07_I Corinthians_14 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 07_I_Corinthians_14

Attribution: 07_I Corinthians_14 from Coptic SCRIPTORIUM (https://copticscriptorium.org), corpus bohairic.nt, document 07_I_Corinthians_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

40 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
14:1	ϭⲟϫⲓ ⲛⲥⲁϯⲁⲅⲁⲡⲏ ⲭⲟϩ ⲇⲉ ⲉⲛⲓⲡⲛⲁⲧⲓⲕⲟⲛ ⲙⲁⲗⲗⲟⲛ ⲇⲉ ϩⲓⲛⲁ ⲛⲧⲉⲧⲉⲛⲉⲣⲡⲣⲟⲫⲏ ⲧⲉⲩⲓⲛ .	ϭⲟϫⲓ ⲛ̀ⲥⲁ ϯⲁ̀ⲅⲁⲡⲏ ⲭⲟϩ ⲇⲉ ⲉ̀ⲛⲓⲡ̀ⲛⲉⲩⲙⲁⲧⲓⲕⲟⲛ ⲙⲁⲗⲗⲟⲛ ⲇⲉ ϩⲓⲛⲁ ⲛ̀ⲧⲉⲧⲉⲛⲉⲣⲡⲣⲟⲫⲏ ⲧⲉⲩⲓⲛ.	ċoji ǹsa tiàġapy koh ḋe ènip̀nevmatikon mallon ḋe hina ǹtetenerprofy tevin.	Follow after love, and earnestly desire spiritual gifts, but especially that you may prophesy.
14:2	ⲡⲉⲧⲥⲁϫⲓ ϧⲉⲛⲫⲗⲁⲥ ⲉϥⲥⲁϫⲓ ⲛⲉⲙⲛⲓⲣⲱⲙⲓ ⲁⲛ ⲁⲗⲗⲁ ⲫⲛⲟⲩϯ ⲙⲙⲟⲛ ϩⲗⲓ ⲅⲁⲣ ⲥⲱⲧⲉⲙ ⲉⲣⲟϥ ϧⲉⲛⲡⲓⲡⲛⲉⲩⲙⲁϫⲉ ϥⲥⲁϫⲓ ⲛϩⲁⲛⲙⲩⲥⲧⲏ ⲣⲓⲟⲛ .	Ⲡⲉⲧⲥⲁϫⲓ ϧⲉⲛ ⲫ̀ⲗⲁⲥ ⲉϥⲥⲁϫⲓ ⲛⲉⲙ ⲛⲓⲣⲱⲙⲓ ⲁⲛ ⲁⲗⲗⲁ ⲫ̀ⲛⲟⲩϯ ⲙ̀ⲙⲟⲛ ϩ̀ⲗⲓ ⲅⲁⲣ ⲥⲱⲧⲉⲙ ⲉ̀ⲣⲟϥ ϧⲉⲛ ⲡⲓⲡ̀ⲛⲉⲩⲙⲁϫⲉ ϥ̀ⲥⲁϫⲓ ⲛ̀ϩⲁⲛⲙⲩⲥⲧⲏ ⲣⲓⲟⲛ.	Petsaji xen f̀las efsaji nem nirōmi an alla f̀nouti m̀mon h̀li ġar sōtem èrof xen pip̀nevmaje f̀saji ǹhanmisty rion.	For he who speaks in another language speaks not to men, but to God; for no one understands; but in the Spirit he speaks mysteries.
14:3	ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲥⲁϫⲓ ⲛⲉⲙⲛⲓⲣⲱⲙⲓ ⲛⲟⲩⲕⲱⲧ ⲛⲉⲙⲟⲩⲛⲟⲙϯ ⲛⲉⲙⲟⲩⲑⲱⲧ ⲛϩⲏⲧ .	Ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲥⲁϫⲓ ⲛⲉⲙ ⲛⲓⲣⲱⲙⲓ ⲛ̀ⲟⲩⲕⲱⲧ ⲛⲉⲙ ⲟⲩⲛⲟⲙϯ ⲛⲉⲙ ⲟⲩⲑⲱⲧ ⲛ̀ϩⲏⲧ.	Fy ḋe eterprofytevin afsaji nem nirōmi ǹoukōt nem ounomti nem ouθōt ǹhyt.	But he who prophesies speaks to men for their edification, exhortation, and consolation.
14:4	ⲡⲉⲧⲥⲁϫⲓ ϧⲉⲛⲫⲗⲁⲥ ⲁϥⲕⲱⲧ ⲙⲙⲟϥ ⲙⲙⲁⲩⲁⲧϥ ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲕⲱⲧ ⲛⲟⲩⲉⲕⲕⲗⲏⲥⲓⲁ .	Ⲡⲉⲧⲥⲁϫⲓ ϧⲉⲛ ⲫ̀ⲗⲁⲥ ⲁϥⲕⲱⲧ ⲙ̀ⲙⲟϥ ⲙ̀ⲙⲁⲩⲁⲧϥ ⲫⲏ ⲇⲉ ⲉⲧⲉⲣⲡⲣⲟⲫⲏⲧⲉⲩⲓⲛ ⲁϥⲕⲱⲧ ⲛ̀ⲟⲩⲉⲕⲕⲗⲏⲥⲓⲁ.	Petsaji xen f̀las afkōt m̀mof m̀mavatf fy ḋe eterprofytevin afkōt ǹouekklysia.	He who speaks in another language edifies himself, but he who prophesies edifies the assembly.
14:5	ϯⲟⲩⲉϣ ⲑⲏⲛⲟⲩ ⲇⲉ ⲧⲏⲣⲟⲩ ⲉⲣⲉⲧⲉⲛⲥⲁϫⲓ ϧⲉⲛϩⲁⲛⲗⲁⲥ ⲙⲁⲗⲗⲟⲛ ⲇⲉ ϩⲓⲛⲁ ⲛⲧⲉⲧⲉⲛⲉⲣⲡⲣⲟⲫⲏⲧⲉⲩⲓⲛ ⲛⲁⲁ ⲡⲉⲧⲉⲣⲡⲣⲟⲫⲏⲧⲉⲩⲓⲛ ⲇⲉ ⲉϩⲟⲧⲉ ⲡⲉⲧⲥⲁϫⲓ ϧⲉⲛⲫⲗⲁⲥ ⲥⲁⲃⲟⲗ ⲓⲙⲏⲧⲓ ⲛⲧⲉϥⲉⲣⲙⲉⲛⲉⲩⲓⲛ ϩⲓⲛⲁ ⲛⲧⲉϯⲉⲕⲕⲗⲏⲥⲓⲁ ϭⲓ ⲛⲟⲩⲕⲱⲧ .	Ϯⲟⲩⲉϣ ⲑⲏⲛⲟⲩ ⲇⲉ ⲧⲏⲣⲟⲩ ⲉ̀ⲣⲉⲧⲉⲛⲥⲁϫⲓ ϧⲉⲛ ϩⲁⲛⲗⲁⲥ ⲙⲁⲗⲗⲟⲛ ⲇⲉ ϩⲓⲛⲁ ⲛ̀ⲧⲉⲧⲉⲛⲉⲣⲡⲣⲟⲫⲏⲧⲉⲩⲓⲛ ⲛⲁⲁ ⲡ̀ⲉⲧⲉⲣⲡⲣⲟⲫⲏⲧⲉⲩⲓⲛ ⲇⲉ ⲉ̀ϩⲟⲧⲉ ⲡⲉⲧⲥⲁϫⲓ ϧⲉⲛ ⲫ̀ⲗⲁⲥ ⲥⲁⲃⲟⲗ ⲓⲙⲏⲧⲓ ⲛ̀ⲧⲉϥⲉⲣⲙⲉⲛⲉⲩⲓⲛ ϩⲓⲛⲁ ⲛ̀ⲧⲉ ϯⲉⲕⲕⲗⲏⲥⲓⲁ ϭⲓ ⲛ̀ⲟⲩⲕⲱⲧ.	Tioueṡ θynou ḋe tyrou èretensaji xen hanlas mallon ḋe hina ǹtetenerprofytevin naa p̀eterprofytevin ḋe èhote petsaji xen f̀las savol imyti ǹtefermenevin hina ǹte tiekklysia ċi ǹoukōt.	Now I desire to have you all speak with other languages, but rather that you would prophesy. For he is greater who prophesies than he who speaks with other languages, unless he interprets, that the assembly may be built up.
14:6	ϯⲛⲟⲩ ⲇⲉ ⲛⲁⲥⲛⲏⲟⲩ ⲉϣⲱⲡ ⲁⲓϣⲁⲛⲓ ϩⲁⲣⲱⲧⲉⲛ ⲉⲓⲥⲁϫⲓ ϧⲉⲛϩⲁⲛⲗⲁⲥ ⲟⲩ ⲛϩⲏⲟⲩ ⲡⲉϯⲛⲁⲧⲏⲓϥ ⲛⲱⲧⲉⲛ ⲁⲓϣⲧⲉⲙⲥⲁϫⲓ ⲛⲉⲙⲱⲧⲉⲛ ϧⲉⲛⲟⲩϭⲱⲣⲡ ⲉⲃⲟⲗ ⲓⲉ ϧⲉⲛⲟⲩⲉⲙⲓ ⲓⲉ ϧⲉⲛⲟⲩⲡⲣⲟⲫⲏⲧⲓⲁ ⲓⲉ ϧⲉⲛⲟⲩⲥⲃⲱ .	Ϯⲛⲟⲩ ⲇⲉ ⲛⲁⲥ̀ⲛⲏⲟⲩ ⲉϣⲱⲡ ⲁⲓϣⲁⲛⲓ ϩⲁⲣⲱⲧⲉⲛ ⲉⲓⲥⲁϫⲓ ϧⲉⲛ ϩⲁⲛⲗⲁⲥ ⲟⲩ ⲛ̀ϩⲏⲟⲩ ⲡⲉϯⲛⲁⲧⲏⲓϥ ⲛⲱⲧⲉⲛ ⲁⲓϣⲧⲉⲙⲥⲁϫⲓ ⲛⲉⲙⲱⲧⲉⲛ ϧⲉⲛ ⲟⲩϭⲱⲣⲡ ⲉ̀ⲃⲟⲗ ⲓⲉ ϧⲉⲛ ⲟⲩⲉⲙⲓ ⲓⲉ ϧⲉⲛ ⲟⲩⲡ̀ⲣⲟⲫⲏⲧⲓⲁ ⲓⲉ ϧⲉⲛ ⲟⲩⲥ̀ⲃⲱ.	Tinou ḋe nas̀nyou eṡōp aiṡani harōten eisaji xen hanlas ou ǹhyou petinatyif nōten aiṡtemsaji nemōten xen ouċōrp èvol ie xen ouemi ie xen oup̀rofytia ie xen ous̀vō.	But now, brothers, if I come to you speaking with other languages, what would I profit you, unless I speak to you either by way of revelation, or of knowledge, or of prophesying, or of teaching?
14:7	ⲟⲙⲱⲥ ⲛⲓⲁⲧⲯⲩⲭⲏ ⲉⲩϯ ⲛⲧⲟⲩⲥⲙⲏ ⲓⲧⲉ ⲟⲩⲥⲏⲃⲓ ⲛϫⲱ ⲓⲧⲉ ⲟⲩⲕⲩⲑⲁⲣⲁ ⲁⲩϣⲧⲉⲙϣⲓⲃϯ ⲛⲧⲟⲩⲥⲙⲏ ⲡⲱⲥ ⲥⲉⲛⲁⲉⲙⲓ ⲉⲡⲉⲧⲟⲩϫⲱ ⲙⲙⲟϥ ⲓⲉ ⲫⲏ ⲉⲧⲟⲩⲉⲣⲕⲩⲑⲁⲣⲓⲍⲓⲛ ⲙⲙⲟϥ .	Ⲟⲙⲱⲥ ⲛⲓⲁⲧⲯⲩⲭⲏ ⲉⲩϯ ⲛ̀ⲧⲟⲩⲥ̀ⲙⲏ ⲓⲧⲉ ⲟⲩⲥⲏⲃⲓ ⲛ̀ϫⲱ ⲓⲧⲉ ⲟⲩⲕⲩⲑⲁⲣⲁ ⲁⲩϣⲧⲉⲙϣⲓⲃϯ ⲛ̀ⲧⲟⲩⲥ̀ⲙⲏ ⲡⲱⲥ ⲥⲉⲛⲁⲉⲙⲓ ⲉ̀ⲡⲉⲧⲟⲩϫⲱ ⲙ̀ⲙⲟϥ ⲓⲉ ⲫⲏ ⲉⲧⲟⲩⲉⲣⲕⲩⲑⲁⲣⲓⲍⲓⲛ ⲙ̀ⲙⲟϥ.	Omōs niatpsiṡy evti ǹtous̀my ite ousyvi ǹgō ite oukiθara avṡtemṡivti ǹtous̀my pōs senaemi èpetougō m̀mof ie fy etouerkiθarizin m̀mof.	Even things without life, giving a voice, whether pipe or harp, if they didn't give a distinction in the sounds, how would it be known what is piped or harped?
14:8	ⲕⲉ ⲅⲁⲣ ⲉϣⲱⲡ ⲁⲣⲉϣⲁⲛ ⲟⲩⲥⲁⲗⲡⲓⲅⲝ ϯⲛⲟⲩⲥⲙⲏ ⲉⲥⲟⲩⲟⲛϩ ⲉⲃⲟⲗ ⲁⲛ ⲛⲓⲙ ⲉⲑⲛⲁϣⲥⲉⲃⲧⲱⲧϥ ⲉⲡⲡⲟⲗⲉⲙⲟⲥ .	Ⲕⲉ ⲅⲁⲣ ⲉϣⲱⲡ ⲁⲣⲉϣⲁⲛ ⲟⲩⲥⲁⲗⲡⲓⲅⲝ ϯⲛⲟⲩⲥ̀ⲙⲏ ⲉⲥⲟⲩⲟⲛϩ ⲉ̀ⲃⲟⲗ ⲁⲛ ⲛⲓⲙ ⲉⲑⲛⲁϣⲥⲉⲃⲧⲱⲧϥ ⲉ̀ⲡ̀ⲡⲟⲗⲉⲙⲟⲥ.	Ke ġar eṡōp areṡan ousalpiġks tinous̀my esouonh èvol an nim eθnaṡsevtōtf èp̀polemos.	For if the trumpet gave an uncertain sound, who would prepare himself for war?
14:9	ⲡⲁⲓⲣⲏϯ ϩⲱⲧⲉⲛ ⲉⲃⲟⲗ ϩⲓⲧⲉⲛⲫⲗⲁⲥ ⲉϣⲱⲡ ⲁⲣⲉϣⲧⲉⲙϫⲉ ⲟⲩⲥⲁϫⲓ ⲉϥⲟⲩⲟⲛϩ ⲉⲃⲟⲗ ⲡⲱⲥ ⲥⲉⲛⲁⲉⲙⲓ ⲉⲡⲉⲧⲉⲛϫⲱ ⲙⲙⲟϥ ⲧⲉⲧⲉⲛⲛⲁϣⲱⲡⲓ ⲅⲁⲣ ⲉⲣⲉⲧⲉⲛⲥⲁϫⲓ ⲉⲡⲁⲏⲣ .	Ⲡⲁⲓⲣⲏϯ ϩⲱⲧⲉⲛ ⲉ̀ⲃⲟⲗ ϩⲓⲧⲉⲛ ⲫ̀ⲗⲁⲥ ⲉϣⲱⲡ ⲁⲣⲉϣⲧⲉⲙϫⲉ ⲟⲩⲥⲁϫⲓ ⲉϥⲟⲩⲟⲛϩ ⲉ̀ⲃⲟⲗ ⲡⲱⲥ ⲥⲉⲛⲁⲉⲙⲓ ⲉ̀ⲡⲉⲧⲉⲛϫⲱ ⲙ̀ⲙⲟϥ ⲧⲉⲧⲉⲛⲛⲁϣⲱⲡⲓ ⲅⲁⲣ ⲉ̀ⲣⲉⲧⲉⲛⲥⲁϫⲓ ⲉ̀ⲡⲁ̀ⲏⲣ.	Pairyti hōten èvol hiten f̀las eṡōp areṡtemje ousaji efouonh èvol pōs senaemi èpetengō m̀mof tetennaṡōpi ġar èretensaji èpàyr.	So also you, unless you uttered by the tongue words easy to understand, how would it be known what is spoken? For you would be speaking into the air.
14:10	ⲟⲩⲟⲛ ⲟⲩⲙⲏϣ ⲛϣⲗⲱⲗ ⲛⲥⲙⲏ ϧⲉⲛⲡⲁⲓⲕⲟⲥⲙⲟⲥ ⲟⲩⲟϩ ⲙⲙⲟⲛ ϩⲗⲓ ⲉϥⲟⲓ ⲛⲁⲧⲥⲙⲏ .	Ⲟⲩⲟⲛ ⲟⲩⲙⲏϣ ⲛ̀ϣⲗⲱⲗ ⲛ̀ⲥ̀ⲙⲏ ϧⲉⲛ ⲡⲁⲓⲕⲟⲥⲙⲟⲥ ⲟⲩⲟϩ ⲙ̀ⲙⲟⲛ ϩ̀ⲗⲓ ⲉϥⲟⲓ ⲛⲁⲧ̀ⲥ̀ⲙⲏ.	Ouon oumyṡ ǹṡlōl ǹs̀my xen paikosmos ouoh m̀mon h̀li efoi nat̀s̀my.	There are, it may be, so many kinds of sounds in the world, and none of them is without meaning.
14:11	ⲉϣⲱⲡ ⲁⲓϣⲧⲉⲙⲉⲙⲓ ⲉⲧϫⲟⲙ ⲛⲧⲉϯⲥⲙⲏ ϯⲛⲁϣⲱⲡⲓ ⲉⲓⲟⲓ ⲙⲃⲁⲣⲃⲁⲣⲟⲥ ⲛⲧⲟⲧϥ ⲙⲡⲉⲧⲥⲁϫⲓ ⲟⲩⲟϩ ⲡⲉⲧⲥⲁϫⲓ ⲛⲉⲙⲏⲓ ϥⲛⲁϣⲱⲡⲓ ⲉϥⲟⲓ ⲙⲃⲁⲣⲃⲁⲣⲟⲥ ⲛⲧⲟⲧ .	Ⲉϣⲱⲡ ⲁⲓϣⲧⲉⲙⲉⲙⲓ ⲉ̀ⲧ̀ϫⲟⲙ ⲛ̀ⲧⲉ ϯⲥ̀ⲙⲏ ϯⲛⲁϣⲱⲡⲓ ⲉⲓⲟⲓ ⲛ̀ⲃⲁⲣⲃⲁⲣⲟⲥ ⲛ̀ⲧⲟⲧϥ ⲛ̀ⲡⲉⲧⲥⲁϫⲓ ⲟⲩⲟϩ ⲡⲉⲧⲥⲁϫⲓ ⲛⲉⲙⲏⲓ ϥ̀ⲛⲁϣⲱⲡⲓ ⲉϥⲟⲓ ⲛ̀ⲃⲁⲣⲃⲁⲣⲟⲥ ⲛ̀ⲧⲟⲧ.	Eṡōp aiṡtememi èt̀gom ǹte tis̀my tinaṡōpi eioi ǹbarbaros ǹtotf ǹpetsaji ouoh petsaji nemyi f̀naṡōpi efoi ǹbarbaros ǹtot.	If then I don't know the meaning of the sound, I would be to him who speaks a foreigner, and he who speaks would be a foreigner to me.
14:12	ⲡⲁⲓⲣⲏϯ ⲛⲑⲱⲧⲉⲛ ϩⲱⲧⲉⲛ ⲉⲡⲓⲇⲏ ⲧⲉⲧⲉⲛⲟⲓ ⲛⲣⲉϥⲭⲟϩ ⲛⲛⲓⲡⲛⲁⲧⲓⲕⲟⲛ ⲉⲡⲕⲱⲧ ⲛⲧⲉϯⲉⲕⲕⲗⲏⲥⲓⲁ ⲕⲱϯ ϩⲓⲛⲁ ⲛⲧⲉⲧⲉⲛⲉⲣϩⲟⲩⲟ .	Ⲡⲁⲓⲣⲏϯ ⲛ̀ⲑⲱⲧⲉⲛ ϩⲱⲧⲉⲛ ⲉⲡⲓⲇⲏ ⲧⲉⲧⲉⲛⲟⲓ ⲛ̀ⲣⲉϥⲭⲟϩ ⲛ̀ⲛⲓⲡ̀ⲛⲁⲧⲓⲕⲟⲛ ⲉ̀ⲡ̀ⲕⲱⲧ ⲛ̀ⲧⲉ ϯⲉⲕⲕⲗⲏⲥⲓⲁ ⲕⲱϯ ϩⲓⲛⲁ ⲛ̀ⲧⲉⲧⲉⲛⲉⲣϩⲟⲩⲟ.	Pairyti ǹθōten hōten epiḋy tetenoi ǹrefkoh ǹnip̀natikon èp̀kōt ǹte tiekklysia kōti hina ǹtetenerhouo.	So also you, since you are zealous for spiritual gifts, seek that you may abound to the building up of the assembly.
14:13	ⲉⲑⲃⲉⲫⲁⲓ ⲡⲉⲧⲥⲁϫⲓ ϧⲉⲛⲫⲗⲁⲥ ⲙⲁⲣⲉϥⲧⲱⲃϩ ϩⲓⲛⲁ ⲛⲧⲉϥⲉⲣⲙⲉⲛⲉⲩⲓⲛ .	Ⲉⲑⲃⲉ ⲫⲁⲓ ⲡⲉⲧⲥⲁϫⲓ ϧⲉⲛ ⲫ̀ⲗⲁⲥ ⲙⲁⲣⲉϥⲧⲱⲃϩ ϩⲓⲛⲁ ⲛ̀ⲧⲉϥⲉⲣⲙⲉⲛⲉⲩⲓⲛ.	Eθve fai petsaji xen f̀las mareftōvh hina ǹtefermenevin.	Therefore let him who speaks in another language pray that he may interpret.
14:14	ⲉϣⲱⲡ ⲅⲁⲣ ⲁⲓϣⲁⲛⲧⲱⲃϩ ϧⲉⲛⲫⲗⲁⲥ ⲡⲁⲡⲛⲉⲩⲙⲁⲡⲉⲧⲧⲱⲃϩ ⲡⲁϩⲏⲧ ⲇⲉ ϥⲟⲓ ⲛⲁⲧⲟⲩⲧⲁϩ .	Ⲉϣⲱⲡ ⲅⲁⲣ ⲁⲓϣⲁⲛⲧⲱⲃϩ ϧⲉⲛ ⲫ̀ⲗⲁⲥ ⲡⲁⲡⲛⲉⲩⲙⲁⲡⲉⲧⲧⲱⲃϩ ⲡⲁϩⲏⲧ ⲇⲉ ϥ̀ⲟⲓ ⲛ̀ⲁⲧⲟⲩⲧⲁϩ.	Eṡōp ġar aiṡantōvh xen f̀las papnevmapettōvh pahyt ḋe f̀oi ǹatoutah.	For if I pray in another language, my spirit prays, but my understanding is unfruitful.
14:15	ⲟⲩ ϫⲉⲡⲉϯⲛⲁⲁⲓϥ ϯⲛⲁⲧⲱⲃϩ ϧⲉⲛⲡⲓⲡⲛⲉⲩⲙⲁϯⲛⲁⲧⲱⲃϩ ⲇⲉ ⲟⲛ ϧⲉⲛⲡⲓⲕⲉϩⲏⲧ ϯⲛⲁⲉⲣⲯⲁⲗⲓⲛ ϧⲉⲛⲡⲓⲡⲛⲉⲩⲙⲁϯⲛⲁⲉⲣⲯⲁⲗⲓⲛ ⲇⲉ ⲟⲛ ϧⲉⲛⲡⲓⲕⲉϩⲏⲧ .	Ⲟⲩ ϫⲉ ⲡⲉϯⲛⲁⲁⲓϥ ϯⲛⲁⲧⲱⲃϩ ϧⲉⲛ ⲡⲓⲡ̀ⲛⲉⲩⲙⲁϯⲛⲁⲧⲱⲃϩ ⲇⲉ ⲟⲛ ϧⲉⲛ ⲡⲓⲕⲉϩⲏⲧ ϯⲛⲁⲉⲣⲯⲁⲗⲓⲛ ϧⲉⲛ ⲡⲓⲡ̀ⲛⲉⲩⲙⲁϯⲛⲁⲉⲣⲯⲁⲗⲓⲛ ⲇⲉ ⲟⲛ ϧⲉⲛ ⲡⲓⲕⲉϩⲏⲧ.	Ou je petinaaif tinatōvh xen pip̀nevmatinatōvh ḋe on xen pikehyt tinaerpsalin xen pip̀nevmatinaerpsalin ḋe on xen pikehyt.	What is it then? I will pray with the spirit, and I will pray with the understanding also. I will sing with the spirit, and I will sing with the understanding also.
14:16	ⲓⲉ ⲙⲙⲟⲛ ⲁⲕϣⲁⲛⲥⲙⲟⲩ ϧⲉⲛⲡⲓⲡⲛⲉⲩⲙⲁⲡⲉⲧϫⲱⲕ ⲙⲫⲙⲁ ⲙⲡⲓⲓⲇⲓⲱⲧⲏⲥ ⲉⲃⲟⲗ ⲡⲱⲥ ϥⲛⲁϫⲉ ⲡⲓⲁⲙⲏⲛ ⲉϩⲣⲏⲓ ⲉϫⲉⲛⲡⲉⲕϣⲉⲡϩⲙⲟⲧ ⲉⲡⲓⲇⲏ ⲡⲉⲧⲉⲕϫⲱ ⲙⲙⲟϥ ϥⲉⲙⲓ ⲉⲣⲟϥ ⲁⲛ .	Ⲓⲉ ⲙ̀ⲙⲟⲛ ⲁⲕϣⲁⲛⲥ̀ⲙⲟⲩ ϧⲉⲛ ⲡⲓⲡ̀ⲛⲉⲩⲙⲁⲡⲉⲧϫⲱⲕ ⲛ̀ⲫ̀ⲙⲁ ⲛ̀ⲡⲓⲓⲇⲓⲱⲧⲏⲥ ⲉ̀ⲃⲟⲗ ⲡⲱⲥ ϥ̀ⲛⲁϫⲉ ⲡⲓⲁ̀ⲙⲏⲛ ⲉ̀ϩ̀ⲣⲏⲓ ⲉ̀ϫⲉⲛ ⲡⲉⲕϣⲉⲡϩ̀ⲙⲟⲧ ⲉⲡⲓⲇⲏ ⲡⲉⲧⲉⲕϫⲱ ⲙ̀ⲙⲟϥ ϥ̀ⲉⲙⲓ ⲉ̀ⲣⲟϥ ⲁⲛ.	Ie m̀mon akṡans̀mou xen pip̀nevmapetgōk ǹf̀ma ǹpiiḋiōtys èvol pōs f̀naje piàmyn èh̀ryi èjen pekṡeph̀mot epiḋy petekgō m̀mof f̀emi èrof an.	Otherwise if you bless with the spirit, how will he who fills the place of the unlearned say the 'Amen' at your giving of thanks, seeing he doesn't know what you say?
14:17	ⲛⲑⲟⲕ ⲅⲁⲣ ⲙⲉⲛ ⲕⲁⲗⲱⲥ ⲕϣⲉⲡϩⲙⲟⲧ ⲁⲗⲗⲁ ⲡⲓⲕⲉⲟⲩⲁⲓ ϥⲕⲏⲧ ⲁⲛ .	Ⲛ̀ⲑⲟⲕ ⲅⲁⲣ ⲙⲉⲛ ⲕⲁⲗⲱⲥ ⲕ̀ϣⲉⲡϩⲙⲟⲧ ⲁⲗⲗⲁ ⲡⲓⲕⲉⲟⲩⲁⲓ ϥ̀ⲕⲏⲧ ⲁⲛ.	Ǹθok ġar men kalōs k̀ṡephmot alla pikeouai f̀kyt an.	For you most certainly give thanks well, but the other person is not built up.
14:18	ϯϣⲉⲡϩⲙⲟⲧ ⲛⲧⲉⲛⲫⲛⲟⲩϯ ϫⲉϯⲥⲁϫⲓ ϧⲉⲛⲫⲗⲁⲥ ⲙⲁⲗⲗⲟⲛ ⲉϩⲟⲧⲉⲣⲱⲧⲉⲛ ⲧⲏⲣⲟⲩ .	Ϯϣⲉⲡϩ̀ⲙⲟⲧ ⲛ̀ⲧⲉⲛ ⲫ̀ⲛⲟⲩϯ ϫⲉ ϯⲥⲁϫⲓ ϧⲉⲛ ⲫ̀ⲗⲁⲥ ⲙⲁⲗⲗⲟⲛ ⲉ̀ϩⲟⲧⲉⲣⲱⲧⲉⲛ ⲧⲏⲣⲟⲩ.	Tiṡeph̀mot ǹten f̀nouti je tisaji xen f̀las mallon èhoterōten tyrou.	I thank my God, I speak with other languages more than you all.
14:19	ⲁⲗⲗⲁ ϯⲟⲩⲱϣ ⲉϫⲉ ⲉⲛⲥⲁϫⲓ ϧⲉⲛⲡⲁⲕⲁϯ ϧⲉⲛϯⲉⲕⲕⲗⲏⲥⲓⲁ ϩⲓⲛⲁ ⲛⲧⲁⲉⲣⲕⲁⲧⲏⲭⲓⲛ ⲛϩⲁⲛⲕⲉⲭⲱⲟⲩⲛⲓ ⲉϩⲟⲧⲉ ⲟⲩⲑⲃⲁ ⲛⲥⲁϫⲓ ϧⲉⲛⲫⲗⲁⲥ .	Ⲁⲗⲗⲁ ϯⲟⲩⲱϣ ⲉ̀ϫⲉ ⲉ̀ⲛ̀ⲥⲁϫⲓ ϧⲉⲛ ⲡⲁⲕⲁϯ ϧⲉⲛ ϯⲉⲕⲕⲗⲏⲥⲓⲁ ϩⲓⲛⲁ ⲛ̀ⲧⲁⲉⲣⲕⲁⲧⲏⲭⲓⲛ ⲛ̀ϩⲁⲛⲕⲉⲭⲱⲟⲩⲛⲓ ⲉ̀ϩⲟⲧⲉ ⲟⲩⲑⲃⲁ ⲛ̀ⲥⲁϫⲓ ϧⲉⲛ ⲫ̀ⲗⲁⲥ.	Alla tiouōṡ èje èǹsaji xen pakati xen tiekklysia hina ǹtaerkatyṡin ǹhankekōouni èhote ouθva ǹsaji xen f̀las.	However in the assembly I would rather speak five words with my understanding, that I might instruct others also, than ten thousand words in another language.
14:20	ⲛⲁⲥⲛⲏⲟⲩ ⲙⲡⲉⲣⲉⲣⲁⲗⲟⲩ ϧⲉⲛⲛⲉⲧⲉⲛⲕⲁϯ ⲁⲗⲗⲁ ⲁⲣⲓⲁⲗⲟⲩ ϧⲉⲛϯⲕⲁⲕⲓⲁ ⲛϩⲣⲏⲓ ⲇⲉ ϧⲉⲛⲛⲉⲧⲉⲛⲕⲁϯ ϣⲱⲡⲓ ⲉⲣⲉⲧⲉⲛϫⲏ ϫⲉⲃⲟⲗ .	Ⲛⲁⲥ̀ⲛⲏⲟⲩ ⲙ̀ⲡⲉⲣⲉⲣⲁⲗⲟⲩ ϧⲉⲛ ⲛⲉⲧⲉⲛⲕⲁϯ ⲁⲗⲗⲁ ⲁⲣⲓⲁⲗⲟⲩ ϧⲉⲛ ϯⲕⲁⲕⲓⲁ ⲛ̀ϩ̀ⲣⲏⲓ ⲇⲉ ϧⲉⲛ ⲛⲉⲧⲉⲛⲕⲁϯ ϣⲱⲡⲓ ⲉ̀ⲣⲉⲧⲉⲛϫⲏ ϫⲉ ⲃⲟⲗ.	Nas̀nyou m̀pereralou xen netenkati alla arialou xen tikakia ǹh̀ryi ḋe xen netenkati ṡōpi èretenjy je vol.	Brothers, don't be children in thoughts, yet in malice be babies, but in thoughts be mature.
14:21	ⲥⲥϧⲏⲟⲩⲧ ⲅⲁⲣ ϩⲓⲫⲛⲟⲙⲟⲥ ϫⲉϧⲉⲛϩⲁⲛⲕⲉⲗⲁⲥ ⲛⲉⲙϩⲁⲛⲕⲉⲥⲫⲟⲧⲟⲩ ϯⲛⲁⲥⲁϫⲓ ⲛⲉⲙⲡⲁⲓⲗⲁⲟⲥ ⲟⲩⲟϩ ⲡⲁⲓⲣⲏϯ ⲟⲛ ⲛⲛⲟⲩⲥⲱⲧⲉⲙ ⲛⲥⲱⲓ ⲡⲉϫⲉ ⲡϭⲟⲓⲥ .	Ⲥ̀ⲥ̀ϧⲏⲟⲩⲧ ⲅⲁⲣ ϩⲓ ⲫ̀ⲛⲟⲙⲟⲥ ϫⲉ ϧⲉⲛ ϩⲁⲛⲕⲉⲗⲁⲥ ⲛⲉⲙ ϩⲁⲛⲕⲉⲥ̀ⲫⲟⲧⲟⲩ ϯⲛⲁⲥⲁϫⲓ ⲛⲉⲙ ⲡⲁⲓⲗⲁⲟⲥ ⲟⲩⲟϩ ⲡⲁⲓⲣⲏϯ ⲟⲛ ⲛⲛⲟⲩⲥⲱⲧⲉⲙ ⲛ̀ⲥⲱⲓ ⲡⲉϫⲉ ⲡ̀ϭⲟⲓⲥ.	S̀s̀xyout ġar hi f̀nomos je xen hankelas nem hankes̀fotou tinasaji nem pailaos ouoh pairyti on nnousōtem ǹsōi peje p̀ċois.	In the law it is written, 'By men of strange languages and by the lips of strangers I will speak to this people. Not even thus will they hear me, says the Lord.'
14:22	ϩⲱⲥⲧⲉ ⲛⲓⲗⲁⲥ ⲛⲁⲩⲭⲏ ⲉⲩⲙⲏⲓⲛⲓ ⲛⲛⲏ ⲉⲑⲛⲁϩϯ ⲁⲛ ⲁⲗⲗⲁ ⲛⲓⲁⲑⲛⲁϩϯ ϯⲡⲣⲟⲫⲏⲧⲓⲁ ⲇⲉ ⲛⲁⲥⲭⲏ ⲛⲛⲓⲁⲑⲛⲁϩϯ ⲁⲛ ⲁⲗⲗⲁ ⲛⲏ ⲉⲑⲛⲁϩϯ .	Ϩⲱⲥⲧⲉ ⲛⲓⲗⲁⲥ ⲛⲁⲩⲭⲏ ⲉⲩⲙⲏⲓⲛⲓ ⲛ̀ⲛⲏ ⲉⲑⲛⲁϩϯ ⲁⲛ ⲁⲗⲗⲁ ⲛⲓⲁⲑⲛⲁϩϯ ϯⲡ̀ⲣⲟⲫⲏⲧⲓⲁ ⲇⲉ ⲛⲁⲥⲭⲏ ⲛ̀ⲛⲓⲁⲑⲛⲁϩϯ ⲁⲛ ⲁⲗⲗⲁ ⲛⲏ ⲉⲑⲛⲁϩϯ.	Hōste nilas navky evmyini ǹny eθnahti an alla niaθnahti tip̀rofytia ḋe nasky ǹniaθnahti an alla ny eθnahti.	Therefore other languages are for a sign, not to those who believe, but to the unbelieving; but prophesying is for a sign, not to the unbelieving, but to those who believe.
14:23	ⲉϣⲱⲡ ⲟⲩⲛ ⲁⲥϣⲁⲛⲓ ⲉⲩⲙⲁ ⲛϫⲉϯⲉⲕⲕⲗⲏⲥⲓⲁ ⲧⲏⲣⲥ ⲟⲩⲟϩ ⲛⲥⲉⲥⲁϫⲓ ⲧⲏⲣⲟⲩ ϧⲉⲛϩⲁⲛⲗⲁⲥ ⲛⲥⲉⲓ ⲇⲉ ⲉϧⲟⲩⲛ ⲛϫⲉϩⲁⲛⲓⲇⲓⲱⲧⲏⲥ ⲓⲉ ϩⲁⲛⲁⲑⲛⲁϩϯ ⲙⲏ ⲥⲉⲛⲁϫⲟⲥ ⲁⲛ ϫⲉⲁⲣⲉ ⲛⲁⲓ ⲗⲟⲃⲓ .	Ⲉϣⲱⲡ ⲟⲩⲛ ⲁⲥϣⲁⲛⲓ ⲉⲩⲙⲁ ⲛ̀ϫⲉ ϯⲉⲕⲕⲗⲏⲥⲓⲁ ⲧⲏⲣⲥ ⲟⲩⲟϩ ⲛ̀ⲧⲟⲩⲥⲁϫⲓ ⲧⲏⲣⲟⲩ ϧⲉⲛ ϩⲁⲛⲗⲁⲥ ⲛ̀ⲥⲓ ⲇⲉ ⲉ̀ϧⲟⲩⲛ ⲛ̀ϫⲉ ϩⲁⲛⲓⲇⲓⲱⲧⲏⲥ ⲓⲉ ϩⲁⲛⲁⲑⲛⲁϩϯ ⲙⲏ ⲥⲉⲛⲁϫⲟⲥ ⲁⲛ ϫⲉ ⲁⲣⲉ ⲛⲁⲓ ⲗⲟⲃⲓ.	Eṡōp oun asṡani evma ǹje tiekklysia tyrs ouoh ǹtousaji tyrou xen hanlas ǹsi ḋe èxoun ǹje haniḋiōtys ie hanaθnahti my senagos an je are nai lovi.	If therefore the whole assembly is assembled together and all speak with other languages, and unlearned or unbelieving people come in, won't they say that you are crazy?
14:24	ⲉϣⲱⲡ ⲇⲉ ⲉⲩⲉⲣⲡⲣⲟⲫⲏⲧⲉⲩⲓⲛ ⲧⲏⲣⲟⲩ ⲛⲧⲉϥⲓ ⲇⲉ ⲉϧⲟⲩⲛ ⲛϫⲉⲟⲩⲁⲑⲛⲁϩϯ ⲓⲉ ⲟⲩⲓⲇⲓⲱⲧⲏⲥ ⲥⲉⲛⲁⲥⲁϩⲱϥ ⲛϫⲉⲟⲩⲟⲛ ⲛⲓⲃⲉⲛ ⲥⲉⲛⲁϧⲉⲧϧⲱⲧϥ ⲛϫⲉⲟⲩⲟⲛ ⲛⲓⲃⲉⲛ .	Ⲉϣⲱⲡ ⲇⲉ ⲉⲩⲉⲣⲡⲣⲟⲫⲏⲧⲉⲩⲓⲛ ⲧⲏⲣⲟⲩ ⲛ̀ⲧⲉϥⲓ ⲇⲉ ⲉ̀ϧⲟⲩⲛ ⲛ̀ϫⲉ ⲟⲩⲁⲑⲛⲁϩϯ ⲓⲉ ⲟⲩⲓⲇⲓⲱⲧⲏⲥ ⲥⲉⲛⲁⲥⲁϩⲱϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲥⲉⲛⲁϧⲉⲧϧⲱⲧϥ ⲛ̀ϫⲉ ⲟⲩⲟⲛ ⲛⲓⲃⲉⲛ.	Eṡōp ḋe everprofytevin tyrou ǹtefi ḋe èxoun ǹje ouaθnahti ie ouiḋiōtys senasahōf ǹje ouon niven senaxetxōtf ǹje ouon niven.	But if all prophesy, and someone unbelieving or unlearned comes in, he is reproved by all, and he is judged by all.
14:25	ⲛⲏ ⲉⲧϩⲏⲡ ⲛⲧⲉⲡⲉϥϩⲏⲧ ⲥⲉⲛⲁⲟⲩⲟⲛϩ ⲉⲃⲟⲗ ⲟⲩⲟϩ ⲡⲁⲓⲣⲏϯ ϥⲛⲁϩⲓⲧϥ ⲉϫⲉⲛⲡⲉϥϩⲟ ⲛⲧⲉϥⲟⲩⲱϣⲧ ⲙⲫⲛⲟⲩϯ ⲉϥⲟⲩⲱⲛϩ ⲉⲃⲟⲗ ϫⲉⲟⲛⲧⲱⲥ ⲫⲛⲟⲩϯ ϣⲟⲡ ϧⲉⲛⲑⲏⲛⲟⲩ .	Ⲛⲏ ⲉⲧϩⲏⲡ ⲛ̀ⲧⲉ ⲡⲉϥϩⲏⲧ ⲥⲉⲛⲁⲟⲩⲟⲛϩ ⲉ̀ⲃⲟⲗ ⲟⲩⲟϩ ⲡⲁⲓⲣⲏϯ ϥ̀ⲛⲁϩⲓⲧϥ ⲉ̀ϫⲉⲛ ⲡⲉϥϩⲟ ⲛ̀ⲧⲉϥⲟⲩⲱϣⲧ ⲛ̀ⲫ̀ⲛⲟⲩϯ ⲉϥⲟⲩⲱⲛϩ ⲉ̀ⲃⲟⲗ ϫⲉ ⲟⲛⲧⲱⲥ ⲫ̀ⲛⲟⲩϯ ϣⲟⲡ ϧⲉⲛ ⲑⲏⲛⲟⲩ.	Ny et·hyp ǹte pefhyt senaouonh èvol ouoh pairyti f̀nahitf èjen pefho ǹtefouōṡt ǹf̀nouti efouōnh èvol je ontōs f̀nouti ṡop xen θynou.	And thus the secrets of his heart are revealed. So he will fall down on his face and worship God, declaring that God is among you indeed.
14:26	ⲟⲩ ϫⲉⲡⲉ ⲛⲁⲥⲛⲏⲟⲩ ⲉϣⲱⲡ ⲁⲣⲉⲧⲉⲛϣⲁⲛⲑⲱⲟⲩϯ ⲡⲓⲟⲩⲁⲓ ⲡⲓⲟⲩⲁⲓ ⲟⲩⲟⲛⲧⲁϥ ⲛⲟⲩⲯⲁⲗⲙⲟⲥ ⲙⲙⲁⲩ ⲟⲩⲟⲛⲧⲁϥ ⲛⲟⲩⲥⲃⲱ ⲟⲩⲟⲛⲧⲁϥ ⲛⲟⲩϭⲱⲣⲡ ⲉⲃⲟⲗ ⲟⲩⲟⲛⲧⲁϥ ⲛⲟⲩⲁⲥⲡⲓ ⲛⲗⲁⲥ ⲟⲩⲟⲛⲧⲁϥ ⲛⲟⲩⲉⲣⲙⲏⲛⲓⲁ ϩⲱⲃ ⲛⲓⲃⲉⲛ ⲙⲁⲣⲟⲩϣⲱⲡⲓ ϧⲉⲛⲟⲩⲕⲱⲧ .	Ⲟⲩ ϫⲉ ⲡⲉ ⲛⲁⲥ̀ⲛⲏⲟⲩ ⲉϣⲱⲡ ⲁⲣⲉⲧⲉⲛϣⲁⲛⲑⲱⲟⲩϯ ⲡⲓⲟⲩⲁⲓ ⲡⲓⲟⲩⲁⲓ ⲟⲩⲟⲛⲧⲁϥ ⲛ̀ⲟⲩⲯⲁⲗⲙⲟⲥ ⲙ̀ⲙⲁⲩ ⲟⲩⲟⲛⲧⲁϥ ⲛ̀ⲟⲩⲥ̀ⲃⲱ ⲟⲩⲟⲛⲧⲁϥ ⲛ̀ⲟⲩϭⲱⲣⲡ ⲉ̀ⲃⲟⲗ ⲟⲩⲟⲛⲧⲁϥ ⲛ̀ⲟⲩⲁⲥⲡⲓ ⲛ̀ⲗⲁⲥ ⲟⲩⲟⲛⲧⲁϥ ⲛ̀ⲟⲩⲉⲣⲙⲏⲛⲓⲁ ϩⲱⲃ ⲛⲓⲃⲉⲛ ⲙⲁⲣⲟⲩϣⲱⲡⲓ ϧⲉⲛ ⲟⲩⲕⲱⲧ.	Ou je pe nas̀nyou eṡōp aretenṡanθōouti piouai piouai ouontaf ǹoupsalmos m̀mav ouontaf ǹous̀vō ouontaf ǹouċōrp èvol ouontaf ǹouaspi ǹlas ouontaf ǹouermynia hōb niven marouṡōpi xen oukōt.	What is it then, brothers? When you come together, each one of you has a psalm, has a teaching, has a revelation, has another language, has an interpretation. Let all things be done to build each other up.
14:27	ⲓⲧⲉ ⲡⲉⲧⲥⲁϫⲓ ϧⲉⲛⲫⲗⲁⲥ ⲕⲁⲧⲁⲃⲃ ⲓⲉ ⲡⲓϩⲟⲩⲟ ⲅⲟⲩⲟϩ ⲟⲩⲙⲉⲣⲟⲥ ⲉⲫⲟⲩⲁⲓ ⲟⲩⲟϩ ⲙⲁⲣⲉ ⲟⲩⲁⲓ ⲉⲣⲙⲉⲛⲉⲩⲓⲛ .	Ⲓⲧⲉ ⲡⲉⲧⲥⲁϫⲓ ϧⲉⲛ ⲫ̀ⲗⲁⲥ ⲕⲁⲧⲁ ⲃⲃ ⲓⲉ ⲡⲓϩⲟⲩⲟ̀ ⲅ ⲟⲩⲟϩ ⲟⲩⲙⲉⲣⲟⲥ ⲉ̀ⲫ̀ⲟⲩⲁⲓ ⲟⲩⲟϩ ⲙⲁⲣⲉ ⲟⲩⲁⲓ ⲉⲣⲙⲉⲛⲉⲩⲓⲛ.	Ite petsaji xen f̀las kata vv ie pihouò ġ ouoh oumeros èf̀ouai ouoh mare ouai ermenevin.	If any man speaks in another language, let it be two, or at the most three, and in turn; and let one interpret.
14:28	ⲉϣⲱⲡ ⲇⲉ ⲛⲟⲩⲉⲣⲙⲉⲛⲉⲩⲧⲏⲥ ⲁⲛ ⲡⲉ ⲙⲁⲣⲉϥⲭⲁⲣⲱϥ ϧⲉⲛϯⲉⲕⲕⲗⲏⲥⲓⲁ ⲙⲁⲣⲉϥⲥⲁϫⲓ ⲇⲉ ⲟⲩⲧⲱϥ ⲛⲉⲙⲫⲛⲟⲩϯ .	Ⲉϣⲱⲡ ⲇⲉ ⲛ̀ⲟⲩⲉⲣⲙⲉⲛⲉⲩⲧⲏⲥ ⲁⲛ ⲡⲉ ⲙⲁⲣⲉϥⲭⲁⲣⲱϥ ϧⲉⲛ ϯⲉⲕⲕⲗⲏⲥⲓⲁ ⲙⲁⲣⲉϥⲥⲁϫⲓ ⲇⲉ ⲟⲩⲧⲱϥ ⲛⲉⲙ ⲫ̀ⲛⲟⲩϯ.	Eṡōp ḋe ǹouermenevtys an pe marefkarōf xen tiekklysia marefsaji ḋe outōf nem f̀nouti.	But if there is no interpreter, let him keep silent in the assembly, and let him speak to himself, and to God.
14:29	ⲡⲣⲟⲫⲏⲧⲏⲥ ⲇⲉ ⲃⲓⲉ ⲅⲙⲁⲣⲟⲩⲥⲁϫⲓ ⲟⲩⲟϩ ⲛⲓⲕⲉⲭⲱⲟⲩⲛⲓ ⲙⲁⲣⲟⲩⲉⲣⲇⲓⲁⲕⲣⲓⲛⲓⲛ .	Ⲡ̀ⲣⲟⲫⲏⲧⲏⲥ ⲇⲉ ⲃ ⲓⲉ ⲅⲙⲁⲣⲟⲩⲥⲁϫⲓ ⲟⲩⲟϩ ⲛⲓⲕⲉⲭⲱⲟⲩⲛⲓ ⲙⲁⲣⲟⲩⲉⲣⲇⲓⲁⲕⲣⲓⲛⲓⲛ.	P̀rofytys ḋe v ie ġmarousaji ouoh nikekōouni marouerḋiakrinin.	Let the prophets speak, two or three, and let the others discern.
14:30	ⲉϣⲱⲡ ⲇⲉ ⲁⲣⲉϣⲁⲛ ⲟⲩϭⲱⲣⲡ ⲉⲃⲟⲗ ϣⲱⲡⲓ ϧⲉⲛⲕⲉⲟⲩⲁⲓ ⲉϥϩⲉⲙⲥⲓ ⲡⲓϩⲟⲩⲓⲧ ⲙⲁⲣⲉϥⲭⲁⲣⲟϥ .	Ⲉϣⲱⲡ ⲇⲉ ⲁⲣⲉϣⲁⲛ ⲟⲩϭⲱⲣⲡ ⲉ̀ⲃⲟⲗ ϣⲱⲡⲓ ϧⲉⲛ ⲕⲉⲟⲩⲁⲓ ⲉϥϩⲉⲙⲥⲓ ⲡⲓϩⲟⲩⲓⲧ ⲙⲁⲣⲉϥⲭⲁⲣⲟϥ.	Eṡōp ḋe areṡan ouċōrp èvol ṡōpi xen keouai efhemsi pihouit marefkarof.	But if a revelation is made to another sitting by, let the first keep silent.
14:31	ⲟⲩⲟⲛ ϣϫⲟⲙ ⲅⲁⲣ ⲙⲙⲱⲧⲉⲛ ⲕⲁⲧⲁⲟⲩⲁⲓ ⲟⲩⲁⲓ ⲉⲉⲣⲡⲣⲟⲫⲏⲧⲉⲩⲓⲛ ⲧⲏⲣⲟⲩ ϩⲓⲛⲁ ⲛⲥⲉϭⲓⲥⲃⲱ ⲧⲏⲣⲟⲩ ⲟⲩⲟϩ ⲛⲥⲉϫⲉⲙⲛⲟⲙϯ ⲧⲏⲣⲟⲩ .	Ⲟⲩⲟⲛ ϣ̀ϫⲟⲙ ⲅⲁⲣ ⲙ̀ⲙⲱⲧⲉⲛ ⲕⲁⲧⲁ ⲟⲩⲁⲓ ⲟⲩⲁⲓ ⲉⲉⲣⲡⲣⲟⲫⲏⲧⲉⲩⲓⲛ ⲧⲏⲣⲟⲩ ϩⲓⲛⲁ ⲛ̀ⲧⲟⲩϭⲓⲥⲃⲱ ⲧⲏⲣⲟⲩ ⲟⲩⲟϩ ⲛ̀ⲧⲟⲩϫⲉⲙⲛⲟⲙϯ ⲧⲏⲣⲟⲩ.	Ouon ṡ̀gom ġar m̀mōten kata ouai ouai eerprofytevin tyrou hina ǹtouċisvō tyrou ouoh ǹtoujemnomti tyrou.	For you all can prophesy one by one, that all may learn, and all may be exhorted.
14:32	ⲛⲓⲡⲛⲉⲩⲙⲁⲛⲧⲉⲛⲓⲡⲣⲟⲫⲏⲧⲏⲥ ϣⲁⲩϭⲛⲉϫⲱⲟⲩ ⲛⲛⲓⲡⲣⲟⲫⲏⲧⲏⲥ .	Ⲛⲓⲡⲛⲉⲩⲙⲁⲛⲧⲉⲛⲓⲡ̀ⲣⲟⲫⲏⲧⲏⲥ ϣⲁⲩϭⲛⲉϫⲱⲟⲩ ⲛ̀ⲛⲓⲡⲣⲟⲫⲏⲧⲏⲥ.	Nipnevmantenip̀rofytys ṡavċnegōou ǹniprofytys.	The spirits of the prophets are subject to the prophets,
14:33	ⲫⲛⲟⲩϯ ⲅⲁⲣ ⲫⲁ ⲫⲱⲣϫ ⲁⲛ ⲡⲉ ⲁⲗⲗⲁ ⲫⲁ ⲧϩⲓⲣⲏⲛⲏ ⲡⲉ ⲙⲫⲣⲏϯ ⲉⲧϣⲟⲡ ϧⲉⲛⲛⲓⲉⲕⲕⲗⲏⲥⲓⲁ ⲧⲏⲣⲟⲩ ⲛⲧⲉⲛⲏ ⲉⲑⲟⲩⲁⲃ .	Ⲫ̀ⲛⲟⲩϯ ⲅⲁⲣ ⲫⲁ ⲫⲱⲣϫ ⲁⲛ ⲡⲉ ⲁⲗⲗⲁ ⲫⲁ ⲧ̀ϩⲓⲣⲏⲛⲏ ⲡⲉ ⲛ̀ⲫ̀ⲣⲏϯ ⲉⲧϣⲟⲡ ϧⲉⲛ ⲛⲓⲉⲕⲕⲗⲏⲥⲓⲁ ⲧⲏⲣⲟⲩ ⲛ̀ⲧⲉ ⲛⲏ ⲉⲑⲟⲩⲁⲃ.	F̀nouti ġar fa fōrg an pe alla fa t̀·hiryny pe ǹf̀ryti etṡop xen niekklysia tyrou ǹte ny eθouab.	for God is not a God of confusion, but of peace. As in all the assemblies of the saints,
14:34	ⲛⲓϩⲓⲟⲙⲓ ⲙⲁⲣⲟⲩⲭⲁⲣⲱⲟⲩ ϧⲉⲛϯⲉⲕⲕⲗⲏ ⲥⲓⲁ ⲛⲥⲉⲟⲩⲁϩⲥⲁϩⲛⲓ ⲛⲱⲟⲩ ⲁⲛ ⲉⲥⲁϫⲓ ⲁⲗⲗⲁ ⲙⲁⲣⲟⲩϭⲛⲉϫⲱⲟⲩ ⲕⲁⲧⲁⲫⲣⲏϯ ⲉⲧⲉⲡⲓⲕⲉⲛⲟⲙⲟⲥ ϫⲱ ⲙⲙⲟⲥ .	Ⲛⲓϩⲓⲟⲙⲓ ⲙⲁⲣⲟⲩⲭⲁⲣⲱⲟⲩ ϧⲉⲛ ϯⲉⲕⲕⲗⲏ ⲥⲓⲁ ⲛ̀ⲧⲟⲩⲟⲩⲁϩⲥⲁϩⲛⲓ ⲛⲱⲟⲩ ⲁⲛ ⲉ̀ⲥⲁϫⲓ ⲁⲗⲗⲁ ⲙⲁⲣⲟⲩϭⲛⲉϫⲱⲟⲩ ⲕⲁⲧⲁ ⲫ̀ⲣⲏϯ ⲉ̀ⲧⲉ ⲡⲓⲕⲉⲛⲟⲙⲟⲥ ϫⲱ ⲙ̀ⲙⲟⲥ.	Nihiomi maroukarōou xen tiekkly sia ǹtououahsahni nōou an èsaji alla marouċnegōou kata f̀ryti ète pikenomos gō m̀mos.	let your wives keep silent in the assemblies, for it has not been permitted for them to speak; but let them be in subjection, as the law also says.
14:35	ⲓⲥϫⲉ ⲇⲉ ⲥⲉⲟⲩⲱϣ ⲉⲉⲙⲓ ⲉⲟⲩϩⲱⲃ ⲙⲁⲣⲟⲩϣⲉⲛ ⲛⲟⲩⲣⲱⲙⲓ ϧⲉⲛⲛⲟⲩⲏⲓ ⲟⲩϣⲱϣ ⲅⲁⲣ ⲡⲉ ⲛⲟⲩⲥϩⲓⲙⲓ ⲉⲥⲁϫⲓ ϧⲉⲛϯⲉⲕⲕⲗⲏⲥⲓⲁ .	Ⲓⲥϫⲉ ⲇⲉ ⲥⲉⲟⲩⲱϣ ⲉⲉⲙⲓ ⲉ̀ⲟⲩϩⲱⲃ ⲙⲁⲣⲟⲩϣⲉⲛ ⲛ̀ⲟⲩⲣⲱⲙⲓ ϧⲉⲛ ⲛⲟⲩⲏⲓ ⲟⲩϣⲱϣ ⲅⲁⲣ ⲡⲉ ⲛ̀ⲟⲩⲥ̀ϩⲓⲙⲓ ⲉ̀ⲥⲁϫⲓ ϧⲉⲛ ϯⲉⲕⲕⲗⲏⲥⲓⲁ.	Isje ḋe seouōṡ eemi èouhōb marouṡen ǹourōmi xen nouyi ouṡōṡ ġar pe ǹous̀·himi èsaji xen tiekklysia.	If they desire to learn anything, let them ask their own husbands at home, for it is shameful for a woman to chatter in the assembly.
14:36	ϣⲁⲛ ⲉⲧⲁ ⲡⲥⲁϫⲓ ⲙⲫⲛⲟⲩϯ ⲓⲉⲃⲟⲗ ϧⲉⲛⲑⲏⲛⲟⲩ ϣⲁⲛ ⲉⲧⲁϥⲫⲟϩ ⲉⲣⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ .	Ϣⲁⲛ ⲉ̀ⲧⲁ ⲡ̀ⲥⲁϫⲓ ⲛ̀ⲫ̀ⲛⲟⲩϯ ⲓⲉⲃⲟⲗ ϧⲉⲛ ⲑⲏⲛⲟⲩ ϣⲁⲛ ⲉ̀ⲧⲁϥⲫⲟϩ ⲉⲣⲱⲧⲉⲛ ⲙⲙⲁⲩⲁⲧⲉⲛ ⲑⲏⲛⲟⲩ.	Ṡan èta p̀·saji ǹf̀nouti ievol xen θynou ṡan ètaffoh erōten mmavaten θynou.	What? Was it from you that the word of God went out? Or did it come to you alone?
14:37	ⲓⲥϫⲉ ⲟⲩⲟⲛ ⲟⲩⲁⲓ ⲉϥⲙⲉⲩⲓ ⲉⲣⲟϥ ϫⲉⲟⲩⲡⲣⲟⲫⲏⲧⲏⲥ ⲡⲉ ⲓⲉ ⲟⲩⲡⲛⲁⲧⲓⲕⲟⲥ ⲡⲉ ⲙⲁⲣⲉϥⲉⲙⲓ ⲉⲛⲏ ⲉϯⲥϧⲁⲓ ⲙⲙⲱⲟⲩ ⲛⲱⲧⲉⲛ ϫⲉⲟⲩⲉⲛⲧⲟⲗⲏ ⲛⲧⲉⲡϭⲟⲓⲥ ⲧⲉ .	Ⲓⲥϫⲉ ⲟⲩⲟⲛ ⲟⲩⲁⲓ ⲉϥⲙⲉⲩⲓ ⲉ̀ⲣⲟϥ ϫⲉ ⲟⲩⲡ̀ⲣⲟⲫⲏⲧⲏⲥ ⲡⲉ ⲓⲉ ⲟⲩⲡ̀ⲛⲁⲧⲓⲕⲟⲥ ⲡⲉ ⲙⲁⲣⲉϥⲉⲙⲓ ⲉ̀ⲛⲏ ⲉⲓⲥ̀ϧⲁⲓ ⲙ̀ⲙⲱⲟⲩ ⲛⲱⲧⲉⲛ ϫⲉ ⲟⲩⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲧⲉ.	Isje ouon ouai efmevi èrof je oup̀rofytys pe ie oup̀natikos pe marefemi èny eis̀xai m̀mōou nōten je ouentoly ǹte p̀ċois te.	If any man thinks himself to be a prophet, or spiritual, let him recognize the things which I write to you, that they are the commandment of the Lord.
14:38	ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ⲉϥⲟⲓ ⲛⲁⲧⲉⲙⲓ ⲥⲉⲟⲓ ⲛⲁⲧⲉⲙⲓ ⲉⲣⲟϥ .	Ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ⲉϥⲟⲓ ⲛ̀ⲁⲧⲉⲙⲓ ⲥⲉⲟⲓ ⲛ̀ⲁⲧⲉⲙⲓ ⲉ̀ⲣⲟϥ.	Isje ḋe ouon ouai efoi ǹatemi seoi ǹatemi èrof.	But if anyone is ignorant, let him be ignorant.
14:39	ϩⲱⲥⲧⲉ ⲛⲁⲥⲛⲏⲟⲩ ⲭⲟϩ ⲉⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ⲙⲡⲉⲣⲧⲁϩⲛⲟ ⲉⲥⲁϫⲓ ϧⲉⲛϩⲁⲛⲗⲁⲥ .	Ϩⲱⲥⲧⲉ ⲛⲁⲥ̀ⲛⲏⲟⲩ ⲭⲟϩ ⲉⲉⲣⲡⲣⲟⲫⲏⲧⲉⲩⲓⲛ ⲟⲩⲟϩ ⲙ̀ⲡⲉⲣⲧⲁϩⲛⲟ ⲉ̀ⲥⲁϫⲓ ϧⲉⲛ ϩⲁⲛⲗⲁⲥ.	Hōste nas̀nyou koh eerprofytevin ouoh m̀pertahno èsaji xen hanlas.	Therefore, brothers, desire earnestly to prophesy, and don't forbid speaking with other languages.
14:40	ϩⲱⲃ ⲇⲉ ⲛⲓⲃⲉⲛ ⲙⲁⲣⲟⲩϣⲱⲡⲓ ⲉⲩⲕⲱⲧ ⲟⲩⲟϩ ⲉⲩⲑⲏϣ .	Ϩⲱⲃ ⲇⲉ ⲛⲓⲃⲉⲛ ⲙⲁⲣⲟⲩϣⲱⲡⲓ ⲉⲩⲕⲱⲧ ⲟⲩⲟϩ ⲉⲩⲑⲏϣ.	Hōb ḋe niven marouṡōpi evkōt ouoh evθyṡ.	Let all things be done decently and in order.

Provenance

title: 07_I Corinthians_14
dialect: bohairic
source: Coptic SCRIPTORIUM corpus "bohairic.nt", document 07_I_Corinthians_14
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 07_I Corinthians_14 from Coptic SCRIPTORIUM (https://copticscriptorium.org), corpus bohairic.nt, document 07_I_Corinthians_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/I Corinthians/14.bohairic.scriptorium.L0.txt
title: 07_I Corinthians_14 — Cairene
dialect: bohairic
source: generated from 14.bohairic.scriptorium.L0.txt (Coptic SCRIPTORIUM corpus "bohairic.nt", document 07_I_Corinthians_14)
licence: CC BY-SA 4.0
share: attribution
attribution: 07_I Corinthians_14 from Coptic SCRIPTORIUM (https://copticscriptorium.org), corpus bohairic.nt, document 07_I_Corinthians_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/I Corinthians/14.bohairic.scriptorium.L1.txt
title: 07_I Corinthians_14 — Kemetic
dialect: bohairic
source: generated from 14.bohairic.scriptorium.L1.txt
licence: CC BY-SA 4.0
share: attribution
attribution: 07_I Corinthians_14 from Coptic SCRIPTORIUM (https://copticscriptorium.org), corpus bohairic.nt, document 07_I_Corinthians_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/I Corinthians/14.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 40 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 07_I_Corinthians_14 (40 lines)

Cite as:

07_I Corinthians_14. Coptic SCRIPTORIUM corpus "bohairic.nt", document 07_I_Corinthians_14. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/i-corinthians/14.bohairic.scriptorium/. 07_I Corinthians_14 from Coptic SCRIPTORIUM (https://copticscriptorium.org), corpus bohairic.nt, document 07_I_Corinthians_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.