02_Mark_13 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 02_Mark_13

Attribution: 02_Mark_13 from Coptic SCRIPTORIUM (https://copticscriptorium.org), corpus bohairic.nt, document 02_Mark_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

37 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
13:1	ⲟⲩⲟϩ ⲉϥⲛⲏⲟⲩ ⲉⲃⲟⲗ ϧⲉⲛⲡⲓⲉⲣⲫⲉⲓ ⲡⲉϫⲉ ⲟⲩⲁⲓ ⲛⲁϥ ⲉⲃⲟⲗ ϧⲉⲛⲛⲉϥⲙⲁⲑⲏⲧⲏⲥ ϫⲉⲫⲣⲉϥϯⲥⲃⲱ ⲭⲛⲁⲩ ϫⲉϩⲁⲛⲁϣ ⲛⲣⲏϯ ⲛⲉⲛⲁⲓⲱⲛⲓ ⲟⲩⲟϩ ϩⲁⲛⲕⲱⲧ ⲛⲁϣ ⲛⲣⲏϯ	ⲟⲩⲟϩ ⲉϥⲛⲏⲟⲩ ⲉ̀ⲃⲟⲗ ϧⲉⲛ ⲡⲓⲉⲣⲫⲉⲓ ⲡⲉϫⲉ ⲟⲩⲁⲓ ⲛⲁϥ ⲉ̀ⲃⲟⲗ ϧⲉⲛ ⲛⲉϥⲙⲁⲑⲏⲧⲏⲥ ϫⲉ ⲫ̀ⲣⲉϥϯⲥ̀ⲃⲱ ⲭ̀ⲛⲁⲩ ϫⲉ ϩⲁⲛⲁϣ ⲛ̀ⲣⲏϯ ⲛⲉ ⲛⲁⲓⲱⲛⲓ ⲟⲩⲟϩ ϩⲁⲛⲕⲱⲧ ⲛ̀ⲁϣ ⲛ̀ⲣⲏϯ	ouoh efnyou èvol xen pierfei peje ouai naf èvol xen nefmaθytys je f̀reftis̀vō k̀nav je hanaṡ ǹryti ne naiōni ouoh hankōt ǹaṡ ǹryti	As he went out of the temple, one of his disciples said to him, 'Teacher, see what kind of stones and what kind of buildings!'
13:2	ⲟⲩⲟϩ ⲡⲉϫⲉ ⲓⲏⲥⲟⲩⲥ ⲛⲁϥ ϫⲉⲭⲛⲁⲩ ⲉⲛⲁⲓⲛⲓϣϯ ⲛⲱⲛⲓ ⲛⲛⲟⲩⲭⲁ ⲟⲩⲱⲛⲓ ⲉϫⲉⲛⲟⲩⲱⲛⲓ ⲙⲡⲁⲓⲙⲁ ⲛⲥⲉⲛⲁⲃⲟⲗϥ ⲉⲃⲟⲗ ⲁⲛ .	ⲟⲩⲟϩ ⲡⲉϫⲉ ⲓⲏⲥⲟⲩⲥ ⲛⲁϥ ϫⲉ ⲭ̀ⲛⲁⲩ ⲉ̀ⲛⲁⲓⲛⲓϣϯ ⲛ̀ⲱⲛⲓ ⲛⲛⲟⲩ ⲭⲁ ⲟⲩⲱⲛⲓ ⲉ̀ϫⲉⲛ ⲟⲩⲱⲛⲓ ⲛ̀ⲧⲉ ⲡⲁⲓⲙⲁ ⲛ̀ⲥⲉⲛⲁⲃⲟⲗϥ ⲉ̀ⲃⲟⲗ ⲁⲛ.	ouoh peje iysous naf je k̀nav ènainiṡti ǹōni nnou ka ouōni èjen ouōni ǹte paima ǹsenavolf èvol an.	Jesus said to him, 'Do you see these great buildings? There will not be left here one stone on another, which will not be thrown down.'
13:3	ⲟⲩⲟϩ ⲉϥϩⲉⲙⲥⲓ ϩⲓϫⲉⲛⲡⲓⲧⲱⲟⲩ ⲛⲧⲉⲛⲓϫⲱⲓⲧ ⲙⲡⲉⲙⲑⲟ ⲙⲡⲓⲉⲣⲫⲉⲓ ⲁⲩϣⲉⲛϥ ⲛⲥⲁⲡⲥⲁ ⲛϫⲉⲡⲉⲧⲣⲟⲥ ⲛⲉⲙⲓⲁⲕⲱⲃⲟⲥ ⲛⲉⲙⲓⲱⲁⲛⲛⲏⲥ ⲛⲉⲙⲁⲛⲇⲣⲉⲁⲥ	Ⲟⲩⲟϩ ⲉϥϩⲉⲙⲥⲓ ϩⲓϫⲉⲛ ⲡⲓⲧⲱⲟⲩ ⲛ̀ⲧⲉ ⲛⲓϫⲱⲓⲧ ⲛ̀ⲡⲉⲙ̀ⲑⲟ ⲛ̀ⲡⲓⲉⲣⲫⲉⲓ ⲁⲩϣⲉⲛϥ ⲛ̀ⲥⲁ ⲡ̀ⲥⲁ ⲛ̀ϫⲉ ⲡⲉⲧⲣⲟⲥ ⲛⲉⲙ ⲓⲁⲕⲱⲃⲟⲥ ⲛⲉⲙ ⲓⲱⲁⲛⲛⲏⲥ ⲛⲉⲙ ⲁⲛⲇⲣⲉⲁⲥ	Ouoh efhemsi hijen pitōou ǹte nigōit ǹpem̀θo ǹpierfei avṡenf ǹsa p̀·sa ǹje petros nem iakōbos nem iōannys nem andreas	As he sat on the Mount of Olives opposite the temple, Peter, James, John, and Andrew asked him privately,
13:4	ϫⲉⲁϫⲟⲥ ⲛⲁⲛ ϫⲉⲁⲣⲉ ⲛⲁⲓ ⲛⲁϣⲱⲡⲓ ⲛⲑⲛⲁⲩ ⲟⲩⲟϩ ⲟⲩ ⲡⲉ ⲡⲓⲙⲏⲓⲛⲓ ⲁⲣⲉϣⲁⲛ ⲛⲁⲓ ⲧⲏⲣⲟⲩ ⲛⲟⲩⲓ ⲉϫⲱⲕ ⲉⲃⲟⲗ .	ϫⲉ ⲁ̀ϫⲟⲥ ⲛⲁⲛ ϫⲉ ⲁⲣⲉ ⲛⲁⲓ ⲛⲁϣⲱⲡⲓ ⲛ̀ⲑⲛⲁⲩ ⲟⲩⲟϩ ⲟⲩ ⲡⲉ ⲡⲓⲙⲏⲓⲛⲓ ⲁⲣⲉϣⲁⲛ ⲛⲁⲓ ⲧⲏⲣⲟⲩ ⲛⲟⲩⲓ ⲉ̀ϫⲱⲕ ⲉ̀ⲃⲟⲗ.	je àgos nan je are nai naṡōpi ǹθnav ouoh ou pe pimyini areṡan nai tyrou noui ègōk èvol.	'Tell us, when will these things be? What is the sign that these things are all about to be fulfilled?'
13:5	ⲓⲏⲥⲟⲩⲥ ⲇⲉ ⲁϥⲉⲣϩⲏⲧⲥ ⲛϫⲟⲥ ϫⲉⲁⲛⲁⲩ ⲙⲡⲉⲛⲑⲣⲉ ϩⲗⲓ ⲥⲉⲣⲉⲙ ⲑⲏⲛⲟⲩ	Ⲓⲏⲥⲟⲩⲥ ⲇⲉ ⲁϥⲉⲣϩⲏⲧⲥ ⲛ̀ϫⲟⲥ ϫⲉ ⲁ̀ⲛⲁⲩ ⲙ̀ⲡⲉⲛⲑⲣⲉ ϩ̀ⲗⲓ ⲥⲉⲣⲉⲙ ⲑⲏⲛⲟⲩ	Iysous ḋe aferhyts ǹgos je ànav m̀penθre h̀li serem θynou	Jesus, answering, began to tell them, 'Be careful that no one leads you astray.
13:6	ⲟⲩⲟⲛ ⲟⲩⲙⲏϣ ⲅⲁⲣ ⲛⲁⲓ ϧⲉⲛⲡⲁⲣⲁⲛ ⲉⲩϫⲱ ⲙⲙⲟⲥ ϫⲉⲁⲛⲟⲕ ⲡⲉ ⲡⲭⲣⲓⲥⲧⲟⲥ ⲟⲩⲟϩ ⲥⲉⲛⲁⲥⲉⲣⲉⲙ ⲟⲩⲙⲏϣ	ⲟⲩⲟⲛ ⲟⲩⲙⲏϣ ⲅⲁⲣ ⲛⲁⲓ ϧⲉⲛ ⲡⲁⲣⲁⲛ ⲉⲩϫⲱ ⲙ̀ⲙⲟⲥ ϫⲉ ⲁⲛⲟⲕ ⲡⲉ ⲡⲓⲭ̀ⲣⲓⲥⲧⲟⲥ ⲟⲩⲟϩ ⲥⲉⲛⲁⲥⲉⲣⲉⲙ ⲟⲩⲙⲏϣ	ouon oumyṡ ġar nai xen paran evgō m̀mos je anok pe pix̀ristos ouoh senaserem oumyṡ	For many will come in my name, saying, 'I am he!' and will lead many astray.
13:7	ϩⲟⲧⲁⲛ ⲇⲉ ⲁⲣⲉⲧⲉⲛϣⲁⲛⲥⲱⲧⲉⲙ ⲉϩⲁⲛⲡⲟⲗⲉⲙⲟⲥ ⲛⲉⲙϩⲁⲛⲥⲙⲏ ⲙⲡⲟⲗⲉⲙⲟⲥ ⲙⲡⲉⲣϣⲑⲟⲣⲧⲉⲣ ϩⲱϯ ⲡⲉ ⲛⲧⲟⲩϣⲱⲡⲓ ⲁⲗⲗⲁ ⲙⲡⲁⲧⲉϥⲓ ⲛϫⲉⲡⲓϫⲱⲕ .	ϩⲟⲧⲁⲛ ⲇⲉ ⲁⲣⲉⲧⲉⲛϣⲁⲛⲥⲱⲧⲉⲙ ⲉ̀ϩⲁⲛⲡⲟⲗⲉⲙⲟⲥ ⲛⲉⲙ ϩⲁⲛⲥ̀ⲙⲏ ⲛ̀ⲡⲟⲗⲉⲙⲟⲥ ⲙ̀ⲡⲉⲣϣⲑⲟⲣⲧⲉⲣ ϩⲱϯ ⲡⲉ ⲛ̀ⲧⲟⲩϣⲱⲡⲓ ⲁⲗⲗⲁ ⲙⲡⲁⲧⲉϥⲓ ⲛ̀ϫⲉ ⲡⲓϫⲱⲕ.	hotan ḋe aretenṡansōtem èhanpolemos nem hans̀my ǹpolemos m̀perṡθorter hōti pe ǹtouṡōpi alla mpatefi ǹje pigōk.	'When you hear of wars and rumors of wars, don't be troubled. For those must happen, but the end is not yet.
13:8	ⲉϥⲉⲧⲱⲛϥ ⲅⲁⲣ ⲛϫⲉⲟⲩⲉⲑⲛⲟⲥ ⲉϫⲉⲛⲟⲩⲉⲑⲛⲟⲥ ⲟⲩⲟϩ ⲟⲩⲙⲉⲧⲟⲩⲣⲟ ⲉϫⲉⲛⲟⲩⲙⲉⲧⲟⲩⲣⲟ ⲉⲩⲉϣⲱⲡⲓ ⲛϫⲉϩⲁⲛⲙⲟⲛⲙⲉⲛ ⲕⲁⲧⲁⲙⲁ ⲉⲩⲉϣⲱⲡⲓ ⲛϫⲉϩⲁⲛϩⲃⲱⲛ ϩⲏ ⲛⲛⲓⲛⲁⲕϩⲓ ⲛⲉⲛⲁⲓ .	Ⲉϥⲉ̀ⲧⲱⲛϥ ⲅⲁⲣ ⲛ̀ϫⲉ ⲟⲩⲉⲑⲛⲟⲥ ⲉ̀ϫⲉⲛ ⲟⲩⲉⲑⲛⲟⲥ ⲟⲩⲟϩ ⲟⲩⲙⲉⲧⲟⲩⲣⲟ ⲉ̀ϫⲉⲛ ⲟⲩⲙⲉⲧⲟⲩⲣⲟ ⲉⲩⲉ̀ϣⲱⲡⲓ ⲛ̀ϫⲉ ϩⲁⲛⲙⲟⲛⲙⲉⲛ ⲕⲁⲧⲁ ⲙⲁ ⲉⲩⲉ̀ϣⲱⲡⲓ ⲛ̀ϫⲉ ϩⲁⲛϩ̀ⲃⲱⲛ ϩⲏ ⲛ̀ⲛⲓⲛⲁⲕϩⲓ ⲛⲉ ⲛⲁⲓ.	Efètōnf ġar ǹje oueθnos èjen oueθnos ouoh oumetouro èjen oumetouro evèṡōpi ǹje hanmonmen kata ma evèṡōpi ǹje hanh̀vōn hy ǹninak·hi ne nai.	For nation will rise against nation, and kingdom against kingdom. There will be earthquakes in various places. There will be famines and troubles. These things are the beginning of birth pains.
13:9	ⲁⲛⲁⲩ ⲇⲉ ⲛⲑⲱⲧⲉⲛ ⲉⲣⲱⲧⲉⲛ ⲥⲉⲛⲁϯ ⲑⲏⲛⲟⲩ ⲉϩⲁⲛⲙⲁⲛϯϩⲁⲡ ⲟⲩⲟϩ ϧⲉⲛⲛⲓⲥⲩⲛⲁⲅⲱⲅⲏ ⲥⲉⲛⲁϩⲓⲟⲩⲓ ⲉⲣⲱⲧⲉⲛ ⲟⲩⲟϩ ⲛⲧⲟⲩⲧⲁϩⲱⲧⲉⲛ ⲉⲣⲁⲧⲉⲛ ⲑⲏⲛⲟⲩ ⲛⲁϩⲣⲉⲛ ϩⲁⲛϩⲏⲅⲉⲙⲱⲛ ⲛⲉⲙϩⲁⲛⲟⲩⲣⲱⲟⲩ ⲉⲑⲃⲏⲧⲉⲩⲙⲉⲧⲙⲉⲑⲣⲉ ⲛⲱⲟⲩ ⲛⲉⲙⲛⲓⲉⲑⲛⲟⲥ ⲧⲏⲣⲟⲩ .	Ⲁ̀ⲛⲁⲩ ⲇⲉ ⲛ̀ⲑⲱⲧⲉⲛ ⲉⲣⲱⲧⲉⲛ ⲥⲉⲛⲁϯ ⲑⲏⲛⲟⲩ ⲉ̀ϩⲁⲛⲙⲁⲛϯϩⲁⲡ ⲟⲩⲟϩ ϧⲉⲛ ⲛⲓⲥⲩⲛⲁⲅⲱⲅⲏ ⲥⲉⲛⲁϩⲓⲟⲩⲓ̀ ⲉⲣⲱⲧⲉⲛ ⲟⲩⲟϩ ⲛ̀ⲧⲟⲩⲧⲁϩⲱⲧⲉⲛ ⲉ̀ⲣⲁⲧⲉⲛ ⲑⲏⲛⲟⲩ ⲛⲁϩⲣⲉⲛ ϩⲁⲛϩⲏⲅⲉⲙⲱⲛ ⲛⲉⲙ ϩⲁⲛⲟⲩⲣⲱⲟⲩ ⲉⲑⲃⲏⲧⲉⲩⲙⲉⲧⲙⲉⲑⲣⲉ ⲛⲱⲟⲩ ⲛⲉⲙ ⲛⲓⲉⲑⲛⲟⲥ ⲧⲏⲣⲟⲩ.	Ànav ḋe ǹθōten erōten senati θynou èhanmantihap ouoh xen nisinaġōgy senahiouì erōten ouoh ǹtoutahōten èraten θynou nahren hanhygemōn nem hanourōou eθvytevmetmeθre nōou nem nieθnos tyrou.	But watch yourselves, for they will deliver you up to councils. You will be beaten in synagogues. You will stand before rulers and kings for my sake, for a testimony to them.
13:10	ϩⲱϯ ⲛϣⲟⲣⲡ ⲛⲧⲟⲩϩⲓⲱⲓϣ ⲙⲡⲓⲉⲩⲁⲅⲅⲉⲗⲓⲟⲛ	Ϩⲱϯ ⲛ̀ϣⲟⲣⲡ ⲛ̀ⲧⲟⲩϩⲓⲱⲓϣ ⲛ̀ⲡⲓⲉⲩⲁⲅⲅⲉⲗⲓⲟⲛ	Hōti ǹṡorp ǹtouhiōiṡ ǹpievangelion	The Good News must first be preached to all the nations.
13:11	ⲟⲩⲟϩ ⲉϣⲱⲡ ⲛⲧⲟⲩⲉⲛ ⲑⲏⲛⲟⲩ ⲉⲩϯ ⲙⲙⲱⲧⲉⲛ ⲙⲡⲉⲣⲉⲣϣⲟⲣⲡ ⲛϥⲓⲣⲱⲟⲩϣ ϫⲉⲟⲩ ⲡⲉⲧⲉⲧⲉⲛⲛⲁⲥⲁϫⲓ ⲙⲙⲟϥ ⲁⲗⲗⲁ ⲡⲉⲧⲟⲩⲛⲁⲧⲏ ⲓϥ ⲛⲱⲧⲉⲛ ϧⲉⲛϯⲟⲩⲛⲟⲩ ⲉⲧⲉⲙⲙⲁⲩ ⲫⲁⲓ ⲡⲉⲧⲉⲧⲉⲛⲛⲁⲥⲁϫⲓ ⲙⲙⲟϥ ⲛⲑⲱⲧⲉⲛ ⲅⲁⲣ ⲁⲛ ⲡⲉⲑⲛⲁⲥⲁϫⲓ ⲁⲗⲗⲁ ⲡⲓⲡⲛⲉⲩⲙⲁⲉⲑⲟⲩⲁⲃ ⲡⲉ .	ⲟⲩⲟϩ ⲉϣⲱⲡ ⲛ̀ⲧⲟⲩⲉⲛ ⲑⲏⲛⲟⲩ ⲉⲩϯ ⲙ̀ⲙⲱⲧⲉⲛ ⲙ̀ⲡⲉⲣⲉⲣϣⲟⲣⲡ ⲛ̀ϥⲓⲣⲱⲟⲩϣ ϫⲉ ⲟⲩ ⲡⲉⲧⲉⲧⲉⲛⲛⲁⲥⲁϫⲓ ⲙ̀ⲙⲟϥ ⲁⲗⲗⲁ ⲡⲉⲧⲟⲩⲛⲁⲧⲏ ⲓϥ ⲛⲱⲧⲉⲛ ϧⲉⲛ ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲫⲁⲓ ⲡⲉⲧⲉⲧⲉⲛⲛⲁⲥⲁϫⲓ ⲙ̀ⲙⲟϥ ⲛ̀ⲑⲱⲧⲉⲛ ⲅⲁⲣ ⲁⲛ ⲡⲉⲑⲛⲁⲥⲁϫⲓ ⲁⲗⲗⲁ ⲡⲓⲡ̀ⲛⲉⲩⲙⲁⲉⲑⲟⲩⲁⲃ ⲡⲉ.	ouoh eṡōp ǹtouen θynou evti m̀mōten m̀pererṡorp ǹfirōouṡ je ou petetennasaji m̀mof alla petounaty if nōten xen tiounou ète m̀mav fai petetennasaji m̀mof ǹθōten ġar an peθnasaji alla pip̀nevmaeθouab pe.	When they lead you away and deliver you up, don't be anxious beforehand, or premeditate what you will say, but say whatever will be given you in that hour. For it is not you who speak, but the Holy Spirit.
13:12	ⲟⲩⲟϩ ⲉⲣⲉⲟⲩⲥⲟⲛ ϯⲛⲟⲩⲥⲟⲛ ⲉⲫⲙⲟⲩ ⲟⲩⲟϩ ⲉⲣⲉⲟⲩⲓⲱⲧ ⲉϥⲉϯ ⲛⲟⲩϣⲏⲣⲓ ⲟⲩⲟϩ ⲥⲉⲛⲁⲧⲱⲟⲩⲛⲟⲩ ⲛϫⲉϩⲁⲛϣⲏⲣⲓ ⲉϫⲉⲛϩⲁⲛⲓⲟϯ ⲟⲩⲟϩ ⲥⲉⲛⲁϧⲟⲑⲃⲟⲩ	Ⲟⲩⲟϩ ⲉ̀ⲣⲉ ⲟⲩⲥⲟⲛ ϯⲛⲟⲩⲥⲟⲛ ⲉ̀ⲫ̀ⲙⲟⲩ ⲟⲩⲟϩ ⲉ̀ⲣⲉ ⲟⲩⲓⲱⲧ ⲉϥⲉ̀ϯ ⲛ̀ⲟⲩϣⲏⲣⲓ ⲟⲩⲟϩ ⲥⲉⲛⲁⲧⲱⲟⲩⲛⲟⲩ ⲛ̀ϫⲉ ϩⲁⲛϣⲏⲣⲓ ⲉ̀ϫⲉⲛ ϩⲁⲛⲓⲟϯ ⲟⲩⲟϩ ⲥⲉⲛⲁϧⲟⲑⲃⲟⲩ	Ouoh ère ouson tinouson èf̀mou ouoh ère ouiōt efèti ǹouṡyri ouoh senatōounou ǹje hanṡyri èjen hanioti ouoh senaxoθvou	'Brother will deliver up brother to death, and the father his child. Children will rise up against parents, and cause them to be put to death.
13:13	ⲟⲩⲟϩ ⲉⲣⲉⲧⲉⲛⲉϣⲱⲡⲓ ⲉⲩⲙⲟⲥϯ ⲙⲙⲱⲧⲉⲛ ⲛϫⲉⲟⲩⲟⲛ ⲛⲓⲃⲉⲛ ⲉⲑⲃⲉⲡⲁⲣⲁⲛ ⲫⲏ ⲇⲉ ⲉⲑⲛⲁⲁⲙⲟⲛⲓ ⲛⲧⲟⲧϥ ϣⲁⲉⲃⲟⲗ ⲫⲁⲓ ⲡⲉ ⲫⲏ ⲉⲑⲛⲁⲛⲟϩⲉⲙ .	ⲟⲩⲟϩ ⲉⲣⲉⲧⲉⲛⲉϣⲱⲡⲓ ⲉⲩⲙⲟⲥϯ ⲙ̀ⲙⲱⲧⲉⲛ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲃⲉ ⲡⲁⲣⲁⲛ ⲫⲏ ⲇⲉ ⲉⲑⲛⲁⲁ̀ⲙⲟⲛⲓ ⲛ̀ⲧⲟⲧϥ ϣⲁ ⲉ̀ⲃⲟⲗ ⲫⲁⲓ ⲡⲉ ⲫⲏ ⲉⲑⲛⲁⲛⲟϩⲉⲙ.	ouoh ereteneṡōpi evmosti m̀mōten ǹje ouon niven eθve paran fy ḋe eθnaàmoni ǹtotf ṡa èvol fai pe fy eθnanohem.	You will be hated by all men for my name's sake, but he who endures to the end, the same will be saved.
13:14	ⲉϣⲱⲡ ⲇⲉ ⲛⲧⲉⲧⲉⲛⲛⲁⲩ ⲉⲡⲓⲥⲱϥ ⲛⲧⲉⲡⲓϣⲱϥ ⲉϥⲟϩⲓ ⲉⲣⲁⲧϥ ⲙⲡⲓⲙⲁ ⲉⲧⲉⲥϣⲉ ⲁⲛ ⲫⲏ ⲉⲧⲱϣ ⲙⲁⲣⲉϥⲕⲁϯ ⲧⲟⲧⲉ ⲛⲏ ⲉⲧⲭⲏ ϧⲉⲛϯⲓⲟⲩⲇⲉⲁ ⲙⲁⲣⲟⲩⲫⲱⲧ ⲉϫⲉⲛⲛⲓⲧⲱⲟⲩ	Ⲉϣⲱⲡ ⲇⲉ ⲛ̀ⲧⲉⲧⲉⲛⲛⲁⲩ ⲉ̀ⲡⲓⲥⲱϥ ⲛ̀ⲧⲉ ⲡⲓϣⲱϥ ⲉϥⲟ̀ϩⲓ ⲉ̀ⲣⲁⲧϥ ⲛ̀ⲡⲓⲙⲁ ⲉⲧⲉⲥ̀ϣⲉ ⲁⲛ ⲫⲏ ⲉⲧⲱϣ ⲙⲁⲣⲉϥⲕⲁϯ ⲧⲟⲧⲉ ⲛⲏ ⲉⲧⲭⲏ ϧⲉⲛ ϯⲓⲟⲩⲇⲉⲁ̀ ⲙⲁⲣⲟⲩⲫⲱⲧ ⲉ̀ϫⲉⲛ ⲛⲓⲧⲱⲟⲩ	Eṡōp ḋe ǹtetennav èpisōf ǹte piṡōf efòhi èratf ǹpima etes̀ṡe an fy etōṡ marefkati tote ny etky xen tiioudeà maroufōt èjen nitōou	But when you see the abomination of desolation, spoken of by Daniel the prophet, standing where it ought not (let the reader understand), then let those who are in Judea flee to the mountains,
13:15	ⲫⲏ ⲉⲧϩⲓϫⲉⲛ ⲡϫⲉⲛⲉⲫⲱⲣ ⲙⲡⲉⲛⲑⲣⲉϥⲓ ⲉϧⲣⲏⲓ ⲟⲩⲇⲉ ⲙⲡⲉⲛⲑⲣⲉϥϣⲉ ⲉϧⲟⲩⲛ ⲉⲉⲗ ϩⲗⲓ ⲉⲃⲟⲗ ϧⲉⲛⲡⲉϥⲏⲓ .	ⲫⲏ ⲉⲧϩⲓϫⲉⲛ ⲡ̀ϫⲉⲛⲉⲫⲱⲣ ⲙⲡⲉⲛⲑⲣⲉϥⲓ ⲉ̀ϧ̀ⲣⲏⲓ ⲟⲩⲇⲉ ⲙⲡⲉⲛⲑⲣⲉϥϣⲉ ⲉ̀ϧⲟⲩⲛ ⲉⲉⲗ ϩ̀ⲗⲓ ⲉ̀ⲃⲟⲗ ϧⲉⲛ ⲡⲉϥⲏⲓ.	fy et·hijen p̀jenefōr mpenθrefi èx̀ryi ouḋe mpenθrefṡe èxoun eel h̀li èvol xen pefyi.	and let him who is on the housetop not go down, nor enter in, to take anything out of his house.
13:16	ⲟⲩⲟϩ ⲫⲏ ⲉⲧϧⲉⲛⲧⲕⲟⲓ ⲙⲡⲉⲛⲑⲣⲉϥⲓ ⲉⲫⲁϩⲟⲩ ⲉⲉⲗ ⲡⲉϥϩⲃⲟⲥ .	Ⲟⲩⲟϩ ⲫⲏ ⲉⲧϧⲉⲛ ⲧ̀ⲕⲟⲓ ⲙⲡⲉⲛⲑⲣⲉϥⲓ ⲉ̀ⲫⲁϩⲟⲩ ⲉⲉⲗ ⲡⲉϥϩⲃⲟⲥ.	Ouoh fy etxen t̀koi mpenθrefi èfahou eel pefhvos.	Let him who is in the field not return back to take his cloak.
13:17	ⲟⲩⲟⲓ ⲇⲉ ⲛⲛⲏ ⲉⲧⲉⲙⲃⲟⲕⲓ ⲛⲉⲙⲛⲏ ⲉⲧϯϭⲓ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ .	Ⲟⲩⲟⲓ ⲇⲉ ⲛ̀ⲛⲏ ⲉⲧⲉⲛⲃⲟⲕⲓ ⲛⲉⲙ ⲛⲏ ⲉⲧϯϭⲓ ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ.	Ouoi ḋe ǹny etenvoki nem ny ettiċi xen nièhoou ète m̀mav.	But woe to those who are with child and to those who nurse babies in those days!
13:18	ⲁⲣⲓⲡⲣⲟⲥⲉⲩⲭⲉⲥⲑⲉ ⲇⲉ ϩⲓⲛⲁ ⲛⲧⲉϥϣⲧⲉⲙϣⲱⲡⲓ ϧⲉⲛⲧⲫⲣⲱ ⲛϫⲉⲡⲉⲧⲉⲛⲫⲱⲧ .	Ⲁⲣⲓⲡⲣⲟⲥⲉⲩⲭⲉⲥⲑⲉ ⲇⲉ ϩⲓⲛⲁ ⲛ̀ⲧⲉϥϣⲧⲉⲙϣⲱⲡⲓ ϧⲉⲛ ⲧ̀ⲫ̀ⲣⲱ ⲛ̀ϫⲉ ⲡⲉⲧⲉⲛⲫⲱⲧ.	Ariprosevṡesθe ḋe hina ǹtefṡtemṡōpi xen t̀f̀rō ǹje petenfōt.	Pray that your flight won't be in the winter.
13:19	ⲉⲩⲉϣⲱⲡⲓ ⲅⲁⲣ ⲛϫⲉⲛⲓⲉϩⲟⲟⲩ ⲉⲧⲉⲙⲙⲁⲩ ϩⲟϫϩⲉϫ ⲙⲡⲉ ⲟⲩⲟⲛ ϣⲱⲡⲓ ⲙⲡⲉϥⲣⲏϯ ⲓⲥϫⲉⲛ ϩⲏ ⲙⲡⲓⲥⲱⲛⲧ ⲉⲧⲁϥⲥⲟⲛⲧϥ ⲛϫⲉⲫⲛⲟⲩϯ ϣⲁⲉϧⲟⲩⲛ ⲉϯⲛⲟⲩ ⲟⲩⲟϩ ⲛⲛⲉ ⲟⲩⲟⲛ ϣⲱⲡⲓ ⲟⲛ	Ⲉⲩⲉ̀ϣⲱⲡⲓ ⲅⲁⲣ ⲛ̀ϫⲉ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ϩⲟϫϩⲉϫ ⲛ̀ⲡⲉ ⲟⲩⲟⲛ ϣⲱⲡⲓ ⲛ̀ⲡⲉϥⲣⲏϯ ⲓⲥϫⲉⲛ ϩⲏ ⲛ̀ⲡⲓⲥⲱⲛⲧ ⲉⲧⲁϥⲥⲟⲛⲧϥ ⲛ̀ϫⲉ ⲫ̀ⲛⲟⲩϯ ϣⲁⲉ̀ϧⲟⲩⲛ ⲉ̀ϯⲛ̀ⲟⲩ ⲟⲩⲟϩ ⲛ̀ⲛⲉ ⲟⲩⲟⲛ ϣⲱⲡⲓ ⲟⲛ	Evèṡōpi ġar ǹje nièhoou ète m̀mav hogheg ǹpe ouon ṡōpi ǹpefryti isjen hy ǹpisōnt etafsontf ǹje f̀nouti ṡaèxoun ètiǹou ouoh ǹne ouon ṡōpi on	For in those days there will be oppression, such as there has not been the like from the beginning of the creation which God created until now, and never will be.
13:20	ⲟⲩⲟϩ ⲉⲛⲉ ⲙⲡⲉ ⲡϭⲟⲓⲥ ⲉⲑⲣⲉ ⲛⲓⲉϩⲟⲟⲩ ⲉⲧⲉⲙⲙⲁⲩ ⲉⲣⲕⲟⲩϫⲓ ⲛⲁⲩⲛⲁⲛⲟϩⲉⲙ ⲁⲛ ⲡⲉ ⲛϫⲉⲥⲁⲣⲝ ⲛⲓⲃⲉⲛ ⲁⲗⲗⲁ ⲉⲑⲃⲉⲛⲓⲥⲱⲧⲡ ⲉⲧⲁϥⲥⲟⲧⲡⲟⲩ ⲁϥϫⲉϫⲉⲃ ⲛⲓⲉϩⲟⲟⲩ	ⲟⲩⲟϩ ⲉⲛⲉ ⲛ ⲡⲉ ⲡ̀ϭⲟⲓⲥ ⲉⲑⲣⲉ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉⲣⲕⲟⲩϫⲓ ⲛⲁⲩⲛⲁⲛⲟϩⲉⲙ ⲁⲛ ⲡⲉ ⲛ̀ϫⲉ ⲥⲁⲣⲝ ⲛⲓⲃⲉⲛ ⲁⲗⲗⲁ ⲉⲑⲃⲉ ⲛⲓⲥⲱⲧⲡ ⲉⲧⲁϥⲥⲟⲧⲡⲟⲩ ⲁϥϫⲉϫⲉⲃ ⲛⲓⲉ̀ϩⲟⲟⲩ	ouoh ene n pe p̀ċois eθre nièhoou ète m̀mav erkouji navnanohem an pe ǹje sarks niven alla eθve nisōtp etafsotpou afjejeb nièhoou	Unless the Lord had shortened the days, no flesh would have been saved; but for the sake of the chosen ones, whom he picked out, he shortened the days.
13:21	ⲟⲩⲟϩ ⲉϣⲱⲡ ⲛⲧⲉⲟⲩⲁⲓ ϫⲟⲥ ⲛⲱⲧⲉⲛ ϫⲉⲓⲥ ⲡⲭⲣⲓⲥⲧⲟⲥ ϩⲁⲙⲛⲁⲓ ⲓⲉ ϩⲁⲙⲛⲏ ⲙⲡⲉⲣⲛⲁϩϯ	ⲟⲩⲟϩ ⲉϣⲱⲡ ⲛ̀ⲧⲉ ⲟⲩⲁⲓ ϫⲟⲥ ⲛⲱⲧⲉⲛ ϫⲉ ⲓⲥ ⲡⲓⲭ̀ⲣⲓⲥⲧⲟⲥ ϩⲁ ⲙ̀ⲛⲁⲓ ⲓⲉ ϩⲁ ⲙ̀ⲛⲏ ⲙ̀ⲡⲉⲣⲛⲁϩϯ	ouoh eṡōp ǹte ouai gos nōten je is pix̀ristos ha m̀nai ie ha m̀ny m̀pernahti	Then if anyone tells you, 'Look, here is the Christ!' or, 'Look, there!' don't believe it.
13:22	ⲉⲩⲉⲧⲱⲟⲩⲛⲟⲩ ⲅⲁⲣ ⲛϫⲉϩⲁⲛⲭⲣⲓⲥⲧⲟⲥ ⲛⲛⲟⲩϫ ⲛⲉⲙϩⲁⲛⲡⲣⲟⲫⲏⲧⲏⲥ ⲛⲛⲟⲩϫ ⲟⲩⲟϩ ⲛⲧⲟⲩϯ ⲛϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ⲉⲡϫⲓⲛⲥⲱⲣⲉⲙ ⲁⲩϣⲁⲛϣϫⲉⲙϫⲟⲙ ⲛⲛⲓⲕⲉⲥⲱⲧⲡ	ⲉⲩⲉ̀ⲧⲱⲟⲩⲛⲟⲩ ⲅⲁⲣ ⲛ̀ϫⲉ ϩⲁⲛⲭ̀ⲣⲓⲥⲧⲟⲥ ⲛ̀ⲛⲟⲩϫ ⲛⲉⲙ ϩⲁⲛⲡ̀ⲣⲟⲫⲏⲧⲏⲥ ⲛ̀ⲛⲟⲩϫ ⲟⲩⲟϩ ⲛ̀ⲧⲟⲩϯ ⲛ̀ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ⲉ̀ⲡ̀ϫⲓⲛⲥⲱⲣⲉⲙ ⲁⲩϣⲁⲛϣϫⲉⲙϫⲟⲙ ⲛ̀ⲛⲓⲕⲉⲥⲱⲧⲡ	evètōounou ġar ǹje hanx̀ristos ǹnoug nem hanp̀rofytys ǹnoug ouoh ǹtouti ǹhanmyini nem hanṡ̀fyri èp̀jinsōrem avṡanṡjemgom ǹnikesōtp	For there will arise false christs and false prophets, and will show signs and wonders, that they may lead astray, if possible, even the chosen ones.
13:23	ⲛⲑⲱⲧⲉⲛ ⲇⲉ ⲁⲛⲁⲩ ϫⲉⲁⲓⲉⲣϣⲟⲣⲡ ⲛϫⲉϩⲱⲃ ⲛⲓⲃⲉⲛ .	ⲛ̀ⲑⲱⲧⲉⲛ ⲇⲉ ⲁ̀ⲛⲁⲩ ϫⲉ ⲁⲓⲉⲣϣⲟⲣⲡ ⲛ̀ϫⲉ ϩⲱⲃ ⲛⲓⲃⲉⲛ.	ǹθōten ḋe ànav je aierṡorp ǹje hōb niven.	But you watch. 'Behold, I have told you all things beforehand.
13:24	ⲁⲗⲗⲁ ϧⲉⲛⲛⲓⲉϩⲟⲟⲩ ⲉⲧⲉⲙⲙⲁⲩ ⲙⲉⲛⲉⲛⲥⲁⲡϩⲟϫϩⲉϫ ⲉⲧⲉⲙⲙⲁⲩ ⲡⲓⲣⲏ ⲉϥⲉⲉⲣⲭ ⲁⲕⲓ ⲟⲩⲟϩ ⲡⲓⲓⲟϩ ⲛⲛⲉϥϯ ⲙⲡⲉϥⲟⲩⲱⲓⲛⲓ .	Ⲁⲗⲗⲁ ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲙⲉⲛⲉⲛⲥⲁ ⲡ̀ϩⲟϫϩⲉϫ ⲉ̀ⲧⲉ ⲙ̀ⲙⲁⲩ ⲫ̀ⲣⲏ ⲉϥⲉ̀ⲉⲣⲭ ⲁⲕⲓ̀ ⲟⲩⲟϩ ⲡⲓⲓⲟϩ ⲛ̀ⲛⲉϥϯ ⲛ̀ⲡⲉϥⲟⲩⲱⲓⲛⲓ.	Alla xen nièhoou ète m̀mav menensa p̀hogheg ète m̀mav f̀ry efèerk akì ouoh piioh ǹnefti ǹpefouōini.	But in those days, after that oppression, the sun will be darkened, the moon will not give its light,
13:25	ⲟⲩⲟϩ ⲛⲓⲥⲓⲟⲩ ⲉⲩⲉϣⲱⲡⲓ ⲉⲩϩⲓⲱⲟⲩⲧ ⲉⲃⲟⲗ ϧⲉⲛⲧⲫⲉ ⲟⲩⲟϩ ⲛⲓϫⲟⲙ ⲛⲧⲉⲛⲓⲫⲏⲟⲩⲓ ⲉⲩⲉⲕⲓⲙ	Ⲟⲩⲟϩ ⲛⲓⲥⲓⲟⲩ ⲉⲩⲉ̀ϣⲱⲡⲓ ⲉⲩϩⲓⲱⲟⲩⲧ ⲉ̀ⲃⲟⲗ ϧⲉⲛ ⲧ̀ⲫⲉ ⲟⲩⲟϩ ⲛⲓϫⲟⲙ ⲛ̀ⲧⲉ ⲛⲓⲫⲏⲟⲩⲓ̀ ⲉⲩⲉ̀ⲕⲓⲙ	Ouoh nisiou evèṡōpi evhiōout èvol xen t̀fe ouoh nigom ǹte nifyouì evèkim	the stars will be falling from the sky, and the powers that are in the heavens will be shaken.
13:26	ⲟⲩⲟϩ ⲧⲟⲧⲉ ⲉⲩⲉⲛⲁⲩ ⲉⲡϣⲏⲣⲓ ⲙⲫⲣⲱⲙⲓ ⲉϥⲛⲏⲟⲩ ϧⲉⲛϩⲁⲛϭⲏⲡⲓ ⲛⲉⲙⲟⲩⲛⲓϣϯ ⲛϫⲟⲙ ⲛⲉⲙⲟⲩⲱⲟⲩ .	ⲟⲩⲟϩ ⲧⲟⲧⲉ ⲉⲩⲉ̀ⲛⲁⲩ ⲉ̀ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲉϥⲛⲏⲟⲩ ϧⲉⲛ ϩⲁⲛϭⲏⲡⲓ ⲛⲉⲙ ⲟⲩⲛⲓϣϯ ⲛ̀ϫⲟⲙ ⲛⲉⲙ ⲟⲩⲱ̀ⲟⲩ.	ouoh tote evènav èp̀ṡyri ǹf̀rōmi efnyou xen hanċypi nem ouniṡti ǹgom nem ouṑou.	Then they will see the Son of Man coming in clouds with great power and glory.
13:27	ⲧⲟⲧⲉ ϥⲛⲁⲟⲩⲱⲣⲡ ⲛⲛⲉϥⲁⲅⲅⲉⲗⲟⲥ ⲟⲩⲟϩ ϥⲛⲁⲑⲱⲟⲩϯ ⲛⲛⲉϥⲥⲱⲧⲡ ⲉⲃⲟⲗ ϧⲉⲛⲡⲓϥⲧⲟⲩ ⲑⲏⲟⲩ ⲓⲥϫⲉⲛ ⲁⲩⲣⲏϫϥ ⲙⲡⲕⲁϩⲓ ϣⲁⲁⲩⲣⲏϫⲥ ⲛⲧⲫⲉ .	Ⲧⲟⲧⲉ ϥ̀ⲛⲁⲟⲩⲱⲣⲡ ⲛ̀ⲛⲉϥⲁⲅⲅⲉⲗⲟⲥ ⲟⲩⲟϩ ϥ̀ⲛⲁⲑⲱⲟⲩϯ ⲛ̀ⲛⲉϥⲥⲱⲧⲡ ⲉ̀ⲃⲟⲗ ϧⲉⲛ ⲡⲓϥ̀ⲧⲟⲩ ⲑⲏⲟⲩ ⲓⲥϫⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ϣⲁ ⲁⲩⲣⲏϫⲥ ⲛ̀ⲧ̀ⲫⲉ.	Tote f̀naouōrp ǹnefangelos ouoh f̀naθōouti ǹnefsōtp èvol xen pif̀tou θyou isjen avrygf ǹp̀kahi ṡa avrygs ǹt̀fe.	Then he will send out his angels, and will gather together his chosen ones from the four winds, from the ends of the earth to the ends of the sky.
13:28	ⲉⲃⲟⲗ ⲇⲉ ϧⲉⲛϯⲃⲱ ⲛⲕⲉⲛⲧⲉ ⲁⲣⲓⲉⲙⲓ ⲉϯⲡⲁⲣⲟⲃⲟⲗⲏ ⲉϣⲱⲡ ϩⲏⲇⲏ ⲛⲧⲉⲛⲉⲥϫⲁⲗ ϭⲛⲟⲛ ⲟⲩⲟϩ ⲛⲧⲉⲥϩⲓ ϫⲱⲃⲓ ⲉⲃⲟⲗ ϣⲁⲣⲉⲧⲉⲛⲉⲙⲓ ϫⲉϥϧⲉⲛⲧ ⲛϫⲉⲡⲓϣⲱⲙ .	Ⲉ̀ⲃⲟⲗ ⲇⲉ ϧⲉⲛ ϯⲃⲱ ⲛ̀ⲕⲉⲛⲧⲉ ⲁ̀ⲣⲓⲉ̀ⲙⲓ ⲉ̀ϯⲡⲁⲣⲟⲃⲟⲗⲏ ⲉϣⲱⲡ ϩⲏⲇⲏ ⲛ̀ⲧⲉ ⲛⲉⲥϫⲁⲗ ϭⲛⲟⲛ ⲟⲩⲟϩ ⲛ̀ⲧⲉⲥϩⲓ ϫⲱⲃⲓ ⲉ̀ⲃⲟⲗ ϣⲁⲣⲉⲧⲉⲛⲉⲙⲓ ϫⲉ ϥ̀ϧⲉⲛⲧ ⲛ̀ϫⲉ ⲡⲓϣⲱⲙ.	Èvol ḋe xen tivō ǹkente àrièmi ètiparovoly eṡōp hyḋy ǹte nesgal ċnon ouoh ǹtes·hi gōvi èvol ṡaretenemi je f̀xent ǹje piṡōm.	'Now from the fig tree, learn this parable. When the branch has now become tender, and puts forth its leaves, you know that the summer is near;
13:29	ⲡⲁⲓⲣⲏϯ ⲛⲑⲱⲧⲉⲙ ϩⲱⲧⲉⲛ ⲉϣⲱⲡ ⲁⲣⲉⲧⲉⲛϣⲁⲛⲛⲁⲩ ⲉⲛⲁⲓ ⲉⲁⲩϣⲱⲡⲓ ⲁⲣⲓⲉⲙⲓ ϫⲉϥϧⲱⲛⲧ ⲉⲛⲓⲣⲱⲟⲩ .	Ⲡⲁⲓⲣⲏϯ ⲛ̀ⲑⲱⲧⲉⲙ ϩⲱⲧⲉⲛ ⲉϣⲱⲡ ⲁⲣⲉⲧⲉⲛϣⲁⲛⲛⲁⲩ ⲉ̀ⲛⲁⲓ ⲉⲁⲩϣⲱⲡⲓ ⲁ̀ⲣⲓⲉ̀ⲙⲓ ϫⲉ ϥ̀ϧⲱⲛⲧ ⲉ̀ⲛⲓⲣⲱⲟⲩ.	Pairyti ǹθōtem hōten eṡōp aretenṡannav ènai eavṡōpi àrièmi je f̀xōnt ènirōou.	even so you also, when you see these things coming to pass, know that it is near, at the doors.
13:30	ⲁⲙⲏⲛ ϯϫⲱ ⲙⲙⲟⲥ ⲛⲱⲧⲉⲛ ϫⲉⲛⲛⲉ ⲧⲁⲓⲅⲉⲛⲉⲁ ⲥⲓⲛⲓ ϣⲁⲧⲉ ⲛⲁⲓ ⲧⲏⲣⲟⲩ ϣⲱⲡⲓ .	Ⲁ̀ⲙⲏⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲛ̀ⲛⲉ ⲧⲁⲓⲅⲉⲛⲉⲁ̀ ⲥⲓⲛⲓ ϣⲁⲧⲉ ⲛⲁⲓ ⲧⲏⲣⲟⲩ ϣⲱⲡⲓ.	Àmyn tigō m̀mos nōten je ǹne taigeneà sini ṡate nai tyrou ṡōpi.	Most certainly I say to you, this generation will not pass away until all these things happen.
13:31	ⲧⲫⲉ ⲛⲉⲙⲡⲓⲕⲁϩⲓ ⲥⲉⲛⲁⲥⲓⲛⲓ ⲛⲁⲥⲁϫⲓ ⲇⲉ ⲛⲛⲟⲩⲥⲓⲛⲓ .	Ⲧ̀ⲫⲉ ⲛⲉⲙ ⲡⲓⲕⲁϩⲓ ⲥⲉⲛⲁⲥⲓⲛⲓ ⲛⲁⲥⲁϫⲓ ⲇⲉ ⲛⲛⲟⲩⲥⲓⲛⲓ.	T̀fe nem pikahi senasini nasaji ḋe nnousini.	Heaven and earth will pass away, but my words will not pass away.
13:32	ⲉⲑⲃⲉⲡⲓⲉϩⲟⲟⲩ ⲇⲉ ⲉⲧⲉⲙⲙⲁⲩ ⲛⲉⲙϯⲟⲩⲛⲟⲩ ⲙⲙⲟⲛ ϩⲗⲓ ⲉⲙⲓ ⲉⲣⲱⲟⲩ ⲟⲩⲇⲉ ⲁⲅⲅⲉⲗⲟⲥ ϧⲉⲛⲧⲫⲉ ⲟⲩⲇⲉ ⲡϣⲏⲣⲓ ⲉⲃⲏⲗ ⲉⲫⲓⲱⲧ .	Ⲉⲑⲃⲉ ⲡⲓⲉ̀ϩⲟⲟⲩ ⲇⲉ ⲉ̀ⲧⲉ ⲙ̀ⲙⲁⲩ ⲛⲉⲙ ϯⲟⲩⲛⲟⲩ ⲙ̀ⲙⲟⲛ ϩ̀ⲗⲓ ⲉⲙⲓ ⲉ̀ⲣⲱⲟⲩ ⲟⲩⲇⲉ ⲁⲅⲅⲉⲗⲟⲥ ϧⲉⲛ ⲧ̀ⲫⲉ ⲟⲩⲇⲉ ⲡ̀ϣⲏⲣⲓ ⲉ̀ⲃⲏⲗ ⲉ̀ⲫ̀ⲓⲱⲧ.	Eθve pièhoou ḋe ète m̀mav nem tiounou m̀mon h̀li emi èrōou ouḋe angelos xen t̀fe ouḋe p̀ṡyri èvyl èf̀iōt.	But of that day or that hour no one knows, not even the angels in heaven, nor the Son, but only the Father.
13:33	ϫⲟⲩϣⲧ ⲉⲃⲟⲗ ⲣⲱⲓⲥ ⲁⲣⲓⲡⲣⲟⲥⲉⲩⲭⲉⲥⲑⲉ ⲛⲧⲉⲧⲉⲛⲥⲱⲟⲩⲛ ⲅⲁⲣ ⲁⲛ ϫⲉⲑⲛⲁⲩ ⲡⲉ ⲡⲓⲥⲏⲟⲩ .	Ϫⲟⲩϣⲧ ⲉ̀ⲃⲟⲗ ⲣⲱⲓⲥ ⲁⲣⲓⲡⲣⲟⲥⲉⲩⲭⲉⲥⲑⲉ ⲛ̀ⲧⲉⲧⲉⲛⲥⲱⲟⲩⲛ ⲅⲁⲣ ⲁⲛ ϫⲉ ⲑⲛⲁⲩ ⲡⲉ ⲡⲓⲥⲏⲟⲩ.	Gouṡt èvol rōis ariprosevṡesθe ǹtetensōoun ġar an je θnav pe pisyou.	Watch, keep alert, and pray; for you don't know when the time is.
13:34	ⲙⲫⲣⲏϯ ⲛⲟⲩⲣⲱⲙⲓ ⲉⲁϥⲙⲟϣⲓ ⲉⲡϣⲉⲙⲙⲟ ⲉⲁϥⲭⲱ ⲙⲡⲉϥⲏⲓ ⲟⲩⲟϩ ⲁϥϯ ⲛⲛⲉϥⲉⲃⲓⲁⲓⲕ ⲙⲡⲓⲉⲣϣⲓϣⲓ ⲫⲟⲩⲁⲓ ⲫⲟⲩⲁⲓ ⲙⲡⲉϥϩⲱⲃ ⲟⲩⲟϩ ⲁϥϩⲟⲛϩⲉⲛ ⲉⲧⲟⲧϥ ⲙⲡⲓⲉⲙⲛⲟⲩⲧ ϩⲓⲛⲁ ⲛⲧⲉϥⲣⲱⲓⲥ	Ⲛ̀ⲫ̀ⲣⲏϯ ⲛ̀ⲟⲩⲣⲱⲙⲓ ⲉⲁϥⲙⲟϣⲓ ⲉ̀ⲡ̀ϣⲉⲙⲙⲟ ⲉⲁϥⲭⲱ ⲛ̀ⲡⲉϥⲏⲓ ⲟⲩⲟϩ ⲁϥϯ ⲛ̀ⲛⲉϥⲉ̀ⲃⲓⲁⲓⲕ ⲛ̀ⲡⲓⲉⲣϣⲓϣⲓ ⲫ̀ⲟⲩⲁⲓ ⲫ̀ⲟⲩⲁⲓ ⲛ̀ⲡⲉϥϩⲱⲃ ⲟⲩⲟϩ ⲁϥϩⲟⲛϩⲉⲛ ⲉⲧⲟⲧϥ ⲛ̀ⲡⲓⲉⲙⲛⲟⲩⲧ ϩⲓⲛⲁ ⲛ̀ⲧⲉϥⲣⲱⲓⲥ	Ǹf̀ryti ǹourōmi eafmoṡi èp̀ṡemmo eafkō ǹpefyi ouoh afti ǹnefèviaik ǹpierṡiṡi f̀ouai f̀ouai ǹpefhōb ouoh afhonhen etotf ǹpiemnout hina ǹtefrōis	'It is like a man, traveling to another country, having left his house, and given authority to his servants, and to each one his work, and also commanded the doorkeeper to keep watch.
13:35	ⲣⲱⲓⲥ ⲟⲩⲛ ⲛⲧⲉⲧⲉⲛⲥⲱⲟⲩⲛ ⲅⲁⲣ ⲁⲛ ϫⲉⲁⲣⲉ ⲡϭⲟⲓⲥ ⲙⲡⲓⲏⲓ ⲛⲏⲟⲩ ⲛⲑⲛⲁⲩ ⲓⲉ ϩⲁⲛⲁⲣⲟⲩϩⲓ ⲓⲉ ⲧⲫⲁϣⲓ ⲙⲡⲓⲉϫⲱⲣϩ ⲓⲉ ⲉⲣⲉⲡⲓⲁⲗⲉⲕⲧⲱⲣ ⲙⲟⲩϯ ⲓⲉ ϩⲁⲛⲁⲧⲟⲟⲩⲓ	ⲣⲱⲓⲥ ⲟⲩⲛ ⲛ̀ⲧⲉⲧⲉⲛⲥⲱⲟⲩⲛ ⲅⲁⲣ ⲁⲛ ϫⲉ ⲁⲣⲉ ⲡ̀ϭⲟⲓⲥ ⲛ̀ⲡⲓⲏⲓ ⲛⲏⲟⲩ ⲛ̀ⲑⲛⲁⲩ ⲓⲉ ϩⲁⲛⲁⲣⲟⲩϩⲓ ⲓⲉ ⲧ̀ⲫⲁϣⲓ ⲛ̀ⲡⲓⲉϫⲱⲣϩ ⲓⲉ ⲉ̀ⲣⲉ ⲡⲓⲁⲗⲉⲕⲧⲱⲣ ⲙⲟⲩϯ ⲓⲉ ϩⲁⲛⲁ̀ⲧⲟⲟⲩⲓ̀	rōis oun ǹtetensōoun ġar an je are p̀ċois ǹpiyi nyou ǹθnav ie hanarouhi ie t̀faṡi ǹpiegōrh ie ère pialektōr mouti ie hanàtoouì	Watch therefore, for you don't know when the lord of the house is coming, whether at evening, or at midnight, or when the rooster crows, or in the morning;
13:36	ⲙⲏⲡⲱⲥ ⲛⲧⲉϥⲓ ⲛⲟⲩϩⲟϯ ϧⲉⲛⲟⲩϩⲟϯ ⲛⲧⲉϥϫⲉⲙ ⲑⲏⲛⲟⲩ ⲉⲣⲉⲧⲉⲛⲛⲕⲟⲧ .	ⲙⲏⲡⲱⲥ ⲛ̀ⲧⲉϥⲓ ⲛ̀ⲟⲩϩⲟϯ ϧⲉⲛ ⲟⲩϩⲟϯ ⲛ̀ⲧⲉϥϫⲉⲙ ⲑⲏⲛⲟⲩ ⲉ̀ⲣⲉⲧⲉⲛⲛ̀ⲕⲟⲧ.	mypōs ǹtefi ǹouhoti xen ouhoti ǹtefjem θynou èretenǹkot.	lest coming suddenly he might find you sleeping.
13:37	ⲡⲉϯϫⲱ ⲙⲙⲟϥ ⲛⲱⲧⲉⲛ ϯϫⲱ ⲙⲙⲟϥ ⲛⲟⲩⲟⲛ ⲛⲓⲃⲉⲛ ⲣⲱⲓⲥ .	Ⲡⲉϯϫⲱ ⲙ̀ⲙⲟϥ ⲛⲱⲧⲉⲛ ϯϫⲱ ⲙ̀ⲙⲟϥ ⲛ̀ⲟⲩⲟⲛ ⲛⲓⲃⲉⲛ ⲣⲱⲓⲥ.	Petigō m̀mof nōten tigō m̀mof ǹouon niven rōis.	What I tell you, I tell all: Watch.'

Provenance

title: 02_Mark_13
dialect: bohairic
source: Coptic SCRIPTORIUM corpus "bohairic.nt", document 02_Mark_13
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 02_Mark_13 from Coptic SCRIPTORIUM (https://copticscriptorium.org), corpus bohairic.nt, document 02_Mark_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Mark/13.bohairic.scriptorium.L0.txt
title: 02_Mark_13 — Cairene
dialect: bohairic
source: generated from 13.bohairic.scriptorium.L0.txt (Coptic SCRIPTORIUM corpus "bohairic.nt", document 02_Mark_13)
licence: CC BY-SA 4.0
share: attribution
attribution: 02_Mark_13 from Coptic SCRIPTORIUM (https://copticscriptorium.org), corpus bohairic.nt, document 02_Mark_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Mark/13.bohairic.scriptorium.L1.txt
title: 02_Mark_13 — Kemetic
dialect: bohairic
source: generated from 13.bohairic.scriptorium.L1.txt
licence: CC BY-SA 4.0
share: attribution
attribution: 02_Mark_13 from Coptic SCRIPTORIUM (https://copticscriptorium.org), corpus bohairic.nt, document 02_Mark_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Mark/13.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 37 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 02_Mark_13 (37 lines)

Cite as:

02_Mark_13. Coptic SCRIPTORIUM corpus "bohairic.nt", document 02_Mark_13. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/mark/13.bohairic.scriptorium/. 02_Mark_13 from Coptic SCRIPTORIUM (https://copticscriptorium.org), corpus bohairic.nt, document 02_Mark_13, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.