| 1:1 | ⲡϣⲟⲣⲡ ⲙⲉⲛ ⲛⲗⲟⲅⲟⲥ ⲁⲓⲧⲁⲙⲓⲟϥ ⲱ ⲑⲉⲟⲫⲓⲗⲉ . ⲉⲧⲃⲉϩⲱⲃ ⲛⲓⲙ ⲛⲧⲁⲓⲏⲥⲟⲩⲥ ⲁⲣⲭⲉⲓ ⲛⲁⲁⲩ . ⲁⲩⲱ ⲛϯⲥⲃⲱ ⲛϩⲏⲧⲟⲩ . | ⲡⲓϣⲟⲣⲡ ⲙⲉⲛ ⲛ̀ⲗⲟⲅⲟⲥ ⲁⲓⲑⲁⲙⲓⲟϥ ⲱ̀ ⲑⲉⲟⲫⲓⲗⲉ. Ⲉⲑⲃⲉ ϩⲱⲃ ⲛⲓⲃⲉⲛ ⲛ̀ⲧⲁⲓⲏⲥⲟⲩⲥ ⲁⲣⲭⲉⲓ ⲛⲁⲟⲩ. Ⲟⲩⲟϩ ⲛ̀ϯⲥⲃⲱ ⲛ̀ϧⲏⲧⲟⲩ. | piṡorp men ǹloġos aiθamiof ṑ θeofile. Eθve hōb niven ǹtaiysous arṡei naou. Ouoh ǹtisvō ǹxytou. | The first book I wrote, Theophilus, concerned all that Jesus began both to do and to teach, |
|---|
| 1:2 | ϣⲁϩⲣⲁⲓ ⲉⲡⲉϩⲟⲟⲩ ⲛⲧⲁⲩⲁⲛⲁⲗⲁⲙⲃⲁⲛⲉ ⲙⲙⲟϥ ⲉⲁϥϩⲱⲛ ⲉⲧⲟⲟⲧⲟⲩ ⲛⲛⲁⲡⲟⲥⲧⲟⲗⲟⲥ ϩⲓⲧⲙⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲉⲧⲁϣⲉⲟⲉⲓϣ ⲙⲡⲉⲩⲁⲅⲅⲉⲗⲓⲟⲛ ⲛⲁⲓ ⲛⲧⲁϥⲥⲟⲧⲡⲟⲩ . | Ϣⲁϩⲣⲁⲓ ⲉ̀ⲡⲉ̀ϩⲟⲟⲩ ⲉⲧⲁⲩⲁⲛⲁⲗⲁⲙⲃⲁⲛⲉ ⲙ̀ⲙⲟϥ ⲉⲁϥϩⲱⲛ ⲉ̀ⲧⲟⲧⲟⲩ ⲛ̀ⲛⲁⲡⲟⲥⲧⲟⲗⲟⲥ ϩⲓⲧⲉⲛ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲉ̀ⲧⲁϣⲉⲟⲉⲓϣ ⲛ̀ⲡⲉⲩⲁⲅⲅⲉⲗⲓⲟⲛ ⲛⲁⲓ ⲉⲧⲁϥⲥⲟⲧⲡⲟⲩ. | Ṡahrai èpèhoou etavanalambane m̀mof eafhōn ètotou ǹnapostolos hiten pip̀nevma eθouab ètaṡeoeiṡ ǹpevangelion nai etafsotpou. | until the day in which he was received up, after he had given commandment through the Holy Spirit to the apostles whom he had chosen. |
|---|
| 1:3 | ⲛⲁⲓ ⲟⲛ ⲛⲧⲁϥⲧⲁϩⲟϥ ⲉⲣⲁⲧϥ ⲛⲁⲩ ⲉϥⲟⲛϩ . ⲙⲛⲛⲥⲁⲧⲣⲉϥⲙⲟⲩ ϩⲛϩⲁϩ ⲙⲙⲁⲉⲓⲛ ⲛϩⲙⲉ ⲛϩⲟⲟⲩ . ⲉϥⲟⲩⲱⲛϩ ⲛⲁⲩ ⲉⲃⲟⲗ ⲁⲩⲱ ⲉϥϣⲁϫⲉ ⲉⲧⲃⲉⲧⲙⲛⲧⲣⲣⲟ ⲙⲡⲛⲟⲩⲧⲉ . | Ⲛⲁⲓ ⲟⲛ ⲉⲧⲁϥⲧⲁϩⲟϥ ⲉ̀ⲣⲁⲧϥ ⲛⲱⲟⲩ ⲉϥⲟⲛϧ. Ⲙⲉⲛⲉⲛⲥⲁⲑⲣⲉϥⲙⲟⲩ ϧⲉⲛ ϩⲁϩ ⲛ̀ⲙⲏⲓⲛⲓ ⲛ̀ϩ̀ⲙⲉ ⲛ̀ⲉ̀ϩⲟⲟⲩ. Ⲉϥⲟⲩⲱⲛϩ ⲛⲱⲟⲩ ⲉ̀ⲃⲟⲗ ⲟⲩⲟϩ ⲉϥⲥⲁϫⲓ ⲉⲑⲃⲉ ⲧ̀ⲙⲉⲧⲟⲩⲣⲟ ⲛ̀ⲫ̀ⲛⲟⲩϯ. | Nai on etaftahof èratf nōou efonx. Menensaθrefmou xen hah ǹmyini ǹh̀me ǹèhoou. Efouōnh nōou èvol ouoh efsaji eθve t̀metouro ǹf̀nouti. | To these he also showed himself alive after he suffered, by many proofs, appearing to them over a period of forty days, and speaking about God's Kingdom. |
|---|
| 1:4 | ⲁⲩⲱ ⲉϥⲟⲩⲱⲙ ⲛⲙⲙⲁⲩ ⲛⲉϥⲡⲁⲣⲁⲅⲅⲓⲗⲉ ⲛⲁⲩ ⲉⲧⲙⲉⲓ ⲉⲃⲟⲗ ϩⲛⲧϩⲓⲉⲣⲟⲥⲟⲗⲩⲙⲁ ⲁⲗⲗⲁ ⲉϭⲱ ⲉⲡⲉⲣⲏⲧ ⲙⲡⲉⲓⲱⲧ ⲡⲁⲓ ⲛⲧⲁⲧⲉⲧⲛⲥⲟⲧⲙⲉϥ ⲛⲧⲟⲟⲧ . | Ⲟⲩⲟϩ ⲉϥⲟⲩⲱⲙ ⲛⲉⲙⲁⲟⲩ ⲛⲁϥⲡⲁⲣⲁⲅⲅⲉⲓⲗⲉ ⲛⲱⲟⲩ ⲉ̀ϣⲧⲉⲙⲓ ⲉ̀ⲃⲟⲗ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ ⲁⲗⲗⲁ ⲉ̀ϭⲱ ⲉ̀ⲡⲉⲣⲏⲧ ⲛ̀ⲡⲓⲱⲧ ⲫⲁⲓ ⲉⲧⲁⲣⲉⲧⲉⲛⲥⲟⲧⲙⲉϥ ⲛ̀ⲧⲟⲟⲧ. | Ouoh efouōm nemaou nafparangeile nōou èṡtemi èvol xen t̀·hierosolima alla èċō èperyt ǹpiōt fai etaretensotmef ǹtoot. | Being assembled together with them, he commanded them, 'Don't depart from Jerusalem, but wait for the promise of the Father, which you heard from me. |
|---|
| 1:5 | ⲡⲉϫⲁϥ ϫⲉⲓⲱϩⲁⲛⲛⲏⲥ ⲙⲉⲛ ⲁϥⲃⲁⲡⲧⲓⲍⲉ ϩⲛⲟⲩⲙⲟⲟⲩ ⲛⲧⲱⲧⲛ ⲇⲉ ⲥⲉⲛⲁⲃⲁⲡⲧⲓⲍⲉ ⲙⲙⲱⲧⲛ ϩⲛⲟⲩⲡⲛⲉⲩⲙⲁ ⲉϥⲟⲩⲁⲁⲃ ⲙⲛⲛⲥⲁϩⲁϩ ⲁⲛ ⲛϩⲟⲟⲩ ⲁⲗⲗⲁ ϣⲁⲧⲡⲉⲛⲧⲏⲕⲟⲥⲧⲏ . | Ⲡⲉϫⲁϥ ϫⲉ ⲓⲱⲁⲛⲛⲏⲥ ⲙⲉⲛ ⲁϥⲃⲁⲡⲧⲓⲍⲉ ϧⲉⲛ ⲟⲩⲙⲟⲩ ⲛ̀ⲑⲱⲧⲉⲛ ⲇⲉ ⲥⲉⲛⲁⲃⲁⲡⲧⲓⲍⲉ ⲙ̀ⲙⲱⲧⲉⲛ ϧⲉⲛ ⲟⲩⲡ̀ⲛⲉⲩⲙⲁ ⲉϥⲟⲩⲁⲃ ⲙⲉⲛⲉⲛⲥⲁϩⲁϩ ⲁⲛ ⲛ̀ⲉ̀ϩⲟⲟⲩ ⲁⲗⲗⲁ ϣⲁ ⲧ̀ⲡⲉⲛⲧⲏⲕⲟⲥⲧⲏ. | Pegaf je iōannys men afbaptize xen oumou ǹθōten ḋe senavaptize m̀mōten xen oup̀nevma efouab menensahah an ǹèhoou alla ṡa t̀pentykosty. | For John indeed baptized in water, but you will be baptized in the Holy Spirit not many days from now.' |
|---|
| 1:6 | ⲛⲧⲟⲟⲩ ϭⲉ ⲁⲩⲥⲱⲟⲩϩ ⲁⲩϫⲛⲟⲩϥ ⲉⲩϫⲱ ⲙⲙⲟⲥ ϫⲉⲡϫⲟⲉⲓⲥ ⲉⲛ ϩⲣⲁⲓ ϩⲙⲡⲉⲓⲟⲩⲉⲓϣ ⲕⲛⲁϯ ⲛⲧⲙⲛⲧⲣⲣⲟ ⲙⲡⲓⲥⲣⲁⲏⲗ . | Ⲛ̀ⲑⲱⲟⲩ ⲟⲩⲛ ⲁⲩⲥⲱⲟⲩϩ ⲁⲩϫⲛⲟⲩϥ ⲉⲩϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲛ ϩⲣⲁⲓ ϧⲉⲛ ⲡⲁⲓⲟⲩⲉⲓϣ ⲕ̀ⲛⲁϯ ⲛ̀ⲧ̀ⲙⲉⲧⲟⲩⲣⲟ ⲛ̀ⲡⲓⲥⲣⲁⲏⲗ. | Ǹθōou oun avsōouh avgnouf evgō m̀mos je p̀ċois n hrai xen paioueiṡ k̀nati ǹt̀metouro ǹpisrayl. | Therefore, when they had come together, they asked him, 'Lord, are you now restoring the kingdom to Israel?' |
|---|
| 1:7 | ⲡⲉϫⲁϥ ⲛⲁⲩ ϫⲉⲙⲡⲱⲧⲛ ⲁⲛ ⲡⲉ ⲥⲟⲩⲛ ⲛⲉⲩⲟⲓϣ ⲙⲛⲛⲉⲭⲣⲟⲛⲟⲥ . ⲛⲁⲓ ⲛⲧⲁⲡⲉⲓⲱⲧ ⲕⲁⲁⲩ ϩⲛⲧⲉϥⲉⲝⲟⲩⲥⲓⲁ ⲙⲁⲩⲁⲁϥ . | Ⲡⲉϫⲁϥ ⲛⲱⲟⲩ ϫⲉ ⲙ̀ⲡⲱⲧⲛ ⲁⲛ ⲡⲉ ⲥⲟⲩⲛ ⲛ̀ⲥⲏⲟⲩ ⲛⲉⲙ ⲛ̀ⲭ̀ⲣⲟⲛⲟⲥ. Ⲛⲁⲓ ⲉ̀ⲧⲁ ⲡⲓⲱⲧ ⲭⲁⲩ ϧⲉⲛ ⲧⲉϥⲉⲝⲟⲩⲥⲓⲁ ⲙ̀ⲙⲁⲩⲁⲧϥ. | Pegaf nōou je m̀pōtn an pe soun ǹsyou nem ǹx̀ronos. Nai èta piōt kav xen tefeksousia m̀mavatf. | He said to them, 'It isn't for you to know times or seasons which the Father has set within his own authority. |
|---|
| 1:8 | ⲁⲗⲗⲁ ⲧⲉⲧⲛⲁϫⲓ ⲛⲟⲩϭⲟⲙ ⲉⲣϣⲁⲛⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲉⲓ ⲉϩⲣⲁⲓ ⲉϫⲱⲧⲛ . ⲛⲧⲉⲧⲛϣⲱⲡⲉ ⲛⲁⲓ ⲙⲙⲛⲧⲣⲉ ϩⲛⲧϩⲓⲉⲣⲟⲥⲟⲗⲩⲙⲁ ⲙⲛⲧⲓⲟⲩⲇⲁⲓⲁ ⲧⲏⲣⲥ ⲙⲛⲧⲥⲁⲙⲁⲣⲓⲁ ⲁⲩⲱ ϣⲁⲁⲣⲏϫϥ ⲙⲡⲕⲁϩ . | Ⲁⲗⲗⲁ ⲧⲉⲧⲛⲁϭⲓ ⲛ̀ⲟⲩϫⲟⲙ ⲉⲣϣⲁⲛⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲓ̀ ⲉϩⲣⲁⲓ ⲉ̀ϫⲱⲧⲉⲛ. Ⲛ̀ⲧⲉⲧⲉⲛϣⲱⲡⲓ ⲛⲏⲓ ⲛ̀ⲙⲉⲑⲣⲉ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ ⲛⲉⲙ ⲧⲓⲟⲩⲇⲉⲁ ⲧⲏⲣⲥ ⲛⲉⲙ ⲧ̀ⲥⲁⲙⲁⲣⲓⲁ ⲟⲩⲟϩ ϣⲁ ⲁⲩⲣⲏϫϥ ⲛ̀ⲡ̀ⲕⲁϩⲓ. | Alla tetnaċi ǹougom erṡanpip̀nevma eθouab ì ehrai ègōten. Ǹtetenṡōpi nyi ǹmeθre xen t̀·hierosolima nem tioudea tyrs nem t̀samaria ouoh ṡa avrygf ǹp̀kahi. | But you will receive power when the Holy Spirit has come upon you. You will be witnesses to me in Jerusalem, in all Judea and Samaria, and to the uttermost parts of the earth.' |
|---|
| 1:9 | ⲛⲁⲓ ⲇⲉ ⲛⲧⲉⲣⲉϥϫⲟⲟⲩ ⲁⲩⲕⲗⲟⲟⲗⲉ ϫⲓⲧϥ . ⲁⲩⲱ ⲁⲩϥⲓ ⲙⲙⲟϥ ⲉϩⲣⲁⲓ ⲉⲃⲟⲗ ϩⲓⲧⲟⲟⲧⲟⲩ . | Ⲛⲁⲓ ⲇⲉ ⲉ̀ⲧⲁϥϫⲟⲟⲩ ⲁ̀ⲟⲩⲕⲗⲟⲟⲗⲉ ϭⲓⲧϥ. Ⲟⲩⲟϩ ⲁⲩϥⲁⲓ ⲙ̀ⲙⲟϥ ⲉϩⲣⲁⲓ ⲉ̀ⲃⲟⲗ ϩⲓⲧⲟⲧⲟⲩ. | Nai ḋe ètafgoou àoukloole ċitf. Ouoh avfai m̀mof ehrai èvol hitotou. | When he had said these things, as they were looking, he was taken up, and a cloud received him out of their sight. |
|---|
| 1:10 | ⲉⲩⲉⲓⲟⲣⲙ ⲇⲉ ⲛⲥⲱϥ ⲉϥⲃⲏⲕ ⲉϩⲣⲁⲓ ⲉⲧⲡⲉ . ⲉⲓⲥ ⲣⲱⲙⲉ ⲥⲛⲁⲩ ⲛⲉⲩⲁϩⲉⲣⲁⲧⲟⲩ ϩⲓϫⲱⲟⲩ ϩⲛϩⲉⲛϩⲃⲥⲱ ⲉⲩⲟⲩⲟⲃϣ . | Ⲉⲩⲉⲓⲟⲣⲙ ⲇⲉ ⲛ̀ⲥⲱϥ ⲉϥⲃⲏⲕ ⲉϩⲣⲁⲓ ⲉ̀ⲧ̀ⲫⲉ. Ⲓⲥ ⲣⲱⲙⲓ ⲥ̀ⲛⲁⲩ ⲛⲁⲩⲁϩⲉⲣⲁⲧⲟⲩ ϩⲓϫⲱⲟⲩ ϧⲉⲛ ϩⲁⲛϩⲉⲃⲥⲱ ⲉⲩⲟⲩⲟⲃϣ. | Eveiorm ḋe ǹsōf efvyk ehrai èt̀fe. Is rōmi s̀nav navaheratou higōou xen hanhevsō evouovṡ. | While they were looking steadfastly into the sky as he went, behold, two men stood by them in white clothing, |
|---|
| 1:11 | ⲁⲩⲱ ⲡⲉϫⲁⲩ ⲛⲁⲩ ϫⲉⲛⲣⲱⲙⲉ ⲛⲅⲁⲗⲓⲗⲁⲓⲟⲥ ⲁϩⲣⲱⲧⲛ ⲧⲉⲧⲛⲁϩⲉⲣⲁⲧ ⲧⲏⲩⲧⲛ ⲉⲧⲉⲧⲛϭⲱϣⲧ ⲉϩⲣⲁⲓ ⲉⲧⲡⲉ . ⲡⲁⲓ ⲡⲉ ⲓⲏⲥⲟⲩⲥ ⲛⲧⲁⲩϥⲓⲧϥ ⲛⲧⲉⲧⲏⲩⲧⲛ ⲉϩⲣⲁⲓ ⲉⲧⲡⲉ . ⲧⲁⲓ ⲧⲉ ⲧϩⲉ ⲉⲧϥⲛⲏⲩ ⲙⲙⲟⲥ ⲛⲧϩⲉ ⲛⲧⲁⲧⲉⲧⲛⲛⲁⲩ ⲉⲣⲟϥ ⲉϥⲛⲁⲃⲱⲕ ⲉϩⲣⲁⲓ ⲉⲧⲡⲉ . | Ⲟⲩⲟϩ ⲡⲉϫⲁⲩ ⲛⲱⲟⲩ ϫⲉ ⲛ̀ⲣⲱⲙⲓ ⲛ̀ⲅⲁⲗⲓⲗⲁⲓⲟⲥ ⲁϩⲣⲱⲧⲉⲛ ⲧⲉⲧⲉⲛⲁϩⲉⲣⲁⲧ ⲑⲏⲛⲟⲩ ⲉⲧⲉⲧⲉⲛϫⲟⲩϣⲧ ⲉϩⲣⲁⲓ ⲉ̀ⲧ̀ⲫⲉ. Ⲫⲁⲓ ⲡⲉ ⲓⲏⲥⲟⲩⲥ ⲉⲧⲁⲩϥⲓⲧϥ ⲛ̀ⲧⲉ ⲑⲏⲛⲟⲩ ⲉϩⲣⲁⲓ ⲉ̀ⲧ̀ⲫⲉ. Ⲑⲁⲓ ⲧⲉ ⲫ̀ⲣⲏϯ ⲉⲧϥⲛⲏⲟⲩ ⲙ̀ⲙⲟⲥ ⲛ̀ⲫ̀ⲣⲏϯ ⲉⲧⲁⲣⲉⲧⲉⲛⲛⲁⲩ ⲉ̀ⲣⲟϥ ⲉϥⲛⲁⲃⲱⲕ ⲉϩⲣⲁⲓ ⲉ̀ⲧ̀ⲫⲉ. | Ouoh pegav nōou je ǹrōmi ǹġalilaios ahrōten tetenaherat θynou etetengouṡt ehrai èt̀fe. Fai pe iysous etavfitf ǹte θynou ehrai èt̀fe. Ɵai te f̀ryti etfnyou m̀mos ǹf̀ryti etaretennav èrof efnavōk ehrai èt̀fe. | who also said, 'You men of Galilee, why do you stand looking into the sky? This Jesus, who was received up from you into the sky will come back in the same way as you saw him going into the sky.' |
|---|
| 1:12 | ⲧⲟⲧⲉ ⲁⲩⲕⲟⲧⲟⲩ ⲉⲧϩⲓⲉⲣⲟⲥⲟⲗⲩⲙⲁ ⲉⲃⲟⲗ ϩⲙⲡⲧⲟⲟⲩ ⲉϣⲁⲩⲙⲟⲩⲧⲉ ⲉⲣⲟϥ ϫⲉⲡⲧⲟⲟⲩ ⲛⲛϫⲟⲉⲓⲧ . ⲉϥⲟⲩⲏⲩ ⲉⲃⲟⲗ ϩⲛⲧϩⲓⲉⲣⲟⲥⲟⲗⲩⲙⲁ ⲛⲟⲩϩⲓⲏ ⲛⲥⲁϣϥ ⲛϩⲟⲟⲩⲧⲛ . | Ⲧⲟⲧⲉ ⲁⲩⲕⲟⲧⲟⲩ ⲉ̀ⲧ̀ϩⲓⲉⲣⲟⲥⲟⲗⲩⲙⲁ ⲉ̀ⲃⲟⲗ ϧⲉⲛ ⲡ̀ⲧⲱⲟⲩ ⲉϣⲁⲩⲙⲟⲩϯ ⲉ̀ⲣⲟϥ ϫⲉ ⲡ̀ⲧⲱⲟⲩ ⲛ̀ⲛ̀ϫⲱⲓⲧ. Ⲉϥⲟⲩⲏⲟⲩ ⲉ̀ⲃⲟⲗ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ ⲛⲟⲩⲙⲱⲓⲧ ⲛ̀ϣⲁϣϥ ⲛ̀ϩⲟⲟⲩⲧⲛ. | Tote avkotou èt̀·hierosolima èvol xen p̀tōou eṡavmouti èrof je p̀tōou ǹǹgōit. Efouyou èvol xen t̀·hierosolima noumōit ǹṡaṡf ǹhooutn. | Then they returned to Jerusalem from the mountain called Olivet, which is near Jerusalem, a Sabbath day's journey away. |
|---|
| 1:13 | ⲁⲩⲱ ⲛⲧⲉⲣⲟⲩⲉⲓ ⲉϩⲟⲩⲛ ⲁⲩⲃⲱⲕ ⲉϩⲣⲁⲓ ⲉⲡⲙⲁ ⲛⲧⲡⲉ ⲉⲛⲉⲩⲟⲩⲏϩ ⲛϩⲏⲧϥ ⲛϭⲓⲡⲉⲧⲣⲟⲥ ⲙⲛⲓⲱϩⲁⲛⲛⲏⲥ ⲙⲛⲓⲁⲕⲱⲃⲟⲥ ⲁⲩⲱ ⲁⲛⲇⲣⲉⲁⲥ ⲫⲓⲗⲓⲡⲡⲟⲥ ⲙⲛⲑⲱⲙⲁⲥ ⲃⲁⲣⲑⲟⲗⲟⲙⲁⲓⲟⲥ ⲙⲛⲙⲁⲑⲑⲁⲓⲟⲥ ⲓⲁⲕⲕⲱⲃⲟⲥ ⲡϣⲏⲣⲉ ⲛⲁⲗⲫⲁⲓⲟⲥ ⲁⲩⲱ ⲥⲓⲙⲱⲛ ⲡⲍⲏⲗⲱⲧⲏⲥ ⲙⲛⲓⲟⲩⲇⲁⲥ ⲡϣⲏⲣⲉ ⲛⲓⲁⲕⲕⲱⲃⲟⲥ . | Ⲟⲩⲟϩ ⲉⲧⲁⲩⲓ̀ ⲉ̀ϧⲟⲩⲛ ⲁⲩⲃⲱⲕ ⲉϩⲣⲁⲓ ⲉ̀ⲡ̀ⲙⲁ ⲛ̀ⲧ̀ⲫⲉ ⲉ̀ⲛⲟⲩⲟⲩⲏϩ ⲛ̀ϧⲏⲧϥ ⲛ̀ϫⲉ ⲡⲉⲧⲣⲟⲥ ⲛⲉⲙ ⲓⲱⲁⲛⲛⲏⲥ ⲛⲉⲙ ⲓⲁⲕⲱⲃⲟⲥ ⲟⲩⲟϩ ⲁⲛⲇⲣⲉⲁⲥ ⲫⲓⲗⲓⲡⲡⲟⲥ ⲛⲉⲙ ⲑⲱⲙⲁⲥ ⲃⲁⲣⲑⲟⲗⲟⲙⲁⲓⲟⲥ ⲛⲉⲙ ⲙⲁⲑⲑⲁⲓⲟⲥ ⲓⲁⲕⲕⲱⲃⲟⲥ ⲡ̀ϣⲏⲣⲓ ⲛ̀ⲁⲗⲫⲁⲓⲟⲥ ⲟⲩⲟϩ ⲥⲓⲙⲱⲛ ⲡ̀ⲍⲏⲗⲱⲧⲏⲥ ⲛⲉⲙ ⲓⲟⲩⲇⲁⲥ ⲡ̀ϣⲏⲣⲓ ⲛ̀ⲓⲁⲕⲕⲱⲃⲟⲥ. | Ouoh etavì èxoun avvōk ehrai èp̀ma ǹt̀fe ènououyh ǹxytf ǹje petros nem iōannys nem iakōbos ouoh andreas filippos nem θōmas barθolomaios nem maθθaios iakkōbos p̀ṡyri ǹalfaios ouoh simōn p̀zylōtys nem ioudas p̀ṡyri ǹiakkōbos. | When they had come in, they went up into the upper room, where they were staying; that is Peter, John, James, Andrew, Philip, Thomas, Bartholomew, Matthew, James the son of Alphaeus, Simon the Zealot, and Judas the son of James. |
|---|
| 1:14 | ⲛⲁⲓ ⲧⲏⲣⲟⲩ ⲛⲉⲩⲡⲣⲟⲥⲕⲁⲣⲧⲉⲣⲓ ⲉⲡⲉϣⲗⲏⲗ ⲙⲛϩⲉⲛⲥϩⲓⲙⲉ ⲙⲛⲙⲁⲣⲓⲁ ⲧⲙⲁⲁⲩ ⲛⲓⲏⲥⲟⲩⲥ ⲁⲩⲱ ⲛⲉϥⲥⲛⲏⲩ . | Ⲛⲁⲓ ⲧⲏⲣⲟⲩ ⲛⲁⲩⲡ̀ⲣⲟⲥⲕⲁⲣⲧⲉⲣⲓ ⲉ̀ⲡ̀ϣ̀ⲗⲏⲗ ⲛⲉⲙ ϩⲁⲛⲥ̀ϩⲓⲙⲓ ⲛⲉⲙ ⲙⲁⲣⲓⲁ ⲑ̀ⲙⲁⲩ ⲛ̀ⲓⲏⲥⲟⲩⲥ ⲟⲩⲟϩ ⲛⲉϥⲥ̀ⲛⲏⲟⲩ. | Nai tyrou navp̀roskarteri èp̀ṡ̀lyl nem hans̀·himi nem maria θ̀mav ǹiysous ouoh nefs̀nyou. | All these with one accord continued steadfastly in prayer and supplication, along with the women, and Mary the mother of Jesus, and with his brothers. |
|---|
| 1:15 | ϩⲣⲁⲓ ⲇⲉ ϩⲛⲛⲉⲓϩⲟⲟⲩ ⲁϥⲧⲱⲟⲩⲛ ⲛϭⲓⲡⲉⲧⲣⲟⲥ ⲛⲧⲙⲏⲧⲉ ⲛⲛⲉⲥⲛⲏⲩ ⲉⲩⲛ ⲟⲩⲙⲏⲏ ϣⲉ ⲙⲙⲁⲩ ⲉⲩⲛⲁⲣⲁϣⲉ ϫⲟⲩⲱⲧ ⲛⲣⲁⲛ ⲁⲩⲱ ⲡⲉϫⲁϥ | Ϩⲣⲁⲓ ⲇⲉ ϧⲉⲛ ⲛⲁⲓⲉ̀ϩⲟⲟⲩ ⲁϥⲧⲱⲟⲩⲛ ⲛ̀ϫⲉ ⲡⲉⲧⲣⲟⲥ ⲛ̀ⲑⲙⲏϯ ⲛ̀ⲛ̀ⲥ̀ⲛⲏⲟⲩ ⲉⲩⲛ ⲟⲩⲙⲏⲏ ϣⲟ ⲙ̀ⲙⲁⲩ ⲉⲩⲛⲁⲣⲁϣⲓ ϫⲟⲩⲱⲧ ⲛ̀ⲣⲁⲛ ⲟⲩⲟϩ ⲡⲉϫⲁϥ | Hrai ḋe xen naièhoou aftōoun ǹje petros ǹθmyti ǹǹs̀nyou evn oumyy ṡo m̀mav evnaraṡi gouōt ǹran ouoh pegaf | In these days, Peter stood up in the midst of the disciples (and the number of names was about one hundred twenty), and said, |
|---|
| 1:16 | ϫⲉⲛⲣⲱⲙⲉ ⲛⲉⲥⲛⲏⲩ ⲛⲉϩⲁⲡⲥ ⲉⲧⲣⲉⲧⲉⲓⲅⲣⲁⲫⲏ ϫⲱⲕ ⲉⲃⲟⲗ ⲧⲁⲓ ⲛⲧⲁϥϫⲟⲟⲥ ϫⲓⲛⲛϣⲟⲣⲡ ⲛϭⲓⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲉⲃⲟⲗ ϩⲓⲧⲛⲧⲧⲁⲡⲣⲟ ⲛⲇⲁⲩⲉⲓⲇ ⲉⲧⲃⲉⲓⲟⲩⲇⲁⲥ ⲡⲉⲛⲧⲁϥϣⲱⲡⲉ ⲛⲣⲉϥϫⲓⲙⲟⲉⲓⲧ ⲛⲛⲉⲛⲧⲁⲩϭⲱⲡⲉ ⲛⲓⲥ . | ϫⲉ ⲛ̀ⲣⲱⲙⲓ ⲛ̀ⲥ̀ⲛⲏⲟⲩ ⲛ̀ⲉϩⲱϯ ⲉ̀ⲑⲣⲉⲧⲁⲓ̀ⲅ̀ⲣⲁⲫⲏ ϫⲱⲕ ⲉ̀ⲃⲟⲗ ⲑⲁⲓ ⲉ̀ⲧⲁϥϫⲟⲥ ϫⲓⲛⲛ̀ϣⲟⲣⲡ ⲛ̀ϫⲉ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲉ̀ⲃⲟⲗ ϩⲓⲧⲉⲛ ⲧ̀ⲧⲁⲡⲣⲟ ⲛ̀ⲇⲁⲩⲓⲇ ⲉⲑⲃⲉ ⲓⲟⲩⲇⲁⲥ ⲡⲉⲧⲁϥϣⲱⲡⲓ ⲛ̀ⲣⲉϥϫⲓⲙⲟⲉⲓⲧ ⲛ̀ⲛⲉⲧⲁⲩϭⲱⲡⲉ ⲛ̀ⲓⲏⲥⲟⲩⲥ. | je ǹrōmi ǹs̀nyou ǹehōti èθretaìġ̀rafy gōk èvol θai ètafgos jinǹṡorp ǹje pip̀nevma eθouab èvol hiten t̀tapro ǹdavid eθve ioudas petafṡōpi ǹrefjimoeit ǹnetavċōpe ǹiysous. | 'Brothers, it was necessary that this Scripture should be fulfilled, which the Holy Spirit spoke before by the mouth of David concerning Judas, who was guide to those who took Jesus. |
|---|
| 1:17 | ϫⲉⲛⲉⲁⲩⲟⲡϥ ⲡⲉ ϩⲣⲁⲓ ⲛϩⲏⲧⲛ . ⲁⲩⲱ ⲁϥϫⲓ ⲙⲡⲉⲕⲗⲏⲣⲟⲥ ⲛⲧⲉⲓⲇⲓⲁⲕⲟⲛⲓⲁ . | Ϫⲉ ⲛⲁⲩⲟⲡϥ ⲡⲉ ϩⲣⲁⲓ ⲛ̀ϧⲏⲧⲛ. Ⲟⲩⲟϩ ⲁϥϭⲓ ⲛ̀ⲡ̀ⲕ̀ⲗⲏⲣⲟⲥ ⲛ̀ⲧⲁⲓ̀ⲇⲓⲁⲕⲟⲛⲓⲁ. | Je navopf pe hrai ǹxytn. Ouoh afċi ǹp̀k̀lyros ǹtaìḋiakonia. | For he was numbered with us, and received his portion in this ministry. |
|---|
| 1:18 | ⲡⲁⲓ ϭⲉ ⲁϥϣⲱⲡ ⲛⲁϥ ⲛⲟⲩϭⲱⲙ ⲉⲃⲟⲗ ϩⲙⲡⲃⲉⲕⲉ ⲙⲡⲉϥϫⲓ ⲛϭⲟⲛⲥ . ⲁⲩⲱ ⲁϥϩⲉ ⲉϫⲙⲡⲉϥϩⲟ ⲁϥⲡⲱϣ ⲉⲧⲉϥⲙⲏⲧⲉ . ⲁⲛⲉⲧⲡⲉϥϩⲟⲩⲛ ⲧⲏⲣⲟⲩ ⲡⲱⲛ ⲉⲃⲟⲗ . | Ⲫⲁⲓ ⲟⲩⲛ ⲁϥϣⲱⲡ ⲛⲁϥ ⲛ̀ⲟⲩϭⲱⲙ ⲉ̀ⲃⲟⲗ ϧⲉⲛ ⲡ̀ⲃⲉⲭⲉ ⲛ̀ⲡⲉϥϭⲓ ⲛ̀ϫⲟⲛⲥ. Ⲟⲩⲟϩ ⲁϥϩⲉⲓ ⲉ̀ϫⲉⲛ ⲡⲉϥϩⲟ ⲁϥⲫⲱϣ ⲉ̀ⲧⲉϥⲙⲏϯ. Ⲁⲛⲉⲧⲡⲉϥϩⲟⲩⲛ ⲧⲏⲣⲟⲩ ⲡⲱⲛ ⲉ̀ⲃⲟⲗ. | Fai oun afṡōp naf ǹouċōm èvol xen p̀veke ǹpefċi ǹgons. Ouoh afhei èjen pefho affōṡ ètefmyti. Anetpefhoun tyrou pōn èvol. | Now this man obtained a field with the reward for his wickedness, and falling headlong, his body burst open, and all his intestines gushed out. |
|---|
| 1:19 | ⲁⲩⲱ ⲁⲡⲉⲓϩⲱⲃ ϭⲱⲗⲡ ⲉⲃⲟⲗ ⲛⲟⲩⲟⲛ ⲛⲓⲙ ⲉⲧⲟⲩⲏϩ ϩⲛⲧϩⲓⲉⲣⲟⲥⲟⲗⲩⲙⲁ . ϩⲱⲥⲧⲉ ⲛⲥⲉⲙⲟⲩⲧⲉ ⲉⲡϭⲱⲙ ⲉⲧⲙⲙⲁⲩ ϩⲛⲧⲉⲩⲁⲥⲡⲉ ϫⲉⲁⲕⲉⲗⲇⲁⲙⲁⲭ ⲉⲧⲉⲡⲁⲓ ⲡⲉ ⲡϭⲱⲙ ⲙⲡⲉⲥⲛⲟϥ . | Ⲟⲩⲟϩ ⲁⲡⲁⲓϩⲱⲃ ϭⲱⲗⲡ ⲉ̀ⲃⲟⲗ ⲛ̀ⲟⲩⲟⲛ ⲛⲓⲃⲉⲛ ⲉⲧⲟⲩⲏϩ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ. Ϩⲱⲥⲧⲉ ⲛ̀ⲧⲟⲩⲙⲟⲩϯ ⲉ̀ⲡ̀ϭⲱⲙ ⲉ̀ⲧⲉ ⲙ̀ⲙⲁⲩ ϧⲉⲛ ⲧⲟⲩⲁⲥⲡⲓ ϫⲉ ⲁⲕⲉⲗⲇⲁⲙⲁⲭ ⲉ̀ⲧⲉ ⲫⲁⲓ ⲡⲉ ⲡ̀ϭⲱⲙ ⲛ̀ⲡ̀ⲥ̀ⲛⲟϥ. | Ouoh apaihōb ċōlp èvol ǹouon niven etouyh xen t̀·hierosolima. Hōste ǹtoumouti èp̀ċōm ète m̀mav xen touaspi je akelḋamak ète fai pe p̀ċōm ǹp̀·s̀nof. | It became known to everyone who lived in Jerusalem that in their language that field was called 'Akeldama,' that is, 'The field of blood.' |
|---|
| 1:20 | ϥⲥⲏϩ ⲅⲁⲣ ϩⲙⲡϫⲱⲱⲙⲉ ⲛⲛⲉⲯⲁⲗⲙⲟⲥ ϫⲉⲙⲁⲣⲉⲧⲉϥⲣⲥⲱ ϣⲱⲡⲉ ⲛϫⲁⲓⲉ . ⲁⲩⲱ ⲙⲡⲣⲧⲣⲉϥϣⲱⲡⲉ ⲛϭⲓⲡⲉⲧⲟⲩⲏϩ ϩⲛⲛⲉϥⲙⲁ ⲛϣⲱⲡⲉ . ⲁⲩⲱ ⲧⲉϥⲙⲛⲧⲉⲡⲓⲥⲕⲟⲡⲟⲥ ⲙⲁⲣⲉⲕⲉⲟⲩⲁ ϫⲓⲧⲥ . | Ϥ̀ⲥ̀ϧⲏⲟⲩⲧ ⲅⲁⲣ ϧⲉⲛ ⲡ̀ϫⲱⲙ ⲛ̀ⲛ̀ⲯⲁⲗⲙⲟⲥ ϫⲉ ⲙⲁⲣⲉⲧⲉϥⲣⲥⲱ ϣⲱⲡⲓ ⲛ̀ϫⲁⲓⲉ. Ⲟⲩⲟϩ ⲙⲡⲉⲛⲑⲣⲉϥϣⲱⲡⲓ ⲛ̀ϫⲉ ⲡⲉⲧⲟⲩⲏϩ ϧⲉⲛ ⲛⲉϥⲙⲁ ⲛ̀ϣⲱⲡⲓ. Ⲟⲩⲟϩ ⲧⲉϥⲙⲉⲧⲉⲡⲓⲥⲕⲟⲡⲟⲥ ⲙⲁⲣⲉⲕⲉⲟⲩⲁⲓ ϭⲓⲧⲥ. | F̀s̀xyout ġar xen p̀gōm ǹǹpsalmos je maretefrsō ṡōpi ǹgaie. Ouoh mpenθrefṡōpi ǹje petouyh xen nefma ǹṡōpi. Ouoh tefmetepiskopos marekeouai ċits. | For it is written in the book of Psalms, 'Let his habitation be made desolate. Let no one dwell therein;' |
|---|
| 1:21 | ϣϣⲉ ϭⲉ ⲉⲃⲟⲗ ϩⲛⲛⲣⲱⲙⲉ ⲉⲧⲙⲟⲟϣⲉ ⲛⲙⲙⲁⲛ . ϩⲙⲡⲉⲓⲟⲩⲟⲉⲓϣ ⲧⲏⲣϥ ⲛⲧⲁϥⲉⲓ ⲉϩⲟⲩⲛ ⲁⲩⲱ ⲁϥⲃⲱⲕ ⲉⲃⲟⲗ ϩⲓⲧⲟⲟⲧⲛ ⲛϭⲓⲡϫⲟⲉⲓⲥ ⲓⲏⲥⲟⲩⲥ . | Ⲥ̀ϣⲉ ⲟⲩⲛ ⲉ̀ⲃⲟⲗ ϧⲉⲛ ⲛ̀ⲣⲱⲙⲓ ⲉⲧⲙⲟϣⲓ ⲛⲉⲙⲁⲛ. Ϧⲉⲛ ⲡⲁⲓⲥⲏⲟⲩ ⲧⲏⲣϥ ⲉ̀ⲧⲁϥⲓ̀ ⲉ̀ϧⲟⲩⲛ ⲟⲩⲟϩ ⲁϥⲃⲱⲕ ⲉ̀ⲃⲟⲗ ϩⲓⲧⲟⲧⲛ ⲛ̀ϫⲉ ⲡ̀ϭⲟⲓⲥ ⲓⲏⲥⲟⲩⲥ. | S̀ṡe oun èvol xen ǹrōmi etmoṡi neman. Xen paisyou tyrf ètafì èxoun ouoh afvōk èvol hitotn ǹje p̀ċois iysous. | 'Of the men therefore who have accompanied us all the time that the Lord Jesus went in and out among us, |
|---|
| 1:22 | ⲉⲁϥⲁⲣⲭⲉⲓ ϫⲓⲛⲡⲃⲁⲡⲧⲓⲥⲙⲁ ⲛⲓⲱϩⲁⲛⲛⲏⲥ ϣⲁϩⲣⲁⲓ ⲉⲡⲉϩⲟⲟⲩ ⲛⲧⲁⲩϥⲓⲧϥ ⲉϩⲣⲁⲓ ⲛⲧⲟⲟⲧⲛ . ⲉⲧⲣⲉⲟⲩⲁ ⲛⲛⲁⲓ ϣⲱⲡⲉ ⲛⲙⲙⲁⲛ ⲙⲙⲛⲧⲣⲉ ⲛⲧⲉϥⲁⲛⲁⲥⲧⲁⲥⲓⲥ . | Ⲉⲁϥⲁⲣⲭⲉⲓ ϫⲓⲛⲡ̀ⲃⲁⲡⲧⲓⲥⲙⲁ ⲛ̀ⲓⲱⲁⲛⲛⲏⲥ ϣⲁϩⲣⲁⲓ ⲉ̀ⲡⲉ̀ϩⲟⲟⲩ ⲉⲧⲁⲩϥⲓⲧϥ ⲉϩⲣⲁⲓ ⲛ̀ⲧⲟⲧⲛ. Ⲉ̀ⲑⲣⲉⲟⲩⲁⲓ ⲛ̀ⲛⲁⲓ ϣⲱⲡⲓ ⲛⲉⲙⲁⲛ ⲛ̀ⲙⲉⲑⲣⲉ ⲛ̀ⲧⲉϥⲁ̀ⲛⲁⲥⲧⲁⲥⲓⲥ. | Eafarṡei jinp̀vaptisma ǹiōannys ṡahrai èpèhoou etavfitf ehrai ǹtotn. Èθreouai ǹnai ṡōpi neman ǹmeθre ǹtefànastasis. | beginning from the baptism of John, to the day that he was received up from us, of these one must become a witness with us of his resurrection.' |
|---|
| 1:23 | ⲁⲩⲱ ⲁⲩⲧⲁϩⲉ ⲥⲛⲁⲩ ⲉⲣⲁⲧⲟⲩ ⲓⲱⲥⲏⲥ ⲡⲉⲧⲉϣⲁⲩⲙⲟⲩⲧⲉ ⲉⲣⲟϥ ϫⲉⲃⲁⲣⲥⲁⲃⲁⲥ ⲡⲁⲓ ⲛⲧⲁⲩϯⲣⲓⲛϥ ⲉⲓⲟⲩⲥⲧⲟⲥ ⲁⲩⲱ ⲙⲁⲑⲓⲁⲥ . | Ⲟⲩⲟϩ ⲁⲩⲧⲁϩⲉ ⲥ̀ⲛⲁⲩ ⲉ̀ⲣⲁⲧⲟⲩ ⲓⲱⲥⲏⲥ ⲡⲉ̀ⲧⲉ ϣⲁⲩⲙⲟⲩϯ ⲉ̀ⲣⲟϥ ϫⲉ ⲃⲁⲣⲥⲁⲃⲁⲥ ⲫⲁⲓ ⲉⲧⲁⲩϯⲣⲓⲛϥ ⲉⲓⲟⲩⲥⲧⲟⲥ ⲟⲩⲟϩ ⲙⲁⲑⲓⲁⲥ. | Ouoh avtahe s̀nav èratou iōsys pète ṡavmouti èrof je barsabas fai etavtirinf eioustos ouoh maθias. | They put forward two, Joseph called Barsabbas, who was surnamed Justus, and Matthias. |
|---|
| 1:24 | ⲁⲩϣⲗⲏⲗ ⲉⲩϫⲱ ⲙⲙⲟⲥ ϫⲉⲡϫⲟⲉⲓⲥ ⲛⲧⲟⲕ ⲉⲧⲥⲟⲟⲩⲛ ⲙⲡϩⲏⲧ ⲛⲟⲩⲟⲛ ⲛⲓⲙ . ⲟⲩⲱⲛϩ ⲉⲃⲟⲗ ⲛⲟⲩⲁ ⲙⲡⲉⲓⲥⲛⲁⲩ . ⲡⲉⲛⲧⲁⲕⲥⲟⲧⲡϥ | Ⲁⲩϣ̀ⲗⲏⲗ ⲉⲩϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲛ̀ⲑⲟⲕ ⲉ̀ⲧ̀ⲥⲱⲟⲩⲛ ⲛ̀ⲡ̀ϩⲏⲧ ⲛ̀ⲟⲩⲟⲛ ⲛⲓⲃⲉⲛ. Ⲟⲩⲱⲛϧ ⲉ̀ⲃⲟⲗ ⲛ̀ⲟⲩⲁⲓ ⲛ̀ⲡⲁⲓⲥ̀ⲛⲁⲩ. Ⲡⲉⲧⲁⲕⲥⲟⲧⲡϥ | Avṡ̀lyl evgō m̀mos je p̀ċois ǹθok èt̀sōoun ǹp̀hyt ǹouon niven. Ouōnx èvol ǹouai ǹpais̀nav. Petak·sotpf | They prayed, and said, 'You, Lord, who know the hearts of all men, show which one of these two you have chosen |
|---|
| 1:25 | ⲉϫⲓ ⲙⲡⲙⲁ ⲛⲧⲉⲓⲇⲓⲁⲕⲟⲛⲓⲁ . ⲁⲩⲱ ⲧⲙⲛⲧⲁⲡⲟⲥⲧⲟⲗⲟⲥ ⲛⲧⲁϥⲡⲁⲣⲁⲃⲁ ⲛϩⲏⲧⲥ ⲛϭⲓⲓⲟⲩⲇⲁⲥ ⲉⲧⲣⲉϥⲃⲱⲕ ⲉϩⲣⲁⲓ ⲉⲡⲉϥⲙⲁ ⲙⲙⲓⲛⲙⲙⲟϥ . | ⲉ̀ϭⲓ ⲛ̀ⲡ̀ⲙⲁ ⲛ̀ⲧⲁⲓ̀ⲇⲓⲁⲕⲟⲛⲓⲁ. Ⲟⲩⲟϩ ⲧ̀ⲙⲉⲧⲁⲡⲟⲥⲧⲟⲗⲟⲥ ⲉⲧⲁϥⲡⲁⲣⲁⲃⲁ ⲛ̀ϧⲏⲧⲥ ⲛ̀ϫⲉ ⲓⲟⲩⲇⲁⲥ ⲉ̀ⲑⲣⲉϥⲃⲱⲕ ⲉϩⲣⲁⲓ ⲉ̀ⲡⲉϥⲙⲁ ⲙⲙⲓⲛⲙⲙⲟϥ. | èċi ǹp̀ma ǹtaìḋiakonia. Ouoh t̀metapostolos etafparaba ǹxyts ǹje ioudas èθrefvōk ehrai èpefma mminmmof. | to take part in this ministry and apostleship from which Judas fell away, that he might go to his own place.' |
|---|
| 1:26 | ⲁⲩⲱ ⲁⲩϯ ⲛⲁⲩ ⲛϩⲉⲛⲕⲗⲏⲣⲟⲥ . ⲁⲡⲉⲕⲗⲏⲣⲟⲥ ⲉⲓ ⲉϩⲣⲁⲓ ⲉϫⲙⲙⲁⲑⲓⲁⲥ . ⲁⲩⲟⲡϥ ⲙⲛⲡⲙⲛⲧⲟⲩⲉ ⲛⲁⲡⲟⲥⲧⲟⲗⲟⲥ . | Ⲟⲩⲟϩ ⲁⲩϯ ⲛⲱⲟⲩ ⲛ̀ϩⲁⲛⲕ̀ⲗⲏⲣⲟⲥ. Ⲁ ⲡ̀ⲕ̀ⲗⲏⲣⲟⲥ ⲓ̀ ⲉϩⲣⲁⲓ ⲉ̀ϫⲉⲛ ⲙⲁⲑⲓⲁⲥ. Ⲁⲩⲟⲡϥ ⲛⲉⲙ ⲡ̀ⲙⲉⲧⲟⲩⲉⲓ ⲛ̀ⲁ̀ⲡⲟⲥⲧⲟⲗⲟⲥ. | Ouoh avti nōou ǹhank̀lyros. A p̀k̀lyros ì ehrai èjen maθias. Avopf nem p̀metouei ǹàpostolos. | They drew lots for them, and the lot fell on Matthias, and he was numbered with the eleven apostles. |
|---|