11_Philippians_01 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.nt", document 11_Philippians_01

Attribution: 11_Philippians_01 from Coptic SCRIPTORIUM (https://copticscriptorium.org), corpus bohairic.nt, document 11_Philippians_01, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

30 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1:1	ⲡⲁⲩⲗⲟⲥ ⲛⲉⲙⲧⲓⲙⲟⲑⲉⲟⲥ ⲛⲓⲉⲃⲓⲁⲓⲕ ⲛⲧⲉⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲛⲓⲁⲅⲓⲟⲥ ⲛⲏ ⲉⲧϧⲉⲛⲡⲭⲣⲓⲥⲧⲟⲥ ⲓⲏⲥⲟⲩⲥ ⲛⲏ ⲉⲧϣⲟⲡ ϧⲉⲛⲫⲓⲗⲓⲡⲡⲟⲓⲥ ⲛⲉⲙⲛⲓⲉⲡⲓⲥⲕⲟⲡⲟⲥ ⲛⲉⲙⲛⲓⲇⲓⲁⲕⲱⲛ .	ⲡⲁⲩⲗⲟⲥ ⲛⲉⲙ ⲧⲓⲙⲟⲑⲉⲟⲥ ⲛⲓⲉ̀ⲃⲓⲁⲓⲕ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ⲓⲏⲥⲟⲩⲥ ⲛ̀ⲛⲓⲁⲅⲓⲟⲥ ⲛⲏ ⲉⲧϧⲉⲛ ⲡⲓⲭ̀ⲣⲓⲥⲧⲟⲥ ⲓⲏⲥⲟⲩⲥ ⲛⲏ ⲉⲧϣⲟⲡ ϧⲉⲛ ⲫⲓⲗⲓⲡⲡⲟⲓⲥ ⲛⲉⲙ ⲛⲓⲉ̀ⲡⲓⲥⲕⲟⲡⲟⲥ ⲛⲉⲙ ⲛⲓⲇⲓⲁⲕⲱⲛ.	pavlos nem timoθeos nièviaik ǹte pix̀ristos iysous ǹniagios ny etxen pix̀ristos iysous ny etṡop xen filippois nem nièpiskopos nem niḋiakōn.	Paul and Timothy, servants of Jesus Christ; To all the saints in Christ Jesus who are at Philippi, with the overseers:
1:2	ⲡϩⲙⲟⲧ ⲛⲱⲧⲉⲛ ⲛⲉⲙⲧϩⲓⲣⲏⲛⲏ ⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉⲛⲓⲱⲧ ⲛⲉⲙⲡⲉⲛϭⲟⲓⲥ ⲓⲏⲥⲟⲩⲥ ⲡⲭⲣⲓⲥⲧⲟⲥ .	Ⲡ̀ϩ̀ⲙⲟⲧ ⲛⲱⲧⲉⲛ ⲛⲉⲙ ⲧ̀ϩⲓⲣⲏⲛⲏ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲡⲉⲛⲓⲱⲧ ⲛⲉⲙ ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	P̀h̀mot nōten nem t̀·hiryny èvol hiten f̀nouti peniōt nem penċois iysous pix̀ristos.	Grace to you, and peace from God, our Father, and the Lord Jesus Christ.
1:3	ϯϣⲉⲡϩⲙⲟⲧ ⲛⲧⲉⲛⲡⲁⲛⲟⲩϯ ⲉϩⲣⲏⲓ ⲉϫⲉⲛⲡⲉⲧⲉⲛⲙⲉⲩⲓ ⲧⲏⲣϥ .	Ϯϣⲉⲡϩ̀ⲙⲟⲧ ⲛ̀ⲧⲉⲛ ⲡⲁⲛⲟⲩϯ ⲉ̀ϩ̀ⲣⲏⲓ ⲉ̀ϫⲉⲛ ⲡⲉⲧⲉⲛⲙⲉⲩⲓ ⲧⲏⲣϥ.	Tiṡeph̀mot ǹten panouti èh̀ryi èjen petenmevi tyrf.	I thank my God whenever I remember you,
1:4	ⲉϯⲣⲁ ⲙⲙⲟϥ ⲛⲥⲏⲟⲩ ⲛⲓⲃⲉⲛ ϧⲉⲛⲛⲁⲧⲱⲃϩ ⲧⲏⲣⲟⲩ ⲉϩⲣⲏⲓ ⲉϫⲉⲛⲑⲏⲛⲟⲩ ⲧⲏⲣⲟⲩ ϧⲉⲛⲟⲩⲣⲁϣⲓ ⲉⲓⲓⲣⲓ ⲙⲡⲓⲧⲱⲃϩ	Ⲉ̀ϯⲣⲁ ⲙ̀ⲙⲟϥ ⲛ̀ⲥⲏⲟⲩ ⲛⲓⲃⲉⲛ ϧⲉⲛ ⲛⲁⲧⲱⲃϩ ⲧⲏⲣⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲧⲏⲣⲟⲩ ϧⲉⲛ ⲟⲩⲣⲁϣⲓ ⲉⲓⲓ̀ⲣⲓ ⲙ̀ⲡⲓⲧⲱⲃϩ	Ètira m̀mof ǹsyou niven xen natōvh tyrou èh̀ryi èjen θynou tyrou xen ouraṡi eiìri m̀pitōvh	always in every request of mine on behalf of you all making my requests with joy,
1:5	ⲉϩⲣⲏⲓ ⲉϫⲉⲛⲧⲉⲧⲉⲛⲙⲉⲧϣⲫⲏⲣ ⲉⲧⲁⲥϣⲱⲡⲓ ⲙⲡⲓⲉⲩⲁⲅⲅⲉⲗⲓⲟⲛ ⲓⲥϫⲉⲛ ⲡⲓⲉϩⲟⲟⲩ ⲛϩⲟⲩⲓⲧ ϣⲁⲉϧⲟⲩⲛ ⲉϯⲛⲟⲩ .	ⲉ̀ϩ̀ⲣⲏⲓ ⲉ̀ϫⲉⲛ ⲧⲉⲧⲉⲛⲙⲉⲧϣⲫⲏⲣ ⲉⲧⲁⲥϣⲱⲡⲓ ⲛ̀ⲡⲓⲉⲩⲁⲅⲅⲉⲗⲓⲟⲛ ⲓⲥϫⲉⲛ ⲡⲓⲉ̀ϩⲟⲟⲩ ⲛ̀ϩⲟⲩⲓⲧ ϣⲁⲉ̀ϧⲟⲩⲛ ⲉ̀ϯⲛⲟⲩ.	èh̀ryi èjen tetenmetṡfyr etasṡōpi ǹpievangelion isjen pièhoou ǹhouit ṡaèxoun ètinou.	for your partnership in furtherance of the Good News from the first day until now;
1:6	ⲉⲣⲉⲡⲁϩⲏⲧ ⲑⲏⲧ ⲉϫⲉⲛⲫⲁⲓ ϫⲉⲫⲏ ⲉⲧⲁϥⲉⲣϩⲏⲧⲥ ϧⲉⲛⲑⲏⲛⲟⲩ ϥⲛⲁϫⲉⲕ ⲟⲩϩⲱⲃ ⲉⲛⲁⲛⲉϥ ⲉⲃⲟⲗ ϣⲁⲡⲓⲉϩⲟⲟⲩ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .	Ⲉ̀ⲣⲉⲡⲁϩⲏⲧ ⲑⲏⲧ ⲉ̀ϫⲉⲛ ⲫⲁⲓ ϫⲉ ⲫⲏ ⲉⲧⲁϥⲉⲣϩⲏⲧⲥ ϧⲉⲛ ⲑⲏⲛⲟⲩ ϥ̀ⲛⲁϫⲉⲕ ⲟⲩϩⲱⲃ ⲉⲛⲁⲛⲉϥ ⲉ̀ⲃⲟⲗ ϣⲁ ⲡⲓⲉ̀ϩⲟⲟⲩ ⲛ̀ⲧⲉ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	Èrepahyt θyt èjen fai je fy etaferhyts xen θynou f̀najek ouhōb enanef èvol ṡa pièhoou ǹte iysous pix̀ristos.	being confident of this very thing, that he who began a good work in you will complete it until the day of Jesus Christ.
1:7	ⲕⲁⲧⲁⲫⲣⲏϯ ⲉⲧⲉⲟⲩϩⲱⲃ ⲙⲙⲏⲓ ⲛⲏⲓ ⲡⲉ ⲫⲁⲓ ⲉⲩⲙⲉⲩⲓ ⲉⲣⲟϥ ⲉϫⲉⲛⲑⲏⲛⲟⲩ ⲧⲏⲣⲟⲩ ⲉⲑⲃⲉϫⲉⲧⲉⲧⲉⲛⲭⲏ ⲛϧⲣⲏⲓ ϧⲉⲛⲡⲁϩⲏⲧ ⲛⲉⲙϧⲉⲛⲛⲁⲥⲛⲁⲩϩ ⲛⲉⲙⲛϧⲣⲏⲓ ϧⲉⲛⲧⲁⲁⲡⲟⲗⲟⲅⲓⲁ ⲛⲉⲙⲡⲧⲁϫⲣⲟ ⲛⲧⲉⲡⲓⲉⲩⲁⲅⲅⲉⲗⲓⲟⲛ ⲉⲣⲉⲧⲉⲛⲟⲓ ⲛϣⲫⲏⲣ ⲉⲡⲓϩⲙⲟⲧ ⲧⲏⲣⲟⲩ ⲛⲉⲙⲏⲓ .	Ⲕⲁⲧⲁ ⲫ̀ⲣⲏϯ ⲉ̀ⲧⲉ ⲟⲩϩⲱⲃ ⲛ̀ⲙⲏⲓ ⲛⲏⲓ ⲡⲉ ⲫⲁⲓ ⲉⲩⲙⲉⲩⲓ ⲉ̀ⲣⲟϥ ⲉ̀ϫⲉⲛ ⲑⲏⲛⲟⲩ ⲧⲏⲣⲟⲩ ⲉⲑⲃⲉ ϫⲉ ⲧⲉⲧⲉⲛⲭⲏ ⲛ̀ϧ̀ⲣⲏⲓ ϧⲉⲛ ⲡⲁϩⲏⲧ ⲛⲉⲙ ϧⲉⲛ ⲛⲁⲥ̀ⲛⲁⲩϩ ⲛⲉⲙ ⲛ̀ϧ̀ⲣⲏⲓ ϧⲉⲛ ⲧⲁⲁⲡⲟⲗⲟⲅⲓⲁ ⲛⲉⲙ ⲡ̀ⲧⲁϫⲣⲟ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ ⲉⲣⲉⲧⲉⲛⲟⲓ ⲛ̀ϣ̀ⲫⲏⲣ ⲉ̀ⲡⲓϩ̀ⲙⲟⲧ ⲧⲏⲣⲟⲩ ⲛⲉⲙⲏⲓ.	Kata f̀ryti ète ouhōb ǹmyi nyi pe fai evmevi èrof èjen θynou tyrou eθve je tetenky ǹx̀ryi xen pahyt nem xen nas̀navh nem ǹx̀ryi xen taapologia nem p̀tagro ǹte pievangelion eretenoi ǹṡ̀fyr èpih̀mot tyrou nemyi.	It is even right for me to think this way on behalf of all of you, because I have you in my heart, because, both in my bonds and in the defense and confirmation of the Good News, you all are partakers with me of grace.
1:8	ⲡⲁⲙⲉⲑⲣⲉ ⲅⲁⲣ ⲡⲉ ⲫⲛⲟⲩϯ ⲙⲫⲣⲏϯ ⲉϯⲙⲉⲓ ⲙⲙⲱⲧⲉⲛ ⲧⲏⲣⲟⲩ ϧⲉⲛⲛⲓⲙⲉⲧϣⲁⲛⲑⲙⲁϧⲧ ⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .	Ⲡⲁⲙⲉⲑⲣⲉ ⲅⲁⲣ ⲡⲉ ⲫ̀ⲛⲟⲩϯ ⲛ̀ⲫ̀ⲣⲏϯ ⲉ̀ϯⲙⲉⲓ ⲙ̀ⲙⲱⲧⲉⲛ ⲧⲏⲣⲟⲩ ϧⲉⲛ ⲛⲓⲙⲉⲧϣⲁⲛⲑ̀ⲙⲁϧⲧ ⲛ̀ⲧⲉ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	Pameθre ġar pe f̀nouti ǹf̀ryti ètimei m̀mōten tyrou xen nimetṡanθ̀maxt ǹte iysous pix̀ristos.	For God is my witness, how I long after all of you in the tender mercies of Christ Jesus.
1:9	ⲟⲩⲟϩ ⲫⲁⲓ ⲡⲉϯⲧⲱⲃϩ ⲉⲑⲃⲏⲧϥ ϩⲓⲛⲁ ⲧⲉⲧⲉⲛⲁⲅⲁⲡⲏ ⲉⲧⲓ ⲙⲁⲗⲗⲟⲛ ⲕⲉⲙⲁⲗⲗⲟⲛ ⲛⲧⲉⲥⲉⲣϩⲟⲩⲟ ϧⲉⲛⲡⲉⲙⲓ ⲛⲉⲙⲉⲥⲑⲉⲥⲓⲥ ⲛⲓⲃⲉⲛ .	Ⲟⲩⲟϩ ⲫⲁⲓ ⲡⲉϯⲧⲱⲃϩ ⲉⲑⲃⲏⲧϥ ϩⲓⲛⲁ ⲧⲉⲧⲉⲛⲁ̀ⲅⲁⲡⲏ ⲉ̀ⲧⲓ ⲙⲁⲗⲗⲟⲛ ⲕⲉⲙⲁⲗⲗⲟⲛ ⲛ̀ⲧⲉⲥⲉⲣϩⲟⲩⲟ ϧⲉⲛ ⲡ̀ⲉ̀ⲙⲓ ⲛⲉⲙ ⲉⲥⲑⲉⲥⲓⲥ ⲛⲓⲃⲉⲛ.	Ouoh fai petitōvh eθvytf hina tetenàġapy èti mallon kemallon ǹteserhouo xen p̀èmi nem esθesis niven.	This I pray, that your love may abound yet more and more in knowledge and all discernment;
1:10	ⲉⲑⲣⲉⲧⲉⲛⲉⲣⲇⲟⲕⲓⲙⲁⲍⲓⲛ ⲛⲛⲏ ⲉⲧⲉⲣⲛⲟϥⲣⲓ ϩⲓⲛⲁ ⲛⲧⲉⲧⲉⲛϣⲱⲡⲓ ⲉⲣⲉⲧⲉⲛⲧⲟⲩⲃⲏⲟⲩⲧ ⲟⲩⲟϩ ⲉⲣⲉⲧⲉⲛⲟⲓ ⲛⲁⲧϭⲣⲟⲡ ⲉⲡⲉϩⲟⲟⲩ ⲙⲡⲭⲣⲓⲥⲧⲟⲥ .	Ⲉ̀ⲑⲣⲉⲧⲉⲛⲉⲣⲇⲟⲕⲓⲙⲁⲍⲓⲛ ⲛ̀ⲛⲏ ⲉⲧⲉⲣⲛⲟϥⲣⲓ ϩⲓⲛⲁ ⲛ̀ⲧⲉⲧⲉⲛϣⲱⲡⲓ ⲉ̀ⲣⲉⲧⲉⲛⲧⲟⲩⲃⲏⲟⲩⲧ ⲟⲩⲟϩ ⲉⲣⲉⲧⲉⲛⲟⲓ ⲛ̀ⲁⲧϭⲣⲟⲡ ⲉ̀ⲡⲉϩⲟⲟⲩ ⲛ̀ⲡⲓⲭ̀ⲣⲓⲥⲧⲟⲥ.	Èθretenerdokimazin ǹny eternofri hina ǹtetenṡōpi èretentouvyout ouoh eretenoi ǹatċrop èpehoou ǹpix̀ristos.	so that you may approve the things that are excellent; that you may be sincere and without offense to the day of Christ;
1:11	ⲟⲩⲟϩ ⲉⲣⲉⲧⲉⲛⲙⲉϩ ⲛⲟⲩⲧⲁϩ ⲛⲧⲉϯⲙⲉⲑⲙⲏⲓ ⲡⲓⲉⲃⲟⲗ ϩⲓⲧⲉⲛⲓⲏⲥⲟⲩⲥ ⲡⲭⲣⲓⲥⲧⲟⲥ ⲉⲩⲱⲟⲩ ⲛⲉⲙⲟⲩⲧⲁⲓⲟ ⲙⲫⲛⲟⲩϯ .	Ⲟⲩⲟϩ ⲉ̀ⲣⲉⲧⲉⲛⲙⲉϩ ⲛ̀ⲟⲩⲧⲁϩ ⲛ̀ⲧⲉ ϯⲙⲉⲑⲙⲏⲓ ⲡⲓⲉ̀ⲃⲟⲗ ϩⲓⲧⲉⲛ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ ⲉⲩⲱⲟⲩ ⲛⲉⲙ ⲟⲩⲧⲁⲓⲟ ⲛ̀ⲧⲉ ⲫ̀ⲛⲟⲩϯ.	Ouoh èretenmeh ǹoutah ǹte timeθmyi pièvol hiten iysous pix̀ristos evōou nem outaio ǹte f̀nouti.	being filled with the fruits of righteousness, which are through Jesus Christ, to the glory and praise of God.
1:12	ϯⲟⲩⲱϣ ⲇⲉ ⲉⲑⲣⲉⲧⲉⲛⲉⲙⲓ ⲛⲁⲥⲛⲏⲟⲩ ϫⲉⲛⲏ ⲉⲧϣⲟⲡ ⲙⲙⲟⲓ ⲁⲩⲓ ⲙⲁⲗⲗⲟⲛ ⲉⲩⲡⲣⲟⲕⲟⲡⲏ ⲛⲧⲉⲡⲓⲉⲩⲁⲅⲅⲉⲗⲓⲟⲛ .	Ϯⲟⲩⲱϣ ⲇⲉ ⲉ̀ⲑⲣⲉⲧⲉⲛⲉⲙⲓ ⲛⲁⲥ̀ⲛⲏⲟⲩ ϫⲉ ⲛⲏ ⲉⲧϣⲟⲡ ⲙ̀ⲙⲟⲓ ⲁⲩⲓ̀ ⲙⲁⲗⲗⲟⲛ ⲉⲩⲡ̀ⲣⲟⲕⲟⲡⲏ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ.	Tiouōṡ ḋe èθretenemi nas̀nyou je ny etṡop m̀moi avì mallon evp̀rokopy ǹte pievangelion.	Now I desire to have you know, brothers, that the things which happened to me have turned out rather to the progress of the Good News;
1:13	ϩⲱⲥⲧⲉ ⲛⲁⲥⲛⲁⲩϩ ⲛⲧⲟⲩϣⲱⲡⲓ ⲉⲩⲟⲩⲟⲛϩ ⲉⲃⲟⲗ ϧⲉⲛⲡⲓⲡⲣⲉⲧⲱⲣⲓⲟⲛ ⲧⲏⲣϥ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲥⲱϫⲡ .	Ϩⲱⲥⲧⲉ ⲛⲁⲥⲛⲁⲩϩ ⲛ̀ⲧⲟⲩϣⲱⲡⲓ ⲉⲩⲟⲩⲟⲛϩ ⲉ̀ⲃⲟⲗ ϧⲉⲛ ⲡⲓⲡ̀ⲣⲉⲧⲱⲣⲓⲟⲛ ⲧⲏⲣϥ ⲛⲉⲙ ⲟⲩⲟⲛ ⲛⲓⲃⲉⲛ ⲉ̀ⲧ̀ⲥⲱϫⲡ.	Hōste nasnavh ǹtouṡōpi evouonh èvol xen pip̀retōrion tyrf nem ouon niven èt̀sōgp.	so that it became evident to the whole praetorian guard, and to all the rest, that my bonds are in Christ;
1:14	ⲟⲩⲟϩ ⲡϩⲟⲩⲟ ⲛⲛⲓⲥⲛⲏⲟⲩ ⲉⲧϧⲉⲛⲡϭⲟⲓⲥ ⲛⲥⲉⲭⲁ ϩⲑⲏⲟⲩ ⲉⲛⲁⲥⲛⲁⲩϩ ⲛϩⲟⲩⲟ ⲙⲁⲗⲗⲟⲛ ⲛⲥⲉⲉⲣⲧⲟⲗⲙⲁⲛ ⲉⲥⲁϫⲓ ⲙⲡⲓⲥⲁϫⲓ ⲛⲧⲉⲫⲛⲟⲩϯ ⲛⲁⲧⲉⲣϩⲟϯ .	Ⲟⲩⲟϩ ⲡ̀ϩⲟⲩⲟ̀ ⲛ̀ⲛⲓⲥ̀ⲛⲏⲟⲩ ⲉⲧϧⲉⲛ ⲡ̀ϭⲟⲓⲥ ⲛ̀ⲧⲟⲩⲭⲁ ϩⲑⲏⲟⲩ ⲉ̀ⲛⲁⲥ̀ⲛⲁⲩϩ ⲛ̀ϩⲟⲩⲟ ⲙⲁⲗⲗⲟⲛ ⲛ̀ⲧⲟⲩⲉⲣⲧⲟⲗⲙⲁⲛ ⲉ̀ⲥⲁϫⲓ ⲛ̀ⲡⲓⲥⲁϫⲓ ⲛ̀ⲧⲉ ⲫ̀ⲛⲟⲩϯ ⲛ̀ⲁⲧⲉⲣϩⲟϯ.	Ouoh p̀houò ǹnis̀nyou etxen p̀ċois ǹtouka hθyou ènas̀navh ǹhouo mallon ǹtouertolman èsaji ǹpisaji ǹte f̀nouti ǹaterhoti.	and that most of the brothers in the Lord, being confident through my bonds, are more abundantly bold to speak the word of God without fear.
1:15	ⲟⲩⲟϩ ϩⲁⲛⲟⲩⲟⲛ ⲙⲉⲛ ⲉⲑⲃⲉⲟⲩⲫⲑⲟⲛⲟⲥ ⲛⲉⲙⲟⲩϣϭⲛⲏⲛ ϩⲁⲛⲟⲩⲟⲛ ⲇⲉ ⲛⲉⲙⲉⲑⲃⲉⲟⲩϯⲙⲁϯ ⲥⲉϩⲓⲱⲓϣ ⲙⲡⲭⲣⲓⲥⲧⲟⲥ .	Ⲟⲩⲟϩ ϩⲁⲛⲟⲩⲟⲛ ⲙⲉⲛ ⲉⲑⲃⲉ ⲟⲩⲫ̀ⲑⲟⲛⲟⲥ ⲛⲉⲙ ⲟⲩϣϭⲛⲏⲛ ϩⲁⲛⲟⲩⲟⲛ ⲇⲉ ⲛⲉⲙ ⲉⲑⲃⲉ ⲟⲩϯⲙⲁϯ ⲥⲉϩⲓⲱⲓϣ ⲛ̀ⲡⲓⲭ̀ⲣⲓⲥⲧⲟⲥ.	Ouoh hanouon men eθve ouf̀θonos nem ouṡċnyn hanouon ḋe nem eθve outimati sehiōiṡ ǹpix̀ristos.	Some indeed preach Christ even out of envy and strife, and some also out of good will.
1:16	ⲛⲁⲓ ⲙⲉⲛ ϧⲉⲛⲟⲩⲁⲅⲁⲡⲏ ⲉⲩⲉⲙⲓ ϫⲉⲉⲓⲭⲏ ⲉⲩⲁⲡⲟⲗⲟⲅⲓⲁ ⲛⲧⲉⲡⲓⲉⲩⲁⲅⲅⲉⲗⲓⲟⲛ .	Ⲛⲁⲓ ⲙⲉⲛ ϧⲉⲛ ⲟⲩⲁ̀ⲅⲁⲡⲏ ⲉⲩⲉⲙⲓ ϫⲉ ⲉⲓⲭⲏ ⲉⲩⲁⲡⲟⲗⲟⲅⲓⲁ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ.	Nai men xen ouàġapy evemi je eiky evapologia ǹte pievangelion.	The former insincerely preach Christ from selfish ambition, thinking that they add affliction to my chains;
1:17	ⲛⲁⲓ ⲇⲉ ϧⲉⲛⲟⲩϣϭⲛⲏⲛ ⲥⲉϩⲓⲱⲓϣ ⲙⲡⲭⲣⲓⲥⲧⲟⲥ ϧⲉⲛⲟⲩⲧⲟⲩⲃⲟ ⲁⲛ ⲉⲩⲙⲉⲩⲓ ⲉⲧⲟⲩⲛⲟⲥ ⲟⲩϩⲟϫϩⲉϫ ⲛⲛⲁⲥⲛⲁⲩϩ .	Ⲛⲁⲓ ⲇⲉ ϧⲉⲛ ⲟⲩϣϭⲛⲏⲛ ⲥⲉϩⲓⲱⲓϣ ⲛ̀ⲡⲓⲭ̀ⲣⲓⲥⲧⲟⲥ ϧⲉⲛ ⲟⲩⲧⲟⲩⲃⲟ ⲁⲛ ⲉⲩⲙⲉⲩⲓ ⲉ̀ⲧⲟⲩⲛⲟⲥ ⲟⲩϩⲟϫϩⲉϫ ⲛ̀ⲧⲉ ⲛⲁⲥ̀ⲛⲁⲩϩ.	Nai ḋe xen ouṡċnyn sehiōiṡ ǹpix̀ristos xen outouvo an evmevi ètounos ouhogheg ǹte nas̀navh.	but the latter out of love, knowing that I am appointed for the defense of the Good News.
1:18	ⲁϧⲟϥ ϫⲉⲡⲗⲏⲛ ϧⲉⲛⲥⲙⲟⲧ ⲛⲓⲃⲉⲛ ⲓⲧⲉ ϧⲉⲛⲟⲩⲗⲱⲓϫⲓ ⲓⲧⲉ ϧⲉⲛⲟⲩⲙⲉⲑⲙⲏⲓ ⲡⲭⲣⲓⲥⲧⲟⲥ ⲥⲉϩⲓⲱⲓϣ ⲙⲙⲟϥ ϧⲉⲛⲫⲁⲓ ϯⲣⲁϣⲓ ⲁⲗⲗⲁ ⲟⲩⲟϩ ⲉⲓⲉⲣⲁϣⲓ ⲟⲛ .	Ⲁϧⲟϥ ϫⲉ ⲡ̀ⲗⲏⲛ ϧⲉⲛ ⲥⲙⲟⲧ ⲛⲓⲃⲉⲛ ⲓⲧⲉ ϧⲉⲛ ⲟⲩⲗⲱⲓϫⲓ ⲓⲧⲉ ϧⲉⲛ ⲟⲩⲙⲉⲑⲙⲏⲓ ⲡⲓⲭ̀ⲣⲓⲥⲧⲟⲥ ⲥⲉϩⲓⲱⲓϣ ⲙ̀ⲙⲟϥ ϧⲉⲛ ⲫⲁⲓ ϯⲣⲁϣⲓ ⲁⲗⲗⲁ ⲟⲩⲟϩ ⲉⲓⲉ̀ⲣⲁϣⲓ ⲟⲛ.	Axof je p̀lyn xen smot niven ite xen oulōiji ite xen oumeθmyi pix̀ristos sehiōiṡ m̀mof xen fai tiraṡi alla ouoh eièraṡi on.	What does it matter? Only that in every way, whether in pretense or in truth, Christ is proclaimed. I rejoice in this, yes, and will rejoice.
1:19	ϯⲉⲙⲓ ⲅⲁⲣ ϫⲉⲫⲁⲓ ⲛⲁϣⲱⲡⲓ ⲛⲏⲓ ⲉⲩⲟⲩϫⲁⲓ ⲉⲃⲟⲗ ϩⲓⲧⲉⲛⲡⲉⲧⲉⲛⲧⲱⲃϩ ⲛⲉⲙⲡⲥⲁϩⲛⲓ ⲛⲧⲉⲡⲓⲡⲛⲉⲩⲙⲁⲛⲧⲉⲓⲏⲥⲟⲩⲥ ⲡⲭⲣⲓⲥⲧⲟⲥ .	Ϯⲉⲙⲓ ⲅⲁⲣ ϫⲉ ⲫⲁⲓ ⲛⲁϣⲱⲡⲓ ⲛⲏⲓ ⲉⲩⲟⲩϫⲁⲓ ⲉ̀ⲃⲟⲗ ϩⲓⲧⲉⲛ ⲡⲉⲧⲉⲛⲧⲱⲃϩ ⲛⲉⲙ ⲡ̀ⲥⲁϩⲛⲓ ⲛ̀ⲧⲉ ⲡⲓⲡ̀ⲛⲉⲩⲙⲁⲛⲧⲉⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ.	Tiemi ġar je fai naṡōpi nyi evougai èvol hiten petentōvh nem p̀·sahni ǹte pip̀nevmanteiysous pix̀ristos.	For I know that this will turn out to my salvation, through your supplication and the supply of the Spirit of Jesus Christ,
1:20	ⲕⲁⲧⲁⲡⲁϫⲓⲛϫⲟⲩϣⲧ ⲛⲉⲙⲧⲁϩⲉⲗⲡⲓⲥ ϫⲉϯⲛⲁϣⲓⲡⲓ ⲁⲛ ϧⲉⲛϩⲗⲓ ⲁⲗⲗⲁ ϧⲉⲛⲟⲩⲡⲁⲣⲣⲏⲥⲓⲁ ⲛⲓⲃⲉⲛ ⲙⲫⲣⲏϯ ⲛⲥⲏⲟⲩ ⲛⲓⲃⲉⲛ ⲛⲉⲙϯⲛⲟⲩ ⲉϥⲉⲁⲓⲁⲓ ⲛϫⲉⲡⲭⲣⲓⲥⲧⲟⲥ ϧⲉⲛⲡⲁⲥⲱⲙⲁ ⲓⲧⲉ ⲉⲃⲟⲗ ϩⲓⲧⲉⲛⲡⲱⲛϧ ⲓⲧⲉ ⲉⲃⲟⲗ ϩⲓⲧⲉⲛⲫⲙⲟⲩ .	Ⲕⲁⲧⲁ ⲡⲁϫⲓⲛϫⲟⲩϣⲧ ⲛⲉⲙ ⲧⲁϩⲉⲗⲡⲓⲥ ϫⲉ ϯⲛⲁϣⲓⲡⲓ ⲁⲛ ϧⲉⲛ ϩ̀ⲗⲓ ⲁⲗⲗⲁ ϧⲉⲛ ⲟⲩⲡⲁⲣⲣⲏⲥⲓⲁ ⲛⲓⲃⲉⲛ ⲛ̀ⲫ̀ⲣⲏϯ ⲛ̀ⲥⲏⲟⲩ ⲛⲓⲃⲉⲛ ⲛⲉⲙ ϯⲛⲟⲩ ⲉϥⲉ̀ⲁⲓⲁⲓ ⲛ̀ϫⲉ ⲡⲓⲭ̀ⲣⲓⲥⲧⲟⲥ ϧⲉⲛ ⲡⲁⲥⲱⲙⲁ ⲓⲧⲉ ⲉ̀ⲃⲟⲗ ϩⲓⲧⲉⲛ ⲡ̀ⲱⲛϧ ⲓⲧⲉ ⲉ̀ⲃⲟⲗ ϩⲓⲧⲉⲛ ⲫ̀ⲙⲟⲩ.	Kata pajingouṡt nem tahelpis je tinaṡipi an xen h̀li alla xen ouparrysia niven ǹf̀ryti ǹsyou niven nem tinou efèaiai ǹje pix̀ristos xen pasōma ite èvol hiten p̀ōnx ite èvol hiten f̀mou.	according to my earnest expectation and hope, that I will in no way be disappointed, but with all boldness, as always, now also Christ will be magnified in my body, whether by life, or by death.
1:21	ⲁⲛⲟⲕ ⲅⲁⲣ ⲡⲁⲱⲛϧ ⲡⲉ ⲡⲭⲣⲓⲥⲧⲟⲥ ⲟⲩⲟϩ ⲡⲙⲟⲩ ⲟⲩϩⲏⲟⲩ ⲛⲏⲓ ⲡⲉ .	Ⲁⲛⲟⲕ ⲅⲁⲣ ⲡⲁⲱⲛϧ ⲡⲉ ⲡⲓⲭ̀ⲣⲓⲥⲧⲟⲥ ⲟⲩⲟϩ ⲫ̀ⲙⲟⲩ ⲟⲩϩⲏⲟⲩ ⲛⲏⲓ ⲡⲉ.	Anok ġar paōnx pe pix̀ristos ouoh f̀mou ouhyou nyi pe.	For to me to live is Christ, and to die is gain.
1:22	ⲓⲥϫⲉ ⲡⲓⲱⲛϧ ϧⲉⲛⲧⲥⲁⲣⲝ ⲫⲁⲓ ⲟⲩⲟⲩⲧⲁϩ ⲛϩⲱⲃ ⲛⲏⲓ ⲡⲉ ⲟⲩⲟϩ ⲟⲩ ⲡⲉϯⲛⲁⲥⲟⲧⲡϥ ⲛϯⲉⲙⲓ ⲁⲛ .	Ⲓⲥϫⲉ ⲡⲓⲱⲛϧ ϧⲉⲛ ⲧ̀ⲥⲁⲣⲝ ⲫⲁⲓ ⲟⲩⲟⲩⲧⲁϩ ⲛ̀ϩⲱⲃ ⲛⲏⲓ ⲡⲉ ⲟⲩⲟϩ ⲟⲩ ⲡⲉϯⲛⲁⲥⲟⲧⲡϥ ⲛ̀ϯⲉⲙⲓ ⲁⲛ.	Isje piōnx xen t̀sarks fai ououtah ǹhōb nyi pe ouoh ou petinasotpf ǹtiemi an.	But if I live on in the flesh, this will bring fruit from my work; yet I don't make known what I will choose.
1:23	ⲥⲉⲁⲙⲟⲛⲓ ⲛϫⲉⲡⲓⲥⲛⲟⲩϯ ⲉⲧⲉⲡⲓⲑⲩⲙⲓⲁ ⲉⲥⲉⲛⲧⲟⲧ ⲉⲃⲱⲗ ⲉⲃⲟⲗ ⲛⲧⲁϣⲱⲡⲓ ⲛⲉⲙⲡⲭⲣⲓⲥⲧⲟⲥ ⲛϩⲟⲩⲟ ⲅⲁⲣ ⲙⲁⲗⲗⲟⲛ ϥⲥⲟⲧⲡ .	Ⲥⲉⲁ̀ⲙⲟⲛⲓ ⲛ̀ϫⲉ ⲡⲓⲥ̀ⲛⲟⲩϯ ⲉ̀ⲧⲉ̀ⲡⲓⲑⲩⲙⲓⲁ ⲉ̀ⲥⲉⲛ̀ⲧⲟⲧ ⲉⲃⲱⲗ ⲉ̀ⲃⲟⲗ ⲛ̀ⲧⲁϣⲱⲡⲓ ⲛⲉⲙ ⲡⲓⲭ̀ⲣⲓⲥⲧⲟⲥ ⲛ̀ϩⲟⲩⲟ ⲅⲁⲣ ⲙⲁⲗⲗⲟⲛ ϥ̀ⲥⲟⲧⲡ.	Seàmoni ǹje pis̀nouti ètèpiθimia èseǹtot evōl èvol ǹtaṡōpi nem pix̀ristos ǹhouo ġar mallon f̀sotp.	But I am in a dilemma between the two, having the desire to depart and be with Christ, which is far better.
1:24	ⲡⲓϣⲱⲡⲓ ⲇⲉ ϧⲉⲛⲧⲥⲁⲣⲝ ⲟⲩⲁⲛⲁⲅⲕⲉⲟⲛ ⲛϩⲟⲩⲟ ⲡⲉ ⲉⲑⲃⲉⲑⲏⲛⲟⲩ .	Ⲡⲓϣⲱⲡⲓ ⲇⲉ ϧⲉⲛ ⲧ̀ⲥⲁⲣⲝ ⲟⲩⲁⲛⲁⲅⲕⲉⲟⲛ ⲛ̀ϩⲟⲩⲟ ⲡⲉ ⲉⲑⲃⲉ ⲑⲏⲛⲟⲩ.	Piṡōpi ḋe xen t̀sarks ouanankeon ǹhouo pe eθve θynou.	Yet, to remain in the flesh is more needful for your sake.
1:25	ⲟⲩⲟϩ ⲫⲁⲓ ⲉⲣⲉⲡⲁϩⲏⲧ ⲑⲏⲧ ϯⲉⲙⲓ ϫⲉϯⲛⲁⲟϩⲓ ⲟⲩⲟϩ ϯⲛⲁϣⲱⲡⲓ ⲛⲱⲧⲉⲛ ⲧⲏⲣⲟⲩ ⲉⲧⲉⲧⲉⲛⲡⲣⲟⲕⲟⲡⲏ ⲛⲉⲙⲫⲣⲁϣⲓ ⲛⲧⲉⲡⲓⲛⲁϩϯ .	Ⲟⲩⲟϩ ⲫⲁⲓ ⲉ̀ⲣⲉⲡⲁϩⲏⲧ ⲑⲏⲧ ϯⲉⲙⲓ ϫⲉ ϯⲛⲁⲟ̀ϩⲓ ⲟⲩⲟϩ ϯⲛⲁϣⲱⲡⲓ ⲛⲱⲧⲉⲛ ⲧⲏⲣⲟⲩ ⲉ̀ⲧⲉⲧⲉⲛⲡ̀ⲣⲟⲕⲟⲡⲏ ⲛⲉⲙ ⲫ̀ⲣⲁϣⲓ ⲛ̀ⲧⲉ ⲡⲓⲛⲁϩϯ.	Ouoh fai èrepahyt θyt tiemi je tinaòhi ouoh tinaṡōpi nōten tyrou ètetenp̀rokopy nem f̀raṡi ǹte pinahti.	Having this confidence, I know that I will remain, yes, and remain with you all, for your progress and joy in the faith,
1:26	ϩⲓⲛⲁ ⲡⲉⲧⲉⲛϣⲟⲩϣⲟⲩ ⲛⲧⲉϥⲉⲣϩⲟⲩⲟ ϧⲉⲛⲡⲭⲣⲓⲥⲧⲟⲥ ⲛϧⲣⲏⲓ ⲛϧⲏⲧ ⲉⲃⲟⲗ ϩⲓⲧⲉⲛⲡⲁϫⲓⲛⲓ ϩⲁⲣⲱⲧⲉⲛ ⲟⲛ ⲛⲕⲉⲥⲟⲡ .	Ϩⲓⲛⲁ ⲡ̀ⲉⲧⲉⲛϣⲟⲩϣⲟⲩ ⲛ̀ⲧⲉϥⲉⲣϩⲟⲩⲟ ϧⲉⲛ ⲡⲓⲭ̀ⲣⲓⲥⲧⲟⲥ ⲛ̀ϧ̀ⲣⲏⲓ ⲛ̀ϧⲏⲧ ⲉ̀ⲃⲟⲗ ϩⲓⲧⲉⲛ ⲡⲁϫⲓⲛⲓ ϩⲁⲣⲱⲧⲉⲛ ⲟⲛ ⲛ̀ⲕⲉⲥⲟⲡ.	Hina p̀etenṡouṡou ǹteferhouo xen pix̀ristos ǹx̀ryi ǹxyt èvol hiten pajini harōten on ǹkesop.	that your rejoicing may abound in Christ Jesus in me through my presence with you again.
1:27	ⲙⲟⲛⲟⲛ ⲁⲣⲓⲡⲟⲗⲓⲧⲉⲩⲉⲥⲑⲉ ϧⲉⲛⲡⲉⲙⲡϣⲁ ⲙⲡⲓⲉⲩⲁⲅⲅⲉⲗⲓⲟⲛ ⲛⲧⲉⲡⲭⲣⲓⲥⲧⲟⲥ ϩⲓⲛⲁ ⲁⲓϣⲁⲛⲓ ⲟⲩⲟϩ ⲛⲧⲁⲛⲁⲩ ⲉⲣⲱⲧⲉⲛ ⲓⲧⲉ ⲛϯϧⲁⲧⲉⲛ ⲑⲏⲛⲟⲩ ⲁⲛ ⲛⲧⲁⲥⲱⲧⲉⲙ ⲉⲑⲃⲉⲑⲏⲛⲟⲩ ϫⲉⲧⲉⲧⲉⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲉⲛⲟⲩⲡⲛⲉⲩⲙⲁⲛⲟⲩⲱⲧ ⲟⲩⲯⲩⲭⲏ ⲛⲟⲩⲱⲧ ⲉⲣⲉⲧⲉⲛⲟⲓ ⲛϣⲫⲏⲣ ⲛϧⲓⲥⲓ ϧⲉⲛⲡⲓⲛⲁϩϯ ⲛⲧⲉⲡⲓⲉⲩⲁⲅⲅⲉⲗⲓⲟⲛ .	Ⲙⲟⲛⲟⲛ ⲁⲣⲓⲡⲟⲗⲓⲧⲉⲩⲉⲥⲑⲉ ϧⲉⲛ ⲡ̀ⲉⲙⲡ̀ϣⲁ ⲛ̀ⲡⲓⲉⲩⲁⲅⲅⲉⲗⲓⲟⲛ ⲛ̀ⲧⲉ ⲡⲓⲭ̀ⲣⲓⲥⲧⲟⲥ ϩⲓⲛⲁ ⲁⲓϣⲁⲛⲓ ⲟⲩⲟϩ ⲛ̀ⲧⲁⲛⲁⲩ ⲉⲣⲱⲧⲉⲛ ⲓⲧⲉ ⲛ̀ϯϧⲁⲧⲉⲛ ⲑⲏⲛⲟⲩ ⲁⲛ ⲛ̀ⲧⲁⲥⲱⲧⲉⲙ ⲉⲑⲃⲉ ⲑⲏⲛⲟⲩ ϫⲉ ⲧⲉⲧⲉⲛⲟ̀ϩⲓ ⲉ̀ⲣⲁⲧⲉⲛ ⲑⲏⲛⲟⲩ ϧⲉⲛ ⲟⲩⲡ̀ⲛⲉⲩⲙⲁⲛⲟⲩⲱⲧ ⲟⲩⲯⲩⲭⲏ ⲛ̀ⲟⲩⲱⲧ ⲉⲣⲉⲧⲉⲛⲟⲓ ⲛ̀ϣ̀ⲫⲏⲣ ⲛ̀ϧⲓⲥⲓ ϧⲉⲛ ⲡⲓⲛⲁϩϯ ⲛ̀ⲧⲉ ⲡⲓⲉⲩⲁⲅⲅⲉⲗⲓⲟⲛ.	Monon aripolitevesθe xen p̀emp̀ṡa ǹpievangelion ǹte pix̀ristos hina aiṡani ouoh ǹtanav erōten ite ǹtixaten θynou an ǹtasōtem eθve θynou je tetenòhi èraten θynou xen oup̀nevmanouōt oupsiṡy ǹouōt eretenoi ǹṡ̀fyr ǹxisi xen pinahti ǹte pievangelion.	Only let your manner of life be worthy of the Good News of Christ, that, whether I come and see you or am absent, I may hear of your state, that you stand firm in one spirit, with one soul striving for the faith of the Good News;
1:28	ⲟⲩⲟϩ ⲛⲧⲉⲧⲉⲛⲛⲟϣⲡ ⲁⲛ ϧⲉⲛϩⲗⲓ ⲉⲃⲟⲗ ϩⲓⲧⲉⲛⲛⲏ ⲉϯⲟⲩⲃⲉ ⲑⲏⲛⲟⲩ ⲛⲁⲓ ⲉⲧⲉⲡⲟⲩⲟⲩⲱⲛϩ ⲉⲃⲟⲗ ⲟⲩⲧⲁⲕⲟ ⲛⲱⲟⲩ ⲡⲉ ⲛⲱⲧⲉⲛ ⲇⲉ ⲟⲩⲟⲩϫⲁⲓ ⲡⲉ ⲟⲩⲟϩ ⲫⲁⲓ ⲟⲩⲉⲃⲟⲗ ϩⲓⲧⲉⲛⲫⲛⲟⲩϯ ⲡⲉ .	Ⲟⲩⲟϩ ⲛ̀ⲧⲉⲧⲉⲛⲛⲟϣⲡ ⲁⲛ ϧⲉⲛ ϩ̀ⲗⲓ ⲉ̀ⲃⲟⲗ ϩⲓⲧⲉⲛ ⲛⲏ ⲉ̀ϯⲟⲩⲃⲉ ⲑⲏⲛⲟⲩ ⲛⲁⲓ ⲉ̀ⲧⲉ ⲡⲟⲩⲟⲩⲱⲛϩ ⲉ̀ⲃⲟⲗ ⲟⲩⲧⲁⲕⲟ ⲛⲱⲟⲩ ⲡⲉ ⲛⲱⲧⲉⲛ ⲇⲉ ⲟⲩⲟⲩϫⲁⲓ ⲡⲉ ⲟⲩⲟϩ ⲫⲁⲓ ⲟⲩ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲡⲉ.	Ouoh ǹtetennoṡp an xen h̀li èvol hiten ny ètiouve θynou nai ète pououōnh èvol outako nōou pe nōten ḋe ouougai pe ouoh fai ou èvol hiten f̀nouti pe.	and in nothing frightened by the adversaries, which is for them a proof of destruction, but to you of salvation, and that from God.
1:29	ϫⲉⲁⲩⲧⲏⲓϥ ⲛⲱⲧⲉⲛ ⲛϩⲙⲟⲧ ⲉϩⲣⲏⲓ ⲉϫⲉⲛⲡⲭⲣⲓⲥⲧⲟⲥ ⲟⲩ ⲙⲟⲛⲟⲛ ⲉⲛⲁϩϯ ⲉⲣⲟϥ ⲁⲗⲗⲁ ⲉϣⲉⲡⲙⲕⲁϩ ⲟⲛ ⲉϩⲣⲏⲓ ⲉϫⲱϥ .	Ϫⲉ ⲁⲩⲧⲏⲓϥ ⲛⲱⲧⲉⲛ ⲛ̀ϩ̀ⲙⲟⲧ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲭ̀ⲣⲓⲥⲧⲟⲥ ⲟⲩ ⲙⲟⲛⲟⲛ ⲉ̀ⲛⲁϩϯ ⲉ̀ⲣⲟϥ ⲁⲗⲗⲁ ⲉ̀ϣⲉⲡⲙ̀ⲕⲁϩ ⲟⲛ ⲉ̀ϩ̀ⲣⲏⲓ ⲉ̀ϫⲱϥ.	Je avtyif nōten ǹh̀mot èh̀ryi èjen pix̀ristos ou monon ènahti èrof alla èṡepm̀kah on èh̀ryi ègōf.	Because it has been granted to you on behalf of Christ, not only to believe in him, but also to suffer on his behalf,
1:30	ⲉⲡⲁⲓⲁⲅⲱⲛ ⲛⲟⲩⲱⲧ ⲛⲧⲉⲛⲑⲏⲛⲟⲩ ⲙⲫⲣⲏϯ ⲉⲧⲁⲣⲉⲧⲉⲛⲛⲁⲩ ⲉⲣⲟϥ ⲛϧⲣⲏⲓ ⲛϧⲏⲧ ⲛⲉⲙϯⲛⲟⲩ ⲟⲛ ⲧⲉⲧⲉⲛⲥⲱⲧⲉⲙ ⲉⲣⲟϥ ⲛϧⲏⲧ .	Ⲉ̀ⲡⲁⲓⲁⲅⲱⲛ ⲛ̀ⲟⲩⲱⲧ ⲛ̀ⲧⲉⲛⲑⲏⲛⲟⲩ ⲛ̀ⲫ̀ⲣⲏϯ ⲉ̀ⲧⲁⲣⲉⲧⲉⲛⲛⲁⲩ ⲉ̀ⲣⲟϥ ⲛ̀ϧ̀ⲣⲏⲓ ⲛ̀ϧⲏⲧ ⲛⲉⲙ ϯⲛⲟⲩ ⲟⲛ ⲧⲉⲧⲉⲛⲥⲱⲧⲉⲙ ⲉ̀ⲣⲟϥ ⲛ̀ϧⲏⲧ.	Èpaiaġōn ǹouōt ǹtenθynou ǹf̀ryti ètaretennav èrof ǹx̀ryi ǹxyt nem tinou on tetensōtem èrof ǹxyt.	having the same conflict which you saw in me, and now hear is in me.

Provenance

title: 11_Philippians_01
dialect: bohairic
source: Coptic SCRIPTORIUM corpus "bohairic.nt", document 11_Philippians_01
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 11_Philippians_01 from Coptic SCRIPTORIUM (https://copticscriptorium.org), corpus bohairic.nt, document 11_Philippians_01, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/New Testament/Philippians/01.bohairic.scriptorium.L0.txt
title: 11_Philippians_01 — Cairene
dialect: bohairic
source: generated from 01.bohairic.scriptorium.L0.txt (Coptic SCRIPTORIUM corpus "bohairic.nt", document 11_Philippians_01)
licence: CC BY-SA 4.0
share: attribution
attribution: 11_Philippians_01 from Coptic SCRIPTORIUM (https://copticscriptorium.org), corpus bohairic.nt, document 11_Philippians_01, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/New Testament/Philippians/01.bohairic.scriptorium.L1.txt
title: 11_Philippians_01 — Kemetic
dialect: bohairic
source: generated from 01.bohairic.scriptorium.L1.txt
licence: CC BY-SA 4.0
share: attribution
attribution: 11_Philippians_01 from Coptic SCRIPTORIUM (https://copticscriptorium.org), corpus bohairic.nt, document 11_Philippians_01, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/New Testament/Philippians/01.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 30 quoted · 0 quoted with the alignment not cross-checked · 0 model drafts (marked “draft”)
quoted from: World English Bible (WEB) — aligned in Coptic SCRIPTORIUM bohairic.nt, 11_Philippians_01 (30 lines)

Cite as:

11_Philippians_01. Coptic SCRIPTORIUM corpus "bohairic.nt", document 11_Philippians_01. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/new-testament/philippians/01.bohairic.scriptorium/. 11_Philippians_01 from Coptic SCRIPTORIUM (https://copticscriptorium.org), corpus bohairic.nt, document 11_Philippians_01, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.