04_John_21 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 04_John_21

Attribution: 04_John_21 from Coptic SCRIPTORIUM (https://copticscriptorium.org), corpus bohairic.nt, document 04_John_21, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

25 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
21:1	ⲙⲉⲛⲉⲛⲥⲁⲛⲁⲓ ⲇⲉ ⲟⲛ ⲛⲁϥⲟⲩⲟⲛϩϥ ⲛϫⲉⲓⲏⲥⲟⲩⲥ ⲉⲛⲉϥⲙⲁⲑⲏⲧⲏⲥ ϩⲓϫⲉⲛⲫⲓⲟⲙ ⲛⲧⲉⲧⲓⲃⲉⲣⲓⲁⲇⲟⲥ ⲁϥⲟⲩⲟⲛϩϥ ⲇⲉ ⲙⲡⲁⲓⲣⲏϯ .	ⲙⲉⲛⲉⲛⲥⲁ ⲛⲁⲓ ⲇⲉ ⲟⲛ ⲛⲁϥⲟⲩⲟⲛϩϥ ⲛ̀ϫⲉ ⲓⲏⲥⲟⲩⲥ ⲉ̀ⲛⲉϥⲙⲁⲑⲏⲧⲏⲥ ϩⲓϫⲉⲛ ⲫ̀ⲓⲟⲙ ⲛ̀ⲧⲉ ⲧⲓⲃⲉⲣⲓⲁⲇⲟⲥ ⲁϥⲟⲩⲟⲛϩϥ ⲇⲉ ⲛ̀ⲡⲁⲓⲣⲏϯ.	menensa nai ḋe on nafouonhf ǹje iysous ènefmaθytys hijen f̀iom ǹte tiberiados afouonhf ḋe ǹpairyti.	After these things, Jesus revealed himself again to the disciples at the sea of Tiberias. He revealed himself this way.
21:2	ⲛⲁⲩⲭⲏ ϩⲓϫⲉⲛⲟⲩⲙⲁ ⲡⲉ ⲛϫⲉⲥⲓⲙⲱⲛ ⲡⲉⲧⲣⲟⲥ ⲛⲉⲙⲑⲱⲙⲁⲥ ⲫⲏ ⲉⲧⲟⲩⲙⲟⲩϯ ⲉⲣⲟϥ ϫⲉⲇⲓⲇⲩⲙⲟⲥ ⲛⲉⲙⲛⲉⲛϣⲏⲣⲓ ⲛⲍⲉⲃⲉⲇⲉⲟⲥ ⲛⲉⲙⲕⲉⲃ ⲉⲃⲟⲗ ϧⲉⲛⲛⲉϥⲙⲁⲑⲏⲧⲏⲥ .	Ⲛⲁⲩⲭⲏ ϩⲓϫⲉⲛ ⲟⲩⲙⲁ ⲡⲉ ⲛ̀ϫⲉ ⲥⲓⲙⲱⲛ ⲡⲉⲧⲣⲟⲥ ⲛⲉⲙ ⲑⲱⲙⲁⲥ ⲫⲏ ⲉⲧⲟⲩⲙⲟⲩϯ ⲉ̀ⲣⲟϥ ϫⲉ ⲇⲓⲇⲩⲙⲟⲥ ⲛⲉⲙ ⲛⲉⲛϣⲏⲣⲓ ⲛ̀ⲍⲉⲃⲉⲇⲉⲟⲥ ⲛⲉⲙ ⲕⲉⲃ ⲉ̀ⲃⲟⲗ ϧⲉⲛ ⲛⲉϥⲙⲁⲑⲏⲧⲏⲥ.	Navky hijen ouma pe ǹje simōn petros nem θōmas fy etoumouti èrof je didimos nem nenṡyri ǹzebedeos nem keb èvol xen nefmaθytys.	Simon Peter, Thomas called Didymus, Nathanael of Cana in Galilee, and the sons of Zebedee, and two others of his disciples were together.
21:3	ⲡⲉϫⲉ ⲥⲓⲙⲱⲛ ⲡⲉⲧⲣⲟⲥ ⲛⲱⲟⲩ ϫⲉϯⲛⲁϣⲉ ⲛⲏⲓ ⲛⲧⲁⲧⲁϩⲉ ⲧⲉⲃⲧ ⲡⲉϫⲱⲟⲩ ⲛⲁϥ ϫⲉⲧⲉⲛⲛⲏⲟⲩ ϩⲱⲛ ⲛⲉⲙⲁⲕ ⲟⲩⲟϩ ⲉⲧⲁⲩⲓ ⲉⲃⲟⲗ ⲁⲩⲁⲗⲏⲓ ⲉⲡⲓϫⲟⲓ ⲟⲩⲟϩ ϧⲉⲛⲡⲓⲉϫⲱⲣϩ ⲉⲧⲉⲙⲙⲁⲩ ⲙⲡⲟⲩⲧⲁϩⲉ ϩⲗⲓ .	Ⲡⲉϫⲉ ⲥⲓⲙⲱⲛ ⲡⲉⲧⲣⲟⲥ ⲛⲱⲟⲩ ϫⲉ ϯⲛⲁϣⲉ ⲛⲏⲓ ⲛ̀ⲧⲁⲧⲁϩⲉ ⲧⲉⲃⲧ ⲡⲉϫⲱⲟⲩ ⲛⲁϥ ϫⲉ ⲧⲉⲛⲛⲏⲟⲩ ϩⲱⲛ ⲛⲉⲙⲁⲕ ⲟⲩⲟϩ ⲉⲧⲁⲩⲓ̀ ⲉ̀ⲃⲟⲗ ⲁⲩⲁⲗⲏⲓ ⲉ̀ⲡⲓϫⲟⲓ ⲟⲩⲟϩ ϧⲉⲛ ⲡⲓⲉ̀ϫⲱⲣϩ ⲉ̀ⲧⲉ ⲙ̀ⲙⲁⲩ ⲙ̀ⲡⲟⲩⲧⲁϩⲉ ϩ̀ⲗⲓ.	Peje simōn petros nōou je tinaṡe nyi ǹtatahe tevt pegōou naf je tennyou hōn nemak ouoh etavì èvol avalyi èpigoi ouoh xen piègōrh ète m̀mav m̀poutahe h̀li.	Simon Peter said to them, 'I'm going fishing.' They told him, 'We are also coming with you.' They immediately went out, and entered into the boat. That night, they caught nothing.
21:4	ⲉⲣⲉϣⲱⲣⲡ ⲇⲉ ⲛⲁϣⲱⲡⲓ ⲁϥⲟϩⲓ ⲉⲣⲁⲧϥ ⲛϫⲉⲓⲏⲥⲟⲩⲥ ϩⲓⲡⲓⲭⲣⲟ ⲙⲉⲛⲧⲟⲓ ⲙⲡⲟⲩⲉⲙⲓ ⲛϫⲉⲛⲓⲙⲁⲑⲏⲧⲏⲥ ϫⲉⲓⲏⲥⲟⲩⲥ ⲡⲉ .	Ⲉ̀ⲣⲉ ϣⲱⲣⲡ ⲇⲉ ⲛⲁϣⲱⲡⲓ ⲁϥⲟ̀ϩⲓ ⲉ̀ⲣⲁⲧϥ ⲛ̀ϫⲉ ⲓⲏⲥⲟⲩⲥ ϩⲓ ⲡⲓⲭⲣⲟ ⲙⲉⲛⲧⲟⲓ ⲙ̀ⲡⲟⲩⲉⲙⲓ ⲛ̀ϫⲉ ⲛⲓⲙⲁⲑⲏⲧⲏⲥ ϫⲉ ⲓⲏⲥⲟⲩⲥ ⲡⲉ.	Ère ṡōrp ḋe naṡōpi afòhi èratf ǹje iysous hi pikro mentoi m̀pouemi ǹje nimaθytys je iysous pe.	But when day had already come, Jesus stood on the beach, yet the disciples didn't know that it was Jesus.
21:5	ⲡⲉϫⲉ ⲓⲏⲥⲟⲩⲥ ⲟⲩⲛ ⲛⲱⲟⲩ ϫⲉⲛⲓⲁⲗⲱⲟⲩⲓ ⲙⲏ ⲟⲩⲟⲛ ϩⲗⲓ ⲛⲉⲛⲭⲁⲓ ⲛⲟⲩⲱⲙ ⲛⲧⲉⲛⲑⲏⲛⲟⲩ ⲁⲩⲉⲣⲟⲩⲱ ϫⲉⲙⲙⲟⲛ .	Ⲡⲉϫⲉ ⲓⲏⲥⲟⲩⲥ ⲟⲩⲛ ⲛⲱⲟⲩ ϫⲉ ⲛⲓⲁ̀ⲗⲱⲟⲩⲓ̀ ⲙⲏ ⲟⲩⲟⲛ ϩ̀ⲗⲓ ⲛ̀ⲉⲛⲭⲁⲓ ⲛ̀ⲟⲩⲱⲙ ⲛ̀ⲧⲉⲛⲑⲏⲛⲟⲩ ⲁⲩⲉⲣⲟⲩⲱ ϫⲉ ⲙ̀ⲙⲟⲛ.	Peje iysous oun nōou je niàlōouì my ouon h̀li ǹenkai ǹouōm ǹtenθynou averouō je m̀mon.	Jesus therefore said to them, 'Children, have you anything to eat?' They answered him, 'No.'
21:6	ⲡⲉϫⲁϥ ⲛⲱⲟⲩ ϫⲉϩⲓⲟⲩⲓ ⲙⲡⲓϣⲛⲉ ⲥⲁⲟⲩⲓⲛⲁⲙ ⲙⲡⲓϫⲟⲓ ⲟⲩⲟϩ ⲉⲣⲉⲧⲉⲛⲉϫⲓⲙⲓ ⲛⲑⲱⲟⲩ ⲇⲉ ⲁⲩϩⲓⲟⲩⲓ ⲟⲩⲟϩ ⲙⲡⲟⲩϣϫⲉⲙϫⲟⲙ ⲛⲥⲟⲕϥ ⲉⲡϣⲱⲓ ⲛⲧⲉⲛⲡⲁϣⲁⲓ ⲛⲧⲉⲛⲓⲧⲉⲃⲧ .	Ⲡⲉϫⲁϥ ⲛⲱⲟⲩ ϫⲉ ϩⲓⲟⲩⲓ̀ ⲛ̀ⲡⲓϣⲛⲉ ⲥⲁⲟⲩⲓ̀ⲛⲁⲙ ⲛ̀ⲡⲓϫⲟⲓ ⲟⲩⲟϩ ⲉ̀ⲣⲉⲧⲉⲛⲉϫⲓⲙⲓ ⲛ̀ⲑⲱⲟⲩ ⲇⲉ ⲁⲩϩⲓⲟⲩⲓ̀ ⲟⲩⲟϩ ⲙ̀ⲡⲟⲩϣϫⲉⲙϫⲟⲙ ⲛ̀ⲥⲟⲕϥ ⲉ̀ⲡ̀ϣⲱⲓ ⲛ̀ⲧⲉⲛ ⲡ̀ⲁ̀ϣⲁⲓ ⲛ̀ⲧⲉ ⲛⲓⲧⲉⲃⲧ.	Pegaf nōou je hiouì ǹpiṡne saouìnam ǹpigoi ouoh èretenejimi ǹθōou ḋe avhiouì ouoh m̀pouṡjemgom ǹsokf èp̀ṡōi ǹten p̀àṡai ǹte nitevt.	He said to them, 'Cast the net on the right side of the boat, and you will find some.' They cast it therefore, and now they weren't able to draw it in for the multitude of fish.
21:7	ⲡⲉϫⲉ ⲡⲓⲙⲁⲑⲏⲧⲏⲥ ⲫⲏ ⲉⲛⲁⲣⲉⲓⲏⲥⲟⲩⲥ ⲙⲉⲓ ⲙⲙⲟϥ ⲙⲡⲉⲧⲣⲟⲥ ϫⲉⲡϭⲟⲓⲥ ⲡⲉ ⲥⲓⲙⲱⲛ ⲟⲩⲛ ⲡⲉⲧⲣⲟⲥ ⲉⲧⲁϥⲥⲱⲧⲉⲙ ϫⲉⲡϭⲟⲓⲥ ⲡⲉ ⲁϥⲙⲟⲣϥ ⲙⲡⲉϥⲉⲡⲉⲛⲇⲩⲧⲏⲥ ⲛⲁϥⲃⲏϣ ⲅⲁⲣ ⲡⲉ ⲟⲩⲟϩ ⲁϥϩⲓⲧϥ ⲉⲫⲓⲟⲙ .	Ⲡⲉϫⲉ ⲡⲓⲙⲁⲑⲏⲧⲏⲥ ⲫⲏ ⲉⲛⲁⲣⲉ ⲓⲏⲥⲟⲩⲥ ⲙⲉⲓ ⲙ̀ⲙⲟϥ ⲛ̀ⲡⲉⲧⲣⲟⲥ ϫⲉ ⲡ̀ϭⲟⲓⲥ ⲡⲉ ⲥⲓⲙⲱⲛ ⲟⲩⲛ ⲡⲉⲧⲣⲟⲥ ⲉ̀ⲧⲁϥⲥⲱⲧⲉⲙ ϫⲉ ⲡ̀ϭⲟⲓⲥ ⲡⲉ ⲁϥⲙⲟⲣϥ ⲛ̀ⲡⲉϥⲉⲡⲉⲛⲇⲩⲧⲏⲥ ⲛⲁϥⲃⲏϣ ⲅⲁⲣ ⲡⲉ ⲟⲩⲟϩ ⲁϥϩⲓⲧϥ ⲉ̀ⲫ̀ⲓⲟⲙ.	Peje pimaθytys fy enare iysous mei m̀mof ǹpetros je p̀ċois pe simōn oun petros ètafsōtem je p̀ċois pe afmorf ǹpefepenḋitys nafvyṡ ġar pe ouoh afhitf èf̀iom.	That disciple therefore whom Jesus loved said to Peter, 'It's the Lord!' So when Simon Peter heard that it was the Lord, he wrapped his coat around him (for he was naked), and threw himself into the sea.
21:8	ⲛⲓⲕⲉⲙⲁⲑⲏⲧⲏⲥ ⲇⲉ ⲁⲩⲓ ϧⲉⲛⲡⲓϫⲟⲓ ⲛⲁⲩⲟⲩⲏⲟⲩ ⲅⲁⲣ ⲁⲛ ⲡⲉ ⲉⲃⲟⲗ ϩⲁⲡⲓⲭⲣⲟ ⲁⲗⲗⲁ ϩⲱⲥ ⲛⲁⲩⲥ ⲙⲙⲁϩⲓ ⲉⲩⲥⲱⲕ ⲙⲡⲓϣⲛⲉ ⲛⲧⲉⲛⲓⲧⲉⲃⲧ .	Ⲛⲓⲕⲉⲙⲁⲑⲏⲧⲏⲥ ⲇⲉ ⲁⲩⲓ̀ ϧⲉⲛ ⲡⲓϫⲟⲓ ⲛⲁⲩⲟⲩⲏⲟⲩ ⲅⲁⲣ ⲁⲛ ⲡⲉ ⲉ̀ⲃⲟⲗ ϩⲁ ⲡⲓⲭⲣⲟ ⲁⲗⲗⲁ ϩⲱⲥ ⲛⲁⲩⲥ ⲛ̀ⲙⲁϩⲓ ⲉⲩⲥⲱⲕ ⲛ̀ⲡⲓϣⲛⲉ ⲛ̀ⲧⲉ ⲛⲓⲧⲉⲃⲧ.	Nikemaθytys ḋe avì xen pigoi navouyou ġar an pe èvol ha pikro alla hōs navs ǹmahi evsōk ǹpiṡne ǹte nitevt.	But the other disciples came in the little boat (for they were not far from the land, but about two hundred cubits away), dragging the net full of fish.
21:9	ϩⲟⲧⲉ ⲇⲉ ⲉⲧⲁⲩⲓ ⲉⲡⲓⲕⲁϩⲓ ⲁⲩϫⲟⲩϣⲧ ⲁⲩⲛⲁⲩ ⲉⲟⲩⲣⲁⲕϩⲓ ⲉⲥⲭⲏ ⲉϧⲣⲏⲓ ⲛⲉⲙⲟⲩⲧⲉⲃⲧ ϩⲓϫⲱⲥ ⲛⲉⲙⲟⲩⲱⲓⲕ .	Ϩⲟⲧⲉ ⲇⲉ ⲉⲧⲁⲩⲓ̀ ⲉ̀ⲡⲓⲕⲁϩⲓ ⲁⲩϫⲟⲩϣⲧ ⲁⲩⲛⲁⲩ ⲉ̀ⲟⲩⲣⲁⲕϩⲓ ⲉⲥⲭⲏ ⲉ̀ϧ̀ⲣⲏⲓ ⲛⲉⲙ ⲟⲩⲧⲉⲃⲧ ϩⲓϫⲱⲥ ⲛⲉⲙ ⲟⲩⲱⲓⲕ.	Hote ḋe etavì èpikahi avgouṡt avnav èourak·hi esky èx̀ryi nem outevt higōs nem ouōik.	So when they got out on the land, they saw a fire of coals there, and fish laid on it, and bread.
21:10	ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉⲁⲛⲓⲟⲩⲓ ⲉⲃⲟⲗ ϧⲉⲛⲛⲓⲧⲉⲃⲧ ⲉⲧⲁⲣⲉⲧⲉⲛⲧⲁϩⲱⲟⲩ ϯⲛⲟⲩ .	Ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉ ⲁⲛⲓⲟⲩⲓ̀ ⲉ̀ⲃⲟⲗ ϧⲉⲛ ⲛⲓⲧⲉⲃⲧ ⲉⲧⲁⲣⲉⲧⲉⲛⲧⲁϩⲱⲟⲩ ϯⲛⲟⲩ.	Peje iysous nōou je aniouì èvol xen nitevt etaretentahōou tinou.	Jesus said to them, 'Bring some of the fish which you have just caught.'
21:11	ⲁϥⲓ ⲟⲩⲛ ⲉⲡϣⲱⲓ ⲛϫⲉⲥⲓⲙⲱⲛ ⲡⲉⲧⲣⲟⲥ ⲟⲩⲟϩ ⲁϥⲥⲉⲕ ⲡⲓϣⲛⲉ ⲉⲡϣⲱⲓ ⲉϫⲉⲛⲡⲓⲕⲁϩⲓ ⲉϥⲙⲉϩ ⲛⲛⲓϣϯ ⲛⲧⲉⲃⲧ ⲉⲟⲩⲟⲛ ⲣⲛⲅ ⲛϧⲏ ⲧϥ ⲟⲩⲟϩ ⲉⲣⲉⲧⲁⲓⲏⲡⲓ ⲛϧⲏⲧϥ ⲙⲡⲉϥⲫⲱϧ ⲛϫⲉⲡⲓϣⲛⲉ .	Ⲁϥⲓ̀ ⲟⲩⲛ ⲉ̀ⲡ̀ϣⲱⲓ ⲛ̀ϫⲉ ⲥⲓⲙⲱⲛ ⲡⲉⲧⲣⲟⲥ ⲟⲩⲟϩ ⲁϥⲥⲉⲕ ⲡⲓϣⲛⲉ ⲉ̀ⲡ̀ϣⲱⲓ ⲉ̀ϫⲉⲛ ⲡⲓⲕⲁϩⲓ ⲉϥⲙⲉϩ ⲛ̀ⲛⲓϣϯ ⲛ̀ⲧⲉⲃⲧ ⲉ̀ⲟⲩⲟⲛ ⲣⲛⲅ ⲛ̀ϧⲏ ⲧ̀ϥ ⲟⲩⲟϩ ⲉ̀ⲣⲉ ⲧⲁⲓⲏⲡⲓ ⲛ̀ϧⲏⲧϥ ⲛ̀ⲡⲉϥⲫⲱϧ ⲛ̀ϫⲉ ⲡⲓϣⲛⲉ.	Afì oun èp̀ṡōi ǹje simōn petros ouoh afsek piṡne èp̀ṡōi èjen pikahi efmeh ǹniṡti ǹtevt èouon rnġ ǹxy t̀f ouoh ère taiypi ǹxytf ǹpeffōx ǹje piṡne.	Simon Peter went up, and drew the net to land, full of great fish, one hundred fifty-three; and even though there were so many, the net wasn't torn.
21:12	ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉⲁⲙⲱⲓⲛⲓ ⲟⲩⲱⲙ ⲛⲉⲙⲙⲟⲛ ϩⲗⲓ ⲇⲉ ⲡⲉ ⲛⲛⲉϥⲙⲁⲑⲏⲧⲏⲥ ⲉⲣⲧⲟⲗⲙⲁⲛ ⲉϣⲉⲛϥ ϫⲉⲛⲑⲟⲕ ⲛⲓⲙ ⲉⲩⲉⲙⲓ ϫⲉⲡϭⲟⲓⲥ ⲡⲉ .	Ⲡⲉϫⲉ ⲓⲏⲥⲟⲩⲥ ⲛⲱⲟⲩ ϫⲉ ⲁⲙⲱⲓⲛⲓ ⲟⲩⲱⲙ ⲛⲉ ⲙ̀ⲙⲟⲛ ϩ̀ⲗⲓ ⲇⲉ ⲡⲉ ⲛ̀ⲛⲉϥⲙⲁⲑⲏⲧⲏⲥ ⲉⲣⲧⲟⲗⲙⲁⲛ ⲉ̀ϣⲉⲛϥ ϫⲉ ⲛ̀ⲑⲟⲕ ⲛⲓⲙ ⲉⲩⲉⲙⲓ ϫⲉ ⲡ̀ϭⲟⲓⲥ ⲡⲉ.	Peje iysous nōou je amōini ouōm ne m̀mon h̀li ḋe pe ǹnefmaθytys ertolman èṡenf je ǹθok nim evemi je p̀ċois pe.	Jesus said to them, 'Come and eat breakfast.' None of the disciples dared inquire of him, 'Who are you?' knowing that it was the Lord.
21:13	ⲁϥⲓ ⲟⲩⲛ ⲛϫⲉⲓⲏⲥⲟⲩⲥ ⲁϥϭⲓ ⲙⲡⲓⲱⲓⲕ ⲟⲩⲟϩ ⲁϥϯ ⲛⲱⲟⲩ ⲛⲉⲙⲡⲓⲧⲉⲃⲧ ⲙⲡⲁⲓⲣⲏϯ .	Ⲁϥⲓ̀ ⲟⲩⲛ ⲛ̀ϫⲉ ⲓⲏⲥⲟⲩⲥ ⲁϥϭⲓ ⲛ̀ⲡⲓⲱⲓⲕ ⲟⲩⲟϩ ⲁϥϯ ⲛⲱⲟⲩ ⲛⲉⲙ ⲡⲓⲧⲉⲃⲧ ⲛ̀ⲡⲁⲓⲣⲏϯ.	Afì oun ǹje iysous afċi ǹpiōik ouoh afti nōou nem pitevt ǹpairyti.	Then Jesus came and took the bread, gave it to them, and the fish likewise.
21:14	ⲫⲁⲓ ⲇⲉ ⲡⲉ ⲫⲙⲁϩⲅ ⲛⲥⲟⲡ ⲉⲧⲁϥⲟⲩⲟⲛϩϥ ⲛϫⲉⲓⲏⲥⲟⲩⲥ ⲉⲛⲉϥⲙⲁⲑⲏⲧⲏⲥ ⲉⲁϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ .	Ⲫⲁⲓ ⲇⲉ ⲡⲉ ⲫ̀ⲙⲁϩⲅ ⲛ̀ⲥⲟⲡ ⲉ̀ⲧⲁϥⲟⲩⲟⲛϩϥ ⲛ̀ϫⲉ ⲓⲏⲥⲟⲩⲥ ⲉ̀ⲛⲉϥⲙⲁⲑⲏⲧⲏⲥ ⲉⲁϥⲧⲱⲛϥ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ.	Fai ḋe pe f̀mahġ ǹsop ètafouonhf ǹje iysous ènefmaθytys eaftōnf èvol xen ny eθmōout.	This is now the third time that Jesus was revealed to his disciples, after he had risen from the dead.
21:15	ϩⲟⲧⲉ ⲟⲩⲛ ⲉⲧⲁⲩⲟⲩⲱⲙ ⲡⲉϫⲉ ⲓⲏⲥⲟⲩⲥ ⲛⲥⲓⲙⲱⲛ ⲡⲉⲧⲣⲟⲥ ϫⲉⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲕⲉⲣⲁⲅⲁⲡⲁⲛ ⲙⲙⲟⲓ ⲉϩⲟⲧⲉ ⲛⲁⲓ ⲡⲉϫⲁϥ ⲛⲁϥ ϫⲉⲥⲉ ⲡⲁϭⲟⲓⲥ ⲛⲑⲟⲕ ⲉⲧⲉⲙⲓ ϫⲉϯⲙⲉⲓ ⲙⲙⲟⲕ ⲡⲉϫⲁϥ ⲛⲁϥ ϫⲉⲙⲟⲛⲓ ⲛⲛⲁϩⲓⲏⲃ .	Ϩⲟⲧⲉ ⲟⲩⲛ ⲉ̀ⲧⲁⲩⲟⲩⲱⲙ ⲡⲉϫⲉ ⲓⲏⲥⲟⲩⲥ ⲛ̀ⲥⲓⲙⲱⲛ ⲡⲉⲧⲣⲟⲥ ϫⲉ ⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲕ̀ⲉⲣⲁⲅⲁⲡⲁⲛ ⲙ̀ⲙⲟⲓ ⲉ̀ϩⲟⲧⲉ ⲛⲁⲓ ⲡⲉϫⲁϥ ⲛⲁϥ ϫⲉ ⲥⲉ ⲡⲁϭⲟⲓⲥ ⲛ̀ⲑⲟⲕ ⲉⲧⲉⲙⲓ ϫⲉ ϯⲙⲉⲓ ⲙ̀ⲙⲟⲕ ⲡⲉϫⲁϥ ⲛⲁϥ ϫⲉ ⲙⲟⲛⲓ ⲛ̀ⲛⲁϩⲓⲏⲃ.	Hote oun ètavouōm peje iysous ǹsimōn petros je simōn fa iōannys k̀eraġapan m̀moi èhote nai pegaf naf je se paċois ǹθok etemi je timei m̀mok pegaf naf je moni ǹnahiyb.	So when they had eaten their breakfast, Jesus said to Simon Peter, 'Simon, son of Jonah, do you love me more than these?' He said to him, 'Yes, Lord; you know that I have affection for you.' He said to him, 'Feed my lambs.'
21:16	ⲡⲁⲗⲓⲛ ⲟⲛ ⲡⲉϫⲁϥ ⲛⲁϥ ⲙⲫⲙⲁϩⲥⲟⲡ ⲃϫⲉ ⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲕⲉⲣⲁⲅⲁⲡⲁⲛ ⲙⲙⲟⲓ ⲡⲉϫⲁϥ ⲛⲁϥ ϫⲉⲥⲉ ⲡⲁϭⲟⲓⲥ ⲛⲑⲟⲕ ⲉⲧⲉⲙⲓ ϫⲉϯⲙⲉⲓ ⲙⲙⲟⲕ ⲡⲉϫⲁϥ ⲛⲁϥ ϫⲉⲙⲟⲛⲓ ⲛⲛⲁⲉⲥⲱⲟⲩ .	Ⲡⲁⲗⲓⲛ ⲟⲛ ⲡⲉϫⲁϥ ⲛⲁϥ ⲛ̀ⲫ̀ⲙⲁϩⲥⲟⲡ ⲃ ϫⲉ ⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲕ̀ⲉⲣⲁⲅⲁⲡⲁⲛ ⲙ̀ⲙⲟⲓ ⲡⲉϫⲁϥ ⲛⲁϥ ϫⲉ ⲥⲉ ⲡⲁϭⲟⲓⲥ ⲛ̀ⲑⲟⲕ ⲉⲧⲉⲙⲓ ϫⲉ ϯⲙⲉⲓ ⲙ̀ⲙⲟⲕ ⲡⲉϫⲁϥ ⲛⲁϥ ϫⲉ ⲙⲟⲛⲓ ⲛ̀ⲛⲁⲉ̀ⲥⲱⲟⲩ.	Palin on pegaf naf ǹf̀mahsop v je simōn fa iōannys k̀eraġapan m̀moi pegaf naf je se paċois ǹθok etemi je timei m̀mok pegaf naf je moni ǹnaèsōou.	He said to him again a second time, 'Simon, son of Jonah, do you love me?' He said to him, 'Yes, Lord; you know that I have affection for you.' He said to him, 'Tend my sheep.'
21:17	ⲡⲉϫⲁϥ ⲛⲁϥ ⲟⲛ ⲙⲫⲙⲁϩⲅ ⲛⲥⲟⲡ ϫⲉⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲭⲙⲉⲓ ⲙⲙⲟⲓ ⲁϥⲉⲣⲙⲕⲁϩ ⲛϩⲏⲧ ⲛϫⲉⲡⲉⲧⲣⲟⲥ ϫⲉⲁϥϫⲟⲥ ⲛⲁϥ ⲙⲫⲙⲁϩⲅ ⲛⲥⲟⲡ ϫⲉⲭⲙⲉⲓ ⲙⲙⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉⲡϭⲟⲓⲥ ⲛⲑⲟⲕ ⲉⲧⲥⲱⲟⲩⲛ ⲛϩⲱⲃ ⲛⲓⲃⲉⲛ ⲛⲑⲟⲕ ⲉⲧⲉⲙⲓ ϫⲉϯⲙⲉⲓ ⲙⲙⲟⲕ ⲡⲉϫⲁϥ ⲛⲁϥ ϫⲉⲙⲟⲛⲓ ⲛⲛⲁⲉⲥⲱⲟⲩ .	Ⲡⲉϫⲁϥ ⲛⲁϥ ⲟⲛ ⲛ̀ⲫ̀ⲙⲁϩⲅ ⲛ̀ⲥⲟⲡ ϫⲉ ⲥⲓⲙⲱⲛ ⲫⲁ ⲓⲱⲁⲛⲛⲏⲥ ⲭ̀ⲙⲉⲓ ⲙ̀ⲙⲟⲓ ⲁϥⲉⲣⲙ̀ⲕⲁϩ ⲛ̀ϩⲏⲧ ⲛ̀ϫⲉ ⲡⲉⲧⲣⲟⲥ ϫⲉ ⲁϥϫⲟⲥ ⲛⲁϥ ⲛ̀ⲫ̀ⲙⲁϩⲅ ⲛ̀ⲥⲟⲡ ϫⲉ ⲭ̀ⲙⲉⲓ ⲙ̀ⲙⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲡ̀ϭⲟⲓⲥ ⲛ̀ⲑⲟⲕ ⲉⲧⲥⲱⲟⲩⲛ ⲛ̀ϩⲱⲃ ⲛⲓⲃⲉⲛ ⲛ̀ⲑⲟⲕ ⲉⲧⲉⲙⲓ ϫⲉ ϯⲙⲉⲓ ⲙ̀ⲙⲟⲕ ⲡⲉϫⲁϥ ⲛⲁϥ ϫⲉ ⲙⲟⲛⲓ ⲛ̀ⲛⲁⲉ̀ⲥⲱⲟⲩ.	Pegaf naf on ǹf̀mahġ ǹsop je simōn fa iōannys k̀mei m̀moi aferm̀kah ǹhyt ǹje petros je afgos naf ǹf̀mahġ ǹsop je k̀mei m̀moi ouoh pegaf naf je p̀ċois ǹθok etsōoun ǹhōb niven ǹθok etemi je timei m̀mok pegaf naf je moni ǹnaèsōou.	He said to him the third time, 'Simon, son of Jonah, do you have affection for me?' Peter was grieved because he asked him the third time, 'Do you have affection for me?' He said to him, 'Lord, you know everything. You know that I have affection for you.' Jesus said to him, 'Feed my sheep.
21:18	ⲁⲙⲏⲛ ⲁⲙⲏⲛ ϯϫⲱ ⲙⲙⲟⲥ ⲛⲁⲕ ϫⲉⲉⲕⲟⲓ ⲛⲁⲗⲟⲩ ϣⲁⲕⲙⲟⲣⲕ ⲙⲙⲁⲩⲁⲧⲕ ⲟⲩⲟϩ ϣⲁⲕϣⲉ ⲛⲁⲕ ⲉⲫⲙⲁ ⲉⲧⲉϩⲛⲁⲕ ⲉϣⲱⲡ ⲇⲉ ⲁⲕϣⲁⲛⲉⲣϧⲉⲗⲗⲟ ⲉⲕⲉⲥⲟⲩⲧⲉⲛ ⲛⲉⲕϫⲓϫ ⲉⲃⲟⲗ ⲟⲩⲟϩ ⲉⲣⲉⲕⲉⲟⲩⲁⲓ ⲙⲟⲣⲕ ⲟⲩⲟϩ ⲉⲩⲉⲟⲗⲕ ⲉⲫⲙⲁ ⲉⲧⲉϩⲛⲁⲕ ⲁⲛ .	Ⲁ̀ⲙⲏⲛ ⲁ̀ⲙⲏⲛ ϯϫⲱ ⲙ̀ⲙⲟⲥ ⲛⲁⲕ ϫⲉ ⲉⲕⲟⲓ ⲛ̀ⲁⲗⲟⲩ ϣⲁⲭⲙⲟⲣⲕ ⲙ̀ⲙⲁⲩⲁⲧⲕ ⲟⲩⲟϩ ϣⲁⲕϣⲉ ⲛⲁⲕ ⲉ̀ⲫ̀ⲙⲁ ⲉⲧⲉϩⲛⲁⲕ ⲉϣⲱⲡ ⲇⲉ ⲁⲕϣⲁⲛⲉⲣϧⲉⲗⲗⲟ ⲉⲕⲉ̀ⲥⲟⲩⲧⲉⲛ ⲛⲉⲕϫⲓϫ ⲉ̀ⲃⲟⲗ ⲟⲩⲟϩ ⲉ̀ⲣⲉⲕⲉⲟⲩⲁⲓ ⲙⲟⲣⲕ ⲟⲩⲟϩ ⲉⲩⲉⲟⲗⲕ ⲉ̀ⲫ̀ⲙⲁ ⲉⲧⲉϩⲛⲁⲕ ⲁⲛ.	Àmyn àmyn tigō m̀mos nak je ekoi ǹalou ṡakmork m̀mavatk ouoh ṡakṡe nak èf̀ma etehnak eṡōp ḋe akṡanerxello ekèsouten nekjig èvol ouoh èrekeouai mork ouoh eveolk èf̀ma etehnak an.	Most certainly I tell you, when you were young, you dressed yourself, and walked where you wanted to. But when you are old, you will stretch out your hands, and another will dress you, and carry you where you don't want to go.'
21:19	ⲫⲁⲓ ⲇⲉ ⲉⲧⲁϥϫⲟϥ ⲁϥⲉⲣⲥⲏⲙⲉⲛⲓⲛ ϫⲉⲁϥⲛⲁϯⲱⲟⲩ ⲙⲫⲛⲟⲩϯ ⲛϧⲣⲏⲓ ϧⲉⲛⲁϣ ⲙⲙⲟⲩ ⲟⲩⲟϩ ⲫⲁⲓ ⲉⲧⲁϥϫⲟϥ ⲡⲉϫⲁϥ ⲛⲁϥ ϫⲉⲙⲟϣⲓ ⲛⲥⲱⲓ .	Ⲫⲁⲓ ⲇⲉ ⲉ̀ⲧⲁϥϫⲟϥ ⲁϥⲉⲣⲥⲏⲙⲉⲛⲓⲛ ϫⲉ ⲁϥⲛⲁϯⲱⲟⲩ ⲛ̀ⲫ̀ⲛⲟⲩϯ ⲛ̀ϧ̀ⲣⲏⲓ ϧⲉⲛ ⲁϣ ⲙ̀ⲙⲟⲩ ⲟⲩⲟϩ ⲫⲁⲓ ⲉⲧⲁϥϫⲟϥ ⲡⲉϫⲁϥ ⲛⲁϥ ϫⲉ ⲙⲟϣⲓ ⲛ̀ⲥⲱⲓ.	Fai ḋe ètafgof afersymenin je afnatiōou ǹf̀nouti ǹx̀ryi xen aṡ m̀mou ouoh fai etafgof pegaf naf je moṡi ǹsōi.	Now he said this, signifying by what kind of death he would glorify God. When he had said this, he said to him, 'Follow me.'
21:20	ⲁϥⲫⲟⲛϩϥ ⲇⲉ ⲛϫⲉⲡⲉⲧⲣⲟⲥ ⲁϥⲛⲁⲩ ⲉⲡⲓⲙⲁⲑⲏⲧⲏⲥ ⲉⲛⲁⲣⲉⲓⲏⲥⲟⲩⲥ ⲙⲉⲓ ⲙⲙⲟϥ ⲫⲏ ⲉⲧⲁϥⲣⲟⲑⲃⲉϥ ⲉϫⲉⲛⲧⲉϥⲙⲉⲥⲧⲉⲛϩⲏⲧ ϧⲉⲛⲡⲓⲇⲓⲡⲛⲟⲛ ⲉⲁϥϫⲟⲥ ⲛⲁϥ ϫⲉⲡϭⲟⲓⲥ ⲛⲓⲙ ⲡⲉⲑⲛⲁⲧⲏ ⲓⲕ .	Ⲁϥⲫⲟⲛϩϥ ⲇⲉ ⲛ̀ϫⲉ ⲡⲉⲧⲣⲟⲥ ⲁϥⲛⲁⲩ ⲉ̀ⲡⲓⲙⲁⲑⲏⲧⲏⲥ ⲉⲛⲁⲣⲉ ⲓⲏⲥⲟⲩⲥ ⲙⲉⲓ ⲙ̀ⲙⲟϥ ⲫⲏ ⲉⲧⲁϥⲣⲟⲑⲃⲉϥ ⲉ̀ϫⲉⲛ ⲧⲉϥⲙⲉⲥⲧⲉⲛϩⲏⲧ ϧⲉⲛ ⲡⲓⲇⲓⲡⲛⲟⲛ ⲉⲁϥϫⲟⲥ ⲛⲁϥ ϫⲉ ⲡ̀ϭⲟⲓⲥ ⲛⲓⲙ ⲡⲉⲑⲛⲁⲧⲏ ⲓⲕ.	Affonhf ḋe ǹje petros afnav èpimaθytys enare iysous mei m̀mof fy etafroθvef èjen tefmestenhyt xen piḋipnon eafgos naf je p̀ċois nim peθnaty ik.	Then Peter, turning around, saw a disciple following. This was the disciple whom Jesus sincerely loved, the one who had also leaned on Jesus' breast at the supper and asked, 'Lord, who is going to betray You?'
21:21	ⲉⲧⲁϥⲛⲁⲩ ⲟⲩⲛ ⲉⲫⲁⲓ ⲛϫⲉⲡⲉⲧⲣⲟⲥ ⲡⲉϫⲁϥ ⲛⲓⲏⲥⲟⲩⲥ ϫⲉⲡⲁϭⲟⲓⲥ ⲫⲁⲓ ⲇⲉ ⲛⲑⲟϥ ⲟⲩ .	Ⲉⲧⲁϥⲛⲁⲩ ⲟⲩⲛ ⲉ̀ⲫⲁⲓ ⲛ̀ϫⲉ ⲡⲉⲧⲣⲟⲥ ⲡⲉϫⲁϥ ⲛ̀ⲓⲏⲥⲟⲩⲥ ϫⲉ ⲡⲁϭⲟⲓⲥ ⲫⲁⲓ ⲇⲉ ⲛ̀ⲑⲟϥ ⲟⲩ.	Etafnav oun èfai ǹje petros pegaf ǹiysous je paċois fai ḋe ǹθof ou.	Peter seeing him, said to Jesus, 'Lord, what about this man?'
21:22	ⲡⲉϫⲉ ⲓⲏⲥⲟⲩⲥ ⲛⲁϥ ϫⲉⲉϣⲱⲡ ⲁⲓϣⲁⲛⲟⲩⲱϣ ⲉⲭⲁϥ ϣⲁϯⲓ ⲁϧⲟⲕ ⲛⲑⲟⲕ ⲛⲑⲟⲕ ⲇⲉ ⲟⲩⲁϩⲕ ⲛⲥⲱⲓ .	Ⲡⲉϫⲉ ⲓⲏⲥⲟⲩⲥ ⲛⲁϥ ϫⲉ ⲉϣⲱⲡ ⲁⲓϣⲁⲛⲟⲩⲱϣ ⲉ̀ⲭⲁϥ ϣⲁⲓⲓ ⲁϧⲟⲕ ⲛ̀ⲑⲟⲕ ⲛ̀ⲑⲟⲕ ⲇⲉ ⲟⲩⲁϩⲕ ⲛ̀ⲥⲱⲓ.	Peje iysous naf je eṡōp aiṡanouōṡ èkaf ṡaii axok ǹθok ǹθok ḋe ouahk ǹsōi.	Jesus said to him, 'If I desire that he stay until I come, what is that to you? You follow me.'
21:23	ⲁⲡⲁⲓⲥⲁϫⲓ ⲇⲉ ⲓⲉⲃⲟⲗ ϧⲉⲛⲛⲓⲥⲛⲏ ⲟⲩ ϫⲉⲡⲓⲙⲁⲑⲏⲧⲏⲥ ⲉⲧⲉⲙⲙⲁⲩ ϥⲛⲁⲙⲟⲩ ⲁⲛ ⲛⲉⲧⲁϥϫⲟⲥ ⲇⲉ ⲛⲁϥ ⲁⲛ ⲛϫⲉⲓⲏⲥⲟⲩⲥ ϫⲉϥⲛⲁⲙⲟⲩ ⲁⲛ ⲁⲗⲗⲁ ⲉϣⲱⲡ ⲁⲓϣⲁⲛⲟⲩⲱϣ ⲉⲭⲁϥ ϣⲁϯⲓ ⲁϧⲟⲕ ⲛⲑⲟⲕ .	Ⲁⲡⲁⲓⲥⲁϫⲓ ⲇⲉ ⲓⲉⲃⲟⲗ ϧⲉⲛ ⲛⲓⲥⲛⲏ ⲟⲩ ϫⲉ ⲡⲓⲙⲁⲑⲏⲧⲏⲥ ⲉ̀ⲧⲉ ⲙ̀ⲙⲁⲩ ϥ̀ⲛⲁⲙⲟⲩ ⲁⲛ ⲛⲉⲧⲁϥϫⲟⲥ ⲇⲉ ⲛⲁϥ ⲁⲛ ⲛ̀ϫⲉ ⲓⲏⲥⲟⲩⲥ ϫⲉ ϥ̀ⲛⲁⲙⲟⲩ ⲁⲛ ⲁⲗⲗⲁ ⲉϣⲱⲡ ⲁⲓϣⲁⲛⲟⲩⲱϣ ⲉ̀ⲭⲁϥ ϣⲁⲓⲓ ⲁϧⲟⲕ ⲛ̀ⲑⲟⲕ.	Apaisaji ḋe ievol xen nisny ou je pimaθytys ète m̀mav f̀namou an netafgos ḋe naf an ǹje iysous je f̀namou an alla eṡōp aiṡanouōṡ èkaf ṡaii axok ǹθok.	This saying therefore went out among the brothers, that this disciple wouldn't die. Yet Jesus didn't say to him that he wouldn't die, but, 'If I desire that he stay until I come, what is that to you?'
21:24	ⲡⲁⲓ ⲡⲉ ⲡⲓⲙⲁⲑⲏⲧⲏⲥ ⲉⲧⲁϥⲉⲣⲙⲉⲑⲣⲉ ϧⲁⲛⲁⲓ ⲟⲩⲟϩ ⲛⲑⲟϥ ⲁϥⲥϧⲏⲧⲟⲩ ⲟⲩⲟϩ ⲧⲉⲛⲉⲙⲓ ϫⲉⲟⲩⲙⲏⲓ ⲧⲉ ⲧⲉϥⲙⲉⲧⲙⲉⲑⲣⲉ .	Ⲡⲁⲓ ⲡⲉ ⲡⲓⲙⲁⲑⲏⲧⲏⲥ ⲉⲧⲁϥⲉⲣⲙⲉⲑⲣⲉ ϧⲁ ⲛⲁⲓ ⲟⲩⲟϩ ⲛ̀ⲑⲟϥ ⲁϥⲥϧⲏⲧⲟⲩ ⲟⲩⲟϩ ⲧⲉⲛⲉⲙⲓ ϫⲉ ⲟⲩⲙⲏⲓ ⲧⲉ ⲧⲉϥⲙⲉⲧⲙⲉⲑⲣⲉ.	Pai pe pimaθytys etafermeθre xa nai ouoh ǹθof afsxytou ouoh tenemi je oumyi te tefmetmeθre.	This is the disciple who testifies about these things, and wrote these things. We know that his witness is true.
21:25	ⲟⲩⲟϩ ϩⲁⲛⲕⲉⲙⲏϣ ⲇⲉ ⲟⲛ ⲉⲁϥⲁⲓⲧⲟⲩ ⲛϫⲉⲓⲏⲥⲟⲩⲥ ⲛⲁⲓ ⲉⲛⲉ ⲁⲩⲥϧⲏⲧⲟⲩ ⲡⲉ ⲕⲁⲧⲁⲟⲩⲁⲓ ⲟⲩⲁⲓ ϯⲉⲙⲓ ϫⲉⲛⲁⲣⲉⲡⲓⲕⲟⲥⲙⲟⲥ ⲛⲁϣⲉⲣⲭⲱⲣⲓⲛ ⲁⲛ ⲡⲉ ⲛⲛⲓϫⲱⲙ ⲉⲧⲟⲩⲛⲁⲥϧⲏ ⲧⲟⲩ .	Ⲟⲩⲟϩ ϩⲁⲛⲕⲉⲙⲏϣ ⲇⲉ ⲟⲛ ⲉⲁϥⲁⲓⲧⲟⲩ ⲛ̀ϫⲉ ⲓⲏⲥⲟⲩⲥ ⲛⲁⲓ ⲉⲛⲉ ⲁⲩⲥϧⲏⲧⲟⲩ ⲡⲉ ⲕⲁⲧⲁ ⲟⲩⲁⲓ ⲟⲩⲁⲓ ϯⲉⲙⲓ ϫⲉ ⲛⲁⲣⲉ ⲡⲓⲕⲟⲥⲙⲟⲥ ⲛⲁϣⲉⲣⲭⲱⲣⲓⲛ ⲁⲛ ⲡⲉ ⲛ̀ⲛⲓϫⲱⲙ ⲉⲧⲟⲩⲛⲁⲥϧⲏ ⲧⲟⲩ.	Ouoh hankemyṡ ḋe on eafaitou ǹje iysous nai ene avsxytou pe kata ouai ouai tiemi je nare pikosmos naṡerkōrin an pe ǹnigōm etounasxy tou.	There are also many other things which Jesus did, which if they would all be written, I suppose that even the world itself wouldn't have room for the books that would be written.

Provenance

title: 04_John_21
dialect: bohairic
source: Coptic SCRIPTORIUM corpus "bohairic.nt", document 04_John_21
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_John_21 from Coptic SCRIPTORIUM (https://copticscriptorium.org), corpus bohairic.nt, document 04_John_21, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/John/21.bohairic.scriptorium.L0.txt
title: 04_John_21 — Cairene
dialect: bohairic
source: generated from 21.bohairic.scriptorium.L0.txt (Coptic SCRIPTORIUM corpus "bohairic.nt", document 04_John_21)
licence: CC BY-SA 4.0
share: attribution
attribution: 04_John_21 from Coptic SCRIPTORIUM (https://copticscriptorium.org), corpus bohairic.nt, document 04_John_21, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/John/21.bohairic.scriptorium.L1.txt
title: 04_John_21 — Kemetic
dialect: bohairic
source: generated from 21.bohairic.scriptorium.L1.txt
licence: CC BY-SA 4.0
share: attribution
attribution: 04_John_21 from Coptic SCRIPTORIUM (https://copticscriptorium.org), corpus bohairic.nt, document 04_John_21, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/John/21.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 04_John_21 (25 lines)

Cite as:

04_John_21. Coptic SCRIPTORIUM corpus "bohairic.nt", document 04_John_21. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/john/21.bohairic.scriptorium/. 04_John_21 from Coptic SCRIPTORIUM (https://copticscriptorium.org), corpus bohairic.nt, document 04_John_21, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.