Source and licence
share: attributionsahidicSource: Coptic SCRIPTORIUM corpus "martyrdom-victor", document martyrdom.victor.01
Attribution: Martyrdom of Victor part 1 from Coptic SCRIPTORIUM (https://copticscriptorium.org), corpus martyrdom-victor, document martyrdom.victor.01, version 6.2.0 (2025-11-25), annotations by Caroline T. Schroeder, Elizabeth Platte, Mitchell Abrams, Israel Avrahamy, Asael Benyami, Yinon Kahan, Oran Szachter, Lance Martin, Amir Zeldes; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
Licence: CC-BY 4.0
Licence: CC BY-SA 4.0
The text
88 lines · a line number is a link to itselfEnglish: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.
| ref | L0 witness | L1 Cairene | L2 Kemetic | English |
|---|---|---|---|---|
| 1 | ⲦⲘⲀⲢⲦⲨⲢⲒⲀ Ⲙ̄ⲠϨⲀⲄⲒⲞⲤ ⲂⲒⲔⲦⲰⲢ ⲠⲈⲤⲦⲢⲀⲦⲎⲖⲀⲦⲎⲤ ⲀⲨⲰ ⲠⲘⲀⲢⲦⲨⲢⲞⲤ ⲈⲦⲦⲀⲒⲎⲨ Ⲙ̄ⲠⲈⲬⲢⲤ̄ · ⲀⲨⲰ ⲠϤⲀⲒⲔⲖⲞⲘ ⲚⲀⲘⲈ · Ⲛ̄ⲦⲀϤϪⲰⲔ ϪⲈⲈⲂⲞⲖ Ⲙ̄ⲠⲈϤⲀⲄⲰⲚ ⲈⲦⲦⲀⲒⲎⲨ · Ⲛ̄ⲤⲞⲨϪⲞⲨⲦⲤⲀϢϤⲈ Ⲙ̄ⲠⲈⲂⲞⲦ ⲪⲀⲢⲘⲞⲨⲦⲈ · | ⲧ̀ⲙⲁⲣⲧⲩⲣⲓⲁ ⲛ̀ⲡⲁⲅⲓⲟⲥ ⲃⲓⲕⲧⲱⲣ ⲡ̀ⲥⲧⲣⲁⲧⲏⲗⲁⲧⲏⲥ ⲟⲩⲟϩ ⲡⲓⲙⲁⲣⲧⲩⲣⲟⲥ ⲉⲧⲧⲁⲓⲏⲟⲩⲧ ⲛ̀ⲡⲓⲭⲣⲥ: ⲟⲩⲟϩ ⲡ̀ϥⲁⲓⲕⲗⲟⲙ ⲛⲁⲙⲉ: ⲉ̀ⲧⲁϥϫⲱⲕ ϫⲉ ⲉ̀ⲃⲟⲗ ⲛ̀ⲡⲉϥⲁⲅⲱⲛ ⲉⲧⲧⲁⲓⲏⲟⲩⲧ: ⲛ̀ⲥⲟⲩϫⲟⲩⲧⲥⲁϣϥⲉ ⲛ̀ⲡⲉⲃⲟⲧ ⲫⲁⲣⲙⲟⲩⲧⲉ: | t̀martiria ǹpagios biktōr p̀·stratylatys ouoh pimartiros ettaiyout ǹpikrs: ouoh p̀faiklom name: ètafgōk je èvol ǹpefaġōn ettaiyout: ǹsougoutsaṡfe ǹpevot farmoute: | [HERE BEGINNETH] THE MARTYRDOM OF SAINT BIKTÔR (VICTOR), THE GENERAL AND MARTYR, THE MAN GLORIOUS IN CHRIST, THE WEARER OF THE CROWN IN VERY TRUTH, WHO COMPLETED HIS GLORIOUS STRIFE ON THE SEVEN AND TWENTIETH DAY OF THE MONTH PHARMOUTE. |
| 2 | ϨⲚ̄ⲞⲨⲈⲒⲢⲎⲚⲎ Ⲛ̄ⲦⲈⲠⲚⲞⲨⲦⲈ · ⲈⲢⲈⲚⲈϤⲤⲘⲞⲨ ⲈⲦⲞⲨⲀⲀⲂ ⲚⲀⲈⲒ ⲈϨⲢⲀⲒ ⲈϨⲢⲀⲒ ⲈϪⲰⲚ Ⲛ̄ⲦⲚ̄ⲞⲨϪⲀⲒ ⲦⲎⲢⲚ̄ ϨⲒⲞⲨⲤⲞⲠ ϨⲀⲘⲎⲚ : — — | ϧⲉⲛ ⲟⲩⲉⲓⲣⲏⲛⲏ ⲛ̀ⲧⲉ ⲫ̀ⲛⲟⲩϯ: ⲉ̀ⲣⲉⲛⲉϥⲥ̀ⲙⲟⲩ ⲉⲑⲟⲩⲁⲃ ⲛⲁⲓ ⲉϩⲣⲁⲓ ⲉϩⲣⲁⲓ ⲉ̀ϫⲱⲛ ⲛ̀ⲧⲉⲧⲉⲛⲟⲩϫⲁⲓ ⲧⲏⲣⲛ ϩⲓ ⲟⲩⲥⲟⲡ ⲁ̀ⲙⲏⲛ:, | xen oueiryny ǹte f̀nouti: èrenefs̀mou eθouab nai ehrai ehrai ègōn ǹtetenougai tyrn hi ousop àmyn:, | IN THE PEACE OF GOD. MAY HIS HOLY BLESSING COME UPON US, AND MAY WE ALL BE SAVED TOGETHER. AMEN. |
| 3 | Ⲁⲥϣⲱⲡⲉ ⲇⲉ ϩⲛ̄ⲧⲙⲛ̄ⲧ̄ⲉⲣⲟ ⲛ̄ⲇⲓⲟⲕⲗⲏϯⲁⲛⲟⲥ ⲡⲣ̄ⲣ̄ⲟ ϩⲛ̄ⲧⲙⲉϩϣⲟⲙⲧⲉ ⲛ̄ⲣⲟⲙⲡⲉ ⲛ̄ⲧⲉϥⲙⲛ̄ⲧ̄ⲉⲣⲟ · ϩⲙ̄ⲡϣⲟⲣⲡ ⲛ̄ⲉⲃⲟⲧ · ⲡⲇⲓⲁⲃⲟⲗⲟⲥ ⲁϥⲥⲱⲣⲙ̄ ⲙ̄ⲡⲉϥϩⲏⲧ ⲛ̄ⲥⲁⲃⲟⲗ ⲙ̄ⲡⲛⲟⲩⲧⲉ · ⲉⲧⲣ̄ϥⲉⲓⲣⲉ ⲛ̄ⲛⲉⲧⲉⲙⲉϣϣⲉ · | ⲁⲥϣⲱⲡⲓ ⲇⲉ ϧⲉⲛ ⲧ̀ⲙⲉⲧⲟⲩⲣⲟ ⲛ̀ⲇⲓⲟⲕⲗⲏϯⲁⲛⲟⲥ ⲡ̀ⲟⲩⲣⲟ ϧⲉⲛ ⲧ̀ⲙⲉϩϣⲟⲙⲧⲉ ⲛ̀ⲣⲟⲙⲡⲓ ⲛ̀ⲧⲉϥⲙⲉⲧⲟⲩⲣⲟ: ϧⲉⲛ ⲡⲓϣⲟⲣⲡ ⲛ̀ⲉⲃⲟⲧ: ⲡ̀ⲇⲓⲁⲃⲟⲗⲟⲥ ⲁϥⲥⲱⲣⲉⲙ ⲛ̀ⲡⲉϥϩⲏⲧ ⲛ̀ⲥⲁⲃⲟⲗ ⲛ̀ⲫ̀ⲛⲟⲩϯ: ⲉ̀ⲑⲣϥⲓ̀ⲣⲓ ⲛ̀ⲛⲉⲧⲉⲙⲉϣϣⲉ: | asṡōpi ḋe xen t̀metouro ǹdioklytianos p̀ouro xen t̀mehṡomte ǹrompi ǹtefmetouro: xen piṡorp ǹevot: p̀diabolos afsōrem ǹpefhyt ǹsavol ǹf̀nouti: èθrfìri ǹnetemeṡṡe: | And it came to pass in the kingdom (i. e. reign) of the Emperor Diocletian in the third year of his reign, in the first month, that the Devil led his heart astray from God, and made him to do the things that were not seemly. |
| 4 | ⲁϥϣⲙ̄ϣⲉ ⲛ̄ⲛ̄ⲉⲓⲇⲱⲗⲟⲛ · ⲁϥⲕⲱ ⲛ̄ⲥⲱϥ ⲙ̄ⲡⲛⲟⲩⲧⲉ ⲛ̄ⲧⲡⲉ · ⲉⲧⲃⲉϩⲉⲛϣⲉ ⲙⲛ̄ϩⲉⲛⲱⲛⲉ · ⲙⲛ̄ϩⲉⲛⲙⲟⲩⲛ̄ⲅ̄ ⲛ̄ϭⲓϫ ⲉⲩϣⲟⲩⲉⲓⲧ ⁛ | ⲁϥϣⲉⲙϣⲓ ⲛ̀ⲛⲉⲓⲇⲱⲗⲟⲛ: ⲁϥⲭⲱ ⲛ̀ⲥⲱϥ ⲛ̀ⲫ̀ⲛⲟⲩϯ ⲛ̀ⲧ̀ⲫⲉ: ⲉⲑⲃⲉ ϩⲁⲛϣⲉ ⲛⲉⲙ ϩⲁⲛⲱⲛⲓ: ⲛⲉⲙ ϩⲁⲛⲙⲟⲩⲛ̀ⲅ ⲛ̀ϫⲓϫ ⲉⲩϣⲟⲩⲓⲧ ⁛ | afṡemṡi ǹneiḋōlon: afkō ǹsōf ǹf̀nouti ǹt̀fe: eθve hanṡe nem hanōni: nem hanmouǹġ ǹjig evṡouit ⁛ | And Diocletian worshipped idols, and thrust the God of heaven behind his back, for the sake of [creatures made of] wood and stones, and for the sake of the vain things that were fashioned by the hands of men. |
| 5 | ⲥⲱⲧⲙ̄ ϭⲉ ⲧⲉⲛⲟⲩ ⲉⲧⲙⲛ̄ⲧ̄ϫⲱⲱⲣⲉ ⲛ̄ⲟⲩϣⲏⲣⲉ ϣⲏⲙ ϫⲉⲃⲓⲕⲧⲱⲣ · | ⲥⲱⲧⲉⲙ ⲟⲩⲛ ϯⲛⲟⲩ ⲉ̀ⲧ̀ⲙⲉⲧϫⲱⲣ ⲛ̀ⲟⲩϣⲏⲣⲓ ϣⲏⲙ ϫⲉ ⲃⲓⲕⲧⲱⲣ: | sōtem oun tinou èt̀metgōr ǹouṡyri ṡym je biktōr: | Hearken [ye] now to [the account of] the valour of the young man [called] Victor. |
| 6 | ⲇⲓⲟⲕⲗⲏϯⲁⲛⲟⲥ ⲇⲉ ⲡⲣ̄ⲣ̄ⲟ · ⲁϥⲥⲩⲙⲃⲟⲩⲗⲉⲩⲉ ⲉⲣ̄ⲛⲉⲧⲉⲙⲉϣϣⲉ ⲙ̄ⲡⲙ̄ⲧⲟ ⲉⲃⲟⲗ ⲙ̄ⲡⲛⲟⲩⲧⲉ ⲓⲥ̄ ⲡⲉⲭⲥ̄ · ⲁⲩⲱ ⲛⲁⲓ ⲛⲉ ⲛⲧⲁϥⲁⲁⲩ · | ⲇⲓⲟⲕⲗⲏϯⲁⲛⲟⲥ ⲇⲉ ⲡ̀ⲟⲩⲣⲟ: ⲁϥⲉⲣⲥⲩⲙⲃⲟⲩⲗⲉⲩⲓⲛ ⲉⲉⲣⲛⲉⲧⲉⲙⲉϣϣⲉ ⲛ̀ⲡ̀ⲙ̀ⲑⲟ ⲉ̀ⲃⲟⲗ ⲛ̀ⲫ̀ⲛⲟⲩϯ ⲓⲏⲥⲟⲩⲥ ⲡⲓⲭⲥ: ⲟⲩⲟϩ ⲛⲁⲓ ⲛⲉ ⲉⲧⲁϥⲁⲓⲟⲩ: | dioklytianos ḋe p̀ouro: afersimboulevin eernetemeṡṡe ǹp̀m̀θo èvol ǹf̀nouti iysous pik·s: ouoh nai ne etafaiou: | And the Emperor Diocletian took counsel and decided to do the things that were unseemly before God, Jesus the Christ; and this is what he did. |
| 7 | ⲁϥⲧⲁⲙⲓⲟ ⲛ̄ⲥϣϥⲉ ⲛ̄ⲧⲟⲩⲱⲧ ⲛ̄ⲛⲟⲩⲃ · ⲁϥϯⲣⲁⲛ ⲉⲣⲟⲟⲩ ϫⲉⲛⲟⲩⲧⲉ ⲛ̄ϩⲟⲓⲛⲉ ⲁⲛ ⲛⲉ · | ⲁϥⲑⲁⲙⲓⲟ ⲛ̀ϣⲁϣϥⲓ ⲛ̀ⲧⲟⲩⲱⲧ ⲛ̀ⲛⲟⲩⲃ: ⲁϥϯⲣⲁⲛ ⲉ̀ⲣⲱⲟⲩ ϫⲉ ⲛⲟⲩϯ ⲛ̀ϩⲟⲓⲛⲉ ⲁⲛ ⲛⲉ: | afθamio ǹṡaṡfi ǹtouōt ǹnoub: aftiran èrōou je nouti ǹhoine an ne: | He made seventy images of gold, and gave unto them the name of gods which they certainly were not. |
| 8 | ⲁϥⲙⲟⲩⲧⲉ ⲉⲙⲁⲃⲧⲏ ⲛ̄ⲛⲟⲩⲧⲉ ⲛ̄ϩⲟⲟⲩⲧ · ⲁⲩⲱ ⲙⲁⲁⲙⲧⲏ ⲛ̄ⲛⲟⲩⲧⲉ ⲛ̄ⲥϩⲓⲙⲉ · | ⲁϥⲙⲟⲩϯ ⲉ̀ⲙⲁⲃⲧⲏ ⲛ̀ⲛⲟⲩϯ ⲛ̀ϩⲱⲟⲩⲧ: ⲟⲩⲟϩ ⲙⲁⲁⲙⲧⲏ ⲛ̀ⲛⲟⲩϯ ⲛ̀ⲥϩⲓⲙⲓ: | afmouti èmavty ǹnouti ǹhōout: ouoh maamty ǹnouti ǹs·himi: | To thirty-five of these he gave names of gods, and to thirty-five the names of goddesses; |
| 9 | ⲁⲩⲱ ⲡⲥⲉⲉⲡⲉ ⲛ̄ⲛⲉϥⲛⲟⲩⲧⲉ ⲛ̄ϩⲟⲟⲩⲧ ϩⲓⲥϩⲓⲙⲉ · ⲥⲉⲉⲓⲣⲉ ⲛ̄ϣⲉϩⲙⲉ ϩⲛ̄ⲧⲉⲩⲏⲡⲉ · | ⲟⲩⲟϩ ⲡ̀ⲥⲉⲡⲓ ⲛ̀ⲛⲉϥⲛⲟⲩϯ ⲛ̀ϩⲱⲟⲩⲧ ϩⲓⲥ̀ϩⲓⲙⲓ: ⲥⲉⲓ̀ⲣⲓ ⲛ̀ϣⲉϩⲙⲉ ϧⲉⲛ ⲧⲟⲩⲏⲡⲉ: | ouoh p̀·sepi ǹnefnouti ǹhōout his̀·himi: seìri ǹṡehme xen touype: | now the number of his other gods and goddesses amounted to one hundred and forty. |
| 10 | ⲇⲓⲟⲕⲗⲏϯⲁⲛⲟⲥ ⲇⲉ ⲡⲣ̄ⲣ̄ⲟ · ⲁϥⲧⲱϭⲉ ⲛ̄ⲟⲩⲥϩⲁⲓ ⲉⲃⲟⲗ ϩⲓⲣⲙ̄ⲡⲣⲟ ⲙ̄ⲡⲡⲁⲗⲗⲁϯⲟⲛ · ⲉϥⲥⲏϩ ⲛ̄ⲧⲉⲓϩⲉ · | ⲇⲓⲟⲕⲗⲏϯⲁⲛⲟⲥ ⲇⲉ ⲡ̀ⲟⲩⲣⲟ: ⲁϥⲧⲱϭⲉ ⲛ̀ⲟⲩⲥ̀ϧⲁⲓ ⲉ̀ⲃⲟⲗ ϩⲓⲣⲉⲛⲡ̀ⲣⲟ ⲛ̀ⲡ̀ⲡⲁⲗⲗⲁϯⲟⲛ: ⲉϥⲥ̀ϧⲏⲟⲩⲧ ⲛ̀ⲡⲁⲓⲣⲏϯ: | dioklytianos ḋe p̀ouro: aftōċe ǹous̀xai èvol hirenp̀ro ǹp̀pallation: efs̀xyout ǹpairyti: | And the Emperor Diocletian affixed a decree on the outside of the door of the Palace^ wherein it was written thus : |
| 11 | ⲁⲛⲟⲕ ⲇⲓⲟⲕⲗⲏϯⲁⲛⲟⲥ ⲡⲣ̄ⲣ̄ⲟ · ϯⲕⲉⲗⲉⲩⲉ ϫⲓⲛ̄ⲧⲉϩⲣⲱⲙⲁⲛⲓⲁ ϣⲁⲣⲏⲥ ⲉⲡⲉⲗⲁⲕ · ϫⲉⲉⲓⲧⲉ ⲉⲡⲁⲣⲭⲟⲥ · ⲉⲓⲧⲉ ⲥⲧⲣⲁⲧⲏⲗⲁⲧⲏⲥ · ⲉⲓⲧⲉ ⲕⲟⲙⲉⲥ · ⲉⲓⲧⲉ ⲉⲡⲓⲥⲕⲟⲡⲟⲥ · ⲉⲓⲧⲉ ⲡⲣⲉⲥⲃⲩⲧⲉⲣⲟⲥ · ⲉⲓⲧⲉ ⲇⲓⲁⲕⲟⲛⲟⲥ · ⲉⲓⲧⲉ ⲁⲛⲁⲅⲛⲱⲥⲧⲏⲥ · ⲉⲓⲧⲉ ϩⲙ̄ϩⲁⲗ · ⲉⲓⲧⲉ ⲣⲙ̄ϩⲉ · ⲉⲓⲧⲉ ⲙⲁⲧⲟⲓ · ⲉⲓⲧⲉ ⲡⲁⲅⲁⲛⲱⲥ ⲉⲩⲉϣⲙ̄ϣⲉ ⲧⲏⲣⲟⲩ ⲛ̄ⲛⲁⲛⲟⲩⲧⲉ · | ⲁⲛⲟⲕ ⲇⲓⲟⲕⲗⲏϯⲁⲛⲟⲥ ⲡ̀ⲟⲩⲣⲟ: ϯⲉⲣⲕⲉⲗⲉⲩⲓⲛ ϫⲓⲉⲛⲧ̀ϩⲣⲱⲙⲁⲛⲓⲁ ϣⲁ ⲣⲏⲥ ⲉ̀ⲡⲉⲗⲁⲕ: ϫⲉ ⲓⲧⲉ ⲉⲡⲁⲣⲭⲟⲥ: ⲓⲧⲉ ⲥⲧⲣⲁⲧⲏⲗⲁⲧⲏⲥ: ⲓⲧⲉ ⲕⲟⲙⲉⲥ: ⲓⲧⲉ ⲉⲡⲓⲥⲕⲟⲡⲟⲥ: ⲓⲧⲉ ⲡ̀ⲣⲉⲥⲃⲩⲧⲉⲣⲟⲥ: ⲓⲧⲉ ⲇⲓⲁⲕⲟⲛⲟⲥ: ⲓⲧⲉ ⲁⲛⲁⲅⲛⲱⲥⲧⲏⲥ: ⲓⲧⲉ ⲃⲱⲕ: ⲓⲧⲉ ⲣⲉⲙϩⲉ: ⲓⲧⲉ ⲙⲁⲧⲟⲓ: ⲓⲧⲉ ⲡⲁⲅⲁⲛⲱⲥ ⲉⲩⲉ̀ϣⲉⲙϣⲓ ⲧⲏⲣⲟⲩ ⲛ̀ⲛⲁⲛⲟⲩϯ: | anok dioklytianos p̀ouro: tierkelevin jient̀·hrōmania ṡa rys èpelak: je ite eparxos: ite stratylatys: ite komes: ite episkopos: ite p̀resbiteros: ite ḋiakonos: ite anaġnōstys: ite vōk: ite remhe: ite matoi: ite paġanōs evèṡemṡi tyrou ǹnanouti: | I, the Emperor Diocletian, [hereby] command that from Romania [in the north] to Pelak (Philac) in the south, every man, whether he be eparch, or general, or count, or bishop, or elder, or deacon, or reader, or servant, or free man, or soldier, or countryman, shall worship my gods. |
| 12 | ⲁⲩⲱ ⲡⲉⲧⲛⲁϫⲟⲟⲥ ⲛ̄ϩⲏⲧⲟⲩ ϫⲉⲁⲛⲅ̄ ⲟⲩⲭⲣⲓⲥϯⲁⲛⲟⲥ · ⲉⲩⲉϯⲙⲉⲩⲉ̄ ⲙ̄ⲙⲟϥ ⲛϥ̄ⲙⲟⲩ ϩⲛ̄ⲧⲥⲏϥⲉ · | ⲟⲩⲟϩ ⲡⲉⲧⲛⲁϫⲟⲥ ⲛ̀ϧⲏⲧⲟⲩ ϫⲉ ⲁⲛⲟⲕ ⲟⲩⲭⲣⲓⲥϯⲁⲛⲟⲥ: ⲉⲩⲉ̀ϯⲙⲉⲩⲉ̀ ⲙ̀ⲙⲟϥ ⲛ̀ⲧⲉϥⲙⲟⲩ ϧⲉⲛ ⲧ̀ⲥⲏϥⲓ: | ouoh petnagos ǹxytou je anok ouxristianos: evètimevè m̀mof ǹtefmou xen t̀syfi: | And any one among these who shall say, 'I am a Christian,' shall be remembered, and he shall die by the sword. |
| 13 | ⲛ̄ⲧⲱⲧⲛ̄ ϭⲉ ⲧⲏⲣⲧⲛ̄ ⲛ̄ⲥⲩⲛⲕⲗⲓϯⲕⲟⲥ ⲙ̄ⲡⲡⲁⲗⲗⲁϯⲟⲛ · ⲉⲧⲉⲧⲛ̄ⲁⲉⲓ̈ⲣⲉ ⲕⲁⲧⲁⲡⲇⲓⲁⲧⲁⲅⲙⲁ · ϫⲉⲕⲁⲥ ⲉⲣⲉⲣⲱⲙⲉ ⲛⲓⲙ ⲛⲁϣⲙ̄ϣⲉ ⲛ̄ⲛⲁⲛⲟⲩⲧⲉ · | ⲛ̀ⲑⲱⲧⲉⲛ ⲟⲩⲛ ⲧⲏⲣⲧⲉⲛ ⲛ̀ⲥⲩⲛⲕⲗⲓϯⲕⲟⲥ ⲛ̀ⲡ̀ⲡⲁⲗⲗⲁϯⲟⲛ: ⲁⲣⲉⲧⲉⲧⲉⲛⲛⲁⲓ̀ⲣⲓ ⲕⲁⲧⲁ ⲡ̀ⲇⲓⲁⲧⲁⲅⲙⲁ: ϩⲓⲛⲁ ⲉ̀ⲣⲉⲣⲱⲙⲓ ⲛⲓⲃⲉⲛ ⲛⲁϣⲉⲙϣⲓ ⲛ̀ⲛⲁⲛⲟⲩϯ: | ǹθōten oun tyrten ǹsinklitikos ǹp̀pallation: aretetennaìri kata p̀ḋiataġma: hina èrerōmi niven naṡemṡi ǹnanouti: | And as for you, O all ye noblemen of high senatorial rank, who hold office in connection with the Palace, ye shall give effect to | this decree in such a way that every man shall worship my gods ; |
| 14 | ϫⲉⲛⲁⲓ ⲛⲉ ⲛ̄ⲛⲟⲩⲧⲉ ⲉⲧϯ ⲛⲁⲛ ⲙ̄ⲡⲉϫⲣⲟ ϩⲙ̄ⲡⲡⲟⲗⲉⲙⲟⲥ · ⲁⲩⲱ ⲛ̄ⲧⲱⲧⲛ̄ ϩⲱⲧⲧⲏⲩⲧⲛ̄ ⲛ̄ⲥⲉϣⲱⲡⲉ ⲛⲏⲧⲛ̄ ⲛ̄ⲛⲁϣⲧⲉ · ⲉⲩϯϭⲟⲙ ⲛⲏⲧⲛ̄ ⲙⲛ̄ⲡⲉⲥⲧⲣⲁⲧⲉⲩⲙⲁ ⲧⲏⲣϥ̄ · | ϫⲉ ⲛⲁⲓ ⲛⲉ ⲛ̀ⲛⲟⲩϯ ⲉⲧϯ ⲛⲁⲛ ⲛ̀ⲡ̀ϭⲣⲟ ϧⲉⲛ ⲡ̀ⲡⲟⲗⲉⲙⲟⲥ: ⲟⲩⲟϩ ⲛ̀ⲑⲱⲧⲉⲛ ϩⲱⲑⲏⲛⲟⲩ ⲛ̀ⲧⲟⲩϣⲱⲡⲓ ⲛⲱⲧⲉⲛ ⲛ̀ⲛⲁϣⲧⲉ: ⲉⲩϯϭⲟⲙ ⲛⲱⲧⲉⲛ ⲛⲉⲙ ⲡ̀ⲥⲧⲣⲁⲧⲉⲩⲙⲁ ⲧⲏⲣϥ: | je nai ne ǹnouti etti nan ǹp̀ċro xen p̀polemos: ouoh ǹθōten hōθynou ǹtouṡōpi nōten ǹnaṡte: evtiċom nōten nem p̀·stratevma tyrf: | for these are the gods who give us victory in battle, and it is they who are the protectors of you yourselves, and they give strength unto you and unto the whole army. |
| 15 | ϫⲉⲕⲁⲥ ⲡⲉⲧⲉⲛϥ̄ⲛⲁϣⲟⲣⲡϥ̄ ⲁⲛ · ⲛϥ̄ⲉⲓ ⲉ̄ϩⲧⲟⲟⲩⲉ ⲛ̄ⲧⲛ̄ⲃⲱⲕ ⲉⲡⲣ̄ⲡⲉ ϩⲓⲟⲩⲥⲟⲡ · ⲛ̄ⲧⲛ̄ⲑⲩⲥⲓⲁⲍⲉ ⲛ̄ⲛ̄ⲛⲟⲩⲧⲉ · | ϩⲓⲛⲁ ⲡⲉⲧⲉⲛ̀ϥⲛⲁϣⲟⲣⲡϥ ⲁⲛ: ⲛ̀ⲧⲉϥⲓ ⲉ̀ϩⲧⲟⲟⲩⲉ ⲛ̀ⲧⲉⲧⲉⲛⲃⲱⲕ ⲉ̀ⲡⲉⲣⲫⲉⲓ ϩⲓ ⲟⲩⲥⲟⲡ: ⲛ̀ⲧⲉⲧⲉⲛⲑⲩⲥⲓⲁⲍⲉ ⲛ̀ⲛ̀ⲛⲟⲩϯ: | hina peteǹfnaṡorpf an: ǹtefi èhtooue ǹtetenvōk èperfei hi ousop: ǹtetenθisiaze ǹǹnouti: | Therefore, he that doth not rise up early in the morning, and come at dawn [to me so] that we may go into the temple together and offer up sacrifices to the gods, |
| 16 | ⲁⲩⲱ ⲡⲉⲧⲉⲛϥ̄ⲛⲏⲩ ⲁⲛ · ⲉⲩⲉ̄ⲕⲁⲧⲁⲡⲟⲛϯⲍⲉ ⲙ̄ⲙⲟϥ ⲉ̄ⲑⲁⲗⲗⲁⲥⲁ · ϣⲁⲛⲧⲟⲩⲉⲓⲙⲉ ϫⲉⲁⲛⲟⲕ ⲡⲉ ⲡⲣ̄ⲣⲟ ⲉⲧⲉⲙⲛ̄ⲕⲉⲟⲩⲁ ⲛ̄ⲃⲗ̄ⲗⲁϥ · | ⲟⲩⲟϩ ⲡⲉⲧⲉⲛ̀ϥⲛⲏⲟⲩ ⲁⲛ: ⲉⲩⲉ̀ⲕⲁⲧⲁⲡⲟⲛϯⲍⲉ ⲙ̀ⲙⲟϥ ⲉ̀ⲧⲁⲗⲗⲁⲥⲁ: ϣⲁⲧⲟⲩⲉⲙⲓ ϫⲉ ⲁⲛⲟⲕ ⲡⲉ ⲡ̀ⲟⲩⲣⲟ ⲉ̀ⲧⲉ ⲙ̀ⲙⲟⲛ ⲕⲉⲟⲩⲁⲓ ⲛ̀ⲃⲗ̀ⲗⲁϥ: | ouoh peteǹfnyou an: evèkatapontize m̀mof ètallasa: ṡatouemi je anok pe p̀ouro ète m̀mon keouai ǹvl̀laf: | he, I say, that doth not come [hither] shall be cast into the sea, so that [all men] may know that I am king, and that there is no other king besides me.' |
| 17 | ϩⲧⲟⲟⲩⲉ ⲇⲉ ⲛ̄ⲥⲟⲩⲁ̄ ⲙ̄ⲡⲁⲣⲙⲟⲩⲧⲉ · ⲁⲇⲓⲟ̄ⲕⲗⲏϯⲁⲛⲟⲥ ⲡⲣ̄ⲣⲟ ⲙⲛ̄ⲡⲉϥⲥϯⲣⲁⲧⲉⲩⲙⲁ ⲧⲏⲣϥ̄ · ⲙⲛ̄ⲛⲉⲡⲁⲣⲭⲟⲥ ⲙⲛ̄ⲛⲉⲥⲧⲣⲁⲧⲏⲗⲁⲧⲏⲥ · ⲁⲩⲃⲱⲕ ⲉⲡⲣ̄ⲡⲉ : — | ϩⲧⲟⲟⲩⲉ ⲇⲉ ⲛ̀ⲥⲟⲩ1 ⲛ̀ⲡⲁⲣⲙⲟⲩⲧⲉ: ⲁ ⲇⲓⲟⲕⲗⲏϯⲁⲛⲟⲥ ⲡ̀ⲟⲩⲣⲟ ⲛⲉⲙ ⲡⲉϥⲥϯⲣⲁⲧⲉⲩⲙⲁ ⲧⲏⲣϥ: ⲛⲉⲙ ⲛⲉⲡⲁⲣⲭⲟⲥ ⲛⲉⲙ ⲛ̀ⲥⲧⲣⲁⲧⲏⲗⲁⲧⲏⲥ: ⲁⲩⲃⲱⲕ ⲉ̀ⲡⲉⲣⲫⲉⲓ: | htooue ḋe ǹsou1 ǹparmoute: a dioklytianos p̀ouro nem pefstiratevma tyrf: nem neparxos nem ǹstratylatys: avvōk èperfei: | And it came to pass at dawn, on the first day of the month Parmoute, that the Emperor Diocletian, and all his army, and the eparchs, and the generals went into the temple. |
| 18 | Ⲡⲣ̄ⲣⲟ ⲇⲉ ⲁϥϩⲙⲟⲟⲥ̄ ⲉϫⲙ̄ⲡⲉⲑⲣⲟⲛⲟⲥ · ⲁϥⲧⲣⲉⲡⲓⲕⲩⲣⲓⲝ ⲱϣ ⲉⲃⲟⲗ · | ⲡ̀ⲟⲩⲣⲟ ⲇⲉ ⲁϥϩⲉⲙⲥⲓ ⲉ̀ϫⲉⲛ ⲡⲓⲑ̀ⲣⲟⲛⲟⲥ: ⲁϥⲑⲣⲉⲡⲁⲓⲕⲩⲣⲓⲝ ⲱϣ ⲉ̀ⲃⲟⲗ: | p̀ouro ḋe afhemsi èjen piθ̀ronos: afθrepaikiriks ōṡ èvol: | And the Emperor took his seat upon the throne, and he caused the herald to make a proclamation, saying, |
| 19 | ϫⲉⲁⲙⲏⲓⲧⲛ̄ ⲁⲣⲓⲑⲩⲥⲓⲁⲍⲉ ⲱ̄ ⲛ̄ⲣⲱⲙⲉ ⲛ̄ϩⲣⲟⲙⲁⲓⲟⲥ · | ϫⲉ ⲁ̀ⲙⲟⲩⲧⲉⲛ ⲁⲣⲓⲑⲩⲥⲓⲁⲍⲉ ⲱ̀ ⲛ̀ⲣⲱⲙⲓ ⲛ̀ϩⲣⲟⲙⲁⲓⲟⲥ: | je àmouten ariθisiaze ṑ ǹrōmi ǹhromaios: | O [all] ye Roman people, come ye and offer up sacrifice.' |
| 20 | ⲁⲡⲣ̄ⲣⲟ ⲧⲁⲙⲓⲉⲟⲩⲛⲟϭ ⲛ̄ⲃⲟⲙⲱⲥ ⲛ̄ϩⲁⲧ ⲙⲛ̄ⲟⲩϣⲟⲩⲣⲏ ⲛⲛⲟⲩⲃ : | ⲁ ⲡ̀ⲟⲩⲣⲟ ⲑⲁⲙⲓⲉⲟⲩⲛⲓϣϯ ⲛ̀ⲃⲟⲙⲱⲥ ⲛ̀ϩⲁⲧ ⲛⲉⲙ ⲟⲩϣⲟⲩⲣⲏ ⲛ̀ⲛⲟⲩⲃ: | a p̀ouro θamieouniṡti ǹbomōs ǹhat nem ouṡoury ǹnoub: | And the Emperor made an altar of silver and a vessel wherein to burn incense of gold ; |
| 21 | ⲁⲩⲱ ⲁϥⲧⲁⲙⲓⲉⲟⲩⲛⲟϭ ⲛ̄ⲥⲧⲩⲗⲗⲟⲥ ⲛ̄ⲛⲟⲩⲃ · | ⲟⲩⲟϩ ⲁϥⲑⲁⲙⲓⲉⲟⲩⲛⲓϣϯ ⲛ̀ⲥⲧⲩⲗⲗⲟⲥ ⲛ̀ⲛⲟⲩⲃ: | ouoh afθamieouniṡti ǹstillos ǹnoub: | and he made a great pedestal of gold, |
| 22 | ⲁϥⲕⲁⲁϥ ⲙ̄ⲡⲙ̄ⲧⲟ ⲉⲃⲟⲗ ⲛ̄ⲧϣⲏⲩⲉ ϫⲉⲕⲁⲥ ⲉⲩⲉ̄ⲧⲁⲗⲉⲡⲁⲡⲟⲗⲗⲱⲛ ⲉϫⲱϥ · | ⲁϥⲭⲁϥ ⲛ̀ⲡ̀ⲙ̀ⲑⲟ ⲉ̀ⲃⲟⲗ ⲛ̀ⲧ̀ϣⲏⲟⲩⲓ ϩⲓⲛⲁ ⲉⲩⲉ̀ⲧⲁⲗⲉⲡⲁⲡⲟⲗⲗⲱⲛ ⲉ̀ϫⲱϥ: | afkaf ǹp̀m̀θo èvol ǹt̀ṡyoui hina evètalepapollōn ègōf: | and he placed it before the altar so that the [statue of] Apollo might be set upon it. |
| 23 | ⲁϥⲕⲉⲗⲉⲩⲉ ⲛ̄ϭⲓⲡⲣ̄ⲣⲟ · ⲉⲧⲣⲉⲩⲛ̄ⲗⲓⲃⲁⲛⲟⲥ ϩⲓⲥⲁⲙⲓⲧ · ϩⲓⲛⲉϩ ⲙ̄ⲙⲉ · ϩⲓⲕⲟⲛϯⲧⲟⲛ · ⲉⲥⲉⲡⲱϩⲧ̄ ⲉϫⲛ̄ⲧϣⲏⲩⲉ ⲉⲧⲙⲟⲩϩ · | ⲁϥⲉⲣⲕⲉⲗⲉⲩⲓⲛ ⲛ̀ϫⲉ ⲡ̀ⲟⲩⲣⲟ: ⲉ̀ⲑⲣⲉⲩⲉⲛⲗⲓⲃⲁⲛⲟⲥ ϩⲓⲥⲁⲙⲓⲧ: ϩⲓⲛⲉϩ ⲛ̀ⲙⲏⲓ: ϩⲓⲕⲟⲛϯⲧⲟⲛ: ⲉⲥⲉⲡⲱϩⲉⲧ ⲉ̀ϫⲉⲛ ⲧ̀ϣⲏⲟⲩⲓ ⲉⲧⲙⲟϩ: | aferkelevin ǹje p̀ouro: èθrevenlivanos hisamit: hineh ǹmyi: hikontiton: esepōhet èjen t̀ṡyoui etmoh: | And the Emperor commanded them to bring frankincense, and the finest flour of wheat, and the purest oil, and rare old wine, and to pour them out upon the altar whereon was blazing fire. |
| 24 | ⲙⲛ̄ⲛ̄ⲥⲱⲥ ⲁϥϫⲉⲣⲟ ⲛ̄ϣⲏⲧ ⲛ̄ⲕⲉⲣⲱⲛ ⲛ̄ⲛⲟⲩⲃ · ⲙⲛ̄ϥⲧⲟⲩϣⲉ ⲛ̄ⲕⲉⲣⲱⲛ ⲛ̄ϩⲁⲧ · ⲙⲛ̄ϣⲏⲧ ⲛ̄ϩⲧⲟ ⲉⲩⲟⲩⲟ̄ⲃϣ̄ · ⲁⲩⲥⲱⲕ ϩⲏⲧⲟⲩ ⲛ̄ⲛⲉϥⲛⲟⲩⲧⲉ ϣⲁⲡⲣ̄ⲡⲉ · | ⲙⲉⲛⲉⲛⲥⲱⲥ ⲁϥϭⲉⲣⲟ ⲛ̀ϣⲏⲧ ⲛ̀ⲕⲉⲣⲱⲛ ⲛ̀ⲛⲟⲩⲃ: ⲛⲉⲙ ϥⲧⲟⲩϣⲉ ⲛ̀ⲕⲉⲣⲱⲛ ⲛ̀ϩⲁⲧ: ⲛⲉⲙ ϣⲏⲧ ⲛ̀ϩⲧⲟ ⲉⲩⲟⲩⲟⲃϣ: ⲁⲩⲥⲱⲕ ϩⲏⲧⲟⲩ ⲛ̀ⲛⲉϥⲛⲟⲩϯ ϣⲁ ⲡ̀ⲉⲣⲫⲉⲓ: | menensōs afċero ǹṡyt ǹkerōn ǹnoub: nem ftouṡe ǹkerōn ǹhat: nem ṡyt ǹhto evouovṡ: avsōk hytou ǹnefnouti ṡa p̀erfei: | And afterwards they lighted two hundred candles on golden candlesticks, and four hundred candles on silver candlesticks, and two hundred white horses drew his gods into the temple. |
| 25 | ⲡⲣ̄ⲣⲟ ⲇⲉ ⲇⲓⲟ̄ⲕⲗⲏϯⲁⲛⲟⲥ · ⲛ̄ⲧⲉⲣⲟⲩⲉⲓⲛⲉ ⲉϩⲟⲩⲛ ⲛ̄ⲛⲉϥⲛⲟⲩⲧⲉ ⲉⲡⲣ̄ⲡⲉ · ⲁϥⲟⲛⲕϥ̄ ⲉϩⲣⲁⲓ ϩⲓⲡⲉϥⲑⲣⲟⲛⲟⲥ · | ⲡ̀ⲟⲩⲣⲟ ⲇⲉ ⲇⲓⲟⲕⲗⲏϯⲁⲛⲟⲥ: ⲉ̀ⲧⲁⲩⲓ̀ⲛⲓ ⲉ̀ϧⲟⲩⲛ ⲛ̀ⲛⲉϥⲛⲟⲩϯ ⲉ̀ⲡⲉⲣⲫⲉⲓ: ⲁϥⲟⲛⲕϥ ⲉϩⲣⲁⲓ ϩⲓ ⲡⲉϥⲑ̀ⲣⲟⲛⲟⲥ: | p̀ouro ḋe dioklytianos: ètavìni èxoun ǹnefnouti èperfei: afonkf ehrai hi pefθ̀ronos: | 'And when they had brought his gods into the temple the Emperor Diocletian stood up on his throne, |
| 26 | ⲁϥϥⲓ ⲙ̄ⲡⲉϥⲕⲗⲟⲙ ϩⲓϫⲱϥ · ⲁϥⲧⲁϥ ⲉϫⲛ̄ⲧⲁⲡⲉ ⲙ̄ⲡⲁⲡⲟⲗⲗⲟⲛ · ⲁϥⲟⲩⲱϣⲧ̄ ⲛⲁϥ ⲛ̄ϣⲟⲙⲛ̄ⲧ̄ ⲛ̄ⲥⲟⲡ ⲉϥϫⲱ ⲙ̄ⲙⲟⲥ · | ⲁϥϥⲁⲓ ⲛ̀ⲡⲉϥⲭ̀ⲗⲟⲙ ϩⲓϫⲱϥ: ⲁϥⲧⲏⲓϥ ⲉ̀ϫⲉⲛ ⲧ̀ⲁ̀ⲫⲉ ⲛ̀ⲡⲁⲡⲟⲗⲗⲱⲛ: ⲁϥⲟⲩⲱϣⲧ ⲛⲁϥ ⲛ̀ϣⲟⲙⲧ ⲛ̀ⲥⲟⲡ ⲉϥϫⲱ ⲙ̀ⲙⲟⲥ: | affai ǹpefk̀lom higōf: aftyif èjen t̀àfe ǹpapollōn: afouōṡt naf ǹṡomt ǹsop efgō m̀mos: | and he lifted his crown off his head, and set it upon the head of [the statue of] Apollo, and he bowed down and worshipped it three times, saying, |
| 27 | ϫⲉⲛ̄ⲧⲕ̄ⲟⲩⲛⲟⲩⲧⲉ ⲉϥⲟ̄ⲛϩ̄ ⲱ̄ ⲡⲁⲡⲟⲗⲗⲟⲛ ⲡⲛⲟϭ ⲛ̄ⲛⲟⲩⲧⲉ · ⲡⲁⲓ ⲉⲧϯ ⲛⲁⲛ ⲙ̄ⲡⲉϫⲣⲟ ϩⲙ̄ⲡⲡⲟⲗⲉⲙⲟⲥ · | ϫⲉ ⲛ̀ⲑⲟⲕⲟⲩⲛⲟⲩϯ ⲉϥⲟⲛϧ ⲱ̀ ⲡ̀ⲁⲡⲟⲗⲗⲱⲛ ⲡ̀ⲛⲓϣϯ ⲛ̀ⲛⲟⲩϯ: ⲫⲁⲓ ⲉⲧϯ ⲛⲁⲛ ⲛ̀ⲡ̀ϭⲣⲟ ϧⲉⲛ ⲡ̀ⲡⲟⲗⲉⲙⲟⲥ: | je ǹθokounouti efonx ṑ p̀apollōn p̀niṡti ǹnouti: fai etti nan ǹp̀ċro xen p̀polemos: | Thou art the god who livest, O Apollo, the greatest of the gods, who dost give unto us victory in war. |
| 28 | ⲡⲣ̄ⲣⲟ ⲇⲉ ⲛ̄ⲧⲉⲣⲉϥⲟⲩⲱϣⲧ̄ · ⲁⲡⲉϥⲕⲉϣⲟⲙⲛ̄ⲧ̄ ⲛ̄ϣⲃⲏⲣ ⲉⲓ ⲉⲧⲣⲉⲩⲟⲩⲱϣⲧ̄ · ϩⲣⲱⲙⲁⲛⲟⲥ · ⲙⲛ̄ⲃⲁⲥⲓⲗⲏⲧⲏⲥ · ⲙⲛ̄ⲉⲩϩⲁⲓⲟⲥ · | ⲡ̀ⲟⲩⲣⲟ ⲇⲉ ⲉ̀ⲧⲁϥⲟⲩⲱϣⲧ: ⲁⲡⲉϥⲕⲉϣⲟⲙⲧ ⲛ̀ϣ̀ⲫⲏⲣ ⲓ̀ ⲉ̀ⲑⲣⲉⲩⲟⲩⲱϣⲧ: ϩⲣⲱⲙⲁⲛⲟⲥ: ⲛⲉⲙ ⲃⲁⲥⲓⲗⲏⲧⲏⲥ: ⲛⲉⲙ ⲉⲩϩⲁⲓⲟⲥ: | p̀ouro ḋe ètafouōṡt: apefkeṡomt ǹṡ̀fyr ì èθrevouōṡt: hrōmanos: nem basilytys: nem evhaios: | And after the Emperor had worshipped Apollo, his three fellow [Caesars], Romanus, Basileides, and Euaios, came and worshipped Apollo also. |
| 29 | ⲛⲁⲓ ⲉϩⲉⲛ ϩⲓⲥⲱⲛ ϩⲱⲟⲩ ⲛⲉ ⲛ̄ⲣⲣⲟ · Ⲁⲩⲱ ⲉⲣⲉⲡⲣ̄ⲣⲟ ⲙⲉ ⲙ̄ⲙⲟⲟⲩ ⲉⲙⲁⲁⲧⲉ · | ⲛⲁⲓ ⲉϩⲁⲛ ϩⲓⲥⲱⲛ ϩⲱⲟⲩ ⲛⲉ ⲛ̀ⲟⲩⲣⲟ: ⲟⲩⲟϩ ⲉ̀ⲣⲉⲡ̀ⲟⲩⲣⲟ ⲙⲉⲓ ⲙ̀ⲙⲱⲟⲩ ⲉ̀ⲙⲁϣⲱ: | nai ehan hisōn hōou ne ǹouro: ouoh èrep̀ouro mei m̀mōou èmaṡō: | Now these | held equal rank and power with the Fol. 2 « Emperor, and he loved them exceedingly. |
| 30 | ⲁϥϯ ⲇⲉ ⲛⲁⲩ ⲛ̄ⲧⲁⲓⲟⲩ ⲛ̄ⲕⲉⲛⲇⲩⲛⲁⲣⲓⲟⲛ ⲛ̄ⲛⲟⲩⲃ ⲉⲡⲟⲩⲁ ⲭⲱⲣⲓⲥⲛ̄ⲁⲝⲓⲱⲙⲁ ⲛ̄ⲧⲙⲛ̄ⲧ̄ⲥⲧⲣⲁⲧⲏⲗⲁⲧⲏⲗⲁⲧⲏⲥ ⲙⲛ̄ⲛ̄ⲧⲁⲓⲟ̄ ⲛ̄ⲧⲁϥⲧⲁⲁⲩ ⲛⲁⲩ · | ⲁϥϯ ⲇⲉ ⲛⲱⲟⲩ ⲛ̀ⲧⲁⲓⲟⲩ ⲛ̀ⲕⲉⲛⲇⲩⲛⲁⲣⲓⲟⲛ ⲛ̀ⲛⲟⲩⲃ ⲉ̀ⲡ̀ⲟⲩⲁⲓ ⲭⲱⲣⲓⲥⲛⲁⲝⲓⲱⲙⲁ ⲛ̀ⲧ̀ⲙ̀ⲛⲧⲥⲧⲣⲁⲧⲏⲗⲁⲧⲏⲗⲁⲧⲏⲥ ⲛⲉⲙ ⲛ̀ⲧⲁⲓⲟ ⲉⲧⲁϥⲧⲏⲓⲟⲩ ⲛⲱⲟⲩ: | afti ḋe nōou ǹtaiou ǹkenḋinarion ǹnoub èp̀ouai kōrisnaksiōma ǹt̀m̀ntstratylatylatys nem ǹtaio etaftyiou nōou: | And he had given ^ unto each one of them fifty centenarii ^ of gold, in addition to the most noble rank of generals in the army and the other honours which he had bestowed upon them. |
| 31 | ⲇⲓⲟ̄ⲕⲗⲏϯⲁⲛⲟⲥ ⲇⲉ ⲡⲉϫⲁϥ ⲛⲁⲩ · ϫⲉⲱ̄ ⲛⲁϣⲃⲏⲣ ⲡⲓⲑⲉ ⲙ̄ⲙⲟⲓ ϩⲱⲧⲧⲏⲩⲧⲛ̄ ⲛ̄ⲧⲉⲧⲛ̄ⲟⲩⲱϣⲧ̄ ⲛ̄ⲛⲁⲛⲟⲩⲧⲉ · | ⲇⲓⲟⲕⲗⲏϯⲁⲛⲟⲥ ⲇⲉ ⲡⲉϫⲁϥ ⲛⲱⲟⲩ: ϫⲉ ⲱ̀ ⲛⲁϣ̀ⲫⲏⲣ ⲡⲓⲑⲉ ⲙ̀ⲙⲟⲓ ϩⲱⲑⲏⲛⲟⲩ ⲛ̀ⲧⲉⲧⲉⲛⲟⲩⲱϣⲧ ⲛ̀ⲛⲁⲛⲟⲩϯ: | dioklytianos ḋe pegaf nōou: je ṑ naṡ̀fyr piθe m̀moi hōθynou ǹtetenouōṡt ǹnanouti: | And Diocletian said unto them, 'O my fellow [Caesars], I pray you to be persuaded by me, and to worship my gods. |
| 32 | ⲧⲉⲧⲛ̄ⲛⲁⲩ ⲛ̄ⲧⲱⲧⲛ̄ ⲉⲛⲉⲓⲛⲟϭ ⲛ̄ϣⲁ ⲉⲧⲡⲟⲣϣ̄ ⲉⲃⲟⲗ ⲙ̄ⲡⲟⲟⲩ · | ⲧⲉⲧⲉⲛⲛⲁⲩ ⲛ̀ⲑⲱⲧⲉⲛ ⲉ̀ⲛⲁⲓⲛⲓϣϯ ⲛ̀ϣⲁ ⲉⲧⲫⲟⲣϣ ⲉ̀ⲃⲟⲗ ⲛ̀ⲫⲟⲟⲩ: | tetennav ǹθōten ènainiṡti ǹṡa etforṡ èvol ǹfoou: | Ye yourselves can see this great festival which hath spread abroad everywhere this day. |
| 33 | ϣⲉⲡⲟⲩϫⲁⲓ ⲙ̄ⲡⲁⲕⲣⲁⲧⲟⲥ · ⲙⲛ̄ⲡⲟⲩϫⲁⲓ ⲙ̄ⲡⲉⲥϣϥⲉ ⲛ̄ⲛ̇ⲟⲩⲧⲉ ⲙⲛ̄ⲡⲛⲟϭ ⲛ̄ⲛⲟⲩⲧⲉ ⲡⲁⲡⲟⲗⲗⲱⲛ · ϯⲛⲁⲧⲣⲉⲡⲕⲟⲥⲙⲟⲥ ⲟⲩⲱ̄ϣⲧ̄ ⲛ̄ⲛⲁⲛⲟⲩⲧⲉ · | ϣⲉⲡ̀ⲟⲩϫⲁⲓ ⲛ̀ⲡⲁⲕⲣⲁⲧⲟⲥ: ⲛⲉⲙ ⲡ̀ⲟⲩϫⲁⲓ ⲛ̀ⲡ̀ⲥϣϥⲉ ⲛ̀ⲛⲟⲩϯ ⲛⲉⲙ ⲡ̀ⲛⲓϣϯ ⲛ̀ⲛⲟⲩϯ ⲡ̀ⲁⲡⲟⲗⲗⲱⲛ: ϯⲛⲁⲑⲣⲉⲡⲓⲕⲟⲥⲙⲟⲥ ⲟⲩⲱϣⲧ ⲛ̀ⲛⲁⲛⲟⲩϯ: | ṡep̀ougai ǹpakratos: nem p̀ougai ǹp̀·sṡfe ǹnouti nem p̀niṡti ǹnouti p̀apollōn: tinaθrepikosmos ouōṡt ǹnanouti: | I swear by the salvation of my strength, and by the salvation of the seventy gods, and by the strength of the great god Apollo, that I will make the whole world worship my gods, |
| 34 | ⲁⲩⲱ ⲛ̄ⲥⲉⲧⲁϣⲉⲟ̄ⲉⲓϣ ⲙ̄ⲡϣⲁ ⲙ̄ⲡⲟⲟⲩ ϩⲙ̄ⲡⲕⲟⲥⲙⲟⲥ ⲧⲏⲣϥ̄ · | ⲟⲩⲟϩ ⲛ̀ⲧⲟⲩⲧⲁϣⲉⲟ̀ⲉⲓϣ ⲛ̀ⲡ̀ϣⲁ ⲛ̀ⲫⲟⲟⲩ ϧⲉⲛ ⲡⲓⲕⲟⲥⲙⲟⲥ ⲧⲏⲣϥ: | ouoh ǹtoutaṡeòeiṡ ǹp̀ṡa ǹfoou xen pikosmos tyrf: | and the festival which is being celebrated this day shall be proclaimed throughout the whole world. |
| 35 | ⲁⲩⲱ ⲛ̄ⲧⲱⲧⲛ̄ ϩⲱⲧⲧⲏⲩⲧⲛ̄ ⲧⲉⲧⲛⲁϯ ⲛ̄ϩⲉⲛⲭⲁⲣⲓⲥⲙⲁ ⲛ̄ⲇⲱⲣⲟⲛ ⲉⲡⲣ̄ⲡⲉ ⲙ̄ⲡⲁⲡⲟⲗⲗⲱⲛ · ⲭⲱⲣⲓⲥⲛⲉⲧⲉⲣⲉⲛⲉⲡⲁⲣⲭⲟⲥ ⲛⲁⲧⲁⲁⲩ ⲙⲛ̄ⲛⲉⲥⲧⲣⲁⲧⲏⲗⲁⲧⲏⲥ · | ⲟⲩⲟϩ ⲛ̀ⲑⲱⲧⲉⲛ ϩⲱⲑⲏⲛⲟⲩ ⲧⲉⲧⲉⲛⲛⲁϯ ⲛ̀ϩⲁⲛⲭⲁⲣⲓⲥⲙⲁ ⲛ̀ⲇⲱⲣⲟⲛ ⲉ̀ⲡⲉⲣⲫⲉⲓ ⲛ̀ⲡⲁⲡⲟⲗⲗⲱⲛ: ⲭⲱⲣⲓⲥⲛⲉ̀ⲧⲉ ⲛⲉⲡⲁⲣⲭⲟⲥ ⲛⲁⲧⲏⲓⲟⲩ ⲛⲉⲙ ⲛ̀ⲥⲧⲣⲁⲧⲏⲗⲁⲧⲏⲥ: | ouoh ǹθōten hōθynou tetennati ǹhanxarisma ǹḋōron èperfei ǹpapollōn: kōrisnète neparxos natyiou nem ǹstratylatys: | And ye yourselves shall give propitiatory offerings and gifts to the temple of Apollo, besides those which the eparch and the generals shall give.' |
| 36 | ϩⲣⲱⲙⲁⲛⲟⲥ ⲇⲉ ⲁϥϯⲙⲁⲁⲃ ⲛ̄ⲕⲉⲛⲇⲩⲛⲁⲣⲓⲟⲛ ⲛ̄ⲛⲟⲩⲃ · ⲃⲁⲥⲓⲗⲉⲓⲧⲏⲥ ⲇⲉ ⲁϥϯϫⲟⲩⲱⲧ · ⲉⲩϩⲁⲓⲟⲥ ⲁϥϯⲙⲏⲧ · ⲡⲣ̄ⲣⲟ ⲇⲉ ⲁϥϯⲥⲉ · | ϩⲣⲱⲙⲁⲛⲟⲥ ⲇⲉ ⲁϥϯⲙⲁⲁⲃ ⲛ̀ⲕⲉⲛⲇⲩⲛⲁⲣⲓⲟⲛ ⲛ̀ⲛⲟⲩⲃ: ⲃⲁⲥⲓⲗⲉⲓⲧⲏⲥ ⲇⲉ ⲁϥϯϫⲟⲩⲱⲧ: ⲉⲩϩⲁⲓⲟⲥ ⲁϥϯⲙⲏⲧ: ⲡ̀ⲟⲩⲣⲟ ⲇⲉ ⲁϥϯⲥⲉ: | hrōmanos ḋe aftimaab ǹkenḋinarion ǹnoub: basileitys ḋe aftigouōt: evhaios aftimyt: p̀ouro ḋe aftise: | And Romanus gave thirty centenarii of gold, and Basileides gave twenty, and Euaios gave ten, and the Emperor gave sixty ; |
| 37 | ϩⲱⲥⲧⲉ · ϣⲉ ϫⲟⲩⲱⲧ ⲛ̄ⲕⲉⲛⲇⲩⲛⲁⲣⲓⲟⲛ ⲛ̄ⲛⲟⲩⲃ ⲛ̄ⲥⲉⲧⲁⲁⲩ ⲛ̄ⲭⲁⲣⲓⲥⲙⲁ ⲙ̄ⲡⲁⲡⲟⲗⲗⲱⲛ · | ϩⲱⲥⲧⲉ: ϣⲟ ϫⲟⲩⲱⲧ ⲛ̀ⲕⲉⲛⲇⲩⲛⲁⲣⲓⲟⲛ ⲛ̀ⲛⲟⲩⲃ ⲛ̀ⲧⲟⲩⲧⲏⲓⲟⲩ ⲛ̀ⲭⲁⲣⲓⲥⲙⲁ ⲛ̀ⲡⲁⲡⲟⲗⲗⲱⲛ: | hōste: ṡo gouōt ǹkenḋinarion ǹnoub ǹtoutyiou ǹxarisma ǹpapollōn: | in all they gave as free-will offerings to [the temple of] Apollo one hundred and twenty centenarii of gold. |
| 38 | ⲁϥϯϣⲟⲙⲛⲧ̄ ⲛ̄ⲱ̄ⲛⲉ ⲙ̄ⲙⲉ ⲉⲡⲉⲕⲗⲟⲙ ⲙ̄ⲡⲁⲡⲟⲗⲗⲱⲛ ⲉⲛⲁϣⲉⲥⲟⲩⲉⲛⲧⲟⲩ · | ⲁϥϯϣⲟⲙⲧ ⲛ̀ⲱⲛⲓ ⲛ̀ⲙⲏⲓ ⲉ̀ⲡ̀ⲭ̀ⲗⲟⲙ ⲛ̀ⲡⲁⲡⲟⲗⲗⲱⲛ ⲉⲛⲁϣⲉⲥⲟⲩⲉⲛⲧⲟⲩ: | aftiṡomt ǹōni ǹmyi èp̀k̀lom ǹpapollōn enaṡesouentou: | And the Emperor also gave three precious jewels [to be set] in the crown of Apollo^ and they were of exceedingly great price. |
| 39 | ⲡⲣ̄ⲣⲟ ⲇⲉ ⲡⲉϫⲁϥ ⲛ̄ϩⲣⲱⲙⲁⲛⲟⲥ ⲡⲉⲥⲧⲣⲁⲧⲏⲗⲁⲧⲏⲥ · | ⲡ̀ⲟⲩⲣⲟ ⲇⲉ ⲡⲉϫⲁϥ ⲛ̀ϩⲣⲱⲙⲁⲛⲟⲥ ⲡ̀ⲥⲧⲣⲁⲧⲏⲗⲁⲧⲏⲥ: | p̀ouro ḋe pegaf ǹhrōmanos p̀·stratylatys: | And the Emperor said unto Romanus, the general o£ the army^ |
| 40 | ϫⲉⲑⲩⲥⲓ̈ⲁⲍⲉ ⲛ̄ⲛⲁⲛⲟⲩⲧⲉ · | ϫⲉ ⲑⲩⲥⲓⲁⲍⲉ ⲛ̀ⲛⲁⲛⲟⲩϯ: | je θisiaze ǹnanouti: | 'Offer thou up sacrifice to my gods' ; |
| 41 | ⲁϥϯⲡⲉϥⲟⲩⲟⲓ ⲁϥⲑⲩⲥⲓ̈ⲁⲍⲉ ⲙⲛ̄ⲡⲉϥⲕⲉϣⲃⲏⲣ ⲥⲛⲁⲩ : — | ⲁϥϯⲡⲉϥⲟⲩⲟⲓ ⲁϥⲑⲩⲥⲓⲁⲍⲉ ⲛⲉⲙ ⲡⲉϥⲕⲉϣ̀ⲫⲏⲣ ⲥ̀ⲛⲁⲩ: | aftipefouoi afθisiaze nem pefkeṡ̀fyr s̀nav: | and Romanus went forward and offered up sacrifice together with his two fellow [Caesars], |
| 42 | ⲁⲩⲱ ⲡⲕⲉⲥⲉⲉⲡⲉ ⲛ̄ⲛ̄ⲛⲟϭ ⲉⲧϩⲙ̄ⲡⲡⲁⲗⲗⲁϯⲟⲛ · | ⲟⲩⲟϩ ⲡ̀ⲕⲉⲥⲉⲡⲓ ⲛ̀ⲛ̀ⲛⲓϣϯ ⲉⲧϧⲉⲛ ⲡ̀ⲡⲁⲗⲗⲁϯⲟⲛ: | ouoh p̀kesepi ǹǹniṡti etxen p̀pallation: | as did also the other nobles who were attached to the Palace. |
| 43 | ϩⲙ̄ⲡⲉϩⲟⲟⲩ ⲉ̄ⲧⲙ̄ⲙⲁⲩ · ⲁⲥⲉ ⲛ̄ⲧⲃⲁ ⲙ̄ⲙⲁⲧⲟⲓ ⲟⲩⲱ̄ϣⲧ̄ ⲙⲛ̄ϣⲏⲧ ⲛ̄ⲧⲃⲁ ⲙ̄ⲡⲁⲅⲁⲛⲱⲥ · ⲉⲣⲉⲙ̄ⲙⲏⲏϣⲉ ⲧⲏⲣⲟⲩ ⲥⲟⲟⲩϩ ⲉⲧⲉⲑⲩⲥⲓⲁ ⲙ̄ⲡⲣ̄ⲣⲟ · | ϧⲉⲛ ⲡ̀ⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ: ⲁ ⲥⲉ ⲛ̀ⲑ̀ⲃⲁ ⲛ̀ⲙⲁⲧⲟⲓ ⲟⲩⲱϣⲧ ⲛⲉⲙ ϣⲏⲧ ⲛ̀ⲑ̀ⲃⲁ ⲛ̀ⲡⲁⲅⲁⲛⲱⲥ: ⲉ̀ⲣⲉⲛ̀ⲙⲏϣ ⲧⲏⲣⲟⲩ ⲥⲟⲟⲩϩ ⲉ̀ⲧ̀ⲑⲩⲥⲓⲁ ⲛ̀ⲡ̀ⲟⲩⲣⲟ: | xen p̀èhoou ète m̀mav: a se ǹθ̀va ǹmatoi ouōṡt nem ṡyt ǹθ̀va ǹpaġanōs: èreǹmyṡ tyrou soouh èt̀θisia ǹp̀ouro: | On that day six hundred thousand soldiers and two millions of the people of the country worshipped [Apollo], and all the multitudes of the people were gathered together at the sacrifice of the Emperor. |
| 44 | ⲛ̄ⲧⲉⲣⲉⲡⲟⲣⲇⲓⲛⲟⲛ ⲇⲉ ⲛ̄ⲟⲩⲡⲣⲟⲧⲉⲕⲧⲱⲣ ⲧⲁϩⲟϥ · ⲉⲡⲉϥⲣⲁⲛ ⲡⲉ ⲃⲁⲥⲓⲗⲉⲓⲧⲏⲥ · | ⲉ̀ⲧⲁⲡⲟⲣⲇⲓⲛⲟⲛ ⲇⲉ ⲛ̀ⲟⲩⲡ̀ⲣⲟⲧⲉⲕⲧⲱⲣ ⲧⲁϩⲟϥ: ⲉ̀ⲡⲉϥⲣⲁⲛ ⲡⲉ ⲃⲁⲥⲓⲗⲉⲓⲧⲏⲥ: | ètapordinon ḋe ǹoup̀rotektōr tahof: èpefran pe basileitys: | And it came to pass that when the turn of the Protector had come to offer up sacrifice, now his name was Basileides |
| 45 | ⲙ̄ⲡⲉϥⲑⲩⲥⲓⲁⲍⲉ ⲛ̄ⲛ̄ⲛⲟⲩⲧⲉ ⲙ̄ⲡⲣ̄ⲣⲟ · | ⲙ̀ⲡⲉϥⲑⲩⲥⲓⲁⲍⲉ ⲛ̀ⲛ̀ⲛⲟⲩϯ ⲛ̀ⲡ̀ⲟⲩⲣⲟ: | m̀pefθisiaze ǹǹnouti ǹp̀ouro: | he would not worship the gods of the Emperor ; |
| 46 | ⲁⲗⲗⲁ ⲁⲇⲓⲟⲕⲗⲏϯⲁⲛⲟⲥ ⲙⲟⲟⲩⲧ ⲙ̄ⲙⲟϥ ⲙⲛ̄ⲛⲁⲡⲉϥⲏⲓ ⲧⲏⲣⲟⲩ · | ⲁⲗⲗⲁ ⲁ ⲇⲓⲟⲕⲗⲏϯⲁⲛⲟⲥ ⲙⲟⲟⲩⲧ ⲙ̀ⲙⲟϥ ⲛⲉⲙ ⲛⲁⲡⲉϥⲏⲓ ⲧⲏⲣⲟⲩ: | alla a dioklytianos moout m̀mof nem napefyi tyrou: | and Diocletian put him to death together with all his house. |
| 47 | ⲧⲡⲟⲗⲓⲥ ⲇⲉ ⲧⲏⲣⲥ̄ ⲁⲥⲛⲟⲉⲓⲛ ϩⲓⲧⲛ̄ⲧⲁⲫⲟⲣⲙⲏ ⲙ̄ⲡⲙⲏⲏ̄ϣⲉ · | ⲧ̀ⲡⲟⲗⲓⲥ ⲇⲉ ⲧⲏⲣⲥ ⲁⲥⲛⲟⲉⲓⲛ ϩⲓⲧⲉⲛ ⲧ̀ⲁⲫⲟⲣⲙⲏ ⲛ̀ⲡ̀ⲙⲏϣ: | t̀polis ḋe tyrs asnoein hiten t̀aformy ǹp̀myṡ: | And the whole city was greatly shaken by the thronging of the multitude, |
| 48 | ⲁⲩⲱ ⲁⲛⲣⲱⲙⲉ ⲣ̄ⲁⲫⲛⲡⲛⲉⲩⲉ̄ ϩⲓⲧⲙ̄ⲡⲉⲥⲧⲟⲓ ⲙ̄ⲡⲗⲓⲃⲁⲛⲟⲥ · ⲙⲛ̄ⲡϣⲟⲩϩⲏⲛⲉ ⲉⲧⲉⲣⲉⲛ̄ⲣ̄ⲱ[ⲙⲉ] ⲧⲁⲗⲟ ⲙ̄ⲙⲟϥ ⲉϩⲣⲁⲓ̈ : — | ⲟⲩⲟϩ ⲁⲛ̀ⲣⲱⲙⲓ ⲉⲣⲁⲫⲛⲡⲛⲉⲩⲉ ϩⲓⲧⲉⲛ ⲡ̀ⲥⲧⲟⲓ ⲛ̀ⲡ̀ⲗⲓⲃⲁⲛⲟⲥ: ⲛⲉⲙ ⲡ̀ϣⲟⲩϩⲏⲛⲉ ⲉ̀ⲧⲉ ⲛ̀ⲣⲱⲙⲓ ⲧⲁⲗⲟ ⲙ̀ⲙⲟϥ ⲉϩⲣⲁⲓ: | ouoh aǹrōmi erafnpneve hiten p̀·stoi ǹp̀libanos: nem p̀ṡouhyne ète ǹrōmi talo m̀mof ehrai: | and men died, being choked by the fumes of the frankincense^ and by the smell of the incense which the people were offering up upon the altar |
| 49 | ⲛⲉⲛ̄ⲧⲁⲩⲙⲟⲩ ⲅⲁⲣ ϩⲙ̄ⲡϩⲟϫϩⲉϫ ⲛ̄ⲙ̄ⲙⲏⲏϣⲉ · ⲉⲩⲛⲁⲣ̄ϯⲟⲩ ⲛ̄ϣⲟ · ⲭⲱⲣⲓⲥⲛⲉⲛ̄ⲧⲁⲩⲙⲟⲩ ϩⲙ̄ⲡⲣ̄ⲡⲉ · ⲉⲩⲛⲁⲣ̄ⲕⲉϥⲧⲟⲩϣⲉ · | ⲛⲉⲧⲁⲩⲙⲟⲩ ⲅⲁⲣ ϧⲉⲛ ⲡ̀ϩⲟϫϩϫ ⲛ̀ⲛ̀ⲙⲏϣ: ⲉⲩⲛⲁⲉⲣϯⲟⲩ ⲛ̀ϣⲟ: ⲭⲱⲣⲓⲥⲛⲉⲧⲁⲩⲙⲟⲩ ϧⲉⲛ ⲡ̀ⲉⲣⲫⲉⲓ: ⲁⲣⲉⲩⲛⲁⲉⲣⲕⲉϥⲧⲟⲩϣⲉ: | netavmou ġar xen p̀hoghg ǹǹmyṡ: evnaertiou ǹṡo: kōrisnetavmou xen p̀erfei: arevnaerkeftouṡe: | And those who died through being^ crushed by the multitudes were five thousand in number, in addi tion to those who died in the temple, who were also five thousand in number, excepting the ones who died in the temple. |
| 50 | ⲡⲣ̄ⲣⲟ ⲇⲉ ⲇⲓⲟ̄ⲕⲗⲏϯⲁⲛⲟⲥ ⲁϥϩⲣⲟⲕⲉⲩⲉ ⲛ̄ⲧⲡⲟⲗⲓⲥ ⲧⲏⲣⲥ̄ · ⲉϥϫⲱ ⲙ̄ⲙⲟⲥ | ⲡ̀ⲟⲩⲣⲟ ⲇⲉ ⲇⲓⲟⲕⲗⲏϯⲁⲛⲟⲥ ⲁϥϩⲣⲟⲕⲉⲩⲉ ⲛ̀ⲧ̀ⲡⲟⲗⲓⲥ ⲧⲏⲣⲥ: ⲉϥϫⲱ ⲙ̀ⲙⲟⲥ | p̀ouro ḋe dioklytianos afhrokeve ǹt̀polis tyrs: efgō m̀mos | And the Emperor Diocletian went about throughout the whole city, saying, |
| 51 | ϫⲉⲉⲧⲉⲧⲛ̄ϣⲁⲛⲟⲩⲱ̄ ⲉⲧⲉⲧⲛ̄ⲑⲩⲥⲓⲁⲍⲉ · ⲟⲩⲱⲙ ⲛ̄ⲧⲉⲧⲛ̄ⲥⲱ ϩⲓⲣⲙ̄ⲡⲣⲟ ⲙ̄ⲡⲁⲡⲟⲗⲗⲱⲛ ⲙⲛ̄ⲧⲁⲣⲧⲉⲙⲓ̈ⲥ · | ϫⲉ ⲁⲧⲉⲧⲉⲛϣⲁⲛⲟⲩⲱ ⲉⲧⲉⲧⲉⲛⲑⲩⲥⲓⲁⲍⲉ: ⲟⲩⲱⲙ ⲛ̀ⲧⲉⲧⲉⲛⲥⲱ ϩⲓⲣⲉⲛⲡ̀ⲣⲟ ⲛ̀ⲡⲁⲡⲟⲗⲗⲱⲛ ⲛⲉⲙ ⲧ̀ⲁⲣⲧⲉⲙⲓⲥ: | je atetenṡanouō etetenθisiaze: ouōm ǹtetensō hirenp̀ro ǹpapollōn nem t̀artemis: | 'When ye shall have finished offering up your sacrifices, [ye shall] eat and ye shall drink at the door of [the temple of] Apollo and Artemis, |
| 52 | ⲛ̄ⲧⲉⲧⲛ̄ϯⲉⲟⲟⲩ ⲛⲁⲩ · ϫⲉⲛ̄ⲧⲟⲟⲩ ⲛⲉ ⲛ̄ⲧⲁⲩⲧⲁⲙⲓⲉⲧⲡⲉ ⲙⲛ̄ⲡⲕⲁϩ · ⲙⲛ̄ⲑⲁⲗⲁⲥⲥⲁ ⲙⲛ̄ⲛ̄ⲣⲱⲙⲉ · | ⲛ̀ⲧⲉⲧⲉⲛϯⲉⲟⲟⲩ ⲛⲱⲟⲩ: ϫⲉ ⲛ̀ⲑⲱⲟⲩ ⲛⲉ ⲉⲧⲁⲩⲑⲁⲙⲓⲉⲧ̀ⲫⲉ ⲛⲉⲙ ⲡ̀ⲕⲁϩⲓ: ⲛⲉⲙ ⲧ̀ⲑⲁⲗⲁⲥⲥⲁ ⲛⲉⲙ ⲛ̀ⲣⲱⲙⲓ: | ǹtetentieoou nōou: je ǹθōou ne etavθamiet̀fe nem p̀kahi: nem t̀θalassa nem ǹrōmi: | and ye shall glorify them, for it is they who have made the heavens, and the earth, and the sea, and mankind.^ |
| 53 | ⲡⲣ̄ⲣⲟ ⲇⲉ ⲁϥⲁⲛⲁⲭⲱⲣⲉⲓ ⲉⲡⲡⲁⲗⲗⲁϯⲟⲛ ⲙ̄ⲡⲛⲁⲩ ⲙ̄ⲡⲁⲣⲓⲥⲧⲟⲛ · | ⲡ̀ⲟⲩⲣⲟ ⲇⲉ ⲁϥⲉⲣⲁⲛⲁⲭⲱⲣⲓⲛ ⲉ̀ⲡ̀ⲡⲁⲗⲗⲁϯⲟⲛ ⲛ̀ⲡ̀ⲛⲁⲩ ⲛ̀ⲡⲁⲣⲓⲥⲧⲟⲛ: | p̀ouro ḋe aferanaxōrin èp̀pallation ǹp̀nav ǹpariston: | And the Emperor went back to the Palace at the time of the morning meal, |
| 54 | ⲁϥⲙⲟⲩⲧⲉ ⲉϩⲣⲟⲙⲁⲛⲟⲥ ⲡⲉⲥⲧⲣⲁⲧⲏⲗⲁⲧⲏⲥ ⲡⲉϫⲁϥ ⲛⲁϥ · | ⲁϥⲙⲟⲩϯ ⲉ̀ϩⲣⲟⲙⲁⲛⲟⲥ ⲡ̀ⲥⲧⲣⲁⲧⲏⲗⲁⲧⲏⲥ ⲡⲉϫⲁϥ ⲛⲁϥ: | afmouti èhromanos p̀·stratylatys pegaf naf: | and he called Romanus the general and said unto him, |
| 55 | ϫⲉϫⲓ ⲙ̄ⲡⲉⲓ̈ⲇⲓⲁⲧⲁⲅⲙⲁ · ⲙⲁⲣⲉⲛⲕⲉⲉⲥⲉⲡⲉ ⲙ̄ⲙⲏⲏϣⲉ ⲑⲩⲥⲓⲁⲍⲉ ⲙ̄ⲡⲁⲧⲉⲕⲁⲛⲁⲭⲱⲣⲉⲓ · | ϫⲉ ϭⲓ ⲛ̀ⲡⲁⲓⲇⲓⲁⲧⲁⲅⲙⲁ: ⲙⲁⲣⲉⲛ̀ⲕⲉⲥⲉⲡⲓ ⲛ̀ⲙⲏϣ ⲑⲩⲥⲓⲁⲍⲉ ⲙ̀ⲡⲁⲧⲉⲕⲉⲣⲁⲛⲁⲭⲱⲣⲓⲛ: | je ċi ǹpaiḋiataġma: mareǹkesepi ǹmyṡ θisiaze m̀patekeranaxōrin: | 'Take this edict, and make the rest of the multitude offer up sacrifice before thou dost leave them.' |
| 56 | ϩⲣⲱⲙⲁⲛⲟⲥ ⲇⲉ ⲡⲉⲥⲧⲣⲁⲧⲏⲗⲁⲧⲏⲥ ⲁϥϫⲓ̈ ⲙ̄ⲡⲇⲓⲁⲧⲁⲅⲙⲁ ⲛ̄ⲧⲟⲟⲧϥ̄ ⲙ̄ⲡⲣ̄ⲣⲟ · | ϩⲣⲱⲙⲁⲛⲟⲥ ⲇⲉ ⲡ̀ⲥⲧⲣⲁⲧⲏⲗⲁⲧⲏⲥ ⲁϥϭⲓ ⲛ̀ⲡ̀ⲇⲓⲁⲧⲁⲅⲙⲁ ⲛ̀ⲧⲟⲧϥ ⲛ̀ⲡ̀ⲟⲩⲣⲟ: | hrōmanos ḋe p̀·stratylatys afċi ǹp̀ḋiataġma ǹtotf ǹp̀ouro: | Then Romanus the general took the edict from the hand of the Emperor, |
| 57 | ⲁϥⲕⲉⲗⲉⲩⲉ ⲛ̄ⲙ̄ⲙⲏⲏϣⲉ ϫⲉⲑⲩⲥⲓⲁⲍⲉ ⲱ̄ ⲛ̄ⲣⲱⲙⲉ ⲛ̄ϩⲣⲱⲙⲁⲓⲟⲥ · | ⲁϥⲉⲣⲕⲉⲗⲉⲩⲓⲛ ⲛ̀ⲛ̀ⲙⲏϣ ϫⲉ ⲑⲩⲥⲓⲁⲍⲉ ⲱ̀ ⲛ̀ⲣⲱⲙⲓ ⲛ̀ϩⲣⲱⲙⲁⲓⲟⲥ: | aferkelevin ǹǹmyṡ je θisiaze ṑ ǹrōmi ǹhrōmaios: | and he gave orders to the people, saying, 'O Romans, offer ye up sacrifice.' |
| 58 | ⲁⲥϣⲱⲡⲉ ⲇⲉ ⲛ̄ⲧⲉⲣⲟⲩⲑⲩⲥⲓⲁⲍⲉ ⲧⲏⲣⲟⲩ · ⲁⲡⲟⲣⲇⲓⲛⲟⲛ ⲙ̄ⲡⲉϥϣⲏⲣⲉ ⲧⲁϩⲟϥ ⲉⲧⲣϥ̄ⲑⲩⲥⲓⲁⲍⲉ · | ⲁⲥϣⲱⲡⲓ ⲇⲉ ⲉ̀ⲧⲁⲩⲑⲩⲥⲓⲁⲍⲉ ⲧⲏⲣⲟⲩ: ⲁ ⲡ̀ⲟⲣⲇⲓⲛⲟⲛ ⲛ̀ⲡⲉϥϣⲏⲣⲓ ⲧⲁϩⲟϥ ⲉ̀ⲑⲣϥⲑⲩⲥⲓⲁⲍⲉ: | asṡōpi ḋe ètavθisiaze tyrou: a p̀ordinon ǹpefṡyri tahof èθrfθisiaze: | And it came to pass that when all the people had offered up sacrifice it came to the turn of his son to offer up sacrifice. |
| 59 | ⲟⲩϣⲏⲣⲉ ⲡⲉ ⲉϥϩⲛ̄ⲙⲛ̄ⲧⲯⲓⲧⲉ ⲛ̄ⲣⲟⲙⲡⲉ · ⲉϥϣⲙ̄ϣⲉ ⲙ̄ⲡⲛⲟⲩⲧⲉ · ⲁⲩⲱ ⲉϥⲣ̄ϩⲟⲧⲉ ϩⲏⲧⲟⲩ ⲛ̄ⲛⲉϥⲛ̄ⲧⲟⲗⲏ · | ⲟⲩϣⲏⲣⲓ ⲡⲉ ⲉϥ ϧⲉⲛ ⲙ̀ⲛ̀ⲧⲯⲓⲧⲉ ⲛ̀ⲣⲟⲙⲡⲓ: ⲉϥϣⲉⲙϣⲓ ⲛ̀ⲫ̀ⲛⲟⲩϯ: ⲟⲩⲟϩ ⲉϥⲉⲣϩⲟϯ ϩⲏⲧⲟⲩ ⲛ̀ⲛⲉϥⲛ̀ⲧⲟⲗⲏ: | ouṡyri pe ef xen m̀ǹtpsite ǹrompi: efṡemṡi ǹf̀nouti: ouoh eferhoti hytou ǹnefǹtoly: | Now he was a young man of nineteen years of age, and he worshipped God, and held His commandments in fear. |
| 60 | ⲉϥⲟ ⲙ̄ⲡⲁⲣⲑⲉⲛⲟⲥ ϩⲙ̄ⲡⲉϥⲥⲱⲙⲁ · ⲉϥⲟⲩⲱⲙ ⲛ̄ⲟⲩⲥⲟⲡ ⲕⲁⲧⲁⲥⲁⲃⲃⲁⲧⲟⲛ · ⲉϥϣⲗⲏⲗ ϩⲛ̄ⲛⲉⲩϣⲟⲟⲩⲉ · | ⲁⲣⲉϥⲟⲓ ⲛ̀ⲡⲁⲣⲑⲉⲛⲟⲥ ϧⲉⲛ ⲡⲉϥⲥⲱⲙⲁ: ⲁⲣⲉϥⲟⲩⲱⲙ ⲛ̀ⲟⲩⲥⲟⲡ ⲕⲁⲧⲁ ⲥⲁⲃⲃⲁⲧⲟⲛ: ⲁⲣⲉϥϣ̀ⲗⲏⲗ ϧⲉⲛ ⲛⲩϣⲟⲟⲩⲉ: | arefoi ǹparθenos xen pefsōma: arefouōm ǹousop kata sabbaton: arefṡ̀lyl xen niṡooue: | He was a virgin in body, he ate once only each week, he prayed all night long, |
| 61 | ϫⲓⲛⲡⲉϩⲟⲟⲩ ⲛ̄ⲧⲁϥⲥⲱⲧⲙ̄ ⲉⲛⲉⲭⲣⲓⲥϯⲁⲛⲟⲥ ⲉⲩⲱϣ ⲉⲣⲟϥ ϩⲛ̄ⲧⲉⲕⲕⲗⲏⲥⲓⲁ · ⲁⲡⲉϥϩⲏⲧ ⲃⲱⲕ ⲉϩⲣⲁⲓ ⲉⲙ̄ⲡⲏⲩⲉ · | ϫⲓⲛⲡⲉ̀ϩⲟⲟⲩ ⲉ̀ⲧⲁϥⲥⲱⲧⲉⲙ ⲉ̀ⲛ̀ⲭⲣⲓⲥϯⲁⲛⲟⲥ ⲉⲩⲱϣ ⲉ̀ⲣⲟϥ ϧⲉⲛ ⲧ̀ⲉⲕⲕⲗⲏⲥⲓⲁ: ⲁⲡⲉϥϩⲏⲧ ⲃⲱⲕ ⲉϩⲣⲁⲓ ⲉ̀ⲛ̀ⲫⲏⲟⲩⲓ̀: | jinpèhoou ètafsōtem èǹxristianos evōṡ èrof xen t̀ekklysia: apefhyt vōk ehrai èǹfyouì: | and from the day wherein he had heard the Christians crying out to him in the church his heart had departed into heaven. |
| 62 | ⲁϥⲙⲉⲥⲧⲉ ⲡⲕⲟⲥⲙⲟⲥ · ⲛⲉⲙⲉϥⲥⲉⲏ̄ⲣⲡ̄ ⲇⲉ · ⲟⲩⲇⲉ ⲙⲉϥⲟⲩⲉⲙϭⲓⲛⲟⲩⲱⲙ ⲉϥϩⲏⲙ · | ⲁϥⲙⲉⲥⲧⲉ ⲡⲓⲕⲟⲥⲙⲟⲥ: ⲛⲁⲙⲡⲁϥⲥⲉⲏ̀ⲣⲉⲡ ⲇⲉ: ⲟⲩⲇⲉ ⲙⲡⲁϥⲟⲩⲉⲙϭⲓⲛⲟⲩⲱⲙ ⲉϥϩⲏⲙ: | afmeste pikosmos: nampafseỳrep ḋe: ouḋe mpafouemċinouōm efhym: | He hated the world. He did not drink wine, neither did he eat food cooked with fire. |
| 63 | ⲟⲩⲇⲉ ⲧⲃ̄ⲧⲃ̄ ⲟⲩⲇⲉ ⲙⲉϥϣⲟⲩϣⲟⲩ ⲙ̄ⲙⲟϥ ϩⲛ̄ⲟⲩϩⲃ̄ⲥⲱ ⲛ̄ϩⲟⲓⲧⲉ ⲉⲛⲉϩ · | ⲟⲩⲇⲉ ⲧⲃ̀ⲧⲉⲃ ⲟⲩⲇⲉ ⲙⲡⲁϥϣⲟⲩϣⲟⲩ ⲙ̀ⲙⲟϥ ϧⲉⲛ ⲟⲩϩⲉⲃⲥⲱ ⲛ̀ϩⲟⲓⲧⲉ ⲉ̀ⲛⲉϩ: | ouḋe tv̀teb ouḋe mpafṡouṡou m̀mof xen ouhevsō ǹhoite èneh: | He did not decorate his person, and he did not adorn himself with rich apparel and fine raiment. |
| 64 | ⲟⲩⲇⲉ ⲙⲉϥⲁⲗⲉ ⲉϩⲧⲟⲟⲩ ⲇⲉ ϩⲁⲣⲙⲁ · | ⲟⲩⲇⲉ ⲙⲡⲁϥⲁⲗⲏⲓ ⲉ̀ϩⲧⲟⲟⲩ ⲇⲉ ϩⲁⲣⲙⲁ: | ouḋe mpafalyi èhtoou ḋe harma: | He did not mount the horse which was used in a chariot (i. e. a war-horse). |
| 65 | ⲟⲩⲇⲉ ⲙⲉϥⲟⲩⲱⲙ ⲙⲛ̄ⲡⲉϥⲉⲓⲱⲧ · ⲟⲩⲇⲉ ⲙⲉϥϣⲁϫⲉ ⲛⲙ̄ⲙⲁϥ · ϩⲓⲑⲏ ⲛ̄ⲛⲟϭ ⲉⲣⲟϥ · | ⲟⲩⲇⲉ ⲙⲡⲁϥⲟⲩⲱⲙ ⲛⲉⲙ ⲡⲉϥⲓⲱⲧ: ⲟⲩⲇⲉ ⲙⲡⲁϥⲥⲁϫⲓ ⲛⲉⲙⲁϥ: ϩⲓ ⲧ̀ϩⲏ ⲛ̀ⲛⲓϣϯ ⲉ̀ⲣⲟϥ: | ouḋe mpafouōm nem pefiōt: ouḋe mpafsaji nemaf: hi t̀·hy ǹniṡti èrof: | He neither ate food with his father nor did he enter into converse with him in the presence of any one who was greater than himself. |
| 66 | ⲏ̄ ⲛϥ̄ϫⲱ ⲛ̄ⲟⲩϣⲁϫⲉ ⲛ̄ϣⲗⲟϥ · | ⲓⲉ ⲛ̀ⲧⲉϥϫⲱ ⲛⲟⲩⲥⲁϫⲓ ⲛ̀ϣⲗⲟϥ: | ie ǹtefgō nousaji ǹṡlof: | He never gave utterance to an obscene (or, scurrilous) word, |
| 67 | ⲟⲩⲇⲉ ⲙⲉϥⲱ̄ⲣⲕ̄ ⲗⲁⲁⲩ ⲛ̄ⲁⲛⲁϣ ⲉⲡⲧⲏⲣϥ̄ · | ⲟⲩⲇⲉ ⲙⲡⲁϥⲱⲣⲕ ⲗⲁⲁⲩ ⲛ̀ⲁⲛⲁϣ ⲉ̀ⲡ̀ⲧⲏⲣϥ: | ouḋe mpafōrk laav ǹanaṡ èp̀tyrf: | and never, under any circumstances, did he swear an oath by anything or by anybody. |
| 68 | ⲁⲩⲱ ⲉϥϣⲁⲛⲥⲱⲧⲙ̄ ⲉⲧⲃⲉⲟⲩⲁ ⲉϥⲟⲧⲡ̄ ⲉϩⲟⲩⲛ · ⲉϣⲱⲡⲉ ⲟⲩⲭⲣⲓⲥϯⲁⲛⲟⲥ ⲡⲉ ϣⲁϥⲇⲓⲁⲕⲟⲛⲉⲓ ⲉⲣⲟϥ · | ⲟⲩⲟϩ ⲁϥϣⲁⲛⲥⲱⲧⲉⲙ ⲉⲑⲃⲉ ⲟⲩⲁⲓ ⲉϥⲟⲧⲉⲡ ⲉ̀ϧⲟⲩⲛ: ⲉϣⲱⲡ ⲟⲩⲭⲣⲓⲥϯⲁⲛⲟⲥ ⲡⲉ ϣⲁϥⲇⲓⲁⲕⲟⲛⲉⲓ ⲉ̀ⲣⲟϥ: | ouoh afṡansōtem eθve ouai efotep èxoun: eṡōp ouxristianos pe ṡafḋiakonei èrof: | And whenever he heard concerning any one who was in distress, if that person w^ere a Christian, ^ he used to minister unto him, |
| 69 | ⲁⲩⲱ ϣⲁϥϯⲧⲉϥⲭⲣⲓⲁ ⲛⲁϥ · ⲭⲱⲣⲓⲥⲧⲁⲙⲉⲡⲉϥⲉⲓⲱⲧ ⲙⲛ̄ⲧⲉϥⲙⲁⲁⲩ : — | ⲟⲩⲟϩ ϣⲁϥϯⲧⲉϥⲭⲣⲓⲁ ⲛⲁϥ: ⲭⲱⲣⲓⲥⲧⲁⲙⲉⲡⲉϥⲓⲱⲧ ⲛⲉⲙ ⲧⲉϥⲙⲁⲩ: | ouoh ṡaftitefkria naf: kōristamepefiōt nem tefmav: | and give unto him of whatsoever he had need, without informing his father and mother of the same. |
| 70 | ⲁⲩⲱ ⲟⲛ ⲭⲱⲣⲓⲥⲛⲉⲧϥ̄ϯ ⲙ̄ⲙⲟⲟⲩ ⲛ̄ⲛⲉϥϩⲙ̄ϩⲁⲗ ⲙ̄ⲙⲏⲏ̄ⲛⲉ · | ⲟⲩⲟϩ ⲟⲛ ⲭⲱⲣⲓⲥⲛⲉⲧϥϯ ⲙ̀ⲙⲱⲟⲩ ⲛ̀ⲛⲉϥⲃⲱⲕ ⲛ̀ⲙⲏⲏ̀ⲛⲉ: | ouoh on kōrisnetfti m̀mōou ǹnefvōk ǹmyỳne: | And this was in addition to the things that he used to give to his slaves daily. |
| 71 | ϣⲁϥϣⲟⲣⲡϥ̄ ⲉϩⲧⲟⲟⲩⲉ ⲙ̄ⲙⲏⲏ̄ⲛⲉ · ⲛϥ̄ⲉⲓ ⲉⲃⲟⲗ ⲉϫⲙ̄ⲡⲣⲟ ⲙ̄ⲡⲉϥⲏⲓ · | ϣⲁϥϣⲟⲣⲡϥ ⲉ̀ϩⲧⲟⲟⲩⲉ ⲛ̀ⲙⲏⲏ̀ⲛⲉ: ⲛ̀ⲧⲉϥⲓ ⲉ̀ⲃⲟⲗ ⲉ̀ϫⲉⲛ ⲡ̀ⲣⲟ ⲛ̀ⲡⲉϥⲏⲓ: | ṡafṡorpf èhtooue ǹmyỳne: ǹtefi èvol èjen p̀ro ǹpefyi: | He was wont to rise each morning at break of day, and to come forth to the door of his house, |
| 72 | ⲉϥϣⲁⲛⲛⲁⲩ ⲉⲟⲩⲁ ⲉϥⲕⲏⲕⲁϩⲏⲩ · ϣⲁϥⲕⲁⲁϥ ⲕⲁϩⲏⲩ ⲛ̄ⲧⲉϥϣⲧⲏⲛ ⲛϥ̄ⲧⲁⲁⲥ ⲛⲁϥ · | ⲁϥϣⲁⲛⲛⲁⲩ ⲉ̀ⲟⲩⲁⲓ ⲉϥⲕⲏⲕⲁϩⲏⲩ: ϣⲁϥⲭⲁϥ ⲕⲁϩⲏⲩ ⲛ̀ⲧⲉϥϣⲑⲏⲛ ⲛ̀ⲧⲉϥⲧⲏⲓⲥ ⲛⲁϥ: | afṡannav èouai efkykahyv: ṡafkaf kahyv ǹtefṡθyn ǹteftyis naf: | and if he saw any one naked he would strip himself of the garment which he had on him, and give it to him. |
| 73 | ⲁⲩⲱ ⲛⲉϥⲉⲓⲣⲉ ⲛ̄ⲛⲉⲛⲧⲟⲗⲏ ⲧⲏⲣⲟⲩ ⲉⲧⲥⲏϩ · | ⲟⲩⲟϩ ⲛⲁϥⲓ̀ⲣⲓ ⲛ̀ⲛⲉⲛⲧⲟⲗⲏ ⲧⲏⲣⲟⲩ ⲉⲧⲥ̀ϧⲏⲟⲩⲧ: | ouoh nafìri ǹnentoly tyrou ets̀xyout: | And he performed all the commandments which were written, |
| 74 | ⲁⲩⲱ ⲛⲉϥϫⲱⲕ ⲉⲃⲟⲗ ⲙ̄ⲡϣⲁϫⲉ ⲛ̄ⲛⲉⲩⲁⲅⲅⲉⲗⲓⲟⲛ ⲙ̄ⲡⲉⲛϫⲥ̄ ⲓⲥ̄ ⲡⲉⲭⲣ̄ⲥ̄ · | ⲟⲩⲟϩ ⲛⲁϥϫⲱⲕ ⲉ̀ⲃⲟⲗ ⲛ̀ⲡ̀ⲥⲁϫⲓ ⲛ̀ⲛⲉⲩⲁⲅⲅⲉⲗⲓⲟⲛ ⲛ̀ⲡⲉⲛϭⲟⲓⲥ ⲓⲏⲥⲟⲩⲥ ⲡⲓⲭⲣⲥ: | ouoh nafgōk èvol ǹp̀·saji ǹnevangelion ǹpenċois iysous pikrs: | and he fulfilled all the instructions in the Gospel of our Lord Jesus the Christ. |
| 75 | ⲡⲉϥⲉⲓⲱⲧ ⲇⲉ ⲁϥϩⲓⲥⲉ ⲛⲙ̄ⲙⲁϥ · ϫⲉⲉⲓⲛⲁϫⲓ ⲛⲁⲕ ⲛ̄ⲧϣⲉⲉⲣⲉ ⲛ̄ⲃⲁⲥⲓⲗⲉⲓⲧⲏⲥ ⲡⲉⲥⲧⲣⲁⲧⲏⲗⲁⲧⲏⲥ · | ⲡⲉϥⲓⲱⲧ ⲇⲉ ⲁϥϧⲓⲥⲓ ⲛⲉⲙⲁϥ: ϫⲉ ⲁⲣⲉⲓⲛⲁϭⲓ ⲛⲁⲕ ⲛ̀ⲧ̀ϣⲉⲉⲣⲉ ⲛ̀ⲃⲁⲥⲓⲗⲉⲓⲧⲏⲥ ⲡ̀ⲥⲧⲣⲁⲧⲏⲗⲁⲧⲏⲥ: | pefiōt ḋe afxisi nemaf: je areinaċi nak ǹt̀ṡeere ǹbasileitys p̀·stratylatys: | And his father wearied him exceedingly, saying, 'I shall take the daughter of Basileides the general for thee to wife,' |
| 76 | ⲛⲉⲁⲩⲥⲙⲛ̄ⲧⲥ̄ ⲅⲁⲣ ⲙⲛ̄ⲛⲉⲩⲉ̄ⲣⲏⲩ · ⲉϣⲏⲧ ⲛ̄ⲕⲉⲛ̇ⲇⲉⲛⲁⲣⲓⲟⲛ ⲛ̄ⲛⲟⲩⲃ · ⲭⲱⲣⲓⲥⲛ̄ⲧⲁⲓⲟ · ⲁⲩⲱ ϥⲧⲟⲩϣⲉ ⲛ̄ⲕⲉⲛⲇⲩⲛⲁⲣⲓⲟⲛ ⲛ̄ϩⲁⲧ · | ⲛⲁⲁⲩⲥⲙⲛ̀ⲧⲥ ⲅⲁⲣ ⲛⲉⲙ ⲛⲟⲩⲉ̀ⲣⲏⲟⲩ: ⲉ̀ϣⲏⲧ ⲛ̀ⲕⲉⲛⲇⲉⲛⲁⲣⲓⲟⲛ ⲛ̀ⲛⲟⲩⲃ: ⲭⲱⲣⲓⲥⲛ̀ⲧⲁⲓⲟ: ⲟⲩⲟϩ ϥⲧⲟⲩϣⲉ ⲛ̀ⲕⲉⲛⲇⲩⲛⲁⲣⲓⲟⲛ ⲛ̀ϩⲁⲧ: | naavsmǹts ġar nem nouèryou: èṡyt ǹkenḋenarion ǹnoub: kōrisǹtaio: ouoh ftouṡe ǹkenḋinarion ǹhat: | for his father and Basileides had made an agreement in respect of her for two hundred centenarii of gold, besides gifts, and four hundred centenarii of silver, |
| 77 | ⲙⲛ̄ⲙⲏⲧ ⲛ̄ϩⲙ̄ϩⲁⲗ ⲛ̄ϩⲟⲟⲩⲧ · ⲙⲛ̄ⲙⲏⲧ ⲛ̄ϣⲉ ⲛ̄ϩⲙ̄ϩⲁⲗ ⲛ̄ⲥϩⲓⲙⲉ · ⲉⲩϫⲓ ⲙⲁⲛⲓⲁⲕⲏⲥ ⲛ̄ⲛⲟⲩⲃ · ⲙⲛ̄ϥⲧⲟⲟⲩ ⲛ̄ϣⲉ ⲛ̄ϩⲧⲟ · ⲁⲩⲱ ⲙⲏⲧ ⲛ̄ϣⲉ ⲙ̄ⲙⲁⲥⲡⲟⲣⲕ̄ · ⲙⲛ̄ⲙⲏⲧ ⲛ̄ϣⲉ ⲛ̄ϭⲁⲙⲟⲩⲗ · ⲙⲛ̄ⲙⲏⲧ ⲛ̄ϣⲉ ⲛ̄ⲥϯⲱ̄ϩⲉ ⲛ̄ϭⲱⲙ · | ⲛⲉⲙ ⲙⲏⲧ ⲛ̀ⲃⲱⲕ ⲛ̀ϩⲱⲟⲩⲧ: ⲛⲉⲙ ⲙⲏⲧ ⲛ̀ϣⲟ ⲛ̀ⲃⲱⲕ ⲛ̀ⲥϩⲓⲙⲓ: ⲉⲩϭⲓ ⲙⲁⲛⲓⲁⲕⲏⲥ ⲛ̀ⲛⲟⲩⲃ: ⲛⲉⲙ ϥ̀ⲧⲟⲟⲩ ⲛ̀ϣⲟ ⲛ̀ϩⲧⲟ: ⲟⲩⲟϩ ⲙⲏⲧ ⲛ̀ϣⲟ ⲛ̀ⲫⲟϩ: ⲛⲉⲙ ⲙⲏⲧ ⲛ̀ϣⲟ ⲛ̀ϭⲁⲙⲟⲩⲗ: ⲛⲉⲙ ⲙⲏⲧ ⲛ̀ϣⲟ ⲛ̀ⲥϯⲱ̀ϩⲉ ⲛ̀ϭⲱⲙ: | nem myt ǹvōk ǹhōout: nem myt ǹṡo ǹvōk ǹs·himi: evċi maniakys ǹnoub: nem f̀toou ǹṡo ǹhto: ouoh myt ǹṡo ǹfoh: nem myt ǹṡo ǹċamoul: nem myt ǹṡo ǹstiṑhe ǹċōm: | and ten menservants, and ten hundred maidservants wearing golden bracelets, and four hundred horses, and ten hundred mules, and ten hundred camels, and ten hundred farms which were under tillage, |
| 78 | ⲙⲛ̄ⲙⲏⲧ ⲛ̄ϣⲉ ⲛ̄ϭⲓⲛⲟⲩⲃⲁⲗ ⲉⲩⲡⲗⲉⲁ ϩⲛ̄ⲑⲁⲗⲁⲥⲥⲁ · ⲙⲛ̄ⲙⲏⲧ ⲛ̄ⲏⲓ ⲉⲣⲉⲙⲏⲧ ⲉⲛ̄ⲥϯⲱ̄ϩⲉ ⲉⲛⲟⲩⲁ ⲛ̄ϩⲏⲧⲟⲩ · | ⲛⲉⲙ ⲙⲏⲧ ⲛ̀ϣⲟ ⲛ̀ϭⲓⲛⲟⲩⲃⲁⲗ ⲉⲩⲡ̀ⲗⲉⲁ ϧⲉⲛ ⲧ̀ⲑⲁⲗⲁⲥⲥⲁ: ⲛⲉⲙ ⲙⲏⲧ ⲛⲏⲓ ⲉ̀ⲣⲉⲙⲏⲧ ⲛ̀ⲥϯⲱ̀ϩⲉ ⲉ̀ⲛⲟⲩⲁⲓ ⲛ̀ϧⲏⲧⲟⲩ: | nem myt ǹṡo ǹċinouval evp̀lea xen t̀θalassa: nem myt nyi èremyt ǹstiṑhe ènouai ǹxytou: | and ten hundred ships which sailed the sea, and ten houses (palaces ?) to [each] one of which were attached ten farms under tillage, |
| 79 | ⲭⲱⲣⲓⲥⲛⲉⲧⲉⲣⲉⲡⲉϥⲉⲓⲱⲧ ⲛⲁⲧⲁⲁⲩ ⲛⲁϥ · ϩⲉⲛⲛⲟϭ ⲛ̄ϩⲩⲡⲉⲣⲉⲥⲓⲁ ⲛⲉⲩϣⲟⲟⲡ ⲛⲁϥ ϩⲓϫⲙ̄ⲡⲕⲁϩ · | ⲭⲱⲣⲓⲥⲛⲉ̀ⲧⲉ ⲡⲉϥⲓⲱⲧ ⲛⲁⲧⲏⲓⲟⲩ ⲛⲁϥ: ϩⲁⲛⲛⲓϣϯ ⲛ̀ϩⲩⲡⲉⲣⲉⲥⲓⲁ ⲛⲁⲩϣⲟⲡ ⲛⲁϥ ϩⲓϫⲉⲛ ⲡ̀ⲕⲁϩⲓ: | kōrisnète pefiōt natyiou naf: hanniṡti ǹhiperesia navṡop naf hijen p̀kahi: | besides the things which his father was to give to him, and a very large number of men who were to do the work on [his] land. |
| 80 | Ⲡⲙⲁⲕⲁⲣⲓⲟⲥ ⲇⲉ ⲁⲡⲁ ⲃⲓⲕⲧⲱⲣ · ⲙ̄ⲡⲉϥⲡⲓⲑⲉ ⲛⲁⲩ · ⲉϥϫⲱ ⲙ̄ⲙⲟⲥ | ⲡ̀ⲙⲁⲕⲁⲣⲓⲟⲥ ⲇⲉ ⲁⲡⲁ ⲃⲓⲕⲧⲱⲣ: ⲙ̀ⲡⲉϥⲡⲓⲑⲉ ⲛⲱⲟⲩ: ⲉϥϫⲱ ⲙ̀ⲙⲟⲥ | p̀makarios ḋe apa biktōr: m̀pefpiθe nōou: efgō m̀mos | And the blessed Apa Victor would not be persuaded by his father and Basileides, and he said unto them, |
| 81 | ϫⲉⲛⲁⲓ ⲧⲏⲣⲟⲩ ⲥⲉⲛⲁⲧⲁⲕⲟ : — | ϫⲉ ⲛⲁⲓ ⲧⲏⲣⲟⲩ ⲥⲉⲛⲁⲧⲁⲕⲟ: | je nai tyrou senatako: | ' All these things shall perish ' ; |
| 82 | ⲉϥϩⲁⲣⲉϩ ⲛⲁϥ ⲉⲧⲙⲛ̄ⲧⲉⲣⲟ ⲛ̄ⲙ̄ⲡⲏⲩⲉ · | ⲁⲣⲉϥⲁ̀ⲣⲉϩ ⲛⲁϥ ⲉ̀ⲧ̀ⲙⲉⲧⲟⲩⲣⲟ ⲛ̀ⲛ̀ⲫⲏⲟⲩⲓ̀: | arefàreh naf èt̀metouro ǹǹfyouì: | and he kept himself for the kingdom that is in the heavens. |
| 83 | ⲛⲉϣⲁⲣⲉⲡϫⲥ̄ ⲓⲥ̄ ⲟⲩⲱ̄ⲛϩ̄ ⲉⲣⲟϥ ⲛ̄ϩⲟ ϩⲓϩⲟ · ⲉϥⲙⲉ ⲙ̄ⲙⲟϥ ⲉⲧⲃⲉⲡⲉϥⲧⲃ̄ⲃⲟ · | ⲛⲁϣⲁⲣⲉⲡ̀ϭⲟⲓⲥ ⲓⲏⲥⲟⲩⲥ ⲟⲩⲱⲛϩ ⲉ̀ⲣⲟϥ ⲛ̀ϩⲟ ϩⲓϩⲟ: ⲉϥⲙⲉⲓ ⲙ̀ⲙⲟϥ ⲉⲑⲃⲉ ⲡⲉϥⲧⲟⲩⲃⲟ: | naṡarep̀ċois iysous ouōnh èrof ǹho hiho: efmei m̀mof eθve peftouvo: | And the Lord Jesus was wont to appear to him, face to face, and He loved him because of his purity. |
| 84 | ⲡⲅⲉⲛⲛⲁⲓⲟⲥ ⲇⲉ ⲁⲡⲁ ⲃⲓⲕⲧⲱⲣ · ⲁϥⲕⲱ ⲛⲁϥ ⲛ̄ⲟⲩⲉⲝⲉⲇⲣⲁ ⲛ̄ϩⲟⲩⲛ ⲙ̄ⲡⲉϥⲏⲓ : — ⲉϥⲁⲛⲁⲭⲱⲣⲉⲓ ⲛ̄ϩⲏⲧⲥ̄ ⲁϫⲛ̄ⲛⲉϥⲉⲓⲟⲧⲉ · | ⲡ̀ⲅⲉⲛⲛⲁⲓⲟⲥ ⲇⲉ ⲁⲡⲁ ⲃⲓⲕⲧⲱⲣ: ⲁϥⲭⲱ ⲛⲁϥ ⲛ̀ⲟⲩⲉⲝⲉⲇⲣⲁ ⲥⲁϧⲟⲩⲛ ⲛ̀ⲡⲉϥⲏⲓ: ⲉϥⲉⲣⲁⲛⲁⲭⲱⲣⲓⲛ ⲛ̀ϧⲏⲧⲥ ⲛ̀ⲛⲉϥⲓⲟϯ: | p̀gennaios ḋe apa biktōr: afkō naf ǹouekseḋra saxoun ǹpefyi: eferanaxōrin ǹxyts ǹnefioti: | And the noble Victor made for himself a small chamber in his house, I and there he would retire to be free from the company of his parents. |
| 85 | ⲙ̄ⲡϥ̄ⲛ̄ⲕⲟⲧⲕ̄ ⲅⲁⲣ ⲉϭⲗⲟϭ ϫⲓⲛⲉϥϩⲛ̄ⲙⲛ̄ⲧⲉ ⲛ̄ⲣⲟⲙⲡⲉ · | ⲙ̀ⲡⲉϥⲉⲛⲕⲟⲧ ⲅⲁⲣ ⲉ̀ϭⲗⲟϫ ϫⲓⲛⲉϥ ϧⲉⲛ ⲙ̀ⲛ̀ⲧⲉ ⲛ̀ⲣⲟⲙⲡⲓ: | m̀pefenkot ġar èċlog jinef xen m̀ǹte ǹrompi: | He had not slept upon a couch since he was fifteen years of age. |
| 86 | ⲁⲗⲗⲁ ⲛⲉϥϣⲗⲏⲗ ⲙ̄ⲡⲉϩⲟⲟⲩ ⲙⲛ̄ⲧⲉⲩϣⲏ · ⲁⲩⲱ ⲛⲉϥⲛⲏⲥⲧⲉⲩⲉ ϫⲓⲛⲡⲥⲁⲃⲃⲁⲧⲟⲛ ϣⲁⲡⲥⲁⲃⲃⲁⲧⲟⲛ · | ⲁⲗⲗⲁ ⲛⲁϥϣ̀ⲗⲏⲗ ⲛ̀ⲡⲉ̀ϩⲟⲟⲩ ⲛⲉⲙ ⲧⲉⲩϣⲏ: ⲟⲩⲟϩ ⲛⲁϥⲉⲣⲛⲏⲥⲧⲉⲩⲓⲛ ϫⲓⲛⲡ̀ⲥⲁⲃⲃⲁⲧⲟⲛ ϣⲁ ⲡ̀ⲥⲁⲃⲃⲁⲧⲟⲛ: | alla nafṡ̀lyl ǹpèhoou nem tevṡy: ouoh nafernystevin jinp̀·savvaton ṡa p̀·sabbaton: | He prayed by day and by night, and he fasted from one sabbath to another. |
| 87 | ⲉϥⲉⲓⲣⲉ ⲛ̄ⲛⲉϥⲥⲩⲛⲁⲝⲓⲥ · | ⲉϥⲓ̀ⲣⲓ ⲛ̀ⲛⲉϥⲥⲩⲛⲁⲝⲓⲥ: | efìri ǹnefsinaksis: | He attended the assemblies for the Holy Communion. |
| 88 | ϣⲁϥⲣ̄ϣⲉⲙⲛ̄ⲧϣⲉⲥⲉⲧⲏ ⲛ̄ⲥⲟⲡ ⲛ̄ϣⲗⲏⲗ ⲙ̄ⲡⲉϩⲟⲟⲩ · ⲁⲩⲱ ⲥⲁϣϥ̄ ⲛ̄ϣⲉ ⲙ̄ⲁⲁⲃ ⲛ̄ⲧⲉⲩϣⲏ · | ϣⲁϥⲉⲣϣⲉⲙⲛ̀ⲧϣⲉⲥⲉⲧⲏ ⲛ̀ⲥⲟⲡ ⲛ̀ϣ̀ⲗⲏⲗ ⲛ̀ⲡⲉ̀ϩⲟⲟⲩ: ⲟⲩⲟϩ ϣⲁϣϥ ⲛ̀ϣⲟ ⲙ̀ⲁⲁⲃ ⲛ̀ⲧⲉⲩϣⲏ: | ṡaferṡemǹtṡesety ǹsop ǹṡ̀lyl ǹpèhoou: ouoh ṡaṡf ǹṡo m̀aab ǹtevṡy: | He prayed three hundred and sixty-five prayers during the day, and seven hundred and thirty prayers during the night. |
Provenance
- title
- Martyrdom of Victor part 1
- dialect
- sahidic
- source
- Coptic SCRIPTORIUM corpus "martyrdom-victor", document martyrdom.victor.01
- licence
- CC-BY 4.0
- share
- attribution
- attribution
- Martyrdom of Victor part 1 from Coptic SCRIPTORIUM (https://copticscriptorium.org), corpus martyrdom-victor, document martyrdom.victor.01, version 6.2.0 (2025-11-25), annotations by Caroline T. Schroeder, Elizabeth Platte, Mitchell Abrams, Israel Avrahamy, Asael Benyami, Yinon Kahan, Oran Szachter, Lance Martin, Amir Zeldes; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- annotation
- segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
- file
- Hagiography/Martyrdom of victor/martyrdom.victor.01.sahidic.scriptorium.L0.txt
- title
- Martyrdom of Victor part 1 — Cairene
- dialect
- bohairic
- source
- generated from martyrdom.victor.01.sahidic.scriptorium.L0.txt (Coptic SCRIPTORIUM corpus "martyrdom-victor", document martyrdom.victor.01)
- licence
- CC BY-SA 4.0
- share
- attribution
- attribution
- Martyrdom of Victor part 1 from Coptic SCRIPTORIUM (https://copticscriptorium.org), corpus martyrdom-victor, document martyrdom.victor.01, version 6.2.0 (2025-11-25), annotations by Caroline T. Schroeder, Elizabeth Platte, Mitchell Abrams, Israel Avrahamy, Asael Benyami, Yinon Kahan, Oran Szachter, Lance Martin, Amir Zeldes; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- annotation
- segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
- generated by
- tools/sahidic_to_cairene.py (route D, C3a 2026-09-24; tier a, ROUTE-2 2026-09-26) then tools/cairene.py from_witness dialect=bohairic on the intermediate (L1 = Cairene(N_B(D(N_S(L0)))), RI-038; word division church); Sahidic N stage counts: abbrev_by_lemma=3 aspirate_boundary_resolved=2 l1_numeral_morph_digits=1 lexeme_L1-S-5=2 lexeme_L1-S-8=2 lexeme_open=8 numeral=1 numeral_morph=1 numeral_single_ambiguous=4 restored_accepted=1 stroke_kept=408 stroke_unified=502 th_resolved=1 tokens=781
- file
- Hagiography/Martyrdom of victor/martyrdom.victor.01.sahidic.scriptorium.L1.txt
- title
- Martyrdom of Victor part 1 — Kemetic
- dialect
- bohairic
- source
- generated from martyrdom.victor.01.sahidic.scriptorium.L1.txt
- licence
- CC BY-SA 4.0
- share
- attribution
- attribution
- Martyrdom of Victor part 1 from Coptic SCRIPTORIUM (https://copticscriptorium.org), corpus martyrdom-victor, document martyrdom.victor.01, version 6.2.0 (2025-11-25), annotations by Caroline T. Schroeder, Elizabeth Platte, Mitchell Abrams, Israel Avrahamy, Asael Benyami, Yinon Kahan, Oran Szachter, Lance Martin, Amir Zeldes; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
- annotation
- segmentation gold · tagging gold · parsing gold (SCRIPTORIUM meta.json; document version 6.2.0, 2025-11-25)
- generated by
- tools/coptic_to_kemetic.py convert() on the L1 text (letter rules of DECISIONS.md 2026-09-08)
- file
- Hagiography/Martyrdom of victor/martyrdom.victor.01.sahidic.scriptorium.L2.txt
- what it is
- DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
- lines
- 88 quoted · 0 quoted with the alignment not cross-checked · 0 model drafts (marked “draft”)
- quoted from
- E. A. Wallis Budge — aligned in Coptic SCRIPTORIUM martyrdom-victor, martyrdom.victor.01 (88 lines)
L0 witness
L1 Cairene
L2 Kemetic
English
Cite as:
Martyrdom of Victor part 1. Coptic SCRIPTORIUM corpus "martyrdom-victor", document martyrdom.victor.01. Layers as published by the Kemetic project (Yousef Hanna), 2026: Coptic · Cairene · Kemetic, /doc/hagiography/martyrdom-of-victor/martyrdom.victor.01.sahidic.scriptorium/. Martyrdom of Victor part 1 from Coptic SCRIPTORIUM (https://copticscriptorium.org), corpus martyrdom-victor, document martyrdom.victor.01, version 6.2.0 (2025-11-25), annotations by Caroline T. Schroeder, Elizabeth Platte, Mitchell Abrams, Israel Avrahamy, Asael Benyami, Yinon Kahan, Oran Szachter, Lance Martin, Amir Zeldes; source edition Marcion project, Archive.org. Licensed CC BY 4.0 (https://creativecommons.org/licenses/by/4.0/). Layers L1/L2 are modified: re-spelled (Cairene) / transliterated (Kemetic) by the Kemetic project, Yousef Hanna 2026.
What the layers are
L0 witness
The text as its witness or edition has it, original spelling; its dialect is a description and is never standardized.
The text as its witness or edition has it, original spelling; its dialect is a description and is never standardized.
L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).
L1 Cairene
Standardized Greco-Bohairic spelling and grammar, generated by code from the layer above under the rulings of the project.
Standardized Greco-Bohairic spelling and grammar, generated by code from the layer above under the rulings of the project.
L2 Kemetic
The Kemetic alphabet, generated by code from L1.
The Kemetic alphabet, generated by code from L1.
English
Quoted translations where they exist, credited; otherwise model drafts, marked as drafts.
Quoted translations where they exist, credited; otherwise model drafts, marked as drafts.