24_Ieremias_33 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 24_Ieremias_33

Attribution: 24_Ieremias_33 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

24 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
33:1	ϧⲉⲛⲧ̀ⲁⲣⲭⲏ ⲛ̀ⲓⲱⲁⲕⲓⲙ ⲡ̀ⲟⲩⲣⲟ ⲛ̀ϣⲏⲣⲓ ⲛ̀ⲓⲱⲥⲓⲁⲥ ⲁ ⲡⲁⲓⲥⲁϫⲓ ϣⲱⲡⲓ ⲉ̀ⲃⲟⲗϩⲓⲧⲉⲛ ⲡϭ̅ⲥ̅ .	ϧⲉⲛ ⲧ̀ⲁⲣⲭⲏ ⲛ̀ⲓⲱⲁⲕⲓⲙ ⲡ̀ⲟⲩⲣⲟ ⲛ̀ϣⲏⲣⲓ ⲛ̀ⲓⲱⲥⲓⲁⲥ ⲁ ⲡⲁⲓⲥⲁϫⲓ ϣⲱⲡⲓ ⲉ̀ⲃⲟⲗ ϩⲓⲧⲉⲛ ⲡ̀ϭⲟⲓⲥ.	xen t̀arṡy ǹiōakim p̀ouro ǹṡyri ǹiōsias a paisaji ṡōpi èvol hiten p̀ċois.	IN THE BEGINNING OF THE REIGN OF KING JOAKIM SON OF JOSIAS THERE CAME THIS WORD FROM THE LORD.
33:2	ⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ϫⲉⲟ̀ϩⲓ ⲉ̀ⲣⲁⲧⲕ ϧⲉⲛϯⲁⲩⲗⲏ ⲛ̀ⲧⲉⲡ̀ⲏⲓ ⲙ̀ⲡϭ̅ⲥ̅ ⲟⲩⲟϩ ⲉⲕⲉ̀ⲥⲁϫⲓ ⲛⲉⲙⲛⲓⲓⲟⲩⲇⲁⲓ ⲧⲏⲣⲟⲩ ⲛⲏⲉⲑⲛⲏⲟⲩ ⲉ̀ⲟⲩⲱϣⲧ ϧⲉⲛⲡ̀ⲏⲓ ⲙ̀ⲡϭ̅ⲥ̅ ⲛ̀ⲛⲓⲥⲁϫⲓ ⲧⲏⲣⲟⲩ ⲉⲧⲁⲓⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛⲁⲕ ⲉ̀ⲧⲁⲙⲱⲟⲩ ⲉ̀ⲣⲱⲟⲩ ⲙ̀ⲡⲉⲣⲱⲗⲓ ⲛ̀ⲟⲩⲥⲁϫⲓ .	Ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲟ̀ϩⲓ ⲉ̀ⲣⲁⲧⲕ ϧⲉⲛ ϯⲁⲩⲗⲏ ⲛ̀ⲧⲉ ⲡ̀ⲏⲓ ⲛ̀ⲡ̀ϭⲟⲓⲥ ⲟⲩⲟϩ ⲉⲕⲉ̀ⲥⲁϫⲓ ⲛⲉⲙ ⲛⲓⲓⲟⲩⲇⲁⲓ ⲧⲏⲣⲟⲩ ⲛⲏⲉⲑⲛⲏⲟⲩ ⲉ̀ⲟⲩⲱϣⲧ ϧⲉⲛ ⲡ̀ⲏⲓ ⲛ̀ⲡ̀ϭⲟⲓⲥ ⲛ̀ⲛⲓⲥⲁϫⲓ ⲧⲏⲣⲟⲩ ⲉⲧⲁⲓⲟⲩⲁϩⲥⲁϩⲛⲓ ⲙ̀ⲙⲱⲟⲩ ⲛⲁⲕ ⲉ̀ⲧⲁⲙⲱⲟⲩ ⲉ̀ⲣⲱⲟⲩ ⲙ̀ⲡⲉⲣⲱ̀ⲗⲓ ⲛ̀ⲟⲩⲥⲁϫⲓ.	Pairyti afgos ǹje p̀ċois je òhi èratk xen tiavly ǹte p̀yi ǹp̀ċois ouoh ekèsaji nem niioudai tyrou nyeθnyou èouōṡt xen p̀yi ǹp̀ċois ǹnisaji tyrou etaiouahsahni m̀mōou nak ètamōou èrōou m̀perṑli ǹousaji.	Thus said the Lord; Stand in the court of the Lord's house, and thou shalt declare to all the Jews, and to all that come to worship in the house of the Lord, all the words which I commanded thee to speak to them; abate not one word.
33:3	ⲁⲣⲏⲟⲩ ⲛ̀ⲥⲉⲥⲱⲧⲉⲙ ⲟⲩⲟϩ ⲛ̀ⲧⲉⲡⲓⲟⲩⲁⲓ ⲡⲓⲟⲩⲁⲓ ⲧⲁⲥⲑⲟ ⲉ̀ⲃⲟⲗϩⲁ ⲛⲉϥⲙⲱⲓⲧ ⲉⲧϩⲱⲟⲩ ⲟⲩⲟϩ ⲉⲓⲉ̀ⲧⲁⲗϭⲟⲓ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲛⲏ ⲁ̀ⲛⲟⲕ ⲉ̀ϯⲙⲟⲕⲙⲉⲕ ⲉ̀ⲣⲱⲟⲩ ⲉ̀ⲁⲓⲧⲟⲩ ⲛⲱⲟⲩ ⲉⲑⲃⲉⲛⲟⲩϩ̀ⲃⲏⲟⲩⲓ̀ ⲉⲧϩⲱⲟⲩ .	Ⲁⲣⲏⲟⲩ ⲛ̀ⲧⲟⲩⲥⲱⲧⲉⲙ ⲟⲩⲟϩ ⲛ̀ⲧⲉ ⲡⲓⲟⲩⲁⲓ ⲡⲓⲟⲩⲁⲓ ⲧⲁⲥⲑⲟ ⲉ̀ⲃⲟⲗϩⲁ ⲛⲉϥⲙⲱⲓⲧ ⲉⲧϩⲱⲟⲩ ⲟⲩⲟϩ ⲉⲓⲉ̀ⲧⲁⲗϭⲟⲓ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲛⲏ ⲁ̀ⲛⲟⲕ ⲉ̀ϯⲙⲟⲕⲙⲉⲕ ⲉ̀ⲣⲱⲟⲩ ⲉ̀ⲁⲓⲧⲟⲩ ⲛⲱⲟⲩ ⲉⲑⲃⲉ ⲛⲟⲩϩ̀ⲃⲏⲟⲩⲓ̀ ⲉⲧϩⲱⲟⲩ.	Aryou ǹtousōtem ouoh ǹte piouai piouai tasθo èbolha nefmōit et·hōou ouoh eiètalċoi èbolha nipet·hōou ny ànok ètimokmek èrōou èaitou nōou eθve nouh̀vyouì et·hōou.	Peradventure they will hear, and turn every one from his evil way: then I will cease from the evils which I purpose to do to them, because of their evil practices.
33:4	ⲟⲩⲟϩ ⲉⲕⲉ̀ϫⲟⲥ ϫⲉⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ϫⲉⲉϣⲱⲡ ⲁⲣⲉⲧⲉⲛϣ̀ⲧⲉⲙⲥⲱⲧⲉⲙ ⲉ̀ⲣⲟⲓ ⲉ̀ⲙⲟϣⲓ ⲛ̀ϩ̀ⲣⲏⲓ ϧⲉⲛⲛⲁⲛⲟⲙⲟⲥ ⲛⲏⲉⲧⲁⲓⲧⲏⲓⲧⲟⲩ ⲙ̀ⲡⲉⲧⲉⲛⲙ̀ⲑⲟ .	Ⲟⲩⲟϩ ⲉⲕⲉ̀ϫⲟⲥ ϫⲉ ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲉϣⲱⲡ ⲁⲣⲉⲧⲉⲛϣ̀ⲧⲉⲙⲥⲱⲧⲉⲙ ⲉ̀ⲣⲟⲓ ⲉ̀ⲙⲟϣⲓ ⲛ̀ϩ̀ⲣⲏⲓ ϧⲉⲛ ⲛⲁⲛⲟⲙⲟⲥ ⲛⲏⲉⲧⲁⲓⲧⲏⲓⲧⲟⲩ ⲛ̀ⲡⲉⲧⲉⲛⲙ̀ⲑⲟ.	Ouoh ekègos je pairyti afgos ǹje p̀ċois je eṡōp aretenṡ̀temsōtem èroi èmoṡi ǹh̀ryi xen nanomos nyetaityitou ǹpetenm̀θo.	And thou shalt say, Thus said the Lord; If ye will not hearken to me, to walk in my statutes which I set before you,
33:5	ⲉ̀ⲥⲱⲧⲉⲙ ⲛ̀ⲥⲁⲛⲓⲥⲁϫⲓ ⲛ̀ⲧⲉⲛⲁⲉ̀ⲃⲓⲁⲓⲕ ⲛⲓⲡ̀ⲣⲟⲫⲏⲧⲏⲥ ⲛⲏ ⲁ̀ⲛⲟⲕ ⲉ̀ϯⲛⲁⲟⲩⲟⲣⲡⲟⲩ ϩⲁⲣⲱⲧⲉⲛ ⲛ̀ϣⲟⲣⲡ ⲟⲩⲟϩ ⲁⲓⲟⲩⲟⲣⲡⲟⲩ ⲙ̀ⲡⲉⲧⲉⲛⲥⲱⲧⲉⲙ ⲛ̀ⲥⲱⲓ .	Ⲉ̀ⲥⲱⲧⲉⲙ ⲛ̀ⲥⲁ ⲛⲓⲥⲁϫⲓ ⲛ̀ⲧⲉ ⲛⲁⲉ̀ⲃⲓⲁⲓⲕ ⲛⲓⲡ̀ⲣⲟⲫⲏⲧⲏⲥ ⲛⲏ ⲁ̀ⲛⲟⲕ ⲉ̀ⲓⲛⲁⲟⲩⲟⲣⲡⲟⲩ ϩⲁⲣⲱⲧⲉⲛ ⲛ̀ϣⲟⲣⲡ ⲟⲩⲟϩ ⲁⲓⲟⲩⲟⲣⲡⲟⲩ ⲙ̀ⲡⲉⲧⲉⲛⲥⲱⲧⲉⲙ ⲛ̀ⲥⲱⲓ.	Èsōtem ǹsa nisaji ǹte naèviaik nip̀rofytys ny ànok èinaouorpou harōten ǹṡorp ouoh aiouorpou m̀petensōtem ǹsōi.	to hearken to the words of my servants the prophets, whom I send to you early in the morning; yea, I sent them, but ye hearkened not to me;
33:6	ⲟⲩⲟϩ ⲉⲓⲉ̀ϯ ⲙ̀ⲡⲁⲓⲏⲓ ⲙ̀ⲫ̀ⲣⲏϯ ⲛ̀ⲥⲏⲗⲱ ⲟⲩⲟϩ ϯⲃⲁⲕⲓ ⲉⲓⲉ̀ⲧⲏⲓⲥ ⲉ̀ⲡ̀ⲥⲁϩⲟⲩⲓ̀ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲉⲧϩⲓϫⲉⲛ ⲡ̀ⲕⲁϩⲓ .	Ⲟⲩⲟϩ ⲉⲓⲉ̀ϯ ⲛ̀ⲡⲁⲓⲏⲓ ⲛ̀ⲫ̀ⲣⲏϯ ⲛ̀ⲥⲏⲗⲱ ⲟⲩⲟϩ ϯⲃⲁⲕⲓ ⲉⲓⲉ̀ⲧⲏⲓⲥ ⲉ̀ⲡ̀ⲥⲁϩⲟⲩⲓ̀ ⲛ̀ⲛⲓⲉⲑⲛⲟⲥ ⲧⲏⲣⲟⲩ ⲉⲧϩⲓϫⲉⲛ ⲡ̀ⲕⲁϩⲓ.	Ouoh eièti ǹpaiyi ǹf̀ryti ǹsylō ouoh tivaki eiètyis èp̀·sahouì ǹnieθnos tyrou et·hijen p̀kahi.	then will I make this house as Selo, and I will make this city a curse to all the nations of all the earth.
33:7	ⲟⲩⲟϩ ⲁⲩⲥⲱⲧⲉⲙ ⲛ̀ϫⲉⲛⲓⲟⲩⲏⲃ ⲛⲉⲙⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛⲉⲙⲡⲓⲗⲁⲟⲥ ⲧⲏⲣϥ ⲉ̀ⲓⲉⲣⲉⲙⲓⲁⲥ ⲉϥⲥⲁϫⲓ ⲛ̀ⲛⲁⲓⲥⲁϫⲓ ϧⲉⲛⲡ̀ⲏⲓ ⲙ̀ⲡϭ̅ⲥ̅ .	Ⲟⲩⲟϩ ⲁⲩⲥⲱⲧⲉⲙ ⲛ̀ϫⲉ ⲛⲓⲟⲩⲏⲃ ⲛⲉⲙ ⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛⲉⲙ ⲡⲓⲗⲁⲟⲥ ⲧⲏⲣϥ ⲉ̀ⲓⲉⲣⲉⲙⲓⲁⲥ ⲉϥⲥⲁϫⲓ ⲛ̀ⲛⲁⲓⲥⲁϫⲓ ϧⲉⲛ ⲡ̀ⲏⲓ ⲛ̀ⲡ̀ϭⲟⲓⲥ.	Ouoh avsōtem ǹje niouyb nem nipsevḋop̀rofytys nem pilaos tyrf èieremias efsaji ǹnaisaji xen p̀yi ǹp̀ċois.	And the priests, and the false prophets, and all the people heard Jeremias speaking these words in the house of the Lord.
33:8	ⲟⲩⲟϩ ⲁⲥϣⲱⲡⲓ ⲉⲧⲁϥⲟⲩⲱ̀ ⲛ̀ϫⲉⲓⲉⲣⲉⲙⲓⲁⲥ ⲉϥⲥⲁϫⲓ ⲛ̀ϩⲱⲃ ⲛⲓⲃⲉⲛ ⲉⲧⲁ ⲡϭ̅ⲥ̅ ϩⲉⲛϩⲱⲛϥ ⲉ̀ⲣⲱⲟⲩ ⲉ̀ϫⲱⲧⲟⲩ ⲙ̀ⲡⲓⲗⲁⲟⲥ ⲧⲏⲣϥ ⲟⲩⲟϩ ⲁⲩⲁ̀ⲙⲟⲛⲓ ⲙ̀ⲙⲟϥ ⲛ̀ϫⲉⲛⲓⲟⲩⲏⲃ ⲛⲉⲙⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛⲉⲙⲡⲓⲗⲁⲟⲥ ⲧⲏⲣϥ ⲉⲩϫⲱ ⲙ̀ⲙⲟⲥ .	Ⲟⲩⲟϩ ⲁⲥϣⲱⲡⲓ ⲉⲧⲁϥⲟⲩⲱ̀ ⲛ̀ϫⲉ ⲓⲉⲣⲉⲙⲓⲁⲥ ⲉϥⲥⲁϫⲓ ⲛ̀ϩⲱⲃ ⲛⲓⲃⲉⲛ ⲉ̀ⲧⲁ ⲡ̀ϭⲟⲓⲥ ϩⲉⲛϩⲱⲛϥ ⲉ̀ⲣⲱⲟⲩ ⲉ̀ϫⲱⲧⲟⲩ ⲛ̀ⲡⲓⲗⲁⲟⲥ ⲧⲏⲣϥ ⲟⲩⲟϩ ⲁⲩⲁ̀ⲙⲟⲛⲓ ⲙ̀ⲙⲟϥ ⲛ̀ϫⲉ ⲛⲓⲟⲩⲏⲃ ⲛⲉⲙ ⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛⲉⲙ ⲡⲓⲗⲁⲟⲥ ⲧⲏⲣϥ ⲉⲩϫⲱ ⲙ̀ⲙⲟⲥ.	Ouoh asṡōpi etafouṑ ǹje ieremias efsaji ǹhōb niven èta p̀ċois henhōnf èrōou ègōtou ǹpilaos tyrf ouoh avàmoni m̀mof ǹje niouyb nem nipsevḋop̀rofytys nem pilaos tyrf evgō m̀mos.	And it came to pass, when Jeremias had ceased speaking all that the Lord had ordered him to speak to all the people, that the priests and the false prophets and all the people took him, saying,
33:9	ϫⲉϧⲉⲛⲟⲩⲙⲟⲩ ⲭ̀ⲛⲁⲙⲟⲩ ϫⲉⲁⲕⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛⲫ̀ⲣⲁⲛ ⲙ̀ⲡϭ̅ⲥ̅ ⲉⲕϫⲱ ⲙ̀ⲙⲟⲥ ϫⲉⲡⲁⲓⲏⲓ ⲉϥⲉ̀ⲉⲣ ⲙ̀ⲫ̀ⲣⲏϯ ⲛ̀ⲥⲏⲗⲱ ⲟⲩⲟϩ ⲧⲁⲓⲃⲁⲕⲓ ⲉⲥⲉ̀ϣⲱϥ ⲉ̀ⲃⲟⲗϩⲁ ⲛⲏⲉⲧϣⲟⲡ ⲛ̀ϧⲏⲧⲥ ⲟⲩⲟϩ ⲁϥⲑⲱⲟⲩϯ ⲛ̀ϫⲉⲡⲓⲗⲁⲟⲥ ⲧⲏⲣϥ ⲉ̀ϫⲉⲛⲓⲉⲣⲉⲙⲓⲁⲥ ϧⲉⲛⲡ̀ⲏⲓ ⲙ̀ⲡϭ̅ⲥ̅ .	Ϫⲉ ϧⲉⲛ ⲟⲩⲙⲟⲩ ⲭ̀ⲛⲁⲙⲟⲩ ϫⲉ ⲁⲕⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ ⲉⲕϫⲱ ⲙ̀ⲙⲟⲥ ϫⲉ ⲡⲁⲓⲏⲓ ⲉϥⲉ̀ⲉⲣ ⲛ̀ⲫ̀ⲣⲏϯ ⲛ̀ⲥⲏⲗⲱ ⲟⲩⲟϩ ⲧⲁⲓⲃⲁⲕⲓ ⲉⲥⲉ̀ϣⲱϥ ⲉ̀ⲃⲟⲗϩⲁ ⲛⲏⲉⲧϣⲟⲡ ⲛ̀ϧⲏⲧⲥ ⲟⲩⲟϩ ⲁϥⲑⲱⲟⲩϯ ⲛ̀ϫⲉ ⲡⲓⲗⲁⲟⲥ ⲧⲏⲣϥ ⲉ̀ϫⲉⲛ ⲓⲉⲣⲉⲙⲓⲁⲥ ϧⲉⲛ ⲡ̀ⲏⲓ ⲛ̀ⲡ̀ϭⲟⲓⲥ.	Je xen oumou k̀namou je akerp̀rofytevin xen f̀ran ǹp̀ċois ekgō m̀mos je paiyi efèer ǹf̀ryti ǹsylō ouoh taivaki esèṡōf èbolha nyetṡop ǹxyts ouoh afθōouti ǹje pilaos tyrf èjen ieremias xen p̀yi ǹp̀ċois.	Thou shalt surely die, because thou hast prophesied in the name of the Lord, saying, This house shall be as Selo, and this city shall be made quite destitute of inhabitants. And all the people assembled against Jeremias in the house of the Lord.
33:10	ⲟⲩⲟϩ ⲁⲩⲥⲱⲧⲉⲙ ⲛ̀ϫⲉⲛⲓⲁⲣⲭⲱⲛ ⲛ̀ⲧⲉⲓⲟⲩⲇⲁ ⲉ̀ⲡⲁⲓⲥⲁϫⲓ ⲟⲩⲟϩ ⲁⲩⲓ̀ ⲉ̀ⲃⲟⲗϧⲉⲛ ⲡ̀ⲏⲓ ⲙ̀ⲡ̀ⲟⲩⲣⲟ ⲉ̀ⲡ̀ⲏⲓ ⲙ̀ⲡϭ̅ⲥ̅ ⲟⲩⲟϩ ⲁⲩϩⲉⲙⲥⲓ ϩⲓⲣⲉⲛⲫ̀ⲣⲟ ⲛ̀ϯⲁⲩⲗⲏ ⲛ̀ⲧⲉϯⲥ̀ⲕⲩⲛⲏ .	Ⲟⲩⲟϩ ⲁⲩⲥⲱⲧⲉⲙ ⲛ̀ϫⲉ ⲛⲓⲁⲣⲭⲱⲛ ⲛ̀ⲧⲉ ⲓⲟⲩⲇⲁ ⲉ̀ⲡⲁⲓⲥⲁϫⲓ ⲟⲩⲟϩ ⲁⲩⲓ̀ ⲉ̀ⲃⲟⲗ ϧⲉⲛ ⲡ̀ⲏⲓ ⲛ̀ⲡ̀ⲟⲩⲣⲟ ⲉ̀ⲡ̀ⲏⲓ ⲛ̀ⲡ̀ϭⲟⲓⲥ ⲟⲩⲟϩ ⲁⲩϩⲉⲙⲥⲓ ϩⲓⲣⲉⲛⲫ̀ⲣⲟ ⲛ̀ϯⲁⲩⲗⲏ ⲛ̀ⲧⲉ ϯⲥ̀ⲕⲩⲛⲏ.	Ouoh avsōtem ǹje niarxōn ǹte iouda èpaisaji ouoh avì èvol xen p̀yi ǹp̀ouro èp̀yi ǹp̀ċois ouoh avhemsi hirenf̀ro ǹtiavly ǹte tis̀kiny.	And the princes of Juda heard this word, and they went up out of the house of the king to the house of the Lord, and sat in the entrance of the new gate.
33:11	ⲟⲩⲟϩ ⲡⲉϫⲉ ⲛⲓⲟⲩⲏⲃ ⲛⲉⲙⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛ̀ⲛⲓⲁⲣⲭⲱⲛ ⲛⲉⲙⲡⲓⲗⲁⲟⲥ ⲧⲏⲣϥ ϫⲉϥ̀ⲙ̀ⲡ̀ϣⲁ ⲙ̀ⲫ̀ⲙⲟⲩ ⲛ̀ϫⲉⲛⲁⲓⲣⲱⲙⲓ ϫⲉⲁϥⲉⲣⲡ̀ⲣⲟⲫⲏⲧⲉⲩⲓⲛ ϧⲁⲧⲁⲓⲃⲁⲕⲓ ⲕⲁⲧⲁⲫ̀ⲣⲏϯ ⲉⲧⲁⲣⲉⲧⲉⲛⲥⲱⲧⲉⲙ ϧⲉⲛⲛⲉⲧⲉⲛⲙⲁϣϫ .	Ⲟⲩⲟϩ ⲡⲉϫⲉ ⲛⲓⲟⲩⲏⲃ ⲛⲉⲙ ⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ⲛ̀ⲛⲓⲁⲣⲭⲱⲛ ⲛⲉⲙ ⲡⲓⲗⲁⲟⲥ ⲧⲏⲣϥ ϫⲉ ϥ̀ⲙ̀ⲡ̀ϣⲁ ⲛ̀ⲫ̀ⲙⲟⲩ ⲛ̀ϫⲉ ⲛⲁⲓⲣⲱⲙⲓ ϫⲉ ⲁϥⲉⲣⲡ̀ⲣⲟⲫⲏⲧⲉⲩⲓⲛ ϧⲁ ⲧⲁⲓⲃⲁⲕⲓ ⲕⲁⲧⲁ ⲫ̀ⲣⲏϯ ⲉ̀ⲧⲁⲣⲉⲧⲉⲛⲥⲱⲧⲉⲙ ϧⲉⲛ ⲛⲉⲧⲉⲛⲙⲁϣϫ.	Ouoh peje niouyb nem nipsevḋop̀rofytys ǹniarxōn nem pilaos tyrf je f̀m̀p̀ṡa ǹf̀mou ǹje nairōmi je aferp̀rofytevin xa taivaki kata f̀ryti ètaretensōtem xen netenmaṡg.	Then the priests and the false prophets said to the princes and to all the people, The judgment of death is due to this man; because he has prophesied against this city, as ye have heard with your ears.
33:12	ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲛ̀ⲛⲓⲁⲣⲭⲱⲛ ⲛⲉⲙⲡⲓⲗⲁⲟⲥ ⲧⲏⲣϥ ⲉϥϫⲱ ⲙ̀ⲙⲟⲥ ϫⲉⲡϭ̅ⲥ̅ ⲁϥⲧⲁⲟⲩⲟⲓ ⲉ̀ⲉⲣⲡ̀ⲣⲟⲫⲏⲧⲉⲩⲓⲛ ⲉ̀ϫⲉⲛⲡⲁⲓⲏⲓ ⲛⲉⲙⲉ̀ϫⲉⲛⲧⲁⲓⲃⲁⲕⲓ ⲛ̀ⲛⲓⲥⲁϫⲓ ⲧⲏⲣⲟⲩ ⲉⲧⲁⲣⲉⲧⲉⲛⲥⲟⲑⲙⲟⲩ .	Ⲟⲩⲟϩ ⲡⲉϫⲉ ⲓⲉⲣⲉⲙⲓⲁⲥ ⲛ̀ⲛⲓⲁⲣⲭⲱⲛ ⲛⲉⲙ ⲡⲓⲗⲁⲟⲥ ⲧⲏⲣϥ ⲉϥϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲁϥⲧⲁⲟⲩⲟⲓ ⲉ̀ⲉⲣⲡ̀ⲣⲟⲫⲏⲧⲉⲩⲓⲛ ⲉ̀ϫⲉⲛ ⲡⲁⲓⲏⲓ ⲛⲉⲙ ⲉ̀ϫⲉⲛ ⲧⲁⲓⲃⲁⲕⲓ ⲛ̀ⲛⲓⲥⲁϫⲓ ⲧⲏⲣⲟⲩ ⲉⲧⲁⲣⲉⲧⲉⲛⲥⲟⲑⲙⲟⲩ.	Ouoh peje ieremias ǹniarxōn nem pilaos tyrf efgō m̀mos je p̀ċois aftaouoi èerp̀rofytevin èjen paiyi nem èjen taivaki ǹnisaji tyrou etaretensoθmou.	Then Jeremias spoke to the princes, and to all the people, saying, The Lord sent me to prophesy against this house and against this city, all the words which ye have heard.
33:13	ϯⲛⲟⲩ ⲟⲩⲛ ⲙⲁⲣⲉ ⲛⲉⲧⲉⲛⲙⲱⲓⲧ ϣⲱⲡⲓ ⲉⲛⲁⲛⲉⲩ ⲛⲉⲙⲛⲉⲧⲉⲛϩ̀ⲃⲏⲟⲩⲓ̀ ⲟⲩⲟϩ ⲥⲱⲧⲉⲙ ⲛ̀ⲥⲁϯⲥ̀ⲙⲏ ⲛ̀ⲧⲉⲡϭ̅ⲥ̅ ⲉϥⲉ̀ⲗⲟϫϥ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲛⲏⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ϩ̀ⲣⲏⲓ ⲉ̀ϫⲱⲧⲉⲛ .	Ϯⲛⲟⲩ ⲟⲩⲛ ⲙⲁⲣⲉ ⲛⲉⲧⲉⲛⲙⲱⲓⲧ ϣⲱⲡⲓ ⲉ̀ⲛⲁⲛⲉⲩ ⲛⲉⲙ ⲛⲉⲧⲉⲛϩ̀ⲃⲏⲟⲩⲓ̀ ⲟⲩⲟϩ ⲥⲱⲧⲉⲙ ⲛ̀ⲥⲁ ϯⲥ̀ⲙⲏ ⲛ̀ⲧⲉ ⲡ̀ϭⲟⲓⲥ ⲉϥⲉ̀ⲗⲟϫϥ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲛⲏⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ϩ̀ⲣⲏⲓ ⲉ̀ϫⲱⲧⲉⲛ.	Tinou oun mare netenmōit ṡōpi ènanev nem netenh̀vyouì ouoh sōtem ǹsa tis̀my ǹte p̀ċois efèlogf èbolha nipet·hōou nyetafsaji m̀mōou èh̀ryi ègōten.	And now amend your ways and your works, and hearken to the voice of the Lord; and the Lord shall cease from the evils which he has pronounced against you.
33:14	ⲟⲩⲟϩ ϩⲏⲡⲡⲉ ⲁ̀ⲛⲟⲕ ϧⲉⲛⲛⲉⲧⲉⲛϫⲓϫ ⲁⲣⲓⲟⲩⲓ̀ ⲛⲏⲓ ⲙ̀ⲫ̀ⲣⲏϯ ⲉⲧⲉⲣⲛⲟϥⲣⲓ ⲛⲉⲙⲫ̀ⲣⲏϯ ⲉⲑⲣⲁⲛⲱⲧⲉⲛ .	Ⲟⲩⲟϩ ϩⲏⲡⲡⲉ ⲁ̀ⲛⲟⲕ ϧⲉⲛ ⲛⲉⲧⲉⲛϫⲓϫ ⲁ̀ⲣⲓⲟⲩⲓ̀ ⲛⲏⲓ ⲛ̀ⲫ̀ⲣⲏϯ ⲉⲧⲉⲣⲛⲟϥⲣⲓ ⲛⲉⲙ ⲫ̀ⲣⲏϯ ⲉ̀ⲑⲣⲁⲛⲱⲧⲉⲛ.	Ouoh hyppe ànok xen netenjig àriouì nyi ǹf̀ryti eternofri nem f̀ryti èθranōten.	And behold, I am in your hands; do to me as is expedient, and as it is best for you.
33:15	ⲡ̀ⲗⲏⲛ ϧⲉⲛⲟⲩⲉ̀ⲙⲓ ⲁⲣⲓⲉ̀ⲙⲓ ϫⲉⲉϣⲱⲡ ⲁⲣⲉⲧⲉⲛϣⲁⲛϧⲟⲑⲃⲉⲧ ⲟⲩⲥ̀ⲛⲟϥ ⲛ̀ⲁⲑⲛⲟⲃⲓ ⲥⲉⲛⲁⲧⲏⲓϥ ⲉ̀ϫⲉⲛⲑⲏⲛⲟⲩ ⲛⲉⲙⲉ̀ϫⲉⲛⲧⲁⲓⲃⲁⲕⲓ ⲛⲉⲙⲉ̀ϫⲉⲛⲛⲏⲉⲧϣⲟⲡ ⲛ̀ϧⲏⲧⲥ ϫⲉϧⲉⲛⲟⲩⲙⲉⲑⲙⲏⲓ ⲁϥⲧⲁⲟⲩⲟⲓ ϩⲁⲣⲱⲧⲉⲛ ⲛ̀ϫⲉⲡϭ̅ⲥ̅ ⲉ̀ⲥⲁϫⲓ ⲉ̀ϧ̀ⲣⲏⲓ ⲉ̀ⲛⲉⲧⲉⲛⲙⲁϣϫ ⲛ̀ⲛⲁⲓⲥⲁϫⲓ ⲧⲏⲣⲟⲩ .	Ⲡ̀ⲗⲏⲛ ϧⲉⲛ ⲟⲩⲉ̀ⲙⲓ ⲁ̀ⲣⲓⲉ̀ⲙⲓ ϫⲉ ⲉϣⲱⲡ ⲁⲣⲉⲧⲉⲛϣⲁⲛϧⲟⲑⲃⲉⲧ ⲟⲩⲥ̀ⲛⲟϥ ⲛ̀ⲁⲑⲛⲟⲃⲓ ⲥⲉⲛⲁⲧⲏⲓϥ ⲉ̀ϫⲉⲛ ⲑⲏⲛⲟⲩ ⲛⲉⲙ ⲉ̀ϫⲉⲛ ⲧⲁⲓⲃⲁⲕⲓ ⲛⲉⲙ ⲉ̀ϫⲉⲛ ⲛⲏⲉⲧϣⲟⲡ ⲛ̀ϧⲏⲧⲥ ϫⲉ ϧⲉⲛ ⲟⲩⲙⲉⲑⲙⲏⲓ ⲁϥⲧⲁⲟⲩⲟⲓ ϩⲁⲣⲱⲧⲉⲛ ⲛ̀ϫⲉ ⲡ̀ϭⲟⲓⲥ ⲉ̀ⲥⲁϫⲓ ⲉ̀ϧ̀ⲣⲏⲓ ⲉ̀ⲛⲉⲧⲉⲛⲙⲁϣϫ ⲛ̀ⲛⲁⲓⲥⲁϫⲓ ⲧⲏⲣⲟⲩ.	P̀lyn xen ouèmi àrièmi je eṡōp aretenṡanxoθvet ous̀nof ǹaθnovi senatyif èjen θynou nem èjen taivaki nem èjen nyetṡop ǹxyts je xen oumeθmyi aftaouoi harōten ǹje p̀ċois èsaji èx̀ryi ènetenmaṡg ǹnaisaji tyrou.	But know for a certainty, that if ye slay me, ye bring innocent blood upon yourselves, and upon this city, and upon them that dwell in it; for in truth the Lord has sent me to you to speak in your ears all these words.
33:16	ⲟⲩⲟϩ ⲡⲉϫⲉ ⲛⲓⲁⲣⲭⲱⲛ ⲛⲉⲙⲡⲓⲗⲁⲟⲥ ⲧⲏⲣϥ ⲛ̀ⲛⲓⲟⲩⲏⲃ ⲛⲉⲙⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ϫⲉⲙ̀ⲙⲟⲛ ϩⲁⲡ ⲛ̀ⲧⲉⲫ̀ⲙⲟⲩ ⲧⲟⲓ ⲡⲁⲓⲣⲱⲙⲓ ϫⲉⲟⲩⲏⲓ ⲉⲧⲁϥⲥⲁϫⲓ ⲛⲉⲙⲁⲛ ϧⲉⲛⲫ̀ⲣⲁⲛ ⲙ̀ⲡϭ̅ⲥ̅ ⲫϯ .	Ⲟⲩⲟϩ ⲡⲉϫⲉ ⲛⲓⲁⲣⲭⲱⲛ ⲛⲉⲙ ⲡⲓⲗⲁⲟⲥ ⲧⲏⲣϥ ⲛ̀ⲛⲓⲟⲩⲏⲃ ⲛⲉⲙ ⲛⲓⲯⲉⲩⲇⲟⲡ̀ⲣⲟⲫⲏⲧⲏⲥ ϫⲉ ⲙ̀ⲙⲟⲛ ϩⲁⲡ ⲛ̀ⲧⲉ ⲫ̀ⲙⲟⲩ ⲧⲟⲓ ⲡⲁⲓⲣⲱⲙⲓ ϫⲉ ⲟⲩⲏⲓ ⲉⲧⲁϥⲥⲁϫⲓ ⲛⲉⲙⲁⲛ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ ⲫ̀ⲛⲟⲩϯ.	Ouoh peje niarxōn nem pilaos tyrf ǹniouyb nem nipsevḋop̀rofytys je m̀mon hap ǹte f̀mou toi pairōmi je ouyi etafsaji neman xen f̀ran ǹp̀ċois f̀nouti.	Then the princes and all the people said to the priests and to the false prophets; Judgment of death is not due to this man; for he has spoken to us in the name of the Lord our God.
33:17	ⲟⲩⲟϩ ⲁⲩⲧⲱⲟⲩⲛⲟⲩ ⲛ̀ϫⲉϩⲁⲛⲣⲱⲙⲓ ⲛ̀ⲧⲉⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉⲡ̀ⲕⲁϩⲓ ⲡⲉϫⲱⲟⲩ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉⲡⲓⲗⲁⲟⲥ .	Ⲟⲩⲟϩ ⲁⲩⲧⲱⲟⲩⲛⲟⲩ ⲛ̀ϫⲉ ϩⲁⲛⲣⲱⲙⲓ ⲛ̀ⲧⲉ ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ ⲡ̀ⲕⲁϩⲓ ⲡⲉϫⲱⲟⲩ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲡⲓⲗⲁⲟⲥ.	Ouoh avtōounou ǹje hanrōmi ǹte nip̀resbiteros ǹte p̀kahi pegōou ǹtisinaġōgy tyrs ǹte pilaos.	And there rose up men of the elders of the land, and said to all the assembly of the people,
33:18	ϫⲉⲙⲓⲭⲉⲁⲥ ⲡⲓⲙⲱⲣⲁⲑⲓⲧⲏⲥ ⲛⲁϥϣⲟⲡ ⲡⲉ ϧⲉⲛⲛⲓⲉ̀ϩⲟⲟⲩ ⲛ̀ⲉⲍⲉⲕⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ⲟⲩⲟϩ ⲁϥϫⲟⲥ ⲙ̀ⲡⲓⲗⲁⲟⲥ ⲧⲏⲣϥ ⲛ̀ⲧⲉⲓⲟⲩⲇⲁ ϫⲉⲡⲁⲓⲣⲏϯ ⲁϥϫⲟⲥ ⲛ̀ϫⲉⲡϭ̅ⲥ̅ ϫⲉⲥⲓⲱⲛ ⲉⲩⲉ̀ⲥⲭⲁⲓ ⲙ̀ⲙⲟⲥ ⲙ̀ⲫ̀ⲣⲏϯ ⲛ̀ⲟⲩⲓⲟϩⲓ ⲟⲩⲟϩ ⲓⲗ̅ⲏ̅ⲙ̅ ⲉⲥⲉ̀ϣⲱⲡⲓ ⲙ̀ⲫ̀ⲣⲏϯ ⲛ̀ⲟⲩⲙⲁⲛ̀ⲁⲑⲙⲟϣⲓ ⲟⲩⲟϩ ⲡⲓⲧⲱⲟⲩ ⲛ̀ⲧⲉⲡⲓⲏⲓ ⲉⲩⲓⲁϩϣ̀ϣⲏⲛ .	Ϫⲉ ⲙⲓⲭⲉⲁⲥ ⲡⲓⲙⲱⲣⲁⲑⲓⲧⲏⲥ ⲛⲁϥϣⲟⲡ ⲡⲉ ϧⲉⲛ ⲛⲓⲉ̀ϩⲟⲟⲩ ⲛ̀ⲉⲍⲉⲕⲓⲁⲥ ⲡ̀ⲟⲩⲣⲟ ⲛ̀ⲓⲟⲩⲇⲁ ⲟⲩⲟϩ ⲁϥϫⲟⲥ ⲛ̀ⲡⲓⲗⲁⲟⲥ ⲧⲏⲣϥ ⲛ̀ⲧⲉ ⲓⲟⲩⲇⲁ ϫⲉ ⲡⲁⲓⲣⲏϯ ⲁϥϫⲟⲥ ⲛ̀ϫⲉ ⲡ̀ϭⲟⲓⲥ ϫⲉ ⲥⲓⲱⲛ ⲉⲩⲉ̀ⲥⲭⲁⲓ ⲙ̀ⲙⲟⲥ ⲛ̀ⲫ̀ⲣⲏϯ ⲛ̀ⲟⲩⲓⲟϩⲓ ⲟⲩⲟϩ ⲓⲉⲣⲟⲩⲥⲁⲗⲏⲙ ⲉⲥⲉ̀ϣⲱⲡⲓ ⲛ̀ⲫ̀ⲣⲏϯ ⲛ̀ⲟⲩⲙⲁⲛ̀ⲁⲑⲙⲟϣⲓ ⲟⲩⲟϩ ⲡⲓⲧⲱⲟⲩ ⲛ̀ⲧⲉ ⲡⲓⲏⲓ ⲉⲩⲓⲁϩϣ̀ϣⲏⲛ.	Je miṡeas pimōraθitys nafṡop pe xen nièhoou ǹezekias p̀ouro ǹiouda ouoh afgos ǹpilaos tyrf ǹte iouda je pairyti afgos ǹje p̀ċois je siōn evèskai m̀mos ǹf̀ryti ǹouiohi ouoh ierousalym esèṡōpi ǹf̀ryti ǹoumaǹaθmoṡi ouoh pitōou ǹte piyi eviahṡ̀ṡyn.	Michaeas the Morathite lived in the days of Ezekias king of Juda, and said to all the people of Juda, Thus saith the Lord; Sion shall be ploughed as a field, and Jerusalem shall become a desolation, and the mountain of the house shall be a thicket of trees.
33:19	ⲙⲏ ⲁⲛ ⲁϥϧⲟⲑⲃⲉϥ ⲛ̀ϫⲉⲓⲉⲍⲉⲕⲓⲁⲥ ⲛⲉⲙⲓⲟⲩⲇⲁ ⲧⲏⲣϥ ⲟⲩⲭⲟⲧⲓ ϫⲉⲁⲩⲉⲣϩⲟϯ ϧⲁⲧ̀ϩⲏ ⲙ̀ⲡϭ̅ⲥ̅ ⲟⲩⲟϩ ⲁⲩⲧⲱⲃϩ ⲙ̀ⲡ̀ϩⲟ ⲙ̀ⲡϭ̅ⲥ̅ ⲟⲩⲟϩ ⲁϥⲗⲟϫϥ ⲛ̀ϫⲉⲡϭ̅ⲥ̅ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ⲉⲛⲟⲩ ⲉ̀ϫⲱⲟⲩ ⲟⲩⲟϩ ⲁ̀ⲛⲟⲛ ϩⲱⲛ ⲁⲛⲓ̀ⲣⲓ ⲛ̀ϩⲁⲛⲛⲓϣϯ ⲙ̀ⲡⲉⲧϩⲱⲟⲩ ⲉ̀ϫⲉⲛⲛⲉⲛⲯⲩⲭⲏ .	Ⲙⲏ ⲁⲛ ⲁϥϧⲟⲑⲃⲉϥ ⲛ̀ϫⲉ ⲓⲉⲍⲉⲕⲓⲁⲥ ⲛⲉⲙ ⲓⲟⲩⲇⲁ ⲧⲏⲣϥ ⲟⲩⲭⲟⲧⲓ ϫⲉ ⲁⲩⲉⲣϩⲟϯ ϧⲁⲧ̀ϩⲏ ⲛ̀ⲡ̀ϭⲟⲓⲥ ⲟⲩⲟϩ ⲁⲩⲧⲱⲃϩ ⲛ̀ⲡ̀ϩⲟ ⲛ̀ⲡ̀ϭⲟⲓⲥ ⲟⲩⲟϩ ⲁϥⲗⲟϫϥ ⲛ̀ϫⲉ ⲡ̀ϭⲟⲓⲥ ⲉ̀ⲃⲟⲗϩⲁ ⲛⲓⲡⲉⲧϩⲱⲟⲩ ⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ⲉⲛⲟⲩ ⲉ̀ϫⲱⲟⲩ ⲟⲩⲟϩ ⲁ̀ⲛⲟⲛ ϩⲱⲛ ⲁⲛⲓ̀ⲣⲓ ⲛ̀ϩⲁⲛⲛⲓϣϯ ⲛ̀ⲡⲉⲧϩⲱⲟⲩ ⲉ̀ϫⲉⲛ ⲛⲉⲛⲯⲩⲭⲏ.	My an afxoθvef ǹje iezekias nem iouda tyrf oukoti je averhoti xat̀·hy ǹp̀ċois ouoh avtōvh ǹp̀ho ǹp̀ċois ouoh aflogf ǹje p̀ċois èbolha nipet·hōou etafsaji m̀mōou èenou ègōou ouoh ànon hōn anìri ǹhanniṡti ǹpet·hōou èjen nenpsiṡy.	Did Ezekias and all Juda in any way slay him? Was it not that they feared the Lord, and they made supplication before the Lord, and the Lord ceased from the evils which he had pronounced against them? whereas we have wrought great evil against our own souls.
33:20	ⲟⲩⲟϩ ⲛⲉ ⲟⲩⲟⲛ ⲟⲩⲣⲱⲙⲓ ⲡⲉ ⲉϥⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛⲫ̀ⲣⲁⲛ ⲙ̀ⲡϭ̅ⲥ̅ ⲟⲩⲣⲓⲁⲥ ⲡ̀ϣⲏⲣⲓ ⲛ̀ⲥⲁⲙⲉⲁⲥ ⲉ̀ⲃⲟⲗϧⲉⲛ ⲕⲁⲣⲓⲁⲑⲓⲁ̀ⲣⲓⲙ ⲟⲩⲟϩ ⲁϥⲉⲣⲡ̀ⲣⲟⲫⲏⲧⲉⲩⲓⲛ ⲉⲑⲃⲉⲡⲁⲓⲕⲁϩⲓ ⲕⲁⲧⲁⲛⲁⲓⲥⲁϫⲓ ⲧⲏⲣⲟⲩ ⲛ̀ⲧⲉⲓⲉⲣⲉⲙⲓⲁⲥ .	Ⲟⲩⲟϩ ⲛⲉ ⲟⲩⲟⲛ ⲟⲩⲣⲱⲙⲓ ⲡⲉ ⲉϥⲉⲣⲡ̀ⲣⲟⲫⲏⲧⲉⲩⲓⲛ ϧⲉⲛ ⲫ̀ⲣⲁⲛ ⲛ̀ⲡ̀ϭⲟⲓⲥ ⲟⲩⲣⲓⲁⲥ ⲡ̀ϣⲏⲣⲓ ⲛ̀ⲥⲁⲙⲉⲁⲥ ⲉ̀ⲃⲟⲗ ϧⲉⲛ ⲕⲁⲣⲓⲁⲑⲓⲁ̀ⲣⲓⲙ ⲟⲩⲟϩ ⲁϥⲉⲣⲡ̀ⲣⲟⲫⲏⲧⲉⲩⲓⲛ ⲉⲑⲃⲉ ⲡⲁⲓⲕⲁϩⲓ ⲕⲁⲧⲁ ⲛⲁⲓⲥⲁϫⲓ ⲧⲏⲣⲟⲩ ⲛ̀ⲧⲉ ⲓⲉⲣⲉⲙⲓⲁⲥ.	Ouoh ne ouon ourōmi pe eferp̀rofytevin xen f̀ran ǹp̀ċois ourias p̀ṡyri ǹsameas èvol xen kariaθiàrim ouoh aferp̀rofytevin eθve paikahi kata naisaji tyrou ǹte ieremias.	And there was another man prophesying in the name of the Lord, Urias the son of Samaeas of Cariathiarim; and he prophesied concerning this land according to all the words of Jeremias.
33:21	ⲟⲩⲟϩ ⲁϥⲥⲱⲧⲉⲙ ⲛ̀ϫⲉⲡ̀ⲟⲩⲣⲟ ⲓⲱⲁⲕⲓⲙ ⲛⲉⲙⲛⲓⲁⲣⲭⲱⲛ ⲧⲏⲣⲟⲩ ⲉ̀ⲛⲉϥⲥⲁϫⲓ ⲧⲏⲣⲟⲩ ⲟⲩⲟϩ ⲛⲁⲩⲕⲱϯ ⲉ̀ϧⲟⲑⲃⲉϥ ⲡⲉ ⲟⲩⲟϩ ⲁϥⲥⲱⲧⲉⲙ ⲛ̀ϫⲉⲟⲩⲣⲓⲁⲥ ⲁϥⲓ̀ ⲉ̀ϧ̀ⲣⲏⲓ ⲉ̀ⲭⲏⲙⲓ .	Ⲟⲩⲟϩ ⲁϥⲥⲱⲧⲉⲙ ⲛ̀ϫⲉ ⲡ̀ⲟⲩⲣⲟ ⲓⲱⲁⲕⲓⲙ ⲛⲉⲙ ⲛⲓⲁⲣⲭⲱⲛ ⲧⲏⲣⲟⲩ ⲉ̀ⲛⲉϥⲥⲁϫⲓ ⲧⲏⲣⲟⲩ ⲟⲩⲟϩ ⲛⲁⲩⲕⲱϯ ⲉ̀ϧⲟⲑⲃⲉϥ ⲡⲉ ⲟⲩⲟϩ ⲁϥⲥⲱⲧⲉⲙ ⲛ̀ϫⲉ ⲟⲩⲣⲓⲁⲥ ⲁϥⲓ̀ ⲉ̀ϧ̀ⲣⲏⲓ ⲉ̀ⲭⲏⲙⲓ.	Ouoh afsōtem ǹje p̀ouro iōakim nem niarxōn tyrou ènefsaji tyrou ouoh navkōti èxoθvef pe ouoh afsōtem ǹje ourias afì èx̀ryi èkymi.	And king Joakim and all the princes heard all his words, and sought to slay him; and Urias heard it and went into Egypt.
33:22	ⲟⲩⲟϩ ⲁ ⲡ̀ⲟⲩⲣⲟ ⲟⲩⲱⲣⲡ ⲛ̀ϩⲁⲛⲣⲱⲙ ⲉ̀ⲭⲏⲙⲓ .	Ⲟⲩⲟϩ ⲁ ⲡ̀ⲟⲩⲣⲟ ⲟⲩⲱⲣⲡ ⲛ̀ϩⲁⲛⲣⲱⲙ ⲉ̀ⲭⲏⲙⲓ.	Ouoh a p̀ouro ouōrp ǹhanrōm èkymi.	And the king sent men into Egypt;
33:23	ⲟⲩⲟϩ ⲁⲩⲉⲛϥ ⲉ̀ⲃⲟⲗ ⲙ̀ⲙⲁⲩ ⲟⲩⲟϩ ⲁⲩⲟⲗϥ ⲉ̀ϧⲟⲩⲛ ϩⲁⲡ̀ⲟⲩⲣⲟ ⲟⲩⲟϩ ⲁϥϣⲁⲣⲓ ⲉ̀ⲣⲟϥ ϧⲉⲛⲣⲱⲥ ⲛ̀ⲧ̀ⲥⲏϥⲓ ⲟⲩⲟϩ ⲁⲩⲃⲉⲣⲃⲱⲣϥ ⲉ̀ϧ̀ⲣⲏⲓ ⲉ̀ⲡⲓⲙ̀ϩⲁⲩ ⲛ̀ⲧⲉⲛⲉⲛϣⲏⲣⲓ ⲙ̀ⲡⲉϥⲗⲁⲟⲥ .	Ⲟⲩⲟϩ ⲁⲩⲉⲛϥ ⲉ̀ⲃⲟⲗ ⲙ̀ⲙⲁⲩ ⲟⲩⲟϩ ⲁⲩⲟⲗϥ ⲉ̀ϧⲟⲩⲛ ϩⲁ ⲡ̀ⲟⲩⲣⲟ ⲟⲩⲟϩ ⲁϥϣⲁⲣⲓ ⲉ̀ⲣⲟϥ ϧⲉⲛ ⲣⲱⲥ ⲛ̀ⲧ̀ⲥⲏϥⲓ ⲟⲩⲟϩ ⲁⲩⲃⲉⲣⲃⲱⲣϥ ⲉ̀ϧ̀ⲣⲏⲓ ⲉ̀ⲡⲓⲙ̀ϩⲁⲩ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲉϥⲗⲁⲟⲥ.	Ouoh avenf èvol m̀mav ouoh avolf èxoun ha p̀ouro ouoh afṡari èrof xen rōs ǹt̀syfi ouoh avvervōrf èx̀ryi èpim̀hav ǹte nenṡyri ǹpeflaos.	and they brought him thence, and brought him into the king; and he smote him with the sword, and cast him into the sepulchre of the children of his people.
33:24	ⲡ̀ⲗⲏⲛ ⲧ̀ϫⲓϫ ⲛ̀ⲁⲭⲓⲕⲁⲙ ⲛⲉⲙⲡ̀ϣⲏⲣⲓ ⲛ̀ⲥⲁⲫⲁⲛⲁⲥ ⲧⲟⲓ ⲡⲉ ⲛⲉⲙⲓⲉⲣⲉⲙⲓⲁⲥ ⲉ̀ϣ̀ⲧⲉⲙⲧⲏⲓϥ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲙ̀ⲡⲓⲗⲁⲟⲥ ⲉ̀ϣ̀ⲧⲉⲙⲑ̀ⲣⲟⲩϧⲟⲑⲃⲉϥ .	Ⲡ̀ⲗⲏⲛ ⲧ̀ϫⲓϫ ⲛ̀ⲁⲭⲓⲕⲁⲙ ⲛⲉⲙ ⲡ̀ϣⲏⲣⲓ ⲛ̀ⲥⲁ ⲫⲁⲛⲁⲥ ⲧⲟⲓ ⲡⲉ ⲛⲉⲙ ⲓⲉⲣⲉⲙⲓⲁⲥ ⲉ̀ϣ̀ⲧⲉⲙⲧⲏⲓϥ ⲉ̀ϧ̀ⲣⲏⲓ ⲉ̀ⲛⲉⲛϫⲓϫ ⲛ̀ⲡⲓⲗⲁⲟⲥ ⲉ̀ϣ̀ⲧⲉⲙⲑ̀ⲣⲟⲩϧⲟⲑⲃⲉϥ.	P̀lyn t̀jig ǹakikam nem p̀ṡyri ǹsa fanas toi pe nem ieremias èṡ̀temtyif èx̀ryi ènenjig ǹpilaos èṡ̀temθ̀rouxoθvef.	Nevertheless the hand of Achicam son of Saphan was with Jeremias, to prevent his being delivered into the hands of the people, or being killed.

Provenance

title: 24_Ieremias_33
dialect: bohairic
source: Coptic SCRIPTORIUM corpus "bohairic.ot", document 24_Ieremias_33
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 24_Ieremias_33 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Jeremiah/33.bohairic.scriptorium.L0.txt
title: 24_Ieremias_33 — Cairene
dialect: bohairic
source: generated from 33.bohairic.scriptorium.L0.txt (Coptic SCRIPTORIUM corpus "bohairic.ot", document 24_Ieremias_33)
licence: CC BY-SA 4.0
share: attribution
attribution: 24_Ieremias_33 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jeremiah/33.bohairic.scriptorium.L1.txt
title: 24_Ieremias_33 — Kemetic
dialect: bohairic
source: generated from 33.bohairic.scriptorium.L1.txt
licence: CC BY-SA 4.0
share: attribution
attribution: 24_Ieremias_33 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jeremiah/33.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 24 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 24_Ieremias_33 (24 lines)

Cite as:

24_Ieremias_33. Coptic SCRIPTORIUM corpus "bohairic.ot", document 24_Ieremias_33. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jeremiah/33.bohairic.scriptorium/. 24_Ieremias_33 from Coptic SCRIPTORIUM (https://copticscriptorium.org), corpus bohairic.ot, document 24_Ieremias_33, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.