24_Ieremias_11 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_11

Attribution: 24_Ieremias_11 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

23 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
11:1	ⲡⲓⲥⲁϫⲓ ⲉⲧⲁϥϣⲱⲡⲓ ϩⲁⲓⲉⲣⲉⲙⲓⲁⲥ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲉϥϫⲱ ⲙ̀ⲙⲟⲥ .	ⲡⲓⲥⲁϫⲓ ⲉⲧⲁϥϣⲱⲡⲓ ϩⲁ ⲓⲉⲣⲉⲙⲓⲁⲥ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲉϥϫⲱ ⲙ̀ⲙⲟⲥ.	pisaji etafṡōpi ha ieremias èvol hiten p̀ċois efgō m̀mos.	The word that came to Jeremias from the Lord, saying,
11:2	ϫⲉⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉⲧⲁⲓⲇⲓⲁ̀ⲑⲏⲕⲏ ⲟⲩⲟϩ ⲉⲕⲉ̀ⲥⲁϫⲓ ⲛⲉⲙⲛⲓⲣⲱⲙⲓ ⲛ̀ⲧⲉⲓⲟⲩⲇⲁ ⲛⲉⲙⲛⲏⲉⲧϣⲟⲡ ϧⲉⲛⲓⲗ̅ⲏ̅ⲙ̅ ⲉⲕϫⲱ ⲙ̀ⲙⲟⲥ .	Ϫⲉ ⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉ ⲧⲁⲓⲇⲓⲁ̀ⲑⲏⲕⲏ ⲟⲩⲟϩ ⲉⲕⲉ̀ⲥⲁϫⲓ ⲛⲉⲙ ⲛⲓⲣⲱⲙⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲛⲏⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ ⲉⲕϫⲱ ⲙ̀ⲙⲟⲥ.	Je sōtem ènisaji ǹte taiḋiàθyky ouoh ekèsaji nem nirōmi ǹte iouda nem nyetṡop xen ierousalym ekgō m̀mos.	Hear ye the words of this covenant, and thou shalt speak to the men of Juda, and to the dwellers in Jerusalem;
11:3	ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲫϯ ⲛ̀ⲧⲉⲡⲓ̅ⲥ̅ⲗ̅ ϫⲉϥ̀ⲥ̀ϩⲟⲩⲟⲣⲧ ⲛ̀ϫⲉⲡⲓⲣⲱⲙⲓ ⲫⲏⲉⲧⲉ ⲛⲉϥⲛⲁⲥⲱⲧⲉⲙ ⲁⲛ ⲉ̀ⲛⲓⲥⲁϫⲓ ⲛ̀ⲧⲉⲧⲁⲓⲇⲓⲁ̀ⲑⲏⲕⲏ ⲑⲁⲓ .	Ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲫ̀ⲛⲟⲩϯ ⲛ̀ⲧⲉ ⲡⲓⲥⲣⲁⲏⲗ ϫⲉ ϥ̀ⲥ̀ϩⲟⲩⲟⲣⲧ ⲛ̀ϫⲉ ⲡⲓⲣⲱⲙⲓ ⲫⲏⲉ̀ⲧⲉ ⲛⲉϥⲛⲁⲥⲱⲧⲉⲙ ⲁⲛ ⲉ̀ⲛⲓⲥⲁϫⲓ ⲛ̀ⲧⲉ ⲧⲁⲓⲇⲓⲁ̀ⲑⲏⲕⲏ ⲑⲁⲓ.	Je nai ne nyètefgō m̀mōou ǹje p̀ċois f̀nouti ǹte pisrayl je f̀s̀·houort ǹje pirōmi fyète nefnasōtem an ènisaji ǹte taiḋiàθyky θai.	and thou shalt say to them, Thus saith the Lord God of Israel, Cursed is the man, who shall not hearken to the words of this covenant,
11:4	ⲉⲧⲁⲓϩⲉⲛϩⲉⲛ ⲛⲉⲧⲉⲛⲓⲟϯ ⲉ̀ⲣⲟⲥ ϧⲉⲛⲡⲓⲉ̀ϩⲟⲟⲩ ⲉⲓⲛⲁⲉⲛⲟⲩ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲃⲟⲗϧⲉⲛ ϯϩ̀ⲣⲱ ⲙ̀ⲃⲉⲛⲓⲡⲓ ⲉⲓϫⲱ ⲙ̀ⲙⲟⲥ ϫⲉⲥⲱⲧⲉⲙ ⲉ̀ⲧⲁⲥ̀ⲙⲏ ⲟⲩⲟϩ ⲁⲣⲓⲟⲩⲓ̀ ⲛ̀ϩⲱⲃ ⲛⲓⲃⲉⲛ ⲉⲧⲁⲓϩⲉⲛϩⲉⲛ ⲑⲏⲛⲟⲩ ⲉ̀ⲣⲱⲟⲩ ⲟⲩⲟϩ ⲉⲣⲉⲧⲉⲛⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ ⲁ̀ⲛⲟⲕ ϩⲱ ⲉⲓⲉ̀ϣⲱⲡⲓ ⲛⲱⲧⲉⲛ ⲛ̀ⲛⲟⲩϯ	Ⲉⲧⲁⲓϩⲉⲛϩⲉⲛ ⲛ̀ⲉⲧⲉⲛⲓⲟϯ ⲉ̀ⲣⲟⲥ ϧⲉⲛ ⲡⲓⲉ̀ϩⲟⲟⲩ ⲉⲓⲛⲁⲉⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ⲃⲟⲗ ϧⲉⲛ ϯϩ̀ⲣⲱ ⲛ̀ⲃⲉⲛⲓⲡⲓ ⲉⲓϫⲱ ⲙ̀ⲙⲟⲥ ϫⲉ ⲥⲱⲧⲉⲙ ⲉ̀ⲧⲁⲥ̀ⲙⲏ ⲟⲩⲟϩ ⲁ̀ⲣⲓⲟⲩⲓ̀ ⲛ̀ϩⲱⲃ ⲛⲓⲃⲉⲛ ⲉⲧⲁⲓϩⲉⲛϩⲉⲛ ⲑⲏⲛⲟⲩ ⲉ̀ⲣⲱⲟⲩ ⲟⲩⲟϩ ⲉⲣⲉⲧⲉⲛⲉ̀ϣⲱⲡⲓ ⲛⲏⲓ ⲛ̀ⲟⲩⲗⲁⲟⲥ ⲁ̀ⲛⲟⲕ ϩⲱ ⲉⲓⲉ̀ϣⲱⲡⲓ ⲛⲱⲧⲉⲛ ⲛ̀ⲛⲟⲩϯ	Etaihenhen ǹetenioti èros xen pièhoou einaenou èvol xen p̀kahi ǹkymi èvol xen tih̀rō ǹvenipi eigō m̀mos je sōtem ètas̀my ouoh àriouì ǹhōb niven etaihenhen θynou èrōou ouoh eretenèṡōpi nyi ǹoulaos ànok hō eièṡōpi nōten ǹnouti	which I commanded your fathers, in the day wherein I brought them up out of the land of Egypt, out of the iron furnace, saying, Hearken to my voice, and do all things that I shall command you; so shall ye be to me a people, and I will be to you a God;
11:5	ϩⲓⲛⲁ ⲛ̀ⲧⲁⲥⲉⲙⲛⲓ ⲙ̀ⲡⲁⲁ̀ⲛⲁϣ ⲫⲁⲓ ⲉⲧⲁⲓⲱⲣⲕ ⲙ̀ⲙⲟϥ ⲛ̀ⲛⲉⲧⲉⲛⲓⲟϯ ⲉ̀ϯ ⲛⲱⲟⲩ ⲙ̀ⲡⲓⲕⲁϩⲓ ⲉⲧϧⲁϯ ⲛ̀ⲉⲣⲱϯ ϩⲓⲉⲃⲓⲱ ⲙ̀ⲫ̀ⲣⲏϯ ⲙ̀ⲡⲁⲓⲉ̀ϩⲟⲟⲩ .	ϩⲓⲛⲁ ⲛ̀ⲧⲁⲥⲉⲙⲛⲓ ⲛ̀ⲡⲁⲁ̀ⲛⲁϣ ⲫⲁⲓ ⲉⲧⲁⲓⲱⲣⲕ ⲙ̀ⲙⲟϥ ⲛ̀ⲛⲉⲧⲉⲛⲓⲟϯ ⲉ̀ϯ ⲛⲱⲟⲩ ⲛ̀ⲡⲓⲕⲁϩⲓ ⲉⲧϧⲁϯ ⲛ̀ⲉⲣⲱϯ ϩⲓⲉ̀ⲃⲓⲱ ⲛ̀ⲫ̀ⲣⲏϯ ⲛ̀ⲡⲁⲓⲉ̀ϩⲟⲟⲩ.	hina ǹtasemni ǹpaànaṡ fai etaiōrk m̀mof ǹnetenioti èti nōou ǹpikahi etxati ǹerōti hièviō ǹf̀ryti ǹpaièhoou.	that I may confirm mine oath, which I sware to your fathers, to give them a land flowing with milk and honey, as it is this day. Then I answered and said, So be it, O Lord.
11:6	ⲟⲩⲟϩ ⲁⲓⲉⲣⲟⲩⲱ̀ ⲡⲉϫⲏⲓ ϫⲉⲉⲥⲉ̀ϣⲱⲡⲓ ⲡϭ̅ⲥ̅ .	Ⲟⲩⲟϩ ⲁⲓⲉⲣⲟⲩⲱ̀ ⲡⲉϫⲏⲓ ϫⲉ ⲉⲥⲉ̀ϣⲱⲡⲓ ⲡ̀ϭⲟⲓⲥ.	Ouoh aierouṑ pejyi je esèṡōpi p̀ċois.	And the Lord said to me, Read these words in the cities of Juda, and in the streets of Jerusalem, saying, Hear ye the words of this covenant, and do them.
11:7	ⲟⲩⲟϩ ⲡⲉϫⲉ ⲡϭ̅ⲥ̅ ⲛⲏⲓ ϫⲉⲱϣ ⲛ̀ⲛⲁⲓⲥⲁϫⲓ ϧⲉⲛⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲛⲉⲙⲥⲁⲃⲟⲗ ⲛ̀ⲓⲗ̅ⲏ̅ⲙ̅ ⲉⲕϫⲱ ⲙ̀ⲙⲟⲥ ϫⲉⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉⲧⲁⲓⲇⲓⲁ̀ⲑⲏⲕⲏ ⲟⲩⲟϩ ⲁⲣⲓⲧⲟⲩ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲱϣ ⲛ̀ⲛⲁⲓⲥⲁϫⲓ ϧⲉⲛ ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲥⲁⲃⲟⲗ ⲛ̀ⲓⲉⲣⲟⲩⲥⲁⲗⲏⲙ ⲉⲕϫⲱ ⲙ̀ⲙⲟⲥ ϫⲉ ⲥⲱⲧⲉⲙ ⲉ̀ⲛⲓⲥⲁϫⲓ ⲛ̀ⲧⲉ ⲧⲁⲓⲇⲓⲁ̀ⲑⲏⲕⲏ ⲟⲩⲟϩ ⲁ̀ⲣⲓⲧⲟⲩ.	Ouoh peje p̀ċois nyi je ōṡ ǹnaisaji xen nivaki ǹte iouda nem savol ǹierousalym ekgō m̀mos je sōtem ènisaji ǹte taiḋiàθyky ouoh àritou.	draft · highAnd the Lord said to me, 'Read these words in the cities of Judah and outside Jerusalem, saying: Hear the words of this covenant and do them.'
11:8	ⲟⲩⲟϩ ⲙ̀ⲡⲟⲩⲁⲓⲧⲟⲩ .	Ⲟⲩⲟϩ ⲙ̀ⲡⲟⲩⲁⲓⲧⲟⲩ.	Ouoh m̀pouaitou.	But they did them not.
11:9	ⲟⲩⲟϩ ⲡⲉϫⲉ ⲡϭ̅ⲥ̅ ⲛⲏⲓ ϫⲉⲁⲓϫⲓⲙⲓ ⲛ̀ⲟⲩⲥ̀ⲛⲁⲩϩ ϧⲉⲛⲛⲓⲣⲱⲙⲓ ⲛ̀ⲧⲉⲓⲟⲩⲇⲁ ⲛⲉⲙⲛⲉⲧϣⲟⲡ ϧⲉⲛⲓⲗ̅ⲏ̅ⲙ̅ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛⲏⲓ ϫⲉ ⲁⲓϫⲓⲙⲓ ⲛ̀ⲟⲩⲥ̀ⲛⲁⲩϩ ϧⲉⲛ ⲛⲓⲣⲱⲙⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲛⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ.	Ouoh peje p̀ċois nyi je aijimi ǹous̀navh xen nirōmi ǹte iouda nem netṡop xen ierousalym.	And the Lord said to me, A conspiracy is found among the men of Juda, and among the dwellers in Jerusalem.
11:10	ϫⲉⲁⲩⲧⲁⲥⲑⲟ ⲉ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉⲛⲟⲩⲓⲟϯ ⲛ̀ⲧⲉϣⲟⲣⲡ ⲛⲏⲉⲧⲉ ⲙ̀ⲡⲟⲩⲟⲩⲱϣ ⲉ̀ⲥⲱⲧⲉⲙ ⲛ̀ⲥⲁⲛⲁⲥⲁϫⲓ ⲟⲩⲟϩ ϩⲏⲡⲡⲉ ⲛ̀ⲑⲱⲟⲩ ⲥⲉⲙⲟϣⲓ ⲥⲁⲙⲉⲛϩⲉ ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲉ̀ⲉⲣⲃⲱⲕ ⲛⲱⲟⲩ ⲟⲩⲟϩ ⲡ̀ⲏⲓ ⲙ̀ⲡⲓ̅ⲥ̅ⲗ̅ ⲛⲉⲙⲡ̀ⲏⲓ ⲛ̀ⲓⲟⲩⲇⲁ ⲁⲩϫⲱⲣ ⲉ̀ⲃⲟⲗ ⲛ̀ⲧⲁⲇⲓⲁ̀ⲑⲏⲕⲏ ⲉⲧⲁⲓⲥⲉⲙⲛⲏⲧⲥ ⲛⲉⲙⲛⲟⲩⲓⲟϯ .	Ϫⲉ ⲁⲩⲧⲁⲥⲑⲟ ⲉ̀ⲛⲓⲁ̀ⲇⲓⲕⲓⲁ̀ ⲛ̀ⲧⲉ ⲛⲟⲩⲓⲟϯ ⲛ̀ⲧⲉϣⲟⲣⲡ ⲛⲏⲉ̀ⲧⲉ ⲛ̀ⲡⲟⲩⲟⲩⲱϣ ⲉ̀ⲥⲱⲧⲉⲙ ⲛ̀ⲥⲁ ⲛⲁⲥⲁϫⲓ ⲟⲩⲟϩ ϩⲏⲡⲡⲉ ⲛ̀ⲑⲱⲟⲩ ⲥⲉⲙⲟϣⲓ ⲥⲁⲙⲉⲛϩⲉ ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲉ̀ⲉⲣⲃⲱⲕ ⲛⲱⲟⲩ ⲟⲩⲟϩ ⲡ̀ⲏⲓ ⲛ̀ⲡⲓⲥⲣⲁⲏⲗ ⲛⲉⲙ ⲡ̀ⲏⲓ ⲛ̀ⲓⲟⲩⲇⲁ ⲁⲩϫⲱⲣ ⲉ̀ⲃⲟⲗ ⲛ̀ⲧⲁⲇⲓⲁ̀ⲑⲏⲕⲏ ⲉⲧⲁⲓⲥⲉⲙⲛⲏⲧⲥ ⲛⲉⲙ ⲛⲟⲩⲓⲟϯ.	Je avtasθo èniàḋikià ǹte nouioti ǹteṡorp nyète ǹpououōṡ èsōtem ǹsa nasaji ouoh hyppe ǹθōou semoṡi samenhe hankenouti ǹṡemmo èervōk nōou ouoh p̀yi ǹpisrayl nem p̀yi ǹiouda avgōr èvol ǹtaḋiàθyky etaisemnyts nem nouioti.	They are turned aside to the iniquities of their fathers that were of old, who would not hearken to my words: and, behold, they go after strange gods, to serve them: and the house of Israel and the house of Juda have broken my covenant, which I made with their fathers.
11:11	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲛⲓ ⲉ̀ϫⲉⲛⲡⲁⲓⲗⲁⲟⲥ ⲛ̀ϩⲁⲛⲡⲉⲧϩⲱⲟⲩ ⲛⲁⲓ ⲉⲧⲉⲛ̀ⲥⲉⲛⲁϣ̀ϫⲉⲙϫⲟⲙ ⲁⲛ ⲛ̀ⲓ̀ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟϩ ⲉⲩⲉ̀ⲱϣ ⲉ̀ϩ̀ⲣⲏⲓ ϩⲁⲣⲟⲓ ⲟⲩⲟϩ ⲛ̀ⲛⲁⲥⲱⲧⲉⲙ ⲉ̀ⲣⲱⲟⲩ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁⲓ̀ⲛⲓ ⲉ̀ϫⲉⲛ ⲡⲁⲓⲗⲁⲟⲥ ⲛ̀ϩⲁⲛⲡⲉⲧϩⲱⲟⲩ ⲛⲁⲓ ⲉⲧⲉⲛ̀ⲥⲉⲛⲁϣ̀ϫⲉⲙϫⲟⲙ ⲁⲛ ⲛ̀ⲓ̀ ⲉ̀ⲃⲟⲗ ⲛ̀ϧⲏⲧⲟⲩ ⲟⲩⲟϩ ⲉⲩⲉ̀ⲱϣ ⲉ̀ϩ̀ⲣⲏⲓ ϩⲁⲣⲟⲓ ⲟⲩⲟϩ ⲛ̀ⲛⲁⲥⲱⲧⲉⲙ ⲉ̀ⲣⲱⲟⲩ.	Eθve fai nai ne nyètefgō m̀mōou ǹje p̀ċois je hyppe ànok tinaìni èjen pailaos ǹhanpet·hōou nai eteǹsenaṡ̀jemgom an ǹì èvol ǹxytou ouoh evèōṡ èh̀ryi haroi ouoh ǹnasōtem èrōou.	Therefore thus saith the Lord, Behold, I bring evils upon this people, out of which they shall not be able to come forth; and they shall presently cry to me, but I will not hearken to them.
11:12	ⲟⲩⲟϩ ⲉⲩⲉ̀ⲙⲟϣⲓ ⲛ̀ϫⲉⲛⲓⲃⲁⲕⲓ ⲛ̀ⲧⲉⲓⲟⲩⲇⲁ ⲛⲉⲙⲛⲉⲧϣⲟⲡ ϧⲉⲛⲓⲗ̅ⲏ̅ⲙ̅ ⲟⲩⲟϩ ⲉⲩⲉ̀ⲱϣ ⲉ̀ϩ̀ⲣⲏⲓ ϩⲁⲛⲟⲩⲛⲟⲩϯ ⲛⲏⲉⲧⲟⲩⲱϣⲧ ⲛⲱⲟⲩ ⲁⲛ ⲉⲩⲉ̀ϣ̀ⲛⲁϩⲙⲟⲩ ϧⲉⲛⲡ̀ⲥⲏⲟⲩ ⲛ̀ⲧⲉⲛⲟⲩⲡⲉⲧϩⲱⲟⲩ .	Ⲟⲩⲟϩ ⲉⲩⲉ̀ⲙⲟϣⲓ ⲛ̀ϫⲉ ⲛⲓⲃⲁⲕⲓ ⲛ̀ⲧⲉ ⲓⲟⲩⲇⲁ ⲛⲉⲙ ⲛⲉⲧϣⲟⲡ ϧⲉⲛ ⲓⲉⲣⲟⲩⲥⲁⲗⲏⲙ ⲟⲩⲟϩ ⲉⲩⲉ̀ⲱϣ ⲉ̀ϩ̀ⲣⲏⲓ ϩⲁ ⲛ̀ⲟⲩⲛⲟⲩϯ ⲛⲏⲉⲧⲟⲩⲱϣⲧ ⲛⲱⲟⲩ ⲁⲛ ⲉⲩⲉ̀ϣ̀ⲛⲁϩⲙⲟⲩ ϧⲉⲛ ⲡ̀ⲥⲏⲟⲩ ⲛ̀ⲧⲉⲛⲟⲩⲡⲉⲧϩⲱⲟⲩ.	Ouoh evèmoṡi ǹje nivaki ǹte iouda nem netṡop xen ierousalym ouoh evèōṡ èh̀ryi ha ǹounouti nyetouōṡt nōou an evèṡ̀nahmou xen p̀·syou ǹtenoupet·hōou.	And the cities of Juda and the dwellers in Jerusalem shall go, and cry to the gods to whom they burn incense; which shall not deliver them in the time of their troubles.
11:13	ϫⲉⲕⲁⲧⲁⲧ̀ⲏ̀ⲡⲓ ⲛ̀ⲛⲓⲃⲁⲕⲓ ⲛⲁⲩϣⲟⲡ ⲛ̀ϫⲉⲛⲉⲕⲛⲟⲩϯ ⲓⲟⲩⲇⲁ ⲟⲩⲟϩ ⲕⲁⲧⲁⲧ̀ⲏ̀ⲡⲓ ⲛ̀ⲛⲓⲙⲱⲓⲧ ⲛ̀ⲧⲉⲓⲗ̅ⲏ̅ⲙ̅ ⲛⲁⲩⲑⲁⲙⲓⲟ ⲛ̀ϩⲁⲛϣⲏⲟⲩⲓ̀ ⲉ̀ϣⲉⲧ ϣⲟⲩϣⲱⲟⲩϣⲓ ⲛ̀ϯⲃⲁⲁⲗ .	Ϫⲉ ⲕⲁⲧⲁ ⲧ̀ⲏ̀ⲡⲓ ⲛ̀ⲛⲓⲃⲁⲕⲓ ⲛⲁⲩϣⲟⲡ ⲛ̀ϫⲉ ⲛⲉⲕⲛⲟⲩϯ ⲓⲟⲩⲇⲁ ⲟⲩⲟϩ ⲕⲁⲧⲁ ⲧ̀ⲏ̀ⲡⲓ ⲛ̀ⲛⲓⲙⲱⲓⲧ ⲛ̀ⲧⲉ ⲓⲉⲣⲟⲩⲥⲁⲗⲏⲙ ⲛⲁⲩⲑⲁⲙⲓⲟ ⲛ̀ϩⲁⲛϣⲏⲟⲩⲓ̀ ⲉ̀ϣⲉⲧ ϣⲟⲩϣⲱⲟⲩϣⲓ ⲛ̀ϯⲃⲁⲁⲗ.	Je kata t̀ỳpi ǹnivaki navṡop ǹje neknouti iouda ouoh kata t̀ỳpi ǹnimōit ǹte ierousalym navθamio ǹhanṡyouì èṡet ṡouṡōouṡi ǹtibaal.	For according to the number of thy cities were thy gods, O Juda; and according to the number of the streets of Jerusalem have ye set up altars to burn incense to Baal.
11:14	ⲟⲩⲟϩ ⲛ̀ⲑⲟⲕ ⲙ̀ⲡⲉⲣⲧⲱⲃϩ ⲉ̀ϫⲉⲛⲡⲁⲓⲗⲁⲟⲥ ⲟⲩⲟϩ ⲙ̀ⲡⲉⲣⲉⲣⲁⲝⲓⲟⲓⲛ ⲉⲑⲃⲏⲧⲟⲩ ϧⲉⲛⲟⲩⲧⲱⲃϩ ⲛⲉⲙⲟⲩⲡ̀ⲣⲟⲥⲉⲩⲭⲏ ϫⲉϯⲛⲁⲥⲱⲧⲉⲙ ⲁⲛ ϧⲉⲛⲡⲓⲥⲏⲟⲩ ⲉ̀ⲧⲟⲩⲛⲁⲧⲱⲃϩ ⲙ̀ⲙⲟⲓ ϧⲉⲛⲡ̀ⲥⲏⲟⲩ ⲛ̀ⲧⲉⲛⲟⲩⲡⲉⲧϩⲱⲟⲩ .	Ⲟⲩⲟϩ ⲛ̀ⲑⲟⲕ ⲙ̀ⲡⲉⲣⲧⲱⲃϩ ⲉ̀ϫⲉⲛ ⲡⲁⲓⲗⲁⲟⲥ ⲟⲩⲟϩ ⲙ̀ⲡⲉⲣⲉⲣⲁⲝⲓⲟⲓⲛ ⲉⲑⲃⲏⲧⲟⲩ ϧⲉⲛ ⲟⲩⲧⲱⲃϩ ⲛⲉⲙ ⲟⲩⲡ̀ⲣⲟⲥⲉⲩⲭⲏ ϫⲉ ϯⲛⲁⲥⲱⲧⲉⲙ ⲁⲛ ϧⲉⲛ ⲡⲓⲥⲏⲟⲩ ⲉ̀ⲧⲟⲩⲛⲁⲧⲱⲃϩ ⲙ̀ⲙⲟⲓ ϧⲉⲛ ⲡ̀ⲥⲏⲟⲩ ⲛ̀ⲧⲉⲛⲟⲩⲡⲉⲧϩⲱⲟⲩ.	Ouoh ǹθok m̀pertōvh èjen pailaos ouoh m̀pereraksioin eθvytou xen outōvh nem oup̀rosevṡy je tinasōtem an xen pisyou ètounatōvh m̀moi xen p̀·syou ǹtenoupet·hōou.	And thou, pray not for this people, and intercede not for them in supplication and prayer: for I will not hear in the day in which they call upon me, in the day of their affliction.
11:15	ⲁϧⲟⲥ ⲧⲁⲙⲉⲛⲣⲓⲧ ⲁⲥⲓ̀ⲣⲓ ⲛ̀ⲟⲩⲱⲣⲉⲃ ϧⲉⲛⲡⲁⲏⲓ ⲙⲏ ϩⲁⲛⲉⲩⲭⲏ ⲛⲉⲙϩⲁⲛⲁϥ ⲉⲩⲟⲩⲁⲃ ⲥⲉⲛⲁϣⲱⲗ ⲛ̀ⲛⲓⲕⲁⲕⲓⲁ̀ ⲉ̀ⲃⲟⲗϩⲁⲣⲟⲓ ⲉⲓ ⲧⲉⲣⲁϣ̀ⲫⲱⲧ ⲉ̀ⲃⲟⲗ ϧⲉⲛⲛⲁⲓ .	Ⲁϧⲟⲥ ⲧⲁⲙⲉⲛⲣⲓⲧ ⲁⲥⲓ̀ⲣⲓ ⲛ̀ⲟⲩⲱⲣⲉⲃ ϧⲉⲛ ⲡⲁⲏⲓ ⲙⲏ ϩⲁⲛⲉⲩⲭⲏ ⲛⲉⲙ ϩⲁⲛⲁϥ ⲉⲩⲟⲩⲁⲃ ⲥⲉⲛⲁϣⲱⲗ ⲛ̀ⲛⲓⲕⲁⲕⲓⲁ̀ ⲉ̀ⲃⲟⲗ ϩⲁⲣⲟⲓ ⲓ̀ ⲧⲉⲣⲁϣ̀ⲫⲱⲧ ⲉ̀ⲃⲟⲗ ϧⲉⲛ ⲛⲁⲓ.	Axos tamenrit asìri ǹouōreb xen payi my hanevṡy nem hanaf evouab senaṡōl ǹnikakià èvol haroi ì teraṡ̀fōt èvol xen nai.	Why has my beloved wrought abomination in my house? will prayers and holy offerings take away thy wickedness from thee, or shalt thou escape by these things?
11:16	ⲁϥⲙⲟⲩϯ ⲉ̀ⲡⲉⲣⲁⲛ ⲛ̀ϫⲉⲡϭ̅ⲥ̅ ϫⲉϯⲃⲱⲛ̀ϫⲱⲓⲧ ⲉⲑⲛⲉⲥⲱⲥ ⲉⲧⲉⲣϧⲏⲓⲃⲓ ⲉ̀ⲫ̀ⲛⲁⲩ ⲉ̀ⲣⲟⲥ ⲟⲩⲭ̀ⲣⲱⲙ ⲁϥⲙⲟϩ ⲛ̀ϧ̀ⲣⲏⲓ ⲛ̀ϧⲏⲧⲥ ⲉ̀ϫⲉⲛⲧ̀ⲥ̀ⲙⲏ ⲛ̀ⲧⲉⲡⲉⲥⲕⲱⲣϫ ⲟⲩⲛⲓϣϯ ⲛ̀ϩⲟϫϩⲉϫ ϥ̀ⲛⲁⲓ̀ ⲉ̀ϩ̀ⲣⲏⲓ ⲉ̀ϫⲱⲁⲩⲉⲣⲁⲧϣⲁⲩ ⲛ̀ϫⲉⲛⲉⲥϫⲁⲗ .	Ⲁϥⲙⲟⲩϯ ⲉ̀ⲡⲉⲣⲁⲛ ⲛ̀ϫⲉ ⲡ̀ϭⲟⲓⲥ ϫⲉ ϯⲃⲱⲛ̀ϫⲱⲓⲧ ⲉⲑⲛⲉⲥⲱⲥ ⲉⲧⲉⲣϧⲏⲓⲃⲓ ⲉ̀ⲫ̀ⲛⲁⲩ ⲉ̀ⲣⲟⲥ ⲟⲩⲭ̀ⲣⲱⲙ ⲁϥⲙⲟϩ ⲛ̀ϧ̀ⲣⲏⲓ ⲛ̀ϧⲏⲧⲥ ⲉ̀ϫⲉⲛ ⲧ̀ⲥ̀ⲙⲏ ⲛ̀ⲧⲉ ⲡⲉⲥⲕⲱⲣϫ ⲟⲩⲛⲓϣϯ ⲛ̀ϩⲟϫϩⲉϫ ϥ̀ⲛⲁⲓ̀ ⲉ̀ϩ̀ⲣⲏⲓ ⲉ̀ϫⲱⲁⲩ ⲉⲣⲁⲧϣⲁⲩ ⲛ̀ϫⲉ ⲛⲉⲥϫⲁⲗ.	Afmouti èperan ǹje p̀ċois je tivōǹgōit eθnesōs eterxyivi èf̀nav èros ouk̀rōm afmoh ǹx̀ryi ǹxyts èjen t̀s̀my ǹte peskōrg ouniṡti ǹhogheg f̀naì èh̀ryi ègōav eratṡav ǹje nesgal.	The Lord called thy name a fair olive tree, of a goodly shade in appearance, at the noise of its being lopped, fire was kindled against it; great is the affliction coming upon thee: her branches are become good for nothing.
11:17	ⲟⲩⲟϩ ⲡϭ̅ⲥ̅ ⲡⲉⲧⲁϥⲧ̀ϭⲟ ⲁϥⲥⲁϫⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲱⲛ̀ⲧ̀ϣⲉⲃⲓⲱ ⲛ̀ϯⲕⲁⲕⲓⲁ̀ ⲛ̀ⲧⲉⲡ̀ⲏⲓ ⲙ̀ⲡⲓ̅ⲥ̅ⲗ̅ ⲛⲉⲙⲡ̀ⲏⲓ ⲛ̀ⲓⲟⲩⲇⲁ ϫⲉⲁⲩⲑⲁⲙⲓⲟ ⲛⲱⲟⲩ ⲉⲑⲣⲟⲩϫⲱⲛⲧ ⲛⲏⲓ ⲉ̀ⲡ̀ϫⲓⲛⲑ̀ⲣⲟⲩⲉⲣϣⲟⲩϣⲱⲟⲩϣⲓ ⲛ̀ϯⲃⲁⲁⲗ .	Ⲟⲩⲟϩ ⲡ̀ϭⲟⲓⲥ ⲡⲉⲧⲁϥⲧ̀ϭⲟ ⲁϥⲥⲁϫⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϩ̀ⲣⲏⲓ ⲉ̀ϫⲱⲛ̀ⲧ̀ϣⲉⲃⲓⲱ ⲛ̀ϯⲕⲁⲕⲓⲁ̀ ⲛ̀ⲧⲉ ⲡ̀ⲏⲓ ⲛ̀ⲡⲓⲥⲣⲁⲏⲗ ⲛⲉⲙ ⲡ̀ⲏⲓ ⲛ̀ⲓⲟⲩⲇⲁ ϫⲉ ⲁⲩⲑⲁⲙⲓⲟ ⲛⲱⲟⲩ ⲉ̀ⲑⲣⲟⲩϫⲱⲛⲧ ⲛⲏⲓ ⲉ̀ⲡ̀ϫⲓⲛⲑ̀ⲣⲟⲩⲉⲣϣⲟⲩϣⲱⲟⲩϣⲓ ⲛ̀ϯⲃⲁⲁⲗ.	Ouoh p̀ċois petaft̀ċo afsaji ǹhanpet·hōou èh̀ryi ègōǹt̀ṡeviō ǹtikakià ǹte p̀yi ǹpisrayl nem p̀yi ǹiouda je avθamio nōou èθrougōnt nyi èp̀jinθ̀rouerṡouṡōouṡi ǹtibaal.	And the Lord that planted thee has pronounced evils against thee, because of the iniquity of the house of Israel and the house of Juda, whatsoever they have done against themselves to provoke me to anger by burning incense to Baal.
11:18	ⲡϭ̅ⲥ̅ ⲙⲁⲧⲁⲙⲟⲓ ⲟⲩⲟϩ ⲉⲓⲉ̀ⲙⲓ ⲧⲟⲧⲉ ⲁⲓⲛⲁⲩ ⲉ̀ⲛⲟⲩϩ̀ⲃⲏⲟⲩⲓ̀ .	Ⲡ̀ϭⲟⲓⲥ ⲙⲁⲧⲁⲙⲟⲓ ⲟⲩⲟϩ ⲉⲓⲉ̀ⲙⲓ ⲧⲟⲧⲉ ⲁⲓⲛⲁⲩ ⲉ̀ⲛⲟⲩϩ̀ⲃⲏⲟⲩⲓ̀.	P̀ċois matamoi ouoh eièmi tote ainav ènouh̀vyouì.	O Lord, teach me, and I shall know: then I saw their practices.
11:19	ⲁⲛⲟⲕ ⲙ̀ⲫ̀ⲣⲏϯ ⲛ̀ⲟⲩϩⲓⲏⲃ ⲛ̀ⲁⲧⲡⲉⲧϩⲱⲟⲩ ⲉⲩⲉ̀ⲓ̀ⲛⲓ ⲙ̀ⲙⲟϥ ⲉ̀ϣⲁⲧϥ ⲟⲩⲟϩ ⲙ̀ⲡⲓⲉ̀ⲙⲓ ⲁⲩⲥⲟϭⲛⲓ ⲉ̀ⲣⲟⲓ ⲛ̀ⲟⲩⲥⲟϭⲛⲓ ⲉϥϩⲱⲟⲩ ⲉⲩϫⲱ ⲙ̀ⲙⲟⲥ ϫⲉⲁ̀ⲙⲱⲓⲛⲓ ⲙⲁⲣⲉⲛϩⲓⲟⲩⲓ̀ ⲛ̀ⲟⲩϣⲉ ⲉ̀ⲛⲉϥⲱⲓⲕ ⲟⲩⲟϩ ⲛ̀ⲧⲉⲛϥⲟⲧϥ ⲉ̀ⲃⲟⲗ ϧⲉⲛⲡ̀ⲕⲁϩⲓ ⲛ̀ⲧⲉⲛⲉⲧⲟⲛϧ ⲟⲩⲟϩ ⲛ̀ⲧⲟⲩϣ̀ⲧⲉⲙⲉⲣⲫ̀ⲙⲉⲩⲓ̀ ϫⲉⲙ̀ⲡⲉϥⲣⲁⲛ .	Ⲁⲛⲟⲕ ⲛ̀ⲫ̀ⲣⲏϯ ⲛ̀ⲟⲩϩⲓⲏⲃ ⲛ̀ⲁⲧⲡⲉⲧϩⲱⲟⲩ ⲉⲩⲉ̀ⲓ̀ⲛⲓ ⲙ̀ⲙⲟϥ ⲉ̀ϣⲁⲧϥ ⲟⲩⲟϩ ⲙ̀ⲡⲓⲉ̀ⲙⲓ ⲁⲩⲥⲟϭⲛⲓ ⲉ̀ⲣⲟⲓ ⲛ̀ⲟⲩⲥⲟϭⲛⲓ ⲉϥϩⲱⲟⲩ ⲉⲩϫⲱ ⲙ̀ⲙⲟⲥ ϫⲉ ⲁ̀ⲙⲱⲓⲛⲓ ⲙⲁⲣⲉⲛϩⲓⲟⲩⲓ̀ ⲛ̀ⲟⲩϣⲉ ⲉ̀ⲛⲉϥⲱⲓⲕ ⲟⲩⲟϩ ⲛ̀ⲧⲉⲛϥⲟⲧϥ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ ⲛⲉⲧⲟⲛϧ ⲟⲩⲟϩ ⲛ̀ⲧⲟⲩϣ̀ⲧⲉⲙⲉⲣⲫ̀ⲙⲉⲩⲓ̀ ϫⲉ ⲛ̀ⲡⲉϥⲣⲁⲛ.	Anok ǹf̀ryti ǹouhiyb ǹatpet·hōou evèìni m̀mof èṡatf ouoh m̀pièmi avsoċni èroi ǹousoċni efhōou evgō m̀mos je àmōini marenhiouì ǹouṡe ènefōik ouoh ǹtenfotf èvol xen p̀kahi ǹte netonx ouoh ǹtouṡ̀temerf̀mevì je ǹpefran.	But I as an innocent lamb led to the slaughter, knew not: against me they devised an evil device, saying, Come and let us put wood into his bread, and let us utterly destroy him from off the land of the living, and let his name not be remembered any more.
11:20	ⲡϭ̅ⲥ̅ ⲡⲉⲧϯϩⲁⲡ ⲛ̀ⲑ̀ⲙⲏⲓ ⲟⲩⲟϩ ⲉⲧⲉⲣⲇⲟⲕⲓⲙⲁⲍⲓⲛ ⲛ̀ⲛⲓϭⲗⲱⲧ ⲛⲉⲙⲛⲓϩⲏⲧ ⲙⲁⲣⲓⲛⲁⲩ ⲉ̀ⲡⲓϭⲓⲙ̀ⲡ̀ϣⲓϣ ⲉⲑⲛⲁϣⲱⲡⲓ ⲉ̀ⲃⲟⲗϩⲓⲧⲟⲧⲕ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϫⲉⲟⲩⲏⲓ ⲉⲧⲁⲓϭⲱⲣⲡ ⲙ̀ⲡⲁⲙⲁⲓ ⲉ̀ⲃⲟⲗϩⲁⲣⲟⲕ .	Ⲡ̀ϭⲟⲓⲥ ⲡⲉⲧϯϩⲁⲡ ⲛ̀ⲑ̀ⲙⲏⲓ ⲟⲩⲟϩ ⲉ̀ⲧⲉⲣⲇⲟⲕⲓⲙⲁⲍⲓⲛ ⲛ̀ⲛⲓϭⲗⲱⲧ ⲛⲉⲙ ⲛⲓϩⲏⲧ ⲙⲁⲣⲓⲛⲁⲩ ⲉ̀ⲡⲓϭⲓⲙ̀ⲡ̀ϣⲓϣ ⲉⲑⲛⲁϣⲱⲡⲓ ⲉ̀ⲃⲟⲗ ϩⲓⲧⲟⲧⲕ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϫⲉ ⲟⲩⲏⲓ ⲉ̀ⲧⲁⲓϭⲱⲣⲡ ⲛ̀ⲡⲁⲙⲁⲓ ⲉ̀ⲃⲟⲗ ϩⲁⲣⲟⲕ.	P̀ċois pettihap ǹθ̀myi ouoh èterḋokimazin ǹniċlōt nem nihyt marinav èpiċim̀p̀ṡiṡ eθnaṡōpi èvol hitotk ǹx̀ryi ǹxytou je ouyi ètaiċōrp ǹpamai èvol harok.	O Lord, that judgest righteously, trying the reins and hearts, let me see thy vengeance taken upon them, for to thee I have declared my cause.
11:21	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲉ̀ϫⲉⲛⲛⲓⲣⲱⲙⲓ ⲛ̀ⲧⲉⲁⲛⲁⲑⲱⲑ ⲛⲏⲉⲧⲕⲱϯ ⲛ̀ⲥⲁⲧⲁⲯⲩⲭⲏ ⲛⲏⲉⲧϫⲱ ⲙ̀ⲙⲟⲥ ϫⲉⲙ̀ⲡⲉⲣⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛⲫ̀ⲣⲁⲛ ⲙ̀ⲡϭ̅ⲥ̅ ⲙ̀ⲙⲟⲛ ⲭ̀ⲛⲁⲙⲟⲩ ϧⲉⲛⲛⲉⲛϫⲓϫ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲛⲓⲣⲱⲙⲓ ⲛ̀ⲧⲉ ⲁⲛⲁⲑⲱⲑ ⲛⲏⲉⲧⲕⲱϯ ⲛ̀ⲥⲁ ⲧⲁⲯⲩⲭⲏ ⲛⲏⲉⲧϫⲱ ⲙ̀ⲙⲟⲥ ϫⲉ ⲙ̀ⲡⲉⲣⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ ⲙ̀ⲙⲟⲛ ⲭ̀ⲛⲁⲙⲟⲩ ϧⲉⲛ ⲛⲉⲛϫⲓϫ.	Eθve fai nai ne nyètefgō m̀mōou ǹje p̀ċois èjen nirōmi ǹte anaθōθ nyetkōti ǹsa tapsiṡy nyetgō m̀mos je m̀pererp̀rofytevin xen f̀ran ǹp̀ċois m̀mon k̀namou xen nenjig.	Therefore thus saith the Lord concerning the men of Anathoth, that seek my life, that say, Thou shalt not prophesy at all in the name of the Lord, but if thou dost, thou shalt die by our hands:
11:22	ϩⲏⲡⲡⲉ ⲁ̀ⲛⲟⲕ ϯⲛⲁϣⲓⲛⲓ ⲉ̀ⲣⲱⲟⲩ ⲟⲩⲟϩ ⲛⲟⲩϧⲉⲗϣⲓⲣⲓ ⲉⲩⲉ̀ϩⲉⲓ ϧⲉⲛⲧ̀ⲥⲏϥⲓ ⲟⲩⲟϩ ⲛⲟⲩϣⲏⲣⲓ ⲛⲉⲙⲛⲟⲩϣⲉⲣⲓ ⲉⲩⲉ̀ⲙⲟⲩ ϧⲉⲛⲡ̀ϩ̀ⲕⲟ .	Ϩⲏⲡⲡⲉ ⲁ̀ⲛⲟⲕ ϯⲛⲁϣⲓⲛⲓ ⲉ̀ⲣⲱⲟⲩ ⲟⲩⲟϩ ⲛ̀ⲟⲩϧⲉⲗϣⲓⲣⲓ ⲉⲩⲉ̀ϩⲉⲓ ϧⲉⲛ ⲧ̀ⲥⲏϥⲓ ⲟⲩⲟϩ ⲛ̀ⲟⲩϣⲏⲣⲓ ⲛⲉⲙ ⲛⲟⲩϣⲉⲣⲓ ⲉⲩⲉ̀ⲙⲟⲩ ϧⲉⲛ ⲡ̀ϩ̀ⲕⲟ.	Hyppe ànok tinaṡini èrōou ouoh ǹouxelṡiri evèhei xen t̀syfi ouoh ǹouṡyri nem nouṡeri evèmou xen p̀h̀ko.	behold, I will visit them: their young men shall die by the sword; and their sons and their daughters shall die of famine:
11:23	ⲟⲩⲟϩ ⲛ̀ⲛⲉ ϩ̀ⲗⲓ ⲥⲱϫⲡ ⲛ̀ⲧⲱⲟⲩ ϫⲉϯⲛⲁⲓ̀ⲛⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϫⲉⲛⲛⲏⲉⲧϣⲟⲡ ϧⲉⲛⲁⲛⲁⲑⲱⲑ ϧⲉⲛϯⲣⲟⲙⲡⲓ ⲛ̀ⲧⲉⲡⲟⲩϫⲉⲙⲡ̀ϣⲓⲛⲓ .	Ⲟⲩⲟϩ ⲛ̀ⲛⲉ ϩ̀ⲗⲓ ⲥⲱϫⲡ ⲛ̀ⲧⲱⲟⲩ ϫⲉ ϯⲛⲁⲓ̀ⲛⲓ ⲛ̀ϩⲁⲛⲡⲉⲧϩⲱⲟⲩ ⲉ̀ϫⲉⲛ ⲛⲏⲉⲧϣⲟⲡ ϧⲉⲛ ⲁⲛⲁⲑⲱⲑ ϧⲉⲛ ϯⲣⲟⲙⲡⲓ ⲛ̀ⲧⲉⲡⲟⲩϫⲉⲙⲡ̀ϣⲓⲛⲓ.	Ouoh ǹne h̀li sōgp ǹtōou je tinaìni ǹhanpet·hōou èjen nyetṡop xen anaθōθ xen tirompi ǹtepoujemp̀ṡini.	and there shall be no remnant left of them; for I will bring evil upon the dwellers in Anathoth, in the year of their visitation.

Provenance

title: 24_Ieremias_11
dialect: bohairic
source: Coptic SCRIPTORIUM corpus "bohairic.ot", document 24_Ieremias_11
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_11 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/11.bohairic.scriptorium.L0.txt
title: 24_Ieremias_11 — Cairene
dialect: bohairic
source: generated from 11.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_11)
licence: CC BY-SA 4.0
share: attribution
attribution: 24_Ieremias_11 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/11.bohairic.scriptorium.L1.txt
title: 24_Ieremias_11 — Kemetic
dialect: bohairic
source: generated from 11.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_11 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/11.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 22 quoted · 0 quoted with the alignment not cross-checked · 1 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_11 (22 lines)

Cite as:

24_Ieremias_11. Coptic SCRIPTORIUM corpus "bohairic.ot", document 24_Ieremias_11. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/11.bohairic.scriptorium/. 24_Ieremias_11 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_11, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.