04_Numeri_14 — Coptic · Cairene

Source and licence

share: attributionbohairic

Source: Coptic SCRIPTORIUM corpus "bohairic.ot", document 04_Numeri_14

Attribution: 04_Numeri_14 from Coptic SCRIPTORIUM (https://copticscriptorium.org), corpus bohairic.ot, document 04_Numeri_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

Licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)

Licence: CC BY-SA 4.0

Full provenance and citation

The text

45 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
14:1	ⲟⲩⲟϩ ⲁⲥⲱϣ ⲉⲃⲟⲗ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ⲁⲩϯ ⲛⲛⲟⲩⲥⲙⲏ ⲟⲩⲟϩ ⲁⲩⲣⲓⲙⲓ ⲛϫⲉⲡⲓⲗⲁⲟⲥ ⲙⲡⲓⲉϫⲱⲣϩ ⲧⲏⲣϥ ⲉⲧⲉⲙⲙⲁⲩ	ⲟⲩⲟϩ ⲁⲥⲱϣ ⲉ̀ⲃⲟⲗ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ⲁⲩϯ ⲛ̀ⲛⲟⲩⲥ̀ⲙⲏ ⲟⲩⲟϩ ⲁⲩⲣⲓⲙⲓ ⲛ̀ϫⲉ ⲡⲓⲗⲁⲟⲥ ⲛ̀ⲡⲓⲉϫⲱⲣϩ ⲧⲏⲣϥ ⲉ̀ⲧⲉ ⲙ̀ⲙⲁⲩ	ouoh asōṡ èvol ǹje tisinaġōgy tyrs avti ǹnous̀my ouoh avrimi ǹje pilaos ǹpiegōrh tyrf ète m̀mav	And all the congregation lifted up their voice and cried; and the people wept all that night.
14:2	ⲟⲩⲟϩ ⲛⲁⲩⲭⲣⲉⲙⲣⲉⲙ ⲉϫⲉⲛⲙⲱⲩⲥⲏⲥ ⲛⲉⲙⲁⲁⲣⲱⲛ ⲛϫⲉⲛⲉⲛϣⲏⲣⲓ ⲧⲏⲣⲟⲩ ⲙⲡⲓⲥⲣⲁⲏⲗ ⲟⲩⲟϩ ⲡⲉϫⲱⲟⲩ ⲛⲱⲟⲩ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ϫⲉⲁⲙⲟⲓ ⲉⲛⲉ ⲁⲛⲙⲟⲩ ⲡⲉ ϧⲉⲛⲡⲕⲁϩⲓ ⲛⲭⲏⲙⲓ ⲉϩⲟⲧⲉ ⲛⲧⲉⲛⲙⲟⲩ ⲛϩⲣⲏⲓ ϩⲓⲡⲁⲓϣⲁϥⲉ	ⲟⲩⲟϩ ⲛⲁⲩⲭⲣⲉⲙⲣⲉⲙ ⲉ̀ϫⲉⲛ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲛ̀ϫⲉ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ ⲟⲩⲟϩ ⲡⲉϫⲱⲟⲩ ⲛⲱⲟⲩ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ϫⲉ ⲁⲙⲟⲓ ⲉⲛⲉ ⲁⲛⲙⲟⲩ ⲡⲉ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲉ̀ϩⲟⲧⲉ ⲛ̀ⲧⲉⲛⲙⲟⲩ ⲛ̀ϩ̀ⲣⲏⲓ ϩⲓ ⲡⲁⲓϣⲁϥⲉ	ouoh navkremrem èjen mōisys nem àarōn ǹje nenṡyri tyrou ǹpisrayl ouoh pegōou nōou ǹje tisinaġōgy tyrs je amoi ene anmou pe xen p̀kahi ǹkymi èhote ǹtenmou ǹh̀ryi hi paiṡafe	And all the children of Israel murmured against Moses and Aaron; and all the congregation said to them,
14:3	ⲟⲩⲟϩ ⲉⲑⲃⲉⲟⲩ ϥⲛⲁⲟⲗⲧⲉⲛ ⲛϫⲉⲡϭⲟⲓⲥ ⲉϧⲟⲩⲛ ⲉⲡⲁⲓⲕⲁϩⲓ ⲉⲑⲣⲉⲛϩⲉⲓ ϧⲉⲛⲫⲃⲱⲧⲥ ⲟⲩⲟϩ ⲛⲉⲛϩⲓⲟⲙⲓ ⲛⲉⲙⲛⲉⲛⲁⲗⲱⲟⲩⲓ ⲥⲉⲛⲁϣⲱⲡⲓ ⲉⲡϩⲱⲗⲉⲙ ϯⲛⲟⲩ ⲟⲩⲛ ⲛⲁⲛⲉⲥ ⲛⲁⲛ ⲉⲑⲣⲉⲛⲕⲟⲧⲧⲉⲛ ⲉϧⲣⲏⲓ ⲉⲭⲏⲙⲓ	ⲟⲩⲟϩ ⲉⲑⲃⲉ ⲟⲩ ϥ̀ⲛⲁⲟⲗⲧⲉⲛ ⲛ̀ϫⲉ ⲡ̀ϭⲟⲓⲥ ⲉ̀ϧⲟⲩⲛ ⲉ̀ⲡⲁⲓⲕⲁϩⲓ ⲉ̀ⲑⲣⲉⲛϩⲉⲓ ϧⲉⲛ ⲫ̀ⲃⲱⲧⲥ ⲟⲩⲟϩ ⲛⲉⲛϩⲓⲟⲙⲓ ⲛⲉⲙ ⲛⲉⲛⲁ̀ⲗⲱⲟⲩⲓ̀ ⲥⲉⲛⲁϣⲱⲡⲓ ⲉ̀ⲡ̀ϩⲱⲗⲉⲙ ϯⲛⲟⲩ ⲟⲩⲛ ⲛⲁⲛⲉⲥ ⲛⲁⲛ ⲉ̀ⲑⲣⲉⲛⲕⲟⲧⲧⲉⲛ ⲉ̀ϧ̀ⲣⲏⲓ ⲉ̀ⲭⲏⲙⲓ	ouoh eθve ou f̀naolten ǹje p̀ċois èxoun èpaikahi èθrenhei xen f̀vōts ouoh nenhiomi nem nenàlōouì senaṡōpi èp̀hōlem tinou oun nanes nan èθrenkotten èx̀ryi èkymi	Would we had died in the land of Egypt! or in this wilderness, would we had died! and why does the Lord bring us into this land to fall in war? our wives and our children shall be for a prey: now then it is better to return into Egypt.
14:4	ⲟⲩⲟϩ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲙⲡⲉϥϣⲫⲏⲣ ϫⲉⲙⲁⲣⲉⲛϯ ⲛⲟⲩⲁⲣⲭⲏⲅⲟⲥ ϧⲁϫⲱⲛ ⲟⲩⲟϩ ⲛⲧⲉⲛⲕⲟⲧⲧⲉⲛ ⲉϧⲣⲏⲓ ⲉⲭⲏⲙⲓ	ⲟⲩⲟϩ ⲡⲉϫⲉ ⲡⲓⲟⲩⲁⲓ ⲡⲓⲟⲩⲁⲓ ⲛ̀ⲡⲉϥϣ̀ⲫⲏⲣ ϫⲉ ⲙⲁⲣⲉⲛϯ ⲛ̀ⲟⲩⲁⲣⲭⲏⲅⲟⲥ ϧⲁϫⲱⲛ ⲟⲩⲟϩ ⲛ̀ⲧⲉⲛⲕⲟⲧⲧⲉⲛ ⲉ̀ϧ̀ⲣⲏⲓ ⲉ̀ⲭⲏⲙⲓ	ouoh peje piouai piouai ǹpefṡ̀fyr je marenti ǹouarṡyġos xagōn ouoh ǹtenkotten èx̀ryi èkymi	And they said one to another, Let us make a ruler, and return into Egypt.
14:5	ⲟⲩⲟϩ ⲁ ⲙⲱⲩⲥⲏⲥ ⲛⲉⲙⲁⲁⲣⲱⲛ ⲁⲩϩⲓⲧⲟⲩ ⲉϫⲉⲛⲡⲟⲩϩⲟ ⲙⲡⲉⲙⲑⲟ ⲛϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ	ⲟⲩⲟϩ ⲁ ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲁⲩϩⲓⲧⲟⲩ ⲉ̀ϫⲉⲛ ⲡⲟⲩϩⲟ ⲛ̀ⲡⲉⲙ̀ⲑⲟ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ	ouoh a mōisys nem àarōn avhitou èjen pouho ǹpem̀θo ǹtisinaġōgy tyrs ǹte nenṡyri ǹpisrayl	And Moses and Aaron fell upon their face before all the congregation of the children of Israel.
14:6	ⲓⲏⲥⲟⲩ ⲇⲉ ⲡϣⲏⲣⲓ ⲛⲛⲁⲩⲏ ⲛⲉⲙⲭⲁⲗⲉⲃ ⲡϣⲏⲣⲓ ⲛⲓⲉⲫⲱⲛⲏ ⲉⲃⲟⲗ ϧⲉⲛⲛⲏ ⲉⲧⲁⲩϫⲉⲣ ⲡⲓⲕⲁϩⲓ ⲁⲩⲫⲱϧ ⲛⲛⲟⲩϩⲃⲱⲥ	ⲓⲏⲥⲟⲩ ⲇⲉ ⲡ̀ϣⲏⲣⲓ ⲛ̀ⲛⲁⲩⲏ ⲛⲉⲙ ⲭⲁⲗⲉⲃ ⲡ̀ϣⲏⲣⲓ ⲛⲓⲉⲫⲱⲛⲏ ⲉ̀ⲃⲟⲗ ϧⲉⲛ ⲛⲏ ⲉⲧⲁⲩϫⲉⲣ ⲡⲓⲕⲁϩⲓ ⲁⲩⲫⲱϧ ⲛ̀ⲛⲟⲩϩ̀ⲃⲱⲥ	iysou ḋe p̀ṡyri ǹnavy nem xaleb p̀ṡyri niefōny èvol xen ny etavjer pikahi avfōx ǹnouh̀vōs	But Joshua the son of Naue, and Chaleb the son of Jephonne, of the number of them that spied out the land, rent their garments,
14:7	ⲟⲩⲟϩ ⲡⲉϫⲱⲟⲩ ⲛϯⲥⲩⲛⲁⲅⲱⲅⲏ ⲧⲏⲣⲥ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲉⲩϫⲱ ⲙⲙⲟⲥ ϫⲉⲡⲓⲕⲁϩⲓ ⲉⲧⲁⲛϫⲟⲣϥ ⲛⲁⲛⲉϥ ⲉⲙⲁϣⲱ	ⲟⲩⲟϩ ⲡⲉϫⲱⲟⲩ ⲛ̀ϯⲥⲩⲛⲁⲅⲱⲅⲏ ⲧⲏⲣⲥ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲉⲩϫⲱ ⲙ̀ⲙⲟⲥ ϫⲉ ⲡⲓⲕⲁϩⲓ ⲉⲧⲁⲛϫⲟⲣϥ ⲛⲁⲛⲉϥ ⲉ̀ⲙⲁϣⲱ	ouoh pegōou ǹtisinaġōgy tyrs ǹte nenṡyri ǹpisrayl evgō m̀mos je pikahi etangorf nanef èmaṡō	and spoke to all the congregation of the children of Israel, saying, The land which we surveyed is indeed extremely good.
14:8	ⲓⲥϫⲉ ϥⲥⲱⲧⲡ ⲙⲙⲟⲛ ⲛϫⲉⲡϭⲟⲓⲥ ϥⲛⲁⲟⲗⲧⲉⲛ ⲉϧⲟⲩⲛ ⲉⲡⲓⲕⲁϩⲓ ⲟⲩⲟϩ ϥⲛⲁⲧⲏⲓϥ ⲛⲁⲛ ⲡⲓⲕⲁϩⲓ ⲫⲁⲓ ⲉⲧϧⲁϯ ⲛⲉⲣⲱϯ ⲛⲉⲙⲉⲃⲓⲱ	ⲓⲥϫⲉ ϥ̀ⲥⲱⲧⲡ ⲙ̀ⲙⲟⲛ ⲛ̀ϫⲉ ⲡ̀ϭⲟⲓⲥ ϥ̀ⲛⲁⲟⲗⲧⲉⲛ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲟⲩⲟϩ ϥ̀ⲛⲁⲧⲏⲓϥ ⲛⲁⲛ ⲡⲓⲕⲁϩⲓ ⲫⲁⲓ ⲉⲧϧⲁϯ ⲛ̀ⲉⲣⲱϯ ⲛⲉⲙ ⲉⲃⲓⲱ	isje f̀sōtp m̀mon ǹje p̀ċois f̀naolten èxoun èpikahi ouoh f̀natyif nan pikahi fai etxati ǹerōti nem eviō	If the Lord choose us, he will bring us into this land, and give it us; a land which flows with milk and honey.
14:9	ⲁⲗⲗⲁ ⲙⲡⲉⲣϩⲉⲛ ⲑⲏⲛⲟⲩ ⲥⲁⲃⲟⲗ ⲙⲡϭⲟⲓⲥ ⲛⲑⲱⲧⲉⲛ ⲇⲉ ⲙⲡⲉⲣⲉⲣϩⲟϯ ϧⲁⲧϩⲏ ⲙⲡⲓⲙⲏϣ ⲛⲧⲉⲡⲓⲕⲁϩⲓ ϫⲉϥⲛⲁϣⲱⲡⲓ ⲛⲁⲛ ⲉⲩϧⲣⲉ ⲁ ⲡⲟⲩⲥⲏⲟⲩ ⲅⲁⲣ ⲙⲟⲩⲛⲕ ⲡϭⲟⲓⲥ ⲇⲉ ⲛϧⲣⲏⲓ ⲛϧⲏⲧⲉⲛ ⲙⲡⲉⲣⲉⲣϩⲟϯ ⲟⲩⲛ ϧⲁⲧⲟⲩϩⲏ	ⲁⲗⲗⲁ ⲙ̀ⲡⲉⲣϩⲉⲛ ⲑⲏⲛⲟⲩ ⲥⲁⲃⲟⲗ ⲛ̀ⲡ̀ϭⲟⲓⲥ ⲛ̀ⲑⲱⲧⲉⲛ ⲇⲉ ⲙ̀ⲡⲉⲣⲉⲣϩⲟϯ ϧⲁⲧ̀ϩⲏ ⲛ̀ⲡⲓⲙⲏϣ ⲛ̀ⲧⲉ ⲡⲓⲕⲁϩⲓ ϫⲉ ϥ̀ⲛⲁϣⲱⲡⲓ ⲛⲁⲛ ⲉⲩϧⲣⲉ ⲁ ⲡⲟⲩⲥⲏⲟⲩ ⲅⲁⲣ ⲙⲟⲩⲛⲕ ⲡ̀ϭⲟⲓⲥ ⲇⲉ ⲛ̀ϧ̀ⲣⲏⲓ ⲛ̀ϧⲏⲧⲉⲛ ⲙ̀ⲡⲉⲣⲉⲣϩⲟϯ ⲟⲩⲛ ϧⲁ ⲧⲟⲩϩⲏ	alla m̀perhen θynou savol ǹp̀ċois ǹθōten ḋe m̀pererhoti xat̀·hy ǹpimyṡ ǹte pikahi je f̀naṡōpi nan evxre a pousyou ġar mounk p̀ċois ḋe ǹx̀ryi ǹxyten m̀pererhoti oun xa touhy	Only depart not from the Lord; and fear ye not the people of the land, for they are meat for us; for the season of prosperity is departed from them, but the Lord is among us: fear them not.
14:10	ⲟⲩⲟϩ ⲁⲥϫⲟⲥ ⲛϫⲉϯⲥⲩⲛⲁⲅⲱⲅⲏ ⲧⲏⲣⲥ ⲉϩⲓⲱⲛⲓ ⲉⲣⲱⲟⲩ ϧⲉⲛⲡⲱⲛⲓ ⲟⲩⲟϩ ⲡⲱⲟⲩ ⲙⲡϭⲟⲓⲥ ⲁϥⲟⲩⲟⲛϩϥ ⲥⲁⲡϣⲱⲓ ϧⲉⲛϯϭⲏⲡⲓ ⲥⲁⲡϣⲱⲓ ⲛϯⲥⲕⲩⲛⲏ ⲛⲧⲉϯⲙⲉⲧⲙⲉⲑⲣⲉ ϧⲉⲛⲛⲉⲛϣⲏⲣⲓ ⲧⲏⲣⲟⲩ ⲙⲡⲓⲥⲣⲁⲏⲗ	ⲟⲩⲟϩ ⲁⲥϫⲟⲥ ⲛ̀ϫⲉ ϯⲥⲩⲛⲁⲅⲱⲅⲏ ⲧⲏⲣⲥ ⲉ̀ϩⲓⲱⲛⲓ ⲉ̀ⲣⲱⲟⲩ ϧⲉⲛ ⲡ̀ⲱⲛⲓ ⲟⲩⲟϩ ⲡ̀ⲱ̀ⲟⲩ ⲛ̀ⲡ̀ϭⲟⲓⲥ ⲁϥⲟⲩⲟⲛϩϥ ⲥⲁⲡ̀ϣⲱⲓ ϧⲉⲛ ϯϭⲏⲡⲓ ⲥⲁⲡ̀ϣⲱⲓ ⲛ̀ϯⲥ̀ⲕⲩⲛⲏ ⲛ̀ⲧⲉ ϯⲙⲉⲧⲙⲉⲑⲣⲉ ϧⲉⲛ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ	ouoh asgos ǹje tisinaġōgy tyrs èhiōni èrōou xen p̀ōni ouoh p̀ṑou ǹp̀ċois afouonhf sap̀ṡōi xen tiċypi sap̀ṡōi ǹtis̀kiny ǹte timetmeθre xen nenṡyri tyrou ǹpisrayl	And all the congregation bade stone them with stones; and the glory of the Lord appeared in the cloud on the tabernacle of witness to all the children of Israel.
14:11	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉϣⲁⲑⲛⲁⲩ ϫⲉⲡⲁⲓⲗⲁⲟⲥ ⲑⲣⲟ ⲙⲙⲟⲓ ⲉⲙⲃⲟⲛ ⲟⲩⲟϩ ϣⲁⲑⲛⲁⲩ ⲥⲉⲛⲁϩϯ ⲁⲛ ⲉⲣⲟⲓ ϧⲉⲛⲛⲓⲙⲏⲓⲛⲓ ⲛⲉⲙⲛⲓϣⲫⲏⲣⲓ ⲉⲧⲁⲓⲁⲓⲧⲟⲩ ⲛϧⲣⲏⲓ ⲛϧⲏⲧⲟⲩ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ϫⲉ ϣⲁ ⲑⲛⲁⲩ ϫⲉ ⲡⲁⲓⲗⲁⲟⲥ ⲑⲣⲟ ⲙ̀ⲙⲟⲓ ⲉ̀ⲙ̀ⲃⲟⲛ ⲟⲩⲟϩ ϣⲁ ⲑⲛⲁⲩ ⲥⲉⲛⲁϩϯ ⲁⲛ ⲉ̀ⲣⲟⲓ ϧⲉⲛ ⲛⲓⲙⲏⲓⲛⲓ ⲛⲉⲙ ⲛⲓϣ̀ⲫⲏⲣⲓ ⲉ̀ⲧⲁⲓⲁⲓⲧⲟⲩ ⲛ̀ϧ̀ⲣⲏⲓ ⲛ̀ϧⲏⲧⲟⲩ	ouoh peje p̀ċois ǹmōisys je ṡa θnav je pailaos θro m̀moi èm̀von ouoh ṡa θnav senahti an èroi xen nimyini nem niṡ̀fyri ètaiaitou ǹx̀ryi ǹxytou	And the Lord said to Moses, How long does this people provoke me? and how long do they refuse to believe me for all the signs which I have wrought among them?
14:12	ϯⲛⲁϣⲁⲣⲓ ⲉⲣⲱⲟⲩ ⲙⲙⲟⲩ ⲟⲩⲟϩ ⲛⲧⲁⲧⲁⲕⲱⲟⲩ ⲟⲩⲟϩ ⲛⲧⲁⲁⲓⲕ ⲛⲉⲙⲡⲏⲓ ⲙⲡⲉⲕⲓⲱⲧ ⲛⲟⲩⲛⲓϣϯ ⲛⲉⲑⲛⲟⲥ ⲟⲩⲟϩ ⲉⲛϣⲱϥ ⲙⲁⲗⲗⲟⲛ ⲉϩⲟⲧⲉ ⲫⲁⲓ	ϯⲛⲁϣⲁⲣⲓ ⲉ̀ⲣⲱⲟⲩ ⲙ̀ⲙⲟⲩ ⲟⲩⲟϩ ⲛ̀ⲧⲁⲧⲁⲕⲱⲟⲩ ⲟⲩⲟϩ ⲛ̀ⲧⲁⲁⲓⲕ ⲛⲉⲙ ⲡ̀ⲏⲓ ⲛ̀ⲡⲉⲕⲓⲱⲧ ⲛ̀ⲟⲩⲛⲓϣϯ ⲛ̀ⲉⲑⲛⲟⲥ ⲟⲩⲟϩ ⲉ̀ⲛ̀ϣⲱϥ ⲙⲁⲗⲗⲟⲛ ⲉ̀ϩⲟⲧⲉ ⲫⲁⲓ	tinaṡari èrōou m̀mou ouoh ǹtatakōou ouoh ǹtaaik nem p̀yi ǹpekiōt ǹouniṡti ǹeθnos ouoh èǹṡōf mallon èhote fai	I will smite them with death, and destroy them; and I will make of thee and of thy father's house a great nation, and much greater than this.
14:13	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲙⲡϭⲟⲓⲥ ϫⲉϥⲛⲁⲥⲱⲧⲉⲙ ⲛϫⲉⲭⲏⲙⲓ ϫⲉⲁⲕⲉⲛ ⲡⲁⲓⲗⲁⲟⲥ ⲉⲃⲟⲗ ⲛϧⲏⲧⲟⲩ ϧⲉⲛⲧⲉⲕϫⲟⲙ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛ̀ⲡ̀ϭⲟⲓⲥ ϫⲉ ϥ̀ⲛⲁⲥⲱⲧⲉⲙ ⲛ̀ϫⲉ ⲭⲏⲙⲓ ϫⲉ ⲁⲕⲉⲛ ⲡⲁⲓⲗⲁⲟⲥ ⲉ̀ⲃⲟⲗ ⲛ̀ϧⲏⲧⲟⲩ ϧⲉⲛ ⲧⲉⲕϫⲟⲙ	ouoh peje mōisys ǹp̀ċois je f̀nasōtem ǹje kymi je aken pailaos èvol ǹxytou xen tekgom	And Moses said to the Lord, So Egypt shall hear, for thou hast brought up this people from them by thy might.
14:14	ⲁⲗⲗⲁ ⲛⲉⲙⲟⲩⲟⲛ ⲛⲓⲃⲉⲛ ⲉⲧϣⲟⲡ ϩⲓϫⲉⲛⲡⲁⲓⲕⲁϩⲓ ⲁⲩⲥⲱⲧⲉⲙ ϫⲉⲛⲑⲟⲕ ⲡⲉ ⲡϭⲟⲓⲥ ϧⲉⲛⲡⲁⲓⲗⲁⲟⲥ ⲟⲩⲟϩ ⲕⲟⲩⲟⲛϩ ⲉⲣⲱⲟⲩ ⲡϭⲟⲓⲥ ⲙⲃⲁⲗ ⲟⲩⲃⲉ ⲃⲁⲗ ⲟⲩⲟϩ ⲧⲉⲕϭⲏⲡⲓ ⲥⲟϩⲓ ⲉⲣⲁⲧⲥ ⲉϫⲱⲟⲩ ⲟⲩⲟϩ ϧⲉⲛⲟⲩⲥⲧⲩⲗⲟⲥ ⲛϭⲏⲡⲓ ⲕⲥⲱⲕ ϧⲁϫⲱⲟⲩ ⲙⲡⲓⲉϩⲟⲟⲩ ⲛⲉⲙϧⲉⲛⲟⲩⲥⲧⲩⲗⲟⲥ ⲛⲭⲣⲱⲙ ϧⲉⲛⲡⲓⲉϫⲱⲣϩ	ⲁⲗⲗⲁ ⲛⲉⲙ ⲟⲩⲟⲛ ⲛⲓⲃⲉⲛ ⲉⲧϣⲟⲡ ϩⲓϫⲉⲛ ⲡⲁⲓⲕⲁϩⲓ ⲁⲩⲥⲱⲧⲉⲙ ϫⲉ ⲛ̀ⲑⲟⲕ ⲡⲉ ⲡ̀ϭⲟⲓⲥ ϧⲉⲛ ⲡⲁⲓⲗⲁⲟⲥ ⲟⲩⲟϩ ⲭ̀ⲟⲩⲟⲛϩ ⲉ̀ⲣⲱⲟⲩ ⲡ̀ϭⲟⲓⲥ ⲛ̀ⲃⲁⲗ ⲟⲩⲃⲉ ⲃⲁⲗ ⲟⲩⲟϩ ⲧⲉⲕϭⲏⲡⲓ ⲥⲟ̀ϩⲓ ⲉ̀ⲣⲁⲧⲥ ⲉ̀ϫⲱⲟⲩ ⲟⲩⲟϩ ϧⲉⲛ ⲟⲩⲥ̀ⲧⲩⲗⲟⲥ ⲛ̀ϭⲏⲡⲓ ⲕ̀ⲥⲱⲕ ϧⲁϫⲱⲟⲩ ⲛ̀ⲡⲓⲉϩⲟⲟⲩ ⲛⲉⲙ ϧⲉⲛ ⲟⲩⲥ̀ⲧⲩⲗⲟⲥ ⲛ̀ⲭ̀ⲣⲱⲙ ϧⲉⲛ ⲡⲓⲉ̀ϫⲱⲣϩ	alla nem ouon niven etṡop hijen paikahi avsōtem je ǹθok pe p̀ċois xen pailaos ouoh k̀ouonh èrōou p̀ċois ǹval ouve val ouoh tekċypi sòhi èrats ègōou ouoh xen ous̀tilos ǹċypi k̀·sōk xagōou ǹpiehoou nem xen ous̀tilos ǹk̀rōm xen piègōrh	Moreover all the dwellers upon this land have heard that thou art Lord in the midst of this people, who, O Lord, art seen by them face to face, and thy cloud rests upon them, and thou goest before them by day in a pillar of a cloud, and by night in a pillar of fire.
14:15	ⲟⲩⲟϩ ⲕⲛⲁϥⲉⲧ ⲡⲓⲗⲁⲟⲥ ⲉⲃⲟⲗ ⲙⲫⲣⲏϯ ⲛⲟⲩⲣⲱⲙⲓ ⲛⲟⲩⲱⲧ ⲟⲩⲟϩ ⲥⲉⲛⲁϫⲟⲥ ⲛϫⲉⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲁⲩⲥⲱⲧⲉⲙ ⲉⲡⲉⲕⲣⲁⲛ ⲉⲩϫⲱ ⲙⲙⲟⲥ	ⲟⲩⲟϩ ⲭ̀ⲛⲁϥⲉⲧ ⲡⲓⲗⲁⲟⲥ ⲉ̀ⲃⲟⲗ ⲛ̀ⲫ̀ⲣⲏϯ ⲛ̀ⲟⲩⲣⲱⲙⲓ ⲛ̀ⲟⲩⲱⲧ ⲟⲩⲟϩ ⲥⲉⲛⲁϫⲟⲥ ⲛ̀ϫⲉ ⲛⲓⲉⲑⲛⲟⲥ ⲧⲏⲣⲟⲩ ⲛⲏ ⲉⲧⲁⲩⲥⲱⲧⲉⲙ ⲉ̀ⲡⲉⲕⲣⲁⲛ ⲉⲩϫⲱ ⲙ̀ⲙⲟⲥ	ouoh k̀nafet pilaos èvol ǹf̀ryti ǹourōmi ǹouōt ouoh senagos ǹje nieθnos tyrou ny etavsōtem èpekran evgō m̀mos	And if thou shalt destroy this nation as one man; then all the nations that have heard thy name shall speak, saying,
14:16	ϫⲉⲉⲧⲉⲙⲡⲉϥϣϫⲉⲙϫⲟⲙ ⲉⲱⲗⲓ ⲙⲡⲁⲓⲗⲁⲟⲥ ⲉϧⲟⲩⲛ ⲉⲡⲓⲕⲁϩⲓ ⲉⲧⲁϥⲱⲣⲕ ⲙⲙⲟϥ ⲛⲱⲟⲩ ⲁϥⲫⲟⲣϣⲟⲩ ⲛϩⲣⲏⲓ ϩⲓⲡϣⲁϥⲉ	ϫⲉ ⲉ̀ⲧⲉ ⲙⲡⲉϥϣϫⲉⲙϫⲟⲙ ⲉⲱ̀ⲗⲓ ⲛ̀ⲡⲁⲓⲗⲁⲟⲥ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲉⲧⲁϥⲱⲣⲕ ⲙ̀ⲙⲟϥ ⲛⲱⲟⲩ ⲁϥⲫⲟⲣϣⲟⲩ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ	je ète mpefṡjemgom eṑli ǹpailaos èxoun èpikahi etafōrk m̀mof nōou afforṡou ǹh̀ryi hi p̀ṡafe	Because the Lord could not bring this people into the land which he sware to them, he has overthrown them in the wilderness.
14:17	ⲟⲩⲟϩ ϯⲛⲟⲩ ⲙⲁⲣⲉⲥϭⲓⲥⲓ ⲛϫⲉⲧⲉⲕϫⲟⲙ ⲡϭⲟⲓⲥ ⲙⲫⲣⲏϯ ⲉⲧⲁⲕϫⲟⲥ ⲉⲕϫⲱ ⲙⲙⲟⲥ	ⲟⲩⲟϩ ϯⲛⲟⲩ ⲙⲁⲣⲉⲥϭⲓⲥⲓ ⲛ̀ϫⲉ ⲧⲉⲕϫⲟⲙ ⲡ̀ϭⲟⲓⲥ ⲛ̀ⲫ̀ⲣⲏϯ ⲉⲧⲁⲕϫⲟⲥ ⲉⲕϫⲱ ⲙ̀ⲙⲟⲥ	ouoh tinou maresċisi ǹje tekgom p̀ċois ǹf̀ryti etakgos ekgō m̀mos	And now, O Lord, let thy strength be exalted, as thou spakest, saying,
14:18	ϫⲉⲡϭⲟⲓⲥ ⲡⲓⲣⲉϥⲱⲟⲩ ⲛϩⲏⲧ ⲫⲁ ⲡⲓⲛⲓϣϯ ⲛⲛⲁⲓ ⲟⲩⲟϩ ⲛⲑⲙⲏⲓ ⲫⲏ ⲉⲧⲱⲗⲓ ⲛⲛⲓⲁⲛⲟⲙⲓⲁ ⲛⲉⲙⲛⲓⲁⲇⲓⲕⲓⲁ ⲛⲉⲙⲛⲓⲛⲟⲃⲓ ⲟⲩⲟϩ ϧⲉⲛⲟⲩⲧⲟⲩⲃⲟ ϥⲧⲟⲩⲃⲟ ⲁⲛ ⲙⲡⲓⲣⲉϥⲉⲣⲛⲟⲃⲓ ⲉϥⲓⲛⲓ ⲛⲛⲓⲛⲟⲃⲓ ⲛⲧⲉⲛⲓⲓⲟϯ ⲉϫⲉⲛⲛⲓϣⲏⲣⲓ ϣⲁⲫⲙⲁϩⲅ̅ ⲛⲉⲙⲫⲙⲁϩⲇ̅ ⲛϫⲱⲟⲩ	ϫⲉ ⲡ̀ϭⲟⲓⲥ ⲡⲓⲣⲉϥⲱⲟⲩ ⲛ̀ϩⲏⲧ ⲫⲁ ⲡⲓⲛⲓϣϯ ⲛ̀ⲛⲁⲓ ⲟⲩⲟϩ ⲛ̀ⲑ̀ⲙⲏⲓ ⲫⲏ ⲉ̀ⲧⲱ̀ⲗⲓ ⲛ̀ⲛⲓⲁ̀ⲛⲟⲙⲓⲁ ⲛⲉⲙ ⲛⲓⲁ̀ⲇⲓⲕⲓⲁ ⲛⲉⲙ ⲛⲓⲛⲟⲃⲓ ⲟⲩⲟϩ ϧⲉⲛ ⲟⲩⲧⲟⲩⲃⲟ ϥ̀ⲧⲟⲩⲃⲟ ⲁⲛ ⲛ̀ⲡⲓⲣⲉϥⲉⲣⲛⲟⲃⲓ ⲉϥⲓ̀ⲛⲓ ⲛ̀ⲛⲓⲛⲟⲃⲓ ⲛ̀ⲧⲉ ⲛⲓⲓⲟϯ ⲉ̀ϫⲉⲛ ⲛⲓϣⲏⲣⲓ ϣⲁ ⲫⲙⲁϩⲅ̅ ⲛⲉⲙ ⲫⲙⲁϩⲇ̅ ⲛ̀ϫⲱⲟⲩ	je p̀ċois pirefōou ǹhyt fa piniṡti ǹnai ouoh ǹθ̀myi fy ètṑli ǹniànomia nem niàḋikia nem ninovi ouoh xen outouvo f̀touvo an ǹpirefernovi efìni ǹninovi ǹte niioti èjen niṡyri ṡa fmahġ nem fmahḋ ǹgōou	The Lord is long-suffering and merciful, and true, removing transgressions and iniquities and sins, and he will by no means clear the guilty, visiting the sins of the fathers upon the children to the third and fourth generation.
14:19	ⲭⲁ ⲫⲛⲟⲃⲓ ⲙⲡⲁⲓⲗⲁⲟⲥ ⲛⲁϥ ⲉⲃⲟⲗ ⲕⲁⲧⲁⲡⲉⲕⲛⲓϣϯ ⲛⲛⲁⲓ ⲙⲫⲣⲏϯ ⲉⲧⲁⲕⲭⲱ ⲛⲱⲟⲩ ⲉⲃⲟⲗ ⲓⲥϫⲉⲛ ⲭⲏⲙⲓ ϣⲁⲉϧⲟⲩⲛ ⲉϯⲛⲟⲩ	ⲭⲁ ⲫ̀ⲛⲟⲃⲓ ⲛ̀ⲡⲁⲓⲗⲁⲟⲥ ⲛⲁϥ ⲉ̀ⲃⲟⲗ ⲕⲁⲧⲁ ⲡⲉⲕⲛⲓϣϯ ⲛ̀ⲛⲁⲓ ⲛ̀ⲫ̀ⲣⲏϯ ⲉⲧⲁⲕⲭⲱ ⲛⲱⲟⲩ ⲉ̀ⲃⲟⲗ ⲓⲥϫⲉⲛ ⲭⲏⲙⲓ ϣⲁⲉ̀ϧⲟⲩⲛ ⲉ̀ϯⲛ̀ⲟⲩ	ka f̀novi ǹpailaos naf èvol kata pekniṡti ǹnai ǹf̀ryti etakkō nōou èvol isjen kymi ṡaèxoun ètiǹou	Forgive this people their sin according to thy great mercy, as thou wast favourable to them from Egypt until now.
14:20	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ϫⲉϯⲛⲁⲭⲱ ⲛⲱⲟⲩ ⲉⲃⲟⲗ ⲕⲁⲧⲁⲡⲉⲕⲥⲁϫⲓ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ϫⲉ ϯⲛⲁⲭⲱ ⲛⲱⲟⲩ ⲉ̀ⲃⲟⲗ ⲕⲁⲧⲁ ⲡⲉⲕⲥⲁϫⲓ	ouoh peje p̀ċois ǹmōisys je tinakō nōou èvol kata pek·saji	And the Lord said to Moses, I am gracious to them according to thy word.
14:21	ⲁⲗⲗⲁ ϯⲟⲛϧ ⲁⲛⲟⲕ ⲡϭⲟⲓⲥ ⲟⲩⲟϩ ϥⲟⲛϧ ⲛϫⲉⲡⲁⲣⲁⲛ ⲟⲩⲟϩ ⲡⲱⲟⲩ ⲙⲡϭⲟⲓⲥ ⲉϥⲉⲙⲁϩ ⲙⲡⲕⲁϩⲓ ⲧⲏⲣϥ	ⲁⲗⲗⲁ ϯⲟⲛϧ ⲁⲛⲟⲕ ⲡ̀ϭⲟⲓⲥ ⲟⲩⲟϩ ϥ̀ⲟⲛϧ ⲛ̀ϫⲉ ⲡⲁⲣⲁⲛ ⲟⲩⲟϩ ⲡ̀ⲱ̀ⲟⲩ ⲛ̀ⲡ̀ϭⲟⲓⲥ ⲉϥⲉ̀ⲙⲁϩ ⲛ̀ⲡ̀ⲕⲁϩⲓ ⲧⲏⲣϥ	alla tionx anok p̀ċois ouoh f̀onx ǹje paran ouoh p̀ṑou ǹp̀ċois efèmah ǹp̀kahi tyrf	But as I live and my name is living, so the glory of the Lord shall fill all the earth.
14:22	ϫⲉⲛⲓⲣⲱⲙⲓ ⲧⲏⲣⲟⲩ ⲉⲧⲁⲩⲛⲁⲩ ⲉⲡⲁⲱⲟⲩ ⲛⲉⲙⲛⲁⲙⲏⲓⲛⲓ ⲉⲧⲁⲓⲁⲓⲧⲟⲩ ϧⲉⲛⲭⲏⲙⲓ ⲛⲉⲙⲛϩⲣⲏⲓ ϩⲓⲡϣⲁϥⲉ ⲟⲩⲟϩ ⲁⲩⲉⲣⲡⲓⲣⲁⲍⲓⲛ ⲙⲙⲟⲓ ⲫⲙⲁϩⲓ̅ ⲛⲥⲟⲡ ⲡⲉ ⲫⲁⲓ ⲟⲩⲟϩ ⲙⲡⲟⲩⲥⲱⲧⲉⲙ ⲛⲥⲁⲧⲁⲥⲙⲏ	ϫⲉ ⲛⲓⲣⲱⲙⲓ ⲧⲏⲣⲟⲩ ⲉ̀ⲧⲁⲩⲛⲁⲩ ⲉ̀ⲡⲁⲱⲟⲩ ⲛⲉⲙ ⲛⲁⲙⲏⲓⲛⲓ ⲉ̀ⲧⲁⲓⲁⲓⲧⲟⲩ ϧⲉⲛ ⲭⲏⲙⲓ ⲛⲉⲙ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲟⲩⲟϩ ⲁⲩⲉⲣⲡⲓⲣⲁⲍⲓⲛ ⲙ̀ⲙⲟⲓ ⲫⲙⲁϩⲓ̅ ⲛ̀ⲥⲟⲡ ⲡⲉ ⲫⲁⲓ ⲟⲩⲟϩ ⲙ̀ⲡⲟⲩⲥⲱⲧⲉⲙ ⲛ̀ⲥⲁ ⲧⲁⲥ̀ⲙⲏ	je nirōmi tyrou ètavnav èpaōou nem namyini ètaiaitou xen kymi nem ǹh̀ryi hi p̀ṡafe ouoh averpirazin m̀moi fmahi ǹsop pe fai ouoh m̀pousōtem ǹsa tas̀my	For all the men who see my glory, and the signs which I wrought in Egypt, and in the wilderness, and have tempted me this tenth time, and have not hearkened to my voice,
14:23	ⲉⲑⲃⲉⲫⲁⲓ ⲛⲛⲟⲩⲛⲁⲩ ⲉⲡⲓⲕⲁϩⲓ ⲉⲧⲁⲓⲱⲣⲕ ⲙⲙⲟϥ ⲛⲛⲟⲩⲓⲟϯ ⲁⲗⲗⲁ ⲛⲟⲩϣⲏⲣⲓ ⲉⲧⲛⲉⲙⲏⲓ ⲙⲫⲟⲟⲩ ⲙⲡⲁⲓⲙⲁ ⲛⲏ ⲉⲧⲉⲛⲥⲉⲥⲱⲟⲩⲛ ⲁⲛ ⲛⲟⲩⲡⲉⲧϩⲱⲟⲩ ⲟⲩⲇⲉ ⲟⲩⲡⲉⲑⲛⲁⲛⲉϥ ⲕⲟⲩϫⲓ ⲛⲁⲗⲟⲩ ⲛⲓⲃⲉⲛ ⲛⲁⲧⲉⲙⲓ ⲛⲁⲓ ⲉϯⲛⲁϯ ⲛⲱⲟⲩ ⲙⲡⲓⲕⲁϩⲓ ⲛⲏ ⲇⲉ ⲉⲧⲁⲩⲑⲣⲓϫⲱⲛⲧ ⲛⲛⲟⲩⲛⲁⲩ ⲉⲣⲟϥ	ⲉⲑⲃⲉ ⲫⲁⲓ ⲛ̀ⲛⲟⲩⲛⲁⲩ ⲉ̀ⲡⲓⲕⲁϩⲓ ⲉⲧⲁⲓⲱⲣⲕ ⲙ̀ⲙⲟϥ ⲛ̀ⲛⲟⲩⲓⲟϯ ⲁⲗⲗⲁ ⲛ̀ⲟⲩϣⲏⲣⲓ ⲉⲧⲛⲉⲙⲏⲓ ⲛ̀ⲫⲟⲟⲩ ⲛ̀ⲡⲁⲓⲙⲁ ⲛⲏ ⲉⲧⲉⲛ̀ⲥⲉⲥⲱⲟⲩⲛ ⲁⲛ ⲛ̀ⲟⲩⲡⲉⲧϩⲱⲟⲩ ⲟⲩⲇⲉ ⲟⲩⲡⲉⲑⲛⲁⲛⲉϥ ⲕⲟⲩϫⲓ ⲛ̀ⲁⲗⲟⲩ ⲛⲓⲃⲉⲛ ⲛ̀ⲁⲧⲉⲙⲓ ⲛⲁⲓ ⲉⲓⲛⲁϯ ⲛⲱⲟⲩ ⲛ̀ⲡⲓⲕⲁϩⲓ ⲛⲏ ⲇⲉ ⲉ̀ⲧⲁⲩⲑⲣⲓϫⲱⲛⲧ ⲛ̀ⲛⲟⲩⲛⲁⲩ ⲉ̀ⲣⲟϥ	eθve fai ǹnounav èpikahi etaiōrk m̀mof ǹnouioti alla ǹouṡyri etnemyi ǹfoou ǹpaima ny eteǹsesōoun an ǹoupet·hōou ouḋe oupeθnanef kouji ǹalou niven ǹatemi nai einati nōou ǹpikahi ny ḋe ètavθrigōnt ǹnounav èrof	surely they shall not see the land, which I sware to their fathers; but their children which are with me here, as many as know not good or evil, every inexperienced youth, to them will I give the land; but none who have provoked me shall see it.
14:24	ⲡⲁⲁⲗⲟⲩ ⲇⲉ ⲭⲁⲗⲉⲃ ϫⲉⲁ ⲡⲁⲡⲛⲉⲩⲙⲁ ϣⲱⲡⲓ ⲛϧⲏⲧϥ ⲟⲩⲟϩ ⲁϥⲥⲱⲧⲉⲙ ⲉⲟⲩⲁϩϥ ⲛⲥⲱⲓ ϯⲛⲁⲟⲗϥ ⲉϧⲟⲩⲛ ⲉⲡⲓⲕⲁϩⲓ ⲫⲏ ⲉⲧⲁϥϣⲉ ⲉϧⲟⲩⲛ ⲉⲣⲟϥ ⲟⲩⲟϩ ⲡⲉϥϫⲣⲟϫ ⲉϥⲉⲉⲣⲕⲗⲏⲣⲟⲛⲟⲙⲓⲛ ⲙⲙⲟϥ	ⲡⲁⲁ̀ⲗⲟⲩ ⲇⲉ ⲭⲁⲗⲉⲃ ϫⲉ ⲁ ⲡⲁⲡ̀ⲛⲉⲩⲙⲁ ϣⲱⲡⲓ ⲛ̀ϧⲏⲧϥ ⲟⲩⲟϩ ⲁϥⲥⲱⲧⲉⲙ ⲉ̀ⲟⲩⲁϩϥ ⲛ̀ⲥⲱⲓ ϯⲛⲁⲟⲗϥ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲫⲏ ⲉⲧⲁϥϣⲉ ⲉ̀ϧⲟⲩⲛ ⲉ̀ⲣⲟϥ ⲟⲩⲟϩ ⲡⲉϥϫ̀ⲣⲟϫ ⲉϥⲉ̀ⲉⲣⲕⲗⲏⲣⲟⲛⲟⲙⲓⲛ ⲙ̀ⲙⲟϥ	paàlou ḋe xaleb je a pap̀nevma ṡōpi ǹxytf ouoh afsōtem èouahf ǹsōi tinaolf èxoun èpikahi fy etafṡe èxoun èrof ouoh pefg̀rog efèerklyronomin m̀mof	But my servant Chaleb, because there was another spirit in him, and he followed me, I will bring him into the land into which he entered, and his seed shall inherit it.
14:25	ⲡⲓⲁⲙⲁⲗⲏⲕ ⲇⲉ ⲛⲉⲙⲡⲓⲭⲁⲛⲁⲛⲉⲟⲥ ⲥⲉϣⲟⲡ ϧⲉⲛϯϧⲉⲗⲗⲟⲧ ⲣⲁⲥϯ ⲕⲉⲧ ⲑⲏⲛⲟⲩ ⲛⲑⲱⲧⲉⲛ ⲟⲩⲟϩ ⲙⲁϣⲉⲛⲱⲧⲉⲛ ϩⲓⲡϣⲁϥⲉ ⲉⲫⲙⲱⲓⲧ ⲙⲫⲓⲟⲙ ⲛϣⲁⲣⲓ	ⲡⲓⲁⲙⲁⲗⲏⲕ ⲇⲉ ⲛⲉⲙ ⲡⲓⲭⲁⲛⲁⲛⲉⲟⲥ ⲥⲉϣⲟⲡ ϧⲉⲛ ϯϧⲉⲗⲗⲟⲧ ⲣⲁⲥϯ ⲕⲉⲧ ⲑⲏⲛⲟⲩ ⲛ̀ⲑⲱⲧⲉⲛ ⲟⲩⲟϩ ⲙⲁϣⲉⲛⲱⲧⲉⲛ ϩⲓ ⲡ̀ϣⲁϥⲉ ⲉ̀ⲫ̀ⲙⲱⲓⲧ ⲛ̀ⲫ̀ⲓⲟⲙ ⲛ̀ϣⲁⲣⲓ	piamalyk ḋe nem pikananeos seṡop xen tixellot rasti ket θynou ǹθōten ouoh maṡenōten hi p̀ṡafe èf̀mōit ǹf̀iom ǹṡari	But Amalec and the Chananite dwell in the valley: to-morrow turn and depart for the wilderness by the way of the Red Sea.
14:26	ⲟⲩⲟϩ ⲡⲉϫⲉ ⲡϭⲟⲓⲥ ⲙⲙⲱⲩⲥⲏⲥ ⲛⲉⲙⲁⲁⲣⲱⲛ ⲉϥϫⲱ ⲙⲙⲟⲥ	ⲟⲩⲟϩ ⲡⲉϫⲉ ⲡ̀ϭⲟⲓⲥ ⲛ̀ⲙⲱⲩⲥⲏⲥ ⲛⲉⲙ ⲁ̀ⲁⲣⲱⲛ ⲉϥϫⲱ ⲙ̀ⲙⲟⲥ	ouoh peje p̀ċois ǹmōisys nem àarōn efgō m̀mos	And the Lord spoke to Moses and Aaron, saying,
14:27	ϫⲉϣⲁⲑⲛⲁⲩ ϫⲉⲧⲁⲓⲥⲩⲛⲁⲅⲱⲅⲏ ⲉⲧϩⲱⲟⲩ ⲛⲏ ⲉⲧⲟⲩⲭⲣⲉⲙⲣⲉⲙ ⲙⲙⲱⲟⲩ ⲛⲑⲱⲟⲩ ⲙⲡⲁⲙⲑⲟ ⲡⲭⲣⲉⲙⲣⲉⲙ ⲇⲉ ⲛⲧⲉⲛⲉⲛϣⲏⲣⲓ ⲙⲡⲓⲥⲣⲁⲏⲗ ⲫⲏ ⲉⲧⲟⲩⲭⲣⲉⲙⲣⲉⲙ ⲙⲙⲟϥ ⲉϫⲉⲛⲑⲏⲛⲟⲩ ⲁⲓⲥⲱⲧⲉⲙ ⲉⲣⲟϥ	ϫⲉ ϣⲁ ⲑⲛⲁⲩ ϫⲉ ⲧⲁⲓⲥⲩⲛⲁⲅⲱⲅⲏ ⲉⲧϩⲱⲟⲩ ⲛⲏ ⲉⲧⲟⲩⲭⲣⲉⲙⲣⲉⲙ ⲙ̀ⲙⲱⲟⲩ ⲛ̀ⲑⲱⲟⲩ ⲛ̀ⲡⲁⲙ̀ⲑⲟ ⲡ̀ⲭⲣⲉⲙⲣⲉⲙ ⲇⲉ ⲛ̀ⲧⲉ ⲛⲉⲛϣⲏⲣⲓ ⲛ̀ⲡⲓⲥⲣⲁⲏⲗ ⲫⲏ ⲉⲧⲟⲩⲭⲣⲉⲙⲣⲉⲙ ⲙ̀ⲙⲟϥ ⲉ̀ϫⲉⲛ ⲑⲏⲛⲟⲩ ⲁⲓⲥⲱⲧⲉⲙ ⲉ̀ⲣⲟϥ	je ṡa θnav je taisinaġōgy et·hōou ny etoukremrem m̀mōou ǹθōou ǹpam̀θo p̀kremrem ḋe ǹte nenṡyri ǹpisrayl fy etoukremrem m̀mof èjen θynou aisōtem èrof	How long shall I endure this wicked congregation? I have heard their murmurings against me, even the murmuring of the children of Israel, which they have murmured concerning you.
14:28	ⲁϫⲟⲥ ⲛⲱⲟⲩ ϫⲉϯⲟⲛϧ ⲁⲛⲟⲕ ⲡⲉϫⲉ ⲡϭⲟⲓⲥ ⲙⲫⲣⲏϯ ⲉⲧⲁⲣⲉⲧⲉⲛⲥⲁϫⲓ ⲉϧⲣⲏⲓ ⲉⲛⲁⲙⲁϣϫ ⲡⲁⲓⲣⲏϯ ϯⲛⲁⲓⲣⲓ ⲛⲱⲧⲉⲛ	ⲁ̀ϫⲟⲥ ⲛⲱⲟⲩ ϫⲉ ϯⲟⲛϧ ⲁⲛⲟⲕ ⲡⲉϫⲉ ⲡ̀ϭⲟⲓⲥ ⲛ̀ⲫ̀ⲣⲏϯ ⲉ̀ⲧⲁⲣⲉⲧⲉⲛⲥⲁϫⲓ ⲉ̀ϧ̀ⲣⲏⲓ ⲉ̀ⲛⲁⲙⲁϣϫ ⲡⲁⲓⲣⲏϯ ϯⲛⲁⲓ̀ⲣⲓ ⲛⲱⲧⲉⲛ	àgos nōou je tionx anok peje p̀ċois ǹf̀ryti ètaretensaji èx̀ryi ènamaṡg pairyti tinaìri nōten	Say to them, As I live, saith the Lord: surely as ye spoke into my ears, so will I do to you.
14:29	ϩⲓⲡϣⲁϥⲉ ⲉⲩⲉϩⲉⲓ ⲛϫⲉⲛⲉⲧⲉⲛⲕⲉⲗⲓ ⲛⲉⲙⲧⲉⲧⲉⲛⲉⲡⲓⲥⲕⲟⲡⲏ ⲧⲏⲣⲥ ⲟⲩⲟϩ ⲛⲏ ⲉⲧⲁⲩϭⲓⲏⲡⲓ ⲙⲙⲱⲟⲩ ⲛⲧⲱⲧⲉⲛ ⲓⲥϫⲉⲛ ⲕ̅ ⲛⲣⲟⲙⲡⲓ ⲛⲉⲙⲥⲁⲡϣⲱⲓ ⲟⲩⲟⲛ ⲛⲓⲃⲉⲛ ⲉⲧⲁⲩⲭⲣⲉⲙⲣⲉⲙ ⲉϩⲣⲏⲓ ⲉϫⲱⲓ	ϩⲓ ⲡ̀ϣⲁϥⲉ ⲉⲩⲉ̀ϩⲉⲓ ⲛ̀ϫⲉ ⲛⲉⲧⲉⲛⲕⲉⲗⲓ ⲛⲉⲙ ⲧⲉⲧⲉⲛⲉⲡⲓⲥⲕⲟⲡⲏ ⲧⲏⲣⲥ ⲟⲩⲟϩ ⲛⲏ ⲉⲧⲁⲩϭⲓⲏⲡⲓ ⲙ̀ⲙⲱⲟⲩ ⲛⲧⲱⲧⲉⲛ ⲓⲥϫⲉⲛ ϫⲱϯ ⲛ̀ⲣⲟⲙⲡⲓ ⲛⲉⲙ ⲥⲁⲡ̀ϣⲱⲓ ⲟⲩⲟⲛ ⲛⲓⲃⲉⲛ ⲉⲧⲁⲩⲭⲣⲉⲙⲣⲉⲙ ⲉ̀ϩ̀ⲣⲏⲓ ⲉ̀ϫⲱⲓ	hi p̀ṡafe evèhei ǹje netenkeli nem tetenepiskopy tyrs ouoh ny etavċiypi m̀mōou ntōten isjen gōti ǹrompi nem sap̀ṡōi ouon niven etavkremrem èh̀ryi ègōi	Your carcases shall fall in this wilderness; and all those of you that were reviewed, and those of you that were numbered from twenty years old and upward, all that murmured against me,
14:30	ϫⲉⲁⲛ ⲧⲉⲧⲉⲛⲛⲁϣⲉⲛⲱⲧⲉⲛ ⲉϧⲟⲩⲛ ⲉⲡⲓⲕⲁϩⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉⲃⲟⲗ ⲉϩⲣⲏⲓ ⲉϫⲱϥ ⲉⲑⲣⲉⲧⲉⲧⲉⲛϣⲱⲡⲓ ϩⲓⲱⲧϥ ⲁⲗⲗⲁ ⲭⲁⲗⲉⲃ ⲡϣⲏⲣⲓ ⲛⲓⲉⲫⲱⲛⲏ ⲛⲉⲙⲓⲏⲥⲟⲩ ⲡϣⲏⲣⲓ ⲛⲛⲁⲩⲏ	ϫⲉ ⲁⲛ ⲧⲉⲧⲉⲛⲛⲁϣⲉⲛⲱⲧⲉⲛ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲉⲧⲁⲓⲥⲟⲩⲧⲉⲛ ⲧⲁϫⲓϫ ⲉ̀ⲃⲟⲗ ⲉ̀ϩ̀ⲣⲏⲓ ⲉ̀ϫⲱϥ ⲉ̀ⲑⲣⲉⲧⲉⲧⲉⲛϣⲱⲡⲓ ϩⲓⲱⲧϥ ⲁⲗⲗⲁ ⲭⲁⲗⲉⲃ ⲡ̀ϣⲏⲣⲓ ⲛⲓⲉⲫⲱⲛⲏ ⲛⲉⲙ ⲓⲏⲥⲟⲩ ⲡ̀ϣⲏⲣⲓ ⲛ̀ⲛⲁⲩⲏ	je an tetennaṡenōten èxoun èpikahi etaisouten tajig èvol èh̀ryi ègōf èθretetenṡōpi hiōtf alla xaleb p̀ṡyri niefōny nem iysou p̀ṡyri ǹnavy	ye shall not enter into the land for which I stretched out my hand to establish you upon it; except only Chaleb the son of Jephonne, and Joshua the son of Naue.
14:31	ⲛⲉⲙⲛⲓⲕⲟⲩϫⲓ ⲛⲁⲗⲱⲟⲩⲓ ⲛⲏ ⲉⲧⲁⲣⲉⲧⲉⲧⲉⲛϫⲟⲥ ϫⲉⲉⲩⲉϣⲱⲡⲓ ⲉⲡϩⲱⲗⲉⲙ ϯⲛⲁⲟⲗⲟⲩ ⲉϧⲟⲩⲛ ⲉⲡⲓⲕⲁϩⲓ ⲟⲩⲟϩ ⲉⲩⲉⲉⲣⲕⲗⲏⲣⲟⲛⲟⲙⲓⲛ ⲙⲡⲓⲕⲁϩⲓ ⲫⲏ ⲛⲑⲱⲧⲉⲛ ⲉⲧⲁⲣⲉⲧⲉⲛϩⲉⲛ ⲑⲏⲛⲟⲩ ⲥⲁⲃⲟⲗ ⲙⲙⲟϥ	ⲛⲉⲙ ⲛⲓⲕⲟⲩϫⲓ ⲛ̀ⲁ̀ⲗⲱⲟⲩⲓ̀ ⲛⲏ ⲉ̀ⲧⲁⲣⲉⲧⲉⲧⲉⲛϫⲟⲥ ϫⲉ ⲉⲩⲉ̀ϣⲱⲡⲓ ⲉ̀ⲡ̀ϩⲱⲗⲉⲙ ϯⲛⲁⲟⲗⲟⲩ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲟⲩⲟϩ ⲉⲩⲉⲉⲣⲕⲗⲏⲣⲟⲛⲟⲙⲓⲛ ⲛ̀ⲡⲓⲕⲁϩⲓ ⲫⲏ ⲛ̀ⲑⲱⲧⲉⲛ ⲉ̀ⲧⲁⲣⲉⲧⲉⲛϩⲉⲛ ⲑⲏⲛⲟⲩ ⲥⲁⲃⲟⲗ ⲙ̀ⲙⲟϥ	nem nikouji ǹàlōouì ny ètaretetengos je evèṡōpi èp̀hōlem tinaolou èxoun èpikahi ouoh eveerklyronomin ǹpikahi fy ǹθōten ètaretenhen θynou savol m̀mof	And your little ones, who ye said should be a prey, them will I bring into the land; and they shall inherit the land, which ye rejected.
14:32	ⲟⲩⲟϩ ⲛⲉⲧⲉⲛⲕⲉⲗⲓ ⲉⲩⲉϩⲉⲓ ϩⲓⲡϣⲁϥⲉ	ⲟⲩⲟϩ ⲛ̀ⲉⲧⲉⲛⲕⲉⲗⲓ ⲉⲩⲉ̀ϩⲉⲓ ϩⲓ ⲡ̀ϣⲁϥⲉ	ouoh ǹetenkeli evèhei hi p̀ṡafe	And your carcases shall fall in this wilderness.
14:33	ⲛⲉⲧⲉⲛϣⲏⲣⲓ ⲇⲉ ⲉⲩⲉϣⲱⲡⲓ ⲉⲩⲙⲟⲛⲓ ⲙⲙⲱⲟⲩ ϩⲓⲡϣⲁϥⲉ ⲛⲙ̅ ⲛⲣⲟⲙⲡⲓ ⲟⲩⲟϩ ⲉⲩⲉⲓⲛⲓ ⲉⲡϣⲱⲓ ⲛⲧⲉⲧⲉⲛⲡⲟⲣⲛⲓⲁ ϣⲁⲧⲟⲩϥⲱϯ ⲉⲃⲟⲗ ⲛϫⲉⲛⲉⲧⲉⲛⲕⲉⲗⲓ ϩⲓⲡϣⲁϥⲉ	ⲛⲉⲧⲉⲛϣⲏⲣⲓ ⲇⲉ ⲉⲩⲉ̀ϣⲱⲡⲓ ⲉⲩⲙⲟⲛⲓ ⲙ̀ⲙⲱⲟⲩ ϩⲓ ⲡ̀ϣⲁϥⲉ ⲛ̀ϩ̀ⲙⲉ ⲛ̀ⲣⲟⲙⲡⲓ ⲟⲩⲟϩ ⲉⲩⲉ̀ⲓⲛⲓ ⲉ̀ⲡ̀ϣⲱⲓ ⲛ̀ⲧⲉⲧⲉⲛⲡⲟⲣⲛⲓⲁ ϣⲁⲧⲟⲩϥⲱϯ ⲉ̀ⲃⲟⲗ ⲛ̀ϫⲉ ⲛⲉⲧⲉⲛⲕⲉⲗⲓ ϩⲓ ⲡ̀ϣⲁϥⲉ	netenṡyri ḋe evèṡōpi evmoni m̀mōou hi p̀ṡafe ǹh̀me ǹrompi ouoh evèini èp̀ṡōi ǹtetenpornia ṡatoufōti èvol ǹje netenkeli hi p̀ṡafe	And your sons shall be fed in the wilderness forty years, and they shall bear your fornication, until your carcases be consumed in the wilderness.
14:34	ⲕⲁⲧⲁⲧⲏⲡⲓ ⲛⲛⲓⲉϩⲟⲟⲩ ⲉⲧⲁⲣⲉⲧⲉⲛϫⲉⲣ ⲡⲓⲕⲁϩⲓ ⲙⲙⲱⲟⲩ ⲙ̅ⲛⲉϩⲟⲟⲩ ⲟⲩⲉϩⲟⲟⲩ ϧⲁⲟⲩⲣⲟⲙⲡⲓ ⲉⲣⲉⲧⲉⲛⲉϭⲓ ⲛⲛⲉⲧⲉⲛⲛⲟⲃⲓ ⲛⲙ̅ ⲛⲣⲟⲙⲡⲓ ⲟⲩⲟϩ ⲉⲣⲉⲧⲉⲛⲉⲉⲙⲓ ⲉⲡⲓϫⲱⲛⲧ ⲛⲧⲉⲡⲁⲙⲃⲟⲛ	ⲕⲁⲧⲁ ⲧ̀ⲏ̀ⲡⲓ ⲛ̀ⲛⲓⲉ̀ϩⲟⲟⲩ ⲉ̀ⲧⲁⲣⲉⲧⲉⲛϫⲉⲣ ⲡⲓⲕⲁϩⲓ ⲙ̀ⲙⲱⲟⲩ ϩ̀ⲙⲉ ⲛ̀ⲉ̀ϩⲟⲟⲩ ⲟⲩⲉ̀ϩⲟⲟⲩ ϧⲁ ⲟⲩⲣⲟⲙⲡⲓ ⲉ̀ⲣⲉⲧⲉⲛⲉϭⲓ ⲛ̀ⲛⲉⲧⲉⲛⲛⲟⲃⲓ ⲛ̀ϩ̀ⲙⲉ ⲛ̀ⲣⲟⲙⲡⲓ ⲟⲩⲟϩ ⲉ̀ⲣⲉⲧⲉⲛⲉⲉⲙⲓ ⲉ̀ⲡⲓϫⲱⲛⲧ ⲛ̀ⲧⲉ ⲡⲁⲙ̀ⲃⲟⲛ	kata t̀ỳpi ǹnièhoou ètaretenjer pikahi m̀mōou h̀me ǹèhoou ouèhoou xa ourompi èreteneċi ǹnetennovi ǹh̀me ǹrompi ouoh èreteneemi èpigōnt ǹte pam̀von	According to the number of the days during which ye spied the land, forty days, a day for a year, ye shall bear your sins forty years, and ye shall know my fierce anger.
14:35	ⲁⲛⲟⲕ ⲡϭⲟⲓⲥ ⲁⲓⲥⲁϫⲓ ⲟⲩⲟϩ ϯⲛⲁⲓⲣⲓ ⲙⲡⲁⲓⲣⲏϯ ⲛⲧⲁⲓⲥⲩⲛⲁⲅⲱⲅⲏ ⲉⲧϩⲱⲟⲩ ⲑⲏ ⲉⲧⲁⲥⲧⲱⲛⲥ ⲉϩⲣⲏⲓ ⲉϫⲱⲓ ⲉⲩⲉⲙⲟⲩⲛⲕ ⲛϩⲣⲏⲓ ϩⲓⲡϣⲁϥⲉ ⲟⲩⲟϩ ⲉⲩⲉⲙⲟⲩ	ⲁⲛⲟⲕ ⲡ̀ϭⲟⲓⲥ ⲁⲓⲥⲁϫⲓ ⲟⲩⲟϩ ϯⲛⲁⲓ̀ⲣⲓ ⲛ̀ⲡⲁⲓⲣⲏϯ ⲛ̀ⲧⲁⲓ̀ⲥⲩⲛⲁⲅⲱⲅⲏ ⲉⲧϩⲱⲟⲩ ⲑⲏ ⲉⲧⲁⲥⲧⲱⲛⲥ ⲉ̀ϩ̀ⲣⲏⲓ ⲉ̀ϫⲱⲓ ⲉⲩⲉ̀ⲙⲟⲩⲛⲕ ⲛ̀ϩ̀ⲣⲏⲓ ϩⲓ ⲡ̀ϣⲁϥⲉ ⲟⲩⲟϩ ⲉⲩⲉ̀ⲙⲟⲩ	anok p̀ċois aisaji ouoh tinaìri ǹpairyti ǹtaìsinaġōgy et·hōou θy etastōns èh̀ryi ègōi evèmounk ǹh̀ryi hi p̀ṡafe ouoh evèmou	I the Lord have spoken, Surely will I do thus to this evil congregation that has risen up together against me: in this wilderness they shall be utterly consumed, and there they shall die.
14:36	ⲟⲩⲟϩ ⲛⲓⲣⲱⲙⲓ ⲉⲧⲁ ⲙⲱⲩⲥⲏⲥ ⲟⲩⲟⲣⲡⲟⲩ ⲉϫⲉⲣ ⲡⲓⲕⲁϩⲓ ⲉⲧⲁⲩⲧⲁⲥⲑⲟ ⲁⲩⲭⲣⲉⲙⲣⲉⲙ ⲛⲥⲱϥ ⲙⲡⲉⲙⲑⲟ ⲛϯⲥⲩⲛⲁⲅⲱⲅⲏ ⲉⲩⲓⲛⲓ ⲛϩⲁⲛⲥⲁϫⲓ ⲉⲩϩⲱⲟⲩ ⲛⲥⲁⲡⲓⲕⲁϩⲓ	ⲟⲩⲟϩ ⲛⲓⲣⲱⲙⲓ ⲉ̀ⲧⲁ ⲙⲱⲩⲥⲏⲥ ⲟⲩⲟⲣⲡⲟⲩ ⲉ̀ϫⲉⲣ ⲡⲓⲕⲁϩⲓ ⲉⲧⲁⲩⲧⲁⲥⲑⲟ ⲁⲩⲭⲣⲉⲙⲣⲉⲙ ⲛ̀ⲥⲱϥ ⲛ̀ⲡⲉⲙ̀ⲑⲟ ⲛ̀ϯⲥⲩⲛⲁⲅⲱⲅⲏ ⲉⲩⲓ̀ⲛⲓ ⲛ̀ϩⲁⲛⲥⲁϫⲓ ⲉⲩϩⲱⲟⲩ ⲛ̀ⲥⲁ ⲡⲓⲕⲁϩⲓ	ouoh nirōmi èta mōisys ouorpou èjer pikahi etavtasθo avkremrem ǹsōf ǹpem̀θo ǹtisinaġōgy evìni ǹhansaji evhōou ǹsa pikahi	And the men whom Moses sent to spy out the land, and who came and murmured against it to the assembly so as to bring out evil words concerning the land,
14:37	ⲟⲩⲟϩ ⲁⲩⲙⲟⲩ ⲛϫⲉⲛⲓⲣⲱⲙⲓ ⲛⲏ ⲉⲧⲁⲩϫⲉ ϩⲁⲛⲡⲉⲧϩⲱⲟⲩ ⲛⲥⲁⲡⲓⲕⲁϩⲓ ϧⲉⲛⲛⲓⲉⲣϧⲟⲧ ⲙⲡⲉⲙⲑⲟ ⲙⲡϭⲟⲓⲥ	ⲟⲩⲟϩ ⲁⲩⲙⲟⲩ ⲛ̀ϫⲉ ⲛⲓⲣⲱⲙⲓ ⲛⲏ ⲉⲧⲁⲩϫⲉ ϩⲁⲛⲡⲉⲧϩⲱⲟⲩ ⲛ̀ⲥⲁ ⲡⲓⲕⲁϩⲓ ϧⲉⲛ ⲛⲓⲉⲣϧⲟⲧ ⲛ̀ⲡⲉⲙ̀ⲑⲟ ⲛ̀ⲡ̀ϭⲟⲓⲥ	ouoh avmou ǹje nirōmi ny etavje hanpet·hōou ǹsa pikahi xen nierxot ǹpem̀θo ǹp̀ċois	the men that spoke evil reports against the land, even died of the plague before the Lord.
14:38	ⲟⲩⲟϩ ⲓⲏⲥⲟⲩ ⲡϣⲏⲣⲓ ⲛⲛⲁⲩⲏ ⲛⲉⲙⲭⲁⲗⲉⲃ ⲡϣⲏⲣⲓ ⲛⲓⲉⲫⲱⲛⲏ ⲁⲩⲱⲛϧ ⲉⲃⲟⲗ ϧⲉⲛⲛⲓⲣⲱⲙⲓ ⲉⲧⲉⲙⲙⲁⲩ ⲛⲏ ⲉⲧⲁⲩϣⲉⲛⲱⲟⲩ ⲉϫⲉⲣ ⲡⲓⲕⲁϩⲓ	ⲟⲩⲟϩ ⲓⲏⲥⲟⲩ ⲡ̀ϣⲏⲣⲓ ⲛ̀ⲛⲁⲩⲏ ⲛⲉⲙ ⲭⲁⲗⲉⲃ ⲡ̀ϣⲏⲣⲓ ⲛⲓⲉⲫⲱⲛⲏ ⲁⲩⲱⲛϧ ⲉ̀ⲃⲟⲗ ϧⲉⲛ ⲛⲓⲣⲱⲙⲓ ⲉ̀ⲧⲉ ⲙ̀ⲙⲁⲩ ⲛⲏ ⲉⲧⲁⲩϣⲉⲛⲱⲟⲩ ⲉ̀ϫⲉⲣ ⲡⲓⲕⲁϩⲓ	ouoh iysou p̀ṡyri ǹnavy nem xaleb p̀ṡyri niefōny avōnx èvol xen nirōmi ète m̀mav ny etavṡenōou èjer pikahi	And Joshua the son of Naue and Chaleb the son of Jephonne still lived of those men that went to spy out the land.
14:39	ⲟⲩⲟϩ ⲁ ⲙⲱⲩⲥⲏⲥ ⲥⲁϫⲓ ⲛⲛⲁⲓⲥⲁϫⲓ ⲛⲉⲙⲛⲉⲛϣⲏⲣⲓ ⲧⲏⲣⲟⲩ ⲙⲡⲓⲥⲣⲁⲏⲗ ⲟⲩⲟϩ ⲁϥⲉⲣϩⲏⲃⲓ ⲛϫⲉⲡⲓⲗⲁⲟⲥ ⲉⲙⲁϣⲱ	ⲟⲩⲟϩ ⲁ ⲙⲱⲩⲥⲏⲥ ⲥⲁϫⲓ ⲛ̀ⲛⲁⲓⲥⲁϫⲓ ⲛⲉⲙ ⲛⲉⲛϣⲏⲣⲓ ⲧⲏⲣⲟⲩ ⲛ̀ⲡⲓⲥⲣⲁⲏⲗ ⲟⲩⲟϩ ⲁϥⲉⲣϩⲏⲃⲓ ⲛ̀ϫⲉ ⲡⲓⲗⲁⲟⲥ ⲉ̀ⲙⲁϣⲱ	ouoh a mōisys saji ǹnaisaji nem nenṡyri tyrou ǹpisrayl ouoh aferhyvi ǹje pilaos èmaṡō	And Moses spoke these words to all the children of Israel; and the people mourned exceedingly.
14:40	ⲟⲩⲟϩ ⲁⲩϣⲟⲣⲡⲟⲩ ⲛⲧⲟⲟⲩⲓ ⲁⲩϣⲉⲛⲱⲟⲩ ⲉϩⲣⲏⲓ ⲉϫⲉⲛⲧⲁⲫⲉ ⲙⲡⲓⲧⲱⲟⲩ ⲉⲩϫⲱ ⲙⲙⲟⲥ ϫⲉϩⲏⲡⲡⲉ ⲁⲛⲟⲕ ⲧⲉⲛⲛⲁϣⲉⲛⲁⲛ ⲉⲡⲓⲧⲟⲡⲟⲥ ⲉⲧⲁ ⲡϭⲟⲓⲥ ϫⲟⲥ ⲛⲁⲛ ϫⲉⲁⲛⲉⲣⲛⲟⲃⲓ	ⲟⲩⲟϩ ⲁⲩϣⲟⲣⲡⲟⲩ ⲛ̀ⲧⲟⲟⲩⲓ̀ ⲁⲩϣⲉⲛⲱⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲧⲱⲟⲩ ⲉⲩϫⲱ ⲙ̀ⲙⲟⲥ ϫⲉ ϩⲏⲡⲡⲉ ⲁⲛⲟⲕ ⲧⲉⲛⲛⲁϣⲉⲛⲁⲛ ⲉ̀ⲡⲓⲧⲟⲡⲟⲥ ⲉ̀ⲧⲁ ⲡ̀ϭⲟⲓⲥ ϫⲟⲥ ⲛⲁⲛ ϫⲉ ⲁⲛⲉⲣⲛⲟⲃⲓ	ouoh avṡorpou ǹtoouì avṡenōou èh̀ryi èjen t̀àfe ǹpitōou evgō m̀mos je hyppe anok tennaṡenan èpitopos èta p̀ċois gos nan je anernovi	And they rose early in the morning and went up to the top of the mountain, saying, Behold, we that are here will go up to the place of which the Lord has spoken, because we have sinned.
14:41	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲱⲟⲩ ϫⲉⲉⲑⲃⲉⲟⲩ ⲛⲑⲱⲧⲉⲛ ⲧⲉⲧⲉⲛⲉⲣⲡⲁⲣⲁⲃⲉⲛⲓⲛ ⲙⲡⲓⲥⲁϫⲓ ⲛⲧⲉⲡϭⲟⲓⲥ ⲡⲉⲧⲉⲛⲙⲱⲓⲧ ⲛⲁⲥⲱⲟⲩⲧⲉⲛ ⲁⲛ	ⲟⲩⲟϩ ⲡⲉϫⲉ ⲙⲱⲩⲥⲏⲥ ⲛⲱⲟⲩ ϫⲉ ⲉⲑⲃⲉ ⲟⲩ ⲛ̀ⲑⲱⲧⲉⲛ ⲧⲉⲧⲉⲛⲉⲣⲡⲁⲣⲁⲃⲉⲛⲓⲛ ⲛ̀ⲡⲓⲥⲁϫⲓ ⲛ̀ⲧⲉ ⲡ̀ϭⲟⲓⲥ ⲡⲉⲧⲉⲛⲙⲱⲓⲧ ⲛⲁⲥⲱⲟⲩⲧⲉⲛ ⲁⲛ	ouoh peje mōisys nōou je eθve ou ǹθōten tetenerparabenin ǹpisaji ǹte p̀ċois petenmōit nasōouten an	And Moses said, Why do ye transgress the word of the Lord? ye shall not prosper.
14:42	ⲙⲡⲉⲣϣⲉⲛⲱⲧⲉⲛ ⲡϭⲟⲓⲥ ⲅⲁⲣ ϥ ⲛⲉⲙⲱⲧⲉⲛ ⲁⲛ ⲟⲩⲟϩ ⲧⲉⲧⲉⲛⲛⲁϩⲉⲓ ⲙⲡⲉⲙⲑⲟ ⲛⲛⲉⲧⲉⲛϫⲁϫⲓ	ⲙ̀ⲡⲉⲣϣⲉⲛⲱⲧⲉⲛ ⲡ̀ϭⲟⲓⲥ ⲅⲁⲣ ϥ ⲛⲉⲙⲱⲧⲉⲛ ⲁⲛ ⲟⲩⲟϩ ⲧⲉⲧⲉⲛⲛⲁϩⲉⲓ ⲛ̀ⲡⲉⲙ̀ⲑⲟ ⲛ̀ⲛⲉⲧⲉⲛϫⲁϫⲓ	m̀perṡenōten p̀ċois ġar f nemōten an ouoh tetennahei ǹpem̀θo ǹnetengaji	Go not up, for the Lord is not with you; so shall ye fall before the face of your enemies.
14:43	ϫⲉⲡⲓⲁⲙⲁⲗⲏⲕ ⲛⲉⲙⲡⲓⲭⲁⲛⲁⲛⲉⲟⲥ ⲙⲙⲁⲩ ϧⲁϫⲱⲧⲉⲛ ⲟⲩⲟϩ ⲧⲉⲧⲉⲛⲛⲁϩⲉⲓ ⲛⲧⲥⲏϥⲓ ⲉⲫⲙⲁ ϫⲉⲁⲣⲉⲧⲉⲛⲧⲁⲥⲑⲟ ⲉⲣⲉⲧⲉⲛⲟⲓ ⲛⲁⲧⲥⲱⲧⲉⲙ ⲛⲥⲁⲡϭⲟⲓⲥ ⲟⲩⲟϩ ⲡϭⲟⲓⲥ ⲛⲁϣⲱⲡⲓ ϧⲉⲛⲑⲏⲛⲟⲩ ⲁⲛ	ϫⲉ ⲡⲓⲁⲙⲁⲗⲏⲕ ⲛⲉⲙ ⲡⲓⲭⲁⲛⲁⲛⲉⲟⲥ ⲙ̀ⲙⲁⲩ ϧⲁϫⲱⲧⲉⲛ ⲟⲩⲟϩ ⲧⲉⲧⲉⲛⲛⲁϩⲉⲓ ⲛ̀ⲧ̀ⲥⲏϥⲓ ⲉ̀ⲫ̀ⲙⲁ ϫⲉ ⲁⲣⲉⲧⲉⲛⲧⲁⲥⲑⲟ ⲉⲣⲉⲧⲉⲛⲟⲓ ⲛ̀ⲁⲧⲥⲱⲧⲉⲙ ⲛ̀ⲥⲁ ⲡ̀ϭⲟⲓⲥ ⲟⲩⲟϩ ⲡ̀ϭⲟⲓⲥ ⲛⲁϣⲱⲡⲓ ϧⲉⲛ ⲑⲏⲛⲟⲩ ⲁⲛ	je piamalyk nem pikananeos m̀mav xagōten ouoh tetennahei ǹt̀syfi èf̀ma je aretentasθo eretenoi ǹatsōtem ǹsa p̀ċois ouoh p̀ċois naṡōpi xen θynou an	For Amalec and the Chananite are there before you, and ye shall fall by the sword; because ye have disobeyed the Lord and turned aside, and the Lord will not be among you.
14:44	ⲟⲩⲟϩ ⲁⲩⲉⲣϭⲓⲛϫⲟⲛⲥ ⲁⲩϣⲉⲛⲱⲟⲩ ⲉϩⲣⲏⲓ ⲉϫⲉⲛⲧⲁⲫⲉ ⲙⲡⲓⲧⲱⲟⲩ ϯⲕⲩⲃⲱⲧⲟⲥ ⲇⲉ ⲛⲧⲉϯⲇⲓⲁⲑⲏⲕⲏ ⲛⲧⲉⲡϭⲟⲓⲥ ⲛⲉⲙⲙⲱⲩⲥⲏⲥ ⲙⲡⲟⲩⲕⲓⲙ ⲙⲙⲱⲟⲩ ⲉⲃⲟⲗ ϧⲉⲛϯⲡⲁⲣⲉⲙⲃⲟⲗⲏ	ⲟⲩⲟϩ ⲁⲩⲉⲣϭⲓⲛϫⲟⲛⲥ ⲁⲩϣⲉⲛⲱⲟⲩ ⲉ̀ϩ̀ⲣⲏⲓ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲓⲧⲱⲟⲩ ϯⲕⲩⲃⲱⲧⲟⲥ ⲇⲉ ⲛ̀ⲧⲉ ϯⲇⲓⲁⲑⲏⲕⲏ ⲛ̀ⲧⲉ ⲡ̀ϭⲟⲓⲥ ⲛⲉⲙ ⲙⲱⲩⲥⲏⲥ ⲙ̀ⲡⲟⲩⲕⲓⲙ ⲙ̀ⲙⲱⲟⲩ ⲉ̀ⲃⲟⲗ ϧⲉⲛ ϯⲡⲁⲣⲉⲙⲃⲟⲗⲏ	ouoh averċingons avṡenōou èh̀ryi èjen t̀àfe ǹpitōou tikibōtos ḋe ǹte tiḋiaθyky ǹte p̀ċois nem mōisys m̀poukim m̀mōou èvol xen tiparemboly	And having forced their passage, they went up to the top of the mountain; but the ark of the covenant of the Lord and Moses stirred not out of the camp.
14:45	ⲟⲩⲟϩ ⲁϥⲓ ⲉⲡⲉⲥⲏⲧ ⲛϫⲉⲡⲓⲁⲙⲁⲗⲏⲕ ⲛⲉⲙⲡⲓⲭⲁⲛⲁⲛⲉⲟⲥ ⲉⲧϣⲟⲡ ϩⲓⲡⲓⲧⲱⲟⲩ ⲉⲧⲉⲙⲙⲁⲩ ⲟⲩⲟϩ ⲁⲩϩⲓⲟⲩⲓ ⲛⲥⲱⲟⲩ ⲟⲩⲟϩ ⲁⲩϭⲟⲧϭⲉⲧ ⲛⲥⲱⲟⲩ ϣⲁⲉϩⲣⲏⲓ ⲉⲉⲣⲙⲁ ⲟⲩⲟϩ ⲁⲩⲧⲁⲥⲑⲟ ⲉϯⲡⲁⲣⲉⲙⲃⲟⲗⲏ	ⲟⲩⲟϩ ⲁϥⲓ̀ ⲉ̀ⲡⲉⲥⲏⲧ ⲛ̀ϫⲉ ⲡⲓⲁⲙⲁⲗⲏⲕ ⲛⲉⲙ ⲡⲓⲭⲁⲛⲁⲛⲉⲟⲥ ⲉⲧϣⲟⲡ ϩⲓ ⲡⲓⲧⲱⲟⲩ ⲉ̀ⲧⲉ ⲙ̀ⲙⲁⲩ ⲟⲩⲟϩ ⲁⲩϩⲓⲟⲩⲓ̀ ⲛ̀ⲥⲱⲟⲩ ⲟⲩⲟϩ ⲁⲩϭⲟⲧϭⲉⲧ ⲛ̀ⲥⲱⲟⲩ ϣⲁ ⲉ̀ϩ̀ⲣⲏⲓ ⲉⲉⲣⲙⲁ ⲟⲩⲟϩ ⲁⲩⲧⲁⲥⲑⲟ ⲉ̀ϯⲡⲁⲣⲉⲙⲃⲟⲗⲏ	ouoh afì èpesyt ǹje piamalyk nem pikananeos etṡop hi pitōou ète m̀mav ouoh avhiouì ǹsōou ouoh avċotċet ǹsōou ṡa èh̀ryi eerma ouoh avtasθo ètiparemboly	And Amalec and the Chananite that dwelt in that mountain came down, and routed them, and destroyed them unto Herman; and they returned to the camp.

Provenance

title: 04_Numeri_14
dialect: bohairic
source: Coptic SCRIPTORIUM corpus "bohairic.ot", document 04_Numeri_14
licence: CC-BY-SA 4.0 (meta.json "CC-BY-SA"; TEI header says CC-BY 4.0 — conflict, stricter kept; LICENCES.md Q-15)
share: attribution
attribution: 04_Numeri_14 from Coptic SCRIPTORIUM (https://copticscriptorium.org), corpus bohairic.ot, document 04_Numeri_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
annotation: segmentation ? · tagging automatic · parsing automatic (SCRIPTORIUM meta.json; document version 6.0.0, 2024-10-31)
file: Bible/Old Testament/Numbers/14.bohairic.scriptorium.L0.txt
title: 04_Numeri_14 — Cairene
dialect: bohairic
source: generated from 14.bohairic.scriptorium.L0.txt (Coptic SCRIPTORIUM corpus "bohairic.ot", document 04_Numeri_14)
licence: CC BY-SA 4.0
share: attribution
attribution: 04_Numeri_14 from Coptic SCRIPTORIUM (https://copticscriptorium.org), corpus bohairic.ot, document 04_Numeri_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the witness-aligned CoNLL-U segmentation, C3b; 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Bible/Old Testament/Numbers/14.bohairic.scriptorium.L1.txt
title: 04_Numeri_14 — Kemetic
dialect: bohairic
source: generated from 14.bohairic.scriptorium.L1.txt
licence: CC BY-SA 4.0
share: attribution
attribution: 04_Numeri_14 from Coptic SCRIPTORIUM (https://copticscriptorium.org), corpus bohairic.ot, document 04_Numeri_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Bible/Old Testament/Numbers/14.bohairic.scriptorium.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 45 quoted · 0 quoted with the alignment not cross-checked · 0 model drafts (marked “draft”)
quoted from: Brenton's Septuagint (1851) — aligned in Coptic SCRIPTORIUM bohairic.ot, 04_Numeri_14 (45 lines)

Cite as:

04_Numeri_14. Coptic SCRIPTORIUM corpus "bohairic.ot", document 04_Numeri_14. Layers as published by the Kemetic project (Yousef Hanna), 2026: Coptic · Cairene · Kemetic, /doc/bible/old-testament/numbers/14.bohairic.scriptorium/. 04_Numeri_14 from Coptic SCRIPTORIUM (https://copticscriptorium.org), corpus bohairic.ot, document 04_Numeri_14, version 6.0.0 (2024-10-31), annotations by Nina Speranskaja, Nicholas Wagner, Amir Zeldes; source edition Marcion, Hany Takla. Licensed CC BY-SA 4.0 (https://creativecommons.org/licenses/by-sa/4.0/); this derivative is released under the same licence. Marcion project, Hany Takla. Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.