02_Mark_15 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 02_Mark_15

Attribution: 02_Mark_15 from Coptic SCRIPTORIUM (https://copticscriptorium.org), corpus bohairic.nt, document 02_Mark_15, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

47 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
15:1	ⲟⲩⲟϩ ⲥⲁⲧⲟⲧⲟⲩ ⲁⲩⲥⲟϭⲛⲓ ⲛⲟⲩⲥⲟϭⲛⲓ ⲛϣⲱⲣⲡ ⲛϫⲉⲛⲓⲁⲣⲭⲓⲉⲣⲉⲩⲥ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲛⲉⲙⲛⲓⲥⲁϧ ⲛⲉⲙⲡⲓⲙⲁⲛϯϩⲁⲡ ⲧⲏⲣϥ ⲁⲩⲥⲱⲛϩ ⲛⲓⲏⲥⲟⲩⲥ ⲁⲩϭⲓⲧϥ ⲁⲩⲧⲏⲓϥ ⲙⲡⲓⲗⲁⲧⲟⲥ .	ⲟⲩⲟϩ ⲥⲁⲧⲟⲧⲟⲩ ⲁⲩⲥⲟϭⲛⲓ ⲛ̀ⲟⲩⲥⲟϭⲛⲓ ⲛ̀ϣⲱⲣⲡ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ ⲛⲉⲙ ⲛⲓⲥⲁϧ ⲛⲉⲙ ⲡⲓⲙⲁⲛϯϩⲁⲡ ⲧⲏⲣϥ ⲁⲩⲥⲱⲛϩ ⲛ̀ⲓⲏⲥⲟⲩⲥ ⲁⲩϭⲓⲧϥ ⲁⲩⲧⲏⲓϥ ⲛ̀ⲡⲓⲗⲁⲧⲟⲥ.	ouoh satotou avsoċni ǹousoċni ǹṡōrp ǹje niarṡièrevs nem nip̀resbiteros nem nisax nem pimantihap tyrf avsōnh ǹiysous avċitf avtyif ǹpilatos.	Immediately in the morning the chief priests, with the elders and scribes, and the whole council, held a consultation, and bound Jesus, and carried him away, and delivered him up to Pilate.
15:2	ⲟⲩⲟϩ ⲁϥϣⲉⲛϥ ⲛϫⲉⲡⲓⲗⲁⲧⲟⲥ ϫⲉⲛⲑⲟⲕ ⲡⲉ ⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ ⲛⲑⲟϥ ⲇⲉ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲁϥ ϫⲉⲛⲑⲟⲕ ⲡⲉⲧϫⲱ ⲙⲙⲟⲥ .	Ⲟⲩⲟϩ ⲁϥϣⲉⲛϥ ⲛ̀ϫⲉ ⲡⲓⲗⲁⲧⲟⲥ ϫⲉ ⲛ̀ⲑⲟⲕ ⲡⲉ ⲡ̀ⲟⲩⲣⲟ ⲛ̀ⲧⲉ ⲛⲓⲓⲟⲩⲇⲁⲓ ⲛ̀ⲑⲟϥ ⲇⲉ ⲉ̀ⲧⲁϥⲉⲣⲟⲩⲱ ⲡⲉϫⲁϥ ⲛⲁϥ ϫⲉ ⲛ̀ⲑⲟⲕ ⲡⲉⲧϫⲱ ⲙ̀ⲙⲟⲥ.	Ouoh afṡenf ǹje pilatos je ǹθok pe p̀ouro ǹte niioudai ǹθof ḋe ètaferouō pegaf naf je ǹθok petgō m̀mos.	Pilate asked him, 'Are you the King of the Jews?' He answered, 'So you say.'
15:3	ⲟⲩⲟϩ ⲛⲁⲩⲉⲣⲕⲁⲧⲏⲅⲟⲣⲓⲛ ⲛϩⲁⲛⲙⲏϣ ϧⲁⲣⲟϥ ⲛϫⲉⲛⲓⲁⲣⲭⲓⲉⲣⲉⲩⲥ .	Ⲟⲩⲟϩ ⲛⲁⲩⲉⲣⲕⲁⲧⲏⲅⲟⲣⲓⲛ ⲛ̀ϩⲁⲛⲙⲏϣ ϧⲁⲣⲟϥ ⲛ̀ϫⲉ ⲛⲓⲁⲣⲭⲓⲉ̀ⲣⲉⲩⲥ.	Ouoh naverkatyġorin ǹhanmyṡ xarof ǹje niarṡièrevs.	The chief priests accused him of many things.
15:4	ⲡⲓⲗⲁⲧⲟⲥ ⲇⲉ ⲟⲛ ⲛⲁϥϣⲉⲛϥ ⲉϥϫⲱ ⲙⲙⲟⲥ ⲇⲉ ⲛⲕⲉⲣⲟⲩⲱ ⲛϩⲗⲓ ⲁⲛ ⲁⲛⲁⲩ ϫⲉⲥⲉⲉⲣⲕⲁⲧⲏⲅⲟⲣⲓⲛ ⲉⲣⲟⲕ ⲛⲟⲩⲏⲣ .	Ⲡⲓⲗⲁⲧⲟⲥ ⲇⲉ ⲟⲛ ⲛⲁϥϣⲉⲛϥ ⲉϥϫⲱ ⲙ̀ⲙⲟⲥ ⲇⲉ ⲛ̀ⲕⲉⲣⲟⲩⲱ ⲛ̀ϩ̀ⲗⲓ ⲁⲛ ⲁ̀ⲛⲁⲩ ϫⲉ ⲥⲉⲉⲣⲕⲁⲧⲏⲅⲟⲣⲓⲛ ⲉ̀ⲣⲟⲕ ⲛ̀ⲟⲩⲏⲣ.	Pilatos ḋe on nafṡenf efgō m̀mos ḋe ǹkerouō ǹh̀li an ànav je seerkatyġorin èrok ǹouyr.	Pilate again asked him, 'Have you no answer? See how many things they testify against you!'
15:5	ⲓⲏⲥⲟⲩⲥ ⲇⲉ ⲙⲡⲉϥϫⲉ ⲉⲣⲟⲩⲱ ⲛϩⲗⲓ ϩⲱⲥⲧⲉ ⲛⲧⲉϥⲉⲣϣⲫⲏⲣⲓ ⲛϫⲉⲡⲓⲗⲁⲧⲟⲥ .	Ⲓⲏⲥⲟⲩⲥ ⲇⲉ ⲛ̀ⲡⲉϥϫⲉ ⲉ̀ⲣⲟⲩⲱ ⲛ̀ϩ̀ⲗⲓ ϩⲱⲥⲧⲉ ⲛ̀ⲧⲉϥⲉⲣϣⲫⲏⲣⲓ ⲛ̀ϫⲉ ⲡⲓⲗⲁⲧⲟⲥ.	Iysous ḋe ǹpefje èrouō ǹh̀li hōste ǹteferṡfyri ǹje pilatos.	But Jesus made no further answer, so that Pilate marveled.
15:6	ⲕⲁⲧⲁⲡϣⲁⲓ ⲇⲉ ⲛⲁϥⲭⲱ ⲛⲟⲩⲁⲓ ⲉϥⲥⲟⲛϩ ⲛⲱⲟⲩ ⲉⲃⲟⲗ ⲫⲏ ⲉϣⲁⲩⲉⲣⲉⲧⲓⲛ ⲙⲙⲟϥ .	Ⲕⲁⲧⲁ ⲡ̀ϣⲁⲓ ⲇⲉ ⲛⲁϥⲭⲱ ⲛ̀ⲟⲩⲁⲓ ⲉϥⲥⲟⲛϩ ⲛⲱⲟⲩ ⲉ̀ⲃⲟⲗ ⲫⲏ ⲉϣⲁⲩⲉⲣⲉⲧⲓⲛ ⲙ̀ⲙⲟϥ.	Kata p̀ṡai ḋe nafkō ǹouai efsonh nōou èvol fy eṡaveretin m̀mof.	Now at the feast he used to release to them one prisoner, whom they asked of him.
15:7	ⲫⲏ ⲇⲉ ⲉⲧⲟⲩⲙⲟⲩϯ ⲉⲣⲟϥ ϫⲉⲃⲁⲣⲁⲃⲃⲁⲥ ⲛⲁϥⲥⲟⲛϩ ⲡⲉ ⲛⲉⲙⲛⲏ ⲉⲧⲁⲩⲓⲣⲓ ⲛⲟⲩϣⲑⲟⲣⲧⲉⲣ ⲛⲏ ⲉⲛⲁⲩⲓⲣⲓ ⲛⲟⲩϧⲱⲧⲉⲃ ϧⲉⲛⲡϣⲑⲟⲣⲧⲉⲣ .	Ⲫⲏ ⲇⲉ ⲉⲧⲟⲩⲙⲟⲩϯ ⲉ̀ⲣⲟϥ ϫⲉ ⲃⲁⲣⲁⲃⲃⲁⲥ ⲛⲁϥⲥⲟⲛϩ ⲡⲉ ⲛⲉⲙ ⲛⲏ ⲉⲧⲁⲩⲓ̀ⲣⲓ ⲛ̀ⲟⲩϣ̀ⲑⲟⲣⲧⲉⲣ ⲛⲏ ⲉⲛⲁⲩⲓ̀ⲣⲓ ⲛ̀ⲟⲩϧⲱⲧⲉⲃ ϧⲉⲛ ⲡ̀ϣ̀ⲑⲟⲣⲧⲉⲣ.	Fy ḋe etoumouti èrof je barabbas nafsonh pe nem ny etavìri ǹouṡ̀θorter ny enavìri ǹouxōteb xen p̀ṡ̀θorter.	There was one called Barabbas, bound with those who had made insurrection, men who in the insurrection had committed murder.
15:8	ⲟⲩⲟϩ ⲉⲧⲁϥⲓ ⲉⲡϣⲱⲓ ⲛϫⲉⲡⲓⲙⲏϣ ⲁϥⲉⲣϩⲏⲧⲥ ⲛⲉⲣⲉⲧⲓⲛ ⲕⲁⲧⲁⲫⲣⲏϯ ⲉⲛⲁϥⲓⲣⲓ ⲛⲱⲟⲩ .	Ⲟⲩⲟϩ ⲉ̀ⲧⲁϥⲓ̀ ⲉ̀ⲡ̀ϣⲱⲓ ⲛ̀ϫⲉ ⲡⲓⲙⲏϣ ⲁϥⲉⲣϩⲏⲧⲥ ⲛ̀ⲉⲣⲉⲧⲓⲛ ⲕⲁⲧⲁ ⲫ̀ⲣⲏϯ ⲉⲛⲁϥⲓ̀ⲣⲓ ⲛⲱⲟⲩ.	Ouoh ètafì èp̀ṡōi ǹje pimyṡ aferhyts ǹeretin kata f̀ryti enafìri nōou.	The multitude, crying aloud, began to ask him to do as he always did for them.
15:9	ⲡⲓⲗⲁⲧⲟⲥ ⲇⲉ ⲁϥⲉⲣⲟⲩⲱ ⲛⲱⲟⲩ ⲉϥϫⲱ ⲙⲙⲟⲥ ϫⲉⲧⲉⲧⲉⲛⲟⲩⲱϣ ⲛⲧⲁⲭⲱ ⲛⲱⲧⲉⲛ ⲉⲃⲟⲗ ⲙⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ	Ⲡⲓⲗⲁⲧⲟⲥ ⲇⲉ ⲁϥⲉⲣⲟⲩⲱ ⲛⲱⲟⲩ ⲉϥϫⲱ ⲙ̀ⲙⲟⲥ ϫⲉ ⲧⲉⲧⲉⲛⲟⲩⲱϣ ⲛ̀ⲧⲁⲭⲱ ⲛⲱⲧⲉⲛ ⲉ̀ⲃⲟⲗ ⲛ̀ⲡ̀ⲟⲩⲣⲟ ⲛ̀ⲧⲉ ⲛⲓⲓⲟⲩⲇⲁⲓ	Pilatos ḋe aferouō nōou efgō m̀mos je tetenouōṡ ǹtakō nōten èvol ǹp̀ouro ǹte niioudai	Pilate answered them, saying, 'Do you want me to release to you the King of the Jews?'
15:10	ⲛⲁϥⲉⲙⲓ ⲅⲁⲣ ⲡⲉ ϫⲉⲉⲧⲁⲩⲧⲏⲓϥ ⲉⲑⲃⲉⲟⲩⲫⲑⲟⲛⲟⲥ	ⲛⲁϥⲉⲙⲓ ⲅⲁⲣ ⲡⲉ ϫⲉ ⲉ̀ⲧⲁⲩⲧⲏⲓϥ ⲉⲑⲃⲉ ⲟⲩⲫ̀ⲑⲟⲛⲟⲥ	nafemi ġar pe je ètavtyif eθve ouf̀θonos	For he perceived that for envy the chief priests had delivered him up.
15:11	ⲛⲓⲁⲣⲭⲓⲉⲣⲉⲩⲥ ⲇⲉ ⲁⲩⲕⲓⲙ ⲙⲡⲓⲙⲏϣ ϩⲓⲛⲁ ⲙⲁⲗⲗⲟⲛ ⲛⲧⲉϥⲭⲁ ⲃⲁⲣⲃⲃⲁⲥ ⲛⲱⲟⲩ ⲉⲃⲟⲗ .	ⲛⲓⲁⲣⲭⲓⲉ̀ⲣⲉⲩⲥ ⲇⲉ ⲁⲩⲕⲓⲙ ⲛ̀ⲡⲓⲙⲏϣ ϩⲓⲛⲁ ⲙⲁⲗⲗⲟⲛ ⲛ̀ⲧⲉϥⲭⲁ ⲃⲁⲣⲃⲃⲁⲥ ⲛⲱⲟⲩ ⲉ̀ⲃⲟⲗ.	niarṡièrevs ḋe avkim ǹpimyṡ hina mallon ǹtefka varvvas nōou èvol.	But the chief priests stirred up the multitude, that he should release Barabbas to them instead.
15:12	ⲡⲓⲗⲁⲧⲟⲥ ⲇⲉ ⲉⲧⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉⲟⲩ ⲟⲩⲛ ⲡⲉϯⲛⲁⲁⲓϥ ⲙⲫⲏ ⲉⲧⲉⲧⲉⲛϫⲱ ⲙⲙⲟⲥ ⲉⲣⲟϥ ϫⲉⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ	Ⲡⲓⲗⲁⲧⲟⲥ ⲇⲉ ⲉ̀ⲧⲁϥⲉⲣⲟⲩⲱ ⲡⲉϫⲁϥ ⲛⲱⲟⲩ ϫⲉ ⲟⲩ ⲟⲩⲛ ⲡⲉⲓⲛⲁⲁⲓϥ ⲛ̀ⲫⲏ ⲉⲧⲉⲧⲉⲛϫⲱ ⲙ̀ⲙⲟⲥ ⲉ̀ⲣⲟϥ ϫⲉ ⲡ̀ⲟⲩⲣⲟ ⲛ̀ⲧⲉ ⲛⲓⲓⲟⲩⲇⲁⲓ	Pilatos ḋe ètaferouō pegaf nōou je ou oun peinaaif ǹfy etetengō m̀mos èrof je p̀ouro ǹte niioudai	Pilate again asked them, 'What then should I do to him whom you call the King of the Jews?'
15:13	ⲛⲑⲱⲟⲩ ⲇⲉ ⲟⲛ ⲁⲩⲱϣ ⲉⲃⲟⲗ ϫⲉⲁϣϥ .	ⲛ̀ⲑⲱⲟⲩ ⲇⲉ ⲟⲛ ⲁⲩⲱϣ ⲉ̀ⲃⲟⲗ ϫⲉ ⲁϣϥ.	ǹθōou ḋe on avōṡ èvol je aṡf.	They cried out again, 'Crucify him!'
15:14	ⲡⲓⲗⲁⲧⲟⲥ ⲅⲁⲣ ⲛⲁϥϫⲱ ⲙⲙⲟⲥ ⲛⲱⲟⲩ ϫⲉⲟⲩ ⲅⲁⲣ ⲙⲡⲉⲧϩⲱⲟⲩ ⲡⲉⲧⲁϥⲁⲓϥ ⲛⲑⲱⲟⲩ ⲇⲉ ⲛϩⲟⲩⲟ ⲛⲁⲩⲱϣ ⲉⲃⲟⲗ ϫⲉⲁϣϥ .	Ⲡⲓⲗⲁⲧⲟⲥ ⲅⲁⲣ ⲛⲁϥϫⲱ ⲙ̀ⲙⲟⲥ ⲛⲱⲟⲩ ϫⲉ ⲟⲩ ⲅⲁⲣ ⲛ̀ⲡⲉⲧϩⲱⲟⲩ ⲡⲉⲧⲁϥⲁⲓϥ ⲛ̀ⲑⲱⲟⲩ ⲇⲉ ⲛ̀ϩⲟⲩⲟ ⲛⲁⲩⲱϣ ⲉ̀ⲃⲟⲗ ϫⲉ ⲁϣϥ.	Pilatos ġar nafgō m̀mos nōou je ou ġar ǹpet·hōou petafaif ǹθōou ḋe ǹhouo navōṡ èvol je aṡf.	Pilate said to them, 'Why, what evil has he done?' But they cried out exceedingly, 'Crucify him!'
15:15	ⲡⲓⲗⲁⲧⲟⲥ ⲇⲉ ⲉϥⲟⲩⲱϣ ⲉⲉⲣ ⲡⲉⲧⲉϩⲛⲉ ⲡⲓⲙⲏϣ ⲁϥⲭⲁ ⲃⲁⲣⲁⲃⲃⲁⲥ ⲛⲱⲟⲩ ⲉⲃⲟⲗ ⲁϥϯ ⲇⲉ ⲛⲓⲏⲥⲟⲩⲥ ⲉⲉⲣⲫⲣⲅⲉⲗⲗⲓⲛ ⲙⲙⲟϥ ϩⲓⲛⲁ ⲛⲧⲟⲩⲁϣϥ .	Ⲡⲓⲗⲁⲧⲟⲥ ⲇⲉ ⲉϥⲟⲩⲱϣ ⲉⲉⲣ ⲡⲉⲧⲉϩⲛⲉ ⲡⲓⲙⲏϣ ⲁϥⲭⲁ ⲃⲁⲣⲁⲃⲃⲁⲥ ⲛⲱⲟⲩ ⲉ̀ⲃⲟⲗ ⲁϥϯ ⲇⲉ ⲛ̀ⲓⲏⲥⲟⲩⲥ ⲉⲉⲣⲫⲣⲅⲉⲗⲗⲓⲛ ⲙ̀ⲙⲟϥ ϩⲓⲛⲁ ⲛ̀ⲧⲟⲩⲁϣϥ.	Pilatos ḋe efouōṡ eer petehne pimyṡ afka barabbas nōou èvol afti ḋe ǹiysous eerfrgellin m̀mof hina ǹtouaṡf.	Pilate, wishing to please the multitude, released Barabbas to them, and handed over Jesus, when he had flogged him, to be crucified.
15:16	ⲛⲓⲙⲁⲧⲟⲓ ⲇⲉ ⲁⲩϭⲓⲧϥ ⲉϧⲟⲩⲛ ⲉϯⲁⲩⲗⲏ ⲛⲧⲉⲡⲓⲡⲣⲉⲧⲱⲣⲓⲟⲛ ⲟⲩⲟϩ ⲁⲩⲙⲟⲩϯ ⲉϯⲥⲡⲓⲣⲁ ⲧⲏⲣⲥ ⲉϩⲣⲏⲓ ⲉϫⲱϥ	Ⲛⲓⲙⲁⲧⲟⲓ ⲇⲉ ⲁⲩϭⲓⲧϥ ⲉ̀ϧⲟⲩⲛ ⲉ̀ϯⲁⲩⲗⲏ ⲛ̀ⲧⲉ ⲡⲓⲡ̀ⲣⲉⲧⲱⲣⲓⲟⲛ ⲟⲩⲟϩ ⲁⲩⲙⲟⲩϯ ⲉ̀ϯⲥⲡⲓⲣⲁ ⲧⲏⲣⲥ ⲉ̀ϩ̀ⲣⲏⲓ ⲉ̀ϫⲱϥ	Nimatoi ḋe avċitf èxoun ètiavly ǹte pip̀retōrion ouoh avmouti ètispira tyrs èh̀ryi ègōf	The soldiers led him away within the court, which is the Praetorium; and they called together the whole cohort.
15:17	ⲟⲩⲟϩ ⲁⲩϯ ϩⲓⲱⲧϥ ⲛⲟⲩϩⲃⲟⲥ ⲛϭⲏϫⲓ ⲟⲩⲟϩ ⲁⲩϣⲱⲛⲧ ⲛⲟⲩⲭⲗⲟⲙ ⲉⲃⲟⲗ ϧⲉⲛϩⲁⲛⲥⲟⲩⲣⲓ ⲁⲩⲭⲁϥ ϩⲓϫⲱϥ	ⲟⲩⲟϩ ⲁⲩϯ ϩⲓⲱⲧϥ ⲛ̀ⲟⲩϩⲃⲟⲥ ⲛ̀ϭⲏϫⲓ ⲟⲩⲟϩ ⲁⲩϣⲱⲛⲧ ⲛ̀ⲟⲩⲭ̀ⲗⲟⲙ ⲉ̀ⲃⲟⲗ ϧⲉⲛ ϩⲁⲛⲥⲟⲩⲣⲓ ⲁⲩⲭⲁϥ ϩⲓϫⲱϥ	ouoh avti hiōtf ǹouhvos ǹċyji ouoh avṡōnt ǹouk̀lom èvol xen hansouri avkaf higōf	They clothed him with purple, and weaving a crown of thorns, they put it on him.
15:18	ⲟⲩⲟϩ ⲁⲩⲉⲣϩⲏⲧⲥ ⲛⲉⲣⲁⲥⲡⲁⲍⲉⲥⲑⲉ ⲙⲙⲟϥ ϫⲉⲭⲉⲣⲉ ⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ .	ⲟⲩⲟϩ ⲁⲩⲉⲣϩⲏⲧⲥ ⲛ̀ⲉⲣⲁⲥⲡⲁⲍⲉⲥⲑⲉ ⲙ̀ⲙⲟϥ ϫⲉ ⲭⲉⲣⲉ ⲡ̀ⲟⲩⲣⲟ ⲛ̀ⲧⲉ ⲛⲓⲓⲟⲩⲇⲁⲓ.	ouoh averhyts ǹeraspazesθe m̀mof je ṡere p̀ouro ǹte niioudai.	They began to salute him, 'Hail, King of the Jews!'
15:19	ⲟⲩⲟϩ ⲁⲩϩⲓⲟⲩⲓ ϧⲉⲛⲧⲉϥⲁⲫⲉ ⲛⲟⲩⲕⲁϣ ⲟⲩⲟϩ ⲛⲁⲩϩⲓⲑⲁϥ ϧⲉⲛⲡⲉϥϩⲟ ⲟⲩⲟϩ ⲉⲩϩⲓⲟⲩⲓ ⲙⲙⲱⲟⲩ ⲉϫⲉⲛⲛⲟⲩⲕⲉⲗⲓ ⲉⲟⲩⲱϣⲧ ⲙⲙⲟϥ .	Ⲟⲩⲟϩ ⲁⲩϩⲓⲟⲩⲓ̀ ϧⲉⲛ ⲧⲉϥⲁ̀ⲫⲉ ⲛ̀ⲟⲩⲕⲁϣ ⲟⲩⲟϩ ⲛⲁⲩϩⲓⲑⲁϥ ϧⲉⲛ ⲡⲉϥϩⲟ ⲟⲩⲟϩ ⲉⲩϩⲓⲟⲩⲓ̀ ⲙ̀ⲙⲱⲟⲩ ⲉ̀ϫⲉⲛ ⲛⲟⲩⲕⲉⲗⲓ ⲉ̀ⲟⲩⲱϣⲧ ⲙ̀ⲙⲟϥ.	Ouoh avhiouì xen tefàfe ǹoukaṡ ouoh navhiθaf xen pefho ouoh evhiouì m̀mōou èjen noukeli èouōṡt m̀mof.	They struck his head with a reed, and spat on him, and bowing their knees, did homage to him.
15:20	ⲟⲩⲟϩ ϩⲟⲧⲉ ⲉⲧⲁⲩⲥⲱⲃⲓ ⲙⲙⲟϥ ⲁⲩⲃⲁϣϥ ⲙⲡⲓϩⲃⲟⲥ ⲛϭⲏϫⲓ ⲟⲩⲟϩ ⲁⲩϯ ⲛⲛⲉϥϩⲃⲱⲥ ϩⲓⲱⲧϥ ⲟⲩⲟϩ ⲁⲩⲉⲛϥ ⲉⲃⲟⲗ ϩⲓⲛⲁ ⲛⲥⲉⲁϣϥ .	Ⲟⲩⲟϩ ϩⲟⲧⲉ ⲉ̀ⲧⲁⲩⲥⲱⲃⲓ ⲙ̀ⲙⲟϥ ⲁⲩⲃⲁϣϥ ⲛ̀ⲡⲓϩⲃⲟⲥ ⲛ̀ϭⲏϫⲓ ⲟⲩⲟϩ ⲁⲩϯ ⲛ̀ⲛⲉϥϩ̀ⲃⲱⲥ ϩⲓⲱⲧϥ ⲟⲩⲟϩ ⲁⲩⲉⲛϥ ⲉ̀ⲃⲟⲗ ϩⲓⲛⲁ ⲛ̀ⲧⲟⲩⲁϣϥ.	Ouoh hote ètavsōvi m̀mof avvaṡf ǹpihvos ǹċyji ouoh avti ǹnefh̀vōs hiōtf ouoh avenf èvol hina ǹtouaṡf.	When they had mocked him, they took the purple off of him, and put his own garments on him. They led him out to crucify him.
15:21	ⲟⲩⲟϩ ⲁⲩϭⲓ ⲛⲟⲩⲁⲓ ⲛⲭⲃⲁ ⲉϥⲥⲓⲛⲓⲱⲟⲩ ⲥⲓⲙⲱⲛ ⲡⲓⲕⲩⲣⲓⲛⲛⲉⲟⲥ ⲉϥⲛⲏⲟⲩ ⲉⲃⲟⲗ ϧⲉⲛⲧⲕⲟⲓ ⲫⲓⲱⲧ ⲛⲁⲗⲉⲝⲁⲛⲇⲣⲟⲥ ⲛⲉⲙⲣⲟⲩⲫⲟⲥ ϩⲓⲛⲁ ⲛⲧⲉϥⲱⲗⲓ ⲙⲡⲉϥⲥⲧⲁⲩⲣⲟⲥ	Ⲟⲩⲟϩ ⲁⲩϭⲓ ⲛ̀ⲟⲩⲁⲓ ⲛ̀ⲭⲃⲁ ⲉϥⲥⲓⲛⲓⲱⲟⲩ ⲥⲓⲙⲱⲛ ⲡⲓⲕⲩⲣⲓⲛⲛⲉⲟⲥ ⲉϥⲛⲏⲟⲩ ⲉ̀ⲃⲟⲗ ϧⲉⲛ ⲧ̀ⲕⲟⲓ ⲫ̀ⲓⲱⲧ ⲛ̀ⲁⲗⲉⲝⲁⲛⲇⲣⲟⲥ ⲛⲉⲙ ⲣⲟⲩⲫⲟⲥ ϩⲓⲛⲁ ⲛ̀ⲧⲉϥⲱ̀ⲗⲓ ⲛ̀ⲡⲉϥⲥⲧⲁⲩⲣⲟⲥ	Ouoh avċi ǹouai ǹkva efsiniōou simōn pikirinneos efnyou èvol xen t̀koi f̀iōt ǹaleksandros nem roufos hina ǹtefṑli ǹpefstavros	They compelled one passing by, coming from the country, Simon of Cyrene, the father of Alexander and Rufus, to go with them, that he might bear his cross.
15:22	ⲟⲩⲟϩ ⲁⲩⲉⲛϥ ⲉⲡⲓⲙⲁ ⲛⲧⲉⲅⲟⲗⲅⲟⲑⲁ ⲫⲁⲓ ⲉϣⲁⲩⲟⲩⲁϩⲙⲉϥ ϫⲉⲡⲓⲙⲁ ⲛⲧⲉⲡⲓⲕⲣⲁⲛⲓⲟⲛ	ⲟⲩⲟϩ ⲁⲩⲉⲛϥ ⲉ̀ⲡⲓⲙⲁ ⲛ̀ⲧⲉ ⲅⲟⲗⲅⲟⲑⲁ ⲫⲁⲓ ⲉϣⲁⲩⲟⲩⲁϩⲙⲉϥ ϫⲉ ⲡⲓⲙⲁ ⲛ̀ⲧⲉ ⲡⲓⲕ̀ⲣⲁⲛⲓⲟⲛ	ouoh avenf èpima ǹte ġolġoθa fai eṡavouahmef je pima ǹte pik̀ranion	They brought him to the place called Golgotha, which is, being interpreted, 'The place of a skull.'
15:23	ⲟⲩⲟϩ ⲁⲩϯ ⲛⲁϥ ⲛⲟⲩⲏⲣⲡ ⲉϥⲙⲟϫⲧ ⲛⲉⲙⲟⲩϣⲁϣⲓ ⲛⲑⲟϥ ⲇⲉ ⲙⲡⲉϥϭⲓⲧϥ	ⲟⲩⲟϩ ⲁⲩϯ ⲛⲁϥ ⲛ̀ⲟⲩⲏⲣⲡ ⲉϥⲙⲟϫⲧ ⲛⲉⲙ ⲟⲩϣⲁϣⲓ ⲛ̀ⲑⲟϥ ⲇⲉ ⲙ̀ⲡⲉϥϭⲓⲧϥ	ouoh avti naf ǹouyrp efmogt nem ouṡaṡi ǹθof ḋe m̀pefċitf	They offered him wine mixed with myrrh to drink, but he didn't take it.
15:24	ⲟⲩⲟϩ ⲁⲩⲁϣϥ ⲟⲩⲟϩ ⲁⲩⲫⲱϣ ⲛⲛⲉϥϩⲃⲱⲥ ⲉϩⲣⲁⲩ ⲉⲁⲩϩⲓⲱⲡ ⲉⲣⲱⲟⲩ ϫⲉⲛⲓⲙ ⲉⲑⲛⲁⲟⲗⲟⲩ	ⲟⲩⲟϩ ⲁⲩⲁϣϥ ⲟⲩⲟϩ ⲁⲩⲫⲱϣ ⲛ̀ⲛⲉϥϩ̀ⲃⲱⲥ ⲉ̀ϩⲣⲁⲩ ⲉⲁⲩϩⲓⲱⲡ ⲉ̀ⲣⲱⲟⲩ ϫⲉ ⲛⲓⲙ ⲉⲑⲛⲁⲟⲗⲟⲩ	ouoh avaṡf ouoh avfōṡ ǹnefh̀vōs èhrav eavhiōp èrōou je nim eθnaolou	Crucifying him, they parted his garments among them, casting lots on them, what each should take.
15:25	ⲛⲉ ⲫⲛⲁⲩ ⲇⲉ ⲛⲁϫⲡⲅ ⲡⲉ ⲟⲩⲟϩ ⲁⲩⲁϣϥ	ⲛⲉ ⲫ̀ⲛⲁⲩ ⲇⲉ ⲛ̀ⲁϫⲡⲅ ⲡⲉ ⲟⲩⲟϩ ⲁⲩⲁϣϥ	ne f̀nav ḋe ǹagpġ pe ouoh avaṡf	It was the third hour, and they crucified him.
15:26	ⲟⲩⲟϩ ϯⲉⲡⲓⲅⲣⲁⲫⲏ ⲛⲧⲉⲧⲉϥⲉⲧⲓⲁ ⲛⲁⲥⲥϧⲏⲟⲩⲧ ⲡⲉ ϫⲉⲡⲟⲩⲣⲟ ⲛⲧⲉⲛⲓⲓⲟⲩⲇⲁⲓ	ⲟⲩⲟϩ ϯⲉⲡⲓⲅⲣⲁⲫⲏ ⲛ̀ⲧⲉ ⲧⲉϥⲉⲧⲓⲁ ⲛⲁⲥⲥ̀ϧⲏⲟⲩⲧ ⲡⲉ ϫⲉ ⲡ̀ⲟⲩⲣⲟ ⲛ̀ⲧⲉ ⲛⲓⲓⲟⲩⲇⲁⲓ	ouoh tiepiġrafy ǹte tefetia nass̀xyout pe je p̀ouro ǹte niioudai	The superscription of his accusation was written over him, 'THE KING OF THE JEWS.'
15:27	ⲟⲩⲟϩ ⲁⲩⲉϣ ⲕⲉⲥⲟⲛⲓ ⲃⲛⲉⲙⲁϥ ⲟⲩⲁⲓ ⲥⲁⲟⲩⲓⲛⲁⲙ ⲟⲩⲁⲓ ⲥⲁϫⲁϭⲏ ⲙⲙⲟϥ .	ⲟⲩⲟϩ ⲁⲩⲉϣ ⲕⲉⲥⲟⲛⲓ ⲃⲛⲉⲙⲁϥ ⲟⲩⲁⲓ ⲥⲁⲟⲩⲓ̀ⲛⲁⲙ ⲟⲩⲁⲓ ⲥⲁϫⲁϭⲏ ⲙ̀ⲙⲟϥ.	ouoh aveṡ kesoni vnemaf ouai saouìnam ouai sagaċy m̀mof.	With him they crucified two robbers; one on his right hand, and one on his left.
15:28	ⲟⲩⲟϩ ϯⲅⲣⲁⲫⲏ ϫⲱⲕ ⲉⲃⲟⲗ ϫⲉⲁⲩⲟⲡϥ ⲛⲉⲙⲛⲓⲁⲛⲟⲙⲟⲥ	Ⲟⲩⲟϩ ϯⲅⲣⲁⲫⲏ ϫⲱⲕ ⲉ̀ⲃⲟⲗ ϫⲉ ⲁⲩⲟⲡϥ ⲛⲉⲙ ⲛⲓⲁⲛⲟⲙⲟⲥ	Ouoh tiġrafy gōk èvol je avopf nem nianomos	The Scripture was fulfilled, which says, 'He was numbered with transgressors.'
15:29	ⲟⲩⲟϩ ⲛⲏ ⲉⲛⲁⲩⲥⲓⲛⲓ ⲛⲁⲩϫⲉⲟⲩⲁ ⲉⲣⲟϥ ⲉⲩⲕⲓⲙ ⲛⲛⲟⲩⲁⲫⲏⲟⲩⲓ ⲟⲩⲟϩ ⲉⲩϫⲱ ⲙⲙⲟⲥ ϫⲉⲫⲏ ⲉⲑⲛⲁⲃⲉⲗ ⲡⲓⲉⲣⲫⲉⲓ ⲉⲃⲟⲗ ⲟⲩⲟϩ ⲉⲑⲛⲁⲕⲟⲧϥ ⲛⲅ ⲛⲉϩⲟⲟⲩ	ⲟⲩⲟϩ ⲛⲏ ⲉⲛⲁⲩⲥⲓⲛⲓ ⲛⲁⲩϫⲉⲟⲩⲁ ⲉ̀ⲣⲟϥ ⲉⲩⲕⲓⲙ ⲛ̀ⲛⲟⲩⲁ̀ⲫⲏⲟⲩⲓ̀ ⲟⲩⲟϩ ⲉⲩϫⲱ ⲙ̀ⲙⲟⲥ ϫⲉ ⲫⲏ ⲉⲑⲛⲁⲃⲉⲗ ⲡⲓⲉⲣⲫⲉⲓ ⲉ̀ⲃⲟⲗ ⲟⲩⲟϩ ⲉⲑⲛⲁⲕⲟⲧϥ ⲛ̀ⲅ ⲛ̀ⲉ̀ϩⲟⲟⲩ	ouoh ny enavsini navjeoua èrof evkim ǹnouàfyouì ouoh evgō m̀mos je fy eθnabel pierfei èvol ouoh eθnakotf ǹġ ǹèhoou	Those who passed by blasphemed him, wagging their heads, and saying, 'Ha! You who destroy the temple, and build it in three days,
15:30	ⲛⲁϩⲙⲉⲕ ⲉⲁⲕⲓ ⲉϧⲣⲏⲓ ⲉⲃⲟⲗ ϩⲓⲡⲓⲥⲧⲁⲩⲣⲟⲥ	ⲛⲁϩⲙⲉⲕ ⲉⲁⲕⲓ ⲉ̀ϧ̀ⲣⲏⲓ ⲉ̀ⲃⲟⲗ ϩⲓ ⲡⲓⲥ̀ⲧⲁⲩⲣⲟⲥ	nahmek eaki èx̀ryi èvol hi pis̀tavros	save yourself, and come down from the cross!'
15:31	ⲡⲁⲓⲣⲏϯ ⲛⲓⲕⲉⲁⲣⲭⲓⲉⲣⲉⲩⲥ ⲉⲩⲥⲱⲃⲓ ⲛⲉⲙⲛⲟⲩⲉⲣⲏⲟⲩ ⲉⲩϫⲱ ⲙⲙⲟⲥ ϫⲉϥⲛⲟϩⲉⲙ ⲛϩⲁⲛⲕⲉⲭⲱⲟⲩⲛⲓ ⲙⲙⲟⲛ ϣϫⲟⲙ ⲙⲙⲟϥ ⲉⲛⲁϩⲙⲉϥ .	ⲡⲁⲓⲣⲏϯ ⲛⲓⲕⲉⲁⲣⲭⲓⲉ̀ⲣⲉⲩⲥ ⲉⲩⲥⲱⲃⲓ ⲛⲉⲙ ⲛⲟⲩⲉ̀ⲣⲏⲟⲩ ⲉⲩϫⲱ ⲙ̀ⲙⲟⲥ ϫⲉ ϥ̀ⲛⲟϩⲉⲙ ⲛ̀ϩⲁⲛⲕⲉⲭⲱⲟⲩⲛⲓ ⲙ̀ⲙⲟⲛ ϣ̀ϫⲟⲙ ⲙ̀ⲙⲟϥ ⲉ̀ⲛⲁϩⲙⲉϥ.	pairyti nikearkièrevs evsōvi nem nouèryou evgō m̀mos je f̀nohem ǹhankekōouni m̀mon ṡ̀gom m̀mof ènahmef.	Likewise, also the chief priests mocking among themselves with the scribes said, 'He saved others. He can't save himself.
15:32	ⲡⲭⲣⲓⲥⲧⲟⲥ ⲡⲟⲩⲣⲟ ⲙⲡⲓⲥⲗ ⲙⲁⲣⲉϥⲓ ⲉϧⲣⲏⲓ ϯⲛⲟⲩ ⲉⲃⲟⲗ ϩⲓⲡⲓⲥⲧⲁⲩⲣⲟⲥ ϩⲓⲛⲁ ⲛⲧⲉⲛⲛⲁⲩ ⲟⲩⲟϩ ⲛⲧⲉⲛⲛⲁϩϯ ⲟⲩⲟϩ ⲛⲏ ⲉⲧⲁⲩⲁϣⲟⲩ ⲛⲉⲙⲁϥ ⲛⲁⲩϯϣⲱϣ ⲛⲁϥ .	Ⲡⲓⲭ̀ⲣⲓⲥⲧⲟⲥ ⲡ̀ⲟⲩⲣⲟ ⲛ̀ⲡⲓⲥⲗ ⲙⲁⲣⲉϥⲓ ⲉ̀ϧ̀ⲣⲏⲓ ϯⲛⲟⲩ ⲉ̀ⲃⲟⲗ ϩⲓ ⲡⲓⲥ̀ⲧⲁⲩⲣⲟⲥ ϩⲓⲛⲁ ⲛ̀ⲧⲉⲛⲛⲁⲩ ⲟⲩⲟϩ ⲛ̀ⲧⲉⲛⲛⲁϩϯ ⲟⲩⲟϩ ⲛⲏ ⲉⲧⲁⲩⲁϣⲟⲩ ⲛⲉⲙⲁϥ ⲛⲁⲩϯϣⲱϣ ⲛⲁϥ.	Pix̀ristos p̀ouro ǹpisl marefi èx̀ryi tinou èvol hi pis̀tavros hina ǹtennav ouoh ǹtennahti ouoh ny etavaṡou nemaf navtiṡōṡ naf.	Let the Christ, the King of Israel, now come down from the cross, that we may see and believe him.' Those who were crucified with him insulted him.
15:33	ⲟⲩⲟϩ ⲉⲧⲁ ⲫⲛⲁⲩ ⲛⲁϫⲡ ϣⲱⲡⲓ ⲁ ⲟⲩⲭⲁⲕⲓ ϣⲱⲡⲓ ϩⲓϫⲉⲛⲡⲓⲕⲁϩⲓ ⲧⲏⲣϥ ϣⲁⲫⲛⲁⲩ ⲛⲁϫⲡⲑ .	Ⲟⲩⲟϩ ⲉ̀ⲧⲁ ⲫ̀ⲛⲁⲩ ⲛ̀ⲁϫⲡ ϣⲱⲡⲓ ⲁ ⲟⲩⲭⲁⲕⲓ ϣⲱⲡⲓ ϩⲓϫⲉⲛ ⲡⲓⲕⲁϩⲓ ⲧⲏⲣϥ ϣⲁ ⲫ̀ⲛⲁⲩ ⲛ̀ⲁϫⲡⲑ.	Ouoh èta f̀nav ǹagp ṡōpi a oukaki ṡōpi hijen pikahi tyrf ṡa f̀nav ǹagpθ.	When the sixth hour
15:34	ⲟⲩⲟϩ ϧⲉⲛⲫⲛⲁⲩ ⲛⲁϫⲡⲑ ⲁϥⲱϣ ⲉⲃⲟⲗ ⲛϫⲉⲓⲏⲥⲟⲩⲥ ϧⲉⲛⲟⲩⲛⲓϣϯ ⲛⲥⲙⲏ ϫⲉⲉⲗⲱⲓ ⲉⲗⲱⲓ ⲗⲉⲙⲁ ⲥⲁⲃⲁⲭⲑⲁⲛⲓ ⲉⲧⲉⲙⲡⲉϥⲟⲩⲱϩⲉⲙ ⲡⲉ ϫⲉⲡⲁⲛⲟⲩϯ ⲡⲁⲛⲟⲩϯ ⲉⲑⲃⲉⲟⲩ ⲁⲕⲭⲁⲧ ⲛⲥⲱⲕ .	Ⲟⲩⲟϩ ϧⲉⲛ ⲫ̀ⲛⲁⲩ ⲛ̀ⲁϫⲡⲑ ⲁϥⲱϣ ⲉ̀ⲃⲟⲗ ⲛ̀ϫⲉ ⲓⲏⲥⲟⲩⲥ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ϫⲉ ⲉⲗⲱⲓ ⲉⲗⲱⲓ ⲗⲉⲙⲁ ⲥⲁⲃⲁⲭⲑⲁⲛⲓ ⲉⲧⲉⲛⲡⲉϥⲟⲩⲱϩⲉⲙ ⲡⲉ ϫⲉ ⲡⲁⲛⲟⲩϯ ⲡⲁⲛⲟⲩϯ ⲉⲑⲃⲉ ⲟⲩ ⲁⲕⲭⲁⲧ ⲛ̀ⲥⲱⲕ.	Ouoh xen f̀nav ǹagpθ afōṡ èvol ǹje iysous xen ouniṡti ǹs̀my je elōi elōi lema savakθani etenpefouōhem pe je panouti panouti eθve ou akkat ǹsōk.	At the ninth hour Jesus cried with a loud voice, saying, 'Eloi, Eloi, lama sabachthani?' which is, being interpreted, 'My God, my God, why have you forsaken me?'
15:35	ⲟⲩⲟϩ ϩⲁⲛⲟⲩⲟⲛ ⲛⲧⲉⲛⲏ ⲉⲧⲟϩⲓ ⲉⲣⲁⲧⲟⲩⲉⲧⲁⲩⲥⲱⲧⲉⲙ ⲛⲁⲩϫⲱ ⲙⲙⲟⲥ ϫⲉⲁⲛⲁⲩ ϥⲙⲟⲩϯ ⲉⲏⲗⲓⲁⲥ .	Ⲟⲩⲟϩ ϩⲁⲛⲟⲩⲟⲛ ⲛ̀ⲧⲉ ⲛⲏ ⲉⲧⲟϩⲓ ⲉ̀ⲣⲁⲧⲟⲩⲉⲧⲁⲩⲥⲱⲧⲉⲙ ⲛⲁⲩϫⲱ ⲙ̀ⲙⲟⲥ ϫⲉ ⲁ̀ⲛⲁⲩ ϥ̀ⲙⲟⲩϯ ⲉⲏⲗⲓⲁⲥ.	Ouoh hanouon ǹte ny etohi èratouetavsōtem navgō m̀mos je ànav f̀mouti eylias.	Some of those who stood by, when they heard it, said, 'Behold, he is calling Elijah.'
15:36	ⲉⲧⲁϥϭⲟϫⲓ ⲛϫⲉⲟⲩⲁⲓ ⲁϥⲙⲁϩ ⲟⲩⲥⲫⲟⲅⲅⲟⲥ ⲛϩⲉⲙϫ ⲁϥⲧⲁⲗⲟϥ ⲉϫⲉⲛⲟⲩⲕⲁϣ ⲁϥⲧⲥⲟϥ ⲉϥϫⲱ ⲙⲙⲟⲥ ϫⲉⲭⲁϥ ⲛⲧⲉⲛⲛⲁⲩ ϫⲉⲏⲗⲓⲁⲥ ⲛⲏⲟⲩ ⲛⲧⲉϥⲉⲛϥ ⲉϧⲣⲏⲓ .	Ⲉⲧⲁϥϭⲟϫⲓ ⲛ̀ϫⲉ ⲟⲩⲁⲓ ⲁϥⲙⲁϩ ⲟⲩⲥⲫⲟⲅⲅⲟⲥ ⲛ̀ϩⲉⲙϫ ⲁϥⲧⲁⲗⲟϥ ⲉ̀ϫⲉⲛ ⲟⲩⲕⲁϣ ⲁϥⲧ̀ⲥⲟϥ ⲉϥϫⲱ ⲙ̀ⲙⲟⲥ ϫⲉ ⲭⲁϥ ⲛ̀ⲧⲉⲛⲛⲁⲩ ϫⲉ ⲏⲗⲓⲁⲥ ⲛⲏⲟⲩ ⲛ̀ⲧⲉϥⲉⲛϥ ⲉ̀ϧ̀ⲣⲏⲓ.	Etafċoji ǹje ouai afmah ousfonġos ǹhemg aftalof èjen oukaṡ aft̀sof efgō m̀mos je kaf ǹtennav je ylias nyou ǹtefenf èx̀ryi.	One ran, and filling a sponge full of vinegar, put it on a reed, and gave it to him to drink, saying, 'Let him be. Let's see whether Elijah comes to take him down.'
15:37	ⲓⲏⲥⲟⲩⲥ ⲇⲉ ⲉⲧⲁϥⲙⲟⲩϯ ϧⲉⲛⲟⲩⲛⲓϣϯ ⲛⲥⲙⲏ ⲁϥϯ ⲙⲡⲓⲡⲛⲁ	Ⲓⲏⲥⲟⲩⲥ ⲇⲉ ⲉ̀ⲧⲁϥⲙⲟⲩϯ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ⲁϥϯ ⲛ̀ⲡⲓⲡ̀ⲛⲉⲩⲙⲁ	Iysous ḋe ètafmouti xen ouniṡti ǹs̀my afti ǹpip̀nevma	Jesus cried out with a loud voice, and gave up the spirit.
15:38	ⲟⲩⲟϩ ⲡⲓⲕⲁⲧⲁⲡⲉⲧⲁⲥⲙⲁ ⲛⲧⲉⲡⲓⲉⲣⲫⲉⲓ ⲁϥⲫⲱϧ ϧⲉⲛⲃⲓⲥϫⲉⲛ ⲡϣⲱⲓ ⲉϧⲣⲏⲓ	ⲟⲩⲟϩ ⲡⲓⲕⲁⲧⲁⲡⲉⲧⲁⲥⲙⲁ ⲛ̀ⲧⲉ ⲡⲓⲉⲣⲫⲉⲓ ⲁϥⲫⲱϧ ϧⲉⲛ ⲃⲓⲥϫⲉⲛ ⲡ̀ϣⲱⲓ ⲉ̀ϧ̀ⲣⲏⲓ	ouoh pikatapetasma ǹte pierfei affōx xen visjen p̀ṡōi èx̀ryi	The veil of the temple was torn in two from the top to the bottom.
15:39	ⲉⲧⲁϥⲛⲁⲩ ⲇⲉ ⲛϫⲉⲡⲓⲉⲕⲁⲧⲟⲛⲧⲁⲣⲭⲟⲥ ⲫⲏ ⲉⲧⲟϩⲓ ⲉⲣⲁⲧϥ ⲙⲡⲉϥⲙⲑⲟ ϫⲉⲁϥϯ ⲙⲡⲓⲡⲛⲉⲩⲙⲁⲡⲉϫⲁϥ ϫⲉⲁⲗⲏⲑⲱⲥ ⲡⲁⲓⲣⲱⲙⲓ ⲛⲉⲡϣⲏⲣⲓ ⲙⲫⲛⲟⲩϯ ⲡⲉ	ⲉⲧⲁϥⲛⲁⲩ ⲇⲉ ⲛ̀ϫⲉ ⲡⲓⲉⲕⲁⲧⲟⲛⲧⲁⲣⲭⲟⲥ ⲫⲏ ⲉⲧⲟϩⲓ ⲉ̀ⲣⲁⲧϥ ⲛ̀ⲡⲉϥⲙ̀ⲑⲟ ϫⲉ ⲁϥϯ ⲛ̀ⲡⲓⲡ̀ⲛⲉⲩⲙⲁⲡⲉϫⲁϥ ϫⲉ ⲁ̀ⲗⲏⲑⲱⲥ ⲡⲁⲓⲣⲱⲙⲓ ⲛ̀ⲉⲡ̀ϣⲏⲣⲓ ⲛ̀ⲫ̀ⲛⲟⲩϯ ⲡⲉ	etafnav ḋe ǹje piekatontarxos fy etohi èratf ǹpefm̀θo je afti ǹpip̀nevmapegaf je àlyθōs pairōmi ǹep̀ṡyri ǹf̀nouti pe	When the centurion, who stood by opposite him, saw that he cried out like this and breathed his last, he said, 'Truly this man was the Son of God!'
15:40	ⲛⲉ ⲟⲩⲟⲛ ϩⲁⲛⲕⲉϩⲓⲟⲙⲓ ⲇⲉ ⲡⲉ ⲉⲩⲛⲁⲩ ϩⲓⲫⲟⲩⲉⲓ ⲛⲉⲉⲛⲁⲣⲉ ⲙⲁⲣⲓⲁ ⲛϧⲏⲧⲟⲩ ⲡⲉ ϯⲙⲁⲅⲇⲁⲗⲓⲛⲏ ⲛⲉⲙⲙⲁⲣⲓⲁ ⲛⲧⲉⲓⲁⲕⲱⲃⲟⲥ ⲡⲓⲕⲟⲩϫⲓ ⲛⲉⲙⲑⲙⲁⲩ ⲛⲓⲱⲥⲏⲧⲟⲥ ⲛⲉⲙⲥⲁⲗⲱⲙⲏ .	ⲛⲉ ⲟⲩⲟⲛ ϩⲁⲛⲕⲉϩⲓⲟⲙⲓ ⲇⲉ ⲡⲉ ⲉⲩⲛⲁⲩ ϩⲓ ⲫ̀ⲟⲩⲉⲓ ⲛⲉⲉⲛⲁⲣⲉ ⲙⲁⲣⲓⲁ ⲛ̀ϧⲏⲧⲟⲩ ⲡⲉ ϯⲙⲁⲅⲇⲁⲗⲓⲛⲏ ⲛⲉⲙ ⲙⲁⲣⲓⲁ ⲛ̀ⲧⲉ ⲓⲁⲕⲱⲃⲟⲥ ⲡⲓⲕⲟⲩϫⲓ ⲛⲉⲙ ⲑ̀ⲙⲁⲩ ⲛ̀ⲓⲱⲥⲏⲧⲟⲥ ⲛⲉⲙ ⲥⲁⲗⲱⲙⲏ.	ne ouon hankehiomi ḋe pe evnav hi f̀ouei neenare maria ǹxytou pe timaġdaliny nem maria ǹte iakōbos pikouji nem θ̀mav ǹiōsytos nem salōmy.	There were also women watching from afar, among whom were both Mary Magdalene, and Mary the mother of James the less and of Joses, and Salome;
15:41	ⲛⲁⲓ ⲉⲛⲁⲩⲟⲩⲉϩ ⲛⲥⲱϥ ϩⲟⲧⲉ ⲉϥⲭⲏ ϧⲉⲛϯⲅⲁⲗⲓⲗⲉⲁ ⲟⲩⲟϩ ⲛⲁⲩϣⲉⲙϣⲓ ⲙⲙⲟϥ ⲛⲉⲙⲕⲉⲙⲏϣ ⲉⲁⲩⲓ ⲛⲉⲙⲁϥ ⲉϩⲣⲏⲓ ⲉⲓⲉⲣⲟⲥⲁⲗⲏⲙ .	Ⲛⲁⲓ ⲉⲛⲁⲩⲟⲩⲉϩ ⲛ̀ⲥⲱϥ ϩⲟⲧⲉ ⲉϥⲭⲏ ϧⲉⲛ ϯⲅⲁⲗⲓⲗⲉⲁ ⲟⲩⲟϩ ⲛⲁⲩϣⲉⲙϣⲓ ⲙ̀ⲙⲟϥ ⲛⲉⲙ ⲕⲉⲙⲏϣ ⲉⲁⲩⲓ ⲛⲉⲙⲁϥ ⲉ̀ϩ̀ⲣⲏⲓ ⲉ̀ⲓⲉⲣⲟⲥⲁⲗⲏⲙ.	Nai enavoueh ǹsōf hote efky xen tiġalilea ouoh navṡemṡi m̀mof nem kemyṡ eavi nemaf èh̀ryi èierosalym.	who, when he was in Galilee, followed him, and served him; and many other women who came up with him to Jerusalem.
15:42	ⲟⲩⲟϩ ϩⲏⲇⲏ ⲉⲧⲁ ⲣⲟⲩϩⲓ ϣⲱⲡⲓ ⲉⲡⲓⲇⲏ ⲛⲉϯⲡⲁⲣⲁⲥⲕⲉⲩⲏ ⲧⲉ ⲉⲧϧⲁϫⲱϥ ⲙⲡⲥⲁⲃⲃⲁⲧⲟⲛ	Ⲟⲩⲟϩ ϩⲏⲇⲏ ⲉ̀ⲧⲁ ⲣⲟⲩϩⲓ ϣⲱⲡⲓ ⲉⲡⲓⲇⲏ ⲛ̀ⲉϯⲡⲁⲣⲁⲥⲕⲉⲩⲏ ⲧⲉ ⲉⲧϧⲁϫⲱϥ ⲛ̀ⲡ̀ⲥⲁⲃⲃⲁⲧⲟⲛ	Ouoh hyḋy èta rouhi ṡōpi epiḋy ǹetiparaskevy te etxagōf ǹp̀·sabbaton	When evening had now come, because it was the Preparation Day, that is, the day before the Sabbath,
15:43	ⲉⲧⲁϥⲓ ⲛϫⲉⲓⲱⲥⲏⲫ ⲡⲓⲉⲃⲟⲗ ϧⲉⲛⲁⲣⲓⲙⲁⲑⲉⲁⲥ ⲉⲟⲩⲉⲩⲥⲭⲏⲙⲱⲛ ⲡⲉ ⲙⲃⲟⲩⲗⲉⲩⲧⲏ ⲥⲫⲁⲓ ⲉⲧⲉⲛⲑⲟϥ ϩⲱϥ ⲛⲁϥϫⲟⲩϣⲧ ⲉⲃⲟⲗ ϧⲁⲧϩⲏ ⲛϯⲙⲉⲧⲟⲩⲣⲟ ⲛⲧⲉⲫⲛⲟⲩϯ ⲁϥⲉⲣⲧⲟⲗⲙⲁⲛ ⲁϥϣⲉ ⲉϧⲟⲩⲛ ϩⲁⲡⲓⲗⲁⲧⲟⲥ ⲟⲩⲟϩ ⲁϥⲉⲣⲉⲧⲓⲛ ⲙⲡⲥⲱⲙⲁ ⲛⲓⲏⲥ	ⲉ̀ⲧⲁϥⲓ̀ ⲛ̀ϫⲉ ⲓⲱⲥⲏⲫ ⲡⲓⲉ̀ⲃⲟⲗ ϧⲉⲛ ⲁⲣⲓⲙⲁⲑⲉⲁⲥ ⲉ̀ⲟⲩⲉⲩⲥⲭⲏⲙⲱⲛ ⲡⲉ ⲙ̀ⲃⲟⲩⲗⲉⲩⲧⲏ ⲥⲫⲁⲓ ⲉ̀ⲧⲉ ⲛ̀ⲑⲟϥ ϩⲱϥ ⲛⲁϥϫⲟⲩϣⲧ ⲉ̀ⲃⲟⲗ ϧⲁⲧ̀ϩⲏ ⲛ̀ϯⲙⲉⲧⲟⲩⲣⲟ ⲛ̀ⲧⲉ ⲫ̀ⲛⲟⲩϯ ⲁϥⲉⲣⲧⲟⲗⲙⲁⲛ ⲁϥϣⲉ ⲉ̀ϧⲟⲩⲛ ϩⲁ ⲡⲓⲗⲁⲧⲟⲥ ⲟⲩⲟϩ ⲁϥⲉⲣⲉⲧⲓⲛ ⲛ̀ⲡ̀ⲥⲱⲙⲁ ⲛⲓⲏⲥ	ètafì ǹje iōsyf pièvol xen arimaθeas èouevsṡymōn pe m̀voulevty sfai ète ǹθof hōf nafgouṡt èvol xat̀·hy ǹtimetouro ǹte f̀nouti afertolman afṡe èxoun ha pilatos ouoh aferetin ǹp̀·sōma niys	Joseph of Arimathaea, a prominent council member who also himself was looking for the Kingdom of God, came. He boldly went in to Pilate, and asked for Jesus' body.
15:44	ⲡⲓⲗⲁⲧⲟⲥ ⲇⲉ ⲁϥⲉⲣϣⲫⲏⲣⲓ ϫⲉϩⲏⲇⲏ ⲁϥⲙⲟⲩ ⲟⲩⲟϩ ⲉⲧⲁϥⲙⲟⲩϯ ⲉⲡⲓⲉⲕⲁⲧⲟⲛⲧⲁⲣⲭ ⲟⲥ ⲁϥϣⲉⲛϥ ϫⲉⲁⲛ ⲁϥⲟⲩⲱ ⲁϥⲙⲟⲩ .	ⲡⲓⲗⲁⲧⲟⲥ ⲇⲉ ⲁϥⲉⲣϣⲫⲏⲣⲓ ϫⲉ ϩⲏⲇⲏ ⲁϥⲙⲟⲩ ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲡⲓⲉⲕⲁⲧⲟⲛⲧⲁⲣⲭ ⲟⲥ ⲁϥϣⲉⲛϥ ϫⲉ ⲁⲛ ⲁϥⲟⲩⲱ ⲁϥⲙⲟⲩ.	pilatos ḋe aferṡfyri je hyḋy afmou ouoh ètafmouti èpiekatontark os afṡenf je an afouō afmou.	Pilate marveled if he were already dead; and summoning the centurion, he asked him whether he had been dead long.
15:45	ⲟⲩⲟϩ ⲉⲧⲁϥⲉⲙⲓ ⲛⲧⲟⲧϥ ⲙⲡⲓⲉⲕⲁⲧⲟⲛⲧⲁⲣⲭ ⲟⲥ ⲁϥϯ ⲙⲡⲓⲥⲱⲙⲁ ⲛⲧⲉⲓⲏⲥⲟⲩⲥ ⲛⲓⲱⲥⲏⲫ	Ⲟⲩⲟϩ ⲉ̀ⲧⲁϥⲉⲙⲓ ⲛ̀ⲧⲟⲧϥ ⲛ̀ⲡⲓⲉⲕⲁⲧⲟⲛⲧⲁⲣⲭ ⲟⲥ ⲁϥϯ ⲛ̀ⲡⲓⲥⲱⲙⲁ ⲛ̀ⲧⲉ ⲓⲏⲥⲟⲩⲥ ⲛ̀ⲓⲱⲥⲏⲫ	Ouoh ètafemi ǹtotf ǹpiekatontark os afti ǹpisōma ǹte iysous ǹiōsyf	When he found out from the centurion, he granted the body to Joseph.
15:46	ⲟⲩⲟϩ ⲉⲧⲁϥϣⲉⲡ ⲟⲩϣⲉⲛⲧⲱ ⲁϥⲉⲛϥ ⲉϧⲣⲏⲓ ⲁϥⲕⲟⲩⲗⲱⲗϥ ϧⲉⲛⲟⲩϣⲉⲛⲧⲱ ⲟⲩⲟϩ ⲁϥⲭⲁϥ ϧⲉⲛⲟⲩⲙϩⲁⲩ ⲫⲏ ⲉⲧϣⲏⲕ ⲉⲃⲟⲗ ϧⲉⲛⲟⲩⲡⲉⲧⲣⲁ ⲟⲩⲟϩ ⲁϥⲥⲕⲉⲣⲕⲉⲣ ⲙⲡⲓⲱⲛⲓ ⲉⲣⲱϥ ⲙⲡⲓⲙϩⲁⲩ .	ⲟⲩⲟϩ ⲉ̀ⲧⲁϥϣⲉⲡ ⲟⲩϣⲉⲛⲧⲱ ⲁϥⲉⲛϥ ⲉ̀ϧ̀ⲣⲏⲓ ⲁϥⲕⲟⲩⲗⲱⲗϥ ϧⲉⲛ ⲟⲩϣⲉⲛⲧⲱ ⲟⲩⲟϩ ⲁϥⲭⲁϥ ϧⲉⲛ ⲟⲩⲙ̀ϩⲁⲩ ⲫⲏ ⲉⲧϣⲏⲕ ⲉ̀ⲃⲟⲗ ϧⲉⲛ ⲟⲩⲡⲉⲧⲣⲁ ⲟⲩⲟϩ ⲁϥⲥⲕⲉⲣⲕⲉⲣ ⲛ̀ⲡⲓⲱⲛⲓ ⲉ̀ⲣⲱϥ ⲛ̀ⲡⲓⲙ̀ϩⲁⲩ.	ouoh ètafṡep ouṡentō afenf èx̀ryi afkoulōlf xen ouṡentō ouoh afkaf xen oum̀hav fy etṡyk èvol xen oupetra ouoh afskerker ǹpiōni èrōf ǹpim̀hav.	He bought a linen cloth, and taking him down, wound him in the linen cloth, and laid him in a tomb which had been cut out of a rock. He rolled a stone against the door of the tomb.
15:47	ⲙⲁⲣⲓⲁ ⲇⲉ ϯⲙⲁⲅⲇⲁⲗⲓⲛⲏ ⲛⲉⲙⲙⲁⲣⲓⲁ ⲛⲧⲉⲓⲱⲥⲏⲧⲟⲥ ⲛⲁⲩⲛⲁⲩ ⲡⲉ ϫⲉⲉⲧⲁⲩⲭⲁϥ ⲑⲱⲛ .	Ⲙⲁⲣⲓⲁ ⲇⲉ ϯⲙⲁⲅⲇⲁⲗⲓⲛⲏ ⲛⲉⲙ ⲙⲁⲣⲓⲁ ⲛ̀ⲧⲉ ⲓⲱⲥⲏⲧⲟⲥ ⲛⲁⲩⲛⲁⲩ ⲡⲉ ϫⲉ ⲉ̀ⲧⲁⲩⲭⲁϥ ⲑⲱⲛ.	Maria ḋe timaġdaliny nem maria ǹte iōsytos navnav pe je ètavkaf θōn.	Mary Magdalene and Mary, the mother of Joses, saw where he was laid.

Provenance

title: 02_Mark_15
dialect: bohairic
source: Coptic SCRIPTORIUM corpus "bohairic.nt", document 02_Mark_15
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 02_Mark_15 from Coptic SCRIPTORIUM (https://copticscriptorium.org), corpus bohairic.nt, document 02_Mark_15, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Mark/15.bohairic.scriptorium.L0.txt
title: 02_Mark_15 — Cairene
dialect: bohairic
source: generated from 15.bohairic.scriptorium.L0.txt (Coptic SCRIPTORIUM corpus "bohairic.nt", document 02_Mark_15)
licence: CC BY-SA 4.0
share: attribution
attribution: 02_Mark_15 from Coptic SCRIPTORIUM (https://copticscriptorium.org), corpus bohairic.nt, document 02_Mark_15, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Mark/15.bohairic.scriptorium.L1.txt
title: 02_Mark_15 — Kemetic
dialect: bohairic
source: generated from 15.bohairic.scriptorium.L1.txt
licence: CC BY-SA 4.0
share: attribution
attribution: 02_Mark_15 from Coptic SCRIPTORIUM (https://copticscriptorium.org), corpus bohairic.nt, document 02_Mark_15, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Mark/15.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 47 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 02_Mark_15 (47 lines)

Cite as:

02_Mark_15. Coptic SCRIPTORIUM corpus "bohairic.nt", document 02_Mark_15. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/mark/15.bohairic.scriptorium/. 02_Mark_15 from Coptic SCRIPTORIUM (https://copticscriptorium.org), corpus bohairic.nt, document 02_Mark_15, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.