26_Ezechiel_23 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_23

Attribution: 26_Ezechiel_23 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_23, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

49 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
23:1	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	p̀·saji ǹp̀ċois afṡōpi haroi efgō m̀mos.	And the word of the Lord came to me, saying,
23:2	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲉ ⲟⲩⲟⲛ ⲟⲩⲥ̀ϩⲓⲙⲓⲃ̅ϯ ⲉⲩⲟⲓ ⲛ̀ϣⲉⲣⲓ ⲛ̀ⲟⲩⲙⲁⲩ ⲛ̀ⲟⲩⲱⲧ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲉ ⲟⲩⲟⲛ ⲟⲩⲥ̀ϩⲓⲙⲓⲃ̅ϯ ⲉⲩⲟⲓ ⲛ̀ϣⲉⲣⲓ ⲛ̀ⲟⲩⲙⲁⲩ ⲛ̀ⲟⲩⲱⲧ.	Je p̀ṡyri ǹf̀rōmi ne ouon ous̀·himivti evoi ǹṡeri ǹoumav ǹouōt.	Son of man, there were two women, daughters of one mother:
23:3	ⲟⲩⲟϩ ⲁⲩⲉⲣⲡⲟⲣⲛⲉⲩⲓⲛ ϧⲉⲛⲧⲟⲩⲙⲉⲧⲕⲟⲩϫⲓ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲁ ⲛⲟⲩⲉⲙⲛⲟϯ ϩⲉⲓ ϧⲉⲛⲡⲓⲙⲁ ⲉⲧⲉⲙ̀ⲙⲁⲩ ⲁⲩϭⲱϧⲉⲙ ⲛ̀ⲛⲟⲩⲙⲉⲧⲡⲁⲣⲑⲉⲛⲟⲥ .	Ⲟⲩⲟϩ ⲁⲩⲉⲣⲡⲟⲣⲛⲉⲩⲓⲛ ϧⲉⲛ ⲧⲟⲩⲙⲉⲧⲕⲟⲩϫⲓ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲁ ⲛ̀ⲟⲩⲉⲙⲛⲟϯ ϩⲉⲓ ϧⲉⲛ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲁⲩϭⲱϧⲉⲙ ⲛ̀ⲛⲟⲩⲙⲉⲧⲡⲁⲣⲑⲉⲛⲟⲥ.	Ouoh averpornevin xen toumetkouji xen pima ète m̀mav a ǹouemnoti hei xen pima ète m̀mav avċōxem ǹnoumetparθenos.	and they went a-whoring in Egypt in their youth: there their breasts fell, there they lost their virginity.
23:4	ⲟⲩⲟϩ ⲫⲁⲓ ⲡⲉ ⲡⲟⲩⲣⲁⲛ ϯⲛⲓϣϯ ⲛ̀ⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉⲱⲱ̀ⲗⲁ ⲫ̀ⲣⲁⲛ ⲛ̀ⲧⲉⲥⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉⲟⲟ̀ⲗⲓⲃⲁ ⲁⲩϣⲱⲡⲓ ⲛⲏⲓ ⲉⲧⲉⲛⲁⲓ ⲛⲉ ⲧ̀ⲥⲁⲙⲁⲣⲓⲁ̀ ⲧⲉ ⲱⲱ̀ⲗⲁ ⲟⲩⲟϩ ⲓⲗ̅ⲏ̅ⲙ̅ ⲧⲉ ⲟⲓ̀ⲗⲓⲃⲁ .	Ⲟⲩⲟϩ ⲫⲁⲓ ⲡⲉ ⲡⲟⲩⲣⲁⲛ ϯⲛⲓϣϯ ⲛ̀ⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲱⲱ̀ⲗⲁ ⲫ̀ⲣⲁⲛ ⲛ̀ⲧⲉⲥⲥⲱⲛⲓ ⲉⲩⲙⲟⲩϯ ⲉ̀ⲣⲟⲥ ϫⲉ ⲟⲟ̀ⲗⲓⲃⲁ ⲁⲩϣⲱⲡⲓ ⲛⲏⲓ ⲉ̀ⲧⲉ ⲛⲁⲓ ⲛⲉ ⲧ̀ⲥⲁⲙⲁⲣⲓⲁ̀ ⲧⲉ ⲱⲱ̀ⲗⲁ ⲟⲩⲟϩ ⲓⲉⲣⲟⲩⲥⲁⲗⲏⲙ ⲧⲉ ⲟⲓ̀ⲗⲓⲃⲁ.	Ouoh fai pe pouran tiniṡti ǹsōni evmouti èros je ōṑla f̀ran ǹtessōni evmouti èros je oòliva avṡōpi nyi ète nai ne t̀samarià te ōṑla ouoh ierousalym te oìliba.	And their names were Oola the elder, and Ooliba her sister: and they were mine, and bore sons and daughters: and as for their names, Samaria was Oola, and Jerusalem was Ooliba.
23:5	ⲁⲥⲉⲣⲡⲟⲣⲛⲉⲩⲓⲛ ⲛ̀ϫⲉⲱⲱ̀ⲗⲁ ⲁⲥⲣⲓⲕⲓ ⲥⲁⲃⲟⲗ ⲙ̀ⲙⲟⲓ ⲁⲥⲟⲩⲁϩⲥ ⲛ̀ⲥⲁⲛⲉⲥⲙⲉⲛⲣⲁϯ ⲉⲧⲉⲛⲓⲁⲥⲥⲩⲣⲓⲟⲥ ⲛⲉⲉⲧϧⲉⲛⲧ ⲉ̀ⲣⲟⲥ .	Ⲁⲥⲉⲣⲡⲟⲣⲛⲉⲩⲓⲛ ⲛ̀ϫⲉ ⲱⲱ̀ⲗⲁ ⲁⲥⲣⲓⲕⲓ ⲥⲁⲃⲟⲗ ⲙ̀ⲙⲟⲓ ⲁⲥⲟⲩⲁϩⲥ ⲛ̀ⲥⲁ ⲛⲉⲥⲙⲉⲛⲣⲁϯ ⲉⲧⲉⲛⲓⲁⲥⲥⲩⲣⲓⲟⲥ ⲛⲉⲉⲧϧⲉⲛ ⲧ ⲉ̀ⲣⲟⲥ.	Aserpornevin ǹje ōṑla asriki savol m̀moi asouahs ǹsa nesmenrati eteniassirios neetxen t èros.	And Oola went a-whoring from me, and doted on her lovers, on the Assyrians that were her neighbors,
23:6	ⲉⲣⲉϩⲁⲛϩⲩⲁ̀ⲕⲓⲛⲑⲓⲛⲟⲛ ⲧⲟⲓ ϩⲓⲱⲟⲩ ϩⲁⲛϩⲩⲅⲟⲩⲙⲉⲛⲟⲥ ⲛⲉ ⲛⲉⲙϩⲁⲛⲥⲧⲣⲁⲧⲓⲅⲟⲥ ϩⲁⲛϧⲉⲗϣⲓⲣⲓ ⲛⲉ ⲉⲩⲥⲱⲧⲡ ϩⲁⲛϩⲓⲡⲡⲉⲩⲥ ⲧⲏⲣⲟⲩ ⲛⲉ ⲉⲩⲫⲏⲧ ϩⲓϫⲉⲛⲛⲟⲩϩ̀ⲑⲱⲣ .	Ⲉ̀ⲣⲉ ϩⲁⲛϩⲩⲁ̀ⲕⲓⲛⲑⲓⲛⲟⲛ ⲧⲟⲓ ϩⲓⲱⲟⲩ ϩⲁⲛϩⲩⲅⲟⲩⲙⲉⲛⲟⲥ ⲛⲉ ⲛⲉⲙ ϩⲁⲛⲥⲧⲣⲁⲧⲓⲅⲟⲥ ϩⲁⲛϧⲉⲗϣⲓⲣⲓ ⲛⲉ ⲉⲩⲥⲱⲧⲡ ϩⲁⲛϩⲓⲡⲡⲉⲩⲥ ⲧⲏⲣⲟⲩ ⲛⲉ ⲉⲩⲫⲏⲧ ϩⲓϫⲉⲛ ⲛⲟⲩϩ̀ⲑⲱⲣ.	Ère hanhiàkinθinon toi hiōou hanhiġoumenos ne nem hanstratiġos hanxelṡiri ne evsōtp hanhippevs tyrou ne evfyt hijen nouh̀θōr.	clothed with purple, princes and captains; they were young men and choice, all horseman riding on horses.
23:7	ⲟⲩⲟϩ ⲁⲥϯ ⲛⲱⲟⲩ ⲛ̀ⲧⲉⲥⲡⲟⲣⲛⲓⲁ̀ ⲛⲓⲥⲱⲧⲡ ⲧⲏⲣⲟⲩ ⲛ̀ⲧⲉⲛⲓⲁⲥⲥⲩⲣⲓⲟⲥ ⲛⲉⲙⲟⲩⲟⲛ ⲛⲓⲃⲉⲛ ⲉⲧⲁⲥⲧⲏⲓⲥ ⲛⲱⲟⲩ ⲛⲁⲥϭⲱϧⲉⲙ ⲉ̀ϧ̀ⲣⲏⲓ ϧⲉⲛⲛⲉⲥⲟⲩⲱϣ ⲧⲏⲣⲟⲩ .	Ⲟⲩⲟϩ ⲁⲥϯ ⲛⲱⲟⲩ ⲛ̀ⲧⲉⲥⲡⲟⲣⲛⲓⲁ̀ ⲛⲓⲥⲱⲧⲡ ⲧⲏⲣⲟⲩ ⲛ̀ⲧⲉ ⲛⲓⲁⲥⲥⲩⲣⲓⲟⲥ ⲛⲉⲙ ⲟⲩⲟⲛ ⲛⲓⲃⲉⲛ ⲉⲧⲁⲥⲧⲏⲓⲥ ⲛⲱⲟⲩ ⲛⲁⲥϭⲱϧⲉⲙ ⲉ̀ϧ̀ⲣⲏⲓ ϧⲉⲛ ⲛⲉⲥⲟⲩⲱϣ ⲧⲏⲣⲟⲩ.	Ouoh asti nōou ǹtespornià nisōtp tyrou ǹte niassirios nem ouon niven etastyis nōou nasċōxem èx̀ryi xen nesouōṡ tyrou.	And she bestowed her fornication upon them; all were choice sons of the Assyrians: and on whomsoever she doted herself, with them she defiled herself in all their devices.
23:8	ⲟⲩⲟϩ ⲧⲉⲥⲡⲟⲣⲛⲓⲁ̀ ⲉⲧⲁⲥⲁⲓⲥ ϧⲉⲛⲭⲏⲙⲓ ⲙ̀ⲡⲁⲥⲭⲁⲥ ⲛ̀ⲥⲱⲥ ϫⲉⲛⲁⲩⲛ̀ⲕⲟⲧ ⲛⲉⲙⲁⲥ ⲓⲥϫⲉⲛ ⲧⲉⲥⲙⲉⲧⲕⲟⲩϫⲓ ⲛ̀ⲑⲱⲟⲩ ⲛⲏⲉⲧⲁⲩⲁⲓⲥ ⲛ̀ϣⲁϥⲉ ⲟⲩⲟϩ ⲧⲉⲥⲡⲟⲣⲛⲓⲁ̀ ⲁⲩϫⲱϣ ⲉ̀ϧ̀ⲣⲏⲓ ⲉ̀ϫⲱⲥ .	Ⲟⲩⲟϩ ⲧⲉⲥⲡⲟⲣⲛⲓⲁ̀ ⲉⲧⲁⲥⲁⲓⲥ ϧⲉⲛ ⲭⲏⲙⲓ ⲙ̀ⲡⲁⲥⲭⲁⲥ ⲛ̀ⲥⲱⲥ ϫⲉ ⲛⲁⲩⲛ̀ⲕⲟⲧ ⲛⲉⲙⲁⲥ ⲓⲥϫⲉⲛ ⲧⲉⲥⲙⲉⲧⲕⲟⲩϫⲓ ⲛ̀ⲑⲱⲟⲩ ⲛⲏⲉⲧⲁⲩⲁⲓⲥ ⲛ̀ϣⲁϥⲉ ⲟⲩⲟϩ ⲧⲉⲥⲡⲟⲣⲛⲓⲁ̀ ⲁⲩϫⲱϣ ⲉ̀ϧ̀ⲣⲏⲓ ⲉ̀ϫⲱⲥ.	Ouoh tespornià etasais xen kymi m̀paskas ǹsōs je navǹkot nemas isjen tesmetkouji ǹθōou nyetavais ǹṡafe ouoh tespornià avgōṡ èx̀ryi ègōs.	And she forsook not her fornication with the Egyptians: for in her youth they committed fornication with her, and they deflowered her, and poured out their fornication upon her.
23:9	ⲉⲑⲃⲉⲫⲁⲓ ⲁⲥⲧⲏⲓⲥ ⲉ̀ⲧⲟⲧⲟⲩ ⲛ̀ⲛⲉⲥⲙⲉⲛⲣⲁϯ ⲉ̀ϧ̀ⲣⲏⲓ ⲛ̀ⲛⲉⲛϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ ⲛⲁⲓ ⲉⲧⲁⲥⲟⲩⲁϣⲟⲩ .	Ⲉⲑⲃⲉ ⲫⲁⲓ ⲁⲥⲧⲏⲓⲥ ⲉ̀ⲧⲟⲧⲟⲩ ⲛ̀ⲛⲉⲥⲙⲉⲛⲣⲁϯ ⲉ̀ϧ̀ⲣⲏⲓ ⲛ̀ⲛⲉⲛϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ ⲛⲁⲓ ⲉⲧⲁⲥⲟⲩⲁϣⲟⲩ.	Eθve fai astyis ètotou ǹnesmenrati èx̀ryi ǹnenṡyri ǹniassirios nai etasouaṡou.	Therefore I delivered her into the hands of her lovers, into the hands of the children of the Assyrians, on whom she doted.
23:10	ⲛ̀ⲑⲱⲟⲩ ⲛⲉ ⲛⲏⲉⲧⲁⲩϭⲱⲣⲡ ⲉ̀ⲃⲟⲗ ⲛ̀ⲧⲉⲥⲁ̀ⲥⲭⲏⲙⲟⲥⲩⲛⲏ ⲁⲩϭⲓ ⲛ̀ⲛⲉⲥϣⲏⲣⲓ ⲛⲉⲙⲛⲉⲥϣⲉⲣⲓ ⲛ̀ⲑⲟⲥ ϩⲱⲥ ⲁⲥϧⲟⲑⲃⲉⲥ ϧⲉⲛⲧ̀ⲥⲏϥⲓ ⲁⲩⲥⲁϫⲓ ⲉ̀ⲣⲟⲥ ϧⲉⲛⲛⲓϩⲓⲟⲙⲓ ⲁⲩⲓ̀ⲣⲓ ⲛ̀ϩⲁⲛϭⲓⲙ̀ⲡ̀ϣⲓϣ ⲉ̀ϧ̀ⲣⲏⲓ ⲛ̀ϧⲏⲧⲥ ⲉ̀ⲧⲉⲥϣⲉⲣⲓ .	Ⲛ̀ⲑⲱⲟⲩ ⲛⲉ ⲛⲏⲉⲧⲁⲩϭⲱⲣⲡ ⲉ̀ⲃⲟⲗ ⲛ̀ⲧⲉⲥⲁ̀ⲥⲭⲏⲙⲟⲥⲩⲛⲏ ⲁⲩϭⲓ ⲛ̀ⲛⲉⲥϣⲏⲣⲓ ⲛⲉⲙ ⲛⲉⲥϣⲉⲣⲓ ⲛ̀ⲑⲟⲥ ϩⲱⲥ ⲁⲥϧⲟⲑⲃⲉⲥ ϧⲉⲛ ⲧ̀ⲥⲏϥⲓ ⲁⲩⲥⲁϫⲓ ⲉ̀ⲣⲟⲥ ϧⲉⲛ ⲛⲓϩⲓⲟⲙⲓ ⲁⲩⲓ̀ⲣⲓ ⲛ̀ϩⲁⲛϭⲓⲙ̀ⲡ̀ϣⲓϣ ⲉ̀ϧ̀ⲣⲏⲓ ⲛ̀ϧⲏⲧⲥ ⲉ̀ⲧⲉⲥϣⲉⲣⲓ.	Ǹθōou ne nyetavċōrp èvol ǹtesàsṡymosiny avċi ǹnesṡyri nem nesṡeri ǹθos hōs asxoθves xen t̀syfi avsaji èros xen nihiomi avìri ǹhanċim̀p̀ṡiṡ èx̀ryi ǹxyts ètesṡeri.	They uncovered her shame: they took her sons and daughters, and slew her with the sword: and she became a byword among women: and they wrought vengeance in her for the sake of the daughters.
23:11	ⲟⲩⲟϩ ⲁⲥⲛⲁⲩ ⲛ̀ϫⲉⲧⲉⲥⲥⲱⲛⲓ ⲟⲟ̀ⲗⲓⲃⲁ ⲁⲥϭⲱϧⲉⲙ ⲛ̀ⲧⲉⲥⲡⲁⲣⲑⲉⲛⲓⲁ̀ ⲉϩⲟⲧⲉⲣⲟⲥ ⲟⲩⲟϩ ⲧⲉⲥⲡⲟⲣⲛⲓⲁ̀ ⲁⲥⲁ̀ϣⲁⲓ ⲉϩⲟⲧⲉ ⲧ̀ⲡⲟⲣⲛⲓⲁ̀ ⲛ̀ⲧⲉⲥⲥⲱⲛⲓ .	Ⲟⲩⲟϩ ⲁⲥⲛⲁⲩ ⲛ̀ϫⲉ ⲧⲉⲥⲥⲱⲛⲓ ⲟⲟ̀ⲗⲓⲃⲁ ⲁⲥϭⲱϧⲉⲙ ⲛ̀ⲧⲉⲥⲡⲁⲣⲑⲉⲛⲓⲁ̀ ⲉϩⲟⲧⲉⲣⲟⲥ ⲟⲩⲟϩ ⲧⲉⲥⲡⲟⲣⲛⲓⲁ̀ ⲁⲥⲁ̀ϣⲁⲓ ⲉ̀ϩⲟⲧⲉ ⲧ̀ⲡⲟⲣⲛⲓⲁ̀ ⲛ̀ⲧⲉⲥⲥⲱⲛⲓ.	Ouoh asnav ǹje tessōni oòliva asċōxem ǹtesparθenià ehoteros ouoh tespornià asàṡai èhote t̀pornià ǹtessōni.	And her sister Ooliba saw it, and she indulged in her fondness more corruptly than she, and in her fornication more than the fornication of her sister.
23:12	ⲁⲥⲟⲩⲁϩⲥ ⲛ̀ⲥⲁⲛ̀ϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ ⲛⲓϩⲩⲅⲟⲩⲙⲉⲛⲟⲥ ⲛⲉⲙⲛⲓⲥⲧⲣⲁⲧⲓⲅⲟⲥ ⲉⲧϧⲉⲛⲧ ⲉ̀ⲣⲟⲥ ⲁⲩϯϩⲓⲱⲧⲟⲩ ⲛ̀ϩⲁⲛϩ̀ⲃⲱⲥ ⲉⲛⲁⲛⲉⲩ ϩⲁⲛϩⲓⲡⲡⲉⲟⲥ ⲛⲉ ϩⲁⲛϧⲉⲗϣⲓⲣⲓ ⲧⲏⲣⲟⲩ .	Ⲁⲥⲟⲩⲁϩⲥ ⲛ̀ⲥⲁ ⲛ̀ϣⲏⲣⲓ ⲛ̀ⲛⲓⲁⲥⲥⲩⲣⲓⲟⲥ ⲛⲓϩⲩⲅⲟⲩⲙⲉⲛⲟⲥ ⲛⲉⲙ ⲛⲓⲥⲧⲣⲁⲧⲓⲅⲟⲥ ⲉⲧϧⲉⲛⲧ ⲉ̀ⲣⲟⲥ ⲁⲩϯϩⲓⲱⲧⲟⲩ ⲛ̀ϩⲁⲛϩ̀ⲃⲱⲥ ⲉ̀ⲛⲁⲛⲉⲩ ϩⲁⲛϩⲓⲡⲡⲉⲟⲥ ⲛⲉ ϩⲁⲛϧⲉⲗϣⲓⲣⲓ ⲧⲏⲣⲟⲩ.	Asouahs ǹsa ǹṡyri ǹniassirios nihiġoumenos nem nistratiġos etxent èros avtihiōtou ǹhanh̀vōs ènanev hanhippeos ne hanxelṡiri tyrou.	She doted upon the sons of the Assyrian, princes and captains, her neighbours, clothed with fine linen, horsemen riding on horses; they were all choice young men.
23:13	ⲛⲉ ⲁⲩϭⲱϧⲉⲙ ϧⲉⲛⲟⲩⲙⲱⲓⲧ ⲛ̀ⲟⲩⲱⲧ ⲁⲥϣⲱⲡⲓ ⲛⲱⲟⲩ ⲛ̀ⲃ̅ϯ .	Ⲛⲉ ⲁⲩϭⲱϧⲉⲙ ϧⲉⲛ ⲟⲩⲙⲱⲓⲧ ⲛ̀ⲟⲩⲱⲧ ⲁⲥϣⲱⲡⲓ ⲛⲱⲟⲩ ⲛ̀ⲥⲛⲟⲩϯ.	Ne avċōxem xen oumōit ǹouōt asṡōpi nōou ǹsnouti.	And I saw that they were defiled, that the two had one way.
23:14	ⲁⲥⲟⲩⲱϩ ⲟⲩⲛ ⲉ̀ϫⲉⲛⲧⲉⲥⲡⲟⲣⲛⲓⲁ̀ ⲁⲝⲛⲁⲩ ⲉ̀ϩⲁⲛⲣⲱⲙⲓ ⲉⲩⲥ̀ϧⲏⲟⲩⲧ ϩⲓⲟⲩϫⲟⲓ ⲛ̀ϩⲓⲕⲱⲛ ⲛ̀ⲛⲓⲭⲁⲗⲇⲉⲟⲥ ϧⲉⲛⲟⲩⲥⲕⲉⲩⲟⲥ ⲛ̀ⲥ̀ϧⲁⲓ .	Ⲁⲥⲟⲩⲱϩ ⲟⲩⲛ ⲉ̀ϫⲉⲛ ⲧⲉⲥⲡⲟⲣⲛⲓⲁ̀ ⲁⲝⲛⲁⲩ ⲉ̀ϩⲁⲛⲣⲱⲙⲓ ⲉⲩⲥ̀ϧⲏⲟⲩⲧ ϩⲓ ⲟⲩϫⲟⲓ ⲛ̀ϩⲓⲕⲱⲛ ⲛ̀ⲛⲓⲭⲁⲗⲇⲉⲟⲥ ϧⲉⲛ ⲟⲩⲥ̀ⲕⲉⲩⲟⲥ ⲛ̀ⲥ̀ϧⲁⲓ.	Asouōh oun èjen tespornià aksnav èhanrōmi evs̀xyout hi ougoi ǹhikōn ǹnixaldeos xen ous̀kevos ǹs̀xai.	And she increased her fornication, and she saw men painted on the wall, likenesses of the Chaldeans painted with a pencil,
23:15	ⲉⲩⲙⲏⲣ ⲉ̀ϫⲉⲛⲧⲟⲩϯⲡⲓ ⲛ̀ϩⲁⲛⲙⲟⲩϫϧ ⲛ̀ⲟⲩⲑⲟ ⲛ̀ⲣⲏϯ ⲛ̀ϭⲏϫⲓ ⲉⲣⲉⲟⲩϩⲟ ⲛ̀ϩⲟⲙⲧ ⲛ̀ⲥ̀ⲙⲟⲧ ϩⲓϫⲉⲛⲛⲟⲩⲁ̀ⲫⲏⲟⲩⲓ̀ ⲧⲏⲣⲟⲩ ⲙ̀ⲡ̀ⲥ̀ⲙⲟⲧ ⲙ̀ⲡ̀ⲓ̀ⲛⲓ ⲛ̀ⲛⲓϣⲏⲣⲓ ⲛ̀ⲧⲉⲛⲓⲭⲁⲗⲇⲉⲟⲥ ϧⲉⲛⲡ̀ⲕⲁϩⲓ ⲛ̀ⲧⲉⲧⲟⲩⲡⲟⲗⲓⲥ .	Ⲉⲩⲙⲏⲣ ⲉ̀ϫⲉⲛ ⲧⲟⲩϯⲡⲓ ⲛ̀ϩⲁⲛⲙⲟⲩϫϧ ⲛ̀ⲧⲉ ⲟⲩⲑⲟ ⲛ̀ⲣⲏϯ ⲛ̀ϭⲏϫⲓ ⲉ̀ⲣⲉ ⲟⲩϩⲟ ⲛ̀ϩⲟⲙⲧ ⲛ̀ⲥ̀ⲙⲟⲧ ϩⲓϫⲉⲛ ⲛⲟⲩⲁ̀ⲫⲏⲟⲩⲓ̀ ⲧⲏⲣⲟⲩ ⲛ̀ⲡ̀ⲥ̀ⲙⲟⲧ ⲛ̀ⲡ̀ⲓ̀ⲛⲓ ⲛ̀ⲛⲓϣⲏⲣⲓ ⲛ̀ⲧⲉ ⲛⲓⲭⲁⲗⲇⲉⲟⲥ ϧⲉⲛ ⲡ̀ⲕⲁϩⲓ ⲛ̀ⲧⲉ ⲧⲟⲩⲡⲟⲗⲓⲥ.	Evmyr èjen toutipi ǹhanmougx ǹte ouθo ǹryti ǹċyji ère ouho ǹhomt ǹs̀mot hijen nouàfyouì tyrou ǹp̀·s̀mot ǹp̀ìni ǹniṡyri ǹte nixaldeos xen p̀kahi ǹte toupolis.	having variegated girdles on their loins, having also richly dyed attire upon their heads; all had a princely appearance, the likeness of the children of the Chaldeans, of their native land.
23:16	ⲁⲥⲙⲉⲛⲣⲓⲧⲟⲩ ϧⲉⲛⲫ̀ⲛⲁⲩ ⲙ̀ⲃⲟⲗ ⲛ̀ⲛⲉⲥⲃⲁⲗ ⲟⲩⲟϩ ⲁⲥⲟⲩⲱⲣⲡ ⲛ̀ϩⲁⲛⲡ̀ⲣⲉⲥⲃⲉⲩⲥ ϩⲁⲣⲱⲟⲩ ⲉ̀ϩ̀ⲣⲏⲓ ⲉ̀ⲡⲕⲁϩⲓ ⲛ̀ⲛⲓⲭⲁⲗⲇⲉⲟⲥ .	Ⲁⲥⲙⲉⲛⲣⲓⲧⲟⲩ ϧⲉⲛ ⲫ̀ⲛⲁⲩ ⲛ̀ⲃⲟⲗ ⲛ̀ⲛⲉⲥⲃⲁⲗ ⲟⲩⲟϩ ⲁⲥⲟⲩⲱⲣⲡ ⲛ̀ϩⲁⲛⲡ̀ⲣⲉⲥⲃⲉⲩⲥ ϩⲁⲣⲱⲟⲩ ⲉ̀ϩ̀ⲣⲏⲓ ⲉ̀ⲡ̀ⲕⲁϩⲓ ⲛ̀ⲛⲓⲭⲁⲗⲇⲉⲟⲥ.	Asmenritou xen f̀nav ǹvol ǹnesval ouoh asouōrp ǹhanp̀resvevs harōou èh̀ryi èp̀kahi ǹnixaldeos.	And she doted upon them as soon as she saw them, and sent forth messengers to them into the land of the Chaldeans.
23:17	ⲁⲩⲓ̀ ϩⲁⲣⲟⲥ ⲛ̀ϫⲉⲛⲓϣⲏⲣⲓ ⲛ̀ⲧⲉⲃⲁⲃⲩⲗⲱⲛ ⲉ̀ⲟ̀ϩⲓ ⲉ̀ⲣⲟⲥ ⲁⲩⲟ̀ϩⲓ ⲛⲉⲙⲁⲥ ⲁⲩϭⲱϧⲉⲙ ⲙ̀ⲙⲟⲥ ϧⲉⲛⲟⲩⲡⲟⲣⲛⲓⲁ̀ ⲁⲥϭⲱϧⲉⲙ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲟⲩⲟϩ ⲁ ⲧⲉⲥⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲱⲟⲩ .	Ⲁⲩⲓ̀ ϩⲁⲣⲟⲥ ⲛ̀ϫⲉ ⲛⲓϣⲏⲣⲓ ⲛ̀ⲧⲉ ⲃⲁⲃⲩⲗⲱⲛ ⲉ̀ⲟ̀ϩⲓ ⲉ̀ⲣⲟⲥ ⲁⲩⲟ̀ϩⲓ ⲛⲉⲙⲁⲥ ⲁⲩϭⲱϧⲉⲙ ⲙ̀ⲙⲟⲥ ϧⲉⲛ ⲟⲩⲡⲟⲣⲛⲓⲁ̀ ⲁⲥϭⲱϧⲉⲙ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲟⲩⲟϩ ⲁ ⲧⲉⲥⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲱⲟⲩ.	Avì haros ǹje niṡyri ǹte babilōn èòhi èros avòhi nemas avċōxem m̀mos xen oupornià asċōxem ǹx̀ryi ǹxytou ouoh a tespsiṡy riki savol m̀mōou.	And the sons of Babylon came to her, into the bed of rest, and they defiled her in her fornication, and she was defiled by them, and her soul was alienated from them.
23:18	ⲁⲥϭⲱⲣⲡ ⲉ̀ⲃⲟⲗ ⲛ̀ⲧⲉⲥⲡⲟⲣⲛⲓⲁ̀ ⲟⲩⲟϩ ⲁⲥϭⲱⲣⲡ ⲛ̀ⲧⲉⲥⲁ̀ⲥⲭⲩⲙⲟⲥⲩⲛⲏ ⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲟⲥ ⲙ̀ⲫ̀ⲣⲏϯ ⲉⲧⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲛ̀ⲧⲉⲥⲥⲱⲛⲓ .	Ⲁⲥϭⲱⲣⲡ ⲉ̀ⲃⲟⲗ ⲛ̀ⲧⲉⲥⲡⲟⲣⲛⲓⲁ̀ ⲟⲩⲟϩ ⲁⲥϭⲱⲣⲡ ⲛ̀ⲧⲉ ⲥⲁ̀ⲥⲭⲩⲙⲟⲥⲩⲛⲏ ⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲙ̀ⲙⲟⲥ ⲛ̀ⲫ̀ⲣⲏϯ ⲉ̀ⲧⲁ ⲧⲁⲯⲩⲭⲏ ⲣⲓⲕⲓ ⲥⲁⲃⲟⲗ ⲛ̀ⲧⲉⲥⲥⲱⲛⲓ.	Asċōrp èvol ǹtespornià ouoh asċōrp ǹte sàskimosiny a tapsiṡy riki savol m̀mos ǹf̀ryti èta tapsiṡy riki savol ǹtessōni.	And she exposed her fornication, and exposed her shame: and my soul was alienated from her, even as my soul was alienated from her sister.
23:19	ⲟⲩⲟϩ ⲁⲣⲉⲧⲁϣⲟ ⲛ̀ⲧⲉⲡⲟⲣⲛⲓⲁ̀ ⲉⲑⲣⲓⲉⲣⲫ̀ⲙⲉⲩⲓ̀ ⲛ̀ⲛⲓⲉ̀ϩⲟⲟⲩ ⲛ̀ⲧⲉⲙⲉⲧⲕⲟⲩϫⲓ ⲛⲁⲓ ⲉⲧⲁⲣⲉⲡⲟⲣⲛⲉⲩⲓⲛ ⲛ̀ϧⲏⲧⲟⲩ ϧⲉⲛⲭⲏⲙⲓ .	Ⲟⲩⲟϩ ⲁⲣⲉⲧⲁϣⲟ ⲛ̀ⲧⲉ ⲡⲟⲣⲛⲓⲁ̀ ⲉⲑⲣⲓⲉⲣⲫ̀ⲙⲉⲩⲓ̀ ⲛ̀ⲛⲓⲉ̀ϩⲟⲟⲩ ⲛ̀ⲧⲉ ⲙⲉⲧⲕⲟⲩϫⲓ ⲛⲁⲓ ⲉⲧⲁⲣⲉⲡⲟⲣⲛⲉⲩⲓⲛ ⲛ̀ϧⲏⲧⲟⲩ ϧⲉⲛ ⲭⲏⲙⲓ.	Ouoh aretaṡo ǹte pornià eθrierf̀mevì ǹnièhoou ǹte metkouji nai etarepornevin ǹxytou xen kymi.	And thou didst multiply thy fornication, so as to call to remembrance the days of thy youth, wherein thou didst commit whoredom in Egypt,
23:20	ⲟⲩⲟϩ ⲁⲣⲉϯ ⲙ̀ⲙⲟ ⲛ̀ⲛⲓⲭⲁⲗⲇⲉⲟⲥ ⲛⲁⲓ ⲉⲣⲉⲛⲟⲩⲥⲁⲣⲝ ⲟⲓ ⲙ̀ⲫ̀ⲣⲏϯ ⲛ̀ⲛⲁ ⲛⲓⲉ̀ϩⲱⲟⲩ ⲛⲁⲓ ⲁⲣⲉ ⲛⲏⲉⲧⲉⲛⲟⲩⲟⲩⲟⲛ ⲕⲟⲩⲛϥ ⲟⲓ ⲙ̀ⲫ̀ⲣⲏϯ ⲟⲓ ⲙ̀ⲫ̀ⲣⲏϯ ⲛ̀ⲛⲓⲕⲟⲩⲡⲟⲩ ⲛ̀ⲧⲉⲛⲓϩ̀ⲑⲱⲣ .	Ⲟⲩⲟϩ ⲁⲣⲉϯ ⲙ̀ⲙⲟ ⲛ̀ⲛⲓⲭⲁⲗⲇⲉⲟⲥ ⲛⲁⲓ ⲉ̀ⲣⲉⲛⲟⲩⲥⲁⲣⲝ ⲟⲓ ⲛ̀ⲫ̀ⲣⲏϯ ⲛ̀ⲛⲁ ⲛⲓⲉ̀ϩⲱⲟⲩ ⲛⲁⲓ ⲁⲣⲉ ⲛⲏⲉⲧⲉⲛⲟⲩⲟⲩⲟⲛ ⲕⲟⲩⲛϥ ⲟⲓ ⲛ̀ⲫ̀ⲣⲏϯ ⲟⲓ ⲛ̀ⲫ̀ⲣⲏϯ ⲛ̀ⲛⲓⲕⲟⲩⲡⲟⲩ ⲛ̀ⲧⲉ ⲛⲓϩ̀ⲑⲱⲣ.	Ouoh areti m̀mo ǹnixaldeos nai èrenousarks oi ǹf̀ryti ǹna nièhōou nai are nyetenououon kounf oi ǹf̀ryti oi ǹf̀ryti ǹnikoupou ǹte nih̀θōr.	and thou didst dote upon the Chaldeans, whose flesh is as the flesh of the asses, and their members as the members of horses.
23:21	ⲟⲩⲟϩ ⲁⲣⲉϫⲉⲙⲡ̀ϣⲓⲛⲓ ⲛ̀ⲛⲓⲁ̀ⲛⲟⲙⲓⲁ̀ ⲛ̀ⲧⲉⲙⲉⲧⲕⲟⲩϫⲓ ⲛⲓϩ̀ⲃⲏⲟⲩⲓ̀ ⲉⲧⲁⲣⲉⲁⲓⲧⲟⲩ ϧⲉⲛⲭⲏⲙⲓ ⲛⲟⲩⲙⲁⲛϣⲱⲡⲓ ⲡⲓⲙⲁ ⲉⲧⲁ ⲛⲓⲉⲙⲛⲟϯ ⲛ̀ⲧⲉⲙⲉⲧⲕⲟⲩϫⲓ ϣⲱⲡⲓ ⲛ̀ϧⲏⲧϥ .	Ⲟⲩⲟϩ ⲁⲣⲉϫⲉⲙⲡ̀ϣⲓⲛⲓ ⲛ̀ⲛⲓⲁ̀ⲛⲟⲙⲓⲁ̀ ⲛ̀ⲧⲉ ⲙⲉⲧⲕⲟⲩϫⲓ ⲛⲓϩ̀ⲃⲏⲟⲩⲓ̀ ⲉⲧⲁⲣⲉⲁⲓⲧⲟⲩ ϧⲉⲛ ⲭⲏⲙⲓ ⲛ̀ⲟⲩⲙⲁⲛϣⲱⲡⲓ ⲡⲓⲙⲁ ⲉ̀ⲧⲁ ⲛⲓⲉⲙⲛⲟϯ ⲛ̀ⲧⲉ ⲙⲉⲧⲕⲟⲩϫⲓ ϣⲱⲡⲓ ⲛ̀ϧⲏⲧϥ.	Ouoh arejemp̀ṡini ǹniànomià ǹte metkouji nih̀vyouì etareaitou xen kymi ǹoumanṡōpi pima èta niemnoti ǹte metkouji ṡōpi ǹxytf.	And thou didst look upon the iniquity of thy youth, the things which thou wroughtest in Egypt in thy lodgings, where were the breasts of thy youth.
23:22	ⲉⲑⲃⲉⲫⲁⲓ ⲟⲗⲓⲃⲁ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ⲉⲓⲉ̀ⲧⲟⲩⲛⲟⲥ ⲛⲉⲙⲉⲛⲣⲁϯ ⲉ̀ϩ̀ⲣⲏⲓ ⲉ̀ϫⲱϧⲉⲛⲡⲉⲕⲱϯ .	Ⲉⲑⲃⲉ ⲫⲁⲓ ⲟⲗⲓⲃⲁ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲧⲟⲩⲛⲟⲥ ⲛⲉⲙⲉⲛⲣⲁϯ ⲉ̀ϩ̀ⲣⲏⲓ ⲉ̀ϫⲱϧⲉⲛ ⲡⲉⲕⲱϯ.	Eθve fai oliba nai ne nyètefgō m̀mōou ǹje p̀ċois je hyppe ànok eiètounos nemenrati èh̀ryi ègōxen pekōti.	Therefore, Ooliba, thus saith the Lord; Behold, I will stir up thy lovers against thee, from whom thy soul is alienated, and I will bring them upon thee round about,
23:23	ⲛⲉⲛϣⲏⲣⲓ ⲛ̀ⲧⲉⲃⲁⲃⲩⲗⲱⲛ ⲛⲉⲙⲛⲓⲭⲁⲗⲇⲉⲟⲥ ⲧⲏⲣⲟⲩ ⲫⲁⲕⲟⲩⲙ ⲛⲉⲙⲥⲟⲩⲭ ⲛⲉⲙⲭⲟⲩⲉ̀ ⲛⲉⲙⲛⲉⲛϣⲏⲣⲓ ⲧⲏⲣⲟⲩ ⲛ̀ⲧⲉⲛⲓⲁⲥⲥⲩⲣⲓⲟⲥ ϩⲁⲛϧⲉⲗϣⲓⲣⲓ ⲛ̀ⲥⲱⲧⲡ ϩⲁⲛϩⲩⲅⲉⲙⲱⲛ ⲛⲉⲙϩⲁⲛⲥⲧⲣⲁⲧⲏⲅⲟⲥ ⲛⲉⲙϩⲁⲛⲧⲣⲓⲥⲧⲁⲧⲏⲥ ⲧⲏⲣⲟⲩ ⲛⲉ ϩⲁⲛⲣⲉⲙⲥ̀ⲙⲏⲛⲉ ⲉⲩⲫⲏⲧ ϩⲓϫⲉⲛⲛⲓϩ̀ⲑⲱⲣ .	Ⲛⲉⲛϣⲏⲣⲓ ⲛ̀ⲧⲉ ⲃⲁⲃⲩⲗⲱⲛ ⲛⲉⲙ ⲛⲓⲭⲁⲗⲇⲉⲟⲥ ⲧⲏⲣⲟⲩ ⲫⲁⲕⲟⲩⲙ ⲛⲉⲙ ⲥⲟⲩⲭ ⲛⲉⲙ ⲭⲟⲩⲉ̀ ⲛⲉⲙ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲧⲉ ⲛⲓⲁⲥⲥⲩⲣⲓⲟⲥ ϩⲁⲛϧⲉⲗϣⲓⲣⲓ ⲛ̀ⲥⲱⲧⲡ ϩⲁⲛϩⲩⲅⲉⲙⲱⲛ ⲛⲉⲙ ϩⲁⲛⲥⲧⲣⲁⲧⲏⲅⲟⲥ ⲛⲉⲙ ϩⲁⲛⲧⲣⲓⲥⲧⲁⲧⲏⲥ ⲧⲏⲣⲟⲩ ⲛⲉ ϩⲁⲛⲣⲉⲙⲥ̀ⲙⲏⲛⲉ ⲉⲩⲫⲏⲧ ϩⲓϫⲉⲛ ⲛⲓϩ̀ⲑⲱⲣ.	Nenṡyri ǹte babilōn nem nixaldeos tyrou fakoum nem souk nem kouè nem nenṡyri tyrou ǹte niassirios hanxelṡiri ǹsōtp hanhigemōn nem hanstratyġos nem hantristatys tyrou ne hanrems̀myne evfyt hijen nih̀θōr.	the children of Babylon, and all the Chaldeans, Phacuc, and Sue, and Hychue, and all the sons of the Assyrians with them; choice young men, governors and captains, all princes and renowned, riding on horses.
23:24	ⲉⲩⲉ̀ⲓ̀ ⲧⲏⲣⲟⲩ ⲉ̀ϧ̀ⲣⲏⲓ ⲉ̀ϫⲱⲓⲥϫⲉⲛ ⲡⲉⲙϩⲓⲧ ⲛ̀ϫⲉϩⲁⲛϩⲁⲣⲙⲁ ⲛⲉⲙϩⲁⲛϩⲓⲡⲡⲉⲩⲥ ⲛⲉⲙϩⲁⲛⲧⲣⲟⲭⲟⲥ ⲛⲉⲙϩⲁⲛⲙⲏϣ ⲉⲩⲁ̀ⲙⲟⲛⲓ ⲛ̀ϩⲁⲛϣⲉⲃϣⲓ ⲛⲉⲙϩⲁⲛϩⲟⲡⲗⲟⲛ ⲉⲩⲕⲱϯ ⲉ̀ⲣⲟⲟⲩⲟϩ ⲉⲩⲣⲱⲓⲥ ⲉ̀ⲣⲟⲉⲓⲉ̀ϯϩⲁⲡ ⲙ̀ⲡⲁⲙ̀ⲑⲟ ⲉ̀ⲃⲟⲗ ⲉⲓⲉ̀ⲉ̀ⲓ̀ⲛⲓ ⲛ̀ⲟⲩϭⲓⲙ̀ⲡ̀ϣⲓϣ ⲉ̀ϧ̀ⲣⲏⲓ ⲉ̀ϫⲱϧⲉⲛⲟⲩϩⲁⲡ .	Ⲉⲩⲓ̀ ⲧⲏⲣⲟⲩ ⲉ̀ϧ̀ⲣⲏⲓ ⲉ̀ϫⲱⲓⲥϫⲉⲛ ⲡⲉⲙϩⲓⲧ ⲛ̀ϫⲉ ϩⲁⲛϩⲁⲣⲙⲁ ⲛⲉⲙ ϩⲁⲛϩⲓⲡⲡⲉⲩⲥ ⲛⲉⲙ ϩⲁⲛⲧⲣⲟⲭⲟⲥ ⲛⲉⲙ ϩⲁⲛⲙⲏϣ ⲉⲩⲁ̀ⲙⲟⲛⲓ ⲛ̀ϩⲁⲛϣⲉⲃϣⲓ ⲛⲉⲙ ϩⲁⲛϩⲟⲡⲗⲟⲛ ⲉⲩⲕⲱϯ ⲉ̀ⲣⲟ ⲟⲩⲟϩ ⲉⲩⲣⲱⲓⲥ ⲉ̀ⲣⲟⲓⲉ̀ϯϩⲁⲡ ⲛ̀ⲡⲁⲙ̀ⲑⲟ ⲉ̀ⲃⲟⲗ ⲉⲓⲉ̀ⲓ̀ⲛⲓ ⲛ̀ⲟⲩϭⲓⲙ̀ⲡ̀ϣⲓϣ ⲉ̀ϧ̀ⲣⲏⲓ ⲉ̀ϫⲱϧⲉⲛ ⲟⲩϩⲁⲡ.	Evì tyrou èx̀ryi ègōisjen pemhit ǹje hanharma nem hanhippevs nem hantroxos nem hanmyṡ evàmoni ǹhanṡevṡi nem hanhoplon evkōti èro ouoh evrōis èroiètihap ǹpam̀θo èvol eièìni ǹouċim̀p̀ṡiṡ èx̀ryi ègōxen ouhap.	And they all shall come upon thee from the north, chariots and wheels, with a multitude of nations, shields and targets; and the enemy shall set a watch against thee round about: and I will set judgment before them, and they shall take vengeance on thee with their judgments.
23:25	ⲛ̀ⲧⲉⲡⲁⲭⲟϩ ϣⲱⲡⲓ ⲉ̀ϧ̀ⲣⲏⲓ ⲛ̀ϧⲏϯ ⲉⲩⲉ̀ⲓ̀ⲣⲓ ⲛⲉⲙⲉ ϧⲉⲛⲟⲩⲙ̀ⲃⲟⲛ ⲛ̀ϫⲱⲛⲧ ⲛ̀ⲟⲩϫⲉⲙϣⲁⲓ ⲟⲩⲟϩ ⲛⲉⲙⲁϣϫ ⲉⲧϭⲟⲥⲓ ⲉⲩⲉ̀ϥⲟⲧⲟⲩ ⲟⲩⲟϩ ⲛⲉⲕⲉⲥⲱϫⲡ ⲉⲩⲉ̀ϭⲉⲧϭⲱⲧⲟⲩ ϧⲉⲛⲧ̀ⲥⲏϥⲓ ⲉⲩⲱⲗⲓ ⲛ̀ⲛⲉϣⲏⲣⲓ ⲛⲉⲙⲛⲉϣⲉⲣⲓ ⲟⲩⲟϩ ⲛⲉⲕⲉⲥⲱϫⲡ ⲡⲓⲭ̀ⲣⲱⲙ ⲉϥⲉ̀ⲟⲩⲟⲙⲟⲩ .	Ⲛ̀ⲧⲉ ⲡⲁⲭⲟϩ ϣⲱⲡⲓ ⲉ̀ϧ̀ⲣⲏⲓ ⲛ̀ϧⲏϯ ⲉⲩⲉ̀ⲓ̀ⲣⲓ ⲛⲉⲙⲉ ϧⲉⲛ ⲟⲩⲙ̀ⲃⲟⲛ ⲛ̀ϫⲱⲛⲧ ⲛ̀ⲟⲩϫⲉⲙϣⲁⲓ ⲟⲩⲟϩ ⲛⲉⲙⲁϣϫ ⲉⲧϭⲟⲥⲓ ⲉⲩⲉ̀ϥⲟⲧⲟⲩ ⲟⲩⲟϩ ⲛⲉⲕⲉⲥⲱϫⲡ ⲉⲩⲉ̀ϭⲉⲧϭⲱⲧⲟⲩ ϧⲉⲛ ⲧ̀ⲥⲏϥⲓ ⲉⲩⲱ̀ⲗⲓ ⲛ̀ⲛⲉϣⲏⲣⲓ ⲛⲉⲙ ⲛ̀ⲉϣⲉⲣⲓ ⲟⲩⲟϩ ⲛⲉⲕⲉⲥⲱϫⲡ ⲡⲓⲭ̀ⲣⲱⲙ ⲉϥⲉ̀ⲟⲩⲟⲙⲟⲩ.	Ǹte pakoh ṡōpi èx̀ryi ǹxyti evèìri neme xen oum̀von ǹgōnt ǹoujemṡai ouoh nemaṡg etċosi evèfotou ouoh nekesōgp evèċetċōtou xen t̀syfi evṑli ǹneṡyri nem ǹeṡeri ouoh nekesōgp pik̀rōm efèouomou.	And I will bring upon thee my jealousy, and they shall deal with thee in great wrath: they shall take away thy nose and thine ears; and shall cast down thy remnant with the sword: they shall take thy sons and thy daughters; and thy remnant fire shall devour.
23:26	ⲉⲣⲉϣⲱⲡⲓ ⲉⲣⲃⲏϣ ⲛ̀ⲛⲉϩ̀ⲃⲱⲥ ⲟⲩⲟϩ ⲉⲩⲉ̀ⲱⲗⲓ ⲛ̀ⲛⲓⲥ̀ⲕⲉⲩⲏ ⲙ̀ⲡⲉϣⲟⲩϣⲟⲩ .	Ⲉ̀ⲣⲉϣⲱⲡⲓ ⲉⲣⲃⲏϣ ⲛ̀ⲛⲉϩ̀ⲃⲱⲥ ⲟⲩⲟϩ ⲉⲩⲉ̀ⲱ̀ⲗⲓ ⲛ̀ⲛⲓⲥ̀ⲕⲉⲩⲏ ⲙ̀ⲡⲉϣⲟⲩϣⲟⲩ.	Èreṡōpi ervyṡ ǹneh̀vōs ouoh evèṑli ǹnis̀kevy m̀peṡouṡou.	And they shall strip thee of thy raiment, and take away thine ornaments.
23:27	ⲟⲩⲟϩ ⲉⲓⲉ̀ⲧⲁⲥⲑⲟ ⲙ̀ⲙⲟ ⲉ̀ⲃⲟⲗ ⲉ̀ⲛⲉⲙⲉⲧⲁ̀ⲥⲉⲃⲏⲥ ⲛⲉⲙⲛⲉⲡⲟⲣⲛⲓⲁ̀ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲛ̀ⲧⲉϣ̀ⲧⲉⲙϥⲁⲓ ⲛ̀ⲛⲉⲃⲁⲗ ⲉ̀ⲡ̀ϣⲱⲓ ⲉ̀ⲣⲱⲟⲩ ⲉⲣⲉϣ̀ⲧⲉⲙⲉⲣⲫ̀ⲙⲉⲩⲓ̀ ⲛ̀ⲭⲏⲙⲓ ⲓⲥϫⲉⲛ ϯⲛⲟⲩ ⲉ̀ⲃⲟⲗ .	Ⲟⲩⲟϩ ⲉⲓⲉ̀ⲧⲁⲥⲑⲟ ⲙ̀ⲙⲟ ⲉ̀ⲃⲟⲗ ⲉ̀ⲛⲉⲙⲉⲧⲁ̀ⲥⲉⲃⲏⲥ ⲛⲉⲙ ⲛ̀ⲉⲡⲟⲣⲛⲓⲁ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲟⲩⲟϩ ⲛ̀ⲧⲉϣ̀ⲧⲉⲙϥⲁⲓ ⲛ̀ⲛⲉⲃⲁⲗ ⲉ̀ⲡ̀ϣⲱⲓ ⲉ̀ⲣⲱⲟⲩ ⲉ̀ⲣⲉϣ̀ⲧⲉⲙⲉⲣⲫ̀ⲙⲉⲩⲓ̀ ⲛ̀ⲭⲏⲙⲓ ⲓⲥϫⲉⲛ ϯⲛⲟⲩ ⲉ̀ⲃⲟⲗ.	Ouoh eiètasθo m̀mo èvol ènemetàsebys nem ǹepornià èvol xen p̀kahi ǹkymi ouoh ǹteṡ̀temfai ǹneval èp̀ṡōi èrōou èreṡ̀temerf̀mevì ǹkymi isjen tinou èvol.	So I will turn back thine ungodliness from thee, and thy fornication from the land of Egypt: and thou shalt not lift up thine eyes upon them, and shalt no more remember Egypt.
23:28	ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ⲉⲓⲉ̀ϯ ⲙ̀ⲙⲟ ⲉ̀ⲧⲟⲧⲟⲩ ⲛ̀ⲛⲏⲉⲧⲉⲣⲙⲟⲥϯ ⲙ̀ⲙⲱⲟⲩ ⲛⲁⲓ ⲉⲧⲁ ⲧⲉⲯⲩⲭⲏ ⲟⲩⲉⲓ ⲙ̀ⲙⲱⲟⲩ .	Ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ⲉⲓⲉ̀ϯ ⲙ̀ⲙⲟ ⲉ̀ⲧⲟⲧⲟⲩ ⲛ̀ⲛⲏⲉⲧⲉⲣⲙⲟⲥϯ ⲙ̀ⲙⲱⲟⲩ ⲛⲁⲓ ⲉ̀ⲧⲁ ⲧⲉⲯⲩⲭⲏ ⲟⲩⲉⲓ ⲙ̀ⲙⲱⲟⲩ.	Je nai ne nyètefgō m̀mōou ǹje p̀ċois je hyppe ànok eièti m̀mo ètotou ǹnyetermosti m̀mōou nai èta tepsiṡy ouei m̀mōou.	Wherefore thus saith the Lord God; Behold, I will deliver thee into the hands of those whom thou hatest, from whom thy soul is alienated.
23:29	ⲉⲩⲉ̀ⲓ̀ⲣⲓ ⲉ̀ϧ̀ⲣⲏⲓ ⲛ̀ϧⲏϯ ⲛ̀ⲟⲩⲙⲟⲥϯ ⲉⲩⲉ̀ⲱⲗⲓ ⲛ̀ⲛⲉϧⲓⲥⲓ ⲛⲉⲙⲛⲉⲙ̀ⲕⲁⲩϩ ⲧⲏⲣⲟⲩ ⲉⲣⲉϣⲱⲡⲓ ⲉⲣⲃⲏϣ ⲉⲣⲁⲥⲭⲏⲙⲟⲛⲏ ⲉⲥⲉ̀ϭⲱⲣⲡ ⲉ̀ⲃⲟⲗ ⲛ̀ϯⲁⲥⲭⲏⲙⲟⲥⲩⲛⲏ ⲛ̀ⲧⲉⲡⲟⲣⲛⲓⲁ̀ ⲛⲉⲙⲧⲉⲙⲉⲧⲁ̀ⲥⲉⲃⲏⲥ .	Ⲉⲩⲉ̀ⲓ̀ⲣⲓ ⲉ̀ϧ̀ⲣⲏⲓ ⲛ̀ϧⲏϯ ⲛ̀ⲟⲩⲙⲟⲥϯ ⲉⲩⲉ̀ⲱ̀ⲗⲓ ⲛ̀ⲛⲉϧⲓⲥⲓ ⲛⲉⲙ ⲛⲉⲙ̀ ⲕⲁⲩϩ ⲧⲏⲣⲟⲩ ⲉ̀ⲣⲉϣⲱⲡⲓ ⲉⲣⲃⲏϣ ⲉⲣⲁⲥⲭⲏⲙⲟⲛⲏ ⲉⲥⲉ̀ϭⲱⲣⲡ ⲉ̀ⲃⲟⲗ ⲛ̀ϯⲁⲥⲭⲏⲙⲟⲥⲩⲛⲏ ⲛ̀ⲧⲉ ⲡⲟⲣⲛⲓⲁ̀ ⲛⲉⲙ ⲧⲉⲙⲉⲧⲁ̀ⲥⲉⲃⲏⲥ.	Evèìri èx̀ryi ǹxyti ǹoumosti evèṑli ǹnexisi nem nem̀ kavh tyrou èreṡōpi ervyṡ eraskymony esèċōrp èvol ǹtiasṡymosiny ǹte pornià nem temetàsebys.	And they shall deal with thee in hatred, and shall take all the fruits of thy labours and thy toils, and thou shalt be naked and bare: and the shame of thy fornication shall be exposed: and thy ungodliness and thy fornication
23:30	ⲧⲉⲡⲟⲣⲛⲓⲁ̀ ⲑⲏⲉⲧⲁⲥⲓ̀ⲣⲓ ⲛ̀ⲛⲁⲓ ⲛⲉ ϧⲉⲛⲡ̀ϫⲓⲛⲉⲑⲣⲉⲉⲣⲡⲟⲣⲛⲉⲩⲓⲛ ⲟⲩⲟϩ ⲁⲣⲉⲟⲩⲁϩϯ ⲛ̀ⲥⲁⲛⲓⲉⲑⲛⲟⲥ ⲟⲩⲟϩ ⲁⲣⲉϭⲱϧⲉⲙ ⲉ̀ϧ̀ⲣⲏⲓ ϧⲉⲛⲛⲉⲟⲩⲱϣ ⲛ̀ϩⲏⲧ .	Ⲧⲉⲡⲟⲣⲛⲓⲁ̀ ⲑⲏⲉⲧⲁⲥⲓ̀ⲣⲓ ⲛ̀ⲛⲁⲓ ⲛⲉ ϧⲉⲛ ⲡ̀ϫⲓⲛⲉⲑⲣⲉⲉⲣⲡⲟⲣⲛⲉⲩⲓⲛ ⲟⲩⲟϩ ⲁⲣⲉⲟⲩⲁϩϯ ⲛ̀ⲥⲁ ⲛⲓⲉⲑⲛⲟⲥ ⲟⲩⲟϩ ⲁⲣⲉϭⲱϧⲉⲙ ⲉ̀ϧ̀ⲣⲏⲓ ϧⲉⲛ ⲛⲉⲟⲩⲱϣ ⲛ̀ϩⲏⲧ.	Tepornià θyetasìri ǹnai ne xen p̀jineθreerpornevin ouoh areouahti ǹsa nieθnos ouoh areċōxem èx̀ryi xen neouōṡ ǹhyt.	brought this upon thee, in that thou wentest a-whoring after the nations, and didst defile thyself with their devices.
23:31	ⲁⲣⲉⲙⲟϣⲓ ϧⲉⲛⲫ̀ⲙⲱⲓⲧ ⲛ̀ⲧⲉⲥⲱⲛⲓ ϯⲛⲁϫⲓⲙⲓ ⲙ̀ⲡⲉⲥⲁ̀ⲫⲟⲧ ⲉ̀ϧ̀ⲣⲏⲓ ϧⲉⲛⲧⲉϫⲓϫ .	Ⲁⲣⲉⲙⲟϣⲓ ϧⲉⲛ ⲫ̀ⲙⲱⲓⲧ ⲛ̀ⲧⲉⲥⲱⲛⲓ ϯⲛⲁϫⲓⲙⲓ ⲛ̀ⲡⲉⲥⲁ̀ⲫⲟⲧ ⲉ̀ϧ̀ⲣⲏⲓ ϧⲉⲛ ⲧⲉϫⲓϫ.	Aremoṡi xen f̀mōit ǹtesōni tinajimi ǹpesàfot èx̀ryi xen tejig.	Thou didst walk in the way of thy sister; and I will put her cup into thine hands.
23:32	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲡⲓⲁ̀ⲫⲟⲧ ⲛ̀ⲧⲉⲥⲱⲛⲓ ⲧⲉⲣⲁⲥⲱ ⲙ̀ⲙⲟϥ ⲫⲏⲉⲧϣⲏⲕ ⲟⲩⲟϩ ⲫⲏⲉⲧⲟⲩⲉⲥⲑⲱⲛ ⲟⲩⲟϩ ⲫⲏⲉⲧⲟⲓ ⲛ̀ϩⲟⲩⲟ̀ ⲉⲧⲉⲣⲉ ⲡⲓⲑⲓϧⲓ ϫⲱⲕ ⲉ̀ⲃⲟⲗ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲡⲓⲁ̀ⲫⲟⲧ ⲛ̀ⲧⲉⲥⲱⲛⲓ ⲧⲉⲣⲁⲥⲱ ⲙ̀ⲙⲟϥ ⲫⲏⲉⲧϣⲏⲕ ⲟⲩⲟϩ ⲫⲏⲉⲧⲟⲩⲉⲥⲑⲱⲛ ⲟⲩⲟϩ ⲫⲏⲉⲧⲟⲓ ⲛ̀ϩⲟⲩⲟ̀ ⲉⲧⲉⲣⲉ ⲡⲓⲑⲓϧⲓ ϫⲱⲕ ⲉ̀ⲃⲟⲗ.	Nai ne nyètefgō m̀mōou ǹje p̀ċois je piàfot ǹtesōni terasō m̀mof fyetṡyk ouoh fyetouesθōn ouoh fyetoi ǹhouò etere piθixi gōk èvol.	Thus saith the Lord; Drink thy sister's cup, deep and large, and full, to cause complete drunkenness.
23:33	ⲟⲩⲟϩ ⲉⲣⲉϣⲱϣ ⲉⲙⲁϣⲱ ⲡⲓⲁ̀ⲫⲟⲧ ⲛ̀ⲧⲉⲥⲱⲛⲓ ⲧ̀ⲥⲁⲙⲁⲣⲓⲁ̀ ⲡⲓⲁ̀ⲫⲟⲧ ⲛ̀ⲧⲉⲡ̀ⲧⲁⲕⲟ ⲡⲉ .	Ⲟⲩⲟϩ ⲉ̀ⲣⲉ ϣⲱϣ ⲉ̀ⲙⲁϣⲱ ⲡⲓⲁ̀ⲫⲟⲧ ⲛ̀ⲧⲉⲥⲱⲛⲓ ⲧ̀ⲥⲁⲙⲁⲣⲓⲁ̀ ⲡⲓⲁ̀ⲫⲟⲧ ⲛ̀ⲧⲉ ⲡ̀ⲧⲁⲕⲟ ⲡⲉ.	Ouoh ère ṡōṡ èmaṡō piàfot ǹtesōni t̀samarià piàfot ǹte p̀tako pe.	And thou shalt be thoroughly weakened; and the cup of destruction, the cup of thy sister Samaria,
23:34	ⲟⲩⲟϩ ⲉⲣⲉⲥⲱ ⲙ̀ⲙⲟϥ ⲛⲉⲥϣⲁⲓ ⲛⲙ ⲛⲉⲥⲥⲟⲩⲁϯ ϯⲛⲁⲧⲁⲥⲑⲱⲟⲩ ⲥⲁⲃⲟⲗ ⲙ̀ⲙⲟⲥ ϫⲉⲁ̀ⲛⲟⲕ ⲁⲓⲥⲁϫⲓ ⲡⲉϫⲉ ⲡϭ̅ⲥ̅ .	Ⲟⲩⲟϩ ⲉ̀ⲣⲉⲥⲱ ⲙ̀ⲙⲟϥ ⲛⲉⲥϣⲁⲓ ⲛ̀ⲙ ⲛⲉⲥⲥⲟⲩⲁϯ ϯⲛⲁⲧⲁⲥⲑⲱⲟⲩ ⲥⲁⲃⲟⲗ ⲙ̀ⲙⲟⲥ ϫⲉ ⲁ̀ⲛⲟⲕ ⲁⲓⲥⲁϫⲓ ⲡⲉϫⲉ ⲡ̀ϭⲟⲓⲥ.	Ouoh èresō m̀mof nesṡai ǹm nessouati tinatasθōou savol m̀mos je ànok aisaji peje p̀ċois.	drink thou it, and I will take away her feasts and her new moons: for I have spoken it, saith the Lord.
23:35	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲉ̀ⲃⲟⲗ ϫⲉⲁⲣⲉⲓ̀ⲣⲓ ⲙ̀ⲡⲁⲱⲃϣ ⲟⲩⲟϩ ⲁⲣⲉϩⲓⲟⲩⲓ̀ ⲙ̀ⲙⲟⲓ ⲥⲁⲫⲁϩⲟⲩ ⲙ̀ⲛⲉⲥⲱⲙⲁ ⲛ̀ⲑⲟ ϩⲱⲓ ϭⲓ ⲧⲉⲙⲉⲧⲁ̀ⲥⲉⲃⲏⲥ ⲛⲉⲙⲧⲉⲡⲟⲣⲛⲓⲁ̀ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲉ̀ⲃⲟⲗ ϫⲉ ⲁⲣⲉⲓ̀ⲣⲓ ⲛ̀ⲡⲁⲱⲃϣ ⲟⲩⲟϩ ⲁⲣⲉϩⲓⲟⲩⲓ̀ ⲙ̀ⲙⲟⲓ ⲥⲁⲫⲁϩⲟⲩ ⲙ̀ⲛⲉⲥⲱⲙⲁ ⲛ̀ⲑⲟ ϩⲱⲓ ϭⲓ ⲧⲉⲙⲉⲧⲁ̀ⲥⲉⲃⲏⲥ ⲛⲉⲙ ⲧⲉⲡⲟⲣⲛⲓⲁ̀.	Eθve fai nai ne nyètefgō m̀mōou ǹje p̀ċois je èvol je areìri ǹpaōvṡ ouoh arehiouì m̀moi safahou m̀nesōma ǹθo hōi ċi temetàsebys nem tepornià.	Therefore thus saith the Lord; Because thou has forgotten me, and cast me behind thy back, therefore receive thou the reward of thine ungodliness and thy fornication.
23:36	ⲟⲩⲟϩ ⲡⲉϫⲉ ⲡϭ̅ⲥ̅ ⲛⲏⲓ ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲉ̀ⲛⲁⲕϯϩⲁⲡ ⲁⲛ ⲉ̀ⲱⲱ̀ⲗⲁ ⲛⲉⲙⲟⲗⲓⲃⲁ ⲟⲩⲟϩ ⲛ̀ⲛⲉⲕϫⲱ ⲉ̀ⲣⲱⲟⲩ ⲁⲛ ⲛ̀ⲛⲟⲩⲁ̀ⲛⲟⲙⲓⲁ̀ ⲉ̀ⲃⲟⲗ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲉ̀ⲛⲁⲕϯϩⲁⲡ ⲁⲛ ⲉ̀ⲱⲱ̀ⲗⲁ ⲛⲉⲙ ⲟⲗⲓⲃⲁ ⲟⲩⲟϩ ⲛ̀ⲛⲉⲕϫⲱ ⲉ̀ⲣⲱⲟⲩ ⲁⲛ ⲛ̀ⲛⲟⲩⲁ̀ⲛⲟⲙⲓⲁ̀ ⲉ̀ⲃⲟⲗ.	Ouoh peje p̀ċois nyi je p̀ṡyri ǹf̀rōmi ènaktihap an èōṑla nem oliba ouoh ǹnekgō èrōou an ǹnouànomià èvol.	And the Lord said to me, Son of man, wilt thou not judge Oola and Ooliba? and declare to them their iniquities?
23:37	ϫⲉⲁⲩⲉⲣⲛⲱⲓⲕ ⲟⲩⲟϩ ⲡ̀ⲥ̀ⲛⲟϥ ⲉ̀ϧ̀ⲣⲏⲓ ϧⲉⲛⲛⲟⲩϫⲓϫ ⲁⲩⲉⲣⲛⲱⲓⲕ ϧⲉⲛⲛⲟⲩⲟⲩⲱϣ ⲛ̀ϩⲏⲧ ⲟⲩⲟϩ ⲛⲟⲩϣⲏⲣⲓ ⲉⲧⲁⲩϫ̀ⲫⲱⲟⲩ ⲛⲱⲟⲩ ⲁⲩⲉ̀ⲛⲟⲩⲉ̀ⲃⲟⲗϩⲓⲧⲟⲧⲥ ⲉ̀ⲡ̀ⲭ̀ⲣⲱⲙ .	Ϫⲉ ⲁⲩⲉⲣⲛⲱⲓⲕ ⲟⲩⲟϩ ⲡ̀ⲥ̀ⲛⲟϥ ⲉ̀ϧ̀ⲣⲏⲓ ϧⲉⲛ ⲛⲟⲩϫⲓϫ ⲁⲩⲉⲣⲛⲱⲓⲕ ϧⲉⲛ ⲛⲟⲩⲟⲩⲱϣ ⲛ̀ϩⲏⲧ ⲟⲩⲟϩ ⲛ̀ⲟⲩϣⲏⲣⲓ ⲉⲧⲁⲩϫ̀ⲫⲱⲟⲩ ⲛⲱⲟⲩ ⲁⲩⲉ̀ⲛⲟⲩⲉ̀ⲃⲟⲗϩⲓⲧⲟⲧⲥ ⲉ̀ⲡ̀ⲭ̀ⲣⲱⲙ.	Je avernōik ouoh p̀·s̀nof èx̀ryi xen noujig avernōik xen nououōṡ ǹhyt ouoh ǹouṡyri etavg̀fōou nōou avènouèvolhitots èp̀k̀rōm.	For they have committed adultery, and blood was in their hands, they committed adultery with their devices, and they passed through the fire to them their children which they bore to me.
23:38	ⲛⲁⲓ ⲁⲩⲁⲓⲧⲟⲩ ⲁⲩϭⲱϧⲉⲙ ⲛ̀ⲛⲁⲡⲉⲑⲟⲩⲁⲃ ⲟⲩⲟϩ ⲁⲩⲃⲟϯ ⲛ̀ⲛⲁⲕⲉⲥⲁⲃⲃⲁⲧⲱⲛ .	Ⲛⲁⲓ ⲁⲩⲁⲓⲧⲟⲩ ⲁⲩϭⲱϧⲉⲙ ⲛ̀ⲛⲁⲡⲉⲑⲟⲩⲁⲃ ⲟⲩⲟϩ ⲁⲩⲃⲟϯ ⲛ̀ⲛⲁⲕⲉⲥⲁⲃⲃⲁⲧⲱⲛ.	Nai avaitou avċōxem ǹnapeθouab ouoh avvoti ǹnakesabbatōn.	So long too as they did these things to me, they defiled my sanctuary, and profaned my sabbaths.
23:39	ϧⲉⲛⲡ̀ϫⲓⲛⲉⲑⲣⲟⲩϧⲟⲗϧⲉⲗ ⲛ̀ⲛⲟⲩϣⲏⲣⲓ ⲛ̀ⲛⲓⲓ̀ⲇⲱⲗⲟⲛ ⲁⲩϣⲉ ⲉ̀ϧⲟⲩⲛ ⲉ̀ⲛⲁⲡⲉⲑⲟⲩⲁⲃ ⲉⲑⲣⲟⲩϭⲱϧⲉⲙ ⲙ̀ⲙⲱⲟⲩ ⲟⲩⲟϩ ϩⲏⲡⲡⲉ ⲛⲁⲩⲓ̀ⲣⲓ ⲙ̀ⲡⲁⲓⲣⲏϯ ϧⲉⲛⲑ̀ⲙⲏϯ ⲙ̀ⲡⲁⲏⲓ .	Ϧⲉⲛ ⲡ̀ϫⲓⲛⲉⲑⲣⲟⲩϧⲟⲗϧⲉⲗ ⲛ̀ⲛⲟⲩϣⲏⲣⲓ ⲛ̀ⲛⲓⲓ̀ⲇⲱⲗⲟⲛ ⲁⲩϣⲉ ⲉ̀ϧⲟⲩⲛ ⲉ̀ⲛⲁⲡⲉⲑⲟⲩⲁⲃ ⲉ̀ⲑⲣⲟⲩϭⲱϧⲉⲙ ⲙ̀ⲙⲱⲟⲩ ⲟⲩⲟϩ ϩⲏⲡⲡⲉ ⲛⲁⲩⲓ̀ⲣⲓ ⲛ̀ⲡⲁⲓⲣⲏϯ ϧⲉⲛ ⲑ̀ⲙⲏϯ ⲛ̀ⲡⲁⲏⲓ.	Xen p̀jineθrouxolxel ǹnouṡyri ǹniìḋōlon avṡe èxoun ènapeθouab èθrouċōxem m̀mōou ouoh hyppe navìri ǹpairyti xen θ̀myti ǹpayi.	And when they sacrificed their children to their idols, they also went into my sanctuary to profane it: and whereas they did thus in the midst of my house;
23:40	ⲟⲩⲟϩ ϫⲉⲛⲓⲣⲱⲙⲓ ⲛⲏⲉⲑⲛⲏⲟⲩ ϧⲉⲛⲫ̀ⲟⲩⲉⲓ ⲛⲁⲓ ⲉⲧⲉⲣⲁⲟⲩⲟⲣⲡⲟⲩ ⲛ̀ϩⲁⲛⲡⲣⲉⲥⲃⲉⲩⲥ ⲛ̀ⲥⲱⲟⲩ ϧⲉⲛⲡ̀ϫⲓⲛⲑ̀ⲣⲟⲩⲓ̀ ϣⲁⲣⲟ ϣⲁⲣⲉϫⲱⲕⲉⲙ ⲙ̀ⲙⲟ ⲛ̀ⲱ̀ⲟⲩ ⲟⲩⲟϩ ⲉ̀ⲁⲣⲉⲙⲟⲓ ⲙ̀ⲡⲉⲥⲑⲏⲙ ⲉ̀ⲛⲉⲃⲁⲗ ⲉ̀ⲁⲣⲉⲥⲟⲗⲥⲉⲗ ⲙ̀ⲙⲟ ϧⲉⲛⲟⲩⲥⲟⲗⲥⲉⲗ .	Ⲟⲩⲟϩ ϫⲉ ⲛⲓⲣⲱⲙⲓ ⲛⲏⲉⲑⲛⲏⲟⲩ ϧⲉⲛ ⲫ̀ⲟⲩⲉⲓ ⲛⲁⲓ ⲉⲧⲉⲣⲁⲟⲩⲟⲣⲡⲟⲩ ⲛ̀ϩⲁⲛⲡ̀ⲣⲉⲥⲃⲉⲩⲥ ⲛ̀ⲥⲱⲟⲩ ϧⲉⲛ ⲡ̀ϫⲓⲛⲑ̀ⲣⲟⲩⲓ̀ ϣⲁⲣⲟ ϣⲁⲣⲉϫⲱⲕⲉⲙ ⲙ̀ⲙⲟ ⲛ̀ⲱ̀ⲟⲩ ⲟⲩⲟϩ ⲉ̀ⲁⲣⲉⲙⲟⲓ ⲛ̀ⲡⲉⲥⲑⲏⲙ ⲉ̀ⲛⲉⲃⲁⲗ ⲉ̀ⲁⲣⲉⲥⲟⲗⲥⲉⲗ ⲙ̀ⲙⲟ ϧⲉⲛ ⲟⲩⲥⲟⲗⲥⲉⲗ.	Ouoh je nirōmi nyeθnyou xen f̀ouei nai eteraouorpou ǹhanp̀resvevs ǹsōou xen p̀jinθ̀rouì ṡaro ṡaregōkem m̀mo ǹṑou ouoh èaremoi ǹpesθym èneval èaresolsel m̀mo xen ousolsel.	and whereas they did thus to the men that came from afar, to whom they sent messengers, and as soon as they came, immediately thou didst wash thyself, and didst paint thine eyes and adorn thyself with ornaments,
23:41	ⲉ̀ⲁⲣⲉϩⲉⲙⲥⲓ ϩⲓϫⲉⲛⲟⲩϭⲗⲟϫ ⲉϥⲫⲱⲣϣ ⲉⲣⲉⲟⲩⲧⲣⲁⲡⲉⲍⲁ ϧⲁⲧϩⲏ ⲙ̀ⲙⲟ ⲉⲥⲥⲉⲃⲧⲱⲧ ⲟⲩⲟϩ ⲡⲁⲥⲑⲟⲓⲛⲟⲩϥⲓ ⲛⲉⲙⲡⲁⲛⲉϩ ⲁⲣⲟⲩⲛⲟϥ ⲉ̀ϧ̀ⲣⲏⲓ ⲛ̀ϧⲏⲧⲟⲩ .	Ⲉ̀ⲁⲣⲉϩⲉⲙⲥⲓ ϩⲓϫⲉⲛ ⲟⲩϭⲗⲟϫ ⲉϥⲫⲱⲣϣ ⲉ̀ⲣⲉ ⲟⲩⲧ̀ⲣⲁⲡⲉⲍⲁ ϧⲁⲧ̀ϩⲏ ⲙ̀ⲙⲟ ⲉⲥⲥⲉⲃⲧⲱⲧ ⲟⲩⲟϩ ⲡⲁⲥ̀ⲑⲟⲓⲛⲟⲩϥⲓ ⲛⲉⲙ ⲡⲁⲛⲉϩ ⲁⲣⲟⲩⲛⲟϥ ⲉ̀ϧ̀ⲣⲏⲓ ⲛ̀ϧⲏⲧⲟⲩ.	Èarehemsi hijen ouċlog effōrṡ ère out̀rapeza xat̀·hy m̀mo essevtōt ouoh pas̀θoinoufi nem paneh arounof èx̀ryi ǹxytou.	and satest on a prepared bed, and before it there was a table set out, and as for mine incense and mine oil, they rejoiced in them,
23:42	ⲟⲩⲟϩ ⲛⲟⲩⲕⲉϩ̀ⲑⲱⲣ ϧⲉⲛⲟⲩⲓ̀ ϧ̀ⲣⲱⲟⲩ ⲛ̀ⲥⲩⲙⲫⲱⲛⲓⲁ̀ ⲛⲁϩⲣⲉⲛ ϩⲁⲛⲕⲉⲣⲱⲙⲓ ⲉ̀ⲃⲟⲗϧⲉⲛ ⲟⲩⲙⲏϣ ⲛ̀ⲣⲱⲙⲓ ⲉ̀ⲁⲩⲓ̀ ⲉ̀ⲃⲟⲗϧⲉⲛ ⲡ̀ϣⲁϥⲉ ⲟⲩⲙⲟⲓ ⲛ̀ϩⲁⲛⲯⲉⲗⲗⲓⲟⲛ ⲉ̀ⲛⲟⲩϫⲓϫ ⲟⲩⲟϩ ⲟⲩⲭ̀ⲗⲟⲙ ⲛ̀ϣⲟⲩϣⲟⲩ ⲉ̀ϫⲉⲛⲛⲟⲩⲁ̀ⲫⲏⲟⲩⲓ̀ .	Ⲟⲩⲟϩ ⲛ̀ⲟⲩⲕⲉϩ̀ⲑⲱⲣ ϧⲉⲛ ⲟⲩⲓ̀ ϧ̀ⲣⲱⲟⲩ ⲛ̀ⲥⲩⲙⲫⲱⲛⲓⲁ̀ ⲛⲁϩⲣⲉⲛ ϩⲁⲛⲕⲉⲣⲱⲙⲓ ⲉ̀ⲃⲟⲗ ϧⲉⲛ ⲟⲩⲙⲏϣ ⲛ̀ⲣⲱⲙⲓ ⲉ̀ⲁⲩⲓ̀ ⲉ̀ⲃⲟⲗ ϧⲉⲛ ⲡ̀ϣⲁϥⲉ ⲟⲩⲙⲟⲓ ⲛ̀ⲧⲉ ϩⲁⲛⲯⲉⲗⲗⲓⲟⲛ ⲉ̀ⲛⲟⲩϫⲓϫ ⲟⲩⲟϩ ⲟⲩⲭ̀ⲗⲟⲙ ⲛ̀ϣⲟⲩϣⲟⲩ ⲉ̀ϫⲉⲛ ⲛⲟⲩⲁ̀ⲫⲏⲟⲩⲓ̀.	Ouoh ǹoukeh̀θōr xen ouì x̀rōou ǹsimfōnià nahren hankerōmi èvol xen oumyṡ ǹrōmi èavì èvol xen p̀ṡafe oumoi ǹte hanpsellion ènoujig ouoh ouk̀lom ǹṡouṡou èjen nouàfyouì.	and they raised a sound of music, and that with men coming from the wilderness out of a multitude of men, and they put bracelets on their hands, and a crown of glory on their heads;
23:43	ⲟⲩⲟϩ ⲁⲓϫⲟⲥ ϫⲉⲙⲏ ⲉⲩⲉⲣⲛⲱⲓⲕ ⲁⲛ ϩⲓⲛⲁⲓ ⲟⲩⲟϩ ϩⲁⲛϩ̀ⲃⲏⲟⲩⲓ̀ ⲛⲉⲙⲡⲟⲣⲛⲓⲁ̀ ⲛ̀ⲑⲟⲥ ϩⲱⲥ ⲁⲥⲉⲣⲡⲟⲣⲛⲉⲩⲓⲛ .	Ⲟⲩⲟϩ ⲁⲓϫⲟⲥ ϫⲉ ⲙⲏ ⲉⲩⲉⲣⲛⲱⲓⲕ ⲁⲛ ϩⲓⲛⲁⲓ ⲟⲩⲟϩ ϩⲁⲛϩ̀ⲃⲏⲟⲩⲓ̀ ⲛⲉⲙ ⲡⲟⲣⲛⲓⲁ̀ ⲛ̀ⲑⲟⲥ ϩⲱⲥ ⲁⲥⲉⲣⲡⲟⲣⲛⲉⲩⲓⲛ.	Ouoh aigos je my evernōik an hinai ouoh hanh̀vyouì nem pornià ǹθos hōs aserpornevin.	Therefore I said, Do they not commit adultery with these? and has she also gone a-whoring after the manner of a harlot?
23:44	ⲁⲩϣⲉ ⲉ̀ϧⲟⲩⲛ ϩⲁⲣⲟⲥ ⲙ̀ⲫ̀ⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁⲟⲩⲥϩⲓⲙⲓ ⲙ̀ⲡⲟⲣⲛⲏ ⲡⲁⲓⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁⲱⲱ̀ⲗⲁ ⲛⲉⲙⲟⲗⲓⲃⲁ ⲉ̀ⲑ̀ⲣⲟⲩⲓ̀ⲣⲓ ⲛ̀ⲛⲟⲩⲁ̀ⲛⲟⲙⲓⲁ̀ .	Ⲁⲩϣⲉ ⲉ̀ϧⲟⲩⲛ ϩⲁⲣⲟⲥ ⲛ̀ⲫ̀ⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁ ⲟⲩⲥ̀ϩⲓⲙⲓ ⲛ̀ⲡⲟⲣⲛⲏ ⲡⲁⲓⲣⲏϯ ⲉ̀ϣⲁⲩϣⲉ ⲉ̀ϧⲟⲩⲛ ϩⲁ ⲱⲱ̀ⲗⲁ ⲛⲉⲙ ⲟⲗⲓⲃⲁ ⲉ̀ⲑ̀ⲣⲟⲩⲓ̀ⲣⲓ ⲛ̀ⲛⲟⲩⲁ̀ⲛⲟⲙⲓⲁ̀.	Avṡe èxoun haros ǹf̀ryti èṡavṡe èxoun ha ous̀·himi ǹporny pairyti èṡavṡe èxoun ha ōṑla nem oliba èθ̀rouìri ǹnouànomià.	And they went in to her, as men go in to a harlot; so they went in to Oola and to Ooliba to work iniquity.
23:45	ⲟⲩⲟϩ ϩⲁⲛⲣⲱⲙⲓ ⲛ̀ⲑ̀ⲙⲏⲓ ⲛ̀ⲑⲱⲟⲩ ⲛⲏⲉⲛⲁϭⲓⲙ̀ⲡ̀ϣⲓϣ ⲙ̀ⲙⲱⲟⲩ ϧⲉⲛⲟⲩϭⲓⲙ̀ⲡ̀ϣⲓϣ ⲛ̀ⲥ̀ϩⲓⲙⲓ ⲛ̀ⲛⲱⲓⲕ ⲛⲉⲙⲟⲩϭⲓⲙ̀ⲡ̀ϣⲓϣ ⲛ̀ⲥ̀ⲛⲟϥ ⲉ̀ⲃⲟⲗ ϫⲉϩⲁⲛⲛⲱⲓⲕ ⲛⲉ ⲟⲩⲟϩ ⲡ̀ⲥ̀ⲛⲟϥ ϧⲉⲛⲛⲟⲩϫⲓϫ .	Ⲟⲩⲟϩ ϩⲁⲛⲣⲱⲙⲓ ⲛ̀ⲧⲉ ⲑ̀ⲙⲏⲓ ⲛ̀ⲑⲱⲟⲩ ⲛⲏⲉⲛⲁϭⲓⲙ̀ⲡ̀ϣⲓϣ ⲙ̀ⲙⲱⲟⲩ ϧⲉⲛ ⲟⲩϭⲓⲙ̀ⲡ̀ϣⲓϣ ⲛ̀ⲥ̀ϩⲓⲙⲓ ⲛ̀ⲛⲱⲓⲕ ⲛⲉⲙ ⲟⲩϭⲓⲙ̀ⲡ̀ϣⲓϣ ⲛ̀ⲥ̀ⲛⲟϥ ⲉ̀ⲃⲟⲗ ϫⲉ ϩⲁⲛⲛⲱⲓⲕ ⲛⲉ ⲟⲩⲟϩ ⲡ̀ⲥ̀ⲛⲟϥ ϧⲉⲛ ⲛⲟⲩϫⲓϫ.	Ouoh hanrōmi ǹte θ̀myi ǹθōou nyenaċim̀p̀ṡiṡ m̀mōou xen ouċim̀p̀ṡiṡ ǹs̀·himi ǹnōik nem ouċim̀p̀ṡiṡ ǹs̀nof èvol je hannōik ne ouoh p̀·s̀nof xen noujig.	And they are just men, and shall take vengeance on them with the judgment of an adulteress and the judgment of blood: for they are adulteresses, and blood is in their hands.
23:46	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϯⲛⲁⲓ̀ⲛⲓ ⲉ̀ϧ̀ⲣⲏⲓ ⲉ̀ϫⲱⲟⲩ ⲛ̀ⲟⲩⲟⲭⲗⲟⲥ ⲟⲩⲟϩ ⲉⲓⲉ̀ϯ ⲛⲱⲟⲩ ⲛ̀ⲟⲩϣ̀ⲑⲟⲣⲧⲉⲣ ⲛⲉⲙⲟⲩⲧⲱⲣⲡ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϯⲛⲁⲓ̀ⲛⲓ ⲉ̀ϧ̀ⲣⲏⲓ ⲉ̀ϫⲱⲟⲩ ⲛ̀ⲟⲩⲟⲭⲗⲟⲥ ⲟⲩⲟϩ ⲉⲓⲉ̀ϯ ⲛⲱⲟⲩ ⲛ̀ⲟⲩϣ̀ⲑⲟⲣⲧⲉⲣ ⲛⲉⲙ ⲟⲩⲧⲱⲣⲡ.	Nai ne nyètefgō m̀mōou ǹje p̀ċois je tinaìni èx̀ryi ègōou ǹouoxlos ouoh eièti nōou ǹouṡ̀θorter nem outōrp.	Thus saith the Lord God, Bring up a multitude upon them, and send trouble and plunder into the midst of them.
23:47	ⲉⲩⲉ̀ϩⲓⲱ̀ⲛⲓ ⲉ̀ⲣⲱⲟⲩ ϧⲉⲛϩⲁⲛⲱ̀ⲛⲓ ⲛ̀ϫⲉϩⲁⲛⲙⲏϣ ⲉⲩⲉ̀ϧⲉⲗϧⲟⲗⲟⲩ ϧⲉⲛⲛⲟⲩⲥⲏϥⲓ ⲉⲩⲉ̀ϧⲱⲧⲉⲃ ⲛ̀ⲛⲟⲩϣⲏⲣⲓ ⲛⲉⲙⲛⲟⲩϣⲉⲣⲓ ⲟⲩⲟϩ ⲛⲟⲩⲏⲟⲩ ⲉⲩⲉ̀ⲣⲟⲕϩⲟⲩ ϧⲉⲛⲟⲩⲭ̀ⲣⲱⲙ .	Ⲉⲩⲉ̀ϩⲓⲱ̀ⲛⲓ ⲉ̀ⲣⲱⲟⲩ ϧⲉⲛ ϩⲁⲛⲱ̀ⲛⲓ ⲛ̀ϫⲉ ϩⲁⲛⲙⲏϣ ⲉⲩⲉ̀ϧⲉⲗϧⲟⲗⲟⲩ ϧⲉⲛ ⲛⲟⲩⲥⲏϥⲓ ⲉⲩⲉ̀ϧⲱⲧⲉⲃ ⲛ̀ⲛⲟⲩϣⲏⲣⲓ ⲛⲉⲙ ⲛⲟⲩϣⲉⲣⲓ ⲟⲩⲟϩ ⲛ̀ⲟⲩⲏⲟⲩ ⲉⲩⲉ̀ⲣⲟⲕϩⲟⲩ ϧⲉⲛ ⲟⲩⲭ̀ⲣⲱⲙ.	Evèhiṑni èrōou xen hanṑni ǹje hanmyṡ evèxelxolou xen nousyfi evèxōteb ǹnouṡyri nem nouṡeri ouoh ǹouyou evèrok·hou xen ouk̀rōm.	And stone them with the stones of a multitude, and pierce them with their swords: they shall slay their sons and their daughters, and shall burn up their houses.
23:48	ⲉⲓⲉ̀ⲧⲁⲥⲑⲟ ⲛ̀ⲧⲟⲩⲙⲉⲧⲁ̀ⲥⲉⲃⲏⲥ ⲉ̀ⲃⲟⲗϩⲓϫⲉⲛ ⲡ̀ⲕⲁϩⲓ ⲉⲩⲉ̀ϭⲓⲥ̀ⲃⲱ ⲛ̀ϫⲉⲛⲓϩⲓⲟⲙⲓ ⲧⲏⲣⲟⲩ ⲉ̀ϣ̀ⲧⲉⲙⲓ̀ⲣⲓ ⲕⲁⲧⲁⲛⲟⲩⲙⲉⲧⲁ̀ⲥⲉⲃⲏⲥ .	Ⲉⲓⲉ̀ⲧⲁⲥⲑⲟ ⲛ̀ⲧⲟⲩⲙⲉⲧⲁ̀ⲥⲉⲃⲏⲥ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ ⲉⲩⲉ̀ϭⲓⲥ̀ⲃⲱ ⲛ̀ϫⲉ ⲛⲓϩⲓⲟⲙⲓ ⲧⲏⲣⲟⲩ ⲉ̀ϣ̀ⲧⲉⲙⲓ̀ⲣⲓ ⲕⲁⲧⲁ ⲛⲟⲩⲙⲉⲧⲁ̀ⲥⲉⲃⲏⲥ.	Eiètasθo ǹtoumetàsebys èvol hijen p̀kahi evèċis̀vō ǹje nihiomi tyrou èṡ̀temìri kata noumetàsebys.	And I will remove ungodliness out of the land, and all the women shall be instructed, and shall not do according to their ungodliness.
23:49	ⲧⲉⲧⲉⲛⲙⲉⲧⲁ̀ⲥⲉⲃⲏⲥ ⲇⲉ ⲉⲩⲉ̀ⲓ̀ⲛⲓ ⲙ̀ⲙⲟⲥ ⲉ̀ϫⲉⲛⲑⲏⲛⲟⲩ ⲉⲣⲉⲧⲉⲛϭⲓ ⲛ̀ⲛⲓⲛⲟⲃⲓ ⲛ̀ⲛⲉⲧⲉⲛⲟⲩⲱϣ ⲛ̀ϩⲏⲧ ⲉⲣⲉⲧⲉⲛⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ .	Ⲧⲉⲧⲉⲛⲙⲉⲧⲁ̀ⲥⲉⲃⲏⲥ ⲇⲉ ⲉⲩⲉ̀ⲓ̀ⲛⲓ ⲙ̀ⲙⲟⲥ ⲉ̀ϫⲉⲛ ⲑⲏⲛⲟⲩ ⲉ̀ⲣⲉⲧⲉⲛϭⲓ ⲛ̀ⲛⲓⲛⲟⲃⲓ ⲛ̀ⲛⲉⲧⲉⲛⲟⲩⲱϣ ⲛ̀ϩⲏⲧ ⲉ̀ⲣⲉⲧⲉⲛⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ.	Tetenmetàsebys ḋe evèìni m̀mos èjen θynou èretenċi ǹninovi ǹnetenouōṡ ǹhyt èretenèmi je ànok pe p̀ċois.	And your ungodliness shall be recompensed upon you, and ye shall bear the guilt of your devices: and ye shall know that I am the Lord.

Provenance

title: 26_Ezechiel_23
dialect: bohairic
source: Coptic SCRIPTORIUM corpus "bohairic.ot", document 26_Ezechiel_23
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_23 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_23, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/23.bohairic.scriptorium.L0.txt
title: 26_Ezechiel_23 — Cairene
dialect: bohairic
source: generated from 23.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_23)
licence: CC BY-SA 4.0
share: attribution
attribution: 26_Ezechiel_23 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_23, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/23.bohairic.scriptorium.L1.txt
title: 26_Ezechiel_23 — Kemetic
dialect: bohairic
source: generated from 23.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_23 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_23, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/23.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 49 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_23 (49 lines)

Cite as:

26_Ezechiel_23. Coptic SCRIPTORIUM corpus "bohairic.ot", document 26_Ezechiel_23. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/23.bohairic.scriptorium/. 26_Ezechiel_23 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_23, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.