Leviticus 4 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_04

Attribution: Leviticus 4 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

35 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
4:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
4:2	ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲕϫⲱ ⲙⲙⲟⲥ ϫⲉⲟⲩⲯⲩⲭⲏ ⲁⲥϣⲁⲛⲉⲣⲛⲟⲃⲓ ϧⲉⲛⲟⲩⲙⲉⲧⲁⲧⲉⲙⲓ ⲉⲃⲟⲗ ϧⲉⲛⲛⲓⲟⲩⲁϩⲥⲁϩⲛⲓ ⲧⲏⲣⲟⲩ ⲛⲧⲉⲡϭⲟⲓⲥ ⲛⲏ ⲉⲧⲉⲥϣⲉ ⲛⲁⲓⲧⲟⲩ ⲁⲛ ⲟⲩⲟϩ ⲛⲧⲉⲥⲓⲣⲓ ⲛⲟⲩⲁⲓ ⲛⲛⲁⲓ ⲛⲟⲩϩⲗⲓ ⲉⲃⲟⲗ ⲛϧⲏⲧⲟⲩ	ϫⲉ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲕϫⲱ ⲙ̀ⲙⲟⲥ ϫⲉ ⲟⲩⲯⲩⲭⲏ ⲁⲥϣⲁⲛⲉⲣⲛⲟⲃⲓ ϧⲉⲛ ⲟⲩⲙⲉⲧⲁⲧⲉⲙⲓ ⲉ̀ⲃⲟⲗ ϧⲉⲛ ⲛⲓⲟⲩⲁϩⲥⲁϩⲛⲓ ⲧⲏⲣⲟⲩ ⲛ̀ⲧⲉ ⲡ̀ϭⲟⲓⲥ ⲛⲏ ⲉⲧⲉⲥ̀ϣⲉ ⲛⲁⲓ ⲧⲟⲩ ⲁⲛ ⲟⲩⲟϩ ⲛ̀ⲧⲉⲥⲓ̀ⲣⲓ ⲛ̀ⲟⲩⲁⲓ ⲛ̀ⲛⲁⲓ ⲛ̀ⲟⲩϩ̀ⲗⲓ ⲉ̀ⲃⲟⲗ ⲛ̀ϧⲏⲧⲟⲩ	je saji nem nenṡyri ǹpisrayl ekgō m̀mos je oupsiṡy asṡanernovi xen oumetatemi èvol xen niouahsahni tyrou ǹte p̀ċois ny etes̀ṡe nai tou an ouoh ǹtesìri ǹouai ǹnai ǹouh̀li èvol ǹxytou	Speak to the children of Israel, saying, If a soul shall sin unwillingly before the Lord, in any of the commandments of the Lord concerning things which he ought not to do, and shall do some of them;
4:3	ⲉϣⲱⲡ ⲇⲉ ⲡⲓⲁⲣⲭⲏⲉⲣⲉⲩⲥ ⲉⲧⲑⲁϩⲥ ⲛⲧⲉϥⲉⲣⲛⲟⲃⲓ ⲉⲑⲣⲉ ⲟⲩⲗⲁⲟⲥ ⲉⲣⲛⲟⲃⲓ ⲟⲩⲟϩ ⲉϥⲉⲓⲛⲓ ⲉϩⲣⲏⲓ ⲙⲡⲉϥⲛⲟⲃⲓ ⲉⲧⲁϥⲉⲣⲛⲟⲃⲓ ⲙⲙⲟϥ ⲛⲟⲩⲙⲁⲥⲓ ⲉⲃⲟⲗ ϧⲉⲛϩⲁⲛⲉϩⲱⲟⲩ ϩⲁⲛⲁⲧⲁϭⲛⲓ ⲙⲡϭⲟⲓⲥ ⲉⲑⲃⲉⲡⲓⲛⲟⲃⲓ ⲉⲧⲁϥⲁⲓϥ	ⲉϣⲱⲡ ⲇⲉ ⲡⲓⲁⲣⲭⲓⲉ̀ⲣⲉⲩⲥ ⲉⲧⲑⲁϩⲥ ⲛ̀ⲧⲉϥⲉⲣⲛⲟⲃⲓ ⲉⲑⲣⲉ ⲟⲩⲗⲁⲟⲥ ⲉⲣⲛⲟⲃⲓ ⲟⲩⲟϩ ⲉϥⲉ̀ⲓ̀ⲛⲓ ⲉ̀ϩ̀ⲣⲏⲓ ⲛ̀ⲡⲉϥⲛⲟⲃⲓ ⲉⲧⲁϥⲉⲣⲛⲟⲃⲓ ⲙ̀ⲙⲟϥ ⲛ̀ⲟⲩⲙⲁⲥⲓ ⲉ̀ⲃⲟⲗ ϧⲉⲛ ϩⲁⲛⲉϩⲱⲟⲩ ϩⲁ ⲛ̀ⲁⲧⲁϭⲛⲓ ⲛ̀ⲡ̀ϭⲟⲓⲥ ⲉⲑⲃⲉ ⲫ̀ⲛⲟⲃⲓ ⲉⲧⲁϥⲁⲓϥ	eṡōp ḋe piarṡièrevs etθahs ǹtefernovi eθre oulaos ernovi ouoh efèìni èh̀ryi ǹpefnovi etafernovi m̀mof ǹoumasi èvol xen hanehōou ha ǹataċni ǹp̀ċois eθve f̀novi etafaif	if the anointed priest sin so as to cause the people to sin, then shall he bring for his sin, which he has sinned, an unblemished calf of the herd to the Lord for his sin.
4:4	ⲟⲩⲟϩ ⲉϥⲉⲓⲛⲓ ⲙⲡⲓⲙⲁⲥⲓ ϩⲓⲣⲉⲛⲫⲣⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲙⲡⲉⲙⲑⲟ ⲙⲡϭⲟⲓⲥ ⲉϥⲉⲧⲁⲗⲟ ⲛⲧⲉϥϫⲓϫ ⲉϫⲉⲛⲧⲁⲫⲉ ⲙⲡⲓⲙⲁⲥⲓ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉϥⲉ̀ⲓ̀ⲛⲓ ⲙ̀ⲡⲓⲙⲁⲥⲓ ϩⲓⲣⲉⲛⲫ̀ⲣⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲉϥⲉ̀ⲧⲁⲗⲟ ⲛ̀ⲧⲉϥϫⲓϫ ⲉ̀ϫⲉⲛ ⲧ̀ⲁ̀ⲫⲉ ⲙ̀ⲡⲓⲙⲁⲥⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh efèìni m̀pimasi hirenf̀ro ǹtis̀kiny ǹte timetmeθre ǹpem̀θo ǹp̀ċois efètalo ǹtefjig èjen t̀àfe m̀pimasi ǹpem̀θo ǹp̀ċois	And he shall bring the calf to the door of the tabernacle of witness before the Lord, and he shall put his hand on the head of the calf before the Lord, and shall slay the calf in the presence of the Lord.
4:5	ⲟⲩⲟϩ ⲉⲣⲉⲡⲓⲟⲩⲏⲃ ⲫⲏ ⲉⲧⲑⲁϩⲥ ⲫⲏ ⲉⲧⲉⲛⲉϥϫⲓϫ ϫⲏⲕ ⲉⲃⲟⲗ ⲉϥⲉϭⲓ ⲉⲃⲟⲗ ϧⲉⲛⲡⲓⲥⲛⲟϥ ⲙⲡⲓⲙⲁⲥⲓ ⲟⲩⲟϩ ⲉϥⲉϭⲓⲧϥ ⲉϧⲟⲩⲛ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲫⲏ ⲉⲧⲑⲁϩⲥ ⲫⲏ ⲉ̀ⲧⲉ ⲛⲉϥϫⲓϫ ϫⲏⲕ ⲉ̀ⲃⲟⲗ ⲉϥⲉ̀ϭⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲙ̀ⲡⲓⲙⲁⲥⲓ ⲟⲩⲟϩ ⲉϥⲉ̀ϭⲓⲧϥ ⲉ̀ϧⲟⲩⲛ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh ère piouyb fy etθahs fy ète nefjig jyk èvol efèċi èvol xen pis̀nof m̀pimasi ouoh efèċitf èxoun ètis̀kiny ǹte timetmeθre	And the anointed priest who has been consecrated having received of the blood of the calf, shall then bring it into the tabernacle of witness.
4:6	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲥⲱⲡ ⲙⲡⲉϥⲧⲏⲃ ϧⲉⲛⲡⲓⲥⲛⲟϥ ⲟⲩⲟϩ ⲉϥⲉⲛⲟⲩϫϧ ⲉⲃⲟⲗ ϧⲉⲛⲡⲓⲥⲛⲟϥ ⲛⲍ̅ ⲛⲥⲟⲡ ϧⲉⲛⲡⲉϥⲧⲏⲃ ⲙⲡⲉⲙⲑⲟ ⲙⲡϭⲟⲓⲥ ⲙⲡⲓⲕⲁⲧⲁⲡⲉⲧⲁⲥⲙⲁ ⲉⲑⲟⲩⲁⲃ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲥⲱⲡ ⲛ̀ⲡⲉϥⲧⲏⲃ ϧⲉⲛ ⲡⲓⲥ̀ⲛⲟϥ ⲟⲩⲟϩ ⲉϥⲉ̀ⲛⲟⲩϫϧ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀7 ⲛ̀ⲥⲟⲡ ϧⲉⲛ ⲡⲉϥⲧⲏⲃ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛ̀ⲡⲓⲕⲁⲧⲁⲡⲉⲧⲁⲥⲙⲁ ⲉⲑⲟⲩⲁⲃ	ouoh ère piouyb efèsōp ǹpeftyb xen pis̀nof ouoh efènougx èvol xen pis̀nof ǹ7 ǹsop xen peftyb ǹpem̀θo ǹp̀ċois ǹpikatapetasma eθouab	And the priest shall dip his finger into the blood, and sprinkle of the blood seven times before the Lord, over against the holy veil.
4:7	ⲟⲩⲟϩ ⲉϥⲉⲧⲁⲗⲟ ⲛϫⲉⲡⲓⲟⲩⲏⲃ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲡⲓⲙⲁⲥⲓ ⲉϫⲉⲛⲛⲉⲛⲧⲁⲡ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓⲥⲑⲩⲛⲟⲩϥⲓ ⲉⲧⲥⲁⲡⲉⲥⲏⲧ ⲫⲏ ⲉⲧⲙⲡⲉⲙⲑⲟ ⲙⲡϭⲟⲓⲥ ⲉⲧⲉⲫⲏ ⲡⲉ ⲉⲧϧⲉⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲡⲓⲥⲛⲟϥ ⲧⲏⲣϥ ⲛⲧⲉⲡⲓⲙⲁⲥⲓ ⲉϥⲉϫⲟϣϥ ⲉϫⲉⲛϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲛⲓϭⲗⲓⲗ ⲛϫⲟϥϫⲉϥ ⲫⲏ ⲉⲧϩⲓⲣⲉⲛ ⲛⲓⲣⲱⲟⲩ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉϥⲉ̀ⲧⲁⲗⲟ ⲛ̀ϫⲉ ⲡⲓⲟⲩⲏⲃ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲡⲓⲙⲁⲥⲓ ⲉ̀ϫⲉⲛ ⲛⲉⲛⲧⲁⲡ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓⲥⲑⲩⲛⲟⲩϥⲓ ⲉⲧⲥⲁⲡⲉⲥⲏⲧ ⲫⲏ ⲉⲧⲛⲡⲉⲙⲑⲟ ⲛ̀ⲡ̀ϭⲟⲓⲥ ⲉ̀ⲧⲉ ⲫⲏ ⲡⲉ ⲉⲧϧⲉⲛ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲟⲩⲟϩ ⲡⲓⲥ̀ⲛⲟϥ ⲧⲏⲣϥ ⲛ̀ⲧⲉ ⲡⲓⲙⲁⲥⲓ ⲉϥⲉ̀ϫⲟϣϥ ⲉ̀ϫⲉⲛ ϯⲃⲁⲥⲓⲥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲛⲓϭⲗⲓⲗ ⲛ̀ϫⲟϥϫⲉ ϥ ⲫⲏ ⲉⲧϩⲓⲣⲉⲛ ⲛⲓⲣⲱⲟⲩ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh efètalo ǹje piouyb èvol xen pis̀nof ǹte pimasi èjen nentap ǹte pimaǹerṡōouṡi ǹte pisθinoufi etsapesyt fy etnpemθo ǹp̀ċois ète fy pe etxen tis̀kiny ǹte timetmeθre ouoh pis̀nof tyrf ǹte pimasi efègoṡf èjen tibasis ǹte pimaǹerṡōouṡi ǹte niċlil ǹgofje f fy et·hiren nirōou ǹte tis̀kiny ǹte timetmeθre	And the priest shall put of the blood of the calf on the horns of the altar of the compound incense which is before the Lord, which is in the tabernacle of witness; and all the blood of the calf shall he pour out by the foot of the altar of whole-burnt-offerings, which is by the doors of the tabernacle of witness.
4:8	ⲡⲓⲱⲧ ⲧⲏⲣϥ ⲛⲧⲉⲡⲓⲙⲁⲥⲓ ⲛⲧⲉⲫⲛⲟⲃⲓ ⲉϥⲉⲟⲗϥ ⲉⲃⲟⲗ ⲙⲙⲟϥ ⲡⲓⲱⲧ ⲫⲏ ⲉⲧϩⲱⲃⲥ ⲛⲛⲏ ⲉⲧⲥⲁⲃⲟⲗ ⲛⲉⲙⲡⲓⲱⲧ ⲧⲏⲣϥ ⲉⲧⲭⲏ ϩⲓϫⲉⲛⲛⲏ ⲉⲧⲥⲁϧⲟⲩⲛ	ⲡⲓⲱⲧ ⲧⲏⲣϥ ⲛ̀ⲧⲉ ⲡⲓⲙⲁⲥⲓ ⲛ̀ⲧⲉ ⲫ̀ⲛⲟⲃⲓ ⲉϥⲉ̀ⲟⲗϥ ⲉ̀ⲃⲟⲗ ⲙ̀ⲙⲟϥ ⲡⲓⲱⲧ ⲫⲏ ⲉⲧϩⲱⲃⲥ ⲛ̀ⲛⲏ ⲉⲧⲥⲁⲃⲟⲗ ⲛⲉⲙ ⲡⲓⲱⲧ ⲧⲏⲣϥ ⲉⲧⲭⲏ ϩⲓϫⲉⲛ ⲛⲏ ⲉⲧⲥⲁϧⲟⲩⲛ	piōt tyrf ǹte pimasi ǹte f̀novi efèolf èvol m̀mof piōt fy et·hōvs ǹny etsavol nem piōt tyrf etky hijen ny etsaxoun	and all the fat of the calf of the sin-offering shall he take off from it; the fat that covers the inwards, and all the fat that is on the inwards,
4:9	ⲛⲉⲙⲡⲓϭⲗⲱⲧ ⲃ̅ ⲛⲉⲙⲡⲓⲱⲧ ⲉⲧϩⲓϫⲱⲟⲩ ⲫⲏ ⲉⲧⲭⲏ ϩⲓϫⲉⲛⲛⲓⲁⲗⲱϫ ⲛⲉⲙⲡⲓⲗⲟⲃⲟⲥ ⲉⲧⲭⲏ ϩⲓϫⲉⲛⲡⲓϩⲩⲡⲁⲣ ⲉϥⲉⲟⲗⲟⲩ ⲛⲉⲙⲛⲓϭⲗⲱⲧ ⲉⲩⲥⲟⲡ	ⲛⲉⲙ ⲡⲓϭⲗⲱⲧ 2 ⲛⲉⲙ ⲡⲓⲱⲧ ⲉⲧϩⲓϫⲱⲟⲩ ⲫⲏ ⲉⲧⲭⲏ ϩⲓϫⲉⲛ ⲛⲓⲁⲗⲱϫ ⲛⲉⲙ ⲡⲓⲗⲟⲃⲟⲥ ⲉⲧⲭⲏ ϩⲓϫⲉⲛ ⲡⲓϩⲩⲡⲁⲣ ⲉϥⲉ̀ⲟⲗⲟⲩ ⲛⲉⲙ ⲛⲓϭⲗⲱⲧ ⲉⲩⲥⲟⲡ	nem piċlōt 2 nem piōt et·higōou fy etky hijen nialōg nem pilobos etky hijen pihipar efèolou nem niċlōt evsop	and the two kidneys, and the fat that is upon them, which is on the thighs, and the caul that is on the liver with the kidneys, them shall he take away,
4:10	ⲙⲫⲣⲏϯ ⲉⲧⲉϣⲁⲩⲱⲗⲓ ⲉⲃⲟⲗ ϧⲉⲛⲡⲓⲙⲁⲥⲓ ⲛⲧⲉⲡⲓϣⲟⲩϣⲱⲟⲩϣⲓ ⲛⲧⲉⲫⲛⲟϩⲉⲙ ⲟⲩⲟϩ ⲉϥⲉⲉⲛϥ ⲛϫⲉⲡⲓⲟⲩⲏⲃ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓϭⲗⲓⲗ ⲉⲧϣⲏⲡ	ⲛ̀ⲫ̀ⲣⲏϯ ⲉ̀ⲧⲉ ϣⲁⲩⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲙⲁⲥⲓ ⲛ̀ⲧⲉ ⲡⲓϣⲟⲩϣⲱⲟⲩϣⲓ ⲛ̀ⲧⲉ ⲫ̀ⲛⲟϩⲉⲙ ⲟⲩⲟϩ ⲉϥⲉ̀ⲉⲛϥ ⲛ̀ϫⲉ ⲡⲓⲟⲩⲏⲃ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓϭⲗⲓⲗ ⲉⲧϣⲏⲡ	ǹf̀ryti ète ṡavṑli èvol xen pimasi ǹte piṡouṡōouṡi ǹte f̀nohem ouoh efèenf ǹje piouyb èjen pimaǹerṡōouṡi ǹte piċlil etṡyp	as he takes it away from the calf of the sacrifice of peace-offering, so shall the priest offer it on the altar of burnt-offering.
4:11	ⲟⲩⲟϩ ⲡϣⲁⲣ ⲛⲧⲉⲡⲓⲙⲁⲥⲓ ⲛⲉⲙⲛⲉϥⲁϥⲟⲩⲓ ⲧⲏⲣⲟⲩ ⲛⲉⲙϯⲁⲫⲉ ⲛⲉⲙⲛⲓⲁⲕⲣⲱⲧⲏⲣⲓⲟⲛ ⲛⲉⲙϯⲛⲉϫⲓ ⲛⲉⲙⲛⲉϥϩⲱⲓⲣⲓ	ⲟⲩⲟϩ ⲡ̀ϣⲁⲣ ⲛ̀ⲧⲉ ⲡⲓⲙⲁⲥⲓ ⲛⲉⲙ ⲛⲉϥⲁϥⲟⲩⲓ ⲧⲏⲣⲟⲩ ⲛⲉⲙ ϯⲁ̀ⲫⲉ ⲛⲉⲙ ⲛⲓⲁⲕⲣⲱⲧⲏⲣⲓⲟⲛ ⲛⲉⲙ ϯⲛⲉϫⲓ ⲛⲉⲙ ⲛⲉϥϩⲱⲓⲣⲓ	ouoh p̀ṡar ǹte pimasi nem nefafoui tyrou nem tiàfe nem niakrōtyrion nem tineji nem nefhōiri	And they shall take the skin of the calf, and all his flesh with the head and the extremities and the belly and the dung,
4:12	ⲟⲩⲟϩ ⲉⲩⲉⲱⲗⲓ ⲙⲡⲓⲙⲁⲥⲓ ⲧⲏⲣϥ ⲉⲃⲟⲗ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲉⲟⲩⲙⲁ ⲉϥⲟⲩⲁⲃ ⲡⲓⲙⲁ ⲉⲧⲟⲩⲛⲁⲫⲉⲛ ϯⲕⲉⲣⲙⲓ ⲉⲃⲟⲗ ⲙⲙⲟϥ ⲟⲩⲟϩ ⲉⲩⲉⲣⲟⲕϩϥ ⲉϩⲣⲏⲓ ⲉϫⲉⲛϩⲁⲛⲣⲟⲕϩ ϧⲉⲛⲟⲩⲭⲣⲱⲙ ⲉϩⲣⲏⲓ ⲉϫⲉⲛⲡϫⲱϣ ⲉⲃⲟⲗ ⲛⲧⲉϯⲕⲉⲣⲙⲓ ⲉⲩⲉⲣⲟⲕϩϥ	ⲟⲩⲟϩ ⲉⲩⲉⲱ̀ⲗⲓ ⲙ̀ⲡⲓⲙⲁⲥⲓ ⲧⲏⲣϥ ⲉ̀ⲃⲟⲗ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲉ̀ⲟⲩⲙⲁ ⲉϥⲟⲩⲁⲃ ⲡⲓⲙⲁ ⲉⲧⲟⲩⲛⲁⲫⲉⲛ ϯⲕⲉⲣⲙⲓ ⲉ̀ⲃⲟⲗ ⲙ̀ⲙⲟϥ ⲟⲩⲟϩ ⲉⲩⲉ̀ⲣⲟⲕϩϥ ⲉ̀ϩ̀ⲣⲏⲓ ⲉ̀ϫⲉⲛ ϩⲁⲛⲣⲟⲕϩ ϧⲉⲛ ⲟⲩⲭ̀ⲣⲱⲙ ⲉ̀ϩ̀ⲣⲏⲓ ⲉ̀ϫⲉⲛ ⲡ̀ϫⲱϣ ⲉ̀ⲃⲟⲗ ⲛ̀ⲧⲉ ϯⲕⲉⲣⲙⲓ ⲉⲩⲉ̀ⲣⲟⲕϩϥ	ouoh eveṑli m̀pimasi tyrf èvol savol ǹtiparemboly èouma efouab pima etounafen tikermi èvol m̀mof ouoh evèrok·hf èh̀ryi èjen hanrok·h xen ouk̀rōm èh̀ryi èjen p̀gōṡ èvol ǹte tikermi evèrok·hf	and they shall carry out the whole calf out of the camp into a clean place, where they pour out the ashes, and they shall consume it there on wood with fire: it shall be burnt on the ashes poured out.
4:13	ⲉϣⲱⲡ ⲇⲉ ⲛⲧⲉⲟⲩⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲣⲁⲧⲉⲙⲓ ⲟⲩⲟϩ ⲛⲧⲉⲟⲩⲥⲁϫⲓ ⲱⲃϣ ⲉⲃⲟⲗ ϩⲁⲛⲉⲛⲃⲁⲗ ⲛϯⲥⲩⲛⲁⲅⲱⲅⲏ ⲟⲩⲟϩ ⲛⲥⲉⲓⲣⲓ ⲛⲟⲩⲓ ⲉⲃⲟⲗ ϧⲉⲛⲛⲓⲉⲛⲧⲟⲗⲏ ⲛⲧⲉⲡϭⲟⲓⲥ ⲑⲏ ⲉⲧⲉⲥϣⲉ ⲁⲛ ⲉⲑⲣⲉⲥϣⲱⲡⲓ ⲟⲩⲟϩ ⲛⲧⲟⲩϣⲱϥⲧ	ⲉϣⲱⲡ ⲇⲉ ⲛ̀ⲧⲉ ⲟⲩⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉ̀ⲣⲁⲧⲉⲙⲓ ⲟⲩⲟϩ ⲛ̀ⲧⲉ ⲟⲩⲥⲁϫⲓ ⲱⲃϣ ⲉ̀ⲃⲟⲗ ϩⲁ ⲛⲉⲛⲃⲁⲗ ⲛ̀ϯⲥⲩⲛⲁⲅⲱⲅⲏ ⲟⲩⲟϩ ⲛ̀ⲧⲟⲩⲓ̀ⲣⲓ ⲛⲟⲩⲓ ⲉ̀ⲃⲟⲗ ϧⲉⲛ ⲛⲓⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲑⲏ ⲉⲧⲉⲥ̀ϣⲉ ⲁⲛ ⲉ̀ⲑⲣⲉⲥϣⲱⲡⲓ ⲟⲩⲟϩ ⲛ̀ⲧⲟⲩϣⲱϥⲧ	eṡōp ḋe ǹte ousinaġōgy tyrs ǹte nenṡyri ǹpisrayl èratemi ouoh ǹte ousaji ōvṡ èvol ha nenval ǹtisinaġōgy ouoh ǹtouìri noui èvol xen nientoly ǹte p̀ċois θy etes̀ṡe an èθresṡōpi ouoh ǹtouṡōft	And if the whole congregation of Israel trespass ignorantly, and a thing should escape the notice of the congregation, and they should do one thing forbidden of any of the commands of the Lord, which ought not to be done, and should transgress:
4:14	ⲟⲩⲟϩ ⲛⲧⲉϥⲟⲩⲟⲛϩϥ ⲉⲣⲱⲟⲩ ⲛϫⲉⲡⲓⲛⲟⲃⲓ ⲉⲧⲁⲩⲉⲣⲛⲟⲃⲓ ⲛϧⲏⲧϥ ⲟⲩⲟϩ ⲉⲣⲉϯⲥⲩⲛⲁⲅⲱⲅⲏ ⲉⲥⲉⲓⲛⲓ ⲛⲟⲩⲙⲁⲥⲓ ⲉⲃⲟⲗ ϧⲉⲛϩⲁⲛⲉϩⲱⲟⲩ ⲛⲁⲧⲁϭⲛⲓ ⲉϩⲣⲏⲓ ⲉϫⲉⲛⲡⲓⲛⲟⲃⲓ ⲟⲩⲟϩ ⲉϥⲉⲉⲛϥ ⲉϯⲥⲕⲏⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲛ̀ⲧⲉϥⲟⲩⲟⲛϩϥ ⲉ̀ⲣⲱⲟⲩ ⲛ̀ϫⲉ ⲫ̀ⲛⲟⲃⲓ ⲉⲧⲁⲩⲉⲣⲛⲟⲃⲓ ⲛ̀ϧⲏⲧϥ ⲟⲩⲟϩ ⲉ̀ⲣⲉ ϯⲥⲩⲛⲁⲅⲱⲅⲏ ⲉⲥⲉⲓ̀ⲛⲓ ⲛ̀ⲟⲩⲙⲁⲥⲓ ⲉ̀ⲃⲟⲗ ϧⲉⲛ ϩⲁⲛⲉϩⲱⲟⲩ ⲛ̀ⲁⲧⲁϭⲛⲓ ⲉ̀ϩ̀ⲣⲏⲓ ⲉ̀ϫⲉⲛ ⲫ̀ⲛⲟⲃⲓ ⲟⲩⲟϩ ⲉϥⲉ̀ⲉⲛϥ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh ǹtefouonhf èrōou ǹje f̀novi etavernovi ǹxytf ouoh ère tisinaġōgy eseìni ǹoumasi èvol xen hanehōou ǹataċni èh̀ryi èjen f̀novi ouoh efèenf ètis̀kiny ǹte timetmeθre	and the sin wherein they have sinned should become known to them, then shall the congregation bring an unblemished calf of the herd for a sin-offering, and they shall bring it to the doors of the tabernacle of witness.
4:15	ⲟⲩⲟϩ ⲉⲣⲉⲛⲓⲡⲣⲉⲥⲃⲩⲧⲉⲣⲟⲥ ⲛⲧⲉϯⲥⲩⲛⲁⲅⲱⲅⲏ ⲉⲩⲉⲧⲁⲗⲉ ⲛⲟⲩϫⲓϫ ⲉϩⲣⲏⲓ ⲉϫⲉⲛⲧⲁⲫⲉ ⲙⲡⲓⲙⲁⲥⲓ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲉ̀ⲣⲉ ⲛⲓⲡ̀ⲣⲉⲥⲃⲩⲧⲉⲣⲟⲥ ⲛ̀ⲧⲉ ϯⲥⲩⲛⲁⲅⲱⲅⲏ ⲉⲩⲉ̀ⲧⲁⲗⲉ ⲛⲟⲩϫⲓϫ ⲉ̀ϩ̀ⲣⲏⲓ ⲉ̀ϫⲉⲛ ⲧ̀ⲁ̀ⲫⲉ ⲙ̀ⲡⲓⲙⲁⲥⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh ère nip̀resbiteros ǹte tisinaġōgy evètale noujig èh̀ryi èjen t̀àfe m̀pimasi ǹpem̀θo ǹp̀ċois	And the elders of the congregation shall lay their hands on the head of the calf before the Lord, and they shall slay the calf before the Lord.
4:16	ⲟⲩⲟϩ ⲉⲣⲉⲡⲓⲟⲩⲏⲃ ⲫⲏ ⲉⲧⲑⲁϩⲥ ⲉϥⲉⲓⲛⲓ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲡⲓⲙⲁⲥⲓ ⲉϧⲟⲩⲛ ⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲫⲏ ⲉⲧⲑⲁϩⲥ ⲉϥⲉ̀ⲓ̀ⲛⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲡⲓⲙⲁⲥⲓ ⲉ̀ϧⲟⲩⲛ ⲉ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh ère piouyb fy etθahs efèìni èvol xen pis̀nof ǹte pimasi èxoun ètis̀kiny ǹte timetmeθre	And the anointed priest shall bring in of the blood of the calf into the tabernacle of witness.
4:17	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲥⲱⲡ ⲙⲡⲉϥⲧⲏⲃ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲡⲓⲙⲁⲥⲓ ⲟⲩⲟϩ ⲉϥⲉⲛⲟⲩϫϧ ⲛⲍ̅ ⲛⲥⲟⲡ ⲙⲡⲉⲙⲑⲟ ⲙⲡϭⲟⲓⲥ ⲛⲉⲙⲡⲉⲙⲑⲟ ⲙⲡⲓⲕⲁⲧⲁⲡⲉⲧⲁⲥⲙⲁ ⲉⲑⲟⲩⲁⲃ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲥⲱⲡ ⲛ̀ⲡⲉϥⲧⲏⲃ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲡⲓⲙⲁⲥⲓ ⲟⲩⲟϩ ⲉϥⲉ̀ⲛⲟⲩϫϧ ⲛ̀7 ⲛ̀ⲥⲟⲡ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲛⲉⲙ ⲡ̀ⲉⲙⲑⲟ ⲛ̀ⲡⲓⲕⲁⲧⲁⲡⲉⲧⲁⲥⲙⲁ ⲉⲑⲟⲩⲁⲃ	ouoh ère piouyb efèsōp ǹpeftyb èvol xen pis̀nof ǹte pimasi ouoh efènougx ǹ7 ǹsop ǹpem̀θo ǹp̀ċois nem p̀emθo ǹpikatapetasma eθouab	And the priest shall dip his finger into some of the blood of the calf, and shall sprinkle it seven times before the Lord, in front of the veil of the sanctuary.
4:18	ⲟⲩⲟϩ ⲉϥⲉⲱⲗⲓ ⲛϫⲉⲡⲓⲟⲩⲏⲃ ⲉⲃⲟⲗ ϧⲉⲛⲡⲓⲥⲛⲟϥ ⲉϥⲉϯ ⲉϩⲣⲏⲓ ⲉϫⲉⲛⲛⲓⲧⲁⲡ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲫⲏ ⲉⲧⲉⲙⲡⲉⲙⲑⲟ ⲙⲡϭⲟⲓⲥ ⲫⲏ ⲉⲧⲭⲏ ϧⲁⲧⲉⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ⲟⲩⲟϩ ⲡⲓⲥⲛⲟϥ ⲧⲏⲣϥ ⲉϥⲉϫⲟϣϥ ϧⲁⲧⲉⲛϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲛⲓϭⲗⲓⲗ ⲫⲏ ⲉⲧⲭⲏ ϧⲁⲧⲉⲛⲫⲣⲟ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉϥⲉ̀ⲱ̀ⲗⲓ ⲛ̀ϫⲉ ⲡⲓⲟⲩⲏⲃ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲉϥⲉ̀ϯ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲧⲁⲡ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲫⲏ ⲉⲧⲉⲛⲡⲉⲙⲑⲟ ⲛ̀ⲡ̀ϭⲟⲓⲥ ⲫⲏ ⲉⲧⲭⲏ ϧⲁⲧⲉⲛ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ⲟⲩⲟϩ ⲡⲓⲥ̀ⲛⲟϥ ⲧⲏⲣϥ ⲉϥⲉ̀ϫⲟϣϥ ϧⲁⲧⲉⲛ ϯⲃⲁⲥⲓⲥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲛⲓϭⲗⲓⲗ ⲫⲏ ⲉⲧⲭⲏ ϧⲁⲧⲉⲛ ⲫ̀ⲣⲟ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh efèṑli ǹje piouyb èvol xen pis̀nof efèti èh̀ryi èjen nitap ǹte pimaǹerṡōouṡi fy etenpemθo ǹp̀ċois fy etky xaten tis̀kiny ǹte timetmeθre ouoh pis̀nof tyrf efègoṡf xaten tibasis ǹte pimaǹerṡōouṡi ǹte niċlil fy etky xaten f̀ro ǹtis̀kiny ǹte timetmeθre	And the priest shall put some of the blood on the horns of the altar of the incense of composition, which is before the Lord, which is in the tabernacle of witness; and he shall pour out all the blood at the bottom of the altar of whole-burnt-offerings, which is by the door of the tabernacle of witness.
4:19	ⲟⲩⲟϩ ⲡⲓⲱⲧ ⲧⲏⲣϥ ⲉϥⲉⲟⲗϥ ⲉⲃⲟⲗ ⲙⲙⲟϥ ⲟⲩⲟϩ ⲉϥⲉⲉⲛϥ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ	ⲟⲩⲟϩ ⲡⲓⲱⲧ ⲧⲏⲣϥ ⲉϥⲉ̀ⲟⲗϥ ⲉ̀ⲃⲟⲗ ⲙ̀ⲙⲟϥ ⲟⲩⲟϩ ⲉϥⲉ̀ⲉⲛϥ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ	ouoh piōt tyrf efèolf èvol m̀mof ouoh efèenf èh̀ryi èjen pimaǹerṡōouṡi	And he shall take away all the fat from it, and shall offer it up on the altar.
4:20	ⲟⲩⲟϩ ⲉϥⲉⲓⲣⲓ ⲙⲡⲓⲙⲁⲥⲓ ⲕⲁⲧⲁⲫⲣⲏϯ ⲉⲧⲁϥⲓⲣⲓ ⲙⲡⲓⲙⲁⲥⲓ ⲛⲧⲉⲫⲛⲟⲃⲓ ⲉⲩⲉⲑⲁⲙⲓⲟϥ ⲙⲡⲁⲓⲣⲏϯ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲱⲟⲩ ⲛϫⲉⲡⲓⲟⲩⲏⲃ ⲟⲩⲟϩ ⲉⲩⲉⲭⲱ ⲛⲱⲟⲩ ⲉⲃⲟⲗ	ⲟⲩⲟϩ ⲉϥⲉ̀ⲓ̀ⲣⲓ ⲙ̀ⲡⲓⲙⲁⲥⲓ ⲕⲁⲧⲁ ⲫ̀ⲣⲏϯ ⲉⲧⲁϥⲓⲣⲓ ⲙ̀ⲡⲓⲙⲁⲥⲓ ⲛ̀ⲧⲉ ⲫ̀ⲛⲟⲃⲓ ⲉⲩⲉ̀ⲑⲁⲙⲓⲟϥ ⲛ̀ⲡⲁⲓⲣⲏϯ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϫⲉ ⲡⲓⲟⲩⲏⲃ ⲟⲩⲟϩ ⲉⲩⲉ̀ⲭⲱ ⲛⲱⲟⲩ ⲉ̀ⲃⲟⲗ	ouoh efèìri m̀pimasi kata f̀ryti etafiri m̀pimasi ǹte f̀novi evèθamiof ǹpairyti ouoh efètōvh èh̀ryi ègōou ǹje piouyb ouoh evèkō nōou èvol	And he shall do to the calf as he did to the calf of the sin-offering, so shall it be done; and the priest shall make atonement for them, and the trespass shall be forgiven them.
4:21	ⲟⲩⲟϩ ⲉⲩⲉⲓⲛⲓ ⲙⲡⲓⲙⲁⲥⲓ ⲥⲁⲃⲟⲗ ⲛϯⲡⲁⲣⲉⲙⲃⲟⲗⲏ ⲟⲩⲟϩ ⲉⲩⲉⲣⲟⲕϩ ⲙⲡⲓⲙⲁⲥⲓ ⲙⲫⲣⲏϯ ⲉⲧⲁⲩⲣⲱⲕϩ ⲙⲡⲓⲙⲁⲥⲓ ⲛⲧⲉϣⲟⲣⲡ ⲫⲁ ⲫⲛⲟⲃⲓ ⲛⲧⲉⲟⲩⲥⲩⲛⲁⲅⲱⲅⲏ ⲡⲉ	ⲟⲩⲟϩ ⲉⲩⲉ̀ⲓⲛⲓ ⲙ̀ⲡⲓⲙⲁⲥⲓ ⲥⲁⲃⲟⲗ ⲛ̀ϯⲡⲁⲣⲉⲙⲃⲟⲗⲏ ⲟⲩⲟϩ ⲉⲩⲉ̀ⲣⲟⲕϩ ⲙ̀ⲡⲓⲙⲁⲥⲓ ⲛ̀ⲫ̀ⲣⲏϯ ⲉⲧⲁⲩⲣⲱⲕϩ ⲙ̀ⲡⲓⲙⲁⲥⲓ ⲛ̀ⲧⲉϣⲟⲣⲡ ⲫⲁ ⲫ̀ⲛⲟⲃⲓ ⲛ̀ⲧⲉ ⲟⲩⲥⲩⲛⲁⲅⲱⲅⲏ ⲡⲉ	ouoh evèini m̀pimasi savol ǹtiparemboly ouoh evèrok·h m̀pimasi ǹf̀ryti etavrōk·h m̀pimasi ǹteṡorp fa f̀novi ǹte ousinaġōgy pe	And they shall carry forth the calf whole without the camp, and they shall burn the calf as they burnt the former calf: it is the sin-offering of the congregation.
4:22	ⲉϣⲱⲡ ⲟⲩⲛ ⲛⲧⲉⲡⲓⲁⲣⲭⲱⲛ ⲉⲣⲛⲟⲃⲓ ⲟⲩⲟϩ ⲛⲧⲉϥⲓⲣⲓ ⲛⲟⲩⲓ ⲛⲛⲓⲉⲛⲧⲟⲗⲏ ⲛⲧⲉⲡϭⲟⲓⲥ ⲡⲉϥⲛⲟⲩϯ ⲑⲏ ⲉⲧⲉⲥϣⲉ ⲁⲛ ⲉⲑⲣⲉⲥϣⲱⲡⲓ ⲉϩⲛⲁϥ ⲁⲛ ⲡⲉ ⲟⲩⲟϩ ⲛⲧⲉϥϣⲱϥⲧ	ⲉϣⲱⲡ ⲟⲩⲛ ⲛ̀ⲧⲉ ⲡⲓⲁⲣⲭⲱⲛ ⲉⲣⲛⲟⲃⲓ ⲟⲩⲟϩ ⲛ̀ⲧⲉϥⲓ̀ⲣⲓ ⲛⲟⲩⲓ ⲛ̀ⲛⲓⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲡⲉϥⲛⲟⲩϯ ⲑⲏ ⲉⲧⲉⲥ̀ϣⲉ ⲁⲛ ⲉ̀ⲑⲣⲉⲥϣⲱⲡⲓ ⲉ̀ϩⲛⲁϥ ⲁⲛ ⲡⲉ ⲟⲩⲟϩ ⲛ̀ⲧⲉϥϣⲱϥⲧ	eṡōp oun ǹte piarxōn ernovi ouoh ǹtefìri noui ǹnientoly ǹte p̀ċois pefnouti θy etes̀ṡe an èθresṡōpi èhnaf an pe ouoh ǹtefṡōft	And if a ruler sin, and break one of all the commands of the Lord his God, doing the thing which ought not to be done, unwillingly, and shall sin and trespass,
4:23	ⲟⲩⲟϩ ⲛⲧⲉⲡⲓⲛⲟⲃⲓ ⲟⲩⲱⲛϩ ⲉⲃⲟⲗ ⲉⲧⲁϥⲉⲣⲛⲟⲃⲓ ⲛϧⲏⲧϥ ⲟⲩⲟϩ ⲉϥⲉⲓⲛⲓ ⲙⲡⲉϥⲇⲱⲣⲟⲛ ⲉϧⲟⲩⲛ ⲟⲩⲃⲁⲣⲏⲓⲧ ⲉⲃⲟⲗ ϧⲉⲛϩⲁⲛⲃⲁⲉⲙⲡⲓ ⲟⲩϩⲱⲟⲩⲧ ⲛⲁⲧⲁϭⲛⲓ ⲉϫⲉⲛⲫⲛⲟⲃⲓ	ⲟⲩⲟϩ ⲛ̀ⲧⲉ ⲫ̀ⲛⲟⲃⲓ ⲟⲩⲱⲛϩ ⲉ̀ⲃⲟⲗ ⲉ̀ⲧⲁϥⲉⲣⲛⲟⲃⲓ ⲛ̀ϧⲏⲧϥ ⲟⲩⲟϩ ⲉϥⲉ̀ⲓ̀ⲛⲓ ⲛ̀ⲡⲉϥⲇⲱⲣⲟⲛ ⲉ̀ϧⲟⲩⲛ ⲟⲩⲃⲁⲣⲏⲓⲧ ⲉ̀ⲃⲟⲗ ϧⲉⲛ ϩⲁⲛⲃⲁⲉⲙⲡⲓ ⲟⲩϩⲱⲟⲩⲧ ⲛ̀ⲁⲧⲁϭⲛⲓ ⲉ̀ϫⲉⲛ ⲫ̀ⲛⲟⲃⲓ	ouoh ǹte f̀novi ouōnh èvol ètafernovi ǹxytf ouoh efèìni ǹpefḋōron èxoun ouvaryit èvol xen hanvaempi ouhōout ǹataċni èjen f̀novi	and his trespass wherein he has sinned, be known to him, then shall he offer for his gift a kid of the goats, a male without blemish.
4:24	ⲟⲩⲟϩ ⲉϥⲉⲧⲁⲗⲟ ⲛⲧⲉϥϫⲓϫ ⲉϫⲉⲛⲧⲁⲫⲉ ⲙⲡⲓⲃⲁⲣⲏⲓⲧ ⲟⲩⲟϩ ⲉⲩⲉϧⲉⲗϧⲱⲗϥ ϧⲉⲛⲡⲓⲙⲁ ⲉϣⲁⲩϧⲟⲗϧⲉⲗ ⲙⲡⲓϭⲗⲓⲗ ⲙⲙⲟϥ ⲙⲡⲉⲙⲑⲟ ⲙⲡϭⲟⲓⲥ ⲫⲁ ⲫⲛⲟⲃⲓ ⲡⲉ	ⲟⲩⲟϩ ⲉϥⲉ̀ⲧⲁⲗⲟ ⲛ̀ⲧⲉϥϫⲓϫ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲃⲁⲣⲏⲓⲧ ⲟⲩⲟϩ ⲉⲩⲉ̀ϧⲉⲗϧⲱⲗϥ ϧⲉⲛ ⲡⲓⲙⲁ ⲉϣⲁⲩϧⲟⲗϧⲉⲗ ⲛ̀ⲡⲓϭⲗⲓⲗ ⲙ̀ⲙⲟϥ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲫⲁ ⲫ̀ⲛⲟⲃⲓ ⲡⲉ	ouoh efètalo ǹtefjig èjen t̀àfe ǹpivaryit ouoh evèxelxōlf xen pima eṡavxolxel ǹpiċlil m̀mof ǹpem̀θo ǹp̀ċois fa f̀novi pe	And he shall lay his hand on the head of the kid, and they shall kill it in the place where they kill the victims for whole-burnt-offerings before the Lord; it is a sin-offering.
4:25	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲱⲗⲓ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲫⲁ ⲫⲛⲟⲃⲓ ⲙⲡⲉϥⲧⲏⲃ ⲟⲩⲟϩ ⲉϥⲉⲧⲁⲗⲟ ⲉϩⲣⲏⲓ ⲉϫⲉⲛⲛⲓⲧⲁⲡ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲛⲓϭⲗⲓⲗ ⲟⲩⲟϩ ⲡⲉϥⲥⲛⲟϥ ⲧⲏⲣϥ ⲉϥⲉϫⲟϣϥ ϧⲁϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓϭⲗⲓⲗ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲫⲁ ⲫ̀ⲛⲟⲃⲓ ⲛ̀ⲡⲉϥⲧⲏⲃ ⲟⲩⲟϩ ⲉϥⲉ̀ⲧⲁⲗⲟ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲧⲁⲡ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲛⲓϭⲗⲓⲗ ⲟⲩⲟϩ ⲡⲉϥⲥ̀ⲛⲟϥ ⲧⲏⲣϥ ⲉϥⲉ̀ϫⲟϣϥ ϧⲁϯⲃⲁⲥⲓⲥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓϭⲗⲓⲗ	ouoh ère piouyb efèṑli èvol xen pis̀nof ǹte fa f̀novi ǹpeftyb ouoh efètalo èh̀ryi èjen nitap ǹte pimaǹerṡōouṡi ǹte niċlil ouoh pefs̀nof tyrf efègoṡf xativasis ǹte pimaǹerṡōouṡi ǹte piċlil	And the priest shall put some of the blood of the sin-offering with his finger on the horns of the altar of whole-burnt-offering; and he shall pour out all its blood by the bottom of the altar of whole-burnt-offerings.
4:26	ⲟⲩⲟϩ ⲡⲓⲱⲧ ⲧⲏⲣϥ ⲛⲧⲁϥ ⲉϥⲉⲉⲛϥ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲙⲫⲣⲏϯ ⲛⲟⲩⲱⲧ ⲛⲧⲉⲟⲩϣⲟⲩϣⲱⲟⲩϣⲓ ⲛⲛⲟϩⲉⲙ ⲟⲩⲟϩ ⲉⲣⲉⲡⲓⲟⲩⲏⲃ ⲧⲱⲃϩ ⲉϩⲣⲏⲓ ⲉϫⲱϥ ⲉⲑⲃⲉⲡⲉϥⲛⲟⲃⲓ ⲟⲩⲟϩ ⲉⲩⲉⲭⲱ ⲛⲁϥ ⲉⲃⲟⲗ	ⲟⲩⲟϩ ⲡⲓⲱⲧ ⲧⲏⲣϥ ⲛ̀ⲧⲁϥ ⲉϥⲉ̀ⲉⲛϥ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲫ̀ⲣⲏϯ ⲛ̀ⲟⲩⲱⲧ ⲛ̀ⲧⲉ ⲟⲩϣⲟⲩϣⲱⲟⲩϣⲓ ⲛ̀ⲛⲟϩⲉⲙ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲉⲑⲃⲉ ⲡⲉϥⲛⲟⲃⲓ ⲟⲩⲟϩ ⲉⲩⲉ̀ⲭⲱ ⲛⲁϥ ⲉ̀ⲃⲟⲗ	ouoh piōt tyrf ǹtaf efèenf èh̀ryi èjen pimaǹerṡōouṡi ǹf̀ryti ǹouōt ǹte ouṡouṡōouṡi ǹnohem ouoh ère piouyb tōvh èh̀ryi ègōf eθve pefnovi ouoh evèkō naf èvol	And he shall offer up all his fat on the altar, as the fat of the sacrifice of peace-offering; and the priest shall make atonement for him concerning his sin, and it shall be forgiven him.
4:27	ⲉϣⲱⲡ ⲛⲧⲉⲟⲩⲯⲩⲭⲏ ⲙⲙⲁⲩⲁⲧⲥ ⲉⲣⲛⲟⲃⲓ ⲉⲃⲟⲗ ϧⲉⲛⲡⲓⲗⲁⲟⲥ ⲛⲧⲉⲡⲕⲁϩⲓ ⲉϩⲛⲁⲥ ⲁⲛ ϧⲉⲛⲡϫⲓⲛⲓⲣⲓ ⲛⲟⲩⲓ ⲛⲛⲓⲉⲛⲧⲟⲗⲏ ⲛⲧⲉⲡϭⲟⲓⲥ ⲑⲏ ⲉⲧⲉⲥϣⲉ ⲁⲛ ⲉⲑⲣⲉⲥϣⲱⲡⲓ ⲟⲩⲟϩ ⲛⲧⲉⲥϣⲱϥⲧ	ⲉϣⲱⲡ ⲛ̀ⲧⲉ ⲟⲩⲯⲩⲭⲏ ⲙ̀ⲙⲁⲩⲁⲧⲥ ⲉⲣⲛⲟⲃⲓ ⲉ̀ⲃⲟⲗ ϧⲉⲛ ⲡⲓⲗⲁⲟⲥ ⲛ̀ⲧⲉ ⲡ̀ⲕⲁϩⲓ ⲉ̀ϩⲛⲁⲥ ⲁⲛ ϧⲉⲛ ⲡ̀ϫⲓⲛⲓⲣⲓ ⲛⲟⲩⲓ ⲛ̀ⲛⲓⲉⲛⲧⲟⲗⲏ ⲛ̀ⲧⲉ ⲡ̀ϭⲟⲓⲥ ⲑⲏ ⲉⲧⲉⲥ̀ϣⲉ ⲁⲛ ⲉ̀ⲑⲣⲉⲥϣⲱⲡⲓ ⲟⲩⲟϩ ⲛ̀ⲧⲉⲥϣⲱϥⲧ	eṡōp ǹte oupsiṡy m̀mavats ernovi èvol xen pilaos ǹte p̀kahi èhnas an xen p̀jiniri noui ǹnientoly ǹte p̀ċois θy etes̀ṡe an èθresṡōpi ouoh ǹtesṡōft	And if a soul of the people of the land should sin unwillingly, in doing a thing contrary to any of the commandments of the Lord, which ought not to be done, and shall transgress,
4:28	ⲟⲩⲟϩ ⲛⲧⲉⲡⲓⲛⲟⲃⲓ ⲟⲩⲱⲛϩ ⲉⲃⲟⲗ ⲉⲧⲁϥⲉⲣⲛⲟⲃⲓ ⲙⲙⲟϥ ⲟⲩⲟϩ ⲉϥⲉⲓⲛⲓ ⲛⲟⲩⲃⲁⲉⲙⲡⲓ ⲛⲥϩⲓⲙⲓ ⲉⲃⲟⲗ ϧⲉⲛϩⲁⲛⲃⲁⲉⲙⲡⲓ ⲉⲥⲟⲓ ⲛⲁⲧⲁϭⲛⲓ ⲉϥⲉⲉⲛⲥ ⲉⲑⲃⲉⲡⲓⲛⲟⲃⲓ ⲉⲧⲁϥⲉⲣⲛⲟⲃⲓ ⲙⲙⲟϥ	ⲟⲩⲟϩ ⲛ̀ⲧⲉ ⲫ̀ⲛⲟⲃⲓ ⲟⲩⲱⲛϩ ⲉ̀ⲃⲟⲗ ⲉ̀ⲧⲁϥⲉⲣⲛⲟⲃⲓ ⲙ̀ⲙⲟϥ ⲟⲩⲟϩ ⲉϥⲉ̀ⲓ̀ⲛⲓ ⲛ̀ⲟⲩⲃⲁⲉⲙⲡⲓ ⲛ̀ⲥϩⲓⲙⲓ ⲉ̀ⲃⲟⲗ ϧⲉⲛ ϩⲁⲛⲃⲁⲉⲙⲡⲓ ⲉⲥⲟⲓ ⲛ̀ⲁⲧⲁϭⲛⲓ ⲉϥⲉ̀ⲉⲛⲥ ⲉⲑⲃⲉ ⲫ̀ⲛⲟⲃⲓ ⲉⲧⲁϥⲉⲣⲛⲟⲃⲓ ⲙ̀ⲙⲟϥ	ouoh ǹte f̀novi ouōnh èvol ètafernovi m̀mof ouoh efèìni ǹouvaempi ǹs·himi èvol xen hanvaempi esoi ǹataċni efèens eθve f̀novi etafernovi m̀mof	and his sin should be known to him, wherein he has sinned, then shall he bring a kid of the goats, a female without blemish shall he bring for his sin, which he has sinned.
4:29	ⲟⲩⲟϩ ⲉϥⲉⲧⲁⲗⲟ ⲛⲧⲉϥϫⲓϫ ⲉϫⲉⲛⲧⲁⲫⲉ ⲙⲡⲉϥⲛⲟⲃⲓ ⲟⲩⲟϩ ⲉϥⲉϧⲟⲗϧⲉⲗ ⲛϯⲃⲁⲉⲙⲡⲓ ⲑⲏ ⲛⲧⲉⲫⲛⲟⲃⲓ ϧⲉⲛⲡⲓⲙⲁ ⲉⲧⲟⲩⲛⲁϧⲟⲗϧⲉⲗ ⲙⲡⲓϭⲗⲓⲗ ⲙⲙⲟϥ	ⲟⲩⲟϩ ⲉϥⲉ̀ⲧⲁⲗⲟ ⲛ̀ⲧⲉϥϫⲓϫ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲉϥⲛⲟⲃⲓ ⲟⲩⲟϩ ⲉϥⲉ̀ϧⲟⲗϧⲉⲗ ⲛ̀ϯⲃⲁⲉⲙⲡⲓ ⲑⲏ ⲛ̀ⲧⲉ ⲫ̀ⲛⲟⲃⲓ ϧⲉⲛ ⲡⲓⲙⲁ ⲉⲧⲟⲩⲛⲁϧⲟⲗϧⲉⲗ ⲛ̀ⲡⲓϭⲗⲓⲗ ⲙ̀ⲙⲟϥ	ouoh efètalo ǹtefjig èjen t̀àfe ǹpefnovi ouoh efèxolxel ǹtivaempi θy ǹte f̀novi xen pima etounaxolxel ǹpiċlil m̀mof	And he shall lay his hand on the head of his sin-offering, and they shall slay the kid of the sin-offering in the place where they slay the victims for whole-burnt-offerings.
4:30	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲱⲗⲓ ⲉⲃⲟⲗ ϧⲉⲛⲡⲉϥⲥⲛⲟϥ ⲙⲡⲉϥⲧⲏⲃ ⲟⲩⲟϩ ⲉϥⲉⲧⲁⲗⲟ ⲉϩⲣⲏⲓ ⲉϫⲉⲛⲛⲓⲧⲁⲡ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲡⲓϭⲗⲓⲗ ⲟⲩⲟϩ ⲡⲓⲥⲛⲟϥ ⲧⲏⲣϥ ⲉϥⲉϫⲟϣϥ ϧⲁⲧⲉⲛϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲱ̀ⲗⲓ ⲉ̀ⲃⲟⲗ ϧⲉⲛ ⲡⲉϥⲥ̀ⲛⲟϥ ⲛ̀ⲡⲉϥⲧⲏⲃ ⲟⲩⲟϩ ⲉϥⲉ̀ⲧⲁⲗⲟ ⲉ̀ϩ̀ⲣⲏⲓ ⲉ̀ϫⲉⲛ ⲛⲓⲧⲁⲡ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲡⲓϭⲗⲓⲗ ⲟⲩⲟϩ ⲡⲓⲥ̀ⲛⲟϥ ⲧⲏⲣϥ ⲉϥⲉ̀ϫⲟϣϥ ϧⲁⲧⲉⲛ ϯⲃⲁⲥⲓⲥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ	ouoh ère piouyb efèṑli èvol xen pefs̀nof ǹpeftyb ouoh efètalo èh̀ryi èjen nitap ǹte pimaǹerṡōouṡi ǹte piċlil ouoh pis̀nof tyrf efègoṡf xaten tibasis ǹte pimaǹerṡōouṡi	And the priest shall take of its blood with his finger, and shall put it on the horns of the altar of whole-burnt-offerings; and all its blood he shall pour forth by the foot of the altar.
4:31	ⲟⲩⲟϩ ⲡⲓⲱⲧ ⲧⲏⲣϥ ⲉϥⲉⲟⲗϥ ⲙⲫⲣⲏϯ ⲉⲧⲁϥⲱⲗⲓ ⲙⲡⲓⲱⲧ ⲉⲃⲟⲗ ϧⲉⲛⲟⲩϣⲟⲩϣⲱⲟⲩϣⲓ ⲛⲛⲟϩⲉⲙ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲓⲛⲓ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉⲩⲥⲑⲟⲓ ⲛⲥⲑⲩⲛⲟⲩϥⲓ ⲙⲡϭⲟⲓⲥ ⲟⲩⲟϩ ⲉⲣⲉⲡⲓⲟⲩⲏⲃ ⲧⲱⲃϩ ⲉϩⲣⲏⲓ ⲉϫⲱϥ ⲟⲩⲟϩ ⲉⲩⲉⲭⲱ ⲛⲁϥ ⲉⲃⲟⲗ	ⲟⲩⲟϩ ⲡⲓⲱⲧ ⲧⲏⲣϥ ⲉϥⲉ̀ⲟⲗϥ ⲛ̀ⲫ̀ⲣⲏϯ ⲉⲧⲁϥⲱ̀ⲗⲓ ⲛ̀ⲡⲓⲱⲧ ⲉ̀ⲃⲟⲗ ϧⲉⲛ ⲟⲩϣⲟⲩϣⲱⲟⲩϣⲓ ⲛ̀ⲛⲟϩⲉⲙ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲓ̀ⲛⲓ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲉⲩⲥ̀ⲑⲟⲓ ⲛ̀ⲥⲑⲩⲛⲟⲩϥⲓ ⲛ̀ⲡ̀ϭⲟⲓⲥ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲟⲩⲟϩ ⲉⲩⲉ̀ⲭⲱ ⲛⲁϥ ⲉ̀ⲃⲟⲗ	ouoh piōt tyrf efèolf ǹf̀ryti etafṑli ǹpiōt èvol xen ouṡouṡōouṡi ǹnohem ouoh ère piouyb efèìni èh̀ryi èjen pimaǹerṡōouṡi evs̀θoi ǹsθinoufi ǹp̀ċois ouoh ère piouyb tōvh èh̀ryi ègōf ouoh evèkō naf èvol	And he shall take away all the fat, as the fat is taken away from the sacrifice of peace-offering, and the priest shall offer it on the altar for a smell of sweet savour to the Lord; and the priest shall make atonement for him, and his sin shall be forgiven him.
4:32	ⲉϣⲱⲡ ⲛⲧⲉϥⲉⲛ ⲟⲩⲉⲥⲱⲟⲩ ⲉϧⲟⲩⲛ ⲛⲇⲱⲣⲟⲛ ⲉⲑⲃⲉⲫⲛⲟⲃⲓ ⲉϥⲉⲉⲛⲥ ⲛⲥϩⲓⲙⲓ ⲛⲁⲧⲁϭⲛⲓ	ⲉϣⲱⲡ ⲛ̀ⲧⲉϥⲉⲛ ⲟⲩⲉ̀ⲥⲱⲟⲩ ⲉ̀ϧⲟⲩⲛ ⲛ̀ⲇⲱⲣⲟⲛ ⲉⲑⲃⲉ ⲫ̀ⲛⲟⲃⲓ ⲉϥⲉ̀ⲉⲛⲥ ⲛ̀ⲥϩⲓⲙⲓ ⲛ̀ⲁⲧⲁϭⲛⲓ	eṡōp ǹtefen ouèsōou èxoun ǹḋōron eθve f̀novi efèens ǹs·himi ǹataċni	And if he should offer a lamb for his sin-offering, he shall offer it a female without blemish.
4:33	ⲟⲩⲟϩ ⲉϥⲉⲧⲁⲗⲟ ⲛⲧⲉϥϫⲓϫ ⲉϩⲣⲏⲓ ⲉϫⲉⲛⲧⲁⲫⲉ ⲙⲫⲏ ⲉⲧⲁϥⲉⲛϥ ⲉϩⲣⲏⲓ ⲉϫⲉⲛⲫⲛⲟⲃⲓ ⲟⲩⲟϩ ⲉⲩⲉϧⲉⲗϧⲱⲗϥ ⲉⲑⲃⲉⲫⲛⲟⲃⲓ ϧⲉⲛⲟⲩⲙⲁ ⲉϣⲁⲩϧⲟⲗϧⲉⲗ ⲙⲡⲓϭⲗⲓⲗ ⲙⲙⲟϥ	ⲟⲩⲟϩ ⲉϥⲉ̀ⲧⲁⲗⲟ ⲛ̀ⲧⲉϥϫⲓϫ ⲉ̀ϩ̀ⲣⲏⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲫⲏ ⲉ̀ⲧⲁϥⲉⲛϥ ⲉ̀ϩ̀ⲣⲏⲓ ⲉ̀ϫⲉⲛ ⲫ̀ⲛⲟⲃⲓ ⲟⲩⲟϩ ⲉⲩⲉ̀ϧⲉⲗϧⲱⲗϥ ⲉⲑⲃⲉ ⲫ̀ⲛⲟⲃⲓ ϧⲉⲛ ⲟⲩⲙⲁ ⲉϣⲁⲩϧⲟⲗϧⲉⲗ ⲛ̀ⲡⲓϭⲗⲓⲗ ⲙ̀ⲙⲟϥ	ouoh efètalo ǹtefjig èh̀ryi èjen t̀àfe ǹfy ètafenf èh̀ryi èjen f̀novi ouoh evèxelxōlf eθve f̀novi xen ouma eṡavxolxel ǹpiċlil m̀mof	And he shall lay his hand on the head of the sin-offerings, and they shall kill it in the place where they kill the victims for whole-burnt-offerings.
4:34	ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲱⲗⲓ ⲉⲃⲟⲗ ϧⲉⲛⲡⲓⲥⲛⲟϥ ⲛⲧⲉⲫⲏ ⲉⲑⲃⲉⲫⲛⲟⲃⲓ ⲙⲡⲉϥⲧⲏⲃ ⲟⲩⲟϩ ⲉϥⲉⲧⲁⲗⲟ ⲉϫⲉⲛⲛⲓⲧⲁⲡ ⲛⲧⲉⲡⲓⲙⲁⲛⲉⲣϣⲱⲟⲩϣⲓ ⲛⲧⲉⲛⲓϭⲗⲓⲗ ⲟⲩⲟϩ ⲡⲉϥⲥⲛⲟϥ ⲧⲏⲣϥ ⲉϥⲉϫⲟϣϥ ϧⲁⲧⲉⲛϯⲃⲁⲥⲓⲥ ⲛⲧⲉⲡⲓⲙⲁⲛⲉⲣϣⲱⲟⲩϣⲓ	ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲱ̀ⲗⲓ ⲉ̀ⲃⲟⲗ ϧⲉⲛ ⲡⲓⲥ̀ⲛⲟϥ ⲛ̀ⲧⲉ ⲫⲏ ⲉⲑⲃⲉ ⲫ̀ⲛⲟⲃⲓ ⲛ̀ⲡⲉϥⲧⲏⲃ ⲟⲩⲟϩ ⲉϥⲉ̀ⲧⲁⲗⲟ ⲉ̀ϫⲉⲛ ⲛⲓⲧⲁⲡ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ ⲛⲓϭⲗⲓⲗ ⲟⲩⲟϩ ⲡⲉϥⲥ̀ⲛⲟϥ ⲧⲏⲣϥ ⲉϥⲉ̀ϫⲟϣϥ ϧⲁⲧⲉⲛ ϯⲃⲁⲥⲓⲥ ⲛ̀ⲧⲉ ⲡⲓⲙⲁⲛ̀ⲉⲣϣⲱⲟⲩϣⲓ	ouoh ère piouyb efèṑli èvol xen pis̀nof ǹte fy eθve f̀novi ǹpeftyb ouoh efètalo èjen nitap ǹte pimaǹerṡōouṡi ǹte niċlil ouoh pefs̀nof tyrf efègoṡf xaten tibasis ǹte pimaǹerṡōouṡi	And the priest shall take of the blood of the sin-offering with his finger, and shall put it on the horns of the altar of whole-burnt-offerings, and he shall pour out all its blood by the bottom of the altar of whole-burnt-offering.
4:35	ⲟⲩⲟϩ ⲡⲉϥⲱⲧ ⲧⲏⲣϥ ⲉϥⲉⲟⲗϥ ⲙⲫⲣⲏϯ ⲉⲧⲉϣⲁⲩⲱⲗⲓ ⲛⲟⲩⲱⲧ ⲉⲃⲟⲗ ϧⲉⲛⲟⲩⲉⲥⲱⲟⲩ ⲛⲧⲉⲟⲩϣⲟⲩϣⲱⲟⲩϣⲓ ⲛⲛⲟϩⲉⲙ ⲟⲩⲟϩ ⲉⲣⲉⲡⲓⲟⲩⲏⲃ ⲉϥⲉⲧⲁⲗⲟ ⲉϩⲣⲏⲓ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉϫⲉⲛⲛⲓϭⲗⲓⲗ ⲛⲧⲉⲡϭⲟⲓⲥ ⲟⲩⲟϩ ⲉϥⲉⲧⲱⲃϩ ⲉϩⲣⲏⲓ ⲉϫⲱϥ ⲛϫⲉⲡⲓⲟⲩⲏⲃ ⲉⲑⲃⲉⲡⲓⲛⲟⲃⲓ ⲉⲧⲁϥⲉⲣⲛⲟⲃⲓ ⲙⲙⲟϥ ⲟⲩⲟϩ ⲉⲩⲉⲭⲱ ⲛⲁϥ ⲉⲃⲟⲗ	ⲟⲩⲟϩ ⲡⲉϥⲱⲧ ⲧⲏⲣϥ ⲉϥⲉ̀ⲟⲗϥ ⲛ̀ⲫ̀ⲣⲏϯ ⲉ̀ⲧⲉ ϣⲁⲩⲱ̀ⲗⲓ ⲛ̀ⲟⲩⲱⲧ ⲉ̀ⲃⲟⲗ ϧⲉⲛ ⲟⲩⲉ̀ⲥⲱⲟⲩ ⲛ̀ⲧⲉ ⲟⲩϣⲟⲩϣⲱⲟⲩϣⲓ ⲛ̀ⲛⲟϩⲉⲙ ⲟⲩⲟϩ ⲉ̀ⲣⲉ ⲡⲓⲟⲩⲏⲃ ⲉϥⲉ̀ⲧⲁⲗⲟ ⲉ̀ϩ̀ⲣⲏⲓ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲉ̀ϫⲉⲛ ⲛⲓϭⲗⲓⲗ ⲛ̀ⲧⲉ ⲡ̀ϭⲟⲓⲥ ⲟⲩⲟϩ ⲉϥⲉ̀ⲧⲱⲃϩ ⲉ̀ϩ̀ⲣⲏⲓ ⲉ̀ϫⲱϥ ⲛ̀ϫⲉ ⲡⲓⲟⲩⲏⲃ ⲉⲑⲃⲉ ⲫ̀ⲛⲟⲃⲓ ⲉⲧⲁϥⲉⲣⲛⲟⲃⲓ ⲙ̀ⲙⲟϥ ⲟⲩⲟϩ ⲉⲩⲉ̀ⲭⲱ ⲛⲁϥ ⲉ̀ⲃⲟⲗ	ouoh pefōt tyrf efèolf ǹf̀ryti ète ṡavṑli ǹouōt èvol xen ouèsōou ǹte ouṡouṡōouṡi ǹnohem ouoh ère piouyb efètalo èh̀ryi èjen pimaǹerṡōouṡi èjen niċlil ǹte p̀ċois ouoh efètōvh èh̀ryi ègōf ǹje piouyb eθve f̀novi etafernovi m̀mof ouoh evèkō naf èvol	And he shall take away all his fat, as the fat of the lamb of the sacrifice of peace-offering is taken away, and the priest shall put it on the altar for a whole-burnt-offering to the Lord; and the priest shall make atonement for him for the sin which he sinned, and it shall be forgiven him.

Provenance

title: Leviticus 4
dialect: bohairic
source: Coptic SCRIPTORIUM corpus "bohairic.ot", document 03_Leviticus_04
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 4 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/04.bohairic.scriptorium.L0.txt
title: Leviticus 4 — Cairene
dialect: bohairic
source: generated from 04.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_04)
licence: CC BY-SA 4.0
share: attribution
attribution: Leviticus 4 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/04.bohairic.scriptorium.L1.txt
title: Leviticus 4 — Kemetic
dialect: bohairic
source: generated from 04.bohairic.scriptorium.L1.txt
licence: CC BY-SA 4.0
share: attribution
attribution: Leviticus 4 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/04.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 35 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_04 (35 lines)

Cite as:

Leviticus 4. Coptic SCRIPTORIUM corpus "bohairic.ot", document 03_Leviticus_04. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/04.bohairic.scriptorium/. Leviticus 4 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_04, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.