinevin èθrouerkaty ġorin èron eθve piṡθorter ǹte foou m̀mon h̀li ǹlōiji ṡop θai ète ouon ṡ̀gom m̀mon ètiloġos eθvyts xa piṡ̀θorter. Ouoh nai ètafgotou afkō ǹtiekklysia èvol.	For indeed we are in danger of being accused concerning this day's riot, there being no cause. Concerning it, we wouldn't be able to give an account of this commotion.'

Provenance

title: 05_Acts_19
dialect: bohairic
source: Coptic SCRIPTORIUM corpus "bohairic.nt", document 05_Acts_19
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Acts_19 from Coptic SCRIPTORIUM (https://copticscriptorium.org), corpus bohairic.nt, document 05_Acts_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Acts/19.bohairic.scriptorium.L0.txt
title: 05_Acts_19 — Cairene
dialect: bohairic
source: generated from 19.bohairic.scriptorium.L0.txt (Coptic SCRIPTORIUM corpus "bohairic.nt", document 05_Acts_19)
licence: CC BY-SA 4.0
share: attribution
attribution: 05_Acts_19 from Coptic SCRIPTORIUM (https://copticscriptorium.org), corpus bohairic.nt, document 05_Acts_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Acts/19.bohairic.scriptorium.L1.txt
title: 05_Acts_19 — Kemetic
dialect: bohairic
source: generated from 19.bohairic.scriptorium.L1.txt
licence: CC BY-SA 4.0
share: attribution
attribution: 05_Acts_19 from Coptic SCRIPTORIUM (https://copticscriptorium.org), corpus bohairic.nt, document 05_Acts_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Acts/19.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 40 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 05_Acts_19 (40 lines)

Cite as:

05_Acts_19. Coptic SCRIPTORIUM corpus "bohairic.nt", document 05_Acts_19. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/acts/19.bohairic.scriptorium/. 05_Acts_19 from Coptic SCRIPTORIUM (https://copticscriptorium.org), corpus bohairic.nt, document 05_Acts_19, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.