23_Isaias_63 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_63

Attribution: 23_Isaias_63 from Coptic SCRIPTORIUM (https://copticscriptorium.org), corpus bohairic.ot, document 23_Isaias_63, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

19 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
63:1	ⲛⲓⲙ ⲡⲉ ⲫⲁⲓ ⲉⲑⲛⲏⲟⲩ ⲉ̀ⲃⲟⲗϧⲉⲛ ⲉⲇⲱⲙ ⲟⲩⲟϩ ⲑ̀ⲣⲟϣⲣⲉϣ ⲙ̀ⲡⲉϥϩ̀ⲃⲱⲥ ⲉ̀ⲃⲟⲗϧⲉⲛ ⲃⲟⲥⲟⲣ ⲉϥⲥⲁⲓⲱⲟⲩ ⲙ̀ⲡⲁⲓⲣⲏϯ ⲉϥⲥⲓⲛⲓ ⲛ̀ϫⲟⲛⲥ ϧⲉⲛⲟⲩϫⲟⲙ ⲁ̀ⲛⲟⲕ ϯⲛⲁⲥⲁϫⲓ ⲛ̀ⲟⲩⲙⲉⲑⲙⲏⲓ ⲛⲉⲙⲟⲩϩⲁⲡ ⲛ̀ⲟⲩϫⲁⲓ .	ⲛⲓⲙ ⲡⲉ ⲫⲁⲓ ⲉⲑⲛⲏⲟⲩ ⲉ̀ⲃⲟⲗ ϧⲉⲛ ⲉⲇⲱⲙ ⲟⲩⲟϩ ⲑ̀ⲣⲟϣⲣⲉϣ ⲛ̀ⲡⲉϥϩ̀ⲃⲱⲥ ⲉ̀ⲃⲟⲗ ϧⲉⲛ ⲃⲟⲥⲟⲣ ⲉϥⲥⲁⲓⲱⲟⲩ ⲛ̀ⲡⲁⲓⲣⲏϯ ⲉϥⲥⲓⲛⲓ ⲛ̀ϫⲟⲛⲥ ϧⲉⲛ ⲟⲩϫⲟⲙ ⲁ̀ⲛⲟⲕ ϯⲛⲁⲥⲁϫⲓ ⲛ̀ⲟⲩⲙⲉⲑⲙⲏⲓ ⲛⲉⲙ ⲟⲩϩⲁⲡ ⲛ̀ⲟⲩϫⲁⲓ.	nim pe fai eθnyou èvol xen edōm ouoh θ̀roṡreṡ ǹpefh̀vōs èvol xen vosor efsaiōou ǹpairyti efsini ǹgons xen ougom ànok tinasaji ǹoumeθmyi nem ouhap ǹougai.	Who is this that is come from Edom, with red garments from Bosor? thus fair in his apparel, with mighty strength? I speak of righteousness and saving judgment.
63:2	ⲉⲑⲃⲉⲟⲩ ⲡⲉⲕϩ̀ⲃⲱⲥ ⲥⲉⲑ̀ⲣⲉⲣⲱϣ ⲟⲩⲟϩ ⲧⲉⲕϩⲉⲃⲥⲱ ⲙ̀ⲫ̀ⲣⲏϯ ⲛⲉ ⲉ̀ⲃⲟⲗϧⲉⲛ ⲟⲩⲣⲉϥϩⲱⲙⲓ ⲛ̀ⲧⲉⲟⲩϩ̀ⲣⲱⲧ .	Ⲉⲑⲃⲉ ⲟⲩ ⲡⲉⲕϩ̀ⲃⲱⲥ ⲥⲉⲑ̀ⲣⲉⲣⲱϣ ⲟⲩⲟϩ ⲧⲉⲕϩⲉⲃⲥⲱ ⲛ̀ⲫ̀ⲣⲏϯ ⲛⲉ ⲉ̀ⲃⲟⲗ ϧⲉⲛ ⲟⲩⲣⲉϥϩⲱⲙⲓ ⲛ̀ⲧⲉ ⲟⲩϩ̀ⲣⲱⲧ.	Eθve ou pek·h̀vōs seθ̀rerōṡ ouoh tek·hevsō ǹf̀ryti ne èvol xen ourefhōmi ǹte ouh̀rōt.	Wherefore are thy garments red, and thy raiment as if fresh from a trodden winepress?
63:3	ⲉ̀ⲁⲩϩⲟⲙⲥ ⲉⲥⲙⲉϩ ⲟⲩⲟϩ ⲙ̀ⲙⲟⲛ ⲣⲱⲙⲓ ⲛ̀ⲧⲉⲛⲓⲉⲑⲛⲟⲥ ⲛⲉⲙⲏⲓ ⲁⲓϩⲱⲙⲓ ⲉ̀ϫⲱⲟⲩ ϧⲉⲛⲟⲩϫⲱⲛⲧ ⲟⲩⲟϩ ⲁⲓⲗⲱⲥ ⲉ̀ϫⲱⲟⲩ ⲙ̀ⲫ̀ⲣⲏϯ ⲛ̀ⲟⲩⲕⲁϩⲓ ⲟⲩⲟϩ ⲁⲓⲓ̀ⲛⲓ ⲙ̀ⲡⲟⲩⲥ̀ⲛⲟϥ ⲉ̀ϧ̀ⲣⲏⲓ ⲉ̀ⲡ̀ⲕⲁϩⲓ .	Ⲉ̀ⲁⲩϩⲟⲙⲥ ⲉⲥⲙⲉϩ ⲟⲩⲟϩ ⲙ̀ⲙⲟⲛ ⲣⲱⲙⲓ ⲛ̀ⲧⲉ ⲛⲓⲉⲑⲛⲟⲥ ⲛⲉⲙⲏⲓ ⲁⲓϩⲱⲙⲓ ⲉ̀ϫⲱⲟⲩ ϧⲉⲛ ⲟⲩϫⲱⲛⲧ ⲟⲩⲟϩ ⲁⲓⲗⲱⲥ ⲉ̀ϫⲱⲟⲩ ⲛ̀ⲫ̀ⲣⲏϯ ⲛ̀ⲟⲩⲕⲁϩⲓ ⲟⲩⲟϩ ⲁⲓⲓ̀ⲛⲓ ⲛ̀ⲡⲟⲩⲥ̀ⲛⲟϥ ⲉ̀ϧ̀ⲣⲏⲓ ⲉ̀ⲡ̀ⲕⲁϩⲓ.	Èavhoms esmeh ouoh m̀mon rōmi ǹte nieθnos nemyi aihōmi ègōou xen ougōnt ouoh ailōs ègōou ǹf̀ryti ǹoukahi ouoh aiìni ǹpous̀nof èx̀ryi èp̀kahi.	I am full of trodden grape, and of the nations there is not a man with me; and I trampled them in my fury, and dashed them to pieces as earth, and brought down their blood to the earth.
63:4	ⲟⲩⲉ̀ϩⲟⲟⲩ ⲅⲁⲣ ⲛ̀ⲧⲉⲟⲩϯϣⲉⲃⲓⲱ ⲁϥⲓ̀ ⲉ̀ϫⲱⲟⲩ ⲟⲩⲟϩ ⲟⲩⲣⲟⲙⲡⲓ ⲛ̀ⲥⲱϯ ⲁⲥⲓ̀ .	Ⲟⲩⲉ̀ϩⲟⲟⲩ ⲅⲁⲣ ⲛ̀ⲧⲉ ⲟⲩϯϣⲉⲃⲓⲱ ⲁϥⲓ̀ ⲉ̀ϫⲱⲟⲩ ⲟⲩⲟϩ ⲟⲩⲣⲟⲙⲡⲓ ⲛ̀ⲥⲱϯ ⲁⲥⲓ̀.	Ouèhoou ġar ǹte outiṡeviō afì ègōou ouoh ourompi ǹsōti asì.	For the day of recompence has come upon them, and the year of redemption is at hand.
63:5	ⲁⲓϫⲟⲩϣⲧ ⲟⲩⲟϩ ⲛⲉ ⲙ̀ⲙⲟⲛ ⲃⲟⲏ̀ⲑⲟⲥ ⲁⲓϯϩ̀ⲑⲏⲓ ⲟⲩⲟϩ ⲛⲉ ⲙ̀ⲙⲟⲛ ϩ̀ⲗⲓ ϯⲛ̀ⲧⲟⲧⲟⲩ : ⲟⲩⲟϩ ⲁϥⲛⲁϩⲙⲉϥ ⲛ̀ϫⲉⲡⲁϣⲱⲃϣ ⲟⲩⲟϩ ⲡⲁⲙ̀ⲃⲟⲛ ⲁϥⲓ̀ .	Ⲁⲓϫⲟⲩϣⲧ ⲟⲩⲟϩ ⲛⲉ ⲙ̀ⲙⲟⲛ ⲃⲟⲏ̀ⲑⲟⲥ ⲁⲓϯϩ̀ⲑⲏⲓ ⲟⲩⲟϩ ⲛⲉ ⲙ̀ⲙⲟⲛ ϩ̀ⲗⲓ ϯⲛ̀ⲧⲟⲧⲟⲩ: ⲟⲩⲟϩ ⲁϥⲛⲁϩⲙⲉϥ ⲛ̀ϫⲉ ⲡⲁϣⲱⲃϣ ⲟⲩⲟϩ ⲡⲁⲙ̀ⲃⲟⲛ ⲁϥⲓ̀.	Aigouṡt ouoh ne m̀mon boỳθos aitih̀θyi ouoh ne m̀mon h̀li tiǹtotou: ouoh afnahmef ǹje paṡōvṡ ouoh pam̀von afì.	And I looked, and there was no helper; and I observed, and none upheld: therefore my arm delivered them, and mine anger drew nigh.
63:6	ⲁⲓϩⲱⲙⲓ ⲉ̀ϫⲱⲟⲩ ϧⲉⲛⲡⲁϫⲱⲛⲧ ⲟⲩⲟϩ ⲁⲓⲓ̀ⲛⲓ ⲙ̀ⲡⲟⲩⲥ̀ⲛⲟϥ ⲉ̀ⲡⲉⲥⲏⲧ ⲉ̀ⲡ̀ⲕⲁϩⲓ .	Ⲁⲓϩⲱⲙⲓ ⲉ̀ϫⲱⲟⲩ ϧⲉⲛ ⲡⲁϫⲱⲛⲧ ⲟⲩⲟϩ ⲁⲓⲓ̀ⲛⲓ ⲛ̀ⲡⲟⲩⲥ̀ⲛⲟϥ ⲉ̀ⲡⲉⲥⲏⲧ ⲉ̀ⲡ̀ⲕⲁϩⲓ.	Aihōmi ègōou xen pagōnt ouoh aiìni ǹpous̀nof èpesyt èp̀kahi.	And I trampled them in mine anger, and brought down their blood to the earth.
63:7	ⲫ̀ⲛⲁⲓ ⲙ̀ⲡϭ̅ⲥ̅ ⲁⲓⲉⲣⲡⲉϥⲙⲉⲩⲓ̀ ⲛⲓⲁ̀ⲣⲉⲧⲏ ⲛ̀ⲧⲉⲡϭ̅ⲥ̅ ϧⲉⲛϩⲱⲃ ⲛⲓⲃⲉⲛ ⲉⲧⲉϥϯ ⲙ̀ⲙⲱⲟⲩ ⲛⲁⲛ ⲛ̀ϣⲉⲃⲓⲱ ⲡϭ̅ⲥ̅ ⲟⲩⲣⲉϥϯϩⲁⲡ ⲛ̀ⲁ̀ⲅⲁⲑⲟⲥ ⲡⲉ ⲙ̀ⲡⲓ̅ⲥ̅ⲗ̅ ϥ̀ⲛⲁⲓ̀ⲛⲓ ⲉ̀ϫⲱⲛ ⲕⲁⲧⲁⲡⲉϥⲛⲁⲓ ⲛⲉⲙⲕⲁⲧⲁⲡ̀ⲁ̀ϣⲁⲓ ⲛ̀ⲧⲉⲧⲉϥⲙⲉⲑⲙⲏⲓ .	Ⲫ̀ⲛⲁⲓ ⲛ̀ⲡ̀ϭⲟⲓⲥ ⲁⲓⲉⲣⲡⲉϥⲙⲉⲩⲓ̀ ⲛⲓⲁ̀ⲣⲉⲧⲏ ⲛ̀ⲧⲉ ⲡ̀ϭⲟⲓⲥ ϧⲉⲛ ϩⲱⲃ ⲛⲓⲃⲉⲛ ⲉⲧⲉϥϯ ⲙ̀ⲙⲱⲟⲩ ⲛⲁⲛ ⲛ̀ϣⲉⲃⲓⲱ ⲡ̀ϭⲟⲓⲥ ⲟⲩⲣⲉϥϯϩⲁⲡ ⲛ̀ⲁ̀ⲅⲁⲑⲟⲥ ⲡⲉ ⲛ̀ⲡⲓⲥⲣⲁⲏⲗ ϥ̀ⲛⲁⲓ̀ⲛⲓ ⲉ̀ϫⲱⲛ ⲕⲁⲧⲁ ⲡⲉϥⲛⲁⲓ ⲛⲉⲙ ⲕⲁⲧⲁ ⲡ̀ⲁ̀ϣⲁⲓ ⲛ̀ⲧⲉ ⲧⲉϥⲙⲉⲑⲙⲏⲓ.	F̀nai ǹp̀ċois aierpefmevì niàrety ǹte p̀ċois xen hōb niven etefti m̀mōou nan ǹṡeviō p̀ċois oureftihap ǹàġaθos pe ǹpisrayl f̀naìni ègōn kata pefnai nem kata p̀àṡai ǹte tefmeθmyi.	I remembered the mercy of the Lord, the praises of the Lord in all things wherein he recompenses us. The Lord is a good judge to the house of Israel; he deals with us according to his mercy, and according to the abundance of his righteousness.
63:8	ⲟⲩⲟϩ ⲡⲉϫⲉ ⲡϭ̅ⲥ̅ ϫⲉⲙⲏ ⲙ̀ⲡⲁⲗⲁⲟⲥ ⲁⲛ ⲛⲉ ⲛⲁϣⲏⲣⲓ ⲛ̀ⲛⲟⲩⲉⲣⲁ̀ⲑⲉⲧⲓⲛ ⲟⲩⲟϩ ⲁϥϣⲱⲡⲓ ⲛⲱⲟⲩ ⲛ̀ⲟⲩⲟⲩϫⲁⲓ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ϫⲉ ⲙⲏ ⲛ̀ⲡⲁⲗⲁⲟⲥ ⲁⲛ ⲛⲉ ⲛⲁϣⲏⲣⲓ ⲛ̀ⲛ ⲟⲩⲉⲣⲁ̀ⲑⲉⲧⲓⲛ ⲟⲩⲟϩ ⲁϥϣⲱⲡⲓ ⲛⲱⲟⲩ ⲛ̀ⲟⲩⲟⲩϫⲁⲓ.	Ouoh peje p̀ċois je my ǹpalaos an ne naṡyri ǹn oueràθetin ouoh afṡōpi nōou ǹouougai.	And he said, Is it not my people? the children surely will not be rebellious: and he became to them deliverance
63:9	ⲉ̀ⲃⲟⲗϧⲉⲛ ⲡⲟⲩϩⲟϫϩⲉϫ ⲧⲏⲣϥ ⲛ̀ⲟⲩⲡ̀ⲣⲉⲥⲃⲉⲩⲧⲏⲥ ⲁⲛ ⲡⲉ ⲟⲩⲇⲉ ⲛ̀ⲟⲩⲁⲅⲅⲉⲗⲟⲥ ⲁⲛ ⲡⲉ ⲁⲗⲗⲁ ⲛ̀ⲑⲟϥ ⲡⲉⲧⲁϥⲛⲁϩⲙⲟⲩ ⲉⲑⲃⲉϫⲉⲁϥⲉⲣⲁ̀ⲅⲁⲡⲁⲛ ⲙ̀ⲙⲱⲟⲩ ⲟⲩⲟϩ ⲁϥϯⲁ̀ⲥⲟ ⲉ̀ⲣⲱⲟⲩ ⲛ̀ⲑⲟϥ ⲁϥⲥⲟⲧⲟⲩ ⲟⲩⲟϩ ⲁϥϭⲓⲧⲟⲩ ⲟⲩⲟϩ ⲁϥϭⲁⲥⲟⲩ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉⲡ̀ⲉ̀ⲛⲉϩ .	Ⲉ̀ⲃⲟⲗ ϧⲉⲛ ⲡⲟⲩϩⲟϫϩⲉϫ ⲧⲏⲣϥ ⲛ̀ⲟⲩⲡ̀ⲣⲉⲥⲃⲉⲩⲧⲏⲥ ⲁⲛ ⲡⲉ ⲟⲩⲇⲉ ⲛ̀ⲟⲩⲁⲅⲅⲉⲗⲟⲥ ⲁⲛ ⲡⲉ ⲁⲗⲗⲁ ⲛ̀ⲑⲟϥ ⲡⲉⲧⲁϥⲛⲁϩⲙⲟⲩ ⲉⲑⲃⲉ ϫⲉ ⲁϥⲉⲣⲁ̀ⲅⲁⲡⲁⲛ ⲙ̀ⲙⲱⲟⲩ ⲟⲩⲟϩ ⲁϥϯⲁ̀ⲥⲟ ⲉ̀ⲣⲱⲟⲩ ⲛ̀ⲑⲟϥ ⲁϥⲥⲟⲧⲟⲩ ⲟⲩⲟϩ ⲁϥϭⲓⲧⲟⲩ ⲟⲩⲟϩ ⲁϥϭⲁⲥⲟⲩ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ ⲛ̀ⲧⲉ ⲡ̀ⲉ̀ⲛⲉϩ.	Èvol xen pouhogheg tyrf ǹoup̀resbevtys an pe ouḋe ǹouangelos an pe alla ǹθof petafnahmou eθve je aferàġapan m̀mōou ouoh aftiàso èrōou ǹθof afsotou ouoh afċitou ouoh afċasou ǹnièhoou tyrou ǹte p̀èneh.	out of all their affliction: not an ambassador, nor a messenger, but himself saved them, because he loved them and spared them: he himself redeemed them, and took them up, and lifted them up all the days of old.
63:10	ⲛ̀ⲑⲱⲟⲩ ⲇⲉ ⲁⲩⲉⲣⲁⲧⲥⲱⲧⲉⲙ ⲟⲩⲟϩ ⲁⲩϯϫⲱⲛⲧ ⲙ̀ⲡⲓⲡ̅ⲛ̅ⲁ̅ ⲉ̅ⲑ̅ⲩ̅ ⲟⲩⲟϩ ⲁϥⲫⲟⲛϩϥ ⲉ̀ⲣⲱⲟⲩ ⲉⲩⲙⲉⲧϫⲁϫⲓ ⲛ̀ⲑⲟϥ ⲁϥⲃⲱⲧⲥ ⲉ̀ⲣⲱⲟⲩ .	Ⲛ̀ⲑⲱⲟⲩ ⲇⲉ ⲁⲩⲉⲣⲁⲧⲥⲱⲧⲉⲙ ⲟⲩⲟϩ ⲁⲩϯϫⲱⲛⲧ ⲛ̀ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲟⲩⲟϩ ⲁϥⲫⲟⲛϩϥ ⲉ̀ⲣⲱⲟⲩ ⲉⲩⲙⲉⲧϫⲁϫⲓ ⲛ̀ⲑⲟϥ ⲁϥⲃⲱⲧⲥ ⲉ̀ⲣⲱⲟⲩ.	Ǹθōou ḋe averatsōtem ouoh avtigōnt ǹpip̀nevma eθouab ouoh affonhf èrōou evmetgaji ǹθof afvōts èrōou.	But they disobeyed, and provoked his Holy Spirit: so he turned to be an enemy, he himself contended against them.
63:11	ⲟⲩⲟϩ ⲁϥⲉⲣⲫ̀ⲙⲉⲩⲓ̀ ⲛ̀ⲛⲓⲉ̀ϩⲟⲟⲩ ⲛ̀ⲉ̀ⲛⲉϩ ⲫⲏⲉⲧⲁϥⲓ̀ⲛⲓ ⲉ̀ⲡ̀ϣⲱⲓ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲙ̀ⲡⲓⲛⲓϣϯ ⲙ̀ⲙⲁⲛⲉ̀ⲥⲱⲟⲩ ⲛ̀ⲧⲉⲛⲓⲉ̀ⲥⲱⲟⲩ ⲁϥⲑⲱⲛ ⲫⲏⲉⲧⲁϥⲭⲱ ⲛ̀ϧⲏⲧⲟⲩ ⲙ̀ⲡⲓⲡ̅ⲛ̅ⲁ̅ ⲉ̅ⲑ̅ⲩ̅ .	Ⲟⲩⲟϩ ⲁϥⲉⲣⲫ̀ⲙⲉⲩⲓ̀ ⲛ̀ⲛⲓⲉ̀ϩⲟⲟⲩ ⲛ̀ⲉ̀ⲛⲉϩ ⲫⲏⲉ̀ⲧⲁϥⲓ̀ⲛⲓ ⲉ̀ⲡ̀ϣⲱⲓ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲡⲓⲛⲓϣϯ ⲛ̀ⲙⲁⲛⲉ̀ⲥⲱⲟⲩ ⲛ̀ⲧⲉ ⲛⲓⲉ̀ⲥⲱⲟⲩ ⲁϥⲑⲱⲛ ⲫⲏⲉⲧⲁϥⲭⲱ ⲛ̀ϧⲏⲧⲟⲩ ⲛ̀ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ.	Ouoh aferf̀mevì ǹnièhoou ǹèneh fyètafìni èp̀ṡōi èvol xen p̀kahi ǹpiniṡti ǹmanèsōou ǹte nièsōou afθōn fyetafkō ǹxytou ǹpip̀nevma eθouab.	Then he remembered the ancient days, saying, Where is he that brought up from the sea the shepherd of the sheep? where is he that put his Holy Spirit in them?
63:12	ⲫⲏⲉⲧⲁϥⲓ̀ⲛⲓ ⲙ̀ⲙⲱⲩⲥⲏⲥ ⲉ̀ϩ̀ⲣⲏⲓ ϧⲉⲛⲧⲉϥⲟⲩⲓ̀ⲛⲁⲙ ⲡⲓϫ̀ⲫⲟⲓ ⲛ̀ⲧⲉⲡⲉϥⲱ̀ⲟⲩ ⲡⲁⲓⲣⲏϯ ⲁⲕⲓ̀ⲛⲓ ⲙ̀ⲡⲉⲕⲗⲁⲟⲥ ⲁϥϯⲛⲟⲙϯ ⲛ̀ⲟⲩⲙⲱⲟⲩ ⲉ̀ⲃⲟⲗϩⲁ ⲡⲉϥϩⲟ ⲉ̀ⲑⲁⲙⲓⲟ ⲛⲁϥ ⲛ̀ⲟⲩⲣⲁⲛ ⲛ̀ⲉ̀ⲛⲉϩ .	Ⲫⲏⲉ̀ⲧⲁϥⲓ̀ⲛⲓ ⲛ̀ⲙⲱⲩⲥⲏⲥ ⲉ̀ϩ̀ⲣⲏⲓ ϧⲉⲛ ⲧⲉϥⲟⲩⲓ̀ⲛⲁⲙ ⲡⲓϫ̀ⲫⲟⲓ ⲛ̀ⲧⲉ ⲡⲉϥⲱ̀ⲟⲩ ⲡⲁⲓⲣⲏϯ ⲁⲕⲓ̀ⲛⲓ ⲛ̀ⲡⲉⲕⲗⲁⲟⲥ ⲁϥϯⲛⲟⲙϯ ⲛ̀ⲟⲩⲙⲱⲟⲩ ⲉ̀ⲃⲟⲗϩⲁ ⲡⲉϥϩⲟ ⲉ̀ⲑⲁⲙⲓⲟ ⲛⲁϥ ⲛ̀ⲟⲩⲣⲁⲛ ⲛ̀ⲉ̀ⲛⲉϩ.	Fyètafìni ǹmōisys èh̀ryi xen tefouìnam pig̀foi ǹte pefṑou pairyti akìni ǹpeklaos aftinomti ǹoumōou èbolha pefho èθamio naf ǹouran ǹèneh.	who led Moses with his right hand, the arm of his glory? he forced the water to separate from before him, to make himself an everlasting name.
63:13	ⲁϥⲉ̀ⲛⲟⲩ ⲉ̀ⲃⲟⲗϩⲓⲧⲉⲛ ⲫ̀ⲛⲟⲩⲛ ⲙ̀ⲫ̀ⲣⲏϯ ⲛ̀ⲟⲩϩ̀ⲑⲟ ϩⲓⲧⲉⲛⲡ̀ϣⲁϥⲉ ⲟⲩⲟϩ ⲙ̀ⲡⲟⲩϧⲓⲥⲓ .	Ⲁϥⲉ̀ⲛⲟⲩ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩⲛ ⲛ̀ⲫ̀ⲣⲏϯ ⲛ̀ⲟⲩϩ̀ⲑⲟ ϩⲓⲧⲉⲛ ⲡ̀ϣⲁϥⲉ ⲟⲩⲟϩ ⲛ̀ⲡⲟⲩϧⲓⲥⲓ.	Afènou èvol hiten f̀noun ǹf̀ryti ǹouh̀θo hiten p̀ṡafe ouoh ǹpouxisi.	He led them through the deep, as a horse through the wilderness, and they fainted not,
63:14	ⲛⲉⲙⲙ̀ⲫ̀ⲣⲏϯ ⲛ̀ϩⲁⲛⲧⲉⲃⲛⲱⲟⲩⲓ̀ ⲉ̀ⲃⲟⲗϩⲓⲧⲉⲛ ⲟⲩⲙⲉϣϣⲱⲧ ⲁϥⲓ̀ ⲉ̀ⲡⲉⲥⲏⲧ ⲛ̀ϫⲉⲟⲩⲡ̅ⲛ̅ⲁ̅ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲟⲩⲟϩ ⲁϥϭⲓⲙⲱⲓⲧ ⲛⲱⲟⲩ ⲡⲁⲓⲣⲏϯ ⲁⲕⲓ̀ⲛⲓ ⲙ̀ⲡⲉⲕⲗⲁⲟⲥ ⲉ̀ⲑⲁⲙⲓⲟ ⲛⲁⲕ ⲛ̀ⲟⲩⲣⲁⲛ ⲛ̀ⲧⲉⲟⲩⲱ̀ⲟⲩ .	Ⲛⲉⲙ ⲛ̀ⲫ̀ⲣⲏϯ ⲛ̀ϩⲁⲛⲧⲉⲃⲛⲱⲟⲩⲓ̀ ⲉ̀ⲃⲟⲗ ϩⲓⲧⲉⲛ ⲟⲩⲙⲉϣϣⲱⲧ ⲁϥⲓ̀ ⲉ̀ⲡⲉⲥⲏⲧ ⲛ̀ϫⲉ ⲟⲩⲡ̀ⲛⲉⲩⲙⲁ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲟⲩⲟϩ ⲁϥϭⲓⲙⲱⲓⲧ ⲛⲱⲟⲩ ⲡⲁⲓⲣⲏϯ ⲁⲕⲓ̀ⲛⲓ ⲛ̀ⲡⲉⲕⲗⲁⲟⲥ ⲉ̀ⲑⲁⲙⲓⲟ ⲛⲁⲕ ⲛ̀ⲟⲩⲣⲁⲛ ⲛ̀ⲧⲉ ⲟⲩⲱ̀ⲟⲩ.	Nem ǹf̀ryti ǹhantevnōouì èvol hiten oumeṡṡōt afì èpesyt ǹje oup̀nevma èvol hiten p̀ċois ouoh afċimōit nōou pairyti akìni ǹpeklaos èθamio nak ǹouran ǹte ouṑou.	and as cattle through a plain: the Spirit came down from the Lord, and guided them: thus thou leddest thy people, to make thyself a glorious name.
63:15	ⲕⲟⲧⲕ ⲉ̀ⲃⲟⲗϧⲉⲛ ⲧ̀ⲫⲉ ⲟⲩⲟϩ ⲁ̀ⲛⲁⲩ ⲉ̀ⲃⲟⲗϧⲉⲛ ⲡⲉⲕⲱ̀ⲟⲩ ⲉ̅ⲑ̅ⲩ̅ ⲁϥⲑⲱⲛ ⲡⲉⲕⲭⲟϩ ⲛⲉⲙⲧⲉⲕϫⲟⲙ ⲁϥⲑⲱⲛ ⲡ̀ⲁ̀ϣⲁⲓ ⲛ̀ⲧⲉⲡⲉⲕⲛⲁⲓ ⲛⲉⲙⲛⲉⲕⲙⲉⲧϣⲉⲛϩⲏⲧ ϫⲉⲁⲕⲉⲣⲁ̀ⲛⲉⲭⲉⲥⲑⲉ ⲙ̀ⲙⲟⲛ .	Ⲕⲟⲧⲕ ⲉ̀ⲃⲟⲗ ϧⲉⲛ ⲧ̀ⲫⲉ ⲟⲩⲟϩ ⲁ̀ⲛⲁⲩ ⲉ̀ⲃⲟⲗ ϧⲉⲛ ⲡⲉⲕⲱ̀ⲟⲩ ⲉⲑⲟⲩⲁⲃ ⲁϥⲑⲱⲛ ⲡⲉⲕⲭⲟϩ ⲛⲉⲙ ⲧⲉⲕϫⲟⲙ ⲁϥⲑⲱⲛ ⲡ̀ⲁ̀ϣⲁⲓ ⲛ̀ⲧⲉ ⲡⲉⲕⲛⲁⲓ ⲛⲉⲙ ⲛⲉⲕⲙⲉⲧϣⲉⲛϩⲏⲧ ϫⲉ ⲁⲕⲉⲣⲁ̀ⲛⲉⲭⲉⲥⲑⲉ ⲙ̀ⲙⲟⲛ.	Kotk èvol xen t̀fe ouoh ànav èvol xen pekṑou eθouab afθōn pekkoh nem tekgom afθōn p̀àṡai ǹte peknai nem nekmetṡenhyt je akeràneṡesθe m̀mon.	Turn from heaven, and look from thy holy habitation and from thy glory: where is thy zeal and thy strength? where is the abundance of thy mercy and of thy compassions, that thou hast withholden thyself from us?
63:16	ⲛ̀ⲑⲟⲕ ⲅⲁⲣ ⲡⲉ ⲡⲉⲛⲓⲱⲧ ϫⲉⲁⲃⲣⲁⲁⲙ ⲙ̀ⲡⲉϥⲉ̀ⲙⲓ ⲉ̀ⲣⲟⲛ ⲟⲩⲟϩ ⲡⲓ̅ⲥ̅ⲗ̅ ⲙ̀ⲡⲉϥⲥⲟⲩⲱⲛ ⲙ̀ⲙⲟⲛ ⲁⲛ ⲁⲗⲗⲁ ⲛ̀ⲑⲟⲕ ⲡϭ̅ⲥ̅ ⲡⲉ ⲡⲉⲛⲓⲱⲧ ⲛⲁϩⲙⲉⲛ ⲓⲥϫⲉⲛ ϩⲏ ⲡⲉⲕⲣⲁⲛ ϩⲓϫⲱⲛ .	Ⲛ̀ⲑⲟⲕ ⲅⲁⲣ ⲡⲉ ⲡⲉⲛⲓⲱⲧ ϫⲉ ⲁⲃⲣⲁⲁⲙ ⲙ̀ⲡⲉϥⲉ̀ⲙⲓ ⲉ̀ⲣⲟⲛ ⲟⲩⲟϩ ⲡⲓⲥⲣⲁⲏⲗ ⲙ̀ⲡⲉϥⲥⲟⲩⲱⲛ ⲙ̀ⲙⲟⲛ ⲁⲛ ⲁⲗⲗⲁ ⲛ̀ⲑⲟⲕ ⲡ̀ϭⲟⲓⲥ ⲡⲉ ⲡⲉⲛⲓⲱⲧ ⲛⲁϩⲙⲉⲛ ⲓⲥϫⲉⲛ ϩⲏ ⲡⲉⲕⲣⲁⲛ ϩⲓϫⲱⲛ.	Ǹθok ġar pe peniōt je abraam m̀pefèmi èron ouoh pisrayl m̀pefsouōn m̀mon an alla ǹθok p̀ċois pe peniōt nahmen isjen hy pekran higōn.	For thou art our Father; for though Abraham knew us not, and Israel did not acknowledge us, yet do thou, O Lord, our Father, deliver us: thy name has been upon us from the beginning.
63:17	ⲉⲑⲃⲉⲟⲩ ⲁⲕⲥⲟⲣⲙⲉⲛ ⲡϭ̅ⲥ̅ ⲉ̀ⲃⲟⲗϩⲁ ⲡⲉⲕⲙⲱⲓⲧ ⲁⲕⲑ̀ⲣⲉ ⲡⲉⲛϩⲏⲧ ⲛ̀ϣⲟⲧ ⲉ̀ϣ̀ⲧⲉⲙⲉⲣϩⲟϯ ϧⲁⲧⲉⲕϩⲏ ⲕⲟⲧⲕ ⲡϭ̅ⲥ̅ ⲉⲑⲃⲉⲛⲉⲕⲉ̀ⲃⲓⲁⲓⲕ ⲉⲑⲃⲉⲛⲓⲫⲩⲗⲏ ⲛ̀ⲧⲉⲧⲉⲕⲕ̀ⲗⲏⲣⲟⲛⲟⲙⲓⲁ̀ .	Ⲉⲑⲃⲉ ⲟⲩ ⲁⲕⲥⲟⲣⲙⲉⲛ ⲡ̀ϭⲟⲓⲥ ⲉ̀ⲃⲟⲗϩⲁ ⲡⲉⲕⲙⲱⲓⲧ ⲁⲕⲑ̀ⲣⲉ ⲡⲉⲛϩⲏⲧ ⲛ̀ϣⲟⲧ ⲉ̀ϣ̀ⲧⲉⲙⲉⲣϩⲟϯ ϧⲁ ⲧⲉⲕϩⲏ ⲕⲟⲧⲕ ⲡ̀ϭⲟⲓⲥ ⲉⲑⲃⲉ ⲛⲉⲕⲉ̀ⲃⲓⲁⲓⲕ ⲉⲑⲃⲉ ⲛⲓⲫⲩⲗⲏ ⲛ̀ⲧⲉ ⲧⲉⲕⲕ̀ⲗⲏⲣⲟⲛⲟⲙⲓⲁ̀.	Eθve ou ak·sormen p̀ċois èbolha pekmōit akθ̀re penhyt ǹṡot èṡ̀temerhoti xa tek·hy kotk p̀ċois eθve nekèviaik eθve nifily ǹte tekk̀lyronomià.	Why hast thou caused us to err, O Lord, from thy way? and has hardened our hearts, that we should not fear thee? Return for thy servants' sake, for the sake of the tribes of thine inheritance,
63:18	ϩⲓⲛⲁ ⲛ̀ⲧⲟⲩⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲛⲟⲩⲕⲟⲩϫⲓ ⲛ̀ⲧⲉⲡⲉⲕⲧⲱⲟⲩ ⲉ̅ⲑ̅ⲩ̅ ⲟⲩⲟϩ ⲛⲏⲉⲧϯ ⲟⲩⲃⲏⲛ ⲁⲩϩⲱⲙⲓ ⲉ̀ϫⲉⲛⲡⲉⲕⲙⲁ ⲉ̅ⲑ̅ⲩ̅ .	Ϩⲓⲛⲁ ⲛ̀ⲧⲟⲩⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲛⲟⲩⲕⲟⲩϫⲓ ⲛ̀ⲧⲉ ⲡⲉⲕⲧⲱⲟⲩ ⲉⲑⲟⲩⲁⲃ ⲟⲩⲟϩ ⲛⲏⲉⲧϯ ⲟⲩⲃⲏⲛ ⲁⲩϩⲱⲙⲓ ⲉ̀ϫⲉⲛ ⲡⲉⲕⲙⲁ ⲉⲑⲟⲩⲁⲃ.	Hina ǹtouerk̀lyronomin ǹnoukouji ǹte pektōou eθouab ouoh nyetti ouvyn avhōmi èjen pekma eθouab.	that we may inherit a small part of thy holy mountain.
63:19	ⲁⲛϣⲱⲡⲓ ⲙ̀ⲫ̀ⲣⲏϯ ⲛ̀ϣⲟⲣⲡ ϩⲟⲧⲉ ⲉⲧⲉⲙ̀ⲡⲉⲕⲉⲣⲁⲣⲭⲱⲛ ⲉ̀ϫⲱⲛ ⲟⲩⲇⲉ ⲙ̀ⲡⲟⲩⲙⲟⲩϯ ⲉ̀ⲡⲉⲕⲣⲁⲛ ⲉ̀ϩ̀ⲣⲏⲓ ⲉ̀ϫⲱⲛ .	Ⲁⲛϣⲱⲡⲓ ⲛ̀ⲫ̀ⲣⲏϯ ⲛ̀ϣⲟⲣⲡ ϩⲟⲧⲉ ⲉ̀ⲧⲉ ⲙ̀ⲡⲉⲕⲉⲣⲁⲣⲭⲱⲛ ⲉ̀ϫⲱⲛ ⲟⲩⲇⲉ ⲙ̀ⲡⲟⲩⲙⲟⲩϯ ⲉ̀ⲡⲉⲕⲣⲁⲛ ⲉ̀ϩ̀ⲣⲏⲓ ⲉ̀ϫⲱⲛ.	Anṡōpi ǹf̀ryti ǹṡorp hote ète m̀pekerarxōn ègōn ouḋe m̀poumouti èpekran èh̀ryi ègōn.	We are become as at the beginning, when thou didst not rule over us, and thy name was not called upon us.

Provenance

title: 23_Isaias_63
dialect: bohairic
source: Coptic SCRIPTORIUM corpus "bohairic.ot", document 23_Isaias_63
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_63 from Coptic SCRIPTORIUM (https://copticscriptorium.org), corpus bohairic.ot, document 23_Isaias_63, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/63.bohairic.scriptorium.L0.txt
title: 23_Isaias_63 — Cairene
dialect: bohairic
source: generated from 63.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_63)
licence: CC BY-SA 4.0
share: attribution
attribution: 23_Isaias_63 from Coptic SCRIPTORIUM (https://copticscriptorium.org), corpus bohairic.ot, document 23_Isaias_63, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/63.bohairic.scriptorium.L1.txt
title: 23_Isaias_63 — Kemetic
dialect: bohairic
source: generated from 63.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_63 from Coptic SCRIPTORIUM (https://copticscriptorium.org), corpus bohairic.ot, document 23_Isaias_63, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/63.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 19 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_63 (19 lines)

Cite as:

23_Isaias_63. Coptic SCRIPTORIUM corpus "bohairic.ot", document 23_Isaias_63. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/63.bohairic.scriptorium/. 23_Isaias_63 from Coptic SCRIPTORIUM (https://copticscriptorium.org), corpus bohairic.ot, document 23_Isaias_63, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.