02_Mark_05 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 02_Mark_05

Attribution: 02_Mark_05 from Coptic SCRIPTORIUM (https://copticscriptorium.org), corpus bohairic.nt, document 02_Mark_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

43 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
5:1	ⲟⲩⲟϩ ⲁϥⲓ ⲉⲙⲏⲣ ⲉⲫⲓⲟⲙ ⲉⲧⲭⲱⲣⲁ ⲛⲧⲉⲛⲓⲅⲉⲣⲅⲉⲥⲏⲛⲟⲥ	ⲟⲩⲟϩ ⲁϥⲓ̀ ⲉ̀ⲙⲏⲣ ⲉ̀ⲫ̀ⲓⲟⲙ ⲉⲧ̀ⲭⲱⲣⲁ ⲛ̀ⲧⲉ ⲛⲓⲅⲉⲣⲅⲉⲥⲏⲛⲟⲥ	ouoh afì èmyr èf̀iom et̀xōra ǹte nigergesynos	They came to the other side of the sea, into the country of the Gadarenes.
5:2	ⲟⲩⲟϩ ⲉⲧⲁϥⲓ ⲉⲃⲟⲗ ϧⲉⲛⲡⲓϫⲟⲓ ⲥⲁⲧⲟⲧϥ ⲁϥⲓ ⲉϧⲟⲩⲛ ⲉϩⲣⲁϥ ⲉⲃⲟⲗ ϧⲉⲛⲛⲓⲙϩⲁⲩ ⲛϫⲉⲟⲩⲣⲱⲙⲓ ⲉϥϧⲉⲛ ⲟⲩⲡⲛⲉⲩⲙⲁⲛⲁⲕⲁⲑⲁⲣⲧⲟⲛ	ⲟⲩⲟϩ ⲉ̀ⲧⲁϥⲓ̀ ⲉ̀ⲃⲟⲗ ϧⲉⲛ ⲡⲓϫⲟⲓ ⲥⲁⲧⲟⲧϥ ⲁϥⲓ̀ ⲉ̀ϧⲟⲩⲛ ⲉ̀ϩ̀ⲣⲁϥ ⲉ̀ⲃⲟⲗ ϧⲉⲛ ⲛⲓⲙ̀ϩⲁⲩ ⲛ̀ϫⲉ ⲟⲩⲣⲱⲙⲓ ⲉϥ ϧⲉⲛ ⲟⲩⲡⲛⲉⲩⲙⲁⲛⲁⲕⲁⲑⲁⲣⲧⲟⲛ	ouoh ètafì èvol xen pigoi satotf afì èxoun èh̀raf èvol xen nim̀hav ǹje ourōmi ef xen oupnevmanakaθarton	When he had come out of the boat, immediately a man with an unclean spirit met him out of the tombs.
5:3	ⲫⲏ ⲉⲛⲁⲣⲉⲡⲉϥⲙⲁⲛϣⲱⲡⲓ ϣⲟⲡ ϧⲉⲛⲛⲓⲙϩⲁⲩ ⲟⲩⲟϩ ⲟⲩⲇⲉ ϧⲉⲛⲛⲓⲕⲉϩⲁⲗⲩⲥⲓⲥ ⲙⲙⲟⲛ ϣϫⲟⲙ ⲛϩⲗⲓ ⲡⲉ ⲉⲥⲟⲛϩϥ	ⲫⲏ ⲉⲛⲁⲣⲉ ⲡⲉϥⲙⲁⲛϣⲱⲡⲓ ϣⲟⲡ ϧⲉⲛ ⲛⲓⲙ̀ϩⲁⲩ ⲟⲩⲟϩ ⲟⲩⲇⲉ ϧⲉⲛ ⲛⲓⲕⲉϩⲁⲗⲩⲥⲓⲥ ⲙ̀ⲙⲟⲛ ϣ̀ϫⲟⲙ ⲛ̀ϩ̀ⲗⲓ ⲡⲉ ⲉ̀ⲥⲟⲛϩϥ	fy enare pefmanṡōpi ṡop xen nim̀hav ouoh ouḋe xen nikehalisis m̀mon ṡ̀gom ǹh̀li pe èsonhf	He lived in the tombs. Nobody could bind him any more, not even with chains,
5:4	ⲉⲑⲃⲉϫⲉ ⲛⲉⲁⲩⲥⲟⲛϩϥ ⲛⲟⲩⲙⲏϣ ⲛⲥⲟⲡ ⲛϩⲁⲛⲡⲉⲇⲏⲥ ⲛⲉⲙϩⲁⲛϩⲁⲗⲩⲥⲓⲥ ⲟⲩⲟϩ ⲛⲧⲉϥⲥⲱⲗⲡ ⲛⲛⲓϩⲁⲗⲩⲥⲓⲥ ⲉⲃⲟⲗ ϩⲓⲧⲟⲧϥ ⲟⲩⲟϩ ⲛⲥⲉϧⲟⲙϧⲉⲙ ⲛϫⲉⲛⲓⲡⲉⲇⲏⲥ ⲟⲩⲟϩ ⲛⲉⲙⲙⲟⲛ ϣϫⲟⲙ ⲛⲧⲉϩⲗⲓ ⲉⲣⲇⲁⲙⲁⲍⲓⲛ ⲙⲙⲟϥ	ⲉⲑⲃⲉ ϫⲉ ⲛⲉ ⲁⲩⲥⲟⲛϩϥ ⲛ̀ⲟⲩⲙⲏϣ ⲛ̀ⲥⲟⲡ ⲛ̀ϩⲁⲛⲡⲉⲇⲏⲥ ⲛⲉⲙ ϩⲁⲛϩⲁⲗⲩⲥⲓⲥ ⲟⲩⲟϩ ⲛ̀ⲧⲉϥⲥⲱⲗⲡ ⲛ̀ⲛⲓϩⲁⲗⲩⲥⲓⲥ ⲉ̀ⲃⲟⲗ ϩⲓⲧⲟⲧϥ ⲟⲩⲟϩ ⲛ̀ⲧⲟⲩϧⲟⲙϧⲉⲙ ⲛ̀ϫⲉ ⲛⲓⲡⲉⲇⲏⲥ ⲟⲩⲟϩ ⲛⲉ ⲙ̀ⲙⲟⲛ ϣ̀ϫⲟⲙ ⲛ̀ⲧⲉ ϩ̀ⲗⲓ ⲉⲣⲇⲁⲙⲁⲍⲓⲛ ⲙ̀ⲙⲟϥ	eθve je ne avsonhf ǹoumyṡ ǹsop ǹhanpeḋys nem hanhalisis ouoh ǹtefsōlp ǹnihalisis èvol hitotf ouoh ǹtouxomxem ǹje nipeḋys ouoh ne m̀mon ṡ̀gom ǹte h̀li erḋamazin m̀mof	because he had been often bound with fetters and chains, and the chains had been torn apart by him, and the fetters broken in pieces. Nobody had the strength to tame him.
5:5	ⲟⲩⲟϩ ⲛⲥⲏⲟⲩ ⲛⲓⲃⲉⲛ ⲙⲡⲓⲉϫⲱⲣϩ ⲛⲉⲙⲡⲓⲉϩⲟⲟⲩ ⲉϥⲭⲏ ϧⲉⲛⲛⲓⲙϩⲁⲩ ⲟⲩⲟϩ ⲛⲁϥⲭⲏ ϧⲉⲛⲛⲓⲧⲱⲟⲩ ⲡⲉ ⲉϥⲱϣ ⲉⲃⲟⲗ ⲟⲩⲟϩ ⲉϥϣⲱⲧ ⲙⲙⲟϥ ⲛϩⲁⲛⲱⲛⲓ .	ⲟⲩⲟϩ ⲛ̀ⲥⲏⲟⲩ ⲛⲓⲃⲉⲛ ⲛ̀ⲡⲓⲉϫⲱⲣϩ ⲛⲉⲙ ⲡⲓⲉ̀ϩⲟⲟⲩ ⲉϥⲭⲏ ϧⲉⲛ ⲛⲓⲙ̀ϩⲁⲩ ⲟⲩⲟϩ ⲛⲁϥⲭⲏ ϧⲉⲛ ⲛⲓⲧⲱⲟⲩ ⲡⲉ ⲉϥⲱϣ ⲉ̀ⲃⲟⲗ ⲟⲩⲟϩ ⲉϥϣⲱⲧ ⲙ̀ⲙⲟϥ ⲛ̀ϩⲁⲛⲱⲛⲓ.	ouoh ǹsyou niven ǹpiegōrh nem pièhoou efky xen nim̀hav ouoh nafky xen nitōou pe efōṡ èvol ouoh efṡōt m̀mof ǹhanōni.	Always, night and day, in the tombs and in the mountains, he was crying out, and cutting himself with stones.
5:6	ⲟⲩⲟϩ ⲉⲧⲁϥⲛⲁⲩ ⲉⲓⲏⲥⲟⲩⲥ ⲓⲥϫⲉⲛ ϩⲓⲫⲟⲩⲉⲓ ⲁϥϭⲟϫⲓ ⲟⲩⲟϩ ⲁϥⲟⲩⲱϣⲧ ⲙⲙⲟϥ	Ⲟⲩⲟϩ ⲉⲧⲁϥⲛⲁⲩ ⲉ̀ⲓⲏⲥⲟⲩⲥ ⲓⲥϫⲉⲛ ϩⲓ ⲫ̀ⲟⲩⲉⲓ ⲁϥϭⲟϫⲓ ⲟⲩⲟϩ ⲁϥⲟⲩⲱϣⲧ ⲙ̀ⲙⲟϥ	Ouoh etafnav èiysous isjen hi f̀ouei afċoji ouoh afouōṡt m̀mof	When he saw Jesus from afar, he ran and bowed down to him,
5:7	ⲟⲩⲟϩ ⲉⲧⲁϥⲱϣ ⲉⲃⲟⲗ ϧⲉⲛⲟⲩⲛⲓϣϯ ⲛⲥⲙⲏ ⲟⲩⲟϩ ⲡⲉϫⲁϥ ϫⲉⲁϧⲟⲕ ⲛⲉⲙⲏⲓ ϩⲱⲕ ⲓⲏⲥⲟⲩⲥ ⲡϣⲏⲣⲓ ⲙⲫⲛⲟⲩϯ ⲉⲧϭⲟⲥⲓ ϯⲧⲁⲣⲕⲟ ⲙⲙⲟⲕ ⲙⲫⲛⲟⲩϯ ⲙⲡⲉⲣϯϭⲗⲁⲕ ⲛⲏⲓ .	ⲟⲩⲟϩ ⲉ̀ⲧⲁϥⲱϣ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ⲟⲩⲟϩ ⲡⲉϫⲁϥ ϫⲉ ⲁϧⲟⲕ ⲛⲉⲙⲏⲓ ϩⲱⲕ ⲓⲏⲥⲟⲩⲥ ⲡ̀ϣⲏⲣⲓ ⲛ̀ⲫ̀ⲛⲟⲩϯ ⲉⲧϭⲟⲥⲓ ϯⲧⲁⲣⲕⲟ ⲙ̀ⲙⲟⲕ ⲛ̀ⲫ̀ⲛⲟⲩϯ ⲙ̀ⲡⲉⲣϯϭⲗⲁⲕ ⲛⲏⲓ.	ouoh ètafōṡ èvol xen ouniṡti ǹs̀my ouoh pegaf je axok nemyi hōk iysous p̀ṡyri ǹf̀nouti etċosi titarko m̀mok ǹf̀nouti m̀pertiċlak nyi.	and crying out with a loud voice, he said, 'What have I to do with you, Jesus, you Son of the Most High God? I adjure you by God, don't torment me.'
5:8	ⲛⲁϥϫⲱ ⲅⲁⲣ ⲙⲙⲟⲥ ⲡⲉ ϫⲉⲁⲙⲟⲩ ⲉⲃⲟⲗ ⲡⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ϧⲉⲛⲡⲓⲣⲱⲙⲓ .	Ⲛⲁϥϫⲱ ⲅⲁⲣ ⲙ̀ⲙⲟⲥ ⲡⲉ ϫⲉ ⲁ̀ⲙⲟⲩ ⲉ̀ⲃⲟⲗ ⲡⲓⲡⲛⲉⲩⲙⲁⲛⲁⲕⲁⲑⲁⲣⲧⲟⲛ ϧⲉⲛ ⲡⲓⲣⲱⲙⲓ.	Nafgō ġar m̀mos pe je àmou èvol pipnevmanakaθarton xen pirōmi.	For he said to him, 'Come out of the man, you unclean spirit!'
5:9	ⲟⲩⲟϩ ⲛⲁϥϣⲓⲛⲓ ⲙⲙⲟϥ ϫⲉⲛⲓⲙ ⲡⲉ ⲡⲉⲕⲣⲁⲛ ⲟⲩⲟϩ ⲡⲉϫⲁϥ ⲛⲁϥ ϫⲉⲗⲉⲅⲓⲱⲛ ⲡⲉ ⲡⲁⲣⲁⲛ ϫⲉⲧⲉⲛⲉⲣⲟⲩⲙⲏϣ	Ⲟⲩⲟϩ ⲛⲁϥϣⲓⲛⲓ ⲙ̀ⲙⲟϥ ϫⲉ ⲛⲓⲙ ⲡⲉ ⲡⲉⲕⲣⲁⲛ ⲟⲩⲟϩ ⲡⲉϫⲁϥ ⲛⲁϥ ϫⲉ ⲗⲉⲅⲓⲱⲛ ⲡⲉ ⲡⲁⲣⲁⲛ ϫⲉ ⲧⲉⲛⲉⲣⲟⲩⲙⲏϣ	Ouoh nafṡini m̀mof je nim pe pekran ouoh pegaf naf je legiōn pe paran je teneroumyṡ	He asked him, 'What is your name?' He said to him, 'My name is Legion, for we are many.'
5:10	ⲟⲩⲟϩ ⲛⲁϥϯϩⲟ ⲉⲣⲟϥ ⲛϩⲁⲛⲙⲏϣ ϩⲓⲛⲁ ⲛⲧⲉϥϣⲧⲉⲙⲟⲩⲟⲣⲡ ⲥⲁⲃⲟⲗ ⲛϯⲭⲱⲣⲁ .	ⲟⲩⲟϩ ⲛⲁϥϯϩⲟ ⲉ̀ⲣⲟϥ ⲛ̀ϩⲁⲛⲙⲏϣ ϩⲓⲛⲁ ⲛ̀ⲧⲉϥϣⲧⲉⲙⲟⲩⲟⲣⲡ ⲥⲁⲃⲟⲗ ⲛ̀ϯⲭⲱⲣⲁ.	ouoh naftiho èrof ǹhanmyṡ hina ǹtefṡtemouorp savol ǹtixōra.	He begged him much that he would not send them away out of the country.
5:11	ⲛⲉ ⲟⲩⲟⲛ ⲟⲩⲁⲅⲉⲗⲏ ⲇⲉ ⲛⲣⲓⲣ ⲉⲥⲟϣ ⲙⲙⲁⲩ ⲡⲉ ⲉⲥⲙⲟⲛⲓ ϧⲁⲧⲉⲛⲡⲓⲧⲱⲟⲩ	Ⲛⲉ ⲟⲩⲟⲛ ⲟⲩⲁⲅⲉⲗⲏ ⲇⲉ ⲛ̀ⲣⲓⲣ ⲉⲥⲟϣ ⲙ̀ⲙⲁⲩ ⲡⲉ ⲉⲥⲙⲟⲛⲓ ϧⲁⲧⲉⲛ ⲡⲓⲧⲱⲟⲩ	Ne ouon ouagely ḋe ǹrir esoṡ m̀mav pe esmoni xaten pitōou	Now on the mountainside there was a great herd of pigs feeding.
5:12	ⲟⲩⲟϩ ⲛⲁⲩϯϩⲟ ⲉⲣⲟϥ ⲉⲩϫⲱ ⲙⲙⲟⲥ ϫⲉⲟⲩⲟⲣⲡⲧⲉⲛ ⲉⲛⲓⲣⲓⲣ ϩⲓⲛⲁ ⲛⲧⲉⲛϣⲉ ⲉϧⲟⲩⲛ ⲉⲣⲱⲟⲩ	ⲟⲩⲟϩ ⲛⲁⲩϯϩⲟ ⲉ̀ⲣⲟϥ ⲉⲩϫⲱ ⲙ̀ⲙⲟⲥ ϫⲉ ⲟⲩⲟⲣⲡⲧⲉⲛ ⲉ̀ⲛⲓⲣⲓⲣ ϩⲓⲛⲁ ⲛ̀ⲧⲉⲛϣⲉ ⲉ̀ϧⲟⲩⲛ ⲉ̀ⲣⲱⲟⲩ	ouoh navtiho èrof evgō m̀mos je ouorpten ènirir hina ǹtenṡe èxoun èrōou	All the demons begged him, saying, 'Send us into the pigs, that we may enter into them.'
5:13	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲉⲧⲁⲩⲓ ⲉⲃⲟⲗ ⲛϫⲉⲛⲓⲡⲛⲉⲩⲙⲁⲛⲁⲕⲁⲑⲣⲧⲟⲛ ⲁⲩϣⲉ ⲛⲱⲟⲩ ⲉϧⲟⲩⲛ ⲉⲛⲓⲉϣⲁⲩ ⲟⲩⲟϩ ⲁⲥϩⲉⲓ ⲉϧⲣⲏⲓ ⲛϫⲉϯⲁⲅⲉⲗⲏ ϧⲁⲧⲉⲛⲡⲓϫⲁϫⲣⲓⲙ ⲉⲫⲓⲟⲙ ⲉⲩⲉⲣ ϣⲟ ⲥⲛⲁⲩ ⲟⲩⲟϩ ⲛⲁⲩⲱϫϩ ⲙⲙⲱⲟⲩ ϧⲉⲛⲫⲓⲟⲙ .	ⲟⲩⲟϩ ⲁϥⲟⲩⲁϩⲥⲁϩⲛⲓ ⲛⲱⲟⲩ ⲟⲩⲟϩ ⲉⲧⲁⲩⲓ̀ ⲉ̀ⲃⲟⲗ ⲛ̀ϫⲉ ⲛⲓⲡ̀ⲛⲉⲩⲙⲁⲛⲁⲕⲁⲑⲣⲧⲟⲛ ⲁⲩϣⲉ ⲛⲱⲟⲩ ⲉ̀ϧⲟⲩⲛ ⲉ̀ⲛⲓⲉϣⲁⲩ ⲟⲩⲟϩ ⲁⲥϩⲉⲓ ⲉ̀ϧ̀ⲣⲏⲓ ⲛ̀ϫⲉ ϯⲁⲅⲉⲗⲏ ϧⲁⲧⲉⲛ ⲡⲓϫⲁϫⲣⲓⲙ ⲉ̀ⲫ̀ⲓⲟⲙ ⲉⲩⲉⲣ ϣⲟ ⲥ̀ⲛⲁⲩ ⲟⲩⲟϩ ⲛⲁⲩⲱϫϩ ⲙ̀ⲙⲱⲟⲩ ϧⲉⲛ ⲫ̀ⲓⲟⲙ.	ouoh afouahsahni nōou ouoh etavì èvol ǹje nip̀nevmanakaθrton avṡe nōou èxoun ènieṡav ouoh as·hei èx̀ryi ǹje tiagely xaten pigagrim èf̀iom ever ṡo s̀nav ouoh navōgh m̀mōou xen f̀iom.	At once Jesus gave them permission. The unclean spirits came out and entered into the pigs. The herd of about two thousand rushed down the steep bank into the sea, and they were drowned in the sea.
5:14	ⲟⲩⲟϩ ⲛⲏ ⲉⲛⲁⲩⲙⲟⲛⲓ ⲙⲙⲱⲟⲩ ⲁⲩⲫⲱⲧ ⲟⲩⲟϩ ⲁⲩϫⲟⲥ ϧⲉⲛϯⲃⲁⲕⲓ ⲛⲉⲙϧⲉⲛⲧⲕⲟⲓ ⲟⲩⲟϩ ⲁⲩⲓ ⲉⲛⲁⲩ ϫⲉⲟⲩ ⲡⲉ ⲫⲏ ⲉⲧⲁϥϣⲱⲡⲓ .	Ⲟⲩⲟϩ ⲛⲏ ⲉⲛⲁⲩⲙⲟⲛⲓ ⲙ̀ⲙⲱⲟⲩ ⲁⲩⲫⲱⲧ ⲟⲩⲟϩ ⲁⲩϫⲟⲥ ϧⲉⲛ ϯⲃⲁⲕⲓ ⲛⲉⲙ ϧⲉⲛ ⲧ̀ⲕⲟⲓ ⲟⲩⲟϩ ⲁⲩⲓ̀ ⲉⲛⲁⲩ ϫⲉ ⲟⲩ ⲡⲉ ⲫⲏ ⲉⲧⲁϥϣⲱⲡⲓ.	Ouoh ny enavmoni m̀mōou avfōt ouoh avgos xen tivaki nem xen t̀koi ouoh avì enav je ou pe fy etafṡōpi.	Those who fed them fled, and told it in the city and in the country. The people came to see what it was that had happened.
5:15	ⲟⲩⲟϩ ⲁⲩⲓ ϩⲁⲓⲏⲥⲟⲩⲥ ⲁⲩⲛⲁⲩ ⲉⲫⲏ ⲉⲛⲁⲣⲉⲛⲓⲇⲉⲙⲱⲛ ⲛⲉⲙⲁϥ ⲉϥϩⲉⲙⲥⲓ ⲉⲣⲉⲛⲉϥϩⲃⲱⲥ ⲧⲟⲓ ϩⲓⲱⲧϥ ⲟⲩⲟϩ ⲉⲣⲉⲡⲉϥϩⲏⲧ ⲙⲙⲟϥ ⲟⲩⲟϩ ⲁⲩⲉⲣϩⲟϯ .	Ⲟⲩⲟϩ ⲁⲩⲓ̀ ϩⲁ ⲓⲏⲥⲟⲩⲥ ⲁⲩⲛⲁⲩ ⲉ̀ⲫⲏ ⲉⲛⲁⲣⲉ ⲛⲓⲇⲉⲙⲱⲛ ⲛⲉⲙⲁϥ ⲉϥϩⲉⲙⲥⲓ ⲉ̀ⲣⲉⲛⲉϥϩ̀ⲃⲱⲥ ⲧⲟⲓ ϩⲓⲱⲧϥ ⲟⲩⲟϩ ⲉ̀ⲣⲉ ⲡⲉϥϩⲏⲧ ⲙ̀ⲙⲟϥ ⲟⲩⲟϩ ⲁⲩⲉⲣϩⲟϯ.	Ouoh avì ha iysous avnav èfy enare niḋemōn nemaf efhemsi èrenefh̀vōs toi hiōtf ouoh ère pefhyt m̀mof ouoh averhoti.	They came to Jesus, and saw him who had been possessed by demons sitting, clothed, and in his right mind, even him who had the legion; and they were afraid.
5:16	ⲟⲩⲟϩ ⲁⲩⲥⲁϫⲓ ϧⲁⲧⲟⲧⲟⲩ ⲛϫⲉⲛⲏ ⲉⲧⲁⲩⲛⲁⲩ ϫⲉⲉⲧⲁⲥϣⲱⲡⲓ ⲛⲁϣ ⲛⲣⲏϯ ⲙⲫⲏ ⲉⲛⲁⲣⲉⲛⲓⲇⲉⲙⲱⲛ ⲛⲉⲙⲁϥ ⲛⲉⲙⲉⲑⲃⲉⲛⲓⲣⲓⲣ	Ⲟⲩⲟϩ ⲁⲩⲥⲁϫⲓ ϧⲁⲧⲟⲧⲟⲩ ⲛ̀ϫⲉ ⲛⲏ ⲉ̀ⲧⲁⲩⲛⲁⲩ ϫⲉ ⲉⲧⲁⲥϣⲱⲡⲓ ⲛ̀ⲁϣ ⲛ̀ⲣⲏϯ ⲛ̀ⲫⲏ ⲉⲛⲁⲣⲉ ⲛⲓⲇⲉⲙⲱⲛ ⲛⲉⲙⲁϥ ⲛⲉⲙ ⲉⲑⲃⲉ ⲛⲓⲣⲓⲣ	Ouoh avsaji xatotou ǹje ny ètavnav je etasṡōpi ǹaṡ ǹryti ǹfy enare niḋemōn nemaf nem eθve nirir	Those who saw it declared to them how it happened to him who was possessed by demons, and about the pigs.
5:17	ⲟⲩⲟϩ ⲁⲩⲉⲣϩⲏⲧⲥ ⲛϯϩⲟ ⲉⲣⲟϥ ϫⲉⲛⲧⲉϥϣⲉ ⲛⲁϥ ⲉⲃⲟⲗ ϧⲉⲛⲛⲟⲩⲑⲟϣ	ⲟⲩⲟϩ ⲁⲩⲉⲣϩⲏⲧⲥ ⲛ̀ϯϩⲟ ⲉ̀ⲣⲟϥ ϫⲉ ⲛ̀ⲧⲉϥϣⲉ ⲛⲁϥ ⲉ̀ⲃⲟⲗ ϧⲉⲛ ⲛⲟⲩⲑⲟϣ	ouoh averhyts ǹtiho èrof je ǹtefṡe naf èvol xen nouθoṡ	They began to beg him to depart from their region.
5:18	ⲟⲩⲟϩ ⲁϥⲁⲗⲏⲓ ⲉⲡⲓϫⲟⲓ ⲛⲁϥϯϩⲟ ⲉⲣⲟϥ ⲛϫⲉⲫⲏ ⲉⲛⲁϥⲟⲓ ⲛⲇⲉⲙⲱⲛ ϩⲓⲛⲁ ⲛⲧⲉϥⲟϩⲓ ⲛⲉⲙⲁϥ	ⲟⲩⲟϩ ⲁϥⲁⲗⲏⲓ ⲉ̀ⲡⲓϫⲟⲓ ⲛⲁϥϯϩⲟ ⲉ̀ⲣⲟϥ ⲛ̀ϫⲉ ⲫⲏ ⲉⲛⲁϥⲟⲓ ⲛ̀ⲇⲉⲙⲱⲛ ϩⲓⲛⲁ ⲛ̀ⲧⲉϥⲟ̀ϩⲓ ⲛⲉⲙⲁϥ	ouoh afalyi èpigoi naftiho èrof ǹje fy enafoi ǹḋemōn hina ǹtefòhi nemaf	As he was entering into the boat, he who had been possessed by demons begged him that he might be with him.
5:19	ⲟⲩⲟϩ ⲙⲡⲉϥⲭⲁϥ ⲁⲗⲗⲁ ⲡⲉϫⲁϥ ⲛⲁϥ ϫⲉⲙⲁϣⲉ ⲛⲁⲕ ⲉϧⲟⲩⲛ ⲉⲡⲉⲕⲏⲓ ϩⲁⲛⲏ ⲉⲧⲉⲛⲟⲩⲕ ⲟⲩⲟϩ ⲙⲁⲧⲁⲙⲱⲟⲩ ⲉⲛⲏ ⲉⲧⲁ ⲡϭⲟⲓⲥ ⲁⲓⲧⲟⲩ ⲛⲁⲕ ⲉⲁϥⲛⲁⲓ ⲛⲁⲕ	ⲟⲩⲟϩ ⲙ̀ⲡⲉϥⲭⲁϥ ⲁⲗⲗⲁ ⲡⲉϫⲁϥ ⲛⲁϥ ϫⲉ ⲙⲁϣⲉ ⲛⲁⲕ ⲉ̀ϧⲟⲩⲛ ⲉ̀ⲡⲉⲕⲏⲓ ϩⲁ ⲛⲏ ⲉⲧⲉⲛⲟⲩⲕ ⲟⲩⲟϩ ⲙⲁⲧⲁⲙⲱⲟⲩ ⲉ̀ⲛⲏ ⲉ̀ⲧⲁ ⲡ̀ϭⲟⲓⲥ ⲁⲓⲧⲟⲩ ⲛⲁⲕ ⲉⲁϥⲛⲁⲓ ⲛⲁⲕ	ouoh m̀pefkaf alla pegaf naf je maṡe nak èxoun èpekyi ha ny etenouk ouoh matamōou èny èta p̀ċois aitou nak eafnai nak	He didn't allow him, but said to him, 'Go to your house, to your friends, and tell them what great things the Lord has done for you, and how he had mercy on you.'
5:20	ⲟⲩⲟϩ ⲁϥϩⲱⲗ ⲟⲩⲟϩ ⲁϥⲉⲣϩⲏⲧⲥ ⲛϩⲓⲱⲓϣ ϧⲉⲛⲑⲙⲏϯ ⲛϯⲃⲁⲕⲓ ⲙⲡⲉⲧⲁϥⲁⲓϥ ⲛⲁϥ ⲛϫⲉⲓⲏⲥⲟⲩⲥ ⲟⲩⲟϩ ⲛⲁⲩⲉⲣϣⲫⲏⲣⲓ ⲧⲏⲣⲟⲩ ⲡⲉ	ⲟⲩⲟϩ ⲁϥϩⲱⲗ ⲟⲩⲟϩ ⲁϥⲉⲣϩⲏⲧⲥ ⲛ̀ϩⲓⲱⲓϣ ϧⲉⲛ ⲑ̀ⲙⲏϯ ⲛ̀ϯⲃⲁⲕⲓ ⲛ̀ⲡⲉⲧⲁϥⲁⲓϥ ⲛⲁϥ ⲛ̀ϫⲉ ⲓⲏⲥⲟⲩⲥ ⲟⲩⲟϩ ⲛⲁⲩⲉⲣϣⲫⲏⲣⲓ ⲧⲏⲣⲟⲩ ⲡⲉ	ouoh afhōl ouoh aferhyts ǹhiōiṡ xen θ̀myti ǹtivaki ǹpetafaif naf ǹje iysous ouoh naverṡfyri tyrou pe	He went his way, and began to proclaim in Decapolis how Jesus had done great things for him, and everyone marveled.
5:21	ⲟⲩⲟϩ ⲉⲧⲁϥⲓ ⲟⲛ ⲛϫⲉⲓⲏⲥⲟⲩⲥ ⲉⲙⲏⲣ ϧⲉⲛⲡⲓϫⲟⲓ ⲁⲩⲑⲱⲟⲩϯ ⲛϫⲉⲟⲩⲙⲏϣ ⲉϥⲟϣ ϩⲁⲣⲟϥ ⲟⲩⲟϩ ⲛⲁϥⲭⲏ ⲡⲉ ϧⲁⲧⲉⲛⲫⲓⲟⲙ	ⲟⲩⲟϩ ⲉ̀ⲧⲁϥⲓ̀ ⲟⲛ ⲛ̀ϫⲉ ⲓⲏⲥⲟⲩⲥ ⲉ̀ⲙⲏⲣ ϧⲉⲛ ⲡⲓϫⲟⲓ ⲁⲩⲑⲱⲟⲩϯ ⲛ̀ϫⲉ ⲟⲩⲙⲏϣ ⲉϥⲟϣ ϩⲁⲣⲟϥ ⲟⲩⲟϩ ⲛⲁϥⲭⲏ ⲡⲉ ϧⲁⲧⲉⲛ ⲫ̀ⲓⲟⲙ	ouoh ètafì on ǹje iysous èmyr xen pigoi avθōouti ǹje oumyṡ efoṡ harof ouoh nafky pe xaten f̀iom	When Jesus had crossed back over in the boat to the other side, a great multitude was gathered to him; and he was by the sea.
5:22	ⲟⲩⲟϩ ⲁϥⲓ ϩⲁⲣⲟϥ ⲛϫⲉⲟⲩⲁⲓ ⲛⲧⲉⲛⲓⲁⲣⲭⲏⲥⲩⲛⲁⲅⲱⲅⲟⲥ ⲉⲡⲉϥⲣⲁⲛ ⲡⲉ ⲓⲁⲓⲣⲟⲥ ⲟⲩⲟϩ ⲉⲧⲁϥⲛⲁⲩ ⲉⲣⲟϥ ⲁϥϩⲓⲧϥ ϧⲁⲣⲁⲧⲟⲩ ⲛⲛⲉϥϭⲁⲗⲁⲩϫ	ⲟⲩⲟϩ ⲁϥⲓ̀ ϩⲁⲣⲟϥ ⲛ̀ϫⲉ ⲟⲩⲁⲓ ⲛ̀ⲧⲉ ⲛⲓⲁⲣⲭⲓⲥⲩⲛⲁⲅⲱⲅⲟⲥ ⲉ̀ⲡⲉϥⲣⲁⲛ ⲡⲉ ⲓⲁⲓⲣⲟⲥ ⲟⲩⲟϩ ⲉⲧⲁϥⲛⲁⲩ ⲉ̀ⲣⲟϥ ⲁϥϩⲓⲧϥ ϧⲁⲣⲁⲧⲟⲩ ⲛ̀ⲛⲉϥϭⲁⲗⲁⲩϫ	ouoh afì harof ǹje ouai ǹte niarṡisinaġōġos èpefran pe iairos ouoh etafnav èrof afhitf xaratou ǹnefċalavg	Behold, one of the rulers of the synagogue, Jairus by name, came; and seeing him, he fell at his feet,
5:23	ⲟⲩⲟϩ ⲛⲁϥϯϩⲟ ⲉⲣⲟϥ ⲛϩⲁⲛⲙⲏϣ ⲉϥϫⲱ ⲙⲙⲟⲥ ϫⲉⲁⲧⲁϣⲉⲣⲓ ⲁⲥϧⲱⲛⲧ ⲉⲫⲙⲟⲩ ϩⲓⲛⲁ ⲛⲧⲉⲕⲓ ⲛⲧⲉⲕⲭⲁ ⲧⲉⲕϫⲓϫ ⲉϫⲱⲥ ϩⲓⲛⲁ ⲛⲧⲉⲥⲛⲟϩⲉⲙ ⲟⲩⲟϩ ⲛⲧⲉⲥⲱⲛϧ	ⲟⲩⲟϩ ⲛⲁϥϯϩⲟ ⲉ̀ⲣⲟϥ ⲛ̀ϩⲁⲛⲙⲏϣ ⲉϥϫⲱ ⲙ̀ⲙⲟⲥ ϫⲉ ⲁⲧⲁϣⲉⲣⲓ ⲁⲥϧⲱⲛⲧ ⲉ̀ⲫ̀ⲙⲟⲩ ϩⲓⲛⲁ ⲛ̀ⲧⲉⲕⲓ ⲛ̀ⲧⲉ ⲕⲭⲁ ⲧⲉⲕϫⲓϫ ⲉ̀ϫⲱⲥ ϩⲓⲛⲁ ⲛ̀ⲧⲉⲥⲛⲟϩⲉⲙ ⲟⲩⲟϩ ⲛ̀ⲧⲉⲥⲱⲛϧ	ouoh naftiho èrof ǹhanmyṡ efgō m̀mos je ataṡeri asxōnt èf̀mou hina ǹteki ǹte kka tekjig ègōs hina ǹtesnohem ouoh ǹtesōnx	and begged him much, saying, 'My little daughter is at the point of death. Please come and lay your hands on her, that she may be made healthy, and live.'
5:24	ⲟⲩⲟϩ ⲁϥϣⲉ ⲛⲁϥ ⲛⲉⲙⲁϥ ⲟⲩⲟϩ ⲁⲩⲙⲟϣⲓ ⲛⲥⲱϥ ⲛϫⲉⲟⲩⲙⲏϣ ⲉϥⲟϣ ⲟⲩⲟϩ ⲛⲁⲩϩⲟϫϩⲉϫ ⲙⲙⲟϥ ⲡⲉ .	ⲟⲩⲟϩ ⲁϥϣⲉ ⲛⲁϥ ⲛⲉⲙⲁϥ ⲟⲩⲟϩ ⲁⲩⲙⲟϣⲓ ⲛ̀ⲥⲱϥ ⲛ̀ϫⲉ ⲟⲩⲙⲏϣ ⲉϥⲟϣ ⲟⲩⲟϩ ⲛⲁⲩϩⲟϫϩⲉϫ ⲙ̀ⲙⲟϥ ⲡⲉ.	ouoh afṡe naf nemaf ouoh avmoṡi ǹsōf ǹje oumyṡ efoṡ ouoh navhogheg m̀mof pe.	He went with him, and a great multitude followed him, and they pressed upon him on all sides.
5:25	ⲟⲩⲟϩ ⲓⲥ ⲟⲩⲥϩⲓⲙⲓ ⲁⲥⲉⲣ ⲓⲃ ⲛⲣⲟⲙⲡⲓ ⲉⲣⲉⲟⲩⲟⲛ ⲟⲩⲥⲛⲟϥ ϧⲁⲣⲟⲥ .	Ⲟⲩⲟϩ ⲓⲥ ⲟⲩⲥ̀ϩⲓⲙⲓ ⲁⲥⲉⲣ ⲓⲃ ⲛ̀ⲣⲟⲙⲡⲓ ⲉ̀ⲣⲉ ⲟⲩⲟⲛ ⲟⲩⲥ̀ⲛⲟϥ ϧⲁⲣⲟⲥ.	Ouoh is ous̀·himi aser ib ǹrompi ère ouon ous̀nof xaros.	A certain woman, who had an issue of blood for twelve years,
5:26	ⲟⲩⲟϩ ⲁⲥϭⲓ ⲛⲟⲩⲙⲏϣ ⲛϧⲓⲥⲓ ⲛⲧⲟⲧⲟⲩ ⲛⲛⲓⲙⲏϣ ⲛⲥⲏⲓⲛⲓ ⲟⲩⲟϩ ⲁⲥϭⲉ ⲛⲉⲧⲉⲛⲧⲁⲥ ⲛⲓⲃⲉⲛ ⲉⲃⲟⲗ ⲟⲩⲟϩ ⲙⲡⲉⲥϫⲉⲙϩⲏⲟⲩ ⲛϩⲗⲓ ⲁⲗⲗⲁ ⲙⲁⲗⲗⲟⲛ ⲁⲥⲧϩⲟ ⲛϩⲟⲩⲟ .	Ⲟⲩⲟϩ ⲁⲥϭⲓ ⲛ̀ⲟⲩⲙⲏϣ ⲛ̀ϧⲓⲥⲓ ⲛ̀ⲧⲟⲧⲟⲩ ⲛ̀ⲛⲓⲙⲏϣ ⲛ̀ⲥⲏⲓⲛⲓ ⲟⲩⲟϩ ⲁⲥϭⲉ ⲛ̀ⲉ̀ⲧⲉ ⲛ̀ⲧⲁⲥ ⲛⲓⲃⲉⲛ ⲉ̀ⲃⲟⲗ ⲟⲩⲟϩ ⲙ̀ⲡⲉⲥϫⲉⲙϩⲏⲟⲩ ⲛ̀ϩ̀ⲗⲓ ⲁⲗⲗⲁ ⲙⲁⲗⲗⲟⲛ ⲁⲥⲧϩⲟ ⲛ̀ϩⲟⲩⲟ.	Ouoh asċi ǹoumyṡ ǹxisi ǹtotou ǹnimyṡ ǹsyini ouoh asċe ǹète ǹtas niven èvol ouoh m̀pesjemhyou ǹh̀li alla mallon ast·ho ǹhouo.	and had suffered many things by many physicians, and had spent all that she had, and was no better, but rather grew worse,
5:27	ⲉⲧⲁⲥⲥⲱⲧⲉⲙ ⲇⲉ ⲉⲑⲃⲉⲓⲏⲥⲟⲩⲥ ⲁⲥⲓ ϧⲉⲛⲡⲓⲙⲏϣ ϩⲓⲫⲁϩⲟⲩ ⲁⲥϭⲓ ⲛⲉⲙⲡⲉϥϩⲃⲟⲥ	Ⲉⲧⲁⲥⲥⲱⲧⲉⲙ ⲇⲉ ⲉⲑⲃⲉ ⲓⲏⲥⲟⲩⲥ ⲁⲥⲓ̀ ϧⲉⲛ ⲡⲓⲙⲏϣ ϩⲓⲫⲁϩⲟⲩ ⲁⲥϭⲓ ⲛⲉⲙ ⲡⲉϥϩⲃⲟⲥ	Etassōtem ḋe eθve iysous asì xen pimyṡ hifahou asċi nem pefhvos	having heard the things concerning Jesus, came up behind him in the crowd, and touched his clothes.
5:28	ⲛⲁⲥϫⲱ ⲅⲁⲣ ⲙⲙⲟⲥ ⲡⲉ ϫⲉⲕⲁⲛ ⲁⲓϣⲁⲛϭ ⲓⲛⲉⲙ ⲛⲉϥϩⲃⲱⲥ ϯⲛⲁⲛⲟϩⲉⲙ .	ⲛⲁⲥϫⲱ ⲅⲁⲣ ⲙ̀ⲙⲟⲥ ⲡⲉ ϫⲉ ⲕⲁⲛ ⲁⲓϣⲁⲛϭ ⲓ̀ ⲛⲉⲙ ⲛⲉϥϩ̀ⲃⲱⲥ ϯⲛⲁⲛⲟϩⲉⲙ.	nasgō ġar m̀mos pe je kan aiṡanċ ì nem nefh̀vōs tinanohem.	For she said, 'If I just touch his clothes, I will be made well.'
5:29	ⲟⲩⲟϩ ⲥⲁⲧⲟⲧⲥ ⲁⲥϣⲱⲟⲩⲓ ⲛϫⲉϯⲙⲟⲩⲙⲓ ⲛⲧⲉⲡⲉⲥⲥⲛⲟϥ ⲟⲩⲟϩ ⲁⲥⲉⲙⲓ ϧⲉⲛⲡⲉⲥⲥⲱⲙⲁ ϫⲉⲁⲥⲟⲩϫⲁⲓ ⲉⲃⲟⲗ ϩⲁϯⲙⲁⲥⲧⲓⲅⲝ	Ⲟⲩⲟϩ ⲥⲁⲧⲟⲧⲥ ⲁⲥϣⲱⲟⲩⲓ ⲛ̀ϫⲉ ϯⲙⲟⲩⲙⲓ ⲛ̀ⲧⲉ ⲡⲉⲥⲥ̀ⲛⲟϥ ⲟⲩⲟϩ ⲁⲥⲉⲙⲓ ϧⲉⲛ ⲡⲉⲥⲥⲱⲙⲁ ϫⲉ ⲁⲥⲟⲩϫⲁⲓ ⲉ̀ⲃⲟⲗ ϩⲁ ϯⲙⲁⲥⲧⲓⲅⲝ	Ouoh satots asṡōoui ǹje timoumi ǹte pess̀nof ouoh asemi xen pessōma je asougai èvol ha timastiġks	Immediately the flow of her blood was dried up, and she felt in her body that she was healed of her affliction.
5:30	ⲟⲩⲟϩ ⲥⲁⲧⲟⲧϥ ⲁϥⲉⲙⲓ ⲛϫⲉⲓⲏⲥⲟⲩⲥ ⲛϧⲣⲏ ⲓⲛϧⲏⲧϥ ⲉϯϫⲟⲙ ⲉⲧⲁⲥⲓ ⲉⲃⲟⲗ ⲙⲙⲟϥ ⲉⲧⲁϥⲫⲟⲛϩϥ ϧⲉⲛⲡⲓⲙⲏϣ ⲛⲁϥϫⲱ ⲙⲙⲟⲥ ϫⲉⲛⲓⲙ ⲡⲉⲧⲁϥϭⲓ ⲛⲉⲙⲛⲁϩⲃⲱⲥ	ⲟⲩⲟϩ ⲥⲁⲧⲟⲧϥ ⲁϥⲉⲙⲓ ⲛ̀ϫⲉ ⲓⲏⲥⲟⲩⲥ ⲛ̀ϧⲣⲏ ⲓⲛϧⲏⲧϥ ⲉ̀ϯϫⲟⲙ ⲉⲧⲁⲥⲓ ⲉ̀ⲃⲟⲗ ⲙ̀ⲙⲟϥ ⲉⲧⲁϥⲫⲟⲛϩϥ ϧⲉⲛ ⲡⲓⲙⲏϣ ⲛⲁϥϫⲱ ⲙ̀ⲙⲟⲥ ϫⲉ ⲛⲓⲙ ⲡⲉⲧⲁϥϭⲓ ⲛⲉⲙ ⲛⲁϩ̀ⲃⲱⲥ	ouoh satotf afemi ǹje iysous ǹxry inxytf ètigom etasi èvol m̀mof etaffonhf xen pimyṡ nafgō m̀mos je nim petafċi nem nah̀vōs	Immediately Jesus, perceiving in himself that the power had gone out from him, turned around in the crowd, and asked, 'Who touched my clothes?'
5:31	ⲟⲩⲟϩ ⲛⲁⲩϫⲱ ⲙⲙⲟⲥ ⲛⲁϥ ⲛϫⲉⲛⲉϥⲙⲁⲑⲏ ⲧⲏⲥ ϫⲉⲭⲛⲁⲩ ⲉⲡⲓⲙⲏϣ ⲉϥϩⲟϫϩⲉϫ ⲙⲙⲟⲕ ⲟⲩⲟϩ ⲕϫⲱ ⲙⲙⲟⲥ ϫⲉⲛⲓⲙ ⲡⲉⲧⲁϥϭⲓ ⲛⲉⲙⲏⲓ .	ⲟⲩⲟϩ ⲛⲁⲩϫⲱ ⲙ̀ⲙⲟⲥ ⲛⲁϥ ⲛ̀ϫⲉ ⲛⲉϥⲙⲁⲑⲏ ⲧⲏⲥ ϫⲉ ⲭ̀ⲛⲁⲩ ⲉ̀ⲡⲓⲙⲏϣ ⲉϥϩⲟϫϩⲉϫ ⲙ̀ⲙⲟⲕ ⲟⲩⲟϩ ⲕ̀ϫⲱ ⲙ̀ⲙⲟⲥ ϫⲉ ⲛⲓⲙ ⲡⲉⲧⲁϥϭⲓ ⲛⲉⲙⲏⲓ.	ouoh navgō m̀mos naf ǹje nefmaθy tys je k̀nav èpimyṡ efhogheg m̀mok ouoh k̀gō m̀mos je nim petafċi nemyi.	His disciples said to him, 'You see the multitude pressing against you, and you say, 'Who touched me?''
5:32	ⲟⲩⲟϩ ⲛⲁϥϫⲟⲩϣⲧ ⲡⲉ ⲉⲛⲁⲩ ⲉⲑⲏ ⲉⲧⲁⲥⲉⲣ ⲫⲁⲓ	Ⲟⲩⲟϩ ⲛⲁϥϫⲟⲩϣⲧ ⲡⲉ ⲉⲛⲁⲩ ⲉ̀ⲑⲏ ⲉⲧⲁⲥⲉⲣ ⲫⲁⲓ	Ouoh nafgouṡt pe enav èθy etaser fai	He looked around to see her who had done this thing.
5:33	ϯⲥϩⲓⲙⲓ ⲇⲉ ⲉⲧⲁⲥⲉⲣϩⲟϯ ⲟⲩⲟϩ ⲁⲥⲥⲑⲉⲣⲧⲉⲣ ⲉⲥⲉⲙⲓ ⲉⲫⲏ ⲉⲧⲁϥϣⲱⲡⲓ ⲙⲙⲟⲥ ⲁⲥⲓ ⲟⲩⲟϩ ⲁⲥϩⲓⲧⲥ ⲉϧⲣⲏⲓ ϧⲁⲣⲁⲧϥ ⲟⲩⲟϩ ⲁⲥϫⲉ ϯⲙⲉⲑⲙⲏⲓ ⲧⲏⲣⲥ ⲛⲁϥ	ϯⲥ̀ϩⲓⲙⲓ ⲇⲉ ⲉ̀ⲧⲁⲥⲉⲣϩⲟϯ ⲟⲩⲟϩ ⲁⲥⲥⲑⲉⲣⲧⲉⲣ ⲉⲥⲉⲙⲓ ⲉ̀ⲫⲏ ⲉⲧⲁϥϣⲱⲡⲓ ⲙ̀ⲙⲟⲥ ⲁⲥⲓ̀ ⲟⲩⲟϩ ⲁⲥϩⲓⲧⲥ ⲉ̀ϧ̀ⲣⲏⲓ ϧⲁⲣⲁⲧϥ ⲟⲩⲟϩ ⲁⲥϫⲉ ϯⲙⲉⲑⲙⲏⲓ ⲧⲏⲣⲥ ⲛⲁϥ	tis̀·himi ḋe ètaserhoti ouoh assθerter esemi èfy etafṡōpi m̀mos asì ouoh as·hits èx̀ryi xaratf ouoh asje timeθmyi tyrs naf	But the woman, fearing and trembling, knowing what had been done to her, came and fell down before him, and told him all the truth.
5:34	ⲛⲑⲟϥ ⲇⲉ ⲡⲉϫⲁϥ ⲛⲁⲥ ϫⲉⲧⲁϣⲉⲣⲓ ⲡⲉⲛⲁϩϯ ⲡⲉⲧⲁϥⲛⲁϩⲙⲓ ⲙⲁϣⲉ ⲛⲉϧⲉⲛⲟⲩϩⲓⲣⲏ ⲛⲏ ⲟⲩⲟϩ ϣⲱⲡⲓ ⲉⲟⲩⲟⲩϫⲁⲓ ⲉⲃⲟⲗ ϩⲁⲧⲉⲙⲁⲥⲧⲓⲅⲝ .	ⲛ̀ⲑⲟϥ ⲇⲉ ⲡⲉϫⲁϥ ⲛⲁⲥ ϫⲉ ⲧⲁϣⲉⲣⲓ ⲡⲉⲛⲁϩϯ ⲡⲉⲧⲁϥⲛⲁϩⲙⲓ ⲙⲁϣⲉ ⲛ̀ⲉϧⲉⲛ ⲟⲩϩⲓⲣⲏ ⲛⲏ ⲟⲩⲟϩ ϣⲱⲡⲓ ⲉ̀ⲟⲩⲟⲩϫⲁⲓ ⲉ̀ⲃⲟⲗ ϩⲁ ⲧⲉⲙⲁⲥⲧⲓⲅⲝ.	ǹθof ḋe pegaf nas je taṡeri penahti petafnahmi maṡe ǹexen ouhiry ny ouoh ṡōpi èouougai èvol ha temastiġks.	He said to her, 'Daughter, your faith has made you well. Go in peace, and be cured of your disease.'
5:35	ⲉⲧⲓ ⲉϥⲥⲁϫⲓ ⲁⲩⲓ ϩⲁⲡⲓⲁⲣⲭⲏⲥⲩⲛⲁⲅⲱⲅⲟⲥ ⲉⲩϫⲱ ⲙⲙⲟⲥ ϫⲉⲁⲧⲉⲕϣⲉⲣⲓ ⲙⲟⲩ ⲉⲑⲃⲉⲟⲩ ⲉⲕϯϧⲓⲥⲓ ⲙⲡⲓⲣⲉϥϯⲥⲃⲱ	Ⲉ̀ⲧⲓ ⲉϥⲥⲁϫⲓ ⲁⲩⲓ̀ ϩⲁ ⲡⲓⲁⲣⲭⲓⲥⲩⲛⲁⲅⲱⲅⲟⲥ ⲉⲩϫⲱ ⲙ̀ⲙⲟⲥ ϫⲉ ⲁⲧⲉⲕϣⲉⲣⲓ ⲙⲟⲩ ⲉⲑⲃⲉ ⲟⲩ ⲉⲕϯϧⲓⲥⲓ ⲛ̀ⲡⲓⲣⲉϥϯⲥ̀ⲃⲱ	Èti efsaji avì ha piarṡisinaġōġos evgō m̀mos je atekṡeri mou eθve ou ektixisi ǹpireftis̀vō	While he was still speaking, people came from the synagogue ruler's house saying, 'Your daughter is dead. Why bother the Teacher any more?'
5:36	ⲓⲏⲥⲟⲩⲥ ⲇⲉ ⲉⲧⲁϥⲥⲱⲧⲉⲙ ⲉⲡⲓⲥⲁϫⲓ ⲉⲧⲟⲩϫⲱ ⲙⲙⲟϥ ⲡⲉϫⲁϥ ⲙⲡⲓⲁⲣⲭⲏⲥⲩⲛⲁⲅⲱⲅⲟⲥ ϫⲉⲙⲡⲉⲣⲉⲣϩⲟϯ ⲙⲟⲛⲟⲛ ⲛⲁϩϯ	ⲓⲏⲥⲟⲩⲥ ⲇⲉ ⲉ̀ⲧⲁϥⲥⲱⲧⲉⲙ ⲉ̀ⲡⲓⲥⲁϫⲓ ⲉⲧⲟⲩϫⲱ ⲙ̀ⲙⲟϥ ⲡⲉϫⲁϥ ⲛ̀ⲡⲓⲁⲣⲭⲓⲥⲩⲛⲁⲅⲱⲅⲟⲥ ϫⲉ ⲙ̀ⲡⲉⲣⲉⲣϩⲟϯ ⲙⲟⲛⲟⲛ ⲛⲁϩϯ	iysous ḋe ètafsōtem èpisaji etougō m̀mof pegaf ǹpiarṡisinaġōġos je m̀pererhoti monon nahti	But Jesus, when he heard the message spoken, immediately said to the ruler of the synagogue, 'Don't be afraid, only believe.'
5:37	ⲟⲩⲟϩ ⲙⲡⲉϥⲭⲁ ϩⲗⲓ ⲛⲉⲙⲁϥ ⲉϥⲙⲟϣⲓ ⲛⲥⲱϥ ⲉⲃⲏⲗ ⲉⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙⲓⲱⲁⲛⲛⲏⲥ ⲡⲥⲟⲛ ⲛⲓⲁⲕⲱⲃⲟⲥ	ⲟⲩⲟϩ ⲙ̀ⲡⲉϥⲭⲁ ϩ̀ⲗⲓ ⲛⲉⲙⲁϥ ⲉϥⲙⲟϣⲓ ⲛ̀ⲥⲱϥ ⲉ̀ⲃⲏⲗ ⲉ̀ⲡⲉⲧⲣⲟⲥ ⲛⲉⲙ ⲓⲁⲕⲱⲃⲟⲥ ⲛⲉⲙ ⲓⲱⲁⲛⲛⲏⲥ ⲡ̀ⲥⲟⲛ ⲛ̀ⲓⲁⲕⲱⲃⲟⲥ	ouoh m̀pefka h̀li nemaf efmoṡi ǹsōf èvyl èpetros nem iakōbos nem iōannys p̀·son ǹiakōbos	He allowed no one to follow him, except Peter, James, and John the brother of James.
5:38	ⲟⲩⲟϩ ⲁⲩⲓ ⲉⲡⲏⲓ ⲙⲡⲓⲁⲣⲭⲏⲥⲩⲛⲁⲅⲱⲅⲟⲥ ⲟⲩⲟϩ ⲁⲩⲛⲁⲩ ⲉⲣⲱⲟⲩ ⲉⲩϣⲑⲉⲣⲑⲱⲣ ⲟⲩⲟϩ ⲉⲩⲣⲓⲙⲓ ⲟⲩⲟϩ ⲉⲩϣⲗⲏⲗⲟⲩⲓ ⲛⲟⲩⲙⲏϣ .	ⲟⲩⲟϩ ⲁⲩⲓ̀ ⲉ̀ⲡ̀ⲏⲓ ⲛ̀ⲡⲓⲁⲣⲭⲓⲥⲩⲛⲁⲅⲱⲅⲟⲥ ⲟⲩⲟϩ ⲁⲩⲛⲁⲩ ⲉ̀ⲣⲱⲟⲩ ⲉⲩϣⲑⲉⲣⲑⲱⲣ ⲟⲩⲟϩ ⲉⲩⲣⲓⲙⲓ ⲟⲩⲟϩ ⲉⲩϣⲗⲏⲗⲟⲩⲓ ⲛ̀ⲟⲩⲙⲏϣ.	ouoh avì èp̀yi ǹpiarṡisinaġōġos ouoh avnav èrōou evṡθerθōr ouoh evrimi ouoh evṡlyloui ǹoumyṡ.	He came to the synagogue ruler's house, and he saw an uproar, weeping, and great wailing.
5:39	ⲟⲩⲟϩ ⲉⲧⲁϥⲓ ⲉϧⲟⲩⲛ ⲡⲉϫⲁϥ ⲛⲱⲟⲩ ϫⲉⲉⲑⲃⲉⲟⲩ ⲧⲉⲧⲉⲛϣⲧⲉⲣⲑⲱⲣ ⲟⲩⲟϩ ⲧⲉⲧⲉⲛⲣⲓⲙⲓ ⲙⲡⲉⲥⲙⲟⲩ ⲛϫⲉϯⲁⲗⲟⲩ ⲁⲗⲗⲁ ⲁⲥⲛⲕⲟⲧ	Ⲟⲩⲟϩ ⲉ̀ⲧⲁϥⲓ̀ ⲉ̀ϧⲟⲩⲛ ⲡⲉϫⲁϥ ⲛⲱⲟⲩ ϫⲉ ⲉⲑⲃⲉ ⲟⲩ ⲧⲉⲧⲉⲛϣⲧⲉⲣⲑⲱⲣ ⲟⲩⲟϩ ⲧⲉⲧⲉⲛⲣⲓⲙⲓ ⲛ̀ⲡⲉⲥ̀ⲙⲟⲩ ⲛ̀ϫⲉ ϯⲁⲗⲟⲩ ⲁⲗⲗⲁ ⲁⲥⲛ̀ⲕⲟⲧ	Ouoh ètafì èxoun pegaf nōou je eθve ou tetenṡterθōr ouoh tetenrimi ǹpes̀mou ǹje tialou alla asǹkot	When he had entered in, he said to them, 'Why do you make an uproar and weep? The child is not dead, but is asleep.'
5:40	ⲟⲩⲟϩ ⲛⲁⲩⲥⲱⲃⲓ ⲙⲙⲟϥ ⲛⲑⲟϥ ⲇⲉ ⲉⲧⲁϥϩⲓ ⲡⲧⲏⲣϥ ⲉⲃⲟⲗ ⲁϥⲱⲗⲓ ⲛⲉⲙⲁϥ ⲙⲫⲓⲱⲧ ⲛϯⲁⲗⲟⲩ ⲛⲉⲙⲧⲉⲥⲙⲁⲩ ⲛⲉⲙⲛⲏ ⲉⲑⲛⲉⲙⲁϥ ⲟⲩⲟϩ ⲁϥϣⲉ ⲛⲁϥ ⲉϧⲟⲩⲛ ⲉⲡⲓⲙⲁ ⲉⲛⲁⲣⲉϯⲁⲗⲟⲩ ⲭⲏ ⲙⲙⲟϥ .	ⲟⲩⲟϩ ⲛⲁⲩⲥⲱⲃⲓ ⲙ̀ⲙⲟϥ ⲛ̀ⲑⲟϥ ⲇⲉ ⲉ̀ⲧⲁϥϩⲓ ⲡ̀ⲧⲏⲣϥ ⲉ̀ⲃⲟⲗ ⲁϥⲱ̀ⲗⲓ ⲛⲉⲙⲁϥ ⲛ̀ⲫⲓⲱⲧ ⲛ̀ϯⲁ̀ⲗⲟⲩ ⲛⲉⲙ ⲧⲉⲥⲙⲁⲩ ⲛⲉⲙ ⲛⲏ ⲉⲑⲛⲉⲙⲁϥ ⲟⲩⲟϩ ⲁϥϣⲉ ⲛⲁϥ ⲉ̀ϧⲟⲩⲛ ⲉ̀ⲡⲓⲙⲁ ⲉⲛⲁⲣⲉ ϯⲁⲗⲟⲩ ⲭⲏ ⲙ̀ⲙⲟϥ.	ouoh navsōvi m̀mof ǹθof ḋe ètafhi p̀tyrf èvol afṑli nemaf ǹfiōt ǹtiàlou nem tesmav nem ny eθnemaf ouoh afṡe naf èxoun èpima enare tialou ky m̀mof.	They ridiculed him. But he, having put them all out, took the father of the child, her mother, and those who were with him, and went in where the child was lying.
5:41	ⲟⲩⲟϩ ⲉⲧⲁϥⲁⲙⲟⲛⲓ ⲛⲧϫⲓϫ ⲛϯⲁⲗⲟⲩ ⲡⲉϫⲁϥ ⲛⲁⲥ ϫⲉⲧⲁⲗⲓⲑⲁ ⲕⲟⲩⲙ ⲉⲧⲉⲫⲁⲓ ⲡⲉ ϫⲉϯⲁⲗⲟⲩ ⲁⲓϫⲉ ⲉⲣⲟⲧⲱⲛⲓ	Ⲟⲩⲟϩ ⲉ̀ⲧⲁϥⲁ̀ⲙⲟⲛⲓ ⲛ̀ⲧ̀ϫⲓϫ ⲛ̀ϯⲁ̀ⲗⲟⲩ ⲡⲉϫⲁϥ ⲛⲁⲥ ϫⲉ ⲧⲁⲗⲓⲑⲁ ⲕⲟⲩⲙ ⲉ̀ⲧⲉ ⲫⲁⲓ ⲡⲉ ϫⲉ ϯⲁⲗⲟⲩ ⲁⲓϫⲉ ⲉ̀ⲣⲟⲧⲱⲛⲓ	Ouoh ètafàmoni ǹt̀jig ǹtiàlou pegaf nas je taliθa koum ète fai pe je tialou aije èrotōni	Taking the child by the hand, he said to her, 'Talitha cumi!' which means, being interpreted, 'Girl, I tell you, get up!'
5:42	ⲟⲩⲟϩ ⲥⲁⲧⲟⲧⲥ ⲁⲥⲧⲱⲛⲥ ⲛϫⲉϯⲁⲗⲟⲩ ⲟⲩⲟϩ ⲁⲥⲙⲟϣⲓ ⲛⲁⲥϧⲉⲛ ⲓⲃ ⲅⲁⲣ ⲛⲣⲟⲙⲡⲓ ⲡⲉ ⲟⲩⲟϩ ⲛⲁⲩⲉⲣϣⲫⲏⲣⲓ ⲥⲁⲧⲟⲧⲟⲩ ⲡⲉ ϧⲉⲛⲟⲩⲛⲓϣϯ ⲛϣⲫⲏⲣⲓ	ⲟⲩⲟϩ ⲥⲁⲧⲟⲧⲥ ⲁⲥⲧⲱⲛⲥ ⲛ̀ϫⲉ ϯⲁⲗⲟⲩ ⲟⲩⲟϩ ⲁⲥⲙⲟϣⲓ ⲛⲁⲥϧⲉⲛ ⲓⲃ ⲅⲁⲣ ⲛ̀ⲣⲟⲙⲡⲓ ⲡⲉ ⲟⲩⲟϩ ⲛⲁⲩⲉⲣϣⲫⲏⲣⲓ ⲥⲁⲧⲟⲧⲟⲩ ⲡⲉ ϧⲉⲛ ⲟⲩⲛⲓϣϯ ⲛ̀ϣ̀ⲫⲏⲣⲓ	ouoh satots astōns ǹje tialou ouoh asmoṡi nasxen ib ġar ǹrompi pe ouoh naverṡfyri satotou pe xen ouniṡti ǹṡ̀fyri	Immediately the girl rose up and walked, for she was twelve years old. They were amazed with great amazement.
5:43	ⲟⲩⲟϩ ⲁϥϩⲟⲛϩⲉⲛ ⲛⲱⲟⲩ ⲛϩⲁⲛⲙⲏϣ ϩⲓⲛⲁ ⲛⲧⲉϣⲧⲉⲙ ϩⲗⲓ ⲉⲙⲓ ⲉⲫⲁⲓ ⲟⲩⲟϩ ⲁϥϫⲟⲥ ⲛⲧⲟⲩϯⲟⲩⲱⲙ ⲛⲁⲥ .	ⲟⲩⲟϩ ⲁϥϩⲟⲛϩⲉⲛ ⲛⲱⲟⲩ ⲛ̀ϩⲁⲛⲙⲏϣ ϩⲓⲛⲁ ⲛ̀ⲧⲉϣ̀ⲧⲉⲙ ϩ̀ⲗⲓ ⲉⲙⲓ ⲉ̀ⲫⲁⲓ ⲟⲩⲟϩ ⲁϥϫⲟⲥ ⲛ̀ⲧⲟⲩϯⲟⲩⲱⲙ ⲛⲁⲥ.	ouoh afhonhen nōou ǹhanmyṡ hina ǹteṡ̀tem h̀li emi èfai ouoh afgos ǹtoutiouōm nas.	He strictly ordered them that no one should know this, and commanded that something should be given to her to eat.

Provenance

title: 02_Mark_05
dialect: bohairic
source: Coptic SCRIPTORIUM corpus "bohairic.nt", document 02_Mark_05
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 02_Mark_05 from Coptic SCRIPTORIUM (https://copticscriptorium.org), corpus bohairic.nt, document 02_Mark_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Mark/05.bohairic.scriptorium.L0.txt
title: 02_Mark_05 — Cairene
dialect: bohairic
source: generated from 05.bohairic.scriptorium.L0.txt (Coptic SCRIPTORIUM corpus "bohairic.nt", document 02_Mark_05)
licence: CC BY-SA 4.0
share: attribution
attribution: 02_Mark_05 from Coptic SCRIPTORIUM (https://copticscriptorium.org), corpus bohairic.nt, document 02_Mark_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Mark/05.bohairic.scriptorium.L1.txt
title: 02_Mark_05 — Kemetic
dialect: bohairic
source: generated from 05.bohairic.scriptorium.L1.txt
licence: CC BY-SA 4.0
share: attribution
attribution: 02_Mark_05 from Coptic SCRIPTORIUM (https://copticscriptorium.org), corpus bohairic.nt, document 02_Mark_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Mark/05.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 43 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 02_Mark_05 (43 lines)

Cite as:

02_Mark_05. Coptic SCRIPTORIUM corpus "bohairic.nt", document 02_Mark_05. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/mark/05.bohairic.scriptorium/. 02_Mark_05 from Coptic SCRIPTORIUM (https://copticscriptorium.org), corpus bohairic.nt, document 02_Mark_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.