03_Luke_24 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 03_Luke_24

Attribution: 03_Luke_24 from Coptic SCRIPTORIUM (https://copticscriptorium.org), corpus bohairic.nt, document 03_Luke_24, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

53 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
24:1	ϧⲉⲛⲫⲟⲩⲁⲓ ⲛⲧⲉⲛⲓⲥⲁⲃⲃⲁⲧⲟⲛ ⲛϣⲟⲣⲡ ⲉⲙⲁϣⲱ ⲁⲩⲓ ⲉⲡⲓⲙϩⲁⲩ ⲉⲁⲩⲓⲛⲓ ⲛⲛⲓⲥⲑⲟⲓ ⲉⲧⲁⲩⲥⲉⲃⲧⲱⲧⲟⲩ .	ϧⲉⲛ ⲫ̀ⲟⲩⲁⲓ ⲛ̀ⲧⲉ ⲛⲓⲥⲁⲃⲃⲁⲧⲟⲛ ⲛ̀ϣⲟⲣⲡ ⲉ̀ⲙⲁϣⲱ ⲁⲩⲓ̀ ⲉ̀ⲡⲓⲙ̀ϩⲁⲩ ⲉⲁⲩⲓ̀ⲛⲓ ⲛ̀ⲛⲓⲥ̀ⲑⲟⲓ ⲉⲧⲁⲩⲥⲉⲃⲧⲱⲧⲟⲩ.	xen f̀ouai ǹte nisabbaton ǹṡorp èmaṡō avì èpim̀hav eavìni ǹnis̀θoi etavsevtōtou.	But on the first day of the week, at early dawn, they and some others came to the tomb, bringing the spices which they had prepared.
24:2	ⲁⲩϫⲓⲙⲓ ⲇⲉ ⲙⲡⲓⲱⲛⲓ ⲉⲁⲩⲥⲕⲉⲣⲕⲱⲣϥ ⲥⲁⲃⲟⲗ ⲙⲡⲓⲙϩⲁⲩ .	Ⲁⲩϫⲓⲙⲓ ⲇⲉ ⲛ̀ⲡⲓⲱⲛⲓ ⲉⲁⲩⲥⲕⲉⲣⲕⲱⲣϥ ⲥⲁⲃⲟⲗ ⲛ̀ⲡⲓⲙ̀ϩⲁⲩ.	Avjimi ḋe ǹpiōni eavskerkōrf savol ǹpim̀hav.	They found the stone rolled away from the tomb.
24:3	ⲉⲧⲁⲩϣⲉ ⲇⲉ ⲉϧⲟⲩⲛ ⲙⲡⲟⲩϫⲉⲙ ⲡⲥⲱⲙⲁ ⲛⲧⲉⲡϭⲟⲓⲥ ⲓⲏⲥⲟⲩⲥ .	Ⲉ̀ⲧⲁⲩϣⲉ ⲇⲉ ⲉ̀ϧⲟⲩⲛ ⲙ̀ⲡⲟⲩϫⲉⲙ ⲡ̀ⲥⲱⲙⲁ ⲛ̀ⲧⲉ ⲡ̀ϭⲟⲓⲥ ⲓⲏⲥⲟⲩⲥ.	Ètavṡe ḋe èxoun m̀poujem p̀·sōma ǹte p̀ċois iysous.	They entered in, and didn't find the Lord Jesus' body.
24:4	ⲁⲥϣⲱⲡⲓ ⲇⲉ ⲉⲩⲉⲣⲁⲡⲟⲣⲓⲥⲑⲉ ⲉⲑⲃⲉⲫⲁⲓ ϩⲏⲡⲡⲉ ⲓⲥ ⲣⲱⲙⲓ ⲃⲁⲩⲟϩⲓ ⲉⲣⲁⲧⲟⲩⲥⲁⲡϣⲱⲓ ⲙⲙⲱⲟⲩ ϧⲉⲛϩⲁⲛϩⲉⲃⲥⲱ ⲉⲩϩⲓⲥⲉⲧⲉⲃⲣⲏϫ ⲉⲃⲟⲗ .	Ⲁⲥϣⲱⲡⲓ ⲇⲉ ⲉⲩⲉⲣⲁⲡⲟⲣⲓⲥⲑⲉ ⲉⲑⲃⲉ ⲫⲁⲓ ϩⲏⲡⲡⲉ ⲓⲥ ⲣⲱⲙⲓ ⲃⲁⲩⲟ̀ϩⲓ ⲉ̀ⲣⲁⲧⲟⲩⲥⲁⲡ̀ϣⲱⲓ ⲙ̀ⲙⲱⲟⲩ ϧⲉⲛ ϩⲁⲛϩⲉⲃⲥⲱ ⲉⲩϩⲓⲥⲉⲧⲉⲃⲣⲏϫ ⲉ̀ⲃⲟⲗ.	Asṡōpi ḋe everaporisθe eθve fai hyppe is rōmi vavòhi èratousap̀ṡōi m̀mōou xen hanhevsō evhisetevryg èvol.	It happened, while they were greatly perplexed about this, behold, two men stood by them in dazzling clothing.
24:5	ⲉⲧⲁⲩϣⲱⲡⲓ ⲇⲉ ϧⲉⲛⲟⲩϩⲟϯ ⲟⲩⲟϩ ⲉⲩⲣⲓⲕⲓ ⲙⲡⲟⲩϩⲟ ⲉⲡⲕⲁϩⲓ ⲡⲉϫⲱⲟⲩ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛⲕⲱϯ ⲛⲥⲁⲡⲉⲧⲟⲛϧ ⲛⲉⲙⲛⲓⲣⲉϥⲙⲱⲟⲩⲧ	Ⲉ̀ⲧⲁⲩϣⲱⲡⲓ ⲇⲉ ϧⲉⲛ ⲟⲩϩⲟϯ ⲟⲩⲟϩ ⲉⲩⲣⲓⲕⲓ ⲛ̀ⲡ̀ⲟⲩϩⲟ ⲉ̀ⲡ̀ⲕⲁϩⲓ ⲡⲉϫⲱⲟⲩ ⲛⲱⲟⲩ ϫⲉ ⲉⲑⲃⲉ ⲟⲩ ⲧⲉⲧⲉⲛⲕⲱϯ ⲛ̀ⲥⲁ ⲡⲉⲧⲟⲛϧ ⲛⲉⲙ ⲛⲓⲣⲉϥⲙⲱⲟⲩⲧ	Ètavṡōpi ḋe xen ouhoti ouoh evriki ǹp̀ouho èp̀kahi pegōou nōou je eθve ou tetenkōti ǹsa petonx nem nirefmōout	Becoming terrified, they bowed their faces down to the earth. They said to them, 'Why do you seek the living among the dead?
24:6	ⲛϥⲭⲏ ⲙⲡⲁⲓⲙⲁ ⲁⲛ ⲁⲗⲗⲁ ⲁϥⲧⲱⲛϥ ⲁⲣⲓⲫⲙⲉⲩⲓ ⲙⲫⲣⲏϯ ⲉⲧⲁϥⲥⲁϫⲓ ⲛⲉⲙⲱⲧⲉⲛ ⲉⲧⲓ ⲉϥϧⲉⲛ ϯⲅⲁⲗⲓⲗⲉⲁ	ⲛ̀ϥⲭⲏ ⲛ̀ⲡⲁⲓⲙⲁ ⲁⲛ ⲁⲗⲗⲁ ⲁϥⲧⲱⲛϥ ⲁ̀ⲣⲓⲫ̀ⲙⲉⲩⲓ ⲛ̀ⲫ̀ⲣⲏϯ ⲉⲧⲁϥⲥⲁϫⲓ ⲛⲉⲙⲱⲧⲉⲛ ⲉ̀ⲧⲓ ⲉϥ ϧⲉⲛ ϯⲅⲁⲗⲓⲗⲉⲁ	ǹfky ǹpaima an alla aftōnf àrif̀mevi ǹf̀ryti etafsaji nemōten èti ef xen tiġalilea	He isn't here, but is risen. Remember what he told you when he was still in Galilee,
24:7	ⲉϥϫⲱ ⲙⲙⲟⲥ ϫⲉϩⲱϯ ⲛⲧⲟⲩϯ ⲙⲡϣⲏ ⲣⲓ ⲙⲫⲣⲱⲙⲓ ⲉϧⲣⲏⲓ ⲉⲛⲉⲛϫⲓϫ ⲛϩⲁⲛⲣⲱⲙⲓ ⲛⲣⲉϥⲉⲣⲛⲟⲃⲓ ⲟⲩⲟϩ ⲛⲥⲉⲁϣϥ ⲟⲩⲟϩ ⲛⲧⲉϥⲧⲱⲛϥ ϧⲉⲛⲡⲓⲙⲁϩⲅ ⲛⲉϩⲟⲟⲩ .	ⲉϥϫⲱ ⲙ̀ⲙⲟⲥ ϫⲉ ϩⲱϯ ⲛ̀ⲧⲟⲩϯ ⲙ̀ⲡϣⲏ ⲣⲓ ⲛ̀ⲫ̀ⲣⲱⲙⲓ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲛ̀ϩⲁⲛⲣⲱⲙⲓ ⲛ̀ⲣⲉϥⲉⲣⲛⲟⲃⲓ ⲟⲩⲟϩ ⲛ̀ⲧⲟⲩⲁϣϥ ⲟⲩⲟϩ ⲛ̀ⲧⲉϥⲧⲱⲛϥ ϧⲉⲛ ⲡⲓⲙⲁϩⲅ ⲛ̀ⲉ̀ϩⲟⲟⲩ.	efgō m̀mos je hōti ǹtouti m̀pṡy ri ǹf̀rōmi èx̀ryi ènenjig ǹhanrōmi ǹrefernovi ouoh ǹtouaṡf ouoh ǹteftōnf xen pimahġ ǹèhoou.	saying that the Son of Man must be delivered up into the hands of sinful men, and be crucified, and the third day rise again?'
24:8	ⲟⲩⲟϩ ⲁⲩⲉⲣⲫⲙⲉⲩⲓ ⲛⲛⲉϥⲥⲁϫⲓ	Ⲟⲩⲟϩ ⲁⲩⲉⲣⲫ̀ⲙⲉⲩⲓ ⲛ̀ⲛⲉϥⲥⲁϫⲓ	Ouoh averf̀mevi ǹnefsaji	They remembered his words,
24:9	ⲟⲩⲟϩ ⲉⲧⲁⲩⲧⲁⲥⲑⲟ ⲉⲃⲟⲗ ϩⲁⲡⲓⲙϩⲁⲩ ⲁⲩⲧⲁⲙⲉ ⲡⲓⲓⲁ ⲉⲛⲁⲓ ⲧⲏⲣⲟⲩ ⲛⲉⲙⲛⲓⲥⲱϫⲡ ⲧⲏⲣⲟⲩ .	ⲟⲩⲟϩ ⲉ̀ⲧⲁⲩⲧⲁⲥⲑⲟ ⲉ̀ⲃⲟⲗ ϩⲁ ⲡⲓⲙ̀ϩⲁⲩ ⲁⲩⲧⲁⲙⲉ ⲡⲓⲓⲁ ⲉ̀ⲛⲁⲓ ⲧⲏⲣⲟⲩ ⲛⲉⲙ ⲛⲓⲥⲱϫⲡ ⲧⲏⲣⲟⲩ.	ouoh ètavtasθo èvol ha pim̀hav avtame piia ènai tyrou nem nisōgp tyrou.	returned from the tomb, and told all these things to the eleven, and to all the rest.
24:10	ⲛⲉ ⲙⲁⲣⲓⲁ ⲇⲉ ⲧⲉ ϯⲙⲁⲅⲇⲁⲗⲓⲛⲏ ⲛⲉⲙⲓⲱⲁⲛⲛⲁ ⲛⲉⲙⲙⲁⲣⲓⲁ ⲛⲧⲉⲓⲁⲕⲱⲃⲟⲥ ⲛⲉⲙⲡⲥⲱϫⲡ ⲉⲑⲛⲉⲙⲱⲟⲩ ⲛⲏ ⲉⲛⲁⲩϫⲱ ⲛⲛⲁⲓ ⲛⲛⲓⲁⲡⲟⲥⲧⲟⲗⲟⲥ	Ⲛⲉ ⲙⲁⲣⲓⲁ ⲇⲉ ⲧⲉ ϯⲙⲁⲅⲇⲁⲗⲓⲛⲏ ⲛⲉⲙ ⲓⲱⲁⲛⲛⲁ ⲛⲉⲙ ⲙⲁⲣⲓⲁ ⲛ̀ⲧⲉ ⲓⲁⲕⲱⲃⲟⲥ ⲛⲉⲙ ⲡ̀ⲥⲱϫⲡ ⲉⲑⲛⲉⲙⲱⲟⲩ ⲛⲏ ⲉⲛⲁⲩϫⲱ ⲛ̀ⲛⲁⲓ ⲛ̀ⲛⲓⲁ̀ⲡⲟⲥⲧⲟⲗⲟⲥ	Ne maria ḋe te timaġdaliny nem iōanna nem maria ǹte iakōbos nem p̀·sōgp eθnemōou ny enavgō ǹnai ǹniàpostolos	Now they were Mary Magdalene, Joanna, and Mary the mother of James. The other women with them told these things to the apostles.
24:11	ⲟⲩⲟϩ ⲁⲩⲟⲩⲱⲛϩ ⲛϫⲉⲛⲁⲓⲥⲁϫⲓ ⲙⲡⲟⲩⲙⲑⲟ ⲉⲃⲟⲗ ⲙⲫⲣⲏϯ ⲛⲟⲩⲉⲃϣⲓ ⲟⲩⲟϩ ⲛⲁⲩⲧⲉⲛϩⲟⲧⲟⲩ ⲁⲛ ⲡⲉ .	ⲟⲩⲟϩ ⲁⲩⲟⲩⲱⲛϩ ⲛ̀ϫⲉ ⲛⲁⲓⲥⲁϫⲓ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲟⲩⲉⲃϣⲓ ⲟⲩⲟϩ ⲛⲁⲩⲧⲉⲛϩⲟⲧⲟⲩ ⲁⲛ ⲡⲉ.	ouoh avouōnh ǹje naisaji ǹpoum̀θo èvol ǹf̀ryti ǹouevṡi ouoh navtenhotou an pe.	These words seemed to them to be nonsense, and they didn't believe them.
24:12	ⲡⲉⲧⲣⲟⲥ ⲇⲉ ⲁϥⲧⲱⲛϥ ⲁϥϭⲟϫⲓ ⲉⲡⲓⲙϩⲁⲩ ⲟⲩⲟϩ ⲉⲧⲁϥⲥⲟⲙⲥ ⲉϧⲟⲩⲛ ⲁϥⲛⲁⲩ ⲉⲛⲓϩⲃⲱⲥ ⲙⲙⲁⲩⲁⲧⲟⲩ ⲟⲩⲟϩ ⲁϥϣⲉ ⲛⲁϥ ⲉⲡⲉϥⲏⲓ ⲉϥⲉⲣϣⲫⲏⲣⲓ ⲙⲫⲏ ⲉⲧⲁϥϣⲱⲡⲓ .	Ⲡⲉⲧⲣⲟⲥ ⲇⲉ ⲁϥⲧⲱⲛϥ ⲁϥϭⲟϫⲓ ⲉ̀ⲡⲓⲙ̀ϩⲁⲩ ⲟⲩⲟϩ ⲉ̀ⲧⲁϥⲥⲟⲙⲥ ⲉ̀ϧⲟⲩⲛ ⲁϥⲛⲁⲩ ⲉ̀ⲛⲓϩ̀ⲃⲱⲥ ⲙⲙⲁⲩⲁⲧⲟⲩ ⲟⲩⲟϩ ⲁϥϣⲉ ⲛⲁϥ ⲉ̀ⲡⲉϥⲏⲓ ⲉϥⲉⲣϣⲫⲏⲣⲓ ⲛ̀ⲫⲏ ⲉⲧⲁϥϣⲱⲡⲓ.	Petros ḋe aftōnf afċoji èpim̀hav ouoh ètafsoms èxoun afnav ènih̀vōs mmavatou ouoh afṡe naf èpefyi eferṡfyri ǹfy etafṡōpi.	But Peter got up and ran to the tomb. Stooping and looking in, he saw the strips of linen lying by themselves, and he departed to his home, wondering what had happened.
24:13	ⲟⲩⲟϩ ϩⲏⲡⲡⲉ ⲓⲥ ⲃⲉⲃⲟⲗ ⲛϧⲏⲧⲟⲩ ⲛⲁⲩⲙⲟϣⲓ ⲡⲉ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲉⲩⲛⲁ ⲉⲟⲩϯⲙⲓ ⲉⲥⲟⲩⲏⲟⲩ ⲛⲓⲉⲣⲟⲥⲁⲗⲏⲙ ⲛⲁⲩ ⲝⲛⲥⲧⲁⲇⲓⲟⲛ ⲉⲡⲉⲥⲣⲁⲛ ⲉⲙⲙⲁⲟⲩⲥ .	Ⲟⲩⲟϩ ϩⲏⲡⲡⲉ ⲓⲥ ⲃ ⲉ̀ⲃⲟⲗ ⲛ̀ϧⲏⲧⲟⲩ ⲛⲁⲩⲙⲟϣⲓ ⲡⲉ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉⲩⲛⲁ ⲉ̀ⲟⲩϯⲙⲓ ⲉⲥⲟⲩⲏⲟⲩ ⲛ̀ⲓⲉⲣⲟⲥⲁⲗⲏⲙ ⲛⲁⲩ ⲝⲛⲥⲧⲁⲇⲓⲟⲛ ⲉ̀ⲡⲉⲥⲣⲁⲛ ⲉⲙⲙⲁⲟⲩⲥ.	Ouoh hyppe is v èvol ǹxytou navmoṡi pe xen pièhoou ète m̀mav evna èoutimi esouyou ǹierosalym nav ksnstaḋion èpesran emmaous.	Behold, two of them were going that very day to a village named Emmaus, which was sixty stadia from Jerusalem.
24:14	ⲟⲩⲟϩ ⲛⲑⲱⲟⲩ ⲛⲁⲩⲥⲁϫⲓ ⲛⲉⲙⲛⲟⲩⲉⲣⲏ ⲟⲩ ⲉⲑⲃⲉⲛⲁⲓ ⲧⲏⲣⲟⲩ ⲉⲧⲁϥϣⲱⲡⲓ .	Ⲟⲩⲟϩ ⲛ̀ⲑⲱⲟⲩ ⲛⲁⲩⲥⲁϫⲓ ⲛⲉⲙ ⲛ̀ⲟⲩⲉⲣⲏ ⲟⲩ ⲉⲑⲃⲉ ⲛⲁⲓ ⲧⲏⲣⲟⲩ ⲉⲧⲁϥϣⲱⲡⲓ.	Ouoh ǹθōou navsaji nem ǹouery ou eθve nai tyrou etafṡōpi.	They talked with each other about all of these things which had happened.
24:15	ⲟⲩⲟϩ ⲁⲥϣⲱⲡⲓ ⲉⲩⲥⲁϫⲓ ⲟⲩⲟϩ ⲉⲩⲕⲱϯ ⲛⲑⲟϥ ϩⲱϥ ⲓⲏⲥⲟⲩⲥ ⲁϥϧⲱⲛⲧ ⲉⲣⲱⲟⲩ ⲁϥⲙⲟϣⲓ ⲛⲉⲙⲱⲟⲩ .	Ⲟⲩⲟϩ ⲁⲥϣⲱⲡⲓ ⲉⲩⲥⲁϫⲓ ⲟⲩⲟϩ ⲉⲩⲕⲱϯ ⲛ̀ⲑⲟϥ ϩⲱϥ ⲓⲏⲥⲟⲩⲥ ⲁϥϧⲱⲛⲧ ⲉ̀ⲣⲱⲟⲩ ⲁϥⲙⲟϣⲓ ⲛⲉⲙⲱⲟⲩ.	Ouoh asṡōpi evsaji ouoh evkōti ǹθof hōf iysous afxōnt èrōou afmoṡi nemōou.	It happened, while they talked and questioned together, that Jesus himself came near, and went with them.
24:16	ⲛⲁⲩⲁⲙⲟⲛⲓ ⲇⲉ ⲛⲛⲟⲩⲃⲁⲗ ⲉϣⲧⲉⲙⲥⲟⲩⲱⲛϥ .	Ⲛⲁⲩⲁ̀ⲙⲟⲛⲓ ⲇⲉ ⲛ̀ⲛⲟⲩⲃⲁⲗ ⲉ̀ϣⲧⲉⲙⲥⲟⲩⲱⲛϥ.	Navàmoni ḋe ǹnouval èṡtemsouōnf.	But their eyes were kept from recognizing him.
24:17	ⲡⲉϫⲁϥ ⲇⲉ ⲛⲱⲟⲩ ϫⲉⲛⲁⲓⲥⲁϫⲓ ⲟⲩ ⲛⲉⲉⲧⲉⲧⲉⲛϫⲱ ⲙⲙⲱⲟⲩ ⲛⲉⲙⲛⲉⲧⲉⲛⲉⲣⲏⲟⲩ ⲉⲣⲉⲧⲉⲛⲙⲟϣⲓ ⲟⲩⲟϩ ⲁⲩⲟϩⲓ ⲉⲣⲁⲧⲟⲩⲉⲩⲟⲕⲉⲙ .	Ⲡⲉϫⲁϥ ⲇⲉ ⲛⲱⲟⲩ ϫⲉ ⲛⲁⲓⲥⲁϫⲓ ⲟⲩ ⲛⲉⲉⲧⲉⲧⲉⲛϫⲱ ⲙ̀ⲙⲱⲟⲩ ⲛⲉⲙ ⲛⲉⲧⲉⲛⲉⲣⲏⲟⲩ ⲉ̀ⲣⲉⲧⲉⲛⲙⲟϣⲓ ⲟⲩⲟϩ ⲁⲩⲟ̀ϩⲓ ⲉ̀ⲣⲁⲧⲟⲩⲉⲩⲟⲕⲉⲙ.	Pegaf ḋe nōou je naisaji ou neetetengō m̀mōou nem neteneryou èretenmoṡi ouoh avòhi èratouevokem.	He said to them, 'What are you talking about as you walk, and are sad?'
24:18	ⲁϥⲉⲣⲟⲩⲱ ⲇⲉ ⲛϫⲉⲟⲩⲁⲓ ⲉⲡⲉϥⲣⲁⲛ ⲡⲉ ⲕⲗⲉⲟⲡⲁⲥ ⲡⲉϫⲁϥ ⲛⲁϥ ϫⲉⲛⲑⲟⲕ ⲙⲙⲁⲩⲁⲧⲕ ⲉⲧϣⲟⲡ ϧⲉⲛⲓⲉⲣⲟⲥⲁⲗⲏⲙ ⲟⲩⲟϩ ⲙⲡⲉⲕⲉⲙⲓ ⲉⲛⲏ ⲉⲧⲁⲩϣⲱⲡⲓ ⲛϧⲏⲧⲥ ϧⲉⲛⲛⲁⲓⲉϩⲟⲟⲩ .	Ⲁϥⲉⲣⲟⲩⲱ ⲇⲉ ⲛ̀ϫⲉ ⲟⲩⲁⲓ ⲉ̀ⲡⲉϥⲣⲁⲛ ⲡⲉ ⲕⲗⲉⲟⲡⲁⲥ ⲡⲉϫⲁϥ ⲛⲁϥ ϫⲉ ⲛ̀ⲑⲟⲕ ⲙ̀ⲙⲁⲩⲁⲧⲕ ⲉⲧϣⲟⲡ ϧⲉⲛ ⲓⲉⲣⲟⲥⲁⲗⲏⲙ ⲟⲩⲟϩ ⲙ̀ⲡⲉⲕⲉⲙⲓ ⲉ̀ⲛⲏ ⲉ̀ⲧⲁⲩϣⲱⲡⲓ ⲛ̀ϧⲏⲧⲥ ϧⲉⲛ ⲛⲁⲓⲉ̀ϩⲟⲟⲩ.	Aferouō ḋe ǹje ouai èpefran pe kleopas pegaf naf je ǹθok m̀mavatk etṡop xen ierosalym ouoh m̀pekemi èny ètavṡōpi ǹxyts xen naièhoou.	One of them, named Cleopas, answered him, 'Are you the only stranger in Jerusalem who doesn't know the things which have happened there in these days?'
24:19	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲟⲩ ⲛⲉⲛⲑⲱⲟⲩ ⲇⲉ ⲡⲉϫⲱⲟⲩ ⲛⲁϥ ϫⲉⲛⲏ ⲉⲧⲁⲩϣⲱⲡⲓ ⲛⲓⲏⲥⲟⲩⲥ ⲡⲓⲣⲉⲙⲛⲁⲍⲁⲣⲉⲑ ⲫⲏ ⲉⲧⲁϥϣⲱⲡⲓ ⲛⲟⲩⲣⲱⲙⲓ ⲙⲡⲣⲟⲫⲏⲧⲏⲥ ⲉⲟⲩⲟⲛ ϣϫⲟⲙ ⲙⲙⲟϥ ϧⲉⲛⲡϩⲱⲃ ⲛⲉⲙⲡⲥⲁϫⲓ ⲙⲡⲉⲙⲑⲟ ⲙⲫⲛⲟⲩϯ ⲛⲉⲙⲡⲓⲗⲁⲟⲥ ⲧⲏⲣϥ	Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲟⲩ ⲛ̀ⲉⲛⲑⲱⲟⲩ ⲇⲉ ⲡⲉϫⲱⲟⲩ ⲛⲁϥ ϫⲉ ⲛⲏ ⲉ̀ⲧⲁⲩϣⲱⲡⲓ ⲛ̀ⲓⲏⲥⲟⲩⲥ ⲡⲓⲣⲉⲙⲛⲁⲍⲁⲣⲉⲑ ⲫⲏ ⲉⲧⲁϥϣⲱⲡⲓ ⲛ̀ⲟⲩⲣⲱⲙⲓ ⲛ̀ⲡ̀ⲣⲟⲫⲏⲧⲏⲥ ⲉ̀ⲟⲩⲟⲛ ϣ̀ϫⲟⲙ ⲙ̀ⲙⲟϥ ϧⲉⲛ ⲡ̀ϩⲱⲃ ⲛⲉⲙ ⲡ̀ⲥⲁϫⲓ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ ⲛⲉⲙ ⲡⲓⲗⲁⲟⲥ ⲧⲏⲣϥ	Ouoh pegaf nōou je ou ǹenθōou ḋe pegōou naf je ny ètavṡōpi ǹiysous piremnazareθ fy etafṡōpi ǹourōmi ǹp̀rofytys èouon ṡ̀gom m̀mof xen p̀hōb nem p̀·saji ǹpem̀θo ǹf̀nouti nem pilaos tyrf	He said to them, 'What things?' They said to him, 'The things concerning Jesus, the Nazarene, who was a prophet mighty in deed and word before God and all the people;
24:20	ϩⲱⲥⲇⲉ ⲁⲩⲧⲏⲓϥ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲁⲣⲭⲱⲛ ⲉⲩϩⲁⲡ ⲛⲧⲉⲫⲙⲟⲩ ⲟⲩⲟϩ ⲁⲩⲁϣϥ .	ϩⲱⲥ ⲇⲉ ⲁⲩⲧⲏⲓϥ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ ⲛⲉⲙ ⲛⲓⲁⲣⲭⲱⲛ ⲉⲩϩⲁⲡ ⲛ̀ⲧⲉ ⲫ̀ⲙⲟⲩ ⲟⲩⲟϩ ⲁⲩⲁϣϥ.	hōs ḋe avtyif ǹje niarṡièrevs nem niarxōn evhap ǹte f̀mou ouoh avaṡf.	and how the chief priests and our rulers delivered him up to be condemned to death, and crucified him.
24:21	ⲁⲛⲟⲛ ⲇⲉ ⲁⲛⲉⲣϩⲉⲗⲡⲓⲥ ϫⲉⲫⲁⲓ ⲡⲉⲑⲛⲁⲥⲱϯ ⲙⲡⲓⲥⲗ ⲁⲗⲗⲁ ⲛⲉⲙⲛⲁⲓ ⲧⲏⲣⲟⲩ ⲧⲉϥⲙⲁϩⲅ ⲛⲉϩⲟⲟⲩ ⲡⲉ ⲫⲁⲓ ⲓⲥϫⲉⲛ ⲉⲧⲁ ⲛⲁⲓ ϣⲱⲡⲓ .	Ⲁ̀ⲛⲟⲛ ⲇⲉ ⲁⲛⲉⲣϩⲉⲗⲡⲓⲥ ϫⲉ ⲫⲁⲓ ⲡⲉⲑⲛⲁⲥⲱϯ ⲛ̀ⲡⲓⲥⲗ ⲁⲗⲗⲁ ⲛⲉⲙ̀ⲛⲁⲓ ⲧⲏⲣⲟⲩ ⲧⲉϥⲙⲁϩⲅ ⲛ̀ⲉ̀ϩⲟⲟⲩ ⲡⲉ ⲫⲁⲓ ⲓⲥϫⲉⲛ ⲉ̀ⲧⲁ ⲛⲁⲓ ϣⲱⲡⲓ.	Ànon ḋe anerhelpis je fai peθnasōti ǹpisl alla nem̀nai tyrou tefmahġ ǹèhoou pe fai isjen èta nai ṡōpi.	But we were hoping that it was he who would redeem Israel. Yes, and besides all this, it is now the third day since these things happened.
24:22	ⲁⲗⲗⲁ ⲛⲉⲙϩⲁⲛⲕⲉϩⲓⲟⲙⲓ ⲉⲃⲟⲗ ⲛϧⲏⲧⲉⲛ ⲁⲩⲑⲣⲉⲛⲉⲣϣⲫⲏⲣⲓ ⲉⲁⲩϣⲉ ⲛⲱⲟⲩ ⲉⲡⲓⲙϩⲁⲩ ⲛϣⲱⲣⲡ	Ⲁⲗⲗⲁ ⲛⲉⲙ ϩⲁⲛⲕⲉϩⲓⲟⲙⲓ ⲉ̀ⲃⲟⲗ ⲛ̀ϧⲏⲧⲉⲛ ⲁⲩⲑⲣⲉⲛⲉⲣϣⲫⲏⲣⲓ ⲉⲁⲩϣⲉ ⲛⲱⲟⲩ ⲉ̀ⲡⲓⲙ̀ϩⲁⲩ ⲛ̀ϣⲱⲣⲡ	Alla nem hankehiomi èvol ǹxyten avθrenerṡfyri eavṡe nōou èpim̀hav ǹṡōrp	Also, certain women of our company amazed us, having arrived early at the tomb;
24:23	ⲟⲩⲟϩ ⲉⲧⲉⲙⲡⲟⲩϫⲉⲙ ⲡⲉϥⲥⲱⲙⲁ ⲁⲩⲓ ⲉⲩϫⲱ ⲙⲙⲟⲥ ϫⲉⲁⲛⲛⲁⲩ ⲉⲟⲩⲟⲩⲱⲛϩ ⲛⲧⲉϩⲁⲛⲁⲅⲅⲉⲗⲟⲥ ⲛⲏ ⲉⲧϫⲱ ⲙⲙⲟⲥ ⲉⲣⲟϥ ϫⲉϥⲟⲛϧ	ⲟⲩⲟϩ ⲉ̀ⲧⲉ ⲙ̀ⲡⲟⲩϫⲉⲙ ⲡⲉϥⲥⲱⲙⲁ ⲁⲩⲓ̀ ⲉⲩϫⲱ ⲙ̀ⲙⲟⲥ ϫⲉ ⲁⲛⲛⲁⲩ ⲉ̀ⲟⲩⲟⲩⲱⲛϩ ⲛ̀ⲧⲉ ϩⲁⲛⲁⲅⲅⲉⲗⲟⲥ ⲛⲏ ⲉⲧϫⲱ ⲙ̀ⲙⲟⲥ ⲉ̀ⲣⲟϥ ϫⲉ ϥ̀ⲟⲛϧ	ouoh ète m̀poujem pefsōma avì evgō m̀mos je annav èououōnh ǹte hanangelos ny etgō m̀mos èrof je f̀onx	and when they didn't find his body, they came saying that they had also seen a vision of angels, who said that he was alive.
24:24	ⲟⲩⲟϩ ⲁⲩϣⲉ ⲛⲱⲟⲩ ⲛϫⲉϩⲁⲛⲟⲩⲟⲛ ⲉⲃⲟⲗ ⲛϧⲏⲧⲉⲛ ⲉⲡⲓⲙϩⲁⲩ ⲁⲩϫⲓⲙⲓ ⲙⲫⲣⲏϯ ⲉⲧⲁ ⲛⲓⲕⲉϩⲓⲟⲙⲓ ϫⲟⲥ ⲛⲑⲟϥ ⲇⲉ ⲙⲡⲟⲩⲛⲁⲩ ⲉⲣⲟϥ	ⲟⲩⲟϩ ⲁⲩϣⲉ ⲛⲱⲟⲩ ⲛ̀ϫⲉ ϩⲁⲛⲟⲩⲟⲛ ⲉ̀ⲃⲟⲗ ⲛ̀ϧⲏⲧⲉⲛ ⲉ̀ⲡⲓⲙ̀ϩⲁⲩ ⲁⲩϫⲓⲙⲓ ⲛ̀ⲫ̀ⲣⲏϯ ⲉ̀ⲧⲁ ⲛⲓⲕⲉϩⲓⲟⲙⲓ ϫⲟⲥ ⲛ̀ⲑⲟϥ ⲇⲉ ⲙ̀ⲡⲟⲩⲛⲁⲩ ⲉ̀ⲣⲟϥ	ouoh avṡe nōou ǹje hanouon èvol ǹxyten èpim̀hav avjimi ǹf̀ryti èta nikehiomi gos ǹθof ḋe m̀pounav èrof	Some of us went to the tomb, and found it just like the women had said, but they didn't see him.'
24:25	ⲟⲩⲟϩ ⲛⲑⲟϥ ⲡⲉϫⲁϥ ⲛⲱⲟⲩ ϫⲉⲱ ⲛⲓⲁⲛⲟⲏⲧⲟⲥ ⲟⲩⲟϩ ⲉⲧⲟⲥⲕ ϧⲉⲛⲡⲟⲩϩⲏⲧ ⲉⲛⲁϩϯ ⲉϩⲱⲃ ⲛⲓⲃⲉⲛ ⲉⲧⲁⲩⲥⲁϫⲓ ⲙⲙⲱⲟⲩ ⲛϫⲉⲛⲓⲡⲣⲟⲫⲏⲧⲏⲥ	ⲟⲩⲟϩ ⲛ̀ⲑⲟϥ ⲡⲉϫⲁϥ ⲛⲱⲟⲩ ϫⲉ ⲱ̀ ⲛⲓⲁⲛⲟⲏⲧⲟⲥ ⲟⲩⲟϩ ⲉⲧⲟⲥⲕ ϧⲉⲛ ⲡⲟⲩϩⲏⲧ ⲉ̀ⲛⲁϩϯ ⲉ̀ϩⲱⲃ ⲛⲓⲃⲉⲛ ⲉⲧⲁⲩⲥⲁϫⲓ ⲙ̀ⲙⲱⲟⲩ ⲛ̀ϫⲉ ⲛⲓⲡ̀ⲣⲟⲫⲏⲧⲏⲥ	ouoh ǹθof pegaf nōou je ṑ nianoytos ouoh etosk xen pouhyt ènahti èhōb niven etavsaji m̀mōou ǹje nip̀rofytys	He said to them, 'Foolish men, and slow of heart to believe in all that the prophets have spoken!
24:26	ⲙⲏ ⲛⲁⲥⲭⲏ ⲁⲛ ⲉⲑⲣⲉ ⲡⲭⲣⲓⲥⲧⲟⲥ ϭⲓ ⲛⲛⲁⲓⲙⲕⲁⲩϩ ⲟⲩⲟϩ ⲛⲧⲉϥϣⲉ ⲉϧⲟⲩⲛ ⲉⲡⲉϥⲱⲟⲩ .	ⲙⲏ ⲛⲁⲥⲭⲏ ⲁⲛ ⲉⲑⲣⲉ ⲡⲓⲭ̀ⲣⲓⲥⲧⲟⲥ ϭⲓ ⲛ̀ⲛⲁⲓⲙ̀ⲕⲁⲩϩ ⲟⲩⲟϩ ⲛ̀ⲧⲉϥϣⲉ ⲉ̀ϧⲟⲩⲛ ⲉⲡⲉϥⲱⲟⲩ.	my nasky an eθre pix̀ristos ċi ǹnaim̀kavh ouoh ǹtefṡe èxoun epefōou.	Didn't the Christ have to suffer these things and to enter into his glory?'
24:27	ⲟⲩⲟϩ ⲉⲧⲁϥⲉⲣϩⲏⲧⲥ ⲉⲃⲟⲗ ϧⲉⲛⲙⲱⲩⲥⲏⲥ ⲛⲉⲙⲛⲓⲡⲣⲟⲫⲏⲧⲏⲥ ⲧⲏⲣⲟⲩ ⲛⲁϥⲉⲣⲙⲏ ⲛⲉⲩⲓⲛ ⲛⲱⲟⲩ ϫⲉⲟⲩ ⲛⲉⲛⲏ ⲉⲧϧⲉⲛⲛⲓⲅⲣⲁⲫⲏ ⲧⲏⲣⲟⲩ ⲉⲑⲃⲏⲧϥ .	Ⲟⲩⲟϩ ⲉ̀ⲧⲁϥⲉⲣϩⲏⲧⲥ ⲉ̀ⲃⲟⲗ ϧⲉⲛ ⲙⲱⲩⲥⲏⲥ ⲛⲉⲙ ⲛⲓⲡ̀ⲣⲟⲫⲏⲧⲏⲥ ⲧⲏⲣⲟⲩ ⲛⲁϥⲉⲣⲙⲏ ⲛⲉⲩⲓⲛ ⲛⲱⲟⲩ ϫⲉ ⲟⲩ ⲛⲉ ⲛⲏ ⲉⲧϧⲉⲛ ⲛⲓⲅ̀ⲣⲁⲫⲏ ⲧⲏⲣⲟⲩ ⲉⲑⲃⲏⲧϥ.	Ouoh ètaferhyts èvol xen mōisys nem nip̀rofytys tyrou nafermy nevin nōou je ou ne ny etxen niġ̀rafy tyrou eθvytf.	Beginning from Moses and from all the prophets, he explained to them in all the Scriptures the things concerning himself.
24:28	ⲟⲩⲟϩ ⲁⲩϧⲱⲛⲧ ⲉⲡⲓϯⲙⲓ ⲉⲛⲁⲩⲛⲁϣⲉ ⲉⲣⲟϥ ⲛⲑⲟϥ ⲇⲉ ⲁϥⲉⲣ ⲙⲫⲣⲏϯ ⲉϥⲛⲁⲟⲩⲉⲓ ⲉϥⲙⲟϣⲓ .	Ⲟⲩⲟϩ ⲁⲩϧⲱⲛⲧ ⲉ̀ⲡⲓϯⲙⲓ ⲉⲛⲁⲩⲛⲁϣⲉ ⲉ̀ⲣⲟϥ ⲛ̀ⲑⲟϥ ⲇⲉ ⲁϥⲉⲣ ⲛ̀ⲫ̀ⲣⲏϯ ⲉϥⲛⲁⲟⲩⲉⲓ ⲉϥⲙⲟϣⲓ.	Ouoh avxōnt èpitimi enavnaṡe èrof ǹθof ḋe afer ǹf̀ryti efnaouei efmoṡi.	They drew near to the village, where they were going, and he acted like he would go further.
24:29	ⲟⲩⲟϩ ⲛⲁⲩⲁⲙⲟⲛⲓ ⲙⲙⲟϥ ⲛϫⲟⲛⲥ ⲉⲩϫⲱ ⲙⲙⲟⲥ ϫⲉⲟϩⲓ ⲛⲉⲙⲁⲛ ϫⲉⲣⲟⲩϩⲓ ⲟⲩⲟϩ ϩⲏⲇⲏ ⲁϥⲣⲓⲕⲓ ⲛϫⲉⲡⲓⲉϩⲟⲟⲩ ⲟⲩⲟϩ ⲁϥⲓ ⲉϧⲟⲩⲛ ϫⲉⲛⲧⲉϥⲟϩⲓ ⲛⲉⲙⲱⲟⲩ .	Ⲟⲩⲟϩ ⲛⲁⲩⲁ̀ⲙⲟⲛⲓ ⲙ̀ⲙⲟϥ ⲛ̀ϫⲟⲛⲥ ⲉⲩϫⲱ ⲙ̀ⲙⲟⲥ ϫⲉ ⲟ̀ϩⲓ ⲛⲉⲙⲁⲛ ϫⲉ ⲣⲟⲩϩⲓ ⲟⲩⲟϩ ϩⲏⲇⲏ ⲁϥⲣⲓⲕⲓ ⲛ̀ϫⲉ ⲡⲓⲉ̀ϩⲟⲟⲩ ⲟⲩⲟϩ ⲁϥⲓ̀ ⲉ̀ϧⲟⲩⲛ ϫⲉ ⲛ̀ⲧⲉϥⲟ̀ϩⲓ ⲛⲉⲙⲱⲟⲩ.	Ouoh navàmoni m̀mof ǹgons evgō m̀mos je òhi neman je rouhi ouoh hyḋy afriki ǹje pièhoou ouoh afì èxoun je ǹtefòhi nemōou.	They urged him, saying, 'Stay with us, for it is almost evening, and the day is almost over.' He went in to stay with them.
24:30	ⲟⲩⲟϩ ⲁⲥϣⲱⲡⲓ ⲉⲧⲁϥⲣⲱⲧⲉⲃ ⲛⲉⲙⲱⲟⲩ ⲉⲧⲁϥϭⲓ ⲙⲡⲓⲱⲓⲕ ⲁϥⲥⲙⲟⲩ ⲉⲣⲟϥ ⲟⲩⲟϩ ⲉⲧⲁϥⲫⲁϣϥ ⲛⲁϥϯ ⲛⲱⲟⲩ ⲡⲉ .	Ⲟⲩⲟϩ ⲁⲥϣⲱⲡⲓ ⲉⲧⲁϥⲣⲱⲧⲉⲃ ⲛⲉⲙⲱⲟⲩ ⲉⲧⲁϥϭⲓ ⲛ̀ⲡⲓⲱⲓⲕ ⲁϥⲥ̀ⲙⲟⲩ ⲉ̀ⲣⲟϥ ⲟⲩⲟϩ ⲉ̀ⲧⲁϥⲫⲁϣϥ ⲛⲁϥϯ ⲛⲱⲟⲩ ⲡⲉ.	Ouoh asṡōpi etafrōteb nemōou etafċi ǹpiōik afs̀mou èrof ouoh ètaffaṡf nafti nōou pe.	It happened, that when he had sat down at the table with them, he took the bread and gave thanks. Breaking it, he gave to them.
24:31	ⲛⲑⲱⲟⲩ ⲇⲉ ⲁⲛⲟⲩⲃⲁⲗ ⲟⲩⲱⲛ ⲟⲩⲟϩ ⲁⲩⲥⲟⲩⲱⲛϥ ⲟⲩⲟϩ ⲛⲑⲟϥ ⲁϥⲉⲣⲁⲑⲟⲩⲱⲛϩ ⲉⲃⲟⲗ ϩⲁⲣⲱⲟⲩ .	Ⲛ̀ⲑⲱⲟⲩ ⲇⲉ ⲁⲛⲟⲩⲃⲁⲗ ⲟⲩⲱⲛ ⲟⲩⲟϩ ⲁⲩⲥⲟⲩⲱⲛϥ ⲟⲩⲟϩ ⲛ̀ⲑⲟϥ ⲁϥⲉⲣⲁⲑⲟⲩⲱⲛϩ ⲉ̀ⲃⲟⲗ ϩⲁⲣⲱⲟⲩ.	Ǹθōou ḋe anouval ouōn ouoh avsouōnf ouoh ǹθof aferaθouōnh èvol harōou.	Their eyes were opened, and they recognized him, and he vanished out of their sight.
24:32	ⲟⲩⲟϩ ⲡⲉϫⲱⲟⲩ ⲛⲛⲟⲩⲉⲣⲏⲟⲩ ϫⲉⲙⲏ ⲛⲁⲣⲉⲛⲉⲛϩⲏⲧ ⲣⲟⲕϩ ⲁⲛ ⲡⲉ ⲛϧⲣⲏⲓ ⲛϧⲏⲧⲉⲛ ϩⲱⲥ ⲉϥⲥⲁϫⲓ ⲛⲉⲙⲁⲛ ϧⲉⲛⲡⲓⲙⲱⲓⲧ ⲉϥⲟⲩⲱⲛϩ ⲛⲛⲓⲅⲣⲁⲫⲏ ⲛⲁⲛ	Ⲟⲩⲟϩ ⲡⲉϫⲱⲟⲩ ⲛ̀ⲛⲟⲩⲉⲣⲏⲟⲩ ϫⲉ ⲙⲏ ⲛⲁⲣⲉ ⲛⲉⲛϩⲏⲧ ⲣⲟⲕϩ ⲁⲛ ⲡⲉ ⲛ̀ϧ̀ⲣⲏⲓ ⲛ̀ϧⲏⲧⲉⲛ ϩⲱⲥ ⲉϥⲥⲁϫⲓ ⲛⲉⲙⲁⲛ ϧⲉⲛ ⲡⲓⲙⲱⲓⲧ ⲉϥⲟⲩⲱⲛϩ ⲛ̀ⲛⲓⲅ̀ⲣⲁⲫⲏ ⲛⲁⲛ	Ouoh pegōou ǹnoueryou je my nare nenhyt rok·h an pe ǹx̀ryi ǹxyten hōs efsaji neman xen pimōit efouōnh ǹniġ̀rafy nan	They said one to another, 'Weren't our hearts burning within us, while he spoke to us along the way, and while he opened the Scriptures to us?'
24:33	ⲟⲩⲟϩ ⲁⲩⲧⲱⲟⲩⲛⲟⲩ ϧⲉⲛϯⲟⲩⲛⲟⲩ ⲉⲧⲉⲙⲙⲁⲩ ⲁⲩⲧⲁⲥⲑⲟ ⲉⲓⲉⲣⲟⲥⲁⲗⲏⲙ ⲟⲩⲟϩ ⲁⲩϫⲓⲙⲓ ⲙⲡⲓⲓⲁ ⲉⲩⲑⲟⲩⲏⲧ ⲛⲉⲙⲛⲏ ⲉⲑⲛⲉⲙⲱⲟⲩ	ⲟⲩⲟϩ ⲁⲩⲧⲱⲟⲩⲛⲟⲩ ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁⲩⲧⲁⲥⲑⲟ ⲉ̀ⲓⲉⲣⲟⲥⲁⲗⲏⲙ ⲟⲩⲟϩ ⲁⲩϫⲓⲙⲓ ⲛ̀ⲡⲓⲓⲁ ⲉⲩⲑⲟⲩⲏⲧ ⲛⲉⲙ ⲛⲏ ⲉⲑⲛⲉⲙⲱⲟⲩ	ouoh avtōounou xen tiounou ète m̀mav avtasθo èierosalym ouoh avjimi ǹpiia evθouyt nem ny eθnemōou	They rose up that very hour, returned to Jerusalem, and found the eleven gathered together, and those who were with them,
24:34	ⲉⲩϫⲱ ⲙⲙⲟⲥ ϫⲉⲟⲛⲧⲱⲥ ⲁϥⲧⲱⲛϥ ⲛϫⲉⲡϭⲟⲓⲥ ⲟⲩⲟϩ ⲁϥⲟⲩⲟⲛϩϥ ⲉⲥⲓⲙⲱⲛ	ⲉⲩϫⲱ ⲙ̀ⲙⲟⲥ ϫⲉ ⲟⲛⲧⲱⲥ ⲁϥⲧⲱⲛϥ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲟⲩⲟⲛϩϥ ⲉ̀ⲥⲓⲙⲱⲛ	evgō m̀mos je ontōs aftōnf ǹje p̀ċois ouoh afouonhf èsimōn	saying, 'The Lord is risen indeed, and has appeared to Simon!'
24:35	ⲟⲩⲟϩ ⲛⲑⲱⲟⲩ ⲛⲁⲩⲥⲁϫⲓ ⲛⲛⲏ ⲉⲧϧⲉⲛⲡⲓⲙⲱⲓⲧ ⲛⲉⲙⲙⲫⲣⲏϯ ⲉⲧⲁϥⲟⲩⲱⲛϩ ⲉⲣⲱⲟⲩ ϧⲉⲛⲡⲓⲫⲱϣ ⲛⲧⲉⲡⲓⲱⲓⲕ .	ⲟⲩⲟϩ ⲛ̀ⲑⲱⲟⲩ ⲛⲁⲩⲥⲁϫⲓ ⲛ̀ⲛⲏ ⲉⲧϧⲉⲛ ⲡⲓⲙⲱⲓⲧ ⲛⲉⲙ ⲛ̀ⲫ̀ⲣⲏϯ ⲉⲧⲁϥⲟⲩⲱⲛϩ ⲉ̀ⲣⲱⲟⲩ ϧⲉⲛ ⲡⲓⲫⲱϣ ⲛ̀ⲧⲉ ⲡⲓⲱⲓⲕ.	ouoh ǹθōou navsaji ǹny etxen pimōit nem ǹf̀ryti etafouōnh èrōou xen pifōṡ ǹte piōik.	They related the things that happened along the way, and how he was recognized by them in the breaking of the bread.
24:36	ⲛⲁⲓ ⲇⲉ ⲉⲩⲥⲁϫⲓ ⲙⲙⲱⲟⲩ ⲛⲑⲟϥ ⲓⲏⲥⲟⲩⲥ ⲁϥⲟϩⲓ ⲉⲣⲁⲧϥ ϧⲉⲛⲧⲟⲩⲙⲏϯ ⲟⲩⲟϩ ⲡⲉϫⲁϥ ⲛⲱⲟⲩ ϫⲉϯϩⲓⲣⲏⲛⲏ ⲛⲱⲧⲉⲛ	Ⲛⲁⲓ ⲇⲉ ⲉⲩⲥⲁϫⲓ ⲙ̀ⲙⲱⲟⲩ ⲛ̀ⲑⲟϥ ⲓⲏⲥⲟⲩⲥ ⲁϥⲟ̀ϩⲓ ⲉ̀ⲣⲁⲧϥ ϧⲉⲛ ⲧⲟⲩⲙⲏϯ ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ϯϩⲓⲣⲏⲛⲏ ⲛⲱⲧⲉⲛ	Nai ḋe evsaji m̀mōou ǹθof iysous afòhi èratf xen toumyti ouoh pegaf nōou je tihiryny nōten	As they said these things, Jesus himself stood among them, and said to them, 'Peace be to you.'
24:37	ⲉⲧⲁⲩϣⲑⲟⲣⲧⲉⲣ ⲇⲉ ⲟⲩⲟϩ ⲉⲧⲁⲩϣⲱⲡⲓ ϧⲉⲛⲟⲩϩⲟϯ ⲛⲁⲩⲙⲉⲩⲓ ϫⲉⲟⲩⲡⲛⲉⲩⲙⲁⲡⲉ ⲉⲧⲟⲩⲛⲁⲩ ⲉⲣⲟϥ .	ⲉⲧⲁⲩϣⲑⲟⲣⲧⲉⲣ ⲇⲉ ⲟⲩⲟϩ ⲉ̀ⲧⲁⲩϣⲱⲡⲓ ϧⲉⲛ ⲟⲩϩⲟϯ ⲛⲁⲩⲙⲉⲩⲓ ϫⲉ ⲟⲩⲡⲛⲉⲩⲙⲁⲡⲉ ⲉⲧⲟⲩⲛⲁⲩ ⲉ̀ⲣⲟϥ.	etavṡθorter ḋe ouoh ètavṡōpi xen ouhoti navmevi je oupnevmape etounav èrof.	But they were terrified and filled with fear, and supposed that they had seen a spirit.
24:38	ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛϣⲧⲉⲣⲑⲱⲣ ⲟⲩⲟϩ ⲉⲑⲃⲉⲟⲩ ⲥⲉⲛⲏⲟⲩ ⲛϫⲉϩⲁⲛⲙⲉⲩⲓ ⲉϫⲉⲛⲛⲉⲧⲉⲛϩⲏⲧ	Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉⲑⲃⲉ ⲟⲩ ⲧⲉⲧⲉⲛϣⲧⲉⲣⲑⲱⲣ ⲟⲩⲟϩ ⲉⲑⲃⲉ ⲟⲩ ⲥⲉⲛⲏⲟⲩ ⲛ̀ϫⲉ ϩⲁⲛⲙⲉⲩⲓ ⲉ̀ϫⲉⲛ ⲛⲉⲧⲉⲛϩⲏⲧ	Ouoh pegaf nōou je eθve ou tetenṡterθōr ouoh eθve ou senyou ǹje hanmevi èjen netenhyt	He said to them, 'Why are you troubled? Why do doubts arise in your hearts?
24:39	ⲁⲛⲁⲩ ⲉⲛⲁϫⲓϫ ⲛⲉⲙⲛⲁϭⲁⲗⲁⲩϫ ϫⲉⲁⲛⲟⲕ ⲡⲉ ϫⲟⲙϫⲉⲙ ⲉⲣⲟⲓ ⲟⲩⲟϩ ⲁⲛⲁⲩ ϫⲉⲙⲙⲟⲛ ⲡⲛⲉⲩⲙⲁⲉⲟⲩⲟⲛⲧⲉϥ ⲥⲁⲣⲝ ϩⲓⲕⲁⲥ ⲕⲁⲧⲁⲫⲣⲏϯ ⲉⲧⲉⲧⲉⲛⲛⲁⲩ ⲉⲣⲟⲓ ⲉⲟⲩⲟⲛ ⲙⲙⲟⲓ .	ⲁ̀ⲛⲁⲩ ⲉ̀ⲛⲁϫⲓϫ ⲛⲉⲙ ⲛⲁϭⲁⲗⲁⲩϫ ϫⲉ ⲁⲛⲟⲕ ⲡⲉ ϫⲟⲙϫⲉⲙ ⲉ̀ⲣⲟⲓ ⲟⲩⲟϩ ⲁ̀ⲛⲁⲩ ϫⲉ ⲙ̀ⲙⲟⲛ ⲡ̀ⲛⲉⲩⲙⲁⲉⲟⲩⲟⲛⲧⲉϥ ⲥⲁⲣⲝ ϩⲓⲕⲁⲥ ⲕⲁⲧⲁ ⲫ̀ⲣⲏϯ ⲉⲧⲉⲧⲉⲛⲛⲁⲩ ⲉ̀ⲣⲟⲓ ⲉ̀ⲟⲩⲟⲛ ⲙ̀ⲙⲟⲓ.	ànav ènajig nem naċalavg je anok pe gomjem èroi ouoh ànav je m̀mon p̀nevmaeouontef sarks hikas kata f̀ryti etetennav èroi èouon m̀moi.	See my hands and my feet, that it is truly me. Touch me and see, for a spirit doesn't have flesh and bones, as you see that I have.'
24:40	ⲟⲩⲟϩ ⲫⲁⲓ ⲉⲧⲁϥϫⲟϥ ⲁϥⲧⲁⲙⲱⲟⲩ ⲉⲛⲉϥϫⲓϫ ⲛⲉⲙⲛⲉϥϭⲁⲗⲁⲩϫ .	Ⲟⲩⲟϩ ⲫⲁⲓ ⲉⲧⲁϥϫⲟϥ ⲁϥⲧⲁⲙⲱⲟⲩ ⲉ̀ⲛⲉϥϫⲓϫ ⲛⲉⲙ ⲛⲉϥϭⲁⲗⲁⲩϫ.	Ouoh fai etafgof aftamōou ènefjig nem nefċalavg.	When he had said this, he showed them his hands and his feet.
24:41	ⲉⲧⲓ ⲇⲉ ⲉⲩⲟⲓ ⲛⲁⲑⲛⲁϩϯ ⲉⲃⲟⲗ ϧⲉⲛⲡⲓⲣⲁϣⲓ ⲟⲩⲟϩ ⲉⲩⲉⲣϣⲫⲏⲣⲓ ⲡⲉϫⲁϥ ⲛⲱⲟⲩ ϫⲉⲟⲩⲟⲛⲧⲉⲧⲉⲛ ⲛⲭⲁⲓ ⲛⲟⲩⲱⲙ ⲙⲡⲁⲓⲙⲁ .	Ⲉ̀ⲧⲓ ⲇⲉ ⲉⲩⲟⲓ ⲛⲁⲑⲛⲁϩϯ ⲉ̀ⲃⲟⲗ ϧⲉⲛ ⲡⲓⲣⲁϣⲓ ⲟⲩⲟϩ ⲉⲩⲉⲣϣ̀ⲫⲏⲣⲓ ⲡⲉϫⲁϥ ⲛⲱⲟⲩ ϫⲉ ⲟⲩⲟⲛⲧⲉⲧⲉⲛ ⲛ̀ⲭⲁⲓ ⲛ̀ⲟⲩⲱⲙ ⲛ̀ⲡⲁⲓⲙⲁ.	Èti ḋe evoi naθnahti èvol xen piraṡi ouoh everṡ̀fyri pegaf nōou je ouonteten ǹkai ǹouōm ǹpaima.	While they still didn't believe for joy, and wondered, he said to them, 'Do you have anything here to eat?'
24:42	ⲛⲑⲱⲟⲩ ⲇⲉ ⲁⲩϯ ⲛⲁϥ ⲛⲟⲩⲙⲉⲣⲟⲥ ⲛⲧⲉⲟⲩⲧⲉⲃⲧ ⲉϥϫⲉϥϫⲱϥ ⲛⲉⲙⲟⲩⲙⲟⲩⲗϩ ⲛⲉⲃⲓⲱ .	Ⲛ̀ⲑⲱⲟⲩ ⲇⲉ ⲁⲩϯ ⲛⲁϥ ⲛ̀ⲟⲩⲙⲉⲣⲟⲥ ⲛ̀ⲧⲉ ⲟⲩⲧⲉⲃⲧ ⲉϥϫⲉϥϫⲱϥ ⲛⲉⲙ ⲟⲩⲙⲟⲩⲗϩ ⲛ̀ⲉ̀ⲃⲓⲱ.	Ǹθōou ḋe avti naf ǹoumeros ǹte outevt efjefgōf nem oumoulh ǹèviō.	They gave him a piece of a broiled fish and some honeycomb.
24:43	ⲟⲩⲟϩ ⲉⲧⲁϥϭⲓ ⲙⲡⲟⲩⲙⲑⲟ ⲁϥⲟⲩⲱⲙ .	Ⲟⲩⲟϩ ⲉⲧⲁϥϭⲓ ⲛ̀ⲡⲟⲩⲙ̀ⲑⲟ ⲁϥⲟⲩⲱⲙ.	Ouoh etafċi ǹpoum̀θo afouōm.	He took them, and ate in front of them.
24:44	ⲡⲉϫⲁϥ ⲇⲉ ⲛⲱⲟⲩ ϫⲉⲛⲁⲓ ⲛⲉⲛⲁⲥⲁϫⲓ ⲉⲧⲁⲓϫⲟⲧⲟⲩ ⲛⲱⲧⲉⲛ ⲉⲧⲓ ⲉⲓⲭⲏ ⲛⲉⲙⲱⲧⲉⲛ ϫⲉϩⲱϯ ⲛⲧⲟⲩϫⲱⲕ ⲉⲃⲟⲗ ⲛϫⲉϩⲱⲃ ⲛⲓⲃⲉⲛ ⲉⲧⲥϧⲏⲟⲩⲧ ϧⲉⲛⲫⲛⲟⲙⲟⲥ ⲙⲙⲱⲩⲥⲏⲥ ⲛⲉⲙⲛⲓⲡⲣⲟⲫⲏⲧⲏⲥ ⲛⲉⲙⲛⲓⲯⲁⲗⲙⲟⲥ ⲉⲑⲃⲏⲧⲧⲟⲧⲉ	Ⲡⲉϫⲁϥ ⲇⲉ ⲛⲱⲟⲩ ϫⲉ ⲛⲁⲓ ⲛ̀ⲉⲛⲁⲥⲁϫⲓ ⲉⲧⲁⲓϫⲟⲧⲟⲩ ⲛⲱⲧⲉⲛ ⲉ̀ⲧⲓ ⲉⲓⲭⲏ ⲛⲉⲙⲱⲧⲉⲛ ϫⲉ ϩⲱϯ ⲛ̀ⲧⲟⲩϫⲱⲕ ⲉ̀ⲃⲟⲗ ⲛ̀ϫⲉ ϩⲱⲃ ⲛⲓⲃⲉⲛ ⲉⲧⲥ̀ϧⲏⲟⲩⲧ ϧⲉⲛ ⲫ̀ⲛⲟⲙⲟⲥ ⲛ̀ⲙⲱⲩⲥⲏⲥ ⲛⲉⲙ ⲛⲓⲡ̀ⲣⲟⲫⲏⲧⲏⲥ ⲛⲉⲙ ⲛⲓⲯⲁⲗⲙⲟⲥ ⲉ̀ⲑⲃⲏⲧⲧⲟⲧⲉ	Pegaf ḋe nōou je nai ǹenasaji etaigotou nōten èti eiky nemōten je hōti ǹtougōk èvol ǹje hōb niven ets̀xyout xen f̀nomos ǹmōisys nem nip̀rofytys nem nipsalmos èθvyttote	He said to them, 'This is what I told you, while I was still with you, that all things which are written in the law of Moses, the prophets, and the psalms, concerning me must be fulfilled.'
24:45	ⲁϥⲟⲩⲱⲛ ⲙⲡⲟⲩϩⲏⲧ ⲉⲑⲣⲟⲩⲕⲁϯ ⲉⲛⲓⲅⲣⲁⲫⲏ ⲟⲩⲟϩ ⲡⲉϫⲁϥ ⲛⲱⲟⲩ .	ⲁϥⲟⲩⲱⲛ ⲛ̀ⲡⲟⲩϩⲏⲧ ⲉ̀ⲑⲣⲟⲩⲕⲁϯ ⲉ̀ⲛⲓⲅ̀ⲣⲁⲫⲏ ⲟⲩⲟϩ ⲡⲉϫⲁϥ ⲛⲱⲟⲩ.	afouōn ǹpouhyt èθroukati èniġ̀rafy ouoh pegaf nōou.	Then he opened their minds, that they might understand the Scriptures.
24:46	ϫⲉⲁⲥⲥϧⲏⲟⲩⲧ ⲙⲡⲁⲓⲣⲏϯ ⲉⲑⲣⲉ ⲡⲭⲣⲓⲥⲧⲟⲥ ϣⲉⲡⲙⲕⲁϩ ⲟⲩⲟϩ ⲛⲧⲉϥⲧⲱⲛϥ ⲉⲃⲟⲗ ϧⲉⲛⲛⲏ ⲉⲑⲙⲱⲟⲩⲧ ϧⲉⲛⲡⲓⲙⲁϩⲅ ⲛⲉϩⲟⲟⲩ	Ϫⲉ ⲁⲥⲥ̀ϧⲏⲟⲩⲧ ⲛ̀ⲡⲁⲓⲣⲏϯ ⲉⲑⲣⲉ ⲡⲓⲭ̀ⲣⲓⲥⲧⲟⲥ ϣⲉⲡⲙ̀ⲕⲁϩ ⲟⲩⲟϩ ⲛ̀ⲧⲉϥⲧⲱⲛϥ ⲉ̀ⲃⲟⲗ ϧⲉⲛ ⲛⲏ ⲉⲑⲙⲱⲟⲩⲧ ϧⲉⲛ ⲡⲓⲙⲁϩⲅ ⲛ̀ⲉ̀ϩⲟⲟⲩ	Je ass̀xyout ǹpairyti eθre pix̀ristos ṡepm̀kah ouoh ǹteftōnf èvol xen ny eθmōout xen pimahġ ǹèhoou	He said to them, 'Thus it is written, and thus it was necessary for the Christ to suffer and to rise from the dead the third day,
24:47	ⲟⲩⲟϩ ⲛⲧⲟⲩϩⲓⲱⲓϣ ⲛⲟⲩⲙⲉⲧⲁⲛⲟⲓⲁ ϧⲉⲛⲡⲉϥⲣⲁⲛ ⲉⲡⲭⲁ ⲛⲟⲃⲓ ⲉⲃⲟⲗ ϧⲉⲛⲛⲓⲉⲑⲛⲟⲥ ⲧⲏⲣⲟⲩ ⲉⲁⲧⲉⲧⲉⲛⲉⲣϩⲏⲧⲥ ⲓⲥϫⲉⲛ ⲓⲉⲣⲟⲥⲁⲗⲏⲙ .	ⲟⲩⲟϩ ⲛ̀ⲧⲟⲩϩⲓⲱⲓϣ ⲛ̀ⲟⲩⲙⲉⲧⲁⲛⲟⲓⲁ ϧⲉⲛ ⲡⲉϥⲣⲁⲛ ⲉ̀ⲡ̀ⲭⲁ ⲛⲟⲃⲓ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲉⲁⲣⲉⲧⲉⲛⲉⲣϩⲏⲧⲥ ⲓⲥϫⲉⲛ ⲓⲉⲣⲟⲥⲁⲗⲏⲙ.	ouoh ǹtouhiōiṡ ǹoumetanoia xen pefran èp̀ka novi èvol xen nieθnos tyrou earetenerhyts isjen ierosalym.	and that repentance and remission of sins should be preached in his name to all the nations, beginning at Jerusalem.
24:48	ⲛⲑⲱⲧⲉⲛ ⲉⲧⲉⲣⲙⲉⲑⲣⲉ ϧⲁⲛⲁⲓ	Ⲛ̀ⲑⲱⲧⲉⲛ ⲉⲧⲉⲣⲙⲉⲑⲣⲉ ϧⲁ ⲛⲁⲓ	Ǹθōten etermeθre xa nai	You are witnesses of these things.
24:49	ⲟⲩⲟϩ ⲁⲛⲟⲕ ϯⲛⲁⲟⲩⲱⲣⲡ ⲙⲡⲓⲱϣ ⲛⲧⲉⲡⲁⲓⲱⲧ ⲉϫⲉⲛⲑⲏⲛⲟⲩ ⲛⲑⲱⲧⲉⲛ ⲇⲉ ϩⲉⲙⲥⲓ ϧⲉⲛϯⲃⲁⲕⲓ ϣⲁⲧⲉⲧⲉⲛϭⲓ ⲛⲟⲩϫⲟⲙ ⲉⲃⲟⲗ ϧⲉⲛⲡϭⲓⲥⲓ .	ⲟⲩⲟϩ ⲁⲛⲟⲕ ϯⲛⲁⲟⲩⲱⲣⲡ ⲙ̀ⲡⲓⲱϣ ⲛ̀ⲧⲉ ⲡⲁⲓⲱⲧ ⲉ̀ϫⲉⲛ ⲑⲏⲛⲟⲩ ⲛ̀ⲑⲱⲧⲉⲛ ⲇⲉ ϩⲉⲙⲥⲓ ϧⲉⲛ ϯⲃⲁⲕⲓ ϣⲁⲧⲉⲧⲉⲛϭⲓ ⲛ̀ⲟⲩϫⲟⲙ ⲉ̀ⲃⲟⲗ ϧⲉⲛ ⲡ̀ϭⲓⲥⲓ.	ouoh anok tinaouōrp m̀piōṡ ǹte paiōt èjen θynou ǹθōten ḋe hemsi xen tivaki ṡatetenċi ǹougom èvol xen p̀ċisi.	Behold, I send forth the promise of my Father on you. But wait in the city of Jerusalem until you are clothed with power from on high.'
24:50	ⲟⲩⲟϩ ⲁϥⲉⲛⲟⲩ ⲉⲃⲟⲗ ϣⲁⲃⲏⲑⲁⲛⲓⲁ ⲟⲩⲟϩ ⲉⲧⲁϥϥⲁⲓ ⲛⲛⲉϥϫⲓϫ ⲉⲡϣⲱⲓ ⲁϥⲥⲙⲟⲩ ⲉⲣⲱⲟⲩ .	Ⲟⲩⲟϩ ⲁϥⲉⲛⲟⲩ ⲉ̀ⲃⲟⲗ ϣⲁ ⲃⲏⲑⲁⲛⲓⲁ ⲟⲩⲟϩ ⲉ̀ⲧⲁϥϥⲁⲓ ⲛ̀ⲛⲉϥϫⲓϫ ⲉ̀ⲡ̀ϣⲱⲓ ⲁϥⲥ̀ⲙⲟⲩ ⲉ̀ⲣⲱⲟⲩ.	Ouoh afenou èvol ṡa byθania ouoh ètaffai ǹnefjig èp̀ṡōi afs̀mou èrōou.	He led them out as far as Bethany, and he lifted up his hands, and blessed them.
24:51	ⲟⲩⲟϩ ⲁⲥϣⲱⲡⲓ ϧⲉⲛⲡϫⲓⲛⲧⲉϥⲥⲙⲟⲩ ⲉⲣⲱⲟⲩ ⲁϥⲟⲩⲱϯ ⲥⲁⲃⲟⲗ ⲙⲙⲱⲟⲩ ⲟⲩⲟϩ ⲛⲁⲩⲱⲗⲓ ⲙⲙⲟϥ ⲡⲉ ⲉⲡϣⲱⲓ ⲉⲧⲫⲉ .	Ⲟⲩⲟϩ ⲁⲥϣⲱⲡⲓ ϧⲉⲛ ⲡ̀ϫⲓⲛⲧⲉϥⲥ̀ⲙⲟⲩ ⲉ̀ⲣⲱⲟⲩ ⲁϥⲟⲩⲱϯ ⲥⲁⲃⲟⲗ ⲙ̀ⲙⲱⲟⲩ ⲟⲩⲟϩ ⲛⲁⲩⲱ̀ⲗⲓ ⲙ̀ⲙⲟϥ ⲡⲉ ⲉ̀ⲡ̀ϣⲱⲓ ⲉ̀ⲧ̀ⲫⲉ.	Ouoh asṡōpi xen p̀jintefs̀mou èrōou afouōti savol m̀mōou ouoh navṑli m̀mof pe èp̀ṡōi èt̀fe.	It happened, while he blessed them, that he withdrew from them, and was carried up into heaven.
24:52	ⲟⲩⲟϩ ⲛⲑⲱⲟⲩ ⲉⲧⲁⲩⲟⲩⲱϣⲧ ⲙⲙⲟϥ ⲁⲩⲕⲟⲧⲟⲩ ⲉⲓⲉⲣⲟⲥⲁⲗⲏⲙ ⲛⲉⲙⲟⲩⲛⲓϣϯ ⲛⲣⲁϣⲓ	Ⲟⲩⲟϩ ⲛ̀ⲑⲱⲟⲩ ⲉⲧⲁⲩⲟⲩⲱϣⲧ ⲙ̀ⲙⲟϥ ⲁⲩⲕⲟⲧⲟⲩ ⲉ̀ⲓⲉⲣⲟⲥⲁⲗⲏⲙ ⲛⲉⲙ ⲟⲩⲛⲓϣϯ ⲛ̀ⲣⲁϣⲓ	Ouoh ǹθōou etavouōṡt m̀mof avkotou èierosalym nem ouniṡti ǹraṡi	They worshiped him, and returned to Jerusalem with great joy,
24:53	ⲟⲩⲟϩ ⲛⲁⲩⲭⲏ ⲛⲥⲏⲟⲩ ⲛⲓⲃⲉⲛ ϧⲉⲛⲡⲓⲉⲣⲫⲉⲓ ⲉⲩⲥⲙⲟⲩ ⲉⲫⲛⲟⲩϯ .	ⲟⲩⲟϩ ⲛⲁⲩⲭⲏ ⲛ̀ⲥⲏⲟⲩ ⲛⲓⲃⲉⲛ ϧⲉⲛ ⲡⲓⲉⲣⲫⲉⲓ ⲉⲩⲥ̀ⲙⲟⲩ ⲉ̀ⲫ̀ⲛⲟⲩϯ.	ouoh navky ǹsyou niven xen pierfei evs̀mou èf̀nouti.	and were continually in the temple, praising and blessing God. Amen.

Provenance

title: 03_Luke_24
dialect: bohairic
source: Coptic SCRIPTORIUM corpus "bohairic.nt", document 03_Luke_24
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 03_Luke_24 from Coptic SCRIPTORIUM (https://copticscriptorium.org), corpus bohairic.nt, document 03_Luke_24, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Luke/24.bohairic.scriptorium.L0.txt
title: 03_Luke_24 — Cairene
dialect: bohairic
source: generated from 24.bohairic.scriptorium.L0.txt (Coptic SCRIPTORIUM corpus "bohairic.nt", document 03_Luke_24)
licence: CC BY-SA 4.0
share: attribution
attribution: 03_Luke_24 from Coptic SCRIPTORIUM (https://copticscriptorium.org), corpus bohairic.nt, document 03_Luke_24, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Luke/24.bohairic.scriptorium.L1.txt
title: 03_Luke_24 — Kemetic
dialect: bohairic
source: generated from 24.bohairic.scriptorium.L1.txt
licence: CC BY-SA 4.0
share: attribution
attribution: 03_Luke_24 from Coptic SCRIPTORIUM (https://copticscriptorium.org), corpus bohairic.nt, document 03_Luke_24, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Luke/24.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 53 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 03_Luke_24 (53 lines)

Cite as:

03_Luke_24. Coptic SCRIPTORIUM corpus "bohairic.nt", document 03_Luke_24. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/luke/24.bohairic.scriptorium/. 03_Luke_24 from Coptic SCRIPTORIUM (https://copticscriptorium.org), corpus bohairic.nt, document 03_Luke_24, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.