Katameros Readings for the 26th Day of Tout — Coptic · Cairene

Source and licence

share: publicbohairic

Source: https://saintbishoy.ca/wp-content/uploads/Katameros_Days_Readings_Tout.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 be7bc6d55dc915bf9597d7b4f5548bcb164c1272b89daacf8bc7ea9c2fc960ad and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 441-457 of that book, the page range its own table of contents gives for this day (_logs/days.tsv)

Attribution: none required by the licence (public domain); please credit the source edition named above.

Licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)

Licence: CC BY-SA 4.0

Full provenance and citation

The text

360 lines · a line number is a link to itself

English: quoted translations are shown as they are, with their credit in the provenance; lines marked draft are language-model drafts made for this project (to be corrected), and alignment unchecked marks a quoted verse whose placement was not cross-checked. Check the Coptic before relying on any English line.

ref	L0 witness	L1 Cairene	L2 Kemetic	English
p. 441
1	Ⲥⲟⲩϫⲟⲩⲧ ⲥⲟⲟⲩ ⲛ̀ⲉ̀ϩⲟⲟⲩ ⲙ̀Ⲡⲓⲁ̀ⲃⲟⲧ Ⲑⲱⲟⲩⲧ	Ⲥⲟⲩϫⲟⲩⲧ ⲥⲟⲟⲩ ⲛ̀ⲉ̀ϩⲟⲟⲩ ⲛ̀Ⲡⲓⲁ̀ⲃⲟⲧ Ⲑⲱⲟⲩⲧ	Sougout soou ǹèhoou ǹPiàvot Ɵōout
2	Ⲣⲟⲩϩⲓ	Ⲣⲟⲩϩⲓ	Rouhi	draft · mediumEvening
3	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲑ̅: ⲓ̅ⲁ̅, ⲓ̅ⲇ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 9:11, 14	Psalmos tō David 9:11, 14
4	Ⲁⲣⲓⲯⲁⲗⲓⲛ ⲉ̀Ⲡϭⲟⲓⲥ ⲫⲏⲉⲧϣⲟⲡ ϧⲉⲛ	Ⲁⲣⲓⲯⲁⲗⲓⲛ ⲉ̀Ⲡ̀ϭⲟⲓⲥ ⲫⲏⲉⲧϣⲟⲡ ϧⲉⲛ	Aripsalin èP̀ċois fyetṡop xen	Sing praises to the Lord, who dwells in Sion: declare his dealings among the nations.
5	Ⲥⲓⲱⲛ: ⲟⲩⲟϩ ⲥⲁϫⲓ ⲛ̀ⲛⲉϥϩ̀ⲃⲏⲟⲩⲓ̀ ⲧⲏⲣⲟⲩ	Ⲥⲓⲱⲛ: ⲟⲩⲟϩ ⲥⲁϫⲓ ⲛ̀ⲛⲉϥϩ̀ⲃⲏⲟⲩⲓ̀ ⲧⲏⲣⲟⲩ	Siōn: ouoh saji ǹnefh̀vyouì tyrou
6	ϧⲉⲛ ⲛⲓⲉⲑⲛⲟⲥ: ϩⲟⲡⲱⲥ ⲛ̀ⲧⲁⲥⲁϫⲓ	ϧⲉⲛ ⲛⲓⲉⲑⲛⲟⲥ: ϩⲟⲡⲱⲥ ⲛ̀ⲧⲁⲥⲁϫⲓ	xen nieθnos: hopōs ǹtasaji	that I may declare all thy praises in the gates of the daughter of Sion: I will exult in thy salvation.
7	ⲛ̀ⲛⲉⲕⲥ̀ⲙⲟⲩ ⲧⲏⲣⲟⲩ: ϧⲉⲛ ⲛⲓⲡⲩⲗⲏ ⲛ̀ⲧⲉ	ⲛ̀ⲛⲉⲕⲥ̀ⲙⲟⲩ ⲧⲏⲣⲟⲩ: ϧⲉⲛ ⲛⲓⲡⲩⲗⲏ ⲛ̀ⲧⲉ	ǹnek·s̀mou tyrou: xen nipily ǹte
8	ⲧ̀ϣⲉⲣⲓ ⲛ̀Ⲥⲓⲱⲛ. Ⲁⲗⲗⲏⲗⲟⲩⲓⲁ̀.	ⲧ̀ϣⲉⲣⲓ ⲛ̀Ⲥⲓⲱⲛ. Ⲁⲗⲗⲏⲗⲟⲩⲓⲁ̀.	t̀ṡeri ǹSiōn. Allylouià.
9	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
10	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	pievangelion eθouab kata Markon	draft · highthe holy Gospel according to Mark
11	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
12	Ⲙⲁⲣⲕⲟⲛ ⲓ̅ⲇ̅: ⲅ̅ - ⲑ̅	Ⲙⲁⲣⲕⲟⲛ 14:3, 9	Markon 14:3, 9
13	Ⲟⲩⲟϩ ⲉϥⲭⲏ ϧⲉⲛ Ⲃⲏⲑⲁⲛⲓⲁ̀ ϧⲉⲛ ⲡ̀ⲏⲓ	Ⲟⲩⲟϩ ⲉϥⲭⲏ ϧⲉⲛ Ⲃⲏⲑⲁⲛⲓⲁ̀ ϧⲉⲛ ⲡ̀ⲏⲓ	Ouoh efky xen Byθanià xen p̀yi	While he was at Bethany, in the house of Simon the leper, as he sat at the table, a woman came having an alabaster jar of ointment of pure nard--very costly. She broke the jar, and poured it over his head.
14	ⲛ̀Ⲥⲓⲙⲱⲛ ⲡⲓⲕⲁⲕⲥⲉϩⲧ ⲉϥⲣⲱⲧⲉⲃ ⲁⲥⲓ̀ ⲛ̀ϫⲉ	ⲛ̀Ⲥⲓⲙⲱⲛ ⲡⲓⲕⲁⲕⲥⲉϩⲧ ⲉϥⲣⲱⲧⲉⲃ ⲁⲥⲓ̀ ⲛ̀ϫⲉ	ǹSimōn pikak·seht efrōteb asì ǹje
p. 442
15	ⲟⲩⲥ̀ϩⲓⲙⲓ ⲉ̀ⲣⲉ ⲟⲩⲟⲛ ⲟⲩⲙⲟⲕⲓ ⲛ̀ⲥⲟϫⲉⲛ	ⲟⲩⲥ̀ϩⲓⲙⲓ ⲉ̀ⲣⲉ ⲟⲩⲟⲛ ⲟⲩⲙⲟⲕⲓ ⲛ̀ⲥⲟϫⲉⲛ	ous̀·himi ère ouon oumoki ǹsojen
16	ⲛ̀ⲛⲁⲣⲇⲟⲥ ⲛ̀ⲧⲟⲧⲥ ⲙ̀ⲡⲓⲥ̀ⲧⲓⲕⲏ ⲉ̀ⲛⲁϣⲉ	ⲛ̀ⲛⲁⲣⲇⲟⲥ ⲛ̀ⲧⲟⲧⲥ ⲛ̀ⲡⲓⲥ̀ⲧⲓⲕⲏ ⲉ̀ⲛⲁϣⲉ	ǹnarḋos ǹtots ǹpis̀tiky ènaṡe
17	ⲛ̀ⲥⲟⲩⲉⲛϥ ⲉ̀ⲁⲥϧⲟⲙϧⲉⲙ ⲙ̀ⲡⲓⲙⲟⲕⲓ	ⲛ̀ⲥⲟⲩⲉⲛϥ ⲉ̀ⲁⲥϧⲟⲙϧⲉⲙ ⲛ̀ⲡⲓⲙⲟⲕⲓ	ǹsouenf èasxomxem ǹpimoki
18	ⲉ̀ⲁⲥϫⲟϣϥ ⲉ̀ϫⲉⲛ ⲧⲉϥⲁ̀ⲫⲉ.	ⲉ̀ⲁⲥϫⲟϣϥ ⲉ̀ϫⲉⲛ ⲧⲉϥⲁ̀ⲫⲉ.	èasgoṡf èjen tefàfe.
19	Ⲛⲁⲣⲉ ϩⲁⲛⲟⲩⲟⲛ ⲇⲉ ⲭ̀ⲣⲉⲙⲣⲉⲙ ⲛⲉⲙ	Ⲛⲁⲣⲉ ϩⲁⲛⲟⲩⲟⲛ ⲇⲉ ⲭ̀ⲣⲉⲙⲣⲉⲙ ⲛⲉⲙ	Nare hanouon ḋe k̀remrem nem	But there were some who were indignant among themselves, saying, 'Why has this ointment been wasted?
20	ⲛ̀ⲛⲟⲩⲉ̀ⲣⲏⲟⲩ ⲉⲩϫⲱ ⲙ̀ⲙⲟⲥ ϫⲉ ⲉⲑⲃⲉ ⲟⲩ	ⲛ̀ⲛⲟⲩⲉ̀ⲣⲏⲟⲩ ⲉⲩϫⲱ ⲙ̀ⲙⲟⲥ ϫⲉ ⲉⲑⲃⲉ ⲟⲩ	ǹnouèryou evgō m̀mos je eθve ou
21	ⲁ̀ⲡⲁⲓⲧⲁⲕⲟ ⲛ̀ⲧⲉ ⲡⲁⲓⲥⲟϫⲉⲛ ϣⲱⲡⲓ.	ⲁ̀ⲡⲁⲓⲧⲁⲕⲟ ⲛ̀ⲧⲉ ⲡⲁⲓⲥⲟϫⲉⲛ ϣⲱⲡⲓ.	àpaitako ǹte paisojen ṡōpi.
22	Ⲛⲉ ⲟⲩⲟⲛ ϣ̀ϫⲟⲙ ⲅⲁⲣ ⲉ̀ϯ ⲙ̀ⲫⲁⲓ ⲉ̀ⲃⲟⲗ	Ⲛⲉ ⲟⲩⲟⲛ ϣ̀ϫⲟⲙ ⲅⲁⲣ ⲉ̀ϯ ⲛ̀ⲫⲁⲓ ⲉ̀ⲃⲟⲗ	Ne ouon ṡ̀gom ġar èti ǹfai èvol	For this might have been sold for more than three hundred denarii, and given to the poor.' They grumbled against her.
23	ⲥⲁⲡ̀ϣⲱⲓ ⲛ̀ϣⲟⲙⲧ ϣⲉ ⲛ̀ⲥⲁⲑⲉⲣⲓ: ⲟⲩⲟϩ	ⲥⲁⲡ̀ϣⲱⲓ ⲛ̀ϣⲟⲙⲧ ϣⲉ ⲛ̀ⲥⲁⲑⲉⲣⲓ: ⲟⲩⲟϩ	sap̀ṡōi ǹṡomt ṡe ǹsaθeri: ouoh
24	ⲛ̀ⲧⲟⲩⲧⲏⲓⲧⲟⲩ ⲛ̀ⲛⲓϩⲏⲕⲓ ⲟⲩⲟϩ ⲛⲁⲩⲙ̀ⲃⲟⲛ	ⲛ̀ⲧⲟⲩⲧⲏⲓⲧⲟⲩ ⲛ̀ⲛⲓϩⲏⲕⲓ ⲟⲩⲟϩ ⲛⲁⲩⲙ̀ⲃⲟⲛ	ǹtoutyitou ǹnihyki ouoh navm̀von
25	ⲉ̀ⲣⲟⲥ ⲡⲉ.	ⲉ̀ⲣⲟⲥ ⲡⲉ.	èros pe.
26	Ⲓⲏⲥⲟⲩⲥ ⲇⲉ ⲡⲉϫⲁϥ ⲛⲱⲟⲩ ϫⲉ ⲭⲁⲥ	Ⲓⲏⲥⲟⲩⲥ ⲇⲉ ⲡⲉϫⲁϥ ⲛⲱⲟⲩ ϫⲉ ⲭⲁⲥ	Iysous ḋe pegaf nōou je kas	But Jesus said, 'Leave her alone. Why do you trouble her? She has done a good work for me.
27	ⲁ̀ϧⲱⲧⲉⲛ ⲧⲉⲧⲉⲛϯϧⲓⲥⲓ ⲛⲁⲥ: ⲟⲩϩⲱⲃ ⲅⲁⲣ	ⲁ̀ϧⲱⲧⲉⲛ ⲧⲉⲧⲉⲛϯϧⲓⲥⲓ ⲛⲁⲥ: ⲟⲩϩⲱⲃ ⲅⲁⲣ	àxōten tetentixisi nas: ouhōb ġar
28	ⲉ̀ⲛⲁⲛⲉϥ ⲉ̀ⲧⲁⲥⲉⲣϩⲱⲃ ⲉ̀ⲣⲟϥ ⲛ̀ϧⲏⲧ.	ⲉ̀ⲛⲁⲛⲉϥ ⲉ̀ⲧⲁⲥⲉⲣϩⲱⲃ ⲉ̀ⲣⲟϥ ⲛ̀ϧⲏⲧ.	ènanef ètaserhōb èrof ǹxyt.
29	Ⲛⲥⲏⲟⲩ ⲛⲓⲃⲉⲛ ⲛⲓϩⲏⲕⲓ ⲥⲉ ⲛⲉⲙⲱⲧⲉⲛ	Ⲛ̀ⲥⲏⲟⲩ ⲛⲓⲃⲉⲛ ⲛⲓϩⲏⲕⲓ ⲥⲉ ⲛⲉⲙⲱⲧⲉⲛ	Ǹsyou niven nihyki se nemōten	For you always have the poor with you, and whenever you want to, you can do them good; but you will not always have me.
30	ⲟⲩⲟϩ ⲉ̀ϣⲱⲡ ⲛ̀ⲧⲉⲧⲉⲛⲟⲩⲱϣ ⲟⲩⲟⲛ ϣ̀ϫⲟⲙ	ⲟⲩⲟϩ ⲉ̀ϣⲱⲡ ⲛ̀ⲧⲉⲧⲉⲛⲟⲩⲱϣ ⲟⲩⲟⲛ ϣ̀ϫⲟⲙ	ouoh èṡōp ǹtetenouōṡ ouon ṡ̀gom
31	ⲙ̀ⲙⲱⲧⲉⲛ ⲉ̀ⲉⲣ ⲡⲉⲑⲛⲁⲛⲉϥ ⲛⲱⲟⲩ ⲛ̀ⲥⲏⲟⲩ	ⲙ̀ⲙⲱⲧⲉⲛ ⲉ̀ⲉⲣ ⲡⲉⲑⲛⲁⲛⲉϥ ⲛⲱⲟⲩ ⲛ̀ⲥⲏⲟⲩ	m̀mōten èer peθnanef nōou ǹsyou
32	ⲛⲓⲃⲉⲛ: ⲁ̀ⲛⲟⲕ ⲇⲉ ϯⲛⲉⲙⲱⲧⲉⲛ ⲛ̀ⲥⲏⲟⲩ	ⲛⲓⲃⲉⲛ: ⲁ̀ⲛⲟⲕ ⲇⲉ ϯⲛⲉⲙⲱⲧⲉⲛ ⲛ̀ⲥⲏⲟⲩ	niven: ànok ḋe tinemōten ǹsyou
33	ⲛⲓⲃⲉⲛ ⲁⲛ.	ⲛⲓⲃⲉⲛ ⲁⲛ.	niven an.
34	Ⲫⲏⲉ̀ⲧⲁⲥϭⲓⲧϥ ⲁⲥⲁⲓϥ ⲁⲥⲉⲣϣⲟⲣⲡ ⲅⲁⲣ	Ⲫⲏⲉ̀ⲧⲁⲥϭⲓⲧϥ ⲁⲥⲁⲓϥ ⲁⲥⲉⲣϣⲟⲣⲡ ⲅⲁⲣ	Fyètasċitf asaif aserṡorp ġar	She has done what she could. She has anointed my body beforehand for the burying.
35	ⲛ̀ⲑⲁϩⲥ Ⲡⲁⲥⲱⲙⲁ ⲙ̀ⲡⲁⲓⲥⲟϫⲉⲛ	ⲛ̀ⲑⲁϩⲥ Ⲡⲁⲥⲱⲙⲁ ⲛ̀ⲡⲁⲓⲥⲟϫⲉⲛ	ǹθahs Pasōma ǹpaisojen
36	ⲉ̀ⲡ̀ϫⲓⲛⲕⲟⲥⲧ.	ⲉ̀ⲡ̀ϫⲓⲛⲕⲟⲥⲧ.	èp̀jinkost.
37	Ⲁⲙⲏⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲡⲓⲙⲁ	Ⲁ̀ⲙⲏⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲡⲓⲙⲁ	Àmyn tigō m̀mos nōten je pima	Most certainly I tell you, wherever this Good News may be preached throughout the whole world, that which this woman has done will also be spoken of for a memorial of her.'
38	ⲉⲧⲟⲩⲛⲁϩⲓⲱⲓϣ ⲙ̀ⲡⲁⲓⲉⲩⲁⲅⲅⲗⲓⲟⲛ ⲙ̀ⲙⲟϥ	ⲉⲧⲟⲩⲛⲁϩⲓⲱⲓϣ ⲛ̀ⲡⲁⲓⲉⲩⲁⲅⲅⲗⲓⲟⲛ ⲙ̀ⲙⲟϥ	etounahiōiṡ ǹpaievanġlion m̀mof
39	ϧⲉⲛ ⲡⲓⲕⲟⲥⲙⲟⲥ ⲧⲏⲣϥ: ⲫⲏ ϩⲱϥ ⲉ̀ⲧⲉ ⲑⲁⲓ	ϧⲉⲛ ⲡⲓⲕⲟⲥⲙⲟⲥ ⲧⲏⲣϥ: ⲫⲏ ϩⲱϥ ⲉ̀ⲧⲉ ⲑⲁⲓ	xen pikosmos tyrf: fy hōf ète θai
40	ⲁⲓϥ ⲉⲩⲉ̀ⲥⲁϫⲓ ⲙ̀ⲙⲟϥ ⲉⲩⲙⲉⲩⲓ̀ ⲛⲁⲥ.	ⲁⲓϥ ⲉⲩⲉ̀ⲥⲁϫⲓ ⲙ̀ⲙⲟϥ ⲉⲩⲙⲉⲩⲓ̀ ⲛⲁⲥ.	aif evèsaji m̀mof evmevì nas.
41	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Piṑou fa Pennouti pe: ṡa èneh	draft · highThe glory is our God's: to the age
p. 443
42	ⲛ̀ⲧⲉ ⲛⲓⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓⲉ̀ⲛⲉϩ: ⲁ̀ⲙⲏⲛ.	ǹte nièneh: àmyn.	draft · highof the ages: Amen.
43	Ϣⲱⲣⲡ	Ϣⲱⲣⲡ	Ṡōrp	draft · mediumMorning
44	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲣ̅ⲁ̅: ⲓ̅⳪, ⲓ̅ⲍ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 101:16, 17	Psalmos tō David 101:16, 17
45	Ⲡϭⲟⲓⲥ ⲁϥϫⲟⲩϣⲧ ⲉ̀ⲃⲟⲗ ϧⲉⲛ ⲧ̀ⲫⲉ	Ⲡ̀ϭⲟⲓⲥ ⲁϥϫⲟⲩϣⲧ ⲉ̀ⲃⲟⲗ ϧⲉⲛ ⲧ̀ⲫⲉ	P̀ċois afgouṡt èvol xen t̀fe
46	ⲉ̀ϫⲉⲛ ⲡⲓⲕⲁϩⲓ: ⲉ̀ⲥⲱⲧⲉⲙ ⲉ̀ⲡ̀ϥⲓⲁ̀ϩⲟⲙ ⲛ̀ⲧⲉ	ⲉ̀ϫⲉⲛ ⲡⲓⲕⲁϩⲓ: ⲉ̀ⲥⲱⲧⲉⲙ ⲉ̀ⲡ̀ϥⲓⲁ̀ϩⲟⲙ ⲛ̀ⲧⲉ	èjen pikahi: èsōtem èp̀fiàhom ǹte
47	ⲛⲏⲉⲧϩⲱⲟⲩⲓ̀ ⲙ̀ⲡⲉⲇⲏⲥ: ⲉⲑⲣⲟⲩⲫⲓⲣⲓ ⲉ̀Ⲫⲣⲁⲛ	ⲛⲏⲉⲧϩⲱⲟⲩⲓ̀ ⲛ̀ⲡⲉⲇⲏⲥ: ⲉ̀ⲑⲣⲟⲩⲫⲓⲣⲓ ⲉ̀Ⲫ̀ⲣⲁⲛ	nyet·hōouì ǹpeḋys: èθroufiri èF̀ran	For he has looked out from the height of his sanctuary; the Lord looked upon the earth from heaven;
48	ⲙ̀Ⲡϭⲟⲓⲥ ϧⲉⲛ Ⲥⲓⲱⲛ: ⲛⲉⲙ ⲡⲉϥⲥ̀ⲙⲟⲩ ϧⲉⲛ	ⲛ̀Ⲡ̀ϭⲟⲓⲥ ϧⲉⲛ Ⲥⲓⲱⲛ: ⲛⲉⲙ ⲡⲉϥⲥ̀ⲙⲟⲩ ϧⲉⲛ	ǹP̀ċois xen Siōn: nem pefs̀mou xen
49	Ⲓⲉⲣⲟⲩⲥⲁⲗⲏⲙ. Ⲁⲗⲗⲏⲗⲟⲩⲓⲁ̀.	Ⲓⲉⲣⲟⲩⲥⲁⲗⲏⲙ. Ⲁⲗⲗⲏⲗⲟⲩⲓⲁ̀.	Ierousalym. Allylouià.	to hear the groaning of the fettered ones, to loosen the sons of the slain; to proclaim the name of the Lord in Sion, and his praise in Jerusalem;
50	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
51	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲙⲁⲣⲕⲟⲛ	pievangelion eθouab kata Markon	draft · highthe holy Gospel according to Mark
52	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
53	Ⲙⲁⲣⲕⲟⲛ ⲓ̅ⲃ: ⲙ̅ⲁ̅ - ⲙ̅ⲇ̅	Ⲙⲁⲣⲕⲟⲛ 12:41, 44	Markon 12:41, 44
54	Ⲟⲩⲟϩ ⲉ̀ⲧⲁϥϩⲉⲙⲥⲓ ⲛ̀ϫⲉ Ⲓⲏⲥⲟⲩⲥ	Ⲟⲩⲟϩ ⲉ̀ⲧⲁϥϩⲉⲙⲥⲓ ⲛ̀ϫⲉ Ⲓⲏⲥⲟⲩⲥ	Ouoh ètafhemsi ǹje Iysous	Jesus sat down opposite the treasury, and saw how the multitude cast money into the treasury. Many who were rich cast in much.
55	ⲙ̀ⲡⲉⲙ̀ⲑⲟ ⲙ̀ⲡⲓⲅⲁⲍⲟⲫⲩⲗⲁⲕⲓⲟⲛ ⲛⲁϥⲛⲁⲩ ϫⲉ	ⲛ̀ⲡⲉⲙ̀ⲑⲟ ⲛ̀ⲡⲓⲅⲁⲍⲟⲫⲩⲗⲁⲕⲓⲟⲛ ⲛⲁϥⲛⲁⲩ ϫⲉ	ǹpem̀θo ǹpiġazofilakion nafnav je
56	ⲡⲱⲥ ⲛⲓⲙⲏϣ ⲉϥϩⲓ ϩⲟⲙⲧ	ⲡⲱⲥ ⲛⲓⲙⲏϣ ⲉϥϩⲓ ϩⲟⲙⲧ	pōs nimyṡ efhi homt
57	ⲉ̀ⲡⲓⲅⲁⲍⲟⲫⲩⲗⲁⲕⲓⲟⲛ: ⲟⲩⲟϩ ⲟⲩⲙⲏϣ ⲅⲁⲣ	ⲉ̀ⲡⲓⲅⲁⲍⲟⲫⲩⲗⲁⲕⲓⲟⲛ: ⲟⲩⲟϩ ⲟⲩⲙⲏϣ ⲅⲁⲣ	èpiġazofilakion: ouoh oumyṡ ġar
58	ⲛ̀ⲣⲁⲙⲁⲟ̀ ⲛⲁⲩϩⲓⲟⲩⲓ̀ ⲛ̀ϩⲁⲛⲙϩⲏϣ.	ⲛ̀ⲣⲁⲙⲁⲟ̀ ⲛⲁⲩϩⲓⲟⲩⲓ̀ ⲛ̀ϩⲁⲛⲙ̀ϩⲏϣ.	ǹramaò navhiouì ǹhanm̀hyṡ.
p. 444
59	Ⲟⲩⲟϩ ⲉ̀ⲧⲁⲥⲓ̀ ⲇⲉ ⲛ̀ϫⲉ ⲟⲩⲭⲏⲣⲁ ⲛ̀ϩⲏⲕⲓ	Ⲟⲩⲟϩ ⲉ̀ⲧⲁⲥⲓ̀ ⲇⲉ ⲛ̀ϫⲉ ⲟⲩⲭⲏⲣⲁ ⲛ̀ϩⲏⲕⲓ	Ouoh ètasì ḋe ǹje ouṡyra ǹhyki	A poor widow came, and she cast in two small brass coins,
60	ⲁⲥϩⲓⲟⲩⲓ̀ ⲛ̀ⲧⲉⲃⲓ ⲥ̀ⲛⲟⲩϯ ⲉ̀ⲧⲉ	ⲁⲥϩⲓⲟⲩⲓ̀ ⲛ̀ⲧⲉⲃⲓ ⲥ̀ⲛⲟⲩϯ ⲉ̀ⲧⲉ	as·hiouì ǹtevi s̀nouti ète
61	ⲟⲩⲕⲟⲛⲇ̀ⲣⲁⲛⲧⲏⲥ ⲡⲉ.	ⲟⲩⲕⲟⲛⲇ̀ⲣⲁⲛⲧⲏⲥ ⲡⲉ.	oukonḋ̀rantys pe.
62	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲛⲉϥⲙⲁⲑⲏⲧⲏⲥ	Ⲟⲩⲟϩ ⲉ̀ⲧⲁϥⲙⲟⲩϯ ⲉ̀ⲛⲉϥⲙⲁⲑⲏⲧⲏⲥ	Ouoh ètafmouti ènefmaθytys	He called his disciples to himself, and said to them, 'Most certainly I tell you, this poor widow gave more than all those who are giving into the treasury,
63	ⲡⲉϫⲁϥ ⲛⲱⲟⲩ ϫⲉ ⲁ̀ⲙⲏⲛ ϯϫⲱ ⲙ̀ⲙⲟⲥ	ⲡⲉϫⲁϥ ⲛⲱⲟⲩ ϫⲉ ⲁ̀ⲙⲏⲛ ϯϫⲱ ⲙ̀ⲙⲟⲥ	pegaf nōou je àmyn tigō m̀mos
64	ⲛⲱⲧⲉⲛ ϫⲉ ⲧⲁⲓⲭⲏⲣⲁ ⲛ̀ϩⲏⲕⲓ ⲁⲥϩⲓⲟⲩⲓ̀	ⲛⲱⲧⲉⲛ ϫⲉ ⲧⲁⲓⲭⲏⲣⲁ ⲛ̀ϩⲏⲕⲓ ⲁⲥϩⲓⲟⲩⲓ̀	nōten je taiṡyra ǹhyki as·hiouì
65	ⲉ̀ϩⲟⲧⲉ ⲛⲏ ⲧⲏⲣⲟⲩ ⲉⲧϩⲓⲟⲩⲓ̀	ⲉ̀ϩⲟⲧⲉ ⲛⲏ ⲧⲏⲣⲟⲩ ⲉⲧϩⲓⲟⲩⲓ̀	èhote ny tyrou et·hiouì
66	ⲉ̀ⲡⲓⲅⲁⲍⲟⲫⲩⲗⲁⲕⲓⲟⲛ.	ⲉ̀ⲡⲓⲅⲁⲍⲟⲫⲩⲗⲁⲕⲓⲟⲛ.	èpiġazofilakion.
67	Ⲟⲩⲟⲛ ⲅⲁⲣ ⲛⲓⲃⲉⲛ ⲉ̀ⲧⲁⲩϩⲓⲟⲩⲓ̀ ⲉ̀ⲃⲟⲗ	Ⲟⲩⲟⲛ ⲅⲁⲣ ⲛⲓⲃⲉⲛ ⲉ̀ⲧⲁⲩϩⲓⲟⲩⲓ̀ ⲉ̀ⲃⲟⲗ	Ouon ġar niven ètavhiouì èvol	for they all gave out of their abundance, but she, out of her poverty, gave all that she had to live on.'
68	ϧⲉⲛ ⲡⲉⲧⲉⲣϩⲟⲩⲟ̀ ⲉ̀ⲣⲱⲟⲩ: ⲑⲁⲓ ⲇⲉ ⲛ̀ⲑⲟⲥ	ϧⲉⲛ ⲡⲉⲧⲉⲣϩⲟⲩⲟ̀ ⲉ̀ⲣⲱⲟⲩ: ⲑⲁⲓ ⲇⲉ ⲛ̀ⲑⲟⲥ	xen peterhouò èrōou: θai ḋe ǹθos
69	ⲉ̀ⲃⲟⲗ ϧⲉⲛ ⲡⲉⲧⲉⲥⲉⲣϧⲁⲉ̀ ⲙ̀ⲙⲟϥ: ϩⲱⲃ	ⲉ̀ⲃⲟⲗ ϧⲉⲛ ⲡⲉⲧⲉⲥⲉⲣϧⲁⲉ̀ ⲙ̀ⲙⲟϥ: ϩⲱⲃ	èvol xen peteserxaè m̀mof: hōb
70	ⲛⲓⲃⲉⲛ ⲉ̀ⲧⲉ ⲛ̀ⲧⲁⲥ ⲁⲥϩⲓⲧⲟⲩ ⲡⲉⲥⲱⲛϧ ⲧⲏⲣϥ.	ⲛⲓⲃⲉⲛ ⲉ̀ⲧⲉ ⲛ̀ⲧⲁⲥ ⲁⲥϩⲓⲧⲟⲩ ⲡⲉⲥⲱⲛϧ ⲧⲏⲣϥ.	niven ète ǹtas as·hitou pesōnx tyrf.
71	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ: ϣⲁ ⲉ̀ⲛⲉϩ	Piṑou fa Pennouti pe: ṡa èneh	draft · highThe glory is our God's: to the age
72	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.
73	Ϯⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲥⲁϧ Ⲡⲁⲩⲗⲟⲥ Ⲡⲓⲁ̀ⲡⲟⲥⲧⲟⲗⲟⲥ	Ϯⲉ̀ⲡⲓⲥⲧⲟⲗⲏ ⲛ̀ⲧⲉ ⲡⲉⲛⲥⲁϧ Ⲡⲁⲩⲗⲟⲥ Ⲡⲓⲁ̀ⲡⲟⲥⲧⲟⲗⲟⲥ	Tièpistoly ǹte pensax Pavlos Piàpostolos	draft · highThe epistle of our teacher Paul the apostle
74	Ⲡⲁⲩⲗⲟⲥ ⲫ̀ⲃⲱⲕ ⲙ̀Ⲡⲉⲛϭⲟⲓⲥ Ⲓⲏⲥⲟⲩⲥ	Ⲡⲁⲩⲗⲟⲥ ⲫ̀ⲃⲱⲕ ⲛ̀Ⲡⲉⲛϭⲟⲓⲥ Ⲓⲏⲥⲟⲩⲥ	Pavlos f̀vōk ǹPenċois Iysous
75	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Ⲡⲓⲭ̀ⲣⲓⲥⲧⲟⲥ: ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ:	Pix̀ristos: piàpostolos etθahem:
76	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	ⲫⲏⲉ̀ⲧⲁⲩⲑⲁϣϥ ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ	fyètavθaṡf èpihiṡennoufi ǹte
77	Ⲫⲛⲟⲩϯ.	Ⲫ̀ⲛⲟⲩϯ.	F̀nouti.	draft · highGod.
78	Ⲣⲱⲙⲉⲟⲥ ⲁ̅: ⲁ̅ - ⲓⲍ̅	Ⲣⲱⲙⲉⲟⲥ 1:1, 17	Rōmeos 1:1, 17
p. 445
79	Ⲡⲁⲩⲗⲟⲥ ⲫ̀ⲃⲱⲕ ⲛ̀Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	Ⲡⲁⲩⲗⲟⲥ ⲫ̀ⲃⲱⲕ ⲛ̀Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	Pavlos f̀vōk ǹIysous Pix̀ristos	Paul, a servant of Jesus Christ, called to be an apostle, set apart for the Good News of God,
80	ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ ⲫⲏⲉⲧ̀ⲁⲩⲑⲁϣϥ	ⲡⲓⲁ̀ⲡⲟⲥⲧⲟⲗⲟⲥ ⲉⲧⲑⲁϩⲉⲙ ⲫⲏⲉ̀ⲧ̀ⲁⲩⲑⲁϣϥ	piàpostolos etθahem fyèt̀avθaṡf	which he promised before through his prophets in the holy Scriptures,
81	ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ Ⲫⲛⲟⲩϯ.	ⲉ̀ⲡⲓϩⲓϣⲉⲛⲛⲟⲩϥⲓ ⲛ̀ⲧⲉ Ⲫ̀ⲛⲟⲩϯ.	èpihiṡennoufi ǹte F̀nouti.
82	Ⲫⲏⲉ̀ⲧⲁϥⲉⲣϣⲟⲣⲡ ⲛ̀ⲱϣ ⲙ̀ⲙⲟϥ ⲉ̀ⲃⲟⲗ	Ⲫⲏⲉ̀ⲧⲁϥⲉⲣϣⲟⲣⲡ ⲛ̀ⲱϣ ⲙ̀ⲙⲟϥ ⲉ̀ⲃⲟⲗ	Fyètaferṡorp ǹōṡ m̀mof èvol
83	ϩⲓⲧⲟⲧⲟⲩ ⲛ̀ⲛⲉϥⲡ̀ⲣⲟⲫⲏⲧⲏⲥ ϧⲉⲛ ⲛⲓⲅ̀ⲣⲁⲫⲏ	ϩⲓⲧⲟⲧⲟⲩ ⲛ̀ⲛⲉϥⲡ̀ⲣⲟⲫⲏⲧⲏⲥ ϧⲉⲛ ⲛⲓⲅ̀ⲣⲁⲫⲏ	hitotou ǹnefp̀rofytys xen niġ̀rafy
84	ⲉⲑⲟⲩⲁⲃ.	ⲉⲑⲟⲩⲁⲃ.	eθouab.
85	Ⲉⲑⲃⲉ Ⲡⲉϥϣⲏⲣⲓ ⲫⲏⲉ̀ⲧⲁϥϣⲱⲡⲓ ⲉ̀ⲃⲟⲗ	Ⲉⲑⲃⲉ Ⲡⲉϥϣⲏⲣⲓ ⲫⲏⲉ̀ⲧⲁϥϣⲱⲡⲓ ⲉ̀ⲃⲟⲗ	Eθve Pefṡyri fyètafṡōpi èvol	concerning his Son, who was born of the seed of David according to the flesh,
86	ϧⲉⲛ ⲡⲓϫ̀ⲣⲟϫ ⲛ̀Ⲇⲁⲩⲓⲇ ⲕⲁⲧⲁ ⲥⲁⲣⲝ.	ϧⲉⲛ ⲡⲓϫ̀ⲣⲟϫ ⲛ̀Ⲇⲁⲩⲓⲇ ⲕⲁⲧⲁ ⲥⲁⲣⲝ.	xen pig̀rog ǹDavid kata sarks.
87	Ⲡϣⲏⲣⲓ ⲙ̀Ⲫⲛⲟⲩϯ ⲉⲧⲑⲏϣ ϧⲉⲛ ⲟⲩϫⲟⲙ	Ⲡ̀ϣⲏⲣⲓ ⲛ̀Ⲫ̀ⲛⲟⲩϯ ⲉⲧⲑⲏϣ ϧⲉⲛ ⲟⲩϫⲟⲙ	P̀ṡyri ǹF̀nouti etθyṡ xen ougom	who was declared to be the Son of God with power, according to the Spirit of holiness, by the resurrection from the dead, Jesus Christ our Lord,
88	ⲕⲁⲧⲁ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲉ̀ⲃⲟⲗ ϧⲉⲛ	ⲕⲁⲧⲁ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲉ̀ⲃⲟⲗ ϧⲉⲛ	kata oup̀nevma efouab èvol xen
89	ⲡ̀ⲧⲱⲛϥ ⲛ̀ⲛⲓⲣⲉϥⲙⲱⲟⲩⲧ Ⲓⲏⲥⲟⲩⲥ	ⲡ̀ⲧⲱⲛϥ ⲛ̀ⲛⲓⲣⲉϥⲙⲱⲟⲩⲧ Ⲓⲏⲥⲟⲩⲥ	p̀tōnf ǹnirefmōout Iysous
90	Ⲡⲓⲭ̀ⲣⲓⲥⲧⲟⲥ Ⲡⲉⲛϭⲟⲓⲥ.	Ⲡⲓⲭ̀ⲣⲓⲥⲧⲟⲥ Ⲡⲉⲛϭⲟⲓⲥ.	Pix̀ristos Penċois.
91	Ⲫⲏⲉⲧⲁⲛϭⲓ ⲛ̀ⲟⲩϩ̀ⲙⲟⲧ ⲉ̀ⲃⲟⲗ ϩⲓⲧⲟⲧϥ	Ⲫⲏⲉⲧⲁⲛϭⲓ ⲛ̀ⲟⲩϩ̀ⲙⲟⲧ ⲉ̀ⲃⲟⲗ ϩⲓⲧⲟⲧϥ	Fyetanċi ǹouh̀mot èvol hitotf	through whom we received grace and apostleship, for obedience of faith among all the nations, for his name's sake;
92	ⲛⲉⲙ ⲟⲩⲙⲉⲧⲁ̀ⲡⲟⲥⲧⲟⲗⲟⲥ ⲉⲩⲥⲱⲧⲉⲙ ⲛ̀ⲧⲉ	ⲛⲉⲙ ⲟⲩⲙⲉⲧⲁ̀ⲡⲟⲥⲧⲟⲗⲟⲥ ⲉⲩⲥⲱⲧⲉⲙ ⲛ̀ⲧⲉ	nem oumetàpostolos evsōtem ǹte
93	ⲫ̀ⲛⲁϩϯ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲉ̀ϩ̀ⲣⲏⲓ ⲉ̀ϫⲉⲛ	ⲫ̀ⲛⲁϩϯ ϧⲉⲛ ⲛⲓⲉⲑⲛⲟⲥ ⲧⲏⲣⲟⲩ ⲉ̀ϩ̀ⲣⲏⲓ ⲉ̀ϫⲉⲛ	f̀nahti xen nieθnos tyrou èh̀ryi èjen
94	Ⲡⲉϥⲣⲁⲛ.	Ⲡⲉϥⲣⲁⲛ.	Pefran.
95	Ⲛⲏⲉⲧ̀ⲉⲧⲉⲛ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϩⲱⲧⲉⲛ	Ⲛⲏⲉⲧ̀ⲉⲧⲉⲛ ⲛ̀ϧ̀ⲣⲏⲓ ⲛ̀ϧⲏⲧⲟⲩ ϩⲱⲧⲉⲛ	Nyet̀eten ǹx̀ryi ǹxytou hōten	among whom you are also called to belong to Jesus Christ;
96	ⲛⲏⲉⲧⲑⲁϩⲉⲙ ⲛ̀ⲧⲉ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ.	ⲛⲏⲉⲧⲑⲁϩⲉⲙ ⲛ̀ⲧⲉ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ.	nyetθahem ǹte Iysous Pix̀ristos.
97	Ⲛⲟⲩⲟⲛ ⲛⲓⲃⲉⲛ ⲉⲧϣⲱⲡ ϧⲉⲛ Ⲣⲱⲙⲏ	Ⲛ̀ⲟⲩⲟⲛ ⲛⲓⲃⲉⲛ ⲉⲧϣⲱⲡ ϧⲉⲛ Ⲣⲱⲙⲏ	Ǹouon niven etṡōp xen Rōmy	to all who are in Rome, beloved of God, called to be saints: Grace to you and peace from God our Father and the Lord Jesus Christ.
98	ⲛⲓⲙⲉⲛⲣⲁϯ ⲛ̀ⲧⲉ Ⲫⲛⲟⲩϯ ⲉⲧⲑⲁϩⲉⲙ	ⲛⲓⲙⲉⲛⲣⲁϯ ⲛ̀ⲧⲉ Ⲫ̀ⲛⲟⲩϯ ⲉⲧⲑⲁϩⲉⲙ	nimenrati ǹte F̀nouti etθahem
99	ⲉⲑⲟⲩⲁⲃ ⲡ̀ϩ̀ⲙⲟⲧ ⲛⲱⲧⲉⲛ ⲛⲉⲙ ϯϩⲓⲣⲏⲛⲏ	ⲉⲑⲟⲩⲁⲃ ⲡ̀ϩ̀ⲙⲟⲧ ⲛⲱⲧⲉⲛ ⲛⲉⲙ ϯϩⲓⲣⲏⲛⲏ	eθouab p̀h̀mot nōten nem tihiryny
100	ⲉ̀ⲃⲟⲗ ϩⲓⲧⲉⲛ Ⲫⲛⲟⲩϯ Ⲡⲉⲛⲓⲱⲧ ⲛⲉⲙ	ⲉ̀ⲃⲟⲗ ϩⲓⲧⲉⲛ Ⲫ̀ⲛⲟⲩϯ Ⲡⲉⲛⲓⲱⲧ ⲛⲉⲙ	èvol hiten F̀nouti Peniōt nem
101	Ⲡⲉⲛϭⲟⲓⲥ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ.	Ⲡⲉⲛϭⲟⲓⲥ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ.	Penċois Iysous Pix̀ristos.
102	Ⲛϣⲟⲣⲡ ⲙⲉⲛ ϯϣⲉⲡϩ̀ⲙⲟⲧ ⲛ̀ⲧⲉⲛ	Ⲛ̀ϣⲟⲣⲡ ⲙⲉⲛ ϯϣⲉⲡϩ̀ⲙⲟⲧ ⲛ̀ⲧⲉⲛ	Ǹṡorp men tiṡeph̀mot ǹten	First, I thank my God through Jesus Christ for all of you, that your faith is proclaimed throughout the whole world.
103	Ⲡⲁⲛⲟⲩϯ ⲉ̀ⲃⲟⲗ ϩⲓⲧⲉⲛ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	Ⲡⲁⲛⲟⲩϯ ⲉ̀ⲃⲟⲗ ϩⲓⲧⲉⲛ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ	Panouti èvol hiten Iysous Pix̀ristos
104	ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲧⲏⲣⲟⲩ: ϫⲉ	ⲉ̀ϩ̀ⲣⲏⲓ ⲉ̀ϫⲉⲛ ⲑⲏⲛⲟⲩ ⲧⲏⲣⲟⲩ: ϫⲉ	èh̀ryi èjen θynou tyrou: je
p. 446
105	ⲡⲉⲧⲉⲛⲛⲁϩϯ ⲥⲉϩⲓⲱⲓϣ ⲙ̀ⲙⲟϥ ϧⲉⲛ	ⲡⲉⲧⲉⲛⲛⲁϩϯ ⲥⲉϩⲓⲱⲓϣ ⲙ̀ⲙⲟϥ ϧⲉⲛ	petennahti sehiōiṡ m̀mof xen
106	ⲡⲓⲕⲟⲥⲙⲟⲥ ⲧⲏⲣϥ.	ⲡⲓⲕⲟⲥⲙⲟⲥ ⲧⲏⲣϥ.	pikosmos tyrf.
107	Ⲡⲁⲙⲉⲑⲣⲉ ⲅⲁⲣ ⲡⲉ Ⲫⲛⲟⲩϯ	Ⲡⲁⲙⲉⲑⲣⲉ ⲅⲁⲣ ⲡⲉ Ⲫ̀ⲛⲟⲩϯ	Pameθre ġar pe F̀nouti	For God is my witness, whom I serve in my spirit in the Good News of his Son, how unceasingly I make mention of you always in my prayers,
108	ⲫⲏⲉ̀ϯϣⲉⲙϣⲓ ⲙ̀ⲙⲟϥ ϧⲉⲛ ⲡⲁⲡ̀ⲛⲉⲩⲙⲁ ϧⲉⲛ	ⲫⲏⲉ̀ϯϣⲉⲙϣⲓ ⲙ̀ⲙⲟϥ ϧⲉⲛ ⲡⲁⲡ̀ⲛⲉⲩⲙⲁ ϧⲉⲛ	fyètiṡemṡi m̀mof xen pap̀nevma xen
109	ⲡⲓⲉⲩⲁⲅⲅⲉⲗⲓⲟⲛ ⲛ̀ⲧⲉ Ⲡⲉϥϣⲏⲣⲓ: ϩⲱⲥ	ⲡⲓⲉⲩⲁⲅⲅⲉⲗⲓⲟⲛ ⲛ̀ⲧⲉ Ⲡⲉϥϣⲏⲣⲓ: ϩⲱⲥ	pievangelion ǹte Pefṡyri: hōs
110	ⲛ̀ϯⲭⲱ ⲛ̀ⲧⲟⲧ ⲉ̀ⲃⲟⲗ ⲁⲛ ⲉⲓⲓ̀ⲣⲓ ⲙ̀ⲡⲉⲧⲉⲛⲙⲉⲩⲓ̀.	ⲛ̀ϯⲭⲱ ⲛ̀ⲧⲟⲧ ⲉ̀ⲃⲟⲗ ⲁⲛ ⲉⲓⲓ̀ⲣⲓ ⲙ̀ⲡⲉⲧⲉⲛⲙⲉⲩⲓ̀.	ǹtikō ǹtot èvol an eiìri m̀petenmevì.
111	Ⲛⲥⲏⲟⲩ ⲛⲓⲃⲉⲛ ϧⲉⲛ ⲛⲁⲡ̀ⲣⲟⲥⲉⲩⲭⲏ	Ⲛ̀ⲥⲏⲟⲩ ⲛⲓⲃⲉⲛ ϧⲉⲛ ⲛⲁⲡ̀ⲣⲟⲥⲉⲩⲭⲏ	Ǹsyou niven xen nap̀rosevṡy
112	ⲉⲓⲧⲱⲃϩ ϫⲉ ⲁ̀ⲣⲏⲟⲩ ⲛ̀ⲧⲉ ⲡⲁⲙⲱⲓⲧ ⲥⲟⲃϯ	ⲉⲓⲧⲱⲃϩ ϫⲉ ⲁ̀ⲣⲏⲟⲩ ⲛ̀ⲧⲉ ⲡⲁⲙⲱⲓⲧ ⲥⲟⲃϯ	eitōvh je àryou ǹte pamōit sovti
113	ϧⲉⲛ ⲡⲓⲟⲩⲱϣ ⲛ̀ⲧⲉ Ⲫⲛⲟⲩϯ ⲉ̀ⲓ̀ ϩⲁⲣⲱⲧⲉⲛ.	ϧⲉⲛ ⲡⲓⲟⲩⲱϣ ⲛ̀ⲧⲉ Ⲫ̀ⲛⲟⲩϯ ⲉ̀ⲓ̀ ϩⲁⲣⲱⲧⲉⲛ.	xen piouōṡ ǹte F̀nouti èì harōten.
114	Ϯⲟⲩⲱϣ ⲅⲁⲣ ⲉ̀ⲛⲁⲩ ⲉ̀ⲣⲱⲧⲉⲛ ϩⲓⲛⲁ	Ϯⲟⲩⲱϣ ⲅⲁⲣ ⲉ̀ⲛⲁⲩ ⲉ̀ⲣⲱⲧⲉⲛ ϩⲓⲛⲁ	Tiouōṡ ġar ènav èrōten hina	For I long to see you, that I may impart to you some spiritual gift, to the end that you may be established;
115	ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩ̀ⲙⲟⲧ ⲙ̀ⲡ̀ⲛⲉⲩⲙⲁⲧⲓⲕⲟⲛ	ⲛ̀ⲧⲁϯ ⲛⲱⲧⲉⲛ ⲛ̀ⲟⲩϩ̀ⲙⲟⲧ ⲛ̀ⲡ̀ⲛⲉⲩⲙⲁⲧⲓⲕⲟⲛ	ǹtati nōten ǹouh̀mot ǹp̀nevmatikon
116	ⲉ̀ⲡ̀ϫⲓⲛⲧⲁϫⲣⲉ ⲑⲏⲛⲟⲩ.	ⲉ̀ⲡ̀ϫⲓⲛⲧⲁϫⲣⲉ ⲑⲏⲛⲟⲩ.	èp̀jintagre θynou.
117	Ⲉⲧⲉ ⲫⲁⲓ ⲡⲉ ⲉ̀ⲉⲣϣ̀ⲫⲏⲣ ⲛ̀ⲧⲁϫⲣⲟ ⲛ̀ϩⲏⲧ	Ⲉ̀ⲧⲉ ⲫⲁⲓ ⲡⲉ ⲉ̀ⲉⲣϣ̀ⲫⲏⲣ ⲛ̀ⲧⲁϫⲣⲟ ⲛ̀ϩⲏⲧ	Ète fai pe èerṡ̀fyr ǹtagro ǹhyt
118	ϧⲉⲛ ⲑⲏⲛⲟⲩ ⲉ̀ⲃⲟⲗ ϩⲓⲧⲉⲛ ⲡⲓⲛⲁϩϯ	ϧⲉⲛ ⲑⲏⲛⲟⲩ ⲉ̀ⲃⲟⲗ ϩⲓⲧⲉⲛ ⲡⲓⲛⲁϩϯ	xen θynou èvol hiten pinahti
119	ⲫⲏⲉⲧϣⲟⲡ ⲛ̀ϧⲏⲧⲉⲛ ⲛⲉⲙ ⲛⲉⲛⲉ̀ⲣⲏⲟⲩ	ⲫⲏⲉⲧϣⲟⲡ ⲛ̀ϧⲏⲧⲉⲛ ⲛⲉⲙ ⲛⲉⲛⲉ̀ⲣⲏⲟⲩ	fyetṡop ǹxyten nem nenèryou
120	ⲫⲱⲧⲉⲛ ⲛⲉⲙ ⲫⲱⲓ ϩⲱ.	ⲫⲱⲧⲉⲛ ⲛⲉⲙ ⲫⲱⲓ ϩⲱ.	fōten nem fōi hō.
121	Ⲛϯⲟⲩⲉϣ ⲑⲏⲛⲟⲩ ⲇⲉ ⲁⲛ ⲉ̀ⲣⲉⲧⲉⲛⲟⲓ	Ⲛ̀ϯⲟⲩⲉϣ ⲑⲏⲛⲟⲩ ⲇⲉ ⲁⲛ ⲉ̀ⲣⲉⲧⲉⲛⲟⲓ	Ǹtioueṡ θynou ḋe an èretenoi	Now I don't desire to have you unaware, brothers, that I often planned to come to you, and was hindered so far, that I might have some fruit among you also, even as among the rest of the Gentiles.
122	ⲛ̀ⲁⲧⲉ̀ⲙⲓ ⲛⲁⲥ̀ⲛⲏⲟⲩ ϫⲉ ⲓⲥ ⲟⲩⲙⲏϣ ⲛ̀ⲥⲟⲡ	ⲛ̀ⲁⲧⲉ̀ⲙⲓ ⲛⲁⲥ̀ⲛⲏⲟⲩ ϫⲉ ⲓⲥ ⲟⲩⲙⲏϣ ⲛ̀ⲥⲟⲡ	ǹatèmi nas̀nyou je is oumyṡ ǹsop
123	ϯⲥⲟⲃϯ ⲙ̀ⲙⲟⲓ ⲉ̀ⲓ̀ ϩⲁⲣⲱⲧⲉⲛ: ⲟⲩⲟϩ	ϯⲥⲟⲃϯ ⲙ̀ⲙⲟⲓ ⲉ̀ⲓ̀ ϩⲁⲣⲱⲧⲉⲛ: ⲟⲩⲟϩ	tisovti m̀moi èì harōten: ouoh
124	ⲁⲩⲧⲁϩⲛⲟ ⲙ̀ⲙⲟⲓ ϣⲁ ⲉ̀ϧⲟⲩⲛ ⲉ̀ϯⲛⲟⲩ ϩⲓⲛⲁ	ⲁⲩⲧⲁϩⲛⲟ ⲙ̀ⲙⲟⲓ ϣⲁ ⲉ̀ϧⲟⲩⲛ ⲉ̀ϯⲛⲟⲩ ϩⲓⲛⲁ	avtahno m̀moi ṡa èxoun ètinou hina
125	ⲛ̀ⲧⲁϭⲓ ⲛ̀ⲟⲩⲟⲩⲧⲁϩ ϧⲉⲛ ⲑⲏⲛⲟⲩ ϩⲱⲧⲉⲛ	ⲛ̀ⲧⲁϭⲓ ⲛ̀ⲟⲩⲟⲩⲧⲁϩ ϧⲉⲛ ⲑⲏⲛⲟⲩ ϩⲱⲧⲉⲛ	ǹtaċi ǹououtah xen θynou hōten
126	ⲕⲁⲧⲁ ⲫ̀ⲣⲏϯ ⲙ̀ⲡ̀ⲥⲱϫⲡ ⲛ̀ⲛⲓⲕⲉ ⲉⲑⲛⲟⲥ.	ⲕⲁⲧⲁ ⲫ̀ⲣⲏϯ ⲛ̀ⲡ̀ⲥⲱϫⲡ ⲛ̀ⲛⲓⲕⲉ ⲉⲑⲛⲟⲥ.	kata f̀ryti ǹp̀·sōgp ǹnike eθnos.
127	Ⲛⲓⲟⲩⲉⲓⲛⲓⲛ ⲛⲉⲙ ⲛⲓⲃⲁⲣⲃⲁⲣⲟⲥ ⲛⲓⲥⲁⲃⲉⲩ	Ⲛⲓⲟⲩⲉⲓⲛⲓⲛ ⲛⲉⲙ ⲛⲓⲃⲁⲣⲃⲁⲣⲟⲥ ⲛⲓⲥⲁⲃⲉⲩ	Nioueinin nem nibarbaros nisavev	I am debtor both to Greeks and to foreigners, both to the wise and to the foolish.
128	ⲛⲉⲙ ⲛⲓⲁⲧϩⲏⲧ ⲟⲩⲟⲛ ⲉ̀ⲣⲟⲓ.	ⲛⲉⲙ ⲛⲓⲁⲧϩⲏⲧ ⲟⲩⲟⲛ ⲉ̀ⲣⲟⲓ.	nem niat·hyt ouon èroi.
129	Ⲡⲁⲓⲣⲏϯ ⲡⲉ ⲡⲁⲣⲱⲟⲩⲧϥ ⲉⲧϣⲟⲡ ⲙ̀ⲙⲟⲓ	Ⲡⲁⲓⲣⲏϯ ⲡⲉ ⲡⲁⲣⲱⲟⲩⲧϥ ⲉⲧϣⲟⲡ ⲙ̀ⲙⲟⲓ	Pairyti pe parōoutf etṡop m̀moi	So, as much as is in me, I am eager to preach the Good News to you also who are in Rome.
130	ⲉ̀ϩⲓϣⲉⲛⲛⲟⲩϥⲓ ⲛⲱⲧⲉⲛ ϩⲱⲧⲉⲛ ϧⲁ	ⲉ̀ϩⲓϣⲉⲛⲛⲟⲩϥⲓ ⲛⲱⲧⲉⲛ ϩⲱⲧⲉⲛ ϧⲁ	èhiṡennoufi nōten hōten xa
131	ⲛⲏⲉⲧϣⲟⲡ ϧⲉⲛ Ⲣⲱⲙⲏ.	ⲛⲏⲉⲧϣⲟⲡ ϧⲉⲛ Ⲣⲱⲙⲏ.	nyetṡop xen Rōmy.
p. 447
132	Ⲛϯϣⲓⲡⲓ ⲅⲁⲣ ⲁⲛ ϧⲉⲛ ⲡⲓⲉⲩⲁⲅⲅⲉⲗⲓⲟⲛ	Ⲛ̀ϯϣⲓⲡⲓ ⲅⲁⲣ ⲁⲛ ϧⲉⲛ ⲡⲓⲉⲩⲁⲅⲅⲉⲗⲓⲟⲛ	Ǹtiṡipi ġar an xen pievangelion	For I am not ashamed of the Good News of Christ, for it is the power of God for salvation for everyone who believes; for the Jew first, and also for the Greek.
133	ⲟⲩϫⲟⲙ ⲅⲁⲣ ⲛ̀ⲧⲉ Ⲫⲛⲟⲩϯ ⲡⲉ ⲉⲩⲛⲟϩⲉⲙ	ⲟⲩϫⲟⲙ ⲅⲁⲣ ⲛ̀ⲧⲉ Ⲫ̀ⲛⲟⲩϯ ⲡⲉ ⲉⲩⲛⲟϩⲉⲙ	ougom ġar ǹte F̀nouti pe evnohem
134	ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁϩϯ ⲡⲓⲒⲟⲩⲇⲁⲓ ⲛ̀ϣⲟⲣⲡ	ⲛ̀ⲟⲩⲟⲛ ⲛⲓⲃⲉⲛ ⲉⲑⲛⲁϩϯ ⲡⲓⲒⲟⲩⲇⲁⲓ ⲛ̀ϣⲟⲣⲡ	ǹouon niven eθnahti piIoudai ǹṡorp
135	ⲛⲉⲙ ⲡⲓⲟⲩⲉⲓⲛⲓⲛ.	ⲛⲉⲙ ⲡⲓⲟⲩⲉⲓⲛⲓⲛ.	nem pioueinin.
136	Ⲟⲩⲙⲉⲑⲙⲏⲓ ⲅⲁⲣ ⲛ̀ⲧⲉ Ⲫⲛⲟⲩϯ	Ⲟⲩⲙⲉⲑⲙⲏⲓ ⲅⲁⲣ ⲛ̀ⲧⲉ Ⲫ̀ⲛⲟⲩϯ	Oumeθmyi ġar ǹte F̀nouti	For in it is revealed God's righteousness from faith to faith. As it is written, 'But the righteous shall live by faith.'
137	ⲡⲉⲑⲛⲁϭⲱⲣⲡ ⲉ̀ⲃⲟⲗ ⲛ̀ϧⲏⲧϥ ⲉ̀ⲃⲟⲗ ϧⲉⲛ	ⲡⲉⲑⲛⲁϭⲱⲣⲡ ⲉ̀ⲃⲟⲗ ⲛ̀ϧⲏⲧϥ ⲉ̀ⲃⲟⲗ ϧⲉⲛ	peθnaċōrp èvol ǹxytf èvol xen
138	ⲟⲩⲛⲁϩϯ ⲉⲩⲛⲁϩϯ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ	ⲟⲩⲛⲁϩϯ ⲉⲩⲛⲁϩϯ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ	ounahti evnahti kata f̀ryti ets̀xyout
139	ϫⲉ ⲡⲓⲑ̀ⲙⲏ ⲓ ⲁϥⲛⲁⲱⲛϧ ⲉ̀ⲃⲟⲗ ϧⲉⲛ ⲫ̀ⲛⲁϩϯ.	ϫⲉ ⲡⲓⲑ̀ⲙⲏ ⲓ̀ ⲁϥⲛⲁⲱⲛϧ ⲉ̀ⲃⲟⲗ ϧⲉⲛ ⲫ̀ⲛⲁϩϯ.	je piθ̀my ì afnaōnx èvol xen f̀nahti.
140	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Ⲡⲓϩ̀ⲙⲟⲧ ⲅⲁⲣ ⲛⲉⲙⲱⲧⲉⲛ ⲛⲉⲙ	Pih̀mot ġar nemōten nem	draft · highFor grace be with you, and
141	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	ⲧ̀ϩⲓⲣⲏⲛⲏ ⲉⲩⲥⲟⲡ: ϫⲉ ⲁ̀ⲙⲏⲛ ⲉⲥⲉ̀ϣⲱⲡⲓ.	t̀·hiryny evsop: je àmyn esèṡōpi.	draft · highpeace together. Amen: may it be so.
142	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ϯⲉ̀ⲡⲓⲥⲧⲟⲗⲏ	Ⲕⲁⲑⲟⲗⲓⲕⲟⲛ ⲉ̀ⲃⲟⲗ ϧⲉⲛ ϯⲉ̀ⲡⲓⲥⲧⲟⲗⲏ	Kaθolikon èvol xen tièpistoly	draft · highThe Catholicon, from the epistle
143	ⲛ̀ⲧⲉ ⲡⲉⲛⲓⲱⲧ Ⲓⲁⲕⲱⲃⲟⲥ. Ⲁⲙⲏⲛ.	ⲛ̀ⲧⲉ ⲡⲉⲛⲓⲱⲧ Ⲓⲁⲕⲱⲃⲟⲥ. Ⲁ̀ⲙⲏⲛ.	ǹte peniōt Iakōbos. Àmyn.	draft · highof our father James. Amen.
144	Ⲛⲁⲙⲉⲛⲣⲁϯ.	Ⲛⲁⲙⲉⲛⲣⲁϯ.	Namenrati.	draft · highMy beloved.
145	Ⲓⲁⲕⲱⲃⲟⲥ ⲁ̅: ⲁ̅ - ⲓ̅ⲏ̅	Ⲓⲁⲕⲱⲃⲟⲥ 1:1, 18	Iakōbos 1:1, 18
146	Ⲓⲁⲕⲱⲃⲟⲥ ⲫ̀ⲃⲱⲕ ⲙ̀Ⲫⲛⲟⲩϯ ⲛⲉⲙ	Ⲓⲁⲕⲱⲃⲟⲥ ⲫ̀ⲃⲱⲕ ⲛ̀Ⲫ̀ⲛⲟⲩϯ ⲛⲉⲙ	Iakōbos f̀vōk ǹF̀nouti nem	James, a servant of God and of the Lord Jesus Christ, to the twelve tribes which are in the Dispersion: Greetings.
147	Ⲡⲉⲛϭⲟⲓⲥ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ ⲛ̀ϯⲙⲏϯ	Ⲡⲉⲛϭⲟⲓⲥ Ⲓⲏⲥⲟⲩⲥ Ⲡⲓⲭ̀ⲣⲓⲥⲧⲟⲥ ⲛ̀ⲑⲙⲏϯ	Penċois Iysous Pix̀ristos ǹθmyti
148	ⲥ̀ⲛⲟⲩϯ ⲙ̀ⲫⲩⲗⲏ ⲉⲧⲭⲏ ϧⲉⲛ ⲡⲓϫⲱⲣ ⲉ̀ⲃⲟⲗ	ⲥ̀ⲛⲟⲩϯ ⲛ̀ⲫⲩⲗⲏ ⲉⲧⲭⲏ ϧⲉⲛ ⲡⲓϫⲱⲣ ⲉ̀ⲃⲟⲗ	s̀nouti ǹfily etky xen pigōr èvol
149	ⲭⲉⲣⲉ.	ⲭⲉⲣⲉ.	ṡere.
150	Ϣⲱⲡⲓ ϧⲉⲛ ⲣⲁϣⲓ ⲛⲓⲃⲉⲛ ⲛⲁⲥ̀ⲛⲏⲟⲩ	Ϣⲱⲡⲓ ϧⲉⲛ ⲣⲁϣⲓ ⲛⲓⲃⲉⲛ ⲛⲁⲥ̀ⲛⲏⲟⲩ	Ṡōpi xen raṡi niven nas̀nyou	Count it all joy, my brothers, when you fall into various temptations,
151	ⲉ̀ϣⲱⲡ ⲁ̀ⲣⲉⲧⲉⲛϣⲁⲛⲣⲁⲟⲩⲱ̀	ⲉ̀ϣⲱⲡ ⲁ̀ⲣⲉⲧⲉⲛϣⲁⲛⲣⲁⲟⲩⲱ̀	èṡōp àretenṡanraouṑ
152	ⲉ̀ϩⲁⲛⲡⲓⲣⲁⲥⲙⲟⲥ ⲛ̀ⲟⲩⲑⲟⲛ̀ⲣⲏϯ.	ⲉ̀ϩⲁⲛⲡⲓⲣⲁⲥⲙⲟⲥ ⲛ̀ⲟⲩⲑⲟⲛ̀ⲣⲏϯ.	èhanpirasmos ǹouθoǹryti.
153	Ⲉⲣⲉⲧⲉⲛⲉ̀ⲙⲓ ϫⲉ ϯⲇⲟⲕⲓⲙⲏ ⲛ̀ⲧⲉ	Ⲉ̀ⲣⲉⲧⲉⲛⲉ̀ⲙⲓ ϫⲉ ϯⲇⲟⲕⲓⲙⲏ ⲛ̀ⲧⲉ	Èretenèmi je tiḋokimy ǹte	knowing that the testing of your faith produces endurance.
154	ⲡⲉⲧⲉⲛⲛⲁϯ ⲁⲥⲉⲣϩⲱⲃ ⲉ̀ⲟⲩϩⲩⲡⲟⲙⲟⲛⲏ.	ⲡⲉⲧⲉⲛⲛⲁϯ ⲁⲥⲉⲣϩⲱⲃ ⲉ̀ⲟⲩϩⲩⲡⲟⲙⲟⲛⲏ.	petennati aserhōb èouhipomony.
p. 448
155	Ϯϩⲩⲡⲟⲙⲟⲛⲏ ⲇⲉ ⲙⲁⲣⲉ ⲟⲩϩⲱⲃ	Ϯϩⲩⲡⲟⲙⲟⲛⲏ ⲇⲉ ⲙⲁⲣⲉ ⲟⲩϩⲱⲃ	Tihipomony ḋe mare ouhōb	Let endurance have its perfect work, that you may be perfect and complete, lacking in nothing.
156	ⲉϥϫⲏⲕ ⲉ̀ⲃⲟⲗ ϣⲱⲡⲓ ⲛ̀ϧⲏⲧⲥ ϩⲓⲛⲁ	ⲉϥϫⲏⲕ ⲉ̀ⲃⲟⲗ ϣⲱⲡⲓ ⲛ̀ϧⲏⲧⲥ ϩⲓⲛⲁ	efjyk èvol ṡōpi ǹxyts hina
157	ⲛ̀ⲧⲉⲧⲉⲛϣⲱⲡⲓ ⲉ̀ⲣⲉⲧⲉⲛϫⲏⲕ ⲉ̀ⲃⲟⲗ ⲟⲩⲟϩ	ⲛ̀ⲧⲉⲧⲉⲛϣⲱⲡⲓ ⲉ̀ⲣⲉⲧⲉⲛϫⲏⲕ ⲉ̀ⲃⲟⲗ ⲟⲩⲟϩ	ǹtetenṡōpi èretenjyk èvol ouoh
158	ⲉ̀ⲣⲉⲧⲉⲛⲟⲩⲟϫ ⲛ̀ⲧⲉⲧⲉⲛϫⲟⲣϩ ⲛ̀ϩ̀ⲗⲓ ⲁⲛ.	ⲉ̀ⲣⲉⲧⲉⲛⲟⲩⲟϫ ⲛ̀ⲧⲉⲧⲉⲛϫⲟⲣϩ ⲛ̀ϩ̀ⲗⲓ ⲁⲛ.	èretenouog ǹtetengorh ǹh̀li an.
159	Ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ϧⲉⲛ ⲑⲏⲛⲟⲩ	Ⲓⲥϫⲉ ⲇⲉ ⲟⲩⲟⲛ ⲟⲩⲁⲓ ϧⲉⲛ ⲑⲏⲛⲟⲩ	Isje ḋe ouon ouai xen θynou	But if any of you lacks wisdom, let him ask of God, who gives to all liberally and without reproach; and it will be given to him.
160	ⲉϥϫⲟⲣϩⲛ̀ⲥ̀ⲃⲱ ⲙⲁⲣⲉϥⲉ̀ⲣⲉⲧⲓⲛ ⲙ̀Ⲫⲛⲟⲩϯ	ⲉϥϫⲟⲣϩⲛ̀ⲥ̀ⲃⲱ ⲙⲁⲣⲉϥⲉ̀ⲣⲉⲧⲓⲛ ⲛ̀Ⲫ̀ⲛⲟⲩϯ	efgorhǹs̀vō marefèretin ǹF̀nouti
161	ⲫⲏⲉⲧϯ ⲛ̀ⲟⲩⲟⲛ ⲛⲓⲃⲉⲛ ⲁ̀ⲡⲗⲱⲥ ⲟⲩⲟϩ	ⲫⲏⲉⲧϯ ⲛ̀ⲟⲩⲟⲛ ⲛⲓⲃⲉⲛ ⲁ̀ⲡⲗⲱⲥ ⲟⲩⲟϩ	fyetti ǹouon niven àplōs ouoh
162	ⲛ̀ϥ̀ϣⲱϣϥ ⲁⲛ ⲉⲩⲉ̀ϯⲛⲁϥ.	ⲛ̀ϥ̀ϣⲱϣϥ ⲁⲛ ⲉⲩⲉ̀ϯⲛⲁϥ.	ǹf̀ṡōṡf an evètinaf.
163	Ⲙⲁⲣⲉϥⲉ̀ⲣⲉⲧⲓⲛ ⲇⲉ ϧⲉⲛ ⲟⲩⲛⲁϩϯ ⲛ̀ϥ̀ⲟⲓ	Ⲙⲁⲣⲉϥⲉ̀ⲣⲉⲧⲓⲛ ⲇⲉ ϧⲉⲛ ⲟⲩⲛⲁϩϯ ⲛ̀ϥ̀ⲟⲓ	Marefèretin ḋe xen ounahti ǹf̀oi	But let him ask in faith, without any doubting, for he who doubts is like a wave of the sea, driven by the wind and tossed.
164	ⲛ̀ϩⲏⲧ ⲥ̀ⲛⲁⲩ ⲁⲛ: ⲫⲏ ⲅⲁⲣ ⲉⲧⲟⲓ ⲛ̀ϩⲏⲧ ⲥ̀ⲛⲁⲩ	ⲛ̀ϩⲏⲧ ⲥ̀ⲛⲁⲩ ⲁⲛ: ⲫⲏ ⲅⲁⲣ ⲉⲧⲟⲓ ⲛ̀ϩⲏⲧ ⲥ̀ⲛⲁⲩ	ǹhyt s̀nav an: fy ġar etoi ǹhyt s̀nav
165	ⲁϥⲟⲓ ⲙ̀ⲫ̀ⲣⲏϯ ⲛ̀ⲛⲓϫⲟⲗ ⲛ̀ⲧⲉ ⲫ̀ⲓⲟⲙ ⲉ̀ⲣⲉ	ⲁϥⲟⲓ ⲛ̀ⲫ̀ⲣⲏϯ ⲛ̀ⲛⲓϫⲟⲗ ⲛ̀ⲧⲉ ⲫ̀ⲓⲟⲙ ⲉ̀ⲣⲉ	afoi ǹf̀ryti ǹnigol ǹte f̀iom ère
166	ⲡ̀ⲑⲏⲟⲩ ϭⲓ ⲙ̀ⲙⲱⲟⲩ ⲟⲩⲟϩ ⲉϥⲓ̀ⲛⲓ ⲙ̀ⲙⲱⲟⲩ.	ⲡ̀ⲑⲏⲟⲩ ϭⲓ ⲙ̀ⲙⲱⲟⲩ ⲟⲩⲟϩ ⲉϥⲓ̀ⲛⲓ ⲙ̀ⲙⲱⲟⲩ.	p̀θyou ċi m̀mōou ouoh efìni m̀mōou.
167	Ⲙⲡⲉⲛⲑ̀ⲣⲉϥⲙⲉⲩⲓ̀ ⲅⲁⲣ ⲛⲁϥ ⲛ̀ϫⲉ	Ⲙ̀ⲡⲉⲛⲑ̀ⲣⲉϥⲙⲉⲩⲓ̀ ⲅⲁⲣ ⲛⲁϥ ⲛ̀ϫⲉ	M̀penθ̀refmevì ġar naf ǹje	For let that man not think that he will receive anything from the Lord.
168	ⲡⲓⲣⲱⲙⲓ ⲉ̀ⲧⲉ ⲙ̀ⲙⲁⲩ ϫⲉ ϥ̀ⲛⲁϭⲓ ⲛ̀ϩ̀ⲗⲓ	ⲡⲓⲣⲱⲙⲓ ⲉ̀ⲧⲉ ⲙ̀ⲙⲁⲩ ϫⲉ ϥ̀ⲛⲁϭⲓ ⲛ̀ϩ̀ⲗⲓ	pirōmi ète m̀mav je f̀naċi ǹh̀li
169	ⲛ̀ⲧⲟⲧϥ ⲙ̀Ⲡϭⲟⲓⲥ.	ⲛ̀ⲧⲟⲧϥ ⲛ̀Ⲡ̀ϭⲟⲓⲥ.	ǹtotf ǹP̀ċois.
170	Ⲡⲓⲣⲱⲙⲓ ⲇⲉ ⲉⲧⲟⲓ ⲛ̀ϩⲏⲧ ⲥ̀ⲛⲁⲩ	Ⲡⲓⲣⲱⲙⲓ ⲇⲉ ⲉⲧⲟⲓ ⲛ̀ϩⲏⲧ ⲥ̀ⲛⲁⲩ	Pirōmi ḋe etoi ǹhyt s̀nav	He is a double-minded man, unstable in all his ways.
171	ⲟⲩⲁⲧⲥⲉⲙⲛⲓ ⲡⲉ ϩⲓ ⲛⲉϥⲙⲱⲓⲧ ⲧⲏⲣⲟⲩ.	ⲟⲩⲁⲧⲥⲉⲙⲛⲓ ⲡⲉ ϩⲓ ⲛⲉϥⲙⲱⲓⲧ ⲧⲏⲣⲟⲩ.	ouatsemni pe hi nefmōit tyrou.
172	Ⲙⲁⲣⲉϥϣⲟⲩϣⲟⲩ ⲇⲉ ⲙ̀ⲙⲟϥ ⲛ̀ϫⲉ ⲡⲓⲥⲟⲛ	Ⲙⲁⲣⲉϥϣⲟⲩϣⲟⲩ ⲇⲉ ⲙ̀ⲙⲟϥ ⲛ̀ϫⲉ ⲡⲓⲥⲟⲛ	Marefṡouṡou ḋe m̀mof ǹje pison	But let the brother in humble circumstances glory in his high position;
173	ⲉⲧⲑⲉⲃⲏⲟⲩⲧ ϧⲉⲛ ⲡⲉϥϭⲓⲥⲓ.	ⲉⲧⲑⲉⲃⲏⲟⲩⲧ ϧⲉⲛ ⲡⲉϥϭⲓⲥⲓ.	etθevyout xen pefċisi.
174	Ⲡⲓⲣⲁⲙⲁⲟ̀ ⲇⲉ ⲛ̀ϩ̀ⲣⲏⲓ ϧⲉⲛ ⲡⲉϥⲑⲉⲃⲓⲟ̀	Ⲡⲓⲣⲁⲙⲁⲟ̀ ⲇⲉ ⲛ̀ϩ̀ⲣⲏⲓ ϧⲉⲛ ⲡⲉϥⲑⲉⲃⲓⲟ̀	Piramaò ḋe ǹh̀ryi xen pefθeviò
175	ϫⲉ ⲙ̀ⲫ̀ⲣⲏϯ ⲛ̀ⲟⲩϩ̀ⲣⲏⲣⲓ ⲛ̀ⲧⲉ ⲟⲩⲥⲱⲟⲩⲃⲉⲛ	ϫⲉ ⲛ̀ⲫ̀ⲣⲏϯ ⲛ̀ⲟⲩϩ̀ⲣⲏⲣⲓ ⲛ̀ⲧⲉ ⲟⲩⲥⲱⲟⲩⲃⲉⲛ	je ǹf̀ryti ǹouh̀ryri ǹte ousōouven
176	ϥ̀ⲛⲁⲥⲓⲛⲓ.	ϥ̀ⲛⲁⲥⲓⲛⲓ.	f̀nasini.
177	Ⲁϥϣⲁⲓ ⲅⲁⲣ ⲛ̀ϫⲉ ⲫ̀ⲣⲏ ⲛⲉⲙ	Ⲁϥϣⲁⲓ ⲅⲁⲣ ⲛ̀ϫⲉ ⲫ̀ⲣⲏ ⲛⲉⲙ	Afṡai ġar ǹje f̀ry nem	For the sun arises with the scorching wind, and withers the grass, and the flower in it falls, and the beauty of its appearance perishes. So also will the rich man fade away in his pursuits.
178	ⲡⲓⲕⲁⲩⲥⲱⲛ ⲟⲩⲟϩ ⲁϥⲧ̀ϣⲟⲩⲓ̀ ⲉ̀ⲡⲓⲥⲱⲟⲩⲃⲉⲛ	ⲡⲓⲕⲁⲩⲥⲱⲛ ⲟⲩⲟϩ ⲁϥⲧ̀ϣⲟⲩⲓ̀ ⲉ̀ⲡⲓⲥⲱⲟⲩⲃⲉⲛ	pikavsōn ouoh aft̀ṡouì èpisōouven
179	ⲟⲩⲟϩⲧⲉϥϩ̀ⲣⲏⲣⲓ ⲁⲥϥⲟⲣϥⲉⲣ ⲟⲩⲟϩ ⲡ̀ⲥⲁⲓ	ⲟⲩⲟϩ ⲧⲉϥϩ̀ⲣⲏⲣⲓ ⲁⲥϥⲟⲣϥⲉⲣ ⲟⲩⲟϩ ⲡ̀ⲥⲁⲓ	ouoh tefh̀ryri asforfer ouoh p̀·sai
180	ⲛ̀ⲧⲉ ⲡⲉϥϩⲟ ⲁϥⲧⲁⲕⲟ ⲡⲁⲓⲣⲏϯ ϩⲱϥ	ⲛ̀ⲧⲉ ⲡⲉϥϩⲟ ⲁϥⲧⲁⲕⲟ ⲡⲁⲓⲣⲏϯ ϩⲱϥ	ǹte pefho aftako pairyti hōf
p. 449
181	ⲡⲓⲣⲁⲙⲁⲟ̀ ⲛ̀ϧ̀ⲣⲏⲓ ϧⲉⲛ ⲛⲉϥⲙⲱⲓⲧ ⲧⲏⲣⲟⲩ	ⲡⲓⲣⲁⲙⲁⲟ̀ ⲛ̀ϧ̀ⲣⲏⲓ ϧⲉⲛ ⲛⲉϥⲙⲱⲓⲧ ⲧⲏⲣⲟⲩ	piramaò ǹx̀ryi xen nefmōit tyrou
182	ϥ̀ⲛⲁⲗⲱⲙ.	ϥ̀ⲛⲁⲗⲱⲙ.	f̀nalōm.
183	Ⲟⲩⲙⲁⲕⲁⲣⲓⲟⲥ ⲡⲉ ⲡⲓⲣⲱⲙⲓ	Ⲟⲩⲙⲁⲕⲁⲣⲓⲟⲥ ⲡⲉ ⲡⲓⲣⲱⲙⲓ	Oumakarios pe pirōmi	Blessed is the man who endures temptation, for when he has been approved, he will receive the crown of life, which the Lord promised to those who love him.
184	ⲫⲏⲉⲑⲛⲁⲁ̀ⲙⲟⲛⲓ ⲛ̀ⲧⲟⲧϥ ϧⲉⲛ ⲟⲩⲡⲓⲣⲁⲥⲙⲟⲥ	ⲫⲏⲉⲑⲛⲁⲁ̀ⲙⲟⲛⲓ ⲛ̀ⲧⲟⲧϥ ϧⲉⲛ ⲟⲩⲡⲓⲣⲁⲥⲙⲟⲥ	fyeθnaàmoni ǹtotf xen oupirasmos
185	ϫⲉ ⲁϥϣⲁⲛⲉⲣⲟⲩⲥⲱⲧⲡ ϥ̀ⲛⲁϭⲓ ⲙ̀ⲡⲓⲭ̀ⲗⲟⲙ	ϫⲉ ⲁϥϣⲁⲛⲉⲣⲟⲩⲥⲱⲧⲡ ϥ̀ⲛⲁϭⲓ ⲛ̀ⲡⲓⲭ̀ⲗⲟⲙ	je afṡanerousōtp f̀naċi ǹpik̀lom
186	ⲛ̀ⲧⲉ ⲡ̀ⲱⲛϧ ⲫⲏⲉ̀ⲧⲁϥⲱϣ ⲙ̀ⲙⲟϥ ⲛ̀ϫⲉ	ⲛ̀ⲧⲉ ⲡ̀ⲱⲛϧ ⲫⲏⲉ̀ⲧⲁϥⲱϣ ⲙ̀ⲙⲟϥ ⲛ̀ϫⲉ	ǹte p̀ōnx fyètafōṡ m̀mof ǹje
187	Ⲡϭⲟⲓⲥ ⲛ̀ⲛⲏⲉⲑⲛⲁⲙⲉⲛⲣⲓⲧϥ.	Ⲡ̀ϭⲟⲓⲥ ⲛ̀ⲛⲏⲉⲑⲛⲁⲙⲉⲛⲣⲓⲧϥ.	P̀ċois ǹnyeθnamenritf.
188	Ⲙⲡⲉⲛⲑ̀ⲣⲉ ϩ̀ⲗⲓ ϫⲟⲥ ⲉⲩⲉⲣⲡⲓⲣⲁⲍⲓⲛ	Ⲙ̀ⲡⲉⲛⲑ̀ⲣⲉ ϩ̀ⲗⲓ ϫⲟⲥ ⲉⲩⲉⲣⲡⲓⲣⲁⲍⲓⲛ	M̀penθ̀re h̀li gos everpirazin	Let no man say when he is tempted, 'I am tempted by God,' for God can't be tempted by evil, and he himself tempts no one.
189	ⲙ̀ⲙⲟϥ ϫⲉ Ⲫⲛⲟⲩϯ ⲡⲉⲧⲉⲣⲡⲓⲣⲁⲍⲓⲛ ⲙ̀ⲙⲟⲓ:	ⲙ̀ⲙⲟϥ ϫⲉ Ⲫ̀ⲛⲟⲩϯ ⲡⲉⲧⲉⲣⲡⲓⲣⲁⲍⲓⲛ ⲙ̀ⲙⲟⲓ:	m̀mof je F̀nouti peterpirazin m̀moi:
190	Ⲫⲛⲟⲩϯ ⲅⲁⲣ ⲉϥⲉⲣⲡⲓⲣⲁⲍⲓⲛ ⲁⲛ ϧⲉⲛ	Ⲫ̀ⲛⲟⲩϯ ⲅⲁⲣ ⲉϥⲉⲣⲡⲓⲣⲁⲍⲓⲛ ⲁⲛ ϧⲉⲛ	F̀nouti ġar eferpirazin an xen
191	ϩⲁⲛⲡⲉⲧϩⲱⲟⲩ: ⲛ̀ϥ̀ⲉⲣⲡⲓⲣⲁⲍⲓⲛ ⲇⲉ ⲛ̀ⲑⲟϥ	ϩⲁⲛⲡⲉⲧϩⲱⲟⲩ: ⲛ̀ϥ̀ⲉⲣⲡⲓⲣⲁⲍⲓⲛ ⲇⲉ ⲛ̀ⲑⲟϥ	hanpet·hōou: ǹf̀erpirazin ḋe ǹθof
192	ⲛ̀ϩ̀ⲗⲓ ⲁⲛ.	ⲛ̀ϩ̀ⲗⲓ ⲁⲛ.	ǹh̀li an.
193	Ⲡⲓⲟⲩⲁⲓ ⲇⲉ ⲡⲓⲟⲩⲁⲓ ⲉⲩⲉⲣⲡⲓⲣⲁⲍⲓⲛ	Ⲡⲓⲟⲩⲁⲓ ⲇⲉ ⲡⲓⲟⲩⲁⲓ ⲉⲩⲉⲣⲡⲓⲣⲁⲍⲓⲛ	Piouai ḋe piouai everpirazin	But each one is tempted, when he is drawn away by his own lust, and enticed.
194	ⲙ̀ⲙⲟϥ ⲉ̀ⲃⲟⲗ ϩⲓⲧⲉⲛ ⲧⲉϥⲉ̀ⲡⲓⲑⲩⲙⲓⲁ̀ ⲙ̀ⲙⲓⲛ	ⲙ̀ⲙⲟϥ ⲉ̀ⲃⲟⲗ ϩⲓⲧⲉⲛ ⲧⲉϥⲉ̀ⲡⲓⲑⲩⲙⲓⲁ̀ ⲙ̀ⲙⲓⲛ	m̀mof èvol hiten tefèpiθimià m̀min
195	ⲙ̀ⲙⲟϥ ⲉⲥⲥⲱⲕ ⲙ̀ⲙⲟϥ ⲟⲩⲟϩ ⲉⲥⲥⲟⲡⲥⲉⲡ	ⲙ̀ⲙⲟϥ ⲉⲥⲥⲱⲕ ⲙ̀ⲙⲟϥ ⲟⲩⲟϩ ⲉⲥⲥⲟⲡⲥⲉⲡ	m̀mof essōk m̀mof ouoh essop·sep
196	ⲙ̀ⲙⲟϥ.	ⲙ̀ⲙⲟϥ.	m̀mof.
197	Ⲓⲧⲁ ϯⲉ̀ⲡⲓⲑⲩⲙⲓⲁ̀ ⲁⲥϣⲁⲛⲉⲣⲃⲟⲕⲓ	Ⲓⲧⲁ ϯⲉ̀ⲡⲓⲑⲩⲙⲓⲁ̀ ⲁⲥϣⲁⲛⲉⲣⲃⲟⲕⲓ	Ita tièpiθimià asṡanervoki	Then the lust, when it has conceived, bears sin; and the sin, when it is full grown, brings forth death.
198	ϣⲁⲥⲙⲉⲥ ⲫ̀ⲛⲟⲃⲓ: ⲫ̀ⲛⲟⲃⲓ ⲇⲉ ⲁϥϣⲁⲛϫⲱⲕ	ϣⲁⲥⲙⲉⲥ ⲫ̀ⲛⲟⲃⲓ: ⲫ̀ⲛⲟⲃⲓ ⲇⲉ ⲁϥϣⲁⲛϫⲱⲕ	ṡasmes f̀novi: f̀novi ḋe afṡangōk
199	ⲉ̀ⲃⲟⲗ ϣⲁϥϫ̀ⲫⲟ ⲙ̀ⲫ̀ⲙⲟⲩ.	ⲉ̀ⲃⲟⲗ ϣⲁϥϫ̀ⲫⲟ ⲛ̀ⲫ̀ⲙⲟⲩ.	èvol ṡafg̀fo ǹf̀mou.
200	Ⲙⲡⲉⲣⲥⲱⲣⲉⲙ ⲛⲁⲥ̀ⲛⲏⲟⲩ ⲛⲁⲙⲉⲛⲣⲁϯ.	Ⲙ̀ⲡⲉⲣⲥⲱⲣⲉⲙ ⲛⲁⲥ̀ⲛⲏⲟⲩ ⲛⲁⲙⲉⲛⲣⲁϯ.	M̀persōrem nas̀nyou namenrati.	Don't be deceived, my beloved brothers.
201	Ⲧⲁⲓⲟ̀ ⲛⲓⲃⲉⲛ ⲉⲑⲛⲁⲛⲉⲩ ⲛⲉⲙ ⲇⲱⲣⲟⲛ	Ⲧⲁⲓⲟ̀ ⲛⲓⲃⲉⲛ ⲉⲑⲛⲁⲛⲉⲩ ⲛⲉⲙ ⲇⲱⲣⲟⲛ	Taiò niven eθnanev nem ḋōron	Every good gift and every perfect gift is from above, coming down from the Father of lights, with whom can be no variation, nor turning shadow.
202	ⲛⲓⲃⲉⲛ ⲉⲧϫⲏⲕ ⲉ̀ⲃⲟⲗ ϩⲁⲛ ⲉ̀ⲃⲟⲗ ⲙ̀ⲡ̀ϣⲱⲓ	ⲛⲓⲃⲉⲛ ⲉⲧϫⲏⲕ ⲉ̀ⲃⲟⲗ ϩⲁⲛ ⲉ̀ⲃⲟⲗ ⲛ̀ⲡ̀ϣⲱⲓ	niven etjyk èvol han èvol ǹp̀ṡōi
203	ⲛⲉ: ⲉⲩⲛⲏⲟⲩ ⲉⲡⲉⲥⲏⲧ ⲉ̀ⲃⲟⲗ ϩⲓⲧⲉⲛ Ⲫⲓⲱⲧ	ⲛⲉ: ⲉⲩⲛⲏⲟⲩ ⲉ̀ⲡⲉⲥⲏⲧ ⲉ̀ⲃⲟⲗ ϩⲓⲧⲉⲛ Ⲫ̀ⲓⲱⲧ	ne: evnyou èpesyt èvol hiten F̀iōt
204	ⲛ̀ⲧⲉ ⲛⲓⲟⲩⲱⲓⲛⲓ: ⲫⲏⲉ̀ⲧⲉ ⲙ̀ⲙⲟⲛ ϣⲓⲃϯ	ⲛ̀ⲧⲉ ⲛⲓⲟⲩⲱⲓⲛⲓ: ⲫⲏⲉ̀ⲧⲉ ⲙ̀ⲙⲟⲛ ϣⲓⲃϯ	ǹte niouōini: fyète m̀mon ṡivti
205	ⲛⲁϩⲣⲁϥ ⲟⲩ ⲇⲉ ⲟⲩⲥ̀ⲙⲟⲧ ⲛ̀ⲧⲉ ⲟⲩϧⲏⲓⲃⲓ	ⲛⲁϩⲣⲁϥ ⲟⲩ ⲇⲉ ⲟⲩⲥ̀ⲙⲟⲧ ⲛ̀ⲧⲉ ⲟⲩϧⲏⲓⲃⲓ	nahraf ou ḋe ous̀mot ǹte ouxyivi
206	ⲉ̀ⲁⲥⲥⲓⲛⲓ.	ⲉ̀ⲁⲥⲥⲓⲛⲓ.	èassini.
p. 450
207	Ⲁϥⲟⲩⲱϣ ⲁϥϫ̀ⲫⲟⲛ ϧⲉⲛ ⲡ̀ⲥⲁϫⲓ ⲛ̀ⲧⲉ	Ⲁϥⲟⲩⲱϣ ⲁϥϫ̀ⲫⲟⲛ ϧⲉⲛ ⲡ̀ⲥⲁϫⲓ ⲛ̀ⲧⲉ	Afouōṡ afg̀fon xen p̀·saji ǹte	Of his own will he brought us forth by the word of truth, that we should be a kind of first fruits of his creatures.
208	ϯⲙⲉⲑⲙⲏⲓ ⲉⲑⲣⲉⲛϣⲱⲡⲓ ⲛ̀ⲟⲩⲁ̀ⲡⲁⲣⲭⲏ ⲛ̀ⲧⲉ	ϯⲙⲉⲑⲙⲏⲓ ⲉⲑⲣⲉⲛϣⲱⲡⲓ ⲛ̀ⲟⲩⲁ̀ⲡⲁⲣⲭⲏ ⲛ̀ⲧⲉ	timeθmyi eθrenṡōpi ǹouàparṡy ǹte
209	ⲛⲉϥⲥⲱⲛⲧ.	ⲛⲉϥⲥⲱⲛⲧ.	nefsōnt.
210	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Ⲛⲁⲥ̀ⲛⲏⲟⲩ ⲙ̀ⲡⲉⲣⲙⲉⲛⲣⲉ ⲡⲓⲕⲟⲥⲙⲟⲥ	Nas̀nyou m̀permenre pikosmos
211	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ⲟⲩⲇⲉ ⲛⲏⲉⲧϣⲟⲡ ϧⲉⲛ ⲡⲓⲕⲟⲥⲙⲟⲥ:	ouḋe nyetṡop xen pikosmos:
212	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	ⲡⲓⲕⲟⲥⲙⲟⲥ ⲛⲁⲥⲓⲛⲓ ⲛⲉⲙ ⲧⲉϥⲉ̀ⲡⲓⲑⲩⲙⲓⲁ: ⲫⲏ	pikosmos nasini nem tefèpiθimia: fy
213	ⲇⲉ ⲉⲧⲓ̀ⲣⲓ ⲙ̀ⲫ̀ⲟⲩⲱϣ ⲙ̀Ⲫⲛⲟⲩϯ ϥ̀ⲛⲁϣⲱⲡⲓ	ⲇⲉ ⲉⲧⲓ̀ⲣⲓ ⲛ̀ⲫ̀ⲟⲩⲱϣ ⲛ̀Ⲫ̀ⲛⲟⲩϯ ϥ̀ⲛⲁϣⲱⲡⲓ	ḋe etìri ǹf̀ouōṡ ǹF̀nouti f̀naṡōpi
214	ϣⲁ ⲉ̀ⲛⲉϩ: ⲁ̀ⲙⲏⲛ.	ϣⲁ ⲉ̀ⲛⲉϩ: ⲁ̀ⲙⲏⲛ.	ṡa èneh: àmyn.	draft · highfor ever. Amen.
215	Ⲡⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	Ⲡ̀ⲣⲁⲝⲓⲥ ⲛ̀ⲧⲉ ⲛⲉⲛⲓⲟϯ ⲛ̀ⲁ̀ⲡⲟⲥⲧⲟⲗⲟⲥ:	P̀raksis ǹte nenioti ǹàpostolos:	draft · highThe Acts of our fathers the apostles:
216	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ⲉ̀ⲣⲉ ⲡⲟⲩⲥ̀ⲙⲟⲩ ⲉⲑⲟⲩⲁⲃ ϣⲱⲡⲓ ⲛⲉⲙⲁⲛ.	ère pous̀mou eθouab ṡōpi neman.	draft · highmay their holy blessing be with us.
217	Ⲁⲙⲏⲛ.	Ⲁ̀ⲙⲏⲛ.	Àmyn.	draft · highAmen.
218	Ⲡⲣⲁⲝⲓⲥ ⲍ̅: ⲃ̅ - ⲍ̅	Ⲡ̀ⲣⲁⲝⲓⲥ 7:2, 7	P̀raksis 7:2, 7
219	Ⲫⲛⲟⲩϯ ⲛ̀ⲧⲉ ⲡ̀ⲱ̀ⲟⲩ ⲁϥⲟⲩⲟⲛϩϥ	Ⲫ̀ⲛⲟⲩϯ ⲛ̀ⲧⲉ ⲡ̀ⲱ̀ⲟⲩ ⲁϥⲟⲩⲟⲛϩϥ	F̀nouti ǹte p̀ṑou afouonhf
220	ⲉ̀ⲡⲉⲛⲓⲱⲧ Ⲁⲃⲣⲁⲁⲙ ⲉϥⲭⲏ ⲛ̀ϩ̀ⲣⲏⲓ ϧⲉⲛ	ⲉ̀ⲡⲉⲛⲓⲱⲧ Ⲁⲃⲣⲁⲁⲙ ⲉϥⲭⲏ ⲛ̀ϩ̀ⲣⲏⲓ ϧⲉⲛ	èpeniōt Abraam efky ǹh̀ryi xen	He said, 'Brothers and fathers, listen. The God of glory appeared to our father Abraham, when he was in Mesopotamia, before he lived in Haran,
221	ϯⲘⲉⲥⲟⲡⲟⲧⲁⲙⲓⲁ̀ ⲙ̀ⲡⲁⲧⲉϥϣⲱⲡⲓ ϧⲉⲛ	ϯⲘⲉⲥⲟⲡⲟⲧⲁⲙⲓⲁ̀ ⲙ̀ⲡⲁⲧⲉϥϣⲱⲡⲓ ϧⲉⲛ	tiMesopotamià m̀patefṡōpi xen
222	Ⲭⲁⲣⲣⲁⲛ.	Ⲭⲁⲣⲣⲁⲛ.	Xarran.
223	Ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ⲙⲟⲩ ⲉ̀ⲃⲟⲗ	Ⲟⲩⲟϩ ⲡⲉϫⲁϥ ⲛⲁϥ ϫⲉ ⲁ̀ⲙⲟⲩ ⲉ̀ⲃⲟⲗ	Ouoh pegaf naf je àmou èvol	and said to him, 'Get out of your land, and from your relatives, and come into a land which I will show you.'
224	ϧⲉⲛ ⲡⲉⲕⲕⲁϩⲓ ⲛⲉⲙ ⲉ̀ⲃⲟⲗ ϧⲉⲛ	ϧⲉⲛ ⲡⲉⲕⲕⲁϩⲓ ⲛⲉⲙ ⲉ̀ⲃⲟⲗ ϧⲉⲛ	xen pekkahi nem èvol xen
225	ⲧⲉⲕⲥⲩⲅⲅⲉⲛⲓⲁ̀: ⲟⲩⲟϩ ⲁ̀ⲙⲟⲩ ⲉ̀ⲡⲓⲕⲁϩⲓ	ⲧⲉⲕⲥⲩⲅⲅⲉⲛⲓⲁ̀: ⲟⲩⲟϩ ⲁ̀ⲙⲟⲩ ⲉ̀ⲡⲓⲕⲁϩⲓ	tek·singenià: ouoh àmou èpikahi
226	ⲉ̀ϯⲛⲁⲧⲁⲙⲟⲕ ⲉ̀ⲣⲟϥ.	ⲉ̀ⲓⲛⲁⲧⲁⲙⲟⲕ ⲉ̀ⲣⲟϥ.	èinatamok èrof.
227	Ⲧⲟⲧⲉ ⲁϥⲓ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ	Ⲧⲟⲧⲉ ⲁϥⲓ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲧⲉ	Tote afì èvol xen p̀kahi ǹte	Then he came out of the land of the Chaldaeans, and lived in Haran. From there, when his father was dead, God moved him into this land, where you are now living.
228	ⲛⲓⲬⲁⲗⲇⲉⲟⲥ ⲁϥϣⲱⲡⲓ ϧⲉⲛ Ⲭⲁⲣⲣⲁⲛ:	ⲛⲓⲬⲁⲗⲇⲉⲟⲥ ⲁϥϣⲱⲡⲓ ϧⲉⲛ Ⲭⲁⲣⲣⲁⲛ:	niXaldeos afṡōpi xen Xarran:
229	ⲉ̀ⲃⲟⲗ ⲇⲉ ⲙ̀ⲙⲁⲩ ⲙⲉⲛⲉⲛⲥⲁ ⲉ̀ⲧⲁϥⲙⲟⲩ ⲛ̀ϫⲉ	ⲉ̀ⲃⲟⲗ ⲇⲉ ⲙ̀ⲙⲁⲩ ⲙⲉⲛⲉⲛⲥⲁ ⲉ̀ⲧⲁϥⲙⲟⲩ ⲛ̀ϫⲉ	èvol ḋe m̀mav menensa ètafmou ǹje
230	ⲡⲉϥⲓⲱⲧ ⲁϥⲟⲩⲟⲑⲃⲉϥ ⲉ̀ⲃⲟⲗ ⲁϥⲑ̀ⲣⲉϥϣⲱⲡⲓ	ⲡⲉϥⲓⲱⲧ ⲁϥⲟⲩⲟⲑⲃⲉϥ ⲉ̀ⲃⲟⲗ ⲁϥⲑ̀ⲣⲉϥϣⲱⲡⲓ	pefiōt afouoθvef èvol afθ̀refṡōpi
p. 451
231	ϧⲉⲛ ⲡⲁⲓⲕⲁϩⲓ: ⲫⲁⲓ ⲛ̀ⲑⲱⲧⲉⲛ ⲉ̀ⲧⲉⲧⲉⲛϣⲟⲡ	ϧⲉⲛ ⲡⲁⲓⲕⲁϩⲓ: ⲫⲁⲓ ⲛ̀ⲑⲱⲧⲉⲛ ⲉ̀ⲧⲉⲧⲉⲛϣⲟⲡ	xen paikahi: fai ǹθōten ètetenṡop
232	ϩⲓⲱⲧϥ ϯⲛⲟⲩ.	ϩⲓⲱⲧϥ ϯⲛⲟⲩ.	hiōtf tinou.
233	Ⲟⲩⲟϩ ⲙ̀ⲡⲉϥϯ ⲛⲁϥ ⲛ̀ⲟⲩⲕ̀ⲗⲏⲣⲟⲛⲟⲙⲓⲁ̀	Ⲟⲩⲟϩ ⲙ̀ⲡⲉϥϯ ⲛⲁϥ ⲛ̀ⲟⲩⲕ̀ⲗⲏⲣⲟⲛⲟⲙⲓⲁ̀	Ouoh m̀pefti naf ǹouk̀lyronomià	He gave him no inheritance in it, no, not so much as to set his foot on. He promised that he would give it to him for a possession, and to his seed after him, when he still had no child.
234	ⲛ̀ϧⲏⲧϥ ⲟⲩⲇⲉ ⲟⲩϣⲉⲛⲧⲁⲧⲥⲓ ⲛ̀ⲧⲉ	ⲛ̀ϧⲏⲧϥ ⲟⲩⲇⲉ ⲟⲩϣⲉⲛⲧⲁⲧⲥⲓ ⲛ̀ⲧⲉ	ǹxytf ouḋe ouṡentatsi ǹte
235	ⲟⲩϭⲁⲗⲟϫ: ⲟⲩⲟϩ ⲁϥⲱϣ ⲉ̀ⲧⲏⲓϥ ⲛⲁϥ ϧⲉⲛ	ⲟⲩϭⲁⲗⲟϫ: ⲟⲩⲟϩ ⲁϥⲱϣ ⲉ̀ⲧⲏⲓϥ ⲛⲁϥ ϧⲉⲛ	ouċalog: ouoh afōṡ ètyif naf xen
236	ⲟⲩⲁ̀ⲙⲁϩⲓ ⲛⲉⲙ ⲡⲉϥϫ̀ⲣⲟϫ ⲙⲉⲛⲉⲛⲥⲱϥ:	ⲟⲩⲁ̀ⲙⲁϩⲓ ⲛⲉⲙ ⲡⲉϥϫ̀ⲣⲟϫ ⲙⲉⲛⲉⲛⲥⲱϥ:	ouàmahi nem pefg̀rog menensōf:
237	ⲙ̀ⲙⲟⲛⲧⲉϥ ϣⲏⲣⲓ ⲇⲉ ⲙ̀ⲙⲁⲩ.	ⲙ̀ⲙⲟⲛⲧⲉϥ ϣⲏⲣⲓ ⲇⲉ ⲙ̀ⲙⲁⲩ.	m̀montef ṡyri ḋe m̀mav.
238	Ⲁ Ⲫⲛⲟⲩϯ ⲇⲉ ⲥⲁϫⲓ ⲙ̀ⲡⲁⲓⲣⲏϯ ϫⲉ ⲉ̀ⲣⲉ	Ⲁ Ⲫ̀ⲛⲟⲩϯ ⲇⲉ ⲥⲁϫⲓ ⲛ̀ⲡⲁⲓⲣⲏϯ ϫⲉ ⲉ̀ⲣⲉ	A F̀nouti ḋe saji ǹpairyti je ère	God spoke in this way: that his seed would live as aliens in a strange land, and that they would be enslaved and mistreated for four hundred years.
239	ⲡⲉⲕϫ̀ⲣⲟϫ ⲉⲣⲣⲉⲙⲛ̀ϫⲱⲓⲗⲓ ϧⲉⲛ ⲟⲩⲕⲁϩⲓ	ⲡⲉⲕϫ̀ⲣⲟϫ ⲉⲣⲣⲉⲙⲛ̀ϫⲱⲓⲗⲓ ϧⲉⲛ ⲟⲩⲕⲁϩⲓ	pekg̀rog erremǹgōili xen oukahi
240	ⲛ̀ϣⲉⲙⲙⲟ: ⲟⲩⲟϩ ⲉⲩⲉ̀ⲁⲓⲧⲟⲩ ⲙ̀ⲃⲱⲕ ⲟⲩⲟϩ	ⲛ̀ϣⲉⲙⲙⲟ: ⲟⲩⲟϩ ⲉⲩⲉ̀ⲁⲓⲧⲟⲩ ⲛ̀ⲃⲱⲕ ⲟⲩⲟϩ	ǹṡemmo: ouoh evèaitou ǹvōk ouoh
241	ⲉⲩⲉⲧϩⲉⲙⲕⲱⲟⲩ ⲛ̀ϥ̀ⲧⲟⲩ ϣⲉ ⲛ̀ⲣⲟⲙⲡⲓ.	ⲉⲩⲉⲧϩⲉⲙⲕⲱⲟⲩ ⲛ̀ϥ̀ⲧⲟⲩ ϣⲉ ⲛ̀ⲣⲟⲙⲡⲓ.	evet·hemkōou ǹf̀tou ṡe ǹrompi.
242	Ⲟⲩⲟϩ ⲡⲓϣ̀ⲗⲟⲗ ⲉ̀ⲧⲟⲩⲛⲁⲉⲣⲃⲱⲕ ⲛⲁϥ	Ⲟⲩⲟϩ ⲡⲓϣ̀ⲗⲟⲗ ⲉ̀ⲧⲟⲩⲛⲁⲉⲣⲃⲱⲕ ⲛⲁϥ	Ouoh piṡ̀lol ètounaervōk naf	'I will judge the nation to which they will be in bondage,' said God, 'and after that will they come out, and serve me in this place.'
243	ⲉⲓⲉ̀ϯϩⲁⲡ ⲉ̀ⲣⲟϥ ⲁ̀ⲛⲟⲕ ⲡⲉϫⲉ Ⲫⲛⲟⲩϯ: ⲟⲩⲟϩ	ⲉⲓⲉ̀ϯϩⲁⲡ ⲉ̀ⲣⲟϥ ⲁ̀ⲛⲟⲕ ⲡⲉϫⲉ Ⲫ̀ⲛⲟⲩϯ: ⲟⲩⲟϩ	eiètihap èrof ànok peje F̀nouti: ouoh
244	ⲙⲉⲛⲉⲛⲥⲁ ⲛⲁⲓ ⲉⲩⲉ̀ⲓ̀ ⲉ̀ⲃⲟⲗ ⲉⲩⲉ̀ϣⲉⲙϣⲓ ⲙ̀ⲙⲟⲓ	ⲙⲉⲛⲉⲛⲥⲁ ⲛⲁⲓ ⲉⲩⲉ̀ⲓ̀ ⲉ̀ⲃⲟⲗ ⲉⲩⲉ̀ϣⲉⲙϣⲓ ⲙ̀ⲙⲟⲓ	menensa nai evèì èvol evèṡemṡi m̀moi
245	ϧⲉⲛ ⲡⲁⲓⲙⲁ ⲫⲁⲓ.	ϧⲉⲛ ⲡⲁⲓⲙⲁ ⲫⲁⲓ.	xen paima fai.
246	Ⲡⲓⲥⲁϫⲓ ⲇⲉ ⲛ̀ⲧⲉ Ⲡϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Ⲡⲓⲥⲁϫⲓ ⲇⲉ ⲛ̀ⲧⲉ Ⲡ̀ϭⲟⲓⲥ ⲉϥⲉ̀ⲁⲓⲁⲓ ⲟⲩⲟϩ	Pisaji ḋe ǹte P̀ċois efèaiai ouoh
247	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	ⲉϥⲉ̀ⲁ̀ϣⲁⲓ: ⲉϥⲉ̀ⲁ̀ⲙⲁϩⲓ ⲟⲩⲟϩ ⲉϥⲉ̀ⲧⲁϫⲣⲟ:	efèàṡai: efèàmahi ouoh efètagro:
248	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫⲛⲟⲩϯ:	ϧⲉⲛ ϯⲁ̀ⲅⲓⲁ ⲛ̀ⲉⲕⲕ̀ⲗⲏⲥⲓⲁ ⲛ̀ⲧⲉ Ⲫ̀ⲛⲟⲩϯ:	xen tiàgia ǹekk̀lysia ǹte F̀nouti:
249	ⲁ̀ⲙⲏⲛ.	ⲁ̀ⲙⲏⲛ.	àmyn.
p. 452
p. 453
250	Ⲯⲁⲗⲙⲟⲥ ⲧⲱ Ⲇⲁⲩⲓⲇ ⲣ̅ⲁ̅: ⲓ̅ⲁ, ⲓ̅ⲇ̅	Ⲯⲁⲗⲙⲟⲥ ⲧⲱ Ⲇⲁⲩⲓⲇ 101:11, 14	Psalmos tō David 101:11, 14
251	Ⲛⲑⲟⲕ Ⲫⲛⲟⲩϯ ⲉⲕⲉ̀ⲕⲟⲧⲕ ⲉⲕⲉ̀ϣⲉⲛϩⲏⲧ	Ⲛ̀ⲑⲟⲕ Ⲫ̀ⲛⲟⲩϯ ⲉⲕⲉ̀ⲕⲟⲧⲕ ⲉⲕⲉ̀ϣⲉⲛϩⲏⲧ	Ǹθok F̀nouti ekèkotk ekèṡenhyt	Thou shalt arise, and have mercy upon Sion: for it is time to have mercy upon her, for the set time is come.
252	ϧⲁ Ⲥⲓⲱⲛ: ϫⲉ ⲡ̀ⲥⲏⲟⲩ ⲡⲉ ⲉⲑⲣⲉⲕϣⲉⲛϩⲏⲧ	ϧⲁ Ⲥⲓⲱⲛ: ϫⲉ ⲡ̀ⲥⲏⲟⲩ ⲡⲉ ⲉ̀ⲑⲣⲉⲕϣⲉⲛϩⲏⲧ	xa Siōn: je p̀·syou pe èθrekṡenhyt
253	ϧⲁⲣⲟⲥ: ϫⲉ ⲁϥⲓ̀ ⲛ̀ϫⲉ ⲡⲓⲥⲏⲟⲩ: ϫⲉ Ⲡϭⲟⲓⲥ	ϧⲁⲣⲟⲥ: ϫⲉ ⲁϥⲓ̀ ⲛ̀ϫⲉ ⲡⲓⲥⲏⲟⲩ: ϫⲉ Ⲡ̀ϭⲟⲓⲥ	xaros: je afì ǹje pisyou: je P̀ċois	For the Lord shall build up Sion, and shall appear in his glory. He has had regard to the prayer of the lowly, and has not despised their petition.
254	ⲉϥⲉ̀ⲕⲱⲧ ⲛ̀Ⲥⲓⲱⲛ ⲟⲩⲟϩ ⲉϥⲉ̀ⲩⲟⲩⲟⲛϩϥ ϧⲉⲛ	ⲉϥⲉ̀ⲕⲱⲧ ⲛ̀Ⲥⲓⲱⲛ ⲟⲩⲟϩ ⲉϥⲉ̀ⲩⲟⲩⲟⲛϩϥ ϧⲉⲛ	efèkōt ǹSiōn ouoh efèvouonhf xen
255	ⲡⲉϥⲱ̀ⲟⲩ: ϫⲉ ⲁϥϫⲟⲩϣⲧ ⲉ̀ϫⲉⲛ ⲧ̀ⲡ̀ⲣⲟⲥⲉⲩⲭⲏ	ⲡⲉϥⲱ̀ⲟⲩ: ϫⲉ ⲁϥϫⲟⲩϣⲧ ⲉ̀ϫⲉⲛ ⲧ̀ⲡ̀ⲣⲟⲥⲉⲩⲭⲏ	pefṑou: je afgouṡt èjen t̀p̀rosevṡy
256	ⲛ̀ⲛⲓϩⲏⲕⲓ. Ⲁⲗⲗⲏⲗⲟⲩⲓⲁ̀.	ⲛ̀ⲛⲓϩⲏⲕⲓ. Ⲁⲗⲗⲏⲗⲟⲩⲓⲁ̀.	ǹnihyki. Allylouià.
257	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ⲟⲩⲁ̀ⲛⲁⲅⲛⲱⲥⲓⲥ ⲉ̀ⲃⲟⲗ ϧⲉⲛ	Ouànaġnōsis èvol xen	draft · highA reading from
258	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	ⲡⲓⲉⲩⲁⲅⲅⲉⲗⲓⲟⲛ ⲉⲑⲟⲩⲁⲃ ⲕⲁⲧⲁ Ⲗⲟⲩⲕⲁⲛ	pievangelion eθouab kata Loukan	draft · highthe holy Gospel according to Luke
259	ⲁⲅⲓⲟⲩ.	ⲁ̀ⲅⲓⲟⲩ.	àgiou.	draft · highholy.
260	Ⲗⲟⲩⲕⲁⲛ ⲁ̅: ⲁ̅ - ⲕ̅ⲉ̅	Ⲗⲟⲩⲕⲁⲛ 1:1, 25	Loukan 1:1, 25
261	Ⲉⲡⲓⲇⲏ ⲟⲩⲙⲏϣ ⲁⲩϩⲓⲧⲟⲧⲟⲩ ⲉ̀ⲥ̀ϧⲉ	Ⲉⲡⲓⲇⲏ ⲟⲩⲙⲏϣ ⲁⲩϩⲓⲧⲟⲧⲟⲩ ⲉ̀ⲥ̀ϧⲉ	Epiḋy oumyṡ avhitotou ès̀xe	Since many have undertaken to set in order a narrative concerning those matters which have been fulfilled among us,
262	ϩⲁⲛⲥⲁϫⲓ ⲉⲑⲃⲉ ⲛⲓϩ̀ⲃⲏⲟⲩⲓ̀ ⲉ̀ⲧⲁⲩϫⲱⲕ ⲉ̀ⲃⲟⲗ	ϩⲁⲛⲥⲁϫⲓ ⲉⲑⲃⲉ ⲛⲓϩ̀ⲃⲏⲟⲩⲓ̀ ⲉ̀ⲧⲁⲩϫⲱⲕ ⲉ̀ⲃⲟⲗ	hansaji eθve nih̀vyouì ètavgōk èvol
263	ⲛ̀ϧ̀ⲣⲏⲓ ⲛ̀ϧⲏⲧⲉⲛ.	ⲛ̀ϧ̀ⲣⲏⲓ ⲛ̀ϧⲏⲧⲉⲛ.	ǹx̀ryi ǹxyten.
264	Ⲕⲁⲧⲁ ⲫ̀ⲣⲏϯ ⲉⲧⲁⲩϯ ⲉ̀ⲧⲟⲧⲉⲛ ⲙ̀ⲙⲟϥ	Ⲕⲁⲧⲁ ⲫ̀ⲣⲏϯ ⲉⲧⲁⲩϯ ⲉ̀ⲧⲟⲧⲉⲛ ⲙ̀ⲙⲟϥ	Kata f̀ryti etavti ètoten m̀mof	even as those who from the beginning were eyewitnesses and servants of the word delivered them to us,
265	ⲛ̀ϫⲉ ⲛⲓϣⲟⲣⲡ ⲉⲧⲁⲩⲛⲁⲩ: ⲟⲩⲟϩ ⲁⲩϣⲱⲡⲓ	ⲛ̀ϫⲉ ⲛⲓϣⲟⲣⲡ ⲉ̀ⲧⲁⲩⲛⲁⲩ: ⲟⲩⲟϩ ⲁⲩϣⲱⲡⲓ	ǹje niṡorp ètavnav: ouoh avṡōpi
266	ⲉⲩⲟⲓ ⲛ̀ⲣⲉϥϣⲉⲙϣⲓ ⲙ̀ⲡⲓⲥⲁϫⲓ.	ⲉⲩⲟⲓ ⲛ̀ⲣⲉϥϣⲉⲙϣⲓ ⲙ̀ⲡⲓⲥⲁϫⲓ.	evoi ǹrefṡemṡi m̀pisaji.
p. 454
267	Ⲁⲥⲣⲁⲛⲏⲓ ϩⲱ ⲉ̀ⲁⲓⲙⲟϣⲓ ⲛ̀ⲥⲁ ϩⲱⲃ	Ⲁⲥⲣⲁⲛⲏⲓ ϩⲱ ⲉ̀ⲁⲓⲙⲟϣⲓ ⲛ̀ⲥⲁ ϩⲱⲃ	Asranyi hō èaimoṡi ǹsa hōb	it seemed good to me also, having traced the course of all things accurately from the first, to write to you in order, most excellent Theophilus;
268	ⲛⲓⲃⲉⲛ ⲓⲥϫⲉⲛ ϩⲏ ϧⲉⲛ ⲟⲩⲧⲁϫⲣⲟ ⲉ̀ⲥ̀ϧⲁⲓ ⲛⲁⲕ	ⲛⲓⲃⲉⲛ ⲓⲥϫⲉⲛ ϩⲏ ϧⲉⲛ ⲟⲩⲧⲁϫⲣⲟ ⲉ̀ⲥ̀ϧⲁⲓ ⲛⲁⲕ	niven isjen hy xen outagro ès̀xai nak
269	ⲙ̀ⲫⲣⲏϯ ⲛ̀ⲕ̀ⲣⲁⲧⲓⲥⲧⲉ Ⲑⲉⲟ̀ⲫⲓⲗⲉ.	ⲛ̀ⲫ̀ⲣⲏϯ ⲛ̀ⲕ̀ⲣⲁⲧⲓⲥⲧⲉ Ⲑⲉⲟ̀ⲫⲓⲗⲉ.	ǹf̀ryti ǹk̀ratiste Ɵeòfile.
270	Ϩⲓⲛⲁ ⲛ̀ⲧⲉⲕⲥⲟⲩⲉⲛ ⲡ̀ⲧⲁϫⲣⲟ ⲛ̀ⲧⲉ	Ϩⲓⲛⲁ ⲛ̀ⲧⲉⲕⲥⲟⲩⲉⲛ ⲡ̀ⲧⲁϫⲣⲟ ⲛ̀ⲧⲉ	Hina ǹtek·souen p̀tagro ǹte
271	ⲛⲓⲥⲁϫⲓ ⲛⲏⲉⲧⲁⲩⲉⲣⲕⲁⲑⲏⲭⲓⲛ ⲙ̀ⲙⲟⲕ ⲛ̀ϧ̀ⲣⲏⲓ	ⲛⲓⲥⲁϫⲓ ⲛⲏⲉⲧⲁⲩⲉⲣⲕⲁⲑⲏⲭⲓⲛ ⲙ̀ⲙⲟⲕ ⲛ̀ϧ̀ⲣⲏⲓ	nisaji nyetaverkaθykin m̀mok ǹx̀ryi
272	ⲛ̀ϧⲏⲧⲟⲩ.	ⲛ̀ϧⲏⲧⲟⲩ.	ǹxytou.
273	Ⲁⲥϣⲱⲡⲓ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ Ⲏⲣⲱⲇⲏⲥ	Ⲁⲥϣⲱⲡⲓ ϧⲉⲛ ⲛⲓⲉ̀ϩⲟⲟⲩ ⲛ̀ⲧⲉ Ⲏ̀ⲣⲱⲇⲏⲥ	Asṡōpi xen nièhoou ǹte Ỳrōdys	There was in the days of Herod, the king of Judea, a certain priest named Zacharias, of the priestly division of Abijah. He had a wife of the daughters of Aaron, and her name was Elizabeth.
274	ⲡ̀ⲟⲩⲣⲟ ⲛ̀ⲧⲉ ϯⲒⲟⲩⲇⲉⲁ̀ ⲛⲉ ⲟⲩⲟⲛ ⲟⲩⲟⲩⲏⲃ	ⲡ̀ⲟⲩⲣⲟ ⲛ̀ⲧⲉ ϯⲒⲟⲩⲇⲉⲁ̀ ⲛⲉ ⲟⲩⲟⲛ ⲟⲩⲟⲩⲏⲃ	p̀ouro ǹte tiIoudeà ne ouon ououyb
275	ⲇⲉ ⲉ̀ⲡⲉϥⲣⲁⲛ ⲡⲉ Ⲍⲁⲭⲁⲣⲓⲁⲥ: ⲉ̀ⲟⲩ ⲉ̀ⲃⲟⲗ	ⲇⲉ ⲉ̀ⲡⲉϥⲣⲁⲛ ⲡⲉ Ⲍⲁⲭⲁⲣⲓⲁⲥ: ⲉ̀ⲟⲩ ⲉ̀ⲃⲟⲗ	ḋe èpefran pe Zaxarias: èou èvol
276	ϧⲉⲛ ⲛⲓⲉ̀ϩⲟⲟⲩ ⲛ̀ϣⲉⲙϣⲓ ⲛ̀ⲧⲉ Ⲁⲃⲓⲁ̀ ⲟⲩⲟϩ	ϧⲉⲛ ⲛⲓⲉ̀ϩⲟⲟⲩ ⲛ̀ϣⲉⲙϣⲓ ⲛ̀ⲧⲉ Ⲁⲃⲓⲁ̀ ⲟⲩⲟϩ	xen nièhoou ǹṡemṡi ǹte Avià ouoh
277	ⲧⲉϥⲥ̀ϩⲓⲙⲓ ⲛⲉ ⲟⲩ ⲉ̀ⲃⲟⲗ ⲧⲉ ϧⲉⲛ ⲛⲓϣⲉⲣⲓ	ⲧⲉϥⲥ̀ϩⲓⲙⲓ ⲛⲉ ⲟⲩ ⲉ̀ⲃⲟⲗ ⲧⲉ ϧⲉⲛ ⲛⲓϣⲉⲣⲓ	tefs̀·himi ne ou èvol te xen niṡeri
278	ⲛ̀ⲧⲉ Ⲁⲁ̀ⲣⲱⲛ: ⲟⲩⲟϩ ⲉ̀ⲡⲉⲥⲣⲁⲛ ⲡⲉ	ⲛ̀ⲧⲉ Ⲁ̀ⲁ̀ⲣⲱⲛ: ⲟⲩⲟϩ ⲉ̀ⲡⲉⲥⲣⲁⲛ ⲡⲉ	ǹte Ààrōn: ouoh èpesran pe
279	Ⲉⲗⲓⲥⲁⲃⲉⲧ.	Ⲉ̀ⲗⲓⲥⲁⲃⲉⲧ.	Èlisabet.
280	Ⲛⲉ ϩⲁⲛⲑ̀ⲙⲏⲓ ⲇⲉ ⲙ̀ⲡ̀ⲥ̀ⲛⲁⲩ ⲛⲉ	Ⲛⲉ ϩⲁⲛⲑ̀ⲙⲏⲓ ⲇⲉ ⲛ̀ⲡ̀ⲥ̀ⲛⲁⲩ ⲛⲉ	Ne hanθ̀myi ḋe ǹp̀·s̀nav ne	They were both righteous before God, walking blamelessly in all the commandments and ordinances of the Lord.
281	ⲙ̀ⲡⲉⲙ̀ⲑⲟ ⲙ̀Ⲫⲛⲟⲩϯ: ⲉⲩⲙⲟϣⲓ ϧⲉⲛ	ⲛ̀ⲡⲉⲙ̀ⲑⲟ ⲛ̀Ⲫ̀ⲛⲟⲩϯ: ⲉⲩⲙⲟϣⲓ ϧⲉⲛ	ǹpem̀θo ǹF̀nouti: evmoṡi xen
282	ⲛⲓⲉⲛⲧⲟⲗⲏ ⲧⲏⲣⲟⲩ ⲛⲉⲙ ⲛⲓⲙⲉⲑⲙⲏⲓ ⲛ̀ⲧⲉ	ⲛⲓⲉⲛⲧⲟⲗⲏ ⲧⲏⲣⲟⲩ ⲛⲉⲙ ⲛⲓⲙⲉⲑⲙⲏⲓ ⲛ̀ⲧⲉ	nientoly tyrou nem nimeθmyi ǹte
283	Ⲡϭⲟⲓⲥ ⲉⲩⲟⲓ ⲛ̀ⲁⲧⲁ̀ⲣⲓⲕⲓ.	Ⲡ̀ϭⲟⲓⲥ ⲉⲩⲟⲓ ⲛ̀ⲁⲧⲁ̀ⲣⲓⲕⲓ.	P̀ċois evoi ǹatàriki.
284	Ⲟⲩⲟϩⲛⲉ ⲙ̀ⲙⲟⲛⲧⲟⲩ ϣⲏⲣⲓ ⲙ̀ⲙⲁⲩ ⲡⲉ:	Ⲟⲩⲟϩⲛⲉ ⲙ̀ⲙⲟⲛⲧⲟⲩ ϣⲏⲣⲓ ⲙ̀ⲙⲁⲩ ⲡⲉ:	Ouohne m̀montou ṡyri m̀mav pe:	But they had no child, because Elizabeth was barren, and they both were well advanced in years.
285	ϫⲉ ⲟⲩⲏⲓ ⲛⲉ ⲟⲩⲁⲧϭ̀ⲣⲏⲛ ⲛ̀ϫⲉ Ⲉⲗⲓⲥⲁⲃⲉⲧ:	ϫⲉ ⲟⲩⲏⲓ ⲛⲉ ⲟⲩⲁⲧϭ̀ⲣⲏⲛ ⲛ̀ϫⲉ Ⲉ̀ⲗⲓⲥⲁⲃⲉⲧ:	je ouyi ne ouatċ̀ryn ǹje Èlisabet:
286	ⲟⲩⲟϩⲛⲉ ⲁⲩⲁⲓⲁⲓ ⲙ̀ⲡ̀ⲥ̀ⲛⲁⲩ ⲡⲉ ϧⲉⲛ	ⲟⲩⲟϩⲛⲉ ⲁⲩⲁⲓⲁⲓ ⲛ̀ⲡ̀ⲥ̀ⲛⲁⲩ ⲡⲉ ϧⲉⲛ	ouohne avaiai ǹp̀·s̀nav pe xen
287	ⲛⲟⲩⲉ̀ϩⲟⲟⲩ.	ⲛ̀ⲟⲩⲉ̀ϩⲟⲟⲩ.	ǹouèhoou.
288	Ⲁⲥϣⲱⲡⲓ ⲇⲉ ⲉϥⲓ̀ⲣⲓ ⲛ̀ⲧⲉϥⲙⲉⲧⲟⲩⲏⲃ	Ⲁⲥϣⲱⲡⲓ ⲇⲉ ⲉϥⲓ̀ⲣⲓ ⲛ̀ⲧⲉϥⲙⲉⲧⲟⲩⲏⲃ	Asṡōpi ḋe efìri ǹtefmetouyb	Now it happened, while he executed the priest's office before God in the order of his division,
289	ϧⲉⲛ ϯⲧ̀ⲁⲝⲓⲥ ⲛ̀ⲧⲉ ⲛⲉϥⲉ̀ϩⲟⲟⲩ ⲛ̀ϣⲉⲙϣⲓ	ϧⲉⲛ ϯⲧ̀ⲁⲝⲓⲥ ⲛ̀ⲧⲉ ⲛⲉϥⲉ̀ϩⲟⲟⲩ ⲛ̀ϣⲉⲙϣⲓ	xen tit̀aksis ǹte nefèhoou ǹṡemṡi
290	ⲙⲡⲉⲙ̀ⲑⲟ ⲙ̀Ⲫⲛⲟⲩϯ.	ⲛ̀ⲡⲉⲙ̀ⲑⲟ ⲛ̀Ⲫ̀ⲛⲟⲩϯ.	ǹpem̀θo ǹF̀nouti.
291	Ⲕⲁⲧⲁ ϯⲕⲁϩⲥ ⲛ̀ⲧⲉ ϯⲙⲉⲧⲟⲩⲏⲃ ⲁ̀	Ⲕⲁⲧⲁ ϯⲕⲁϩⲥ ⲛ̀ⲧⲉ ϯⲙⲉⲧⲟⲩⲏⲃ ⲁ̀	Kata tikahs ǹte timetouyb à	according to the custom of the priest's office, his lot was to enter into the temple of the Lord and burn incense.
292	ⲡⲓⲱⲡ ⲓ̀ ⲉ̀ⲣⲟϥ ⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ⲡ̀ϣⲱⲓ ⲟⲩⲟϩ	ⲡⲓⲱⲡ ⲓ̀ ⲉ̀ⲣⲟϥ ⲉ̀ⲉⲛ ⲥ̀ⲑⲟⲓⲛⲟⲩϥⲓ ⲉ̀ⲡ̀ϣⲱⲓ ⲟⲩⲟϩ	piōp ì èrof èen s̀θoinoufi èp̀ṡōi ouoh
293	ⲁϥϣⲉⲛⲁϥ ⲉ̀ϧⲟⲩⲛ ⲉ̀ⲡⲓⲉⲣⲫⲉⲓ ⲛ̀ⲧⲉ Ⲡϭⲟⲓⲥ.	ⲁϥϣⲉⲛⲁϥ ⲉ̀ϧⲟⲩⲛ ⲉ̀ⲡⲓⲉⲣⲫⲉⲓ ⲛ̀ⲧⲉ Ⲡ̀ϭⲟⲓⲥ.	afṡenaf èxoun èpierfei ǹte P̀ċois.
p. 455
294	Ⲟⲩⲟϩ ⲛⲁⲣⲉ ⲡⲓⲙⲏϣ ⲧⲏⲣϥ ⲛ̀ⲧⲉ	Ⲟⲩⲟϩ ⲛⲁⲣⲉ ⲡⲓⲙⲏϣ ⲧⲏⲣϥ ⲛ̀ⲧⲉ	Ouoh nare pimyṡ tyrf ǹte	The whole multitude of the people were praying outside at the hour of incense.
295	ⲡⲓⲗⲁⲟⲥ ⲛⲁⲩⲧⲱⲃϩⲥⲁⲃⲟⲗ ⲙ̀ⲫ̀ⲛⲁⲩ	ⲡⲓⲗⲁⲟⲥ ⲛⲁⲩⲧⲱⲃϩⲥⲁⲃⲟⲗ ⲛ̀ⲫ̀ⲛⲁⲩ	pilaos navtōvhsavol ǹf̀nav
296	ⲙ̀ⲡⲓⲥ̀ⲑⲟⲓⲛⲟⲩϥⲓ.	ⲛ̀ⲡⲓⲥ̀ⲑⲟⲓⲛⲟⲩϥⲓ.	ǹpis̀θoinoufi.
297	Ⲁϥⲟⲩⲟⲛϩϥ ⲇⲉ ⲉ̀ⲣⲟϥ ⲛ̀ϫⲉ	Ⲁϥⲟⲩⲟⲛϩϥ ⲇⲉ ⲉ̀ⲣⲟϥ ⲛ̀ϫⲉ	Afouonhf ḋe èrof ǹje
298	ⲟⲩⲁⲅⲅⲉⲗⲟⲥ ⲛ̀ⲧⲉ Ⲡϭⲟⲓⲥ ⲉϥⲟ̀ϩⲓ ⲉ̀ⲣⲁⲧϥ	ⲟⲩⲁⲅⲅⲉⲗⲟⲥ ⲛ̀ⲧⲉ Ⲡ̀ϭⲟⲓⲥ ⲉϥⲟ̀ϩⲓ ⲉ̀ⲣⲁⲧϥ	ouangelos ǹte P̀ċois efòhi èratf
299	ⲥⲁⲟⲩⲓ̀ⲛⲁⲙ ⲙ̀ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ	ⲥⲁⲟⲩⲓ̀ⲛⲁⲙ ⲛ̀ⲡⲓⲙⲁⲛ̀ⲉⲣϣⲱⲟⲩϣⲓ ⲛ̀ⲧⲉ	saouìnam ǹpimaǹerṡōouṡi ǹte
300	ⲡⲓⲥ̀ⲑⲟⲓⲛⲟⲩϥⲓ.	ⲡⲓⲥ̀ⲑⲟⲓⲛⲟⲩϥⲓ.	pis̀θoinoufi.
301	Ⲟⲩⲟϩ ⲉ̀ⲧⲁϥⲛⲁⲩ ⲉ̀ⲣⲟϥ ⲛ̀ϫⲉ Ⲍⲁⲭⲁⲣⲓⲁⲥ	Ⲟⲩⲟϩ ⲉ̀ⲧⲁϥⲛⲁⲩ ⲉ̀ⲣⲟϥ ⲛ̀ϫⲉ Ⲍⲁⲭⲁⲣⲓⲁⲥ	Ouoh ètafnav èrof ǹje Zaxarias	Zacharias was troubled when he saw him, and fear fell upon him.
302	ⲁϥϣ̀ⲑⲟⲣⲧⲉⲣ: ⲟⲩⲟϩ ⲟⲩϩⲟϯ ⲁⲥⲓ̀ ⲉ̀ϩ̀ⲣⲏⲓ	ⲁϥϣ̀ⲑⲟⲣⲧⲉⲣ: ⲟⲩⲟϩ ⲟⲩϩⲟϯ ⲁⲥⲓ̀ ⲉ̀ϩ̀ⲣⲏⲓ	afṡ̀θorter: ouoh ouhoti asì èh̀ryi
303	ⲉ̀ϫⲱϥ.	ⲉ̀ϫⲱϥ.	ègōf.
304	Ⲡⲉϫⲁϥ ⲇⲉ ⲛⲁϥ ⲛ̀ϫⲉ ⲡⲓⲁⲅⲅⲉⲗⲟⲥ ϫⲉ	Ⲡⲉϫⲁϥ ⲇⲉ ⲛⲁϥ ⲛ̀ϫⲉ ⲡⲓⲁⲅⲅⲉⲗⲟⲥ ϫⲉ	Pegaf ḋe naf ǹje piangelos je	But the angel said to him, 'Don't be afraid, Zacharias, because your request has been heard, and your wife, Elizabeth, will bear you a son, and you shall call his name John.
305	ⲙ̀ⲡⲉⲣⲉⲣϩⲟϯ Ⲍⲁⲭⲁⲣⲓⲁⲥ ϫⲉ ⲟⲩⲏⲓ	ⲙ̀ⲡⲉⲣⲉⲣϩⲟϯ Ⲍⲁⲭⲁⲣⲓⲁⲥ ϫⲉ ⲟⲩⲏⲓ	m̀pererhoti Zaxarias je ouyi
306	ⲁⲩⲥⲱⲧⲉⲙ ⲉ̀ⲡⲉⲕⲧⲱⲃϩ: ⲟⲩⲟϩⲧⲉⲕⲥ̀ϩⲓⲙⲓ	ⲁⲩⲥⲱⲧⲉⲙ ⲉ̀ⲡⲉⲕⲧⲱⲃϩ: ⲟⲩⲟϩ ⲧⲉⲕⲥ̀ϩⲓⲙⲓ	avsōtem èpektōvh: ouoh tek·s̀·himi
307	Ⲉⲗⲓⲥⲁⲃⲉⲧ ⲉⲥⲉ̀ⲉⲣⲃⲟⲕⲓ ⲟⲩⲟϩ ⲉⲥⲉ̀ⲙⲓⲥⲓ ⲛⲁⲕ	Ⲉ̀ⲗⲓⲥⲁⲃⲉⲧ ⲉⲥⲉ̀ⲉⲣⲃⲟⲕⲓ ⲟⲩⲟϩ ⲉⲥⲉ̀ⲙⲓⲥⲓ ⲛⲁⲕ	Èlisabet esèervoki ouoh esèmisi nak
308	ⲛ̀ⲟⲩϣⲏⲣⲓ: ⲟⲩⲟϩⲉⲕⲉ̀ⲙⲟⲩϯ ⲉ̀ⲡⲉϥⲣⲁⲛ ϫⲉ	ⲛ̀ⲟⲩϣⲏⲣⲓ: ⲟⲩⲟϩⲉⲕⲉ̀ⲙⲟⲩϯ ⲉ̀ⲡⲉϥⲣⲁⲛ ϫⲉ	ǹouṡyri: ouohekèmouti èpefran je
309	Ⲓⲱⲁⲛⲛⲏⲥ.	Ⲓⲱⲁⲛⲛⲏⲥ.	Iōannys.
310	Ⲟⲩⲟϩ ⲉ̀ⲣⲉ ⲟⲩⲣⲁϣⲓ ϣⲱⲡⲓ ⲛⲁⲕ ⲛⲉⲙ	Ⲟⲩⲟϩ ⲉ̀ⲣⲉ ⲟⲩⲣⲁϣⲓ ϣⲱⲡⲓ ⲛⲁⲕ ⲛⲉⲙ	Ouoh ère ouraṡi ṡōpi nak nem	You will have joy and gladness; and many will rejoice at his birth.
311	ⲟⲩⲑⲉⲗⲏⲗ: ⲟⲩⲟϩ ⲉ̀ⲣⲉ ⲟⲩⲙⲏϣ ⲣⲁϣⲓ ⲉ̀ϫⲉⲛ	ⲟⲩⲑⲉⲗⲏⲗ: ⲟⲩⲟϩ ⲉ̀ⲣⲉ ⲟⲩⲙⲏϣ ⲣⲁϣⲓ ⲉ̀ϫⲉⲛ	ouθelyl: ouoh ère oumyṡ raṡi èjen
312	ⲡⲉϥϫⲓⲛⲙⲓⲥⲓ.	ⲡⲉϥϫⲓⲛⲙⲓⲥⲓ.	pefjinmisi.
313	Ϥⲛⲁϣⲱⲡⲓ ⲅⲁⲣ ⲉϥⲟⲓ ⲛ̀ⲛⲓϣϯ ⲙ̀ⲡⲉⲙ̀ⲑⲟ	Ϥ̀ⲛⲁϣⲱⲡⲓ ⲅⲁⲣ ⲉϥⲟⲓ ⲛ̀ⲛⲓϣϯ ⲛ̀ⲡⲉⲙ̀ⲑⲟ	F̀naṡōpi ġar efoi ǹniṡti ǹpem̀θo	For he will be great in the sight of the Lord, and he will drink no wine nor strong drink. He will be filled with the Holy Spirit, even from his mother's womb.
314	ⲙ̀Ⲡϭⲟⲓⲥ: ⲟⲩⲟϩ ⲟⲩⲏⲣⲡ ⲛⲉⲙ ⲟⲩⲥⲓⲕⲉⲣⲁ	ⲛ̀Ⲡ̀ϭⲟⲓⲥ: ⲟⲩⲟϩ ⲟⲩⲏⲣⲡ ⲛⲉⲙ ⲟⲩⲥⲓⲕⲉⲣⲁ	ǹP̀ċois: ouoh ouyrp nem ousikera
315	ⲛ̀ⲛⲉϥⲥⲱⲟⲩ: ⲟⲩⲟϩ ϥ̀ⲛⲁⲙⲟϩ ⲉ̀ⲃⲟⲗ ϧⲉⲛ	ⲛ̀ⲛⲉϥⲥⲱⲟⲩ: ⲟⲩⲟϩ ϥ̀ⲛⲁⲙⲟϩ ⲉ̀ⲃⲟⲗ ϧⲉⲛ	ǹnefsōou: ouoh f̀namoh èvol xen
316	ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲓⲥϫⲉⲛ ⲉϥϧⲉⲛ ⲑ̀ⲛⲉϫⲓ	ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲓⲥϫⲉⲛ ⲉϥ ϧⲉⲛ ⲑ̀ⲛⲉϫⲓ	oup̀nevma efouab isjen ef xen θ̀neji
317	ⲛ̀ⲧⲉ ⲧⲉϥⲙⲁⲩ.	ⲛ̀ⲧⲉ ⲧⲉϥⲙⲁⲩ.	ǹte tefmav.
318	Ⲟⲩⲟϩⲉϥⲛⲑ̀ⲣⲉ ⲟⲩⲙⲏϣ ⲛ̀ⲧⲉ ⲛⲉⲛϣⲏⲣⲓ	Ⲟⲩⲟϩⲉϥⲛⲑ̀ⲣⲉ ⲟⲩⲙⲏϣ ⲛ̀ⲧⲉ ⲛⲉⲛϣⲏⲣⲓ	Ouohefnθ̀re oumyṡ ǹte nenṡyri	He will turn many of the children of Israel to the Lord, their God.
319	ⲙ̀Ⲡⲓⲥⲣⲁⲏⲗ ⲕⲟⲧⲟⲩ ⲉ̀Ⲡϭⲟⲓⲥ ⲡⲟⲩⲛⲟⲩϯ.	ⲛ̀Ⲡⲓⲥⲣⲁⲏⲗ ⲕⲟⲧⲟⲩ ⲉ̀Ⲡ̀ϭⲟⲓⲥ ⲡⲟⲩⲛⲟⲩϯ.	ǹPisrayl kotou èP̀ċois pounouti.
p. 456
320	Ⲟⲩⲟϩ ⲛ̀ⲑⲟϥ ϥ̀ⲛⲁⲉⲣϣⲟⲣⲡ ⲛ̀ⲓ̀ ϧⲁϫⲱϥ	Ⲟⲩⲟϩ ⲛ̀ⲑⲟϥ ϥ̀ⲛⲁⲉⲣϣⲟⲣⲡ ⲛ̀ⲓ̀ ϧⲁϫⲱϥ	Ouoh ǹθof f̀naerṡorp ǹì xagōf	He will go before him in the spirit and power of Elijah, 'to turn the hearts of the fathers to the children,' and the disobedient to the wisdom of the just; to make ready a people prepared for the Lord.'
321	ⲙ̀ⲡⲉϥⲙ̀ⲑⲟ ϧⲉⲛ ⲟⲩⲡ̀ⲛⲉⲩⲙⲁ ⲛⲉⲙ ⲟⲩϫⲟⲙ	ⲛ̀ⲡⲉϥⲙ̀ⲑⲟ ϧⲉⲛ ⲟⲩⲡ̀ⲛⲉⲩⲙⲁ ⲛⲉⲙ ⲟⲩϫⲟⲙ	ǹpefm̀θo xen oup̀nevma nem ougom
322	ⲛ̀ⲧⲉ Ⲏⲗⲓⲁⲥ ⲉ̀ⲕⲉⲧ ⲡ̀ϩⲏⲧ ⲛ̀ϩⲁⲛⲓⲟϯ	ⲛ̀ⲧⲉ Ⲏⲗⲓⲁⲥ ⲉ̀ⲕⲉⲧ ⲡ̀ϩⲏⲧ ⲛ̀ϩⲁⲛⲓⲟϯ	ǹte Ylias èket p̀hyt ǹhanioti
323	ⲉ̀ⲛⲟⲩϣⲏⲣⲓ ⲛⲉⲙ ⲛⲏⲉⲧⲟⲓ ⲛ̀ⲁⲧⲑⲱⲧ ⲛ̀ϩⲏⲧ	ⲉ̀ⲛⲟⲩϣⲏⲣⲓ ⲛⲉⲙ ⲛⲏⲉⲧⲟⲓ ⲛ̀ⲁⲧⲑⲱⲧ ⲛ̀ϩⲏⲧ	ènouṡyri nem nyetoi ǹatθōt ǹhyt
324	ϧⲉⲛ ⲫ̀ⲙⲉⲩⲓ ⲛ̀ⲧⲉ ⲛⲓⲑ̀ⲙⲏⲓ: ⲉ̀ⲥⲉⲃⲧⲉ ⲟⲩⲗⲁⲟⲥ	ϧⲉⲛ ⲫ̀ⲙⲉⲩⲓ ⲛ̀ⲧⲉ ⲛⲓⲑ̀ⲙⲏⲓ: ⲉ̀ⲥⲉⲃⲧⲉ ⲟⲩⲗⲁⲟⲥ	xen f̀mevi ǹte niθ̀myi: èsevte oulaos
325	ⲙ̀Ⲡϭⲟⲓⲥ ⲉ̀ⲁⲩⲑ̀ⲙⲁⲓⲟϥ.	ⲛ̀Ⲡ̀ϭⲟⲓⲥ ⲉ̀ⲁⲩⲑ̀ⲙⲁⲓⲟϥ.	ǹP̀ċois èavθ̀maiof.
326	Ⲟⲩⲟϩⲡⲉϫⲉ Ⲍⲁⲭⲁⲣⲓⲁⲥ ⲙ̀ⲡⲓⲁⲅⲅⲉⲗⲟⲥ	Ⲟⲩⲟϩⲡⲉϫⲉ Ⲍⲁⲭⲁⲣⲓⲁⲥ ⲛ̀ⲡⲓⲁⲅⲅⲉⲗⲟⲥ	Ouohpeje Zaxarias ǹpiangelos	Zacharias said to the angel, 'How can I be sure of this? For I am an old man, and my wife is well advanced in years.'
327	ϫⲉ ⲛ̀ϧ̀ⲣⲏⲓ ϧⲉⲛ ⲟⲩ ϯⲛⲁⲉ̀ⲙⲓ ⲉ̀ⲫⲁⲓ: ⲁ̀ⲛⲟⲕ	ϫⲉ ⲛ̀ϧ̀ⲣⲏⲓ ϧⲉⲛ ⲟⲩ ϯⲛⲁⲉ̀ⲙⲓ ⲉ̀ⲫⲁⲓ: ⲁ̀ⲛⲟⲕ	je ǹx̀ryi xen ou tinaèmi èfai: ànok
328	ⲅⲁⲣ ⲟⲩϧⲉⲗⲗⲟ ⲟⲩⲟϩⲧⲁⲥ̀ϩⲓⲙⲓ ⲁⲥⲁⲓⲁⲓ ϧⲉⲛ	ⲅⲁⲣ ⲟⲩϧⲉⲗⲗⲟ ⲟⲩⲟϩⲧⲁⲥ̀ϩⲓⲙⲓ ⲁⲥⲁⲓⲁⲓ ϧⲉⲛ	ġar ouxello ouohtas̀·himi asaiai xen
329	ⲛⲉⲥⲉ̀ϩⲟⲟⲩ.	ⲛⲉⲥⲉ̀ϩⲟⲟⲩ.	nesèhoou.
330	Ⲟⲩⲟϩⲁϥⲉⲣⲟⲩⲱ̀ ⲛ̀ϫⲉ ⲡⲓⲁⲅⲅⲉⲗⲟⲥ	Ⲟⲩⲟϩⲁϥⲉⲣⲟⲩⲱ̀ ⲛ̀ϫⲉ ⲡⲓⲁⲅⲅⲉⲗⲟⲥ	Ouohaferouṑ ǹje piangelos	The angel answered him, 'I am Gabriel, who stands in the presence of God. I was sent to speak to you, and to bring you this good news.
331	ⲡⲉϫⲁϥ ⲛⲁϥ ϫⲉ ⲁ̀ⲛⲟⲕ ⲡⲉ Ⲅⲁⲃⲣⲓⲏⲗ	ⲡⲉϫⲁϥ ⲛⲁϥ ϫⲉ ⲁ̀ⲛⲟⲕ ⲡⲉ Ⲅⲁⲃⲣⲓⲏⲗ	pegaf naf je ànok pe Ġabriyl
332	ⲫⲏⲉⲧⲟ̀ϩⲓ ⲉ̀ⲣⲁⲧϥ ⲙ̀ⲡⲉⲙ̀ⲑⲟ ⲙ̀Ⲫⲛⲟⲩϯ:	ⲫⲏⲉⲧⲟ̀ϩⲓ ⲉ̀ⲣⲁⲧϥ ⲛ̀ⲡⲉⲙ̀ⲑⲟ ⲛ̀Ⲫ̀ⲛⲟⲩϯ:	fyetòhi èratf ǹpem̀θo ǹF̀nouti:
333	ⲟⲩⲟϩ ⲁⲩⲧⲁⲟⲩⲟⲓ ⲉ̀ⲥⲁϫⲓ ⲉⲙⲁⲕ: ⲟⲩⲟϩ	ⲟⲩⲟϩ ⲁⲩⲧⲁⲟⲩⲟⲓ ⲉ̀ⲥⲁϫⲓ ⲉⲙⲁⲕ: ⲟⲩⲟϩ	ouoh avtaouoi èsaji emak: ouoh
334	ⲉ̀ϩⲓϣⲉⲛⲛⲟⲩϥⲓ ⲛⲁⲕ ⲛ̀ⲛⲁⲓ.	ⲉ̀ϩⲓϣⲉⲛⲛⲟⲩϥⲓ ⲛⲁⲕ ⲛ̀ⲛⲁⲓ.	èhiṡennoufi nak ǹnai.
335	Ⲟⲩⲟϩ ϩⲏⲡⲡⲉ ⲉⲕⲉ̀ϣⲱⲡⲓ ⲉⲕⲭⲱ ⲛ̀ⲣⲱⲕ	Ⲟⲩⲟϩ ϩⲏⲡⲡⲉ ⲉⲕⲉ̀ϣⲱⲡⲓ ⲉⲕⲭⲱ ⲛ̀ⲣⲱⲕ	Ouoh hyppe ekèṡōpi ekkō ǹrōk	Behold, you will be silent and not able to speak, until the day that these things will happen, because you didn't believe my words, which will be fulfilled in their proper time.'
336	ⲟⲩⲟϩ ⲙ̀ⲙⲟⲛ ϣ̀ϫⲟⲙ ⲙ̀ⲙⲟⲕ ⲉ̀ⲥⲁϫⲓ ϣⲁ	ⲟⲩⲟϩ ⲙ̀ⲙⲟⲛ ϣ̀ϫⲟⲙ ⲙ̀ⲙⲟⲕ ⲉ̀ⲥⲁϫⲓ ϣⲁ	ouoh m̀mon ṡ̀gom m̀mok èsaji ṡa
337	ⲡⲓⲉ̀ϩⲟⲟⲩ ⲉ̀ⲧⲉ ⲛⲁⲓ ⲛⲁϣⲱⲡⲓ ⲙ̀ⲙⲟϥ: ⲙ̀ⲫ̀ⲙⲁ	ⲡⲓⲉ̀ϩⲟⲟⲩ ⲉ̀ⲧⲉ ⲛⲁⲓ ⲛⲁϣⲱⲡⲓ ⲙ̀ⲙⲟϥ: ⲛ̀ⲫ̀ⲙⲁ	pièhoou ète nai naṡōpi m̀mof: ǹf̀ma
338	ϫⲉ ⲙ̀ⲡⲉⲕⲛⲁϩϯ ⲉ̀ⲛⲁⲥⲁϫⲓ ⲛⲁⲓ ⲉⲑⲛⲁϫⲱⲕ	ϫⲉ ⲙ̀ⲡⲉⲕⲛⲁϩϯ ⲉ̀ⲛⲁⲥⲁϫⲓ ⲛⲁⲓ ⲉⲑⲛⲁϫⲱⲕ	je m̀peknahti ènasaji nai eθnagōk
339	ⲉ̀ⲃⲟⲗ ϧⲉⲛ ⲡⲟⲩⲥⲏⲟⲩ.	ⲉ̀ⲃⲟⲗ ϧⲉⲛ ⲡⲟⲩⲥⲏⲟⲩ.	èvol xen pousyou.
340	Ⲟⲩⲟϩⲛⲁⲣⲉ ⲡⲓⲗⲁⲟⲥ ⲧⲏⲣϥ ϫⲟⲩϣⲧ	Ⲟⲩⲟϩⲛⲁⲣⲉ ⲡⲓⲗⲁⲟⲥ ⲧⲏⲣϥ ϫⲟⲩϣⲧ	Ouohnare pilaos tyrf gouṡt	The people were waiting for Zacharias, and they marveled that he delayed in the temple.
341	ⲉ̀ⲃⲟⲗ ϧⲁϫⲱϥ ⲛ̀Ⲍⲁⲭⲁⲣⲓⲁⲥ ⲟⲩⲟϩ	ⲉ̀ⲃⲟⲗ ϧⲁϫⲱϥ ⲛ̀Ⲍⲁⲭⲁⲣⲓⲁⲥ ⲟⲩⲟϩ	èvol xagōf ǹZaxarias ouoh
342	ⲛⲁⲩⲉⲣϣ̀ⲫⲏⲣⲓ ⲡⲉ ⲉⲑⲃⲉ ϫⲉ ⲁϥⲱⲥⲕ ⲛ̀ϧⲟⲩⲛ	ⲛⲁⲩⲉⲣϣ̀ⲫⲏⲣⲓ ⲡⲉ ⲉⲑⲃⲉ ϫⲉ ⲁϥⲱⲥⲕ ⲛ̀ϧⲟⲩⲛ	naverṡ̀fyri pe eθve je afōsk ǹxoun
343	ϧⲉⲛ ⲡⲓⲉⲣⲫⲉⲓ.	ϧⲉⲛ ⲡⲓⲉⲣⲫⲉⲓ.	xen pierfei.
344	Ⲉⲧⲁϥⲓ̀ ⲇⲉ ⲉ̀ⲃⲟⲗ ⲛⲁϥϣ̀ϫⲉⲙϫⲟⲙ	Ⲉ̀ⲧⲁϥⲓ̀ ⲇⲉ ⲉ̀ⲃⲟⲗ ⲛⲁϥϣ̀ϫⲉⲙϫⲟⲙ	Ètafì ḋe èvol nafṡ̀jemgom	When he came out, he could not speak to them, and they perceived that he had seen a vision in the temple. He continued making signs to them, and remained mute.
345	ⲛ̀ⲥⲁϫⲓ ⲛⲉⲙⲱⲟⲩ ⲁⲛ ⲡⲉ: ⲟⲩⲟϩⲁⲩⲉ̀ⲙⲓ ϫⲉ	ⲛ̀ⲥⲁϫⲓ ⲛⲉⲙⲱⲟⲩ ⲁⲛ ⲡⲉ: ⲟⲩⲟϩⲁⲩⲉ̀ⲙⲓ ϫⲉ	ǹsaji nemōou an pe: ouohavèmi je
346	ⲟⲩⲟⲩⲱⲛϩⲡⲉ ⲉⲧⲁϥⲛⲁⲩ ⲉ̀ⲣⲟϥ ⲉ̀ϧⲟⲩⲛ ϧⲉⲛ	ⲟⲩⲟⲩⲱⲛϩⲡⲉ ⲉⲧⲁϥⲛⲁⲩ ⲉ̀ⲣⲟϥ ⲉ̀ϧⲟⲩⲛ ϧⲉⲛ	ououōnhpe etafnav èrof èxoun xen
p. 457
347	ⲡⲓⲉⲣⲫⲉⲓ: ⲟⲩⲟϩ ⲛ̀ⲑⲟϥ ⲛⲁϥϭⲱⲣⲉⲙ ⲉ̀ⲣⲱⲟⲩ	ⲡⲓⲉⲣⲫⲉⲓ: ⲟⲩⲟϩ ⲛ̀ⲑⲟϥ ⲛⲁϥϭⲱⲣⲉⲙ ⲉ̀ⲣⲱⲟⲩ	pierfei: ouoh ǹθof nafċōrem èrōou
348	ⲡⲉ ⲛ̀ⲧⲉϥϫⲓϫ ⲟⲩⲟϩⲁϥⲟ̀ϩⲓ ϥ̀ⲟⲓ ⲛ̀ⲉ̀ⲃⲟ.	ⲡⲉ ⲛ̀ⲧⲉϥϫⲓϫ ⲟⲩⲟϩⲁϥⲟ̀ϩⲓ ϥ̀ⲟⲓ ⲛ̀ⲉ̀ⲃⲟ.	pe ǹtefjig ouohafòhi f̀oi ǹèvo.
349	Ⲟⲩⲟϩⲁⲥϣⲱⲡⲓ ⲉⲧⲁⲩⲙⲟϩ ⲉ̀ⲃⲟⲗ ⲛ̀ϫⲉ	Ⲟⲩⲟϩⲁⲥϣⲱⲡⲓ ⲉ̀ⲧⲁⲩⲙⲟϩ ⲉ̀ⲃⲟⲗ ⲛ̀ϫⲉ	Ouohasṡōpi ètavmoh èvol ǹje	It happened, when the days of his service were fulfilled, he departed to his house.
350	ⲛⲉϥⲉ̀ϩⲟⲟⲩ ⲛ̀ϣⲉⲙϣⲓ ⲁϥϣⲉⲛⲁϥ ⲉ̀ⲡⲉϥⲏⲓ.	ⲛⲉϥⲉ̀ϩⲟⲟⲩ ⲛ̀ϣⲉⲙϣⲓ ⲁϥϣⲉⲛⲁϥ ⲉ̀ⲡⲉϥⲏⲓ.	nefèhoou ǹṡemṡi afṡenaf èpefyi.
351	Ⲙⲉⲛⲉⲛⲥⲁ ⲛⲁⲓⲉ̀ϩⲟⲟⲩ ⲇⲉ ⲉ̀ⲧⲉ ⲙ̀ⲙⲁⲩ	Ⲙⲉⲛⲉⲛⲥⲁ ⲛⲁⲓⲉ̀ϩⲟⲟⲩ ⲇⲉ ⲉ̀ⲧⲉ ⲙ̀ⲙⲁⲩ	Menensa naièhoou ḋe ète m̀mav	After these days Elizabeth, his wife, conceived, and she hid herself five months, saying,
352	ⲁⲥⲉⲣⲃⲟⲕⲓ ⲛ̀ϫⲉ Ⲉⲗⲓⲥⲁⲃⲉⲧ ⲧⲉϥⲥ̀ϩⲓⲙⲓ:	ⲁⲥⲉⲣⲃⲟⲕⲓ ⲛ̀ϫⲉ Ⲉ̀ⲗⲓⲥⲁⲃⲉⲧ ⲧⲉϥⲥ̀ϩⲓⲙⲓ:	aservoki ǹje Èlisabet tefs̀·himi:
353	ⲟⲩⲟϩⲛⲁⲥϩⲱⲡ ⲙ̀ⲙⲟⲥ ⲡⲉ ⲛ̀ⲧ̀ⲓⲟⲩ ⲛ̀ⲁ̀ⲃⲟⲧ	ⲟⲩⲟϩⲛⲁⲥϩⲱⲡ ⲙ̀ⲙⲟⲥ ⲡⲉ ⲛ̀ⲧ̀ⲓⲟⲩ ⲛ̀ⲁ̀ⲃⲟⲧ	ouohnas·hōp m̀mos pe ǹt̀iou ǹàvot
354	ⲉⲥϫⲱ ⲙ̀ⲙⲟⲥ.	ⲉⲥϫⲱ ⲙ̀ⲙⲟⲥ.	esgō m̀mos.
355	Ϫⲉ ⲡⲁⲓⲣⲏϯ ⲡⲉⲧⲁ Ⲡϭⲟⲓⲥ ⲁⲓϥ ⲛⲏⲓ	Ϫⲉ ⲡⲁⲓⲣⲏϯ ⲡⲉⲧⲁ Ⲡ̀ϭⲟⲓⲥ ⲁⲓϥ ⲛⲏⲓ	Je pairyti peta P̀ċois aif nyi	'Thus has the Lord done to me in the days in which he looked at me, to take away my reproach among men.'
356	ⲛ̀ϧ̀ⲣⲏⲓ ϧⲉⲛ ⲛⲓⲉ̀ϩⲟⲟⲩ ⲉⲧⲁϥϫⲟⲩϣⲧ ⲉ̀ⲣⲟⲓ	ⲛ̀ϧ̀ⲣⲏⲓ ϧⲉⲛ ⲛⲓⲉ̀ϩⲟⲟⲩ ⲉ̀ⲧⲁϥϫⲟⲩϣⲧ ⲉ̀ⲣⲟⲓ	ǹx̀ryi xen nièhoou ètafgouṡt èroi
357	ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲉ̀ⲱ̀ⲗⲓ ⲙ̀ⲡⲁϣⲱϣ ⲉ̀ⲃⲟⲗ	ⲛ̀ϧ̀ⲣⲏⲓ ⲛ̀ϧⲏⲧⲟⲩ ⲉ̀ⲱ̀ⲗⲓ ⲛ̀ⲡⲁϣⲱϣ ⲉ̀ⲃⲟⲗ	ǹx̀ryi ǹxytou èṑli ǹpaṡōṡ èvol
358	ϧⲉⲛ ⲛⲓⲣⲱⲙⲓ.	ϧⲉⲛ ⲛⲓⲣⲱⲙⲓ.	xen nirōmi.
359	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Ⲡⲓⲱ̀ⲟⲩ ⲫⲁ Ⲡⲉⲛⲛⲟⲩϯ ⲡⲉ ϣⲁ ⲉ̀ⲛⲉϩ	Piṑou fa Pennouti pe ṡa èneh	draft · highThe glory is our God's, to the age
360	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ⲛ̀ⲧⲉ ⲛⲓ ⲉ̀ⲛⲉϩ: ⲁ̀ⲙⲏⲛ.	ǹte ni èneh: àmyn.	draft · highof the ages. Amen.

Provenance

title: Katameros Readings for the 26th Day of Tout
dialect: bohairic
source: https://saintbishoy.ca/wp-content/uploads/Katameros_Days_Readings_Tout.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 be7bc6d55dc915bf9597d7b4f5548bcb164c1272b89daacf8bc7ea9c2fc960ad and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 441-457 of that book, the page range its own table of contents gives for this day (_logs/days.tsv)
licence: public domain — the Coptic text of the lectionary (the scripture lections and the traditional rubrics) is public domain, whoever typeset the copy (ruling KAT-1, Yousef 2026-10-09: "the coptic text is public domain"); source copy saintbishoy.ca, the Katameros of the year prepared by Fr Jacob Nadian, St Bishoy Coptic Orthodox Church (517 day-documents); the publisher's typesetting (the PDF pages) is not reproduced and the matter it added (its own English and Arabic columns, headings and notes) is not served here — this document carries the printed Coptic lines only; the publisher states no terms (internal-unstated until KAT-1; LICENCES.md §12.6)
share: public
generated by: tools/katameros_stage.py; coverage: 100.00% of 255975 legacy-font glyphs mapped by tools/church_fonts/; unmapped '\\'
file: Liturgy/Katameros/Annual (weekdays)/Katameros Readings for the 26th Day of Tout.bohairic.saintbishoy.L0.txt
title: Katameros Readings for the 26th Day of Tout — Cairene
dialect: bohairic
source: generated from Katameros Readings for the 26th Day of Tout.bohairic.saintbishoy.L0.txt (https://saintbishoy.ca/wp-content/uploads/Katameros_Days_Readings_Tout.pdf (https://saintbishoy.ca/deacons-corner/katame)
licence: CC BY-SA 4.0
share: public
generated by: tools/cairene.py from_witness on the L0 text (L1 = Cairene(N(L0)), RI-038 2026-09-16; RI-029 2026-09-11; DECISIONS.md 2026-09-09: punctuation O-6, jinkim O-3; segmentation-aware jinkim + spelling verdicts from the PREDICTED segmentation, cairene.py rule 9 (C5c, RULED 2026-09-10); 2026-09-09 evening rulings: word division church, "until" base ϣⲁⲧⲉ-, nomina sacra ⲓ̅ⲥ̅/ⲡⲉⲭ︦ⲥ︦/Ⲑⲥ̅/Ⲩⲥ̅ expanded; numerals and abbreviations resolved by the normalization stage)
file: Liturgy/Katameros/Annual (weekdays)/Katameros Readings for the 26th Day of Tout.bohairic.saintbishoy.L1.txt
title: Katameros Readings for the 26th Day of Tout — Kemetic
dialect: bohairic
source: generated from Katameros Readings for the 26th Day of Tout.bohairic.saintbishoy.L1.txt
licence: CC BY-SA 4.0
share: public
generated by: tools/coptic_to_kemetic.py convert() on the L1 text (letter rules of DECISIONS.md 2026-09-08)
file: Liturgy/Katameros/Annual (weekdays)/Katameros Readings for the 26th Day of Tout.bohairic.saintbishoy.L2.txt
what it is: DRAFT English. Not a published translation: `existing` rows quote an aligned translation named in `basis`; `llm` rows are a language-model best guess from the dictionary gloss and context (Yousef asked for them, 2026-09-27; to be corrected later); check the source text before relying on any of it.
lines: 78 quoted · 0 quoted with the alignment not cross-checked · 28 model drafts (marked “draft”)
quoted from: World English Bible (WEB) (public domain), as attached in Coptic SCRIPTORIUM bohairic.nt (CC BY-SA 4.0) (72 lines)
quoted from: Brenton's Septuagint (1851) (public domain), as attached in Coptic SCRIPTORIUM bohairic.ot (CC BY-SA 4.0), re-aligned by content (translation/psalter_alignment.tsv) (6 lines)

Cite as:

Katameros Readings for the 26th Day of Tout. https://saintbishoy.ca/wp-content/uploads/Katameros_Days_Readings_Tout.pdf (https://saintbishoy.ca/deacons-corner/katameros/, fetched 2026-09-16 by worker A0 at one request / 2.2 s; staged with its SHA-256 be7bc6d55dc915bf9597d7b4f5548bcb164c1272b89daacf8bc7ea9c2fc960ad and the terms as found in corpus/incoming/saintbishoy-katameros/README.md and _logs/manifest.tsv); TEXT LAYER decoded by tools/church_pdf_text.py with the face tables in tools/church_fonts/ (no OCR: the book is born digital and its Coptic is exact); pp. 441-457 of that book, the page range its own table of contents gives for this day (_logs/days.tsv). Layers as published by the Kemetic project (Yousef Hanna), 2026: Coptic · Cairene · Kemetic, /doc/liturgy/katameros/annual-weekdays/katameros-readings-for-the-26th-day-of-tout.bohairic.saintbishoy/.

What the layers are

L0 witness
The text as its witness or edition has it, original spelling; its dialect is a description and is never standardized.

L0.5 transliteration
For Egyptian texts: the transliteration with the editors' marks turned into the symbols ° * < > _ ^ (ruled 2026-09-10). For papyri: the edition's Leiden marks as the same symbols, and the editors' readings beside the scribe's as ‹scribe→editors› (ruled PAP-3).

L1 Cairene
Standardized Greco-Bohairic spelling and grammar, generated by code from the layer above under the rulings of the project.

L2 Kemetic
The Kemetic alphabet, generated by code from L1.

English
Quoted translations where they exist, credited; otherwise model drafts, marked as drafts.