Genesis 17 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 01_Genesis_17

Attribution: Genesis 17 from Coptic SCRIPTORIUM (https://copticscriptorium.org), corpus bohairic.ot, document 01_Genesis_17, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
17:1	ⲁϥϣⲱⲡⲓ ⲇⲉ ⲛ̀ϫⲉⲁⲃⲣⲁⲙ ϧⲉⲛϥ̅ⲑ̅ ⲛ̀ⲣⲟⲙⲡⲓ ⲟⲩⲟϩ ⲁ̀ ⲡϭⲟⲓⲥ ⲟⲩⲟⲛϩϥ ⲉ̀ⲁⲃⲣⲁⲙ ⲡⲉϫⲁϥ ⲛⲁϥ ϫⲉⲁⲛⲟⲕ ⲡⲉ ⲫⲛⲟⲩϯ ϣⲱⲡⲓ ⲉⲕⲣⲁⲛⲏⲓ ⲙ̀ⲡⲁⲙ̀ⲑⲟ ⲟⲩⲟϩ ϣⲱⲡⲓ ⲙ̀ⲙⲟⲛ ⲁⲣⲓⲕⲓ ϭⲓ ⲉ̀ⲣⲟⲕ	ⲁϥϣⲱⲡⲓ ⲇⲉ ⲛ̀ϫⲉ ⲁⲃⲣⲁⲙ ϧⲉⲛ 99 ⲛ̀ⲣⲟⲙⲡⲓ ⲟⲩⲟϩ ⲁ̀ ⲡ̀ϭⲟⲓⲥ ⲟⲩⲟⲛϩϥ ⲉ̀ⲁⲃⲣⲁⲙ ⲡⲉϫⲁϥ ⲛⲁϥ ϫⲉ ⲁⲛⲟⲕ ⲡⲉ ⲫ̀ⲛⲟⲩϯ ϣⲱⲡⲓ ⲉⲭⲣⲁⲛⲏⲓ ⲛ̀ⲡⲁⲙ̀ⲑⲟ ⲟⲩⲟϩ ϣⲱⲡⲓ ⲙ̀ⲙⲟⲛ ⲁⲣⲓⲕⲓ ϭⲓ ⲉ̀ⲣⲟⲕ	afṡōpi ḋe ǹje abram xen 99 ǹrompi ouoh à p̀ċois ouonhf èabram pegaf naf je anok pe f̀nouti ṡōpi ekranyi ǹpam̀θo ouoh ṡōpi m̀mon ariki ċi èrok	And Abram was ninety-nine years old, and the Lord appeared to Abram and said to him, I am thy God, be well-pleasing before me, and be blameless.
17:2	ⲟⲩⲟϩ ⲉⲓⲉ̀ⲭⲱ ⲛ̀ⲧⲁⲇⲓⲁⲑⲏⲕⲏ ⲟⲩⲧⲱⲓ ⲛⲉⲙⲟⲩⲧⲱⲕ ⲟⲩⲟϩ ⲉⲓⲉ̀ⲑ̀ⲣⲉⲕⲁϣⲁⲓ ⲉ̀ⲙⲁϣⲱ	ⲟⲩⲟϩ ⲉⲓⲉ̀ⲭⲱ ⲛ̀ⲧⲁⲇⲓⲁⲑⲏⲕⲏ ⲟⲩⲧⲱⲓ ⲛⲉⲙ ⲟⲩⲧⲱⲕ ⲟⲩⲟϩ ⲉⲓⲉ̀ⲑ̀ⲣⲉⲕⲁϣⲁⲓ ⲉ̀ⲙⲁϣⲱ	ouoh eièkō ǹtaḋiaθyky outōi nem outōk ouoh eièθ̀rekaṡai èmaṡō	And I will establish my covenant between me and thee, and I will multiply thee exceedingly.
17:3	ⲟⲩⲟϩ ⲁϥϩⲉⲓ ⲛ̀ϫⲉⲁⲃⲣⲁⲙ ⲉ̀ϫⲉⲛⲡⲉϥϩⲟ ⲟⲩⲟϩ ⲁϥⲥⲁϫⲓ ⲛⲉⲙⲁϥ ⲛ̀ϫⲉⲫⲛⲟⲩϯ ⲉϥϫⲱ ⲙ̀ⲙⲟⲥ	ⲟⲩⲟϩ ⲁϥϩⲉⲓ ⲛ̀ϫⲉ ⲁⲃⲣⲁⲙ ⲉ̀ϫⲉⲛ ⲡⲉϥϩⲟ ⲟⲩⲟϩ ⲁϥⲥⲁϫⲓ ⲛⲉⲙⲁϥ ⲛ̀ϫⲉ ⲫ̀ⲛⲟⲩϯ ⲉϥϫⲱ ⲙ̀ⲙⲟⲥ	ouoh afhei ǹje abram èjen pefho ouoh afsaji nemaf ǹje f̀nouti efgō m̀mos	And Abram fell upon his face, and God spoke to him, saying,
17:4	ϫⲉⲁⲛⲟⲕ ϩⲏⲡⲡⲉ ⲓⲥ ⲧⲁⲇⲓⲁⲑⲏⲕⲏ ⲥ̀ⲭⲏ ⲛⲉⲙⲁⲕ ⲟⲩⲟϩ ⲉⲕⲉ̀ϣⲱⲡⲓ ⲛ̀ⲓⲱⲧ ⲛ̀ⲟⲩⲙⲏϣ ⲛ̀ϣ̀ⲗⲟⲗ	ϫⲉ ⲁⲛⲟⲕ ϩⲏⲡⲡⲉ ⲓⲥ ⲧⲁⲇⲓⲁⲑⲏⲕⲏ ⲥ̀ⲭⲏ ⲛⲉⲙⲁⲕ ⲟⲩⲟϩ ⲉⲕⲉ̀ϣⲱⲡⲓ ⲛ̀ⲓⲱⲧ ⲛ̀ⲟⲩⲙⲏϣ ⲛ̀ϣ̀ⲗⲟⲗ	je anok hyppe is taḋiaθyky s̀ṡy nemak ouoh ekèṡōpi ǹiōt ǹoumyṡ ǹṡ̀lol	And I, behold! my covenant with thee, and thou shalt be a father of a multitude of nations.
17:5	ⲟⲩⲟϩ ⲛ̀ⲛⲟⲩⲙⲟⲩϯ ⲉ̀ⲡⲉⲕⲣⲁⲛ ϫⲉⲁⲃⲣⲁⲙ ⲁⲗⲗⲁ ⲉ̀ⲣⲉⲡⲉⲕⲣⲁⲛ ϣⲱⲡⲓ ϫⲉⲁⲃⲣⲁⲁⲙ ϫⲉⲁⲓⲭⲁⲕ ⲛ̀ⲓⲱⲧ ⲛ̀ⲟⲩⲙⲏϣ ⲛ̀ⲉⲑⲛⲟⲥ	ⲟⲩⲟϩ ⲛ̀ⲛⲟⲩⲙⲟⲩϯ ⲉ̀ⲡⲉⲕⲣⲁⲛ ϫⲉ ⲁⲃⲣⲁⲙ ⲁⲗⲗⲁ ⲉ̀ⲣⲉ ⲡⲉⲕⲣⲁⲛ ϣⲱⲡⲓ ϫⲉ ⲁⲃⲣⲁⲁⲙ ϫⲉ ⲁⲓⲭⲁⲕ ⲛ̀ⲓⲱⲧ ⲛ̀ⲟⲩⲙⲏϣ ⲛ̀ⲉⲑⲛⲟⲥ	ouoh ǹnoumouti èpekran je abram alla ère pekran ṡōpi je abraam je aikak ǹiōt ǹoumyṡ ǹeθnos	And thy name shall no more be called Abram, but thy name shall be Abraam, for I have made thee a father of many nations.
17:6	ⲟⲩⲟϩ ⲉⲓⲉ̀ⲑ̀ⲣⲉⲕⲁϣⲁⲓ ⲉ̀ⲙⲁϣⲱ ⲉ̀ⲙⲁϣⲱ ⲟⲩⲟϩ ⲉⲓⲉ̀ⲭⲁⲕ ⲉ̀ϩⲁⲛϣ̀ⲗⲱⲗ ⲟⲩⲟϩ ϩⲁⲛⲟⲩⲣⲱⲟⲩ ⲉⲩⲉ̀ⲓ̀ ⲉ̀ⲃⲟⲗ ⲙ̀ⲙⲟⲕ	ⲟⲩⲟϩ ⲉⲓⲉ̀ⲑ̀ⲣⲉⲕⲁϣⲁⲓ ⲉ̀ⲙⲁϣⲱ ⲉ̀ⲙⲁϣⲱ ⲟⲩⲟϩ ⲉⲓⲉ̀ⲭⲁⲕ ⲉ̀ϩⲁⲛϣ̀ⲗⲱⲗ ⲟⲩⲟϩ ϩⲁⲛⲟⲩⲣⲱⲟⲩ ⲉⲩⲓ̀ ⲉ̀ⲃⲟⲗ ⲙ̀ⲙⲟⲕ	ouoh eièθ̀rekaṡai èmaṡō èmaṡō ouoh eièkak èhanṡ̀lōl ouoh hanourōou evì èvol m̀mok	And I will increase thee very exceedingly, and I will make nations of thee, and kings shall come out of thee.
17:7	ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲟⲩⲧⲱⲓ ⲛⲉⲙⲟⲩⲧⲱⲕ ⲛⲉⲙⲟⲩⲧⲉ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩⲅⲉⲛⲉⲁ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲉⲑⲣⲓϣⲱⲡⲓ ⲛⲁⲕ ⲛ̀ⲛⲟⲩϯ ⲛⲉⲙⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ	ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲟⲩⲧⲱⲓ ⲛⲉⲙ ⲟⲩⲧⲱⲕ ⲛⲉⲙ ⲟⲩⲧⲉ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩⲅⲉⲛⲉⲁ̀ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲉ̀ⲑⲣⲓϣⲱⲡⲓ ⲛⲁⲕ ⲛ̀ⲛⲟⲩϯ ⲛⲉⲙ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ	ouoh eièsemni ǹtaḋiaθyky outōi nem outōk nem oute pekg̀rog menensōk ṡanougeneà evḋiaθyky ǹèneh èθriṡōpi nak ǹnouti nem pekg̀rog menensōk	And I will establish my covenant between thee and thy seed after thee, to their generations, for an everlasting covenant, to be thy God, and of thy seed after thee.
17:8	ⲟⲩⲟϩ ⲉⲓⲉ̀ϯ ⲛⲁⲕ ⲛⲉⲙⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ⲙ̀ⲡⲓⲕⲁϩⲓ ⲉ̀ⲧⲉⲕⲟⲓ ⲛ̀ⲣⲉⲙⲛ̀ϫⲱⲓⲗⲓ ⲛ̀ϧⲏⲧϥ ⲡ̀ⲕⲁϩⲓ ⲧⲏⲣϥ ⲛ̀ⲭⲁⲛⲁⲁⲛ ⲉⲩⲁ̀ⲙⲁϩⲓ ⲛ̀ⲉ̀ⲛⲉϩ ⲟⲩⲟϩ ⲉⲓⲉ̀ϣⲱⲡⲓ ⲛⲱⲟⲩ ⲛ̀ⲛⲟⲩϯ	ⲟⲩⲟϩ ⲉⲓⲉ̀ϯ ⲛⲁⲕ ⲛⲉⲙ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ⲛ̀ⲡⲓⲕⲁϩⲓ ⲉ̀ⲧⲉⲕⲟⲓ ⲛ̀ⲣⲉⲙⲛ̀ϫⲱⲓⲗⲓ ⲛ̀ϧⲏⲧϥ ⲡ̀ⲕⲁϩⲓ ⲧⲏⲣϥ ⲛ̀ⲭⲁⲛⲁⲁⲛ ⲉⲩⲁ̀ⲙⲁϩⲓ ⲛ̀ⲉ̀ⲛⲉϩ ⲟⲩⲟϩ ⲉⲓⲉ̀ϣⲱⲡⲓ ⲛⲱⲟⲩ ⲛ̀ⲛⲟⲩϯ	ouoh eièti nak nem pekg̀rog menensōk ǹpikahi ètekoi ǹremǹgōili ǹxytf p̀kahi tyrf ǹxanaan evàmahi ǹèneh ouoh eièṡōpi nōou ǹnouti	And I will give to thee and to thy seed after thee the land wherein thou sojournest, even all the land of Chanaan for an everlasting possession, and I will be to them a God.
17:9	ⲟⲩⲟϩ ⲡⲉϫⲉ ⲫⲛⲟⲩϯ ⲟⲩⲃⲉ ⲁⲃⲣⲁⲁⲙ ϫⲉⲛ̀ⲑⲟⲕ ⲇⲉ ⲧⲁⲇⲓⲁⲑⲏⲕⲏ ⲉⲕⲉ̀ⲁ̀ⲣⲉϩ ⲉ̀ⲣⲟⲥ ⲛ̀ⲑⲟⲕ ⲛⲉⲙⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩϫⲱⲟⲩ	ⲟⲩⲟϩ ⲡⲉϫⲉ ⲫ̀ⲛⲟⲩϯ ⲟⲩⲃⲉ ⲁⲃⲣⲁⲁⲙ ϫⲉ ⲛ̀ⲑⲟⲕ ⲇⲉ ⲧⲁⲇⲓⲁⲑⲏⲕⲏ ⲉⲕⲉ̀ⲁ̀ⲣⲉϩ ⲉ̀ⲣⲟⲥ ⲛ̀ⲑⲟⲕ ⲛⲉⲙ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩϫⲱⲟⲩ	ouoh peje f̀nouti ouve abraam je ǹθok ḋe taḋiaθyky ekèàreh èros ǹθok nem pekg̀rog menensōk ṡanougōou	And God said to Abraam, Thou also shalt fully keep my covenant, thou and thy seed after thee for their generations.
17:10	ⲟⲩⲟϩ ⲑⲁⲓ ⲧⲉ ⲧⲁⲇⲓⲁⲑⲏⲕⲏ ⲉ̀ⲧⲉⲕⲛⲁⲁ̀ⲣⲉϩ ⲉ̀ⲣⲟⲥ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙⲟⲩⲧⲉ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩϫⲱⲟⲩ	ⲟⲩⲟϩ ⲑⲁⲓ ⲧⲉ ⲧⲁⲇⲓⲁⲑⲏⲕⲏ ⲉ̀ⲧⲉ ⲭ̀ⲛⲁⲁ̀ⲣⲉϩ ⲉ̀ⲣⲟⲥ ⲟⲩⲧⲱⲓ ⲛⲉⲙⲱⲧⲉⲛ ⲛⲉⲙ ⲟⲩⲧⲉ ⲡⲉⲕϫ̀ⲣⲟϫ ⲙⲉⲛⲉⲛⲥⲱⲕ ϣⲁⲛⲟⲩϫⲱⲟⲩ	ouoh θai te taḋiaθyky ète k̀naàreh èros outōi nemōten nem oute pekg̀rog menensōk ṡanougōou	And this the covenant which thou shalt fully keep between me and you, and between thy seed after thee for their generations; every male of you shall be circumcised.
17:11	ϩⲱⲟⲩⲧ ⲛⲓⲃⲉⲛ ⲛ̀ⲧⲱⲧⲉⲛ ⲉϥⲉ̀ⲥⲟⲩⲃⲏⲧϥ ⲟⲩⲟϩ ⲉⲣⲉⲧⲉⲛⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉⲧⲉⲛⲙⲉⲧⲁⲧⲥⲉⲃⲓ ⲟⲩⲟϩ ⲉϥⲉ̀ϣⲱⲡⲓ ϧⲉⲛⲟⲩⲙⲏⲓⲛⲓ ⲛ̀ⲧⲉⲟⲩⲇⲓⲁⲑⲏⲕⲏ ⲟⲩⲧⲱⲓ ⲛⲉⲙⲱⲧⲉⲛ	ϩⲱⲟⲩⲧ ⲛⲓⲃⲉⲛ ⲛ̀ⲧⲱⲧⲉⲛ ⲉϥⲉ̀ⲥⲟⲩⲃⲏⲧϥ ⲟⲩⲟϩ ⲉ̀ⲣⲉⲧⲉⲛⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉⲧⲉⲛⲙⲉⲧⲁⲧⲥⲉⲃⲓ ⲟⲩⲟϩ ⲉϥⲉ̀ϣⲱⲡⲓ ϧⲉⲛ ⲟⲩⲙⲏⲓⲛⲓ ⲛ̀ⲧⲉ ⲟⲩⲇⲓⲁⲑⲏⲕⲏ ⲟⲩⲧⲱⲓ ⲛⲉⲙⲱⲧⲉⲛ	hōout niven ǹtōten efèsouvytf ouoh èretensouve t̀sarks ǹtetenmetatsevi ouoh efèṡōpi xen oumyini ǹte ouḋiaθyky outōi nemōten	And ye shall be circumcised in the flesh of your foreskin, and it shall be for a sign of a covenant between me and you.
17:12	ⲟⲩⲟϩ ⲟⲩⲁ̀ⲗⲟⲩ ϧⲉⲛⲏ̅ ⲛ̀ⲉ̀ϩⲟⲟⲩ ⲉⲩⲉ̀ⲥⲟⲩⲃⲏⲧϥ ⲛⲱⲧⲉⲛ ⲛⲉⲧⲉⲛϩⲱⲟⲩⲧ ⲧⲏⲣⲟⲩ ϣⲁⲛⲉⲧⲉⲛϫⲱⲟⲩ ⲡⲓⲙⲉⲥ ϧⲉⲛⲏⲓ ⲛⲉⲙⲡⲓϣⲱⲡ ϧⲁϩⲁⲧ ⲉ̀ⲃⲟⲗ ϧⲉⲛϣⲏⲣⲓ ⲛⲓⲃⲉⲛ ⲛ̀ϣⲉⲙⲙⲱⲟⲩ ⲉ̀ⲧⲉⲉ̀ⲃⲟⲗ ϧⲉⲛⲡⲉⲕϫ̀ⲣⲟϫ ⲁⲛ ⲛⲉ ϧⲉⲛⲟⲩⲥⲉⲃⲓ ⲉⲕⲉ̀ⲥⲟⲩⲃⲏⲧⲟⲩ ⲡⲓⲙⲉⲥ ϧⲉⲛⲏⲓ ⲛ̀ⲧⲉⲡⲉⲕⲏⲓ ⲛⲉⲙⲡⲓϣⲱⲡ ϧⲁϩⲁⲧ	ⲟⲩⲟϩ ⲟⲩⲁ̀ⲗⲟⲩ ϧⲉⲛⲏ̅ ⲛ̀ⲉ̀ϩⲟⲟⲩ ⲉⲩⲉ̀ⲥⲟⲩⲃⲏⲧϥ ⲛⲱⲧⲉⲛ ⲛ̀ⲉⲧⲉⲛϩⲱⲟⲩⲧ ⲧⲏⲣⲟⲩ ϣⲁ ⲛⲉⲧⲉⲛϫⲱⲟⲩ ⲡⲓⲙⲉⲥ ϧⲉⲛ ⲏⲓ ⲛⲉⲙ ⲡⲓϣⲱⲡ ϧⲁϩⲁⲧ ⲉ̀ⲃⲟⲗ ϧⲉⲛ ϣⲏⲣⲓ ⲛⲓⲃⲉⲛ ⲛ̀ϣⲉⲙⲙⲱⲟⲩ ⲉ̀ⲧⲉ ⲉ̀ⲃⲟⲗ ϧⲉⲛ ⲡⲉⲕϫ̀ⲣⲟϫ ⲁⲛ ⲛⲉ ϧⲉⲛ ⲟⲩⲥⲉⲃⲓ ⲉⲕⲉ̀ⲥⲟⲩⲃⲏⲧⲟⲩ ⲡⲓⲙⲉⲥ ϧⲉⲛ ⲏⲓ ⲛ̀ⲧⲉ ⲡⲉⲕⲏⲓ ⲛⲉⲙ ⲡⲓϣⲱⲡ ϧⲁϩⲁⲧ	ouoh ouàlou xeny ǹèhoou evèsouvytf nōten ǹetenhōout tyrou ṡa netengōou pimes xen yi nem piṡōp xahat èvol xen ṡyri niven ǹṡemmōou ète èvol xen pekg̀rog an ne xen ousevi ekèsouvytou pimes xen yi ǹte pekyi nem piṡōp xahat	And the child of eight days shall be circumcised by you, every male throughout your generations, and born in the house and he that is bought with money, of every son of a stranger, who is not of thy seed.
17:13	ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉⲧⲁⲇⲓⲁⲑⲏⲕⲏ ϩⲓⲧⲉⲧⲉⲛⲥⲁⲣⲝ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ	ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉ ⲧⲁⲇⲓⲁⲑⲏⲕⲏ ϩⲓ ⲧⲉⲧⲉⲛⲥⲁⲣⲝ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ	ouoh esèṡōpi ǹje taḋiaθyky hi tetensarks evḋiaθyky ǹèneh	He that is born in thy house, and he that is bought with money shall be surely circumcised, and my covenant shall be on your flesh for an everlasting covenant.
17:14	ⲟⲩⲟϩ ⲡⲓϩⲱⲟⲩⲧ ⲉⲧⲟⲓ ⲛ̀ⲁⲧⲥⲉⲃⲓ ⲫⲏⲉ̀ⲧⲟⲩⲛⲁⲥⲟⲩⲃⲉ ⲧ̀ⲥⲁⲣⲝ ⲁⲛ ⲛ̀ⲧⲉⲧⲉϥⲙⲉⲧⲁⲧⲥⲉⲃⲓ ϧⲉⲛⲡⲓⲙⲁϩ ⲏ̅ ⲛ̀ⲉ̀ϩⲟⲟⲩ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉⲙ̀ⲙⲁⲩ ⲉ̀ⲃⲟⲗ ϧⲉⲛⲡⲉⲥⲅⲉⲛⲟⲥ ϫⲉⲧⲁⲇⲓⲁⲑⲏⲕⲏ ⲁϥϫⲟⲣⲥ ⲉ̀ⲃⲟⲗ	ⲟⲩⲟϩ ⲡⲓϩⲱⲟⲩⲧ ⲉⲧⲟⲓ ⲛ̀ⲁⲧⲥⲉⲃⲓ ⲫⲏⲉ̀ⲧⲟⲩⲛⲁⲥⲟⲩⲃⲉ ⲧ̀ⲥⲁⲣⲝ ⲁⲛ ⲛ̀ⲧⲉ ⲧⲉϥⲙⲉⲧⲁⲧⲥⲉⲃⲓ ϧⲉⲛ ⲡⲓⲙⲁϩ ϣ̀ⲙⲏⲛ ⲛ̀ⲉ̀ϩⲟⲟⲩ ⲉⲩⲉ̀ϥⲱϯ ⲛ̀ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲉ̀ⲃⲟⲗ ϧⲉⲛ ⲡⲉⲥⲅⲉⲛⲟⲥ ϫⲉ ⲧⲁⲇⲓⲁⲑⲏⲕⲏ ⲁϥϫⲟⲣⲥ ⲉ̀ⲃⲟⲗ	ouoh pihōout etoi ǹatsevi fyètounasouve t̀sarks an ǹte tefmetatsevi xen pimah ṡ̀myn ǹèhoou evèfōti ǹtipsiṡy ète m̀mav èvol xen pesgenos je taḋiaθyky afgors èvol	And the uncircumcised male, who shall not be circumcised in the flesh of his foreskin on the eighth day, that soul shall be utterly destroyed from its family, for he has broken my covenant.
17:15	ⲟⲩⲟϩ ⲡⲉϫⲉ ⲫⲛⲟⲩϯ ⲛ̀ⲁⲃⲣⲁⲁⲙ ϫⲉⲥⲁⲣⲁ ⲧⲉⲕⲥ̀ϩⲓⲙⲓ ⲛ̀ⲛⲟⲩⲙⲟⲩϯ ϫⲉⲡⲉⲥⲣⲁⲛ ϫⲉⲥⲁⲣⲁ ⲁⲗⲗⲁ ⲉ̀ⲣⲉⲡⲉⲥⲣⲁⲛ ϣⲱⲡⲓ ϫⲉⲥⲁⲣⲣⲁ	ⲟⲩⲟϩ ⲡⲉϫⲉ ⲫ̀ⲛⲟⲩϯ ⲛ̀ⲁⲃⲣⲁⲁⲙ ϫⲉ ⲥⲁⲣⲁ ⲧⲉⲕⲥ̀ϩⲓⲙⲓ ⲛ̀ⲛ ⲟⲩⲙⲟⲩϯ ϫⲉ ⲡⲉⲥⲣⲁⲛ ϫⲉ ⲥⲁⲣⲁ ⲁⲗⲗⲁ ⲉ̀ⲣⲉⲡⲉⲥⲣⲁⲛ ϣⲱⲡⲓ ϫⲉ ⲥⲁⲣⲣⲁ	ouoh peje f̀nouti ǹabraam je sara tek·s̀·himi ǹn oumouti je pesran je sara alla èrepesran ṡōpi je sarra	And God said to Abraam, Sara thy wifeher name shall not be called Sara, Sarrha shall be her name.
17:16	ⲉⲓⲉ̀ⲥⲙⲟⲩ ⲇⲉ ⲉ̀ⲣⲟⲥ ⲟⲩⲟϩ ⲉⲓⲉ̀ϯ ⲛⲁⲕ ⲛ̀ⲟⲩϣⲏⲣⲓ ⲉ̀ⲃⲟⲗ ⲙ̀ⲙⲟⲥ ⲉⲓⲉ̀ⲥⲙⲟⲩ ⲉ̀ⲣⲟϥ ⲟⲩⲟϩ ⲉϥⲉ̀ϣⲱⲡⲓ ⲉ̀ϩⲁⲛϣ̀ⲗⲟⲗ ⲟⲩⲟϩ ϩⲁⲛⲟⲩⲣⲱⲟⲩ ⲛ̀ⲧⲉϩⲁⲛϣ̀ⲗⲟⲗ ⲉⲩⲉ̀ⲓ̀ ⲉ̀ⲃⲟⲗ ⲙ̀ⲙⲟϥ	ⲉⲓⲉ̀ⲥ̀ⲙⲟⲩ ⲇⲉ ⲉ̀ⲣⲟⲥ ⲟⲩⲟϩ ⲉⲓⲉ̀ϯ ⲛⲁⲕ ⲛ̀ⲟⲩϣⲏⲣⲓ ⲉ̀ⲃⲟⲗ ⲙ̀ⲙⲟⲥ ⲉⲓⲉ̀ⲥ̀ⲙⲟⲩ ⲉ̀ⲣⲟϥ ⲟⲩⲟϩ ⲉϥⲉ̀ϣⲱⲡⲓ ⲉ̀ϩⲁⲛϣ̀ⲗⲟⲗ ⲟⲩⲟϩ ϩⲁⲛⲟⲩⲣⲱⲟⲩ ⲛ̀ⲧⲉ ϩⲁⲛϣ̀ⲗⲟⲗ ⲉⲩⲓ̀ ⲉ̀ⲃⲟⲗ ⲙ̀ⲙⲟϥ	eiès̀mou ḋe èros ouoh eièti nak ǹouṡyri èvol m̀mos eiès̀mou èrof ouoh efèṡōpi èhanṡ̀lol ouoh hanourōou ǹte hanṡ̀lol evì èvol m̀mof	And I will bless her, and give thee a son of her, and I will bless him, and he shall become nations, and kings of nations shall be of him.
17:17	ⲟⲩⲟϩ ⲁϥϩⲓⲧϥ ⲛ̀ϫⲉⲁⲃⲣⲁⲁⲙ ⲉ̀ϫⲉⲛⲡⲉϥϩⲟ ⲟⲩⲟϩ ⲁϥⲥⲱⲃⲓ ⲟⲩⲟϩ ⲡⲉϫⲁϥ ϧⲉⲛⲡⲉϥϩⲏⲧ ⲉϥϫⲱ ⲙ̀ⲙⲟⲥ ϫⲉⲁⲛ ⲉⲥⲉ̀ϣⲱⲡⲓ ⲙ̀ⲫⲏ ⲉ̀ⲧⲁϥⲉⲣ ⲣ̅ ⲛ̀ⲣⲟⲙⲡⲓ ⲟⲩⲟϩ ⲥⲁⲣⲣⲁ ⲁⲥⲉⲣ ϥ̅ ⲛ̀ⲣⲟⲙⲡⲓ ⲁⲛ ⲉⲥⲉ̀ⲙⲓⲥⲓ	ⲟⲩⲟϩ ⲁϥϩⲓⲧϥ ⲛ̀ϫⲉ ⲁⲃⲣⲁⲁⲙ ⲉ̀ϫⲉⲛ ⲡⲉϥϩⲟ ⲟⲩⲟϩ ⲁϥⲥⲱⲃⲓ ⲟⲩⲟϩ ⲡⲉϫⲁϥ ϧⲉⲛ ⲡⲉϥϩⲏⲧ ⲉϥϫⲱ ⲙ̀ⲙⲟⲥ ϫⲉ ⲁⲛ ⲉⲥⲉ̀ϣⲱⲡⲓ ⲛ̀ⲫⲏ ⲉ̀ⲧⲁϥⲉⲣ ϣⲉ ⲛ̀ⲣⲟⲙⲡⲓ ⲟⲩⲟϩ ⲥⲁⲣⲣⲁ ⲁⲥⲉⲣ ⲡⲓⲥⲧⲁⲩ ⲛ̀ⲣⲟⲙⲡⲓ ⲁⲛ ⲉⲥⲉ̀ⲙⲓⲥⲓ	ouoh afhitf ǹje abraam èjen pefho ouoh afsōvi ouoh pegaf xen pefhyt efgō m̀mos je an esèṡōpi ǹfy ètafer ṡe ǹrompi ouoh sarra aser pistav ǹrompi an esèmisi	And Abraam fell upon his face, and laughed; and spoke in his heart, saying, Shall there be a child to one who is a hundred years old, and shall Sarrha who is ninety years old, bear?
17:18	ⲡⲉϫⲉ ⲁⲃⲣⲁⲁⲙ ⲇⲉ ⲟⲩⲃⲉ ⲫⲛⲟⲩϯ ϫⲉⲓⲥⲙⲁⲏⲗ ⲫⲁⲓ ⲙⲁⲣⲉϥⲱⲛϧ ⲙ̀ⲑⲟ	ⲡⲉϫⲉ ⲁⲃⲣⲁⲁⲙ ⲇⲉ ⲟⲩⲃⲉ ⲫ̀ⲛⲟⲩϯ ϫⲉ ⲓⲥⲙⲁⲏⲗ ⲫⲁⲓ ⲙⲁⲣⲉϥⲱⲛϧ ⲙ̀ⲑⲟ	peje abraam ḋe ouve f̀nouti je ismayl fai marefōnx m̀θo	And Abraam said to God, Let this Ismael live before thee.
17:19	ⲡⲉϫⲉ ⲫⲛⲟⲩϯ ⲇⲉ ⲛ̀ⲁⲃⲣⲁⲁⲙ ϫⲉⲁⲣⲁ ϩⲏⲡⲡⲉ ⲓⲥ ⲥⲁⲣⲣⲁ ⲧⲉⲕⲥ̀ϩⲓⲙⲓ ⲉⲥⲉ̀ⲙⲓⲥⲓ ⲛⲁⲕ ⲛ̀ⲟⲩϣⲏⲣⲓ ⲟⲩⲟϩ ⲉⲕⲉ̀ⲙⲟⲩϯ ⲉ̀ⲡⲉϥⲣⲁⲛ ϫⲉⲓⲥⲁⲁⲕ ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲛⲉⲙⲁϥ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲉⲑⲣⲓϣⲱⲡⲓ ⲛⲁϥ ⲛ̀ⲛⲟⲩϯ ⲛⲉⲙⲡⲉϥϫ̀ⲣⲟϫ ⲙⲉⲛⲉⲛⲥⲱϥ	ⲡⲉϫⲉ ⲫ̀ⲛⲟⲩϯ ⲇⲉ ⲛ̀ⲁⲃⲣⲁⲁⲙ ϫⲉ ⲁⲣⲁ ϩⲏⲡⲡⲉ ⲓⲥ ⲥⲁⲣⲣⲁ ⲧⲉⲕⲥ̀ϩⲓⲙⲓ ⲉⲥⲉ̀ⲙⲓⲥⲓ ⲛⲁⲕ ⲛ̀ⲟⲩϣⲏⲣⲓ ⲟⲩⲟϩ ⲉⲕⲉ̀ⲙⲟⲩϯ ⲉ̀ⲡⲉϥⲣⲁⲛ ϫⲉ ⲓⲥⲁⲁⲕ ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲧⲁⲇⲓⲁⲑⲏⲕⲏ ⲛⲉⲙⲁϥ ⲉⲩⲇⲓⲁⲑⲏⲕⲏ ⲛ̀ⲉ̀ⲛⲉϩ ⲉ̀ⲑⲣⲓϣⲱⲡⲓ ⲛⲁϥ ⲛ̀ⲛⲟⲩϯ ⲛⲉⲙ ⲡⲉϥϫ̀ⲣⲟϫ ⲙⲉⲛⲉⲛⲥⲱϥ	peje f̀nouti ḋe ǹabraam je ara hyppe is sarra tek·s̀·himi esèmisi nak ǹouṡyri ouoh ekèmouti èpefran je isaak ouoh eièsemni ǹtaḋiaθyky nemaf evḋiaθyky ǹèneh èθriṡōpi naf ǹnouti nem pefg̀rog menensōf	And God said to Abraam, Yea, behold, Sarrha thy wife shall bear thee a son, and thou shalt call his name Isaac; and I will establish my covenant with him, for an everlasting covenant, to be a God to him and to his seed after him.
17:20	ⲉⲑⲃⲉⲓⲥⲙⲁⲏⲗ ⲇⲉ ϩⲏⲡⲡⲉ ⲁⲓⲥⲱⲧⲉⲙ ⲉ̀ⲣⲟⲕ ϩⲏⲡⲡⲉ ⲁⲓⲥ̀ⲙⲟⲩ ⲉ̀ⲣⲟϥ ⲟⲩⲟϩ ⲉⲓⲉ̀ⲑ̀ⲣⲉϥⲁⲓⲁⲓ ⲟⲩⲟϩ ⲉⲓⲉ̀ⲑ̀ⲣⲉϥⲁ̀ϣⲁⲓ ⲉ̀ⲙⲁϣⲱ ⲓ̅ⲃ̅ ⲛ̀ϣ̀ⲗⲟⲗ ⲉϥⲉ̀ϫ̀ⲫⲱⲟⲩ ⲟⲩⲟϩ ⲉⲓⲉ̀ⲧⲏⲓϥ ⲉ̀ⲟⲩⲛⲓϣϯ ⲛ̀ϣ̀ⲗⲟⲗ	ⲉⲑⲃⲉ ⲓⲥⲙⲁⲏⲗ ⲇⲉ ϩⲏⲡⲡⲉ ⲁⲓⲥⲱⲧⲉⲙ ⲉ̀ⲣⲟⲕ ϩⲏⲡⲡⲉ ⲁⲓⲥ̀ⲙⲟⲩ ⲉ̀ⲣⲟϥ ⲟⲩⲟϩ ⲉ̀ⲓⲉ̀ⲑ̀ⲣⲉϥⲁⲓⲁⲓ ⲟⲩⲟϩ ⲉ̀ⲓⲉ̀ⲑ̀ⲣⲉϥⲁ̀ϣⲁⲓ ⲉ̀ⲙⲁϣⲱ 12 ⲛ̀ϣ̀ⲗⲟⲗ ⲉϥⲉ̀ϫ̀ⲫⲱⲟⲩ ⲟⲩⲟϩ ⲉⲓⲉ̀ⲧⲏⲓϥ ⲉ̀ⲟⲩⲛⲓϣϯ ⲛ̀ϣ̀ⲗⲟⲗ	eθve ismayl ḋe hyppe aisōtem èrok hyppe ais̀mou èrof ouoh èièθ̀refaiai ouoh èièθ̀refàṡai èmaṡō 12 ǹṡ̀lol efèg̀fōou ouoh eiètyif èouniṡti ǹṡ̀lol	And concerning Ismael, behold, I have heard thee, and, behold, I have blessed him, and will increase him and multiply him exceedingly; twelve nations shall he beget, and I will make him a great nation.
17:21	ⲧⲁⲇⲓⲁⲑⲏⲕⲏ ⲇⲉ ⲉⲓⲉ̀ⲥⲉⲙⲛⲏⲧⲥ ⲛⲉⲙⲓⲥⲁⲁⲕ ⲫⲏ ⲉ̀ⲧⲉⲥⲁⲣⲣⲁ ⲛⲁⲙⲁⲥϥ ⲛⲁⲕ ⲙ̀ⲡⲁⲓⲥⲏⲟⲩ ϧⲉⲛϯⲕⲉⲣⲟⲙⲡⲓ	ⲧⲁⲇⲓⲁⲑⲏⲕⲏ ⲇⲉ ⲉⲓⲉ̀ⲥⲉⲙⲛⲏⲧⲥ ⲛⲉⲙ ⲓⲥⲁⲁⲕ ⲫⲏ ⲉ̀ⲧⲉ ⲥⲁⲣⲣⲁ ⲛⲁⲙⲁⲥϥ ⲛⲁⲕ ⲛ̀ⲡⲁⲓⲥⲏⲟⲩ ϧⲉⲛ ϯⲕⲉⲣⲟⲙⲡⲓ	taḋiaθyky ḋe eièsemnyts nem isaak fy ète sarra namasf nak ǹpaisyou xen tikerompi	But I will establish my covenant with Isaac, whom Sarrha shall bear to thee at this time, in the next year.
17:22	ⲁϥⲕⲏⲛ ⲇⲉ ⲉϥⲥⲁϫⲓ ⲛⲉⲙⲁϥ ⲟⲩⲟϩ ⲁϥϣⲉⲛⲁϥ ⲉ̀ⲡ̀ϣⲱⲓ ⲛ̀ϫⲉⲫⲛⲟⲩϯ ⲉ̀ⲃⲟⲗ ϩⲁⲁⲃⲣⲁⲁⲙ	ⲁϥⲕⲏⲛ ⲇⲉ ⲉϥⲥⲁϫⲓ ⲛⲉⲙⲁϥ ⲟⲩⲟϩ ⲁϥϣⲉⲛⲁϥ ⲉ̀ⲡ̀ϣⲱⲓ ⲛ̀ϫⲉ ⲫ̀ⲛⲟⲩϯ ⲉ̀ⲃⲟⲗ ϩⲁ ⲁⲃⲣⲁⲁⲙ	afkyn ḋe efsaji nemaf ouoh afṡenaf èp̀ṡōi ǹje f̀nouti èvol ha abraam	And he left off speaking with him, and God went up from Abraam.
17:23	ⲟⲩⲟϩ ⲁϥϭⲓ ⲛ̀ϫⲉⲁⲃⲣⲁⲁⲙ ⲛ̀ⲓⲥⲙⲁⲏⲗ ⲡⲉϥϣⲏⲣⲓ ⲛⲉⲙⲛⲉϥⲙⲉⲥ ϧⲉⲛⲏⲓ ⲧⲏⲣⲟⲩ ⲛⲉⲙⲛⲉϥϣⲱⲡ ϧⲁϩⲁⲧ ⲧⲏⲣⲟⲩ ⲛⲉⲙϩⲱⲟⲩⲧ ⲛⲓⲃⲉⲛ ⲛ̀ⲧⲉⲛⲓⲣⲱⲙⲓ ⲛⲏ ⲉⲧϧⲉⲛⲡ̀ⲏⲓ ⲛ̀ⲁⲃⲣⲁⲁⲙ ⲟⲩⲟϩ ⲁϥⲥⲟⲩⲃⲉ ⲧⲟⲩⲙⲉⲧⲁⲧⲥⲉⲃⲓ ϧⲉⲛⲡⲓⲥⲏⲟⲩ ⲛ̀ⲧⲉⲡⲓⲉ̀ϩⲟⲟⲩ ⲉ̀ⲧⲉⲙ̀ⲙⲁⲩ ⲕⲁⲧⲁⲫ̀ⲣⲏϯ ⲉ̀ⲧⲁ ⲫⲛⲟⲩϯ ⲥⲁϫⲓ ⲛⲉⲙⲁϥ	ⲟⲩⲟϩ ⲁϥϭⲓ ⲛ̀ϫⲉ ⲁⲃⲣⲁⲁⲙ ⲛ̀ⲓⲥⲙⲁⲏⲗ ⲡⲉϥϣⲏⲣⲓ ⲛⲉⲙ ⲛⲉϥⲙⲉⲥ ϧⲉⲛ ⲏⲓ ⲧⲏⲣⲟⲩ ⲛⲉⲙ ⲛⲉϥϣⲱⲡ ϧⲁϩⲁⲧ ⲧⲏⲣⲟⲩ ⲛⲉⲙ ϩⲱⲟⲩⲧ ⲛⲓⲃⲉⲛ ⲛ̀ⲧⲉ ⲛⲓⲣⲱⲙⲓ ⲛⲏ ⲉⲧϧⲉⲛ ⲡ̀ⲏⲓ ⲛ̀ⲁⲃⲣⲁⲁⲙ ⲟⲩⲟϩ ⲁϥⲥⲟⲩⲃⲉ ⲧⲟⲩⲙⲉⲧⲁⲧⲥⲉⲃⲓ ϧⲉⲛ ⲡⲓⲥⲏⲟⲩ ⲛ̀ⲧⲉ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲕⲁⲧⲁ ⲫ̀ⲣⲏϯ ⲉ̀ⲧⲁ ⲫ̀ⲛⲟⲩϯ ⲥⲁϫⲓ ⲛⲉⲙⲁϥ	ouoh afċi ǹje abraam ǹismayl pefṡyri nem nefmes xen yi tyrou nem nefṡōp xahat tyrou nem hōout niven ǹte nirōmi ny etxen p̀yi ǹabraam ouoh afsouve toumetatsevi xen pisyou ǹte pièhoou ète m̀mav kata f̀ryti èta f̀nouti saji nemaf	And Abraam took Ismael his son, and all his home-born , and all those bought with money, and every male of the men in the house of Abraam, and he circumcised their foreskins in the time of that day, according as God spoke to him.
17:24	ⲁⲃⲣⲁⲁⲙ ⲇⲉ ⲛⲁϥⲭⲏ ϧⲉⲛϥ̅ⲑ̅ ⲛ̀ⲣⲟⲙⲡⲓ ⲡⲉ ⲉ̀ⲧⲁϥⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉⲧⲉϥⲙⲉⲧⲁⲧⲥⲉⲃⲓ	ⲁⲃⲣⲁⲁⲙ ⲇⲉ ⲛⲁϥⲭⲏ ϧⲉⲛ 99 ⲛ̀ⲣⲟⲙⲡⲓ ⲡⲉ ⲉ̀ⲧⲁϥⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉ ⲧⲉϥⲙⲉⲧⲁⲧⲥⲉⲃⲓ	abraam ḋe nafky xen 99 ǹrompi pe ètafsouve t̀sarks ǹte tefmetatsevi	And Abraam was ninety-nine years old, when he was circumcised in the flesh of his foreskin.
17:25	ⲓⲥⲙⲁⲏⲗ ⲇⲉ ⲡⲉϥϣⲏⲣⲓ ⲛⲁϥⲭⲏ ϧⲉⲛⲓ̅ⲅ̅ ⲛ̀ⲣⲟⲙⲡⲓ ⲡⲉ ⲉ̀ⲧⲁⲩⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉⲧⲉϥⲙⲉⲧⲁⲧⲥⲉⲃⲓ ⲛ̀ϩ̀ⲣⲏⲓ ⲇⲉ ϧⲉⲛⲡⲓⲥⲏⲟⲩ ⲛ̀ⲧⲉⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲉϥⲥⲟⲩⲃⲏⲧϥ ⲛ̀ϫⲉⲁⲃⲣⲁⲁⲙ ⲛⲉⲙⲓⲥⲙⲁⲏⲗ ⲡⲉϥϣⲏⲣⲓ	ⲓⲥⲙⲁⲏⲗ ⲇⲉ ⲡⲉϥϣⲏⲣⲓ ⲛⲁϥⲭⲏ ϧⲉⲛ 13 ⲛ̀ⲣⲟⲙⲡⲓ ⲡⲉ ⲉ̀ⲧⲁⲩⲥⲟⲩⲃⲉ ⲧ̀ⲥⲁⲣⲝ ⲛ̀ⲧⲉ ⲧⲉϥⲙⲉⲧⲁⲧⲥⲉⲃⲓ ⲛ̀ϩ̀ⲣⲏⲓ ⲇⲉ ϧⲉⲛ ⲡⲓⲥⲏⲟⲩ ⲛ̀ⲧⲉ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲉϥⲥⲟⲩⲃⲏⲧϥ ⲛ̀ϫⲉ ⲁⲃⲣⲁⲁⲙ ⲛⲉⲙ ⲓⲥⲙⲁⲏⲗ ⲡⲉϥϣⲏⲣⲓ	ismayl ḋe pefṡyri nafky xen 13 ǹrompi pe ètavsouve t̀sarks ǹte tefmetatsevi ǹh̀ryi ḋe xen pisyou ǹte pièhoou ète m̀mav efsouvytf ǹje abraam nem ismayl pefṡyri	And Ismael his son was thirteen years old when he was circumcised in the flesh of his foreskin.
17:26	ⲛⲉⲙⲛⲓⲣⲱⲙⲓ ⲧⲏⲣⲟⲩ ⲛ̀ⲧⲉⲡⲉϥⲏⲓ ⲛⲉⲙⲛⲓⲙⲉⲥ ϧⲉⲛⲏⲓ ⲛⲉⲙⲛⲓϣⲱⲡ ϧⲁϩⲁⲧ ⲛⲓⲉ̀ⲃⲟⲗ ϧⲉⲛϩⲁⲛⲅⲉⲛⲟⲥ ⲛ̀ϣ̀ⲗⲟⲗ ⲁϥⲥⲟⲩⲃⲏⲧⲟⲩ	ⲛⲉⲙ ⲛⲓⲣⲱⲙⲓ ⲧⲏⲣⲟⲩ ⲛ̀ⲧⲉ ⲡⲉϥⲏⲓ ⲛⲉⲙ ⲛⲓⲙⲉⲥ ϧⲉⲛ ⲏⲓ ⲛⲉⲙ ⲛⲓϣⲱⲡ ϧⲁϩⲁⲧ ⲛⲓⲉ̀ⲃⲟⲗ ϧⲉⲛ ϩⲁⲛⲅⲉⲛⲟⲥ ⲛ̀ϣ̀ⲗⲟⲗ ⲁϥⲥⲟⲩⲃⲏⲧⲟⲩ	nem nirōmi tyrou ǹte pefyi nem nimes xen yi nem niṡōp xahat nièvol xen hangenos ǹṡ̀lol afsouvytou	And at the period of that day, Abraam was circumcised, and Ismael his son,

Provenance

title: Genesis 17
dialect: bohairic
source: Coptic SCRIPTORIUM corpus "bohairic.ot", document 01_Genesis_17
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Genesis 17 from Coptic SCRIPTORIUM (https://copticscriptorium.org), corpus bohairic.ot, document 01_Genesis_17, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Genesis/17.bohairic.scriptorium.L0.txt
title: Genesis 17 — Cairene
dialect: bohairic
source: generated from 17.bohairic.scriptorium.L0.txt (Coptic SCRIPTORIUM corpus "bohairic.ot", document 01_Genesis_17)
licence: CC BY-SA 4.0
share: attribution
attribution: Genesis 17 from Coptic SCRIPTORIUM (https://copticscriptorium.org), corpus bohairic.ot, document 01_Genesis_17, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Genesis/17.bohairic.scriptorium.L1.txt
title: Genesis 17 — Kemetic
dialect: bohairic
source: generated from 17.bohairic.scriptorium.L1.txt
licence: CC BY-SA 4.0
share: attribution
attribution: Genesis 17 from Coptic SCRIPTORIUM (https://copticscriptorium.org), corpus bohairic.ot, document 01_Genesis_17, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Genesis/17.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 26 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 01_Genesis_17 (26 lines)

Cite as:

Genesis 17. Coptic SCRIPTORIUM corpus "bohairic.ot", document 01_Genesis_17. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/genesis/17.bohairic.scriptorium/. Genesis 17 from Coptic SCRIPTORIUM (https://copticscriptorium.org), corpus bohairic.ot, document 01_Genesis_17, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.