04_Numeri_10 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 04_Numeri_10

Attribution: 04_Numeri_10 from Coptic SCRIPTORIUM (https://copticscriptorium.org), corpus bohairic.ot, document 04_Numeri_10, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

36 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
10:1	ⲟⲩⲟϩ ⲁ ⲡϭⲟⲓⲥ ⲥⲁϫⲓ ⲛⲉⲙⲙⲱⲩⲥⲏⲥ ⲉϥϫⲱ ⲙⲙⲟⲥ	ⲟⲩⲟϩ ⲁ ⲡ̀ϭⲟⲓⲥ ⲥⲁϫⲓ ⲛⲉⲙ ⲙⲱⲩⲥⲏⲥ ⲉϥϫⲱ ⲙ̀ⲙⲟⲥ	ouoh a p̀ċois saji nem mōisys efgō m̀mos	And the Lord spoke to Moses, saying,
10:2	ϫⲉⲙⲁⲑⲁⲙⲓⲟ ⲛⲁⲕ ⲛⲥⲁⲗⲡⲓⲅⲝ ⲥⲛⲟⲩϯ ⲛϫⲁϫϩ ⲉⲕⲉⲑⲁⲙⲓⲱⲟⲩ ⲛϩⲁⲧ ⲟⲩⲟϩ ⲉⲩⲉϣⲱⲡⲓ ⲛⲁⲕ ⲉⲡϫⲓⲛⲑⲱⲟⲩϯ ⲛϯⲥⲩⲛⲁⲅⲱⲅⲏ ⲛⲉⲙⲉⲑⲣⲟⲩⲧⲱⲟⲩⲛⲟⲩ ⲛϫⲉⲛⲓⲡⲁⲣⲉⲙⲃⲟⲗⲏ	ϫⲉ ⲙⲁⲑⲁⲙⲓⲟ ⲛⲁⲕ ⲛ̀ⲥⲁⲗⲡⲓⲅⲝ ⲥ̀ⲛⲟⲩϯ ⲛ̀ϫⲁϫϩ ⲉⲕⲉ̀ⲑⲁⲙⲓⲱⲟⲩ ⲛ̀ϩⲁⲧ ⲟⲩⲟϩ ⲉⲩⲉ̀ϣⲱⲡⲓ ⲛⲁⲕ ⲉ̀ⲡ̀ϫⲓⲛⲑⲱⲟⲩϯ ⲛ̀ϯⲥⲩⲛⲁⲅⲱⲅⲏ ⲛⲉⲙ ⲉⲑⲣⲟⲩⲧⲱⲟⲩⲛⲟⲩ ⲛ̀ϫⲉ ⲛⲓⲡⲁⲣⲉⲙⲃⲟⲗⲏ	je maθamio nak ǹsalpiġks s̀nouti ǹgagh ekèθamiōou ǹhat ouoh evèṡōpi nak èp̀jinθōouti ǹtisinaġōgy nem eθroutōounou ǹje niparemboly	Make to thyself two silver trumpets: thou shalt make them of beaten work; and they shall be to thee for the purpose of calling the assembly, and of removing the camps.
10:3	ⲟⲩⲟϩ ⲉⲕⲉⲉⲣⲥⲁⲗⲡⲓⲍⲓⲛ ⲛϧⲏⲧⲟⲩ ⲟⲩⲟϩ ⲉⲥⲉⲑⲱⲟⲩϯ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ϩⲓⲣⲉⲛⲛⲓⲣⲱⲟⲩ ⲛⲧⲉϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲉⲕⲉⲉⲣⲥⲁⲗⲡⲓⲍⲓⲛ ⲛ̀ϧⲏⲧⲟⲩ ⲟⲩⲟϩ ⲉⲥⲉⲑⲱⲟⲩϯ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ϩⲓⲣⲉⲛ ⲛⲓⲣⲱⲟⲩ ⲛ̀ⲧⲉ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh ekeersalpizin ǹxytou ouoh eseθōouti ǹje tisinaġōgy tyrs hiren nirōou ǹte tis̀kiny ǹte timetmeθre	And thou shalt sound with them, and all the congregation shall be gathered to the door of the tabernacle of witness.
10:4	ⲉϣⲱⲡ ⲇⲉ ⲁⲩϣⲁⲛⲉⲣⲥⲁⲗⲡⲓⲍⲓⲛ ϧⲉⲛⲟⲩⲓ ⲉⲩⲉⲓ ϩⲁⲣⲟⲕ ⲧⲏⲣⲟⲩ ⲛϫⲉⲛⲓⲁⲣⲭⲱⲛ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲉϣⲱⲡ ⲇⲉ ⲁⲩ ϣⲁⲛⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲓ ⲉⲩⲓ ϩⲁⲣⲟⲕ ⲧⲏⲣⲟⲩ ⲛ̀ϫⲉ ⲛⲓⲁⲣⲭⲱⲛ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	eṡōp ḋe av ṡanersalpizin xen oui evi harok tyrou ǹje niarxōn ǹte nenṡyri ǹpisrayl	And if they shall sound with one, all the rulers even the princes of Israel shall come to thee.
10:5	ⲟⲩⲟϩ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛⲟⲩⲙⲏⲓⲛⲓ ⲟⲩⲟϩ ⲉⲩⲉⲟⲩⲱⲧⲉⲃ ⲛϫⲉⲛⲓⲡⲁⲣⲉⲙⲃⲟⲗⲏ ⲉⲧϩⲓⲕⲟⲧ ⲉⲛⲓⲙⲁⲛϣⲁⲓ	ⲟⲩⲟϩ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲙⲏⲓⲛⲓ ⲟⲩⲟϩ ⲉⲩⲉ̀ⲟⲩⲱⲧⲉⲃ ⲛ̀ϫⲉ ⲛⲓⲡⲁⲣⲉⲙⲃⲟⲗⲏ ⲉⲧϩⲓⲕⲟⲧ ⲉ̀ⲛⲓⲙⲁⲛϣⲁⲓ	ouoh èreteneersalpizin xen oumyini ouoh evèouōteb ǹje niparemboly et·hikot ènimanṡai	And ye shall sound an alarm, and the camps pitched eastward shall begin to move.
10:6	ⲟⲩⲟϩ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛⲟⲩⲙⲏⲓⲛⲓ ⲙⲙⲁϩⲃ̅ ⲟⲩⲟϩ ⲉⲩⲉⲟⲩⲱⲧⲉⲃ ⲛϫⲉⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉⲡⲉⲙⲉⲛⲧ ⲟⲩⲟϩ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛⲟⲩⲙⲏⲓⲛⲓ ⲙⲙⲁϩⲅ̅ ⲟⲩⲟϩ ⲉⲩⲉⲟⲩⲱⲧⲉⲃ ⲛϫⲉⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉⲡⲥⲁ ⲙⲫⲓⲟⲙ ⲟⲩⲟϩ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛⲟⲩⲙⲏⲓⲛⲓ ⲙⲙⲁϩ ⲇ̅ ⲟⲩⲟϩ ⲉⲩⲉⲟⲩⲱⲧⲉⲃ ⲛϫⲉⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉⲡⲉⲙϩⲓⲧ ϧⲉⲛⲟⲩⲙⲏⲓⲛⲓ ⲉⲩⲉⲉⲣⲥⲁⲗⲡⲓⲍⲓⲛ ϧⲉⲛⲟⲩϫⲓⲛⲧⲱⲟⲩⲛⲟⲩ	ⲟⲩⲟϩ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲙⲏⲓⲛⲓ ⲛ̀ⲙⲁϩ2 ⲟⲩⲟϩ ⲉⲩⲉ̀ⲟⲩⲱⲧⲉⲃ ⲛ̀ϫⲉ ⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉ̀ⲡⲉⲙⲉⲛⲧ ⲟⲩⲟϩ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲙⲏⲓⲛⲓ ⲛ̀ⲙⲁϩ3 ⲟⲩⲟϩ ⲉⲩⲉ̀ⲟⲩⲱⲧⲉⲃ ⲛ̀ϫⲉ ⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉ̀ⲡ̀ⲥⲁ ⲛ̀ⲫ̀ⲓⲟⲙ ⲟⲩⲟϩ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛ ⲟⲩⲙⲏⲓⲛⲓ ⲛ̀ⲙⲁϩ 4 ⲟⲩⲟϩ ⲉⲩⲉ̀ⲟⲩⲱⲧⲉⲃ ⲛ̀ϫⲉ ⲛⲓⲡⲁⲣⲉⲙⲃⲟⲗⲏ ⲛⲏ ⲉⲧϩⲓⲕⲟⲧ ⲉ̀ⲡⲉⲙϩⲓⲧ ϧⲉⲛ ⲟⲩⲙⲏⲓⲛⲓ ⲉⲩⲉⲉⲣⲥⲁⲗⲡⲓⲍⲓⲛ ϧⲉⲛ ⲟⲩϫⲓⲛⲧⲱⲟⲩⲛⲟⲩ	ouoh èreteneersalpizin xen oumyini ǹmah2 ouoh evèouōteb ǹje niparemboly ny et·hikot èpement ouoh èreteneersalpizin xen oumyini ǹmah3 ouoh evèouōteb ǹje niparemboly ny et·hikot èp̀·sa ǹf̀iom ouoh èreteneersalpizin xen oumyini ǹmah 4 ouoh evèouōteb ǹje niparemboly ny et·hikot èpemhit xen oumyini eveersalpizin xen oujintōounou	And ye shall sound a second alarm, and the camps pitched southward shall move; and ye shall sound a third alarm, and the camps pitched westward shall move forward; and ye shall sound a fourth alarm, and they that encamp toward the north shall move forward: they shall sound an alarm at their departure.
10:7	ⲟⲩⲟϩ ⲉⲥⲉϣⲱⲡⲓ ⲁⲥϣⲁⲛⲑⲱⲟⲩϯ ⲛϫⲉϯⲥⲩⲛⲁⲅⲱⲅⲏ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ⲟⲩⲟϩ ϧⲉⲛⲟⲩⲙⲏⲓⲛⲓ ⲁⲛ	ⲟⲩⲟϩ ⲉⲥⲉϣⲱⲡⲓ ⲁⲥϣⲁⲛⲑⲱⲟⲩϯ ⲛ̀ϫⲉ ϯⲥⲩⲛⲁⲅⲱⲅⲏ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ⲟⲩⲟϩ ϧⲉⲛ ⲟⲩⲙⲏⲓⲛⲓ ⲁⲛ	ouoh eseṡōpi asṡanθōouti ǹje tisinaġōgy èreteneersalpizin ouoh xen oumyini an	And whenever ye shall gather the assembly, ye shall sound, but not an alarm.
10:8	ⲟⲩⲟϩ ⲉⲣⲉⲛⲓⲟⲩⲏⲃ ⲛⲓϣⲏⲣⲓ ⲛⲧⲉⲁⲁⲣⲱⲛ ⲉⲩⲉⲉⲣⲥⲁⲗⲡⲓⲍⲓⲛ ϧⲉⲛⲛⲓⲥⲁⲗⲡⲓⲅⲝ ⲟⲩⲟϩ ⲉϥⲉϣⲱⲡⲓ ⲛⲱⲧⲉⲛ ⲛⲛⲟⲙⲟⲥ ϣⲁⲉⲛⲉϩ ⲛⲉⲙϣⲁⲛⲉⲧⲉⲛϫⲱⲟⲩ	ⲟⲩⲟϩ ⲉ̀ⲣⲉ ⲛⲓⲟⲩⲏⲃ ⲛⲓϣⲏⲣⲓ ⲛ̀ⲧⲉ ⲁ̀ⲁⲣⲱⲛ ⲉⲩⲉⲉⲣⲥⲁⲗⲡⲓⲍⲓⲛ ϧⲉⲛ ⲛⲓⲥⲁⲗⲡⲓⲅⲝ ⲟⲩⲟϩ ⲉϥⲉ̀ϣⲱⲡⲓ ⲛⲱⲧⲉⲛ ⲛ̀ⲛⲟⲙⲟⲥ ϣⲁ ⲉ̀ⲛⲉϩ ⲛⲉⲙ ϣⲁ ⲛⲉⲧⲉⲛϫⲱⲟⲩ	ouoh ère niouyb niṡyri ǹte àarōn eveersalpizin xen nisalpiġks ouoh efèṡōpi nōten ǹnomos ṡa èneh nem ṡa netengōou	And the priests the sons of Aaron shall sound with the trumpets; and it shall be a perpetual ordinance for you throughout your generations.
10:9	ⲉϣⲱⲡ ⲇⲉ ⲁⲣⲉⲧⲉⲛϣⲁⲛⲓ ⲉⲡⲓⲃⲱⲧⲥ ϧⲉⲛⲡⲉⲧⲉⲛⲕⲁϩⲓ ⲉϫⲉⲛⲛⲓϫⲁϫⲓ ⲛⲏ ⲉⲧⲟϩⲓ ⲉⲣⲁⲧⲟⲩⲟⲩⲃⲉ ⲑⲏⲛⲟⲩ ⲉⲣⲉⲧⲉⲛⲉⲙⲟⲩϯ ϧⲉⲛⲛⲓⲥⲁⲗⲡⲓⲅⲝ ⲟⲩⲟϩ ⲉⲩⲉⲉⲣ ⲡⲉⲧⲉⲛⲙⲉⲩⲓ ⲙⲡⲉⲙⲑⲟ ⲙⲡϭⲟⲓⲥ ⲟⲩⲟϩ ⲉⲣⲉⲧⲉⲛⲉⲛⲟϩⲉⲙ ⲛⲧⲟⲧⲟⲩ ⲛⲛⲉⲧⲉⲛϫⲁϫⲓ ⲛⲏ ⲉⲧⲭⲏ ⲙⲡⲉⲧⲉⲛⲙⲑⲟ	ⲉϣⲱⲡ ⲇⲉ ⲁⲣⲉⲧⲉⲛϣⲁⲛⲓ ⲉ̀ⲡⲓⲃⲱⲧⲥ ϧⲉⲛ ⲡⲉⲧⲉⲛⲕⲁϩⲓ ⲉ̀ϫⲉⲛ ⲛⲓϫⲁϫⲓ ⲛⲏ ⲉⲧⲟϩⲓ ⲉ̀ⲣⲁⲧⲟⲩⲟⲩⲃⲉ ⲑⲏⲛⲟⲩ ⲉ̀ⲣⲉⲧⲉⲛⲉⲙⲟⲩϯ ϧⲉⲛ ⲛⲓⲥⲁⲗⲡⲓⲅⲝ ⲟⲩⲟϩ ⲉⲩⲉⲉⲣ ⲡ̀ⲉⲧⲉⲛⲙⲉⲩⲓ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ ⲟⲩⲟϩ ⲉ̀ⲣⲉⲧⲉⲛⲉⲛⲟϩⲉⲙ ⲛ̀ⲧⲟⲧⲟⲩ ⲛ̀ⲛⲉⲧⲉⲛϫⲁϫⲓ ⲛⲏ ⲉⲧⲭⲏ ⲛ̀ⲡⲉⲧⲉⲛⲙ̀ⲑⲟ	eṡōp ḋe aretenṡani èpivōts xen petenkahi èjen nigaji ny etohi èratououve θynou èretenemouti xen nisalpiġks ouoh eveer p̀etenmevi ǹpem̀θo ǹp̀ċois ouoh èretenenohem ǹtotou ǹnetengaji ny etky ǹpetenm̀θo	And if ye shall go forth to war in your land against your enemies that are opposed to you, then shall ye sound with the trumpets; and ye shall be had in remembrance before the Lord, and ye shall be saved from your enemies.
10:10	ⲟⲩⲟϩ ⲛϩⲣⲏⲓ ϧⲉⲛⲡⲓⲉϩⲟⲟⲩ ⲛⲧⲉⲡⲉⲧⲉⲛⲟⲩⲛⲟϥ ⲛⲉⲙϧⲉⲛⲛⲉⲧⲉⲛϣⲁⲓ ⲛⲉⲙϧⲉⲛⲛⲉⲧⲉⲛⲥⲟⲩⲁⲓ ⲉⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛⲛⲉⲧⲉⲛⲥⲁⲗⲡⲓⲅⲝ ⲉϩⲣⲏⲓ ⲉϫⲉⲛⲛⲉⲧⲉⲛϭⲗⲓⲗ ⲛⲉⲙⲛⲓϣⲟⲩϣⲱⲟⲩϣⲓ ⲛⲧⲉⲛⲉⲧⲉⲛⲟⲩϫⲁⲓ ⲟⲩⲟϩ ⲉⲥⲉϣⲱⲡⲓ ⲛⲱⲧⲉⲛ ⲛⲟⲩⲉⲣⲫⲙⲉⲩⲓ ⲙⲡⲉⲙⲑⲟ ⲙⲡⲉⲧⲉⲛⲛⲟⲩϯ ⲁⲛⲟⲕ ⲡⲉ ⲡϭⲟⲓⲥ ⲡⲉⲧⲉⲛⲛⲟⲩϯ	ⲟⲩⲟϩ ⲛ̀ϩ̀ⲣⲏⲓ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ ⲡⲉⲧⲉⲛⲟⲩⲛⲟϥ ⲛⲉⲙ ϧⲉⲛ ⲛⲉⲧⲉⲛϣⲁⲓ ⲛⲉⲙ ϧⲉⲛ ⲛⲉⲧⲉⲛⲥⲟⲩⲁⲓ ⲉ̀ⲣⲉⲧⲉⲛⲉⲉⲣⲥⲁⲗⲡⲓⲍⲓⲛ ϧⲉⲛ ⲛⲉⲧⲉⲛⲥⲁⲗⲡⲓⲅⲝ ⲉ̀ϩ̀ⲣⲏⲓ ⲉ̀ϫⲉⲛ ⲛⲉⲧⲉⲛϭⲗⲓⲗ ⲛⲉⲙ ⲛⲓϣⲟⲩϣⲱⲟⲩϣⲓ ⲛ̀ⲧⲉ ⲛⲉⲧⲉⲛⲟⲩϫⲁⲓ ⲟⲩⲟϩ ⲉⲥⲉϣⲱⲡⲓ ⲛⲱⲧⲉⲛ ⲛ̀ⲟⲩⲉⲣⲫⲙⲉⲩⲓ ⲛ̀ⲡⲉⲙ̀ⲑⲟ ⲛ̀ⲡⲉⲧⲉⲛⲛⲟⲩϯ ⲁⲛⲟⲕ ⲡⲉ ⲡ̀ϭⲟⲓⲥ ⲡⲉⲧⲉⲛⲛⲟⲩϯ	ouoh ǹh̀ryi xen pièhoou ǹte petenounof nem xen netenṡai nem xen netensouai èreteneersalpizin xen netensalpiġks èh̀ryi èjen netenċlil nem niṡouṡōouṡi ǹte netenougai ouoh eseṡōpi nōten ǹouerfmevi ǹpem̀θo ǹpetennouti anok pe p̀ċois petennouti	And in the days of your gladness, and in your feasts, and in your new moons, ye shall sound with the trumpets at your whole-burnt-offerings, and at the sacrifices of your peace-offerings; and there shall be a memorial for you before your God: I am the Lord your God.
10:11	ⲟⲩⲟϩ ⲁⲥϣⲱⲡⲓ ϧⲉⲛϯⲣⲟⲙⲡⲓ ⲙⲙⲁϩ ⲥⲛⲟⲩϯ ϧⲉⲛⲡⲓⲁⲃⲟⲧ ⲙⲙⲁϩ ⲥⲛⲁⲩ ⲛⲥⲟⲩⲕ̅ ⲙⲡⲓⲁⲃⲟⲧ ⲁⲥϣⲉⲛⲁⲥ ⲉⲡϣⲱⲓ ⲛϫⲉϯϭⲏⲡⲓ ⲉⲃⲟⲗ ϩⲁϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ	ⲟⲩⲟϩ ⲁⲥϣⲱⲡⲓ ϧⲉⲛ ϯⲣⲟⲙⲡⲓ ⲛ̀ⲙⲁϩ ⲥ̀ⲛⲟⲩϯ ϧⲉⲛ ⲡⲓⲁ̀ⲃⲟⲧ ⲛ̀ⲙⲁϩ ⲥ̀ⲛⲁⲩ ⲛⲥⲟⲩⲕ̅ ⲛ̀ⲡⲓⲁ̀ⲃⲟⲧ ⲁⲥϣⲉⲛⲁⲥ ⲉ̀ⲡ̀ϣⲱⲓ ⲛ̀ϫⲉ ϯϭⲏⲡⲓ ⲉ̀ⲃⲟⲗ ϩⲁ ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ	ouoh asṡōpi xen tirompi ǹmah s̀nouti xen piàvot ǹmah s̀nav nsouk ǹpiàvot asṡenas èp̀ṡōi ǹje tiċypi èvol ha tis̀kiny ǹte timetmeθre	And it came to pass in the second year, in the second month, on the twentieth day of the month, the cloud went up from the tabernacle of witness.
10:12	ⲟⲩⲟϩ ⲁⲩⲟⲩⲱⲧⲉⲃ ⲛϫⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲛⲉⲙⲡⲟⲩⲥⲟⲃϯ ⲧⲏⲣϥ ϧⲉⲛⲡⲧⲱⲟⲩ ⲛⲥⲓⲛⲁ ⲟⲩⲟϩ ⲁⲥⲟϩⲓ ⲛϫⲉϯϭⲏⲡⲓ ϩⲓⲡⲧⲱⲟⲩ ⲙⲫⲁⲣⲁⲛ ⲛⲕⲁⲇⲏⲥ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϫⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲛ̀ⲉⲛⲡ̀ⲟⲩⲥⲟⲃϯ ⲧⲏⲣϥ ϧⲉⲛ ⲡ̀ⲧⲱⲟⲩ ⲛ̀ⲥⲓⲛⲁ ⲟⲩⲟϩ ⲁⲥⲟ̀ϩⲓ ⲛ̀ϫⲉ ϯϭⲏⲡⲓ ϩⲓ ⲡ̀ⲧⲱⲟⲩ ⲛ̀ⲫⲁⲣⲁⲛ ⲛ̀ⲕⲁⲇⲏⲥ	ouoh avouōteb ǹje nenṡyri ǹpisrayl ǹenp̀ousovti tyrf xen p̀tōou ǹsina ouoh asòhi ǹje tiċypi hi p̀tōou ǹfaran ǹkaḋys	And the children of Israel set forward with their baggage in the wilderness of Sina; and the cloud rested in the wilderness of Pharan.
10:13	ⲟⲩⲟϩ ⲁⲩⲟⲩⲱⲧⲉⲃ ⲛϣⲟⲣⲡ ⲉⲃⲟⲗ ϩⲓⲧⲉⲛϯⲥⲙⲏ ⲛⲧⲉⲡϭⲟⲓⲥ ϧⲉⲛⲛⲉⲛϫⲓϫ ⲙⲙⲱⲩⲥⲏⲥ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϣⲟⲣⲡ ⲉ̀ⲃⲟⲗ ϩⲓⲧⲉⲛ ϯⲥ̀ⲙⲏ ⲛ̀ⲧⲉ ⲡ̀ϭⲟⲓⲥ ϧⲉⲛ ⲛⲉⲛϫⲓϫ ⲛ̀ⲙⲱⲩⲥⲏⲥ	ouoh avouōteb ǹṡorp èvol hiten tis̀my ǹte p̀ċois xen nenjig ǹmōisys	And the first rank departed by the word of the Lord by the hand of Moses.
10:14	ⲟⲩⲟϩ ⲁϥⲟⲩⲱⲧⲉⲃ ⲛϫⲉⲡⲧⲁⲅⲙⲁ ⲛⲧⲉⲧⲡⲁⲣⲉⲙⲃⲟⲗⲏ ⲛⲓⲟⲩⲇⲁ ⲛϣⲟⲣⲡ ⲛⲉⲙⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧⲟⲩϫⲟⲙ ⲛⲁⲥⲥⲱⲛ ⲡϣⲏⲣⲓ ⲛⲁⲙⲓⲛⲁⲇⲁⲃ	ⲟⲩⲟϩ ⲁϥⲟⲩⲱⲧⲉⲃ ⲛ̀ϫⲉ ⲡ̀ⲧⲁⲅⲙⲁ ⲛ̀ⲧⲉ ⲧ̀ⲡⲁⲣⲉⲙⲃⲟⲗⲏ ⲛ̀ⲓⲟⲩⲇⲁ ⲛ̀ϣⲟⲣⲡ ⲛⲉⲙ ⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧⲟⲩϫⲟⲙ ⲛⲁⲥⲥⲱⲛ ⲡ̀ϣⲏⲣⲓ ⲛ̀ⲁⲙⲓⲛⲁⲇⲁⲃ	ouoh afouōteb ǹje p̀taġma ǹte t̀paremboly ǹiouda ǹṡorp nem tougom ouoh fy etky hijen tougom nassōn p̀ṡyri ǹaminadab	And they first set in motion the order of the camp of the children of Juda with their host; and over their host was Naasson, son of Aminadab.
10:15	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧϫⲟⲙ ⲛⲛⲉⲛϣⲏⲣⲓ ⲛⲓⲥⲁⲭⲁⲣ ⲛⲁⲑⲁⲛⲁⲏⲗ ⲡϣⲏⲣⲓ ⲛⲍⲱⲅⲁⲣ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧ̀ϫⲟⲙ ⲛ̀ⲛⲉⲛϣⲏⲣⲓ ⲛⲓⲥⲁⲭⲁⲣ ⲛⲁⲑⲁⲛⲁⲏⲗ ⲡ̀ϣⲏⲣⲓ ⲛ̀ⲍⲱⲅⲁⲣ	ouoh fy etky hijen t̀gom ǹnenṡyri nisakar naθanayl p̀ṡyri ǹzōġar	And over the host of the tribe of the sons of Issachar, was Nathanael son of Sogar.
10:16	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧϫⲟⲙ ⲛⲛⲉⲛϣⲏⲣⲓ ⲛⲍⲁⲃⲟⲩⲗⲱⲛ ⲉⲗⲓⲁⲃ ⲡϣⲏⲣⲓ ⲛⲭⲉⲗⲱⲛ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧ̀ϫⲟⲙ ⲛ̀ⲛⲉⲛϣⲏⲣⲓ ⲛ̀ⲍⲁⲃⲟⲩⲗⲱⲛ ⲉⲗⲓⲁⲃ ⲡ̀ϣⲏⲣⲓ ⲛ̀ⲭⲉⲗⲱⲛ	ouoh fy etky hijen t̀gom ǹnenṡyri ǹzavoulōn eliab p̀ṡyri ǹṡelōn	And over the host of the tribe of the sons of Zabulon, was Eliab the son of Chaelon.
10:17	ⲟⲩⲟϩ ⲉⲩⲉⲱⲗⲓ ⲛϯⲥⲕⲩⲛⲏ ⲟⲩⲟϩ ⲉⲩⲉⲟⲩⲱⲧⲉⲃ ⲛϫⲉⲛⲉⲛϣⲏⲣⲓ ⲛⲅⲉⲇⲥⲱⲛ ⲟⲩⲟϩ ⲛⲉⲛϣⲏⲣⲓ ⲙⲙⲉⲣⲁⲣⲓ ⲉⲩⲉϥⲁⲓ ⲛϯⲥⲕⲩⲛⲏ	ⲟⲩⲟϩ ⲉⲩⲉⲱ̀ⲗⲓ ⲛ̀ϯⲥ̀ⲕⲩⲛⲏ ⲟⲩⲟϩ ⲉⲩⲉ̀ⲟⲩⲱⲧⲉⲃ ⲛ̀ϫⲉ ⲛⲉⲛϣⲏⲣⲓ ⲛ̀ⲅⲉⲇⲥⲱⲛ ⲟⲩⲟϩ ⲛⲉⲛϣⲏⲣⲓ ⲛ̀ⲙⲉⲣⲁⲣⲓ ⲉⲩⲉ̀ϥⲁⲓ ⲛ̀ϯⲥ̀ⲕⲩⲛⲏ	ouoh eveṑli ǹtis̀kiny ouoh evèouōteb ǹje nenṡyri ǹgedsōn ouoh nenṡyri ǹmerari evèfai ǹtis̀kiny	And they shall take down the tabernacle, and the sons of Gedson shall set forward, and the sons of Merari, who bear the tabernacle.
10:18	ⲟⲩⲟϩ ⲁⲩⲟⲩⲱⲧⲉⲃ ⲛϫⲉⲡⲧⲁⲅⲙⲁ ⲛⲧⲉⲧⲡⲁⲣⲉⲙⲃⲟⲗⲏ ⲛⲛⲉⲛϣⲏⲣⲓ ⲛⲣⲟⲩⲃⲏⲛ ⲛⲉⲙⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧⲟⲩϫⲟⲙ ⲉⲗⲓⲥⲟⲩⲣ ⲡϣⲏⲣⲓ ⲛⲥⲉⲇⲓⲟⲩⲣ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϫⲉ ⲡ̀ⲧⲁⲅⲙⲁ ⲛ̀ⲧⲉ ⲧ̀ⲡⲁⲣⲉⲙⲃⲟⲗⲏ ⲛ̀ⲛⲉⲛϣⲏⲣⲓ ⲛ̀ⲣⲟⲩⲃⲏⲛ ⲛⲉⲙ ⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧⲟⲩϫⲟⲙ ⲉⲗⲓⲥⲟⲩⲣ ⲡ̀ϣⲏⲣⲓ ⲛ̀ⲥⲉⲇⲓⲟⲩⲣ	ouoh avouōteb ǹje p̀taġma ǹte t̀paremboly ǹnenṡyri ǹrouvyn nem tougom ouoh fy etky hijen tougom elisour p̀ṡyri ǹseḋiour	And the order of the camp of Ruben set forward with their host; and over their host was Elisur the son of Sediur.
10:19	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲧⲫⲩⲗⲏ ⲛⲥⲩⲙⲉⲱⲛ ⲥⲁⲗⲁⲙⲓⲏⲗ ⲡϣⲏⲣⲓ ⲛⲥⲟⲩⲣⲓⲥⲁⲇⲁⲓ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲧ̀ⲫⲩⲗⲏ ⲛ̀ⲥⲩⲙⲉⲱⲛ ⲥⲁⲗⲁⲙⲓⲏⲗ ⲡ̀ϣⲏⲣⲓ ⲛ̀ⲥⲟⲩⲣⲓⲥⲁⲇⲁⲓ	ouoh fy etky hijen tigom ǹte t̀fily ǹsimeōn salamiyl p̀ṡyri ǹsourisadai	And over the host of the tribe of the sons of Symeon, was Salamiel son of Surisadai.
10:20	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲛⲉⲛϣⲏⲣⲓ ⲛⲅⲁⲇ ⲉⲗⲓⲥⲁⲫ ⲡϣⲏⲣⲓ ⲛⲣⲁⲕⲟⲩⲏⲗ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲛⲉⲛϣⲏⲣⲓ ⲛ̀ⲅⲁⲇ ⲉⲗⲓⲥⲁⲫ ⲡ̀ϣⲏⲣⲓ ⲛ̀ⲣⲁⲕⲟⲩⲏⲗ	ouoh fy etky hijen tigom ǹte nenṡyri ǹġaḋ elisaf p̀ṡyri ǹrakouyl	And over the host of the tribe of the children of Gad, was Elisaph the son of Raguel.
10:21	ⲟⲩⲟϩ ⲁⲩⲟⲩⲱⲧⲉⲃ ⲛϫⲉⲛⲉⲛϣⲏⲣⲓ ⲛⲅⲁⲁⲑ ⲉⲩϥⲁⲓ ⲛⲛⲏ ⲉⲑⲟⲩⲁⲃ ⲟⲩⲟϩ ⲉⲩⲉⲧⲁϩⲛⲟ ⲛϯⲥⲕⲩⲛⲏ ϣⲁⲧⲟⲩⲑⲱⲟⲩϯ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϫⲉ ⲛⲉⲛϣⲏⲣⲓ ⲛ̀ⲅⲁⲁⲑ ⲉⲩϥⲁⲓ ⲛ̀ⲛⲏ ⲉⲑⲟⲩⲁⲃ ⲟⲩⲟϩ ⲉⲩⲉ̀ⲧⲁϩⲛⲟ ⲛ̀ϯⲥ̀ⲕⲩⲛⲏ ϣⲁⲧⲟⲩⲑⲱⲟⲩϯ	ouoh avouōteb ǹje nenṡyri ǹġaaθ evfai ǹny eθouab ouoh evètahno ǹtis̀kiny ṡatouθōouti	And the sons of Caath shall set forward bearing the holy things, and the others shall set up the tabernacle until they arrive.
10:22	ⲟⲩⲟϩ ⲁⲩⲟⲩⲱⲧⲉⲃ ⲛϫⲉⲡⲧⲁⲅⲙⲁ ⲛⲧⲉⲧⲡⲁⲣⲉⲙⲃⲟⲗⲏ ⲛⲉⲫⲣⲉⲙ ⲛⲉⲙⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧⲟⲩϫⲟⲙ ⲉⲗⲓⲥⲁⲙⲁ ⲡϣⲏⲣⲓ ⲛⲥⲉⲙⲓⲟⲩⲇ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϫⲉ ⲡ̀ⲧⲁⲅⲙⲁ ⲛ̀ⲧⲉ ⲧ̀ⲡⲁⲣⲉⲙⲃⲟⲗⲏ ⲛ̀ⲉⲫⲣⲉⲙ ⲛⲉⲙ ⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧⲟⲩϫⲟⲙ ⲉⲗⲓⲥⲁⲙⲁ ⲡ̀ϣⲏⲣⲓ ⲛ̀ⲥⲉⲙⲓⲟⲩⲇ	ouoh avouōteb ǹje p̀taġma ǹte t̀paremboly ǹefrem nem tougom ouoh fy etky hijen tougom elisama p̀ṡyri ǹsemiouḋ	And the order of the camp of Ephraim shall set forward with their forces; and over their forces was Elisama the son of Semiud.
10:23	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲧⲫⲩⲗⲏ ⲙⲙⲁⲛⲁⲥⲥⲏ ⲅⲁⲙⲁⲗⲓⲏⲗ ⲡϣⲏⲣⲓ ⲙⲫⲁⲇⲁⲥⲟⲩⲣ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲧ̀ⲫⲩⲗⲏ ⲙⲙⲁⲛⲁⲥⲥⲏ ⲅⲁⲙⲁⲗⲓⲏⲗ ⲡ̀ϣⲏⲣⲓ ⲛ̀ⲫⲁⲇⲁⲥⲟⲩⲣ	ouoh fy etky hijen tigom ǹte t̀fily mmanassy ġamaliyl p̀ṡyri ǹfaḋasour	And over the forces of the tribes of the sons of Manasse, was Gamaliel the son of Phadassur.
10:24	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲛⲉⲛϣⲏⲣⲓ ⲙⲃⲉⲛⲓⲁⲙⲓⲛ ⲁⲃⲓⲁⲇⲁⲛ ⲡϣⲏⲣⲓ ⲛⲅⲉⲇⲉⲱⲛ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲛⲉⲛϣⲏⲣⲓ ⲛ̀ⲃⲉⲛⲓⲁⲙⲓⲛ ⲁⲃⲓⲁⲇⲁⲛ ⲡ̀ϣⲏⲣⲓ ⲛ̀ⲅⲉⲇⲉⲱⲛ	ouoh fy etky hijen tigom ǹte nenṡyri ǹbeniamin aviaḋan p̀ṡyri ǹgedeōn	And over the forces of the tribe of the children of Benjamin, was Abidan the son of Gadeoni.
10:25	ⲟⲩⲟϩ ⲁⲩⲟⲩⲱⲧⲉⲃ ⲛϫⲉⲡⲧⲁⲅⲙⲁ ⲛⲧⲉⲛⲉⲛϣⲏⲣⲓ ⲛⲇⲁⲛ ⲉⲡϧⲁⲉ ⲛⲛⲓⲡⲁⲣⲉⲙⲃⲟⲗⲏ ⲧⲏⲣⲟⲩ ⲛⲉⲙⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛⲧⲟⲩϫⲟⲙ ⲁⲭⲓⲉⲍⲉⲣ ⲡϣⲏⲣⲓ ⲛⲁⲙⲓⲥⲁⲇⲉ	ⲟⲩⲟϩ ⲁⲩⲟⲩⲱⲧⲉⲃ ⲛ̀ϫⲉ ⲡ̀ⲧⲁⲅⲙⲁ ⲛ̀ⲧⲉ ⲛⲉⲛϣⲏⲣⲓ ⲛ̀ⲇⲁⲛ ⲉ̀ⲡ̀ϧⲁⲉ̀ ⲛ̀ⲛⲓⲡⲁⲣⲉⲙⲃⲟⲗⲏ ⲧⲏⲣⲟⲩ ⲛⲉⲙ ⲧⲟⲩϫⲟⲙ ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ⲧⲟⲩϫⲟⲙ ⲁⲭⲓⲉⲍⲉⲣ ⲡ̀ϣⲏⲣⲓ ⲛⲁⲙⲓⲥⲁⲇⲉ	ouoh avouōteb ǹje p̀taġma ǹte nenṡyri ǹḋan èp̀xaè ǹniparemboly tyrou nem tougom ouoh fy etky hijen tougom aṡiezer p̀ṡyri namisaḋe	And the order of the camp of the sons of Dan shall set forward the last of all the camps, with their forces: and over their forces was Achiezer the son of Amisadai.
10:26	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲧⲫⲩⲗⲏ ⲛⲁⲥⲥⲏⲣ ⲫⲁⲅⲉⲏⲗ ⲡϣⲏⲣⲓ ⲛⲉⲭⲣⲁⲛ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲧ̀ⲫⲩⲗⲏ ⲛⲁⲥⲥⲏⲣ ⲫⲁⲅⲉⲏⲗ ⲡ̀ϣⲏⲣⲓ ⲛⲉⲭⲣⲁⲛ	ouoh fy etky hijen tigom ǹte t̀fily nassyr fageyl p̀ṡyri nekran	And over the forces of the tribe of the sons of Aser, was Phageel the son of Echran.
10:27	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛϯϫⲟⲙ ⲛⲧⲉⲛⲉⲛϣⲏⲣⲓ ⲛⲛⲉⲫⲑⲁⲗⲓⲙ ⲁⲭⲓⲣⲉ ⲡϣⲏⲣⲓ ⲛⲉⲛⲁⲛ	ⲟⲩⲟϩ ⲫⲏ ⲉⲧⲭⲏ ϩⲓϫⲉⲛ ϯϫⲟⲙ ⲛ̀ⲧⲉ ⲛⲉⲛϣⲏⲣⲓ ⲛ̀ⲛⲉⲫ̀ⲑⲁⲗⲓⲙ ⲁⲭⲓⲣⲉ ⲡ̀ϣⲏⲣⲓ ⲛⲉⲛⲁⲛ	ouoh fy etky hijen tigom ǹte nenṡyri ǹnef̀θalim akire p̀ṡyri nenan	And over the forces of the tribe of the sons of Nephthali, was Achire the son of Aenan.
10:28	ⲛⲁⲓ ⲛⲉ ⲛⲓⲥⲧⲣⲁⲧⲓⲁ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲟⲩⲟϩ ⲁⲩⲟⲩⲱⲧⲉⲃ ⲛⲉⲙⲧⲟⲩϫⲟⲙ	ⲛⲁⲓ ⲛⲉ ⲛⲓⲥ̀ⲧⲣⲁⲧⲓⲁ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲟⲩⲟϩ ⲁⲩⲟⲩⲱⲧⲉⲃ ⲛⲉⲙ ⲧⲟⲩϫⲟⲙ	nai ne nis̀tratia ǹte nenṡyri ǹpisrayl ouoh avouōteb nem tougom	These are the armies of the children of Israel; and they set forward with their forces.
10:29	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲓⲱⲃⲁⲃ ⲡϣⲏⲣⲓ ⲛⲣⲁⲅⲟⲩⲏⲗ ⲡⲓⲙⲁⲇⲓⲁⲛⲓⲧⲏⲥ ⲡϣⲟⲙ ⲙⲙⲱⲩⲥⲏⲥ ϫⲉⲧⲉⲛⲛⲁⲟⲩⲱⲧⲉⲃ ⲁⲛⲟⲛ ⲉⲡⲓⲙⲁ ⲉⲧⲁ ⲡϭⲟⲓⲥ ϫⲟⲥ ϫⲉⲫⲁⲓ ϯⲛⲁⲧⲏⲓϥ ⲛⲱⲧⲉⲛ ⲁⲙⲟⲩ ⲛⲉⲙⲁⲛ ⲟⲩⲟϩ ⲧⲉⲛⲛⲁⲉⲣⲡⲉⲑⲛⲁⲛⲉϥ ⲛⲁⲕ ϫⲉⲡϭⲟⲓⲥ ⲁϥⲥⲁϫⲓ ⲛϩⲁⲛⲡⲉⲑⲛⲁⲛⲉⲩ ⲉϫⲉⲛⲡⲓⲥⲣⲁⲏⲗ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲓⲱⲃⲁⲃ ⲡ̀ϣⲏⲣⲓ ⲛ̀ⲣⲁⲅⲟⲩⲏⲗ ⲡⲓⲙⲁⲇⲓⲁⲛⲓⲧⲏⲥ ⲡ̀ϣⲟⲙ ⲛ̀ⲙⲱⲩⲥⲏⲥ ϫⲉ ⲧⲉⲛⲛⲁⲟⲩⲱⲧⲉⲃ ⲁ̀ⲛⲟⲛ ⲉ̀ⲡⲓⲙⲁ ⲉ̀ⲧⲁ ⲡ̀ϭⲟⲓⲥ ϫⲟⲥ ϫⲉ ⲫⲁⲓ ϯⲛⲁⲧⲏⲓϥ ⲛⲱⲧⲉⲛ ⲁ̀ⲙⲟⲩ ⲛⲉⲙⲁⲛ ⲟⲩⲟϩ ⲧⲉⲛⲛⲁⲉⲣⲡⲉⲑⲛⲁⲛⲉϥ ⲛⲁⲕ ϫⲉ ⲡ̀ϭⲟⲓⲥ ⲁϥⲥⲁϫⲓ ⲛ̀ϩⲁⲛⲡⲉⲑⲛⲁⲛⲉⲩ ⲉ̀ϫⲉⲛ ⲡⲓⲥⲣⲁⲏⲗ	ouoh peje mōisys niōbab p̀ṡyri ǹraġouyl pimadianitys p̀ṡom ǹmōisys je tennaouōteb ànon èpima èta p̀ċois gos je fai tinatyif nōten àmou neman ouoh tennaerpeθnanef nak je p̀ċois afsaji ǹhanpeθnanev èjen pisrayl	And Moses said to Obab the son of Raguel the Madianite, the father-in-law of Moses, We are going forward to the place concerning which the Lord said, This will I give to you: Come with us, and we will do thee good, for the Lord has spoken good concerning Israel.
10:30	ⲟⲩⲟϩ ⲡⲉϫⲁϥ ⲛⲁϥ ϫⲉϯⲛⲏⲟⲩ ⲁⲛ ⲁⲗⲗⲁ ⲉⲓⲉϣⲉⲛⲏⲓ ⲉⲡⲕⲁϩⲓ ⲛⲉⲙⲡⲁϫⲱⲟⲩ	ⲟⲩⲟϩ ⲡⲉϫⲁϥ ⲛⲁϥ ϫⲉ ϯⲛⲏⲟⲩ ⲁⲛ ⲁⲗⲗⲁ ⲉⲓⲉϣⲉⲛⲏⲓ ⲉ̀ⲡ̀ⲕⲁϩⲓ ⲛⲉⲙ ⲡⲁϫⲱⲟⲩ	ouoh pegaf naf je tinyou an alla eieṡenyi èp̀kahi nem pagōou	And he said to him, I will not go, but I will go to my land and to my kindred.
10:31	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲁϥ ϫⲉⲙⲡⲉⲣⲭⲁⲛ ⲛⲥⲱⲕ ϫⲉⲁⲕϣⲱⲡⲓ ⲛⲉⲙⲁⲛ ϩⲓⲡϣⲁϥⲉ ⲟⲩⲟϩ ⲉⲕⲉϣⲱⲡⲓ ⲛϧⲏⲧⲉⲛ ⲛⲟⲩϧⲉⲗⲗⲟ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲁϥ ϫⲉ ⲙ̀ⲡⲉⲣⲭⲁⲛ ⲛ̀ⲥⲱⲕ ϫⲉ ⲁⲕϣⲱⲡⲓ ⲛⲉⲙⲁⲛ ϩⲓ ⲡ̀ϣⲁϥⲉ ⲟⲩⲟϩ ⲉⲕⲉ̀ϣⲱⲡⲓ ⲛ̀ϧⲏⲧⲉⲛ ⲛ̀ⲟⲩϧⲉⲗⲗⲟ	ouoh peje mōisys naf je m̀perkan ǹsōk je akṡōpi neman hi p̀ṡafe ouoh ekèṡōpi ǹxyten ǹouxello	And he said, Leave us not, because thou hast been with us in the wilderness, and thou shalt be an elder among us.
10:32	ⲟⲩⲟϩ ⲉⲥⲉϣⲱⲡⲓ ⲁⲕϣⲁⲛⲙⲟϣⲓ ⲛⲉⲙⲁⲛ ⲟⲩⲟϩ ⲉⲩⲉϣⲱⲡⲓ ⲛⲁⲓⲁⲅⲁⲑⲟⲛ ⲉⲧⲉⲫⲛⲟⲩϯ ⲛⲁⲁⲓⲧⲟⲩ ⲛⲉⲙⲁⲛ ⲉⲛⲉⲉⲣⲡⲉⲑⲛⲁⲛⲉϥ ⲛⲁⲕ ⲛϧⲏⲧⲟⲩ	ⲟⲩⲟϩ ⲉⲥⲉϣⲱⲡⲓ ⲁⲕϣⲁⲛⲙⲟϣⲓ ⲛⲉⲙⲁⲛ ⲟⲩⲟϩ ⲉⲩⲉ̀ϣⲱⲡⲓ ⲛⲁⲓⲁ̀ⲅⲁⲑⲟⲛ ⲉ̀ⲧⲉ ⲫ̀ⲛⲟⲩϯ ⲛⲁⲁⲓⲧⲟⲩ ⲛⲉⲙⲁⲛ ⲉ̀ⲛⲉⲉⲣⲡⲉⲑⲛⲁⲛⲉϥ ⲛⲁⲕ ⲛ̀ϧⲏⲧⲟⲩ	ouoh eseṡōpi akṡanmoṡi neman ouoh evèṡōpi naiàġaθon ète f̀nouti naaitou neman èneerpeθnanef nak ǹxytou	And it shall come to pass if thou wilt go with us, it shall even come to pass that in whatsoever things the Lord shall do us good, we will also do thee good.
10:33	ⲟⲩⲟϩ ⲁⲩⲟⲩⲱⲧⲉⲃ ⲉⲃⲟⲗϩⲓ ⲡⲧⲱⲟⲩ ⲙⲡϭⲟⲓⲥ ⲛⲅ̅ ⲛⲉϩⲟⲟⲩ ⲙⲙⲟϣⲓ ⲟⲩⲟϩ ϯⲕⲩⲃⲱⲧⲟⲥ ⲛⲧⲉϯⲇⲓⲁⲑⲏⲕⲏ ⲛⲧⲉⲡϭⲟⲓⲥ ⲛⲁⲥⲥⲱⲕ ϧⲁϫⲱⲟⲩ ⲡⲉ ⲛⲅ̅ ⲛⲉϩⲟⲟⲩ ⲙⲙⲟϣⲓ ⲉⲥⲉⲃⲧⲉ ⲟⲩⲙⲧⲟⲛ ⲛⲱⲟⲩ	ⲟⲩⲟϩ ⲁⲩⲟⲩⲱⲧⲉⲃ ⲉ̀ⲃⲟⲗ ϩⲓ ⲡ̀ⲧⲱⲟⲩ ⲛ̀ⲡ̀ϭⲟⲓⲥ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛ̀ⲙⲟϣⲓ ⲟⲩⲟϩ ϯⲕⲩⲃⲱⲧⲟⲥ ⲛ̀ⲧⲉ ϯⲇⲓⲁⲑⲏⲕⲏ ⲛ̀ⲧⲉ ⲡ̀ϭⲟⲓⲥ ⲛⲁⲥⲥⲱⲕ ϧⲁϫⲱⲟⲩ ⲡⲉ ⲛ̀ϣⲟⲙⲧ ⲛ̀ⲉ̀ϩⲟⲟⲩ ⲛ̀ⲙⲟϣⲓ ⲉ̀ⲥⲉⲃⲧⲉ ⲟⲩⲙ̀ⲧⲟⲛ ⲛⲱⲟⲩ	ouoh avouōteb èvol hi p̀tōou ǹp̀ċois ǹṡomt ǹèhoou ǹmoṡi ouoh tikibōtos ǹte tiḋiaθyky ǹte p̀ċois nassōk xagōou pe ǹṡomt ǹèhoou ǹmoṡi èsevte oum̀ton nōou	And they departed from the mount of the Lord a three days' journey; and the ark of the covenant of the Lord went before them a three days' journey to provide rest for them.
10:34	ⲟⲩⲟϩ ⲁⲥϣⲱⲡⲓ ⲉⲧⲁⲥⲟⲩⲱⲧⲉⲃ ⲛϫⲉϯⲕⲩⲃⲱⲧⲟⲥ ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉⲧⲱⲛⲕ ⲡϭⲟⲓⲥ ⲟⲩⲟϩ ⲙⲁⲣⲟⲩϫⲱⲣ ⲉⲃⲟⲗ ⲛϫⲉⲛⲉⲕϫⲁϫⲓ ⲧⲏⲣⲟⲩ ⲙⲁⲣⲟⲩⲫⲱⲧ ⲛϫⲉⲟⲩⲟⲛ ⲛⲓⲃⲉⲛ ⲉⲑⲙⲟⲥϯ ⲙⲙⲟⲕ	ⲟⲩⲟϩ ⲁⲥϣⲱⲡⲓ ⲉⲧⲁⲥⲟⲩⲱⲧⲉⲃ ⲛ̀ϫⲉ ϯⲕⲩⲃⲱⲧⲟⲥ ⲟⲩⲟϩ ⲡⲉϫⲉ ⲙⲱⲩⲥⲏⲥ ϫⲉ ⲧⲱⲛⲕ ⲡ̀ϭⲟⲓⲥ ⲟⲩⲟϩ ⲙⲁⲣⲟⲩϫⲱⲣ ⲉ̀ⲃⲟⲗ ⲛ̀ϫⲉ ⲛⲉⲕϫⲁϫⲓ ⲧⲏⲣⲟⲩ ⲙⲁⲣⲟⲩⲫⲱⲧ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲙⲟⲥϯ ⲙ̀ⲙⲟⲕ	ouoh asṡōpi etasouōteb ǹje tikibōtos ouoh peje mōisys je tōnk p̀ċois ouoh marougōr èvol ǹje nekgaji tyrou maroufōt ǹje ouon niven eθmosti m̀mok	And the cloud overshadowed them by day, when they departed from the camp.
10:35	ⲟⲩⲟϩ ϧⲉⲛⲡⲓⲉⲙⲧⲟⲛ ⲡⲉϫⲁϥ ϫⲉⲡϭⲟⲓⲥ ⲙⲁⲧⲁⲥⲑⲟ ⲉϩⲁⲛⲁⲛϣⲟ ⲛⲉⲙϩⲁⲛⲁⲛⲑⲃⲁ ϧⲉⲛⲡⲉⲕⲗⲁⲟⲥ ⲡⲓⲥⲣⲁⲏⲗ	ⲟⲩⲟϩ ϧⲉⲛ ⲡⲓⲉⲙⲧⲟⲛ ⲡⲉϫⲁϥ ϫⲉ ⲡ̀ϭⲟⲓⲥ ⲙⲁⲧⲁⲥⲑⲟ ⲉ̀ϩⲁⲛⲁⲛϣⲟ ⲛⲉⲙ ϩⲁⲛⲁⲛⲑⲃⲁ ϧⲉⲛ ⲡⲉⲕⲗⲁⲟⲥ ⲡⲓⲥⲣⲁⲏⲗ	ouoh xen piemton pegaf je p̀ċois matasθo èhananṡo nem hananθva xen peklaos pisrayl	And it came to pass when the ark set forward, that Moses said, Arise, O Lord, and let thine enemies be scattered: let all that hate thee flee.
10:36	ⲟⲩⲟϩ ϯϭⲏⲡⲓ ⲛⲁⲥϣⲱⲡⲓ ⲉⲥⲉⲣⲟⲩⲱⲓⲛⲓ ⲉⲣⲱⲟⲩ ⲙⲡⲓⲉϩⲟⲟⲩ ⲉⲩⲛⲁⲟⲩⲱⲧⲉⲃ ⲉⲃⲟⲗ ϧⲉⲛϯⲡⲁⲣⲉⲙⲃⲟⲗⲏ	ⲟⲩⲟϩ ϯϭⲏⲡⲓ ⲛⲁⲥϣⲱⲡⲓ ⲉⲥⲉⲣⲟⲩⲱⲓⲛⲓ ⲉ̀ⲣⲱⲟⲩ ⲛ̀ⲡⲓⲉϩⲟⲟⲩ ⲉⲩⲛⲁⲟⲩⲱⲧⲉⲃ ⲉ̀ⲃⲟⲗ ϧⲉⲛ ϯⲡⲁⲣⲉⲙⲃⲟⲗⲏ	ouoh tiċypi nasṡōpi eserouōini èrōou ǹpiehoou evnaouōteb èvol xen tiparemboly	And in the resting he said, Turn again, O Lord, the thousands and tens of thousands in Israel.

Provenance

title: 04_Numeri_10
dialect: bohairic
source: Coptic SCRIPTORIUM corpus "bohairic.ot", document 04_Numeri_10
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_Numeri_10 from Coptic SCRIPTORIUM (https://copticscriptorium.org), corpus bohairic.ot, document 04_Numeri_10, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Numbers/10.bohairic.scriptorium.L0.txt
title: 04_Numeri_10 — Cairene
dialect: bohairic
source: generated from 10.bohairic.scriptorium.L0.txt (Coptic SCRIPTORIUM corpus "bohairic.ot", document 04_Numeri_10)
licence: CC BY-SA 4.0
share: attribution
attribution: 04_Numeri_10 from Coptic SCRIPTORIUM (https://copticscriptorium.org), corpus bohairic.ot, document 04_Numeri_10, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Numbers/10.bohairic.scriptorium.L1.txt
title: 04_Numeri_10 — Kemetic
dialect: bohairic
source: generated from 10.bohairic.scriptorium.L1.txt
licence: CC BY-SA 4.0
share: attribution
attribution: 04_Numeri_10 from Coptic SCRIPTORIUM (https://copticscriptorium.org), corpus bohairic.ot, document 04_Numeri_10, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Numbers/10.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 36 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 04_Numeri_10 (36 lines)

Cite as:

04_Numeri_10. Coptic SCRIPTORIUM corpus "bohairic.ot", document 04_Numeri_10. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/numbers/10.bohairic.scriptorium/. 04_Numeri_10 from Coptic SCRIPTORIUM (https://copticscriptorium.org), corpus bohairic.ot, document 04_Numeri_10, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.