Exodus 4 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_04

Attribution: Exodus 4 from Coptic SCRIPTORIUM (https://copticscriptorium.org), corpus bohairic.ot, document 02_Exodus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

31 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
4:1	ⲁϥⲉⲣⲟⲩⲱ ⲇⲉ ⲛϫⲉⲙⲱⲩⲥⲏⲥ ⲟⲩⲟϩ ⲡⲉϫⲁϥ ϫⲉⲉϣⲱⲡ ⲁⲩϣⲧⲉⲙⲛⲁϩϯ ⲉⲣⲟⲓ ⲟⲩⲇⲉ ⲛⲧⲟⲩϣⲧⲉⲙⲥⲱⲧⲉⲙ ⲛⲥⲁⲧⲁⲥⲙⲏ ⲥⲉⲛⲁϫⲟⲥ ⲅⲁⲣ ⲛⲏⲓ ϫⲉⲙⲡⲉϥⲟⲩⲟⲛϩϥ ⲉⲣⲟⲕ ⲛϫⲉⲫⲛⲟⲩϯ ⲟⲩ ⲡⲉϯⲛⲁϫⲟϥ ⲛⲱⲟⲩ	ⲁϥⲉⲣⲟⲩⲱ ⲇⲉ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲡⲉϫⲁϥ ϫⲉ ⲉϣⲱⲡ ⲁⲩϣⲧⲉⲙⲛⲁϩϯ ⲉ̀ⲣⲟⲓ ⲟⲩⲇⲉ ⲛ̀ⲧⲟⲩϣⲧⲉⲙⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ ⲥⲉⲛⲁϫⲟⲥ ⲅⲁⲣ ⲛⲏⲓ ϫⲉ ⲛ̀ⲡⲉϥⲟⲩⲟⲛϩϥ ⲉ̀ⲣⲟⲕ ⲛ̀ϫⲉ ⲫ̀ⲛⲟⲩϯ ⲟⲩ ⲡⲉⲓⲛⲁϫⲟϥ ⲛⲱⲟⲩ	aferouō ḋe ǹje mōisys ouoh pegaf je eṡōp avṡtemnahti èroi ouḋe ǹtouṡtemsōtem ǹsa tas̀my senagos ġar nyi je ǹpefouonhf èrok ǹje f̀nouti ou peinagof nōou	And Moses answered and said, If they believe me not, and do not hearken to my voice (for they will say, God has not appeared to thee), what shall I say to them?
4:2	ⲡⲉϫⲁϥ ⲇⲉ ⲛⲁϥ ⲛϫⲉⲡϭⲟⲓⲥ ϫⲉⲟⲩ ⲡⲉ ⲫⲁⲓ ⲉⲧϧⲉⲛⲧⲉⲕϫⲓϫ ⲛⲑⲟϥ ⲇⲉ ⲡⲉϫⲁϥ ϫⲉⲟⲩϣⲃⲱⲧ ⲡⲉ	ⲡⲉϫⲁϥ ⲇⲉ ⲛⲁϥ ⲛ̀ϫⲉ ⲡ̀ϭⲟⲓⲥ ϫⲉ ⲟⲩ ⲡⲉ ⲫⲁⲓ ⲉⲧϧⲉⲛ ⲧⲉⲕϫⲓϫ ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲟⲩϣ̀ⲃⲱⲧ ⲡⲉ	pegaf ḋe naf ǹje p̀ċois je ou pe fai etxen tekjig ǹθof ḋe pegaf je ouṡ̀vōt pe	And the Lord said to him, What is this thing that is in thine hand? and he said, A rod.
4:3	ⲟⲩⲟϩ ⲡⲉϫⲁϥ ϫⲉⲃⲉⲣⲃⲱⲣϥ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁϥⲃⲉⲣⲃⲱⲣϥ ϩⲓϫⲉⲛⲡⲓⲕⲁϩⲓ ⲟⲩⲟϩ ⲁϥⲉⲣ ⲟⲩϩⲟϥ ⲟⲩⲟϩ ⲁϥⲫⲱⲧ ⲛϫⲉⲙⲱⲩⲥⲏⲥ ⲉⲃⲟⲗ ϩⲁⲣⲟϥ	ⲟⲩⲟϩ ⲡⲉϫⲁϥ ϫⲉ ⲃⲉⲣⲃⲱⲣϥ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁϥⲃⲉⲣⲃⲱⲣϥ ϩⲓϫⲉⲛ ⲡⲓⲕⲁϩⲓ ⲟⲩⲟϩ ⲁϥⲉⲣ ⲟⲩϩⲟϥ ⲟⲩⲟϩ ⲁϥⲫⲱⲧ ⲛ̀ϫⲉ ⲙⲱⲩⲥⲏⲥ ⲉ̀ⲃⲟⲗ ϩⲁⲣⲟϥ	ouoh pegaf je vervōrf hijen pikahi ouoh afvervōrf hijen pikahi ouoh afer ouhof ouoh affōt ǹje mōisys èvol harof	And he said, Cast it on the ground: and he cast it on the ground, and it became a serpent, and Moses fled from it.
4:4	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉⲥⲟⲩⲧⲱⲛ ⲧⲉⲕϫⲓϫ ⲉⲃⲟⲗ ⲁⲙⲟⲛⲓ ⲙⲡⲉϥⲥⲏⲧ ⲟⲩⲟϩ ⲁϥⲥⲟⲩⲧⲱⲛ ⲧⲉϥϫⲓϫ ⲉⲃⲟⲗ ⲁϥⲁⲙⲟⲛⲓ ⲙⲡⲉϥⲥⲏⲧ ⲟⲩⲟϩ ⲁϥⲉⲣ ⲟⲩϣⲃⲱⲧ ϧⲉⲛⲧⲉϥϫⲓϫ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ϫⲉ ⲥⲟⲩⲧⲱⲛ ⲧⲉⲕϫⲓϫ ⲉ̀ⲃⲟⲗ ⲁ̀ⲙⲟⲛⲓ ⲛ̀ⲡⲉϥⲥⲏⲧ ⲟⲩⲟϩ ⲁϥⲥⲟⲩⲧⲱⲛ ⲧⲉϥϫⲓϫ ⲉ̀ⲃⲟⲗ ⲁϥⲁ̀ⲙⲟⲛⲓ ⲛ̀ⲡⲉϥⲥⲏⲧ ⲟⲩⲟϩ ⲁϥⲉⲣ ⲟⲩϣ̀ⲃⲱⲧ ϧⲉⲛ ⲧⲉϥϫⲓϫ	ouoh peje p̀ċois ǹmōisys je soutōn tekjig èvol àmoni ǹpefsyt ouoh afsoutōn tefjig èvol afàmoni ǹpefsyt ouoh afer ouṡ̀vōt xen tefjig	And the Lord said to Moses, Stretch forth thine hand, and take hold of its tail: so he stretched forth his hand and took hold of the tail,
4:5	ϩⲓⲛⲁ ⲛⲥⲉⲛⲁϩϯ ϫⲉⲁϥⲟⲩⲟⲛϩϥ ⲉⲣⲟⲕ ⲛϫⲉⲡϭⲟⲓⲥ ⲫⲛⲟⲩϯ ⲛⲧⲉⲛⲟⲩⲓⲟϯ ⲫⲛⲟⲩϯ ⲛⲁⲃⲣⲁⲁⲙ ⲛⲉⲙⲫⲛⲟⲩϯ ⲛⲓⲥⲁⲁⲕ ⲛⲉⲙⲫⲛⲟⲩϯ ⲛⲓⲁⲕⲱⲃ	ϩⲓⲛⲁ ⲛ̀ⲧⲟⲩⲛⲁϩϯ ϫⲉ ⲁϥⲟⲩⲟⲛϩϥ ⲉ̀ⲣⲟⲕ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲛⲟⲩⲓⲟϯ ⲫ̀ⲛⲟⲩϯ ⲛ̀ⲁⲃⲣⲁⲁⲙ ⲛⲉⲙ ⲫ̀ⲛⲟⲩϯ ⲛ̀ⲓⲥⲁⲁⲕ ⲛⲉⲙ ⲫ̀ⲛⲟⲩϯ ⲛ̀ⲓⲁⲕⲱⲃ	hina ǹtounahti je afouonhf èrok ǹje p̀ċois f̀nouti ǹte nouioti f̀nouti ǹabraam nem f̀nouti ǹisaak nem f̀nouti ǹiakōb	and it became a rod in his hand, that they may believe thee, that the God of thy fathers has appeared to thee, the God of Abraam, and God of Isaac, and God of Jacob.
4:6	ⲡⲉϫⲉ ⲡϭⲟⲓⲥ ⲇⲉ ⲛⲁϥ ⲟⲛ ϫⲉϩⲓⲧⲉⲕϫⲓϫ ⲉϧⲟⲩⲛ ϧⲁⲑⲟⲩⲱⲕ ⲟⲩⲟϩ ⲁϥϩⲓ ⲧⲉϥϫⲓϫ ⲉϧⲟⲩⲛ ϧⲁⲑⲟⲩⲱϥ ⲟⲩⲟϩ ⲁϥⲉⲛⲥ ⲉⲃⲟⲗ ϧⲁⲑⲟⲩⲱϥ ⲟⲩⲟϩ ⲁⲥϣⲱⲡⲓ ⲛϫⲉⲧⲉϥϫⲓϫ ⲉⲥⲕⲏⲕⲛⲥⲉϩⲧ ⲙⲫⲣⲏϯ ⲛⲟⲩⲭⲓⲱⲛ	ⲡⲉϫⲉ ⲡ̀ϭⲟⲓⲥ ⲇⲉ ⲛⲁϥ ⲟⲛ ϫⲉ ϩⲓ ⲧⲉⲕϫⲓϫ ⲉ̀ϧⲟⲩⲛ ϧⲁⲑⲟⲩⲱⲕ ⲟⲩⲟϩ ⲁϥϩⲓ ⲧⲉϥϫⲓϫ ⲉ̀ϧⲟⲩⲛ ϧⲁⲑⲟⲩⲱϥ ⲟⲩⲟϩ ⲁϥⲉⲛⲥ ⲉ̀ⲃⲟⲗ ϧⲁⲑⲟⲩⲱϥ ⲟⲩⲟϩ ⲁⲥϣⲱⲡⲓ ⲛ̀ϫⲉ ⲧⲉϥϫⲓϫ ⲉ̀ⲥⲕⲏⲕⲛⲥⲉϩⲧ ⲛ̀ⲫ̀ⲣⲏϯ ⲛ̀ⲟⲩⲭⲓⲱⲛ	peje p̀ċois ḋe naf on je hi tekjig èxoun xaθouōk ouoh afhi tefjig èxoun xaθouōf ouoh afens èvol xaθouōf ouoh asṡōpi ǹje tefjig èskyknseht ǹf̀ryti ǹouṡiōn	And the Lord said again to him, Put thine hand into thy bosom; and he put his hand into his bosom, and brought his hand out of his bosom, and his hand became as snow.
4:7	ⲟⲩⲟϩ ⲡⲉϫⲁϥ ⲟⲛ ϫⲉϩⲓⲧⲉⲕϫⲓϫ ⲉϧⲟⲩⲛ ϧⲁⲑⲟⲩⲱⲕ ⲟⲩⲟϩ ⲁϥϩⲓ ⲧⲉϥϫⲓϫ ⲉϧⲟⲩⲛ ϧⲁⲑⲟⲩⲱϥ ⲟⲩⲟϩ ⲁϥⲉⲛⲥ ⲉⲃⲟⲗ ϧⲁⲑⲟⲩⲱϥ ⲟⲩⲟϩ ⲁⲥⲧⲁⲥⲑⲟ ⲉⲡⲁⲟⲩⲁⲛ ⲛⲧⲉⲧⲉϥⲥⲁⲣⲝ	ⲟⲩⲟϩ ⲡⲉϫⲁϥ ⲟⲛ ϫⲉ ϩⲓ ⲧⲉⲕϫⲓϫ ⲉ̀ϧⲟⲩⲛ ϧⲁⲑⲟⲩⲱⲕ ⲟⲩⲟϩ ⲁϥϩⲓ ⲧⲉϥϫⲓϫ ⲉ̀ϧⲟⲩⲛ ϧⲁⲑⲟⲩⲱϥ ⲟⲩⲟϩ ⲁϥⲉⲛⲥ ⲉ̀ⲃⲟⲗ ϧⲁⲑⲟⲩⲱϥ ⲟⲩⲟϩ ⲁⲥⲧⲁⲥⲑⲟ ⲉ̀ⲡⲁⲟⲩⲁⲛ ⲛ̀ⲧⲉ ⲧⲉϥⲥⲁⲣⲝ	ouoh pegaf on je hi tekjig èxoun xaθouōk ouoh afhi tefjig èxoun xaθouōf ouoh afens èvol xaθouōf ouoh astasθo èpaouan ǹte tefsarks	And he said again, Put thy hand into thy bosom; and he put his hand into his bosom, and brought his hand out of his bosom, and it was again restored to the complexion of his other flesh.
4:8	ⲉϣⲱⲡⲓ ⲇⲉ ⲁⲩϣⲧⲉⲙⲛⲁϩϯ ⲉⲣⲟⲕ ϧⲉⲛⲧⲥⲙⲏ ⲙⲡⲓⲙⲏⲓⲛⲓ ⲛϩⲟⲩⲓⲧ ⲥⲉⲛⲁⲛⲁϩϯ ⲉⲣⲟⲕ ϧⲉⲛⲧⲥⲙⲏ ⲙⲡⲓⲙⲏⲓⲛⲓ ⲙⲙⲁϩⲃ̅	ⲉϣⲱⲡⲓ ⲇⲉ ⲁⲩϣⲧⲉⲙⲛⲁϩϯ ⲉ̀ⲣⲟⲕ ϧⲉⲛ ⲧ̀ⲥ̀ⲙⲏ ⲛ̀ⲡⲓⲙⲏⲓⲛⲓ ⲛ̀ϩⲟⲩⲓⲧ ⲥⲉⲛⲁⲛⲁϩϯ ⲉ̀ⲣⲟⲕ ϧⲉⲛ ⲧ̀ⲥ̀ⲙⲏ ⲛ̀ⲡⲓⲙⲏⲓⲛⲓ ⲛ̀ⲙⲁϩ2	eṡōpi ḋe avṡtemnahti èrok xen t̀s̀my ǹpimyini ǹhouit senanahti èrok xen t̀s̀my ǹpimyini ǹmah2	And if they will not believe thee, nor hearken to the voice of the first sign, they will believe thee because of the voice of the second sign.
4:9	ⲟⲩⲟϩ ⲉϣⲱⲡ ⲁⲩϣⲧⲉⲙⲛⲁϩϯ ⲉⲣⲟⲓ ϧⲉⲛⲡⲁⲓⲙⲏⲓⲛⲓ ⲃ̅ ⲟⲩⲇⲉ ⲛⲧⲟⲩϣⲧⲉⲙⲥⲱⲧⲉⲙ ⲛⲥⲁⲧⲉⲕⲥⲙⲏ ⲉⲕⲉϭⲓ ⲉⲃⲟⲗ ϧⲉⲛⲡⲓⲙⲱⲟⲩ ⲛⲧⲉⲫⲓⲁⲣⲟ ⲟⲩⲟϩ ⲉⲕⲉϫⲱϣ ⲉϫⲉⲛⲡⲓⲥⲟⲩⲓⲉ ⲟⲩⲟϩ ⲉϥⲉϣⲱⲡⲓ ⲛϫⲉⲡⲓⲙⲱⲟⲩ ⲉⲧⲉⲕⲛⲁϭⲓⲧϥ ⲉⲃⲟⲗ ϧⲉⲛⲫⲓⲁⲣⲟ ⲉϥⲟⲓ ⲛⲟⲩⲥⲛⲟϥ ⲉϫⲉⲛⲡⲓϣⲟⲩⲓⲉ	ⲟⲩⲟϩ ⲉϣⲱⲡ ⲁⲩϣⲧⲉⲙⲛⲁϩϯ ⲉ̀ⲣⲟⲓ ϧⲉⲛ ⲡⲁⲓⲙⲏⲓⲛⲓ 2 ⲟⲩⲇⲉ ⲛ̀ⲧⲟⲩϣⲧⲉⲙⲥⲱⲧⲉⲙ ⲛ̀ⲥⲁ ⲧⲉⲕⲥ̀ⲙⲏ ⲉⲕⲉ̀ϭⲓ ⲉ̀ⲃⲟⲗ ϧⲉⲛ ⲡⲓⲙⲱⲟⲩ ⲛ̀ⲧⲉ ⲫ̀ⲓⲁⲣⲟ ⲟⲩⲟϩ ⲉⲕⲉ̀ϫⲱϣ ⲉ̀ϫⲉⲛ ⲡⲓⲥⲟⲩⲓⲉ ⲟⲩⲟϩ ⲉϥⲉ̀ϣⲱⲡⲓ ⲛ̀ϫⲉ ⲡⲓⲙⲱⲟⲩ ⲉ̀ⲧⲉ ⲭ̀ⲛⲁϭⲓⲧϥ ⲉ̀ⲃⲟⲗ ϧⲉⲛ ⲫ̀ⲓⲁⲣⲟ ⲉϥⲟⲓ ⲛ̀ⲟⲩⲥ̀ⲛⲟϥ ⲉ̀ϫⲉⲛ ⲡⲓϣⲟⲩⲓⲉ	ouoh eṡōp avṡtemnahti èroi xen paimyini 2 ouḋe ǹtouṡtemsōtem ǹsa tek·s̀my ekèċi èvol xen pimōou ǹte f̀iaro ouoh ekègōṡ èjen pisouie ouoh efèṡōpi ǹje pimōou ète k̀naċitf èvol xen f̀iaro efoi ǹous̀nof èjen piṡouie	And it shall come to pass if they will not believe thee for these two signs, and will not hearken to thy voice, that thou shalt take of the water of the river and pour it upon the dry land, and the water which thou shalt take from the river shall be blood upon the dry land.
4:10	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲙⲡϭⲟⲓⲥ ϫⲉϯϯϩⲟ ⲉⲣⲟⲕ ⲡⲁϭⲟⲓⲥ ⲛϯϫⲉⲙϩⲟ ⲛⲥⲁϫⲓ ⲁⲛ ϧⲁϫⲉⲛ ⲥⲁϥ ⲟⲩⲇⲉ ϧⲁϫⲉⲛ ⲅ̅ ⲙⲫⲟⲟⲩ ⲟⲩⲇⲉ ⲓⲥϫⲉⲛ ⲉⲧⲁⲕⲉⲣϩⲏⲧⲥ ⲛⲥⲁϫⲓ ⲛⲉⲙⲡⲉⲕⲃⲱⲕ ⲥϣⲟⲙ ⲛϫⲉⲧⲁⲥⲙⲏ ⲟⲩⲟϩ ϥⲥⲁⲓⲱⲟⲩ ⲁⲛ ⲛϫⲉⲡⲁⲗⲁⲥ ⲁⲛⲟⲕ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛ̀ⲡ̀ϭⲟⲓⲥ ϫⲉ ϯϯϩⲟ ⲉ̀ⲣⲟⲕ ⲡⲁϭⲟⲓⲥ ⲛ̀ϯϫⲉⲙϩⲟ ⲛ̀ⲥⲁϫⲓ ⲁⲛ ϧⲁϫⲉⲛ ⲥⲁϥ ⲟⲩⲇⲉ ϧⲁϫⲉⲛ 3 ⲛ̀ⲫⲟⲟⲩ ⲟⲩⲇⲉ ⲓⲥϫⲉⲛ ⲉ̀ⲧⲁⲕⲉⲣϩⲏⲧⲥ ⲛ̀ⲥⲁϫⲓ ⲛⲉⲙ ⲡⲉⲕⲃⲱⲕ ⲥ̀ϣⲟⲙ ⲛ̀ϫⲉ ⲧⲁⲥ̀ⲙⲏ ⲟⲩⲟϩ ϥ̀ⲥⲁⲓⲱⲟⲩ ⲁⲛ ⲛ̀ϫⲉ ⲡⲁⲗⲁⲥ ⲁⲛⲟⲕ	ouoh peje mōisys ǹp̀ċois je titiho èrok paċois ǹtijemho ǹsaji an xajen saf ouḋe xajen 3 ǹfoou ouḋe isjen ètakerhyts ǹsaji nem pekvōk s̀ṡom ǹje tas̀my ouoh f̀saiōou an ǹje palas anok	And Moses said to the Lord, I pray, Lord, I have not been sufficient in former times, neither from the time that thou hast begun to speak to thy servant: I am weak in speech, and slow-tongued.
4:11	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲛⲓⲙ ⲡⲉ ⲉⲧⲁϥϯⲣⲟ ⲉⲣⲱⲙⲓ ⲟⲩⲟϩ ⲛⲓⲙ ⲡⲉ ⲉⲧⲁϥⲑⲁⲙⲓⲟ ⲉⲃⲟ ⲛⲉⲙⲕⲟⲩⲣ ⲡⲉⲑⲛⲁⲩ ⲙⲃⲟⲗ ⲛⲉⲙⲃⲉⲗⲗⲉ ⲙⲏ ⲁⲛⲟⲕ ⲁⲛ ⲡⲉ ⲡϭⲟⲓⲥ ⲫⲛⲟⲩϯ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲛⲓⲙ ⲡⲉ ⲉⲧⲁϥϯⲣⲟ ⲉ̀ⲣⲱⲙⲓ ⲟⲩⲟϩ ⲛⲓⲙ ⲡⲉ ⲉⲧⲁϥⲑⲁⲙⲓⲟ ⲉⲃⲟ ⲛⲉⲙ ⲕⲟⲩⲣ ⲡⲉⲑⲛⲁⲩ ⲛ̀ⲃⲟⲗ ⲛⲉⲙ ⲃⲉⲗⲗⲉ ⲙⲏ ⲁⲛⲟⲕ ⲁⲛ ⲡⲉ ⲡ̀ϭⲟⲓⲥ ⲫ̀ⲛⲟⲩϯ	peje p̀ċois ḋe ǹmōisys je nim pe etaftiro èrōmi ouoh nim pe etafθamio evo nem kour peθnav ǹvol nem velle my anok an pe p̀ċois f̀nouti	And the Lord said to Moses, Who has given a mouth to man, and who has made the very hard of hearing, and the deaf, the seeing and the blind? have not I, God?
4:12	ⲟⲩⲟϩ ϯⲛⲟⲩ ⲙⲁϣⲉⲛⲁⲕ ⲁⲛⲟⲕ ⲉⲑⲛⲁⲟⲩⲱⲛ ⲛⲣⲱⲕ ⲟⲩⲟϩ ⲛⲧⲁⲧⲥⲁⲃⲟⲕ ⲉⲫⲏ ⲉⲧⲉⲕⲛⲁϫⲟϥ	ⲟⲩⲟϩ ϯⲛⲟⲩ ⲙⲁϣⲉⲛⲁⲕ ⲁⲛⲟⲕ ⲉⲑⲛⲁⲟⲩⲱⲛ ⲛ̀ⲣⲱⲕ ⲟⲩⲟϩ ⲛ̀ⲧⲁⲧⲥⲁⲃⲟⲕ ⲉ̀ⲫⲏ ⲉ̀ⲧⲉ ⲭ̀ⲛⲁϫⲟϥ	ouoh tinou maṡenak anok eθnaouōn ǹrōk ouoh ǹtatsavok èfy ète k̀nagof	And now go and I will open thy mouth, and will instruct thee in what thou shalt say.
4:13	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉϯϯϩⲟ ⲉⲣⲟⲕ ⲡⲁϭⲟⲓⲥ ϩⲓⲧⲟⲧⲕ ⲉϫⲉⲛⲕⲉⲟⲩⲁⲓ ⲉⲟⲩⲟⲛ ϣϫⲟⲙ ⲙⲙⲟϥ ⲫⲁⲓ ⲉⲧⲉⲕⲛⲁⲟⲩⲟⲣⲡϥ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ϯϯϩⲟ ⲉ̀ⲣⲟⲕ ⲡⲁϭⲟⲓⲥ ϩⲓⲧⲟⲧⲕ ⲉ̀ϫⲉⲛ ⲕⲉⲟⲩⲁⲓ ⲉ̀ⲟⲩⲟⲛ ϣ̀ϫⲟⲙ ⲙ̀ⲙⲟϥ ⲫⲁⲓ ⲉ̀ⲧⲉ ⲭ̀ⲛⲁⲟⲩⲟⲣⲡϥ	ouoh peje mōisys je titiho èrok paċois hitotk èjen keouai èouon ṡ̀gom m̀mof fai ète k̀naouorpf	And Moses said, I pray thee, Lord, appoint another able person whom thou shalt send.
4:14	ⲟⲩⲟϩ ⲉⲧⲁϥⲙⲃⲟⲛ ϧⲉⲛⲟⲩϫⲱⲛⲧ ⲛϫⲉⲡϭⲟⲓⲥ ⲉϫⲉⲛⲙⲱⲩⲥⲏⲥ ⲡⲉϫⲁϥ ϫⲉⲙⲏ ⲓⲥ ⲁⲁⲣⲱⲛ ⲡⲉⲕⲥⲟⲛ ⲁⲛ ⲡⲓⲗⲉⲩⲓⲧⲏⲥ ϯⲥⲱⲟⲩⲛ ϫⲉϧⲉⲛⲟⲩⲥⲁϫⲓ ϥⲛⲁⲥⲁϫⲓ ⲛⲉⲙⲁⲕ ⲛⲑⲟϥ ⲟⲩⲟϩ ϩⲏⲡⲡⲉ ⲛⲑⲟϥ ϥⲛⲏⲟⲩ ⲉⲃⲟⲗ ⲉϩⲣⲁⲕ ⲟⲩⲟϩ ⲁϥϣⲁⲛⲛⲁⲩ ⲉⲣⲟⲕ ϥⲛⲁⲣⲁϣⲓ ⲛϧⲣⲏⲓ ⲛϧⲏⲧϥ	ⲟⲩⲟϩ ⲉ̀ⲧⲁϥⲙ̀ⲃⲟⲛ ϧⲉⲛ ⲟⲩϫⲱⲛⲧ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲙⲱⲩⲥⲏⲥ ⲡⲉϫⲁϥ ϫⲉ ⲙⲏ ⲓⲥ ⲁ̀ⲁⲣⲱⲛ ⲡⲉⲕⲥⲟⲛ ⲁⲛ ⲡⲓⲗⲉⲩⲓⲧⲏⲥ ϯⲥⲱⲟⲩⲛ ϫⲉ ϧⲉⲛ ⲟⲩⲥⲁϫⲓ ϥ̀ⲛⲁⲥⲁϫⲓ ⲛⲉⲙⲁⲕ ⲛ̀ⲑⲟϥ ⲟⲩⲟϩ ϩⲏⲡⲡⲉ ⲛ̀ⲑⲟϥ ϥ̀ⲛⲏⲟⲩ ⲉ̀ⲃⲟⲗ ⲉ̀ϩ̀ⲣⲁⲕ ⲟⲩⲟϩ ⲁϥϣⲁⲛⲛⲁⲩ ⲉ̀ⲣⲟⲕ ϥ̀ⲛⲁⲣⲁϣⲓ ⲛ̀ϧ̀ⲣⲏⲓ ⲛ̀ϧⲏⲧϥ	ouoh ètafm̀von xen ougōnt ǹje p̀ċois èjen mōisys pegaf je my is àarōn pek·son an pilevitys tisōoun je xen ousaji f̀nasaji nemak ǹθof ouoh hyppe ǹθof f̀nyou èvol èh̀rak ouoh afṡannav èrok f̀naraṡi ǹx̀ryi ǹxytf	And the Lord was greatly angered against Moses, and said, Lo! is not Aaron the Levite thy brother? I know that he will surely speak to thee; and, behold, he will come forth to meet thee, and beholding thee he will rejoice within himself.
4:15	ⲟⲩⲟϩ ⲉⲕⲉⲥⲁϫⲓ ⲛⲉⲙⲁϥ ⲟⲩⲟϩ ⲉⲕⲉϯ ⲛⲛⲁⲥⲁϫⲓ ⲉϧⲟⲩⲛ ⲉⲣⲱϥ ⲟⲩⲟϩ ⲁⲛⲟⲕ ⲉⲑⲛⲁⲟⲩⲱⲛ ⲛⲣⲱⲕ ⲛⲉⲙⲣⲱϥ ⲟⲩⲟϩ ⲛⲧⲁⲧⲥⲁⲃⲱⲧⲉⲛ ⲉⲛⲏ ⲉⲧⲉⲧⲉⲛⲛⲁⲁⲓⲧⲟⲩ	ⲟⲩⲟϩ ⲉⲕⲉ̀ⲥⲁϫⲓ ⲛⲉⲙⲁϥ ⲟⲩⲟϩ ⲉⲕⲉ̀ϯ ⲛ̀ⲛⲁⲥⲁϫⲓ ⲉ̀ϧⲟⲩⲛ ⲉ̀ⲣⲱϥ ⲟⲩⲟϩ ⲁⲛⲟⲕ ⲉⲑⲛⲁⲟⲩⲱⲛ ⲛ̀ⲣⲱⲕ ⲛⲉⲙ ⲣⲱϥ ⲟⲩⲟϩ ⲛ̀ⲧⲁⲧⲥⲁⲃⲱⲧⲉⲛ ⲉ̀ⲛⲏ ⲉⲧⲉⲧⲉⲛⲛⲁⲁⲓⲧⲟⲩ	ouoh ekèsaji nemaf ouoh ekèti ǹnasaji èxoun èrōf ouoh anok eθnaouōn ǹrōk nem rōf ouoh ǹtatsavōten èny etetennaaitou	And thou shalt speak to him; and thou shalt put my words into his mouth, and I will open thy mouth and his mouth, and I will instruct you in what ye shall do.
4:16	ⲟⲩⲟϩ ⲉϥⲉⲥⲁϫⲓ ⲛⲉⲙⲁⲕ ⲛⲑⲟϥ ϧⲁⲧⲉⲛⲡⲓⲗⲁⲟⲥ ⲛⲑⲟϥ ⲉϥⲉⲉⲣ ⲣⲱⲕ ⲛⲑⲟⲕ ⲇⲉ ⲉⲕⲉϣⲱⲡⲓ ⲛⲁϥ ⲛⲁϩⲣⲉⲛ ⲫⲛⲟⲩϯ	ⲟⲩⲟϩ ⲉϥⲉ̀ⲥⲁϫⲓ ⲛⲉⲙⲁⲕ ⲛ̀ⲑⲟϥ ϧⲁⲧⲉⲛ ⲡⲓⲗⲁⲟⲥ ⲛ̀ⲑⲟϥ ⲉϥⲉ̀ⲉⲣ ⲣⲱⲕ ⲛ̀ⲑⲟⲕ ⲇⲉ ⲉⲕⲉ̀ϣⲱⲡⲓ ⲛⲁϥ ⲛⲁϩⲣⲉⲛ ⲫ̀ⲛⲟⲩϯ	ouoh efèsaji nemak ǹθof xaten pilaos ǹθof efèer rōk ǹθok ḋe ekèṡōpi naf nahren f̀nouti	And he shall speak for thee to the people, and he shall be thy mouth, and thou shalt be for him in things pertaining to God.
4:17	ⲟⲩⲟϩ ⲉⲕⲉϭⲓ ⲙⲡⲁⲓϣⲃⲱⲧ ⲛϧⲣⲏⲓ ϧⲉⲛⲧⲉⲕϫⲓϫ ⲫⲁⲓ ⲉⲧⲉⲕⲛⲁⲉⲣ ⲛⲓⲙⲏⲓⲛⲓ ⲛϧⲣⲏⲓ ⲛϧⲏⲧϥ	ⲟⲩⲟϩ ⲉⲕⲉ̀ϭⲓ ⲛ̀ⲡⲁⲓϣ̀ⲃⲱⲧ ⲛ̀ϧ̀ⲣⲏⲓ ϧⲉⲛ ⲧⲉⲕϫⲓϫ ⲫⲁⲓ ⲉ̀ⲧⲉ ⲭ̀ⲛⲁⲉⲣ ⲛⲓⲙⲏⲓⲛⲓ ⲛ̀ϧ̀ⲣⲏⲓ ⲛ̀ϧⲏⲧϥ	ouoh ekèċi ǹpaiṡ̀vōt ǹx̀ryi xen tekjig fai ète k̀naer nimyini ǹx̀ryi ǹxytf	And this rod that was turned into a serpent thou shalt take in thine hand, wherewith thou shalt work miracles.
4:18	ⲁϥϣⲉⲛⲁϥ ⲇⲉ ⲛϫⲉⲙⲱⲩⲥⲏⲥ ⲟⲩⲟϩ ⲁϥⲧⲁⲥⲑⲟ ϩⲁⲓⲟⲑⲟⲣ ⲡⲉϥϣⲟⲙ ⲟⲩⲟϩ ⲡⲉϫⲁϥ ⲛⲁϥ ϫⲉϯⲛⲁϣⲉⲛⲏⲓ ⲟⲩⲟϩ ⲛⲧⲁⲧⲁⲥⲑⲟ ϩⲁⲛⲁⲥⲛⲏⲟⲩ ⲉⲧϧⲉⲛⲭⲏⲙⲓ ⲟⲩⲟϩ ⲛⲧⲁⲛⲁⲩ ϫⲉⲁⲛ ⲉⲧⲓ ⲥⲉⲟⲛϧ ⲟⲩⲟϩ ⲡⲉϫⲉ ⲓⲟⲑⲟⲣ ⲙⲙⲱⲩⲥⲏⲥ ϫⲉⲙⲁϣⲉⲛⲁⲕ ϧⲉⲛⲟⲩⲟⲩϫⲁⲓ ⲙⲉⲛⲉⲛⲥⲁⲛⲓⲉϩⲟⲟⲩ ⲇⲉ ⲉⲧⲟϣ ⲉⲧⲉⲙⲙⲁⲩ ⲁϥⲙⲟⲩ ⲛϫⲉⲡⲟⲩⲣⲟ ⲛⲭⲏⲙⲓ	ⲁϥϣⲉⲛⲁϥ ⲇⲉ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲁϥⲧⲁⲥⲑⲟ ϩⲁ ⲓⲟⲑⲟⲣ ⲡⲉϥϣⲟⲙ ⲟⲩⲟϩ ⲡⲉϫⲁϥ ⲛⲁϥ ϫⲉ ϯⲛⲁϣⲉⲛⲏⲓ ⲟⲩⲟϩ ⲛ̀ⲧⲁⲧⲁⲥⲑⲟ ϩⲁⲛⲁⲥ̀ⲛⲏⲟⲩ ⲉⲧϧⲉⲛ ⲭⲏⲙⲓ ⲟⲩⲟϩ ⲛ̀ⲧⲁⲛⲁⲩ ϫⲉ ⲁⲛ ⲉ̀ⲧⲓ ⲥⲉⲟⲛϧ ⲟⲩⲟϩ ⲡⲉϫⲉ ⲓⲟⲑⲟⲣ ⲛ̀ⲙⲱⲩⲥⲏⲥ ϫⲉ ⲙⲁϣⲉⲛⲁⲕ ϧⲉⲛ ⲟⲩⲟⲩϫⲁⲓ ⲙⲉⲛⲉⲛⲥⲁⲛⲓⲉ̀ϩⲟⲟⲩ ⲇⲉ ⲉⲧⲟϣ ⲉ̀ⲧⲉ ⲙ̀ⲙⲁⲩ ⲁϥⲙⲟⲩ ⲛ̀ϫⲉ ⲡ̀ⲟⲩⲣⲟ ⲛ̀ⲭⲏⲙⲓ	afṡenaf ḋe ǹje mōisys ouoh aftasθo ha ioθor pefṡom ouoh pegaf naf je tinaṡenyi ouoh ǹtatasθo hanas̀nyou etxen kymi ouoh ǹtanav je an èti seonx ouoh peje ioθor ǹmōisys je maṡenak xen ouougai menensanièhoou ḋe etoṡ ète m̀mav afmou ǹje p̀ouro ǹkymi	And Moses went and returned to Jothor his father-in-law, and says, I will go and return to my brethren in Egypt, and will see if they are yet living. And Jothor said to Moses, Go in health. And in those days after some time, the king of Egypt died.
4:19	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϧⲉⲛⲙⲁⲇⲓⲁⲙ ϫⲉⲙⲟϣⲓ ⲙⲁϣⲉⲛⲁⲕ ⲉϧⲣⲏⲓ ⲉⲭⲏⲙⲓ ⲁⲩⲙⲟⲩ ⲅⲁⲣ ⲧⲏⲣⲟⲩ ⲛϫⲉⲛⲏ ⲉⲧⲕⲱϯ ⲛⲥⲁⲧⲉⲕⲯⲩⲭⲏ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϧⲉⲛ ⲙⲁⲇⲓⲁⲙ ϫⲉ ⲙⲟϣⲓ ⲙⲁϣⲉⲛⲁⲕ ⲉ̀ϧ̀ⲣⲏⲓ ⲉ̀ⲭⲏⲙⲓ ⲁⲩⲙⲟⲩ ⲅⲁⲣ ⲧⲏⲣⲟⲩ ⲛ̀ϫⲉ ⲛⲏ ⲉⲧⲕⲱϯ ⲛ̀ⲥⲁ ⲧⲉⲕⲯⲩⲭⲏ	peje p̀ċois ḋe ǹmōisys xen madiam je moṡi maṡenak èx̀ryi èkymi avmou ġar tyrou ǹje ny etkōti ǹsa tekpsiṡy	And the Lord said to Moses in Madiam, Go, depart into Egypt, for all that sought thy life are dead.
4:20	ⲁϥϭⲓ ⲇⲉ ⲛϫⲉⲙⲱⲩⲥⲏⲥ ⲛⲧⲉϥⲥϩⲓⲙⲓ ⲛⲉⲙⲛⲉϥⲁⲗⲱⲟⲩⲓ ⲁϥⲧⲁⲗⲱⲟⲩ ⲉⲛⲓⲉⲉⲩ ⲟⲩⲟϩ ⲁϥⲧⲁⲥⲑⲟ ⲉϧⲣⲏⲓ ⲉⲭⲏⲙⲓ ⲁϥϭⲓ ⲇⲉ ⲛϫⲉⲙⲱⲩⲥⲏⲥ ⲙⲡⲓϣⲃⲱⲧ ⲡⲓⲉⲃⲟⲗ ϩⲓⲧⲉⲛⲫⲛⲟⲩϯ ⲛϧⲣⲏⲓ ϧⲉⲛⲧⲉϥϫⲓϫ	ⲁϥϭⲓ ⲇⲉ ⲛ̀ϫⲉ ⲙⲱⲩⲥⲏⲥ ⲛ̀ⲧⲉϥⲥ̀ϩⲓⲙⲓ ⲛⲉⲙ ⲛⲉϥⲁ̀ⲗⲱⲟⲩⲓ̀ ⲁϥⲧⲁⲗⲱⲟⲩ ⲉ̀ⲛⲓⲉⲉⲩ ⲟⲩⲟϩ ⲁϥⲧⲁⲥⲑⲟ ⲉ̀ϧ̀ⲣⲏⲓ ⲉ̀ⲭⲏⲙⲓ ⲁϥϭⲓ ⲇⲉ ⲛ̀ϫⲉ ⲙⲱⲩⲥⲏⲥ ⲛ̀ⲡⲓϣ̀ⲃⲱⲧ ⲡⲓⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲛ̀ϧ̀ⲣⲏⲓ ϧⲉⲛ ⲧⲉϥϫⲓϫ	afċi ḋe ǹje mōisys ǹtefs̀·himi nem nefàlōouì aftalōou ènieev ouoh aftasθo èx̀ryi èkymi afċi ḋe ǹje mōisys ǹpiṡ̀vōt pièvol hiten f̀nouti ǹx̀ryi xen tefjig	And Moses took his wife and his children, and mounted them on the beasts, and returned to Egypt; and Moses took the rod which he had from God in his hand.
4:21	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉⲕⲛⲁϣⲉⲛⲁⲕ ⲟⲩⲟϩ ⲕⲛⲁⲧⲁⲥⲑⲟ ⲉϧⲣⲏⲓ ⲉⲭⲏⲙⲓ ⲁⲛⲁⲩ ⲉⲛⲓϣⲫⲏⲣⲓ ⲧⲏⲣⲟⲩ ⲉⲧⲁⲓⲧⲏⲓⲧⲟⲩ ϧⲉⲛⲛⲉⲕϫⲓϫ ⲉⲕⲉⲁⲓⲧⲟⲩ ⲙⲡⲉⲙⲑⲟ ⲙⲫⲁⲣⲁⲱ ⲁⲛⲟⲕ ⲇⲉ ⲉⲓⲉⲑⲣⲉ ⲡⲉϥϩⲏⲧ ⲛϣⲟⲧ ⲟⲩⲟϩ ⲛⲛⲉϥⲭⲁ ⲡⲓⲙⲏϣ ⲉⲃⲟⲗ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ⲭ̀ⲛⲁϣⲉⲛⲁⲕ ⲟⲩⲟϩ ⲭ̀ⲛⲁⲧⲁⲥⲑⲟ ⲉ̀ϧ̀ⲣⲏⲓ ⲉ̀ⲭⲏⲙⲓ ⲁ̀ⲛⲁⲩ ⲉ̀ⲛⲓϣ̀ⲫⲏⲣⲓ ⲧⲏⲣⲟⲩ ⲉⲧⲁⲓⲧⲏⲓⲧⲟⲩ ϧⲉⲛ ⲛⲉⲕϫⲓϫ ⲉⲕⲉⲁⲓⲧⲟⲩ ⲛ̀ⲡⲉⲙ̀ⲑⲟ ⲛ̀ⲫⲁⲣⲁⲱ̀ ⲁⲛⲟⲕ ⲇⲉ ⲉ̀ⲓⲉⲑⲣⲉ ⲡⲉϥϩⲏⲧ ⲛ̀ϣⲟⲧ ⲟⲩⲟϩ ⲛ̀ⲛⲉϥⲭⲁ ⲡⲓⲙⲏϣ ⲉ̀ⲃⲟⲗ	peje p̀ċois ḋe ǹmōisys je k̀naṡenak ouoh k̀natasθo èx̀ryi èkymi ànav èniṡ̀fyri tyrou etaityitou xen nekjig ekeaitou ǹpem̀θo ǹfaraṑ anok ḋe èieθre pefhyt ǹṡot ouoh ǹnefka pimyṡ èvol	And the Lord said to Moses, When thou goest and returnest to Egypt, seeall the miracles I have charged thee with, thou shalt work before Pharao: and I will harden his heart, and he shall certainly not send away the people.
4:22	ⲛⲑⲟⲕ ⲇⲉ ⲣⲕⲉϫⲟⲥ ⲙⲫⲁⲣⲁⲱ ϫⲉⲛⲁⲓ ⲛⲉ ⲛⲏ ⲉⲧⲉϥϫⲱ ⲙⲙⲱⲟⲩ ⲛϫⲉⲡϭⲟⲓⲥ ϫⲉⲡⲁϣⲟⲣⲡ ⲙⲙⲓⲥⲓ ⲡⲉ ⲡⲓⲥⲣⲁⲏⲗ	ⲛ̀ⲑⲟⲕ ⲇⲉ ⲣⲕⲉϫⲟⲥ ⲛ̀ⲫⲁⲣⲁⲱ̀ ϫⲉ ⲛⲁⲓ ⲛⲉ ⲛⲏ ⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲡⲁϣⲟⲣⲡ ⲛ̀ⲙⲓⲥⲓ ⲡⲉ ⲡⲓⲥⲣⲁⲏⲗ	ǹθok ḋe rkegos ǹfaraṑ je nai ne ny etefgō m̀mōou ǹje p̀ċois je paṡorp ǹmisi pe pisrayl	And thou shalt say to Pharao, These things saith the Lord, Israel is my first-born.
4:23	ⲁⲓϫⲟⲥ ⲇⲉ ⲛⲁⲕ ϫⲉⲭⲱ ⲙⲡⲁⲗⲁⲟⲥ ⲉⲃⲟⲗ ϩⲓⲛⲁ ⲛⲧⲉϥϣⲉⲙϣⲓ ⲙⲙⲟⲓ ⲇⲉ ⲙⲡⲉⲕⲟⲩⲱϣ ⲉⲧⲁⲟⲩⲟϥ ⲉⲃⲟⲗ ⲁⲛⲁⲩ ⲟⲩⲛ ⲁⲛⲟⲕ ⲉⲑⲛⲁϧⲱⲧⲉⲃ ⲙⲡⲉⲕϣⲟⲣⲡ ⲙⲙⲓⲥⲓ	ⲁⲓϫⲟⲥ ⲇⲉ ⲛⲁⲕ ϫⲉ ⲭⲱ ⲛ̀ⲡⲁⲗⲁⲟⲥ ⲉ̀ⲃⲟⲗ ϩⲓⲛⲁ ⲛ̀ⲧⲉϥϣⲉⲙϣⲓ ⲙ̀ⲙⲟⲓ ⲇⲉ ⲛ̀ⲡⲉⲕⲟⲩⲱϣ ⲉ̀ⲧⲁⲟⲩⲟϥ ⲉ̀ⲃⲟⲗ ⲁ̀ⲛⲁⲩ ⲟⲩⲛ ⲁⲛⲟⲕ ⲉⲑⲛⲁϧⲱⲧⲉⲃ ⲛ̀ⲡⲉⲕϣⲟⲣⲡ ⲛ̀ⲙⲓⲥⲓ	aigos ḋe nak je kō ǹpalaos èvol hina ǹtefṡemṡi m̀moi ḋe ǹpekouōṡ ètaouof èvol ànav oun anok eθnaxōteb ǹpekṡorp ǹmisi	And I said to thee, Send away my people, that they may serve me: now if thou wilt not send them away, see, I will slay thy first-born son.
4:24	ⲁⲥϣⲱⲡⲓ ⲇⲉ ϧⲉⲛⲡⲓⲙⲱⲓⲧ ⲙⲡⲓⲙⲁ ⲉⲧⲁϥⲧⲁⲥⲑⲟ ⲙⲙⲟϥ ⲁϥⲓ ⲉⲃⲟⲗ ⲉϩⲣⲁϥ ⲛϫⲉⲟⲩⲁⲅⲅⲉⲗⲟⲥ ⲟⲩⲟϩ ⲛⲁϥⲟⲩⲱϣ ⲉϧⲟⲑⲃⲉϥ	ⲁⲥϣⲱⲡⲓ ⲇⲉ ϧⲉⲛ ⲡⲓⲙⲱⲓⲧ ⲛ̀ⲡⲓⲙⲁ ⲉⲧⲁϥⲧⲁⲥⲑⲟ ⲙ̀ⲙⲟϥ ⲁϥⲓ̀ ⲉ̀ⲃⲟⲗ ⲉ̀ϩ̀ⲣⲁϥ ⲛ̀ϫⲉ ⲟⲩⲁⲅⲅⲉⲗⲟⲥ ⲟⲩⲟϩ ⲛⲁϥⲟⲩⲱϣ ⲉ̀ϧⲟⲑⲃⲉϥ	asṡōpi ḋe xen pimōit ǹpima etaftasθo m̀mof afì èvol èh̀raf ǹje ouangelos ouoh nafouōṡ èxoθvef	And it came to pass that the angel of the Lord met him by the way in the inn, and sought to slay him.
4:25	ⲟⲩⲟϩ ⲁⲥϭⲓ ⲛϫⲉⲥⲉⲡⲫⲱⲣⲁ ⲛⲟⲩⲁⲗ ⲁⲥⲥⲟⲩⲃⲉ ϯⲙⲉⲧⲁⲧⲥⲉⲃⲓ ⲛⲧⲉⲡⲉⲥϣⲏⲣⲓ ⲟⲩⲟϩ ⲁⲥϩⲓⲧⲥ ϧⲁⲛⲉϥϭⲁⲗⲁⲩϫ ⲟⲩⲟϩ ⲡⲉϫⲁⲥ ϫⲉⲁϥⲟϩⲓ ⲛϫⲉⲡⲥⲛⲟϥ ⲙⲡⲥⲉⲃⲓ ⲛⲧⲉⲡⲓⲁⲗⲟⲩ	ⲟⲩⲟϩ ⲁⲥϭⲓ ⲛ̀ϫⲉ ⲥⲉⲡ̀ⲫⲱⲣⲁ ⲛ̀ⲟⲩⲁⲗ ⲁⲥⲥⲟⲩⲃⲉ ϯⲙⲉⲧⲁⲧⲥⲉⲃⲓ ⲛ̀ⲧⲉ ⲡⲉⲥϣⲏⲣⲓ ⲟⲩⲟϩ ⲁⲥϩⲓⲧⲥ ϧⲁ ⲛⲉϥϭⲁⲗⲁⲩϫ ⲟⲩⲟϩ ⲡⲉϫⲁⲥ ϫⲉ ⲁϥⲟ̀ϩⲓ ⲛ̀ϫⲉ ⲡ̀ⲥ̀ⲛⲟϥ ⲛ̀ⲡ̀ⲥⲉⲃⲓ ⲛ̀ⲧⲉ ⲡⲓⲁ̀ⲗⲟⲩ	ouoh asċi ǹje sep̀fōra ǹoual assouve timetatsevi ǹte pesṡyri ouoh as·hits xa nefċalavg ouoh pegas je afòhi ǹje p̀·s̀nof ǹp̀·sevi ǹte piàlou	and Sepphora having taken a stone cut off the foreskin of her son, and fell at his feet and said, The blood of the circumcision of my son is staunched:
4:26	ⲟⲩⲟϩ ⲁϥϣⲉⲛⲁϥ ⲉⲃⲟⲗ ϩⲁⲣⲟϥ ϫⲉⲁⲥϫⲟⲥ ϫⲉⲁϥⲟϩⲓ ⲛϫⲉⲡⲥⲛⲟϥ ⲙⲡⲥⲉⲃⲓ ⲛⲧⲉⲡⲓⲁⲗⲟⲩ	ⲟⲩⲟϩ ⲁϥϣⲉⲛⲁϥ ⲉ̀ⲃⲟⲗ ϩⲁⲣⲟϥ ϫⲉ ⲁⲥϫⲟⲥ ϫⲉ ⲁϥⲟ̀ϩⲓ ⲛ̀ϫⲉ ⲡ̀ⲥ̀ⲛⲟϥ ⲛ̀ⲡ̀ⲥⲉⲃⲓ ⲛ̀ⲧⲉ ⲡⲓⲁ̀ⲗⲟⲩ	ouoh afṡenaf èvol harof je asgos je afòhi ǹje p̀·s̀nof ǹp̀·sevi ǹte piàlou	and he departed from him, because she said, The blood of the circumcision of my son is staunched.
4:27	ⲡⲉϫⲉ ⲡϭⲟⲓⲥ ⲇⲉ ⲛⲁⲁⲣⲱⲛ ϫⲉⲙⲁϣⲉⲛⲁⲕ ⲉⲃⲟⲗ ⲉϩⲣⲉⲛⲙⲱⲩⲥⲏⲥ ⲉⲡϣⲁϥⲉ ⲟⲩⲟϩ ⲁϥϣⲉⲛⲁϥ ⲟⲩⲟϩ ⲁϥϯⲙⲁϯ ⲉⲣⲟϥ ϩⲓⲡⲓⲧⲱⲟⲩ ⲛⲧⲉⲫⲛⲟⲩϯ ⲟⲩⲟϩ ⲁϥϯⲫⲓ ⲉⲣⲱϥ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲁⲁⲣⲱⲛ ϫⲉ ⲙⲁϣⲉⲛⲁⲕ ⲉ̀ⲃⲟⲗ ⲉ̀ϩ̀ⲣⲉⲛⲙⲱⲩⲥⲏⲥ ⲉ̀ⲡ̀ϣⲁϥⲉ ⲟⲩⲟϩ ⲁϥϣⲉⲛⲁϥ ⲟⲩⲟϩ ⲁϥϯⲙⲁϯ ⲉ̀ⲣⲟϥ ϩⲓ ⲡⲓⲧⲱⲟⲩ ⲛ̀ⲧⲉ ⲫ̀ⲛⲟⲩϯ ⲟⲩⲟϩ ⲁϥϯⲫⲓ ⲉ̀ⲣⲱϥ	peje p̀ċois ḋe ǹaarōn je maṡenak èvol èh̀renmōisys èp̀ṡafe ouoh afṡenaf ouoh aftimati èrof hi pitōou ǹte f̀nouti ouoh aftifi èrōf	And the Lord said to Aaron, Go into the wilderness to meet Moses; and he went and met him in the mount of God, and they kissed each other.
4:28	ⲟⲩⲟϩ ⲁ ⲙⲱⲩⲥⲏⲥ ⲧⲁⲙⲉ ⲁⲁⲣⲱⲛ ⲉⲛⲓⲥⲁϫⲓ ⲧⲏⲣⲟⲩ ⲛⲧⲉⲡϭⲟⲓⲥ ⲛⲏ ⲉⲧⲁϥⲟⲩⲟⲣⲡⲟⲩ ⲛⲉⲙⲛⲓⲙⲏⲓⲛⲓ ⲧⲏⲣⲟⲩ ⲉⲧⲁϥϩⲉⲛϩⲱⲛϥ ⲉⲣⲱⲟⲩ	ⲟⲩⲟϩ ⲁ ⲙⲱⲩⲥⲏⲥ ⲧ̀ⲁⲙⲉ ⲁ̀ⲁⲣⲱⲛ ⲉ̀ⲛⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲡ̀ϭⲟⲓⲥ ⲛⲏ ⲉⲧⲁϥⲟⲩⲟⲣⲡⲟⲩ ⲛⲉⲙ ⲛⲓⲙⲏⲓⲛⲓ ⲧⲏⲣⲟⲩ ⲉⲧⲁϥϩⲉⲛϩⲱⲛϥ ⲉ̀ⲣⲱⲟⲩ	ouoh a mōisys t̀ame àarōn ènisaji tyrou ǹte p̀ċois ny etafouorpou nem nimyini tyrou etafhenhōnf èrōou	And Moses reported to Aaron all the words of the Lord, which he sent, and all the things which he charged him.
4:29	ⲁϥϣⲉⲛⲁϥ ⲇⲉ ⲛϫⲉⲙⲱⲩⲥⲏⲥ ⲛⲉⲙⲁⲁⲣⲱⲛ ⲟⲩⲟϩ ⲁⲩⲑⲟⲩⲉⲧ ⲛⲓϧⲉⲗⲗⲟⲓ ⲧⲏⲣⲟⲩ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲁϥϣⲉⲛⲁϥ ⲇⲉ ⲛ̀ϫⲉ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲟⲩⲟϩ ⲁⲩⲑⲟⲩⲉⲧ ⲛⲓϧⲉⲗⲗⲟⲓ ⲧⲏⲣⲟⲩ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	afṡenaf ḋe ǹje mōisys nem àarōn ouoh avθouet nixelloi tyrou ǹte nenṡyri ǹpisrayl	And Moses and Aaron went and gathered the elders of the children of Israel.
4:30	ⲟⲩⲟϩ ⲁϥⲥⲁϫⲓ ⲛϫⲉⲁⲁⲣⲱⲛ ⲛⲛⲓⲥⲁϫⲓ ⲧⲏⲣⲟⲩ ⲛⲏ ⲉⲧⲁϥⲥⲁϫⲓ ⲙⲙⲱⲟⲩ ⲛϫⲉⲫⲛⲟⲩϯ ⲛⲉⲙⲙⲱⲩⲥⲏⲥ ⲟⲩⲟϩ ⲁϥⲓⲣⲓ ⲛⲛⲓⲙⲏⲓⲛⲓ ⲙⲡⲉⲙⲑⲟ ⲛⲛⲓⲙⲏϣ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲁ̀ⲁⲣⲱⲛ ⲛ̀ⲛⲓⲥⲁϫⲓ ⲧⲏⲣⲟⲩ ⲛⲏ ⲉⲧⲁϥⲥⲁϫⲓ ⲙ̀ⲙⲱⲟⲩ ⲛ̀ϫⲉ ⲫ̀ⲛⲟⲩϯ ⲛⲉⲙ ⲙⲱⲩⲥⲏⲥ ⲟⲩⲟϩ ⲁϥⲓⲣⲓ ⲛ̀ⲛⲓⲙⲏⲓⲛⲓ ⲛ̀ⲡⲉⲙ̀ⲑⲟ ⲛ̀ⲛⲓⲙⲏϣ	ouoh afsaji ǹje àarōn ǹnisaji tyrou ny etafsaji m̀mōou ǹje f̀nouti nem mōisys ouoh afiri ǹnimyini ǹpem̀θo ǹnimyṡ	And Aaron spoke all these words, which God spoke to Moses, and wrought the miracles before the people.
4:31	ⲟⲩⲟϩ ⲁϥⲛⲁϩϯ ⲛϫⲉⲡⲓⲗⲁⲟⲥ ⲟⲩⲟϩ ⲁϥⲣⲁϣⲓ ϫⲉⲁϥϫⲉⲙⲡϣⲓⲛⲓ ⲛϫⲉⲫⲛⲟⲩϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲁϥⲛⲁⲩ ⲉⲡⲟⲩϩⲟϫϩⲉϫ ⲟⲩⲟϩ ⲁϥϩⲓⲧϥ ⲉⲡⲉⲥⲏⲧ ⲛϫⲉⲡⲓⲗⲁⲟⲥ ⲁϥⲟⲩⲱϣⲧ	ⲟⲩⲟϩ ⲁϥⲛⲁϩϯ ⲛ̀ϫⲉ ⲡⲓⲗⲁⲟⲥ ⲟⲩⲟϩ ⲁϥⲣⲁϣⲓ ϫⲉ ⲁϥϫⲉⲙⲡϣⲓⲛⲓ ⲛ̀ϫⲉ ⲫ̀ⲛⲟⲩϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲁϥⲛⲁⲩ ⲉ̀ⲡⲟⲩϩⲟϫϩⲉϫ ⲟⲩⲟϩ ⲁϥϩⲓⲧϥ ⲉ̀ⲡⲉⲥⲏⲧ ⲛ̀ϫⲉ ⲡⲓⲗⲁⲟⲥ ⲁϥⲟⲩⲱϣⲧ	ouoh afnahti ǹje pilaos ouoh afraṡi je afjempṡini ǹje f̀nouti ǹnenṡyri ǹpisrayl ouoh afnav èpouhogheg ouoh afhitf èpesyt ǹje pilaos afouōṡt	and the people believed and rejoiced, because God visited the children of Israel, and because he saw their affliction: and the people bowed and worshipped.

Provenance

title: Exodus 4
dialect: bohairic
source: Coptic SCRIPTORIUM corpus "bohairic.ot", document 02_Exodus_04
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 4 from Coptic SCRIPTORIUM (https://copticscriptorium.org), corpus bohairic.ot, document 02_Exodus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/04.bohairic.scriptorium.L0.txt
title: Exodus 4 — Cairene
dialect: bohairic
source: generated from 04.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_04)
licence: CC BY-SA 4.0
share: attribution
attribution: Exodus 4 from Coptic SCRIPTORIUM (https://copticscriptorium.org), corpus bohairic.ot, document 02_Exodus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/04.bohairic.scriptorium.L1.txt
title: Exodus 4 — Kemetic
dialect: bohairic
source: generated from 04.bohairic.scriptorium.L1.txt
licence: CC BY-SA 4.0
share: attribution
attribution: Exodus 4 from Coptic SCRIPTORIUM (https://copticscriptorium.org), corpus bohairic.ot, document 02_Exodus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/04.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 31 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_04 (31 lines)

Cite as:

Exodus 4. Coptic SCRIPTORIUM corpus "bohairic.ot", document 02_Exodus_04. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/04.bohairic.scriptorium/. Exodus 4 from Coptic SCRIPTORIUM (https://copticscriptorium.org), corpus bohairic.ot, document 02_Exodus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.