26_Ezechiel_33 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 26_Ezechiel_33

Attribution: 26_Ezechiel_33 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

33 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
33:1	ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	p̀·saji ǹp̀ċois afṡōpi haroi efgō m̀mos.	And the word of the Lord came to me, saying,
33:2	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲥⲁϫⲓ ⲛⲉⲙⲛⲉⲛϣⲏⲣⲓ ⲙ̀ⲡⲉⲕⲗⲁⲟⲥ ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉⲡ̀ⲕⲁϩⲓ ⲉ̀ϯⲛⲁⲓ̀ⲛⲓ ⲛ̀ⲧⲁⲥⲏϥⲓ ⲉ̀ϧ̀ⲣⲏⲓ ⲉ̀ϫⲱϥ ⲟⲩⲟϩ ⲉⲣⲉⲡⲓϣⲗⲟⲗ ⲛ̀ⲧⲉⲡ̀ⲕⲁϩⲓ ϭⲓ ⲛ̀ⲟⲩⲣⲱⲙⲓ ⲛ̀ⲟⲩⲱⲧ ⲉ̀ⲃⲟⲗ ⲛ̀ϧⲏⲧⲟⲩ ⲉⲩⲉ̀ⲭⲁϥ ⲛⲱⲟⲩ ⲛ̀ⲥ̀ⲕⲟⲡⲟⲥ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲉⲕⲗⲁⲟⲥ ⲟⲩⲟϩ ⲁ̀ϫⲟⲥ ⲛⲱⲟⲩ ϫⲉ ⲡ̀ⲕⲁϩⲓ ⲉ̀ⲓⲛⲁⲓ̀ⲛⲓ ⲛ̀ⲧⲁⲥⲏϥⲓ ⲉ̀ϧ̀ⲣⲏⲓ ⲉ̀ϫⲱϥ ⲟⲩⲟϩ ⲉ̀ⲣⲉ ⲡⲓϣ̀ⲗⲟⲗ ⲛ̀ⲧⲉ ⲡ̀ⲕⲁϩⲓ ϭⲓ ⲛ̀ⲟⲩⲣⲱⲙⲓ ⲛ̀ⲟⲩⲱⲧ ⲉ̀ⲃⲟⲗ ⲛ̀ϧⲏⲧⲟⲩ ⲉⲩⲉ̀ⲭⲁϥ ⲛⲱⲟⲩ ⲛ̀ⲥ̀ⲕⲟⲡⲟⲥ.	Je p̀ṡyri ǹf̀rōmi saji nem nenṡyri ǹpeklaos ouoh àgos nōou je p̀kahi èinaìni ǹtasyfi èx̀ryi ègōf ouoh ère piṡ̀lol ǹte p̀kahi ċi ǹourōmi ǹouōt èvol ǹxytou evèkaf nōou ǹs̀kopos.	Son of man, speak to the children of thy people, and thou shalt say to them, On whatsoever land I shall bring a sword, and the people of the land take one man of them, and set him for their watchman:
33:3	ⲟⲩⲟϩ ⲉϥⲉ̀ⲛⲁⲩ ⲉ̀ⲧ̀ⲥⲏϥⲓ ⲉⲥⲛⲏⲟⲩ ⲉ̀ϫⲉⲛⲡⲓⲕⲁϩⲓ ⲟⲩⲟϩ ⲉϥⲉⲣⲥⲁⲗⲡⲓⲍⲓⲛ ⲛ̀ϯⲥⲁⲗⲡⲓⲅⲝ ⲉ̀ⲉⲣⲥⲉⲙⲙⲉⲛⲓⲛ ⲙ̀ⲡⲓⲗⲁⲟⲥ .	Ⲟⲩⲟϩ ⲉϥⲉ̀ⲛⲁⲩ ⲉ̀ⲧ̀ⲥⲏϥⲓ ⲉⲥⲛⲏⲟⲩ ⲉ̀ϫⲉⲛ ⲡⲓⲕⲁϩⲓ ⲟⲩⲟϩ ⲉϥⲉⲣⲥⲁⲗⲡⲓⲍⲓⲛ ⲛ̀ϯⲥⲁⲗⲡⲓⲅⲝ ⲉ̀ⲉⲣⲥⲉⲙⲙⲉⲛⲓⲛ ⲛ̀ⲡⲓⲗⲁⲟⲥ.	Ouoh efènav èt̀syfi esnyou èjen pikahi ouoh efersalpizin ǹtisalpiġks èersemmenin ǹpilaos.	and he shall see the sword coming upon the land, and blow the trumpet, and sound an alarm to the people;
33:4	ⲟⲩⲟϩ ⲛⲁϥⲥⲱⲧⲉⲙ ⲛ̀ϫⲉⲫⲏⲉⲧⲉϥⲥⲱⲧⲉⲙ ⲉ̀ⲡϧ̀ⲣⲱⲟⲩ ⲛ̀ϯⲥⲁⲗⲡⲓⲅⲅⲟⲥ ⲁϥϣ̀ⲧⲉⲙⲟⲣϥϥ ⲉ̀ⲣⲟϥ ⲟⲩⲟϩ ⲉⲣⲉⲧ̀ⲥⲏϥⲓ ⲛⲏⲟⲩ ⲉⲥⲉ̀ⲧⲁϩⲟϥ ⲡⲉϥⲥ̀ⲛⲟϥ ⲛⲁϣⲱⲡⲓ ϩⲓϫⲱϥ .	Ⲟⲩⲟϩ ⲛⲁϥⲥⲱⲧⲉⲙ ⲛ̀ϫⲉ ⲫⲏⲉⲧⲉϥⲥⲱⲧⲉⲙ ⲉ̀ⲡ̀ϧ̀ⲣⲱⲟⲩ ⲛ̀ϯⲥⲁⲗⲡⲓⲅⲅⲟⲥ ⲁϥϣ̀ⲧⲉⲙⲟⲣϥϥ ⲉ̀ⲣⲟϥ ⲟⲩⲟϩ ⲉ̀ⲣⲉⲧ̀ⲥⲏϥⲓ ⲛⲏⲟⲩ ⲉⲥⲉ̀ⲧⲁϩⲟϥ ⲡⲉϥⲥ̀ⲛⲟϥ ⲛⲁϣⲱⲡⲓ ϩⲓϫⲱϥ.	Ouoh nafsōtem ǹje fyetefsōtem èp̀x̀rōou ǹtisalpinġos afṡ̀temorff èrof ouoh èret̀syfi nyou esètahof pefs̀nof naṡōpi higōf.	and he that hears the sound of the trumpet shall hear indeed, and yet not take heed, and the sword shall come upon him, and overtake him, his blood shall be upon his own head.
33:5	ⲉ̀ⲃⲟⲗ ϫⲉⲧ̀ⲥ̀ⲙⲏ ⲛ̀ⲧⲉϯⲥⲁⲗⲡⲓⲅⲝ ⲁϥⲥⲱⲧⲉⲙ ⲉ̀ⲣⲟⲥ ⲙ̀ⲡⲁϥⲟⲣϥϥ ⲉ̀ⲣⲟϥ ⲡⲉϥⲥ̀ⲛⲟϥ ⲛⲁϣⲱⲡⲓ ϩⲓϫⲱϥ ⲟⲩⲟϩ ⲫⲁⲓ ϫⲉⲁϥⲟⲣϥϥ ⲉ̀ⲣⲟϥ ⲁϥⲧⲟⲩϫⲉ ⲧⲉϥⲯⲩⲭⲏ .	Ⲉ̀ⲃⲟⲗ ϫⲉ ⲧ̀ⲥ̀ⲙⲏ ⲛ̀ⲧⲉ ϯⲥⲁⲗⲡⲓⲅⲝ ⲁϥⲥⲱⲧⲉⲙ ⲉ̀ⲣⲟⲥ ⲙ̀ⲡⲁϥⲟⲣϥϥ ⲉ̀ⲣⲟϥ ⲡⲉϥⲥ̀ⲛⲟϥ ⲛⲁϣⲱⲡⲓ ϩⲓϫⲱϥ ⲟⲩⲟϩ ⲫⲁⲓ ϫⲉ ⲁϥⲟⲣϥϥ ⲉ̀ⲣⲟϥ ⲁϥⲧⲟⲩϫⲉ ⲧⲉϥⲯⲩⲭⲏ.	Èvol je t̀s̀my ǹte tisalpiġks afsōtem èros m̀paforff èrof pefs̀nof naṡōpi higōf ouoh fai je aforff èrof aftouje tefpsiṡy.	Because he heard the sound of the trumpet, and took no heed, his blood shall be upon him: but the other, because he took heed, has delivered his soul.
33:6	ⲟⲩⲟϩ ⲡⲓⲥⲕⲟⲡⲟⲥ ⲁϥϣⲁⲛⲛⲁⲩ ⲉ̀ⲧ̀ⲥⲏϥⲓ ⲉⲥⲛⲏⲟⲩ ⲁϥϣ̀ⲧⲉⲙⲉⲣⲥⲓⲙⲙⲉⲛⲓⲛ ⲛ̀ϯⲥⲁⲗⲡⲓⲅⲅⲟⲥ ⲟⲩⲟϩ ⲡⲓⲗⲁⲟⲥ ⲁϥϣ̀ⲧⲉⲙⲟⲣϥϥ ⲉ̀ⲣⲟϥ ⲉⲣⲉϯⲥⲏϥⲓ ⲇⲉ ⲛⲏⲟⲩ ⲉⲥⲉ̀ⲧⲁⲕⲟ ⲛ̀ⲛⲟⲩⲯⲩⲭⲏ ⲉ̀ⲃⲟⲗ ⲛ̀ϧⲏⲧⲟⲩ ⲑⲁⲓ ⲉⲑⲃⲉⲧⲉⲥⲁ̀ⲛⲟⲙⲓⲁ̀ ⲁⲩϥⲟⲧⲥ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ⲛ̀ⲧⲟⲧϥ ⲙ̀ⲡⲓⲥⲕⲟⲡⲟⲥ .	Ⲟⲩⲟϩ ⲡⲓⲥⲕⲟⲡⲟⲥ ⲁϥϣⲁⲛⲛⲁⲩ ⲉ̀ⲧ̀ⲥⲏϥⲓ ⲉⲥⲛⲏⲟⲩ ⲁϥϣ̀ⲧⲉⲙⲉⲣⲥⲓⲙⲙⲉⲛⲓⲛ ⲛ̀ϯⲥⲁⲗⲡⲓⲅⲅⲟⲥ ⲟⲩⲟϩ ⲡⲓⲗⲁⲟⲥ ⲁϥϣ̀ⲧⲉⲙⲟⲣϥϥ ⲉ̀ⲣⲟϥ ⲉ̀ⲣⲉ ϯⲥⲏϥⲓ ⲇⲉ ⲛⲏⲟⲩ ⲉⲥⲉ̀ⲧⲁⲕⲟ ⲛ̀ⲛⲟⲩⲯⲩⲭⲏ ⲉ̀ⲃⲟⲗ ⲛ̀ϧⲏⲧⲟⲩ ⲑⲁⲓ ⲉⲑⲃⲉ ⲧⲉⲥⲁ̀ⲛⲟⲙⲓⲁ̀ ⲁⲩϥⲟⲧⲥ ⲟⲩⲟϩ ⲡⲉϥⲥ̀ⲛⲟϥ ϯⲛⲁⲕⲱϯ ⲛ̀ⲥⲱϥ ⲛ̀ⲧⲟⲧϥ ⲛ̀ⲡⲓⲥⲕⲟⲡⲟⲥ.	Ouoh piskopos afṡannav èt̀syfi esnyou afṡ̀temersimmenin ǹtisalpinġos ouoh pilaos afṡ̀temorff èrof ère tisyfi ḋe nyou esètako ǹnoupsiṡy èvol ǹxytou θai eθve tesànomià avfots ouoh pefs̀nof tinakōti ǹsōf ǹtotf ǹpiskopos.	But if the watchman see the sword coming, and do not sound the trumpet, and the people do not watch; and the sword come, and take a soul from among them, that soul is taken because of its iniquity; but the blood thereof will I require at the watchman's hand.
33:7	ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁⲓⲭⲁⲕ ⲛ̀ⲥⲕⲟⲡⲟⲥ ⲉ̀ⲡⲏⲓ ⲙ̀ⲡⲓ̅ⲥ̅ⲗ̅ ⲟⲩⲟϩ ⲉⲕⲉ̀ⲥⲱⲧⲉⲙ ⲉ̀ⲟⲩⲥⲁϫⲓ ⲉ̀ⲃⲟⲗϧⲉⲛ ⲣⲱⲓ .	Ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁⲓⲭⲁⲕ ⲛ̀ⲥⲕⲟⲡⲟⲥ ⲉ̀ⲡ̀ⲏⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲕⲉ̀ⲥⲱⲧⲉⲙ ⲉ̀ⲟⲩⲥⲁϫⲓ ⲉ̀ⲃⲟⲗ ϧⲉⲛ ⲣⲱⲓ.	Ǹθok hōk p̀ṡyri ǹf̀rōmi aikak ǹskopos èp̀yi ǹpisrayl ouoh ekèsōtem èousaji èvol xen rōi.	And thou, son of man, I have set thee as a watchman to the house of Israel, and thou shalt hear a word from my mouth.
33:8	ϧⲉⲛⲡ̀ϫⲓⲛⲑ̀ⲣⲓϫⲟⲥ ⲟⲩⲛ ⲙ̀ⲡⲓⲣⲉϥⲉⲣⲛⲟⲃⲓ ϫⲉϧⲉⲛⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲛⲉⲕϣ̀ⲧⲉⲙⲥⲁϫⲓ ⲉⲑⲣⲉ ⲡⲓⲁ̀ⲥⲉⲃⲏⲥ ⲁ̀ⲣⲉϩ ⲉ̀ⲣⲟϥ ⲉ̀ⲡⲉϥⲙⲱⲓⲧ ⲛ̀ⲑⲟϥ ⲡⲓⲁ̀ⲛⲟⲙⲟⲥ ϥ̀ⲛⲁⲙⲟⲩ ϧⲉⲛⲧⲉϥⲁ̀ⲛⲟⲙⲓⲁ̀ ⲡⲉϥⲥ̀ⲛⲟϥ ⲇⲉ ϯⲛⲁⲕⲱϯ ⲛ̀ⲥⲱϥ ⲉ̀ⲃⲟⲗϩⲓⲧⲟⲧⲕ .	Ϧⲉⲛ ⲡ̀ϫⲓⲛⲑ̀ⲣⲓϫⲟⲥ ⲟⲩⲛ ⲛ̀ⲡⲓⲣⲉϥⲉⲣⲛⲟⲃⲓ ϫⲉ ϧⲉⲛ ⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲛⲉⲕϣ̀ⲧⲉⲙⲥⲁϫⲓ ⲉⲑⲣⲉ ⲡⲓⲁ̀ⲥⲉⲃⲏⲥ ⲁ̀ⲣⲉϩ ⲉ̀ⲣⲟϥ ⲉ̀ⲡⲉϥⲙⲱⲓⲧ ⲛ̀ⲑⲟϥ ⲡⲓⲁ̀ⲛⲟⲙⲟⲥ ϥ̀ⲛⲁⲙⲟⲩ ϧⲉⲛ ⲧⲉϥⲁ̀ⲛⲟⲙⲓⲁ̀ ⲡⲉϥⲥ̀ⲛⲟϥ ⲇⲉ ϯⲛⲁⲕⲱϯ ⲛ̀ⲥⲱϥ ⲉ̀ⲃⲟⲗ ϩⲓⲧⲟⲧⲕ.	Xen p̀jinθ̀rigos oun ǹpirefernovi je xen oumou k̀namou ouoh ǹnekṡ̀temsaji eθre piàsebys àreh èrof èpefmōit ǹθof piànomos f̀namou xen tefànomià pefs̀nof ḋe tinakōti ǹsōf èvol hitotk.	When I say to the sinner, Thou shalt surely die; if thou speak not to warn the wicked from his way, the wicked himself shall die in his iniquity; but his blood will I require at thine hand.
33:9	ⲛ̀ⲑⲟⲕ ⲇⲉ ⲁⲕϣⲁⲛⲉⲣϣⲟⲣⲡ ⲉ̀ⲧⲁⲙⲉ ⲡⲓⲁ̀ⲥⲉⲃⲏⲥ ⲉ̀ⲡⲉϥⲙⲱⲓⲧ ⲉⲑⲣⲉϥⲧⲁⲥⲑⲟϥ ⲥⲁⲃⲟⲗ ⲙ̀ⲙⲟϥ ⲫⲁⲓ ϥ̀ⲛⲁⲙⲟⲩ ϧⲉⲛⲧⲉϥⲙⲉⲧⲁ̀ⲥⲉⲃⲏⲥ ⲛ̀ⲑⲟⲕ ⲇⲉ ⲭ̀ⲛⲁⲧⲟⲩϫⲉ ⲧⲉⲕⲯⲩⲭⲏ .	Ⲛ̀ⲑⲟⲕ ⲇⲉ ⲁⲕϣⲁⲛⲉⲣϣⲟⲣⲡ ⲉ̀ⲧⲁⲙⲉ ⲡⲓⲁ̀ⲥⲉⲃⲏⲥ ⲉ̀ⲡⲉϥⲙⲱⲓⲧ ⲉ̀ⲑⲣⲉϥⲧⲁⲥⲑⲟϥ ⲥⲁⲃⲟⲗ ⲙ̀ⲙⲟϥ ⲫⲁⲓ ϥ̀ⲛⲁⲙⲟⲩ ϧⲉⲛ ⲧⲉϥⲙⲉⲧⲁ̀ⲥⲉⲃⲏⲥ ⲛ̀ⲑⲟⲕ ⲇⲉ ⲭ̀ⲛⲁⲧⲟⲩϫⲉ ⲧⲉⲕⲯⲩⲭⲏ.	Ǹθok ḋe akṡanerṡorp ètame piàsebys èpefmōit èθreftasθof savol m̀mof fai f̀namou xen tefmetàsebys ǹθok ḋe k̀natouje tekpsiṡy.	But if thou forewarn the wicked of his way to turn from it, and he turn not from his way, he shall die in his ungodliness; but thou hast delivered thine own soul.
33:10	ⲟⲩⲟϩ ⲛ̀ⲑⲟⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲁ̀ϫⲟⲥ ⲙ̀ⲡ̀ⲏⲓ ⲙ̀ⲡⲓ̅ⲥ̅ⲗ̅ ϫⲉⲡⲁⲓⲣⲏϯ ⲉⲣⲉⲧⲉⲛⲥⲁϫⲓ ⲉⲣⲉⲧⲉⲛϫⲱ ⲙ̀ⲙⲟⲥ ϫⲉⲛⲉⲛⲡⲗⲁⲛⲁ ⲛⲉⲙⲛⲉⲛⲁ̀ⲛⲟⲙⲓⲁ̀ ⲁⲩ ϩⲓϫⲱⲛ ⲟⲩⲟϩ ⲁ̀ⲛⲟⲛ ⲁⲛⲃⲱⲗ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟϩ ⲛ̀ⲛⲁⲱⲛϧ ⲛ̀ⲁϣ ⲛ̀ⲣⲏϯ .	Ⲟⲩⲟϩ ⲛ̀ⲑⲟⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲁ̀ϫⲟⲥ ⲛ̀ⲡ̀ⲏⲓ ⲛ̀ⲡⲓⲥⲣⲁⲏⲗ ϫⲉ ⲡⲁⲓⲣⲏϯ ⲉ̀ⲣⲉⲧⲉⲛⲥⲁϫⲓ ⲉ̀ⲣⲉⲧⲉⲛϫⲱ ⲙ̀ⲙⲟⲥ ϫⲉ ⲛⲉⲛⲡ̀ⲗⲁⲛⲁ ⲛⲉⲙ ⲛⲉⲛⲁ̀ⲛⲟⲙⲓⲁ̀ ⲁⲩ ϩⲓϫⲱⲛ ⲟⲩⲟϩ ⲁ̀ⲛⲟⲛ ⲁⲛⲃⲱⲗ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟϩ ⲛ̀ⲛⲁⲱⲛϧ ⲛ̀ⲁϣ ⲛ̀ⲣⲏϯ.	Ouoh ǹθok p̀ṡyri ǹf̀rōmi àgos ǹp̀yi ǹpisrayl je pairyti èretensaji èretengō m̀mos je nenp̀lana nem nenànomià av higōn ouoh ànon anvōl èvol ǹxytou ouoh ǹnaōnx ǹaṡ ǹryti.	And thou, son of man, say to the house of Israel; Thus have ye spoken, saying, Our errors, and our iniquities weigh upon us, and we pine away in them, and how then shall we live?
33:11	ⲁϫⲟⲥ ⲛⲱⲟⲩ ϫⲉϯⲟⲛϧ ⲁ̀ⲛⲟⲕ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲛ̀ϯⲟⲩⲱϣ ⲙ̀ⲫ̀ⲙⲟⲩ ⲁⲛ ⲙ̀ⲡⲓⲁ̀ⲥⲉⲃⲏⲥ ⲙ̀ⲫ̀ⲣⲏϯ ⲧ̀ⲉϥⲧⲁⲥⲑⲟϥ ⲛ̀ϫⲉⲡⲓⲁ̀ⲥⲉⲃⲏⲥ ϧⲉⲛⲡⲉϥⲙⲱⲓⲧ ⲛ̀ⲧⲉϥⲱⲛϧ ϧⲉⲛⲟⲩⲧⲁⲥⲑⲟ ⲧⲁⲥⲑⲟ ⲑⲏⲛⲟⲩ ⲉ̀ⲃⲟⲗϧⲉⲛ ⲛⲉⲧⲉⲛⲙⲱⲓⲧ ⲟⲩⲟϩ ⲉⲑⲃⲉⲟⲩ ⲧⲉⲧⲉⲛⲛⲁⲙⲟⲩ ⲡ̀ⲏⲓ ⲙ̀ⲡⲓ̅ⲥ̅ⲗ̅ .	Ⲁ̀ϫⲟⲥ ⲛⲱⲟⲩ ϫⲉ ϯⲟⲛϧ ⲁ̀ⲛⲟⲕ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲛ̀ϯⲟⲩⲱϣ ⲛ̀ⲫ̀ⲙⲟⲩ ⲁⲛ ⲛ̀ⲡⲓⲁ̀ⲥⲉⲃⲏⲥ ⲛ̀ⲫ̀ⲣⲏϯ ⲧ̀ⲉϥⲧⲁⲥⲑⲟϥ ⲛ̀ϫⲉ ⲡⲓⲁ̀ⲥⲉⲃⲏⲥ ϧⲉⲛ ⲡⲉϥⲙⲱⲓⲧ ⲛ̀ⲧⲉϥⲱⲛϧ ϧⲉⲛ ⲟⲩⲧⲁⲥⲑⲟ ⲧⲁⲥⲑⲟ ⲑⲏⲛⲟⲩ ⲉ̀ⲃⲟⲗ ϧⲉⲛ ⲛⲉⲧⲉⲛⲙⲱⲓⲧ ⲟⲩⲟϩ ⲉⲑⲃⲉ ⲟⲩ ⲧⲉⲧⲉⲛⲛⲁⲙⲟⲩ ⲡ̀ⲏⲓ ⲛ̀ⲡⲓⲥⲣⲁⲏⲗ.	Àgos nōou je tionx ànok je nai ne nyètefgō m̀mōou ǹje p̀ċois je ǹtiouōṡ ǹf̀mou an ǹpiàsebys ǹf̀ryti t̀eftasθof ǹje piàsebys xen pefmōit ǹtefōnx xen outasθo tasθo θynou èvol xen netenmōit ouoh eθve ou tetennamou p̀yi ǹpisrayl.	Say to them, Thus saith the Lord; As I live, I desire not the death of the ungodly, as that the ungodly should turn from his way and live: turn ye heartily from your way; for why will ye die, O house of Israel?
33:12	ⲁϫⲟⲥ ⲛ̀ⲛⲉⲛϣⲏⲣⲓ ⲙ̀ⲡⲉⲕⲗⲁⲟⲥ ϫⲉϯⲙⲉⲑⲙⲏⲓ ⲙ̀ⲡⲓⲑ̀ⲙⲏⲓ ⲛⲁⲛⲁϩⲙⲉϥ ⲁⲛ ϧⲉⲛⲡⲓⲉ̀ϩⲟⲟⲩ ⲛ̀ⲧⲉⲧⲉϥⲡⲗⲁⲛⲏ ⲟⲩⲟϩ ϯⲁ̀ⲛⲟⲙⲓⲁ̀ ⲙ̀ⲡⲓⲁ̀ⲥⲉⲃⲏⲥ ⲛⲁⲧ̀ϩⲉⲙⲕⲟϥ ⲁⲛ ϧⲉⲛⲡⲓⲉ̀ϩⲟⲟⲩ ⲉ̀ⲧⲉϥⲛⲁⲧⲁⲥⲑⲟϥ ⲉ̀ⲃⲟⲗϧⲉⲛ ⲧⲉϥⲁ̀ⲛⲟⲙⲓⲁ̀ ⲟⲩⲟϩ ⲡⲓⲑⲙⲏⲓ ⲉϥⲉ̀ⲛⲟϩⲉⲙ ⲁⲛ .	Ⲁ̀ϫⲟⲥ ⲛ̀ⲛⲉⲛϣⲏⲣⲓ ⲛ̀ⲡⲉⲕⲗⲁⲟⲥ ϫⲉ ϯⲙⲉⲑⲙⲏⲓ ⲛ̀ⲡⲓⲑ̀ⲙⲏⲓ ⲛⲁⲛⲁϩⲙⲉϥ ⲁⲛ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲧⲉϥⲡ̀ⲗⲁⲛⲏ ⲟⲩⲟϩ ϯⲁ̀ⲛⲟⲙⲓⲁ̀ ⲛ̀ⲡⲓⲁ̀ⲥⲉⲃⲏⲥ ⲛⲁⲧ̀ϩⲉⲙⲕⲟϥ ⲁⲛ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉϥⲛⲁⲧⲁⲥⲑⲟϥ ⲉ̀ⲃⲟⲗ ϧⲉⲛ ⲧⲉϥⲁ̀ⲛⲟⲙⲓⲁ̀ ⲟⲩⲟϩ ⲡⲓⲑ̀ⲙⲏⲓ ⲉϥⲉ̀ⲛⲟϩⲉⲙ ⲁⲛ.	Àgos ǹnenṡyri ǹpeklaos je timeθmyi ǹpiθ̀myi nanahmef an xen pièhoou ǹte tefp̀lany ouoh tiànomià ǹpiàsebys nat̀·hemkof an xen pièhoou ètefnatasθof èvol xen tefànomià ouoh piθ̀myi efènohem an.	Say to the children of thy people, The righteousness of the righteous shall not deliver him, in the day wherein he errs: and the iniquity of the ungodly shall not harm him, in the day wherein he turns from his iniquity, but the righteous erring shall not be able to deliver himself.
33:13	ϧⲉⲛⲡϫⲓⲑⲣⲓϫⲟⲥ ⲙ̀ⲡⲓⲑⲙⲏⲓ ϫⲉⲫⲁⲓ ⲁϥⲭⲁ ϩ̀ⲑⲏϥ ⲉ̀ⲧⲉϥⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ⲣⲓ ⲛ̀ⲟⲩⲁ̀ⲛⲟⲙⲓⲁ̀ ⲧⲉϥⲙⲉⲑⲙⲏⲓ ⲛ̀ϯⲉⲣⲡⲉⲥⲙⲉⲩⲓ̀ ⲁⲛ ϫⲉϯⲁ̀ⲇⲓⲕⲓⲁ̀ ⲉⲧⲁϥⲁⲓⲥ ϥ̀ⲛⲁⲙⲟⲩ ⲛ̀ϧⲏⲧⲥ .	Ϧⲉⲛ ⲡ̀ϫⲓⲑⲣⲓϫⲟⲥ ⲛ̀ⲡⲓⲑ̀ⲙⲏⲓ ϫⲉ ⲫⲁⲓ ⲁϥⲭⲁ ϩ̀ⲑⲏϥ ⲉ̀ⲧⲉϥⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ⲣⲓ ⲛ̀ⲟⲩⲁ̀ⲛⲟⲙⲓⲁ̀ ⲧⲉϥⲙⲉⲑⲙⲏⲓ ⲛ̀ϯⲉⲣⲡⲉⲥⲙⲉⲩⲓ̀ ⲁⲛ ϫⲉ ϯⲁ̀ⲇⲓⲕⲓⲁ̀ ⲉⲧⲁϥⲁⲓⲥ ϥ̀ⲛⲁⲙⲟⲩ ⲛ̀ϧⲏⲧⲥ.	Xen p̀jiθrigos ǹpiθ̀myi je fai afka h̀θyf ètefmeθmyi ouoh efèìri ǹouànomià tefmeθmyi ǹtierpesmevì an je tiàḋikià etafais f̀namou ǹxyts.	When I say to the righteous, Thou shalt live; and he trusts in his righteousness, and shall commit iniquity, none of his righteousnesses shall be remembered; in his unrighteousness which he has wrought, in it shall he die.
33:14	ⲟⲩⲟϩ ϧⲉⲛⲡϫⲓⲛⲑⲣⲓϫⲟⲥ ⲙ̀ⲡⲓⲁ̀ⲥⲉⲃⲏⲥ ϫⲉϧⲉⲛⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲧⲉϥⲧⲁⲥⲑⲟϥ ⲉ̀ⲃⲟⲗϧⲉⲛ ⲡⲉϥⲛⲟⲃⲓ ⲉϥⲉ̀ⲓ̀ⲣⲓ ⲛ̀ⲟⲩⲙⲉⲑⲙⲏⲓ .	Ⲟⲩⲟϩ ϧⲉⲛ ⲡ̀ϫⲓⲛⲑⲣⲓϫⲟⲥ ⲛ̀ⲡⲓⲁ̀ⲥⲉⲃⲏⲥ ϫⲉ ϧⲉⲛ ⲟⲩⲙⲟⲩ ⲭ̀ⲛⲁⲙⲟⲩ ⲟⲩⲟϩ ⲛ̀ⲧⲉϥⲧⲁⲥⲑⲟϥ ⲉ̀ⲃⲟⲗ ϧⲉⲛ ⲡⲉϥⲛⲟⲃⲓ ⲉϥⲉ̀ⲓ̀ⲣⲓ ⲛ̀ⲟⲩⲙⲉⲑⲙⲏⲓ.	Ouoh xen p̀jinθrigos ǹpiàsebys je xen oumou k̀namou ouoh ǹteftasθof èvol xen pefnovi efèìri ǹoumeθmyi.	And when I say to the ungodly, Thou shalt surely die; and he shall turn from his sin, and do judgment and justice,
33:15	ⲟⲩⲟϩ ϯⲟⲩⲱ̀ ⲉⲧⲉⲛ̀ⲧⲟⲧϥ ⲉϥⲉ̀ⲧⲏⲓⲥ ⲟⲩⲟϩ ⲫⲏⲉⲧⲁϥϩⲱⲗⲉⲙ ⲙ̀ⲙⲟϥ ⲉϥⲉ̀ⲧⲏⲓϥ ⲟⲩⲟϩ ⲉϥⲉ̀ⲙⲟϣⲓ ϧⲉⲛⲛⲓⲡⲣⲟⲥⲧⲟⲅⲙⲁ ⲛ̀ⲧⲉⲡⲓⲱⲛϧ ⲉ̀ϣ̀ⲧⲉⲙⲓ̀ⲣⲓ ⲛ̀ⲟⲩⲁ̀ⲇⲓⲕⲓⲁ̀ ϧⲉⲛⲟⲩⲱⲛϧ ϥ̀ⲛⲁⲱⲛϧ ⲟⲩⲟϩ ⲉϥⲉ̀ⲙⲟⲩ ⲁⲛ .	Ⲟⲩⲟϩ ϯⲟⲩⲱ̀ ⲉⲧⲉⲛ̀ⲧⲟⲧϥ ⲉϥⲉ̀ⲧⲏⲓⲥ ⲟⲩⲟϩ ⲫⲏⲉⲧⲁϥϩⲱⲗⲉⲙ ⲙ̀ⲙⲟϥ ⲉϥⲉ̀ⲧⲏⲓϥ ⲟⲩⲟϩ ⲉϥⲉ̀ⲙⲟϣⲓ ϧⲉⲛ ⲛⲓⲡ̀ⲣⲟⲥⲧⲟⲅⲙⲁ ⲛ̀ⲧⲉ ⲡⲓⲱⲛϧ ⲉ̀ϣ̀ⲧⲉⲙⲓ̀ⲣⲓ ⲛ̀ⲟⲩⲁ̀ⲇⲓⲕⲓⲁ̀ ϧⲉⲛ ⲟⲩⲱⲛϧ ϥ̀ⲛⲁⲱⲛϧ ⲟⲩⲟϩ ⲉϥⲉ̀ⲙⲟⲩ ⲁⲛ.	Ouoh tiouṑ eteǹtotf efètyis ouoh fyetafhōlem m̀mof efètyif ouoh efèmoṡi xen nip̀rostoġma ǹte piōnx èṡ̀temìri ǹouàḋikià xen ouōnx f̀naōnx ouoh efèmou an.	and return the pledge, and repay that which he has robbed, and walk in the ordinances of life, so as to do no wrong; he shall surely live, and shall not die.
33:16	ⲛⲉϥⲛⲟⲃⲓ ⲧⲏⲣⲟⲩ ⲉⲧⲁϥⲁⲓⲧⲟⲩ ⲛ̀ϯⲛⲁⲉⲣⲡⲟⲩⲙⲉⲩⲓ̀ ⲁⲛ ϫⲉⲉ̀ⲃⲟⲗ ϫⲉⲁϥⲓ̀ⲣⲓ ⲛ̀ⲟⲩϩⲁⲡ ⲛⲉⲙⲟⲩⲙⲉⲑⲙⲏⲓ ⲛⲁⲓ ⲉⲧⲉϥⲛⲁⲱⲛϧ ⲛ̀ϧⲏⲧⲟⲩ .	Ⲛⲉϥⲛⲟⲃⲓ ⲧⲏⲣⲟⲩ ⲉ̀ⲧⲁϥⲁⲓⲧⲟⲩ ⲛ̀ϯⲛⲁⲉⲣⲡⲟⲩⲙⲉⲩⲓ̀ ⲁⲛ ϫⲉ ⲉ̀ⲃⲟⲗ ϫⲉ ⲁϥⲓ̀ⲣⲓ ⲛ̀ⲟⲩϩⲁⲡ ⲛⲉⲙ ⲟⲩⲙⲉⲑⲙⲏⲓ ⲛⲁⲓ ⲉⲧⲉϥⲛⲁⲱⲛϧ ⲛ̀ϧⲏⲧⲟⲩ.	Nefnovi tyrou ètafaitou ǹtinaerpoumevì an je èvol je afìri ǹouhap nem oumeθmyi nai etefnaōnx ǹxytou.	None of his sins which he has committed shall be remembered: because he has wrought judgment and righteousness; by them shall he live.
33:17	ⲟⲩⲟϩ ⲉⲩⲉ̀ϫⲟⲥ ⲛ̀ϫⲉⲛⲉⲛϣⲏⲣⲓ ⲙ̀ⲡⲉⲗⲁⲟⲥ ϫⲉⲥⲉⲥⲟⲩⲧⲱⲛ ⲁⲛ ⲛ̀ϫⲉⲫ̀ⲙⲱⲓⲧ ⲛ̀ⲧⲉⲡϭ̅ⲥ̅ ⲡⲟⲩⲙⲱⲓⲧ ⲛ̀ⲑⲱⲟⲩ ⲥⲉⲥⲟⲩⲧⲱⲛ ⲁⲛ .	Ⲟⲩⲟϩ ⲉⲩⲉ̀ϫⲟⲥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲉⲗⲁⲟⲥ ϫⲉ ⲥⲉⲥⲟⲩⲧⲱⲛ ⲁⲛ ⲛ̀ϫⲉ ⲫ̀ⲙⲱⲓⲧ ⲛ̀ⲧⲉ ⲡ̀ϭⲟⲓⲥ ⲡⲟⲩⲙⲱⲓⲧ ⲛ̀ⲑⲱⲟⲩ ⲥⲉⲥⲟⲩⲧⲱⲛ ⲁⲛ.	Ouoh evègos ǹje nenṡyri ǹpelaos je sesoutōn an ǹje f̀mōit ǹte p̀ċois poumōit ǹθōou sesoutōn an.	Yet the children of thy people will say, The way of the Lord is not straight: whereas this their way is not straight.
33:18	ϧⲉⲛⲡϫⲓⲛⲑⲣⲉ ⲡⲓⲑⲙⲏⲓ ⲇⲉ ⲧⲁⲥⲑⲟϥ ⲉ̀ⲃⲟⲗϧⲉⲛ ⲧⲉϥⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ⲣⲓ ⲛ̀ϩⲁⲛⲁ̀ⲛⲟⲙⲓⲁ̀ ϥ̀ⲛⲁⲙⲟⲩ ⲉ̀ϧ̀ⲣⲏⲓ ⲛ̀ϧⲏⲧⲟⲩ .	Ϧⲉⲛ ⲡ̀ϫⲓⲛⲑ̀ⲣⲉ ⲡⲓⲑ̀ⲙⲏⲓ ⲇⲉ ⲧⲁⲥⲑⲟϥ ⲉ̀ⲃⲟⲗ ϧⲉⲛ ⲧⲉϥⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ⲣⲓ ⲛ̀ϩⲁⲛⲁ̀ⲛⲟⲙⲓⲁ̀ ϥ̀ⲛⲁⲙⲟⲩ ⲉ̀ϧ̀ⲣⲏⲓ ⲛ̀ϧⲏⲧⲟⲩ.	Xen p̀jinθ̀re piθ̀myi ḋe tasθof èvol xen tefmeθmyi ouoh efèìri ǹhanànomià f̀namou èx̀ryi ǹxytou.	When the righteous turns away from his righteousness, and shall commit iniquities, then shall he die in them.
33:19	ⲟⲩⲟϩ ϧⲉⲛⲡϫⲓⲛⲑⲣⲉ ⲡⲓⲣⲉϥⲉⲣⲛⲟⲃⲓⲧⲁⲥⲑⲟϥ ⲉ̀ⲃⲟⲗϧⲉⲛ ⲧⲉϥⲁ̀ⲛⲟⲙⲓⲁ̀ ⲉϥⲉ̀ⲓ̀ⲣⲓ ⲛ̀ⲟⲩⲕⲣⲓⲙⲁ ⲛⲉⲙⲟⲩⲙⲉⲑⲙⲏⲓ ϥ̀ⲛⲁⲱⲛϧ ⲛ̀ⲑⲟϥ ϧⲉⲛⲛⲁⲓ .	Ⲟⲩⲟϩ ϧⲉⲛ ⲡ̀ϫⲓⲛⲑ̀ⲣⲉ ⲡⲓⲣⲉϥⲉⲣⲛⲟⲃⲓⲧⲁⲥⲑⲟϥ ⲉ̀ⲃⲟⲗ ϧⲉⲛ ⲧⲉϥⲁ̀ⲛⲟⲙⲓⲁ̀ ⲉϥⲉ̀ⲓ̀ⲣⲓ ⲛ̀ⲟⲩⲕⲣⲓⲙⲁ ⲛⲉⲙ ⲟⲩⲙⲉⲑⲙⲏⲓ ϥ̀ⲛⲁⲱⲛϧ ⲛ̀ⲑⲟϥ ϧⲉⲛ ⲛⲁⲓ.	Ouoh xen p̀jinθ̀re pirefernovitasθof èvol xen tefànomià efèìri ǹoukrima nem oumeθmyi f̀naōnx ǹθof xen nai.	And when the sinner turns from his iniquity, and shall do judgment and righteousness, he shall live by them.
33:20	ⲟⲩⲟϩ ⲫⲁⲓ ⲡⲉ ⲉⲧⲁⲣⲉⲧⲉⲛϫⲟϥ ϫⲉⲫ̀ⲙⲱⲓⲧ ⲙ̀ⲡϭ̅ⲥ̅ ⲥⲉⲥⲱⲟⲩⲧⲉⲛ ⲁⲛ ϫⲉϯⲛⲁϯϩⲁⲡ ⲉ̀ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ϧⲉⲛⲛⲉϥⲙⲱⲓⲧ ⲡⲏⲓ ⲙ̀ⲡⲓ̅ⲥ̅ⲗ̅ ⲉϥⲉ̀ϫⲟⲥ ⲛ̀ϫⲉⲡϭ̅ⲥ̅ .	Ⲟⲩⲟϩ ⲫⲁⲓ ⲡⲉ ⲉ̀ⲧⲁⲣⲉⲧⲉⲛϫⲟϥ ϫⲉ ⲫ̀ⲙⲱⲓⲧ ⲛ̀ⲡ̀ϭⲟⲓⲥ ⲥⲉⲥⲱⲟⲩⲧⲉⲛ ⲁⲛ ϫⲉ ϯⲛⲁϯϩⲁⲡ ⲉ̀ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲧⲉⲛ ϧⲉⲛ ⲛⲉϥⲙⲱⲓⲧ ⲡ̀ⲏⲓ ⲛ̀ⲡⲓⲥⲣⲁⲏⲗ ⲉϥⲉ̀ϫⲟⲥ ⲛ̀ϫⲉ ⲡ̀ϭⲟⲓⲥ.	Ouoh fai pe ètaretengof je f̀mōit ǹp̀ċois sesōouten an je tinatihap èf̀ouai f̀ouai m̀mōten xen nefmōit p̀yi ǹpisrayl efègos ǹje p̀ċois.	And this is that which ye said, The way of the Lord is not straight. I will judge you, O house of Israel, every one for his ways.
33:21	ⲁⲥϣⲱⲡⲓ ⲇⲉ ϧⲉⲛϯⲙⲁϩⲓ̅ⲃ̅ ⲛ̀ⲣⲟⲙⲡⲓ ϧⲉⲛⲡⲓⲙⲁϩⲓ̅ⲃ̅ ⲛ̀ⲁ̀ⲃⲟⲧ ϧⲉⲛⲡⲓⲙⲁϩⲉ̅ ⲛ̀ⲉ̀ϩⲟⲟⲩ ⲙ̀ⲡⲓⲁ̀ⲃⲟⲧ ⲛ̀ϯⲉⲭⲙⲁⲗⲱⲥⲓⲁ̀ ⲁϥⲓ̀ ϩⲁⲛ̀ϫⲉ ⲫⲏⲉⲧⲁϥⲟⲩϫⲁⲓ ϧⲉⲛⲓⲗ̅ⲏ̅ⲙ̅ ⲉϥϫⲱ ⲙ̀ⲙⲟⲥ ϫⲉⲁⲩϭⲓ ⲛ̀ϯⲃⲁⲕⲓ .	Ⲁⲥϣⲱⲡⲓ ⲇⲉ ϧⲉⲛ ϯⲙⲁϩ12 ⲛ̀ⲣⲟⲙⲡⲓ ϧⲉⲛ ⲡⲓⲙⲁϩ12 ⲛ̀ⲁ̀ⲃⲟⲧ ϧⲉⲛ ⲡⲓⲙⲁϩ5 ⲛ̀ⲉ̀ϩⲟⲟⲩ ⲛ̀ⲡⲓⲁ̀ⲃⲟⲧ ⲛ̀ϯⲉⲭⲙⲁⲗⲱⲥⲓⲁ̀ ⲁϥⲓ̀ ϩⲁⲛ̀ϫⲉ ⲫⲏⲉⲧⲁϥⲟⲩϫⲁⲓ ϧⲉⲛ ⲓⲉⲣⲟⲩⲥⲁⲗⲏⲙ ⲉϥϫⲱ ⲙ̀ⲙⲟⲥ ϫⲉ ⲁⲩϭⲓ ⲛ̀ϯⲃⲁⲕⲓ.	Asṡōpi ḋe xen timah12 ǹrompi xen pimah12 ǹàvot xen pimah5 ǹèhoou ǹpiàvot ǹtiexmalōsià afì haǹje fyetafougai xen ierousalym efgō m̀mos je avċi ǹtivaki.	And it came to pass in the tenth year of our captivity, in the twelfth month, on the fifth day of the month, that one that had escaped from Jerusalem came to me, saying, The city is taken.
33:22	ⲟⲩⲟϩ ⲧ̀ϫⲓϫ ⲙ̀ⲡϭ̅ⲥ̅ ⲁⲥϣⲱⲡⲓ ϩⲓϫⲱⲓ ⲙ̀ⲫ̀ⲛⲁⲩ ⲛ̀ϩⲁⲛⲁ̀ⲣⲟⲩϩⲓ ⲙ̀ⲡⲁⲧⲉϥⲓ̀ ϩⲁⲣⲟⲓ ⲟⲩⲟϩ ⲁ ⲣⲱⲓ ⲟⲩⲱⲛ ϩⲟⲧⲉ ⲉⲧⲁ ⲡⲓⲣⲱⲙⲓ ⲓ̀ ϩⲁⲣⲟⲓ ⲙ̀ⲫ̀ⲛⲁⲩ ⲛ̀ϩⲁⲛⲁ̀ⲧⲟⲟⲩⲓ̀ ⲟⲩⲟϩ ⲁ ⲣⲱⲓ ⲟⲩⲱⲛ ⲙ̀ⲡⲁϥϣⲟⲧⲉⲙ .	Ⲟⲩⲟϩ ⲧ̀ϫⲓϫ ⲛ̀ⲡ̀ϭⲟⲓⲥ ⲁⲥϣⲱⲡⲓ ϩⲓϫⲱⲓ ⲛ̀ⲫ̀ⲛⲁⲩ ⲛ̀ϩⲁⲛⲁ̀ⲣⲟⲩϩⲓ ⲙ̀ⲡⲁⲧⲉϥⲓ̀ ϩⲁⲣⲟⲓ ⲟⲩⲟϩ ⲁ ⲣⲱⲓ ⲟⲩⲱⲛ ϩⲟⲧⲉ ⲉ̀ⲧⲁ ⲡⲓⲣⲱⲙⲓ ⲓ̀ ϩⲁⲣⲟⲓ ⲛ̀ⲫ̀ⲛⲁⲩ ⲛ̀ϩⲁⲛⲁ̀ⲧⲟⲟⲩⲓ̀ ⲟⲩⲟϩ ⲁ ⲣⲱⲓ ⲟⲩⲱⲛ ⲙ̀ⲡⲁϥϣⲟⲧⲉⲙ.	Ouoh t̀jig ǹp̀ċois asṡōpi higōi ǹf̀nav ǹhanàrouhi m̀patefì haroi ouoh a rōi ouōn hote èta pirōmi ì haroi ǹf̀nav ǹhanàtoouì ouoh a rōi ouōn m̀pafṡotem.	Now the hand of the Lord had come upon me in the evening, before he came; and he opened my mouth, when he came to me in the morning: and my mouth was open, it was no longer kept closed.
33:23	ⲟⲩⲟϩ ⲡ̀ⲥⲁϫⲓ ⲙ̀ⲡϭ̅ⲥ̅ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ .	Ⲟⲩⲟϩ ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲁϥϣⲱⲡⲓ ϩⲁⲣⲟⲓ ⲉϥϫⲱ ⲙ̀ⲙⲟⲥ.	Ouoh p̀·saji ǹp̀ċois afṡōpi haroi efgō m̀mos.	And the word of the Lord came to me, saying,
33:24	ϫⲉⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲏⲉⲧϣⲟⲡ ϧⲉⲛⲛⲏⲉⲧⲟⲓ ⲛ̀ϣⲁϥⲉ ϧⲉⲛⲡ̀ⲕⲁϩⲓ ⲙ̀ⲡⲓ̅ⲥ̅ⲗ̅ ⲉⲩϫⲱ ⲙ̀ⲙⲟⲥ ϫⲉⲟⲩⲣⲱⲙⲓ ⲛ̀ⲟⲩⲱⲧ ⲡⲉ ⲁⲃⲣⲁⲁⲙ ⲟⲩⲟϩ ⲁϥⲉⲣϭ̅ⲥ̅ ⲉ̀ⲡⲓⲕⲁϩⲓ ⲧⲏⲣϥ ⲁ̀ⲛⲟⲛ ⲇⲉ ⲉⲛⲟϣ ⲁ̀ⲛⲟⲛ ⲉ̀ⲧⲁⲩϯ ⲛⲁⲛ ⲙ̀ⲡⲓⲕⲁϩⲓ ⲉⲩⲕⲗⲏⲣⲟⲛⲟⲙⲓⲁ̀ .	Ϫⲉ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲏⲉⲧϣⲟⲡ ϧⲉⲛ ⲛⲏⲉⲧⲟⲓ ⲛ̀ϣⲁϥⲉ ϧⲉⲛ ⲡ̀ⲕⲁϩⲓ ⲛ̀ⲡⲓⲥⲣⲁⲏⲗ ⲉⲩϫⲱ ⲙ̀ⲙⲟⲥ ϫⲉ ⲟⲩⲣⲱⲙⲓ ⲛ̀ⲟⲩⲱⲧ ⲡⲉ ⲁⲃⲣⲁⲁⲙ ⲟⲩⲟϩ ⲁϥⲉⲣϭⲟⲓⲥ ⲉ̀ⲡⲓⲕⲁϩⲓ ⲧⲏⲣϥ ⲁ̀ⲛⲟⲛ ⲇⲉ ⲉⲛⲟϣ ⲁ̀ⲛⲟⲛ ⲉ̀ⲧⲁⲩϯ ⲛⲁⲛ ⲛ̀ⲡⲓⲕⲁϩⲓ ⲉⲩⲕⲗⲏⲣⲟⲛⲟⲙⲓⲁ̀.	Je p̀ṡyri ǹf̀rōmi nyetṡop xen nyetoi ǹṡafe xen p̀kahi ǹpisrayl evgō m̀mos je ourōmi ǹouōt pe abraam ouoh aferċois èpikahi tyrf ànon ḋe enoṡ ànon ètavti nan ǹpikahi evklyronomià.	Son of man, they that inhabit the desolate places on the land of Israel say, Abram was one, and he possessed the land: and we are more numerous; to us the land is given for a possession.
33:25	[...]	[...]	[...]
33:26	[...]	[...]	[...]
33:27	ⲉⲑⲃⲉⲫⲁⲓ ⲁ̀ϫⲟⲥ ⲛⲱⲟⲩ ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϯⲟⲛϧ ⲁ̀ⲛⲟⲕ ϫⲉⲛⲏⲉⲧϣⲟⲡ ϧⲉⲛⲛⲏⲉⲧϣⲏϥ ⲉϣⲱⲡ ⲉϣⲧⲉⲙϩⲉⲓ ⲁⲛ ϧⲉⲛⲧ̀ⲥⲏϥⲓ ⲟⲩⲟϩ ⲛⲏⲉⲧϣⲟⲡ ϩⲓⲧⲟⲧⲥ ⲛ̀ⲧ̀ⲕⲟⲓ ⲉⲩⲉ̀ⲧⲏⲓⲧⲟⲩ ⲉ̀ⲣⲱⲟⲩ ⲛ̀ⲛⲓⲑⲏⲣⲓⲟⲛ ⲉⲩⲉ̀ⲟⲩⲟⲙⲟⲩ ⲟⲩⲟϩ ⲛⲏⲉⲧϣⲟⲡ ϧⲉⲛϯⲃⲁⲕⲓ ⲛⲉⲙⲛⲓⲥⲡⲉⲗⲉⲟⲛ ϯⲛⲁⲙⲱⲟⲩⲧ ⲙ̀ⲙⲱⲟⲩ ϧⲉⲛⲟⲩⲙⲟⲩ .	ⲉⲑⲃⲉ ⲫⲁⲓ ⲁ̀ϫⲟⲥ ⲛⲱⲟⲩ ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϯⲟⲛϧ ⲁ̀ⲛⲟⲕ ϫⲉ ⲛⲏⲉⲧϣⲟⲡ ϧⲉⲛ ⲛⲏⲉⲧϣⲏϥ ⲉϣⲱⲡ ⲉ̀ϣⲧⲉⲙϩⲉⲓ ⲁⲛ ϧⲉⲛ ⲧ̀ⲥⲏϥⲓ ⲟⲩⲟϩ ⲛⲏⲉⲧϣⲟⲡ ϩⲓⲧⲟⲧⲥ ⲛ̀ⲧ̀ⲕⲟⲓ ⲉⲩⲉ̀ⲧⲏⲓⲧⲟⲩ ⲉ̀ⲣⲱⲟⲩ ⲛ̀ⲛⲓⲑⲏⲣⲓⲟⲛ ⲉⲩⲉ̀ⲟⲩⲟⲙⲟⲩ ⲟⲩⲟϩ ⲛⲏⲉⲧϣⲟⲡ ϧⲉⲛ ϯⲃⲁⲕⲓ ⲛⲉⲙ ⲛⲓⲥⲡⲉⲗⲉⲟⲛ ϯⲛⲁⲙⲱⲟⲩⲧ ⲙ̀ⲙⲱⲟⲩ ϧⲉⲛ ⲟⲩⲙⲟⲩ.	eθve fai àgos nōou je nai ne nyètefgō m̀mōou ǹje p̀ċois je tionx ànok je nyetṡop xen nyetṡyf eṡōp èṡtemhei an xen t̀syfi ouoh nyetṡop hitots ǹt̀koi evètyitou èrōou ǹniθyrion evèouomou ouoh nyetṡop xen tivaki nem nispeleon tinamōout m̀mōou xen oumou.	Therefore say to them, Thus saith the Lord God, As I live, surely they that are in the desolate places shall fall by swords and they that are in the open plain shall be given for food to the wild beasts of the field, and them that are in the fortified cities and them that are in the caves I will slay with pestilence.
33:28	ⲟⲩⲟϩ ⲉⲓⲉ̀ⲭⲁ ⲡⲓⲕⲁϩⲓ ⲛ̀ϣⲁϥⲉ ⲟⲩⲟϩ ⲉϥⲉ̀ⲧⲁⲕⲟ ⲛ̀ϫⲉⲡ̀ϣⲟⲩϣⲟⲩ ⲛ̀ⲧⲉϥϫⲟⲙ ⲟⲩⲟϩ ⲛⲓϧⲉⲗⲗⲟⲧ ⲛ̀ⲧⲉⲡⲓ̅ⲥ̅ⲗ̅ ⲉⲩⲉ̀ⲉⲣϣⲁϥⲉ ⲉ̀ⲃⲟⲗ ϫⲉⲛ̀ⲛⲉϥϣⲟⲡ ⲁⲛ ⲛ̀ϫⲉⲫⲏⲉⲑⲛⲁⲙⲟϣⲓ ⲛ̀ϧⲏⲟⲩ .	Ⲟⲩⲟϩ ⲉⲓⲉ̀ⲭⲁ ⲡⲓⲕⲁϩⲓ ⲛ̀ϣⲁϥⲉ ⲟⲩⲟϩ ⲉϥⲉ̀ⲧⲁⲕⲟ ⲛ̀ϫⲉ ⲡ̀ϣⲟⲩϣⲟⲩ ⲛ̀ⲧⲉϥϫⲟⲙ ⲟⲩⲟϩ ⲛⲓϧⲉⲗⲗⲟⲧ ⲛ̀ⲧⲉ ⲡⲓⲥⲣⲁⲏⲗ ⲉⲩⲉ̀ⲉⲣϣⲁϥⲉ ⲉ̀ⲃⲟⲗ ϫⲉ ⲛ̀ⲛⲉϥϣⲟⲡ ⲁⲛ ⲛ̀ϫⲉ ⲫⲏⲉⲑⲛⲁⲙⲟϣⲓ ⲛ̀ϧⲏⲟⲩ.	Ouoh eièka pikahi ǹṡafe ouoh efètako ǹje p̀ṡouṡou ǹtefgom ouoh nixellot ǹte pisrayl evèerṡafe èvol je ǹnefṡop an ǹje fyeθnamoṡi ǹxyou.	And I will make the land desert, and the pride of her strength shall perish; and the mountains of Israel shall be made desolate by reason of no man passing through.
33:29	ⲉⲩⲉ̀ⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲟⲩⲟϩ ϯⲛⲁⲑ̀ⲣⲉ ⲡⲟⲩⲕⲁϩⲓ ⲉⲣϣⲁϥⲉ ⲟⲩⲟϩ ⲛⲟⲩϥⲟϯ ⲧⲏⲣⲟⲩ ⲉⲧⲁⲩⲑⲁⲙⲓⲱⲟⲩ ⲉⲩⲉ̀ϣⲱϥ .	Ⲉⲩⲉ̀ⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲟⲩⲟϩ ϯⲛⲁⲑ̀ⲣⲉ ⲡⲟⲩⲕⲁϩⲓ ⲉⲣϣⲁϥⲉ ⲟⲩⲟϩ ⲛ̀ⲟⲩϥⲟϯ ⲧⲏⲣⲟⲩ ⲉⲧⲁⲩⲑⲁⲙⲓⲱⲟⲩ ⲉⲩⲉ̀ϣⲱϥ.	Evèèmi je ànok pe p̀ċois ouoh tinaθ̀re poukahi erṡafe ouoh ǹoufoti tyrou etavθamiōou evèṡōf.	And they shall know that I am the Lord; and I will make their land desert, and it shall be made desolate because of all their abominations which they have wrought.
33:30	ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲙ̀ⲫ̀ⲣⲱⲙⲓ ⲛⲉⲛϣⲏⲣⲓ ⲙ̀ⲡⲉⲕⲗⲁⲟⲥ ⲛⲁⲥⲁϫⲓ ⲉⲑⲃⲏⲧⲕ ϧⲁⲧⲉⲛⲛⲓⲥⲟⲃⲧ ⲟⲩⲟϩ ϧⲁⲧⲉⲛⲛⲓⲗⲁⲕⲕⲟⲥ ⲛ̀ⲧⲉⲛⲟⲩⲏⲟⲩ ⲉⲣⲉⲫ̀ⲣⲱⲙⲓ ⲥⲁϫⲓ ⲛⲉⲙⲡⲉϥⲥⲟⲛ ⲉϥϫⲱ ⲙ̀ⲙⲟⲥ ϫⲉⲙⲁⲣⲉⲛⲑⲱⲟⲩϯ ⲉ̀ϧⲟⲩⲛ ⲉⲑⲣⲉⲛⲥⲱⲧⲉⲙ ⲉ̀ⲛⲏⲉⲧⲉϥϫⲟⲧⲟⲩ ⲛ̀ϫⲉⲡϭ̅ⲥ̅ .	Ⲛ̀ⲑⲟⲕ ϩⲱⲕ ⲡ̀ϣⲏⲣⲓ ⲛ̀ⲫ̀ⲣⲱⲙⲓ ⲛⲉⲛϣⲏⲣⲓ ⲛ̀ⲡⲉⲕⲗⲁⲟⲥ ⲛⲁⲥⲁϫⲓ ⲉⲑⲃⲏⲧⲕ ϧⲁⲧⲉⲛ ⲛⲓⲥⲟⲃⲧ ⲟⲩⲟϩ ϧⲁⲧⲉⲛ ⲛⲓⲗⲁⲕⲕⲟⲥ ⲛ̀ⲧⲉ ⲛⲟⲩⲏⲟⲩ ⲉ̀ⲣⲉ ⲫ̀ⲣⲱⲙⲓ ⲥⲁϫⲓ ⲛⲉⲙ ⲡⲉϥⲥⲟⲛ ⲉϥϫⲱ ⲙ̀ⲙⲟⲥ ϫⲉ ⲙⲁⲣⲉⲛⲑⲱⲟⲩϯ ⲉ̀ϧⲟⲩⲛ ⲉ̀ⲑⲣⲉⲛⲥⲱⲧⲉⲙ ⲉ̀ⲛⲏⲉⲧⲉϥϫⲟⲧⲟⲩ ⲛ̀ϫⲉ ⲡ̀ϭⲟⲓⲥ.	Ǹθok hōk p̀ṡyri ǹf̀rōmi nenṡyri ǹpeklaos nasaji eθvytk xaten nisovt ouoh xaten nilakkos ǹte nouyou ère f̀rōmi saji nem pefson efgō m̀mos je marenθōouti èxoun èθrensōtem ènyetefgotou ǹje p̀ċois.	And as for thee, son of man, the children of thy people are they that speak concerning thee by the walls, and in the porches of the houses, and they talk one to another, saying, Let us come together, and let us hear the words that proceed from the Lord.
33:31	ⲟⲩⲟϩ ⲉⲩⲉ̀ⲓ̀ ϩⲁⲣⲟⲕ ⲙ̀ⲫ̀ⲣⲏϯ ⲛ̀ⲟⲩⲗⲁⲟⲥ ⲉ̀ϣⲁϥⲓ̀ ϧⲁⲛⲉϥⲉ̀ⲣⲏⲟⲩ ⲉⲩⲉ̀ϩⲉⲙⲥⲓ ⲙ̀ⲡⲉⲕⲙ̀ⲑⲟ ⲉ̀ⲃⲟⲗ ⲉⲩⲉ̀ⲥⲱⲧⲉⲙ ⲉ̀ⲛⲉⲕⲥⲁϫⲓ ⲉⲩⲉ̀ϣ̀ⲧⲉⲙⲁⲓⲧⲟⲩ ⲉ̀ⲃⲟⲗ ϫⲉⲟⲩⲟⲛ ⲟⲩⲙⲉⲑⲛⲟⲩϫ ϧⲉⲛⲣⲱⲟⲩ ⲟⲩⲟϩ ⲡⲟⲩϩⲏⲧ ⲟⲩⲁϩϥ ⲛ̀ⲥⲁⲛⲟⲩϭⲱϧⲉⲙ .	Ⲟⲩⲟϩ ⲉⲩⲓ̀ ϩⲁⲣⲟⲕ ⲛ̀ⲫ̀ⲣⲏϯ ⲛ̀ⲟⲩⲗⲁⲟⲥ ⲉ̀ϣⲁϥⲓ̀ ϧⲁ ⲛⲉϥⲉ̀ⲣⲏⲟⲩ ⲉⲩⲉ̀ϩⲉⲙⲥⲓ ⲛ̀ⲡⲉⲕⲙ̀ⲑⲟ ⲉ̀ⲃⲟⲗ ⲉⲩⲉ̀ⲥⲱⲧⲉⲙ ⲉ̀ⲛⲉⲕⲥⲁϫⲓ ⲉⲩⲉ̀ϣ̀ⲧⲉⲙⲁⲓⲧⲟⲩ ⲉ̀ⲃⲟⲗ ϫⲉ ⲟⲩⲟⲛ ⲟⲩⲙⲉⲑⲛⲟⲩϫ ϧⲉⲛ ⲣⲱⲟⲩ ⲟⲩⲟϩ ⲡⲟⲩϩⲏⲧ ⲟⲩⲁϩϥ ⲛ̀ⲥⲁ ⲛⲟⲩϭⲱϧⲉⲙ.	Ouoh evì harok ǹf̀ryti ǹoulaos èṡafì xa nefèryou evèhemsi ǹpekm̀θo èvol evèsōtem ènek·saji evèṡ̀temaitou èvol je ouon oumeθnoug xen rōou ouoh pouhyt ouahf ǹsa nouċōxem.	They approach thee as a people comes together, and sit before thee, and hear thy words, but they will not do them: for there is falsehood in their mouth, and their heart goes after their pollutions.
33:32	ⲟⲩⲟϩ ⲉⲕⲉ̀ϣⲱⲡⲓ ⲛⲱⲟⲩ ⲙ̀ⲫ̀ⲣⲏϯ ⲛ̀ⲟⲩϧ̀ⲣⲱⲟⲩ ⲙ̀ⲯⲁⲗⲧⲏⲣⲓⲟⲛ ⲛ̀ⲛⲟⲧⲉⲙ ⲉⲩⲉ̀ⲥⲱⲧⲉⲙ ⲉ̀ⲛⲉⲕⲥⲁϫⲓ ⲛ̀ⲥⲉϣ̀ⲧⲉⲙⲁⲓⲧⲟⲩ .	Ⲟⲩⲟϩ ⲉⲕⲉ̀ϣⲱⲡⲓ ⲛⲱⲟⲩ ⲛ̀ⲫ̀ⲣⲏϯ ⲛ̀ⲟⲩϧ̀ⲣⲱⲟⲩ ⲙ̀ⲯⲁⲗⲧⲏⲣⲓⲟⲛ ⲛ̀ⲛⲟⲧⲉⲙ ⲉⲩⲉ̀ⲥⲱⲧⲉⲙ ⲉ̀ⲛⲉⲕⲥⲁϫⲓ ⲛ̀ⲧⲟⲩϣ̀ⲧⲉⲙⲁⲓⲧⲟⲩ.	Ouoh ekèṡōpi nōou ǹf̀ryti ǹoux̀rōou m̀psaltyrion ǹnotem evèsōtem ènek·saji ǹtouṡ̀temaitou.	And thou art to them as a sound of a sweet, well-tuned psaltery, and they will hear thy words, but they will not do them.
33:33	ⲟⲩⲟϩ ⲉⲩⲉ̀ϫⲟⲥ ⲁⲩϣⲁⲛⲓ̀ ϫⲉϩⲏⲡⲡⲉ ⲁⲩⲓ̀ ⲉⲩⲉ̀ⲉ̀ⲙⲓ ϫⲉⲛ̀ⲑⲟⲕ ⲟⲩⲡⲣⲟⲫⲏⲧⲏⲥ ⲛ̀ⲑⲟⲕ ϧⲉⲛⲧⲟⲩⲙⲏϯ .	Ⲟⲩⲟϩ ⲉⲩⲉ̀ϫⲟⲥ ⲁⲩϣⲁⲛⲓ̀ ϫⲉ ϩⲏⲡⲡⲉ ⲁⲩⲓ̀ ⲉⲩⲉ̀ⲉ̀ⲙⲓ ϫⲉ ⲛ̀ⲑⲟⲕ ⲟⲩⲡ̀ⲣⲟⲫⲏⲧⲏⲥ ⲛ̀ⲑⲟⲕ ϧⲉⲛ ⲧⲟⲩⲙⲏϯ.	Ouoh evègos avṡanì je hyppe avì evèèmi je ǹθok oup̀rofytys ǹθok xen toumyti.	But whenever it shall come to pass, they will say, Behold, it is come: and they shall know that there was a prophet in the midst of them.

Provenance

title: 26_Ezechiel_33
dialect: bohairic
source: Coptic SCRIPTORIUM corpus "bohairic.ot", document 26_Ezechiel_33
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 26_Ezechiel_33 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Ezekiel/33.bohairic.scriptorium.L0.txt
title: 26_Ezechiel_33 — Cairene
dialect: bohairic
source: generated from 33.bohairic.scriptorium.L0.txt (Coptic SCRIPTORIUM corpus "bohairic.ot", document 26_Ezechiel_33)
licence: CC BY-SA 4.0
share: attribution
attribution: 26_Ezechiel_33 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Ezekiel/33.bohairic.scriptorium.L1.txt
title: 26_Ezechiel_33 — Kemetic
dialect: bohairic
source: generated from 33.bohairic.scriptorium.L1.txt
licence: CC BY-SA 4.0
share: attribution
attribution: 26_Ezechiel_33 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Ezekiel/33.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 31 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 26_Ezechiel_33 (31 lines)

Cite as:

26_Ezechiel_33. Coptic SCRIPTORIUM corpus "bohairic.ot", document 26_Ezechiel_33. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/ezekiel/33.bohairic.scriptorium/. 26_Ezechiel_33 from Coptic SCRIPTORIUM (https://copticscriptorium.org), corpus bohairic.ot, document 26_Ezechiel_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.