| 7:1 | ⲡⲉϫⲁϥ ⲛⲁϥ ⲛϭⲓⲡⲁⲣⲭⲓⲉⲣⲉⲩⲥ ϫⲉⲛⲛⲁⲓⲥⲙⲟⲛⲧ ⲛⲧⲉⲓϩⲉ . | ⲡⲉϫⲁϥ ⲛⲁϥ ⲛ̀ϫⲉ ⲡⲓⲁⲣⲭⲓⲉ̀ⲣⲉⲩⲥ ϫⲉ ⲛ̀ⲛⲁⲓⲥⲙⲟⲛⲧ ⲛ̀ⲡⲁⲓⲣⲏϯ. | pegaf naf ǹje piarṡièrevs je ǹnaismont ǹpairyti. | The high priest said, 'Are these things so?' |
|---|
| 7:2 | ⲛⲧⲟϥ ⲇⲉ ⲁϥⲟⲩⲱϣⲃ ⲡⲉϫⲁϥ ϫⲉⲛⲣⲱⲙⲉ ⲛⲁⲥⲛⲏⲩ ⲁⲩⲱ ⲛⲁⲉⲓⲟⲧⲉ ⲥⲱⲧⲙ ⲉⲣⲟⲓ ⲡⲛⲟⲩⲧⲉ ⲙⲡⲉⲟⲟⲩ ⲁϥⲟⲩⲱⲛϩ ⲉⲃⲟⲗ ⲙⲡⲉⲛⲉⲓⲱⲧ ⲁⲃⲣⲁϩⲁⲙ ⲉϥϣⲟⲟⲡ ϩⲛⲧⲙⲉⲥⲟⲡⲟⲇⲁⲙⲓⲁ ⲙⲡⲁⲧϥⲟⲩⲱϩ ϩⲛⲭⲁⲣⲣⲁⲛ . | Ⲛ̀ⲑⲟϥ ⲇⲉ ⲁϥⲉⲣⲟⲩⲱ ⲡⲉϫⲁϥ ϫⲉ ⲛ̀ⲣⲱⲙⲓ ⲛⲁⲥⲛⲏⲩ ⲟⲩⲟϩ ⲛⲁⲓⲟϯ ⲥⲱⲧⲉⲙ ⲉ̀ⲣⲟⲓ ⲫ̀ⲛⲟⲩϯ ⲛ̀ⲡ̀ⲱⲟⲩ ⲁϥⲟⲩⲱⲛϩ ⲉ̀ⲃⲟⲗ ⲛ̀ⲡⲉⲛⲓⲱⲧ ⲁⲃⲣⲁⲁⲙ ⲉϥϣⲟⲡ ϧⲉⲛ ⲧ̀ⲙⲉⲥⲟⲡⲟⲇⲁⲙⲓⲁ ⲙ̀ⲡⲁⲧⲉϥⲟⲩⲱϩ ϧⲉⲛ ⲭⲁⲣⲣⲁⲛ. | Ǹθof ḋe aferouō pegaf je ǹrōmi nasnyv ouoh naioti sōtem èroi f̀nouti ǹp̀ōou afouōnh èvol ǹpeniōt abraam efṡop xen t̀mesopoḋamia m̀patefouōh xen xarran. | He said, 'Brothers and fathers, listen. The God of glory appeared to our father Abraham, when he was in Mesopotamia, before he lived in Haran, |
|---|
| 7:3 | ⲡⲉϫⲁϥ ⲛⲁϥ ϫⲉⲁⲙⲟⲩ ⲉⲃⲟⲗ ϩⲙⲡⲉⲕⲕⲁϩ ⲙⲛⲧⲉⲕⲥⲩⲅⲅⲉⲛⲓⲁ ⲛⲅⲉⲓ ⲉϩⲣⲁⲓ ⲉⲡⲕⲁϩ ⲉϯⲛⲁⲧⲥⲁⲃⲟⲕ ⲉⲣⲟϥ . | Ⲡⲉϫⲁϥ ⲛⲁϥ ϫⲉ ⲁ̀ⲙⲟⲩ ⲉ̀ⲃⲟⲗ ϧⲉⲛ ⲡⲉⲕⲕⲁϩⲓ ⲛⲉⲙ ⲧⲉⲕⲥⲩⲅⲅⲉⲛⲓⲁ ⲛ̀ⲧⲉⲕⲓ ⲉϩⲣⲁⲓ ⲉ̀ⲡ̀ⲕⲁϩⲓ ⲉⲓⲛⲁⲧⲥⲁⲃⲟⲕ ⲉ̀ⲣⲟϥ. | Pegaf naf je àmou èvol xen pekkahi nem tek·singenia ǹteki ehrai èp̀kahi einatsavok èrof. | and said to him, 'Get out of your land, and from your relatives, and come into a land which I will show you.' |
|---|
| 7:4 | ⲧⲟⲧⲉ ⲁϥⲉⲓ ⲉⲃⲟⲗ ϩⲙⲡⲕⲁϩ ⲛⲛⲉⲭⲁⲗⲇⲁⲓⲟⲥ ⲁϥⲟⲩⲱϩ ϩⲛⲭⲁⲣⲣⲁⲛ ⲉⲃⲟⲗ ⲇⲉ ϩⲙⲡⲙⲁ ⲉⲧⲙⲙⲁⲩ ⲙⲛⲛⲥⲁⲧⲣⲉⲡⲉϥⲉⲓⲱⲧ ⲙⲟⲩ ⲁϥⲡⲟⲟⲛⲉϥ ⲉϩⲣⲁⲓ ⲉⲡⲉⲓⲕⲁϩ ⲡⲁⲓ ⲛⲧⲱⲧⲛ ⲧⲉⲛⲟⲩ ⲉⲧⲉⲧⲛⲟⲩⲏϩ ϩⲣⲁⲓ ⲛϩⲏⲧϥ . | Ⲧⲟⲧⲉ ⲁϥⲓ̀ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲛ̀ⲭⲁⲗⲇⲁⲓⲟⲥ ⲁϥⲟⲩⲱϩ ϧⲉⲛ ⲭⲁⲣⲣⲁⲛ ⲉ̀ⲃⲟⲗ ⲇⲉ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ ⲙⲉⲛⲉⲛⲥⲁⲑⲣⲉⲡⲉϥⲓⲱⲧ ⲙⲟⲩ ⲁϥⲡⲟⲟⲛⲉϥ ⲉϩⲣⲁⲓ ⲉ̀ⲡⲁⲓⲕⲁϩⲓ ⲫⲁⲓ ⲛ̀ⲑⲱⲧⲉⲛ ϯⲛⲟⲩ ⲉⲧⲉⲧⲉⲛⲟⲩⲏϩ ϩⲣⲁⲓ ⲛ̀ϧⲏⲧϥ. | Tote afì èvol xen p̀kahi ǹǹxaldaios afouōh xen xarran èvol ḋe xen p̀ma ète m̀mav menensaθrepefiōt mou afpoonef ehrai èpaikahi fai ǹθōten tinou etetenouyh hrai ǹxytf. | Then he came out of the land of the Chaldaeans, and lived in Haran. From there, when his father was dead, God moved him into this land, where you are now living. |
|---|
| 7:5 | ⲁⲩⲱ ⲙⲡϥϯ ⲕⲗⲏⲣⲟⲛⲟⲙⲓⲁ ⲛⲁϥ ϩⲣⲁⲓ ⲛϩⲏⲧϥ ⲟⲩⲇⲉ ⲟⲩⲧⲁϭⲥⲉ ⲛⲟⲩⲉⲣⲏⲧⲉ . ⲁⲗⲗⲁ ⲁϥⲉⲣⲏⲧ ⲉⲧⲁⲁϥ ⲛⲁϥ ⲉⲩⲁⲙⲁϩⲧⲉ ⲙⲛⲡⲉϥⲥⲡⲉⲣⲙⲁ . ⲙⲛⲛⲥⲱⲥ ⲉⲙⲛⲧϥ ϣⲏⲣⲉ ⲙⲙⲁⲩ . | Ⲟⲩⲟϩ ⲙ̀ⲡⲉϥϯ ⲕⲗⲏⲣⲟⲛⲟⲙⲓⲁ ⲛⲁϥ ϩⲣⲁⲓ ⲛ̀ϧⲏⲧϥ ⲟⲩⲇⲉ ⲟⲩⲧⲁϭⲥⲉ ⲛ̀ⲟⲩⲉⲣⲏⲧⲉ. Ⲁⲗⲗⲁ ⲁϥⲉⲣⲏⲧ ⲉ̀ⲧⲁⲁϥ ⲛⲁϥ ⲉⲩⲁⲙⲁϩⲧⲉ ⲛⲉⲙ ⲡⲉϥⲥ̀ⲡⲉⲣⲙⲁ. Ⲙⲉⲛⲉⲛⲥⲱⲥ ⲉⲙⲙⲟⲛⲧⲉϥ ϣⲏⲣⲓ ⲙ̀ⲙⲁⲩ. | Ouoh m̀pefti klyronomia naf hrai ǹxytf ouḋe outaċse ǹoueryte. Alla aferyt ètaaf naf evamahte nem pefs̀perma. Menensōs emmontef ṡyri m̀mav. | He gave him no inheritance in it, no, not so much as to set his foot on. He promised that he would give it to him for a possession, and to his seed after him, when he still had no child. |
|---|
| 7:6 | ⲁⲡⲛⲟⲩⲧⲉ ⲇⲉ ϣⲁϫⲉ ⲛⲙⲙⲁϥ ⲉϥϫⲱ ⲙⲙⲟⲥ ϫⲉⲡⲉⲕⲥⲡⲉⲣⲙⲁ ⲛⲁⲣⲣⲙⲛϭⲟⲓⲗⲉ ϩⲛⲟⲩⲕⲁϩ ⲙⲡⲱϥ ⲁⲛ ⲡⲉ . ⲁⲩⲱ ⲥⲉⲛⲁⲁⲩ ⲛϩⲙϩⲁⲗ ⲛⲥⲉⲙⲟⲕϩⲟⲩ ⲛϥⲧⲟⲩϣⲉ ⲛⲣⲟⲙⲡⲉ . | Ⲁ ⲫ̀ⲛⲟⲩϯ ⲇⲉ ⲥⲁϫⲓ ⲛⲉⲙⲁϥ ⲉϥϫⲱ ⲙ̀ⲙⲟⲥ ϫⲉ ⲡⲉⲕⲥ̀ⲡⲉⲣⲙⲁ ⲛⲁⲣⲣⲙⲛϭⲟⲓⲗⲉ ϧⲉⲛ ⲟⲩⲕⲁϩⲓ ⲛ̀ⲫⲱϥ ⲁⲛ ⲡⲉ. Ⲟⲩⲟϩ ⲥⲉⲛⲁⲁⲩ ⲛ̀ⲃⲱⲕ ⲛ̀ⲧⲟⲩⲙⲟⲕϩⲟⲩ ⲛ̀ϥⲧⲟⲩϣⲉ ⲛ̀ⲣⲟⲙⲡⲓ. | A f̀nouti ḋe saji nemaf efgō m̀mos je pek·s̀perma narrmnċoile xen oukahi ǹfōf an pe. Ouoh senaav ǹvōk ǹtoumok·hou ǹftouṡe ǹrompi. | God spoke in this way: that his seed would live as aliens in a strange land, and that they would be enslaved and mistreated for four hundred years. |
|---|
| 7:7 | ⲡϩⲉⲑⲛⲟⲥ ⲇⲉ ⲉⲧⲟⲩⲛⲁⲣϩⲙϩⲁⲗ ⲛⲁϥ . ϯⲛⲁⲕⲣⲓⲛⲉ ⲁⲛⲟⲕ ⲙⲙⲟϥ ⲡⲉϫⲁϥ ⲛϭⲓⲡⲛⲟⲩⲧⲉ . ⲁⲩⲱ ⲙⲛⲛⲥⲁⲛⲁⲓ ⲥⲉⲛⲏⲩ ⲉⲃⲟⲗ ⲛⲥⲉϣⲙϣⲉ ⲛⲁⲓ ϩⲣⲁⲓ ϩⲙⲡⲉⲓⲙⲁ . | Ⲡ̀ϩⲉⲑⲛⲟⲥ ⲇⲉ ⲉⲧⲟⲩⲛⲁⲣϩⲙϩⲁⲗ ⲛⲁϥ. Ϯⲛⲁⲕⲣⲓⲛⲉ ⲁⲛⲟⲕ ⲙ̀ⲙⲟϥ ⲡⲉϫⲁϥ ⲛ̀ϫⲉ ⲫ̀ⲛⲟⲩϯ. Ⲟⲩⲟϩ ⲙⲉⲛⲉⲛⲥⲁ ⲛⲁⲓ ⲥⲉⲛⲏⲟⲩ ⲉ̀ⲃⲟⲗ ⲛ̀ⲧⲟⲩϣⲉⲙϣⲓ ⲛⲏⲓ ϩⲣⲁⲓ ϧⲉⲛ ⲡⲁⲓⲙⲁ. | P̀heθnos ḋe etounarhmhal naf. Tinakrine anok m̀mof pegaf ǹje f̀nouti. Ouoh menensa nai senyou èvol ǹtouṡemṡi nyi hrai xen paima. | 'I will judge the nation to which they will be in bondage,' said God, 'and after that will they come out, and serve me in this place.' |
|---|
| 7:8 | ⲁⲩⲱ ⲁϥϯ ⲛⲁϥ ⲛⲟⲩⲇⲓⲁⲑⲏⲕⲏ ⲛⲥⲃⲃⲉ ⲧⲁⲓ ⲧⲉ ⲧϩⲉ ⲛⲧⲁϥϫⲡⲉ ⲓⲥⲁⲁⲕ ⲁϥⲥⲃⲃⲏⲧϥ ϩⲙⲡⲙⲉϩϣⲙⲟⲩⲛ ⲛϩⲟⲟⲩ ⲓⲥⲁⲁⲕ ⲇⲉ ⲛⲓⲁⲕⲱⲃ ⲓⲁⲕⲱⲃ ⲇⲉ ⲙⲡⲙⲛⲧⲥⲛⲟⲟⲩⲥ ⲙⲡⲁⲧⲣⲓⲁⲣⲭⲏⲥ . | Ⲟⲩⲟϩ ⲁϥϯ ⲛⲁϥ ⲛ̀ⲟⲩⲇⲓⲁⲑⲏⲕⲏ ⲛ̀ⲥⲃⲃⲉ ⲑⲁⲓ ⲧⲉ ⲫ̀ⲣⲏϯ ⲉⲧⲁϥϫⲡⲉ ⲓⲥⲁⲁⲕ ⲁϥⲥⲃⲃⲏⲧϥ ϧⲉⲛ ⲡ̀ⲙⲉϩϣⲙⲟⲩⲛ ⲛ̀ⲉ̀ϩⲟⲟⲩ ⲓⲥⲁⲁⲕ ⲇⲉ ⲛ̀ⲓⲁⲕⲱⲃ ⲓⲁⲕⲱⲃ ⲇⲉ ⲙ̀ⲡ12 ⲛ̀ⲡⲁⲧⲣⲓⲁⲣⲭⲏⲥ. | Ouoh afti naf ǹouḋiaθyky ǹsvve θai te f̀ryti etafgpe isaak afsvvytf xen p̀mehṡmoun ǹèhoou isaak ḋe ǹiakōb iakōb ḋe m̀p12 ǹpatriarṡys. | He gave him the covenant of circumcision. So Abraham became the father of Isaac, and circumcised him the eighth day. Isaac became the father of Jacob, and Jacob became the father of the twelve patriarchs. |
|---|
| 7:9 | ⲁⲩⲱ ⲙⲡⲁⲧⲣⲓⲁⲣⲭⲏⲥ ⲁⲩⲕⲱϩ ⲉⲓⲱⲥⲏⲫ ⲁⲩⲧⲁⲁϥ ⲉⲃⲟⲗ ϩⲣⲁⲓ ϩⲛⲕⲏⲙⲉ . ⲛⲉⲣⲉ ⲡⲛⲟⲩⲧⲉ ⲇⲉ ϣⲟⲟⲡ ⲛⲙⲙⲁϥ ⲡⲉ . | Ⲟⲩⲟϩ ⲛ̀ⲡⲁⲧⲣⲓⲁⲣⲭⲏⲥ ⲁⲩⲭⲟϩ ⲉ̀ⲓⲱⲥⲏⲫ ⲁⲩⲧⲏⲓϥ ⲉ̀ⲃⲟⲗ ϩⲣⲁⲓ ϧⲉⲛ ⲭⲏⲙⲓ. Ⲛⲁⲣⲉ ⲫ̀ⲛⲟⲩϯ ⲇⲉ ϣⲟⲡ ⲛⲉⲙⲁϥ ⲡⲉ. | Ouoh ǹpatriarṡys avkoh èiōsyf avtyif èvol hrai xen kymi. Nare f̀nouti ḋe ṡop nemaf pe. | 'The patriarchs, moved with jealousy against Joseph, sold him into Egypt. God was with him, |
|---|
| 7:10 | ⲁⲩⲱ ⲁϥⲛⲁϩⲙⲉϥ ⲉⲃⲟⲗ ϩⲛⲛⲉϥⲑⲗⲓⲯⲓⲥ ⲧⲏⲣⲟⲩ ⲁϥϯ ⲛⲁϥ ⲛⲟⲩⲭⲁⲣⲓⲥ ⲙⲛⲟⲩⲥⲟⲫⲓⲁ ⲙⲡⲙⲧⲟ ⲉⲃⲟⲗ ⲙⲫⲁⲣⲁⲱ ⲡⲣⲣⲟ ⲛⲕⲏⲙⲉ ⲁϥⲧⲁϩⲟϥ ⲉⲣⲁⲧϥ ⲛⲛⲟϭ ⲉϩⲣⲁⲓ ⲉϫⲛⲕⲏⲙⲉ ⲁⲩⲱ ⲉϫⲙⲡⲉϥⲏⲓ ⲧⲏⲣϥ . | Ⲟⲩⲟϩ ⲁϥⲛⲁϩⲙⲉϥ ⲉ̀ⲃⲟⲗ ϧⲉⲛ ⲛⲉϥⲑ̀ⲗⲓⲯⲓⲥ ⲧⲏⲣⲟⲩ ⲁϥϯ ⲛⲁϥ ⲛ̀ⲟⲩⲭⲁⲣⲓⲥ ⲛⲉⲙ ⲟⲩⲥⲟⲫⲓⲁ ⲛ̀ⲧⲉ ⲡ̀ⲙ̀ⲑⲟ ⲉ̀ⲃⲟⲗ ⲛ̀ⲫⲁⲣⲁⲱ̀ ⲡ̀ⲟⲩⲣⲟ ⲛ̀ⲭⲏⲙⲓ ⲁϥⲧⲁϩⲟϥ ⲉ̀ⲣⲁⲧϥ ⲛ̀ⲛⲓϣϯ ⲉϩⲣⲁⲓ ⲉ̀ϫⲉⲛ ⲭⲏⲙⲓ ⲟⲩⲟϩ ⲉ̀ϫⲉⲛ ⲡⲉϥⲏⲓ ⲧⲏⲣϥ. | Ouoh afnahmef èvol xen nefθ̀lipsis tyrou afti naf ǹouxaris nem ousofia ǹte p̀m̀θo èvol ǹfaraṑ p̀ouro ǹkymi aftahof èratf ǹniṡti ehrai èjen kymi ouoh èjen pefyi tyrf. | and delivered him out of all his afflictions, and gave him favor and wisdom before Pharaoh, king of Egypt. He made him governor over Egypt and all his house. |
|---|
| 7:11 | ⲁⲩϩⲉⲃⲱⲱⲛ ⲇⲉ ⲉⲓ ⲉϩⲣⲁⲓ ⲉϫⲛⲕⲏⲙⲉ ⲧⲏⲣϥ ⲙⲛⲭⲁⲛⲁⲁⲛ ⲙⲛⲟⲩⲛⲟϭ ⲛⲑⲗⲓⲯⲓⲥ . ⲁⲩⲱ ⲛⲉⲛⲉⲓⲟⲧⲉ ⲛⲉⲩϭⲛ ⲟⲉⲓⲕ ⲁⲛ ⲡⲉ . | Ⲁ̀ⲟⲩϩ̀ⲃⲱⲛ ⲇⲉ ⲓ̀ ⲉϩⲣⲁⲓ ⲉ̀ϫⲉⲛ ⲭⲏⲙⲓ ⲧⲏⲣϥ ⲛⲉⲙ ⲭⲁⲛⲁⲁⲛ ⲛⲉⲙ ⲟⲩⲛⲓϣϯ ⲛ̀ⲑ̀ⲗⲓⲯⲓⲥ. Ⲟⲩⲟϩ ⲛⲉⲛⲓⲟϯ ⲛⲁⲩϭⲛ ⲱⲓⲕ ⲁⲛ ⲡⲉ. | Àouh̀vōn ḋe ì ehrai èjen kymi tyrf nem xanaan nem ouniṡti ǹθ̀lipsis. Ouoh nenioti navċn ōik an pe. | Now a famine came over all the land of Egypt and Canaan, and great affliction. Our fathers found no food. |
|---|
| 7:12 | ⲛⲧⲉⲣⲉϥⲥⲱⲧⲙ ⲇⲉ ⲛϭⲓⲓⲁⲕⲱⲃ ϫⲉⲟⲩⲛⲥⲟⲩⲟ ϩⲛⲕⲏⲙⲉ . ⲁϥϫⲟⲟⲩ ⲛⲛⲉⲛⲉⲓⲟⲧⲉ ⲛϣⲟⲣⲡ . | Ⲉ̀ⲧⲁϥⲥⲱⲧⲉⲙ ⲇⲉ ⲛ̀ϫⲉ ⲓⲁⲕⲱⲃ ϫⲉ ⲟⲩⲟⲛ ⲥⲟⲩⲟ ϧⲉⲛ ⲭⲏⲙⲓ. Ⲁϥϫⲟⲟⲩ ⲛ̀ⲛⲉⲛⲓⲟϯ ⲛ̀ϣⲟⲣⲡ. | Ètafsōtem ḋe ǹje iakōb je ouon souo xen kymi. Afgoou ǹnenioti ǹṡorp. | But when Jacob heard that there was grain in Egypt, he sent out our fathers the first time. |
|---|
| 7:13 | ⲙⲡⲙⲉϩⲥⲉⲡ ⲥⲛⲁⲩ ⲇⲉ ⲁⲓⲱⲥⲏⲫ ⲟⲩⲟⲛϩϥ ⲉⲃⲟⲗ ⲛⲛⲉϥⲥⲛⲏⲩ . ⲁⲩⲱ ⲁⲫⲁⲣⲁⲱ ⲥⲟⲩⲛ ⲡⲅⲉⲛⲟⲥ ⲛⲓⲱⲥⲏⲫ . | Ⲛ̀ⲡ̀ⲙⲉϩⲥⲉⲡ ⲥ̀ⲛⲁⲩ ⲇⲉ ⲁ ⲓⲱⲥⲏⲫ ⲟⲩⲟⲛϩϥ ⲉ̀ⲃⲟⲗ ⲛ̀ⲛⲉϥⲥ̀ⲛⲏⲟⲩ. Ⲟⲩⲟϩ ⲁ ⲫⲁⲣⲁⲱ̀ ⲥⲟⲩⲛ ⲡ̀ⲅⲉⲛⲟⲥ ⲛ̀ⲓⲱⲥⲏⲫ. | Ǹp̀mehsep s̀nav ḋe a iōsyf ouonhf èvol ǹnefs̀nyou. Ouoh a faraṑ soun p̀genos ǹiōsyf. | On the second time Joseph was made known to his brothers, and Joseph's race was revealed to Pharaoh. |
|---|
| 7:14 | ⲁϥϫⲟⲟⲩ ⲇⲉ ⲛϭⲓⲓⲱⲥⲏⲫ ⲁϥⲧⲣⲉⲩⲙⲟⲩⲧⲉ ⲉⲓⲁⲕⲱⲃ ⲡⲉϥⲉⲓⲱⲧ . ⲁⲩⲱ ⲧⲉϥⲥⲩⲅⲅⲉⲛⲓⲁ ⲧⲏⲣⲥ ⲉⲩⲙⲉϩ ϣϥⲉⲧⲏ ⲙⲯⲩⲭⲏ . | Ⲁϥϫⲟⲟⲩ ⲇⲉ ⲛ̀ϫⲉ ⲓⲱⲥⲏⲫ ⲁϥⲑⲣⲉⲩⲙⲟⲩϯ ⲉ̀ⲓⲁⲕⲱⲃ ⲡⲉϥⲓⲱⲧ. Ⲟⲩⲟϩ ⲧⲉϥⲥⲩⲅⲅⲉⲛⲓⲁ ⲧⲏⲣⲥ ⲉⲩⲙⲉϩ ϣϥⲉ ⲧⲏ ⲙ̀ⲯⲩⲭⲏ. | Afgoou ḋe ǹje iōsyf afθrevmouti èiakōb pefiōt. Ouoh tefsingenia tyrs evmeh ṡfe ty m̀psiṡy. | Joseph sent, and summoned Jacob, his father, and all his relatives, seventy-five souls. |
|---|
| 7:15 | ⲓⲁⲕⲱⲃ ⲇⲉ ⲁϥⲉⲓ ⲉϩⲣⲁⲓ ⲉⲕⲏⲙⲉ ⲁⲩⲱ ⲁϥⲙⲟⲩ ⲛⲧⲟϥ ⲙⲛⲛⲉⲛⲉⲓⲟⲧⲉ . | Ⲓⲁⲕⲱⲃ ⲇⲉ ⲁϥⲓ̀ ⲉϩⲣⲁⲓ ⲉ̀ⲭⲏⲙⲓ ⲟⲩⲟϩ ⲁϥⲙⲟⲩ ⲛ̀ⲑⲟϥ ⲛⲉⲙ ⲛⲉⲛⲓⲟϯ. | Iakōb ḋe afì ehrai èkymi ouoh afmou ǹθof nem nenioti. | Jacob went down into Egypt, and he died, himself and our fathers, |
|---|
| 7:16 | ⲁⲩⲡⲟⲟⲛⲟⲩ ⲉϩⲣⲁⲓ ⲉⲥⲩⲭⲉⲙ . ⲁⲩⲱ ⲁⲩⲕⲁⲁⲩ ϩⲣⲁⲓ ϩⲙⲡⲧⲁⲫⲟⲥ ⲛⲧⲁⲁⲃⲣⲁϩⲁⲙ ϣⲟⲡϥ ϩⲁⲟⲩⲁⲥⲟⲩ ⲛϩⲟⲙⲧ ⲉⲃⲟⲗ ϩⲓⲧⲛⲛϣⲏⲣⲉ ⲛⲉⲙⲱⲣ ϩⲛⲥⲩⲭⲉⲙ . | Ⲁⲩⲡⲟⲟⲛⲟⲩ ⲉϩⲣⲁⲓ ⲉ̀ⲥⲩⲭⲉⲙ. Ⲟⲩⲟϩ ⲁⲩⲭⲁⲩ ϩⲣⲁⲓ ϧⲉⲛ ⲡ̀ⲧⲁⲫⲟⲥ ⲉ̀ⲧⲁ ⲁⲃⲣⲁⲁⲙ ϣⲟⲡϥ ϧⲁ ⲟⲩⲁⲥⲟⲩ ⲛ̀ϩⲟⲙⲧ ⲉ̀ⲃⲟⲗ ϩⲓⲧⲉⲛ ⲛ̀ϣⲏⲣⲓ ⲛⲉⲙⲱⲣ ϧⲉⲛ ⲥⲩⲭⲉⲙ. | Avpoonou ehrai èsiṡem. Ouoh avkav hrai xen p̀tafos èta abraam ṡopf xa ouasou ǹhomt èvol hiten ǹṡyri nemōr xen siṡem. | and they were brought back to Shechem, and laid in the tomb that Abraham bought for a price in silver from the children of Hamor of Shechem. |
|---|
| 7:17 | ⲛⲧⲉⲣⲉϥϩⲱⲛ ⲇⲉ ⲉϩⲟⲩⲛ ⲛϭⲓⲡⲉⲟⲩⲟⲉⲓϣ ⲙⲡⲉⲣⲏⲧ . ⲡⲁⲓ ⲛⲧⲁⲡⲛⲟⲩⲧⲉ ϩⲟⲙⲟⲗⲟⲅⲉⲓ ⲙⲙⲟϥ ⲛⲁⲃⲣⲁϩⲁⲙ . ⲁⲡⲛⲟⲩⲧⲉ ⲁⲩⲝⲁⲛⲉ ⲙⲡⲗⲁⲟⲥ ⲁⲩⲱ ⲁϥⲁϣⲁⲓ ϩⲛⲕⲏⲙⲉ . | Ⲉ̀ⲧⲁϥϩⲱⲛ ⲇⲉ ⲉ̀ϧⲟⲩⲛ ⲛ̀ϫⲉ ⲡ̀ⲥⲏⲟⲩ ⲛ̀ⲡⲉⲣⲏⲧ. Ⲫⲁⲓ ⲉ̀ⲧⲁ ⲫ̀ⲛⲟⲩϯ ϩⲟⲙⲟⲗⲟⲅⲉⲓ ⲙ̀ⲙⲟϥ ⲛ̀ⲁⲃⲣⲁⲁⲙ. Ⲁ ⲫ̀ⲛⲟⲩϯ ⲁⲩⲝⲁⲛⲉ ⲛ̀ⲡⲓⲗⲁⲟⲥ ⲟⲩⲟϩ ⲁϥⲁ̀ϣⲁⲓ ϧⲉⲛ ⲭⲏⲙⲓ. | Ètafhōn ḋe èxoun ǹje p̀·syou ǹperyt. Fai èta f̀nouti homologei m̀mof ǹabraam. A f̀nouti avksane ǹpilaos ouoh afàṡai xen kymi. | 'But as the time of the promise came close which God had sworn to Abraham, the people grew and multiplied in Egypt, |
|---|
| 7:18 | ϣⲁⲛⲧϥⲧⲱⲟⲩⲛ ⲛϭⲓⲕⲉⲣⲣⲟ ⲉϩⲣⲁⲓ ⲉϫⲛⲕⲏⲙⲉ ⲛϥⲥⲟⲟⲩⲛ ⲁⲛ ⲛⲓⲱⲥⲏⲫ . | Ϣⲁⲧϥⲧⲱⲟⲩⲛ ⲛ̀ϫⲉ ⲕⲉⲟⲩⲣⲟ ⲉϩⲣⲁⲓ ⲉ̀ϫⲉⲛ ⲭⲏⲙⲓ ⲛ̀ⲧⲉϥⲥⲱⲟⲩⲛ ⲁⲛ ⲛ̀ⲓⲱⲥⲏⲫ. | Ṡatftōoun ǹje keouro ehrai èjen kymi ǹtefsōoun an ǹiōsyf. | until there arose a different king, who didn't know Joseph. |
|---|
| 7:19 | ⲡⲁⲓ ⲁϥϫⲓϣⲟϫⲛⲉ ⲉⲡⲉⲛⲅⲉⲛⲟⲥ ⲉⲙⲟⲩⲕϩ ⲛⲛⲉⲛⲉⲓⲟⲧⲉ ⲉⲧⲣⲉⲩⲛⲟⲩϫⲉ ⲉⲃⲟⲗ ⲛⲛⲉⲩϣⲏⲣⲉ ⲉⲧⲙⲧⲁⲛϩⲟⲟⲩ . | Ⲫⲁⲓ ⲁϥϫⲓϣⲟϫⲛⲉ ⲉ̀ⲡⲉⲛⲅⲉⲛⲟⲥ ⲉ̀ⲙⲟⲩⲕϩ ⲛ̀ⲛⲉⲛⲓⲟϯ ⲉ̀ⲑⲣⲉⲩⲛⲟⲩϫⲉ ⲉ̀ⲃⲟⲗ ⲛ̀ⲛⲟⲩϣⲏⲣⲓ ⲉ̀ϣⲧⲉⲙⲧⲁⲛϧⲟⲟⲩ. | Fai afjiṡogne èpengenos èmouk·h ǹnenioti èθrevnouje èvol ǹnouṡyri èṡtemtanxoou. | The same took advantage of our race, and mistreated our fathers, and forced them to throw out their babies, so that they wouldn't stay alive. |
|---|
| 7:20 | ϩⲙⲡⲉⲩⲟⲓϣ ⲉⲧⲙⲙⲁⲩ ⲁⲩϫⲡⲉ ⲙⲱⲩⲥⲏⲥ . ⲁⲩⲱ ⲛⲉⲛⲉⲥⲱϥ ⲡⲉ ϩⲙⲡⲛⲟⲩⲧⲉ . ⲁⲩⲥⲁⲛⲟⲩϣϥ ⲇⲉ ⲛϣⲟⲙⲛⲧ ⲛⲉⲃⲟⲧ ϩⲙⲡⲏⲓ ⲙⲡⲉϥⲉⲓⲱⲧ . | Ϧⲉⲛ ⲡ̀ⲥⲏⲟⲩ ⲉ̀ⲧⲉ ⲙ̀ⲙⲁⲩ ⲁⲩϫⲡⲉ ⲙⲱⲩⲥⲏⲥ. Ⲟⲩⲟϩ ⲛⲉⲛⲉⲥⲱϥ ⲡⲉ ϧⲉⲛ ⲫ̀ⲛⲟⲩϯ. Ⲁⲩⲥⲁⲛⲟⲩϣϥ ⲇⲉ ⲛ̀ϣⲟⲙⲧ ⲛ̀ⲉⲃⲟⲧ ϧⲉⲛ ⲡ̀ⲏⲓ ⲛ̀ⲡⲉϥⲓⲱⲧ. | Xen p̀·syou ète m̀mav avgpe mōisys. Ouoh nenesōf pe xen f̀nouti. Avsanouṡf ḋe ǹṡomt ǹevot xen p̀yi ǹpefiōt. | At that time Moses was born, and was exceedingly handsome. He was nourished three months in his father's house. |
|---|
| 7:21 | ⲛⲧⲉⲣⲟⲩⲛⲟϫϥ ⲇⲉ ⲉⲃⲟⲗ . ⲁⲥϥⲓⲧϥ ⲛϭⲓⲧϣⲉⲉⲣⲉ ⲙⲫⲁⲣⲁⲱ . ⲁⲩⲱ ⲁⲥⲥⲁⲛⲟⲩϣϥ ⲛⲁⲥ ⲉⲩϣⲏⲣⲉ . | Ⲉ̀ⲧⲁⲩⲛⲟϫϥ ⲇⲉ ⲉ̀ⲃⲟⲗ. Ⲁⲥϥⲓⲧϥ ⲛ̀ϫⲉ ⲧ̀ϣⲉⲉⲣⲉ ⲛ̀ⲫⲁⲣⲁⲱ̀. Ⲟⲩⲟϩ ⲁⲥⲥⲁⲛⲟⲩϣϥ ⲛⲁⲥ ⲉ̀ⲟⲩϣⲏⲣⲓ. | Ètavnogf ḋe èvol. Asfitf ǹje t̀ṡeere ǹfaraṑ. Ouoh assanouṡf nas èouṡyri. | When he was thrown out, Pharaoh's daughter took him up, and reared him as her own son. |
|---|
| 7:22 | ⲁⲩⲱ ⲁⲩⲡⲁⲓⲇⲉⲩⲉ ⲙⲙⲱⲩⲥⲏⲥ ϩⲛⲥⲟⲫⲓⲁ ⲛⲓⲙ ⲛⲛⲣⲙⲛⲕⲏⲙⲉ . ⲁⲩⲱ ⲛⲉϥⲟ ⲛⲇⲩⲛⲁⲧⲟⲥ ϩⲛⲛⲉϥϣⲁϫⲉ ⲙⲛⲛⲉϥϩⲃⲏⲩⲉ . | Ⲟⲩⲟϩ ⲁⲩⲡⲁⲓⲇⲉⲩⲉ ⲛ̀ⲙⲱⲩⲥⲏⲥ ϧⲉⲛ ⲥⲟⲫⲓⲁ ⲛⲓⲃⲉⲛ ⲛ̀ⲛ̀ⲣⲉⲙⲛⲭⲏⲙⲓ. Ⲟⲩⲟϩ ⲛⲁϥⲟⲓ ⲛ̀ⲇⲩⲛⲁⲧⲟⲥ ϧⲉⲛ ⲛⲉϥⲥⲁϫⲓ ⲛⲉⲙ ⲛⲉϥϩ̀ⲃⲏⲟⲩⲓ. | Ouoh avpaiḋeve ǹmōisys xen sofia niven ǹǹremnkymi. Ouoh nafoi ǹḋinatos xen nefsaji nem nefh̀vyoui. | Moses was instructed in all the wisdom of the Egyptians. He was mighty in his words and works. |
|---|
| 7:23 | ⲛⲧⲉⲣⲉϩⲙⲉ ⲇⲉ ⲛⲣⲟⲙⲡⲉ ϫⲱⲕ ⲉⲃⲟⲗ ⲛⲁϥ . ⲁⲥⲁⲗⲉ ⲉϩⲣⲁⲓ ⲉϫⲙⲡⲉϥϩⲏⲧ ⲉϭⲙⲡϣⲓ ⲛⲉ ⲛⲛⲉϥⲥⲛⲏⲩ ⲛϣⲏⲣⲉ ⲙⲡⲓⲥⲣⲁⲏⲗ . | Ⲉ̀ⲧⲁϩ̀ⲙⲉ ⲇⲉ ⲛ̀ⲣⲟⲙⲡⲓ ϫⲱⲕ ⲉ̀ⲃⲟⲗ ⲛⲁϥ. Ⲁⲥⲁⲗⲏⲓ ⲉϩⲣⲁⲓ ⲉ̀ϫⲉⲛ ⲡⲉϥϩⲏⲧ ⲉ̀ϫⲉⲙⲡ̀ϣⲓ ⲛⲉ ⲛ̀ⲛⲉϥⲥ̀ⲛⲏⲟⲩ ⲛ̀ϣⲏⲣⲓ ⲛ̀ⲡⲓⲥⲣⲁⲏⲗ. | Ètah̀me ḋe ǹrompi gōk èvol naf. Asalyi ehrai èjen pefhyt èjemp̀ṡi ne ǹnefs̀nyou ǹṡyri ǹpisrayl. | But when he was forty years old, it came into his heart to visit his brothers, the children of Israel. |
|---|
| 7:24 | ⲁⲩⲱ ⲛⲧⲉⲣⲉϥⲛⲁⲩ ⲉⲟⲩⲁ ⲉⲩϫⲓ ⲙⲙⲟϥ ⲛϭⲟⲛⲥ ⲁϥⲛⲁϩⲙⲉϥ . ⲁⲩⲱ ⲁϥⲉⲓⲣⲉ ⲙⲡⲉⲕⲃⲁ ⲙⲡⲉⲧⲟⲩⲙⲟⲩⲕϩ ⲙⲙⲟϥ . ⲉⲁϥϩⲱⲧⲃ ⲙⲡⲣⲙⲛⲕⲏ ⲙⲉ . | Ⲟⲩⲟϩ ⲉⲧⲁϥⲛⲁⲩ ⲉ̀ⲟⲩⲁⲓ ⲉⲩϭⲓ ⲙ̀ⲙⲟϥ ⲛ̀ϫⲟⲛⲥ ⲁϥⲛⲁϩⲙⲉϥ. Ⲟⲩⲟϩ ⲁϥⲓⲣⲓ ⲛ̀ⲡ̀ⲕⲃⲁ ⲛ̀ⲡⲉⲧⲟⲩⲙⲟⲩⲕϩ ⲙ̀ⲙⲟϥ. Ⲉⲁϥϧⲱⲧⲉⲃ ⲙ̀ⲡⲉⲣⲙ̀ⲛⲕⲏ ⲙⲉⲓ. | Ouoh etafnav èouai evċi m̀mof ǹgons afnahmef. Ouoh afiri ǹp̀kva ǹpetoumouk·h m̀mof. Eafxōteb m̀perm̀nky mei. | Seeing one of them suffer wrong, he defended him, and avenged him who was oppressed, striking the Egyptian. |
|---|
| 7:25 | ⲛⲉϥⲙⲉⲉⲩⲉ ⲇⲉ ⲡⲉ ϫⲉⲥⲉⲛⲁⲉⲓⲙⲉ ⲛϭⲓⲛⲉϥⲥⲛⲏⲩ . ϫⲉⲡⲛⲟⲩⲧⲉ ⲛⲁϯ ⲛⲁⲩ ⲛⲟⲩⲟⲩϫⲁⲓ ⲉⲃⲟⲗ ϩⲓⲧⲛⲛⲉϥϭⲓϫ . ⲛⲧⲟⲟⲩ ⲇⲉ ⲙⲡⲟⲩⲉⲓⲙⲉ . | Ⲛⲁϥⲙⲉⲩⲓ ⲇⲉ ⲡⲉ ϫⲉ ⲥⲉⲛⲁⲉⲙⲓ ⲛ̀ϫⲉ ⲛⲉϥⲥ̀ⲛⲏⲟⲩ. Ϫⲉ ⲫ̀ⲛⲟⲩϯ ⲛⲁϯ ⲛⲱⲟⲩ ⲛ̀ⲟⲩⲟⲩϫⲁⲓ ⲉ̀ⲃⲟⲗ ϩⲓⲧⲉⲛ ⲛⲉϥϫⲓϫ. Ⲛ̀ⲑⲱⲟⲩ ⲇⲉ ⲙ̀ⲡⲉⲟⲩⲉⲙⲓ. | Nafmevi ḋe pe je senaemi ǹje nefs̀nyou. Je f̀nouti nati nōou ǹouougai èvol hiten nefjig. Ǹθōou ḋe m̀peouemi. | He supposed that his brothers understood that God, by his hand, was giving them deliverance; but they didn't understand. |
|---|
| 7:26 | ⲙⲡⲉϥⲣⲁⲥⲧⲉ ⲟⲛ ⲁϥⲟⲩⲱⲛϩ ⲛⲁⲩ ⲉⲃⲟⲗ ⲉⲩⲙⲓϣⲉ ⲙⲛⲛⲉⲩⲉⲣⲏⲩ . ⲁⲩⲱ ⲁϥϩⲟⲧⲡⲟⲩ ⲉⲩⲉⲓⲣⲏⲛⲏ ⲉϥϫⲱ ⲙⲙⲟⲥ ϫⲉⲛⲣⲱⲙⲉ ⲛⲧⲉⲧⲛϩⲉⲛⲥⲛⲏⲩ ⲉⲧⲃⲉⲟⲩ ⲧⲉⲧⲛϫⲓ ⲛⲛⲉⲧⲛⲉⲣⲏⲩ ⲛϭⲟⲛⲥ . | Ⲛ̀ⲡⲉϥⲣⲁⲥϯ ⲟⲛ ⲁϥⲟⲩⲱⲛϩ ⲛⲱⲟⲩ ⲉ̀ⲃⲟⲗ ⲉⲩⲙⲓϣⲉ ⲛⲉⲙ ⲛⲟⲩⲉ̀ⲣⲏⲟⲩ. Ⲟⲩⲟϩ ⲁϥϩⲟⲧⲡⲟⲩ ⲉ̀ⲟⲩⲉⲓⲣⲏⲛⲏ ⲉϥϫⲱ ⲙ̀ⲙⲟⲥ ϫⲉ ⲛ̀ⲣⲱⲙⲓ ⲛ̀ⲡⲉⲧⲉⲛⲣⲏϯⲛⲥⲛⲏⲩ ⲉⲑⲃⲉ ⲟⲩ ⲧⲉⲧⲉⲛϭⲓ ⲛ̀ⲛⲉⲧⲉⲛⲉⲣⲏⲟⲩ ⲛ̀ϫⲟⲛⲥ. | Ǹpefrasti on afouōnh nōou èvol evmiṡe nem nouèryou. Ouoh afhotpou èoueiryny efgō m̀mos je ǹrōmi ǹpetenrytinsnyv eθve ou tetenċi ǹneteneryou ǹgons. | 'The day following, he appeared to them as they fought, and urged them to be at peace again, saying, 'Sirs, you are brothers. Why do you wrong one another?' |
|---|
| 7:27 | ⲡⲉⲧϫⲓ ⲇⲉ ⲙⲡⲉⲧϩⲓⲧⲟⲩⲱϥ ⲛϭⲟⲛⲥ ⲁϥⲧⲟϭⲛⲉϥ ⲉϥϫⲱ ⲙⲙⲟⲥ ϫⲉⲛⲓⲙ ⲡⲉⲛⲧⲁϥⲕⲁⲑⲓⲥⲧⲁ ⲙⲙⲟⲕ ⲛⲁⲣⲭⲱⲛ ⲁⲩⲱ ⲛⲣⲉϥϯϩⲁⲡ ⲉϩⲣⲁⲓ ⲉϫⲱⲛ . | Ⲡⲉⲧϭⲓ ⲇⲉ ⲛ̀ⲡⲉⲧϧⲁⲑⲟⲩϥ ⲛ̀ϫⲟⲛⲥ ⲁϥⲧⲟϭⲛⲉϥ ⲉϥϫⲱ ⲙ̀ⲙⲟⲥ ϫⲉ ⲛⲓⲙ ⲡⲉⲧⲁϥⲕⲁⲑⲓⲥⲧⲁ ⲙ̀ⲙⲟⲕ ⲛ̀ⲁⲣⲭⲱⲛ ⲟⲩⲟϩ ⲛ̀ⲣⲉϥϯϩⲁⲡ ⲉϩⲣⲁⲓ ⲉ̀ϫⲱⲛ. | Petċi ḋe ǹpetxaθouf ǹgons aftoċnef efgō m̀mos je nim petafkaθista m̀mok ǹarxōn ouoh ǹreftihap ehrai ègōn. | But he who did his neighbor wrong pushed him away, saying, 'Who made you a ruler and a judge over us? |
|---|
| 7:28 | ⲙⲏ ⲉⲕⲟⲩⲱϣ ⲛⲧⲟⲕ ⲉϩⲟⲧⲃⲉⲧ ⲛⲧϩⲉ ⲛⲧⲁⲕϩⲱⲧⲃ ⲙⲡⲣⲙⲛⲕⲏⲙⲉ ⲛⲥⲁϥ . | Ⲙⲏ ⲉⲕⲟⲩⲱϣ ⲛ̀ⲑⲟⲕ ⲉ̀ϩⲟⲧⲃⲉⲧ ⲛ̀ⲫ̀ⲣⲏϯ ⲉⲧⲁⲕϧⲱⲧⲉⲃ ⲛ̀ⲡ̀ⲣⲉⲙⲛⲭⲏⲙⲓ ⲛ̀ⲥⲁϥ. | My ekouōṡ ǹθok èhotvet ǹf̀ryti etakxōteb ǹp̀remnkymi ǹsaf. | Do you want to kill me, as you killed the Egyptian yesterday?' |
|---|
| 7:29 | ⲙⲱⲩⲥⲏⲥ ⲇⲉ ⲁϥⲡⲱⲧ ϩⲣⲁⲓ ϩⲙⲡⲉⲓϣⲁϫⲉ . ⲁⲩⲱ ⲁⲩⲣⲣⲙⲛϭⲟⲓⲗⲉ ϩⲙⲡⲕⲁϩ ⲙⲙⲁⲇⲓϩⲁⲙ . ⲁϥϫⲡⲉ ϣⲏⲣⲉ ⲥⲛⲁⲩ ϩⲙⲡⲙⲁ ⲉⲧⲙⲙⲁⲩ . | Ⲙⲱⲩⲥⲏⲥ ⲇⲉ ⲁϥⲫⲱⲧ ϩⲣⲁⲓ ϧⲉⲛ ⲡⲁⲓⲥⲁϫⲓ. Ⲟⲩⲟϩ ⲁⲩⲣⲣⲙⲛϭⲟⲓⲗⲉ ϧⲉⲛ ⲡ̀ⲕⲁϩⲓ ⲛ̀ⲙⲁⲇⲓⲁⲙ. Ⲁϥϫⲡⲉ ϣⲏⲣⲓ ⲥ̀ⲛⲁⲩ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ. | Mōisys ḋe affōt hrai xen paisaji. Ouoh avrrmnċoile xen p̀kahi ǹmadiam. Afgpe ṡyri s̀nav xen p̀ma ète m̀mav. | Moses fled at this saying, and became a stranger in the land of Midian, where he became the father of two sons. |
|---|
| 7:30 | ⲁⲩⲱ ⲛⲧⲉⲣⲉϩⲙⲉ ⲛⲣⲟⲙⲡⲉ ϫⲱⲕ ⲉⲃⲟⲗ . ⲁϥⲟⲩⲱⲛϩ ⲛⲁϥ ⲉⲃⲟⲗ ϩⲛⲧⲉⲣⲏⲙⲟⲥ ⲙⲡⲧⲟⲟⲩ ⲛⲥⲓⲛⲁ ⲛϭⲓⲟⲩⲁⲅⲅⲉⲗⲟⲥ ϩⲛⲟⲩϣⲁϩ ⲛⲕⲱϩⲧ ⲉⲃⲟⲗ ϩⲙⲡⲃⲁⲧⲟⲥ . | Ⲟⲩⲟϩ ⲉ̀ⲧⲁϩ̀ⲙⲉ ⲛ̀ⲣⲟⲙⲡⲓ ϫⲱⲕ ⲉ̀ⲃⲟⲗ. Ⲁϥⲟⲩⲱⲛϩ ⲛⲁϥ ⲉ̀ⲃⲟⲗ ϧⲉⲛ ⲧ̀ⲉⲣⲏⲙⲟⲥ ⲛ̀ⲡ̀ⲧⲱⲟⲩ ⲛ̀ⲥⲓⲛⲁ ⲛ̀ϫⲉ ⲟⲩⲁⲅⲅⲉⲗⲟⲥ ϧⲉⲛ ⲟⲩϣⲁϩ ⲛ̀ⲧⲉⲕⲱϩⲧ ⲉ̀ⲃⲟⲗ ϧⲉⲛ ⲡ̀ⲃⲁⲧⲟⲥ. | Ouoh ètah̀me ǹrompi gōk èvol. Afouōnh naf èvol xen t̀erymos ǹp̀tōou ǹsina ǹje ouangelos xen ouṡah ǹtekōht èvol xen p̀batos. | 'When forty years were fulfilled, an angel of the Lord appeared to him in the wilderness of Mount Sinai, in a flame of fire in a bush. |
|---|
| 7:31 | ⲙⲱⲩⲥⲏⲥ ⲇⲉ ⲛⲧⲉⲣⲉϥⲛⲁⲩ ⲁϥⲣϣⲡⲏⲣⲉ ⲙⲡϩⲟⲣⲁⲙⲁ . ⲉϥⲛⲁϯ ⲡⲉϥⲟⲩⲟⲓ ⲇⲉ ⲉϩⲟⲩⲛ ⲉⲛⲁⲩ . ⲁⲧⲉⲥⲙⲏ ⲙⲡϫⲟⲉⲓⲥ ϣⲱⲡⲉ | Ⲙⲱⲩⲥⲏⲥ ⲇⲉ ⲉⲧⲁϥⲛⲁⲩ ⲁϥⲉⲣϣⲫⲏⲣⲓ ⲛ̀ⲡ̀ϩⲟⲣⲁⲙⲁ. Ⲉϥⲛⲁϯ ⲡⲉϥⲟⲩⲟⲓ ⲇⲉ ⲉ̀ϧⲟⲩⲛ ⲉⲛⲁⲩ. Ⲁⲧ̀ⲥ̀ⲙⲏ ⲛ̀ⲡ̀ϭⲟⲓⲥ ϣⲱⲡⲓ | Mōisys ḋe etafnav aferṡfyri ǹp̀horama. Efnati pefouoi ḋe èxoun enav. At̀s̀my ǹp̀ċois ṡōpi | When Moses saw it, he wondered at the sight. As he came close to see, a voice of the Lord came to him, |
|---|
| 7:32 | ϫⲉⲁⲛⲟⲕ ⲡⲉ ⲡⲛⲟⲩⲧⲉ ⲛⲛⲉⲕⲉⲓⲟⲧⲉ . ⲡⲛⲟⲩⲧⲉ ⲛⲁⲃⲣⲁϩⲁⲙ ⲙⲛⲓⲥⲁⲁⲕ ⲙⲛⲓⲁⲕⲱⲃ . ⲙⲱⲩⲥⲏⲥ ⲇⲉ ⲛⲧⲉⲣⲉϥϣⲱⲡⲉ ϩⲛⲟⲩⲥⲧⲱⲧ ⲙⲡϥⲧⲟⲗⲙⲁ ⲉϭⲱϣⲧ . | ϫⲉ ⲁⲛⲟⲕ ⲡⲉ ⲫ̀ⲛⲟⲩϯ ⲛ̀ⲛⲉⲕⲓⲟϯ. Ⲫ̀ⲛⲟⲩϯ ⲛ̀ⲁⲃⲣⲁⲁⲙ ⲛⲉⲙ ⲓⲥⲁⲁⲕ ⲛⲉⲙ ⲓⲁⲕⲱⲃ. Ⲙⲱⲩⲥⲏⲥ ⲇⲉ ⲉⲧⲁϥϣⲱⲡⲓ ϧⲉⲛ ⲟⲩⲥⲧⲱⲧ ⲙ̀ⲡⲉϥⲉⲣⲧⲟⲗⲙⲁⲛ ⲉ̀ϫⲟⲩϣⲧ. | je anok pe f̀nouti ǹnekioti. F̀nouti ǹabraam nem isaak nem iakōb. Mōisys ḋe etafṡōpi xen oustōt m̀pefertolman ègouṡt. | 'I am the God of your fathers, the God of Abraham, the God of Isaac, and the God of Jacob.' Moses trembled, and dared not look. |
|---|
| 7:33 | ⲡⲉϫⲉⲡϫⲟⲉⲓⲥ ⲛⲁϥ ϫⲉⲃⲱⲗ ⲉⲃⲟⲗ ⲙⲡⲧⲟⲟⲩⲉ ⲉⲧⲛⲣⲁⲧⲕ . ⲡⲙⲁ ⲅⲁⲣ ⲉⲧⲕⲁϩⲉⲣⲁⲧⲕ ⲛϩⲏⲧϥ ⲟⲩⲕⲁϩ ⲉϥⲟⲩⲁⲁⲃ ⲡⲉ . | Ⲡⲉϫⲉⲡ̀ϭⲟⲓⲥ ⲛⲁϥ ϫⲉ ⲃⲱⲗ ⲉ̀ⲃⲟⲗ ⲛ̀ⲡ̀ⲑⲱⲟⲩⲓ ⲧⲉⲧⲉⲛⲣⲁⲧⲕ. Ⲡ̀ⲙⲁ ⲅⲁⲣ ⲉⲧⲕⲁϩⲉⲣⲁⲧⲕ ⲛ̀ϧⲏⲧϥ ⲟⲩⲕⲁϩⲓ ⲉϥⲟⲩⲁⲃ ⲡⲉ. | Pejep̀ċois naf je vōl èvol ǹp̀θōoui tetenratk. P̀ma ġar etkaheratk ǹxytf oukahi efouab pe. | The Lord said to him, 'Take your sandals off of your feet, for the place where you stand is holy ground. |
|---|
| 7:34 | ϩⲛⲟⲩⲛⲁⲩ ⲁⲛⲁⲩ ⲉⲡⲙⲕⲁϩ ⲙⲡⲁⲗⲁⲟⲥ ⲉⲧϩⲛⲕⲏⲙⲉ . ⲁⲩⲱ ⲁⲓⲥⲱⲧⲙ ⲉⲡⲉⲩⲁϣⲁϩⲟⲙ ⲁⲩⲉⲓ ⲉⲡⲉⲥⲏⲧ ⲉⲛⲁϩⲙⲟⲩ . ⲧⲉⲛⲟⲩ ϭⲉ ⲁⲙⲟⲩ ⲧⲁϫⲟⲟⲩⲕ ⲉϩⲣⲁⲓ ⲉⲕⲏⲙⲉ . | Ϧⲉⲛ ⲟⲩⲛⲁⲩ ⲛⲁⲛⲁⲩ ⲉ̀ⲡ̀ⲙ̀ⲕⲁϩ ⲛ̀ⲡⲁⲗⲁⲟⲥ ⲉ̀ⲧ̀ϩⲛⲕⲏⲙⲉⲓ. Ⲟⲩⲟϩ ⲁⲓⲥⲱⲧⲉⲙ ⲉ̀ⲡⲟⲩⲁϣⲁϩⲟⲙ ⲁⲩⲓ̀ ⲉ̀ⲡⲉⲥⲏⲧ ⲉ̀ⲛⲁϩⲙⲟⲩ. Ϯⲛⲟⲩ ⲟⲩⲛ ⲁ̀ⲙⲟⲩ ⲧⲁϫⲟⲟⲩⲕ ⲉϩⲣⲁⲓ ⲉ̀ⲭⲏⲙⲓ. | Xen ounav nanav èp̀m̀kah ǹpalaos èt̀·hnkymei. Ouoh aisōtem èpouaṡahom avì èpesyt ènahmou. Tinou oun àmou tagoouk ehrai èkymi. | I have surely seen the affliction of my people that is in Egypt, and have heard their groaning. I have come down to deliver them. Now come, I will send you into Egypt.' |
|---|
| 7:35 | ⲡⲁⲓ ⲡⲉ ⲙⲱⲩⲥⲏⲥ ⲛⲧⲁⲩⲁⲣⲛⲁ ⲙⲙⲟϥ ⲉⲩϫⲱ ⲙⲙⲟⲥ ϫⲉⲛⲓⲙ ⲡⲉⲛⲧⲁϥⲕⲁⲑⲓⲥⲧⲁ ⲙⲙⲟⲕ ⲛⲁⲣⲭⲱⲛ ⲁⲩⲱ ⲛⲣⲉϥϯϩⲁⲡ ⲉϩⲣⲁⲓ ⲉϫⲱⲛ ⲡⲁⲓ ⲁⲡⲛⲟⲩⲧⲉ ϫⲟⲟⲩϥ ⲛⲁⲣⲭⲱⲛ ⲁⲩⲱ ⲛⲣⲉϥⲥⲱⲧⲉ ⲙⲛⲧϭⲓϫ ⲙⲡⲁⲅⲅⲉⲗⲟⲥ ⲛⲧⲁϥⲟⲩⲱⲛϩ ⲛⲁϥ ⲉⲃⲟⲗ ϩⲙⲡⲃⲁⲧⲟⲥ . | Ⲫⲁⲓ ⲡⲉ ⲙⲱⲩⲥⲏⲥ ⲉⲧⲁⲩⲁⲣⲛⲁ ⲙ̀ⲙⲟϥ ⲉⲩϫⲱ ⲙ̀ⲙⲟⲥ ϫⲉ ⲛⲓⲙ ⲡⲉⲧⲁϥⲕⲁⲑⲓⲥⲧⲁ ⲙ̀ⲙⲟⲕ ⲛ̀ⲁⲣⲭⲱⲛ ⲟⲩⲟϩ ⲛ̀ⲣⲉϥϯϩⲁⲡ ⲉϩⲣⲁⲓ ⲉ̀ϫⲱⲛ ⲫⲁⲓ ⲁ ⲫ̀ⲛⲟⲩϯ ϫⲟⲟⲩϥ ⲛ̀ⲁⲣⲭⲱⲛ ⲟⲩⲟϩ ⲛ̀ⲣⲉϥⲥⲱⲧⲉ ⲛⲉⲙ ⲧ̀ϫⲓϫ ⲛ̀ⲡⲁⲅⲅⲉⲗⲟⲥ ⲉⲧⲁϥⲟⲩⲱⲛϩ ⲛⲁϥ ⲉ̀ⲃⲟⲗ ϧⲉⲛ ⲡ̀ⲃⲁⲧⲟⲥ. | Fai pe mōisys etavarna m̀mof evgō m̀mos je nim petafkaθista m̀mok ǹarxōn ouoh ǹreftihap ehrai ègōn fai a f̀nouti goouf ǹarxōn ouoh ǹrefsōte nem t̀jig ǹpangelos etafouōnh naf èvol xen p̀batos. | 'This Moses, whom they refused, saying, 'Who made you a ruler and a judge?'--God has sent him as both a ruler and a deliverer by the hand of the angel who appeared to him in the bush. |
|---|
| 7:36 | ⲡⲁⲓ ⲡⲉⲛⲧⲁϥⲛⲧⲟⲩ ⲉⲃⲟⲗ ⲉⲁϥⲉⲓⲣⲉ ⲛϩⲉⲛⲙⲁⲉⲓⲛ ⲙⲛϩⲉⲛϣⲡⲏⲣⲉ ϩⲛⲕⲏⲙⲉ ⲁⲩⲱ ϩⲛⲧⲉⲣⲩⲑⲣⲁ ⲑⲁⲗⲁⲥⲥⲁ . ⲁⲩⲱ ϩⲙⲡϫⲁⲓⲉ ⲛϩⲙⲉ ⲛⲣⲟⲙⲡⲉ . | Ⲫⲁⲓ ⲡⲉⲧⲁϥⲉⲛⲟⲩ ⲉ̀ⲃⲟⲗ ⲉⲁϥⲓ̀ⲣⲓ ⲛ̀ϩⲁⲛⲙⲏⲓⲛⲓ ⲛⲉⲙ ϩⲁⲛϣ̀ⲫⲏⲣⲓ ϧⲉⲛ ⲭⲏⲙⲓ ⲟⲩⲟϩ ϧⲉⲛ ⲧ̀ⲉⲣⲩⲑⲣⲁ ⲧ̀ϩⲁⲗⲁⲥⲥⲁ. Ⲟⲩⲟϩ ϧⲉⲛ ⲡ̀ϫⲁⲓⲉ ⲛ̀ϩ̀ⲙⲉ ⲛ̀ⲣⲟⲙⲡⲓ. | Fai petafenou èvol eafìri ǹhanmyini nem hanṡ̀fyri xen kymi ouoh xen t̀eriθra t̀·halassa. Ouoh xen p̀gaie ǹh̀me ǹrompi. | This man led them out, having worked wonders and signs in Egypt, in the Red Sea, and in the wilderness for forty years. |
|---|
| 7:37 | ⲡⲁⲓ ⲡⲉ ⲉⲛⲧⲁϥϫⲟⲟⲥ ⲛⲛϣⲏⲣⲉ ⲙⲡⲓⲥⲣⲁⲏⲗ ⲇⲉ ⲡⲛⲟⲩⲧⲉ ⲛⲁⲧⲟⲩⲛⲉⲥ ⲟⲩⲡⲣⲟⲫⲏⲧⲏⲥ ⲛⲏⲧⲛ ⲉⲃⲟⲗ ϩⲛⲛⲉⲧⲛⲥⲛⲏⲩ ⲛⲧⲁϩⲉ . | Ⲫⲁⲓ ⲡⲉ ⲉ̀ⲧⲁϥϫⲟⲥ ⲛ̀ⲛ̀ϣⲏⲣⲓ ⲛ̀ⲡⲓⲥⲣⲁⲏⲗ ⲇⲉ ⲫ̀ⲛⲟⲩϯ ⲛⲁⲧⲟⲩⲛⲉⲥ ⲟⲩⲡ̀ⲣⲟⲫⲏⲧⲏⲥ ⲛⲱⲧⲉⲛ ⲉ̀ⲃⲟⲗ ϧⲉⲛ ⲛⲉⲧⲉⲛⲥ̀ⲛⲏⲟⲩ ⲛ̀ⲡⲁⲣⲏϯ. | Fai pe ètafgos ǹǹṡyri ǹpisrayl ḋe f̀nouti natounes oup̀rofytys nōten èvol xen netens̀nyou ǹparyti. | This is that Moses, who said to the children of Israel, 'The Lord our God will raise up a prophet for you from among your brothers, like me. |
|---|
| 7:38 | ⲡⲁⲓ ⲡⲉⲛⲧⲁϥϣⲱⲡⲉ ϩⲛⲧⲉⲕⲕⲗⲏⲥⲓⲁ ϩⲓⲧⲉⲣⲏⲙⲟⲥ ⲙⲛⲡⲉⲧϣⲁϫⲉ ⲛⲙⲙⲁϥ ϩⲙⲡⲧⲟⲟⲩ ⲛⲥⲓⲛⲁ . ⲁⲩⲱ ⲙⲛⲛⲉⲛⲉⲓⲟⲧⲉ . ⲡⲁⲓ ⲡⲉ ⲉⲛⲧⲁϥϫⲓ ⲛϩⲉⲛϣⲁϫⲉ ⲉⲩⲟⲛϩ ⲉⲧⲁⲁⲩ ⲛⲏⲧⲛ . | Ⲫⲁⲓ ⲡⲉⲧⲁϥϣⲱⲡⲓ ϧⲉⲛ ⲧ̀ⲉⲕⲕⲗⲏⲥⲓⲁ ϩⲓ ⲧ̀ⲉⲣⲏⲙⲟⲥ ⲛⲉⲙ ⲡⲉⲧⲥⲁϫⲓ ⲛⲉⲙⲁϥ ϧⲉⲛ ⲡ̀ⲧⲱⲟⲩ ⲛ̀ⲥⲓⲛⲁ. Ⲟⲩⲟϩ ⲛⲉⲙ ⲛⲉⲛⲓⲟϯ. Ⲫⲁⲓ ⲡⲉ ⲉⲧⲁϥϭⲓ ⲛ̀ϩⲁⲛⲥⲁϫⲓ ⲉⲩⲟⲛϧ ⲉ̀ⲧⲏⲓⲟⲩ ⲛⲱⲧⲉⲛ. | Fai petafṡōpi xen t̀ekklysia hi t̀erymos nem petsaji nemaf xen p̀tōou ǹsina. Ouoh nem nenioti. Fai pe etafċi ǹhansaji evonx ètyiou nōten. | This is he who was in the assembly in the wilderness with the angel that spoke to him on Mount Sinai, and with our fathers, who received living oracles to give to us, |
|---|
| 7:39 | ⲁⲩⲱ ⲙⲡⲟⲩⲟⲩⲱϣ ⲉⲥⲱⲧⲙ ⲛⲥⲱϥ ⲛϭⲓⲛⲉⲛⲉⲓⲟⲧⲉ . ⲁⲗⲗⲁ ⲁⲩⲕⲁⲁϥ ⲛⲥⲱⲟⲩ . ⲉⲁⲩⲕⲟⲧⲟⲩ ϩⲛⲛⲉⲩϩⲏⲧ ⲉⲕⲏⲙⲉ . | Ⲟⲩⲟϩ ⲛ̀ⲡⲟⲩⲟⲩⲱϣ ⲉ̀ⲥⲱⲧⲉⲙ ⲛ̀ⲥⲱϥ ⲛ̀ϫⲉ ⲛⲉⲛⲓⲟϯ. Ⲁⲗⲗⲁ ⲁⲩⲭⲁϥ ⲛ̀ⲥⲱⲟⲩ. Ⲉⲁⲩⲕⲟⲧⲟⲩ ϧⲉⲛ ⲛⲟⲩϩⲏⲧ ⲉ̀ⲭⲏⲙⲓ. | Ouoh ǹpououōṡ èsōtem ǹsōf ǹje nenioti. Alla avkaf ǹsōou. Eavkotou xen nouhyt èkymi. | to whom our fathers wouldn't be obedient, but rejected him, and turned back in their hearts to Egypt, |
|---|
| 7:40 | ⲉⲁⲩϫⲟⲟⲥ ⲛⲁⲁⲣⲱⲛ ϫⲉⲧⲁⲙⲓⲟ ⲛⲁⲛ ⲛϩⲉⲛⲛⲟⲩⲧⲉ ⲛⲥⲉϫⲓⲙⲟⲉⲓⲧ ϩⲏⲧⲛ ⲙⲱⲩⲥⲏⲥ ⲅⲁⲣ ⲡⲁⲓ ⲛⲧⲁϥⲛⲧⲛ ⲉⲃⲟⲗ ϩⲙⲡⲕⲁϩ ⲛⲕⲏⲙⲉ ⲛⲧⲛⲥⲟⲟⲩⲛ ⲁⲛ ϫⲉⲛⲧⲁⲟⲩ ϣⲱⲡⲉ ⲙⲙⲟϥ . | Ⲉⲁⲩϫⲟⲥ ⲛ̀ⲁⲁⲣⲱⲛ ϫⲉ ⲑⲁⲙⲓⲟ ⲛⲁⲛ ⲛ̀ϩⲁⲛⲛⲟⲩϯ ⲛ̀ⲧⲟⲩϫⲓⲙⲟⲉⲓⲧ ϩⲏⲧⲛ ⲙⲱⲩⲥⲏⲥ ⲅⲁⲣ ⲫⲁⲓ ⲉⲧⲁϥⲛ̀ⲧⲉⲛ ⲉ̀ⲃⲟⲗ ϧⲉⲛ ⲡ̀ⲕⲁϩⲓ ⲛ̀ⲭⲏⲙⲓ ⲛ̀ⲧⲉⲧⲉⲛⲥⲱⲟⲩⲛ ⲁⲛ ϫⲉ ⲛⲧⲁ ⲟⲩ ϣⲱⲡⲓ ⲙ̀ⲙⲟϥ. | Eavgos ǹaarōn je θamio nan ǹhannouti ǹtoujimoeit hytn mōisys ġar fai etafǹten èvol xen p̀kahi ǹkymi ǹtetensōoun an je nta ou ṡōpi m̀mof. | saying to Aaron, 'Make us gods that will go before us, for as for this Moses, who led us out of the land of Egypt, we don't know what has become of him.' |
|---|
| 7:41 | ⲁⲩⲱ ⲁⲩⲧⲁⲙⲓⲉ ⲡⲙⲁⲥⲉ ϩⲛⲛⲉϩⲟⲟⲩ ⲉⲧⲙⲙⲁⲩ ⲁⲩⲧⲁⲗⲉ ⲑⲩⲥⲓⲁ ⲉϩⲣⲁⲓ ⲙⲡⲉⲓⲇⲱⲗⲟⲛ . ⲁⲩⲱ ⲁⲩⲉⲩⲫⲣⲁⲛⲉ ϩⲛⲛⲉϩⲃⲏⲩⲉ ⲛⲛⲉⲩϭⲓϫ . | Ⲟⲩⲟϩ ⲁⲩⲧⲁⲙⲓⲉ ⲡ̀ⲙⲁⲥⲓ ϧⲉⲛ ⲛ̀ⲉ̀ϩⲟⲟⲩ ⲉ̀ⲧⲉ ⲙ̀ⲙⲁⲩ ⲁⲩⲧⲁⲗⲉ ⲑⲩⲥⲓⲁ ⲉϩⲣⲁⲓ ⲛ̀ⲡⲉⲓⲇⲱⲗⲟⲛ. Ⲟⲩⲟϩ ⲁⲩⲉⲩⲫⲣⲁⲛⲉ ϧⲉⲛ ⲛ̀ϩ̀ⲃⲏⲟⲩⲓ̀ ⲛ̀ⲛⲟⲩϫⲓϫ. | Ouoh avtamie p̀masi xen ǹèhoou ète m̀mav avtale θisia ehrai ǹpeiḋōlon. Ouoh avevfrane xen ǹh̀vyouì ǹnoujig. | They made a calf in those days, and brought a sacrifice to the idol, and rejoiced in the works of their hands. |
|---|
| 7:42 | ⲁϥⲕⲧⲟⲟⲩ ⲇⲉ ⲛϭⲓⲡⲛⲟⲩⲧⲉ ⲉⲧⲣⲉⲩϣⲙϣⲉ ⲛⲧⲉⲥⲧⲣⲁⲧⲓⲁ ⲛⲧⲡⲉ ⲕⲁⲧⲁⲧϩⲉ ⲉⲧⲥⲏϩ ϩⲙⲡϫⲱⲱⲙⲉ ⲛⲛⲉⲡⲣⲟⲫⲏⲧⲏⲥ . ϫⲉⲙⲏ ⲁⲧⲉⲧⲛⲧⲁⲗⲟ ⲛⲁⲓ ⲉϩⲣⲁⲓ ⲛϩⲛϣⲱⲧ ⲙⲛϩⲉⲛⲑⲩⲥⲓⲁ ⲛϩⲙⲉ ⲛⲣⲟⲙⲡⲉ ϩⲛⲧⲉⲣⲏⲙⲟⲥ ⲡⲏⲓ ⲙⲡⲓⲥⲣⲁⲏⲗ . | Ⲁϥⲕⲧⲟⲟⲩ ⲇⲉ ⲛ̀ϫⲉ ⲫ̀ⲛⲟⲩϯ ⲉ̀ⲑⲣⲉⲩϣⲉⲙϣⲓ ⲛ̀ⲧ̀ⲥⲧⲣⲁⲧⲓⲁ ⲛ̀ⲧ̀ⲫⲉ ⲕⲁⲧⲁ ⲫ̀ⲣⲏϯ ⲉⲧⲥ̀ϧⲏⲟⲩⲧ ϧⲉⲛ ⲡ̀ϫⲱⲙ ⲛ̀ⲛⲓⲡⲣⲟⲫⲏⲧⲏⲥ. Ϫⲉ ⲙⲏ ⲁⲣⲉⲧⲉⲛⲧⲁⲗⲟ ⲛⲏⲓ ⲉϩⲣⲁⲓ ⲛ̀ϩⲁⲛϣⲱⲧ ⲛⲉⲙ ϩⲁⲛⲑⲩⲥⲓⲁ ⲛ̀ϩ̀ⲙⲉ ⲛ̀ⲣⲟⲙⲡⲓ ϧⲉⲛ ⲧ̀ⲉⲣⲏⲙⲟⲥ ⲡ̀ⲏⲓ ⲛ̀ⲡⲓⲥⲣⲁⲏⲗ. | Afktoou ḋe ǹje f̀nouti èθrevṡemṡi ǹt̀stratia ǹt̀fe kata f̀ryti ets̀xyout xen p̀gōm ǹniprofytys. Je my aretentalo nyi ehrai ǹhanṡōt nem hanθisia ǹh̀me ǹrompi xen t̀erymos p̀yi ǹpisrayl. | But God turned, and gave them up to serve the army of the sky, as it is written in the book of the prophets, 'Did you offer to me slain animals and sacrifices forty years in the wilderness, O house of Israel? |
|---|
| 7:43 | ⲁⲩⲱ ⲁⲧⲉⲧⲛϫⲓ ⲛⲧⲉⲥⲕⲩⲛⲏ ⲙⲙⲟⲗⲟⲭ ⲙⲛⲡⲥⲓⲟⲩ ⲙⲡⲛⲟⲩⲧⲉ ⲣⲁⲓⲫⲁⲛ ⲛⲉⲥⲙⲟⲧ ⲛⲧⲁⲧⲉⲧⲛⲧⲁⲙⲓ ⲟⲟⲩ ⲉⲟⲩⲱϣⲧ ⲛⲁⲩ ⲁⲩⲱ ϯⲛⲁⲡⲛⲛⲉ ⲧⲏⲩⲧⲛ ⲉⲃⲟⲗ ⲉⲡⲓⲥⲁ ⲛⲧⲃⲁⲃⲩⲗⲱⲛ . | Ⲟⲩⲟϩ ⲁⲣⲉⲧⲉⲛϭⲓ ⲛ̀ⲧ̀ⲥ̀ⲕⲩⲛⲏ ⲛ̀ⲙⲟⲗⲟⲭ ⲛⲉⲙ ⲡ̀ⲥⲓⲟⲩ ⲛ̀ⲫ̀ⲛⲟⲩϯ ⲣⲁⲓⲫⲁⲛ ⲛ̀ⲥⲙⲟⲧ ⲉⲧⲁⲣⲉⲧⲉⲛⲧⲁⲙⲓ ⲉ̀ϩⲟⲟⲩ ⲉ̀ⲟⲩⲱϣⲧ ⲛⲱⲟⲩ ⲟⲩⲟϩ ϯⲛⲁⲡ̀ⲛⲛⲉ ⲑⲏⲛⲟⲩ ⲉ̀ⲃⲟⲗ ⲉ̀ⲡⲁⲓⲥⲁ ⲛ̀ⲧ̀ⲃⲁⲃⲩⲗⲱⲛ. | Ouoh aretenċi ǹt̀s̀kiny ǹmolox nem p̀·siou ǹf̀nouti raifan ǹsmot etaretentami èhoou èouōṡt nōou ouoh tinap̀nne θynou èvol èpaisa ǹt̀babilōn. | You took up the tabernacle of Moloch, the star of your god Rephan, the figures which you made to worship. I will carry you away beyond Babylon.' |
|---|
| 7:44 | ⲧⲉⲥⲕⲏⲛⲏ ⲙⲡⲙⲛⲧⲣⲉ ⲛⲉⲥϣⲟⲟⲡ ⲙⲛⲛⲉⲛⲉⲓⲟⲧⲉ ϩⲓⲡϫⲁⲓⲉ . ⲕⲁⲧⲁⲧϩⲉ ⲛⲧⲁϥⲟⲩⲉϩⲥⲁϩⲛⲉ ⲛϭⲓⲡⲉⲧϣⲁϫⲉ ⲙⲛⲙⲱⲩⲥⲏⲥ ⲉⲧⲁⲙⲓ ⲟⲥ . ⲕⲁⲧⲁⲡⲧⲩⲡⲟⲥ ⲛⲧⲁϥⲛⲁⲩ ⲉⲣⲟϥ . | Ϯⲥ̀ⲕⲩⲛⲏ ⲛ̀ⲡ̀ⲙⲉⲑⲣⲉ ⲛⲁⲥϣⲟⲡ ⲛⲉⲙ ⲛⲉⲛⲓⲟϯ ϩⲓ ⲡ̀ϫⲁⲓⲉ. Ⲕⲁⲧⲁ ⲫ̀ⲣⲏϯ ⲉⲧⲁϥⲟⲩⲁϩⲥⲁϩⲛⲓ ⲛ̀ϫⲉ ⲡⲉⲧⲥⲁϫⲓ ⲛⲉⲙ ⲙⲱⲩⲥⲏⲥ ⲉ̀ⲧⲁⲛⲓ ⲟⲥ. Ⲕⲁⲧⲁ ⲡ̀ⲧⲩⲡⲟⲥ ⲉⲧⲁϥⲛⲁⲩ ⲉ̀ⲣⲟϥ. | Tis̀kiny ǹp̀meθre nasṡop nem nenioti hi p̀gaie. Kata f̀ryti etafouahsahni ǹje petsaji nem mōisys ètani os. Kata p̀tipos etafnav èrof. | 'Our fathers had the tabernacle of the testimony in the wilderness, even as he who spoke to Moses commanded him to make it according to the pattern that he had seen; |
|---|
| 7:45 | ⲧⲁⲓ ⲛⲧⲁⲛⲉⲛⲉⲓⲟⲧⲉ ⲉⲁⲩⲉⲓ ⲙⲛⲛⲥⲁⲛϣⲟⲣⲡ ϫⲓⲧⲥ ⲉϩⲟⲩⲛ ⲙⲛⲓⲏⲥⲟⲩⲥ ϩⲙⲡⲁⲙⲁϩⲧⲉ ⲛⲛϩⲉⲑⲛⲟⲥ . ⲛⲁⲓ ⲛⲧⲁⲡⲛⲟⲩⲧⲉ ⲛⲟϫⲟⲩ ⲉⲃⲟⲗ ϩⲁⲑⲏ ⲛⲛⲉⲛⲉⲓⲟⲧⲉ ϣⲁϩⲣⲁⲓ ⲉⲛⲉϩⲟⲟⲩ ⲛⲇⲁⲩⲉⲓⲇ . | Ⲑⲁⲓ ⲉⲧⲁⲛⲉⲛⲓⲟϯ ⲉⲁⲩⲓ ⲙⲉⲛⲉⲛⲥⲁⲛ̀ϣⲟⲣⲡ ϭⲓⲧⲥ ⲉ̀ϧⲟⲩⲛ ⲛⲉⲙ ⲓⲏⲥⲟⲩⲥ ϧⲉⲛ ⲡ̀ⲁⲙⲁϩⲧⲉ ⲛ̀ⲛ̀ϩⲉⲑⲛⲟⲥ. Ⲛⲁⲓ ⲉ̀ⲧⲁ ⲫ̀ⲛⲟⲩϯ ⲛⲟϫⲟⲩ ⲉ̀ⲃⲟⲗ ϧⲁⲧ̀ϩⲏ ⲛ̀ⲛⲉⲛⲓⲟϯ ϣⲁϩⲣⲁⲓ ⲉⲛⲉⲉ̀ϩⲟⲟⲩ ⲛ̀ⲇⲁⲩⲓⲇ. | Ɵai etanenioti eavi menensaǹṡorp ċits èxoun nem iysous xen p̀amahte ǹǹheθnos. Nai èta f̀nouti nogou èvol xat̀·hy ǹnenioti ṡahrai eneèhoou ǹdavid. | which also our fathers, in their turn, brought in with Joshua when they entered into the possession of the nations, whom God drove out before the face of our fathers, to the days of David, |
|---|
| 7:46 | ⲡⲁⲓ ⲛⲧⲁϥϩⲉ ⲉⲩⲭⲁⲣⲓⲥ ⲙⲡⲉⲙⲧⲟ ⲉⲃⲟⲗ ⲙⲡⲛⲟⲩⲧⲉ . ⲁⲩⲱ ⲁϥⲁⲓⲧⲓ ⲉϭⲓⲛⲉ ⲛⲟⲩⲙⲁ ⲛϣⲱⲡⲉ ⲙⲡⲛⲟⲩⲧⲉ ⲛⲓⲁⲕⲱⲃ . | Ⲫⲁⲓ ⲉⲧⲁϥϫⲓⲙⲓ ⲉ̀ⲟⲩⲭⲁⲣⲓⲥ ⲛ̀ⲧⲉ ⲡ̀ⲙ̀ⲑⲟ ⲉ̀ⲃⲟⲗ ⲛ̀ⲫ̀ⲛⲟⲩϯ. Ⲟⲩⲟϩ ⲁϥⲁⲓⲧⲓ ⲉ̀ϫⲓⲙⲓ ⲛ̀ⲟⲩⲙⲁ ⲛ̀ϣⲱⲡⲓ ⲛ̀ⲫ̀ⲛⲟⲩϯ ⲛ̀ⲓⲁⲕⲱⲃ. | Fai etafjimi èouxaris ǹte p̀m̀θo èvol ǹf̀nouti. Ouoh afaiti èjimi ǹouma ǹṡōpi ǹf̀nouti ǹiakōb. | who found favor in the sight of God, and asked to find a habitation for the God of Jacob. |
|---|
| 7:47 | ⲥⲟⲗⲟⲙⲱⲛ ⲇⲉ ⲁϥⲕⲱⲧ ⲛⲁϥ ⲛⲟⲩⲏⲓ . | Ⲥⲟⲗⲟⲙⲱⲛ ⲇⲉ ⲁϥⲕⲱⲧ ⲛⲁϥ ⲛ̀ⲟⲩⲏⲓ. | Solomōn ḋe afkōt naf ǹouyi. | But Solomon built him a house. |
|---|
| 7:48 | ⲁⲗⲗⲁ ⲙⲉⲣⲉ ⲡⲉⲧϫⲟⲥⲉ ⲟⲩⲱϩ ϩⲛⲧⲁⲙⲓⲟ ⲛϭⲓϫ . ⲕⲁⲧⲁⲧϩⲉ ⲉⲧⲉⲣⲉⲡⲉⲡⲣⲟⲫⲏⲧⲏⲥ ϫⲱ ⲙⲙⲟⲥ | Ⲁⲗⲗⲁ ⲙⲉⲣⲉ ⲡⲉⲧϭⲟⲥⲓ ⲟⲩⲱϩ ϧⲉⲛ ⲑⲁⲙⲓⲟ ⲛ̀ϫⲓϫ. Ⲕⲁⲧⲁ ⲫ̀ⲣⲏϯ ⲉ̀ⲧⲉ ⲡⲓⲡ̀ⲣⲟⲫⲏⲧⲏⲥ ϫⲱ ⲙ̀ⲙⲟⲥ | Alla mere petċosi ouōh xen θamio ǹjig. Kata f̀ryti ète pip̀rofytys gō m̀mos | However, the Most High doesn't dwell in temples made with hands, as the prophet says, |
|---|
| 7:49 | ϫⲉⲧⲡⲉ ⲡⲉ ⲡⲁⲑⲣⲟⲛⲟⲥ ⲡⲕⲁϩ ⲡⲉ ⲡϩⲩⲡⲟⲡⲟⲇⲓⲟⲛ ⲛⲛⲁⲟⲩⲉⲣⲏⲧⲉ . ⲁϣ ⲛⲏⲓ ⲡⲉⲧⲉⲧⲛⲁⲕⲟⲧϥ ⲛⲁⲓ ⲡⲉϫⲉⲡϫⲟⲉⲓⲥ . ⲏⲁϣ ⲡⲉ ⲡⲁⲙⲁ ⲛⲙⲧⲟⲛ . | ϫⲉ ⲧ̀ⲫⲉ ⲡⲉ ⲡⲁⲑ̀ⲣⲟⲛⲟⲥ ⲡ̀ⲕⲁϩⲓ ⲡⲉ ⲡ̀ϩⲩⲡⲟⲡⲟⲇⲓⲟⲛ ⲛ̀ⲛⲁⲟⲩⲉⲣⲏⲧⲉ. Ⲁϣ ⲛⲏⲓ ⲡ̀ⲉⲧⲉⲧⲛⲁⲕⲟⲧϥ ⲛⲏⲓ ⲡⲉϫⲉⲡ̀ϭⲟⲓⲥ. Ⲓⲉⲁϣ ⲡⲉ ⲡⲁⲙⲁ ⲛ̀ⲙ̀ⲧⲟⲛ. | je t̀fe pe paθ̀ronos p̀kahi pe p̀hipopoḋion ǹnaoueryte. Aṡ nyi p̀etetnakotf nyi pejep̀ċois. Ieaṡ pe pama ǹm̀ton. | 'heaven is my throne, and the earth a footstool for my feet. What kind of house will you build me?' says the Lord; 'or what is the place of my rest? |
|---|
| 7:50 | ⲙⲏ ⲛⲧⲁϭⲓϫ ⲁⲛ ⲧⲉⲛⲧⲁⲥⲧⲁⲙⲓⲉ ⲛⲁⲓ ⲧⲏⲣⲟⲩ . | Ⲙⲏ ⲛ̀ⲧⲁϫⲓϫ ⲁⲛ ⲧⲉⲧⲁⲥⲧⲁⲙⲓⲉ ⲛⲏⲓ ⲧⲏⲣⲟⲩ. | My ǹtajig an tetastamie nyi tyrou. | Didn't my hand make all these things?' |
|---|
| 7:51 | ⲛⲛⲁϣⲧⲙⲁⲕϩ ⲁⲩⲱ ⲛⲁⲧⲥⲃⲃⲉ ϩⲙⲡⲉⲩϩⲏⲧ ⲙⲛⲛⲉⲩⲙⲁⲁϫⲉ . ⲛⲧⲱⲧⲛ ⲛⲟⲩⲟⲉⲓϣ ⲛⲓⲙ ⲉⲧⲉⲧⲛϯ ⲟⲩⲃⲉ ⲡⲉⲡⲛⲉⲩⲙⲁ ⲉⲧⲟⲩⲁⲁⲃ ⲛⲧϩⲉ ⲛⲛⲉⲧⲛⲉⲓⲟⲧⲉ ⲧⲁⲓ ϩⲱⲧⲧⲏⲩⲧⲛ ⲧⲉⲧⲛϩⲉ . | Ⲛ̀ⲛⲁϣⲧⲙⲁⲕϩ ⲟⲩⲟϩ ⲛⲁⲧ̀ⲥⲃⲃⲉ ϧⲉⲛ ⲡⲟⲩϩⲏⲧ ⲛⲉⲙ ⲛⲟⲩⲙⲁⲁϫⲉ. Ⲛ̀ⲑⲱⲧⲉⲛ ⲛ̀ⲥⲏⲟⲩ ⲛⲓⲃⲉⲛ ⲉⲧⲉⲧⲉⲛϯ ⲟⲩⲃⲉ ⲡⲓⲡ̀ⲛⲉⲩⲙⲁ ⲉⲑⲟⲩⲁⲃ ⲛ̀ⲫ̀ⲣⲏϯ ⲛ̀ⲛⲉⲧⲉⲛⲓⲟϯ ⲑⲁⲓ ϩⲱⲑⲏⲛⲟⲩ ⲡⲉⲧⲉⲛⲣⲏϯ. | Ǹnaṡtmak·h ouoh nat̀svve xen pouhyt nem noumaaje. Ǹθōten ǹsyou niven etetenti ouve pip̀nevma eθouab ǹf̀ryti ǹnetenioti θai hōθynou petenryti. | 'You stiff-necked and uncircumcised in heart and ears, you always resist the Holy Spirit! As your fathers did, so you do. |
|---|
| 7:52 | ⲛⲓⲙ ⲛⲛⲉⲡⲣⲟⲫⲏⲧⲏⲥ ⲛⲉⲧⲉⲙⲡⲉ ⲛⲉⲧⲛⲉⲓⲟⲧⲉ ⲡⲱⲧ ⲛⲥⲱⲟⲩ ⲛⲥⲉⲙⲟⲟⲩⲧⲟⲩ ⲛⲁⲓ ⲛⲧⲁⲩⲧⲁϣⲉⲟⲓϣ ⲙⲡⲇⲓⲕⲁⲓⲟⲥ ϫⲉϥⲛⲏⲩ ⲡⲁⲓ ⲛⲧⲱⲧⲛ ⲧⲉⲛⲟⲩ ⲛⲧⲁⲧⲉⲧⲛϣⲱⲡⲉ ⲛⲁϥ ⲙⲡⲣⲟⲇⲟⲧⲏⲥ ⲁⲩⲱ ⲛⲣⲉϥϩⲱⲧⲃ . | Ⲛⲓⲙ ⲛ̀ⲛⲓⲡⲣⲟⲫⲏⲧⲏⲥ ⲛ̀ⲉⲧⲉⲙⲡⲉ ⲛⲉⲧⲉⲛⲓⲟϯ ⲫⲱⲧ ⲛ̀ⲥⲱⲟⲩ ⲛ̀ⲧⲟⲩⲙⲟⲟⲩⲧⲟⲩ ⲛⲏⲓ ⲉⲧⲁⲩⲧⲁϣⲉⲟⲉⲓϣ ⲛ̀ⲡ̀ⲇⲓⲕⲉⲟⲥ ϫⲉ ϥ̀ⲛⲏⲟⲩ ⲫⲁⲓ ⲛ̀ⲑⲱⲧⲉⲛ ϯⲛⲟⲩ ⲉⲧⲁⲣⲉⲧⲉⲛϣⲱⲡⲓ ⲛⲁϥ ⲛ̀ⲡ̀ⲣⲟⲇⲟⲧⲏⲥ ⲟⲩⲟϩ ⲛ̀ⲣⲉϥϧⲱⲧⲉⲃ. | Nim ǹniprofytys ǹetempe netenioti fōt ǹsōou ǹtoumooutou nyi etavtaṡeoeiṡ ǹp̀ḋikeos je f̀nyou fai ǹθōten tinou etaretenṡōpi naf ǹp̀roḋotys ouoh ǹrefxōteb. | Which of the prophets didn't your fathers persecute? They killed those who foretold the coming of the Righteous One, of whom you have now become betrayers and murderers. |
|---|
| 7:53 | ⲛⲁⲓ ⲛⲧⲁⲧⲉⲧⲛϫⲓ ⲙⲡⲛⲟⲙⲟⲥ ⲉϩⲉⲛⲇⲓⲁⲧⲁⲅⲏ ⲛⲁⲅⲅⲉⲗⲟⲥ . ⲁⲩⲱ ⲙⲡⲉⲧⲛϩⲁⲣⲉϩ ⲉⲣⲟϥ . | Ⲛⲁⲓ ⲉⲧⲁⲣⲉⲧⲉⲛϭⲓ ⲛ̀ⲡ̀ⲛⲟⲙⲟⲥ ⲉ̀ϩⲁⲛⲇⲓⲁⲧⲁⲅⲏ ⲛ̀ⲁⲅⲅⲉⲗⲟⲥ. Ⲟⲩⲟϩ ⲛ̀ⲡⲉⲧⲉⲛϩⲁⲣⲉϩ ⲉ̀ⲣⲟϥ. | Nai etaretenċi ǹp̀nomos èhanḋiatagy ǹangelos. Ouoh ǹpetenhareh èrof. | You received the law as it was ordained by angels, and didn't keep it!' |
|---|
| 7:54 | ⲉⲩⲥⲱⲧⲙ ⲇⲉ ⲉⲛⲁⲓ ⲁⲩϭⲱⲛⲧ ⲛⲛⲉⲩϩⲏⲧ . ⲁⲩⲱ ⲁⲩϩⲣⲟϫⲣⲉϫ ⲛⲛⲉⲩⲟⲃϩⲉ ⲉϩⲟⲩⲛ ⲉⲣⲟϥ . | Ⲉⲩⲥⲱⲧⲉⲙ ⲇⲉ ⲉ̀ⲛⲁⲓ ⲁⲩϫⲱⲛⲧ ⲛ̀ⲛⲟⲩϩⲏⲧ. Ⲟⲩⲟϩ ⲁⲩϩⲣⲟϫⲣⲉϫ ⲛ̀ⲛⲟⲩⲟⲃϩⲉ ⲉ̀ϧⲟⲩⲛ ⲉ̀ⲣⲟϥ. | Evsōtem ḋe ènai avgōnt ǹnouhyt. Ouoh avhrogreg ǹnouovhe èxoun èrof. | Now when they heard these things, they were cut to the heart, and they gnashed at him with their teeth. |
|---|
| 7:55 | ⲉϥϫⲏⲕ ⲇⲉ ⲉⲃⲟⲗ ⲙⲡⲛⲉⲩⲙⲁ ⲉϥⲟⲩⲁⲁⲃ ⲁϥⲉⲓⲱⲣⲙ ⲉϩⲣⲁⲓ ⲉⲧⲡⲉ ⲁϥⲛⲁⲩ ⲉⲡⲉⲟⲟⲩ ⲙⲡⲛⲟⲩⲧⲉ . ⲁⲩⲱ ⲓⲏⲥⲟⲩⲥ ⲉϥⲁϩⲉⲣⲁⲧϥ ⲛⲥⲁⲟⲩⲛⲁⲙ ⲙⲡⲛⲟⲩⲧⲉ . | Ⲉϥϫⲏⲕ ⲇⲉ ⲉ̀ⲃⲟⲗ ⲛ̀ⲡ̀ⲛⲉⲩⲙⲁ ⲉϥⲟⲩⲁⲃ ⲁϥⲉⲓⲱⲣⲙ ⲉϩⲣⲁⲓ ⲉ̀ⲧ̀ⲫⲉ ⲁϥⲛⲁⲩ ⲉⲡ̀ⲱⲟⲩ ⲛ̀ⲫ̀ⲛⲟⲩϯ. Ⲟⲩⲟϩ ⲓⲏⲥⲟⲩⲥ ⲉϥⲁϩⲉⲣⲁⲧϥ ⲛ̀ⲥⲁⲟⲩⲓ̀ⲛⲁⲙ ⲛ̀ⲫ̀ⲛⲟⲩϯ. | Efjyk ḋe èvol ǹp̀nevma efouab afeiōrm ehrai èt̀fe afnav ep̀ōou ǹf̀nouti. Ouoh iysous efaheratf ǹsaouìnam ǹf̀nouti. | But he, being full of the Holy Spirit, looked up steadfastly into heaven, and saw the glory of God, and Jesus standing on the right hand of God, |
|---|
| 7:56 | ⲡⲉϫⲁϥ ϫⲉⲉⲓⲥϩⲏⲏⲧⲉ ϯⲛⲁⲩ ⲉⲙⲡⲏⲩⲉ ⲉⲩⲟⲩⲏⲛ . ⲁⲩⲱ ⲡϣⲏⲣⲉ ⲙⲡⲣⲱⲙⲉ ⲉϥⲁϩⲉⲣⲁⲧϥ ⲛⲥⲁⲟⲩⲛⲁⲙ ⲙⲡⲛⲟⲩⲧⲉ . | Ⲡⲉϫⲁϥ ϫⲉ ⲓⲥϩⲏⲡⲡⲉ ϯⲛⲁⲩ ⲉ̀ⲛ̀ⲫⲏⲟⲩⲓ̀ ⲉⲩⲟⲩⲏⲛ. Ⲟⲩⲟϩ ⲡ̀ϣⲏⲣⲓ ⲛ̀ⲡ̀ⲣⲱⲙⲓ ⲉϥⲁϩⲉⲣⲁⲧϥ ⲛ̀ⲥⲁⲟⲩⲓ̀ⲛⲁⲙ ⲛ̀ⲫ̀ⲛⲟⲩϯ. | Pegaf je is·hyppe tinav èǹfyouì evouyn. Ouoh p̀ṡyri ǹp̀rōmi efaheratf ǹsaouìnam ǹf̀nouti. | and said, 'Behold, I see the heavens opened, and the Son of Man standing at the right hand of God!' |
|---|
| 7:57 | ⲡⲗⲁⲟⲥ ⲇⲉ ⲛⲧⲉⲣⲉϥⲥⲱⲧⲙ ⲉⲛⲁⲓ ⲁⲩⲁϣⲕⲁⲕ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ . ⲁⲩϯⲧⲟⲟⲧⲟⲩ ⲉⲣⲛ ⲛⲉⲩⲙⲁⲁϫⲉ ⲁⲩⲱ ⲁⲩϯ ⲡⲉⲩⲟⲩⲟⲓ ϩⲓⲟⲩⲥⲟⲡ ⲉϩⲣⲁⲓ ⲉϫⲱϥ . | Ⲡⲓⲗⲁⲟⲥ ⲇⲉ ⲉ̀ⲧⲁϥⲥⲱⲧⲉⲙ ⲉ̀ⲛⲁⲓ ⲁⲩⲁϣⲕⲁⲕ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ. Ⲁⲩϯⲧⲟⲟⲧⲟⲩ ⲉⲣⲛ ⲛⲟⲩⲙⲁⲁϫⲉ ⲟⲩⲟϩ ⲁⲩϯ ⲡⲟⲩⲟⲩⲟⲓ ϩⲓ ⲟⲩⲥⲟⲡ ⲉϩⲣⲁⲓ ⲉ̀ϫⲱϥ. | Pilaos ḋe ètafsōtem ènai avaṡkak èvol xen ouniṡti ǹs̀my. Avtitootou ern noumaaje ouoh avti pououoi hi ousop ehrai ègōf. | But they cried out with a loud voice, and stopped their ears, and rushed at him with one accord. |
|---|
| 7:58 | ⲁⲩⲛⲟϫϥ ⲡⲃⲟⲗ ⲛⲧⲡⲟⲗⲓⲥ ⲁⲩϩⲓⲱⲛⲉ ⲉⲣⲟϥ . ⲁⲩⲱ ⲙⲙⲛⲧⲣⲉ ⲁⲩⲕⲱ ⲉϩⲣⲁⲓ ⲛⲛⲉⲩϩⲟⲓ ⲧⲉ ϩⲁⲣⲁⲧϥ ⲛⲟⲩϩⲣϣⲓⲣⲉ ⲉϣⲁⲩⲙⲟⲩⲧⲉ ⲉⲣⲟϥ ϫⲉⲥⲁⲩⲗⲟⲥ . | Ⲁⲩⲛⲟϫϥ ⲡ̀ⲃⲟⲗ ⲛ̀ⲧ̀ⲡⲟⲗⲓⲥ ⲁⲩϩⲓⲱⲛⲓ ⲉ̀ⲣⲟϥ. Ⲟⲩⲟϩ ⲛ̀ⲙⲉⲑⲣⲉ ⲁⲩⲭⲱ ⲉϩⲣⲁⲓ ⲛ̀ⲛⲟⲩϩⲟⲓ ⲧⲉ ϧⲁⲣⲁⲧϥ ⲛ̀ⲟⲩϩⲣϣⲓⲣⲉ ⲉϣⲁⲩⲙⲟⲩϯ ⲉ̀ⲣⲟϥ ϫⲉ ⲥⲁⲩⲗⲟⲥ. | Avnogf p̀vol ǹt̀polis avhiōni èrof. Ouoh ǹmeθre avkō ehrai ǹnouhoi te xaratf ǹouhrṡire eṡavmouti èrof je savlos. | They threw him out of the city, and stoned him. The witnesses placed their garments at the feet of a young man named Saul. |
|---|
| 7:59 | ⲁⲩⲱ ⲁⲩϩⲓⲱⲛⲉ ⲉⲥⲧⲉⲫⲁⲛⲟⲥ . ⲉϥⲉⲡⲓⲕⲁⲗⲉⲓ ⲉϥϫⲱ ⲙⲙⲟⲥ ϫⲉⲡϫⲟⲉⲓⲥ ⲓⲏⲥⲟⲩⲥ ϣⲉⲡ ⲡⲁⲡⲛⲉⲩⲙⲁ ⲉⲣⲟⲕ . | Ⲟⲩⲟϩ ⲁⲩϩⲓⲱⲛⲓ ⲉ̀ⲥ̀ⲧⲉⲫⲁⲛⲟⲥ. Ⲉϥⲉⲡⲓⲕⲁⲗⲉⲓ ⲉϥϫⲱ ⲙ̀ⲙⲟⲥ ϫⲉ ⲡ̀ϭⲟⲓⲥ ⲓⲏⲥⲟⲩⲥ ϣⲉⲡ ⲡⲁⲡ̀ⲛⲉⲩⲙⲁ ⲉ̀ⲣⲟⲕ. | Ouoh avhiōni ès̀tefanos. Efepikalei efgō m̀mos je p̀ċois iysous ṡep pap̀nevma èrok. | They stoned Stephen as he called out, saying, 'Lord Jesus, receive my spirit!' |
|---|
| 7:60 | ⲁϥⲕⲱⲗϫ ⲇⲉ ⲛⲛⲉϥⲡⲁⲧ ⲁϥⲁϣⲕⲁⲕ ⲉⲃⲟⲗ ϩⲛⲟⲩⲛⲟϭ ⲛⲥⲙⲏ ϫⲉⲡϫⲟⲉⲓⲥ ⲙⲡⲣⲱⲡ ⲉⲣⲟⲟⲩ ⲙⲡⲉⲓⲛⲟⲃⲉ . ⲛⲧⲉⲣⲉϥϫⲉ ⲡⲁⲓ ⲇⲉ ⲁϥⲛⲕⲟⲧⲕ . | Ⲁϥⲕⲱⲗϫ ⲇⲉ ⲛ̀ⲛⲉϥⲫⲁⲧ ⲁϥⲁϣⲕⲁⲕ ⲉ̀ⲃⲟⲗ ϧⲉⲛ ⲟⲩⲛⲓϣϯ ⲛ̀ⲥ̀ⲙⲏ ϫⲉ ⲡ̀ϭⲟⲓⲥ ⲙ̀ⲡⲉⲣⲱⲡ ⲉ̀ⲣⲱⲟⲩ ⲛ̀ⲡⲁⲓⲛⲟⲃⲓ. Ⲉ̀ⲧⲁϥϫⲉ ⲫⲁⲓ ⲇⲉ ⲁϥⲉⲛⲕⲟⲧ. | Afkōlg ḋe ǹneffat afaṡkak èvol xen ouniṡti ǹs̀my je p̀ċois m̀perōp èrōou ǹpainovi. Ètafje fai ḋe afenkot. | He kneeled down, and cried with a loud voice, 'Lord, don't hold this sin against them!' When he had said this, he fell asleep. |
|---|