Genesis 26 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 01_Genesis_26

Attribution: Genesis 26 from Coptic SCRIPTORIUM (https://copticscriptorium.org), corpus bohairic.ot, document 01_Genesis_26, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

35 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
26:1	ⲁϥϣⲱⲡⲓ ⲇⲉ ⲛ̀ϫⲉⲟⲩϩ̀ⲕⲟ ϩⲓϫⲉⲛⲡⲓⲕⲁϩⲓ ⲭⲱⲣⲓⲥ ⲡⲓϣⲟⲣⲡ ⲛ̀ϩ̀ⲕⲟ ⲉ̀ⲧⲁϥϣⲱⲡⲓ ϧⲉⲛⲡ̀ⲥⲏⲟⲩ ⲛ̀ⲁⲃⲣⲁⲁⲙ ⲁϥϣⲉⲛⲁϥ ⲇⲉ ⲛ̀ϫⲉⲓⲥⲁⲁⲕ ϩⲁⲁⲃⲓⲙⲉⲗⲉⲭ ⲡ̀ⲟⲩⲣⲟ ⲛ̀ⲛⲓⲫⲩⲗⲓⲥⲧⲓⲓⲙ ⲉ̀ϩ̀ⲣⲏⲓ ⲉ̀ⲅⲉⲣⲁⲣⲁ	ⲁϥϣⲱⲡⲓ ⲇⲉ ⲛ̀ϫⲉ ⲟⲩϩ̀ⲕⲟ ϩⲓϫⲉⲛ ⲡⲓⲕⲁϩⲓ ⲭⲱⲣⲓⲥ ⲡⲓϣⲟⲣⲡ ⲛ̀ϩ̀ⲕⲟ ⲉ̀ⲧⲁϥϣⲱⲡⲓ ϧⲉⲛ ⲡ̀ⲥⲏⲟⲩ ⲛ̀ⲁⲃⲣⲁⲁⲙ ⲁϥϣⲉⲛⲁϥ ⲇⲉ ⲛ̀ϫⲉ ⲓⲥⲁⲁⲕ ϩⲁ ⲁⲃⲓⲙⲉⲗⲉⲭ ⲡ̀ⲟⲩⲣⲟ ⲛ̀ⲛⲓⲫⲩⲗⲓⲥⲧⲓⲓⲙ ⲉ̀ϩ̀ⲣⲏⲓ ⲉ̀ⲅⲉⲣⲁⲣⲁ	afṡōpi ḋe ǹje ouh̀ko hijen pikahi xōris piṡorp ǹh̀ko ètafṡōpi xen p̀·syou ǹabraam afṡenaf ḋe ǹje isaak ha abimelex p̀ouro ǹnifilistiim èh̀ryi ègerara	And there was a famine in the land, besides the former famine, which was in the time of Abraam; and Isaac went to Abimelech the king of the Phylistines to Gerara.
26:2	ⲁ̀ⲡϭⲟⲓⲥ ⲇⲉ ⲟⲩⲟⲛϩϥ ⲉ̀ⲣⲟϥ ⲡⲉϫⲁϥ ⲛⲁϥ ϫⲉⲙ̀ⲡⲉⲣϣⲉ ⲉ̀ϧ̀ⲣⲏⲓ ⲉ̀ⲭⲏⲙⲓ ϣⲱⲡⲓ ϧⲉⲛⲡⲓⲕⲁϩⲓ ⲉ̀ϯⲛⲁϫⲟϥ ⲛⲁⲕ	ⲁ̀ ⲡ̀ϭⲟⲓⲥ ⲇⲉ ⲟⲩⲟⲛϩϥ ⲉ̀ⲣⲟϥ ⲡⲉϫⲁϥ ⲛⲁϥ ϫⲉ ⲙ̀ⲡⲉⲣϣⲉ ⲉ̀ϧ̀ⲣⲏⲓ ⲉ̀ⲭⲏⲙⲓ ϣⲱⲡⲓ ϧⲉⲛ ⲡⲓⲕⲁϩⲓ ⲉ̀ⲓⲛⲁϫⲟϥ ⲛⲁⲕ	à p̀ċois ḋe ouonhf èrof pegaf naf je m̀perṡe èx̀ryi èkymi ṡōpi xen pikahi èinagof nak	And the Lord appeared to him and said, Go not down to Egypt, but dwell in the land, which I shall tell thee of.
26:3	ⲟⲩⲟϩ ⲁⲣⲓⲣⲉⲙⲛ̀ϫⲱⲓⲗⲓ ϧⲉⲛⲡⲁⲓⲕⲁϩⲓ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ ⲉⲓⲉ̀ⲥ̀ⲙⲟⲩ ⲉ̀ⲣⲟⲕ ⲉⲓⲉ̀ϯ ⲙ̀ⲡⲁⲓⲕⲁϩⲓ ⲧⲏⲣϥ ⲛⲁⲕ ⲛⲉⲙⲡⲉⲕϫ̀ⲣⲟϫ ⲟⲩⲟϩ ⲉⲓⲉ̀ⲥⲉⲙⲛⲓ ⲙ̀ⲡⲁⲁⲛⲁϣ ⲉ̀ⲧⲁⲓⲱⲣⲕ ⲙ̀ⲙⲟϥ ⲛ̀ⲁⲃⲣⲁⲁⲙ ⲡⲉⲕⲓⲱⲧ	ⲟⲩⲟϩ ⲁⲣⲓⲣⲉⲙⲛ̀ϫⲱⲓⲗⲓ ϧⲉⲛ ⲡⲁⲓⲕⲁϩⲓ ⲟⲩⲟϩ ⲉⲓⲉ̀ϣⲱⲡⲓ ⲛⲉⲙⲁⲕ ⲉⲓⲉ̀ⲥ̀ⲙⲟⲩ ⲉ̀ⲣⲟⲕ ⲉⲓⲉ̀ϯ ⲛ̀ⲡⲁⲓⲕⲁϩⲓ ⲧⲏⲣϥ ⲛⲁⲕ ⲛⲉⲙ ⲡⲉⲕϫ̀ⲣⲟϫ ⲟⲩⲟϩ ⲉⲓⲉ̀ⲥⲉⲙⲛⲓ ⲛ̀ⲡⲁⲁⲛⲁϣ ⲉ̀ⲧⲁⲓⲱⲣⲕ ⲙ̀ⲙⲟϥ ⲛ̀ⲁⲃⲣⲁⲁⲙ ⲡⲉⲕⲓⲱⲧ	ouoh ariremǹgōili xen paikahi ouoh eièṡōpi nemak eiès̀mou èrok eièti ǹpaikahi tyrf nak nem pekg̀rog ouoh eièsemni ǹpaanaṡ ètaiōrk m̀mof ǹabraam pekiōt	And sojourn in this land; and I will be with thee, and bless thee, for I will give to thee and to thy seed all this land; and I will establish my oath which I swore to thy father Abraam.
26:4	ⲟⲩⲟϩ ⲉⲓⲉ̀ⲑ̀ⲣⲉ ⲡⲉⲕϫ̀ⲣⲟϫ ⲁ̀ϣⲁⲓ ⲙ̀ⲫ̀ⲣⲏϯ ⲛ̀ⲛⲓⲥⲓⲟⲩ ⲛ̀ⲧⲉⲧ̀ⲫⲉ ⲟⲩⲟϩ ⲉⲓⲉ̀ϯ ⲙ̀ⲡⲁⲓⲕⲁϩⲓ ⲧⲏⲣϥ ⲙ̀ⲡⲉⲕϫ̀ⲣⲟϫ ⲟⲩⲟϩ ⲉⲩⲉ̀ϭⲓⲥ̀ⲙⲟⲩ ⲛ̀ϧ̀ⲣⲏⲓ ϧⲉⲛⲡⲉⲕϫ̀ⲣⲟϫ ⲛ̀ϫⲉⲛⲓϣ̀ⲗⲱⲗ ⲧⲏⲣⲟⲩ ⲛ̀ⲧⲉⲡ̀ⲕⲁϩⲓ	ⲟⲩⲟϩ ⲉ̀ⲓⲉ̀ⲑ̀ⲣⲉ ⲡⲉⲕϫ̀ⲣⲟϫ ⲁ̀ϣⲁⲓ ⲛ̀ⲫ̀ⲣⲏϯ ⲛ̀ⲛⲓⲥⲓⲟⲩ ⲛ̀ⲧⲉ ⲧ̀ⲫⲉ ⲟⲩⲟϩ ⲉⲓⲉ̀ϯ ⲛ̀ⲡⲁⲓⲕⲁϩⲓ ⲧⲏⲣϥ ⲛ̀ⲡⲉⲕϫ̀ⲣⲟϫ ⲟⲩⲟϩ ⲉⲩⲉ̀ϭⲓⲥ̀ⲙⲟⲩ ⲛ̀ϧ̀ⲣⲏⲓ ϧⲉⲛ ⲡⲉⲕϫ̀ⲣⲟϫ ⲛ̀ϫⲉ ⲛⲓϣ̀ⲗⲱⲗ ⲧⲏⲣⲟⲩ ⲛ̀ⲧⲉ ⲡ̀ⲕⲁϩⲓ	ouoh èièθ̀re pekg̀rog àṡai ǹf̀ryti ǹnisiou ǹte t̀fe ouoh eièti ǹpaikahi tyrf ǹpekg̀rog ouoh evèċis̀mou ǹx̀ryi xen pekg̀rog ǹje niṡ̀lōl tyrou ǹte p̀kahi	And I will multiply thy seed as the stars of heaven; and I will give to thy seed all this land, and all the nations of the earth shall be blest in thy seed.
26:5	ⲉ̀ⲫ̀ⲙⲁ ϫⲉⲁ̀ ⲁⲃⲣⲁⲁⲙ ⲡⲉⲕⲓⲱⲧ ⲥⲱⲧⲉⲙ ⲛ̀ⲥⲁⲧⲁⲥ̀ⲙⲏ ⲟⲩⲟϩ ⲁϥⲁ̀ⲣⲉϩ ⲉ̀ⲛⲁϩⲱⲛ ⲛⲉⲙⲛⲁⲉⲛⲧⲟⲗⲏ ⲛⲉⲙⲛⲁⲙⲉⲑⲙⲏⲓ ⲛⲉⲙⲛⲁⲛⲟⲙⲟⲥ	ⲉ̀ⲫ̀ⲙⲁ ϫⲉ ⲁ̀ ⲁⲃⲣⲁⲁⲙ ⲡⲉⲕⲓⲱⲧ ⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ ⲟⲩⲟϩ ⲁϥⲁ̀ⲣⲉϩ ⲉ̀ⲛⲁϩⲱⲛ ⲛⲉⲙ ⲛⲁⲉⲛⲧⲟⲗⲏ ⲛⲉⲙ ⲛⲁⲙⲉⲑⲙⲏⲓ ⲛⲉⲙ ⲛⲁⲛⲟⲙⲟⲥ	èf̀ma je à abraam pekiōt sōtem ǹsa tas̀my ouoh afàreh ènahōn nem naentoly nem nameθmyi nem nanomos	Because Abraam thy father hearkened to my voice, and kept my injunctions, and my commandments, and my ordinances, and my statutes.
26:6	ⲁϥϣⲱⲡⲓ ⲇⲉ ⲛ̀ϫⲉⲓⲥⲁⲁⲕ ϧⲉⲛⲅⲉⲣⲁⲣⲁ	ⲁϥϣⲱⲡⲓ ⲇⲉ ⲛ̀ϫⲉ ⲓⲥⲁⲁⲕ ϧⲉⲛ ⲅⲉⲣⲁⲣⲁ	afṡōpi ḋe ǹje isaak xen gerara	And Isaac dwelt in Gerara.
26:7	ⲁⲩϣⲉⲛϥ ⲇⲉ ⲛ̀ϫⲉⲛⲓⲣⲱⲙⲓ ⲛ̀ⲧⲉⲡⲓⲙⲁ ⲉ̀ⲧⲉⲙ̀ⲙⲁⲩ ⲉⲑⲃⲉⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ ⲟⲩⲟϩ ⲡⲉϫⲁϥ ϫⲉⲧⲁⲥⲱⲛⲓ ⲧⲉ ⲁϥⲉⲣϩⲟϯ ⲅⲁⲣ ⲉ̀ϫⲟⲥ ϫⲉⲧⲁⲥ̀ϩⲓⲙⲓ ⲧⲉ ⲙⲏⲡⲟⲧⲉ ⲛ̀ⲥⲉϧⲟⲑⲃⲉϥ ⲛ̀ϫⲉⲛⲓⲣⲱⲙⲓ ⲛ̀ⲧⲉⲡⲓⲙⲁ ⲉ̀ⲧⲉⲙ̀ⲙⲁⲩ ⲉⲑⲃⲉⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ ϫⲉⲟⲩⲏⲓ ⲅⲁⲣ ⲉⲛⲉⲥⲱⲥ ⲡⲉ ϧⲉⲛⲡⲉⲥϩⲟ	ⲁⲩϣⲉⲛϥ ⲇⲉ ⲛ̀ϫⲉ ⲛⲓⲣⲱⲙⲓ ⲛ̀ⲧⲉ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲉⲑⲃⲉ ⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ ⲟⲩⲟϩ ⲡⲉϫⲁϥ ϫⲉ ⲧⲁⲥⲱⲛⲓ ⲧⲉ ⲁϥⲉⲣϩⲟϯ ⲅⲁⲣ ⲉ̀ϫⲟⲥ ϫⲉ ⲧⲁⲥ̀ϩⲓⲙⲓ ⲧⲉ ⲙⲏⲡⲟⲧⲉ ⲛ̀ⲧⲟⲩϧⲟⲑⲃⲉϥ ⲛ̀ϫⲉ ⲛⲓⲣⲱⲙⲓ ⲛ̀ⲧⲉ ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲉⲑⲃⲉ ⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ ϫⲉ ⲟⲩⲏⲓ ⲅⲁⲣ ⲉ̀ⲛⲉⲥⲱⲥ ⲡⲉ ϧⲉⲛ ⲡⲉⲥϩⲟ	avṡenf ḋe ǹje nirōmi ǹte pima ète m̀mav eθve rebekka tefs̀·himi ouoh pegaf je tasōni te aferhoti ġar ègos je tas̀·himi te mypote ǹtouxoθvef ǹje nirōmi ǹte pima ète m̀mav eθve rebekka tefs̀·himi je ouyi ġar ènesōs pe xen pes·ho	And the men of the place questioned him concerning Rebecca his wife, and he said, She is my sister, for he feared to say, She is my wife, lest at any time the men of the place should slay him because of Rebecca, because she was fair.
26:8	ⲁϥϣⲱⲡⲓ ⲇⲉ ⲙ̀ⲙⲁⲩ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲁϥϫⲟⲩϣⲧ ⲇⲉ ⲛ̀ϫⲉⲁⲃⲓⲙⲉⲗⲉⲭ ⲡ̀ⲟⲩⲣⲟ ⲛ̀ⲅⲉⲣⲁⲣⲱⲛ ⲉ̀ⲃⲟⲗ ϧⲉⲛⲡⲓϣⲟⲩϣⲧ ⲁϥⲛⲁⲩ ⲉ̀ⲓⲥⲁⲁⲕ ⲉϥⲥⲱⲃⲓ ⲛⲉⲙⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ	ⲁϥϣⲱⲡⲓ ⲇⲉ ⲙ̀ⲙⲁⲩ ⲛ̀ⲟⲩⲛⲓϣϯ ⲛ̀ⲥⲏⲟⲩ ⲁϥϫⲟⲩϣⲧ ⲇⲉ ⲛ̀ϫⲉ ⲁⲃⲓⲙⲉⲗⲉⲭ ⲡ̀ⲟⲩⲣⲟ ⲛ̀ⲅⲉⲣⲁⲣⲱⲛ ⲉ̀ⲃⲟⲗ ϧⲉⲛ ⲡⲓϣⲟⲩϣⲧ ⲁϥⲛⲁⲩ ⲉ̀ⲓⲥⲁⲁⲕ ⲉϥⲥⲱⲃⲓ ⲛⲉⲙ ⲣⲉⲃⲉⲕⲕⲁ ⲧⲉϥⲥ̀ϩⲓⲙⲓ	afṡōpi ḋe m̀mav ǹouniṡti ǹsyou afgouṡt ḋe ǹje abimelex p̀ouro ǹgerarōn èvol xen piṡouṡt afnav èisaak efsōvi nem rebekka tefs̀·himi	And he remained there a long time, and Abimelech the king of Gerara leaned to look through the window, and saw Isaac sporting with Rebecca his wife.
26:9	ⲁϥⲙⲟⲩϯ ⲇⲉ ⲛ̀ϫⲉⲁⲃⲓⲙⲉⲗⲉⲭ ⲉ̀ⲓⲥⲁⲁⲕ ⲟⲩⲟϩ ⲡⲉϫⲁϥ ⲛⲁϥ ϫⲉⲁϣ ⲧⲉⲕⲥ̀ϩⲓⲙⲓ ⲧⲉ ⲉⲑⲃⲉⲟⲩ ⲁⲕϫⲟⲥ ϫⲉⲧⲁⲥⲱⲛⲓ ⲧⲉ ⲡⲉϫⲉ ⲓⲥⲁⲁⲕ ⲇⲉ ⲛⲁϥ ϫⲉⲁⲓϫⲟⲥ ϫⲉⲙⲏⲡⲟⲧⲉ ⲛ̀ⲧⲁⲙⲟⲩ ⲉⲑⲃⲏⲧⲥ	ⲁϥⲙⲟⲩϯ ⲇⲉ ⲛ̀ϫⲉ ⲁⲃⲓⲙⲉⲗⲉⲭ ⲉ̀ⲓⲥⲁⲁⲕ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁϣ ⲧⲉⲕⲥ̀ϩⲓⲙⲓ ⲧⲉ ⲉⲑⲃⲉ ⲟⲩ ⲁⲕϫⲟⲥ ϫⲉ ⲧⲁⲥⲱⲛⲓ ⲧⲉ ⲡⲉϫⲉ ⲓⲥⲁⲁⲕ ⲇⲉ ⲛⲁϥ ϫⲉ ⲁⲓϫⲟⲥ ϫⲉ ⲙⲏⲡⲟⲧⲉ ⲛ̀ⲧⲁⲙⲟⲩ ⲉⲑⲃⲏⲧⲥ	afmouti ḋe ǹje abimelex èisaak ouoh pegaf naf je aṡ tek·s̀·himi te eθve ou akgos je tasōni te peje isaak ḋe naf je aigos je mypote ǹtamou eθvyts	And Abimelech called Isaac, and said to him, Is she then thy wife? why hast thou said, She is my sister? And Isaac said to him, , for I said, Lest at any time I die on her account.
26:10	ⲡⲉϫⲉ ⲁⲃⲓⲙⲉⲗⲉⲭ ⲛⲁϥ ϫⲉⲟⲩ ⲡⲉ ⲫⲁⲓ ⲉ̀ⲧⲁⲕⲁⲓϥ ⲛⲁⲛ ⲉ̀ⲛⲉⲕⲉⲕⲟⲩϫⲓ ⲁ̀ ⲟⲩⲁⲓ ⲉ̀ⲃⲟⲗ ϧⲉⲛⲡⲁⲅⲉⲛⲟⲥ ⲛ̀ⲕⲟⲧ ⲛⲉⲙⲧⲉⲕⲥ̀ϩⲓⲙⲓ ⲟⲩⲟϩ ⲛⲁⲕⲛⲁⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲱⲛ ⲛ̀ⲟⲩⲙⲉ̀ⲧⲁⲧⲉⲙⲓ	ⲡⲉϫⲉ ⲁⲃⲓⲙⲉⲗⲉⲭ ⲛⲁϥ ϫⲉ ⲟⲩ ⲡⲉ ⲫⲁⲓ ⲉ̀ⲧⲁⲕⲁⲓϥ ⲛⲁⲛ ⲉ̀ⲛⲉⲕⲉⲕⲟⲩϫⲓ ⲁ̀ ⲟⲩⲁⲓ ⲉ̀ⲃⲟⲗ ϧⲉⲛ ⲡⲁⲅⲉⲛⲟⲥ ⲛ̀ⲕⲟⲧ ⲛⲉⲙ ⲧⲉⲕⲥ̀ϩⲓⲙⲓ ⲟⲩⲟϩ ⲛⲁⲭⲛⲁⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲱⲛ ⲛ̀ⲟⲩⲙⲉ̀ⲧⲁⲧⲉⲙⲓ	peje abimelex naf je ou pe fai ètakaif nan ènekekouji à ouai èvol xen pagenos ǹkot nem tek·s̀·himi ouoh naknaìni èh̀ryi ègōn ǹoumètatemi	And Abimelech said to him, Why hast thou done this to us? one of my kindred within a little had lain with thy wife, and thou wouldest have brought ignorance upon us.
26:11	ⲁⲃⲓⲙⲉⲗⲉⲭ ⲇⲉ ⲁϥϩⲟⲛϩⲉⲛ ⲉ̀ⲧⲟⲧϥ ⲙ̀ⲡⲉϥⲙⲏϣ ⲧⲏⲣϥ ⲉϥϫⲱ ⲙ̀ⲙⲟⲥ ϫⲉⲟⲩⲟⲛ ⲛⲓⲃⲉⲛ ⲉⲑⲛⲁϭⲓ ⲛⲉⲙⲡⲁⲓⲣⲱⲙⲓ ⲓⲉ ⲧⲉϥⲥ̀ϩⲓⲙⲓ ⲉϥⲉ̀ϣⲱⲡⲓ ⲉϥⲣⲁⲟⲩⲏⲟⲩⲧ ⲉ̀ⲫ̀ⲙⲟⲩ	ⲁⲃⲓⲙⲉⲗⲉⲭ ⲇⲉ ⲁϥϩⲟⲛϩⲉⲛ ⲉ̀ⲧⲟⲧϥ ⲛ̀ⲡⲉϥⲙⲏϣ ⲧⲏⲣϥ ⲉϥϫⲱ ⲙ̀ⲙⲟⲥ ϫⲉ ⲟⲩⲟⲛ ⲛⲓⲃⲉⲛ ⲉⲑⲛⲁϭⲓ ⲛⲉⲙ ⲡⲁⲓⲣⲱⲙⲓ ⲓⲉ ⲧⲉϥⲥ̀ϩⲓⲙⲓ ⲉϥⲉ̀ϣⲱⲡⲓ ⲉϥⲣⲁⲟⲩⲏⲟⲩⲧ ⲉ̀ⲫ̀ⲙⲟⲩ	abimelex ḋe afhonhen ètotf ǹpefmyṡ tyrf efgō m̀mos je ouon niven eθnaċi nem pairōmi ie tefs̀·himi efèṡōpi efraouyout èf̀mou	And Abimelech charged all his people, saying Every man that touches this man and his wife shall be liable to death.
26:12	ⲁ̀ ⲓⲥⲁⲁⲕ ⲇⲉ ⲥⲓϯ ϧⲉⲛⲡⲓⲕⲁϩⲓ ⲉ̀ⲧⲉⲙ̀ⲙⲁⲩ ⲟⲩⲟϩ ⲁϥϫⲉⲙ ⲓⲱⲧ ⲛ̀ⲣ̅ ⲛ̀ⲕⲱⲃ ϧⲉⲛϯⲣⲟⲙⲡⲓ ⲉ̀ⲧⲉⲙ̀ⲙⲁⲩ ⲁϥⲥ̀ⲙⲟⲩ ⲇⲉ ⲉ̀ⲣⲟϥ ⲛ̀ϫⲉⲡϭⲟⲓⲥ	ⲁ̀ ⲓⲥⲁⲁⲕ ⲇⲉ ⲥⲓϯ ϧⲉⲛ ⲡⲓⲕⲁϩⲓ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲁϥϫⲉⲙ ⲓⲱⲧ ⲛ̀ϣⲉ ⲛ̀ⲕⲱⲃ ϧⲉⲛ ϯⲣⲟⲙⲡⲓ ⲉ̀ⲧⲉ ⲙ̀ⲙⲁⲩ ⲁϥⲥ̀ⲙⲟⲩ ⲇⲉ ⲉ̀ⲣⲟϥ ⲛ̀ϫⲉ ⲡ̀ϭⲟⲓⲥ	à isaak ḋe siti xen pikahi ète m̀mav ouoh afjem iōt ǹṡe ǹkōb xen tirompi ète m̀mav afs̀mou ḋe èrof ǹje p̀ċois	And Isaac sowed in that land, and he found in that year barley and hundred-fold, and the Lord blessed him.
26:13	ⲟⲩⲟϩ ⲁϥϭⲓⲥⲓ ⲛ̀ϫⲉⲡⲓⲣⲱⲙⲓ ⲟⲩⲟϩ ⲛⲁϥⲙⲟϣⲓ ⲉ̀ⲁⲓⲁⲓ ⲡⲉ ϣⲁⲧⲉϥⲉⲣⲛⲓϣϯ ⲉ̀ⲙⲁϣⲱ	ⲟⲩⲟϩ ⲁϥϭⲓⲥⲓ ⲛ̀ϫⲉ ⲡⲓⲣⲱⲙⲓ ⲟⲩⲟϩ ⲛⲁϥⲙⲟϣⲓ ⲉ̀ⲁⲓⲁⲓ ⲡⲉ ϣⲁⲧⲉϥⲉⲣⲛⲓϣϯ ⲉ̀ⲙⲁϣⲱ	ouoh afċisi ǹje pirōmi ouoh nafmoṡi èaiai pe ṡateferniṡti èmaṡō	And the man was exalted, and advancing he increased, till he became very great.
26:14	ⲁⲩϣⲱⲡⲓ ⲇⲉ ⲛⲁϥ ⲛ̀ϫⲉϩⲁⲛⲧⲉⲃⲛⲱⲟⲩⲓ̀ ⲛ̀ⲉ̀ⲥⲱⲟⲩ ⲛⲉⲙϩⲁⲛⲧⲉⲃⲛⲱⲟⲩⲓ̀ ⲛ̀ⲉ̀ϩⲱⲟⲩ ⲛⲉⲙⲟⲩⲙⲏϣ ⲛ̀ⲓⲉⲫⲟⲩⲱⲓ ⲁⲩⲭⲟϩ ⲇⲉ ⲉ̀ⲣⲟϥ ⲛ̀ϫⲉⲛⲓⲫⲓⲗⲓⲥⲧⲓⲓⲙ	ⲁⲩϣⲱⲡⲓ ⲇⲉ ⲛⲁϥ ⲛ̀ϫⲉ ϩⲁⲛⲧⲉⲃⲛⲱⲟⲩⲓ̀ ⲛ̀ⲉ̀ⲥⲱⲟⲩ ⲛⲉⲙ ϩⲁⲛⲧⲉⲃⲛⲱⲟⲩⲓ̀ ⲛ̀ⲉ̀ϩⲱⲟⲩ ⲛⲉⲙ ⲟⲩⲙⲏϣ ⲛ̀ⲓⲉⲫⲟⲩⲱⲓ ⲁⲩⲭⲟϩ ⲇⲉ ⲉ̀ⲣⲟϥ ⲛ̀ϫⲉ ⲛⲓⲫⲓⲗⲓⲥⲧⲓⲓⲙ	avṡōpi ḋe naf ǹje hantevnōouì ǹèsōou nem hantevnōouì ǹèhōou nem oumyṡ ǹiefouōi avkoh ḋe èrof ǹje nifilistiim	And he had cattle of sheep, and cattle of oxen, and many tilled lands, and the Phylistines envied him.
26:15	ⲟⲩⲟϩ ⲛⲓϣⲱϯ ⲧⲏⲣⲟⲩ ⲉ̀ⲧⲁⲩϣⲟⲕⲟⲩ ⲛ̀ϫⲉⲛⲉϥⲁ̀ⲗⲱⲟⲩⲓ̀ ϧⲉⲛⲡ̀ⲥⲏⲟⲩ ⲛ̀ⲧⲉⲡⲉϥⲓⲱⲧ ⲁⲩϣⲟⲣⲡⲟⲩ ⲛ̀ϫⲉⲛⲓⲫⲓⲗⲓⲥⲧⲓⲓⲙ ⲟⲩⲟϩ ⲁⲩⲙⲁϩⲟⲩ ⲛ̀ⲕⲁϩⲓ	ⲟⲩⲟϩ ⲛⲓϣⲱϯ ⲧⲏⲣⲟⲩ ⲉ̀ⲧⲁⲩϣⲟⲕⲟⲩ ⲛ̀ϫⲉ ⲛⲉϥⲁ̀ⲗⲱⲟⲩⲓ̀ ϧⲉⲛ ⲡ̀ⲥⲏⲟⲩ ⲛ̀ⲧⲉ ⲡⲉϥⲓⲱⲧ ⲁⲩϣⲟⲣⲡⲟⲩ ⲛ̀ϫⲉ ⲛⲓⲫⲓⲗⲓⲥⲧⲓⲓⲙ ⲟⲩⲟϩ ⲁⲩⲙⲁϩⲟⲩ ⲛ̀ⲕⲁϩⲓ	ouoh niṡōti tyrou ètavṡokou ǹje nefàlōouì xen p̀·syou ǹte pefiōt avṡorpou ǹje nifilistiim ouoh avmahou ǹkahi	And all the wells which the servants of his father had dug in the time of his father, the Phylistines stopped them, and filled them with earth.
26:16	ⲡⲉϫⲉ ⲁⲃⲓⲙⲉⲗⲉⲭ ⲛ̀ⲓⲥⲁⲁⲕ ϫⲉⲙⲁϣⲉⲛⲁⲕ ⲉ̀ⲃⲟⲗ ϩⲁⲣⲟⲛ ϫⲉⲁⲕϫⲉⲙⲛⲟⲙϯ ⲉ̀ϩⲟⲧⲉⲣⲟⲛ ⲉ̀ⲙⲁϣⲱ	ⲡⲉϫⲉ ⲁⲃⲓⲙⲉⲗⲉⲭ ⲛ̀ⲓⲥⲁⲁⲕ ϫⲉ ⲙⲁϣⲉⲛⲁⲕ ⲉ̀ⲃⲟⲗ ϩⲁⲣⲟⲛ ϫⲉ ⲁⲕϫⲉⲙⲛⲟⲙϯ ⲉ̀ϩⲟⲧⲉⲣⲟⲛ ⲉ̀ⲙⲁϣⲱ	peje abimelex ǹisaak je maṡenak èvol haron je akjemnomti èhoteron èmaṡō	And Abimelech said to Isaac, Depart from us, for thou art become much mightier than we.
26:17	ⲟⲩⲟϩ ⲁϥϣⲉⲛⲁϥ ⲉ̀ⲃⲟⲗ ⲙ̀ⲙⲁⲩ ⲛ̀ϫⲉⲓⲥⲁⲁⲕ ⲁϥⲧⲁⲥⲑⲟ ϧⲉⲛⲡⲓϫⲟⲛ ⲛ̀ⲧⲉⲅⲉⲣⲁⲣⲁ ⲟⲩⲟϩ ⲁϥϣⲱⲡⲓ ⲙ̀ⲙⲁⲩ	ⲟⲩⲟϩ ⲁϥϣⲉⲛⲁϥ ⲉ̀ⲃⲟⲗ ⲙ̀ⲙⲁⲩ ⲛ̀ϫⲉ ⲓⲥⲁⲁⲕ ⲁϥⲧⲁⲥⲑⲟ ϧⲉⲛ ⲡⲓϫⲟⲛ ⲛ̀ⲧⲉ ⲅⲉⲣⲁⲣⲁ ⲟⲩⲟϩ ⲁϥϣⲱⲡⲓ ⲙ̀ⲙⲁⲩ	ouoh afṡenaf èvol m̀mav ǹje isaak aftasθo xen pigon ǹte gerara ouoh afṡōpi m̀mav	And Isaac departed thence, and rested in the valley of Gerara, and dwelt there.
26:18	ⲟⲩⲟϩ ⲡⲁⲗⲓⲛ ⲁ̀ ⲓⲥⲁⲁⲕ ϣⲟⲕ ⲛⲓϣⲱϯ ⲛ̀ⲧⲉⲡⲓⲙⲱⲟⲩ ⲛⲏ ⲉ̀ⲧⲁⲩϣⲟⲕⲟⲩ ⲛ̀ϫⲉⲛⲓⲁ̀ⲗⲱⲟⲩⲓ̀ ⲛ̀ⲧⲉⲁⲃⲣⲁⲁⲙ ⲡⲉϥⲓⲱⲧ ⲟⲩⲟϩ ⲁⲩϣⲟⲣⲟⲩ ⲛ̀ϫⲉⲛⲓⲫⲓⲗⲓⲥⲧⲓⲓⲙ ⲙⲉⲛⲉⲛⲥⲁⲑ̀ⲣⲉϥⲙⲟⲩ ⲛ̀ϫⲉⲁⲃⲣⲁⲁⲙ ⲡⲉϥⲓⲱⲧ ⲟⲩⲟϩ ⲁϥϯⲣⲁⲛ ⲉ̀ⲣⲱⲟⲩ ⲕⲁⲧⲁⲛⲓⲣⲁⲛ ⲉ̀ⲧⲁ ⲡⲉϥⲓⲱⲧ ⲧⲏⲓⲧⲟⲩ ⲉ̀ⲣⲱⲟⲩ	ⲟⲩⲟϩ ⲡⲁⲗⲓⲛ ⲁ̀ ⲓⲥⲁⲁⲕ ϣⲟⲕ ⲛⲓϣⲱϯ ⲛ̀ⲧⲉ ⲡⲓⲙⲱⲟⲩ ⲛⲏ ⲉ̀ⲧⲁⲩϣⲟⲕⲟⲩ ⲛ̀ϫⲉ ⲛⲓⲁ̀ⲗⲱⲟⲩⲓ̀ ⲛ̀ⲧⲉ ⲁⲃⲣⲁⲁⲙ ⲡⲉϥⲓⲱⲧ ⲟⲩⲟϩ ⲁⲩϣⲟⲣⲟⲩ ⲛ̀ϫⲉ ⲛⲓⲫⲓⲗⲓⲥⲧⲓⲓⲙ ⲙⲉⲛⲉⲛⲥⲁⲑ̀ⲣⲉϥⲙⲟⲩ ⲛ̀ϫⲉ ⲁⲃⲣⲁⲁⲙ ⲡⲉϥⲓⲱⲧ ⲟⲩⲟϩ ⲁϥϯⲣⲁⲛ ⲉ̀ⲣⲱⲟⲩ ⲕⲁⲧⲁ ⲛⲓⲣⲁⲛ ⲉ̀ⲧⲁ ⲡⲉϥⲓⲱⲧ ⲧⲏⲓⲧⲟⲩ ⲉ̀ⲣⲱⲟⲩ	ouoh palin à isaak ṡok niṡōti ǹte pimōou ny ètavṡokou ǹje niàlōouì ǹte abraam pefiōt ouoh avṡorou ǹje nifilistiim menensaθ̀refmou ǹje abraam pefiōt ouoh aftiran èrōou kata niran èta pefiōt tyitou èrōou	And Isaac dug again the wells of water, which the servants of his father Abraam had dug, and the Phylistines had stopped them, after the death of his father Abraam; and he gave them names, according to the names by which his father named them.
26:19	ⲁⲩϣⲱⲕⲓ ⲇⲉ ⲛ̀ϫⲉⲛⲓⲁ̀ⲗⲱⲟⲩⲓ̀ ⲛ̀ⲧⲉⲓⲥⲁⲁⲕ ϧⲉⲛⲡⲓϫⲟⲛ ⲛ̀ⲧⲉⲅⲉⲣⲁⲣⲁ ⲟⲩⲟϩ ⲁⲩϫⲓⲙⲓ ⲙ̀ⲙⲁⲩ ⲛ̀ⲟⲩϣⲱϯ ⲙ̀ⲙⲱⲟⲩ ⲉϥⲟⲛϧ	ⲁⲩϣⲱⲕⲓ ⲇⲉ ⲛ̀ϫⲉ ⲛⲓⲁ̀ⲗⲱⲟⲩⲓ̀ ⲛ̀ⲧⲉ ⲓⲥⲁⲁⲕ ϧⲉⲛ ⲡⲓϫⲟⲛ ⲛ̀ⲧⲉ ⲅⲉⲣⲁⲣⲁ ⲟⲩⲟϩ ⲁⲩϫⲓⲙⲓ ⲙ̀ⲙⲁⲩ ⲛ̀ⲟⲩϣⲱϯ ⲙ̀ⲙⲱⲟⲩ ⲉϥⲟⲛϧ	avṡōki ḋe ǹje niàlōouì ǹte isaak xen pigon ǹte gerara ouoh avjimi m̀mav ǹouṡōti m̀mōou efonx	And the servants of Isaac dug in the valley of Gerara, and they found there a well of living water.
26:20	ⲟⲩⲟϩ ⲁⲩϣⲟⲛⲧ ⲛ̀ϫⲉⲛⲓⲙⲁⲛⲉ̀ⲥⲱⲟⲩ ⲛ̀ⲧⲉⲅⲉⲣⲁⲣⲱⲛ ⲛⲉⲙⲛⲓⲙⲁⲛⲉ̀ⲥⲱⲟⲩ ⲛ̀ⲧⲉⲓⲥⲁⲁⲕ ⲉⲩϫⲱ ⲙ̀ⲙⲟⲥ ϫⲉⲫⲱⲛ ⲡⲉ ⲡⲓⲙⲱⲟⲩ ⲟⲩⲟϩ ⲁϥϯⲣⲉⲛ ⲫ̀ⲣⲁⲛ ⲛ̀ϯϣⲱϯ ϫⲉⲛ̀ϭⲓⲛϫⲟⲛⲥ ⲁⲩϭⲓⲧϥ ⲅⲁⲣ ⲛ̀ϫⲟⲛⲥ	ⲟⲩⲟϩ ⲁⲩϣⲟⲛⲧ ⲛ̀ϫⲉ ⲛⲓⲙⲁⲛⲉ̀ⲥⲱⲟⲩ ⲛ̀ⲧⲉ ⲅⲉⲣⲁⲣⲱⲛ ⲛⲉⲙ ⲛⲓⲙⲁⲛⲉ̀ⲥⲱⲟⲩ ⲛ̀ⲧⲉ ⲓⲥⲁⲁⲕ ⲉⲩϫⲱ ⲙ̀ⲙⲟⲥ ϫⲉ ⲫⲱⲛ ⲡⲉ ⲡⲓⲙⲱⲟⲩ ⲟⲩⲟϩ ⲁϥϯⲣⲉⲛ ⲫ̀ⲣⲁⲛ ⲛ̀ϯϣⲱϯ ϫⲉ ⲛ̀ϭⲓⲛϫⲟⲛⲥ ⲁⲩϭⲓⲧϥ ⲅⲁⲣ ⲛ̀ϫⲟⲛⲥ	ouoh avṡont ǹje nimanèsōou ǹte gerarōn nem nimanèsōou ǹte isaak evgō m̀mos je fōn pe pimōou ouoh aftiren f̀ran ǹtiṡōti je ǹċingons avċitf ġar ǹgons	And the shepherds of Gerara strove with the shepherds of Isaac, saying that the water was theirs; and they called the name of the well, Injury, for they injured him.
26:21	ⲁϥⲟⲩⲱⲧⲉⲃ ⲇⲉ ⲉ̀ⲃⲟⲗ ⲙ̀ⲙⲁⲩ ⲛ̀ϫⲉⲓⲥⲁⲁⲕ ⲁϥϣⲱⲕⲓ ⲛ̀ⲕⲉϣⲱϯ ⲁⲩϭⲓϩⲁⲡ ⲇⲉ ⲉⲑⲃⲉϯⲭⲉϯ ⲟⲩⲟϩ ⲁϥϯⲣⲉⲛ ⲡⲉⲥⲣⲁⲛ ϫⲉⲑ̀ⲙⲉⲧϫⲁϫⲓ	ⲁϥⲟⲩⲱⲧⲉⲃ ⲇⲉ ⲉ̀ⲃⲟⲗ ⲙ̀ⲙⲁⲩ ⲛ̀ϫⲉ ⲓⲥⲁⲁⲕ ⲁϥϣⲱⲕⲓ ⲛ̀ⲕⲉϣⲱϯ ⲁⲩϭⲓϩⲁⲡ ⲇⲉ ⲉⲑⲃⲉ ϯⲭⲉϯ ⲟⲩⲟϩ ⲁϥϯⲣⲉⲛ ⲡⲉⲥⲣⲁⲛ ϫⲉ ⲑ̀ⲙⲉⲧϫⲁϫⲓ	afouōteb ḋe èvol m̀mav ǹje isaak afṡōki ǹkeṡōti avċihap ḋe eθve tiketi ouoh aftiren pesran je θ̀metgaji	And having departed thence he dug another well, and they strove also for that; and he named the name of it, Enmity.
26:22	ⲁϥⲟⲩⲱⲧⲉⲃ ⲇⲉ ⲉ̀ⲃⲟⲗ ⲙ̀ⲙⲁⲩ ⲟⲩⲟϩ ⲁϥϣⲉⲕ ⲕⲉϣⲱϯ ⲟⲩⲟϩ ⲙ̀ⲡⲟⲩϣⲟⲛⲧ ⲉⲑⲃⲏⲧⲥ ⲟⲩⲟϩ ⲁϥϯⲣⲉⲛ ⲡⲉⲥⲣⲁⲛ ϫⲉⲫⲟⲩⲱϣⲥ ⲉϥϫⲱ ⲙ̀ⲙⲟⲥ ϫⲉϯⲛⲟⲩ ⲁ̀ ⲡϭⲟⲓⲥ ⲟⲩⲟⲥⲑⲉⲛ ⲛⲁⲛ ⲟⲩⲟϩ ⲁϥⲑ̀ⲣⲉⲛⲁⲓⲁⲓ ϩⲓϫⲉⲛⲡⲓⲕⲁϩⲓ	ⲁϥⲟⲩⲱⲧⲉⲃ ⲇⲉ ⲉ̀ⲃⲟⲗ ⲙ̀ⲙⲁⲩ ⲟⲩⲟϩ ⲁϥϣⲉⲕ ⲕⲉϣⲱϯ ⲟⲩⲟϩ ⲙ̀ⲡⲟⲩϣⲟⲛⲧ ⲉⲑⲃⲏⲧⲥ ⲟⲩⲟϩ ⲁϥϯⲣⲉⲛ ⲡⲉⲥⲣⲁⲛ ϫⲉ ⲫ̀ⲟⲩⲱϣⲥ ⲉϥϫⲱ ⲙ̀ⲙⲟⲥ ϫⲉ ϯⲛⲟⲩ ⲁ̀ ⲡ̀ϭⲟⲓⲥ ⲟⲩⲟⲥⲑⲉⲛ ⲛⲁⲛ ⲟⲩⲟϩ ⲁϥⲑ̀ⲣⲉⲛⲁⲓⲁⲓ ϩⲓϫⲉⲛ ⲡⲓⲕⲁϩⲓ	afouōteb ḋe èvol m̀mav ouoh afṡek keṡōti ouoh m̀pouṡont eθvyts ouoh aftiren pesran je f̀ouōṡs efgō m̀mos je tinou à p̀ċois ouosθen nan ouoh afθ̀renaiai hijen pikahi	And he departed thence and dug another well; and they did not strive about that; and he named the name of it, Room, saying, Because now the Lord has made room for us, and has increased us upon the earth.
26:23	ⲁϥⲓ̀ ⲇⲉ ⲉ̀ⲡ̀ϣⲱⲓ ⲉ̀ⲃⲟⲗ ⲙ̀ⲙⲁⲩ ⲉ̀ϫⲉⲛⲧ̀ϣⲱϯ ⲙ̀ⲡⲁⲁⲛⲁϣ	ⲁϥⲓ̀ ⲇⲉ ⲉ̀ⲡ̀ϣⲱⲓ ⲉ̀ⲃⲟⲗ ⲙ̀ⲙⲁⲩ ⲉ̀ϫⲉⲛ ⲧ̀ϣⲱϯ ⲛ̀ⲡⲁⲁⲛⲁϣ	afì ḋe èp̀ṡōi èvol m̀mav èjen t̀ṡōti ǹpaanaṡ	And he went up thence to the well of the oath.
26:24	ⲟⲩⲟϩ ⲁ̀ ⲡϭⲟⲓⲥ ⲟⲩⲟⲛϩϥ ⲉ̀ⲣⲟϥ ϧⲉⲛⲡⲓⲉ̀ϫⲱⲣϩ ⲉ̀ⲧⲉⲙ̀ⲙⲁⲩ ⲟⲩⲟϩ ⲡⲉϫⲁϥ ⲛⲁϥ ϫⲉⲁ̀ⲛⲟⲕ ⲡⲉ ⲫⲛⲟⲩϯ ⲛ̀ⲁⲃⲣⲁⲁⲙ ⲡⲉⲕⲓⲱⲧ ⲙ̀ⲡⲉⲣⲉⲣϩⲟϯ ϯⲭⲏ ⲅⲁⲣ ⲛⲉⲙⲁⲕ ⲟⲩⲟϩ ⲉⲓⲉ̀ⲥ̀ⲙⲟⲩ ⲉ̀ⲣⲟⲕ ⲟⲩⲟϩ ϯⲛⲁⲑ̀ⲣⲉ ⲡⲉⲕϫ̀ⲣⲟϫ ⲁ̀ϣⲁⲓ ⲉⲑⲃⲉⲁⲃⲣⲁⲁⲙ ⲡⲉⲕⲓⲱⲧ	ⲟⲩⲟϩ ⲁ̀ ⲡ̀ϭⲟⲓⲥ ⲟⲩⲟⲛϩϥ ⲉ̀ⲣⲟϥ ϧⲉⲛ ⲡⲓⲉ̀ϫⲱⲣϩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ⲛⲟⲕ ⲡⲉ ⲫ̀ⲛⲟⲩϯ ⲛ̀ⲁⲃⲣⲁⲁⲙ ⲡⲉⲕⲓⲱⲧ ⲙ̀ⲡⲉⲣⲉⲣϩⲟϯ ϯⲭⲏ ⲅⲁⲣ ⲛⲉⲙⲁⲕ ⲟⲩⲟϩ ⲉⲓⲉ̀ⲥ̀ⲙⲟⲩ ⲉ̀ⲣⲟⲕ ⲟⲩⲟϩ ϯⲛⲁⲑ̀ⲣⲉ ⲡⲉⲕϫ̀ⲣⲟϫ ⲁ̀ϣⲁⲓ ⲉⲑⲃⲉ ⲁⲃⲣⲁⲁⲙ ⲡⲉⲕⲓⲱⲧ	ouoh à p̀ċois ouonhf èrof xen piègōrh ète m̀mav ouoh pegaf naf je ànok pe f̀nouti ǹabraam pekiōt m̀pererhoti tiky ġar nemak ouoh eiès̀mou èrok ouoh tinaθ̀re pekg̀rog àṡai eθve abraam pekiōt	And the Lord appeared to him in that night, and said, I am the God of Abraam thy father; fear not, for I am with thee, and I will bless thee, and multiply thy seed for the sake of Abraam thy father.
26:25	ⲟⲩⲟϩ ⲁϥⲕⲱⲧ ⲙ̀ⲙⲁⲩ ⲛ̀ⲟⲩⲙⲁⲛ̀ⲉⲣϣⲱⲟⲩϣⲓ ⲟⲩⲟϩ ⲁϥⲧⲱⲃϩ ⲙ̀ⲫ̀ⲣⲁⲛ ⲙ̀ⲡϭⲟⲓⲥ ⲟⲩⲟϩ ⲁϥⲧⲁϫⲣⲉ ⲧⲉϥⲥ̀ⲕⲩⲛⲏ ⲙ̀ⲙⲁⲩ ⲁⲩϣⲱⲕ ⲇⲉ ⲙ̀ⲙⲁⲩ ⲛ̀ⲟⲩϣⲱϯ ⲛ̀ϫⲉⲛⲓⲁ̀ⲗⲱⲟⲩⲓ̀ ⲛⲓⲥⲁⲁⲕ	ⲟⲩⲟϩ ⲁϥⲕⲱⲧ ⲙ̀ⲙⲁⲩ ⲛ̀ⲟⲩⲙⲁⲛ̀ⲉⲣϣⲱⲟⲩϣⲓ ⲟⲩⲟϩ ⲁϥⲧⲱⲃϩ ⲛ̀ⲫ̀ⲣⲁⲛ ⲛ̀ⲡ̀ϭⲟⲓⲥ ⲟⲩⲟϩ ⲁϥⲧⲁϫⲣⲉ ⲧⲉϥⲥ̀ⲕⲩⲛⲏ ⲙ̀ⲙⲁⲩ ⲁⲩϣⲱⲕ ⲇⲉ ⲙ̀ⲙⲁⲩ ⲛ̀ⲟⲩϣⲱϯ ⲛ̀ϫⲉ ⲛⲓⲁ̀ⲗⲱⲟⲩⲓ̀ ⲛ̀ⲓⲥⲁⲁⲕ	ouoh afkōt m̀mav ǹoumaǹerṡōouṡi ouoh aftōvh ǹf̀ran ǹp̀ċois ouoh aftagre tefs̀kiny m̀mav avṡōk ḋe m̀mav ǹouṡōti ǹje niàlōouì ǹisaak	And he built there an altar, and called on the name of the Lord, and there he pitched his tent, and there the servants of Isaac dug a well in the valley of Gerara.
26:26	ⲟⲩⲟϩ ⲁ̀ ⲁⲃⲓⲙⲉⲗⲉⲭ ϣⲉⲛⲁϥ ϩⲁⲣⲟϥ ⲉ̀ⲃⲟⲗ ϧⲉⲛⲅⲉⲣⲁⲣⲱⲛ ⲛⲉⲙⲟⲭⲟⲍⲁⲑ ⲡⲉϥⲛⲩⲙⲫⲁⲅⲱⲅⲟⲥ ⲛⲉⲙⲡⲓⲭⲟⲗ ⲡⲓⲁⲣⲭⲏⲥ̀ⲧⲣⲁⲧⲏⲅⲟⲥ ⲛ̀ⲧⲉⲧⲉϥϫⲟⲙ	ⲟⲩⲟϩ ⲁ̀ ⲁⲃⲓⲙⲉⲗⲉⲭ ϣⲉⲛⲁϥ ϩⲁⲣⲟϥ ⲉ̀ⲃⲟⲗ ϧⲉⲛ ⲅⲉⲣⲁⲣⲱⲛ ⲛⲉⲙ ⲟⲭⲟⲍⲁⲑ ⲡⲉϥⲛⲩⲙⲫⲁⲅⲱⲅⲟⲥ ⲛⲉⲙ ⲡⲓⲭⲟⲗ ⲡⲓⲁⲣⲭⲓⲥ̀ⲧⲣⲁⲧⲏⲅⲟⲥ ⲛ̀ⲧⲉ ⲧⲉϥϫⲟⲙ	ouoh à abimelex ṡenaf harof èvol xen gerarōn nem oxozaθ pefnimfaġōġos nem pikol piarṡis̀tratyġos ǹte tefgom	And Abimelech came to him from Gerara, and so did Ochozath his friend, and Phichol the commander-in-chief of his army.
26:27	ⲟⲩⲟϩ ⲡⲉϫⲉ ⲓⲥⲁⲁⲕ ⲛⲱⲟⲩ ϫⲉⲉⲑⲃⲉⲟⲩ ⲁⲧⲉⲧⲉⲛⲓ ϩⲁⲣⲟⲓ ⲛ̀ⲑⲱⲧⲉⲛ ⲇⲉ ⲁⲧⲉⲧⲉⲛⲙⲉⲥⲧⲱⲓ ⲟⲩⲟϩ ⲁⲧⲉⲧⲉⲛⲟⲩⲟⲣⲡⲧ ⲉ̀ⲃⲟⲗ ϩⲁⲣⲱⲧⲉⲛ	ⲟⲩⲟϩ ⲡⲉϫⲉ ⲓⲥⲁⲁⲕ ⲛⲱⲟⲩ ϫⲉ ⲉⲑⲃⲉ ⲟⲩ ⲁⲣⲉⲧⲉⲛⲓ ϩⲁⲣⲟⲓ ⲛ̀ⲑⲱⲧⲉⲛ ⲇⲉ ⲁⲣⲉⲧⲉⲛⲙⲉⲥⲧⲱⲓ ⲟⲩⲟϩ ⲁⲣⲉⲧⲉⲛⲟⲩⲟⲣⲡⲧ ⲉ̀ⲃⲟⲗ ϩⲁⲣⲱⲧⲉⲛ	ouoh peje isaak nōou je eθve ou areteni haroi ǹθōten ḋe aretenmestōi ouoh aretenouorpt èvol harōten	And Isaac said to them, Wherefore have ye come to me? whereas ye hated me, and sent me away from you.
26:28	ⲟⲩⲟϩ ⲡⲉϫⲱⲟⲩ ϫⲉϧⲉⲛⲟⲩⲛⲁⲩ ⲁⲛⲛⲁⲩ ϫⲉⲛⲁⲣⲉⲡϭⲟⲓⲥ ⲭⲏ ⲛⲉⲙⲁⲕ ⲡⲉ ⲟⲩⲟϩ ⲡⲉϫⲁⲛ ϫⲉⲙⲁⲣⲉϥϣⲱⲡⲓ ϩⲁⲣⲁ ⲟⲩⲧⲱⲛ ⲛⲉⲙⲟⲩⲧⲱⲕ ⲟⲩⲟϩ ⲉⲛⲉ̀ⲥⲉⲙⲛⲓ ⲛ̀ⲟⲩⲇⲓⲁⲑⲏⲕⲏ ⲛⲉⲙⲁⲕ	ⲟⲩⲟϩ ⲡⲉϫⲱⲟⲩ ϫⲉ ϧⲉⲛ ⲟⲩⲛⲁⲩ ⲁⲛⲛⲁⲩ ϫⲉ ⲛⲁⲣⲉ ⲡ̀ϭⲟⲓⲥ ⲭⲏ ⲛⲉⲙⲁⲕ ⲡⲉ ⲟⲩⲟϩ ⲡⲉϫⲁⲛ ϫⲉ ⲙⲁⲣⲉϥϣⲱⲡⲓ ϩⲁⲣⲁ ⲟⲩⲧⲱⲛ ⲛⲉⲙ ⲟⲩⲧⲱⲕ ⲟⲩⲟϩ ⲉⲛⲉ̀ⲥⲉⲙⲛⲓ ⲛ̀ⲟⲩⲇⲓⲁⲑⲏⲕⲏ ⲛⲉⲙⲁⲕ	ouoh pegōou je xen ounav annav je nare p̀ċois ky nemak pe ouoh pegan je marefṡōpi hara outōn nem outōk ouoh enèsemni ǹouḋiaθyky nemak	And they said, We have surely seen that the Lord was with thee, and we said, Let there be an oath between us and thee, and we will make a covenant with thee,
26:29	ⲉ̀ϣ̀ⲧⲉⲙⲑ̀ⲣⲉⲕⲓ̀ⲣⲓ ⲛⲉⲙⲁⲛ ⲛ̀ⲟⲩⲡⲉⲧϩⲱⲟⲩ ⲙ̀ⲫ̀ⲣⲏϯ ⲉ̀ⲧⲉⲙ̀ⲡⲉⲛⲟⲣⲃⲉⲕ ⲁ̀ⲛⲟⲛ ⲛⲉⲙⲡⲓⲣⲏϯ ⲉ̀ⲧⲁⲛⲉⲣⲡⲉⲑⲛⲁⲛⲉϥ ⲛⲁⲕ ⲟⲩⲟϩ ⲁⲛⲟⲩⲟⲣⲡⲕ ⲉ̀ⲃⲟⲗ ϧⲉⲛⲟⲩϩⲓⲣⲏⲛⲏ ⲟⲩⲟϩ ϯⲛⲟⲩ ⲕ̀ⲥⲙⲁⲙⲁⲧ ⲛ̀ⲑⲟⲕ ⲛ̀ⲧⲉⲛⲡϭⲟⲓⲥ	ⲉ̀ϣ̀ⲧⲉⲙⲑ̀ⲣⲉⲕⲓ̀ⲣⲓ ⲛⲉⲙⲁⲛ ⲛ̀ⲟⲩⲡⲉⲧϩⲱⲟⲩ ⲛ̀ⲫ̀ⲣⲏϯ ⲉ̀ⲧⲉⲙ̀ⲡⲉⲛⲟⲣⲃⲉⲕ ⲁ̀ⲛⲟⲛ ⲛⲉⲙ ⲫ̀ⲣⲏϯ ⲉ̀ⲧⲁⲛⲉⲣⲡⲉⲑⲛⲁⲛⲉϥ ⲛⲁⲕ ⲟⲩⲟϩ ⲁⲛⲟⲩⲟⲣⲡⲕ ⲉ̀ⲃⲟⲗ ϧⲉⲛ ⲟⲩϩⲓⲣⲏⲛⲏ ⲟⲩⲟϩ ϯⲛⲟⲩ ⲕ̀ⲥⲙⲁⲙⲁⲧ ⲛ̀ⲑⲟⲕ ⲛ̀ⲧⲉⲛ ⲡ̀ϭⲟⲓⲥ	èṡ̀temθ̀rekìri neman ǹoupet·hōou ǹf̀ryti ètem̀penorvek ànon nem f̀ryti ètanerpeθnanef nak ouoh anouorpk èvol xen ouhiryny ouoh tinou k̀·smamat ǹθok ǹten p̀ċois	that thou shalt do no wrong by us, as we have not abhorred thee, and according as we have treated thee well, and have sent thee forth peaceably; and now thou art blessed of the Lord.
26:30	ⲟⲩⲟϩ ⲁϥⲓ̀ⲣⲓ ⲛ̀ⲟⲩϣⲟⲡⲥ ⲉ̀ⲣⲱⲟⲩ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ	ⲟⲩⲟϩ ⲁϥⲓ̀ⲣⲓ ⲛ̀ⲟⲩϣⲟⲡⲥ ⲉ̀ⲣⲱⲟⲩ ⲟⲩⲟϩ ⲁⲩⲟⲩⲱⲙ ⲟⲩⲟϩ ⲁⲩⲥⲱ	ouoh afìri ǹouṡop·s èrōou ouoh avouōm ouoh avsō	And he made a feast for them, and they ate and drank.
26:31	ⲟⲩⲟϩ ⲁⲩⲧⲱⲟⲩⲛⲟⲩ ⲛ̀ⲧⲟⲟⲩⲓ̀ ⲁϥⲱⲣⲕ ⲛ̀ϫⲉⲫ̀ⲣⲱⲙⲓ ⲙ̀ⲡⲉϥϣ̀ⲫⲏⲣ ⲟⲩⲟϩ ⲁϥⲧ̀ⲫⲱⲟⲩ ⲛ̀ϫⲉⲓⲥⲁⲁⲕ ⲟⲩⲟϩ ⲁⲩϣⲉⲛⲱⲟⲩ ⲉ̀ⲃⲟⲗ ϩⲁⲣⲟϥ ϧⲉⲛⲟⲩⲟⲩϫⲁⲓ	ⲟⲩⲟϩ ⲁⲩⲧⲱⲟⲩⲛⲟⲩ ⲛ̀ⲧⲟⲟⲩⲓ̀ ⲁϥⲱⲣⲕ ⲛ̀ϫⲉ ⲫ̀ⲣⲱⲙⲓ ⲛ̀ⲡⲉϥϣ̀ⲫⲏⲣ ⲟⲩⲟϩ ⲁϥⲧ̀ⲫⲱⲟⲩ ⲛ̀ϫⲉ ⲓⲥⲁⲁⲕ ⲟⲩⲟϩ ⲁⲩϣⲉⲛⲱⲟⲩ ⲉ̀ⲃⲟⲗ ϩⲁⲣⲟϥ ϧⲉⲛ ⲟⲩⲟⲩϫⲁⲓ	ouoh avtōounou ǹtoouì afōrk ǹje f̀rōmi ǹpefṡ̀fyr ouoh aft̀fōou ǹje isaak ouoh avṡenōou èvol harof xen ouougai	And they arose in the morning, and swore each to his neighbour; and Isaac sent them forth, and they departed from him in safety.
26:32	ⲁⲥϣⲱⲡⲓ ⲇⲉ ϧⲉⲛⲡⲓⲉ̀ϩⲟⲟⲩ ⲉ̀ⲧⲉⲙ̀ⲙⲁⲩ ⲁⲩⲓ̀ ⲛ̀ϫⲉⲛⲓⲁ̀ⲗⲱⲟⲩⲓ̀ ⲛ̀ⲧⲉⲓⲥⲁⲁⲕ ⲁⲩⲧⲁⲙⲟϥ ⲉⲑⲃⲉϯϣⲱϯ ⲉ̀ⲧⲁⲩϣⲟⲕⲥ ⲟⲩⲟϩ ⲡⲉϫⲱⲟⲩ ϫⲉⲙ̀ⲡⲉⲛϫⲉⲙ ⲙⲱⲟⲩ ⲛ̀ϧⲏⲧⲥ	ⲁⲥϣⲱⲡⲓ ⲇⲉ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁⲩⲓ̀ ⲛ̀ϫⲉ ⲛⲓⲁ̀ⲗⲱⲟⲩⲓ̀ ⲛ̀ⲧⲉ ⲓⲥⲁⲁⲕ ⲁⲩⲧⲁⲙⲟϥ ⲉⲑⲃⲉ ϯϣⲱϯ ⲉ̀ⲧⲁⲩϣⲟⲕⲥ ⲟⲩⲟϩ ⲡⲉϫⲱⲟⲩ ϫⲉⲙ̀ⲡⲉⲛϫⲉⲙ ⲙⲱⲟⲩ ⲛ̀ϧⲏⲧⲥ	asṡōpi ḋe xen pièhoou ète m̀mav avì ǹje niàlōouì ǹte isaak avtamof eθve tiṡōti ètavṡok·s ouoh pegōou jem̀penjem mōou ǹxyts	And it came to pass in that day, that the servants of Isaac came and told him of the well which they had dug; and they said, We have not found water.
26:33	ⲟⲩⲟϩ ⲁϥϯⲣⲉⲛⲥ ϫⲉⲡⲁⲁⲛⲁϣ ⲉⲑⲃⲉⲫⲁⲓ ⲁⲩϯⲣⲉⲛ ⲫ̀ⲣⲁⲛ ⲛ̀ϯⲃⲁⲕⲓ ϫⲉⲧ̀ϣⲱϯ ⲙ̀ⲡⲁⲛⲁϣ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ	ⲟⲩⲟϩ ⲁϥϯⲣⲉⲛⲥ ϫⲉ ⲡⲁⲁⲛⲁϣ ⲉⲑⲃⲉ ⲫⲁⲓ ⲁⲩϯⲣⲉⲛ ⲫ̀ⲣⲁⲛ ⲛ̀ϯⲃⲁⲕⲓ ϫⲉ ⲧ̀ϣⲱϯ ⲛ̀ⲡⲁⲛⲁϣ ϣⲁⲉ̀ϧⲟⲩⲛ ⲉ̀ⲫⲟⲟⲩ ⲛ̀ⲉ̀ϩⲟⲟⲩ	ouoh aftirens je paanaṡ eθve fai avtiren f̀ran ǹtivaki je t̀ṡōti ǹpanaṡ ṡaèxoun èfoou ǹèhoou	And he called it, Oath: therefore he called the name of that city, the Well of Oath, until this day.
26:34	ⲏⲥⲁⲩ ⲇⲉ ⲛⲁϥⲭⲏ ϧⲉⲛⲙ̅ⲛ̀ⲣⲟⲙⲡⲓ ⲡⲉ ⲟⲩⲟϩ ⲁϥϭⲓ ⲛ̀ⲟⲩⲥ̀ϩⲓⲙⲓ ⲓⲟⲩⲇⲓⲛ ⲧ̀ϣⲉⲣⲓ ⲙ̀ⲃⲉⲏⲣ ⲡⲓⲭⲉⲧⲧⲉⲟⲥ ⲛⲉⲙⲃⲁⲥⲉⲙⲁⲑ ⲧ̀ϣⲉⲣⲓ ⲛ̀ⲉⲗⲱⲙ ⲡⲓⲉⲩⲉⲟⲥ	ⲏⲥⲁⲩ ⲇⲉ ⲛⲁϥⲭⲏ ϧⲉⲛ ⲙ̅ⲛ̀ⲣⲟⲙⲡⲓ ⲡⲉ ⲟⲩⲟϩ ⲁϥϭⲓ ⲛ̀ⲟⲩⲥ̀ϩⲓⲙⲓ ⲓⲟⲩⲇⲓⲛ ⲧ̀ϣⲉⲣⲓ ⲙ̀ⲃⲉⲏⲣ ⲡⲓⲭⲉⲧⲧⲉⲟⲥ ⲛⲉⲙ ⲃⲁⲥⲉⲙⲁⲑ ⲧ̀ϣⲉⲣⲓ ⲛ̀ⲉⲗⲱⲙ ⲡⲓⲉⲩⲉⲟⲥ	ysav ḋe nafky xen mǹrompi pe ouoh afċi ǹous̀·himi iouḋin t̀ṡeri m̀veyr piṡetteos nem basemaθ t̀ṡeri ǹelōm pieveos	And Esau was forty years old; and he took to wife Judith the daughter of Beoch the Chettite, and Basemath, daughter of Helon the Chettite.
26:35	ⲟⲩⲟϩ ⲛⲁⲩϭⲛⲏⲛ ⲡⲉ ⲟⲩⲃⲉ ⲓⲥⲁⲁⲕ ⲛⲉⲙⲣⲉⲃⲉⲕⲕⲁ	ⲟⲩⲟϩ ⲛⲁⲩϭⲛⲏⲛ ⲡⲉ ⲟⲩⲃⲉ ⲓⲥⲁⲁⲕ ⲛⲉⲙ ⲣⲉⲃⲉⲕⲕⲁ	ouoh navċnyn pe ouve isaak nem rebekka	And they were provoking to Isaac and Rebecca.

Provenance

title: Genesis 26
dialect: bohairic
source: Coptic SCRIPTORIUM corpus "bohairic.ot", document 01_Genesis_26
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Genesis 26 from Coptic SCRIPTORIUM (https://copticscriptorium.org), corpus bohairic.ot, document 01_Genesis_26, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Genesis/26.bohairic.scriptorium.L0.txt
title: Genesis 26 — Cairene
dialect: bohairic
source: generated from 26.bohairic.scriptorium.L0.txt (Coptic SCRIPTORIUM corpus "bohairic.ot", document 01_Genesis_26)
licence: CC BY-SA 4.0
share: attribution
attribution: Genesis 26 from Coptic SCRIPTORIUM (https://copticscriptorium.org), corpus bohairic.ot, document 01_Genesis_26, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Genesis/26.bohairic.scriptorium.L1.txt
title: Genesis 26 — Kemetic
dialect: bohairic
source: generated from 26.bohairic.scriptorium.L1.txt
licence: CC BY-SA 4.0
share: attribution
attribution: Genesis 26 from Coptic SCRIPTORIUM (https://copticscriptorium.org), corpus bohairic.ot, document 01_Genesis_26, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Genesis/26.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 35 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 01_Genesis_26 (35 lines)

Cite as:

Genesis 26. Coptic SCRIPTORIUM corpus "bohairic.ot", document 01_Genesis_26. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/genesis/26.bohairic.scriptorium/. Genesis 26 from Coptic SCRIPTORIUM (https://copticscriptorium.org), corpus bohairic.ot, document 01_Genesis_26, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.