Jonah (Bohairic, SCRIPTORIUM text with Yousef's jinkim)

Source and licence

share: attributionbohairic

Source: Coptic SCRIPTORIUM corpus "bohairic.ot", documents 32_Ionas_01–32_Ionas_04 (4 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md)

Attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 32_Ionas_01–32_Ionas_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

48 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
1:1	1:1 ⲟⲩⲟϩ ⲁ ⲟⲩⲥⲁϫⲓ ⲛ̀ⲧⲉⲡϭ̅ⲥ̅ ϣⲱⲡⲓ ϩⲁⲓⲱⲛⲁ ⲡ̀ϣⲏⲣⲓ ⲛ̀ⲁⲙⲁⲑⲓ ⲉϥϫⲱ ⲙ̀ⲙⲟⲥ .	ⲟⲩⲟϩ ⲁ ⲟⲩⲥⲁϫⲓ ⲛ̀ⲧⲉ ⲡ̀ϭⲟⲓⲥ ϣⲱⲡⲓ ϩⲁ ⲓⲱⲛⲁ ⲡ̀ϣⲏⲣⲓ ⲛ̀ⲁⲙⲁⲑⲓ ⲉϥϫⲱ ⲙ̀ⲙⲟⲥ.	ouoh a ousaji ǹte p̀ċois ṡōpi ha iōna p̀ṡyri ǹamaθi efgō m̀mos.	Now the word of the Lord came to Jonas the son of Amathi, saying,
1:2	1:2 ϫⲉⲧⲱⲛⲕ ⲟⲩⲟϩ ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲛⲓⲛⲉⲩⲏ̀ ϯⲃⲁⲕⲓ ⲟⲩⲟϩ ϩⲓⲱⲓϣ ⲛ̀ϧ̀ⲣⲏⲓ ⲛ̀ϧⲏⲧⲥ ϫⲉⲁϥⲓ̀ ⲉ̀ⲡ̀ϣⲱⲓ ϩⲁⲣⲟⲓ ⲛ̀ϫⲉⲡ̀ϧ̀ⲣⲱⲟⲩ ⲛ̀ⲧⲉⲧⲉⲥⲕⲁⲕⲓⲁ̀ .	Ϫⲉ ⲧⲱⲛⲕ ⲟⲩⲟϩ ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲛⲓⲛⲉⲩⲏ̀ ϯⲃⲁⲕⲓ ⲟⲩⲟϩ ϩⲓⲱⲓϣ ⲛ̀ϧ̀ⲣⲏⲓ ⲛ̀ϧⲏⲧⲥ ϫⲉ ⲁϥⲓ̀ ⲉ̀ⲡ̀ϣⲱⲓ ϩⲁⲣⲟⲓ ⲛ̀ϫⲉ ⲡ̀ϧ̀ⲣⲱⲟⲩ ⲛ̀ⲧⲉ ⲧⲉⲥⲕⲁⲕⲓⲁ̀.	Je tōnk ouoh maṡenak èh̀ryi èninevỳ tivaki ouoh hiōiṡ ǹx̀ryi ǹxyts je afì èp̀ṡōi haroi ǹje p̀x̀rōou ǹte teskakià.	Rise, and go to Nineve, the great city, and preach in it; for the cry of its wickedness is come up to me.
1:3	1:3 ⲟⲩⲟϩ ⲁϥⲧⲱⲛϥ ⲛ̀ϫⲉⲓⲱⲛⲁ ⲉⲑⲣⲉϥⲫⲱⲧ ⲉ̀ⲑⲁⲣⲥⲓⲥ ⲉ̀ⲃⲟⲗϩⲁ ⲡ̀ϩⲟ ⲙ̀ⲡϭ̅ⲥ̅ ⲟⲩⲟϩ ⲁϥⲓ̀ ⲉ̀ϧ̀ⲣⲏⲓ ⲉ̀ⲓⲟⲡⲡⲏ ⲟⲩⲟϩ ⲁϥϫⲓⲙⲓ ⲛ̀ⲟⲩϫⲟⲓ ⲉϥⲛⲁϣⲉⲛⲁϥ ⲉ̀ⲑⲁⲣⲥⲓⲥ ⲟⲩⲟϩ ⲁϥϯϩⲏⲙⲓ ⲟⲩⲟϩ ⲁϥⲁ̀ⲗⲏⲓ ⲉ̀ⲣⲟϥ ⲉ̀ⲉⲣϩⲱⲧ ⲛⲉⲙⲱⲟⲩ ⲉ̀ⲑⲁⲣⲥⲓⲥ ⲉ̀ⲃⲟⲗϩⲁ ⲡ̀ϩⲟ ⲙ̀ⲡϭ̅ⲥ̅ .	Ⲟⲩⲟϩ ⲁϥⲧⲱⲛϥ ⲛ̀ϫⲉ ⲓⲱⲛⲁ ⲉ̀ⲑⲣⲉϥⲫⲱⲧ ⲉ̀ⲑⲁⲣⲥⲓⲥ ⲉ̀ⲃⲟⲗϩⲁ ⲡ̀ϩⲟ ⲛ̀ⲡ̀ϭⲟⲓⲥ ⲟⲩⲟϩ ⲁϥⲓ̀ ⲉ̀ϧ̀ⲣⲏⲓ ⲉ̀ⲓⲟⲡⲡⲏ ⲟⲩⲟϩ ⲁϥϫⲓⲙⲓ ⲛ̀ⲟⲩϫⲟⲓ ⲉϥⲛⲁϣⲉⲛⲁϥ ⲉ̀ⲑⲁⲣⲥⲓⲥ ⲟⲩⲟϩ ⲁϥϯϩⲏⲙⲓ ⲟⲩⲟϩ ⲁϥⲁ̀ⲗⲏⲓ ⲉ̀ⲣⲟϥ ⲉ̀ⲉⲣϩⲱⲧ ⲛⲉⲙⲱⲟⲩ ⲉ̀ⲑⲁⲣⲥⲓⲥ ⲉ̀ⲃⲟⲗϩⲁ ⲡ̀ϩⲟ ⲛ̀ⲡ̀ϭⲟⲓⲥ.	Ouoh aftōnf ǹje iōna èθreffōt èθarsis èbolha p̀ho ǹp̀ċois ouoh afì èx̀ryi èioppy ouoh afjimi ǹougoi efnaṡenaf èθarsis ouoh aftihymi ouoh afàlyi èrof èerhōt nemōou èθarsis èbolha p̀ho ǹp̀ċois.	But Jonas rose up to flee to Tharsis from the presence of the Lord. And he went down to Joppa, and found a ship going to Tharsis: and he paid his fare, and went up into it, to sail with them to Tharsis from the presence of the Lord.
1:4	1:4 ⲟⲩⲟϩ ⲁ ⲡϭ̅ⲥ̅ ⲧⲟⲩⲛⲟⲥ ⲟⲩⲛⲓϣϯ ⲛ̀ⲑⲏⲟⲩ ⲉ̀ϧ̀ⲣⲏⲓ ⲉ̀ⲫ̀ⲓⲟⲙ ⲟⲩⲟϩ ⲁϥϣⲱⲡⲓ ⲛ̀ϫⲉⲟⲩⲛⲓϣϯ ⲛ̀ϩⲱⲓⲙⲓ ϧⲉⲛⲫ̀ⲓⲟⲙ ⲟⲩⲟϩ ⲛⲁϥⲉⲣⲕⲩⲛⲇⲓⲛⲉⲩⲓⲛ ⲛ̀ϫⲉⲡⲓϫⲟⲓ ⲉ̀ⲃⲱⲗ ⲉ̀ⲃⲟⲗ .	Ⲟⲩⲟϩ ⲁ ⲡ̀ϭⲟⲓⲥ ⲧⲟⲩⲛⲟⲥ ⲟⲩⲛⲓϣϯ ⲛ̀ⲑⲏⲟⲩ ⲉ̀ϧ̀ⲣⲏⲓ ⲉ̀ⲫ̀ⲓⲟⲙ ⲟⲩⲟϩ ⲁϥϣⲱⲡⲓ ⲛ̀ϫⲉ ⲟⲩⲛⲓϣϯ ⲛ̀ϩⲱⲓⲙⲓ ϧⲉⲛ ⲫ̀ⲓⲟⲙ ⲟⲩⲟϩ ⲛⲁϥⲉⲣⲕⲩⲛⲇⲓⲛⲉⲩⲓⲛ ⲛ̀ϫⲉ ⲡⲓϫⲟⲓ ⲉ̀ⲃⲱⲗ ⲉ̀ⲃⲟⲗ.	Ouoh a p̀ċois tounos ouniṡti ǹθyou èx̀ryi èf̀iom ouoh afṡōpi ǹje ouniṡti ǹhōimi xen f̀iom ouoh naferkinḋinevin ǹje pigoi èvōl èvol.	And the Lord raised up a wind on the sea; and there was a great storm on the sea, and the ship was in danger of being broken.
1:5	1:5 ⲟⲩⲟϩ ⲁⲩⲉⲣϩⲟϯ ⲛ̀ϫⲉⲛⲓⲛⲉϥ ⲟⲩⲟϩ ⲛⲁⲣⲉⲫ̀ⲟⲩⲁⲓ ⲫ̀ⲟⲩⲁⲓ ⲱϣ ⲉ̀ⲡ̀ϣⲱⲓ ϩⲁⲡⲉϥⲛⲟⲩϯ ⲟⲩⲟϩ ⲁⲩϩⲓⲟⲩⲓ̀ ⲛ̀ⲛⲓⲥ̀ⲕⲉⲩⲟⲥ ⲉⲧϧⲉⲛⲡⲓϫⲟⲓ ⲉ̀ⲫ̀ⲓⲟⲙ ⲉⲑⲣⲉϥⲥ̀ⲓⲁⲓ ⲉ̀ⲃⲟⲗϩⲁⲣⲱⲟⲩ ⲓⲱⲛⲁⲥ ⲇⲉ ⲁϥϣⲉⲛⲁϥ ⲉ̀ϧ̀ⲣⲏⲓ ⲉ̀ⲫ̀ⲟⲩⲉⲛⲧ ⲛ̀ⲧⲉⲡⲓϫⲟⲩⲓ ⲟⲩⲟϩ ⲛⲁϥⲉⲛⲕⲟⲧ ⲟⲩⲟϩ ⲛⲁϥϧⲉⲣϧⲉⲣ .	Ⲟⲩⲟϩ ⲁⲩⲉⲣϩⲟϯ ⲛ̀ϫⲉⲛⲓⲛⲉϥ ⲟⲩⲟϩ ⲛⲁⲣⲉ ⲫ̀ⲟⲩⲁⲓ ⲫ̀ⲟⲩⲁⲓ ⲱϣ ⲉ̀ⲡ̀ϣⲱⲓ ϩⲁ ⲡⲉϥⲛⲟⲩϯ ⲟⲩⲟϩ ⲁⲩϩⲓⲟⲩⲓ̀ ⲛ̀ⲛⲓⲥ̀ⲕⲉⲩⲟⲥ ⲉⲧϧⲉⲛ ⲡⲓϫⲟⲓ ⲉ̀ⲫ̀ⲓⲟⲙ ⲉ̀ⲑⲣⲉϥⲥ̀ⲓⲁⲓ ⲉ̀ⲃⲟⲗ ϩⲁⲣⲱⲟⲩ ⲓⲱⲛⲁⲥ ⲇⲉ ⲁϥϣⲉⲛⲁϥ ⲉ̀ϧ̀ⲣⲏⲓ ⲉ̀ⲫ̀ⲟⲩⲉⲛⲧ ⲛ̀ⲧⲉ ⲡⲓϫⲟⲩⲓ ⲟⲩⲟϩ ⲛⲁϥⲉⲛⲕⲟⲧ ⲟⲩⲟϩ ⲛⲁϥϧⲉⲣϧⲉⲣ.	Ouoh averhoti ǹjeninef ouoh nare f̀ouai f̀ouai ōṡ èp̀ṡōi ha pefnouti ouoh avhiouì ǹnis̀kevos etxen pigoi èf̀iom èθrefs̀iai èvol harōou iōnas ḋe afṡenaf èx̀ryi èf̀ouent ǹte pigoui ouoh nafenkot ouoh nafxerxer.	And the sailors were alarmed, and cried every one to his god, and cast out the wares that were in the ship into the sea, that it might be lightened of them. But Jonas was gone down into the hold of the ship, and was asleep, and snored.
1:6	1:6 ⲟⲩⲟϩ ⲁϥϣⲉⲛⲁϥ ϩⲁⲣⲟϥ ⲛ̀ϫⲉⲡⲓⲛⲉϥ ⲉⲧϩⲓⲧ̀ϩⲏ ⲙ̀ⲡⲓϫⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉⲁ̀ϧⲟⲕ ⲛ̀ⲑⲟⲕ ⲕ̀ϧⲉⲣϧⲉⲣ ⲧⲱⲛⲕ ⲧⲱⲃϩ ⲙ̀ⲡⲉⲕⲛⲟⲩϯ ⲁ̀ⲣⲏⲟⲩ ⲛ̀ⲧⲉⲫϯ ⲛⲁϩⲙⲉⲛ ⲟⲩⲟϩ ⲛ̀ⲧⲉⲛϣ̀ⲧⲉⲙⲧⲁⲕⲟ .	Ⲟⲩⲟϩ ⲁϥϣⲉⲛⲁϥ ϩⲁⲣⲟϥ ⲛ̀ϫⲉⲡⲓⲛⲉϥ ⲉⲧϩⲓ ⲧ̀ϩⲏ ⲛ̀ⲡⲓϫⲟⲓ ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ϧⲟⲕ ⲛ̀ⲑⲟⲕ ⲕ̀ϧⲉⲣϧⲉⲣ ⲧⲱⲛⲕ ⲧⲱⲃϩ ⲛ̀ⲡⲉⲕⲛⲟⲩϯ ⲁ̀ⲣⲏⲟⲩ ⲛ̀ⲧⲉⲫϯ ⲛⲁϩⲙⲉⲛ ⲟⲩⲟϩ ⲛ̀ⲧⲉⲛϣ̀ⲧⲉⲙⲧⲁⲕⲟ.	Ouoh afṡenaf harof ǹjepinef et·hi t̀·hy ǹpigoi ouoh pegaf naf je àxok ǹθok k̀xerxer tōnk tōvh ǹpeknouti àryou ǹtefti nahmen ouoh ǹtenṡ̀temtako.	And the shipmaster came to him, and said to him, Why snorest thou? arise, and call upon thy God, that God may save us, and we perish not.
1:7	1:7 ⲟⲩⲟϩ ⲡⲉϫⲉ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲡⲉϥϣ̀ⲫⲏⲣ ϫⲉⲁ̀ⲙⲱⲓⲛⲓ ⲛ̀ⲧⲉⲛϩⲓⲟⲩⲓ̀ ⲛ̀ϩⲁⲛⲕⲗⲏⲣⲟⲥ ⲟⲩⲟϩ ⲛ̀ⲧⲉⲛⲉ̀ⲙⲓ ϫⲉⲉⲑⲃⲉⲟⲩ ⲧⲁⲓⲕⲁⲕⲓⲁ̀ ϣⲟⲡ ⲛ̀ϧⲏⲧⲉⲛ ⲟⲩⲟϩ ⲁⲩϩⲓ ⲕⲗⲏⲣⲟⲥ ⲟⲩⲟϩ ⲁϥϩⲉⲓ ⲛ̀ϫⲉⲡⲓⲕⲗⲏⲣⲟⲥ ⲉ̀ϫⲉⲛⲓⲱⲛⲁ .	Ⲟⲩⲟϩ ⲡⲉϫⲉ ⲫ̀ⲟⲩⲁⲓ ⲫ̀ⲟⲩⲁⲓ ⲛ̀ⲡⲉϥϣ̀ⲫⲏⲣ ϫⲉ ⲁ̀ⲙⲱⲓⲛⲓ ⲛ̀ⲧⲉⲛϩⲓⲟⲩⲓ̀ ⲛ̀ϩⲁⲛⲕ̀ⲗⲏⲣⲟⲥ ⲟⲩⲟϩ ⲛ̀ⲧⲉⲛⲉ̀ⲙⲓ ϫⲉ ⲉⲑⲃⲉ ⲟⲩ ⲧⲁⲓⲕⲁⲕⲓⲁ̀ ϣⲟⲡ ⲛ̀ϧⲏⲧⲉⲛ ⲟⲩⲟϩ ⲁⲩϩⲓ ⲕⲗⲏⲣⲟⲥ ⲟⲩⲟϩ ⲁϥϩⲉⲓ ⲛ̀ϫⲉ ⲡⲓⲕ̀ⲗⲏⲣⲟⲥ ⲉ̀ϫⲉⲛⲓⲱⲛⲁ.	Ouoh peje f̀ouai f̀ouai ǹpefṡ̀fyr je àmōini ǹtenhiouì ǹhank̀lyros ouoh ǹtenèmi je eθve ou taikakià ṡop ǹxyten ouoh avhi klyros ouoh afhei ǹje pik̀lyros èjeniōna.	And each man said to his neighbour, Come, let us cast lots, and find out for whose sake this mischief is upon us. So they cast lots, and the lot fell upon Jonas.
1:8	1:8 ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲉⲑⲃⲉⲟⲩ ⲧⲁⲓⲕⲁⲕⲓⲁ̀ ϣⲟⲡ ⲛ̀ϧⲏⲧⲕ ⲟⲩⲟϩ ⲟⲩ ⲧⲉ ⲧⲉⲕⲓⲟⲡⲏ ⲟⲩⲟϩ ⲁⲕⲛⲏⲟⲩ ⲉ̀ⲃⲟⲗ ⲑⲱⲛ ⲟⲩⲟϩ ⲛ̀ⲑⲟⲕ ⲟⲩ ⲉ̀ⲃⲟⲗϧⲉⲛ ⲁϣ ⲛ̀ⲭⲱⲃ̅ⲣⲁ ⲛ̀ⲑⲟⲕ ⲟⲩⲟϩ ⲉ̀ⲃⲟⲗϧⲉⲛ ⲁϣ ⲛ̀ⲡⲟⲗⲓⲥ .	Ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲉⲑⲃⲉ ⲟⲩ ⲧⲁⲓⲕⲁⲕⲓⲁ̀ ϣⲟⲡ ⲛ̀ϧⲏⲧⲕ ⲟⲩⲟϩ ⲟⲩ ⲧⲉ ⲧⲉⲕⲓⲟⲡⲏ ⲟⲩⲟϩ ⲁⲭⲛⲏⲟⲩ ⲉ̀ⲃⲟⲗ ⲑⲱⲛ ⲟⲩⲟϩ ⲛ̀ⲑⲟⲕ ⲟⲩ ⲉ̀ⲃⲟⲗ ϧⲉⲛ ⲁϣ ⲛ̀ⲭⲱⲃ̅ⲣⲁ ⲛ̀ⲑⲟⲕ ⲟⲩⲟϩ ⲉ̀ⲃⲟⲗ ϧⲉⲛ ⲁϣ ⲛ̀ⲡⲟⲗⲓⲥ.	Ouoh pegōou naf je eθve ou taikakià ṡop ǹxytk ouoh ou te tekiopy ouoh aknyou èvol θōn ouoh ǹθok ou èvol xen aṡ ǹxōbra ǹθok ouoh èvol xen aṡ ǹpolis.
1:9	1:9 ⲟⲩⲟϩ ⲡⲉϫⲁϥ ⲛⲱⲟⲩ ϫⲉⲁ̀ⲛⲟⲕ ⲟⲩⲃⲱⲕ ⲛ̀ⲧⲉⲡϭ̅ⲥ̅ ⲁ̀ⲛⲟⲕ ⲟⲩⲟϩ ⲡϭ̅ⲥ̅ ⲫϯ ⲛ̀ⲧⲉⲧ̀ⲫⲉ ⲡⲉⲧⲉⲣϩⲟϯ ϧⲁⲧⲉϥϩⲏ ⲫⲏⲉⲧⲁϥⲑⲁⲙⲓⲟ ⲙ̀ⲫ̀ⲓⲟⲙ ⲛⲉⲙⲡⲉⲧϣⲟⲩⲱⲟⲩ .	Ⲟⲩⲟϩ ⲡⲉϫⲁϥ ⲛⲱⲟⲩ ϫⲉ ⲁ̀ⲛⲟⲕ ⲟⲩⲃⲱⲕ ⲛ̀ⲧⲉ ⲡ̀ϭⲟⲓⲥ ⲁ̀ⲛⲟⲕ ⲟⲩⲟϩ ⲡ̀ϭⲟⲓⲥ ⲫϯ ⲛ̀ⲧⲉ ⲧ̀ⲫⲉ ⲡⲉⲧⲉⲣϩⲟϯ ϧⲁ ⲧⲉϥϩⲏ ⲫⲏⲉ̀ⲧⲁϥⲑⲁⲙⲓⲟ ⲛ̀ⲫ̀ⲓⲟⲙ ⲛⲉⲙ ⲡⲉⲧϣⲟⲩⲱⲟⲩ.	Ouoh pegaf nōou je ànok ouvōk ǹte p̀ċois ànok ouoh p̀ċois fti ǹte t̀fe peterhoti xa tefhy fyètafθamio ǹf̀iom nem petṡouōou.	And he said to them, I am a servant of the Lord; and I worship the Lord God of heaven, who made the sea, and the dry land.
1:10	1:10 ⲟⲩⲟϩ ⲁⲩⲉⲣϩⲟϯ ⲛ̀ϫⲉⲛⲓⲣⲱⲙⲓ ϧⲉⲛⲟⲩⲛⲓϣϯ ⲛ̀ϩⲟϯ ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲟⲩ ⲡⲉ ⲉⲧⲁⲕⲁⲓϥ ϫⲉⲟⲩⲏⲓ ⲁⲩⲉ̀ⲙⲓ ⲛ̀ϫⲉⲛⲓⲣⲱⲙⲓ ϫⲉⲁϥⲫⲱⲧ ⲉ̀ⲃⲟⲗ ϧⲁⲧϩⲏ ⲙ̀ⲡ̀ϩⲟ ⲙ̀ⲡϭ̅ⲥ̅ ϫⲉⲁϥⲧⲁⲙⲱⲟⲩ .	Ⲟⲩⲟϩ ⲁⲩⲉⲣϩⲟϯ ⲛ̀ϫⲉ ⲛⲓⲣⲱⲙⲓ ϧⲉⲛ ⲟⲩⲛⲓϣϯ ⲛ̀ϩⲟϯ ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲟⲩ ⲡⲉ ⲉⲧⲁⲕⲁⲓϥ ϫⲉ ⲟⲩⲏⲓ ⲁⲩⲉ̀ⲙⲓ ⲛ̀ϫⲉ ⲛⲓⲣⲱⲙⲓ ϫⲉ ⲁϥⲫⲱⲧ ⲉ̀ⲃⲟⲗ ϧⲁⲧ̀ϩⲏ ⲛ̀ⲡ̀ϩⲟ ⲛ̀ⲡ̀ϭⲟⲓⲥ ϫⲉ ⲁϥⲧⲁⲙⲱⲟⲩ.	Ouoh averhoti ǹje nirōmi xen ouniṡti ǹhoti ouoh pegōou naf je ou pe etakaif je ouyi avèmi ǹje nirōmi je affōt èvol xat̀·hy ǹp̀ho ǹp̀ċois je aftamōou.	Then the men feared exceedingly, and said to him, What is this that thou hast done? for the men knew that he was fleeing from the face of the Lord, because he had told them.
1:11	1:11 ⲟⲩⲟϩ ⲡⲉϫⲱⲟⲩ ⲛⲁϥ ϫⲉⲟⲩ ⲡⲉ ⲉⲧⲉⲛⲛⲁⲁⲓϥ ⲛⲁⲕ ⲟⲩⲟϩ ⲛ̀ⲧⲉⲫ̀ⲓⲟⲙ ϩⲣⲟⲩⲣ ⲉ̀ⲃⲟⲗϩⲁⲣⲟⲛ ϫⲉⲟⲩⲏⲓ ⲛⲁⲣⲉⲫ̀ⲓⲟⲙ ⲱϣ ⲉ̀ⲃⲟⲗ ⲡⲉ ⲟⲩⲟϩ ⲛⲁϥⲛⲉϩⲥⲓ ⲛ̀ϩⲟⲩⲟ̀ ⲛ̀ⲟⲩⲛⲓϣϯ ⲛ̀ϩⲱⲓⲙⲓ .	Ⲟⲩⲟϩ ⲡⲉϫⲱⲟⲩ ⲛⲁϥ ϫⲉ ⲟⲩ ⲡⲉ ⲉⲧⲉⲛⲛⲁⲁⲓϥ ⲛⲁⲕ ⲟⲩⲟϩ ⲛ̀ⲧⲉ ⲫ̀ⲓⲟⲙ ϩⲣⲟⲩⲣ ⲉ̀ⲃⲟⲗϩⲁⲣⲟⲛ ϫⲉ ⲟⲩⲏⲓ ⲛⲁⲣⲉ ⲫ̀ⲓⲟⲙ ⲱϣ ⲉ̀ⲃⲟⲗ ⲡⲉ ⲟⲩⲟϩ ⲛⲁϥⲛⲉϩⲥⲓ ⲛ̀ϩⲟⲩⲟ̀ ⲛ̀ⲟⲩⲛⲓϣϯ ⲛ̀ϩⲱⲓⲙⲓ.	Ouoh pegōou naf je ou pe etennaaif nak ouoh ǹte f̀iom hrour èvolharon je ouyi nare f̀iom ōṡ èvol pe ouoh nafnehsi ǹhouò ǹouniṡti ǹhōimi.
1:12	1:12 ⲟⲩⲟϩ ⲡⲉϫⲁϥ ⲛⲱⲟⲩ ⲛ̀ϫⲉⲓⲱⲛⲁ ϫⲉⲁ̀ⲗⲓⲧ ϩⲓⲧⲧ ⲉ̀ⲫ̀ⲓⲟⲙ ⲟⲩⲟϩ ⲉϥⲉ̀ϩⲣⲟⲩⲣ ⲛ̀ϫⲉⲫ̀ⲓⲟⲙ ⲉ̀ⲃⲟⲗϩⲁⲣⲱⲧⲉⲛ ϫⲉⲟⲩⲏⲓ ⲁⲓⲉ̀ⲙⲓ ⲁ̀ⲛⲟⲕ ϫⲉⲉⲑⲃⲏⲧⲡⲁⲓⲛⲓϣϯ ⲛ̀ϩⲱⲓⲙⲓ ⲓ̀ ⲉ̀ϫⲉⲛⲑⲏⲛⲟⲩ .	Ⲟⲩⲟϩ ⲡⲉϫⲁϥ ⲛⲱⲟⲩ ⲛ̀ϫⲉ ⲓⲱⲛⲁ ϫⲉⲁ̀ⲗⲓⲧ ϩⲓⲧⲧ ⲉ̀ⲫ̀ⲓⲟⲙ ⲟⲩⲟϩ ⲉϥⲉ̀ϩⲣⲟⲩⲣ ⲛ̀ϫⲉ ⲫ̀ⲓⲟⲙ ⲉ̀ⲃⲟⲗ ϩⲁⲣⲱⲧⲉⲛ ϫⲉ ⲟⲩⲏⲓ ⲁⲓⲉ̀ⲙⲓ ⲁ̀ⲛⲟⲕ ϫⲉ ⲉⲑⲃⲏⲧⲡⲁⲓⲛⲓϣϯ ⲛ̀ϩⲱⲓⲙⲓ ⲓ̀ ⲉ̀ϫⲉⲛ ⲑⲏⲛⲟⲩ.	Ouoh pegaf nōou ǹje iōna jeàlit hitt èf̀iom ouoh efèhrour ǹje f̀iom èvol harōten je ouyi aièmi ànok je eθvytpainiṡti ǹhōimi ì èjen θynou.	And Jonas said to them, Take me up, and cast me into the sea, and the sea shall be calm to you: for I know that for my sake this great tempest is upon you.
1:13	1:13 ⲟⲩⲟϩ ⲛⲁⲩϭⲓ ⲙ̀ⲙⲱⲟⲩ ⲛ̀ϫⲟⲛⲥ ⲛ̀ϫⲉⲛⲓⲣⲱⲙⲓ ⲉⲑⲣⲟⲩⲧⲁⲥⲑⲟ ⲉ̀ⲡⲓⲕⲁϩⲓ ⲟⲩⲟϩ ⲛⲁⲩϣ̀ϫⲉⲙϫⲟⲙ ⲁⲛ ⲡⲉ ⲟⲩⲟϩ ⲟⲩⲛⲓϣϯ ⲛ̀ⲑⲏⲟⲩ ⲛⲁϥⲛⲉϩⲥⲓ ⲛ̀ϩⲟⲩⲟ̀ ⲉ̀ϩ̀ⲣⲏⲓ ⲉ̀ϫⲱⲟⲩ .	Ⲟⲩⲟϩ ⲛⲁⲩϭⲓ ⲙ̀ⲙⲱⲟⲩ ⲛ̀ϫⲟⲛⲥ ⲛ̀ϫⲉ ⲛⲓⲣⲱⲙⲓ ⲉ̀ⲑⲣⲟⲩⲧⲁⲥⲑⲟ ⲉ̀ⲡⲓⲕⲁϩⲓ ⲟⲩⲟϩ ⲛⲁⲩϣ̀ϫⲉⲙϫⲟⲙ ⲁⲛ ⲡⲉ ⲟⲩⲟϩ ⲟⲩⲛⲓϣϯ ⲛ̀ⲑⲏⲟⲩ ⲛⲁϥⲛⲉϩⲥⲓ ⲛ̀ϩⲟⲩⲟ̀ ⲉ̀ϩ̀ⲣⲏⲓ ⲉ̀ϫⲱⲟⲩ.	Ouoh navċi m̀mōou ǹgons ǹje nirōmi èθroutasθo èpikahi ouoh navṡ̀jemgom an pe ouoh ouniṡti ǹθyou nafnehsi ǹhouò èh̀ryi ègōou.
1:14	1:14 ⲟⲩⲟϩ ⲁⲩⲱϣ ⲉ̀ⲡ̀ϣⲱⲓ ϩⲁⲡϭ̅ⲥ̅ ⲟⲩⲟϩ ⲡⲉϫⲱⲟⲩ ϫⲉⲙ̀ⲫⲱⲣ ⲡϭ̅ⲥ̅ ⲙ̀ⲡⲉⲛⲑ̀ⲣⲉⲛⲧⲁⲕⲟ ⲉⲑⲃⲉⲧ̀ⲯⲩⲭⲏ ⲛ̀ⲧⲉⲡⲁⲓⲣⲱⲙⲓ ⲟⲩⲟϩ ⲙ̀ⲡⲉⲣⲓ̀ⲛⲓ ⲛ̀ⲟⲩⲥ̀ⲛⲟϥ ⲛ̀ⲑ̀ⲙⲏⲓ ⲉ̀ϩ̀ⲣⲏⲓ ⲉ̀ϫⲱⲛ ϫⲉⲛ̀ⲑⲟⲕ ⲡⲉ ⲡϭ̅ⲥ̅ ⲙ̀ⲫ̀ⲣⲏϯ ⲉⲧⲁⲕⲟⲩⲱϣ ⲁⲕⲓ̀ⲣⲓ .	Ⲟⲩⲟϩ ⲁⲩⲱϣ ⲉ̀ⲡ̀ϣⲱⲓ ϩⲁ ⲡ̀ϭⲟⲓⲥ ⲟⲩⲟϩ ⲡⲉϫⲱⲟⲩ ϫⲉⲙ̀ⲫⲱⲣ ⲡ̀ϭⲟⲓⲥ ⲙ̀ⲡⲉⲛⲑ̀ⲣⲉⲛⲧⲁⲕⲟ ⲉⲑⲃⲉ ⲧ̀ⲯⲩⲭⲏ ⲛ̀ⲧⲉ ⲡⲁⲓⲣⲱⲙⲓ ⲟⲩⲟϩ ⲙ̀ⲡⲉⲣⲓ̀ⲛⲓ ⲛ̀ⲟⲩⲥ̀ⲛⲟϥ ⲛ̀ⲑ̀ⲙⲏⲓ ⲉ̀ϩ̀ⲣⲏⲓ ⲉ̀ϫⲱⲛ ϫⲉ ⲛ̀ⲑⲟⲕ ⲡⲉ ⲡ̀ϭⲟⲓⲥ ⲛ̀ⲫ̀ⲣⲏϯ ⲉⲧⲁⲭⲟⲩⲱϣ ⲁⲕⲓ̀ⲣⲓ.	Ouoh avōṡ èp̀ṡōi ha p̀ċois ouoh pegōou jem̀fōr p̀ċois m̀penθ̀rentako eθve t̀psiṡy ǹte pairōmi ouoh m̀perìni ǹous̀nof ǹθ̀myi èh̀ryi ègōn je ǹθok pe p̀ċois ǹf̀ryti etakouōṡ akìri.	And they cried to the Lord, and said, Forbid it, Lord: let us not perish for the sake of this man's life, and bring not righteous blood upon us: for thou, Lord, hast done as thou wouldest.
1:15	1:15 ⲟⲩⲟϩ ⲁⲩⲱ̀ⲗⲓ ⲛ̀ⲓⲱⲛⲁ ⲁⲩϩⲓⲧϥ ⲉ̀ⲫ̀ⲓⲟⲙ ⲟⲩⲟϩ ⲁϥⲟ̀ϩⲓ ⲛ̀ϫⲉⲫ̀ⲓⲟⲙ ⲉ̀ⲃⲟⲗϧⲉⲛ ⲛⲉϥⲕⲓⲙ .	Ⲟⲩⲟϩ ⲁⲩⲱ̀ⲗⲓ ⲛ̀ⲓⲱⲛⲁ ⲁⲩϩⲓⲧϥ ⲉ̀ⲫ̀ⲓⲟⲙ ⲟⲩⲟϩ ⲁϥⲟ̀ϩⲓ ⲛ̀ϫⲉ ⲫ̀ⲓⲟⲙ ⲉ̀ⲃⲟⲗ ϧⲉⲛ ⲛⲉϥⲕⲓⲙ.	Ouoh avṑli ǹiōna avhitf èf̀iom ouoh afòhi ǹje f̀iom èvol xen nefkim.	So they took Jonas, and cast him out into the sea: and the sea ceased from its raging.
1:16	1:16 ⲟⲩⲟϩ ⲁⲩⲉⲣϩⲟϯ ⲛ̀ϫⲉⲛⲓⲣⲱⲙⲓ ϧⲁⲧϩⲏ ⲙ̀ⲡϭ̅ⲥ̅ ϧⲉⲛⲟⲩⲛⲓϣϯ ⲛ̀ϩⲟϯ ⲟⲩⲟϩ ⲁⲩϣⲱⲧ ⲛ̀ⲟⲩϣⲟⲩϣⲱⲟⲩϣⲓ ⲙ̀ⲡϭ̅ⲥ̅ ⲟⲩⲟϩ ⲁⲩⲱϣ ⲛ̀ϩⲁⲛⲉⲩⲭⲏ .	Ⲟⲩⲟϩ ⲁⲩⲉⲣϩⲟϯ ⲛ̀ϫⲉ ⲛⲓⲣⲱⲙⲓ ϧⲁⲧ̀ϩⲏ ⲛ̀ⲡ̀ϭⲟⲓⲥ ϧⲉⲛ ⲟⲩⲛⲓϣϯ ⲛ̀ϩⲟϯ ⲟⲩⲟϩ ⲁⲩϣⲱⲧ ⲛ̀ⲟⲩϣⲟⲩϣⲱⲟⲩϣⲓ ⲛ̀ⲡ̀ϭⲟⲓⲥ ⲟⲩⲟϩ ⲁⲩⲱϣ ⲛ̀ϩⲁⲛⲉⲩⲭⲏ.	Ouoh averhoti ǹje nirōmi xat̀·hy ǹp̀ċois xen ouniṡti ǹhoti ouoh avṡōt ǹouṡouṡōouṡi ǹp̀ċois ouoh avōṡ ǹhanevṡy.	And the men feared the Lord very greatly, and offered a sacrifice to the Lord, and vowed vows.
2:1	2:1 ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉⲡϭ̅ⲥ̅ ⲛ̀ⲟⲩⲛⲓϣϯ ⲛ̀ⲕⲩⲧⲟⲥ ⲉⲑⲣⲉϥⲱⲙⲕ ⲛ̀ⲓⲱⲛⲁ ⲟⲩⲟϩ ⲛⲁⲣⲉⲓⲱⲛⲁ ϧⲉⲛⲑ̀ⲛⲉϫⲓ ⲙ̀ⲡⲓⲕⲩⲧⲟⲥ ⲛ̀ⲅ̅ ⲛ̀ⲉ̀ϩⲟⲟⲩ ⲛⲉⲙⲅ̅ ⲛ̀ⲉ̀ϫⲱⲣϩ .	Ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉ ⲡ̀ϭⲟⲓⲥ ⲛ̀ⲟⲩⲛⲓϣϯ ⲛ̀ⲕⲩⲧⲟⲥ ⲉ̀ⲑⲣⲉϥⲱⲙⲕ ⲛ̀ⲓⲱⲛⲁ ⲟⲩⲟϩ ⲛⲁⲣⲉⲓⲱⲛⲁ ϧⲉⲛ ⲑ̀ⲛⲉϫⲓ ⲛ̀ⲡⲓⲕⲩⲧⲟⲥ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛⲉⲙ3 ⲛ̀ⲉ̀ϫⲱⲣϩ.	Ouoh afouahsahni ǹje p̀ċois ǹouniṡti ǹkitos èθrefōmk ǹiōna ouoh nareiōna xen θ̀neji ǹpikitos ǹṡomt ǹèhoou nem3 ǹègōrh.	Now the Lord had commanded a great whale to swallow up Jonas: and Jonas was in the belly of the whale three days and three nights.
2:2	2:2 ⲟⲩⲟϩ ⲁϥⲉⲣⲡⲣⲟⲥⲉⲩⲭⲉⲥⲑⲉ ⲛ̀ϫⲉⲓⲱⲛⲁ ϩⲁⲡϭ̅ⲥ̅ ⲡⲉϥⲛⲟⲩϯ ⲉ̀ⲃⲟⲗϧⲉⲛ ⲑ̀ⲛⲉϫⲓ ⲡ̀ⲓⲕⲩⲧⲟⲥ ⲟⲩⲟϩ ⲡⲉϫⲁϥ .	Ⲟⲩⲟϩ ⲁϥⲉⲣⲡⲣⲟⲥⲉⲩⲭⲉⲥⲑⲉ ⲛ̀ϫⲉ ⲓⲱⲛⲁ ϩⲁ ⲡ̀ϭⲟⲓⲥ ⲡⲉϥⲛⲟⲩϯ ⲉ̀ⲃⲟⲗ ϧⲉⲛ ⲑ̀ⲛⲉϫⲓ ⲡ̀ⲓⲕⲩⲧⲟⲥ ⲟⲩⲟϩ ⲡⲉϫⲁϥ.	Ouoh aferprosevṡesθe ǹje iōna ha p̀ċois pefnouti èvol xen θ̀neji p̀ikitos ouoh pegaf.	And Jonas prayed to the Lord his God out of the belly of the whale,
2:3	2:3 ⲁⲓⲱϣ ⲉ̀ⲃⲟⲗ ϧⲉⲛⲡⲁϩⲟϫϩⲉϫ ⲟⲩⲃⲉ ⲡϭ̅ⲥ̅ ⲡⲁⲛⲟⲩϯ ⲟⲩⲟϩ ⲁϥⲥⲱⲧⲉⲙ ⲉ̀ⲣⲟⲓ ⲉ̀ⲃⲟⲗϧⲉⲛ ⲑ̀ⲛⲉϫⲓ ⲛ̀ⲁ̀ⲙⲉⲛϯ ⲁⲕⲥⲱⲧⲉⲙ ⲉ̀ⲧⲁⲥ̀ⲙⲏ .	Ⲁⲓⲱϣ ⲉ̀ⲃⲟⲗ ϧⲉⲛ ⲡⲁϩⲟϫϩⲉϫ ⲟⲩⲃⲉ ⲡ̀ϭⲟⲓⲥ ⲡⲁⲛⲟⲩϯ ⲟⲩⲟϩ ⲁϥⲥⲱⲧⲉⲙ ⲉ̀ⲣⲟⲓ ⲉ̀ⲃⲟⲗ ϧⲉⲛ ⲑ̀ⲛⲉϫⲓ ⲛ̀ⲁ̀ⲙⲉⲛϯ ⲁⲕⲥⲱⲧⲉⲙ ⲉ̀ⲧⲁⲥ̀ⲙⲏ.	Aiōṡ èvol xen pahogheg ouve p̀ċois panouti ouoh afsōtem èroi èvol xen θ̀neji ǹàmenti ak·sōtem ètas̀my.	and said, I cried in my affliction to the Lord my God, and he hearkened to me, even to my cry out of the belly of hell: thou heardest my voice.
2:4	2:4 ⲁⲕⲃⲉⲣⲃⲱⲣⲧ ⲉ̀ⲛⲓϣⲱⲕ ⲛ̀ⲧⲉⲡ̀ϩⲏⲧ ⲛ̀ⲧⲉⲫ̀ⲓⲟⲙ ⲟⲩⲟϩ ⲁⲩⲕⲱϯ ⲉ̀ⲣⲟⲓ ⲛ̀ϫⲉϩⲁⲛⲓⲁⲣⲱⲟⲩ ⲛⲉⲕⲣⲱⲟⲩϣ ⲧⲏⲣⲟⲩ ⲛⲉⲙⲛⲉⲕϫⲟⲗ ⲁⲩⲓ̀ ⲉ̀ϩ̀ⲣⲏⲓ ⲉ̀ϫⲱⲓ .	Ⲁⲕⲃⲉⲣⲃⲱⲣⲧ ⲉ̀ⲛⲓϣⲱⲕ ⲛ̀ⲧⲉ ⲡ̀ϩⲏⲧ ⲛ̀ⲧⲉ ⲫ̀ⲓⲟⲙ ⲟⲩⲟϩ ⲁⲩⲕⲱϯ ⲉ̀ⲣⲟⲓ ⲛ̀ϫⲉϩⲁⲛⲓⲁⲣⲱⲟⲩ ⲛⲉⲕⲣⲱⲟⲩϣ ⲧⲏⲣⲟⲩ ⲛⲉⲙ ⲛⲉⲕϫⲟⲗ ⲁⲩⲓ̀ ⲉ̀ϩ̀ⲣⲏⲓ ⲉ̀ϫⲱⲓ.	Akvervōrt èniṡōk ǹte p̀hyt ǹte f̀iom ouoh avkōti èroi ǹjehaniarōou nekrōouṡ tyrou nem nekgol avì èh̀ryi ègōi.	Thou didst cast me into the depths of the heart of the sea, and the floods compassed me: all thy billows and thy waves have passed upon me.
2:5	2:5 ⲟⲩⲟϩ ⲁ̀ⲛⲟⲕ ⲁⲓϫⲟⲥ ϫⲉⲁⲩϩⲓⲧ ⲥⲁⲃⲟⲗ ⲛ̀ⲛⲉⲕⲃⲁⲗ ϩⲁⲣⲁ ϯⲛⲁⲟⲩⲁϩⲧⲟⲧ ⲉⲑⲣⲓϫⲟⲩϣⲧ ⲉ̀ϫⲉⲛⲡⲉⲕⲉⲣⲫⲉⲓ ⲉ̅ⲑ̅ⲩ̅ .	Ⲟⲩⲟϩ ⲁ̀ⲛⲟⲕ ⲁⲓϫⲟⲥ ϫⲉ ⲁⲩϩⲓⲧ ⲥⲁⲃⲟⲗ ⲛ̀ⲛⲉⲕⲃⲁⲗ ϩⲁⲣⲁ ϯⲛⲁⲟⲩⲁϩⲧⲟⲧ ⲉ̀ⲑⲣⲓϫⲟⲩϣⲧ ⲉ̀ϫⲉⲛ ⲡⲉⲕⲉⲣⲫⲉⲓ ⲉⲑⲟⲩⲁⲃ.	Ouoh ànok aigos je avhit savol ǹnekval hara tinaouahtot èθrigouṡt èjen pekerfei eθouab.	And I said, I am cast out of thy presence: shall I indeed look again toward thy holy temple?
2:6	2:6 ⲁϥϫⲱϣ ⲉ̀ϩ̀ⲣⲏⲓ ⲉ̀ϫⲱⲓ ⲛ̀ϫⲉⲟⲩⲙⲱⲟⲩ ϣⲁⲧⲁϯⲩⲭⲏ ⲁϥϩⲱⲃⲥⲧ ⲛ̀ϫⲉⲟⲩⲛⲟⲩⲛ ⲛ̀ϧⲁⲉ̀ ⲁⲥⲱⲙⲥ ⲛ̀ϫⲉⲧⲁⲁ̀ⲫⲉ .	Ⲁϥϫⲱϣ ⲉ̀ϩ̀ⲣⲏⲓ ⲉ̀ϫⲱⲓ ⲛ̀ϫⲉ ⲟⲩⲙⲱⲟⲩ ϣⲁⲧⲁϯⲩⲭⲏ ⲁϥϩⲱⲃⲥⲧ ⲛ̀ϫⲉ ⲟⲩⲛⲟⲩⲛ ⲛ̀ϧⲁⲉ̀ ⲁⲥⲱⲙⲥ ⲛ̀ϫⲉ ⲧⲁⲁ̀ⲫⲉ.	Afgōṡ èh̀ryi ègōi ǹje oumōou ṡatatiiṡy afhōvst ǹje ounoun ǹxaè asōms ǹje taàfe.	Water was poured around me to the soul: the lowest deep compassed me, my head went down
2:7	2:7 ϧⲉⲛϩⲁⲛⲫⲱϫⲓ ⲛ̀ⲧⲉϩⲁⲛⲧⲱⲟⲩ ⲁⲓϣⲉⲛⲏⲓ ⲉ̀ϧ̀ⲣⲏⲓ ⲉ̀ⲟⲩⲕⲁϩⲓ ⲫⲏⲉⲧⲉ ⲛⲉϥⲙⲟⲭⲗⲟⲥ ⲁ̀ⲙⲟⲛⲓ ϣⲁⲉ̀ⲛⲉϩ ⲟⲩⲟϩ ⲙⲁⲣⲉϥⲓ̀ ⲉ̀ⲡ̀ϣⲱⲓ ⲛ̀ϫⲉⲡ̀ⲧⲁⲕⲟ ⲛ̀ⲧⲉⲡⲁⲱⲛϧ ⲡϭ̅ⲥ̅ ⲡⲁⲛⲟⲩϯ .	Ϧⲉⲛ ϩⲁⲛⲫⲱϫⲓ ⲛ̀ⲧⲉ ϩⲁⲛⲧⲱⲟⲩ ⲁⲓϣⲉⲛⲏⲓ ⲉ̀ϧ̀ⲣⲏⲓ ⲉ̀ⲟⲩⲕⲁϩⲓ ⲫⲏⲉ̀ⲧⲉ ⲛⲉϥⲙⲟⲭⲗⲟⲥ ⲁ̀ⲙⲟⲛⲓ ϣⲁ ⲉ̀ⲛⲉϩ ⲟⲩⲟϩ ⲙⲁⲣⲉϥⲓ̀ ⲉ̀ⲡ̀ϣⲱⲓ ⲛ̀ϫⲉ ⲡ̀ⲧⲁⲕⲟ ⲛ̀ⲧⲉⲡⲁⲱⲛϧ ⲡ̀ϭⲟⲓⲥ ⲡⲁⲛⲟⲩϯ.	Xen hanfōji ǹte hantōou aiṡenyi èx̀ryi èoukahi fyète nefmoxlos àmoni ṡa èneh ouoh marefì èp̀ṡōi ǹje p̀tako ǹtepaōnx p̀ċois panouti.	to the clefts of the mountains; I went down into the earth, whose bars are the everlasting barriers: yet, O Lord my God, let my ruined life be restored.
2:8	2:8 ϧⲉⲛⲡ̀ϫⲓⲛⲑ̀ⲣⲉⲥⲙⲟⲩⲛⲕ ⲛ̀ϫⲉⲧⲁⲯⲩⲭⲏ ⲉ̀ⲃⲟⲗϩⲁⲣⲟⲓ ⲁⲓⲉⲣⲫ̀ⲙⲉⲩⲓ̀ ⲙ̀ⲫ̀ⲛⲁⲓ ⲙ̀ⲡϭ̅ⲥ̅ ⲙⲁⲣⲉⲥⲓ̀ ⲛ̀ϫⲉⲧⲁⲡⲣⲟⲥⲉⲩⲭⲏ ⲉ̀ⲡ̀ϣⲱⲓ ϩⲁⲣⲟⲕ ⲉ̀ⲡⲉⲕⲉⲣⲫⲉⲓ ⲉⲑⲟⲩⲁⲃ .	Ϧⲉⲛ ⲡ̀ϫⲓⲛⲑ̀ⲣⲉⲥⲙⲟⲩⲛⲕ ⲛ̀ϫⲉ ⲧⲁⲯⲩⲭⲏ ⲉ̀ⲃⲟⲗϩⲁⲣⲟⲓ ⲁⲓⲉⲣⲫ̀ⲙⲉⲩⲓ̀ ⲛ̀ⲫ̀ⲛⲁⲓ ⲛ̀ⲡ̀ϭⲟⲓⲥ ⲙⲁⲣⲉⲥⲓ̀ ⲛ̀ϫⲉ ⲧⲁⲡ̀ⲣⲟⲥⲉⲩⲭⲏ ⲉ̀ⲡ̀ϣⲱⲓ ϩⲁⲣⲟⲕ ⲉ̀ⲡⲉⲕⲉⲣⲫⲉⲓ ⲉⲑⲟⲩⲁⲃ.	Xen p̀jinθ̀resmounk ǹje tapsiṡy èvolharoi aierf̀mevì ǹf̀nai ǹp̀ċois maresì ǹje tap̀rosevṡy èp̀ṡōi harok èpekerfei eθouab.	When my soul was failing me, I remembered the Lord; and may my prayer come to thee into thy holy temple.
2:9	2:9 ⲛⲏⲉⲧⲁ̀ⲣⲉϩ ⲉ̀ⲛⲓⲙⲉⲧⲉⲫⲗⲏⲟⲩ ⲛⲉⲙⲛⲓⲙⲉⲑⲛⲟⲩϫ ⲁⲩⲭⲱ ⲛ̀ⲥⲱⲟⲩ ⲙ̀ⲡⲟⲩⲛⲁⲓ .	Ⲛⲏⲉⲧⲁ̀ⲣⲉϩ ⲉ̀ⲛⲓⲙⲉⲧⲉⲫⲗⲏⲟⲩ ⲛⲉⲙ ⲛⲓⲙⲉⲑⲛⲟⲩϫ ⲁⲩⲭⲱ ⲛ̀ⲥⲱⲟⲩ ⲙ̀ⲡⲟⲩⲛⲁⲓ.	Nyetàreh ènimeteflyou nem nimeθnoug avkō ǹsōou m̀pounai.	They that observe vanities and lies have forsaken their own mercy.
2:10	2:10 ⲁⲛⲟⲕ ⲇⲉ ϧⲉⲛⲟⲩⲥ̀ⲙⲏ ⲛ̀ⲧⲉⲟⲩⲧⲱⲃϩ ⲛⲉⲙⲟⲩⲟⲩⲱⲛϩ ⲉ̀ⲃⲟⲗ ϯⲛⲁϣⲱⲧ ⲛⲁⲕ ⲛⲏⲉⲧⲁⲓⲱϣ ⲙ̀ⲙⲱⲟⲩ ϯⲛⲁⲧⲏⲓⲧⲟⲩ ⲛⲁⲕ ⲡϭ̅ⲥ̅ ⲛ̀ⲧⲉⲡⲁⲟⲩϫⲁⲓ .	Ⲁⲛⲟⲕ ⲇⲉ ϧⲉⲛ ⲟⲩⲥ̀ⲙⲏ ⲛ̀ⲧⲉⲟⲩⲧⲱⲃϩ ⲛⲉⲙ ⲟⲩⲟⲩⲱⲛϩ ⲉ̀ⲃⲟⲗ ϯⲛⲁϣⲱⲧ ⲛⲁⲕ ⲛⲏⲉⲧⲁⲓⲱϣ ⲙ̀ⲙⲱⲟⲩ ϯⲛⲁⲧⲏⲓⲧⲟⲩ ⲛⲁⲕ ⲡ̀ϭⲟⲓⲥ ⲛ̀ⲧⲉ ⲡⲁⲟⲩϫⲁⲓ.	Anok ḋe xen ous̀my ǹteoutōvh nem ououōnh èvol tinaṡōt nak nyetaiōṡ m̀mōou tinatyitou nak p̀ċois ǹte paougai.	But I will sacrifice to thee with the voice of praise and thanksgiving: all that I have vowed I will pay to thee, the Lord of my salvation.
2:11	2:11 ⲟⲩⲟϩ ⲁϥⲟⲩⲁϩⲥⲁϩⲛⲓ ⲙ̀ⲡⲓⲕⲩⲧⲟⲥ ⲁϥϩⲓⲟⲩⲓ̀ ⲛ̀ⲓⲱⲛⲁ ⲉ̀ⲡⲉⲧϣⲟⲩⲱⲟⲩ .	Ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ⲡⲓⲕⲩⲧⲟⲥ ⲁϥϩⲓⲟⲩⲓ̀ ⲛ̀ⲓⲱⲛⲁ ⲉ̀ⲡⲉⲧϣⲟⲩⲱⲟⲩ.	Ouoh afouahsahni ǹpikitos afhiouì ǹiōna èpetṡouōou.	And the whale was commanded by the Lord, and it cast up Jonas on the dry land.
3:1	3:1 ⲟⲩⲟϩ ⲁ ⲟⲩⲥⲁϫⲓ ⲛ̀ⲧⲉⲡϭ̅ⲥ̅ ϣⲱⲡⲓ ϩⲁⲓⲱⲛⲁ ⲫ̀ⲙⲁϩ ⲥⲟⲡⲃ̅ ⲉϥϫⲱ ⲙ̀ⲙⲟⲥ .	Ⲟⲩⲟϩ ⲁ ⲟⲩⲥⲁϫⲓ ⲛ̀ⲧⲉ ⲡ̀ϭⲟⲓⲥ ϣⲱⲡⲓ ϩⲁ ⲓⲱⲛⲁ ⲫ̀ⲙⲁϩ ⲥⲟⲡⲃ̅ ⲉϥϫⲱ ⲙ̀ⲙⲟⲥ.	Ouoh a ousaji ǹte p̀ċois ṡōpi ha iōna f̀mah sopv efgō m̀mos.	And the word of the Lord came to Jonas the second time, saying,
3:2	3:2 ϫⲉⲧⲱⲛⲕ ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲛⲓⲛⲉⲩⲏ̀ ϯⲛⲓϣϯ ⲙ̀ⲃⲁⲕⲓ ⲟⲩⲟϩ ϩⲓⲱⲓϣ ⲛ̀ϧⲏⲧⲥ ⲕⲁⲧⲁϩⲓⲱⲓϣ ⲛ̀ⲧⲉϣⲟⲣⲡ ⲫⲏⲉⲧⲁⲓⲥⲁϫⲓ ⲙ̀ⲙⲟϥ ⲛⲉⲙⲁⲕ ⲁ̀ⲛⲟⲕ .	Ϫⲉ ⲧⲱⲛⲕ ⲙⲁϣⲉⲛⲁⲕ ⲉ̀ϩ̀ⲣⲏⲓ ⲉ̀ⲛⲓⲛⲉⲩⲏ̀ ϯⲛⲓϣϯ ⲛ̀ⲃⲁⲕⲓ ⲟⲩⲟϩ ϩⲓⲱⲓϣ ⲛ̀ϧⲏⲧⲥ ⲕⲁⲧⲁϩⲓⲱⲓϣ ⲛ̀ⲧⲉϣⲟⲣⲡ ⲫⲏⲉⲧⲁⲓⲥⲁϫⲓ ⲙ̀ⲙⲟϥ ⲛⲉⲙⲁⲕ ⲁ̀ⲛⲟⲕ.	Je tōnk maṡenak èh̀ryi èninevỳ tiniṡti ǹvaki ouoh hiōiṡ ǹxyts katahiōiṡ ǹteṡorp fyetaisaji m̀mof nemak ànok.	Rise, go to Nineve, the great city, and preach in it according to the former preaching which I spoke to thee of.
3:3	3:3 ⲟⲩⲟϩ ⲁϥϣⲉⲛⲁϥ ⲉ̀ⲛⲓⲛⲉⲩⲏ̀ ⲕⲁⲧⲁⲫ̀ⲣⲏϯ ⲉⲧⲁϥⲥⲁϫⲓ ⲛⲉⲙⲁϥ ⲛ̀ϫⲉⲡϭ̅ⲥ̅ ⲛⲓⲛⲉⲩⲏ̀ ⲇⲉ ⲛⲉ ⲟⲩⲛⲓϣϯ ⲙ̀ⲃⲁⲕⲓ ⲛ̀ⲧⲉⲫϯ ⲧⲉ ⲛⲁⲩ ⲫ̀ⲟⲩⲱϣ ⲛ̀ⲟⲩⲙⲱⲓⲧ ⲙ̀ⲙⲟϣⲓ ⲛ̀ⲅ̅ ⲛ̀ⲉ̀ϩⲟⲟⲩ .	Ⲟⲩⲟϩ ⲁϥϣⲉⲛⲁϥ ⲉ̀ⲛⲓⲛⲉⲩⲏ̀ ⲕⲁⲧⲁ ⲫ̀ⲣⲏϯ ⲉⲧⲁϥⲥⲁϫⲓ ⲛⲉⲙⲁϥ ⲛ̀ϫⲉ ⲡ̀ϭⲟⲓⲥ ⲛⲓⲛⲉⲩⲏ̀ ⲇⲉ ⲛⲉ ⲟⲩⲛⲓϣϯ ⲛ̀ⲃⲁⲕⲓ ⲛ̀ⲧⲉⲫϯ ⲧⲉ ⲛⲁⲩ ⲫ̀ⲟⲩⲱϣ ⲛ̀ⲟⲩⲙⲱⲓⲧ ⲛ̀ⲙⲟϣⲓ ⲛ̀ϣⲟⲙⲧ ⲛ̀ⲉ̀ϩⲟⲟⲩ.	Ouoh afṡenaf èninevỳ kata f̀ryti etafsaji nemaf ǹje p̀ċois ninevỳ ḋe ne ouniṡti ǹvaki ǹtefti te nav f̀ouōṡ ǹoumōit ǹmoṡi ǹṡomt ǹèhoou.	And Jonas arose, and went to Nineve, as the Lord had spoken. Now Nineve was an exceeding great city, of about three days' journey.
3:4	3:4 ⲟⲩⲟϩ ⲁϥⲉⲣϩⲏⲧⲥ ⲛ̀ϫⲉⲓⲱⲛⲁ ⲉ̀ϣⲉ ⲉ̀ϧⲟⲩⲛ ⲉ̀ϯⲃⲁⲕⲓ ⲛⲁⲩ ⲫ̀ⲟⲩⲱϣ ⲛ̀ⲟⲩⲙⲱⲓⲧⲙ̀ⲙⲟϣⲓ ⲛ̀ⲧⲉⲟⲩⲉ̀ϩⲟⲟⲩ ⲛ̀ⲟⲩⲱⲧ ⲟⲩⲟϩ ⲛⲁϥϩⲓⲱⲓϣ ⲟⲩⲟϩ ⲡⲉϫⲁϥ ϫⲉⲉⲧⲓ ⲕⲉⲅ̅ ⲛ̀ⲉ̀ϩⲟⲟⲩ ⲛⲓⲛⲉⲩⲏ̀ ⲥⲉⲛⲁⲟⲩⲟϫⲡⲥ .	Ⲟⲩⲟϩ ⲁϥⲉⲣϩⲏⲧⲥ ⲛ̀ϫⲉ ⲓⲱⲛⲁ ⲉ̀ϣⲉ ⲉ̀ϧⲟⲩⲛ ⲉ̀ϯⲃⲁⲕⲓ ⲛⲁⲩ ⲫ̀ⲟⲩⲱϣ ⲛ̀ⲟⲩⲙⲱⲓⲧⲙ̀ⲙⲟϣⲓ ⲛ̀ⲧⲉ ⲟⲩⲉ̀ϩⲟⲟⲩ ⲛ̀ⲟⲩⲱⲧ ⲟⲩⲟϩ ⲛⲁϥϩⲓⲱⲓϣ ⲟⲩⲟϩ ⲡⲉϫⲁϥ ϫⲉ ⲉ̀ⲧⲓ ⲕⲉ3 ⲛ̀ⲉ̀ϩⲟⲟⲩ ⲛⲓⲛⲉⲩⲏ̀ ⲥⲉⲛⲁⲟⲩⲟϫⲡⲥ.	Ouoh aferhyts ǹje iōna èṡe èxoun ètivaki nav f̀ouōṡ ǹoumōitm̀moṡi ǹte ouèhoou ǹouōt ouoh nafhiōiṡ ouoh pegaf je èti ke3 ǹèhoou ninevỳ senaouogp·s.	And Jonas began to enter into the city about a day's journey, and he proclaimed, and said, Yet three days, and Nineve shall be overthrown.
3:5	3:5 ⲟⲩⲟϩ ⲁⲩⲛⲁϩϯ ⲉ̀ⲫϯ ⲛ̀ϫⲉⲛⲓⲣⲱⲙⲓ ⲛ̀ⲧⲉⲛⲓⲛⲉⲩⲏ̀ ⲟⲩⲟϩ ⲁⲩϩⲓⲱⲓϣ ⲛ̀ⲟⲩⲛⲏⲥⲧⲓⲁ̀ ⲟⲩⲟϩ ⲁⲩϯϩⲓⲱⲧⲟⲩ ⲛ̀ϩⲁⲛⲥⲟⲕ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ .	Ⲟⲩⲟϩ ⲁⲩⲛⲁϩϯ ⲉ̀ⲫϯ ⲛ̀ϫⲉ ⲛⲓⲣⲱⲙⲓ ⲛ̀ⲧⲉⲛⲓⲛⲉⲩⲏ̀ ⲟⲩⲟϩ ⲁⲩϩⲓⲱⲓϣ ⲛ̀ⲟⲩⲛⲏⲥⲧⲓⲁ̀ ⲟⲩⲟϩ ⲁⲩϯϩⲓⲱⲧⲟⲩ ⲛ̀ϩⲁⲛⲥⲟⲕ ⲓⲥϫⲉⲛ ⲡⲟⲩⲕⲟⲩϫⲓ ϣⲁⲡⲟⲩⲛⲓϣϯ.	Ouoh avnahti èfti ǹje nirōmi ǹteninevỳ ouoh avhiōiṡ ǹounystià ouoh avtihiōtou ǹhansok isjen poukouji ṡapouniṡti.	And the men of Nineve believed God, and proclaimed a fast, and put on sackcloths, from the greatest of them to the least of them.
3:6	3:6 ⲟⲩⲟϩ ⲁϥⲫⲟϩ ⲛ̀ϫⲉⲡⲓⲥⲁϫⲓ ϣⲁⲡ̀ⲟⲩⲣⲟ ⲛ̀ⲧⲉⲛⲓⲛⲉⲩⲏ̀ ⲟⲩⲟϩ ⲁϥⲧⲱⲛϥ ⲉ̀ⲃⲟⲗϩⲓ ⲡⲉϥⲑ̀ⲣⲟⲛⲟⲥ ⲟⲩⲟϩ ⲁϥⲱ̀ⲗⲓ ⲛ̀ⲧⲉϥϩⲉⲃⲥⲱ ⲉ̀ⲃⲟⲗϩⲓⲱⲧϥ ⲟⲩⲟϩ ⲁϥϫⲟⲗϩϥ ⲛ̀ⲟⲩⲥⲟⲕ ⲟⲩⲟϩ ⲁϥϩⲉⲙⲥⲓ ⲉ̀ϫⲉⲛⲟⲩⲕⲉⲣⲙⲓ .	Ⲟⲩⲟϩ ⲁϥⲫⲟϩ ⲛ̀ϫⲉ ⲡⲓⲥⲁϫⲓ ϣⲁ ⲡ̀ⲟⲩⲣⲟ ⲛ̀ⲧⲉⲛⲓⲛⲉⲩⲏ̀ ⲟⲩⲟϩ ⲁϥⲧⲱⲛϥ ⲉ̀ⲃⲟⲗ ϩⲓ ⲡⲉϥⲑ̀ⲣⲟⲛⲟⲥ ⲟⲩⲟϩ ⲁϥⲱ̀ⲗⲓ ⲛ̀ⲧⲉϥϩⲉⲃⲥⲱ ⲉ̀ⲃⲟⲗϩⲓⲱⲧϥ ⲟⲩⲟϩ ⲁϥϫⲟⲗϩϥ ⲛ̀ⲟⲩⲥⲟⲕ ⲟⲩⲟϩ ⲁϥϩⲉⲙⲥⲓ ⲉ̀ϫⲉⲛ ⲟⲩⲕⲉⲣⲙⲓ.	Ouoh affoh ǹje pisaji ṡa p̀ouro ǹteninevỳ ouoh aftōnf èvol hi pefθ̀ronos ouoh afṑli ǹtefhevsō èvolhiōtf ouoh afgolhf ǹousok ouoh afhemsi èjen oukermi.	And the word reached the king of Nineve, and he arose from off his throne, and took off his raiment from him, and put on sackcloth, and sat on ashes.
3:7	3:7 ⲟⲩⲟϩ ⲁⲩϩⲓⲱⲓϣ ⲟⲩⲟϩ ⲁⲩϫⲟⲥ ϧⲉⲛⲛⲓⲛⲉⲩⲏ̀ ⲉ̀ⲃⲟⲗϩⲓⲧⲉⲛ ⲡ̀ⲟⲩⲣⲟ ⲛⲉⲙⲉ̀ⲃⲟⲗϩⲓⲧⲉⲛ ⲛⲉϥⲛⲓϣϯ ⲉϥϫⲱ ⲙ̀ⲙⲟⲥ ϫⲉⲛⲓⲣⲱⲙⲓ ⲛⲉⲙⲛⲓⲧⲉⲃⲛⲱⲟⲩⲓ̀ ⲛⲉⲙⲛⲓⲉ̀ⲥⲱⲟⲩ ⲙ̀ⲡⲉⲛⲑ̀ⲣⲟⲩϫⲉⲙϯⲡⲓ ⲛ̀ϩ̀ⲗⲓ ⲟⲩⲇⲉ ⲙ̀ⲡⲉⲛⲑ̀ⲣⲟⲩⲙⲟⲛⲓ ⲟⲩⲇⲉ ⲙ̀ⲡⲉⲛⲑ̀ⲣⲟⲩⲥⲉ ⲙⲱⲟⲩ .	Ⲟⲩⲟϩ ⲁⲩϩⲓⲱⲓϣ ⲟⲩⲟϩ ⲁⲩϫⲟⲥ ϧⲉⲛⲛⲓⲛⲉⲩⲏ̀ ⲉ̀ⲃⲟⲗ ϩⲓⲧⲉⲛ ⲡ̀ⲟⲩⲣⲟ ⲛⲉⲙⲉ̀ⲃⲟⲗϩⲓⲧⲉⲛ ⲛⲉϥⲛⲓϣϯ ⲉϥϫⲱ ⲙ̀ⲙⲟⲥ ϫⲉ ⲛⲓⲣⲱⲙⲓ ⲛⲉⲙ ⲛⲓⲧⲉⲃⲛⲱⲟⲩⲓ̀ ⲛⲉⲙ ⲛⲓⲉ̀ⲥⲱⲟⲩ ⲛ̀ⲡⲉⲛⲑ̀ⲣⲟⲩϫⲉⲙϯⲡⲓ ⲛ̀ϩ̀ⲗⲓ ⲟⲩⲇⲉ ⲛ̀ⲡⲉⲛⲑ̀ⲣⲟⲩⲙⲟⲛⲓ ⲟⲩⲇⲉ ⲛ̀ⲡⲉⲛⲑ̀ⲣⲟⲩⲥⲉ ⲙⲱⲟⲩ.	Ouoh avhiōiṡ ouoh avgos xenninevỳ èvol hiten p̀ouro nemèvolhiten nefniṡti efgō m̀mos je nirōmi nem nitevnōouì nem nièsōou ǹpenθ̀roujemtipi ǹh̀li ouḋe ǹpenθ̀roumoni ouḋe ǹpenθ̀rouse mōou.	And proclamation was made, and it was commanded in Nineve by the king an by his great men, saying, Let not men, or cattle, or oxen, or sheep, taste any thing, nor feed, nor drink water.
3:8	3:8 ⲟⲩⲟϩ ⲁⲩⲙⲟⲣⲟⲩ ⲛ̀ϩⲁⲛⲥⲟⲕ ⲛ̀ϫⲉⲛⲓⲣⲱⲙⲓ ⲛⲉⲙⲛⲓⲧⲉⲃⲛⲱⲟⲩⲓ̀ ⲟⲩⲟϩ ⲁⲩⲱϣ ⲉ̀ⲡ̀ϣⲱⲓ ϩⲁⲡϭ̅ⲥ̅ ⲫϯ ⲉⲙⲁϣⲱ ⲟⲩⲟϩ ⲁ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲟⲩ ⲧⲁⲥⲑⲟ ⲉ̀ⲃⲟⲗϩⲁ ⲡⲉϥⲙⲱⲓⲧ ⲉⲧϩⲱⲟⲩ ⲛⲉⲙⲉ̀ⲃⲟⲗϩⲁ ⲡⲓϭⲓⲛ̀ϫⲟⲛⲥ ⲉⲧϧⲉⲛⲛⲟⲩϫⲓϫ ⲉⲩϫⲱ ⲙ̀ⲙⲟⲥ .	Ⲟⲩⲟϩ ⲁⲩⲙⲟⲣⲟⲩ ⲛ̀ϩⲁⲛⲥⲟⲕ ⲛ̀ϫⲉ ⲛⲓⲣⲱⲙⲓ ⲛⲉⲙ ⲛⲓⲧⲉⲃⲛⲱⲟⲩⲓ̀ ⲟⲩⲟϩ ⲁⲩⲱϣ ⲉ̀ⲡ̀ϣⲱⲓ ϩⲁ ⲡ̀ϭⲟⲓⲥ ⲫϯ ⲉ̀ⲙⲁϣⲱ ⲟⲩⲟϩ ⲁ ⲫ̀ⲟⲩⲁⲓ ⲫ̀ⲟⲩⲁⲓ ⲙ̀ⲙⲱⲟⲩ ⲧⲁⲥⲑⲟ ⲉ̀ⲃⲟⲗϩⲁ ⲡⲉϥⲙⲱⲓⲧ ⲉⲧϩⲱⲟⲩ ⲛⲉⲙ ⲉ̀ⲃⲟⲗϩⲁ ⲡⲓϭⲓⲛ̀ϫⲟⲛⲥ ⲉⲧϧⲉⲛ ⲛⲟⲩϫⲓϫ ⲉⲩϫⲱ ⲙ̀ⲙⲟⲥ.	Ouoh avmorou ǹhansok ǹje nirōmi nem nitevnōouì ouoh avōṡ èp̀ṡōi ha p̀ċois fti èmaṡō ouoh a f̀ouai f̀ouai m̀mōou tasθo èbolha pefmōit et·hōou nem èbolha piċiǹgons etxen noujig evgō m̀mos.
3:9	3:9 ϫⲉⲛⲓⲙ ⲉⲧⲉ̀ⲙⲓ ϫⲉⲁⲛ ϥ̀ⲛⲁⲟⲩⲉⲙϩ̀ⲑⲏϥ ⲛ̀ϫⲉⲫϯ ⲟⲩⲟϩ ⲛ̀ⲧⲉϥⲧⲁⲥⲑⲟ ⲉ̀ⲃⲟⲗϧⲉⲛ ⲡ̀ϫⲱⲛⲧ ⲛ̀ⲧⲉⲡⲉϥⲙ̀ⲃⲟⲛ ⲟⲩⲟϩ ⲛ̀ⲧⲉⲛϣ̀ⲧⲉⲙⲧⲁⲕⲟ .	Ϫⲉ ⲛⲓⲙ ⲉⲧⲉ̀ⲙⲓ ϫⲉ ⲁⲛ ϥ̀ⲛⲁⲟⲩⲉⲙϩ̀ⲑⲏϥ ⲛ̀ϫⲉⲫϯ ⲟⲩⲟϩ ⲛ̀ⲧⲉϥⲧⲁⲥⲑⲟ ⲉ̀ⲃⲟⲗ ϧⲉⲛ ⲡ̀ϫⲱⲛⲧ ⲛ̀ⲧⲉ ⲡⲉϥⲙ̀ⲃⲟⲛ ⲟⲩⲟϩ ⲛ̀ⲧⲉⲛϣ̀ⲧⲉⲙⲧⲁⲕⲟ.	Je nim etèmi je an f̀naouemh̀θyf ǹjefti ouoh ǹteftasθo èvol xen p̀gōnt ǹte pefm̀von ouoh ǹtenṡ̀temtako.	Who knows if God will repent, and turn from his fierce anger, and so we shall not perish?
3:10	3:10 ⲟⲩⲟϩ ⲁϥⲛⲁⲩ ⲛ̀ϫⲉⲫϯ ⲉ̀ⲛⲟⲩϩ̀ⲃⲏⲟⲩⲓ̀ ϫⲉⲁⲩⲧⲁⲥⲑⲟ ⲉ̀ⲃⲟⲗϩⲁ ⲡⲟⲩⲙⲱⲓⲧ ⲉⲧϩⲱⲟⲩ ⲟⲩⲟϩ ⲁϥⲟⲩⲱⲙ ⲛ̀ϩ̀ⲑⲏϥ ⲛ̀ϫⲉⲫϯ ⲉ̀ϫⲉⲛⲛⲛⲓⲡⲉⲧϩⲱⲟⲩ ⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ⲁⲓⲧⲟⲩ .	Ⲟⲩⲟϩ ⲁϥⲛⲁⲩ ⲛ̀ϫⲉⲫϯ ⲉ̀ⲛⲟⲩϩ̀ⲃⲏⲟⲩⲓ̀ ϫⲉ ⲁⲩⲧⲁⲥⲑⲟ ⲉ̀ⲃⲟⲗϩⲁ ⲡⲟⲩⲙⲱⲓⲧ ⲉⲧϩⲱⲟⲩ ⲟⲩⲟϩ ⲁϥⲟⲩⲱⲙ ⲛ̀ϩ̀ⲑⲏϥ ⲛ̀ϫⲉⲫϯ ⲉ̀ϫⲉⲛⲛⲛⲓⲡⲉⲧϩⲱⲟⲩ ⲉⲧⲁϥⲥⲁϫⲓ ⲙ̀ⲙⲱⲟⲩ ⲉ̀ⲁⲓⲧⲟⲩ.	Ouoh afnav ǹjefti ènouh̀vyouì je avtasθo èbolha poumōit et·hōou ouoh afouōm ǹh̀θyf ǹjefti èjennnipet·hōou etafsaji m̀mōou èaitou.	And God saw their works, that they turned from their evil ways; and God repented of the evil which he had said he would do to them; and he did it not.
4:1	4:1 ⲟⲩⲟϩ ⲁϥⲉⲣⲙ̀ⲕⲁϩ ⲛ̀ϫⲉⲓⲱⲛⲁ ϧⲉⲛⲟⲩⲛⲓϣϯ ⲛ̀ⲉⲙⲕⲁϩⲛ̀ϩⲏⲧ .	Ⲟⲩⲟϩ ⲁϥⲉⲣⲙ̀ⲕⲁϩ ⲛ̀ϫⲉ ⲓⲱⲛⲁ ϧⲉⲛ ⲟⲩⲛⲓϣϯ ⲛ̀ⲉⲙ ⲕⲁϩⲛ̀ϩⲏⲧ.	Ouoh aferm̀kah ǹje iōna xen ouniṡti ǹem kahǹhyt.	But Jonas was very deeply grieved, and he was confounded.
4:2	4:2 ⲟⲩⲟϩ ⲁϥⲉⲣⲡⲣⲟⲥⲉⲩⲭⲉⲥⲑⲉ ⲉ̀ⲡ̀ϣⲱⲓ ϩⲁⲡϭ̅ⲥ̅ ⲟⲩⲟϩ ⲡⲉϫⲁϥ ϫⲉⲱ̀ ⲡϭ̅ⲥ̅ ⲙⲏ ⲛⲁⲓ ⲁⲛ ⲛⲉ ⲛⲁⲥⲁϫⲓ ⲓⲥϫⲉⲛ ⲉⲓⲭⲏ ϧⲉⲛⲡⲁⲕⲁϩⲓ ⲉⲑⲃⲉⲫⲁⲓ ⲁⲓⲉⲣϣⲟⲣⲡ ⲙ̀ⲫⲱⲧ ⲉ̀ⲑⲁⲣⲥⲓⲥ ϫⲉⲟⲩⲏⲓ ⲁⲓⲉ̀ⲙⲓ ϫⲉⲛ̀ⲑⲟⲕ ⲟⲩⲛⲁⲏⲧ ⲟⲩⲟϩ ⲛ̀ⲣⲉϥϣⲉⲛϩⲏⲧ ⲟⲩⲟϩ ⲛⲁϣⲉ ⲡⲉⲕⲛⲁⲓ ⲟⲩⲟϩ ⲉⲭⲟⲩⲱⲙⲛ̀ϩ̀ⲑⲏⲕ ⲉ̀ϫⲉⲛⲛⲓⲕⲁⲕⲓⲁ̀ .	Ⲟⲩⲟϩ ⲁϥⲉⲣⲡⲣⲟⲥⲉⲩⲭⲉⲥⲑⲉ ⲉ̀ⲡ̀ϣⲱⲓ ϩⲁ ⲡ̀ϭⲟⲓⲥ ⲟⲩⲟϩ ⲡⲉϫⲁϥ ϫⲉ ⲱ̀ ⲡ̀ϭⲟⲓⲥ ⲙⲏ ⲛⲁⲓ ⲁⲛ ⲛⲉ ⲛⲁⲥⲁϫⲓ ⲓⲥϫⲉⲛ ⲉⲓⲭⲏ ϧⲉⲛ ⲡⲁⲕⲁϩⲓ ⲉⲑⲃⲉ ⲫⲁⲓ ⲁⲓⲉⲣϣⲟⲣⲡ ⲛ̀ⲫⲱⲧ ⲉ̀ⲑⲁⲣⲥⲓⲥ ϫⲉ ⲟⲩⲏⲓ ⲁⲓⲉ̀ⲙⲓ ϫⲉ ⲛ̀ⲑⲟⲕ ⲟⲩⲛⲁⲏⲧ ⲟⲩⲟϩ ⲛ̀ⲣⲉϥϣⲉⲛϩⲏⲧ ⲟⲩⲟϩ ⲛⲁϣⲉ ⲡⲉⲕⲛⲁⲓ ⲟⲩⲟϩ ⲉⲭⲟⲩⲱⲙⲛ̀ϩ̀ⲑⲏⲕ ⲉ̀ϫⲉⲛ ⲛⲓⲕⲁⲕⲓⲁ̀.	Ouoh aferprosevṡesθe èp̀ṡōi ha p̀ċois ouoh pegaf je ṑ p̀ċois my nai an ne nasaji isjen eiky xen pakahi eθve fai aierṡorp ǹfōt èθarsis je ouyi aièmi je ǹθok ounayt ouoh ǹrefṡenhyt ouoh naṡe peknai ouoh ekouōmǹh̀θyk èjen nikakià.	And he prayed to the Lord, and said, O Lord, were not these my words when I was yet in my land? therefore I made haste to flee to Tharsis; because I knew that thou are merciful and compassionate, long-suffering, and abundant in kindness, and repentest of evil.
4:3	4:3 ⲟⲩⲟϩ ϯⲛⲟⲩ ⲡⲁⲛⲏⲃ ϭⲓ ⲛ̀ⲧⲁⲯⲩⲭⲏ ⲉ̀ⲃⲟⲗ ⲙ̀ⲙⲟⲓ ϫⲉⲛⲁⲛⲉⲥ ⲛⲏⲓ ⲉ̀ⲙⲟⲩ ⲉϩⲟⲧⲉ ⲉ̀ⲱⲛϧ .	Ⲟⲩⲟϩ ϯⲛⲟⲩ ⲡⲁⲛⲏⲃ ϭⲓ ⲛ̀ⲧⲁⲯⲩⲭⲏ ⲉ̀ⲃⲟⲗ ⲙ̀ⲙⲟⲓ ϫⲉ ⲛⲁⲛⲉⲥ ⲛⲏⲓ ⲉ̀ⲙⲟⲩ ⲉ̀ϩⲟⲧⲉ ⲉ̀ⲱⲛϧ.	Ouoh tinou panyb ċi ǹtapsiṡy èvol m̀moi je nanes nyi èmou èhote èōnx.	And now, Lord God, take my life from me; for it is better for me to die than to live.
4:4	4:4 ⲟⲩⲟϩ ⲡⲉϫⲉ ⲡϭ̅ⲥ̅ ⲛ̀ⲓⲱⲛⲁ ϫⲉⲁⲛ ⲁⲕⲉⲣⲙ̀ⲕⲁϩⲛ̀ϩⲏⲧ ⲛ̀ⲑⲟⲕ ⲉⲙⲁϣⲱ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲓⲱⲛⲁ ϫⲉ ⲁⲛ ⲁⲕⲉⲣⲙ̀ⲕⲁϩⲛ̀ϩⲏⲧ ⲛ̀ⲑⲟⲕ ⲉ̀ⲙⲁϣⲱ.	Ouoh peje p̀ċois ǹiōna je an akerm̀kahǹhyt ǹθok èmaṡō.	And the Lord said to Jonas, Art thou very much grieved?
4:5	4:5 ⲟⲩⲟϩ ⲁϥⲓ̀ ⲉ̀ⲃⲟⲗ ϧⲉⲛϯⲃⲁⲕⲓ ⲛ̀ϫⲉⲓⲱⲛⲁ ⲟⲩⲟϩ ⲁϥϩⲉⲙⲥⲓ ⲙ̀ⲡⲉⲙ̀ⲑⲟ ⲛ̀ϯⲃⲁⲕⲓ ⲟⲩⲟϩ ⲁϥⲑⲁⲙⲓⲟ ⲛⲁϥ ⲛ̀ⲟⲩⲥⲕⲩⲛⲏ ⲙ̀ⲡⲓⲙⲁ ⲉⲧⲉⲙ̀ⲙⲁⲩ ⲟⲩⲟϩ ⲛⲁϥϩⲉⲙⲥⲓ ⲥⲁⲡⲉⲥⲏⲧ ⲙ̀ⲙⲟⲥ ϧⲉⲛⲟⲩϧⲏⲓⲃⲓ ϣⲁⲧⲉϥⲛⲁⲩ ϫⲉⲟⲩ ⲡⲉⲑⲛⲁϣⲱⲡⲓ ⲛ̀ϯⲃⲁⲕⲓ .	Ⲟⲩⲟϩ ⲁϥⲓ̀ ⲉ̀ⲃⲟⲗ ϧⲉⲛ ϯⲃⲁⲕⲓ ⲛ̀ϫⲉ ⲓⲱⲛⲁ ⲟⲩⲟϩ ⲁϥϩⲉⲙⲥⲓ ⲛ̀ⲡⲉⲙ̀ⲑⲟ ⲛ̀ϯⲃⲁⲕⲓ ⲟⲩⲟϩ ⲁϥⲑⲁⲙⲓⲟ ⲛⲁϥ ⲛ̀ⲟⲩⲥ̀ⲕⲩⲛⲏ ⲛ̀ⲡⲓⲙⲁ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲛⲁϥϩⲉⲙⲥⲓ ⲥⲁⲡⲉⲥⲏⲧ ⲙ̀ⲙⲟⲥ ϧⲉⲛ ⲟⲩϧⲏⲓⲃⲓ ϣⲁⲧⲉϥⲛⲁⲩ ϫⲉ ⲟⲩ ⲡⲉⲑⲛⲁϣⲱⲡⲓ ⲛ̀ϯⲃⲁⲕⲓ.	Ouoh afì èvol xen tivaki ǹje iōna ouoh afhemsi ǹpem̀θo ǹtivaki ouoh afθamio naf ǹous̀kiny ǹpima ète m̀mav ouoh nafhemsi sapesyt m̀mos xen ouxyivi ṡatefnav je ou peθnaṡōpi ǹtivaki.	And Jonas went out from the city, and sat over against the city; and he made for himself there a booth, and he sat under it, until he should perceive what would become of the city.
4:6	4:6 ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉⲡϭ̅ⲥ̅ ⲫϯ ⲛ̀ⲟⲩϥⲉⲛⲧⲛ̀ϭⲗⲟⲧ ⲟⲩⲟϩ ⲁϥⲓ̀ ⲉ̀ⲡ̀ϣⲱⲓ ⲉ̀ϫⲉⲛⲧ̀ⲁ̀ⲫⲉ ⲛ̀ⲓⲱⲛⲁ ⲟⲩⲟϩ ⲉⲑⲣⲉϥϣⲱⲡⲓ ⲉⲩϧⲏⲓⲃⲓ ⲥⲁⲡϣⲱⲓ ⲛ̀ⲧⲉϥⲁ̀ⲫⲉ ⲉⲑⲣⲉϥⲉⲣϧⲏⲓⲃⲓ ⲉ̀ϫⲱϥ ⲉ̀ⲃⲟⲗϩⲁ ⲛⲉϥⲡⲉⲧϩⲱⲟⲩ ⲧⲏⲣⲟⲩ ⲟⲩⲟϩ ⲁϥⲣⲁϣⲓ ⲛ̀ϫⲉⲓⲱⲛⲁ ⲉ̀ϫⲉⲛⲡⲓϥⲉⲛⲧⲛ̀ϭⲗⲟⲧ ϧⲉⲛⲟⲩⲛⲓϣϯ ⲛ̀ⲣⲁϣⲓ .	Ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉ ⲡ̀ϭⲟⲓⲥ ⲫϯ ⲛ̀ⲟⲩϥⲉⲛⲧⲛ̀ϭⲗⲟⲧ ⲟⲩⲟϩ ⲁϥⲓ̀ ⲉ̀ⲡ̀ϣⲱⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲓⲱⲛⲁ ⲟⲩⲟϩ ⲉ̀ⲑⲣⲉϥϣⲱⲡⲓ ⲉⲩϧⲏⲓⲃⲓ ⲥⲁⲡ̀ϣⲱⲓ ⲛ̀ⲧⲉϥⲁ̀ⲫⲉ ⲉ̀ⲑⲣⲉϥⲉⲣϧⲏⲓⲃⲓ ⲉ̀ϫⲱϥ ⲉ̀ⲃⲟⲗϩⲁ ⲛⲉϥⲡⲉⲧϩⲱⲟⲩ ⲧⲏⲣⲟⲩ ⲟⲩⲟϩ ⲁϥⲣⲁϣⲓ ⲛ̀ϫⲉ ⲓⲱⲛⲁ ⲉ̀ϫⲉⲛ ⲡⲓϥⲉⲛⲧⲛ̀ϭⲗⲟⲧ ϧⲉⲛ ⲟⲩⲛⲓϣϯ ⲛ̀ⲣⲁϣⲓ.	Ouoh afouahsahni ǹje p̀ċois fti ǹoufentǹċlot ouoh afì èp̀ṡōi èjen t̀àfe ǹiōna ouoh èθrefṡōpi evxyivi sap̀ṡōi ǹtefàfe èθreferxyivi ègōf èbolha nefpet·hōou tyrou ouoh afraṡi ǹje iōna èjen pifentǹċlot xen ouniṡti ǹraṡi.	And the Lord God commanded a gourd, and it came up over the head of Jonas, to be a shadow over his head, to shade him from his calamities: and Jonas rejoiced with great joy for the gourd.
4:7	4:7 ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉⲡϭ̅ⲥ̅ ⲫϯ ⲛ̀ⲟⲩϥⲉⲛⲧ ⲙ̀ⲫ̀ⲛⲁⲩ ⲛ̀ϣⲱⲣⲡ ⲙ̀ⲡⲉϥⲣⲁⲥϯ ⲟⲩⲟϩ ⲁϥϣⲁⲣⲓ ⲉ̀ⲡⲓϥⲉⲛⲧⲛ̀ϭⲗⲟⲧ ⲟⲩⲟϩ ⲁϥϣⲱⲟⲩⲓ̀ .	Ⲟⲩⲟϩ ⲁϥⲟⲩⲁϩⲥⲁϩⲛⲓ ⲛ̀ϫⲉ ⲡ̀ϭⲟⲓⲥ ⲫϯ ⲛ̀ⲟⲩϥⲉⲛⲧ ⲛ̀ⲫ̀ⲛⲁⲩ ⲛ̀ϣⲱⲣⲡ ⲛ̀ⲡⲉϥⲣⲁⲥϯ ⲟⲩⲟϩ ⲁϥϣⲁⲣⲓ ⲉ̀ⲡⲓϥⲉⲛⲧⲛ̀ϭⲗⲟⲧ ⲟⲩⲟϩ ⲁϥϣⲱⲟⲩⲓ̀.	Ouoh afouahsahni ǹje p̀ċois fti ǹoufent ǹf̀nav ǹṡōrp ǹpefrasti ouoh afṡari èpifentǹċlot ouoh afṡōouì.	And God commanded a worm the next morning, and it smote the gourd, and it withered away.
4:8	4:8 ⲟⲩⲟϩ ⲁⲥϣⲱⲡⲓ ⲉϥⲛⲁϣⲁⲓ ⲥⲁⲧⲟⲧϥ ⲛ̀ϫⲉⲫ̀ⲣⲏ ⲁϥⲟⲩⲁϩⲥⲁϩⲛⲓ ⲛ̀ϫⲉⲫϯ ⲛ̀ⲟⲩⲡ̅ⲛ̅ⲁ̅ ⲛ̀ⲕⲁⲩⲥⲱⲛ ⲉϥⲣⲟⲕϩ ⲟⲩⲟϩ ⲁϥϩⲓⲟⲩⲓ̀ ⲛ̀ϫⲉⲫ̀ⲣⲏ ⲉ̀ϫⲉⲛⲧ̀ⲁ̀ⲫⲉ ⲛ̀ⲓⲱⲛⲁ ⲟⲩⲟϩ ⲁϥⲉⲣⲕⲟⲩϫⲓ ⲛ̀ϩⲏⲧ ⲟⲩⲟϩ ⲁϥⲟⲩⲉⲓ ⲛ̀ⲧⲉϥⲯⲩⲭⲏ ⲟⲩⲟϩ ⲡⲉϫⲁϥ ϫⲉⲛⲁⲛⲉⲥ ⲛⲏⲓ ⲉ̀ⲙⲟⲩ ⲉϩⲟⲧⲉ ⲉ̀ⲱⲛϧ .	Ⲟⲩⲟϩ ⲁⲥϣⲱⲡⲓ ⲉϥⲛⲁϣⲁⲓ ⲥⲁⲧⲟⲧϥ ⲛ̀ϫⲉ ⲫ̀ⲣⲏ ⲁϥⲟⲩⲁϩⲥⲁϩⲛⲓ ⲛ̀ϫⲉⲫϯ ⲛ̀ⲟⲩⲡ̀ⲛⲉⲩⲙⲁ ⲛ̀ⲕⲁⲩⲥⲱⲛ ⲉϥⲣⲟⲕϩ ⲟⲩⲟϩ ⲁϥϩⲓⲟⲩⲓ̀ ⲛ̀ϫⲉ ⲫ̀ⲣⲏ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲓⲱⲛⲁ ⲟⲩⲟϩ ⲁϥⲉⲣⲕⲟⲩϫⲓ ⲛ̀ϩⲏⲧ ⲟⲩⲟϩ ⲁϥⲟⲩⲉⲓ ⲛ̀ⲧⲉϥⲯⲩⲭⲏ ⲟⲩⲟϩ ⲡⲉϫⲁϥ ϫⲉ ⲛⲁⲛⲉⲥ ⲛⲏⲓ ⲉ̀ⲙⲟⲩ ⲉ̀ϩⲟⲧⲉ ⲉ̀ⲱⲛϧ.	Ouoh asṡōpi efnaṡai satotf ǹje f̀ry afouahsahni ǹjefti ǹoup̀nevma ǹkavsōn efrok·h ouoh afhiouì ǹje f̀ry èjen t̀àfe ǹiōna ouoh aferkouji ǹhyt ouoh afouei ǹtefpsiṡy ouoh pegaf je nanes nyi èmou èhote èōnx.	And it came to pass at the rising of the sun, that God commanded a burning east wind; and the sun smote on the head of Jonas, and he fainted, and despaired of his life, and said, It is better for me to die than to live.
4:9	4:9 ⲟⲩⲟϩ ⲡⲉϫⲉ ⲡϭ̅ⲥ̅ ⲫϯ ⲛ̀ⲓⲱⲛⲁ ϫⲉⲁⲛ ⲁⲕⲉⲣⲙ̀ⲕⲁϩⲛ̀ϩⲏⲧ ⲛ̀ⲑⲟⲕ ⲉⲙⲁϣⲱ ϣⲁⲉ̀ϧ̀ⲣⲏⲓ ⲉ̀ⲫ̀ⲙⲟⲩ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ⲫϯ ⲛ̀ⲓⲱⲛⲁ ϫⲉ ⲁⲛ ⲁⲕⲉⲣⲙ̀ⲕⲁϩⲛ̀ϩⲏⲧ ⲛ̀ⲑⲟⲕ ⲉ̀ⲙⲁϣⲱ ϣⲁⲉ̀ϧ̀ⲣⲏⲓ ⲉ̀ⲫ̀ⲙⲟⲩ.	Ouoh peje p̀ċois fti ǹiōna je an akerm̀kahǹhyt ǹθok èmaṡō ṡaèx̀ryi èf̀mou.	And God said to Jonas, Art thou very much grieved for the gourd? And he said, I am very much grieved, even to death.
4:10	4:10 ⲟⲩⲟϩ ⲡⲉϫⲉ ⲡϭ̅ⲥ̅ ϫⲉⲛ̀ⲑⲟⲕ ⲁⲕϯⲁ̀ⲥⲟ ⲉ̀ϫⲉⲛⲡⲓϥⲉⲛⲧ ⲛ̀ϭⲗⲟⲧ ⲫⲁⲓ ⲉⲧⲉⲙ̀ⲡⲉⲕϣⲉⲡϧⲓⲥⲓ ⲉ̀ϫⲱϥ ⲟⲩⲟϩ ⲙ̀ⲡⲉⲕϣⲁⲛⲟⲩϣϥ ⲫⲁⲓ ⲉⲧⲁϥϣⲱⲡⲓ ϧⲉⲛⲟⲩⲉ̀ϫⲱⲣϩ ⲟⲩⲟϩ ⲁϥⲧⲁⲕⲟ ϧⲉⲛⲟⲩⲉ̀ϫⲱⲣϩ .	Ⲟⲩⲟϩ ⲡⲉϫⲉ ⲡ̀ϭⲟⲓⲥ ϫⲉ ⲛ̀ⲑⲟⲕ ⲁⲕϯⲁ̀ⲥⲟ ⲉ̀ϫⲉⲛ ⲡⲓϥⲉⲛⲧ ⲛ̀ϭⲗⲟⲧ ⲫⲁⲓ ⲉ̀ⲧⲉ ⲙ̀ⲡⲉⲕϣⲉⲡϧⲓⲥⲓ ⲉ̀ϫⲱϥ ⲟⲩⲟϩ ⲛ̀ⲡⲉⲕϣⲁⲛⲟⲩϣϥ ⲫⲁⲓ ⲉⲧⲁϥϣⲱⲡⲓ ϧⲉⲛ ⲟⲩⲉ̀ϫⲱⲣϩ ⲟⲩⲟϩ ⲁϥⲧⲁⲕⲟ ϧⲉⲛ ⲟⲩⲉ̀ϫⲱⲣϩ.	Ouoh peje p̀ċois je ǹθok aktiàso èjen pifent ǹċlot fai ète m̀pekṡepxisi ègōf ouoh ǹpekṡanouṡf fai etafṡōpi xen ouègōrh ouoh aftako xen ouègōrh.	And the Lord said, Thou hadst pity on the gourd, for which thou has not suffered, neither didst thou rear it; which came up before night, and perished before another night:
4:11	4:11 ⲁⲛⲟⲕ ⲇⲉ ⲛ̀ϯⲛⲁϯⲁ̀ⲥⲟ ⲁⲛ ⲉ̀ϫⲉⲛⲛⲓⲛⲉⲩⲏ̀ ϯⲛⲓϣϯ ⲙ̀ⲃⲁⲕⲓ ⲑⲏⲉⲧⲟⲩϣⲟⲡ ⲛ̀ϧⲏⲧⲥ ⲛ̀ϫⲉϩⲟⲩⲟ̀ ⲓ̅ⲃ̅ ⲛ̀ⲑ̀ⲃⲁ ⲛ̀ⲣⲱⲙⲓ ⲛⲁⲓ ⲉⲧⲉⲙ̀ⲡⲁⲧⲟⲩⲥⲱⲟⲩⲛ ⲧⲟⲩⲟⲩⲓ̀ⲛⲁⲙ ⲟⲩⲇⲉ ⲧⲟⲩϫⲁϭⲏ ⲛⲉⲙϩⲁⲛⲕⲉⲧⲉⲃⲛⲱⲟⲩⲓ̀ ⲉⲩⲟϣ .	Ⲁⲛⲟⲕ ⲇⲉ ⲛ̀ϯⲛⲁϯⲁ̀ⲥⲟ ⲁⲛ ⲉ̀ϫⲉⲛⲛⲓⲛⲉⲩⲏ̀ ϯⲛⲓϣϯ ⲛ̀ⲃⲁⲕⲓ ⲑⲏⲉⲧⲟⲩϣⲟⲡ ⲛ̀ϧⲏⲧⲥ ⲛ̀ϫⲉ ϩⲟⲩⲟ̀ 12 ⲛ̀ⲑ̀ⲃⲁ ⲛ̀ⲣⲱⲙⲓ ⲛⲁⲓ ⲉⲧⲉⲙ̀ⲡⲁⲧⲟⲩⲥⲱⲟⲩⲛ ⲧⲟⲩⲟⲩⲓ̀ⲛⲁⲙ ⲟⲩⲇⲉ ⲧⲟⲩϫⲁϭⲏ ⲛⲉⲙ ϩⲁⲛⲕⲉⲧⲉⲃⲛⲱⲟⲩⲓ̀ ⲉⲩⲟϣ.	Anok ḋe ǹtinatiàso an èjenninevỳ tiniṡti ǹvaki θyetouṡop ǹxyts ǹje houò 12 ǹθ̀va ǹrōmi nai etem̀patousōoun tououìnam ouḋe tougaċy nem hanketevnōouì evoṡ.	and shall not I spare Nineve, the great city, in which dwell more than twelve myriads of human beings, who do not know their right hand or their left hand; and also much cattle?

Provenance

title: Jonah (Bohairic, SCRIPTORIUM text with Yousef's jinkim)
dialect: bohairic
source: Coptic SCRIPTORIUM corpus "bohairic.ot", documents 32_Ionas_01–32_Ionas_04 (4 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md)
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 32_Ionas_01–32_Ionas_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
file: Bible/Old Testament/Jonah/Jonah.bohairic.scriptorium-yousef.L0.txt
title: Jonah (Bohairic, SCRIPTORIUM text with Yousef's jinkim) — Cairene
dialect: bohairic
source: generated from Jonah.bohairic.scriptorium-yousef.L0.txt (Coptic SCRIPTORIUM corpus "bohairic.ot", documents 32_Ionas_01–32_Ionas_04 (4 chapters); jinkim transferred from Yousef )
licence: CC BY-SA 4.0
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 32_Ionas_01–32_Ionas_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Jonah/Jonah.bohairic.scriptorium-yousef.L1.txt
title: Jonah (Bohairic, SCRIPTORIUM text with Yousef's jinkim) — Kemetic
dialect: bohairic
source: generated from Jonah.bohairic.scriptorium-yousef.L1.txt
licence: CC BY-SA 4.0
share: attribution
attribution: Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 32_Ionas_01–32_Ionas_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Jonah/Jonah.bohairic.scriptorium-yousef.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 44 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851), Jonah 1:1 — read from Coptic SCRIPTORIUM bohairic.ot; by the line's own verse number (1:1), checked word by word against SCRIPTORIUM's Coptic of the verse (9 of 9 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Jonah 1:2 — read from Coptic SCRIPTORIUM bohairic.ot; by the line's own verse number (1:2), checked word by word against SCRIPTORIUM's Coptic of the verse (15 of 15 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Jonah 1:3 — read from Coptic SCRIPTORIUM bohairic.ot; by the line's own verse number (1:3), checked word by word against SCRIPTORIUM's Coptic of the verse (28 of 28 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Jonah 1:4 — read from Coptic SCRIPTORIUM bohairic.ot; by the line's own verse number (1:4), checked word by word against SCRIPTORIUM's Coptic of the verse (17 of 17 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Jonah 1:5 — read from Coptic SCRIPTORIUM bohairic.ot; by the line's own verse number (1:5), checked word by word against SCRIPTORIUM's Coptic of the verse (24 of 24 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: Brenton's Septuagint (1851), Jonah 1:6 — read from Coptic SCRIPTORIUM bohairic.ot; by the line's own verse number (1:6), checked word by word against SCRIPTORIUM's Coptic of the verse (20 of 20 words anchored); both SCRIPTORIUM releases attach this English to the same Coptic; the KELLIA gloss of that Coptic fits no neighbouring verse's English better (1 lines)
quoted from: and 38 further credits

Cite as:

Jonah (Bohairic, SCRIPTORIUM text with Yousef's jinkim). Coptic SCRIPTORIUM corpus "bohairic.ot", documents 32_Ionas_01–32_Ionas_04 (4 chapters); jinkim transferred from Yousef Hanna's transcription (editorial layer, CC BY-SA 4.0); book division and verse numbering from corpus/yousef/ot_books.tsv; generated by tools/ot_rebase.py (outputs/REPORT-B12.md). Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/jonah/jonah.bohairic.scriptorium-yousef/. Bohairic Old Testament from Coptic SCRIPTORIUM (https://copticscriptorium.org), corpus bohairic.ot, documents 32_Ionas_01–32_Ionas_04, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Jinkim transferred from Yousef Hanna's transcription of the same Bible (editorial layer; Yousef Hanna, the Kemetic project; licensed CC BY-SA 4.0, https://creativecommons.org/licenses/by-sa/4.0/); method and per-token differences: tools/ot_rebase.py, corpus/yousef/ot_editorial.tsv, corpus/yousef/ot_rebase_diff.tsv. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.