23_Isaias_65 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 23_Isaias_65

Attribution: 23_Isaias_65 from Coptic SCRIPTORIUM (https://copticscriptorium.org), corpus bohairic.ot, document 23_Isaias_65, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

25 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
65:1	ⲁⲓⲟⲩⲟⲛϩⲧ ⲛ̀ⲛⲏⲉⲧⲉ ⲛ̀ⲥⲉⲕⲱϯ ⲛ̀ⲥⲱⲓ ⲁⲛ : ⲁⲩϫⲉⲙⲧ ⲛ̀ⲛⲏⲉⲧⲉ ⲛ̀ⲥⲉϣⲓⲛⲓ ⲙ̀ⲙⲟⲓ ⲁⲛ ⲁⲓϫⲟⲥ ϫⲉϩⲏⲡⲡⲉ ⲁ̀ⲛⲟⲕ ⲙ̀ⲡⲓⲉⲑⲛⲟⲥ ⲉⲧⲉⲙ̀ⲡⲟⲩⲙⲟⲩϯ ⲉ̀ⲡⲁⲣⲁⲛ .	ⲁⲓⲟⲩⲟⲛϩⲧ ⲛ̀ⲛⲏⲉ̀ⲧⲉ ⲛ̀ⲥⲉⲕⲱϯ ⲛ̀ⲥⲱⲓ ⲁⲛ: ⲁⲩϫⲉⲙⲧ ⲛ̀ⲛⲏⲉ̀ⲧⲉ ⲛ̀ⲥⲉϣⲓⲛⲓ ⲙ̀ⲙⲟⲓ ⲁⲛ ⲁⲓϫⲟⲥ ϫⲉ ϩⲏⲡⲡⲉ ⲁ̀ⲛⲟⲕ ⲛ̀ⲡⲓⲉⲑⲛⲟⲥ ⲉ̀ⲧⲉ ⲙ̀ⲡⲟⲩⲙⲟⲩϯ ⲉ̀ⲡⲁⲣⲁⲛ.	aiouonht ǹnyète ǹsekōti ǹsōi an: avjemt ǹnyète ǹseṡini m̀moi an aigos je hyppe ànok ǹpieθnos ète m̀poumouti èparan.	I became manifest to them that asked not for me; I was found of them that sought me not: I said, Behold, I am here, to a nation, who called not on my name.
65:2	ⲁⲓⲫⲱⲣϣ ⲛ̀ⲛⲁϫⲓϫ ⲉ̀ⲃⲟⲗ ⲙ̀ⲡⲓⲉ̀ϩⲟⲟⲩ ⲧⲏⲣϥ ⲟⲩⲃⲉ ⲟⲩⲗⲁⲟⲥ ⲛ̀ⲁⲧⲥⲱⲧⲉⲙ ⲟⲩⲟϩ ⲉϥⲉⲣⲁⲛⲧⲓⲗⲉⲅⲓⲛ ⲛⲏⲉⲑⲙⲟϣⲓ ϩⲓⲡⲓⲙⲱⲓⲧ ⲉⲑⲛⲁⲛⲉϥ ⲁⲛ ⲛⲁⲓ ⲉⲧⲉⲙ̀ⲡⲟⲩⲙⲟϣⲓ ϧⲉⲛⲫ̀ⲙⲱⲓⲧ ⲛ̀ⲧⲉϯⲙⲉⲑⲙⲏⲓ ⲁⲗⲗⲁ ⲥⲁⲙⲉⲛϩⲉ ⲛⲟⲩⲛⲟⲃⲓ .	Ⲁⲓⲫⲱⲣϣ ⲛ̀ⲛⲁϫⲓϫ ⲉ̀ⲃⲟⲗ ⲛ̀ⲡⲓⲉ̀ϩⲟⲟⲩ ⲧⲏⲣϥ ⲟⲩⲃⲉ ⲟⲩⲗⲁⲟⲥ ⲛ̀ⲁⲧⲥⲱⲧⲉⲙ ⲟⲩⲟϩ ⲉϥⲉⲣⲁⲛⲧⲓⲗⲉⲅⲓⲛ ⲛⲏⲉⲑⲙⲟϣⲓ ϩⲓ ⲡⲓⲙⲱⲓⲧ ⲉⲑⲛⲁⲛⲉϥ ⲁⲛ ⲛⲁⲓ ⲉⲧⲉⲛ̀ⲡⲟⲩⲙⲟϣⲓ ϧⲉⲛ ⲫ̀ⲙⲱⲓⲧ ⲛ̀ⲧⲉ ϯⲙⲉⲑⲙⲏⲓ ⲁⲗⲗⲁ ⲥⲁⲙⲉⲛϩⲉ ⲛⲟⲩⲛⲟⲃⲓ.	Aifōrṡ ǹnajig èvol ǹpièhoou tyrf ouve oulaos ǹatsōtem ouoh eferantilegin nyeθmoṡi hi pimōit eθnanef an nai eteǹpoumoṡi xen f̀mōit ǹte timeθmyi alla samenhe nounovi.	I have stretched forth my hands all day to a disobedient and gainsaying people, to them that walked in a way that was not good, but after their sins.
65:3	ⲡⲓⲗⲁⲟⲥ ⲉⲧϯϫⲱⲛⲧ ⲛⲏⲓ ⲛ̀ⲑⲱⲟⲩ ⲛ̀ⲥⲏⲟⲩ ⲛⲓⲃⲉⲛ ⲥⲉⲉⲛ ϣⲟⲩϣⲱⲟⲩϣⲓ ⲉ̀ϩ̀ⲣⲏⲓ ⲙ̀ⲡⲁⲙ̀ⲑⲟ ϧⲉⲛⲛⲓϭⲱⲙ ⲟⲩⲟϩ ⲥⲉⲉⲛ ⲥ̀ⲑⲟⲓⲛⲟⲩϥⲓ ϩⲓϫⲉⲛⲛⲓⲧⲱⲃⲓ ⲛ̀ⲛⲓⲇⲉⲙⲱⲛ ⲛⲏⲉⲧⲉ ⲛ̀ⲥⲉϣⲟⲡ ⲁⲛ .	Ⲡⲓⲗⲁⲟⲥ ⲉⲧϯϫⲱⲛⲧ ⲛⲏⲓ ⲛ̀ⲑⲱⲟⲩ ⲛ̀ⲥⲏⲟⲩ ⲛⲓⲃⲉⲛ ⲥⲉⲉⲛ ϣⲟⲩϣⲱⲟⲩϣⲓ ⲉ̀ϩ̀ⲣⲏⲓ ⲛ̀ⲡⲁⲙ̀ⲑⲟ ϧⲉⲛ ⲛⲓϭⲱⲙ ⲟⲩⲟϩ ⲥⲉⲉⲛ ⲥ̀ⲑⲟⲓⲛⲟⲩϥⲓ ϩⲓϫⲉⲛ ⲛⲓⲧⲱⲃⲓ ⲛ̀ⲛⲓⲇⲉⲙⲱⲛ ⲛⲏⲉ̀ⲧⲉ ⲛ̀ⲥⲉϣⲟⲡ ⲁⲛ.	Pilaos ettigōnt nyi ǹθōou ǹsyou niven seen ṡouṡōouṡi èh̀ryi ǹpam̀θo xen niċōm ouoh seen s̀θoinoufi hijen nitōvi ǹniḋemōn nyète ǹseṡop an.	This is the people that provokes me continually in my presence; they offer sacrifices in gardens, and burn incense on bricks to devils, which exist not.
65:4	ⲟⲩⲟϩ ⲥⲉⲉⲛⲕⲟⲧ ϧⲉⲛⲛⲓⲙ̀ϩⲁⲩ ⲛⲉⲙϧⲉⲛⲛⲓⲥ̀ⲡⲉⲗⲉⲟⲛ ⲉⲑⲃⲉϩⲁⲛⲣⲁⲥⲟⲩⲓ̀ ⲛⲏⲉⲑⲟⲩⲉⲙ ⲁϥ ⲛ̀ⲉ̀ϣⲱ ⲛⲉⲙⲡⲓⲍⲱⲙⲓⲛ ⲛ̀ⲧⲉⲛⲓϣⲟⲩϣⲱⲟⲩϣⲓ ⲥⲉϭⲁϧⲉⲙ ⲛ̀ϫⲉⲛⲟⲩⲥ̀ⲕⲉⲩⲟⲥ ⲧⲏⲣⲟⲩ .	Ⲟⲩⲟϩ ⲥⲉⲉⲛⲕⲟⲧ ϧⲉⲛ ⲛⲓⲙ̀ϩⲁⲩ ⲛⲉⲙ ϧⲉⲛ ⲛⲓⲥ̀ⲡⲉⲗⲉⲟⲛ ⲉⲑⲃⲉ ϩⲁⲛⲣⲁⲥⲟⲩⲓ̀ ⲛⲏⲉⲑⲟⲩⲉⲙ ⲁϥ ⲛ̀ⲉ̀ϣⲱ ⲛⲉⲙ ⲡⲓⲍⲱⲙⲓⲛ ⲛ̀ⲧⲉ ⲛⲓϣⲟⲩϣⲱⲟⲩϣⲓ ⲥⲉϭⲁϧⲉⲙ ⲛ̀ϫⲉ ⲛⲟⲩⲥ̀ⲕⲉⲩⲟⲥ ⲧⲏⲣⲟⲩ.	Ouoh seenkot xen nim̀hav nem xen nis̀peleon eθve hanrasouì nyeθouem af ǹèṡō nem pizōmin ǹte niṡouṡōouṡi seċaxem ǹje nous̀kevos tyrou.	They lie down to sleep in the tombs and in the caves for the sake of dreams, even they that eat swine's flesh, and the broth of their sacrifices: all their vessels are defiled:
65:5	ⲛⲏⲉⲧϫⲱ ⲙ̀ⲙⲟⲥ ϫⲉⲟⲩⲉⲓ ⲥⲁⲃⲟⲗ ⲙ̀ⲙⲟⲓ ⲙ̀ⲡⲉⲣϧⲱⲛⲧ ⲉ̀ⲣⲟⲓ ϫⲉϯⲧⲟⲩⲃⲏⲟⲩⲧ : ⲫⲁⲓ ⲡⲉ ⲡⲓⲭ̀ⲣⲉⲙⲧⲥ ⲛ̀ⲧⲉⲡⲁⲙ̀ⲃⲟⲛ ⲟⲩⲭ̀ⲣⲱⲙ ⲉϥⲉ̀ⲙⲟϩ ⲛ̀ϧⲏⲧϥ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ .	Ⲛⲏⲉⲧϫⲱ ⲙ̀ⲙⲟⲥ ϫⲉ ⲟⲩⲉⲓ ⲥⲁⲃⲟⲗ ⲙ̀ⲙⲟⲓ ⲙ̀ⲡⲉⲣϧⲱⲛⲧ ⲉ̀ⲣⲟⲓ ϫⲉ ϯⲧⲟⲩⲃⲏⲟⲩⲧ: ⲫⲁⲓ ⲡⲉ ⲡⲓⲭ̀ⲣⲉⲙⲧⲥ ⲛ̀ⲧⲉ ⲡⲁⲙ̀ⲃⲟⲛ ⲟⲩⲭ̀ⲣⲱⲙ ⲉϥⲉ̀ⲙⲟϩ ⲛ̀ϧⲏⲧϥ ⲛ̀ⲛⲓⲉ̀ϩⲟⲟⲩ ⲧⲏⲣⲟⲩ.	Nyetgō m̀mos je ouei savol m̀moi m̀perxōnt èroi je titouvyout: fai pe pix̀remts ǹte pam̀von ouk̀rōm efèmoh ǹxytf ǹnièhoou tyrou.	who say, Depart from me, draw not nigh to me, for I am pure. This is the smoke of my wrath, a fire burns with it continually.
65:6	ϩⲏⲡⲡⲉ ⲥ̀ⲥ̀ϧⲏⲟⲩⲧ ⲙ̀ⲡⲁⲙ̀ⲑⲟ ⲛ̀ⲛⲁⲭⲁⲣⲱⲓ ϣⲁϯϯϣⲉⲃⲓⲱ ⲛ̀ⲛⲟⲩⲛⲟⲃⲓ ⲉ̀ⲕⲉⲛⲟⲩ .	Ϩⲏⲡⲡⲉ ⲥ̀ⲥ̀ϧⲏⲟⲩⲧ ⲛ̀ⲡⲁⲙ̀ⲑⲟ ⲛ̀ⲛⲁⲭⲁⲣⲱⲓ ϣⲁϯϯϣⲉⲃⲓⲱ ⲛ̀ⲛⲟⲩⲛⲟⲃⲓ ⲉ̀ⲕⲉⲛⲟⲩ.	Hyppe s̀s̀xyout ǹpam̀θo ǹnakarōi ṡatitiṡeviō ǹnounovi èkenou.	Behold, it is written before me: I will not be silent until I have recompensed into their bosom,
65:7	ⲛⲉⲙⲛⲓⲛⲟⲃⲓ ⲛ̀ⲧⲉⲛⲟⲩⲓⲟϯ ⲡⲉϫⲉ ⲡϭ̅ⲥ̅ ⲛⲏⲉⲧⲁⲩⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲉ̀ϫⲉⲛⲛⲓⲧⲱⲟⲩ ⲟⲩⲟϩ ⲁⲩϯϣⲱϣ ⲛⲏⲓ ϩⲓϫⲉⲛⲛⲓⲕⲁⲗⲁⲙⲫⲟ ⲉⲓⲉ̀ϯ ⲛ̀ⲧ̀ϣⲉⲃⲓⲱ ⲛ̀ⲧⲉⲛⲟⲩϩ̀ⲃⲏⲟⲩⲓ̀ ⲉ̀ϧ̀ⲣⲏⲓ ⲉ̀ⲕⲉⲛⲟⲩ .	Ⲛⲉⲙ ⲛⲓⲛⲟⲃⲓ ⲛ̀ⲧⲉ ⲛⲟⲩⲓⲟϯ ⲡⲉϫⲉ ⲡ̀ϭⲟⲓⲥ ⲛⲏⲉ̀ⲧⲁⲩⲉⲛ ⲥ̀ⲑⲟⲓⲛⲟⲩϥⲓ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲧⲱⲟⲩ ⲟⲩⲟϩ ⲁⲩϯϣⲱϣ ⲛⲏⲓ ϩⲓϫⲉⲛ ⲛⲓⲕⲁⲗⲁⲙⲫⲟ ⲉⲓⲉ̀ϯ ⲛ̀ⲧ̀ϣⲉⲃⲓⲱ ⲛ̀ⲧⲉ ⲛⲟⲩϩ̀ⲃⲏⲟⲩⲓ̀ ⲉ̀ϧ̀ⲣⲏⲓ ⲉ̀ⲕⲉⲛⲟⲩ.	Nem ninovi ǹte nouioti peje p̀ċois nyètaven s̀θoinoufi èh̀ryi èjen nitōou ouoh avtiṡōṡ nyi hijen nikalamfo eièti ǹt̀ṡeviō ǹte nouh̀vyouì èx̀ryi èkenou.	their sins and the sins of their fathers, saith the Lord, who have burnt incense on the mountains, and reproached me on the hills: I will recompense their works into their bosom.
65:8	ⲫⲁⲓ ⲡⲉ ⲙ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉⲡϭ̅ⲥ̅ ϫⲉⲙ̀ⲫ̀ⲣⲏϯ ⲛ̀ⲟⲩⲛⲁⲫⲣⲓ ⲁⲩϣⲁⲛϫⲉⲙⲥ ϩⲓⲡⲓⲥⲙⲁϩ ⲟⲩⲟϩ ⲛ̀ⲧⲟⲩϫⲟⲥ ϫⲉⲙ̀ⲡⲉⲣⲧⲁⲕⲟϥ ϫⲉⲟⲩⲥ̀ⲙⲟⲩ ⲛ̀ⲧⲉⲡϭ̅ⲥ̅ ⲉⲧⲉⲛ̀ϧⲏⲧϥ ⲁⲓⲛⲁⲓ̀ⲣⲓ ⲙ̀ⲡⲁⲓⲣⲏϯ ⲉⲑⲃⲉⲫⲏⲉⲧⲟⲓ ⲙ̀ⲃⲱⲕ ⲛⲏⲓ ⲉⲑⲃⲉⲫⲁⲓ ⲛ̀ⲛⲁⲧⲁⲕⲉ ⲟⲩⲟⲛ ⲛⲓⲃⲉⲛ .	Ⲫⲁⲓ ⲡⲉ ⲛ̀ⲫ̀ⲣⲏϯ ⲉⲧⲉϥϫⲱ ⲙ̀ⲙⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲛ̀ⲫ̀ⲣⲏϯ ⲛ̀ⲟⲩⲛⲁⲫⲣⲓ ⲁⲩϣⲁⲛϫⲉⲙⲥ ϩⲓ ⲡⲓⲥⲙⲁϩ ⲟⲩⲟϩ ⲛ̀ⲧⲟⲩϫⲟⲥ ϫⲉ ⲙ̀ⲡⲉⲣⲧⲁⲕⲟϥ ϫⲉ ⲟⲩⲥ̀ⲙⲟⲩ ⲛ̀ⲧⲉ ⲡ̀ϭⲟⲓⲥ ⲉⲧⲉⲛ̀ϧⲏⲧϥ ⲁⲓⲛⲁⲓ̀ⲣⲓ ⲛ̀ⲡⲁⲓⲣⲏϯ ⲉⲑⲃⲉ ⲫⲏⲉⲧⲟⲓ ⲛ̀ⲃⲱⲕ ⲛⲏⲓ ⲉⲑⲃⲉ ⲫⲁⲓ ⲛ̀ⲛⲁⲧⲁⲕⲉ ⲟⲩⲟⲛ ⲛⲓⲃⲉⲛ.	Fai pe ǹf̀ryti etefgō m̀mos ǹje p̀ċois je ǹf̀ryti ǹounafri avṡanjems hi pismah ouoh ǹtougos je m̀pertakof je ous̀mou ǹte p̀ċois eteǹxytf ainaìri ǹpairyti eθve fyetoi ǹvōk nyi eθve fai ǹnatake ouon niven.	Thus saith the Lord, As a grape-stone shall be found in the cluster, and they shall say, Destroy it not; for a blessing is in it: so will I do for the sake of him that serves me, for his sake I will not destroy them all.
65:9	ⲉⲓⲉ̀ⲓ̀ⲛⲓ ⲉ̀ⲃⲟⲗ ⲙ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ⲛⲉⲙⲛⲓⲉ̀ⲃⲟⲗϧⲉⲛ ⲓⲟⲩⲇⲁⲥ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲡⲁⲧⲱⲟⲩ ⲉ̅ⲑ̅ⲩ̅ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲙⲟϥ ⲛ̀ϫⲉⲛⲁⲥⲱⲧⲡ ⲛⲉⲙⲛⲁⲉ̀ⲃⲓⲁⲓⲕ ⲟⲩⲟϩ ⲉⲩⲉ̀ϣⲱⲡⲓ ⲙ̀ⲙⲁⲩ .	Ⲉⲓⲉ̀ⲓ̀ⲛⲓ ⲉ̀ⲃⲟⲗ ⲛ̀ⲡ̀ϫ̀ⲣⲟϫ ⲛ̀ⲓⲁⲕⲱⲃ ⲛⲉⲙ ⲛⲓⲉ̀ⲃⲟⲗϧⲉⲛ ⲓⲟⲩⲇⲁⲥ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲛ̀ⲡⲁⲧⲱⲟⲩ ⲉⲑⲟⲩⲁⲃ ⲟⲩⲟϩ ⲉⲩⲉ̀ⲉⲣⲕ̀ⲗⲏⲣⲟⲛⲟⲙⲓⲛ ⲙ̀ⲙⲟϥ ⲛ̀ϫⲉ ⲛⲁⲥⲱⲧⲡ ⲛⲉⲙ ⲛⲁⲉ̀ⲃⲓⲁⲓⲕ ⲟⲩⲟϩ ⲉⲩⲉ̀ϣⲱⲡⲓ ⲙ̀ⲙⲁⲩ.	Eièìni èvol ǹp̀g̀rog ǹiakōb nem nièvolxen ioudas ouoh evèerk̀lyronomin ǹpatōou eθouab ouoh evèerk̀lyronomin m̀mof ǹje nasōtp nem naèviaik ouoh evèṡōpi m̀mav.	And I will lead forth the seed that came of Jacob and of Juda, and they shall inherit my holy mountain: and mine elect and my servants shall inherit it, and shall dwell there.
65:10	ⲟⲩⲟϩ ⲉⲩⲉ̀ϣⲱⲡⲓ ϧⲉⲛⲡⲓⲇ̀ⲣⲩⲙⲟⲥ ⲛ̀ϫⲉϩⲁⲛⲉⲣⲃⲓ ⲛ̀ⲧⲉϩⲁⲛⲟ̀ϩⲓ ⲛ̀ⲉ̀ⲥⲱⲟⲩ ⲟⲩⲟϩ ϯϧⲉⲗⲗⲟⲧ ⲛ̀ⲧⲉⲁ̀ⲭⲱⲣ ⲉⲥⲉ̀ϣⲱⲡⲓ ⲛ̀ⲟⲩⲙⲁⲛ̀ⲉⲙⲧⲟⲛ ⲛ̀ⲧⲉϩⲁⲛⲟ̀ϩⲓ ⲛ̀ⲉ̀ϩⲱⲟⲩ ⲛ̀ⲧⲉⲡⲁⲗⲁⲟⲥ ⲛⲏⲉⲧⲁⲩⲕⲱϯ ⲛ̀ⲥⲱⲓ .	Ⲟⲩⲟϩ ⲉⲩⲉ̀ϣⲱⲡⲓ ϧⲉⲛ ⲡⲓⲇ̀ⲣⲩⲙⲟⲥ ⲛ̀ϫⲉ ϩⲁⲛⲉⲣⲃⲓ ⲛ̀ⲧⲉ ϩⲁⲛⲟ̀ϩⲓ ⲛ̀ⲉ̀ⲥⲱⲟⲩ ⲟⲩⲟϩ ϯϧⲉⲗⲗⲟⲧ ⲛ̀ⲧⲉ ⲁ̀ⲭⲱⲣ ⲉⲥⲉ̀ϣⲱⲡⲓ ⲛ̀ⲟⲩⲙⲁⲛ̀ⲉⲙⲧⲟⲛ ⲛ̀ⲧⲉ ϩⲁⲛⲟ̀ϩⲓ ⲛ̀ⲉ̀ϩⲱⲟⲩ ⲛ̀ⲧⲉ ⲡⲁⲗⲁⲟⲥ ⲛⲏⲉⲧⲁⲩⲕⲱϯ ⲛ̀ⲥⲱⲓ.	Ouoh evèṡōpi xen piḋ̀rimos ǹje hanervi ǹte hanòhi ǹèsōou ouoh tixellot ǹte àxōr esèṡōpi ǹoumaǹemton ǹte hanòhi ǹèhōou ǹte palaos nyetavkōti ǹsōi.	And there shall be in the forest folds of flocks, and the valley of Achor shall be for a resting-place of herds for my people, who have sought me.
65:11	ⲛ̀ⲑⲱⲧⲉⲛ ⲇⲉ ⲛⲏⲉⲧⲁⲩⲭⲁⲧ ⲛ̀ⲥⲱⲟⲩ ⲟⲩⲟϩ ⲉⲧⲓ̀ⲣⲓ ⲙ̀ⲡⲱⲃϣ ⲙ̀ⲡⲁⲧⲱⲟⲩ ⲉ̅ⲑ̅ⲩ̅ ⲟⲩⲟϩ ⲉⲧⲥⲟⲃϯ ⲛ̀ⲟⲩⲧ̀ⲣⲁⲡⲉⲍⲁ ⲛ̀ⲛⲓⲇⲉⲙⲱⲛ ⲟⲩⲟϩ ⲉⲧⲙⲟϩ ⲙ̀ⲡⲓⲁ̀ⲫⲟⲧ ⲉⲧⲑⲏⲧ ⲛ̀ⲧⲉϯⲧⲩⲭⲏ .	Ⲛ̀ⲑⲱⲧⲉⲛ ⲇⲉ ⲛⲏⲉⲧⲁⲩⲭⲁⲧ ⲛ̀ⲥⲱⲟⲩ ⲟⲩⲟϩ ⲉⲧⲓ̀ⲣⲓ ⲛ̀ⲡⲱⲃϣ ⲛ̀ⲡⲁⲧⲱⲟⲩ ⲉⲑⲟⲩⲁⲃ ⲟⲩⲟϩ ⲉⲧⲥⲟⲃϯ ⲛ̀ⲟⲩⲧ̀ⲣⲁⲡⲉⲍⲁ ⲛ̀ⲧⲉ ⲛⲓⲇⲉⲙⲱⲛ ⲟⲩⲟϩ ⲉⲧⲙⲟϩ ⲛ̀ⲡⲓⲁ̀ⲫⲟⲧ ⲉⲧⲑⲏⲧ ⲛ̀ⲧⲉ ϯⲧⲩⲭⲏ.	Ǹθōten ḋe nyetavkat ǹsōou ouoh etìri ǹpōvṡ ǹpatōou eθouab ouoh etsovti ǹout̀rapeza ǹte niḋemōn ouoh etmoh ǹpiàfot etθyt ǹte titiṡy.	But ye are they that have left me, and forget my holy mountain, and prepare a table for the devil, and fill up the drink-offering to Fortune.
65:12	ⲁⲛⲟⲕ ϯⲛⲁϯ ⲑⲏⲛⲟⲩ ⲉ̀ϧ̀ⲣⲏⲓ ⲉ̀ⲧ̀ⲥⲏϥⲓ ⲟⲩⲟϩ ⲉⲣⲉⲧⲉⲛⲉ̀ϩⲉⲓ ⲧⲏⲣⲟⲩ ⲉ̀ⲡ̀ϧⲟⲗϧⲉⲗ ϫⲉⲁⲓⲙⲟⲩϯ ⲉ̀ⲣⲱⲧⲉⲛ ⲟⲩⲟϩ ⲙ̀ⲡⲉⲧⲉⲛⲉⲣⲟⲩⲱ̀ ⲛⲏⲓ ⲁⲓⲥⲁϫⲓ ⲟⲩⲟϩ ⲁⲣⲉⲧⲉⲛⲉⲣⲁⲧⲥⲱⲧⲉⲙ ⲟⲩⲟϩ ⲁⲣⲉⲧⲉⲛⲓ̀ⲣⲓ ⲙ̀ⲡⲓⲡⲉⲧϩⲱⲟⲩ ⲙ̀ⲡⲁⲙ̀ⲑⲟ ⲟⲩⲟϩ ⲛⲏⲉⲧⲉ ⲛⲁⲓⲟⲩⲁϣⲟⲩ ⲁⲛ ⲁⲣⲉⲧⲉⲛⲥⲟⲧⲡⲟⲩ ⲛⲱⲧⲉⲛ .	Ⲁⲛⲟⲕ ϯⲛⲁϯ ⲑⲏⲛⲟⲩ ⲉ̀ϧ̀ⲣⲏⲓ ⲉ̀ⲧ̀ⲥⲏϥⲓ ⲟⲩⲟϩ ⲉ̀ⲣⲉⲧⲉⲛⲉ̀ϩⲓ ⲧⲏⲣⲟⲩ ⲉ̀ⲡ̀ϧⲟⲗϧⲉⲗ ϫⲉ ⲁⲓⲙⲟⲩϯ ⲉ̀ⲣⲱⲧⲉⲛ ⲟⲩⲟϩ ⲙ̀ⲡⲉⲧⲉⲛⲉⲣⲟⲩⲱ̀ ⲛⲏⲓ ⲁⲓⲥⲁϫⲓ ⲟⲩⲟϩ ⲁⲣⲉⲧⲉⲛⲉⲣⲁⲧⲥⲱⲧⲉⲙ ⲟⲩⲟϩ ⲁⲣⲉⲧⲉⲛⲓ̀ⲣⲓ ⲛ̀ⲡⲓⲡⲉⲧϩⲱⲟⲩ ⲛ̀ⲡⲁⲙ̀ⲑⲟ ⲟⲩⲟϩ ⲛⲏⲉ̀ⲧⲉ ⲛⲁⲓⲟⲩⲁϣⲟⲩ ⲁⲛ ⲁⲣⲉⲧⲉⲛⲥⲟⲧⲡⲟⲩ ⲛⲱⲧⲉⲛ.	Anok tinati θynou èx̀ryi èt̀syfi ouoh èretenèhi tyrou èp̀xolxel je aimouti èrōten ouoh m̀petenerouṑ nyi aisaji ouoh areteneratsōtem ouoh aretenìri ǹpipet·hōou ǹpam̀θo ouoh nyète naiouaṡou an aretensotpou nōten.	I will deliver you up to the sword, ye shall all fall by slaughter: for I called you, and ye hearkened not; I spoke, and ye refused to hear; and ye did evil in my sight, and chose the things wherein I delighted not.
65:13	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲓⲥ ⲛⲏⲉⲧⲟⲓ ⲙ̀ⲃⲱⲕ ⲛⲏⲓ ⲉⲩⲉ̀ⲟⲩⲱⲙ ⲛ̀ⲑⲱⲧⲉⲛ ⲇⲉ ⲉⲣⲉⲧⲉⲛϩ̀ⲕⲟ : ϩⲏⲡⲡⲉ ⲓⲥ ⲛⲏⲉⲧⲟⲓ ⲙ̀ⲃⲱⲕ ⲛⲏⲓ ⲉⲩⲉ̀ⲥⲱ ⲛ̀ⲑⲱⲧⲉⲛ ⲇⲉ ⲉⲣⲉⲧⲉⲛⲓ̀ⲃⲓ : ϩⲏⲡⲡⲉ ⲓⲥ ⲛⲏⲉⲧⲟⲓ ⲙ̀ⲃⲱⲕ ⲛⲏⲓ ⲉⲩⲉ̀ⲑⲉⲗⲏⲗ ϧⲉⲛⲟⲩⲟⲩⲛⲟϥ ⲛ̀ⲑⲱⲧⲉⲛ ⲇⲉ ⲉⲣⲉⲧⲉⲛⲉ̀ϭⲓϣⲓⲡⲓ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲓⲥ ⲛⲏⲉⲧⲟⲓ ⲛ̀ⲃⲱⲕ ⲛⲏⲓ ⲉⲩⲉ̀ⲟⲩⲱⲙ ⲛ̀ⲑⲱⲧⲉⲛ ⲇⲉ ⲉ̀ⲣⲉⲧⲉⲛϩ̀ⲕⲟ: ϩⲏⲡⲡⲉ ⲓⲥ ⲛⲏⲉⲧⲟⲓ ⲛ̀ⲃⲱⲕ ⲛⲏⲓ ⲉⲩⲉ̀ⲥⲱ ⲛ̀ⲑⲱⲧⲉⲛ ⲇⲉ ⲉ̀ⲣⲉ ⲧⲉⲛⲓ̀ⲃⲓ: ϩⲏⲡⲡⲉ ⲓⲥ ⲛⲏⲉⲧⲟⲓ ⲛ̀ⲃⲱⲕ ⲛⲏⲓ ⲉⲩⲉ̀ⲑⲉⲗⲏⲗ ϧⲉⲛ ⲟⲩⲟⲩⲛⲟϥ ⲛ̀ⲑⲱⲧⲉⲛ ⲇⲉ ⲉ̀ⲣⲉⲧⲉⲛⲉ̀ϭⲓϣⲓⲡⲓ.	Eθve fai nai ne nyètefgō m̀mōou ǹje p̀ċois je hyppe is nyetoi ǹvōk nyi evèouōm ǹθōten ḋe èretenh̀ko: hyppe is nyetoi ǹvōk nyi evèsō ǹθōten ḋe ère tenìvi: hyppe is nyetoi ǹvōk nyi evèθelyl xen ouounof ǹθōten ḋe èretenèċiṡipi.	Therefore thus saith the Lord, Behold, my servants shall eat, but ye shall hunger: behold, my servants shall drink, but ye shall thirst: behold, my servants shall rejoice, but ye shall be ashamed:
65:14	ϩⲏⲡⲡⲉ ⲓⲥ ⲛⲏⲉⲧⲟⲓ ⲙ̀ⲃⲱⲕ ⲛⲏⲓ ⲉⲩⲉ̀ⲑⲉⲗⲏⲗ ϧⲉⲛⲟⲩⲟⲩⲛⲟϥ ⲛ̀ⲑⲱⲧⲉⲛ ⲇⲉ ⲉⲣⲉⲧⲉⲛⲉ̀ⲱϣ ⲉ̀ⲃⲟⲗ ⲉⲑⲃⲉⲡⲉⲙⲕⲁϩⲛ̀ϩⲏⲧ ⲛ̀ⲧⲉⲡⲉⲧⲉⲛϩⲏⲧ ⲟⲩⲟϩ ⲉ̀ⲃⲟⲗϩⲁ ⲡ̀ϧⲟⲙϧⲉⲙ ⲛ̀ⲧⲉⲡⲉⲧⲉⲛⲡ̅ⲛ̅ⲁ̅ ⲁⲣⲉⲧⲉⲛⲉϣⲗⲏⲗⲟⲩⲓ̀ ⲉ̀ⲃⲟⲗ .	Ϩⲏⲡⲡⲉ ⲓⲥ ⲛⲏⲉⲧⲟⲓ ⲛ̀ⲃⲱⲕ ⲛⲏⲓ ⲉⲩⲉ̀ⲑⲉⲗⲏⲗ ϧⲉⲛ ⲟⲩⲟⲩⲛⲟϥ ⲛ̀ⲑⲱⲧⲉⲛ ⲇⲉ ⲉ̀ⲣⲉⲧⲉⲛⲉ̀ⲱϣ ⲉ̀ⲃⲟⲗ ⲉⲑⲃⲉ ⲡⲉⲙⲕⲁϩⲛ̀ϩⲏⲧ ⲛ̀ⲧⲉ ⲡⲉⲧⲉⲛϩⲏⲧ ⲟⲩⲟϩ ⲉ̀ⲃⲟⲗϩⲁ ⲡ̀ϧⲟⲙϧⲉⲙ ⲛ̀ⲧⲉ ⲡⲉⲧⲉⲛⲡⲛⲉⲩⲙⲁ ⲁⲣⲉⲧⲉⲛⲉϣⲗⲏⲗⲟⲩⲓ̀ ⲉ̀ⲃⲟⲗ.	Hyppe is nyetoi ǹvōk nyi evèθelyl xen ouounof ǹθōten ḋe èretenèōṡ èvol eθve pemkahǹhyt ǹte petenhyt ouoh èbolha p̀xomxem ǹte petenpnevma areteneṡlylouì èvol.	behold, my servants shall exult with joy, but ye shall cry for the sorrow of your heart, and shall howl for the vexation of your spirit.
65:15	ⲁⲣⲉⲧⲉⲛⲥⲱϫⲡ ⲅⲁⲣ ⲙ̀ⲡⲉⲧⲉⲛⲣⲁⲛ ⲉⲩⲥⲓ ⲛ̀ⲛⲁⲥⲱⲧⲡ ⲛ̀ⲑⲱⲧⲉⲛ ⲇⲉ ⲉϥⲉ̀ϧⲉⲧⲉⲃ ⲑⲏⲛⲟⲩ ⲛ̀ϫⲉⲡϭ̅ⲥ̅ ⲛⲏ ⲇⲉ ⲉⲑⲛⲁⲉⲣⲃⲱⲕ ⲛⲏⲓ ⲉⲩⲉ̀ⲙⲟⲩϯ ⲉ̀ⲣⲱⲟⲩ ⲛ̀ⲟⲩⲣⲁⲛ ⲙ̀ⲃⲉⲣⲓ .	Ⲁⲣⲉⲧⲉⲛⲥⲱϫⲡ ⲅⲁⲣ ⲛ̀ⲡⲉⲧⲉⲛⲣⲁⲛ ⲉⲩⲥⲓ ⲛ̀ⲛⲁⲥⲱⲧⲡ ⲛ̀ⲑⲱⲧⲉⲛ ⲇⲉ ⲉϥⲉ̀ϧⲉⲧⲉⲃ ⲑⲏⲛⲟⲩ ⲛ̀ϫⲉ ⲡ̀ϭⲟⲓⲥ ⲛⲏ ⲇⲉ ⲉⲑⲛⲁⲉⲣⲃⲱⲕ ⲛⲏⲓ ⲉⲩⲉ̀ⲙⲟⲩϯ ⲉ̀ⲣⲱⲟⲩ ⲛ̀ⲟⲩⲣⲁⲛ ⲛ̀ⲃⲉⲣⲓ.	Aretensōgp ġar ǹpetenran evsi ǹnasōtp ǹθōten ḋe efèxeteb θynou ǹje p̀ċois ny ḋe eθnaervōk nyi evèmouti èrōou ǹouran ǹveri.	For ye shall leave your name for a loathing to my chosen, and the Lord shall destroy you: but my servants shall be called by a new name,
65:16	ⲫⲏⲉⲧⲟⲩⲛⲁⲥ̀ⲙⲟⲩ ⲉ̀ⲣⲟϥ ϩⲓϫⲉⲛⲡ̀ⲕⲁϩⲓ ⲉⲩⲉ̀ⲥ̀ⲙⲟⲩ ⲅⲁⲣ ⲉ̀ⲫϯ ⲛ̀ⲧⲁⲫ̀ⲙⲏⲓ : ⲟⲩⲟϩ ⲛⲏⲉⲧⲱⲣⲕ ϩⲓϫⲉⲛⲡ̀ⲕⲁϩⲓ ⲉⲩⲉ̀ⲱⲣⲕ ⲉ̀ⲫϯ ⲛ̀ⲧⲁⲫ̀ⲙⲏⲓ : ⲉⲩⲉ̀ⲉⲣⲡ̀ⲱⲃϣ ⲅⲁⲣ ⲙ̀ⲡⲟⲩϩⲟϫϩⲉϫ ⲛ̀ⲧⲉϣⲟⲣⲡ ⲟⲩⲟϩ ⲛ̀ⲛⲉϥⲓ̀ ⲉ̀ϩ̀ⲣⲏⲓ ⲉ̀ϫⲉⲛⲡⲟⲩϩⲏⲧ .	Ⲫⲏⲉⲧⲟⲩⲛⲁⲥ̀ⲙⲟⲩ ⲉ̀ⲣⲟϥ ϩⲓϫⲉⲛ ⲡ̀ⲕⲁϩⲓ ⲉⲩⲉ̀ⲥ̀ⲙⲟⲩ ⲅⲁⲣ ⲉ̀ⲫ̀ⲛⲟⲩϯ ⲛ̀ⲧⲁⲫ̀ⲙⲏⲓ: ⲟⲩⲟϩ ⲛⲏⲉⲧⲱⲣⲕ ϩⲓϫⲉⲛ ⲡ̀ⲕⲁϩⲓ ⲉⲩⲉ̀ⲱⲣⲕ ⲉ̀ⲫ̀ⲛⲟⲩϯ ⲛ̀ⲧⲁⲫ̀ⲙⲏⲓ: ⲉⲩⲉ̀ⲉⲣⲡ̀ⲱⲃϣ ⲅⲁⲣ ⲛ̀ⲡⲟⲩϩⲟϫϩⲉϫ ⲛ̀ⲧⲉϣⲟⲣⲡ ⲟⲩⲟϩ ⲛ̀ⲛⲉϥⲓ̀ ⲉ̀ϩ̀ⲣⲏⲓ ⲉ̀ϫⲉⲛ ⲡⲟⲩϩⲏⲧ.	Fyetounas̀mou èrof hijen p̀kahi evès̀mou ġar èf̀nouti ǹtaf̀myi: ouoh nyetōrk hijen p̀kahi evèōrk èf̀nouti ǹtaf̀myi: evèerp̀ōvṡ ġar ǹpouhogheg ǹteṡorp ouoh ǹnefì èh̀ryi èjen pouhyt.	which shall be blessed on the earth; for they shall bless the true God: and they that swear upon the earth shall swear by the true God; for they shall forget the former affliction, it shall not come into their mind.
65:17	ⲉⲥⲉ̀ϣⲱⲡⲓ ⲅⲁⲣ ⲛ̀ϫⲉⲟⲩⲫⲉ ⲙ̀ⲃⲉⲣⲓ ⲛⲉⲙⲟⲩⲕⲁϩⲓ ⲙ̀ⲃⲉⲣⲓ ⲟⲩⲟϩ ⲛ̀ⲛⲟⲩⲉⲣⲫ̀ⲙⲉⲩⲓ̀ ϫⲉⲛ̀ⲛⲓϣⲟⲣⲡ ⲟⲩⲇⲉ ⲛ̀ⲛⲟⲩⲓ̀ ⲉ̀ϩ̀ⲣⲏⲓ ⲉ̀ϫⲉⲛⲡⲟⲩϩⲏⲧ .	Ⲉⲥⲉ̀ϣⲱⲡⲓ ⲅⲁⲣ ⲛ̀ϫⲉ ⲟⲩⲫⲉ ⲛ̀ⲃⲉⲣⲓ ⲛⲉⲙ ⲟⲩⲕⲁϩⲓ ⲛ̀ⲃⲉⲣⲓ ⲟⲩⲟϩ ⲛ̀ⲛⲟⲩⲉⲣⲫ̀ⲙⲉⲩⲓ̀ ϫⲉ ⲛ̀ⲛⲓϣⲟⲣⲡ ⲟⲩⲇⲉ ⲛ̀ⲛⲟⲩⲓ̀ ⲉ̀ϩ̀ⲣⲏⲓ ⲉ̀ϫⲉⲛ ⲡⲟⲩϩⲏⲧ.	Esèṡōpi ġar ǹje oufe ǹveri nem oukahi ǹveri ouoh ǹnouerf̀mevì je ǹniṡorp ouḋe ǹnouì èh̀ryi èjen pouhyt.	For there shall be a new heaven and a new earth: and they shall not at all remember the former, neither shall they at all come into their mind.
65:18	ⲁⲗⲗⲁ ⲟⲩⲟⲩⲛⲟϥ ⲛⲉⲙⲟⲩⲑⲉⲗⲏⲗ ⲉⲩⲉ̀ϫⲉⲙⲟⲩ ⲛ̀ϧⲏⲧϥ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲣⲓ ⲛ̀ⲓⲗ̅ⲏ̅ⲙ̅ ⲛ̀ⲟⲩⲑⲉⲗⲏⲗ ⲟⲩⲟϩ ⲡⲁⲗⲁⲟⲥ ⲛ̀ⲟⲩⲟⲩⲛⲟϥ .	Ⲁⲗⲗⲁ ⲟⲩⲟⲩⲛⲟϥ ⲛⲉⲙ ⲟⲩⲑⲉⲗⲏⲗ ⲉⲩⲉ̀ϫⲉⲙⲟⲩ ⲛ̀ϧⲏⲧϥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲣⲓ ⲛ̀ⲓⲉⲣⲟⲩⲥⲁⲗⲏⲙ ⲛ̀ⲟⲩⲑⲉⲗⲏⲗ ⲟⲩⲟϩ ⲡⲁⲗⲁⲟⲥ ⲛ̀ⲟⲩⲟⲩⲛⲟϥ.	Alla ouounof nem ouθelyl evèjemou ǹxytf je hyppe ànok tinaìri ǹierousalym ǹouθelyl ouoh palaos ǹouounof.	But they shall find in her joy and exultation; for, behold, I make Jerusalem a rejoicing, and my people a joy.
65:19	ⲟⲩⲟϩ ⲉⲓⲉ̀ⲑⲉⲗⲏⲗ ⲉ̀ϫⲉⲛⲓⲗ̅ⲏ̅ⲙ̅ ⲟⲩⲟϩ ⲉⲓⲉ̀ⲟⲩⲛⲟϥ ⲉ̀ϫⲉⲛⲡⲁⲗⲁⲟⲥ ⲟⲩⲟϩ ⲛ̀ⲛⲟⲩⲥⲱⲧⲉⲙ ϫⲉⲛ̀ϧⲏⲧⲥ ⲉ̀ⲧ̀ⲥ̀ⲙⲏ ⲛ̀ⲟⲩⲣⲓⲙⲓ ⲟⲩⲇⲉ ⲧ̀ⲥ̀ⲙⲏ ⲛ̀ⲟⲩϧ̀ⲣⲱⲟⲩ .	Ⲟⲩⲟϩ ⲉⲓⲉ̀ⲑⲉⲗⲏⲗ ⲉ̀ϫⲉⲛ ⲓⲉⲣⲟⲩⲥⲁⲗⲏⲙ ⲟⲩⲟϩ ⲉⲓⲉ̀ⲟⲩⲛⲟϥ ⲉ̀ϫⲉⲛ ⲡⲁⲗⲁⲟⲥ ⲟⲩⲟϩ ⲛ̀ⲛⲟⲩⲥⲱⲧⲉⲙ ϫⲉ ⲛ̀ϧⲏⲧⲥ ⲉ̀ⲧ̀ⲥ̀ⲙⲏ ⲛ̀ⲟⲩⲣⲓⲙⲓ ⲟⲩⲇⲉ ⲧ̀ⲥ̀ⲙⲏ ⲛ̀ⲟⲩϧ̀ⲣⲱⲟⲩ.	Ouoh eièθelyl èjen ierousalym ouoh eièounof èjen palaos ouoh ǹnousōtem je ǹxyts èt̀s̀my ǹourimi ouḋe t̀s̀my ǹoux̀rōou.	And I will rejoice in Jerusalem, and will be glad in my people: and there shall no more be heard in her the voice of weeping, or the voice of crying.
65:20	ⲟⲩⲇⲉ ⲛ̀ⲛⲉϥϣⲱⲡⲓ ⲛ̀ϫⲉⲟⲩⲟⲛ ⲉⲑⲛⲁⲙⲟⲩ ⲙ̀ⲡⲁⲧⲉⲥⲉⲣ ⲛⲉⲓ ⲛⲉⲙⲟⲩϧⲉⲗⲗⲟ ⲉϥⲛⲁⲙⲉϩ ⲡⲉϥⲥⲏⲟⲩ ⲉ̀ⲃⲟⲗ ⲁⲛ ⲉϥⲉ̀ϣⲱⲡⲓ ⲅⲁⲣ ⲛ̀ϫⲉⲡⲓⲁ̀ⲗⲟⲩ ⲉϥϧⲉⲛ ⲣ̅ ⲛ̀ⲣⲟⲙⲡⲓ ⲡⲓⲣⲉϥⲉⲣⲛⲟⲃⲓ ⲇⲉ ⲉⲑⲛⲁⲙⲟⲩ ϧⲉⲛⲣ̅ ⲛ̀ⲣⲟⲙⲡⲓ ⲉϥⲉ̀ϣⲱⲡⲓ ⲉϥⲥ̀ϩⲟⲩⲟⲣⲧ .	Ⲟⲩⲇⲉ ⲛ̀ⲛⲉϥϣⲱⲡⲓ ⲛ̀ϫⲉ ⲟⲩⲟⲛ ⲉⲑⲛⲁⲙⲟⲩ ⲛ̀ⲡⲁⲧⲉⲥⲉⲣ ⲛ̀ⲉⲓ ⲛⲉⲙ ⲟⲩϧⲉⲗⲗⲟ ⲉϥⲛⲁⲙⲉϩ ⲡⲉϥⲥⲏⲟⲩ ⲉ̀ⲃⲟⲗ ⲁⲛ ⲉϥⲉ̀ϣⲱⲡⲓ ⲅⲁⲣ ⲛ̀ϫⲉ ⲡⲓⲁ̀ⲗⲟⲩ ⲉϥ ϧⲉⲛ ϣⲉ ⲛ̀ⲣⲟⲙⲡⲓ ⲡⲓⲣⲉϥⲉⲣⲛⲟⲃⲓ ⲇⲉ ⲉⲑⲛⲁⲙⲟⲩ ϧⲉⲛ 100 ⲛ̀ⲣⲟⲙⲡⲓ ⲉϥⲉ̀ϣⲱⲡⲓ ⲉϥⲥ̀ϩⲟⲩⲟⲣⲧ.	Ouḋe ǹnefṡōpi ǹje ouon eθnamou ǹpateser ǹei nem ouxello efnameh pefsyou èvol an efèṡōpi ġar ǹje piàlou ef xen ṡe ǹrompi pirefernovi ḋe eθnamou xen 100 ǹrompi efèṡōpi efs̀·houort.	Neither shall there be there any more a child that dies untimely, or an old man who shall not complete his time: for the youth shall be a hundred years old, and the sinner who dies at a hundred years shall also be accursed:
65:21	ⲉⲩⲉ̀ⲕⲱⲧ ⲛ̀ϩⲁⲛⲏⲓ ⲟⲩⲟϩ ⲛ̀ⲑⲱⲟⲩ ⲉⲩⲉ̀ϣⲱⲡⲓ ⲛ̀ϧⲏⲧⲟⲩ ⲉⲩⲉ̀ϭⲟ ⲛ̀ϩⲁⲛⲓⲁϩϣ̀ϣⲏⲛ ⲛⲉⲙϩⲁⲛⲓⲁϩⲁ̀ⲗⲟⲗⲓ ⲟⲩⲟϩ ⲛ̀ⲑⲱⲟⲩ ⲉⲩⲉ̀ⲟⲩⲱⲙ ⲉ̀ⲃⲟⲗϧⲉⲛ ⲛⲟⲩⲟⲩⲧⲁϩ ⲟⲩⲟϩ ⲉⲩⲉ̀ⲥⲱ ⲙ̀ⲡⲟⲩⲏⲣⲡ .	Ⲉⲩⲉ̀ⲕⲱⲧ ⲛ̀ϩⲁⲛⲏⲓ ⲟⲩⲟϩ ⲛ̀ⲑⲱⲟⲩ ⲉⲩⲉ̀ϣⲱⲡⲓ ⲛ̀ϧⲏⲧⲟⲩ ⲉⲩⲉ̀ϭⲟ ⲛ̀ϩⲁⲛⲓⲁϩϣ̀ϣⲏⲛ ⲛⲉⲙ ϩⲁⲛⲓⲁϩⲁ̀ⲗⲟⲗⲓ ⲟⲩⲟϩ ⲛ̀ⲑⲱⲟⲩ ⲉⲩⲉ̀ⲟⲩⲱⲙ ⲉ̀ⲃⲟⲗ ϧⲉⲛ ⲛ̀ⲟⲩⲟⲩⲧⲁϩ ⲟⲩⲟϩ ⲉⲩⲉ̀ⲥⲱ ⲛ̀ⲡⲟⲩⲏⲣⲡ.	Evèkōt ǹhanyi ouoh ǹθōou evèṡōpi ǹxytou evèċo ǹhaniahṡ̀ṡyn nem haniahàloli ouoh ǹθōou evèouōm èvol xen ǹououtah ouoh evèsō ǹpouyrp.	and they shall build houses, and themselves shall dwell in them; and they shall plant vineyards, and themselves shall eat the fruit thereof.
65:22	ⲛ̀ⲛⲟⲩⲕⲱⲧ ⲟⲩⲟϩ ⲛ̀ⲧⲉϩⲁⲛⲕⲉⲭⲱⲟⲩⲛⲓ ϣⲱⲡⲓ ⲛ̀ϧⲏⲧⲟⲩ ⲛ̀ⲛⲟⲩϭⲟ ⲟⲩⲟϩ ⲛ̀ⲧⲉϩⲁⲛⲕⲉⲭⲱⲟⲩⲛⲓ ⲟⲩⲟⲙⲟⲩ ⲕⲁⲧⲁⲛⲓⲉ̀ϩⲟⲟⲩ ⲅⲁⲣ ⲛ̀ⲧⲉⲡⲓϣ̀ϣⲏⲛ ⲛ̀ⲧⲉⲡ̀ⲱⲛϧ ⲉⲩⲉ̀ϣⲱⲡⲓ ⲛ̀ϫⲉⲛⲓⲉ̀ϩⲟⲟⲩ ⲛ̀ⲧⲉⲡⲁⲗⲁⲟⲥ ⲛⲓϩ̀ⲃⲏⲟⲩⲓ̀ ⲛ̀ⲧⲉⲡⲟⲩϧⲓⲥⲓ ⲉⲩⲉ̀ⲁⲓⲧⲟⲩ ⲛ̀ⲁ̀ⲡⲁⲥ .	Ⲛ̀ⲛⲟⲩⲕⲱⲧ ⲟⲩⲟϩ ⲛ̀ⲧⲉϩⲁⲛⲕⲉⲭⲱⲟⲩⲛⲓ ϣⲱⲡⲓ ⲛ̀ϧⲏⲧⲟⲩ ⲛ̀ⲛⲟⲩϭⲟ ⲟⲩⲟϩ ⲛ̀ⲧⲉϩⲁⲛⲕⲉⲭⲱⲟⲩⲛⲓ ⲟⲩⲟⲙⲟⲩ ⲕⲁⲧⲁ ⲛⲓⲉ̀ϩⲟⲟⲩ ⲅⲁⲣ ⲛ̀ⲧⲉ ⲡⲓϣ̀ϣⲏⲛ ⲛ̀ⲧⲉ ⲡ̀ⲱⲛϧ ⲉⲩⲉ̀ϣⲱⲡⲓ ⲛ̀ϫⲉ ⲛⲓⲉ̀ϩⲟⲟⲩ ⲛ̀ⲧⲉ ⲡⲁⲗⲁⲟⲥ ⲛⲓϩ̀ⲃⲏⲟⲩⲓ̀ ⲛ̀ⲧⲉ ⲡⲟⲩϧⲓⲥⲓ ⲉⲩⲉ̀ⲁⲓⲧⲟⲩ ⲛ̀ⲁ̀ⲡⲁⲥ.	Ǹnoukōt ouoh ǹtehankekōouni ṡōpi ǹxytou ǹnouċo ouoh ǹtehankekōouni ouomou kata nièhoou ġar ǹte piṡ̀ṡyn ǹte p̀ōnx evèṡōpi ǹje nièhoou ǹte palaos nih̀vyouì ǹte pouxisi evèaitou ǹàpas.	They shall by no means build, and others inhabit; and they shall by no means plant, and others eat: for as the days of the tree of life shall be the days of my people, they shall long enjoy the fruits of their labours.
65:23	ⲛⲁⲥⲱⲧⲡ ⲇⲉ ⲛ̀ⲛⲟⲩϧⲓⲥⲓ ϧⲉⲛⲟⲩϣⲟⲩⲓⲧ ⲟⲩⲇⲉ ⲛ̀ⲛⲟⲩϫ̀ⲫⲉ ϣⲏⲣⲓ ⲉ̀ⲡ̀ⲥⲁϩⲟⲩⲓ̀ ϫⲉⲟⲩϫ̀ⲣⲟϫ ⲡⲉϥⲥ̀ⲙⲁⲙⲁⲧ ⲛ̀ⲧⲉⲫϯ ⲟⲩⲟϩ ⲛⲟⲩϣⲏⲣⲓ ⲉⲩⲉ̀ϣⲱⲡⲓ ⲛⲉⲙⲱⲟⲩ .	Ⲛⲁⲥⲱⲧⲡ ⲇⲉ ⲛ̀ⲛⲟⲩϧⲓⲥⲓ ϧⲉⲛ ⲟⲩϣⲟⲩⲓⲧ ⲟⲩⲇⲉ ⲛ̀ⲛⲟⲩϫ̀ⲫⲉ ϣⲏⲣⲓ ⲉ̀ⲡ̀ⲥⲁϩⲟⲩⲓ̀ ϫⲉ ⲟⲩϫ̀ⲣⲟϫ ⲡⲉϥⲥ̀ⲙⲁⲙⲁⲧ ⲛ̀ⲧⲉ ⲫ̀ⲛⲟⲩϯ ⲟⲩⲟϩ ⲛ̀ⲟⲩϣⲏⲣⲓ ⲉⲩⲉ̀ϣⲱⲡⲓ ⲛⲉⲙⲱⲟⲩ.	Nasōtp ḋe ǹnouxisi xen ouṡouit ouḋe ǹnoug̀fe ṡyri èp̀·sahouì je oug̀rog pefs̀mamat ǹte f̀nouti ouoh ǹouṡyri evèṡōpi nemōou.	My chosen shall not toil in vain, neither shall they beget children to be cursed; for they are a seed blessed of God, and their offspring with them.
65:24	ⲟⲩⲟϩ ⲉⲥⲉ̀ϣⲱⲡⲓ ⲙ̀ⲡⲁⲧⲟⲩⲱϣ ⲉ̀ⲃⲟⲗ ⲁ̀ⲛⲟⲕ ⲉⲓⲉ̀ⲥⲱⲧⲉⲙ ⲉ̀ⲣⲱⲟⲩ ⲉⲧⲓ ⲉⲩⲥⲁϫⲓ ϯⲛⲁϫⲟⲥ ϫⲉⲟⲩ ⲡⲉⲧϣⲟⲡ .	Ⲟⲩⲟϩ ⲉⲥⲉ̀ϣⲱⲡⲓ ⲛ̀ⲡⲁⲧⲟⲩⲱϣ ⲉ̀ⲃⲟⲗ ⲁ̀ⲛⲟⲕ ⲉⲓⲉ̀ⲥⲱⲧⲉⲙ ⲉ̀ⲣⲱⲟⲩ ⲉ̀ⲧⲓ ⲉⲩⲥⲁϫⲓ ϯⲛⲁϫⲟⲥ ϫⲉ ⲟⲩ ⲡⲉⲧϣⲟⲡ.	Ouoh esèṡōpi ǹpatouōṡ èvol ànok eièsōtem èrōou èti evsaji tinagos je ou petṡop.	And it shall come to pass, that before they call, I will hearken to them; while they are yet speaking, I will say, What is it?
65:25	ⲧⲟⲧⲉ ϩⲁⲛⲟⲩⲱⲛϣ ⲛⲉⲙϩⲁⲛϩⲓⲏⲃ ⲉⲩⲉ̀ⲙⲟⲛⲓ ⲉⲩⲥⲟⲡ ⲟⲩⲟϩ ⲟⲩⲙⲟⲩⲓ̀ ⲉϥⲉ̀ⲟⲩⲉⲙ ⲧⲟϩ ⲙ̀ⲫ̀ⲣⲏϯ ⲛ̀ⲟⲩⲙⲁⲥⲓ ⲟⲩϩⲟϥ ⲇⲉ ⲉϥⲉ̀ⲟⲩⲉⲙ ⲕⲁϩⲓ ⲙ̀ⲫ̀ⲣⲏϯ ⲛ̀ⲟⲩⲱⲓⲕ ⲛ̀ⲛⲟⲩϭⲓ ϩ̀ⲗⲓ ⲛ̀ϫⲟⲛⲥ ⲟⲩⲇⲉ ⲛ̀ⲛⲟⲩⲧⲁⲕⲟ ϩ̀ⲗⲓ ϩⲓϫⲉⲛⲡⲁⲧⲱⲟⲩ ⲉ̅ⲑ̅ⲩ̅ ⲡⲉϫⲉ ⲡϭ̅ⲥ̅ .	Ⲧⲟⲧⲉ ϩⲁⲛⲟⲩⲱⲛϣ ⲛⲉⲙ ϩⲁⲛϩⲓⲏⲃ ⲉⲩⲉ̀ⲙⲟⲛⲓ ⲉⲩⲥⲟⲡ ⲟⲩⲟϩ ⲟⲩⲙⲟⲩⲓ̀ ⲉϥⲉ̀ⲟⲩⲉⲙ ⲧⲟϩ ⲛ̀ⲫ̀ⲣⲏϯ ⲛ̀ⲟⲩⲙⲁⲥⲓ ⲟⲩϩⲟϥ ⲇⲉ ⲉϥⲉ̀ⲟⲩⲉⲙ ⲕⲁϩⲓ ⲛ̀ⲫ̀ⲣⲏϯ ⲛ̀ⲟⲩⲱⲓⲕ ⲛ̀ⲛ ⲟⲩϭⲓ ϩ̀ⲗⲓ ⲛ̀ϫⲟⲛⲥ ⲟⲩⲇⲉ ⲛ̀ⲛⲟⲩⲧⲁⲕⲟ ϩ̀ⲗⲓ ϩⲓϫⲉⲛ ⲡ̀ⲁⲧⲱⲟⲩ ⲉⲑⲟⲩⲁⲃ ⲡⲉϫⲉ ⲡ̀ϭⲟⲓⲥ.	Tote hanouōnṡ nem hanhiyb evèmoni evsop ouoh oumouì efèouem toh ǹf̀ryti ǹoumasi ouhof ḋe efèouem kahi ǹf̀ryti ǹouōik ǹn ouċi h̀li ǹgons ouḋe ǹnoutako h̀li hijen p̀atōou eθouab peje p̀ċois.	Then wolves and lambs shall feed together, and the lion shall eat chaff like the ox, and the serpent earth as bread. They shall not injure nor destroy in my holy mountain, saith the Lord.

Provenance

title: 23_Isaias_65
dialect: bohairic
source: Coptic SCRIPTORIUM corpus "bohairic.ot", document 23_Isaias_65
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 23_Isaias_65 from Coptic SCRIPTORIUM (https://copticscriptorium.org), corpus bohairic.ot, document 23_Isaias_65, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Isaiah/65.bohairic.scriptorium.L0.txt
title: 23_Isaias_65 — Cairene
dialect: bohairic
source: generated from 65.bohairic.scriptorium.L0.txt (Coptic SCRIPTORIUM corpus "bohairic.ot", document 23_Isaias_65)
licence: CC BY-SA 4.0
share: attribution
attribution: 23_Isaias_65 from Coptic SCRIPTORIUM (https://copticscriptorium.org), corpus bohairic.ot, document 23_Isaias_65, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Isaiah/65.bohairic.scriptorium.L1.txt
title: 23_Isaias_65 — Kemetic
dialect: bohairic
source: generated from 65.bohairic.scriptorium.L1.txt
licence: CC BY-SA 4.0
share: attribution
attribution: 23_Isaias_65 from Coptic SCRIPTORIUM (https://copticscriptorium.org), corpus bohairic.ot, document 23_Isaias_65, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Isaiah/65.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 25 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 23_Isaias_65 (25 lines)

Cite as:

23_Isaias_65. Coptic SCRIPTORIUM corpus "bohairic.ot", document 23_Isaias_65. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/isaiah/65.bohairic.scriptorium/. 23_Isaias_65 from Coptic SCRIPTORIUM (https://copticscriptorium.org), corpus bohairic.ot, document 23_Isaias_65, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.