Katameros Readings for the 19th Day of Abib — Coptic · Cairene

Source and licence

share: publicbohairic

Source: https://saintbishoy.ca/wp-content/uploads/Katameros_Days_Readings_Abib.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c510564017ad03b7037829b6a275547cceebec857419703fa1de40e8b9b56d17 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 320-335 of that book, the page range its own table of contents gives for this day (_logs/days.tsv)

Attribution: none required by the licence (public domain); please credit the source edition named above.

Licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)

Licence: CC BY-SA 4.0

Full provenance and citation

The text

276 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
p. 320
1	Ⲥⲟⲩⲙⲏⲧ ⲯⲓⲧ ⲛ̀ⲉ̀ϩⲟⲟⲩ ⲙ̀Ⲡⲓⲁ̀ⲃⲟⲧ Ⲉⲡⲏⲡ	Ⲥⲟⲩⲙⲏⲧ ⲯⲓⲧ ⲛ̀ⲉ̀ϩⲟⲟⲩ ⲛ̀Ⲡⲓⲁ̀ⲃⲟⲧ Ⲉⲡⲏⲡ	Soumyt psit ǹèhoou ǹPiàvot Epyp	draft · highThe 19th day of the month of Epep
2	Ⲣⲟⲩϩⲓ	Ⲣⲟⲩϩⲓ	Rouhi	draft · mediumEvening
3	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲇ̅: ⲅ̅, ⳪, ⲍ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 4:3, ⳪, 7	Psalmos tō David 4:3, ⳪, 7
4	Ⲁⲣⲓⲉ̀ⲙⲓ ϫⲉ ⲁ̀Ⲡϭⲟⲓⲥ ⲑ̀ⲣⲟⲩⲉⲣϣ̀ⲫⲏⲣⲓ	Ⲁ̀ⲣⲓⲉ̀ⲙⲓ ϫⲉ ⲁ̀ Ⲡ̀ϭⲟⲓⲥ ⲑ̀ⲣⲟⲩⲉⲣϣ̀ⲫⲏⲣⲓ	Àrièmi je à P̀ċois θ̀rouerṡ̀fyri	But know ye that the Lord has done wondrous things for his holy one: the Lord will hear me when I cry to him.
5	ⲙ̀ⲡⲉⲑⲟⲩⲁⲃ ⲛ̀ⲧⲁϥ: Ⲡϭⲟⲓⲥ ⲉϥⲉ̀ⲥⲱⲧⲉⲙ ⲉ̀ⲣⲟⲓ	ⲛ̀ⲡⲉⲑⲟⲩⲁⲃ ⲛ̀ⲧⲁϥ: Ⲡ̀ϭⲟⲓⲥ ⲉϥⲉ̀ⲥⲱⲧⲉⲙ ⲉ̀ⲣⲟⲓ	ǹpeθouab ǹtaf: P̀ċois efèsōtem èroi
6	ϧⲉⲛ ⲡⲁϫⲓⲛⲱϣ ⲟⲩⲃⲏϥ: ⲁϥⲉⲣⲟⲩⲙⲏⲓⲛⲓ	ϧⲉⲛ ⲡⲁϫⲓⲛⲱϣ ⲟⲩⲃⲏϥ: ⲁϥⲉⲣⲟⲩⲙⲏⲓⲛⲓ	xen pajinōṡ ouvyf: aferoumyini	Many say, Who will shew us good things? the light of thy countenance, O Lord, has been manifested towards us.
7	ⲉ̀ϩ̀ⲣⲏⲓ ⲉ̀ϫⲱⲛ ⲛ̀ϫⲉ ⲫ̀ⲟⲩⲱⲓⲛⲓ ⲛ̀ⲧⲉ ⲡⲉⲕϩⲟ	ⲉ̀ϩ̀ⲣⲏⲓ ⲉ̀ϫⲱⲛ ⲛ̀ϫⲉ ⲫ̀ⲟⲩⲱⲓⲛⲓ ⲛ̀ⲧⲉ ⲡⲉⲕϩⲟ	èh̀ryi ègōn ǹje f̀ouōini ǹte pek·ho
8	Ⲡϭⲟⲓⲥ: ⲁⲕϯ ⲛ̀ⲟⲩⲛⲟϥ ⲉ̀ϧ̀ⲣⲏⲓ ⲉ̀ⲡⲁϩⲏⲧ.	Ⲡ̀ϭⲟⲓⲥ: ⲁⲕϯ ⲛ̀ⲟⲩⲛⲟϥ ⲉ̀ϧ̀ⲣⲏⲓ ⲉ̀ⲡⲁϩⲏⲧ.	P̀ċois: akti ǹounof èx̀ryi èpahyt.
9	Ⲁⲗⲗⲏⲗⲟⲩⲓⲁ̀.	Ⲁⲗⲗⲏⲗⲟⲩⲓⲁ̀.	Allylouià.	draft · highAlleluia.
10	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
11	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲧⲑⲉⲟⲛ	pievangelion eθouab kata Matθeon	draft · highthe holy Gospel according to Matthew
12	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
13	Ⲙⲁⲧⲑⲉⲟⲛ ⲓ̅: ⲕ̅ⲇ̅ - ⲗ̅ⲅ̅	Ⲙⲁⲧⲑⲉⲟⲛ 10:24, 33	Matθeon 10:24, 33
14	Ⲙⲙⲟⲛ ⲟⲩⲙⲁⲑⲏⲧⲏⲥ ⲉϥⲟⲩⲟⲧ	Ⲙ̀ⲙⲟⲛ ⲟⲩⲙⲁⲑⲏⲧⲏⲥ ⲉϥⲟⲩⲟⲧ	M̀mon oumaθytys efouot
15	ⲉ̀ⲡⲉϥⲣⲉϥϯⲥ̀ⲃⲱ ⲟⲩⲇⲉ ⲟⲩⲃⲱⲕ ⲉϥⲟⲩⲟⲧ	ⲉ̀ⲡⲉϥⲣⲉϥϯⲥ̀ⲃⲱ ⲟⲩⲇⲉ ⲟⲩⲃⲱⲕ ⲉϥⲟⲩⲟⲧ	èpefreftis̀vō ouḋe ouvōk efouot
p. 321
16	ⲉ̀ⲡⲉϥϭⲟⲓⲥ.	ⲉ̀ⲡⲉϥϭⲟⲓⲥ.	èpefċois.
17	Ⲕⲏⲛ ⲉ̀ⲡⲓⲙⲁⲑⲏⲧⲏⲥ ⲛ̀ⲧⲉϥⲉⲣ ⲙ̀ⲫ̀ⲣⲏϯ	Ⲕⲏⲛ ⲉ̀ⲡⲓⲙⲁⲑⲏⲧⲏⲥ ⲛ̀ⲧⲉϥⲉⲣ ⲛ̀ⲫ̀ⲣⲏϯ	Kyn èpimaθytys ǹtefer ǹf̀ryti	It is enough for the disciple that he be like his teacher, and the servant like his lord. If they have called the master of the house Beelzebul, how much more those of his household!
18	ⲙ̀ⲡⲉϥⲣⲉϥϯⲥ̀ⲃⲱ ⲟⲩⲟϩ ⲡⲓⲃⲱⲕ ⲛ̀ⲧⲉϥⲉⲣ	ⲛ̀ⲡⲉϥⲣⲉϥϯⲥ̀ⲃⲱ ⲟⲩⲟϩ ⲡⲓⲃⲱⲕ ⲛ̀ⲧⲉϥⲉⲣ	ǹpefreftis̀vō ouoh pivōk ǹtefer
19	ⲙ̀ⲫ̀ⲣⲏϯ ⲙ̀ⲡⲉϥϭⲟⲓⲥ: ⲓⲥϫⲉ ⲡⲓⲛⲉⲃⲏⲓ	ⲛ̀ⲫ̀ⲣⲏϯ ⲛ̀ⲡⲉϥϭⲟⲓⲥ: ⲓⲥϫⲉ ⲡⲓⲛⲉⲃⲏⲓ	ǹf̀ryti ǹpefċois: isje pinevyi
20	ⲁⲩⲙⲟⲩϯ ⲉ̀ⲣⲟϥ ϫⲉ Ⲃⲉⲗⲍⲉⲃⲟⲩⲗ ⲡⲱⲥⲟ̀	ⲁⲩⲙⲟⲩϯ ⲉ̀ⲣⲟϥ ϫⲉ Ⲃⲉⲗⲍⲉⲃⲟⲩⲗ ⲡⲱⲥⲟ̀	avmouti èrof je Belzeboul pōsò
21	ⲙⲁⲗⲗⲟⲛ ⲛⲉϥⲣⲉⲙⲛ̀ⲏⲓ.	ⲙⲁⲗⲗⲟⲛ ⲛⲉϥⲣⲉⲙⲛ̀ⲏⲓ.	mallon nefremǹyi.
22	Ⲙⲡⲉⲣⲉⲣϩⲟϯ ⲟⲩⲛ ϧⲁⲧⲟⲩϩⲏ ⲙ̀ⲙⲟⲛ	Ⲙ̀ⲡⲉⲣⲉⲣϩⲟϯ ⲟⲩⲛ ϧⲁ ⲧⲟⲩϩⲏ ⲙ̀ⲙⲟⲛ	M̀pererhoti oun xa touhy m̀mon	Therefore don't be afraid of them, for there is nothing covered that will not be revealed; and hidden that will not be known.
23	ⲡⲉⲧϩⲱⲃⲥ ⲅⲁⲣ ϫⲉ ϥ̀ⲛⲁϭⲱⲣⲡ ⲉ̀ⲃⲟⲗ ⲁⲛ:	ⲡⲉⲧϩⲱⲃⲥ ⲅⲁⲣ ϫⲉ ϥ̀ⲛⲁϭⲱⲣⲡ ⲉ̀ⲃⲟⲗ ⲁⲛ:	pet·hōvs ġar je f̀naċōrp èvol an:
24	ⲟⲩⲇⲉ ⲙ̀ⲙⲟⲛ ⲡⲉⲧϩⲏⲡ ϫⲉ ⲥⲉⲛⲁⲉ̀ⲙⲓ ⲉ̀ⲣⲟϥ	ⲟⲩⲇⲉ ⲙ̀ⲙⲟⲛ ⲡⲉⲧϩⲏⲡ ϫⲉ ⲥⲉⲛⲁⲉ̀ⲙⲓ ⲉ̀ⲣⲟϥ	ouḋe m̀mon pet·hyp je senaèmi èrof
25	ⲁⲛ.	ⲁⲛ.	an.
26	Ⲫⲏⲉ̀ϯϫⲱ ⲙ̀ⲙⲟϥ ⲛⲱⲧⲉⲛ ϧⲉⲛ ⲡ̀ⲭⲁⲕⲓ	Ⲫⲏⲉ̀ϯϫⲱ ⲙ̀ⲙⲟϥ ⲛⲱⲧⲉⲛ ϧⲉⲛ ⲡ̀ⲭⲁⲕⲓ	Fyètigō m̀mof nōten xen p̀kaki	What I tell you in the darkness, speak in the light; and what you hear whispered in the ear, proclaim on the housetops.
27	ⲁ̀ϫⲟϥ ϧⲉⲛ ⲫ̀ⲟⲩⲱⲓⲛⲓ ⲟⲩⲟϩ	ⲁ̀ϫⲟϥ ϧⲉⲛ ⲫ̀ⲟⲩⲱⲓⲛⲓ ⲟⲩⲟϩ	àgof xen f̀ouōini ouoh
28	ⲫⲏⲉ̀ⲧⲉⲧⲉⲛⲥⲱⲧⲉⲙ ⲉ̀ⲣⲟϥ ϧⲉⲛ	ⲫⲏⲉ̀ⲧⲉⲧⲉⲛⲥⲱⲧⲉⲙ ⲉ̀ⲣⲟϥ ϧⲉⲛ	fyètetensōtem èrof xen
29	ⲛⲉⲧⲉⲛⲙⲁϣϫ ϩⲓⲱⲓϣ ⲙ̀ⲙⲟϥ ϩⲓϫⲉⲛ	ⲛⲉⲧⲉⲛⲙⲁϣϫ ϩⲓⲱⲓϣ ⲙ̀ⲙⲟϥ ϩⲓϫⲉⲛ	netenmaṡg hiōiṡ m̀mof hijen
30	ⲛⲉⲧⲉⲛϫⲉⲛⲉⲫⲱⲣ.	ⲛⲉⲧⲉⲛϫⲉⲛⲉⲫⲱⲣ.	netenjenefōr.
31	Ⲟⲩⲟϩ ⲙ̀ⲡⲉⲣⲉⲣϩⲟϯ ϧⲁⲧ̀ϩⲏ	Ⲟⲩⲟϩ ⲙ̀ⲡⲉⲣⲉⲣϩⲟϯ ϧⲁⲧ̀ϩⲏ	Ouoh m̀pererhoti xat̀·hy	Don't be afraid of those who kill the body, but are not able to kill the soul. Rather, fear him who is able to destroy both soul and body in Gehenna.
32	ⲙ̀ⲫⲏⲉⲑⲛⲁϧⲱⲧⲉⲃ ⲙ̀ⲡⲉⲧⲉⲛⲥⲱⲙⲁ:	ⲛ̀ⲫⲏⲉⲑⲛⲁϧⲱⲧⲉⲃ ⲛ̀ⲡⲉⲧⲉⲛⲥⲱⲙⲁ:	ǹfyeθnaxōteb ǹpetensōma:
33	ⲧⲉⲧⲉⲛⲯⲩⲭⲏ ⲇⲉ ⲙ̀ⲙⲟⲛ ϣ̀ϫⲟⲙ ⲙ̀ⲙⲱⲟⲩ	ⲧⲉⲧⲉⲛⲯⲩⲭⲏ ⲇⲉ ⲙ̀ⲙⲟⲛ ϣ̀ϫⲟⲙ ⲙ̀ⲙⲱⲟⲩ	tetenpsiṡy ḋe m̀mon ṡ̀gom m̀mōou
34	ⲉ̀ϧⲟⲑⲃⲉⲥ: ⲁ̀ⲣⲓϩⲟϯ ⲇⲉ ⲛ̀ⲑⲟϥ ϧⲁⲧ̀ϩⲏ	ⲉ̀ϧⲟⲑⲃⲉⲥ: ⲁ̀ⲣⲓϩⲟϯ ⲇⲉ ⲛ̀ⲑⲟϥ ϧⲁⲧ̀ϩⲏ	èxoθves: àrihoti ḋe ǹθof xat̀·hy
35	ⲙ̀ⲫⲏⲉ̀ⲧⲉ ⲟⲩⲟⲛ ϣ̀ϫⲟⲙ ⲙ̀ⲙⲟϥ ⲉ̀ϯⲯⲩⲭⲏ	ⲛ̀ⲫⲏⲉ̀ⲧⲉ ⲟⲩⲟⲛ ϣ̀ϫⲟⲙ ⲙ̀ⲙⲟϥ ⲉ̀ϯⲯⲩⲭⲏ	ǹfyète ouon ṡ̀gom m̀mof ètipsiṡy
36	ⲛⲉⲙ ⲡⲓⲥⲱⲙⲁ ⲉ̀ⲧⲁⲕⲱⲟⲩ ϧⲉⲛ ϯⲅⲉⲉⲛⲛⲁ.	ⲛⲉⲙ ⲡⲓⲥⲱⲙⲁ ⲉ̀ⲧⲁⲕⲱⲟⲩ ϧⲉⲛ ϯⲅⲉⲉⲛⲛⲁ.	nem pisōma ètakōou xen tigeenna.
37	Ⲙⲏ ϭⲁϫ ⲥ̀ⲛⲁⲩ ⲁⲛ ⲉ̀ⲧⲟⲩϯ ⲙ̀ⲙⲱⲟⲩ	Ⲙⲏ ϭⲁϫ ⲥ̀ⲛⲁⲩ ⲁⲛ ⲉ̀ⲧⲟⲩϯ ⲙ̀ⲙⲱⲟⲩ	My ċag s̀nav an ètouti m̀mōou	'Aren't two sparrows sold for an assarion coin? Not one of them falls on the ground apart from your Father's will,
38	ⲉ̀ⲃⲟⲗ ϧⲁ ⲟⲩⲧⲉⲃⲓ ⲟⲩⲟϩ ⲟⲩⲁⲓ ⲉ̀ⲃⲟⲗ	ⲉ̀ⲃⲟⲗ ϧⲁ ⲟⲩⲧⲉⲃⲓ ⲟⲩⲟϩ ⲟⲩⲁⲓ ⲉ̀ⲃⲟⲗ	èvol xa outevi ouoh ouai èvol
39	ⲛ̀ϧⲏⲧⲟⲩ ⲛ̀ⲛⲉϥϩⲉⲓ ⲉ̀ϫⲉⲛ ⲡⲓⲕⲁϩⲓ ⲁⲧϭ̀ⲛⲉ	ⲛ̀ϧⲏⲧⲟⲩ ⲛ̀ⲛⲉϥϩⲉⲓ ⲉ̀ϫⲉⲛ ⲡⲓⲕⲁϩⲓ ⲁⲧϭ̀ⲛⲉ	ǹxytou ǹnefhei èjen pikahi atċ̀ne
40	ⲡⲉⲧⲉϩⲛⲉ Ⲡⲉⲧⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ̀.	ⲡⲉⲧⲉϩⲛⲉ Ⲡⲉⲧⲉⲛⲓⲱⲧ ⲉⲧϧⲉⲛ ⲛⲓⲫⲏⲟⲩⲓ̀.	petehne Peteniōt etxen nifyouì.
41	Ⲛⲑⲱⲧⲉⲛ ⲇⲉ ⲛⲓⲕⲉϥⲱⲓ ⲛ̀ⲧⲉ ⲧⲉⲛⲁ̀ⲫⲉ	Ⲛ̀ⲑⲱⲧⲉⲛ ⲇⲉ ⲛⲓⲕⲉϥⲱⲓ ⲛ̀ⲧⲉ ⲧⲉⲛⲁ̀ⲫⲉ	Ǹθōten ḋe nikefōi ǹte tenàfe	but the very hairs of your head are all numbered.
42	ⲥⲉⲏⲡ ⲧⲏⲣⲟⲩ.	ⲥⲉⲏⲡ ⲧⲏⲣⲟⲩ.	seyp tyrou.
p. 322
43	Ⲙⲡⲉⲣⲉⲣϩⲟϯ ⲟⲩⲛ ⲧⲉⲧⲉⲛⲟⲩⲟⲧ ⲅⲁⲣ	Ⲙ̀ⲡⲉⲣⲉⲣϩⲟϯ ⲟⲩⲛ ⲧⲉⲧⲉⲛⲟⲩⲟⲧ ⲅⲁⲣ	M̀pererhoti oun tetenouot ġar	Therefore don't be afraid. You are of more value than many sparrows.
44	ⲉ̀ⲟⲩⲙⲏϣ ⲛ̀ϭⲁϫ.	ⲉ̀ⲟⲩⲙⲏϣ ⲛ̀ϭⲁϫ.	èoumyṡ ǹċag.
45	Ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲛϩ ⲉ̀ⲃⲟⲗ	Ⲟⲩⲟⲛ ⲛⲓⲃⲉⲛ ⲉⲑⲛⲁⲟⲩⲱⲛϩ ⲉ̀ⲃⲟⲗ	Ouon niven eθnaouōnh èvol
46	ⲛ̀ϧⲏⲧ ⲙ̀ⲡⲉⲙ̀ⲑⲟ ⲛ̀ⲛⲓⲣⲱⲙⲓ ϯⲛⲁⲟⲩⲱⲛϩ	ⲛ̀ϧⲏⲧ ⲛ̀ⲡⲉⲙ̀ⲑⲟ ⲛ̀ⲛⲓⲣⲱⲙⲓ ϯⲛⲁⲟⲩⲱⲛϩ	ǹxyt ǹpem̀θo ǹnirōmi tinaouōnh
47	ⲉ̀ⲃⲟⲗ ⲛ̀ϧⲏⲧϥ ϩⲱ ⲙ̀ⲡⲉⲙ̀ⲑⲟ ⲙ̀Ⲡⲁⲓⲱⲧ	ⲉ̀ⲃⲟⲗ ⲛ̀ϧⲏⲧϥ ϩⲱ ⲛ̀ⲡⲉⲙ̀ⲑⲟ ⲛ̀Ⲡⲁⲓⲱⲧ	èvol ǹxytf hō ǹpem̀θo ǹPaiōt
48	ⲉⲧϧⲉⲛ ⲛⲓⲫⲏⲟⲩⲓ̀.	ⲉⲧϧⲉⲛ ⲛⲓⲫⲏⲟⲩⲓ̀.	etxen nifyouì.
49	Ⲫⲏ ⲇⲉ ⲉⲑⲛⲁϫⲟⲗⲧ ⲉ̀ⲃⲟⲗ ⲙ̀ⲡⲉⲙ̀ⲑⲟ	Ⲫⲏ ⲇⲉ ⲉⲑⲛⲁϫⲟⲗⲧ ⲉ̀ⲃⲟⲗ ⲛ̀ⲡⲉⲙ̀ⲑⲟ	Fy ḋe eθnagolt èvol ǹpem̀θo
50	ⲛ̀ⲛⲓⲣⲱⲙⲓ ϯⲛⲁϫⲟⲗϥ ⲉ̀ⲃⲟⲗ ϩⲱ ⲙ̀ⲡⲉⲙ̀ⲑⲟ	ⲛ̀ⲛⲓⲣⲱⲙⲓ ϯⲛⲁϫⲟⲗϥ ⲉ̀ⲃⲟⲗ ϩⲱ ⲛ̀ⲡⲉⲙ̀ⲑⲟ	ǹnirōmi tinagolf èvol hō ǹpem̀θo
51	ⲙ̀Ⲡⲁⲓⲱⲧ ⲉⲧϧⲉⲛ ⲛⲓⲫⲏⲟⲩⲓ̀.	ⲛ̀Ⲡⲁⲓⲱⲧ ⲉⲧϧⲉⲛ ⲛⲓⲫⲏⲟⲩⲓ̀.	ǹPaiōt etxen nifyouì.
52	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Piṑou fa Pennouti pe: ṡa èneh	draft · highThe glory is our God's: to the age
53	ⲛ̀ⲧⲉ ⲛⲓⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓⲉ̀ⲛⲉϩ: ⲁ̀ⲙⲏⲛ.	ǹte nièneh: àmyn.	draft · highof the ages: Amen.
54	Ϣⲱⲣⲡ	Ϣⲱⲣⲡ	Ṡōrp	draft · mediumMorning
55	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲣ̅ⲓ̅ⲃ̅: ⲁ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 112:1	Psalmos tō David 112:1
56	Ⲥⲙⲟⲩ ⲉ̀Ⲡϭⲟⲓⲥ ⲛⲓⲁ̀ⲗⲱⲟⲩⲓ̀: ⲥ̀ⲙⲟⲩ	Ⲥ̀ⲙⲟⲩ ⲉ̀Ⲡ̀ϭⲟⲓⲥ ⲛⲓⲁ̀ⲗⲱⲟⲩⲓ̀: ⲥ̀ⲙⲟⲩ	S̀mou èP̀ċois niàlōouì: s̀mou
57	ⲉ̀ⲫ̀ⲣⲁⲛ ⲙ̀Ⲡϭⲟⲓⲥ: ⲙⲁⲣⲉ ⲫ̀ⲣⲁⲛ ⲙ̀Ⲡϭⲟⲓⲥ	ⲉ̀ⲫ̀ⲣⲁⲛ ⲛ̀Ⲡ̀ϭⲟⲓⲥ: ⲙⲁⲣⲉ ⲫ̀ⲣⲁⲛ ⲛ̀Ⲡ̀ϭⲟⲓⲥ	èf̀ran ǹP̀ċois: mare f̀ran ǹP̀ċois
58	ϣⲱⲡⲓ ⲉϥⲥ̀ⲙⲁⲣⲱⲟⲩⲧ: ⲓⲥϫⲉⲛ ϯⲛⲟⲩ ⲛⲉⲙ	ϣⲱⲡⲓ ⲉϥⲥ̀ⲙⲁⲣⲱⲟⲩⲧ: ⲓⲥϫⲉⲛ ϯⲛⲟⲩ ⲛⲉⲙ	ṡōpi efs̀marōout: isjen tinou nem
59	ϣⲁ ⲉ̀ⲛⲉϩ. Ⲁⲗⲗⲏⲗⲟⲩⲓⲁ̀.	ϣⲁ ⲉ̀ⲛⲉϩ. Ⲁⲗⲗⲏⲗⲟⲩⲓⲁ̀.	ṡa èneh. Allylouià.
p. 323
60	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
61	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	pievangelion eθouab kata Markon	draft · highthe holy Gospel according to Mark
62	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
63	Ⲙⲁⲣⲕⲟⲛ ⲏ̅: ⲗ̅ⲇ̅ - ⲑ̅: ⲁ̅	Ⲙⲁⲣⲕⲟⲛ 8:34, 9:1	Markon 8:34, 9:1
64	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲡⲓⲙⲏϣ ⲛⲉⲙ	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲡⲓⲙⲏϣ ⲛⲉⲙ	Ouoh ètafmouti èpimyṡ nem	He called the multitude to himself with his disciples, and said to them, 'Whoever wants to come after me, let him deny himself, and take up his cross, and follow me.
65	ⲛⲉϥⲙⲁⲑⲏⲧⲏⲥ ⲡⲉϫⲁϥ ⲛⲱⲟⲩ ϫⲉ	ⲛⲉϥⲙⲁⲑⲏⲧⲏⲥ ⲡⲉϫⲁϥ ⲛⲱⲟⲩ ϫⲉ	nefmaθytys pegaf nōou je
66	ⲫⲏⲉⲑⲟⲩⲱϣ ⲉ̀ⲓ̀ ⲥⲁⲙⲉⲛϩⲏⲓ ⲙⲁⲣⲉϥϫⲟⲗϥ	ⲫⲏⲉⲑⲟⲩⲱϣ ⲉ̀ⲓ̀ ⲥⲁⲙⲉⲛϩⲏⲓ ⲙⲁⲣⲉϥϫⲟⲗϥ	fyeθouōṡ èì samenhyi marefgolf
67	ⲉ̀ⲃⲟⲗ: ⲟⲩⲟϩ ⲛ̀ⲧⲉϥⲱ̀ⲗⲓ ⲙ̀ⲡⲉϥⲥ̀ⲧⲁⲩⲣⲟⲥ	ⲉ̀ⲃⲟⲗ: ⲟⲩⲟϩ ⲛ̀ⲧⲉϥⲱ̀ⲗⲓ ⲛ̀ⲡⲉϥⲥ̀ⲧⲁⲩⲣⲟⲥ	èvol: ouoh ǹtefṑli ǹpefs̀tavros
68	ⲟⲩⲟϩ ⲛ̀ⲧⲉϥⲙⲟϣⲓ ⲛ̀ⲥⲱⲓ.	ⲟⲩⲟϩ ⲛ̀ⲧⲉϥⲙⲟϣⲓ ⲛ̀ⲥⲱⲓ.	ouoh ǹtefmoṡi ǹsōi.	draft · highand follow me.
69	Ⲫⲏ ⲅⲁⲣ ⲉⲑⲛⲁⲟⲩⲱϣ ⲉ̀ⲛⲟϩⲉⲙ	Ⲫⲏ ⲅⲁⲣ ⲉⲑⲛⲁⲟⲩⲱϣ ⲉ̀ⲛⲟϩⲉⲙ	Fy ġar eθnaouōṡ ènohem	For whoever wants to save his life will lose it; and whoever will lose his life for my sake and the sake of the Good News will save it.
70	ⲛ̀ⲧⲉϥⲯⲩⲭⲏ ⲉϥⲉ̀ⲧⲁⲕⲟⲥ: ⲫⲏ ⲇⲉ	ⲛ̀ⲧⲉϥⲯⲩⲭⲏ ⲉϥⲉ̀ⲧⲁⲕⲟⲥ: ⲫⲏ ⲇⲉ	ǹtefpsiṡy efètakos: fy ḋe
71	ⲉⲑⲛⲁⲧⲁⲕⲟ ⲛ̀ⲧⲉϥⲯⲩⲭⲏ ⲉⲑⲃⲏⲧ ⲛⲉⲙ ⲉⲑⲃⲉ	ⲉⲑⲛⲁⲧⲁⲕⲟ ⲛ̀ⲧⲉϥⲯⲩⲭⲏ ⲉⲑⲃⲏⲧ ⲛⲉⲙ ⲉⲑⲃⲉ	eθnatako ǹtefpsiṡy eθvyt nem eθve
72	ⲡⲓⲉⲩⲁⲅⲅⲉⲗⲓⲟⲛ ⲉϥⲉ̀ⲛⲁϩⲙⲉⲥ.	ⲡⲓⲉⲩⲁⲅⲅⲉⲗⲓⲟⲛ ⲉϥⲉ̀ⲛⲁϩⲙⲉⲥ.	pievangelion efènahmes.
73	Ⲟⲩ ⲅⲁⲣ ⲉ̀ⲧⲉ ⲡⲓⲣⲱⲙⲓ ⲛⲁϫⲉⲙϩⲏⲟⲩ	Ⲟⲩ ⲅⲁⲣ ⲉ̀ⲧⲉ ⲡⲓⲣⲱⲙⲓ ⲛⲁϫⲉⲙϩⲏⲟⲩ	Ou ġar ète pirōmi najemhyou	For what does it profit a man, to gain the whole world, and forfeit his life?
74	ⲙ̀ⲙⲟϥ ⲁϥϣⲁⲛϫⲉⲙϩⲏⲟⲩ ⲙ̀ⲡⲓⲕⲟⲥⲙⲟⲥ	ⲙ̀ⲙⲟϥ ⲁϥϣⲁⲛϫⲉⲙϩⲏⲟⲩ ⲛ̀ⲡⲓⲕⲟⲥⲙⲟⲥ	m̀mof afṡanjemhyou ǹpikosmos
75	ⲧⲏⲣϥ ⲟⲩⲟϩ ⲛ̀ⲧⲉϥϯⲟ̀ⲥⲓ ⲛ̀ⲧⲉϥⲯⲩⲭⲏ.	ⲧⲏⲣϥ ⲟⲩⲟϩ ⲛ̀ⲧⲉϥϯⲟ̀ⲥⲓ ⲛ̀ⲧⲉϥⲯⲩⲭⲏ.	tyrf ouoh ǹteftiòsi ǹtefpsiṡy.
76	Ⲟⲩ ⲅⲁⲣ ⲉ̀ⲧⲉ ⲡⲓⲣⲱⲙⲓ ⲛⲁⲧⲏⲓϥ	Ⲟⲩ ⲅⲁⲣ ⲉ̀ⲧⲉ ⲡⲓⲣⲱⲙⲓ ⲛⲁⲧⲏⲓϥ	Ou ġar ète pirōmi natyif	For what will a man give in exchange for his life?
77	ⲛ̀ⲧ̀ϣⲉⲃⲓⲱ̀ ⲛ̀ⲧⲉϥⲯⲩⲭⲏ.	ⲛ̀ⲧ̀ϣⲉⲃⲓⲱ̀ ⲛ̀ⲧⲉϥⲯⲩⲭⲏ.	ǹt̀ṡeviṑ ǹtefpsiṡy.
78	Ⲫⲏ ⲅⲁⲣ ⲉⲑⲛⲁϣⲓⲡⲓ ⲉ̀ⲟⲩⲟⲛϩⲧ ⲉ̀ⲃⲟⲗ	Ⲫⲏ ⲅⲁⲣ ⲉⲑⲛⲁϣⲓⲡⲓ ⲉ̀ⲟⲩⲟⲛϩⲧ ⲉ̀ⲃⲟⲗ	Fy ġar eθnaṡipi èouonht èvol	For whoever will be ashamed of me and of my words in this adulterous and sinful generation, the Son of Man also will be ashamed of him, when he comes in the glory of his Father with the holy angels.'
79	ⲛⲉⲙ ⲛⲁⲥⲁϫⲓ ϧⲉⲛ ⲡⲁⲓϫⲱⲟⲩ ⲛ̀ⲛⲱⲓⲕ ⲟⲩⲟϩ	ⲛⲉⲙ ⲛⲁⲥⲁϫⲓ ϧⲉⲛ ⲡⲁⲓϫⲱⲟⲩ ⲛ̀ⲛⲱⲓⲕ ⲟⲩⲟϩ	nem nasaji xen paigōou ǹnōik ouoh
80	ⲛ̀ⲣⲉϥⲉⲣⲛⲟⲃⲓ: Ⲡϣⲏⲣⲓ ϩⲱϥ ⲙ̀Ⲫⲣⲱⲙⲓ	ⲛ̀ⲣⲉϥⲉⲣⲛⲟⲃⲓ: Ⲡ̀ϣⲏⲣⲓ ϩⲱϥ ⲛ̀Ⲫ̀ⲣⲱⲙⲓ	ǹrefernovi: P̀ṡyri hōf ǹF̀rōmi
81	ⲛⲁϯϣⲓⲡⲓ ⲛⲁϥ ϩⲟⲧⲁⲛ ⲁϥϣⲁⲛⲓ̀ ϧⲉⲛ ⲡ̀ⲱ̀ⲟⲩ	ⲛⲁϯϣⲓⲡⲓ ⲛⲁϥ ϩⲟⲧⲁⲛ ⲁϥϣⲁⲛⲓ̀ ϧⲉⲛ ⲡ̀ⲱ̀ⲟⲩ	natiṡipi naf hotan afṡanì xen p̀ṑou
82	ⲛ̀ⲧⲉ Ⲡⲉϥⲓⲱⲧ ⲛⲉⲙ ⲛⲉϥⲁⲅⲅⲉⲗⲟⲥ ⲉⲑⲟⲩⲁⲃ.	ⲛ̀ⲧⲉ Ⲡⲉϥⲓⲱⲧ ⲛⲉⲙ ⲛⲉϥⲁⲅⲅⲉⲗⲟⲥ ⲉⲑⲟⲩⲁⲃ.	ǹte Pefiōt nem nefangelos eθouab.
83	Ⲟⲩⲟϩ ⲛⲁϥϫⲱ ⲙ̀ⲙⲟⲥ ⲛⲱⲟⲩ ϫⲉ ⲁ̀ⲙⲏⲛ	Ⲟⲩⲟϩ ⲛⲁϥϫⲱ ⲙ̀ⲙⲟⲥ ⲛⲱⲟⲩ ϫⲉ ⲁ̀ⲙⲏⲛ	Ouoh nafgō m̀mos nōou je àmyn	He said to them, 'Most certainly I tell you, there are some standing here who will in no way taste death until they see the Kingdom of God come with power.'
84	ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲟⲩⲟⲛ ϩⲁⲛⲟⲩⲟⲛ	ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲟⲩⲟⲛ ϩⲁⲛⲟⲩⲟⲛ	tigō m̀mos nōten je ouon hanouon
85	ϧⲉⲛ ⲛⲏⲉⲧⲟ̀ϩⲓ ⲉ̀ⲣⲁⲧⲟⲩ ⲙ̀ⲡⲁⲓⲙⲁ	ϧⲉⲛ ⲛⲏⲉⲧⲟ̀ϩⲓ ⲉ̀ⲣⲁⲧⲟⲩ ⲛ̀ⲡⲁⲓⲙⲁ	xen nyetòhi èratou ǹpaima
86	ⲛ̀ⲥⲉⲛⲁϫⲉⲙϯⲡⲓ ⲙ̀ⲫ̀ⲙⲟⲩ ⲁⲛ ϣⲁⲧⲟⲩⲛⲁⲩ	ⲛ̀ⲥⲉⲛⲁϫⲉⲙϯⲡⲓ ⲛ̀ⲫ̀ⲙⲟⲩ ⲁⲛ ϣⲁⲧⲟⲩⲛⲁⲩ	ǹsenajemtipi ǹf̀mou an ṡatounav
p. 324
87	ⲉ̀ϯⲙⲉⲧⲟⲩⲣⲟ ⲛ̀ⲧⲉ Ⲫⲛⲟⲩϯ ⲉ̀ⲁⲥⲓ̀ ϧⲉⲛ	ⲉ̀ϯⲙⲉⲧⲟⲩⲣⲟ ⲛ̀ⲧⲉ Ⲫ̀ⲛⲟⲩϯ ⲉ̀ⲁⲥⲓ̀ ϧⲉⲛ	ètimetouro ǹte F̀nouti èasì xen
88	ⲟⲩϫⲟⲙ.	ⲟⲩϫⲟⲙ.	ougom.	draft · higha power.
89	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
90	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
91	Ϯⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲥⲁϧ Ⲡⲁⲩⲗⲟⲥ Ⲡⲓⲁ̀ⲡⲟⲥⲧⲟⲗⲟⲥ	Ϯⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲥⲁϧ Ⲡⲁⲩⲗⲟⲥ Ⲡⲓⲁ̀ⲡⲟⲥⲧⲟⲗⲟⲥ	Tièpistoly ǹte pensax Pavlos Piàpostolos	draft · highThe epistle of our teacher Paul the apostle
92	Ⲡⲁⲩⲗⲟⲥ ⲫ̀ⲃⲱⲕ ⲙ̀ⲡⲉⲛϭⲟⲓⲥ Ⲓⲏⲥⲟⲩⲥ	Ⲡⲁⲩⲗⲟⲥ ⲫ̀ⲃⲱⲕ ⲛ̀ⲡⲉⲛϭⲟⲓⲥ Ⲓⲏⲥⲟⲩⲥ	Pavlos f̀vōk ǹpenċois Iysous
93	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Pix̀ristos: piàpostolos etθahem:
94	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	fyètavθaṡf èpihiṡennoufi ǹte
95	Ⲫⲛⲟⲩϯ.	Ⲫ̀ⲛⲟⲩϯ.	F̀nouti.	draft · highGod.
96	Ⲛⲓⲣⲱⲙⲉⲟⲥ ⲏ̅: ⲓ̅ⲇ̅ - ⲕ̅ⲍ̅	Ⲛⲓⲣⲱⲙⲉⲟⲥ 8:14, 27	Nirōmeos 8:14, 27
97	Ⲛⲏ ⲅⲁⲣ ⲉⲑⲙⲟϣⲓ ϧⲉⲛ ⲡⲓⲡ̀ⲛⲉⲩⲙⲁ ⲛ̀ⲧⲉ	Ⲛⲏ ⲅⲁⲣ ⲉⲑⲙⲟϣⲓ ϧⲉⲛ ⲡⲓⲡ̀ⲛⲉⲩⲙⲁ ⲛ̀ⲧⲉ	Ny ġar eθmoṡi xen pip̀nevma ǹte	For as many as are led by the Spirit of God, these are children of God.
98	Ⲫⲛⲟⲩϯ ⲛⲁⲓ ⲛⲉ ⲛⲓϣⲏⲣⲓ ⲛ̀ⲧⲉ Ⲫⲛⲟⲩϯ.	Ⲫ̀ⲛⲟⲩϯ ⲛⲁⲓ ⲛⲉ ⲛⲓϣⲏⲣⲓ ⲛ̀ⲧⲉ Ⲫ̀ⲛⲟⲩϯ.	F̀nouti nai ne niṡyri ǹte F̀nouti.
99	Ⲛⲁⲣⲉⲧⲉⲛϭⲓ ⲅⲁⲣ ⲁⲛ ⲛ̀ⲟⲩⲡ̀ⲛⲉⲩⲙⲁ ⲛ̀ⲧⲉ	Ⲛⲁⲣⲉⲧⲉⲛϭⲓ ⲅⲁⲣ ⲁⲛ ⲛ̀ⲟⲩⲡ̀ⲛⲉⲩⲙⲁ ⲛ̀ⲧⲉ	Naretenċi ġar an ǹoup̀nevma ǹte	For you didn't receive the spirit of bondage again to fear, but you received the Spirit of adoption, by whom we cry, 'Abba! Father!'
100	ⲟⲩⲙⲉⲧⲃⲱⲕ ⲉ̀ϧ̀ⲣⲏⲓ ⲟⲛ ⲉ̀ⲩϩⲟϯ ⲁⲗⲗⲁ	ⲟⲩⲙⲉⲧⲃⲱⲕ ⲉ̀ϧ̀ⲣⲏⲓ ⲟⲛ ⲉ̀ⲩϩⲟϯ ⲁⲗⲗⲁ	oumetvōk èx̀ryi on èvhoti alla
101	ⲁ̀ⲣⲉⲧⲉⲛϭⲓ ⲛ̀ⲟⲩⲡ̀ⲛⲉⲩⲙⲁ ⲛ̀ⲧⲉ ⲟⲩⲙⲉⲧϣⲏⲣⲓ	ⲁ̀ⲣⲉⲧⲉⲛϭⲓ ⲛ̀ⲟⲩⲡ̀ⲛⲉⲩⲙⲁ ⲛ̀ⲧⲉ ⲟⲩⲙⲉⲧϣⲏⲣⲓ	àretenċi ǹoup̀nevma ǹte oumetṡyri
102	ⲫⲁⲓ ⲉ̀ⲧⲉⲛⲱϣ ⲉ̀ⲃⲟⲗ ⲛ̀ϧⲏⲧϥ ϫⲉ Ⲁⲃⲃⲁ	ⲫⲁⲓ ⲉ̀ⲧⲉⲛⲱϣ ⲉ̀ⲃⲟⲗ ⲛ̀ϧⲏⲧϥ ϫⲉ Ⲁⲃⲃⲁ	fai ètenōṡ èvol ǹxytf je Abba
103	Ⲫⲓⲱⲧ.	Ⲫ̀ⲓⲱⲧ.	F̀iōt.
104	Ⲟⲩⲟϩ ⲛ̀ⲑⲟϥ ⲡⲓⲡ̀ⲛⲉⲩⲙⲁ ϥ̀ⲉⲣⲙⲉⲑⲣⲉ	Ⲟⲩⲟϩ ⲛ̀ⲑⲟϥ ⲡⲓⲡ̀ⲛⲉⲩⲙⲁ ϥ̀ⲉⲣⲙⲉⲑⲣⲉ	Ouoh ǹθof pip̀nevma f̀ermeθre	The Spirit himself testifies with our spirit that we are children of God;
105	ⲛⲉⲙ ⲡⲓⲛ̀ⲛⲉⲩⲙⲁ ϫⲉ ⲁ̀ⲛⲟⲛ ϩⲁⲛϣⲏⲣⲓ ⲛ̀ⲧⲉ	ⲛⲉⲙ ⲡⲓⲛ̀ⲛⲉⲩⲙⲁ ϫⲉ ⲁ̀ⲛⲟⲛ ϩⲁⲛϣⲏⲣⲓ ⲛ̀ⲧⲉ	nem piǹnevma je ànon hanṡyri ǹte
106	Ⲫⲛⲟⲩϯ.	Ⲫ̀ⲛⲟⲩϯ.	F̀nouti.
107	Ⲓⲥϫⲉ ⲇⲉ ⲁ̀ⲛⲟⲛ ϩⲁⲛϣⲏⲣⲓ ⲓⲉ ⲁ̀ⲛⲟⲛ	Ⲓⲥϫⲉ ⲇⲉ ⲁ̀ⲛⲟⲛ ϩⲁⲛϣⲏⲣⲓ ⲓⲉ ⲁ̀ⲛⲟⲛ	Isje ḋe ànon hanṡyri ie ànon	and if children, then heirs; heirs of God, and joint heirs with Christ; if indeed we suffer with him, that we may also be glorified with him.
108	ϩⲁⲛⲕ̀ⲗⲏⲣⲟⲛⲟⲙⲟⲥ ⲟⲛ ϩⲁⲛⲕ̀ⲗⲏⲣⲟⲛⲟⲙⲟⲥ	ϩⲁⲛⲕ̀ⲗⲏⲣⲟⲛⲟⲙⲟⲥ ⲟⲛ ϩⲁⲛⲕ̀ⲗⲏⲣⲟⲛⲟⲙⲟⲥ	hank̀lyronomos on hank̀lyronomos
p. 325
109	ⲙⲉⲛ ⲛ̀ⲧⲉ Ⲫⲛⲟⲩϯ ϩⲁⲛϣ̀ⲫⲏⲣ	ⲙⲉⲛ ⲛ̀ⲧⲉ Ⲫ̀ⲛⲟⲩϯ ϩⲁⲛϣ̀ⲫⲏⲣ	men ǹte F̀nouti hanṡ̀fyr
110	ⲛ̀ⲕ̀ⲗⲏⲣⲟⲛⲟⲙⲟⲥ ⲛ̀ⲧⲉ Ⲡⲓⲭ̀ⲣⲓⲥⲧⲥ ⲓⲥϫⲉ	ⲛ̀ⲕ̀ⲗⲏⲣⲟⲛⲟⲙⲟⲥ ⲛ̀ⲧⲉ Ⲡⲓⲭ̀ⲣⲓⲥⲧⲥ ⲓⲥϫⲉ	ǹk̀lyronomos ǹte Pik̀rists isje
111	ⲧⲉⲛϭⲓⲙ̀ⲕⲁϩ ⲛⲉⲙⲁϥ ϩⲓⲛⲁ ⲛ̀ⲧⲉⲛϭⲓⲱ̀ⲟⲩ	ⲧⲉⲛϭⲓⲙ̀ⲕⲁϩ ⲛⲉⲙⲁϥ ϩⲓⲛⲁ ⲛ̀ⲧⲉⲛϭⲓⲱ̀ⲟⲩ	tenċim̀kah nemaf hina ǹtenċiṑou
112	ⲛⲉⲙⲁϥ ⲟⲛ.	ⲛⲉⲙⲁϥ ⲟⲛ.	nemaf on.
113	Ϯⲙⲉⲩⲓ̀ ⲅⲁⲣ ϫⲉ ⲥⲉⲙⲡ̀ϣⲁ ⲁⲛ ⲛ̀ϫⲉ	Ϯⲙⲉⲩⲓ̀ ⲅⲁⲣ ϫⲉ ⲥⲉⲙⲡ̀ϣⲁ ⲁⲛ ⲛ̀ϫⲉ	Timevì ġar je semp̀ṡa an ǹje	For I consider that the sufferings of this present time are not worthy to be compared with the glory which will be revealed toward us.
114	ⲛⲓⲙ̀ⲕⲁⲩϩ ⲛ̀ⲧⲉ ⲡⲁⲓⲥⲏⲟⲩ ⲛ̀ⲧⲉ ϯⲛⲟⲩ	ⲛⲓⲙ̀ⲕⲁⲩϩ ⲛ̀ⲧⲉ ⲡⲁⲓⲥⲏⲟⲩ ⲛ̀ⲧⲉ ϯⲛⲟⲩ	nim̀kavh ǹte paisyou ǹte tinou
115	ⲙ̀ⲡⲓⲱ̀ⲟⲩ ⲉⲑⲛⲁϭⲱⲣⲡ ⲛⲁⲛ ⲉ̀ⲃⲟⲗ.	ⲛ̀ⲡⲓⲱ̀ⲟⲩ ⲉⲑⲛⲁϭⲱⲣⲡ ⲛⲁⲛ ⲉ̀ⲃⲟⲗ.	ǹpiṑou eθnaċōrp nan èvol.
116	Ⲡϣⲁⲛ̀ⲥⲟⲙⲥ ⲅⲁⲣ ⲉ̀ⲃⲟⲗ ⲛ̀ⲧⲉ ⲡⲓⲥⲱⲛⲧ	Ⲡ̀ϣⲁⲛ̀ⲥⲟⲙⲥ ⲅⲁⲣ ⲉ̀ⲃⲟⲗ ⲛ̀ⲧⲉ ⲡⲓⲥⲱⲛⲧ	P̀ṡaǹsoms ġar èvol ǹte pisōnt	For the creation waits with eager expectation for the children of God to be revealed.
117	ⲁϥⲥⲟⲙⲥ ⲉ̀ⲃⲟⲗ ϧⲁⲧ̀ϩⲏ ⲙ̀ⲡⲓϭⲱⲣⲡ ⲉ̀ⲃⲟⲗ	ⲁϥⲥⲟⲙⲥ ⲉ̀ⲃⲟⲗ ϧⲁⲧ̀ϩⲏ ⲙ̀ⲡⲓϭⲱⲣⲡ ⲉ̀ⲃⲟⲗ	afsoms èvol xat̀·hy m̀piċōrp èvol
118	ⲛ̀ⲧⲉ ⲛⲓϣⲏⲣⲓ ⲛ̀ⲧⲉ Ⲫⲛⲟⲩϯ.	ⲛ̀ⲧⲉ ⲛⲓϣⲏⲣⲓ ⲛ̀ⲧⲉ Ⲫ̀ⲛⲟⲩϯ.	ǹte niṡyri ǹte F̀nouti.
119	Ⲡⲓⲥⲱⲛⲧ ⲅⲁⲣ ⲁϥϭ̀ⲛⲉϫⲱϥ	Ⲡⲓⲥⲱⲛⲧ ⲅⲁⲣ ⲁϥϭ̀ⲛⲉϫⲱϥ	Pisōnt ġar afċ̀negōf
120	ⲛ̀ϯⲙⲉⲧⲉ̀ⲫⲗⲏⲟⲩ ⲛ̀ϥ̀ⲟⲩⲱϣ ⲁⲛ ⲁⲗⲗⲁ ⲉⲑⲃⲉ	ⲛ̀ϯⲙⲉⲧⲉ̀ⲫⲗⲏⲟⲩ ⲛ̀ϥ̀ⲟⲩⲱϣ ⲁⲛ ⲁⲗⲗⲁ ⲉⲑⲃⲉ	ǹtimetèflyou ǹf̀ouōṡ an alla eθve
121	ⲫⲏⲉ̀ⲧⲁϥⲑ̀ⲣⲉϥϭ̀ⲛⲉϫⲱϥ ϧⲉⲛ ⲟⲩϩⲉⲗⲡⲓⲥ.	ⲫⲏⲉ̀ⲧⲁϥⲑ̀ⲣⲉϥϭ̀ⲛⲉϫⲱϥ ϧⲉⲛ ⲟⲩϩⲉⲗⲡⲓⲥ.	fyètafθ̀refċ̀negōf xen ouhelpis.
122	Ϫⲉ ⲛ̀ⲑⲟϥ ϩⲱϥ ⲡⲓⲥⲱⲛⲧ ϥ̀ⲛⲁⲉⲣⲣⲉⲙϩⲉ	Ϫⲉ ⲛ̀ⲑⲟϥ ϩⲱϥ ⲡⲓⲥⲱⲛⲧ ϥ̀ⲛⲁⲉⲣⲣⲉⲙϩⲉ	Je ǹθof hōf pisōnt f̀naerremhe	that the creation itself also will be delivered from the bondage of decay into the liberty of the glory of the children of God.
123	ⲉ̀ⲃⲟⲗ ϩⲁ ϯⲙⲉⲧⲃⲱⲕ ⲛ̀ⲧⲉ ⲡ̀ⲧⲁⲕⲟ ⲉ̀ϧ̀ⲣⲏⲓ	ⲉ̀ⲃⲟⲗ ϩⲁ ϯⲙⲉⲧⲃⲱⲕ ⲛ̀ⲧⲉ ⲡ̀ⲧⲁⲕⲟ ⲉ̀ϧ̀ⲣⲏⲓ	èvol ha timetvōk ǹte p̀tako èx̀ryi
124	ⲉ̀ϯⲙⲉⲧⲣⲉⲙϩⲉ ⲛ̀ⲧⲉ ⲡ̀ⲱ̀ⲟⲩ ⲛ̀ⲧⲉ ⲛⲓϣⲏⲣⲓ	ⲉ̀ϯⲙⲉⲧⲣⲉⲙϩⲉ ⲛ̀ⲧⲉ ⲡ̀ⲱ̀ⲟⲩ ⲛ̀ⲧⲉ ⲛⲓϣⲏⲣⲓ	ètimetremhe ǹte p̀ṑou ǹte niṡyri
125	ⲛ̀ⲧⲉ Ⲫⲛⲟⲩϯ.	ⲛ̀ⲧⲉ Ⲫ̀ⲛⲟⲩϯ.	ǹte F̀nouti.
126	Ⲧⲉⲛⲥⲱⲟⲩⲛ ⲙⲉⲛ ⲅⲁⲣ ϫⲉ ⲡⲓⲥⲱⲛⲧ	Ⲧⲉⲛⲥⲱⲟⲩⲛ ⲙⲉⲛ ⲅⲁⲣ ϫⲉ ⲡⲓⲥⲱⲛⲧ	Tensōoun men ġar je pisōnt	For we know that the whole creation groans and travails in pain together until now.
127	ⲧⲏⲣϥ ϥⲓⲁ̀ϩⲟⲙ ⲛⲉⲙⲁⲛ ⲟⲩⲟϩ ϥ̀ϯⲛⲁⲕϩⲓ	ⲧⲏⲣϥ ϥⲓⲁ̀ϩⲟⲙ ⲛⲉⲙⲁⲛ ⲟⲩⲟϩ ϥ̀ϯⲛⲁⲕϩⲓ	tyrf fiàhom neman ouoh f̀tinak·hi
128	ⲛⲉⲙⲁⲛ ϣⲁ ⲉ̀ϧⲟⲩⲛ ⲉ̀ϯⲛⲟⲩ.	ⲛⲉⲙⲁⲛ ϣⲁ ⲉ̀ϧⲟⲩⲛ ⲉ̀ϯⲛⲟⲩ.	neman ṡa èxoun ètinou.
129	Ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲛⲉⲙ ⲁ̀ⲛⲟⲛ ϩⲱⲛ	Ⲟⲩ ⲙⲟⲛⲟⲛ ⲇⲉ ⲁⲗⲗⲁ ⲛⲉⲙ ⲁ̀ⲛⲟⲛ ϩⲱⲛ	Ou monon ḋe alla nem ànon hōn	Not only so, but ourselves also, who have the first fruits of the Spirit, even we ourselves groan within ourselves, waiting for adoption, the redemption of our body.
130	ⲧⲉⲛϥⲓⲁ̀ϩⲟⲙ ⲉ̀ϯⲁ̀ⲡⲁ̀ⲣⲭⲏ ⲛ̀ⲧⲉ ⲡⲓⲡ̀ⲛⲉⲩⲙⲁ	ⲧⲉⲛϥⲓⲁ̀ϩⲟⲙ ⲉ̀ϯⲁ̀ⲡⲁ̀ⲣⲭⲏ ⲛ̀ⲧⲉ ⲡⲓⲡ̀ⲛⲉⲩⲙⲁ	tenfiàhom ètiàpàrṡy ǹte pip̀nevma
131	ⲛ̀ⲧⲟⲧⲉⲛ ⲟⲩⲟϩ ⲁ̀ⲛⲟⲛ ⲧⲉⲛϥⲓⲁ̀ϩⲟⲙ ⲛ̀ϧ̀ⲣⲏⲓ	ⲛ̀ⲧⲟⲧⲉⲛ ⲟⲩⲟϩ ⲁ̀ⲛⲟⲛ ⲧⲉⲛϥⲓⲁ̀ϩⲟⲙ ⲛ̀ϧ̀ⲣⲏⲓ	ǹtoten ouoh ànon tenfiàhom ǹx̀ryi
132	ⲛ̀ϧⲏⲧⲉⲛ ⲉⲛϫⲟⲩϣⲧ ⲉ̀ⲃⲟⲗ ϧⲁⲧ̀ϩⲏ	ⲛ̀ϧⲏⲧⲉⲛ ⲉⲛϫⲟⲩϣⲧ ⲉ̀ⲃⲟⲗ ϧⲁⲧ̀ϩⲏ	ǹxyten engouṡt èvol xat̀·hy
133	ⲛ̀ϯⲙⲉⲧϣⲏⲣⲓ ⲡⲓⲥⲱϯ ⲛ̀ⲧⲉ ⲡⲉⲛⲥⲱⲙⲁ.	ⲛ̀ϯⲙⲉⲧϣⲏⲣⲓ ⲡⲓⲥⲱϯ ⲛ̀ⲧⲉ ⲡⲉⲛⲥⲱⲙⲁ.	ǹtimetṡyri pisōti ǹte pensōma.
p. 326
134	Ⲉⲧⲁⲛⲛⲟϩⲉⲙ ⲅⲁⲣ ϧⲉⲛ ⲟⲩϩⲉⲗⲡⲓⲥ:	Ⲉⲧⲁⲛⲛⲟϩⲉⲙ ⲅⲁⲣ ϧⲉⲛ ⲟⲩϩⲉⲗⲡⲓⲥ:	Etannohem ġar xen ouhelpis:	For we were saved in hope, but hope that is seen is not hope. For who hopes for that which he sees?
135	ⲟⲩϩⲉⲗⲡⲓⲥ ⲇⲉ ⲉⲩⲛⲁⲩ ⲉ̀ⲣⲟⲥ ⲛ̀ⲟⲩϩⲉⲗⲡⲓⲥ ⲁⲛ	ⲟⲩϩⲉⲗⲡⲓⲥ ⲇⲉ ⲉⲩⲛⲁⲩ ⲉ̀ⲣⲟⲥ ⲛ̀ⲟⲩϩⲉⲗⲡⲓⲥ ⲁⲛ	ouhelpis ḋe evnav èros ǹouhelpis an
136	ⲧⲉ: ⲫⲏ ⲅⲁⲣ ⲉ̀ϣⲁⲣⲉ ⲟⲩⲁⲓ ⲛⲁⲩ ⲉ̀ⲣⲟϥ	ⲧⲉ: ⲫⲏ ⲅⲁⲣ ⲉ̀ϣⲁⲣⲉ ⲟⲩⲁⲓ ⲛⲁⲩ ⲉ̀ⲣⲟϥ	te: fy ġar èṡare ouai nav èrof
137	ϣⲁϥⲉⲣϩⲩⲡⲟⲙⲟⲛⲓⲛ ⲉ̀ⲣⲟϥ.	ϣⲁϥⲉⲣϩⲩⲡⲟⲙⲟⲛⲓⲛ ⲉ̀ⲣⲟϥ.	ṡaferhipomonin èrof.
138	Ⲓⲥϫⲉ ⲇⲉ ⲫⲏⲉ̀ⲧⲉⲛⲛⲁⲩ ⲉ̀ⲣⲟϥ ⲁⲛ	Ⲓⲥϫⲉ ⲇⲉ ⲫⲏⲉ̀ⲧⲉⲛⲛⲁⲩ ⲉ̀ⲣⲟϥ ⲁⲛ	Isje ḋe fyètennav èrof an	But if we hope for that which we don't see, we wait for it with patience.
139	ⲧⲉⲛⲉⲣϩⲉⲗⲡⲓⲥ ⲉ̀ⲣⲟϥ ⲉ̀ⲃⲟⲗ ϩⲓⲧⲉⲛ	ⲧⲉⲛⲉⲣϩⲉⲗⲡⲓⲥ ⲉ̀ⲣⲟϥ ⲉ̀ⲃⲟⲗ ϩⲓⲧⲉⲛ	tenerhelpis èrof èvol hiten
140	ⲟⲩϩⲩⲡⲟⲙⲟⲛⲏ ⲧⲉⲛϫⲟⲩϣⲧ ⲉ̀ⲃⲟⲗ ϧⲁϫⲱϥ.	ⲟⲩϩⲩⲡⲟⲙⲟⲛⲏ ⲧⲉⲛϫⲟⲩϣⲧ ⲉ̀ⲃⲟⲗ ϧⲁϫⲱϥ.	ouhipomony tengouṡt èvol xagōf.
141	Ⲡⲁⲓⲣⲏϯ ⲇⲉ ⲟⲛ ⲡⲓⲡ̀ⲛⲉⲩⲙⲁ ϥ̀ϯⲛ̀ⲧⲟⲧⲥ	Ⲡⲁⲓⲣⲏϯ ⲇⲉ ⲟⲛ ⲡⲓⲡ̀ⲛⲉⲩⲙⲁ ϥ̀ϯⲛ̀ⲧⲟⲧⲥ	Pairyti ḋe on pip̀nevma f̀tiǹtots	In the same way, the Spirit also helps our weaknesses, for we don't know how to pray as we ought. But the Spirit himself makes intercession for us with groanings which can't be uttered.
142	ⲛ̀ⲧⲉⲛⲙⲉⲧϫⲱⲃ ⲟⲩ ⲅⲁⲣ ⲛ̀ⲧⲱⲃϩ ⲉ̀ⲧⲉⲛⲛⲁⲓϥ	ⲛ̀ⲧⲉⲛⲙⲉⲧϫⲱⲃ ⲟⲩ ⲅⲁⲣ ⲛ̀ⲧⲱⲃϩ ⲉ̀ⲧⲉⲛⲛⲁⲓϥ	ǹtenmetgōb ou ġar ǹtōvh ètennaif
143	ⲕⲁⲧⲁ ⲫ̀ⲣⲏϯ ⲉⲧⲥ̀ϣⲉ ⲛ̀ⲧⲉⲛⲉ̀ⲙⲓ ⲁⲛ ⲁⲗⲗⲁ	ⲕⲁⲧⲁ ⲫ̀ⲣⲏϯ ⲉⲧⲥ̀ϣⲉ ⲛ̀ⲧⲉⲛⲉ̀ⲙⲓ ⲁⲛ ⲁⲗⲗⲁ	kata f̀ryti ets̀ṡe ǹtenèmi an alla
144	ⲛ̀ⲑⲟϥ ⲡⲓⲡ̀ⲛⲉⲩⲙⲁ ϥ̀ⲉⲣϩⲟⲩⲟ̀ ⲥⲉⲙⲓ ⲉ̀ϩ̀ⲣⲏⲓ	ⲛ̀ⲑⲟϥ ⲡⲓⲡ̀ⲛⲉⲩⲙⲁ ϥ̀ⲉⲣϩⲟⲩⲟ̀ ⲥⲉⲙⲓ ⲉ̀ϩ̀ⲣⲏⲓ	ǹθof pip̀nevma f̀erhouò semi èh̀ryi
145	ⲉ̀ϫⲱⲛ ϧⲉⲛ ϩⲁⲛϥⲓⲁ̀ϩⲟⲙ ⲛ̀ⲁⲧⲥⲁϫⲓ	ⲉ̀ϫⲱⲛ ϧⲉⲛ ϩⲁⲛϥⲓⲁ̀ϩⲟⲙ ⲛ̀ⲁⲧⲥⲁϫⲓ	ègōn xen hanfiàhom ǹatsaji
146	ⲙ̀ⲙⲱⲟⲩ.	ⲙ̀ⲙⲱⲟⲩ.	m̀mōou.
147	Ⲫⲏ ⲇⲉ ⲉⲧϧⲟⲧϧⲉⲧ ⲛ̀ⲛⲓϩⲏⲧ ϥ̀ⲥⲱⲟⲩⲛ	Ⲫⲏ ⲇⲉ ⲉⲧϧⲟⲧϧⲉⲧ ⲛ̀ⲛⲓϩⲏⲧ ϥ̀ⲥⲱⲟⲩⲛ	Fy ḋe etxotxet ǹnihyt f̀sōoun	He who searches the hearts knows what is on the Spirit's mind, because he makes intercession for the saints according to God.
148	ϫⲉ ⲟⲩ ⲡⲉ ⲫ̀ⲙⲉⲩⲓ̀ ⲛ̀ⲧⲉ Ⲡⲓⲡ̀ⲛⲉⲩⲙⲁ ϫⲉ	ϫⲉ ⲟⲩ ⲡⲉ ⲫ̀ⲙⲉⲩⲓ̀ ⲛ̀ⲧⲉ Ⲡⲓⲡ̀ⲛⲉⲩⲙⲁ ϫⲉ	je ou pe f̀mevì ǹte Pip̀nevma je
149	ⲁϥⲥⲉⲙⲓ ⲉ̀Ⲫⲛⲟⲩϯ ⲉ̀ϫⲉⲛ ⲛⲏⲉⲑⲟⲩⲁⲃ.	ⲁϥⲥⲉⲙⲓ ⲉ̀Ⲫ̀ⲛⲟⲩϯ ⲉ̀ϫⲉⲛ ⲛⲏⲉⲑⲟⲩⲁⲃ.	afsemi èF̀nouti èjen nyeθouab.
150	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Pih̀mot ġar nemōten nem	draft · highFor grace be with you, and
151	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	t̀·hiryny evsop: je àmyn esèṡōpi.	draft · highpeace together. Amen: may it be so.
152	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ ⲡⲓϩⲟⲩⲓⲧ	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ⲡⲉ ⲡⲓϩⲟⲩⲓⲧ	Kaθolikon èvol xen pe pihouit	draft · highCatholic (epistle), from the first
153	ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ Ⲡⲉⲧⲣⲟⲥ.	ⲛ̀ⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲓⲱⲧ Ⲡⲉⲧⲣⲟⲥ.	ǹèpistoly ǹte peniōt Petros.	draft · highepistle of our father Peter.
154	Ⲁⲙⲏⲛ. Ⲛⲁⲙⲉⲛⲣⲁϯ.	Ⲁ̀ⲙⲏⲛ. Ⲛⲁⲙⲉⲛⲣⲁϯ.	Àmyn. Namenrati.	draft · highAmen. My beloved ones.
155	ⲁ̅ Ⲡⲉⲧⲣⲟⲥ ⲃ̅: ⲓ̅ⲁ̅ - ⲓ̅ⲍ̅	1 Ⲡⲉⲧⲣⲟⲥ 2:11, 17	1 Petros 2:11, 17
p. 327
156	Ⲛⲁⲙⲉⲛⲣⲁϯ ϯⲧⲱⲃϩ ⲙ̀ⲙⲱⲧⲉⲛ	Ⲛⲁⲙⲉⲛⲣⲁϯ ϯⲧⲱⲃϩ ⲙ̀ⲙⲱⲧⲉⲛ	Namenrati titōvh m̀mōten	Beloved, I beg you as foreigners and pilgrims, to abstain from fleshly lusts, which war against the soul;
157	ⲙ̀ⲫ̀ⲣⲏϯ ⲛ̀ϩⲁⲛⲣⲉⲙⲛ̀ϫⲱⲓⲗⲓ ⲟⲩⲟϩ	ⲛ̀ⲫ̀ⲣⲏϯ ⲛ̀ϩⲁⲛⲣⲉⲙⲛ̀ϫⲱⲓⲗⲓ ⲟⲩⲟϩ	ǹf̀ryti ǹhanremǹgōili ouoh
158	ϩⲁⲛϣⲉⲙⲙⲱⲟⲩ ϩⲉⲛⲑⲏⲛⲟⲩ ⲉ̀ⲃⲟⲗ ϩⲁ	ϩⲁⲛϣⲉⲙⲙⲱⲟⲩ ϩⲉⲛⲑⲏⲛⲟⲩ ⲉ̀ⲃⲟⲗ ϩⲁ	hanṡemmōou henθynou èvol ha
159	ⲛⲓⲉ̀ⲡⲓⲑⲩⲙⲓⲁ̀ ⲛ̀ⲥⲁⲣⲕⲓⲕⲟⲛ ⲛⲏⲉⲧϧⲏⲕ ⲟⲩⲃⲉ	ⲛⲓⲉ̀ⲡⲓⲑⲩⲙⲓⲁ̀ ⲛ̀ⲥⲁⲣⲕⲓⲕⲟⲛ ⲛⲏⲉⲧϧⲏⲕ ⲟⲩⲃⲉ	nièpiθimià ǹsarkikon nyetxyk ouve
160	ϯⲯⲩⲭⲏ.	ϯⲯⲩⲭⲏ.	tipsiṡy.
161	Ⲡⲉⲧⲉⲛϫⲓⲛⲙⲟϣⲓ ⲙⲁⲣⲉϥϣⲱⲡⲓ	Ⲡⲉⲧⲉⲛϫⲓⲛⲙⲟϣⲓ ⲙⲁⲣⲉϥϣⲱⲡⲓ	Petenjinmoṡi marefṡōpi	having good behavior among the nations, so in that of which they speak against you as evildoers, they may by your good works, which they see, glorify God in the day of visitation.
162	ⲉϥⲉⲣϣⲁⲩ ϧⲉⲛ ⲛⲓⲉⲑⲛⲟⲥ ϩⲓⲛⲁ ⲉ̀ϣⲱⲡ	ⲉϥⲉⲣϣⲁⲩ ϧⲉⲛ ⲛⲓⲉⲑⲛⲟⲥ ϩⲓⲛⲁ ⲉ̀ϣⲱⲡ	eferṡav xen nieθnos hina èṡōp
163	ⲁⲩⲥⲁϫⲓ ϧⲁⲣⲱⲧⲉⲛ ⲙ̀ⲫ̀ⲣⲏϯ	ⲁⲩⲥⲁϫⲓ ϧⲁⲣⲱⲧⲉⲛ ⲛ̀ⲫ̀ⲣⲏϯ	avsaji xarōten ǹf̀ryti
164	ⲛ̀ϩⲁⲛⲥⲁⲙⲡⲉⲧϩⲱⲟⲩ ⲉⲩⲛⲁⲩ ⲇⲉ ⲉ̀ⲃⲟⲗ	ⲛ̀ϩⲁⲛⲥⲁⲙⲡⲉⲧϩⲱⲟⲩ ⲉⲩⲛⲁⲩ ⲇⲉ ⲉ̀ⲃⲟⲗ	ǹhansampet·hōou evnav ḋe èvol
165	ϩⲓⲧⲉⲛ ⲛⲉⲧⲉⲛϩ̀ⲃⲏⲟⲩⲓ̀ ⲉⲑⲛⲁⲛⲉⲩ	ϩⲓⲧⲉⲛ ⲛⲉⲧⲉⲛϩ̀ⲃⲏⲟⲩⲓ̀ ⲉⲑⲛⲁⲛⲉⲩ	hiten netenh̀vyouì eθnanev
166	ⲛ̀ⲧⲟⲩϯⲱ̀ⲟⲩ ⲙ̀Ⲫⲛⲟⲩϯ ϧⲉⲛ ⲡ̀ⲉ̀ϩⲟⲟⲩ ⲛ̀ⲧⲉ	ⲛ̀ⲧⲟⲩϯⲱ̀ⲟⲩ ⲛ̀Ⲫ̀ⲛⲟⲩϯ ϧⲉⲛ ⲡⲓⲉ̀ϩⲟⲟⲩ ⲛ̀ⲧⲉ	ǹtoutiṑou ǹF̀nouti xen pièhoou ǹte
167	ⲡⲓϫⲉⲙⲡ̀ϣⲓⲛⲓ.	ⲡⲓϫⲉⲙⲡ̀ϣⲓⲛⲓ.	pijemp̀ṡini.
168	Ⲙⲁϭⲛⲉϫⲱⲧⲉⲛ ⲙ̀ⲡⲓⲥⲱⲛⲧ ⲧⲏⲣϥ ⲛ̀ⲧⲉ	Ⲙⲁϭⲛⲉϫⲱⲧⲉⲛ ⲙ̀ⲡⲓⲥⲱⲛⲧ ⲧⲏⲣϥ ⲛ̀ⲧⲉ	Maċnegōten m̀pisōnt tyrf ǹte	Therefore subject yourselves to every ordinance of man for the Lord's sake: whether to the king, as supreme;
169	ϯⲙⲉⲧⲣⲱⲙⲓ ⲉⲑⲃⲉ Ⲡϭⲟⲓⲥ: ⲓ̀ⲧⲉ ⲡ̀ⲟⲩⲣⲟ ϩⲱⲥ	ϯⲙⲉⲧⲣⲱⲙⲓ ⲉⲑⲃⲉ Ⲡ̀ϭⲟⲓⲥ: ⲓ̀ⲧⲉ ⲡ̀ⲟⲩⲣⲟ ϩⲱⲥ	timetrōmi eθve P̀ċois: ìte p̀ouro hōs
170	ⲉϥϭⲟⲥⲓ.	ⲉϥϭⲟⲥⲓ.	efċosi.
171	Ⲓⲧⲉ ⲛⲓϩⲏⲅⲉⲙⲱⲛ ϩⲱⲥ ⲉⲩⲧⲁⲟⲩⲟ̀	Ⲓⲧⲉ ⲛⲓϩⲏⲅⲉⲙⲱⲛ ϩⲱⲥ ⲉⲩⲧⲁⲟⲩⲟ̀	Ite nihygemōn hōs evtaouò	or to governors, as sent by him for vengeance on evildoers and for praise to those who do well.
172	ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲟⲧϥ ⲉⲩϭⲓⲙ̀ⲡ̀ϣⲓϣ	ⲙ̀ⲙⲱⲟⲩ ⲉ̀ⲃⲟⲗ ϩⲓⲧⲟⲧϥ ⲉⲩϭⲓⲙ̀ⲡ̀ϣⲓϣ	m̀mōou èvol hitotf evċim̀p̀ṡiṡ
173	ⲛ̀ⲛⲓⲥⲁⲙ̀ⲡⲉⲧϩⲱⲟⲩ ⲉⲩϣⲟⲩϣⲟⲩ ⲇⲉ	ⲛ̀ⲛⲓⲥⲁⲙ̀ⲡⲉⲧϩⲱⲟⲩ ⲉⲩϣⲟⲩϣⲟⲩ ⲇⲉ	ǹnisam̀pet·hōou evṡouṡou ḋe
174	ⲛ̀ⲛⲓⲥⲁⲙ̀ⲡⲉⲑⲛⲁⲛⲉⲩ.	ⲛ̀ⲛⲓⲥⲁⲙ̀ⲡⲉⲑⲛⲁⲛⲉⲩ.	ǹnisam̀peθnanev.
175	Ϫⲉ ⲫⲁⲓ ⲡⲉ ⲫ̀ⲟⲩⲱϣ ⲙ̀Ⲫⲛⲟⲩϯ	Ϫⲉ ⲫⲁⲓ ⲡⲉ ⲫ̀ⲟⲩⲱϣ ⲛ̀Ⲫ̀ⲛⲟⲩϯ	Je fai pe f̀ouōṡ ǹF̀nouti	For this is the will of God, that by well-doing you should put to silence the ignorance of foolish men:
176	ⲉ̀ⲑⲣⲉⲛⲓ̀ⲣⲓ ⲙ̀ⲡⲓⲡⲉⲑⲛⲁⲛⲉϥ ⲛ̀ⲧⲉⲧⲉⲛϣ̀ⲑⲁⲙ	ⲉ̀ⲑⲣⲉⲛⲓ̀ⲣⲓ ⲛ̀ⲡⲓⲡⲉⲑⲛⲁⲛⲉϥ ⲛ̀ⲧⲉⲧⲉⲛϣ̀ⲑⲁⲙ	èθrenìri ǹpipeθnanef ǹtetenṡ̀θam
177	ⲉ̀ϧⲟⲩⲛ ⲉ̀ϩ̀ⲣⲉⲛ ⲑ̀ⲙⲉⲧⲁⲧⲉ̀ⲙⲓ ⲛ̀ⲧⲉ ⲛⲓⲁⲧⲕⲁϯ	ⲉ̀ϧⲟⲩⲛ ⲉ̀ϩ̀ⲣⲉⲛ ⲑ̀ⲙⲉⲧⲁⲧⲉ̀ⲙⲓ ⲛ̀ⲧⲉ ⲛⲓⲁⲧⲕⲁϯ	èxoun èh̀ren θ̀metatèmi ǹte niatkati
178	ⲛ̀ⲣⲱⲙⲓ.	ⲛ̀ⲣⲱⲙⲓ.	ǹrōmi.
179	Ⲙⲫ̀ⲣⲏϯ ⲛ̀ϩⲁⲛⲣⲉⲙϩⲉⲩ ⲟⲩⲟϩ ⲉ̀ⲣⲉ	Ⲛ̀ⲫ̀ⲣⲏϯ ⲛ̀ϩⲁⲛⲣⲉⲙϩⲉⲩ ⲟⲩⲟϩ ⲉ̀ⲣⲉ	Ǹf̀ryti ǹhanremhev ouoh ère	as free, and not using your freedom for a cloak of wickedness, but as bondservants of God.
180	ϯⲙⲉⲧⲣⲉⲙϩⲉ ⲛ̀ⲧⲉⲛ ⲑⲏⲛⲟⲩ ⲙ̀ⲫ̀ⲣⲏϯ ⲁⲛ	ϯⲙⲉⲧⲣⲉⲙϩⲉ ⲛ̀ⲧⲉⲛ ⲑⲏⲛⲟⲩ ⲛ̀ⲫ̀ⲣⲏϯ ⲁⲛ	timetremhe ǹten θynou ǹf̀ryti an
181	ⲛ̀ⲟⲩⲕⲁⲗⲩⲙⲙⲁ ⲛ̀ⲧⲉ ϯⲕⲁⲕⲓⲁ̀ ⲁⲗⲗⲁ	ⲛ̀ⲟⲩⲕⲁⲗⲩⲙⲙⲁ ⲛ̀ⲧⲉ ϯⲕⲁⲕⲓⲁ̀ ⲁⲗⲗⲁ	ǹoukalimma ǹte tikakià alla
182	ⲙ̀ⲫ̀ⲣⲏϯ ⲛ̀ϩⲁⲛⲉ̀ⲃⲓⲁⲓⲕ ⲛ̀ⲧⲉ Ⲫⲛⲟⲩϯ.	ⲛ̀ⲫ̀ⲣⲏϯ ⲛ̀ϩⲁⲛⲉ̀ⲃⲓⲁⲓⲕ ⲛ̀ⲧⲉ Ⲫ̀ⲛⲟⲩϯ.	ǹf̀ryti ǹhanèviaik ǹte F̀nouti.
p. 328
183	Ⲙⲁⲧⲁⲓⲉ̀ ⲟⲩⲟⲛ ⲛⲓⲃⲉⲛ ϯⲙⲉⲧⲙⲁⲓⲥⲟⲛ	Ⲙⲁⲧⲁⲓⲉ̀ ⲟⲩⲟⲛ ⲛⲓⲃⲉⲛ ϯⲙⲉⲧⲙⲁⲓⲥⲟⲛ	Mataiè ouon niven timetmaison	Honor all men. Love the brotherhood. Fear God. Honor the king.
184	ⲙⲉⲛⲣⲓⲧⲥ ⲁ̀ⲣⲓϩⲟϯ ϧⲁⲧ̀ϩⲏ ⲙ̀Ⲫⲛⲟⲩϯ	ⲙⲉⲛⲣⲓⲧⲥ ⲁ̀ⲣⲓϩⲟϯ ϧⲁⲧ̀ϩⲏ ⲛ̀Ⲫ̀ⲛⲟⲩϯ	menrits àrihoti xat̀·hy ǹF̀nouti
185	ⲙⲁⲧⲁⲓⲉ̀ ⲡ̀ⲟⲩⲣⲟ.	ⲙⲁⲧⲁⲓⲉ̀ ⲡ̀ⲟⲩⲣⲟ.	mataiè p̀ouro.
186	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Nas̀nyou m̀permenre pikosmos
187	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ouḋe nyetṡop xen pikosmos:
188	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	pikosmos nasini nem tefèpiθimia: fy
189	ⲇⲉ ⲉⲧⲓ̀ⲣⲓ ⲙ̀ⲫ̀ⲟⲩⲱϣ ⲙ̀Ⲫⲛⲟⲩϯ ϥ̀ⲛⲁϣⲱⲡⲓ	ⲇⲉ ⲉⲧⲓ̀ⲣⲓ ⲛ̀ⲫ̀ⲟⲩⲱϣ ⲛ̀Ⲫ̀ⲛⲟⲩϯ ϥ̀ⲛⲁϣⲱⲡⲓ	ḋe etìri ǹf̀ouōṡ ǹF̀nouti f̀naṡōpi
190	ϣⲁ ⲉ̀ⲛⲉϩ: ⲁ̀ⲙⲏⲛ.	ϣⲁ ⲉ̀ⲛⲉϩ: ⲁ̀ⲙⲏⲛ.	ṡa èneh: àmyn.	draft · highfor ever. Amen.
191	Ⲡⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	Ⲡ̀ⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	P̀raksis ǹte nenioti ǹàpostolos:	draft · highThe Acts of our fathers the apostles:
192	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ère pous̀mou eθouab ṡōpi neman.	draft · highmay their holy blessing be with us.
193	Ⲁⲙⲏⲛ.	Ⲁ̀ⲙⲏⲛ.	Àmyn.	draft · highAmen.
194	Ⲡⲣⲁⲝⲓⲥ ⲓ̅ⲑ̅: ⲓ̅ⲁ̅ - ⲕ̅	Ⲡ̀ⲣⲁⲝⲓⲥ 19:11, 20	P̀raksis 19:11, 20
195	Ⲛⲁϥⲓ̀ⲣⲓ ⲇⲉ ⲛ̀ϩⲁⲛϫⲟⲙ ⲛ̀ϫⲉ Ⲫⲛⲟⲩϯ	Ⲛⲁϥⲓ̀ⲣⲓ ⲇⲉ ⲛ̀ϩⲁⲛϫⲟⲙ ⲛ̀ϫⲉ Ⲫ̀ⲛⲟⲩϯ	Nafìri ḋe ǹhangom ǹje F̀nouti	God worked special miracles by the hands of Paul,
196	ⲛ̀ϩⲁⲛⲕⲟⲩϫⲓ ⲁⲛ ⲉ̀ⲃⲟⲗ ϩⲓⲧⲉⲛ ⲛⲉⲛϫⲓϫ	ⲛ̀ϩⲁⲛⲕⲟⲩϫⲓ ⲁⲛ ⲉ̀ⲃⲟⲗ ϩⲓⲧⲉⲛ ⲛⲉⲛϫⲓϫ	ǹhankouji an èvol hiten nenjig
197	ⲙ̀Ⲡⲁⲩⲗⲟⲥ.	ⲛ̀Ⲡⲁⲩⲗⲟⲥ.	ǹPavlos.
198	Ϩⲱⲥⲧⲉ ⲛ̀ⲥⲉϭⲓ ⲛ̀ϩⲁⲛⲥⲟⲩⲇⲁⲣⲓⲟⲛ ⲛⲉⲙ	Ϩⲱⲥⲧⲉ ⲛ̀ⲧⲟⲩϭⲓ ⲛ̀ϩⲁⲛⲥⲟⲩⲇⲁⲣⲓⲟⲛ ⲛⲉⲙ	Hōste ǹtouċi ǹhansouḋarion nem	so that even handkerchiefs or aprons were carried away from his body to the sick, and the evil spirits went out.
199	ϩⲁⲛⲥⲓⲙⲓⲕⲩⲛⲑⲓⲛⲟⲛ ⲉ̀ⲃⲟⲗ ϩⲓⲧⲉⲛ ⲡⲉϥⲥⲱⲙⲁ	ϩⲁⲛⲥⲓⲙⲓⲕⲩⲛⲑⲓⲛⲟⲛ ⲉ̀ⲃⲟⲗ ϩⲓⲧⲉⲛ ⲡⲉϥⲥⲱⲙⲁ	hansimikinθinon èvol hiten pefsōma
200	ⲛ̀ⲥⲉⲭⲁⲩ ϩⲓϫⲉⲛ ⲛⲏⲉⲧϣⲱⲛⲓ: ⲟⲩⲟϩ	ⲛ̀ⲧⲟⲩⲭⲁⲩ ϩⲓϫⲉⲛ ⲛⲏⲉⲧϣⲱⲛⲓ: ⲟⲩⲟϩ	ǹtoukav hijen nyetṡōni: ouoh
201	ϣⲁⲩϣⲉⲛⲱⲟⲩ ⲉ̀ⲃⲟⲗ ϩⲓⲱ̀ⲧⲟⲩ ⲛ̀ϫⲉ ⲛⲓϣⲱⲛⲓ:	ϣⲁⲩϣⲉⲛⲱⲟⲩ ⲉ̀ⲃⲟⲗ ϩⲓⲱ̀ⲧⲟⲩ ⲛ̀ϫⲉ ⲛⲓϣⲱⲛⲓ:	ṡavṡenōou èvol hiṑtou ǹje niṡōni:
202	ⲟⲩⲟϩ ⲛⲓⲡ̀ⲛⲉⲩⲙⲁ ⲉⲧϩⲱⲟⲩ ⲛⲁⲩⲛⲏⲟⲩ ⲉ̀ⲃⲟⲗ	ⲟⲩⲟϩ ⲛⲓⲡ̀ⲛⲉⲩⲙⲁ ⲉⲧϩⲱⲟⲩ ⲛⲁⲩⲛⲏⲟⲩ ⲉ̀ⲃⲟⲗ	ouoh nip̀nevma et·hōou navnyou èvol
203	ⲡⲉ.	ⲡⲉ.	pe.
204	Ⲁⲩϩⲓⲧⲟⲧⲟⲩ ⲇⲉ ⲛ̀ϫⲉ ϩⲁⲛⲟⲩⲟⲛ ⲉ̀ⲃⲟⲗ	Ⲁⲩϩⲓⲧⲟⲧⲟⲩ ⲇⲉ ⲛ̀ϫⲉ ϩⲁⲛⲟⲩⲟⲛ ⲉ̀ⲃⲟⲗ	Avhitotou ḋe ǹje hanouon èvol	But some of the itinerant Jews, exorcists, took on themselves to invoke over those who had the evil spirits the name of the Lord Jesus, saying, 'We adjure you by Jesus whom Paul preaches.'
205	ϧⲉⲛ ⲛⲓⲒⲟⲩⲇⲁⲓ ⲉⲧⲕⲱϯ ⲛ̀ⲉ̀ⲝⲟⲣⲅⲓⲥⲧⲏⲥ:	ϧⲉⲛ ⲛⲓⲒⲟⲩⲇⲁⲓ ⲉⲧⲕⲱϯ ⲛ̀ⲉ̀ⲝⲟⲣⲅⲓⲥⲧⲏⲥ:	xen niIoudai etkōti ǹèksorgistys:
206	ⲉ̀ϫⲉⲛ ⲫ̀ⲣⲁⲛ ⲙ̀Ⲡϭⲟⲓⲥ Ⲓⲏⲥⲟⲩⲥ ⲉ̀ϫⲉⲛ Ⲫⲣⲁⲛ	ⲉ̀ϫⲉⲛ ⲫ̀ⲣⲁⲛ ⲛ̀Ⲡ̀ϭⲟⲓⲥ Ⲓⲏⲥⲟⲩⲥ ⲉ̀ϫⲉⲛ Ⲫ̀ⲣⲁⲛ	èjen f̀ran ǹP̀ċois Iysous èjen F̀ran
207	ⲙ̀Ⲡϭⲟⲓⲥ Ⲓⲏⲥⲟⲩⲥ ⲉ̀ϫⲉⲛ ⲛⲏⲉ̀ⲧⲉ ⲛⲓⲡ̀ⲛⲉⲩⲙⲁ	ⲛ̀Ⲡ̀ϭⲟⲓⲥ Ⲓⲏⲥⲟⲩⲥ ⲉ̀ϫⲉⲛ ⲛⲏⲉ̀ⲧⲉ ⲛⲓⲡ̀ⲛⲉⲩⲙⲁ	ǹP̀ċois Iysous èjen nyète nip̀nevma
p. 329
208	ⲉⲧϩⲱⲟⲩ ϩⲓⲱ̀ⲧⲟⲩ ⲉⲩϫⲱ ⲙ̀ⲙⲟⲥ: ϫⲉ	ⲉⲧϩⲱⲟⲩ ϩⲓⲱ̀ⲧⲟⲩ ⲉⲩϫⲱ ⲙ̀ⲙⲟⲥ: ϫⲉ	et·hōou hiṑtou evgō m̀mos: je
209	ϯⲧⲁⲣⲕⲟ ⲙ̀ⲙⲱⲧⲉⲛ ⲛ̀Ⲓⲏⲥⲟⲩⲥ ⲫⲏⲉ̀ⲧⲉ	ϯⲧⲁⲣⲕⲟ ⲙ̀ⲙⲱⲧⲉⲛ ⲛ̀Ⲓⲏⲥⲟⲩⲥ ⲫⲏⲉ̀ⲧⲉ	titarko m̀mōten ǹIysous fyète
210	Ⲡⲁⲩⲗⲟⲥ ϩⲓⲱⲓϣ ⲙ̀ⲙⲟϥ.	Ⲡⲁⲩⲗⲟⲥ ϩⲓⲱⲓϣ ⲙ̀ⲙⲟϥ.	Pavlos hiōiṡ m̀mof.
211	Ⲛⲉ ⲟⲩⲟⲛ ϣⲁϣϥ ⲇⲉ ⲛ̀ϣⲏⲣⲓ ⲛ̀ⲧⲉ ⲟⲩⲁⲓ	Ⲛⲉ ⲟⲩⲟⲛ ϣⲁϣϥ ⲇⲉ ⲛ̀ϣⲏⲣⲓ ⲛ̀ⲧⲉ ⲟⲩⲁⲓ	Ne ouon ṡaṡf ḋe ǹṡyri ǹte ouai	There were seven sons of one Sceva, a Jewish chief priest, who did this.
212	ϫⲉ Ⲥⲕⲉⲩⲁ̀ ⲉ̀ⲟⲩⲒⲟⲩⲇⲁⲓ ⲡⲉ ⲛ̀ⲁⲣⲭⲏⲉ̀ⲣⲉⲩⲥ	ϫⲉ Ⲥⲕⲉⲩⲁ̀ ⲉ̀ⲟⲩⲒⲟⲩⲇⲁⲓ ⲡⲉ ⲛ̀ⲁⲣⲭⲓⲉ̀ⲣⲉⲩⲥ	je Skevà èouIoudai pe ǹarṡièrevs
213	ⲉⲩⲓ̀ⲣⲓ ⲙ̀ⲫⲁⲓ.	ⲉⲩⲓ̀ⲣⲓ ⲛ̀ⲫⲁⲓ.	evìri ǹfai.
214	Ⲁϥⲉ̀ⲣⲟⲩⲱ̀ ⲛ̀ϫⲉ ⲡⲓⲡ̀ⲛⲉⲩⲙⲁ ⲉⲧϩⲱⲟⲩ	Ⲁϥⲉ̀ⲣⲟⲩⲱ̀ ⲛ̀ϫⲉ ⲡⲓⲡ̀ⲛⲉⲩⲙⲁ ⲉⲧϩⲱⲟⲩ	Afèrouṑ ǹje pip̀nevma et·hōou	The evil spirit answered, 'Jesus I know, and Paul I know, but who are you?'
215	ⲡⲉϫⲁϥ ⲛⲱⲟⲩ: ϫⲉ Ⲓⲏⲥⲟⲩⲥ ϯⲥⲱⲟⲩⲛ ⲙ̀ⲙⲟϥ:	ⲡⲉϫⲁϥ ⲛⲱⲟⲩ: ϫⲉ Ⲓⲏⲥⲟⲩⲥ ϯⲥⲱⲟⲩⲛ ⲙ̀ⲙⲟϥ:	pegaf nōou: je Iysous tisōoun m̀mof:
216	ⲟⲩⲟϩ ⲡ̀ⲕⲉ Ⲡⲁⲩⲗⲟⲥ ϯⲉ̀ⲙⲓ ⲉ̀ⲣⲟϥ: ⲛ̀ⲑⲱⲧⲉⲛ	ⲟⲩⲟϩ ⲡ̀ⲕⲉ Ⲡⲁⲩⲗⲟⲥ ϯⲉ̀ⲙⲓ ⲉ̀ⲣⲟϥ: ⲛ̀ⲑⲱⲧⲉⲛ	ouoh p̀ke Pavlos tièmi èrof: ǹθōten
217	ⲇⲉ ⲛ̀ⲑⲱⲧⲉⲛ ⲛⲓⲙ.	ⲇⲉ ⲛ̀ⲑⲱⲧⲉⲛ ⲛⲓⲙ.	ḋe ǹθōten nim.
218	Ⲟⲩⲟϩ ⲁϥϩⲓⲧϥ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϫⲉ	Ⲟⲩⲟϩ ⲁϥϩⲓⲧϥ ⲉ̀ϩ̀ⲣⲏⲓ ⲉ̀ϫⲱⲟⲩ ⲛ̀ϫⲉ	Ouoh afhitf èh̀ryi ègōou ǹje	The man in whom the evil spirit was leaped on them, and overpowered them, and prevailed against them, so that they fled out of that house naked and wounded.
219	ⲡⲓⲣⲱⲙⲓ ⲉ̀ⲧⲉ ⲡⲓⲡ̀ⲛⲉⲩⲙⲁ ⲉⲧϩⲱⲟⲩ ⲛⲉⲙⲁϥ:	ⲡⲓⲣⲱⲙⲓ ⲉ̀ⲧⲉ ⲡⲓⲡ̀ⲛⲉⲩⲙⲁ ⲉⲧϩⲱⲟⲩ ⲛⲉⲙⲁϥ:	pirōmi ète pip̀nevma et·hōou nemaf:
220	ⲁϥⲉⲣϭⲟⲓⲥ ⲉ̀ⲣⲱⲟⲩ ⲉⲩⲥⲟⲡ ⲁϥϫⲉⲙϫⲟⲙ	ⲁϥⲉⲣϭⲟⲓⲥ ⲉ̀ⲣⲱⲟⲩ ⲉⲩⲥⲟⲡ ⲁϥϫⲉⲙϫⲟⲙ	aferċois èrōou evsop afjemgom
221	ⲉ̀ϩ̀ⲣⲏⲓ ⲉ̀ϫⲱⲟⲩ: ϩⲱⲥⲧⲉ ⲛ̀ⲥⲉⲫⲱⲧ ⲉ̀ⲃⲟⲗ ϧⲉⲛ	ⲉ̀ϩ̀ⲣⲏⲓ ⲉ̀ϫⲱⲟⲩ: ϩⲱⲥⲧⲉ ⲛ̀ⲧⲟⲩⲫⲱⲧ ⲉ̀ⲃⲟⲗ ϧⲉⲛ	èh̀ryi ègōou: hōste ǹtoufōt èvol xen
222	ⲡⲓⲏⲓ ⲉ̀ⲧⲉ ⲙ̀ⲙⲁⲩ ⲉⲩⲃⲏϣ ⲉ̀ⲣⲉ ϫⲱⲟⲩ ⲫⲏϧ.	ⲡⲓⲏⲓ ⲉ̀ⲧⲉ ⲙ̀ⲙⲁⲩ ⲉⲩⲃⲏϣ ⲉ̀ⲣⲉ ϫⲱⲟⲩ ⲫⲏϧ.	piyi ète m̀mav evvyṡ ère gōou fyx.
223	Ⲫⲁⲓ ⲇⲉ ⲁϥϣⲱⲡⲓ ⲉϥⲟⲩⲱⲛϩ ⲉ̀ⲃⲟⲗ	Ⲫⲁⲓ ⲇⲉ ⲁϥϣⲱⲡⲓ ⲉϥⲟⲩⲱⲛϩ ⲉ̀ⲃⲟⲗ	Fai ḋe afṡōpi efouōnh èvol	This became known to all, both Jews and Greeks, who lived at Ephesus. Fear fell on them all, and the name of the Lord Jesus was magnified.
224	ⲛ̀ⲛⲓⲒⲟⲩⲇⲁⲓ ⲧⲏⲣⲟⲩ ⲛⲉⲙ ⲛⲓⲞⲩⲉⲓⲛⲓⲛ ⲉⲧϣⲟⲡ	ⲛ̀ⲛⲓⲒⲟⲩⲇⲁⲓ ⲧⲏⲣⲟⲩ ⲛⲉⲙ ⲛⲓⲞⲩⲉⲓⲛⲓⲛ ⲉⲧϣⲟⲡ	ǹniIoudai tyrou nem niOueinin etṡop
225	ϧⲉⲛ Ⲉⲫⲉⲥⲟⲥ: ⲟⲩⲟϩ ⲟⲩϩⲟϯ ⲁⲥⲓ̀ ⲉ̀ϩ̀ⲣⲏⲓ	ϧⲉⲛ Ⲉ̀ⲫⲉⲥⲟⲥ: ⲟⲩⲟϩ ⲟⲩϩⲟϯ ⲁⲥⲓ̀ ⲉ̀ϩ̀ⲣⲏⲓ	xen Èfesos: ouoh ouhoti asì èh̀ryi
226	ⲉ̀ϫⲱⲟⲩ ⲧⲏⲣⲟⲩ: ⲟⲩⲟϩ ⲛⲁϥⲛⲏⲟⲩ ⲛ̀ϭⲓⲥⲓ ⲛ̀ϫⲉ	ⲉ̀ϫⲱⲟⲩ ⲧⲏⲣⲟⲩ: ⲟⲩⲟϩ ⲛⲁϥⲛⲏⲟⲩ ⲛ̀ϭⲓⲥⲓ ⲛ̀ϫⲉ	ègōou tyrou: ouoh nafnyou ǹċisi ǹje
227	Ⲫⲣⲁⲛ ⲙ̀Ⲡϭⲟⲓⲥ Ⲓⲏⲥⲟⲩⲥ.	Ⲫ̀ⲣⲁⲛ ⲛ̀Ⲡ̀ϭⲟⲓⲥ Ⲓⲏⲥⲟⲩⲥ.	F̀ran ǹP̀ċois Iysous.
228	Ⲟⲩⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏⲉⲧⲁⲩⲛⲁϩϯ:	Ⲟⲩⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏⲉⲧⲁⲩⲛⲁϩϯ:	Oumyṡ ḋe èvol xen nyetavnahti:
229	ⲛⲁⲩⲛⲏⲟⲩ ⲡⲉ ⲉⲩⲟⲩⲱⲛϩ ⲉ̀ⲃⲟⲗ ⲟⲩⲟϩ ⲉⲩϫⲱ	ⲛⲁⲩⲛⲏⲟⲩ ⲡⲉ ⲉⲩⲟⲩⲱⲛϩ ⲉ̀ⲃⲟⲗ ⲟⲩⲟϩ ⲉⲩϫⲱ	navnyou pe evouōnh èvol ouoh evgō
230	ⲛ̀ⲛⲟⲩϩ̀ⲃⲏⲟⲩⲓ̀.	ⲛ̀ⲛⲟⲩϩ̀ⲃⲏⲟⲩⲓ̀.	ǹnouh̀vyouì.
231	Ϩⲁⲛⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏⲉⲛⲁⲩⲓ̀ⲣⲓ	Ϩⲁⲛⲙⲏϣ ⲇⲉ ⲉ̀ⲃⲟⲗ ϧⲉⲛ ⲛⲏⲉⲛⲁⲩⲓ̀ⲣⲓ	Hanmyṡ ḋe èvol xen nyenavìri	Many of those who practiced magical arts brought their books together and burned them in the sight of all. They counted the price of them, and found it to be fifty thousand pieces of silver.
232	ⲛ̀ⲛⲓⲙⲉⲧⲡⲉⲣⲓⲉⲣⲅⲟⲥ: ⲁ̀ⲩⲓ̀ⲛⲓ ⲛ̀ⲛⲟⲩϫⲱⲙ	ⲛ̀ⲛⲓⲙⲉⲧⲡⲉⲣⲓⲉⲣⲅⲟⲥ: ⲁ̀ⲩⲓ̀ⲛⲓ ⲛ̀ⲛⲟⲩϫⲱⲙ	ǹnimetperierġos: àvìni ǹnougōm
233	ⲁⲩⲣⲟⲕϩⲟⲩ ⲙ̀ⲡⲉⲙ̀ⲑⲟ ⲛ̀ⲟⲩⲟⲛ ⲛⲓⲃⲉⲛ: ⲟⲩⲟϩ	ⲁⲩⲣⲟⲕϩⲟⲩ ⲛ̀ⲡⲉⲙ̀ⲑⲟ ⲛ̀ⲟⲩⲟⲛ ⲛⲓⲃⲉⲛ: ⲟⲩⲟϩ	avrok·hou ǹpem̀θo ǹouon niven: ouoh
234	ⲁⲩϥⲓⲱⲡ ⲛ̀ⲛⲟⲩⲧⲓⲙⲏ ⲉ̀ⲁⲩϫⲉⲙⲟⲩ ⲉ̀ⲟⲩⲟⲛ	ⲁⲩϥⲓⲱⲡ ⲛ̀ⲛⲟⲩⲧⲓⲙⲏ ⲉ̀ⲁⲩϫⲉⲙⲟⲩ ⲉ̀ⲟⲩⲟⲛ	avfiōp ǹnoutimy èavjemou èouon
p. 330
235	ⲧ̀ⲓⲟⲩ ⲛ̀ⲑ̀ⲃⲁ ⲛ̀ϩⲁⲧ ⲙ̀ⲙⲁⲩ.	ⲧ̀ⲓⲟⲩ ⲛ̀ⲑ̀ⲃⲁ ⲛ̀ϩⲁⲧ ⲙ̀ⲙⲁⲩ.	t̀iou ǹθ̀va ǹhat m̀mav.
236	Ⲡⲁⲓⲣⲏϯ ϧⲉⲛ ⲟⲩⲁ̀ⲙⲁϩⲓ ⲁϥⲁⲓⲁⲓ ⲛ̀ϫⲉ	Ⲡⲁⲓⲣⲏϯ ϧⲉⲛ ⲟⲩⲁ̀ⲙⲁϩⲓ ⲁϥⲁⲓⲁⲓ ⲛ̀ϫⲉ	Pairyti xen ouàmahi afaiai ǹje	So the word of the Lord was growing and becoming mighty.
237	ⲡ̀ⲥⲁϫⲓ ⲙ̀Ⲡϭⲟⲓⲥ ⲟⲩⲟϩ ⲁϥϫⲉⲙϫⲟⲙ.	ⲡ̀ⲥⲁϫⲓ ⲛ̀Ⲡ̀ϭⲟⲓⲥ ⲟⲩⲟϩ ⲁϥϫⲉⲙϫⲟⲙ.	p̀·saji ǹP̀ċois ouoh afjemgom.
238	Ⲡⲓⲥⲁϫⲓ ⲇⲉ ⲛ̀ⲧⲉ Ⲡϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Ⲡⲓⲥⲁϫⲓ ⲇⲉ ⲛ̀ⲧⲉ Ⲡ̀ϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Pisaji ḋe ǹte P̀ċois efèaiai ouoh
239	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	efèàṡai: efèàmahi ouoh efètagro:
240	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫⲛⲟⲩϯ:	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫ̀ⲛⲟⲩϯ:	xen tiàgia ǹekk̀lysia ǹte F̀nouti:
241	ⲁ̀ⲙⲏⲛ.	ⲁ̀ⲙⲏⲛ.	àmyn.
p. 331
p. 332
p. 333
p. 334
242	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲝ̅ⲉ̅: ⲓ̅ⲁ, ⲓ̅ⲃ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 65:11, 12	Psalmos tō David 65:11, 12
243	Ⲁⲛⲥⲓⲛⲓ ⲉ̀ⲃⲟⲗ ϩⲓⲧⲉⲛ ⲟⲩⲭ̀ⲣⲱⲙ ⲛⲉⲙ	Ⲁⲛⲥⲓⲛⲓ ⲉ̀ⲃⲟⲗ ϩⲓⲧⲉⲛ ⲟⲩⲭ̀ⲣⲱⲙ ⲛⲉⲙ	Ansini èvol hiten ouk̀rōm nem	Thou didst mount men upon our heads; we went through the fire and water; but thou broughtest us out into a place of refreshment.
244	ⲟⲩⲙⲱⲟⲩ: ⲟⲩⲟϩ ⲁⲕⲉⲛⲧⲉⲛ ⲉ̀ⲃⲟⲗ ⲉ̀ⲡ̀ⲉⲙⲧⲟⲛ:	ⲟⲩⲙⲱⲟⲩ: ⲟⲩⲟϩ ⲁⲕⲉⲛⲧⲉⲛ ⲉ̀ⲃⲟⲗ ⲉ̀ⲡ̀ⲉⲙⲧⲟⲛ:	oumōou: ouoh akenten èvol èp̀emton:
245	ⲉⲓⲉ̀ⲓ̀ ⲉ̀ϧⲟⲩⲛ ⲉ̀ⲡⲉⲕⲏⲓ ϧⲉⲛ ϩⲁⲛϭ̀ⲗⲓⲗ: ⲟⲩⲟϩ	ⲉⲓⲉ̀ⲓ̀ ⲉ̀ϧⲟⲩⲛ ⲉ̀ⲡⲉⲕⲏⲓ ϧⲉⲛ ϩⲁⲛϭ̀ⲗⲓⲗ: ⲟⲩⲟϩ	eièì èxoun èpekyi xen hanċ̀lil: ouoh	I will go into thine house with whole-burnt-offerings; I will pay thee my vows, which my lips framed, and my mouth uttered in my affliction.
246	ϯⲛⲁϯ ⲛⲁⲕ ⲛ̀ⲛⲓⲉⲩⲭⲏ ⲉ̀ⲧⲁ ⲛⲁⲥ̀ⲫⲟⲧⲟⲩ	ϯⲛⲁϯ ⲛⲁⲕ ⲛ̀ⲛⲓⲉⲩⲭⲏ ⲉ̀ⲧⲁ ⲛⲁⲥ̀ⲫⲟⲧⲟⲩ	tinati nak ǹnievṡy èta nas̀fotou
247	ϫⲟⲧⲟⲩ. Ⲁⲗⲗⲏⲗⲟⲩⲓⲁ̀.	ϫⲟⲧⲟⲩ. Ⲁⲗⲗⲏⲗⲟⲩⲓⲁ̀.	gotou. Allylouià.
248	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
249	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	pievangelion eθouab kata Loukan	draft · highthe holy Gospel according to Luke
250	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
251	Ⲗⲟⲩⲕⲁⲛ ⲕ̅ⲁ̅: ⲓ̅ⲃ̅ - ⲓ̅ⲑ̅	Ⲗⲟⲩⲕⲁⲛ 21:12, 19	Loukan 21:12, 19
252	Ϧⲁϫⲉⲛ ⲛⲁⲓ ⲇⲉ ⲧⲏⲣⲟⲩ ⲉⲩⲉ̀ⲉⲛ ⲛⲟⲩϫⲓϫ	Ϧⲁϫⲉⲛ ⲛⲁⲓ ⲇⲉ ⲧⲏⲣⲟⲩ ⲉⲩⲉ̀ⲉⲛ ⲛⲟⲩϫⲓϫ	Xajen nai ḋe tyrou evèen noujig	But before all these things, they will lay their hands on you and will persecute you, delivering you up to synagogues and prisons, bringing you before kings and governors for my name's sake.
253	ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲟⲩⲟϩ ⲥⲉⲛⲁϭⲟϫⲓ ⲛ̀ⲥⲁ	ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲟⲩⲟϩ ⲥⲉⲛⲁϭⲟϫⲓ ⲛ̀ⲥⲁ	èh̀ryi èjen θynou ouoh senaċoji ǹsa
p. 335
254	ⲑⲏⲛⲟⲩ ⲉⲩϯ ⲙ̀ⲙⲱⲧⲉⲛ ⲉ̀ϩⲁⲛⲥⲩⲛⲁⲅⲱⲅⲏ	ⲑⲏⲛⲟⲩ ⲉⲩϯ ⲙ̀ⲙⲱⲧⲉⲛ ⲉ̀ϩⲁⲛⲥⲩⲛⲁⲅⲱⲅⲏ	θynou evti m̀mōten èhansinaġōgy
255	ⲛⲉⲙ ϩⲁⲛϣ̀ⲧⲉⲕⲱⲟⲩ ⲉⲩⲓ̀ⲛⲓ ⲙ̀ⲙⲱⲧⲉⲛ	ⲛⲉⲙ ϩⲁⲛϣ̀ⲧⲉⲕⲱⲟⲩ ⲉⲩⲓ̀ⲛⲓ ⲙ̀ⲙⲱⲧⲉⲛ	nem hanṡ̀tekōou evìni m̀mōten
256	ⲛ̀ⲛⲓⲟⲩⲣⲱⲟⲩ ⲛⲉⲙ ⲛⲓϩⲏⲅⲉⲙⲱⲛ ⲉⲑⲃⲉ	ⲛ̀ⲛⲓⲟⲩⲣⲱⲟⲩ ⲛⲉⲙ ⲛⲓϩⲏⲅⲉⲙⲱⲛ ⲉⲑⲃⲉ	ǹniourōou nem nihygemōn eθve
257	Ⲡⲁⲣⲁⲛ.	Ⲡⲁⲣⲁⲛ.	Paran.
258	Ⲉϥⲉ̀ϣⲱⲡⲓ ⲛⲱⲧⲉⲛ ⲉⲩⲙⲉⲧⲙⲉⲑⲣⲉ.	Ⲉϥⲉ̀ϣⲱⲡⲓ ⲛⲱⲧⲉⲛ ⲉⲩⲙⲉⲧⲙⲉⲑⲣⲉ.	Efèṡōpi nōten evmetmeθre.	It will turn out as a testimony for you.
259	Ⲭⲁⲥ ⲩⲛ ϧⲉⲛ ⲛⲉⲧⲉⲛϩⲏⲧ	Ⲭⲁⲥ ⲩⲛ ϧⲉⲛ ⲛⲉⲧⲉⲛϩⲏⲧ	Kas yn xen netenhyt	Settle it therefore in your hearts not to meditate beforehand how to answer,
260	ⲉ̀ϣ̀ⲧⲉⲙⲉⲣϣⲟⲣⲡ ⲛ̀ⲉⲣⲙⲉⲗⲉⲧⲁⲛ ϫⲉ ⲟⲩ ⲡⲉ	ⲉ̀ϣ̀ⲧⲉⲙⲉⲣϣⲟⲣⲡ ⲛ̀ⲉⲣⲙⲉⲗⲉⲧⲁⲛ ϫⲉ ⲟⲩ ⲡⲉ	èṡ̀temerṡorp ǹermeletan je ou pe
261	ⲉ̀ⲧⲉⲧⲉⲛⲛⲁⲉⲣⲁ̀ⲡⲟⲗⲟⲅⲓⲥⲑⲉ ⲙ̀ⲙⲟϥ.	ⲉ̀ⲧⲉⲧⲉⲛⲛⲁⲉⲣⲁ̀ⲡⲟⲗⲟⲅⲓⲥⲑⲉ ⲙ̀ⲙⲟϥ.	ètetennaeràpologisθe m̀mof.
262	Ⲁⲛⲟⲕ ⲅⲁⲣ ϯⲛⲁϯ ⲛⲱⲧⲉⲛ ⲛ̀ⲟⲩⲣⲟ ⲛⲉⲙ	Ⲁⲛⲟⲕ ⲅⲁⲣ ϯⲛⲁϯ ⲛⲱⲧⲉⲛ ⲛ̀ⲟⲩⲣⲟ ⲛⲉⲙ	Anok ġar tinati nōten ǹouro nem	for I will give you a mouth and wisdom which all your adversaries will not be able to withstand or to contradict.
263	ⲟⲩⲥⲟⲫⲓⲁ̀ ⲑⲏⲉ̀ⲧⲉ ⲛ̀ⲥⲉⲛⲁϣ̀ϯ ⲉ̀ϧⲟⲩⲛ ⲉ̀ϩ̀ⲣⲁⲥ	ⲟⲩⲥⲟⲫⲓⲁ̀ ⲑⲏⲉ̀ⲧⲉ ⲛ̀ⲥⲉⲛⲁϣ̀ϯ ⲉ̀ϧⲟⲩⲛ ⲉ̀ϩ̀ⲣⲁⲥ	ousofià θyète ǹsenaṡ̀ti èxoun èh̀ras
264	ⲁⲛ ⲟⲩⲇⲉ ⲛ̀ⲥⲉⲛⲁϣ̀ⲟⲩⲱ̀ϩⲉⲙ ⲟⲩⲃⲏⲥ ⲁⲛ ⲛ̀ϫⲉ	ⲁⲛ ⲟⲩⲇⲉ ⲛ̀ⲥⲉⲛⲁϣ̀ⲟⲩⲱ̀ϩⲉⲙ ⲟⲩⲃⲏⲥ ⲁⲛ ⲛ̀ϫⲉ	an ouḋe ǹsenaṡ̀ouṑhem ouvys an ǹje
265	ⲟⲩⲟⲛ ⲛⲓⲃⲉⲛ ⲉⲧϯⲟⲩⲃⲉ ⲑⲏⲛⲟⲩ.	ⲟⲩⲟⲛ ⲛⲓⲃⲉⲛ ⲉⲧϯⲟⲩⲃⲉ ⲑⲏⲛⲟⲩ.	ouon niven ettiouve θynou.
266	Ⲥⲉⲛⲁϯ ⲑⲏⲛⲟⲩ ⲇⲉ ⲉ̀ⲃⲟⲗ ϩⲓⲧⲉⲛ	Ⲥⲉⲛⲁϯ ⲑⲏⲛⲟⲩ ⲇⲉ ⲉ̀ⲃⲟⲗ ϩⲓⲧⲉⲛ	Senati θynou ḋe èvol hiten	You will be handed over even by parents, brothers, relatives, and friends. They will cause some of you to be put to death.
267	ϩⲁⲛⲓⲟϯ ⲛⲉⲙ ϩⲁⲛⲥ̀ⲛⲏⲟⲩ ⲛⲉⲙ	ϩⲁⲛⲓⲟϯ ⲛⲉⲙ ϩⲁⲛⲥ̀ⲛⲏⲟⲩ ⲛⲉⲙ	hanioti nem hans̀nyou nem
268	ϩⲁⲛⲥⲩⲅⲅⲉⲛⲏⲥ ⲛⲉⲙ ϩⲁⲛϣ̀ⲫⲏⲣ ⲟⲩⲟϩ	ϩⲁⲛⲥⲩⲅⲅⲉⲛⲏⲥ ⲛⲉⲙ ϩⲁⲛϣ̀ⲫⲏⲣ ⲟⲩⲟϩ	hansingenys nem hanṡ̀fyr ouoh
269	ⲥⲉⲛⲁϧⲱⲧⲉⲃ ⲉ̀ⲃⲟⲗ ϧⲉⲛ ⲑⲏⲛⲟⲩ.	ⲥⲉⲛⲁϧⲱⲧⲉⲃ ⲉ̀ⲃⲟⲗ ϧⲉⲛ ⲑⲏⲛⲟⲩ.	senaxōteb èvol xen θynou.
270	Ⲟⲩⲟϩ ⲉ̀ⲣⲉⲧⲉⲛⲉ̀ϣⲱⲡⲓ ⲉⲩⲙⲟⲥϯ	Ⲟⲩⲟϩ ⲉ̀ⲣⲉⲧⲉⲛⲉ̀ϣⲱⲡⲓ ⲉⲩⲙⲟⲥϯ	Ouoh èretenèṡōpi evmosti	You will be hated by all men for my name's sake.
271	ⲙ̀ⲙⲱⲧⲉⲛ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲃⲉ Ⲡⲁⲣⲁⲛ.	ⲙ̀ⲙⲱⲧⲉⲛ ⲛ̀ϫⲉ ⲟⲩⲟⲛ ⲛⲓⲃⲉⲛ ⲉⲑⲃⲉ Ⲡⲁⲣⲁⲛ.	m̀mōten ǹje ouon niven eθve Paran.
272	Ⲟⲩⲟϩ ⲟⲩϥⲱⲓ ⲛ̀ⲧⲉⲧⲉⲛⲁ̀ⲫⲉ ⲛ̀ⲛⲉϥⲧⲁⲕⲟ.	Ⲟⲩⲟϩ ⲟⲩϥⲱⲓ ⲛ̀ⲧⲉⲧⲉⲛⲁ̀ⲫⲉ ⲛ̀ⲛⲉϥⲧⲁⲕⲟ.	Ouoh oufōi ǹtetenàfe ǹneftako.	And not a hair of your head will perish.
273	Ⲛϧ̀ⲣⲏⲓ ⲇⲉ ϧⲉⲛ ⲧⲉⲧⲉⲛϩⲩⲡⲟⲙⲟⲛⲏ	Ⲛ̀ϧ̀ⲣⲏⲓ ⲇⲉ ϧⲉⲛ ⲧⲉⲧⲉⲛϩⲩⲡⲟⲙⲟⲛⲏ	Ǹx̀ryi ḋe xen tetenhipomony	'By your endurance you will win your lives.
274	ⲉ̀ⲣⲉⲧⲉⲛϫ̀ⲫⲟ ⲛ̀ⲛⲉⲧⲉⲛⲯⲩⲭⲏ.	ⲉ̀ⲣⲉⲧⲉⲛϫ̀ⲫⲟ ⲛ̀ⲛⲉⲧⲉⲛⲯⲩⲭⲏ.	èreteng̀fo ǹnetenpsiṡy.
275	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
276	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.

Provenance

title: Katameros Readings for the 19th Day of Abib
dialect: bohairic
source: https://saintbishoy.ca/wp-content/uploads/Katameros_Days_Readings_Abib.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c510564017ad03b7037829b6a275547cceebec857419703fa1de40e8b9b56d17 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 320-335 of that book, the page range its own table of contents gives for this day (_logs/days.tsv)
licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)
share: public
generated by: tools/katameros_stage.py; coverage: 100.00% of 250182 legacy-font glyphs mapped by tools/church_fonts/; unmapped '\\'
file: Liturgy/Katameros/Annual (weekdays)/Katameros Readings for the 19th Day of Abib.bohairic.saintbishoy.L0.txt
title: Katameros Readings for the 19th Day of Abib — Cairene
dialect: bohairic
source: generated from Katameros Readings for the 19th Day of Abib.bohairic.saintbishoy.L0.txt (https://saintbishoy.ca/wp-content/uploads/Katameros_Days_Readings_Abib.pdf (https://saintbishoy.ca/deacons-corner/katame)
licence: CC BY-SA 4.0
share: public
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Liturgy/Katameros/Annual (weekdays)/Katameros Readings for the 19th Day of Abib.bohairic.saintbishoy.L1.txt
title: Katameros Readings for the 19th Day of Abib — Kemetic
dialect: bohairic
source: generated from Katameros Readings for the 19th Day of Abib.bohairic.saintbishoy.L1.txt
licence: CC BY-SA 4.0
share: public
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Liturgy/Katameros/Annual (weekdays)/Katameros Readings for the 19th Day of Abib.bohairic.saintbishoy.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 54 quoted · 0 quoted with the alignment not cross-checked · 32 model drafts (marked “draft”)
quoted from: World English Bible (WEB) (public domain), as attached in Coptic SCRIPTORIUM bohairic.nt (CC BY-SA 4.0) (50 lines)
quoted from: Brenton's Septuagint (1851) (public domain), as attached in Coptic SCRIPTORIUM bohairic.ot (CC BY-SA 4.0), re-aligned by content (translation/psalter_alignment.tsv) (4 lines)

Cite as:

Katameros Readings for the 19th Day of Abib. https://saintbishoy.ca/wp-content/uploads/Katameros_Days_Readings_Abib.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 c510564017ad03b7037829b6a275547cceebec857419703fa1de40e8b9b56d17 and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 320-335 of that book, the page range its own table of contents gives for this day (_logs/days.tsv). Layers as published by the Kemetic project (Yousef Hanna), 2026: Coptic · Cairene · Kemetic, /doc/liturgy/katameros/annual-weekdays/katameros-readings-for-the-19th-day-of-abib.bohairic.saintbishoy/.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.