23_Isaias_41 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_41

Attribution: 23_Isaias_41 from Coptic SCRIPTORIUM (https://copticscriptorium.org), corpus bohairic.ot, document 23_Isaias_41, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

29 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
41:1	ⲁⲣⲓⲃⲉⲣⲓ ϩⲁⲣⲟⲓ ⲛⲓⲛⲏⲥⲟⲥ ⲛⲓⲁⲣⲭⲱⲛ ⲅⲁⲣ ⲉⲩⲉ̀ϣⲓⲃϯ ⲛ̀ⲧⲟⲩϫⲟⲙ ⲙⲁⲣⲟⲩϧⲱⲛⲧ ⲟⲩⲟϩ ⲛ̀ⲧⲟⲩⲥⲁϫⲓ ⲉⲩⲥⲟⲡ ⲧⲟⲧⲉ ⲙⲁⲣⲟⲩϫⲱ ⲛ̀ⲟⲩϩⲁⲡ ⲉⲩⲥⲟⲡ .	ⲁ̀ⲣⲓⲃⲉⲣⲓ ϩⲁⲣⲟⲓ ⲛⲓⲛⲏⲥⲟⲥ ⲛⲓⲁⲣⲭⲱⲛ ⲅⲁⲣ ⲉⲩⲉ̀ϣⲓⲃϯ ⲛ̀ⲧⲟⲩϫⲟⲙ ⲙⲁⲣⲟⲩϧⲱⲛⲧ ⲟⲩⲟϩ ⲛ̀ⲧⲟⲩⲥⲁϫⲓ ⲉⲩⲥⲟⲡ ⲧⲟⲧⲉ ⲙⲁⲣⲟⲩϫⲱ ⲛ̀ⲟⲩϩⲁⲡ ⲉⲩⲥⲟⲡ.	àriveri haroi ninysos niarxōn ġar evèṡivti ǹtougom marouxōnt ouoh ǹtousaji evsop tote marougō ǹouhap evsop.	Hold a feast to me, ye islands: for the princes shall renew their strength: let them draw nigh and speak together: then let them declare judgment.
41:2	ⲛⲓⲙ ⲁϥⲧⲟⲩⲛⲟⲥ ϯⲙⲉⲑⲙⲏⲓ ⲉ̀ⲃⲟⲗϧⲉⲛ ⲛⲓⲙⲁⲛ̀ϣⲁⲓ ⲁϥⲙⲟⲩϯ ⲉ̀ⲣⲟⲥ ϧⲁⲣⲁⲧϥ ⲟⲩⲟϩ ⲉⲥⲉ̀ⲙⲟϣⲓ ⲉϥⲉ̀ⲧⲏⲓⲥ ⲙ̀ⲡⲉⲙ̀ⲑⲟ ⲛ̀ⲛⲓⲉⲑⲛⲟⲥ ⲟⲩⲟϩ ϩⲁⲛⲟⲩⲣⲱⲟⲩ ⲉϥⲉ̀ⲑ̀ⲣⲟⲩⲧⲱⲙⲧ ⲟⲩⲟϩ ⲉϥⲉ̀ϯ ⲛⲟⲩⲥⲏϥⲓ ⲉ̀ⲡ̀ⲕⲁϩⲓ ⲟⲩⲟϩ ⲛⲟⲩⲫⲓϯ ⲙ̀ⲫ̀ⲣⲏϯ ⲛ̀ϩⲁⲛⲗⲉⲃϣ ⲉⲩϩⲱⲟⲩⲓ̀ ⲉ̀ⲃⲟⲗ .	Ⲛⲓⲙ ⲁϥⲧⲟⲩⲛⲟⲥ ϯⲙⲉⲑⲙⲏⲓ ⲉ̀ⲃⲟⲗ ϧⲉⲛ ⲛⲓⲙⲁⲛ̀ϣⲁⲓ ⲁϥⲙⲟⲩϯ ⲉ̀ⲣⲟⲥ ϧⲁⲣⲁⲧϥ ⲟⲩⲟϩ ⲉⲥⲉ̀ⲙⲟϣⲓ ⲉϥⲉ̀ⲧⲏⲓⲥ ⲛ̀ⲡⲉⲙ̀ⲑⲟ ⲛ̀ⲛⲓⲉⲑⲛⲟⲥ ⲟⲩⲟϩ ϩⲁⲛⲟⲩⲣⲱⲟⲩ ⲉϥⲉ̀ⲑ̀ⲣⲟⲩⲧⲱⲙⲧ ⲟⲩⲟϩ ⲉϥⲉ̀ϯ ⲛ̀ⲟⲩⲥⲏϥⲓ ⲉ̀ⲡ̀ⲕⲁϩⲓ ⲟⲩⲟϩ ⲛ̀ⲟⲩⲫⲓϯ ⲛ̀ⲫ̀ⲣⲏϯ ⲛ̀ϩⲁⲛⲗⲉⲃϣ ⲉⲩϩⲱⲟⲩⲓ̀ ⲉ̀ⲃⲟⲗ.	Nim aftounos timeθmyi èvol xen nimaǹṡai afmouti èros xaratf ouoh esèmoṡi efètyis ǹpem̀θo ǹnieθnos ouoh hanourōou efèθ̀routōmt ouoh efèti ǹousyfi èp̀kahi ouoh ǹoufiti ǹf̀ryti ǹhanlevṡ evhōouì èvol.	Who raised up righteousness from the east, and called it to his feet, so that it should go? shall appoint it an adversary of Gentiles, and shall dismay kings, and bury their swords in the earth, and cast forth their bows and arrows as sticks?
41:3	ⲟⲩⲟϩ ⲉϥⲉ̀ϭⲟϫⲓ ⲛ̀ⲥⲱⲟⲩ ⲟⲩⲟϩ ⲉϥⲉ̀ⲥⲓⲛⲓ ϧⲉⲛⲟⲩϩⲓⲣⲏⲛⲏ ϫⲉⲫ̀ⲙⲱⲓⲧ ⲛ̀ⲛⲉϥϭⲁⲗⲁⲩϫ .	Ⲟⲩⲟϩ ⲉϥⲉ̀ϭⲟϫⲓ ⲛ̀ⲥⲱⲟⲩ ⲟⲩⲟϩ ⲉϥⲉ̀ⲥⲓⲛⲓ ϧⲉⲛ ⲟⲩϩⲓⲣⲏⲛⲏ ϫⲉ ⲫ̀ⲙⲱⲓⲧ ⲛ̀ⲛⲉϥϭⲁⲗⲁⲩϫ.	Ouoh efèċoji ǹsōou ouoh efèsini xen ouhiryny je f̀mōit ǹnefċalavg.	And he shall pursue them; the way of his feet shall proceed in peace.
41:4	ⲛⲓⲙ ⲁϥⲉⲣⲉⲣⲅⲓⲛ ⲟⲩⲟϩ ⲁϥⲓ̀ⲣⲓ ⲛ̀ⲛⲁⲓ ⲁϥⲙⲟⲩϯ ⲉ̀ⲣⲟⲥ ϫⲉⲫⲏⲉⲧⲑⲱϩⲉⲙ ⲙ̀ⲙⲟⲥ ⲓⲥϫⲉⲛ ⲛⲓⲅⲉⲛⲉⲁ̀ ⲛ̀ⲁⲣⲭⲉⲟⲛ ⲁ̀ⲛⲟⲕ ⲡⲉ ⲫϯ ⲡⲓϣⲟⲣⲡ ⲟⲩⲟϩ ϧⲉⲛⲛⲏⲉⲑⲛⲏⲟⲩ ⲁ̀ⲛⲟⲕ ⲟⲛ ⲡⲉ .	Ⲛⲓⲙ ⲁϥⲉⲣⲉⲣⲅⲓⲛ ⲟⲩⲟϩ ⲁϥⲓ̀ⲣⲓ ⲛ̀ⲛⲁⲓ ⲁϥⲙⲟⲩϯ ⲉ̀ⲣⲟⲥ ϫⲉ ⲫⲏⲉⲧⲑⲱϩⲉⲙ ⲙ̀ⲙⲟⲥ ⲓⲥϫⲉⲛ ⲛⲓⲅⲉⲛⲉⲁ̀ ⲛ̀ⲁⲣⲭⲉⲟⲛ ⲁ̀ⲛⲟⲕ ⲡⲉ ⲫ̀ⲛⲟⲩϯ ⲡⲓϣⲟⲣⲡ ⲟⲩⲟϩ ϧⲉⲛ ⲛⲏⲉⲑⲛⲏⲟⲩ ⲁ̀ⲛⲟⲕ ⲟⲛ ⲡⲉ.	Nim aferergin ouoh afìri ǹnai afmouti èros je fyetθōhem m̀mos isjen nigeneà ǹarṡeon ànok pe f̀nouti piṡorp ouoh xen nyeθnyou ànok on pe.	Who has wrought and done these things? he has called it who called it from the generations of old; I God, the first and to all futurity, I AM.
41:5	ⲁⲩⲛⲁⲩ ⲛ̀ϫⲉⲛⲓⲉⲑⲛⲟⲥ ⲟⲩⲟϩ ⲁⲩⲉⲣϩⲟϯ ⲛ̀ϫⲉⲛⲉⲁⲧ ⲙ̀ⲡ̀ⲕⲁϩⲓ ⲁⲩϧⲱⲛⲧ ⲟⲩⲟϩ ⲁⲩⲓ̀ ⲉⲩⲥⲟⲡ .	Ⲁⲩⲛⲁⲩ ⲛ̀ϫⲉ ⲛⲓⲉⲑⲛⲟⲥ ⲟⲩⲟϩ ⲁⲩⲉⲣϩⲟϯ ⲛ̀ϫⲉ ⲛ̀ⲉⲁⲧ ⲛ̀ⲡ̀ⲕⲁϩⲓ ⲁⲩϧⲱⲛⲧ ⲟⲩⲟϩ ⲁⲩⲓ̀ ⲉⲩⲥⲟⲡ.	Avnav ǹje nieθnos ouoh averhoti ǹje ǹeat ǹp̀kahi avxōnt ouoh avì evsop.	The nations saw, and feared; the ends of the earth drew nigh, and came together,
41:6	ⲉⲣⲉⲡⲓⲟⲩⲁⲓ ⲡⲓⲟⲩⲁⲓ ϯϩⲁⲡ ⲉ̀ⲉⲣⲃⲟⲏ̀ⲑⲓⲛ ⲉ̀ⲡⲉϥϣ̀ⲫⲏⲣ ⲛⲉⲙⲡⲉϥⲥⲟⲛ ⲟⲩⲟϩ ⲉϥⲉ̀ϫⲟⲥ .	Ⲉ̀ⲣⲉ ⲡⲓⲟⲩⲁⲓ ⲡⲓⲟⲩⲁⲓ ϯϩⲁⲡ ⲉ̀ⲉⲣⲃⲟⲏ̀ⲑⲓⲛ ⲉ̀ⲡⲉϥϣ̀ⲫⲏⲣ ⲛⲉⲙ ⲡⲉϥⲥⲟⲛ ⲟⲩⲟϩ ⲉϥⲉ̀ϫⲟⲥ.	Ère piouai piouai tihap èerboỳθin èpefṡ̀fyr nem pefson ouoh efègos.	every one judging for his neighbor and that to assist his brother: and one will say,
41:7	ϫⲉⲁϥϣⲁⲛϫⲉⲙϫⲟⲙ ⲛ̀ϫⲉⲟⲩⲣⲱⲙⲓ ⲛ̀ϩⲁⲙϣⲉ ⲛⲉⲙⲟⲩⲃⲉⲥⲛⲏⲧ ⲉϥϩⲓⲟⲩⲓ̀ ⲙ̀ⲡ̀ⲁⲑⲏⲣ ⲟⲩⲟϩ ⲉϥⲉ̀ⲕⲱⲗϩ ⲉⲩⲥⲟⲡ ϧⲉⲛⲟⲩⲥⲏⲟⲩ ⲙⲉⲛ ϣⲁϥϫⲟⲥ ϫⲉⲛⲁⲡⲁⲓϣⲁⲩ ⲁⲩⲧⲁϫⲣⲱⲟⲩ ϧⲉⲛϩⲁⲛⲓ̀ϥⲧ ⲉⲩⲉ̀ⲭⲁⲩ ⲟⲩⲟϩ ⲛ̀ⲛⲟⲩⲕⲓⲙ .	Ϫⲉ ⲁϥϣⲁⲛϫⲉⲙϫⲟⲙ ⲛ̀ϫⲉ ⲟⲩⲣⲱⲙⲓ ⲛ̀ϩⲁⲙϣⲉ ⲛⲉⲙ ⲟⲩⲃⲉⲥⲛⲏⲧ ⲉϥϩⲓⲟⲩⲓ̀ ⲛ̀ⲡ̀ⲁⲑⲏⲣ ⲟⲩⲟϩ ⲉϥⲉ̀ⲕⲱⲗϩ ⲉⲩⲥⲟⲡ ϧⲉⲛ ⲟⲩⲥⲏⲟⲩ ⲙⲉⲛ ϣⲁϥϫⲟⲥ ϫⲉ ⲛⲁⲡⲁⲓϣⲁⲩ ⲁⲩⲧⲁϫⲣⲱⲟⲩ ϧⲉⲛ ϩⲁⲛⲓ̀ϥⲧ ⲉⲩⲉ̀ⲭⲁⲩ ⲟⲩⲟϩ ⲛ̀ⲛⲟⲩⲕⲓⲙ.	Je afṡanjemgom ǹje ourōmi ǹhamṡe nem ouvesnyt efhiouì ǹp̀aθyr ouoh efèkōlh evsop xen ousyou men ṡafgos je napaiṡav avtagrōou xen hanìft evèkav ouoh ǹnoukim.	The artificer has become strong, and the coppersmith that smites with the hammer, and forges also: sometimes he will say, It is a piece well joined: they have fastened them with nails; they will fix them, and they shall not be moved.
41:8	ⲛ̀ⲑⲟⲕ ⲇⲉ ⲡⲓ̅ⲥ̅ⲗ̅ ⲡⲁⲁ̀ⲗⲟⲩ ⲓⲁⲕⲱⲃ ⲫⲏⲉⲧⲁⲓⲥⲟⲧⲡϥ ⲡ̀ϫ̀ⲣⲟϫ ⲛ̀ⲁⲃⲣⲁⲁⲙ ⲫⲏⲉⲧⲁⲓⲙⲉⲛⲣⲓⲧϥ .	Ⲛ̀ⲑⲟⲕ ⲇⲉ ⲡⲓⲥⲣⲁⲏⲗ ⲡⲁⲁ̀ⲗⲟⲩ ⲓⲁⲕⲱⲃ ⲫⲏⲉⲧⲁⲓⲥⲟⲧⲡϥ ⲡ̀ϫ̀ⲣⲟϫ ⲛ̀ⲁⲃⲣⲁⲁⲙ ⲫⲏⲉⲧⲁⲓⲙⲉⲛⲣⲓⲧϥ.	Ǹθok ḋe pisrayl paàlou iakōb fyetaisotpf p̀g̀rog ǹabraam fyetaimenritf.	But thou, Israel, art my servant Jacob, and he whom I have chosen, the seed of Abraam, whom I have loved:
41:9	ⲫⲏⲉⲧⲁⲓϣⲟⲡϥ ⲉ̀ⲣⲟⲓ ⲓⲥϫⲉⲛ ⲁⲩⲣⲏϫϥ ⲙ̀ⲡ̀ⲕⲁϩⲓ ⲟⲩⲟϩ ⲉ̀ⲃⲟⲗϧⲉⲛ ⲛⲉϥⲙⲁⲛ̀ⲁ̀ⲣⲉϩ ⲁⲓⲑⲁϩⲙⲉⲕ ⲟⲩⲟϩ ⲁⲓϫⲟⲥ ⲛⲁⲕ ϫⲉⲛ̀ⲑⲟⲕ ⲡⲉ ⲡⲁⲁ̀ⲗⲟⲩ ⲁⲓⲥⲟⲧⲡⲕ ⲟⲩⲟϩ ⲙ̀ⲡⲓⲭⲁⲕ ⲛ̀ⲥⲱⲓ .	Ⲫⲏⲉⲧⲁⲓϣⲟⲡϥ ⲉ̀ⲣⲟⲓ ⲓⲥϫⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ⲟⲩⲟϩ ⲉ̀ⲃⲟⲗ ϧⲉⲛ ⲛⲉϥⲙⲁⲛ̀ⲁ̀ⲣⲉϩ ⲁⲓⲑⲁϩⲙⲉⲕ ⲟⲩⲟϩ ⲁⲓϫⲟⲥ ⲛⲁⲕ ϫⲉ ⲛ̀ⲑⲟⲕ ⲡⲉ ⲡⲁⲁ̀ⲗⲟⲩ ⲁⲓⲥⲟⲧⲡⲕ ⲟⲩⲟϩ ⲛ̀ⲡⲓⲭⲁⲕ ⲛ̀ⲥⲱⲓ.	Fyetaiṡopf èroi isjen avrygf ǹp̀kahi ouoh èvol xen nefmaǹàreh aiθahmek ouoh aigos nak je ǹθok pe paàlou aisotpk ouoh ǹpikak ǹsōi.	whom I have taken hold of from the ends of the earth, and from the high places of it I have called thee, and said to thee, Thou art my servant; I have chosen thee, and I have not forsaken thee.
41:10	ⲙ̀ⲡⲉⲣⲉⲣϩⲟϯ ϯⲭⲏ ⲅⲁⲣ ⲛⲉⲙⲁⲕ ⲙ̀ⲡⲉⲣⲥⲱⲣⲉⲙ ⲁ̀ⲛⲟⲕ ⲅⲁⲣ ⲡⲉ ⲡⲉⲕⲛⲟⲩϯ ⲫⲏⲉⲧⲁϥϯϫⲟⲙ ⲛⲁⲕ ⲟⲩⲟϩ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲟⲩⲟϩ ⲁⲓⲧⲁϫⲣⲟⲕ ϧⲉⲛⲧⲁⲟⲩⲓ̀ⲛⲁⲙ ⲛ̀ⲧⲁⲫ̀ⲙⲏⲓ .	Ⲙ̀ⲡⲉⲣⲉⲣϩⲟϯ ϯⲭⲏ ⲅⲁⲣ ⲛⲉⲙⲁⲕ ⲙ̀ⲡⲉⲣⲥⲱⲣⲉⲙ ⲁ̀ⲛⲟⲕ ⲅⲁⲣ ⲡⲉ ⲡⲉⲕⲛⲟⲩϯ ⲫⲏⲉⲧⲁϥϯϫⲟⲙ ⲛⲁⲕ ⲟⲩⲟϩ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲟⲩⲟϩ ⲁⲓⲧⲁϫⲣⲟⲕ ϧⲉⲛ ⲧⲁⲟⲩⲓ̀ⲛⲁⲙ ⲛ̀ⲧⲁⲫ̀ⲙⲏⲓ.	M̀pererhoti tiky ġar nemak m̀persōrem ànok ġar pe peknouti fyetaftigom nak ouoh aierboỳθin èrok ouoh aitagrok xen taouìnam ǹtaf̀myi.	Fear not; for I am with thee: wander not; for I am thy God, who have strengthened thee; and I have helped thee, and have established thee with my just right hand.
41:11	ϩⲏⲡⲡⲉ ⲉⲩⲉ̀ϭⲓϣⲓⲡⲓ ⲟⲩⲟϩ ⲉⲩⲉ̀ϭⲓϣⲱϣ ⲧⲏⲣⲟⲩ ⲛ̀ϫⲉⲛⲏⲉⲧϯ ⲟⲩⲃⲏⲕ ⲟⲩⲟϩ ⲉⲩⲉ̀ϣⲱⲡⲓ ⲅⲁⲣ ϩⲱⲥ ⲛ̀ⲥⲉϣⲟⲡ ⲁⲛ ⲟⲩⲟϩ ⲉⲩⲉ̀ⲧⲁⲕⲟ ⲛ̀ϫⲉⲛⲉⲕⲁⲛⲇⲓⲇⲓⲕⲟⲥ ⲧⲏⲣⲟⲩ .	Ϩⲏⲡⲡⲉ ⲉⲩⲉ̀ϭⲓϣⲓⲡⲓ ⲟⲩⲟϩ ⲉⲩⲉ̀ϭⲓϣⲱϣ ⲧⲏⲣⲟⲩ ⲛ̀ϫⲉ ⲛⲏⲉⲧϯ ⲟⲩⲃⲏⲕ ⲟⲩⲟϩ ⲉⲩⲉ̀ϣⲱⲡⲓ ⲅⲁⲣ ϩⲱⲥ ⲛ̀ⲥⲉϣⲟⲡ ⲁⲛ ⲟⲩⲟϩ ⲉⲩⲉ̀ⲧⲁⲕⲟ ⲛ̀ϫⲉ ⲛⲉⲕⲁⲛⲇⲓⲇⲓⲕⲟⲥ ⲧⲏⲣⲟⲩ.	Hyppe evèċiṡipi ouoh evèċiṡōṡ tyrou ǹje nyetti ouvyk ouoh evèṡōpi ġar hōs ǹseṡop an ouoh evètako ǹje nekandidikos tyrou.	Behold, all thine adversaries shall be ashamed and confounded; for they shall be as if they were not: and all thine opponents shall perish.
41:12	ⲉⲕⲉ̀ⲕⲱϯ ⲛ̀ⲥⲱⲟⲩ ⲟⲩⲟϩ ⲛ̀ⲛⲉⲕϫⲓⲙⲓ ⲛ̀ⲛⲓⲣⲱⲙⲓ ⲛⲏⲉⲧⲁⲩⲉⲣⲡⲁⲣⲁⲛⲟⲙⲓⲛ ⲉ̀ⲣⲟⲕ ⲉⲩⲉ̀ϣⲱⲡⲓ ⲅⲁⲣ ϩⲱⲥ ⲛ̀ⲥⲉϣⲱⲡ ⲁⲛ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϫⲉⲛⲏⲉⲧⲃⲟⲧⲥ ⲉ̀ⲣⲟⲕ .	Ⲉⲕⲉ̀ⲕⲱϯ ⲛ̀ⲥⲱⲟⲩ ⲟⲩⲟϩ ⲛ̀ⲛⲉⲕϫⲓⲙⲓ ⲛ̀ⲛⲓⲣⲱⲙⲓ ⲛⲏⲉⲧⲁⲩⲉⲣⲡⲁⲣⲁⲛⲟⲙⲓⲛ ⲉ̀ⲣⲟⲕ ⲉⲩⲉ̀ϣⲱⲡⲓ ⲅⲁⲣ ϩⲱⲥ ⲛ̀ⲥⲉϣⲱⲡ ⲁⲛ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϫⲉ ⲛⲏⲉⲧⲃⲟⲧⲥ ⲉ̀ⲣⲟⲕ.	Ekèkōti ǹsōou ouoh ǹnekjimi ǹnirōmi nyetaverparanomin èrok evèṡōpi ġar hōs ǹseṡōp an ouoh ǹnouṡōpi ǹje nyetvots èrok.	Thou shalt seek them, and thou shalt not find the men who shall insolently rage against thee: for they shall be as if they were not, and they that war against thee shall not be.
41:13	ϫⲉⲁ̀ⲛⲟⲕ ⲡⲉ ⲡⲉⲕⲛⲟⲩϯ ⲫⲏⲉⲧⲁ̀ⲙⲟⲛⲓ ⲛ̀ⲧⲉⲕⲟⲩⲓ̀ⲛⲁⲙ ⲫⲏⲉⲧϫⲱ ⲙ̀ⲙⲟⲥ ⲛⲁⲕ .	Ϫⲉ ⲁ̀ⲛⲟⲕ ⲡⲉ ⲡⲉⲕⲛⲟⲩϯ ⲫⲏⲉⲧⲁ̀ⲙⲟⲛⲓ ⲛ̀ⲧⲉⲕⲟⲩⲓ̀ⲛⲁⲙ ⲫⲏⲉⲧϫⲱ ⲙ̀ⲙⲟⲥ ⲛⲁⲕ.	Je ànok pe peknouti fyetàmoni ǹtekouìnam fyetgō m̀mos nak.	For I am thy God, who holdeth thy right hand, who saith to thee,
41:14	ϫⲉⲙ̀ⲡⲉⲣⲉⲣϩⲟϯ ⲓⲁⲕⲱⲃ ⲡⲓⲕⲟⲩϫⲓ ⲛ̀ⲏ̀ⲡⲓ ⲡⲓ̅ⲥ̅ⲗ̅ ⲁ̀ⲛⲟⲕ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲡⲉϫⲉ ⲫϯ ⲫⲏⲉⲧⲁϥⲥⲟⲧⲡⲕ ⲡⲓ̅ⲥ̅ⲗ̅ .	Ϫⲉ ⲙ̀ⲡⲉⲣⲉⲣϩⲟϯ ⲓⲁⲕⲱⲃ ⲡⲓⲕⲟⲩϫⲓ ⲛ̀ⲏ̀ⲡⲓ ⲡⲓⲥⲣⲁⲏⲗ ⲁ̀ⲛⲟⲕ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲡⲉϫⲉ ⲫ̀ⲛⲟⲩϯ ⲫⲏⲉⲧⲁϥⲥⲟⲧⲡⲕ ⲡⲓⲥⲣⲁⲏⲗ.	Je m̀pererhoti iakōb pikouji ǹỳpi pisrayl ànok aierboỳθin èrok peje f̀nouti fyetafsotpk pisrayl.	Fear not, Jacob, and thou Israel few in number; I have helped thee, saith thy God, he that redeems thee, O Israel.
41:15	ϩⲏⲡⲡⲉ ⲁⲓⲁⲓⲕ ⲙ̀ⲫ̀ⲣⲏϯ ⲛ̀ϩⲁⲛⲧ̀ⲣⲟⲭⲟⲥ ⲛ̀ⲉⲃⲣⲉϩⲓ ⲉⲩϩⲓ ⲉⲩⲟⲓ ⲙ̀ⲃⲉⲣⲓ ⲛ̀ⲣⲟ ⲙ̀ⲃⲁϣⲟⲩⲣ ⲉⲕⲉ̀ϩⲓ ⲛ̀ⲛⲓⲧⲱⲟⲩ ⲟⲩⲟϩ ⲉⲕⲉ̀ⲧϣ̀ⲙⲟ ⲛ̀ⲛⲓⲕⲁⲗⲁⲙⲫⲟ ⲉⲕⲉ̀ⲭⲁⲩ ⲙ̀ⲫ̀ⲣⲏϯ ⲛ̀ⲟⲩⲣⲏⲓⲥⲓ .	Ϩⲏⲡⲡⲉ ⲁⲓⲁⲓⲕ ⲛ̀ⲫ̀ⲣⲏϯ ⲛ̀ϩⲁⲛⲧ̀ⲣⲟⲭⲟⲥ ⲛ̀ⲉⲃⲣⲉϩⲓ ⲉⲩϩⲓ ⲉⲩⲟⲓ ⲛ̀ⲃⲉⲣⲓ ⲛ̀ⲣⲟ ⲛ̀ⲃⲁϣⲟⲩⲣ ⲉⲕⲉ̀ϩⲓ ⲛ̀ⲛⲓⲧⲱⲟⲩ ⲟⲩⲟϩ ⲉⲕⲉ̀ⲧϣ̀ⲙⲟ ⲛ̀ⲛⲓⲕⲁⲗⲁⲙⲫⲟ ⲉⲕⲉ̀ⲭⲁⲩ ⲛ̀ⲫ̀ⲣⲏϯ ⲛ̀ⲟⲩⲣⲏⲓⲥⲓ.	Hyppe aiaik ǹf̀ryti ǹhant̀roxos ǹevrehi evhi evoi ǹveri ǹro ǹvaṡour ekèhi ǹnitōou ouoh ekètṡ̀mo ǹnikalamfo ekèkav ǹf̀ryti ǹouryisi.	Behold, I have made thee as new saw-shaped threshing wheels of a waggon; and thou shalt thresh the mountains, and beat the hills to powder, and make them as chaff:
41:16	ⲟⲩⲟϩ ⲉⲕⲉ̀ϣⲁϣⲟⲩ ⲡ̀ⲑⲏⲟⲩ ⲉϥⲉ̀ⲟⲗⲟⲩ ⲟⲩⲟϩ ⲟⲩⲥⲁⲣⲁⲑⲏⲟⲩ ⲉⲥⲉ̀ϫⲟⲣⲟⲩ ⲉ̀ⲃⲟⲗ ⲛ̀ⲑⲟⲕ ⲇⲉ ⲉⲕⲉ̀ⲟⲩⲛⲟϥ ϧⲉⲛⲛⲏⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ .	Ⲟⲩⲟϩ ⲉⲕⲉ̀ϣⲁϣⲟⲩ ⲡ̀ⲑⲏⲟⲩ ⲉϥⲉ̀ⲟⲗⲟⲩ ⲟⲩⲟϩ ⲟⲩⲥⲁⲣⲁⲑⲏⲟⲩ ⲉⲥⲉ̀ϫⲟⲣⲟⲩ ⲉ̀ⲃⲟⲗ ⲛ̀ⲑⲟⲕ ⲇⲉ ⲉⲕⲉ̀ⲟⲩⲛⲟϥ ϧⲉⲛ ⲛⲏⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ.	Ouoh ekèṡaṡou p̀θyou efèolou ouoh ousaraθyou esègorou èvol ǹθok ḋe ekèounof xen nyeθouab ǹte pisrayl.	and thou shalt winnow them, and the wind shall carry them away, and a tempest shall scatter them: but thou shalt rejoice in the holy ones of Israel.
41:17	ⲟⲩⲟϩ ⲉⲩⲉ̀ⲑⲉⲗⲏⲗ ⲛ̀ϫⲉⲛⲓϩⲏⲕⲓ ⲛⲉⲙⲛⲏⲉⲧⲉⲣϧⲁⲉ̀ ⲉⲩⲉ̀ⲕⲱϯ ⲅⲁⲣ ⲛ̀ⲥⲁⲙⲱⲟⲩ ⲟⲩⲟϩ ⲛ̀ⲛⲟⲩϫⲓⲙⲓ ⲡⲟⲩⲗⲁⲥ ⲇⲉ ⲉϥⲉ̀ϣⲱⲟⲩⲓ̀ ⲉ̀ⲃⲟⲗϧⲉⲛ ⲡⲓⲓ̀ⲃⲓ ⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲁ̀ⲛⲟⲕ ⲉⲓⲉ̀ⲥⲱⲧⲉⲙ ⲫϯ ⲛ̀ⲧⲉⲡⲓ̅ⲥ̅ⲗ̅ ⲟⲩⲟϩ ⲛ̀ⲛⲁⲭⲁⲩ ⲛ̀ⲥⲱⲓ .	Ⲟⲩⲟϩ ⲉⲩⲉ̀ⲑⲉⲗⲏⲗ ⲛ̀ϫⲉ ⲛⲓϩⲏⲕⲓ ⲛⲉⲙ ⲛⲏⲉⲧⲉⲣϧⲁⲉ̀ ⲉⲩⲉ̀ⲕⲱϯ ⲅⲁⲣ ⲛ̀ⲥⲁⲙⲱⲟⲩ ⲟⲩⲟϩ ⲛ̀ⲛⲟⲩϫⲓⲙⲓ ⲡⲟⲩⲗⲁⲥ ⲇⲉ ⲉϥⲉ̀ϣⲱⲟⲩⲓ̀ ⲉ̀ⲃⲟⲗ ϧⲉⲛ ⲡⲓⲓ̀ⲃⲓ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲁ̀ⲛⲟⲕ ⲉⲓⲉ̀ⲥⲱⲧⲉⲙ ⲫ̀ⲛⲟⲩϯ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲛ̀ⲛⲁⲭⲁⲩ ⲛ̀ⲥⲱⲓ.	Ouoh evèθelyl ǹje nihyki nem nyeterxaè evèkōti ġar ǹsamōou ouoh ǹnoujimi poulas ḋe efèṡōouì èvol xen piìvi ànok pe p̀ċois f̀nouti ànok eièsōtem f̀nouti ǹte pisrayl ouoh ǹnakav ǹsōi.	And the poor and the needy shall exult; for when they shall seek water, and there shall be none, and their tongue is parched with thirst, I the Lord God, I the God of Israel will hear, and will not forsake them:
41:18	ⲁⲗⲗⲁ ⲉⲓⲉ̀ⲟⲩⲱⲛϩ ⲛ̀ϩⲁⲛⲓⲁⲣⲱⲟⲩ ϩⲓϫⲉⲛⲛⲓⲧⲱⲟⲩ ⲛⲉⲙϩⲁⲛⲙⲟⲩⲙⲓ ϧⲉⲛⲑ̀ⲙⲏϯ ⲛ̀ϩⲁⲛⲙⲉϣϣⲟϯ ⲉⲓⲉ̀ⲓ̀ⲣⲓ ⲙ̀ⲡ̀ϣⲁϥⲉ ⲛ̀ϩⲁⲛϩⲉⲗⲟⲥ ⲟⲩⲟϩ ⲡⲓⲕⲁϩⲓ ⲉⲧⲟ̀ⲃⲓ ⲉⲓⲉ̀ⲭⲁϥ ⲛ̀ϩⲁⲛϥⲟⲓ ⲙ̀ⲙⲱⲟⲩ .	Ⲁⲗⲗⲁ ⲉⲓⲉ̀ⲟⲩⲱⲛϩ ⲛ̀ϩⲁⲛⲓⲁⲣⲱⲟⲩ ϩⲓϫⲉⲛ ⲛⲓⲧⲱⲟⲩ ⲛⲉⲙ ϩⲁⲛⲙⲟⲩⲙⲓ ϧⲉⲛ ⲑ̀ⲙⲏϯ ⲛ̀ϩⲁⲛⲙⲉϣϣⲟϯ ⲉⲓⲉ̀ⲓ̀ⲣⲓ ⲛ̀ⲡ̀ϣⲁϥⲉ ⲛ̀ϩⲁⲛϩⲉⲗⲟⲥ ⲟⲩⲟϩ ⲡⲓⲕⲁϩⲓ ⲉⲧⲟ̀ⲃⲓ ⲉⲓⲉ̀ⲭⲁϥ ⲛ̀ϩⲁⲛϥ̀ⲟⲓ ⲙ̀ⲙⲱⲟⲩ.	Alla eièouōnh ǹhaniarōou hijen nitōou nem hanmoumi xen θ̀myti ǹhanmeṡṡoti eièìri ǹp̀ṡafe ǹhanhelos ouoh pikahi etòvi eièkaf ǹhanf̀oi m̀mōou.	but I will open rivers on the mountains, and fountains in the midst of plains: I will make the desert pools of water, and a thirsty land watercourses.
41:19	ⲉⲓⲉ̀ⲭⲱ ϧⲉⲛⲡⲓⲕⲁϩⲓ ⲛ̀ϣⲁϥⲉ ⲛ̀ϩⲁⲛⲕⲉⲕⲉⲇⲣⲟⲥ ⲛⲉⲙⲟⲩⲡⲟⲓⲝⲟⲥ ⲛⲉⲙⲟⲩⲙⲩⲣⲥⲏⲛⲏ ⲛⲉⲙⲟⲩⲕⲓⲡⲁⲣⲓⲥⲟⲥ ⲛⲉⲙⲟⲩⲗⲉⲩⲕⲏ ⲛ̀ϣ̀ϣⲏⲛ .	Ⲉⲓⲉ̀ⲭⲱ ϧⲉⲛ ⲡⲓⲕⲁϩⲓ ⲛ̀ϣⲁϥⲉ ⲛ̀ϩⲁⲛⲕⲉⲕⲉⲇⲣⲟⲥ ⲛⲉⲙ ⲟⲩⲡⲟⲓⲝⲟⲥ ⲛⲉⲙ ⲟⲩⲙⲩⲣⲥⲏⲛⲏ ⲛⲉⲙ ⲟⲩⲕⲓⲡⲁⲣⲓⲥⲟⲥ ⲛⲉⲙ ⲟⲩⲗⲉⲩⲕⲏ ⲛ̀ϣ̀ϣⲏⲛ.	Eièkō xen pikahi ǹṡafe ǹhankekeḋros nem oupoiksos nem oumirsyny nem oukiparisos nem oulevky ǹṡ̀ṡyn.	I will plant in the dry land the cedar and box, the myrtle and cypress, and white poplar:
41:20	ϩⲓⲛⲁ ⲛ̀ⲧⲟⲩⲛⲁⲩ ⲟⲩⲟϩ ⲛ̀ⲧⲟⲩⲉ̀ⲙⲓ ⲟⲩⲟϩ ⲛ̀ⲧⲟⲩⲕⲁϯ ⲟⲩⲟϩ ⲛ̀ⲧⲟⲩϯϩ̀ⲑⲏⲟⲩ ⲉⲩⲥⲟⲡ ϫⲉⲧ̀ϫⲓϫ ⲙ̀ⲡϭ̅ⲥ̅ ⲁⲥⲑⲁⲙⲓⲉ ⲛⲁⲓ ⲧⲏⲣⲟⲩ ⲟⲩⲟϩ ⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ ⲁϥⲟⲩⲟⲛϩⲟⲩ ⲉ̀ⲃⲟⲗ .	Ϩⲓⲛⲁ ⲛ̀ⲧⲟⲩⲛⲁⲩ ⲟⲩⲟϩ ⲛ̀ⲧⲟⲩⲉ̀ⲙⲓ ⲟⲩⲟϩ ⲛ̀ⲧⲟⲩⲕⲁϯ ⲟⲩⲟϩ ⲛ̀ⲧⲟⲩϯϩ̀ⲑⲏⲟⲩ ⲉⲩⲥⲟⲡ ϫⲉ ⲧ̀ϫⲓϫ ⲛ̀ⲡ̀ϭⲟⲓⲥ ⲁⲥⲑⲁⲙⲓⲉ ⲛⲁⲓ ⲧⲏⲣⲟⲩ ⲟⲩⲟϩ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ ⲁϥⲟⲩⲟⲛϩⲟⲩ ⲉ̀ⲃⲟⲗ.	Hina ǹtounav ouoh ǹtouèmi ouoh ǹtoukati ouoh ǹtoutih̀θyou evsop je t̀jig ǹp̀ċois asθamie nai tyrou ouoh peθouab ǹte pisrayl afouonhou èvol.	that they may see, and know, and perceive, and understand together, that the hand of the Lord has wrought these works, and the Holy One of Israel has displayed them.
41:21	ⲁϥϧⲱⲛⲧ ⲛ̀ϫⲉⲡⲉⲧⲉⲛϩⲁⲡ ⲡⲉϫⲉ ⲡϭ̅ⲥ̅ ⲫϯ ⲁⲩϧⲱⲛⲧ ⲛ̀ϫⲉⲛⲏⲉⲧⲁⲩⲥⲟϭⲛⲓ ⲡⲉϫⲉ ⲡ̀ⲟⲩⲣⲟ ⲛ̀ⲓⲁⲕⲱⲃ .	Ⲁϥϧⲱⲛⲧ ⲛ̀ϫⲉ ⲡⲉⲧⲉⲛϩⲁⲡ ⲡⲉϫⲉ ⲡ̀ϭⲟⲓⲥ ⲫ̀ⲛⲟⲩϯ ⲁⲩϧⲱⲛⲧ ⲛ̀ϫⲉ ⲛⲏⲉⲧⲁⲩⲥⲟϭⲛⲓ ⲡⲉϫⲉ ⲡ̀ⲟⲩⲣⲟ ⲛ̀ⲓⲁⲕⲱⲃ.	Afxōnt ǹje petenhap peje p̀ċois f̀nouti avxōnt ǹje nyetavsoċni peje p̀ouro ǹiakōb.	Your judgment draws nigh, saith the Lord God; your counsels have drawn nigh, saith the King of Jacob.
41:22	ⲙⲁⲣⲟⲩϧⲱⲛⲧ ⲟⲩⲟϩ ⲙⲁⲣⲟⲩⲧⲁⲙⲱⲧⲉⲛ ⲉ̀ⲛⲏⲉⲑⲛⲁϣⲱⲡⲓ ⲓⲉ ⲛⲓϣⲟⲣⲡ ⲁ̀ϫⲟⲥ ϫⲉⲛⲉ ⲟⲩ ⲛⲉ ⲟⲩⲟϩ ⲉ̀ⲛⲉϯ ⲙ̀ⲡⲉⲛϩⲏⲧ ⲟⲩⲟϩ ⲉ̀ⲛⲉⲉ̀ⲙⲓ ϫⲉⲟⲩ ⲛⲉ ⲛⲓϧⲁⲉ̀ⲩ ⲟⲩⲟϩ ⲛⲏⲉⲑⲛⲏⲟⲩ ⲁ̀ϫⲟⲧⲟⲩ ⲛⲁⲛ .	Ⲙⲁⲣⲟⲩϧⲱⲛⲧ ⲟⲩⲟϩ ⲙⲁⲣⲟⲩⲧⲁⲙⲱⲧⲉⲛ ⲉ̀ⲛⲏⲉⲑⲛⲁϣⲱⲡⲓ ⲓⲉ ⲛⲓϣⲟⲣⲡ ⲁ̀ϫⲟⲥ ϫⲉ ⲛⲉ ⲟⲩ ⲛⲉ ⲟⲩⲟϩ ⲉ̀ⲛⲉϯ ⲛ̀ⲡⲉⲛϩⲏⲧ ⲟⲩⲟϩ ⲉ̀ⲛⲉⲉ̀ⲙⲓ ϫⲉ ⲟⲩ ⲛⲉ ⲛⲓϧⲁⲉ̀ⲩ ⲟⲩⲟϩ ⲛⲏⲉⲑⲛⲏⲟⲩ ⲁ̀ϫⲟⲧⲟⲩ ⲛⲁⲛ.	Marouxōnt ouoh maroutamōten ènyeθnaṡōpi ie niṡorp àgos je ne ou ne ouoh èneti ǹpenhyt ouoh èneèmi je ou ne nixaèv ouoh nyeθnyou àgotou nan.	Let them draw nigh, and declare to you what things shall come to pass; or tell us what things were of old, and we will apply our understanding, and we shall know what are the last and the future things:
41:23	ⲟⲩⲟϩ ⲙⲁⲧⲁⲙⲟⲛ ⲉ̀ⲛⲏⲉⲑⲛⲁϣⲱⲡⲓ ⲉ̀ⲡ̀ϧⲁⲉ̀ ⲟⲩⲟϩ ⲉ̀ⲛⲉⲉ̀ⲙⲓ ϫⲉⲛ̀ⲑⲱⲧⲉⲛ ϩⲁⲛⲛⲟⲩϯ ⲁⲣⲓ ⲡⲉⲑⲛⲁⲛⲉϥ ⲟⲩⲟϩ ⲙⲁⲧ̀ϩⲉⲙⲕⲟ ⲉ̀ⲛⲉⲉⲣϣ̀ⲫⲏⲣⲓ ⲟⲩⲟϩ ⲉ̀ⲛⲉⲛⲁⲩ ⲉⲩⲥⲟⲡ .	Ⲟⲩⲟϩ ⲙⲁⲧⲁⲙⲟⲛ ⲉ̀ⲛⲏⲉⲑⲛⲁϣⲱⲡⲓ ⲉ̀ⲡ̀ϧⲁⲉ̀ ⲟⲩⲟϩ ⲉ̀ⲛⲉⲉ̀ⲙⲓ ϫⲉ ⲛ̀ⲑⲱⲧⲉⲛ ϩⲁⲛⲛⲟⲩϯ ⲁ̀ⲣⲓ ⲡⲉⲑⲛⲁⲛⲉϥ ⲟⲩⲟϩ ⲙⲁⲧ̀ϩⲉⲙⲕⲟ ⲉ̀ⲛⲉⲉⲣϣ̀ⲫⲏⲣⲓ ⲟⲩⲟϩ ⲉ̀ⲛⲉⲛⲁⲩ ⲉⲩⲥⲟⲡ.	Ouoh matamon ènyeθnaṡōpi èp̀xaè ouoh èneèmi je ǹθōten hannouti àri peθnanef ouoh mat̀·hemko èneerṡ̀fyri ouoh ènenav evsop.	tell us, declare ye to us the things that are coming on at the last time, and we shall know that ye are gods: do good, and do evil, and we shall wonder, and see at the same time
41:24	ϫⲉⲛ̀ⲑⲱⲧⲉⲛ ϩⲁⲛ ⲉ̀ⲃⲟⲗⲑⲱⲛ ⲛ̀ⲑⲱⲧⲉⲛ ⲟⲩⲟϩ ⲧⲉⲧⲉⲛⲉⲣⲅⲁⲥⲓⲁ̀ ⲟⲩ ⲉ̀ⲃⲟⲗⲑⲱⲛ ⲧⲉ ⲁⲩⲥⲉⲧⲡ ⲑⲏⲛⲟⲩ ⲛ̀ⲟⲩⲃⲟϯ ⲉ̀ⲃⲟⲗϩⲓϫⲉⲛ ⲡ̀ⲕⲁϩⲓ .	Ϫⲉ ⲛ̀ⲑⲱⲧⲉⲛ ϩⲁⲛ ⲉ̀ⲃⲟⲗ ⲑⲱⲛ ⲛ̀ⲑⲱⲧⲉⲛ ⲟⲩⲟϩ ⲧⲉⲧⲉⲛⲉⲣⲅⲁⲥⲓⲁ̀ ⲟⲩ ⲉ̀ⲃⲟⲗ ⲑⲱⲛ ⲧⲉ ⲁⲩⲥⲉⲧⲡ ⲑⲏⲛⲟⲩ ⲛ̀ⲟⲩⲃⲟϯ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ.	Je ǹθōten han èvol θōn ǹθōten ouoh tetenerġasià ou èvol θōn te avsetp θynou ǹouvoti èvol hijen p̀kahi.	whence ye are, and whence is your works: they have chosen you an abomination out of the earth.
41:25	ⲁⲛⲟⲕ ⲇⲉ ⲁⲓⲧⲟⲩⲛⲟⲥ ⲫⲏ ⲉ̀ⲃⲟⲗϧⲉⲛ ⲡⲉⲙϩⲓⲧ ⲛⲉⲙⲫⲏ ⲉ̀ⲃⲟⲗϧⲉⲛ ⲛⲓⲙⲁⲛ̀ϣⲁⲓ ⲛ̀ⲧⲉⲫ̀ⲣⲏ ⲉⲩⲉ̀ⲙⲟⲩϯ ⲉ̀ⲣⲱⲟⲩ ⲙ̀ⲡⲁⲣⲁⲛ ⲙⲁⲣⲟⲩⲓ̀ ⲛ̀ϫⲉϩⲁⲛⲁⲣⲭⲱⲛ ⲟⲩⲟϩ ⲙ̀ⲫ̀ⲣⲏϯ ⲛ̀ⲟⲩⲟ̀ⲙⲓ ⲛ̀ⲕⲉⲣⲁⲙⲉⲩⲥ ⲛⲉⲙⲙ̀ⲫ̀ⲣⲏϯ ⲛ̀ⲟⲩⲕⲉⲣⲁⲙⲉⲩⲥ ⲉϥϩⲉⲙϩⲉⲙ ⲙ̀ⲡⲉϥⲟ̀ⲙⲓ ⲡⲁⲓⲣⲏϯ ⲉⲩⲉ̀ϩⲉⲙϩⲉⲙ ⲑⲏⲛⲟⲩ .	Ⲁⲛⲟⲕ ⲇⲉ ⲁⲓⲧⲟⲩⲛⲟⲥ ⲫⲏ ⲉ̀ⲃⲟⲗ ϧⲉⲛ ⲡⲉⲙϩⲓⲧ ⲛⲉⲙ ⲫⲏ ⲉ̀ⲃⲟⲗ ϧⲉⲛ ⲛⲓⲙⲁⲛ̀ϣⲁⲓ ⲛ̀ⲧⲉ ⲫ̀ⲣⲏ ⲉⲩⲉ̀ⲙⲟⲩϯ ⲉ̀ⲣⲱⲟⲩ ⲛ̀ⲡⲁⲣⲁⲛ ⲙⲁⲣⲟⲩⲓ̀ ⲛ̀ϫⲉ ϩⲁⲛⲁⲣⲭⲱⲛ ⲟⲩⲟϩ ⲛ̀ⲫ̀ⲣⲏϯ ⲛ̀ⲟⲩⲟ̀ⲙⲓ ⲛ̀ⲕⲉⲣⲁⲙⲉⲩⲥ ⲛⲉⲙ ⲛ̀ⲫ̀ⲣⲏϯ ⲛ̀ⲟⲩⲕⲉⲣⲁⲙⲉⲩⲥ ⲉϥϩⲉⲙϩⲉⲙ ⲛ̀ⲡⲉϥⲟ̀ⲙⲓ ⲡⲁⲓⲣⲏϯ ⲉⲩⲉ̀ϩⲉⲙϩⲉⲙ ⲑⲏⲛⲟⲩ.	Anok ḋe aitounos fy èvol xen pemhit nem fy èvol xen nimaǹṡai ǹte f̀ry evèmouti èrōou ǹparan marouì ǹje hanarxōn ouoh ǹf̀ryti ǹouòmi ǹkeramevs nem ǹf̀ryti ǹoukeramevs efhemhem ǹpefòmi pairyti evèhemhem θynou.	But I have raised up him that comes from the north, and him that comes from the rising of the sun: they shall be called by my name: let the princes come, and as potter's clay, and as a potter treading clay, so shall ye be trodden down.
41:26	ⲛⲓⲙ ⲅⲁⲣ ⲉⲑⲛⲁⲧⲁⲙⲱⲧⲉⲛ ⲉ̀ⲛⲓϣⲟⲣⲡ ϩⲓⲛⲁ ⲛ̀ⲧⲉⲧⲉⲛⲉ̀ⲙⲓ ⲛⲉⲙⲛⲏⲉⲧϩⲓ ⲧ̀ϩⲏ ⲟⲩⲟϩ ⲉ̀ⲛⲉϫⲟⲥ ϫⲉϩⲁⲛⲙⲉⲑⲙⲏⲓ ⲛⲉ ⲉⲛϥ̀ϣⲟⲡ ⲁⲛ ⲛ̀ϫⲉⲫⲏⲉⲧⲉⲣϣⲟⲣⲡ ⲛ̀ϫⲱ ⲙ̀ⲙⲟⲥ ⲟⲩⲇⲉ ⲫⲏⲉⲧⲥⲱⲧⲉⲙ ⲉ̀ⲛⲉⲧⲉⲛⲥⲁϫⲓ .	Ⲛⲓⲙ ⲅⲁⲣ ⲉⲑⲛⲁⲧⲁⲙⲱⲧⲉⲛ ⲉ̀ⲛⲓϣⲟⲣⲡ ϩⲓⲛⲁ ⲛ̀ⲧⲉⲧⲉⲛⲉ̀ⲙⲓ ⲛⲉⲙ ⲛⲏⲉⲧϩⲓ ⲧ̀ϩⲏ ⲟⲩⲟϩ ⲉ̀ⲛⲉϫⲟⲥ ϫⲉ ϩⲁⲛⲙⲉⲑⲙⲏⲓ ⲛⲉ ⲉ̀ⲛ̀ϥ̀ϣⲟⲡ ⲁⲛ ⲛ̀ϫⲉ ⲫⲏⲉⲧⲉⲣϣⲟⲣⲡ ⲛ̀ϫⲱ ⲙ̀ⲙⲟⲥ ⲟⲩⲇⲉ ⲫⲏⲉⲧⲥⲱⲧⲉⲙ ⲉ̀ⲛⲉⲧⲉⲛⲥⲁϫⲓ.	Nim ġar eθnatamōten èniṡorp hina ǹtetenèmi nem nyet·hi t̀·hy ouoh ènegos je hanmeθmyi ne èǹf̀ṡop an ǹje fyeterṡorp ǹgō m̀mos ouḋe fyetsōtem ènetensaji.	For who will declare the things from the beginning, that we may know also the former things, and we will say that they are true? there is no one that speaks beforehand, nor anyone that hears your words.
41:27	ⲉⲓⲉ̀ϯ ⲛ̀ⲟⲩⲁⲣⲭⲏ ⲛ̀ⲥⲓⲱⲛ ⲟⲩⲟϩ ⲓⲗ̅ⲏ̅ⲙ̅ ⲉⲓⲉ̀ϯⲛⲟⲙϯ ⲛⲁⲥ ϩⲓⲟⲩⲙⲱⲓⲧ .	Ⲉⲓⲉ̀ϯ ⲛ̀ⲟⲩⲁⲣⲭⲏ ⲛ̀ⲥⲓⲱⲛ ⲟⲩⲟϩ ⲓⲉⲣⲟⲩⲥⲁⲗⲏⲙ ⲉ̀ⲓⲉ̀ϯⲛⲟⲙϯ ⲛⲁⲥ ϩⲓ ⲟⲩⲙⲱⲓⲧ.	Eièti ǹouarṡy ǹsiōn ouoh ierousalym èiètinomti nas hi oumōit.	I will give dominion to Sion, and will comfort Jerusalem by the way.
41:28	ⲉ̀ⲃⲟⲗ ⲅⲁⲣ ϧⲉⲛⲛⲓⲉⲑⲛⲟⲥ ϩⲏⲡⲡⲉ ⲙ̀ⲙⲟⲛ ϩ̀ⲗⲓ ⲟⲩⲟϩ ⲉ̀ⲃⲟⲗϧⲉⲛ ⲛⲟⲩⲓ̀ⲇⲱⲗⲟⲛ ⲛⲉ ⲙ̀ⲙⲟⲛ ⲡⲉⲧⲥⲁϫⲓ ⲟⲩⲟϩ ⲉϣⲱⲡ ⲁⲓϣⲁⲛϣⲉⲛ ⲑⲏⲛⲟⲩ ϫⲉⲛ̀ⲑⲱⲧⲉⲛ ϩⲁⲛⲉ̀ⲃⲟⲗⲑⲱⲛ ⲛ̀ⲛⲟⲩⲉⲣⲟⲩⲱ̀ ⲛⲏⲓ .	Ⲉ̀ⲃⲟⲗ ⲅⲁⲣ ϧⲉⲛ ⲛⲓⲉⲑⲛⲟⲥ ϩⲏⲡⲡⲉ ⲙ̀ⲙⲟⲛ ϩ̀ⲗⲓ ⲟⲩⲟϩ ⲉ̀ⲃⲟⲗ ϧⲉⲛ ⲛ̀ⲟⲩⲓ̀ⲇⲱⲗⲟⲛ ⲛⲉ ⲙ̀ⲙⲟⲛ ⲡⲉⲧⲥⲁϫⲓ ⲟⲩⲟϩ ⲉϣⲱⲡ ⲁⲓϣⲁⲛϣⲉⲛ ⲑⲏⲛⲟⲩ ϫⲉ ⲛ̀ⲑⲱⲧⲉⲛ ϩⲁ ⲛⲉ̀ⲃⲟⲗⲑⲱⲛ ⲛ̀ⲛⲟⲩⲉⲣⲟⲩⲱ̀ ⲛⲏⲓ.	Èvol ġar xen nieθnos hyppe m̀mon h̀li ouoh èvol xen ǹouìḋōlon ne m̀mon petsaji ouoh eṡōp aiṡanṡen θynou je ǹθōten ha nèvolθōn ǹnouerouṑ nyi.	For from among the nations, behold, there was no one; and of their idols there was none to declare anything: and if I should ask them, Whence are ye? they could not answer me.
41:29	ⲥⲉϣⲟⲡ ⲅⲁⲣ ⲛ̀ϫⲉⲛⲏⲉⲧⲑ̀ⲙⲁⲓⲟ ⲙ̀ⲙⲱⲧⲉⲛ ⲛⲉⲙⲛⲏⲉⲧⲥⲱⲣⲉⲙ ⲙ̀ⲙⲱⲧⲉⲛ ⲉⲫⲗⲏⲟⲩ .	Ⲥⲉϣⲟⲡ ⲅⲁⲣ ⲛ̀ϫⲉ ⲛⲏⲉⲧⲑ̀ⲙⲁⲓⲟ ⲙ̀ⲙⲱⲧⲉⲛ ⲛⲉⲙ ⲛⲏⲉⲧⲥⲱⲣⲉⲙ ⲙ̀ⲙⲱⲧⲉⲛ ⲉ̀ⲫ̀ⲗⲏⲟⲩ.	Seṡop ġar ǹje nyetθ̀maio m̀mōten nem nyetsōrem m̀mōten èf̀lyou.	For these are your makers, as ye think, and they that cause you to err in vain.

Provenance

title: 23_Isaias_41
dialect: bohairic
source: Coptic SCRIPTORIUM corpus "bohairic.ot", document 23_Isaias_41
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_41 from Coptic SCRIPTORIUM (https://copticscriptorium.org), corpus bohairic.ot, document 23_Isaias_41, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/41.bohairic.scriptorium.L0.txt
title: 23_Isaias_41 — Cairene
dialect: bohairic
source: generated from 41.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_41)
licence: CC BY-SA 4.0
share: attribution
attribution: 23_Isaias_41 from Coptic SCRIPTORIUM (https://copticscriptorium.org), corpus bohairic.ot, document 23_Isaias_41, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/41.bohairic.scriptorium.L1.txt
title: 23_Isaias_41 — Kemetic
dialect: bohairic
source: generated from 41.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_41 from Coptic SCRIPTORIUM (https://copticscriptorium.org), corpus bohairic.ot, document 23_Isaias_41, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/41.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 29 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_41 (29 lines)

Cite as:

23_Isaias_41. Coptic SCRIPTORIUM corpus "bohairic.ot", document 23_Isaias_41. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/41.bohairic.scriptorium/. 23_Isaias_41 from Coptic SCRIPTORIUM (https://copticscriptorium.org), corpus bohairic.ot, document 23_Isaias_41, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.