Habakkuk (Bohairic, SCRIPTORIUM text with Yousef's jinkim)

Source and licence

share: attributionbohairic

Source: Coptic SCRIPTORIUM corpus "bohairic.ot", documents 35_Habacuc_01–35_Habacuc_03 (3 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md)

Attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 35_Habacuc_01–35_Habacuc_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

56 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1:1	1:1 ϯⲡⲣⲟⲫⲏⲧⲓⲁ̀ ⲛ̀ⲧⲉⲁⲃⲃⲁⲕⲟⲩⲙ ⲡⲓⲡⲣⲟⲫⲏⲧⲏⲥ .	ϯⲡ̀ⲣⲟⲫⲏⲧⲓⲁ̀ ⲛ̀ⲧⲉ ⲁⲃⲃⲁⲕⲟⲩⲙ ⲡⲓⲡ̀ⲣⲟⲫⲏⲧⲏⲥ.	tip̀rofytià ǹte abbakoum pip̀rofytys.	The burden which the prophet Ambacum saw.
1:2	1:2 ϣⲁⲑ̀ⲛⲁⲩ ϫⲉⲡϭ̅ⲥ̅ ϯⲛⲁⲱϣ ⲉ̀ⲃⲟⲗ ⲟⲩⲟϩ ⲛ̀ⲭ̀ⲛⲁⲥⲱⲧⲉⲙ ⲉ̀ⲣⲟⲓ ⲁⲛ ϯⲛⲁⲱϣ ⲉ̀ⲡ̀ϣⲱⲓ ⲟⲩⲃⲏⲕ ⲉⲓϭⲏⲟⲩ ⲛ̀ϫⲟⲛⲥ ⲟⲩⲟϩ ⲭ̀ⲛⲁⲛⲁϩⲙⲉⲧ ⲁⲛ .	Ϣⲁ ⲑ̀ⲛⲁⲩ ϫⲉ ⲡ̀ϭⲟⲓⲥ ϯⲛⲁⲱϣ ⲉ̀ⲃⲟⲗ ⲟⲩⲟϩ ⲛ̀ⲭ̀ⲛⲁⲥⲱⲧⲉⲙ ⲉ̀ⲣⲟⲓ ⲁⲛ ϯⲛⲁⲱϣ ⲉ̀ⲡ̀ϣⲱⲓ ⲟⲩⲃⲏⲕ ⲉⲓϭⲏⲟⲩ ⲛ̀ϫⲟⲛⲥ ⲟⲩⲟϩ ⲭ̀ⲛⲁⲛⲁϩⲙⲉⲧ ⲁⲛ.	Ṡa θ̀nav je p̀ċois tinaōṡ èvol ouoh ǹk̀nasōtem èroi an tinaōṡ èp̀ṡōi ouvyk eiċyou ǹgons ouoh k̀nanahmet an.	How long, O Lord, shall I cry out, and thou wilt not hearken? how long shall I cry out to thee being injured, and thou wilt not save?
1:3	1:3 ⲉⲑⲃⲉⲟⲩ ⲁⲕⲧⲁⲙⲟⲓ ⲉ̀ϩⲁⲛϧⲓⲥⲓ ⲛⲉⲙϩⲁⲛⲙ̀ⲕⲁⲩϩ ⲉⲑⲣⲓϫⲟⲩϣⲧ ⲉ̀ϫⲉⲛⲟⲩⲧⲁⲗⲉⲡⲱⲣⲓⲁ̀ ⲛⲉⲙⲟⲩⲙⲉⲧⲁ̀ⲥⲉⲃⲏⲥ ⲁϥϣⲱⲡⲓ ⲛ̀ϫⲉⲟⲩϩⲁⲡ ⲙ̀ⲡⲁⲙ̀ⲑⲟ ⲟⲩⲟϩ ⲡⲓⲣⲉϥϯϩⲁⲡ ϥ̀ ϭⲓϩⲟ .	Ⲉⲑⲃⲉ ⲟⲩ ⲁⲕⲧⲁⲙⲟⲓ ⲉ̀ϩⲁⲛϧⲓⲥⲓ ⲛⲉⲙ ϩⲁⲛⲙ̀ⲕⲁⲩϩ ⲉ̀ⲑⲣⲓϫⲟⲩϣⲧ ⲉ̀ϫⲉⲛ ⲟⲩⲧⲁⲗⲉⲡⲱⲣⲓⲁ̀ ⲛⲉⲙ ⲟⲩⲙⲉⲧⲁ̀ⲥⲉⲃⲏⲥ ⲁϥϣⲱⲡⲓ ⲛ̀ϫⲉ ⲟⲩϩⲁⲡ ⲛ̀ⲡⲁⲙ̀ⲑⲟ ⲟⲩⲟϩ ⲡⲓⲣⲉϥϯϩⲁⲡ ϥ̀ ϭⲓϩⲟ.	Eθve ou aktamoi èhanxisi nem hanm̀kavh èθrigouṡt èjen outalepōrià nem oumetàsebys afṡōpi ǹje ouhap ǹpam̀θo ouoh pireftihap f̀ ċiho.	Wherefore hast thou shown me troubles and griefs to look upon, misery and ungodliness? judgment is before me, and the judge receives a reward.
1:4	1:4 ⲉⲑⲃⲉⲫⲁⲓ ⲁϥϫⲱⲣ ⲉ̀ⲃⲟⲗ ⲛ̀ϫⲉⲟⲩⲛⲟⲙⲟⲥ ⲟⲩⲟϩ ⲛ̀ⲛⲟⲩⲓ̀ⲛⲓ ⲉ̀ⲃⲟⲗ ⲛ̀ⲟⲩϩⲁⲡ ϣⲁⲉ̀ⲃⲟⲗ ϫⲉⲡⲓⲁ̀ⲥⲉⲃⲏⲥ ϥ̀ϭⲉⲡϫⲱⲣⲓ ⲉ̀ϫⲉⲛⲡⲓⲑⲙⲏⲓ ⲉⲑⲃⲉⲫⲁⲓ ⲉϥⲉ̀ⲓ̀ ⲉ̀ⲃⲟⲗ ⲛ̀ϫⲉⲡⲓϩⲁⲡ ⲉϥⲫⲟⲛϩ .	Ⲉⲑⲃⲉ ⲫⲁⲓ ⲁϥϫⲱⲣ ⲉ̀ⲃⲟⲗ ⲛ̀ϫⲉ ⲟⲩⲛⲟⲙⲟⲥ ⲟⲩⲟϩ ⲛ̀ⲛⲟⲩⲓ̀ⲛⲓ ⲉ̀ⲃⲟⲗ ⲛ̀ⲟⲩϩⲁⲡ ϣⲁ ⲉ̀ⲃⲟⲗ ϫⲉ ⲡⲓⲁ̀ⲥⲉⲃⲏⲥ ϥ̀ϭⲉⲡ̀ϫⲱⲣⲓ ⲉ̀ϫⲉⲛ ⲡⲓⲑ̀ⲙⲏⲓ ⲉⲑⲃⲉ ⲫⲁⲓ ⲉϥⲉ̀ⲓ̀ ⲉ̀ⲃⲟⲗ ⲛ̀ϫⲉ ⲡⲓϩⲁⲡ ⲉϥⲫⲟⲛϩ.	Eθve fai afgōr èvol ǹje ounomos ouoh ǹnouìni èvol ǹouhap ṡa èvol je piàsebys f̀ċep̀gōri èjen piθ̀myi eθve fai efèì èvol ǹje pihap effonh.	Therefore the law is frustrated, and judgment proceeds not effectually, for the ungodly man prevails over the just; therefore perverse judgment will proceed.
1:5	1:5 ⲁⲛⲁⲩ ⲛⲓⲕⲁⲧⲁⲫⲣⲟⲛⲓⲧⲏⲥ ⲟⲩⲟϩ ϫⲟⲩϣⲧ ⲟⲩⲟϩ ⲁⲣⲓϣ̀ⲫⲏⲣⲓ ϧⲉⲛϩⲁⲛϣ̀ⲫⲏⲣⲓ ⲟⲩⲟϩ ⲛ̀ⲧⲉⲧⲉⲛⲧⲁⲕⲟ ϫⲉⲟⲩⲏⲓ ϯⲛⲁⲓ̀ⲣⲓ ⲛ̀ⲟⲩϩⲱⲃ ϧⲉⲛⲛⲉⲧⲉⲛⲉ̀ϩⲟⲟⲩ ⲫⲁⲓ ⲉ̀ⲧⲉⲧⲉⲛⲛⲁⲛⲁϩϯ ⲉ̀ⲣⲟϥ ⲁⲛ ⲁⲣⲉϣⲁⲛ ⲟⲩⲁⲓ ⲥⲁϫⲓ ⲙ̀ⲙⲟϥ .	Ⲁ̀ⲛⲁⲩ ⲛⲓⲕⲁⲧⲁⲫⲣⲟⲛⲓⲧⲏⲥ ⲟⲩⲟϩ ϫⲟⲩϣⲧ ⲟⲩⲟϩ ⲁ̀ⲣⲓϣ̀ⲫⲏⲣⲓ ϧⲉⲛ ϩⲁⲛϣ̀ⲫⲏⲣⲓ ⲟⲩⲟϩ ⲛ̀ⲧⲉⲧⲉⲛⲧⲁⲕⲟ ϫⲉ ⲟⲩⲏⲓ ϯⲛⲁⲓ̀ⲣⲓ ⲛ̀ⲟⲩϩⲱⲃ ϧⲉⲛ ⲛⲉⲧⲉⲛⲉ̀ϩⲟⲟⲩ ⲫⲁⲓ ⲉ̀ⲧⲉⲧⲉⲛⲛⲁⲛⲁϩϯ ⲉ̀ⲣⲟϥ ⲁⲛ ⲁⲣⲉϣⲁⲛ ⲟⲩⲁⲓ ⲥⲁϫⲓ ⲙ̀ⲙⲟϥ.	Ànav nikatafronitys ouoh gouṡt ouoh àriṡ̀fyri xen hanṡ̀fyri ouoh ǹtetentako je ouyi tinaìri ǹouhōb xen netenèhoou fai ètetennanahti èrof an areṡan ouai saji m̀mof.	Behold, ye despisers, and look, and wonder marvelously, and vanish: for I work a work in your days, which ye will in no wise believe, though a man declare it to you.
1:6	1:6 ϫⲉⲟⲩⲏⲓ ϩⲏⲡⲡⲉ ⲁ̀ⲛⲟⲕ ϯⲛⲁⲧⲟⲩⲛⲟⲥ ⲛⲓⲭⲁⲗⲇⲉⲟⲥ ⲛⲏⲉⲧⲟⲓ ⲛ̀ⲣⲉϥϯ ⲡⲓⲉⲑⲛⲟⲥ ⲉⲧⲁⲥⲓⲱⲟⲩ ⲟⲩⲟϩ ⲉⲧⲉⲛϣⲁϣⲓ ⲫⲏⲉⲑⲙⲟϣⲓ ϩⲓϫⲉⲛⲛⲓⲟⲩⲏϣⲥⲓ ⲛ̀ⲧⲉⲡ̀ⲕⲁϩⲓ ⲉⲑⲣⲉϥⲉⲣⲕⲗⲏⲣⲟⲛⲟⲙⲓⲛ ⲛ̀ϩⲁⲛⲙⲁⲛϣⲱⲡⲓ ⲉ̀ⲛⲟⲩϥ ⲁⲛ ⲡⲉ .	Ϫⲉ ⲟⲩⲏⲓ ϩⲏⲡⲡⲉ ⲁ̀ⲛⲟⲕ ϯⲛⲁⲧⲟⲩⲛⲟⲥ ⲛⲓⲭⲁⲗⲇⲉⲟⲥ ⲛⲏⲉⲧⲟⲓ ⲛ̀ⲣⲉϥϯ ⲡⲓⲉⲑⲛⲟⲥ ⲉⲧⲁⲥⲓⲱⲟⲩ ⲟⲩⲟϩ ⲉⲧⲉⲛϣⲁϣⲓ ⲫⲏⲉⲑⲙⲟϣⲓ ϩⲓϫⲉⲛ ⲛⲓⲟⲩⲏϣⲥⲓ ⲛ̀ⲧⲉ ⲡ̀ⲕⲁϩⲓ ⲉ̀ⲑⲣⲉϥⲉⲣⲕⲗⲏⲣⲟⲛⲟⲙⲓⲛ ⲛ̀ϩⲁⲛⲙⲁⲛϣⲱⲡⲓ ⲉ̀ⲛⲟⲩϥ ⲁⲛ ⲡⲉ.	Je ouyi hyppe ànok tinatounos nixaldeos nyetoi ǹrefti pieθnos etasiōou ouoh etenṡaṡi fyeθmoṡi hijen niouyṡsi ǹte p̀kahi èθreferklyronomin ǹhanmanṡōpi ènouf an pe.	Wherefore, behold, I stir up the Chaldeans, the bitter and hasty nation, that walks upon the breadth of the earth, to inherit tabernacles not his own.
1:7	1:7 ϥ̀ⲟⲓ ⲛ̀ϩⲟϯ ⲟⲩⲟϩ ϥ̀ⲟⲩⲟⲛϩ ⲉ̀ⲃⲟⲗ ⲡⲉϥϩⲁⲡ ⲉϥⲉ̀ϣⲱⲡⲓ ⲉ̀ⲃⲟⲗ ⲛ̀ϧⲏⲧϥ .	Ϥ̀ⲟⲓ ⲛ̀ϩⲟϯ ⲟⲩⲟϩ ϥ̀ⲟⲩⲟⲛϩ ⲉ̀ⲃⲟⲗ ⲡⲉϥϩⲁⲡ ⲉϥⲉ̀ϣⲱⲡⲓ ⲉ̀ⲃⲟⲗ ⲛ̀ϧⲏⲧϥ.	F̀oi ǹhoti ouoh f̀ouonh èvol pefhap efèṡōpi èvol ǹxytf.	He is terrible and famous; his judgment shall proceed of himself, and his dignity shall come out of himself.
1:8	1:8 ⲟⲩⲟϩ ⲉⲩⲉ̀ϭⲓⲫⲉⲓ ⲛ̀ϫⲉⲛⲉϥϩ̀ⲑⲱⲣ ⲉϩⲟⲧⲉ ⲛⲓⲡⲁⲣⲇⲁⲗⲓⲥ ⲥⲉⲁ̀ⲥⲓⲱⲟⲩ ⲉϩⲟⲧⲉ ⲛⲓⲟⲩⲱⲛϣ ⲛ̀ⲧⲉϯⲁⲣⲁⲃⲓⲁ̀ ⲟⲩⲟϩ ⲉⲩⲉ̀ⲫⲱⲧ ⲛ̀ϫⲉⲛⲓϭⲁⲥⲓϩ̀ⲑⲟ ϩⲓϫⲉⲛⲛⲓϩ̀ⲑⲱⲣ ⲟⲩⲟϩ ⲉⲩⲉ̀ϯ ⲙ̀ⲡⲟⲩⲟⲩⲟⲓ ϩⲓⲫ̀ⲟⲩⲉⲓ ⲟⲩⲟϩ ⲉⲩⲉ̀ϩⲁⲗⲁⲓ ⲙ̀ⲫ̀ⲣⲏϯ ⲛ̀ⲟⲩⲁ̀ϧⲱⲙ ⲉϥⲥⲉⲃⲧⲱⲧ ⲉ̀ⲟⲩⲱⲙ .	Ⲟⲩⲟϩ ⲉⲩⲉ̀ϭⲓⲫⲉⲓ ⲛ̀ϫⲉ ⲛⲉϥϩ̀ⲑⲱⲣ ⲉ̀ϩⲟⲧⲉ ⲛⲓⲡⲁⲣⲇⲁⲗⲓⲥ ⲥⲉⲁ̀ⲥⲓⲱⲟⲩ ⲉ̀ϩⲟⲧⲉ ⲛⲓⲟⲩⲱⲛϣ ⲛ̀ⲧⲉ ϯⲁⲣⲁⲃⲓⲁ̀ ⲟⲩⲟϩ ⲉⲩⲉ̀ⲫⲱⲧ ⲛ̀ϫⲉ ⲛⲓϭⲁⲥⲓϩ̀ⲑⲟ ϩⲓϫⲉⲛ ⲛⲓϩ̀ⲑⲱⲣ ⲟⲩⲟϩ ⲉⲩⲉ̀ϯ ⲛ̀ⲡⲟⲩⲟⲩⲟⲓ ϩⲓ ⲫ̀ⲟⲩⲉⲓ ⲟⲩⲟϩ ⲉⲩⲉ̀ϩⲁⲗⲁⲓ ⲛ̀ⲫ̀ⲣⲏϯ ⲛ̀ⲟⲩⲁ̀ϧⲱⲙ ⲉϥⲥⲉⲃⲧⲱⲧ ⲉ̀ⲟⲩⲱⲙ.	Ouoh evèċifei ǹje nefh̀θōr èhote niparḋalis seàsiōou èhote niouōnṡ ǹte tiarabià ouoh evèfōt ǹje niċasih̀θo hijen nih̀θōr ouoh evèti ǹpououoi hi f̀ouei ouoh evèhalai ǹf̀ryti ǹouàxōm efsevtōt èouōm.	And his horses shall bound more swiftly than leopards, and they are fiercer than the wolves of Arabia: and his horsemen shall ride forth, and shall rush from far; and they shall fly as an eagle hasting to eat.
1:9	1:9 ⲟⲩϧⲁⲉ̀ ⲉⲥⲉ̀ⲓ̀ ⲉ̀ϫⲉⲛⲛⲓⲁ̀ⲥⲉⲃⲏⲥ ⲉⲩⲉ̀ϯ ⲛⲉⲙⲁϥ ϧⲉⲛⲟⲩϩⲟ ⲛⲉⲙⲟⲩⲙⲉⲧϫⲁϫⲓ ⲟⲩⲟϩ ⲉϥⲉ̀ⲑⲱⲟⲩϯ ⲉ̀ϧⲟⲩⲛ ⲛ̀ⲟⲩⲭ̀ⲙⲁⲗⲱⲥⲓⲁ̀ ⲙ̀ⲫ̀ⲣⲏϯ ⲛ̀ⲟⲩϣⲟ .	Ⲟⲩϧⲁⲉ̀ ⲉ̀ⲥⲉ̀ⲓ̀ ⲉ̀ϫⲉⲛ ⲛⲓⲁ̀ⲥⲉⲃⲏⲥ ⲉⲩⲉ̀ϯ ⲛⲉⲙⲁϥ ϧⲉⲛ ⲟⲩϩⲟ ⲛⲉⲙ ⲟⲩⲙⲉⲧϫⲁϫⲓ ⲟⲩⲟϩ ⲉϥⲉ̀ⲑⲱⲟⲩϯ ⲉ̀ϧⲟⲩⲛ ⲛ̀ⲟⲩⲭ̀ⲙⲁⲗⲱⲥⲓⲁ̀ ⲛ̀ⲫ̀ⲣⲏϯ ⲛ̀ⲟⲩϣⲟ.	Ouxaè èsèì èjen niàsebys evèti nemaf xen ouho nem oumetgaji ouoh efèθōouti èxoun ǹoux̀malōsià ǹf̀ryti ǹouṡo.	Destruction shall come upon ungodly men, resisting with their adverse front, and he shall gather the captivity as the sand.
1:10	1:10 ⲟⲩⲟϩ ⲛ̀ⲑⲟϥ ⲉϥⲉ̀ⲟⲩⲟⲛϥ ϧⲉⲛϩⲁⲛⲟⲩⲣⲱⲟⲩ ⲟⲩⲟϩ ⲛⲓⲧⲩⲣⲁⲛⲛⲟⲥ ϩⲁⲛⲥⲱⲃⲓ ⲛⲁϥ ⲛⲉ ⲟⲩⲟϩ ⲉϥⲉ̀ⲥⲱⲃⲓ ϧⲉⲛⲛⲓⲙⲁ ⲧⲏⲣⲟⲩ ⲉⲧⲧⲁϫⲣⲏⲟⲩⲧ ⲟⲩⲟϩ ⲉϥⲉ̀ϩⲓⲟⲩⲓ̀ ⲛ̀ⲟⲩⲟⲩⲁⲛ ⲟⲩⲟϩ ⲉϥⲉ̀ⲁ̀ⲙⲟⲛⲓ ⲙ̀ⲙⲟϥ .	Ⲟⲩⲟϩ ⲛ̀ⲑⲟϥ ⲉϥⲉ̀ⲟⲩⲟⲛϥ ϧⲉⲛ ϩⲁⲛⲟⲩⲣⲱⲟⲩ ⲟⲩⲟϩ ⲛⲓⲧⲩⲣⲁⲛⲛⲟⲥ ϩⲁⲛⲥⲱⲃⲓ ⲛⲁϥ ⲛⲉ ⲟⲩⲟϩ ⲉϥⲉ̀ⲥⲱⲃⲓ ϧⲉⲛ ⲛⲓⲙⲁ ⲧⲏⲣⲟⲩ ⲉⲧⲧⲁϫⲣⲏⲟⲩⲧ ⲟⲩⲟϩ ⲉϥⲉ̀ϩⲓⲟⲩⲓ̀ ⲛ̀ⲟⲩⲟⲩⲁⲛ ⲟⲩⲟϩ ⲉϥⲉ̀ⲁ̀ⲙⲟⲛⲓ ⲙ̀ⲙⲟϥ.	Ouoh ǹθof efèouonf xen hanourōou ouoh nitirannos hansōvi naf ne ouoh efèsōvi xen nima tyrou ettagryout ouoh efèhiouì ǹououan ouoh efèàmoni m̀mof.	And he shall be at his ease with kings, and princes are his toys, and he shall mock at every strong-hold, and shall cast a mound, and take possession of it.
1:11	1:11 ⲧⲟⲧⲉ ⲉϥⲉ̀ⲟⲩⲱⲧⲉⲃ ⲛ̀ϫⲉⲡⲓⲡ̅ⲛ̅ⲁ̅ ⲟⲩⲟϩ ⲉϥⲉ̀ⲥⲓⲛⲓ ⲟⲩⲟϩ ⲉϥⲉ̀ⲭⲱ ⲉ̀ⲃⲟⲗ ⲑⲁⲓ ⲡⲉ ϯϫⲟⲙ ⲛ̀ⲧⲉⲡⲁⲛⲟⲩϯ .	Ⲧⲟⲧⲉ ⲉϥⲉ̀ⲟⲩⲱⲧⲉⲃ ⲛ̀ϫⲉ ⲡⲓⲡ̀ⲛⲉⲩⲙⲁ ⲟⲩⲟϩ ⲉϥⲉ̀ⲥⲓⲛⲓ ⲟⲩⲟϩ ⲉϥⲉ̀ⲭⲱ ⲉ̀ⲃⲟⲗ ⲑⲁⲓ ⲡⲉ ϯϫⲟⲙ ⲛ̀ⲧⲉ ⲡⲁⲛⲟⲩϯ.	Tote efèouōteb ǹje pip̀nevma ouoh efèsini ouoh efèkō èvol θai pe tigom ǹte panouti.	Then shall he change his spirit, and he shall pass through, and make an atonement, saying, This strength belongs to my god.
1:12	1:12 ⲙⲏ ⲛ̀ⲑⲟⲕ ⲁⲛ ⲡⲉ ⲡϭ̅ⲥ̅ ⲡⲁⲛⲟⲩϯ ⲫⲏⲉⲑⲟⲩⲁⲃ ⲛ̀ⲧⲏⲓ ⲓⲥϫⲉⲛ ϩⲏ ⲟⲩⲟϩ ⲛ̀ⲛⲉⲛⲙⲟⲩ ⲡϭ̅ⲥ̅ ⲁⲕⲑⲁϣϥ ⲉⲩϩⲁⲡ ⲟⲩⲟϩ ⲁϥⲙⲟⲛⲕⲧ ⲉ̀ⲥⲟϩⲓ ϧⲉⲛⲧⲉϥⲥ̀ⲃⲱ .	Ⲙⲏ ⲛ̀ⲑⲟⲕ ⲁⲛ ⲡⲉ ⲡ̀ϭⲟⲓⲥ ⲡⲁⲛⲟⲩϯ ⲫⲏⲉⲑⲟⲩⲁⲃ ⲛ̀ⲧⲏⲓ ⲓⲥϫⲉⲛ ϩⲏ ⲟⲩⲟϩ ⲛ̀ⲛⲉⲛⲙⲟⲩ ⲡ̀ϭⲟⲓⲥ ⲁⲕⲑⲁϣϥ ⲉⲩϩⲁⲡ ⲟⲩⲟϩ ⲁϥⲙⲟⲛⲕⲧ ⲉ̀ⲥⲟ̀ϩⲓ ϧⲉⲛ ⲧⲉϥⲥ̀ⲃⲱ.	My ǹθok an pe p̀ċois panouti fyeθouab ǹtyi isjen hy ouoh ǹnenmou p̀ċois akθaṡf evhap ouoh afmonkt èsòhi xen tefs̀vō.	quoted · alignment uncheckedArt not thou from the beginning, O Lord God, my Holy One? and surely we shall not die. O Lord, thou hast established it for judgment, and he has formed me to chasten with his correction.
1:13	1:13 ϥ̀ⲟⲩⲁⲃ ⲛ̀ϫⲉⲡⲁⲃⲁⲗ ⲉ̀ϣ̀ⲧⲉⲙⲛⲁⲩ ⲉ̀ϩⲁⲛⲡⲉⲧϩⲱⲟⲩ ⲟⲩⲟϩ ⲉ̀ϫⲟⲩϣⲧ ⲉ̀ϫⲉⲛϩⲁⲛϧⲓⲥⲓ ⲛⲉⲙϩⲁⲛⲙ̀ⲕⲁϩⲛ̀ϩⲏⲧ ⲉⲑⲃⲉⲟⲩ ⲕ̀ϫⲟⲩϣⲧ ⲉ̀ϫⲉⲛⲛⲏⲉⲧⲕⲁⲧⲁⲫⲣⲟⲛⲓⲛ ⲭ̀ⲛⲁⲭⲁⲣⲱⲕ ϧⲉⲛⲡ̀ϫⲓⲛⲑ̀ⲣⲉ ⲡⲓⲁ̀ⲥⲉⲃⲏⲥ ⲱⲙⲕ ⲙ̀ⲡⲓⲑⲙⲏⲓ .	Ϥ̀ⲟⲩⲁⲃ ⲛ̀ϫⲉ ⲡⲁⲃⲁⲗ ⲉ̀ϣ̀ⲧⲉⲙⲛⲁⲩ ⲉ̀ϩⲁⲛⲡⲉⲧϩⲱⲟⲩ ⲟⲩⲟϩ ⲉ̀ϫⲟⲩϣⲧ ⲉ̀ϫⲉⲛ ϩⲁⲛϧⲓⲥⲓ ⲛⲉⲙ ϩⲁⲛⲙ̀ⲕⲁϩⲛ̀ϩⲏⲧ ⲉⲑⲃⲉ ⲟⲩ ⲕ̀ϫⲟⲩϣⲧ ⲉ̀ϫⲉⲛⲛⲏⲉⲧⲕⲁⲧⲁⲫⲣⲟⲛⲓⲛ ⲭ̀ⲛⲁⲭⲁⲣⲱⲕ ϧⲉⲛ ⲡ̀ϫⲓⲛⲑ̀ⲣⲉ ⲡⲓⲁ̀ⲥⲉⲃⲏⲥ ⲱⲙⲕ ⲛ̀ⲡⲓⲑ̀ⲙⲏⲓ.	F̀ouab ǹje paval èṡ̀temnav èhanpet·hōou ouoh ègouṡt èjen hanxisi nem hanm̀kahǹhyt eθve ou k̀gouṡt èjennyetkatafronin k̀nakarōk xen p̀jinθ̀re piàsebys ōmk ǹpiθ̀myi.	His eye is too pure to behold evil doings, and to look upon grievous afflictions: wherefore dost thou look upon despisers? wilt thou be silent when the ungodly swallows up the just?
1:14	1:14 ⲟⲩⲟϩ ⲭ̀ⲛⲁⲓ̀ⲣⲓ ⲛ̀ⲛⲓⲣⲱⲙⲓ ⲙ̀ⲫ̀ⲣⲏϯ ⲛ̀ⲛⲓⲧⲉⲃⲛⲱⲟⲩⲓ̀ ⲫ̀ⲓⲟⲙ ⲛⲉⲙⲙ̀ⲫ̀ⲣⲏϯ ⲛ̀ⲛⲓϭⲁⲧϥⲓ ⲉⲧⲉⲙ̀ⲙⲟⲛⲧⲟⲩ ϩⲩⲅⲟⲩⲙⲉⲛⲟⲥ .	Ⲟⲩⲟϩ ⲭ̀ⲛⲁⲓ̀ⲣⲓ ⲛ̀ⲛⲓⲣⲱⲙⲓ ⲛ̀ⲫ̀ⲣⲏϯ ⲛ̀ⲛⲓⲧⲉⲃⲛⲱⲟⲩⲓ̀ ⲫ̀ⲓⲟⲙ ⲛⲉⲙ ⲙ̀ⲫ̀ⲣⲏϯ ⲛ̀ⲛⲓϭⲁⲧϥⲓ ⲉ̀ⲧⲉ ⲙ̀ⲙⲟⲛⲧⲟⲩ ϩⲩⲅⲟⲩⲙⲉⲛⲟⲥ.	Ouoh k̀naìri ǹnirōmi ǹf̀ryti ǹnitevnōouì f̀iom nem m̀f̀ryti ǹniċatfi ète m̀montou hiġoumenos.	And wilt thou make men as the fishes of the sea, and as the reptiles which have no guide?
1:15	1:15 ⲟⲩⲥⲩⲛⲧⲉⲗⲓⲁ̀ ⲁϥⲥⲟⲕⲥ ⲉ̀ⲡ̀ϣⲱⲓ ϧⲉⲛⲧⲉϥⲱⲓⲙⲓ ⲟⲩⲟϩ ⲁϥⲱϣϯ ⲙ̀ⲙⲟϥ ϧⲉⲛⲡⲉϥϣ̀ⲛⲉϩⲓⲟⲩⲓ̀ ⲟⲩⲟϩ ⲁϥⲑⲟⲩⲱⲧϥ ϧⲉⲛⲧⲉϥⲁ̀ⲃⲱ ⲉⲑⲃⲉⲫⲁⲓ ⲉϥⲉ̀ⲟⲩⲛⲟϥ ⲟⲩⲟϩ ⲉϥⲉ̀ⲣⲁϣⲓ ⲛ̀ϫⲉⲡⲉϥϩⲏⲧ .	Ⲟⲩⲥⲩⲛⲧⲉⲗⲓⲁ̀ ⲁϥⲥⲟⲕⲥ ⲉ̀ⲡ̀ϣⲱⲓ ϧⲉⲛ ⲧⲉϥⲱⲓⲙⲓ ⲟⲩⲟϩ ⲁϥⲱϣϯ ⲙ̀ⲙⲟϥ ϧⲉⲛ ⲡⲉϥϣ̀ⲛⲉϩⲓⲟⲩⲓ̀ ⲟⲩⲟϩ ⲁϥⲑⲟⲩⲱⲧϥ ϧⲉⲛ ⲧⲉϥⲁ̀ⲃⲱ ⲉⲑⲃⲉ ⲫⲁⲓ ⲉϥⲉ̀ⲟⲩⲛⲟϥ ⲟⲩⲟϩ ⲉϥⲉ̀ⲣⲁϣⲓ ⲛ̀ϫⲉ ⲡⲉϥϩⲏⲧ.	Ousintelià afsok·s èp̀ṡōi xen tefōimi ouoh afōṡti m̀mof xen pefṡ̀nehiouì ouoh afθouōtf xen tefàvō eθve fai efèounof ouoh efèraṡi ǹje pefhyt.	quoted · alignment uncheckedHe has brought up destruction with a hook, and drawn one with a casting net, and caught another in his drags: therefore shall his heart rejoice and be glad.
1:16	1:16 ⲉⲑⲃⲉⲫⲁⲓ ⲉϥⲉ̀ⲉⲣϣⲟⲩϣⲱⲟⲩϣⲓ ⲙ̀ⲡⲉϥϣ̀ⲛⲉϩⲓⲟⲩⲓ̀ ⲟⲩⲟϩ ⲉϥⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ⲧⲉϥⲁ̀ⲃⲱ ϫⲉⲛ̀ϧ̀ⲣⲏⲓ ⲛ̀ϧⲏⲧⲟⲩ ⲁⲥⲕⲉⲛⲓ ⲛ̀ϫⲉⲧⲉϥⲧⲟⲓ ⲟⲩⲟϩ ⲥⲉⲥⲱⲧⲡ ⲛ̀ϫⲉⲛⲉϥϧ̀ⲣⲏⲟⲩⲓ̀ .	Ⲉⲑⲃⲉ ⲫⲁⲓ ⲉϥⲉ̀ⲉⲣϣⲟⲩϣⲱⲟⲩϣⲓ ⲛ̀ⲡⲉϥϣ̀ⲛⲉϩⲓⲟⲩⲓ̀ ⲟⲩⲟϩ ⲉϥⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲛ̀ⲧⲉϥⲁ̀ⲃⲱ ϫⲉ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲁⲥⲕⲉⲛⲓ ⲛ̀ϫⲉ ⲧⲉϥⲧⲟⲓ ⲟⲩⲟϩ ⲥⲉⲥⲱⲧⲡ ⲛ̀ϫⲉ ⲛⲉϥϧ̀ⲣⲏⲟⲩⲓ̀.	Eθve fai efèerṡouṡōouṡi ǹpefṡ̀nehiouì ouoh efèen s̀θoinoufi èh̀ryi ǹtefàvō je ǹx̀ryi ǹxytou askeni ǹje teftoi ouoh sesōtp ǹje nefx̀ryouì.	quoted · alignment uncheckedTherefore will he sacrifice to his drag, and burn incense to his casting-net, because by them he has made his portion fat, and his meats choice.
1:17	1:17 ⲉⲑⲃⲉⲫⲁⲓ ⲉϥⲉ̀ⲃⲱϣ ⲛ̀ⲧⲉϥⲥⲏϥⲓ ⲟⲩⲟϩ ⲉϥⲉ̀ϧⲱⲧⲉⲃ ⲛ̀ϩⲁⲛⲉⲑⲛⲟⲥ ⲛ̀ⲥⲏⲟⲩ ⲛⲓⲃⲉⲛ ⲛ̀ⲛⲉϥϯⲁ̀ⲥⲟ .	Ⲉⲑⲃⲉ ⲫⲁⲓ ⲉϥⲉ̀ⲃⲱϣ ⲛ̀ⲧⲉϥⲥⲏϥⲓ ⲟⲩⲟϩ ⲉϥⲉ̀ϧⲱⲧⲉⲃ ⲛ̀ϩⲁⲛⲉⲑⲛⲟⲥ ⲛ̀ⲥⲏⲟⲩ ⲛⲓⲃⲉⲛ ⲛ̀ⲛⲉϥϯⲁ̀ⲥⲟ.	Eθve fai efèvōṡ ǹtefsyfi ouoh efèxōteb ǹhaneθnos ǹsyou niven ǹneftiàso.	quoted · alignment uncheckedTherefore will he cast his net, and will not spare to slay the nations continually.
2:1	2:1 ϯⲛⲁⲟ̀ϩⲓ ⲉ̀ⲣⲁⲧⲉ̀ϫⲉⲛⲡⲁⲙⲁⲛⲁ̀ⲣⲉϩ ⲟⲩⲟϩ ϯⲛⲉϣⲉⲛⲏⲓ ⲉ̀ϫⲉⲛⲟⲩⲡⲉⲧⲣⲁ ⲟⲩⲟϩ ϯⲛⲁϫⲟⲩϣⲧ ⲉⲑⲣⲓⲛⲁⲩ ϫⲉⲟⲩ ⲡⲉ ⲉⲧⲉϥⲛⲁⲥⲁϫⲓ ⲙ̀ⲙⲟϥ ⲛ̀ϧⲏⲧ ⲟⲩⲟϩ ϫⲉⲟⲩ ⲡⲉ ϯⲛⲁⲉⲣⲟⲩⲱ̀ ⲙ̀ⲙⲟϥ ⲉ̀ϫⲉⲛⲡⲁⲥⲟϩⲓ .	Ϯⲛⲁⲟ̀ϩⲓ ⲉ̀ⲣⲁⲧⲉ̀ϫⲉⲛⲡⲁⲙⲁⲛⲁ̀ⲣⲉϩ ⲟⲩⲟϩ ϯⲛⲉϣⲉⲛⲏⲓ ⲉ̀ϫⲉⲛ ⲟⲩⲡⲉⲧⲣⲁ ⲟⲩⲟϩ ϯⲛⲁϫⲟⲩϣⲧ ⲉ̀ⲑⲣⲓⲛⲁⲩ ϫⲉ ⲟⲩ ⲡⲉ ⲉⲧⲉϥⲛⲁⲥⲁϫⲓ ⲙ̀ⲙⲟϥ ⲛ̀ϧⲏⲧ ⲟⲩⲟϩ ϫⲉ ⲟⲩ ⲡⲉ ϯⲛⲁⲉⲣⲟⲩⲱ̀ ⲙ̀ⲙⲟϥ ⲉ̀ϫⲉⲛ ⲡⲁⲥⲟϩⲓ.	Tinaòhi èratèjenpamanàreh ouoh tineṡenyi èjen oupetra ouoh tinagouṡt èθrinav je ou pe etefnasaji m̀mof ǹxyt ouoh je ou pe tinaerouṑ m̀mof èjen pasohi.	quoted · alignment uncheckedI will stand upon my watch, and mount upon the rock, and watch to see what he will say by me, and what I shall answer when I am reproved.
2:2	2:2 ⲟⲩⲟϩ ⲁϥⲉⲣⲟⲩⲱ̀ ⲛ̀ϫⲉⲡϭ̅ⲥ̅ ⲟⲩⲟϩ ⲡⲉϫⲁϥ ϫⲉⲥ̀ϧⲁⲓ ⲛ̀ⲟⲩϩⲟⲣⲁⲥⲓⲥ ϧⲉⲛⲟⲩⲱⲛϩ ⲉ̀ⲃⲟⲗ ⲉ̀ϫⲉⲛⲟⲩⲡⲓⲝⲓⲟⲛ ϩⲟⲡⲱⲥ ⲛ̀ⲧⲉϥⲓⲱⲥ ⲛ̀ϫⲉⲫⲏⲉⲧⲟϣ ⲙ̀ⲙⲱⲟⲩ .	Ⲟⲩⲟϩ ⲁϥⲉⲣⲟⲩⲱ̀ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲡⲉϫⲁϥ ϫⲉ ⲥ̀ϧⲁⲓ ⲛ̀ⲟⲩϩⲟⲣⲁⲥⲓⲥ ϧⲉⲛ ⲟⲩⲱⲛϩ ⲉ̀ⲃⲟⲗ ⲉ̀ϫⲉⲛ ⲟⲩⲡⲓⲝⲓⲟⲛ ϩⲟⲡⲱⲥ ⲛ̀ⲧⲉϥⲓⲱⲥ ⲛ̀ϫⲉⲫⲏⲉⲧⲟϣ ⲙ̀ⲙⲱⲟⲩ.	Ouoh aferouṑ ǹje p̀ċois ouoh pegaf je s̀xai ǹouhorasis xen ouōnh èvol èjen oupiksion hopōs ǹtefiōs ǹjefyetoṡ m̀mōou.	quoted · alignment uncheckedAnd the Lord answered me and said, Write the vision, and that plainly on a tablet, that he that reads it may run.
2:3	2:3 ⲉⲑⲃⲉⲟⲩ ϫⲉⲟⲩϩⲟⲣⲁⲥⲓⲥ ⲧⲉ ⲛ̀ⲧⲉⲟⲩⲥⲏⲟⲩ ⲟⲩⲟϩ ⲉⲥⲉ̀ⲉⲣⲟⲩⲱⲓⲛⲓ ⲉⲩϧⲁⲉ̀ ⲟⲩⲟϩ ⲡⲉⲧϣⲟⲩⲓⲧ ⲁⲛ ⲉϣⲱⲡ ⲁϥϣⲁⲛϭⲓϩⲟ ϫⲟⲩϣⲧ ϧⲁϫⲱϥ ϫⲉϧⲉⲛⲟⲩⲓ̀ ϥ̀ⲛⲁⲓ̀ ⲟⲩⲟϩ ⲛ̀ⲛⲉϥⲱⲥⲕ .	Ⲉⲑⲃⲉ ⲟⲩ ϫⲉ ⲟⲩϩⲟⲣⲁⲥⲓⲥ ⲧⲉ ⲛ̀ⲧⲉⲟⲩⲥⲏⲟⲩ ⲟⲩⲟϩ ⲉⲥⲉ̀ⲉⲣⲟⲩⲱⲓⲛⲓ ⲉⲩϧⲁⲉ̀ ⲟⲩⲟϩ ⲡⲉⲧϣⲟⲩⲓⲧ ⲁⲛ ⲉϣⲱⲡ ⲁϥϣⲁⲛϭⲓϩⲟ ϫⲟⲩϣⲧ ϧⲁϫⲱϥ ϫⲉ ϧⲉⲛ ⲟⲩⲓ̀ ϥ̀ⲛⲁⲓ̀ ⲟⲩⲟϩ ⲛ̀ⲛⲉϥⲱⲥⲕ.	Eθve ou je ouhorasis te ǹteousyou ouoh esèerouōini evxaè ouoh petṡouit an eṡōp afṡanċiho gouṡt xagōf je xen ouì f̀naì ouoh ǹnefōsk.	quoted · alignment uncheckedFor the vision is yet for a time, and it shall shoot forth at the end, and not in vain: though he should tarry, wait for him; for he will surely come, and will not tarry.
2:4	2:4 ⲉϣⲱⲡ ⲁϥϣⲁⲛϩⲉⲛϥ ⲛⲁϥ ⲛ̀ⲛⲉⲧⲁⲯⲩⲭⲏ ϯⲙⲁϯ ⲛ̀ϧⲏⲧϥ ⲡⲓⲑⲙⲏⲓ ⲇⲉ ⲉϥⲉ̀ⲱⲛϧ ⲉ̀ⲃⲟⲗϧⲉⲛ ⲫ̀ⲛⲁϩϯ .	Ⲉϣⲱⲡ ⲁϥϣⲁⲛϩⲉⲛϥ ⲛⲁϥ ⲛ̀ⲛⲉⲧⲁⲯⲩⲭⲏ ϯⲙⲁϯ ⲛ̀ϧⲏⲧϥ ⲡⲓⲑ̀ⲙⲏⲓ ⲇⲉ ⲉϥⲉ̀ⲱⲛϧ ⲉ̀ⲃⲟⲗ ϧⲉⲛ ⲫ̀ⲛⲁϩϯ.	Eṡōp afṡanhenf naf ǹnetapsiṡy timati ǹxytf piθ̀myi ḋe efèōnx èvol xen f̀nahti.	quoted · alignment uncheckedIf he should draw back, my soul has no pleasure in him: but the just shall live by my faith.
2:5	2:5 ⲡⲓⲕⲁⲧⲁⲫⲣⲟⲛⲓⲧⲏⲥ ⲇⲉ ⲡ̀ⲣⲱⲙⲓ ⲛ̀ϭⲁⲥⲓϩⲏⲧ ⲉⲛⲁϣⲉ ⲡⲉϥⲟⲩⲟⲓ ⲛ̀ⲛⲉϥϫⲉⲕ ϩ̀ⲗⲓ ⲉ̀ⲃⲟⲗ ⲙ̀ⲫⲁⲓ ⲉⲧⲁϥⲟⲩⲟⲥⲑⲉⲛ ⲛ̀ⲧⲉϥⲯⲩⲭⲏ ⲉ̀ⲃⲟⲗ ⲙ̀ⲫ̀ⲣⲏϯ ⲛ̀ⲁ̀ⲙⲉⲛϯ ⲟⲩⲟϩ ⲛ̀ⲑⲟϥ ⲙ̀ⲡⲁϥⲥⲓ ⲙ̀ⲫ̀ⲣⲏϯ ⲙ̀ⲫ̀ⲙⲟⲩ ⲟⲩⲟϩ ⲉϥⲉ̀ⲑⲱⲟⲩϯ ϩⲁⲣⲟϥ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲟⲩⲟϩ ⲉϥⲉ̀ϣⲱⲡ ⲉ̀ⲣⲟϥ ⲛ̀ⲛⲓⲗⲁⲟⲥ ⲧⲏⲣⲟⲩ .	Ⲡⲓⲕⲁⲧⲁⲫⲣⲟⲛⲓⲧⲏⲥ ⲇⲉ ⲡ̀ⲣⲱⲙⲓ ⲛ̀ϭⲁⲥⲓϩⲏⲧ ⲉⲛⲁϣⲉ ⲡⲉϥⲟⲩⲟⲓ ⲛ̀ⲛⲉϥϫⲉⲕ ϩ̀ⲗⲓ ⲉ̀ⲃⲟⲗ ⲛ̀ⲫⲁⲓ ⲉⲧⲁϥⲟⲩⲟⲥⲑⲉⲛ ⲛ̀ⲧⲉϥⲯⲩⲭⲏ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲁ̀ⲙⲉⲛϯ ⲟⲩⲟϩ ⲛ̀ⲑⲟϥ ⲙ̀ⲡⲁϥⲥⲓ ⲛ̀ⲫ̀ⲣⲏϯ ⲛ̀ⲫ̀ⲙⲟⲩ ⲟⲩⲟϩ ⲉϥⲉ̀ⲑⲱⲟⲩϯ ϩⲁⲣⲟϥ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲟⲩⲟϩ ⲉϥⲉ̀ϣⲱⲡ ⲉ̀ⲣⲟϥ ⲛ̀ⲛⲓⲗⲁⲟⲥ ⲧⲏⲣⲟⲩ.	Pikatafronitys ḋe p̀rōmi ǹċasihyt enaṡe pefouoi ǹnefjek h̀li èvol ǹfai etafouosθen ǹtefpsiṡy èvol ǹf̀ryti ǹàmenti ouoh ǹθof m̀pafsi ǹf̀ryti ǹf̀mou ouoh efèθōouti harof ǹnieθnos tyrou ouoh efèṡōp èrof ǹnilaos tyrou.	But the arrogant man and the scorner, the boastful man, shall not finish anything; who has enlarged his desire as the grave, and like death he is never satisfied, and he will gather to himself all the nations, and will receive to himself all the peoples.
2:6	2:6 ⲙⲏ ⲛⲁⲓ ⲧⲏⲣⲟⲩ ⲁⲛ ⲉⲩⲉ̀ϭⲓⲧⲟⲩ ϧⲁⲣⲟϥ ϧⲉⲛⲟⲩⲡⲁⲣⲁⲃⲟⲗⲏ ⲛⲉⲙⲟⲩⲡⲣⲟⲡⲗⲏⲙⲁ ⲉⲑⲣⲟⲩⲥⲁϫⲓ ⲉ̀ⲣⲟϥ ⲟⲩⲟϩ ⲉⲩⲉ̀ϫⲟⲥ ϫⲉⲟⲩⲟⲓ ⲙ̀ⲫⲏⲉⲧⲑ̀ⲣⲟ ⲛ̀ⲛⲏⲉⲧⲉⲛⲟⲩϥ ⲁⲛ ⲛⲉ ⲁ̀ϣⲁⲓ ⲛⲁϥ ϣⲁⲑ̀ⲛⲁⲩ ϫⲉⲟⲩⲟϩ ⲉϥⲑ̀ⲣⲟ ⲙ̀ⲡⲉϥⲭⲗⲁⲗ ϩ̀ⲣⲟϣ ϧⲉⲛⲟⲩⲉⲛϣⲟⲧ .	Ⲙⲏ ⲛⲁⲓ ⲧⲏⲣⲟⲩ ⲁⲛ ⲉⲩⲉ̀ϭⲓⲧⲟⲩ ϧⲁⲣⲟϥ ϧⲉⲛ ⲟⲩⲡⲁⲣⲁⲃⲟⲗⲏ ⲛⲉⲙ ⲟⲩⲡ̀ⲣⲟⲡⲗⲏⲙⲁ ⲉ̀ⲑⲣⲟⲩⲥⲁϫⲓ ⲉ̀ⲣⲟϥ ⲟⲩⲟϩ ⲉⲩⲉ̀ϫⲟⲥ ϫⲉ ⲟⲩⲟⲓ ⲛ̀ⲫⲏⲉⲧⲑ̀ⲣⲟ ⲛ̀ⲛⲏⲉⲧⲉⲛⲟⲩϥ ⲁⲛ ⲛⲉ ⲁ̀ϣⲁⲓ ⲛⲁϥ ϣⲁ ⲑ̀ⲛⲁⲩ ϫⲉ ⲟⲩⲟϩ ⲉϥⲑ̀ⲣⲟ ⲛ̀ⲡⲉϥⲭⲗⲁⲗ ϩ̀ⲣⲟϣ ϧⲉⲛ ⲟⲩⲉⲛϣⲟⲧ.	My nai tyrou an evèċitou xarof xen ouparaboly nem oup̀roplyma èθrousaji èrof ouoh evègos je ouoi ǹfyetθ̀ro ǹnyetenouf an ne àṡai naf ṡa θ̀nav je ouoh efθ̀ro ǹpefklal h̀roṡ xen ouenṡot.	quoted · alignment uncheckedShall not all these take up a parable against him? and a proverb to tell against him? and they shall say, Woe to him that multiplies to himself the possessions which are not his! how long? and who heavily loads his yoke.
2:7	2:7 ϫⲉⲉⲩⲉ̀ⲧⲱⲟⲩⲛⲟⲩ ⲛ̀ⲟⲩϩⲟϯ ϧⲉⲛⲟⲩϩⲟϯ ⲉⲩⲉ̀ϭⲓⲗⲁⲡⲥⲓ ⲙ̀ⲙⲟϥ ⲟⲩⲟϩ ⲉⲩⲉ̀ⲉⲣⲛⲏⲫⲓⲛ ⲛ̀ϫⲉⲛⲉⲕⲉ̀ⲡⲓⲃⲟⲩⲗⲟⲥ ⲟⲩⲟϩ ⲉⲕⲉ̀ϣⲱⲡⲓ ⲛⲱⲟⲩ ⲛ̀ⲟⲩϩⲱⲗⲉⲙ .	Ϫⲉ ⲉⲩⲉ̀ⲧⲱⲟⲩⲛⲟⲩ ⲛ̀ⲟⲩϩⲟϯ ϧⲉⲛ ⲟⲩϩⲟϯ ⲉⲩⲉ̀ϭⲓⲗⲁⲡⲥⲓ ⲙ̀ⲙⲟϥ ⲟⲩⲟϩ ⲉⲩⲉ̀ⲉⲣⲛⲏⲫⲓⲛ ⲛ̀ϫⲉ ⲛⲉⲕⲉ̀ⲡⲓⲃⲟⲩⲗⲟⲥ ⲟⲩⲟϩ ⲉⲕⲉ̀ϣⲱⲡⲓ ⲛⲱⲟⲩ ⲛ̀ⲟⲩϩⲱⲗⲉⲙ.	Je evètōounou ǹouhoti xen ouhoti evèċilap·si m̀mof ouoh evèernyfin ǹje nekèpiboulos ouoh ekèṡōpi nōou ǹouhōlem.	quoted · alignment uncheckedFor suddenly there shall arise up those that bite him, and they that plot against thee shall awake, and thou shalt be a plunder to them.
2:8	2:8 ϫⲉⲟⲩⲏⲓ ⲛ̀ⲑⲟⲕ ⲁⲕϣⲉⲗ ⲟⲩⲙⲏϣ ⲛ̀ⲉⲑⲛⲟⲥ ⲉⲩⲉ̀ϣⲟⲗⲕ ⲛ̀ϫⲉⲛⲓⲗⲁⲟⲥ ⲧⲏⲣⲟⲩ ⲉⲧⲁⲩⲥⲉⲡⲓ ⲉⲑⲃⲉϩⲁⲛⲥ̀ⲛⲟϥ ⲛ̀ⲧⲉϩⲁⲛⲣⲱⲙⲓ ⲛⲉⲙϯⲙⲉⲧⲁ̀ⲥⲉⲃⲏⲥ ⲛ̀ⲧⲉⲡ̀ⲕⲁϩⲓ ⲛ̀ⲧⲉϯⲃⲁⲕⲓ ⲛⲉⲙⲛⲏⲧⲏⲣⲟⲩ ⲉⲧϣⲟⲡ ⲛ̀ϧⲏⲧϥ .	Ϫⲉ ⲟⲩⲏⲓ ⲛ̀ⲑⲟⲕ ⲁⲕϣⲉⲗ ⲟⲩⲙⲏϣ ⲛ̀ⲉⲑⲛⲟⲥ ⲉⲩⲉ̀ϣⲟⲗⲕ ⲛ̀ϫⲉ ⲛⲓⲗⲁⲟⲥ ⲧⲏⲣⲟⲩ ⲉⲧⲁⲩⲥⲉⲡⲓ ⲉⲑⲃⲉ ϩⲁⲛⲥ̀ⲛⲟϥ ⲛ̀ⲧⲉ ϩⲁⲛⲣⲱⲙⲓ ⲛⲉⲙ ϯⲙⲉⲧⲁ̀ⲥⲉⲃⲏⲥ ⲛ̀ⲧⲉ ⲡ̀ⲕⲁϩⲓ ⲛ̀ⲧⲉ ϯⲃⲁⲕⲓ ⲛⲉⲙ ⲛⲏⲧⲏⲣⲟⲩ ⲉⲧϣⲟⲡ ⲛ̀ϧⲏⲧϥ.	Je ouyi ǹθok akṡel oumyṡ ǹeθnos evèṡolk ǹje nilaos tyrou etavsepi eθve hans̀nof ǹte hanrōmi nem timetàsebys ǹte p̀kahi ǹte tivaki nem nytyrou etṡop ǹxytf.	quoted · alignment uncheckedBecause thou hast spoiled many nations, all the nations that are left shall spoil thee, because of the blood of men, and the sins of the land and city, and of all that dwell in it.
2:9	2:9 ⲱ ⲫⲏⲉⲧϭⲓⲛ̀ϫⲟⲛⲥ ⲛ̀ⲟⲩϭⲓⲛ̀ϫⲟⲛⲥ ⲉϥϩⲱⲟⲩ ⲙ̀ⲡⲉϥⲏⲓ ⲉⲑⲣⲉϥⲑⲱϣ ⲙ̀ⲡⲉϥⲙⲟϩ ϧⲉⲛⲡ̀ϭⲓⲥⲓ ⲛ̀ⲡ̀ϫⲓⲛⲥⲁϧⲙⲉϥ ⲉ̀ⲃⲟⲗϧⲉⲛ ⲧ̀ϫⲓϫ ⲛ̀ϩⲁⲛⲡⲉⲧϩⲱⲟⲩ .	Ⲱ̀ ⲫⲏⲉⲧϭⲓⲛ̀ϫⲟⲛⲥ ⲛ̀ⲟⲩϭⲓⲛ̀ϫⲟⲛⲥ ⲉϥϩⲱⲟⲩ ⲛ̀ⲡⲉϥⲏⲓ ⲉ̀ⲑⲣⲉϥⲑⲱϣ ⲙ̀ⲡⲉϥⲙⲟϩ ϧⲉⲛ ⲡ̀ϭⲓⲥⲓ ⲛ̀ⲡ̀ϫⲓⲛⲥⲁϧⲙⲉϥ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ϩⲁⲛⲡⲉⲧϩⲱⲟⲩ.	Ṑ fyetċiǹgons ǹouċiǹgons efhōou ǹpefyi èθrefθōṡ m̀pefmoh xen p̀ċisi ǹp̀jinsaxmef èvol xen t̀jig ǹhanpet·hōou.	quoted · alignment uncheckedWoe to him that covets an evil covetousness to his house, that he may set his nest on high, that he may be delivered from the power of evils.
2:10	2:10 ⲁⲕⲥⲟϭⲛⲓ ⲉⲩϣⲓⲡⲓ ⲙ̀ⲡⲉⲕⲏⲓ ⲁⲕϫⲟⲩϣⲧ ⲉ̀ϫⲉⲛϩⲁⲛⲗⲁⲟⲥ ⲉⲩⲟϣ ⲟⲩⲟϩ ⲁⲥⲉⲣⲛⲟⲃⲓ ⲛ̀ϫⲉⲧⲉⲕⲯⲩⲭⲏ .	Ⲁⲕⲥⲟϭⲛⲓ ⲉⲩϣⲓⲡⲓ ⲛ̀ⲡⲉⲕⲏⲓ ⲁⲕϫⲟⲩϣⲧ ⲉ̀ϫⲉⲛ ϩⲁⲛⲗⲁⲟⲥ ⲉⲩⲟϣ ⲟⲩⲟϩ ⲁⲥⲉⲣⲛⲟⲃⲓ ⲛ̀ϫⲉ ⲧⲉⲕⲯⲩⲭⲏ.	Ak·soċni evṡipi ǹpekyi akgouṡt èjen hanlaos evoṡ ouoh asernovi ǹje tekpsiṡy.	quoted · alignment uncheckedThou hast devised shame to thy house, thou hast utterly destroyed many nations, and thy soul has sinned.
2:11	2:11 ϫⲉⲟⲩⲏⲓ ⲟⲩⲱ̀ⲛⲓ ⲉϥⲉ̀ⲱϣ ⲉ̀ⲃⲟⲗ ϧⲉⲛⲟⲩϫⲱ ⲟⲩⲟϩ ⲟⲩⲕⲁⲛⲑⲁⲣⲟⲥ ⲉϥⲉ̀ⲉⲣⲟⲩⲱ̀ ⲙ̀ⲙⲱⲟⲩ ⲉ̀ⲃⲟⲗϧⲉⲛ ⲟⲩϣⲉ .	Ϫⲉ ⲟⲩⲏⲓ ⲟⲩⲱ̀ⲛⲓ ⲉϥⲉ̀ⲱϣ ⲉ̀ⲃⲟⲗ ϧⲉⲛ ⲟⲩϫⲱ ⲟⲩⲟϩ ⲟⲩⲕⲁⲛⲑⲁⲣⲟⲥ ⲉϥⲉ̀ⲉⲣⲟⲩⲱ̀ ⲙ̀ⲙⲱⲟⲩ ⲉ̀ⲃⲟⲗ ϧⲉⲛ ⲟⲩϣⲉ.	Je ouyi ouṑni efèōṡ èvol xen ougō ouoh oukanθaros efèerouṑ m̀mōou èvol xen ouṡe.	quoted · alignment uncheckedFor the stone shall cry out of the wall, and the beetle out of the timber shall speak.
2:12	2:12 ⲟⲩⲟⲓ ⲙ̀ⲫⲏⲉⲧⲕⲱⲧ ⲛ̀ⲟⲩⲃⲁⲕⲓ ϧⲉⲛϩⲁⲛⲥ̀ⲛⲟϥ ⲟⲩⲟϩ ⲉϥⲥⲟⲃϯ ⲛ̀ϩⲁⲛⲃⲁⲕⲓ ϧⲉⲛϩⲁⲛϭⲓⲛ̀ϫⲟⲛⲥ .	Ⲟⲩⲟⲓ ⲛ̀ⲫⲏⲉⲧⲕⲱⲧ ⲛ̀ⲟⲩⲃⲁⲕⲓ ϧⲉⲛ ϩⲁⲛⲥ̀ⲛⲟϥ ⲟⲩⲟϩ ⲉϥⲥⲟⲃϯ ⲛ̀ϩⲁⲛⲃⲁⲕⲓ ϧⲉⲛ ϩⲁⲛϭⲓⲛ̀ϫⲟⲛⲥ.	Ouoi ǹfyetkōt ǹouvaki xen hans̀nof ouoh efsovti ǹhanvaki xen hanċiǹgons.	quoted · alignment uncheckedWoe to him that builds a city with blood, and establishes a city by unrighteousness.
2:13	2:13 ⲙⲏ ϩⲁⲛ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ ⲛⲉ ⲛⲁⲓ ⲟⲩⲟϩ ⲁⲩⲙⲟⲩⲛⲕ ϧⲉⲛⲟⲩⲭ̀ⲣⲱⲙ ⲛ̀ϫⲉϩⲁⲛⲗⲁⲟⲥ ⲉⲩⲟϣ ⲟⲩⲟϩ ϩⲁⲛⲙⲏϣ ⲛ̀ⲉⲑⲛⲟⲥ ⲁⲩⲉⲣⲕⲟⲩϫⲓ ⲛ̀ϩⲏⲧ .	Ⲙⲏ ϩⲁⲛ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲛⲉ ⲛⲁⲓ ⲟⲩⲟϩ ⲁⲩⲙⲟⲩⲛⲕ ϧⲉⲛ ⲟⲩⲭ̀ⲣⲱⲙ ⲛ̀ϫⲉ ϩⲁⲛⲗⲁⲟⲥ ⲉⲩⲟϣ ⲟⲩⲟϩ ϩⲁⲛⲙⲏϣ ⲛ̀ⲉⲑⲛⲟⲥ ⲁⲩⲉⲣⲕⲟⲩϫⲓ ⲛ̀ϩⲏⲧ.	My han èvol hiten p̀ċois pipantokratōr ne nai ouoh avmounk xen ouk̀rōm ǹje hanlaos evoṡ ouoh hanmyṡ ǹeθnos averkouji ǹhyt.	quoted · alignment uncheckedAre not these things of the Lord Almighty? surely many people have been exhausted in the fire, and many nations have fainted.
2:14	2:14 ϫⲉⲁϥⲙⲟϩ ⲛ̀ϫⲉⲙⲁⲓ ⲛⲓⲃⲉⲛ ⲉ̀ⲥⲟⲩⲉⲛ ⲡ̀ⲱ̀ⲟⲩ ⲙ̀ⲡϭ̅ⲥ̅ ⲙ̀ⲫ̀ⲣⲏϯ ⲛ̀ⲟⲩⲙⲱⲟⲩ ⲉϥⲟϣ ⲉϥⲉ̀ϩⲟⲃⲥⲟⲩ .	Ϫⲉ ⲁϥⲙⲟϩ ⲛ̀ϫⲉ ⲙⲁⲓ ⲛⲓⲃⲉⲛ ⲉ̀ⲥⲟⲩⲉⲛ ⲡ̀ⲱ̀ⲟⲩ ⲛ̀ⲡ̀ϭⲟⲓⲥ ⲛ̀ⲫ̀ⲣⲏϯ ⲛ̀ⲟⲩⲙⲱⲟⲩ ⲉϥⲟϣ ⲉϥⲉ̀ϩⲟⲃⲥⲟⲩ.	Je afmoh ǹje mai niven èsouen p̀ṑou ǹp̀ċois ǹf̀ryti ǹoumōou efoṡ efèhovsou.	quoted · alignment uncheckedFor the earth shall be filled with the knowledge of the glory of the Lord; it shall cover them as water.
2:15	2:15 ⲟⲩⲟⲓ ⲙ̀ⲫⲏⲉⲧⲧ̀ⲥⲟ ⲙ̀ⲡⲉϥϣ̀ⲫⲏⲣ ϧⲉⲛⲟⲩϩⲉⲓ ⲛ̀ϣ̀ⲑⲟⲣⲧⲉⲣ ⲟⲩⲟϩ ⲉϥⲑ̀ⲣⲟ ⲙ̀ⲙⲟϥ ⲉ̀ⲑⲓϧⲓ ϩⲟⲡⲱⲥ ⲛ̀ⲧⲉϥϫⲟⲩϣⲧ ⲉ̀ϫⲉⲛⲟⲩⲥⲡⲉⲗⲉⲟⲛ .	Ⲟⲩⲟⲓ ⲛ̀ⲫⲏⲉⲧⲧ̀ⲥⲟ ⲛ̀ⲡⲉϥϣ̀ⲫⲏⲣ ϧⲉⲛ ⲟⲩϩⲉⲓ ⲛ̀ϣ̀ⲑⲟⲣⲧⲉⲣ ⲟⲩⲟϩ ⲉϥⲑ̀ⲣⲟ ⲙ̀ⲙⲟϥ ⲉ̀ⲑⲓϧⲓ ϩⲟⲡⲱⲥ ⲛ̀ⲧⲉϥϫⲟⲩϣⲧ ⲉ̀ϫⲉⲛ ⲟⲩⲥⲡⲉⲗⲉⲟⲛ.	Ouoi ǹfyett̀so ǹpefṡ̀fyr xen ouhei ǹṡ̀θorter ouoh efθ̀ro m̀mof èθixi hopōs ǹtefgouṡt èjen ouspeleon.	quoted · alignment uncheckedWoe to him that gives his neighbour to drink the thick lees of wine, and intoxicates him, that he may look upon their secret parts.
2:16	2:16 ⲥⲱ ⲛ̀ⲟⲩϣⲱϣ ⲉϥⲟϣ ⲉ̀ⲃⲟⲗϧⲉⲛ ⲟⲩⲙⲱⲟⲩ ⲟⲩⲟϩ ⲛ̀ⲑⲟⲕ ϩⲱⲕ ⲡⲓϩⲏⲧ ⲕⲓⲙ ⲟⲩⲟϩ ⲙⲟⲛⲙⲉⲛ ϫⲉⲁϥⲕⲱϯ ⲉ̀ⲣⲟⲕ ⲛ̀ϫⲉⲡⲓⲁ̀ⲫⲟⲧ ⲛ̀ⲧⲉⲑⲟⲩⲓ̀ⲛⲁⲙ ⲙ̀ⲡϭ̅ⲥ̅ ⲟⲩⲟϩ ⲁϥⲑⲱⲟⲩϯ ⲛ̀ϫⲉⲟⲩϣⲱϣ ⲉ̀ϫⲉⲛⲡⲉⲕⲱ̀ⲟⲩ .	Ⲥⲱ ⲛ̀ⲟⲩϣⲱϣ ⲉϥⲟϣ ⲉ̀ⲃⲟⲗ ϧⲉⲛ ⲟⲩⲙⲱⲟⲩ ⲟⲩⲟϩ ⲛ̀ⲑⲟⲕ ϩⲱⲕ ⲡⲓϩⲏⲧ ⲕⲓⲙ ⲟⲩⲟϩ ⲙⲟⲛⲙⲉⲛ ϫⲉ ⲁϥⲕⲱϯ ⲉ̀ⲣⲟⲕ ⲛ̀ϫⲉ ⲡⲓⲁ̀ⲫⲟⲧ ⲛ̀ⲧⲉ ⲑⲟⲩⲓ̀ⲛⲁⲙ ⲛ̀ⲡ̀ϭⲟⲓⲥ ⲟⲩⲟϩ ⲁϥⲑⲱⲟⲩϯ ⲛ̀ϫⲉ ⲟⲩϣⲱϣ ⲉ̀ϫⲉⲛ ⲡⲉⲕⲱ̀ⲟⲩ.	Sō ǹouṡōṡ efoṡ èvol xen oumōou ouoh ǹθok hōk pihyt kim ouoh monmen je afkōti èrok ǹje piàfot ǹte θouìnam ǹp̀ċois ouoh afθōouti ǹje ouṡōṡ èjen pekṑou.	quoted · alignment uncheckedDrink thou also thy fill of disgrace instead of glory: shake, O heart, and quake, the cup of the right hand of the Lord has come round upon thee, and dishonour has gathered upon thy glory.
2:17	2:17 ϫⲉⲟⲩⲏⲓ ϯⲙⲉⲧⲁ̀ⲥⲉⲃⲏⲥ ⲛ̀ⲧⲉⲡⲓⲗⲓⲃⲁⲛⲟⲥ ⲉⲥⲉ̀ϩⲟⲃⲥⲕ ⲟⲩⲟϩ ϯⲧⲁⲗⲉⲡⲱⲣⲓⲁ̀ ⲛ̀ⲧⲉⲛⲓⲑⲏⲣⲓⲟⲛ ⲉⲥⲉⲑⲣⲉⲕⲛⲟⲩϣⲡ ⲉⲑⲃⲉϩⲁⲛⲥ̀ⲛⲟϥ ⲛ̀ⲧⲉϩⲁⲛⲣⲱⲙⲓ ⲛⲉⲙϯⲙⲉⲧⲁ̀ⲥⲉⲃⲏⲥ ⲛ̀ⲧⲉⲡ̀ⲕⲁϩⲓ ⲛ̀ⲧⲉϯⲃⲁⲕⲓ ⲛⲉⲙⲛⲏⲧⲏⲣⲟⲩ ⲉⲧϣⲟⲡ ⲛ̀ϧⲏⲧⲥ .	Ϫⲉ ⲟⲩⲏⲓ ϯⲙⲉⲧⲁ̀ⲥⲉⲃⲏⲥ ⲛ̀ⲧⲉ ⲡⲓⲗⲓⲃⲁⲛⲟⲥ ⲉⲥⲉ̀ϩⲟⲃⲥⲕ ⲟⲩⲟϩ ϯⲧⲁⲗⲉⲡⲱⲣⲓⲁ̀ ⲛ̀ⲧⲉ ⲛⲓⲑⲏⲣⲓⲟⲛ ⲉⲥⲉⲑⲣⲉⲭⲛⲟⲩϣⲡ ⲉⲑⲃⲉ ϩⲁⲛⲥ̀ⲛⲟϥ ⲛ̀ⲧⲉ ϩⲁⲛⲣⲱⲙⲓ ⲛⲉⲙ ϯⲙⲉⲧⲁ̀ⲥⲉⲃⲏⲥ ⲛ̀ⲧⲉ ⲡ̀ⲕⲁϩⲓ ⲛ̀ⲧⲉ ϯⲃⲁⲕⲓ ⲛⲉⲙ ⲛⲏⲧⲏⲣⲟⲩ ⲉⲧϣⲟⲡ ⲛ̀ϧⲏⲧⲥ.	Je ouyi timetàsebys ǹte pilibanos esèhovsk ouoh titalepōrià ǹte niθyrion eseθreknouṡp eθve hans̀nof ǹte hanrōmi nem timetàsebys ǹte p̀kahi ǹte tivaki nem nytyrou etṡop ǹxyts.	quoted · alignment uncheckedFor the ungodliness of Libanus shall cover thee, and distress because of wild beasts shall dismay thee, because of the blood of men, and the sins of the land and city, and of all that dwell in it.
2:18	2:18 ⲟⲩ ⲡ̀ϩⲏⲟⲩ ⲡⲉ ⲉⲧⲉϥϯ ⲙ̀ⲙⲟϥ ⲛ̀ϫⲉⲡⲓⲫⲱⲧϩ ⲁⲩⲙⲟⲛⲕϥ ⲛ̀ⲟⲩⲫⲱⲧϩ ⲛ̀ϩⲟⲣⲧϥ ⲙ̀ⲙⲉⲑⲛⲟⲩϫ ϫⲉⲁϥⲭⲁϩ̀ⲑⲏϥ ⲉ̀ϫⲉⲛⲡⲉϥⲙⲟⲛⲕ ⲉⲑⲣⲉϥⲑⲁⲙⲓⲟ ⲛ̀ϩⲁⲛⲓ̀ⲇⲱⲗⲟⲛ ⲛ̀ⲕⲟⲩⲣ .	Ⲟⲩ ⲡ̀ϩⲏⲟⲩ ⲡⲉ ⲉⲧⲉϥϯ ⲙ̀ⲙⲟϥ ⲛ̀ϫⲉ ⲡⲓⲫⲱⲧϩ ⲁⲩⲙⲟⲛⲕϥ ⲛ̀ⲟⲩⲫⲱⲧϩ ⲛ̀ϩⲟⲣⲧϥ ⲛ̀ⲙⲉⲑⲛⲟⲩϫ ϫⲉ ⲁϥⲭⲁϩ̀ⲑⲏϥ ⲉ̀ϫⲉⲛ ⲡⲉϥⲙⲟⲛⲕ ⲉ̀ⲑⲣⲉϥⲑⲁⲙⲓⲟ ⲛ̀ϩⲁⲛⲓ̀ⲇⲱⲗⲟⲛ ⲛ̀ⲕⲟⲩⲣ.	Ou p̀hyou pe etefti m̀mof ǹje pifōt·h avmonkf ǹoufōt·h ǹhortf ǹmeθnoug je afkah̀θyf èjen pefmonk èθrefθamio ǹhanìḋōlon ǹkour.	quoted · alignment uncheckedWhat profit it the graven image, that they have graven it? one has made it a molten work, a false image; for the maker has trusted in his work, to make dumb idols.
2:19	2:19 ⲟⲩⲟⲓ ⲙ̀ⲫⲏⲉⲧϫⲱ ⲙ̀ⲙⲟⲥ ⲉ̀ⲡⲓϣⲉ ϫⲉⲁⲣⲓⲛⲏⲫⲓⲛ ⲟⲩⲟϩ ⲡⲓⲱ̀ⲛⲓ ⲧⲱⲛⲕ ϫⲉϭⲓⲥⲓ ⲟⲩⲟϩ ⲛ̀ⲑⲟϥ ⲟⲩϩⲟⲣⲧϥ ⲡⲉ ⲫⲁⲓ ⲇⲉ ⲟⲩϫⲁϫϩ ⲛ̀ⲛⲟⲩⲃ ⲛⲉⲙϩⲁⲧ ⲡⲉ ⲟⲩⲟϩ ⲙ̀ⲙⲟⲛ ϩ̀ⲗⲓ ⲙ̀ⲡ̅ⲛ̅ⲁ̅ ⲛ̀ϧ̀ⲣⲏⲓ ⲛ̀ϧⲏⲧϥ .	Ⲟⲩⲟⲓ ⲛ̀ⲫⲏⲉⲧϫⲱ ⲙ̀ⲙⲟⲥ ⲉ̀ⲡⲓϣⲉ ϫⲉ ⲁⲣⲓⲛⲏⲫⲓⲛ ⲟⲩⲟϩ ⲡⲓⲱ̀ⲛⲓ ⲧⲱⲛⲕ ϫⲉ ϭⲓⲥⲓ ⲟⲩⲟϩ ⲛ̀ⲑⲟϥ ⲟⲩϩⲟⲣⲧϥ ⲡⲉ ⲫⲁⲓ ⲇⲉ ⲟⲩϫⲁϫϩ ⲛ̀ⲛⲟⲩⲃ ⲛⲉⲙ ϩⲁⲧ ⲡⲉ ⲟⲩⲟϩ ⲙ̀ⲙⲟⲛ ϩ̀ⲗⲓ ⲛ̀ⲡ̀ⲛⲉⲩⲙⲁ ⲛ̀ϧ̀ⲣⲏⲓ ⲛ̀ϧⲏⲧϥ.	Ouoi ǹfyetgō m̀mos èpiṡe je arinyfin ouoh piṑni tōnk je ċisi ouoh ǹθof ouhortf pe fai ḋe ougagh ǹnoub nem hat pe ouoh m̀mon h̀li ǹp̀nevma ǹx̀ryi ǹxytf.	quoted · alignment uncheckedWoe to him that says to the wood, Awake, arise; and to the stone, Be thou exalted! whereas it is an image, and this is a casting of gold and silver, and there is no breath in it.
2:20	2:20 ⲡϭ̅ⲥ̅ ⲇⲉ ⲉϥⲭⲏ ϧⲉⲛⲡⲉϥⲉⲣⲫⲉⲓ ⲉⲑⲟⲩⲁⲃ ⲙⲁⲣⲉϥⲉⲣϩⲟϯ ϧⲁⲧϩⲏ ⲙ̀ⲡⲉϥϩⲟ ⲛ̀ϫⲉⲡ̀ⲕⲁϩⲓ ⲧⲏⲣϥ .	Ⲡ̀ϭⲟⲓⲥ ⲇⲉ ⲉϥⲭⲏ ϧⲉⲛ ⲡⲉϥⲉⲣⲫⲉⲓ ⲉⲑⲟⲩⲁⲃ ⲙⲁⲣⲉϥⲉⲣϩⲟϯ ϧⲁⲧ̀ϩⲏ ⲛ̀ⲡⲉϥϩⲟ ⲛ̀ϫⲉ ⲡ̀ⲕⲁϩⲓ ⲧⲏⲣϥ.	P̀ċois ḋe efky xen peferfei eθouab mareferhoti xat̀·hy ǹpefho ǹje p̀kahi tyrf.	quoted · alignment uncheckedBut the Lord is in his holy temple: let all the earth fear before him.
3:1	3:1 ϯⲡⲣⲟⲥⲉⲩⲭⲏ ⲛ̀ⲧⲉⲁⲃⲃⲁⲕⲟⲩⲙ ⲡⲓⲡⲣⲟⲫⲏⲧⲏⲥ ⲛⲉⲙⲟⲩϩⲱⲇⲏ .	Ϯⲡ̀ⲣⲟⲥⲉⲩⲭⲏ ⲛ̀ⲧⲉ ⲁⲃⲃⲁⲕⲟⲩⲙ ⲡⲓⲡ̀ⲣⲟⲫⲏⲧⲏⲥ ⲛⲉⲙ ⲟⲩϩⲱⲇⲏ.	Tip̀rosevṡy ǹte abbakoum pip̀rofytys nem ouhōḋy.	quoted · alignment uncheckedA PRAYER OF THE PROPHET AMBACUM, WITH A SONG.
3:2	3:2 ⲡϭ̅ⲥ̅ ⲁⲓⲥⲱⲧⲉⲙ ⲉ̀ⲡⲉⲕϧ̀ⲣⲱⲟⲩ ⲟⲩⲟϩ ⲁⲓⲉⲣϩⲟϯ ⲁⲓϯⲛⲓⲁⲧ ⲛ̀ⲛⲉⲕϩ̀ⲃⲏⲟⲩⲓ̀ ⲟⲩⲟϩ ⲁⲓⲧⲱⲙⲧ ⲉⲩⲉ̀ⲉ̀ⲙⲓ ⲉ̀ⲣⲟⲕ ϧⲉⲛⲑ̀ⲙⲏϯ ⲛ̀ⲍⲱⲟⲛⲃ̅ ϧⲉⲛⲡ̀ϫⲓⲛⲑ̀ⲣⲟⲩϧⲱⲛⲧ ⲉ̀ϧⲟⲩⲛ ⲛ̀ϫⲉⲛⲓⲣⲟⲙⲡⲓ ⲉⲩⲉ̀ⲥⲟⲩⲱⲛⲕ ϧⲉⲛⲡ̀ϫⲓⲛⲑ̀ⲣⲉϥⲓ̀ ⲛ̀ϫⲉⲡⲓⲥⲏⲟⲩ ⲉⲕⲉ̀ϭⲱⲣⲡ ⲉ̀ⲃⲟⲗ ϧⲉⲛⲡ̀ϫⲓⲛⲑ̀ⲣⲉⲥϣ̀ⲑⲟⲣⲧⲉⲣ ⲛ̀ϫⲉⲧⲁⲯⲩⲭⲏ ϧⲉⲛⲟⲩⲙ̀ⲃⲟⲛ ⲭ̀ⲛⲁⲉⲣⲫ̀ⲙⲉⲩⲓ̀ ⲙ̀ⲫ̀ⲛⲁⲓ .	Ⲡ̀ϭⲟⲓⲥ ⲁⲓⲥⲱⲧⲉⲙ ⲉ̀ⲡⲉⲕϧ̀ⲣⲱⲟⲩ ⲟⲩⲟϩ ⲁⲓⲉⲣϩⲟϯ ⲁⲓϯⲛⲓⲁⲧ ⲛ̀ⲛⲉⲕϩ̀ⲃⲏⲟⲩⲓ̀ ⲟⲩⲟϩ ⲁⲓⲧⲱⲙⲧ ⲉⲩⲉ̀ⲉ̀ⲙⲓ ⲉ̀ⲣⲟⲕ ϧⲉⲛ ⲑ̀ⲙⲏϯ ⲛ̀ⲍⲱⲟⲛⲃ̅ ϧⲉⲛ ⲡ̀ϫⲓⲛⲑ̀ⲣⲟⲩϧⲱⲛⲧ ⲉ̀ϧⲟⲩⲛ ⲛ̀ϫⲉ ⲛⲓⲣⲟⲙⲡⲓ ⲉⲩⲉ̀ⲥⲟⲩⲱⲛⲕ ϧⲉⲛ ⲡ̀ϫⲓⲛⲑ̀ⲣⲉϥⲓ̀ ⲛ̀ϫⲉ ⲡⲓⲥⲏⲟⲩ ⲉⲕⲉ̀ϭⲱⲣⲡ ⲉ̀ⲃⲟⲗ ϧⲉⲛ ⲡ̀ϫⲓⲛⲑ̀ⲣⲉⲥϣ̀ⲑⲟⲣⲧⲉⲣ ⲛ̀ϫⲉ ⲧⲁⲯⲩⲭⲏ ϧⲉⲛ ⲟⲩⲙ̀ⲃⲟⲛ ⲭ̀ⲛⲁⲉⲣⲫ̀ⲙⲉⲩⲓ̀ ⲛ̀ⲫ̀ⲛⲁⲓ.	P̀ċois aisōtem èpekx̀rōou ouoh aierhoti aitiniat ǹnek·h̀vyouì ouoh aitōmt evèèmi èrok xen θ̀myti ǹzōonv xen p̀jinθ̀rouxōnt èxoun ǹje nirompi evèsouōnk xen p̀jinθ̀refì ǹje pisyou ekèċōrp èvol xen p̀jinθ̀resṡ̀θorter ǹje tapsiṡy xen oum̀von k̀naerf̀mevì ǹf̀nai.	O Lord, I have heard thy report, and was afraid: I considered thy works, and was amazed: thou shalt be known between the two living creatures, thou shalt be acknowledged when the years draw nigh; thou shalt be manifested when the time is come; when my soul is troubled, thou wilt in wrath remember mercy.
3:3	3:3 ϥ̀ⲛⲏⲟⲩ ⲛ̀ϫⲉⲫϯ ⲉ̀ⲃⲟⲗϧⲉⲛ ⲑⲱⲉⲙⲁⲛ ⲟⲩⲟϩ ⲡⲉⲑⲟⲩⲁⲃ ⲉ̀ⲃⲟⲗϧⲉⲛ ⲡ̀ⲧⲱⲟⲩ ⲙ̀ⲫⲁⲣⲣⲁⲛ ⲉϥⲟⲓ ⲛ̀ϧⲏⲓⲃⲓ ⲉϥⲟϣ ⲛ̀ϣ̀ϣⲏⲛ ⲇⲓⲁⲯⲁⲗⲙⲁ ⲁⲥϩⲱⲃⲥ ⲛ̀ⲧ̀ⲫⲉ ⲛ̀ϫⲉⲧⲉϥⲁ̀ⲣⲉⲧⲏ ⲟⲩⲟϩ ϥ̀ⲙⲉϩ ⲛ̀ϫⲉⲡ̀ⲕⲁϩⲓ ⲉ̀ⲃⲟⲗϧⲉⲛ ⲥ̀ⲙⲟⲩ .	Ϥ̀ⲛⲏⲟⲩ ⲛ̀ϫⲉⲫϯ ⲉ̀ⲃⲟⲗ ϧⲉⲛ ⲑⲱⲉⲙⲁⲛ ⲟⲩⲟϩ ⲡⲉⲑⲟⲩⲁⲃ ⲉ̀ⲃⲟⲗ ϧⲉⲛ ⲡ̀ⲧⲱⲟⲩ ⲛ̀ⲫⲁⲣⲣⲁⲛ ⲉϥⲟⲓ ⲛ̀ϧⲏⲓⲃⲓ ⲉϥⲟϣ ⲛ̀ϣ̀ϣⲏⲛ ⲇⲓⲁⲯⲁⲗⲙⲁ ⲁⲥϩⲱⲃⲥ ⲛ̀ⲧ̀ⲫⲉ ⲛ̀ϫⲉ ⲧⲉϥⲁ̀ⲣⲉⲧⲏ ⲟⲩⲟϩ ϥ̀ⲙⲉϩ ⲛ̀ϫⲉ ⲡ̀ⲕⲁϩⲓ ⲉ̀ⲃⲟⲗ ϧⲉⲛ ⲥ̀ⲙⲟⲩ.	F̀nyou ǹjefti èvol xen θōeman ouoh peθouab èvol xen p̀tōou ǹfarran efoi ǹxyivi efoṡ ǹṡ̀ṡyn ḋiapsalma as·hōvs ǹt̀fe ǹje tefàrety ouoh f̀meh ǹje p̀kahi èvol xen s̀mou.
3:4	3:4 ⲟⲩⲟϩ ⲡⲉϥⲙⲟⲩⲉ̀ ⲉϥⲉ̀ⲉⲣ ⲙ̀ⲫ̀ⲣⲏϯ ⲙ̀ⲡⲓⲟⲩⲱⲓⲛⲓ ⲟⲩⲟϩ ϩⲁⲛⲧⲁⲡ ⲥⲉ ⲛ̀ϩ̀ⲣⲏⲓ ϧⲉⲛⲛⲉϥϫⲓϫ ⲟⲩⲟϩ ⲁϥⲭⲱ ⲛ̀ϯⲁ̀ⲅⲁⲁⲡⲏ ⲛ̀ⲧⲉⲧⲉϥϫⲟⲙ ⲉⲥⲧⲁϫⲣⲏⲟⲩⲧ .	Ⲟⲩⲟϩ ⲡⲉϥⲙⲟⲩⲉ̀ ⲉϥⲉ̀ⲉⲣ ⲛ̀ⲫ̀ⲣⲏϯ ⲛ̀ⲡⲓⲟⲩⲱⲓⲛⲓ ⲟⲩⲟϩ ϩⲁⲛⲧⲁⲡ ⲥⲉ ⲛ̀ϩ̀ⲣⲏⲓ ϧⲉⲛ ⲛⲉϥϫⲓϫ ⲟⲩⲟϩ ⲁϥⲭⲱ ⲛ̀ϯⲁ̀ⲅⲁⲁⲡⲏ ⲛ̀ⲧⲉ ⲧⲉϥϫⲟⲙ ⲉⲥⲧⲁϫⲣⲏⲟⲩⲧ.	Ouoh pefmouè efèer ǹf̀ryti ǹpiouōini ouoh hantap se ǹh̀ryi xen nefjig ouoh afkō ǹtiàġaapy ǹte tefgom estagryout.	His excellence covered the heavens, and the earth was full of his praise. And his brightness shall be as light; there were horns in his hands, and he caused a mighty love of his strength.
3:5	3:5 ⲉϥⲉ̀ⲙⲟϣⲓ ϧⲁϫⲱϥ ⲛ̀ϫⲉⲟⲩⲥⲁϫⲓ ⲟⲩⲟϩ ⲉⲩⲉ̀ⲓ̀ ⲉ̀ⲃⲟⲗ ⲛ̀ϫⲉⲛⲉϥϭⲁⲗⲁⲩϫ ⲉ̀ϩⲁⲛⲙⲉϣϣⲟϯ ⲁϥⲟ̀ϩⲓ ⲉ̀ⲣⲁⲧϥ ⲟⲩⲟϩ ⲁϥⲕⲓⲙ ⲛ̀ϫⲉⲡ̀ⲕⲁϩⲓ .	Ⲉϥⲉ̀ⲙⲟϣⲓ ϧⲁϫⲱϥ ⲛ̀ϫⲉ ⲟⲩⲥⲁϫⲓ ⲟⲩⲟϩ ⲉⲩⲉ̀ⲓ̀ ⲉ̀ⲃⲟⲗ ⲛ̀ϫⲉ ⲛⲉϥϭⲁⲗⲁⲩϫ ⲉ̀ϩⲁⲛⲙⲉϣϣⲟϯ ⲁϥⲟ̀ϩⲓ ⲉ̀ⲣⲁⲧϥ ⲟⲩⲟϩ ⲁϥⲕⲓⲙ ⲛ̀ϫⲉ ⲡ̀ⲕⲁϩⲓ.	Efèmoṡi xagōf ǹje ousaji ouoh evèì èvol ǹje nefċalavg èhanmeṡṡoti afòhi èratf ouoh afkim ǹje p̀kahi.	Before his face shall go a report, and it shall go forth into the plains,
3:6	3:6 ⲁϥϫⲟⲩϣⲧ ⲟⲩⲟϩ ⲁⲩⲃⲱⲗ ⲉ̀ⲃⲟⲗ ⲛ̀ϫⲉϩⲁⲛⲉⲑⲛⲟⲥ ⲟⲩⲟϩ ⲁⲩϧⲟⲙϧⲉⲙ ⲛ̀ϫⲟⲛⲥ ⲛ̀ϫⲉⲛⲓⲧⲱⲟⲩ ⲟⲩⲟϩ ⲁⲩⲃⲱⲗ ⲉ̀ⲃⲟⲗ ⲛ̀ϫⲉⲛⲓⲕⲁⲗⲁⲙⲫⲟ ⲛ̀ⲉ̀ⲛⲉϩ .	Ⲁϥϫⲟⲩϣⲧ ⲟⲩⲟϩ ⲁⲩⲃⲱⲗ ⲉ̀ⲃⲟⲗ ⲛ̀ϫⲉ ϩⲁⲛⲉⲑⲛⲟⲥ ⲟⲩⲟϩ ⲁⲩϧⲟⲙϧⲉⲙ ⲛ̀ϫⲟⲛⲥ ⲛ̀ϫⲉ ⲛⲓⲧⲱⲟⲩ ⲟⲩⲟϩ ⲁⲩⲃⲱⲗ ⲉ̀ⲃⲟⲗ ⲛ̀ϫⲉ ⲛⲓⲕⲁⲗⲁⲙⲫⲟ ⲛ̀ⲉ̀ⲛⲉϩ.	Afgouṡt ouoh avvōl èvol ǹje haneθnos ouoh avxomxem ǹgons ǹje nitōou ouoh avvōl èvol ǹje nikalamfo ǹèneh.	the earth stood at his feet and trembled: he beheld, and the nations melted away: the mountains were violently burst through, the everlasting hills melted at his everlasting going forth.
3:7	3:7 ⲛ̀ⲧ̀ϣⲉⲃⲓⲱ ⲛ̀ϩⲁⲛϧⲓⲥⲓ ⲉⲩⲉ̀ⲛⲁⲩ ⲉ̀ⲛⲉⲕⲙⲁⲛⲙⲟϣⲓ ⲛ̀ⲉ̀ⲛⲉϩ ⲉⲩⲉ̀ⲛⲟⲩϣⲡ ⲛ̀ϫⲉⲛⲓⲙⲁⲛϣⲱⲡⲓ ⲛ̀ⲧⲉⲛⲓⲉⲑⲁⲩϣ ⲛⲉⲙⲛⲓⲥⲕⲩⲛⲏ ⲛ̀ⲧⲉⲡ̀ⲕⲁϩⲓ ⲙ̀ⲙⲁⲇⲓⲁⲙ .	Ⲛ̀ⲧ̀ϣⲉⲃⲓⲱ ⲛ̀ϩⲁⲛϧⲓⲥⲓ ⲉⲩⲉ̀ⲛⲁⲩ ⲉ̀ⲛⲉⲕⲙⲁⲛⲙⲟϣⲓ ⲛ̀ⲉ̀ⲛⲉϩ ⲉⲩⲉ̀ⲛⲟⲩϣⲡ ⲛ̀ϫⲉ ⲛⲓⲙⲁⲛϣⲱⲡⲓ ⲛ̀ⲧⲉ ⲛⲓⲉⲑⲁⲩϣ ⲛⲉⲙ ⲛⲓⲥ̀ⲕⲩⲛⲏ ⲛ̀ⲧⲉ ⲡ̀ⲕⲁϩⲓ ⲛ̀ⲙⲁⲇⲓⲁⲙ.	Ǹt̀ṡeviō ǹhanxisi evènav ènekmanmoṡi ǹèneh evènouṡp ǹje nimanṡōpi ǹte nieθavṡ nem nis̀kiny ǹte p̀kahi ǹmadiam.
3:8	3:8 ⲙⲏ ⲭ̀ⲛⲁϫⲱⲛⲧ ⲡϭ̅ⲥ̅ ϧⲉⲛϩⲁⲛⲓⲁⲣⲱⲟⲩ ⲓⲉ ⲁⲣⲉ ⲡⲉⲕⲙ̀ⲃⲟⲛ ϧⲉⲛϩⲁⲛⲓⲁⲣⲱⲟⲩ ⲓⲉ ⲁⲣⲉ ⲡⲉⲕⲟⲩⲟⲓ ϧⲉⲛⲫ̀ⲓⲟⲙ ϫⲉⲭ̀ⲛⲁⲁ̀ⲗⲏⲓ ⲉ̀ϫⲉⲛⲛⲉⲕϩ̀ⲑⲱⲣ ⲟⲩⲟϩ ⲫ̀ⲟⲩⲟⲓ ⲙ̀ⲫⲱⲧ ⲛ̀ⲧⲉⲛⲉⲕϩ̀ⲑⲱⲣ ⲟⲩⲟϩ ⲟⲩⲟⲩϫⲁⲓ ⲡⲉ .	Ⲙⲏ ⲭ̀ⲛⲁϫⲱⲛⲧ ⲡ̀ϭⲟⲓⲥ ϧⲉⲛ ϩⲁⲛⲓⲁⲣⲱⲟⲩ ⲓⲉ ⲁⲣⲉ ⲡⲉⲕⲙ̀ⲃⲟⲛ ϧⲉⲛ ϩⲁⲛⲓⲁⲣⲱⲟⲩ ⲓⲉ ⲁⲣⲉ ⲡⲉⲕⲟⲩⲟⲓ ϧⲉⲛ ⲫ̀ⲓⲟⲙ ϫⲉ ⲭ̀ⲛⲁⲁ̀ⲗⲏⲓ ⲉ̀ϫⲉⲛ ⲛⲉⲕϩ̀ⲑⲱⲣ ⲟⲩⲟϩ ⲫ̀ⲟⲩⲟⲓ ⲛ̀ⲫⲱⲧ ⲛ̀ⲧⲉ ⲛⲉⲕϩ̀ⲑⲱⲣ ⲟⲩⲟϩ ⲟⲩⲟⲩϫⲁⲓ ⲡⲉ.	My k̀nagōnt p̀ċois xen haniarōou ie are pekm̀von xen haniarōou ie are pekouoi xen f̀iom je k̀naàlyi èjen nek·h̀θōr ouoh f̀ouoi ǹfōt ǹte nek·h̀θōr ouoh ouougai pe.	quoted · alignment uncheckedWast thou angry, O Lord, with the rivers? or was thy wrath against the rivers, or thine anger against the sea? for thou wilt mount on thine horses, and thy chariots are salvation.
3:9	3:9 ϧⲉⲛⲟⲩϭⲱⲗⲕ ⲕ̀ⲛⲁϭⲱⲗⲕ ⲛ̀ⲧⲉⲕⲫⲓϯ ϩⲓϫⲉⲛⲛⲓϭⲏⲡⲓ ⲇⲓⲁⲯⲁⲗⲙⲁ ⲉϥⲉ̀ⲫⲱϫⲓ ⲛ̀ϫⲉⲡ̀ⲕⲁϩⲓ ⲉ̀ⲃⲟⲗϧⲉⲛ ϩⲁⲛⲓⲁⲣⲱⲟⲩ .	Ϧⲉⲛ ⲟⲩϭⲱⲗⲕ ⲭ̀ⲛⲁϭⲱⲗⲕ ⲛ̀ⲧⲉⲕⲫⲓϯ ϩⲓϫⲉⲛ ⲛⲓϭⲏⲡⲓ ⲇⲓⲁⲯⲁⲗⲙⲁ ⲉϥⲉ̀ⲫⲱϫⲓ ⲛ̀ϫⲉ ⲡ̀ⲕⲁϩⲓ ⲉ̀ⲃⲟⲗ ϧⲉⲛ ϩⲁⲛⲓⲁⲣⲱⲟⲩ.	Xen ouċōlk k̀naċōlk ǹtekfiti hijen niċypi ḋiapsalma efèfōji ǹje p̀kahi èvol xen haniarōou.
3:10	3:10 ⲉⲩⲉ̀ⲛⲁⲩ ⲉ̀ⲣⲟⲕ ⲉⲩⲉ̀ϯⲛⲁⲕϩⲓ ⲛ̀ϫⲉϩⲁⲛⲗⲁⲟⲥ ⲉϥⲉ̀ϫⲱⲣ ⲉ̀ⲃⲟⲗ ⲛ̀ⲛⲓⲙⲱⲟⲩ ⲛ̀ⲧⲉⲡⲉϥⲙⲱⲓⲧ ⲙ̀ⲙⲟϣⲓ ⲫ̀ⲛⲟⲩⲛ ⲁϥϯ ⲛ̀ⲧⲉϥⲥ̀ⲙⲏ ⲉ̀ⲡϭⲓⲥⲓ ⲛ̀ⲧⲉⲡⲉϥϩⲟⲣⲧϥ .	Ⲉⲩⲉ̀ⲛⲁⲩ ⲉ̀ⲣⲟⲕ ⲉⲩⲉ̀ϯⲛⲁⲕϩⲓ ⲛ̀ϫⲉ ϩⲁⲛⲗⲁⲟⲥ ⲉϥⲉ̀ϫⲱⲣ ⲉ̀ⲃⲟⲗ ⲛ̀ⲛⲓⲙⲱⲟⲩ ⲛ̀ⲧⲉ ⲡⲉϥⲙⲱⲓⲧ ⲛ̀ⲙⲟϣⲓ ⲫ̀ⲛⲟⲩⲛ ⲁϥϯ ⲛ̀ⲧⲉϥⲥ̀ⲙⲏ ⲉ̀ⲡ̀ϭⲓⲥⲓ ⲛ̀ⲧⲉ ⲡⲉϥϩⲟⲣⲧϥ.	Evènav èrok evètinak·hi ǹje hanlaos efègōr èvol ǹnimōou ǹte pefmōit ǹmoṡi f̀noun afti ǹtefs̀my èp̀ċisi ǹte pefhortf.	The nations shall see thee and be in pain, as thou dost divide the moving waters: the deep uttered her voice, and raised her form on high.
3:11	3:11 ⲁϥϭⲓⲥⲓ ⲛ̀ϫⲉⲫ̀ⲣⲏ ⲟⲩⲟϩ ⲡⲓⲓⲟϩ ⲁϥⲟ̀ϩⲓ ⲉ̀ⲣⲁⲧϥ ⲉ̀ⲧⲉϥⲧⲁⲝⲓⲥ ⲉⲩⲟⲩⲱⲓⲛⲓ ⲉⲩⲉ̀ⲙⲟϣⲓ ⲛ̀ϫⲉⲛⲉⲕⲥⲟⲑⲛⲉϥ ⲉⲩⲙⲟⲩⲉ̀ ⲛ̀ⲧⲉⲛⲉⲕⲥⲉⲧⲉⲃⲣⲏϫ ⲛ̀ⲧⲉⲛⲉⲕϩⲟⲡⲗⲟⲛ .	Ⲁϥϭⲓⲥⲓ ⲛ̀ϫⲉ ⲫ̀ⲣⲏ ⲟⲩⲟϩ ⲡⲓⲓⲟϩ ⲁϥⲟ̀ϩⲓ ⲉ̀ⲣⲁⲧϥ ⲉ̀ⲧⲉϥⲧⲁⲝⲓⲥ ⲉⲩⲟⲩⲱⲓⲛⲓ ⲉⲩⲉ̀ⲙⲟϣⲓ ⲛ̀ϫⲉ ⲛⲉⲕⲥⲟⲑⲛⲉϥ ⲉⲩⲙⲟⲩⲉ̀ ⲛ̀ⲧⲉ ⲛⲉⲕⲥⲉⲧⲉⲃⲣⲏϫ ⲛ̀ⲧⲉ ⲛⲉⲕϩⲟⲡⲗⲟⲛ.	Afċisi ǹje f̀ry ouoh piioh afòhi èratf èteftaksis evouōini evèmoṡi ǹje nek·soθnef evmouè ǹte nek·setevryg ǹte nek·hoplon.	The sun was exalted, and the moon stood still in her course: thy darts shall go forth at the light, at the brightness of the gleaming of thine arms.
3:12	3:12 ϧⲉⲛⲡⲉⲕϫⲱⲛⲧ ⲉⲕⲉ̀ⲑ̀ⲣⲉ ⲡ̀ⲕⲁϩⲓ ⲉⲣⲕⲟⲩϫⲓ ⲟⲩⲟϩ ϧⲉⲛⲡⲉⲕⲙ̀ⲃⲟⲛ ⲉⲕⲉ̀ⲃⲱⲗ ⲛ̀ϩⲁⲛⲉⲑⲛⲟⲥ ⲉ̀ⲃⲟⲗ .	Ϧⲉⲛ ⲡⲉⲕϫⲱⲛⲧ ⲉⲕⲉ̀ⲑ̀ⲣⲉ ⲡ̀ⲕⲁϩⲓ ⲉⲣⲕⲟⲩϫⲓ ⲟⲩⲟϩ ϧⲉⲛ ⲡⲉⲕⲙ̀ⲃⲟⲛ ⲉⲕⲉ̀ⲃⲱⲗ ⲛ̀ϩⲁⲛⲉⲑⲛⲟⲥ ⲉ̀ⲃⲟⲗ.	Xen pekgōnt ekèθ̀re p̀kahi erkouji ouoh xen pekm̀von ekèvōl ǹhaneθnos èvol.	Thou wilt bring low the land with threatening, and in wrath thou wilt break down the nations.
3:13	3:13 ⲁⲕⲓ̀ ⲉ̀ⲃⲟⲗ ⲉⲩⲟⲩϫⲁⲓ ⲙ̀ⲡⲉⲕⲗⲁⲟⲥ ⲉⲑⲣⲉⲕⲧⲟⲩϫⲟ ⲛ̀ⲛⲏⲉⲧⲁⲕⲑⲁϩⲥⲟⲩ ⲁⲕϩⲓⲟⲩⲓ̀ ⲛ̀ⲟⲩⲙⲟⲩ ⲉ̀ϫⲉⲛⲧ̀ⲁ̀ⲫⲉ ⲛ̀ⲛⲓⲁ̀ⲛⲟⲙⲟⲥ ⲁⲕⲭⲱ ⲛ̀ϯⲥⲉⲛϯ ⲉⲥϣⲟⲩⲓⲧ ⲁⲕⲧⲟⲩⲛⲟⲥ ⲛⲉⲕⲥ̀ⲛⲁⲩϩ ϣⲁⲛ ⲙⲟϯ ⲇⲓⲁϯⲁⲗⲙⲁ .	Ⲁⲕⲓ̀ ⲉ̀ⲃⲟⲗ ⲉⲩⲟⲩϫⲁⲓ ⲛ̀ⲡⲉⲕⲗⲁⲟⲥ ⲉ̀ⲑⲣⲉⲕⲧⲟⲩϫⲟ ⲛ̀ⲛⲏⲉⲧⲁⲕⲑⲁϩⲥⲟⲩ ⲁⲕϩⲓⲟⲩⲓ̀ ⲛ̀ⲟⲩⲙⲟⲩ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲛⲓⲁ̀ⲛⲟⲙⲟⲥ ⲁⲕⲭⲱ ⲛ̀ϯⲥⲉⲛϯ ⲉⲥϣⲟⲩⲓⲧ ⲁⲕⲧⲟⲩⲛⲟⲥ ⲛⲉⲕⲥ̀ⲛⲁⲩϩ ϣⲁⲛ ⲙⲟϯ ⲇⲓⲁϯⲁⲗⲙⲁ.	Akì èvol evougai ǹpeklaos èθrektougo ǹnyetakθahsou ak·hiouì ǹoumou èjen t̀àfe ǹniànomos akkō ǹtisenti esṡouit aktounos nek·s̀navh ṡan moti diatialma.	Thou wentest forth for the salvation of thy people, to save thine anointed: thou shalt bring death on the heads of transgressors; thou has brought bands upon their neck. Pause.
3:14	3:14 ⲁⲕϣⲱⲧ ⲛ̀ⲛⲓⲁ̀ⲫⲏⲟⲩⲓ̀ ⲛ̀ⲧⲉⲛⲓⲁ̀ⲛⲟⲙⲟⲥ ⲛⲉⲙⲛⲓϫⲱⲣⲓ ϧⲉⲛⲟⲩⲧⲱⲙⲧ ⲉⲩⲉ̀ⲙⲟⲛⲙⲉⲛ ⲛ̀ϧ̀ⲣⲏⲓ ⲛ̀ϧⲏⲧⲥ ⲉⲩⲉ̀ⲁ̀ⲟⲩⲱⲛ ⲛ̀ⲟⲩⲟⲩⲭⲁⲗⲓⲛⲟⲩⲥ ⲙ̀ⲫ̀ⲣⲏϯ ⲛ̀ⲟⲩϩⲏⲕⲓ ⲉϥⲟⲩⲱⲙ ⲛ̀ⲭⲱⲡ .	Ⲁⲕϣⲱⲧ ⲛ̀ⲛⲓⲁ̀ⲫⲏⲟⲩⲓ̀ ⲛ̀ⲧⲉ ⲛⲓⲁ̀ⲛⲟⲙⲟⲥ ⲛⲉⲙ ⲛⲓϫⲱⲣⲓ ϧⲉⲛ ⲟⲩⲧⲱⲙⲧ ⲉⲩⲉ̀ⲙⲟⲛⲙⲉⲛ ⲛ̀ϧ̀ⲣⲏⲓ ⲛ̀ϧⲏⲧⲥ ⲉⲩⲉ̀ⲁ̀ⲟⲩⲱⲛ ⲛ̀ⲟⲩⲟⲩⲭⲁⲗⲓⲛⲟⲩⲥ ⲛ̀ⲫ̀ⲣⲏϯ ⲛ̀ⲟⲩϩⲏⲕⲓ ⲉϥⲟⲩⲱⲙ ⲛ̀ⲭⲱⲡ.	Akṡōt ǹniàfyouì ǹte niànomos nem nigōri xen outōmt evèmonmen ǹx̀ryi ǹxyts evèàouōn ǹououxalinous ǹf̀ryti ǹouhyki efouōm ǹkōp.	Thou didst cut asunder the heads of princes with amazement, they shall tremble in it; they shall burst their bridles, they shall be as a poor man devouring in secret.
3:15	3:15 ⲟⲩⲟϩ ⲁⲕⲧⲁⲗⲟ ⲛ̀ⲛⲉⲕϩ̀ⲑⲱⲣ ⲉ̀ϩ̀ⲣⲏⲓ ⲉ̀ϫⲉⲛⲫ̀ⲓⲟⲙ ⲉⲩⲉ̀ⲑⲱϩ ⲛ̀ⲟⲩⲙⲱⲟⲩ ⲉϥⲟϣ .	Ⲟⲩⲟϩ ⲁⲕⲧⲁⲗⲟ ⲛ̀ⲛⲉⲕϩ̀ⲑⲱⲣ ⲉ̀ϩ̀ⲣⲏⲓ ⲉ̀ϫⲉⲛ ⲫ̀ⲓⲟⲙ ⲉⲩⲉ̀ⲑⲱϩ ⲛ̀ⲟⲩⲙⲱⲟⲩ ⲉϥⲟϣ.	Ouoh aktalo ǹnek·h̀θōr èh̀ryi èjen f̀iom evèθōh ǹoumōou efoṡ.	quoted · alignment uncheckedAnd thou dost cause thine horses to enter the sea, disturbing much water.
3:16	3:16 ⲁⲓⲁ̀ⲣⲉϩ ⲉ̀ⲣⲟⲓ ⲟⲩⲟϩ ⲁⲥϣ̀ⲑⲟⲣⲧⲉⲣ ⲛ̀ϫⲉⲧⲁⲛⲉϫⲓ ⲉ̀ⲃⲟⲗϧⲉⲛ ⲧ̀ⲥ̀ⲙⲏ ⲛ̀ⲧ̀ⲡⲣⲟⲥⲉⲩⲭⲏ ⲛ̀ⲧⲉⲛⲁⲥⲫⲟⲧⲟⲩ ⲟⲩⲟϩ ⲁϥⲓ̀ ⲉ̀ϧⲟⲩⲛ ⲉ̀ⲛⲁⲕⲁⲥ ⲛ̀ϫⲉⲟⲩⲥⲑⲉⲣⲧⲉⲣ ⲟⲩⲟϩ ⲁⲥϣ̀ⲑⲟⲣⲧⲉⲣ ⲥⲁⲡⲉⲥⲏⲧ ⲙ̀ⲙⲟⲓ ⲛ̀ϫⲉⲧⲁϩⲉⲝⲓⲥ ϯⲛⲁⲙ̀ⲧⲟⲛ ⲙ̀ⲙⲟⲓ ϧⲉⲛⲡ̀ⲉ̀ϩⲟⲟⲩ ⲛ̀ⲟⲩϩⲟϫϩⲉϫ ⲉⲑⲣⲓϣⲉⲛⲏⲓ ⲉ̀ϩ̀ⲣⲏⲓ ⲉ̀ⲫ̀ⲗⲁⲟⲥ ⲛ̀ⲧⲉⲡⲁⲙⲁⲛ̀ϫⲱⲓⲗⲓ .	Ⲁⲓⲁ̀ⲣⲉϩ ⲉ̀ⲣⲟⲓ ⲟⲩⲟϩ ⲁⲥϣ̀ⲑⲟⲣⲧⲉⲣ ⲛ̀ϫⲉ ⲧⲁⲛⲉϫⲓ ⲉ̀ⲃⲟⲗ ϧⲉⲛ ⲧ̀ⲥ̀ⲙⲏ ⲛ̀ⲧ̀ⲡ̀ⲣⲟⲥⲉⲩⲭⲏ ⲛ̀ⲧⲉ ⲛⲁⲥ̀ⲫⲟⲧⲟⲩ ⲟⲩⲟϩ ⲁϥⲓ̀ ⲉ̀ϧⲟⲩⲛ ⲉ̀ⲛⲁⲕⲁⲥ ⲛ̀ϫⲉ ⲟⲩⲥ̀ⲑⲉⲣⲧⲉⲣ ⲟⲩⲟϩ ⲁⲥϣ̀ⲑⲟⲣⲧⲉⲣ ⲥⲁⲡⲉⲥⲏⲧ ⲙ̀ⲙⲟⲓ ⲛ̀ϫⲉ ⲧⲁϩⲉⲝⲓⲥ ϯⲛⲁⲙ̀ⲧⲟⲛ ⲙ̀ⲙⲟⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲟⲩϩⲟϫϩⲉϫ ⲉⲑⲣⲓϣⲉⲛⲏⲓ ⲉ̀ϩ̀ⲣⲏⲓ ⲉ̀ⲡⲓⲗⲁⲟⲥ ⲛ̀ⲧⲉⲡⲁⲙⲁⲛ̀ϫⲱⲓⲗⲓ.	Aiàreh èroi ouoh asṡ̀θorter ǹje taneji èvol xen t̀s̀my ǹt̀p̀rosevṡy ǹte nas̀fotou ouoh afì èxoun ènakas ǹje ous̀θerter ouoh asṡ̀θorter sapesyt m̀moi ǹje taheksis tinam̀ton m̀moi xen pièhoou ǹouhogheg eθriṡenyi èh̀ryi èpilaos ǹtepamaǹgōili.	I watched, and my belly trembled at the sound of the prayer of my lips, and trembling entered into my bones, and my frame was troubled within me; I will rest in the day of affliction, from going up to the people of my sojourning.
3:17	3:17 ϫⲉⲟⲩⲏⲓ ϯⲃⲱⲛ̀ⲕⲉⲛⲧⲉ ⲥ̀ⲛⲁϯⲟⲩⲧⲁϩ ⲁⲛ ⲟⲩⲟϩ ⲛ̀ⲛⲉ ⲟⲩⲧⲁϩ ϣⲱⲡⲓ ϧⲉⲛϯⲃⲱⲛ̀ⲁ̀ⲗⲟⲗⲓ ⲉϥⲉ̀ϫⲉⲙⲉⲑⲛⲟⲩϫ ⲛ̀ϫⲉⲡ̀ϩⲱⲃ ⲛ̀ϯⲃⲱⲛ̀ϫⲱⲓⲧ ⲟⲩⲟϩ ⲛⲓⲙⲉϣϣⲟϯ ⲛ̀ⲛⲟⲩⲉⲣ ϧ̀ⲣⲉ ⲁⲩⲙⲟⲩⲛⲕ ⲛ̀ϫⲉⲛⲓⲉ̀ⲥⲱⲟⲩ ϫⲉⲙ̀ⲙⲟⲛ ϧ̀ⲣⲉ ⲛ̀ⲧⲱⲟⲩ ⲟⲩⲟϩ ⲙ̀ⲙⲟⲛ ⲉ̀ϩⲉ ϣⲟⲡ ϧⲉⲛⲡⲓⲟⲩⲛϩϥ ⲛ̀ⲧⲉⲡⲟⲩⲭⲱ ⲉ̀ⲃⲟⲗ .	Ϫⲉ ⲟⲩⲏⲓ ϯⲃⲱⲛ̀ⲕⲉⲛⲧⲉ ⲥ̀ⲛⲁϯⲟⲩⲧⲁϩ ⲁⲛ ⲟⲩⲟϩ ⲛ̀ⲛⲉ ⲟⲩⲧⲁϩ ϣⲱⲡⲓ ϧⲉⲛ ϯⲃⲱⲛ̀ⲁ̀ⲗⲟⲗⲓ ⲉϥⲉ̀ϫⲉⲙⲉⲑⲛⲟⲩϫ ⲛ̀ϫⲉ ⲡ̀ϩⲱⲃ ⲛ̀ϯⲃⲱⲛ̀ϫⲱⲓⲧ ⲟⲩⲟϩ ⲛⲓⲙⲉϣϣⲟϯ ⲛ̀ⲛⲟⲩⲉⲣ ϧ̀ⲣⲉ ⲁⲩⲙⲟⲩⲛⲕ ⲛ̀ϫⲉ ⲛⲓⲉ̀ⲥⲱⲟⲩ ϫⲉ ⲙ̀ⲙⲟⲛ ϧ̀ⲣⲉ ⲛ̀ⲧⲱⲟⲩ ⲟⲩⲟϩ ⲙ̀ⲙⲟⲛ ⲉ̀ϩⲉ ϣⲟⲡ ϧⲉⲛ ⲡⲓⲟⲩⲛϩϥ ⲛ̀ⲧⲉ ⲡⲟⲩⲭⲱ ⲉ̀ⲃⲟⲗ.	Je ouyi tivōǹkente s̀natioutah an ouoh ǹne outah ṡōpi xen tivōǹàloli efèjemeθnoug ǹje p̀hōb ǹtivōǹgōit ouoh nimeṡṡoti ǹnouer x̀re avmounk ǹje nièsōou je m̀mon x̀re ǹtōou ouoh m̀mon èhe ṡop xen piounhf ǹte poukō èvol.	For though the fig-tree shall bear no fruit, and there shall be no produce on the vines; the labour of the olive shall fail, and the fields shall produce no food: the sheep have failed from the pasture, and there are no oxen at the cribs;
3:18	3:18 ⲁⲛⲟⲕ ⲇⲉ ϯⲛⲁⲑⲉⲗⲏⲗ ϧⲉⲛⲡϭ̅ⲥ̅ ϯⲛⲁⲣⲁϣⲓ ⲉ̀ϫⲉⲛⲫϯ ⲡⲁⲥⲱⲧⲏⲣ .	Ⲁⲛⲟⲕ ⲇⲉ ϯⲛⲁⲑⲉⲗⲏⲗ ϧⲉⲛ ⲡ̀ϭⲟⲓⲥ ϯⲛⲁⲣⲁϣⲓ ⲉ̀ϫⲉⲛⲫϯ ⲡⲁⲥⲱⲧⲏⲣ.	Anok ḋe tinaθelyl xen p̀ċois tinaraṡi èjenfti pasōtyr.	yet I will exult in the Lord, I will joy in God my Saviour.
3:19	3:19 ⲡϭ̅ⲥ̅ ⲫϯ ⲡⲉ ⲧⲁϫⲟⲙ ⲟⲩⲟϩ ⲉϥⲉ̀ⲑⲱϣ ⲛ̀ⲛⲁϭⲁⲗⲁⲩϫ ⲉ̀ⲟⲩⲥⲩⲛⲧⲉⲗⲓⲁ̀ ϥ̀ⲛⲁⲧⲁⲗⲟⲓ ⲉ̀ϫⲉⲛⲛⲓϭⲓⲥⲓ ⲉⲑⲣⲓϭⲣⲟ ϧⲉⲛⲧⲉϥϩⲱⲇⲏ .	Ⲡ̀ϭⲟⲓⲥ ⲫϯ ⲡⲉ ⲧⲁϫⲟⲙ ⲟⲩⲟϩ ⲉϥⲉ̀ⲑⲱϣ ⲛ̀ⲛⲁϭⲁⲗⲁⲩϫ ⲉ̀ⲟⲩⲥⲩⲛⲧⲉⲗⲓⲁ̀ ϥ̀ⲛⲁⲧⲁⲗⲟⲓ ⲉ̀ϫⲉⲛ ⲛⲓϭⲓⲥⲓ ⲉ̀ⲑⲣⲓϭⲣⲟ ϧⲉⲛ ⲧⲉϥϩⲱⲇⲏ.	P̀ċois fti pe tagom ouoh efèθōṡ ǹnaċalavg èousintelià f̀nataloi èjen niċisi èθriċro xen tefhōḋy.	The Lord God is my strength, and he will perfectly strengthen my feet; he mounts me upon high places, that I may conquer by his song.

Provenance

title: Habakkuk (Bohairic, SCRIPTORIUM text with Yousef's jinkim)
dialect: bohairic
source: Coptic SCRIPTORIUM corpus "bohairic.ot", documents 35_Habacuc_01–35_Habacuc_03 (3 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md)
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 35_Habacuc_01–35_Habacuc_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
file: Bible/Old Testament/Habakkuk/Habakkuk.bohairic.scriptorium-yousef.L0.txt
title: Habakkuk (Bohairic, SCRIPTORIUM text with Yousef's jinkim) — Cairene
dialect: bohairic
source: generated from Habakkuk.bohairic.scriptorium-yousef.L0.txt (Coptic SCRIPTORIUM corpus "bohairic.ot", documents 35_Habacuc_01–35_Habacuc_03 (3 chapters); jinkim transferred from You)
licence: CC BY-SA 4.0
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 35_Habacuc_01–35_Habacuc_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Habakkuk/Habakkuk.bohairic.scriptorium-yousef.L1.txt
title: Habakkuk (Bohairic, SCRIPTORIUM text with Yousef's jinkim) — Kemetic
dialect: bohairic
source: generated from Habakkuk.bohairic.scriptorium-yousef.L1.txt
licence: CC BY-SA 4.0
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 35_Habacuc_01–35_Habacuc_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Habakkuk/Habakkuk.bohairic.scriptorium-yousef.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 27 quoted · 26 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851), Habakkuk 1:1 — read from Coptic SCRIPTORIUM bohairic.ot; by the line's own verse number (1:1), checked word by word against SCRIPTORIUM's Coptic of the verse (3 of 3 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Habakkuk 1:2 — read from Coptic SCRIPTORIUM bohairic.ot; by the line's own verse number (1:2), checked word by word against SCRIPTORIUM's Coptic of the verse (14 of 14 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Habakkuk 1:3 — read from Coptic SCRIPTORIUM bohairic.ot; by the line's own verse number (1:3), checked word by word against SCRIPTORIUM's Coptic of the verse (13 of 13 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Habakkuk 1:4 — read from Coptic SCRIPTORIUM bohairic.ot; by the line's own verse number (1:4), checked word by word against SCRIPTORIUM's Coptic of the verse (17 of 17 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Habakkuk 1:5 — read from Coptic SCRIPTORIUM bohairic.ot; by the line's own verse number (1:5), checked word by word against SCRIPTORIUM's Coptic of the verse (20 of 20 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Habakkuk 1:6 — read from Coptic SCRIPTORIUM bohairic.ot; by the line's own verse number (1:6), checked word by word against SCRIPTORIUM's Coptic of the verse (17 of 17 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: and 47 further credits

Cite as:

Habakkuk (Bohairic, SCRIPTORIUM text with Yousef's jinkim). Coptic SCRIPTORIUM corpus "bohairic.ot", documents 35_Habacuc_01–35_Habacuc_03 (3 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md). Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/habakkuk/habakkuk.bohairic.scriptorium-yousef/. Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 35_Habacuc_01–35_Habacuc_03, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.