24_Ieremias_22 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_22

Attribution: 24_Ieremias_22 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

30 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
22:1	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲙⲁϣⲉⲛⲁⲕ ⲉ̀ⲡⲉⲥⲏⲧ ⲉ̀ⲡ̀ⲏⲓ ⲙ̀ⲡ̀ⲟⲩⲣⲟ ⲛ̀ⲓⲟⲩⲇⲁ ⲟⲩⲟϩ ⲉⲕⲉ̀ⲥⲁϫⲓ ⲙ̀ⲙⲁⲩ ⲙ̀ⲡⲁⲓⲥⲁϫⲓ .	ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲙⲁϣⲉⲛⲁⲕ ⲉ̀ⲡⲉⲥⲏⲧ ⲉ̀ⲡ̀ⲏⲓ ⲛ̀ⲡ̀ⲟⲩⲣⲟ ⲛ̀ⲓⲟⲩⲇⲁ ⲟⲩⲟϩ ⲉⲕⲉ̀ⲥⲁϫⲓ ⲙ̀ⲙⲁⲩ ⲛ̀ⲡⲁⲓⲥⲁϫⲓ.	nai ne nyètefgō m̀mōou ǹje p̀ċois je maṡenak èpesyt èp̀yi ǹp̀ouro ǹiouda ouoh ekèsaji m̀mav ǹpaisaji.	Thus saith the Lord; Go thou, and go down to the house of the king of Juda, and thou shalt speak there this word,
22:2	ⲟⲩⲟϩ ⲉⲕⲉ̀ϫⲟⲥ ϫⲉⲥⲱⲧⲉⲙ ⲉ̀ⲡ̀ⲥⲁϫⲓ ⲙ̀ⲡϭ̅ⲥ̅ ⲡ̀ⲟⲩⲣⲟ ⲛ̀ⲓⲟⲩⲇⲁ ⲫⲏⲉⲧϩⲉⲙⲥⲓ ϩⲓⲡ̀ⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲛ̀ⲑⲟⲕ ⲛⲉⲙⲡⲉⲕⲏⲓ ⲛⲉⲙⲡⲉⲕⲗⲁⲟⲥ ⲛⲉⲙⲛⲓⲟⲩⲏⲃ ⲛⲉⲙⲛⲏⲉⲑⲛⲏⲟⲩ ⲉ̀ϧⲟⲩⲛ ϧⲉⲛⲛⲁⲓⲡⲩⲗⲏ .	Ⲟⲩⲟϩ ⲉⲕⲉ̀ϫⲟⲥ ϫⲉ ⲥⲱⲧⲉⲙ ⲉ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ⲫⲏⲉⲧϩⲉⲙⲥⲓ ϩⲓ ⲡⲓⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲛ̀ⲑⲟⲕ ⲛⲉⲙ ⲡⲉⲕⲏⲓ ⲛⲉⲙ ⲡⲉⲕⲗⲁⲟⲥ ⲛⲉⲙ ⲛⲓⲟⲩⲏⲃ ⲛⲉⲙ ⲛⲏⲉⲑⲛⲏⲟⲩ ⲉ̀ϧⲟⲩⲛ ϧⲉⲛ ⲛⲁⲓⲡⲩⲗⲏ.	Ouoh ekègos je sōtem èp̀·saji ǹp̀ċois p̀ouro ǹiouda fyet·hemsi hi piθ̀ronos ǹdavid ǹθok nem pekyi nem peklaos nem niouyb nem nyeθnyou èxoun xen naipily.	and thou shalt say, Hear the word of the Lord, O king of Juda, that sittest on the throne of David, thou, and thy house, and thy people, and they that go in at these gates:
22:3	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲁⲣⲓⲟⲩⲓ̀ ⲛ̀ⲟⲩϩⲁⲡ ⲛⲉⲙⲟⲩⲙⲉⲑⲙⲏⲓ ⲟⲩⲟϩ ⲛⲟϩⲉⲙ ⲙ̀ⲫⲏⲉⲧⲁⲩϩⲟⲗⲙⲉϥ ⲉ̀ⲃⲟⲗϧⲉⲛ ⲛⲉⲛϫⲓϫ ⲙ̀ⲫⲏⲉⲧϭⲓ ⲙ̀ⲙⲟϥ ⲛ̀ϫⲟⲛⲥ ⲟⲩϣⲉⲙⲙⲟ ⲛⲉⲙⲟⲩⲟⲣⲫⲁⲛⲟⲥ ⲛⲉⲙⲟⲩⲭⲏⲣⲁ ⲙ̀ⲡⲉⲣϭⲉⲡϫⲱⲣⲓ ⲉ̀ϫⲱⲟⲩ ⲟⲩⲟϩ ⲙ̀ⲡⲉⲣⲉⲣⲙⲉⲧⲁ̀ⲥⲉⲃⲏⲥ ⲟⲩⲥ̀ⲛⲟϥ ⲛ̀ⲁⲑⲛⲟⲃⲓ ⲙ̀ⲡⲉⲣⲫⲟⲛϥ ⲉ̀ⲃⲟⲗ ⲙ̀ⲡⲁⲓⲙⲁ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲁ̀ⲣⲓⲟⲩⲓ̀ ⲛ̀ⲟⲩϩⲁⲡ ⲛⲉⲙ ⲟⲩⲙⲉⲑⲙⲏⲓ ⲟⲩⲟϩ ⲛⲟϩⲉⲙ ⲛ̀ⲫⲏⲉⲧⲁⲩϩⲟⲗⲙⲉϥ ⲉ̀ⲃⲟⲗ ϧⲉⲛ ⲛⲉⲛϫⲓϫ ⲛ̀ⲫⲏⲉⲧϭⲓ ⲙ̀ⲙⲟϥ ⲛ̀ϫⲟⲛⲥ ⲟⲩϣⲉⲙⲙⲟ ⲛⲉⲙ ⲟⲩⲟⲣⲫⲁⲛⲟⲥ ⲛⲉⲙ ⲟⲩⲭⲏⲣⲁ ⲙ̀ⲡⲉⲣϭⲉⲡ̀ϫⲱⲣⲓ ⲉ̀ϫⲱⲟⲩ ⲟⲩⲟϩ ⲙ̀ⲡⲉⲣⲉⲣⲙⲉⲧⲁ̀ⲥⲉⲃⲏⲥ ⲟⲩⲥ̀ⲛⲟϥ ⲛ̀ⲁⲑⲛⲟⲃⲓ ⲙ̀ⲡⲉⲣⲫⲟⲛϥ ⲉ̀ⲃⲟⲗ ⲛ̀ⲡⲁⲓⲙⲁ.	Nai ne nyètefgō m̀mōou ǹje p̀ċois je àriouì ǹouhap nem oumeθmyi ouoh nohem ǹfyetavholmef èvol xen nenjig ǹfyetċi m̀mof ǹgons ouṡemmo nem ouorfanos nem ouṡyra m̀perċep̀gōri ègōou ouoh m̀perermetàsebys ous̀nof ǹaθnovi m̀perfonf èvol ǹpaima.	thus saith the Lord; Execute ye judgment and justice, and rescue the spoiled out of the hand of him that wrongs him: and oppress not the stranger, and orphan, and widow, and sin not, and shed no innocent blood in this place.
22:4	ϫⲉⲉϣⲱⲡ ϧⲉⲛⲟⲩⲓ̀ⲣⲓ ⲁⲣⲉⲧⲉⲛϣⲁⲛⲓ̀ⲣⲓ ⲙ̀ⲡⲁⲓⲥⲁϫⲓ ⲉⲩⲉ̀ⲓ̀ ⲉ̀ϧⲟⲩⲛ ϧⲉⲛⲛⲓⲡⲩⲗⲏ ⲛ̀ⲧⲉⲡⲁⲓⲏⲓ ⲛ̀ϫⲉϩⲁⲛⲟⲩⲣⲱⲟⲩ ⲉⲩϩⲉⲙⲥⲓ ϩⲓⲡ̀ⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲉⲩⲁⲗⲏⲓ ⲉ̀ϩ̀ⲣⲏⲓ ⲉ̀ϫⲉⲛϩⲁⲛϩⲁⲣⲙⲁ ⲛⲉⲙϩⲁⲛϩ̀ⲑⲱⲣ ⲛ̀ⲑⲱⲟⲩ ⲛⲉⲙⲛⲟⲩⲁ̀ⲗⲱⲟⲩⲓ̀ ⲛⲉⲙⲡⲟⲩⲗⲁⲟⲥ .	Ϫⲉ ⲉϣⲱⲡ ϧⲉⲛ ⲟⲩⲓ̀ⲣⲓ ⲁⲣⲉⲧⲉⲛϣⲁ ⲛⲓ̀ⲣⲓ ⲛ̀ⲡⲁⲓⲥⲁϫⲓ ⲉⲩⲓ̀ ⲉ̀ϧⲟⲩⲛ ϧⲉⲛ ⲛⲓⲡⲩⲗⲏ ⲛ̀ⲧⲉ ⲡⲁⲓⲏⲓ ⲛ̀ϫⲉ ϩⲁⲛⲟⲩⲣⲱⲟⲩ ⲉⲩϩⲉⲙⲥⲓ ϩⲓ ⲡⲓⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲉⲩⲁⲗⲏⲓ ⲉ̀ϩ̀ⲣⲏⲓ ⲉ̀ϫⲉⲛ ϩⲁⲛϩⲁⲣⲙⲁ ⲛⲉⲙ ϩⲁⲛϩ̀ⲑⲱⲣ ⲛ̀ⲑⲱⲟⲩ ⲛⲉⲙ ⲛⲟⲩⲁ̀ⲗⲱⲟⲩⲓ̀ ⲛⲉⲙ ⲡⲟⲩⲗⲁⲟⲥ.	Je eṡōp xen ouìri aretenṡa nìri ǹpaisaji evì èxoun xen nipily ǹte paiyi ǹje hanourōou evhemsi hi piθ̀ronos ǹdavid evalyi èh̀ryi èjen hanharma nem hanh̀θōr ǹθōou nem nouàlōouì nem poulaos.	For if ye will indeed perform this word, then shall there enter in by the gates of this house kings sitting upon the throne of David, and riding on chariots and horses, they, and their servants, and their people.
22:5	ⲉϣⲱⲡ ⲇⲉ ⲁⲣⲉⲧⲉⲛϣ̀ⲧⲉⲙⲓ̀ⲣⲓ ⲛ̀ⲛⲁⲓⲥⲁϫⲓ ⲁⲓⲱⲣⲕⲙ̀ⲙⲟⲓ ⲡⲉϫⲉ ⲡϭ̅ⲥ̅ ϫⲉⲉⲣⲉⲡⲁⲓⲏⲓ ϣⲱⲡⲓ ⲉ̀ⲡ̀ϣⲱϥ .	Ⲉϣⲱⲡ ⲇⲉ ⲁⲣⲉⲧⲉⲛϣ̀ⲧⲉⲙⲓ̀ⲣⲓ ⲛ̀ⲛⲁⲓⲥⲁϫⲓ ⲁⲓⲱⲣⲕⲙ̀ⲙⲟⲓ ⲡⲉϫⲉ ⲡ̀ϭⲟⲓⲥ ϫⲉ ⲉ̀ⲣⲉⲡⲁⲓⲏⲓ ϣⲱⲡⲓ ⲉ̀ⲡ̀ϣⲱϥ.	Eṡōp ḋe aretenṡ̀temìri ǹnaisaji aiōrkm̀moi peje p̀ċois je èrepaiyi ṡōpi èp̀ṡōf.	But if ye will not perform these words, by myself have I sworn, saith the Lord, that this house shall be brought to desolation.
22:6	ϫⲉⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϧⲁⲡ̀ⲏⲓ ⲙ̀ⲡ̀ⲟⲩⲣⲟ ⲛ̀ⲓⲟⲩⲇⲁ ⲅⲁⲗⲁⲁⲇ ⲛ̀ⲑⲟ ⲡⲉ ⲧ̀ⲁⲣⲭⲏ ⲛⲏⲓ ⲛ̀ⲧⲉⲡⲓⲗⲓⲃⲁⲛⲟⲥ ⲁⲓϣ̀ⲧⲉⲙⲭⲁϯ ⲉ̀ⲡ̀ϣⲁϥⲉ ⲉ̀ϩⲁⲛⲃⲁⲕⲓ ⲛ̀ⲥⲉⲛⲁϣⲱⲡⲓ ⲛ̀ϧⲏⲧⲟⲩ ⲁⲛ .	Ϫⲉ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϧⲁ ⲡ̀ⲏⲓ ⲛ̀ⲡ̀ⲟⲩⲣⲟ ⲛ̀ⲓⲟⲩⲇⲁ ⲅⲁⲗⲁⲁⲇ ⲛ̀ⲑⲟ ⲡⲉ ⲧ̀ⲁⲣⲭⲏ ⲛⲏⲓ ⲛ̀ⲧⲉ ⲡⲓⲗⲓⲃⲁⲛⲟⲥ ⲁⲓϣ̀ⲧⲉⲙⲭⲁϯ ⲉ̀ⲡ̀ϣⲁϥⲉ ⲉ̀ϩⲁⲛⲃⲁⲕⲓ ⲛ̀ⲧⲟⲩⲛⲁϣⲱⲡⲓ ⲛ̀ϧⲏⲧⲟⲩ ⲁⲛ.	Je nai ne nyètefgō m̀mōou ǹje p̀ċois xa p̀yi ǹp̀ouro ǹiouda ġalaad ǹθo pe t̀arṡy nyi ǹte pilibanos aiṡ̀temkati èp̀ṡafe èhanvaki ǹtounaṡōpi ǹxytou an.	For thus saith the Lord concerning the house of the king of Juda; Thou art Galaad to me, and the head of Libanus: yet surely I will make thee a desert, even cities that shall not be inhabited:
22:7	ⲟⲩⲟϩ ⲉⲓⲉ̀ⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲱⲛ̀ⲟⲩⲣⲱⲙⲓ ⲉϥϥⲱϯ ⲉ̀ⲃⲟⲗ ⲡⲉϥⲕⲉⲗⲉⲃⲓⲛ ⲟⲩⲟϩ ⲉⲩⲉ̀ⲕⲱⲣϫ ⲛ̀ⲛⲉϣⲉⲛⲥⲓϥⲓ ⲉⲧⲥⲱⲧⲡ ⲟⲩⲟϩ ⲉⲩⲉ̀ϩⲓⲧⲟⲩ ⲉ̀ⲡⲓⲭ̀ⲣⲱⲙ .	Ⲟⲩⲟϩ ⲉⲓⲉ̀ⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲱⲛ̀ⲟⲩⲣⲱⲙⲓ ⲉϥϥⲱϯ ⲉ̀ⲃⲟⲗ ⲡⲉϥⲕⲉⲗⲉⲃⲓⲛ ⲟⲩⲟϩ ⲉⲩⲉ̀ⲕⲱⲣϫ ⲛ̀ⲛⲉϣⲉⲛⲥⲓϥⲓ ⲉⲧⲥⲱⲧⲡ ⲟⲩⲟϩ ⲉⲩⲉ̀ϩⲓⲧⲟⲩ ⲉ̀ⲡⲓⲭ̀ⲣⲱⲙ.	Ouoh eièìni èh̀ryi ègōǹourōmi effōti èvol pefkelebin ouoh evèkōrg ǹneṡensifi etsōtp ouoh evèhitou èpik̀rōm.	and I will bring upon thee a destroying man, and his axe: and they shall cut down thy choice cedars, and cast them into the fire.
22:8	ⲟⲩⲟϩ ⲉⲩⲉ̀ⲓ̀ ⲛ̀ϫⲉϩⲁⲛⲉⲑⲛⲟⲥ ⲉ̀ⲃⲟⲗϧⲉⲛ ⲧⲁⲓⲃⲁⲕⲓ ⲟⲩⲟϩ ⲉⲣⲉⲡⲓⲟⲩⲁⲓ ⲡⲓⲟⲩⲁⲓ ϫⲟⲥ ⲙ̀ⲡⲉϥϣ̀ⲫⲏⲣ ϫⲉⲉⲑⲃⲉⲟⲩ ⲁ ⲡϭ̅ⲥ̅ ⲓ̀ⲣⲓ ⲙ̀ⲡⲁⲓⲣⲏϯ ⲛ̀ⲧⲁⲓⲛⲓϣϯ ⲙ̀ⲃⲁⲕⲓ .	Ⲟⲩⲟϩ ⲉⲩⲓ̀ ⲛ̀ϫⲉ ϩⲁⲛⲉⲑⲛⲟⲥ ⲉ̀ⲃⲟⲗ ϧⲉⲛ ⲧⲁⲓⲃⲁⲕⲓ ⲟⲩⲟϩ ⲉ̀ⲣⲉ ⲡⲓⲟⲩⲁⲓ ⲡⲓⲟⲩⲁⲓ ϫⲟⲥ ⲛ̀ⲡⲉϥϣ̀ⲫⲏⲣ ϫⲉ ⲉⲑⲃⲉ ⲟⲩ ⲁ ⲡ̀ϭⲟⲓⲥ ⲓ̀ⲣⲓ ⲛ̀ⲡⲁⲓⲣⲏϯ ⲛ̀ⲧⲁⲓ̀ⲛⲓϣϯ ⲛ̀ⲃⲁⲕⲓ.	Ouoh evì ǹje haneθnos èvol xen taivaki ouoh ère piouai piouai gos ǹpefṡ̀fyr je eθve ou a p̀ċois ìri ǹpairyti ǹtaìniṡti ǹvaki.	And nations shall pass through this city, and each shall say to his neighbour, Why has the Lord done thus to this great city?
22:9	ⲉⲩⲉ̀ϫⲟⲥ ϫⲉⲉ̀ⲫ̀ⲙⲁ ϫⲉⲁⲩⲭⲱ ⲛ̀ϯⲇⲓⲁ̀ⲑⲏⲕⲏ ⲛ̀ⲧⲉⲡϭ̅ⲥ̅ ⲡⲟⲩⲛⲟⲩϯ ⲛ̀ⲥⲱⲟⲩ ⲟⲩⲟϩ ⲁⲩⲟⲩⲱϣⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲟⲩⲟϩ ⲁⲩⲉⲣⲃⲱⲕ ⲛⲱⲟⲩ .	Ⲉⲩⲉ̀ϫⲟⲥ ϫⲉ ⲉ̀ⲫ̀ⲙⲁ ϫⲉ ⲁⲩⲭⲱ ⲛ̀ϯⲇⲓⲁ̀ⲑⲏⲕⲏ ⲛ̀ⲧⲉ ⲡ̀ϭⲟⲓⲥ ⲡⲟⲩⲛⲟⲩϯ ⲛ̀ⲥⲱⲟⲩ ⲟⲩⲟϩ ⲁⲩⲟⲩⲱϣⲧ ⲛ̀ϩⲁⲛⲕⲉⲛⲟⲩϯ ⲛ̀ϣⲉⲙⲙⲟ ⲟⲩⲟϩ ⲁⲩⲉⲣⲃⲱⲕ ⲛⲱⲟⲩ.	Evègos je èf̀ma je avkō ǹtiḋiàθyky ǹte p̀ċois pounouti ǹsōou ouoh avouōṡt ǹhankenouti ǹṡemmo ouoh avervōk nōou.	And they shall say, Because they forsook the covenant of the Lord their God, and worshipped strange gods, and served them.
22:10	ⲙ̀ⲡⲉⲣⲣⲓⲙⲓ ⲉ̀ⲫⲏⲉⲧⲁϥⲙⲟⲩ ⲟⲩⲇⲉ ⲙ̀ⲡⲉⲣⲛⲉϩⲡⲓ ⲉ̀ⲣⲟϥ ⲣⲓⲙⲓ ⲛ̀ⲑⲟϥ ϧⲉⲛⲟⲩⲣⲓⲙⲓ ⲉ̀ⲡⲉⲑⲛⲏⲟⲩ ⲉ̀ⲃⲟⲗ ϫⲉϥ̀ⲛⲁⲧⲁⲥⲑⲟ ⲁⲛ ϫⲉⲟⲩⲟϩ ⲛ̀ⲛⲉϥⲛⲁⲩ ⲉ̀ⲡ̀ⲕⲁϩⲓ ⲛ̀ⲧⲉⲡⲉϥⲙⲁⲛϣⲱⲡⲓ .	Ⲙ̀ⲡⲉⲣⲣⲓⲙⲓ ⲉ̀ⲫⲏⲉⲧⲁϥⲙⲟⲩ ⲟⲩⲇⲉ ⲙ̀ⲡⲉⲣⲛⲉϩⲡⲓ ⲉ̀ⲣⲟϥ ⲣⲓⲙⲓ ⲛ̀ⲑⲟϥ ϧⲉⲛ ⲟⲩⲣⲓⲙⲓ ⲉ̀ⲡⲉⲑⲛⲏⲟⲩ ⲉ̀ⲃⲟⲗ ϫⲉ ϥ̀ⲛⲁⲧⲁⲥⲑⲟ ⲁⲛ ϫⲉ ⲟⲩⲟϩ ⲛ̀ⲛⲉϥⲛⲁⲩ ⲉ̀ⲡ̀ⲕⲁϩⲓ ⲛ̀ⲧⲉ ⲡⲉϥⲙⲁⲛϣⲱⲡⲓ.	M̀perrimi èfyetafmou ouḋe m̀pernehpi èrof rimi ǹθof xen ourimi èpeθnyou èvol je f̀natasθo an je ouoh ǹnefnav èp̀kahi ǹte pefmanṡōpi.	Weep not for the dead, nor lament for him: weep bitterly for him that goes away: for he shall return no more, nor see his native land.
22:11	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲉ̀ϫⲉⲛⲥⲉⲗⲗⲏⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲫⲏⲉⲧⲟⲓ ⲛ̀ⲟⲩⲣⲟ ⲛ̀ⲧ̀ϣⲉⲃⲓⲱ ⲛ̀ⲓⲱⲥⲓⲁⲥ ⲡⲉϥⲓⲱⲧ ⲫⲏⲉⲧⲁϥⲓ̀ ⲉ̀ⲃⲟⲗϧⲉⲛ ⲡⲁⲓⲙⲁ ϥ̀ⲛⲁⲧⲁⲥⲑⲟ ⲉ̀ⲙⲁⲩ ⲁⲛ ϫⲉ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲥⲉⲗⲗⲏⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲫⲏⲉⲧⲟⲓ ⲛ̀ⲟⲩⲣⲟ ⲛ̀ⲧ̀ϣⲉⲃⲓⲱ ⲛ̀ⲓⲱⲥⲓⲁⲥ ⲡⲉϥⲓⲱⲧ ⲫⲏⲉ̀ⲧⲁϥⲓ̀ ⲉ̀ⲃⲟⲗ ϧⲉⲛ ⲡⲁⲓⲙⲁ ϥ̀ⲛⲁⲧⲁⲥⲑⲟ ⲉ̀ⲙⲁⲩ ⲁⲛ ϫⲉ.	Eθve fai nai ne nyètefgō m̀mōou ǹje p̀ċois èjen sellym p̀ṡyri ǹiōsias fyetoi ǹouro ǹt̀ṡeviō ǹiōsias pefiōt fyètafì èvol xen paima f̀natasθo èmav an je.	For thus saith the Lord concerning Sellem the son of Josias, who reigns in the place of Josias his father, who has gone forth out of this place; He shall not return thither any more:
22:12	ⲁⲗⲗⲁ ϧⲉⲛⲡⲓⲙⲁ ⲉⲧⲁⲩⲟⲩⲟⲧⲃⲉϥ ⲉ̀ⲣⲟϥ ⲉϥⲉ̀ⲙⲟⲩ ⲙ̀ⲙⲁⲩ ⲟⲩⲟϩ ⲛ̀ⲛⲉϥⲛⲁⲩ ⲉ̀ⲡⲁⲓⲕⲁϩⲓ ϫⲉ .	Ⲁⲗⲗⲁ ϧⲉⲛ ⲡⲓⲙⲁ ⲉⲧⲁⲩⲟⲩⲟⲧⲃⲉϥ ⲉ̀ⲣⲟϥ ⲉϥⲉ̀ⲙⲟⲩ ⲙ̀ⲙⲁⲩ ⲟⲩⲟϩ ⲛ̀ⲛⲉϥⲛⲁⲩ ⲉ̀ⲡⲁⲓⲕⲁϩⲓ ϫⲉ.	Alla xen pima etavouotvef èrof efèmou m̀mav ouoh ǹnefnav èpaikahi je.	but in that place whither I have carried him captive, there shall he die, and shall see this land no more.
22:13	ⲱ ⲫⲏⲉⲧⲕⲱⲧ ⲙ̀ⲡⲉϥⲏⲓ ϧⲉⲛⲟⲩⲙⲉⲑⲙⲏⲓ ⲁⲛ ⲟⲩⲟϩ ⲛⲉϥⲙⲁ ⲉⲧϭⲟⲥⲓ ϧⲉⲛⲟⲩϩⲁⲡ ⲁⲛ ϫⲉϥ̀ⲛⲁⲉⲣϩⲱⲃ ϧⲉⲛⲡⲉϥϣ̀ⲫⲏⲣ ⲛ̀ϫⲓⲛϫⲏ ⲟⲩⲟϩ ⲡⲉϥⲃⲉⲭⲉ ⲛ̀ⲛⲉϥⲧⲏⲓϥ ⲛⲁϥ .	Ⲱ̀ ⲫⲏⲉⲧⲕⲱⲧ ⲛ̀ⲡⲉϥⲏⲓ ϧⲉⲛ ⲟⲩⲙⲉⲑⲙⲏⲓ ⲁⲛ ⲟⲩⲟϩ ⲛⲉϥⲙⲁ ⲉⲧϭⲟⲥⲓ ϧⲉⲛ ⲟⲩϩⲁⲡ ⲁⲛ ϫⲉ ϥ̀ⲛⲁⲉⲣϩⲱⲃ ϧⲉⲛ ⲡⲉϥϣ̀ⲫⲏⲣ ⲛ̀ϫⲓⲛϫⲏ ⲟⲩⲟϩ ⲡⲉϥⲃⲉⲭⲉ ⲛ̀ⲛⲉϥⲧⲏⲓϥ ⲛⲁϥ.	Ṑ fyetkōt ǹpefyi xen oumeθmyi an ouoh nefma etċosi xen ouhap an je f̀naerhōb xen pefṡ̀fyr ǹjinjy ouoh pefveke ǹneftyif naf.	He that builds his house not with justice, and his upper chambers not with judgment, who works by means of his neighbour for nothing, and will by no means give him his reward.
22:14	ⲁⲕⲕⲱⲧ ⲛⲁⲕ ⲛ̀ⲟⲩⲏⲓ ⲉ̀ⲛⲉⲥⲉ ⲧⲉϥⲙⲁⲓⲏ̀ ⲛⲉⲙϩⲁⲛⲙⲁ ⲉⲩϭⲟⲥⲓ ⲉⲩⲛⲉϣⲡ ⲕ̀ⲃⲱⲟⲩ ⲉⲩⲕⲏⲧ ⲛ̀ϣⲟⲩϣⲧ ⲉⲩⲧⲁϫⲣⲏⲟⲩⲧ ϧⲉⲛⲛ̀ϣⲉⲛⲥⲓϥⲓ ⲉⲩⲗⲁⲗⲏⲟⲩⲧ ϧⲉⲛⲡ̀ⲫⲏⲣϣ .	Ⲁⲕⲕⲱⲧ ⲛⲁⲕ ⲛ̀ⲟⲩⲏⲓ ⲉ̀ⲛⲉⲥⲉ ⲧⲉϥⲙⲁⲓⲏ̀ ⲛⲉⲙ ϩⲁⲛⲙⲁ ⲉⲩϭⲟⲥⲓ ⲉⲩⲛⲉϣⲡ ⲕ̀ⲃⲱⲟⲩ ⲉⲩⲕⲏⲧ ⲛ̀ϣⲟⲩϣⲧ ⲉⲩⲧⲁϫⲣⲏⲟⲩⲧ ϧⲉⲛ ⲛ̀ϣⲉⲛⲥⲓϥⲓ ⲉⲩⲗⲁⲗⲏⲟⲩⲧ ϧⲉⲛ ⲡ̀ⲫⲏⲣϣ.	Akkōt nak ǹouyi ènese tefmaiỳ nem hanma evċosi evneṡp k̀vōou evkyt ǹṡouṡt evtagryout xen ǹṡensifi evlalyout xen p̀fyrṡ.	Thou hast built for thyself a well-proportioned house, airy chambers, fitted with windows, and wainscoted with cedar, and painted with vermilion.
22:15	ⲙⲏ ⲭ̀ⲛⲁⲉⲣⲟⲩⲣⲟ ⲛ̀ⲑⲟⲕ ϫⲉⲁⲕϯⲑⲱⲛⲧ ϧⲉⲛⲁⲭⲁⲍ ⲡⲉⲕⲓⲱⲧ ⲛ̀ⲛⲟⲩⲟⲩⲱⲙ ⲟⲩⲟϩ ⲛ̀ⲛⲟⲩⲥⲱ ⲛⲉ ⲛⲁⲛⲉⲥ ⲛⲁⲕ ⲡⲉ ⲉ̀ⲓ̀ⲣⲓ ⲛ̀ⲟⲩϩⲁⲡ ⲛⲉⲙⲟⲩⲙⲉⲑⲙⲏⲓ .	Ⲙⲏ ⲭ̀ⲛⲁⲉⲣⲟⲩⲣⲟ ⲛ̀ⲑⲟⲕ ϫⲉ ⲁⲕϯⲑⲱⲛⲧ ϧⲉⲛ ⲁⲭⲁⲍ ⲡⲉⲕⲓⲱⲧ ⲛ̀ⲛⲟⲩⲟⲩⲱⲙ ⲟⲩⲟϩ ⲛ̀ⲛⲟⲩ ⲥⲱ ⲛⲉ ⲛⲁⲛⲉⲥ ⲛⲁⲕ ⲡⲉ ⲉ̀ⲓ̀ⲣⲓ ⲛ̀ⲟⲩϩⲁⲡ ⲛⲉⲙ ⲟⲩⲙⲉⲑⲙⲏⲓ.	My k̀naerouro ǹθok je aktiθōnt xen axaz pekiōt ǹnououōm ouoh ǹnou sō ne nanes nak pe èìri ǹouhap nem oumeθmyi.	Shalt thou reign, because thou art provoked with thy father Achaz? they shall not eat, and they shall not drink: it is better for thee to execute judgment and justice.
22:16	ⲙ̀ⲡⲟⲩⲉ̀ⲙⲓ ⲙ̀ⲡⲟⲩϯϩⲁⲡ ϧⲉⲛⲟⲩϩⲁⲡ ⲙ̀ⲫⲏⲉⲧⲑⲉⲃⲓⲏⲟⲩⲧ ⲟⲩⲇⲉ ⲙ̀ⲡⲟⲩϯϩⲁⲡ ⲙ̀ⲡ̀ϩⲁⲡ ⲛ̀ⲟⲩϩⲏⲕⲓ ⲙⲏ ⲫⲁⲓ ⲁⲛ ⲡⲉ ⲉ̀ⲡ̀ϫⲓⲛⲑ̀ⲣⲉⲕϣ̀ⲧⲉⲙⲥⲟⲩⲱⲛⲧ .	Ⲙ̀ⲡⲟⲩⲉ̀ⲙⲓ ⲙ̀ⲡⲟⲩϯϩⲁⲡ ϧⲉⲛ ⲟⲩϩⲁⲡ ⲛ̀ⲫⲏⲉⲧⲑⲉⲃⲓⲏⲟⲩⲧ ⲟⲩⲇⲉ ⲙ̀ⲡⲟⲩϯϩⲁⲡ ⲛ̀ⲡ̀ϩⲁⲡ ⲛ̀ⲟⲩϩⲏⲕⲓ ⲙⲏ ⲫⲁⲓ ⲁⲛ ⲡⲉ ⲉ̀ⲡ̀ϫⲓⲛⲑ̀ⲣⲉⲕϣ̀ⲧⲉⲙⲥⲟⲩⲱⲛⲧ.	M̀pouèmi m̀poutihap xen ouhap ǹfyetθeviyout ouḋe m̀poutihap ǹp̀hap ǹouhyki my fai an pe èp̀jinθ̀rekṡ̀temsouōnt.	They understood not, they judged not the cause of the afflicted, nor the cause of the poor: is not this thy not knowing me? saith the Lord.
22:17	ⲓⲥ ϩⲏⲡⲡⲉ ⲓⲥ ⲛⲉⲕⲃⲁⲗ ⲛⲉⲙⲡⲉⲕϩⲏⲧ ⲛⲁⲛⲉⲩ ⲁⲛ ⲁⲗⲗⲁ ⲉ̀ⲡⲉⲕϭⲓⲛ̀ϫⲟⲛⲥ ⲛⲉⲙⲡⲓⲥ̀ⲛⲟϥ ⲛ̀ⲁⲑⲛⲟⲃⲓ ⲉ̀ⲫⲟⲛϥ ⲉ̀ⲃⲟⲗ ⲛⲉⲙⲉⲩⲁ̀ⲇⲓⲕⲓⲁ̀ ⲛⲉⲙⲉⲩϧⲱⲧⲉⲃ ⲉⲑⲣⲉⲕⲓ̀ⲣⲓ ⲛ̀ⲛⲁⲓ .	Ⲓⲥ ϩⲏⲡⲡⲉ ⲓⲥ ⲛⲉⲕⲃⲁⲗ ⲛⲉⲙ ⲡⲉⲕϩⲏⲧ ⲛⲁⲛⲉⲩ ⲁⲛ ⲁⲗⲗⲁ ⲉ̀ⲡⲉⲕϭⲓⲛ̀ϫⲟⲛⲥ ⲛⲉⲙ ⲡⲓⲥ̀ⲛⲟϥ ⲛ̀ⲁⲑⲛⲟⲃⲓ ⲉ̀ⲫⲟⲛϥ ⲉ̀ⲃⲟⲗ ⲛⲉⲙ ⲉⲩⲁ̀ⲇⲓⲕⲓⲁ̀ ⲛⲉⲙ ⲉⲩϧⲱⲧⲉⲃ ⲉ̀ⲑⲣⲉⲕⲓ̀ⲣⲓ ⲛ̀ⲛⲁⲓ.	Is hyppe is nekval nem pek·hyt nanev an alla èpekċiǹgons nem pis̀nof ǹaθnovi èfonf èvol nem evàḋikià nem evxōteb èθrekìri ǹnai.	Behold, thine eyes are not good, nor thine heart, but they go after thy covetousness, and after the innocent blood to shed it, and after acts of injustice and slaughter, to commit them.
22:18	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ⲉ̀ϫⲉⲛⲡⲁⲓⲣⲱⲙⲓ ⲓⲱⲁⲕⲓⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ϫⲉⲛ̀ⲛⲟⲩⲛⲉϩⲡⲓ ⲉ̀ⲣⲟϥ ϫⲉⲱ ⲡⲁⲥⲟⲛ ⲟⲩⲇⲉ ⲛ̀ⲧⲟⲩⲣⲓⲙⲓ ⲉ̀ⲣⲟϥ ϫⲉⲱ ⲡⲁϭ̅ⲥ̅ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ⲉ̀ϫⲉⲛ ⲡⲁⲓⲣⲱⲙⲓ ⲓⲱⲁⲕⲓⲙ ⲡ̀ϣⲏⲣⲓ ⲛ̀ⲓⲱⲥⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ϫⲉ ⲛ̀ⲛⲟⲩ ⲛⲉϩⲡⲓ ⲉ̀ⲣⲟϥ ϫⲉ ⲱ̀ ⲡⲁⲥⲟⲛ ⲟⲩⲇⲉ ⲛ̀ⲧⲟⲩⲣⲓⲙⲓ ⲉ̀ⲣⲟϥ ϫⲉ ⲱ̀ ⲡⲁϭⲟⲓⲥ.	Eθve fai nai ne nyètefgō m̀mōou ǹje p̀ċois èjen pairōmi iōakim p̀ṡyri ǹiōsias p̀ouro ǹiouda je ǹnou nehpi èrof je ṑ pason ouḋe ǹtourimi èrof je ṑ paċois.	Therefore thus saith the Lord concerning Joakim son of Josias, king of Juda, even concerning this man; they shall not bewail him, saying, Ah brother! neither shall they at all weep for him, saying, Alas Lord.
22:19	ϧⲉⲛⲟⲩⲕⲱⲥ ⲛ̀ⲓⲱ ⲉⲩⲉ̀ⲕⲟⲥϥ ⲉⲩⲉ̀ϭⲓϣⲓⲡⲓ ⲙ̀ⲙⲟϥ ⲛ̀ⲥⲉⲃⲉⲣⲃⲱⲣϥ ⲉ̀ⲃⲟⲗ ϩⲓⲣⲉⲛⲫ̀ⲣⲟ ⲛ̀ϯⲡⲩⲗⲏ ⲛ̀ⲧⲉⲓⲗ̅ⲏ̅ⲙ̅ .	Ϧⲉⲛ ⲟⲩⲕⲱⲥ ⲛ̀ⲓⲱ ⲉⲩⲉ̀ⲕⲟⲥϥ ⲉⲩⲉ̀ϭⲓϣⲓⲡⲓ ⲙ̀ⲙⲟϥ ⲛ̀ⲧⲟⲩⲃⲉⲣⲃⲱⲣϥ ⲉ̀ⲃⲟⲗ ϩⲓⲣⲉⲛⲫ̀ⲣⲟ ⲛ̀ϯⲡⲩⲗⲏ ⲛ̀ⲧⲉ ⲓⲉⲣⲟⲩⲥⲁⲗⲏⲙ.	Xen oukōs ǹiō evèkosf evèċiṡipi m̀mof ǹtouvervōrf èvol hirenf̀ro ǹtipily ǹte ierousalym.	He shall be buried with the burial of an ass; he shall be dragged roughly along and cast outside the gate of Jerusalem.
22:20	ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲡⲓⲗⲓⲃⲁⲛⲟⲥ ⲱϣ ⲉ̀ⲃⲟⲗ ⲟⲩⲟϩ ⲙⲟⲓ ⲛ̀ⲧⲉⲥ̀ⲙⲏ ϧⲉⲛⲑ̀ⲃⲁⲥⲁⲛ ⲟⲩⲟϩ ⲱϣ ⲉ̀ⲃⲟⲗ ϣⲁⲁⲩⲣⲏϫϥ ⲙ̀ⲫ̀ⲓⲟⲙ ϫⲉⲁⲩϧⲟⲙϧⲉⲙ ⲛ̀ϫⲉⲟⲩⲟⲛ ⲛⲓⲃⲉⲛ ⲉⲑⲙⲉⲓ ⲙ̀ⲙⲟ .	Ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲡⲓⲗⲓⲃⲁⲛⲟⲥ ⲱϣ ⲉ̀ⲃⲟⲗ ⲟⲩⲟϩ ⲙⲟⲓ ⲛ̀ⲧⲉⲥ̀ⲙⲏ ϧⲉⲛ ⲑ̀ⲃⲁⲥⲁⲛ ⲟⲩⲟϩ ⲱϣ ⲉ̀ⲃⲟⲗ ϣⲁ ⲁⲩⲣⲏϫϥ ⲛ̀ⲫ̀ⲓⲟⲙ ϫⲉ ⲁⲩϧⲟⲙϧⲉⲙ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲙⲉⲓ ⲙ̀ⲙⲟ.	Maṡenak èh̀ryi èpilibanos ōṡ èvol ouoh moi ǹtes̀my xen θ̀vasan ouoh ōṡ èvol ṡa avrygf ǹf̀iom je avxomxem ǹje ouon niven eθmei m̀mo.	Go up to Libanus, and cry; and utter thy voice to Basan, and cry aloud to the extremity of the sea: for all thy lovers are destroyed.
22:21	ⲟⲩⲟϩ ⲁⲩⲥⲁϫⲓ ⲛⲉⲙⲉ ϧⲉⲛⲡⲉϩⲉⲓ ⲟⲩⲟϩ ⲡⲉϫⲉ ϫⲉⲛ̀ϯⲛⲁⲥⲱⲧⲉⲙ ⲁⲛ ⲫⲁⲓ ⲡⲉ ⲡⲉⲙⲱⲓⲧ ⲓⲥϫⲉⲛ ⲧⲉⲙⲉⲧⲁ̀ⲗⲟⲩ ⲙ̀ⲡⲉⲛⲥⲱⲧⲉⲙ ⲛ̀ⲥⲁⲧⲁⲥ̀ⲙⲏ .	Ⲟⲩⲟϩ ⲁⲩⲥⲁϫⲓ ⲛⲉⲙⲉ ϧⲉⲛ ⲡⲉϩⲉⲓ ⲟⲩⲟϩ ⲡⲉϫⲉ ϫⲉ ⲛ̀ϯⲛⲁⲥⲱⲧⲉⲙ ⲁⲛ ⲫⲁⲓ ⲡⲉ ⲡⲉⲙⲱⲓⲧ ⲓⲥϫⲉⲛ ⲧⲉⲙⲉⲧⲁ̀ⲗⲟⲩ ⲙ̀ⲡⲉⲛⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ.	Ouoh avsaji neme xen pehei ouoh peje je ǹtinasōtem an fai pe pemōit isjen temetàlou m̀pensōtem ǹsa tas̀my.	I spoke to thee on occasion of thy trespass, but thou saidst, I will not hearken. This has been thy way from thy youth, thou hast not hearkened to my voice.
22:22	ϫⲉⲡⲉⲙⲁⲛⲉ̀ⲥⲱⲟⲩ ⲧⲏⲣⲟⲩ ⲉϥⲉ̀ⲁ̀ⲙⲟⲛⲓ ⲙ̀ⲙⲱⲟⲩ ⲛ̀ϫⲉⲡⲓⲑⲏⲟⲩ ⲟⲩⲟϩ ⲛⲉⲙⲉⲛⲣⲁϯ ⲉⲩⲉ̀ϣⲉⲛⲱⲟⲩ ϧⲉⲛⲟⲩⲉⲭⲙⲁⲗⲱⲥⲓⲁ̀ ⲧⲟⲧⲉ ⲉⲣⲉϭⲓϣⲓⲡⲓ ⲟⲩⲟϩ ⲉⲣⲉϭⲓϣⲱϣ ⲉ̀ⲃⲟⲗϧⲉⲛ ⲛⲉϣ̀ⲫⲉⲣ ⲧⲏⲣⲟⲩ ⲉⲑⲙⲉⲓ ⲙ̀ⲙⲟ .	Ϫⲉ ⲡⲉⲙⲁⲛⲉ̀ⲥⲱⲟⲩ ⲧⲏⲣⲟⲩ ⲉϥⲉ̀ⲁ̀ⲙⲟⲛⲓ ⲙ̀ⲙⲱⲟⲩ ⲛ̀ϫⲉ ⲡⲓⲑⲏⲟⲩ ⲟⲩⲟϩ ⲛⲉⲙⲉⲛⲣⲁϯ ⲉⲩⲉ̀ϣⲉⲛⲱⲟⲩ ϧⲉⲛ ⲟⲩⲉⲭⲙⲁⲗⲱⲥⲓⲁ̀ ⲧⲟⲧⲉ ⲉ̀ⲣⲉϭⲓϣⲓⲡⲓ ⲟⲩⲟϩ ⲉ̀ⲣⲉϭⲓϣⲱϣ ⲉ̀ⲃⲟⲗ ϧⲉⲛ ⲛⲉϣ̀ⲫⲉⲣ ⲧⲏⲣⲟⲩ ⲉⲑⲙⲉⲓ ⲙ̀ⲙⲟ.	Je pemanèsōou tyrou efèàmoni m̀mōou ǹje piθyou ouoh nemenrati evèṡenōou xen ouexmalōsià tote èreċiṡipi ouoh èreċiṡōṡ èvol xen neṡ̀fer tyrou eθmei m̀mo.	The wind shall tend all thy shepherds, and thy lovers shall go into captivity; for then shalt thou be ashamed and disgraced because of all thy lovers.
22:23	ⲑⲏⲉⲧϣⲟⲡ ϧⲉⲛⲡⲓⲗⲓⲃⲁⲛⲟⲥ ⲟⲩⲟϩ ⲉⲥⲭⲱ ⲛ̀ⲛⲉⲥⲙⲁⲥ ϧⲉⲛⲛⲓϣⲉⲛⲥⲓϥⲓ ⲉⲣⲉϥⲓⲁ̀ϩⲟⲙ ⲉ̀ⲡ̀ϫⲓⲛⲑ̀ⲣⲟⲩⲓ̀ ⲛⲉ ⲛ̀ϫⲉϩⲁⲛⲛⲁⲕϩⲓ ⲙ̀ⲫ̀ⲣⲏϯ ⲛ̀ⲑⲏⲉⲑⲛⲁⲙⲓⲥⲓ .	Ⲑⲏⲉⲧϣⲟⲡ ϧⲉⲛ ⲡⲓⲗⲓⲃⲁⲛⲟⲥ ⲟⲩⲟϩ ⲉⲥⲭⲱ ⲛ̀ⲛⲉⲥⲙⲁⲥ ϧⲉⲛ ⲛⲓϣⲉⲛⲥⲓϥⲓ ⲉ̀ⲣⲉϥⲓⲁ̀ϩⲟⲙ ⲉ̀ⲡ̀ϫⲓⲛⲑ̀ⲣⲟⲩⲓ̀ ⲛⲉ ⲛ̀ϫⲉ ϩⲁⲛⲛⲁⲕϩⲓ ⲛ̀ⲫ̀ⲣⲏϯ ⲛ̀ⲑⲏⲉⲑⲛⲁⲙⲓⲥⲓ.	Ɵyetṡop xen pilibanos ouoh eskō ǹnesmas xen niṡensifi èrefiàhom èp̀jinθ̀rouì ne ǹje hannak·hi ǹf̀ryti ǹθyeθnamisi.	O thou that dwellest in Libanus, making thy nest in the cedars, thou shalt groan heavily, when pangs as of a travailing woman are come upon thee.
22:24	ϯⲟⲛϧ ⲁ̀ⲛⲟⲕ ⲡⲉϫⲉ ⲡϭ̅ⲥ̅ ϫⲉⲉϣⲱⲡ ⲁϥϣⲁⲛϣⲱⲡⲓ ⲛ̀ϫⲉⲓⲉⲭⲟⲛⲓⲁⲥ ⲡ̀ϣⲏⲣⲓ ⲛ̀ⲓⲱⲁⲕⲓⲙ ⲡ̀ⲟⲩⲣⲟ ⲛ̀ⲓⲟⲩⲇⲁ ⲛ̀ⲟⲩⲥⲫⲣⲁⲅⲓⲥ ϩⲓⲧⲁϫⲓϫ ⲛ̀ⲟⲩⲓ̀ⲛⲁⲙ ⲉⲓⲉ̀ⲥⲟⲕⲕ ⲉ̀ⲃⲟⲗ ⲙ̀ⲙⲁⲩ .	Ϯⲟⲛϧ ⲁ̀ⲛⲟⲕ ⲡⲉϫⲉ ⲡ̀ϭⲟⲓⲥ ϫⲉ ⲉϣⲱⲡ ⲁϥϣⲁⲛϣⲱⲡⲓ ⲛ̀ϫⲉ ⲓⲉⲭⲟⲛⲓⲁⲥ ⲡ̀ϣⲏⲣⲓ ⲛ̀ⲓⲱⲁⲕⲓⲙ ⲡ̀ⲟⲩⲣⲟ ⲛ̀ⲓⲟⲩⲇⲁ ⲛ̀ⲟⲩⲥⲫⲣⲁⲅⲓⲥ ϩⲓ ⲧⲁϫⲓϫ ⲛ̀ⲟⲩⲓ̀ⲛⲁⲙ ⲉⲓⲉ̀ⲥⲟⲕⲕ ⲉ̀ⲃⲟⲗ ⲙ̀ⲙⲁⲩ.	Tionx ànok peje p̀ċois je eṡōp afṡanṡōpi ǹje iexonias p̀ṡyri ǹiōakim p̀ouro ǹiouda ǹousfragis hi tajig ǹouìnam eièsokk èvol m̀mav.	As I live, saith the Lord, though Jechonias son of Joakim king of Juda were indeed the seal upon my right hand, thence would I pluck thee;
22:25	ⲉⲓⲉ̀ⲧⲏⲓⲥ ⲉ̀ⲧ̀ϫⲓϫ ⲛ̀ⲛⲏⲉⲧⲕⲱϯ ⲛ̀ⲥⲁⲧⲉⲯⲩⲭⲏ ⲛⲏ ⲛ̀ⲑⲟⲕ ⲉⲧⲉⲕⲉⲣϩⲟϯ ⲉ̀ⲃⲟⲗϩⲁ ⲡⲟⲩϩⲟ ⲉ̀ⲧ̀ϫⲓϫ ⲛ̀ⲛⲓⲭⲁⲗⲇⲉⲟⲥ .	Ⲉⲓⲉ̀ⲧⲏⲓⲥ ⲉ̀ⲧ̀ϫⲓϫ ⲛ̀ⲛⲏⲉⲧⲕⲱϯ ⲛ̀ⲥⲁ ⲧⲉⲯⲩⲭⲏ ⲛⲏ ⲛ̀ⲑⲟⲕ ⲉⲧⲉⲕⲉⲣϩⲟϯ ⲉ̀ⲃⲟⲗϩⲁ ⲡⲟⲩϩⲟ ⲉ̀ⲧ̀ϫⲓϫ ⲛ̀ⲛⲓⲭⲁⲗⲇⲉⲟⲥ.	Eiètyis èt̀jig ǹnyetkōti ǹsa tepsiṡy ny ǹθok etekerhoti èbolha pouho èt̀jig ǹnixaldeos.	and I will deliver thee into the hands of them that seek thy life, before whom thou art afraid, into the hands of the Chaldeans.
22:26	ⲟⲩⲟϩ ⲉⲓⲉ̀ⲃⲉⲣⲃⲱⲣⲕ ⲉ̀ⲃⲟⲗ ⲛⲉⲙⲧⲉⲕⲙⲁⲩ ⲑⲏⲉⲧⲁⲥⲙⲁⲥⲕ ⲉ̀ⲃⲟⲗ ⲉ̀ⲟⲩⲕⲁϩⲓ ⲫⲏⲉⲧⲉ ⲙ̀ⲡⲟⲩⲙⲁⲥⲕ ⲛ̀ϧⲏⲧϥ ⲟⲩⲟϩ ⲉⲣⲉⲧⲉⲛⲉ̀ⲙⲟⲩ ⲙ̀ⲙⲁⲩ .	Ⲟⲩⲟϩ ⲉⲓⲉ̀ⲃⲉⲣⲃⲱⲣⲕ ⲉ̀ⲃⲟⲗ ⲛⲉⲙ ⲧⲉⲕⲙⲁⲩ ⲑⲏⲉⲧⲁⲥⲙⲁⲥⲕ ⲉ̀ⲃⲟⲗ ⲉ̀ⲟⲩⲕⲁϩⲓ ⲫⲏⲉ̀ⲧⲉ ⲙ̀ⲡⲟⲩⲙⲁⲥⲕ ⲛ̀ϧⲏⲧϥ ⲟⲩⲟϩ ⲉ̀ⲣⲉⲧⲉⲛⲉ̀ⲙⲟⲩ ⲙ̀ⲙⲁⲩ.	Ouoh eièvervōrk èvol nem tekmav θyetasmask èvol èoukahi fyète m̀poumask ǹxytf ouoh èretenèmou m̀mav.	And I will cast forth thee, and thy mother that bore thee, into a land where thou wast not born; and there ye shall die.
22:27	ⲉ̀ⲡⲓⲕⲁϩⲓ ⲇⲉ ⲫⲏⲉⲧⲟⲩⲧⲱⲃϩ ϧⲉⲛⲧⲟⲩⲯⲩⲭⲏ ⲉⲑⲣⲟⲩϣⲉ ⲉ̀ⲙⲁⲩ ⲛ̀ⲛⲟⲩⲧⲁⲥⲑⲟ ⲉ̀ⲙⲁⲩ ϫⲉ .	Ⲉ̀ⲡⲓⲕⲁϩⲓ ⲇⲉ ⲫⲏⲉⲧⲟⲩⲧⲱⲃϩ ϧⲉⲛ ⲧⲟⲩⲯⲩⲭⲏ ⲉ̀ⲑⲣⲟⲩϣⲉ ⲉ̀ⲙⲁⲩ ⲛ̀ⲛⲟⲩⲧⲁⲥⲑⲟ ⲉ̀ⲙⲁⲩ ϫⲉ.	Èpikahi ḋe fyetoutōvh xen toupsiṡy èθrouṡe èmav ǹnoutasθo èmav je.	But they shall by no means return to the land which they long for in their souls.
22:28	ϫⲉⲁϥϣⲱⲡⲓ ⲛ̀ϫⲉⲓⲉⲭⲟⲛⲓⲁⲥ ⲙ̀ⲫ̀ⲣⲏϯ ⲛ̀ⲟⲩⲥ̀ⲕⲉⲩⲟⲥ ⲙ̀ⲙⲟⲛⲧⲉϥ ⲭ̀ⲣⲓⲁ̀ ϫⲉⲁⲩⲃⲉⲣⲃⲱⲣϥ ⲉ̀ⲃⲟⲗ ⲟⲩⲟϩ ⲁⲩϩⲓⲧϥ ⲉ̀ⲃⲟⲗ ⲉ̀ⲟⲩⲕⲁϩⲓ ⲫⲏⲉⲧⲉ ⲛⲉϥⲥⲱⲟⲩⲛ ⲙ̀ⲙⲟϥ ⲁⲛ .	Ϫⲉ ⲁϥϣⲱⲡⲓ ⲛ̀ϫⲉ ⲓⲉⲭⲟⲛⲓⲁⲥ ⲛ̀ⲫ̀ⲣⲏϯ ⲛ̀ⲟⲩⲥ̀ⲕⲉⲩⲟⲥ ⲙ̀ⲙⲟⲛⲧⲉϥ ⲭ̀ⲣⲓⲁ̀ ϫⲉ ⲁⲩⲃⲉⲣⲃⲱⲣϥ ⲉ̀ⲃⲟⲗ ⲟⲩⲟϩ ⲁⲩϩⲓⲧϥ ⲉ̀ⲃⲟⲗ ⲉ̀ⲟⲩⲕⲁϩⲓ ⲫⲏⲉ̀ⲧⲉ ⲛⲉϥⲥⲱⲟⲩⲛ ⲙ̀ⲙⲟϥ ⲁⲛ.	Je afṡōpi ǹje iexonias ǹf̀ryti ǹous̀kevos m̀montef x̀rià je avvervōrf èvol ouoh avhitf èvol èoukahi fyète nefsōoun m̀mof an.	Jechonias is dishonoured as a good-for-nothing vessel; for he is thrown out and cast forth into a land which he knew not.
22:29	ⲡ̀ⲕⲁϩⲓ ⲡ̀ⲕⲁϩⲓ ⲥⲱⲧⲉⲙ ⲉ̀ⲡ̀ⲥⲁϫⲓ ⲙ̀ⲡϭ̅ⲥ̅ .	Ⲡ̀ⲕⲁϩⲓ ⲡ̀ⲕⲁϩⲓ ⲥⲱⲧⲉⲙ ⲉ̀ⲡ̀ⲥⲁϫⲓ ⲛ̀ⲡ̀ϭⲟⲓⲥ.	P̀kahi p̀kahi sōtem èp̀·saji ǹp̀ċois.	Land, land, hear the word of the Lord.
22:30	ⲟⲩⲟϩ ⲥ̀ϧⲁⲓ ⲙ̀ⲡⲁⲓⲣⲱⲙⲓ ϫⲉⲟⲩⲣⲱⲙⲓ ⲡⲉ ⲉⲣⲉⲡⲉϥⲣⲁⲛ ϩⲱⲟⲩⲓ̀ ⲉ̀ⲃⲟⲗ ϫⲉⲛ̀ⲛⲉ ⲣⲱⲙⲓ ⲁⲓⲁⲓ ⲉ̀ⲃⲟⲗϧⲉⲛ ⲡⲉϥϫ̀ⲣⲟϫ ⲉϥϩⲉⲙⲥⲓ ϩⲓⲡ̀ⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲓⲉ ⲁⲣⲭⲱⲛ ϧⲉⲛⲓⲟⲩⲇⲁⲥ ⲓⲥϫⲉⲛ ϯⲛⲟⲩ .	Ⲟⲩⲟϩ ⲥ̀ϧⲁⲓ ⲛ̀ⲡⲁⲓⲣⲱⲙⲓ ϫⲉ ⲟⲩⲣⲱⲙⲓ ⲡⲉ ⲉ̀ⲣⲉ ⲡⲉϥⲣⲁⲛ ϩⲱⲟⲩⲓ̀ ⲉ̀ⲃⲟⲗ ϫⲉ ⲛ̀ⲛⲉ ⲣⲱⲙⲓ ⲁⲓⲁⲓ ⲉ̀ⲃⲟⲗ ϧⲉⲛ ⲡⲉϥϫ̀ⲣⲟϫ ⲉϥϩⲉⲙⲥⲓ ϩⲓ ⲡⲓⲑ̀ⲣⲟⲛⲟⲥ ⲛ̀ⲇⲁⲩⲓⲇ ⲓⲉ ⲁⲣⲭⲱⲛ ϧⲉⲛ ⲓⲟⲩⲇⲁⲥ ⲓⲥϫⲉⲛ ϯⲛⲟⲩ.	Ouoh s̀xai ǹpairōmi je ourōmi pe ère pefran hōouì èvol je ǹne rōmi aiai èvol xen pefg̀rog efhemsi hi piθ̀ronos ǹdavid ie arxōn xen ioudas isjen tinou.	Write ye this man an outcast: for there shall none of his seed at all grow up to sit on the throne of David, or as a prince yet in Juda.

Provenance

title: 24_Ieremias_22
dialect: bohairic
source: Coptic SCRIPTORIUM corpus "bohairic.ot", document 24_Ieremias_22
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_22 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/22.bohairic.scriptorium.L0.txt
title: 24_Ieremias_22 — Cairene
dialect: bohairic
source: generated from 22.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_22)
licence: CC BY-SA 4.0
share: attribution
attribution: 24_Ieremias_22 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/22.bohairic.scriptorium.L1.txt
title: 24_Ieremias_22 — Kemetic
dialect: bohairic
source: generated from 22.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_22 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/22.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 30 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_22 (30 lines)

Cite as:

24_Ieremias_22. Coptic SCRIPTORIUM corpus "bohairic.ot", document 24_Ieremias_22. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/22.bohairic.scriptorium/. 24_Ieremias_22 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_22, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.