03_Luke_13 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 03_Luke_13

Attribution: 03_Luke_13 from Coptic SCRIPTORIUM (https://copticscriptorium.org), corpus bohairic.nt, document 03_Luke_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

35 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
13:1	ⲛⲉ ⲁⲩⲓ ϩⲁⲣⲟϥ ⲡⲉ ⲙⲡⲓⲥⲏⲟⲩ ⲉⲧⲉⲙⲙⲁⲩ ⲛϫⲉϩⲁⲛⲟⲩⲟⲛ ⲉⲩⲧⲁⲙⲟ ⲙⲙⲟϥ ⲉⲑⲃⲉⲛⲓⲅⲁⲗⲓⲗⲉⲟⲥ ⲛⲏ ⲉⲧⲁ ⲡⲓⲗⲁⲧⲟⲥ ⲙⲟⲩϫⲧ ⲙⲡⲟⲩⲥⲛⲟϥ ⲛⲉⲙⲛⲟⲩϣⲟⲩϣⲱⲟⲩϣⲓ .	ⲛⲉ ⲁⲩⲓ̀ ϩⲁⲣⲟϥ ⲡⲉ ⲛ̀ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲛ̀ϫⲉ ϩⲁⲛⲟⲩⲟⲛ ⲉⲩⲧⲁⲙⲟ ⲙ̀ⲙⲟϥ ⲉⲑⲃⲉ ⲛⲓⲅⲁⲗⲓⲗⲉⲟⲥ ⲛⲏ ⲉ̀ⲧⲁ ⲡⲓⲗⲁⲧⲟⲥ ⲙⲟⲩϫⲧ ⲛ̀ⲡⲟⲩⲥ̀ⲛⲟϥ ⲛⲉⲙ ⲛⲟⲩϣⲟⲩϣⲱⲟⲩϣⲓ.	ne avì harof pe ǹpisyou ète m̀mav ǹje hanouon evtamo m̀mof eθve niġalileos ny èta pilatos mougt ǹpous̀nof nem nouṡouṡōouṡi.	Now there were some present at the same time who told him about the Galileans, whose blood Pilate had mixed with their sacrifices.
13:2	ⲟⲩⲟϩ ⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲁⲣⲉⲧⲉⲛⲙⲉⲩⲓ ϫⲉⲛⲁⲓⲅⲁⲗⲓⲗⲉⲟⲥ ⲁⲩϣⲱⲡⲓ ⲉⲩⲟⲓ ⲛⲣⲉϥⲉⲣⲛⲟⲃⲓ ⲉⲃⲟⲗ ⲟⲩⲧⲉ ⲛⲓⲅⲁⲗⲓⲗⲉⲟⲥ ⲧⲏⲣⲟⲩ ϫⲉⲁⲩϭⲓ ⲛⲛⲁⲓⲙⲕⲁⲩϩ .	Ⲟⲩⲟϩ ⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉ ⲁⲣⲉⲧⲉⲛⲙⲉⲩⲓ ϫⲉ ⲛⲁⲓⲅⲁⲗⲓⲗⲉⲟⲥ ⲁⲩϣⲱⲡⲓ ⲉⲩⲟⲓ ⲛ̀ⲣⲉϥⲉⲣⲛⲟⲃⲓ ⲉ̀ⲃⲟⲗ ⲟⲩⲧⲉ ⲛⲓⲅⲁⲗⲓⲗⲉⲟⲥ ⲧⲏⲣⲟⲩ ϫⲉ ⲁⲩϭⲓ ⲛ̀ⲛⲁⲓⲙ̀ⲕⲁⲩϩ.	Ouoh aferouō pegaf nōou je aretenmevi je naiġalileos avṡōpi evoi ǹrefernovi èvol oute niġalileos tyrou je avċi ǹnaim̀kavh.	Jesus answered them, 'Do you think that these Galileans were worse sinners than all the other Galileans, because they suffered such things?
13:3	ⲙⲙⲟⲛ ϯϫⲱ ⲙⲙⲟⲥ ⲛⲱⲧⲉⲛ ⲁⲗⲗⲁ ⲉϣⲱⲡ ⲁⲣⲉⲧⲉⲛϣⲧⲉⲙⲉⲣⲙⲉⲧⲁⲛⲟⲓⲛ ⲧⲉⲧⲉⲛⲛⲁⲧⲁⲕⲟ ⲧⲏⲣⲟⲩ ⲙⲡⲁⲓⲣⲏϯ .	Ⲙ̀ⲙⲟⲛ ϯϫⲱ ⲙ̀ⲙⲟⲥ ⲛⲱⲧⲉⲛ ⲁⲗⲗⲁ ⲉϣⲱⲡ ⲁⲣⲉⲧⲉⲛϣⲧⲉⲙⲉⲣⲙⲉⲧⲁⲛⲟⲓⲛ ⲧⲉⲧⲉⲛⲛⲁⲧⲁⲕⲟ ⲧⲏⲣⲟⲩ ⲛ̀ⲡⲁⲓⲣⲏϯ.	M̀mon tigō m̀mos nōten alla eṡōp aretenṡtemermetanoin tetennatako tyrou ǹpairyti.	draft · highNo, I tell you; but unless you repent, you will all perish in the same way.
13:4	ⲓⲉ ⲡⲓⲓⲏ ⲛⲣⲱⲙⲓ ⲉⲧⲁ ⲡⲓⲡⲩⲣⲅⲟⲥ ϩⲉⲓ ⲉϫⲱⲟⲩ ϧⲉⲛⲡⲓⲥⲓⲗⲱⲁⲙ ⲟⲩⲟϩ ⲁϥϧⲟⲑⲃⲟⲩ ⲁⲣⲉⲧⲉⲛⲙⲉⲩⲓ ϫⲉⲁⲛⲁⲓ ϣⲱⲡⲓ ⲉⲟⲩⲟⲛ ⲉⲣⲱⲟⲩ ⲉⲃⲟⲗ ⲟⲩⲧⲉ ⲣⲱⲙⲓ ⲛⲓⲃⲉⲛ ⲉⲧϣⲟⲡ ϧⲉⲛⲓⲗⲏⲙ	Ⲓⲉ ⲡⲓⲓⲏ ⲛ̀ⲣⲱⲙⲓ ⲉ̀ⲧⲁ ⲡⲓⲡⲩⲣⲅⲟⲥ ϩⲉⲓ ⲉ̀ϫⲱⲟⲩ ϧⲉⲛ ⲡⲓⲥⲓⲗⲱⲁⲙ ⲟⲩⲟϩ ⲁϥϧⲟⲑⲃⲟⲩ ⲁⲣⲉⲧⲉⲛⲙⲉⲩⲓ ϫⲉ ⲁⲛⲁ̀ⲓ̀ ϣⲱⲡⲓ ⲉ̀ⲟⲩⲟⲛ ⲉ̀ⲣⲱⲟⲩ ⲉ̀ⲃⲟⲗ ⲟⲩⲧⲉ ⲣⲱⲙⲓ ⲛⲓⲃⲉⲛ ⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ	Ie piiy ǹrōmi èta pipirġos hei ègōou xen pisilōam ouoh afxoθvou aretenmevi je anàì ṡōpi èouon èrōou èvol oute rōmi niven etṡop xen ierousalym	Or those eighteen, on whom the tower in Siloam fell, and killed them; do you think that they were worse offenders than all the men who dwell in Jerusalem?
13:5	ⲙⲙⲟⲛ ϯϫⲱ ⲙⲙⲟⲥ ⲛⲱⲧⲉⲛ ⲁⲗⲗⲁ ⲉϣⲱⲡ ⲁⲣⲉⲧⲉⲛϣⲧⲉⲙⲉⲣⲙⲉⲧⲁⲛⲟⲓⲛ ⲧⲉⲧⲉⲛⲛⲁⲧⲁⲕⲟ ⲧⲏⲣⲟⲩ ⲙⲡⲁⲓⲣⲏϯ .	ⲙ̀ⲙⲟⲛ ϯϫⲱ ⲙ̀ⲙⲟⲥ ⲛⲱⲧⲉⲛ ⲁⲗⲗⲁ ⲉϣⲱⲡ ⲁⲣⲉⲧⲉⲛϣⲧⲉⲙⲉⲣⲙⲉⲧⲁⲛⲟⲓⲛ ⲧⲉⲧⲉⲛⲛⲁⲧⲁⲕⲟ ⲧⲏⲣⲟⲩ ⲛ̀ⲡⲁⲓⲣⲏϯ.	m̀mon tigō m̀mos nōten alla eṡōp aretenṡtemermetanoin tetennatako tyrou ǹpairyti.	draft · highNo, I tell you; but unless you repent, you will all perish in the same way.
13:6	ⲛⲁϥϫⲱ ⲇⲉ ⲛⲧⲁⲓⲡⲁⲣⲁⲃⲟⲗⲏ ⲛⲱⲟⲩ ϫⲉⲛⲉⲟⲩⲟⲛ ⲛⲧⲉⲟⲩⲁⲓ ⲛⲟⲩⲃⲱ ⲛⲕⲉⲛⲧⲉ ⲉⲥϭⲏⲟⲩⲧ ϧⲉⲛⲡⲉϥⲓⲁϩⲁⲗⲟⲗⲓ ⲟⲩⲟϩ ⲁϥⲓ ⲁϥⲕⲱϯ ⲛⲥⲁⲟⲩⲧⲁϩ ϩⲓⲱⲧⲥ ⲟⲩⲟϩ ⲙⲡⲉϥϫⲓⲙⲓ .	Ⲛⲁϥϫⲱ ⲇⲉ ⲛ̀ⲧⲁⲓ̀ⲡⲁⲣⲁⲃⲟⲗⲏ ⲛⲱⲟⲩ ϫⲉ ⲛⲉ ⲟⲩⲟⲛ ⲛ̀ⲧⲉ ⲟⲩⲁⲓ ⲛ̀ⲟⲩⲃⲱ ⲛ̀ⲕⲉⲛⲧⲉ ⲉⲥϭⲏⲟⲩⲧ ϧⲉⲛ ⲡⲉϥⲓⲁϩⲁⲗⲟⲗⲓ ⲟⲩⲟϩ ⲁϥⲓ̀ ⲁϥⲕⲱϯ ⲛ̀ⲥⲁⲟⲩⲧⲁϩ ϩⲓⲱⲧⲥ ⲟⲩⲟϩ ⲙ̀ⲡⲉϥϫⲓⲙⲓ.	Nafgō ḋe ǹtaìparaboly nōou je ne ouon ǹte ouai ǹouvō ǹkente esċyout xen pefiahaloli ouoh afì afkōti ǹsaoutah hiōts ouoh m̀pefjimi.	He spoke this parable. 'A certain man had a fig tree planted in his vineyard, and he came seeking fruit on it, and found none.
13:7	ⲡⲉϫⲁϥ ⲇⲉ ⲙⲡⲓⲟⲩⲱⲓ ⲛⲁⲗⲟⲗⲓ ϫⲉⲓⲥ ⲅϯ ⲛⲣⲟⲙⲡⲓ ⲓⲥϫⲉⲛ ⲉⲓⲛⲏⲟⲩ ⲉⲓⲕⲱϯ ⲛⲥⲁⲟⲩⲧⲁϩ ϧⲉⲛⲧⲁⲓⲃⲱ ⲛⲕⲉⲛⲧⲉ ⲟⲩⲟϩ ϯϫⲓⲙⲓ ⲁⲛ ⲕⲟⲣϫⲥ ⲟⲩⲛ ϩⲓⲛⲁ ⲟⲩ ϫⲉⲥⲉⲣⲡⲕⲉⲕⲱⲣϥ ⲙⲡⲓⲕⲁϩⲓ .	Ⲡⲉϫⲁϥ ⲇⲉ ⲙ̀ⲡⲓⲟⲩⲱⲓ ⲛⲁⲗⲟⲗⲓ ϫⲉ ⲓⲥ ⲅ ϯ ⲛ̀ⲣⲟⲙⲡⲓ ⲓⲥϫⲉⲛ ⲉⲓⲛⲏⲟⲩ ⲉⲓⲕⲱϯ ⲛ̀ⲥⲁⲟⲩⲧⲁϩ ϧⲉⲛ ⲧⲁⲓⲃⲱ ⲛ̀ⲕⲉⲛⲧⲉ ⲟⲩⲟϩ ϯϫⲓⲙⲓ ⲁⲛ ⲕⲟⲣϫⲥ ⲟⲩⲛ ϩⲓⲛⲁ ⲟⲩ ϫⲉ ⲥⲉⲣⲡⲕⲉⲕⲱⲣϥ ⲛ̀ⲡⲓⲕⲁϩⲓ.	Pegaf ḋe m̀piouōi naloli je is ġ ti ǹrompi isjen einyou eikōti ǹsaoutah xen taivō ǹkente ouoh tijimi an korgs oun hina ou je serpkekōrf ǹpikahi.	He said to the vine dresser, 'Behold, these three years I have come looking for fruit on this fig tree, and found none. Cut it down. Why does it waste the soil?'
13:8	ⲛⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ⲛⲁϥ ϫⲉⲡⲁϭⲟⲓⲥ ⲭⲁⲥ ⲛⲧⲁⲓⲕⲉⲣⲟⲙⲡⲓ ϣⲁϯϭⲣⲏ ϧⲁⲣⲁⲧⲥ ⲟⲩⲟϩ ⲛⲧⲁϯⲙⲁϩⲣⲟ ⲛⲁⲥ	Ⲛ̀ⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ⲛⲁϥ ϫⲉ ⲡⲁϭⲟⲓⲥ ⲭⲁⲥ ⲛ̀ⲧⲁⲓ̀ⲕⲉⲣⲟⲙⲡⲓ ϣⲁϯϭⲣⲏ ϧⲁⲣⲁⲧⲥ ⲟⲩⲟϩ ⲛ̀ⲧⲁϯⲙⲁϩⲣⲟ ⲛⲁⲥ	Ǹθof ḋe aferouō pegaf naf je paċois kas ǹtaìkerompi ṡatiċry xarats ouoh ǹtatimahro nas	He answered, 'Lord, leave it alone this year also, until I dig around it, and fertilize it.
13:9	ⲁⲣⲏⲟⲩ ⲛⲧⲉⲥⲉⲛ ⲟⲩⲧⲁϩ ⲉⲃⲟⲗ ⲛϯⲕⲉⲣⲟⲙⲡⲓ ⲉⲑⲛⲏⲟⲩ ⲉϣⲱⲡ ⲇⲉ ⲁⲥϣⲧⲉⲙⲓⲛⲓ ⲉⲕⲉⲕⲟⲣϫⲥ .	ⲁⲣⲏⲟⲩ ⲛ̀ⲧⲉⲥⲉⲛ ⲟⲩⲧⲁϩ ⲉ̀ⲃⲟⲗ ⲛ̀ϯⲕⲉⲣⲟⲙⲡⲓ ⲉⲑⲛⲏⲟⲩ ⲉϣⲱⲡ ⲇⲉ ⲁⲥϣⲧⲉⲙⲓ̀ⲛⲓ ⲉⲕⲉ̀ⲕⲟⲣϫⲥ.	aryou ǹtesen outah èvol ǹtikerompi eθnyou eṡōp ḋe asṡtemìni ekèkorgs.	If it bears fruit, fine; but if not, after that, you can cut it down.''
13:10	ⲛⲁϥϯⲥⲃⲱ ⲇⲉ ⲡⲉ ϧⲉⲛⲟⲩⲓ ⲛⲛⲓⲥⲩⲛⲁⲅⲱⲅⲏ ϧⲉⲛⲡⲥⲁⲃⲃⲁⲧⲟⲛ .	Ⲛⲁϥϯⲥⲃⲱ ⲇⲉ ⲡⲉ ϧⲉⲛ ⲟⲩⲓ ⲛ̀ⲛⲓⲥⲩⲛⲁⲅⲱⲅⲏ ϧⲉⲛ ⲡ̀ⲥⲁⲃⲃⲁⲧⲟⲛ.	Naftisvō ḋe pe xen oui ǹnisinaġōgy xen p̀·sabbaton.	He was teaching in one of the synagogues on the Sabbath day.
13:11	ⲟⲩⲟϩ ϩⲏⲡⲡⲉ ⲓⲥ ⲟⲩⲥϩⲓⲙⲓ ⲉⲟⲩⲟⲛ ⲟⲩⲡⲛⲉⲩⲙⲁⲛϣⲱⲛⲓ ⲭⲏ ⲛⲉⲙⲁⲥ ⲙⲓⲏ ⲛⲣⲟⲙⲡⲓ ⲟⲩⲟϩ ⲛⲁⲥⲕⲟⲗϫ ⲡⲉ ⲛϣⲥⲱⲟⲩⲧⲉⲛ ⲙⲙⲟⲥ ⲁⲛ ⲉⲡⲧⲏⲣϥ .	Ⲟⲩⲟϩ ϩⲏⲡⲡⲉ ⲓⲥ ⲟⲩⲥ̀ϩⲓⲙⲓ ⲉ̀ⲟⲩⲟⲛ ⲟⲩⲡⲛⲉⲩⲙⲁⲛϣⲱⲛⲓ ⲭⲏ ⲛⲉⲙⲁⲥ ⲙⲓⲏ ⲛ̀ⲣⲟⲙⲡⲓ ⲟⲩⲟϩ ⲛⲁⲥⲕⲟⲗϫ ⲡⲉ ⲛ̀ϣⲥⲱⲟⲩⲧⲉⲛ ⲙ̀ⲙⲟⲥ ⲁⲛ ⲉ̀ⲡ̀ⲧⲏⲣϥ.	Ouoh hyppe is ous̀·himi èouon oupnevmanṡōni ky nemas miy ǹrompi ouoh naskolg pe ǹṡsōouten m̀mos an èp̀tyrf.	Behold, there was a woman who had a spirit of infirmity eighteen years, and she was bent over, and could in no way straighten herself up.
13:12	ⲉⲧⲁϥⲛⲁⲩ ⲇⲉ ⲉⲣⲟⲥ ⲛϫⲉⲓⲏⲥⲟⲩⲥ ⲁϥⲙⲟⲩϯ ⲉⲣⲟⲥ ⲟⲩⲟϩ ⲡⲉϫⲁϥ ⲛⲁⲥ ϫⲉϯⲥϩⲓⲙⲓ ⲧⲉⲭⲏ ⲉⲃⲟⲗ ϧⲉⲛⲡⲉϣⲱⲛⲓ .	Ⲉⲧⲁϥⲛⲁⲩ ⲇⲉ ⲉ̀ⲣⲟⲥ ⲛ̀ϫⲉ ⲓⲏⲥⲟⲩⲥ ⲁϥⲙⲟⲩϯ ⲉ̀ⲣⲟⲥ ⲟⲩⲟϩ ⲡⲉϫⲁϥ ⲛⲁⲥ ϫⲉ ϯⲥ̀ϩⲓⲙⲓ ⲧⲉⲭⲏ ⲉ̀ⲃⲟⲗ ϧⲉⲛ ⲡⲉϣⲱⲛⲓ.	Etafnav ḋe èros ǹje iysous afmouti èros ouoh pegaf nas je tis̀·himi teky èvol xen peṡōni.	When Jesus saw her, he called her, and said to her, 'Woman, you are freed from your infirmity.'
13:13	ⲟⲩⲟϩ ⲁϥⲭⲁ ⲛⲉϥϫⲓϫ ϩⲓϫⲱⲥ ⲟⲩⲟϩ ⲁⲥⲥⲱⲟⲩⲧⲉⲛ ⲥⲁⲧⲟⲧⲥ ⲟⲩⲟϩ ⲁⲥϯⲱⲟⲩ ⲙⲫⲛⲟⲩϯ .	Ⲟⲩⲟϩ ⲁϥⲭⲁ ⲛⲉϥϫⲓϫ ϩⲓϫⲱⲥ ⲟⲩⲟϩ ⲁⲥⲥⲱⲟⲩⲧⲉⲛ ⲥⲁⲧⲟⲧⲥ ⲟⲩⲟϩ ⲁⲥϯⲱ̀ⲟⲩ ⲛ̀ⲫ̀ⲛⲟⲩϯ.	Ouoh afka nefjig higōs ouoh assōouten satots ouoh astiṑou ǹf̀nouti.	He laid his hands on her, and immediately she stood up straight, and glorified God.
13:14	ⲁϥⲉⲣⲟⲩⲱ ⲇⲉ ⲛϫⲉⲡⲓⲁⲣⲭⲓⲥⲩⲛⲁⲅⲱⲅⲏ ⲉϥϫⲱⲛⲧ ϫⲉⲁⲓⲏⲥⲟⲩⲥ ⲉϥⲫⲁϧⲣⲓ ⲉⲣⲟⲥ ϧⲉⲛⲡⲥⲁⲃⲃⲁⲧⲟⲛ ⲛⲁϥϫⲱ ⲙⲙⲟⲥ ⲙⲡⲓⲙⲏϣ ϫⲉ6 ⲛⲉϩⲟⲟⲩ ⲉⲧⲉⲥϣⲉ ⲛⲉⲣϩⲱⲃ ⲛϧⲏⲧⲟⲩ ⲛϧⲣⲏⲓ ⲟⲩⲛ ⲛϧⲏⲧⲟⲩ ⲁⲙⲱⲓⲛⲓ ⲛⲧⲟⲩⲉⲣⲫⲁϧⲣⲓ ⲉⲣⲱⲟⲩ ⲟⲩⲟϩ ϧⲉⲛⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ ⲁⲛ .	Ⲁϥⲉⲣⲟⲩⲱ ⲇⲉ ⲛ̀ϫⲉ ⲡⲓⲁⲣⲭⲓⲥⲩⲛⲁⲅⲱⲅⲏ ⲉϥϫⲱⲛⲧ ϫⲉ ⲁ ⲓⲏⲥⲟⲩⲥ ⲉϥⲫⲁϧⲣⲓ ⲉ̀ⲣⲟⲥ ϧⲉⲛ ⲡ̀ⲥⲁⲃⲃⲁⲧⲟⲛ ⲛⲁϥϫⲱ ⲙ̀ⲙⲟⲥ ⲛ̀ⲡⲓⲙⲏϣ ϫⲉ6 ⲛ̀ⲉ̀ϩⲟⲟⲩ ⲉⲧⲉⲥ̀ϣⲉ ⲛ̀ⲉⲣϩⲱⲃ ⲛ̀ϧⲏⲧⲟⲩ ⲛ̀ϧ̀ⲣⲏⲓ ⲟⲩⲛ ⲛ̀ϧⲏⲧⲟⲩ ⲁⲙⲱⲓⲛⲓ ⲛ̀ⲧⲟⲩⲉⲣⲫⲁϧⲣⲓ ⲉ̀ⲣⲱⲟⲩ ⲟⲩⲟϩ ϧⲉⲛ ⲡⲓⲉ̀ϩⲟⲟⲩ ⲛ̀ⲡ̀ⲥⲁⲃⲃⲁⲧⲟⲛ ⲁⲛ.	Aferouō ḋe ǹje piarṡisinaġōgy efgōnt je a iysous effaxri èros xen p̀·sabbaton nafgō m̀mos ǹpimyṡ je6 ǹèhoou etes̀ṡe ǹerhōb ǹxytou ǹx̀ryi oun ǹxytou amōini ǹtouerfaxri èrōou ouoh xen pièhoou ǹp̀·sabbaton an.	The ruler of the synagogue, being indignant because Jesus had healed on the Sabbath, said to the multitude, 'There are six days in which men ought to work. Therefore come on those days and be healed, and not on the Sabbath day!'
13:15	ⲁϥⲉⲣⲟⲩⲱ ⲇⲉ ⲛⲁϥ ⲛϫⲉⲓⲏⲥⲟⲩⲥ ⲟⲩⲟϩ ⲡⲉϫⲁϥ ϫⲉⲛⲓϣⲟⲃⲓ ⲫⲟⲩⲁⲓ ⲫⲟⲩⲁⲓ ⲙⲙⲱⲧⲉⲛ ϥϯⲟⲩⲱ ⲛⲧⲉϥⲉϩⲉ ⲉⲃⲟⲗ ⲁⲛ ⲓⲉ ⲡⲉϥⲓⲱ ⲉⲃⲟⲗ ϧⲉⲛⲡⲓⲟⲩⲟⲛϩϥ ϧⲉⲛⲡⲥⲁⲃⲃⲁⲧⲟⲛ ⲟⲩⲟϩ ⲛⲧⲉϥϭⲓⲧⲟⲩ ⲛⲧⲉϥⲧⲥⲱⲟⲩ .	Ⲁϥⲉⲣⲟⲩⲱ ⲇⲉ ⲛⲁϥ ⲛ̀ϫⲉ ⲓⲏⲥⲟⲩⲥ ⲟⲩⲟϩ ⲡⲉϫⲁϥ ϫⲉ ⲛⲓϣⲟⲃⲓ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ϥ̀ϯⲟⲩⲱ ⲛ̀ⲧⲉϥⲉϩⲉ ⲉ̀ⲃⲟⲗ ⲁⲛ ⲓⲉ ⲡⲉϥⲓⲱ ⲉ̀ⲃⲟⲗ ϧⲉⲛ ⲡⲓⲟⲩⲟⲛϩϥ ϧⲉⲛ ⲡ̀ⲥⲁⲃⲃⲁⲧⲟⲛ ⲟⲩⲟϩ ⲛ̀ⲧⲉϥϭⲓⲧⲟⲩ ⲛ̀ⲧⲉϥⲧⲥⲱⲟⲩ.	Aferouō ḋe naf ǹje iysous ouoh pegaf je niṡovi f̀ouai f̀ouai m̀mōten f̀tiouō ǹtefehe èvol an ie pefiō èvol xen piouonhf xen p̀·sabbaton ouoh ǹtefċitou ǹteftsōou.	Therefore the Lord answered him, 'You hypocrites! Doesn't each one of you free his ox or his donkey from the stall on the Sabbath, and lead him away to water?
13:16	ⲑⲁⲓ ⲇⲉ ⲛⲑⲟⲥ ⲟⲩϣⲉⲣⲓ ⲛⲧⲉⲁⲃⲣⲁⲁⲙ ⲧⲉ ⲉⲁ ⲡⲥⲁⲧⲁⲛⲁⲥ ⲥⲟⲛϩⲥ ⲓⲥ ⲓⲏ ⲛⲣⲟⲙⲡⲓ ⲛⲉⲡⲉⲧⲥϣⲉ ⲁⲛ ⲡⲉ ⲉⲃⲟⲗⲥ ⲉⲃⲟⲗ ϧⲉⲛⲡⲁⲓⲥⲛⲁϩ ϧⲉⲛⲡⲉϩⲟⲟⲩ ⲙⲡⲥⲁⲃⲃⲁⲧⲟⲛ .	Ⲑⲁⲓ ⲇⲉ ⲛ̀ⲑⲟⲥ ⲟⲩϣⲉⲣⲓ ⲛ̀ⲧⲉ ⲁⲃⲣⲁⲁⲙ ⲧⲉ ⲉⲁ ⲡ̀ⲥⲁⲧⲁⲛⲁⲥ ⲥⲟⲛϩⲥ ⲓⲥ ⲓⲏ ⲛ̀ⲣⲟⲙⲡⲓ ⲛ̀ⲉⲡⲉⲧⲥ̀ϣⲉ ⲁⲛ ⲡⲉ ⲉ̀ⲃⲟⲗⲥ ⲉ̀ⲃⲟⲗ ϧⲉⲛ ⲡⲁⲓⲥⲛⲁϩ ϧⲉⲛ ⲡⲓⲉ̀ϩⲟⲟⲩ ⲛ̀ⲡ̀ⲥⲁⲃⲃⲁⲧⲟⲛ.	Ɵai ḋe ǹθos ouṡeri ǹte abraam te ea p̀·satanas sonhs is iy ǹrompi ǹepets̀ṡe an pe èvols èvol xen paisnah xen pièhoou ǹp̀·sabbaton.	Ought not this woman, being a daughter of Abraham, whom Satan had bound eighteen long years, be freed from this bondage on the Sabbath day?'
13:17	ⲟⲩⲟϩ ⲛⲁⲓ ⲉϥϫⲱ ⲙⲙⲱⲟⲩ ⲛⲁⲩϣⲓⲡⲓ ⲧⲏⲣⲟⲩ ⲡⲉ ⲛϫⲉⲛⲏ ⲉⲧϯ ⲟⲩⲃⲏϥ ⲟⲩⲟϩ ⲡⲓⲗⲁⲟⲥ ⲧⲏⲣϥ ⲛⲁϥⲣⲁϣⲓ ⲡⲉ ⲉϫⲉⲛϩⲱⲃ ⲛⲓⲃⲉⲛ ⲉⲧⲧⲁⲓⲏⲟⲩⲧ ⲛⲏ ⲉⲧⲁⲩϣⲱⲡⲓ ⲉⲃⲟⲗ ϩⲓⲧⲟⲧϥ .	Ⲟⲩⲟϩ ⲛⲁⲓ ⲉϥϫⲱ ⲙ̀ⲙⲱⲟⲩ ⲛⲁⲩϣⲓⲡⲓ ⲧⲏⲣⲟⲩ ⲡⲉ ⲛ̀ϫⲉ ⲛⲏ ⲉⲧϯ ⲟⲩⲃⲏϥ ⲟⲩⲟϩ ⲡⲓⲗⲁⲟⲥ ⲧⲏⲣϥ ⲛⲁϥⲣⲁϣⲓ ⲡⲉ ⲉ̀ϫⲉ ⲛ̀ϩⲱⲃ ⲛⲓⲃⲉⲛ ⲉⲧⲧⲁⲓⲏⲟⲩⲧ ⲛⲏ ⲉ̀ⲧⲁⲩϣⲱⲡⲓ ⲉ̀ⲃⲟⲗ ϩⲓⲧⲟⲧϥ.	Ouoh nai efgō m̀mōou navṡipi tyrou pe ǹje ny etti ouvyf ouoh pilaos tyrf nafraṡi pe èje ǹhōb niven ettaiyout ny ètavṡōpi èvol hitotf.	As he said these things, all his adversaries were disappointed, and all the multitude rejoiced for all the glorious things that were done by him.
13:18	ⲛⲁϥϫⲱ ⲟⲩⲛ ⲙⲙⲟⲥ ⲡⲉ ϫⲉⲁⲣⲉ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲁⲥⲟⲛⲓ ⲛⲟⲩ ⲟⲩⲟϩ ⲁⲓⲛⲁⲧⲉⲛⲑⲱⲛⲥ ⲉⲟⲩ .	Ⲛⲁϥϫⲱ ⲟⲩⲛ ⲙ̀ⲙⲟⲥ ⲡⲉ ϫⲉ ⲁⲣⲉ ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ⲁⲥⲟⲛⲓ ⲛ̀ⲟⲩ ⲟⲩⲟϩ ⲁⲓⲛⲁⲧⲉⲛⲑⲱⲛⲥ ⲉ̀ⲟⲩ.	Nafgō oun m̀mos pe je are timetouro ǹte f̀nouti asoni ǹou ouoh ainatenθōns èou.	He said, 'What is the Kingdom of God like? To what shall I compare it?
13:19	ⲥⲟⲛⲓ ⲛⲟⲩⲛⲁⲫⲣⲓ ⲛϣⲉⲗⲧⲁⲙ ⲑⲏ ⲉⲧⲁ ⲟⲩⲣⲱⲙⲓ ϭⲓⲧⲥ ⲁϥⲥⲁⲧⲥ ϧⲉⲛⲡⲉϥϭⲱⲙ ⲟⲩⲟϩ ⲁⲥⲁⲓⲁⲓ ⲟⲩⲟϩ ⲁⲥϣⲱⲡⲓ ⲉⲟⲩϣϣⲏⲛ ⲟⲩⲟϩ ⲛⲓϩⲁⲗⲁϯ ⲛⲧⲉⲧⲫⲉ ⲁⲩⲟⲩⲟϩ ⲉϫⲉⲛⲛⲉⲥϫⲁⲗ .	Ⲥⲟⲛⲓ ⲛ̀ⲟⲩⲛⲁⲫⲣⲓ ⲛ̀ϣⲉⲗⲧⲁⲙ ⲑⲏ ⲉ̀ⲧⲁ ⲟⲩⲣⲱⲙⲓ ϭⲓⲧⲥ ⲁϥⲥⲁⲧⲥ ϧⲉⲛ ⲡⲉϥϭⲱⲙ ⲟⲩⲟϩ ⲁⲥⲁⲓⲁⲓ ⲟⲩⲟϩ ⲁⲥϣⲱⲡⲓ ⲉ̀ⲟⲩϣ̀ϣⲏⲛ ⲟⲩⲟϩ ⲛⲓϩⲁⲗⲁϯ ⲛ̀ⲧⲉ ⲧ̀ⲫⲉ ⲁⲩⲟⲩⲟϩ ⲉ̀ϫⲉⲛ ⲛⲉⲥϫⲁⲗ.	Soni ǹounafri ǹṡeltam θy èta ourōmi ċits afsats xen pefċōm ouoh asaiai ouoh asṡōpi èouṡ̀ṡyn ouoh nihalati ǹte t̀fe avouoh èjen nesgal.	It is like a grain of mustard seed, which a man took, and put in his own garden. It grew, and became a large tree, and the birds of the sky lodged in its branches.'
13:20	ⲟⲩⲟϩ ⲡⲁⲗⲓⲛ ⲡⲉϫⲁϥ ϫⲉⲁⲓⲛⲁⲧⲉⲛⲑⲱⲛ ϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲉⲟⲩ	Ⲟⲩⲟϩ ⲡⲁⲗⲓⲛ ⲡⲉϫⲁϥ ϫⲉ ⲁⲓⲛⲁⲧⲉⲛⲑⲱⲛ ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ⲉ̀ⲟⲩ	Ouoh palin pegaf je ainatenθōn timetouro ǹte f̀nouti èou	Again he said, 'To what shall I compare the Kingdom of God?
13:21	ⲥⲟⲛⲓ ⲛⲟⲩϣⲉⲙⲏⲣ ⲫⲏ ⲉⲧⲁ ⲟⲩⲥϩⲓⲙⲓ ϭⲓⲧϥ ⲁⲥⲭⲟⲡϥ ϧⲉⲛⲅⲛϣⲓ ⲛⲛⲱⲓⲧ ϣⲁⲧⲉϥϭⲓϣⲉⲙⲏⲣ ⲧⲏⲣϥ .	ⲥⲟⲛⲓ ⲛ̀ⲟⲩϣⲉⲙⲏⲣ ⲫⲏ ⲉ̀ⲧⲁ ⲟⲩⲥ̀ϩⲓⲙⲓ ϭⲓⲧϥ ⲁⲥⲭⲟⲡϥ ϧⲉⲛ ⲅⲛϣⲓ ⲛ̀ⲛⲱⲓⲧ ϣⲁ ⲧⲉ ϥ̀ϭⲓϣⲉⲙⲏⲣ ⲧⲏⲣϥ.	soni ǹouṡemyr fy èta ous̀·himi ċitf askopf xen ġnṡi ǹnōit ṡa te f̀ċiṡemyr tyrf.	It is like yeast, which a woman took and hid in three measures of flour, until it was all leavened.'
13:22	ⲟⲩⲟϩ ⲛⲁϥⲙⲟϣⲓ ⲡⲉ ⲕⲁⲧⲁⲃⲁⲕⲓ ⲛⲉⲙϯⲙⲓ ⲉϥϯⲥⲃⲱ ⲟⲩⲟϩ ⲉϥⲓⲣⲓ ⲙⲡⲉϥϫⲓⲛⲙⲟϣⲓ ⲉⲓⲉⲣⲟⲥⲁⲗⲏⲙ .	Ⲟⲩⲟϩ ⲛⲁϥⲙⲟϣⲓ ⲡⲉ ⲕⲁⲧⲁ ⲃⲁⲕⲓ ⲛⲉⲙ ϯⲙⲓ ⲉϥϯⲥⲃⲱ ⲟⲩⲟϩ ⲉϥⲓ̀ⲣⲓ ⲙ̀ⲡⲉϥϫⲓⲛⲙⲟϣⲓ ⲉ̀ⲓⲉⲣⲟⲥⲁⲗⲏⲙ.	Ouoh nafmoṡi pe kata vaki nem timi eftisvō ouoh efìri m̀pefjinmoṡi èierosalym.	He went on his way through cities and villages, teaching, and traveling on to Jerusalem.
13:23	ⲡⲉϫⲉ ⲟⲩⲁⲓ ⲇⲉ ⲛⲁϥ ϫⲉⲡϭⲟⲓⲥ ϩⲁⲛⲕⲟⲩϫⲓ ⲉⲑⲛⲁⲛⲟϩⲉⲙ ⲛⲑⲟϥ ⲇⲉ ⲡⲉϫⲁϥ ⲛⲱⲟⲩ	Ⲡⲉϫⲉ ⲟⲩⲁⲓ ⲇⲉ ⲛⲁϥ ϫⲉ ⲡ̀ϭⲟⲓⲥ ϩⲁⲛⲕⲟⲩϫⲓ ⲉⲑⲛⲁⲛⲟϩⲉⲙ ⲛ̀ⲑⲟϥ ⲇⲉ ⲡⲉϫⲁϥ ⲛⲱⲟⲩ	Peje ouai ḋe naf je p̀ċois hankouji eθnanohem ǹθof ḋe pegaf nōou	One said to him, 'Lord, are they few who are saved?' He said to them,
13:24	ϫⲉⲁⲣⲓⲁⲅⲱⲛⲓⲍⲉⲥⲑⲉ ⲉⲓ ⲉϧⲟⲩⲛ ϩⲓⲧⲉⲛⲡⲓⲣⲟ ⲉⲧϫⲏⲟⲩ ϫⲉⲟⲩⲟⲛ ⲟⲩⲙⲏϣ ϯϫⲱ ⲙⲙⲟⲥ ⲛⲱⲧⲉⲛ ⲛⲁⲕⲱϯ ⲛⲥⲁⲓⲉϧⲟⲩⲛ ⲟⲩⲟϩ ⲛⲛⲟⲩϣϫⲉⲙϫⲟⲙ	ϫⲉ ⲁⲣⲓⲁⲅⲱⲛⲓⲍⲉⲥⲑⲉ ⲓ̀ ⲉ̀ϧⲟⲩⲛ ϩⲓⲧⲉⲛ ⲡⲓⲣⲟ ⲉⲧϫⲏⲟⲩ ϫⲉ ⲟⲩⲟⲛ ⲟⲩⲙⲏϣ ϯϫⲱ ⲙ̀ⲙⲟⲥ ⲛⲱⲧⲉⲛ ⲛⲁⲕⲱϯ ⲛ̀ⲥⲁⲓⲉ̀ϧⲟⲩⲛ ⲟⲩⲟϩ ⲛⲛⲟⲩϣϫⲉⲙϫⲟⲙ	je ariaġōnizesθe ì èxoun hiten piro etjyou je ouon oumyṡ tigō m̀mos nōten nakōti ǹsaièxoun ouoh nnouṡjemgom	'Strive to enter in by the narrow door, for many, I tell you, will seek to enter in, and will not be able.
13:25	ⲁϥϣⲁⲛⲫⲟϩ ⲉⲧⲱⲛϥ ⲛϫⲉⲡⲓⲛⲉⲃⲏⲓ ⲟⲩⲟϩ ⲛⲧⲉϥϣⲑⲁⲙ ⲙⲡⲓⲣⲟ ⲟⲩⲟϩ ⲛⲧⲉⲧⲉⲛⲉⲣϩⲏ ⲧⲥ ⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ⲥⲁⲃⲟⲗ ⲟⲩⲟϩ ⲉⲕⲱⲗϩ ⲉⲡⲓⲣⲟ ⲟⲩⲟϩ ⲉⲣⲉⲧⲉⲛϫⲱ ⲙⲙⲟⲥ ϫⲉⲡϭⲟⲓⲥ ⲁⲟⲩⲱⲛ ⲛⲁⲛ ⲟⲩⲟϩ ⲛⲧⲉϥⲉⲣⲟⲩⲱ ⲛⲧⲉϥϫⲟⲥ ⲛⲱⲧⲉⲛ ϫⲉⲛϯⲥⲱⲟⲩⲛ ⲙⲙⲱⲧⲉⲛ ⲁⲛ ϫⲉⲛⲑⲱⲧⲉⲛ ϩⲁⲛⲉⲃⲟⲗ ⲑⲱⲛ .	ⲁϥϣⲁⲛⲫⲟϩ ⲉ̀ⲧⲱⲛϥ ⲛ̀ϫⲉ ⲡⲓⲛⲉⲃⲏⲓ ⲟⲩⲟϩ ⲛ̀ⲧⲉϥϣⲑⲁⲙ ⲛ̀ⲡⲓⲣⲟ ⲟⲩⲟϩ ⲛ̀ⲧⲉⲧⲉⲛⲉⲣϩⲏ ⲧⲥ ⲛ̀ⲟ̀ϩⲓ ⲉ̀ⲣⲁⲧⲉⲛ ⲑⲏⲛⲟⲩ ⲥⲁⲃⲟⲗ ⲟⲩⲟϩ ⲉ̀ⲕⲱⲗϩ ⲉ̀ⲡⲓⲣⲟ ⲟⲩⲟϩ ⲉ̀ⲣⲉⲧⲉⲛϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲁ̀ⲟⲩⲱⲛ ⲛⲁⲛ ⲟⲩⲟϩ ⲛ̀ⲧⲉϥⲉⲣⲟⲩⲱ ⲛ̀ⲧⲉϥϫⲟⲥ ⲛⲱⲧⲉⲛ ϫⲉ ⲛ̀ϯⲥⲱⲟⲩⲛ ⲙ̀ⲙⲱⲧⲉⲛ ⲁⲛ ϫⲉ ⲛ̀ⲑⲱⲧⲉⲛ ϩⲁⲛⲉ̀ⲃⲟⲗ ⲑⲱⲛ.	afṡanfoh ètōnf ǹje pinevyi ouoh ǹtefṡθam ǹpiro ouoh ǹtetenerhy ts ǹòhi èraten θynou savol ouoh èkōlh èpiro ouoh èretengō m̀mos je p̀ċois àouōn nan ouoh ǹteferouō ǹtefgos nōten je ǹtisōoun m̀mōten an je ǹθōten hanèvol θōn.	When once the master of the house has risen up, and has shut the door, and you begin to stand outside, and to knock at the door, saying, 'Lord, Lord, open to us!' then he will answer and tell you, 'I don't know you or where you come from.'
13:26	ⲧⲟⲧⲉ ⲉⲣⲉⲧⲉⲛⲉⲉⲣϩⲏⲧⲥ ⲛϫⲟⲥ ϫⲉⲁⲛⲟⲩⲱⲙ ⲙⲡⲉⲕⲙⲑⲟ ⲟⲩⲟϩ ⲁⲛⲥⲱ ⲟⲩⲟϩ ⲁⲕϯⲥⲃⲱ ϧⲉⲛⲛⲉⲛⲡⲗⲁⲧⲓⲁ .	Ⲧⲟⲧⲉ ⲉ̀ⲣⲉⲧⲉⲛⲉⲉⲣϩⲏⲧⲥ ⲛ̀ϫⲟⲥ ϫⲉ ⲁⲛⲟⲩⲱⲙ ⲛ̀ⲡⲉⲕⲙ̀ⲑⲟ ⲟⲩⲟϩ ⲁⲛⲥⲱ ⲟⲩⲟϩ ⲁⲕϯⲥⲃⲱ ϧⲉⲛ ⲛⲉⲛⲡ̀ⲗⲁⲧⲓⲁ.	Tote èreteneerhyts ǹgos je anouōm ǹpekm̀θo ouoh ansō ouoh aktisvō xen nenp̀latia.	Then you will begin to say, 'We ate and drank in your presence, and you taught in our streets.'
13:27	ⲟⲩⲟϩ ϥⲛⲁϫⲟⲥ ϫⲉϯⲥⲱⲟⲩⲛ ⲙⲙⲱⲧⲉⲛ ⲁⲛ ϫⲉⲛⲑⲱⲧⲉⲛ ϩⲁⲛⲉⲃⲟⲗ ⲑⲱⲛ ⲙⲁϣⲉ ⲛⲱⲧⲉⲛ ⲉⲃⲟⲗ ϩⲁⲣⲟⲓ ⲧⲏⲣⲟⲩ ⲛⲓⲉⲣⲅⲁⲧⲏⲥ ⲛⲧⲉϯⲁⲇⲓⲕⲓⲁ	Ⲟⲩⲟϩ ϥ̀ⲛⲁϫⲟⲥ ϫⲉ ϯⲥⲱⲟⲩⲛ ⲙ̀ⲙⲱⲧⲉⲛ ⲁⲛ ϫⲉ ⲛ̀ⲑⲱⲧⲉⲛ ϩⲁⲛⲉ̀ⲃⲟⲗ ⲑⲱⲛ ⲙⲁϣⲉ ⲛⲱⲧⲉⲛ ⲉ̀ⲃⲟⲗ ϩⲁⲣⲟⲓ ⲧⲏⲣⲟⲩ ⲛⲓⲉⲣⲅⲁⲧⲏⲥ ⲛ̀ⲧⲉ ϯⲁ̀ⲇⲓⲕⲓⲁ	Ouoh f̀nagos je tisōoun m̀mōten an je ǹθōten hanèvol θōn maṡe nōten èvol haroi tyrou nierġatys ǹte tiàḋikia	He will say, 'I tell you, I don't know where you come from. Depart from me, all you workers of iniquity.'
13:28	ⲡⲓⲙⲁ ⲉⲧⲉⲙⲙⲁⲩ ϥⲛⲁϣⲱⲡⲓ ⲛϫⲉⲫⲣⲓⲙⲓ ⲛⲉⲙⲡⲥⲑⲉⲣⲧⲉⲣ ⲛⲧⲉⲛⲓⲛⲁϫϩⲓ ϩⲟⲧⲁⲛ ⲁⲣⲉⲧⲉⲛϣⲁⲛⲛⲁⲩ ⲉⲁⲃⲣⲁⲁⲙ ⲛⲉⲙⲓⲥⲁⲁⲕ ⲛⲉⲙⲓⲁⲕⲱⲃ ⲛⲉⲙⲛⲓⲡⲣⲟⲫⲏⲧⲏⲥ ⲧⲏⲣⲟⲩ ϧⲉⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲛⲑⲱⲧⲉⲛ ⲇⲉ ⲉⲩϩⲓⲟⲩⲓ ⲙⲙⲱⲧⲉⲛ ⲉⲃⲟⲗ	ⲡⲓⲙⲁ ⲉ̀ⲧⲉ ⲙ̀ⲙⲁⲩ ϥ̀ⲛⲁϣⲱⲡⲓ ⲛ̀ϫⲉ ⲫ̀ⲣⲓⲙⲓ ⲛⲉⲙ ⲡ̀ⲥ̀ⲑⲉⲣⲧⲉⲣ ⲛ̀ⲧⲉ ⲛⲓⲛⲁϫϩⲓ ϩⲟⲧⲁⲛ ⲁⲣⲉⲧⲉⲛϣⲁⲛⲛⲁⲩ ⲉⲁⲃⲣⲁⲁⲙ ⲛⲉⲙ ⲓⲥⲁⲁⲕ ⲛⲉⲙ ⲓⲁⲕⲱⲃ ⲛⲉⲙ ⲛⲓⲡ̀ⲣⲟⲫⲏⲧⲏⲥ ⲧⲏⲣⲟⲩ ϧⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ⲛ̀ⲑⲱⲧⲉⲛ ⲇⲉ ⲉⲩϩⲓⲟⲩⲓ̀ ⲙ̀ⲙⲱⲧⲉⲛ ⲉ̀ⲃⲟⲗ	pima ète m̀mav f̀naṡōpi ǹje f̀rimi nem p̀·s̀θerter ǹte ninaghi hotan aretenṡannav eabraam nem isaak nem iakōb nem nip̀rofytys tyrou xen timetouro ǹte f̀nouti ǹθōten ḋe evhiouì m̀mōten èvol	There will be weeping and gnashing of teeth, when you see Abraham, Isaac, Jacob, and all the prophets, in the Kingdom of God, and yourselves being thrown outside.
13:29	ⲟⲩⲟϩ ⲉⲩⲉⲓ ⲉⲃⲟⲗ ϧⲉⲛⲛⲓⲙⲁⲛϣⲁⲓ ⲛⲉⲙⲛⲓⲙⲁⲛϩⲱⲧⲡ ⲛⲉⲙⲡⲉⲙϩⲓⲧ ⲛⲉⲙⲥⲁⲣⲏⲥ ⲟⲩⲟϩ ⲉⲩⲉⲣⲟⲑⲃⲟⲩ ϧⲉⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ .	ⲟⲩⲟϩ ⲉⲩⲓ ⲉ̀ⲃⲟⲗ ϧⲉⲛ ⲛⲓⲙⲁⲛϣⲁⲓ ⲛⲉⲙ ⲛⲓⲙⲁⲛϩⲱⲧⲡ ⲛⲉⲙ ⲡⲉⲙϩⲓⲧ ⲛⲉⲙ ⲥⲁⲣⲏⲥ ⲟⲩⲟϩ ⲉⲩⲉ̀ⲣⲟⲑⲃⲟⲩ ϧⲉⲛ ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ.	ouoh evi èvol xen nimanṡai nem nimanhōtp nem pemhit nem sarys ouoh evèroθvou xen timetouro ǹte f̀nouti.	They will come from the east, west, north, and south, and will sit down in the Kingdom of God.
13:30	ⲟⲩⲟϩ ϩⲏⲡⲡⲉ ⲟⲩⲟⲛ ϩⲁⲛϧⲁⲉⲩ ⲉⲩⲛⲁⲉⲣϣⲟⲣⲡ ⲟⲩⲟϩ ϩⲁⲛϣⲟⲣⲡ ⲉⲩⲛⲁⲉⲣϧⲁⲉⲩ .	Ⲟⲩⲟϩ ϩⲏⲡⲡⲉ ⲟⲩⲟⲛ ϩⲁⲛϧⲁⲉⲩ ⲉⲩⲛⲁⲉⲣϣⲟⲣⲡ ⲟⲩⲟϩ ϩⲁⲛϣⲟⲣⲡ ⲉⲩⲛⲁⲉⲣϧⲁⲉⲩ.	Ouoh hyppe ouon hanxaev evnaerṡorp ouoh hanṡorp evnaerxaev.	Behold, there are some who are last who will be first, and there are some who are first who will be last.'
13:31	ⲛϩⲣⲏⲓ ⲇⲉ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲁⲩⲓ ϩⲁⲣⲟϥ ⲛϫⲉⲛⲓⲫⲁⲣⲓⲥⲉⲟⲥ ⲉⲩϫⲱ ⲙⲙⲟⲥ ⲛⲁϥ ϫⲉⲙⲁϣⲉ ⲛⲁⲕ ⲟⲩⲟϩ ϩⲱⲗ ⲧⲁⲓ ϫⲉⲏⲣⲱⲇⲏⲥ ⲟⲩⲱϣ ⲉϧⲟⲑⲃⲉⲕ .	Ⲛ̀ϩ̀ⲣⲏⲓ ⲇⲉ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁⲩⲓ̀ ϩⲁⲣⲟϥ ⲛ̀ϫⲉ ⲛⲓⲫⲁⲣⲓⲥⲉⲟⲥ ⲉⲩϫⲱ ⲙ̀ⲙⲟⲥ ⲛⲁϥ ϫⲉ ⲙⲁϣⲉ ⲛⲁⲕ ⲟⲩⲟϩ ϩⲱⲗ ⲧⲁⲓ ϫⲉ ⲏ̀ⲣⲱⲇⲏⲥ ⲟⲩⲱϣ ⲉ̀ϧⲟⲑⲃⲉⲕ.	Ǹh̀ryi ḋe xen pièhoou ète m̀mav avì harof ǹje nifariseos evgō m̀mos naf je maṡe nak ouoh hōl tai je ỳrōdys ouōṡ èxoθvek.	On that same day, some Pharisees came, saying to him, 'Get out of here, and go away, for Herod wants to kill you.'
13:32	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲙⲁϣⲉ ⲛⲱⲧⲉⲛ ⲁϫⲟⲥ ⲛⲧⲁⲓⲃⲁϣⲟⲣ ϫⲉϩⲏⲡⲡⲉ ϯϩⲓ ⲇⲉⲙⲱⲛ ⲉⲃⲟⲗ ⲟⲩⲟϩ ϯϫⲱⲕ ⲛϩⲁⲛⲧⲁⲗϭⲟ ⲙⲫⲟⲟⲩ ⲛⲉⲙⲣⲁⲥϯ ⲟⲩⲟϩ ϧⲉⲛⲡⲓⲙⲁϩⲅ ϯⲛⲁϫⲱⲕ ⲉⲃⲟⲗ	Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲙⲁϣⲉ ⲛⲱⲧⲉⲛ ⲁ̀ϫⲟⲥ ⲛ̀ⲧⲁⲓ̀ⲃⲁϣⲟⲣ ϫⲉ ϩⲏⲡⲡⲉ ϯϩⲓ ⲇⲉⲙⲱⲛ ⲉ̀ⲃⲟⲗ ⲟⲩⲟϩ ϯϫⲱⲕ ⲛ̀ϩⲁⲛⲧⲁⲗϭⲟ ⲛ̀ⲧⲉ ⲫⲟⲟⲩ ⲛⲉⲙ ⲣⲁⲥϯ ⲟⲩⲟϩ ϧⲉⲛ ⲡⲓⲙⲁϩⲅ ϯⲛⲁϫⲱⲕ ⲉ̀ⲃⲟⲗ	Ouoh pegaf nōou je maṡe nōten àgos ǹtaìvaṡor je hyppe tihi ḋemōn èvol ouoh tigōk ǹhantalċo ǹte foou nem rasti ouoh xen pimahġ tinagōk èvol	He said to them, 'Go and tell that fox, 'Behold, I cast out demons and perform cures today and tomorrow, and the third day I complete my mission.
13:33	ⲡⲗⲏⲛ ϩⲱϯ ⲉⲣⲟⲓ ⲛⲧⲁⲉⲣ ⲫⲟⲟⲩ ⲛⲉⲙⲣⲁⲥϯ ⲟⲩⲟϩ ⲡⲉⲑⲛⲏⲟⲩ ⲛⲧⲁϣⲉ ⲛⲏⲓ ϫⲉⲥⲭⲏ ⲁⲛ ⲛⲧⲉⲟⲩⲡⲣⲟⲫⲏⲧⲏⲥ ⲧⲁⲕⲟ ⲥⲁⲃⲟⲗ ⲛⲓⲉⲣⲟⲥⲁⲗⲏⲙ .	ⲡ̀ⲗⲏⲛ ϩⲱϯ ⲉ̀ⲣⲟⲓ ⲛ̀ⲧⲁⲉⲣ ⲫⲟⲟⲩ ⲛⲉⲙ ⲣⲁⲥϯ ⲟⲩⲟϩ ⲡⲉⲑⲛⲏⲟⲩ ⲛ̀ⲧⲁϣⲉ ⲛⲏⲓ ϫⲉ ⲥ̀ⲭⲏ ⲁⲛ ⲛ̀ⲧⲉ ⲟⲩⲡ̀ⲣⲟⲫⲏⲧⲏⲥ ⲧⲁⲕⲟ ⲥⲁⲃⲟⲗ ⲛ̀ⲓⲉⲣⲟⲥⲁⲗⲏⲙ.	p̀lyn hōti èroi ǹtaer foou nem rasti ouoh peθnyou ǹtaṡe nyi je s̀ṡy an ǹte oup̀rofytys tako savol ǹierosalym.	Nevertheless I must go on my way today and tomorrow and the next day, for it can't be that a prophet perish outside of Jerusalem.'
13:34	ⲓⲉⲣⲟⲥⲁⲗⲏⲙ ⲓⲉⲣⲟⲥⲁⲗⲏⲙ ⲑⲏ ⲉⲧⲁⲥϧⲱⲧⲉⲃ ⲛⲛⲓⲡⲣⲟⲫⲏⲧⲏⲥ ⲟⲩⲟϩ ⲉⲧϩⲓ ⲱⲛⲓ ⲉϫⲉⲛⲛⲏ ⲉⲧⲁⲩⲟⲩⲟⲣⲡⲟⲩ ϩⲁⲣⲟⲥ ⲟⲩⲏⲣ ⲛⲥⲟⲡ ⲁⲓⲟⲩⲱϣ ⲉⲑⲟⲩⲉⲧ ⲛⲉϣⲏⲣⲓ ⲙⲫⲣⲏϯ ⲛⲟⲩϩⲁⲗⲏⲧ ⲙⲡⲉϥⲙⲟϩ ϧⲁⲛⲉϥⲧⲉⲛϩ ⲟⲩⲟϩ ⲙⲡⲉⲧⲉⲛⲟⲩⲱϣ .	Ⲓⲉⲣⲟⲥⲁⲗⲏⲙ ⲓⲉⲣⲟⲥⲁⲗⲏⲙ ⲑⲏ ⲉⲧⲁⲥϧⲱⲧⲉⲃ ⲛ̀ⲛⲓⲡⲣⲟⲫⲏⲧⲏⲥ ⲟⲩⲟϩ ⲉⲧϩⲓ ⲱⲛⲓ ⲉ̀ϫⲉⲛ ⲛⲏ ⲉⲧⲁⲩⲟⲩⲟⲣⲡⲟⲩ ϩⲁⲣⲟⲥ ⲟⲩⲏⲣ ⲛ̀ⲥⲟⲡ ⲁⲓⲟⲩⲱϣ ⲉ̀ⲑⲟⲩⲉⲧ ⲛⲉϣⲏⲣⲓ ⲛ̀ⲫ̀ⲣⲏϯ ⲛ̀ⲟⲩϩⲁⲗⲏⲧ ⲛ̀ⲧⲉ ⲡⲉϥⲙⲟϩ ϧⲁ ⲛⲉϥⲧⲉⲛϩ ⲟⲩⲟϩ ⲛ̀ⲡⲉⲧⲉⲛⲟⲩⲱϣ.	Ierosalym ierosalym θy etasxōteb ǹniprofytys ouoh et·hi ōni èjen ny etavouorpou haros ouyr ǹsop aiouōṡ èθouet neṡyri ǹf̀ryti ǹouhalyt ǹte pefmoh xa neftenh ouoh ǹpetenouōṡ.	'Jerusalem, Jerusalem, that kills the prophets, and stones those who are sent to her! How often I wanted to gather your children together, like a hen gathers her own brood under her wings, and you refused!
13:35	ϩⲏⲡⲡⲉ ⲓⲥ ⲡⲉⲧⲉⲛⲏⲓ ϥⲭⲏ ⲛⲱⲧⲉⲛ ϯϫⲱ ⲇⲉ ⲙⲙⲟⲥ ⲛⲱⲧⲉⲛ ϫⲉⲛⲛⲉⲧⲉⲛⲛⲁⲩ ⲉⲣⲟⲓ ⲓⲥϫⲉⲛ ϯⲛⲟⲩ ϣⲁⲧⲉⲧⲉⲛϫⲟⲥ ϫⲉϥⲥⲙⲁⲣⲱⲟⲩⲧ ⲛϫⲉⲡⲉⲑⲛⲏⲟⲩ ϧⲉⲛⲫⲣⲁⲛ ⲙⲡϭⲟⲓⲥ .	Ϩⲏⲡⲡⲉ ⲓⲥ ⲡⲉⲧⲉⲛⲏⲓ ϥ̀ⲭⲏ ⲛⲱⲧⲉⲛ ϯϫⲱ ⲇⲉ ⲙ̀ⲙⲟⲥ ⲛⲱⲧⲉⲛ ϫⲉ ⲛ̀ⲛⲉⲧⲉⲛⲛⲁⲩ ⲉ̀ⲣⲟⲓ ⲓⲥϫⲉⲛ ϯⲛⲟⲩ ϣⲁ ⲧⲉⲧⲉⲛϫⲟⲥ ϫⲉ ϥ̀ⲥ̀ⲙⲁⲣⲱⲟⲩⲧ ⲛ̀ϫⲉ ⲡⲉⲑⲛⲏⲟⲩ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ.	Hyppe is petenyi f̀ky nōten tigō ḋe m̀mos nōten je ǹnetennav èroi isjen tinou ṡa tetengos je f̀s̀marōout ǹje peθnyou xen f̀ran ǹp̀ċois.	Behold, your house is left to you desolate. I tell you, you will not see me, until you say, 'Blessed is he who comes in the name of the Lord!''

Provenance

title: 03_Luke_13
dialect: bohairic
source: Coptic SCRIPTORIUM corpus "bohairic.nt", document 03_Luke_13
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 03_Luke_13 from Coptic SCRIPTORIUM (https://copticscriptorium.org), corpus bohairic.nt, document 03_Luke_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Luke/13.bohairic.scriptorium.L0.txt
title: 03_Luke_13 — Cairene
dialect: bohairic
source: generated from 13.bohairic.scriptorium.L0.txt (Coptic SCRIPTORIUM corpus "bohairic.nt", document 03_Luke_13)
licence: CC BY-SA 4.0
share: attribution
attribution: 03_Luke_13 from Coptic SCRIPTORIUM (https://copticscriptorium.org), corpus bohairic.nt, document 03_Luke_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Luke/13.bohairic.scriptorium.L1.txt
title: 03_Luke_13 — Kemetic
dialect: bohairic
source: generated from 13.bohairic.scriptorium.L1.txt
licence: CC BY-SA 4.0
share: attribution
attribution: 03_Luke_13 from Coptic SCRIPTORIUM (https://copticscriptorium.org), corpus bohairic.nt, document 03_Luke_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Luke/13.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 33 quoted · 0 quoted with the alignment not cross-checked · 2 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 03_Luke_13 (33 lines)

Cite as:

03_Luke_13. Coptic SCRIPTORIUM corpus "bohairic.nt", document 03_Luke_13. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/luke/13.bohairic.scriptorium/. 03_Luke_13 from Coptic SCRIPTORIUM (https://copticscriptorium.org), corpus bohairic.nt, document 03_Luke_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.