Bohairic Gospel of Mark 3 (Digital Edition) — bohairic.mark

Source and licence

share: attributionbohairic

Source: Coptic SCRIPTORIUM corpus "bohairic.mark", document bohairic.Mark_03

Attribution: Bohairic Gospel of Mark 3 (Digital Edition) from Coptic SCRIPTORIUM (https://copticscriptorium.org), corpus bohairic.mark, document bohairic.Mark_03, version 6.2.0 (2025-11-25), annotations by Amir Zeldes; source edition Hany Takla, Marcion Project. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY 4.0 (Coptic text public domain; annotations and complete files CC-BY 4.0 — meta.json)

Licence: CC BY-SA 4.0

Full provenance and citation

The text

35 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
3:1	ⲟⲩⲟϩ ⲁϥⲓ ⲟⲛ ⲉϧⲟⲩⲛ ⲉⲧⲟⲩⲥⲩⲛⲁⲅⲱⲅⲏ ⲟⲩⲟϩ ⲛⲉⲟⲩⲟⲛ ⲟⲩⲣⲱⲙⲓ ⲙⲙⲁⲩ ⲡⲉ ⲉⲣⲉⲧⲉϥϫⲓϫ ϣⲟⲩⲱⲟⲩ	ⲟⲩⲟϩ ⲁϥⲓ̀ ⲟⲛ ⲉ̀ϧⲟⲩⲛ ⲉ̀ⲧⲟⲩⲥⲩⲛⲁⲅⲱⲅⲏ ⲟⲩⲟϩ ⲛⲉ ⲟⲩⲟⲛ ⲟⲩⲣⲱⲙⲓ ⲙ̀ⲙⲁⲩ ⲡⲉ ⲉ̀ⲣⲉⲧⲉϥϫⲓϫ ϣⲟⲩⲱⲟⲩ	ouoh afì on èxoun ètousinaġōgy ouoh ne ouon ourōmi m̀mav pe èretefjig ṡouōou	He entered again into the synagogue, and there was a man there who had his hand withered.
3:2	ⲟⲩⲟϩ ⲛⲁⲩϯ ⲛϩⲑⲏⲟⲩ ⲛⲁϥ ⲡⲉ ϫⲉ ⲁⲛ ϥⲛⲁⲉⲣⲫⲁϧⲣⲓ ⲉⲣⲟϥ ϧⲉⲛⲛⲓⲥⲁⲃⲃⲁⲧⲟⲛ ϩⲓⲛⲁ ⲛⲧⲟⲩⲉⲣⲕⲁⲧⲏⲅⲟⲣⲓⲛ ⲉⲣⲟϥ	ⲟⲩⲟϩ ⲛⲁⲩϯ ⲛ̀ϩ̀ⲑⲏⲟⲩ ⲛⲁϥ ⲡⲉ ϫⲉ ⲁⲛ ϥ̀ⲛⲁⲉⲣⲫⲁϧⲣⲓ ⲉ̀ⲣⲟϥ ϧⲉⲛ ⲛⲓⲥⲁⲃⲃⲁⲧⲟⲛ ϩⲓⲛⲁ ⲛ̀ⲧⲟⲩⲉⲣⲕⲁⲧⲏⲅⲟⲣⲓⲛ ⲉ̀ⲣⲟϥ	ouoh navti ǹh̀θyou naf pe je an f̀naerfaxri èrof xen nisabbaton hina ǹtouerkatyġorin èrof	They watched him, whether he would heal him on the Sabbath day, that they might accuse him.
3:3	ⲟⲩⲟϩ ⲡⲉϫⲁϥ ⲙⲡⲓⲣⲱⲙⲓ ⲉⲣⲉⲧⲉϥϫⲓϫ ϣⲟⲩⲱⲟⲩ ϫⲉ ⲧⲱⲛⲕ ϧⲉⲛⲑⲙⲏϯ .	ⲟⲩⲟϩ ⲡⲉϫⲁϥ ⲛ̀ⲡⲓⲣⲱⲙⲓ ⲉ̀ⲣⲉⲧⲉϥϫⲓϫ ϣⲟⲩⲱⲟⲩ ϫⲉ ⲧⲱⲛⲕ ϧⲉⲛ ⲑ̀ⲙⲏϯ.	ouoh pegaf ǹpirōmi èretefjig ṡouōou je tōnk xen θ̀myti.	He said to the man who had his hand withered, 'Stand up.'
3:4	ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲥϣⲉ ⲉⲉⲣⲡⲉⲑⲛⲁⲛⲉϥ ϧⲉⲛⲛⲓⲥⲁⲃⲃⲁⲧⲟⲛ ϣⲁⲛ ⲉⲉⲣⲡⲉⲧϩⲱⲟⲩ ⲟⲩⲯⲩⲭⲏ ⲉⲛⲁϩⲙⲉⲥ ϣⲁⲛ ⲉϧⲟⲑⲃⲉⲥ ⲛⲑⲱⲟⲩ ⲇⲉ ⲁⲩⲭⲁⲣⲱⲟⲩ	Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲥ̀ϣⲉ ⲉⲉⲣⲡⲉⲑⲛⲁⲛⲉϥ ϧⲉⲛ ⲛⲓⲥⲁⲃⲃⲁⲧⲟⲛ ϣⲁⲛ ⲉⲉⲣⲡⲉⲧϩⲱⲟⲩ ⲟⲩⲯⲩⲭⲏ ⲉ̀ⲛⲁϩⲙⲉⲥ ϣⲁⲛ ⲉ̀ϧⲟⲑⲃⲉⲥ ⲛ̀ⲑⲱⲟⲩ ⲇⲉ ⲁⲩⲭⲁⲣⲱⲟⲩ	Ouoh pegaf nōou je s̀ṡe eerpeθnanef xen nisabbaton ṡan eerpet·hōou oupsiṡy ènahmes ṡan èxoθves ǹθōou ḋe avkarōou	He said to them, 'Is it lawful on the Sabbath day to do good, or to do harm? To save a life, or to kill?' But they were silent.
3:5	ⲟⲩⲟϩ ⲉⲧⲁϥϫⲟⲩϣⲧ ⲉⲣⲱⲟⲩ ϧⲉⲛⲟⲩⲙⲃⲟⲛ ⲉϥⲙⲟⲕϩ ⲛϩⲏⲧ ⲉϩⲣⲏⲓ ⲉϫⲉⲛⲡⲓⲑⲱⲙ ⲛⲧⲉⲡⲟⲩϩⲏⲧ ⲡⲉϫⲁϥ ⲙⲡⲓⲣⲱⲙⲓ ϫⲉ ⲥⲟⲩⲧⲉⲛⲧⲉⲕϫⲓϫ ⲉⲃⲟⲗ ⲟⲩⲟϩ ⲉⲧⲁϥⲥⲟⲩⲧⲱⲛⲥ ⲁⲥⲟⲩϫⲁⲓ ⲛϫⲉⲧⲉϥϫⲓϫ .	ⲟⲩⲟϩ ⲉ̀ⲧⲁϥϫⲟⲩϣⲧ ⲉ̀ⲣⲱⲟⲩ ϧⲉⲛ ⲟⲩⲙ̀ⲃⲟⲛ ⲉϥⲙⲟⲕϩ ⲛ̀ϩⲏⲧ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲑⲱⲙ ⲛ̀ⲧⲉ ⲡⲟⲩϩⲏⲧ ⲡⲉϫⲁϥ ⲛ̀ⲡⲓⲣⲱⲙⲓ ϫⲉ ⲥⲟⲩⲧⲉⲛⲧⲉⲕϫⲓϫ ⲉ̀ⲃⲟⲗ ⲟⲩⲟϩ ⲉ̀ⲧⲁϥⲥⲟⲩⲧⲱⲛⲥ ⲁⲥⲟⲩϫⲁⲓ ⲛ̀ϫⲉ ⲧⲉϥϫⲓϫ.	ouoh ètafgouṡt èrōou xen oum̀von efmok·h ǹhyt èh̀ryi èjen piθōm ǹte pouhyt pegaf ǹpirōmi je soutentekjig èvol ouoh ètafsoutōns asougai ǹje tefjig.	When he had looked around at them with anger, being grieved at the hardening of their hearts, he said to the man, 'Stretch out your hand.' He stretched it out, and his hand was restored as healthy as the other.
3:6	ⲟⲩⲟϩ ⲉⲧⲁⲩⲓ ⲉⲃⲟⲗ ⲥⲁⲧⲟⲧⲟⲩ ⲛϫⲉⲛⲓⲁⲣⲭⲓⲉⲣⲉⲩⲥ ⲁⲩⲓⲣⲓ ⲛⲟⲩⲥⲟϭⲛⲓ ⲛⲉⲙⲛⲓⲏⲣⲱⲇⲓⲁⲛⲟⲥ ϧⲁⲣⲟϥ ϩⲓⲛⲁ ⲛⲧⲟⲩⲧⲁⲕⲟϥ	Ⲟⲩⲟϩ ⲉⲧⲁⲩⲓ̀ ⲉ̀ⲃⲟⲗ ⲥⲁⲧⲟⲧⲟⲩ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ ⲁⲩⲓ̀ⲣⲓ ⲛ̀ⲟⲩⲥⲟϭⲛⲓ ⲛⲉⲙ ⲛⲓⲏⲣⲱⲇⲓⲁⲛⲟⲥ ϧⲁⲣⲟϥ ϩⲓⲛⲁ ⲛ̀ⲧⲟⲩⲧⲁⲕⲟϥ	Ouoh etavì èvol satotou ǹje niarṡièrevs avìri ǹousoċni nem niyrōdianos xarof hina ǹtoutakof	The Pharisees went out, and immediately conspired with the Herodians against him, how they might destroy him.
3:7	ⲓⲏⲥⲟⲩⲥ ⲇⲉ ⲛⲉⲙⲛⲉϥⲙⲁⲑⲏⲧⲏⲥ ⲁⲩⲉⲣⲁⲛⲁⲭⲱⲣⲓⲛ ⲉⲡⲧⲱⲟⲩ ⲟⲩⲟϩ ⲟⲩⲙⲏϣ ⲉϥⲟϣ ⲛⲧⲉϯⲅⲁⲗⲓⲗⲉⲁ ⲛⲉⲙϯⲓⲟⲩⲇⲉⲁ	ⲓⲏⲥⲟⲩⲥ ⲇⲉ ⲛⲉⲙ ⲛⲉϥⲙⲁⲑⲏⲧⲏⲥ ⲁⲩⲉⲣⲁⲛⲁⲭⲱⲣⲓⲛ ⲉ̀ⲡ̀ⲧⲱⲟⲩ ⲟⲩⲟϩ ⲟⲩⲙⲏϣ ⲉϥⲟϣ ⲛ̀ⲧⲉ ϯⲅⲁⲗⲓⲗⲉⲁ ⲛⲉⲙ ϯⲓⲟⲩⲇⲉⲁ̀	iysous ḋe nem nefmaθytys averanaxōrin èp̀tōou ouoh oumyṡ efoṡ ǹte tiġalilea nem tiioudeà	Jesus withdrew to the sea with his disciples, and a great multitude followed him from Galilee, from Judea,
3:8	ⲛⲉⲙⲓⲉⲣⲟⲥⲁⲗⲏⲙ ⲛⲉⲙϯϩⲩⲇⲟⲩⲙⲉⲁ ⲛⲉⲙϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲛⲉⲙⲕⲉⲙⲏϣ ⲉϥⲟϣ ⲉⲃⲟⲗ ϧⲉⲛⲛⲁⲧⲩⲣⲟⲥ ⲛⲉⲙⲧⲥⲓⲇⲱⲛ ⲉⲩⲥⲱⲧⲉⲙ ⲉⲛⲏ ⲉⲛⲁϥⲓⲣⲓ ⲙⲙⲱⲟⲩ ⲁⲩⲓ ϩⲁⲣⲟϥ	ⲛⲉⲙ ⲓⲉⲣⲟⲥⲁⲗⲏⲙ ⲛⲉⲙ ϯϩⲩⲇⲟⲩⲙⲉⲁ ⲛⲉⲙ ϩⲓⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ⲛⲉⲙ ⲕⲉⲙⲏϣ ⲉϥⲟϣ ⲉ̀ⲃⲟⲗ ϧⲉⲛ ⲛⲁⲧⲩⲣⲟⲥ ⲛⲉⲙ ⲧ̀ⲥⲓⲇⲱⲛ ⲉⲩⲥⲱⲧⲉⲙ ⲉ̀ⲛⲏ ⲉⲛⲁϥⲓ̀ⲣⲓ ⲙ̀ⲙⲱⲟⲩ ⲁⲩⲓ̀ ϩⲁⲣⲟϥ	nem ierosalym nem tihidoumea nem himyr ǹpiiordanys nem kemyṡ efoṡ èvol xen natiros nem t̀sidōn evsōtem èny enafìri m̀mōou avì harof	from Jerusalem, from Idumaea, beyond the Jordan, and those from around Tyre and Sidon. A great multitude, hearing what great things he did, came to him.
3:9	ⲟⲩⲟϩ ⲁϥϫⲟⲥ ⲛⲛⲉϥⲙⲁⲑⲏⲧⲏⲥ ϩⲓⲛⲁ ⲛⲧⲉⲟⲩϫⲟⲓ ⲙⲟⲩⲛ ⲉⲣⲟϥ ⲉⲑⲃⲉⲡⲓⲙⲏϣ ϩⲓⲛⲁ ⲛⲧⲟⲩϣⲧⲉⲙϩⲉϫϩⲱϫϥ	ⲟⲩⲟϩ ⲁϥϫⲟⲥ ⲛ̀ⲛⲉϥⲙⲁⲑⲏⲧⲏⲥ ϩⲓⲛⲁ ⲛ̀ⲧⲉⲟⲩϫⲟⲓ ⲙⲟⲩⲛ ⲉ̀ⲣⲟϥ ⲉⲑⲃⲉ ⲡⲓⲙⲏϣ ϩⲓⲛⲁ ⲛ̀ⲧⲟⲩϣⲧⲉⲙϩⲉϫϩⲱϫϥ	ouoh afgos ǹnefmaθytys hina ǹteougoi moun èrof eθve pimyṡ hina ǹtouṡtemheghōgf	He spoke to his disciples that a little boat should stay near him because of the crowd, so that they wouldn't press on him.
3:10	ϩⲁⲛⲙⲏϣ ⲅⲁⲣ ⲛⲁϥⲉⲣⲫⲁϧⲣⲓ ⲉⲣⲱⲟⲩ ϩⲱⲥⲧⲉ ⲛⲧⲟⲩⲓ ⲉϫⲱϥ ⲛⲧⲟⲩϭⲓ ⲛⲉⲙⲁϥ ⲛϫⲉⲟⲩⲟⲛ ⲛⲓⲃⲉⲛ ⲉⲛⲁⲣⲉϩⲁⲛⲙⲁⲥⲧⲓⲅⲝ ⲛⲉⲙⲱⲟⲩ	ϩⲁⲛⲙⲏϣ ⲅⲁⲣ ⲛⲁϥⲉⲣⲫⲁϧⲣⲓ ⲉ̀ⲣⲱⲟⲩ ϩⲱⲥⲧⲉ ⲛ̀ⲧⲟⲩⲓ ⲉ̀ϫⲱϥ ⲛ̀ⲧⲟⲩϭⲓ ⲛⲉⲙⲁϥ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲛⲁⲣⲉ ϩⲁⲛⲙⲁⲥⲧⲓⲅⲝ ⲛⲉⲙⲱⲟⲩ	hanmyṡ ġar naferfaxri èrōou hōste ǹtoui ègōf ǹtouċi nemaf ǹje ouon niven enare hanmastiġks nemōou	For he had healed many, so that as many as had diseases pressed on him that they might touch him.
3:11	ⲟⲩⲟϩ ⲛⲓⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉϣⲱⲡ ⲛⲧⲟⲩⲛⲁⲩ ⲉⲣⲟϥ ϣⲁⲩϩⲓⲧⲟⲩ ⲉϧⲣⲏⲓ ϧⲁⲣⲁⲧϥ ⲟⲩⲟϩ ⲛⲁⲩⲱϣ ⲉⲃⲟⲗ ⲉⲩϫⲱ ⲙⲙⲟⲥ ϫⲉ ⲛⲑⲟⲕ ⲡⲉ ⲡϣⲏⲣⲓ ⲙⲫϯ	ⲟⲩⲟϩ ⲛⲓⲡ̀ⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉϣⲱⲡ ⲛ̀ⲧⲟⲩⲛⲁⲩ ⲉ̀ⲣⲟϥ ϣⲁⲩϩⲓⲧⲟⲩ ⲉ̀ϧ̀ⲣⲏⲓ ϧⲁⲣⲁⲧϥ ⲟⲩⲟϩ ⲛⲁⲩⲱϣ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ ϫⲉ ⲛ̀ⲑⲟⲕ ⲡⲉ ⲡ̀ϣⲏⲣⲓ ⲛ̀ⲫ̀ⲛⲟⲩϯ	ouoh nip̀nevma nakaθarton eṡōp ǹtounav èrof ṡavhitou èx̀ryi xaratf ouoh navōṡ èvol evgō m̀mos je ǹθok pe p̀ṡyri ǹf̀nouti	The unclean spirits, whenever they saw him, fell down before him, and cried, 'You are the Son of God!'
3:12	ⲟⲩⲟϩ ⲛⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ⲛⲟⲩⲙⲏϣ ϩⲓⲛⲁ ⲛⲥⲉϣⲧⲉⲙⲟⲩⲟⲛϩϥ ⲉⲃⲟⲗ .	ⲟⲩⲟϩ ⲛⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ⲛ̀ⲟⲩⲙⲏϣ ϩⲓⲛⲁ ⲛ̀ⲧⲟⲩϣⲧⲉⲙⲟⲩⲟⲛϩϥ ⲉ̀ⲃⲟⲗ.	ouoh naferepitiman nōou ǹoumyṡ hina ǹtouṡtemouonhf èvol.	He sternly warned them that they should not make him known.
3:13	ⲟⲩⲟϩ ⲁϥϣⲉ ⲛⲁϥ ⲉϩⲣⲏⲓ ⲉϫⲉⲛⲡⲓⲧⲱⲟⲩ ⲟⲩⲟϩ ⲁϥⲙⲟⲩϯ ⲉⲛⲏ ⲉⲛⲁϥⲟⲩⲁϣⲟⲩ ⲛⲑⲟϥ ⲟⲩⲟϩ ⲁⲩϣⲉ ⲛⲱⲟⲩ ϩⲁⲣⲟϥ	Ⲟⲩⲟϩ ⲁϥϣⲉ ⲛⲁϥ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲧⲱⲟⲩ ⲟⲩⲟϩ ⲁϥⲙⲟⲩϯ ⲉ̀ⲛⲏ ⲉⲛⲁϥⲟⲩⲁϣⲟⲩ ⲛ̀ⲑⲟϥ ⲟⲩⲟϩ ⲁⲩϣⲉ ⲛⲱⲟⲩ ϩⲁⲣⲟϥ	Ouoh afṡe naf èh̀ryi èjen pitōou ouoh afmouti èny enafouaṡou ǹθof ouoh avṡe nōou harof	He went up into the mountain, and called to himself those whom he wanted, and they went to him.
3:14	ⲟⲩⲟϩ ⲁϥⲑⲁⲙⲓⲉⲓⲃ ⲛⲏ ⲉⲧⲁϥϯⲣⲉⲛⲟⲩ ϫⲉⲛⲓⲁⲡⲟⲥⲧⲟⲗⲟⲥ ϩⲓⲛⲁ ⲛⲧⲟⲩⲟϩⲓ ⲛⲉⲙⲁϥ ⲟⲩⲟϩ ϩⲓⲛⲁ ⲛⲧⲉϥⲟⲩⲟⲣⲡⲟⲩ ⲉϩⲓⲱⲓϣ	ⲟⲩⲟϩ ⲁϥⲑⲁⲙⲓⲉⲓⲃ ⲛⲏ ⲉⲧⲁϥϯⲣⲉⲛⲟⲩ ϫⲉ ⲛⲓⲁ̀ⲡⲟⲥⲧⲟⲗⲟⲥ ϩⲓⲛⲁ ⲛ̀ⲧⲟⲩⲟ̀ϩⲓ ⲛⲉⲙⲁϥ ⲟⲩⲟϩ ϩⲓⲛⲁ ⲛ̀ⲧⲉϥⲟⲩⲟⲣⲡⲟⲩ ⲉ̀ϩⲓⲱⲓϣ	ouoh afθamieib ny etaftirenou je niàpostolos hina ǹtouòhi nemaf ouoh hina ǹtefouorpou èhiōiṡ	He appointed twelve, that they might be with him, and that he might send them out to preach,
3:15	ⲟⲩⲟϩ ⲉⲑⲣⲉⲡⲉⲣϣⲓϣⲓ ϣⲱⲡⲓ ⲛⲧⲟⲧⲟⲩ ⲉϩⲓⲇⲉⲙⲱⲛ ⲉⲃⲟⲗ	ⲟⲩⲟϩ ⲉ̀ⲑⲣⲉⲡⲉⲣϣⲓϣⲓ ϣⲱⲡⲓ ⲛ̀ⲧⲟⲧⲟⲩ ⲉ̀ϩⲓⲇⲉⲙⲱⲛ ⲉ̀ⲃⲟⲗ	ouoh èθreperṡiṡi ṡōpi ǹtotou èhiḋemōn èvol	and to have authority to heal sicknesses and to cast out demons:
3:16	ⲟⲩⲟϩ ⲁϥϯ ⲛⲟⲩⲣⲁⲛ ⲉⲥⲓⲙⲱⲛ ϫⲉⲡⲉⲧⲣⲟⲥ .	ⲟⲩⲟϩ ⲁϥϯ ⲛⲟⲩⲣⲁⲛ ⲉ̀ⲥⲓⲙⲱⲛ ϫⲉ ⲡⲉⲧⲣⲟⲥ.	ouoh afti nouran èsimōn je petros.	Simon, to whom he gave the name Peter;
3:17	ⲟⲩⲟϩ ⲓⲁⲕⲱⲃⲟⲥ ⲡϣⲏⲣⲓ ⲛⲍⲉⲃⲉⲇⲉⲟⲥ ⲛⲉⲙⲓⲱⲁⲛⲛⲏⲥ ⲡⲥⲟⲛ ⲛⲓⲁⲕⲱⲃⲟⲥ ⲟⲩⲟϩ ⲁϥϯ ⲛϩⲁⲛⲣⲁⲛ ⲉⲣⲱⲟⲩ ϫⲉⲃⲟⲁⲛⲏⲣⲅⲉⲥ ⲉⲧⲉⲫⲁⲓ ⲡⲉ ϫⲉⲛⲓϣⲏⲣⲓ ⲛⲧⲉϯϧⲁⲣⲁⲃⲁⲓ .	Ⲟⲩⲟϩ ⲓⲁⲕⲱⲃⲟⲥ ⲡ̀ϣⲏⲣⲓ ⲛ̀ⲍⲉⲃⲉⲇⲉⲟⲥ ⲛⲉⲙ ⲓⲱⲁⲛⲛⲏⲥ ⲡ̀ⲥⲟⲛ ⲛ̀ⲓⲁⲕⲱⲃⲟⲥ ⲟⲩⲟϩ ⲁϥϯ ⲛ̀ϩⲁⲛⲣⲁⲛ ⲉ̀ⲣⲱⲟⲩ ϫⲉ ⲃⲟⲁⲛⲏⲣⲅⲉⲥ ⲉ̀ⲧⲉ ⲫⲁⲓ ⲡⲉ ϫⲉ ⲛⲓϣⲏⲣⲓ ⲛ̀ⲧⲉ ϯϧⲁⲣⲁⲃⲁⲓ.	Ouoh iakōbos p̀ṡyri ǹzebedeos nem iōannys p̀·son ǹiakōbos ouoh afti ǹhanran èrōou je boanyrges ète fai pe je niṡyri ǹte tixaravai.	James the son of Zebedee; John, the brother of James, and he surnamed them Boanerges, which means, Sons of Thunder;
3:18	ⲁⲛⲇⲣⲉⲁⲥ ⲛⲉⲙⲫⲓⲗⲓⲡⲡⲟⲥ ⲃⲁⲣⲑⲟⲗⲟⲙⲉⲟⲥ ⲛⲉⲙⲙⲁⲧⲑⲉⲟⲥ ⲛⲉⲙⲑⲱⲙⲁⲥ ⲛⲉⲙⲓⲁⲕⲱⲃⲟⲥ ⲛⲧⲉⲁⲗⲫⲉⲟⲥ ⲛⲉⲙⲑⲁⲇⲇⲉⲟⲥ ⲛⲉⲙⲥⲓⲙⲱⲛ ⲡⲓⲕⲁⲛⲁⲛⲉⲟⲥ	Ⲁⲛⲇⲣⲉⲁⲥ ⲛⲉⲙ ⲫⲓⲗⲓⲡⲡⲟⲥ ⲃⲁⲣⲑⲟⲗⲟⲙⲉⲟⲥ ⲛⲉⲙ ⲙⲁⲧⲑⲉⲟⲥ ⲛⲉⲙ ⲑⲱⲙⲁⲥ ⲛⲉⲙ ⲓⲁⲕⲱⲃⲟⲥ ⲛ̀ⲧⲉ ⲁⲗⲫⲉⲟⲥ ⲛⲉⲙ ⲑⲁⲇⲇⲉⲟⲥ ⲛⲉⲙ ⲥⲓⲙⲱⲛ ⲡⲓⲕⲁⲛⲁⲛⲉⲟⲥ	Andreas nem filippos barθolomeos nem matθeos nem θōmas nem iakōbos ǹte alfeos nem θaddeos nem simōn pikananeos	Andrew; Philip; Bartholomew; Matthew; Thomas; James, the son of Alphaeus; Thaddaeus; Simon the Zealot;
3:19	ⲛⲉⲙⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲫⲏ ⲉⲧⲁϥⲧⲏⲓϥ	ⲛⲉⲙ ⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲫⲏ ⲉⲧⲁϥⲧⲏⲓϥ	nem ioudas piskariōtys fy etaftyif	and Judas Iscariot, who also betrayed him.
3:20	ⲟⲩⲟϩ ⲁϥⲓ ⲉϧⲟⲩⲛ ⲉⲟⲩⲏⲓ ⲟⲩⲟϩ ⲁϥⲑⲱⲟⲩϯ ⲟⲛ ⲛϫⲉⲡⲓⲙⲏϣ ϩⲱⲥⲧⲉ ⲛⲧⲟⲩϣⲧⲉⲙϣϫⲉⲙϫⲟⲙ ⲟⲩⲇⲉ ⲉⲟⲩⲉⲙⲱⲓⲕ	ⲟⲩⲟϩ ⲁϥⲓ̀ ⲉ̀ϧⲟⲩⲛ ⲉ̀ⲟⲩⲏⲓ ⲟⲩⲟϩ ⲁϥⲑⲱⲟⲩϯ ⲟⲛ ⲛ̀ϫⲉ ⲡⲓⲙⲏϣ ϩⲱⲥⲧⲉ ⲛ̀ⲧⲟⲩϣⲧⲉⲙϣϫⲉⲙϫⲟⲙ ⲟⲩⲇⲉ ⲉ̀ⲟⲩⲉⲙⲱⲓⲕ	ouoh afì èxoun èouyi ouoh afθōouti on ǹje pimyṡ hōste ǹtouṡtemṡjemgom ouḋe èouemōik	He came into a house. The multitude came together again, so that they could not so much as eat bread.
3:21	ⲟⲩⲟϩ ⲉⲧⲁⲩⲥⲱⲧⲉⲙ ⲛϫⲉⲛⲏ ⲉⲧⲉⲛⲟⲩϥ ⲁⲩⲓ ⲉⲃⲟⲗ ⲉⲁⲙⲟⲛⲓ ⲙⲙⲟϥ ⲛⲁⲩϫⲱ ⲅⲁⲣ ⲙⲙⲟⲥ ⲡⲉ ϫⲉⲁⲡⲉϥϩⲏⲧ ⲥⲓϩⲓ .	ⲟⲩⲟϩ ⲉⲧⲁⲩⲥⲱⲧⲉⲙ ⲛ̀ϫⲉ ⲛⲏ ⲉ̀ⲧⲉ ⲛⲟⲩϥ ⲁⲩⲓ̀ ⲉ̀ⲃⲟⲗ ⲉⲁ̀ⲙⲟⲛⲓ ⲙ̀ⲙⲟϥ ⲛⲁⲩϫⲱ ⲅⲁⲣ ⲙ̀ⲙⲟⲥ ⲡⲉ ϫⲉ ⲁⲡⲉϥϩⲏⲧ ⲥⲓϩⲓ.	ouoh etavsōtem ǹje ny ète nouf avì èvol eàmoni m̀mof navgō ġar m̀mos pe je apefhyt sihi.	When his friends heard it, they went out to seize him: for they said, 'He is insane.'
3:22	ⲟⲩⲟϩ ⲛⲁⲣⲉⲛⲓⲥⲁϧ ⲉⲧⲁⲩⲓ ⲉⲃⲟⲗ ϧⲉⲛⲓⲉⲣⲟⲥⲁⲗⲏⲙ ⲛⲁⲩϫⲱ ⲙⲙⲟⲥ ϫⲉⲃⲉⲗⲍⲉⲃⲟⲩⲗ ⲉⲑⲛⲉⲙⲁϥ ⲟⲩⲟϩ ϫⲉϧⲉⲛⲡⲁⲣⲭⲱⲛ ⲛⲧⲉⲛⲓⲇⲉⲙⲱⲛ ⲁϥϩⲓⲟⲩⲓ ⲛⲛⲓⲇⲉⲙⲱⲛ ⲉⲃⲟⲗ	Ⲟⲩⲟϩ ⲛⲁⲣⲉ ⲛⲓⲥⲁϧ ⲉⲧⲁⲩⲓ̀ ⲉ̀ⲃⲟⲗ ϧⲉⲛ ⲓⲉⲣⲟⲥⲁⲗⲏⲙ ⲛⲁⲩϫⲱ ⲙ̀ⲙⲟⲥ ϫⲉ ⲃⲉⲗⲍⲉⲃⲟⲩⲗ ⲉⲑⲛⲉⲙⲁϥ ⲟⲩⲟϩ ϫⲉ ϧⲉⲛ ⲡⲁⲣⲭⲱⲛ ⲛ̀ⲧⲉ ⲛⲓⲇⲉⲙⲱⲛ ⲁϥϩⲓⲟⲩⲓ̀ ⲛ̀ⲛⲓⲇⲉⲙⲱⲛ ⲉ̀ⲃⲟⲗ	Ouoh nare nisax etavì èvol xen ierosalym navgō m̀mos je belzeboul eθnemaf ouoh je xen parxōn ǹte niḋemōn afhiouì ǹniḋemōn èvol	The scribes who came down from Jerusalem said, 'He has Beelzebul,' and, 'By the prince of the demons he casts out the demons.'
3:23	ⲟⲩⲟϩ ⲁϥⲙⲟⲩϯ ⲉⲣⲱⲟⲩ ⲛⲁϥϫⲱ ⲙⲙⲟⲥ ⲛⲱⲟⲩ ϧⲉⲛϩⲁⲛⲡⲁⲣⲁⲃⲟⲗⲏ ϫⲉⲡⲱⲥ ⲟⲩⲟⲛ ϣϫⲟⲙ ⲛⲧⲉⲡⲥⲁⲧⲁⲛⲁⲥ ϩⲓⲡⲥⲁⲧⲁⲛⲁⲥ ⲉⲃⲟⲗ	ⲟⲩⲟϩ ⲁϥⲙⲟⲩϯ ⲉ̀ⲣⲱⲟⲩ ⲛⲁϥϫⲱ ⲙ̀ⲙⲟⲥ ⲛⲱⲟⲩ ϧⲉⲛ ϩⲁⲛⲡⲁⲣⲁⲃⲟⲗⲏ ϫⲉ ⲡⲱⲥ ⲟⲩⲟⲛ ϣ̀ϫⲟⲙ ⲛ̀ⲧⲉ ⲡ̀ⲥⲁⲧⲁⲛⲁⲥ ϩⲓⲡ̀ⲥⲁⲧⲁⲛⲁⲥ ⲉ̀ⲃⲟⲗ	ouoh afmouti èrōou nafgō m̀mos nōou xen hanparaboly je pōs ouon ṡ̀gom ǹte p̀·satanas hip̀·satanas èvol	He summoned them, and said to them in parables, 'How can Satan cast out Satan?
3:24	ⲟⲩⲟϩ ⲉϣⲱⲡ ⲛⲧⲉⲟⲩⲙⲉⲧⲟⲩⲣⲟ ⲫⲱϣ ⲉϩⲣⲁⲥ ⲙⲙⲟⲛ ϣϫⲟⲙ ⲛⲧⲉⲥ ⲟϩⲓ ⲉⲣⲁⲧⲥ ⲛϫⲉϯⲙⲉⲧⲟⲩⲣⲟ ⲉⲧⲉⲙⲙⲁⲩ .	ⲟⲩⲟϩ ⲉϣⲱⲡ ⲛ̀ⲧⲉⲟⲩⲙⲉⲧⲟⲩⲣⲟ ⲫⲱϣ ⲉ̀ϩ̀ⲣⲁⲥ ⲙ̀ⲙⲟⲛ ϣ̀ϫⲟⲙ ⲛ̀ⲧⲉ ⲥ ⲟ̀ϩⲓ ⲉ̀ⲣⲁⲧⲥ ⲛ̀ϫⲉ ϯⲙⲉⲧⲟⲩⲣⲟ ⲉ̀ⲧⲉ ⲙ̀ⲙⲁⲩ.	ouoh eṡōp ǹteoumetouro fōṡ èh̀ras m̀mon ṡ̀gom ǹte s òhi èrats ǹje timetouro ète m̀mav.	If a kingdom is divided against itself, that kingdom cannot stand.
3:25	ⲟⲩⲟϩ ⲉϣⲱⲡ ⲛⲧⲉⲟⲩⲏⲓ ⲫⲱϣ ⲉϩⲣⲁϥ ⲙⲙⲟⲛ ϣϫⲟⲙ ⲛⲧⲉϥ ⲟϩⲓ ⲉⲣⲁⲧϥ ⲛϫⲉⲡⲓⲏⲓ ⲉⲧⲉⲙⲙⲁⲩ .	Ⲟⲩⲟϩ ⲉϣⲱⲡ ⲛ̀ⲧⲉⲟⲩⲏⲓ ⲫⲱϣ ⲉ̀ϩ̀ⲣⲁϥ ⲙ̀ⲙⲟⲛ ϣ̀ϫⲟⲙ ⲛ̀ⲧⲉϥ ⲟ̀ϩⲓ ⲉ̀ⲣⲁⲧϥ ⲛ̀ϫⲉ ⲡⲓⲏⲓ ⲉ̀ⲧⲉ ⲙ̀ⲙⲁⲩ.	Ouoh eṡōp ǹteouyi fōṡ èh̀raf m̀mon ṡ̀gom ǹtef òhi èratf ǹje piyi ète m̀mav.	If a house is divided against itself, that house cannot stand.
3:26	ⲟⲩⲟϩ ⲓⲥϫⲉ ⲡⲥⲁⲧⲁⲛⲁⲥ ⲡⲉⲧⲁϥⲧⲱⲛϥ ⲉϫⲱϥ ⲙⲙⲓⲛⲙⲙⲟϥ ⲟⲩⲟϩ ⲁϥⲫⲱϣ ⲙⲙⲟⲛ ϣϫⲟⲙ ⲙⲙⲟϥ ⲉⲟϩⲓ ⲉⲣⲁⲧϥ ⲁⲗⲗⲁ ⲟⲩⲟⲛⲧⲉϥ ⲟⲩϫⲱⲕ .	Ⲟⲩⲟϩ ⲓⲥϫⲉ ⲡ̀ⲥⲁⲧⲁⲛⲁⲥ ⲡⲉⲧⲁϥⲧⲱⲛϥ ⲉ̀ϫⲱϥ ⲙⲙⲓⲛⲙⲙⲟϥ ⲟⲩⲟϩ ⲁϥⲫⲱϣ ⲙ̀ⲙⲟⲛ ϣ̀ϫⲟⲙ ⲙ̀ⲙⲟϥ ⲉ̀ⲟ̀ϩⲓ ⲉ̀ⲣⲁⲧϥ ⲁⲗⲗⲁ ⲟⲩⲟⲛⲧⲉϥ ⲟⲩϫⲱⲕ.	Ouoh isje p̀·satanas petaftōnf ègōf mminmmof ouoh affōṡ m̀mon ṡ̀gom m̀mof èòhi èratf alla ouontef ougōk.	If Satan has risen up against himself, and is divided, he can't stand, but has an end.
3:27	ⲁⲗⲗⲁ ⲙⲙⲟⲛ ϣϫⲟⲙ ⲛⲧⲉϩⲗⲓ ϣⲉ ⲉϧⲟⲩⲛ ⲉⲡⲏⲓ ⲙⲡⲓϫⲱⲣⲓ ⲛⲧⲉϥϩⲱⲗⲉⲙ ⲛⲛⲉϥⲥⲕⲉⲩⲟⲥ ⲉⲃⲏⲗ ⲛⲧⲉϥⲥⲱⲛϩ ⲙⲡⲓϫⲱⲣⲓ ⲛϣⲟⲣⲡ ⲟⲩⲟϩ ⲧⲟⲧⲉ ⲛⲧⲉϥϩⲱⲗⲉⲙ ⲙⲡⲉϥⲏⲓ .	Ⲁⲗⲗⲁ ⲙ̀ⲙⲟⲛ ϣ̀ϫⲟⲙ ⲛ̀ⲧⲉ ϩ̀ⲗⲓ ϣⲉ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲡⲓϫⲱⲣⲓ ⲛ̀ⲧⲉϥϩⲱⲗⲉⲙ ⲛ̀ⲛⲉϥⲥ̀ⲕⲉⲩⲟⲥ ⲉ̀ⲃⲏⲗ ⲛ̀ⲧⲉϥⲥⲱⲛϩ ⲛ̀ⲡⲓϫⲱⲣⲓ ⲛ̀ϣⲟⲣⲡ ⲟⲩⲟϩ ⲧⲟⲧⲉ ⲛ̀ⲧⲉϥϩⲱⲗⲉⲙ ⲛ̀ⲡⲉϥⲏⲓ.	Alla m̀mon ṡ̀gom ǹte h̀li ṡe èxoun èp̀yi ǹpigōri ǹtefhōlem ǹnefs̀kevos èvyl ǹtefsōnh ǹpigōri ǹṡorp ouoh tote ǹtefhōlem ǹpefyi.	But no one can enter into the house of the strong man to plunder, unless he first binds the strong man; and then he will plunder his house.
3:28	ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉϩⲱⲃ ⲛⲓⲃⲉⲛ ⲉⲩⲉⲭⲁⲩ ⲉⲃⲟⲗ ⲛⲛⲓϣⲏⲣⲓ ⲛⲧⲉⲛⲓⲣⲱⲙⲓ ⲛⲓⲛⲟⲃⲓ ⲛⲉⲙⲛⲓϫⲉⲟⲩⲁ ⲧⲏⲣⲟⲩ ⲉⲧⲟⲩⲛⲁϫⲉⲟⲩⲁ ⲙⲙⲱⲟⲩ	Ⲁ̀ⲙⲏⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ϩⲱⲃ ⲛⲓⲃⲉⲛ ⲉⲩⲉ̀ⲭⲁⲩ ⲉ̀ⲃⲟⲗ ⲛ̀ⲛⲓϣⲏⲣⲓ ⲛ̀ⲧⲉ ⲛⲓⲣⲱⲙⲓ ⲛⲓⲛⲟⲃⲓ ⲛⲉⲙ ⲛⲓϫⲉⲟⲩⲁ ⲧⲏⲣⲟⲩ ⲉⲧⲟⲩⲛⲁϫⲉⲟⲩⲁ ⲙ̀ⲙⲱⲟⲩ	Àmyn tigō m̀mos nōten je hōb niven evèkav èvol ǹniṡyri ǹte nirōmi ninovi nem nijeoua tyrou etounajeoua m̀mōou	Most certainly I tell you, all sins of the descendants of man will be forgiven, including their blasphemies with which they may blaspheme;
3:29	ⲫⲏ ⲇⲉ ⲉⲑⲛⲁϫⲉⲟⲩⲁ ⲉⲡⲓⲡⲛⲉⲩⲙⲁ ⲉⲑⲟⲩⲁⲃ ⲙⲙⲟⲛ ⲭⲱ ⲉⲃⲟⲗ ⲛⲧⲁϥ ϣⲁ ⲉⲛⲉϩ ⲁⲗⲗⲁ ϥⲟⲓ ⲛⲉⲛⲟⲭⲟⲥ ⲛⲟⲩⲛⲟⲃⲓ ⲛⲉⲛⲉϩ .	ⲫⲏ ⲇⲉ ⲉⲑⲛⲁϫⲉⲟⲩⲁ ⲉ̀ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲙ̀ⲙⲟⲛ ⲭⲱ ⲉ̀ⲃⲟⲗ ⲛ̀ⲧⲁϥ ϣⲁ ⲉ̀ⲛⲉϩ ⲁⲗⲗⲁ ϥ̀ⲟⲓ ⲛ̀ⲉⲛⲟⲭⲟⲥ ⲛⲟⲩⲛⲟⲃⲓ ⲛ̀ⲉ̀ⲛⲉϩ.	fy ḋe eθnajeoua èpip̀nevma eθouab m̀mon kō èvol ǹtaf ṡa èneh alla f̀oi ǹenoxos nounovi ǹèneh.	but whoever may blaspheme against the Holy Spirit never has forgiveness, but is guilty of an eternal sin'
3:30	ϫⲉⲛⲁⲩϫⲱ ⲙⲙⲟⲥ ϫⲉⲟⲩⲟⲛ ⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲉⲙⲁϥ .	Ϫⲉ ⲛⲁⲩϫⲱ ⲙ̀ⲙⲟⲥ ϫⲉ ⲟⲩⲟⲛ ⲟⲩⲡ̀ⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲉⲙⲁϥ.	Je navgō m̀mos je ouon oup̀nevma nakaθarton nemaf.	--because they said, 'He has an unclean spirit.'
3:31	ⲟⲩⲟϩ ⲁⲩⲓ ⲛϫⲉⲧⲉϥⲙⲁⲩ ⲛⲉⲙⲛⲉϥⲥⲛⲏⲟⲩ ⲟⲩⲟϩ ⲁⲩⲟϩⲓ ⲉⲣⲁⲧⲟⲩ ⲥⲁⲃⲟⲗ ⲟⲩⲟϩ ⲁⲩⲟⲩⲱⲣⲡ ϩⲁⲣⲟϥ ⲉⲩⲙⲟⲩϯ ⲉⲣⲟϥ	Ⲟⲩⲟϩ ⲁⲩⲓ̀ ⲛ̀ϫⲉ ⲧⲉϥⲙⲁⲩ ⲛⲉⲙ ⲛⲉϥⲥ̀ⲛⲏⲟⲩ ⲟⲩⲟϩ ⲁⲩⲟ̀ϩⲓ ⲉ̀ⲣⲁⲧⲟⲩ ⲥⲁⲃⲟⲗ ⲟⲩⲟϩ ⲁⲩⲟⲩⲱⲣⲡ ϩⲁⲣⲟϥ ⲉⲩⲙⲟⲩϯ ⲉ̀ⲣⲟϥ	Ouoh avì ǹje tefmav nem nefs̀nyou ouoh avòhi èratou savol ouoh avouōrp harof evmouti èrof	His mother and his brothers came, and standing outside, they sent to him, calling him.
3:32	ⲟⲩⲟϩ ⲛⲁⲣⲉⲡⲓⲙⲏϣ ϩⲉⲙⲥⲓ ⲙⲡⲉϥⲕⲱϯ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲓⲥ ⲧⲉⲕⲙⲁⲩ ⲛⲉⲙⲛⲉⲕⲥⲛⲏⲟⲩ ⲥⲁⲃⲟⲗ ⲉⲩⲕⲱϯ ⲛⲥⲱⲕ	ⲟⲩⲟϩ ⲛⲁⲣⲉⲡⲓⲙⲏϣ ϩⲉⲙⲥⲓ ⲛ̀ⲡⲉϥⲕⲱϯ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲓⲥ ⲧⲉⲕⲙⲁⲩ ⲛⲉⲙ ⲛⲉⲕⲥ̀ⲛⲏⲟⲩ ⲥⲁⲃⲟⲗ ⲉⲩⲕⲱϯ ⲛ̀ⲥⲱⲕ	ouoh narepimyṡ hemsi ǹpefkōti ouoh pegōou naf je is tekmav nem nek·s̀nyou savol evkōti ǹsōk	A multitude was sitting around him, and they told him, 'Behold, your mother, your brothers, and your sisters are outside looking for you.'
3:33	ⲟⲩⲟϩ ⲉⲧⲁϥⲉⲣⲟⲩⲱ ⲛⲱⲟⲩ ⲡⲉϫⲁϥ ϫⲉⲓⲥ ⲧⲁⲙⲁⲩ ⲛⲉⲙⲛⲁⲥⲛⲏⲟⲩ	ⲟⲩⲟϩ ⲉ̀ⲧⲁϥⲉⲣⲟⲩⲱ ⲛⲱⲟⲩ ⲡⲉϫⲁϥ ϫⲉ ⲓⲥ ⲧⲁⲙⲁⲩ ⲛⲉⲙ ⲛⲁⲥ̀ⲛⲏⲟⲩ	ouoh ètaferouō nōou pegaf je is tamav nem nas̀nyou	He answered them, 'Who are my mother and my brothers?'
3:34	ⲟⲩⲟϩ ⲉⲧⲁϥϫⲟⲩϣⲧ ⲉⲛⲏ ⲉⲧϩⲉⲙⲥⲓ ⲙⲡⲉϥⲕⲱϯ ⲡⲉϫⲁϥ ϫⲉⲓⲥ ⲧⲁⲙⲁⲩ ⲛⲉⲙⲛⲁⲥⲛⲏⲟⲩ .	ⲟⲩⲟϩ ⲉ̀ⲧⲁϥϫⲟⲩϣⲧ ⲉ̀ⲛⲏ ⲉⲧϩⲉⲙⲥⲓ ⲛ̀ⲡⲉϥⲕⲱϯ ⲡⲉϫⲁϥ ϫⲉ ⲓⲥ ⲧⲁⲙⲁⲩ ⲛⲉⲙ ⲛⲁⲥ̀ⲛⲏⲟⲩ.	ouoh ètafgouṡt èny et·hemsi ǹpefkōti pegaf je is tamav nem nas̀nyou.	Looking around at those who sat around him, he said, 'Behold, my mother and my brothers!
3:35	ⲫⲏ ⲉⲑⲛⲁⲓⲣⲓ ⲙⲡⲉⲧⲉϩⲛⲉⲫⲛⲟⲩϯ ⲫⲁⲓ ⲡⲉ ⲡⲁⲥⲟⲛ ⲛⲉⲙⲧⲁⲥⲱⲛⲓ ⲛⲉⲙⲧⲁⲙⲁⲩ .	Ⲫⲏ ⲉⲑⲛⲁⲓ̀ⲣⲓ ⲛ̀ⲡⲉ̀ⲧⲉ ϩⲛⲉⲫ̀ⲛⲟⲩϯ ⲫⲁⲓ ⲡⲉ ⲡⲁⲥⲟⲛ ⲛⲉⲙ ⲧⲁⲥⲱⲛⲓ ⲛⲉⲙ ⲧⲁⲙⲁⲩ.	Fy eθnaìri ǹpète hnef̀nouti fai pe pason nem tasōni nem tamav.	For whoever does the will of God, the same is my brother, and my sister, and mother.'

Provenance

title: Bohairic Gospel of Mark 3 (Digital Edition) — bohairic.mark
dialect: bohairic
source: Coptic SCRIPTORIUM corpus "bohairic.mark", document bohairic.Mark_03
licence: CC-BY 4.0 (Coptic text public domain; annotations and complete files CC-BY 4.0 — meta.json)
share: attribution
attribution: Bohairic Gospel of Mark 3 (Digital Edition) from Coptic SCRIPTORIUM (https://copticscriptorium.org), corpus bohairic.mark, document bohairic.Mark_03, version 6.2.0 (2025-11-25), annotations by Amir Zeldes; source edition Hany Takla, Marcion Project. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
file: Bible/New Testament/Mark/03.bohairic.scriptorium-gold.L0.txt
title: Bohairic Gospel of Mark 3 (Digital Edition) — bohairic.mark — Cairene
dialect: bohairic
source: generated from 03.bohairic.scriptorium-gold.L0.txt (Coptic SCRIPTORIUM corpus "bohairic.mark", document bohairic.Mark_03)
licence: CC BY-SA 4.0
share: attribution
attribution: Bohairic Gospel of Mark 3 (Digital Edition) from Coptic SCRIPTORIUM (https://copticscriptorium.org), corpus bohairic.mark, document bohairic.Mark_03, version 6.2.0 (2025-11-25), annotations by Amir Zeldes; source edition Hany Takla, Marcion Project. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Mark/03.bohairic.scriptorium-gold.L1.txt
title: Bohairic Gospel of Mark 3 (Digital Edition) — bohairic.mark — Kemetic
dialect: bohairic
source: generated from 03.bohairic.scriptorium-gold.L1.txt
licence: CC BY-SA 4.0
share: attribution
attribution: Bohairic Gospel of Mark 3 (Digital Edition) from Coptic SCRIPTORIUM (https://copticscriptorium.org), corpus bohairic.mark, document bohairic.Mark_03, version 6.2.0 (2025-11-25), annotations by Amir Zeldes; source edition Hany Takla, Marcion Project. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Mark/03.bohairic.scriptorium-gold.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 35 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.mark, bohairic.Mark_03 (35 lines)

Cite as:

Bohairic Gospel of Mark 3 (Digital Edition) — bohairic.mark. Coptic SCRIPTORIUM corpus "bohairic.mark", document bohairic.Mark_03. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/mark/03.bohairic.scriptorium-gold/. Bohairic Gospel of Mark 3 (Digital Edition) from Coptic SCRIPTORIUM (https://copticscriptorium.org), corpus bohairic.mark, document bohairic.Mark_03, version 6.2.0 (2025-11-25), annotations by Amir Zeldes; source edition Hany Takla, Marcion Project. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.