05_Deuteronomium_04 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 05_Deuteronomium_04

Attribution: 05_Deuteronomium_04 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

49 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
4:1	ⲟⲩⲟϩ ϯⲛⲟⲩ ⲡⲓⲥⲣⲁⲏⲗ ⲥⲱⲧⲉⲙ ⲉⲛⲓⲙⲉⲑⲙⲏⲓ ⲛⲉⲙⲛⲓϩⲁⲡ ⲛⲏ ⲁⲛⲟⲕ ⲉϯϯⲥⲃⲱ ⲛⲱⲧⲉⲛ ⲉⲣⲱⲟⲩ ⲙⲫⲟⲟⲩ ⲉⲁⲓⲧⲟⲩ ϩⲓⲛⲁ ⲛⲧⲉⲧⲉⲛⲱⲛϧ ⲛⲧⲉⲧⲉⲛⲁϣⲁⲓ ⲛⲕⲱⲃ ⲟⲩⲟϩ ⲛⲉⲧⲉⲛϣⲉⲛⲱⲧⲉⲛ ⲉϧⲟⲩⲛ ⲛⲧⲉⲧⲉⲛⲉⲣⲕⲗⲏⲣⲟⲛⲟⲙⲓⲛ ⲙⲡⲓⲕⲁϩⲓ ⲫⲏ ⲉⲧⲉⲡϭⲟⲓⲥ ⲫⲛⲟⲩϯ ⲛⲧⲉⲛⲉⲧⲉⲛⲓⲟϯ ⲛⲁⲧⲏⲓϥ ⲛⲱⲧⲉⲛ	ⲟⲩⲟϩ ϯⲛⲟⲩ ⲡⲓⲥⲣⲁⲏⲗ ⲥⲱⲧⲉⲙ ⲉ̀ⲛⲓⲙⲉⲑⲙⲏⲓ ⲛⲉⲙ ⲛⲓϩⲁⲡ ⲛⲏ ⲁⲛⲟⲕ ⲉⲓϯⲥⲃⲱ ⲛⲱⲧⲉⲛ ⲉ̀ⲣⲱⲟⲩ ⲛ̀ⲫⲟⲟⲩ ⲉⲁⲓⲧⲟⲩ ϩⲓⲛⲁ ⲛ̀ⲧⲉⲧⲉⲛⲱⲛϧ ⲛ̀ⲧⲉⲧⲉⲛⲁ̀ϣⲁⲓ ⲛ̀ⲕⲱⲃ ⲟⲩⲟϩ ⲛⲉⲧⲉⲛϣⲉⲛⲱⲧⲉⲛ ⲉ̀ϧⲟⲩⲛ ⲛ̀ⲧⲉⲧⲉⲛⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲓⲕⲁϩⲓ ⲫⲏ ⲉ̀ⲧⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲉⲧⲉⲛⲓⲟϯ ⲛⲁⲧⲏⲓϥ ⲛⲱⲧⲉⲛ	ouoh tinou pisrayl sōtem ènimeθmyi nem nihap ny anok eitisvō nōten èrōou ǹfoou eaitou hina ǹtetenōnx ǹtetenàṡai ǹkōb ouoh netenṡenōten èxoun ǹtetenerklyronomin ǹpikahi fy ète p̀ċois f̀nouti ǹte netenioti natyif nōten	And now, Israel, hear the ordinances and judgments, all that I teach you this day to do: that ye may live, and be multiplied, and that ye may go in and inherit the land, which the Lord God of your fathers gives you.
4:2	ⲛⲛⲉⲧⲉⲛⲧⲟⲩϩⲟ ⲉⲡⲁⲓⲥⲁϫⲓ ⲫⲁⲓ ⲁⲛⲟⲕ ⲉϯϩⲟⲛϩⲉⲛ ⲙⲙⲟϥ ⲉⲧⲉⲛ ⲑⲏⲛⲟⲩ ⲛⲛⲉⲧⲉⲛⲱⲗⲓ ⲉⲃⲟⲗ ⲙⲙⲟϥ ⲁⲣⲉϩ ⲉⲛⲓⲉⲛⲧⲟⲗⲏ ⲛⲧⲉⲡϭⲟⲓⲥ ⲡⲉⲧⲉⲛⲛⲟⲩϯ ⲛⲏ ⲁⲛⲟⲕ ⲉϯϩⲟⲛϩⲉⲛ ⲙⲙⲱⲟⲩ ⲉⲧⲉⲛ ⲑⲏⲛⲟⲩ ⲙⲫⲟⲟⲩ	ⲛ̀ⲛⲉⲧⲉⲛⲧⲟⲩϩⲟ ⲉ̀ⲡⲁⲓⲥⲁϫⲓ ⲫⲁⲓ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲟϥ ⲉ̀ⲧⲉⲛ ⲑⲏⲛⲟⲩ ⲛ̀ⲛⲉⲧⲉⲛⲱ̀ⲗⲓ ⲉ̀ⲃⲟⲗ ⲙ̀ⲙⲟϥ ⲁ̀ⲣⲉϩ ⲉ̀ⲛⲓⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛⲏ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲱⲟⲩ ⲉⲧⲉⲛ ⲑⲏⲛⲟⲩ ⲛ̀ⲫⲟⲟⲩ	ǹnetentouho èpaisaji fai anok eihonhen m̀mof èten θynou ǹnetenṑli èvol m̀mof àreh ènientoly ǹte p̀ċois petennouti ny anok eihonhen m̀mōou eten θynou ǹfoou	Ye shall not add to the word which I command you, and ye shall not take from it: keep the commandments of the Lord our God, all that I command you this day.
4:3	ⲛⲉⲧⲉⲛⲃⲁⲗ ⲁⲩⲛⲁⲩ ⲉϩⲱⲃ ⲛⲓⲃⲉⲛ ⲉⲧⲁ ⲡϭⲟⲓⲥ ⲡⲉⲛⲛⲟⲩϯ ⲁⲓⲧⲟⲩ ⲙⲃⲉⲗⲫⲉⲅⲱⲣ ϫⲉⲣⲱⲙⲓ ⲛⲓⲃⲉⲛ ⲉⲧⲁⲩⲙⲟϣⲓ ⲥⲁⲫⲁϩⲟⲩ ⲙⲃⲉⲗⲫⲉⲅⲱⲣ ⲁϥϥⲟⲧϥ ⲉⲃⲟⲗ ⲛϫⲉⲡϭⲟⲓⲥ ⲡⲉⲛⲛⲟⲩϯ	ⲛ̀ⲉⲧⲉⲛⲃⲁⲗ ⲁⲩⲛⲁⲩ ⲉ̀ϩⲱⲃ ⲛⲓⲃⲉⲛ ⲉ̀ⲧⲁ ⲡ̀ϭⲟⲓⲥ ⲡⲉⲛⲛⲟⲩϯ ⲁⲓⲧⲟⲩ ⲛ̀ⲃⲉⲗⲫⲉⲅⲱⲣ ϫⲉ ⲣⲱⲙⲓ ⲛⲓⲃⲉⲛ ⲉⲧⲁⲩⲙⲟϣⲓ ⲥⲁⲫⲁϩⲟⲩ ⲙⲃⲉⲗⲫⲉⲅⲱⲣ ⲁϥϥⲟⲧϥ ⲉ̀ⲃⲟⲗ ⲛ̀ϫⲉ ⲡ̀ϭⲟⲓⲥ ⲡⲉⲛⲛⲟⲩϯ	ǹetenval avnav èhōb niven èta p̀ċois pennouti aitou ǹbelfeġōr je rōmi niven etavmoṡi safahou mbelfeġōr affotf èvol ǹje p̀ċois pennouti	Your eyes have seen all that the Lord our God did in the case of Beel-phegor; for every man that went after Beel-phegor, the Lord your God has utterly destroyed him from among you.
4:4	ⲛⲑⲱⲧⲉⲛ ⲇⲉ ϧⲁⲛⲏ ⲉⲧⲟⲩⲉϩ ⲛⲥⲁⲡϭⲟⲓⲥ ⲡⲉⲛⲛⲟⲩϯ ⲧⲉⲧⲉⲛⲟⲛϧ ⲧⲏⲣⲟⲩ ⲙⲫⲟⲟⲩ	ⲛ̀ⲑⲱⲧⲉⲛ ⲇⲉ ϧⲁ ⲛⲏ ⲉⲧⲟⲩⲉϩ ⲛ̀ⲥⲁ ⲡ̀ϭⲟⲓⲥ ⲡⲉⲛⲛⲟⲩϯ ⲧⲉⲧⲉⲛⲟⲛϧ ⲧⲏⲣⲟⲩ ⲛ̀ⲫⲟⲟⲩ	ǹθōten ḋe xa ny etoueh ǹsa p̀ċois pennouti tetenonx tyrou ǹfoou	But ye that kept close to the Lord your God are all alive to-day.
4:5	ⲁⲛⲁⲩ ⲁⲓⲧⲁⲙⲱⲧⲉⲛ ⲉϩⲁⲛⲙⲉⲑⲙⲏⲓ ⲛⲉⲙϩⲁⲛϩⲁⲡ ⲕⲁⲧⲁⲫⲣⲏϯ ⲉⲧⲁϥϩⲉⲛϩⲱⲛⲧ ⲛϫⲉⲡϭⲟⲓⲥ ⲫⲛⲟⲩϯ ⲉⲑⲣⲉⲧⲉⲛⲁⲓⲧⲟⲩ ϧⲉⲛⲡⲓⲕⲁϩⲓ ⲫⲏ ⲛⲑⲱⲧⲉⲛ ⲉⲧⲉⲧⲉⲛⲛⲁϣⲉⲛⲱⲧⲉⲛ ⲉϧⲟⲩⲛ ⲉⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ⲁ̀ⲛⲁⲩ ⲁⲓⲧⲁⲙⲱⲧⲉⲛ ⲉ̀ϩⲁⲛⲙⲉⲑⲙⲏⲓ ⲛⲉⲙ ϩⲁⲛϩⲁⲡ ⲕⲁⲧⲁ ⲫ̀ⲣⲏϯ ⲉⲧⲁϥϩⲉⲛϩⲱⲛⲧ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲉ̀ⲑⲣⲉⲧⲉⲛⲁⲓⲧⲟⲩ ϧⲉⲛ ⲡⲓⲕⲁϩⲓ ⲫⲏ ⲛ̀ⲑⲱⲧⲉⲛ ⲉⲧⲉⲧⲉⲛⲛⲁϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	ànav aitamōten èhanmeθmyi nem hanhap kata f̀ryti etafhenhōnt ǹje p̀ċois f̀nouti èθretenaitou xen pikahi fy ǹθōten etetennaṡenōten èxoun èrof eerklyronomin m̀mof	Behold, I have shewn you ordinances and judgments as the Lord commanded me, that ye should do so in the land into which ye go to inherit it.
4:6	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲣⲱⲟⲩ ⲟⲩⲟϩ ⲉⲣⲉⲧⲉⲛⲉⲁⲓⲧⲟⲩ ϫⲉⲑⲁⲓ ⲧⲉ ⲧⲉⲧⲉⲛⲥⲃⲱ ⲛⲉⲙⲡⲉⲧⲉⲛⲕⲁϯ ⲙⲡⲉⲙⲑⲟ ⲛⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲛⲁⲥⲱⲧⲉⲙ ⲉⲛⲁⲓⲙⲉⲑⲙⲏⲓ ⲧⲏⲣⲟⲩ ⲉⲩⲉϫⲟⲥ ϫⲉⲓⲥ ⲟⲩⲗⲁⲟⲥ ⲛⲥⲁⲃⲉ ⲟⲩⲟϩ ⲛⲕⲁⲧϩⲏⲧ ⲡⲁⲓⲉⲑⲛⲟⲥ ⲉⲧⲟⲓ ⲛⲛⲓϣϯ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲣⲱⲟⲩ ⲟⲩⲟϩ ⲉ̀ⲣⲉⲧⲉⲛⲉⲁⲓⲧⲟⲩ ϫⲉ ⲑⲁⲓ ⲧⲉ ⲧⲉⲧⲉⲛⲥ̀ⲃⲱ ⲛ̀ⲉⲛ ⲡⲉⲧⲉⲛⲕⲁϯ ⲛ̀ⲡⲉⲙ̀ⲑⲟ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲛⲁⲥⲱⲧⲉⲙ ⲉ̀ⲛⲁⲓⲙⲉⲑⲙⲏⲓ ⲧⲏⲣⲟⲩ ⲉⲩⲉ̀ϫⲟⲥ ϫⲉ ⲓⲥ ⲟⲩⲗⲁⲟⲥ ⲛ̀ⲥⲁⲃⲉ ⲟⲩⲟϩ ⲛ̀ⲕⲁⲧϩⲏⲧ ⲡⲁⲓⲉⲑⲛⲟⲥ ⲉⲧⲟⲓ ⲛ̀ⲛⲓϣϯ	ouoh èreteneàreh èrōou ouoh èreteneaitou je θai te tetens̀vō ǹen petenkati ǹpem̀θo ǹnieθnos tyrou ny etnasōtem ènaimeθmyi tyrou evègos je is oulaos ǹsave ouoh ǹkat·hyt paieθnos etoi ǹniṡti	And ye shall keep and do them: for this is your wisdom and understanding before all nations, as many as shall hear all these ordinances; and they shall say, Behold, this great nation is a wise and understanding people.
4:7	ϫⲉⲁϣ ⲛⲛⲓϣϯ ⲛⲉⲑⲛⲟⲥ ⲉⲧⲉⲟⲩⲟⲛⲧⲁϥ ⲙⲙⲁⲩ ⲛⲟⲩⲛⲟⲩϯ ⲉϥϧⲉⲛⲧ ⲉⲣⲱⲟⲩ ⲙⲫⲣⲏϯ ⲙⲡϭⲟⲓⲥ ⲡⲉⲛⲛⲟⲩϯ ϧⲉⲛϩⲱⲃ ⲛⲓⲃⲉⲛ ⲉⲧⲉⲧⲉⲛⲛⲁⲱϣ ⲉⲡϣⲱⲓ ϩⲁⲣⲟϥ ⲉⲑⲃⲏⲧⲟⲩ	ϫⲉ ⲁϣ ⲛ̀ⲛⲓϣϯ ⲛ̀ⲉⲑⲛⲟⲥ ⲉ̀ⲧⲉ ⲟⲩⲟⲛⲧⲁϥ ⲙ̀ⲙⲁⲩ ⲛ̀ⲟⲩⲛⲟⲩϯ ⲉϥϧⲉⲛⲧ ⲉ̀ⲣⲱⲟⲩ ⲛ̀ⲫ̀ⲣⲏϯ ⲛ̀ⲡ̀ϭⲟⲓⲥ ⲡⲉⲛⲛⲟⲩϯ ϧⲉⲛ ϩⲱⲃ ⲛⲓⲃⲉⲛ ⲉⲧⲉⲧⲉⲛⲛⲁⲱϣ ⲉ̀ⲡ̀ϣⲱⲓ ϩⲁⲣⲟϥ ⲉⲑⲃⲏⲧⲟⲩ	je aṡ ǹniṡti ǹeθnos ète ouontaf m̀mav ǹounouti efxent èrōou ǹf̀ryti ǹp̀ċois pennouti xen hōb niven etetennaōṡ èp̀ṡōi harof eθvytou	For what manner of nation is so great, which has God so near to them as the Lord our God is in all things in whatsoever we may call upon him?
4:8	ⲟⲩⲟϩ ⲁϣ ⲛⲛⲓϣϯ ⲛⲉⲑⲛⲟⲥ ⲉⲧⲉⲟⲩⲟⲛⲧⲁϥ ⲛϩⲁⲛⲙⲉⲑⲙⲏⲓ ⲛⲉⲙϩⲁⲛϩⲁⲡ ⲛⲑⲙⲏⲓ ⲕⲁⲧⲁⲡⲁⲓⲛⲟⲙⲟⲥ ⲧⲏⲣϥ ⲫⲁⲓ ⲁⲛⲟⲕ ⲉϯϯ ⲙⲙⲟϥ ⲙⲡⲉⲧⲉⲛⲙⲑⲟ ⲙⲫⲟⲟⲩ	ⲟⲩⲟϩ ⲁϣ ⲛ̀ⲛⲓϣϯ ⲛ̀ⲉⲑⲛⲟⲥ ⲉ̀ⲧⲉ ⲟⲩⲟⲛⲧⲁϥ ⲛ̀ϩⲁⲛⲙⲉⲑⲙⲏⲓ ⲛⲉⲙ ϩⲁⲛϩⲁⲡ ⲛ̀ⲧⲉ ⲑⲙⲏⲓ ⲕⲁⲧⲁ ⲡⲁⲓⲛⲟⲙⲟⲥ ⲧⲏⲣϥ ⲫⲁⲓ ⲁⲛⲟⲕ ⲉ̀ϯϯ ⲙ̀ⲙⲟϥ ⲛ̀ⲡⲉⲧⲉⲛⲙ̀ⲑⲟ ⲛ̀ⲫⲟⲟⲩ	ouoh aṡ ǹniṡti ǹeθnos ète ouontaf ǹhanmeθmyi nem hanhap ǹte θmyi kata painomos tyrf fai anok ètiti m̀mof ǹpetenm̀θo ǹfoou	And what manner of nation is so great, which has righteous ordinances and judgments according to all this law, which I set before you this day?
4:9	ⲙⲁϩⲑⲏⲕ ⲉⲣⲟⲕ ⲟⲩⲟϩ ⲁⲣⲉϩ ⲉⲧⲉⲕⲯⲩⲭⲏ ⲉⲙⲁϣⲱ ⲙⲡⲉⲣⲉⲣⲡⲱⲃϣ ⲛⲛⲓⲥⲁϫⲓ ⲧⲏⲣⲟⲩ ⲛⲏ ⲉⲧⲁ ⲛⲉⲕⲃⲁⲗ ⲉⲣⲱⲟⲩ ⲟⲩⲟϩ ⲙⲡⲉⲛⲑⲣⲟⲩϩⲱⲗ ⲉⲃⲟⲗ ϧⲉⲛⲡⲉⲕϩⲏⲧ ⲛⲛⲓⲉϩⲟⲟⲩ ⲧⲏⲣⲟⲩ ⲛⲧⲉⲡⲉⲛⲱⲛϧ ⲟⲩⲟϩ ⲉⲕⲉⲧⲥⲁⲃⲉ ⲛⲉⲕϣⲏⲣⲓ ⲛⲉⲙⲛⲓϣⲏⲣⲓ ⲛⲧⲉⲛⲉⲕϣⲏⲣⲓ	ⲙⲁϩ̀ⲑⲏⲕ ⲉ̀ⲣⲟⲕ ⲟⲩⲟϩ ⲁ̀ⲣⲉϩ ⲉ̀ⲧⲉⲕⲯⲩⲭⲏ ⲉ̀ⲙⲁϣⲱ ⲙ̀ⲡⲉⲣⲉⲣⲡⲱⲃϣ ⲛ̀ⲛⲓⲥⲁϫⲓ ⲧⲏⲣⲟⲩ ⲛⲏ ⲉ̀ⲧⲁ ⲛⲉⲕⲃⲁⲗ ⲉ̀ⲣⲱⲟⲩ ⲟⲩⲟϩ ⲙ̀ⲡⲉⲛⲑⲣⲟⲩϩⲱⲗ ⲉ̀ⲃⲟⲗ ϧⲉⲛ ⲡⲉⲕϩⲏⲧ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲡⲉⲛⲱⲛϧ ⲟⲩⲟϩ ⲉⲕⲉ̀ⲧⲥⲁⲃⲉ ⲛⲉⲕϣⲏⲣⲓ ⲛⲉⲙ ⲛⲓϣⲏⲣⲓ ⲛ̀ⲧⲉ ⲛⲉⲕϣⲏⲣⲓ	mah̀θyk èrok ouoh àreh ètekpsiṡy èmaṡō m̀pererpōvṡ ǹnisaji tyrou ny èta nekval èrōou ouoh m̀penθrouhōl èvol xen pek·hyt ǹnièhoou tyrou ǹte penōnx ouoh ekètsave nekṡyri nem niṡyri ǹte nekṡyri	Take heed to thyself, and keep thy heart diligently: forget not any of the things, which thine eyes have seen, and let them not depart from thine heart all the days of thy life; and thou shalt teach thy sons and thy sons' sons,
4:10	ⲉⲡⲓⲉϩⲟⲟⲩ ⲉⲧⲁⲧⲉⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ⲙⲙⲟϥ ⲙⲡⲉⲙⲑⲟ ⲙⲡϭⲟⲓⲥ ⲡⲉⲧⲉⲛⲛⲟⲩϯ ϧⲉⲛⲭⲱⲣⲏⲃ ϧⲉⲛⲡⲓⲉϩⲟⲟⲩ ⲛⲧⲉⲡⲓⲑⲱⲟⲩϯ ϩⲟⲧⲉ ⲉⲧⲁ ⲡϭⲟⲓⲥ ϫⲟⲥ ⲛⲏⲓ ϫⲉⲑⲱⲟⲩϯ ⲙⲡⲓⲗⲁⲟⲥ ϩⲁⲣⲟⲓ ⲟⲩⲟϩ ⲙⲁⲣⲟⲩⲥⲱⲧⲉⲙ ⲉⲛⲁⲥⲁϫⲓ ϩⲟⲡⲱⲥ ⲛⲧⲟⲩⲥⲁⲃⲟ ⲉⲉⲣϩⲟϯ ϧⲁⲧϩⲏ ⲛⲛⲓⲉϩⲟⲟⲩ ⲧⲏⲣⲟⲩ ⲉⲧⲟⲩⲛⲁⲱⲛϧ ⲙⲙⲱⲟⲩ ⲛⲑⲱⲟⲩ ϩⲓϫⲉⲛⲡⲓⲕⲁϩⲓ ⲟⲩⲟϩ ⲛⲧⲟⲩⲧⲥⲁⲃⲉ ⲛⲟⲩⲕⲉϣⲏⲣⲓ	ⲉ̀ⲡⲓⲉ̀ϩⲟⲟⲩ ⲉⲧⲁⲧⲉⲛⲟ̀ϩⲓ ⲉ̀ⲣⲁⲧⲉⲛ ⲑⲏⲛⲟⲩ ⲙ̀ⲙⲟϥ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ϧⲉⲛ ⲭⲱⲣⲏⲃ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲓⲑⲱⲟⲩϯ ϩⲟⲧⲉ ⲉ̀ⲧⲁ ⲡ̀ϭⲟⲓⲥ ϫⲟⲥ ⲛⲏⲓ ϫⲉ ⲑⲱⲟⲩϯ ⲛ̀ⲡⲓⲗⲁⲟⲥ ϩⲁⲣⲟⲓ ⲟⲩⲟϩ ⲙⲁⲣⲟⲩⲥⲱⲧⲉⲙ ⲉ̀ⲛⲁⲥⲁϫⲓ ϩⲟⲡⲱⲥ ⲛ̀ⲧⲟⲩⲥⲁⲃⲟ ⲉⲉⲣϩⲟϯ ϧⲁⲧ̀ϩⲏ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲉⲧⲟⲩⲛⲁⲱⲛϧ ⲙ̀ⲙⲱⲟⲩ ⲛ̀ⲑⲱⲟⲩ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲛ̀ⲧⲟⲩⲧⲥⲁⲃⲉ ⲛ̀ⲟⲩⲕⲉϣⲏⲣⲓ	èpièhoou etatenòhi èraten θynou m̀mof ǹpem̀θo ǹp̀ċois petennouti xen xōryb xen pièhoou ǹte piθōouti hote èta p̀ċois gos nyi je θōouti ǹpilaos haroi ouoh marousōtem ènasaji hopōs ǹtousavo eerhoti xat̀·hy ǹnièhoou tyrou etounaōnx m̀mōou ǹθōou hijen pikahi ouoh ǹtoutsave ǹoukeṡyri	even the things that happened in the day in which ye stood before the Lord our God in Choreb in the day of the assembly; for the Lord said to me, Gather the people to me, and let them hear my words, that they may learn to fear me all the days which they live upon the earth, and they shall teach their sons.
4:11	ⲟⲩⲟϩ ⲁⲣⲉⲧⲉⲛⲓ ⲁⲣⲉⲧⲉⲛⲟϩⲓ ⲉⲣⲁⲧⲉⲛ ⲑⲏⲛⲟⲩ ϧⲁⲣⲁⲧϥ ⲙⲡⲓⲧⲱⲟⲩ ⲟⲩⲟϩ ⲡⲓⲧⲱⲟⲩ ⲛⲁϥⲙⲟϩ ⲛⲭⲣⲱⲙ ϣⲁⲧⲫⲉ ⲟⲩⲭⲁⲕⲓ ⲛⲉⲙⲟⲩⲅⲛⲟⲫⲟⲥ ⲛⲉⲙⲟⲩⲥⲁⲣⲁⲑⲏⲟⲩ ⲛⲉⲙⲟⲩⲛⲓϣϯ ⲛⲥⲙⲏ	ⲟⲩⲟϩ ⲁⲣⲉⲧⲉⲛⲓ ⲁⲣⲉⲧⲉⲛⲟ̀ϩⲓ ⲉ̀ⲣⲁⲧⲉⲛ ⲑⲏⲛⲟⲩ ϧⲁⲣⲁⲧϥ ⲛ̀ⲡⲓⲧⲱⲟⲩ ⲟⲩⲟϩ ⲡⲓⲧⲱⲟⲩ ⲛⲁϥⲙⲟϩ ⲛ̀ⲭ̀ⲣⲱⲙ ϣⲁ ⲧ̀ⲫⲉ ⲟⲩⲭⲁⲕⲓ ⲛⲉⲙ ⲟⲩⲅⲛⲟⲫⲟⲥ ⲛⲉⲙ ⲟⲩⲥⲁⲣⲁⲑⲏⲟⲩ ⲛⲉⲙ ⲟⲩⲛⲓϣϯ ⲛ̀ⲥ̀ⲙⲏ	ouoh areteni aretenòhi èraten θynou xaratf ǹpitōou ouoh pitōou nafmoh ǹk̀rōm ṡa t̀fe oukaki nem ouġnofos nem ousaraθyou nem ouniṡti ǹs̀my	And ye drew nigh and stood under the mountain; and the mountain burned with fire up to heaven: there was darkness, blackness, and tempest.
4:12	ⲟⲩⲟϩ ⲁϥⲥⲁϫⲓ ⲛⲉⲙⲱⲧⲉⲛ ⲛϫⲉⲡϭⲟⲓⲥ ϧⲉⲛⲡⲓⲧⲱⲟⲩ ϧⲉⲛⲑⲙⲏϯ ⲙⲡⲓⲭⲣⲱⲙ ⲟⲩⲥⲙⲏ ⲛⲧⲉϩⲁⲛⲥⲁϫⲓ ⲛⲑⲱⲧⲉⲛ ⲁⲣⲉⲧⲉⲛⲥⲟⲑⲙⲉⲥ ⲟⲩⲥⲙⲟⲧ ⲙⲡⲉⲧⲉⲛⲛⲁⲩ ⲉⲣⲟϥ ⲁⲗⲗⲁ ⲟⲩⲥⲙⲏ	ⲟⲩⲟϩ ⲁϥⲥⲁϫⲓ ⲛⲉⲙⲱⲧⲉⲛ ⲛ̀ϫⲉ ⲡ̀ϭⲟⲓⲥ ϧⲉⲛ ⲡⲓⲧⲱⲟⲩ ϧⲉⲛ ⲑ̀ⲙⲏϯ ⲛ̀ⲡⲓⲭ̀ⲣⲱⲙ ⲟⲩⲥ̀ⲙⲏ ⲛ̀ⲧⲉ ϩⲁⲛⲥⲁϫⲓ ⲛ̀ⲑⲱⲧⲉⲛ ⲁⲣⲉⲧⲉⲛⲥⲟⲑⲙⲉⲥ ⲟⲩⲥ̀ⲙⲟⲧ ⲙ̀ⲡⲉⲧⲉⲛⲛⲁⲩ ⲉ̀ⲣⲟϥ ⲁⲗⲗⲁ ⲟⲩⲥ̀ⲙⲏ	ouoh afsaji nemōten ǹje p̀ċois xen pitōou xen θ̀myti ǹpik̀rōm ous̀my ǹte hansaji ǹθōten aretensoθmes ous̀mot m̀petennav èrof alla ous̀my	And the Lord spoke to you out of the midst of the fire a voice of words, which ye heard: and ye saw no likeness, only ye heard a voice.
4:13	ⲟⲩⲟϩ ⲁϥⲧⲁⲙⲱⲧⲉⲛ ⲉⲧⲉϥⲇⲓⲁⲑⲏⲕⲏ ⲑⲏ ⲉⲧⲁϥϩⲉⲛϩⲉⲛ ⲑⲏⲛⲟⲩ ⲉⲣⲟⲥ ⲉⲁⲓⲥ ⲡⲓⲓ̅ ⲛⲥⲁϫⲓ ⲟⲩⲟϩ ⲁϥⲥϧⲏⲧⲟⲩ ϩⲓⲡⲗⲁⲝ ⲥⲛⲟⲩϯ ⲛⲱⲛⲓ	ⲟⲩⲟϩ ⲁϥⲧⲁⲙⲱⲧⲉⲛ ⲉ̀ⲧⲉϥⲇⲓⲁⲑⲏⲕⲏ ⲑⲏ ⲉⲧⲁϥϩⲉⲛϩⲉⲛ ⲑⲏⲛⲟⲩ ⲉ̀ⲣⲟⲥ ⲉⲁⲓⲥ ⲡⲓ10 ⲛ̀ⲥⲁϫⲓ ⲟⲩⲟϩ ⲁϥⲥϧⲏⲧⲟⲩ ϩⲓⲡ̀ⲗⲁⲝ ⲥ̀ⲛⲟⲩϯ ⲛ̀ⲱⲛⲓ	ouoh aftamōten ètefḋiaθyky θy etafhenhen θynou èros eais pi10 ǹsaji ouoh afsxytou hip̀laks s̀nouti ǹōni	And he announced to you his covenant, which he commanded you to keep, even the ten commandments; and he wrote them on two tables of stone.
4:14	ⲁⲛⲟⲕ ϩⲱ ⲁϥϩⲉⲛϩⲱⲛⲧ ⲛϫⲉⲡϭⲟⲓⲥ ϧⲉⲛⲡⲓⲥⲏⲟⲩ ⲉⲧⲉⲙⲙⲁⲩ ⲉϯⲥⲃⲱ ⲛⲱⲧⲉⲛ ⲉϩⲁⲛⲙⲉⲑⲙⲏⲓ ⲛⲉⲙϩⲁⲛϩⲁⲡ ⲉⲑⲣⲉⲧⲉⲛⲁⲓⲧⲟⲩ ϩⲓϫⲉⲛⲡⲓⲕⲁϩⲓ ⲫⲏ ⲉⲧⲉⲧⲉⲛⲛⲁϣⲉ ⲉϧⲟⲩⲛ ⲉⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ⲁⲛⲟⲕ ϩⲱ ⲁϥϩⲉⲛϩⲱⲛⲧ ⲛ̀ϫⲉ ⲡ̀ϭⲟⲓⲥ ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲉ̀ϯⲥⲃⲱ ⲛⲱⲧⲉⲛ ⲉ̀ϩⲁⲛⲙⲉⲑⲙⲏⲓ ⲛⲉⲙ ϩⲁⲛϩⲁⲡ ⲉ̀ⲑⲣⲉⲧⲉⲛⲁⲓⲧⲟⲩ ϩⲓϫⲉⲛ ⲡⲓⲕⲁϩⲓ ⲫⲏ ⲉⲧⲉⲧⲉⲛⲛⲁϣⲉ ⲉ̀ϧⲟⲩⲛ ⲉ̀ⲣⲟϥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	anok hō afhenhōnt ǹje p̀ċois xen pisyou ète m̀mav ètisvō nōten èhanmeθmyi nem hanhap èθretenaitou hijen pikahi fy etetennaṡe èxoun èrof eerklyronomin m̀mof	And the Lord commanded me at that time, to teach you ordinances and judgments, that ye should do them on the land, into which ye go to inherit it.
4:15	ⲟⲩⲟϩ ⲉⲣⲉⲧⲉⲛⲁⲣⲉϩ ⲉⲙⲁϣⲱ ⲉⲛⲉⲧⲉⲛⲯⲩⲭⲏ ϫⲉⲙⲡⲉⲧⲉⲛⲛⲁⲩ ⲉⲥⲙⲟⲧ ϧⲉⲛⲡⲓⲉϩⲟⲟⲩ ⲉⲧⲁ ⲡϭⲟⲓⲥ ⲥⲁϫⲓ ⲛⲉⲙⲱⲧⲉⲛ ϧⲉⲛⲭⲱⲣⲏⲃ ⲛϩⲣⲏⲓ ϩⲓⲡⲓⲧⲱⲟⲩ ⲉⲃⲟⲗ ϧⲉⲛⲑⲙⲏϯ ⲙⲡⲓⲭⲣⲱⲙ	ⲟⲩⲟϩ ⲉ̀ⲣⲉⲧⲉⲛⲁ̀ⲣⲉϩ ⲉ̀ⲙⲁϣⲱ ⲉ̀ⲛⲉⲧⲉⲛⲯⲩⲭⲏ ϫⲉⲙⲡⲉⲧⲉⲛⲛⲁⲩ ⲉ̀ⲥ̀ⲙⲟⲧ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲁ ⲡ̀ϭⲟⲓⲥ ⲥⲁϫⲓ ⲛⲉⲙⲱⲧⲉⲛ ϧⲉⲛ ⲭⲱⲣⲏⲃ ⲛ̀ϩ̀ⲣⲏⲓ ϩⲓ ⲡⲓⲧⲱⲟⲩ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲡⲓⲭ̀ⲣⲱⲙ	ouoh èretenàreh èmaṡō ènetenpsiṡy jempetennav ès̀mot xen pièhoou èta p̀ċois saji nemōten xen xōryb ǹh̀ryi hi pitōou èvol xen θ̀myti ǹpik̀rōm	And take good heed to your hearts, for ye saw no similitude in the day in which the Lord spoke to you in Choreb in the mountain out of the midst of the fire:
4:16	ⲙⲡⲉⲣⲉⲣⲡⲁⲣⲁⲛⲟⲙⲓⲛ ⲛⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛϩⲁⲛⲫⲟⲧϩ ⲛⲥⲙⲟⲧ ⲛϩⲩⲕⲱⲛ ⲛⲓⲃⲉⲛ ⲟⲩⲥⲙⲟⲧ ⲛϩⲱⲟⲩⲧ ⲓⲉ ⲟⲩⲥⲙⲟⲧ ⲛⲥϩⲓⲙⲓ	ⲙ̀ⲡⲉⲣⲉⲣⲡⲁⲣⲁⲛⲟⲙⲓⲛ ⲛ̀ⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ϩⲁⲛⲫⲟⲧϩ ⲛ̀ⲥⲙⲟⲧ ⲛ̀ϩⲩⲕⲱⲛ ⲛⲓⲃⲉⲛ ⲟⲩⲥ̀ⲙⲟⲧ ⲛ̀ϩⲱⲟⲩⲧ ⲓⲉ ⲟⲩⲥ̀ⲙⲟⲧ ⲛ̀ⲥϩⲓⲙⲓ	m̀pererparanomin ǹtetenθamio nōten ǹhanfot·h ǹsmot ǹhikōn niven ous̀mot ǹhōout ie ous̀mot ǹs·himi	lest ye transgress, and make to yourselves a carved image, any kind of figure, the likeness of male or female,
4:17	ⲥⲙⲟⲧ ⲛⲧⲉⲃⲛⲏ ⲛⲓⲃⲉⲛ ⲉⲧϩⲓϫⲉⲛ ⲡⲕⲁϩⲓ ⲥⲙⲟⲧ ⲛϩⲁⲗⲏⲧ ⲛⲓⲃⲉⲛ ⲉⲧⲣⲏⲧ ⲛⲧⲉⲛϩ ⲛⲏ ⲉⲧϩⲏⲗ ⲥⲁⲡⲉⲥⲏⲧ ⲛⲧⲫⲉ	ⲥⲙⲟⲧ ⲛ̀ⲧⲉⲃⲛⲏ ⲛⲓⲃⲉⲛ ⲉⲧϩⲓϫⲉⲛ ⲡ̀ⲕⲁϩⲓ ⲥⲙⲟⲧ ⲛ̀ϩⲁⲗⲏⲧ ⲛⲓⲃⲉⲛ ⲉⲧⲣⲏⲧ ⲛ̀ⲧⲉⲛϩ ⲛⲏ ⲉⲧϩⲏⲗ ⲥⲁⲡⲉⲥⲏⲧ ⲛ̀ⲧ̀ⲫⲉ	smot ǹtevny niven et·hijen p̀kahi smot ǹhalyt niven etryt ǹtenh ny et·hyl sapesyt ǹt̀fe	the likeness of any beast of those that are on the earth, the likeness of any winged bird which flies under heaven,
4:18	ⲥⲙⲟⲧ ⲛϭⲁⲧϥⲓ ⲛⲓⲃⲉⲛ ⲉⲧⲱϣϯ ϩⲓϫⲉⲛⲡⲕⲁϩⲓ ⲥⲙⲟⲧ ⲛⲧⲉⲃⲛⲏ ⲛⲓⲃⲉⲛ ⲛⲏ ⲉⲧϧⲉⲛⲛⲓⲙⲱⲟⲩ ⲛⲉⲙⲥⲁⲡⲉⲥⲏⲧ ⲙⲡⲕⲁϩⲓ	ⲥⲙⲟⲧ ⲛ̀ϭⲁⲧϥⲓ ⲛⲓⲃⲉⲛ ⲉⲧⲱϣϯ ϩⲓϫⲉⲛ ⲡ̀ⲕⲁϩⲓ ⲥⲙⲟⲧ ⲛ̀ⲧⲉⲃⲛⲏ ⲛⲓⲃⲉⲛ ⲛⲏ ⲉⲧϧⲉⲛ ⲛⲓⲙⲱⲟⲩ ⲛⲉⲙ ⲥⲁⲡⲉⲥⲏⲧ ⲛ̀ⲡ̀ⲕⲁϩⲓ	smot ǹċatfi niven etōṡti hijen p̀kahi smot ǹtevny niven ny etxen nimōou nem sapesyt ǹp̀kahi	the likeness of any reptile which creeps on the earth, the likeness of any fish of those which are in the waters under the earth;
4:19	ⲟⲩⲟϩ ⲙⲡⲉⲣⲉⲣϫⲟⲩϣⲧ ⲉϩⲣⲏⲓ ⲉⲧⲫⲉ ⲛⲧⲉⲕⲛⲁⲩ ⲉⲫⲣⲏ ⲛⲉⲙⲡⲓⲓⲟϩ ⲛⲉⲙⲛⲓⲥⲓⲟⲩ ⲛⲉⲙⲡⲓⲥⲟⲗⲥⲉⲗ ⲧⲏⲣϥ ⲛⲧⲫⲉ ⲛⲧⲉⲕⲥⲱⲣⲉⲙ ⲛⲧⲉⲕⲟⲩⲱϣⲧ ⲙⲙⲱⲟⲩ ⲛⲏ ⲉⲧⲁϥⲧⲏⲓⲧⲟⲩ ⲛϫⲉⲡϭⲟⲓⲥ ⲡⲉⲛⲛⲟⲩϯ ⲛⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲥⲁⲡⲉⲥⲏⲧ ⲛⲧⲫⲉ	ⲟⲩⲟϩ ⲙ̀ⲡⲉⲣⲉⲣϫⲟⲩϣⲧ ⲉ̀ϩ̀ⲣⲏⲓ ⲉ̀ⲧ̀ⲫⲉ ⲛ̀ⲧⲉⲭⲛⲁⲩ ⲉ̀ⲫ̀ⲣⲏ ⲛⲉⲙ ⲡⲓⲓⲟϩ ⲛⲉⲙ ⲛⲓⲥⲓⲟⲩ ⲛ̀ⲉⲛⲡⲓⲥⲟⲗⲥⲉⲗ ⲧⲏⲣϥ ⲛ̀ⲧ̀ⲫⲉ ⲛ̀ⲧⲉⲕⲥⲱⲣⲉⲙ ⲛ̀ⲧⲉⲭⲟⲩⲱϣⲧ ⲙ̀ⲙⲱⲟⲩ ⲛⲏ ⲉⲧⲁϥⲧⲏⲓⲧⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲛⲛⲟⲩϯ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲥⲁⲡⲉⲥⲏⲧ ⲛ̀ⲧ̀ⲫⲉ	ouoh m̀perergouṡt èh̀ryi èt̀fe ǹteknav èf̀ry nem piioh nem nisiou ǹenpisolsel tyrf ǹt̀fe ǹtek·sōrem ǹtekouōṡt m̀mōou ny etaftyitou ǹje p̀ċois pennouti ǹnieθnos tyrou ny etsapesyt ǹt̀fe	and lest having looked up to the sky, and having seen the sun and the moon and the stars, and all the heavenly bodies, thou shouldest go astray and worship them, and serve them, which the Lord thy God has distributed to all the nations under heaven.
4:20	ⲛⲑⲱⲧⲉⲛ ⲇⲉ ⲁϥϭⲓ ⲑⲏⲛⲟⲩ ⲛϫⲉⲫⲛⲟⲩϯ ⲟⲩⲟϩ ⲁϥⲉⲛ ⲑⲏⲛⲟⲩ ⲉⲃⲟⲗ ϧⲉⲛϯϩⲣⲟ ⲙⲃⲉⲛⲓⲡⲓ ⲉⲃⲟⲗ ϧⲉⲛⲭⲏⲙⲓ ⲉⲑⲣⲉⲧⲉⲛⲉⲣ ⲟⲩⲗⲁⲟⲥ ⲛⲁϥ ϧⲉⲛⲟⲩⲕⲗⲏⲣⲟⲥ ⲙⲫⲣⲏϯ ϧⲉⲛⲡⲁⲓⲉϩⲟⲟⲩ	ⲛ̀ⲑⲱⲧⲉⲛ ⲇⲉ ⲁϥϭⲓ ⲑⲏⲛⲟⲩ ⲛ̀ϫⲉ ⲫ̀ⲛⲟⲩϯ ⲟⲩⲟϩ ⲁϥⲉⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ϯϩⲣⲟ ⲛ̀ⲃⲉⲛⲓⲡⲓ ⲉ̀ⲃⲟⲗ ϧⲉⲛ ⲭⲏⲙⲓ ⲉ̀ⲑⲣⲉⲧⲉⲛⲉⲣ ⲟⲩⲗⲁⲟⲥ ⲛⲁϥ ϧⲉⲛ ⲟⲩⲕ̀ⲗⲏⲣⲟⲥ ⲛ̀ⲫ̀ⲣⲏϯ ϧⲉⲛ ⲡⲁⲓⲉ̀ϩⲟⲟⲩ	ǹθōten ḋe afċi θynou ǹje f̀nouti ouoh afen θynou èvol xen tihro ǹvenipi èvol xen kymi èθretener oulaos naf xen ouk̀lyros ǹf̀ryti xen paièhoou	But God took you, and led you forth out of the land of Egypt, out of the iron furnace, out of Egypt, to be to him a people of inheritance, as at this day.
4:21	ⲟⲩⲟϩ ⲁ ⲡϭⲟⲓⲥ ⲫⲛⲟⲩϯ ⲙⲃⲟⲛ ⲉⲣⲟⲓ ⲉⲑⲃⲉⲛⲏ ⲉⲧⲁⲣⲉⲧⲉⲛϫⲟⲧⲟⲩ ϧⲉⲛⲑⲏⲛⲟⲩ ⲟⲩⲟϩ ⲁϥⲱⲣⲕ ϩⲓⲛⲁ ⲛⲧⲁϣⲧⲉⲙⲉⲣϫⲓⲛⲓⲟⲣ ⲙⲡⲓⲓⲟⲣⲇⲁⲛⲏⲥ ⲫⲁⲓ ⲟⲩⲟϩ ϩⲓⲛⲁ ⲛⲧⲁϣⲧⲉⲙϣⲉ ⲉϧⲟⲩⲛ ⲉⲡⲓⲕⲁϩⲓ ⲫⲏ ⲉⲧⲉⲡϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ϧⲉⲛⲟⲩⲕⲗⲏⲣⲟⲥ	ⲟⲩⲟϩ ⲁ ⲡ̀ϭⲟⲓⲥ ⲫ̀ⲛⲟⲩϯ ⲙ̀ⲃⲟⲛ ⲉ̀ⲣⲟⲓ ⲉⲑⲃⲉ ⲛⲏ ⲉⲧⲁⲣⲉⲧⲉⲛϫⲟⲧⲟⲩ ϧⲉⲛ ⲑⲏⲛⲟⲩ ⲟⲩⲟϩ ⲁϥⲱⲣⲕ ϩⲓⲛⲁ ⲛ̀ⲧⲁϣⲧⲉⲙⲉⲣϫⲓⲛⲓⲟⲣ ⲛ̀ⲡⲓⲓⲟⲣⲇⲁⲛⲏⲥ ⲫⲁⲓ ⲟⲩⲟϩ ϩⲓⲛⲁ ⲛ̀ⲧⲁϣⲧⲉⲙϣⲉ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲫⲏ ⲉ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ϧⲉⲛ ⲟⲩⲕ̀ⲗⲏⲣⲟⲥ	ouoh a p̀ċois f̀nouti m̀von èroi eθve ny etaretengotou xen θynou ouoh afōrk hina ǹtaṡtemerjinior ǹpiiordanys fai ouoh hina ǹtaṡtemṡe èxoun èpikahi fy ète p̀ċois peknouti natyif nak xen ouk̀lyros	And the Lord God was angry with me for the things said by you, and sware that I should not go over this Jordan, and that I should not enter into the land, which the Lord thy God giveth thee for an inheritance.
4:22	ⲁⲛⲟⲕ ⲅⲁⲣ ϯⲛⲁⲙⲟⲩ ϧⲉⲛⲡⲁⲓⲕⲁϩⲓ ⲟⲩⲟϩ ϯⲛⲁⲉⲣϫⲓⲛⲓⲟⲣ ⲁⲛ ⲙⲡⲓⲓⲟⲣⲇⲁⲛⲏⲥ ⲛⲑⲱⲧⲉⲛ ⲇⲉ ⲧⲉⲧⲉⲛⲛⲁⲉⲣϫⲓⲛⲓⲟⲣ ⲟⲩⲟϩ ⲧⲉⲧⲉⲛⲛⲁⲉⲣⲕⲗⲏⲣⲟⲛⲟⲙⲓⲛ ⲙⲡⲁⲓⲕⲁϩⲓ ⲉⲑⲛⲁⲛⲉϥ	ⲁⲛⲟⲕ ⲅⲁⲣ ϯⲛⲁⲙⲟⲩ ϧⲉⲛ ⲡⲁⲓⲕⲁϩⲓ ⲟⲩⲟϩ ϯⲛⲁⲉⲣϫⲓⲛⲓⲟⲣ ⲁⲛ ⲛ̀ⲡⲓⲓⲟⲣⲇⲁⲛⲏⲥ ⲛ̀ⲑⲱⲧⲉⲛ ⲇⲉ ⲧⲉⲧⲉⲛⲛⲁⲉⲣϫⲓⲛⲓⲟⲣ ⲟⲩⲟϩ ⲧⲉⲧⲉⲛⲛⲁⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲁⲓⲕⲁϩⲓ ⲉⲑⲛⲁⲛⲉϥ	anok ġar tinamou xen paikahi ouoh tinaerjinior an ǹpiiordanys ǹθōten ḋe tetennaerjinior ouoh tetennaerklyronomin ǹpaikahi eθnanef	For I am to die in this land, and shall not pass over this Jordan; but ye are to pass over, and shall inherit this good land.
4:23	ⲙⲁϩⲑⲏⲧⲉⲛ ⲉⲣⲱⲧⲉⲛ ⲛⲑⲱⲧⲉⲛ ⲙⲡⲉⲣⲉⲣⲡⲱⲃϣ ⲛϯⲇⲓⲁⲑⲏⲕⲏ ⲛⲧⲉⲡϭⲟⲓⲥ ⲡⲉⲛⲛⲟⲩϯ ⲑⲏ ⲉⲧⲁϥⲥⲉⲙⲛⲏⲧⲥ ⲛⲉⲙⲱⲧⲉⲛ ⲛⲧⲉⲧⲉⲛⲉⲣⲁⲛⲟⲙⲓⲛ ⲛⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛⲟⲩⲫⲱⲧϩ ⲟⲩⲓⲛⲓ ⲛⲥⲙⲟⲧ ⲛⲧⲉⲛⲏ ⲧⲏⲣⲟⲩ ⲉⲧⲁϥϩⲉⲛϩⲱⲛⲕ ⲉⲣⲱⲟⲩ ⲛϫⲉⲡϭⲟⲓⲥ ⲡⲉⲕⲛⲟⲩϯ	ⲙⲁϩ̀ⲑⲏⲧⲉⲛ ⲉⲣⲱⲧⲉⲛ ⲛ̀ⲑⲱⲧⲉⲛ ⲙ̀ⲡⲉⲣⲉⲣⲡⲱⲃϣ ⲛ̀ϯⲇⲓⲁⲑⲏⲕⲏ ⲛ̀ⲧⲉ ⲡ̀ϭⲟⲓⲥ ⲡⲉⲛⲛⲟⲩϯ ⲑⲏ ⲉⲧⲁϥⲥⲉⲙⲛⲏⲧⲥ ⲛⲉⲙⲱⲧⲉⲛ ⲛ̀ⲧⲉⲧⲉⲛⲉⲣⲁⲛⲟⲙⲓⲛ ⲛ̀ⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲟⲩⲫⲱⲧϩ ⲟⲩⲓ̀ⲛⲓ ⲛ̀ⲥⲙⲟⲧ ⲛ̀ⲧⲉ ⲛⲏ ⲧⲏⲣⲟⲩ ⲉⲧⲁϥϩⲉⲛϩⲱⲛⲕ ⲉ̀ⲣⲱⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲕⲛⲟⲩϯ	mah̀θyten erōten ǹθōten m̀pererpōvṡ ǹtiḋiaθyky ǹte p̀ċois pennouti θy etafsemnyts nemōten ǹteteneranomin ǹtetenθamio nōten ǹoufōt·h ouìni ǹsmot ǹte ny tyrou etafhenhōnk èrōou ǹje p̀ċois peknouti	Take heed to yourselves, lest ye forget the covenant of the Lord our God, which he made with you, and ye transgress, and make to yourselves a graven image of any of the things concerning which the Lord thy God commanded thee.
4:24	ϫⲉⲡϭⲟⲓⲥ ⲡⲉⲕⲛⲟⲩϯ ⲟⲩⲭⲣⲱⲙ ⲉϥⲟⲩⲱⲙ ⲡⲉ ⲟⲩⲛⲟⲩϯ ⲛⲣⲉϥⲭⲟϩ	ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲭ̀ⲣⲱⲙ ⲉϥⲟⲩⲱⲙ ⲡⲉ ⲟⲩⲛⲟⲩϯ ⲛ̀ⲣⲉϥⲭⲟϩ	je p̀ċois peknouti ouk̀rōm efouōm pe ounouti ǹrefkoh	For the Lord thy God is a consuming fire, a jealous God.
4:25	ⲉϣⲱⲡ ⲇⲉ ⲁⲕϣⲁⲛϫⲫⲟ ⲛϩⲁⲛϣⲏⲣⲓ ⲓⲉ ϩⲁⲛϣⲏⲣⲓ ⲛⲧⲉⲛⲉⲕϣⲏⲣⲓ ⲟⲩⲟϩ ⲛⲧⲉⲧⲉⲛⲱⲥⲕ ϩⲓϫⲉⲛⲡⲓⲕⲁϩⲓ ⲛⲧⲉⲧⲉⲛⲉⲣⲁⲛⲟⲙⲓⲛ ⲟⲩⲟϩ ⲛⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛⲟⲩⲫⲱⲧϩ ⲛⲥⲙⲟⲧ ⲛⲓⲃⲉⲛ ⲟⲩⲟϩ ⲛⲧⲉⲧⲉⲛⲓⲣⲓ ⲙⲡⲓⲡⲉⲧϩⲱⲟⲩ ⲛⲡⲉⲙⲑⲟ ⲙⲡϭⲟⲓⲥ ⲡⲉⲧⲉⲛⲛⲟⲩϯ ⲛϯϫⲱⲛⲧ ⲛⲁϥ	ⲉϣⲱⲡ ⲇⲉ ⲁⲕϣⲁⲛϫⲫⲟ ⲛ̀ϩⲁⲛϣⲏⲣⲓ ⲓⲉ ϩⲁⲛϣⲏⲣⲓ ⲛ̀ⲧⲉ ⲛⲉⲕϣⲏⲣⲓ ⲟⲩⲟϩ ⲛ̀ⲧⲉⲧⲉⲛⲱⲥⲕ ϩⲓϫⲉⲛ ⲡⲓⲕⲁϩⲓ ⲛ̀ⲧⲉⲧⲉⲛⲉⲣⲁⲛⲟⲙⲓⲛ ⲟⲩⲟϩ ⲛ̀ⲧⲉⲧⲉⲛⲑⲁⲙⲓⲟ ⲛⲱⲧⲉⲛ ⲛ̀ⲟⲩⲫⲱⲧϩ ⲛ̀ⲥⲙⲟⲧ ⲛⲓⲃⲉⲛ ⲟⲩⲟϩ ⲛ̀ⲧⲉⲧⲉⲛⲓ̀ⲣⲓ ⲛ̀ⲡⲓⲡⲉⲧϩⲱⲟⲩ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲛ̀ϯϫⲱⲛⲧ ⲛⲁϥ	eṡōp ḋe akṡangfo ǹhanṡyri ie hanṡyri ǹte nekṡyri ouoh ǹtetenōsk hijen pikahi ǹteteneranomin ouoh ǹtetenθamio nōten ǹoufōt·h ǹsmot niven ouoh ǹtetenìri ǹpipet·hōou ǹpem̀θo ǹp̀ċois petennouti ǹtigōnt naf	And when thou shalt have begotten sons, and shalt have sons' sons, and ye shall have dwelt a long time on the land, and shall have transgressed, and made a graven image of any thing, and shall have done wickedly before the Lord your God to provoke him;
4:26	ϯⲉⲣⲙⲉⲑⲣⲉ ⲛⲱⲧⲉⲛ ⲙⲫⲟⲟⲩ ⲛⲧⲫⲉ ⲛⲉⲙⲡⲓⲕⲁϩⲓ ϫⲉϧⲉⲛⲟⲩⲧⲁⲕⲟ ⲧⲉⲧⲉⲛⲛⲁⲧⲁⲕⲟ ⲉⲃⲟⲗ ϩⲁⲡⲕⲁϩⲓ ⲫⲏ ⲉⲧⲉⲧⲉⲛⲛⲁⲉⲣϫⲓⲛⲓⲟⲣ ⲉⲙⲁⲩ ⲙⲡⲓⲓⲟⲣⲇⲁⲛⲏⲥ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ ⲛⲛⲉⲧⲉⲛⲁϣⲁⲓ ⲛⲱⲥⲕ ϩⲓⲱⲓϥ ⲛⲟⲩⲙⲏϣ ⲛⲉϩⲟⲟⲩ ⲁⲗⲗⲁ ϧⲉⲛⲟⲩϥⲱϯ ⲉϥⲉϥⲉⲧ ⲑⲏⲛⲟⲩ ⲉⲃⲟⲗ	ϯⲉⲣⲙⲉⲑⲣⲉ ⲛⲱⲧⲉⲛ ⲛ̀ⲫⲟⲟⲩ ⲛ̀ⲧ̀ⲫⲉ ⲛⲉⲙ ⲡⲓⲕⲁϩⲓ ϫⲉ ϧⲉⲛ ⲟⲩⲧⲁⲕⲟ ⲧⲉⲧⲉⲛⲛⲁⲧⲁⲕⲟ ⲉ̀ⲃⲟⲗ ϩⲁ ⲡ̀ⲕⲁϩⲓ ⲫⲏ ⲉⲧⲉⲧⲉⲛⲛⲁⲉⲣϫⲓⲛⲓⲟⲣ ⲉⲙⲁⲩ ⲛ̀ⲡⲓⲓⲟⲣⲇⲁⲛⲏⲥ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ⲛ̀ⲛⲉⲧⲉⲛⲁ̀ϣⲁⲓ ⲛ̀ⲱⲥⲕ ϩⲓⲱⲓϥ ⲛ̀ⲟⲩⲙⲏϣ ⲛⲉ ϩⲟⲟⲩ ⲁⲗⲗⲁ ϧⲉⲛ ⲟⲩϥⲱϯ ⲉϥⲉ̀ϥⲉⲧ ⲑⲏⲛⲟⲩ ⲉ̀ⲃⲟⲗ	tiermeθre nōten ǹfoou ǹt̀fe nem pikahi je xen outako tetennatako èvol ha p̀kahi fy etetennaerjinior emav ǹpiiordanys eerklyronomin m̀mof ǹnetenàṡai ǹōsk hiōif ǹoumyṡ ne hoou alla xen oufōti efèfet θynou èvol	I call heaven and earth this day to witness against you, that ye shall surely perish from off the land, into which ye go across Jordan to inherit it there; ye shall not prolong your days upon it, but shall be utterly cut off.
4:27	ⲟⲩⲟϩ ⲉϥⲉϫⲉⲣ ⲑⲏⲛⲟⲩ ⲉⲃⲟⲗ ⲛϫⲉⲡϭⲟⲓⲥ ϧⲉⲛⲛⲓⲉⲑⲛⲟⲥ ⲧⲏⲣⲟⲩ ⲟⲩⲟϩ ⲉⲣⲉⲧⲉⲛⲉⲥⲱϫⲡ ⲉⲣⲉⲧⲉⲛⲟⲓ ⲛⲕⲟⲩϫⲓ ⲛⲏⲡⲓ ϧⲉⲛⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲉⲡϭⲟⲓⲥ ⲛⲁϭⲓ ⲑⲏⲛⲟⲩ ⲉϧⲟⲩⲛ ⲉⲣⲱⲟⲩ	ⲟⲩⲟϩ ⲉϥⲉ̀ϫⲉⲣ ⲑⲏⲛⲟⲩ ⲉ̀ⲃⲟⲗ ⲛ̀ϫⲉ ⲡ̀ϭⲟⲓⲥ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲟⲩⲟϩ ⲉ̀ⲣⲉⲧⲉⲛⲉⲥⲱϫⲡ ⲉⲣⲉⲧⲉⲛⲟⲓ ⲛ̀ⲕⲟⲩϫⲓ ⲛⲏⲡⲓ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉ̀ⲧⲉ ⲡ̀ϭⲟⲓⲥ ⲛⲁϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲣⲱⲟⲩ	ouoh efèjer θynou èvol ǹje p̀ċois xen nieθnos tyrou ouoh èretenesōgp eretenoi ǹkouji nypi xen nieθnos tyrou ny ète p̀ċois naċi θynou èxoun èrōou	And the Lord shall scatter you among all nations, and ye shall be left few in number among all the nations, among which the Lord shall bring you.
4:28	ⲟⲩⲟϩ ⲉⲣⲉⲧⲉⲛⲉϣⲉⲙϣⲓ ⲙⲙⲁⲩ ⲛϩⲁⲛⲕⲉⲛⲟⲩϯ ϩⲁⲛϩⲃⲏⲟⲩⲓ ⲛϫⲓϫ ⲛⲣⲱⲙⲓ ϩⲁⲛϣⲉ ⲛⲉⲙϩⲁⲛⲱⲛⲓ ⲛⲏ ⲉⲧⲉⲙⲡⲁⲩⲛⲁⲩ ⲟⲩⲇⲉ ⲙⲡⲁⲩⲥⲱⲧⲉⲙ ⲟⲩⲇⲉ ⲙⲡⲁⲩϣⲱⲗⲉⲙ	ⲟⲩⲟϩ ⲉ̀ⲣⲉⲧⲉⲛⲉϣⲉⲙϣⲓ ⲙ̀ⲙⲁⲩ ⲛ̀ϩⲁⲛⲕⲉⲛⲟⲩϯ ϩⲁⲛϩ̀ⲃⲏⲟⲩⲓ̀ ⲛ̀ϫⲓϫ ⲛ̀ⲣⲱⲙⲓ ϩⲁⲛϣⲉ ⲛⲉⲙ ϩⲁⲛⲱⲛⲓ ⲛⲏ ⲉ̀ⲧⲉ ⲙⲡⲁⲩⲛⲁⲩ ⲟⲩⲇⲉ ⲙⲡⲁⲩⲥⲱⲧⲉⲙ ⲟⲩⲇⲉ ⲙⲡⲁⲩϣⲱⲗⲉⲙ	ouoh èreteneṡemṡi m̀mav ǹhankenouti hanh̀vyouì ǹjig ǹrōmi hanṡe nem hanōni ny ète mpavnav ouḋe mpavsōtem ouḋe mpavṡōlem	And ye shall there serve other gods, the works of the hands of men, wood and stones, which cannot see, nor can they hear, nor eat, nor smell.
4:29	ⲉⲣⲉⲧⲉⲛⲉⲕⲱϯ ⲙⲙⲁⲩ ⲛⲥⲁⲡϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲉⲣⲉⲧⲉⲛⲉϫⲉⲙϥ ϩⲟⲧⲁⲛ ⲁⲣⲉⲧⲉⲛϣⲁⲛⲕⲱϯ ⲛⲥⲱϥ ϧⲉⲛⲡⲉⲧⲉⲛϩⲏⲧ ⲧⲏⲣϥ ⲛⲉⲙⲉⲃⲟⲗ ϧⲉⲛⲧⲉⲧⲉⲛⲯⲩⲭⲏ ⲧⲏⲣⲥ ϧⲉⲛⲡⲉⲕϩⲟϫϩⲉϫ	ⲉ̀ⲣⲉⲧⲉⲛⲉⲕⲱϯ ⲙ̀ⲙⲁⲩ ⲛ̀ⲥⲁ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲟⲩⲟϩ ⲉ̀ⲣⲉⲧⲉⲛⲉϫⲉⲙϥ ϩⲟⲧⲁⲛ ⲁⲣⲉⲧⲉⲛϣⲁⲛⲕⲱϯ ⲛ̀ⲥⲱϥ ϧⲉⲛ ⲡⲉⲧⲉⲛϩⲏⲧ ⲧⲏⲣϥ ⲛⲉⲙ ⲉ̀ⲃⲟⲗ ϧⲉⲛ ⲧⲉⲧⲉⲛⲯⲩⲭⲏ ⲧⲏⲣⲥ ϧⲉⲛ ⲡⲉⲕϩⲟϫϩⲉϫ	èretenekōti m̀mav ǹsa p̀ċois petennouti ouoh èretenejemf hotan aretenṡankōti ǹsōf xen petenhyt tyrf nem èvol xen tetenpsiṡy tyrs xen pek·hogheg	And there ye shall seek the Lord your God, and ye shall find him whenever ye shall seek him with all your heart, and with all your soul in your affliction.
4:30	ⲟⲩⲟϩ ⲉⲩⲉϫⲉⲙⲕ ⲛϫⲉⲛⲁⲓⲥⲁϫⲓ ⲧⲏⲣⲟⲩ ⲉⲡϧⲁⲉ ⲛⲧⲉⲛⲓⲉϩⲟⲟⲩ ⲟⲩⲟϩ ⲉⲕⲉⲕⲟⲧⲕ ⲉⲡϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲕⲉⲥⲱⲧⲉⲙ ⲛⲥⲁⲧⲉϥⲥⲙⲏ	ⲟⲩⲟϩ ⲉⲩⲉ̀ϫⲉⲙⲕ ⲛ̀ϫⲉ ⲛⲁⲓⲥⲁϫⲓ ⲧⲏⲣⲟⲩ ⲉ̀ⲡ̀ϧⲁⲉ̀ ⲛ̀ⲧⲉ ⲛⲓⲉ̀ϩⲟⲟⲩ ⲟⲩⲟϩ ⲉⲕⲉ̀ⲕⲟⲧⲕ ⲉ̀ⲡ̀ϭⲟⲓⲥ ⲡⲉⲕⲛⲟⲩϯ ⲟⲩⲟϩ ⲉⲕⲉ̀ⲥⲱⲧⲉⲙ ⲛ̀ⲥⲁ ⲧⲉϥⲥ̀ⲙⲏ	ouoh evèjemk ǹje naisaji tyrou èp̀xaè ǹte nièhoou ouoh ekèkotk èp̀ċois peknouti ouoh ekèsōtem ǹsa tefs̀my	And all these things shall come upon thee in the last days, and thou shalt turn to the Lord thy God, and shalt hearken to his voice.
4:31	ϫⲉⲟⲩⲛⲟⲩϯ ⲛⲣⲉϥϣⲉⲛϩⲏⲧ ⲡⲉ ⲡϭⲟⲓⲥ ⲡⲉⲕⲛⲟⲩϯ ⲛⲛⲉϥⲭⲁⲕ ⲛⲥⲱϥ ⲟⲩⲇⲉ ⲛⲛⲉϥϥⲟⲧⲕ ⲉⲃⲟⲗ ⲟⲩⲇⲉ ⲙⲡⲉϥⲉⲣⲡⲱⲃϣ ⲛϯⲇⲓⲁⲑⲏⲕⲏ ⲛⲧⲉⲛⲉⲕⲓⲟϯ ⲑⲏ ⲉⲧⲁϥⲱⲣⲕ ⲙⲙⲟⲥ ⲛⲱⲟⲩ	ϫⲉ ⲟⲩⲛⲟⲩϯ ⲛ̀ⲣⲉϥϣⲉⲛϩⲏⲧ ⲡⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲛⲉϥⲭⲁⲕ ⲛ̀ⲥⲱϥ ⲟⲩⲇⲉ ⲛ̀ⲛⲉϥϥⲟⲧⲕ ⲉ̀ⲃⲟⲗ ⲟⲩⲇⲉ ⲙ̀ⲡⲉϥⲉⲣⲡⲱⲃϣ ⲛ̀ϯⲇⲓⲁⲑⲏⲕⲏ ⲛ̀ⲧⲉ ⲛⲉⲕⲓⲟϯ ⲑⲏ ⲉⲧⲁϥⲱⲣⲕ ⲙ̀ⲙⲟⲥ ⲛⲱⲟⲩ	je ounouti ǹrefṡenhyt pe p̀ċois peknouti ǹnefkak ǹsōf ouḋe ǹneffotk èvol ouḋe m̀peferpōvṡ ǹtiḋiaθyky ǹte nekioti θy etafōrk m̀mos nōou	Because the Lord thy God is a God of pity: he will not forsake thee, nor destroy thee; he will not forget the covenant of thy fathers, which the Lord sware to them.
4:32	ϣⲓⲛⲓ ⲛⲥⲁⲛⲓⲉϩⲟⲟⲩ ⲛⲧⲉϣⲟⲣⲡ ⲛⲏ ⲉⲧⲁⲩϣⲱⲡⲓ ϧⲁϫⲱⲕ ⲓⲥϫⲉⲛ ⲡⲓⲉϩⲟⲟⲩ ⲉⲧⲁ ⲫⲛⲟⲩϯ ⲥⲉⲛⲧ ⲣⲱⲙⲓ ϩⲓϫⲉⲛⲡⲓⲕⲁϩⲓ ⲛⲉⲙϩⲓϫⲉⲛⲡⲗⲁⲕϩ ⲛⲧⲉⲧⲫⲉ ϫⲉⲁⲛ ⲁⲥϣⲱⲡⲓ ⲕⲁⲧⲁⲡⲁⲓⲥⲁϫⲓ ⲉⲧⲟⲓ ⲛⲛⲓϣϯ ϫⲉⲁⲛ ⲁⲩⲥⲱⲧⲉⲙ ⲛⲟⲩϩⲱⲃ ⲙⲡⲁⲓⲣⲏϯ	ϣⲓⲛⲓ ⲛ̀ⲥⲁ ⲛⲓⲉ̀ϩⲟⲟⲩ ⲛ̀ⲧⲉϣⲟⲣⲡ ⲛⲏ ⲉ̀ⲧⲁⲩϣⲱⲡⲓ ϧⲁϫⲱⲕ ⲓⲥϫⲉⲛ ⲡⲓⲉ̀ϩⲟⲟⲩ ⲉ̀ⲧⲁ ⲫ̀ⲛⲟⲩϯ ⲥⲉⲛⲧ ⲣⲱⲙⲓ ϩⲓϫⲉⲛ ⲡⲓⲕⲁϩⲓ ⲛⲉⲙ ϩⲓϫⲉⲛ ⲡ̀ⲗⲁⲕϩ ⲛ̀ⲧⲉ ⲧ̀ⲫⲉ ϫⲉ ⲁⲛ ⲁⲥϣⲱⲡⲓ ⲕⲁⲧⲁ ⲡⲁⲓⲥⲁϫⲓ ⲉⲧⲟⲓ ⲛ̀ⲛⲓϣϯ ϫⲉ ⲁⲛ ⲁⲩⲥⲱⲧⲉⲙ ⲛ̀ⲟⲩϩⲱⲃ ⲛ̀ⲡⲁⲓⲣⲏϯ	ṡini ǹsa nièhoou ǹteṡorp ny ètavṡōpi xagōk isjen pièhoou èta f̀nouti sent rōmi hijen pikahi nem hijen p̀lak·h ǹte t̀fe je an asṡōpi kata paisaji etoi ǹniṡti je an avsōtem ǹouhōb ǹpairyti	Ask of the former days which were before thee, from the day when God created man upon the earth, and beginning at the one end of heaven to the other end of heaven, if there has happened any thing like to this great event, if such a thing has been heard:
4:33	ϫⲉⲁⲛ ⲁ ⲉⲑⲛⲟⲥ ⲥⲱⲧⲉⲙ ⲉⲧⲥⲙⲏ ⲙⲫⲛⲟⲩϯ ⲉⲧⲟⲛϧ ⲉϥⲥⲁϫⲓ ⲉⲃⲟⲗ ϧⲉⲛⲑⲙⲏϯ ⲙⲡⲓⲭⲣⲱⲙ ⲟⲩⲟϩ ⲁϥⲱⲛϧ ⲙⲫⲣⲏϯ ⲉⲧⲁⲕⲥⲱⲧⲉⲙ ⲛⲑⲟⲕ ⲟⲩⲟϩ ⲁⲕⲱⲛϧ	ϫⲉ ⲁⲛ ⲁ ⲉⲑⲛⲟⲥ ⲥⲱⲧⲉⲙ ⲉ̀ⲧⲥ̀ⲙⲏ ⲛ̀ⲫ̀ⲛⲟⲩϯ ⲉⲧⲟⲛϧ ⲉϥⲥⲁϫⲓ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲡⲓⲭ̀ⲣⲱⲙ ⲟⲩⲟϩ ⲁϥⲱⲛϧ ⲛ̀ⲫ̀ⲣⲏϯ ⲉⲧⲁⲕⲥⲱⲧⲉⲙ ⲛ̀ⲑⲟⲕ ⲟⲩⲟϩ ⲁⲕⲱⲛϧ	je an a eθnos sōtem èts̀my ǹf̀nouti etonx efsaji èvol xen θ̀myti ǹpik̀rōm ouoh afōnx ǹf̀ryti etak·sōtem ǹθok ouoh akōnx	if a nation have heard the voice of the living God speaking out of the midst of the fire, as thou hast heard and hast lived;
4:34	ⲓⲉ ϫⲉⲁⲛ ⲁϥϭⲱⲛⲧ ⲛϫⲉⲫⲛⲟⲩϯ ⲉϣⲉⲛⲁϥ ⲉϧⲟⲩⲛ ⲉϭⲓ ⲛⲁϥ ⲛⲟⲩⲉⲑⲛⲟⲥ ⲉⲃⲟⲗ ϧⲉⲛⲑⲙⲏϯ ⲛⲟⲩⲉⲑⲛⲟⲥ ϧⲉⲛⲟⲩⲡⲓⲣⲁⲥⲙⲟⲥ ⲛⲉⲙϩⲁⲛⲙⲏⲓⲛⲓ ⲛⲉⲙϩⲁⲛϣⲫⲏⲣⲓ ϧⲉⲛⲟⲩⲡⲟⲗⲉⲙⲟⲥ ⲛⲉⲙϧⲉⲛⲟⲩϫⲓϫ ⲉⲥⲁⲙⲁϩⲓ ⲛⲉⲙϧⲉⲛⲟⲩϫⲫⲟⲓ ⲉϥϭⲟⲥⲓ ⲛⲉⲙϧⲉⲛϩⲁⲛⲛⲓϣϯ ⲛⲛⲁⲩ ⲕⲁⲧⲁϩⲱⲃ ⲛⲓⲃⲉⲛ ⲉⲧⲁϥⲁⲓⲧⲟⲩ ⲛϫⲉⲡϭⲟⲓⲥ ⲡⲉⲛⲛⲟⲩϯ ⲛϧⲣⲏⲓ ϧⲉⲛⲭⲏⲙⲓ ⲙⲡⲉⲕⲙⲑⲟ ⲉⲕⲛⲁⲩ	ⲓⲉ ϫⲉ ⲁⲛ ⲁϥϭⲱⲛⲧ ⲛ̀ϫⲉ ⲫ̀ⲛⲟⲩϯ ⲉ̀ϣⲉⲛⲁϥ ⲉ̀ϧⲟⲩⲛ ⲉ̀ϭⲓ ⲛⲁϥ ⲛ̀ⲟⲩⲉⲑⲛⲟⲥ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲟⲩⲉⲑⲛⲟⲥ ϧⲉⲛ ⲟⲩⲡⲓⲣⲁⲥⲙⲟⲥ ⲛⲉⲙ ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ϧⲉⲛ ⲟⲩⲡⲟⲗⲉⲙⲟⲥ ⲛⲉⲙ ϧⲉⲛ ⲟⲩϫⲓϫ ⲉⲥⲁⲙⲁϩⲓ ⲛⲉⲙ ϧⲉⲛ ⲟⲩϫ̀ⲫⲟⲓ ⲉϥϭⲟⲥⲓ ⲛⲉⲙ ϧⲉⲛ ϩⲁⲛⲛⲓϣϯ ⲛ̀ⲛⲁⲩ ⲕⲁⲧⲁ ϩⲱⲃ ⲛⲓⲃⲉⲛ ⲉ̀ⲧⲁϥⲁⲓⲧⲟⲩ ⲛ̀ϫⲉ ⲡ̀ϭⲟⲓⲥ ⲡⲉⲛⲛⲟⲩϯ ⲛ̀ϧ̀ⲣⲏⲓ ϧⲉⲛ ⲭⲏⲙⲓ ⲛ̀ⲡⲉⲕⲙ̀ⲑⲟ ⲉⲭⲛⲁⲩ	ie je an afċōnt ǹje f̀nouti èṡenaf èxoun èċi naf ǹoueθnos èvol xen θ̀myti ǹoueθnos xen oupirasmos nem hanmyini nem hanṡ̀fyri xen oupolemos nem xen oujig esamahi nem xen oug̀foi efċosi nem xen hanniṡti ǹnav kata hōb niven ètafaitou ǹje p̀ċois pennouti ǹx̀ryi xen kymi ǹpekm̀θo eknav	if God has assayed to go and take to himself a nation out of the midst of another nation with trial, and with signs, and with wonders, and with war, and with a mighty hand, and with a high arm, and with great sights, according to all the things which the Lord our God did in Egypt in thy sight.
4:35	ϩⲱⲥⲧⲉ ⲛⲧⲉⲕⲉⲙⲓ ϫⲉⲡϭⲟⲓⲥ ⲡⲉⲕⲛⲟⲩϯ ⲛⲑⲟϥ ⲡⲉ ⲫⲛⲟⲩϯ ⲟⲩⲟϩ ⲙⲙⲟⲛ ⲕⲉⲟⲩⲁⲓ ⲉⲃⲏⲗ ⲉⲣⲟϥ	ϩⲱⲥⲧⲉ ⲛ̀ⲧⲉⲕⲉⲙⲓ ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲑⲟϥ ⲡⲉ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟϥ	hōste ǹtekemi je p̀ċois peknouti ǹθof pe f̀nouti ouoh m̀mon keouai èvyl èrof	So that thou shouldest know that the Lord thy God he is God, and there is none beside him.
4:36	ⲁⲕⲥⲱⲧⲉⲙ ⲉⲧⲉϥⲥⲙⲏ ⲉⲃⲟⲗ ϧⲉⲛⲧⲫⲉ ⲉϥϯⲥⲃⲱ ⲛⲁⲕ ⲟⲩⲟϩ ⲁϥⲧⲁⲙⲟⲕ ϩⲓϫⲉⲛⲡⲓⲕⲁϩⲓ ⲙⲡⲉϥⲛⲓϣϯ ⲛⲭⲣⲱⲙ ⲟⲩⲟϩ ⲛⲉϥⲥⲁϫⲓ ⲁⲕⲥⲟⲑⲙⲟⲩ ⲉⲃⲟⲗ ϧⲉⲛⲑⲙⲏϯ ⲙⲡⲓⲭⲣⲱⲙ	ⲁⲕⲥⲱⲧⲉⲙ ⲉ̀ⲧⲉϥⲥ̀ⲙⲏ ⲉ̀ⲃⲟⲗ ϧⲉⲛ ⲧ̀ⲫⲉ ⲉϥϯⲥⲃⲱ ⲛⲁⲕ ⲟⲩⲟϩ ⲁϥⲧⲁⲙⲟⲕ ϩⲓϫⲉⲛ ⲡⲓⲕⲁϩⲓ ⲛ̀ⲡⲉϥⲛⲓϣϯ ⲛ̀ⲭ̀ⲣⲱⲙ ⲟⲩⲟϩ ⲛⲉϥⲥⲁϫⲓ ⲁⲕⲥⲟⲑⲙⲟⲩ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲡⲓⲭ̀ⲣⲱⲙ	ak·sōtem ètefs̀my èvol xen t̀fe eftisvō nak ouoh aftamok hijen pikahi ǹpefniṡti ǹk̀rōm ouoh nefsaji ak·soθmou èvol xen θ̀myti ǹpik̀rōm	His voice was made audible from heaven to instruct thee, and he shewed thee upon the earth his great fire, and thou heardest his words out of the midst of the fire.
4:37	ⲉⲑⲃⲉϫⲉⲁϥⲉⲣⲁⲅⲁⲡⲁⲛ ⲛⲛⲉⲕⲓⲟϯ ⲁⲥⲱϫⲡ ⲙⲡⲟⲩϫⲣⲟϫ ⲙⲉⲛⲉⲛⲥⲱⲟⲩ ⲟⲩⲟϩ ⲁϥⲉⲛⲕ ⲉⲃⲟⲗ ϧⲉⲛⲟⲩⲛⲓϣϯ ⲛϫⲟⲙ ⲉⲃⲟⲗ ϧⲉⲛⲭⲏⲙⲓ	ⲉⲑⲃⲉ ϫⲉ ⲁϥⲉⲣⲁⲅⲁⲡⲁⲛ ⲛ̀ⲛⲉⲕⲓⲟϯ ⲁⲥⲱϫⲡ ⲛ̀ⲡⲟⲩϫ̀ⲣⲟϫ ⲙⲉⲛⲉⲛⲥⲱⲟⲩ ⲟⲩⲟϩ ⲁϥⲉⲛⲕ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ϫⲟⲙ ⲉ̀ⲃⲟⲗ ϧⲉⲛ ⲭⲏⲙⲓ	eθve je aferaġapan ǹnekioti asōgp ǹpoug̀rog menensōou ouoh afenk èvol xen ouniṡti ǹgom èvol xen kymi	Because he loved thy fathers, he also chose you their seed after them, and he brought thee himself with his great strength out of Egypt,
4:38	ⲉϥϥⲱϯ ⲛϩⲁⲛⲛⲓϣϯ ⲛⲉⲑⲛⲟⲥ ⲉⲃⲟⲗ ⲉⲩϫⲟⲣ ⲉϩⲟⲧⲉⲣⲟⲕ ⲉⲃⲟⲗ ϧⲁⲧϩⲏ ⲙⲡⲉⲕϩⲟ ⲟⲩⲟϩ ⲉⲟⲗⲕ ⲉϧⲟⲩⲛ ⲉϯ ⲛⲁⲕ ⲛⲟⲩⲕⲁϩⲓ ⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ ⲙⲫⲣⲏϯ ⲉⲧⲉϥ ⲛⲧⲟⲧⲕ ⲙⲫⲟⲟⲩ	ⲉϥϥⲱϯ ⲛ̀ϩⲁⲛⲛⲓϣϯ ⲛ̀ⲉⲑⲛⲟⲥ ⲉ̀ⲃⲟⲗ ⲉⲩϫⲟⲣ ⲉϩⲟⲧⲉⲣⲟⲕ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲕϩⲟ ⲟⲩⲟϩ ⲉⲟⲗⲕ ⲉ̀ϧⲟⲩⲛ ⲉ̀ϯ ⲛⲁⲕ ⲛ̀ⲟⲩⲕⲁϩⲓ ⲉⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ ⲛ̀ⲫ̀ⲣⲏϯ ⲉ̀ⲧⲉ ϥ ⲛ̀ⲧⲟⲧⲕ ⲛ̀ⲫⲟⲟⲩ	effōti ǹhanniṡti ǹeθnos èvol evgor ehoterok èvol xat̀·hy ǹpek·ho ouoh eolk èxoun èti nak ǹoukahi eerklyronomin m̀mof ǹf̀ryti ète f ǹtotk ǹfoou	to destroy nations great and stronger than thou before thy face, to bring thee in, to give thee their land to inherit, as thou hast it this day.
4:39	ⲟⲩⲟϩ ⲉⲕⲉⲉⲙⲓ ⲙⲫⲟⲟⲩ ⲟⲩⲟϩ ⲉⲕⲉⲧⲁⲥⲑⲟ ϧⲉⲛⲡⲉⲕϩⲏⲧ ϫⲉⲡϭⲟⲓⲥ ⲡⲉⲕⲛⲟⲩϯ ⲛⲑⲟϥ ⲡⲉ ⲫⲛⲟⲩϯ ⲛϩⲣⲏⲓ ϧⲉⲛⲧⲫⲉ ⲙⲡϣⲱⲓ ⲛⲉⲙϩⲓϫⲉⲛⲡⲕⲁϩⲓ ⲉⲡⲉⲥⲏⲧ ⲟⲩⲟϩ ⲙⲙⲟⲛ ⲕⲉⲟⲩⲁⲓ ⲉⲃⲏⲗ ⲉⲣⲟϥ	ⲟⲩⲟϩ ⲉⲕⲉⲉⲙⲓ ⲛ̀ⲫⲟⲟⲩ ⲟⲩⲟϩ ⲉⲕⲉ̀ⲧⲁⲥⲑⲟ ϧⲉⲛ ⲡⲉⲕϩⲏⲧ ϫⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛ̀ⲑⲟϥ ⲡⲉ ⲫ̀ⲛⲟⲩϯ ⲛ̀ϩ̀ⲣⲏⲓ ϧⲉⲛ ⲧ̀ⲫⲉ ⲛ̀ⲡ̀ϣⲱⲓ ⲛⲉⲙ ϩⲓϫⲉⲛ ⲡ̀ⲕⲁϩⲓ ⲉ̀ⲡⲉⲥⲏⲧ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟϥ	ouoh ekeemi ǹfoou ouoh ekètasθo xen pek·hyt je p̀ċois peknouti ǹθof pe f̀nouti ǹh̀ryi xen t̀fe ǹp̀ṡōi nem hijen p̀kahi èpesyt ouoh m̀mon keouai èvyl èrof	An thou shalt know this day, and shalt consider in thine heart, that the Lord thy God he is God in heaven above, and on the earth beneath, and there is none else but he.
4:40	ⲟⲩⲟϩ ⲉⲕⲉⲁⲣⲉϩ ⲉⲛⲉϥⲙⲉⲑⲙⲏⲓ ⲛⲉⲙⲛⲉϥⲉⲛⲧⲟⲗⲏ ⲛⲉⲙⲛⲉϥϩⲁⲡ ⲛⲏ ⲁⲛⲟⲕ ⲉϯϩⲟⲛϩⲉⲛ ⲙⲙⲱⲟⲩ ⲉⲧⲟⲧⲕ ⲙⲫⲟⲟⲩ ϩⲓⲛⲁ ⲛⲧⲉⲡⲓⲡⲉⲑⲛⲁⲛⲉϥ ϣⲱⲡⲓ ⲛⲁⲕ ⲛⲉⲙⲛⲉⲕϣⲏⲣⲓ ⲙⲉⲛⲉⲛⲥⲱⲕ ϩⲟⲡⲱⲥ ⲛⲧⲉⲧⲉⲛⲉⲣ ⲟⲩⲙⲏϣ ⲛⲉϩⲟⲟⲩ ϩⲓϫⲉⲛⲡⲓⲕⲁϩⲓ ⲫⲏ ⲉⲧⲉⲡϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ⲛⲛⲓⲉϩⲟⲟⲩ ⲧⲏⲣⲟⲩ	ⲟⲩⲟϩ ⲉⲕⲉⲁ̀ⲣⲉϩ ⲉ̀ⲛⲉϥⲙⲉⲑⲙⲏⲓ ⲛⲉⲙ ⲛⲉϥⲉⲛⲧⲟⲗⲏ ⲛⲉⲙ ⲛⲉϥϩⲁⲡ ⲛⲏ ⲁⲛⲟⲕ ⲉⲓϩⲟⲛϩⲉⲛ ⲙ̀ⲙⲱⲟⲩ ⲉⲧⲟⲧⲕ ⲛ̀ⲫⲟⲟⲩ ϩⲓⲛⲁ ⲛ̀ⲧⲉ ⲡⲓⲡⲉⲑⲛⲁⲛⲉϥ ϣⲱⲡⲓ ⲛⲁⲕ ⲛⲉⲙ ⲛⲉⲕϣⲏⲣⲓ ⲙⲉⲛⲉⲛⲥⲱⲕ ϩⲟⲡⲱⲥ ⲛ̀ⲧⲉⲧⲉⲛⲉⲣ ⲟⲩⲙⲏϣ ⲛ̀ⲉ̀ϩⲟⲟⲩ ϩⲓϫⲉⲛ ⲡⲓⲕⲁϩⲓ ⲫⲏ ⲉ̀ⲧⲉ ⲡ̀ϭⲟⲓⲥ ⲡⲉⲕⲛⲟⲩϯ ⲛⲁⲧⲏⲓϥ ⲛⲁⲕ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ	ouoh ekeàreh ènefmeθmyi nem nefentoly nem nefhap ny anok eihonhen m̀mōou etotk ǹfoou hina ǹte pipeθnanef ṡōpi nak nem nekṡyri menensōk hopōs ǹtetener oumyṡ ǹèhoou hijen pikahi fy ète p̀ċois peknouti natyif nak ǹnièhoou tyrou	And keep ye his commandments, and his ordinances, all that I command you this day; that it may be well with thee, and with thy sons after thee, that ye may be long-lived upon the earth, which the Lord thy God giveth thee for ever.
4:41	ⲧⲟⲧⲉ ⲁϥⲟⲩⲱϯ ⲛⲅ̅ ϯⲙⲃⲁⲕⲓ ⲉⲃⲟⲗ ⲛϫⲉⲙⲱⲩⲥⲏⲥ ϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲥⲁⲛⲓⲙⲁⲛⲁϣⲁⲓ ⲛⲧⲉⲫⲣⲏ	ⲧⲟⲧⲉ ⲁϥⲟⲩⲱϯ ⲛ̀3 ϯⲛⲃⲁⲕⲓ ⲉ̀ⲃⲟⲗ ⲛ̀ϫⲉ ⲙⲱⲩⲥⲏⲥ ϩⲓⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ⲥⲁ ⲛⲓⲙⲁⲛⲁϣⲁⲓ ⲛ̀ⲧⲉ ⲫ̀ⲣⲏ	tote afouōti ǹ3 tinvaki èvol ǹje mōisys himyr ǹpiiordanys sa nimanaṡai ǹte f̀ry	Then Moses separated three cities beyond Jordan on the east,
4:42	ⲉⲑⲣⲉϥⲫⲱⲧ ⲉⲙⲁⲩ ⲛϫⲉⲡⲓⲣⲉϥϧⲱⲧⲉⲃ ⲟⲩⲟϩ ⲫⲏ ⲉⲧⲛⲁⲫⲱⲧ ⲉⲙⲁⲩ ⲉϥⲉⲱⲛϧ ⲫⲏ ⲉⲧⲛⲁϧⲱⲧⲉⲃ ⲙⲡⲉϥϣⲫⲏⲣ ⲛϥⲉⲙⲓ ⲁⲛ ⲛⲑⲟϥ ⲉϥⲙⲟⲥϯ ⲙⲙⲟϥ ⲁⲛ ϧⲁϫⲉⲛ ⲥⲁϥ ⲛⲉⲙⲅ̅ ⲙⲫⲟⲟⲩ ⲉϥⲉⲫⲱⲧ ⲉⲟⲩⲓ ⲛⲛⲓⲃⲁⲕⲓ ⲟⲩⲟϩ ⲉϥⲉⲱⲛϧ	ⲉ̀ⲑⲣⲉϥⲫⲱⲧ ⲉⲙⲁⲩ ⲛ̀ϫⲉ ⲡⲓⲣⲉϥϧⲱⲧⲉⲃ ⲟⲩⲟϩ ⲫⲏ ⲉⲧⲛⲁⲫⲱⲧ ⲉⲙⲁⲩ ⲉϥⲉ̀ⲱⲛϧ ⲫⲏ ⲉⲧⲛⲁϧⲱⲧⲉⲃ ⲛ̀ⲡⲉϥϣ̀ⲫⲏⲣ ⲛ̀ϥⲉⲙⲓ ⲁⲛ ⲛ̀ⲑⲟϥ ⲉϥⲙⲟⲥϯ ⲙ̀ⲙⲟϥ ⲁⲛ ϧⲁϫⲉⲛ ⲥⲁϥ ⲛⲉⲙ 3 ⲛ̀ⲫⲟⲟⲩ ⲉϥⲉ̀ⲫⲱⲧ ⲉ̀ⲟⲩⲓ ⲛ̀ⲛⲓⲃⲁⲕⲓ ⲟⲩⲟϩ ⲉϥⲉ̀ⲱⲛϧ	èθreffōt emav ǹje pirefxōteb ouoh fy etnafōt emav efèōnx fy etnaxōteb ǹpefṡ̀fyr ǹfemi an ǹθof efmosti m̀mof an xajen saf nem 3 ǹfoou efèfōt èoui ǹnivaki ouoh efèōnx	that the slayer might flee thither, who should have slain his neighbour unintentionally, and should not have hated him in times past, and he shall flee to one of these cities and live:
4:43	ⲃⲟⲥⲟⲣ ⲑⲏ ⲉⲧϩⲓ ⲡϣⲁϥⲉ ϧⲉⲛⲡⲓⲕⲁϩⲓ ⲉⲧⲟⲓ ⲙⲙⲉϣϣⲱⲧ ⲛⲣⲟⲩⲃⲏⲛ ⲟⲩⲟϩ ⲣⲁⲙⲱⲑ ϧⲉⲛⲅⲁⲗⲁⲁⲇ ⲛⲅⲁⲗⲇⲓⲛ ⲟⲩⲟϩ ⲅⲁⲩⲗⲱⲛ ϧⲉⲛⲑⲃⲁⲥⲁⲛ ⲙⲙⲁⲛⲥⲥⲏ	ⲃⲟⲥⲟⲣ ⲑⲏ ⲉⲧϩⲓ ⲡ̀ϣⲁϥⲉ ϧⲉⲛ ⲡⲓⲕⲁϩⲓ ⲉⲧⲟⲓ ⲛ̀ⲙⲉϣϣⲱⲧ ⲛ̀ⲣⲟⲩⲃⲏⲛ ⲟⲩⲟϩ ⲣⲁⲙⲱⲑ ϧⲉⲛ ⲅⲁⲗⲁⲁⲇ ⲛ̀ⲅⲁⲗⲇⲓⲛ ⲟⲩⲟϩ ⲅⲁⲩⲗⲱⲛ ϧⲉⲛ ⲑⲃⲁⲥⲁⲛ ⲛ̀ⲙⲁⲛⲥⲥⲏ	vosor θy et·hi p̀ṡafe xen pikahi etoi ǹmeṡṡōt ǹrouvyn ouoh ramōθ xen ġalaad ǹġalḋin ouoh ġavlōn xen θvasan ǹmanssy	Bosor in the wilderness, in the plain country of Ruben, and Ramoth in Galaad belonging to Gad, and Gaulon in Basan belonging to Manasse.
4:44	ⲫⲁⲓ ⲡⲉ ⲡⲓⲛⲟⲙⲟⲥ ⲉⲧⲁϥⲭⲁϥ ⲛϫⲉⲙⲱⲩⲥⲏⲥ ⲙⲡⲉⲙⲑⲟ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲫⲁⲓ ⲡⲉ ⲡⲓⲛⲟⲙⲟⲥ ⲉⲧⲁϥⲭⲁϥ ⲛ̀ϫⲉ ⲙⲱⲩⲥⲏⲥ ⲛ̀ⲡⲉⲙ̀ⲑⲟ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	fai pe pinomos etafkaf ǹje mōisys ǹpem̀θo ǹnenṡyri ǹpisrayl	This is the law which Moses set before the children of Israel.
4:45	ⲛⲁⲓ ⲛⲉ ⲛⲓⲙⲉⲧⲙⲉⲑⲣⲉⲩ ⲛⲉⲙⲛⲓⲙⲉⲑⲙⲏⲓ ⲛⲉⲙⲛⲓϩⲁⲡ ⲛⲏ ⲉⲧⲁϥⲥⲁϫⲓ ⲙⲙⲱⲟⲩ ⲛϫⲉⲙⲱⲩⲥⲏⲥ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ϩⲓⲡϣⲁϥⲉ ⲉⲧⲁⲩⲓ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ	ⲛⲁⲓ ⲛⲉ ⲛⲓⲙⲉⲧⲙⲉⲑⲣⲉⲩ ⲛⲉⲙ ⲛⲓⲙⲉⲑⲙⲏⲓ ⲛⲉⲙ ⲛⲓϩⲁⲡ ⲛⲏ ⲉⲧⲁϥⲥⲁϫⲓ ⲙ̀ⲙⲱⲟⲩ ⲛ̀ϫⲉ ⲙⲱⲩⲥⲏⲥ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϩⲓ ⲡ̀ϣⲁϥⲉ ⲉⲧⲁⲩⲓ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	nai ne nimetmeθrev nem nimeθmyi nem nihap ny etafsaji m̀mōou ǹje mōisys nem nenṡyri ǹpisrayl hi p̀ṡafe etavì èvol xen p̀kahi ǹkymi	These are the testimonies, and the ordinances, and the judgments, which Moses spoke to the sons of Israel, when they came out of the land of Egypt:
4:46	ϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ϧⲉⲛϯϧⲉⲗⲗⲟⲧ ϧⲁⲧⲉⲛⲛⲏⲓ ⲙⲫⲟⲅⲱⲣ ϧⲉⲛⲡⲕⲁϩⲓ ⲛⲥⲏⲱⲛ ⲡⲟⲩⲣⲟ ⲛⲧⲉⲛⲓⲁⲙⲟⲣⲣⲉⲟⲥ ⲫⲏ ⲉⲛⲁϥϣⲟⲡ ϧⲉⲛⲉⲥⲉⲃⲱⲛ ⲛⲏ ⲉⲧⲁϥⲧⲁⲕⲱⲟⲩ ⲛϫⲉⲙⲱⲩⲥⲏⲥ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲧⲁⲩⲓ ⲉⲃⲟⲗ ϧⲉⲛⲡⲓⲕⲁϩⲓ ⲛⲭⲏⲙⲓ	ϩⲓⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ϧⲉⲛ ϯϧⲉⲗⲗⲟⲧ ϧⲁ ⲧⲉⲛⲛⲏⲓ ⲛ̀ⲫⲟⲅⲱⲣ ϧⲉⲛ ⲡ̀ⲕⲁϩⲓ ⲛ̀ⲥⲏⲱⲛ ⲡ̀ⲟⲩⲣⲟ ⲛ̀ⲧⲉ ⲛⲓⲁⲙⲟⲣⲣⲉⲟⲥ ⲫⲏ ⲉⲛⲁϥϣⲟⲡ ϧⲉⲛ ⲉⲥⲉⲃⲱⲛ ⲛⲏ ⲉⲧⲁϥⲧⲁⲕⲱⲟⲩ ⲛ̀ϫⲉ ⲙⲱⲩⲥⲏⲥ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲧⲁⲩⲓ̀ ⲉ̀ⲃⲟⲗ ϧⲉⲛ ⲡⲓⲕⲁϩⲓ ⲛ̀ⲭⲏⲙⲓ	himyr ǹpiiordanys xen tixellot xa tennyi ǹfoġōr xen p̀kahi ǹsyōn p̀ouro ǹte niamorreos fy enafṡop xen esebōn ny etaftakōou ǹje mōisys nem nenṡyri ǹpisrayl etavì èvol xen pikahi ǹkymi	on the other side of Jordan, in the valley near the house of Phogor, in the land of Seon king of the Amorites, who dwelt in Esebon, whom Moses and the sons of Israel smote when they came out of the land of Egypt.
4:47	ⲟⲩⲟϩ ⲁⲩⲉⲣⲕⲗⲏⲣⲟⲛⲟⲙⲓⲛ ⲙⲡⲓⲕⲁϩⲓ ⲛⲉⲙⲡⲕⲁϩⲓ ⲛⲱⲅ ⲡⲟⲩⲣⲟ ⲛⲑⲃⲁⲥⲁⲛ ⲡⲓⲟⲩⲣⲟ ⲃ̅ ⲛⲧⲉⲛⲓⲁⲙⲟⲣⲣⲉⲟⲥ ⲛⲏ ⲉⲛⲁⲩ ϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲥⲁⲛⲓⲙⲁⲛϣⲁⲓ ⲛⲧⲉⲫⲣⲏ	ⲟⲩⲟϩ ⲁⲩⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲓⲕⲁϩⲓ ⲛⲉⲙ ⲡ̀ⲕⲁϩⲓ ⲛⲱⲅ ⲡ̀ⲟⲩⲣⲟ ⲛ̀ⲑⲃⲁⲥⲁⲛ ⲡ̀ⲟⲩⲣⲟ 2 ⲛ̀ⲧⲉ ⲛⲓⲁⲙⲟⲣⲣⲉⲟⲥ ⲛⲏ ⲉⲛⲁⲩ ϩⲓⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ⲥⲁ ⲛⲓⲙⲁⲛϣⲁⲓ ⲛ̀ⲧⲉ ⲫ̀ⲣⲏ	ouoh averklyronomin ǹpikahi nem p̀kahi nōġ p̀ouro ǹθvasan p̀ouro 2 ǹte niamorreos ny enav himyr ǹpiiordanys sa nimanṡai ǹte f̀ry	And they inherited his land, and the land of Og king of Basan, two kings of the Amorites, who were beyond Jordan eastward.
4:48	ⲓⲥϫⲉⲛ ⲁⲣⲟⲏⲣ ⲑⲏ ⲉⲧⲁ ϧⲁⲧⲉⲛⲛⲉⲛⲥⲫⲟⲧⲟⲩ ⲙⲡⲓⲙⲟⲩⲛⲥⲱⲣⲉⲙ ⲛⲧⲉⲁⲣⲛⲱⲛ ϩⲓϫⲉⲛⲡⲓⲧⲱⲟⲩ ⲛⲧⲉⲥⲁⲛⲓⲱⲣ ⲫⲁⲓ ⲡⲉ ⲁⲉⲣⲙⲱⲛ	ⲓⲥϫⲉⲛ ⲁⲣⲟⲏⲣ ⲑⲏ ⲉ̀ⲧⲁ ϧⲁⲧⲉⲛ ⲛⲉⲛⲥ̀ⲫⲟⲧⲟⲩ ⲛ̀ⲡⲓⲙⲟⲩⲛⲥⲱⲣⲉⲙ ⲛ̀ⲧⲉ ⲁⲣⲛⲱⲛ ϩⲓϫⲉⲛ ⲡⲓⲧⲱⲟⲩ ⲛ̀ⲧⲉ ⲥⲁⲛⲓⲱⲣ ⲫⲁⲓ ⲡⲉ ⲁⲉⲣⲙⲱⲛ	isjen aroyr θy èta xaten nens̀fotou ǹpimounsōrem ǹte arnōn hijen pitōou ǹte saniōr fai pe aermōn	From Aroer, which is on the border of the brook Arnon, even to the mount of Seon, which is Aermon.
4:49	ϯⲁⲣⲁⲃⲁ ⲧⲏⲣⲥ ϩⲓⲙⲏⲣ ⲙⲡⲓⲓⲟⲣⲇⲁⲛⲏⲥ ⲥⲁⲛⲓⲙⲁⲛϣⲁⲓ ⲛⲧⲉⲫⲣⲏ ⲥⲁⲡⲉⲥⲏⲧ ⲛⲁⲥⲏⲇⲱⲑ ⲑⲏ ⲉⲧⲫⲟⲧϩ ϣⲁⲫⲓⲟⲙ ⲫⲏ ⲉⲧϣⲏϣ ⲉⲃⲟⲗ ⲓⲥϫⲉⲛ ⲡϫⲟϣϫⲉϣ ⲛⲧⲉⲫⲁⲥⲅⲁ	ϯⲁⲣⲁⲃⲁ ⲧⲏⲣⲥ ϩⲓⲙⲏⲣ ⲛ̀ⲡⲓⲓⲟⲣⲇⲁⲛⲏⲥ ⲥⲁ ⲛⲓⲙⲁⲛϣⲁⲓ ⲛ̀ⲧⲉ ⲫ̀ⲣⲏ ⲥⲁⲡⲉⲥⲏⲧ ⲛⲁⲥⲏⲇⲱⲑ ⲑⲏ ⲉⲧⲫⲟⲧϩ ϣⲁ ⲫ̀ⲓⲟⲙ ⲫⲏ ⲉⲧϣⲏϣ ⲉ̀ⲃⲟⲗ ⲓⲥϫⲉⲛ ⲡ̀ϫⲟϣϫⲉϣ ⲛ̀ⲧⲉ ⲫⲁⲥⲅⲁ	tiarava tyrs himyr ǹpiiordanys sa nimanṡai ǹte f̀ry sapesyt nasydōθ θy etfot·h ṡa f̀iom fy etṡyṡ èvol isjen p̀goṡjeṡ ǹte fasġa	All Araba beyond Jordan eastward under Asedoth hewn in the rock.

Provenance

title: 05_Deuteronomium_04
dialect: bohairic
source: Coptic SCRIPTORIUM corpus "bohairic.ot", document 05_Deuteronomium_04
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 05_Deuteronomium_04 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Deuteronomy/04.bohairic.scriptorium.L0.txt
title: 05_Deuteronomium_04 — Cairene
dialect: bohairic
source: generated from 04.bohairic.scriptorium.L0.txt (Coptic SCRIPTORIUM corpus "bohairic.ot", document 05_Deuteronomium_04)
licence: CC BY-SA 4.0
share: attribution
attribution: 05_Deuteronomium_04 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Deuteronomy/04.bohairic.scriptorium.L1.txt
title: 05_Deuteronomium_04 — Kemetic
dialect: bohairic
source: generated from 04.bohairic.scriptorium.L1.txt
licence: CC BY-SA 4.0
share: attribution
attribution: 05_Deuteronomium_04 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Deuteronomy/04.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 49 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 05_Deuteronomium_04 (49 lines)

Cite as:

05_Deuteronomium_04. Coptic SCRIPTORIUM corpus "bohairic.ot", document 05_Deuteronomium_04. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/deuteronomy/04.bohairic.scriptorium/. 05_Deuteronomium_04 from Coptic SCRIPTORIUM (https://copticscriptorium.org), corpus bohairic.ot, document 05_Deuteronomium_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.