Leviticus 22 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 03_Leviticus_22

Attribution: Leviticus 22 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_22, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

33 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
22:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
22:2	ϫⲉⲁϫⲟⲥ ⲛⲁⲁⲣⲱⲛ ⲛⲉⲙⲛⲉϥϣⲏⲣⲓ ⲟⲩⲟϩ ⲙⲁⲣⲟⲩϯϩⲑⲏⲟⲩ ⲉⲃⲟⲗ ϩⲁⲛⲏ ⲉⲑⲟⲩⲁⲃ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲛⲛⲟⲩⲥⲱϥ ⲙⲫⲣⲁⲛ ⲛⲧⲉⲛⲏ ⲉⲑⲟⲩⲁⲃ ⲛⲧⲏⲓ ⲛⲏ ⲧⲏⲣⲟⲩ ⲉⲧⲟⲩⲛⲁⲉⲣⲁⲅⲓⲁⲍⲓⲛ ⲙⲙⲱⲟⲩ ⲛⲏⲓ ⲁⲛⲟⲕ ⲡⲉ ⲡϭⲟⲓⲥ	ϫⲉ ⲁ̀ϫⲟⲥ ⲛ̀ⲁⲁⲣⲱⲛ ⲛⲉⲙ ⲛⲉϥϣⲏⲣⲓ ⲟⲩⲟϩ ⲙⲁⲣⲟⲩϯϩ̀ⲑⲏⲟⲩ ⲉ̀ⲃⲟⲗ ϩⲁ ⲛⲏ ⲉⲑⲟⲩⲁⲃ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲛⲛⲟⲩⲥⲱϥ ⲛ̀ⲫ̀ⲣⲁⲛ ⲛ̀ⲧⲉ ⲛⲏ ⲉⲑⲟⲩⲁⲃ ⲛ̀ⲧⲏⲓ ⲛⲏ ⲧⲏⲣⲟⲩ ⲉⲧⲟⲩⲛⲁⲉⲣⲁⲅⲓⲁⲍⲓⲛ ⲙ̀ⲙⲱⲟⲩ ⲛⲏⲓ ⲁⲛⲟⲕ ⲡⲉ ⲡ̀ϭⲟⲓⲥ	je àgos ǹaarōn nem nefṡyri ouoh maroutih̀θyou èvol ha ny eθouab ǹte nenṡyri ǹpisrayl ouoh nnousōf ǹf̀ran ǹte ny eθouab ǹtyi ny tyrou etounaeragiazin m̀mōou nyi anok pe p̀ċois	Speak to Aaron and to his sons, and let them take heed concerning the holy things of the children of Israel, so they shall not profane my holy name in any of the things which they consecrate to me: I am the Lord.
22:3	ⲁϫⲟⲥ ⲛⲱⲟⲩ ϫⲉϧⲉⲛⲛⲉⲧⲉⲛϫⲱⲟⲩ ⲣⲱⲙⲓ ⲛⲓⲃⲉⲛ ⲉⲃⲟⲗ ϧⲉⲛⲡⲉⲧⲉⲛϫⲣⲟϫ ⲧⲏⲣϥ ⲉⲧⲛⲁⲓ ⲉϧⲟⲩⲛ ⲉⲛⲏ ⲉⲑⲟⲩⲁⲃ ⲛⲏ ⲧⲏⲣⲟⲩ ⲉⲧⲟⲩⲛⲁⲧⲟⲩⲃⲱⲟⲩ ⲙⲡϭⲟⲓⲥ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲡⲉϥϭⲱϧⲉⲙ ⲉϥ ⲉⲥⲉϥⲱϯ ⲉⲃⲟⲗ ϩⲁⲣⲟⲓ ⲛϫⲉϯⲯⲩⲭⲏ ⲉⲧⲉⲙⲙⲁⲩ ⲁⲛⲟⲕ ⲡⲉ ⲡϭⲟⲓⲥ	ⲁ̀ϫⲟⲥ ⲛⲱⲟⲩ ϫⲉ ϧⲉⲛ ⲛⲉⲧⲉⲛϫⲱⲟⲩ ⲣⲱⲙⲓ ⲛⲓⲃⲉⲛ ⲉ̀ⲃⲟⲗ ϧⲉⲛ ⲡⲉⲧⲉⲛϫ̀ⲣⲟϫ ⲧⲏⲣϥ ⲉⲧⲛⲁⲓ ⲉ̀ϧⲟⲩⲛ ⲉ̀ⲛⲏ ⲉⲑⲟⲩⲁⲃ ⲛⲏ ⲧⲏⲣⲟⲩ ⲉⲧⲟⲩⲛⲁⲧⲟⲩⲃⲱⲟⲩ ⲛ̀ⲡ̀ϭⲟⲓⲥ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲡⲉϥϭⲱϧⲉⲙ ⲉϥ ⲉⲥⲉϥⲱϯ ⲉ̀ⲃⲟⲗ ϩⲁⲣⲟⲓ ⲛ̀ϫⲉ ϯⲯⲩⲭⲏ ⲉ̀ⲧⲉ ⲙ̀ⲙⲁⲩ ⲁⲛⲟⲕ ⲡⲉ ⲡ̀ϭⲟⲓⲥ	àgos nōou je xen netengōou rōmi niven èvol xen peteng̀rog tyrf etnai èxoun èny eθouab ny tyrou etounatouvōou ǹp̀ċois ǹje nenṡyri ǹpisrayl ouoh pefċōxem ef esefōti èvol haroi ǹje tipsiṡy ète m̀mav anok pe p̀ċois	Say to them, Every man throughout your generations, whoever of all your seed shall approach to the holy things, whatsoever the children of Israel shall consecrate to the Lord, while his uncleanness is upon him, that soul shall be cut off from me: I am the Lord your God.
22:4	ⲟⲩⲟϩ ⲟⲩⲣⲱⲙⲓ ⲉⲃⲟⲗ ϧⲉⲛⲡϫⲣⲟϫ ⲛⲁⲁⲣⲱⲛ ⲡⲓⲟⲩⲏⲃ ⲉϣⲱⲡ ⲉϥⲟⲓ ⲛⲥⲉϩⲧ ⲓⲉ ⲉϥⲧⲉⲗⲧⲉⲗ ϫⲣⲟϫ ⲛⲛⲉϥⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ ϣⲁⲧⲉϥⲧⲟⲩⲃⲟ ⲟⲩⲟϩ ⲫⲏ ⲉⲧⲛⲁϭⲓ ⲛⲉⲙϭⲱϧⲉⲙ ⲛⲓⲃⲉⲛ ⲛⲧⲉⲟⲩⲯⲩⲭⲏ ⲓⲉ ⲟⲩⲣⲱⲙⲓ ⲫⲏ ⲉⲧⲉⲟⲩⲟⲛ ⲟⲩϣⲁⲓⲣⲓ ⲛϫⲣⲟϫ ⲛⲁⲓ ⲉⲃⲟⲗ ⲙⲙⲟϥ	ⲟⲩⲟϩ ⲟⲩⲣⲱⲙⲓ ⲉ̀ⲃⲟⲗ ϧⲉⲛ ⲡ̀ϫ̀ⲣⲟϫ ⲛ̀ⲁⲁⲣⲱⲛ ⲡⲓⲟⲩⲏⲃ ⲉϣⲱⲡ ⲉϥⲟⲓ ⲛ̀ⲥⲉϩⲧ ⲓⲉ ⲉϥⲧⲉⲗⲧⲉⲗ ϫ̀ⲣⲟϫ ⲛ̀ⲛⲉϥⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ ϣⲁⲧⲉϥⲧⲟⲩⲃⲟ ⲟⲩⲟϩ ⲫⲏ ⲉⲧⲛⲁϭⲓ ⲛⲉⲙ ϭⲱϧⲉⲙ ⲛⲓⲃⲉⲛ ⲛ̀ⲧⲉ ⲟⲩⲯⲩⲭⲏ ⲓⲉ ⲟⲩⲣⲱⲙⲓ ⲫⲏ ⲉ̀ⲧⲉ ⲟⲩⲟⲛ ⲟⲩϣⲁⲓⲣⲓ ⲛ̀ϫ̀ⲣⲟϫ ⲛⲁⲓ ⲉ̀ⲃⲟⲗ ⲙ̀ⲙⲟϥ	ouoh ourōmi èvol xen p̀g̀rog ǹaarōn piouyb eṡōp efoi ǹseht ie efteltel g̀rog ǹnefouōm èvol xen ny eθouab ṡateftouvo ouoh fy etnaċi nem ċōxem niven ǹte oupsiṡy ie ourōmi fy ète ouon ouṡairi ǹg̀rog nai èvol m̀mof	And the man of the seed of Aaron the priest, if he should have leprosy or issue of the reins, shall not eat of the holy things, until he be cleansed; and he that touches any uncleanness of a dead body, or the man whose seed of copulation shall have gone out from him,
22:5	ⲓⲉ ⲫⲏ ⲛⲓⲃⲉⲛ ⲉⲧⲛⲁϭⲓ ⲛⲉⲙϭⲁⲧϥⲓ ⲛⲓⲃⲉⲛ ⲉϥϭⲱϧⲉⲙ ⲫⲏ ⲉⲧⲥⲱϥ ⲙⲙⲟϥ ⲕⲁⲧⲁϭⲱϧⲉⲙ ⲛⲓⲃⲉⲛ ⲛⲧⲁϥ	ⲓⲉ ⲫⲏ ⲛⲓⲃⲉⲛ ⲉⲧⲛⲁϭⲓ ⲛⲉⲙ ϭⲁⲧϥⲓ ⲛⲓⲃⲉⲛ ⲉϥϭⲱϧⲉⲙ ⲫⲏ ⲉⲧⲥⲱϥ ⲙ̀ⲙⲟϥ ⲕⲁⲧⲁ ϭⲱϧⲉⲙ ⲛⲓⲃⲉⲛ ⲛ̀ⲧⲁϥ	ie fy niven etnaċi nem ċatfi niven efċōxem fy etsōf m̀mof kata ċōxem niven ǹtaf	or whosoever shall touch any unclean reptile, which will defile him, or who shall touch a man, whereby he shall defile him according to all his uncleanness:
22:6	ϯⲯⲩⲭⲏ ⲉⲧⲛⲁϭⲓ ⲛⲉⲙⲁϥ ⲉⲥⲉϣⲱⲡⲓ ⲉⲥϭⲁϧⲉⲙ ϣⲁⲫⲛⲁⲩ ⲛϩⲁⲛⲁⲣⲟⲩϩⲓ ⲛⲛⲉϥⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ ⲉϣⲱⲡ ⲁϥϣⲧⲉⲙϫⲱⲕⲉⲙ ⲙⲡⲉϥⲥⲱⲙⲁ ϧⲉⲛⲟⲩⲙⲱⲟⲩ	ϯⲯⲩⲭⲏ ⲉⲧⲛⲁϭⲓ ⲛⲉⲙⲁϥ ⲉⲥⲉϣⲱⲡⲓ ⲉⲥϭⲁϧⲉⲙ ϣⲁ ⲫ̀ⲛⲁⲩ ⲛ̀ϩⲁⲛⲁⲣⲟⲩϩⲓ ⲛ̀ⲛⲉϥⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ ⲉϣⲱⲡ ⲁϥϣⲧⲉⲙϫⲱⲕⲉⲙ ⲛ̀ⲡⲉϥⲥⲱⲙⲁ ϧⲉⲛ ⲟⲩⲙⲱⲟⲩ	tipsiṡy etnaċi nemaf eseṡōpi esċaxem ṡa f̀nav ǹhanarouhi ǹnefouōm èvol xen ny eθouab eṡōp afṡtemgōkem ǹpefsōma xen oumōou	whatsoever soul shall touch them shall be unclean until evening; he shall not eat of the holy things, unless he bathe his body in water,
22:7	ⲟⲩⲟϩ ⲛⲧⲉⲫⲣⲏ ϩⲱⲧⲡ ⲟⲩⲟϩ ⲉϥⲉϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ⲧⲟⲧⲉ ⲉϥⲉⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ ϫⲉⲟⲩⲏⲓ ⲟⲩⲉⲣⲓ ⲛⲧⲁϥ ⲡⲉ	ⲟⲩⲟϩ ⲛ̀ⲧⲉ ⲫ̀ⲣⲏ ϩⲱⲧⲡ ⲟⲩⲟϩ ⲉϥⲉ̀ϣⲱⲡⲓ ⲉϥⲧⲟⲩⲃⲏⲟⲩⲧ ⲟⲩⲟϩ ⲧⲟⲧⲉ ⲉϥⲉ̀ⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ ϫⲉ ⲟⲩⲏⲓ ⲟⲩⲉⲣⲓ ⲛ̀ⲧⲁϥ ⲡⲉ	ouoh ǹte f̀ry hōtp ouoh efèṡōpi eftouvyout ouoh tote efèouōm èvol xen ny eθouab je ouyi oueri ǹtaf pe	and the sun go down, and then he shall be clean; and then shall he eat of all the holy things, for they are his bread.
22:8	ⲟⲩⲟϩ ⲡⲉⲧⲙⲱⲟⲩⲧ ⲛⲉⲙⲛⲓⲟⲩⲱⲙ ⲛⲑⲏⲣⲓⲟⲛ ⲛⲛⲉϥⲟⲩⲟⲙⲟⲩ ϫⲉⲛⲛⲉϥϭⲱϧⲉⲙ ⲛϧⲏⲧⲟⲩ ⲁⲛⲟⲕ ⲡⲉ ⲡϭⲟⲓⲥ	ⲟⲩⲟϩ ⲡⲉⲧⲙⲱⲟⲩⲧ ⲛⲉⲙ ⲛⲓⲟⲩⲱⲙ ⲛ̀ⲑⲏⲣⲓⲟⲛ ⲛ̀ⲛⲉϥⲟⲩⲟⲙⲟⲩ ϫⲉ ⲛ̀ⲛⲉϥϭⲱϧⲉⲙ ⲛ̀ϧⲏⲧⲟⲩ ⲁⲛⲟⲕ ⲡⲉ ⲡ̀ϭⲟⲓⲥ	ouoh petmōout nem niouōm ǹθyrion ǹnefouomou je ǹnefċōxem ǹxytou anok pe p̀ċois	He shall not eat that which dies of itself, or is taken of beasts, so that he should be polluted by them: I am the Lord.
22:9	ⲟⲩⲟϩ ⲉⲩⲉⲁⲣⲉϩ ⲉⲛⲁϫⲓⲛⲁⲣⲉϩ ϩⲓⲛⲁ ⲛⲧⲟⲩϣⲧⲉⲙϭⲓ ⲛⲟⲃⲓ ⲉⲑⲃⲏⲧⲟⲩ ⲟⲩⲟϩ ⲛⲧⲟⲩⲙⲟⲩ ⲉⲑⲃⲏⲧⲟⲩ ⲉϣⲱⲡ ⲛⲧⲟⲩⲥⲟϥⲟⲩ ϫⲉⲁⲛⲟⲕ ⲡⲉ ⲡϭⲟⲓⲥ ⲫⲏ ⲉⲧⲉⲣⲁⲅⲓⲁⲍⲓⲛ ⲙⲙⲱⲟⲩ	ⲟⲩⲟϩ ⲉⲩⲉⲁ̀ⲣⲉϩ ⲉ̀ⲛⲁϫⲓⲛⲁⲣⲉϩ ϩⲓⲛⲁ ⲛ̀ⲧⲟⲩϣⲧⲉⲙϭⲓ ⲛⲟⲃⲓ ⲉⲑⲃⲏⲧⲟⲩ ⲟⲩⲟϩ ⲛ̀ⲧⲟⲩⲙⲟⲩ ⲉⲑⲃⲏⲧⲟⲩ ⲉϣⲱⲡ ⲛ̀ⲧⲟⲩⲥⲟϥⲟⲩ ϫⲉ ⲁⲛⲟⲕ ⲡⲉ ⲡ̀ϭⲟⲓⲥ ⲫⲏ ⲉⲧⲉⲣⲁⲅⲓⲁⲍⲓⲛ ⲙ̀ⲙⲱⲟⲩ	ouoh eveàreh ènajinareh hina ǹtouṡtemċi novi eθvytou ouoh ǹtoumou eθvytou eṡōp ǹtousofou je anok pe p̀ċois fy eteragiazin m̀mōou	And they shall keep my ordinances, that they do not bear iniquity because of them, and die because of them, if they shall profane them: I am the Lord God that sanctifies them.
22:10	ⲟⲩⲟϩ ϣⲉⲙⲙⲟ ⲛⲓⲃⲉⲛ ⲛⲛⲉϥⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ ⲟⲩⲟϩ ⲟⲩⲣⲉⲙⲛϫⲱⲓⲗⲓ ⲛⲧⲉⲟⲩⲟⲩⲏⲃ ⲓⲉ ⲟⲩⲣⲉⲙⲃⲉⲭⲉ ⲛⲛⲉϥⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ	ⲟⲩⲟϩ ϣⲉⲙⲙⲟ ⲛⲓⲃⲉⲛ ⲛ̀ⲛⲉϥⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ ⲟⲩⲟϩ ⲟⲩⲣⲉⲙⲛϫⲱⲓⲗⲓ ⲛ̀ⲧⲉ ⲟⲩⲟⲩⲏⲃ ⲓⲉ ⲟⲩⲣⲉⲙⲃⲉⲭⲉ ⲛ̀ⲛⲉϥⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ	ouoh ṡemmo niven ǹnefouōm èvol xen ny eθouab ouoh ouremngōili ǹte ououyb ie ouremveke ǹnefouōm èvol xen ny eθouab	And no stranger shall eat the holy things: one that sojourns with a priest, or a hireling, shall not eat the holy things.
22:11	ⲟⲩⲟϩ ⲉϣⲱⲡ ⲁⲣⲉϣⲁⲛ ⲟⲩⲟⲩⲏⲃ ϣⲱⲡ ⲛⲟⲩⲯⲩⲭⲏ ϧⲁϩⲁⲧ ⲫⲁⲓ ⲉϥⲉⲟⲩⲱⲙ ⲉⲃⲟⲗ ϧⲉⲛⲛⲉϥⲱⲓⲕ ⲛⲉⲙⲛⲉϥⲙⲉⲥϧⲉⲛⲏⲓ ⲛⲁⲓ ϩⲱⲟⲩ ⲉⲩⲉⲟⲩⲱⲙ ⲉⲃⲟⲗ ϧⲉⲛⲛⲉϥⲱⲓⲕ	ⲟⲩⲟϩ ⲉϣⲱⲡ ⲁⲣⲉϣⲁⲛ ⲟⲩⲟⲩⲏⲃ ϣⲱⲡ ⲛ̀ⲟⲩⲯⲩⲭⲏ ϧⲁϩⲁⲧ ⲫⲁⲓ ⲉϥⲉ̀ⲟⲩⲱⲙ ⲉ̀ⲃⲟⲗ ϧⲉⲛ ⲛⲉϥⲱⲓⲕ ⲛⲉⲙ ⲛⲉϥⲙⲉⲥϧⲉⲛⲏⲓ ⲛⲁⲓ ϩⲱⲟⲩ ⲉⲩⲉ̀ⲟⲩⲱⲙ ⲉ̀ⲃⲟⲗ ϧⲉⲛ ⲛⲉϥⲱⲓⲕ	ouoh eṡōp areṡan ououyb ṡōp ǹoupsiṡy xahat fai efèouōm èvol xen nefōik nem nefmesxenyi nai hōou evèouōm èvol xen nefōik	But if a priest should have a soul purchased for money, he shall eat of his bread; and they that are born in his house, they also shall eat of his bread.
22:12	ⲟⲩⲟϩ ⲟⲩϣⲉⲣⲓ ⲛⲧⲉⲟⲩⲣⲱⲙⲓ ⲛⲟⲩⲏⲃ ⲉϣⲱⲡ ⲁⲥϣⲁⲛϣⲱⲡⲓ ⲛⲉⲙⲟⲩϩⲁⲓ ⲛⲁⲗⲗⲟⲅⲉⲛⲏⲥ ⲑⲁⲓ ⲛⲛⲉⲥⲟⲩⲱⲙ ⲉⲃⲟⲗ ϧⲉⲛⲛⲓⲁⲡⲁⲣⲭⲏ ⲉⲑⲟⲩⲁⲃ	ⲟⲩⲟϩ ⲟⲩϣⲉⲣⲓ ⲛ̀ⲧⲉ ⲟⲩⲣⲱⲙⲓ ⲛ̀ⲟⲩⲏⲃ ⲉϣⲱⲡ ⲁⲥϣⲁⲛϣⲱⲡⲓ ⲛⲉⲙ ⲟⲩϩⲁⲓ ⲛ̀ⲁⲗⲗⲟⲅⲉⲛⲏⲥ ⲑⲁⲓ ⲛ̀ⲛⲉⲥⲟⲩⲱⲙ ⲉ̀ⲃⲟⲗ ϧⲉⲛ ⲛⲓⲁ̀ⲡⲁⲣⲭⲏ ⲉⲑⲟⲩⲁⲃ	ouoh ouṡeri ǹte ourōmi ǹouyb eṡōp asṡanṡōpi nem ouhai ǹallogenys θai ǹnesouōm èvol xen niàparṡy eθouab	And if the daughter of a priest should marry a stranger, she shall not eat of the offerings of the sanctuary.
22:13	ⲟⲩⲟϩ ⲟⲩϣⲉⲣⲓ ⲛⲧⲉⲟⲩⲟⲩⲏⲃ ⲁⲥϣⲁⲛⲉⲣⲭⲏⲣⲁ ⲓⲉ ⲉⲁⲩϩⲓⲧⲥ ⲉⲃⲟⲗ ⲉϣⲧⲉⲙⲉⲣⲉ ϫⲣⲟϫ ϣⲱⲡⲓ ⲛⲁⲥ ⲉⲥⲉⲕⲟⲧⲥ ⲉⲡⲏⲓ ⲛⲧⲉⲡⲉⲥⲓⲱⲧ ⲕⲁⲧⲁⲧⲉⲥⲙⲉⲧⲁⲗⲟⲩ ⲉⲥⲉⲟⲩⲱⲙ ⲉⲃⲟⲗ ϧⲉⲛⲛⲓⲱⲓⲕ ⲛⲧⲉⲡⲉⲥⲓⲱⲧ ⲟⲩⲟϩ ⲁⲗⲗⲟⲅⲉⲛⲏⲥ ⲛⲓⲃⲉⲛ ⲛⲛⲉϥⲟⲩⲱⲙ ⲉⲃⲟⲗ ⲙⲙⲱⲟⲩ	ⲟⲩⲟϩ ⲟⲩϣⲉⲣⲓ ⲛ̀ⲧⲉ ⲟⲩⲟⲩⲏⲃ ⲁⲥϣⲁⲛⲉⲣⲭⲏⲣⲁ ⲓⲉ ⲉⲁⲩϩⲓⲧⲥ ⲉ̀ⲃⲟⲗ ⲉ̀ϣⲧⲉⲙⲉ̀ⲣⲉ ϫ̀ⲣⲟϫ ϣⲱⲡⲓ ⲛⲁⲥ ⲉⲥⲉⲕⲟⲧⲥ ⲉ̀ⲡ̀ⲏⲓ ⲛ̀ⲧⲉ ⲡⲉⲥⲓⲱⲧ ⲕⲁⲧⲁ ⲧⲉⲥⲙⲉⲧⲁⲗⲟⲩ ⲉⲥⲉⲟⲩⲱⲙ ⲉ̀ⲃⲟⲗ ϧⲉⲛ ⲛⲓⲱⲓⲕ ⲛ̀ⲧⲉ ⲡⲉⲥⲓⲱⲧ ⲟⲩⲟϩ ⲁⲗⲗⲟⲅⲉⲛⲏⲥ ⲛⲓⲃⲉⲛ ⲛ̀ⲛⲉϥⲟⲩⲱⲙ ⲉ̀ⲃⲟⲗ ⲙ̀ⲙⲱⲟⲩ	ouoh ouṡeri ǹte ououyb asṡanerṡyra ie eavhits èvol èṡtemère g̀rog ṡōpi nas esekots èp̀yi ǹte pesiōt kata tesmetalou eseouōm èvol xen niōik ǹte pesiōt ouoh allogenys niven ǹnefouōm èvol m̀mōou	And if the daughter of priest should be a widow, or put away, and have no seed, she shall return to her father's house, as in her youth: she shall eat of her father's bread, but no stranger shall eat of it.
22:14	ⲫⲣⲱⲙⲓ ⲉⲧⲛⲁⲟⲩⲱⲙ ⲉⲃⲟⲗ ϧⲉⲛⲛⲏ ⲉⲑⲟⲩⲁⲃ ⲛϥⲉⲙⲓ ⲁⲛ ⲟⲩⲟϩ ⲉϥⲉⲧⲟⲩϩⲟ ⲉϫⲱϥ ⲛⲟⲩⲧⲉⲣⲉⲉ̅ ⲛⲧⲁϥ ⲟⲩⲟϩ ⲉϥⲉϯ ⲙⲡⲉⲑⲟⲩⲁⲃ ⲙⲡⲓⲟⲩⲏⲃ	ⲫ̀ⲣⲱⲙⲓ ⲉⲧⲛⲁⲟⲩⲱⲙ ⲉ̀ⲃⲟⲗ ϧⲉⲛ ⲛⲏ ⲉⲑⲟⲩⲁⲃ ⲛ̀ϥⲉⲙⲓ ⲁⲛ ⲟⲩⲟϩ ⲉϥⲉ̀ⲧⲟⲩϩⲟ ⲉ̀ϫⲱϥ ⲛⲟⲩⲧⲉⲣⲉⲉ̅ ⲛ̀ⲧⲁϥ ⲟⲩⲟϩ ⲉϥⲉ̀ϯ ⲛ̀ⲡⲉⲑⲟⲩⲁⲃ ⲛ̀ⲡⲓⲟⲩⲏⲃ	f̀rōmi etnaouōm èvol xen ny eθouab ǹfemi an ouoh efètouho ègōf nouteree ǹtaf ouoh efèti ǹpeθouab ǹpiouyb	And the man who shall ignorantly eat holy things, shall add the fifth part to it, and give the holy thing to the priest.
22:15	ⲟⲩⲟϩ ⲛⲛⲟⲩⲥⲱϥ ⲛⲛⲏ ⲉⲑⲟⲩⲁⲃ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲏ ⲛⲑⲱⲟⲩ ⲉⲧⲟⲩⲫⲱⲣϫ ⲙⲙⲱⲟⲩ ⲙⲡϭⲟⲓⲥ	ⲟⲩⲟϩ ⲛⲛⲟⲩⲥⲱϥ ⲛ̀ⲛⲏ ⲉⲑⲟⲩⲁⲃ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛⲏ ⲛ̀ⲑⲱⲟⲩ ⲉⲧⲟⲩⲫⲱⲣϫ ⲙ̀ⲙⲱⲟⲩ ⲛ̀ⲡ̀ϭⲟⲓⲥ	ouoh nnousōf ǹny eθouab ǹte nenṡyri ǹpisrayl ny ǹθōou etoufōrg m̀mōou ǹp̀ċois	And they shall not profane the holy things of the children of Israel, which they offer to the Lord.
22:16	ⲟⲩⲟϩ ⲉⲩⲉⲓⲛⲓ ⲉϫⲱⲟⲩ ⲛⲟⲩⲁⲛⲟⲙⲓⲁ ⲛⲧⲉⲟⲩⲙⲉⲧϣⲁϥⲧ ϧⲉⲛⲡϫⲓⲛⲑⲣⲟⲩⲟⲩⲱⲙ ⲛⲛⲏ ⲉⲑⲟⲩⲁⲃ ⲛⲧⲱⲟⲩ ⲁⲛⲟⲕ ⲡⲉ ⲡϭⲟⲓⲥ ⲡⲉⲧⲧⲟⲩⲃⲟ ⲙⲙⲱⲟⲩ	ⲟⲩⲟϩ ⲉⲩⲉ̀ⲓⲛⲓ ⲉ̀ϫⲱⲟⲩ ⲛ̀ⲟⲩⲁ̀ⲛⲟⲙⲓⲁ ⲛ̀ⲧⲉ ⲟⲩⲙⲉⲧϣⲁϥⲧ ϧⲉⲛ ⲡ̀ϫⲓⲛⲑⲣⲟⲩⲟⲩⲱⲙ ⲛ̀ⲛⲏ ⲉⲑⲟⲩⲁⲃ ⲛ̀ⲧⲱⲟⲩ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲧⲟⲩⲃⲟ ⲙ̀ⲙⲱⲟⲩ	ouoh evèini ègōou ǹouànomia ǹte oumetṡaft xen p̀jinθrououōm ǹny eθouab ǹtōou anok pe p̀ċois pettouvo m̀mōou	So should they bring upon themselves the iniquity of trespass in their eating their holy things: for I am the Lord that sanctifies them.
22:17	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
22:18	ϫⲉⲥⲁϫⲓ ⲛⲉⲙⲁⲁⲣⲱⲛ ⲛⲉⲙⲛⲉϥϣⲏⲣⲓ ⲛⲉⲙϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲡⲓⲥⲣⲁⲏⲗ ⲟⲩⲟϩ ⲉⲕⲉϫⲟⲥ ⲛⲱⲟⲩ ϫⲉⲫⲣⲱⲙⲓ ⲫⲣⲱⲙⲓ ⲉⲃⲟⲗ ϧⲉⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲓⲉ ⲉⲃⲟⲗ ϧⲉⲛⲛⲓϣⲉⲙⲙⲱⲟⲩ ⲉⲧϧⲉⲛⲡⲓⲥⲣⲁⲏⲗ ⲫⲏ ⲉⲧⲛⲁⲓⲛⲓ ⲛⲛⲉϥⲇⲱⲣⲟⲛ ⲉϧⲟⲩⲛ ⲕⲁⲧⲁⲟⲩⲟⲙⲟⲗⲟⲅⲓⲁ ⲛⲓⲃⲉⲛ ⲛⲧⲱⲟⲩ ⲓⲉ ⲕⲁⲧⲁⲟⲩⲱϣ ⲛϩⲏⲧ ⲛⲓⲃⲉⲛ ⲛⲧⲱⲟⲩ ⲛⲏ ⲧⲏⲣⲟⲩ ⲉⲧⲟⲩⲛⲁⲉⲛⲟⲩ ⲉϧⲟⲩⲛ ⲙⲡϭⲟⲓⲥ ⲉⲩϭⲗⲓⲗ ⲛϫⲟϥϫⲉϥ	ϫⲉ ⲥⲁϫⲓ ⲛⲉⲙ ⲁ̀ⲁⲣⲱⲛ ⲛⲉⲙ ⲛⲉϥϣⲏⲣⲓ ⲛⲉⲙ ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲉⲕⲉ̀ϫⲟⲥ ⲛⲱⲟⲩ ϫⲉ ⲫ̀ⲣⲱⲙⲓ ⲫ̀ⲣⲱⲙⲓ ⲉ̀ⲃⲟⲗ ϧⲉⲛ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲓⲉ ⲉ̀ⲃⲟⲗ ϧⲉⲛ ⲛⲓϣⲉⲙⲙⲱⲟⲩ ⲉⲧϧⲉⲛ ⲡⲓⲥⲣⲁⲏⲗ ⲫⲏ ⲉⲧⲛⲁⲓ̀ⲛⲓ ⲛ̀ⲛⲉϥⲇⲱⲣⲟⲛ ⲉ̀ϧⲟⲩⲛ ⲕⲁⲧⲁ ⲟⲩⲟⲙⲟⲗⲟⲅⲓⲁ ⲛⲓⲃⲉⲛ ⲛ̀ⲧⲱⲟⲩ ⲓⲉ ⲕⲁⲧⲁ ⲟⲩⲱϣ ⲛ̀ϩⲏⲧ ⲛⲓⲃⲉⲛ ⲛ̀ⲧⲱⲟⲩ ⲛⲏ ⲧⲏⲣⲟⲩ ⲉⲧⲟⲩⲛⲁⲉⲛⲟⲩ ⲉ̀ϧⲟⲩⲛ ⲛ̀ⲡ̀ϭⲟⲓⲥ ⲉⲩϭⲗⲓⲗ ⲛ̀ϫⲟϥϫⲉϥ	je saji nem àarōn nem nefṡyri nem tisinaġōgy tyrs ǹte pisrayl ouoh ekègos nōou je f̀rōmi f̀rōmi èvol xen nenṡyri ǹpisrayl ie èvol xen niṡemmōou etxen pisrayl fy etnaìni ǹnefḋōron èxoun kata ouomologia niven ǹtōou ie kata ouōṡ ǹhyt niven ǹtōou ny tyrou etounaenou èxoun ǹp̀ċois evċlil ǹgofjef	Speak to Aaron and his sons, and to all the congregation of Israel, and thou shalt say to them, Any man of the children of Israel, or of the strangers that abide among them in Israel, who shall offer his gifts according to all their confession and according to all their choice, whatsoever they may bring to the Lord for whole-burnt-offerings
22:19	ⲉⲩϣⲏⲡ ⲛⲱⲧⲉⲛ ϩⲁⲛϩⲱⲟⲩⲧ ⲛⲁⲧⲁϭⲛⲓ ⲉⲃⲟⲗ ϧⲉⲛϩⲁⲛⲉϩⲱⲟⲩ ⲛⲉⲙⲉⲃⲟⲗ ϧⲉⲛⲛⲓⲉⲥⲱⲟⲩ ⲛⲉⲙⲉⲃⲟⲗ ϧⲉⲛⲛⲓⲃⲁⲙⲡⲓ	ⲉⲩϣⲏⲡ ⲛⲱⲧⲉⲛ ϩⲁⲛϩⲱⲟⲩⲧ ⲛ̀ⲁⲧⲁϭⲛⲓ ⲉ̀ⲃⲟⲗ ϧⲉⲛ ϩⲁⲛⲉϩⲱⲟⲩ ⲛⲉⲙ ⲉ̀ⲃⲟⲗ ϧⲉⲛ ⲛⲓⲉ̀ⲥⲱⲟⲩ ⲛⲉⲙ ⲉ̀ⲃⲟⲗ ϧⲉⲛ ⲛⲓⲃⲁⲙⲡⲓ	evṡyp nōten hanhōout ǹataċni èvol xen hanehōou nem èvol xen nièsōou nem èvol xen nivampi	your free-will-offerings shall be males without blemish of the herds, or of the sheep, or of the goats.
22:20	ⲧⲏⲣⲟⲩ ⲉⲧⲉⲟⲩⲟⲛ ⲁϭⲛⲓ ⲛϧⲏⲧⲟⲩ ⲛⲛⲟⲩⲉⲛⲟⲩ ⲉϩⲣⲏⲓ ⲙⲡϭⲟⲓⲥ ϫⲉⲟⲩⲏⲓ ⲅⲁⲣ ⲥⲉϣⲏⲡ ⲛⲱⲧⲉⲛ ⲁⲛ	ⲧⲏⲣⲟⲩ ⲉ̀ⲧⲉ ⲟⲩⲟⲛ ⲁϭⲛⲓ ⲛ̀ϧⲏⲧⲟⲩ ⲛⲛⲟⲩⲉⲛⲟⲩ ⲉ̀ϩ̀ⲣⲏⲓ ⲛ̀ⲡ̀ϭⲟⲓⲥ ϫⲉ ⲟⲩⲏⲓ ⲅⲁⲣ ⲥⲉϣⲏⲡ ⲛⲱⲧⲉⲛ ⲁⲛ	tyrou ète ouon aċni ǹxytou nnouenou èh̀ryi ǹp̀ċois je ouyi ġar seṡyp nōten an	They shall not bring to the Lord anything that has a blemish in it, for it shall not be acceptable for you.
22:21	ⲟⲩⲟϩ ⲫⲣⲱⲙⲓ ⲉⲧⲛⲁⲓⲛⲓ ⲉϧⲟⲩⲛ ⲛⲟⲩϣⲟⲩϣⲱⲟⲩϣⲓ ⲛⲛⲟϩⲉⲙ ⲙⲡϭⲟⲓⲥ ⲉⲁϥⲟⲩⲉⲧ ⲟⲩⲉⲩⲭⲏ ⲉⲃⲟⲗ ⲓⲉ ⲕⲁⲧⲁⲟⲩⲱϣ ⲛϩⲏⲧ ⲓⲉ ϧⲉⲛⲛⲉⲧⲉⲛϣⲁⲓ ⲉⲃⲟⲗ ϧⲉⲛⲛⲓⲉϩⲱⲟⲩ ⲓⲉ ⲉⲃⲟⲗ ϧⲉⲛⲛⲓⲉⲥⲱⲟⲩ ⲙⲙⲟⲛ ⲁϭⲛⲓ ⲛϧⲏⲧⲟⲩ ϫⲉⲛⲧⲉϥϣⲱⲡⲓ ⲉϥϣⲏⲡ ⲁϭⲛⲓ ⲛⲓⲃⲉⲛ ⲛⲛⲉϥϣⲱⲡⲓ ⲛϧⲏⲧϥ	ⲟⲩⲟϩ ⲫ̀ⲣⲱⲙⲓ ⲉⲧⲛⲁⲓ̀ⲛⲓ ⲉ̀ϧⲟⲩⲛ ⲛ̀ⲟⲩϣⲟⲩϣⲱⲟⲩϣⲓ ⲛ̀ⲛⲟϩⲉⲙ ⲛ̀ⲡ̀ϭⲟⲓⲥ ⲉⲁϥⲟⲩⲉⲧ ⲟⲩⲉⲩⲭⲏ ⲉ̀ⲃⲟⲗ ⲓⲉ ⲕⲁⲧⲁ ⲟⲩⲱϣ ⲛ̀ϩⲏⲧ ⲓⲉ ϧⲉⲛ ⲛⲉⲧⲉⲛϣⲁⲓ ⲉ̀ⲃⲟⲗ ϧⲉⲛ ⲛⲓⲉϩⲱⲟⲩ ⲓⲉ ⲉ̀ⲃⲟⲗ ϧⲉⲛ ⲛⲓⲉ̀ⲥⲱⲟⲩ ⲙ̀ⲙⲟⲛ ⲁϭⲛⲓ ⲛ̀ϧⲏⲧⲟⲩ ϫⲉ ⲛ̀ⲧⲉϥϣⲱⲡⲓ ⲉϥϣⲏⲡ ⲁϭⲛⲓ ⲛⲓⲃⲉⲛ ⲛ̀ⲛⲉϥϣⲱⲡⲓ ⲛ̀ϧⲏⲧϥ	ouoh f̀rōmi etnaìni èxoun ǹouṡouṡōouṡi ǹnohem ǹp̀ċois eafouet ouevṡy èvol ie kata ouōṡ ǹhyt ie xen netenṡai èvol xen niehōou ie èvol xen nièsōou m̀mon aċni ǹxytou je ǹtefṡōpi efṡyp aċni niven ǹnefṡōpi ǹxytf	And whatsoever man shall offer a peace-offering to the Lord, discharging a vow, or in the way of free-will-offering, or an offering in your feasts, of the herds or of the sheep, it shall be without blemish for acceptance: there shall be no blemish in it.
22:22	ⲟⲩⲃⲉⲗⲗⲉ ⲓⲉ ⲟⲩⲁⲓ ⲉϥϧⲉⲙϧⲱⲙ ⲓⲉ ⲉⲣⲉⲡⲉϥⲗⲁⲥ ϣⲁⲧ ⲓⲉ ⲉϥⲑⲟⲩⲑⲟⲩ ⲓⲉ ⲉϥⲟⲓ ⲛϫⲉⲣϫⲓ ⲛⲁⲅⲣⲓⲟⲛ ⲓⲉ ⲉⲟⲩⲟⲛ ϩⲁⲛⲙⲉϣⲫⲱⲛⲓ ϩⲓⲱⲧϥ ⲛⲁⲓ ⲙⲡⲁⲓⲣⲏϯ ⲛⲛⲟⲩⲉⲛⲟⲩ ⲉϩⲣⲏⲓ ⲙⲡϭⲟⲓⲥ ⲟⲩⲟϩ ⲛⲛⲉⲧⲉⲛϯ ⲉⲃⲟⲗ ⲙⲙⲱⲟⲩ ⲉϫⲉⲛⲡⲓⲙⲁⲛⲉⲣϣⲱⲟⲩϣⲓ ⲉⲩⲟⲩⲧⲁϩ ⲉϥϣⲏⲡ ⲙⲡϭⲟⲓⲥ	ⲟⲩⲃⲉⲗⲗⲉ ⲓⲉ ⲟⲩⲁⲓ ⲉϥϧⲉⲙϧⲱⲙ ⲓⲉ ⲉ̀ⲣⲉ ⲡⲉϥⲗⲁⲥ ϣⲁⲧ ⲓⲉ ⲉϥⲑⲟⲩⲑⲟⲩ ⲓⲉ ⲉϥⲟⲓ ⲛ̀ϫⲉⲣϫⲓ ⲛ̀ⲁⲅⲣⲓⲟⲛ ⲓⲉ ⲉ̀ⲟⲩⲟⲛ ϩⲁⲛⲙⲉϣⲫⲱⲛⲓ ϩⲓⲱⲧϥ ⲛⲁⲓ ⲛ̀ⲡⲁⲓⲣⲏϯ ⲛⲛⲟⲩⲉⲛⲟⲩ ⲉ̀ϩ̀ⲣⲏⲓ ⲛ̀ⲡ̀ϭⲟⲓⲥ ⲟⲩⲟϩ ⲛⲛⲉⲧⲉⲛϯ ⲉ̀ⲃⲟⲗ ⲙ̀ⲙⲱⲟⲩ ⲉ̀ϫⲉⲛ ⲡⲓⲙⲁⲛ̀ⲉⲣϣⲱⲟⲩϣⲓ ⲉⲩⲟⲩⲧⲁϩ ⲉϥϣⲏⲡ ⲛ̀ⲡ̀ϭⲟⲓⲥ	ouvelle ie ouai efxemxōm ie ère peflas ṡat ie efθouθou ie efoi ǹjerji ǹaġrion ie èouon hanmeṡfōni hiōtf nai ǹpairyti nnouenou èh̀ryi ǹp̀ċois ouoh nnetenti èvol m̀mōou èjen pimaǹerṡōouṡi evoutah efṡyp ǹp̀ċois	One that is blind, or broken, or has its tongue cut out, or is troubled with warts, or has a malignant ulcer, or tetters, they shall not offer these to the Lord; neither shall ye offer any of them for a burnt-offering on the altar of the Lord.
22:23	ⲟⲩⲟϩ ⲟⲩⲙⲁⲥⲓ ⲓⲉ ⲟⲩⲉⲥⲱⲟⲩ ⲉⲣⲉⲡⲟⲩⲙⲁϣϫ ϫⲏϫⲓ ⲉⲃⲟⲗ ⲓⲉ ⲉϥⲥⲃⲟⲕ ⲛⲥⲏⲧ ⲛⲁⲓ ⲉⲣⲉⲧⲉⲛⲉϧⲉⲗϧⲱⲗⲟⲩ ⲛⲱⲧⲉⲛ ⲛⲛⲉⲧⲉⲛⲉⲛⲟⲩ ⲇⲉ ⲉϩⲣⲏⲓ ⲛⲟⲩⲉⲩⲭⲏ ϫⲉⲛⲥⲉϣⲏⲡ ⲁⲛ	ⲟⲩⲟϩ ⲟⲩⲙⲁⲥⲓ ⲓⲉ ⲟⲩⲉ̀ⲥⲱⲟⲩ ⲉ̀ⲣⲉ ⲡⲟⲩⲙⲁϣϫ ϫⲏϫⲓ ⲉ̀ⲃⲟⲗ ⲓⲉ ⲉϥⲥⲃⲟⲕ ⲛ̀ⲥⲏⲧ ⲛⲁⲓ ⲉ̀ⲣⲉⲧⲉⲛⲉϧⲉⲗϧⲱⲗⲟⲩ ⲛⲱⲧⲉⲛ ⲛⲛⲉⲧⲉⲛⲉⲛⲟⲩ ⲇⲉ ⲉ̀ϩ̀ⲣⲏⲓ ⲛⲟⲩⲉⲩⲭⲏ ϫⲉ ⲛ̀ⲧⲟⲩϣⲏⲡ ⲁⲛ	ouoh oumasi ie ouèsōou ère poumaṡg jyji èvol ie efsvok ǹsyt nai èretenexelxōlou nōten nnetenenou ḋe èh̀ryi nouevṡy je ǹtouṡyp an	And a calf or a sheep with the ears cut off, or that has lost its tail, thou shalt slay them for thyself; but they shall not be accepted for thy vow.
22:24	ⲫⲏ ⲉⲧⲗⲁⲥ ⲛⲛⲉϥⲁⲗ ⲓⲉ ⲫⲏ ⲉⲧⲁⲩϩⲟϫϩⲉϫ ⲛⲛⲟⲩϥ ⲛⲉⲙⲫⲏ ⲉⲧⲁⲩϣⲉⲧ ⲛⲟⲩϥ ⲉⲃⲟⲗ ⲛⲉⲙⲫⲏ ⲉⲧⲁⲩⲑⲉⲕⲉⲙ ⲛⲟⲩϥ ⲉⲃⲟⲗ ⲛⲛⲉⲧⲉⲛⲉⲛⲟⲩ ⲉϧⲟⲩⲛ ⲙⲡϭⲟⲓⲥ ⲟⲩⲟϩ ⲛⲛⲉⲧⲉⲛⲑⲁⲙⲓⲟ ⲛϩⲁⲛⲟⲩⲟⲛ ⲙⲡⲁⲓⲣⲏϯ ϩⲓϫⲉⲛⲡⲉⲧⲉⲛⲕⲁϩⲓ	ⲫⲏ ⲉⲧⲗⲁⲥ ⲛ̀ⲛⲉϥⲁⲗ ⲓⲉ ⲫⲏ ⲉⲧⲁⲩϩⲟϫϩⲉϫ ⲛ̀ⲛⲟⲩϥ ⲛⲉⲙ ⲫⲏ ⲉⲧⲁⲩϣⲉⲧ ⲛⲟⲩϥ ⲉ̀ⲃⲟⲗ ⲛⲉⲙ ⲫⲏ ⲉⲧⲁⲩⲑⲉⲕⲉⲙ ⲛⲟⲩϥ ⲉ̀ⲃⲟⲗ ⲛ̀ⲛⲉⲧⲉⲛⲉⲛⲟⲩ ⲉ̀ϧⲟⲩⲛ ⲛ̀ⲡ̀ϭⲟⲓⲥ ⲟⲩⲟϩ ⲛ̀ⲛⲉⲧⲉⲛⲑⲁⲙⲓⲟ ⲛ̀ϩⲁⲛⲟⲩⲟⲛ ⲛ̀ⲡⲁⲓⲣⲏϯ ϩⲓϫⲉⲛ ⲡⲉⲧⲉⲛⲕⲁϩⲓ	fy etlas ǹnefal ie fy etavhogheg ǹnouf nem fy etavṡet nouf èvol nem fy etavθekem nouf èvol ǹnetenenou èxoun ǹp̀ċois ouoh ǹnetenθamio ǹhanouon ǹpairyti hijen petenkahi	That which has broken testicles, or is crushed or gelt or mutilated, thou shalt not offer them to the Lord, neither shall ye sacrifice them upon your land.
22:25	ⲟⲩⲟϩ ⲉⲃⲟⲗ ϧⲉⲛⲧϫⲓϫ ⲛⲟⲩⲁⲗⲗⲟⲅⲉⲛⲏⲥ ⲛⲛⲉⲧⲉⲛⲓⲛⲓ ⲛⲛⲓⲇⲱⲣⲟⲛ ⲛⲧⲉⲡⲉⲧⲉⲛⲛⲟⲩϯ ⲉⲃⲟⲗ ϧⲉⲛⲛⲁⲓ ⲧⲏⲣⲟⲩ ϫⲉϩⲁⲛⲧⲁⲕⲟ ⲉⲧⲉⲛϧⲏⲧⲟⲩ ⲟⲩⲟⲛ ⲁϭⲛⲓ ⲛϧⲏⲧⲟⲩ ⲥⲉϣⲏⲡ ⲛⲱⲧⲉⲛ ⲁⲛ	ⲟⲩⲟϩ ⲉ̀ⲃⲟⲗ ϧⲉⲛ ⲧ̀ϫⲓϫ ⲛ̀ⲟⲩⲁⲗⲗⲟⲅⲉⲛⲏⲥ ⲛ̀ⲧⲉ ⲛⲉⲧⲉⲛⲓ̀ⲛⲓ ⲛ̀ⲛⲓⲇⲱⲣⲟⲛ ⲛ̀ⲧⲉ ⲡⲉⲧⲉⲛⲛⲟⲩϯ ⲉ̀ⲃⲟⲗ ϧⲉⲛ ⲛⲁⲓ ⲧⲏⲣⲟⲩ ϫⲉ ϩⲁⲛⲧⲁⲕⲟ ⲉ̀ⲧⲉ ⲛ̀ϧⲏⲧⲟⲩ ⲟⲩⲟⲛ ⲁϭⲛⲓ ⲛ̀ϧⲏⲧⲟⲩ ⲥⲉϣⲏⲡ ⲛⲱⲧⲉⲛ ⲁⲛ	ouoh èvol xen t̀jig ǹouallogenys ǹte netenìni ǹniḋōron ǹte petennouti èvol xen nai tyrou je hantako ète ǹxytou ouon aċni ǹxytou seṡyp nōten an	Neither shall ye offer the gifts of your God of all these things by the hand of a stranger, because there is corruption in them, a blemish in them: these shall not be accepted for you.
22:26	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
22:27	ϫⲉⲟⲩⲙⲁⲥⲓ ⲓⲉ ⲟⲩⲉⲥⲱⲟⲩ ⲓⲉ ⲟⲩⲃⲁⲙⲡⲓ ⲉϣⲱⲡ ⲁⲩϣⲁⲛⲙⲁⲥⲟⲩ ⲟⲩⲟϩ ⲛⲧⲟⲩⲉⲣ ⲍ̅ ⲛⲉϩⲟⲟⲩ ϧⲁⲣⲁⲧⲥ ⲛⲧⲟⲩⲙⲁⲩ ϧⲉⲛⲡⲓⲉϩⲟⲟⲩ ⲇⲉ ⲙⲙⲁϩ ⲏ̅ ⲛⲉⲙⲛⲏ ⲉⲧⲛⲏⲟⲩ ⲉⲩⲉⲉⲛⲟⲩ ⲉϩⲣⲏⲓ ⲛⲧⲁⲓⲟ ⲉⲩⲟⲩⲧⲁϩ ⲉϥϣⲏⲡ ⲙⲡϭⲟⲓⲥ	ϫⲉ ⲟⲩⲙⲁⲥⲓ ⲓⲉ ⲟⲩⲉ̀ⲥⲱⲟⲩ ⲓⲉ ⲟⲩⲃⲁⲙⲡⲓ ⲉϣⲱⲡ ⲁⲩϣⲁⲛⲙⲁⲥⲟⲩ ⲟⲩⲟϩ ⲛ̀ⲧⲟⲩⲉⲣ ϣⲁϣϥ ⲛ̀ⲉ̀ϩⲟⲟⲩ ϧⲁⲣⲁⲧⲥ ⲛ̀ⲧⲟⲩⲙⲁⲩ ϧⲉⲛ ⲡⲓⲉ̀ϩⲟⲟⲩ ⲇⲉ ⲛ̀ⲙⲁϩ 8 ⲛⲉⲙ ⲛⲏ ⲉⲧⲛⲏⲟⲩ ⲉⲩⲉⲉⲛⲟⲩ ⲉ̀ϩ̀ⲣⲏⲓ ⲛ̀ⲧⲁⲓⲟ ⲉⲩⲟⲩⲧⲁϩ ⲉϥϣⲏⲡ ⲛ̀ⲡ̀ϭⲟⲓⲥ	je oumasi ie ouèsōou ie ouvampi eṡōp avṡanmasou ouoh ǹtouer ṡaṡf ǹèhoou xarats ǹtoumav xen pièhoou ḋe ǹmah 8 nem ny etnyou eveenou èh̀ryi ǹtaio evoutah efṡyp ǹp̀ċois	As for a calf, or a sheep, or a goat, whenever it is born, then shall it be seven days under its mother; and on the eighth day and after they shall be accepted for sacrifices, a burnt-offering to the Lord.
22:28	ⲟⲩⲟϩ ⲟⲩⲉϩⲉ ⲛⲉⲙⲟⲩⲉⲥⲱⲟⲩ ⲛⲑⲟⲥ ⲛⲉⲙⲛⲉϥϣⲏⲣⲓ ⲛⲛⲉⲧⲉⲛϧⲉⲗϧⲱⲗⲟⲩ ϧⲉⲛⲟⲩⲉϩⲟⲟⲩ ⲛⲟⲩⲱⲧ	ⲟⲩⲟϩ ⲟⲩⲉϩⲉ ⲛⲉⲙ ⲟⲩⲉ̀ⲥⲱⲟⲩ ⲛ̀ⲑⲟⲥ ⲛⲉⲙ ⲛⲉϥϣⲏⲣⲓ ⲛⲛⲉⲧⲉⲛϧⲉⲗϧⲱⲗⲟⲩ ϧⲉⲛ ⲟⲩⲉ̀ϩⲟⲟⲩ ⲛ̀ⲟⲩⲱⲧ	ouoh ouehe nem ouèsōou ǹθos nem nefṡyri nnetenxelxōlou xen ouèhoou ǹouōt	And a bullock and a ewe, it and its young, thou shalt not kill in one day.
22:29	ⲉϣⲱⲡ ⲇⲉ ⲉⲕⲛⲁϣⲱⲧ ⲛⲟⲩϣⲟⲩϣⲱⲟⲩϣⲓ ⲛⲟⲩⲉⲩⲭⲏ ⲛⲧⲉⲟⲩⲣⲁϣⲓ ⲙⲡϭⲟⲓⲥ ⲉⲣⲉⲧⲉⲛⲉϣⲁⲧϥ ⲉϥϣⲏⲡ ⲛⲱⲧⲉⲛ	ⲉϣⲱⲡ ⲇⲉ ⲉⲭⲛⲁϣⲱⲧ ⲛ̀ⲟⲩϣⲟⲩϣⲱⲟⲩϣⲓ ⲛ̀ⲧⲉ ⲟⲩⲉⲩⲭⲏ ⲛ̀ⲧⲉ ⲟⲩⲣⲁϣⲓ ⲛ̀ⲧⲉ ⲡ̀ϭⲟⲓⲥ ⲉ̀ⲣⲉⲧⲉⲛⲉϣⲁⲧϥ ⲉϥϣⲏⲡ ⲛⲱⲧⲉⲛ	eṡōp ḋe eknaṡōt ǹouṡouṡōouṡi ǹte ouevṡy ǹte ouraṡi ǹte p̀ċois èreteneṡatf efṡyp nōten	And if thou shouldest offer a sacrifice, a vow of rejoicing to the Lord, ye shall offer it so as to be accepted for you.
22:30	ⲉⲩⲉⲟⲩⲟⲙϥ ϧⲉⲛⲡⲓⲉϩⲟⲟⲩ ⲉⲧⲉⲙⲙⲁⲩ ⲟⲩⲟϩ ⲛⲛⲉⲧⲉⲛⲥⲱϫⲡ ⲉⲃⲟⲗ ϧⲉⲛⲛⲉϥⲁϥⲟⲩⲓ ⲉⲡⲉϥⲧⲟⲟⲩⲓ ⲁⲛⲟⲕ ⲡⲉ ⲡϭⲟⲓⲥ	ⲉⲩⲉ̀ⲟⲩⲟⲙϥ ϧⲉⲛ ⲡⲓⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲛ̀ⲛⲉⲧⲉⲛⲥⲱϫⲡ ⲉ̀ⲃⲟⲗ ϧⲉⲛ ⲛⲉϥⲁϥⲟⲩⲓ ⲉ̀ⲡⲉϥⲧⲟⲟⲩⲓ̀ ⲁⲛⲟⲕ ⲡⲉ ⲡ̀ϭⲟⲓⲥ	evèouomf xen pièhoou ète m̀mav ouoh ǹnetensōgp èvol xen nefafoui èpeftoouì anok pe p̀ċois	In that same day it shall be eaten; ye shall not leave of the flesh till the morrow: I am the Lord.
22:31	ⲟⲩⲟϩ ⲉⲣⲉⲧⲉⲛⲉⲁⲣⲉϩ ⲉⲛⲁⲉⲛⲧⲟⲗⲏ ⲟⲩⲟϩ ⲉⲣⲉⲧⲉⲛⲉⲁⲓⲧⲟⲩ ⲁⲛⲟⲕ ⲡⲉ ⲡϭⲟⲓⲥ	ⲟⲩⲟϩ ⲉ̀ⲣⲉⲧⲉⲛⲉⲁ̀ⲣⲉϩ ⲉ̀ⲛⲁⲉⲛⲧⲟⲗⲏ ⲟⲩⲟϩ ⲉ̀ⲣⲉⲧⲉⲛⲉⲁⲓⲧⲟⲩ ⲁⲛⲟⲕ ⲡⲉ ⲡ̀ϭⲟⲓⲥ	ouoh èreteneàreh ènaentoly ouoh èreteneaitou anok pe p̀ċois	And ye shall keep my commandments and do them.
22:32	ⲟⲩⲟϩ ⲛⲛⲉⲧⲉⲛⲥⲉϥ ⲫⲣⲁⲛ ⲙⲡⲉⲑⲟⲩⲁⲃ ⲟⲩⲟϩ ⲉⲓⲉⲧⲟⲩⲃⲟ ϧⲉⲛⲑⲙⲏϯ ⲛⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲁⲛⲟⲕ ⲡⲉ ⲡϭⲟⲓⲥ ⲡⲉⲧⲧⲟⲩⲃⲟ ⲙⲙⲱⲧⲉⲛ	ⲟⲩⲟϩ ⲛⲛⲉⲧⲉⲛⲥⲉϥ ⲫ̀ⲣⲁⲛ ⲛ̀ⲡⲉⲑⲟⲩⲁⲃ ⲟⲩⲟϩ ⲉⲓⲉ̀ⲧⲟⲩⲃⲟ ϧⲉⲛ ⲑ̀ⲙⲏϯ ⲛ̀ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲧⲟⲩⲃⲟ ⲙ̀ⲙⲱⲧⲉⲛ	ouoh nnetensef f̀ran ǹpeθouab ouoh eiètouvo xen θ̀myti ǹnenṡyri ǹpisrayl anok pe p̀ċois pettouvo m̀mōten	And ye shall not profane the name of the Holy One, and I will be sanctified in the midst of the children of Israel. I am the Lord that sanctifies you,
22:33	ⲉⲁⲓⲉⲛ ⲑⲏⲛⲟⲩ ⲉⲃⲟⲗ ϧⲉⲛⲡⲕⲁϩⲓ ⲛⲭⲏⲙⲓ ϫⲉⲛⲧⲁϣⲱⲡⲓ ⲛⲛⲟⲩϯ ⲁⲛⲟⲕ ⲡⲉ ⲡϭⲟⲓⲥ	ⲉⲁⲓⲉⲛ ⲑⲏⲛⲟⲩ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ϫⲉ ⲛ̀ⲧⲁϣⲱⲡⲓ ⲛ̀ⲛⲟⲩϯ ⲁⲛⲟⲕ ⲡⲉ ⲡ̀ϭⲟⲓⲥ	eaien θynou èvol xen p̀kahi ǹkymi je ǹtaṡōpi ǹnouti anok pe p̀ċois	who brought you out of the land of Egypt, to be your God: I am the Lord.

Provenance

title: Leviticus 22
dialect: bohairic
source: Coptic SCRIPTORIUM corpus "bohairic.ot", document 03_Leviticus_22
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: Leviticus 22 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_22, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation automatic · tagging automatic · parsing automatic (SCRIPTORIUM meta.json; document version 6.1.0, 2025-06-30)
file: Bible/Old Testament/Leviticus/22.bohairic.scriptorium.L0.txt
title: Leviticus 22 — Cairene
dialect: bohairic
source: generated from 22.bohairic.scriptorium.L0.txt (Coptic SCRIPTORIUM corpus "bohairic.ot", document 03_Leviticus_22)
licence: CC BY-SA 4.0
share: attribution
attribution: Leviticus 22 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_22, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Leviticus/22.bohairic.scriptorium.L1.txt
title: Leviticus 22 — Kemetic
dialect: bohairic
source: generated from 22.bohairic.scriptorium.L1.txt
licence: CC BY-SA 4.0
share: attribution
attribution: Leviticus 22 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_22, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Leviticus/22.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 33 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 03_Leviticus_22 (33 lines)

Cite as:

Leviticus 22. Coptic SCRIPTORIUM corpus "bohairic.ot", document 03_Leviticus_22. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/leviticus/22.bohairic.scriptorium/. Leviticus 22 from Coptic SCRIPTORIUM (https://copticscriptorium.org), corpus bohairic.ot, document 03_Leviticus_22, version 6.1.0 (2025-06-30), annotations by Frank Feder, So Miyagawa, Elizabeth Platte, Caroline T. Schroeder, Amir Zeldes; source edition Crosswire, CoptOT. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.