Exodus 16 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 02_Exodus_16

Attribution: Exodus 16 from Coptic SCRIPTORIUM (https://copticscriptorium.org), corpus bohairic.ot, document 02_Exodus_16, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

36 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
16:1	ⲁⲩϥⲁⲓ ⲇⲉ ⲉⲃⲟⲗ ϧⲉⲛⲉⲗⲓⲙ ⲟⲩⲟϩ ⲁⲥⲓ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲡϣⲁϥⲉ ⲛⲧⲉⲥⲓⲛⲁ ⲫⲏ ⲉⲧⲟⲩⲧⲉ ⲉⲗⲓⲙ ⲛⲉⲙⲟⲩⲧⲉ ⲥⲓⲛⲁ ϧⲉⲛⲥⲟⲩⲓ̅ⲉ̅ ⲇⲉ ⲙⲡⲓⲁⲃⲟⲧ ⲙⲙⲁϩⲃ̅ ⲉⲧⲁⲩⲓ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ	ⲁⲩϥⲁⲓ ⲇⲉ ⲉ̀ⲃⲟⲗ ϧⲉⲛ ⲉⲗⲓⲙ ⲟⲩⲟϩ ⲁⲥⲓ̀ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲡ̀ϣⲁϥⲉ ⲛ̀ⲧⲉ ⲥⲓⲛⲁ ⲫⲏ ⲉⲧⲟⲩⲧⲉ ⲉⲗⲓⲙ ⲛⲉⲙ ⲟⲩⲧⲉ ⲥⲓⲛⲁ ϧⲉⲛ ⲥⲟⲩ15 ⲇⲉ ⲛ̀ⲡⲓⲁ̀ⲃⲟⲧ ⲛ̀ⲙⲁϩ2 ⲉⲧⲁⲩⲓ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	avfai ḋe èvol xen elim ouoh asì ǹje tisinaġōgy tyrs ǹte nenṡyri ǹpisrayl èp̀ṡafe ǹte sina fy etoute elim nem oute sina xen sou15 ḋe ǹpiàvot ǹmah2 etavì èvol xen p̀kahi ǹkymi	And they departed from Aelim, and all the congregation of the children of Israel came to the wilderness of Sin, which is between Aelim and Sina; and on the fifteenth day, in the second month after their departure from the land of Egypt,
16:2	ⲁⲥⲭⲣⲉⲙⲣⲉⲙ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉϫⲉⲛⲙⲱⲩⲥⲏⲥ ⲛⲉⲙⲁⲁⲣⲱⲛ	ⲁⲥⲭⲣⲉⲙⲣⲉⲙ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ϫⲉⲛ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ	askremrem ǹje tisinaġōgy tyrs ǹte nenṡyri ǹpisrayl èjen mōisys nem àarōn	all the congregation of the children of Israel murmured against Moses and Aaron.
16:3	ⲟⲩⲟϩ ⲡⲉϫⲱⲟⲩ ⲁⲩⲃⲏⲟⲩ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϫⲉⲁⲙⲟⲓ ⲉⲛⲉ ⲁⲛⲙⲟⲩ ϧⲉⲛⲭⲏⲙⲓ ⲡⲉ ⲉⲁⲛϭⲓⲉⲣϧⲟⲧ ⲉⲃⲟⲗ ϩⲓⲧⲉⲛⲡϭⲟⲓⲥ ϩⲟⲧⲉ ⲁⲛϩⲉⲙⲥⲓ ϩⲓϫⲉⲛⲡⲓⲗⲉⲃⲏⲥ ⲛⲁϥ ⲟⲩⲟϩ ⲉⲛⲟⲩⲉⲙ ⲱⲓⲕ ⲉⲡⲥⲓ ϫⲉⲁⲧⲉⲧⲉⲛⲉⲛⲧⲉⲛ ⲉⲃⲟⲗ ⲉⲡⲁⲓϣⲁϥⲉ ⲉϧⲱⲧⲉⲃ ⲛⲧⲁⲓⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲡⲓϩⲕⲟ	ⲟⲩⲟϩ ⲡⲉϫⲱⲟⲩ ⲁⲩⲃⲏⲟⲩ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϫⲉ ⲁⲙⲟⲓ ⲉⲛⲉ ⲁⲛⲙⲟⲩ ϧⲉⲛ ⲭⲏⲙⲓ ⲡⲉ ⲉⲁⲛϭⲓⲉⲣϧⲟⲧ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ϩⲟⲧⲉ ⲁⲛϩⲉⲙⲥⲓ ϩⲓϫⲉⲛ ⲡⲓⲗⲉⲃⲏⲥ ⲛⲁϥ ⲟⲩⲟϩ ⲉⲛⲟⲩⲉⲙ ⲱⲓⲕ ⲉⲡⲥⲓ ϫⲉ ⲁⲣⲉⲧⲉⲛⲉⲛⲧⲉⲛ ⲉ̀ⲃⲟⲗ ⲉ̀ⲡⲁⲓϣⲁϥⲉ ⲉ̀ϧⲱⲧⲉⲃ ⲛ̀ⲧⲁⲓ̀ⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉⲛⲡⲓϩⲕⲟ	ouoh pegōou avvyou ǹje nenṡyri ǹpisrayl je amoi ene anmou xen kymi pe eanċierxot èvol hiten p̀ċois hote anhemsi hijen pilebys naf ouoh enouem ōik ep·si je aretenenten èvol èpaiṡafe èxōteb ǹtaìsinaġōgy tyrs ǹtenpihko	And the children of Israel said to them, Would we had died smitten by the Lord in the land of Egypt, when we sat by the flesh-pots, and ate bread to satiety! for ye have brought us out into this wilderness, to slay all this congregation with hunger.
16:4	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉϩⲏⲡⲡⲉ ⲁⲛⲟⲕ ϯⲛⲁϩⲱⲟⲩ ⲛⲱⲧⲉⲛ ⲛϩⲁⲛⲱⲓⲕ ⲉⲃⲟⲗ ϧⲉⲛⲧⲫⲉ ⲟⲩⲟϩ ⲁϥⲉⲓ ⲉⲃⲟⲗ ⲛϫⲉⲡⲓⲗⲁⲟⲥ ⲟⲩⲟϩ ⲉⲩⲉⲥⲱⲕⲓ ⲙⲫⲁ ⲡⲓⲉϩⲟⲟⲩ ⲉⲡϫⲓⲛⲧⲁϭⲟⲛⲧⲟⲩ ϫⲉⲁⲛ ⲥⲉⲛⲁⲙⲟϣⲓ ⲛⲥⲁⲡⲁⲛⲟⲙⲟⲥ ϣⲁⲛ ⲙⲙⲟⲛ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ϩⲏⲡⲡⲉ ⲁⲛⲟⲕ ϯⲛⲁϩⲱⲟⲩ ⲛⲱⲧⲉⲛ ⲛ̀ϩⲁⲛⲱⲓⲕ ⲉ̀ⲃⲟⲗ ϧⲉⲛ ⲧ̀ⲫⲉ ⲟⲩⲟϩ ⲁϥⲓ̀ ⲉ̀ⲃⲟⲗ ⲛ̀ϫⲉ ⲡⲓⲗⲁⲟⲥ ⲟⲩⲟϩ ⲉⲩⲉ̀ⲥⲱⲕⲓ ⲛ̀ⲫⲁ ⲡⲓⲉ̀ϩⲟⲟⲩ ⲉ̀ⲡ̀ϫⲓⲛⲧⲁϭⲟⲛⲧⲟⲩ ϫⲉ ⲁⲛ ⲥⲉⲛⲁⲙⲟϣⲓ ⲛ̀ⲥⲁ ⲡ̀ⲁⲛⲟⲙⲟⲥ ϣⲁⲛ ⲙ̀ⲙⲟⲛ	peje p̀ċois ḋe ǹmōisys je hyppe anok tinahōou nōten ǹhanōik èvol xen t̀fe ouoh afì èvol ǹje pilaos ouoh evèsōki ǹfa pièhoou èp̀jintaċontou je an senamoṡi ǹsa p̀anomos ṡan m̀mon	And the Lord said to Moses, Behold, I will rain bread upon you out of heaven: and the people shall go forth, and they shall gather their daily portion for the day, that I may try them whether they will walk in my law or not.
16:5	ⲟⲩⲟϩ ⲉⲥⲉϣⲱⲡⲓ ϧⲉⲛⲡⲓⲉϩⲟⲟⲩ ⲙⲙⲁϩ ⲋ̅ ⲟⲩⲟϩ ⲉⲩⲉⲥⲟⲃϯ ⲙⲫⲏ ⲉⲧⲟⲩⲛⲁⲉⲛϥ ⲉϧⲟⲩⲛ ⲟⲩⲟϩ ⲉϥⲉϣⲱⲡⲓ ⲉϥⲕⲏⲃ ⲛϫⲉⲫⲏ ⲉⲧⲟⲩⲛⲁⲑⲟⲩⲱⲧϥ ⲫⲁ ⲙⲙⲏⲓⲛⲓ ⲉⲟⲩⲉϩⲟⲟⲩ	ⲟⲩⲟϩ ⲉⲥⲉϣⲱⲡⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 6 ⲟⲩⲟϩ ⲉⲩⲉ̀ⲥⲟⲃϯ ⲛ̀ⲫⲏ ⲉⲧⲟⲩⲛⲁⲉⲛϥ ⲉ̀ϧⲟⲩⲛ ⲟⲩⲟϩ ⲉϥⲉ̀ϣⲱⲡⲓ ⲉϥⲕⲏⲃ ⲛ̀ϫⲉ ⲫⲏ ⲉⲧⲟⲩⲛⲁⲑⲟⲩⲱⲧϥ ⲫⲁ ⲛ̀ⲙⲏⲓⲛⲓ ⲉ̀ⲟⲩⲉ̀ϩⲟⲟⲩ	ouoh eseṡōpi xen pièhoou ǹmah 6 ouoh evèsovti ǹfy etounaenf èxoun ouoh efèṡōpi efkyb ǹje fy etounaθouōtf fa ǹmyini èouèhoou	And it shall come to pass on the sixth day that they shall prepare whatsoever they have brought in, and it shall be double of what they shall have gathered for the day, daily.
16:6	ⲡⲉϫⲉ ⲙⲱⲩⲥⲏⲥ ⲇⲉ ⲛⲉⲙⲁⲁⲣⲱⲛ ⲛϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϫⲉⲫⲛⲁⲩ ⲛϩⲁⲛⲣⲟⲩϩⲓ ⲉⲣⲉⲧⲉⲛⲉⲉⲙⲓ ϫⲉⲡϭⲟⲓⲥ ⲡⲉ ⲉⲧⲁϥⲉⲛ ⲑⲏⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ	ⲡⲉϫⲉ ⲙⲱⲩⲥⲏⲥ ⲇⲉ ⲛⲉⲙ ⲁ̀ⲁⲣⲱⲛ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϫⲉ ⲫ̀ⲛⲁⲩ ⲛ̀ϩⲁⲛⲣⲟⲩϩⲓ ⲉ̀ⲣⲉⲧⲉⲛⲉⲉⲙⲓ ϫⲉ ⲡ̀ϭⲟⲓⲥ ⲡⲉ ⲉⲧⲁϥⲉⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	peje mōisys ḋe nem àarōn ǹtisinaġōgy tyrs ǹte nenṡyri ǹpisrayl je f̀nav ǹhanrouhi èreteneemi je p̀ċois pe etafen θynou èvol xen p̀kahi ǹkymi	And Moses and Aaron said to all the congregation of the children of Israel, At even ye shall know that the Lord has brought you out of the land of Egypt;
16:7	ⲟⲩⲟϩ ⲫⲛⲁⲩ ⲛϩⲁⲛⲁⲧⲟⲟⲩⲓ ⲉⲣⲉⲧⲉⲛⲉⲛⲁⲩ ⲉⲡⲓⲱⲟⲩ ⲛⲧⲉⲡϭⲟⲓⲥ ϧⲉⲛⲡϫⲓⲛⲑⲣⲉϥⲥⲱⲧⲉⲙ ⲛϫⲉⲡϭⲟⲓⲥ ⲉⲡⲉⲧⲉⲛⲭⲣⲉⲙⲣⲉⲙ ⲉⲧⲉⲧⲉⲛⲓⲣⲓ ⲙⲙⲟϥ ⲉⲫⲛⲟⲩϯ ⲁⲛⲟⲛ ⲟⲩ ⲅⲁⲣ ϫⲉⲛⲧⲉⲧⲉⲛⲭⲣⲉⲙⲣⲉⲙ ϧⲁⲣⲟⲛ	ⲟⲩⲟϩ ⲫ̀ⲛⲁⲩ ⲛ̀ϩⲁⲛⲁ̀ⲧⲟⲟⲩⲓ̀ ⲉⲣⲉⲧⲉⲛⲉⲛⲁⲩ ⲉ̀ⲡⲓⲱⲟⲩ ⲛ̀ⲧⲉ ⲡ̀ϭⲟⲓⲥ ϧⲉⲛ ⲡ̀ϫⲓⲛⲑⲣⲉϥⲥⲱⲧⲉⲙ ⲛ̀ϫⲉ ⲡ̀ϭⲟⲓⲥ ⲉ̀ⲡⲉⲧⲉⲛⲭⲣⲉⲙⲣⲉⲙ ⲉⲧⲉⲧⲉⲛⲓ̀ⲣⲓ ⲙ̀ⲙⲟϥ ⲉ̀ⲫ̀ⲛⲟⲩϯ ⲁ̀ⲛⲟⲛ ⲟⲩ ⲅⲁⲣ ϫⲉ ⲛ̀ⲧⲉⲧⲉⲛⲭⲣⲉⲙⲣⲉⲙ ϧⲁⲣⲟⲛ	ouoh f̀nav ǹhanàtoouì eretenenav èpiōou ǹte p̀ċois xen p̀jinθrefsōtem ǹje p̀ċois èpetenkremrem etetenìri m̀mof èf̀nouti ànon ou ġar je ǹtetenkremrem xaron	and in the morning ye shall see the glory of the Lord, inasmuch as he hears your murmuring against God; and who are we, that ye continue to murmur against us?
16:8	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉϧⲉⲛⲡϫⲓⲛⲑⲣⲉ ⲡϭⲟⲓⲥ ϯ ⲁϥ ⲛⲱⲧⲉⲛ ⲙⲫⲛⲁⲩ ⲛϩⲁⲛⲁⲣⲟⲩϩⲓ ⲉⲟⲩⲱⲙ ⲟⲩⲟϩ ⲱⲓⲕ ⲉⲡⲥⲓ ⲙⲫⲛⲁⲩ ⲛϩⲁⲛⲁⲧⲟⲟⲩⲓ ⲉⲑⲃⲉϫⲉ ⲁϥⲥⲱⲧⲉⲙ ⲛϫⲉⲡϭⲟⲓⲥ ⲉⲡⲉⲧⲉⲛⲭⲣⲉⲙⲣⲉⲙ ⲫⲏ ⲛⲑⲱⲧⲉⲛ ⲉⲧⲉⲧⲉⲛⲭⲣⲉⲙⲣⲉⲙ ⲙⲙⲟϥ ϧⲁⲣⲟⲛ ⲁⲛⲟⲛ ⲇⲉ ⲁⲛⲟⲛ ⲟⲩ ⲟⲩ ⲅⲁⲣ ⲛⲁϥϣⲟⲡ ϧⲁⲣⲟⲛ ⲁⲛ ⲡⲉ ⲛϫⲉⲡⲉⲧⲉⲛⲭⲣⲉⲙⲣⲉⲙ ⲁⲗⲗⲁ ϧⲁⲫⲛⲟⲩϯ	ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ϧⲉⲛ ⲡ̀ϫⲓⲛⲑ̀ⲣⲉ ⲡ̀ϭⲟⲓⲥ ϯ ⲁϥ ⲛⲱⲧⲉⲛ ⲛ̀ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲉ̀ⲟⲩⲱⲙ ⲟⲩⲟϩ ⲱⲓⲕ ⲉⲡⲥⲓ ⲛ̀ⲫ̀ⲛⲁⲩ ⲛ̀ϩⲁⲛⲁⲧⲟⲟⲩⲓ ⲉⲑⲃⲉ ϫⲉ ⲁϥⲥⲱⲧⲉⲙ ⲛ̀ϫⲉ ⲡ̀ϭⲟⲓⲥ ⲉ̀ⲡⲉⲧⲉⲛⲭⲣⲉⲙⲣⲉⲙ ⲫⲏ ⲛ̀ⲑⲱⲧⲉⲛ ⲉⲧⲉⲧⲉⲛⲭⲣⲉⲙⲣⲉⲙ ⲙ̀ⲙⲟϥ ϧⲁⲣⲟⲛ ⲁ̀ⲛⲟⲛ ⲇⲉ ⲁ̀ⲛⲟⲛ ⲟⲩ ⲟⲩ ⲅⲁⲣ ⲛⲁϥϣⲟⲡ ϧⲁⲣⲟⲛ ⲁⲛ ⲡⲉ ⲛ̀ϫⲉ ⲡⲉⲧⲉⲛⲭⲣⲉⲙⲣⲉⲙ ⲁⲗⲗⲁ ϧⲁ ⲫ̀ⲛⲟⲩϯ	ouoh peje mōisys je xen p̀jinθ̀re p̀ċois ti af nōten ǹf̀nav ǹhanarouhi èouōm ouoh ōik ep·si ǹf̀nav ǹhanatooui eθve je afsōtem ǹje p̀ċois èpetenkremrem fy ǹθōten etetenkremrem m̀mof xaron ànon ḋe ànon ou ou ġar nafṡop xaron an pe ǹje petenkremrem alla xa f̀nouti	And Moses said, This shall be when the Lord gives you in the evening flesh to eat, and bread in the morning to satiety, because the Lord has heard your murmuring, which ye murmur against us: and what are we? for your murmuring is not against us, but against God.
16:9	ⲡⲉϫⲉ ⲙⲱⲩⲥⲏⲥ ⲇⲉ ⲛⲁⲁⲣⲱⲛ ϫⲉⲁϫⲟⲥ ⲛϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϫⲉⲁⲙⲱⲓⲛⲓ ⲙⲡⲉⲙⲑⲟ ⲙⲫⲛⲟⲩϯ ⲁϥⲥⲱⲧⲉⲙ ⲅⲁⲣ ⲉⲡⲉⲧⲉⲛⲭⲣⲉⲙⲣⲉⲙ	ⲡⲉϫⲉ ⲙⲱⲩⲥⲏⲥ ⲇⲉ ⲛ̀ⲁⲁⲣⲱⲛ ϫⲉ ⲁ̀ϫⲟⲥ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϫⲉ ⲁⲙⲱⲓⲛⲓ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ ⲁϥⲥⲱⲧⲉⲙ ⲅⲁⲣ ⲉ̀ⲡⲉⲧⲉⲛⲭⲣⲉⲙⲣⲉⲙ	peje mōisys ḋe ǹaarōn je àgos ǹtisinaġōgy tyrs ǹte nenṡyri ǹpisrayl je amōini ǹpem̀θo ǹf̀nouti afsōtem ġar èpetenkremrem	And Moses said to Aaron, Say to all the congregation of the children of Israel, Come near before God; for he has heard your murmuring.
16:10	ⲁⲥϣⲱⲡⲓ ⲇⲉ ⲉϥⲥⲁϫⲓ ⲛϫⲉⲁⲁⲣⲱⲛ ⲛⲉⲙϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲁⲩⲕⲟⲧⲟⲩ ⲉⲡϣⲁϥⲉ ⲟⲩⲟϩ ⲡⲱⲟⲩ ⲙⲡϭⲟⲓⲥ ⲁϥⲟⲩⲟⲛϩϥ ϧⲉⲛⲟⲩϭⲏⲡⲓ	ⲁⲥϣⲱⲡⲓ ⲇⲉ ⲉϥⲥⲁϫⲓ ⲛ̀ϫⲉ ⲁ̀ⲁⲣⲱⲛ ⲛⲉⲙ ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲁⲩⲕⲟⲧⲟⲩ ⲉ̀ⲡ̀ϣⲁϥⲉ ⲟⲩⲟϩ ⲡ̀ⲱ̀ⲟⲩ ⲛ̀ⲡ̀ϭⲟⲓⲥ ⲁϥⲟⲩⲟⲛϩϥ ϧⲉⲛ ⲟⲩϭⲏⲡⲓ	asṡōpi ḋe efsaji ǹje àarōn nem tisinaġōgy tyrs ǹte nenṡyri ǹpisrayl ouoh avkotou èp̀ṡafe ouoh p̀ṑou ǹp̀ċois afouonhf xen ouċypi	And when Aaron spoke to all the congregation of the children of Israel, and they turned toward the wilderness, then the glory of the Lord appeared in a cloud.
16:11	ⲟⲩⲟϩ ⲁϥⲥⲁϫⲓ ⲛϫⲉⲡϭⲟⲓⲥ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁϥⲥⲁϫⲓ ⲛ̀ϫⲉ ⲡ̀ϭⲟⲓⲥ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh afsaji ǹje p̀ċois nem mōisys efgō m̀mos	And the Lord spoke to Moses, saying,
16:12	ϫⲉⲁⲓⲥⲱⲧⲉⲙ ⲉⲡⲭⲣⲉⲙⲣⲉⲙ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙⲙⲟⲥ ϫⲉⲫⲛⲁⲩ ⲛϩⲁⲛⲁⲣⲟⲩϩⲓ ⲉⲣⲉⲧⲉⲛⲉⲟⲩⲉⲙ ⲁϥ ⲟⲩⲟϩ ⲫⲛⲁⲩ ⲛϩⲁⲛⲁⲧⲟⲟⲩⲓ ⲉⲣⲉⲧⲉⲛⲥⲓ ⲛⲱⲓⲕ ⲟⲩⲟϩ ⲉⲣⲉⲧⲉⲛⲉⲉⲙⲓ ϫⲉⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ϫⲉ ⲁⲓⲥⲱⲧⲉⲙ ⲉ̀ⲡ̀ⲭⲣⲉⲙⲣⲉⲙ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲥⲁϫⲓ ⲛⲉⲙⲱⲟⲩ ⲉⲕϫⲱ ⲙ̀ⲙⲟⲥ ϫⲉ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲉ̀ⲣⲉⲧⲉⲛⲉⲟⲩⲉⲙ ⲁϥ ⲟⲩⲟϩ ⲫ̀ⲛⲁⲩ ⲛ̀ϩⲁⲛⲁ̀ⲧⲟⲟⲩⲓ̀ ⲉ̀ⲣⲉⲧⲉⲛⲥⲓ ⲛ̀ⲱⲓⲕ ⲟⲩⲟϩ ⲉ̀ⲣⲉⲧⲉⲛⲉⲉⲙⲓ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	je aisōtem èp̀kremrem ǹte nenṡyri ǹpisrayl saji nemōou ekgō m̀mos je f̀nav ǹhanarouhi èreteneouem af ouoh f̀nav ǹhanàtoouì èretensi ǹōik ouoh èreteneemi je anok pe p̀ċois petennouti	I have heard the murmuring of the children of Israel: speak to them, saying, Towards evening ye shall eat flesh, and in the morning ye shall be satisfied with bread; and ye shall know that I am the Lord your God.
16:13	ⲟⲩⲟϩ ⲁⲥϣⲱⲡⲓ ⲙⲫⲛⲁⲩ ⲛϩⲁⲛⲁⲣⲟⲩϩⲓ ⲁⲥⲓ ⲉⲡϣⲱⲓ ⲛϫⲉⲟⲩⲙⲉⲥⲓⲱϯ ⲙⲡⲏⲣⲓ ⲟⲩⲟϩ ⲁⲥϩⲱⲃⲥ ⲛϯⲡⲁⲣⲉⲙⲃⲟⲗⲏ ⲙⲫⲛⲁⲩ ⲇⲉ ⲛϣⲱⲣⲡ ⲁⲥϣⲱⲡⲓ ⲉⲥⲛⲁⲓ ⲉⲡⲉⲥⲏⲧ ⲛϫⲉϯⲓⲱⲧ ⲙⲡⲕⲱϯ ⲛϯⲡⲁⲣⲉⲙⲃⲟⲗⲏ	ⲟⲩⲟϩ ⲁⲥϣⲱⲡⲓ ⲛ̀ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲁⲥⲓ̀ ⲉ̀ⲡ̀ϣⲱⲓ ⲛ̀ϫⲉ ⲟⲩⲙⲉⲥⲓⲱϯ ⲛ̀ⲡⲏⲣⲓ ⲟⲩⲟϩ ⲁⲥϩⲱⲃⲥ ⲛ̀ϯⲡⲁⲣⲉⲙⲃⲟⲗⲏ ⲛ̀ⲫ̀ⲛⲁⲩ ⲇⲉ ⲛ̀ϣⲱⲣⲡ ⲁⲥϣⲱⲡⲓ ⲉⲥⲛⲁⲓ ⲉ̀ⲡⲉⲥⲏⲧ ⲛ̀ϫⲉ ϯⲓⲱⲧ ⲛ̀ⲡ̀ⲕⲱϯ ⲛ̀ϯⲡⲁⲣⲉⲙⲃⲟⲗⲏ	ouoh asṡōpi ǹf̀nav ǹhanarouhi asì èp̀ṡōi ǹje oumesiōti ǹpyri ouoh as·hōvs ǹtiparemboly ǹf̀nav ḋe ǹṡōrp asṡōpi esnai èpesyt ǹje tiiōt ǹp̀kōti ǹtiparemboly	And it was evening, and quails came up and covered the camp:
16:14	ⲟⲩⲟϩ ϩⲏⲡⲡⲉ ⲛⲁϥⲭⲏ ⲉϧⲣⲏⲓ ϩⲓϫⲉⲛⲡϩⲟ ⲙⲡϣⲁϥⲉ ⲛϫⲉⲟⲩⲛⲭⲁⲓ ⲉϥϣⲟⲙ ⲙⲫⲣⲏϯ ⲛⲟⲩⲃⲉⲣϣⲏⲟⲩ ⲉϥⲟⲩⲟⲃϣ ⲇⲉ ⲙⲫⲣⲏϯ ⲛⲟⲩⲓⲱϯ ⲉⲁⲛϭⲱⲥ ϩⲓϫⲉⲛⲡⲓⲕⲁϩⲓ	ⲟⲩⲟϩ ϩⲏⲡⲡⲉ ⲛⲁϥⲭⲏ ⲉ̀ϧ̀ⲣⲏⲓ ϩⲓϫⲉⲛ ⲡ̀ϩⲟ ⲛ̀ⲡ̀ϣⲁϥⲉ ⲛ̀ϫⲉ ⲟⲩⲛ̀ⲭⲁⲓ ⲉϥϣⲟⲙ ⲛ̀ⲫ̀ⲣⲏϯ ⲛ̀ⲟⲩⲃⲉⲣϣⲏⲟⲩ ⲉϥⲟⲩⲟⲃϣ ⲇⲉ ⲛ̀ⲫ̀ⲣⲏϯ ⲛ̀ⲟⲩⲓⲱϯ ⲉⲁⲛϭⲱⲥ ϩⲓϫⲉⲛ ⲡⲓⲕⲁϩⲓ	ouoh hyppe nafky èx̀ryi hijen p̀ho ǹp̀ṡafe ǹje ouǹkai efṡom ǹf̀ryti ǹouverṡyou efouovṡ ḋe ǹf̀ryti ǹouiōti eanċōs hijen pikahi	in the morning it came to pass as the dew ceased round about the camp, that, behold, on the face of the wilderness was a small thing like white coriander seed, as frost upon the earth.
16:15	ⲉⲧⲁⲩⲛⲁⲩ ⲇⲉ ⲉⲣⲟϥ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲡⲉϥϣⲏⲣⲓ ϫⲉⲟⲩ ⲡⲉ ⲫⲁⲓ ⲛⲁⲩⲥⲱⲟⲩⲛ ⲅⲁⲣ ⲙⲙⲟϥ ⲁⲛ ⲡⲉ ϫⲉⲟⲩ ⲡⲉ ⲡⲉϫⲉ ⲙⲱⲩⲥⲏⲥ ⲇⲉ ⲛⲱⲟⲩ ϫⲉⲫⲁⲓ ⲡⲉ ⲡⲓⲱⲓⲕ ⲉⲧⲁϥⲧⲏⲓϥ ⲛⲱⲧⲉⲛ ⲛϫⲉⲡϭⲟⲓⲥ ⲉⲟⲩⲟⲙϥ	ⲉ̀ⲧⲁⲩⲛⲁⲩ ⲇⲉ ⲉ̀ⲣⲟϥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲛ̀ⲡⲉϥϣⲏⲣⲓ ϫⲉ ⲟⲩ ⲡⲉ ⲫⲁⲓ ⲛⲁⲩⲥⲱⲟⲩⲛ ⲅⲁⲣ ⲙ̀ⲙⲟϥ ⲁⲛ ⲡⲉ ϫⲉ ⲟⲩ ⲡⲉ ⲡⲉϫⲉ ⲙⲱⲩⲥⲏⲥ ⲇⲉ ⲛⲱⲟⲩ ϫⲉ ⲫⲁⲓ ⲡⲉ ⲡⲓⲱⲓⲕ ⲉⲧⲁϥⲧⲏⲓϥ ⲛⲱⲧⲉⲛ ⲛ̀ϫⲉ ⲡ̀ϭⲟⲓⲥ ⲉ̀ⲟⲩⲟⲙϥ	ètavnav ḋe èrof ǹje nenṡyri ǹpisrayl peje piouai piouai ǹpefṡyri je ou pe fai navsōoun ġar m̀mof an pe je ou pe peje mōisys ḋe nōou je fai pe piōik etaftyif nōten ǹje p̀ċois èouomf	And when the children of Israel saw it, they said one to another, What is this? for they knew not what it was; and Moses said to them,
16:16	ⲫⲁⲓ ⲡⲉ ⲡⲓⲥⲁϫⲓ ⲉⲧⲁϥⲟⲩⲁϩⲥⲁϩⲛⲓ ⲙⲙⲟϥ ⲛϫⲉⲡϭⲟⲓⲥ ϫⲉⲑⲱⲟⲩϯ ⲉⲃⲟⲗ ⲙⲙⲟϥ ⲫⲟⲩⲁⲓ ⲫⲟⲩⲁⲓ ⲛⲛⲏ ⲉⲧⲉⲛⲟⲩϥ ⲟⲩⲅⲟⲙⲟⲣ ⲕⲁⲧⲁⲁⲫⲉ ⲕⲁⲧⲁⲧⲏⲡⲓ ⲛⲧⲉⲛⲉⲧⲉⲛⲯⲩⲭⲏ ⲫⲟⲩⲁⲓ ⲫⲟⲩⲁⲓ ⲉϥⲉⲥⲱⲕⲓ ⲛⲛⲏ ⲉⲧⲭⲏ ϧⲉⲛⲛⲉϥϣⲫⲏⲣ ⲛⲥⲕⲩⲛⲏ	ⲫⲁⲓ ⲡⲉ ⲡⲓⲥⲁϫⲓ ⲉⲧⲁϥⲟⲩⲁϩⲥⲁϩⲛⲓ ⲙ̀ⲙⲟϥ ⲛ̀ϫⲉ ⲡ̀ϭⲟⲓⲥ ϫⲉ ⲑⲱⲟⲩϯ ⲉ̀ⲃⲟⲗ ⲙ̀ⲙⲟϥ ⲫ̀ⲟⲩⲁⲓ ⲫ̀ⲟⲩⲁⲓ ⲛ̀ⲛⲏ ⲉ̀ⲧⲉ ⲛⲟⲩϥ ⲟⲩⲅⲟⲙⲟⲣ ⲕⲁⲧⲁ ⲁⲫⲉ ⲕⲁⲧⲁ ⲧ̀ⲏ̀ⲡⲓ ⲛ̀ⲧⲉ ⲛⲉⲧⲉⲛⲯⲩⲭⲏ ⲫ̀ⲟⲩⲁⲓ ⲫ̀ⲟⲩⲁⲓ ⲉϥⲉ̀ⲥⲱⲕⲓ ⲛ̀ⲛⲏ ⲉⲧⲭⲏ ϧⲉⲛ ⲛⲉϥϣ̀ⲫⲏⲣ ⲛ̀ⲥ̀ⲕⲩⲛⲏ	fai pe pisaji etafouahsahni m̀mof ǹje p̀ċois je θōouti èvol m̀mof f̀ouai f̀ouai ǹny ète nouf ouġomor kata afe kata t̀ỳpi ǹte netenpsiṡy f̀ouai f̀ouai efèsōki ǹny etky xen nefṡ̀fyr ǹs̀kiny	This is the bread which the Lord has given you to eat. This is that which the Lord has appointed: gather of it each man for his family, a homer for each person, according to the number of your souls, gather each of you with his fellow-lodgers.
16:17	ⲟⲩⲟϩ ⲁⲩⲓⲣⲓ ⲙⲡⲁⲓⲣⲏϯ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲁⲩⲥⲱⲕⲓ ⲫⲁ ⲡⲓϩⲟⲩⲟ ⲛⲉⲙⲫⲁ ⲡⲓⲕⲟⲩϫⲓ	ⲟⲩⲟϩ ⲁⲩⲓ̀ⲣⲓ ⲛ̀ⲡⲁⲓⲣⲏϯ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲁⲩⲥⲱⲕⲓ ⲫⲁ ⲡⲓϩⲟⲩⲟ̀ ⲛⲉⲙ ⲫⲁ ⲡⲓⲕⲟⲩϫⲓ	ouoh avìri ǹpairyti ǹje nenṡyri ǹpisrayl ouoh avsōki fa pihouò nem fa pikouji	And the children of Israel did so, and gathered some much and some less.
16:18	ⲟⲩⲟϩ ⲁⲩϣⲓⲧⲟⲩ ϧⲉⲛⲡⲓⲅⲟⲙⲟⲣ ⲟⲩⲟϩ ⲫⲁ ⲡⲓϩⲟⲩⲟ ⲙⲡⲉϥⲉⲣϩⲟⲩⲟ ⲟⲩⲟϩ ⲫⲁ ⲡⲓⲕⲟⲩϫⲓ ⲙⲡⲉϥϣⲱⲧ ⲟⲩⲟϩ ⲁ ⲡⲓⲟⲩⲁⲓ ⲡⲓⲟⲩⲁⲓ ⲥⲱⲕⲓ ⲛⲁϥ ⲉⲛⲏ ⲉⲧϣⲟⲡ ϧⲁⲧⲟⲧϥ	ⲟⲩⲟϩ ⲁⲩϣⲓⲧⲟⲩ ϧⲉⲛ ⲡⲓⲅⲟⲙⲟⲣ ⲟⲩⲟϩ ⲫⲁ ⲡⲓϩⲟⲩⲟ̀ ⲛ̀ⲡⲉϥⲉⲣϩⲟⲩⲟ ⲟⲩⲟϩ ⲫⲁ ⲡⲓⲕⲟⲩϫⲓ ⲛ̀ⲡⲉϥϣⲱⲧ ⲟⲩⲟϩ ⲁ ⲡⲓⲟⲩⲁⲓ ⲡⲓⲟⲩⲁⲓ ⲥⲱⲕⲓ ⲛⲁϥ ⲉ̀ⲛⲏ ⲉⲧϣⲟⲡ ϧⲁⲧⲟⲧϥ	ouoh avṡitou xen piġomor ouoh fa pihouò ǹpeferhouo ouoh fa pikouji ǹpefṡōt ouoh a piouai piouai sōki naf èny etṡop xatotf	And having measured the homer full, he that gathered much had nothing over, and he that had gathered less had no lack; each gathered according to the need of those who belonged to him.
16:19	ⲡⲉϫⲁϥ ⲇⲉ ⲛⲱⲟⲩ ⲛϫⲉⲙⲱⲩⲥⲏⲥ ϫⲉⲙⲡⲉⲛⲑⲣⲉ ϩⲗⲓ ⲥⲱϫⲡ ⲉⲃⲟⲗ ⲙⲙⲟϥ ϣⲁϩⲁⲛⲁⲧⲟⲟⲩⲓ	ⲡⲉϫⲁϥ ⲇⲉ ⲛⲱⲟⲩ ⲛ̀ϫⲉ ⲙⲱⲩⲥⲏⲥ ϫⲉ ⲙ̀ⲡⲉⲛⲑⲣⲉ ϩ̀ⲗⲓ ⲥⲱϫⲡ ⲉ̀ⲃⲟⲗ ⲙ̀ⲙⲟϥ ϣⲁ ϩⲁⲛⲁ̀ⲧⲟⲟⲩⲓ̀	pegaf ḋe nōou ǹje mōisys je m̀penθre h̀li sōgp èvol m̀mof ṡa hanàtoouì	And Moses said to them, Let no man leave of it till the morning.
16:20	ⲟⲩⲟϩ ⲙⲡⲟⲩⲥⲱⲧⲉⲙ ⲛⲥⲁⲙⲱⲩⲥⲏⲥ ⲁⲗⲗⲁ ⲁⲩⲥⲱϫⲡ ⲛϫⲉϩⲁⲛⲟⲩⲟⲛ ⲉⲃⲟⲗ ⲙⲙⲟϥ ϣⲁϩⲁⲛⲁⲧⲟⲟⲩⲓ ⲟⲩⲟϩ ⲁⲩⲉⲣϥⲉⲛⲧ ⲟⲩⲟϩ ⲁⲩⲭⲱⲛⲥ ⲟⲩⲟϩ ⲁϥϫⲱⲛⲧ ⲉⲣⲱⲟⲩ ⲛϫⲉⲙⲱⲩⲥⲏⲥ	ⲟⲩⲟϩ ⲙ̀ⲡⲟⲩⲥⲱⲧⲉⲙ ⲛ̀ⲥⲁ ⲙⲱⲩⲥⲏⲥ ⲁⲗⲗⲁ ⲁⲩⲥⲱϫⲡ ⲛ̀ϫⲉ ϩⲁⲛⲟⲩⲟⲛ ⲉ̀ⲃⲟⲗ ⲙ̀ⲙⲟϥ ϣⲁ ϩⲁⲛⲁ̀ⲧⲟⲟⲩⲓ̀ ⲟⲩⲟϩ ⲁⲩⲉⲣϥⲉⲛⲧ ⲟⲩⲟϩ ⲁⲩⲭⲱⲛⲥ ⲟⲩⲟϩ ⲁϥϫⲱⲛⲧ ⲉ̀ⲣⲱⲟⲩ ⲛ̀ϫⲉ ⲙⲱⲩⲥⲏⲥ	ouoh m̀pousōtem ǹsa mōisys alla avsōgp ǹje hanouon èvol m̀mof ṡa hanàtoouì ouoh averfent ouoh avkōns ouoh afgōnt èrōou ǹje mōisys	But they did not hearken to Moses, but some left of it till the morning; and it bred worms and stank: and Moses was irritated with them.
16:21	ⲟⲩⲟϩ ⲁⲩⲥⲱⲕⲓ ⲙⲙⲟϥ ⲛϩⲁⲛⲁⲧⲟⲟⲩⲓ ⲫⲟⲩⲁⲓ ⲫⲟⲩⲁⲓ ⲙⲡⲉϥⲣⲱϣⲓ ⲁⲥϣⲱⲡⲓ ⲇⲉ ⲁϥϣⲁⲛϧⲙⲟⲙ ⲛϫⲉⲫⲣⲏ ϣⲁϥⲃⲱⲗ ⲉⲃⲟⲗ	ⲟⲩⲟϩ ⲁⲩⲥⲱⲕⲓ ⲙ̀ⲙⲟϥ ⲛ̀ϩⲁⲛⲁⲧⲟⲟⲩⲓ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲡⲉϥⲣⲱϣⲓ ⲁⲥϣⲱⲡⲓ ⲇⲉ ⲁϥϣⲁⲛϧⲙⲟⲙ ⲛ̀ϫⲉ ⲫ̀ⲣⲏ ϣⲁϥⲃⲱⲗ ⲉ̀ⲃⲟⲗ	ouoh avsōki m̀mof ǹhanatooui f̀ouai f̀ouai m̀pefrōṡi asṡōpi ḋe afṡanxmom ǹje f̀ry ṡafvōl èvol	And they gathered it every morning, each man what he needed, and when the sun waxed hot it melted.
16:22	ⲁⲥϣⲱⲡⲓ ⲇⲉ ϧⲉⲛⲡⲓⲉϩⲟⲟⲩ ⲙⲙⲁϩⲋ̅ ⲁⲩⲥⲱⲕⲓ ⲙⲡⲟⲩⲣⲱϣⲓ ⲉϥⲕⲏⲃ ⲅⲟⲙⲟⲣ ⲃ̅ ⲉⲫⲟⲩⲁⲓ ⲁⲩⲓ ⲇⲉ ⲉϧⲟⲩⲛ ⲧⲏⲣⲟⲩ ⲛϫⲉⲛⲓⲁⲣⲭⲱⲛ ⲛⲧⲉϯⲥⲩⲛⲁⲅⲱⲅⲏ ⲟⲩⲟϩ ⲁⲩⲧⲁⲙⲉ ⲙⲱⲩⲥⲏⲥ	ⲁⲥϣⲱⲡⲓ ⲇⲉ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ6 ⲁⲩⲥⲱⲕⲓ ⲙ̀ⲡⲟⲩⲣⲱϣⲓ ⲉϥⲕⲏⲃ ⲅⲟⲙⲟⲣ 2 ⲉ̀ⲫ̀ⲟⲩⲁⲓ ⲁⲩⲓ̀ ⲇⲉ ⲉ̀ϧⲟⲩⲛ ⲧⲏⲣⲟⲩ ⲛ̀ϫⲉ ⲛⲓⲁⲣⲭⲱⲛ ⲛ̀ⲧⲉ ϯⲥⲩⲛⲁⲅⲱⲅⲏ ⲟⲩⲟϩ ⲁⲩⲧⲁⲙⲉ ⲙⲱⲩⲥⲏⲥ	asṡōpi ḋe xen pièhoou ǹmah6 avsōki m̀pourōṡi efkyb ġomor 2 èf̀ouai avì ḋe èxoun tyrou ǹje niarxōn ǹte tisinaġōgy ouoh avtame mōisys	And it came to pass on the sixth day, they gathered double what was needed, two homers for one man; and all the chiefs of the synagogue went in and reported it to Moses.
16:23	ⲡⲉϫⲁϥ ⲇⲉ ⲛⲱⲟⲩ ⲛϫⲉⲙⲱⲩⲥⲏⲥ ϫⲉⲫⲁⲓ ⲡⲉ ⲡⲓⲥⲁϫⲓ ⲉⲧⲁ ⲡϭⲟⲓⲥ ⲥⲁϫⲓ ⲙⲙⲟϥ ϩⲁⲛⲥⲁⲃⲃⲁⲧⲟⲛ ⲛⲉⲙⲧⲟⲛ ⲉⲩⲟⲩⲁⲃ ⲙⲡϭⲟⲓⲥ ⲡⲉ ⲧⲟⲟⲩⲓ ⲛⲏ ⲉⲧⲉⲧⲉⲛⲛⲁϫⲟϫⲟⲩ ϫⲟϫⲟⲩ ⲟⲩⲟϩ ⲛⲏ ⲉⲧⲉⲧⲉⲛⲛⲁⲫⲁⲥⲟⲩ ⲫⲁⲥⲟⲩ ⲟⲩⲟϩ ⲫⲏ ⲧⲏⲣϥ ⲉⲑⲛⲁⲉⲣϩⲟⲩⲟ ⲥⲟϫⲡϥ ϧⲉⲛⲟⲩⲙⲟⲕⲓ ϣⲁϩⲁⲛⲁⲧⲟⲟⲩⲓ	ⲡⲉϫⲁϥ ⲇⲉ ⲛⲱⲟⲩ ⲛ̀ϫⲉ ⲙⲱⲩⲥⲏⲥ ϫⲉ ⲫⲁⲓ ⲡⲉ ⲡⲓⲥⲁϫⲓ ⲉ̀ⲧⲁ ⲡ̀ϭⲟⲓⲥ ⲥⲁϫⲓ ⲙ̀ⲙⲟϥ ϩⲁⲛⲥⲁⲃⲃⲁⲧⲟⲛ ⲛ̀ⲉⲙⲧⲟⲛ ⲉⲩⲟⲩⲁⲃ ⲛ̀ⲡ̀ϭⲟⲓⲥ ⲡⲉ ⲧⲟⲟⲩⲓ ⲛⲏ ⲉⲧⲉⲧⲉⲛⲛⲁϫⲟϫⲟⲩ ϫⲟϫⲟⲩ ⲟⲩⲟϩ ⲛⲏ ⲉⲧⲉⲧⲉⲛⲛⲁⲫⲁⲥⲟⲩ ⲫⲁⲥⲟⲩ ⲟⲩⲟϩ ⲫⲏ ⲧⲏⲣϥ ⲉⲑⲛⲁⲉⲣϩⲟⲩⲟ ⲥⲟϫⲡϥ ϧⲉⲛ ⲟⲩⲙⲟⲕⲓ ϣⲁ ϩⲁⲛⲁ̀ⲧⲟⲟⲩⲓ̀	pegaf ḋe nōou ǹje mōisys je fai pe pisaji èta p̀ċois saji m̀mof hansabbaton ǹemton evouab ǹp̀ċois pe tooui ny etetennagogou gogou ouoh ny etetennafasou fasou ouoh fy tyrf eθnaerhouo sogpf xen oumoki ṡa hanàtoouì	And Moses said to them, Is not this the word which the Lord spoke? To-morrow is the sabbath, a holy rest to the Lord: bake that ye will bake, and seethe that ye will seethe, and all that is over leave to be laid by for the morrow.
16:24	ⲟⲩⲟϩ ⲁⲩⲥⲱϫⲡ ⲉⲃⲟⲗ ⲙⲙⲟϥ ⲛϩⲁⲛⲁⲧⲟⲟⲩⲓ ⲕⲁⲧⲁⲫⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛⲱⲟⲩ ⲛϫⲉⲙⲱⲩⲥⲏⲥ ⲟⲩⲟϩ ⲙⲡⲉϥⲭⲱⲛⲥ ⲟⲩⲇⲉ ⲙⲡⲉ ϥⲉⲛⲧ ϣⲱⲡⲓ ⲛϧⲏⲧϥ	ⲟⲩⲟϩ ⲁⲩⲥⲱϫⲡ ⲉ̀ⲃⲟⲗ ⲙ̀ⲙⲟϥ ⲛ̀ϩⲁⲛⲁ̀ⲧⲟⲟⲩⲓ̀ ⲕⲁⲧⲁ ⲫ̀ⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛⲱⲟⲩ ⲛ̀ϫⲉ ⲙⲱⲩⲥⲏⲥ ⲟⲩⲟϩ ⲙ̀ⲡⲉϥⲭⲱⲛⲥ ⲟⲩⲇⲉ ⲛ̀ⲡⲉ ϥⲉⲛⲧ ϣⲱⲡⲓ ⲛ̀ϧⲏⲧϥ	ouoh avsōgp èvol m̀mof ǹhanàtoouì kata f̀ryti etafouahsahni nōou ǹje mōisys ouoh m̀pefkōns ouḋe ǹpe fent ṡōpi ǹxytf	And they left of it till the morning, as Moses commanded them; and it stank not, neither was there a worm in it.
16:25	ⲡⲉϫⲉ ⲙⲱⲩⲥⲏⲥ ⲇⲉ ϫⲉⲟⲩⲱⲙ ⲙⲫⲟⲟⲩ ϫⲉⲛⲉⲛⲥⲁⲃⲃⲁⲧⲟⲛ ⲙⲡϭⲟⲓⲥ ⲡⲉ ⲫⲟⲟⲩ ⲧⲉⲛⲛⲁϫⲓⲙⲓ ⲁⲛ ϧⲉⲛⲧⲕⲟⲓ	ⲡⲉϫⲉ ⲙⲱⲩⲥⲏⲥ ⲇⲉ ϫⲉ ⲟⲩⲱⲙ ⲛ̀ⲫⲟⲟⲩ ϫⲉ ⲛⲉⲛⲥⲁⲃⲃⲁⲧⲟⲛ ⲛ̀ⲡ̀ϭⲟⲓⲥ ⲡⲉ ⲫⲟⲟⲩ ⲧⲉⲛⲛⲁϫⲓⲙⲓ ⲁⲛ ϧⲉⲛ ⲧ̀ⲕⲟⲓ	peje mōisys ḋe je ouōm ǹfoou je nensabbaton ǹp̀ċois pe foou tennajimi an xen t̀koi	And Moses said, Eat that to-day, for to-day is a sabbath to the Lord: it shall not be found in the plain.
16:26	ⲋ̅ ⲛⲉϩⲟⲟⲩ ⲉⲣⲉⲧⲉⲛⲥⲱⲕⲓ ⲙⲙⲱⲟⲩ ϧⲉⲛⲡⲓⲉϩⲟⲟⲩ ⲇⲉ ⲙⲙⲁϩ ⲍ̅ ϩⲁⲛⲥⲁⲃⲃⲁⲧⲟⲛ ⲛⲉ ⲛⲛⲉ ⲟⲩⲟⲛ ϣⲱⲡⲓ ⲛϧⲏⲧϥ	6 ⲛ̀ⲉ̀ϩⲟⲟⲩ ⲉ̀ⲣⲉⲧⲉⲛⲥⲱⲕⲓ ⲙ̀ⲙⲱⲟⲩ ϧⲉⲛ ⲡⲓⲉ̀ϩⲟⲟⲩ ⲇⲉ ⲛ̀ⲙⲁϩ 7 ϩⲁⲛⲥⲁⲃⲃⲁⲧⲟⲛ ⲛⲉ ⲛ̀ⲛⲉ ⲟⲩⲟⲛ ϣⲱⲡⲓ ⲛ̀ϧⲏⲧϥ	6 ǹèhoou èretensōki m̀mōou xen pièhoou ḋe ǹmah 7 hansabbaton ne ǹne ouon ṡōpi ǹxytf	Six days ye shall gather it, and on the seventh day is a sabbath, for there shall be none on that day.
16:27	ⲁⲥϣⲱⲡⲓ ⲇⲉ ϧⲉⲛⲡⲓⲉϩⲟⲟⲩ ⲙⲙⲁϩⲍ̅ ⲁⲩⲓ ⲉⲃⲟⲗ ⲛϫⲉϩⲁⲛⲟⲩⲟⲛ ϧⲉⲛⲡⲓⲗⲁⲟⲥ ⲉⲥⲱⲕⲓ ⲟⲩⲟϩ ⲙⲡⲟⲩϫⲓⲙⲓ	ⲁⲥϣⲱⲡⲓ ⲇⲉ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ7 ⲁⲩⲓ̀ ⲉ̀ⲃⲟⲗ ⲛ̀ϫⲉ ϩⲁⲛⲟⲩⲟⲛ ϧⲉⲛ ⲡⲓⲗⲁⲟⲥ ⲉ̀ⲥⲱⲕⲓ ⲟⲩⲟϩ ⲙ̀ⲡⲟⲩϫⲓⲙⲓ	asṡōpi ḋe xen pièhoou ǹmah7 avì èvol ǹje hanouon xen pilaos èsōki ouoh m̀poujimi	And it came to pass on the seventh day that some of the people went forth to gather, and found none.
16:28	ⲡⲉϫⲉ ⲡϭⲟⲓⲥ ⲇⲉ ⲙⲙⲱⲩⲥⲏⲥ ϫⲉϣⲁⲑⲛⲁⲩ ϫⲉⲧⲉⲧⲉⲛⲟⲩⲱϣ ⲁⲛ ⲉⲥⲱⲧⲉⲙ ⲛⲥⲁⲛⲁⲉⲛⲧⲟⲗⲏ ⲛⲉⲙⲛⲁⲛⲟⲙⲟⲥ	ⲡⲉϫⲉ ⲡ̀ϭⲟⲓⲥ ⲇⲉ ⲛ̀ⲙⲱⲩⲥⲏⲥ ϫⲉ ϣⲁ ⲑⲛⲁⲩ ϫⲉ ⲧⲉⲧⲉⲛⲟⲩⲱϣ ⲁⲛ ⲉ̀ⲥⲱⲧⲉⲙ ⲛ̀ⲥⲁ ⲛⲁⲉⲛⲧⲟⲗⲏ ⲛⲉⲙ ⲛⲁⲛⲟⲙⲟⲥ	peje p̀ċois ḋe ǹmōisys je ṡa θnav je tetenouōṡ an èsōtem ǹsa naentoly nem nanomos	And the Lord said to Moses, How long are ye unwilling to hearken to my commands and my law?
16:29	ⲁⲛⲁⲩ ⲡϭⲟⲓⲥ ⲅⲁⲣ ⲁϥϯ ⲛⲱⲧⲉⲛ ⲙⲡⲁⲓⲉϩⲟⲟⲩ ⲛⲧⲉⲛⲓⲥⲁⲃⲃⲁⲧⲟⲛ ⲉⲑⲃⲉⲫⲁⲓ ⲛⲑⲟϥ ⲁϥϯ ⲛⲱⲧⲉⲛ ⲙⲡⲓⲉϩⲟⲟⲩ ⲙⲙⲁϩ ⲋ̅ ⲙⲡⲱⲓⲕ ⲛⲉϩⲟⲟⲩ ⲃ̅ ⲉⲣⲉⲧⲉⲛⲉϩⲉⲙⲥⲓ ⲫⲟⲩⲁⲓ ⲫⲟⲩⲁⲓ ϧⲉⲛⲡⲉϥⲙⲁ ⲙⲡⲉⲛⲑⲣⲉ ϩⲗⲓ ⲙⲙⲱⲧⲉⲛ ⲓ ⲉⲃⲟⲗ ⲫⲟⲩⲁⲓ ⲫⲟⲩⲁⲓ ⲉⲃⲟⲗ ϧⲉⲛⲡⲉϥⲙⲁ ⲙⲡⲓⲉϩⲟⲟⲩ ⲙⲙⲁϩⲍ̅	ⲁ̀ⲛⲁⲩ ⲡ̀ϭⲟⲓⲥ ⲅⲁⲣ ⲁϥϯ ⲛⲱⲧⲉⲛ ⲛ̀ⲡⲁⲓⲉ̀ϩⲟⲟⲩ ⲛ̀ⲧⲉ ⲛⲓⲥⲁⲃⲃⲁⲧⲟⲛ ⲉⲑⲃⲉ ⲫⲁⲓ ⲛ̀ⲑⲟϥ ⲁϥϯ ⲛⲱⲧⲉⲛ ⲛ̀ⲡⲓⲉϩⲟⲟⲩ ⲛ̀ⲙⲁϩ 6 ⲛ̀ⲡⲱⲓⲕ ⲛ̀ⲉ̀ϩⲟⲟⲩ 2 ⲉ̀ⲣⲉⲧⲉⲛⲉϩⲉⲙⲥⲓ ⲫ̀ⲟⲩⲁⲓ ⲫ̀ⲟⲩⲁⲓ ϧⲉⲛ ⲡⲉϥⲙⲁ ⲙ̀ⲡⲉⲛⲑⲣⲉ ϩ̀ⲗⲓ ⲙ̀ⲙⲱⲧⲉⲛ ⲓ̀ ⲉ̀ⲃⲟⲗ ⲫ̀ⲟⲩⲁⲓ ⲫ̀ⲟⲩⲁⲓ ⲉ̀ⲃⲟⲗ ϧⲉⲛ ⲡⲉϥⲙⲁ ⲛ̀ⲡⲓⲉϩⲟⲟⲩ ⲛ̀ⲙⲁϩ7	ànav p̀ċois ġar afti nōten ǹpaièhoou ǹte nisabbaton eθve fai ǹθof afti nōten ǹpiehoou ǹmah 6 ǹpōik ǹèhoou 2 èretenehemsi f̀ouai f̀ouai xen pefma m̀penθre h̀li m̀mōten ì èvol f̀ouai f̀ouai èvol xen pefma ǹpiehoou ǹmah7	See, for the Lord has given you this day as the sabbath, therefore he has given you on the sixth day the bread of two days: ye shall sit each of you in your houses; let no one go forth from his place on the seventh day.
16:30	ⲟⲩⲟϩ ⲁϥⲉⲣⲥⲁⲃⲃⲁⲧⲓⲍⲓⲛ ⲛϫⲉⲡⲓⲗⲁⲟⲥ ϧⲉⲛⲡⲓⲉϩⲟⲟⲩ ⲙⲙⲁϩ ⲍ̅	ⲟⲩⲟϩ ⲁϥⲉⲣⲥⲁⲃⲃⲁⲧⲓⲍⲓⲛ ⲛ̀ϫⲉ ⲡⲓⲗⲁⲟⲥ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ 7	ouoh afersavvatizin ǹje pilaos xen pièhoou ǹmah 7	And the people kept sabbath on the seventh day.
16:31	ⲟⲩⲟϩ ⲁⲩϯⲣⲉⲛϥ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ϫⲉⲡⲓⲙⲁⲛⲛⲁ ⲛⲁϥⲟⲓ ⲇⲉ ⲙⲫⲣⲏϯ ⲛⲟⲩϫⲣⲟϫ ⲙⲃⲉⲣϣⲏⲟⲩ ⲉϥⲟⲩⲟⲃϣ ⲧⲉϥϯⲡⲓ ⲇⲉ ⲙⲫⲣⲏϯ ⲛⲟⲩⲉⲅⲕⲣⲓⲥ ϧⲉⲛⲟⲩⲉⲃⲓⲱ	ⲟⲩⲟϩ ⲁⲩϯⲣⲉⲛϥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ϫⲉ ⲡⲓⲙⲁⲛⲛⲁ ⲛⲁϥⲟⲓ ⲇⲉ ⲛ̀ⲫ̀ⲣⲏϯ ⲛ̀ⲟⲩϫ̀ⲣⲟϫ ⲛ̀ⲃⲉⲣϣⲏⲟⲩ ⲉϥⲟⲩⲟⲃϣ ⲧⲉϥϯⲡⲓ ⲇⲉ ⲛ̀ⲫ̀ⲣⲏϯ ⲛ̀ⲟⲩⲉⲅⲕⲣⲓⲥ ϧⲉⲛ ⲟⲩⲉ̀ⲃⲓⲱ	ouoh avtirenf ǹje nenṡyri ǹpisrayl je pimanna nafoi ḋe ǹf̀ryti ǹoug̀rog ǹverṡyou efouovṡ teftipi ḋe ǹf̀ryti ǹouenkris xen ouèviō	And the children of Israel called the name of it Man; and it was as white coriander seed, and the taste of it as a wafer with honey.
16:32	ⲡⲉϫⲉ ⲙⲱⲩⲥⲏⲥ ⲇⲉ ϫⲉⲫⲁⲓ ⲡⲉ ⲡⲓⲥⲁϫⲓ ⲉⲧⲉⲡϭⲟⲓⲥ ⲟⲩⲁϩⲥⲁϩⲛⲓ ⲙⲙⲟϥ ϫⲉⲙⲟϩ ⲛⲟⲩⲅⲟⲙⲟⲣ ⲉⲃⲟⲗ ϧⲉⲛⲡⲓⲙⲁⲛⲛⲁ ⲟⲩⲟϩ ⲭⲁϥ ϧⲉⲛⲟⲩⲙⲟⲕⲓ ϣⲁⲛⲉⲧⲉⲛϫⲱⲟⲩ ϩⲓⲛⲁ ⲛⲧⲟⲩⲛⲁⲩ ⲉⲡⲓⲱⲓⲕ ⲫⲏ ⲉⲧⲉⲣⲉⲧⲉⲛⲟⲩⲟⲙϥ ⲛⲑⲱⲧⲉⲛ ϩⲓⲡϣⲁϥⲉ ⲙⲡⲓⲣⲏϯ ⲉⲧⲉϥⲉⲛ ⲑⲏⲛⲟⲩ ⲛϫⲉⲡϭⲟⲓⲥ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ	ⲡⲉϫⲉ ⲙⲱⲩⲥⲏⲥ ⲇⲉ ϫⲉ ⲫⲁⲓ ⲡⲉ ⲡⲓⲥⲁϫⲓ ⲉ̀ⲧⲉ ⲡ̀ϭⲟⲓⲥ ⲟⲩⲁϩⲥⲁϩⲛⲓ ⲙ̀ⲙⲟϥ ϫⲉ ⲙⲟϩ ⲛ̀ⲟⲩⲅⲟⲙⲟⲣ ⲉ̀ⲃⲟⲗ ϧⲉⲛ ⲡⲓⲙⲁⲛⲛⲁ ⲟⲩⲟϩ ⲭⲁϥ ϧⲉⲛ ⲟⲩⲙⲟⲕⲓ ϣⲁ ⲛⲉⲧⲉⲛϫⲱⲟⲩ ϩⲓⲛⲁ ⲛ̀ⲧⲟⲩⲛⲁⲩ ⲉ̀ⲡⲓⲱⲓⲕ ⲫⲏ ⲉⲧⲉⲣⲉⲧⲉⲛⲟⲩⲟⲙϥ ⲛ̀ⲑⲱⲧⲉⲛ ϩⲓ ⲡ̀ϣⲁϥⲉ ⲛ̀ⲫ̀ⲣⲏϯ ⲉⲧⲉϥⲉⲛ ⲑⲏⲛⲟⲩ ⲛ̀ϫⲉ ⲡ̀ϭⲟⲓⲥ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ	peje mōisys ḋe je fai pe pisaji ète p̀ċois ouahsahni m̀mof je moh ǹouġomor èvol xen pimanna ouoh kaf xen oumoki ṡa netengōou hina ǹtounav èpiōik fy eteretenouomf ǹθōten hi p̀ṡafe ǹf̀ryti etefen θynou ǹje p̀ċois èvol xen p̀kahi ǹkymi	And Moses said, This is the thing which the Lord hath commanded, Fill an homer with manna, to be laid up for your generations; that they may see the bread which ye ate in the wilderness, when the Lord led you forth out of the land of Egypt.
16:33	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲁⲁⲣⲱⲛ ϫⲉϭⲓ ⲛⲟⲩⲥⲧⲁⲙⲛⲟⲥ ⲛⲛⲟⲩⲃ ⲟⲩⲟϩ ⲙⲟⲓ ⲉϧⲣⲏⲓ ⲉⲣⲟϥ ⲛⲟⲩⲅⲟⲙⲟⲣ ⲉϥⲙⲉϩ ⲉⲃⲟⲗ ϧⲉⲛⲡⲓⲙⲁⲛⲛⲁ ⲟⲩⲟϩ ⲉⲕⲉⲭⲁϥ ⲙⲡⲉⲙⲑⲟ ⲙⲫⲛⲟⲩϯ ⲉⲡⲁⲣⲉϩ ⲉⲣⲟϥ ϣⲁⲛⲉⲧⲉⲛⲅⲉⲛⲉⲁ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛ̀ⲁⲁⲣⲱⲛ ϫⲉ ϭⲓ ⲛ̀ⲟⲩⲥ̀ⲧⲁⲙⲛⲟⲥ ⲛ̀ⲛⲟⲩⲃ ⲟⲩⲟϩ ⲙⲟⲓ ⲉ̀ϧ̀ⲣⲏⲓ ⲉ̀ⲣⲟϥ ⲛ̀ⲟⲩⲅⲟⲙⲟⲣ ⲉϥⲙⲉϩ ⲉ̀ⲃⲟⲗ ϧⲉⲛ ⲡⲓⲙⲁⲛⲛⲁ ⲟⲩⲟϩ ⲉⲕⲉ̀ⲭⲁϥ ⲛ̀ⲡⲉⲙ̀ⲑⲟ ⲛ̀ⲫ̀ⲛⲟⲩϯ ⲉ̀ⲡⲁⲣⲉϩ ⲉ̀ⲣⲟϥ ϣⲁ ⲛⲉⲧⲉⲛⲅⲉⲛⲉⲁ̀	ouoh peje mōisys ǹaarōn je ċi ǹous̀tamnos ǹnoub ouoh moi èx̀ryi èrof ǹouġomor efmeh èvol xen pimanna ouoh ekèkaf ǹpem̀θo ǹf̀nouti èpareh èrof ṡa netengeneà	And Moses said to Aaron, Take a golden pot, and cast into it one full homer of manna; and thou shalt lay it up before God, to be kept for your generations,
16:34	ⲕⲁⲧⲁⲫⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛϫⲉⲡϭⲟⲓⲥ ⲉⲧⲟⲧϥ ⲙⲙⲱⲩⲥⲏⲥ ⲟⲩⲟϩ ⲁϥⲭⲁϥ ⲛϫⲉⲁⲁⲣⲱⲛ ⲙⲡⲉⲙⲑⲟ ⲛϯⲙⲉⲧⲙⲉⲑⲣⲉ ⲉⲡⲁⲣⲉϩ ⲉⲣⲟϥ	ⲕⲁⲧⲁ ⲫ̀ⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛ̀ϫⲉ ⲡ̀ϭⲟⲓⲥ ⲉⲧⲟⲧϥ ⲛ̀ⲙⲱⲩⲥⲏⲥ ⲟⲩⲟϩ ⲁϥⲭⲁϥ ⲛ̀ϫⲉ ⲁ̀ⲁⲣⲱⲛ ⲛ̀ⲡⲉⲙ̀ⲑⲟ ⲛ̀ϯⲙⲉⲧⲙⲉⲑⲣⲉ ⲉ̀ⲡⲁ̀ⲣⲉϩ ⲉ̀ⲣⲟϥ	kata f̀ryti etafouahsahni ǹje p̀ċois etotf ǹmōisys ouoh afkaf ǹje àarōn ǹpem̀θo ǹtimetmeθre èpàreh èrof	as the Lord commanded Moses: and Aaron laid it up before the testimony to be kept.
16:35	ⲛⲉⲛϣⲏⲣⲓ ⲇⲉ ⲙⲡⲓⲥⲣⲁⲏⲗ ⲁⲩⲟⲩⲱⲙ ⲙⲡⲓⲙⲁⲛⲛⲁ ⲛϩⲙ̅ ⲛⲣⲟⲙⲡⲓ ϣⲁⲧⲟⲩⲓ ⲉϧⲟⲩⲛ ⲉⲟⲩⲕⲁϩⲓ ⲛⲧⲉⲟⲩⲙⲁⲛϣⲱⲡⲓ ⲁⲩⲟⲩⲱⲙ ⲙⲡⲓⲙⲁⲛⲛⲁ ϣⲁⲧⲟⲩⲓ ⲉϧⲟⲩⲛ ⲉⲟⲩⲙⲉⲣⲟⲥ ⲛⲧⲉϯⲫⲟⲓⲛⲓⲕⲏ	ⲛⲉⲛϣⲏⲣⲓ ⲇⲉ ⲛ̀ⲡⲓⲥⲣⲁⲏⲗ ⲁⲩⲟⲩⲱⲙ ⲛ̀ⲡⲓⲙⲁⲛⲛⲁ ⲛϩⲙ̅ ⲛ̀ⲣⲟⲙⲡⲓ ϣⲁ ⲧⲟⲩⲓ ⲉ̀ϧⲟⲩⲛ ⲉ̀ⲟⲩⲕⲁϩⲓ ⲛ̀ⲧⲉ ⲟⲩⲙⲁⲛϣⲱⲡⲓ ⲁⲩⲟⲩⲱⲙ ⲛ̀ⲡⲓⲙⲁⲛⲛⲁ ϣⲁ ⲧⲟⲩⲓ ⲉ̀ϧⲟⲩⲛ ⲉ̀ⲟⲩⲙⲉⲣⲟⲥ ⲛ̀ⲧⲉ ϯⲫⲟⲓⲛⲓⲕⲏ	nenṡyri ḋe ǹpisrayl avouōm ǹpimanna nhm ǹrompi ṡa toui èxoun èoukahi ǹte oumanṡōpi avouōm ǹpimanna ṡa toui èxoun èoumeros ǹte tifoiniky	And the children of Israel ate manna forty years, until they came to the land they ate the manna, until they came to the region of Phoenicia.
16:36	ⲡⲓⲅⲟⲙⲟⲣ ⲇⲉ ⲛⲉ ⲟⲩⲣⲉⲙⲏⲧ ⲡⲉ ⲛⲧⲉⲡⲓⲅ̅ ⲛϣⲓ	ⲡⲓⲅⲟⲙⲟⲣ ⲇⲉ ⲛⲉ ⲟⲩⲣⲉⲙⲏⲧ ⲡⲉ ⲛ̀ⲧⲉ ⲡⲓ3 ⲛ̀ϣⲓ	piġomor ḋe ne ouremyt pe ǹte pi3 ǹṡi	Now the homer was the tenth part of three measures.

Provenance

title: Exodus 16
dialect: bohairic
source: Coptic SCRIPTORIUM corpus "bohairic.ot", document 02_Exodus_16
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Exodus 16 from Coptic SCRIPTORIUM (https://copticscriptorium.org), corpus bohairic.ot, document 02_Exodus_16, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Exodus/16.bohairic.scriptorium.L0.txt
title: Exodus 16 — Cairene
dialect: bohairic
source: generated from 16.bohairic.scriptorium.L0.txt (Coptic SCRIPTORIUM corpus "bohairic.ot", document 02_Exodus_16)
licence: CC BY-SA 4.0
share: attribution
attribution: Exodus 16 from Coptic SCRIPTORIUM (https://copticscriptorium.org), corpus bohairic.ot, document 02_Exodus_16, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Exodus/16.bohairic.scriptorium.L1.txt
title: Exodus 16 — Kemetic
dialect: bohairic
source: generated from 16.bohairic.scriptorium.L1.txt
licence: CC BY-SA 4.0
share: attribution
attribution: Exodus 16 from Coptic SCRIPTORIUM (https://copticscriptorium.org), corpus bohairic.ot, document 02_Exodus_16, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Exodus/16.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 36 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 02_Exodus_16 (36 lines)

Cite as:

Exodus 16. Coptic SCRIPTORIUM corpus "bohairic.ot", document 02_Exodus_16. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/exodus/16.bohairic.scriptorium/. Exodus 16 from Coptic SCRIPTORIUM (https://copticscriptorium.org), corpus bohairic.ot, document 02_Exodus_16, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.