23_Isaias_45 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_45

Attribution: 23_Isaias_45 from Coptic SCRIPTORIUM (https://copticscriptorium.org), corpus bohairic.ot, document 23_Isaias_45, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
45:1	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫϯ ⲙ̀ⲡⲁⲭ̅ⲣ̅ⲥ̅ ⲕⲩⲣⲟⲥ ⲫⲏⲉⲧⲁⲓⲁ̀ⲙⲟⲛⲓ ⲛ̀ⲧⲉϥⲟⲩⲓ̀ⲛⲁⲙ ⲉ̀ⲑ̀ⲣⲉ ϩⲁⲛⲉⲑⲛⲟⲥ ⲥⲱⲧⲉⲙ ⲙ̀ⲡⲉϥⲙ̀ⲑⲟ ⲟⲩⲟϩ ⲧ̀ϫⲟⲙ ⲛ̀ⲧⲉϩⲁⲛⲟⲩⲣⲱⲟⲩ ϯⲛⲁⲫⲁϧⲥ ⲉⲓⲉ̀ⲁ̀ⲟⲩⲱⲛ ⲛ̀ϩⲁⲛⲣⲱⲟⲩ ⲙ̀ⲡⲉϥⲙ̀ⲑⲟ ⲟⲩⲟϩ ϩⲁⲛⲃⲁⲕⲓ ⲛ̀ⲛⲟⲩⲙⲁϣⲑⲁⲙ ⲉ̀ⲣⲱⲟⲩ .	ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲡⲁⲭ̀ⲣⲓⲥⲧⲟⲥ ⲕⲩⲣⲟⲥ ⲫⲏⲉⲧⲁⲓⲁ̀ⲙⲟⲛⲓ ⲛ̀ⲧⲉϥⲟⲩⲓ̀ⲛⲁⲙ ⲉ̀ⲑ̀ⲣⲉ ϩⲁⲛⲉⲑⲛⲟⲥ ⲥⲱⲧⲉⲙ ⲛ̀ⲡⲉϥⲙ̀ⲑⲟ ⲟⲩⲟϩ ⲧ̀ϫⲟⲙ ⲛ̀ⲧⲉ ϩⲁⲛⲟⲩⲣⲱⲟⲩ ϯⲛⲁⲫⲁϧⲥ ⲉⲓⲉ̀ⲁ̀ⲟⲩⲱⲛ ⲛ̀ϩⲁⲛⲣⲱⲟⲩ ⲛ̀ⲡⲉϥⲙ̀ⲑⲟ ⲟⲩⲟϩ ϩⲁⲛⲃⲁⲕⲓ ⲛ̀ⲛⲟⲩⲙⲁϣ̀ⲑⲁⲙ ⲉ̀ⲣⲱⲟⲩ.	fai pe ǹf̀ryti etefgō m̀mos ǹje p̀ċois f̀nouti ǹpax̀ristos kiros fyetaiàmoni ǹtefouìnam èθ̀re haneθnos sōtem ǹpefm̀θo ouoh t̀gom ǹte hanourōou tinafaxs eièàouōn ǹhanrōou ǹpefm̀θo ouoh hanvaki ǹnoumaṡ̀θam èrōou.	Thus saith the Lord God to my anointed Cyrus, whose right hand I have held, that nations might be obedient before him; and I will break through the strength of kings; I will open doors before him, and cities shall not be closed.
45:2	ⲁⲛⲟⲕ ⲉⲓⲉ̀ⲙⲟϣⲓ ϧⲁϫⲱϥ ⲟⲩⲟϩ ϩⲁⲛⲧⲱⲟⲩ ⲉⲓⲉ̀ϣⲁϣⲟⲩ ϩⲁⲛⲣⲱⲟⲩ ⲛ̀ϩⲟⲙⲧ ⲉⲓⲉ̀ϧⲉⲙϧⲱⲙⲟⲩ ⲟⲩⲟϩ ϩⲁⲛⲙⲟⲭⲗⲟⲩⲥ ⲙ̀ⲃⲉⲛⲓⲡⲓ ⲉⲓⲉ̀ⲕⲁϣⲟⲩ .	Ⲁⲛⲟⲕ ⲉⲓⲉ̀ⲙⲟϣⲓ ϧⲁϫⲱϥ ⲟⲩⲟϩ ϩⲁⲛⲧⲱⲟⲩ ⲉⲓⲉ̀ϣⲁϣⲟⲩ ϩⲁⲛⲣⲱⲟⲩ ⲛ̀ϩⲟⲙⲧ ⲉⲓⲉ̀ϧⲉⲙϧⲱⲙⲟⲩ ⲟⲩⲟϩ ϩⲁⲛⲙⲟⲭⲗⲟⲩⲥ ⲛ̀ⲃⲉⲛⲓⲡⲓ ⲉⲓⲉ̀ⲕⲁϣⲟⲩ.	Anok eièmoṡi xagōf ouoh hantōou eièṡaṡou hanrōou ǹhomt eièxemxōmou ouoh hanmoxlous ǹvenipi eièkaṡou.	I will go before thee, and will level mountains: I will break to pieces brazen doors, and burst iron bars.
45:3	ⲟⲩⲟϩ ⲉⲓⲉ̀ϯ ⲛⲁⲕ ⲛ̀ϩⲁⲛⲁ̀ϩⲱⲣ ⲛ̀ⲭⲁⲕⲓ ⲉⲩϩⲏⲡ ϩⲁⲛⲁⲑⲛⲁⲩ ⲉ̀ⲣⲱⲟⲩ ⲉⲓⲉ̀ⲁ̀ⲟⲩⲱⲛ ⲙ̀ⲙⲱⲟⲩ ⲛⲁⲕ ϩⲓⲛⲁ ⲛ̀ⲧⲉⲕⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲫⲏⲉⲑⲙⲟⲩϯ ⲙ̀ⲡⲉⲕⲣⲁⲛ ⲫϯ ⲙ̀ⲡⲓ̅ⲥ̅ⲗ̅ .	Ⲟⲩⲟϩ ⲉⲓⲉ̀ϯ ⲛⲁⲕ ⲛ̀ϩⲁⲛⲁ̀ϩⲱⲣ ⲛ̀ⲭⲁⲕⲓ ⲉⲩϩⲏⲡ ϩⲁⲛⲁⲑⲛⲁⲩ ⲉ̀ⲣⲱⲟⲩ ⲉⲓⲉ̀ⲁ̀ⲟⲩⲱⲛ ⲙ̀ⲙⲱⲟⲩ ⲛⲁⲕ ϩⲓⲛⲁ ⲛ̀ⲧⲉⲕⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲫⲏⲉⲑⲙⲟⲩϯ ⲛ̀ⲡⲉⲕⲣⲁⲛ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ.	Ouoh eièti nak ǹhanàhōr ǹkaki evhyp hanaθnav èrōou eièàouōn m̀mōou nak hina ǹtekèmi je ànok pe p̀ċois f̀nouti fyeθmouti ǹpekran f̀nouti ǹpisrayl.	And I will give thee the treasures of darkness, I will open to thee hidden, unseen treasures, that thou mayest know that I, the Lord thy God, that call thee by name, am the God of Israel.
45:4	ⲉⲑⲃⲉⲓⲁⲕⲱⲃ ⲡⲁⲁ̀ⲗⲟⲩ ⲛⲉⲙⲡⲓ̅ⲥ̅ⲗ̅ ⲡⲁⲥⲱⲧⲡ ⲁ̀ⲛⲟⲕ ⲉⲓⲉ̀ⲙⲟⲩϯ ⲉ̀ⲣⲟⲕ ⲙ̀ⲡⲁⲣⲁⲛ ⲟⲩⲟϩ ϯⲛⲁϣⲟⲡⲕ ⲉ̀ⲣⲟⲓ ⲛ̀ⲑⲟⲕ ⲇⲉ ⲙ̀ⲡⲉⲕⲥⲟⲩⲱⲛⲧ .	Ⲉⲑⲃⲉ ⲓⲁⲕⲱⲃ ⲡⲁⲁ̀ⲗⲟⲩ ⲛⲉⲙ ⲡⲓⲥⲣⲁⲏⲗ ⲡⲁⲥⲱⲧⲡ ⲁ̀ⲛⲟⲕ ⲉⲓⲉ̀ⲙⲟⲩϯ ⲉ̀ⲣⲟⲕ ⲛ̀ⲡⲁⲣⲁⲛ ⲟⲩⲟϩ ϯⲛⲁϣⲟⲡⲕ ⲉ̀ⲣⲟⲓ ⲛ̀ⲑⲟⲕ ⲇⲉ ⲙ̀ⲡⲉⲕⲥⲟⲩⲱⲛⲧ.	Eθve iakōb paàlou nem pisrayl pasōtp ànok eièmouti èrok ǹparan ouoh tinaṡopk èroi ǹθok ḋe m̀pek·souōnt.	For the sake of my servant Jacob, and Israel mine elect, I will call thee by thy name, and accept thee: but thou hast not known me.
45:5	ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲟⲩⲟϩ ⲙ̀ⲙⲟⲛ ⲕⲉⲛⲟⲩϯ ⲉⲃⲏⲗ ⲉ̀ⲣⲟⲓ ⲟⲩⲟϩ ⲛⲁⲕⲥⲱⲟⲩⲛ ⲙ̀ⲙⲟⲓ ⲁⲛ ⲡⲉ .	Ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲕⲉⲛⲟⲩϯ ⲉ̀ⲃⲏⲗ ⲉ̀ⲣⲟⲓ ⲟⲩⲟϩ ⲛⲁⲕⲥⲱⲟⲩⲛ ⲙ̀ⲙⲟⲓ ⲁⲛ ⲡⲉ.	Je ànok pe p̀ċois f̀nouti ouoh m̀mon kenouti èvyl èroi ouoh nak·sōoun m̀moi an pe.	For I am the Lord God, and there is no other God beside me; I strengthened thee, and thou hast not known me.
45:6	ϩⲓⲛⲁ ⲛ̀ⲧⲟⲩⲉ̀ⲙⲓ ⲛ̀ϫⲉⲛⲏⲉⲧⲭⲏ ⲥⲁ ⲡⲓⲙⲁⲛ̀ϣⲁⲓ ⲛ̀ⲧⲉⲫ̀ⲣⲏ ⲛⲉⲙⲛⲏⲉⲧⲭⲏ ⲥⲁ ⲡⲓⲙⲁⲛ̀ϩⲱⲧⲡ ϫⲉⲙ̀ⲙⲟⲛ ⲕⲉⲟⲩⲁⲓ ⲉⲃⲏⲗ ⲉ̀ⲣⲟⲓ ⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲟⲩⲟϩ ⲙ̀ⲙⲟⲛ ⲫⲏⲉⲧϣⲟⲡ ϫⲉ .	Ϩⲓⲛⲁ ⲛ̀ⲧⲟⲩⲉ̀ⲙⲓ ⲛ̀ϫⲉ ⲛⲏⲉⲧⲭⲏ ⲥⲁ ⲡⲓⲙⲁⲛ̀ϣⲁⲓ ⲛ̀ⲧⲉ ⲫ̀ⲣⲏ ⲛⲉⲙ ⲛⲏⲉⲧⲭⲏ ⲥⲁ ⲡⲓⲙⲁⲛ̀ϩⲱⲧⲡ ϫⲉ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟⲓ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲫⲏⲉⲧϣⲟⲡ ϫⲉ.	Hina ǹtouèmi ǹje nyetky sa pimaǹṡai ǹte f̀ry nem nyetky sa pimaǹhōtp je m̀mon keouai èvyl èroi ànok pe p̀ċois f̀nouti ouoh m̀mon fyetṡop je.	That they that come from the east and they that come from the west may know that there is no God but me. I am the Lord God, and there is none beside.
45:7	ⲁⲛⲟⲕ ⲡⲉ ⲫⲏⲉⲧⲁϥⲥⲟⲃϯ ⲙ̀ⲡⲓⲟⲩⲱⲓⲛⲓ ⲟⲩⲟϩ ⲁϥⲑⲁⲙⲓⲟ ⲙ̀ⲡⲓⲭⲁⲕⲓ ⲁ̀ⲛⲟⲕ ⲡⲉⲧϯ ⲛ̀ⲟⲩϩⲓⲣⲏⲛⲏ ⲟⲩⲟϩ ⲉⲧⲥⲱⲛⲧ ⲛ̀ϩⲁⲛⲡⲉⲧϩⲱⲟⲩ ⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲫⲏⲉⲧⲑⲁⲙⲓⲟ ⲛ̀ⲛⲁⲓ ⲧⲏⲣⲟⲩ .	Ⲁⲛⲟⲕ ⲡⲉ ⲫⲏⲉⲧⲁϥⲥⲟⲃϯ ⲛ̀ⲡⲓⲟⲩⲱⲓⲛⲓ ⲟⲩⲟϩ ⲁϥⲑⲁⲙⲓⲟ ⲛ̀ⲡⲓⲭⲁⲕⲓ ⲁ̀ⲛⲟⲕ ⲡⲉⲧϯ ⲛ̀ⲟⲩϩⲓⲣⲏⲛⲏ ⲟⲩⲟϩ ⲉⲧⲥⲱⲛⲧ ⲛ̀ϩⲁⲛⲡⲉⲧϩⲱⲟⲩ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲫⲏⲉⲧⲑⲁⲙⲓⲟ ⲛ̀ⲛⲁⲓ ⲧⲏⲣⲟⲩ.	Anok pe fyetafsovti ǹpiouōini ouoh afθamio ǹpikaki ànok petti ǹouhiryny ouoh etsōnt ǹhanpet·hōou ànok pe p̀ċois f̀nouti fyetθamio ǹnai tyrou.	I am he that prepared light, and formed darkness; who make peace, and create evil; I am the Lord God, that does all these things.
45:8	ⲙⲁⲣⲉⲥⲟⲩⲛⲟϥ ⲛ̀ϫⲉⲧ̀ⲫⲉ ⲙ̀ⲡ̀ϣⲱⲓ ⲟⲩⲟϩ ⲛⲓϭⲏⲡⲓ ⲙⲁⲣⲟⲩⲛⲟⲩϫϧ ⲛ̀ⲟⲩⲙⲉⲑⲙⲏⲓ ⲙⲁⲣⲉϥⲣⲱⲧ ⲛ̀ϫⲉⲡ̀ⲕⲁϩⲓ ⲛ̀ⲟⲩⲛⲁⲓ ⲟⲩⲟϩ ⲙⲁⲣⲉϥⲫⲓⲣⲓ ⲉ̀ⲃⲟⲗ ⲟⲩⲟϩ ⲙⲁⲣⲉϥⲣⲱⲧ ⲛ̀ⲟⲩⲇⲓⲕⲉⲟⲥⲩⲛⲏ ⲉⲩⲥⲟⲡ ⲁ̀ⲛⲟⲕ ⲡⲉ ⲡϭ̅ⲥ̅ ⲫϯ ⲫⲏⲉⲧⲁϥⲥⲟⲛⲧⲕ .	Ⲙⲁⲣⲉⲥⲟⲩⲛⲟϥ ⲛ̀ϫⲉ ⲧ̀ⲫⲉ ⲛ̀ⲡ̀ϣⲱⲓ ⲟⲩⲟϩ ⲛⲓϭⲏⲡⲓ ⲙⲁⲣⲟⲩⲛⲟⲩϫϧ ⲛ̀ⲧⲉ ⲟⲩⲙⲉⲑⲙⲏⲓ ⲙⲁⲣⲉϥⲣⲱⲧ ⲛ̀ϫⲉ ⲡ̀ⲕⲁϩⲓ ⲛ̀ⲟⲩⲛⲁⲓ ⲟⲩⲟϩ ⲙⲁⲣⲉϥⲫⲓⲣⲓ ⲉ̀ⲃⲟⲗ ⲟⲩⲟϩ ⲙⲁⲣⲉϥⲣⲱⲧ ⲛ̀ⲟⲩⲇⲓⲕⲉⲟ̀ⲥⲩⲛⲏ ⲉⲩⲥⲟⲡ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲫ̀ⲛⲟⲩϯ ⲫⲏⲉⲧⲁϥⲥⲟⲛⲧⲕ.	Maresounof ǹje t̀fe ǹp̀ṡōi ouoh niċypi marounougx ǹte oumeθmyi marefrōt ǹje p̀kahi ǹounai ouoh mareffiri èvol ouoh marefrōt ǹouḋikeòsiny evsop ànok pe p̀ċois f̀nouti fyetafsontk.	Let the heaven rejoice from above, and let the clouds rain righteousness: let the earth bring forth, and blossom with mercy, and bring forth righteousness likewise: I am the Lord that created thee.
45:9	ⲁϣ ⲡⲉ ⲡⲓⲡⲉⲑⲛⲁⲛⲉϥ ⲁⲓⲙⲟⲛⲕⲕ ⲙ̀ⲫ̀ⲣⲏϯ ⲛ̀ⲟⲩⲟ̀ⲙⲓ ⲛ̀ⲕⲉⲣⲁⲙⲉⲩⲥ ⲙⲏ ⲫⲏⲉⲧⲥ̀ⲭⲁⲓ ⲛⲁⲥ̀ⲭⲁⲓ ⲙ̀ⲡⲓⲉ̀ϩⲟⲟⲩ ⲧⲏⲣϥ ⲙⲏ ϥ̀ⲛⲁϫⲟⲥ ⲛ̀ϫⲉⲡⲓⲟ̀ⲙⲓ ⲙ̀ⲡⲓⲕⲉⲣⲁⲙⲉⲩⲥ ϫⲉⲟⲩ ⲡⲉⲧⲉⲕⲣⲁ ⲙ̀ⲙⲟϥ ϫⲉⲛ̀ⲕ̀ⲉⲣϩⲱⲃ ⲁⲛ ⲟⲩⲇⲉ ⲙ̀ⲙⲟⲛ ϫⲓϫ ⲙ̀ⲙⲟⲕ ⲙⲏ ϥ̀ⲛⲁⲉⲣⲟⲩⲱ̀ ⲛ̀ϫⲉⲡⲓⲙⲟⲛⲕ ⲙ̀ⲫⲏⲉⲧⲁϥⲙⲟⲛⲕϥ .	Ⲁϣ ⲡⲉ ⲡⲓⲡⲉⲑⲛⲁⲛⲉϥ ⲁⲓⲙⲟⲛⲕⲕ ⲛ̀ⲫ̀ⲣⲏϯ ⲛ̀ⲟⲩⲟ̀ⲙⲓ ⲛ̀ⲕⲉⲣⲁⲙⲉⲩⲥ ⲙⲏ ⲫⲏⲉⲧⲥ̀ⲭⲁⲓ ⲛⲁⲥ̀ⲭⲁⲓ ⲛ̀ⲡⲓⲉ̀ϩⲟⲟⲩ ⲧⲏⲣϥ ⲙⲏ ϥ̀ⲛⲁϫⲟⲥ ⲛ̀ϫⲉ ⲡⲓⲟ̀ⲙⲓ ⲛ̀ⲡⲓⲕⲉⲣⲁⲙⲉⲩⲥ ϫⲉ ⲟⲩ ⲡⲉ̀ⲧⲉ ⲭ̀ⲣⲁ ⲙ̀ⲙⲟϥ ϫⲉ ⲛ̀ⲕ̀ⲉⲣϩⲱⲃ ⲁⲛ ⲟⲩⲇⲉ ⲙ̀ⲙⲟⲛ ϫⲓϫ ⲙ̀ⲙⲟⲕ ⲙⲏ ϥ̀ⲛⲁⲉⲣⲟⲩⲱ̀ ⲛ̀ϫⲉ ⲡⲓⲙⲟⲛⲕ ⲛ̀ⲫⲏⲉ̀ⲧⲁϥⲙⲟⲛⲕϥ.	Aṡ pe pipeθnanef aimonkk ǹf̀ryti ǹouòmi ǹkeramevs my fyets̀kai nas̀kai ǹpièhoou tyrf my f̀nagos ǹje piòmi ǹpikeramevs je ou pète k̀ra m̀mof je ǹk̀erhōb an ouḋe m̀mon jig m̀mok my f̀naerouṑ ǹje pimonk ǹfyètafmonkf.	What excellent thing have I prepared as clay of the potter? Will the ploughman plough the earth all day? shall the clay say to the potter, What art thou doing that thou dost not work, nor hast hands? shall the thing formed answer him that formed it?
45:10	ⲫⲏⲉⲧϫⲱ ⲙ̀ⲙⲟⲥ ⲙ̀ⲡⲉϥⲓⲱⲧ ϫⲉⲟⲩ ⲡⲉⲧⲉⲕⲛⲁⲙⲁⲥϥ ⲟⲩⲟϩ ⲧⲉϥⲙⲁⲩ ϫⲉⲟⲩ ⲡⲉⲧⲉⲣⲁϯⲛⲁⲕϩⲓ ⲙ̀ⲙⲟϥ .	Ⲫⲏⲉⲧϫⲱ ⲙ̀ⲙⲟⲥ ⲛ̀ⲡⲉϥⲓⲱⲧ ϫⲉ ⲟⲩ ⲡ̀ⲉⲧⲉⲕⲛⲁⲙⲁⲥϥ ⲟⲩⲟϩ ⲧⲉϥⲙⲁⲩ ϫⲉ ⲟⲩ ⲡ̀ⲉⲧⲉⲣⲁϯⲛⲁⲕϩⲓ ⲙ̀ⲙⲟϥ.	Fyetgō m̀mos ǹpefiōt je ou p̀eteknamasf ouoh tefmav je ou p̀eteratinak·hi m̀mof.	As though one should say to his father, What wilt thou beget me? and to his mother, What art thou bringing forth?
45:11	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫϯ ⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ ⲫⲏⲉⲧⲁϥⲑⲁⲙⲓⲟ ⲛ̀ⲛⲏⲉⲑⲛⲏⲟⲩ ϫⲉⲉⲑⲃⲉⲛⲁϣⲏⲣⲓ ⲛⲉⲙⲉⲑⲃⲉⲛⲁϣⲉⲣⲓ ⲉⲑⲃⲉⲛⲓϩ̀ⲃⲏⲟⲩⲓ̀ ⲛ̀ⲧⲉⲛⲁϫⲓϫ ϩⲟⲛϩⲉⲛ ⲛⲏⲓ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ ⲫⲏⲉ̀ⲧⲁϥⲑⲁⲙⲓⲟ ⲛ̀ⲛⲏⲉⲑⲛⲏⲟⲩ ϫⲉ ⲉⲑⲃⲉ ⲛⲁϣⲏⲣⲓ ⲛⲉⲙ ⲉⲑⲃⲉ ⲛⲁϣⲉⲣⲓ ⲉⲑⲃⲉ ⲛⲓϩ̀ⲃⲏⲟⲩⲓ̀ ⲛ̀ⲧⲉ ⲛⲁϫⲓϫ ϩⲟⲛϩⲉⲛ ⲛⲏⲓ.	Fai pe ǹf̀ryti etefgō m̀mos ǹje p̀ċois f̀nouti peθouab ǹte pisrayl fyètafθamio ǹnyeθnyou je eθve naṡyri nem eθve naṡeri eθve nih̀vyouì ǹte najig honhen nyi.	For thus saith the Lord God, the Holy One of Israel, who has formed the things that are to come, Enquire of me concerning my sons, and concerning the works of my hands command me.
45:12	ⲁⲛⲟⲕ ⲁⲓⲑⲁⲙⲓⲉ ⲡⲓⲕⲁϩⲓ ⲛⲉⲙⲟⲩⲣⲱⲙⲓ ϩⲓⲱⲧϥ ⲁ̀ⲛⲟⲕ ⲁⲓⲧⲁϫⲣⲟ ⲛ̀ⲧ̀ⲫⲉ ϧⲉⲛⲧⲁϫⲓϫ ⲁ̀ⲛⲟⲕ ⲁⲓϩⲟⲛϩⲉⲛ ⲛ̀ⲛⲓⲥⲓⲟⲩ ⲧⲏⲣⲟⲩ .	Ⲁⲛⲟⲕ ⲁⲓⲑⲁⲙⲓⲉ ⲡⲓⲕⲁϩⲓ ⲛⲉⲙ ⲟⲩⲣⲱⲙⲓ ϩⲓⲱⲧϥ ⲁ̀ⲛⲟⲕ ⲁⲓⲧⲁϫⲣⲟ ⲛ̀ⲧ̀ⲫⲉ ϧⲉⲛ ⲧⲁϫⲓϫ ⲁ̀ⲛⲟⲕ ⲁⲓϩⲟⲛϩⲉⲛ ⲛ̀ⲛⲓⲥⲓⲟⲩ ⲧⲏⲣⲟⲩ.	Anok aiθamie pikahi nem ourōmi hiōtf ànok aitagro ǹt̀fe xen tajig ànok aihonhen ǹnisiou tyrou.	I have made the earth, and man upon it: I with my hand have established the heaven; I have given commandment to all the stars.
45:13	ⲁⲛⲟⲕ ⲁⲓⲧⲟⲩⲛⲟⲥϥ ⲛ̀ⲟⲩⲣⲟ ϧⲉⲛⲟⲩⲙⲉⲑⲙⲏⲓ ⲟⲩⲟϩ ⲛⲉϥⲙⲱⲓⲧ ⲧⲏⲣⲟⲩ ⲥⲉⲥⲟⲩⲧⲱⲛ ⲫⲁⲓ ⲉϥⲉ̀ⲕⲱⲧ ⲛ̀ⲧⲁⲃⲁⲕⲓ ⲟⲩⲟϩ ⲧ̀ⲉⲭⲙⲁⲗⲱⲥⲓⲁ̀ ⲙ̀ⲡⲁⲗⲁⲟⲥ ⲉϥⲉ̀ⲧⲁⲥⲑⲟ ϧⲉⲛϩⲁⲛⲥⲱϯ ⲁⲛ ⲟⲩⲇⲉ ϧⲉⲛϩⲁⲛⲇⲱⲣⲟⲛ ⲁⲛ ⲡⲉϫⲉ ⲡϭ̅ⲥ̅ ⲥⲁⲃⲁⲱⲑ .	Ⲁⲛⲟⲕ ⲁⲓⲧⲟⲩⲛⲟⲥϥ ⲛ̀ⲟⲩⲣⲟ ϧⲉⲛ ⲟⲩⲙⲉⲑⲙⲏⲓ ⲟⲩⲟϩ ⲛⲉϥⲙⲱⲓⲧ ⲧⲏⲣⲟⲩ ⲥⲉⲥⲟⲩⲧⲱⲛ ⲫⲁⲓ ⲉϥⲉ̀ⲕⲱⲧ ⲛ̀ⲧⲁⲃⲁⲕⲓ ⲟⲩⲟϩ ⲧ̀ⲉⲭⲙⲁⲗⲱⲥⲓⲁ̀ ⲛ̀ⲡⲁⲗⲁⲟⲥ ⲉϥⲉ̀ⲧⲁⲥⲑⲟ ϧⲉⲛ ϩⲁⲛⲥⲱϯ ⲁⲛ ⲟⲩⲇⲉ ϧⲉⲛ ϩⲁⲛⲇⲱⲣⲟⲛ ⲁⲛ ⲡⲉϫⲉ ⲡ̀ϭⲟⲓⲥ ⲥⲁⲃⲁⲱⲑ.	Anok aitounosf ǹouro xen oumeθmyi ouoh nefmōit tyrou sesoutōn fai efèkōt ǹtavaki ouoh t̀exmalōsià ǹpalaos efètasθo xen hansōti an ouḋe xen hanḋōron an peje p̀ċois sabaōθ.	I have raised him up to be a king with righteousness, and all his ways are right: he shall build my city, and shall turn the captivity of my people, not for ransoms, nor for rewards, saith the Lord of hosts.
45:14	ⲁϥϧⲓⲥⲓ ⲛ̀ϫⲉⲭⲏⲙⲓ ⲛⲉⲙϯ ⲉ̀ⲡ̀ϣⲱⲧ ⲛ̀ⲧⲉⲛⲓⲉⲑⲁⲩϣ ⲟⲩⲟϩ ⲛⲓⲥⲁⲃⲱⲓⲙ ⲛⲓⲣⲱⲙⲓ ⲉⲧϭⲟⲥⲓ ⲉⲩⲉ̀ⲥⲓⲛⲓ ϩⲁⲣⲟⲕ ⲟⲩⲟϩ ⲉⲩⲉ̀ⲉⲣⲃⲱⲕ ⲛⲁⲕ ⲟⲩⲟϩ ⲉⲩⲉ̀ⲙⲟϣⲓ ⲛ̀ⲥⲱⲕ ⲉⲩⲥⲟⲛϩ ϧⲉⲛϩⲁⲛⲡⲉⲇⲉⲥ ⲛ̀ϫⲓϫ ⲟⲩⲟϩ ⲉⲩⲉ̀ⲟⲩⲱϣⲧ ⲛⲁⲕ ⲟⲩⲟϩ ⲉⲩⲉ̀ⲉⲣⲡ̀ⲣⲟⲥⲉⲩⲭⲉⲥⲑⲉ ⲉⲑⲃⲏⲧⲕ ϫⲉⲫϯ ϣⲟⲡ ⲛ̀ϧⲏⲧⲕ ⲟⲩⲟϩ ⲉⲩⲉ̀ϫⲟⲥ ϫⲉⲙ̀ⲙⲟⲛ ⲕⲉⲛⲟⲩϯ ⲉⲃⲏⲗ ⲉ̀ⲣⲟⲓ .	Ⲁϥϧⲓⲥⲓ ⲛ̀ϫⲉ ⲭⲏⲙⲓ ⲛⲉⲙ ϯ ⲉ̀ⲡ̀ϣⲱⲧ ⲛ̀ⲧⲉ ⲛⲓⲉⲑⲁⲩϣ ⲟⲩⲟϩ ⲛⲓⲥⲁⲃⲱⲓⲙ ⲛⲓⲣⲱⲙⲓ ⲉⲧϭⲟⲥⲓ ⲉⲩⲉ̀ⲥⲓⲛⲓ ϩⲁⲣⲟⲕ ⲟⲩⲟϩ ⲉⲩⲉ̀ⲉⲣⲃⲱⲕ ⲛⲁⲕ ⲟⲩⲟϩ ⲉⲩⲉ̀ⲙⲟϣⲓ ⲛ̀ⲥⲱⲕ ⲉⲩⲥⲟⲛϩ ϧⲉⲛ ϩⲁⲛⲡⲉⲇⲉⲥ ⲛ̀ϫⲓϫ ⲟⲩⲟϩ ⲉⲩⲉ̀ⲟⲩⲱϣⲧ ⲛⲁⲕ ⲟⲩⲟϩ ⲉⲩⲉ̀ⲉⲣⲡ̀ⲣⲟⲥⲉⲩⲭⲉⲥⲑⲉ ⲉⲑⲃⲏⲧⲕ ϫⲉ ⲫ̀ⲛⲟⲩϯ ϣⲟⲡ ⲛ̀ϧⲏⲧⲕ ⲟⲩⲟϩ ⲉⲩⲉ̀ϫⲟⲥ ϫⲉ ⲙ̀ⲙⲟⲛ ⲕⲉⲛⲟⲩϯ ⲉ̀ⲃⲏⲗ ⲉ̀ⲣⲟⲓ.	Afxisi ǹje kymi nem ti èp̀ṡōt ǹte nieθavṡ ouoh nisavōim nirōmi etċosi evèsini harok ouoh evèervōk nak ouoh evèmoṡi ǹsōk evsonh xen hanpeḋes ǹjig ouoh evèouōṡt nak ouoh evèerp̀rosevṡesθe eθvytk je f̀nouti ṡop ǹxytk ouoh evègos je m̀mon kenouti èvyl èroi.	Thus saith the Lord of hosts, Egypt has laboured for thee; and the merchandise of the Ethiopians, and the Sabeans, men of stature, shall pass over to thee, and shall be thy servants; and they shall follow after thee bound in fetters, and shall pass over to thee, and shall do obeisance to thee, and make supplication to thee: because God is in thee; and there is no God beside thee, O Lord.
45:15	ⲛ̀ⲑⲟⲕ ⲅⲁⲣ ⲡⲉ ⲫϯ ⲟⲩⲟϩ ⲛⲁⲛⲉ̀ⲙⲓ ⲁⲛ ⲡⲉ ⲫϯ ⲙ̀ⲡⲓ̅ⲥ̅ⲗ̅ ⲡⲓⲥⲱⲧⲏⲣ .	Ⲛ̀ⲑⲟⲕ ⲅⲁⲣ ⲡⲉ ⲫ̀ⲛⲟⲩϯ ⲟⲩⲟϩ ⲛⲁⲛⲉ̀ⲙⲓ ⲁⲛ ⲡⲉ ⲫ̀ⲛⲟⲩϯ ⲛ̀ⲡⲓⲥⲣⲁⲏⲗ ⲡⲓⲥⲱⲧⲏⲣ.	Ǹθok ġar pe f̀nouti ouoh nanèmi an pe f̀nouti ǹpisrayl pisōtyr.	For thou art God, yet we knew it not, the God of Israel, the Saviour.
45:16	ϩⲏⲡⲡⲉ ⲉⲩⲉ̀ϭⲓϣⲓⲡⲓ ⲟⲩⲟϩ ⲉⲩⲉ̀ϭⲓϣⲱϣ ⲛ̀ϫⲉⲛⲏⲧⲏⲣⲟⲩ ⲉⲧϯ ⲟⲩⲃⲏϥ ⲟⲩⲟϩ ⲉⲩⲉ̀ⲙⲟϣⲓ ϧⲉⲛⲟⲩϣ̀ⲫⲓⲧ : ⲁⲣⲓⲃⲉⲣⲓ ϩⲁⲣⲟⲓ ⲛⲓⲛⲏⲥⲟⲥ .	Ϩⲏⲡⲡⲉ ⲉⲩⲉ̀ϭⲓϣⲓⲡⲓ ⲟⲩⲟϩ ⲉⲩⲉ̀ϭⲓϣⲱϣ ⲛ̀ϫⲉ ⲛⲏⲧⲏⲣⲟⲩ ⲉⲧϯ ⲟⲩⲃⲏϥ ⲟⲩⲟϩ ⲉⲩⲉ̀ⲙⲟϣⲓ ϧⲉⲛ ⲟⲩϣ̀ⲫⲓⲧ: ⲁ̀ⲣⲓⲃⲉⲣⲓ ϩⲁⲣⲟⲓ ⲛⲓⲛⲏⲥⲟⲥ.	Hyppe evèċiṡipi ouoh evèċiṡōṡ ǹje nytyrou etti ouvyf ouoh evèmoṡi xen ouṡ̀fit: àriveri haroi ninysos.	All that are opposed to him shall be ashamed and confounded, and shall walk in shame: ye isles, keep a feast to me.
45:17	ⲡⲓ̅ⲥ̅ⲗ̅ ⲛⲁⲛⲟϩⲉⲙ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲛ̀ⲟⲩⲛⲟϩⲉⲙ ⲛ̀ⲉ̀ⲛⲉϩ ⲛ̀ⲛⲟⲩϭⲓϣⲓⲡⲓ ⲟⲩⲇⲉ ⲛ̀ⲛⲟⲩϭⲓϣ̀ⲫⲓⲧ ϣⲁⲉ̀ⲛⲉϩ .	Ⲡⲓⲥⲣⲁⲏⲗ ⲛⲁⲛⲟϩⲉⲙ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲛ̀ⲟⲩⲛⲟϩⲉⲙ ⲛ̀ⲉ̀ⲛⲉϩ ⲛ̀ⲛⲟⲩϭⲓϣⲓⲡⲓ ⲟⲩⲇⲉ ⲛ̀ⲛⲟⲩϭⲓϣ̀ⲫⲓⲧ ϣⲁ ⲉ̀ⲛⲉϩ.	Pisrayl nanohem èvol hiten p̀ċois ǹounohem ǹèneh ǹnouċiṡipi ouḋe ǹnouċiṡ̀fit ṡa èneh.	Israel is saved by the Lord with an everlasting salvation: they shall not be ashamed nor confounded for evermore.
45:18	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫϯ ⲫⲏⲉⲧⲁϥⲑⲁⲙⲓⲉ ⲧ̀ⲫⲉ ⲫⲁⲓ ⲡⲉ ⲫϯ ⲉⲧⲁϥⲥⲱⲛⲧ ⲙ̀ⲡⲓⲕⲁϩⲓ ⲟⲩⲟϩ ⲁϥⲑⲁⲙⲓⲟϥ ⲟⲩⲟϩ ⲛ̀ⲑⲟϥ ⲁϥⲃⲟⲧϥ ⲉ̀ⲃⲟⲗ ⲡⲉⲧⲁϥⲑⲁⲙⲓⲟϥ ⲁⲛ ⲉ̀ⲡⲉⲧϣⲟⲩⲓⲧ ⲁⲗⲗⲁ ⲉⲑⲣⲟⲩϣⲱⲡⲓ ⲛ̀ϧⲏⲧϥ ⲁ̀ⲛⲟⲕ ⲡⲉ ⲫϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲁⲛ ⲉⲃⲏⲗ ⲉ̀ⲣⲟⲓ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲫⲏⲉⲧⲁϥⲑⲁⲙⲓⲉ ⲧ̀ⲫⲉ ⲫⲁⲓ ⲡⲉ ⲫ̀ⲛⲟⲩϯ ⲉⲧⲁϥⲥⲱⲛⲧ ⲛ̀ⲡⲓⲕⲁϩⲓ ⲟⲩⲟϩ ⲁϥⲑⲁⲙⲓⲟϥ ⲟⲩⲟϩ ⲛ̀ⲑⲟϥ ⲁϥⲃⲟⲧϥ ⲉ̀ⲃⲟⲗ ⲡⲉⲧⲁϥⲑⲁⲙⲓⲟϥ ⲁⲛ ⲉ̀ⲡⲉⲧϣⲟⲩⲓⲧ ⲁⲗⲗⲁ ⲉ̀ⲑⲣⲟⲩϣⲱⲡⲓ ⲛ̀ϧⲏⲧϥ ⲁ̀ⲛⲟⲕ ⲡⲉ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲁⲛ ⲉ̀ⲃⲏⲗ ⲉ̀ⲣⲟⲓ.	Fai pe ǹf̀ryti etefgō m̀mos ǹje p̀ċois f̀nouti fyetafθamie t̀fe fai pe f̀nouti etafsōnt ǹpikahi ouoh afθamiof ouoh ǹθof afvotf èvol petafθamiof an èpetṡouit alla èθrouṡōpi ǹxytf ànok pe f̀nouti ouoh m̀mon keouai an èvyl èroi.	Thus saith the Lord that made the heaven, this God that created the earth, and made it; he marked it out, he made it not in vain, but formed it to be inhabited: I am the Lord, and there is none beside.
45:19	ⲛⲉⲧⲁⲓⲥⲁϫⲓ ⲁⲛ ϧⲉⲛⲡⲉⲧϩⲏⲡ ⲟⲩⲇⲉ ϧⲉⲛⲟⲩⲙⲁ ⲛ̀ⲭⲁⲕⲓ ⲛ̀ⲧⲉⲡ̀ⲕⲁϩⲓ ⲙ̀ⲡⲓϫⲟⲥ ⲙ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ϫⲉⲕⲱϯ ⲛ̀ⲥⲁⲟⲩⲉⲫⲗⲏⲟⲩ ⲁ̀ⲛⲟⲕ ⲡⲉ ⲁ̀ⲛⲟⲕ ⲡⲉ ⲡϭ̅ⲥ̅ ⲉⲧⲥⲁϫⲓ ⲛ̀ⲟⲩⲇⲓⲕⲉⲟⲥⲩⲛⲏ ⲟⲩⲟϩ ⲉⲧϫⲱ ⲛ̀ⲟⲩⲙⲉⲑⲙⲏⲓ .	Ⲛⲉⲧⲁⲓⲥⲁϫⲓ ⲁⲛ ϧⲉⲛ ⲡⲉⲧϩⲏⲡ ⲟⲩⲇⲉ ϧⲉⲛ ⲟⲩⲙⲁ ⲛ̀ⲭⲁⲕⲓ ⲛ̀ⲧⲉ ⲡ̀ⲕⲁϩⲓ ⲛ̀ⲡⲓϫⲟⲥ ⲛ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ϫⲉ ⲕⲱϯ ⲛ̀ⲥⲁ ⲟⲩⲉⲫⲗⲏⲟⲩ ⲁ̀ⲛⲟⲕ ⲡⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲉⲧⲥⲁϫⲓ ⲛ̀ⲟⲩⲇⲓⲕⲉⲟ̀ⲥⲩⲛⲏ ⲟⲩⲟϩ ⲉⲧϫⲱ ⲛ̀ⲟⲩⲙⲉⲑⲙⲏⲓ.	Netaisaji an xen pet·hyp ouḋe xen ouma ǹkaki ǹte p̀kahi ǹpigos ǹp̀g̀rog ǹiakōb je kōti ǹsa oueflyou ànok pe ànok pe p̀ċois etsaji ǹouḋikeòsiny ouoh etgō ǹoumeθmyi.	I have not spoken in secret, nor in a dark place of the earth: I said not to the seed of Jacob, Seek vanity: I, even I, am the Lord, speaking righteousness, and proclaiming truth.
45:20	ⲑⲱⲟⲩϯ ⲟⲩⲟϩ ⲁ̀ⲙⲱⲓⲛⲓ ⲥⲟϭⲛⲓ ⲉⲩⲥⲟⲡ ⲛⲏⲉⲑⲛⲁⲛⲟϩⲉⲙ ⲉ̀ⲃⲟⲗϧⲉⲛ ⲛⲓⲉⲑⲛⲟⲥ ⲙ̀ⲡⲟⲩⲉ̀ⲙⲓ ⲛ̀ϫⲉⲛⲏⲉⲑⲛⲁⲱⲗⲓ ⲙ̀ⲡⲓϣⲉ ⲉⲧⲫⲟⲧϩ ⲛ̀ⲧⲱⲟⲩ ⲟⲩⲟϩ ⲉⲩⲉ̀ⲉⲣⲡ̀ⲣⲟⲥⲉⲩⲭⲉⲥⲑⲉ ⲙ̀ⲙⲟϥ ⲙ̀ⲫ̀ⲣⲏϯ ⲛ̀ϩⲁⲛⲛⲟⲩϯ ⲛⲁⲓ ⲉⲧⲉⲛ̀ⲥⲉⲛⲁϣ̀ⲛⲟϩⲉⲙ ⲁⲛ ⲟⲩⲇⲉ ⲥⲉⲛⲁϣ̀ϫⲉ ϩ̀ⲗⲓ ⲁⲛ .	Ⲑⲱⲟⲩϯ ⲟⲩⲟϩ ⲁ̀ⲙⲱⲓⲛⲓ ⲥⲟϭⲛⲓ ⲉⲩⲥⲟⲡ ⲛⲏⲉⲑⲛⲁⲛⲟϩⲉⲙ ⲉ̀ⲃⲟⲗ ϧⲉⲛ ⲛⲓⲉⲑⲛⲟⲥ ⲙ̀ⲡⲟⲩⲉ̀ⲙⲓ ⲛ̀ϫⲉ ⲛⲏⲉⲑⲛⲁⲱⲗⲓ ⲛ̀ⲡⲓϣⲉ ⲉⲧⲫⲟⲧϩ ⲛ̀ⲧⲱⲟⲩ ⲟⲩⲟϩ ⲉⲩⲉ̀ⲉⲣⲡ̀ⲣⲟⲥⲉⲩⲭⲉⲥⲑⲉ ⲙ̀ⲙⲟϥ ⲛ̀ⲫ̀ⲣⲏϯ ⲛ̀ϩⲁⲛⲛⲟⲩϯ ⲛⲁⲓ ⲉⲧⲉⲛ̀ⲥⲉⲛⲁϣ̀ⲛⲟϩⲉⲙ ⲁⲛ ⲟⲩⲇⲉ ⲥⲉⲛⲁϣ̀ϫⲉ ϩ̀ⲗⲓ ⲁⲛ.	Ɵōouti ouoh àmōini soċni evsop nyeθnanohem èvol xen nieθnos m̀pouèmi ǹje nyeθnaōli ǹpiṡe etfot·h ǹtōou ouoh evèerp̀rosevṡesθe m̀mof ǹf̀ryti ǹhannouti nai eteǹsenaṡ̀nohem an ouḋe senaṡ̀je h̀li an.	Assemble yourselves and come; take counsel together, ye that escape of the nations: they that set up wood, even their graven image, have no knowledge, nor they who pray to gods that do not save.
45:21	ⲙⲁⲣⲟⲩϧⲱⲛⲧ ϩⲓⲛⲁ ⲛ̀ⲧⲟⲩⲉ̀ⲙⲓ ⲉⲩⲥⲟⲡ ϫⲉⲛⲓⲙ ⲁϥⲑ̀ⲣⲟⲩⲥⲱⲧⲉⲙ ⲉ̀ⲛⲁⲓ ⲓⲥϫⲉⲛ ϣⲟⲣⲡ ⲙ̀ⲡⲓⲥⲏⲟⲩ ⲉⲧⲧⲏ ⲁⲓⲧⲁⲙⲱⲧⲉⲛ ⲁ̀ⲛⲟⲕ ⲡⲉ ⲫϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲉⲃⲏⲗ ⲉ̀ⲣⲟⲓ ⲡⲓⲑ̀ⲙⲏⲓ ⲡⲓⲥⲱⲧⲏⲣ ⲙ̀ⲙⲟⲛ ⲕⲉⲟⲩⲁⲓ ⲉⲃⲏⲗ ⲉ̀ⲣⲟⲓ .	Ⲙⲁⲣⲟⲩϧⲱⲛⲧ ϩⲓⲛⲁ ⲛ̀ⲧⲟⲩⲉ̀ⲙⲓ ⲉⲩⲥⲟⲡ ϫⲉ ⲛⲓⲙ ⲁϥⲑ̀ⲣⲟⲩⲥⲱⲧⲉⲙ ⲉ̀ⲛⲁⲓ ⲓⲥϫⲉⲛ ϣⲟⲣⲡ ⲛ̀ⲡⲓⲥⲏⲟⲩ ⲉⲧⲧⲏ ⲁⲓⲧⲁⲙⲱⲧⲉⲛ ⲁ̀ⲛⲟⲕ ⲡⲉ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟⲓ ⲡⲓⲑ̀ⲙⲏⲓ ⲡⲓⲥⲱⲧⲏⲣ ⲙ̀ⲙⲟⲛ ⲕⲉⲟⲩⲁⲓ ⲉ̀ⲃⲏⲗ ⲉ̀ⲣⲟⲓ.	Marouxōnt hina ǹtouèmi evsop je nim afθ̀rousōtem ènai isjen ṡorp ǹpisyou etty aitamōten ànok pe f̀nouti ouoh m̀mon keouai èvyl èroi piθ̀myi pisōtyr m̀mon keouai èvyl èroi.	If they will declare, let them draw nigh, that they may know together, who has caused these things to be heard from the beginning: then was it told you. I am God, and there is not another beside me; a just God and a Saviour; there is none but me.
45:22	ⲕⲉⲧ ⲑⲏⲛⲟⲩ ϩⲁⲣⲟⲓ ⲟⲩⲟϩ ⲉⲣⲉⲧⲉⲛⲉ̀ⲛⲟϩⲉⲙ ⲉ̀ⲃⲟⲗϧⲉⲛ ⲁⲩⲣⲏϫϥ ⲙ̀ⲡ̀ⲕⲁϩⲓ ⲧⲏⲣϥ ⲁ̀ⲛⲟⲕ ⲡⲉ ⲫϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ .	Ⲕⲉⲧ ⲑⲏⲛⲟⲩ ϩⲁⲣⲟⲓ ⲟⲩⲟϩ ⲉ̀ⲣⲉⲧⲉⲛⲉ̀ⲛⲟϩⲉⲙ ⲉ̀ⲃⲟⲗ ϧⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ⲧⲏⲣϥ ⲁ̀ⲛⲟⲕ ⲡⲉ ⲫ̀ⲛⲟⲩϯ ⲟⲩⲟϩ ⲙ̀ⲙⲟⲛ ⲕⲉⲟⲩⲁⲓ.	Ket θynou haroi ouoh èretenènohem èvol xen avrygf ǹp̀kahi tyrf ànok pe f̀nouti ouoh m̀mon keouai.	Turn ye to me, and ye shall be saved, ye that come from the end of the earth: I am God, and there is none other.
45:23	ϯⲱⲣⲕ ⲙ̀ⲙⲟⲓ ⲙ̀ⲙⲓⲛⲙ̀ⲙⲟⲓ ϫⲉⲉⲥⲉ̀ⲓ̀ ⲛ̀ϫⲉϯⲙⲉⲑⲙⲏⲓ ⲉ̀ⲃⲟⲗϧⲉⲛ ⲣⲱⲓ ⲟⲩⲟϩ ⲛⲁⲥⲁϫⲓ ⲛ̀ⲛⲟⲩⲧⲁⲥⲑⲟ .	Ϯⲱⲣⲕ ⲙ̀ⲙⲟⲓ ⲙ̀ⲙⲓⲛ ⲙ̀ⲙⲟⲓ ϫⲉ ⲉⲥⲓ̀ ⲛ̀ϫⲉ ϯⲙⲉⲑⲙⲏⲓ ⲉ̀ⲃⲟⲗ ϧⲉⲛ ⲣⲱⲓ ⲟⲩⲟϩ ⲛⲁⲥⲁϫⲓ ⲛ̀ⲛⲟⲩⲧⲁⲥⲑⲟ.	Tiōrk m̀moi m̀min m̀moi je esì ǹje timeθmyi èvol xen rōi ouoh nasaji ǹnoutasθo.	By myself I swear, righteousness shall surely proceed out of my mouth; my words shall not be frustrated; that to me every knee shall bend, and every tongue shall swear by God,
45:24	ϫⲉⲕⲉⲗⲓ ⲛⲓⲃⲉⲛ ⲛⲁⲕⲱⲗϫ ⲛⲏⲓ ⲟⲩⲟϩ ⲗⲁⲥ ⲛⲓⲃⲉⲛ ⲥ̀ⲛⲁⲱⲣⲕ ⲙ̀ⲫϯ .	Ϫⲉ ⲕⲉⲗⲓ ⲛⲓⲃⲉⲛ ⲛⲁⲕⲱⲗϫ ⲛⲏⲓ ⲟⲩⲟϩ ⲗⲁⲥ ⲛⲓⲃⲉⲛ ⲥ̀ⲛⲁⲱⲣⲕ ⲛ̀ⲫ̀ⲛⲟⲩϯ.	Je keli niven nakōlg nyi ouoh las niven s̀naōrk ǹf̀nouti.	saying, Righteousness and glory shall come to him: and all that remove them from their borders shall be ashamed.
45:25	ⲉⲩϫⲱ ⲙ̀ⲙⲟⲥ ϫⲉⲟⲩⲙⲉⲑⲙⲏⲓ ⲛⲉⲙⲟⲩϩⲓⲣⲏⲛⲏ ⲛⲉⲙⲟⲩⲱ̀ⲟⲩ ⲉⲩⲉ̀ⲓ̀ ϩⲁⲣⲟϥ ⲟⲩⲟϩ ⲉⲩⲉ̀ϭⲓϣⲓⲡⲓ ⲧⲏⲣⲟⲩ ⲛ̀ϫⲉⲛⲏⲉⲧⲟⲩⲱϯ ⲙ̀ⲙⲱⲟⲩ ⲉ̀ⲃⲟⲗϩⲁ ⲡϭ̅ⲥ̅ .	Ⲉⲩϫⲱ ⲙ̀ⲙⲟⲥ ϫⲉ ⲟⲩⲙⲉⲑⲙⲏⲓ ⲛⲉⲙ ⲟⲩϩⲓⲣⲏⲛⲏ ⲛⲉⲙ ⲟⲩⲱ̀ⲟⲩ ⲉⲩⲓ̀ ϩⲁⲣⲟϥ ⲟⲩⲟϩ ⲉⲩⲉ̀ϭⲓϣⲓⲡⲓ ⲧⲏⲣⲟⲩ ⲛ̀ϫⲉ ⲛⲏⲉⲧⲟⲩⲱϯ ⲙ̀ⲙⲱⲟⲩ ⲉ̀ⲃⲟⲗϩⲁ ⲡ̀ϭⲟⲓⲥ.	Evgō m̀mos je oumeθmyi nem ouhiryny nem ouṑou evì harof ouoh evèċiṡipi tyrou ǹje nyetouōti m̀mōou èbolha p̀ċois.	By the Lord shall they be justified, and in God shall all the seed of the children of Israel be glorified.
45:26	ⲉⲩⲉ̀ⲑ̀ⲙⲁⲓⲟ ⲟⲩⲟϩ ⲉⲩⲉ̀ϭⲓⲱ̀ⲟⲩ ϧⲉⲛⲫϯ ⲛ̀ϫⲉⲡ̀ϫ̀ⲣⲟϫ ⲧⲏⲣϥ ⲛ̀ⲧⲉⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ .	Ⲉⲩⲉ̀ⲑ̀ⲙⲁⲓⲟ ⲟⲩⲟϩ ⲉⲩⲉ̀ϭⲓⲱ̀ⲟⲩ ϧⲉⲛ ⲫ̀ⲛⲟⲩϯ ⲛ̀ϫⲉ ⲡ̀ϫ̀ⲣⲟϫ ⲧⲏⲣϥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ.	Evèθ̀maio ouoh evèċiṑou xen f̀nouti ǹje p̀g̀rog tyrf ǹte nenṡyri ǹpisrayl.	draft · highAll the seed of the sons of Israel will be justified and will be glorified in God.

Provenance

title: 23_Isaias_45
dialect: bohairic
source: Coptic SCRIPTORIUM corpus "bohairic.ot", document 23_Isaias_45
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_45 from Coptic SCRIPTORIUM (https://copticscriptorium.org), corpus bohairic.ot, document 23_Isaias_45, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/45.bohairic.scriptorium.L0.txt
title: 23_Isaias_45 — Cairene
dialect: bohairic
source: generated from 45.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_45)
licence: CC BY-SA 4.0
share: attribution
attribution: 23_Isaias_45 from Coptic SCRIPTORIUM (https://copticscriptorium.org), corpus bohairic.ot, document 23_Isaias_45, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/45.bohairic.scriptorium.L1.txt
title: 23_Isaias_45 — Kemetic
dialect: bohairic
source: generated from 45.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_45 from Coptic SCRIPTORIUM (https://copticscriptorium.org), corpus bohairic.ot, document 23_Isaias_45, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/45.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 1 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_45 (25 lines)

Cite as:

23_Isaias_45. Coptic SCRIPTORIUM corpus "bohairic.ot", document 23_Isaias_45. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/45.bohairic.scriptorium/. 23_Isaias_45 from Coptic SCRIPTORIUM (https://copticscriptorium.org), corpus bohairic.ot, document 23_Isaias_45, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.