23_Isaias_49 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_49

Attribution: 23_Isaias_49 from Coptic SCRIPTORIUM (https://copticscriptorium.org), corpus bohairic.ot, document 23_Isaias_49, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

26 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
49:1	ⲥⲱⲧⲉⲙ ⲉ̀ⲣⲟⲓ ⲛⲓⲛⲏⲥⲟⲥ ⲟⲩⲟϩ ⲙⲁϩ̀ⲑⲏⲧⲉⲛ ⲛⲓⲉⲑⲛⲟⲥ ϩⲓⲧⲉⲛⲟⲩⲙⲏϣ ⲛ̀ⲥⲏⲟⲩ ⲉϥⲉ̀ⲟ̀ϩⲓ ⲉ̀ⲣⲁⲧϥ ⲛ̀ϫⲉⲡϭ̅ⲥ̅ ⲓⲥϫⲉⲛ ϧⲉⲛⲑ̀ⲛⲉϫⲓ ⲛ̀ⲧⲉⲧⲁⲙⲁⲩ ⲁϥⲙⲟⲩϯ ⲉ̀ⲡⲁⲣⲁⲛ .	ⲥⲱⲧⲉⲙ ⲉ̀ⲣⲟⲓ ⲛⲓⲛⲏⲥⲟⲥ ⲟⲩⲟϩ ⲙⲁϩ̀ⲑⲏⲧⲉⲛ ⲛⲓⲉⲑⲛⲟⲥ ϩⲓⲧⲉⲛ ⲟⲩⲙⲏϣ ⲛ̀ⲥⲏⲟⲩ ⲉϥⲉ̀ⲟ̀ϩⲓ ⲉ̀ⲣⲁⲧϥ ⲛ̀ϫⲉ ⲡ̀ϭⲟⲓⲥ ⲓⲥϫⲉⲛ ϧⲉⲛ ⲑ̀ⲛⲉϫⲓ ⲛ̀ⲧⲉ ⲧⲁⲙⲁⲩ ⲁϥⲙⲟⲩϯ ⲉ̀ⲡⲁⲣⲁⲛ.	sōtem èroi ninysos ouoh mah̀θyten nieθnos hiten oumyṡ ǹsyou efèòhi èratf ǹje p̀ċois isjen xen θ̀neji ǹte tamav afmouti èparan.	Hearken to me, ye islands; and attend, ye Gentiles; after a long time it shall come to pass, saith the Lord: from my mother's womb he has called my name:
49:2	ⲟⲩⲟϩ ⲁϥⲭⲱ ⲛ̀ⲣⲱⲓ ⲙ̀ⲫ̀ⲣⲏϯ ⲛ̀ⲟⲩⲥⲏϥⲓ ⲉⲥϩⲓⲟⲩⲓ̀ ⲟⲩⲟϩ ⲁϥⲭⲟⲡⲧ ϧⲁⲧ̀ⲥ̀ⲕⲏⲡⲓ ⲛ̀ⲧⲉⲧⲉϥϫⲓϫ ⲁϥⲭⲁⲧ ⲙ̀ⲫ̀ⲣⲏϯ ⲛ̀ⲟⲩⲥⲟⲑⲛⲉϥ ⲉϥⲥⲟⲧⲡ ⲁϥⲉⲣⲥ̀ⲕⲉⲡⲁⲍⲓⲛ ⲙ̀ⲙⲟⲓ ϧⲉⲛⲡⲉϥⲙⲟⲕⲓ ⲛ̀ⲭⲁⲥⲟⲑⲛⲉϥ .	Ⲟⲩⲟϩ ⲁϥⲭⲱ ⲛ̀ⲣⲱⲓ ⲛ̀ⲫ̀ⲣⲏϯ ⲛ̀ⲟⲩⲥⲏϥⲓ ⲉⲥϩⲓⲟⲩⲓ̀ ⲟⲩⲟϩ ⲁϥⲭⲟⲡⲧ ϧⲁⲧ̀ⲥ̀ⲕⲏⲡⲓ ⲛ̀ⲧⲉ ⲧⲉϥϫⲓϫ ⲁϥⲭⲁⲧ ⲛ̀ⲫ̀ⲣⲏϯ ⲛ̀ⲟⲩⲥⲟⲑⲛⲉϥ ⲉϥⲥⲟⲧⲡ ⲁϥⲉⲣⲥ̀ⲕⲉⲡⲁⲍⲓⲛ ⲙ̀ⲙⲟⲓ ϧⲉⲛ ⲡⲉϥⲙⲟⲕⲓ ⲛ̀ⲭⲁⲥⲟⲑⲛⲉϥ.	Ouoh afkō ǹrōi ǹf̀ryti ǹousyfi es·hiouì ouoh afkopt xat̀s̀kypi ǹte tefjig afkat ǹf̀ryti ǹousoθnef efsotp afers̀kepazin m̀moi xen pefmoki ǹkasoθnef.	and he has made my mouth as a sharp sword, and he has hid me under the shadow of his hand; he has made me as a choice shaft, and he has hid me in his quiver;
49:3	ⲟⲩⲟϩ ⲡⲉϫⲁϥ ⲛⲏⲓ ⲛ̀ⲑⲟⲕ ⲡⲉ ⲡⲁⲃⲱⲕ ⲡⲓ̅ⲥ̅ⲗ̅ ⲟⲩⲟϩ ϯⲛⲁϭⲓⲱ̀ⲟⲩ ⲛ̀ϧⲏⲧⲕ .	Ⲟⲩⲟϩ ⲡⲉϫⲁϥ ⲛⲏⲓ ⲛ̀ⲑⲟⲕ ⲡⲉ ⲡ̀ⲁⲃⲱⲕ ⲡⲓⲥⲣⲁⲏⲗ ⲟⲩⲟϩ ϯⲛⲁϭⲓⲱ̀ⲟⲩ ⲛ̀ϧⲏⲧⲕ.	Ouoh pegaf nyi ǹθok pe p̀avōk pisrayl ouoh tinaċiṑou ǹxytk.	and said to me, Thou art my servant, O Israel, and in thee I will be glorified.
49:4	ⲁⲛⲟⲕ ⲁⲓϫⲟⲥ ϫⲉⲉⲧⲁⲓϧⲓⲥⲓ ϧⲉⲛⲟⲩⲡⲉⲧϣⲟⲩⲓⲧ ⲛⲉⲙϧⲉⲛⲟⲩⲙⲧⲉⲫⲗⲏⲟⲩ ⲟⲩⲟϩ ⲛ̀ϧ̀ⲣⲏⲓ ϧⲉⲛⲟⲩϩ̀ⲗⲓ ⲁⲓϯ ⲛ̀ⲧⲁϫⲟⲙ ⲉⲑⲃⲉⲫⲁⲓ ⲡⲁϩⲁⲡ ϧⲁⲧⲉⲛⲡϭ̅ⲥ̅ ⲟⲩⲟϩ ⲡⲁⲙ̀ⲕⲁϩ ⲙ̀ⲡⲉⲙ̀ⲑⲟ ⲙ̀ⲡⲁⲛⲟⲩϯ .	Ⲁⲛⲟⲕ ⲁⲓϫⲟⲥ ϫⲉ ⲉ̀ⲧⲁⲓϧⲓⲥⲓ ϧⲉⲛ ⲟⲩⲡⲉⲧϣⲟⲩⲓⲧ ⲛⲉⲙ ϧⲉⲛ ⲟⲩⲙ̀ⲧⲉⲫⲗⲏⲟⲩ ⲟⲩⲟϩ ⲛ̀ϧ̀ⲣⲏⲓ ϧⲉⲛ ⲟⲩϩ̀ⲗⲓ ⲁⲓϯ ⲛ̀ⲧⲁϫⲟⲙ ⲉⲑⲃⲉ ⲫⲁⲓ ⲡⲁϩⲁⲡ ϧⲁⲧⲉⲛ ⲡ̀ϭⲟⲓⲥ ⲟⲩⲟϩ ⲡⲁⲙ̀ⲕⲁϩ ⲛ̀ⲡⲉⲙ̀ⲑⲟ ⲛ̀ⲡⲁⲛⲟⲩϯ.	Anok aigos je ètaixisi xen oupetṡouit nem xen oum̀teflyou ouoh ǹx̀ryi xen ouh̀li aiti ǹtagom eθve fai pahap xaten p̀ċois ouoh pam̀kah ǹpem̀θo ǹpanouti.	Then I said, I have laboured in vain, I have given my strength for vanity and for nothing: therefore is my judgment with the Lord, and my labour before my God.
49:5	ϯⲛⲟⲩ ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫⲏⲉⲧⲁϥⲙⲟⲛⲕⲧ ⲛⲁϥ ⲙ̀ⲃⲱⲕ ⲓⲥϫⲉⲛ ϧⲉⲛⲑ̀ⲛⲉϫⲓ ⲉ̀ⲡ̀ϫⲓⲛⲑⲱⲟⲩϯ ⲛ̀ⲓⲁⲕⲱⲃ ⲛⲉⲙⲡⲓ̅ⲥ̅ⲗ̅ ⲉⲓⲉ̀ⲑⲱⲟⲩϯ ϩⲁⲣⲟϥ ⲟⲩⲟϩ ⲉⲓⲉ̀ϭⲓⲱ̀ⲟⲩ ⲙ̀ⲡⲉⲙ̀ⲑⲟ ⲙ̀ⲡϭ̅ⲥ̅ ⲟⲩⲟϩ ⲡⲁⲛⲟⲩϯ ϣⲱⲡⲓ ⲛⲏⲓ ⲛ̀ⲟⲩϫⲟⲙ .	Ϯⲛⲟⲩ ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫⲏⲉⲧⲁϥⲙⲟⲛⲕⲧ ⲛⲁϥ ⲛ̀ⲃⲱⲕ ⲓⲥϫⲉⲛ ϧⲉⲛ ⲑ̀ⲛⲉϫⲓ ⲉ̀ⲡ̀ϫⲓⲛⲑⲱⲟⲩϯ ⲛ̀ⲓⲁⲕⲱⲃ ⲛⲉⲙ ⲡⲓⲥⲣⲁⲏⲗ ⲉⲓⲉ̀ⲑⲱⲟⲩϯ ϩⲁⲣⲟϥ ⲟⲩⲟϩ ⲉⲓⲉ̀ϭⲓⲱ̀ⲟⲩ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲟⲩⲟϩ ⲡⲁⲛⲟⲩϯ ϣⲱⲡⲓ ⲛⲏⲓ ⲛ̀ⲟⲩϫⲟⲙ.	Tinou fai pe ǹf̀ryti etefgō m̀mos ǹje p̀ċois fyetafmonkt naf ǹvōk isjen xen θ̀neji èp̀jinθōouti ǹiakōb nem pisrayl eièθōouti harof ouoh eièċiṑou ǹpem̀θo ǹp̀ċois ouoh panouti ṡōpi nyi ǹougom.	And now, thus saith the Lord that formed me from the womb to be his own servant, to gather Jacob to him and Israel. I shall be gathered and glorified before the Lord, and my God shall be my strength.
49:6	ⲟⲩⲟϩ ⲡⲉϫⲁϥ ⲛⲏⲓ ϫⲉⲟⲩⲛⲓϣϯ ⲛⲁⲕ ⲡⲉ ⲫⲁⲓ ⲉ̀ⲙⲟⲩϯ ⲉ̀ⲣⲟⲕ ϫⲉⲡⲁⲁ̀ⲗⲟⲩ ⲉ̀ⲡ̀ϫⲓⲛⲧⲁϩⲉ ⲛⲓⲫⲩⲗⲏ ⲛ̀ⲧⲉⲓⲁⲕⲱⲃ ⲉ̀ⲣⲁⲧⲟⲩⲟⲩⲟϩ ⲉ̀ⲧⲁⲥⲑⲟ ⲙ̀ⲡⲓϫⲱⲣ ⲉ̀ⲃⲟⲗ ⲛ̀ⲧⲉⲡⲓ̅ⲥ̅ⲗ̅ ϩⲏⲡⲡⲉ ⲁⲓⲭⲁⲕ ⲉⲩⲇⲓⲁ̀ⲑⲏⲕⲏ ⲛ̀ⲧⲉⲡⲁⲅⲉⲛⲟⲥ ⲉⲩⲟⲩⲱⲓⲛⲓ ⲛ̀ⲧⲉⲛⲓⲉⲑⲛⲟⲥ ⲉⲑⲣⲉⲕϣⲱⲡⲓ ⲉⲩⲟⲩϫⲁⲓ ϣⲁϯϧⲁⲏ̀ ⲛ̀ⲧⲉⲡ̀ⲕⲁϩⲓ .	Ⲟⲩⲟϩ ⲡⲉϫⲁϥ ⲛⲏⲓ ϫⲉ ⲟⲩⲛⲓϣϯ ⲛⲁⲕ ⲡⲉ ⲫⲁⲓ ⲉ̀ⲙⲟⲩϯ ⲉ̀ⲣⲟⲕ ϫⲉ ⲡⲁⲁ̀ⲗⲟⲩ ⲉ̀ⲡ̀ϫⲓⲛⲧⲁϩⲉ ⲛⲓⲫⲩⲗⲏ ⲛ̀ⲧⲉ ⲓⲁⲕⲱⲃ ⲉ̀ⲣⲁⲧⲟⲩ ⲟⲩⲟϩ ⲉ̀ⲧⲁⲥⲑⲟ ⲙ̀ⲡⲓϫⲱⲣ ⲉ̀ⲃⲟⲗ ⲛ̀ⲧⲉ ⲡⲓⲥⲣⲁⲏⲗ ϩⲏⲡⲡⲉ ⲁⲓⲭⲁⲕ ⲉⲩⲇⲓⲁ̀ⲑⲏⲕⲏ ⲛ̀ⲧⲉ ⲡⲁⲅⲉⲛⲟⲥ ⲉⲩⲟⲩⲱⲓⲛⲓ ⲛ̀ⲧⲉ ⲛⲓⲉⲑⲛⲟⲥ ⲉ̀ⲑⲣⲉⲕϣⲱⲡⲓ ⲉⲩⲟⲩϫⲁⲓ ϣⲁϯϧⲁⲏ̀ ⲛ̀ⲧⲉ ⲡ̀ⲕⲁϩⲓ.	Ouoh pegaf nyi je ouniṡti nak pe fai èmouti èrok je paàlou èp̀jintahe nifily ǹte iakōb èratou ouoh ètasθo m̀pigōr èvol ǹte pisrayl hyppe aikak evḋiàθyky ǹte pagenos evouōini ǹte nieθnos èθrekṡōpi evougai ṡatixaỳ ǹte p̀kahi.	And he said to me, It is a great thing for thee to be called my servant, to establish the tribes of Jacob, and to recover the dispersion of Israel: behold, I have given thee for the covenant of a race, for a light of the Gentiles, that thou shouldest be for salvation to the end of the earth.
49:7	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫⲏⲉⲧⲁϥⲛⲁϩⲙⲉⲕ ⲫϯ ⲛ̀ⲧⲉⲡⲓ̅ⲥ̅ⲗ̅ ⲙⲁⲧⲟⲩⲃⲉ ⲫⲏⲉⲧϣⲱϣ ⲛ̀ⲧⲉϥⲯⲩⲭⲏ ⲫⲏⲉⲧⲟⲩⲱⲣⲉⲃ ⲙ̀ⲙⲟϥ ⲛ̀ϫⲉⲛⲓⲉⲑⲛⲟⲥ ⲛⲓⲉ̀ⲃⲓⲁⲓⲕ ⲛ̀ⲧⲉⲛⲓⲁⲣⲭⲱⲛ ϩⲁⲛⲟⲩⲣⲱⲟⲩ ⲉⲩⲉ̀ⲛⲁⲩ ⲉ̀ⲣⲟϥ ⲟⲩⲟϩ ⲉⲩⲉ̀ⲧⲱⲟⲩⲛⲟⲩ ϩⲁⲛⲁⲣⲭⲱⲛ ⲟⲩⲟϩ ⲉⲩⲉ̀ⲟⲩⲱϣⲧ ⲙ̀ⲙⲟϥ ⲉⲑⲃⲉⲡϭ̅ⲥ̅ ϫⲉϥ̀ⲉⲛϩⲟⲧ ⲛ̀ϫⲉⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ ⲟⲩⲟϩ ⲁⲓⲥⲟⲧⲡⲕ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫⲏⲉⲧⲁϥⲛⲁϩⲙⲉⲕ ⲫ̀ⲛⲟⲩϯ ⲛ̀ⲧⲉ ⲡⲓⲥⲣⲁⲏⲗ ⲙⲁⲧⲟⲩⲃⲉ ⲫⲏⲉⲧϣⲱϣ ⲛ̀ⲧⲉϥⲯⲩⲭⲏ ⲫⲏⲉⲧⲟⲩⲱⲣⲉⲃ ⲙ̀ⲙⲟϥ ⲛ̀ϫⲉ ⲛⲓⲉⲑⲛⲟⲥ ⲛⲓⲉ̀ⲃⲓⲁⲓⲕ ⲛ̀ⲧⲉ ⲛⲓⲁⲣⲭⲱⲛ ϩⲁⲛⲟⲩⲣⲱⲟⲩ ⲉⲩⲉ̀ⲛⲁⲩ ⲉ̀ⲣⲟϥ ⲟⲩⲟϩ ⲉⲩⲉ̀ⲧⲱⲟⲩⲛⲟⲩ ϩⲁⲛⲁⲣⲭⲱⲛ ⲟⲩⲟϩ ⲉⲩⲉ̀ⲟⲩⲱϣⲧ ⲙ̀ⲙⲟϥ ⲉⲑⲃⲉ ⲡ̀ϭⲟⲓⲥ ϫⲉ ϥ̀ⲉⲛϩⲟⲧ ⲛ̀ϫⲉ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲁⲓⲥⲟⲧⲡⲕ.	Fai pe ǹf̀ryti etefgō m̀mos ǹje p̀ċois fyetafnahmek f̀nouti ǹte pisrayl matouve fyetṡōṡ ǹtefpsiṡy fyetouōreb m̀mof ǹje nieθnos nièviaik ǹte niarxōn hanourōou evènav èrof ouoh evètōounou hanarxōn ouoh evèouōṡt m̀mof eθve p̀ċois je f̀enhot ǹje peθouab ǹte pisrayl ouoh aisotpk.	Thus saith the Lord that delivered thee, the God of Israel, Sanctify him that despises his life, him that is abhorred by the nations that are the servants of princes: kings shall behold him, and princes shall arise, and shall worship him, for the Lord's sake: for the Holy One of Israel is faithful, and I have chosen thee.
49:8	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ ϫⲉϧⲉⲛⲟⲩⲥⲏⲟⲩ ⲉϥϣⲏⲡ ⲁⲓⲥⲱⲧⲉⲙ ⲉ̀ⲣⲟⲕ ⲟⲩⲟϩ ϧⲉⲛⲡⲓⲉ̀ϩⲟⲟⲩ ⲛ̀ⲧⲉⲡⲓⲟⲩϫⲁⲓ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲁⲓⲧⲏⲓⲕ ⲉ̀ⲟⲩⲇⲓⲁ̀ⲑⲏⲕⲏ ⲛ̀ⲧⲉⲛⲓⲉⲑⲛⲟⲥ ⲉ̀ϩⲱⲧⲡ ⲙ̀ⲡⲓⲕⲁϩⲓ ⲟⲩⲟϩ ⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲟⲩⲕ̀ⲗⲏⲣⲟⲛⲟⲙⲓⲁ̀ ⲛ̀ⲧⲉⲡ̀ϣⲁϥⲉ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ ϫⲉ ϧⲉⲛ ⲟⲩⲥⲏⲟⲩ ⲉϥϣⲏⲡ ⲁⲓⲥⲱⲧⲉⲙ ⲉ̀ⲣⲟⲕ ⲟⲩⲟϩ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲓⲟⲩϫⲁⲓ ⲁⲓⲉⲣⲃⲟⲏ̀ⲑⲓⲛ ⲉ̀ⲣⲟⲕ ⲁⲓⲧⲏⲓⲕ ⲉ̀ⲟⲩⲇⲓⲁ̀ⲑⲏⲕⲏ ⲛ̀ⲧⲉ ⲛⲓⲉⲑⲛⲟⲥ ⲉ̀ϩⲱⲧⲡ ⲛ̀ⲡⲓⲕⲁϩⲓ ⲟⲩⲟϩ ⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲟⲩⲕ̀ⲗⲏⲣⲟⲛⲟⲙⲓⲁ̀ ⲛ̀ⲧⲉ ⲡ̀ϣⲁϥⲉ.	Fai pe ǹf̀ryti etefgō m̀mos ǹje p̀ċois peθouab ǹte pisrayl je xen ousyou efṡyp aisōtem èrok ouoh xen pièhoou ǹte piougai aierboỳθin èrok aityik èouḋiàθyky ǹte nieθnos èhōtp ǹpikahi ouoh èerk̀lyronomin ǹouk̀lyronomià ǹte p̀ṡafe.	Thus saith the Lord, In an acceptable time have I heard thee, and in a day of salvation have I succored thee: and I have formed thee, and given thee for a covenant of the nations, to establish the earth, and to cause to inherit the desert heritages:
49:9	ⲉ̀ϫⲟⲥ ⲛ̀ⲛⲏⲉⲧϧⲉⲛ ⲛⲓⲥ̀ⲛⲁⲩϩ ϫⲉⲁ̀ⲙⲱⲓⲛⲓ ⲉ̀ⲃⲟⲗ ⲟⲩⲟϩ ⲛⲏⲉⲧϧⲉⲛ ⲡ̀ⲭⲁⲕⲓ ϫⲉϭⲱⲣⲡ ⲉ̀ⲃⲟⲗ ⲟⲩⲟϩ ⲉⲩⲉ̀ⲙⲟⲛⲓ ϩⲓⲟⲩⲙⲱⲓⲧ ⲧⲏⲣⲟⲩ ⲟⲩⲟϩ ⲉⲣⲉⲡⲟⲩⲙⲁⲛⲙⲟⲛⲓ ϣⲱⲡⲓ ⲛ̀ϩ̀ⲣⲏⲓ ϩⲓⲙⲱⲓⲧ ⲛⲓⲃⲉⲛ .	Ⲉ̀ϫⲟⲥ ⲛ̀ⲛⲏⲉⲧϧⲉⲛ ⲛⲓⲥ̀ⲛⲁⲩϩ ϫⲉ ⲁ̀ⲙⲱⲓⲛⲓ ⲉ̀ⲃⲟⲗ ⲟⲩⲟϩ ⲛⲏⲉⲧ ϧⲉⲛ ⲡ̀ⲭⲁⲕⲓ ϫⲉ ϭⲱⲣⲡ ⲉ̀ⲃⲟⲗ ⲟⲩⲟϩ ⲉⲩⲉ̀ⲙⲟⲛⲓ ϩⲓ ⲟⲩⲙⲱⲓⲧ ⲧⲏⲣⲟⲩ ⲟⲩⲟϩ ⲉ̀ⲣⲉ ⲡⲟⲩⲙⲁⲛⲙⲟⲛⲓ ϣⲱⲡⲓ ⲛ̀ϩ̀ⲣⲏⲓ ϩⲓⲙⲱⲓⲧ ⲛⲓⲃⲉⲛ.	Ègos ǹnyetxen nis̀navh je àmōini èvol ouoh nyet xen p̀kaki je ċōrp èvol ouoh evèmoni hi oumōit tyrou ouoh ère poumanmoni ṡōpi ǹh̀ryi himōit niven.	saying to them that are in bonds, Go forth; and bidding them that are in darkness shew themselves. They shall be fed in all the ways, and in all the paths shall be their pasture.
49:10	ⲛ̀ⲛⲟⲩϩ̀ⲕⲟ ⲟⲩⲇⲉ ⲛ̀ⲛⲟⲩⲓ̀ⲃⲓ ⲟⲩⲇⲉ ⲛ̀ⲛⲟⲩϧⲓⲥⲓ ⲟⲩⲇⲉ ⲛ̀ⲛⲉϥⲙⲁϣⲟⲩ ⲛ̀ϫⲉⲟⲩⲕⲁⲩⲥⲱⲛ ⲟⲩⲇⲉ ⲡⲓⲣⲏ ⲁⲗⲗⲁ ⲫⲏⲉⲧⲟⲓ ⲛ̀ⲣⲉϥⲛⲁⲓ ⲛⲱⲟⲩ ⲉϥⲉ̀ϯⲛⲟⲙϯ ⲛⲱⲟⲩ ⲟⲩⲟϩ ⲉϥⲉ̀ⲉⲛⲟⲩ ⲉ̀ⲃⲟⲗϩⲓⲧⲉⲛ ϩⲁⲛⲙⲟⲩⲙⲓ ⲙ̀ⲙⲱⲟⲩ .	Ⲛ̀ⲛⲟⲩϩ̀ⲕⲟ ⲟⲩⲇⲉ ⲛ̀ⲛⲟⲩⲓ̀ⲃⲓ ⲟⲩⲇⲉ ⲛ̀ⲛⲟⲩϧⲓⲥⲓ ⲟⲩⲇⲉ ⲛ̀ⲛⲉϥⲙⲁϣⲟⲩ ⲛ̀ϫⲉ ⲟⲩⲕⲁⲩⲥⲱⲛ ⲟⲩⲇⲉ ⲫ̀ⲣⲏ ⲁⲗⲗⲁ ⲫⲏⲉⲧⲟⲓ ⲛ̀ⲣⲉϥⲛⲁⲓ ⲛⲱⲟⲩ ⲉϥⲉ̀ϯⲛⲟⲙϯ ⲛⲱⲟⲩ ⲟⲩⲟϩ ⲉϥⲉ̀ⲉⲛⲟⲩ ⲉ̀ⲃⲟⲗ ϩⲓⲧⲉⲛ ϩⲁⲛⲙⲟⲩⲙⲓ ⲙ̀ⲙⲱⲟⲩ.	Ǹnouh̀ko ouḋe ǹnouìvi ouḋe ǹnouxisi ouḋe ǹnefmaṡou ǹje oukavsōn ouḋe f̀ry alla fyetoi ǹrefnai nōou efètinomti nōou ouoh efèenou èvol hiten hanmoumi m̀mōou.	They shall not hunger, neither shall they thirst; neither shall the heat nor the sun smite them; but he that has mercy on them shall comfort them, and by fountains of waters shall he lead them.
49:11	ⲟⲩⲟϩ ⲉⲓⲉ̀ⲭⲱ ⲛ̀ⲧⲱⲟⲩ ⲛⲓⲃⲉⲛ ⲉⲩⲙⲱⲓⲧ ⲛⲉⲙⲙⲁⲛⲙⲟϣⲓ ⲛⲓⲃⲉⲛ ⲉⲩⲙⲁⲙ̀ⲙⲟⲛⲓ ⲛⲱⲟⲩ .	Ⲟⲩⲟϩ ⲉⲓⲉ̀ⲭⲱ ⲛ̀ⲧⲱⲟⲩ ⲛⲓⲃⲉⲛ ⲉⲩⲙⲱⲓⲧ ⲛⲉⲙ ⲙⲁⲛⲙⲟϣⲓ ⲛⲓⲃⲉⲛ ⲉⲩⲙⲁⲙ̀ⲙⲟⲛⲓ ⲛⲱⲟⲩ.	Ouoh eièkō ǹtōou niven evmōit nem manmoṡi niven evmam̀moni nōou.	And I will make every mountain a way, and every path a pasture to them.
49:12	ϩⲏⲡⲡⲉ ⲓⲥ ⲛⲁⲓ ⲥⲉⲛⲏⲟⲩ ⲉ̀ⲃⲟⲗϩⲓ ⲫ̀ⲟⲩⲉⲓ ⲛⲁⲓ ⲉ̀ⲃⲟⲗϧⲉⲛ ⲡⲉⲙϩⲓⲧ ⲛⲉⲙⲫ̀ⲓⲟⲙ ϩⲁⲛⲕⲉⲭⲱⲟⲩⲛⲓ ⲇⲉ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲧⲉⲛⲓⲡⲉⲣⲥⲓⲥ .	Ϩⲏⲡⲡⲉ ⲓⲥ ⲛⲁⲓ ⲥⲉⲛⲏⲟⲩ ⲉ̀ⲃⲟⲗ ϩⲓ ⲫ̀ⲟⲩⲉⲓ ⲛⲁⲓ ⲉ̀ⲃⲟⲗ ϧⲉⲛ ⲡⲉⲙϩⲓⲧ ⲛⲉⲙ ⲫ̀ⲓⲟⲙ ϩⲁⲛⲕⲉⲭⲱⲟⲩⲛⲓ ⲇⲉ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ ⲛⲓⲡⲉⲣⲥⲓⲥ.	Hyppe is nai senyou èvol hi f̀ouei nai èvol xen pemhit nem f̀iom hankekōouni ḋe èvol xen p̀kahi ǹte nipersis.	Behold, these shall come from far: and these from the north and the west, and others from the land of the Persians.
49:13	ⲟⲩⲛⲟϥ ⲙ̀ⲙⲱⲧⲉⲛ ⲛⲓⲫⲏⲟⲩⲓ̀ ⲟⲩⲟϩ ⲙⲁⲣⲉϥⲑⲉⲗⲏⲗ ⲛ̀ϫⲉⲡ̀ⲕⲁϩⲓ ⲙⲁⲣⲉ ⲛⲓⲧⲱⲟⲩ ⲫⲱϫⲓ ⲛ̀ⲟⲩⲟⲩⲛⲟϥ ⲟⲩⲟϩ ⲛⲓⲕⲁⲗⲁⲙⲫⲟ ⲛ̀ⲟⲩⲑⲉⲗⲏⲗ ϫⲉⲁ ⲫϯ ⲛⲁⲓ ⲙ̀ⲡⲉϥⲗⲁⲟⲥ ⲟⲩⲟϩ ⲛⲏⲉⲧⲑⲉⲃⲓⲏⲟⲩⲧ ⲛ̀ⲧⲉⲡⲓⲗⲁⲟⲥ ⲁϥϯⲛⲟⲙϯ ⲛⲱⲟⲩ .	Ⲟⲩⲛⲟϥ ⲙ̀ⲙⲱⲧⲉⲛ ⲛⲓⲫⲏⲟⲩⲓ̀ ⲟⲩⲟϩ ⲙⲁⲣⲉϥⲑⲉⲗⲏⲗ ⲛ̀ϫⲉ ⲡ̀ⲕⲁϩⲓ ⲙⲁⲣⲉ ⲛⲓⲧⲱⲟⲩ ⲫⲱϫⲓ ⲛ̀ⲟⲩⲟⲩⲛⲟϥ ⲟⲩⲟϩ ⲛⲓⲕⲁⲗⲁⲙⲫⲟ ⲛ̀ⲟⲩⲑⲉⲗⲏⲗ ϫⲉ ⲁ ⲫ̀ⲛⲟⲩϯ ⲛⲁⲓ ⲛ̀ⲡⲉϥⲗⲁⲟⲥ ⲟⲩⲟϩ ⲛⲏⲉⲧⲑⲉⲃⲓⲏⲟⲩⲧ ⲛ̀ⲧⲉ ⲡⲓⲗⲁⲟⲥ ⲁϥϯⲛⲟⲙϯ ⲛⲱⲟⲩ.	Ounof m̀mōten nifyouì ouoh marefθelyl ǹje p̀kahi mare nitōou fōji ǹouounof ouoh nikalamfo ǹouθelyl je a f̀nouti nai ǹpeflaos ouoh nyetθeviyout ǹte pilaos aftinomti nōou.	Rejoice, ye heavens; and let the earth be glad: let the mountains break forth with joy; for the Lard has had mercy on his people, and has comforted the lowly ones of his people.
49:14	ⲁϥϫⲟⲥ ⲛ̀ϫⲉⲥⲓⲱⲛ ϫⲉⲁϥⲭⲁⲧ ⲛ̀ⲥⲱϥ ⲛ̀ϫⲉⲡϭ̅ⲥ̅ ⲟⲩⲟϩ ⲁϥⲉⲣⲡⲁⲱⲃϣ ⲛ̀ϫⲉⲡϭ̅ⲥ̅ .	Ⲁϥϫⲟⲥ ⲛ̀ϫⲉ ⲥⲓⲱⲛ ϫⲉ ⲁϥⲭⲁⲧ ⲛ̀ⲥⲱϥ ⲛ̀ϫⲉ ⲡ̀ϭⲟⲓⲥ ⲟⲩⲟϩ ⲁϥⲉⲣⲡⲁⲱⲃϣ ⲛ̀ϫⲉ ⲡ̀ϭⲟⲓⲥ.	Afgos ǹje siōn je afkat ǹsōf ǹje p̀ċois ouoh aferpaōvṡ ǹje p̀ċois.	But Sion said, The Lord has forsaken me, and, The Lord has forgotten me.
49:15	ⲙⲏ ⲟⲩⲟⲛ ⲟⲩⲥ̀ϩⲓⲙⲓ ⲛⲁⲉⲣⲡ̀ⲱⲃϣ ⲙ̀ⲡⲉⲥϣⲏⲣⲓ ⲉ̀ϣ̀ⲧⲉⲙⲑ̀ⲣⲉⲥⲛⲁⲓ ⲛ̀ⲛⲓϫ̀ⲫⲟ ⲛ̀ⲧⲉⲧⲉⲥⲛⲉϫⲓ ⲓⲥϫⲉ ⲟⲩⲟⲛ ⲟⲩⲥ̀ϩⲓⲙⲓ ⲛⲁⲉⲣⲡ̀ⲱⲃϣ ⲛ̀ⲛⲁⲓ ⲁⲗⲗⲁ ⲁ̀ⲛⲟⲕ ⲛ̀ⲛⲁⲉⲣⲡⲉⲱⲃϣ ⲡⲉϫⲉ ⲡϭ̅ⲥ̅ .	Ⲙⲏ ⲟⲩⲟⲛ ⲟⲩⲥ̀ϩⲓⲙⲓ ⲛⲁⲉⲣⲡ̀ⲱⲃϣ ⲛ̀ⲡⲉⲥϣⲏⲣⲓ ⲉ̀ϣ̀ⲧⲉⲙⲑ̀ⲣⲉⲥⲛⲁⲓ ⲛ̀ⲛⲓϫ̀ⲫⲟ ⲛ̀ⲧⲉ ⲧⲉⲥⲛⲉϫⲓ ⲓⲥϫⲉ ⲟⲩⲟⲛ ⲟⲩⲥ̀ϩⲓⲙⲓ ⲛⲁⲉⲣⲡ̀ⲱⲃϣ ⲛ̀ⲛⲁⲓ ⲁⲗⲗⲁ ⲁ̀ⲛⲟⲕ ⲛ̀ⲛⲁⲉⲣⲡⲉⲱⲃϣ ⲡⲉϫⲉ ⲡ̀ϭⲟⲓⲥ.	My ouon ous̀·himi naerp̀ōvṡ ǹpesṡyri èṡ̀temθ̀resnai ǹnig̀fo ǹte tesneji isje ouon ous̀·himi naerp̀ōvṡ ǹnai alla ànok ǹnaerpeōvṡ peje p̀ċois.	Will a woman forget her child, so as not to have compassion upon the offspring of her womb? but if a woman should even forget these, yet I will not forget thee, saith the Lord.
49:16	ϩⲏⲡⲡⲉ ⲁⲓⲥ̀ϧⲉ ⲛⲉⲥⲥⲉⲃⲑⲁⲓⲟⲩ ϩⲓⲛⲁϫⲓϫ ⲟⲩⲟϩ ⲧⲉⲭⲏ ⲙ̀ⲡⲁⲙ̀ⲑⲟ ⲉ̀ⲃⲟⲗ ⲛ̀ⲥⲏⲟⲩ ⲛⲓⲃⲉⲛ .	Ϩⲏⲡⲡⲉ ⲁⲓⲥ̀ϧⲉ ⲛⲉⲥⲥⲉⲃⲑⲁⲓⲟⲩ ϩⲓ ⲛⲁϫⲓϫ ⲟⲩⲟϩ ⲧⲉⲭⲏ ⲛ̀ⲡⲁⲙ̀ⲑⲟ ⲉ̀ⲃⲟⲗ ⲛ̀ⲥⲏⲟⲩ ⲛⲓⲃⲉⲛ.	Hyppe ais̀xe nessevθaiou hi najig ouoh teky ǹpam̀θo èvol ǹsyou niven.	Behold, I have painted thy walls on my hands, and thou art continually before me.
49:17	ⲟⲩⲟϩ ⲉⲩⲉ̀ⲕⲟⲧϯ ⲛ̀ⲭⲱⲗⲉⲙ ⲉ̀ⲃⲟⲗϩⲓⲧⲉⲛ ⲛⲏⲉⲧⲁⲩⲟⲩⲟϫⲡⲓ ⲟⲩⲟϩ ⲛⲏⲉⲧⲁⲩϣⲟϥⲓ ⲉⲩⲉ̀ⲓ̀ ⲉ̀ⲃⲟⲗ ⲛ̀ϧⲏϯ .	Ⲟⲩⲟϩ ⲉⲩⲉ̀ⲕⲟⲧϯ ⲛ̀ⲭⲱⲗⲉⲙ ⲉ̀ⲃⲟⲗ ϩⲓⲧⲉⲛ ⲛⲏⲉⲧⲁⲩⲟⲩⲟϫⲡⲓ ⲟⲩⲟϩ ⲛⲏⲉⲧⲁⲩϣⲟϥⲓ ⲉⲩⲓ̀ ⲉ̀ⲃⲟⲗ ⲛ̀ϧⲏϯ.	Ouoh evèkotti ǹkōlem èvol hiten nyetavouogpi ouoh nyetavṡofi evì èvol ǹxyti.	And thou shalt soon be built by those by whom thou were destroyed, and they that made thee desolate shall go forth of thee.
49:18	ϥⲁⲓ ⲛ̀ⲛⲉⲃⲁⲗ ⲉ̀ⲡ̀ϣⲱⲓ ⲉ̀ⲡⲓⲙⲁ ⲉⲧⲕⲱϯ ⲉ̀ⲣⲟⲟⲩⲟϩ ⲁ̀ⲛⲁⲩ ⲉ̀ⲣⲱⲟⲩ ⲧⲏⲣⲟⲩ ϩⲏⲡⲡⲉ ⲁⲩⲑⲱⲟⲩϯ ⲟⲩⲟϩ ⲁⲩⲓ̀ ϩⲁⲣⲟϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ϫⲉⲉⲣⲉⲧⲏⲓⲧⲟⲩ ⲧⲏⲣⲟⲩ ϩⲓⲱϯ ⲟⲩⲟϩ ⲉⲣϫⲟⲗⲓ ⲙ̀ⲙⲱⲟⲩ ⲙ̀ⲫ̀ⲣⲏϯ ⲙ̀ⲡ̀ⲥⲟⲗⲥⲉⲗ ⲛ̀ⲟⲩϣⲉⲗⲉⲧ .	Ϥⲁⲓ ⲛ̀ⲛⲉⲃⲁⲗ ⲉ̀ⲡ̀ϣⲱⲓ ⲉ̀ⲡⲓⲙⲁ ⲉⲧⲕⲱϯ ⲉ̀ⲣⲟ ⲟⲩⲟϩ ⲁ̀ⲛⲁⲩ ⲉ̀ⲣⲱⲟⲩ ⲧⲏⲣⲟⲩ ϩⲏⲡⲡⲉ ⲁⲩⲑⲱⲟⲩϯ ⲟⲩⲟϩ ⲁⲩⲓ̀ ϩⲁⲣⲟϯⲟⲛϧ ⲁ̀ⲛⲟⲕ ⲡⲉϫⲉ ⲡ̀ϭⲟⲓⲥ ϫⲉ ⲉ̀ⲣⲉⲧⲏⲓⲧⲟⲩ ⲧⲏⲣⲟⲩ ϩⲓⲱϯ ⲟⲩⲟϩ ⲉⲣϫⲟⲗⲓ ⲙ̀ⲙⲱⲟⲩ ⲛ̀ⲫ̀ⲣⲏϯ ⲛ̀ⲡ̀ⲥⲟⲗⲥⲉⲗ ⲛ̀ⲟⲩϣⲉⲗⲉⲧ.	Fai ǹneval èp̀ṡōi èpima etkōti èro ouoh ànav èrōou tyrou hyppe avθōouti ouoh avì harotionx ànok peje p̀ċois je èretyitou tyrou hiōti ouoh ergoli m̀mōou ǹf̀ryti ǹp̀·solsel ǹouṡelet.	Lift up thine eyes round about, and look on them all; behold, they are gathered together, and are come to thee. As I live, saith the Lord, thou shalt clothe thyself with them all as with an ornament, and put them on as a bride her attire.
49:19	ϫⲉⲛⲉϣⲁϥⲉⲩ ⲛⲉⲙⲛⲏⲉⲧⲧⲁⲕⲧⲏⲟⲩⲧ ⲛ̀ⲧⲉⲛⲉⲙⲛⲏⲉⲧⲁⲩϩⲉⲓ ⲥⲉⲛⲁϩⲟϫϩⲉϫ ϯⲛⲟⲩ ⲛ̀ⲧⲉⲛⲛⲏⲉⲧϣⲟⲡ ⲛ̀ϧⲏⲧⲟⲩ ⲟⲩⲟϩ ⲉⲩⲉ̀ⲟⲩⲉⲓ ⲙ̀ⲙⲟ ⲛ̀ϫⲉⲛⲏⲉⲧⲱⲙⲕ ⲙ̀ⲙⲟ .	Ϫⲉ ⲛⲉϣⲁϥⲉⲩ ⲛⲉⲙ ⲛⲏⲉⲧⲧⲁⲕⲧⲏⲟⲩⲧ ⲛ̀ⲧⲉⲛⲉⲙ ⲛⲏⲉⲧⲁⲩϩⲉⲓ ⲥⲉⲛⲁϩⲟϫϩⲉϫ ϯⲛⲟⲩ ⲛ̀ⲧⲉⲛⲛⲏⲉⲧϣⲟⲡ ⲛ̀ϧⲏⲧⲟⲩ ⲟⲩⲟϩ ⲉⲩⲉ̀ⲟⲩⲉⲓ ⲙ̀ⲙⲟ ⲛ̀ϫⲉ ⲛⲏⲉⲧⲱⲙⲕ ⲙ̀ⲙⲟ.	Je neṡafev nem nyettaktyout ǹtenem nyetavhei senahogheg tinou ǹtennyetṡop ǹxytou ouoh evèouei m̀mo ǹje nyetōmk m̀mo.	For thy desert and marred and ruined places shall now be too narrow by reason of the inhabitants, and they that devoured thee shall be removed far from thee.
49:20	ⲉⲩⲉ̀ϫⲟⲥ ⲅⲁⲣ ⲉ̀ϩ̀ⲣⲏⲓ ⲉ̀ⲛⲉⲙⲁϣϫ ⲛ̀ϫⲉⲛⲉϣⲏⲣⲓ ⲛⲏⲉⲧⲁⲣⲉϫ̀ⲫⲱⲟⲩ ϫⲉⲡⲓⲙⲁ ϩⲉϫϩⲉϫ ⲉ̀ⲣⲟⲓ ⲙⲁⲑⲁⲙⲓⲟ ⲛⲏⲓ ⲛ̀ⲟⲩⲙⲁ ϩⲓⲛⲁ ⲛ̀ⲧⲁϣⲱⲡⲓ ⲛ̀ϧⲏⲧϥ .	Ⲉⲩⲉ̀ϫⲟⲥ ⲅⲁⲣ ⲉ̀ϩ̀ⲣⲏⲓ ⲉ̀ⲛⲉⲙⲁϣϫ ⲛ̀ϫⲉ ⲛⲉϣⲏⲣⲓ ⲛⲏⲉⲧⲁⲣⲉϫ̀ⲫⲱⲟⲩ ϫⲉ ⲡⲓⲙⲁ ϩⲉϫϩⲉϫ ⲉ̀ⲣⲟⲓ ⲙⲁⲑⲁⲙⲓⲟ ⲛⲏⲓ ⲛ̀ⲟⲩⲙⲁ ϩⲓⲛⲁ ⲛ̀ⲧⲁϣⲱⲡⲓ ⲛ̀ϧⲏⲧϥ.	Evègos ġar èh̀ryi ènemaṡg ǹje neṡyri nyetareg̀fōou je pima hegheg èroi maθamio nyi ǹouma hina ǹtaṡōpi ǹxytf.	For thy sons whom thou hast lost shall say in thine ears, The place is too narrow for me: make room for me that I may dwell.
49:21	ⲟⲩⲟϩ ⲉⲣⲉϫⲟⲥ ϧⲉⲛⲡⲉϩⲏⲧ ϫⲉⲛⲓⲙ ⲁϥϫ̀ⲫⲉ ⲛⲁⲓ ⲛⲏⲓ ⲁ̀ⲛⲟⲕ ϫⲉⲁ̀ⲛⲟⲕ ⲟⲩⲁⲧϣⲏⲣⲓ ⲟⲩⲟϩ ⲛ̀ⲭⲏⲣⲁ ⲛⲁⲓ ⲇⲉ ⲛⲓⲙ ⲁϥϣⲁⲛⲟⲩϣⲟⲩ ⲛⲏⲓ ⲁ̀ⲛⲟⲕ ⲇⲉ ⲁⲓⲥⲱϫⲡ ⲙ̀ⲙⲁⲩⲁⲧ ⲛⲁⲓ ⲇⲉ ⲛⲁⲩⲑⲱⲛ ⲛⲏⲓ ⲡⲉ .	Ⲟⲩⲟϩ ⲉ̀ⲣⲉϫⲟⲥ ϧⲉⲛ ⲡⲉϩⲏⲧ ϫⲉ ⲛⲓⲙ ⲁϥϫ̀ⲫⲉ ⲛⲁⲓ ⲛⲏⲓ ⲁ̀ⲛⲟⲕ ϫⲉ ⲁ̀ⲛⲟⲕ ⲟⲩⲁⲧϣⲏⲣⲓ ⲟⲩⲟϩ ⲛ̀ⲭⲏⲣⲁ ⲛⲁⲓ ⲇⲉ ⲛⲓⲙ ⲁϥϣⲁⲛⲟⲩϣⲟⲩ ⲛⲏⲓ ⲁ̀ⲛⲟⲕ ⲇⲉ ⲁⲓⲥⲱϫⲡ ⲙ̀ⲙⲁⲩⲁⲧ ⲛⲁⲓ ⲇⲉ ⲛⲁⲩⲑⲱⲛ ⲛⲏⲓ ⲡⲉ.	Ouoh èregos xen pehyt je nim afg̀fe nai nyi ànok je ànok ouatṡyri ouoh ǹṡyra nai ḋe nim afṡanouṡou nyi ànok ḋe aisōgp m̀mavat nai ḋe navθōn nyi pe.	And thou shalt say in thine heart, Who has begotten me these? whereas I was childless, and a widow; but who has brought up these for me? and I was left alone; but whence came these to me?
49:22	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡ̀ϭⲟⲓⲥ ⲡϭ̅ⲥ̅ ϫⲉϩⲏⲡⲡⲉ ⲉⲓⲉ̀ⲱⲗⲓ ⲛ̀ⲧⲁϫⲓϫ ⲉ̀ⲛⲓⲉⲑⲛⲟⲥ ⲟⲩⲟϩ ⲉⲓⲉ̀ⲱⲗⲓ ⲙ̀ⲡⲁⲙⲏⲓⲛⲓ ⲉ̀ⲛⲓⲛⲏⲥⲟⲥ ⲟⲩⲟϩ ⲉⲓⲉ̀ⲓ̀ⲛⲓ ⲛ̀ⲛⲉϣⲏⲣⲓ ϧⲉⲛⲕⲉⲛⲟⲩ ⲟⲩⲟϩ ⲛⲉϣⲉⲣⲓ ⲉⲩⲉ̀ϥⲓⲧⲟⲩ ⲉ̀ⲛⲟⲩⲙⲟϯ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲡ̀ϭⲟⲓⲥ ϫⲉ ϩⲏⲡⲡⲉ ⲉⲓⲉ̀ⲱ̀ⲗⲓ ⲛ̀ⲧⲁϫⲓϫ ⲉ̀ⲛⲓⲉⲑⲛⲟⲥ ⲟⲩⲟϩ ⲉⲓⲉ̀ⲱ̀ⲗⲓ ⲛ̀ⲡⲁⲙⲏⲓⲛⲓ ⲉ̀ⲛⲓⲛⲏⲥⲟⲥ ⲟⲩⲟϩ ⲉⲓⲉ̀ⲓ̀ⲛⲓ ⲛ̀ⲛⲉϣⲏⲣⲓ ϧⲉⲛ ⲕⲉⲛⲟⲩ ⲟⲩⲟϩ ⲛⲉϣⲉⲣⲓ ⲉⲩⲉ̀ϥⲓⲧⲟⲩ ⲉ̀ⲛⲟⲩⲙⲟϯ.	Fai pe ǹf̀ryti etefgō m̀mos ǹje p̀ċois p̀ċois je hyppe eièṑli ǹtajig ènieθnos ouoh eièṑli ǹpamyini èninysos ouoh eièìni ǹneṡyri xen kenou ouoh neṡeri evèfitou ènoumoti.	Thus saith the Lord, even the Lord, Behold, I lift up mine hand to the nations, and I will lift up my signal to the islands: and they shall bring thy sons in their bosom, and shall bear thy daughters on their shoulders.
49:23	ⲉⲩⲉ̀ϣⲱⲡⲓ ⲛⲉ ⲛ̀ϫⲉϩⲁⲛⲟⲩⲣⲱⲟⲩ ⲛ̀ⲣⲉϥϣⲁⲛϣ ϩⲁⲛⲁⲣⲭⲱⲛ ⲇⲉ ⲉⲩⲉ̀ⲉⲣⲙⲟⲛⲓ ⲛⲉ ⲉⲩⲉ̀ⲟⲩⲱϣⲧ ⲙ̀ⲙⲟ ϩⲓϫⲉⲛⲡ̀ⲕⲁϩⲓ ⲟⲩⲟϩ ⲡ̀ⲕⲁϩⲓ ⲛ̀ⲧⲉⲛⲉϭⲁⲗⲁⲩϫ ⲉⲩⲉ̀ⲗⲟϫϩϥ ⲉⲣⲉⲉ̀ⲙⲓ ϫⲉⲁ̀ⲛⲟⲕ ⲡⲉ ⲡϭ̅ⲥ̅ ⲟⲩⲟϩ ⲛ̀ⲛⲉϭⲓϣⲓⲡⲓ .	Ⲉⲩⲉ̀ϣⲱⲡⲓ ⲛⲉ ⲛ̀ϫⲉ ϩⲁⲛⲟⲩⲣⲱⲟⲩ ⲛ̀ⲣⲉϥϣⲁⲛϣ ϩⲁⲛⲁⲣⲭⲱⲛ ⲇⲉ ⲉⲩⲉ̀ⲉⲣⲙⲟⲛⲓ ⲛⲉ ⲉⲩⲉ̀ⲟⲩⲱϣⲧ ⲙ̀ⲙⲟ ϩⲓϫⲉⲛ ⲡ̀ⲕⲁϩⲓ ⲟⲩⲟϩ ⲡ̀ⲕⲁϩⲓ ⲛ̀ⲧⲉ ⲛ̀ⲉϭⲁⲗⲁⲩϫ ⲉⲩⲉ̀ⲗⲟϫϩϥ ⲉ̀ⲣⲉⲉ̀ⲙⲓ ϫⲉ ⲁ̀ⲛⲟⲕ ⲡⲉ ⲡ̀ϭⲟⲓⲥ ⲟⲩⲟϩ ⲛ̀ⲛⲉϭⲓϣⲓⲡⲓ.	Evèṡōpi ne ǹje hanourōou ǹrefṡanṡ hanarxōn ḋe evèermoni ne evèouōṡt m̀mo hijen p̀kahi ouoh p̀kahi ǹte ǹeċalavg evèloghf èreèmi je ànok pe p̀ċois ouoh ǹneċiṡipi.	And kings shall be thy nursing fathers, and their princesses thy nurses, they shall bow down to thee on the face of the earth, and shall lick the dust of thy feet; and thou shalt know that I am the Lord, and they that wait on me shall not be ashamed.
49:24	ⲙⲏ ⲁⲣⲉ ϣ̀ ⲟⲩⲁⲓ ⲉⲗ ϩⲁⲛϣⲱⲗ ⲛ̀ⲧⲟⲧϥ ⲛ̀ⲟⲩⲁ̀ⲫⲱⲫ ⲟⲩⲟϩ ⲉϣⲱⲡ ⲛ̀ⲧⲉⲟⲩⲁⲓ ⲉⲣⲉⲭⲙⲁⲗⲱⲧⲉⲩⲓⲛ ϧⲉⲛⲟⲩϭⲓⲛ̀ϫⲟⲛⲥ ⲙⲏ ϥ̀ⲛⲁⲛⲟϩⲉⲙ .	Ⲙⲏ ⲁⲣⲉ ϣ̀ ⲟⲩⲁⲓ ⲉⲗ ϩⲁⲛϣⲱⲗ ⲛ̀ⲧⲟⲧϥ ⲛ̀ⲟⲩⲁ̀ⲫⲱⲫ ⲟⲩⲟϩ ⲉϣⲱⲡ ⲛ̀ⲧⲉ ⲟⲩⲁⲓ ⲉ̀ⲣⲉⲭⲙⲁⲗⲱⲧⲉⲩⲓⲛ ϧⲉⲛ ⲟⲩϭⲓⲛ̀ϫⲟⲛⲥ ⲙⲏ ϥ̀ⲛⲁⲛⲟϩⲉⲙ.	My are ṡ̀ ouai el hanṡōl ǹtotf ǹouàfōf ouoh eṡōp ǹte ouai èrexmalōtevin xen ouċiǹgons my f̀nanohem.	Will any one take spoils from a giant? and if one should take a man captive unjustly, shall he be delivered?
49:25	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ϫⲉⲉϣⲱⲡ ⲁⲣⲉϣⲁⲛ ⲟⲩⲁⲓ ⲉⲣⲉⲭⲙⲁⲗⲱⲧⲉⲩⲓⲛ ⲛ̀ⲟⲩⲁ̀ⲫⲱⲫ ϥ̀ⲛⲁϭⲓ ⲛ̀ϩⲁⲛϣⲱⲗ ⲉϥⲉ̀ⲱⲗⲓ ⲇⲉ ⲛ̀ⲧⲟⲧϥ ⲙ̀ⲫⲏⲉⲧϫⲟⲣ ⲉ̀ⲣⲟϥ ⲉϥⲉ̀ⲛⲟϩⲉⲙ ⲁ̀ⲛⲟⲕ ⲇⲉ ⲉⲓⲉ̀ϯϩⲁⲡ ⲉ̀ⲡⲁϩⲁⲡ ⲁ̀ⲛⲟⲕ ⲉⲓⲉ̀ⲛⲟϩⲉⲙ ⲛ̀ⲛⲉϣⲏⲣⲓ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲉϣⲱⲡ ⲁⲣⲉϣⲁⲛ ⲟⲩⲁⲓ ⲉ̀ⲣⲉⲭⲙⲁⲗⲱⲧⲉⲩⲓⲛ ⲛ̀ⲟⲩⲁ̀ⲫⲱⲫ ϥ̀ⲛⲁϭⲓ ⲛ̀ϩⲁⲛϣⲱⲗ ⲉϥⲉ̀ⲱ̀ⲗⲓ ⲇⲉ ⲛ̀ⲧⲟⲧϥ ⲙ̀ⲫⲏⲉⲧϫⲟⲣ ⲉ̀ⲣⲟϥ ⲉϥⲉ̀ⲛⲟϩⲉⲙ ⲁ̀ⲛⲟⲕ ⲇⲉ ⲉⲓⲉ̀ϯϩⲁⲡ ⲉ̀ⲡⲁϩⲁⲡ ⲁ̀ⲛⲟⲕ ⲉⲓⲉ̀ⲛⲟϩⲉⲙ ⲛ̀ⲛⲉϣⲏⲣⲓ.	Fai pe ǹf̀ryti etefgō m̀mos ǹje p̀ċois je eṡōp areṡan ouai èrexmalōtevin ǹouàfōf f̀naċi ǹhanṡōl efèṑli ḋe ǹtotf m̀fyetgor èrof efènohem ànok ḋe eiètihap èpahap ànok eiènohem ǹneṡyri.	For thus saith the Lord, If one should take a giant captive, he shall take spoils, and he who takes them from a mighty man shall be delivered: for I will plead thy cause, and I will deliver thy children.
49:26	ⲟⲩⲟϩ ⲉⲩⲉ̀ⲟⲩⲱⲙ ⲛ̀ⲛⲟⲩⲥⲁⲣⲝ ⲛ̀ϫⲉⲛⲏⲉⲧϩⲟϫϩⲉϫ ⲙ̀ⲙⲟ ⲉⲩⲉ̀ⲥⲱ ⲛ̀ⲛⲟⲩⲥ̀ⲛⲟϥ ⲙ̀ⲫ̀ⲣⲏϯ ⲛ̀ⲟⲩⲏⲣⲡ ⲙ̀ⲃⲉⲣⲓ ⲟⲩⲟϩ ⲉⲩⲉ̀ⲑⲓϧⲓ ⲟⲩⲟϩ ⲉⲩⲉ̀ⲉⲣⲉⲥⲑⲁⲛⲉⲥⲑⲉ ⲛ̀ϫⲉⲥⲁⲣⲝ ⲛⲓⲃⲉⲛ ϫⲉⲁ̀ⲛⲟⲕ ⲡⲉ ⲫⲏⲉⲧⲁϥⲛⲁϩⲙⲓ ⲟⲩⲟϩ ⲉⲧϯ ⲛ̀ⲧⲟⲧϥ ⲛ̀ⲧ̀ϫⲟⲙ ⲛ̀ⲓⲁⲕⲱⲃ .	Ⲟⲩⲟϩ ⲉⲩⲉ̀ⲟⲩⲱⲙ ⲛ̀ⲛⲟⲩⲥⲁⲣⲝ ⲛ̀ϫⲉ ⲛⲏⲉⲧϩⲟϫϩⲉϫ ⲙ̀ⲙⲟ ⲉⲩⲉ̀ⲥⲱ ⲛ̀ⲛⲟⲩⲥ̀ⲛⲟϥ ⲛ̀ⲫ̀ⲣⲏϯ ⲛ̀ⲟⲩⲏⲣⲡ ⲛ̀ⲃⲉⲣⲓ ⲟⲩⲟϩ ⲉⲩⲉ̀ⲑⲓϧⲓ ⲟⲩⲟϩ ⲉⲩⲉ̀ⲉⲣⲉⲥⲑⲁⲛⲉⲥⲑⲉ ⲛ̀ϫⲉ ⲥⲁⲣⲝ ⲛⲓⲃⲉⲛ ϫⲉ ⲁ̀ⲛⲟⲕ ⲡⲉ ⲫⲏⲉⲧⲁϥⲛⲁϩⲙⲓ ⲟⲩⲟϩ ⲉⲧϯ ⲛ̀ⲧⲟⲧϥ ⲛ̀ⲧ̀ϫⲟⲙ ⲛ̀ⲓⲁⲕⲱⲃ.	Ouoh evèouōm ǹnousarks ǹje nyet·hogheg m̀mo evèsō ǹnous̀nof ǹf̀ryti ǹouyrp ǹveri ouoh evèθixi ouoh evèeresθanesθe ǹje sarks niven je ànok pe fyetafnahmi ouoh etti ǹtotf ǹt̀gom ǹiakōb.	And they that afflicted thee shall eat their own flesh; and they shall drink their own blood as new wine, and shall be drunken: and all flesh shall perceive that I am the Lord that delivers thee, and that upholds the strength of Jacob.

Provenance

title: 23_Isaias_49
dialect: bohairic
source: Coptic SCRIPTORIUM corpus "bohairic.ot", document 23_Isaias_49
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_49 from Coptic SCRIPTORIUM (https://copticscriptorium.org), corpus bohairic.ot, document 23_Isaias_49, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/49.bohairic.scriptorium.L0.txt
title: 23_Isaias_49 — Cairene
dialect: bohairic
source: generated from 49.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_49)
licence: CC BY-SA 4.0
share: attribution
attribution: 23_Isaias_49 from Coptic SCRIPTORIUM (https://copticscriptorium.org), corpus bohairic.ot, document 23_Isaias_49, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/49.bohairic.scriptorium.L1.txt
title: 23_Isaias_49 — Kemetic
dialect: bohairic
source: generated from 49.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_49 from Coptic SCRIPTORIUM (https://copticscriptorium.org), corpus bohairic.ot, document 23_Isaias_49, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/49.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 26 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_49 (26 lines)

Cite as:

23_Isaias_49. Coptic SCRIPTORIUM corpus "bohairic.ot", document 23_Isaias_49. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/49.bohairic.scriptorium/. 23_Isaias_49 from Coptic SCRIPTORIUM (https://copticscriptorium.org), corpus bohairic.ot, document 23_Isaias_49, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.