| 22:1 | ϫⲉⲛⲣⲱⲙⲉ ⲛⲁⲥⲛⲏⲩ ⲁⲩⲱ ⲛⲁⲉⲓⲟⲧⲉ ⲥⲱⲧⲙ ⲉⲧⲁⲁⲡⲟⲗⲟⲅⲓⲁ ⲉⲧϣⲟⲟⲡ ⲧⲉⲛⲟⲩ ϣⲁⲣⲱⲧⲛ . | ϫⲉ ⲛ̀ⲣⲱⲙⲓ ⲛⲁⲥⲛⲏⲩ ⲟⲩⲟϩ ⲛⲁⲓⲟϯ ⲥⲱⲧⲉⲙ ⲉ̀ⲧⲁⲁⲡⲟⲗⲟⲅⲓⲁ ⲉⲧϣⲟⲡ ϯⲛⲟⲩ ϩⲁⲣⲱⲧⲉⲛ. | je ǹrōmi nasnyv ouoh naioti sōtem ètaapologia etṡop tinou harōten. | 'Brothers and fathers, listen to the defense which I now make to you.' |
|---|
| 22:2 | ⲛⲧⲉⲣⲟⲩⲥⲱⲧⲙ ⲇⲉ ϫⲉⲉϥⲛⲁϣⲁϫⲉ ⲛⲙⲙⲁⲩ ⲙⲙⲛⲧϩⲉⲃⲣⲁⲓⲟⲥ ⲁⲩⲕⲁⲣⲱⲟⲩ ⲛϩⲟⲩⲟ . ⲁⲩⲱ ⲡⲉϫⲁϥ | Ⲉⲧⲁⲩⲥⲱⲧⲉⲙ ⲇⲉ ϫⲉ ⲉϥⲛⲁⲥⲁϫⲓ ⲛⲉⲙⲁⲟⲩ ⲛ̀ⲙ̀ⲛⲧϩⲉⲃⲣⲁⲓⲟⲥ ⲁⲩⲭⲁⲣⲱⲟⲩ ⲛ̀ϩⲟⲩⲟ. Ⲟⲩⲟϩ ⲡⲉϫⲁϥ | Etavsōtem ḋe je efnasaji nemaou ǹm̀nt·hebraios avkarōou ǹhouo. Ouoh pegaf | When they heard that he spoke to them in the Hebrew language, they were even more quiet. He said, |
|---|
| 22:3 | ϫⲉⲁⲛⲅ ⲟⲩⲣⲱⲙⲉ ⲛⲓⲟⲩⲇⲁⲓ . ⲉⲁⲩϫⲡⲟⲓ ϩⲛⲧⲁⲣⲥⲟⲥ ⲛⲧⲕⲓⲗⲓⲕⲓⲁ ⲉⲁⲩⲥⲁⲛⲟⲩϣⲧ ⲇⲉ ϩⲛⲧⲉⲓⲡⲟⲗⲓⲥ ⲉⲁⲩⲡⲁⲓⲇⲉⲩⲉ ⲙⲙⲟⲓ ϩⲛⲟⲩⲱⲣϫ ϩⲁⲣⲁⲧϥ ⲛⲅⲁⲙⲁⲗⲓⲏⲗ ⲉⲃⲟⲗ ϩⲙⲡⲛⲟⲙⲟⲥ ⲛⲛⲁⲉⲓⲟⲧⲉ . ⲉⲓⲟ ⲛⲣⲉϥⲕⲱϩ ⲉⲡⲛⲟⲩⲧⲉ ⲕⲁⲧⲁⲧϩⲉ ⲉⲧⲉⲧⲛⲟ ⲙⲙⲟⲥ ⲙⲡⲟⲟⲩ ⲛⲧⲱⲧⲛ ⲧⲏⲣⲧⲛ . | ϫⲉ ⲁⲛⲟⲕ ⲟⲩⲣⲱⲙⲓ ⲛ̀ⲓⲟⲩⲇⲁⲓ. Ⲉⲁⲩϫⲫⲟⲓ ϧⲉⲛ ⲧⲁⲣⲥⲟⲥ ⲛ̀ⲧ̀ⲕⲓⲗⲓⲕⲓⲁ ⲉⲁⲩⲥⲁⲛⲟⲩϣⲧ ⲇⲉ ϧⲉⲛ ⲧⲁⲓⲡⲟⲗⲓⲥ ⲉⲁⲩⲡⲁⲓⲇⲉⲩⲉ ⲙ̀ⲙⲟⲓ ϧⲉⲛ ⲟⲩⲱⲣϫ ϧⲁⲣⲁⲧϥ ⲛ̀ⲅⲁⲙⲁⲗⲓⲏⲗ ⲉ̀ⲃⲟⲗ ϧⲉⲛ ⲡ̀ⲛⲟⲙⲟⲥ ⲛ̀ⲛⲁⲓⲟϯ. Ⲉⲓⲟⲓ ⲛ̀ⲣⲉϥⲭⲟϩ ⲉ̀ⲫ̀ⲛⲟⲩϯ ⲕⲁⲧⲁ ⲫ̀ⲣⲏϯ ⲉⲧⲉⲧⲉⲛⲟⲓ ⲙ̀ⲙⲟⲥ ⲛ̀ⲫⲟⲟⲩ ⲛ̀ⲑⲱⲧⲉⲛ ⲧⲏⲣⲧⲉⲛ. | je anok ourōmi ǹioudai. Eavgfoi xen tarsos ǹt̀kilikia eavsanouṡt ḋe xen taipolis eavpaiḋeve m̀moi xen ouōrg xaratf ǹġamaliyl èvol xen p̀nomos ǹnaioti. Eioi ǹrefkoh èf̀nouti kata f̀ryti etetenoi m̀mos ǹfoou ǹθōten tyrten. | 'I am indeed a Jew, born in Tarsus of Cilicia, but brought up in this city at the feet of Gamaliel, instructed according to the strict manner of the law of our fathers, being zealous for God, even as you all are this day. |
|---|
| 22:4 | ⲁⲓⲇⲓⲱⲕⲉ ⲛⲥⲁⲧⲉⲓϩⲓⲏ ϣⲁϩⲣⲁⲓ ⲉⲡⲙⲟⲩ . ⲉⲓⲙⲟⲩⲣ ⲛⲛⲣⲱⲙⲉ ⲁⲩⲱ ⲛⲉϩⲓⲟⲙⲉ ⲉⲓⲛⲟⲩϫⲉ ⲙⲙⲟⲟⲩ ⲉⲛⲉϣⲧⲉⲕⲱⲟⲩ . | Ⲁⲓⲉⲣⲇⲓⲱⲕⲓⲛ ⲛ̀ⲥⲁ ⲡⲁⲓⲙⲱⲓⲧ ϣⲁϩⲣⲁⲓ ⲉ̀ⲫ̀ⲙⲟⲩ. Ⲉⲓⲙⲟⲩⲣ ⲛ̀ⲛ̀ⲣⲱⲙⲓ ⲟⲩⲟϩ ⲛ̀ϩⲓⲟⲙⲓ ⲉⲓⲛⲟⲩϫⲉ ⲙ̀ⲙⲱⲟⲩ ⲉ̀ⲛⲉϣⲧⲉⲕⲱⲟⲩ. | Aierḋiōkin ǹsa paimōit ṡahrai èf̀mou. Eimour ǹǹrōmi ouoh ǹhiomi einouje m̀mōou èneṡtekōou. | I persecuted this Way to the death, binding and delivering into prisons both men and women. |
|---|
| 22:5 | ⲛⲧϩⲉ ⲟⲛ ⲉⲣⲉⲡⲁⲣⲭⲓⲉⲣⲉⲩⲥ ⲣⲙⲛⲧⲣⲉ ⲛⲁⲓ ⲙⲛⲛⲉⲡⲣⲉⲥⲃⲩⲧⲉⲣⲟⲥ . ⲛⲁⲓ ⲛⲧⲁⲓϫⲓ ⲛϩⲉⲛⲉⲡⲓⲥⲧⲟⲗⲏ ⲛⲧⲟⲟⲧⲟⲩ . ⲁⲓⲃⲱⲕ ⲉⲇⲁⲙⲁⲥⲕⲟⲥ ⲉⲧⲣⲁⲉⲓⲛⲉ ⲟⲛ ⲛⲛⲉⲧⲙⲙⲁⲩ ⲉⲧϩⲓⲉⲣⲟⲥⲟⲗⲩⲙⲁ ϫⲉⲕⲁⲁⲥ ⲉⲩⲉⲧⲓⲙⲱⲣⲓ ⲙⲙⲟⲟⲩ . | Ⲛ̀ⲫ̀ⲣⲏϯ ⲟⲛ ⲉ̀ⲣⲉ ⲡⲓⲁⲣⲭⲓⲉ̀ⲣⲉⲩⲥ ⲉⲣⲙⲉⲑⲣⲉ ⲛⲏⲓ ⲛⲉⲙ ⲛ̀ⲡ̀ⲣⲉⲥⲃⲩⲧⲉⲣⲟⲥ. Ⲛⲁⲓ ⲉⲧⲁⲓϭⲓ ⲛ̀ϩⲁⲛⲉⲡⲓⲥⲧⲟⲗⲏ ⲛ̀ⲧⲟⲧⲟⲩ. Ⲁⲓⲃⲱⲕ ⲉ̀ⲇⲁⲙⲁⲥⲕⲟⲥ ⲉ̀ⲑⲣⲁⲓ̀ⲛⲓ ⲟⲛ ⲛ̀ⲛⲉ̀ⲧⲉ ⲙ̀ⲙⲁⲩ ⲉ̀ⲧ̀ϩⲓⲉⲣⲟⲥⲟⲗⲩⲙⲁ ϩⲓⲛⲁ ⲉⲩⲉ̀ⲧⲓⲙⲱⲣⲉⲓ ⲙ̀ⲙⲱⲟⲩ. | Ǹf̀ryti on ère piarṡièrevs ermeθre nyi nem ǹp̀resbiteros. Nai etaiċi ǹhanepistoly ǹtotou. Aivōk èdamaskos èθraìni on ǹnète m̀mav èt̀·hierosolima hina evètimōrei m̀mōou. | As also the high priest and all the council of the elders testify, from whom also I received letters to the brothers, and traveled to Damascus to bring them also who were there to Jerusalem in bonds to be punished. |
|---|
| 22:6 | ⲁⲥϣⲱⲡⲉ ⲇⲉ ⲙⲙⲟⲓ ⲉⲓⲙⲟⲟϣⲉ . ⲛⲧⲉⲣⲉⲓϩⲱⲛ ⲉϩⲟⲩⲛ ⲉⲇⲁⲙⲁⲥⲕⲟⲥ ⲙⲡⲛⲟⲩ ⲙⲙⲉⲉⲣⲉ . ⲁⲩⲛⲟϭ ⲛⲟⲩⲟⲉⲓⲛ ϣⲁⲉϩⲣⲁⲓ ⲉϫⲱⲓ ϩⲛⲟⲩϣⲥⲛⲉ ⲉⲃⲟⲗ ϩⲛⲧⲡⲉ . | Ⲁⲥϣⲱⲡⲓ ⲇⲉ ⲙ̀ⲙⲟⲓ ⲉⲓⲙⲟϣⲓ. Ⲉ̀ⲧⲁⲓϩⲱⲛ ⲉ̀ϧⲟⲩⲛ ⲉ̀ⲇⲁⲙⲁⲥⲕⲟⲥ ⲛ̀ⲡ̀ⲛⲟⲩⲓ ⲛ̀ⲙⲉⲣⲓ. Ⲁ̀ⲟⲩⲛⲓϣϯ ⲛ̀ⲟⲩⲱⲓⲛⲓ ϣⲁ ⲉϩⲣⲁⲓ ⲉ̀ϫⲱⲓ ϧⲉⲛ ⲟⲩϣⲥⲛⲉ ⲉ̀ⲃⲟⲗ ϧⲉⲛ ⲧ̀ⲫⲉ. | Asṡōpi ḋe m̀moi eimoṡi. Ètaihōn èxoun èdamaskos ǹp̀noui ǹmeri. Àouniṡti ǹouōini ṡa ehrai ègōi xen ouṡsne èvol xen t̀fe. | It happened that, as I made my journey, and came close to Damascus, about noon, suddenly there shone from the sky a great light around me. |
|---|
| 22:7 | ⲁⲓϩⲉ ⲇⲉ ⲉϩⲣⲁⲓ ⲉϫⲙⲡⲕⲁϩ . ⲁⲩⲱ ⲁⲓⲥⲱⲧⲙ ⲉⲩⲥⲙⲏ ⲉⲥϫⲱ ⲙⲙⲟⲥ ⲛⲁⲓ ϫⲉⲥⲁⲩⲗⲉ ⲥⲁⲩⲗⲉ ⲁϩⲣⲟⲕ ⲕⲡⲏⲧ ⲛⲥⲱⲓ . | Ⲁⲓϩⲉⲓ ⲇⲉ ⲉϩⲣⲁⲓ ⲉ̀ϫⲉⲛ ⲡ̀ⲕⲁϩⲓ. Ⲟⲩⲟϩ ⲁⲓⲥⲱⲧⲉⲙ ⲉ̀ⲟⲩⲥ̀ⲙⲏ ⲉⲥϫⲱ ⲙ̀ⲙⲟⲥ ⲛⲏⲓ ϫⲉ ⲥⲁⲩⲗⲉ ⲥⲁⲩⲗⲉ ⲁϩⲣⲟⲕ ⲕ̀ⲫⲏⲧ ⲛ̀ⲥⲱⲓ. | Aihei ḋe ehrai èjen p̀kahi. Ouoh aisōtem èous̀my esgō m̀mos nyi je savle savle ahrok k̀fyt ǹsōi. | I fell to the ground, and heard a voice saying to me, 'Saul, Saul, why are you persecuting me?' |
|---|
| 22:8 | ⲁⲛⲟⲕ ⲇⲉ ⲁⲓⲟⲩⲱϣⲃ ϫⲉⲛⲧⲕ ⲛⲓⲙ ⲡϫⲟⲉⲓⲥ . ⲡⲉϫⲁϥ ⲛⲁⲓ ϫⲉⲁⲛⲟⲕ ⲡⲉ ⲓⲏⲥⲟⲩⲥ ⲡⲛⲁⲍⲱⲣⲁⲓⲟⲥ ⲡⲉⲧⲕⲡⲏⲧ ⲛⲥⲱϥ . | Ⲁⲛⲟⲕ ⲇⲉ ⲁⲓⲉⲣⲟⲩⲱ ϫⲉ ⲛⲧⲕ ⲛⲓⲙ ⲡ̀ϭⲟⲓⲥ. Ⲡⲉϫⲁϥ ⲛⲏⲓ ϫⲉ ⲁⲛⲟⲕ ⲡⲉ ⲓⲏⲥⲟⲩⲥ ⲡ̀ⲛⲁⲍⲱⲣⲁⲓⲟⲥ ⲡⲉⲧⲕⲫⲏⲧ ⲛ̀ⲥⲱϥ. | Anok ḋe aierouō je ntk nim p̀ċois. Pegaf nyi je anok pe iysous p̀nazōraios petkfyt ǹsōf. | I answered, 'Who are you, Lord?' He said to me, 'I am Jesus of Nazareth, whom you persecute.' |
|---|
| 22:9 | ⲛⲉⲧⲙⲟⲟϣⲉ ⲇⲉ ⲛⲙⲙⲁⲓ ⲁⲩⲛⲁⲩ ⲉⲡⲟⲩⲟⲉⲓⲛ ⲁⲩⲱ ⲁⲩϣⲱⲡⲉ ϩⲛⲟⲩϩⲟⲧⲉ . ⲙⲡⲟⲩⲥⲱⲧⲙ ⲇⲉ ⲉⲧⲉⲥⲙⲏ ⲙⲡⲉⲧϣⲁϫⲉ ⲛⲙⲙⲁⲓ . | Ⲛⲉⲧⲙⲟϣⲓ ⲇⲉ ⲛⲉⲙⲏⲓ ⲁⲩⲛⲁⲩ ⲉ̀ⲫ̀ⲟⲩⲱⲓⲛⲓ ⲟⲩⲟϩ ⲁⲩϣⲱⲡⲓ ϧⲉⲛ ⲟⲩϩⲟϯ. Ⲛ̀ⲧⲉ ⲡⲟⲩⲥⲱⲧⲉⲙ ⲇⲉ ⲉ̀ⲧⲥ̀ⲙⲏ ⲛ̀ⲡⲉⲧⲥⲁϫⲓ ⲛⲉⲙⲏⲓ. | Netmoṡi ḋe nemyi avnav èf̀ouōini ouoh avṡōpi xen ouhoti. Ǹte pousōtem ḋe èts̀my ǹpetsaji nemyi. | 'Those who were with me indeed saw the light and were afraid, but they didn't understand the voice of him who spoke to me. |
|---|
| 22:10 | ⲡⲉϫⲁⲓ ϫⲉⲡϫⲟⲉⲓⲥ ⲟⲩ ⲡⲉϯⲛⲁⲁⲁϥ . ⲡⲉϫⲁϥ ⲛⲁⲓ ϫⲉⲧⲱⲟⲩⲛ ⲛⲅⲃⲱⲕ ⲉϩⲟⲩⲛ ⲉⲇⲁⲙⲁⲥⲕⲟⲥ . ⲁⲩⲱ ⲥⲉⲛⲁϣⲁϫⲉ ⲛⲙⲙⲁⲕ ϩⲙⲡⲙⲁ ⲉⲧⲙⲙⲁⲩ ⲉⲧⲃⲉϩⲱⲃ ⲛⲓⲙ ⲛⲧⲁⲓⲧⲟϣⲟⲩ ⲛⲁⲕ ⲉⲁⲁⲩ . | Ⲡⲉϫⲁⲓ ϫⲉ ⲡ̀ϭⲟⲓⲥ ⲟⲩ ⲡⲉϯⲛⲁⲁⲓϥ. Ⲡⲉϫⲁϥ ⲛⲏⲓ ϫⲉ ⲧⲱⲟⲩⲛ ⲛ̀ⲧⲉⲕⲃⲱⲕ ⲉ̀ϧⲟⲩⲛ ⲉ̀ⲇⲁⲙⲁⲥⲕⲟⲥ. Ⲟⲩⲟϩ ⲥⲉⲛⲁⲥⲁϫⲓ ⲛⲉⲙⲁⲕ ϧⲉⲛ ⲡ̀ⲙⲁ ⲉ̀ⲧⲉ ⲙ̀ⲙⲁⲩ ⲉⲑⲃⲉ ϩⲱⲃ ⲛⲓⲃⲉⲛ ⲉⲧⲁⲓⲑⲁϣⲟⲩ ⲛⲁⲕ ⲉⲁⲓⲟⲩ. | Pegai je p̀ċois ou petinaaif. Pegaf nyi je tōoun ǹtekvōk èxoun èdamaskos. Ouoh senasaji nemak xen p̀ma ète m̀mav eθve hōb niven etaiθaṡou nak eaiou. | I said, 'What shall I do, Lord?' The Lord said to me, 'Arise, and go into Damascus. There you will be told about all things which are appointed for you to do.' |
|---|
| 22:11 | ⲛⲧⲉⲣⲓⲧⲱⲟⲩⲛ ⲇⲉ ⲁⲓⲗⲟ ⲉⲓⲛⲁⲩ ⲉⲃⲟⲗ ϩⲁⲡⲉⲟⲟⲩ ⲙⲡⲟⲩⲟⲉⲓⲛ ⲉⲧⲙⲙⲁⲩ . ⲁⲩϫⲓ ⲙⲟⲉⲓⲧ ⲇⲉ ϩⲏⲧ ⲛϭⲓⲛⲉⲧⲛⲙⲙⲁⲓ ⲁⲓⲃⲱⲕ ⲉϩⲟⲩⲛ ⲉⲇⲁⲙⲁⲥⲕⲟⲥ . | Ⲉ̀ⲧⲁⲓⲧⲱⲟⲩⲛ ⲇⲉ ⲁⲓⲗⲟ ⲉⲓⲛⲁⲩ ⲉ̀ⲃⲟⲗ ϧⲁ ⲡ̀ⲱ̀ⲟⲩ ⲛ̀ⲫ̀ⲟⲩⲱⲓⲛⲓ ⲉ̀ⲧⲉ ⲙ̀ⲙⲁⲩ. Ⲁⲩϭⲓ ⲙⲱⲓⲧ ⲇⲉ ϩⲏⲧ ⲛ̀ϫⲉ ⲛⲉⲧⲛⲉⲙⲏⲓ ⲁⲓⲃⲱⲕ ⲉ̀ϧⲟⲩⲛ ⲉ̀ⲇⲁⲙⲁⲥⲕⲟⲥ. | Ètaitōoun ḋe ailo einav èvol xa p̀ṑou ǹf̀ouōini ète m̀mav. Avċi mōit ḋe hyt ǹje netnemyi aivōk èxoun èdamaskos. | When I couldn't see for the glory of that light, being led by the hand of those who were with me, I came into Damascus. |
|---|
| 22:12 | ⲟⲩⲣⲱⲙⲉ ⲇⲉ ϫⲉⲁⲛⲁⲛⲓⲁⲥ ⲟⲩⲣⲉϥⲣϩⲟⲧⲉ ⲕⲁⲧⲁⲡⲛⲟⲙⲟⲥ . ⲉⲩⲣⲙⲛⲧⲣⲉ ϩⲁⲣⲟϥ ⲛϭⲓⲛⲓⲟⲩⲇⲁⲓ ⲧⲏⲣⲟⲩ ⲉⲧⲟⲩⲏϩ ϩⲛⲇⲁⲙⲁⲥⲕⲟⲥ . | Ⲟⲩⲣⲱⲙⲓ ⲇⲉ ϫⲉ ⲁ̀ⲛⲁⲛⲓⲁⲥ ⲟⲩⲣⲉϥⲉⲣϩⲟϯ ⲕⲁⲧⲁ ⲡ̀ⲛⲟⲙⲟⲥ. Ⲉⲩⲉⲣⲙⲉⲑⲣⲉ ϧⲁⲣⲟϥ ⲛ̀ϫⲉ ⲛⲓⲟⲩⲇⲁⲓ ⲧⲏⲣⲟⲩ ⲉⲧⲟⲩⲏϩ ϧⲉⲛ ⲇⲁⲙⲁⲥⲕⲟⲥ. | Ourōmi ḋe je ànanias oureferhoti kata p̀nomos. Evermeθre xarof ǹje nioudai tyrou etouyh xen damaskos. | One Ananias, a devout man according to the law, well reported of by all the Jews who lived in Damascus, |
|---|
| 22:13 | ⲁϥⲉⲓ ϣⲁⲣⲟⲓ ⲁϥⲁϩⲉⲣⲁⲧϥ ϩⲓϫⲱⲓ ⲡⲉϫⲁϥ ⲛⲁⲓ . ϫⲉⲥⲁⲩⲗⲉ ⲡⲁⲥⲟⲛ ⲁⲛⲁⲩ ⲉⲃⲟⲗ . ⲁⲛⲟⲕ ⲇⲉ ⲛⲧⲉⲩⲛⲟⲩ ⲉⲧⲙⲙⲁⲩ ⲁⲛⲁⲩ ⲉⲃⲟⲗ . | Ⲁϥⲓ̀ ϩⲁⲣⲟⲓ ⲁϥⲁϩⲉⲣⲁⲧϥ ϩⲓϫⲱⲓ ⲡⲉϫⲁϥ ⲛⲏⲓ. Ϫⲉ ⲥⲁⲩⲗⲉ ⲡⲁⲥⲟⲛ ⲛⲁⲛⲁⲩ ⲉ̀ⲃⲟⲗ. Ⲁⲛⲟⲕ ⲇⲉ ⲛ̀ϯⲟⲩⲛⲟⲩ ⲉ̀ⲧⲉ ⲙ̀ⲙⲁⲩ ⲁ̀ⲛⲁⲩ ⲉ̀ⲃⲟⲗ. | Afì haroi afaheratf higōi pegaf nyi. Je savle pason nanav èvol. Anok ḋe ǹtiounou ète m̀mav ànav èvol. | came to me, and standing by me said to me, 'Brother Saul, receive your sight!' In that very hour I looked up at him. |
|---|
| 22:14 | ⲛⲧⲟϥ ⲇⲉ ⲡⲉϫⲁϥ ⲛⲁⲓ ϫⲉⲡⲛⲟⲩⲧⲉ ⲛⲛⲉⲛⲉⲓⲟⲧⲉ ⲁϥⲛⲉϩⲕ ⲉⲃⲟⲗ ⲉⲥⲟⲩⲛ ⲡⲉϥⲟⲩⲱϣ . ⲁⲩⲱ ⲉⲛⲁⲩ ⲉⲡⲇⲓⲕⲁⲓⲟⲥ . ⲁⲩⲱ ⲉⲥⲱⲧⲙ ⲉⲩⲥⲙⲏ ⲉⲃⲟⲗ ϩⲛⲣⲱϥ . | Ⲛ̀ⲑⲟϥ ⲇⲉ ⲡⲉϫⲁϥ ⲛⲏⲓ ϫⲉ ⲫ̀ⲛⲟⲩϯ ⲛ̀ⲛⲉⲛⲓⲟϯ ⲁϥⲛⲉϩⲕ ⲉ̀ⲃⲟⲗ ⲉⲥⲟⲩⲟⲛ ⲡⲉϥⲟⲩⲱϣ. Ⲟⲩⲟϩ ⲉⲛⲁⲩ ⲉ̀ⲡ̀ⲇⲓⲕⲉⲟⲥ. Ⲟⲩⲟϩ ⲉ̀ⲥⲱⲧⲉⲙ ⲉ̀ⲟⲩⲥ̀ⲙⲏ ⲉ̀ⲃⲟⲗ ϧⲉⲛ ⲣⲱϥ. | Ǹθof ḋe pegaf nyi je f̀nouti ǹnenioti afnehk èvol esouon pefouōṡ. Ouoh enav èp̀ḋikeos. Ouoh èsōtem èous̀my èvol xen rōf. | He said, 'The God of our fathers has appointed you to know his will, and to see the Righteous One, and to hear a voice from his mouth. |
|---|
| 22:15 | ϫⲉⲕⲛⲁϣⲱⲡⲉ ⲛⲁϥ ⲙⲙⲛⲧⲣⲉ ⲛⲛⲁϩⲣⲛⲣⲱⲙⲉ ⲛⲓⲙ ⲛⲛⲉⲛⲧⲁⲕⲛⲁⲩ ⲉⲣⲟⲟⲩ ⲁⲩⲱ ⲁⲕⲥⲟⲧⲙⲟⲩ . | Ϫⲉ ⲕ̀ⲛⲁϣⲱⲡⲓ ⲛⲁϥ ⲛ̀ⲙⲉⲑⲣⲉ ⲛ̀ⲣⲱⲙⲓ ⲛⲓⲃⲉⲛ ⲛ̀ⲛⲉⲧⲁⲕⲛⲁⲩ ⲉ̀ⲣⲱⲟⲩ ⲟⲩⲟϩ ⲁⲕⲥⲟⲑⲙⲟⲩ. | Je k̀naṡōpi naf ǹmeθre ǹrōmi niven ǹnetaknav èrōou ouoh ak·soθmou. | For you will be a witness for him to all men of what you have seen and heard. |
|---|
| 22:16 | ⲧⲉⲛⲟⲩ ϭⲉ ⲟⲩ ⲡⲉⲧⲕⲛⲁⲁⲁϥ ⲧⲱⲟⲩⲛ ⲛⲅϫⲓⲃⲁⲡⲧⲓⲥⲙⲁ ⲛⲅⲉⲓⲱ ⲉⲃⲟⲗ ⲛⲛⲉⲕⲛⲟⲃⲉ ⲁⲩⲱ ⲛⲅⲉⲡⲓⲕⲁⲗⲉⲓ ⲙⲡⲉϥⲣⲁⲛ . | Ϯⲛⲟⲩ ⲟⲩⲛ ⲟⲩ ⲡⲉⲧⲕⲛⲁⲁⲓϥ ⲧⲱⲟⲩⲛ ⲛ̀ⲧⲉⲕϫⲓⲃⲁⲡⲧⲓⲥⲙⲁ ⲛ̀ⲧⲉⲕⲉⲓⲱ ⲉ̀ⲃⲟⲗ ⲛ̀ⲛⲉⲕⲛⲟⲃⲓ ⲟⲩⲟϩ ⲛ̀ⲧⲉⲕⲉⲡⲓⲕⲁⲗⲉⲓ ⲛ̀ⲡⲉϥⲣⲁⲛ. | Tinou oun ou petknaaif tōoun ǹtekjibaptisma ǹtekeiō èvol ǹneknovi ouoh ǹtekepikalei ǹpefran. | Now why do you wait? Arise, be baptized, and wash away your sins, calling on the name of the Lord.' |
|---|
| 22:17 | ⲁⲥϣⲱⲡⲉ ⲛⲧⲉⲣⲓⲕⲧⲟⲓ ⲉⲧϩⲓⲉⲣⲟⲥⲟⲗⲩⲙⲁ . ⲁⲩⲱ ⲉⲓϣⲗⲏⲗ ϩⲙⲡⲉⲣⲡⲉ . ⲁⲓϣⲱⲡⲉ ϩⲛⲟⲩⲉⲕⲥⲧⲁⲥⲓⲥ . | Ⲁⲥϣⲱⲡⲓ ⲉ̀ⲧⲁⲓⲕⲧⲟⲓ ⲉ̀ⲧ̀ϩⲓⲉⲣⲟⲥⲟⲗⲩⲙⲁ. Ⲟⲩⲟϩ ⲉⲓϣ̀ⲗⲏⲗ ϧⲉⲛ ⲡ̀ⲉⲣⲫⲉⲓ. Ⲁⲓϣⲱⲡⲓ ϧⲉⲛ ⲟⲩⲉⲕⲥⲧⲁⲥⲓⲥ. | Asṡōpi ètaiktoi èt̀·hierosolima. Ouoh eiṡ̀lyl xen p̀erfei. Aiṡōpi xen ouek·stasis. | 'It happened that, when I had returned to Jerusalem, and while I prayed in the temple, I fell into a trance, |
|---|
| 22:18 | ⲁⲛⲁⲩ ⲉⲣⲟϥ ⲉϥϫⲱ ⲙⲙⲟⲥ ⲛⲁⲓ ϫⲉϭⲉⲡⲏ ⲁⲙⲟⲩ ⲉⲃⲟⲗ ϩⲛⲧϩⲓⲉⲣⲟⲥⲟⲗⲩⲙⲁ . ϫⲉⲥⲉⲛⲁϫⲓ ⲙⲛⲧⲙⲛⲧⲣⲉ ⲁⲛ ⲛⲧⲟⲟⲧⲕ ⲉⲧⲃⲏⲏⲧ . | Ⲁ̀ⲛⲁⲩ ⲉ̀ⲣⲟϥ ⲉϥϫⲱ ⲙ̀ⲙⲟⲥ ⲛⲏⲓ ϫⲉ ϭⲉⲡⲏ ⲁ̀ⲙⲟⲩ ⲉ̀ⲃⲟⲗ ϧⲉⲛ ⲧ̀ϩⲓⲉⲣⲟⲥⲟⲗⲩⲙⲁ. Ϫⲉ ⲥⲉⲛⲁϭⲓ ⲛⲉⲙ ⲧ̀ⲙⲉⲑⲣⲉ ⲁⲛ ⲛ̀ⲧⲟⲧⲕ ⲉⲧⲃⲏⲏⲧ. | Ànav èrof efgō m̀mos nyi je ċepy àmou èvol xen t̀·hierosolima. Je senaċi nem t̀meθre an ǹtotk etvyyt. | and saw him saying to me, 'Hurry and get out of Jerusalem quickly, because they will not receive testimony concerning me from you.' |
|---|
| 22:19 | ⲁⲛⲟⲕ ϩⲱ ⲡⲉϫⲁⲓ ϫⲉⲡϫⲟⲉⲓⲥ ⲛⲧⲟⲟⲩ ⲥⲉⲥⲟⲟⲩⲛ ϫⲉⲁⲛⲟⲕ ⲡⲉ ⲛⲉⲓⲱⲧⲡ ⲉϩⲟⲩⲛ ⲁⲩⲱ ⲉⲧϩⲓⲟⲩⲉ ϩⲛⲛⲥⲩⲛⲁⲅⲱⲅⲏ ⲛⲛⲉⲧⲡⲓⲥⲧⲉⲩⲉ ⲉⲣⲟⲕ . | Ⲁⲛⲟⲕ ϩⲱ ⲡⲉϫⲁⲓ ϫⲉ ⲡ̀ϭⲟⲓⲥ ⲛ̀ⲑⲱⲟⲩ ⲥⲉⲥⲱⲟⲩⲛ ϫⲉ ⲁⲛⲟⲕ ⲡⲉ ⲛⲁⲓⲱⲧⲡ ⲉ̀ϧⲟⲩⲛ ⲟⲩⲟϩ ⲉⲧϩⲓⲟⲩⲓ̀ ϧⲉⲛ ⲛ̀ⲥⲩⲛⲁⲅⲱⲅⲏ ⲛ̀ⲛⲉⲧⲡⲓⲥⲧⲉⲩⲉ ⲉ̀ⲣⲟⲕ. | Anok hō pegai je p̀ċois ǹθōou sesōoun je anok pe naiōtp èxoun ouoh et·hiouì xen ǹsinaġōgy ǹnetpisteve èrok. | I said, 'Lord, they themselves know that I imprisoned and beat in every synagogue those who believed in you. |
|---|
| 22:20 | ⲁⲩⲱ ⲟⲛ ⲉⲩⲛⲁⲡⲱϩⲧ ⲉⲃⲟⲗ ⲙⲡⲉⲥⲛⲟϥ ⲛⲥⲧⲉⲫⲁⲛⲟⲥ ⲡⲉⲕⲙⲛⲧⲣⲉ . ⲁⲛⲟⲕ ϩⲱ ⲛⲉⲓⲁϩⲉⲣⲁⲧ ⲉⲓⲥⲩⲛⲉⲩⲇⲟⲕⲓ ⲁⲩⲱ ⲉⲓϩⲁⲣⲉϩ ⲉⲛϩⲟⲓⲧⲉ ⲛⲛⲉⲧⲛⲁϩⲱⲧⲃ ⲙⲙⲟϥ . | Ⲟⲩⲟϩ ⲟⲛ ⲉⲩⲛⲁⲡⲱϩⲧ ⲉ̀ⲃⲟⲗ ⲛ̀ⲡ̀ⲥ̀ⲛⲟϥ ⲛ̀ⲥ̀ⲧⲉⲫⲁⲛⲟⲥ ⲡⲉⲕⲙⲉⲑⲣⲉ. Ⲁⲛⲟⲕ ϩⲱ ⲛⲁⲓⲁϩⲉⲣⲁⲧ ⲉⲓⲥⲩⲛⲉⲩⲇⲟⲕⲓ ⲟⲩⲟϩ ⲉⲓⲁ̀ⲣⲉϩ ⲉ̀ⲛ̀ϩⲟⲓⲧⲉ ⲛ̀ⲛⲉⲧⲛⲁϧⲱⲧⲉⲃ ⲙ̀ⲙⲟϥ. | Ouoh on evnapōht èvol ǹp̀·s̀nof ǹs̀tefanos pekmeθre. Anok hō naiaherat eisinevḋoki ouoh eiàreh èǹhoite ǹnetnaxōteb m̀mof. | When the blood of Stephen, your witness, was shed, I also was standing by, and consenting to his death, and guarding the cloaks of those who killed him.' |
|---|
| 22:21 | ⲡⲉϫⲁϥ ⲛⲁⲓ ϫⲉⲃⲱⲕ ϫⲉⲉⲓⲛⲁϫⲟⲟⲩⲕ ⲁⲛⲟⲕ ⲉϩⲉⲛϩⲉⲑⲛⲟⲥ ⲉⲩⲟⲩⲏⲩ . | Ⲡⲉϫⲁϥ ⲛⲏⲓ ϫⲉ ⲃⲱⲕ ϫⲉ ⲉⲓⲛⲁϫⲟⲟⲩⲕ ⲁⲛⲟⲕ ⲉ̀ϩⲁⲛϩⲉⲑⲛⲟⲥ ⲉⲩⲟⲩⲏⲟⲩ. | Pegaf nyi je vōk je einagoouk anok èhanheθnos evouyou. | 'He said to me, 'Depart, for I will send you out far from here to the Gentiles.'' |
|---|
| 22:22 | ⲁⲩⲥⲱⲧⲙ ⲇⲉ ⲉⲣⲟϥ ⲛϭⲓⲙⲙⲏⲏϣⲉ ϣⲁⲡⲉⲓϣⲁϫⲉ . ⲁⲩⲱ ⲁⲩϥⲓϩⲣⲁⲩ ⲉⲃⲟⲗ ⲉⲩϫⲱ ⲙⲙⲟⲥ ϫⲉϥⲓ ⲡⲁⲓ ⲛⲧⲉⲓⲙⲓⲛⲉ ⲉⲃⲟⲗ ϩⲓϫⲙⲡⲕⲁϩ . ⲛϣϣⲉ ⲅⲁⲣ ⲁⲛ ⲉⲣⲟϥ ⲉⲱⲛϩ . | Ⲁⲩⲥⲱⲧⲉⲙ ⲇⲉ ⲉ̀ⲣⲟϥ ⲛ̀ϫⲉ ⲛ̀ⲙⲏϣ ϣⲁ ⲡⲁⲓⲥⲁϫⲓ. Ⲟⲩⲟϩ ⲁⲩϥⲁⲓϩⲣⲁⲟⲩ ⲉ̀ⲃⲟⲗ ⲉⲩϫⲱ ⲙ̀ⲙⲟⲥ ϫⲉ ϥⲓ ⲫⲁⲓ ⲛ̀ⲧⲁⲓ̀ⲙⲓⲛⲉ ⲉ̀ⲃⲟⲗ ϩⲓϫⲉⲛ ⲡ̀ⲕⲁϩⲓ. Ⲛ̀ⲥ̀ϣⲉ ⲅⲁⲣ ⲁⲛ ⲉ̀ⲣⲟϥ ⲉⲱⲛϧ. | Avsōtem ḋe èrof ǹje ǹmyṡ ṡa paisaji. Ouoh avfaihraou èvol evgō m̀mos je fi fai ǹtaìmine èvol hijen p̀kahi. Ǹs̀ṡe ġar an èrof eōnx. | They listened to him until he said that; then they lifted up their voice, and said, 'Rid the earth of this fellow, for he isn't fit to live!' |
|---|
| 22:23 | ⲉⲩⲁϣⲕⲁⲕ ⲇⲉ ⲉⲃⲟⲗ ⲉⲩϥⲓ ⲉϩⲣⲁⲓ ⲛⲛⲉⲩϩⲟⲓⲧⲉ . ⲁⲩⲱ ⲉⲩⲛⲉϫ ϣⲟⲉⲓϣ ⲉϩⲣⲁⲓ ⲉⲡⲁⲏⲣ . | Ⲉⲩⲁϣⲕⲁⲕ ⲇⲉ ⲉ̀ⲃⲟⲗ ⲉⲩϥⲁⲓ ⲉϩⲣⲁⲓ ⲛ̀ⲛⲟⲩϩⲟⲓⲧⲉ. Ⲟⲩⲟϩ ⲉⲩⲛⲉϫ ϣⲟⲉⲓϣ ⲉϩⲣⲁⲓ ⲉ̀ⲡⲁ̀ⲏⲣ. | Evaṡkak ḋe èvol evfai ehrai ǹnouhoite. Ouoh evneg ṡoeiṡ ehrai èpàyr. | As they cried out, and threw off their cloaks, and threw dust into the air, |
|---|
| 22:24 | ⲁⲡⲭⲓⲗⲓⲁⲣⲭⲟⲥ ⲇⲉ ⲟⲩⲉϩⲥⲁϩⲛⲉ ⲉϫⲓⲧϥ ⲉϩⲟⲩⲛ ⲉⲧⲡⲁⲣⲉⲙⲃⲟⲗⲏ . ⲉⲁϥϫⲟⲟⲥ ⲉϩⲓⲟⲩⲉ ⲉⲣⲟϥ ⲛϩⲉⲛⲙⲁⲥⲧⲓⲅⲝ . ϫⲉⲕⲁⲁⲥ ⲉϥⲉⲉⲓⲙⲉ ϫⲉⲉⲧⲃⲉⲁϣ ⲛⲗⲟⲓϭⲉ ⲉⲛⲉⲩⲁϣⲕⲁⲕ ⲉⲃⲟⲗ ⲉⲣⲟϥ ⲛⲧⲉⲓϩⲉ . | Ⲁ ⲡ̀ⲭⲓⲗⲓⲁⲣⲭⲟⲥ ⲇⲉ ⲟⲩⲁϩⲥⲁϩⲛⲓ ⲉ̀ϭⲓⲧϥ ⲉ̀ϧⲟⲩⲛ ⲉ̀ⲧ̀ⲡⲁⲣⲉⲙⲃⲟⲗⲏ. Ⲉⲁϥϫⲟⲥ ⲉ̀ϩⲓⲟⲩⲓ̀ ⲉ̀ⲣⲟϥ ⲛ̀ϩⲁⲛⲙⲁⲥⲧⲓⲅⲝ. Ϩⲓⲛⲁ ⲉϥⲉ̀ⲉⲙⲓ ϫⲉ ⲉⲑⲃⲉ ⲁϣ ⲛ̀ⲗⲱⲓϫⲓ ⲉ̀ⲛⲟⲩⲁϣⲕⲁⲕ ⲉ̀ⲃⲟⲗ ⲉ̀ⲣⲟϥ ⲛ̀ⲡⲁⲓⲣⲏϯ. | A p̀ṡiliarxos ḋe ouahsahni èċitf èxoun èt̀paremboly. Eafgos èhiouì èrof ǹhanmastiġks. Hina efèemi je eθve aṡ ǹlōiji ènouaṡkak èvol èrof ǹpairyti. | the commanding officer commanded him to be brought into the barracks, ordering him to be examined by scourging, that he might know for what crime they shouted against him like that. |
|---|
| 22:25 | ⲛⲧⲉⲣⲟⲩⲥⲟⲙⲛⲧϥ ⲇⲉ ⲛⲙⲙⲟⲩⲥ . ⲡⲉϫⲁϥ ⲛϭⲓⲡⲁⲩⲗⲟⲥ ⲙⲡϩⲉⲕⲁⲧⲟⲛⲧⲁⲣⲭⲟⲥ ⲉⲧⲁϩⲉⲣⲁⲧϥ ϫⲉⲉⲛⲉⲥⲧⲟ ⲛⲏⲧⲛ ⲉϩⲓⲟⲩⲉ ⲉⲩⲣⲱⲙⲉ ⲛϩⲣⲱⲙⲁⲓⲟⲥ ⲉⲙⲛⲛⲟⲃⲉ ⲉⲣⲟϥ . | Ⲉ̀ⲧⲁⲩⲥⲟⲙⲛⲧϥ ⲇⲉ ⲛ̀ⲛ̀ⲙⲟⲩⲥ. Ⲡⲉϫⲁϥ ⲛ̀ϫⲉ ⲡⲁⲩⲗⲟⲥ ⲛ̀ⲡ̀ϩⲉⲕⲁⲧⲟⲛⲧⲁⲣⲭⲟⲥ ⲉ̀ⲧⲁϩⲉⲣⲁⲧϥ ϫⲉ ⲉⲛⲉⲥⲧⲟ ⲛⲱⲧⲉⲛ ⲉ̀ϩⲓⲟⲩⲓ̀ ⲉ̀ⲟⲩⲣⲱⲙⲓ ⲛ̀ϩⲣⲱⲙⲁⲓⲟⲥ ⲉⲙ̀ⲙⲟⲛ ⲛⲟⲃⲓ ⲉ̀ⲣⲟϥ. | Ètavsomntf ḋe ǹǹmous. Pegaf ǹje pavlos ǹp̀hekatontarxos ètaheratf je enesto nōten èhiouì èourōmi ǹhrōmaios em̀mon novi èrof. | When they had tied him up with thongs, Paul asked the centurion who stood by, 'Is it lawful for you to scourge a man who is a Roman, and not found guilty?' |
|---|
| 22:26 | ⲛⲧⲉⲣⲉϥⲥⲱⲧⲙ ⲇⲉ ⲛϭⲓⲡϩⲉⲕⲁⲧⲟⲛⲧⲁⲣⲭⲟⲥ . ⲁϥϯ ⲡⲉϥⲟⲩⲟⲓ ⲉⲡⲭⲓⲗⲓⲁⲣⲭⲟⲥ ⲁϥⲧⲁⲙⲟϥ ϫⲉⲁⲛⲁⲩ ϫⲉⲟⲩ ⲡⲉⲧⲕⲛⲁⲁⲁϥ . ⲡⲉⲓⲣⲱⲙⲉ ⲅⲁⲣ ⲟⲩϩⲣⲱⲙⲁⲓⲟⲥ ⲡⲉ . | Ⲉ̀ⲧⲁϥⲥⲱⲧⲉⲙ ⲇⲉ ⲛ̀ϫⲉ ⲡ̀ϩⲉⲕⲁⲧⲟⲛⲧⲁⲣⲭⲟⲥ. Ⲁϥϯ ⲡⲉϥⲟⲩⲟⲓ ⲉ̀ⲡ̀ⲭⲓⲗⲓⲁⲣⲭⲟⲥ ⲁϥⲧⲁⲙⲟϥ ϫⲉ ⲁ̀ⲛⲁⲩ ϫⲉ ⲟⲩ ⲡⲉⲧⲕⲛⲁⲁⲓϥ. Ⲡⲁⲓⲣⲱⲙⲓ ⲅⲁⲣ ⲟⲩϩⲣⲱⲙⲁⲓⲟⲥ ⲡⲉ. | Ètafsōtem ḋe ǹje p̀hekatontarxos. Afti pefouoi èp̀ṡiliarxos aftamof je ànav je ou petknaaif. Pairōmi ġar ouhrōmaios pe. | When the centurion heard it, he went to the commanding officer and told him, 'Watch what you are about to do, for this man is a Roman!' |
|---|
| 22:27 | ⲁϥϯ ⲡⲉϥⲟⲩⲟⲓ ⲇⲉ ⲛϭⲓⲡⲭⲓⲗⲓⲁⲣⲭⲟⲥ ⲁϥϫⲛⲟⲩϥ ⲉϥϫⲱ ⲙⲙⲟⲥ ϫⲉⲛⲧⲟⲕ ⲛⲧⲕ ⲟⲩϩⲣⲱⲙⲁⲓⲟⲥ . ⲛⲧⲟϥ ⲇⲉ ⲡⲉϫⲁϥ ϫⲉⲉϩⲉ . | Ⲁϥϯ ⲡⲉϥⲟⲩⲟⲓ ⲇⲉ ⲛ̀ϫⲉ ⲡ̀ⲭⲓⲗⲓⲁⲣⲭⲟⲥ ⲁϥϫⲛⲟⲩϥ ⲉϥϫⲱ ⲙ̀ⲙⲟⲥ ϫⲉ ⲛ̀ⲑⲟⲕ ⲛ̀ⲑⲟⲕ ⲟⲩϩⲣⲱⲙⲁⲓⲟⲥ. Ⲛ̀ⲑⲟϥ ⲇⲉ ⲡⲉϫⲁϥ ϫⲉ ⲉϩⲉ. | Afti pefouoi ḋe ǹje p̀ṡiliarxos afgnouf efgō m̀mos je ǹθok ǹθok ouhrōmaios. Ǹθof ḋe pegaf je ehe. | The commanding officer came and asked him, 'Tell me, are you a Roman?' He said, 'Yes.' |
|---|
| 22:28 | ⲁⲡⲭⲓⲗⲓⲁⲣⲭⲟⲥ ⲇⲉ ⲟⲩⲱϣⲃ ⲡⲉϫⲁϥ ϫⲉⲁⲛⲟⲕ ⲁⲓϯ ⲟⲩⲛⲟϭ ⲛⲭⲣⲏⲙⲁ ϩⲁⲧⲉⲓⲡⲟⲗⲓⲧⲓⲁ . ⲡⲉϫⲉⲡⲁⲩⲗⲟⲥ ϫⲉⲁⲛⲟⲕ ⲇⲉ ⲛⲧⲁⲩϫⲡⲟⲓ ⲛϩⲏⲧⲥ . | Ⲁ ⲡ̀ⲭⲓⲗⲓⲁⲣⲭⲟⲥ ⲇⲉ ⲉⲣⲟⲩⲱ ⲡⲉϫⲁϥ ϫⲉ ⲁⲛⲟⲕ ⲁⲓϯ ⲟⲩⲛⲓϣϯ ⲛ̀ⲭⲣⲏⲙⲁ ϧⲁ ⲧⲁⲓⲡⲟⲗⲓⲧⲓⲁ. Ⲡⲉϫⲉⲡⲁⲩⲗⲟⲥ ϫⲉ ⲁⲛⲟⲕ ⲇⲉ ⲛⲧⲁⲩϫⲫⲟⲓ ⲛ̀ϧⲏⲧⲥ. | A p̀ṡiliarxos ḋe erouō pegaf je anok aiti ouniṡti ǹxryma xa taipolitia. Pejepavlos je anok ḋe ntavgfoi ǹxyts. | The commanding officer answered, 'I bought my citizenship for a great price.' Paul said, 'But I was born a Roman.' |
|---|
| 22:29 | ⲛⲧⲉⲩⲛⲟⲩ ⲇⲉ ⲁⲩⲥⲁϩⲱⲟⲩ ⲉⲃⲟⲗ ⲙⲙⲟϥ ⲛϭⲓⲛⲉⲧⲛⲁϩⲉⲇⲁⲍⲉ ⲙⲙⲟϥ ⲁⲩⲱ ⲡⲭⲓⲗⲓⲁⲣⲭⲟⲥ ⲁϥⲣϩⲟⲧⲉ ⲛⲧⲉⲣⲉϥⲉⲓⲙⲉ ϫⲉⲟⲩϩⲣⲱⲙⲁⲓⲟⲥ ⲡⲉ ⲉⲃⲟⲗ ϫⲉⲛⲉⲁϥⲙⲟⲣϥ ⲡⲉ ⲁⲩⲱ ⲛⲧⲉⲩⲛⲟⲩ ⲁϥⲃⲟⲗϥ ⲉⲃⲟⲗ . | Ⲛ̀ϯⲟⲩⲛⲟⲩ ⲇⲉ ⲁⲩⲥⲁϩⲱⲟⲩ ⲉ̀ⲃⲟⲗ ⲙ̀ⲙⲟϥ ⲛ̀ϫⲉ ⲛⲉⲧⲛⲁϩⲉⲇⲁⲍⲉ ⲙ̀ⲙⲟϥ ⲟⲩⲟϩ ⲡ̀ⲭⲓⲗⲓⲁⲣⲭⲟⲥ ⲁϥⲉⲣϩⲟϯ ⲉ̀ⲧⲁϥⲉⲙⲓ ϫⲉ ⲟⲩϩⲣⲱⲙⲁⲓⲟⲥ ⲡⲉ ⲉ̀ⲃⲟⲗ ϫⲉ ⲛⲁⲁϥⲙⲟⲣϥ ⲡⲉ ⲟⲩⲟϩ ⲛ̀ϯⲟⲩⲛⲟⲩ ⲁϥⲃⲟⲗϥ ⲉ̀ⲃⲟⲗ. | Ǹtiounou ḋe avsahōou èvol m̀mof ǹje netnaheḋaze m̀mof ouoh p̀ṡiliarxos aferhoti ètafemi je ouhrōmaios pe èvol je naafmorf pe ouoh ǹtiounou afvolf èvol. | Immediately those who were about to examine him departed from him, and the commanding officer also was afraid when he realized that he was a Roman, because he had bound him. |
|---|
| 22:30 | ⲙⲡⲉϥⲣⲁⲥⲧⲉ ⲇⲉ ⲁϥⲟⲩⲱϣ ⲉⲉⲓⲙⲉ ⲉⲡⲱⲣϫ ϫⲉⲉⲧⲃⲉⲟⲩ ⲥⲉⲕⲁⲧⲏⲅⲟⲣⲓ ⲙⲙⲟϥ ⲛϭⲓⲛⲓⲟⲩⲇⲁⲓ ⲁϥⲟⲩⲉϩⲥⲁϩⲛⲉ ⲉⲧⲣⲉⲩⲥⲱⲟⲩϩ ⲛϭⲓⲛⲁⲣⲭⲓⲉⲣⲉⲩⲥ ⲁⲩⲱ ⲡⲥⲩⲛϩⲉⲇⲣⲓⲟⲛ ⲧⲏⲣϥ ⲁϥϫⲓ ⲡⲁⲩⲗⲟⲥ ⲉⲡⲉⲥⲏⲧ ⲁϥⲧⲁϩⲟϥ ⲉⲣⲁⲧϥ ϩⲛⲧⲉⲩⲙⲏⲧⲉ . | Ⲛ̀ⲡⲉϥⲣⲁⲥϯ ⲇⲉ ⲁϥⲟⲩⲱϣ ⲉⲉⲙⲓ ⲉ̀ⲡⲱⲣϫ ϫⲉ ⲉⲑⲃⲉ ⲟⲩ ⲥⲉⲕⲁⲧⲏⲅⲟⲣⲓ ⲙ̀ⲙⲟϥ ⲛ̀ϫⲉ ⲛⲓⲟⲩⲇⲁⲓ ⲁϥⲟⲩⲁϩⲥⲁϩⲛⲓ ⲉ̀ⲑⲣⲉⲩⲥⲱⲟⲩϩ ⲛ̀ϫⲉ ⲛ̀ⲁⲣⲭⲓⲉ̀ⲣⲉⲩⲥ ⲟⲩⲟϩ ⲡ̀ⲥⲩⲛϩⲉⲇⲣⲓⲟⲛ ⲧⲏⲣϥ ⲁϥϭⲓ ⲡⲁⲩⲗⲟⲥ ⲉ̀ⲡⲉⲥⲏⲧ ⲁϥⲧⲁϩⲟϥ ⲉ̀ⲣⲁⲧϥ ϧⲉⲛ ⲧⲟⲩⲙⲏϯ. | Ǹpefrasti ḋe afouōṡ eemi èpōrg je eθve ou sekatyġori m̀mof ǹje nioudai afouahsahni èθrevsōouh ǹje ǹarṡièrevs ouoh p̀·sinheḋrion tyrf afċi pavlos èpesyt aftahof èratf xen toumyti. | But on the next day, desiring to know the truth about why he was accused by the Jews, he freed him from the bonds, and commanded the chief priests and all the council to come together, and brought Paul down and set him before them. |
|---|