| 5:1 | ⲟⲩⲣⲱⲙⲉ ⲇⲉ ⲉⲡⲉϥⲣⲁⲛ ⲡⲉ ⲁⲛⲁⲛⲓⲁⲥ ⲙⲛⲥⲁⲡⲡⲓⲣⲁ ⲧⲉϥⲥϩⲓⲙⲉ . ⲁϥϯ ⲟⲩϭⲱⲙ ⲉⲃⲟⲗ . | ⲟⲩⲣⲱⲙⲓ ⲇⲉ ⲉ̀ⲡⲉϥⲣⲁⲛ ⲡⲉ ⲁ ⲛⲁⲛⲓⲁⲥ ⲛⲉⲙ ⲥⲁⲡⲡⲓⲣⲁ ⲧⲉϥⲥ̀ϩⲓⲙⲓ. Ⲁϥϯ ⲟⲩϭⲱⲙ ⲉ̀ⲃⲟⲗ. | ourōmi ḋe èpefran pe a nanias nem sappira tefs̀·himi. Afti ouċōm èvol. | But a certain man named Ananias, with Sapphira, his wife, sold a possession, |
|---|
| 5:2 | ⲁⲩⲱ ⲁϥϥⲓ ⲉⲃⲟⲗ ϩⲛⲧⲉϥⲁⲥⲟⲩ ⲉⲣⲉⲧⲉϥⲕⲉⲥϩⲓⲙⲉ ⲥⲟⲟⲩⲛ . ⲁϥⲉⲓⲛⲉ ⲛⲟⲩⲙⲉⲣⲟⲥ ⲁϥⲕⲁⲁϥ ϩⲁⲣⲁⲧⲟⲩ ⲛⲁⲡⲟⲥⲧⲟⲗⲟⲥ . | Ⲟⲩⲟϩ ⲁϥϥⲁⲓ ⲉ̀ⲃⲟⲗ ϧⲉⲛ ⲧⲉϥⲁⲥⲟⲩ ⲉ̀ⲣⲉⲧⲉϥⲕⲉⲥ̀ϩⲓⲙⲓ ⲥⲱⲟⲩⲛ. Ⲁϥⲓ̀ⲛⲓ ⲛ̀ⲟⲩⲙⲉⲣⲟⲥ ⲁϥⲭⲁϥ ϧⲁⲣⲁⲧⲟⲩ ⲛ̀ⲁ̀ⲡⲟⲥⲧⲟⲗⲟⲥ. | Ouoh affai èvol xen tefasou èretefkes̀·himi sōoun. Afìni ǹoumeros afkaf xaratou ǹàpostolos. | and kept back part of the price, his wife also being aware of it, and brought a certain part, and laid it at the apostles' feet. |
|---|
| 5:3 | ⲡⲉϫⲉⲡⲉⲧⲣⲟⲥ ⲇⲉ ⲛⲁϥ ϫⲉⲁⲛⲁⲛⲓⲁ . ⲉⲧⲃⲉⲟⲩ ⲁⲡⲥⲁⲧⲁⲛⲁⲥ ⲙⲟⲩϩ ⲙⲡⲉⲕϩⲏⲧ ⲉⲧⲣⲉⲕϫⲓϭⲟⲗ ⲉⲡⲉⲡⲛⲉⲩⲙⲁ ⲉⲧⲟⲩⲁⲁⲃ . ⲁⲩⲱ ⲛⲅϥⲓ ⲉⲃⲟⲗ ϩⲛⲧⲁⲥⲟⲩ ⲙⲡϭⲱⲙ . | Ⲡⲉϫⲉⲡⲉⲧⲣⲟⲥ ⲇⲉ ⲛⲁϥ ϫⲉ ⲁ ⲛⲁⲛⲓⲁ. Ⲉⲑⲃⲉ ⲟⲩ ⲁ ⲡ̀ⲥⲁⲧⲁⲛⲁⲥ ⲙⲟϩ ⲛ̀ⲡⲉⲕϩⲏⲧ ⲉ̀ⲑⲣⲉⲕϫⲓϭⲟⲗ ⲉ̀ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ. Ⲟⲩⲟϩ ⲛ̀ⲧⲉⲕϥⲁⲓ ⲉ̀ⲃⲟⲗ ϧⲉⲛ ⲧ̀ⲁⲥⲟⲩ ⲛ̀ⲡ̀ϭⲱⲙ. | Pejepetros ḋe naf je a nania. Eθve ou a p̀·satanas moh ǹpek·hyt èθrekjiċol èpip̀nevma eθouab. Ouoh ǹtekfai èvol xen t̀asou ǹp̀ċōm. | But Peter said, 'Ananias, why has Satan filled your heart to lie to the Holy Spirit, and to keep back part of the price of the land? |
|---|
| 5:4 | ⲙⲏ ⲛⲉϥϣⲟⲟⲡ ⲛⲁⲕ ⲁⲛ ⲡⲉ ⲁⲩⲱ ⲛⲧⲉⲣⲉⲕⲧⲁⲁϥ ⲉⲃⲟⲗ ⲛⲉϥϣⲟⲟⲡ ⲁⲛ ⲡⲉ ϩⲁⲧⲉⲕⲉⲝⲟⲩⲥⲓⲁ ⲉⲧⲃⲉⲟⲩ ⲁⲕⲕⲁ ⲡⲁⲓ ϩⲙⲡⲉⲕϩⲏⲧ ⲉⲉⲓⲣⲉ ⲙⲡⲉⲓⲡⲟⲛⲏⲣⲟⲛ ⲛⲧⲁⲕϫⲓϭⲟⲗ ⲁⲛ ⲉⲣⲱⲙⲉ ⲁⲗⲗⲁ ⲉⲡⲛⲟⲩⲧⲉ . | Ⲙⲏ ⲛⲁϥϣⲟⲡ ⲛⲁⲕ ⲁⲛ ⲡⲉ ⲟⲩⲟϩ ⲉ̀ⲧⲁⲕⲧⲏⲓϥ ⲉ̀ⲃⲟⲗ ⲛⲁϥϣⲟⲡ ⲁⲛ ⲡⲉ ϧⲁ ⲧⲉⲕⲉⲝⲟⲩⲥⲓⲁ ⲉⲑⲃⲉ ⲟⲩ ⲁⲕⲕⲁ ⲫⲁⲓ ϧⲉⲛ ⲡⲉⲕϩⲏⲧ ⲉ̀ⲓⲣⲓ ⲛ̀ⲡⲁⲓⲡⲟⲛⲏⲣⲟⲛ ⲉⲧⲁⲕϫⲓϭⲟⲗ ⲁⲛ ⲉ̀ⲣⲱⲙⲓ ⲁⲗⲗⲁ ⲉ̀ⲫ̀ⲛⲟⲩϯ. | My nafṡop nak an pe ouoh ètaktyif èvol nafṡop an pe xa tekeksousia eθve ou akka fai xen pek·hyt èiri ǹpaiponyron etakjiċol an èrōmi alla èf̀nouti. | While you kept it, didn't it remain your own? After it was sold, wasn't it in your power? How is it that you have conceived this thing in your heart? You haven't lied to men, but to God.' |
|---|
| 5:5 | ⲉϥⲥⲱⲧⲙ ⲇⲉ ⲉⲛⲉⲓϣⲁϫⲉ ⲛϭⲓⲁⲛⲁⲛⲓⲁⲥ ⲁϥϩⲉ ⲁϥⲙⲟⲩ . ⲁⲩⲱ ⲁⲩⲛⲟϭ ⲛϩⲟⲧⲉ ϩⲉ ⲉϩⲣⲁⲓ ⲉϫⲛⲟⲩⲟⲛ ⲛⲓⲙ ⲉⲧⲥⲱⲧⲙ . | Ⲉϥⲥⲱⲧⲉⲙ ⲇⲉ ⲉ̀ⲛⲁⲓⲥⲁϫⲓ ⲛ̀ϫⲉ ⲁ̀ⲛⲁⲛⲓⲁⲥ ⲁϥϩⲉⲓ ⲁϥⲙⲟⲩ. Ⲟⲩⲟϩ ⲁ̀ⲟⲩⲛⲓϣϯ ⲛ̀ϩⲟϯ ϩⲉⲓ ⲉϩⲣⲁⲓ ⲉ̀ϫⲉⲛ ⲟⲩⲟⲛ ⲛⲓⲃⲉⲛ ⲉ̀ⲧ̀ⲥⲱⲧⲉⲙ. | Efsōtem ḋe ènaisaji ǹje ànanias afhei afmou. Ouoh àouniṡti ǹhoti hei ehrai èjen ouon niven èt̀sōtem. | Ananias, hearing these words, fell down and died. Great fear came on all who heard these things. |
|---|
| 5:6 | ⲁⲩⲧⲱⲟⲩⲛⲟⲩ ⲇⲉ ⲛϭⲓⲛϩⲣϣⲓⲣⲉ ⲁⲩⲕⲟⲟⲥϥ . ⲁⲩⲱ ⲁⲩϫⲓⲧϥ ⲉⲃⲟⲗ ⲁⲩⲧⲟⲙⲥϥ . | Ⲁⲩⲧⲱⲟⲩⲛⲟⲩ ⲇⲉ ⲛ̀ϫⲉ ⲛ̀ϩⲣϣⲓⲣⲉ ⲁⲩⲕⲟⲟⲥϥ. Ⲟⲩⲟϩ ⲁⲩϭⲓⲧϥ ⲉ̀ⲃⲟⲗ ⲁⲩⲑⲟⲙⲥϥ. | Avtōounou ḋe ǹje ǹhrṡire avkoosf. Ouoh avċitf èvol avθomsf. | The young men arose and wrapped him up, and they carried him out and buried him. |
|---|
| 5:7 | ⲁⲥϣⲱⲡⲉ ⲇⲉ ⲙⲛⲛⲥⲁϣⲟⲙⲧⲉ ⲛⲟⲩⲛⲟⲩ . ⲧⲉϥⲥϩⲓⲙⲉ ⲛⲥⲥⲟⲟⲩⲛ ⲁⲛ ⲙⲡⲉⲛⲧⲁϥϣⲱⲡⲉ . ⲁⲥⲉⲓ ⲉϩⲟⲩⲛ . | Ⲁⲥϣⲱⲡⲓ ⲇⲉ ⲙⲉⲛⲉⲛⲥⲁϣⲟⲙⲧⲉ ⲛ̀ⲟⲩⲛⲟⲩ. Ⲧⲉϥⲥ̀ϩⲓⲙⲓ ⲛ̀ⲧⲉⲥⲥⲱⲟⲩⲛ ⲁⲛ ⲛ̀ⲡⲉⲧⲁϥϣⲱⲡⲓ. Ⲁⲥⲓ̀ ⲉ̀ϧⲟⲩⲛ. | Asṡōpi ḋe menensaṡomte ǹounou. Tefs̀·himi ǹtessōoun an ǹpetafṡōpi. Asì èxoun. | About three hours later, his wife, not knowing what had happened, came in. |
|---|
| 5:8 | ⲡⲉϫⲉⲡⲉⲧⲣⲟⲥ ⲛⲁⲥ ϫⲉⲁϫⲓⲥ ⲉⲣⲟⲓ ϫⲉⲛⲧⲁⲧⲉⲧⲛϯ ⲡϭⲱⲙ ⲉⲃⲟⲗ ϩⲁⲛⲉⲓϩⲟⲙⲛⲧ . ⲛⲧⲟⲥ ⲇⲉ ⲡⲉϫⲁⲥ ϫⲉⲉϩⲉ ϩⲁⲛⲁⲓ . | Ⲡⲉϫⲉⲡⲉⲧⲣⲟⲥ ⲛⲁⲥ ϫⲉ ⲁ̀ϫⲟⲥ ⲉ̀ⲣⲟⲓ ϫⲉ ⲛⲧⲁⲣⲉⲧⲉⲛϯ ⲡ̀ϭⲱⲙ ⲉ̀ⲃⲟⲗ ϧⲁ ⲛⲁⲓϩⲟⲙⲧ. Ⲛ̀ⲑⲟⲥ ⲇⲉ ⲡⲉϫⲁⲥ ϫⲉ ⲉϩⲉ ϧⲁ ⲛⲁⲓ. | Pejepetros nas je àgos èroi je ntaretenti p̀ċōm èvol xa naihomt. Ǹθos ḋe pegas je ehe xa nai. | Peter answered her, 'Tell me whether you sold the land for so much.' She said, 'Yes, for so much.' |
|---|
| 5:9 | ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁⲥ ϫⲉⲉⲧⲃⲉⲟⲩ ⲁⲧⲉⲧⲛϥⲓ ⲙⲛⲛⲉⲧⲛⲉⲣⲏⲩ ⲉⲡⲉⲓⲣⲁⲍⲉ ⲙⲡⲉⲡⲛⲉⲩⲙⲁ ⲙⲡϫⲟⲉⲓⲥ . ⲉⲓⲥ ⲛⲟⲩⲉⲣⲏⲧⲉ ⲛⲛⲉⲛⲧⲁⲩⲧⲱⲙⲥ ⲙⲡⲟⲩϩⲁⲓ ⲥⲉϩⲓⲣⲙ ⲡⲣⲟ ⲁⲩⲱ ⲥⲉⲛⲁϥⲓⲧⲉ ⲉⲃⲟⲗ . | Ⲡⲉⲧⲣⲟⲥ ⲇⲉ ⲡⲉϫⲁϥ ⲛⲁⲥ ϫⲉ ⲉⲑⲃⲉ ⲟⲩ ⲁⲣⲉⲧⲉⲛϥⲁⲓ ⲛⲉⲙ ⲛⲉⲧⲉⲛⲉⲣⲏⲟⲩ ⲉⲉⲣⲡⲉⲓⲣⲁⲍⲓⲛ ⲛ̀ⲡⲓⲡ̀ⲛⲉⲩⲙⲁ ⲛ̀ⲡ̀ϭⲟⲓⲥ. Ⲓⲥ ⲛⲟⲩⲉⲣⲏⲧⲉ ⲛ̀ⲛⲉⲧⲁⲩⲑⲱⲙⲥ ⲛ̀ⲡⲟⲩϩⲁⲓ ⲥⲉϩⲓⲣⲉⲛ ⲡ̀ⲣⲟ ⲟⲩⲟϩ ⲥⲉⲛⲁϥⲓⲧⲉ ⲉ̀ⲃⲟⲗ. | Petros ḋe pegaf nas je eθve ou aretenfai nem neteneryou eerpeirazin ǹpip̀nevma ǹp̀ċois. Is noueryte ǹnetavθōms ǹpouhai sehiren p̀ro ouoh senafite èvol. | But Peter asked her, 'How is it that you have agreed together to tempt the Spirit of the Lord? Behold, the feet of those who have buried your husband are at the door, and they will carry you out.' |
|---|
| 5:10 | ⲛⲧⲉⲩⲛⲟⲩ ⲇⲉ ⲁⲥϩⲉ ϩⲁⲛⲉϥⲟⲩⲉⲣⲏⲧⲉ ⲁⲩⲱ ⲁⲥⲙⲟⲩ ⲁⲛϩⲣϣⲓⲣⲉ ⲇⲉ ⲉⲓ ⲉϩⲟⲩⲛ ⲁⲩϩⲉ ⲉⲣⲟⲥ ⲉⲥⲙⲟⲟⲩⲧ ⲁⲩϥⲓⲧⲥ ⲉⲃⲟⲗ ⲁⲩⲧⲟⲙⲥⲥ ϩⲁⲧⲙ ⲡⲉⲥϩⲁⲓ . | Ⲛ̀ϯⲟⲩⲛⲟⲩ ⲇⲉ ⲁⲥϩⲉⲓ ϧⲁ ⲛⲉϥⲟⲩⲉⲣⲏⲧⲉ ⲟⲩⲟϩ ⲁⲥⲙⲟⲩ ⲁⲛ̀ϩⲣϣⲓⲣⲉ ⲇⲉ ⲓ̀ ⲉ̀ϧⲟⲩⲛ ⲁⲩϫⲓⲙⲓ ⲉ̀ⲣⲟⲥ ⲉⲥⲙⲱⲟⲩⲧ ⲁⲩϥⲓⲧⲥ ⲉ̀ⲃⲟⲗ ⲁⲩⲑⲟⲙⲥⲥ ϩⲁⲧⲙ ⲡ̀ⲥ̀ϧⲁⲓ. | Ǹtiounou ḋe as·hei xa nefoueryte ouoh asmou aǹhrṡire ḋe ì èxoun avjimi èros esmōout avfits èvol avθomss hatm p̀·s̀xai. | She fell down immediately at his feet, and died. The young men came in and found her dead, and they carried her out and buried her by her husband. |
|---|
| 5:11 | ⲁⲩⲛⲟϭ ⲇⲉ ⲛϩⲟⲧⲉ ϣⲱⲡⲉ ⲉϫⲛⲧⲉⲕⲕⲗⲏⲥⲓⲁ ⲧⲏⲣⲥ ⲙⲛⲟⲩⲟⲛ ⲛⲓⲙ ⲉⲧⲥⲱⲧⲙ ⲉⲛⲁⲓ . | Ⲁ̀ⲟⲩⲛⲓϣϯ ⲇⲉ ⲛ̀ϩⲟϯ ϣⲱⲡⲓ ⲉ̀ϫⲉⲛ ⲧ̀ⲉⲕⲕⲗⲏⲥⲓⲁ ⲧⲏⲣⲥ ⲛⲉⲙ ⲟⲩⲟⲛ ⲛⲓⲃⲉⲛ ⲉ̀ⲧ̀ⲥⲱⲧⲉⲙ ⲉ̀ⲛⲁⲓ. | Àouniṡti ḋe ǹhoti ṡōpi èjen t̀ekklysia tyrs nem ouon niven èt̀sōtem ènai. | Great fear came on the whole assembly, and on all who heard these things. |
|---|
| 5:12 | ⲉⲃⲟⲗ ⲇⲉ ϩⲓⲧⲛⲛϭⲓϫ ⲛⲁⲡⲟⲥⲧⲟⲗⲟⲥ ⲛⲉⲩϣⲱⲡⲉ ⲛϭⲓϩⲉⲛⲙⲁⲉⲓⲛ ⲙⲛϩⲉⲛϣⲡⲏⲣⲉ ⲉⲛⲁϣⲱⲟⲩ ϩⲙⲡⲗⲁⲟⲥ . ⲁⲩⲱ ⲛⲉⲩϣⲟⲟⲡ ⲧⲏⲣⲟⲩ ⲙⲛⲛⲉⲩⲉⲣⲏⲩ ϩⲙⲡⲣⲡⲉ ϩⲁⲧⲉⲥⲧⲟⲁ ⲛⲥⲟⲗⲟⲙⲱⲛ . | Ⲉ̀ⲃⲟⲗ ⲇⲉ ϩⲓⲧⲉⲛ ⲛ̀ϫⲓϫ ⲛ̀ⲁ̀ⲡⲟⲥⲧⲟⲗⲟⲥ ⲛⲁⲩϣⲱⲡⲓ ⲛ̀ϫⲉ ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ⲉⲛⲁϣⲱⲟⲩ ϧⲉⲛ ⲡⲓⲗⲁⲟⲥ. Ⲟⲩⲟϩ ⲛⲁⲩϣⲟⲡ ⲧⲏⲣⲟⲩ ⲛⲉⲙ ⲛⲟⲩⲉ̀ⲣⲏⲟⲩ ϧⲉⲛ ⲡ̀ⲉⲣⲫⲉⲓ ϧⲁⲧ̀ⲥⲧⲟⲁ ⲛ̀ⲥⲟⲗⲟⲙⲱⲛ. | Èvol ḋe hiten ǹjig ǹàpostolos navṡōpi ǹje hanmyini nem hanṡ̀fyri enaṡōou xen pilaos. Ouoh navṡop tyrou nem nouèryou xen p̀erfei xat̀stoa ǹsolomōn. | By the hands of the apostles many signs and wonders were done among the people. They were all with one accord in Solomon's porch. |
|---|
| 5:13 | ⲉⲃⲟⲗ ⲇⲉ ϩⲙⲡⲕⲉⲥⲉⲉⲡⲉ ⲙⲡⲉⲗⲁⲁⲩ ⲧⲟⲗⲙⲁ ⲉⲧⲟϭϥ ⲉⲣⲟⲟⲩ . ⲁⲗⲗⲁ ⲛⲉⲣⲉⲡⲗⲁⲟⲥ ϯⲉⲟⲟⲩ ⲛⲁⲩ | Ⲉ̀ⲃⲟⲗ ⲇⲉ ϧⲉⲛ ⲡ̀ⲕⲉⲥⲉⲡⲓ ⲙ̀ⲡⲉ ⲗⲁⲁⲩ ⲉⲣⲧⲟⲗⲙⲁⲛ ⲉ̀ⲧⲟϭϥ ⲉ̀ⲣⲱⲟⲩ. Ⲁⲗⲗⲁ ⲛⲁⲣⲉ ⲡⲓⲗⲁⲟⲥ ϯⲉⲟⲟⲩ ⲛⲱⲟⲩ | Èvol ḋe xen p̀kesepi m̀pe laav ertolman ètoċf èrōou. Alla nare pilaos tieoou nōou | None of the rest dared to join them, however the people honored them. |
|---|
| 5:14 | ⲛϩⲟⲩⲟ ⲇⲉ ⲛⲉⲩⲟⲩⲱϩ ⲉⲣⲟⲟⲩ ⲛϭⲓⲛⲉⲧⲡⲓⲥⲧⲉⲩⲉ ⲉⲡϫⲟⲉⲓⲥ . ⲟⲩⲙⲏⲏϣⲉ ⲛⲣⲱⲙⲉ ϩⲓⲥϩⲓⲙⲉ . | ⲛ̀ϩⲟⲩⲟ ⲇⲉ ⲛⲁⲩⲟⲩⲱϩ ⲉ̀ⲣⲱⲟⲩ ⲛ̀ϫⲉ ⲛⲉⲧⲡⲓⲥⲧⲉⲩⲉ ⲉ̀ⲡ̀ϭⲟⲓⲥ. Ⲟⲩⲙⲏϣ ⲛ̀ⲣⲱⲙⲓ ϩⲓⲥ̀ϩⲓⲙⲓ. | ǹhouo ḋe navouōh èrōou ǹje netpisteve èp̀ċois. Oumyṡ ǹrōmi his̀·himi. | More believers were added to the Lord, multitudes of both men and women. |
|---|
| 5:15 | ϩⲱⲥⲧⲉ ⲛⲥⲉⲉⲓⲛⲉ ⲉⲃⲟⲗ ⲛⲛⲉⲧϣⲱⲛⲉ ⲉⲛⲉⲡⲗⲁⲧⲓⲁ . ⲛⲥⲉⲕⲁⲁⲩ ϩⲓϩⲉⲛϭⲗⲟϭ ⲙⲛϩⲉⲛⲙⲁ ⲛⲛⲕⲟⲧⲕ . ϫⲉⲕⲁⲁⲥ ⲉⲣⲉⲡⲉⲧⲣⲟⲥ ⲉⲓ ⲉϥⲛⲏⲩ ⲉⲣⲉⲧⲉϥϩⲁⲓⲃⲉⲥ ⲧⲁϩⲉ ⲟⲩⲁ ⲙⲙⲟⲟⲩ . | Ϩⲱⲥⲧⲉ ⲛ̀ⲧⲟⲩⲓ̀ⲛⲓ ⲉ̀ⲃⲟⲗ ⲛ̀ⲛⲉⲧϣⲱⲛⲓ ⲉ̀ⲛ̀ⲡ̀ⲗⲁⲧⲓⲁ. Ⲛ̀ⲧⲟⲩⲭⲁⲩ ϩⲓ ϩⲁⲛϭⲗⲟϫ ⲛⲉⲙ ϩⲁⲛⲙⲁ ⲛ̀ⲛ̀ⲕⲟⲧⲕ. Ϩⲓⲛⲁ ⲉ̀ⲣⲉⲡⲉⲧⲣⲟⲥ ⲓ̀ ⲉϥⲛⲏⲟⲩ ⲉ̀ⲣⲉⲧⲉϥϩⲁⲓⲃⲉⲥ ⲡⲁⲣⲏϯ ⲟⲩⲁⲓ ⲙ̀ⲙⲱⲟⲩ. | Hōste ǹtouìni èvol ǹnetṡōni èǹp̀latia. Ǹtoukav hi hanċlog nem hanma ǹǹkotk. Hina èrepetros ì efnyou èretefhaives paryti ouai m̀mōou. | They even carried out the sick into the streets, and laid them on cots and mattresses, so that as Peter came by, at the least his shadow might overshadow some of them. |
|---|
| 5:16 | ⲛⲉϣⲁⲩⲥⲱⲟⲩϩ ⲇⲉ ⲟⲛ ⲛϭⲓⲡⲙⲏⲏϣⲉ ⲛⲙⲡⲟⲗⲓⲥ ⲉⲧⲙⲡⲕⲱⲧⲉ ⲛⲧϩⲓⲉⲣⲟⲥⲟⲗⲩⲙⲁ . ⲉⲩⲉⲓⲛⲉ ⲛⲛⲉⲧϣⲱⲛⲉ ⲙⲛⲛⲉⲧⲙⲟⲕϩ ⲉⲃⲟⲗ ϩⲓⲧⲛⲛⲉⲡⲛⲉⲩⲙⲁ ⲛⲁⲕⲁⲑⲁⲣⲧⲟⲛ . ⲁⲩⲱ ⲛⲉⲩⲣⲡⲁϩⲣⲉ ⲉⲣⲟⲟⲩ ⲧⲏⲣⲟⲩ . | Ⲛⲁϣⲁⲩⲥⲱⲟⲩϩ ⲇⲉ ⲟⲛ ⲛ̀ϫⲉ ⲡ̀ⲙⲏϣ ⲛ̀ⲛ̀ⲡⲟⲗⲓⲥ ⲉ̀ϣⲧⲉⲙⲡ̀ⲕⲱϯ ⲛ̀ⲧ̀ϩⲓⲉⲣⲟⲥⲟⲗⲩⲙⲁ. Ⲉⲩⲓ̀ⲛⲓ ⲛ̀ⲛⲉⲧϣⲱⲛⲓ ⲛⲉⲙ ⲛⲉⲧⲙⲟⲕϩ ⲉ̀ⲃⲟⲗ ϩⲓⲧⲉⲛ ⲛ̀ⲡ̀ⲛⲉⲩⲙⲁ ⲛⲁⲕⲁⲑⲁⲣⲧⲟⲛ. Ⲟⲩⲟϩ ⲛⲁⲩⲉⲣⲫⲁϧⲣⲓ ⲉ̀ⲣⲱⲟⲩ ⲧⲏⲣⲟⲩ. | Naṡavsōouh ḋe on ǹje p̀myṡ ǹǹpolis èṡtemp̀kōti ǹt̀·hierosolima. Evìni ǹnetṡōni nem netmok·h èvol hiten ǹp̀nevma nakaθarton. Ouoh naverfaxri èrōou tyrou. | Multitudes also came together from the cities around Jerusalem, bringing sick people, and those who were tormented by unclean spirits: and they were all healed. |
|---|
| 5:17 | ⲁϥⲧⲱⲟⲩⲛ ⲇⲉ ⲛϭⲓⲡⲁⲣⲭⲓⲉⲣⲉⲩⲥ ⲙⲛⲟⲩⲟⲛ ⲛⲓⲙ ⲉⲧⲛⲙⲙⲁϥ . ⲁⲩⲱ ⲧϩⲁⲓⲣⲉⲥⲓⲥ ⲛⲛⲥⲁⲇⲇⲟⲩⲕⲁⲓⲟⲥ ⲁⲩⲙⲟⲩϩ ⲛⲕⲱϩ . | Ⲁϥⲧⲱⲟⲩⲛ ⲇⲉ ⲛ̀ϫⲉ ⲡⲓⲁⲣⲭⲓⲉ̀ⲣⲉⲩⲥ ⲛⲉⲙ ⲟⲩⲟⲛ ⲛⲓⲃⲉⲛ ⲉⲧⲛⲉⲙⲁϥ. Ⲟⲩⲟϩ ⲧ̀ϩⲁⲓⲣⲉⲥⲓⲥ ⲛ̀ⲛ̀ⲥⲁⲇⲇⲟⲩⲕⲉⲟⲥ ⲁⲩⲙⲟϩ ⲛ̀ⲭⲟϩ. | Aftōoun ḋe ǹje piarṡièrevs nem ouon niven etnemaf. Ouoh t̀·hairesis ǹǹsaddoukeos avmoh ǹkoh. | But the high priest rose up, and all those who were with him (which is the sect of the Sadducees), and they were filled with jealousy, |
|---|
| 5:18 | ⲁⲩⲉⲓⲛⲉ ⲛⲛⲉⲩϭⲓϫ ⲉϫⲛⲛⲁⲡⲟⲥⲧⲟⲗⲟⲥ ⲁⲩⲛⲟϫⲟⲩ ⲉⲡⲉϣⲧⲉⲕⲟ . | Ⲁⲩⲓ̀ⲛⲓ ⲛ̀ⲛⲟⲩϫⲓϫ ⲉ̀ϫⲉⲛ ⲛ̀ⲁ̀ⲡⲟⲥⲧⲟⲗⲟⲥ ⲁⲩⲛⲟϫⲟⲩ ⲉ̀ⲡ̀ϣ̀ⲧⲉⲕⲟ. | Avìni ǹnoujig èjen ǹàpostolos avnogou èp̀ṡ̀teko. | and laid hands on the apostles, and put them in public custody. |
|---|
| 5:19 | ⲡⲁⲅⲅⲉⲗⲟⲥ ⲇⲉ ⲙⲡϫⲟⲉⲓⲥ ⲁϥⲟⲩⲱⲛ ⲛⲛⲣⲟ ⲙⲡⲉϣⲧⲉⲕⲟ ⲛⲧⲉⲩϣⲏ . ⲁϥⲛⲧⲟⲩ ⲉⲃⲟⲗ . ⲡⲉϫⲁϥ ⲛⲁⲩ | Ⲡ̀ⲁⲅⲅⲉⲗⲟⲥ ⲇⲉ ⲛ̀ⲡ̀ϭⲟⲓⲥ ⲁϥⲟⲩⲱⲛ ⲛ̀ⲛ̀ⲣⲟ ⲛ̀ⲡ̀ϣ̀ⲧⲉⲕⲟ ⲛ̀ⲧⲉⲩϣⲏ. Ⲁϥⲉⲛⲟⲩ ⲉ̀ⲃⲟⲗ. Ⲡⲉϫⲁϥ ⲛⲱⲟⲩ | P̀angelos ḋe ǹp̀ċois afouōn ǹǹro ǹp̀ṡ̀teko ǹtevṡy. Afenou èvol. Pegaf nōou | But an angel of the Lord opened the prison doors by night, and brought them out, and said, |
|---|
| 5:20 | ϫⲉⲃⲱⲕ ⲛⲧⲉⲧⲛⲁϩⲉⲣⲁⲧ ⲧⲏⲩⲧⲛ ϩⲙⲡⲉⲣⲡⲉ ⲛⲧⲉⲧⲛⲧⲁϣⲉⲟⲉⲓϣ ⲙⲡⲗⲁⲟⲥ ⲛⲛϣⲁϫⲉ ⲧⲏⲣⲟⲩ ⲙⲡⲉⲓⲱⲛϩ . | ϫⲉ ⲃⲱⲕ ⲛ̀ⲧⲉⲧⲉⲛⲁϩⲉⲣⲁⲧ ⲑⲏⲛⲟⲩ ϧⲉⲛ ⲡ̀ⲉⲣⲫⲉⲓ ⲛ̀ⲧⲉⲧⲉⲛⲧⲁϣⲉⲟⲉⲓϣ ⲛ̀ⲡⲓⲗⲁⲟⲥ ⲛ̀ⲛ̀ⲥⲁϫⲓ ⲧⲏⲣⲟⲩ ⲛ̀ⲡⲁⲓⲱⲛϧ. | je vōk ǹtetenaherat θynou xen p̀erfei ǹtetentaṡeoeiṡ ǹpilaos ǹǹsaji tyrou ǹpaiōnx. | 'Go stand and speak in the temple to the people all the words of this life.' |
|---|
| 5:21 | ⲛⲧⲉⲣⲟⲩⲥⲱⲧⲙ ⲇⲉ ⲁⲩⲃⲱⲕ ⲉϩⲣⲁⲓ ⲉⲡⲉⲣⲡⲉ ⲙⲡⲛⲁⲩ ⲛϣⲱⲣⲡ ⲁⲩⲱ ⲛⲉⲩϯⲥⲃⲱ ⲁϥⲉⲓ ⲇⲉ ⲛϭⲓⲡⲁⲣⲭⲓⲉⲣⲉⲩⲥ ⲙⲛⲛⲉⲧⲛⲙⲙⲁϥ ⲁⲩⲥⲱⲟⲩϩ ⲙⲡⲥⲩⲛϩⲉⲇⲣⲓⲟⲛ ⲁⲩⲱ ⲛϩⲗⲗⲟ ⲧⲏⲣⲟⲩ ⲛⲛϣⲏⲣⲉ ⲙⲡⲓⲥⲣⲁⲏⲗ ⲁⲩϫⲟⲟⲩ ⲉⲡⲉϣⲧⲉⲕⲟ ⲉⲧⲣⲉⲩⲛⲧⲟⲩ . | Ⲉⲧⲁⲩⲥⲱⲧⲉⲙ ⲇⲉ ⲁⲩⲃⲱⲕ ⲉϩⲣⲁⲓ ⲉ̀ⲡⲉⲣⲫⲉⲓ ⲛ̀ⲡ̀ⲛⲁⲩ ⲛ̀ϣⲱⲣⲡ ⲟⲩⲟϩ ⲛⲁⲩϯⲥⲃⲱ ⲁϥⲓ̀ ⲇⲉ ⲛ̀ϫⲉ ⲡⲓⲁⲣⲭⲓⲉ̀ⲣⲉⲩⲥ ⲛⲉⲙ ⲛⲉⲧⲛⲉⲙⲁϥ ⲁⲩⲥⲱⲟⲩϩ ⲛ̀ⲡ̀ⲥⲩⲛϩⲉⲇⲣⲓⲟⲛ ⲟⲩⲟϩ ⲛ̀ϧⲉⲗⲗⲟ ⲧⲏⲣⲟⲩ ⲛ̀ⲛ̀ϣⲏⲣⲓ ⲛ̀ⲡⲓⲥⲣⲁⲏⲗ ⲁⲩϫⲟⲟⲩ ⲉ̀ⲡ̀ϣ̀ⲧⲉⲕⲟ ⲉ̀ⲑⲣⲉⲩⲉⲛⲟⲩ. | Etavsōtem ḋe avvōk ehrai èperfei ǹp̀nav ǹṡōrp ouoh navtisvō afì ḋe ǹje piarṡièrevs nem netnemaf avsōouh ǹp̀·sinheḋrion ouoh ǹxello tyrou ǹǹṡyri ǹpisrayl avgoou èp̀ṡ̀teko èθrevenou. | When they heard this, they entered into the temple about daybreak, and taught. But the high priest came, and those who were with him, and called the council together, and all the senate of the children of Israel, and sent to the prison to have them brought. |
|---|
| 5:22 | ⲛϩⲩⲡⲏⲣⲉⲧⲏⲥ ⲇⲉ ⲛⲧⲉⲣⲟⲩⲃⲱⲕ ⲙⲡⲟⲩϭⲛⲧⲟⲩ ϩⲙⲡⲉϣⲧⲉⲕⲟ . ⲁⲩⲕⲟⲧⲟⲩ ⲇⲉ ⲁⲩⲧⲁⲙⲟⲟⲩ | Ⲛ̀ϩⲩⲡⲏⲣⲉⲧⲏⲥ ⲇⲉ ⲉ̀ⲧⲁⲩⲃⲱⲕ ⲙ̀ⲡⲉⲟⲩϫⲉⲙⲟⲩ ϧⲉⲛ ⲡ̀ϣ̀ⲧⲉⲕⲟ. Ⲁⲩⲕⲟⲧⲟⲩ ⲇⲉ ⲁⲩⲧⲁⲙⲟⲟⲩ | Ǹhipyretys ḋe ètavvōk m̀peoujemou xen p̀ṡ̀teko. Avkotou ḋe avtamoou | But the officers who came didn't find them in the prison. They returned and reported, |
|---|
| 5:23 | ⲉⲩϫⲱ ⲙⲙⲟⲥ ϫⲉⲁⲛϩⲉ ⲙⲉⲛ ⲉⲡⲉϣⲧⲉⲕⲟ ⲉϥϣⲟⲧⲙ ϩⲛⲱⲣϫ ⲛⲓⲙ . ⲁⲩⲱ ⲛⲁⲛⲟⲩⲣϣⲉ ⲉⲩⲁϩⲉⲣⲁⲧⲟⲩ ϩⲓⲣⲛ ⲛⲣⲟ ⲛⲧⲉⲣⲛⲟⲩⲱⲛ ⲇⲉ ⲙⲡⲛϭⲛ ⲗⲁⲁⲩ ⲛϩⲟⲩⲛ . | ⲉⲩϫⲱ ⲙ̀ⲙⲟⲥ ϫⲉ ⲁⲛ̀ⲣⲏϯ ⲙⲉⲛ ⲉ̀ⲡ̀ϣ̀ⲧⲉⲕⲟ ⲉϥϣⲟⲧⲙ ϧⲉⲛ ⲱⲣϫ ⲛⲓⲃⲉⲛ. Ⲟⲩⲟϩ ⲛⲁⲛⲟⲩⲣϣⲉ ⲉⲩⲁϩⲉⲣⲁⲧⲟⲩ ϩⲓⲣⲛ ⲛ̀ⲣⲟ ⲉ̀ⲧⲁⲛⲟⲩⲱⲛ ⲇⲉ ⲙ̀ⲡⲉⲛϭⲛ ⲗⲁⲁⲩ ⲥⲁϧⲟⲩⲛ. | evgō m̀mos je aǹryti men èp̀ṡ̀teko efṡotm xen ōrg niven. Ouoh nanourṡe evaheratou hirn ǹro ètanouōn ḋe m̀penċn laav saxoun. | 'We found the prison shut and locked, and the guards standing before the doors, but when we opened them, we found no one inside!' |
|---|
| 5:24 | ⲛⲧⲉⲣⲉϥⲥⲱⲧⲙ ⲇⲉ ⲉⲛⲉⲓϣⲁϫⲉ ⲛϭⲓⲡⲉⲥⲧⲣⲁⲧⲏⲅⲟⲥ ⲙⲡⲉⲣⲡⲉ ⲙⲛⲛⲁⲣⲭⲓⲉⲣⲉⲩⲥ ⲁⲩⲁⲡⲟⲣⲣⲓ ⲉⲧⲃⲏⲏⲧⲟⲩ . | Ⲉ̀ⲧⲁϥⲥⲱⲧⲉⲙ ⲇⲉ ⲉ̀ⲛⲁⲓⲥⲁϫⲓ ⲛ̀ϫⲉ ⲡ̀ⲥⲧⲣⲁⲧⲏⲅⲟⲥ ⲛ̀ⲡⲉⲣⲫⲉⲓ ⲛⲉⲙ ⲛ̀ⲁⲣⲭⲓⲉ̀ⲣⲉⲩⲥ ⲁⲩⲁⲡⲟⲣⲣⲓ ⲉⲑⲃⲏⲧⲟⲩ. | Ètafsōtem ḋe ènaisaji ǹje p̀·stratyġos ǹperfei nem ǹarṡièrevs avaporri eθvytou. | Now when the high priest, the captain of the temple, and the chief priests heard these words, they were very perplexed about them and what might become of this. |
|---|
| 5:25 | ⲁⲟⲩⲁ ⲇⲉ ⲉⲓ ⲁϥⲧⲁⲙⲟⲟⲩ ϫⲉⲉⲓⲥⲛⲣⲱⲙⲉ ⲛⲧⲁⲧⲉⲧⲛⲛⲟϫⲟⲩ ⲉⲡⲉϣⲧⲉⲕⲟ ⲥⲉⲁϩⲉⲣⲁⲧⲟⲩ ϩⲙⲡⲉⲣⲡⲉ ⲉⲩϯⲥⲃⲱ ⲙⲡⲗⲁⲟⲥ . | Ⲁ ⲟⲩⲁⲓ ⲇⲉ ⲓ̀ ⲁϥⲧⲁⲙⲟⲟⲩ ϫⲉ ⲓⲥⲛ̀ⲣⲱⲙⲓ ⲉⲧⲁⲣⲉⲧⲉⲛⲛⲟϫⲟⲩ ⲉ̀ⲡ̀ϣ̀ⲧⲉⲕⲟ ⲥⲉⲁϩⲉⲣⲁⲧⲟⲩ ϧⲉⲛ ⲡ̀ⲉⲣⲫⲉⲓ ⲉⲩϯⲥⲃⲱ ⲛ̀ⲡⲓⲗⲁⲟⲥ. | A ouai ḋe ì aftamoou je isǹrōmi etaretennogou èp̀ṡ̀teko seaheratou xen p̀erfei evtisvō ǹpilaos. | One came and told them, 'Behold, the men whom you put in prison are in the temple, standing and teaching the people.' |
|---|
| 5:26 | ⲧⲟⲧⲉ ⲁϥⲃⲱⲕ ⲛϭⲓⲡⲉⲥⲧⲣⲁⲧⲏⲕⲟⲥ ⲙⲛⲛϩⲩⲡⲏⲣⲉⲧⲏⲥ ⲁⲩⲛⲧⲟⲩ ⲛϫⲛⲁϩ ⲁⲛ . ⲛⲉⲩⲣϩⲟⲧⲉ ⲅⲁⲣ ϩⲏⲧϥ ⲙⲡⲗⲁⲟⲥ ⲙⲏⲡⲱⲥ ⲛⲥⲉϩⲓ ⲱⲛⲉ ⲉⲣⲟⲟⲩ . | Ⲧⲟⲧⲉ ⲁϥⲃⲱⲕ ⲛ̀ϫⲉ ⲡ̀ⲥⲧⲣⲁⲧⲏⲕⲟⲥ ⲛⲉⲙ ⲛ̀ϩⲩⲡⲏⲣⲉⲧⲏⲥ ⲁⲩⲉⲛⲟⲩ ⲛ̀ϫⲛⲁϩ ⲁⲛ. Ⲛⲁⲩⲉⲣϩⲟϯ ⲅⲁⲣ ϩⲏⲧϥ ⲛ̀ⲡⲓⲗⲁⲟⲥ ⲙⲏⲡⲱⲥ ⲛ̀ⲧⲟⲩϩⲓ ⲱⲛⲓ ⲉ̀ⲣⲱⲟⲩ. | Tote afvōk ǹje p̀·stratykos nem ǹhipyretys avenou ǹgnah an. Naverhoti ġar hytf ǹpilaos mypōs ǹtouhi ōni èrōou. | Then the captain went with the officers, and brought them without violence, for they were afraid that the people might stone them. |
|---|
| 5:27 | ⲛⲧⲉⲣⲟⲩⲛⲧⲟⲩ ⲇⲉ ⲁⲩⲧⲁϩⲟⲟⲩ ⲉⲣⲁⲧⲟⲩ ϩⲙⲡⲥⲩⲛϩⲉⲇⲣⲓⲟⲛ . ⲁⲩⲱ ⲁϥϫⲛⲟⲩⲟⲩ ⲛϭⲓⲡⲁⲣⲭⲓⲉⲣⲉⲩⲥ | Ⲉ̀ⲧⲁⲟⲩⲉⲛⲧⲟⲩ ⲇⲉ ⲁⲩⲧⲁϩⲟⲟⲩ ⲉ̀ⲣⲁⲧⲟⲩ ϧⲉⲛ ⲡ̀ⲥⲩⲛϩⲉⲇⲣⲓⲟⲛ. Ⲟⲩⲟϩ ⲁϥϫⲛⲟⲩⲟⲩ ⲛ̀ϫⲉ ⲡⲓⲁⲣⲭⲓⲉ̀ⲣⲉⲩⲥ | Ètaouentou ḋe avtahoou èratou xen p̀·sinheḋrion. Ouoh afgnouou ǹje piarṡièrevs | When they had brought them, they set them before the council. The high priest questioned them, |
|---|
| 5:28 | ⲉϥϫⲱ ⲙⲙⲟⲥ ϫⲉⲙⲏ ϩⲛⲟⲩⲡⲁⲣⲁⲅⲅⲉⲗⲓⲁ ⲙⲡⲛⲡⲁⲣⲁⲅⲅⲓⲗⲉ ⲛⲏⲧⲛ ⲉⲧⲙϯⲥⲃⲱ ⲉϩⲣⲁⲓ ⲉϫⲙⲡⲉⲓⲣⲁⲛ ⲁⲩⲱ ⲉⲓⲥ ϩⲏⲏⲧⲉ ⲁⲧⲉⲧⲛⲙⲟⲩϩ ⲛⲧϩⲓⲉⲣⲟⲥⲟⲗⲩⲙⲁ ⲛⲧⲉⲧⲛⲥⲃⲱ ⲁⲩⲱ ⲧⲉⲧⲛⲟⲩⲱϣ ⲉⲉⲓⲛⲉ ⲉϩⲣⲁⲓ ⲉϫⲱⲛ ⲙⲡⲉⲥⲛⲟϥ ⲙⲡⲣⲱⲙⲉ ⲉⲧⲙⲙⲁⲩ . | ⲉϥϫⲱ ⲙ̀ⲙⲟⲥ ϫⲉ ⲙⲏ ϧⲉⲛ ⲟⲩⲡⲁⲣⲁⲅⲅⲉⲗⲓⲁ ⲙ̀ⲡⲉⲛⲡⲁⲣⲁⲅⲅⲉⲓⲗⲉ ⲛⲱⲧⲉⲛ ⲉ̀ϣⲧⲉⲙϯⲥⲃⲱ ⲉϩⲣⲁⲓ ⲉ̀ϫⲉⲛ ⲡⲁⲓⲣⲁⲛ ⲟⲩⲟϩ ⲓⲥ ϩⲏⲡⲡⲉ ⲁⲣⲉⲧⲉⲛⲙⲟϩ ⲛ̀ⲧ̀ϩⲓⲉⲣⲟⲥⲟⲗⲩⲙⲁ ⲛ̀ⲧⲉⲧⲉⲛⲥⲃⲱ ⲟⲩⲟϩ ⲧⲉⲧⲉⲛⲟⲩⲱϣ ⲉ̀ⲓ̀ⲛⲓ ⲉϩⲣⲁⲓ ⲉ̀ϫⲱⲛ ⲛ̀ⲡ̀ⲥ̀ⲛⲟϥ ⲛ̀ⲡ̀ⲣⲱⲙⲓ ⲉ̀ⲧⲉ ⲙ̀ⲙⲁⲩ. | efgō m̀mos je my xen ouparangelia m̀penparangeile nōten èṡtemtisvō ehrai èjen pairan ouoh is hyppe aretenmoh ǹt̀·hierosolima ǹtetensvō ouoh tetenouōṡ èìni ehrai ègōn ǹp̀·s̀nof ǹp̀rōmi ète m̀mav. | saying, 'Didn't we strictly command you not to teach in this name? Behold, you have filled Jerusalem with your teaching, and intend to bring this man's blood on us.' |
|---|
| 5:29 | ⲁϥⲟⲩⲱϣⲃ ⲇⲉ ⲛϭⲓⲡⲉⲧⲣⲟⲥ ⲁⲩⲱ ⲛⲁⲡⲟⲥⲧⲟⲗⲟⲥ ⲉⲩϫⲱ ⲙⲙⲟⲥ ϫⲉϣϣⲉ ⲉⲥⲱⲧⲙ ⲛⲥⲁⲡⲛⲟⲩⲧⲉ ⲉϩⲟⲩⲉ ⲛⲣⲱⲙⲉ . | Ⲁϥⲉⲣⲟⲩⲱ ⲇⲉ ⲛ̀ϫⲉ ⲡⲉⲧⲣⲟⲥ ⲟⲩⲟϩ ⲛ̀ⲁ̀ⲡⲟⲥⲧⲟⲗⲟⲥ ⲉⲩϫⲱ ⲙ̀ⲙⲟⲥ ϫⲉ ⲥ̀ϣⲉ ⲉ̀ⲥⲱⲧⲉⲙ ⲛ̀ⲥⲁ ⲫ̀ⲛⲟⲩϯ ⲉ̀ϩⲟⲧⲉ ⲛ̀ⲣⲱⲙⲓ. | Aferouō ḋe ǹje petros ouoh ǹàpostolos evgō m̀mos je s̀ṡe èsōtem ǹsa f̀nouti èhote ǹrōmi. | But Peter and the apostles answered, 'We must obey God rather than men. |
|---|
| 5:30 | ⲡⲛⲟⲩⲧⲉ ⲛⲛⲉⲛⲉⲓⲟⲧⲉ ⲁϥⲧⲟⲩⲛⲉⲥ ⲓⲏⲥⲟⲩⲥ . ⲡⲁⲓ ⲛⲧⲱⲧⲛ ⲛⲧⲁⲧⲉⲧⲛⲙⲟⲩⲟⲩⲧ ⲙⲙⲟϥ . ⲉⲁⲧⲉⲧⲛⲁϣⲧϥ ⲉⲩϣⲉ . | Ⲫ̀ⲛⲟⲩϯ ⲛ̀ⲛⲉⲛⲓⲟϯ ⲁϥⲧⲟⲩⲛⲉⲥ ⲓⲏⲥⲟⲩⲥ. Ⲫⲁⲓ ⲛ̀ⲑⲱⲧⲉⲛ ⲉⲧⲁⲣⲉⲧⲉⲛⲙⲟⲩ ⲙ̀ⲙⲟϥ. Ⲉⲁⲣⲉⲧⲉⲛⲁϣϥ ⲉⲩϣⲉ. | F̀nouti ǹnenioti aftounes iysous. Fai ǹθōten etaretenmou m̀mof. Earetenaṡf evṡe. | The God of our fathers raised up Jesus, whom you killed, hanging him on a tree. |
|---|
| 5:31 | ⲡⲁⲓ ⲁⲡⲛⲟⲩⲧⲉ ϫⲁⲥⲧϥ ⲛⲛⲁⲣⲭⲓⲅⲟⲥ ⲁⲩⲱ ⲛⲥⲱⲧⲏⲣ ϩⲙⲡⲉϥⲉⲟⲟⲩ ⲉⲧⲣⲉϥϯ ⲛⲟⲩⲙⲉⲧⲁⲛⲟⲓⲁ ⲙⲡⲓⲥⲣⲁⲏⲗ ⲁⲩⲱ ⲟⲩⲕⲁ ⲛⲟⲃⲉ ⲉⲃⲟⲗ ϩⲣⲁⲓ ⲛϩⲏⲧϥ . | Ⲫⲁⲓ ⲁ ⲫ̀ⲛⲟⲩϯ ϭⲁⲥϥ ⲛ̀ⲛⲁⲣⲭⲓⲅⲟⲥ ⲟⲩⲟϩ ⲛ̀ⲥⲱⲧⲏⲣ ϧⲉⲛ ⲡⲉϥⲱⲟⲩ ⲉ̀ⲑⲣⲉϥϯ ⲛ̀ⲟⲩⲙⲉⲧⲁⲛⲟⲓⲁ ⲛ̀ⲧⲉ ⲡⲓⲥⲣⲁⲏⲗ ⲟⲩⲟϩ ⲟⲩⲕⲁ ⲛⲟⲃⲓ ⲉ̀ⲃⲟⲗ ϩⲣⲁⲓ ⲛ̀ϧⲏⲧϥ. | Fai a f̀nouti ċasf ǹnarkiġos ouoh ǹsōtyr xen pefōou èθrefti ǹoumetanoia ǹte pisrayl ouoh ouka novi èvol hrai ǹxytf. | God exalted him with his right hand to be a Prince and a Savior, to give repentance to Israel, and remission of sins. |
|---|
| 5:32 | ⲁⲩⲱ ⲁⲛⲟⲛ ⲛⲉ ⲙⲙⲛⲧⲣⲉ ⲛⲛⲉⲓϣⲁϫⲉ . ⲁⲩⲱ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲁⲡⲛⲟⲩⲧⲉ ⲧⲁⲁϥ ⲛⲛⲉⲧⲥⲱⲧⲙ ⲛⲥⲱϥ . | Ⲟⲩⲟϩ ⲁ̀ⲛⲟⲛ ⲛⲉ ⲛ̀ⲙⲉⲑⲣⲉ ⲛ̀ⲛⲁⲓⲥⲁϫⲓ. Ⲟⲩⲟϩ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲁ ⲫ̀ⲛⲟⲩϯ ⲧⲁⲁϥ ⲛ̀ⲛⲉⲧⲥⲱⲧⲉⲙ ⲛ̀ⲥⲱϥ. | Ouoh ànon ne ǹmeθre ǹnaisaji. Ouoh pip̀nevma eθouab a f̀nouti taaf ǹnetsōtem ǹsōf. | We are His witnesses of these things; and so also is the Holy Spirit, whom God has given to those who obey him.' |
|---|
| 5:33 | ⲛⲧⲉⲣⲟⲩⲥⲱⲧⲙ ⲇⲉ ⲁⲩϭⲱⲛⲧ ⲁⲩⲱ ⲁⲩⲟⲩⲉϣ ⲙⲟⲟⲩⲧⲟⲩ . | Ⲉⲧⲁⲩⲥⲱⲧⲉⲙ ⲇⲉ ⲁⲩϫⲱⲛⲧ ⲟⲩⲟϩ ⲁⲩⲟⲩⲉϣ ⲙⲟⲟⲩⲧⲟⲩ. | Etavsōtem ḋe avgōnt ouoh avoueṡ mooutou. | But they, when they heard this, were cut to the heart, and determined to kill them. |
|---|
| 5:34 | ⲁϥⲧⲱⲟⲩⲛ ⲇⲉ ϩⲙⲡⲥⲩⲛϩⲉⲇⲣⲓⲟⲛ ⲛϭⲓⲟⲩⲫⲁⲣⲓⲥⲥⲁⲓⲟⲥ ⲉⲡⲉϥⲣⲁⲛ ⲡⲉ ⲅⲁⲙⲁⲗⲓⲏⲗ . ⲟⲩⲛⲟⲙⲟⲇⲓⲇⲁⲥⲕⲁⲗⲟⲥ ⲉϥⲧⲁⲓⲏⲩ ⲛⲛⲁϩⲣⲙⲡⲗⲁⲟⲥ ⲧⲏⲣϥ . ⲁϥⲟⲩⲉϩⲥⲁϩⲛⲉ ⲉⲧⲣⲉⲛⲁⲡⲟⲥⲧⲟⲗⲟⲥ ⲣⲡⲃⲟⲗ ⲙⲡⲙⲁ ⲛⲟⲩⲕⲟⲩⲓ . | Ⲁϥⲧⲱⲟⲩⲛ ⲇⲉ ϧⲉⲛ ⲡ̀ⲥⲩⲛϩⲉⲇⲣⲓⲟⲛ ⲛ̀ϫⲉ ⲟⲩⲫⲁⲣⲓⲥⲥⲁⲓⲟⲥ ⲉ̀ⲡⲉϥⲣⲁⲛ ⲡⲉ ⲅⲁⲙⲁⲗⲓⲏⲗ. Ⲟⲩⲛⲟⲙⲟⲇⲓⲇⲁⲥⲕⲁⲗⲟⲥ ⲉϥⲧⲁⲓⲏⲟⲩⲧ ϧⲁⲧⲉⲛ ⲡⲓⲗⲁⲟⲥ ⲧⲏⲣϥ. Ⲁϥⲟⲩⲁϩⲥⲁϩⲛⲓ ⲉ̀ⲑⲣⲉⲛⲁⲡⲟⲥⲧⲟⲗⲟⲥ ⲣⲡⲃⲟⲗ ⲛ̀ⲡ̀ⲙⲁ ⲛ̀ⲟⲩⲕⲟⲩϫⲓ. | Aftōoun ḋe xen p̀·sinheḋrion ǹje oufarissaios èpefran pe ġamaliyl. Ounomoḋiḋaskalos eftaiyout xaten pilaos tyrf. Afouahsahni èθrenapostolos rpvol ǹp̀ma ǹoukouji. | But one stood up in the council, a Pharisee named Gamaliel, a teacher of the law, honored by all the people, and commanded to put the apostles out for a little while. |
|---|
| 5:35 | ⲁⲩⲱ ⲡⲉϫⲁϥ ⲛⲛⲁϩⲣⲛⲛⲁⲣⲭⲱⲛ ⲙⲛⲛⲉⲧⲥⲟⲟⲩϩ ϫⲉⲛⲣⲱⲙⲉ ⲛⲧⲉⲡⲓⲥⲣⲁⲏⲗ . ϯϩⲧⲏⲧⲛ ⲉⲣⲱⲧⲛ ϫⲉⲟⲩ ⲡⲉⲧⲉⲧⲛⲁⲁⲁϥ ⲉⲧⲃⲉⲛⲉⲓⲣⲱⲙⲉ . | Ⲟⲩⲟϩ ⲡⲉϫⲁϥ ⲛ̀ⲛⲁⲣⲭⲱⲛ ⲛⲉⲙ ⲛⲉⲧⲥⲟⲟⲩϩ ϫⲉ ⲛ̀ⲣⲱⲙⲓ ⲛ̀ⲧⲉ ⲡⲓⲥⲣⲁⲏⲗ. Ϯϩⲧⲏⲧⲉⲛ ⲉⲣⲱⲧⲉⲛ ϫⲉ ⲟⲩ ⲡ̀ⲉⲧⲉⲧⲛⲁⲁⲓϥ ⲉⲑⲃⲉ ⲛⲁⲓⲣⲱⲙⲓ. | Ouoh pegaf ǹnarxōn nem netsoouh je ǹrōmi ǹte pisrayl. Tihtyten erōten je ou p̀etetnaaif eθve nairōmi. | He said to them, 'You men of Israel, be careful concerning these men, what you are about to do. |
|---|
| 5:36 | ϩⲁⲑⲏ ⲅⲁⲣ ⲛⲛⲉⲓϩⲟⲟⲩ ⲁϥⲧⲱⲟⲩⲛ ⲛϭⲓⲑⲉⲩⲧⲁⲥ ⲉϥϫⲱ ⲙⲙⲟⲥ ⲉⲣⲟϥ ϫⲉⲁⲛⲟⲕ ⲡⲉ ⲡⲁⲓ ⲛⲧⲁⲩⲟⲩⲁϩⲟⲩ ⲛⲥⲱϥ ⲛϭⲓⲁϥⲧⲟⲩϣⲉ ⲛⲣⲱⲙⲉ ⲡⲁⲓ ⲇⲉ ⲁⲩϩⲟⲧⲃⲉϥ ⲁⲩⲱ ⲟⲩⲟⲛ ⲛⲓⲙ ⲉⲧⲥⲱⲧⲙ ⲛⲥⲱϥ ⲁⲩⲃⲱⲗ ⲉⲃⲟⲗ ⲁⲩϣⲱⲡⲉ ⲉⲩⲗⲁⲁⲩ . | Ϧⲁⲧ̀ϩⲏ ⲅⲁⲣ ⲛ̀ⲛⲁⲓⲉ̀ϩⲟⲟⲩ ⲁϥⲧⲱⲟⲩⲛ ⲛ̀ϫⲉ ⲑⲉⲩⲧⲁⲥ ⲉϥϫⲱ ⲙ̀ⲙⲟⲥ ⲉ̀ⲣⲟϥ ϫⲉ ⲁⲛⲟⲕ ⲡⲉ ⲫⲁⲓ ⲉⲧⲁⲩⲟⲩⲁϩⲟⲩ ⲛ̀ⲥⲱϥ ⲛ̀ϫⲉ ⲁϥⲧⲉϣⲟ ⲛ̀ⲣⲱⲙⲓ ⲫⲁⲓ ⲇⲉ ⲁⲩϧⲟⲑⲃϥ ⲟⲩⲟϩ ⲟⲩⲟⲛ ⲛⲓⲃⲉⲛ ⲉ̀ⲧ̀ⲥⲱⲧⲉⲙ ⲛ̀ⲥⲱϥ ⲁⲩⲃⲱⲗ ⲉ̀ⲃⲟⲗ ⲁⲩϣⲱⲡⲓ ⲉ̀ⲟⲩⲗⲁⲁⲩ. | Xat̀·hy ġar ǹnaièhoou aftōoun ǹje θevtas efgō m̀mos èrof je anok pe fai etavouahou ǹsōf ǹje afteṡo ǹrōmi fai ḋe avxoθvf ouoh ouon niven èt̀sōtem ǹsōf avvōl èvol avṡōpi èoulaav. | For before these days Theudas rose up, making himself out to be somebody; to whom a number of men, about four hundred, joined themselves: who was slain; and all, as many as obeyed him, were dispersed, and came to nothing. |
|---|
| 5:37 | ⲙⲛⲛⲥⲁⲡⲁⲓ ⲁϥⲧⲱⲟⲩⲛ ⲛϭⲓⲓⲟⲩⲇⲁⲥ ⲡⲅⲁⲗⲓⲗⲁⲓⲟⲥ ϩⲛⲛⲉϩⲟⲟⲩ ⲛⲧⲁⲡⲟⲅⲣⲁⲫⲏ ⲁⲩⲱ ⲁϥⲡⲉϣⲥ ⲟⲩⲗⲁⲟⲥ ⲉⲛⲁϣⲱϥ ϩⲓⲡⲁϩⲟⲩ ⲙⲙⲟϥ ⲛⲧⲟϥ ⲇⲉ ϩⲱⲱϥ ⲟⲛ ⲁⲩⲧⲁⲕⲟϥ ⲁⲩⲱ ⲟⲩⲟⲛ ⲛⲓⲙ ⲉⲧⲥⲱⲧⲙ ⲛⲥⲱϥ ⲁⲩϫⲱⲱⲣⲉ ⲉⲃⲟⲗ . | Ⲙⲉⲛⲉⲛⲥⲁ ⲫⲁⲓ ⲁϥⲧⲱⲟⲩⲛ ⲛ̀ϫⲉ ⲓⲟⲩⲇⲁⲥ ⲡ̀ⲅⲁⲗⲓⲗⲁⲓⲟⲥ ϧⲉⲛ ⲛ̀ⲉ̀ϩⲟⲟⲩ ⲛ̀ⲧⲁⲡⲟⲅⲣⲁⲫⲏ ⲟⲩⲟϩ ⲁϥⲡⲉϣⲥ ⲟⲩⲗⲁⲟⲥ ⲉⲛⲁϣⲱϥ ϩⲓⲫⲁϩⲟⲩ ⲙ̀ⲙⲟϥ ⲛ̀ⲑⲟϥ ⲇⲉ ϩⲱϥ ⲟⲛ ⲁⲩⲧⲁⲕⲟϥ ⲟⲩⲟϩ ⲟⲩⲟⲛ ⲛⲓⲃⲉⲛ ⲉ̀ⲧ̀ⲥⲱⲧⲉⲙ ⲛ̀ⲥⲱϥ ⲁⲩϫⲱⲣ ⲉ̀ⲃⲟⲗ. | Menensa fai aftōoun ǹje ioudas p̀ġalilaios xen ǹèhoou ǹtapoġrafy ouoh afpeṡs oulaos enaṡōf hifahou m̀mof ǹθof ḋe hōf on avtakof ouoh ouon niven èt̀sōtem ǹsōf avgōr èvol. | After this man, Judas of Galilee rose up in the days of the enrollment, and drew away some people after him. He also perished, and all, as many as obeyed him, were scattered abroad. |
|---|
| 5:38 | ⲧⲉⲛⲟⲩ ϭⲉ ϯϫⲱ ⲙⲙⲟⲥ ⲛⲏⲧⲛ ϫⲉⲥⲁϩⲉⲧⲏⲩⲧⲛ ⲉⲃⲟⲗ ⲛⲛⲉⲓⲣⲱⲙⲉ ⲁⲩⲱ ⲛⲧⲉⲧⲛⲕⲁⲁⲩ . ϫⲉⲉϣⲱⲡⲉ ⲡⲉⲓϣⲟϫⲛⲉ ⲏⲡⲉⲓϩⲱⲃ ⲟⲩⲉⲃⲟⲗ ϩⲛⲛⲣⲱⲙⲉ ⲡⲉ ⲉⲓⲉϥⲛⲁⲃⲱⲗ ⲉⲃⲟⲗ . | Ϯⲛⲟⲩ ⲟⲩⲛ ϯϫⲱ ⲙ̀ⲙⲟⲥ ⲛⲱⲧⲉⲛ ϫⲉ ⲥⲁϩⲉ ⲑⲏⲛⲟⲩ ⲉ̀ⲃⲟⲗ ⲛ̀ⲛⲁⲓⲣⲱⲙⲓ ⲟⲩⲟϩ ⲛ̀ⲧⲉⲧⲉⲛⲭⲁⲩ. Ϫⲉ ⲉϣⲱⲡ ⲡⲁⲓⲥⲟϭⲛⲓ ⲓⲉⲡⲁⲓϩⲱⲃ ⲟⲩ ⲉ̀ⲃⲟⲗ ϧⲉⲛ ⲛ̀ⲣⲱⲙⲓ ⲡⲉ ⲓⲉϥⲛⲁⲃⲱⲗ ⲉ̀ⲃⲟⲗ. | Tinou oun tigō m̀mos nōten je sahe θynou èvol ǹnairōmi ouoh ǹtetenkav. Je eṡōp paisoċni iepaihōb ou èvol xen ǹrōmi pe iefnavōl èvol. | Now I tell you, withdraw from these men, and leave them alone. For if this counsel or this work is of men, it will be overthrown. |
|---|
| 5:39 | ⲉϣⲱⲡⲉ ⲇⲉ ⲟⲩⲉⲃⲟⲗ ϩⲙⲡⲛⲟⲩⲧⲉ ⲡⲉ ⲛⲧⲉⲧⲛⲁϣϭⲙϭⲟⲙ ⲁⲛ ⲉⲃⲟⲗϥ ⲉⲃⲟⲗ . ⲙⲏⲡⲱⲥ ⲛϣⲉϭ ⲛⲧⲏⲩⲧⲛ ⲉⲧⲉⲧⲛϯ ⲟⲩⲃⲉ ⲡⲛⲟⲩⲧⲉ . ⲁⲩⲡⲓⲑⲉ ⲇⲉ ⲛⲁϥ . | Ⲉϣⲱⲡ ⲇⲉ ⲟⲩⲉ̀ⲃⲟⲗ ϧⲉⲛ ⲫ̀ⲛⲟⲩϯ ⲡⲉ ⲛ̀ⲧⲉⲧⲛⲁϣ̀ϫⲉⲙϫⲟⲙ ⲁⲛ ⲉ̀ⲃⲟⲗϥ ⲉ̀ⲃⲟⲗ. Ⲙⲏⲡⲱⲥ ⲛ̀ϣⲉϭ ⲛ̀ⲑⲏⲛⲟⲩ ⲉⲧⲉⲧⲉⲛϯ ⲟⲩⲃⲉ ⲫ̀ⲛⲟⲩϯ. Ⲁⲩⲡⲓⲑⲉ ⲇⲉ ⲛⲁϥ. | Eṡōp ḋe ouèvol xen f̀nouti pe ǹtetnaṡ̀jemgom an èvolf èvol. Mypōs ǹṡeċ ǹθynou etetenti ouve f̀nouti. Avpiθe ḋe naf. | But if it is of God, you will not be able to overthrow it, and you would be found even to be fighting against God!' |
|---|
| 5:40 | ⲁⲩⲱ ⲁⲩⲙⲟⲩⲧⲉ ⲉⲛⲁⲡⲟⲥⲧⲟⲗⲟⲥ . ⲁⲩϩⲓ ⲟⲩⲉ ⲉⲣⲟⲟⲩ . ⲁⲩⲱ ⲁⲩⲡⲁⲣⲁⲅⲅⲓⲗⲉ ⲛⲁⲩ ⲉⲧⲙϣⲁϫⲉ ⲉϫⲙⲡⲣⲁⲛ ⲛⲓⲏⲥⲟⲩⲥ ⲁⲩⲱ ⲁⲩⲕⲁⲁⲩ ⲉⲃⲟⲗ . | Ⲟⲩⲟϩ ⲁⲩⲙⲟⲩϯ ⲉ̀ⲛⲁⲡⲟⲥⲧⲟⲗⲟⲥ. Ⲁⲩϩⲓ ⲟⲩⲉⲓ ⲉ̀ⲣⲱⲟⲩ. Ⲟⲩⲟϩ ⲁⲩⲡⲁⲣⲁⲅⲅⲉⲓⲗⲉ ⲛⲱⲟⲩ ⲉ̀ϣⲧⲉⲙⲥⲁϫⲓ ⲉ̀ϫⲉⲛ ⲫ̀ⲣⲁⲛ ⲛ̀ⲓⲏⲥⲟⲩⲥ ⲟⲩⲟϩ ⲁⲩⲭⲁⲩ ⲉ̀ⲃⲟⲗ. | Ouoh avmouti ènapostolos. Avhi ouei èrōou. Ouoh avparangeile nōou èṡtemsaji èjen f̀ran ǹiysous ouoh avkav èvol. | They agreed with him. Summoning the apostles, they beat them and commanded them not to speak in the name of Jesus, and let them go. |
|---|
| 5:41 | ⲛⲧⲟⲟⲩ ⲇⲉ ⲁⲩⲃⲱⲕ ⲉⲃⲟⲗ ϩⲙⲡⲥⲩⲛϩⲉⲇⲣⲓⲟⲛ ⲉⲩⲣⲁϣⲉ ϫⲉⲁⲩⲙⲡϣⲁ ⲉⲧⲣⲉⲩⲥⲟϣⲟⲩ ⲉϩⲣⲁⲓ ⲉϫⲙⲡⲣⲁⲛ . | Ⲛ̀ⲑⲱⲟⲩ ⲇⲉ ⲁⲩⲃⲱⲕ ⲉ̀ⲃⲟⲗ ϧⲉⲛ ⲡ̀ⲥⲩⲛϩⲉⲇⲣⲓⲟⲛ ⲉⲩⲣⲁϣⲓ ϫⲉ ⲁⲩⲙ̀ⲡϣⲁ ⲉ̀ⲑⲣⲉⲩⲥⲟϣⲟⲩ ⲉϩⲣⲁⲓ ⲉ̀ϫⲉⲛ ⲫ̀ⲣⲁⲛ. | Ǹθōou ḋe avvōk èvol xen p̀·sinheḋrion evraṡi je avm̀pṡa èθrevsoṡou ehrai èjen f̀ran. | They therefore departed from the presence of the council, rejoicing that they were counted worthy to suffer dishonor for Jesus' name. |
|---|
| 5:42 | ⲙⲙⲏⲛⲉ ⲇⲉ ϩⲣⲁⲓ ϩⲙⲡⲉⲣⲡⲉ ⲁⲩⲱ ϩⲣⲁⲓ ϩⲙⲡⲉⲩⲏⲓ . ⲛⲉⲩⲕⲓⲙ ⲁⲛ ⲉⲩϯⲥⲃⲱ . ⲁⲩⲱ ⲉⲩⲧⲁϣⲉⲟⲓϣ ⲙⲡϫⲟⲉⲓⲥ ⲓⲏⲥⲟⲩⲥ ⲡⲉⲭⲣⲓⲥⲧⲟⲥ . | Ⲛ̀ⲙⲏⲛⲓ ⲇⲉ ϩⲣⲁⲓ ϧⲉⲛ ⲡ̀ⲉⲣⲫⲉⲓ ⲟⲩⲟϩ ϩⲣⲁⲓ ϧⲉⲛ ⲡⲟⲩⲏⲓ. Ⲛⲁⲩⲕⲓⲙ ⲁⲛ ⲉⲩϯⲥⲃⲱ. Ⲟⲩⲟϩ ⲉⲩⲧⲁϣⲉⲟⲉⲓϣ ⲛ̀ⲡ̀ϭⲟⲓⲥ ⲓⲏⲥⲟⲩⲥ ⲡⲓⲭ̀ⲣⲓⲥⲧⲟⲥ. | Ǹmyni ḋe hrai xen p̀erfei ouoh hrai xen pouyi. Navkim an evtisvō. Ouoh evtaṡeoeiṡ ǹp̀ċois iysous pix̀ristos. | Every day, in the temple and at home, they never stopped teaching and preaching Jesus, the Christ. |
|---|