23_Isaias_51 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_51

Attribution: 23_Isaias_51 from Coptic SCRIPTORIUM (https://copticscriptorium.org), corpus bohairic.ot, document 23_Isaias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

23 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
51:1	ⲥⲱⲧⲉⲙ ⲉ̀ⲣⲟⲓ ⲛⲏⲉⲧϭⲟϫⲓ ⲛ̀ⲥⲁⲡⲓⲇⲓⲕⲉⲟⲛ ⲟⲩⲟϩ ⲉⲧⲕⲱϯ ⲛ̀ⲥⲁⲡϭ̅ⲥ̅ ϫⲟⲩϣⲧ ⲉ̀ϯⲡⲉⲧⲣⲁ ⲉⲥϫⲟⲣ ⲑⲏⲉⲧⲁⲣⲉⲧⲉⲛⲫⲟⲧϩⲥ ⲛⲉⲙⲡⲓϣⲓⲕ ⲛ̀ⲧⲉⲡⲓⲗⲁⲕⲕⲟⲥ ⲫⲏⲉⲧⲁⲣⲉⲧⲉⲛϣⲟⲕϥ .	ⲥⲱⲧⲉⲙ ⲉ̀ⲣⲟⲓ ⲛⲏⲉⲧϭⲟϫⲓ ⲛ̀ⲥⲁⲡⲓⲇⲓⲕⲉⲟⲛ ⲟⲩⲟϩ ⲉⲧⲕⲱϯ ⲛ̀ⲥⲁ ⲡ̀ϭⲟⲓⲥ ϫⲟⲩϣⲧ ⲉ̀ϯⲡⲉⲧⲣⲁ ⲉⲥϫⲟⲣ ⲑⲏⲉⲧⲁⲣⲉⲧⲉⲛⲫⲟⲧϩⲥ ⲛⲉⲙ ⲡⲓϣⲓⲕ ⲛ̀ⲧⲉ ⲡⲓⲗⲁⲕⲕⲟⲥ ⲫⲏⲉⲧⲁⲣⲉⲧⲉⲛϣⲟⲕϥ.	sōtem èroi nyetċoji ǹsapiḋikeon ouoh etkōti ǹsa p̀ċois gouṡt ètipetra esgor θyetaretenfot·hs nem piṡik ǹte pilakkos fyetaretenṡokf.	Hearken to me, ye that follow after righteousness, and seek the Lord: look to the solid rock, which ye have hewn, and to the hole of the pit which ye have dug.
51:2	ϫⲟⲩϣⲧ ⲉ̀ⲁⲃⲣⲁⲁⲙ ⲡⲉⲧⲉⲛⲓⲱⲧ ⲛⲉⲙⲥⲁⲣⲣⲁ ⲑⲏⲉⲧⲁⲥϯⲛⲁⲕϩⲓ ⲙ̀ⲙⲱⲧⲉⲛ ϫⲉⲛⲉ ⲟⲩⲁⲓ ⲡⲉⲧⲁⲓⲙⲟⲩϯ ⲉ̀ⲣⲟϥ ⲟⲩⲟϩ ⲁⲓⲥ̀ⲙⲟⲩ ⲉ̀ⲣⲟϥ ⲁⲓⲙⲉⲛⲣⲓⲧϥ ⲟⲩⲟϩ ⲁⲓⲑ̀ⲣⲉϥⲁ̀ϣⲁⲓ .	Ϫⲟⲩϣⲧ ⲉ̀ⲁⲃⲣⲁⲁⲙ ⲡ̀ⲉⲧⲉⲛⲓⲱⲧ ⲛⲉⲙ ⲥⲁⲣⲣⲁ ⲑⲏⲉⲧⲁⲥϯⲛⲁⲕϩⲓ ⲙ̀ⲙⲱⲧⲉⲛ ϫⲉ ⲛⲉ ⲟⲩⲁⲓ ⲡⲉⲧⲁⲓⲙⲟⲩϯ ⲉ̀ⲣⲟϥ ⲟⲩⲟϩ ⲁⲓⲥ̀ⲙⲟⲩ ⲉ̀ⲣⲟϥ ⲁⲓⲙⲉⲛⲣⲓⲧϥ ⲟⲩⲟϩ ⲁⲓⲑ̀ⲣⲉϥⲁ̀ϣⲁⲓ.	Gouṡt èabraam p̀eteniōt nem sarra θyetastinak·hi m̀mōten je ne ouai petaimouti èrof ouoh ais̀mou èrof aimenritf ouoh aiθ̀refàṡai.	Look to Abraam your father, and to Sarrha that bore you: for he was alone when I called him, and blessed him, and loved him, and multiplied him.
51:3	ⲟⲩⲟϩ ⲛ̀ⲑⲟ ϩⲱⲓ ϯⲛⲟⲩ ⲉⲓⲉ̀ϯⲛⲟⲙϯ ⲛⲉ ⲥⲓⲱⲛ ⲟⲩⲟϩ ⲉⲓⲉ̀ϯⲛⲟⲙϯ ⲛ̀ⲛⲉⲥϣⲁϥⲉⲩ ⲧⲏⲣⲟⲩ ⲟⲩⲟϩ ⲉⲓⲉ̀ⲭⲱ ⲛ̀ⲛⲉⲥϣⲁϥⲉⲩ ⲙ̀ⲫ̀ⲣⲏϯ ⲛ̀ⲟⲩⲡⲁⲣⲁⲇⲓⲥⲟⲥ ⲛ̀ⲧⲉⲡϭ̅ⲥ̅ ⲛⲉⲙⲥⲁ ⲡⲉⲙⲉⲛⲧ ⲙ̀ⲙⲟⲥ ⲙ̀ⲫ̀ⲣⲏϯ ⲙ̀ⲡⲓⲡⲁⲣⲁⲇⲓⲥⲟⲥ ⲛ̀ⲧⲉⲡϭ̅ⲥ̅ ⲟⲩⲟⲩⲛⲟϥ ⲛⲉⲙⲟⲩⲑⲉⲗⲏⲗ ⲉⲩⲉ̀ϫⲉⲙⲟⲩ ⲛ̀ϧⲏⲧⲥ ⲟⲩⲟⲩⲱⲛϩ ⲉ̀ⲃⲟⲗ ⲛⲉⲙⲧ̀ⲥ̀ⲙⲏ ⲛ̀ⲟⲩⲥ̀ⲙⲟⲩ .	Ⲟⲩⲟϩ ⲛ̀ⲑⲟ ϩⲱⲓ ϯⲛⲟⲩ ⲉ̀ⲓⲉ̀ϯⲛⲟⲙϯ ⲛⲉ ⲥⲓⲱⲛ ⲟⲩⲟϩ ⲉ̀ⲓⲉ̀ϯⲛⲟⲙϯ ⲛ̀ⲛⲉⲥϣⲁϥⲉⲩ ⲧⲏⲣⲟⲩ ⲟⲩⲟϩ ⲉⲓⲉ̀ⲭⲱ ⲛ̀ⲛⲉⲥϣⲁϥⲉⲩ ⲛ̀ⲫ̀ⲣⲏϯ ⲛ̀ⲟⲩⲡⲁⲣⲁⲇⲓⲥⲟⲥ ⲛ̀ⲧⲉ ⲡ̀ϭⲟⲓⲥ ⲛⲉⲙ ⲥⲁ ⲡ̀ⲉⲙⲉⲛⲧ ⲙ̀ⲙⲟⲥ ⲛ̀ⲫ̀ⲣⲏϯ ⲛ̀ⲡⲓⲡⲁⲣⲁⲇⲓⲥⲟⲥ ⲛ̀ⲧⲉ ⲡ̀ϭⲟⲓⲥ ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ ⲉⲩⲉ̀ϫⲉⲙⲟⲩ ⲛ̀ϧⲏⲧⲥ ⲟⲩⲟⲩⲱⲛϩ ⲉ̀ⲃⲟⲗ ⲛⲉⲙ ⲧ̀ⲥ̀ⲙⲏ ⲛ̀ⲟⲩⲥ̀ⲙⲟⲩ.	Ouoh ǹθo hōi tinou èiètinomti ne siōn ouoh èiètinomti ǹnesṡafev tyrou ouoh eièkō ǹnesṡafev ǹf̀ryti ǹouparaḋisos ǹte p̀ċois nem sa p̀ement m̀mos ǹf̀ryti ǹpiparaḋisos ǹte p̀ċois ouounof nem ouθelyl evèjemou ǹxyts ououōnh èvol nem t̀s̀my ǹous̀mou.	And now I will comfort thee, O Sion: and I have comforted all her desert places; and I will make her desert places as a garden, and her western places as the garden of the Lord; they shall find in her gladness and exultation, thanksgiving and the voice of praise.
51:4	ⲥⲱⲧⲉⲙ ⲉ̀ⲣⲟⲓ ⲥⲱⲧⲉⲙ ⲡⲁⲗⲁⲟⲥ ⲟⲩⲟϩ ⲛⲓⲟⲩⲣⲱⲟⲩ ϭⲓⲥ̀ⲙⲏ ⲉ̀ⲣⲟⲓ ϫⲉⲟⲩⲛⲟⲙⲟⲥ ⲉϥⲉ̀ⲓ̀ ⲉ̀ⲃⲟⲗϩⲓⲧⲟⲧ ⲟⲩⲟϩ ⲡⲁϩⲁⲡ ⲉⲩⲟⲩⲱⲓⲛⲓ ⲛ̀ⲧⲉⲛⲓⲉⲑⲛⲟⲥ .	Ⲥⲱⲧⲉⲙ ⲉ̀ⲣⲟⲓ ⲥⲱⲧⲉⲙ ⲡⲁⲗⲁⲟⲥ ⲟⲩⲟϩ ⲛⲓⲟⲩⲣⲱⲟⲩ ϭⲓⲥ̀ⲙⲏ ⲉ̀ⲣⲟⲓ ϫⲉ ⲟⲩⲛⲟⲙⲟⲥ ⲉϥⲉ̀ⲓ̀ ⲉ̀ⲃⲟⲗ ϩⲓⲧⲟⲧ ⲟⲩⲟϩ ⲡⲁϩⲁⲡ ⲉⲩⲟⲩⲱⲓⲛⲓ ⲛ̀ⲧⲉ ⲛⲓⲉⲑⲛⲟⲥ.	Sōtem èroi sōtem palaos ouoh niourōou ċis̀my èroi je ounomos efèì èvol hitot ouoh pahap evouōini ǹte nieθnos.	Hear me, hear me, my people; and ye kings, hearken to me: for a law shall proceed from me, and my judgment shall be for a light of the nations.
51:5	ⲉⲥⲛⲁϧⲱⲛⲧ ⲛ̀ⲭⲱⲗⲉⲙ ⲛ̀ϫⲉⲧⲁⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ ⲛ̀ϫⲉⲡⲁⲥⲱⲧⲏⲣ ⲟⲩⲟϩ ϩⲁⲛⲉⲑⲛⲟⲥ ⲉⲩⲉ̀ⲉⲣϩⲉⲗⲡⲓⲥ ⲉ̀ⲡⲁϣⲱⲃϣ ϩⲁⲛⲛⲏⲥⲟⲥ ⲥⲉϫⲟⲩϣⲧ ⲉ̀ⲃⲟⲗ ϧⲁϫⲱⲓ ⲟⲩⲟϩ ϩⲁⲛⲉⲑⲛⲟⲥ ⲉⲩⲉ̀ⲉⲣϩⲉⲗⲡⲓⲥ ⲉ̀ⲡⲁϫ̀ⲫⲟⲓ .	Ⲉⲥⲛⲁϧⲱⲛⲧ ⲛ̀ⲭⲱⲗⲉⲙ ⲛ̀ϫⲉ ⲧⲁⲙⲉⲑⲙⲏⲓ ⲟⲩⲟϩ ⲉϥⲉ̀ⲓ̀ ⲛ̀ϫⲉ ⲡⲁⲥⲱⲧⲏⲣ ⲟⲩⲟϩ ϩⲁⲛⲉⲑⲛⲟⲥ ⲉⲩⲉ̀ⲉⲣϩⲉⲗⲡⲓⲥ ⲉ̀ⲡⲁϣⲱⲃϣ ϩⲁⲛⲛⲏⲥⲟⲥ ⲥⲉϫⲟⲩϣⲧ ⲉ̀ⲃⲟⲗ ϧⲁϫⲱⲓ ⲟⲩⲟϩ ϩⲁⲛⲉⲑⲛⲟⲥ ⲉⲩⲉ̀ⲉⲣϩⲉⲗⲡⲓⲥ ⲉ̀ⲡⲁϫ̀ⲫⲟⲓ.	Esnaxōnt ǹkōlem ǹje tameθmyi ouoh efèì ǹje pasōtyr ouoh haneθnos evèerhelpis èpaṡōvṡ hannysos segouṡt èvol xagōi ouoh haneθnos evèerhelpis èpag̀foi.	My righteousness speedily draws nigh, and my salvation shall go forth as light, and on mine arm shall the Gentiles trust: the isles shall wait for me, and on mine arm shall they trust.
51:6	ϥⲁⲓ ⲛ̀ⲛⲉⲧⲉⲛⲃⲁⲗ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲟⲩⲟϩ ϫⲟⲩϣⲧ ⲉ̀ⲡ̀ⲕⲁϩⲓ ⲉ̀ⲡⲉⲥⲏⲧ ϫⲉⲁⲥⲧⲁϫⲣⲟ ⲙ̀ⲫ̀ⲣⲏϯ ⲛ̀ⲟⲩⲭ̀ⲣⲉⲙⲧⲥ ⲡ̀ⲕⲁϩⲓ ⲇⲉ ⲉϥⲉ̀ⲉⲣⲁ̀ⲡⲁⲥ ⲙ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲛⲏ ⲇⲉ ⲉⲧϣⲟⲡ ϩⲓϫⲉⲛⲡ̀ⲕⲁϩⲓ ⲥⲉⲛⲁⲧⲁⲕⲟ ⲙ̀ⲫ̀ⲣⲏϯ ⲛ̀ⲛⲁⲓ ⲡⲁⲥⲱⲧⲏⲣ ⲇⲉ ⲉϥⲉ̀ϣⲱⲡⲓ ϣⲁⲉ̀ⲛⲉϩ ⲟⲩⲟϩ ⲧⲁⲙⲉⲑⲙⲏⲓ ⲛ̀ⲛⲉⲥⲙⲟⲩⲛⲕ .	Ϥⲁⲓ ⲛ̀ⲛⲉⲧⲉⲛⲃⲁⲗ ⲉ̀ⲡ̀ϣⲱⲓ ⲉ̀ⲧ̀ⲫⲉ ⲟⲩⲟϩ ϫⲟⲩϣⲧ ⲉ̀ⲡ̀ⲕⲁϩⲓ ⲉ̀ⲡⲉⲥⲏⲧ ϫⲉ ⲁⲥⲧⲁϫⲣⲟ ⲛ̀ⲫ̀ⲣⲏϯ ⲛ̀ⲟⲩⲭ̀ⲣⲉⲙⲧⲥ ⲡ̀ⲕⲁϩⲓ ⲇⲉ ⲉϥⲉ̀ⲉⲣⲁ̀ⲡⲁⲥ ⲛ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲛⲏ ⲇⲉ ⲉⲧϣⲟⲡ ϩⲓϫⲉⲛ ⲡ̀ⲕⲁϩⲓ ⲥⲉⲛⲁⲧⲁⲕⲟ ⲛ̀ⲫ̀ⲣⲏϯ ⲛ̀ⲛⲁⲓ ⲡⲁⲥⲱⲧⲏⲣ ⲇⲉ ⲉϥⲉ̀ϣⲱⲡⲓ ϣⲁ ⲉ̀ⲛⲉϩ ⲟⲩⲟϩ ⲧⲁⲙⲉⲑⲙⲏⲓ ⲛ̀ⲛⲉⲥⲙⲟⲩⲛⲕ.	Fai ǹnetenval èp̀ṡōi èt̀fe ouoh gouṡt èp̀kahi èpesyt je astagro ǹf̀ryti ǹoux̀remts p̀kahi ḋe efèeràpas ǹf̀ryti ǹouh̀vōs ny ḋe etṡop hijen p̀kahi senatako ǹf̀ryti ǹnai pasōtyr ḋe efèṡōpi ṡa èneh ouoh tameθmyi ǹnesmounk.	Lift up your eyes to the sky, and look on the earth beneath: for the sky was darkened like smoke, and the earth shall wax old like a garment, and the inhabitants shall die in like manner: but my righteousness shall not fail.
51:7	ⲥⲱⲧⲉⲙ ⲉ̀ⲣⲟⲓ ⲛⲏⲉⲧⲥⲱⲟⲩⲛ ⲙ̀ⲡ̀ϩⲁⲡ ⲡⲁⲗⲁⲟⲥ ⲛⲏⲉⲧⲉ ⲡⲁⲛⲟⲙⲟⲥ ϧⲉⲛⲡⲟⲩϩⲏⲧ ⲙ̀ⲡⲉⲣⲉⲣϩⲟϯ ϧⲁⲧ̀ϩⲏ ⲛ̀ⲟⲩϣⲱϣ ⲛ̀ⲧⲉϩⲁⲛⲣⲱⲙⲓ ⲟⲩⲇⲉ ⲙ̀ⲡⲉⲛⲑ̀ⲣⲟⲩϭⲣⲟ ⲉ̀ⲣⲱⲧⲉⲛ ϧⲉⲛⲡⲟⲩⲡⲉⲧϩⲱⲟⲩ .	Ⲥⲱⲧⲉⲙ ⲉ̀ⲣⲟⲓ ⲛⲏⲉⲧⲥⲱⲟⲩⲛ ⲛ̀ⲡ̀ϩⲁⲡ ⲡⲁⲗⲁⲟⲥ ⲛⲏⲉ̀ⲧⲉ ⲡ̀ⲁⲛⲟⲙⲟⲥ ϧⲉⲛ ⲡⲟⲩϩⲏⲧ ⲙ̀ⲡⲉⲣⲉⲣϩⲟϯ ϧⲁⲧ̀ϩⲏ ⲛ̀ⲟⲩϣⲱϣ ⲛ̀ⲧⲉ ϩⲁⲛⲣⲱⲙⲓ ⲟⲩⲇⲉ ⲙ̀ⲡⲉⲛⲑ̀ⲣⲟⲩϭⲣⲟ ⲉ̀ⲣⲱⲧⲉⲛ ϧⲉⲛ ⲡⲟⲩⲡⲉⲧϩⲱⲟⲩ.	Sōtem èroi nyetsōoun ǹp̀hap palaos nyète p̀anomos xen pouhyt m̀pererhoti xat̀·hy ǹouṡōṡ ǹte hanrōmi ouḋe m̀penθ̀rouċro èrōten xen poupet·hōou.	Hear me, ye that know judgment, the people in whose heart is my law: fear not the reproach of men, and be not overcome by their contempt.
51:8	ⲥⲉⲛⲁⲉⲣⲁ̀ⲡⲁⲥ ⲅⲁⲣ ⲙ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲉ̀ⲃⲟⲗϩⲓⲧⲉⲛ ⲟⲩⲭ̀ⲣⲟⲛⲟⲥ ⲛⲉⲙⲙ̀ⲫ̀ⲣⲏϯ ⲛ̀ϩⲁⲛⲥⲟⲣⲧ ⲉⲧϩⲟⲗⲓ ⲟⲩⲟⲙⲟⲩ ⲧⲁⲙⲉⲑⲙⲏⲓ ⲇⲉ ⲉⲥⲉ̀ϣⲱⲡⲓ ϣⲁⲉ̀ⲛⲉϩ ⲟⲩⲟϩ ⲡⲁⲥⲱⲧⲏⲣ ⲛ̀ϩⲁⲛϫⲱⲟⲩ ⲛ̀ϫⲱⲟⲩ .	Ⲥⲉⲛⲁⲉⲣⲁ̀ⲡⲁⲥ ⲅⲁⲣ ⲛ̀ⲫ̀ⲣⲏϯ ⲛ̀ⲟⲩϩ̀ⲃⲱⲥ ⲉ̀ⲃⲟⲗ ϩⲓⲧⲉⲛ ⲟⲩⲭ̀ⲣⲟⲛⲟⲥ ⲛⲉⲙ ⲛ̀ⲫ̀ⲣⲏϯ ⲛ̀ϩⲁⲛⲥⲟⲣⲧ ⲉ̀ⲧ̀ϩⲟⲗⲓ ⲟⲩⲟⲙⲟⲩ ⲧⲁⲙⲉⲑⲙⲏⲓ ⲇⲉ ⲉⲥⲉ̀ϣⲱⲡⲓ ϣⲁ ⲉ̀ⲛⲉϩ ⲟⲩⲟϩ ⲡⲁⲥⲱⲧⲏⲣ ⲛ̀ϩⲁⲛϫⲱⲟⲩ ⲛ̀ϫⲱⲟⲩ.	Senaeràpas ġar ǹf̀ryti ǹouh̀vōs èvol hiten oux̀ronos nem ǹf̀ryti ǹhansort èt̀·holi ouomou tameθmyi ḋe esèṡōpi ṡa èneh ouoh pasōtyr ǹhangōou ǹgōou.	For as a garment will be devoured by time, and as wool will be devoured by a moth, so shall they be consumed; but my righteousness shall be for ever, and my salvation for all generations.
51:9	ⲧⲱⲟⲩⲛⲓ ⲧⲱⲟⲩⲛⲓ ⲓⲗ̅ⲏ̅ⲙ̅ ⲟⲩⲟϩ ⲙⲟⲓ ϩⲓⲱϯ ⲙ̀ⲡ̀ⲱ̀ⲟⲩ ⲛ̀ⲧⲉⲡⲉϫ̀ⲫⲟⲓ ⲧⲱⲟⲩⲛⲓ ⲙ̀ⲫ̀ⲣⲏϯ ⲛ̀ⲟⲩⲁⲣⲭⲱⲛ ⲛ̀ⲧⲉⲡⲓⲉ̀ϩⲟⲟⲩ ⲙ̀ⲫ̀ⲣⲏϯ ⲛ̀ⲟⲩⲅⲉⲛⲉⲁ̀ ⲛ̀ⲧⲉⲟⲩⲉ̀ⲛⲉϩ .	Ⲧⲱⲟⲩⲛⲓ ⲧⲱⲟⲩⲛⲓ ⲓⲉⲣⲟⲩⲥⲁⲗⲏⲙ ⲟⲩⲟϩ ⲙⲟⲓ ϩⲓⲱϯ ⲛ̀ⲡ̀ⲱ̀ⲟⲩ ⲛ̀ⲧⲉ ⲡⲉϫ̀ⲫⲟⲓ ⲧⲱⲟⲩⲛⲓ ⲛ̀ⲫ̀ⲣⲏϯ ⲛ̀ⲟⲩⲁⲣⲭⲱⲛ ⲛ̀ⲧⲉ ⲡⲓⲉ̀ϩⲟⲟⲩ ⲛ̀ⲫ̀ⲣⲏϯ ⲛ̀ⲟⲩⲅⲉⲛⲉⲁ̀ ⲛ̀ⲧⲉ ⲟⲩⲉ̀ⲛⲉϩ.	Tōouni tōouni ierousalym ouoh moi hiōti ǹp̀ṑou ǹte peg̀foi tōouni ǹf̀ryti ǹouarxōn ǹte pièhoou ǹf̀ryti ǹougeneà ǹte ouèneh.	Awake, awake, O Jerusalem, and put on the strength of thine arm; awake as in the early time, as the ancient generation.
51:10	ⲙⲏ ⲛ̀ⲑⲟ ⲁⲛ ⲡⲉⲧϣⲱϥ ⲙ̀ⲫ̀ⲓⲟⲙ ⲡⲓⲙⲱⲟⲩ ⲛ̀ⲧⲉⲫ̀ⲛⲟⲩⲛ ⲉⲧⲟϣ ⲑⲏⲉⲧⲁⲥⲭⲱ ⲙ̀ⲡⲓϣⲱⲕ ⲛ̀ⲧⲉⲫ̀ⲓⲟⲙ ⲙ̀ⲙⲱⲓⲧⲛ̀ⲥⲓⲛⲓ ⲛ̀ⲛⲏⲉⲑⲛⲁⲟⲩϫⲁⲓ ⲟⲩⲟϩ ⲉⲑⲛⲁⲛⲟϩⲉⲙ .	Ⲙⲏ ⲛ̀ⲑⲟ ⲁⲛ ⲡⲉⲧϣⲱϥ ⲛ̀ⲫ̀ⲓⲟⲙ ⲡⲓⲙⲱⲟⲩ ⲛ̀ⲧⲉ ⲫ̀ⲛⲟⲩⲛ ⲉⲧⲟϣ ⲑⲏⲉⲧⲁⲥⲭⲱ ⲙ̀ⲡⲓϣⲱⲕ ⲛ̀ⲧⲉ ⲫ̀ⲓⲟⲙ ⲛ̀ⲙⲱⲓⲧⲛ̀ⲥⲓⲛⲓ ⲛ̀ⲛⲏⲉⲑⲛⲁⲟⲩϫⲁⲓ ⲟⲩⲟϩ ⲉⲑⲛⲁⲛⲟϩⲉⲙ.	My ǹθo an petṡōf ǹf̀iom pimōou ǹte f̀noun etoṡ θyetaskō m̀piṡōk ǹte f̀iom ǹmōitǹsini ǹnyeθnaougai ouoh eθnanohem.	Art thou not it that dried the sea, the water, even the abundance of the deep; that made the depths of the sea a way of passage for the delivered and redeemed?
51:11	ⲉⲩⲉ̀ⲧⲁⲥⲑⲟ ⲅⲁⲣ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲟⲩⲟϩ ⲉⲩⲉ̀ⲓ̀ ⲉ̀ⲥⲓⲱⲛ ϧⲉⲛⲟⲩⲟⲩⲛⲟϥ ⲛⲉⲙⲟⲩⲑⲉⲗⲏⲗ ⲛ̀ⲉ̀ⲛⲉϩ ⲉϥⲉ̀ϣⲱⲡⲓ ⲅⲁⲣ ϩⲓϫⲉⲛⲧⲟⲩⲁ̀ⲫⲉ ⲛ̀ϫⲉⲟⲩⲑⲉⲗⲏⲗ ⲟⲩⲟϩ ⲟⲩⲥ̀ⲙⲟⲩ ⲛⲉⲙⲟⲩⲟⲩⲛⲟϥ ⲉϥⲉ̀ⲧⲁϩⲱⲟⲩ ⲁϥⲫⲱⲧ ⲛ̀ϫⲉⲡⲉⲙⲕⲁϩⲛ̀ϩⲏⲧ ⲛⲉⲙⲡⲓⲱⲕⲉⲙ ⲛⲉⲙⲡⲓϥⲓⲁ̀ϩⲟⲙ .	Ⲉⲩⲉ̀ⲧⲁⲥⲑⲟ ⲅⲁⲣ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲟⲩⲟϩ ⲉⲩⲓ̀ ⲉ̀ⲥⲓⲱⲛ ϧⲉⲛ ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ ⲛ̀ⲉ̀ⲛⲉϩ ⲉϥⲉ̀ϣⲱⲡⲓ ⲅⲁⲣ ϩⲓϫⲉⲛ ⲧⲟⲩⲁ̀ⲫⲉ ⲛ̀ϫⲉ ⲟⲩⲑⲉⲗⲏⲗ ⲟⲩⲟϩ ⲟⲩⲥ̀ⲙⲟⲩ ⲛⲉⲙ ⲟⲩⲟⲩⲛⲟϥ ⲉϥⲉ̀ⲧⲁϩⲱⲟⲩ ⲁϥⲫⲱⲧ ⲛ̀ϫⲉ ⲡⲉⲙⲕⲁϩⲛ̀ϩⲏⲧ ⲛ̀ⲉⲛⲡⲓⲱⲕⲉⲙ ⲛⲉⲙ ⲡⲓϥⲓⲁ̀ϩⲟⲙ.	Evètasθo ġar èvol hiten p̀ċois ouoh evì èsiōn xen ouounof nem ouθelyl ǹèneh efèṡōpi ġar hijen touàfe ǹje ouθelyl ouoh ous̀mou nem ouounof efètahōou affōt ǹje pemkahǹhyt ǹenpiōkem nem pifiàhom.	for by the help of the Lord they shall return, and come to Sion with joy and everlasting exultation, for praise and joy shall come upon their head: pain, and grief, and groaning, have fled away.
51:12	ⲁⲛⲟⲕ ⲡⲉ ⲁ̀ⲛⲟⲕ ⲡⲉ ⲫⲏⲉⲧϯⲛⲟⲙϯ ⲛⲉ ⲁⲣⲓⲉ̀ⲙⲓ ϫⲉⲉⲣⲉⲟⲓ ⲛ̀ⲟⲩ ⲁⲣⲉⲉⲣϩⲟϯ ϧⲁⲧ̀ϩⲏ ⲛ̀ⲟⲩⲣⲱⲙⲓ ⲉϥⲛⲁⲙⲟⲩ ⲛⲉⲙϧⲁⲧ̀ϩⲏ ⲙ̀ⲡ̀ϣⲏⲣⲓ ⲛ̀ⲟⲩⲣⲱⲙⲓ ⲛⲁⲓ ⲉⲧⲁⲩϣⲱⲟⲩⲓ̀ ⲙ̀ⲫ̀ⲣⲏϯ ⲛ̀ⲟⲩⲥⲱⲟⲩⲃⲉⲛ .	Ⲁⲛⲟⲕ ⲡⲉ ⲁ̀ⲛⲟⲕ ⲡⲉ ⲫⲏⲉⲧϯⲛⲟⲙϯ ⲛⲉ ⲁ̀ⲣⲓⲉ̀ⲙⲓ ϫⲉ ⲉⲣⲉⲟⲓ ⲛ̀ⲟⲩ ⲁⲣⲉⲉⲣϩⲟϯ ϧⲁⲧ̀ϩⲏ ⲛ̀ⲟⲩⲣⲱⲙⲓ ⲉϥⲛⲁⲙⲟⲩ ⲛⲉⲙ ϧⲁⲧ̀ϩⲏ ⲛ̀ⲡ̀ϣⲏⲣⲓ ⲛ̀ⲟⲩⲣⲱⲙⲓ ⲛⲁⲓ ⲉⲧⲁⲩϣⲱⲟⲩⲓ̀ ⲛ̀ⲫ̀ⲣⲏϯ ⲛ̀ⲟⲩⲥⲱⲟⲩⲃⲉⲛ.	Anok pe ànok pe fyettinomti ne àrièmi je ereoi ǹou areerhoti xat̀·hy ǹourōmi efnamou nem xat̀·hy ǹp̀ṡyri ǹourōmi nai etavṡōouì ǹf̀ryti ǹousōouven.	I, even I, am he that comforts thee: consider who thou art, that thou wast afraid of mortal man, and of the son of man, who are withered as grass.
51:13	ⲟⲩⲟϩ ⲁⲣⲉⲉⲣⲡⲱⲃϣ ⲙ̀ⲫⲏⲉⲧⲁϥⲑⲁⲙⲓⲟⲕ ⲫϯ ⲫⲏⲉⲧⲁϥⲑⲁⲙⲓⲟ ⲛ̀ⲧ̀ⲫⲉ ⲟⲩⲟϩ ⲁϥϩⲓⲥⲉⲛϯ ⲙ̀ⲡⲓⲕⲁϩⲓ ⲟⲩⲟϩ ⲛⲁⲣⲉⲉⲣϩⲟϯ ⲛ̀ⲥⲏⲟⲩ ⲛⲓⲃⲉⲛ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ϧⲁⲧ̀ϩⲏ ⲙ̀ⲡⲓⲙ̀ⲃⲟⲛ ⲛ̀ⲧⲛⲏⲉⲧϩⲟϫϩⲉϫ ⲙ̀ⲙⲟ ⲙ̀ⲫ̀ⲣⲏϯ ⲅⲁⲣ ⲉⲧⲁϥⲥⲟϭⲛⲓ ⲉ̀ⲟⲗⲓ ⲟⲩⲟϩ ϯⲛⲟⲩ ⲁϥⲑⲱⲛ ⲡⲓⲙ̀ⲃⲟⲛ ⲛ̀ⲧⲉⲛⲏⲉⲧϩⲟϫϩⲉϫ ⲙ̀ⲙⲟ .	Ⲟⲩⲟϩ ⲁⲣⲉⲉⲣⲡⲱⲃϣ ⲛ̀ⲫⲏⲉ̀ⲧⲁϥⲑⲁⲙⲓⲟⲕ ⲫ̀ⲛⲟⲩϯ ⲫⲏⲉ̀ⲧⲁϥⲑⲁⲙⲓⲟ ⲛ̀ⲧ̀ⲫⲉ ⲟⲩⲟϩ ⲁϥϩⲓⲥⲉⲛϯ ⲛ̀ⲡⲓⲕⲁϩⲓ ⲟⲩⲟϩ ⲛⲁⲣⲉ ⲉⲣϩⲟϯ ⲛ̀ⲥⲏⲟⲩ ⲛⲓⲃⲉⲛ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ϧⲁⲧ̀ϩⲏ ⲛ̀ⲡⲓⲙ̀ⲃⲟⲛ ⲛ̀ⲧ̀ⲛⲏⲉⲧϩⲟϫϩⲉϫ ⲙ̀ⲙⲟ ⲛ̀ⲫ̀ⲣⲏϯ ⲅⲁⲣ ⲉ̀ⲧⲁϥⲥⲟϭⲛⲓ ⲉ̀ⲟⲗⲓ ⲟⲩⲟϩ ϯⲛⲟⲩ ⲁϥⲑⲱⲛ ⲡⲓⲙ̀ⲃⲟⲛ ⲛ̀ⲧⲉ ⲛⲏⲉⲧϩⲟϫϩⲉϫ ⲙ̀ⲙⲟ.	Ouoh areerpōvṡ ǹfyètafθamiok f̀nouti fyètafθamio ǹt̀fe ouoh afhisenti ǹpikahi ouoh nare erhoti ǹsyou niven ǹnièhoou tyrou xat̀·hy ǹpim̀von ǹt̀nyet·hogheg m̀mo ǹf̀ryti ġar ètafsoċni èoli ouoh tinou afθōn pim̀von ǹte nyet·hogheg m̀mo.	And thou hast forgotten God who made thee, who made the sky and founded the earth; and thou wert continually afraid because of the wrath of him that afflicted thee: for whereas he counselled to take thee away, yet now where is the wrath of him that afflicted thee?
51:14	ⲛ̀ϩ̀ⲣⲏⲓ ⲅⲁⲣ ϧⲉⲛⲡ̀ϫⲓⲛⲑ̀ⲣⲉⲛⲟϩⲉⲙ ⲛ̀ⲛⲉϥⲟ̀ϩⲓ ⲉ̀ⲣⲁⲧϥ ⲟⲩⲇⲉ ⲛ̀ⲛⲉϥⲱⲥⲕ .	Ⲛ̀ϩ̀ⲣⲏⲓ ⲅⲁⲣ ϧⲉⲛ ⲡ̀ϫⲓⲛⲑ̀ⲣⲉⲛⲟϩⲉⲙ ⲛ̀ⲛⲉϥⲟ̀ϩⲓ ⲉ̀ⲣⲁⲧϥ ⲟⲩⲇⲉ ⲛ̀ⲛⲉϥⲱⲥⲕ.	Ǹh̀ryi ġar xen p̀jinθ̀renohem ǹnefòhi èratf ouḋe ǹnefōsk.	For in thy deliverance he shall not halt, nor tarry;
51:15	ϫⲉⲁ̀ⲛⲟⲕ ⲡⲉ ⲡⲉⲕⲛⲟⲩϯ ⲫⲏⲉⲧϣ̀ⲑⲟⲣⲧⲉⲣ ⲙ̀ⲫ̀ⲓⲟⲙ ⲟⲩⲟϩ ⲉⲧϯ ⲛ̀ⲧ̀ⲥ̀ⲙⲏ ⲛ̀ⲧⲉⲛⲉϥϫⲟⲗ ⲡϭ̅ⲥ̅ ⲥⲁⲃⲁⲱⲑ ⲡⲉ ⲡⲉϥⲣⲁⲛ .	Ϫⲉ ⲁ̀ⲛⲟⲕ ⲡⲉ ⲡⲉⲕⲛⲟⲩϯ ⲫⲏⲉⲧϣ̀ⲑⲟⲣⲧⲉⲣ ⲛ̀ⲫ̀ⲓⲟⲙ ⲟⲩⲟϩ ⲉⲧϯ ⲛ̀ⲧ̀ⲥ̀ⲙⲏ ⲛ̀ⲧⲉ ⲛⲉϥϫⲟⲗ ⲡ̀ϭⲟⲓⲥ ⲥⲁⲃⲁⲱⲑ ⲡⲉ ⲡⲉϥⲣⲁⲛ.	Je ànok pe peknouti fyetṡ̀θorter ǹf̀iom ouoh etti ǹt̀s̀my ǹte nefgol p̀ċois sabaōθ pe pefran.	for I am thy God, that troubles the sea, and causes the waves thereof to roar: the Lord of hosts is my name.
51:16	ⲟⲩⲟϩ ⲉⲓⲉ̀ⲭⲱ ⲛ̀ⲛⲁⲥⲁϫⲓ ϧⲉⲛⲣⲱ ⲟⲩⲟϩ ⲉⲓⲉ̀ⲉⲣⲥ̀ⲕⲉⲡⲁⲍⲓⲛ ⲙ̀ⲙⲟ ϧⲉⲛⲧ̀ϧⲏⲓⲃⲓ ⲛ̀ⲧⲉⲧⲁϫⲓϫ ⲑⲏⲉⲧⲁⲓⲑⲁⲙⲓⲟ ⲛ̀ⲧ̀ⲫⲉ ⲙ̀ⲙⲟⲥ ⲟⲩⲟϩ ⲁⲓϩⲓⲥⲉⲛϯ ⲙ̀ⲡ̀ⲕⲁϩⲓ ⲟⲩⲟϩ ⲉⲥⲉ̀ϫⲟⲥ ⲛ̀ϫⲉⲥⲓⲱⲛ ϫⲉⲛ̀ⲑⲟⲕ ⲡⲉ ⲡⲁⲗⲁⲟⲥ .	Ⲟⲩⲟϩ ⲉⲓⲉ̀ⲭⲱ ⲛ̀ⲛⲁⲥⲁϫⲓ ϧⲉⲛ ⲣⲱ ⲟⲩⲟϩ ⲉⲓⲉ̀ⲉⲣⲥ̀ⲕⲉⲡⲁⲍⲓⲛ ⲙ̀ⲙⲟ ϧⲉⲛ ⲧ̀ϧⲏⲓⲃⲓ ⲛ̀ⲧⲉ ⲧⲁϫⲓϫ ⲑⲏⲉⲧⲁⲓ ⲑⲁⲙⲓⲟ ⲛ̀ⲧ̀ⲫⲉ ⲙ̀ⲙⲟⲥ ⲟⲩⲟϩ ⲁⲓϩⲓⲥⲉⲛϯ ⲛ̀ⲡ̀ⲕⲁϩⲓ ⲟⲩⲟϩ ⲉⲥⲉ̀ϫⲟⲥ ⲛ̀ϫⲉ ⲥⲓⲱⲛ ϫⲉ ⲛ̀ⲑⲟⲕ ⲡⲉ ⲡⲁⲗⲁⲟⲥ.	Ouoh eièkō ǹnasaji xen rō ouoh eièers̀kepazin m̀mo xen t̀xyivi ǹte tajig θyetai θamio ǹt̀fe m̀mos ouoh aihisenti ǹp̀kahi ouoh esègos ǹje siōn je ǹθok pe palaos.	I will put my words into thy mouth, and I will shelter thee under the shadow of mine hand, with which I fixed the sky, and founded the earth: and the Lord shall say to Sion, Thou art my people.
51:17	ⲧⲱⲟⲩⲛⲓ ⲧⲱⲟⲩⲛⲓ ⲟ̀ϩⲓ ⲉ̀ⲣⲁϯ ⲓⲗ̅ⲏ̅ⲙ̅ ⲑⲏⲉⲧⲁⲥⲥⲱ ⲙ̀ⲡⲓⲁ̀ⲫⲟⲧ ⲛ̀ⲧⲉⲡⲓⲙ̀ⲃⲟⲛ ⲉ̀ⲃⲟⲗϧⲉⲛ ⲧ̀ϫⲓϫ ⲙ̀ⲡϭ̅ⲥ̅ ⲡⲓⲁ̀ⲫⲟⲧ ⲅⲁⲣ ⲛ̀ⲧⲉⲡⲓϩⲉⲓ ϯⲫⲩⲁ̀ⲗⲏ ⲛ̀ⲧⲉⲡⲓⲙ̀ⲃⲟⲛ ⲁⲣⲉⲥⲟϥ ⲟⲩⲟϩ ⲁⲣⲉϣⲟⲩⲟϥ ⲉ̀ⲃⲟⲗ .	Ⲧⲱⲟⲩⲛⲓ ⲧⲱⲟⲩⲛⲓ ⲟ̀ϩⲓ ⲉ̀ⲣⲁϯ ⲓⲉⲣⲟⲩⲥⲁⲗⲏⲙ ⲑⲏⲉⲧⲁⲥⲥⲱ ⲛ̀ⲡⲓⲁ̀ⲫⲟⲧ ⲛ̀ⲧⲉ ⲡⲓⲙ̀ⲃⲟⲛ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ⲡ̀ϭⲟⲓⲥ ⲡⲓⲁ̀ⲫⲟⲧ ⲅⲁⲣ ⲛ̀ⲧⲉ ⲡⲓϩⲉⲓ ϯⲫⲩⲁ̀ⲗⲏ ⲛ̀ⲧⲉ ⲡⲓⲙ̀ⲃⲟⲛ ⲁⲣⲉⲥⲟϥ ⲟⲩⲟϩ ⲁⲣⲉϣⲟⲩⲟϥ ⲉ̀ⲃⲟⲗ.	Tōouni tōouni òhi èrati ierousalym θyetassō ǹpiàfot ǹte pim̀von èvol xen t̀jig ǹp̀ċois piàfot ġar ǹte pihei tifiàly ǹte pim̀von aresof ouoh areṡouof èvol.	Awake, awake, stand up, O Jerusalem, that hast drunk at the hand of the Lord the cup of his fury: for thou hast drunk out and drained the cup of calamity, the cup of wrath:
51:18	ⲟⲩⲟϩ ⲛⲉ ⲙ̀ⲙⲟⲛ ⲫⲏⲉⲧϯⲛⲟⲙϯ ⲛⲉ ⲉ̀ⲃⲟⲗϧⲉⲛ ⲛⲉϣⲏⲣⲓ ⲧⲏⲣⲟⲩ ⲛⲏⲉⲧⲁⲣⲉⲙⲁⲥⲟⲩ ⲟⲩⲟϩ ⲛⲉ ⲙ̀ⲙⲟⲛ ⲫⲏⲉⲧⲁ̀ⲙⲁϩⲓ ⲛ̀ⲧⲉϫⲓϫ ⲟⲩⲇⲉ ⲉ̀ⲃⲟⲗϧⲉⲛ ⲛⲉϣⲏⲣⲓ ⲧⲏⲣⲟⲩ ⲛⲏⲉⲧⲁⲣⲉϭⲁⲥⲟⲩ .	Ⲟⲩⲟϩ ⲛⲉ ⲙ̀ⲙⲟⲛ ⲫⲏⲉⲧϯⲛⲟⲙϯ ⲛⲉ ⲉ̀ⲃⲟⲗ ϧⲉⲛ ⲛⲉϣⲏⲣⲓ ⲧⲏⲣⲟⲩ ⲛⲏⲉⲧⲁⲣⲉⲙⲁⲥⲟⲩ ⲟⲩⲟϩ ⲛⲉ ⲙ̀ⲙⲟⲛ ⲫⲏⲉⲧⲁ̀ⲙⲁϩⲓ ⲛ̀ⲧⲉ ϫⲓϫ ⲟⲩⲇⲉ ⲉ̀ⲃⲟⲗ ϧⲉⲛ ⲛⲉϣⲏⲣⲓ ⲧⲏⲣⲟⲩ ⲛⲏⲉⲧⲁⲣⲉϭⲁⲥⲟⲩ.	Ouoh ne m̀mon fyettinomti ne èvol xen neṡyri tyrou nyetaremasou ouoh ne m̀mon fyetàmahi ǹte jig ouḋe èvol xen neṡyri tyrou nyetareċasou.	and there was none to comfort thee of all the children whom thou borest; and there was none to take hold of thine hand, not even of all the children whom thou has reared.
51:19	ⲥ̀ⲛⲁⲩ ⲛⲉ ⲛⲁⲓ ⲉⲧϯ ⲟⲩⲃⲉ ⲛⲓⲙ ⲉⲑⲛⲁⲉⲣⲙ̀ⲕⲁϩ ⲛⲉⲙⲉ ⲟⲩϩⲉⲓ ⲛⲉⲙⲟⲩϧⲟⲙϧⲉⲙ ⲟⲩϩ̀ⲕⲟ ⲛⲉⲙⲟⲩⲥⲏϥⲓ ⲛⲓⲙ ⲉⲑⲛⲁϯⲛⲟⲙϯ ⲛⲉ .	Ⲥ̀ⲛⲁⲩ ⲛⲉ ⲛⲁⲓ ⲉⲧϯ ⲟⲩⲃⲉ ⲛⲓⲙ ⲉⲑⲛⲁⲉⲣⲙ̀ⲕⲁϩ ⲛⲉⲙ ⲉ ⲟⲩϩⲉⲓ ⲛⲉⲙ ⲟⲩϧⲟⲙϧⲉⲙ ⲟⲩϩ̀ⲕⲟ ⲛⲉⲙ ⲟⲩⲥⲏϥⲓ ⲛⲓⲙ ⲉⲑⲛⲁϯⲛⲟⲙϯ ⲛⲉ.	S̀nav ne nai etti ouve nim eθnaerm̀kah nem e ouhei nem ouxomxem ouh̀ko nem ousyfi nim eθnatinomti ne.	Wherefore these things are against thee; who shall sympathize with thee in thy grief? downfall, and destruction, famine, and sword: who shall comfort thee?
51:20	ⲛⲉϣⲏⲣⲓ ⲉⲧⲟⲩⲧⲁⲥⲑⲟ ⲙ̀ⲙⲱⲟⲩ ⲉ̀ⲃⲟⲗ ⲛⲏⲉⲧⲉⲛⲕⲟⲧ ⲉ̀ⲫ̀ⲗⲁⲕϩ ⲙ̀ⲙⲱⲓⲧ ⲛⲓⲃⲉⲛ ⲙ̀ⲫ̀ⲣⲏϯ ⲛ̀ⲟⲩϩ̀ⲧⲓⲧ ⲉϥⲟⲓ ⲙ̀ⲫⲁϣⲗⲱϧⲉⲙ ⲛⲏⲉⲑⲙⲉⲟϩ ⲉ̀ⲃⲟⲗϧⲉⲛ ⲡⲓⲙ̀ⲃⲟⲛ ⲛ̀ⲧⲉⲡϭ̅ⲥ̅ ⲛⲏⲉⲧⲃⲏⲗ ⲉ̀ⲃⲟⲗ ϩⲓⲧⲉⲛⲡϭ̅ⲥ̅ ⲫϯ .	Ⲛⲉϣⲏⲣⲓ ⲉⲧⲟⲩⲧⲁⲥⲑⲟ ⲙ̀ⲙⲱⲟⲩ ⲉ̀ⲃⲟⲗ ⲛⲏⲉⲧⲉⲛⲕⲟⲧ ⲉ̀ⲫ̀ⲗⲁⲕϩ ⲛ̀ⲙⲱⲓⲧ ⲛⲓⲃⲉⲛ ⲛ̀ⲫ̀ⲣⲏϯ ⲛ̀ⲟⲩϩ̀ⲧⲓⲧ ⲉϥⲟⲓ ⲛ̀ⲫⲁϣⲗⲱϧⲉⲙ ⲛⲏⲉⲑⲙⲉⲟϩ ⲉ̀ⲃⲟⲗ ϧⲉⲛ ⲡⲓⲙ̀ⲃⲟⲛ ⲛ̀ⲧⲉ ⲡ̀ϭⲟⲓⲥ ⲛⲏⲉⲧⲃⲏⲗ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲫ̀ⲛⲟⲩϯ.	Neṡyri etoutasθo m̀mōou èvol nyetenkot èf̀lak·h ǹmōit niven ǹf̀ryti ǹouh̀tit efoi ǹfaṡlōxem nyeθmeoh èvol xen pim̀von ǹte p̀ċois nyetvyl èvol hiten p̀ċois f̀nouti.	Thy sons are the perplexed ones, that sleep at the top of every street as a half-boiled beet; they that are full of the anger of the Lord, caused to faint by the Lord God.
51:21	ⲉⲑⲃⲉⲫⲁⲓ ⲥⲱⲧⲉⲙ ⲛⲏⲉⲧⲑⲉⲃⲓⲏⲟⲩⲧ ⲟⲩⲟϩ ⲉⲧⲑⲁϧⲓ ⲉ̀ⲃⲟⲗϧⲉⲛ ⲡ̀ⲏⲣⲡ ⲁⲛ .	Ⲉⲑⲃⲉ ⲫⲁⲓ ⲥⲱⲧⲉⲙ ⲛⲏⲉⲧⲑⲉⲃⲓⲏⲟⲩⲧ ⲟⲩⲟϩ ⲉⲧⲑⲁϧⲓ ⲉ̀ⲃⲟⲗ ϧⲉⲛ ⲡ̀ⲏⲣⲡ ⲁⲛ.	Eθve fai sōtem nyetθeviyout ouoh etθaxi èvol xen p̀yrp an.	Therefore hear, thou afflicted one, and drunken, but not with wine;
51:22	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ⲫϯ ⲫⲏⲉⲑⲛⲁϯϩⲁⲡ ⲉ̀ⲡⲉϥⲗⲁⲟⲥ ϩⲏⲡⲡⲉ ⲁⲓϭⲓ ⲙ̀ⲡⲓⲁ̀ⲫⲟⲧ ⲛ̀ⲧⲉⲡⲓϩⲉⲓ ⲉ̀ⲃⲟⲗϧⲉⲛ ⲧⲉϫⲓϫ ϯⲫⲩⲁ̀ⲗⲏ ⲛ̀ⲧⲉⲡⲓⲙ̀ⲃⲟⲛ ⲟⲩⲟϩ ⲛ̀ⲛⲉⲟⲩⲁϩⲧⲟϯ ϫⲉⲉ̀ⲥⲟϥ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲫⲏⲉⲑⲛⲁϯϩⲁⲡ ⲉ̀ⲡⲉϥⲗⲁⲟⲥ ϩⲏⲡⲡⲉ ⲁⲓϭⲓ ⲛ̀ⲡⲓⲁ̀ⲫⲟⲧ ⲛ̀ⲧⲉ ⲡⲓϩⲉⲓ ⲉ̀ⲃⲟⲗ ϧⲉⲛ ⲧⲉϫⲓϫ ϯⲫⲩⲁ̀ⲗⲏ ⲛ̀ⲧⲉ ⲡⲓⲙ̀ⲃⲟⲛ ⲟⲩⲟϩ ⲛ̀ⲛⲉⲟⲩⲁϩⲧⲟϯ ϫⲉ ⲉ̀ⲥⲟϥ.	Fai pe ǹf̀ryti etefgō m̀mos ǹje p̀ċois f̀nouti fyeθnatihap èpeflaos hyppe aiċi ǹpiàfot ǹte pihei èvol xen tejig tifiàly ǹte pim̀von ouoh ǹneouahtoti je èsof.	thus saith the Lord God that judges his people, Behold, I have taken out of thine hand the cup of calamity, the cup of my wrath; and thou shalt not drink it any more.
51:23	ⲟⲩⲟϩ ⲉⲓⲉ̀ⲧⲏⲓϥ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲛ̀ⲛⲏⲉⲧⲁⲩϭⲓϯ ⲛ̀ϫⲟⲛⲥ ⲛⲉⲙⲛⲏⲉⲧⲁⲩⲑⲉⲃⲓⲟ ⲛⲏⲉⲧⲁⲩϫⲟⲥ ⲛ̀ⲧⲉⲯⲩⲭⲏ ϫⲉⲕⲟⲗϫϯ ⲉ̀ϧ̀ⲣⲏⲓ ϩⲓⲛⲁ ⲛ̀ⲧⲉⲛⲥⲓⲛⲓ ⲁⲣⲉⲭⲱ ⲛ̀ⲛⲉⲙ̀ⲛⲟϯ ⲉⲩϣⲏϣ ⲛⲉⲙⲡⲓⲕⲁϩⲓ ⲉ̀ⲃⲟⲗϧⲁⲧⲉⲛ ⲛⲏⲉⲧⲥⲓⲛⲓ .	Ⲟⲩⲟϩ ⲉⲓⲉ̀ⲧⲏⲓϥ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲛ̀ⲛⲏⲉ̀ⲧⲁⲩϭⲓϯ ⲛ̀ϫⲟⲛⲥ ⲛⲉⲙ ⲛⲏⲉⲧⲁⲩⲑⲉⲃⲓⲟ ⲛⲏⲉⲧⲁⲩϫⲟⲥ ⲛ̀ⲧⲉⲯⲩⲭⲏ ϫⲉ ⲕⲟⲗϫϯ ⲉ̀ϧ̀ⲣⲏⲓ ϩⲓⲛⲁ ⲛ̀ⲧⲉⲛⲥⲓⲛⲓ ⲁⲣⲉⲭⲱ ⲛ̀ⲛⲉⲙ̀ⲛⲟϯ ⲉⲩϣⲏϣ ⲛⲉⲙ ⲡⲓⲕⲁϩⲓ ⲉ̀ⲃⲟⲗ ϧⲁⲧⲉⲛ ⲛⲏⲉⲧⲥⲓⲛⲓ.	Ouoh eiètyif èx̀ryi ènenjig ǹnyètavċiti ǹgons nem nyetavθevio nyetavgos ǹtepsiṡy je kolgti èx̀ryi hina ǹtensini arekō ǹnem̀noti evṡyṡ nem pikahi èvol xaten nyetsini.	And I will give it into the hands of them that injured thee, and them that afflicted thee; who said to thy soul, Bow down, that we may pass over: and thou didst level thy body with the ground to them passing by without.

Provenance

title: 23_Isaias_51
dialect: bohairic
source: Coptic SCRIPTORIUM corpus "bohairic.ot", document 23_Isaias_51
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_51 from Coptic SCRIPTORIUM (https://copticscriptorium.org), corpus bohairic.ot, document 23_Isaias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/51.bohairic.scriptorium.L0.txt
title: 23_Isaias_51 — Cairene
dialect: bohairic
source: generated from 51.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_51)
licence: CC BY-SA 4.0
share: attribution
attribution: 23_Isaias_51 from Coptic SCRIPTORIUM (https://copticscriptorium.org), corpus bohairic.ot, document 23_Isaias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/51.bohairic.scriptorium.L1.txt
title: 23_Isaias_51 — Kemetic
dialect: bohairic
source: generated from 51.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_51 from Coptic SCRIPTORIUM (https://copticscriptorium.org), corpus bohairic.ot, document 23_Isaias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/51.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 23 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_51 (23 lines)

Cite as:

23_Isaias_51. Coptic SCRIPTORIUM corpus "bohairic.ot", document 23_Isaias_51. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/51.bohairic.scriptorium/. 23_Isaias_51 from Coptic SCRIPTORIUM (https://copticscriptorium.org), corpus bohairic.ot, document 23_Isaias_51, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.