24_Ieremias_27 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_27

Attribution: 24_Ieremias_27 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

46 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
27:1	ⲡⲓⲥⲁϫⲓ ⲉⲧⲁϥⲥⲁϫⲓ ⲙ̀ⲙⲟϥ ⲉ̀ϫⲉⲛⲃⲁⲃⲩⲗⲱⲛ ϩⲓⲧⲉⲛⲡϭ̅ⲥ̅ .	ⲡⲓⲥⲁϫⲓ ⲉⲧⲁϥⲥⲁϫⲓ ⲙ̀ⲙⲟϥ ⲉ̀ϫⲉⲛ ⲃⲁⲃⲩⲗⲱⲛ ϩⲓⲧⲉⲛ ⲡ̀ϭⲟⲓⲥ.	pisaji etafsaji m̀mof èjen babilōn hiten p̀ċois.	THE WORD OF THE LORD WHICH HE SPOKE AGAINST BABYLON.
27:2	ⲙⲁⲧⲁⲙⲉ ⲛ̀ⲛⲓⲉⲑⲛⲟⲥ ⲟⲩⲟϩ ⲙⲁⲣⲟⲩⲥⲱⲧⲉⲙ ⲉ̀ⲣⲱⲟⲩ ⲙ̀ⲡⲉⲣⲭⲟⲡⲟⲩ ⲁ̀ϫⲟⲥ ϫⲉⲁⲥⲧⲁⲕⲟ ⲛ̀ϫⲉⲃⲁⲃⲩⲗⲱⲛ ⲟⲩⲟϩ ⲁϥϭⲓϣⲓⲡⲓ ⲛ̀ϫⲉⲃⲏⲗ ⲑⲏⲉⲧⲉ ⲙ̀ⲡⲁⲥⲛⲟⲩϣⲡ ⲟⲩⲟϩ ⲉⲧϫⲏⲛ ⲁⲩⲧⲏⲓⲥ ⲙ̀ⲙⲉⲱ̀ⲇⲁⲭ .	Ⲙⲁⲧⲁⲙⲉ ⲛ̀ⲛⲓⲉⲑⲛⲟⲥ ⲟⲩⲟϩ ⲙⲁⲣⲟⲩⲥⲱⲧⲉⲙ ⲉ̀ⲣⲱⲟⲩ ⲙ̀ⲡⲉⲣⲭⲟⲡⲟⲩ ⲁ̀ϫⲟⲥ ϫⲉ ⲁⲥⲧⲁⲕⲟ ⲛ̀ϫⲉ ⲃⲁⲃⲩⲗⲱⲛ ⲟⲩⲟϩ ⲁϥϭⲓϣⲓⲡⲓ ⲛ̀ϫⲉ ⲃⲏⲗ ⲑⲏⲉ̀ⲧⲉ ⲙ̀ⲡⲁⲥⲛⲟⲩϣⲡ ⲟⲩⲟϩ ⲉⲧϫⲏⲛ ⲁⲩⲧⲏⲓⲥ ⲛ̀ⲙⲉⲱ̀ⲇⲁⲭ.	Matame ǹnieθnos ouoh marousōtem èrōou m̀perkopou àgos je astako ǹje babilōn ouoh afċiṡipi ǹje vyl θyète m̀pasnouṡp ouoh etjyn avtyis ǹmeṑḋak.	Proclaim ye among the Gentiles, and cause the tidings to be heard, and suppress them not: say ye, Babylon is taken, Belus is confounded; the fearless, the luxurious Maerodach is delivered up.
27:3	ϫⲉⲟⲩⲉⲑⲛⲟⲥ ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲥ ⲉ̀ⲃⲟⲗ ⲥⲁⲡⲉⲙϩⲓⲧ ⲫⲁⲓ ⲉϥⲉ̀ⲭⲱ ⲙ̀ⲡⲉⲥⲕⲁϩⲓ ⲉ̀ⲡ̀ⲧⲁⲕⲟ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲧϣⲟⲡ ⲛ̀ϧⲏⲧϥ ⲓⲥϫⲉⲛ ⲫ̀ⲣⲱⲙⲓ ϣⲁⲡ̀ⲧⲉⲃⲛⲏ .	Ϫⲉ ⲟⲩⲉⲑⲛⲟⲥ ⲁϥⲓ̀ ⲉ̀ϩ̀ⲣⲏⲓ ⲉ̀ϫⲱⲥ ⲉ̀ⲃⲟⲗ ⲥⲁⲡⲉⲙϩⲓⲧ ⲫⲁⲓ ⲉϥⲉ̀ⲭⲱ ⲛ̀ⲡⲉⲥⲕⲁϩⲓ ⲉ̀ⲡ̀ⲧⲁⲕⲟ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲧϣⲟⲡ ⲛ̀ϧⲏⲧϥ ⲓⲥϫⲉⲛ ⲫ̀ⲣⲱⲙⲓ ϣⲁ ⲡ̀ⲧⲉⲃⲛⲏ.	Je oueθnos afì èh̀ryi ègōs èvol sapemhit fai efèkō ǹpeskahi èp̀tako ouoh ǹnefṡōpi ǹje fyetṡop ǹxytf isjen f̀rōmi ṡa p̀tevny.	For a nation has come up against her from the north, he shall utterly ravage her land, and there shall be none to dwell in it, neither man nor beast.
27:4	ϧⲉⲛⲛⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲛⲉⲙϧⲉⲛⲡⲓⲥⲏⲟⲩ ⲉⲧⲉⲙ̀ⲙⲁⲩ ⲉⲩⲉ̀ⲓ̀ ⲛ̀ϫⲉⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲛ̀ⲑⲱⲟⲩ ⲛⲉⲙⲛⲉⲛϣⲏⲣⲓ ⲛ̀ⲓⲟⲩⲇⲁ ⲉⲩⲥⲟⲡ ⲉⲩⲉ̀ϭⲟϫⲓ ⲛ̀ⲥⲉⲣⲓⲙⲓ ⲉⲩⲉ̀ϣⲉⲛⲱⲟⲩ ⲉⲩⲕⲱϯ ⲛ̀ⲥⲁⲡϭ̅ⲥ̅ ⲡⲟⲩⲛⲟⲩϯ .	Ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲛⲉⲙ ϧⲉⲛ ⲡⲓⲥⲏⲟⲩ ⲉ̀ⲧⲉ ⲙ̀ⲙⲁⲩ ⲉⲩⲓ̀ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲑⲱⲟⲩ ⲛⲉⲙ ⲛⲉⲛϣⲏⲣⲓ ⲛ̀ⲓⲟⲩⲇⲁ ⲉⲩⲥⲟⲡ ⲉⲩⲉ̀ϭⲟϫⲓ ⲛ̀ⲧⲟⲩⲣⲓⲙⲓ ⲉⲩⲉ̀ϣⲉⲛⲱⲟⲩ ⲉⲩⲕⲱϯ ⲛ̀ⲥⲁ ⲡ̀ϭⲟⲓⲥ ⲡⲟⲩⲛⲟⲩϯ.	Xen nièhoou ète m̀mav nem xen pisyou ète m̀mav evì ǹje nenṡyri ǹpisrayl ǹθōou nem nenṡyri ǹiouda evsop evèċoji ǹtourimi evèṡenōou evkōti ǹsa p̀ċois pounouti.	In those days, and at that time, the children of Israel shall come, they and the children of Juda together; they shall proceed, weeping as they go, seeking the Lord their God.
27:5	ⲉⲩⲉ̀ϣⲱⲡⲓ ⲛ̀ⲥⲁⲡⲓⲙⲱⲓⲧ ⲉⲧϭⲓ ⲉ̀ⲥⲓⲱⲛ ⲉⲩⲉ̀ϯ ⲅⲁⲣ ⲙ̀ⲡⲟⲩϩⲟ ⲉ̀ⲡⲁⲓⲙⲁ ⲉⲩⲉ̀ⲓ̀ ⲟⲩⲟϩ ⲉⲩⲉ̀ⲫⲱⲧ ϩⲁⲡϭ̅ⲥ̅ ⲫϯ ⲟⲩⲇⲓⲁ̀ⲑⲏⲕⲏ ⲅⲁⲣ ⲛ̀ⲉ̀ⲛⲉϩ ⲛ̀ⲛⲟⲩⲉⲣⲡⲉⲥⲱⲃϣ .	Ⲉⲩⲉ̀ϣⲱⲡⲓ ⲛ̀ⲥⲁ ⲡⲓⲙⲱⲓⲧ ⲉⲧϭⲓ ⲉ̀ⲥⲓⲱⲛ ⲉⲩⲉ̀ϯ ⲅⲁⲣ ⲛ̀ⲡ̀ⲟⲩϩⲟ ⲉ̀ⲡⲁⲓⲙⲁ ⲉⲩⲓ̀ ⲟⲩⲟϩ ⲉⲩⲉ̀ⲫⲱⲧ ϩⲁ ⲡ̀ϭⲟⲓⲥ ⲫ̀ⲛⲟⲩϯ ⲟⲩⲇⲓⲁ̀ⲑⲏⲕⲏ ⲅⲁⲣ ⲛ̀ⲉ̀ⲛⲉϩ ⲛ̀ⲛⲟⲩⲉⲣⲡⲉⲥⲱⲃϣ.	Evèṡōpi ǹsa pimōit etċi èsiōn evèti ġar ǹp̀ouho èpaima evì ouoh evèfōt ha p̀ċois f̀nouti ouḋiàθyky ġar ǹèneh ǹnouerpesōvṡ.	They shall ask the way till they come to Sion, for that way shall they set their face; and they shall come and flee for refuge to the Lord their God; for the everlasting covenant shall not be forgotten.
27:6	ⲁϥϣⲱⲡⲓ ⲅⲁⲣ ⲛ̀ϫⲉⲡⲁⲗⲁⲟⲥ ⲙ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲉⲩⲥⲟⲣⲉⲙ ⲁⲩϫⲟⲣⲟⲩ ⲉ̀ⲃⲟⲗ ⲛ̀ϫⲉⲛⲟⲩⲙⲁⲛⲉ̀ⲥⲱⲟⲩ ⲟⲩⲟϩ ⲁⲩⲥⲟⲣⲙⲟⲩ ϩⲓϫⲉⲛⲛⲓⲧⲱⲟⲩ ⲉ̀ⲃⲟⲗϧⲉⲛ ⲟⲩⲧⲱⲟⲩ ⲁⲩⲙⲟϣⲓ ϩⲓϫⲉⲛⲟⲩⲕⲁⲗⲁⲙⲫⲟ ⲁⲩⲉⲣⲡ̀ⲱⲃϣ ⲙ̀ⲡⲟⲩⲙⲁⲛ̀ⲉⲛⲕⲟⲧ .	Ⲁϥϣⲱⲡⲓ ⲅⲁⲣ ⲛ̀ϫⲉ ⲡⲁⲗⲁⲟⲥ ⲛ̀ⲫ̀ⲣⲏϯ ⲛ̀ϩⲁⲛⲉ̀ⲥⲱⲟⲩ ⲉⲩⲥⲟⲣⲉⲙ ⲁⲩϫⲟⲣⲟⲩ ⲉ̀ⲃⲟⲗ ⲛ̀ϫⲉ ⲛⲟⲩⲙⲁⲛⲉ̀ⲥⲱⲟⲩ ⲟⲩⲟϩ ⲁⲩⲥⲟⲣⲙⲟⲩ ϩⲓϫⲉⲛ ⲛⲓⲧⲱⲟⲩ ⲉ̀ⲃⲟⲗ ϧⲉⲛ ⲟⲩⲧⲱⲟⲩ ⲁⲩⲙⲟϣⲓ ϩⲓϫⲉⲛ ⲟⲩⲕⲁⲗⲁⲙⲫⲟ ⲁⲩⲉⲣⲡ̀ⲱⲃϣ ⲛ̀ⲡ̀ⲟⲩⲙⲁⲛ̀ⲉⲛⲕⲟⲧ.	Afṡōpi ġar ǹje palaos ǹf̀ryti ǹhanèsōou evsorem avgorou èvol ǹje noumanèsōou ouoh avsormou hijen nitōou èvol xen outōou avmoṡi hijen oukalamfo averp̀ōvṡ ǹp̀oumaǹenkot.	My people have been lost sheep: their shepherds thrust them out, they caused them to wander on the mountains: they went from mountain to hill, they forgot their resting-place.
27:7	ⲟⲩⲟⲛ ⲛⲓⲃⲉⲛ ⲉⲧϫⲓⲙⲓ ⲙ̀ⲙⲱⲟⲩ ⲛⲁⲩⲙⲟⲩⲛⲕ ⲙ̀ⲙⲱⲟⲩ ⲡⲉ ⲟⲩⲟϩ ⲛⲟⲩϫⲁϫⲓ ⲡⲉϫⲱⲟⲩ ϫⲉⲙ̀ⲡⲉⲛⲑ̀ⲣⲉⲛⲃⲱϣ ⲛⲱⲟⲩ ⲉ̀ⲫ̀ⲙⲁ ϫⲉⲁⲩⲉⲣⲛⲟⲃⲓ ⲉ̀ⲡϭ̅ⲥ̅ ⲟⲩⲙⲁⲙ̀ⲙⲟⲛⲓ ⲛ̀ⲧⲉϯⲙⲉⲑⲙⲏⲓ ⲡⲉ ⲙ̀ⲫⲏⲉⲑⲛⲁⲑⲟⲩⲉⲧ ⲛⲟⲩⲓⲟϯ ⲉ̀ϧⲟⲩⲛ ⲙ̀ⲡϭ̅ⲥ̅ .	Ⲟⲩⲟⲛ ⲛⲓⲃⲉⲛ ⲉⲧϫⲓⲙⲓ ⲙ̀ⲙⲱⲟⲩ ⲛⲁⲩⲙⲟⲩⲛⲕ ⲙ̀ⲙⲱⲟⲩ ⲡⲉ ⲟⲩⲟϩ ⲛⲟⲩϫⲁϫⲓ ⲡⲉϫⲱⲟⲩ ϫⲉ ⲙ̀ⲡⲉⲛⲑ̀ⲣⲉⲛⲃⲱϣ ⲛⲱⲟⲩ ⲉ̀ⲫ̀ⲙⲁ ϫⲉ ⲁⲩⲉⲣⲛⲟⲃⲓ ⲉ̀ⲡ̀ϭⲟⲓⲥ ⲟⲩⲙⲁⲙ̀ⲙⲟⲛⲓ ⲛ̀ⲧⲉ ϯⲙⲉⲑⲙⲏⲓ ⲡⲉ ⲛ̀ⲫⲏⲉⲑⲛⲁⲑⲟⲩⲉⲧ ⲛ̀ⲟⲩⲓⲟϯ ⲉ̀ϧⲟⲩⲛ ⲛ̀ⲡ̀ϭⲟⲓⲥ.	Ouon niven etjimi m̀mōou navmounk m̀mōou pe ouoh nougaji pegōou je m̀penθ̀renvōṡ nōou èf̀ma je avernovi èp̀ċois oumam̀moni ǹte timeθmyi pe ǹfyeθnaθouet ǹouioti èxoun ǹp̀ċois.	All that found them consumed them: their enemies said, Let us not leave them alone, because they have sinned against the Lord: he that gathered their fathers had a pasture of righteousness.
27:8	ⲁⲣⲓϣⲉⲙⲙⲟ ⲉ̀ⲃⲟⲗϧⲉⲛ ⲑ̀ⲙⲏϯ ⲙ̀ⲃⲁⲃⲩⲗⲱⲛ ⲟⲩⲟϩ ⲁ̀ⲙⲱⲓⲛⲓ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲧⲉⲛⲓⲭⲁⲗⲇⲉⲟⲥ ⲟⲩⲟϩ ϣⲱⲡⲓ ⲙ̀ⲫ̀ⲣⲏϯ ⲛ̀ϩⲁⲛϩⲟϥ ⲙ̀ⲡⲉⲙ̀ⲑⲟ ⲛ̀ϩⲁⲛⲉ̀ⲥⲱⲟⲩ .	Ⲁ̀ⲣⲓϣⲉⲙⲙⲟ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲃⲁⲃⲩⲗⲱⲛ ⲟⲩⲟϩ ⲁ̀ⲙⲱⲓⲛⲓ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ ⲛⲓⲭⲁⲗⲇⲉⲟⲥ ⲟⲩⲟϩ ϣⲱⲡⲓ ⲛ̀ⲫ̀ⲣⲏϯ ⲛ̀ϩⲁⲛϩⲟϥ ⲛ̀ⲡⲉⲙ̀ⲑⲟ ⲛ̀ϩⲁⲛⲉ̀ⲥⲱⲟⲩ.	Àriṡemmo èvol xen θ̀myti ǹbabilōn ouoh àmōini èvol xen p̀kahi ǹte nixaldeos ouoh ṡōpi ǹf̀ryti ǹhanhof ǹpem̀θo ǹhanèsōou.	Flee ye out of the midst of Babylon, and from the land of the Chaldeans, and go forth, and be as serpents before sleep.
27:9	ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲧⲟⲩⲛⲉⲥ ϩⲁⲛⲥⲩⲛⲁⲅⲱⲅⲏ ⲛ̀ⲧⲉϩⲁⲛⲉⲑⲛⲟⲥ ⲉ̀ϩ̀ⲣⲏⲓ ⲉ̀ϫⲉⲛⲃⲁⲃⲩⲗⲱⲛ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲙ̀ⲡⲉⲙϩⲓⲧ ⲟⲩⲟϩ ⲉⲩⲉ̀ϯ ⲟⲩⲃⲏⲥ ⲉⲩⲉ̀ⲧⲁⲕⲟ ⲉ̀ⲃⲟⲗ ⲙ̀ⲙⲁⲩ ⲙ̀ⲫ̀ⲣⲏϯ ⲛ̀ⲟⲩⲃⲉⲣⲃⲓⲣ ⲛ̀ⲧⲉⲟⲩⲕⲁⲧϩⲏⲧ ⲛ̀ⲣⲉϥϯ ⲙ̀ⲡⲁϥⲧⲁⲥⲑⲟ ⲉϥϣⲟⲩⲓⲧ .	Ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲧⲟⲩⲛⲉⲥ ϩⲁⲛⲥⲩⲛⲁⲅⲱⲅⲏ ⲛ̀ⲧⲉ ϩⲁⲛⲉⲑⲛⲟⲥ ⲉ̀ϩ̀ⲣⲏⲓ ⲉ̀ϫⲉⲛ ⲃⲁⲃⲩⲗⲱⲛ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲡⲉⲙϩⲓⲧ ⲟⲩⲟϩ ⲉⲩⲉ̀ϯ ⲟⲩⲃⲏⲥ ⲉⲩⲉ̀ⲧⲁⲕⲟ ⲉ̀ⲃⲟⲗ ⲙ̀ⲙⲁⲩ ⲛ̀ⲫ̀ⲣⲏϯ ⲛ̀ⲟⲩⲃⲉⲣⲃⲓⲣ ⲛ̀ⲧⲉ ⲟⲩⲕⲁⲧϩⲏⲧ ⲛ̀ⲣⲉϥϯ ⲙ̀ⲡⲁϥⲧⲁⲥⲑⲟ ⲉϥϣⲟⲩⲓⲧ.	Hyppe ànok eiètounes hansinaġōgy ǹte haneθnos èh̀ryi èjen babilōn èvol xen p̀kahi ǹpemhit ouoh evèti ouvys evètako èvol m̀mav ǹf̀ryti ǹouvervir ǹte oukat·hyt ǹrefti m̀paftasθo efṡouit.	For, behold, I stir up against Babylon the gatherings of nations out of the land of the north; and they shall set themselves in array against her: thence shall she be taken, as the dart of an expert warrior shall not return empty.
27:10	ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉⲧ̀ⲭⲱⲣⲁ ⲛ̀ⲛⲓⲭⲁⲗⲇⲉⲟⲥ ⲉⲩϣⲱⲗ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲑⲛⲁϣⲟⲗⲥ ⲉⲩⲉ̀ⲥⲓ .	Ⲟⲩⲟϩ ⲉⲥⲉ̀ϣⲱⲡⲓ ⲛ̀ϫⲉ ⲧ̀ⲭⲱⲣⲁ ⲛ̀ⲛⲓⲭⲁⲗⲇⲉⲟⲥ ⲉⲩϣⲱⲗ ⲟⲩⲟϩ ⲟⲩⲟⲛ ⲛⲓⲃⲉⲛ ⲉⲑⲛⲁϣⲟⲗⲥ ⲉⲩⲉ̀ⲥⲓ.	Ouoh esèṡōpi ǹje t̀xōra ǹnixaldeos evṡōl ouoh ouon niven eθnaṡols evèsi.	And Chaldea shall be a spoil: all that spoil her shall be satisfied.
27:11	ϫⲉⲛⲁⲣⲉⲧⲉⲛⲟⲩⲛⲟϥ ⲙ̀ⲙⲱⲧⲉⲛ ⲡⲉ ⲟⲩⲟϩ ⲛⲁⲣⲉⲧⲉⲛϣⲟⲩϣⲟⲩ ⲙ̀ⲙⲱⲧⲉⲛ ⲉⲣⲉⲧⲉⲛϩⲱⲗⲉⲙ ⲛ̀ⲧⲁⲕ̀ⲗⲏⲣⲟⲛⲟⲙⲓⲁ̀ ϫⲉⲟⲩⲏⲓ ⲁⲣⲉⲧⲉⲛⲑⲉⲗⲏⲗ ⲙ̀ⲫ̀ⲣⲏϯ ⲛ̀ϩⲁⲛⲉ̀ϩⲱⲟⲩ ϧⲉⲛⲡ̀ⲥⲓⲙ ⲟⲩⲟϩ ⲁⲣⲉⲧⲉⲛϧⲟⲗϧⲉⲗ ⲙ̀ⲫ̀ⲣⲏϯ ⲛ̀ϩⲁⲛⲙⲁⲥⲓ .	Ϫⲉ ⲛⲁⲣⲉⲧⲉⲛⲟⲩⲛⲟϥ ⲙ̀ⲙⲱⲧⲉⲛ ⲡⲉ ⲟⲩⲟϩ ⲛⲁⲣⲉⲧⲉⲛϣⲟⲩϣⲟⲩ ⲙ̀ⲙⲱⲧⲉⲛ ⲉ̀ⲣⲉⲧⲉⲛϩⲱⲗⲉⲙ ⲛ̀ⲧⲁⲕ̀ⲗⲏⲣⲟⲛⲟⲙⲓⲁ̀ ϫⲉ ⲟⲩⲏⲓ ⲁⲣⲉⲧⲉⲛⲑⲉⲗⲏⲗ ⲛ̀ⲫ̀ⲣⲏϯ ⲛ̀ϩⲁⲛⲉ̀ϩⲱⲟⲩ ϧⲉⲛ ⲡ̀ⲥⲓⲙ ⲟⲩⲟϩ ⲁⲣⲉⲧⲉⲛϧⲟⲗϧⲉⲗ ⲛ̀ⲫ̀ⲣⲏϯ ⲛ̀ϩⲁⲛⲙⲁⲥⲓ.	Je naretenounof m̀mōten pe ouoh naretenṡouṡou m̀mōten èretenhōlem ǹtak̀lyronomià je ouyi aretenθelyl ǹf̀ryti ǹhanèhōou xen p̀·sim ouoh aretenxolxel ǹf̀ryti ǹhanmasi.	Because ye rejoiced, and boasted, while plundering mine heritage; because ye exulted as calves in the grass, and pushed with the horn as bulls.
27:12	ⲟⲩⲟϩ ⲁⲥϣⲓⲡⲓ ⲛ̀ϫⲉⲧⲉⲧⲉⲛⲙⲁⲩ ⲉⲙⲁϣⲱ ⲟⲩⲙⲁⲩ ⲉ̀ϫⲉⲛϩⲁⲛⲁ̀ⲅⲁⲑⲟⲛ ⲧ̀ϧⲁⲏ̀ ⲛ̀ⲛⲓⲉⲑⲛⲟⲥ ⲉⲥⲉ̀ⲉⲣϣⲁϥⲉ ⲉ̀ⲃⲟⲗϩⲁ ⲡ̀ϫⲱⲛⲧ ⲙ̀ⲡϭ̅ⲥ̅ .	Ⲟⲩⲟϩ ⲁⲥϣⲓⲡⲓ ⲛ̀ϫⲉ ⲧⲉⲧⲉⲛⲙⲁⲩ ⲉ̀ⲙⲁϣⲱ ⲟⲩⲙⲁⲩ ⲉ̀ϫⲉⲛ ϩⲁⲛⲁ̀ⲅⲁⲑⲟⲛ ⲧ̀ϧⲁⲏ̀ ⲛ̀ⲛⲓⲉⲑⲛⲟⲥ ⲉⲥⲉ̀ⲉⲣϣⲁϥⲉ ⲉ̀ⲃⲟⲗϩⲁ ⲡ̀ϫⲱⲛⲧ ⲛ̀ⲡ̀ϭⲟⲓⲥ.	Ouoh asṡipi ǹje tetenmav èmaṡō oumav èjen hanàġaθon t̀xaỳ ǹnieθnos esèerṡafe èbolha p̀gōnt ǹp̀ċois.	Your mother is greatly ashamed; your mother that bore you for prosperity is confounded: she is the last of the nations, desolate,
27:13	ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϧⲏⲧⲥ ⲟⲩⲟϩ ⲉⲥⲉ̀ϣⲱⲡⲓ ⲧⲏⲣⲥ ⲉ̀ⲡ̀ⲧⲁⲕⲟ ⲟⲩⲟⲛ ⲛⲓⲃⲉⲛ ⲉⲑⲛⲁⲥⲓⲛⲓ ⲉ̀ⲃⲟⲗϩⲓⲧⲉⲛ ⲑ̀ⲃⲁⲃⲩⲗⲱⲛ ⲉϥⲉ̀ⲱⲕⲉⲙ ⲟⲩⲟϩ ⲉϥⲉ̀ϣⲟⲕϣⲉⲕ ⲉ̀ϩ̀ⲣⲏⲓ ⲉ̀ϫⲉⲛⲡⲉⲥⲉⲣϧⲟⲉⲣϧⲟⲧ ⲧⲏⲣϥ .	Ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϧⲏⲧⲥ ⲟⲩⲟϩ ⲉⲥⲉ̀ϣⲱⲡⲓ ⲧⲏⲣⲥ ⲉ̀ⲡ̀ⲧⲁⲕⲟ ⲟⲩⲟⲛ ⲛⲓⲃⲉⲛ ⲉⲑⲛⲁⲥⲓⲛⲓ ⲉ̀ⲃⲟⲗ ϩⲓⲧⲉⲛ ⲑ̀ⲃⲁⲃⲩⲗⲱⲛ ⲉϥⲉ̀ⲱⲕⲉⲙ ⲟⲩⲟϩ ⲉϥⲉ̀ϣⲟⲕϣⲉⲕ ⲉ̀ϩ̀ⲣⲏⲓ ⲉ̀ϫⲉⲛ ⲡⲉⲥⲉⲣϧⲟⲉⲣϧⲟⲧ ⲧⲏⲣϥ.	Ouoh ǹnouṡōpi ǹxyts ouoh esèṡōpi tyrs èp̀tako ouon niven eθnasini èvol hiten θ̀babilōn efèōkem ouoh efèṡokṡek èh̀ryi èjen peserxoerxot tyrf.	by reason of the Lord's anger: it shall not be inhabited, but it shall be all a desolation; and every one that passes through Babylon shall scowl, and they shall hiss at all her plague.
27:14	ϧⲉⲕ ⲑⲏⲛⲟⲩ ⲉ̀ϩ̀ⲣⲏⲓ ⲉ̀ϫⲉⲛⲑ̀ⲃⲁⲃⲩⲗⲱⲛ ⲟⲩⲟϩ ⲕⲱϯ ⲉ̀ⲣⲟⲥ ⲟⲩⲟⲛ ⲛⲓⲃⲉⲛ ⲉⲧϭⲱⲗⲕ ⲛ̀ⲟⲩⲫⲓϯ ϩⲓⲥⲟⲑⲛⲉϥ ⲉ̀ⲣⲟⲥ ⲙ̀ⲡⲉⲣϯⲁ̀ⲥⲟ ⲉ̀ϫⲉⲛⲛⲉⲧⲉⲛⲫⲓϯ .	Ϧⲉⲕ ⲑⲏⲛⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲑ̀ⲃⲁⲃⲩⲗⲱⲛ ⲟⲩⲟϩ ⲕⲱϯ ⲉ̀ⲣⲟⲥ ⲟⲩⲟⲛ ⲛⲓⲃⲉⲛ ⲉⲧϭⲱⲗⲕ ⲛ̀ⲟⲩⲫⲓϯ ϩⲓⲥⲟⲑⲛⲉϥ ⲉ̀ⲣⲟⲥ ⲙ̀ⲡⲉⲣϯⲁ̀ⲥⲟ ⲉ̀ϫⲉⲛ ⲛⲉⲧⲉⲛⲫⲓϯ.	Xek θynou èh̀ryi èjen θ̀babilōn ouoh kōti èros ouon niven etċōlk ǹoufiti hisoθnef èros m̀pertiàso èjen netenfiti.	Set yourselves in array against Babylon round about, all ye that bend the bow; shoot at her, spare not your arrows,
27:15	ⲟⲩⲟϩ ⲁ̀ⲙⲁϩⲓ ⲙ̀ⲙⲟⲥ ⲁⲩⲃⲱⲗ ⲉ̀ⲃⲟⲗ ⲛ̀ϫⲉⲛⲉⲥϫⲓϫ ⲁⲩϩⲉⲓ ⲛ̀ϫⲉⲛⲉⲥⲙⲁⲛ̀ⲁ̀ⲣⲉϩ ⲟⲩⲟϩ ⲁϥⲟⲩⲱϫⲡ ⲛ̀ϫⲉⲡⲉⲥⲥⲟⲃⲧ ϫⲉⲟⲩϭⲓⲙ̀ⲡ̀ϣⲓϣ ⲉ̀ⲃⲟⲗϩⲓⲧⲉⲛ ⲫϯ ⲡⲉ ⲁⲣⲓⲟⲩⲓ̀ ⲛ̀ⲟⲩϭⲓⲙ̀ⲡ̀ϣⲓϣ ⲉ̀ϩ̀ⲣⲏⲓ ⲉ̀ϫⲱⲥ ⲙ̀ⲫ̀ⲣⲏϯ ⲉⲧⲁⲥⲓ̀ⲣⲓ ⲁⲣⲓⲟⲩⲓ̀ ϩⲱⲧⲉⲛ ⲛⲁⲥ .	Ⲟⲩⲟϩ ⲁ̀ⲙⲁϩⲓ ⲙ̀ⲙⲟⲥ ⲁⲩⲃⲱⲗ ⲉ̀ⲃⲟⲗ ⲛ̀ϫⲉ ⲛⲉⲥϫⲓϫ ⲁⲩϩⲉⲓ ⲛ̀ϫⲉ ⲛⲉⲥⲙⲁⲛ̀ⲁ̀ⲣⲉϩ ⲟⲩⲟϩ ⲁϥⲟⲩⲱϫⲡ ⲛ̀ϫⲉ ⲡⲉⲥⲥⲟⲃⲧ ϫⲉ ⲟⲩϭⲓⲙ̀ⲡ̀ϣⲓϣ ⲉ̀ⲃⲟⲗ ϩⲓⲧⲉⲛ ⲫ̀ⲛⲟⲩϯ ⲡⲉ ⲁ̀ⲣⲓⲟⲩⲓ̀ ⲛ̀ⲟⲩϭⲓⲙ̀ⲡ̀ϣⲓϣ ⲉ̀ϩ̀ⲣⲏⲓ ⲉ̀ϫⲱⲥ ⲛ̀ⲫ̀ⲣⲏϯ ⲉⲧⲁⲥⲓ̀ⲣⲓ ⲁ̀ⲣⲓⲟⲩⲓ̀ ϩⲱⲧⲉⲛ ⲛⲁⲥ.	Ouoh àmahi m̀mos avvōl èvol ǹje nesjig avhei ǹje nesmaǹàreh ouoh afouōgp ǹje pessovt je ouċim̀p̀ṡiṡ èvol hiten f̀nouti pe àriouì ǹouċim̀p̀ṡiṡ èh̀ryi ègōs ǹf̀ryti etasìri àriouì hōten nas.	and prevail against her: her hands are weakened, her bulwarks are fallen, and her wall is broken down: for it is vengeance from God: take vengeance upon her; as she has done, do to her.
27:16	ϥⲱϯ ⲛ̀ⲟⲩⲥ̀ⲡⲉⲣⲙⲁ ⲉ̀ⲃⲟⲗϧⲉⲛ ⲃⲁⲃⲩⲗⲱⲛ ⲛⲉⲙⲫⲏⲉⲧⲁ̀ⲙⲟⲛⲓ ⲛ̀ⲟⲩⲱⲥϧ ϧⲉⲛⲡ̀ⲥⲏⲟⲩ ⲙ̀ⲡ̀ⲱⲥϧ ⲉ̀ⲃⲟⲗϩⲁ ⲡ̀ϩⲟ ⲛ̀ⲟⲩⲥⲏϥⲓ ⲛ̀ⲟⲩⲉⲓⲛⲓⲛ ⲟⲩⲟϩ ⲡⲓⲟⲩⲁⲓ ⲡⲓⲟⲩⲁⲓ ⲉϥⲉ̀ⲫⲱⲧ ⲉ̀ϧⲟⲩⲛ ⲉ̀ⲡⲉϥⲕⲁϩⲓ .	Ϥⲱϯ ⲛ̀ⲟⲩⲥ̀ⲡⲉⲣⲙⲁ ⲉ̀ⲃⲟⲗ ϧⲉⲛ ⲃⲁⲃⲩⲗⲱⲛ ⲛⲉⲙ ⲫⲏⲉⲧⲁ̀ⲙⲟⲛⲓ ⲛ̀ⲟⲩⲱⲥϧ ϧⲉⲛ ⲡ̀ⲥⲏⲟⲩ ⲛ̀ⲡ̀ⲱⲥϧ ⲉ̀ⲃⲟⲗϩⲁ ⲡ̀ϩⲟ ⲛ̀ⲟⲩⲥⲏϥⲓ ⲛ̀ⲟⲩⲉⲓⲛⲓⲛ ⲟⲩⲟϩ ⲡⲓⲟⲩⲁⲓ ⲡⲓⲟⲩⲁⲓ ⲉϥⲉ̀ⲫⲱⲧ ⲉ̀ϧⲟⲩⲛ ⲉ̀ⲡⲉϥⲕⲁϩⲓ.	Fōti ǹous̀perma èvol xen babilōn nem fyetàmoni ǹouōsx xen p̀·syou ǹp̀ōsx èbolha p̀ho ǹousyfi ǹoueinin ouoh piouai piouai efèfōt èxoun èpefkahi.	Utterly destroy seed out of Babylon, and him that holds a sickle in time of harvest: for fear of the Grecian sword, they shall return every one to his people, and every one shall flee to his own land.
27:17	ⲟⲩⲉ̀ⲥⲱⲟⲩ ⲉϥⲥⲟⲣⲉⲙ ⲡⲉ ⲡⲓ̅ⲥ̅ⲗ̅ ϩⲁⲛⲙⲟⲩⲓ̀ ⲁⲩϫⲟⲣϥ ⲉ̀ⲃⲟⲗ ⲡⲓϩⲟⲩⲓⲧ ⲁϥⲟⲩⲟⲙϥ ⲡ̀ⲟⲩⲣⲟ ⲛ̀ⲧⲉⲁⲥⲥⲟⲩⲣ ⲟⲩⲟϩ ⲡ̀ϧⲁⲉ̀ ⲁϥⲟⲩⲱⲙ ⲛ̀ⲛⲉϥⲕⲁⲥ ⲡ̀ⲟⲩⲣⲟ ⲙ̀ⲃⲁⲃⲩⲗⲱⲛ .	Ⲟⲩⲉ̀ⲥⲱⲟⲩ ⲉϥⲥⲟⲣⲉⲙ ⲡⲉ ⲡⲓⲥⲣⲁⲏⲗ ϩⲁⲛⲙⲟⲩⲓ̀ ⲁⲩϫⲟⲣϥ ⲉ̀ⲃⲟⲗ ⲡⲓϩⲟⲩⲓⲧ ⲁϥⲟⲩⲟⲙϥ ⲡ̀ⲟⲩⲣⲟ ⲛ̀ⲧⲉ ⲁⲥⲥⲟⲩⲣ ⲟⲩⲟϩ ⲡ̀ϧⲁⲉ̀ ⲁϥⲟⲩⲱⲙ ⲛ̀ⲛⲉϥⲕⲁⲥ ⲡ̀ⲟⲩⲣⲟ ⲛ̀ⲃⲁⲃⲩⲗⲱⲛ.	Ouèsōou efsorem pe pisrayl hanmouì avgorf èvol pihouit afouomf p̀ouro ǹte assour ouoh p̀xaè afouōm ǹnefkas p̀ouro ǹbabilōn.	Israel is a wandering sheep; the lions have driven him out: the king of Assyria first devoured him, and afterward this king of Babylon has gnawed his bones.
27:18	ⲉⲑⲃⲉⲫⲁⲓ ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉϩⲏⲡⲡⲉ ⲁ̀ⲛⲟⲕ ϯⲛⲁϭⲓⲙ̀ⲡⲉⲙ̀ⲡ̀ϣⲓϣ ⲉ̀ϫⲉⲛⲡ̀ⲟⲩⲣⲟ ⲙ̀ⲃⲁⲃⲩⲗⲱⲛ ⲛⲉⲙⲉ̀ϫⲉⲛⲡⲉϥⲕⲁϩⲓ ⲙ̀ⲫ̀ⲣⲏϯ ⲉⲧⲁⲓϭⲓⲙ̀ⲡ̀ϣⲓϣ ⲉ̀ϫⲉⲛⲡ̀ⲟⲩⲣⲟ ⲁⲥⲥⲟⲩⲣ .	Ⲉⲑⲃⲉ ⲫⲁⲓ ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ϩⲏⲡⲡⲉ ⲁ̀ⲛⲟⲕ ϯⲛⲁϭⲓⲙ̀ⲡⲉⲙ̀ⲡ̀ϣⲓϣ ⲉ̀ϫⲉⲛ ⲡ̀ⲟⲩⲣⲟ ⲛ̀ⲃⲁⲃⲩⲗⲱⲛ ⲛⲉⲙ ⲉ̀ϫⲉⲛ ⲡⲉϥⲕⲁϩⲓ ⲛ̀ⲫ̀ⲣⲏϯ ⲉⲧⲁⲓϭⲓⲙ̀ⲡ̀ϣⲓϣ ⲉ̀ϫⲉⲛ ⲡ̀ⲟⲩⲣⲟ ⲁⲥⲥⲟⲩⲣ.	Eθve fai nai ne nyètefgō m̀mōou ǹje p̀ċois je hyppe ànok tinaċim̀pem̀p̀ṡiṡ èjen p̀ouro ǹbabilōn nem èjen pefkahi ǹf̀ryti etaiċim̀p̀ṡiṡ èjen p̀ouro assour.	Therefore thus saith the Lord; Behold, I will take vengeance on the king of Babylon, and upon his land, as I took vengeance on the king of Assyria.
27:19	ⲟⲩⲟϩ ⲉⲓⲉ̀ⲧⲁⲥⲑⲟ ⲙ̀ⲡⲓ̅ⲥ̅ⲗ̅ ⲉ̀ⲡⲉϥⲙⲁⲙ̀ⲙⲟⲛⲓ ⲟⲩⲟϩ ⲉⲩⲉ̀ⲙⲟⲛⲓ ϧⲉⲛⲡⲓⲕⲁⲣⲙⲏⲗⲟⲥ ⲛⲉⲙϧⲉⲛⲡ̀ⲧⲱⲟⲩ ⲛ̀ⲉⲫⲣⲉⲙ ⲛⲉⲙϧⲉⲛⲅⲁⲗⲁⲁⲇ ⲟⲩⲟϩ ⲉⲥⲉ̀ⲥⲓ ⲛ̀ϫⲉⲧⲉϥⲯⲩⲭⲏ .	Ⲟⲩⲟϩ ⲉⲓⲉ̀ⲧⲁⲥⲑⲟ ⲛ̀ⲡⲓⲥⲣⲁⲏⲗ ⲉ̀ⲡⲉϥⲙⲁⲙ̀ⲙⲟⲛⲓ ⲟⲩⲟϩ ⲉⲩⲉ̀ⲙⲟⲛⲓ ϧⲉⲛ ⲡⲓⲕⲁⲣⲙⲏⲗⲟⲥ ⲛⲉⲙ ϧⲉⲛ ⲡ̀ⲧⲱⲟⲩ ⲛ̀ⲉⲫⲣⲉⲙ ⲛⲉⲙ ϧⲉⲛ ⲅⲁⲗⲁⲁⲇ ⲟⲩⲟϩ ⲉⲥⲉ̀ⲥⲓ ⲛ̀ϫⲉ ⲧⲉϥⲯⲩⲭⲏ.	Ouoh eiètasθo ǹpisrayl èpefmam̀moni ouoh evèmoni xen pikarmylos nem xen p̀tōou ǹefrem nem xen ġalaad ouoh esèsi ǹje tefpsiṡy.	And I will restore Israel to his pasture, and he shall feed on Carmel and on mount Ephraim and in Galaad, and his soul shall be satisfied.
27:20	ϧⲉⲛⲛⲓⲉ̀ϩⲟⲟⲩ ⲉⲧⲉⲙ̀ⲙⲁⲩ ⲟⲩⲟϩ ⲉⲩⲉ̀ⲕⲱϯ ⲛ̀ⲥⲁⲧ̀ⲁ̀ⲇⲓⲕⲓⲁ̀ ⲙ̀ⲡⲓ̅ⲥ̅ⲗ̅ ⲟⲩⲟϩ ⲛⲉⲥϣⲱⲡⲓ ⲟⲩⲟϩ ⲛⲉⲛⲛⲟⲃⲓ ⲛ̀ⲓⲟⲩⲇⲁ ⲟⲩⲟϩ ⲛ̀ⲛⲟⲩϫⲉⲙⲟⲩ ⲉⲓⲉ̀ⲭⲱ ⲉ̀ⲃⲟⲗ ⲛ̀ⲛⲏⲉⲧⲁⲩⲥⲱϫⲡ ϩⲓϫⲉⲛⲡ̀ⲕⲁϩⲓ ⲡⲉϫⲉ ⲡϭ̅ⲥ̅ .	Ϧⲉⲛ ⲛⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲉⲩⲉ̀ⲕⲱϯ ⲛ̀ⲥⲁ ⲧ̀ⲁ̀ⲇⲓⲕⲓⲁ̀ ⲛ̀ⲡⲓⲥⲣⲁⲏⲗ ⲟⲩⲟϩ ⲛⲉⲥϣⲱⲡⲓ ⲟⲩⲟϩ ⲛⲉⲛⲛⲟⲃⲓ ⲛ̀ⲓⲟⲩⲇⲁ ⲟⲩⲟϩ ⲛ̀ⲛⲟⲩϫⲉⲙⲟⲩ ⲉⲓⲉ̀ⲭⲱ ⲉ̀ⲃⲟⲗ ⲛ̀ⲛⲏⲉⲧⲁⲩ ⲥⲱϫⲡ ϩⲓϫⲉⲛ ⲡ̀ⲕⲁϩⲓ ⲡⲉϫⲉ ⲡ̀ϭⲟⲓⲥ.	Xen nièhoou ète m̀mav ouoh evèkōti ǹsa t̀àḋikià ǹpisrayl ouoh nesṡōpi ouoh nennovi ǹiouda ouoh ǹnoujemou eièkō èvol ǹnyetav sōgp hijen p̀kahi peje p̀ċois.	In those days, and at that time, they shall seek for the iniquity of Israel, and there shall be none; and for the sins of Juda, and they shall not be found: for I will be merciful to them that are left
27:21	ⲁⲙⲟⲩ ⲉ̀ϩ̀ⲣⲏⲓ ⲉ̀ϫⲱⲥ ϧⲉⲛⲟⲩⲙ̀ⲃⲟⲛ ⲛⲉⲙⲉ̀ϫⲉⲛⲛⲏⲉⲧϣⲟⲡ ⲛ̀ϧⲏⲧⲥ ϭⲓⲙ̀ⲡ̀ϣⲓϣ ⲉ̀ϫⲱⲥ ϧⲉⲛⲟⲩⲥⲏϥⲓ ⲟⲩⲟϩ ⲧⲁⲕⲟⲥ ⲡⲉϫⲉ ⲡϭ̅ⲥ̅ ⲟⲩⲟϩ ⲁⲣⲓⲟⲩⲓ̀ ⲕⲁⲧⲁϩⲱⲃ ⲛⲓⲃⲉⲛ ⲉ̀ϯⲛⲁϩⲉⲛϩⲱⲛⲕ ⲉ̀ⲣⲱⲟⲩ .	Ⲁ̀ⲙⲟⲩ ⲉ̀ϩ̀ⲣⲏⲓ ⲉ̀ϫⲱⲥ ϧⲉⲛ ⲟⲩⲙ̀ⲃⲟⲛ ⲛⲉⲙ ⲉ̀ϫⲉⲛ ⲛⲏⲉⲧϣⲟⲡ ⲛ̀ϧⲏⲧⲥ ϭⲓⲙ̀ⲡ̀ϣⲓϣ ⲉ̀ϫⲱⲥ ϧⲉⲛ ⲟⲩⲥⲏϥⲓ ⲟⲩⲟϩ ⲧⲁⲕⲟⲥ ⲡⲉϫⲉ ⲡ̀ϭⲟⲓⲥ ⲟⲩⲟϩ ⲁ̀ⲣⲓⲟⲩⲓ̀ ⲕⲁⲧⲁ ϩⲱⲃ ⲛⲓⲃⲉⲛ ⲉ̀ⲓⲛⲁϩⲉⲛϩⲱⲛⲕ ⲉ̀ⲣⲱⲟⲩ.	Àmou èh̀ryi ègōs xen oum̀von nem èjen nyetṡop ǹxyts ċim̀p̀ṡiṡ ègōs xen ousyfi ouoh takos peje p̀ċois ouoh àriouì kata hōb niven èinahenhōnk èrōou.	on the land, saith the Lord. Go up against it roughly, and against them that dwell on it: avenge, O sword, and destroy utterly, saith the Lord, and do according to all that I command thee.
27:22	ⲧ̀ⲥ̀ⲙⲏ ⲛ̀ⲟⲩⲡⲟⲗⲉⲙⲟⲥ ⲛⲉⲙⲟⲩⲛⲓϣϯ ⲛ̀ϧⲟⲙϧⲉⲙ ϧⲉⲛⲡ̀ⲕⲁϩⲓ ⲛ̀ⲧⲉⲛⲓⲭⲁⲗⲇⲉⲟⲥ .	Ⲧ̀ⲥ̀ⲙⲏ ⲛ̀ⲟⲩⲡⲟⲗⲉⲙⲟⲥ ⲛⲉⲙ ⲟⲩⲛⲓϣϯ ⲛ̀ϧⲟⲙϧⲉⲙ ϧⲉⲛ ⲡ̀ⲕⲁϩⲓ ⲛ̀ⲧⲉ ⲛⲓⲭⲁⲗⲇⲉⲟⲥ.	T̀s̀my ǹoupolemos nem ouniṡti ǹxomxem xen p̀kahi ǹte nixaldeos.	A sound of war, and great destruction in the land of the Chaldeans!
27:23	ⲡⲱⲥ ⲁϥⲕⲱϣ ⲟⲩⲟϩ ⲁϥϧⲟⲙϧⲉⲙ ⲛ̀ϫⲉⲡⲓⲁ̀ⲑⲏⲣ ⲛ̀ⲧⲉⲡ̀ⲕⲁϩⲓ ⲧⲏⲣϥ ⲡⲱⲥ ⲁⲥϣⲱⲡⲓ ⲉ̀ⲡ̀ⲧⲁⲕⲟ ⲛ̀ϫⲉⲃⲁⲃⲩⲗⲱⲛ ϧⲉⲛⲛⲓⲉⲑⲛⲟⲥ .	Ⲡⲱⲥ ⲁϥⲕⲱϣ ⲟⲩⲟϩ ⲁϥϧⲟⲙϧⲉⲙ ⲛ̀ϫⲉ ⲡⲓⲁ̀ⲑⲏⲣ ⲛ̀ⲧⲉ ⲡ̀ⲕⲁϩⲓ ⲧⲏⲣϥ ⲡⲱⲥ ⲁⲥϣⲱⲡⲓ ⲉ̀ⲡ̀ⲧⲁⲕⲟ ⲛ̀ϫⲉ ⲃⲁⲃⲩⲗⲱⲛ ϧⲉⲛ ⲛⲓⲉⲑⲛⲟⲥ.	Pōs afkōṡ ouoh afxomxem ǹje piàθyr ǹte p̀kahi tyrf pōs asṡōpi èp̀tako ǹje babilōn xen nieθnos.	How is the hammer of the whole earth broken and crushed! How is Babylon become a desolation among the nations!
27:24	ⲉⲩⲉ̀ⲟⲩⲁϩⲟⲩ ⲉ̀ϫⲱⲟⲩ ⲟⲩⲟϩ ⲛ̀ⲛⲉⲉ̀ⲙⲓ ⲃⲁⲃⲩⲗⲱⲛ ⲟⲩⲟϩ ⲉⲣⲉⲧⲁⲕⲟ ⲁⲩϫⲉⲙⲓ ⲟⲩⲟϩ ⲁⲩⲟⲗⲓ ϫⲉⲟⲩⲏⲓ ⲁⲣⲉϯ ⲉ̀ϧⲟⲩⲛ ⲉ̀ϩ̀ⲣⲉⲛⲡϭ̅ⲥ̅ .	Ⲉⲩⲉ̀ⲟⲩⲁϩⲟⲩ ⲉ̀ϫⲱⲟⲩ ⲟⲩⲟϩ ⲛ̀ⲛⲉⲉ̀ⲙⲓ ⲃⲁⲃⲩⲗⲱⲛ ⲟⲩⲟϩ ⲉ̀ⲣⲉⲧⲁⲕⲟ ⲁⲩϫⲉⲙⲓ ⲟⲩⲟϩ ⲁⲩⲟⲗⲓ ϫⲉ ⲟⲩⲏⲓ ⲁⲣⲉϯ ⲉ̀ϧⲟⲩⲛ ⲉ̀ϩ̀ⲣⲉⲛⲡϭ̅ⲥ̅.	Evèouahou ègōou ouoh ǹneèmi babilōn ouoh èretako avjemi ouoh avoli je ouyi areti èxoun èh̀renpċs.	They shall come upon thee, and thou shalt not know it, Babylon, that thou wilt even be taken captive: thou art found and taken, because thou didst resist the Lord.
27:25	ⲟⲩⲟϩ ⲁϥⲁ̀ⲟⲩⲱⲛ ⲛ̀ϫⲉⲡϭ̅ⲥ̅ ⲙ̀ⲡⲉϥⲁ̀ϩⲱⲣ ⲁϥⲓ̀ⲛⲓ ⲉ̀ⲃⲟⲗ ⲛ̀ⲛⲓⲥ̀ⲕⲉⲩⲟⲥ ⲛ̀ⲧⲉⲡ̀ϫⲱⲛⲧ ϫⲉⲡ̀ϩⲱⲃ ⲙ̀ⲡϭ̅ⲥ̅ ⲫϯ ϧⲉⲛⲡ̀ⲕⲁϩⲓ ⲛ̀ⲧⲉⲛⲓⲭⲁⲗⲇⲉⲟⲥ .	Ⲟⲩⲟϩ ⲁϥⲁ̀ⲟⲩⲱⲛ ⲛ̀ϫⲉ ⲡ̀ϭⲟⲓⲥ ⲛ̀ⲡⲉϥⲁ̀ϩⲱⲣ ⲁϥⲓ̀ⲛⲓ ⲉ̀ⲃⲟⲗ ⲛ̀ⲛⲓⲥ̀ⲕⲉⲩⲟⲥ ⲛ̀ⲧⲉ ⲡ̀ϫⲱⲛⲧ ϫⲉ ⲡ̀ϩⲱⲃ ⲛ̀ⲡ̀ϭⲟⲓⲥ ⲫ̀ⲛⲟⲩϯ ϧⲉⲛ ⲡ̀ⲕⲁϩⲓ ⲛ̀ⲧⲉ ⲛⲓⲭⲁⲗⲇⲉⲟⲥ.	Ouoh afàouōn ǹje p̀ċois ǹpefàhōr afìni èvol ǹnis̀kevos ǹte p̀gōnt je p̀hōb ǹp̀ċois f̀nouti xen p̀kahi ǹte nixaldeos.	The Lord has opened his treasury, and brought forth the weapons of his anger: for the Lord God has a work in the land of the Chaldeans.
27:26	ⲁⲩⲓ̀ ⲛ̀ϫⲉⲛⲉϥⲥⲏⲟⲩ ⲁ̀ⲟⲩⲱⲛ ⲉ̀ⲛⲉϥⲁ̀ⲡⲟⲑⲏⲕⲏ ϧⲉⲧϧⲱⲧϥ ⲙ̀ⲫ̀ⲣⲏϯ ⲛ̀ⲟⲩⲃⲏⲃ ⲙ̀ⲡⲉⲛⲑ̀ⲣⲉ ⲥⲱϫⲡ ϣⲱⲡⲓ ⲛⲁϥ .	Ⲁⲩⲓ̀ ⲛ̀ϫⲉ ⲛⲉϥⲥⲏⲟⲩ ⲁ̀ⲟⲩⲱⲛ ⲉ̀ⲛⲉϥⲁ̀ⲡⲟⲑⲏⲕⲏ ϧⲉⲧϧⲱⲧϥ ⲛ̀ⲫ̀ⲣⲏϯ ⲛ̀ⲟⲩⲃⲏⲃ ⲙ̀ⲡⲉⲛⲑ̀ⲣⲉ ⲥⲱϫⲡ ϣⲱⲡⲓ ⲛⲁϥ.	Avì ǹje nefsyou àouōn ènefàpoθyky xetxōtf ǹf̀ryti ǹouvyb m̀penθ̀re sōgp ṡōpi naf.	For her times are come: open ye her storehouses: search her as a cave, and utterly destroy her: let there be no remnant of her.
27:27	ⲛⲉϥⲟⲩⲧⲁϩ ⲧⲏⲣⲟⲩ ⲙⲁⲣⲟⲩϣⲱⲟⲩⲓ̀ ⲟⲩⲟϩ ⲙⲁⲣⲟⲩⲓ̀ ⲉ̀ⲡⲉⲥⲏⲧ ⲉ̀ⲡ̀ϧⲟⲗϧⲉⲗ ⲟⲩⲟⲓ ⲛⲱⲟⲩ ϫⲉⲁϥⲓ̀ ⲛ̀ϫⲉⲡⲟⲩⲉ̀ϩⲟⲟⲩ ⲛⲉⲙⲡ̀ⲥⲏⲟⲩ ⲛ̀ⲧⲉⲡⲟⲩϭⲓⲙ̀ⲡ̀ϣⲓϣ .	Ⲛⲉϥⲟⲩⲧⲁϩ ⲧⲏⲣⲟⲩ ⲙⲁⲣⲟⲩϣⲱⲟⲩⲓ̀ ⲟⲩⲟϩ ⲙⲁⲣⲟⲩⲓ̀ ⲉ̀ⲡⲉⲥⲏⲧ ⲉ̀ⲡ̀ϧⲟⲗϧⲉⲗ ⲟⲩⲟⲓ ⲛⲱⲟⲩ ϫⲉ ⲁϥⲓ̀ ⲛ̀ϫⲉ ⲡⲟⲩⲉ̀ϩⲟⲟⲩ ⲛⲉⲙ ⲡ̀ⲥⲏⲟⲩ ⲛ̀ⲧⲉ ⲡⲟⲩϭⲓⲙ̀ⲡ̀ϣⲓϣ.	Nefoutah tyrou marouṡōouì ouoh marouì èpesyt èp̀xolxel ouoi nōou je afì ǹje pouèhoou nem p̀·syou ǹte pouċim̀p̀ṡiṡ.	Dry ye up all her fruits, and let them go down to the slaughter: woe to them! for their day is come, and the time of their retribution.
27:28	ⲧ̀ⲥ̀ⲙⲏ ⲛ̀ⲧⲉⲛⲏⲉⲧⲫⲏⲧ ⲛⲉⲙⲛⲏⲉⲧⲁⲩⲛⲟϩⲉⲙ ⲉ̀ⲃⲟⲗϧⲉⲛ ⲡ̀ⲕⲁϩⲓ ⲛ̀ⲧⲉⲃⲁⲃⲩⲗⲱⲛ ⲉ̀ⲧⲁⲙⲉ ⲥⲓⲱⲛ ⲉ̀ⲡⲓϭⲓⲙ̀ⲡ̀ϣⲓϣ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ ⲡⲉⲛⲛⲟⲩϯ .	Ⲧ̀ⲥ̀ⲙⲏ ⲛ̀ⲧⲉ ⲛⲏⲉⲧⲫⲏⲧ ⲛⲉⲙ ⲛⲏⲉⲧⲁⲩⲛⲟϩⲉⲙ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ ⲃⲁⲃⲩⲗⲱⲛ ⲉ̀ⲧⲁⲙⲉ ⲥⲓⲱⲛ ⲉ̀ⲡⲓϭⲓⲙ̀ⲡ̀ϣⲓϣ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ ⲡⲉⲛⲛⲟⲩϯ.	T̀s̀my ǹte nyetfyt nem nyetavnohem èvol xen p̀kahi ǹte babilōn ètame siōn èpiċim̀p̀ṡiṡ èvol hiten p̀ċois pennouti.	A voice of men fleeing and escaping from the land of Babylon, to declare to Sion the vengeance that comes from the Lord our God.
27:29	ϩⲟⲛϩⲉⲛ ⲉⲧⲉⲡⲟⲩⲙⲏϣ ⲉ̀ϩ̀ⲣⲏⲓ ⲉ̀ϫⲉⲛⲃⲁⲃⲩⲗⲱⲛ ⲟⲩⲟⲛ ⲛⲓⲃⲉⲛ ⲉⲧϭⲱⲗⲕ ⲛ̀ⲧⲉϥⲫⲓϯ ⲙⲁⲧⲁⲕⲧⲟ ⲉ̀ⲣⲟⲥ ⲉϥⲕⲱϯ ⲟⲩⲟϩ ⲙ̀ⲡⲉⲛⲑ̀ⲣⲉ ϩ̀ⲗⲓ ⲟⲩϫⲁⲓ ⲛ̀ϧ̀ⲣⲏⲓ ⲛ̀ϧⲏⲧⲥ ⲙⲟⲓ ⲛⲁⲥ ⲛ̀ⲟⲩϣⲉⲃⲓⲱ ⲕⲁⲧⲁⲛⲉⲥϩ̀ⲃⲏⲟⲩⲓ̀ ⲟⲩⲟϩ ⲕⲁⲧⲁϩⲱⲃ ⲛⲓⲃⲉⲛ ⲉⲧⲁⲥⲁⲓⲧⲟⲩ ⲁⲣⲓⲟⲩⲓ̀ ⲛⲁⲥ ϫⲉⲟⲩⲏⲓ ⲁⲥϯ ⲉ̀ϧⲟⲩⲛ ⲉ̀ϩ̀ⲣⲉⲛⲡϭ̅ⲥ̅ ⲫϯ ⲡⲉⲑⲟⲩⲁⲃ ⲛ̀ⲧⲉⲡⲓ̅ⲥ̅ⲗ̅ .	Ϩⲟⲛϩⲉⲛ ⲉ̀ⲧⲉ ⲡⲟⲩⲙⲏϣ ⲉ̀ϩ̀ⲣⲏⲓ ⲉ̀ϫⲉⲛ ⲃⲁⲃⲩⲗⲱⲛ ⲟⲩⲟⲛ ⲛⲓⲃⲉⲛ ⲉⲧϭⲱⲗⲕ ⲛ̀ⲧⲉϥⲫⲓϯ ⲙⲁⲧⲁⲕⲧⲟ ⲉ̀ⲣⲟⲥ ⲉϥⲕⲱϯ ⲟⲩⲟϩ ⲙ̀ⲡⲉⲛⲑ̀ⲣⲉ ϩ̀ⲗⲓ ⲟⲩϫⲁⲓ ⲛ̀ϧ̀ⲣⲏⲓ ⲛ̀ϧⲏⲧⲥ ⲙⲟⲓ ⲛⲁⲥ ⲛ̀ⲟⲩϣⲉⲃⲓⲱ ⲕⲁⲧⲁ ⲛⲉⲥϩ̀ⲃⲏⲟⲩⲓ̀ ⲟⲩⲟϩ ⲕⲁⲧⲁ ϩⲱⲃ ⲛⲓⲃⲉⲛ ⲉⲧⲁⲥⲁⲓⲧⲟⲩ ⲁ̀ⲣⲓⲟⲩⲓ̀ ⲛⲁⲥ ϫⲉ ⲟⲩⲏⲓ ⲁⲥϯ ⲉ̀ϧⲟⲩⲛ ⲉ̀ϩ̀ⲣⲉⲛⲡϭ̅ⲥ̅ ⲫ̀ⲛⲟⲩϯ ⲡⲉⲑⲟⲩⲁⲃ ⲛ̀ⲧⲉ ⲡⲓⲥⲣⲁⲏⲗ.	Honhen ète poumyṡ èh̀ryi èjen babilōn ouon niven etċōlk ǹteffiti matakto èros efkōti ouoh m̀penθ̀re h̀li ougai ǹx̀ryi ǹxyts moi nas ǹouṡeviō kata nes·h̀vyouì ouoh kata hōb niven etasaitou àriouì nas je ouyi asti èxoun èh̀renpċs f̀nouti peθouab ǹte pisrayl.	Summon many against Babylon, even every one that bends the bow: camp against her round about; let no one of her people escape: render to her according to her works; according to all that she has done, do to her: for she has resisted the Lord, the Holy God of Israel.
27:30	ⲉⲑⲃⲉⲫⲁⲓ ⲉⲩⲉ̀ϩⲉⲓ ⲛ̀ϫⲉⲛⲉⲥϧⲉⲗϣⲓⲣⲓ ⲛ̀ϧ̀ⲣⲏⲓ ϧⲉⲛⲛⲉⲥⲡ̀ⲗⲁⲧⲓⲁ̀ ⲟⲩⲟϩ ⲛⲉⲥⲣⲱⲙⲓ ⲧⲏⲣⲟⲩ ⲛ̀ⲣⲉϥϯ ⲉⲩⲉ̀ⲣⲁϧⲧⲟⲩ ⲡⲉϫⲉ ⲡϭ̅ⲥ̅ .	Ⲉⲑⲃⲉ ⲫⲁⲓ ⲉⲩⲉ̀ϩⲉⲓ ⲛ̀ϫⲉ ⲛⲉⲥϧⲉⲗϣⲓⲣⲓ ⲛ̀ϧ̀ⲣⲏⲓ ϧⲉⲛ ⲛⲉⲥⲡ̀ⲗⲁⲧⲓⲁ̀ ⲟⲩⲟϩ ⲛⲉⲥⲣⲱⲙⲓ ⲧⲏⲣⲟⲩ ⲛ̀ⲣⲉϥϯ ⲉⲩⲉ̀ⲣⲁϧⲧⲟⲩ ⲡⲉϫⲉ ⲡ̀ϭⲟⲓⲥ.	Eθve fai evèhei ǹje nesxelṡiri ǹx̀ryi xen nesp̀latià ouoh nesrōmi tyrou ǹrefti evèraxtou peje p̀ċois.	Therefore shall her young men fall in the streets, and all her warriors shall be cast down, saith the Lord.
27:31	ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓ̀ ⲉ̀ϩ̀ⲣⲏⲓ ⲉ̀ϫⲱϯⲣⲉϥϯϣⲱϣ ⲡⲉϫⲉ ⲡϭ̅ⲥ̅ ϫⲉⲟⲩⲏⲓ ⲁϥⲓ̀ ⲛ̀ϫⲉⲡ̀ⲉ̀ϩⲟⲟⲩ ⲛⲉⲙⲡ̀ⲥⲏⲟⲩ ⲛ̀ⲧⲉⲡⲓϭⲓⲙ̀ⲡ̀ϣⲓϣ .	Ϩⲏⲡⲡⲉ ⲁ̀ⲛⲟⲕ ⲉⲓⲉ̀ⲓ̀ ⲉ̀ϩ̀ⲣⲏⲓ ⲉ̀ϫⲱϯⲣⲉϥϯϣⲱϣ ⲡⲉϫⲉ ⲡ̀ϭⲟⲓⲥ ϫⲉ ⲟⲩⲏⲓ ⲁϥⲓ̀ ⲛ̀ϫⲉ ⲡⲓⲉ̀ϩⲟⲟⲩ ⲛⲉⲙ ⲡ̀ⲥⲏⲟⲩ ⲛ̀ⲧⲉ ⲡⲓϭⲓⲙ̀ⲡ̀ϣⲓϣ.	Hyppe ànok eièì èh̀ryi ègōtireftiṡōṡ peje p̀ċois je ouyi afì ǹje pièhoou nem p̀·syou ǹte piċim̀p̀ṡiṡ.	Behold, I am against thee the haughty one, saith the Lord: for thy day is come, and the time of thy retribution.
27:32	ⲟⲩⲟϩ ⲉϥⲉ̀ϩⲉⲓ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉⲫⲏⲉⲑⲛⲁⲧⲟⲩⲛⲟⲥϥ ⲟⲩⲟϩ ⲉⲓⲉ̀ϭⲉⲣⲟ ⲛ̀ⲟⲩⲭ̀ⲣⲱⲙ ϧⲉⲛⲛⲉⲥⲓⲁϩϣ̀ϣⲏⲛ ⲟⲩⲟϩ ⲉϥⲉ̀ⲟⲩⲱⲙ ⲛ̀ⲛⲉⲧⲕⲱϯ ⲉ̀ⲣⲟⲥ ⲧⲏⲣⲟⲩ .	Ⲟⲩⲟϩ ⲉϥⲉ̀ϩⲉⲓ ⲟⲩⲟϩ ⲛ̀ⲛⲉϥϣⲱⲡⲓ ⲛ̀ϫⲉ ⲫⲏⲉⲑⲛⲁⲧⲟⲩⲛⲟⲥϥ ⲟⲩⲟϩ ⲉⲓⲉ̀ϭⲉⲣⲟ ⲛ̀ⲟⲩⲭ̀ⲣⲱⲙ ϧⲉⲛ ⲛⲉⲥⲓⲁϩϣ̀ϣⲏⲛ ⲟⲩⲟϩ ⲉϥⲉ̀ⲟⲩⲱⲙ ⲛ̀ⲛⲉⲧⲕⲱϯ ⲉ̀ⲣⲟⲥ ⲧⲏⲣⲟⲩ.	Ouoh efèhei ouoh ǹnefṡōpi ǹje fyeθnatounosf ouoh eièċero ǹouk̀rōm xen nesiahṡ̀ṡyn ouoh efèouōm ǹnetkōti èros tyrou.	And thy pride shall fail, and fall, and there shall be no one to set it up again: and I will kindle a fire in her forest, and it shall devour all things round about her.
27:33	ⲛⲁⲓ ⲛⲉ ⲛⲏⲉⲧⲉϥϫⲱ ⲙ̀ⲙⲱⲟⲩ ⲛ̀ϫⲉⲡϭ̅ⲥ̅ ϫⲉⲥⲉϭⲉⲡϫⲱⲣⲓ ⲉ̀ϫⲉⲛⲛⲉⲛϣⲏⲣⲓ ⲙ̀ⲡⲓ̅ⲥ̅ⲗ̅ ⲛⲉⲙⲛⲉⲛϣⲏⲣⲓ ⲛ̀ⲓⲟⲩⲇⲁ ⲧⲏⲣⲟⲩ ⲉⲩⲥⲟⲡ ⲟⲩⲟϩ ⲛⲏⲉⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲥⲉϭⲉⲡϫⲱⲣⲓ ⲉ̀ϩ̀ⲣⲏⲓ ⲉ̀ϫⲱⲟⲩ ϫⲉⲙ̀ⲡⲟⲩⲟⲩⲱϣ ⲉ̀ⲧⲁⲟⲩⲱⲟⲩ ⲉ̀ⲃⲟⲗ .	Ⲛⲁⲓ ⲛⲉ ⲛⲏⲉ̀ⲧⲉϥϫⲱ ⲙ̀ⲙⲱⲟⲩ ⲛ̀ϫⲉ ⲡ̀ϭⲟⲓⲥ ϫⲉ ⲥⲉϭⲉⲡϫⲱⲣⲓ ⲉ̀ϫⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲉⲙ ⲛⲉⲛϣⲏⲣⲓ ⲛ̀ⲓⲟⲩⲇⲁ ⲧⲏⲣⲟⲩ ⲉⲩⲥⲟⲡ ⲟⲩⲟϩ ⲛⲏⲉⲧⲁⲩⲉⲣⲉⲭⲙⲁⲗⲱⲧⲉⲩⲓⲛ ⲙ̀ⲙⲱⲟⲩ ⲥⲉϭⲉⲡϫⲱⲣⲓ ⲉ̀ϩ̀ⲣⲏⲓ ⲉ̀ϫⲱⲟⲩ ϫⲉ ⲛ̀ⲡⲟⲩⲟⲩⲱϣ ⲉ̀ⲧⲁⲟⲩⲱⲟⲩ ⲉ̀ⲃⲟⲗ.	Nai ne nyètefgō m̀mōou ǹje p̀ċois je seċepgōri èjen nenṡyri ǹpisrayl nem nenṡyri ǹiouda tyrou evsop ouoh nyetaverekmalōtevin m̀mōou seċepgōri èh̀ryi ègōou je ǹpououōṡ ètaouōou èvol.	Thus saith the Lord; The children of Israel and the children of Juda have been oppressed: all they that have taken them captive have oppressed them together; for they would not let them go.
27:34	ⲟⲩⲟϩ ⲫⲏⲉⲑⲛⲁⲥⲟⲧⲟⲩ ⲟⲩϫⲱⲣⲓ ⲡⲉ ⲡϭ̅ⲥ̅ ⲡⲓⲡⲁⲛⲧⲟⲕⲣⲁⲧⲱⲣ ⲡⲉ ⲡⲉϥⲣⲁⲛ ϥ̀ⲛⲁϯϩⲁⲡ ϧⲉⲛⲟⲩϩⲁⲡ ⲟⲩⲃⲉ ⲛⲏⲉⲧϯ ⲟⲩⲃⲏϥ ϩⲟⲡⲱⲥ ⲛ̀ⲧⲉϥϥⲱϯ ⲉ̀ⲃⲟⲗ ⲙ̀ⲡⲓⲕⲁϩⲓ ⲟⲩⲟϩ ⲉϥⲉ̀ϯϫⲱⲛⲧ ⲛ̀ⲛⲏⲉⲧϣⲟⲡ ϧⲉⲛⲃⲁⲃⲩⲗⲱⲛ .	Ⲟⲩⲟϩ ⲫⲏⲉⲑⲛⲁⲥⲟⲧⲟⲩ ⲟⲩϫⲱⲣⲓ ⲡⲉ ⲡ̀ϭⲟⲓⲥ ⲡⲓⲡⲁⲛⲧⲟⲕⲣⲁⲧⲱⲣ ⲡⲉ ⲡⲉϥⲣⲁⲛ ϥ̀ⲛⲁϯϩⲁⲡ ϧⲉⲛ ⲟⲩϩⲁⲡ ⲟⲩⲃⲉ ⲛⲏⲉⲧϯ ⲟⲩⲃⲏϥ ϩⲟⲡⲱⲥ ⲛ̀ⲧⲉϥϥⲱϯ ⲉ̀ⲃⲟⲗ ⲛ̀ⲡⲓⲕⲁϩⲓ ⲟⲩⲟϩ ⲉϥⲉ̀ϯϫⲱⲛⲧ ⲛ̀ⲛⲏⲉⲧϣⲟⲡ ϧⲉⲛ ⲃⲁⲃⲩⲗⲱⲛ.	Ouoh fyeθnasotou ougōri pe p̀ċois pipantokratōr pe pefran f̀natihap xen ouhap ouve nyetti ouvyf hopōs ǹteffōti èvol ǹpikahi ouoh efètigōnt ǹnyetṡop xen babilōn.	But their Redeemer is strong; the Lord Almighty is his name: he will enter into judgment with his adversaries, that he may destroy the earth;
27:35	ϥ̀ⲛⲁⲓ̀ⲛⲓ ⲛ̀ⲟⲩⲥⲏϥⲓ ⲉ̀ϫⲉⲛⲛⲓⲭⲁⲗⲇⲉⲟⲥ ⲛⲉⲙⲉ̀ϫⲉⲛⲛⲏⲉⲧϣⲟⲡ ϧⲉⲛⲃⲁⲃⲩⲗⲱⲛ ⲛⲉⲙⲉ̀ϫⲉⲛⲛⲉⲥⲉ̀ϩ̀ⲣⲏⲓ ⲛⲉⲙⲉ̀ϫⲉⲛⲛⲉⲥⲕⲁⲧϩⲏⲧ .	Ϥ̀ⲛⲁⲓ̀ⲛⲓ ⲛ̀ⲟⲩⲥⲏϥⲓ ⲉ̀ϫⲉⲛ ⲛⲓⲭⲁⲗⲇⲉⲟⲥ ⲛⲉⲙ ⲉ̀ϫⲉⲛ ⲛⲏⲉⲧϣⲟⲡ ϧⲉⲛ ⲃⲁⲃⲩⲗⲱⲛ ⲛⲉⲙ ⲉ̀ϫⲉⲛ ⲛⲉⲥⲉ̀ϩ̀ⲣⲏⲓ ⲛⲉⲙ ⲉ̀ϫⲉⲛ ⲛⲉⲥⲕⲁⲧϩⲏⲧ.	F̀naìni ǹousyfi èjen nixaldeos nem èjen nyetṡop xen babilōn nem èjen nesèh̀ryi nem èjen neskat·hyt.	and he will sharpen a sword against the Chaldeans, and against the inhabitants of Babylon, and upon her nobles and upon her wise men;
27:36	ⲟⲩⲥⲏϥⲓ ⲉ̀ϫⲉⲛⲛⲉⲥⲣⲉϥϯ ⲟⲩⲟϩ ⲉⲩⲉ̀ϯⲟⲩⲱ̀ ⲉ̀ⲃⲟⲗ ⲟⲩⲥⲏϥⲓ ⲉ̀ϫⲉⲛⲛⲟⲩϩ̀ⲑⲱⲣ ⲛⲉⲙⲛⲟⲩϩⲁⲣⲙⲁ .	Ⲟⲩⲥⲏϥⲓ ⲉ̀ϫⲉⲛ ⲛⲉⲥⲣⲉϥϯ ⲟⲩⲟϩ ⲉⲩⲉ̀ϯⲟⲩⲱ̀ ⲉ̀ⲃⲟⲗ ⲟⲩⲥⲏϥⲓ ⲉ̀ϫⲉⲛ ⲛⲟⲩϩ̀ⲑⲱⲣ ⲛⲉⲙ ⲛⲟⲩϩⲁⲣⲙⲁ.	Ousyfi èjen nesrefti ouoh evètiouṑ èvol ousyfi èjen nouh̀θōr nem nouharma.	a sword upon her warriors, and they shall be weakened: a sword upon their horses, and upon their chariots:
27:37	ⲟⲩⲥⲏϥⲓ ⲉ̀ϫⲉⲛⲛⲟⲩⲣⲉϥϯ ⲛⲉⲙⲛⲏⲉⲑⲙⲟⲩϫⲧ ⲛⲉⲙⲱⲟⲩ ϧⲉⲛⲧⲉⲥⲙⲏϯ ⲟⲩⲟϩ ⲉⲩⲉ̀ϣⲱⲡⲓ ⲙ̀ⲫ̀ⲣⲏϯ ⲛ̀ϩⲁⲛϩⲓⲟⲙⲓ ⲟⲩⲥⲏϥⲓ ⲉ̀ϫⲉⲛⲛⲉⲥⲁ̀ϩⲱⲣ ⲟⲩⲟϩ ⲉⲩⲉ̀ϫⲟⲣ ⲉ̀ⲃⲟⲗ ϩⲓϫⲉⲛⲡⲉⲥⲙⲱⲟⲩ .	Ⲟⲩⲥⲏϥⲓ ⲉ̀ϫⲉⲛ ⲛⲟⲩⲣⲉϥϯ ⲛⲉⲙ ⲛⲏⲉⲑⲙⲟⲩϫⲧ ⲛⲉⲙⲱⲟⲩ ϧⲉⲛ ⲧⲉⲥⲙⲏϯ ⲟⲩⲟϩ ⲉⲩⲉ̀ϣⲱⲡⲓ ⲛ̀ⲫ̀ⲣⲏϯ ⲛ̀ϩⲁⲛϩⲓⲟⲙⲓ ⲟⲩⲥⲏϥⲓ ⲉ̀ϫⲉⲛ ⲛⲉⲥⲁ̀ϩⲱⲣ ⲟⲩⲟϩ ⲉⲩⲉ̀ϫⲟⲣ ⲉ̀ⲃⲟⲗ ϩⲓϫⲉⲛ ⲡⲉⲥⲙⲱⲟⲩ.	Ousyfi èjen nourefti nem nyeθmougt nemōou xen tesmyti ouoh evèṡōpi ǹf̀ryti ǹhanhiomi ousyfi èjen nesàhōr ouoh evègor èvol hijen pesmōou.	a sword upon their warriors and upon the mixed people in the midst of her; and they shall be as women: a sword upon the treasures, and they shall be scattered upon her water,
27:38	ⲟⲩⲟϩ ⲉⲩⲉ̀ϭⲓϣⲓⲡⲓ ϫⲉⲟⲩⲕⲁϩⲓ ⲛ̀ⲧⲉⲛⲓⲫⲱⲧϩ ⲡⲉ ⲟⲩⲟϩ ⲛ̀ϩ̀ⲣⲏⲓ ϧⲉⲛⲛⲉⲛⲏⲥⲟⲥ ⲛⲉϣⲁⲩϣⲟⲩϣⲟⲩ ⲡⲉ ⲙ̀ⲙⲱⲟⲩ .	Ⲟⲩⲟϩ ⲉⲩⲉ̀ϭⲓϣⲓⲡⲓ ϫⲉ ⲟⲩⲕⲁϩⲓ ⲛ̀ⲧⲉ ⲛⲓⲫⲱⲧϩ ⲡⲉ ⲟⲩⲟϩ ⲛ̀ϩ̀ⲣⲏⲓ ϧⲉⲛ ⲛⲉⲛⲏⲥⲟⲥ ⲛ̀ⲉϣⲁⲩϣⲟⲩϣⲟⲩ ⲡⲉ ⲙ̀ⲙⲱⲟⲩ.	Ouoh evèċiṡipi je oukahi ǹte nifōt·h pe ouoh ǹh̀ryi xen nenysos ǹeṡavṡouṡou pe m̀mōou.	and they shall be ashamed: for it is a land of graven images; and in the islands, where they boasted.
27:39	ⲉⲑⲃⲉⲫⲁⲓ ⲉⲩⲉ̀ϣⲱⲡⲓ ⲛ̀ϫⲉϩⲁⲛϩⲟⲣⲧϥ ϧⲉⲛⲛⲉⲥⲛⲏⲥⲟⲥ ⲟⲩⲟϩ ⲉⲩⲉ̀ϣⲱⲡⲓ ⲛ̀ϧⲏⲧⲥ ⲛ̀ϫⲉϩⲁⲛϣⲉⲣⲓ ⲛ̀ⲥⲉⲣⲏⲛⲟⲥ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϧⲏⲧⲥ ϣⲁⲉ̀ⲛⲉϩ .	Ⲉⲑⲃⲉ ⲫⲁⲓ ⲉⲩⲉ̀ϣⲱⲡⲓ ⲛ̀ϫⲉ ϩⲁⲛϩⲟⲣⲧϥ ϧⲉⲛ ⲛⲉⲥⲛⲏⲥⲟⲥ ⲟⲩⲟϩ ⲉⲩⲉ̀ϣⲱⲡⲓ ⲛ̀ϧⲏⲧⲥ ⲛ̀ϫⲉ ϩⲁⲛϣⲉⲣⲓ ⲛ̀ⲥⲉⲣⲏⲛⲟⲥ ⲟⲩⲟϩ ⲛ̀ⲛⲟⲩϣⲱⲡⲓ ⲛ̀ϧⲏⲧⲥ ϣⲁ ⲉ̀ⲛⲉϩ.	Eθve fai evèṡōpi ǹje hanhortf xen nesnysos ouoh evèṡōpi ǹxyts ǹje hanṡeri ǹserynos ouoh ǹnouṡōpi ǹxyts ṡa èneh.	Therefore shall idols dwell in the islands, and the young of monsters shall dwell in it: it shall not be inhabited any more for ever.
27:40	ⲙ̀ⲫ̀ⲣⲏϯ ⲉⲧⲁ ⲫϯ ⲣⲉϧⲧ ⲥⲟⲇⲟⲙⲁ ⲛⲉⲙⲅⲟⲙⲟⲣⲣⲁ ⲛⲉⲙⲛⲉⲧⲕⲱϯ ⲉ̀ⲣⲱⲟⲩ ⲡⲉϫⲉ ⲡϭ̅ⲥ̅ ⲛ̀ⲛⲉ ⲣⲱⲙⲓ ϣⲱⲡⲓ ⲙ̀ⲙⲁⲩ .	Ⲛ̀ⲫ̀ⲣⲏϯ ⲉ̀ⲧⲁ ⲫ̀ⲛⲟⲩϯ ⲣⲉϧⲧ ⲥⲟⲇⲟⲙⲁ ⲛⲉⲙ ⲅⲟⲙⲟⲣⲣⲁ ⲛⲉⲙ ⲛⲉⲧⲕⲱϯ ⲉ̀ⲣⲱⲟⲩ ⲡⲉϫⲉ ⲡ̀ϭⲟⲓⲥ ⲛ̀ⲛⲉ ⲣⲱⲙⲓ ϣⲱⲡⲓ ⲙ̀ⲙⲁⲩ.	Ǹf̀ryti èta f̀nouti rext sodoma nem ġomorra nem netkōti èrōou peje p̀ċois ǹne rōmi ṡōpi m̀mav.	As God overthrew Sodom and Gomorrha, and the cities bordering upon them, saith the Lord: no man shall dwell there, and no son of man shall sojourn there.
27:41	ϩⲏⲡⲡⲉ ⲓⲥ ⲟⲩⲗⲁⲟⲥ ⲉϥⲛⲏⲟⲩ ⲉ̀ⲃⲟⲗ ⲥⲁⲡⲉⲙϩⲓⲧ ⲛⲉⲙⲟⲩⲛⲓϣϯ ⲛ̀ⲉⲑⲛⲟⲥ ⲟⲩⲟϩ ⲟⲩⲙⲏϣ ⲛ̀ⲟⲩⲣⲟ ⲉⲩⲉ̀ⲧⲱⲟⲩⲛⲟⲩ ⲉ̀ⲃⲟⲗ ⲓⲥϫⲉⲛ ⲁⲩⲣⲏϫϥ ⲙ̀ⲡ̀ⲕⲁϩⲓ ⲉ̀ⲟⲩⲟⲛ ⲟⲩⲫⲓϯ ⲛⲉⲙⲟⲩⲥⲏϥⲓ ϧⲉⲛⲛⲟⲩϫⲓϫ ⲟⲩⲓ̀ⲧⲁⲙⲟⲥ ⲡⲉ ⲟⲩⲟϩ ⲛ̀ⲛⲉϥⲛⲁⲓ .	Ϩⲏⲡⲡⲉ ⲓⲥ ⲟⲩⲗⲁⲟⲥ ⲉϥⲛⲏⲟⲩ ⲉ̀ⲃⲟⲗ ⲥⲁⲡⲉⲙϩⲓⲧ ⲛⲉⲙ ⲟⲩⲛⲓϣϯ ⲛ̀ⲉⲑⲛⲟⲥ ⲟⲩⲟϩ ⲟⲩⲙⲏϣ ⲛ̀ⲟⲩⲣⲟ ⲉⲩⲉ̀ⲧⲱⲟⲩⲛⲟⲩ ⲉ̀ⲃⲟⲗ ⲓⲥϫⲉⲛ ⲁⲩⲣⲏϫϥ ⲛ̀ⲡ̀ⲕⲁϩⲓ ⲉ̀ⲟⲩⲟⲛ ⲟⲩⲫⲓϯ ⲛⲉⲙ ⲟⲩⲥⲏϥⲓ ϧⲉⲛ ⲛⲟⲩϫⲓϫ ⲟⲩⲓ̀ⲧⲁⲙⲟⲥ ⲡⲉ ⲟⲩⲟϩ ⲛ̀ⲛⲉϥⲛⲁⲓ.	Hyppe is oulaos efnyou èvol sapemhit nem ouniṡti ǹeθnos ouoh oumyṡ ǹouro evètōounou èvol isjen avrygf ǹp̀kahi èouon oufiti nem ousyfi xen noujig ouìtamos pe ouoh ǹnefnai.	Behold, a people comes from the north, and a great nation, and many kings shall be stirred up from the end of the earth; holding bow and dagger:
27:42	ⲟⲩⲟϩ ⲧⲟⲩⲥ̀ⲙⲏ ⲉⲥⲉ̀ⲱϣ ⲉ̀ⲃⲟⲗ ⲙ̀ⲫ̀ⲣⲏϯ ⲙ̀ⲫ̀ⲓⲟⲙ ⲉⲩⲉ̀ⲫⲱⲧ ϩⲓϫⲉⲛϩⲁⲛϩ̀ⲑⲱⲣ ⲉⲩⲥⲉⲃⲧⲱⲧ ⲙ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ ⲉ̀ⲡ̀ⲡⲟⲗⲉⲙⲟⲥ ⲉ̀ϯ ⲟⲩⲃⲉ ⲧ̀ϣⲉⲣⲓ ⲛ̀ⲑ̀ⲃⲁⲃⲩⲗⲱⲛ .	Ⲟⲩⲟϩ ⲧⲟⲩⲥ̀ⲙⲏ ⲉⲥⲉ̀ⲱϣ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲫ̀ⲓⲟⲙ ⲉⲩⲉ̀ⲫⲱⲧ ϩⲓϫⲉⲛ ϩⲁⲛϩ̀ⲑⲱⲣ ⲉⲩⲥⲉⲃⲧⲱⲧ ⲛ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ ⲉ̀ⲡ̀ⲡⲟⲗⲉⲙⲟⲥ ⲉ̀ϯ ⲟⲩⲃⲉ ⲧ̀ϣⲉⲣⲓ ⲛ̀ⲑ̀ⲃⲁⲃⲩⲗⲱⲛ.	Ouoh tous̀my esèōṡ èvol ǹf̀ryti ǹf̀iom evèfōt hijen hanh̀θōr evsevtōt ǹf̀ryti ǹouk̀rōm èp̀polemos èti ouve t̀ṡeri ǹθ̀babilōn.	the people is fierce, and will have no mercy: their voices shall sound as the sea, they shall ride upon horses, prepared for war, like fire, against thee, O daughter of Babylon.
27:43	ⲟⲩⲟϩ ⲁϥⲥⲱⲧⲉⲙ ⲉ̀ⲧⲟⲩⲥ̀ⲙⲏ ⲛ̀ϫⲉⲡ̀ⲟⲩⲣⲟ ⲙ̀ⲃⲁⲃⲩⲗⲱⲛ ⲟⲩⲟϩ ⲛⲉϥϫⲓϫ ⲁⲩϯⲟⲩⲱ̀ ⲉ̀ⲃⲟⲗ ϩⲟϫϩⲉϫ ⲁϥⲁ̀ⲙⲟⲛⲓ ⲙ̀ⲙⲟϥ ⲛⲉⲙϩⲁⲛⲛⲁⲕϩⲓ ⲙ̀ⲫ̀ⲣⲏϯ ⲛ̀ⲑⲏⲉⲑⲛⲁⲙⲓⲥⲓ .	Ⲟⲩⲟϩ ⲁϥⲥⲱⲧⲉⲙ ⲉ̀ⲧⲟⲩⲥ̀ⲙⲏ ⲛ̀ϫⲉ ⲡ̀ⲟⲩⲣⲟ ⲛ̀ⲃⲁⲃⲩⲗⲱⲛ ⲟⲩⲟϩ ⲛⲉϥϫⲓϫ ⲁⲩϯⲟⲩⲱ̀ ⲉ̀ⲃⲟⲗ ϩⲟϫϩⲉϫ ⲁϥⲁ̀ⲙⲟⲛⲓ ⲙ̀ⲙⲟϥ ⲛⲉⲙ ϩⲁⲛⲛⲁⲕϩⲓ ⲛ̀ⲫ̀ⲣⲏϯ ⲛ̀ⲑⲏⲉⲑⲛⲁⲙⲓⲥⲓ.	Ouoh afsōtem ètous̀my ǹje p̀ouro ǹbabilōn ouoh nefjig avtiouṑ èvol hogheg afàmoni m̀mof nem hannak·hi ǹf̀ryti ǹθyeθnamisi.	The king of Babylon heard the sound of them, and his hands were enfeebled: anguish overcame him, pangs as of a woman in travail.
27:44	ϩⲏⲡⲡⲉ ⲙ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ ⲉϥⲉ̀ⲓ̀ ⲉ̀ⲡ̀ϣⲱⲓ ϧⲉⲛⲡⲓⲓⲟⲣⲇⲁⲛⲏⲥ ⲉ̀ϩ̀ⲣⲏⲓ ⲉ̀ⲅⲉⲑⲉⲙ ϫⲉⲟⲩⲏⲓ ϯⲛⲁϭⲟϫⲓ ⲛ̀ⲥⲱⲟⲩ ⲛ̀ⲭⲱⲗⲉⲙ ⲉ̀ⲃⲟⲗ ⲛ̀ϧⲏⲧⲥ ⲟⲩⲟϩ ϧⲉⲗϣⲓⲣⲓ ⲛⲓⲃⲉⲛ ϯⲛⲁⲑⲟⲩⲱⲧⲟⲩ ⲉ̀ϫⲱⲥ ϫⲉⲛⲓⲙ ⲉⲧⲟⲓ ⲙ̀ⲡⲁⲣⲏϯ ⲟⲩⲟϩ ⲛⲓⲙ ⲉⲑⲛⲁⲟ̀ϩⲓ ⲉ̀ⲣⲁⲧϥ ⲟⲩⲃⲏⲓ ϫⲉⲛⲓⲙ ⲡⲉ ⲡⲁⲓⲙⲁⲛⲉ̀ⲥⲱⲟⲩ ⲉⲑⲛⲁⲟ̀ϩⲓ ⲉ̀ⲣⲁⲧϥ ⲙ̀ⲡⲁⲙ̀ⲑⲟ .	Ϩⲏⲡⲡⲉ ⲛ̀ⲫ̀ⲣⲏϯ ⲛ̀ⲟⲩⲭ̀ⲣⲱⲙ ⲉϥⲉ̀ⲓ̀ ⲉ̀ⲡ̀ϣⲱⲓ ϧⲉⲛ ⲡⲓⲓⲟⲣⲇⲁⲛⲏⲥ ⲉ̀ϩ̀ⲣⲏⲓ ⲉ̀ⲅⲉⲑⲉⲙ ϫⲉ ⲟⲩⲏⲓ ϯⲛⲁϭⲟϫⲓ ⲛ̀ⲥⲱⲟⲩ ⲛ̀ⲭⲱⲗⲉⲙ ⲉ̀ⲃⲟⲗ ⲛ̀ϧⲏⲧⲥ ⲟⲩⲟϩ ϧⲉⲗϣⲓⲣⲓ ⲛⲓⲃⲉⲛ ϯⲛⲁⲑⲟⲩⲱⲧⲟⲩ ⲉ̀ϫⲱⲥ ϫⲉ ⲛⲓⲙ ⲉⲧⲟⲓ ⲛ̀ⲡⲁⲣⲏϯ ⲟⲩⲟϩ ⲛⲓⲙ ⲉⲑⲛⲁⲟ̀ϩⲓ ⲉ̀ⲣⲁⲧϥ ⲟⲩⲃⲏⲓ ϫⲉ ⲛⲓⲙ ⲡⲉ ⲡⲁⲓⲙⲁⲛⲉ̀ⲥⲱⲟⲩ ⲉⲑⲛⲁⲟ̀ϩⲓ ⲉ̀ⲣⲁⲧϥ ⲛ̀ⲡⲁⲙ̀ⲑⲟ.	Hyppe ǹf̀ryti ǹouk̀rōm efèì èp̀ṡōi xen piiordanys èh̀ryi ègeθem je ouyi tinaċoji ǹsōou ǹkōlem èvol ǹxyts ouoh xelṡiri niven tinaθouōtou ègōs je nim etoi ǹparyti ouoh nim eθnaòhi èratf ouvyi je nim pe paimanèsōou eθnaòhi èratf ǹpam̀θo.	Behold, he shall come up as a lion from Jordan to Gaethan; for I will speedily drive them from her, and I will set all the youths against her: for who is like me? and who will resist me? and who is this shepherd who will stand before me?
27:45	ⲉⲑⲃⲉⲫⲁⲓ ⲥⲱⲧⲉⲙ ⲉ̀ⲡⲓⲥⲟϭⲛⲓ ⲛ̀ⲧⲉⲡϭ̅ⲥ̅ ⲫⲏⲉⲧⲁϥⲥⲟϭⲛⲓ ⲙ̀ⲙⲟϥ ⲉ̀ϫⲉⲛⲃⲁⲃⲩⲗⲱⲛ ⲛⲉⲙⲛⲉϥⲙⲟⲕⲙⲉⲕ ⲛⲏⲉⲧⲁϥⲙⲟⲕⲙⲉⲕ ⲉ̀ⲣⲱⲟⲩ ⲉ̀ϫⲉⲛⲛⲉⲧϣⲟⲡ ϧⲉⲛⲛⲓⲭⲁⲗⲇⲉⲟⲥ ⲉϣⲱⲡ ⲁⲩϣ̀ⲧⲉⲙⲧⲁⲕⲟ ⲛ̀ϫⲉⲛⲓϩⲓⲏⲃ ⲛ̀ⲧⲉⲛⲟⲩⲉ̀ⲥⲱⲟⲩ ⲉϣⲱⲡ ⲁϥϣ̀ⲧⲉⲙⲧⲁⲕⲟ ⲛ̀ϫⲉⲟⲩⲙⲁⲙ̀ⲙⲟⲛⲓ ⲉ̀ⲃⲟⲗϩⲁⲣⲱⲟⲩ .	Ⲉⲑⲃⲉ ⲫⲁⲓ ⲥⲱⲧⲉⲙ ⲉ̀ⲡⲓⲥⲟϭⲛⲓ ⲛ̀ⲧⲉ ⲡ̀ϭⲟⲓⲥ ⲫⲏⲉⲧⲁϥⲥⲟϭⲛⲓ ⲙ̀ⲙⲟϥ ⲉ̀ϫⲉⲛ ⲃⲁⲃⲩⲗⲱⲛ ⲛⲉⲙ ⲛⲉϥⲙⲟⲕⲙⲉⲕ ⲛⲏⲉ̀ⲧⲁ ϥ̀ⲙⲟⲕⲙⲉⲕ ⲉ̀ⲣⲱⲟⲩ ⲉ̀ϫⲉⲛ ⲛⲉⲧϣⲟⲡ ϧⲉⲛ ⲛⲓⲭⲁⲗⲇⲉⲟⲥ ⲉϣⲱⲡ ⲁⲩϣ̀ⲧⲉⲙⲧⲁⲕⲟ ⲛ̀ϫⲉ ⲛⲓϩⲓⲏⲃ ⲛ̀ⲧⲉ ⲛ̀ⲟⲩⲉ̀ⲥⲱⲟⲩ ⲉϣⲱⲡ ⲁϥϣ̀ⲧⲉⲙⲧⲁⲕⲟ ⲛ̀ϫⲉ ⲟⲩⲙⲁⲙ̀ⲙⲟⲛⲓ ⲉ̀ⲃⲟⲗ ϩⲁⲣⲱⲟⲩ.	Eθve fai sōtem èpisoċni ǹte p̀ċois fyetafsoċni m̀mof èjen babilōn nem nefmokmek nyèta f̀mokmek èrōou èjen netṡop xen nixaldeos eṡōp avṡ̀temtako ǹje nihiyb ǹte ǹouèsōou eṡōp afṡ̀temtako ǹje oumam̀moni èvol harōou.	Therefore hear ye the counsel of the Lord, which he has taken against Babylon; and his devices, which he has devised upon the Chaldeans inhabiting it: surely lambs of their flock shall be destroyed: surely pasture shall be cut off from them.
27:46	ϫⲉⲉ̀ⲃⲟⲗϧⲉⲛ ⲧ̀ⲥ̀ⲙⲏ ⲙ̀ⲡ̀ⲧⲁⲕⲟ ⲛ̀ⲧⲉⲃⲁⲃⲩⲗⲱⲛ ⲉϥⲉ̀ⲙⲟⲛⲙⲉⲛ ⲛ̀ϫⲉⲡ̀ⲕⲁϩⲓ ⲟⲩⲟϩ ⲉⲩⲉ̀ⲥⲱⲧⲉⲙ ⲉⲩϧ̀ⲣⲱⲟⲩ ϧⲉⲛⲛⲓⲉⲑⲛⲟⲥ .	Ϫⲉ ⲉ̀ⲃⲟⲗϧⲉⲛ ⲧ̀ⲥ̀ⲙⲏ ⲛ̀ⲡ̀ⲧⲁⲕⲟ ⲛ̀ⲧⲉ ⲃⲁⲃⲩⲗⲱⲛ ⲉϥⲉ̀ⲙⲟⲛⲙⲉⲛ ⲛ̀ϫⲉ ⲡ̀ⲕⲁϩⲓ ⲟⲩⲟϩ ⲉⲩⲉ̀ⲥⲱⲧⲉⲙ ⲉⲩϧ̀ⲣⲱⲟⲩ ϧⲉⲛ ⲛⲓⲉⲑⲛⲟⲥ.	Je èvolxen t̀s̀my ǹp̀tako ǹte babilōn efèmonmen ǹje p̀kahi ouoh evèsōtem evx̀rōou xen nieθnos.	For at the sound of the taking of Babylon the earth shall quake, and a cry shall be heard among the nations.

Provenance

title: 24_Ieremias_27
dialect: bohairic
source: Coptic SCRIPTORIUM corpus "bohairic.ot", document 24_Ieremias_27
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_27 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/27.bohairic.scriptorium.L0.txt
title: 24_Ieremias_27 — Cairene
dialect: bohairic
source: generated from 27.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_27)
licence: CC BY-SA 4.0
share: attribution
attribution: 24_Ieremias_27 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/27.bohairic.scriptorium.L1.txt
title: 24_Ieremias_27 — Kemetic
dialect: bohairic
source: generated from 27.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_27 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/27.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 46 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_27 (46 lines)

Cite as:

24_Ieremias_27. Coptic SCRIPTORIUM corpus "bohairic.ot", document 24_Ieremias_27. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/27.bohairic.scriptorium/. 24_Ieremias_27 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_27, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.