| 3:1 | ⲁⲩⲱ ⲁϥⲃⲱⲕ ⲟⲛ ⲉϩⲟⲩⲛ ⲉⲧⲥⲩⲛⲁⲅⲱⲅⲏ ⲛⲉⲩⲛⲟⲩⲣⲱⲙⲉ ⲇⲉ ⲙⲙⲁⲩ ⲉⲣⲉⲧⲉϥϭⲓϫ ⲙⲟⲟⲩⲧ | ⲟⲩⲟϩ ⲁϥⲃⲱⲕ ⲟⲛ ⲉ̀ϧⲟⲩⲛ ⲉ̀ⲧ̀ⲥⲩⲛⲁⲅⲱⲅⲏ ⲛⲁⲟⲩⲟⲛ ⲟⲩⲣⲱⲙⲓ ⲇⲉ ⲙ̀ⲙⲁⲩ ⲉ̀ⲣⲉⲧⲉϥϫⲓϫ ⲙⲱⲟⲩⲧ | ouoh afvōk on èxoun èt̀sinaġōgy naouon ourōmi ḋe m̀mav èretefjig mōout | He entered again into the synagogue, and there was a man there who had his hand withered. |
|---|
| 3:2 | ⲁⲩⲱ ⲛⲉⲩⲡⲁⲣⲁⲧⲏⲣⲓ ⲉⲣⲟϥ ϫⲉⲉⲛⲉϥⲛⲁⲑⲉⲣⲁⲡⲟⲩ ⲙⲙⲟϥ ϩⲛⲛⲥⲁⲃⲃⲁⲧⲟⲛ ϫⲉ ⲉⲩⲉⲕⲁⲧⲏⲅⲟⲣⲓ ⲙⲙⲟϥ | ⲟⲩⲟϩ ⲛⲁⲩⲡⲁⲣⲁⲧⲏⲣⲓ ⲉ̀ⲣⲟϥ ϫⲉ ⲉⲛⲉϥⲛⲁⲑⲉⲣⲁⲡⲟⲩ ⲙ̀ⲙⲟϥ ϧⲉⲛ ⲛ̀ⲥⲁⲃⲃⲁⲧⲟⲛ ϫⲉ ⲉⲩⲉⲉⲣⲕⲁⲧⲏⲅⲟⲣⲓⲛ ⲙ̀ⲙⲟϥ | ouoh navparatyri èrof je enefnaθerapou m̀mof xen ǹsabbaton je eveerkatyġorin m̀mof | They watched him, whether he would heal him on the Sabbath day, that they might accuse him. |
|---|
| 3:3 | ⲁⲩⲱ ⲡⲉϫⲁϥ ⲙⲡⲣⲱⲙⲉ ⲉⲣⲉⲧⲉϥϭⲓϫ ⲙⲟⲟⲩⲧ ϫⲉⲧⲱⲟⲩⲛⲅ ⲁⲙⲟⲩ ⲉⲧⲙⲏⲧⲉ . | ⲟⲩⲟϩ ⲡⲉϫⲁϥ ⲛ̀ⲡ̀ⲣⲱⲙⲓ ⲉ̀ⲣⲉⲧⲉϥϫⲓϫ ⲙⲱⲟⲩⲧ ϫⲉ ⲧⲱⲟⲩⲛⲕ ⲁ̀ⲙⲟⲩ ⲉ̀ⲑⲙⲏϯ. | ouoh pegaf ǹp̀rōmi èretefjig mōout je tōounk àmou èθmyti. | He said to the man who had his hand withered, 'Stand up.' |
|---|
| 3:4 | ⲁⲩⲱ ⲡⲉϫⲁϥ ⲛⲁⲩ ϫⲉⲉⲝⲉⲥⲧⲓ ϩⲛⲛⲥⲁⲃⲃⲁⲧⲟⲛ ⲉⲣⲡⲉⲧⲛⲁⲛⲟⲩϥ ϫⲛⲣⲡⲉⲑⲟⲟⲩ ⲉⲧⲁⲛϩⲉⲟⲩⲯⲩⲭⲏ ϫⲛⲉⲙⲟⲟⲩⲧⲥ . ⲛⲧⲟⲟⲩ ⲇⲉ ⲁⲩⲕⲁⲣⲱⲟⲩ | Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲉⲝⲉⲥⲧⲓ ϧⲉⲛ ⲛ̀ⲥⲁⲃⲃⲁⲧⲟⲛ ⲉⲉⲣⲡⲉⲧⲛⲁⲛⲉϥ ϣⲁⲛⲉⲣⲡⲉⲧϩⲟⲟⲩ ⲉ̀ⲧⲁⲛϩⲉⲟⲩⲯⲩⲭⲏ ϣⲁⲛⲉⲙⲟⲟⲩⲧⲥ. Ⲛ̀ⲑⲱⲟⲩ ⲇⲉ ⲁⲩⲭⲁⲣⲱⲟⲩ | Ouoh pegaf nōou je eksesti xen ǹsabbaton eerpetnanef ṡanerpet·hoou ètanheoupsiky ṡanemoouts. Ǹθōou ḋe avkarōou | He said to them, 'Is it lawful on the Sabbath day to do good, or to do harm? To save a life, or to kill?' But they were silent. |
|---|
| 3:5 | ⲁⲩⲱ ⲛⲧⲉⲣⲉϥϭⲱϣⲧ ⲉϩⲟⲩⲛ ⲉϩⲣⲁⲩ ϩⲛⲟⲩⲟⲣⲅⲏ ⲉϥⲙⲟⲕϩ ⲛϩⲏⲧ ⲉϫⲙⲡⲧⲱⲙ ⲛϩⲏⲧ ⲙⲡⲉⲩϩⲏⲧ ⲡⲉϫⲁϥ ⲙⲡⲣⲱⲙⲉ ϫⲉⲥⲟⲩⲧⲛⲧⲉⲕϭⲓϫ ⲉⲃⲟⲗ ⲁϥⲥⲟⲩⲧⲱⲛⲥ ⲁⲩⲱ ⲁⲥⲗⲟ ⲛϭⲓⲧⲉϥϭⲓϫ . | ⲟⲩⲟϩ ⲉ̀ⲧⲁϥϫⲟⲩϣⲧ ⲉ̀ϧⲟⲩⲛ ⲉ̀ⲣⲟⲟⲩ ϧⲉⲛ ⲟⲩⲟⲣⲅⲏ ⲉϥⲙⲟⲕϩ ⲛ̀ϩⲏⲧ ⲉ̀ϫⲉⲛ ⲡ̀ⲧⲱⲙ ⲛ̀ϩⲏⲧ ⲛ̀ⲡⲟⲩϩⲏⲧ ⲡⲉϫⲁϥ ⲛ̀ⲡ̀ⲣⲱⲙⲓ ϫⲉ ⲥⲟⲩⲧⲛⲧⲉⲕϫⲓϫ ⲉ̀ⲃⲟⲗ ⲁϥⲥⲟⲩⲧⲱⲛⲥ ⲟⲩⲟϩ ⲁⲥⲗⲟ ⲛ̀ϫⲉ ⲧⲉϥϫⲓϫ. | ouoh ètafgouṡt èxoun èroou xen ouorgy efmok·h ǹhyt èjen p̀tōm ǹhyt ǹpouhyt pegaf ǹp̀rōmi je soutntekjig èvol afsoutōns ouoh aslo ǹje tefjig. | When he had looked around at them with anger, being grieved at the hardening of their hearts, he said to the man, 'Stretch out your hand.' He stretched it out, and his hand was restored as healthy as the other. |
|---|
| 3:6 | ⲛⲧⲉⲣⲟⲩⲉⲓ ⲇⲉ ⲉⲃⲟⲗ ⲛⲧⲉⲩⲛⲟⲩ ⲛϭⲓⲛⲉⲫⲁⲣⲓⲥⲥⲁⲓⲟⲥ ⲛⲙⲛϩⲏⲣⲱⲇⲓⲁⲛⲟⲥ ⲁⲩϫⲓϣⲟϫⲛⲉ ⲉⲣⲟϥ ϫⲉⲕⲁⲁⲥ ⲉⲩⲉⲧⲁⲕⲟϥ | Ⲉⲧⲁⲩⲓ̀ ⲇⲉ ⲉ̀ⲃⲟⲗ ⲛ̀ⲧⲩⲛⲟⲩ ⲛ̀ϫⲉ ⲛ̀ⲫⲁⲣⲓⲥⲥⲁⲓⲟⲥ ⲛⲉⲙ ⲛ̀ϩⲏⲣⲱⲇⲓⲁⲛⲟⲥ ⲁⲩϫⲓϣⲟϫⲛⲉ ⲉ̀ⲣⲟϥ ϩⲓⲛⲁ ⲉⲩⲉ̀ⲧⲁⲕⲟϥ | Etavì ḋe èvol ǹtinou ǹje ǹfarissaios nem ǹhyrōdianos avjiṡogne èrof hina evètakof | The Pharisees went out, and immediately conspired with the Herodians against him, how they might destroy him. |
|---|
| 3:7 | ⲁⲩⲱ ⲓⲏⲥⲟⲩⲥ ⲁϥⲁⲛⲁⲭⲱⲣⲓ ⲙⲛⲛⲉϥⲙⲁⲑⲏⲧⲏⲥ ⲉⲃⲟⲗ ⲉⲧⲉⲑⲁⲗⲁⲥⲥⲁ . ⲁⲩⲱ ⲟⲩⲛⲟϭ ⲙⲙⲏⲏϣⲉ ⲉⲃⲟⲗ ϩⲛⲧⲅⲁⲗⲓⲗⲁⲓⲁ ⲁⲩⲟⲩⲁϩⲟⲩ ⲛⲥⲱϥ ⲛⲙⲧⲓⲟⲩⲇⲁⲓⲁ | ⲟⲩⲟϩ ⲓⲏⲥⲟⲩⲥ ⲁϥⲉⲣⲁⲛⲁⲭⲱⲣⲓⲛ ⲛⲉⲙ ⲛⲉϥⲙⲁⲑⲏⲧⲏⲥ ⲉ̀ⲃⲟⲗ ⲉ̀ⲧ̀ⲑⲁⲗⲁⲥⲥⲁ. Ⲟⲩⲟϩ ⲟⲩⲛⲓϣϯ ⲛ̀ⲙⲏϣ ⲉ̀ⲃⲟⲗ ϧⲉⲛ ⲧ̀ⲅⲁⲗⲓⲗⲉⲁ ⲁⲩⲟⲩⲁϩⲟⲩ ⲛ̀ⲥⲱϥ ⲛⲉⲙ ⲧⲓⲟⲩⲇⲉⲁ | ouoh iysous aferanaxōrin nem nefmaθytys èvol èt̀θalassa. Ouoh ouniṡti ǹmyṡ èvol xen t̀ġalilea avouahou ǹsōf nem tioudea | Jesus withdrew to the sea with his disciples, and a great multitude followed him from Galilee, from Judea, |
|---|
| 3:8 | ⲛⲙⲑⲓⲉⲣⲟⲥⲟⲗⲩⲙⲁ ⲁⲩⲱ ⲕⲉⲛⲟϭ ⲙⲙⲏⲏϣⲉ ⲉⲃⲟⲗ ϩⲛϯⲇⲟⲩⲙⲁⲓⲁ ⲙⲛⲡⲉⲕⲣⲟ ⲙⲡⲓⲟⲣⲇⲁⲛⲏⲥ ⲛⲙⲡⲕⲱⲧⲉ ⲛⲧⲩⲣⲟⲥ ⲛⲙⲥⲓⲇⲱⲛ ⲉⲩⲥⲱⲧⲙ ⲉⲛⲉⲧϥⲉⲓⲣⲉ ⲙⲙⲟⲟⲩ ⲁⲩⲉⲓ ϣⲁⲣⲟϥ | ⲛⲉⲙ ⲧ̀ϩⲓⲉⲣⲟⲥⲟⲗⲩⲙⲁ ⲟⲩⲟϩ ⲕⲉⲛⲓϣϯ ⲛ̀ⲙⲏϣ ⲉ̀ⲃⲟⲗ ϧⲉⲛ ⲧ̀ⲇⲟⲩⲙⲁⲓⲁ ⲛⲉⲙ ⲡ̀ⲭⲣⲟ ⲛ̀ⲡⲓⲟⲣⲇⲁⲛⲏⲥ ⲛⲉⲙ ⲡ̀ⲕⲱϯ ⲛ̀ⲧⲩⲣⲟⲥ ⲛⲉⲙ ⲥⲓⲇⲱⲛ ⲉⲩⲥⲱⲧⲉⲙ ⲉ̀ⲛⲉⲧϥⲓ̀ⲣⲓ ⲙ̀ⲙⲱⲟⲩ ⲁⲩⲓ̀ ϩⲁⲣⲟϥ | nem t̀·hierosolima ouoh keniṡti ǹmyṡ èvol xen t̀ḋoumaia nem p̀kro ǹpiordanys nem p̀kōti ǹtiros nem sidōn evsōtem ènetfìri m̀mōou avì harof | from Jerusalem, from Idumaea, beyond the Jordan, and those from around Tyre and Sidon. A great multitude, hearing what great things he did, came to him. |
|---|
| 3:9 | ⲁⲩⲱ ⲁϥϫⲟⲟⲥ ⲛⲛⲉϥⲙⲁⲑⲏⲧⲏⲥ ϫⲉⲉⲣⲉϩⲉⲛⲉϫⲏⲩ ⲡⲣⲟⲥⲕⲁⲣⲧⲉⲣⲓ ⲉⲣⲟϥ ⲉⲧⲃⲉ ⲡⲙⲏⲏϣⲉ ϫⲉⲛⲉⲩⲑⲗⲓⲃⲉ ⲙⲙⲟϥ | ⲟⲩⲟϩ ⲁϥϫⲟⲥ ⲛ̀ⲛⲉϥⲙⲁⲑⲏⲧⲏⲥ ϫⲉ ⲉ̀ⲣⲉ ϩⲁⲛⲉϫⲏⲩ ⲡ̀ⲣⲟⲥⲕⲁⲣⲧⲉⲣⲓ ⲉ̀ⲣⲟϥ ⲉⲑⲃⲉ ⲡ̀ⲙⲏϣ ϫⲉ ⲛ̀ⲛⲉⲩⲑⲗⲓⲃⲉ ⲙ̀ⲙⲟϥ | ouoh afgos ǹnefmaθytys je ère hanejyv p̀roskarteri èrof eθve p̀myṡ je ǹnevθlibe m̀mof | He spoke to his disciples that a little boat should stay near him because of the crowd, so that they wouldn't press on him. |
|---|
| 3:10 | ⲛⲁϣⲉⲛⲉⲛⲧⲁϥⲧⲁⲗϭⲟⲟⲩ ⲅⲁⲣ ϩⲱⲥⲧⲉ ⲉⲧⲣⲉⲩϯⲡⲉⲩⲟⲓ ⲉⲣⲟϥ ϫⲉⲉⲩⲉϫⲱϩ ⲉⲣⲟϥ . ⲁⲩⲱ ⲛⲉⲧⲉⲙⲙⲁⲥⲧⲓⲅⲝ ϩⲓⲱⲟⲩ | ⲛⲁϣⲉⲛⲉⲧⲁϥⲧⲁⲗϭⲟⲟⲩ ⲅⲁⲣ ϩⲱⲥⲧⲉ ⲉ̀ⲑⲣⲉⲩϯⲡⲟⲩⲟⲩⲟⲓ ⲉ̀ⲣⲟϥ ϫⲉ ⲉⲩⲉ̀ϫⲱϩ ⲉ̀ⲣⲟϥ. Ⲟⲩⲟϩ ⲛⲉ̀ⲧⲉ ⲛ̀ⲙⲁⲥⲧⲓⲅⲝ ϩⲓⲱⲧⲟⲩ | naṡenetaftalċoou ġar hōste èθrevtipououoi èrof je evègōh èrof. Ouoh nète ǹmastiġks hiōtou | For he had healed many, so that as many as had diseases pressed on him that they might touch him. |
|---|
| 3:11 | ⲙⲛⲛⲉⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲉⲩϣⲁⲛⲛⲁⲩ ⲉⲣⲟϥ ϣⲁⲩⲡⲁϩⲧⲟⲩ ϩⲁⲣⲁⲧϥ ⲛⲥⲉϫⲓϣⲕⲁⲕ ⲉⲃⲟⲗ ⲉⲩϫⲱ ⲙⲙⲟⲥ ϫⲉⲛⲧⲟⲕⲡⲉ ⲡϣⲏⲣⲉ ⲙⲡⲛⲟⲩⲧⲉ | ⲛⲉⲙ ⲛ̀ⲡ̀ⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲁⲩϣⲁⲛⲛⲁⲩ ⲉ̀ⲣⲟϥ ϣⲁⲩⲡⲁϩⲧⲟⲩ ϧⲁⲣⲁⲧϥ ⲛ̀ⲧⲟⲩϫⲓϣⲕⲁⲕ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ ϫⲉ ⲛ̀ⲑⲟⲕⲡⲉ ⲡ̀ϣⲏⲣⲓ ⲛ̀ⲫ̀ⲛⲟⲩϯ | nem ǹp̀nevma nakaθarton avṡannav èrof ṡavpahtou xaratf ǹtoujiṡkak èvol evgō m̀mos je ǹθokpe p̀ṡyri ǹf̀nouti | The unclean spirits, whenever they saw him, fell down before him, and cried, 'You are the Son of God!' |
|---|
| 3:12 | ⲁⲩⲱ ⲛⲉϥⲉⲡⲓⲧⲓⲙⲁ ⲛⲁⲩ ⲉⲙⲁⲧⲉ ϫⲉⲛⲛⲉⲩⲟⲩⲟⲛϩϥ ⲉⲃⲟⲗ . | ⲟⲩⲟϩ ⲛⲁϥⲉⲣⲉⲡⲓⲧⲓⲙⲁⲛ ⲛⲱⲟⲩ ⲉ̀ⲙⲁϣⲱ ϫⲉ ⲛ̀ⲛⲉⲩⲟⲩⲟⲛϩϥ ⲉ̀ⲃⲟⲗ. | ouoh naferepitiman nōou èmaṡō je ǹnevouonhf èvol. | He sternly warned them that they should not make him known. |
|---|
| 3:13 | ⲁϥⲃⲱⲕ ⲇⲉ ⲉϩⲣⲁⲓ ⲉⲡⲧⲟⲟⲩ ⲁⲩⲱ ⲁϥⲙⲟⲩⲧⲉ ⲉⲛⲉⲧϥⲟⲩⲁϣⲟⲩ | Ⲁϥⲃⲱⲕ ⲇⲉ ⲉϩⲣⲁⲓ ⲉ̀ⲡ̀ⲧⲱⲟⲩ ⲟⲩⲟϩ ⲁϥⲙⲟⲩϯ ⲉ̀ⲛⲉⲧϥⲟⲩⲁϣⲟⲩ | Afvōk ḋe ehrai èp̀tōou ouoh afmouti ènetfouaṡou | He went up into the mountain, and called to himself those whom he wanted, and they went to him. |
|---|
| 3:14 | ⲁϥⲛⲉϩⲙⲛⲧⲥⲛⲟⲟⲩⲥ ⲉⲃⲟⲗ [ ⲛϩⲏⲧⲟⲩ ⲛⲁⲓ ⲛⲧⲁϥϯ ⲡⲓⲛⲟⲩ ⲛⲉⲁⲡⲟⲥⲧⲟⲗⲟⲥ ] ϫⲉⲉⲩⲉϣⲱⲡⲉ ⲛⲙⲙⲁϥ ⲁⲩⲱ ⲛϥϫⲟⲟⲩⲥⲉ ⲉⲃⲟⲗ ⲉⲧⲁϣⲉⲟⲓϣ | ⲁϥⲛⲉϩ12 ⲉ̀ⲃⲟⲗ ⲛ̀ϧⲏⲧⲟⲩ ⲛⲁⲓ ⲉⲧⲁϥϯ ⲡⲓⲛⲟⲩ ⲛ̀ⲁ̀ⲡⲟⲥⲧⲟⲗⲟⲥ ϫⲉ ⲉⲩⲉ̀ϣⲱⲡⲓ ⲛⲉⲙⲁϥ ⲟⲩⲟϩ ⲛ̀ⲧⲉϥϫⲟⲟⲩⲟⲩ ⲉ̀ⲃⲟⲗ ⲉ̀ⲧⲁϣⲉⲟⲉⲓϣ | afneh12 èvol ǹxytou nai etafti pinou ǹàpostolos je evèṡōpi nemaf ouoh ǹtefgoouou èvol ètaṡeoeiṡ | He appointed twelve, that they might be with him, and that he might send them out to preach, |
|---|
| 3:15 | ⲛϥϯ ⲛⲁⲩ ⲛⲧⲉⲝⲟⲩⲥⲓⲁ ⲉⲛⲉϫⲇⲁⲓⲙⲱⲛⲓⲟⲛ ⲉⲃⲟⲗ | ⲛ̀ⲧⲉϥϯ ⲛⲱⲟⲩ ⲛ̀ⲧⲉⲝⲟⲩⲥⲓⲁ ⲉⲛⲉϫⲇⲁⲓⲙⲱⲛⲓⲟⲛ ⲉ̀ⲃⲟⲗ | ǹtefti nōou ǹteksousia enegḋaimōnion èvol | and to have authority to heal sicknesses and to cast out demons: |
|---|
| 3:16 | ⲁⲩⲱ ⲁϥⲧⲁϩⲟ ⲉⲣⲁⲧⲟⲩ ⲙⲡⲙⲛⲧⲥⲛⲟⲟⲩⲥ ⲁⲩⲱ ⲥⲓⲙⲱⲛ ⲁϥϯⲟⲩⲣⲁⲛ ⲉⲣⲟϥ ϫⲉⲡⲉⲧⲣⲟⲥ . | ⲟⲩⲟϩ ⲁϥⲧⲁϩⲟ ⲉ̀ⲣⲁⲧⲟⲩ ⲙ̀ⲡ12 ⲟⲩⲟϩ ⲥⲓⲙⲱⲛ ⲁϥϯⲟⲩⲣⲁⲛ ⲉ̀ⲣⲟϥ ϫⲉ ⲡⲉⲧⲣⲟⲥ. | ouoh aftaho èratou m̀p12 ouoh simōn aftiouran èrof je petros. | Simon, to whom he gave the name Peter; |
|---|
| 3:17 | ⲁⲩⲱ ⲓⲁⲕⲱⲃⲟⲥ ⲡϣⲏⲣⲉ ⲛⲍⲉⲃⲉⲇⲁⲓⲟⲥ ⲛⲙⲓⲱϩⲁⲛⲏⲥ ⲡⲥⲟⲛ ⲛⲓⲁⲕⲱⲃⲟⲥ . ⲁϥϯϩⲉⲛⲣⲁⲛ ⲉⲣⲟⲟⲩ ϫⲉⲃⲟⲁⲛⲏⲣⲅⲉⲥ ⲉⲧⲉⲡⲁⲓⲡⲉ ⲛϣⲏⲣⲉ ⲙⲡⲉϩⲣⲟⲩⲃⲃⲁⲉⲓ . | Ⲟⲩⲟϩ ⲓⲁⲕⲱⲃⲟⲥ ⲡ̀ϣⲏⲣⲓ ⲛ̀ⲍⲉⲃⲉⲇⲉⲟⲥ ⲛⲉⲙ ⲓⲱϩⲁⲛⲏⲥ ⲡ̀ⲥⲟⲛ ⲛ̀ⲓⲁⲕⲱⲃⲟⲥ. Ⲁϥϯϩⲁⲛⲣⲁⲛ ⲉ̀ⲣⲱⲟⲩ ϫⲉ ⲃⲟⲁⲛⲏⲣⲅⲉⲥ ⲉ̀ⲧⲉ ⲫⲁⲓⲡⲉ ⲛ̀ϣⲏⲣⲓ ⲛ̀ⲡ̀ϩⲣⲟⲩⲃⲃⲁⲉⲓ. | Ouoh iakōbos p̀ṡyri ǹzebedeos nem iōhanys p̀·son ǹiakōbos. Aftihanran èrōou je boanyrges ète faipe ǹṡyri ǹp̀hroubbaei. | James the son of Zebedee; John, the brother of James, and he surnamed them Boanerges, which means, Sons of Thunder; |
|---|
| 3:18 | ⲁⲩⲱ ⲁⲛⲇⲣⲉⲁⲥ ⲛⲙⲫⲓⲗⲓⲡⲡⲟⲥ ⲛⲙⲃⲁⲣⲑⲟⲗⲟⲙⲁⲓⲟⲥ . ⲙⲛⲙⲁⲑⲁⲓⲟⲥ . ⲛⲙⲑⲱⲙⲁⲥ ⲁⲩⲱ ⲓⲁⲕⲱⲃⲟⲥ ⲡϣⲏⲣⲉ ⲛⲁⲗⲫⲁⲓⲟⲥ ⲙⲛⲑⲁⲇⲇⲁⲓⲟⲥ ⲁⲩⲱ ⲥⲓⲙⲱⲛ ⲡⲕⲁⲛⲁⲛⲁⲓⲟⲥ | Ⲟⲩⲟϩ ⲁⲛⲇⲣⲉⲁⲥ ⲛⲉⲙ ⲫⲓⲗⲓⲡⲡⲟⲥ ⲛⲉⲙ ⲃⲁⲣⲑⲟⲗⲟⲙⲁⲓⲟⲥ. Ⲛⲉⲙ ⲙⲁⲑⲁⲓⲟⲥ. Ⲛⲉⲙ ⲑⲱⲙⲁⲥ ⲟⲩⲟϩ ⲓⲁⲕⲱⲃⲟⲥ ⲡ̀ϣⲏⲣⲓ ⲛ̀ⲁⲗⲫⲁⲓⲟⲥ ⲛⲉⲙ ⲑⲁⲇⲇⲁⲓⲟⲥ ⲟⲩⲟϩ ⲥⲓⲙⲱⲛ ⲡ̀ⲕⲁⲛⲁⲛⲁⲓⲟⲥ | Ouoh andreas nem filippos nem barθolomaios. Nem maθaios. Nem θōmas ouoh iakōbos p̀ṡyri ǹalfaios nem θaddaios ouoh simōn p̀kananaios | Andrew; Philip; Bartholomew; Matthew; Thomas; James, the son of Alphaeus; Thaddaeus; Simon the Zealot; |
|---|
| 3:19 | ⲛⲙⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲡⲉⲛⲧⲁϥⲡⲁⲣⲁⲇⲓⲇⲟⲩ ⲙⲙⲟϥ | ⲛⲉⲙ ⲓⲟⲩⲇⲁⲥ ⲡⲓⲥⲕⲁⲣⲓⲱⲧⲏⲥ ⲡⲉⲧⲁϥⲡⲁⲣⲁⲇⲓⲇⲟⲩ ⲙ̀ⲙⲟϥ | nem ioudas piskariōtys petafparaḋiḋou m̀mof | and Judas Iscariot, who also betrayed him. |
|---|
| 3:20 | ⲁⲩⲱ ⲁϥⲉⲓ ⲉϩⲟⲩⲛ ⲉⲡⲏⲉⲓ ⲁⲡⲙⲏⲏϣⲉ ⲟⲛ ⲥⲱⲟⲩϩ ⲉⲣⲟϥ ϩⲱⲥⲧⲉ ⲛⲥⲉⲧⲙⲥⲣϥⲉ ⲉⲟⲩⲉⲙⲡⲉⲩⲟⲉⲓⲕ | ⲟⲩⲟϩ ⲁϥⲓ̀ ⲉ̀ϧⲟⲩⲛ ⲉ̀ⲡ̀ⲏⲓ ⲁ ⲡ̀ⲙⲏϣ ⲟⲛ ⲥⲱⲟⲩϩ ⲉ̀ⲣⲟϥ ϩⲱⲥⲧⲉ ⲛ̀ⲧⲟⲩϣⲧⲉⲙⲥⲣϥⲉ ⲉ̀ⲟⲩⲉⲙⲡⲟⲩⲱⲓⲕ | ouoh afì èxoun èp̀yi a p̀myṡ on sōouh èrof hōste ǹtouṡtemsrfe èouempouōik | He came into a house. The multitude came together again, so that they could not so much as eat bread. |
|---|
| 3:21 | ⲛⲧⲉⲣⲟⲩⲥⲱⲧⲙ ⲇⲉ ⲛϭⲓ ⲛⲉϥⲣⲱⲙⲉ ⲁⲩⲉⲓ ⲉⲃⲟⲗ ⲉⲁⲙⲁϩⲧⲉ ⲙⲙⲟϥ ⲛⲉⲩϫⲱ ⲅⲁⲣ ⲙⲙⲟⲥ ϫⲉⲁⲡⲉϥϩⲏⲧ ⲡⲱϣⲥ . | ⲉⲧⲁⲩⲥⲱⲧⲉⲙ ⲇⲉ ⲛ̀ϫⲉ ⲛⲉϥⲣⲱⲙⲓ ⲁⲩⲓ̀ ⲉ̀ⲃⲟⲗ ⲉⲁⲙⲁϩⲧⲉ ⲙ̀ⲙⲟϥ ⲛⲁⲩϫⲱ ⲅⲁⲣ ⲙ̀ⲙⲟⲥ ϫⲉ ⲁⲡⲉϥϩⲏⲧ ⲫⲱϣⲥ. | etavsōtem ḋe ǹje nefrōmi avì èvol eamahte m̀mof navgō ġar m̀mos je apefhyt fōṡs. | When his friends heard it, they went out to seize him: for they said, 'He is insane.' |
|---|
| 3:22 | ⲁⲩⲱ ⲛⲉⲅⲣⲁⲙⲙⲁⲧⲉⲩⲥ ⲛⲧⲁⲩⲉⲓ ⲉⲃⲟⲗ ϩⲛ ⲧϩⲓⲉⲣⲟⲥⲟⲗⲩⲙⲁ ⲛⲉⲩϫⲱ ⲙⲙⲟⲥ ϫⲉⲉⲣⲉⲃⲉⲉⲗⲍⲉⲃⲟⲩⲗ ⲛⲙⲙⲁϥ ⲁⲩⲱ ϩⲙⲡⲁⲣⲭⲱⲛ ⲛⲛⲇⲁⲓⲙⲱⲛⲓⲟⲛ ⲉϥⲛⲉϫⲇⲁⲓⲙⲱⲛⲓⲟⲛ ⲉⲃⲟⲗ | Ⲟⲩⲟϩ ⲛ̀ⲅⲣⲁⲙⲙⲁⲧⲉⲩⲥ ⲉⲧⲁⲩⲓ̀ ⲉ̀ⲃⲟⲗ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ ⲛⲁⲩϫⲱ ⲙ̀ⲙⲟⲥ ϫⲉ ⲉ̀ⲣⲉⲃⲉⲉⲗⲍⲉⲃⲟⲩⲗ ⲛⲉⲙⲁϥ ⲟⲩⲟϩ ϧⲉⲛ ⲡⲁⲣⲭⲱⲛ ⲛ̀ⲛ̀ⲇⲁⲓⲙⲱⲛⲓⲟⲛ ⲉϥⲛⲉϫⲇⲁⲓⲙⲱⲛⲓⲟⲛ ⲉ̀ⲃⲟⲗ | Ouoh ǹġrammatevs etavì èvol xen t̀·hierosolima navgō m̀mos je èrebeelzeboul nemaf ouoh xen parxōn ǹǹḋaimōnion efnegḋaimōnion èvol | The scribes who came down from Jerusalem said, 'He has Beelzebul,' and, 'By the prince of the demons he casts out the demons.' |
|---|
| 3:23 | ⲁϥⲙⲟⲩⲧⲉ ⲇⲉ ⲉⲣⲟⲟⲩ ⲁϥϣⲁϫⲉ ⲛⲙⲙⲁⲩ ϩⲛϩⲉⲛⲡⲁⲣⲁⲃⲟⲗⲏ ⲉϥϫⲱ ⲙⲙⲟⲥ ϫⲉⲛⲁϣ ⲛϩⲉ ⲡⲥⲁⲧⲁⲛⲁⲥ ϥⲛⲁⲛⲉϫⲡⲥⲁⲧⲁⲛⲁⲥ ⲉⲃⲟⲗ | ⲁϥⲙⲟⲩϯ ⲇⲉ ⲉ̀ⲣⲱⲟⲩ ⲁϥⲥⲁϫⲓ ⲛⲉⲙⲁⲟⲩ ϧⲉⲛ ϩⲁⲛⲡⲁⲣⲁⲃⲟⲗⲏ ⲉϥϫⲱ ⲙ̀ⲙⲟⲥ ϫⲉ ⲛ̀ⲁϣ ⲛ̀ⲣⲏϯ ⲡ̀ⲥⲁⲧⲁⲛⲁⲥ ϥ̀ⲛⲁⲛⲉϫⲡ̀ⲥⲁⲧⲁⲛⲁⲥ ⲉ̀ⲃⲟⲗ | afmouti ḋe èrōou afsaji nemaou xen hanparaboly efgō m̀mos je ǹaṡ ǹryti p̀·satanas f̀nanegp̀·satanas èvol | He summoned them, and said to them in parables, 'How can Satan cast out Satan? |
|---|
| 3:24 | ⲁⲩⲱ ⲉⲣϣⲁⲛⲟⲩⲙⲛⲧⲣⲣⲟ ⲡⲱⲣϫ ⲉⲛⲉⲥⲉⲣⲏⲩ ⲛⲥⲛⲁϣⲁϩⲉ ⲁⲛ ⲉⲣⲁⲧⲥ ⲛϭⲓ ⲧⲙⲛⲧⲣⲣⲟ ⲉⲧⲙⲙⲁⲩ . | ⲟⲩⲟϩ ⲉⲣϣⲁⲛⲟⲩⲙⲉⲧⲟⲩⲣⲟ ⲫⲱⲣϫ ⲉ̀ⲛⲉⲥⲉⲣⲏⲟⲩ ⲛ̀ⲥⲛⲁϣⲁϩⲉ ⲁⲛ ⲉ̀ⲣⲁⲧⲥ ⲛ̀ϫⲉ ⲧ̀ⲙⲉⲧⲟⲩⲣⲟ ⲉ̀ⲧⲉ ⲙ̀ⲙⲁⲩ. | ouoh erṡanoumetouro fōrg èneseryou ǹsnaṡahe an èrats ǹje t̀metouro ète m̀mav. | If a kingdom is divided against itself, that kingdom cannot stand. |
|---|
| 3:25 | ⲁⲩⲱ ⲉⲣϣⲁⲛⲟⲩⲏⲉⲓ ⲡⲱⲣϫ ⲉⲛⲉϥⲉⲣⲏⲩ ⲛⲛⲉϣⲡⲏⲉⲓ ⲉⲧⲙⲙⲁⲩ ⲁϩⲉⲣⲁⲧϥ . | Ⲟⲩⲟϩ ⲉⲣϣⲁⲛⲟⲩⲏⲓ ⲫⲱⲣϫ ⲉ̀ⲛⲉϥⲉⲣⲏⲟⲩ ⲛ̀ⲛⲉϣⲡⲏⲓ ⲉ̀ⲧⲉ ⲙ̀ⲙⲁⲩ ⲁϩⲉⲣⲁⲧϥ. | Ouoh erṡanouyi fōrg èneferyou ǹneṡpyi ète m̀mav aheratf. | If a house is divided against itself, that house cannot stand. |
|---|
| 3:26 | ⲁⲩⲱ ⲉϣϫⲉ ⲡⲥⲁⲧⲁⲛⲁⲥ ⲁϥⲧⲱⲟⲩⲛ ⲛⲧⲟϥ ⲉϫⲱϥ ⲁⲩⲱ ⲁϥⲡⲱⲣϫ ⲛⲛⲉϥⲉϣⲁϩⲉⲣⲁⲧϥ . ⲁⲗⲗⲁ ⲁⲧⲉϥϩⲁⲏ ϣⲱⲡⲉ . | Ⲟⲩⲟϩ ⲓⲥϫⲉ ⲡ̀ⲥⲁⲧⲁⲛⲁⲥ ⲁϥⲧⲱⲟⲩⲛ ⲛ̀ⲑⲟϥ ⲉ̀ϫⲱϥ ⲟⲩⲟϩ ⲁϥⲫⲱⲣϫ ⲛ̀ⲛⲉϥⲉϣⲁϩⲉⲣⲁⲧϥ. Ⲁⲗⲗⲁ ⲁⲧⲉϥϩⲁⲏ ϣⲱⲡⲓ. | Ouoh isje p̀·satanas aftōoun ǹθof ègōf ouoh affōrg ǹnefeṡaheratf. Alla atefhay ṡōpi. | If Satan has risen up against himself, and is divided, he can't stand, but has an end. |
|---|
| 3:27 | ⲁⲗⲗⲁ ⲙⲛⲗⲁⲁⲩ ⲛⲁϣⲃⲱⲕ ⲉϩⲟⲩⲛ ⲉⲡⲏⲉⲓ ⲙⲡϫⲱⲱⲣⲉ ⲛϥⲧⲱⲣⲡ ⲛⲛⲉϥϩⲛⲁⲟⲩ ⲉϥⲧⲙⲙⲟⲩⲣ ⲛϣⲟⲣⲡ ⲙⲡϫⲱⲱⲣ . ⲁⲩⲱ ⲧⲟⲧⲉ ⲛϥⲧⲱⲣⲡ ⲙⲡⲉϥⲏⲉⲓ . | Ⲁⲗⲗⲁ ⲙ̀ⲙⲟⲛ ⲗⲁⲁⲩ ⲛⲁϣⲃⲱⲕ ⲉ̀ϧⲟⲩⲛ ⲉ̀ⲡ̀ⲏⲓ ⲛ̀ⲡ̀ϫⲱⲣ ⲛ̀ⲧⲉϥϩⲱⲗⲉⲙ ⲛ̀ⲛⲉϥϩⲛⲁⲩ ⲉϥϣⲧⲉⲙⲙⲟⲩⲣ ⲛ̀ϣⲟⲣⲡ ⲛ̀ⲡ̀ϫⲱⲱⲣ. Ⲟⲩⲟϩ ⲧⲟⲧⲉ ⲛ̀ⲧⲉϥϩⲱⲗⲉⲙ ⲛ̀ⲡⲉϥⲏⲓ. | Alla m̀mon laav naṡvōk èxoun èp̀yi ǹp̀gōr ǹtefhōlem ǹnefhnav efṡtemmour ǹṡorp ǹp̀gōōr. Ouoh tote ǹtefhōlem ǹpefyi. | But no one can enter into the house of the strong man to plunder, unless he first binds the strong man; and then he will plunder his house. |
|---|
| 3:28 | ϩⲁⲙⲏⲛ ϯϫⲱ ⲙⲙⲟⲥ ⲛⲏⲧⲛ ϫⲉⲛⲟⲃⲉ ⲛⲓⲙ ϩⲓⲟⲩⲁ ⲛⲓⲙ ⲉⲧⲟⲩⲛⲁϫⲟⲟⲩ ⲛϭⲓⲛϣⲏⲣⲉ ⲛⲣⲣⲱⲙⲉ ⲥⲉⲛⲁⲕⲁⲁⲩ ⲛⲁⲩ ⲉⲃⲟⲗ | Ⲁ̀ⲙⲏⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲛⲟⲃⲓ ⲛⲓⲃⲉⲛ ϩⲓⲟⲩⲁⲓ ⲛⲓⲃⲉⲛ ⲉⲧⲟⲩⲛⲁϫⲟⲟⲩ ⲛ̀ϫⲉ ⲛ̀ϣⲏⲣⲓ ⲛ̀ⲛ̀ⲣⲱⲙⲓ ⲥⲉⲛⲁⲭⲁⲩ ⲛⲱⲟⲩ ⲉ̀ⲃⲟⲗ | Àmyn tigō m̀mos nōten je novi niven hiouai niven etounagoou ǹje ǹṡyri ǹǹrōmi senakav nōou èvol | Most certainly I tell you, all sins of the descendants of man will be forgiven, including their blasphemies with which they may blaspheme; |
|---|
| 3:29 | ⲡⲉⲧⲛⲁϫⲓⲟⲩⲁ ⲇⲉ ⲉⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲙⲙⲛⲧϥ ⲕⲱ ⲉⲃⲟⲗ ϣⲁⲉⲛⲉϩ ⲁⲗⲗⲁ ϥϭⲏⲡ ⲉⲩⲛⲟⲃⲉ ϣⲁⲉⲛⲉϩ . | ⲡⲉⲧⲛⲁϫⲓⲟⲩⲁ ⲇⲉ ⲉ̀ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲙⲙⲟⲛⲧⲉϥ ⲭⲱ ⲉ̀ⲃⲟⲗ ϣⲁ ⲉ̀ⲛⲉϩ ⲁⲗⲗⲁ ϥ̀ϭⲏⲡ ⲉ̀ⲟⲩⲛⲟⲃⲓ ϣⲁ ⲉ̀ⲛⲉϩ. | petnajioua ḋe èpip̀nevma eθouab mmontef kō èvol ṡa èneh alla f̀ċyp èounovi ṡa èneh. | but whoever may blaspheme against the Holy Spirit never has forgiveness, but is guilty of an eternal sin' |
|---|
| 3:30 | ⲉⲃⲟⲗ ϫⲉⲥⲉϫⲱ ⲙⲙⲟⲥ ϫⲉⲟⲩⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲙⲙⲁϥ . | Ⲉ̀ⲃⲟⲗ ϫⲉ ⲥⲉϫⲱ ⲙ̀ⲙⲟⲥ ϫⲉ ⲟⲩⲡ̀ⲛⲉⲩⲙⲁ ⲛⲁⲕⲁⲑⲁⲣⲧⲟⲛ ⲛⲉⲙⲁϥ. | Èvol je segō m̀mos je oup̀nevma nakaθarton nemaf. | --because they said, 'He has an unclean spirit.' |
|---|
| 3:31 | ⲁⲩⲱ ⲁⲩⲉⲓ ⲛϭⲓⲧⲉϥⲙⲁⲁⲩ ⲙⲛⲛⲉϥⲥⲛⲏⲩ ⲁⲩⲁϩⲉⲣⲁⲧⲟⲩ ϩⲓⲃⲟⲗ ⲁⲩⲱ ⲁⲩϫⲟⲟⲩ ⲛⲁϥ ⲉϩⲟⲩⲛ ⲉⲩⲙⲟⲩⲧⲉ ⲉⲣⲟϥ | Ⲟⲩⲟϩ ⲁⲩⲓ̀ ⲛ̀ϫⲉ ⲧⲉϥⲙⲁⲩ ⲛⲉⲙ ⲛⲉϥⲥ̀ⲛⲏⲟⲩ ⲁⲩⲁϩⲉⲣⲁⲧⲟⲩ ϩⲓⲃⲟⲗ ⲟⲩⲟϩ ⲁⲩϫⲟⲟⲩ ⲛⲁϥ ⲉ̀ϧⲟⲩⲛ ⲉⲩⲙⲟⲩϯ ⲉ̀ⲣⲟϥ | Ouoh avì ǹje tefmav nem nefs̀nyou avaheratou hivol ouoh avgoou naf èxoun evmouti èrof | His mother and his brothers came, and standing outside, they sent to him, calling him. |
|---|
| 3:32 | ⲁⲩⲱ ⲛⲉϥϩⲙⲟⲟⲥ ϩⲙⲡⲉϥⲕⲱⲧⲉ ⲛϭⲓⲟⲩⲙⲏⲏϣⲉ ⲡⲉϫⲁⲩ ⲇⲉ ⲛⲁⲩ ϫⲉⲉⲓⲥⲧⲉⲕⲙⲁⲁⲩ ⲙⲛⲛⲉⲕⲥⲛⲏⲩ ⲥⲉⲕⲱⲧⲉ ⲛⲥⲱⲕ ϩⲓⲃⲟⲗ | ⲟⲩⲟϩ ⲛⲁϥϩⲉⲙⲥⲓ ϧⲉⲛ ⲡⲉϥⲕⲱϯ ⲛ̀ϫⲉ ⲟⲩⲙⲏϣ ⲡⲉϫⲁⲩ ⲇⲉ ⲛⲱⲟⲩ ϫⲉ ⲓⲥⲧⲉⲕⲙⲁⲩ ⲛⲉⲙ ⲛⲉⲕⲥ̀ⲛⲏⲟⲩ ⲥⲉⲕⲱϯ ⲛ̀ⲥⲱⲕ ϩⲓⲃⲟⲗ | ouoh nafhemsi xen pefkōti ǹje oumyṡ pegav ḋe nōou je istekmav nem nek·s̀nyou sekōti ǹsōk hivol | A multitude was sitting around him, and they told him, 'Behold, your mother, your brothers, and your sisters are outside looking for you.' |
|---|
| 3:33 | ⲁϥⲟⲩⲱϣⲃ ⲇⲉ ⲉϥϫⲱ ⲙⲙⲟⲥ ⲛⲁⲩ ϫⲉ ⲛⲓⲙⲧⲉ ⲧⲁⲙⲁⲁⲩ ⲁⲩⲱ ⲛⲓⲙⲛⲉ ⲛⲁⲥⲛⲏⲩ | ⲁϥⲉⲣⲟⲩⲱ ⲇⲉ ⲉϥϫⲱ ⲙ̀ⲙⲟⲥ ⲛⲱⲟⲩ ϫⲉ ⲛⲓⲙⲧⲉ ⲧⲁⲙⲁⲩ ⲟⲩⲟϩ ⲛⲓⲙⲛⲉ ⲛⲁⲥ̀ⲛⲏⲟⲩ | aferouō ḋe efgō m̀mos nōou je nimte tamav ouoh nimne nas̀nyou | He answered them, 'Who are my mother and my brothers?' |
|---|
| 3:34 | ⲁϥϭⲱϣⲧ ⲉⲛⲉⲧⲙⲡⲉϥⲕⲱⲧⲉ ⲉⲧϩⲙⲟⲟⲥ ϩⲁϩⲧⲏϥ . ⲡⲉϫⲁϥ ϫⲉⲉⲓⲥⲧⲁⲙⲁⲁⲩ ⲁⲩⲱ ⲛⲁⲥⲛⲏⲩ . | ⲁϥϫⲟⲩϣⲧ ⲉ̀ⲛⲉⲧⲛⲡⲉϥⲕⲱϯ ⲉⲧϩⲉⲙⲥⲓ ϧⲁⲧⲟⲧϥ. Ⲡⲉϫⲁϥ ϫⲉ ⲓⲥⲧⲁⲙⲁⲩ ⲟⲩⲟϩ ⲛⲁⲥ̀ⲛⲏⲟⲩ. | afgouṡt ènetnpefkōti et·hemsi xatotf. Pegaf je istamav ouoh nas̀nyou. | Looking around at those who sat around him, he said, 'Behold, my mother and my brothers! |
|---|
| 3:35 | ⲡⲉⲧⲛⲁⲉⲓⲣⲉ ⲅⲁⲣ ⲙⲡⲟⲩⲱϣ ⲙⲡⲛⲟⲩⲧⲉ . ⲡⲁⲓⲡⲉ ⲡⲁⲥⲟⲛ ⲁⲩⲱ ⲧⲁⲥⲱⲛⲉ ⲁⲩⲱ ⲧⲁⲙⲁⲁⲩ . | Ⲡⲉⲧⲛⲁⲓ̀ⲣⲓ ⲅⲁⲣ ⲛ̀ⲡ̀ⲟⲩⲱϣ ⲛ̀ⲫ̀ⲛⲟⲩϯ. Ⲫⲁⲓⲡⲉ ⲡⲁⲥⲟⲛ ⲟⲩⲟϩ ⲧⲁⲥⲱⲛⲓ ⲟⲩⲟϩ ⲧⲁⲙⲁⲩ. | Petnaìri ġar ǹp̀ouōṡ ǹf̀nouti. Faipe pason ouoh tasōni ouoh tamav. | For whoever does the will of God, the same is my brother, and my sister, and mother.' |
|---|