26_Ezechiel_20 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_20

Attribution: 26_Ezechiel_20 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_20, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

49 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
20:1	ⲟⲩⲟϩ ⲁⲥϣⲱⲡⲓ ϧⲉⲛϯⲙⲁϩⲍ̅ ⲛ̀ⲣⲟⲙⲡⲓ ϧⲉⲛⲡⲓⲙⲁϩⲉ̅ ⲛ̀ⲁ̀ⲃⲟⲧ ϧⲉⲛⲡⲓⲉ̀ϩⲟⲟⲩ ⲙ̀ⲙⲁϩⲓ̅ ⲙ̀ⲡⲓⲁ̀ⲃⲟⲧ ⲁⲩⲓ̀ ⲛ̀ϫⲉϩⲁⲛⲣⲱⲙⲓ ⲉ̀ⲃⲟⲗϧⲉⲛ ⲛⲓⲡⲣⲉⲥⲃⲩⲧⲉⲣⲟⲥ ⲙ̀ⲡⲓ̅ⲥ̅ⲗ̅ ⲉⲑⲣⲟⲩⲉ̀ⲣⲉⲧⲓⲛ ⲙ̀ⲡϭ̅ⲥ̅ ⲁⲩϩⲉⲙⲥⲓ ⲙ̀ⲡⲁⲙ̀ⲑⲟ ⲉ̀ⲃⲟⲗ .	ⲟⲩⲟϩ ⲁⲥϣⲱⲡⲓ ϧⲉⲛ ϯⲙⲁϩ7 ⲛ̀ⲣⲟⲙⲡⲓ ϧⲉⲛ ⲡⲓⲙⲁϩ5 ⲛ̀ⲁ̀ⲃⲟⲧ ϧⲉⲛ ⲡⲓⲉ̀ϩⲟⲟⲩ ⲛ̀ⲙⲁϩ10 ⲛ̀ⲡⲓⲁ̀ⲃⲟⲧ ⲁⲩⲓ̀ ⲛ̀ϫⲉ ϩⲁⲛⲣⲱⲙⲓ ⲉ̀ⲃⲟⲗ ϧⲉⲛ ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲡⲓⲥⲣⲁⲏⲗ ⲉ̀ⲑⲣⲟⲩⲉ̀ⲣⲉⲧⲓⲛ ⲛ̀ⲡ̀ϭⲟⲓⲥ ⲁⲩϩⲉⲙⲥⲓ ⲛ̀ⲡⲁⲙ̀ⲑⲟ ⲉ̀ⲃⲟⲗ.	ouoh asṡōpi xen timah7 ǹrompi xen pimah5 ǹàvot xen pièhoou ǹmah10 ǹpiàvot avì ǹje hanrōmi èvol xen nip̀resbiteros ǹpisrayl èθrouèretin ǹp̀ċois avhemsi ǹpam̀θo èvol.	And it came to pass in the seventh year, on the fifteenth day of the month, there came men of the elders of the house of Israel to enquire of the Lord, and they sat before me.
20:2	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	P̀·saji ǹp̀ċois afṡōpi haroi efgō m̀mos.	And the word of the Lord came to me, saying,
20:3	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲥⲁϫⲓ ⲛⲉⲙⲛⲓⲡⲣⲉⲥⲃⲩⲧⲉⲣⲟⲥ ⲙ̀ⲡⲁⲗⲁⲟⲥ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲁⲣⲉⲧⲉⲛⲓ̀ ⲛ̀ⲑⲱⲧⲉⲛ ⲉ̀ϣⲛⲟⲩⲓ̀ ⲉⲑⲣⲓⲉⲣⲟⲩⲱ̀ ⲛⲱⲧⲉⲛ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲥⲁϫⲓ ⲛⲉⲙ ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲡⲁⲗⲁⲟⲥ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲁⲣⲉⲧⲉⲛⲓ̀ ⲛ̀ⲑⲱⲧⲉⲛ ⲉ̀ϣⲛⲟⲩⲓ̀ ⲉ̀ⲑⲣⲓⲉⲣⲟⲩⲱ̀ ⲛⲱⲧⲉⲛ.	Je p̀ṡyri ǹf̀rōmi saji nem nip̀resbiteros ǹpalaos àgos nōou je nai ne nyètefgō m̀mōou ǹje p̀ċois je aretenì ǹθōten èṡnouì èθrierouṑ nōten.	Son of man, speak to the elders of the house of Israel, and thou shalt say to them, Thus saith the Lord; Are ye come to enquire of me? As I live, I will not be enquired of by you, saith the Lord.
20:4	ϯⲟⲛϧ ⲁ̀ⲛⲟⲕ ϫⲉⲉϣⲱⲡ ϧⲉⲛⲟⲩⲉⲣⲟⲩⲱ̀ ⲉⲓⲉⲣⲟⲩⲱ̀ ⲛⲱⲟⲩ ⲓⲉ ϧⲉⲛⲟⲩϭⲓⲙ̀ⲡ̀ϣⲓϣ ⲉⲓⲉ̀ϭⲓⲙ̀ⲡⲟⲩϭⲓⲙ̀ⲡ̀ϣⲓϣ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁⲣⲓⲙⲉⲑⲣⲉ ⲛⲱⲟⲩ ⲛ̀ⲛⲓⲁ̀ⲛⲟⲙⲓⲁ̀ ⲛ̀ⲧⲉⲛⲟⲩⲓⲟϯ .	Ϯⲟⲛϧ ⲁ̀ⲛⲟⲕ ϫⲉ ⲉϣⲱⲡ ϧⲉⲛ ⲟⲩⲉⲣⲟⲩⲱ̀ ⲉⲓⲉⲣⲟⲩⲱ̀ ⲛⲱⲟⲩ ⲓⲉ ϧⲉⲛ ⲟⲩϭⲓⲙ̀ⲡ̀ϣⲓϣ ⲓⲉ̀ϭⲓⲙ̀ⲡⲟⲩϭⲓⲙ̀ⲡ̀ϣⲓϣ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁ̀ⲣⲓⲙⲉⲑⲣⲉ ⲛⲱⲟⲩ ⲛ̀ⲛⲓⲁ̀ⲛⲟⲙⲓⲁ̀ ⲛ̀ⲧⲉ ⲛⲟⲩⲓⲟϯ.	Tionx ànok je eṡōp xen ouerouṑ eierouṑ nōou ie xen ouċim̀p̀ṡiṡ ièċim̀pouċim̀p̀ṡiṡ p̀ṡyri ǹf̀rōmi àrimeθre nōou ǹniànomià ǹte nouioti.	Shall I utterly take vengeance on them, son of man? testify to them of the iniquities of their fathers:
20:5	ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉⲓⲥϫⲉⲛ ⲡⲓⲉ̀ϩⲟⲟⲩ ⲉⲧⲁⲓⲥⲱⲧⲡ ⲙ̀ⲡⲏⲓ ⲙ̀ⲡⲓ̅ⲥ̅ⲗ̅ ⲟⲩⲟϩ ⲁⲓⲟⲩⲱⲛϩ ⲉ̀ⲃⲟⲗ ⲙ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ⲟⲩⲟϩ ⲁⲓⲑ̀ⲣⲟⲩⲥⲱⲟⲩⲛ ⲙ̀ⲙⲟⲓ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲁⲓϣⲟⲡⲟⲩ ⲉ̀ⲣⲟⲓ ⲉⲓϫⲱ ⲙ̀ⲙⲟⲥ ⲛⲱⲟⲩ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲡⲉⲧⲉⲛⲛⲟⲩϯ .	Ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ⲓⲥϫⲉⲛ ⲡⲓⲉ̀ϩⲟⲟⲩ ⲉⲧⲁⲓⲥⲱⲧⲡ ⲛ̀ⲡⲏⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲁⲓⲟⲩⲱⲛϩ ⲉ̀ⲃⲟⲗ ⲛ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ⲟⲩⲟϩ ⲁⲓⲑ̀ⲣⲟⲩⲥⲱⲟⲩⲛ ⲙ̀ⲙⲟⲓ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲁⲓϣⲟⲡⲟⲩ ⲉ̀ⲣⲟⲓ ⲉⲓϫⲱ ⲙ̀ⲙⲟⲥ ⲛⲱⲟⲩ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ.	Ouoh àgos nōou je nai ne nyètefgō m̀mōou ǹje p̀ċois f̀nouti ǹpisrayl je isjen pièhoou etaisōtp ǹpyi ǹpisrayl ouoh aiouōnh èvol ǹp̀g̀rog ǹiakōb ouoh aiθ̀rousōoun m̀moi xen p̀kahi ǹkymi ouoh aiṡopou èroi eigō m̀mos nōou je ànok pe p̀ċois petennouti.	and thou shalt say to them, Thus saith the Lord; From the day that I chose the house of Israel, and became known to the seed of the house of Jacob, and was known to them in the land of Egypt, and helped them with my hand, saying, I am the Lord your God;
20:6	ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲁⲓⲁ̀ⲙⲁϩⲓ ⲙ̀ⲙⲱⲟⲩ ϧⲉⲛⲧⲁϫⲓϫ ⲉⲑⲣⲓⲉ̀ⲛⲟⲩ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲡ̀ⲕⲁϩⲓ ⲉⲧⲁⲓⲥⲉⲃⲧⲱⲧϥ ⲛⲱⲟⲩ ⲟⲩⲕⲁϩⲓ ⲉϥϧⲁϯ ⲛ̀ⲟⲩⲉ̀ⲣⲱϯ ⲛⲉⲙⲟⲩⲉ̀ⲃⲓⲱ̀ ⲟⲩⲙⲟⲩⲗϩ ⲡⲉ ⲡⲁⲣⲁⲡ̀ⲕⲁϩⲓ ⲧⲏⲣϥ .	Ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁⲓⲁ̀ⲙⲁϩⲓ ⲙ̀ⲙⲱⲟⲩ ϧⲉⲛ ⲧⲁϫⲓϫ ⲉ̀ⲑⲣⲓⲉ̀ⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲡ̀ⲕⲁϩⲓ ⲉⲧⲁⲓⲥⲉⲃⲧⲱⲧϥ ⲛⲱⲟⲩ ⲟⲩⲕⲁϩⲓ ⲉϥϧⲁϯ ⲛ̀ⲟⲩⲉ̀ⲣⲱϯ ⲛⲉⲙ ⲟⲩⲉ̀ⲃⲓⲱ̀ ⲟⲩⲙⲟⲩⲗϩ ⲡⲉ ⲡⲁⲣⲁⲡ̀ⲕⲁϩⲓ ⲧⲏⲣϥ.	Xen pièhoou ète m̀mav aiàmahi m̀mōou xen tajig èθriènou èvol xen p̀kahi ǹkymi èp̀kahi etaisevtōtf nōou oukahi efxati ǹouèrōti nem ouèviṑ oumoulh pe parap̀kahi tyrf.	in that day I helped them with my hand, to bring them out of the land of Egypt into the land which I prepared for them, a land flowing with milk and honey, it is abundant beyond every land.
20:7	ⲟⲩⲟϩ ⲁⲓϫⲟⲥ ⲛⲱⲟⲩ ϫⲉⲙⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ϩⲓⲟⲩⲓ̀ ⲙ̀ⲙⲟϥ ⲉ̀ⲃⲟⲗ ⲛ̀ⲛⲉϥⲃⲟϯ ⲟⲩⲟϩ ⲙ̀ⲡⲉⲣϭⲱϧⲉⲙ ϧⲉⲛⲛⲓϩ̀ⲃⲏⲟⲩⲓ̀ ⲛ̀ⲭⲏⲙⲓ ⲁ̀ⲛⲟⲕ ⲅⲁⲣ ⲡⲉ ⲡϭ̅ⲥ̅ ⲡⲉⲧⲉⲛⲛⲟⲩϯ .	Ⲟⲩⲟϩ ⲁⲓϫⲟⲥ ⲛⲱⲟⲩ ϫⲉ ⲙⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ϩⲓⲟⲩⲓ̀ ⲙ̀ⲙⲟϥ ⲉ̀ⲃⲟⲗ ⲛ̀ⲛⲉϥⲃⲟϯ ⲟⲩⲟϩ ⲙ̀ⲡⲉⲣϭⲱϧⲉⲙ ϧⲉⲛ ⲛⲓϩ̀ⲃⲏⲟⲩⲓ̀ ⲛ̀ⲭⲏⲙⲓ ⲁ̀ⲛⲟⲕ ⲅⲁⲣ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ.	Ouoh aigos nōou je mare f̀ouai f̀ouai m̀mōten hiouì m̀mof èvol ǹnefvoti ouoh m̀perċōxem xen nih̀vyouì ǹkymi ànok ġar pe p̀ċois petennouti.	And I said to them, Let every one cast away the abominations of his eyes, and defile not yourselves with the devices of Egypt: I am the Lord your God.
20:8	ⲁⲑⲣⲓⲕⲓ ⲥⲁⲃⲟⲗ ⲙ̀ⲙⲟⲓ ⲟⲩⲟϩ ⲙ̀ⲡⲟⲩⲟⲩⲱϣ ⲉ̀ⲥⲱⲧⲉⲙ ⲛ̀ⲥⲱⲓ ⲙ̀ⲡⲟⲩϩⲓⲟⲩⲓ̀ ⲉ̀ⲃⲟⲗ ⲛ̀ⲛⲓⲃⲟϯ ⲛ̀ⲛⲟⲩⲃⲁⲗ ⲟⲩⲟϩ ⲛⲓϩ̀ⲃⲏⲟⲩⲓ̀ ⲉⲧϧⲉⲛⲭⲏⲙⲓ ⲙ̀ⲡⲟⲩⲭⲁⲩ ⲛ̀ⲥⲱⲟⲩ ⲁⲓϫⲟⲥ ϫⲉϯⲛⲁϫⲱϣ ⲙ̀ⲡⲁϫⲱⲛⲧ ⲉ̀ϧ̀ⲣⲏⲓ ⲉ̀ϫⲱⲟⲩ ⲉⲑⲣⲓϫⲱⲕ ⲉ̀ⲃⲟⲗ ⲙ̀ⲡⲁⲙ̀ⲃⲟⲛ ⲛ̀ϩ̀ⲣⲏⲓ ⲛ̀ϧⲏⲧⲟⲩ ϧⲉⲛⲑ̀ⲙⲏϯ ⲙ̀ⲡ̀ⲕⲁϩⲓ ⲛ̀ⲭⲏⲙⲓ .	Ⲁⲑⲣⲓⲕⲓ ⲥⲁⲃⲟⲗ ⲙ̀ⲙⲟⲓ ⲟⲩⲟϩ ⲛ̀ⲡⲟⲩⲟⲩⲱϣ ⲉ̀ⲥⲱⲧⲉⲙ ⲛ̀ⲥⲱⲓ ⲙ̀ⲡⲟⲩϩⲓⲟⲩⲓ̀ ⲉ̀ⲃⲟⲗ ⲛ̀ⲛⲓⲃⲟϯ ⲛ̀ⲛⲟⲩⲃⲁⲗ ⲟⲩⲟϩ ⲛⲓϩ̀ⲃⲏⲟⲩⲓ̀ ⲉⲧϧⲉⲛ ⲭⲏⲙⲓ ⲙ̀ⲡⲟⲩⲭⲁⲩ ⲛ̀ⲥⲱⲟⲩ ⲁⲓϫⲟⲥ ϫⲉ ϯⲛⲁϫⲱϣ ⲛ̀ⲡⲁϫⲱⲛⲧ ⲉ̀ϧ̀ⲣⲏⲓ ⲉ̀ϫⲱⲟⲩ ⲉ̀ⲑⲣⲓϫⲱⲕ ⲉ̀ⲃⲟⲗ ⲛ̀ⲡⲁⲙ̀ⲃⲟⲛ ⲛ̀ϩ̀ⲣⲏⲓ ⲛ̀ϧⲏⲧⲟⲩ ϧⲉⲛ ⲑ̀ⲙⲏϯ ⲛ̀ⲡ̀ⲕⲁϩⲓ ⲛ̀ⲭⲏⲙⲓ.	Aθriki savol m̀moi ouoh ǹpououōṡ èsōtem ǹsōi m̀pouhiouì èvol ǹnivoti ǹnouval ouoh nih̀vyouì etxen kymi m̀poukav ǹsōou aigos je tinagōṡ ǹpagōnt èx̀ryi ègōou èθrigōk èvol ǹpam̀von ǹh̀ryi ǹxytou xen θ̀myti ǹp̀kahi ǹkymi.	But they revolted from me, and would not hearken to me: they cast not away the abominations of their eyes, and forsook not the devices of Egypt: then I said that I would pour out my wrath upon them, to accomplish my wrath upon them in the midst of Egypt.
20:9	ⲁⲓⲁⲓⲥ ϩⲓⲛⲁ ⲉϣⲧⲉⲙϭⲱϧⲉⲙ ⲙ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲉⲩϧⲉⲛ ⲧⲟⲩⲙⲏϯ ⲛⲏⲉⲧⲁⲓⲟⲩⲱⲛϩ ⲙ̀ⲙⲟⲓ ⲛ̀ⲛⲁϩⲣⲁⲩ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ ⲉⲑⲣⲓⲉ̀ⲛⲟⲩ ⲉ̀ⲃⲟⲗ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ .	Ⲁⲓⲁⲓⲥ ϩⲓⲛⲁ ⲉ̀ϣⲧⲉⲙϭⲱϧⲉⲙ ⲛ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲉⲩϧⲉⲛ ⲧⲟⲩⲙⲏϯ ⲛⲏⲉⲧⲁⲓⲟⲩⲱⲛϩ ⲙ̀ⲙⲟⲓ ⲛ̀ⲛⲁϩⲣⲁⲩ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ ⲉ̀ⲑⲣⲓⲉ̀ⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ.	Aiais hina èṡtemċōxem ǹparan èp̀tyrf ǹpem̀θo èvol ǹnieθnos evxen toumyti nyetaiouōnh m̀moi ǹnahrav ǹpoum̀θo èvol èθriènou èvol xen p̀kahi ǹkymi.	But I wrought so that my name should not be at all profaned in the sight of the Gentiles, in the midst of whom they are, among whom I was made known to them in their sight, to bring them out of the land of Egypt.
20:10	ⲟⲩⲟϩ ⲁⲓⲉ̀ⲛⲟⲩ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲁⲓϭⲓⲧⲟⲩ ⲉ̀ϩ̀ⲣⲏⲓ ⲉ̀ⲡ̀ϣⲁϥⲉ .	Ⲟⲩⲟϩ ⲁⲓⲉ̀ⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲁⲓϭⲓⲧⲟⲩ ⲉ̀ϩ̀ⲣⲏⲓ ⲉ̀ⲡ̀ϣⲁϥⲉ.	Ouoh aiènou èvol xen p̀kahi ǹkymi aiċitou èh̀ryi èp̀ṡafe.	And I brought them into the wilderness.
20:11	ⲁⲓϯⲛⲱⲟⲩ ⲛ̀ⲛⲁⲡⲣⲟⲥⲧⲟⲅⲙⲁ ⲟⲩⲟϩ ⲛⲁⲙⲉⲑⲙⲏⲓ ⲁⲓⲟⲩⲟⲛϩⲟⲩ ⲛⲱⲟⲩ ⲉ̀ⲃⲟⲗ ⲛⲁⲓⲁϥϣⲁⲛⲓ̀ⲣⲓ ⲙ̀ⲙⲱⲟⲩ ⲛ̀ϫⲉⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ .	Ⲁⲓϯⲛⲱⲟⲩ ⲛ̀ⲛⲁⲡ̀ⲣⲟⲥⲧⲟⲅⲙⲁ ⲟⲩⲟϩ ⲛⲁⲙⲉⲑⲙⲏⲓ ⲁⲓⲟⲩⲟⲛϩⲟⲩ ⲛⲱⲟⲩ ⲉ̀ⲃⲟⲗ ⲛⲁⲓⲁϥϣⲁⲛⲓ̀ⲣⲓ ⲙ̀ⲙⲱⲟⲩ ⲛ̀ϫⲉ ⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ.	Aitinōou ǹnap̀rostoġma ouoh nameθmyi aiouonhou nōou èvol naiafṡanìri m̀mōou ǹje f̀rōmi ṡafōnx ǹxytou.	And I gave them my commandments, and made known to them mine ordinances, all which if a man shall do, he shall even live in them.
20:12	ⲟⲩⲟϩ ⲛⲁⲥⲁⲃⲃⲁⲧⲟⲛ ⲁⲓⲧⲏⲓⲧⲟⲩ ⲛⲱⲟⲩ ⲉⲑⲣⲟⲩϣⲱⲡⲓ ⲛⲱⲟⲩ ⲛ̀ⲟⲩⲙⲏⲓⲛⲓ ϧⲉⲛⲧⲁⲙⲏϯ ⲛⲉⲙⲧⲟⲩⲙⲏϯ ⲉⲑⲣⲟⲩⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲉⲧⲧⲟⲩⲃⲟ ⲙ̀ⲙⲱⲟⲩ .	Ⲟⲩⲟϩ ⲛⲁⲥⲁⲃⲃⲁⲧⲟⲛ ⲁⲓⲧⲏⲓⲧⲟⲩ ⲛⲱⲟⲩ ⲉ̀ⲑⲣⲟⲩϣⲱⲡⲓ ⲛⲱⲟⲩ ⲛ̀ⲟⲩⲙⲏⲓⲛⲓ ϧⲉⲛ ⲧⲁⲙⲏϯ ⲛⲉⲙ ⲧⲟⲩⲙⲏϯ ⲉ̀ⲑⲣⲟⲩⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲉ̀ⲧ̀ⲧⲟⲩⲃⲟ ⲙ̀ⲙⲱⲟⲩ.	Ouoh nasabbaton aityitou nōou èθrouṡōpi nōou ǹoumyini xen tamyti nem toumyti èθrouèmi je ànok pe p̀ċois èt̀touvo m̀mōou.	And I gave them my sabbaths, that they should be for a sign between me and them, that they should know that I am the Lord that sanctify them.
20:13	ⲟⲩⲟϩ ⲁⲓϫⲟⲥ ⲙ̀ⲡ̀ⲏⲓ ⲙ̀ⲡⲓ̅ⲥ̅ⲗ̅ ϧⲉⲛⲡ̀ϣⲁϥⲉ ϫⲉⲙⲟϣⲓ ϧⲉⲛⲛⲁⲟⲩⲁϩⲥⲁϩⲛⲓ ⲟⲩⲟϩ ⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ϩⲓⲛⲁ ⲛ̀ⲧⲉⲧⲉⲛⲁⲓⲧⲟⲩ ⲛⲏⲉⲧⲁϥⲁⲓⲧⲟⲩ ⲛ̀ϫⲉⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ ⲁⲩϯϫⲱⲛⲧ ⲛⲏⲓ ⲛ̀ϫⲉⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲛ̀ϩ̀ⲣⲏⲓ ϩⲓⲡ̀ϣⲁϥⲉ ⲟⲩⲟϩ ⲙ̀ⲡⲟⲩⲙⲟϣⲓ ϧⲉⲛⲛⲁⲟⲩⲁϩⲥⲁϩⲛⲓ ⲁⲩⲭⲱ ⲛ̀ⲥⲱⲟⲩ ⲛ̀ⲛⲁⲙⲉⲑⲙⲏⲓ ⲛⲁⲓ ⲁϥϣⲁⲛⲁⲓⲧⲟⲩ ⲛ̀ϫⲉⲫ̀ⲣⲱⲙⲓ ϣⲁϥⲱⲛϧ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲟⲩⲟϩ ⲛⲁⲥⲁⲃⲃⲁⲧⲟⲛ ⲁⲩϭⲱϧⲉⲙ ⲙ̀ⲙⲱⲟⲩ ⲉⲙⲁϣⲱ ⲁⲓϫⲟⲥ ϫⲉϯⲛⲁϫⲱϣ ⲙ̀ⲡⲁϫⲱⲛⲧ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓⲡ̀ϣⲁϥⲉ ⲉ̀ϥⲟⲧⲟⲩ ⲉ̀ⲃⲟⲗ .	Ⲟⲩⲟϩ ⲁⲓϫⲟⲥ ⲛ̀ⲡ̀ⲏⲓ ⲛ̀ⲡⲓⲥⲣⲁⲏⲗ ϧⲉⲛ ⲡ̀ϣⲁϥⲉ ϫⲉ ⲙⲟϣⲓ ϧⲉⲛ ⲛⲁⲟⲩⲁϩⲥⲁϩⲛⲓ ⲟⲩⲟϩ ⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ϩⲓⲛⲁ ⲛ̀ⲧⲉⲧⲉⲛⲁⲓⲧⲟⲩ ⲛⲏⲉⲧⲁϥⲁⲓⲧⲟⲩ ⲛ̀ϫⲉ ⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ ⲁⲩϯϫⲱⲛⲧ ⲛⲏⲓ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲟⲩⲟϩ ⲛ̀ⲡⲟⲩⲙⲟϣⲓ ϧⲉⲛ ⲛⲁⲟⲩⲁϩⲥⲁϩⲛⲓ ⲁⲩⲭⲱ ⲛ̀ⲥⲱⲟⲩ ⲛ̀ⲛⲁⲙⲉⲑⲙⲏⲓ ⲛⲁⲓ ⲁϥϣⲁⲛⲁⲓⲧⲟⲩ ⲛ̀ϫⲉ ⲫ̀ⲣⲱⲙⲓ ϣⲁϥⲱⲛϧ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲟⲩⲟϩ ⲛⲁⲥⲁⲃⲃⲁⲧⲟⲛ ⲁⲩϭⲱϧⲉⲙ ⲙ̀ⲙⲱⲟⲩ ⲉ̀ⲙⲁϣⲱ ⲁⲓϫⲟⲥ ϫⲉ ϯⲛⲁϫⲱϣ ⲛ̀ⲡⲁϫⲱⲛⲧ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲉ̀ϥⲟⲧⲟⲩ ⲉ̀ⲃⲟⲗ.	Ouoh aigos ǹp̀yi ǹpisrayl xen p̀ṡafe je moṡi xen naouahsahni ouoh àreh ènameθmyi hina ǹtetenaitou nyetafaitou ǹje f̀rōmi ṡafōnx ǹxytou avtigōnt nyi ǹje nenṡyri ǹpisrayl ǹh̀ryi hi p̀ṡafe ouoh ǹpoumoṡi xen naouahsahni avkō ǹsōou ǹnameθmyi nai afṡanaitou ǹje f̀rōmi ṡafōnx ǹx̀ryi ǹxytou ouoh nasabbaton avċōxem m̀mōou èmaṡō aigos je tinagōṡ ǹpagōnt èh̀ryi ègōou ǹh̀ryi hi p̀ṡafe èfotou èvol.	And I said to the house of Israel in the wilderness, Walk ye in my commandments: but they walked not in them, and they rejected mine ordinances, which if a man shall do, he shall even live in them; and they grievously profaned my sabbaths: and I said that I would pour out my wrath upon them in the wilderness, to consume them.
20:14	ⲟⲩⲟϩ ⲁⲓⲓ̀ⲣⲓ ϩⲓⲛⲁ ⲛ̀ⲧⲟⲩϣ̀ⲧⲉⲙⲥⲱϥ ⲙ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲛⲁⲓ ⲉⲧⲁⲓⲉ̀ⲛⲟⲩ ⲉ̀ⲃⲟⲗ ⲙ̀ⲡⲟⲩⲙ̀ⲑⲟ .	Ⲟⲩⲟϩ ⲁⲓⲓ̀ⲣⲓ ϩⲓⲛⲁ ⲛ̀ⲧⲟⲩϣ̀ⲧⲉⲙⲥⲱϥ ⲛ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲛⲁⲓ ⲉⲧⲁⲓⲉ̀ⲛⲟⲩ ⲉ̀ⲃⲟⲗ ⲛ̀ⲡⲟⲩⲙ̀ⲑⲟ.	Ouoh aiìri hina ǹtouṡ̀temsōf ǹparan èp̀tyrf ǹpem̀θo èvol ǹnieθnos nai etaiènou èvol ǹpoum̀θo.	But I wrought so that my name should not be at all profaned before the Gentiles, before whose eyes I brought them out.
20:15	ⲁⲛⲟⲕ ϩⲱ ⲁⲓⲓ̀ⲛⲓ ⲛ̀ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓⲡ̀ϣⲁϥⲉ ϩⲓⲛⲁ ⲛ̀ⲧⲁϣ̀ⲧⲉⲙϭⲓⲧⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲉ̀ⲡ̀ⲧⲏⲣϥ ⲫⲁⲓ ⲉⲧⲁⲓⲧⲏⲓϥ ⲛⲱⲟⲩ ⲟⲩⲕⲁϩⲓ ⲉϥϧⲁϯ ⲉ̀ⲃⲟⲗ ⲛ̀ⲟⲩⲉ̀ⲣⲱϯ ⲛⲉⲙⲟⲩⲉ̀ⲃⲓⲱ̀ ⲟⲩⲙⲟⲩⲗϩ ⲡⲉ ⲉϩⲟⲧⲉ ⲕⲁϩⲓ ⲛⲓⲃⲉⲛ .	Ⲁⲛⲟⲕ ϩⲱ ⲁⲓⲓ̀ⲛⲓ ⲛ̀ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ϩⲓⲛⲁ ⲛ̀ⲧⲁϣ̀ⲧⲉⲙϭⲓⲧⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲉ̀ⲡ̀ⲧⲏⲣϥ ⲫⲁⲓ ⲉⲧⲁⲓⲧⲏⲓϥ ⲛⲱⲟⲩ ⲟⲩⲕⲁϩⲓ ⲉϥϧⲁϯ ⲉ̀ⲃⲟⲗ ⲛ̀ⲟⲩⲉ̀ⲣⲱϯ ⲛⲉⲙ ⲟⲩⲉ̀ⲃⲓⲱ̀ ⲟⲩⲙⲟⲩⲗϩ ⲡⲉ ⲉ̀ϩⲟⲧⲉ ⲕⲁϩⲓ ⲛⲓⲃⲉⲛ.	Anok hō aiìni ǹtajig èh̀ryi ègōou ǹh̀ryi hi p̀ṡafe hina ǹtaṡ̀temċitou èxoun èp̀kahi èp̀tyrf fai etaityif nōou oukahi efxati èvol ǹouèrōti nem ouèviṑ oumoulh pe èhote kahi niven.	But I lifted up my hand against them in the wilderness once for all, that I would not bring them into the land which I gave them, a land flowing with milk and honey, it is sweeter than all lands:
20:16	ⲉ̀ⲃⲟⲗ ϫⲉⲙ̀ⲡⲟⲩⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲟⲩⲟϩ ⲙ̀ⲡⲟⲩⲙⲟϣⲓ ϧⲉⲛⲛⲁⲟⲩⲁϩⲥⲁϩⲛⲓ ⲛⲁⲥⲁⲃⲃⲁⲧⲟⲛ ⲁⲩϭⲱϧⲉⲙ ⲙ̀ⲙⲱⲟⲩ ⲟⲩⲟϩ ⲁⲩⲟⲩⲁϩⲟⲩ ⲛ̀ⲥⲁⲛⲓⲟⲩⲱϣ ⲛ̀ⲧⲉⲡⲟⲩϩⲏⲧ .	Ⲉ̀ⲃⲟⲗ ϫⲉⲙ̀ⲡⲟⲩⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲟⲩⲟϩ ⲛ̀ⲡⲟⲩⲙⲟϣⲓ ϧⲉⲛ ⲛⲁⲟⲩⲁϩⲥⲁϩⲛⲓ ⲛⲁⲥⲁⲃⲃⲁⲧⲟⲛ ⲁⲩϭⲱϧⲉⲙ ⲙ̀ⲙⲱⲟⲩ ⲟⲩⲟϩ ⲁⲩⲟⲩⲁϩⲟⲩ ⲛ̀ⲥⲁ ⲛⲓⲟⲩⲱϣ ⲛ̀ⲧⲉ ⲡⲟⲩϩⲏⲧ.	Èvol jem̀pouàreh ènameθmyi ouoh ǹpoumoṡi xen naouahsahni nasabbaton avċōxem m̀mōou ouoh avouahou ǹsa niouōṡ ǹte pouhyt.	because they rejected mine ordinances, and walked not in my commandments, but profaned my sabbaths, and went after the imaginations of their hearts.
20:17	ⲁ ⲡⲁⲃⲁⲗ ϯⲁ̀ⲥⲟ ⲉ̀ⲣⲱⲟⲩ ⲉ̀ϣ̀ⲧⲉⲙϥⲟⲧⲟⲩ ⲉ̀ⲃⲟⲗ ⲟⲩⲟϩ ⲙ̀ⲡⲓⲓ̀ⲣⲓ ⲛⲱⲟⲩ ⲛ̀ⲟⲩⲥⲩⲛⲧⲉⲗⲓⲁ̀ ϧⲉⲛⲡ̀ϣⲁϥⲉ .	Ⲁ ⲡⲁⲃⲁⲗ ϯⲁ̀ⲥⲟ ⲉ̀ⲣⲱⲟⲩ ⲉ̀ϣ̀ⲧⲉⲙϥⲟⲧⲟⲩ ⲉ̀ⲃⲟⲗ ⲟⲩⲟϩ ⲙ̀ⲡⲓⲓ̀ⲣⲓ ⲛⲱⲟⲩ ⲛ̀ⲟⲩⲥⲩⲛⲧⲉⲗⲓⲁ̀ ϧⲉⲛ ⲡ̀ϣⲁϥⲉ.	A paval tiàso èrōou èṡ̀temfotou èvol ouoh m̀piìri nōou ǹousintelià xen p̀ṡafe.	Yet mine eyes spared them, so as not to destroy them utterly, and I did not make an end of them in the wilderness.
20:18	ⲟⲩⲟϩ ⲁⲓϫⲟⲥ ⲛ̀ⲛⲟⲩϣⲏⲣⲓ ϩⲓⲡ̀ϣⲁϥⲉ ϫⲉⲙ̀ⲡⲉⲣⲙⲟϣⲓ ϧⲉⲛⲛⲓⲛⲟⲙⲟⲥ ⲛ̀ⲛⲉⲧⲉⲛⲓⲟϯ ⲟⲩⲟϩ ⲛⲟⲩⲙⲉⲑⲙⲏⲓ ⲙ̀ⲡⲉⲣⲁ̀ⲣⲉϩ ⲉ̀ⲣⲱⲟⲩ ⲟⲩⲟϩ ⲙ̀ⲡⲉⲣⲑⲱϧ ⲛⲉⲙⲱⲟⲩ ⲟⲩⲟϩ ⲙ̀ⲡⲉⲣϭⲱϧⲉⲙ ⲑⲏⲛⲟⲩ .	Ⲟⲩⲟϩ ⲁⲓϫⲟⲥ ⲛ̀ⲛⲟⲩϣⲏⲣⲓ ϩⲓ ⲡ̀ϣⲁϥⲉ ϫⲉ ⲙ̀ⲡⲉⲣⲙⲟϣⲓ ϧⲉⲛ ⲛⲓⲛⲟⲙⲟⲥ ⲛ̀ⲛⲉⲧⲉⲛⲓⲟϯ ⲟⲩⲟϩ ⲛ̀ⲟⲩⲙⲉⲑⲙⲏⲓ ⲙ̀ⲡⲉⲣⲁ̀ⲣⲉϩ ⲉ̀ⲣⲱⲟⲩ ⲟⲩⲟϩ ⲙ̀ⲡⲉⲣⲑⲱϧ ⲛⲉⲙⲱⲟⲩ ⲟⲩⲟϩ ⲙ̀ⲡⲉⲣϭⲱϧⲉⲙ ⲑⲏⲛⲟⲩ.	Ouoh aigos ǹnouṡyri hi p̀ṡafe je m̀permoṡi xen ninomos ǹnetenioti ouoh ǹoumeθmyi m̀peràreh èrōou ouoh m̀perθōx nemōou ouoh m̀perċōxem θynou.	And I said to their children in the wilderness, Walk not ye in the customs of your fathers, and keep not their ordinances, and have no fellowship with their practices, nor defile yourselves with them.
20:19	ⲁⲛⲟⲕ ⲡⲉ ⲡϭ̅ⲥ̅ ⲡⲉⲧⲉⲛⲛⲟⲩϯ ⲁⲗⲗⲁ ⲙⲟϣⲓ ϧⲉⲛⲛⲁⲟⲩⲁϩⲥⲁϩⲛⲓ ⲟⲩⲟϩ ⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲉⲣⲉⲧⲉⲛⲁⲓⲧⲟⲩ .	Ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ ⲁⲗⲗⲁ ⲙⲟϣⲓ ϧⲉⲛ ⲛⲁⲟⲩⲁϩⲥⲁϩⲛⲓ ⲟⲩⲟϩ ⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲉ̀ⲣⲉⲧⲉⲛⲁⲓⲧⲟⲩ.	Anok pe p̀ċois petennouti alla moṡi xen naouahsahni ouoh àreh ènameθmyi èretenaitou.	I am the Lord your God; walk in my commandments, and keep mine ordinances, and do them;
20:20	ⲟⲩⲟϩ ⲛⲁⲥⲁⲃⲃⲁⲧⲟⲛ ⲙⲁⲧⲟⲩⲃⲱⲟⲩ ⲉⲩⲉ̀ϣⲱⲡⲓ ⲉⲩⲙⲏⲓⲛⲓ ϧⲉⲛⲧⲁⲙⲏϯ ⲛⲉⲙⲧⲉⲧⲉⲛⲙⲏϯ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲡⲉⲧⲉⲛⲛⲟⲩϯ .	Ⲟⲩⲟϩ ⲛⲁⲥⲁⲃⲃⲁⲧⲟⲛ ⲙⲁⲧⲟⲩⲃⲱⲟⲩ ⲉⲩⲉ̀ϣⲱⲡⲓ ⲉⲩⲙⲏⲓⲛⲓ ϧⲉⲛ ⲧⲁⲙⲏϯ ⲛⲉⲙ ⲧⲉⲧⲉⲛⲙⲏϯ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ.	Ouoh nasabbaton matouvōou evèṡōpi evmyini xen tamyti nem tetenmyti èretenèmi je ànok pe p̀ċois petennouti.	and hallow my sabbaths, and let them be a sign between me and you, that ye may know that I am the Lord your God.
20:21	ⲛ̀ⲑⲱⲟⲩ ⲇⲉ ⲁⲩϯϫⲱⲛⲧ ⲛⲏⲓ ⲛⲉⲙⲛⲟⲩϣⲏⲣⲓ ⲙ̀ⲡⲟⲩⲙⲟϣⲓ ϧⲉⲛⲛⲁⲟⲩⲁϩⲥⲁϩⲛⲓ ⲟⲩⲟϩ ⲙ̀ⲡⲟⲩⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲉ̀ⲁⲓⲧⲟⲩ ⲛⲁⲓ ⲁϥϣⲁⲛⲁⲓⲧⲟⲩ ⲛ̀ϫⲉⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ ⲁⲩϭⲱϧⲉⲙ ⲛ̀ⲛⲁⲥⲁⲃⲃⲁⲧⲟⲛ ⲁⲓϫⲟⲥ ⲉⲑⲣⲓϫⲱϣ ⲙ̀ⲡⲁϫⲱⲛⲧ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓⲡ̀ϣⲁϥⲉ ⲉⲑⲣⲓϫⲱⲕ ⲉ̀ⲃⲟⲗ ⲙ̀ⲡⲁⲙ̀ⲃⲟⲛ ⲉ̀ϫⲱⲟⲩ .	Ⲛ̀ⲑⲱⲟⲩ ⲇⲉ ⲁⲩϯϫⲱⲛⲧ ⲛⲏⲓ ⲛⲉⲙ ⲛ̀ⲟⲩϣⲏⲣⲓ ⲛ̀ⲡⲟⲩⲙⲟϣⲓ ϧⲉⲛ ⲛⲁⲟⲩⲁϩⲥⲁϩⲛⲓ ⲟⲩⲟϩ ⲙ̀ⲡⲟⲩⲁ̀ⲣⲉϩ ⲉ̀ⲛⲁⲙⲉⲑⲙⲏⲓ ⲉ̀ⲁⲓⲧⲟⲩ ⲛⲁⲓ ⲁϥϣⲁⲛⲁⲓⲧⲟⲩ ⲛ̀ϫⲉ ⲫ̀ⲣⲱⲙⲓ ϣⲁϥⲱⲛϧ ⲛ̀ϧⲏⲧⲟⲩ ⲁⲩϭⲱϧⲉⲙ ⲛ̀ⲛⲁⲥⲁⲃⲃⲁⲧⲟⲛ ⲁⲓϫⲟⲥ ⲉ̀ⲑⲣⲓϫⲱϣ ⲛ̀ⲡⲁϫⲱⲛⲧ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲉ̀ⲑⲣⲓϫⲱⲕ ⲉ̀ⲃⲟⲗ ⲛ̀ⲡⲁⲙ̀ⲃⲟⲛ ⲉ̀ϫⲱⲟⲩ.	Ǹθōou ḋe avtigōnt nyi nem ǹouṡyri ǹpoumoṡi xen naouahsahni ouoh m̀pouàreh ènameθmyi èaitou nai afṡanaitou ǹje f̀rōmi ṡafōnx ǹxytou avċōxem ǹnasabbaton aigos èθrigōṡ ǹpagōnt èh̀ryi ègōou ǹh̀ryi hi p̀ṡafe èθrigōk èvol ǹpam̀von ègōou.	But they provoked me, and their children walked not in my commandments, and they took no heed to mine ordinances to do them, which if a man shall do, he shall even live in them, and they profaned my sabbaths: then I said that I would pour out my wrath upon them in the wilderness, to accomplish mine anger upon them.
20:22	ⲟⲩⲟϩ ⲁⲓⲓ̀ⲣⲓ ϩⲓⲛⲁ ⲉ̀ϣ̀ⲧⲉⲙϭⲱϧⲉⲙ ⲙ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲛⲁⲓ ⲉⲧⲁⲓⲉ̀ⲛⲟⲩ ⲉ̀ⲃⲟⲗ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ .	Ⲟⲩⲟϩ ⲁⲓⲓ̀ⲣⲓ ϩⲓⲛⲁ ⲉ̀ϣ̀ⲧⲉⲙϭⲱϧⲉⲙ ⲛ̀ⲡⲁⲣⲁⲛ ⲉ̀ⲡ̀ⲧⲏⲣϥ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ ⲛⲁⲓ ⲉⲧⲁⲓⲉ̀ⲛⲟⲩ ⲉ̀ⲃⲟⲗ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ.	Ouoh aiìri hina èṡ̀temċōxem ǹparan èp̀tyrf ǹpem̀θo èvol ǹnieθnos nai etaiènou èvol ǹpoum̀θo èvol.	But I wrought so that my name might not be at all profaned before the Gentiles; and I brought them out in their sight.
20:23	ⲟⲩⲟϩ ⲁⲓⲓ̀ⲛⲓ ⲛ̀ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ϧⲉⲛⲡ̀ϣⲁϥⲉ ⲉⲑⲣⲓϫⲟⲣⲟⲩ ⲉ̀ⲃⲟⲗ ϧⲉⲛⲛⲓⲉⲑⲛⲟⲥ ⲟⲩⲟϩ ⲉⲑⲣⲓϩⲓⲧⲟⲩ ⲉ̀ϧ̀ⲣⲏⲓ ϧⲉⲛⲛⲓⲭⲱⲣⲁ .	Ⲟⲩⲟϩ ⲁⲓⲓ̀ⲛⲓ ⲛ̀ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ϧⲉⲛ ⲡ̀ϣⲁϥⲉ ⲉ̀ⲑⲣⲓϫⲟⲣⲟⲩ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲟⲩⲟϩ ⲉⲑⲣⲓϩⲓⲧⲟⲩ ⲉ̀ϧ̀ⲣⲏⲓ ϧⲉⲛ ⲛⲓⲭⲱⲣⲁ.	Ouoh aiìni ǹtajig èh̀ryi ègōou xen p̀ṡafe èθrigorou èvol xen nieθnos ouoh eθrihitou èx̀ryi xen nixōra.	I lifted up my hand against them in the wilderness, that I would scatter them among the Gentiles, and disperse them in the countries;
20:24	ⲉ̀ⲃⲟⲗ ϫⲉⲙ̀ⲡⲟⲩⲓ̀ⲣⲓ ⲛ̀ⲛⲁⲙⲉⲑⲙⲏⲓ ⲁⲩⲭⲱ ⲛ̀ⲥⲱⲟⲩ ⲛ̀ⲛⲁⲡⲣⲟⲥⲧⲟⲅⲙⲁ ⲁⲩϭⲱϧⲉⲙ ⲛ̀ⲛⲁⲥⲁⲃⲃⲁⲧⲟⲛ ⲟⲩⲟϩ ⲛⲟⲩⲃⲁⲗ ⲛⲁⲩ ⲥⲁⲫⲁϩⲟⲩ ⲛ̀ⲛⲓⲟⲩⲱϣ ⲛ̀ⲧⲉⲛⲟⲩⲓⲟϯ .	Ⲉ̀ⲃⲟⲗ ϫⲉⲙ̀ⲡⲟⲩⲓ̀ⲣⲓ ⲛ̀ⲛⲁⲙⲉⲑⲙⲏⲓ ⲁⲩⲭⲱ ⲛ̀ⲥⲱⲟⲩ ⲛ̀ⲛⲁⲡ̀ⲣⲟⲥⲧⲟⲅⲙⲁ ⲁⲩϭⲱϧⲉⲙ ⲛ̀ⲛⲁⲥⲁⲃⲃⲁⲧⲟⲛ ⲟⲩⲟϩ ⲛⲟⲩⲃⲁⲗ ⲛⲁⲩ ⲥⲁⲫⲁϩⲟⲩ ⲛ̀ⲛⲓⲟⲩⲱϣ ⲛ̀ⲧⲉ ⲛⲟⲩⲓⲟϯ.	Èvol jem̀pouìri ǹnameθmyi avkō ǹsōou ǹnap̀rostoġma avċōxem ǹnasabbaton ouoh nouval nav safahou ǹniouōṡ ǹte nouioti.	because they kept not mine ordinances, and rejected my commandments, and profaned my sabbaths, and their eyes went after the imaginations of their fathers.
20:25	ⲁⲛⲟⲕ ϩⲱ ⲁⲓϯ ⲛⲱⲟⲩ ⲛ̀ϩⲁⲛⲡⲣⲟⲥⲧⲟⲅⲙⲁ ⲉⲛⲁⲛⲉⲩ ⲁⲛ ⲛⲉⲙϩⲁⲛⲙⲉⲑⲙⲏⲓ ⲛ̀ⲥⲉϣ̀ⲧⲉⲙⲱⲛϧ ⲁⲛ ⲛ̀ϩ̀ⲣⲏⲓ ⲛ̀ϧⲏⲧⲟⲩ .	Ⲁⲛⲟⲕ ϩⲱ ⲁⲓϯ ⲛⲱⲟⲩ ⲛ̀ϩⲁⲛⲡ̀ⲣⲟⲥⲧⲟⲅⲙⲁ ⲉ̀ⲛⲁⲛⲉⲩ ⲁⲛ ⲛⲉⲙ ϩⲁⲛⲙⲉⲑⲙⲏⲓ ⲛ̀ⲧⲟⲩϣ̀ⲧⲉⲙⲱⲛϧ ⲁⲛ ⲛ̀ϩ̀ⲣⲏⲓ ⲛ̀ϧⲏⲧⲟⲩ.	Anok hō aiti nōou ǹhanp̀rostoġma ènanev an nem hanmeθmyi ǹtouṡ̀temōnx an ǹh̀ryi ǹxytou.	So I gave them commandments that were not good, and ordinances in which they should not live.
20:26	ⲉⲓⲉ̀ϭⲱϧⲉⲙ ⲙ̀ⲙⲱⲟⲩ ϧⲉⲛⲛⲏⲉⲧⲟⲩϯ ⲙ̀ⲙⲱⲟⲩ ϧⲉⲛⲡ̀ϫⲓⲛⲑ̀ⲣⲓⲓ̀ ⲉ̀ϫⲉⲛϩⲱⲟⲩⲧ ⲛⲓⲃⲉⲛ ⲉⲑⲟⲩⲱⲛ ⲛ̀ⲧⲟϯ ⲛ̀ⲧⲉⲧⲉϥⲙⲁⲩ ⲉ̀ⲧⲁⲕⲱⲟⲩ ⲉⲑⲣⲟⲩⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	Ⲉⲓⲉ̀ϭⲱϧⲉⲙ ⲙ̀ⲙⲱⲟⲩ ϧⲉⲛ ⲛⲏⲉⲧⲟⲩϯ ⲙ̀ⲙⲱⲟⲩ ϧⲉⲛ ⲡ̀ϫⲓⲛⲑ̀ⲣⲓⲓ̀ ⲉ̀ϫⲉ ⲛ̀ϩⲱⲟⲩⲧ ⲛⲓⲃⲉⲛ ⲉⲑⲟⲩⲱⲛ ⲛ̀ⲧⲟϯ ⲛ̀ⲧⲉ ⲧⲉϥⲙⲁⲩ ⲉ̀ⲧⲁⲕⲱⲟⲩ ⲉ̀ⲑⲣⲟⲩⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	Eièċōxem m̀mōou xen nyetouti m̀mōou xen p̀jinθ̀riì èje ǹhōout niven eθouōn ǹtoti ǹte tefmav ètakōou èθrouèmi je ànok pe p̀ċois.	And I will defile them by their own decrees, when I pass through upon every one that opens the womb, that I may destroy them.
20:27	ⲉⲑⲃⲉⲫⲁⲓ ⲥⲁϫⲓ ⲛⲁϩⲣⲉⲛ ⲡ̀ⲏⲓ ⲙ̀ⲡⲓ̅ⲥ̅ⲗ̅ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲑⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϣⲁⲉ̀ϧⲟⲩⲛ ⲉ̀ϯⲛⲟⲩ ⲁⲩϯⲙ̀ⲃⲟⲛ ⲛⲏⲓ ⲛ̀ϫⲉⲛⲉⲧⲉⲛⲓⲟϯ ϧⲉⲛⲛⲟⲩⲡⲁⲣⲁⲡⲧⲱⲙⲁ ⲉⲧⲁⲩⲁⲓⲧⲟⲩ ⲉ̀ϧⲟⲩⲛ ⲉ̀ⲣⲟⲓ .	Ⲉⲑⲃⲉ ⲫⲁⲓ ⲥⲁϫⲓ ⲛⲁϩⲣⲉⲛ ⲡ̀ⲏⲓ ⲛ̀ⲡⲓⲥⲣⲁⲏⲗ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉⲧⲑⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϣⲁⲉ̀ϧⲟⲩⲛ ⲉ̀ϯⲛⲟⲩ ⲁⲩϯⲙ̀ⲃⲟⲛ ⲛⲏⲓ ⲛ̀ϫⲉ ⲛⲉⲧⲉⲛⲓⲟϯ ϧⲉⲛ ⲛⲟⲩⲡⲁⲣⲁⲡⲧⲱⲙⲁ ⲉⲧⲁⲩⲁⲓⲧⲟⲩ ⲉ̀ϧⲟⲩⲛ ⲉ̀ⲣⲟⲓ.	Eθve fai saji nahren p̀yi ǹpisrayl p̀ṡyri ǹf̀rōmi àgos nōou je nai ne nyetθefgō m̀mōou ǹje p̀ċois je ṡaèxoun ètinou avtim̀von nyi ǹje netenioti xen nouparaptōma etavaitou èxoun èroi.	Therefore, son of man, speak to the house of Israel, and thou shalt say to them, Thus saith the Lord: Hitherto have your fathers provoked me in their trespasses in which they transgressed against me.
20:28	ⲟⲩⲟϩ ⲁⲓϭⲓⲧⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲫⲁⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱϥ ⲉ̀ⲧⲏⲓϥ ⲛⲱⲟⲩ ⲁⲩⲛⲁⲩ ⲉ̀ⲕⲁⲗⲁⲙⲫⲟ ⲛⲓⲃⲉⲛ ⲉⲧϭⲟⲥⲓ ⲛⲉⲙϣ̀ϣⲏⲛ ⲛⲓⲃⲉⲛ ⲉⲧⲟⲓ ⲛ̀ϧⲏⲓⲃⲓ ⲁⲩⲧⲁⲗⲟ ⲑⲩⲥⲓⲁ̀ ⲉ̀ⲡϣⲱⲓ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲛ̀ⲛⲟⲩⲛⲟⲩϯ ⲟⲩⲟϩ ⲁⲩⲧⲁⲗⲟ ⲉ̀ⲡϣⲱⲓ ⲙ̀ⲙⲁⲩ ⲛ̀ϩⲁⲛⲥ̀ⲑⲟⲓⲛⲟⲩϥⲓ ⲟⲩⲟϩ ⲁⲩϣⲱⲧ ⲉ̀ⲃⲟⲗ ⲙ̀ⲙⲁⲩ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ .	Ⲟⲩⲟϩ ⲁⲓϭⲓⲧⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲫⲁⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉ̀ϩ̀ⲣⲏⲓ ⲉ̀ϫⲱϥ ⲉ̀ⲧⲏⲓϥ ⲛⲱⲟⲩ ⲁⲩⲛⲁⲩ ⲉ̀ⲕⲁⲗⲁⲙⲫⲟ ⲛⲓⲃⲉⲛ ⲉⲧϭⲟⲥⲓ ⲛⲉⲙ ϣ̀ϣⲏⲛ ⲛⲓⲃⲉⲛ ⲉⲧⲟⲓ ⲛ̀ϧⲏⲓⲃⲓ ⲁⲩⲧⲁⲗⲟ ⲑⲩⲥⲓⲁ̀ ⲉ̀ⲡ̀ϣⲱⲓ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲛ̀ⲛⲟⲩⲛⲟⲩϯ ⲟⲩⲟϩ ⲁⲩⲧⲁⲗⲟ ⲉ̀ⲡ̀ϣⲱⲓ ⲙ̀ⲙⲁⲩ ⲛ̀ϩⲁⲛⲥ̀ⲑⲟⲓⲛⲟⲩϥⲓ ⲟⲩⲟϩ ⲁⲩϣⲱⲧ ⲉ̀ⲃⲟⲗ ⲙ̀ⲙⲁⲩ ⲛ̀ϩⲁⲛⲟⲩⲱⲧⲉⲛ ⲉ̀ⲃⲟⲗ.	Ouoh aiċitou èxoun èp̀kahi fai etaisouten tajig èh̀ryi ègōf ètyif nōou avnav èkalamfo niven etċosi nem ṡ̀ṡyn niven etoi ǹxyivi avtalo θisià èp̀ṡōi xen pima ète m̀mav ǹnounouti ouoh avtalo èp̀ṡōi m̀mav ǹhans̀θoinoufi ouoh avṡōt èvol m̀mav ǹhanouōten èvol.	Whereas I brought them into the land concerning which I lifted up mine hand to give it them; and they looked upon every high hill, and every shady tree, and they sacrificed there to their gods, and offered there sweet-smelling savour, and there they poured out their drink-offerings.
20:29	ⲟⲩⲟϩ ⲁⲓϫⲟⲥ ⲛⲱⲟⲩ ϫⲉⲛⲓⲙ ⲡⲉ ⲁ̀ⲃⲁⲛⲁ ϫⲉⲉ̀ⲧⲉⲧⲉⲛϣⲉ ⲉ̀ⲙⲁⲩ ⲛ̀ⲑⲱⲧⲉⲛ ⲟⲩⲟϩ ⲁⲩⲙⲟⲩϯ ⲉ̀ⲡⲉϥⲣⲁⲛ ϫⲉⲁ̀ⲃⲁⲛⲁ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ .	Ⲟⲩⲟϩ ⲁⲓϫⲟⲥ ⲛⲱⲟⲩ ϫⲉ ⲛⲓⲙ ⲡⲉ ⲁ̀ⲃⲁⲛⲁ ϫⲉ ⲉ̀ⲧⲉⲧⲉⲛϣⲉ ⲉ̀ⲙⲁⲩ ⲛ̀ⲑⲱⲧⲉⲛ ⲟⲩⲟϩ ⲁⲩⲙⲟⲩϯ ⲉ̀ⲡⲉϥⲣⲁⲛ ϫⲉ ⲁ̀ⲃⲁⲛⲁ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ.	Ouoh aigos nōou je nim pe àbana je ètetenṡe èmav ǹθōten ouoh avmouti èpefran je àbana ṡaèxoun èfoou ǹèhoou.	And I said to them, What is Abama, that ye go in thither? and they called its name Abama, until this day.
20:30	ⲉⲑⲃⲉⲫⲁⲓ ⲁ̀ϫⲟⲥ ⲛⲁϩⲣⲉⲛ ⲡⲏⲓ ⲙ̀ⲡⲓ̅ⲥ̅ⲗ̅ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ϫⲉⲉ̀ⲛⲁⲣⲉⲧⲉⲛϭⲱϧⲉⲙ ⲙ̀ⲙⲱⲧⲉⲛ ϧⲉⲛⲛⲓⲙⲟⲙⲓⲟⲛ ⲛⲉⲙⲛⲓⲁ̀ⲛⲟⲙⲓⲁ̀ ⲛ̀ⲧⲉⲛⲉⲧⲉⲛⲓⲟϯ ⲟⲩⲟϩ ⲉ̀ⲛⲁⲣⲉⲧⲉⲛⲛⲁⲡⲟⲣⲛⲉⲩⲓⲛ ϧⲉⲛⲛⲓϩ̀ⲃⲏⲟⲩⲓ̀ ⲛ̀ⲛⲉⲧⲉⲛϫⲓϫ ⲥⲁⲫⲁϩⲟⲩ ⲛ̀ⲛⲟⲩⲃⲟϯ .	Ⲉⲑⲃⲉ ⲫⲁⲓ ⲁ̀ϫⲟⲥ ⲛⲁϩⲣⲉⲛ ⲡ̀ⲏⲓ ⲛ̀ⲡⲓⲥⲣⲁⲏⲗ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ϫⲉ ⲉ̀ⲛⲁⲣⲉⲧⲉⲛϭⲱϧⲉⲙ ⲙ̀ⲙⲱⲧⲉⲛ ϧⲉⲛ ⲛⲓⲙⲟⲙⲓⲟⲛ ⲛⲉⲙ ⲛⲓⲁ̀ⲛⲟⲙⲓⲁ̀ ⲛ̀ⲧⲉ ⲛⲉⲧⲉⲛⲓⲟϯ ⲟⲩⲟϩ ⲉ̀ⲛⲁⲣⲉⲧⲉⲛⲛⲁⲡⲟⲣⲛⲉⲩⲓⲛ ϧⲉⲛ ⲛⲓϩ̀ⲃⲏⲟⲩⲓ̀ ⲛ̀ⲛⲉⲧⲉⲛϫⲓϫ ⲥⲁⲫⲁϩⲟⲩ ⲛ̀ⲛⲟⲩⲃⲟϯ.	Eθve fai àgos nahren p̀yi ǹpisrayl je nai ne nyètefgō m̀mōou ǹje p̀ċois f̀nouti je ènaretenċōxem m̀mōten xen nimomion nem niànomià ǹte netenioti ouoh ènaretennapornevin xen nih̀vyouì ǹnetenjig safahou ǹnouvoti.	Therefore say to the house of Israel, Thus saith the Lord, Do ye pollute yourselves with the iniquities of your fathers, and do ye go a-whoring after their abominations,
20:31	ⲟⲩⲟϩ ⲛⲁⲣⲉⲧⲉⲛϭⲱϧⲉⲙ ⲑⲏⲛⲟⲩ ϧⲉⲛⲛⲓⲁ̀ⲡⲁⲣⲭⲏ ⲉⲣⲉⲧⲉⲛⲙⲏⲓⲧⲟⲩ ϧⲉⲛⲛⲏⲉ̀ⲣⲉⲧⲉⲛⲫⲱⲣϫ ⲙ̀ⲙⲱⲟⲩ ⲉ̀ⲃⲟⲗ ϧⲉⲛⲛⲉⲧⲉⲛⲟⲩⲱϣ ⲧⲏⲣⲟⲩ ϣⲁⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ⲫⲁⲓ ⲟⲩⲟϩ ⲁ̀ⲛⲟⲕ ⲙⲏ ⲉⲓⲉ̀ⲉⲣⲟⲩⲱ̀ ⲛⲱⲧⲉⲛ ⲡⲏⲓ ⲙ̀ⲡⲓ̅ⲥ̅ⲗ̅ ϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ϫⲉⲛ̀ⲛⲁⲉⲣⲟⲩⲱ̀ ⲛⲱⲧⲉⲛ ⲁⲛ ⲟⲩⲟϩ ⲉϣⲱⲡ ⲫⲁⲓ ⲛⲁⲓ ⲉ̀ϩ̀ⲣⲏⲓ ⲉ̀ϫⲉⲛⲡⲉⲧⲉⲛⲡ̅ⲛ̅ⲁ̅ .	Ⲟⲩⲟϩ ⲛⲁⲣⲉⲧⲉⲛϭⲱϧⲉⲙ ⲑⲏⲛⲟⲩ ϧⲉⲛ ⲛⲓⲁ̀ⲡⲁⲣⲭⲏ ⲉ̀ⲣⲉⲧⲉⲛⲙⲏⲓⲧⲟⲩ ϧⲉⲛ ⲛⲏⲉ̀ⲣⲉⲧⲉⲛⲫⲱⲣϫ ⲙ̀ⲙⲱⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲟⲩⲱϣ ⲧⲏⲣⲟⲩ ϣⲁ ⲉ̀ϧⲟⲩⲛ ⲉ̀ⲡⲁⲓⲉ̀ϩⲟⲟⲩ ⲫⲁⲓ ⲟⲩⲟϩ ⲁ̀ⲛⲟⲕ ⲙⲏ ⲉⲓⲉ̀ⲉⲣⲟⲩⲱ̀ ⲛⲱⲧⲉⲛ ⲡ̀ⲏⲓ ⲛ̀ⲡⲓⲥⲣⲁⲏⲗ ϯⲟⲛϧ ⲁ̀ⲛⲟⲕ ⲡⲉϫⲉ ⲡ̀ϭⲟⲓⲥ ϫⲉ ⲛ̀ⲛⲁⲉⲣⲟⲩⲱ̀ ⲛⲱⲧⲉⲛ ⲁⲛ ⲟⲩⲟϩ ⲉϣⲱⲡ ⲫⲁⲓ ⲛⲁⲓ ⲉ̀ϩ̀ⲣⲏⲓ ⲉ̀ϫⲉⲛ ⲡⲉⲧⲉⲛⲡⲛⲉⲩⲙⲁ.	Ouoh naretenċōxem θynou xen niàparṡy èretenmyitou xen nyèretenfōrg m̀mōou èvol xen netenouōṡ tyrou ṡa èxoun èpaièhoou fai ouoh ànok my eièerouṑ nōten p̀yi ǹpisrayl tionx ànok peje p̀ċois je ǹnaerouṑ nōten an ouoh eṡōp fai nai èh̀ryi èjen petenpnevma.	and do ye pollute yourselves with the first-fruits of your gifts, in the offerings wherewith ye pollute yourselves in all your imaginations, until this day; and shall I answer you, O house of Israel? As I live, saith the Lord, I will not answer you, neither shall this thing come upon your spirit.
20:32	ⲟⲩⲟϩ ⲉϥⲉ̀ϣⲱⲡⲓ ⲁⲛ ⲕⲁⲧⲁⲫ̀ⲣⲏϯ ⲉⲣⲉⲧⲉⲛϫⲱ ⲙ̀ⲙⲟⲥ ⲛ̀ⲑⲱⲧⲉⲛ ϫⲉⲧⲉⲛⲛⲁⲉⲣ ⲙ̀ⲫ̀ⲣⲏϯ ⲛ̀ⲛⲓⲉⲑⲛⲟⲥ ⲟⲩⲟϩ ⲙ̀ⲫ̀ⲣⲏϯ ⲛ̀ⲛⲓⲫⲩⲗⲏ ⲛ̀ⲧⲉⲡ̀ⲕⲁϩⲓ ⲉⲑⲣⲉⲛϣⲉⲙϣⲓ ⲛ̀ⲛⲓϣⲉ ⲛⲉⲙⲛⲓⲱ̀ⲛⲓ .	Ⲟⲩⲟϩ ⲉϥⲉ̀ϣⲱⲡⲓ ⲁⲛ ⲕⲁⲧⲁ ⲫ̀ⲣⲏϯ ⲉ̀ⲣⲉⲧⲉⲛϫⲱ ⲙ̀ⲙⲟⲥ ⲛ̀ⲑⲱⲧⲉⲛ ϫⲉ ⲧⲉⲛⲛⲁⲉⲣ ⲛ̀ⲫ̀ⲣⲏϯ ⲛ̀ⲛⲓⲉⲑⲛⲟⲥ ⲟⲩⲟϩ ⲛ̀ⲫ̀ⲣⲏϯ ⲛ̀ⲛⲓⲫⲩⲗⲏ ⲛ̀ⲧⲉ ⲡ̀ⲕⲁϩⲓ ⲉ̀ⲑⲣⲉⲛϣⲉⲙϣⲓ ⲛ̀ⲛⲓϣⲉ ⲛⲉⲙ ⲛⲓⲱ̀ⲛⲓ.	Ouoh efèṡōpi an kata f̀ryti èretengō m̀mos ǹθōten je tennaer ǹf̀ryti ǹnieθnos ouoh ǹf̀ryti ǹnifily ǹte p̀kahi èθrenṡemṡi ǹniṡe nem niṑni.	And it shall not be as ye say, We will be as the nations, and as the tribes of the earth, to worship stocks and stones.
20:33	ⲉⲑⲃⲉⲫⲁⲓ ϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ϫⲉϧⲉⲛⲟⲩϫⲓϫ ⲉⲥⲁ̀ⲙⲁϩⲓ ⲛⲉⲙⲟⲩϣⲱⲃϣ ⲉϥϭⲟⲥⲓ ⲛⲉⲙⲟⲩⲛⲓϣϯ ⲛ̀ⲙ̀ⲃⲟⲛ ϯⲛⲁⲉⲣⲟⲩⲣⲟ ⲉ̀ϫⲉⲛⲑⲏⲛⲟⲩ .	Ⲉⲑⲃⲉ ⲫⲁⲓ ϯⲟⲛϧ ⲁ̀ⲛⲟⲕ ⲡⲉϫⲉ ⲡ̀ϭⲟⲓⲥ ϫⲉ ϧⲉⲛ ⲟⲩϫⲓϫ ⲉⲥⲁ̀ⲙⲁϩⲓ ⲛⲉⲙ ⲟⲩϣⲱⲃϣ ⲉϥϭⲟⲥⲓ ⲛⲉⲙ ⲟⲩⲛⲓϣϯ ⲛ̀ⲙ̀ⲃⲟⲛ ϯⲛⲁⲉⲣⲟⲩⲣⲟ ⲉ̀ϫⲉⲛ ⲑⲏⲛⲟⲩ.	Eθve fai tionx ànok peje p̀ċois je xen oujig esàmahi nem ouṡōvṡ efċosi nem ouniṡti ǹm̀von tinaerouro èjen θynou.	Therefore, as I live, saith the Lord, I will reign over you with a strong hand, and with a high arm, and with outpoured wrath:
20:34	ⲉⲓⲉ̀ⲉⲛ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲓⲉⲑⲛⲟⲥ ⲟⲩⲟϩ ⲉⲓⲉ̀ϣⲉⲡ ⲑⲏⲛⲟⲩ ⲉ̀ⲣⲟⲓ ⲉ̀ⲃⲟⲗϧⲉⲛ ⲛⲓⲭⲱⲣⲁ ⲛⲁⲓ ⲉⲧⲁⲩϫⲉⲣ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ϧⲉⲛⲟⲩϫⲓϫ ⲉⲥⲁ̀ⲙⲁϩⲓ ⲛⲉⲙⲟⲩϣⲱⲃϣ ⲉϥϭⲟⲥⲓ ⲛⲉⲙⲟⲩⲛⲓϣϯ ⲛ̀ⲉⲙⲃⲟⲛ .	Ⲉⲓⲉ̀ⲉⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲟⲩⲟϩ ⲉⲓⲉ̀ϣⲉⲡ ⲑⲏⲛⲟⲩ ⲉ̀ⲣⲟⲓ ⲉ̀ⲃⲟⲗ ϧⲉⲛ ⲛⲓⲭⲱⲣⲁ ⲛⲁⲓ ⲉⲧⲁⲩϫⲉⲣ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ϧⲉⲛ ⲟⲩϫⲓϫ ⲉⲥⲁ̀ⲙⲁϩⲓ ⲛⲉⲙ ⲟⲩϣⲱⲃϣ ⲉϥϭⲟⲥⲓ ⲛⲉⲙ ⲟⲩⲛⲓϣϯ ⲛ̀ⲉⲙ̀ⲃⲟⲛ.	Eièen θynou èvol xen nieθnos ouoh eièṡep θynou èroi èvol xen nixōra nai etavjer θynou èvol ǹxytou xen oujig esàmahi nem ouṡōvṡ efċosi nem ouniṡti ǹem̀von.	I will bring you out from the nations, and will take you out of the lands wherein ye were dispersed, with a strong hand, and with a high arm, and with outpoured wrath.
20:35	ⲧⲁⲉⲛ ⲑⲏⲛⲟⲩ ⲉ̀ⲃⲟⲗ ⲉ̀ⲟⲩⲕⲁϩⲓ ⲛ̀ϣⲁϥⲉ ⲙ̀ⲙⲟⲛ ⲗⲁⲟⲥ ⲛ̀ϧⲏⲧϥ ⲉⲓⲉ̀ϭⲓϩⲁⲡ ⲛⲉⲙⲱⲧⲉⲛ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲛ̀ϩⲟ ⲟⲩⲃⲉ ϩⲟ .	Ⲧⲁⲉⲛ ⲑⲏⲛⲟⲩ ⲉ̀ⲃⲟⲗ ⲉ̀ⲟⲩⲕⲁϩⲓ ⲛ̀ϣⲁϥⲉ ⲙ̀ⲙⲟⲛ ⲗⲁⲟⲥ ⲛ̀ϧⲏⲧϥ ⲓⲉ̀ϭⲓϩⲁⲡ ⲛⲉⲙⲱⲧⲉⲛ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲛ̀ϩⲟ ⲟⲩⲃⲉ ϩⲟ.	Taen θynou èvol èoukahi ǹṡafe m̀mon laos ǹxytf ièċihap nemōten xen pima ète m̀mav ǹho ouve ho.	And I will bring you into the wilderness of the nations, and will plead with you there face to face.
20:36	ⲙ̀ⲫ̀ⲣⲏϯ ⲉⲧⲁⲓϭⲓϩⲁⲡ ⲛⲉⲙⲛⲉⲧⲉⲛⲓⲟϯ ϧⲉⲛϯⲉⲣⲉⲙⲓⲁ̀ ϧⲉⲛⲡ̀ⲕⲁϩⲓ ⲛ̀ⲭⲏⲙⲓ ⲡⲉϫⲉ ⲡϭ̅ⲥ̅ .	Ⲛ̀ⲫ̀ⲣⲏϯ ⲉⲧⲁⲓϭⲓϩⲁⲡ ⲛⲉⲙ ⲛⲉⲧⲉⲛⲓⲟϯ ϧⲉⲛ ϯⲉⲣⲉⲙⲓⲁ̀ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲡⲉϫⲉ ⲡ̀ϭⲟⲓⲥ.	Ǹf̀ryti etaiċihap nem netenioti xen tieremià xen p̀kahi ǹkymi peje p̀ċois.	As I pleaded with your fathers in the wilderness of the land of Egypt, so will I judge you, saith the Lord.
20:37	ⲉⲓⲉ̀ⲉⲛ ⲑⲏⲛⲟⲩ ϧⲉⲛⲡⲁϣ̀ⲃⲱⲧ ⲟⲩⲟϩ ⲉⲓⲉ̀ⲉⲛ ⲑⲏⲛⲟⲩ .	Ⲉⲓⲉ̀ⲉⲛ ⲑⲏⲛⲟⲩ ϧⲉⲛ ⲡⲁϣ̀ⲃⲱⲧ ⲟⲩⲟϩ ⲉⲓⲉ̀ⲉⲛ ⲑⲏⲛⲟⲩ.	Eièen θynou xen paṡ̀vōt ouoh eièen θynou.	And I will cause you to pass under my rod, and I will bring you in by number.
20:38	… .. . . .. . .. . .. . .. . .. . .. ϧⲉⲛⲡⲟⲩⲙⲁⲛϣⲱⲡⲓ ⲉ̀ϣ̀ⲧⲉⲙϣⲉ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲙ̀ⲡⲓ̅ⲥ̅ⲗ̅ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	…..................... Ϧⲉⲛ ⲡⲟⲩⲙⲁⲛϣⲱⲡⲓ ⲉ̀ϣ̀ⲧⲉⲙϣⲉ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲛ̀ⲡⲓⲥⲣⲁⲏⲗ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	…..................... Xen poumanṡōpi èṡ̀temṡe èxoun èp̀kahi ǹpisrayl èretenèmi je ànok pe p̀ċois.	And I will separate from among you the ungodly and the revolters; for I will lead them forth out of their place of sojourning, and they shall not enter into the land of Israel: and ye shall know that I am the Lord, even the Lord.
20:39	ⲟⲩⲟϩ ⲛ̀ⲑⲱⲧⲉⲛ ⲡ̀ⲏⲓ ⲙ̀ⲡⲓ̅ⲥ̅ⲗ̅ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲁⲇⲱⲛⲁⲓ ⲡϭ̅ⲥ̅ ϫⲉⲙⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲓ̀ⲛⲓ ⲉ̀ⲃⲟⲗ ⲛ̀ϧⲏⲧϥ ⲛ̀ⲛⲉϥⲡⲉⲧϩⲱⲟⲩ ⲟⲩⲟϩ ⲙⲉⲛⲉⲛⲥⲁⲛⲁⲓ ⲉⲣⲉⲧⲉⲛⲥⲱⲧⲉⲙ ⲛ̀ⲥⲱⲓ ⲟⲩⲟϩ ⲙ̀ⲡⲉⲣϭⲱϧⲉⲙ ⲙ̀ⲡⲁⲣⲁⲛ ⲉ̅ⲑ̅ⲩ̅ ⲓⲥϫⲉⲛ ϯⲛⲟⲩ ϧⲉⲛⲛⲉⲧⲉⲛⲇⲱⲣⲟⲛ ⲛⲉⲙⲛⲉⲧⲉⲛϩ̀ⲃⲏⲟⲩⲓ̀ ⲛⲉⲙⲛⲉⲧⲉⲛⲑⲩⲥⲓⲁ̀ .	Ⲟⲩⲟϩ ⲛ̀ⲑⲱⲧⲉⲛ ⲡ̀ⲏⲓ ⲛ̀ⲡⲓⲥⲣⲁⲏⲗ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ϫⲉ ⲙⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲓ̀ⲛⲓ ⲉ̀ⲃⲟⲗ ⲛ̀ϧⲏⲧϥ ⲛ̀ⲛⲉϥⲡⲉⲧϩⲱⲟⲩ ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲉ̀ⲣⲉⲧⲉⲛⲥⲱⲧⲉⲙ ⲛ̀ⲥⲱⲓ ⲟⲩⲟϩ ⲙ̀ⲡⲉⲣϭⲱϧⲉⲙ ⲛ̀ⲡⲁⲣⲁⲛ ⲉⲑⲟⲩⲁⲃ ⲓⲥϫⲉⲛ ϯⲛⲟⲩ ϧⲉⲛ ⲛⲉⲧⲉⲛⲇⲱⲣⲟⲛ ⲛⲉⲙ ⲛⲉⲧⲉⲛϩ̀ⲃⲏⲟⲩⲓ̀ ⲛⲉⲙ ⲛⲉⲧⲉⲛⲑⲩⲥⲓⲁ̀.	Ouoh ǹθōten p̀yi ǹpisrayl nai ne nyètefgō m̀mōou ǹje àdōnai p̀ċois je mare f̀ouai f̀ouai ìni èvol ǹxytf ǹnefpet·hōou ouoh menensa nai èretensōtem ǹsōi ouoh m̀perċōxem ǹparan eθouab isjen tinou xen netenḋōron nem netenh̀vyouì nem netenθisià.	And as to you, O house of Israel, thus saith the Lord, even the Lord; Put away each one his evil practices, and hereafter if ye hearken to me, then shall ye no more profane my holy name by your gifts and by devices.
20:40	ⲉⲑⲃⲉϫⲉϧⲉⲛⲡⲁⲧⲱⲟⲩ ⲉ̅ⲑ̅ⲩ̅ ⲡⲓⲧⲱⲟⲩ ⲉⲧϭⲏⲥ ⲉⲩⲉ̀ⲉⲣⲃⲱⲕ ⲛⲏⲓ ⲙ̀ⲙⲁⲩ ϣⲁⲉ̀ⲃⲟⲗ ⲛ̀ϫⲉⲡ̀ⲏⲓ ⲧⲏⲣϥ ⲙ̀ⲡⲓ̅ⲥ̅ⲗ̅ ⲡⲉϫⲉ ⲁⲇⲱⲛⲁⲓ ⲡϭ̅ⲥ̅ ⲟⲩⲟϩ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ϯⲛⲁϣⲟⲡⲟⲩ ⲉ̀ⲣⲟⲓ ⲉⲓⲉ̀ϫⲉⲙⲡ̀ϣⲓⲛⲓ ⲛ̀ⲛⲉⲧⲉⲛⲁ̀ⲡⲁⲣⲭⲏ ⲛⲉⲙⲛⲓⲁ̀ⲡⲁⲣⲭⲏ ⲛⲏⲉ̀ⲣⲉⲧⲉⲛⲑⲁϣⲟⲩ ⲉ̀ⲃⲟⲗ ϧⲉⲛⲛⲉⲧⲉⲛⲡⲉⲑⲟⲩⲁⲃ ⲧⲏⲣⲟⲩ .	Ⲉⲑⲃⲉ ϫⲉ ϧⲉⲛ ⲡⲁⲧⲱⲟⲩ ⲉⲑⲟⲩⲁⲃ ⲡⲓⲧⲱⲟⲩ ⲉⲧϭⲏⲥ ⲉⲩⲉ̀ⲉⲣⲃⲱⲕ ⲛⲏⲓ ⲙ̀ⲙⲁⲩ ϣⲁ ⲉ̀ⲃⲟⲗ ⲛ̀ϫⲉ ⲡ̀ⲏⲓ ⲧⲏⲣϥ ⲛ̀ⲡⲓⲥⲣⲁⲏⲗ ⲡⲉϫⲉ ⲁ̀ⲇⲱⲛⲁⲓ ⲡ̀ϭⲟⲓⲥ ⲟⲩⲟϩ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ϯⲛⲁϣⲟⲡⲟⲩ ⲉ̀ⲣⲟⲓ ⲉⲓⲉ̀ϫⲉⲙⲡ̀ϣⲓⲛⲓ ⲛ̀ⲛⲉⲧⲉⲛⲁ̀ⲡⲁⲣⲭⲏ ⲛⲉⲙ ⲛⲓⲁ̀ⲡⲁⲣⲭⲏ ⲛⲏⲉ̀ⲣⲉⲧⲉⲛⲑⲁϣⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲡⲉⲑⲟⲩⲁⲃ ⲧⲏⲣⲟⲩ.	Eθve je xen patōou eθouab pitōou etċys evèervōk nyi m̀mav ṡa èvol ǹje p̀yi tyrf ǹpisrayl peje àdōnai p̀ċois ouoh xen pima ète m̀mav tinaṡopou èroi eièjemp̀ṡini ǹnetenàparṡy nem niàparṡy nyèretenθaṡou èvol xen netenpeθouab tyrou.	For upon my holy mountain, on the high mountain, saith the Lord, even the Lord, there shall all the house of Israel serve me for ever: and there will I accept you, and there will I have respect to your first-fruits, and the first-fruits of your offerings, in all your holy things.
20:41	ϯⲛⲁϣⲉⲡ ⲑⲏⲛⲟⲩ ⲉ̀ⲣⲟⲓ ϧⲉⲛⲟⲩⲥ̀ⲑⲟⲓⲛⲟⲩϥⲓ ϧⲉⲛⲡ̀ϫⲓⲛⲑ̀ⲣⲓⲉ̀ⲛ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲓⲗⲁⲟⲥ ⲟⲩⲟϩ ⲉⲓⲉ̀ϣⲉⲡ ⲑⲏⲛⲟⲩ ⲉ̀ⲣⲟⲓ ⲉ̀ⲃⲟⲗϧⲉⲛ ⲛⲓⲭⲱⲣⲁ ⲛⲁⲓ ⲉⲧⲁⲩϫⲉⲣ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ⲧⲁϣⲱⲡⲓ ⲉⲓⲟⲩⲁⲃ ϧⲉⲛⲑⲏⲛⲟⲩ ⲙ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ .	Ϯⲛⲁϣⲉⲡ ⲑⲏⲛⲟⲩ ⲉ̀ⲣⲟⲓ ϧⲉⲛ ⲟⲩⲥ̀ⲑⲟⲓⲛⲟⲩϥⲓ ϧⲉⲛ ⲡ̀ϫⲓⲛⲑ̀ⲣⲓⲉ̀ⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲓⲗⲁⲟⲥ ⲟⲩⲟϩ ⲉⲓⲉ̀ϣⲉⲡ ⲑⲏⲛⲟⲩ ⲉ̀ⲣⲟⲓ ⲉ̀ⲃⲟⲗ ϧⲉⲛ ⲛⲓⲭⲱⲣⲁ ⲛⲁⲓ ⲉⲧⲁⲩϫⲉⲣ ⲑⲏⲛⲟⲩ ⲉ̀ⲃⲟⲗ ⲛ̀ϧⲏⲧⲟⲩ ⲧⲁϣⲱⲡⲓ ⲉⲓⲟⲩⲁⲃ ϧⲉⲛ ⲑⲏⲛⲟⲩ ⲛ̀ⲡⲉⲙ̀ⲑⲟ ⲉ̀ⲃⲟⲗ ⲛ̀ⲛⲓⲉⲑⲛⲟⲥ.	Tinaṡep θynou èroi xen ous̀θoinoufi xen p̀jinθ̀rièn θynou èvol xen nilaos ouoh eièṡep θynou èroi èvol xen nixōra nai etavjer θynou èvol ǹxytou taṡōpi eiouab xen θynou ǹpem̀θo èvol ǹnieθnos.	I will accept you with a sweet-smelling savour, when I bring you out from the nations, and take you out of the countries wherein ye have been dispersed; and I will be sanctified among you in the sight of the nations.
20:42	ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ϧⲉⲛⲡ̀ϫⲓⲛⲉⲑⲣⲓϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲙ̀ⲡⲓ̅ⲥ̅ⲗ̅ ⲡⲓⲕⲁϩⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉ̀ⲃⲟⲗ ⲉ̀ⲣⲟϥ ⲉⲑⲣⲓⲧⲏⲓϥ ⲛ̀ⲛⲉⲧⲉⲛⲓⲟϯ .	Ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ϧⲉⲛ ⲡ̀ϫⲓⲛⲉⲑⲣⲓϭⲓ ⲑⲏⲛⲟⲩ ⲉ̀ϧⲟⲩⲛ ⲉ̀ⲡ̀ⲕⲁϩⲓ ⲛ̀ⲡⲓⲥⲣⲁⲏⲗ ⲡⲓⲕⲁϩⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉ̀ⲃⲟⲗ ⲉ̀ⲣⲟϥ ⲉ̀ⲑⲣⲓⲧⲏⲓϥ ⲛ̀ⲛⲉⲧⲉⲛⲓⲟϯ.	Èretenèmi je ànok pe p̀ċois xen p̀jineθriċi θynou èxoun èp̀kahi ǹpisrayl pikahi etaisouten tajig èvol èrof èθrityif ǹnetenioti.	And ye shall know that I am the Lord, when I have brought you into the land of Israel, into the land concerning which I lifted up my hand to give it to your fathers.
20:43	ⲟⲩⲟϩ ⲉⲣⲉⲧⲉⲛⲓ̀ⲣⲓ ⲙ̀ⲡⲁⲙⲉⲩⲓ̀ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲛⲉⲙⲛⲉⲧⲉⲛϩ̀ⲃⲏⲟⲩⲓ̀ ⲛⲁⲓ ⲉⲧⲁⲣⲉⲧⲉⲛϭⲱϧⲉⲙ ⲛ̀ϧ̀ⲉⲏⲓ ⲛ̀ϧⲏⲧⲟⲩ ⲉⲣⲉⲧⲉⲛⲛⲁⲩ ⲉ̀ⲛⲉⲧⲉⲛϩⲟ ϧⲉⲛⲛⲉⲧⲉⲛⲕⲁⲕⲓⲁ̀ ⲧⲏⲣⲟⲩ .	Ⲟⲩⲟϩ ⲉ̀ⲣⲉⲧⲉⲛⲓ̀ⲣⲓ ⲛ̀ⲡⲁⲙⲉⲩⲓ̀ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲛⲉⲙ ⲛⲉⲧⲉⲛϩ̀ⲃⲏⲟⲩⲓ̀ ⲛⲁⲓ ⲉ̀ⲧⲁⲣⲉⲧⲉⲛϭⲱϧⲉⲙ ⲛ̀ϧ̀ⲉⲏⲓ ⲛ̀ϧⲏⲧⲟⲩ ⲉ̀ⲣⲉⲧⲉⲛⲛⲁⲩ ⲉ̀ⲛⲉⲧⲉⲛϩⲟ ϧⲉⲛ ⲛⲉⲧⲉⲛⲕⲁⲕⲓⲁ̀ ⲧⲏⲣⲟⲩ.	Ouoh èretenìri ǹpamevì xen pima ète m̀mav nem netenh̀vyouì nai ètaretenċōxem ǹx̀eyi ǹxytou èretennav ènetenho xen netenkakià tyrou.	And ye shall there remember your ways, and your devices wherewith ye defiled yourselves; and ye shall bewail yourselves for all your wickedness.
20:44	ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ϧⲉⲛ ⲡ̀ϫⲓⲛⲑ̀ⲣⲓⲓ̀ⲣⲓ ⲛⲱⲧⲉⲛ ⲙ̀ⲡⲁⲓⲣⲏϯ ϩⲓⲛⲁ ⲉ̀ϣ̀ⲧⲉⲙϭⲱϧⲉⲙ ⲛ̀ϫⲉⲡⲁⲣⲁⲛ ⲕⲁⲧⲁⲛⲉⲧⲉⲛⲙⲱⲓⲧ ⲉⲧϩⲱⲟⲩ ⲟⲩⲟϩ ⲕⲁⲛⲉⲧⲉⲛϩ̀ⲃⲏⲟⲩⲓ̀ ⲉⲧⲧⲁⲕⲏⲟⲩⲧ ⲡⲉϫⲉ ⲡϭ̅ⲥ̅ .	Ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡϭ̅ⲥ̅ϧⲉⲛ ⲡ̀ϫⲓⲛⲑ̀ⲣⲓⲓ̀ⲣⲓ ⲛⲱⲧⲉⲛ ⲛ̀ⲡⲁⲓⲣⲏϯ ϩⲓⲛⲁ ⲉ̀ϣ̀ⲧⲉⲙϭⲱϧⲉⲙ ⲛ̀ϫⲉ ⲡⲁⲣⲁⲛ ⲕⲁⲧⲁ ⲛⲉⲧⲉⲛⲙⲱⲓⲧ ⲉⲧϩⲱⲟⲩ ⲟⲩⲟϩ ⲕⲁⲛⲉⲧⲉⲛϩ̀ⲃⲏⲟⲩⲓ̀ ⲉⲧⲧⲁⲕⲏⲟⲩⲧ ⲡⲉϫⲉ ⲡ̀ϭⲟⲓⲥ.	Èretenèmi je ànok pe pċsxen p̀jinθ̀riìri nōten ǹpairyti hina èṡ̀temċōxem ǹje paran kata netenmōit et·hōou ouoh kanetenh̀vyouì ettakyout peje p̀ċois.	And ye shall know that I am the Lord, when I have done thus to you, that my name may not be profaned in your evil ways, and in your corrupt devices, saith the Lord.
20:45	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	P̀·saji ǹp̀ċois afṡōpi haroi efgō m̀mos.	And the word of the Lord came to me, saying,
20:46	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲧⲁϫⲣⲉ ⲡⲉⲕϩⲟ ⲉ̀ϫⲉⲛⲑⲉⲙⲁⲛ ⲟⲩⲟϩ ⲥⲟⲙⲥ ⲉ̀ϧ̀ⲣⲏⲓ ⲉ̀ϫⲉⲛⲇⲁⲅⲱⲛ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛⲛⲁⲅⲉⲃ ⲡⲓⲛⲓϣϯ ⲙ̀ⲡⲓⲓⲁϩϣ̀ϣⲏⲛ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲧⲁϫⲣⲉ ⲡⲉⲕϩⲟ ⲉ̀ϫⲉⲛ ⲑⲉⲙⲁⲛ ⲟⲩⲟϩ ⲥⲟⲙⲥ ⲉ̀ϧ̀ⲣⲏⲓ ⲉ̀ϫⲉⲛ ⲇⲁⲅⲱⲛ ⲁⲣⲓⲡⲣⲟⲫⲏⲧⲉⲩⲓⲛ ⲉ̀ϫⲉⲛ ⲛⲁⲅⲉⲃ ⲡⲓⲛⲓϣϯ ⲛ̀ⲡⲓⲓⲁϩϣ̀ϣⲏⲛ.	Je p̀ṡyri ǹf̀rōmi tagre pek·ho èjen θeman ouoh soms èx̀ryi èjen ḋaġōn ariprofytevin èjen nageb piniṡti ǹpiiahṡ̀ṡyn.	Son of man, set thy face against Thaeman, and look toward Darom, and prophesy against the chief forest of Nageb,
20:47	ⲟⲩⲟϩ ⲁ̀ϫⲟⲥ ⲙ̀ⲡⲓⲓⲁϩϣ̀ϣⲏⲛ ⲛⲁⲅⲏⲃ ϫⲉⲥⲱⲧⲉⲙ ⲙ̀ⲡ̀ⲥⲁϫⲓ ⲙ̀ⲡϭ̅ⲥ̅ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲓ̅ⲥ̅ⲗ̅ ϫⲉϯⲛⲁϭⲉⲣⲉ ⲟⲩⲭⲣⲱⲙ ⲛ̀ϧⲏⲧⲕ ⲟⲩⲟϩ ⲉϥⲉ̀ⲟⲩⲱⲙ ⲛ̀ϣ̀ϣⲏⲛ ⲛⲓⲃⲉⲛ ⲉⲧⲟⲩⲉⲧⲟⲩⲟⲧ ⲛ̀ϧ̀ⲣⲏⲓ ⲛ̀ϧⲏⲧⲕ ⲛⲉⲙϣ̀ϣⲏⲛ ⲛⲓⲃⲉⲛ ⲉⲧⲓ ⲛ̀ϣⲱⲟⲩⲓ̀ ⲟⲩⲟϩ ⲛ̀ⲛⲉϥⲟ̀ϣⲉⲙ ⲛ̀ϫⲉⲡⲓϣⲁϩ ⲉⲧϭⲉⲣⲏⲟⲩⲧ ⲉϥⲉ̀ⲣⲱⲕϩ ⲛ̀ϧ̀ⲣⲏⲓ ⲛ̀ϧⲏⲧϥ ⲛ̀ϫⲉϩⲟ ⲛⲓⲃⲉⲛ ⲓⲥϫⲉⲛ ⲡⲉⲓⲉⲃⲧ ϣⲁⲡⲉⲙⲉⲛⲧ .	Ⲟⲩⲟϩ ⲁ̀ϫⲟⲥ ⲛ̀ⲡⲓⲓⲁϩϣ̀ϣⲏⲛ ⲛⲁⲅⲏⲃ ϫⲉ ⲥⲱⲧⲉⲙ ⲛ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ϫⲉ ϯⲛⲁϭⲉⲣⲉ ⲟⲩⲭ̀ⲣⲱⲙ ⲛ̀ϧⲏⲧⲕ ⲟⲩⲟϩ ⲉϥⲉ̀ⲟⲩⲱⲙ ⲛ̀ϣ̀ϣⲏⲛ ⲛⲓⲃⲉⲛ ⲉⲧⲟⲩⲉⲧⲟⲩⲟⲧ ⲛ̀ϧ̀ⲣⲏⲓ ⲛ̀ϧⲏⲧⲕ ⲛⲉⲙ ϣ̀ϣⲏⲛ ⲛⲓⲃⲉⲛ ⲉ̀ⲧⲓ ⲛ̀ϣⲱⲟⲩⲓ̀ ⲟⲩⲟϩ ⲛ̀ⲛⲉϥⲟ̀ϣⲉⲙ ⲛ̀ϫⲉ ⲡⲓϣⲁϩ ⲉⲧϭⲉⲣⲏⲟⲩⲧ ⲉϥⲉ̀ⲣⲱⲕϩ ⲛ̀ϧ̀ⲣⲏⲓ ⲛ̀ϧⲏⲧϥ ⲛ̀ϫⲉ ϩⲟ ⲛⲓⲃⲉⲛ ⲓⲥϫⲉⲛ ⲡ̀ⲉⲓⲉⲃⲧ ϣⲁ ⲡ̀ⲉⲙⲉⲛⲧ.	Ouoh àgos ǹpiiahṡ̀ṡyn nagyb je sōtem ǹp̀·saji ǹp̀ċois nai ne nyètefgō m̀mōou ǹje p̀ċois f̀nouti ǹpisrayl je tinaċere ouk̀rōm ǹxytk ouoh efèouōm ǹṡ̀ṡyn niven etouetouot ǹx̀ryi ǹxytk nem ṡ̀ṡyn niven èti ǹṡōouì ouoh ǹnefòṡem ǹje piṡah etċeryout efèrōk·h ǹx̀ryi ǹxytf ǹje ho niven isjen p̀eievt ṡa p̀ement.	and thou shalt say to the forest of Nageb, Hear the word of the Lord; thus saith the Lord, even the Lord; Behold, I will kindle a fire in thee, and it shall devour in thee every green tree, and every dry tree: the flame that is kindled shall not be quenched, and every face shall be scorched with it from the south to the north.
20:48	ⲉⲣⲉⲥⲁⲣⲝ ⲛⲓⲃⲉⲛ ⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲁⲓϭⲉⲣⲟϥ ⲉϥⲉ̀ⲟϣⲉⲙ ⲁⲛ .	Ⲉ̀ⲣⲉ ⲥⲁⲣⲝ ⲛⲓⲃⲉⲛ ⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲁⲓϭⲉⲣⲟϥ ⲉϥⲉ̀ⲟϣⲉⲙ ⲁⲛ.	Ère sarks niven èmi je ànok pe p̀ċois aiċerof efèoṡem an.	And all flesh shall know that I the Lord have kindled it: it shall not be quenched.
20:49	ⲟⲩⲟϩ ⲁⲓϫⲟⲥ ϫⲉⲙ̀ⲫⲱⲣ ⲡϭ̅ⲥ̅ ⲛ̀ⲑⲱⲟⲩ ⲉⲩⲉ̀ϫⲟⲥ ⲛⲏⲓ ϫⲉⲙⲏ ⲛ̀ⲟⲩⲡⲁⲣⲁⲃⲟⲗⲏ ⲁⲛ ⲧⲉ ⲑⲁⲓ ⲉⲧⲟⲩϫⲱ ⲙ̀ⲙⲟⲥ .	Ⲟⲩⲟϩ ⲁⲓϫⲟⲥ ϫⲉ ⲙ̀ⲫⲱⲣ ⲡ̀ϭⲟⲓⲥ ⲛ̀ⲑⲱⲟⲩ ⲉⲩⲉ̀ϫⲟⲥ ⲛⲏⲓ ϫⲉ ⲙⲏ ⲛ̀ⲟⲩⲡⲁⲣⲁⲃⲟⲗⲏ ⲁⲛ ⲧⲉ ⲑⲁⲓ ⲉⲧⲟⲩϫⲱ ⲙ̀ⲙⲟⲥ.	Ouoh aigos je m̀fōr p̀ċois ǹθōou evègos nyi je my ǹouparaboly an te θai etougō m̀mos.	And I said, Not so, O Lord God! they say to me, Is not this that is spoken a parable?

Provenance

title: 26_Ezechiel_20
dialect: bohairic
source: Coptic SCRIPTORIUM corpus "bohairic.ot", document 26_Ezechiel_20
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_20 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_20, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/20.bohairic.scriptorium.L0.txt
title: 26_Ezechiel_20 — Cairene
dialect: bohairic
source: generated from 20.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_20)
licence: CC BY-SA 4.0
share: attribution
attribution: 26_Ezechiel_20 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_20, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/20.bohairic.scriptorium.L1.txt
title: 26_Ezechiel_20 — Kemetic
dialect: bohairic
source: generated from 20.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_20 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_20, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/20.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 49 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_20 (49 lines)

Cite as:

26_Ezechiel_20. Coptic SCRIPTORIUM corpus "bohairic.ot", document 26_Ezechiel_20. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/20.bohairic.scriptorium/. 26_Ezechiel_20 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_20, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.