04_John_11 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 04_John_11

Attribution: 04_John_11 from Coptic SCRIPTORIUM (https://copticscriptorium.org), corpus bohairic.nt, document 04_John_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

57 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
11:1	ⲛⲉ ⲟⲩⲟⲛ ⲟⲩⲁⲓ ⲇⲉ ⲉϥϣⲱⲛⲓ ϫⲉⲗⲁⲍⲁⲣⲟⲥ ⲉⲃⲟⲗ ϧⲉⲛⲃⲏⲑⲁⲛⲓⲁ ⲉⲃⲟⲗ ϧⲉⲛⲡϯⲙⲓ ⲙⲙⲁⲣⲓⲁ ⲛⲉⲙⲙⲁⲣⲑⲁ ⲧⲉⲥⲥⲱⲛⲓ .	ⲛⲉ ⲟⲩⲟⲛ ⲟⲩⲁⲓ ⲇⲉ ⲉϥϣⲱⲛⲓ ϫⲉ ⲗⲁⲍⲁⲣⲟⲥ ⲉ̀ⲃⲟⲗ ϧⲉⲛ ⲃⲏⲑⲁⲛⲓⲁ ⲉ̀ⲃⲟⲗ ϧⲉⲛ ⲡ̀ϯⲙⲓ ⲛ̀ⲙⲁⲣⲓⲁ ⲛⲉⲙ ⲙⲁⲣⲑⲁ ⲧⲉⲥⲥⲱⲛⲓ.	ne ouon ouai ḋe efṡōni je lazaros èvol xen byθania èvol xen p̀timi ǹmaria nem marθa tessōni.	Now a certain man was sick, Lazarus from Bethany, of the village of Mary and her sister, Martha.
11:2	ⲛⲉ ⲑⲁⲓ ⲇⲉ ⲧⲉ ⲙⲁⲣⲓⲁ ⲑⲏ ⲉⲧⲁⲥⲑⲁϩⲥ ⲙⲡϭⲟⲓⲥ ⲙⲡⲓⲥⲟϫⲉⲛ ⲟⲩⲟϩ ⲁⲥϥⲱϯ ⲛⲛⲉϥϭ ⲁⲗⲁⲩϫ ⲙⲡⲉⲥϥⲱⲓ ⲑⲏ ⲉⲛⲁⲣⲉⲡⲉⲥⲥⲟⲛ ⲗⲁⲍⲁⲣⲟⲥ ϣⲱⲛⲓ .	Ⲛⲉ ⲑⲁⲓ ⲇⲉ ⲧⲉ ⲙⲁⲣⲓⲁ ⲑⲏ ⲉⲧⲁⲥⲑⲁϩⲥ ⲛ̀ⲡ̀ϭⲟⲓⲥ ⲛ̀ⲡⲓⲥⲟϫⲉⲛ ⲟⲩⲟϩ ⲁⲥϥⲱϯ ⲛ̀ⲛⲉϥϭ ⲁⲗⲁⲩϫ ⲛ̀ⲡⲉⲥϥⲱⲓ ⲑⲏ ⲉⲛⲁⲣⲉ ⲡⲉⲥⲥⲟⲛ ⲗⲁⲍⲁⲣⲟⲥ ϣⲱⲛⲓ.	Ne θai ḋe te maria θy etasθahs ǹp̀ċois ǹpisojen ouoh asfōti ǹnefċ alavg ǹpesfōi θy enare pesson lazaros ṡōni.	It was that Mary who had anointed the Lord with ointment, and wiped his feet with her hair, whose brother, Lazarus, was sick.
11:3	ⲁⲩⲟⲩⲱⲣⲡ ⲟⲩⲛ ϩⲁⲣⲟϥ ⲛϫⲉⲛⲉϥⲥⲱⲛⲓ ⲛⲥϩⲓⲙⲓ ⲉⲩϫⲱ ⲙⲙⲟⲥ ϫⲉⲡϭⲟⲓⲥ ⲓⲥ ⲫⲏ ⲉⲧⲉⲕⲙⲉⲓ ⲙⲙⲟϥ ϥϣⲱⲛⲓ .	Ⲁⲩⲟⲩⲱⲣⲡ ⲟⲩⲛ ϩⲁⲣⲟϥ ⲛ̀ϫⲉ ⲛⲉϥⲥⲱⲛⲓ ⲛ̀ⲥϩⲓⲙⲓ ⲉⲩϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲓⲥ ⲫⲏ ⲉ̀ⲧⲉⲕⲙⲉⲓ ⲙ̀ⲙⲟϥ ϥ̀ϣⲱⲛⲓ.	Avouōrp oun harof ǹje nefsōni ǹs·himi evgō m̀mos je p̀ċois is fy ètekmei m̀mof f̀ṡōni.	The sisters therefore sent to him, saying, 'Lord, behold, he for whom you have great affection is sick.'
11:4	ⲉⲧⲁϥⲥⲱⲧⲉⲙ ⲇⲉ ⲛϫⲉⲓⲏⲥⲟⲩⲥ ⲡⲉϫⲁϥ ϫⲉⲧⲁⲓⲓⲁⲃⲓ ⲛⲟⲩⲓⲁⲃⲓ ⲙⲫⲙⲟⲩ ⲁⲛ ⲧⲉ ⲁⲗⲗⲁ ⲉⲑⲃⲉⲡⲱⲟⲩ ⲙⲫⲛⲟⲩϯ ϩⲓⲛⲁ ⲛⲧⲉϥϭⲓⲱⲟⲩ ⲛϫⲉⲡϣⲏⲣⲓ ⲙⲫⲛⲟⲩϯ ⲉⲃⲟⲗ ϩⲓⲧⲟⲧⲥ .	Ⲉ̀ⲧⲁϥⲥⲱⲧⲉⲙ ⲇⲉ ⲛ̀ϫⲉ ⲓⲏⲥⲟⲩⲥ ⲡⲉϫⲁϥ ϫⲉ ⲧⲁⲓⲓⲁⲃⲓ ⲛ̀ⲟⲩⲓⲁⲃⲓ ⲛ̀ⲧⲉ ⲫ̀ⲙⲟⲩ ⲁⲛ ⲧⲉ ⲁⲗⲗⲁ ⲉⲑⲃⲉ ⲡ̀ⲱ̀ⲟⲩ ⲛ̀ⲫ̀ⲛⲟⲩϯ ϩⲓⲛⲁ ⲛ̀ⲧⲉϥϭⲓⲱⲟⲩ ⲛ̀ϫⲉ ⲡ̀ϣⲏⲣⲓ ⲛ̀ⲫ̀ⲛⲟⲩϯ ⲉ̀ⲃⲟⲗ ϩⲓⲧⲟⲧⲥ.	Ètafsōtem ḋe ǹje iysous pegaf je taiiavi ǹouiavi ǹte f̀mou an te alla eθve p̀ṑou ǹf̀nouti hina ǹtefċiōou ǹje p̀ṡyri ǹf̀nouti èvol hitots.	But when Jesus heard it, he said, 'This sickness is not to death, but for the glory of God, that God's Son may be glorified by it.'
11:5	ⲓⲏⲥⲟⲩⲥ ⲇⲉ ⲛⲁϥⲙⲉⲓ ⲙⲙⲁⲣⲑⲁ ⲛⲉⲙⲙⲁⲣⲓⲁ ⲧⲉⲥⲥⲱⲛⲓ ⲛⲉⲙⲗⲁⲍⲁⲣⲟⲥ .	Ⲓⲏⲥⲟⲩⲥ ⲇⲉ ⲛⲁϥⲙⲉⲓ ⲛ̀ⲙⲁⲣⲑⲁ ⲛⲉⲙ ⲙⲁⲣⲓⲁ ⲧⲉⲥⲥⲱⲛⲓ ⲛⲉⲙ ⲗⲁⲍⲁⲣⲟⲥ.	Iysous ḋe nafmei ǹmarθa nem maria tessōni nem lazaros.	Now Jesus loved Martha, and her sister, and Lazarus.
11:6	ⲧⲟⲧⲉ ⲟⲩⲛ ⲉⲧⲁϥⲥⲱⲧⲉⲙ ϫⲉϥϣⲱⲛⲓ ⲁϥϣⲱⲡⲓ ⲙⲡⲓⲙⲁ ⲉⲛⲁϥⲭⲏ ⲙⲙⲟϥ ⲛⲉϩⲟⲟⲩ ⲃ .	Ⲧⲟⲧⲉ ⲟⲩⲛ ⲉ̀ⲧⲁϥⲥⲱⲧⲉⲙ ϫⲉ ϥ̀ϣⲱⲛⲓ ⲁϥϣⲱⲡⲓ ⲛ̀ⲡⲓⲙⲁ ⲉ̀ⲛⲁϥⲭⲏ ⲙ̀ⲙⲟϥ ⲛ̀ⲉ̀ϩⲟⲟⲩ ⲃ.	Tote oun ètafsōtem je f̀ṡōni afṡōpi ǹpima ènafky m̀mof ǹèhoou v.	When therefore he heard that he was sick, he stayed two days in the place where he was.
11:7	ⲙⲉⲛⲉⲛⲥⲁⲫⲁⲓ ⲡⲉϫⲁϥ ⲛⲛⲉϥⲙⲁⲑⲏⲧⲏⲥ ϫⲉⲙⲁⲣⲟⲛ ⲉϯⲓⲟⲩⲇⲉⲁ ⲟⲛ .	Ⲙⲉⲛⲉⲛⲥⲁ ⲫⲁⲓ ⲡⲉϫⲁϥ ⲛ̀ⲛⲉϥⲙⲁⲑⲏⲧⲏⲥ ϫⲉ ⲙⲁⲣⲟⲛ ⲉ̀ϯⲓⲟⲩⲇⲉⲁ ⲟⲛ.	Menensa fai pegaf ǹnefmaθytys je maron ètiioudea on.	Then after this he said to the disciples, 'Let's go into Judea again.'
11:8	ⲡⲉϫⲱⲟⲩ ⲛⲁϥ ⲛϫⲉⲛⲉϥⲙⲁⲑⲏⲧⲏⲥ ϫⲉⲣⲁⲃⲃⲓ ϯⲛⲟⲩ ⲛⲁⲩⲕⲱϯ ⲛⲥⲱⲕ ⲛϫⲉⲛⲓⲓⲟⲩⲇⲁⲓ ⲉϩⲓⲱⲛⲓ ⲉϫⲱⲕ ⲟⲩⲟϩ ⲡⲁⲗⲓⲛ ⲭⲛⲁϣⲉ ⲛⲁⲕ ⲉⲙⲁⲩ .	Ⲡⲉϫⲱⲟⲩ ⲛⲁϥ ⲛ̀ϫⲉ ⲛⲉϥⲙⲁⲑⲏⲧⲏⲥ ϫⲉ ⲣⲁⲃⲃⲓ ϯⲛⲟⲩ ⲛⲁⲩⲕⲱϯ ⲛ̀ⲥⲱⲕ ⲛ̀ϫⲉ ⲛⲓⲓⲟⲩⲇⲁⲓ ⲉ̀ϩⲓⲱⲛⲓ ⲉ̀ϫⲱⲕ ⲟⲩⲟϩ ⲡⲁⲗⲓⲛ ⲭ̀ⲛⲁϣⲉ ⲛⲁⲕ ⲉⲙⲁⲩ.	Pegōou naf ǹje nefmaθytys je rabbi tinou navkōti ǹsōk ǹje niioudai èhiōni ègōk ouoh palin k̀naṡe nak emav.	The disciples told him, 'Rabbi, the Jews were just trying to stone you, and are you going there again?'
11:9	ⲁϥⲉⲣⲟⲩⲱ ⲛϫⲉⲓⲏⲥⲟⲩⲥ ϫⲉⲙⲏ ⲓⲃ ⲛⲟⲩⲛⲟⲩ ⲉⲧⲭⲏ ϧⲉⲛⲡⲓⲉϩⲟⲟⲩ ⲫⲏ ⲉⲑⲙⲟϣⲓ ϧⲉⲛⲡⲓⲉϩⲟⲟⲩ ⲙⲡⲁϥϭⲓϭⲣⲟⲡ ⲟⲩⲟϩ ⲁϥⲛⲁⲩ ⲉⲫⲟⲩⲱⲓⲛⲓ ⲙⲡⲓⲕⲟⲥⲙⲟⲥ .	Ⲁϥⲉⲣⲟⲩⲱ ⲛ̀ϫⲉ ⲓⲏⲥⲟⲩⲥ ϫⲉ ⲙⲏ ⲓⲃ ⲛ̀ⲟⲩⲛⲟⲩ ⲉⲧⲭⲏ ϧⲉⲛ ⲡⲓⲉ̀ϩⲟⲟⲩ ⲫⲏ ⲉⲑⲙⲟϣⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲡⲁϥϭⲓϭⲣⲟⲡ ⲟⲩⲟϩ ⲁϥⲛⲁⲩ ⲉ̀ⲫ̀ⲟⲩⲱⲓⲛⲓ ⲛ̀ⲡⲓⲕⲟⲥⲙⲟⲥ.	Aferouō ǹje iysous je my ib ǹounou etky xen pièhoou fy eθmoṡi xen pièhoou ǹpafċiċrop ouoh afnav èf̀ouōini ǹpikosmos.	Jesus answered, 'Aren't there twelve hours of daylight? If a man walks in the day, he doesn't stumble, because he sees the light of this world.
11:10	ⲫⲏ ⲇⲉ ⲉⲑⲙⲟϣⲓ ϧⲉⲛⲡⲓⲉϫⲱⲣϩ ϣⲁϥϭⲓϭⲣⲟⲡ ϫⲉⲡⲓⲟⲩⲱⲓⲛⲓ ⲛϧⲏⲧϥ ⲁⲛ .	Ⲫⲏ ⲇⲉ ⲉⲑⲙⲟϣⲓ ϧⲉⲛ ⲡⲓⲉ̀ϫⲱⲣϩ ϣⲁϥϭⲓϭⲣⲟⲡ ϫⲉ ⲡⲓⲟⲩⲱⲓⲛⲓ ⲛ̀ϧⲏⲧϥ ⲁⲛ.	Fy ḋe eθmoṡi xen piègōrh ṡafċiċrop je piouōini ǹxytf an.	But if a man walks in the night, he stumbles, because the light isn't in him.'
11:11	ⲛⲁⲓ ⲉⲧⲁϥϫⲟⲧⲟⲩ ⲙⲉⲛⲉⲛⲥⲁⲛⲁⲓ ⲡⲉϫⲁϥ ⲛⲱⲟⲩ ϫⲉⲗⲁⲍⲁⲣⲟⲥ ⲡⲉⲛϣⲫⲏⲣ ⲁϥⲛⲕⲟⲧ ⲁⲗⲗⲁ ⲉⲓⲉϣⲉ ⲛⲏⲓ ⲛⲧⲁⲧⲟⲩⲛⲟⲥϥ .	Ⲛⲁⲓ ⲉ̀ⲧⲁϥϫⲟⲧⲟⲩ ⲙⲉⲛⲉⲛⲥⲁ ⲛⲁⲓ ⲡⲉϫⲁϥ ⲛⲱⲟⲩ ϫⲉ ⲗⲁⲍⲁⲣⲟⲥ ⲡⲉⲛϣ̀ⲫⲏⲣ ⲁϥⲛ̀ⲕⲟⲧ ⲁⲗⲗⲁ ⲉⲓⲉ̀ϣⲉ ⲛⲏⲓ ⲛ̀ⲧⲁⲧⲟⲩⲛⲟⲥϥ.	Nai ètafgotou menensa nai pegaf nōou je lazaros penṡ̀fyr afǹkot alla eièṡe nyi ǹtatounosf.	He said these things, and after that, he said to them, 'Our friend, Lazarus, has fallen asleep, but I am going so that I may awake him out of sleep.'
11:12	ⲡⲉϫⲉ ⲛⲓⲙⲁⲑⲏⲧⲏⲥ ⲛⲁϥ ϫⲉⲡϭⲟⲓⲥ ⲓⲥϫⲉ ⲁϥⲛⲕⲟⲧ ⲉϥⲉⲧⲱⲛϥ .	Ⲡⲉϫⲉ ⲛⲓⲙⲁⲑⲏⲧⲏⲥ ⲛⲁϥ ϫⲉ ⲡ̀ϭⲟⲓⲥ ⲓⲥϫⲉ ⲁϥⲛ̀ⲕⲟⲧ ⲉϥⲉ̀ⲧⲱⲛϥ.	Peje nimaθytys naf je p̀ċois isje afǹkot efètōnf.	The disciples therefore said, 'Lord, if he has fallen asleep, he will recover.'
11:13	ⲓⲏⲥⲟⲩⲥ ⲇⲉ ⲉⲧⲁϥϫⲟⲥ ⲉⲑⲃⲉⲡⲓⲉⲛⲕⲟⲧ ⲛⲧⲉⲡⲉϥⲙⲟⲩ ⲛⲑⲱⲟⲩ ⲇⲉ ⲛⲁⲩⲙⲉⲩⲓ ⲡⲉ ϫⲉⲁϥϫⲟⲥ ⲉⲑⲃⲉⲡⲓⲛⲕⲟⲧ ⲛⲧⲉⲡⲓϩⲓⲛⲓⲙ .	Ⲓⲏⲥⲟⲩⲥ ⲇⲉ ⲉ̀ⲧⲁϥϫⲟⲥ ⲉⲑⲃⲉ ⲡⲓⲉⲛⲕⲟⲧ ⲛ̀ⲧⲉ ⲡⲉϥⲙⲟⲩ ⲛ̀ⲑⲱⲟⲩ ⲇⲉ ⲛⲁⲩⲙⲉⲩⲓ ⲡⲉ ϫⲉ ⲁϥϫⲟⲥ ⲉⲑⲃⲉ ⲡⲓⲛ̀ⲕⲟⲧ ⲛ̀ⲧⲉ ⲡⲓϩⲓⲛⲓⲙ.	Iysous ḋe ètafgos eθve pienkot ǹte pefmou ǹθōou ḋe navmevi pe je afgos eθve piǹkot ǹte pihinim.	Now Jesus had spoken of his death, but they thought that he spoke of taking rest in sleep.
11:14	ⲧⲟⲧⲉ ⲡⲉϫⲁϥ ⲛⲱⲟⲩ ⲛϫⲉⲓⲏⲥⲟⲩⲥ ϧⲉⲛⲟⲩⲡⲁⲣⲣⲏⲥⲓⲁ ϫⲉⲗⲁⲍⲁⲣⲟⲥ ⲁϥⲙⲟⲩ	Ⲧⲟⲧⲉ ⲡⲉϫⲁϥ ⲛⲱⲟⲩ ⲛ̀ϫⲉ ⲓⲏⲥⲟⲩⲥ ϧⲉⲛ ⲟⲩⲡⲁⲣⲣⲏⲥⲓⲁ ϫⲉ ⲗⲁⲍⲁⲣⲟⲥ ⲁϥⲙⲟⲩ	Tote pegaf nōou ǹje iysous xen ouparrysia je lazaros afmou	So Jesus said to them plainly then, 'Lazarus is dead.
11:15	ⲟⲩⲟϩ ϯⲣⲁϣⲓ ⲉⲑⲃⲉⲑⲏⲛⲟⲩ ϩⲓⲛⲁ ⲛⲧⲉⲧⲉⲛⲛⲁϩϯ ϫⲉⲛⲁⲓⲭⲏ ⲙⲙⲁⲩ ⲁⲛ ⲡⲉ ⲁⲗⲗⲁ ⲙⲁⲣⲟⲛ ϣⲁⲣⲟϥ .	ⲟⲩⲟϩ ϯⲣⲁϣⲓ ⲉⲑⲃⲉ ⲑⲏⲛⲟⲩ ϩⲓⲛⲁ ⲛ̀ⲧⲉⲧⲉⲛⲛⲁϩϯ ϫⲉ ⲛⲁⲓⲭⲏ ⲙ̀ⲙⲁⲩ ⲁⲛ ⲡⲉ ⲁⲗⲗⲁ ⲙⲁⲣⲟⲛ ϣⲁⲣⲟϥ.	ouoh tiraṡi eθve θynou hina ǹtetennahti je naiky m̀mav an pe alla maron ṡarof.	I am glad for your sakes that I was not there, so that you may believe. Nevertheless, let's go to him.'
11:16	ⲡⲉϫⲉ ⲑⲱⲙⲁⲥ ⲟⲩⲛ ⲫⲏ ⲉⲧⲟⲩⲙⲟⲩϯ ⲉⲣⲟϥ ϫⲉⲇⲓⲇⲩⲙⲟⲥ ⲛⲛⲉϥϣⲫⲏⲣ ⲙⲙⲁⲑⲏⲧⲏⲥ ϫⲉⲙⲁⲣⲟⲛ ϩⲱⲛ ϩⲓⲛⲁ ⲛⲧⲉⲛⲙⲟⲩ ⲛⲉⲙⲁϥ	Ⲡⲉϫⲉ ⲑⲱⲙⲁⲥ ⲟⲩⲛ ⲫⲏ ⲉⲧⲟⲩⲙⲟⲩϯ ⲉ̀ⲣⲟϥ ϫⲉ ⲇⲓⲇⲩⲙⲟⲥ ⲛ̀ⲛⲉϥϣ̀ⲫⲏⲣ ⲛ̀ⲙⲁⲑⲏⲧⲏⲥ ϫⲉ ⲙⲁⲣⲟⲛ ϩⲱⲛ ϩⲓⲛⲁ ⲛ̀ⲧⲉⲛⲙⲟⲩ ⲛⲉⲙⲁϥ	Peje θōmas oun fy etoumouti èrof je didimos ǹnefṡ̀fyr ǹmaθytys je maron hōn hina ǹtenmou nemaf	Thomas therefore, who is called Didymus, said to his fellow disciples, 'Let's go also, that we may die with him.'
11:17	ⲉⲧⲁϥⲓ ⲟⲩⲛ ⲛϫⲉⲓⲏⲥⲟⲩⲥ ⲁϥϫⲉⲙϥ ⲉⲡⲉϥⲇ ⲡⲉ ⲉϥⲭⲏ ϧⲉⲛⲡⲓⲙϩⲁⲩ .	ⲉ̀ⲧⲁϥⲓ̀ ⲟⲩⲛ ⲛ̀ϫⲉ ⲓⲏⲥⲟⲩⲥ ⲁϥϫⲉⲙϥ ⲉ̀ⲡⲉϥⲇ ⲡⲉ ⲉϥⲭⲏ ϧⲉⲛ ⲡⲓⲙ̀ϩⲁⲩ.	ètafì oun ǹje iysous afjemf èpefḋ pe efky xen pim̀hav.	So when Jesus came, he found that he had been in the tomb four days already.
11:18	ⲃⲏⲑⲁⲛⲓⲁ ⲇⲉ ⲛⲁⲥϧⲉⲛⲧ ⲉⲓⲉⲣⲟⲥⲁⲗⲏⲙ ⲛⲁⲩ ⲓⲉ ⲛⲥⲧⲁⲇⲓⲟⲛ .	Ⲃⲏⲑⲁⲛⲓⲁ ⲇⲉ ⲛⲁⲥϧⲉⲛⲧ ⲉ̀ⲓⲉⲣⲟⲥⲁⲗⲏⲙ ⲛⲁⲩ ⲓⲉ ⲛ̀ⲥ̀ⲧⲁⲇⲓⲟⲛ.	Byθania ḋe nasxent èierosalym nav ie ǹs̀taḋion.	Now Bethany was near Jerusalem, about fifteen stadia away.
11:19	ⲟⲩⲙⲏϣ ⲇⲉ ⲉⲃⲟⲗ ϧⲉⲛⲛⲓⲓⲟⲩⲇⲁⲓ ⲛⲉⲁⲩⲓ ⲡⲉ ϩⲁⲙⲁⲣⲓⲁ ⲛⲉⲙⲙⲁⲣⲑⲁ ⲉⲑⲃⲉⲡⲟⲩⲥⲟⲛ .	Ⲟⲩⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲓⲓⲟⲩⲇⲁⲓ ⲛⲉ ⲁⲩⲓ̀ ⲡⲉ ϩⲁ ⲙⲁⲣⲓⲁ ⲛⲉⲙ ⲙⲁⲣⲑⲁ ⲉⲑⲃⲉ ⲡⲟⲩⲥⲟⲛ.	Oumyṡ ḋe èvol xen niioudai ne avì pe ha maria nem marθa eθve pouson.	Many of the Jews had joined the women around Martha and Mary, to console them concerning their brother.
11:20	ⲉⲧⲁⲥⲥⲱⲧⲉⲙ ⲟⲩⲛ ⲛϫⲉⲙⲁⲣⲑⲁ ϫⲉϥⲛⲏⲟⲩ ⲛϫⲉⲓⲏⲥⲟⲩⲥ ⲁⲥⲧⲱⲛⲥ ⲁⲥⲓ ⲉⲃⲟⲗ ⲉϩⲣⲁϥ ⲙⲁⲣⲓⲁ ⲇⲉ ⲛⲁⲥϩⲉⲙⲥⲓ ϧⲉⲛⲡⲓⲏⲓ .	Ⲉⲧⲁⲥⲥⲱⲧⲉⲙ ⲟⲩⲛ ⲛ̀ϫⲉ ⲙⲁⲣⲑⲁ ϫⲉ ϥ̀ⲛⲏⲟⲩ ⲛ̀ϫⲉ ⲓⲏⲥⲟⲩⲥ ⲁⲥⲧⲱⲛⲥ ⲁⲥⲓ̀ ⲉ̀ⲃⲟⲗ ⲉ̀ϩ̀ⲣⲁϥ ⲙⲁⲣⲓⲁ ⲇⲉ ⲛⲁⲥϩⲉⲙⲥⲓ ϧⲉⲛ ⲡⲓⲏⲓ.	Etassōtem oun ǹje marθa je f̀nyou ǹje iysous astōns asì èvol èh̀raf maria ḋe nas·hemsi xen piyi.	Then when Martha heard that Jesus was coming, she went and met him, but Mary stayed in the house.
11:21	ⲡⲉϫⲉ ⲙⲁⲣⲑⲁ ⲟⲩⲛ ⲛⲓⲏⲥⲟⲩⲥ ϫⲉⲡⲁϭⲟⲓⲥ ⲉⲛⲁⲕⲭⲏ ⲙⲡⲁⲓⲙⲁ ⲛⲁⲣⲉⲡⲁⲥⲟⲛ ⲛⲁⲙⲟⲩ ⲁⲛ ⲡⲉ .	Ⲡⲉϫⲉ ⲙⲁⲣⲑⲁ ⲟⲩⲛ ⲛ̀ⲓⲏⲥⲟⲩⲥ ϫⲉ ⲡⲁϭⲟⲓⲥ ⲉⲛⲁⲕⲭⲏ ⲛ̀ⲡⲁⲓⲙⲁ ⲛⲁⲣⲉ ⲡⲁⲥⲟⲛ ⲛⲁⲙⲟⲩ ⲁⲛ ⲡⲉ.	Peje marθa oun ǹiysous je paċois enakky ǹpaima nare pason namou an pe.	Therefore Martha said to Jesus, 'Lord, if you would have been here, my brother wouldn't have died.
11:22	ⲁⲗⲗⲁ ϯⲛⲟⲩ ⲟⲩⲛ ϯⲉⲙⲓ ϫⲉⲫⲏ ⲉⲧⲉⲕⲛⲁⲉⲣⲉⲧⲓⲛ ⲙⲙⲟϥ ⲛⲧⲉⲛⲫⲛⲟⲩϯ ϥⲛⲁⲧⲏⲓϥ ⲛⲁⲕ ⲛϫⲉⲫⲛⲟⲩϯ .	Ⲁⲗⲗⲁ ϯⲛⲟⲩ ⲟⲩⲛ ϯⲉⲙⲓ ϫⲉ ⲫⲏ ⲉ̀ⲧⲉ ⲭ̀ⲛⲁⲉⲣⲉⲧⲓⲛ ⲙ̀ⲙⲟϥ ⲛ̀ⲧⲉⲛ ⲫ̀ⲛⲟⲩϯ ϥ̀ⲛⲁⲧⲏⲓϥ ⲛⲁⲕ ⲛ̀ϫⲉ ⲫ̀ⲛⲟⲩϯ.	Alla tinou oun tiemi je fy ète k̀naeretin m̀mof ǹten f̀nouti f̀natyif nak ǹje f̀nouti.	Even now I know that, whatever you ask of God, God will give you.'
11:23	ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉϥⲛⲁⲧⲱⲛϥ ⲛϫⲉⲡⲉⲥⲟⲛ .	Ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉ ϥ̀ⲛⲁⲧⲱⲛϥ ⲛ̀ϫⲉ ⲡⲉⲥⲟⲛ.	Peje iysous nas je f̀natōnf ǹje peson.	Jesus said to her, 'Your brother will rise again.'
11:24	ⲡⲉϫⲉ ⲙⲁⲣⲑⲁ ⲛⲁϥ ϫⲉϯⲉⲙⲓ ϫⲉϥⲛⲁⲧⲱⲛϥ ϧⲉⲛϯⲁⲛⲁⲥⲧⲁⲥⲓⲥ ϧⲉⲛⲡⲓⲉϩⲟⲟⲩ ⲛϧⲁⲉ .	Ⲡⲉϫⲉ ⲙⲁⲣⲑⲁ ⲛⲁϥ ϫⲉ ϯⲉⲙⲓ ϫⲉ ϥ̀ⲛⲁⲧⲱⲛϥ ϧⲉⲛ ϯⲁ̀ⲛⲁⲥⲧⲁⲥⲓⲥ ϧⲉⲛ ⲡⲓⲉ̀ϩⲟⲟⲩ ⲛ̀ϧⲁⲉ̀.	Peje marθa naf je tiemi je f̀natōnf xen tiànastasis xen pièhoou ǹxaè.	Martha said to him, 'I know that he will rise again in the resurrection at the last day.'
11:25	ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉⲁⲛⲟⲕ ⲡⲉ ϯⲁⲛⲁⲥⲧⲁⲥⲓⲥ ⲛⲉⲙⲡⲓⲱⲛϧ ⲫⲏ ⲉⲑⲛⲁϩϯ ⲉⲣⲟⲓ ⲕⲁⲛ ⲁϥϣⲁⲛⲙⲟⲩ ⲉϥⲉⲱⲛϧ .	Ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉ ⲁⲛⲟⲕ ⲡⲉ ϯⲁ̀ⲛⲁⲥⲧⲁⲥⲓⲥ ⲛⲉⲙ ⲡⲓⲱⲛϧ ⲫⲏ ⲉⲑⲛⲁϩϯ ⲉ̀ⲣⲟⲓ ⲕⲁⲛ ⲁϥϣⲁⲛⲙⲟⲩ ⲉϥⲉ̀ⲱⲛϧ.	Peje iysous nas je anok pe tiànastasis nem piōnx fy eθnahti èroi kan afṡanmou efèōnx.	Jesus said to her, 'I am the resurrection and the life. He who believes in me will still live, even if he dies.
11:26	ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲟⲛϧ ⲟⲩⲟϩ ⲉⲑⲛⲁϩϯ ⲉⲣⲟⲓ ⲛⲛⲉϥⲙⲟⲩ ϣⲁⲉⲛⲉϩ ⲧⲉⲛⲁϩϯ ⲉⲫⲁⲓ .	Ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲧⲟⲛϧ ⲟⲩⲟϩ ⲉⲑⲛⲁϩϯ ⲉ̀ⲣⲟⲓ ⲛ̀ⲛⲉϥⲙⲟⲩ ϣⲁ ⲉ̀ⲛⲉϩ ⲧⲉⲛⲁϩϯ ⲉ̀ⲫⲁⲓ.	Ouoh ouon niven etonx ouoh eθnahti èroi ǹnefmou ṡa èneh tenahti èfai.	Whoever lives and believes in me will never die. Do you believe this?'
11:27	ⲡⲉϫⲁⲥ ⲛⲁϥ ϫⲉⲡⲁϭⲟⲓⲥ ⲁⲛⲟⲕ ϯⲛⲁϩϯ ϫⲉⲛⲑⲟⲕ ⲡⲉ ⲡⲭⲣⲓⲥⲧⲟⲥ ⲡϣⲏⲣⲓ ⲙⲫⲛⲟⲩϯ ⲫⲏ ⲉⲑⲛⲏⲟⲩ ⲉⲡⲓⲕⲟⲥⲙⲟⲥ .	Ⲡⲉϫⲁⲥ ⲛⲁϥ ϫⲉ ⲡⲁϭⲟⲓⲥ ⲁⲛⲟⲕ ϯⲛⲁϩϯ ϫⲉ ⲛ̀ⲑⲟⲕ ⲡⲉ ⲡⲓⲭ̀ⲣⲓⲥⲧⲟⲥ ⲡ̀ϣⲏⲣⲓ ⲛ̀ⲫ̀ⲛⲟⲩϯ ⲫⲏ ⲉⲑⲛⲏⲟⲩ ⲉ̀ⲡⲓⲕⲟⲥⲙⲟⲥ.	Pegas naf je paċois anok tinahti je ǹθok pe pix̀ristos p̀ṡyri ǹf̀nouti fy eθnyou èpikosmos.	She said to him, 'Yes, Lord. I have come to believe that you are the Christ, God's Son, he who comes into the world.'
11:28	ⲟⲩⲟϩ ⲫⲁⲓ ⲉⲧⲁⲥϫⲟϥ ⲁⲥϣⲉ ⲛⲁⲥ ⲁⲥⲙⲟⲩϯ ⲉⲙⲁⲣⲓⲁ ⲧⲉⲥⲥⲱⲛⲓ ⲛⲭⲱⲡ ⲉⲁⲥϫⲟⲥ ⲛⲁⲥ ϫⲉϥⲧⲁⲓ ⲛϫⲉⲡⲓⲣⲉϥϯⲥⲃⲱ ⲟⲩⲟϩ ϥⲙⲟⲩϯ ⲉⲣⲟ .	Ⲟⲩⲟϩ ⲫⲁⲓ ⲉⲧⲁⲥϫⲟϥ ⲁⲥϣⲉ ⲛⲁⲥ ⲁⲥⲙⲟⲩϯ ⲉ̀ⲙⲁⲣⲓⲁ ⲧⲉⲥⲥⲱⲛⲓ ⲛ̀ⲭⲱⲡ ⲉⲁⲥϫⲟⲥ ⲛⲁⲥ ϫⲉ ϥ̀ⲧⲁⲓ ⲛ̀ϫⲉ ⲡⲓⲣⲉϥϯⲥ̀ⲃⲱ ⲟⲩⲟϩ ϥ̀ⲙⲟⲩϯ ⲉ̀ⲣⲟ.	Ouoh fai etasgof asṡe nas asmouti èmaria tessōni ǹkōp easgos nas je f̀tai ǹje pireftis̀vō ouoh f̀mouti èro.	When she had said this, she went away, and called Mary, her sister, secretly, saying, 'The Teacher is here, and is calling you.'
11:29	ⲛⲑⲟⲥ ⲇⲉ ⲉⲧⲁⲥⲥⲱⲧⲉⲙ ⲁⲥⲧⲱⲛⲥ ⲛⲭⲱⲗⲉⲙ ⲟⲩⲟϩ ⲁⲥⲓ ϩⲁⲣⲟϥ .	Ⲛ̀ⲑⲟⲥ ⲇⲉ ⲉⲧⲁⲥⲥⲱⲧⲉⲙ ⲁⲥⲧⲱⲛⲥ ⲛ̀ⲭⲱⲗⲉⲙ ⲟⲩⲟϩ ⲁⲥⲓ̀ ϩⲁⲣⲟϥ.	Ǹθos ḋe etassōtem astōns ǹkōlem ouoh asì harof.	When she heard this, she arose quickly, and went to him.
11:30	ⲛⲉ ⲙⲡⲁⲧⲉϥⲓ ⲅⲁⲣ ⲡⲉ ⲛϫⲉⲓⲏⲥⲟⲩⲥ ⲉϩⲣⲏ ⲓⲉⲡϯⲙⲓ ⲁⲗⲗⲁ ⲛⲁϥⲭⲏ ⲟⲩⲛ ⲡⲉ ϧⲉⲛⲡⲓⲙⲁ ⲉⲧⲁ ⲙⲁⲣⲑⲁ ⲓϩⲁⲣⲟϥ ⲙⲙⲟϥ .	Ⲛⲉ ⲙ̀ⲡⲁⲧⲉϥⲓ ⲅⲁⲣ ⲡⲉ ⲛ̀ϫⲉ ⲓⲏⲥⲟⲩⲥ ⲉ̀ϩⲣⲏ ⲓⲉⲡ̀ϯⲙⲓ ⲁⲗⲗⲁ ⲛⲁϥⲭⲏ ⲟⲩⲛ ⲡⲉ ϧⲉⲛ ⲡⲓⲙⲁ ⲉ̀ⲧⲁ ⲙⲁⲣⲑⲁ ⲓϩⲁⲣⲟϥ ⲙ̀ⲙⲟϥ.	Ne m̀patefi ġar pe ǹje iysous èhry iep̀timi alla nafky oun pe xen pima èta marθa iharof m̀mof.	Now Jesus had not yet come into the village, but was in the place where Martha met him.
11:31	ⲛⲓⲓⲟⲩⲇⲁⲓ ⲟⲩⲛ ⲛⲏ ⲉⲛⲁⲩⲭⲏ ⲛⲉⲙⲁⲥ ⲉϧⲟⲩⲛ ϧⲉⲛⲡⲓⲏⲓ ⲉⲩⲑⲱⲧ ⲙⲡⲉⲥϩⲏⲧ ⲉⲧⲁⲩⲛⲁⲩ ⲉⲙⲁⲣⲓⲁ ϫⲉⲁⲥⲧⲱⲛⲥ ⲛⲭⲱⲗⲉⲙ ⲟⲩⲟϩ ⲁⲥⲓ ⲉⲃⲟⲗ ⲁⲩⲙⲟϣⲓ ⲛⲥⲱⲥ ⲉⲩⲙⲉⲩⲓ ⲛⲱⲟⲩ ϫⲉⲁⲥⲛⲁϩⲱⲗ ⲉⲡⲓⲙϩⲁⲩ ϩⲓⲛⲁ ⲛⲧⲉⲥⲣⲓⲙⲓ ⲙⲙⲁⲩ .	Ⲛⲓⲓⲟⲩⲇⲁⲓ ⲟⲩⲛ ⲛⲏ ⲉⲛⲁⲩⲭⲏ ⲛⲉⲙⲁⲥ ⲉ̀ϧⲟⲩⲛ ϧⲉⲛ ⲡⲓⲏⲓ ⲉⲩⲑⲱⲧ ⲛ̀ⲡⲉⲥϩⲏⲧ ⲉ̀ⲧⲁⲩⲛⲁⲩ ⲉ̀ⲙⲁⲣⲓⲁ ϫⲉ ⲁⲥⲧⲱⲛⲥ ⲛ̀ⲭⲱⲗⲉⲙ ⲟⲩⲟϩ ⲁⲥⲓ̀ ⲉ̀ⲃⲟⲗ ⲁⲩⲙⲟϣⲓ ⲛ̀ⲥⲱⲥ ⲉⲩⲙⲉⲩⲓ ⲛⲱⲟⲩ ϫⲉ ⲁⲥⲛⲁϩⲱⲗ ⲉ̀ⲡⲓⲙ̀ϩⲁⲩ ϩⲓⲛⲁ ⲛ̀ⲧⲉⲥⲣⲓⲙⲓ ⲙ̀ⲙⲁⲩ.	Niioudai oun ny enavky nemas èxoun xen piyi evθōt ǹpes·hyt ètavnav èmaria je astōns ǹkōlem ouoh asì èvol avmoṡi ǹsōs evmevi nōou je asnahōl èpim̀hav hina ǹtesrimi m̀mav.	Then the Jews who were with her in the house, and were consoling her, when they saw Mary, that she rose up quickly and went out, followed her, saying, 'She is going to the tomb to weep there.'
11:32	ⲙⲁⲣⲓⲁ ⲟⲩⲛ ⲉⲧⲁⲥⲓ ⲉⲡⲓⲙⲁ ⲉⲛⲁⲣⲉⲓⲏⲥⲟⲩⲥ ⲭⲏ ⲙⲙⲟϥ ⲟⲩⲟϩ ⲉⲧⲁⲥⲛⲁⲩ ⲉⲣⲟϥ ⲁⲥϩⲓⲧⲥ ⲉϧⲣⲏⲓ ϧⲁⲧⲉⲛⲛⲉϥϭⲁⲗⲁⲩϫ ⲉⲥϫⲱ ⲙⲙⲟⲥ ϫⲉⲡⲁϭⲟⲓⲥ ⲉⲛⲁⲕⲭⲏ ⲙⲡⲁⲓⲙⲁ ⲛⲁⲣⲉⲡⲁⲥⲟⲛ ⲛⲁⲙⲟⲩ ⲁⲛ ⲡⲉ .	Ⲙⲁⲣⲓⲁ ⲟⲩⲛ ⲉ̀ⲧⲁⲥⲓ ⲉ̀ⲡⲓⲙⲁ ⲉⲛⲁⲣⲉ ⲓⲏⲥⲟⲩⲥ ⲭⲏ ⲙ̀ⲙⲟϥ ⲟⲩⲟϩ ⲉ̀ⲧⲁⲥⲛⲁⲩ ⲉ̀ⲣⲟϥ ⲁⲥϩⲓⲧⲥ ⲉ̀ϧ̀ⲣⲏⲓ ϧⲁⲧⲉⲛ ⲛⲉϥϭⲁⲗⲁⲩϫ ⲉⲥϫⲱ ⲙ̀ⲙⲟⲥ ϫⲉ ⲡⲁϭⲟⲓⲥ ⲉⲛⲁⲕⲭⲏ ⲛ̀ⲡⲁⲓⲙⲁ ⲛⲁⲣⲉ ⲡⲁⲥⲟⲛ ⲛⲁⲙⲟⲩ ⲁⲛ ⲡⲉ.	Maria oun ètasi èpima enare iysous ky m̀mof ouoh ètasnav èrof as·hits èx̀ryi xaten nefċalavg esgō m̀mos je paċois enakky ǹpaima nare pason namou an pe.	Therefore when Mary came to where Jesus was, and saw him, she fell down at his feet, saying to him, 'Lord, if you would have been here, my brother wouldn't have died.'
11:33	ⲓⲏⲥⲟⲩⲥ ⲟⲩⲛ ⲉⲧⲁϥⲛⲁⲩ ⲉⲣⲟⲥ ⲉⲥⲣⲓⲙⲓ ⲛⲉⲙⲛⲓⲕⲉⲓⲟⲩⲇⲁⲓ ⲉⲧⲁⲩⲓ ⲛⲉⲙⲁⲥ ⲉⲩⲣⲓⲙⲓ ⲁϥⲙⲕⲁϩ ϧⲉⲛⲡⲓⲡⲛⲉⲩⲙⲁⲟⲩⲟϩ ⲁϥϣⲑⲟⲣⲧⲉⲣ	Ⲓⲏⲥⲟⲩⲥ ⲟⲩⲛ ⲉⲧⲁϥⲛⲁⲩ ⲉ̀ⲣⲟⲥ ⲉⲥⲣⲓⲙⲓ ⲛⲉⲙ ⲛⲓⲕⲉⲓⲟⲩⲇⲁⲓ ⲉⲧⲁⲩⲓ̀ ⲛⲉⲙⲁⲥ ⲉⲩⲣⲓⲙⲓ ⲁϥⲙ̀ⲕⲁϩ ϧⲉⲛ ⲡⲓⲡ̀ⲛⲉⲩⲙⲁⲟⲩⲟϩ ⲁϥϣⲑⲟⲣⲧⲉⲣ	Iysous oun etafnav èros esrimi nem nikeiouḋai etavì nemas evrimi afm̀kah xen pip̀nevmaouoh afṡθorter	When Jesus therefore saw her weeping, and the Jews weeping who came with her, he groaned in the spirit, and was troubled,
11:34	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲉⲧⲁⲣⲉⲧⲉⲛⲭⲁϥ ⲑⲱⲛ ⲡⲉϫⲱⲟⲩ ⲛⲁϥ ϫⲉⲡⲁϭⲟⲓⲥ ⲁⲙⲟⲩ ⲟⲩⲟϩ ⲁⲛⲁⲩ .	ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉⲧⲁⲣⲉⲧⲉⲛⲭⲁϥ ⲑⲱⲛ ⲡⲉϫⲱⲟⲩ ⲛⲁϥ ϫⲉ ⲡⲁϭⲟⲓⲥ ⲁ̀ⲙⲟⲩ ⲟⲩⲟϩ ⲁ̀ⲛⲁⲩ.	ouoh pegaf nōou je etaretenkaf θōn pegōou naf je paċois àmou ouoh ànav.	and said, 'Where have you laid him?' They told him, 'Lord, come and see.'
11:35	ⲟⲩⲟϩ ⲁⲛⲉϥⲃⲁⲗ ϯⲉⲣⲙⲏ .	Ⲟⲩⲟϩ ⲁⲛⲉϥⲃⲁⲗ ϯⲉⲣⲙⲏ.	Ouoh anefval tiermy.	Jesus wept.
11:36	ⲛⲁⲩϫⲱ ⲟⲩⲛ ⲙⲙⲟⲥ ⲛϫⲉⲛⲓⲓⲟⲩⲇⲁⲓ ϫⲉⲁⲛⲁⲩ ⲡⲱⲥ ϥⲙⲉⲓ ⲙⲙⲟϥ .	Ⲛⲁⲩϫⲱ ⲟⲩⲛ ⲙ̀ⲙⲟⲥ ⲛ̀ϫⲉ ⲛⲓⲓⲟⲩⲇⲁⲓ ϫⲉ ⲁ̀ⲛⲁⲩ ⲡⲱⲥ ϥ̀ⲙⲉⲓ ⲙ̀ⲙⲟϥ.	Navgō oun m̀mos ǹje niioudai je ànav pōs f̀mei m̀mof.	The Jews therefore said, 'See how much affection he had for him!'
11:37	ϩⲁⲛⲟⲩⲟⲛ ⲇⲉ ⲉⲃⲟⲗ ⲛϧⲏⲧⲟⲩ ⲡⲉϫⲱⲟⲩ ϫⲉⲓⲉ ⲛⲉⲙⲙⲟⲛ ϣϫⲟⲙ ⲙⲫⲁⲓ ⲡⲉ ⲉⲧⲁϥⲟⲩⲱⲛ ⲛⲛⲉⲛⲃⲁⲗ ⲙⲡⲓⲃⲉⲗⲗⲉ ⲙⲙⲓⲥⲓ ϩⲓⲛⲁ ⲛⲧⲉϥϣⲧⲉⲙⲭⲁ ⲡⲁⲓⲭⲉⲧ ⲉⲙⲟⲩ .	Ϩⲁⲛⲟⲩⲟⲛ ⲇⲉ ⲉ̀ⲃⲟⲗ ⲛ̀ϧⲏⲧⲟⲩ ⲡⲉϫⲱⲟⲩ ϫⲉ ⲓⲉ ⲛⲉ ⲙ̀ⲙⲟⲛ ϣ̀ϫⲟⲙ ⲛ̀ⲫⲁⲓ ⲡⲉ ⲉⲧⲁϥⲟⲩⲱⲛ ⲛ̀ⲛⲉⲛⲃⲁⲗ ⲛ̀ⲡⲓⲃⲉⲗⲗⲉ ⲛ̀ⲙⲓⲥⲓ ϩⲓⲛⲁ ⲛ̀ⲧⲉϥϣⲧⲉⲙⲭⲁ ⲡⲁⲓⲭⲉⲧ ⲉ̀ⲙⲟⲩ.	Hanouon ḋe èvol ǹxytou pegōou je ie ne m̀mon ṡ̀gom ǹfai pe etafouōn ǹnenval ǹpivelle ǹmisi hina ǹtefṡtemka paiket èmou.	Some of them said, 'Couldn't this man, who opened the eyes of him who was blind, have also kept this man from dying?'
11:38	ⲓⲏⲥⲟⲩⲥ ⲟⲩⲛ ⲁϥϣⲉⲛϩⲏⲧ ⲛϧⲣⲏⲓ ⲛϧⲏⲧϥ ⲁϥⲓ ⲉⲡⲓⲙϩⲁⲩ ⲛⲉⲟⲩⲃⲏⲃ ⲇⲉ ⲡⲉ ⲟⲩⲟϩ ⲛⲉⲟⲩⲟⲛ ⲟⲩⲛⲓϣϯ ⲛⲱⲛⲓ ⲧⲟⲓ ⲉⲣⲟϥ .	Ⲓⲏⲥⲟⲩⲥ ⲟⲩⲛ ⲁϥϣⲉⲛϩⲏⲧ ⲛ̀ϧ̀ⲣⲏⲓ ⲛ̀ϧⲏⲧϥ ⲁϥⲓ̀ ⲉ̀ⲡⲓⲙ̀ϩⲁⲩ ⲛⲉ ⲟⲩⲃⲏⲃ ⲇⲉ ⲡⲉ ⲟⲩⲟϩ ⲛⲉ ⲟⲩⲟⲛ ⲟⲩⲛⲓϣϯ ⲛ̀ⲱⲛⲓ ⲧⲟⲓ ⲉ̀ⲣⲟϥ.	Iysous oun afṡenhyt ǹx̀ryi ǹxytf afì èpim̀hav ne ouvyb ḋe pe ouoh ne ouon ouniṡti ǹōni toi èrof.	Jesus therefore, again groaning in himself, came to the tomb. Now it was a cave, and a stone lay against it.
11:39	ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉϣⲱⲡ ⲙⲡⲁⲓⲱⲛⲓ ⲙⲙⲁⲩ ⲡⲉϫⲉ ⲙⲁⲣⲑⲁ ⲛⲁϥ ⲧⲥⲱⲛⲓ ⲙⲫⲏ ⲉⲧⲁϥⲙⲟⲩ ϫⲉⲡϭⲟⲓⲥ ⲁϥⲭⲱⲛⲥ ⲡⲉϥⲇ ⲅⲁⲣ ⲫⲟⲟⲩ .	Ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉ ϣⲱⲡ ⲛ̀ⲡⲁⲓⲱⲛⲓ ⲙ̀ⲙⲁⲩ ⲡⲉϫⲉ ⲙⲁⲣⲑⲁ ⲛⲁϥ ⲧ̀ⲥⲱⲛⲓ ⲛ̀ⲫⲏ ⲉⲧⲁϥⲙⲟⲩ ϫⲉ ⲡ̀ϭⲟⲓⲥ ⲁϥⲭⲱⲛⲥ ⲡⲉϥⲇ ⲅⲁⲣ ⲫⲟⲟⲩ.	Peje iysous nōou je ṡōp ǹpaiōni m̀mav peje marθa naf t̀sōni ǹfy etafmou je p̀ċois afkōns pefḋ ġar foou.	Jesus said, 'Take away the stone.' Martha, the sister of him who was dead, said to him, 'Lord, by this time there is a stench, for he has been dead four days.'
11:40	ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉⲙⲡⲓϫⲟⲥ ⲛⲉϫⲉ ⲁⲣⲉϣⲁⲛⲛⲁϩϯ ⲧⲉⲣⲁⲛⲁⲩ ⲉⲡⲱⲟⲩ ⲙⲫⲛⲟⲩϯ .	Ⲡⲉϫⲉ ⲓⲏⲥⲟⲩⲥ ⲛⲁⲥ ϫⲉ ⲛ̀ⲡⲓϫⲟⲥ ⲛⲉ ϫⲉ ⲁⲣⲉϣⲁⲛⲛⲁϩϯ ⲧⲉⲣⲁⲛⲁⲩ ⲉⲡ̀ⲱⲟⲩ ⲛ̀ⲫ̀ⲛⲟⲩϯ.	Peje iysous nas je ǹpigos ne je areṡannahti teranav ep̀ōou ǹf̀nouti.	Jesus said to her, 'Didn't I tell you that if you believed, you would see God's glory?'
11:41	ⲁⲩⲱⲗⲓ ⲟⲩⲛ ⲙⲡⲓⲱⲛⲓ ⲉⲃⲟⲗ ϩⲓⲣⲱϥ ⲙⲡⲓⲙϩⲁⲩ ⲓⲏⲥⲟⲩⲥ ⲇⲉ ⲁϥϥⲁⲓ ⲛⲛⲉϥⲃⲁⲗ ⲉⲡϣⲱⲓ ⲟⲩⲟϩ ⲡⲉϫⲁϥ ϫⲉⲡⲁⲓⲱⲧ ϯϣⲉⲡϩⲙⲟⲧ ⲛⲧⲟⲧⲕ ϫⲉⲁⲕⲥⲱⲧⲉⲙ ⲉⲣⲟⲓ .	Ⲁⲩⲱ̀ⲗⲓ ⲟⲩⲛ ⲛ̀ⲡⲓⲱⲛⲓ ⲉ̀ⲃⲟⲗ ϩⲓⲣⲱϥ ⲛ̀ⲡⲓⲙ̀ϩⲁⲩ ⲓⲏⲥⲟⲩⲥ ⲇⲉ ⲁϥϥⲁⲓ ⲛ̀ⲛⲉϥⲃⲁⲗ ⲉ̀ⲡ̀ϣⲱⲓ ⲟⲩⲟϩ ⲡⲉϫⲁϥ ϫⲉ ⲡⲁⲓⲱⲧ ϯϣⲉⲡϩ̀ⲙⲟⲧ ⲛ̀ⲧⲟⲧⲕ ϫⲉ ⲁⲕⲥⲱⲧⲉⲙ ⲉ̀ⲣⲟⲓ.	Avṑli oun ǹpiōni èvol hirōf ǹpim̀hav iysous ḋe affai ǹnefval èp̀ṡōi ouoh pegaf je paiōt tiṡeph̀mot ǹtotk je ak·sōtem èroi.	So they took away the stone from the place where the dead man was lying. Jesus lifted up his eyes, and said, 'Father, I thank you that you listened to me.
11:42	ⲁⲛⲟⲕ ⲇⲉ ⲛⲁⲓⲉⲙⲓ ⲡⲉ ϫⲉⲕⲥⲱⲧⲉⲙ ⲉⲣⲟⲓ ⲛⲥⲏⲟⲩ ⲛⲓⲃⲉⲛ ⲁⲗⲗⲁ ⲉⲑⲃⲉⲡⲁⲓⲙⲏϣ ⲉⲧⲕⲱϯ ⲉⲣⲟⲓ ⲁⲓϫⲟⲥ ϩⲓⲛⲁ ⲛⲧⲟⲩⲛⲁϩϯ ϫⲉⲛⲑⲟⲕ ⲡⲉⲧⲁⲕⲧⲁⲟⲩⲟⲓ .	Ⲁⲛⲟⲕ ⲇⲉ ⲛⲁⲓⲉⲙⲓ ⲡⲉ ϫⲉ ⲕ̀ⲥⲱⲧⲉⲙ ⲉ̀ⲣⲟⲓ ⲛ̀ⲥⲏⲟⲩ ⲛⲓⲃⲉⲛ ⲁⲗⲗⲁ ⲉⲑⲃⲉ ⲡⲁⲓⲙⲏϣ ⲉⲧⲕⲱϯ ⲉ̀ⲣⲟⲓ ⲁⲓϫⲟⲥ ϩⲓⲛⲁ ⲛ̀ⲧⲟⲩⲛⲁϩϯ ϫⲉ ⲛ̀ⲑⲟⲕ ⲡⲉⲧⲁⲕⲧⲁⲟⲩⲟⲓ.	Anok ḋe naiemi pe je k̀·sōtem èroi ǹsyou niven alla eθve paimyṡ etkōti èroi aigos hina ǹtounahti je ǹθok petaktaouoi.	I know that you always listen to me, but because of the multitude that stands around I said this, that they may believe that you sent me.'
11:43	ⲟⲩⲟϩ ⲛⲁⲓ ⲉⲧⲁϥϫⲟⲧⲟⲩ ⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ϫⲉⲗⲁⲍⲁⲣⲟⲥ ⲁⲙⲟⲩ ⲉⲃⲟⲗ .	Ⲟⲩⲟϩ ⲛⲁⲓ ⲉ̀ⲧⲁϥϫⲟⲧⲟⲩ ⲁϥⲱϣ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ϫⲉ ⲗⲁⲍⲁⲣⲟⲥ ⲁ̀ⲙⲟⲩ ⲉ̀ⲃⲟⲗ.	Ouoh nai ètafgotou afōṡ èvol xen ouniṡti ǹs̀my je lazaros àmou èvol.	When he had said this, he cried with a loud voice, 'Lazarus, come out!'
11:44	ⲁϥⲓ ⲇⲉ ⲉⲃⲟⲗ ⲛϫⲉⲫⲏ ⲉⲧⲁϥⲙⲟⲩ ⲉϥⲙⲏⲣ ⲛⲛⲉϥϭⲁⲗⲁⲩϫ ⲛⲉⲙⲛⲉϥϫⲓϫ ⲛϩⲁⲛⲥⲉⲃⲉⲛ ⲟⲩⲟϩ ⲡⲉϥϩⲟ ⲙⲏⲣ ⲛⲟⲩⲥⲟⲇⲁⲣⲓⲟⲛ ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉⲙⲁϯⲟⲩⲱ ⲙⲙⲟϥ ⲭⲁϥ ⲉⲃⲟⲗ ⲙⲁⲣⲉϥϣⲉ ⲛⲁϥ .	Ⲁϥⲓ̀ ⲇⲉ ⲉ̀ⲃⲟⲗ ⲛ̀ϫⲉ ⲫⲏ ⲉⲧⲁϥⲙⲟⲩ ⲉϥⲙⲏⲣ ⲛ̀ⲛⲉϥϭⲁⲗⲁⲩϫ ⲛⲉⲙ ⲛⲉϥϫⲓϫ ⲛ̀ϩⲁⲛⲥⲉⲃⲉⲛ ⲟⲩⲟϩ ⲡⲉϥϩⲟ ⲙⲏⲣ ⲛ̀ⲟⲩⲥⲟⲇⲁⲣⲓⲟⲛ ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉ ⲙⲁϯⲟⲩⲱ ⲙ̀ⲙⲟϥ ⲭⲁϥ ⲉ̀ⲃⲟⲗ ⲙⲁⲣⲉϥϣⲉ ⲛⲁϥ.	Afì ḋe èvol ǹje fy etafmou efmyr ǹnefċalavg nem nefjig ǹhanseven ouoh pefho myr ǹousoḋarion peje iysous nōou je matiouō m̀mof kaf èvol marefṡe naf.	He who was dead came out, bound hand and foot with wrappings, and his face was wrapped around with a cloth. Jesus said to them, 'Free him, and let him go.'
11:45	ⲟⲩⲙⲏϣ ⲟⲩⲛ ⲛⲧⲉⲛⲓⲓⲟⲩⲇⲁⲓ ⲛⲏ ⲉⲧⲁⲩⲓ ϩⲁⲙⲁⲣⲓⲁ ⲉⲧⲁⲩⲛⲁⲩ ⲉⲛⲏ ⲉⲧⲁϥⲁⲓⲧⲟⲩ ⲁⲩⲛⲁϩϯ ⲉⲣⲟϥ .	Ⲟⲩⲙⲏϣ ⲟⲩⲛ ⲛ̀ⲧⲉ ⲛⲓⲓⲟⲩⲇⲁⲓ ⲛⲏ ⲉⲧⲁⲩⲓ̀ ϩⲁ ⲙⲁⲣⲓⲁ ⲉ̀ⲧⲁⲩⲛⲁⲩ ⲉ̀ⲛⲏ ⲉ̀ⲧⲁϥⲁⲓⲧⲟⲩ ⲁⲩⲛⲁϩϯ ⲉ̀ⲣⲟϥ.	Oumyṡ oun ǹte niioudai ny etavì ha maria ètavnav èny ètafaitou avnahti èrof.	Therefore many of the Jews, who came to Mary and saw what Jesus did, believed in him.
11:46	ϩⲁⲛⲟⲩⲟⲛ ⲇⲉ ⲉⲃⲟⲗ ⲛϧⲏⲧⲟⲩ ⲁⲩϣⲉ ⲛⲱⲟⲩ ϩⲁⲛⲓⲫⲁⲣⲓⲥⲉⲟⲥ ⲁⲩⲧⲁⲙⲱⲟⲩ ⲉⲫⲏ ⲉⲧⲁϥⲁⲓϥ ⲛϫⲉⲓⲏⲥⲟⲩⲥ .	Ϩⲁⲛⲟⲩⲟⲛ ⲇⲉ ⲉ̀ⲃⲟⲗ ⲛ̀ϧⲏⲧⲟⲩ ⲁⲩϣⲉ ⲛⲱⲟⲩ ϩⲁ ⲛⲓⲫⲁⲣⲓⲥⲉⲟⲥ ⲁⲩⲧⲁⲙⲱⲟⲩ ⲉ̀ⲫⲏ ⲉⲧⲁϥⲁⲓϥ ⲛ̀ϫⲉ ⲓⲏⲥⲟⲩⲥ.	Hanouon ḋe èvol ǹxytou avṡe nōou ha nifariseos avtamōou èfy etafaif ǹje iysous.	But some of them went away to the Pharisees, and told them the things which Jesus had done.
11:47	ⲁⲩⲑⲱⲟⲩϯ ⲟⲩⲛ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲫⲁⲣⲓⲥⲉⲟⲥ ⲛⲟⲩⲑⲱⲟⲩⲧⲥ ⲟⲩⲟϩ ⲛⲁⲩϫⲱ ⲙⲙⲟⲥ ϫⲉⲟⲩ ⲡⲉⲧⲉⲛⲁⲁⲓϥ ⲛⲁϣⲉ ⲛⲓⲙⲏⲓⲛⲓ ⲉⲧⲉⲡⲁⲓⲣⲱⲙⲓ ⲓⲣⲓ ⲙⲙⲱⲟⲩ .	Ⲁⲩⲑⲱⲟⲩϯ ⲟⲩⲛ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ ⲛⲉⲙⲛⲓⲫⲁⲣⲓⲥⲉⲟⲥ ⲛ̀ⲟⲩⲑⲱⲟⲩⲧⲥ ⲟⲩⲟϩ ⲛⲁⲩϫⲱ ⲙ̀ⲙⲟⲥ ϫⲉ ⲟⲩ ⲡ̀ⲉⲧⲉⲛⲁⲁⲓϥ ⲛⲁϣⲉ ⲛⲓⲙⲏⲓⲛⲓ ⲉ̀ⲧⲉ ⲡⲁⲓⲣⲱⲙⲓ ⲓ̀ⲣⲓ ⲙ̀ⲙⲱⲟⲩ.	Avθōouti oun ǹje niarṡièrevs nemnifariseos ǹouθōouts ouoh navgō m̀mos je ou p̀etenaaif naṡe nimyini ète pairōmi ìri m̀mōou.	The chief priests therefore and the Pharisees gathered a council, and said, 'What are we doing? For this man does many signs.
11:48	ⲉϣⲱⲡ ⲁⲛϣⲁⲛⲭⲁϥ ⲙⲡⲁⲓⲣⲏϯ ⲥⲉⲛⲁϩϯ ⲉⲣⲟϥ ⲧⲏⲣⲟⲩ ⲟⲩⲟϩ ⲥⲉⲛⲁⲓ ⲛϫⲉⲛⲓⲣⲱⲙⲉⲟⲥ ⲥⲉⲛⲁⲱⲗⲓ ⲙⲡⲉⲛⲧⲟⲡⲟⲥ ⲛⲉⲙⲛⲉⲛϣⲗⲟⲗ .	Ⲉϣⲱⲡ ⲁⲛϣⲁⲛⲭⲁϥ ⲛ̀ⲡⲁⲓⲣⲏϯ ⲥⲉⲛⲁϩϯ ⲉ̀ⲣⲟϥ ⲧⲏⲣⲟⲩ ⲟⲩⲟϩ ⲥⲉⲛⲁⲓ ⲛ̀ϫⲉ ⲛⲓⲣⲱⲙⲉⲟⲥ ⲥⲉⲛⲁⲱ̀ⲗⲓ ⲛ̀ⲡⲉⲛⲧⲟⲡⲟⲥ ⲛⲉⲙ ⲛⲉⲛϣ̀ⲗⲟⲗ.	Eṡōp anṡankaf ǹpairyti senahti èrof tyrou ouoh senai ǹje nirōmeos senaṑli ǹpentopos nem nenṡ̀lol.	If we leave him alone like this, everyone will believe in him, and the Romans will come and take away both our place and our nation.'
11:49	ⲁϥⲉⲣⲟⲩⲱ ⲇⲉ ⲛϫⲉⲟⲩⲁⲓ ⲉⲃⲟⲗ ⲛϧⲏ ⲧⲟⲩ ⲉⲡⲉϥⲣⲁⲛ ⲡⲉ ⲕⲁⲓⲁⲫⲁ ⲉϥⲟⲓ ⲛⲁⲣⲭⲓⲉⲣⲉⲩⲥ ⲛϯⲣⲟⲙⲡⲓ ⲉⲧⲉⲙⲙⲁⲩ ⲡⲉϫⲁϥ ⲛⲱⲟⲩ ϫⲉⲛⲑⲱⲧⲉⲛ ⲧⲉⲧⲉⲛⲥⲱⲟⲩⲛ ⲛϩⲗⲓ ⲁⲛ .	Ⲁϥⲉⲣⲟⲩⲱ ⲇⲉ ⲛ̀ϫⲉ ⲟⲩⲁⲓ ⲉ̀ⲃⲟⲗ ⲛ̀ϧⲏ ⲧⲟⲩ ⲉ̀ⲡⲉϥⲣⲁⲛ ⲡⲉ ⲕⲁⲓⲁⲫⲁ ⲉϥⲟⲓ ⲛ̀ⲁⲣⲭⲓⲉ̀ⲣⲉⲩⲥ ⲛ̀ϯⲣⲟⲙⲡⲓ ⲉ̀ⲧⲉ ⲙ̀ⲙⲁⲩ ⲡⲉϫⲁϥ ⲛⲱⲟⲩ ϫⲉ ⲛ̀ⲑⲱⲧⲉⲛ ⲧⲉⲧⲉⲛⲥⲱⲟⲩⲛ ⲛ̀ϩ̀ⲗⲓ ⲁⲛ.	Aferouō ḋe ǹje ouai èvol ǹxy tou èpefran pe kaiafa efoi ǹarṡièrevs ǹtirompi ète m̀mav pegaf nōou je ǹθōten tetensōoun ǹh̀li an.	But a certain one of them, Caiaphas, being high priest that year, said to them, 'You know nothing at all,
11:50	ⲟⲩⲇⲉ ⲧⲉⲧⲉⲛⲙⲟⲕⲙⲉⲕ ⲙⲙⲱⲧⲉⲛ ⲁⲛ ϫⲉⲥⲉⲣⲛⲟϥⲣⲓ ⲛⲱⲧⲉⲛ ϩⲓⲛⲁ ⲛⲧⲉⲟⲩⲣⲱⲙⲓ ⲙⲙⲁⲩⲁⲧϥ ⲙⲟⲩ ⲉϩⲣⲏⲓ ⲉϫⲉⲛⲡⲓⲗⲁⲟⲥ ⲟⲩⲟϩ ⲛⲧⲉϣⲧⲉⲙ ⲡⲓⲉⲑⲛⲟⲥ ⲧⲏⲣϥ ⲧⲁⲕⲟ .	Ⲟⲩⲇⲉ ⲧⲉⲧⲉⲛⲙⲟⲕⲙⲉⲕ ⲙ̀ⲙⲱⲧⲉⲛ ⲁⲛ ϫⲉ ⲥⲉⲣⲛⲟϥⲣⲓ ⲛⲱⲧⲉⲛ ϩⲓⲛⲁ ⲛ̀ⲧⲉ ⲟⲩⲣⲱⲙⲓ ⲙ̀ⲙⲁⲩⲁⲧϥ ⲙⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲗⲁⲟⲥ ⲟⲩⲟϩ ⲛ̀ⲧⲉϣ̀ⲧⲉⲙ ⲡⲓⲉⲑⲛⲟⲥ ⲧⲏⲣϥ ⲧⲁⲕⲟ.	Ouḋe tetenmokmek m̀mōten an je sernofri nōten hina ǹte ourōmi m̀mavatf mou èh̀ryi èjen pilaos ouoh ǹteṡ̀tem pieθnos tyrf tako.	nor do you consider that it is advantageous for us that one man should die for the people, and that the whole nation not perish.'
11:51	ⲛⲉⲧⲁϥϫⲉ ⲫⲁⲓ ⲇⲉ ⲁⲛ ⲉⲃⲟⲗ ϩⲓⲧⲟⲧϥ ⲙⲙⲁⲩⲁⲧϥ ⲁⲗⲗⲁ ϫⲉⲛⲁϥⲟⲓ ⲛⲁⲣⲭⲓⲉⲣⲉⲩⲥ ⲛⲧⲉϯⲣⲟⲙⲡⲓ ⲉⲧⲉⲙⲙⲁⲩ ⲁϥⲉⲣⲡⲣⲟⲫⲏ ⲧⲉⲩⲓⲛ ϫⲉϩⲱϯ ⲛⲧⲉⲓⲏⲥⲟⲩⲥ ⲙⲟⲩ ⲉϩⲣⲏⲓ ⲉϫⲉⲛⲡⲓϣⲗⲟⲗ	Ⲛⲉⲧⲁϥ ϫⲉ ⲫⲁⲓ ⲇⲉ ⲁⲛ ⲉ̀ⲃⲟⲗ ϩⲓⲧⲟⲧϥ ⲙ̀ⲙⲁⲩⲁⲧϥ ⲁⲗⲗⲁ ϫⲉ ⲛⲁϥⲟⲓ ⲛ̀ⲁⲣⲭⲓⲉ̀ⲣⲉⲩⲥ ⲛ̀ⲧⲉ ϯⲣⲟⲙⲡⲓ ⲉ̀ⲧⲉ ⲙ̀ⲙⲁⲩ ⲁϥⲉⲣⲡⲣⲟⲫⲏ ⲧⲉⲩⲓⲛ ϫⲉ ϩⲱϯ ⲛ̀ⲧⲉ ⲓⲏⲥⲟⲩⲥ ⲙⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲡⲓϣ̀ⲗⲟⲗ	Netaf je fai ḋe an èvol hitotf m̀mavatf alla je nafoi ǹarṡièrevs ǹte tirompi ète m̀mav aferprofy tevin je hōti ǹte iysous mou èh̀ryi èjen piṡ̀lol	Now he didn't say this of himself, but being high priest that year, he prophesied that Jesus would die for the nation,
11:52	ⲟⲩⲟϩ ⲉϫⲉⲛⲡⲓϣⲗⲟⲗ ⲙⲙⲁⲩⲁⲧϥ ⲁⲛ ⲁⲗⲗⲁ ⲛⲓⲕⲉϣⲏⲣⲓ ⲛⲧⲉⲫⲛⲟⲩϯ ⲉⲧϫⲏⲣ ⲉⲃⲟⲗ ⲛⲧⲉϥⲑⲟⲩⲱⲧⲟⲩ ⲉⲩⲙⲉⲧⲟⲩⲁⲓ .	ⲟⲩⲟϩ ⲉ̀ϫⲉⲛ ⲡⲓϣ̀ⲗⲟⲗ ⲙ̀ⲙⲁⲩⲁⲧϥ ⲁⲛ ⲁⲗⲗⲁ ⲛⲓⲕⲉϣⲏⲣⲓ ⲛ̀ⲧⲉ ⲫ̀ⲛⲟⲩϯ ⲉⲧϫⲏⲣ ⲉ̀ⲃⲟⲗ ⲛ̀ⲧⲉϥⲑⲟⲩⲱⲧⲟⲩ ⲉⲩⲙⲉⲧⲟⲩⲁⲓ.	ouoh èjen piṡ̀lol m̀mavatf an alla nikeṡyri ǹte f̀nouti etjyr èvol ǹtefθouōtou evmetouai.	and not for the nation only, but that he might also gather together into one the children of God who are scattered abroad.
11:53	ⲓⲥϫⲉⲛ ϯⲟⲩⲛⲟⲩ ⲉⲧⲉⲙⲙⲁⲩ ⲁⲩⲥⲟϭⲛⲓ ϩⲓⲛⲁ ⲛⲥⲉϧⲟⲑⲃⲉϥ .	Ⲓⲥϫⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁⲩⲥⲟϭⲛⲓ ϩⲓⲛⲁ ⲛ̀ⲧⲟⲩϧⲟⲑⲃⲉϥ.	Isjen tiounou ète m̀mav avsoċni hina ǹtouxoθvef.	So from that day forward they took counsel that they might put him to death.
11:54	ⲓⲏⲥⲟⲩⲥ ⲇⲉ ⲛⲁϥⲙⲟϣⲓ ⲁⲛ ϫⲉⲡⲉ ⲛⲟⲩⲱⲛϩ ⲉⲃⲟⲗ ϧⲉⲛϯⲓⲟⲩⲇⲉⲁ ⲁⲗⲗⲁ ⲁϥϣⲉ ⲛⲁϥ ⲉⲃⲟⲗ ⲙⲙⲁⲩ ⲉⲟⲩⲭⲱⲣⲁ ϧⲁⲧⲉⲛⲡⲓϣⲁϥⲉ ⲉⲟⲩⲃⲁⲕⲓ ⲉⲩⲙⲟⲩϯ ⲉⲣⲟⲥ ϫⲉⲉⲫⲣⲉⲙ ⲟⲩⲟϩ ⲁϥϣⲱⲡⲓ ⲙⲙⲁⲩ ⲛⲉⲙⲛⲉϥⲙⲁⲑⲏⲧⲏⲥ .	Ⲓⲏⲥⲟⲩⲥ ⲇⲉ ⲛⲁϥⲙⲟϣⲓ ⲁⲛ ϫⲉ ⲡⲉ ⲛ̀ⲟⲩⲱⲛϩ ⲉ̀ⲃⲟⲗ ϧⲉⲛ ϯⲓⲟⲩⲇⲉⲁ̀ ⲁⲗⲗⲁ ⲁϥϣⲉ ⲛⲁϥ ⲉ̀ⲃⲟⲗ ⲙ̀ⲙⲁⲩ ⲉ̀ⲟⲩⲭⲱⲣⲁ ϧⲁⲧⲉⲛ ⲡⲓϣⲁϥⲉ ⲉ̀ⲟⲩⲃⲁⲕⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲉ̀ⲫ̀ⲣⲉⲙ ⲟⲩⲟϩ ⲁϥϣⲱⲡⲓ ⲙ̀ⲙⲁⲩ ⲛⲉⲙ ⲛⲉϥⲙⲁⲑⲏⲧⲏⲥ.	Iysous ḋe nafmoṡi an je pe ǹouōnh èvol xen tiioudeà alla afṡe naf èvol m̀mav èouxōra xaten piṡafe èouvaki evmouti èros je èf̀rem ouoh afṡōpi m̀mav nem nefmaθytys.	Jesus therefore walked no more openly among the Jews, but departed from there into the country near the wilderness, to a city called Ephraim. He stayed there with his disciples.
11:55	ⲛⲁϥϧⲉⲛⲧ ⲇⲉ ⲡⲉ ⲛϫⲉⲡⲓⲡⲁⲥⲭⲁ ⲛⲧⲉⲛⲓⲓⲟⲩⲇⲁⲓ ⲟⲩⲟϩ ⲁⲩⲓ ⲛϫⲉⲟⲩⲙⲏϣ ⲉϩⲣⲏ ⲓⲉⲓⲉⲣⲟⲥⲁⲗⲏⲙ ⲉⲃⲟⲗ ϧⲉⲛϯⲭⲱⲣⲁ ϧⲁϫⲉⲛ ⲡⲓⲡⲁⲥⲭⲁ ϩⲓⲛⲁ ⲛⲧⲟⲩⲧⲟⲩⲃⲱⲟⲩ .	Ⲛⲁϥϧⲉⲛⲧ ⲇⲉ ⲡⲉ ⲛ̀ϫⲉ ⲡⲓⲡⲁⲥⲭⲁ ⲛ̀ⲧⲉ ⲛⲓⲓⲟⲩⲇⲁⲓ ⲟⲩⲟϩ ⲁⲩⲓ̀ ⲛ̀ϫⲉ ⲟⲩⲙⲏϣ ⲉ̀ϩⲣⲏ ⲓⲉⲓⲉⲣⲟⲥⲁⲗⲏⲙ ⲉ̀ⲃⲟⲗ ϧⲉⲛ ϯⲭⲱⲣⲁ ϧⲁϫⲉⲛ ⲡⲓⲡⲁⲥⲭⲁ ϩⲓⲛⲁ ⲛ̀ⲧⲟⲩⲧⲟⲩⲃⲱⲟⲩ.	Nafxent ḋe pe ǹje pipasxa ǹte niioudai ouoh avì ǹje oumyṡ èhry ieierosalym èvol xen tixōra xajen pipasxa hina ǹtoutouvōou.	Now the Passover of the Jews was at hand. Many went up from the country to Jerusalem before the Passover, to purify themselves.
11:56	ⲛⲁⲩⲕⲱϯ ⲟⲩⲛ ⲡⲉ ⲛⲥⲁⲓⲏⲥⲟⲩⲥ ⲛϫⲉⲛⲓⲓⲟⲩⲇⲁⲓ ⲉⲩϫⲱ ⲙⲙⲟⲥ ⲛⲛⲟⲩⲉⲣⲏⲟⲩ ⲉⲩⲟϩⲓ ⲉⲣⲁⲧⲟⲩϧⲉⲛⲡⲓⲉⲣⲫⲉⲓ ϫⲉⲟⲩ ⲡⲉⲧⲉⲧⲉⲛⲙⲉⲩⲓ ⲉⲣⲟϥ ϫⲉϥⲛⲁⲓ ⲁⲛ ⲉⲡϣⲁⲓ .	Ⲛⲁⲩⲕⲱϯ ⲟⲩⲛ ⲡⲉ ⲛ̀ⲥⲁ ⲓⲏⲥⲟⲩⲥ ⲛ̀ϫⲉ ⲛⲓⲓⲟⲩⲇⲁⲓ ⲉⲩϫⲱ ⲙ̀ⲙⲟⲥ ⲛ̀ⲛⲟⲩⲉⲣⲏⲟⲩ ⲉⲩⲟ̀ϩⲓ ⲉ̀ⲣⲁⲧⲟⲩ ϧⲉⲛ ⲡⲓⲉⲣⲫⲉⲓ ϫⲉ ⲟⲩ ⲡⲉⲧⲉⲧⲉⲛⲙⲉⲩⲓ ⲉ̀ⲣⲟϥ ϫⲉ ϥ̀ⲛⲁⲓ̀ ⲁⲛ ⲉ̀ⲡ̀ϣⲁⲓ.	Navkōti oun pe ǹsa iysous ǹje niioudai evgō m̀mos ǹnoueryou evòhi èratou xen pierfei je ou petetenmevi èrof je f̀naì an èp̀ṡai.	Then they sought for Jesus and spoke one with another, as they stood in the temple, 'What do you think--that he isn't coming to the feast at all?'
11:57	ⲛⲉ ⲁⲩϯ ⲉⲛⲧⲟⲗⲏ ⲡⲉ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲫⲁⲣⲓⲥⲉⲟⲥ ϩⲓⲛⲁ ⲁⲣⲉϣⲁⲛ ⲟⲩⲁⲓ ⲉⲙⲓ ϫⲉⲁϥⲑⲱⲛ ⲛⲧⲉϥⲧⲁⲙⲱⲟⲩ ⲉⲣⲟϥ ⲛⲥⲉⲧⲁϩⲟϥ .	Ⲛⲉ ⲁⲩϯ ⲉ̀ⲛ̀ⲧⲟⲗⲏ ⲡⲉ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ ⲛⲉⲙⲛⲓⲫⲁⲣⲓⲥⲉⲟⲥ ϩⲓⲛⲁ ⲁⲣⲉϣⲁⲛ ⲟⲩⲁⲓ ⲉⲙⲓ ϫⲉ ⲁϥⲑⲱⲛ ⲛ̀ⲧⲉϥⲧⲁⲙⲱⲟⲩ ⲉ̀ⲣⲟϥ ⲛ̀ⲧⲟⲩⲧⲁϩⲟϥ.	Ne avti èǹtoly pe ǹje niarṡièrevs nemnifariseos hina areṡan ouai emi je afθōn ǹteftamōou èrof ǹtoutahof.	Now the chief priests and the Pharisees had commanded that if anyone knew where he was, he should report it, that they might seize him.

Provenance

title: 04_John_11
dialect: bohairic
source: Coptic SCRIPTORIUM corpus "bohairic.nt", document 04_John_11
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_John_11 from Coptic SCRIPTORIUM (https://copticscriptorium.org), corpus bohairic.nt, document 04_John_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/John/11.bohairic.scriptorium.L0.txt
title: 04_John_11 — Cairene
dialect: bohairic
source: generated from 11.bohairic.scriptorium.L0.txt (Coptic SCRIPTORIUM corpus "bohairic.nt", document 04_John_11)
licence: CC BY-SA 4.0
share: attribution
attribution: 04_John_11 from Coptic SCRIPTORIUM (https://copticscriptorium.org), corpus bohairic.nt, document 04_John_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/John/11.bohairic.scriptorium.L1.txt
title: 04_John_11 — Kemetic
dialect: bohairic
source: generated from 11.bohairic.scriptorium.L1.txt
licence: CC BY-SA 4.0
share: attribution
attribution: 04_John_11 from Coptic SCRIPTORIUM (https://copticscriptorium.org), corpus bohairic.nt, document 04_John_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/John/11.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 57 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 04_John_11 (57 lines)

Cite as:

04_John_11. Coptic SCRIPTORIUM corpus "bohairic.nt", document 04_John_11. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/john/11.bohairic.scriptorium/. 04_John_11 from Coptic SCRIPTORIUM (https://copticscriptorium.org), corpus bohairic.nt, document 04_John_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.