Isaiah 1 — Coptic · Cairene

Source and licence

share: attributionsahidic

Source: Coptic SCRIPTORIUM corpus "sahidic.ot", document 23_Isaiah_01

Attribution: Isaiah 1 from Coptic SCRIPTORIUM (https://copticscriptorium.org), corpus sahidic.ot, document 23_Isaiah_01, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. CoptOT / Göttingen Digital Edition of the Coptic Old Testament, via Crosswire; English translation Brenton 1851 (ebible.org). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0

Licence: CC BY-SA 4.0

Full provenance and citation

The text

31 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1:1	ⲑⲟⲣⲁⲥⲓⲥ ⲛ̄ⲧⲁⲏⲥⲁⲓ̈ⲁⲥ ⲛⲁⲩ ⲉⲣⲟⲥ ⲡϣⲏⲣⲉ ⲛ̄ϩⲁⲙⲱⲥ ⲧⲉⲛⲧⲁϥⲛⲁⲩ ⲉⲣⲟⲥ ⲉⲧⲃⲉϯⲟⲩⲇⲁⲓⲁ ⲙ︤ⲛ︥ⲑⲓ︤ⲗ︦ⲏ︥︤ⲙ︦ ϩⲛ̄ⲧⲙ︤ⲛ︦ⲧ︥ⲣ̄ⲣⲟ ⲛ̄ⲟⲍⲓⲁⲥ ⲙ︤ⲛ︥ⲓⲱⲁⲑⲁⲙ ⲙ︤ⲛ︥ⲁⲭⲁⲍ ⲙ︤ⲛ︥ⲉⲍⲉⲕⲓⲁⲥ ⲛⲁⲓ̈ ⲛ̄ⲧⲁⲩⲣ̄ⲣ̄ⲣⲟ ⲉϫ︤ⲛ︥ϯⲟⲩⲇⲁⲓⲁ	ⲧ̀ϩⲟⲣⲁⲥⲓⲥ ⲉ̀ⲧⲁ ⲏⲥⲁⲓⲁⲥ ⲛⲱⲟⲩ ⲉ̀ⲣⲟⲥ ⲡ̀ϣⲏⲣⲓ ⲛ̀ϩⲁⲙⲱⲥ ⲧⲉⲧⲁϥⲛⲁⲩ ⲉ̀ⲣⲟⲥ ⲉⲑⲃⲉ ⲧⲟⲩⲇⲁⲓⲁ ⲛⲉⲙ ⲧ̀ϩⲓⲉⲣⲟⲩⲥⲁⲗⲏⲙ ϧⲉⲛ ⲧ̀ⲙⲉⲧⲟⲩⲣⲟ ⲛ̀ⲟⲍⲓⲁⲥ ⲛⲉⲙ ⲓⲱⲁⲑⲁⲙ ⲛⲉⲙ ⲁⲭⲁⲍ ⲛⲉⲙ ⲉⲍⲉⲕⲓⲁⲥ ⲛⲏⲓ ⲉⲧⲁⲩⲉⲣⲟⲩⲣⲟ ⲉ̀ϫⲉⲛ ⲧⲟⲩⲇⲁⲓⲁ	t̀·horasis èta ysaias nōou èros p̀ṡyri ǹhamōs tetafnav èros eθve touḋaia nem t̀·hierousalym xen t̀metouro ǹozias nem iōaθam nem axaz nem ezekias nyi etaverouro èjen touḋaia	The vision which Esaias the son of Amos saw, which he saw against Juda, and against Jerusalem, in the reign of Ozias, and Joatham, and Achaz, and Ezekias, who reigned over Judea.
1:2	ⲥⲱⲧ︤ⲙ︥ ⲧⲡⲉ ϫⲓⲥⲙⲏ ⲡⲕⲁϩ ϫⲉⲁⲡϫⲟⲉⲓⲥ ϣⲁϫⲉ ϩⲉⲛϣⲏⲣⲉ ⲁⲓ̈ϫⲡⲟⲟⲩ ⲁⲓ̈ϫⲁⲥⲧⲟⲩ ⲛ̄ⲧⲟⲟⲩ ⲇⲉ ⲁⲩⲁⲑⲉⲧⲉⲓ ⲙ̄ⲙⲟⲓ̈	ⲥⲱⲧⲉⲙ ⲧ̀ⲫⲉ ϫⲓⲥⲙⲏ ⲡ̀ⲕⲁϩⲓ ϫⲉ ⲁ ⲡ̀ϭⲟⲓⲥ ⲥⲁϫⲓ ϩⲁⲛϣⲏⲣⲓ ⲁⲓϫⲫⲟⲟⲩ ⲁⲓϭⲁⲥⲟⲩ ⲛ̀ⲑⲱⲟⲩ ⲇⲉ ⲁⲩⲉⲣⲁⲑⲉⲧⲓⲛ ⲙ̀ⲙⲟⲓ	sōtem t̀fe jismy p̀kahi je a p̀ċois saji hanṡyri aigfoou aiċasou ǹθōou ḋe averaθetin m̀moi	Hear, O heaven, and hearken, O earth: for the Lord has spoken, saying, I have begotten and reared up children, but they have rebelled against me.
1:3	ⲁⲩⲉϩⲉ ⲥⲟⲩⲛⲡⲉⲥϫⲟⲉⲓⲥ ⲁⲩⲉⲓⲱ ⲥⲟⲩⲛⲡⲟⲩⲟⲙ︤ϥ︥ ⲙ̄ⲡⲉϥϫⲟⲉⲓⲥ ⲡⲓ︤ⲏ︦ⲗ︥ ⲇⲉ ⲙ̄ⲡⲉϥⲥⲟⲩⲱⲛ︤ⲧ︥ ⲁⲩⲱ ⲡⲁⲗⲁⲟⲥ ⲙ̄ⲡⲉϥϭⲉⲛⲁⲛ︤ⲅ︥ⲛⲓⲙ	ⲁ̀ⲟⲩⲉϩⲉ ⲥⲟⲩⲛⲡⲉⲥϭⲟⲓⲥ ⲁⲩⲓⲱ ⲥⲟⲩⲛⲡ̀ⲟⲩⲟⲙϥ ⲛ̀ⲡⲉϥϭⲟⲓⲥ ⲡⲓⲥⲣⲁⲏⲗ ⲇⲉ ⲙ̀ⲡⲉϥⲥⲟⲩⲱⲛⲧ ⲟⲩⲟϩ ⲡⲁⲗⲁⲟⲥ ⲛ̀ⲡⲉϥϭⲉⲛⲁⲛ̀ⲅⲛⲓⲙ	àouehe sounpesċois aviō sounp̀ouomf ǹpefċois pisrayl ḋe m̀pefsouōnt ouoh palaos ǹpefċenaǹġnim	The ox knows his owner, and the ass his master's crib: but Israel does not know me, and the people has not regarded me.
1:4	ⲟⲩⲟⲓ̈ ⲛ̄ⲟⲩϩⲉⲑⲛⲟⲥ ⲛ̄ⲣⲉϥⲣ̄ⲛⲟⲃⲉ ⲟⲩⲗⲁⲟⲥ ⲉϥⲙⲉϩ ⲉⲃⲟⲗ ⲛ̄ⲛⲟⲃⲉ ⲡⲉⲥⲡⲉⲣⲙⲁ ⲙ̄ⲡⲟⲛⲏⲣⲟⲛ ⲡϣⲏⲣⲉ ⲛ̄ⲁⲛⲟⲙⲟⲥ ⲁⲧⲉⲧ︤ⲛ︥ⲕⲁⲡϫⲟⲉⲓⲥ ⲛ̄ⲥⲱⲧ︤ⲛ︥ ⲁⲩⲱ ⲁⲧⲉⲧ︤ⲛ︥ϯⲛⲟⲩϭ︤ⲥ︥ ⲙ̄ⲡⲡⲉⲧⲟⲩⲁⲁⲃ ⲙ̄ⲡⲓ︤ⲏ︦ⲗ︥	ⲟⲩⲟⲓ ⲛ̀ⲟⲩϩⲉⲑⲛⲟⲥ ⲛ̀ⲣⲉϥⲉⲣⲛⲟⲃⲓ ⲟⲩⲗⲁⲟⲥ ⲉϥⲙⲉϩ ⲉ̀ⲃⲟⲗ ⲛ̀ⲛⲟⲃⲓ ⲡ̀ⲥ̀ⲡⲉⲣⲙⲁ ⲛ̀ⲡⲟⲛⲏⲣⲟⲛ ⲡ̀ϣⲏⲣⲓ ⲛⲁⲛⲟⲙⲟⲥ ⲁⲣⲉⲧⲉⲛⲭⲁⲡ̀ϭⲟⲓⲥ ⲛ̀ⲥⲱⲧⲉⲛ ⲟⲩⲟϩ ⲁⲣⲉⲧⲉⲛϯⲛⲟⲩϭ̀ⲥ ⲛ̀ⲡⲉⲑⲟⲩⲁⲃ ⲛ̀ⲡⲓⲥⲣⲁⲏⲗ	ouoi ǹouheθnos ǹrefernovi oulaos efmeh èvol ǹnovi p̀·s̀perma ǹponyron p̀ṡyri nanomos aretenkap̀ċois ǹsōten ouoh aretentinouċ̀s ǹpeθouab ǹpisrayl	Ah sinful nation, a people full of sins, an evil seed, lawless children: ye have forsaken the Lord, and provoked the Holy One of Israel.
1:5	ⲁϣ ϭⲉ ⲡⲉ ⲡⲕⲉⲥⲁϣ ⲉⲧⲉⲧ︤ⲛ︥ⲟⲩⲱϩ ⲉϫ︤ⲛ︥ⲛⲉⲧ︤ⲛ︥ⲁⲛⲟⲙⲓⲁ ⲁⲡⲉ ⲛⲓⲙ ⲉⲩⲧⲕⲁⲥ ϩⲏⲧ ⲛⲓⲙ ⲉⲩⲗⲩⲡⲏ	ⲁϣ ⲟⲩⲛ ⲡⲉ ⲡ̀ⲕⲉⲥⲁϣ ⲉⲧⲉⲧⲉⲛⲟⲩⲱϩ ⲉ̀ϫⲉⲛ ⲛⲉⲧⲉⲛⲁ̀ⲛⲟⲙⲓⲁ ⲁⲫⲉ ⲛⲓⲃⲉⲛ ⲉ̀ⲟⲩⲧⲕⲁⲥ ϩⲏⲧ ⲛⲓⲃⲉⲛ ⲉⲩⲗⲩⲡⲏ	aṡ oun pe p̀kesaṡ etetenouōh èjen netenànomia afe niven èoutkas hyt niven evlipy	Why should ye be smitten any more, transgressing more and more? the whole head is pained, and the whole heart sad.
1:6	ϫⲓⲛⲛⲉⲩⲟⲩⲉⲣⲏⲧⲉ ϣⲁⲧⲉⲩⲁⲡⲉ ⲙ︤ⲛ︥ⲙ̄ⲧⲟⲛ ϣⲟⲟⲡ ⲛ̄ϩⲏⲧ︤ϥ︥ ⲛ̄ⲟⲩⲥⲁϣ ⲁⲛ ⲡⲉ ⲛ̄ⲟⲩⲉⲗⲉⲗⲕⲏⲙⲉ ⲁⲛ ⲡⲉ ⲛ̄ⲟⲩⲡⲗⲩⲅⲏ ⲁⲛ ⲧⲉ ⲉⲥϯⲧⲕⲁⲥ ⲙ︤ⲛ︥ⲑⲉ ⲛ̄ϯⲙⲁⲗⲁⲅⲙⲁ ⲉϫⲱϥ ⲟⲩⲇⲉ ⲛⲉϩ ⲟⲩⲇⲉ ⲙ̄ⲣ̄ⲣⲉ	ϫⲓⲛⲛⲟⲩⲟⲩⲉⲣⲏⲧⲉ ϣⲁⲧⲟⲩⲁ̀ⲫⲉ ⲛⲉⲙ ⲙ̀ⲧⲟⲛ ϣⲟⲡ ⲛ̀ϧⲏⲧϥ ⲛ̀ⲟⲩⲥⲁϣ ⲁⲛ ⲡⲉ ⲛ̀ⲟⲩⲉⲗⲉⲗⲕⲏⲙⲉ ⲁⲛ ⲡⲉ ⲛ̀ⲟⲩⲡ̀ⲗⲩⲅⲏ ⲁⲛ ⲧⲉ ⲉⲥϯⲧⲕⲁⲥ ⲛⲉⲙ ⲫ̀ⲣⲏϯ ⲛ̀ϯⲙⲁⲗⲁⲅⲙⲁ ⲉ̀ϫⲱϥ ⲟⲩⲇⲉ ⲛⲉϩ ⲟⲩⲇⲉ ⲙ̀ⲣⲣⲉ	jinnououeryte ṡatouàfe nem m̀ton ṡop ǹxytf ǹousaṡ an pe ǹouelelkyme an pe ǹoup̀ligy an te estitkas nem f̀ryti ǹtimalaġma ègōf ouḋe neh ouḋe m̀rre	From the feet to the head, there is no soundness in them; neither wound, nor bruise, nor festering ulcer are healed: it is not possible to apply a plaister, nor oil, nor bandages.
1:7	ⲉⲣⲉⲡⲉⲧ︤ⲛ︥ⲕⲁϩ ⲣ̄ϫⲁⲓ̈ⲉ ⲁⲩⲱ ⲛ̄ⲧⲉⲛⲉⲧ︤ⲛ︥ⲡⲟⲗⲓⲥ ⲣⲱⲕ︤ϩ︥ ⲛ̄ⲧⲉϩⲉⲛⲕⲟⲟⲩⲉ ⲟⲩⲉⲙⲛⲉⲧ︤ⲛ︥ⲭⲱⲣⲁ ⲙ̄ⲡⲉⲧ︤ⲛ︥ⲙ̄ⲧⲟ ⲉⲃⲟⲗ ⲁⲩⲱ ⲉⲁⲥⲣ̄ϫⲁⲓ̈ⲉ ⲉⲁⲩϣⲉⲣϣⲱⲣ︤ⲥ︥ ϩⲓⲧ︤ⲛ︥ⲟⲩⲗⲁⲟⲥ ⲛ̄ϣ︤ⲙ︥ⲙⲟ	ⲉ̀ⲣⲉⲡⲉⲧⲉⲛⲕⲁϩⲓ ⲣ̀ϫⲁⲓⲉ ⲟⲩⲟϩ ⲛ̀ⲧⲉⲛⲉⲧⲉⲛⲡⲟⲗⲓⲥ ⲣⲱⲕϩ ⲛ̀ⲧⲉ ϩⲁⲛⲭⲱⲟⲩⲛⲓ ⲟⲩⲉⲙⲛⲉⲧⲉⲛⲭⲱⲣⲁ ⲛ̀ⲡⲉⲧⲉⲛⲙ̀ⲑⲟ ⲉ̀ⲃⲟⲗ ⲟⲩⲟϩ ⲉⲁⲥⲣ̀ϫⲁⲓⲉ ⲉⲁⲩϣⲉⲣϣⲱⲉⲣⲥ ϩⲓⲧⲉⲛ ⲟⲩⲗⲁⲟⲥ ⲛ̀ϣⲉⲙⲙⲟ	èrepetenkahi r̀gaie ouoh ǹtenetenpolis rōk·h ǹte hankōouni ouemnetenxōra ǹpetenm̀θo èvol ouoh easr̀gaie eavṡerṡōers hiten oulaos ǹṡemmo	Your land is desolate, your cities burned with fire: your land, strangers devour it in your presence, and it is made desolate, overthrown by strange nations.
1:8	ⲥⲉⲛⲁⲕⲁⲧϣⲉⲉⲣⲉ ⲛ̄ⲥⲓⲱⲛ ⲉⲃⲟⲗ ⲛ̄ⲑⲉ ⲛ̄ⲟⲩϩⲃⲱ ϩ︤ⲛ︥ⲟⲩⲙⲁ ⲛ̄ⲉⲗⲟⲟⲗⲉ ⲁⲩⲱ ⲛ̄ⲑⲉ ⲛ̄ⲟⲩⲙⲁ ⲛ̄ϩⲁⲣⲉϩ ⲛ̄ⲃⲟⲛⲧⲉ ⲁⲩⲱ ⲛ̄ⲑⲉ ⲛ̄ⲟⲩⲡⲟⲗⲓⲥ ⲉⲥϣⲏϥ	ⲥⲉⲛⲁⲭⲁⲧ̀ϣⲉⲉⲣⲉ ⲛ̀ⲥⲓⲱⲛ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲟⲩϩⲃⲱ ϧⲉⲛ ⲟⲩⲙⲁ ⲛ̀ⲉⲗⲟⲟⲗⲉ ⲟⲩⲟϩ ⲛ̀ⲫ̀ⲣⲏϯ ⲛ̀ⲟⲩⲙⲁ ⲛ̀ϩⲁⲣⲉϩ ⲛ̀ⲃⲟⲛⲧⲉ ⲟⲩⲟϩ ⲛ̀ⲫ̀ⲣⲏϯ ⲛ̀ⲟⲩⲡⲟⲗⲓⲥ ⲉⲥϣⲏϥ	senakat̀ṡeere ǹsiōn èvol ǹf̀ryti ǹouhvō xen ouma ǹeloole ouoh ǹf̀ryti ǹouma ǹhareh ǹvonte ouoh ǹf̀ryti ǹoupolis esṡyf	The daughter of Sion shall be deserted as a tent in a vineyard, and as a storehouse of fruits in a garden of cucumbers, as a besieged city.
1:9	ⲁⲩⲱ ⲛ̄ⲥⲁⲃⲏⲗ ϫⲉⲁⲡϫⲟⲉⲓⲥ ⲥⲁⲃⲁⲱⲑ ϣⲱϫ︤ⲡ︥ ⲛⲁⲛ ⲛ̄ⲟⲩⲥⲡⲉⲣⲙⲁ ⲉϣϫⲉ ⲁⲛϣⲱⲡⲉ ⲛ̄ⲑⲉ ⲛ̄ⲥⲟⲇⲟⲙⲁ ⲛ̄ⲧ︤ⲛ︥ⲉⲓⲛⲉ ⲛ̄ⲅⲟⲙⲟⲣⲣⲁ	ⲟⲩⲟϩ ⲛ̀ⲥⲁⲃⲏⲗ ϫⲉ ⲁ ⲡ̀ϭⲟⲓⲥ ⲥⲁⲃⲁⲱⲑ ⲥⲱϫⲡ ⲛⲁⲛ ⲛ̀ⲟⲩⲥ̀ⲡⲉⲣⲙⲁ ⲓⲥϫⲉ ⲁⲛϣⲱⲡⲓ ⲛ̀ⲫ̀ⲣⲏϯ ⲛ̀ⲥⲟⲇⲟⲙⲁ ⲛ̀ⲧⲉⲧⲉⲛⲓ̀ⲛⲓ ⲛ̀ⲅⲟⲙⲟⲣⲣⲁ	ouoh ǹsavyl je a p̀ċois sabaōθ sōgp nan ǹous̀perma isje anṡōpi ǹf̀ryti ǹsodoma ǹtetenìni ǹġomorra	And if the Lord of Sabaoth had not left us a seed, we should have been as Sodom, and we should have been made like Gomorrha.
1:10	ⲥⲱⲧ︤ⲙ︥ ⲉⲡϣⲁϫⲉ ⲙ̄ⲡϫⲟⲉⲓⲥ ⲛ̄ⲁⲣⲭⲱⲛ ⲛ̄ⲥⲟⲇⲟⲙⲁ ϯϩⲧⲏⲧ︤ⲛ︥ ⲉⲡⲛⲟⲙⲟⲥ ⲙ̄ⲡⲛⲟⲩⲧⲉ ⲡⲗⲁⲟⲥ ⲛ̄ⲅⲟⲙⲟⲣⲁ	ⲥⲱⲧⲉⲙ ⲉ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲛ̀ⲁⲣⲭⲱⲛ ⲛ̀ⲥⲟⲇⲟⲙⲁ ϯϩⲧⲏⲧⲉⲛ ⲉ̀ⲡ̀ⲛⲟⲙⲟⲥ ⲛ̀ⲫ̀ⲛⲟⲩϯ ⲡⲓⲗⲁⲟⲥ ⲛ̀ⲧⲉⲕⲟⲙⲟⲣⲁ	sōtem èp̀·saji ǹp̀ċois ǹarxōn ǹsodoma tihtyten èp̀nomos ǹf̀nouti pilaos ǹtekomora	Hear the word of the Lord, ye rulers of Sodoma; attend to the law of God, thou people of Gomorrha.
1:11	ⲟⲛ ⲉⲣⲟⲓ̈ ⲡⲉ ⲡⲁϣⲁⲓ̈ ⲛ̄ⲛⲉⲧ︤ⲛ︥ⲑⲩⲥⲓⲁ ⲡⲉϫⲉⲡϫⲟⲉⲓⲥ ϯϫⲏⲕ ⲉⲃⲟⲗ ⲙ̄ⲡϣⲟⲩⲥⲟⲟⲩϣⲉ ⲛ̄ⲛ̄ⲟⲓ̈ⲗⲉ ⲙ︤ⲛ︥ⲡⲱⲧ ⲛ̄ⲛ̄ϩⲓⲉⲓⲃ ⲙ︤ⲛ︥ⲡⲉⲥⲛⲟϥ ⲛ̄ⲙ̄ⲙⲁⲥⲉ ⲙ︤ⲛ︥ⲛ̄ⲛ̄ϭⲓⲉ ⲛ̄ϯⲟⲩⲁϣⲟⲩ ⲁⲛ	ⲟⲛ ⲉ̀ⲣⲟⲓ ⲡⲉ ⲡ̀ⲁ̀ϣⲁⲓ ⲛ̀ⲛⲉⲧⲉⲛⲑⲩⲥⲓⲁ ⲡⲉϫⲉⲡ̀ϭⲟⲓⲥ ϯϫⲏⲕ ⲉ̀ⲃⲟⲗ ⲛ̀ⲡ̀ϣⲟⲩⲥⲟⲟⲩϣⲉ ⲛ̀ⲛⲟⲓⲗⲉ ⲛⲉⲙ ⲫⲱⲧ ⲛ̀ⲛ̀ϩⲓⲉⲓⲃ ⲛⲉⲙ ⲡ̀ⲥ̀ⲛⲟϥ ⲛ̀ⲛ̀ⲙⲁⲥⲓ ⲛⲉⲙ ⲛ̀ⲛϭⲓⲉ ⲛ̀ϯⲟⲩⲁϣⲟⲩ ⲁⲛ	on èroi pe p̀àṡai ǹnetenθisia pejep̀ċois tijyk èvol ǹp̀ṡousoouṡe ǹnoile nem fōt ǹǹhieib nem p̀·s̀nof ǹǹmasi nem ǹnċie ǹtiouaṡou an	Of what value to me is the abundance of your sacrifices? saith the Lord: I am full of whole-burnt-offerings of rams; and I delight not in the fat of lambs, and the blood of bulls and goats:
1:12	ⲟⲩⲇⲉ ⲉⲧⲉⲧ︤ⲛ︥ϣⲁⲛⲉⲓ ⲉⲟⲩⲱⲛ︤ϩ︥ ⲛⲁⲓ̈ ⲉⲃⲟⲗ ⲛⲓⲙ ⲅⲁⲣ ⲡⲉⲛⲧⲁϥϣⲓⲛⲉ ⲛ̄ⲥⲁⲛⲁⲓ̈ ⲉⲃⲟⲗ ϩⲓⲧ︤ⲛ︥ⲧⲏⲩⲧ︤ⲛ︥ ⲛ̄ⲛⲉⲧⲉⲛⲟⲩⲱϩ ⲉⲧⲉⲓ ⲧⲏⲩⲧ︤ⲛ︥ ⲉⲡⲁⲧⲉⲓ ⲛ̄ⲧⲁⲁⲩⲗⲏ	ⲟⲩⲇⲉ ⲁⲧⲉⲧⲉⲛϣⲁⲛⲓ ⲉ̀ⲟⲩⲱⲛϩ ⲛⲏⲓ ⲉ̀ⲃⲟⲗ ⲛⲓⲙ ⲅⲁⲣ ⲡⲉⲧⲁϥϣⲓⲛⲓ ⲛ̀ⲥⲁ ⲛⲁⲓ ⲉ̀ⲃⲟⲗ ϩⲓⲧⲉⲛ ⲑⲏⲛⲟⲩ ⲛ̀ⲛⲉⲧⲉⲛⲟⲩⲱϩ ⲉ̀ⲧⲓ ⲑⲏⲛⲟⲩ ⲉ̀ⲡⲁⲧⲉⲓ ⲛ̀ⲧⲁⲁⲩⲗⲏ	ouḋe atetenṡani èouōnh nyi èvol nim ġar petafṡini ǹsa nai èvol hiten θynou ǹnetenouōh èti θynou èpatei ǹtaavly	neither shall ye come with these to appear before me; for who has required these things at your hands? Ye shall no more tread my court.
1:13	ⲉⲧⲉⲧ︤ⲛ︥ϣⲁⲛⲉⲓⲛⲉ ⲛⲁⲓ̈ ⲛ̄ⲟⲩⲥⲁⲙⲓⲧ ϥϣⲟⲩⲉⲓⲧ ⲡⲉⲧ︤ⲛ︥ϣⲟⲩϩⲏⲛⲉ ⲟⲩⲃⲟⲧⲉ ⲛⲁⲓ̈ ⲡⲉ ⲛⲉⲧⲉⲛⲥⲟⲩⲁ ⲙ︤ⲛ︥ⲛⲉⲧ︤ⲛ︥ⲥⲁⲃⲃⲁⲧⲟⲛ ⲁⲩⲱ ⲟⲩⲛⲟϭ ⲛ̄ϩⲟⲟⲩ ⲛ̄ϯⲛⲁⲁⲛⲉⲭⲉ ⲙ̄ⲙⲟⲟⲩ ⲁⲛ ⲛⲉⲧⲉⲛⲛⲏⲥⲧⲓⲁ ⲙ︤ⲛ︥ⲛⲉⲧ︤ⲛ︥ⲟⲩⲱⲥ︤ϥ︥	ⲁⲧⲉⲧⲉⲛϣⲁⲛⲓ̀ⲛⲓ ⲛⲏⲓ ⲛ̀ⲟⲩⲥⲁⲙⲓⲧ ϥ̀ϣⲟⲩⲓⲧ ⲡⲉⲧⲉⲛϣⲟⲩϩⲏⲛⲉ ⲟⲩⲃⲱϯ ⲛⲏⲓ ⲡⲉ ⲛⲉⲧⲉⲛⲥⲟⲩⲟⲩⲁ ⲛⲉⲙ ⲛⲉⲧⲉⲛⲥⲁⲃⲃⲁⲧⲟⲛ ⲟⲩⲟϩ ⲟⲩⲛⲓϣϯ ⲛ̀ⲉ̀ϩⲟⲟⲩ ⲛ̀ϯⲛⲁⲁⲛⲉⲭⲉ ⲙ̀ⲙⲱⲟⲩ ⲁⲛ ⲛⲉ̀ⲧⲉ ⲛ̀ⲛⲏⲥⲧⲓⲁ ⲛⲉⲙ ⲛⲉⲧⲉⲛⲟⲩⲱⲥ̀ϥ	atetenṡanìni nyi ǹousamit f̀ṡouit petenṡouhyne ouvōti nyi pe netensououa nem netensabbaton ouoh ouniṡti ǹèhoou ǹtinaaneṡe m̀mōou an nète ǹnystia nem netenouōs̀f	Though ye bring fine flour, it is vain; incense is an abomination to me; I cannot bear your new moons, and your sabbaths, and the great day;
1:14	ⲙ︤ⲛ︥ⲛⲉⲧ︤ⲛ︥ⲥⲟⲩⲁ ⲁⲩⲱ ⲛⲉⲧ︤ⲛ︥ϣⲁ ⲧⲁⲯⲩⲭⲏ ⲙⲟⲥⲧⲉ ⲙ̄ⲙⲟⲟⲩ ⲁⲧⲉⲧ︤ⲛ︥ϣⲱⲡⲉ ⲛⲁⲓ̈ ⲉⲩⲥⲉⲓ ⲛ̄ⲛⲁⲕⲱ ⲇⲉ ⲉⲃⲟⲗ ⲛ̄ⲛⲉⲧ︤ⲛ︥ⲛⲟⲃⲉ	ⲛⲉⲙ ⲛⲉⲧⲉⲛⲥⲟⲩⲁ ⲟⲩⲟϩ ⲛⲉⲧⲛ̀ϣⲁ ⲧⲁⲯⲩⲭⲏ ⲙⲟⲥϯ ⲙ̀ⲙⲱⲟⲩ ⲁⲣⲉⲧⲉⲛϣⲱⲡⲓ ⲛⲏⲓ ⲉⲩⲥⲓ ⲛ̀ⲛⲁⲭⲱ ⲇⲉ ⲉ̀ⲃⲟⲗ ⲛ̀ⲛⲉⲧⲉⲛⲛⲟⲃⲓ	nem netensoua ouoh netǹṡa tapsiṡy mosti m̀mōou aretenṡōpi nyi evsi ǹnakō ḋe èvol ǹnetennovi	your fasting, and rest from work, your new moons also, and your feasts my soul hates: ye have become loathsome to me; I will no more pardon your sins.
1:15	ⲉⲧⲉⲧ︤ⲛ︥ϣⲁⲛⲡⲉⲣ︤ϣ︥ⲛⲉⲧ︤ⲛ︥ϭⲓϫ ⲉϩⲣⲁⲓ̈ ⲉⲣⲟⲓ̈ ϯⲛⲁⲕⲧⲉⲛⲁⲃⲁⲗ ⲉⲃⲟⲗ ⲙ̄ⲙⲱⲧ︤ⲛ︥ ⲁⲩⲱ ⲉⲧⲉⲧ︤ⲛ︥ϣⲁⲛⲧⲁϣⲉⲡⲉⲧ︤ⲛ︥ⲥⲟⲡ︤ⲥ︥ ⲛ̄ϯⲛⲁⲥⲱⲧ︤ⲙ︥ ⲁⲛ ⲉⲣⲱⲧ︤ⲛ︥ ⲛⲉⲧ︤ⲛ︥ϭⲓϫ ⲅⲁⲣ ⲙⲉϩ ⲛ̄ⲥⲛⲟϥ	ⲁⲧⲉⲧⲉⲛϣⲁⲛⲡⲉⲣ̀ϣⲛⲉⲧⲉⲛϫⲓϫ ⲉϩⲣⲁⲓ ⲉ̀ⲣⲟⲓ ϯⲛⲁⲕⲧⲉ ⲛⲁⲃⲁⲗ ⲉ̀ⲃⲟⲗ ⲙ̀ⲙⲱⲧⲉⲛ ⲟⲩⲟϩ ⲁⲧⲉⲧⲉⲛϣⲁⲛⲧⲁϣⲉⲡⲉⲧⲉⲛϯϩⲟ ⲛ̀ϯⲛⲁⲥⲱⲧⲉⲙ ⲁⲛ ⲉⲣⲱⲧⲉⲛ ⲛ̀ⲛⲉⲧⲉⲛϫⲓϫ ⲅⲁⲣ ⲙⲉϩ ⲛ̀ⲥ̀ⲛⲟϥ	atetenṡanper̀ṡnetenjig ehrai èroi tinakte naval èvol m̀mōten ouoh atetenṡantaṡepetentiho ǹtinasōtem an erōten ǹnetenjig ġar meh ǹs̀nof	When ye stretch forth your hands, I will turn away mine eyes from you: and though ye make many supplications, I will not hearken to you; for your hands are full of blood.
1:16	ϫⲉⲕ︤ⲙ︥ⲧⲏⲩⲧ︤ⲛ︥ ⲧ︤ⲃ︥ⲃⲉⲧⲏⲩⲧ︤ⲛ︥ ϥⲓ ⲛ̄ⲛⲉⲓ̈ⲡⲟⲛⲏⲣⲓⲁ ⲉⲃⲟⲗ ϩ︤ⲛ︥ⲛⲉⲧ︤ⲛ︥ϩⲏⲧ ⲙ̄ⲡⲉⲙⲧⲟ ⲉⲃⲟⲗ ⲛ̄ⲛⲁⲃⲁⲗ ⲁⲗⲱⲧ︤ⲛ︥ ϩ︤ⲛ︥ⲛⲉⲧ︤ⲛ︥ⲡⲟⲛⲏⲣⲓⲁ	ϫⲉⲕⲉⲙ ⲑⲏⲛⲟⲩ ⲧⲟⲩⲃⲟ ⲑⲏⲛⲟⲩ ϥⲁⲓ ⲛ̀ⲛⲁⲓⲡⲟⲛⲏⲣⲓⲁ ⲉ̀ⲃⲟⲗ ϧⲉⲛ ⲛⲉⲧⲉⲛϩⲏⲧ ⲛ̀ⲡ̀ⲙ̀ⲑⲟ ⲉ̀ⲃⲟⲗ ⲛ̀ⲛⲁⲃⲁⲗ ⲁⲗⲱⲧ̀ⲛ ϧⲉⲛ ⲛⲉⲧⲉⲛⲡⲟⲛⲏⲣⲓⲁ	jekem θynou touvo θynou fai ǹnaiponyria èvol xen netenhyt ǹp̀m̀θo èvol ǹnaval alōt̀n xen netenponyria	Wash you, be clean; remove your iniquities from your souls before mine eyes; cease from your iniquities;
1:17	ϫⲓⲥⲃⲱ ⲉⲣⲡⲡⲉⲧⲛⲁⲛⲟⲩϥ ϣⲓⲛⲉ ⲛ̄ⲥⲁⲡϩⲁⲡ ⲛⲉϩ︤ⲙ︥ⲡⲉⲧϫⲏⲩ ⲛ̄ϭⲟⲛ︤ⲥ︥ ⲕⲣⲓⲛⲉ ⲙ̄ⲡⲟⲣⲫⲁⲛⲟⲥ ⲧⲙⲁⲉⲓⲉⲧⲉⲭⲏⲣⲁ	ϭⲓⲥⲃⲱ ⲉⲉⲣⲡ̀ⲡⲉⲧⲛⲁⲛⲟⲩϥ ϣⲓⲛⲓ ⲛ̀ⲥⲁ ⲡ̀ϩⲁⲡ ⲛⲉϩ̀ⲙⲡⲉⲧϫⲏⲩ ⲛ̀ϫⲟⲛⲥ ⲕⲣⲓⲛⲉ ⲛ̀ⲡⲟⲣⲫⲁⲛⲟⲥ ϣⲧⲉⲙⲁⲉⲓⲉⲧⲉⲭⲏⲣⲁ	ċisvō eerp̀petnanouf ṡini ǹsa p̀hap neh̀mpetjyv ǹgons krine ǹporfanos ṡtemaeietekyra	learn to do well; diligently seek judgment, deliver him that is suffering wrong, plead for the orphan, and obtain justice for the widow.
1:18	ⲛ̄ⲧⲉⲧ︤ⲛ︥ⲉⲓ ⲛ̄ⲧ︤ⲛ︥ϩⲱⲧ︤ⲡ︥ ⲙ︤ⲛ︥ⲛⲉⲛⲉⲣⲏⲩ ⲡⲉϫⲉⲡϫⲟⲉⲓⲥ ⲁⲩⲱ ⲉϣⲱⲡⲉ ⲛⲉⲧ︤ⲛ︥ⲛⲟⲃⲉ ⲟ ⲛ̄ⲑⲉ ⲛⲉⲓ̈ⲫⲟⲓⲛⲓⲕⲟⲩⲛ ϯⲛⲁⲧⲣⲉⲩⲟⲩⲃⲁϣ ⲛ̄ⲑⲉ ⲛ̄ⲟⲩⲭⲓⲱⲛ ⲉϣⲱⲡⲉ ⲇⲉ ⲉⲩⲟ ⲛ̄ⲑⲉ ⲛ̄ⲟⲩⲕⲟⲕⲕⲟⲥ ϯⲛⲁⲧⲣⲉⲩⲟⲩⲃⲁϣ ⲛ̄ⲑⲉ ⲙ̄ⲡⲥⲟⲣ︤ⲧ︥	ⲛ̀ⲧⲉⲧⲉⲛⲓ ⲛ̀ⲧⲉⲧⲉⲛϩⲱⲧⲡ ⲛⲉⲙ ⲛⲉⲛⲉⲣⲏⲟⲩ ⲡⲉϫⲉⲡ̀ϭⲟⲓⲥ ⲟⲩⲟϩ ⲉϣⲱⲡ ⲛⲉⲧⲉⲛⲛⲟⲃⲓ ⲟⲓ ⲛ̀ⲫ̀ⲣⲏϯ ⲛⲁⲓⲫⲟⲓⲛⲓⲕⲟⲩⲛ ϯⲛⲁⲑⲣⲉⲩⲟⲩⲃⲁϣ ⲛ̀ⲫ̀ⲣⲏϯ ⲛ̀ⲟⲩⲭⲓⲱⲛ ⲉϣⲱⲡ ⲇⲉ ⲉⲩⲟⲓ ⲛ̀ⲫ̀ⲣⲏϯ ⲛ̀ⲟⲩⲕⲟⲕⲕⲟⲥ ϯⲛⲁⲑⲣⲉⲩⲟⲩⲃⲁϣ ⲛ̀ⲫ̀ⲣⲏϯ ⲛ̀ⲡ̀ⲥⲟⲣⲧ	ǹteteni ǹtetenhōtp nem neneryou pejep̀ċois ouoh eṡōp netennovi oi ǹf̀ryti naifoinikoun tinaθrevouvaṡ ǹf̀ryti ǹouṡiōn eṡōp ḋe evoi ǹf̀ryti ǹoukokkos tinaθrevouvaṡ ǹf̀ryti ǹp̀·sort	And come, let us reason together, saith the Lord: and though your sins be as purple, I will make them white as snow; and though they be as scarlet, I will make them white as wool.
1:19	ⲁⲩⲱ ⲉⲣϣⲁⲛⲧⲉⲧ︤ⲛ︥ⲟⲩⲱϣ ⲛ̄ⲧⲉⲧ︤ⲛ︥ⲥⲱⲧ︤ⲙ︥ ⲛ̄ⲥⲱⲓ̈ ⲛ̄ⲁⲅⲁⲑⲟⲛ ⲙ̄ⲡⲕⲁϩ ⲧⲉⲧ︤ⲛ︥ⲛⲁⲟⲩⲟⲙⲟⲩ	ⲟⲩⲟϩ ⲉⲣϣⲁⲛⲧⲉⲧⲉⲛⲟⲩⲱϣ ⲛ̀ⲧⲉⲧⲉⲛⲥⲱⲧⲉⲙ ⲛ̀ⲥⲱⲓ ⲛ̀ⲁⲅⲁⲑⲟⲛ ⲛ̀ⲡ̀ⲕⲁϩⲓ ⲧⲉⲧⲉⲛⲛⲁⲟⲩⲟⲙⲟⲩ	ouoh erṡantetenouōṡ ǹtetensōtem ǹsōi ǹaġaθon ǹp̀kahi tetennaouomou	And if ye be willing, and hearken to me, ye shall eat the good of the land:
1:20	ⲉⲧⲉⲧ︤ⲛ︥ϣⲁⲛⲧ︤ⲙ︥ⲟⲩⲱϣ ⲇⲉ ⲁⲩⲱ ⲛ̄ⲧⲉⲧ︤ⲛ︥ⲧ︤ⲙ︥ⲥⲱⲧ︤ⲙ︥ ⲛ̄ⲥⲱⲓ̈ ⲧⲥⲏϥⲉ ⲛⲁⲟⲩⲉⲙⲧⲏⲩⲧ︤ⲛ︥ ⲧⲧⲁⲡⲣⲟ ⲅⲁⲣ ⲙ̄ⲡϫⲟⲉⲓⲥ ⲡⲡⲁⲛⲧⲟⲕⲣⲁⲧⲱⲣ ⲧⲉⲛⲧⲁⲥϫⲉⲛⲁⲓ̈	ⲁⲧⲉⲧⲉⲛϣⲁⲛϣⲧⲉⲙⲟⲩⲱϣ ⲇⲉ ⲟⲩⲟϩ ⲛ̀ⲧⲉⲧⲉⲛϣⲧⲉⲙⲥⲱⲧⲉⲙ ⲛ̀ⲥⲱⲓ ⲧ̀ⲥⲏϥⲓ ⲛⲁⲟⲩⲉⲙ ⲑⲏⲛⲟⲩ ⲧ̀ⲧⲁⲡⲣⲟ ⲅⲁⲣ ⲛ̀ⲡ̀ϭⲟⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲧⲉⲧⲁⲥϫⲉⲛⲁⲓ	atetenṡanṡtemouōṡ ḋe ouoh ǹtetenṡtemsōtem ǹsōi t̀syfi naouem θynou t̀tapro ġar ǹp̀ċois pipantokratōr tetasjenai	but if ye be not willing, nor hearken to me, a sword shall devour you: for the mouth of the Lord has spoken this.
1:21	ⲛ̄ⲁϣ ⲛ̄ϩⲉ ⲁⲧⲡⲟⲗⲓⲥ ⲧⲡⲓⲥⲧⲏ ⲥⲓⲱⲛ ⲣ̄ⲡⲟⲣⲛⲏ ⲧⲉⲧⲙⲉϩ ⲛ̄ϩⲁⲡ ⲁⲧⲇⲓⲕⲁⲓⲟⲥⲩⲛⲏ ⲛ̄ⲕⲟⲧ︤ⲕ︥ ϩⲣⲁⲓ̈ ⲛ̄ϩⲏⲧ︤ⲥ︥ ⲧⲉⲛⲟⲩ ⲇⲉ ⲁⲩⲣ̄ⲣⲉϥϩⲱⲧ︤ⲃ︥	ⲛ̀ⲁϣ ⲛ̀ⲣⲏϯ ⲁⲧ̀ⲡⲟⲗⲓⲥ ⲧ̀ⲡⲓⲥⲧⲏ ⲥⲓⲱⲛ ⲉⲣⲡⲟⲣⲛⲏ ⲧⲉⲧⲙⲉϩ ⲛ̀ϩⲁⲡ ⲁⲧ̀ⲇⲓⲕⲁⲓⲟⲥⲩⲛⲏ ⲉⲛⲕⲟⲧ ϩⲣⲁⲓ ⲛ̀ϧⲏⲧⲥ ϯⲛⲟⲩ ⲇⲉ ⲁⲩⲉⲣⲣⲉϥϧⲱⲧⲉⲃ	ǹaṡ ǹryti at̀polis t̀pisty siōn erporny tetmeh ǹhap at̀ḋikaiosiny enkot hrai ǹxyts tinou ḋe averrefxōteb	How has the faithful city Sion, once full of judgment, become a harlot! wherein righteousness lodged, but now murderers.
1:22	ⲡⲉⲧ︤ⲛ︥ϩⲁⲧ ⲥⲧⲏⲩ ⲉⲃⲟⲗ ⲛⲟⲩⲕⲁⲡⲉⲗⲟⲥ ⲥⲉⲧⲉϩⲙⲟⲟⲩ ⲙ︤ⲛ︥ⲡⲏⲣ︤ⲡ︥	ⲡⲉⲧⲉⲛϩⲁⲧ ⲥⲧⲏⲩ ⲉ̀ⲃⲟⲗ ⲛ̀ⲟⲩⲕⲁⲡⲉⲗⲟⲥ ⲥⲉⲧⲉϩⲙⲟⲟⲩ ⲛⲉⲙ ⲡ̀ⲏⲣⲡ	petenhat styv èvol ǹoukapelos setehmoou nem p̀yrp	Your silver is worthless, thy wine merchants mix the wine with water.
1:23	ⲛⲟⲩⲁⲣⲭⲱⲛ ⲟ ⲛ̄ⲁⲧⲥⲱⲧ︤ⲙ︥ ⲛ̄ⲕⲟⲓⲛⲱⲛⲟⲥ ⲛ̄ⲛ̄ⲣⲉϥϫⲓⲟⲩⲉ ⲉⲩⲙⲉ ⲛ̄ⲛ̄ⲇⲱⲣⲟⲛ ⲉⲩⲡⲏⲧ ⲛ̄ⲥⲁⲧⲟⲩⲉⲓⲟ ⲛ̄ⲥⲉⲕⲣⲓⲛⲉ ⲁⲛ ⲛ̄ⲛ̄ⲟⲣⲫⲁⲛⲟⲥ ⲛ̄ⲥⲉϫⲓ ⲁⲛ ⲛ̄ϩⲣⲁⲩ ⲉⲡϩⲁⲡ ⲛ̄ⲧⲉⲭⲏⲣⲁ	ⲛ̀ⲟⲩⲁⲣⲭⲱⲛ ⲟⲓ ⲛⲁⲧⲥⲱⲧⲉⲙ ⲛ̀ⲕⲟⲓⲛⲱⲛⲟⲥ ⲛ̀ⲛ̀ⲣⲉϥϭⲓⲟⲩⲓ ⲉⲩⲙⲉⲓ ⲛ̀ⲛ̀ⲇⲱⲣⲟⲛ ⲉⲩⲫⲏⲧ ⲛ̀ⲥⲁⲧⲟⲩⲓⲟ ⲛ̀ⲧⲟⲩⲕⲣⲓⲛⲉ ⲁⲛ ⲛ̀ⲛⲟⲣⲫⲁⲛⲟⲥ ⲛ̀ⲥⲉϭⲓ ⲁⲛ ⲛ̀ϩⲣⲁⲩ ⲉ̀ⲡ̀ϩⲁⲡ ⲛ̀ⲧ̀ⲭⲏⲣⲁ	ǹouarxōn oi natsōtem ǹkoinōnos ǹǹrefċioui evmei ǹǹḋōron evfyt ǹsatouio ǹtoukrine an ǹnorfanos ǹseċi an ǹhrav èp̀hap ǹt̀ṡyra	Thy princes are rebellious, companions of thieves, loving bribes, seeking after rewards; not pleading for orphans, and not heeding the cause of widows.
1:24	ⲉⲧⲃⲉⲡⲁⲓ̈ ⲛⲁⲓ̈ ⲛⲉⲧⲉⲣⲉⲡϫⲟⲉⲓⲥ ⲥⲁⲃⲁⲱⲑ ϫⲱ ⲙ̄ⲙⲟⲟⲩ ϫⲉⲟⲩⲟⲓ̈ ⲛ̄ⲛ̄ϫⲱⲱⲣⲉ ⲙ̄ⲡⲓ︤ⲏ︦ⲗ︥ ⲙ̄ⲡⲁϭⲱⲛ︤ⲧ︥ ⲅⲁⲣ ⲛⲁⲗⲟ ⲁⲛ ϩ︤ⲛ︥ⲛⲉⲧϯⲟⲩⲃⲏⲓ̈ ⲁⲩⲱ ϯⲛⲁⲣⲟⲩϩⲁⲡ ⲉⲃⲟⲗ ϩ︤ⲛ︥ⲛⲁϫⲁϫⲉ	ⲉⲑⲃⲉ ⲫⲁⲓ ⲛⲏⲓ ⲛⲉ̀ⲧⲉ ⲡ̀ϭⲟⲓⲥ ⲥⲁⲃⲁⲱⲑ ϫⲱ ⲙ̀ⲙⲱⲟⲩ ϫⲉ ⲟⲩⲟⲓ ⲛ̀ⲛ̀ϫⲱⲣ ⲛ̀ⲡⲓⲥⲣⲁⲏⲗ ⲛ̀ⲡⲁϫⲱⲛⲧ ⲅⲁⲣ ⲛⲁⲗⲟ ⲁⲛ ϧⲉⲛ ⲛⲉⲧϯⲟⲩⲃⲏⲓ ⲟⲩⲟϩ ϯⲛⲁⲉⲣⲟⲩϩⲁⲡ ⲉ̀ⲃⲟⲗ ϧⲉⲛ ⲛⲁϫⲁϫⲓ	eθve fai nyi nète p̀ċois sabaōθ gō m̀mōou je ouoi ǹǹgōr ǹpisrayl ǹpagōnt ġar nalo an xen nettiouvyi ouoh tinaerouhap èvol xen nagaji	Therefore thus saith the Lord, the Lord of hosts, Woe to the mighty men of Israel; for my wrath shall not cease against mine adversaries, and I will execute judgment on mine enemies.
1:25	ⲁⲩⲱ ϯⲛⲁⲉⲓⲛⲉ ⲛ̄ⲧⲁϭⲓϫ ⲉϩⲣⲁⲓ̈ ⲉϫⲱ ⲛ̄ⲧⲁⲡⲁⲥⲧⲉ ⲉⲩⲧ︤ⲃ︥ⲃⲟ ϯⲛⲁⲧⲁⲕⲟ ⲇⲉ ⲛ̄ⲛⲉⲧⲟ ⲛ̄ⲁⲧⲥⲱⲧ︤ⲙ︥ ⲁⲩⲱ ϯⲛⲁϥⲓ ⲛ̄ⲛ̄ⲁⲛⲟⲙⲟⲥ ⲧⲏⲣⲟⲩ ⲛ̄ϩⲏⲧⲉ ⲙ︤ⲛ︥ⲛ̄ϫⲁⲥⲓϩⲏⲧ ⲧⲏⲣⲟⲩ	ⲟⲩⲟϩ ϯⲛⲁⲓ̀ⲛⲓ ⲛ̀ⲧⲁϫⲓϫ ⲉϩⲣⲁⲓ ⲉ̀ϫⲱ ⲛ̀ⲧⲁⲫⲉⲥⲉ ⲉⲩⲧⲟⲩⲃⲟ ϯⲛⲁⲧⲁⲕⲟ ⲇⲉ ⲛ̀ⲛⲉⲧⲟⲓ ⲛ̀ⲁⲧⲥⲱⲧⲉⲙ ⲟⲩⲟϩ ϯⲛⲁϥⲁⲓ ⲛ̀ⲛⲁⲛⲟⲙⲟⲥ ⲧⲏⲣⲟⲩ ⲛ̀ϧⲏⲧⲉ ⲛⲉⲙ ⲛ̀ϭⲁⲥⲓϩⲏⲧ ⲧⲏⲣⲟⲩ	ouoh tinaìni ǹtajig ehrai ègō ǹtafese evtouvo tinatako ḋe ǹnetoi ǹatsōtem ouoh tinafai ǹnanomos tyrou ǹxyte nem ǹċasihyt tyrou	And I will bring my hand upon thee, and purge thee completely, and I will destroy the rebellious, and will take away from thee all transgressors.
1:26	ⲧⲁⲥⲙⲓⲛⲉ ⲛⲉ ⲛ̄ⲛⲟⲩⲣⲉϥϯϩⲁⲡ ⲛ̄ⲑⲉ ⲛ̄ϣⲟⲣ︤ⲡ︥ ⲁⲩⲱ ⲛⲟⲩⲣⲉϥϫⲓϣⲟϫⲛⲉ ⲛ̄ⲑⲉ ⲛ̄ⲧⲉϩⲟⲩⲉⲓⲧⲉ ⲙ︤ⲛ︥ⲛ̄ⲥⲁⲛⲁⲓ̈ ⲥⲉⲛⲁⲙⲟⲩⲧⲉ ⲉⲣⲟϫⲉⲧⲡⲟⲗⲓⲥ ⲛ̄ⲧⲇⲓⲕⲁⲓⲟⲥⲩⲛⲏ ⲧⲙⲏⲧⲣⲟⲡⲟⲗⲓⲥ ⲧⲡⲓⲥⲧⲏ ⲥⲓⲱⲛ	ⲧⲁⲥⲙⲓⲛⲉ ⲛⲉ ⲛ̀ⲛⲟⲩⲣⲉϥϯϩⲁⲡ ⲛ̀ⲫ̀ⲣⲏϯ ⲛ̀ϣⲟⲣⲡ ⲟⲩⲟϩ ⲛⲟⲩⲣⲉϥϫⲓϣⲟϫⲛⲉ ⲛ̀ⲫ̀ⲣⲏϯ ⲛ̀ⲧ̀ϩⲟⲩⲉⲓⲧⲉ ⲙⲉⲛⲉⲛⲥⲁ ⲛⲁⲓ ⲥⲉⲛⲁⲙⲟⲩϯ ⲉ̀ⲣⲟϫⲉ ⲧ̀ⲡⲟⲗⲓⲥ ⲛ̀ⲧ̀ⲇⲓⲕⲁⲓⲟⲥⲩⲛⲏ ⲧ̀ⲙⲏⲧⲣⲟⲡⲟⲗⲓⲥ ⲧ̀ⲡⲓⲥⲧⲏ ⲥⲓⲱⲛ	tasmine ne ǹnoureftihap ǹf̀ryti ǹṡorp ouoh nourefjiṡogne ǹf̀ryti ǹt̀·houeite menensa nai senamouti èroje t̀polis ǹt̀ḋikaiosiny t̀mytropolis t̀pisty siōn	And I will establish thy judges as before, and thy counsellors as at the beginning: and afterward thou shalt be called the city of righteousness, the faithful mother-city of Sion.
1:27	ⲉⲣⲉⲧⲉⲥⲁⲓⲭⲙⲁⲗⲱⲥⲓⲁ ⲅⲁⲣ ⲛⲁⲟⲩϫⲁⲓ̈ ϩ︤ⲛ︥ⲟⲩϩⲁⲡ ⲁⲩⲱ ⲡⲉⲥⲕⲧⲟ ϩ︤ⲛ︥ⲟⲩⲙ︤ⲛ︦ⲧ︥ⲛⲁ	ⲉ̀ⲣⲉⲧⲉⲥⲁⲓⲭⲙⲁⲗⲱⲥⲓⲁ ⲅⲁⲣ ⲛⲁⲟⲩϫⲁⲓ ϧⲉⲛ ⲟⲩϩⲁⲡ ⲟⲩⲟϩ ⲫⲉⲥⲕⲧⲟ ϧⲉⲛ ⲟⲩⲙⲉⲑⲛⲁⲏⲧ	èretesaixmalōsia ġar naougai xen ouhap ouoh feskto xen oumeθnayt	For her captives shall be saved with judgment, and with mercy.
1:28	ⲁⲩⲱ ⲛ̄ⲁⲛⲟⲙⲟⲥ ⲙ︤ⲛ︥ⲛ̄ⲣⲉϥⲣ̄ⲛⲟⲃⲉ ⲛⲁⲟⲩⲱϣ︤ϥ︥ ϩⲓⲟⲩⲥⲟⲡ ⲁⲩⲱ ⲥⲉⲛⲁⲃⲱⲧⲉ ⲉⲃⲟⲗ ⲛ̄ⲛⲉⲧⲕⲱ ⲛ̄ⲥⲱⲟⲩ ⲙ̄ⲡϫⲟⲉⲓⲥ	ⲟⲩⲟϩ ⲛⲁⲛⲟⲙⲟⲥ ⲛⲉⲙ ⲛ̀ⲣⲉϥⲉⲣⲛⲟⲃⲓ ⲛⲁⲟⲩⲱϣϥ ϩⲓ ⲟⲩⲥⲟⲡ ⲟⲩⲟϩ ⲥⲉⲛⲁⲃⲱⲧⲉ ⲉ̀ⲃⲟⲗ ⲛ̀ⲛⲉⲧⲭⲱ ⲛ̀ⲥⲱⲟⲩ ⲛ̀ⲡ̀ϭⲟⲓⲥ	ouoh nanomos nem ǹrefernovi naouōṡf hi ousop ouoh senavōte èvol ǹnetkō ǹsōou ǹp̀ċois	And the transgressors and the sinners shall be crushed together, and they that forsake the Lord shall be utterly consumed.
1:29	ϫⲉⲥⲉⲛⲁϫⲓϣⲓⲡⲉ ⲉⲃⲟⲗ ϩ︤ⲛ︥ⲛⲉⲩⲉⲓⲇⲱⲗⲟⲛ ⲛⲁⲓ̈ ⲛ̄ⲧⲁⲩⲟⲩⲁϣⲟⲩ ⲁⲩⲱ ⲁⲩϫⲓϣⲓⲡⲉ ⲉϫ︤ⲛ︥ⲛⲉⲩϣⲛⲏ ⲛ̄ⲧⲁⲩⲉⲡⲓⲑⲩⲙⲉⲓ ⲉⲣⲟⲟⲩ	ϫⲉ ⲥⲉⲛⲁϭⲓϣⲓⲡⲓ ⲉ̀ⲃⲟⲗ ϧⲉⲛ ⲛⲟⲩⲉⲓⲇⲱⲗⲟⲛ ⲛⲏⲓ ⲉⲧⲁⲩⲟⲩⲁϣⲟⲩ ⲟⲩⲟϩ ⲁⲩϭⲓϣⲓⲡⲓ ⲉ̀ϫⲉⲛ ⲛⲟⲩϣⲛⲏ ⲉⲧⲁⲩⲉⲣⲉⲡⲓⲑⲩⲙⲓⲛ ⲉ̀ⲣⲱⲟⲩ	je senaċiṡipi èvol xen noueiḋōlon nyi etavouaṡou ouoh avċiṡipi èjen nouṡny etaverepiθimin èrōou	For they shall be ashamed of their idols, which they delighted in, and they are made ashamed of the gardens which they coveted.
1:30	ⲥⲉⲛⲁϣⲱⲡⲉ ⲅⲁⲣ ⲛ̄ⲑⲉ ⲛ̄ⲟⲩⲧⲉⲣⲉⲃⲓⲛⲑⲟⲥ ⲉⲁⲥⲛⲟⲩϫⲉ ⲉⲃⲟⲗ ⲛ̄ⲛⲉⲥϭⲱⲃⲉ ⲁⲩⲱ ⲛ̄ⲑⲉ ⲛ̄ⲟⲩⲙⲁ ⲛ̄ⲟⲩⲟⲟⲧⲉ ⲉⲙ︤ⲛ︥ⲙⲟⲟⲩ ⲛ̄ϩⲏⲧ︤ϥ︥	ⲥⲉⲛⲁϣⲱⲡⲓ ⲅⲁⲣ ⲛ̀ⲫ̀ⲣⲏϯ ⲛ̀ⲟⲩⲧⲉⲣⲉⲃⲓⲛⲑⲟⲥ ⲉⲁⲥⲛⲟⲩϫⲉ ⲉ̀ⲃⲟⲗ ⲛ̀ⲛⲉⲥϫⲱⲃⲓ ⲟⲩⲟϩ ⲛ̀ⲫ̀ⲣⲏϯ ⲛ̀ⲟⲩⲙⲁ ⲛ̀ⲧⲉ ⲟⲩⲟϯ ⲉⲙ̀ⲙⲟⲛ ⲙⲟⲩ ⲛ̀ϧⲏⲧϥ	senaṡōpi ġar ǹf̀ryti ǹouterebinθos easnouje èvol ǹnesgōvi ouoh ǹf̀ryti ǹouma ǹte ouoti em̀mon mou ǹxytf	For they shall be as a turpentine tree that has cast its leaves, and as a garden that has no water.
1:31	ⲧⲉⲩϭⲟⲙ ⲛⲁϣⲱⲡⲉ ⲛ̄ⲑⲉ ⲛ̄ⲟⲩⲕⲁϣ ⲙ̄ⲙⲁϩⲉ ⲁⲩⲱ ⲛⲉⲩϩⲃⲏⲩⲉ ⲛ̄ⲑⲉ ⲛ̄ϩⲉⲛⲧⲓⲕ ⲛ̄ⲕⲱϩ︤ⲧ︥ ⲁⲩⲱ ⲛ̄ⲁⲛⲟⲙⲟⲥ ⲛⲁⲣⲱⲕ︤ϩ︥ ⲙ︤ⲛ︥ⲛ̄ⲣⲉϥⲣ̄ⲛⲟⲃⲉ ϩⲓⲟⲩⲥⲟⲡ ⲛ︤ϥ︥ⲧ︤ⲙ︥ϣⲱⲡⲉ ⲛ̄ϭⲓⲡⲉⲧⲛⲁⲟϣⲙⲟⲩ	ⲧⲟⲩϫⲟⲙ ⲛⲁϣⲱⲡⲓ ⲛ̀ⲫ̀ⲣⲏϯ ⲛ̀ⲟⲩⲕⲁϣ ⲛ̀ⲙⲁϩⲓ ⲟⲩⲟϩ ⲛⲟⲩϩ̀ⲃⲏⲟⲩⲓ̀ ⲛ̀ⲫ̀ⲣⲏϯ ⲛ̀ϩⲁⲛⲧⲓⲕ ⲛ̀ⲧⲉⲕⲱϩ̀ⲧ ⲟⲩⲟϩ ⲛⲁⲛⲟⲙⲟⲥ ⲛⲁⲣⲱⲕϩ ⲛⲉⲙ ⲛ̀ⲣⲉϥⲉⲣⲛⲟⲃⲓ ϩⲓ ⲟⲩⲥⲟⲡ ⲛ̀ⲧⲉϥϣⲧⲉⲙϣⲱⲡⲓ ⲛ̀ϫⲉ ⲡⲉⲧⲛⲁⲟϣⲙⲟⲩ	tougom naṡōpi ǹf̀ryti ǹoukaṡ ǹmahi ouoh nouh̀vyouì ǹf̀ryti ǹhantik ǹtekōh̀t ouoh nanomos narōk·h nem ǹrefernovi hi ousop ǹtefṡtemṡōpi ǹje petnaoṡmou	And their strength shall be as a thread of tow, and their works as sparks, and the transgressors and the sinners shall be burnt up together, and there shall be none to quench them.

Provenance

title: Isaiah 1
dialect: sahidic
source: Coptic SCRIPTORIUM corpus "sahidic.ot", document 23_Isaiah_01
licence: CC-BY-SA 4.0
share: attribution
attribution: Isaiah 1 from Coptic SCRIPTORIUM (https://copticscriptorium.org), corpus sahidic.ot, document 23_Isaiah_01, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. CoptOT / Göttingen Digital Edition of the Coptic Old Testament, via Crosswire; English translation Brenton 1851 (ebible.org). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Isaiah/01.sahidic.scriptorium.L0.txt
title: Isaiah 1 — Cairene
dialect: bohairic
source: generated from 01.sahidic.scriptorium.L0.txt (Coptic SCRIPTORIUM corpus "sahidic.ot", document 23_Isaiah_01)
licence: CC BY-SA 4.0
share: attribution
attribution: Isaiah 1 from Coptic SCRIPTORIUM (https://copticscriptorium.org), corpus sahidic.ot, document 23_Isaiah_01, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. CoptOT / Göttingen Digital Edition of the Coptic Old Testament, via Crosswire; English translation Brenton 1851 (ebible.org). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
generated by: tools/sahidic_to_cairene.py (route D, C3a 2026-09-24; tier b, ROUTE-2 2026-09-26) then tools/cairene.py from_witness dialect=bohairic on the intermediate (L1 = Cairene(N_B(D(N_S(L0)))), RI-038; word division church); Sahidic N stage counts: abbrev=5 abbrev_unstroked=1 aspirate_boundary_resolved=1 lexeme_L1-S-3=1 lexeme_open=2 stroke_kept=212 stroke_unified=424 th_resolved=16 tokens=433
file: Bible/Old Testament/Isaiah/01.sahidic.scriptorium.L1.txt
title: Isaiah 1 — Kemetic
dialect: bohairic
source: generated from 01.sahidic.scriptorium.L1.txt
licence: CC BY-SA 4.0
share: attribution
attribution: Isaiah 1 from Coptic SCRIPTORIUM (https://copticscriptorium.org), corpus sahidic.ot, document 23_Isaiah_01, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. CoptOT / Göttingen Digital Edition of the Coptic Old Testament, via Crosswire; English translation Brenton 1851 (ebible.org). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/01.sahidic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 31 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM sahidic.ot, 23_Isaiah_01 (31 lines)

Cite as:

Isaiah 1. Coptic SCRIPTORIUM corpus "sahidic.ot", document 23_Isaiah_01. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/01.sahidic.scriptorium/. Isaiah 1 from Coptic SCRIPTORIUM (https://copticscriptorium.org), corpus sahidic.ot, document 23_Isaiah_01, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. CoptOT / Göttingen Digital Edition of the Coptic Old Testament, via Crosswire; English translation Brenton 1851 (ebible.org). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.