23_Isaias_05 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_05

Attribution: 23_Isaias_05 from Coptic SCRIPTORIUM (https://copticscriptorium.org), corpus bohairic.ot, document 23_Isaias_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

30 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
5:1	ⲉⲓⲉ̀ϫⲱ ⲉ̀ⲫⲏⲉⲧⲁⲩⲙⲉⲛⲣⲓⲧϥ ϧⲉⲛⲟⲩϫⲱ ⲛ̀ⲧⲉⲡⲓⲙⲉⲛⲣⲓⲧ ⲛ̀ⲧⲉⲡⲁⲓⲁϩⲁ̀ⲗⲟⲗⲓ ⲟⲩⲙⲁⲛ̀ⲁ̀ⲗⲟⲗⲓ ⲁϥϣⲱⲡⲓ ⲙ̀ⲡⲓⲙⲉⲛⲣⲓⲧ ϧⲉⲛⲟⲩⲧⲁⲡ ϧⲉⲛⲟⲩⲙⲁ ⲉϥⲕⲉⲛⲓⲱⲟⲩⲧ .	ⲉⲓⲉ̀ϫⲱ ⲉ̀ⲫⲏⲉⲧⲁⲩⲙⲉⲛⲣⲓⲧϥ ϧⲉⲛ ⲟⲩϫⲱ ⲛ̀ⲧⲉ ⲡⲓⲙⲉⲛⲣⲓⲧ ⲛ̀ⲧⲉ ⲡⲁⲓⲁϩⲁ̀ⲗⲟⲗⲓ ⲟⲩⲙⲁⲛ̀ⲁ̀ⲗⲟⲗⲓ ⲁϥϣⲱⲡⲓ ⲛ̀ⲡⲓⲙⲉⲛⲣⲓⲧ ϧⲉⲛ ⲟⲩⲧⲁⲡ ϧⲉⲛ ⲟⲩⲙⲁ ⲉϥⲕⲉⲛⲓⲱⲟⲩⲧ.	eiègō èfyetavmenritf xen ougō ǹte pimenrit ǹte paiahàloli oumaǹàloli afṡōpi ǹpimenrit xen outap xen ouma efkeniōout.	Now I will sing to my beloved a song of my beloved concerning my vineyard. My beloved had a vineyard on a high hill in a fertile place.
5:2	ⲟⲩⲟϩ ⲁⲓⲧⲁⲕⲧ ⲛ̀ⲟⲩϭⲗⲟ ⲉ̀ⲣⲟϥ ⲟⲩⲟϩ ⲁⲓⲧⲁϩⲟϥ ⲉ̀ⲡ̀ⲕⲁϣ ⲟⲩⲟϩ ⲁⲓϭⲟ ⲛ̀ⲟⲩⲃⲱⲛ̀ⲁ̀ⲗⲟⲗⲓ ϧⲉⲛⲥⲱⲣⲏⲭ ⲟⲩⲟϩ ⲁⲓⲕⲱⲧ ⲛ̀ⲟⲩⲡⲩⲣⲅⲟⲥ ϧⲉⲛⲧⲉϥⲙⲏϯ ⲟⲩⲟϩ ⲁⲓⲕⲱϣ ⲛ̀ⲟⲩϩ̀ⲣⲱⲧ ⲛ̀ϧⲏⲧϥ ⲟⲩⲟϩ ⲁⲓⲟ̀ϩⲓ ϫⲉϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ .	Ⲟⲩⲟϩ ⲁⲓⲧⲁⲕⲧ ⲛ̀ⲟⲩϭⲗⲟ ⲉ̀ⲣⲟϥ ⲟⲩⲟϩ ⲁⲓⲧⲁϩⲟϥ ⲉ̀ⲡ̀ⲕⲁϣ ⲟⲩⲟϩ ⲁⲓϭⲟ ⲛ̀ⲟⲩⲃⲱⲛ̀ⲁ̀ⲗⲟⲗⲓ ϧⲉⲛ ⲥⲱⲣⲏⲭ ⲟⲩⲟϩ ⲁⲓⲕⲱⲧ ⲛ̀ⲟⲩⲡⲩⲣⲅⲟⲥ ϧⲉⲛ ⲧⲉϥⲙⲏϯ ⲟⲩⲟϩ ⲁⲓⲕⲱϣ ⲛ̀ⲟⲩϩ̀ⲣⲱⲧ ⲛ̀ϧⲏⲧϥ ⲟⲩⲟϩ ⲁⲓⲟ̀ϩⲓ ϫⲉ ϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ.	Ouoh aitakt ǹouċlo èrof ouoh aitahof èp̀kaṡ ouoh aiċo ǹouvōǹàloli xen sōryk ouoh aikōt ǹoupirġos xen tefmyti ouoh aikōṡ ǹouh̀rōt ǹxytf ouoh aiòhi je f̀naer àloli afer souri.	And I made a hedge round it, and dug a trench, and planted a choice vine, and built a tower in the midst of it, and dug a place for the wine-vat in it: and I waited for it to bring forth grapes, and it brought forth thorns.
5:3	ⲟⲩⲟϩ ϯⲛⲟⲩ ⲫ̀ⲣⲱⲙⲓ ⲛ̀ⲓⲟⲩⲇⲁⲥ ⲛⲉⲙⲛⲏⲉⲧϣⲟⲡ ϧⲉⲛⲓⲗ̅ⲏ̅ⲙ̅ ⲙⲁϩⲁⲡ ⲟⲩⲧⲱⲓ ⲛⲉⲙⲡⲁⲓⲁϩⲁ̀ⲗⲟⲗⲓ .	Ⲟⲩⲟϩ ϯⲛⲟⲩ ⲫ̀ⲣⲱⲙⲓ ⲛ̀ⲓⲟⲩⲇⲁⲥ ⲛⲉⲙ ⲛⲏⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ ⲙⲁϩⲁⲡ ⲟⲩⲧⲱⲓ ⲛⲉⲙ ⲡⲁⲓⲁϩⲁ̀ⲗⲟⲗⲓ.	Ouoh tinou f̀rōmi ǹioudas nem nyetṡop xen ierousalym mahap outōi nem paiahàloli.	And now, ye dwellers in Jerusalem, and every man of Juda, judge between me and my vineyard.
5:4	ⲁⲓⲟ̀ϩⲓ ϫⲉϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ ⲟⲩ ⲡⲉϯⲛⲁⲁⲓϥ ⲙ̀ⲡⲁⲓⲁϩⲁ̀ⲗⲟⲗⲓ ⲟⲩⲟϩ ⲙ̀ⲡⲓⲁⲓϥ ⲉ̀ⲣⲟϥ ϫⲉⲁⲓⲟ̀ϩⲓ ϫⲉϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ .	Ⲁⲓⲟ̀ϩⲓ ϫⲉ ϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ ⲟⲩ ⲡⲉⲓⲛⲁⲁⲓϥ ⲛ̀ⲡⲁⲓⲁϩⲁ̀ⲗⲟⲗⲓ ⲟⲩⲟϩ ⲙ̀ⲡⲓⲁⲓϥ ⲉ̀ⲣⲟϥ ϫⲉ ⲁⲓⲟ̀ϩⲓ ϫⲉ ϥ̀ⲛⲁⲉⲣ ⲁ̀ⲗⲟⲗⲓ ⲁϥⲉⲣ ⲥⲟⲩⲣⲓ.	Aiòhi je f̀naer àloli afer souri ou peinaaif ǹpaiahàloli ouoh m̀piaif èrof je aiòhi je f̀naer àloli afer souri.	What shall I do any more to my vineyard, that I have not done to it? Whereas I expected it to bring forth grapes, but it has brought forth thorns.
5:5	ϯⲛⲟⲩ ⲇⲉ ϯⲛⲁⲧⲁⲙⲱⲧⲉⲛ ϫⲉⲟⲩ ⲡⲉ ⲉ̀ϯⲛⲁⲁⲓϥ ⲙ̀ⲡⲁⲓⲁϩⲁ̀ⲗⲟⲗⲓ : ϯⲛⲁⲣⲱϧⲧ ⲙ̀ⲡⲉϥϭⲗⲟ ⲟⲩⲟϩ ⲉϥⲉ̀ϣⲱⲡⲓ ⲉ̀ⲡ̀ϩⲱⲗⲉⲙ : ϯⲛⲁϣⲟⲣϣⲉⲣ ⲛ̀ⲧⲉϥϫⲟⲓ ⲟⲩⲟϩ ⲉϥⲉ̀ϣⲱⲡⲓ ⲉ̀ⲡ̀ϧⲟⲙϧⲉⲙ .	Ϯⲛⲟⲩ ⲇⲉ ϯⲛⲁⲧⲁⲙⲱⲧⲉⲛ ϫⲉ ⲟⲩ ⲡⲉ ⲉ̀ⲓⲛⲁⲁⲓϥ ⲛ̀ⲡⲁⲓⲁϩⲁ̀ⲗⲟⲗⲓ: ϯⲛⲁⲣⲱϧⲧ ⲙ̀ⲡⲉϥϭⲗⲟ ⲟⲩⲟϩ ⲉϥⲉ̀ϣⲱⲡⲓ ⲉ̀ⲡ̀ϩⲱⲗⲉⲙ: ϯⲛⲁϣⲟⲣϣⲉⲣ ⲛ̀ⲧⲉϥϫⲟⲓ ⲟⲩⲟϩ ⲉϥⲉ̀ϣⲱⲡⲓ ⲉ̀ⲡ̀ϧⲟⲙϧⲉⲙ.	Tinou ḋe tinatamōten je ou pe èinaaif ǹpaiahàloli: tinarōxt m̀pefċlo ouoh efèṡōpi èp̀hōlem: tinaṡorṡer ǹtefgoi ouoh efèṡōpi èp̀xomxem.	And now I will tell you what I will do to my vineyard: I will take away its hedge, and it shall be for a spoil; and I will pull down its walls, and it shall be left to be trodden down.
5:6	ⲟⲩⲟϩ ⲉⲓⲉ̀ⲥⲱϫⲡ ⲙ̀ⲡⲁⲓⲁϩⲁ̀ⲗⲟⲗⲓ ⲙ̀ⲫ̀ⲣⲏϯ ⲛ̀ⲟⲩⲉ̀ϣⲉⲛϣⲁⲧϥ ⲟⲩⲇⲉ ⲛ̀ⲛⲟⲩϭⲣⲏ ⲙ̀ⲙⲟϥ ⲟⲩⲟϩ ⲉⲩⲉ̀ⲣⲱⲧ ⲛ̀ϧⲏⲧϥ ⲛ̀ϫⲉϩⲁⲛⲥⲟⲩⲣⲓ ⲙ̀ⲫ̀ⲣⲏϯ ⲛ̀ⲟⲩⲕⲁⲡϣⲟ ⲉⲓⲉ̀ϩⲟⲛϩⲉⲛ ⲉ̀ⲧⲟⲧⲟⲩ ⲛ̀ⲛⲓϭⲏⲡⲓ ⲉ̀ϣ̀ⲧⲉⲙϩⲱⲟⲩ ⲉ̀ϫⲱϥ ⲛ̀ⲟⲩⲙⲟⲩⲛ̀ⲱ̀ϣⲓ .	Ⲟⲩⲟϩ ⲉⲓⲉ̀ⲥⲱϫⲡ ⲙ̀ⲡⲁⲓⲁϩⲁ̀ⲗⲟⲗⲓ ⲛ̀ⲫ̀ⲣⲏϯ ⲛ̀ⲟⲩⲉ̀ϣⲉⲛϣⲁⲧϥ ⲟⲩⲇⲉ ⲛ̀ⲛⲟⲩϭⲣⲏ ⲙ̀ⲙⲟϥ ⲟⲩⲟϩ ⲉⲩⲉ̀ⲣⲱⲧ ⲛ̀ϧⲏⲧϥ ⲛ̀ϫⲉ ϩⲁⲛⲥⲟⲩⲣⲓ ⲛ̀ⲫ̀ⲣⲏϯ ⲛ̀ⲟⲩⲕⲁⲡϣⲟ ⲉⲓⲉ̀ϩⲟⲛϩⲉⲛ ⲉ̀ⲧⲟⲧⲟⲩ ⲛ̀ⲛⲓϭⲏⲡⲓ ⲉ̀ϣ̀ⲧⲉⲙϩⲱⲟⲩ ⲉ̀ϫⲱϥ ⲛ̀ⲟⲩⲙⲟⲩⲛ̀ⲱ̀ϣⲓ.	Ouoh eièsōgp m̀paiahàloli ǹf̀ryti ǹouèṡenṡatf ouḋe ǹnouċry m̀mof ouoh evèrōt ǹxytf ǹje hansouri ǹf̀ryti ǹoukapṡo eièhonhen ètotou ǹniċypi èṡ̀temhōou ègōf ǹoumouǹṑṡi.	And I will forsake my vineyard; and it shall not be pruned, nor dug, and thorns shall come up upon it as on barren land; and I will command the clouds to rain no rain upon it.
5:7	ⲡⲁⲓⲁϩⲁ̀ⲗⲟⲗⲓ ⲅⲁⲣ ⲛ̀ⲧⲉⲡϭ̅ⲥ̅ ⲥⲁⲃⲁⲱⲑ ⲡ̀ⲏⲓ ⲙ̀ⲡⲓ̅ⲥ̅ⲗ̅ ⲡⲉ ⲟⲩⲟϩ ⲫ̀ⲣⲱⲙⲓ ⲛ̀ⲓⲟⲩⲇⲁ ⲟⲩⲧⲱϫⲓ ⲙ̀ⲃⲉⲣⲓ ⲡⲉ ⲉⲧⲁⲩⲙⲉⲛⲣⲓⲧϥ ⲁⲓⲟ̀ϩⲓ ϫⲉⲛ̀ⲧⲉϥⲓ̀ⲣⲓ ⲛ̀ⲟⲩϩⲁⲡ ⲁϥⲓ̀ⲣⲓ ⲛ̀ⲟⲩⲁ̀ⲛⲟⲙⲓⲁ̀ ⲟⲩⲟϩ ⲛ̀ⲟⲩⲙⲉⲑⲙⲏⲓ ⲁⲛ ⲁⲗⲗⲁ ⲟⲩϧ̀ⲣⲱⲟⲩ .	Ⲡⲁⲓⲁϩⲁ̀ⲗⲟⲗⲓ ⲅⲁⲣ ⲛ̀ⲧⲉ ⲡ̀ϭⲟⲓⲥ ⲥⲁⲃⲁⲱⲑ ⲡ̀ⲏⲓ ⲛ̀ⲡⲓⲥⲣⲁⲏⲗ ⲡⲉ ⲟⲩⲟϩ ⲫ̀ⲣⲱⲙⲓ ⲛ̀ⲓⲟⲩⲇⲁ ⲟⲩⲧⲱϫⲓ ⲛ̀ⲃⲉⲣⲓ ⲡⲉ ⲉⲧⲁⲩⲙⲉⲛⲣⲓⲧϥ ⲁⲓⲟ̀ϩⲓ ϫⲉ ⲛ̀ⲧⲉϥⲓ̀ⲣⲓ ⲛ̀ⲟⲩϩⲁⲡ ⲁϥⲓ̀ⲣⲓ ⲛ̀ⲟⲩⲁ̀ⲛⲟⲙⲓⲁ̀ ⲟⲩⲟϩ ⲛ̀ⲟⲩⲙⲉⲑⲙⲏⲓ ⲁⲛ ⲁⲗⲗⲁ ⲟⲩϧ̀ⲣⲱⲟⲩ.	Paiahàloli ġar ǹte p̀ċois sabaōθ p̀yi ǹpisrayl pe ouoh f̀rōmi ǹiouda outōji ǹveri pe etavmenritf aiòhi je ǹtefìri ǹouhap afìri ǹouànomià ouoh ǹoumeθmyi an alla oux̀rōou.	For the vineyard of the Lord of hosts is the house of Israel, and the men of Juda his beloved plant: I expected it to bring forth judgment, and it brought forth iniquity; and not righteousness, but a cry.
5:8	ⲟⲩⲟⲓ ⲛ̀ⲛⲏⲉⲧⲧⲉⲙ ⲏⲓ ⲉ̀ⲏⲓ ⲛⲉⲙⲛⲏⲉⲧϧⲉⲛⲧ ⲓⲟϩⲓ ⲉ̀ⲓⲟϩⲓ ϩⲓⲛⲁ ⲛ̀ⲧⲟⲩⲱⲗⲓ ⲛ̀ⲛⲓⲛ̀ⲭⲁⲓ ⲛ̀ⲧⲉⲛⲟⲩϣ̀ⲫⲏⲣ ⲙⲏ ⲧⲉⲧⲉⲛⲛⲁϣⲱⲡⲓ ⲙ̀ⲙⲁⲩⲁⲧⲉⲛ ⲑⲏⲛⲟⲩ ϩⲓϫⲉⲛⲡⲓⲕⲁϩⲓ .	Ⲟⲩⲟⲓ ⲛ̀ⲛⲏⲉⲧⲧⲉⲙ ⲏⲓ ⲉ̀ⲏⲓ ⲛⲉⲙ ⲛⲏⲉⲧϧⲉⲛⲧ ⲓⲟϩⲓ ⲉ̀ⲓⲟ̀ϩⲓ ϩⲓⲛⲁ ⲛ̀ⲧⲟⲩⲱ̀ⲗⲓ ⲛ̀ⲛⲓⲛ̀ⲭⲁⲓ ⲛ̀ⲧⲉⲛⲟⲩϣ̀ⲫⲏⲣ ⲙⲏ ⲧⲉⲧⲉⲛⲛⲁϣⲱⲡⲓ ⲙ̀ⲙⲁⲩⲁⲧⲉⲛ ⲑⲏⲛⲟⲩ ϩⲓϫⲉⲛ ⲡⲓⲕⲁϩⲓ.	Ouoi ǹnyettem yi èyi nem nyetxent iohi èiòhi hina ǹtouṑli ǹniǹkai ǹtenouṡ̀fyr my tetennaṡōpi m̀mavaten θynou hijen pikahi.	Woe to them that join house to house, and add field to field, that they may take away something of their neighbor's: will ye dwell alone upon the land?
5:9	ⲁⲩⲥⲱⲧⲉⲙ ⲛⲁⲓ ⲅⲁⲣ ϧⲉⲛⲛⲉⲛⲙⲁϣϫ ⲙ̀ⲡϭ̅ⲥ̅ ⲥⲁⲃⲁⲱⲑ ⲉϣⲱⲡ ⲅⲁⲣ ⲁⲩϣⲁⲛϣⲱⲡⲓ ⲛ̀ϫⲉϩⲁⲛⲙⲏϣ ⲛ̀ⲏⲓ ⲉⲩⲉ̀ϣⲱⲡⲓ ⲉ̀ⲡ̀ϣⲱϥ ϩⲁⲛⲛⲓϣϯ ⲉⲛⲁⲛⲉⲩ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϫⲉⲛⲏⲉⲑⲛⲁϣⲱⲡⲓ ⲛ̀ϧⲏⲧⲟⲩ .	Ⲁⲩⲥⲱⲧⲉⲙ ⲛⲁⲓ ⲅⲁⲣ ϧⲉⲛ ⲛⲉⲛⲙⲁϣϫ ⲛ̀ⲡ̀ϭⲟⲓⲥ ⲥⲁⲃⲁⲱⲑ ⲉϣⲱⲡ ⲅⲁⲣ ⲁⲩϣⲁⲛϣⲱⲡⲓ ⲛ̀ϫⲉ ϩⲁⲛⲙⲏϣ ⲛ̀ⲏⲓ ⲉⲩⲉ̀ϣⲱⲡⲓ ⲉ̀ⲡ̀ϣⲱϥ ϩⲁⲛⲛⲓϣϯ ⲉ̀ⲛⲁⲛⲉⲩ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϫⲉ ⲛⲏⲉⲑⲛⲁϣⲱⲡⲓ ⲛ̀ϧⲏⲧⲟⲩ.	Avsōtem nai ġar xen nenmaṡg ǹp̀ċois sabaōθ eṡōp ġar avṡanṡōpi ǹje hanmyṡ ǹyi evèṡōpi èp̀ṡōf hanniṡti ènanev ouoh ǹnouṡōpi ǹje nyeθnaṡōpi ǹxytou.	For these things have reached the ears of the Lord of hosts: for though many houses should be built, many and fair houses shall be desolate, and there shall be no inhabitants in them.
5:10	ⲫ̀ⲙⲁ ⲅⲁⲣ ⲉⲧⲉⲟⲩⲟⲛ ⲓ̀ ⲛ̀ϩⲉⲃⲓ ⲛ̀ⲉ̀ⲛⲉϩ ⲛⲁⲉⲣϩⲱⲃ ⲙ̀ⲙⲟϥ ⲉⲩⲉ̀ⲉⲣ ⲟⲩϣⲟⲩϣⲟ ⲛ̀ⲟⲩⲱⲧ ⲟⲩⲟϩ ⲫⲏⲉⲑⲛⲁⲥⲓϯ ⲛ̀ⲋ̅ ⲛ̀ⲉⲣⲧⲟⲡ ⲉⲩⲉ̀ⲉⲣ ⲅ̅ ⲙ̀ⲙⲉⲛⲧ .	Ⲫ̀ⲙⲁ ⲅⲁⲣ ⲉ̀ⲧⲉ ⲟⲩⲟⲛ ⲓ̀ ⲛ̀ϩⲉⲃⲓ ⲛ̀ⲉ̀ⲛⲉϩ ⲛⲁⲉⲣϩⲱⲃ ⲙ̀ⲙⲟϥ ⲉⲩⲉ̀ⲉⲣ ⲟⲩϣⲟⲩϣⲟ ⲛ̀ⲟⲩⲱⲧ ⲟⲩⲟϩ ⲫⲏⲉⲑⲛⲁⲥⲓϯ ⲛ̀̀6 ⲛ̀ⲉⲣⲧⲟⲡ ⲉⲩⲉ̀ⲉⲣ 3 ⲛ̀ⲙⲉⲛⲧ.	F̀ma ġar ète ouon ì ǹhevi ǹèneh naerhōb m̀mof evèer ouṡouṡo ǹouōt ouoh fyeθnasiti ǹ6 ǹertop evèer 3 ǹment.	For where ten yoke of oxen plough the land shall yield one jar-full, and he that sows six homers shall produce three measures.
5:11	ⲟⲩⲟⲓ ⲛ̀ⲛⲏⲉⲧⲧⲱⲟⲩⲛ ⲛ̀ⲧⲟⲟⲩⲓ̀ ⲟⲩⲟϩ ⲉⲧϭⲟϫⲓ ⲛ̀ⲥⲁⲡⲓⲥⲓⲕⲓⲣⲁ ⲛⲏⲉⲧⲟ̀ϩⲓ ϣⲁⲣⲟⲩϩⲓ ⲡⲓⲏⲣⲡ ⲅⲁⲣ ⲉϥⲉ̀ⲣⲟⲕϩⲟⲩ .	Ⲟⲩⲟⲓ ⲛ̀ⲛⲏⲉⲧⲧⲱⲟⲩⲛ ⲛ̀ⲧⲟⲟⲩⲓ̀ ⲟⲩⲟϩ ⲉⲧϭⲟϫⲓ ⲛ̀ⲥⲁ ⲡⲓⲥⲓⲕⲓⲣⲁ ⲛⲏⲉⲧⲟ̀ϩⲓ ϣⲁ ⲣⲟⲩϩⲓ ⲡⲓⲏⲣⲡ ⲅⲁⲣ ⲉϥⲉ̀ⲣⲟⲕϩⲟⲩ.	Ouoi ǹnyettōoun ǹtoouì ouoh etċoji ǹsa pisikira nyetòhi ṡa rouhi piyrp ġar efèrok·hou.	Woe to them that rise up in the morning, and follow strong drink; who wait at it till evening: for the wine shall inflame them.
5:12	ϧⲉⲛⲟⲩⲕⲩⲑⲁⲣⲁ ⲛⲉⲙⲟⲩⲯⲁⲗⲧⲏⲣⲓⲟⲛ ⲛⲉⲙϩⲁⲛⲕⲉⲙⲕⲉⲙ ⲛⲉⲙϩⲁⲛⲥⲉⲃⲓ ⲥⲉⲥⲱ ⲙ̀ⲡⲓⲏⲣⲡ ⲛⲓϩ̀ⲃⲏⲟⲩⲓ̀ ⲇⲉ ⲛ̀ⲧⲉⲡϭ̅ⲥ̅ ⲥⲉⲛⲁⲩ ⲉ̀ⲣⲱⲟⲩ ⲁⲛ .	Ϧⲉⲛ ⲟⲩⲕⲩⲑⲁⲣⲁ ⲛⲉⲙ ⲟⲩⲯⲁⲗⲧⲏⲣⲓⲟⲛ ⲛⲉⲙ ϩⲁⲛⲕⲉⲙⲕⲉⲙ ⲛⲉⲙ ϩⲁⲛⲥⲉⲃⲓ ⲥⲉⲥⲱ ⲛ̀ⲡⲓⲏⲣⲡ ⲛⲓϩ̀ⲃⲏⲟⲩⲓ̀ ⲇⲉ ⲛ̀ⲧⲉ ⲡ̀ϭⲟⲓⲥ ⲥⲉⲛⲁⲩ ⲉ̀ⲣⲱⲟⲩ ⲁⲛ.	Xen oukiθara nem oupsaltyrion nem hankemkem nem hansevi sesō ǹpiyrp nih̀vyouì ḋe ǹte p̀ċois senav èrōou an.	For they drink wine with harp, and psaltery, and drums, and pipes: but they regard not the works of the Lord, and consider not the works of his hands.
5:13	ϯⲛⲟⲩ ⲇⲉ ⲁϥⲉⲣ ⲉⲭⲙⲁⲗⲱⲧⲟⲥ ⲛ̀ϫⲉⲡⲁⲗⲁⲟⲥ ⲉⲑⲃⲉϫⲉⲥⲉⲥⲱⲟⲩⲛ ⲙ̀ⲡϭ̅ⲥ̅ ⲁⲛ ⲟⲩⲟϩ ⲁⲩϣⲱⲡⲓ ⲛ̀ϧⲏⲧⲟⲩ ⲛ̀ϫⲉϩⲁⲛⲙⲏϣ ⲛ̀ⲣⲉϥⲙⲱⲟⲩⲧ ⲉⲑⲃⲉⲡⲓϩ̀ⲕⲟ ⲛⲉⲙⲡⲓⲓ̀ⲃⲓ ⲛ̀ⲧⲉⲟⲩⲙⲱⲟⲩ .	Ϯⲛⲟⲩ ⲇⲉ ⲁϥⲉⲣ ⲉⲭⲙⲁⲗⲱⲧⲟⲥ ⲛ̀ϫⲉ ⲡⲁⲗⲁⲟⲥ ⲉⲑⲃⲉ ϫⲉ ⲥⲉⲥⲱⲟⲩⲛ ⲛ̀ⲡ̀ϭⲟⲓⲥ ⲁⲛ ⲟⲩⲟϩ ⲁⲩϣⲱⲡⲓ ⲛ̀ϧⲏⲧⲟⲩ ⲛ̀ϫⲉ ϩⲁⲛⲙⲏϣ ⲛ̀ⲣⲉϥⲙⲱⲟⲩⲧ ⲉⲑⲃⲉ ⲡⲓϩ̀ⲕⲟ ⲛ̀ⲉⲛⲡⲓⲓ̀ⲃⲓ ⲛ̀ⲧⲉ ⲟⲩⲙⲱⲟⲩ.	Tinou ḋe afer exmalōtos ǹje palaos eθve je sesōoun ǹp̀ċois an ouoh avṡōpi ǹxytou ǹje hanmyṡ ǹrefmōout eθve pih̀ko ǹenpiìvi ǹte oumōou.	Therefore my people have been taken captive, because they know not the Lord: and there has been a multitude of dead bodies, because of hunger and of thirst for water.
5:14	ⲟⲩⲟϩ ⲁ̀ⲙⲉⲛϯ ⲁϥⲟⲩⲱϣⲥ ⲉ̀ⲃⲟⲗ ⲛ̀ⲧⲉϥⲯⲩⲭⲏ : ⲟⲩⲟϩ ⲁϥⲟⲩⲱⲛ ⲛ̀ⲣⲱϥ ϩⲱⲥ ⲇⲉ ⲉ̀ϣ̀ⲧⲉⲙⲭⲱ ⲛ̀ⲥⲱϥ : ⲟⲩⲟϩ ⲉⲩⲉ̀ϣⲉⲛⲱⲟⲩ ⲉ̀ⲡⲉⲥⲏⲧ ⲉ̀ⲙⲁⲩ ⲛ̀ϫⲉⲛⲏⲉⲧⲧⲁⲓⲏⲟⲩⲧ ⲛ̀ⲧⲉⲡ̀ⲕⲁϩⲓ ⲛⲉⲙⲛⲓⲛⲓϣϯ ⲛⲉⲙⲛⲓⲣⲁⲙⲁⲟⲓ ⲛⲉⲙⲛⲓⲗⲟⲓⲙⲟⲥ ⲛ̀ⲧⲁⲥ .	Ⲟⲩⲟϩ ⲁ̀ⲙⲉⲛϯ ⲁϥⲟⲩⲱϣⲥ ⲉ̀ⲃⲟⲗ ⲛ̀ⲧⲉϥⲯⲩⲭⲏ: ⲟⲩⲟϩ ⲁϥⲟⲩⲱⲛ ⲛ̀ⲣⲱϥ ϩⲱⲥ ⲇⲉ ⲉ̀ϣ̀ⲧⲉⲙⲭⲱ ⲛ̀ⲥⲱϥ: ⲟⲩⲟϩ ⲉⲩⲉ̀ϣⲉⲛⲱⲟⲩ ⲉ̀ⲡⲉⲥⲏⲧ ⲉ̀ⲙⲁⲩ ⲛ̀ϫⲉ ⲛⲏⲉⲧⲧⲁⲓⲏⲟⲩⲧ ⲛ̀ⲧⲉ ⲡ̀ⲕⲁϩⲓ ⲛⲉⲙ ⲛⲓⲛⲓϣϯ ⲛⲉⲙ ⲛⲓⲣⲁⲙⲁⲟⲓ ⲛⲉⲙ ⲛⲓⲗⲟⲓⲙⲟⲥ ⲛ̀ⲧⲁⲥ.	Ouoh àmenti afouōṡs èvol ǹtefpsiṡy: ouoh afouōn ǹrōf hōs ḋe èṡ̀temkō ǹsōf: ouoh evèṡenōou èpesyt èmav ǹje nyettaiyout ǹte p̀kahi nem niniṡti nem niramaoi nem niloimos ǹtas.	Therefore hell has enlarged its desire and opened its mouth without ceasing: and her glorious and great, and her rich and her pestilent men shall go down into it.
5:15	ⲟⲩⲟϩ ⲉϥⲉ̀ⲑⲉⲃⲓⲱ ⲛ̀ϫⲉⲫ̀ⲣⲱⲙⲓ ⲟⲩⲟϩ ⲉϥⲉ̀ϭⲓϣⲱϣ ⲛ̀ϫⲉⲟⲩϧⲉⲗϣⲓⲣⲓ ⲟⲩⲟϩ ⲛⲓⲃⲁⲗ ⲉⲧϭⲟⲥⲓ ⲉⲩⲉ̀ⲑⲉⲃⲓⲟ .	Ⲟⲩⲟϩ ⲉϥⲉ̀ⲑⲉⲃⲓⲱ ⲛ̀ϫⲉ ⲫ̀ⲣⲱⲙⲓ ⲟⲩⲟϩ ⲉϥⲉ̀ϭⲓϣⲱϣ ⲛ̀ϫⲉ ⲟⲩϧⲉⲗϣⲓⲣⲓ ⲟⲩⲟϩ ⲛⲓⲃⲁⲗ ⲉⲧϭⲟⲥⲓ ⲉⲩⲉ̀ⲑⲉⲃⲓⲟ.	Ouoh efèθeviō ǹje f̀rōmi ouoh efèċiṡōṡ ǹje ouxelṡiri ouoh nival etċosi evèθevio.	And the mean man shall be brought low, and the great man shall be disgraced, and the lofty eyes shall be brought low.
5:16	ⲟⲩⲟϩ ⲉϥⲉ̀ϭⲓⲥⲓ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ϧⲉⲛⲟⲩϩⲁⲡ ⲟⲩⲟϩ ⲫϯ ⲉⲑⲟⲩⲁⲃ ⲉϥⲉ̀ϭⲓⲱ̀ⲟⲩ ϧⲉⲛⲟⲩⲙⲉⲑⲙⲏⲓ .	Ⲟⲩⲟϩ ⲉϥⲉ̀ϭⲓⲥⲓ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ϧⲉⲛ ⲟⲩϩⲁⲡ ⲟⲩⲟϩ ⲫ̀ⲛⲟⲩϯ ⲉⲑⲟⲩⲁⲃ ⲉϥⲉ̀ϭⲓⲱ̀ⲟⲩ ϧⲉⲛ ⲟⲩⲙⲉⲑⲙⲏⲓ.	Ouoh efèċisi ǹje p̀ċois sabaōθ xen ouhap ouoh f̀nouti eθouab efèċiṑou xen oumeθmyi.	But the Lord of hosts shall be exalted in judgment, and the holy God shall be glorified in righteousness.
5:17	ⲟⲩⲟϩ ⲉⲩⲉ̀ⲁ̀ⲙⲟⲛⲓ ⲛ̀ⲛⲏⲉⲧⲁⲩϩⲟⲗⲙⲟⲩ ⲙ̀ⲫ̀ⲣⲏϯ ⲛ̀ϩⲁⲛⲙⲁⲥⲓ ⲟⲩⲟϩ ⲛⲓϣⲁϥⲉⲩ ⲛ̀ⲧⲉⲛⲏⲉⲧⲁⲩⲟⲗⲟⲩ ⲉⲩⲉ̀ⲟⲩⲟⲙⲟⲩ ⲛ̀ϫⲉϩⲁⲛϩⲓⲏⲃ .	Ⲟⲩⲟϩ ⲉⲩⲉ̀ⲁ̀ⲙⲟⲛⲓ ⲛ̀ⲛⲏⲉⲧⲁⲩϩⲟⲗⲙⲟⲩ ⲛ̀ⲫ̀ⲣⲏϯ ⲛ̀ϩⲁⲛⲙⲁⲥⲓ ⲟⲩⲟϩ ⲛⲓϣⲁϥⲉⲩ ⲛ̀ⲧⲉ ⲛⲏⲉⲧⲁⲩⲟⲗⲟⲩ ⲉⲩⲉ̀ⲟⲩⲟⲙⲟⲩ ⲛ̀ϫⲉ ϩⲁⲛϩⲓⲏⲃ.	Ouoh evèàmoni ǹnyetavholmou ǹf̀ryti ǹhanmasi ouoh niṡafev ǹte nyetavolou evèouomou ǹje hanhiyb.	And they that were spoiled shall be fed as bulls, and lambs shall feed on the waste places of them that are taken away.
5:18	ⲟⲩⲟⲓ ⲛ̀ⲛⲏⲉⲧⲥⲱⲕ ⲛ̀ⲛⲓⲛⲟⲃⲓ ⲛⲱⲟⲩ ⲙ̀ⲫ̀ⲣⲏϯ ⲛ̀ⲟⲩⲛⲟϩ ⲉϥϣⲏⲟⲩ ⲛⲉⲙⲛⲓⲁ̀ⲛⲟⲙⲓⲁ̀ ⲙ̀ⲫ̀ⲣⲏϯ ⲙ̀ⲡ̀ϧⲱⲕ ⲙ̀ⲫ̀ⲛⲁϩⲃⲉϥ ⲛ̀ⲟⲩⲃⲁϩⲥⲓ .	Ⲟⲩⲟⲓ ⲛ̀ⲛⲏⲉⲧⲥⲱⲕ ⲛ̀ⲛⲓⲛⲟⲃⲓ ⲛⲱⲟⲩ ⲛ̀ⲫ̀ⲣⲏϯ ⲛ̀ⲟⲩⲛⲟϩ ⲉϥϣⲏⲟⲩ ⲛⲉⲙ ⲛⲓⲁ̀ⲛⲟⲙⲓⲁ̀ ⲛ̀ⲫ̀ⲣⲏϯ ⲛ̀ⲡ̀ϧⲱⲕ ⲛ̀ⲫ̀ⲛⲁϩⲃⲉϥ ⲛ̀ⲟⲩⲃⲁϩⲥⲓ.	Ouoi ǹnyetsōk ǹninovi nōou ǹf̀ryti ǹounoh efṡyou nem niànomià ǹf̀ryti ǹp̀xōk ǹf̀nahvef ǹouvahsi.	Woe to them that draw sins to them as with a long rope, and iniquities as with a thong of the heifer's yoke:
5:19	ⲛⲏⲉⲧϫⲱ ⲙ̀ⲙⲟⲥ ϫⲉⲙⲁⲣⲟⲩϧⲱⲛⲧ ⲛ̀ⲭⲱⲗⲉⲙ ⲛ̀ϫⲉⲛⲏⲉⲧⲉϥⲛⲁⲁⲓⲧⲟⲩ ϩⲓⲛⲁ ⲛ̀ⲧⲉⲛⲛⲁⲩ ⲉ̀ⲣⲱⲟⲩ ⲟⲩⲟϩ ⲙⲁⲣⲉϥⲓ̀ ⲛ̀ϫⲉⲡ̀ⲥⲟϭⲛⲓ ⲙ̀ⲡⲉⲑⲟⲩⲁⲃ ⲙ̀ⲡⲓ̅ⲥ̅ⲗ̅ ϩⲓⲛⲁ ⲛ̀ⲧⲉⲛⲉ̀ⲙⲓ .	Ⲛⲏⲉⲧϫⲱ ⲙ̀ⲙⲟⲥ ϫⲉ ⲙⲁⲣⲟⲩϧⲱⲛⲧ ⲛ̀ⲭⲱⲗⲉⲙ ⲛ̀ϫⲉ ⲛⲏⲉⲧⲉϥⲛⲁⲁⲓⲧⲟⲩ ϩⲓⲛⲁ ⲛ̀ⲧⲉⲛⲛⲁⲩ ⲉ̀ⲣⲱⲟⲩ ⲟⲩⲟϩ ⲙⲁⲣⲉϥⲓ̀ ⲛ̀ϫⲉ ⲡ̀ⲥⲟϭⲛⲓ ⲙ̀ⲡⲉⲑⲟⲩⲁⲃ ⲛ̀ⲡⲓⲥⲣⲁⲏⲗ ϩⲓⲛⲁ ⲛ̀ⲧⲉⲛⲉ̀ⲙⲓ.	Nyetgō m̀mos je marouxōnt ǹkōlem ǹje nyetefnaaitou hina ǹtennav èrōou ouoh marefì ǹje p̀·soċni m̀peθouab ǹpisrayl hina ǹtenèmi.	who say, Let him speedily hasten what he will do, that we may see it: and let the counsel of the Holy One of Israel come, that we may know it.
5:20	ⲟⲩⲟⲓ ⲛ̀ⲛⲏⲉⲧϫⲱ ⲙ̀ⲙⲟⲥ ⲉ̀ⲡⲓⲡⲉⲧϩⲱⲟⲩ ϫⲉⲛⲁⲛⲉϥ ⲟⲩⲟϩ ⲡⲓⲡⲉⲑⲛⲁⲛⲉϥ ϫⲉϥ̀ϩⲱⲟⲩ : ⲛⲏⲉⲧϫⲱ ⲙ̀ⲙⲟⲥ ⲉ̀ⲡⲓⲭⲁⲕⲓ ϫⲉⲟⲩⲟⲩⲱⲓⲛⲓ ⲡⲉ ⲟⲩⲟϩ ⲡⲓⲟⲩⲱⲓⲛⲓ ϫⲉⲟⲩⲭⲁⲕⲓ ⲡⲉ : ⲛⲏⲉⲧϫⲱ ⲙ̀ⲙⲟⲥ ⲡⲉⲧϣⲁϣⲓ ϫⲉϥ̀ϩⲟⲗϫ ⲟⲩⲟϩ ⲡⲉⲧϩⲟⲗϫ ϫⲉϥ̀ⲉⲛϣⲁϣⲓ .	Ⲟⲩⲟⲓ ⲛ̀ⲛⲏⲉⲧϫⲱ ⲙ̀ⲙⲟⲥ ⲉ̀ⲡⲓⲡⲉⲧϩⲱⲟⲩ ϫⲉ ⲛⲁⲛⲉϥ ⲟⲩⲟϩ ⲡⲓⲡⲉⲑⲛⲁⲛⲉϥ ϫⲉ ϥ̀ϩⲱⲟⲩ: ⲛⲏⲉⲧϫⲱ ⲙ̀ⲙⲟⲥ ⲉ̀ⲡⲓⲭⲁⲕⲓ ϫⲉ ⲟⲩⲟⲩⲱⲓⲛⲓ ⲡⲉ ⲟⲩⲟϩ ⲡⲓⲟⲩⲱⲓⲛⲓ ϫⲉ ⲟⲩⲭⲁⲕⲓ ⲡⲉ: ⲛⲏⲉⲧϫⲱ ⲙ̀ⲙⲟⲥ ⲡⲉⲧϣⲁϣⲓ ϫⲉ ϥ̀ϩⲟⲗϫ ⲟⲩⲟϩ ⲡⲉⲧϩⲟⲗϫ ϫⲉ ϥ̀ⲉⲛϣⲁϣⲓ.	Ouoi ǹnyetgō m̀mos èpipet·hōou je nanef ouoh pipeθnanef je f̀hōou: nyetgō m̀mos èpikaki je ououōini pe ouoh piouōini je oukaki pe: nyetgō m̀mos petṡaṡi je f̀holg ouoh pet·holg je f̀enṡaṡi.	Woe to them that call evil good, and good evil; who make darkness light, and light darkness; who make bitter sweet, and sweet bitter.
5:21	ⲟⲩⲟⲓ ⲛ̀ⲛⲏⲉⲧⲟⲓ ⲛ̀ⲥⲁⲃⲉ ⲛⲱⲟⲩ ⲙ̀ⲙⲁⲩⲁⲧⲟⲩ ⲟⲩⲟϩ ⲛ̀ⲕⲁⲧϩⲏⲧ ⲙ̀ⲡⲟⲩⲙ̀ⲑⲟ ⲉ̀ⲃⲟⲗ .	Ⲟⲩⲟⲓ ⲛ̀ⲛⲏⲉⲧⲟⲓ ⲛ̀ⲥⲁⲃⲉ ⲛⲱⲟⲩ ⲙ̀ⲙⲁⲩⲁⲧⲟⲩ ⲟⲩⲟϩ ⲛ̀ⲕⲁⲧϩⲏⲧ ⲛ̀ⲡⲟⲩⲙ̀ⲑⲟ ⲉ̀ⲃⲟⲗ.	Ouoi ǹnyetoi ǹsave nōou m̀mavatou ouoh ǹkat·hyt ǹpoum̀θo èvol.	Woe to them that are wise in their own conceit, and knowing in their own sight.
5:22	ⲟⲩⲟⲓ ⲛ̀ⲛⲏⲉⲧϫⲟⲣ ⲛ̀ⲧⲱⲧⲉⲛ ⲛⲏⲉⲧⲥⲱ ⲙ̀ⲡⲓⲏⲣⲡ ⲛⲉⲙⲛⲓϫⲱⲣⲓ ⲛⲏⲉⲧⲥⲱ ⲙ̀ⲡⲓⲥⲓⲕⲓⲣⲁ .	Ⲟⲩⲟⲓ ⲛ̀ⲛⲏⲉⲧϫⲟⲣ ⲛ̀ⲧⲱⲧⲉⲛ ⲛⲏⲉⲧⲥⲱ ⲛ̀ⲡⲓⲏⲣⲡ ⲛⲉⲙ ⲛⲓϫⲱⲣⲓ ⲛⲏⲉⲧⲥⲱ ⲛ̀ⲡⲓⲥⲓⲕⲓⲣⲁ.	Ouoi ǹnyetgor ǹtōten nyetsō ǹpiyrp nem nigōri nyetsō ǹpisikira.	Woe to the strong ones of you that drink wine, and the mighty ones that mingle strong drink:
5:23	ⲛⲏⲉⲧⲑ̀ⲙⲁⲓⲟ ⲙ̀ⲡⲓⲁ̀ⲥⲉⲃⲏⲥ ⲉⲑⲃⲉϩⲁⲛⲇⲱⲣⲟⲛ ⲟⲩⲟϩ ⲉⲧⲱⲗⲓ ⲙ̀ⲡ̀ⲑ̀ⲙⲁⲓⲟ ⲙ̀ⲡⲓⲑ̀ⲙⲏⲓ .	Ⲛⲏⲉⲧⲑ̀ⲙⲁⲓⲟ ⲛ̀ⲡⲓⲁ̀ⲥⲉⲃⲏⲥ ⲉⲑⲃⲉ ϩⲁⲛⲇⲱⲣⲟⲛ ⲟⲩⲟϩ ⲉ̀ⲧⲱ̀ⲗⲓ ⲛ̀ⲡ̀ⲑ̀ⲙⲁⲓⲟ ⲛ̀ⲡⲓⲑ̀ⲙⲏⲓ.	Nyetθ̀maio ǹpiàsebys eθve hanḋōron ouoh ètṑli ǹp̀θ̀maio ǹpiθ̀myi.	who justify the ungodly for rewards, and take away the righteousness of the righteous.
5:24	ⲉⲑⲃⲉⲫⲁⲓ ⲙ̀ⲫ̀ⲣⲏϯ ⲉ̀ϣⲁϥⲣⲱⲕϩ ⲛ̀ϫⲉⲟⲩⲣⲱⲟⲩⲓ̀ ⲉ̀ⲃⲟⲗϩⲓⲧⲉⲛ ϩⲁⲛϫⲉⲃⲥ ⲛ̀ⲭ̀ⲣⲱⲙ ⲟⲩⲟϩ ϣⲁϥⲣⲱⲕϩ ⲉ̀ⲃⲟⲗϩⲓⲧⲟⲧϥ ⲛ̀ⲟⲩϣⲁϩ ⲛ̀ⲭ̀ⲣⲱⲙ ⲉⲣⲉϩ̀ⲣⲁϥ ⲭⲏ ⲛⲁϥ ⲧⲟⲩⲛⲟⲩⲛⲓ ⲉⲥⲉ̀ⲉⲣ ⲙ̀ⲫ̀ⲣⲏϯ ⲛ̀ⲟⲩⲣⲏⲓⲥⲓ ⲟⲩⲟϩ ⲧⲟⲩϩ̀ⲣⲏⲣⲓ ⲉⲥⲉ̀ⲓ̀ ⲉ̀ⲡ̀ϣⲱⲓ ⲙ̀ⲫ̀ⲣⲏϯ ⲛ̀ⲟⲩϣⲱⲓϣ ϫⲉⲟⲩⲏⲓ ⲅⲁⲣ ⲙ̀ⲡⲟⲩⲟⲩⲱϣ ⲉ̀ⲫ̀ⲛⲟⲙⲟⲥ ⲙ̀ⲡϭ̅ⲥ̅ ⲥⲁⲃⲁⲱⲑ ⲟⲩⲟϩ ⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ ⲁⲩϯϫⲱⲛⲧ ⲛⲁϥ .	Ⲉⲑⲃⲉ ⲫⲁⲓ ⲛ̀ⲫ̀ⲣⲏϯ ⲉ̀ϣⲁϥⲣⲱⲕϩ ⲛ̀ϫⲉ ⲟⲩⲣⲱⲟⲩⲓ̀ ⲉ̀ⲃⲟⲗ ϩⲓⲧⲉⲛ ϩⲁⲛϫⲉⲃⲥ ⲛ̀ⲭ̀ⲣⲱⲙ ⲟⲩⲟϩ ϣⲁϥⲣⲱⲕϩ ⲉ̀ⲃⲟⲗ ϩⲓⲧⲟⲧϥ ⲛ̀ⲟⲩϣⲁϩ ⲛ̀ⲭ̀ⲣⲱⲙ ⲉ̀ⲣⲉ ϩ̀ⲣⲁϥ ⲭⲏ ⲛⲁϥ ⲧⲟⲩⲛⲟⲩⲛⲓ ⲉⲥⲉ̀ⲉⲣ ⲛ̀ⲫ̀ⲣⲏϯ ⲛ̀ⲟⲩⲣⲏⲓⲥⲓ ⲟⲩⲟϩ ⲧⲟⲩϩ̀ⲣⲏⲣⲓ ⲉ̀ⲥⲉ̀ⲓ̀ ⲉ̀ⲡ̀ϣⲱⲓ ⲛ̀ⲫ̀ⲣⲏϯ ⲛ̀ⲟⲩϣⲱⲓϣ ϫⲉ ⲟⲩⲏⲓ ⲅⲁⲣ ⲛ̀ⲡⲟⲩⲟⲩⲱϣ ⲉ̀ⲫ̀ⲛⲟⲙⲟⲥ ⲛ̀ⲡ̀ϭⲟⲓⲥ ⲥⲁⲃⲁⲱⲑ ⲟⲩⲟϩ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ ⲁⲩϯϫⲱⲛⲧ ⲛⲁϥ.	Eθve fai ǹf̀ryti èṡafrōk·h ǹje ourōouì èvol hiten hanjevs ǹk̀rōm ouoh ṡafrōk·h èvol hitotf ǹouṡah ǹk̀rōm ère h̀raf ky naf tounouni esèer ǹf̀ryti ǹouryisi ouoh touh̀ryri èsèì èp̀ṡōi ǹf̀ryti ǹouṡōiṡ je ouyi ġar ǹpououōṡ èf̀nomos ǹp̀ċois sabaōθ ouoh peθouab ǹte pisrayl avtigōnt naf.	Therefore as stubble shall be burnt by a coal of fire, and shall be consumed by a violent flame, their root shall be as chaff, and their flower shall go up as dust: for they rejected the law of the Lord of hosts, and insulted the word of the Holy One of Israel.
5:25	ⲟⲩⲟϩ ⲁϥϫⲱⲛⲧ ϧⲉⲛⲟⲩⲙ̀ⲃⲟⲛ ⲛ̀ϫⲉⲡϭ̅ⲥ̅ ⲥⲁⲃⲁⲱⲑ ⲉ̀ϫⲉⲛⲡⲉϥⲗⲁⲟⲥ ⲟⲩⲟϩ ⲁϥⲓ̀ⲛⲓ ⲛ̀ⲧⲉϥϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ⲁϥϣⲁⲣⲓ ⲉ̀ⲣⲱⲟⲩ ⲟⲩⲟϩ ⲁⲩϫⲱⲛⲧ ⲛ̀ϫⲉⲛⲓⲧⲱⲟⲩ ⲟⲩⲟϩ ⲁⲩϣⲱⲡⲓ ⲛ̀ϫⲉⲛⲟⲩⲣⲉϥⲙⲱⲟⲩⲧ ⲙ̀ⲫ̀ⲣⲏϯ ⲛ̀ⲟⲩⲕⲟⲡⲣⲓⲁ̀ ϧⲉⲛⲑ̀ⲙⲏϯ ⲛ̀ⲟⲩⲙⲱⲓⲧ : ϧⲉⲛⲛⲁⲓ ⲧⲏⲣⲟⲩ ⲙ̀ⲡⲉϥⲧⲁⲥⲑⲟ ⲛ̀ϫⲉⲡⲓϫⲱⲛⲧ ⲁⲗⲗⲁ ⲉⲧⲓ ⲥ̀ϭⲟⲥⲓ ⲛ̀ϫⲉϯϫⲓϫ .	Ⲟⲩⲟϩ ⲁϥϫⲱⲛⲧ ϧⲉⲛ ⲟⲩⲙ̀ⲃⲟⲛ ⲛ̀ϫⲉ ⲡ̀ϭⲟⲓⲥ ⲥⲁⲃⲁⲱⲑ ⲉ̀ϫⲉⲛ ⲡⲉϥⲗⲁⲟⲥ ⲟⲩⲟϩ ⲁϥⲓ̀ⲛⲓ ⲛ̀ⲧⲉϥϫⲓϫ ⲉ̀ϩ̀ⲣⲏⲓ ⲉ̀ϫⲱⲟⲩ ⲁϥϣⲁⲣⲓ ⲉ̀ⲣⲱⲟⲩ ⲟⲩⲟϩ ⲁⲩϫⲱⲛⲧ ⲛ̀ϫⲉ ⲛⲓⲧⲱⲟⲩ ⲟⲩⲟϩ ⲁⲩϣⲱⲡⲓ ⲛ̀ϫⲉ ⲛ̀ⲟⲩⲣⲉϥⲙⲱⲟⲩⲧ ⲛ̀ⲫ̀ⲣⲏϯ ⲛ̀ⲟⲩⲕⲟⲡⲣⲓⲁ̀ ϧⲉⲛ ⲑ̀ⲙⲏϯ ⲛ̀ⲟⲩⲙⲱⲓⲧ: ϧⲉⲛ ⲛⲁⲓ ⲧⲏⲣⲟⲩ ⲙ̀ⲡⲉϥⲧⲁⲥⲑⲟ ⲛ̀ϫⲉ ⲡⲓϫⲱⲛⲧ ⲁⲗⲗⲁ ⲉ̀ⲧⲓ ⲥ̀ϭⲟⲥⲓ ⲛ̀ϫⲉ ϯϫⲓϫ.	Ouoh afgōnt xen oum̀von ǹje p̀ċois sabaōθ èjen peflaos ouoh afìni ǹtefjig èh̀ryi ègōou afṡari èrōou ouoh avgōnt ǹje nitōou ouoh avṡōpi ǹje ǹourefmōout ǹf̀ryti ǹoukoprià xen θ̀myti ǹoumōit: xen nai tyrou m̀peftasθo ǹje pigōnt alla èti s̀ċosi ǹje tijig.	Therefore the Lord of hosts was greatly angered against his people, and he reached forth his hand upon them, and smote them: and the mountains were troubled, and their carcasses were as dung in the midst of the way: yet for all this his anger has not been turned away, but his hand is yet raised.
5:26	ϯⲛⲟⲩ ⲇⲉ ⲉϥⲉ̀ⲱⲗⲓ ⲛ̀ⲟⲩⲙⲏⲓⲛⲓ ϧⲉⲛⲛⲓⲉⲑⲛⲟⲥ ⲛⲏⲉⲧϧⲉⲛⲧ ⲛⲉⲙⲛⲏⲉⲑⲟⲩⲏⲟⲩ ⲉϥⲉ̀ⲉⲣϣⲟⲩϣⲓⲧⲥ ⲛ̀ⲥⲱⲟⲩ ⲓⲥϫⲉⲛ ⲁⲩⲣⲏϫϥ ⲙ̀ⲡ̀ⲕⲁϩⲓ ⲟⲩⲟϩ ϩⲏⲡⲡⲉ ⲉⲩⲉ̀ⲓ̀ ⲛ̀ⲭⲱⲗⲉⲙ ϧⲉⲛⲟⲩⲁ̀ⲥⲓⲁⲓ .	Ϯⲛⲟⲩ ⲇⲉ ⲉϥⲉ̀ⲱ̀ⲗⲓ ⲛ̀ⲟⲩⲙⲏⲓⲛⲓ ϧⲉⲛ ⲛⲓⲉⲑⲛⲟⲥ ⲛⲏⲉⲧϧⲉⲛⲧ ⲛⲉⲙ ⲛⲏⲉⲑⲟⲩⲏⲟⲩ ⲉϥⲉ̀ⲉⲣϣⲟⲩϣⲓⲧⲥ ⲛ̀ⲥⲱⲟⲩ ⲓⲥϫⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ⲟⲩⲟϩ ϩⲏⲡⲡⲉ ⲉⲩⲓ̀ ⲛ̀ⲭⲱⲗⲉⲙ ϧⲉⲛ ⲟⲩⲁ̀ⲥⲓⲁⲓ.	Tinou ḋe efèṑli ǹoumyini xen nieθnos nyetxent nem nyeθouyou efèerṡouṡits ǹsōou isjen avrygf ǹp̀kahi ouoh hyppe evì ǹkōlem xen ouàsiai.	Therefore shall he lift up a signal to the nations that are afar, and shall hiss for them from the end of the earth; and, behold, they are coming very quickly.
5:27	ⲛ̀ⲛⲟⲩϩ̀ⲕⲟ ⲟⲩⲇⲉ ⲛ̀ⲛⲟⲩⲓ̀ⲃⲓ ⲟⲩⲇⲉ ⲛ̀ⲛⲟⲩϧⲓⲥⲓ ⲟⲩⲇⲉ ⲛ̀ⲛⲟⲩⲛ̀ⲕⲟⲧ ⲟⲩⲇⲉ ⲛ̀ⲛⲟⲩϯⲟⲩⲱ̀ ⲛ̀ⲛⲟⲩⲙⲟϫϧ ⲉ̀ⲃⲟⲗϧⲉⲛ ⲛⲟⲩϯⲡⲓ ⲟⲩⲇⲉ ⲛ̀ⲛⲟⲩⲥⲱⲗⲡ ⲛ̀ϫⲉⲛⲟⲩⲙⲟⲩⲥⲉⲣ ⲛ̀ⲧⲉⲛⲟⲩⲑⲱⲟⲩⲓ̀ .	Ⲛ̀ⲛⲟⲩϩ̀ⲕⲟ ⲟⲩⲇⲉ ⲛ̀ⲛⲟⲩⲓ̀ⲃⲓ ⲟⲩⲇⲉ ⲛ̀ⲛⲟⲩϧⲓⲥⲓ ⲟⲩⲇⲉ ⲛ̀ⲛⲟⲩⲛ̀ⲕⲟⲧ ⲟⲩⲇⲉ ⲛ̀ⲛⲟⲩϯⲟⲩⲱ̀ ⲛ̀ⲛⲟⲩⲙⲟϫϧ ⲉ̀ⲃⲟⲗ ϧⲉⲛ ⲛ̀ⲟⲩϯⲡⲓ ⲟⲩⲇⲉ ⲛ̀ⲛⲟⲩⲥⲱⲗⲡ ⲛ̀ϫⲉ ⲛⲟⲩⲙⲟⲩⲥⲉⲣ ⲛ̀ⲧⲉ ⲛⲟⲩⲑⲱⲟⲩⲓ̀.	Ǹnouh̀ko ouḋe ǹnouìvi ouḋe ǹnouxisi ouḋe ǹnouǹkot ouḋe ǹnoutiouṑ ǹnoumogx èvol xen ǹoutipi ouḋe ǹnousōlp ǹje noumouser ǹte nouθōouì.	They shall not hunger nor be weary, neither shall they slumber nor sleep; neither shall they loose their girdles from their loins, neither shall their shoe-latchets be broken.
5:28	ⲛⲁⲓ ⲉⲧⲉⲛⲟⲩⲥⲟⲑⲛⲉϥ ϣⲉⲃϣⲱⲃ ⲟⲩⲟϩ ⲛⲟⲩⲫⲓϯ ⲥⲉϭⲟⲗⲕ : ⲛⲓϭⲁⲗⲁⲩϫ ⲛ̀ⲧⲉⲛⲟⲩϩ̀ⲑⲱⲣ ⲥⲉⲟⲓ ⲙ̀ⲫ̀ⲣⲏϯ ⲛ̀ⲟⲩⲡⲉⲧⲣⲁ ⲉⲥϫⲟⲣ : ⲛⲓⲧ̀ⲣⲟⲭⲟⲥ ⲛ̀ⲧⲉⲛⲟⲩϩⲁⲣⲙⲁ ⲥⲉⲟⲓ ⲙ̀ⲫ̀ⲣⲏϯ ⲛ̀ⲟⲩⲥⲁⲣⲁⲑⲏⲟⲩ .	Ⲛⲁⲓ ⲉ̀ⲧⲉ ⲛⲟⲩⲥⲟⲑⲛⲉϥ ϣⲉⲃϣⲱⲃ ⲟⲩⲟϩ ⲛ̀ⲟⲩⲫⲓϯ ⲥⲉϭⲟⲗⲕ: ⲛⲓϭⲁⲗⲁⲩϫ ⲛ̀ⲧⲉ ⲛⲟⲩϩ̀ⲑⲱⲣ ⲥⲉⲟⲓ ⲛ̀ⲫ̀ⲣⲏϯ ⲛ̀ⲟⲩⲡⲉⲧⲣⲁ ⲉⲥϫⲟⲣ: ⲛⲓⲧ̀ⲣⲟⲭⲟⲥ ⲛ̀ⲧⲉ ⲛⲟⲩϩⲁⲣⲙⲁ ⲥⲉⲟⲓ ⲛ̀ⲫ̀ⲣⲏϯ ⲛ̀ⲟⲩⲥⲁⲣⲁⲑⲏⲟⲩ.	Nai ète nousoθnef ṡevṡōb ouoh ǹoufiti seċolk: niċalavg ǹte nouh̀θōr seoi ǹf̀ryti ǹoupetra esgor: nit̀roxos ǹte nouharma seoi ǹf̀ryti ǹousaraθyou.	Whose arrows are sharp, and their bows bent; their horses' hoofs are counted as solid rock: their chariot-wheels are as a storm.
5:29	ⲥⲉϯⲟⲩⲟⲓ ⲙ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲟⲩⲟϩ ⲥⲉⲟ̀ϩⲓ ⲉ̀ⲣⲁⲧⲟⲩⲙ̀ⲫ̀ⲣⲏϯ ⲛ̀ϩⲁⲛⲙⲁⲥ ⲙ̀ⲙⲟⲩⲓ̀ ⲟⲩⲟϩ ⲥⲉⲟ̀ϩⲓ ⲉ̀ⲣⲁⲧⲟⲩⲉⲩⲧⲁϫⲣⲏⲟⲩⲧ ⲟⲩⲟϩ ⲉϥⲉ̀ϩⲓⲧⲟⲧϥ ⲉ̀ⲱϣ ⲉ̀ⲃⲟⲗ ⲛ̀ϫⲉⲡⲓⲑⲏⲣⲓⲟⲛ ⲟⲩⲟϩ ⲉϥⲉ̀ϩⲓⲧⲟⲩ ⲉ̀ⲃⲟⲗ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁⲛⲁϩⲙⲟⲩ .	Ⲥⲉϯⲟⲩⲟⲓ ⲛ̀ⲫ̀ⲣⲏϯ ⲛ̀ⲟⲩⲙⲟⲩⲓ̀ ⲟⲩⲟϩ ⲥⲉⲟ̀ϩⲓ ⲉ̀ⲣⲁⲧⲟⲩⲙ̀ⲫ̀ⲣⲏϯ ⲛ̀ϩⲁⲛⲙⲁⲥ ⲛ̀ⲙⲟⲩⲓ̀ ⲟⲩⲟϩ ⲥⲉⲟ̀ϩⲓ ⲉ̀ⲣⲁⲧⲟⲩⲉⲩⲧⲁϫⲣⲏⲟⲩⲧ ⲟⲩⲟϩ ⲉϥⲉ̀ϩⲓⲧⲟⲧϥ ⲉ̀ⲱϣ ⲉ̀ⲃⲟⲗ ⲛ̀ϫⲉ ⲡⲓⲑⲏⲣⲓⲟⲛ ⲟⲩⲟϩ ⲉϥⲉ̀ϩⲓⲧⲟⲩ ⲉ̀ⲃⲟⲗ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁⲛⲁϩⲙⲟⲩ.	Setiouoi ǹf̀ryti ǹoumouì ouoh seòhi èratoum̀f̀ryti ǹhanmas ǹmouì ouoh seòhi èratouevtagryout ouoh efèhitotf èōṡ èvol ǹje piθyrion ouoh efèhitou èvol ouoh ǹnefṡōpi ǹje fyeθnanahmou.	They rage as lions, and draw nigh as a lion's whelps: and he shall seize, and roar as a wild beast, and he shall cast them forth, and there shall be none to deliver them.
5:30	ⲟⲩⲟϩ ⲉϥⲉ̀ⲱϣ ⲉⲑⲃⲏⲧⲟⲩ ϧⲉⲛⲡⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲙ̀ⲫ̀ⲣⲏϯ ⲛ̀ⲧ̀ⲥ̀ⲙⲏ ⲙ̀ⲫ̀ⲓⲟⲙ ⲉϥⲟⲓ ⲛ̀ϩⲱⲓⲙⲓ ⲟⲩⲟϩ ⲉⲩⲉ̀ϫⲟⲩϣⲧ ⲉ̀ⲧ̀ⲫⲉ ⲉ̀ⲡ̀ϣⲱⲓ ⲛⲉⲙⲡ̀ⲕⲁϩⲓ ⲉ̀ⲡⲉⲥⲏⲧ ⲟⲩⲟϩ ϩⲏⲡⲡⲉ ⲓⲥ ⲟⲩⲭⲁⲕⲓ ⲉϥⲛⲁϣⲧ ϧⲉⲛⲧⲟⲩⲁ̀ⲡⲟⲣⲓⲁ̀ .	Ⲟⲩⲟϩ ⲉϥⲉ̀ⲱϣ ⲉⲑⲃⲏⲧⲟⲩ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲛ̀ⲫ̀ⲣⲏϯ ⲛ̀ⲧ̀ⲥ̀ⲙⲏ ⲛ̀ⲫ̀ⲓⲟⲙ ⲉϥⲟⲓ ⲛ̀ϩⲱⲓⲙⲓ ⲟⲩⲟϩ ⲉⲩⲉ̀ϫⲟⲩϣⲧ ⲉ̀ⲧ̀ⲫⲉ ⲉ̀ⲡ̀ϣⲱⲓ ⲛⲉⲙ ⲡ̀ⲕⲁϩⲓ ⲉ̀ⲡⲉⲥⲏⲧ ⲟⲩⲟϩ ϩⲏⲡⲡⲉ ⲓⲥ ⲟⲩⲭⲁⲕⲓ ⲉϥⲛⲁϣⲧ ϧⲉⲛ ⲧⲟⲩⲁ̀ⲡⲟⲣⲓⲁ̀.	Ouoh efèōṡ eθvytou xen pièhoou ète m̀mav ǹf̀ryti ǹt̀s̀my ǹf̀iom efoi ǹhōimi ouoh evègouṡt èt̀fe èp̀ṡōi nem p̀kahi èpesyt ouoh hyppe is oukaki efnaṡt xen touàporià.	And he shall roar on account of them in that day, as the sound of the swelling sea; and they shall look to the land, and, behold, there shall be thick darkness in their perplexity.

Provenance

title: 23_Isaias_05
dialect: bohairic
source: Coptic SCRIPTORIUM corpus "bohairic.ot", document 23_Isaias_05
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_05 from Coptic SCRIPTORIUM (https://copticscriptorium.org), corpus bohairic.ot, document 23_Isaias_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/05.bohairic.scriptorium.L0.txt
title: 23_Isaias_05 — Cairene
dialect: bohairic
source: generated from 05.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_05)
licence: CC BY-SA 4.0
share: attribution
attribution: 23_Isaias_05 from Coptic SCRIPTORIUM (https://copticscriptorium.org), corpus bohairic.ot, document 23_Isaias_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/05.bohairic.scriptorium.L1.txt
title: 23_Isaias_05 — Kemetic
dialect: bohairic
source: generated from 05.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_05 from Coptic SCRIPTORIUM (https://copticscriptorium.org), corpus bohairic.ot, document 23_Isaias_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/05.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 30 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_05 (30 lines)

Cite as:

23_Isaias_05. Coptic SCRIPTORIUM corpus "bohairic.ot", document 23_Isaias_05. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/05.bohairic.scriptorium/. 23_Isaias_05 from Coptic SCRIPTORIUM (https://copticscriptorium.org), corpus bohairic.ot, document 23_Isaias_05, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.