Leviticus 18 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_18

Attribution: Leviticus 18 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_18, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

30 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
18:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
18:2	ϫⲉⲥⲁϫⲓ ⲛⲉⲙⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ϫⲉ ⲥⲁϫⲓ ⲛⲉⲙ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲉⲕⲉ̀ϫⲟⲥ ⲛⲱⲟⲩ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	je saji nem nenṡyri ǹpisrayl ouoh ekègos nōou je anok pe p̀ċois petennouti	Speak to the children of Israel, and thou shalt say to them, I am the Lord your God.
18:3	ⲛⲛⲉⲧⲉⲛⲓⲣⲓ ⲕⲁⲧⲁⲛⲓⲙⲉⲧⲁⲧⲥⲃⲱ ⲛⲧⲉⲡⲕⲁϩⲓ ⲛⲭⲏⲙⲓ ⲫⲁⲓ ⲉⲧⲁⲣⲉⲧⲉⲛⲉⲣⲣⲉⲙⲛϫⲱⲓⲗⲓ ⲛϧⲏⲧϥ ⲟⲩⲟϩ ⲛⲛⲉⲧⲉⲛⲓⲣⲓ ⲕⲁⲧⲁⲛⲓⲙⲉⲧⲁⲧⲥⲃⲱ ⲛⲧⲉⲡⲕⲁϩⲓ ⲛⲭⲁⲛⲁⲁⲛ ⲫⲁⲓ ⲁⲛⲟⲕ ⲉϯⲛⲁⲉⲛ ⲑⲏⲛⲟⲩ ⲉϧⲟⲩⲛ ⲉⲣⲟϥ ⲟⲩⲟϩ ⲛⲛⲉⲧⲉⲛⲙⲟϣⲓ ⲛⲥⲁⲛⲟⲩⲛⲟⲙⲓⲙⲟⲛ	ⲛ̀ⲛⲉⲧⲉⲛⲓ̀ⲣⲓ ⲕⲁⲧⲁ ⲛⲓⲙⲉⲧⲁⲧⲥⲃⲱ ⲛ̀ⲧⲉ ⲡ̀ⲕⲁϩⲓ ⲛ̀ⲭⲏⲙⲓ ⲫⲁⲓ ⲉⲧⲁⲣⲉⲧⲉⲛⲉⲣⲣⲉⲙⲛϫⲱⲓⲗⲓ ⲛ̀ϧⲏⲧϥ ⲟⲩⲟϩ ⲛⲛⲉⲧⲉⲛⲓ̀ⲣⲓ ⲕⲁⲧⲁ ⲛⲓⲙⲉⲧⲁⲧⲥⲃⲱ ⲛ̀ⲧⲉ ⲡ̀ⲕⲁϩⲓ ⲛ̀ⲭⲁⲛⲁⲁⲛ ⲫⲁⲓ ⲁⲛⲟⲕ ⲉⲓⲛⲁⲉⲛ ⲑⲏⲛⲟⲩ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲛ̀ⲛⲉⲧⲉⲛⲙⲟϣⲓ ⲛ̀ⲥⲁ ⲛⲟⲩⲛⲟⲙⲓⲙⲟⲛ	ǹnetenìri kata nimetatsvō ǹte p̀kahi ǹkymi fai etaretenerremngōili ǹxytf ouoh nnetenìri kata nimetatsvō ǹte p̀kahi ǹxanaan fai anok einaen θynou èxoun èrof ouoh ǹnetenmoṡi ǹsa nounomimon	Ye shall not do according to the devices of Egypt, in which ye dwelt: and according to the devices of the land of Chanaan, into which I bring you, ye shall not do; and ye shall not walk in their ordinances.
18:4	ⲟⲩⲟϩ ⲛⲁϩⲁⲡ ⲉⲣⲉⲧⲉⲛⲉⲁⲓⲧⲟⲩ ⲟⲩⲟϩ ⲛⲁⲟⲩⲁϩⲥⲁϩⲛⲓ ⲉⲣⲉⲧⲉⲛⲉⲁⲣⲉϩ ⲉⲣⲱⲟⲩ ⲟⲩⲟϩ ⲙⲟϣⲓ ⲛϧⲣⲏⲓ ⲛϧⲏⲧⲟⲩ ⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ⲛⲁϩⲁⲡ ⲉ̀ⲣⲉⲧⲉⲛⲉⲁⲓⲧⲟⲩ ⲟⲩⲟϩ ⲛⲁⲟⲩⲁϩⲥⲁϩⲛⲓ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲣⲱⲟⲩ ⲟⲩⲟϩ ⲙⲟϣⲓ ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh nahap èreteneaitou ouoh naouahsahni èreteneàreh èrōou ouoh moṡi ǹx̀ryi ǹxytou anok pe p̀ċois petennouti	Ye shall observe my judgments, and shall keep my ordinances, and shall walk in them: I am the Lord your God.
18:5	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲛⲁⲟⲩⲁϩⲥⲁϩⲛⲓ ⲧⲏⲣⲟⲩ ⲛⲉⲙⲛⲁϩⲁⲡ ⲧⲏⲣⲟⲩ ⲟⲩⲟϩ ⲉⲣⲉⲧⲉⲛⲉⲁⲓⲧⲟⲩ ⲛⲁⲓ ⲉⲧⲉⲫⲣⲱⲙⲓ ⲛⲁⲁⲓⲧⲟⲩ ⲉϥⲉⲱⲛϧ ⲛϧⲏⲧⲟⲩ ⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲛⲁⲟⲩⲁϩⲥⲁϩⲛⲓ ⲧⲏⲣⲟⲩ ⲛⲉⲙ ⲛⲁϩⲁⲡ ⲧⲏⲣⲟⲩ ⲟⲩⲟϩ ⲉ̀ⲣⲉⲧⲉⲛⲉⲁⲓⲧⲟⲩ ⲛⲁⲓ ⲉ̀ⲧⲉ ⲫ̀ⲣⲱⲙⲓ ⲛⲁⲁⲓⲧⲟⲩ ⲉϥⲉ̀ⲱⲛϧ ⲛ̀ϧⲏⲧⲟⲩ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh èreteneàreh ènaouahsahni tyrou nem nahap tyrou ouoh èreteneaitou nai ète f̀rōmi naaitou efèōnx ǹxytou anok pe p̀ċois petennouti	So ye shall keep all my ordinances, and all my judgments, and do them; which if a man do, he shall live in them: I am the Lord your God.
18:6	ⲫⲣⲱⲙⲓ ⲫⲣⲱⲙⲓ ⲛⲛⲉϥⲧⲟⲙϥ ⲉⲉⲛⲭⲁⲓ ⲛⲓⲃⲉⲛ ⲉⲧⲏⲡ ⲉⲧⲉϥⲥⲁⲣⲝ ⲉⲃⲱϣ ⲛⲛⲟⲩϣⲓⲡⲓ ⲉⲃⲟⲗ ⲁⲛⲟⲕ ⲡϭⲟⲓⲥ	ⲫ̀ⲣⲱⲙⲓ ⲫ̀ⲣⲱⲙⲓ ⲛ̀ⲛⲉϥⲧⲟⲙϥ ⲉⲉⲛⲭⲁⲓ ⲛⲓⲃⲉⲛ ⲉⲧⲏⲡ ⲉ̀ⲧⲉϥⲥⲁⲣⲝ ⲉ̀ⲃⲱϣ ⲛ̀ⲛⲟⲩϣⲓⲡⲓ ⲉ̀ⲃⲟⲗ ⲁⲛⲟⲕ ⲡ̀ϭⲟⲓⲥ	f̀rōmi f̀rōmi ǹneftomf eenkai niven etyp ètefsarks èvōṡ ǹnouṡipi èvol anok p̀ċois	No man shall draw nigh to any of his near kindred to uncover their nakedness; I am the Lord.
18:7	ⲟⲩϣⲓⲡⲓ ⲛⲧⲉⲡⲉⲕⲓⲱⲧ ⲛⲉⲙⲟⲩϣⲓⲡⲓ ⲛⲧⲉⲧⲉⲕⲙⲁⲩ ⲛⲛⲉⲕϭⲟⲣⲡϥ ⲉⲃⲟⲗ ⲧⲉⲕⲙⲁⲩ ⲅⲁⲣ ⲧⲉ ⲛⲛⲉⲕϭⲱⲣⲡ ⲙⲡⲉⲥϣⲓⲡⲓ ⲉⲃⲟⲗ	ⲟⲩϣⲓⲡⲓ ⲛ̀ⲧⲉ ⲡⲉⲕⲓⲱⲧ ⲛⲉⲙ ⲟⲩϣⲓⲡⲓ ⲛ̀ⲧⲉ ⲧⲉⲕⲙⲁⲩ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲧⲉⲕⲙⲁⲩ ⲅⲁⲣ ⲧⲉ ⲛ̀ⲛⲉⲕϭⲱⲣⲡ ⲙ̀ⲡⲉⲥϣⲓⲡⲓ ⲉ̀ⲃⲟⲗ	ouṡipi ǹte pekiōt nem ouṡipi ǹte tekmav ǹnekċorpf èvol tekmav ġar te ǹnekċōrp m̀pesṡipi èvol	Thou shalt not uncover the nakedness of thy father, or the nakedness of thy mother, for she is thy mother; thou shalt not uncover her nakedness.
18:8	ⲡϣⲓⲡⲓ ⲛⲧⲉⲧⲥϩⲓⲙⲓ ⲙⲡⲉⲕⲓⲱⲧ ⲛⲛⲉⲕϭⲟⲣⲡϥ ⲉⲃⲟⲗ ⲟⲩϣⲓⲡⲓ ⲅⲁⲣ ⲡⲉ ⲛⲧⲉⲡⲉⲕⲓⲱⲧ	ⲡ̀ϣⲓⲡⲓ ⲛ̀ⲧⲉ ⲧ̀ⲥ̀ϩⲓⲙⲓ ⲛ̀ⲡⲉⲕⲓⲱⲧ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲟⲩϣⲓⲡⲓ ⲅⲁⲣ ⲡⲉ ⲛ̀ⲧⲉ ⲡⲉⲕⲓⲱⲧ	p̀ṡipi ǹte t̀s̀·himi ǹpekiōt ǹnekċorpf èvol ouṡipi ġar pe ǹte pekiōt	Thou shalt not uncover the nakedness of thy father's wife; it is thy father's nakedness.
18:9	ⲛⲛⲉⲕϭⲱⲣⲡ ⲉⲃⲟⲗ ⲙⲡϣⲓⲡⲓ ⲛⲧⲉⲧⲉⲕⲥⲱⲛⲓ ⲛϣⲉⲛⲓⲱⲧ ⲓⲉ ⲛϣⲉⲛⲙⲁⲩ ⲉⲁⲩⲙⲁⲥⲥ ⲛϧⲟⲩⲛ ⲓⲉ ⲟⲩⲙⲁⲥⲥ ⲙⲃⲟⲗ ⲛⲛⲉⲕϭⲱⲣⲡ ⲙⲡⲟⲩϣⲓⲡⲓ ⲉⲃⲟⲗ	ⲛ̀ⲛⲉⲕϭⲱⲣⲡ ⲉ̀ⲃⲟⲗ ⲛ̀ⲡ̀ϣⲓⲡⲓ ⲛ̀ⲧⲉ ⲧⲉⲕⲥⲱⲛⲓ ⲛ̀ϣⲉⲛⲓⲱⲧ ⲓⲉ ⲛ̀ϣⲉⲛⲙⲁⲩ ⲉⲁⲩⲙⲁⲥⲥ ⲛ̀ϧⲟⲩⲛ ⲓⲉ ⲟⲩⲙⲁⲥⲥ ⲛ̀ⲃⲟⲗ ⲛ̀ⲛⲉⲕϭⲱⲣⲡ ⲙ̀ⲡⲟⲩϣⲓⲡⲓ ⲉ̀ⲃⲟⲗ	ǹnekċōrp èvol ǹp̀ṡipi ǹte tek·sōni ǹṡeniōt ie ǹṡenmav eavmass ǹxoun ie oumass ǹvol ǹnekċōrp m̀pouṡipi èvol	The nakedness of thy sister by thy father or by thy mother, born at home or abroad, their nakedness thou shalt not uncover.
18:10	ⲟⲩϣⲓⲡⲓ ⲛⲧⲉⲧϣⲉⲣⲓ ⲛⲟⲩϣⲏⲣⲓ ⲛⲧⲁⲕ ⲓⲉ ⲧϣⲉⲣⲓ ⲛⲟⲩϣⲉⲣⲓ ⲛⲛⲉⲕϭⲟⲣⲡϥ ⲉⲃⲟⲗ ϫⲉⲟⲩⲏⲓ ⲅⲁⲣ ⲟⲩϣⲓⲡⲓ ⲛⲧⲁⲕ ⲡⲉ	ⲟⲩϣⲓⲡⲓ ⲛ̀ⲧⲉ ⲧ̀ϣⲉⲣⲓ ⲛ̀ⲟⲩϣⲏⲣⲓ ⲛ̀ⲧⲁⲕ ⲓⲉ ⲧ̀ϣⲉⲣⲓ ⲛ̀ⲟⲩϣⲉⲣⲓ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ϫⲉ ⲟⲩⲏⲓ ⲅⲁⲣ ⲟⲩϣⲓⲡⲓ ⲛ̀ⲧⲁⲕ ⲡⲉ	ouṡipi ǹte t̀ṡeri ǹouṡyri ǹtak ie t̀ṡeri ǹouṡeri ǹnekċorpf èvol je ouyi ġar ouṡipi ǹtak pe	The nakedness of thy son's daughter, or thy daughter's daughter, their nakedness thou shalt not uncover; because it is thy nakedness.
18:11	ⲟⲩϣⲓⲡⲓ ⲛⲧⲉⲧϣⲉⲣⲓ ⲛⲧⲥϩⲓⲙⲓ ⲙⲡⲉⲕⲓⲱⲧ ⲛⲛⲉⲕϭⲟⲣⲡϥ ⲉⲃⲟⲗ ⲧⲉⲕⲥⲱⲛⲓ ⲅⲁⲣ ⲛϣⲉⲛⲓⲱⲧ ⲧⲉ ⲛⲛⲉⲕϭⲱⲣⲡ ⲙⲡⲉⲥϣⲓⲡⲓ ⲉⲃⲟⲗ	ⲟⲩϣⲓⲡⲓ ⲛ̀ⲧⲉ ⲧ̀ϣⲉⲣⲓ ⲛ̀ⲧ̀ⲥ̀ϩⲓⲙⲓ ⲛ̀ⲡⲉⲕⲓⲱⲧ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲧⲉⲕⲥⲱⲛⲓ ⲅⲁⲣ ⲛ̀ϣⲉⲛⲓⲱⲧ ⲧⲉ ⲛ̀ⲛⲉⲕϭⲱⲣⲡ ⲙ̀ⲡⲉⲥϣⲓⲡⲓ ⲉ̀ⲃⲟⲗ	ouṡipi ǹte t̀ṡeri ǹt̀s̀·himi ǹpekiōt ǹnekċorpf èvol tek·sōni ġar ǹṡeniōt te ǹnekċōrp m̀pesṡipi èvol	Thou shalt not uncover the nakedness of the daughter of thy father's wife; she is thy sister by the same father: thou shalt not uncover her nakedness.
18:12	ⲟⲩϣⲓⲡⲓ ⲛⲧⲉⲧⲥⲱⲛⲓ ⲙⲡⲉⲕⲓⲱⲧ ⲛⲛⲉⲕϭⲟⲣⲡϥ ⲉⲃⲟⲗ ⲟⲩⲣⲉⲙⲛⲏⲓ ⲅⲁⲣ ⲛⲧⲉⲡⲉⲕⲓⲱⲧ ⲧⲉ	ⲟⲩϣⲓⲡⲓ ⲛ̀ⲧⲉ ⲧ̀ⲥⲱⲛⲓ ⲛ̀ⲡⲉⲕⲓⲱⲧ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲟⲩⲣⲉⲙⲛⲏⲓ ⲅⲁⲣ ⲛ̀ⲧⲉ ⲡⲉⲕⲓⲱⲧ ⲧⲉ	ouṡipi ǹte t̀sōni ǹpekiōt ǹnekċorpf èvol ouremnyi ġar ǹte pekiōt te	Thou shalt not uncover the nakedness of thy father's sister, for she is near akin to thy father.
18:13	ⲟⲩϣⲓⲡⲓ ⲛⲧⲉⲧⲥⲱⲛⲓ ⲛⲧⲉⲕⲙⲁⲩ ⲛⲛⲉⲕϭⲟⲣⲡϥ ⲉⲃⲟⲗ ⲟⲩⲣⲉⲙⲛⲏⲓ ⲅⲁⲣ ⲛⲧⲉⲧⲉⲕⲙⲁⲩ ⲧⲉ	ⲟⲩϣⲓⲡⲓ ⲛ̀ⲧⲉ ⲧ̀ⲥⲱⲛⲓ ⲛ̀ⲧⲉⲕⲙⲁⲩ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲟⲩⲣⲉⲙⲛⲏⲓ ⲅⲁⲣ ⲛ̀ⲧⲉ ⲧⲉⲕⲙⲁⲩ ⲧⲉ	ouṡipi ǹte t̀sōni ǹtekmav ǹnekċorpf èvol ouremnyi ġar ǹte tekmav te	Thou shalt not uncover the nakedness of thy mother's sister, for she is near akin to thy mother.
18:14	ⲟⲩϣⲓⲡⲓ ⲛⲧⲉⲡⲥⲟⲛ ⲙⲡⲉⲕⲓⲱⲧ ⲛⲛⲉⲕϭⲟⲣⲡϥ ⲉⲃⲟⲗ ⲛⲛⲉⲕϣⲉ ⲉϧⲟⲩⲛ ϩⲁⲧⲉϥⲥϩⲓⲙⲓ ⲟⲩⲥⲩⲅⲅⲉⲛⲏⲥ ⲛⲧⲁⲕ ⲧⲉ	ⲟⲩϣⲓⲡⲓ ⲛ̀ⲧⲉ ⲡ̀ⲥⲟⲛ ⲛ̀ⲡⲉⲕⲓⲱⲧ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲛ̀ⲛⲉⲕϣⲉ ⲉ̀ϧⲟⲩⲛ ϩⲁ ⲧⲉϥⲥ̀ϩⲓⲙⲓ ⲟⲩⲥⲩⲅⲅⲉⲛⲏⲥ ⲛ̀ⲧⲁⲕ ⲧⲉ	ouṡipi ǹte p̀·son ǹpekiōt ǹnekċorpf èvol ǹnekṡe èxoun ha tefs̀·himi ousingenys ǹtak te	Thou shalt not uncover the nakedness of thy father's brother, and thou shalt not go in to his wife; for she is thy relation.
18:15	ⲟⲩϣⲓⲡⲓ ⲛⲧⲉⲟⲩϣⲉⲗⲉⲧ ⲛⲧⲁⲕ ⲛⲛⲉⲕϭⲟⲣⲡϥ ⲉⲃⲟⲗ ⲟⲩⲥϩⲓⲙⲓ ⲛⲧⲉⲡⲉⲕϣⲏⲣⲓ ⲧⲉ ⲛⲛⲉⲕϭⲱⲣⲡ ⲙⲡⲉⲥϣⲓⲡⲓ ⲉⲃⲟⲗ	ⲟⲩϣⲓⲡⲓ ⲛ̀ⲧⲉ ⲟⲩϣⲉⲗⲉⲧ ⲛ̀ⲧⲁⲕ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲟⲩⲥ̀ϩⲓⲙⲓ ⲛ̀ⲧⲉ ⲡⲉⲕϣⲏⲣⲓ ⲧⲉ ⲛ̀ⲛⲉⲕϭⲱⲣⲡ ⲙ̀ⲡⲉⲥϣⲓⲡⲓ ⲉ̀ⲃⲟⲗ	ouṡipi ǹte ouṡelet ǹtak ǹnekċorpf èvol ous̀·himi ǹte pekṡyri te ǹnekċōrp m̀pesṡipi èvol	Thou shalt not uncover the nakedness of thy daughter-in-law, for she is thy son's wife, thou shalt not uncover her nakedness.
18:16	ⲟⲩϣⲓⲡⲓ ⲛⲧⲉⲧⲥϩⲓⲙⲓ ⲙⲡⲉⲕⲥⲟⲛ ⲛⲛⲉⲕϭⲟⲣⲡϥ ⲉⲃⲟⲗ ⲟⲩϣⲓⲡⲓ ⲅⲁⲣ ⲡⲉ ⲛⲧⲉⲡⲉⲕⲥⲟⲛ	ⲟⲩϣⲓⲡⲓ ⲛ̀ⲧⲉ ⲧ̀ⲥ̀ϩⲓⲙⲓ ⲛ̀ⲡⲉⲕⲥⲟⲛ ⲛ̀ⲛⲉⲕϭⲟⲣⲡϥ ⲉ̀ⲃⲟⲗ ⲟⲩϣⲓⲡⲓ ⲅⲁⲣ ⲡⲉ ⲛ̀ⲧⲉ ⲡⲉⲕⲥⲟⲛ	ouṡipi ǹte t̀s̀·himi ǹpek·son ǹnekċorpf èvol ouṡipi ġar pe ǹte pek·son	Thou shalt not uncover the nakedness of thy brother's wife: it is thy brother's nakedness.
18:17	ⲛⲛⲉⲕϭⲱⲣⲡ ⲉⲃⲟⲗ ⲙⲡϣⲓⲡⲓ ⲛⲧⲉⲟⲩⲥϩⲓⲙⲓ ⲛⲉⲙⲟⲩϣⲉⲣⲓ ⲛⲧⲁⲥ ⲛⲛⲉⲕϭⲓ ⲛⲧϣⲉⲣⲓ ⲛⲧⲉⲡⲉⲥϣⲏⲣⲓ ⲛⲉⲙⲧϣⲉⲣⲓ ⲛⲧⲉⲧⲉⲥϣⲉⲣⲓ ⲉⲡϭⲱⲣⲡ ⲙⲡⲟⲩϣⲓⲡⲓ ⲉⲃⲟⲗ ϩⲁⲛⲣⲉⲙϧⲉⲛⲏⲓ ⲅⲁⲣ ⲛⲧⲁⲕ ⲛⲉ ⲟⲩⲙⲉⲧⲁⲥⲉⲃⲏⲥ ⲧⲉ	ⲛ̀ⲛⲉⲕϭⲱⲣⲡ ⲉ̀ⲃⲟⲗ ⲛ̀ⲡ̀ϣⲓⲡⲓ ⲛ̀ⲧⲉ ⲟⲩⲥ̀ϩⲓⲙⲓ ⲛⲉⲙ ⲟⲩϣⲉⲣⲓ ⲛ̀ⲧⲁⲥ ⲛ̀ⲛⲉⲕϭⲓ ⲛ̀ⲧ̀ϣⲉⲣⲓ ⲛ̀ⲧⲉ ⲡⲉⲥϣⲏⲣⲓ ⲛⲉⲙ ⲧ̀ϣⲉⲣⲓ ⲛ̀ⲧⲉ ⲧⲉⲥϣⲉⲣⲓ ⲉ̀ⲡ̀ϭⲱⲣⲡ ⲙ̀ⲡⲟⲩϣⲓⲡⲓ ⲉ̀ⲃⲟⲗ ϩⲁⲛⲣⲉⲙϧⲉⲛⲏⲓ ⲅⲁⲣ ⲛ̀ⲧⲁⲕ ⲛⲉ ⲟⲩⲙⲉⲧⲁⲥⲉⲃⲏⲥ ⲧⲉ	ǹnekċōrp èvol ǹp̀ṡipi ǹte ous̀·himi nem ouṡeri ǹtas ǹnekċi ǹt̀ṡeri ǹte pesṡyri nem t̀ṡeri ǹte tesṡeri èp̀ċōrp m̀pouṡipi èvol hanremxenyi ġar ǹtak ne oumetasebys te	The nakedness of a woman and her daughter shalt thou not uncover; her son's daughter, and her daughter's daughter, shalt thou not take, to uncover their nakedness, for they are thy kinswomen: it is impiety.
18:18	ⲛⲛⲉⲕϭⲓ ⲛⲟⲩⲥϩⲓⲙⲓ ⲉϫⲉⲛⲧⲉⲥⲥⲱⲛⲓ ⲉⲥ ⲟⲩⲃⲏⲥ ϧⲉⲛⲟⲩⲭⲟϩ ⲉϭⲱⲣⲡ ⲙⲡⲉⲥϣⲓⲡⲓ ⲉⲃⲟⲗ ⲉϩⲣⲏⲓ ⲉϫⲱⲥ	ⲛ̀ⲛⲉⲕϭⲓ ⲛ̀ⲟⲩⲥ̀ϩⲓⲙⲓ ⲉ̀ϫⲉⲛ ⲧⲉⲥⲥⲱⲛⲓ ⲉⲥ ⲟⲩⲃⲏⲥ ϧⲉⲛ ⲟⲩⲭⲟϩ ⲉ̀ϭⲱⲣⲡ ⲙ̀ⲡⲉⲥϣⲓⲡⲓ ⲉ̀ⲃⲟⲗ ⲉ̀ϩ̀ⲣⲏⲓ ⲉ̀ϫⲱⲥ	ǹnekċi ǹous̀·himi èjen tessōni es ouvys xen oukoh èċōrp m̀pesṡipi èvol èh̀ryi ègōs	Thou shalt not take a wife in addition to her sister, as a rival, to uncover her nakedness in opposition to her, while she is yet living.
18:19	ⲟⲩⲟϩ ⲛⲛⲉⲕϣⲉⲛⲁⲕ ⲉϧⲟⲩⲛ ϩⲁⲟⲩⲥϩⲓⲙⲓ ⲉⲁⲩⲟⲩⲟⲧⲥ ⲉⲃⲟⲗ ⲉⲥ ϧⲉⲛⲡⲉⲥϭⲱϧⲉⲙ ⲉϭⲱⲣⲡ ⲙⲡⲉⲥϣⲓⲡⲓ ⲉⲃⲟⲗ	ⲟⲩⲟϩ ⲛⲛⲉⲕϣⲉⲛⲁⲕ ⲉ̀ϧⲟⲩⲛ ϩⲁ ⲟⲩⲥ̀ϩⲓⲙⲓ ⲉⲁⲩⲟⲩⲟⲧⲥ ⲉ̀ⲃⲟⲗ ⲉⲥ ϧⲉⲛ ⲡⲉⲥϭⲱϧⲉⲙ ⲉ̀ϭⲱⲣⲡ ⲙ̀ⲡⲉⲥϣⲓⲡⲓ ⲉ̀ⲃⲟⲗ	ouoh nnekṡenak èxoun ha ous̀·himi eavouots èvol es xen pesċōxem èċōrp m̀pesṡipi èvol	And thou shalt not go in to a woman under separation for her uncleanness, to uncover her nakedness.
18:20	ⲟⲩⲟϩ ⲛⲛⲉⲕϯ ⲛⲟⲩϣⲁⲓⲣⲓ ⲛⲧⲉⲟⲩϫⲣⲟϫ ⲛⲧⲁⲕ ϧⲉⲛϯⲥϩⲓⲙⲓ ⲙⲡⲉⲕϣⲫⲏⲣ ϩⲱⲥⲇⲉ ⲉϭⲱϧⲉⲙ ⲛϧⲏⲧⲥ	ⲟⲩⲟϩ ⲛ̀ⲛⲉⲕϯ ⲛ̀ⲟⲩϣⲁⲓⲣⲓ ⲛ̀ⲧⲉ ⲟⲩϫ̀ⲣⲟϫ ⲛ̀ⲧⲁⲕ ϧⲉⲛ ϯⲥ̀ϩⲓⲙⲓ ⲛ̀ⲡⲉⲕϣ̀ⲫⲏⲣ ϩⲱⲥ ⲇⲉ ⲉ̀ϭⲱϧⲉⲙ ⲛ̀ϧⲏⲧⲥ	ouoh ǹnekti ǹouṡairi ǹte oug̀rog ǹtak xen tis̀·himi ǹpekṡ̀fyr hōs ḋe èċōxem ǹxyts	And thou shalt not lie with thy neighbour's wife, to defile thyself with her.
18:21	ⲟⲩⲟϩ ⲛⲛⲉⲕϯ ⲉⲃⲟⲗ ϧⲉⲛⲡⲉⲕϫⲣⲟϫ ⲉⲑⲣⲉϥϣⲉⲙϣⲓ ⲛⲟⲩⲁⲣⲭⲱⲛ ⲟⲩⲟϩ ⲛⲛⲉⲕⲥⲱϥ ⲙⲡⲓⲣⲁⲛ ⲉⲑⲟⲩⲁⲃ ⲁⲛⲟⲕ ⲡⲉ ⲡϭⲟⲓⲥ	ⲟⲩⲟϩ ⲛ̀ⲛⲉⲕϯ ⲉ̀ⲃⲟⲗ ϧⲉⲛ ⲡⲉⲕϫ̀ⲣⲟϫ ⲉ̀ⲑⲣⲉϥϣⲉⲙϣⲓ ⲛ̀ⲟⲩⲁⲣⲭⲱⲛ ⲟⲩⲟϩ ⲛ̀ⲛⲉⲕⲥⲱϥ ⲛ̀ⲡⲓⲣⲁⲛ ⲉⲑⲟⲩⲁⲃ ⲁⲛⲟⲕ ⲡⲉ ⲡ̀ϭⲟⲓⲥ	ouoh ǹnekti èvol xen pekg̀rog èθrefṡemṡi ǹouarxōn ouoh ǹnek·sōf ǹpiran eθouab anok pe p̀ċois	And thou shalt not give of thy seed to serve a ruler; and thou shalt not profane my holy name; I am the Lord.
18:22	ⲛⲛⲉⲕⲉⲛⲕⲟⲧ ⲛⲉⲙϩⲱⲟⲩⲧ ⲉⲟⲩϣⲁⲓⲣⲓ ⲛⲧⲉⲟⲩⲥϩⲓⲙⲓ ⲟⲩⲥⲱϥ ⲅⲁⲣ ⲡⲉ	ⲛ̀ⲛⲉⲕⲉⲛⲕⲟⲧ ⲛⲉⲙ ϩⲱⲟⲩⲧ ⲉ̀ⲟⲩϣⲁⲓⲣⲓ ⲛ̀ⲧⲉ ⲟⲩⲥ̀ϩⲓⲙⲓ ⲟⲩⲥⲱϥ ⲅⲁⲣ ⲡⲉ	ǹnekenkot nem hōout èouṡairi ǹte ous̀·himi ousōf ġar pe	And thou shalt not lie with a man as with a woman, for it is an abomination.
18:23	ⲟⲩⲟϩ ⲛⲛⲉⲕϯ ⲛⲧⲉⲕϣⲁⲓⲣⲓ ⲛⲉⲙϥⲧⲉⲫⲁⲧ ⲛⲓⲃⲉⲛ ⲉϯϫⲣⲟϫ ⲛⲧⲉⲕϭⲱϧⲉⲙ ϧⲁⲣⲟϥ ⲟⲩⲟϩ ⲟⲩⲥϩⲓⲙⲓ ⲛⲛⲉⲥⲟϩⲓ ⲉⲣⲁⲧⲥ ϧⲁⲧⲉⲛϥⲧⲉⲫⲁⲧ ⲛⲓⲃⲉⲛ ⲛⲧⲉϥⲁⲗⲏⲓ ⲉϫⲱⲥ ⲟⲩⲱⲣⲉⲃ ⲅⲁⲣ ⲡⲉ	ⲟⲩⲟϩ ⲛ̀ⲛⲉⲕϯ ⲛ̀ⲧⲉⲕϣⲁⲓⲣⲓ ⲛⲉⲙ ϥⲧⲉⲫⲁⲧ ⲛⲓⲃⲉⲛ ⲉ̀ϯϫ̀ⲣⲟϫ ⲛ̀ⲧⲉⲕϭⲱϧⲉⲙ ϧⲁⲣⲟϥ ⲟⲩⲟϩ ⲟⲩⲥ̀ϩⲓⲙⲓ ⲛ̀ⲛⲉⲥⲟ̀ϩⲓ ⲉ̀ⲣⲁⲧⲥ ϧⲁⲧⲉⲛ ϥⲧⲉⲫⲁⲧ ⲛⲓⲃⲉⲛ ⲛ̀ⲧⲉϥⲁⲗⲏⲓ ⲉ̀ϫⲱⲥ ⲟⲩⲱⲣⲉⲃ ⲅⲁⲣ ⲡⲉ	ouoh ǹnekti ǹtekṡairi nem ftefat niven ètig̀rog ǹtekċōxem xarof ouoh ous̀·himi ǹnesòhi èrats xaten ftefat niven ǹtefalyi ègōs ouōreb ġar pe	Neither shalt thou lie with any quadruped for copulation, to be polluted with it: neither shall a woman present herself before any quadruped to have connexion with it; for it is an abomination.
18:24	ⲙⲡⲉⲣⲥⲱϥ ϧⲉⲛⲛⲁⲓ ⲧⲏⲣⲟⲩ ⲁⲩⲥⲱϥ ⲅⲁⲣ ϧⲉⲛⲛⲁⲓ ⲧⲏⲣⲟⲩ ⲛϫⲉⲛⲓⲉⲑⲛⲟⲥ ⲛⲏ ⲉϯⲛⲁϩⲓⲧⲟⲩ ⲉⲃⲟⲗ ϧⲁⲧϩⲏ ⲙⲡⲉⲧⲉⲛϩⲟ	ⲙ̀ⲡⲉⲣⲥⲱϥ ϧⲉⲛ ⲛⲁⲓ ⲧⲏⲣⲟⲩ ⲁⲩⲥⲱϥ ⲅⲁⲣ ϧⲉⲛ ⲛⲁⲓ ⲧⲏⲣⲟⲩ ⲛ̀ϫⲉ ⲛⲓⲉⲑⲛⲟⲥ ⲛⲏ ⲉⲓⲛⲁϩⲓⲧⲟⲩ ⲉ̀ⲃⲟⲗ ϧⲁⲧ̀ϩⲏ ⲛ̀ⲡⲉⲧⲉⲛϩⲟ	m̀persōf xen nai tyrou avsōf ġar xen nai tyrou ǹje nieθnos ny einahitou èvol xat̀·hy ǹpetenho	Do not defile yourselves with any of these things; for in all these things the nations are defiled, which I drive out before you,
18:25	ⲟⲩⲟϩ ⲁ ⲡⲕⲁϩⲓ ⲥⲱϥ ⲉⲙⲁϣⲱ ⲟⲩⲟϩ ⲉⲑⲃⲏⲧϥ ⲁⲓϯϣⲉⲃⲓⲱ ⲛⲱⲟⲩ ⲛⲛⲟⲩⲁⲇⲓⲕⲓⲁ ⲟⲩⲟϩ ⲁ ⲡⲕⲁϩⲓ ϩⲣⲟϣ ⲉϫⲉⲛⲛⲏ ⲉⲧϩⲉⲙⲥⲓ ϩⲓϫⲱϥ	ⲟⲩⲟϩ ⲁ ⲡ̀ⲕⲁϩⲓ ⲥⲱϥ ⲉ̀ⲙⲁϣⲱ ⲟⲩⲟϩ ⲉⲑⲃⲏⲧϥ ⲁⲓϯϣⲉⲃⲓⲱ ⲛⲱⲟⲩ ⲛ̀ⲛⲟⲩⲁ̀ⲇⲓⲕⲓⲁ ⲟⲩⲟϩ ⲁ ⲡ̀ⲕⲁϩⲓ ϩⲣⲟϣ ⲉ̀ϫⲉⲛ ⲛⲏ ⲉⲧϩⲉⲙⲥⲓ ϩⲓϫⲱϥ	ouoh a p̀kahi sōf èmaṡō ouoh eθvytf aitiṡeviō nōou ǹnouàḋikia ouoh a p̀kahi hroṡ èjen ny et·hemsi higōf	and the land is polluted; and I have recompensed their iniquity to them because of it, and the land is aggrieved with them that dwell upon it.
18:26	ⲟⲩⲟϩ ⲁⲣⲉϩ ⲉⲛⲁⲛⲟⲙⲓⲙⲟⲛ ⲧⲏⲣⲟⲩ ⲛⲉⲙⲛⲁⲟⲩⲁϩⲥⲁϩⲛⲓ ⲧⲏⲣⲟⲩ ⲟⲩⲟϩ ⲛⲛⲉⲧⲉⲛⲓⲣⲓ ⲉⲃⲟⲗ ϧⲉⲛⲛⲁⲓⲱⲣⲉⲃ ⲧⲏⲣⲟⲩ ⲓⲧⲉ ⲡⲓⲣⲉⲙⲛϯⲙⲓ ⲓⲧⲉ ⲡⲓϣⲉⲙⲙⲟ ⲉⲧⲁϥϣⲟⲡ ϧⲉⲛⲑⲏⲛⲟⲩ	ⲟⲩⲟϩ ⲁ̀ⲣⲉϩ ⲉ̀ⲛⲁⲛⲟⲙⲓⲙⲟⲛ ⲧⲏⲣⲟⲩ ⲛⲉⲙ ⲛⲁⲟⲩⲁϩⲥⲁϩⲛⲓ ⲧⲏⲣⲟⲩ ⲟⲩⲟϩ ⲛⲛⲉⲧⲉⲛⲓ̀ⲣⲓ ⲉ̀ⲃⲟⲗ ϧⲉⲛ ⲛⲁⲓⲱⲣⲉⲃ ⲧⲏⲣⲟⲩ ⲓⲧⲉ ⲡⲓⲣⲉⲙⲛϯⲙⲓ ⲓⲧⲉ ⲡⲓϣⲉⲙⲙⲟ ⲉⲧⲁϥϣⲟⲡ ϧⲉⲛ ⲑⲏⲛⲟⲩ	ouoh àreh ènanomimon tyrou nem naouahsahni tyrou ouoh nnetenìri èvol xen naiōreb tyrou ite piremntimi ite piṡemmo etafṡop xen θynou	And ye shall keep all my statutes and all my ordinances, and ye shall do none of these abominations; neither the native, nor the stranger that joins himself with you:
18:27	ⲛⲁⲓⲱⲣⲉⲃ ⲅⲁⲣ ⲧⲏⲣⲟⲩ ⲁⲩⲁⲓⲧⲟⲩ ⲛϫⲉⲛⲓⲣⲱⲙⲓ ⲛⲧⲉⲡⲓⲕⲁϩⲓ ⲛⲏ ⲉⲛⲁⲩ ϧⲁϫⲱⲧⲉⲛ ⲟⲩⲟϩ ⲛⲧⲉⲡⲕⲁϩⲓ ⲥⲱϥ	ⲛⲁⲓⲱⲣⲉⲃ ⲅⲁⲣ ⲧⲏⲣⲟⲩ ⲁⲩⲁⲓⲧⲟⲩ ⲛ̀ϫⲉ ⲛⲓⲣⲱⲙⲓ ⲛ̀ⲧⲉ ⲡⲓⲕⲁϩⲓ ⲛⲏ ⲉⲛⲁⲩ ϧⲁϫⲱⲧⲉⲛ ⲟⲩⲟϩ ⲛ̀ⲧⲉ ⲡ̀ⲕⲁϩⲓ ⲥⲱϥ	naiōreb ġar tyrou avaitou ǹje nirōmi ǹte pikahi ny enav xagōten ouoh ǹte p̀kahi sōf	(for all these abominations the men of the land did who were before you, and the land was defiled,)
18:28	ⲟⲩⲟϩ ϩⲓⲛⲁ ⲛⲧⲉϣⲧⲉⲙ ⲡⲓⲕⲁϩⲓ ϩⲣⲟϣ ⲉϫⲉⲛⲑⲏⲛⲟⲩ ⲟⲩⲟϩ ⲛⲧⲉϥⲙⲉⲥⲧⲉ ⲑⲏⲛⲟⲩ ϧⲉⲛⲡϫⲓⲛⲑⲣⲉⲧⲉⲛⲥⲟϥϥ ⲙⲫⲣⲏϯ ⲉⲧⲁϥϩⲣⲟϣ ⲉϫⲉⲛⲛⲓⲉⲑⲛⲟⲥ ⲉⲛⲁⲩ ϧⲁϫⲱⲧⲉⲛ	ⲟⲩⲟϩ ϩⲓⲛⲁ ⲛ̀ⲧⲉϣ̀ⲧⲉⲙ ⲡⲓⲕⲁϩⲓ ϩⲣⲟϣ ⲉ̀ϫⲉⲛ ⲑⲏⲛⲟⲩ ⲟⲩⲟϩ ⲛ̀ⲧⲉϥⲙⲉⲥⲧⲉ ⲑⲏⲛⲟⲩ ϧⲉⲛ ⲡ̀ϫⲓⲛⲑⲣⲉⲧⲉⲛⲥⲟϥϥ ⲛ̀ⲫ̀ⲣⲏϯ ⲉⲧⲁϥϩⲣⲟϣ ⲉ̀ϫⲉⲛ ⲛⲓⲉⲑⲛⲟⲥ ⲉⲛⲁⲩ ϧⲁϫⲱⲧⲉⲛ	ouoh hina ǹteṡ̀tem pikahi hroṡ èjen θynou ouoh ǹtefmeste θynou xen p̀jinθretensoff ǹf̀ryti etafhroṡ èjen nieθnos enav xagōten	and lest the land be aggrieved with you in your polluting it, as it was aggrieved with the nations before you.
18:29	ϫⲉⲫⲏ ⲛⲓⲃⲉⲛ ⲉⲧⲛⲁⲓⲣⲓ ⲉⲃⲟⲗ ϧⲉⲛⲛⲁⲓⲥⲱϥ ⲉⲩⲉϥⲱϯ ⲉⲃⲟⲗ ⲛϫⲉⲛⲓⲯⲩⲭⲏ ⲉⲧⲛⲁⲓⲣⲓ ⲛⲛⲁⲓ ⲉⲃⲟⲗ ϧⲉⲛⲑⲙⲏϯ ⲙⲡⲟⲩⲗⲁⲟⲥ	ϫⲉ ⲫⲏ ⲛⲓⲃⲉⲛ ⲉⲧⲛⲁⲓ̀ⲣⲓ ⲉ̀ⲃⲟⲗ ϧⲉⲛ ⲛⲁⲓⲥⲱϥ ⲉⲩⲉ̀ϥⲱϯ ⲉ̀ⲃⲟⲗ ⲛ̀ϫⲉ ⲛⲓⲯⲩⲭⲏ ⲉⲧⲛⲁⲓ̀ⲣⲓ ⲛ̀ⲛⲁⲓ ⲉ̀ⲃⲟⲗ ϧⲉⲛ ⲑ̀ⲙⲏϯ ⲛ̀ⲡⲟⲩⲗⲁⲟⲥ	je fy niven etnaìri èvol xen naisōf evèfōti èvol ǹje nipsiṡy etnaìri ǹnai èvol xen θ̀myti ǹpoulaos	For whosoever shall do any of these abominations, the souls that do them shall be destroyed from among their people.
18:30	ⲟⲩⲟϩ ⲁⲣⲉϩ ⲉⲛⲁⲟⲩⲁϩⲥⲁϩⲛⲓ ϩⲟⲡⲱⲥ ⲛⲧⲉⲧⲉⲛϣⲧⲉⲙⲓⲣⲓ ⲉⲃⲟⲗ ϧⲉⲛⲛⲓⲛⲟⲙⲓⲙⲟⲛ ⲧⲏⲣⲟⲩ ⲉⲧⲟⲣⲉⲃ ⲛⲁⲓ ⲉⲧⲁⲩϣⲱⲡⲓ ⲙⲙⲁⲩ ϧⲁϫⲱⲧⲉⲛ ⲟⲩⲟϩ ⲛⲛⲉⲧⲉⲛϭⲱϧⲉⲙ ⲛϧⲏⲧⲟⲩ ϫⲉⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ⲁ̀ⲣⲉϩ ⲉ̀ⲛⲁⲟⲩⲁϩⲥⲁϩⲛⲓ ϩⲟⲡⲱⲥ ⲛ̀ⲧⲉⲧⲉⲛϣⲧⲉⲙⲓ̀ⲣⲓ ⲉ̀ⲃⲟⲗ ϧⲉⲛ ⲛⲓⲛⲟⲙⲓⲙⲟⲛ ⲧⲏⲣⲟⲩ ⲉⲧⲟⲣⲉⲃ ⲛⲁⲓ ⲉ̀ⲧⲁⲩϣⲱⲡⲓ ⲙ̀ⲙⲁⲩ ϧⲁϫⲱⲧⲉⲛ ⲟⲩⲟϩ ⲛ̀ⲛⲉⲧⲉⲛϭⲱϧⲉⲙ ⲛ̀ϧⲏⲧⲟⲩ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh àreh ènaouahsahni hopōs ǹtetenṡtemìri èvol xen ninomimon tyrou etoreb nai ètavṡōpi m̀mav xagōten ouoh ǹnetenċōxem ǹxytou je anok pe p̀ċois petennouti	And ye shall keep mine ordinances, that ye may not do any of the abominable practices, which have taken place before your time: and ye shall not be polluted in them; for I am the Lord your God.

Provenance

title: Leviticus 18
dialect: bohairic
source: Coptic SCRIPTORIUM corpus "bohairic.ot", document 03_Leviticus_18
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 18 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_18, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/18.bohairic.scriptorium.L0.txt
title: Leviticus 18 — Cairene
dialect: bohairic
source: generated from 18.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_18)
licence: CC BY-SA 4.0
share: attribution
attribution: Leviticus 18 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_18, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/18.bohairic.scriptorium.L1.txt
title: Leviticus 18 — Kemetic
dialect: bohairic
source: generated from 18.bohairic.scriptorium.L1.txt
licence: CC BY-SA 4.0
share: attribution
attribution: Leviticus 18 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_18, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/18.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 30 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_18 (30 lines)

Cite as:

Leviticus 18. Coptic SCRIPTORIUM corpus "bohairic.ot", document 03_Leviticus_18. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/18.bohairic.scriptorium/. Leviticus 18 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_18, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.